CLOSE WINDOW

D2845
བོད་ཡིག

/[ ]@#/ /thugs rje chen po bkra shis kun du snang ba la phyag 'tshal lo/ /de nas kun du snang ba bkra shis byed/ /ces 'byung ba'i sgrub thabs bshad par bya'o/ /slob dpon gang zhig gdul bya'i don mthong bas blo rab tu phyogs te/ bsil khang gi rnga yab lta bur gzhan gyi dbang gis g.yo zhing mi brtan pa thob pa na/des bdag la dad cing ltos pa dor ba rnams kyi don du 'phags pa zla ba'i kha dog can yid la byas la/ dkar po'i tshes brgyad dang bcu dang bco lnga la ji snyed 'byor pa'i yo byad dang ldan pas yid dang mthun pa'i gnas byin gyis brlab par bya'o//bkra shis bzang dang bkra shis nor 'bru sman/ /bkra shis mchod rdzas dang ni bkra shis brgyan/ /dpal ldan bkra shis dkyil 'khor cher bri la/ /bkra shis rgyal po spyan ras gzigs dbang dgug /gang dag gang gi phyir dang gang du ji ltar bya ba'i rang bzhin thams cad la bkra shis zhes sbyar ro//shis pa brjod pa'i dbyangs dang sems dang rjes su mthun pa'i rol mo dang glus mchod do/ /me tog dkar dmar dang tsan+dan dkar dmar dang rgyan dang dri'i khyad par nges pa'o/ /yo byad glo bur ba dang gsar du skyes pa mtha' dag la rgyal bar gyur pa'i tshig sngon du song bas so//sbyin bdag gam slob ma'i lus bkrus la bkra shis kun du snang ba'i rgyas gdab po/ /dge ba'i dkyil 'khor zlum po dkar/ /kun du 'od mdzad thugs rje che/ /bkra shis brgyad ldan pad+mo 'dzin/ /sa gnon ting 'dzin mchog gis brjid//de nas 'khor lo'i rtsibs brgyad la gdugs la sogs pa brgyad do/ /mu khyud la grub pa nyi shu'o/ /steng nas bkra shis kyi rdzas sna tshogs pa'i char 'bebs pa lha'i sku brgya stong phrag mang po'o/ /mchod pa'i sprin du ma las 'brug sgra dal bus sgrogs pa dang / glog 'byin pa yang 'god par bya'o//'og nas klu'i rgyal po rgya mtsho la sogs pas bum pa nor bus gang ba 'bul pa'i tshul lo/ /rdo rje slob dpon kun du snang / /bkra shis rnam par snang mdzad kyi/ /ting nge 'dzin la snyoms zhugs te/ /sngags brjod bum pa dgu gang bya/ /bum pa gang ba dgu la sngags kyi phreng ba dgu dgu bzhu bas byin gyis brlab po//rdzas snod dang bcud ma lus pa la ni lha rdzas kyi nor bu rdo rjes mtshan pa re res brgyan par ro/ /phyag dang bskor ba byas nas bgegs bsal te bkra shis sbyin par bya'o/ /rdo rje dril bu dpa' thogs la/ /snying rjes kun du bskor zhing rgyug /gnas dang gang zag rnal 'byor rnams/ /ma lus bsrung ba'i bkra shis stsol/ /oM AHhrIHa i u e o aM aHshrI AR+yA wa lo ki te shwa ra maM ga la sid+d+hi a d+hiSh+ThA ne na ngA na pa ti che ge mo'i sarba pa ri gra hA swasti ma hA maM ga la su maM ga la pra ti maM ga la sid+d+hi sid+d+hi hUM hUM swA hA/