CLOSE WINDOW

D2760
བོད་ཡིག

/[ ]@#/ /'phags pa thugs rje chen po 'khor los sgyur ba'i rgyal po la phyag 'tshal lo/ /de nas/ 'khor los sgyur rgyal dkyil 'khor ston/ /zhes 'byung ba'i sgrub thabs bshad par bya'o/ /de nas gzhan yang bshad bya ba//'khor los sgyur rgyal 'jig rten mgon/ /dpal ldan ye shes dkyil 'khor che/ /don kun grub byed brtag pa'o/ /rgyu skar rgyal po rgyal la bab pa'am/ /yang na zla ba tshes dang zla ba nya/ /sna tshogs me tog 'bras bu rgyas pa'i tshe/ /skal bzang rnams kyis mgon mchod sdig pa bsal//dkyil 'khor chen po rgyan gyis spras/ /sna tshogs dri bsung dang ldan pa'i/ /me tog gcal bkram lhab lhub can/ /mchod rdzas yo byad sprin gtibs nas/ /stobs chen sngon 'gro nyi ma dang po bum pa dang ni lha/ /lhag par gnas byas gnyis pa ting 'dzin rgyal po la gnas bzlas//gsum pa mchod sbyin go rims nus sbyar bzod par gsol/ /de mthar bkra shis rdo rje chus bkrus dngos grub blang bar bya/ /bla ma'i man ngag ji bzhin du/ /mkhas pas dkyil 'khor bris nas su/ /rdo rje 'khor lo phyag rgya yis/ /lha dgu 'khor los sgyur bar bsam//lte ba 'dam skyes ge sar 'khrungs/ /rdo rjes mtshon pa dpal chen nyid/ /shar sogs rin chen rtsibs brgyad 'khor lo rnam bdun gter chen bcas lha mo/ /khyams bzang rab mnyam baiDUR+ya yi ngos la nyi shu rtsa bzhis mchod pa yi/ /lha mo rnams dang de bzhin sgo bzhir lcags kyu zhags pa sogs dges rol pa'o//mu khyud khor yug bkra shis kyi/ /rdzas bcu grub pa nyi shus bskor/ /dpal med lha rdzas yo byad kyis/ /shin tu phun tshogs brtse ba yin/ /oM AHhrIHtsakra warti maN+Da la sid+d+hi phaT swA hA/ shes rab thabs byung skad cig sbyor bas bdag nyid 'khor los sgyur rgyal gsal bskyed la//snying po las 'phros lcags kyu'i zer gyis ji bzhin nyid bkug mnyes byas dbyer med gzhug /bdag dang dkyil 'khor lha tshogs bcas bzlas rdo rje phreng rgyun yi ge rab zhugs pas/ /bum pa bzang bkang thun mtshams kun rtag mnyam gzhag che gnas dngos kun mchod brtson bya/