155a2 /mchod sbyin byang chub sems bsnun bshad/ /'phags pa thugs rje chen po gdug pa 'dul ba'i cho ga rdzogs so//[ ]@#/ /'phags pa spyan ras gzigs dbang phyug la phyag 'tshal lo/ /yang de nas skye bo gdul bar dka' ba rnams kyi snying dregs pa zhi bar
155a3 byed pa'i cho ga bshad par bya ste/bdag nyid 'phags pa zhal brgya pa/ /phyag stong spyan dpag med ldan sku/ /dkar zhing dri med 'od 'bar ba/ /mi 'jigs sgra sgrogs bsgom par bya/ /shar du ha la zhal gsum khros/ /phyag drug mda' gzhu rdo rje dril/ /lcags kyu zhags pa 'dzin dung mdog /
155a4 sbrul dkar gyis brgyan bzhad pa'o/ /lhor ni khro bo ha ha che/ /zhal gsum phyag drug rdo rje dril/ /dgra sta kha T+wAM thal mo bsdams/ /nam mkha'i mdog can sbrul ser brgyan/ /nub tu gtum chen dmar nag dpal/ /zhal gsum phyag drug lcags kyu zhags/ /nyi zla sdigs mdzub tshangs pa'i
155a5 mgo//sbrul dmar gyis brgyan rngam pa yin/ /byang du za byed thal mdog can/ /zhal gsum phyag drug glang chen lpags/ /mdung thung be con ral gri phub/ /sbrul nag gis brgyan rgyu ma gsol/ /'di dag dpa' bo khros pa yi/ /cha lugs stang stabs drag bcas pa/ /spyan mangs kyis spras
155a6 spu sgo nas//kun nas me 'bar 'khyil pa'o/ /de nas dkyil 'khor chen po'i cho ga las ji skad bshad pa'i cho gas mchod pa la sogs pa byas la/ bde ba chen po'i pho brang gi rnam par thar pa zab mo dang bcas pas ye shes sems dpa' spyan drangs te/ yang mchod pa la sogs pa bya'o/ /de'i
155a7 'og tu gang dag kun nas nyon mongs pa gang dag gang gi dbang las skyes pa'i nga rgyal gyis sems rab tu dregs shing mngon par mtho bar 'gyur ba/lta ba phyin ci log dang sems phyin ci log gis kun nas dkris pa'i/ 'ching ba dam po'i dbang du gyur pa de dag nyid blos mdun du bya'o/ /de la
155b1 mkhas pa sdang ba dang //brnyas bral zhi ba'i sems ldan pas/ /byams dang snying rje dga' ba dang / /btang snyoms las byung byang chub sems/ /yang dang yang du brtan bsgoms te/ /de yi sems ni rlung gi rta/ /thig le rtsa yi sbyor ba can/ /rnam par shes dang gcig gyur ni/ /de gdan pad+ma
155b2 dmar 'dab bzhi//phyogs bzhi'i char gnas b+hubaM raM/ /yaM zhes dkar sngo dmar ljang mdog /go rims bzhin du dgod par bya/ /phyogs kyi lha dbang rnam bzhi yi/ /thugs las dbyangs dkar gsal byed dmar/ /phreng ba'i yi ge 'bru gsum gyis/ /mtshams spel khab la khab len
155b3 bzhin//bdag nyid snying ga pad 'dab bzhi'i/ /lte dbus rnam par shes bdag hUM/ /bsams la dbyangs dang gsal byed kyi/ /'khor lo g.yon du bskor ba yis/ /mthu bsgrubs nas ni grub pa dang / /rmi ltas dkar po bzhi mthong ba/ /de tshe chos sbyin gtor ma sbyin/ /de 'og bstan pas
las sbyar bya/