CLOSE WINDOW

D2849
བོད་ཡིག

/[ ]@##/ /rgya gar skad du/ AR+yA ba lo ki te shwa ra tsin+ta ma Ni tsakra war+t+ti sA d+ha naM/ bod skad du/ 'phags pa 'jig rten dbang phyug gi yid bzhin gyi nor bu 'khor los sgyur ba'i sgrub thabs/ thugs rje chen po la phyag 'tshal lo/ /'gro ba skyob mdzad thugs rje chen po'i gtso//zla ba'i nor lta'i sku mnga'i thugs rje dang / /mchog sbyin de la gsum gyis phyag 'tshal nas/ /nyi ma'i zer gyis mun bsal chu skyes kha 'byed ltar/ /thugs rje'i 'od kyis ma rig mun sel snying gi pad+ma 'byed mdzad pa'i/ /sgrub thabs dam pa bka' drin dran phyir bri bar bya//me tog ra ba la sogs gtsang ma yid dga'i gnas su ni/ /rnam lnga hrIHyis bsngags pa'i maN+Dal legs par bya/ /kha dog dkar po'i me tog la sogs mchod pa ldan byas la/ /yi ge gsum ldan khrus kyis dri ma gnyis bkrus te/ /nyon mongs mtha' dag gzhig phyir bde ba'i stan la 'dug /yi ge gsum ldan hrIHyis gnas bdag rnal 'byor bsrung / /snying gar zla ba'i dkyil 'khor steng du hrIHyig dkar po bsam/ /'od kyis 'gro ba'i don byas 'jig rten dbang phyug spyan drangs te/ /yi ge gsum ldan hrIHyis me tog la sogs mchod pa 'bul//de nas sdig pa bshags shing mi bgyid sdom pa blang / /rjes su yi rang skyabs su 'gro ba dang / /byang chub mchog tu sems bskyed dge ba'i rtsa ba bsngo/ /'khor ba'i rgya mtsho sgrol mdzad thugs rje'i 'od kyis blta/ /byams pa'i 'od kyis sems can 'jig rten mgon gyi gzugs su mthong //dga' ba'i 'od kyis sems can bde ldan rgyun mi 'chad par bsam/ /btang snyoms 'od kyis gzung 'dzin cha spangs chos nyid mthong bar blta/ /gzung ba dag phyir sngags 'dis byin gyis brlab par bya/ /oM sra b+hA ba bishud+d+haH sarba d+harmAHswa b+hA wa shud+d+hou0f85haM/'dzin pa dag phyir sngags 'dis byin gyis brlabs/ /oM shU n+ya tA dz+nyA na badzra swa b+hA ba At+ma kou0f85haM/ dri med nam mkha' lta bur kun bltas te/ /dbus su paM skyes pad+ma dkar po sdong por bcas/ /lte bar hrIHlas byung ba chu shel 'od dang ldan/ /de dbus hrIH y ig las byung yid bzhin nor bu 'bar//hrIHldan 'od kyis 'gro ba'i don byas te/ /phyogs bcu'i rgyal sras bkug ste nor bu byin brlabs pas/ /de yongs gyur te 'jig rten dbang phyug bzhengs/ /zhal gcig phyag gnyis 'gying bag 'od zer dkar po 'bar/ /gru lang dkar po'i mdog bzhin gzhon nu rgyan cha can//phyag g.yas sbyin pa bzhi yi gter sbyin yid bzhin nor bu 'bar/ /phyag g.yon 'khor ba sgrol phyir 'khor lo rin chen ldan/ /spyi gtsug thor tshugs steng na gsung gi dbang phyug bzhugs/ /thugs rje'i 'od kyis 'gro ba kun khyab byed/ /rang snying pad steng zla ba'i dkyil 'khor la//nor bu'i dbus na hrIHyig dkar po gsal/ /de 'od las byung sgrol ma khro gnyer can sogs phyogs bzhi'i lha/ /pad+ma zla ba'i steng na 'gying bag ldan par bzhugs/ /phyi rol rgyal chen bzhi dang mchod pa'i lha mo sprul/ /de dag sku mdog so so'i phyag mtshan gtso bor mtshungs par blta//kun kyang thugs kar zla ba la gnas nor bu sa bon bsam/ /'od zer lcags kyu dang mtshungs nam mkha' khyab spros te/ /ye shes 'khor lo spyan drangs me tog la sogs pas/ /yongs su mchod nas legs par sngags 'dis gzhug / dzaHhUM baM hoHsa 'o ma chu ltar tha dang med pa'i 'khor lo la/ /skye mched gnas su zla ba hrIHyig bsam/ /sku gsung thugs la yi ge gsum bltas la/ /thugs ka'i 'od kyis de bzhin gshegs pa bskul/ /mchod bstod byas nas gsol ba gdab par bya/ /oM sarba ta thA ga ta a b+hi Shiny+tsa tu mAM/ de nas de bzhin gshegs rnams kyis/ /lha yi chu ldan bum pas ni/ /'khor lo la ni dbang bskur te/ /spyi bo 'od dpag med pas brgyan/ /gzugs sogs rnal 'byor ma rnams kyis/ /'khor lo la ni legs par mchod/ /sangs rgyas byang chub sems dpa' la/ /de dag gis ni bstod par bya//de nas thugs kyi sa bon las/ /yi ge sngags kyi phreng ba ni/ /mar me lta bur rab bltas la/ /'od kyis sems can thams cad ni/ /'jig rten mgon por bsgrub byas te/ /yi ge'i phreng ba rnams la bstim/ /zhal dang lte ba'i bar du ni/ /rgyun mi 'chad pa'i phreng bar bsgom/ /oM tsin+ta ma Ni tsakra brti ma Ni pad+me AHhrIHhUM phaT swA hA/snying po'i sngags so/ /oM pad+ma b+ha ra ta ke AHhrIHhUM phaT swA hA/ nye ba'i snying po'i sngags so/ /rtsa ba'i sngags la sogs pa rnams/ /sa bon yi ge gsum dang ldan/ /swA hA phaT ces bzlas par bya/ /'od zer la ni yig 'bru dgus/ /rdo rje skud pa lta bu yi//'khor bar bzlas pas lus khyab nas/ /sgrib pa gnyis spangs ye shes kyi/ /'khor lo gsal bar ston par byed/ /'jig rten 'jig rten 'das pa yi/ /lha rnams kyis ni bsnyen 'gyur te/ /thun mong thun mong ma yin pa'i/ /'dod pa'i dngos grub ster bar byed/ /bye ba gsum rdzogs sngags pa yis//rab dga' la sogs sa thob nas/ /sa bcu'i dbang phyug mthong bar 'gyur/ /sngags bzlas dus su cho ga ni/ /gtsang mar byas pa'i sa phyogs su/ /gu gul tsan+dan a ka ru/ /puska sa dus tso raM ka /go ro tsa na shing gi bcud/ /legs sbyar dud dam nya phyis su//bzhag ste brtse ba la sogs pa'i/ /gzungs sngags stong phrag bzlas nas ni/ /phyag g.yas zla ba dri bcas pas/ /dkyil 'khor khru do la sogs byug /pad+ma dkar po la sogs pa'i/ /me tog lha yi gnas su bkod/ /der ni paM skyes pad+ma ni/ /dkar po 'dab ma brgyad pa ni//rim pa gsum du gnas par bsam/ /lha rnams thugs kyi sa bon las/ /lha yi 'khor lo sprul byas te/ /pad+ma rim pa gsum dag la/ /rim pas lha rnams bzhugs par bsam/ /ye shes 'khor lo spyan drangs bstim/ /dbang bskur cho ga rdzogs pa dang //skye mched gnas gsum byin brlabs te/ /a ka ru dang shel spang ka /bra ma tsa ri la sogs pa'i/ /dri zhim spos kyis mchod par bya/ /pad+ma dkar po