CLOSE WINDOW

D2847
བོད་ཡིག

rten yongs su dag par bya ba dang / cho ga phun sum tshogs par bya'o/ /tsha tsha 'debs pa'i cho ga rdzogs so//[ ]@#/ /'phags pa spyan ras gzigs gser mdog can la phyag 'tshal lo/ /yon tan ma lus rgya mtsho yi/ /mthar phyin gser 'od kha dog can//mdzad pa gcig gis gdul bya yi/ /dpag med don grub nyid zhabs 'dud/ /sngon du goms pa thob pa yis/ /tshogs pa tshang bar byas nas ni/ /snying rje can gyi pags pa la/ /mi g.yo rdo rje'i phyag rgyas 'dug /me yi las sam gtor mar bcas/ /gus pa drag pos mchod sngon 'gro//rim dang cig car bskyod pa'i rim/ /mkhas pas rdzogs pa'i rim pa bsgom/ /ji snyed sku gsung thugs rten yod/ /de snyed ston pa nyid yin te/ /rab tu gnas pa mi 'thad mod/ /lhag par gnas phyir rab gnas brjod/ /de la sku khrus byug pa sogs/ /phu dud byas la mdzes zhugs te//slob dpon lha yi nga rgyal gyis/ /ye shes bsdus la gnyis pa gzhug /oM AHhrIHdzaH/ oM AHhrIHhUM/ oM AHhrIHbaM/ oM AHhrIHhoH/ rdo rje khu tshur gnyis bcings la/ /mthe'u chung lu gu rgyud du sbrel/ /mdzub mo gnyis ni lcags kyu'i tshul/ /rgyu 'di ye shes dgug pa'o//de las mdzub mo gnyis bkug dang / /rdo rje bsdams dang gar bsgyur ba/ /dgug pa bcing dang dgyes bya ba/ /rim pa bzhin du shes par bya/ /ji ltar bdag nyid la bcings pa/ /de bzhin rten la yang yin te/ /bcings nas dbang bskur rgyas gdab dang / /mchod pa la sogs bdag 'jug bzhin//oM AHhrIHbadzra kA ya wAka tsit+ta pra tis+thi rA hUM hUM badzra dz+nyA na a d+hiSh+ThA ni sarba lak+Sha Na pa ri pU ra hUM hUM hUM sarba d+ha rmAHswa b+hA ba bi shud+d+hA bi ma la da ma hUM hUM hUM/ rdo rje'i lus kyi pad+ma'i lag /rin chen me tog snyim par bzung / /'khor lo'i gar bsgyur rgya gram gyi/ /phyag rgya ldan pas gtor bar bya//de nas me tog rtsi thog bcud/ /dri bzang mang dang ldan pa yi/ /gser gyi thur ma rdo rjes mtshan/ /thogs la mkhas pas spyan dbye'o/ /oM AHhrIHtsak+Shu tsak+Shu badzra tsak+Shu sa man+ta tsak+Shu pi sho d+ha ya tsak+Shu ye swA hA/ ci 'byor pa'i yon phul te bzod par gsol nas 'khor ba ji srid bar bzhugs su gsol ba dang /phrin las la thogs pa med par gsol ba btab la/ dga' ston dang mchod sbyin chen pos thams cad yongs su tshim par bya'o/ /oM AHhrIHhoH/ rab tu gnas pa'i cho ga grub pa brnyes pa'i paN+Di ta chen po a dzi ta mi tra gup+tas mdzad pa rdzogs so/