CLOSE WINDOW

D2857
བོད་ཡིག

/[ ]@#/ /rgya gar skad du/ pany+tsa de wa ta thA ga to lo ka shwa ra sAb+ta naM/ bod skad du/ de bzhin gshegs pa 'jig rten dbang phyug lha lnga'i sgrub thabs/ rgyal ba lnga la phyag 'tshal lo/ /shin tu rnam dag dang ba'i mtshor/ /rab mdzes sdong bu lnga ldan steng / /rnam snang rdo rje sems dpa' dang //rin 'byung 'od dpag med don grub/ /sa rigs rnam dag sna tshogs gzugs/ /dngos gcig rgyal ba lnga la 'dud/ /byang chub sems dpa'i spyod pa khyad par can la gnas pas/ snying rje chen po mdun du byas la/ thog ma kho nar chos thams cad stong pa nyid du rab tu bsgom par bya'o//gdod nas ma skyes 'od gsal ba/ /gang shar nyid na ngo bo med/ /chos rnams kun gyi mtshan nyid de/ /bla ma'i drin gyis rtogs par 'gyur/ /gang 'di ltar ngo bo nyid med pa'i chos 'di dag ni zab pa'i phyir rtogs par dka' bas mi shes pa'i 'gro ba lnga po ni nges par sdug bsngal ba'o zhes brtags nas/dmigs pa med pa'i thugs rje chen po rlung gi dkyil 'khor mngon par bskyod gyur pas/ /skye bo nyon mongs sgrib tshogs sprin gyi phung po shin tu mthug pos gtums gyur pa/ /tsham tshom med par drag po'i shugs kyis kun du dral zhing yongs su gtor//de yi thabs gyur thugs rje'i dbyings skyes sna tshogs mdzad pa dbyer med cig car bsgrub pa yi/ /mgon po dam pa rigs kyi lha lnga dri ma lnga sbyong las lnga bsgrub cing stobs la sogs/ /de la dbus sdogs sdong 'dab bcas/ /zla ba'i 'khor la gsal ba la/ /me long gzugs ltar 'bru lnga bsam//phrin las la sbyar skur bskyed do/ /rnam par snang mdzad ni kha ba'i mdog can ji skad 'byung ba'i phyag rgya can hrIH'i snying po can 'khor los mtshan pa'o/ /rdo rje sems dpa' ni nam mkha'i mdog can ji skad 'byung ba'i phyag rgya can/ hUM gi snying po can rdo rjes mtshan pa'o//rin chen 'byung ldan ni gser btso ma'i mdog can ji skad 'byung ba'i phyag rgya can/ trAM gi snying po can rin po ches mtshan pa'o/ /'od dpag med ni me lce 'bar ba'i mdog can ji skad 'byung ba'i phyag rgya can/ /hrIH'i snying po can pad+mas mtshan pa'o/ /don yod grub pa ni sA lu ljang ba'i mdog can ji skad 'byung ba'i phyag rgya can/aH'i snying po can ral gris mtshan pa'o/ /'di dag dbus bcas phyogs rnams su/ /rim bzhin las la mdzad pa la/ /brtson pas ting nge 'dzin bzhugs pa/ /bdag sbyang ba dang gzhan sbyang gnyis/ /oM a swa pa ra dz+nyA na pi shud+d+ha kra sa hUM/