CLOSE WINDOW

D2864
བོད་ཡིག

/[ ]@##/ /rgya gar skad du/ AR+ya a mo g+ha pA sha bo Sha ta bi d+hi aM nA ya/ bod skad du/ 'phags pa don yod zhags pa'i gso sbyong gi cho ga'i man ngag /'phags pa don yod zhags pa la phyag 'tshal lo/ /na maHA R+ya ba lo ki te shwa rA ya/bo d+hi sa twA ya/ ma hA satwA ya/ ma hA kA ru Ni kA ya/ tad+ya thA/ oM a mo g+ha shI la ma hA shud+d+ha satwa/ b+ha ra b+ha ra/ saM b+ha ra saM b+ha ra/ pad+ma bi b+hU Shi ta b+hu dza d+ha ra/ sa man+ta a ba lo ki te shwa ra oM AHhUM phaT swA hA/ gzungs 'di 'phags pa don yod zhags pa'i gso sbyong gi dus su nyi shu rtsa gcig brjod par bya'o//de'i cho ga ni dkar po'i phyogs kyi tshes brgyad la brtul zhugs kyis bsdams par gyur pas khyad par du bklag par bya ste/ bcom ldan 'das don yod zhags pa la yang dag par mchod cing gsol ba gdab par bya'o/ /chu tshod la sogs kyi khongs su 'o ma dang /ka ra dang dkar gsum gyi zas bza' bar bya'o/ nyal ba'i dus su ku sha bting ba la seng ge'i nyal thabs kyis mgo la bcom ldan 'das lhag par mos par bya ste/ phyag byas/ mchod par bya'o/ /tshes brgyad kyi tho rangs kha shin tu gtsang mar bkrus shing sngags kyis dag par gyur pa dang /rang gi snying gar zla ba'i dkyil 'khor la gnas pa'i hrIHyig dkar po'i 'od zer gyi dra bas rang gi lus la sogs pa sna tshogs gsal bar byas nas/ bcom ldan 'das 'khor dang bcas pa spyan drang bar bya'o/ /oM A gats+tsha A gats+tsha b+ha ga wAn a mo g+ha bA sha lo ki shwa ra AHsngags 'dis phyi rol du ba lci la sogs pas byugs pa'i dkyil 'khor bdun po rnams su lhag par mos pas bzhugs par bya ste/re re la gzungs lan re bklag cing mchod par bya'o/ /mdun du chu'i bum pa bdun dang / 'bras zan gyi kham phor bdun gzhag par bya'o//de'i rjes la ngag kun bsdams par gyur cing / dad pa brtan pa'i sems kyis ran por bklag par bya'o/ /de'i rjes la gzungs tsam po lan lnga'o/ /bdun pa la sngar rang bzhin du yongs su rdzogs pa nyid do/ /chu tshod bdun gyi khongs su dkar gsum gyi zas bza' bar bya'o//de ltar gnyis pa gung gi thun la yang ngo / /de nas de bzhin du thun gsum pa la'o/ /de'i rjes la mchod par bdun po rnams kyis yang dag par mchod la/ bskor bar bya zhing yan lag smad lngas phyag byas te bla na med pa yang dag par rdzogs pa'i byang chub tu bsod nams yongs su bsngo bar bya'o//tshes dgu la yang tshes bdun pa bzhin du thams cad byas la/ gso sbyong gi brtul zhugs la rjes su yi rang ba dang bsod nams yongs su bsngo bar bya'o/ /tshig 'di yin te/ 'di bdag gis don yod zhags pa'i gso sbyong gi brtul zhugs tshul khrims kyi sdom pa'i yi dam gyis sems kyi rgyan dang /sems kyi yo byad dang / rnal 'byor gyi tshogs dang / sems can thams cad kyi don du bla na med pa'i sangs rgyas nyid thob par gyur cig ces bya bas mchod pa gshegs su gsol te/ chu tshod bdun gyi nang khongs su dkar gsum gyi zas bza' bar bye'o//khyad par ni tshes bdun pa bzhin no/ /'phags pa don yod zhags pa'i gso sbyong gi cho ga'i man ngag /kha che'i paN+Di ta chen po shAkya shrI b+ha dras mdzad pa rdzogs so// //bod kyi lo tsA ba dge slong rab mchog dpal bzang pos bsgyur ba'o/