CLOSE WINDOW

D2774
བོད་ཡིག

/dgongs gyur 'dod pa thams cad sgrub/ /me'i mchod pa'i cho ga rdzogs so//[ ]@#/ /thugs rje chen po sku gsung thugs ye shes rnam par 'phrul pa la phyag 'tshal lo/ /de nas sku gzugs kyi cho ga bshad par bya ste/ mtshan ma mthong ba'i sgrub pa pos dam tshig sbyangs te/byin gyis brlabs pa'i sku la bdar ba'i chus lus bkrus la/ gnas phun sum tshogs par bdag gi ltos pa dor bas brtsam mo/ /rgyu dang ngo bo kha dog dang / /rab tu gnas pa rnam par dag /yon tan dang ni phrin las rgyun/ /brgyad po la ni cho ga brgyad/ /thugs dang sku dang gsung nyid dang //ye shes dang ni de kho na/ /lnga ni yi ge lngar bcas la/ /gzhan gsum rang bzhin yi ge gsum/ /hUM oM AHhrIHhe hoHphaT swA hA/ 'jim pa dang rdo dang shing dang ras dang rus pa dang rtsig ngos dang rin po che la sogs pa'i rgyu rnams ni rdo rje 'chang dbang phyug gi nga rgyal gyis snying gi pad+mo'i dbus kyi hUM rdo rje sems dpa' las 'phros pa'i thugs rdo rje'i rdul phra rab kyis gang zhing gtams par bya'o//zhi ba dang khro ba dang tshul gnyis pa la sogs pa'i sku gzugs kyi ngo bo rnams ni 'khor lo can dbang phyug gi nga rgyal gyis snying gi 'dab ma'i dbus kyi oM 'khor lo sems dpa' las 'phros pa'i sku thugs rje rnam par rol pas rab tu brjid pa'i bdag nyid du bya'o//dkar ba dang dmar ba dang ser ba dang ljang gu la sogs pa'i kha dog rnams ni pad+ma can dbang phyug gi nga rgyal gyis snying gi 'dab ma'i dbus kyi AHpad+mo'i sems dpa' las 'phros pa'i gsung nye bar bkod pas shin tu khyab par bya'o//ji lta ba dang ji snyed pa mkhyen pa me long lta bu la sogs pa'i ye shes rnams ni rin chen 'dzin dbang phyug gi nga rgyal gyis snying gi pad+mo'i dbus kyi hrIHrin chen sems dpa' las 'phros pa'i ye shes chen po bsam gyis mi khyab par mngon par byang chub par bya'o//dag pa dang dri ma med pa dang ye shes chen po'i mtshan nyid la sogs pa'i rnam par dag pa rnams ni sna tshogs spyod dbang dbang phyug gi nga rgyal gyis snying gi pad+mo'i dbus kyi he/ sna tshogs sems dpa' las 'phros pa'i rnam par dag pa mthar son par bya'o/ /de'i 'og tu bral ba dang phun sum tshogs pa la sogs pa'i yon tan rnams ni sku gsung thugs ye shes kho na lnga po nyid gnyis med dbang phyug gi nga rgyal gyis snying gi pad+mo'i dbus kyi hoHgnyis med sems dpa' las 'phros pa'i yon tan dpag tu med pa yongs su rdzogs par bya'o//lhun gyis grub pa dang rgyun mi 'chad pa la sogs pa'i phrin las rnams ni sku gsung thugs ye shes de kho na lnga po nyid rang byung ba'i dbang phyug gi nga rgyal gyis snying gi pad+mo'i dbus kyi phaT rang byung sems dpa' las 'phros pa'i phrin las rtag tu rtsol ba mi mnga' bar 'jug pa rnam par 'phrul par bya'o// sgrub pa po dang rjes su 'jug pa la sogs pa'i rgyun rnams ni sku gsung thugs ye shes de kho na lnga po nyid nye bar sbyor ba'i dbang phyug gi nga rgyal gyis snying gi pad+mo'i dbus kyi swA hA nye bar sbyor ba'i sems dpa' las 'phros pa'i rgyun nam mkha' ji srid par sbyor ba dbang du 'gyur bar bya'o//rang rang cho ga rjes mthun pas/ /ji ltar bsgrub pa dga' bzhin du/ /dka' yang skyo ba med spyod na/ /mi de myur du dngos grub byed/ /gang zhig gang gi don 'dod pas/ /lhag ma rab tu snying brtses 'jug /de dag rang bzhin stong nyid shes/ /rtul phod 'phags sras phyir mi ldog /