CLOSE WINDOW

D2764
བོད་ཡིག

/[ ]@#/ /dpal spyan ras gzigs dbang phyug bla ma'i rnam par snang ba la phyag 'tshal lo/ /de nas bla ma 'gro ba'i dges/ /zhes 'byung ba'i sgrub thabs bshad par bya'o/ /srid dang zhi ba 'di dang de bzhin tshe rabs gzhan pa'i bde legs dang //dngos grub mchog bsgrub yid bzhin nor 'dra phyogs bcu dus gsum gshegs pa yi/ /bla ma rnams kyis bsgrub pa'i snying dbus dri med ye shes mchog gzhug phyir/ /spyi gtsug gdan la nyin mtshan rgyun du brtan bzhugs byin rlabs mdzod//sdug bsngal rgya mtsho rab skems shing / /bde chen snying dkyil sad mdzad pa/ /skal ldan ston pa rdo rje can/ /bla mar btud de de bsnyen bshad/ /re zhig sgrub pa pos skyabs su 'gro ba dang / sems bskyed pa rab tu nges par byas nas/ dus gsum gyi bde bar gshegs pa thams cad kyi rtsa ba bla ma dam pa kho na yin no zhes rtse gcig tu rtogs pa'i rgyu mtshan gyis/kun nas dad pa'i rlan phun sum tshogs pa las byang chub kyi sems rin po che'i ljon pa legs par bskyed de/ yid dang rjes mthun la sogs sam/ /ci rigs pa yi gnas su ni//dad ldan rnams kyis dngos grub rtsa/ /dpal ldan bla ma bsgrub par bya/ /tha mal lus kyi cod pan rtser/ /rgyal po rdo rje 'dzin dbang po/ /longs spyod rdzogs sku gsal bar blta/ /de yi thugs ni ye shes hUM/ /snying gi pad+mo 'dab stong dbus/ /bdag gi skyob pa mi dbang pos//gcer bu rus pa'i rgyan ldan pa/ /skyil krung 'dzum zhal bsgom par bya/ /'dab stong lce la sangs rgyas stong / /ze 'bru khyud skor nyan thos dang / rang sangs rgyas rnams kyis bskor ba/ /mkha' la zla dkar ltar gsal sprul/ /de'i rjes la spyi bo'i gtsug gi rdo rje 'dzin pa'i thugs ka'i thad so nas mdun du 'dom gang mngon par gzhal ba'i nam mkha' la rang gi rjes su 'dzin pa'i yi dam gyi lha bsgom par bya'o//de'i thugs ni rang gi sa bon no/ /oM gyis sna drangs pa'i A li dang / AHsa sna drangs pa'i kA li dang / hUM gis sna drangs pa'i lha'i sngags rnams phreng ba'i tshul du gshibs pas mtha' bskor ba'o//de nas bdun rnam par dag pas mchod la/ lus dang ngag dang yid kyis ltos pa nye bar dor ba'i sgo nas skyabs su gzung zhing 'di ltar mthong ba'i 'khor lo'i 'jigs pas skrag pa la sogs pas rten la mi phyed pa'i dad pa drag po dang /'dun pa dang / mngon par dga' ba dang / yang dag par mi gtong ba'i blos gsol ba gdab par bya'o/ /ji snyed mchod pa rab 'byams nam mkha'i mthas klas sa gsum gang bar gyur pa dang / /bstod dbyangs snyan pa sna tshogs rgyal ba mnyes 'gyur 'gro ba'i don bsgrub dngos gang yin//'di dag byas la mi bzad gdung ba yang ni rdo rje 'dzin dang yid kyi lha/ /skyabs mchog nges bya de yis mi gtong thugs rje'i lcags kyus tsham tshom med par 'dzin par bsam/ /de nas lha yi sa bon dang / /yi ge'i phreng ba las byung ba/ /gsal zhing dri med rnon po yi/ / 'od zer gyis ni spyi bor dgye/ /byin gyis brlabs pa 'di yi mthus/ /rdo rje 'dzin pa'i thugs bskul zhing / /de las thur du lhung ba'i 'od/ /bdag snying bla ma la reg 'gyur/ /de rjes skyob pa las spros zer/ /lha yi thugs kar dang ba yi/ /tsha zer yang ni rab tu spro/ /de nas byin brlabs thag gu yi//brgyus pa'i ye shes yig phreng dag /lha yi smin mtshams nas byung ba/ /spyi bo'i skyob pa'i tshangs bug nas/ /zhugs gyur thugs gtams bdag gi bar/ /de ltar ye shes kyi 'od kyi rgyun babs pas bdag gi rgyud la de kho na nyid rnam par nges pa 'di lta ste/ gnyug ma nyid dang /rang grol ba nyid dang / lhun gyis grub pa zhes bya ba'i don gsum gyi lus dang sems rab tu gang ba'i ye shes dam pa gang yin pa mngon du bltas la/ yi ge de dang de dag nyid gsal bar bklag pa ma yengs par bya ba ni thabs yin no/ /de yis slob dpon sku gang ba/ / lhag gyur rdzogs pa'i sangs rgyas spro/ /de las de bzhin nyan thos sogs/ /phyi rol srid mthar spro bar bya/ sna tshogs mdzad pa ma lus pa/ /phrin las bye ba phrag brgya yis/ /'gro ba'i don bsgrub brtser bcas pa/ /skal ldan rnams kyi blo gros las/ /mdun gyi spyi bo'i lha la bsdus pa las/