tsam pa ka /dzA ya kun+das mchod par bya/ /ga pur go ro tsa na dang / /tsan+dan dkar por ldan pa yi/ /dri zhim mar gyi mar me dbul//sA lu dkar po zho zan dang / /sbrang bcas 'o ma dbul bar bya/ /dri zhim dkar po chu yis ni/ /sku la byug pa dbul bar bya/ /na bza' rgyan dang me tog phreng / /gdugs dang ba dan rgyal mtshan dang / /rlung yab la sogs rgyan rnams dbul/ /dril bu pi wang rdza rnga dang / /gling bu rnga rings pa Ta ha//sgra mchog rnams kyis mchod par bya/ /sangs rgyas byang chub sems dpa' dang / /bla ma 'khor lor bcas pa la/ /bstod nas gsol ba gdab par bya/ /'khor lo'i lha rnams thams cad kyi/ /thugs kar pad steng zla ba la/ /hrIHyig sngags kyis bskor bar blta//'od zer sngags kyi phreng ba ni/ /zhal nas byung ste rjes gnang tshul/ /bdag gi zhal zhugs thugs kar thim/ /de dag khri phrag sngags bzlas nas/ /zhi dang rgyas dang dbang drag po/ /sngags phreng kha dog bzhir shes nas/ /mdun gyi dkyil 'khor lha rnams la/ /rjes su mthun pa'i gsol ba gdab//'jig rten 'jig rten 'das pa yi/ /'khor lor bcas pa'i lha rnams kyis/ /gang 'dod dngos grub sbyin par bsam/ /de nas lha rnams thugs kar bsdu/ /de ltar cho ga byas nas ni/ /mchod bstod gsol gdab sngon 'gro bas/ /gzungs sngags bzlas pa brtson par bya//bsnyen pa rdzogs par gyur na ni/ /gang zhig bdag gam nad pa'am/ /gdon chen nyen dang tshe nyams dang / /'jigs pa brgyad kyis nyen pa la/ /bsrung ba'i cho ga brtsam par bya/ /shis par gyur pa'i nyi ma la/ /ras sam shing lo gro ga ni/ /dri zhim spos kyis bdugs pa dang //nye ba'i snying po stong phrag gcig /hrIHbcas sngags kyis byin brlabs te/ /gur gum go ro tsa na dang / /kor si sha ldan khu ba yis/ /'khor lo legs par bri bar bya/ /me tog dkar po'i yu ba yis/ /pad+ma dkar po 'dab brgyad bri/ /dbus su hrIHchen bris pa'i nang / / sgrub pos legs par bri bar bya/ /phyi rol pad+ma'i lte ba la/ /yi ge gsum ldan nye snying po/ /hrIHyig bar du sgrub pa po/ /rak+Sha ku ru ldan par bri/ /pad+ma'i 'dab ma brgyad la ni/ /snying po spel sngags ldan par bri/ /pad+ma'i mu khyud tha ma la/ /rtsa ba'i gzungs sngags gong dang mtshungs/ /gtsang sbra ldan pas bris nas ni//dkyil 'khor dri yis legs byugs la/ /me tog dkar po dri zhim po/ /sil ma legs par bkram pa yi/ /steng du 'khor lo legs par gzhag /lha rnams thugs ka'i 'od zer gyis/ /'khor lo'i 'od kyis sems sbyangs te/ /paM bskyed pad+ma'i gnas rnams su//gzungs sngags mar me'i phreng ba bzhin/ /'od ldan gsal bar bsgom par bya/ /de nas thugs ka'i 'od zer gyis/ /lha yi 'khor lo spyan drangs te/ /mchod dang bstod pa byas nas ni/ /'khor lo la ni bstim par bya/ /lha rnams thugs ka nas spros pa'i/ /rtsa ba'i gzungs sngags la sogs pa'i//khri phrag bzlas pa 'khor lor bstim/ /des ni srung