CLOSE WINDOW

D2809
བོད་ཡིག

/grub pa'i 'bras bus lus can la/ /bsngo dang nga rgyal med nyid dang / /byin pas dbul dang phongs 'gyur zhes/ /dogs bral de yis spyad mi bya/ /longs spyod mi zad pa'i sgrub thabs rdzogs so//[ ]@#/ /thugs rje chen po dpag bsam gyi shing can la phyag 'tshal lo//dpag med bsod nams ye shes tshogs rab smin pa'i rgyus/ /gang sku mi gtod dpag bsam shing chen bsil grib can/ /'gro ba'i don du shin tu rmad byung sku ston pa/ /spyan ras gzigs dbang thugs rje che mnga' 'dir mnyes brjod/ /thog mar rnal 'byor gyi dbang phyug chen pos tshangs pa'i gnas bzhi bsgom par bya'o//phyi dang nang la sogs pa'i rnam par dag pa sgyur ba'i rim pas rgyas btab la/ bdag ting nge 'dzin rgyal po'i dang la gnas pas/ rin po che'i sa gzhi las mngon par byung ba'i dpag bsam gyi shing gi yal ga dang / me tog dang 'bras bu bsam gyis mi khyab pa rgyas pa/spos kyi ngad zhim pos bsrung zhing de las grub pa'i sil snyan gyi sgras chos kyi sgo thams cad yang dag par ston pa/ lha'i bu dang bu mo la sogs pa bye ba khrag khrig brgya stong gis bstod cing phu dud byas pa'i sdong bu chen po la bzhugs pa ni/ 'phags pa spyan ras gzigs kun nas 'od zer bkod pa'i rgyal po/kun du zhal kha dog bzhi pa phyag brgyad kyis rab tu mdzes pa rdo rje skyil mo krung gis mi g.yo bar bzhugs shing / 'od dpag tshad gcig pas btsun mo dang bcas pa'i 'khor gyi dkyil 'khor lham me lhang nger gsal bar mdzad pa'o/ /chags bral chags pa'i kha dog can//nor bu 'bar bas brgyan pa'i sku/ /blta bas mi ngoms btsun mo dang / /lhan cig 'jigs skyob la sogs 'khyud/ /gzhan dag sdong bu las phye ba/ /dgu brgya dgu bcu dgu yal ga /zla ba nyi ma sogs steng du/ skal bzang sangs rgyas 'dzum pa mdzad/ / shAkya'i rgyal po thugs ka dang / /'od dpag med dpal cod pan dang / /smin mtshams na ni mi bskyod pa/ /phyag mthil rdo rje mgrin sngon nyid/ /gang dag 'jig rten 'di dang gzhan/ /bkra shis rdzas dang nor dang 'bru/ /me tog rgyan dang mchod rdzas sman/ /gang yod ma lus 'dir sprul bya/ /baiDUr rang bzhin sdong bu rab tu kun nas brjid chags 'khrungs pa yi//yal ga bzang gyes phyogs bcur 'dud rnams rdzogs pa'i sangs rgyas khur khyer zhing / /'bras bu g.yur za me tog kha phye phan tshun 'gran pa bzhin ston pa/ /mkha' khyab dri ldang 'jig rten gsum skyabs dga' ba skyed par byed pa yin/ ye shes pa spyan drangs nas gus pas rdzas dang bcas pas rim gro rdzogs par byas la/sdig pa bsal ba dang / 'gro ba'i don du gsol ba btab ste/ rang gi spyod yul du gnas par bsam mo/ /de'i 'og tu dpag bsam gyi mchod pa dbul ba dang / lhan cig tu rig sngags bzla zhing gar mkhan dang rol mo mkhan dang / glu mkhan la sogs pas dgyes pa bskyed par bya'o//oM AHhrIHkalpa br-ik+Sha hUM/ nam zhig skyo bar gyur na yang / /ye shes rten la bsdus nas su/ /dam tshig dran pa'i rgyas btab ste/ /tshogs brngar ba ni mkhas pa'i lugs/ /dpag bsam gyi shing can gyi sgrub thabs rdzogs so// //