ba'i sgrub pa rdzogs/ /mchog gi dngos grub sgrub 'dod pas/ /gong gi dkyil 'khor legs byas te/ /dbus su gtso bo la sogs pa/ /lha rnams cho ga gsum gyis bskyed/ /ye shes spyan 'dren la sogs pa/ /cho ga'i yan lag thams cad kyang //gong gi mchod pa'i rdzas rnams kyis/ /dus gsum legs par mchod byas la/ /yi ge grangs kyi 'bum phrag bzla/ /thun mtshams gsol gdab bskor ba ni/ /brgya 'am stong phrag re re bya/ /de tshe thugs rje byin rlabs kyis/ /'khor lo zhal stong yang na ni//dngos grub rjes su gnang ba sbyin/ /lus la 'od zer 'byung ba dang / /dri zhim shel gyi mdog dang mtshungs/ /sems can thams cad dad gyur cing / /gcan gzan ri dgas 'bros mi 'gyur/ /nam mkhar 'phur dang shing rta zhon/ /rgya mtsho sgrol dang ri rgyal 'dzeg /nor bu 'khor lo rnyed pa dang //pad+ma dkar po zla ba mthong / /hrIHbcas yi ge zhal zhugs mthong / /rang mdog dkar po khrus byed na/ /de dag 'grub pa'i rtags su bshad/ /de nas sman mchog ri lu bsgrub/ /bum pa bzang po'i nang du ni/ /yungs kar ba yi rnam lnga dang / /ru rta tsan+dan dkar po dang //shi ri khaN+Da ga pur dang / /rnam par rgyal ba'i a ru ra/ /sman lnga 'bru lnga rin chen lnga/ /dri lnga snying po lnga bcas te/ /rgyu skar rgyal gyi nyi ma la/ /bum par stsal te dkyil 'khor gyi/ /dbus su legs par gzhag par bya/ /de steng gdugs dang ba dan dang / /phyogs bzhir rgyal mtshan gdags par bya//der ni lha yi 'khor lo ni/ /cho ga gsum gyis bskyed par bya/ /ye shes spyan drangs la sogs pa/ /cho ga rdzogs par byas nas ni/ /dus gsum mchod dang bstod par bya/ /'jig rten mgon po'i thugs kar ni/ /paM bskyed pad+ma zla ba'i steng / / a las bum pa bzang por gyur/ /nang du hrIHsa mtshan ri lu bsam/ /gtso bo la sogs lha rnams kyi/ /thugs las rtsa ba'i snying po dang / /nye snying spros nas ri lur bstim/ /thun mtshams bskor ba brgya phrag byas/ /de tshe ri lu lhar mthong na/ /'jig rten mgon po 'grub par 'gyur/ / ri lu rgyal chen bzhir mthong na/ /zhi sogs phrin las 'grub par 'gyur/ /ri lu nyi ma zla bar mthong / /mkha' la 'gro 'gyur the tshom med/ /ri lu 'khor lo nor bur mthong / /yid bzhin dngos grub 'grub par 'gyur/ /de tshe bum pa'i gzugs mthong na/ /sa 'og dngos grub 'grub par 'gyur//'od mthong lha yi spyan dang 'dra/ /sgra byung lha yi snyan dang ldan/ /ral gris shes rab 'phel bar 'gyur/ /du ba byung bas tshe 'phel 'gyur/ /dri yis nad rnams zhi byed 'gyur/ /gzhan yang bzlas pa la sogs pa'i/ /sgrub pa gzungs kyi cho gar shes/ /bdag gis sgrub thabs 'di brtsams pas//de yis bsod nams gang thob pa/ /'khor ba'i sems can thams cad kun/ /'jig rten mgon po thob par shog /'phags pa 'jig rten dbang phyug yid bzhin gyi nor bu 'khor los sgyur ba'i sgrub thabs/ slob dpon dze tA ris mdzad pa rdzogs so// //