CLOSE WINDOW

D2757
བོད་ཡིག

/spyan ras gzigs bcu gcig pa'i zhal can gyi sgrub thabs rdzogs so//[ ]//bcom ldan 'das spyan ras gzigs ye shes 'khor lo la phyag 'tshal lo/ /de nas/ dpal ldan ye shes dkyil 'khor bdag /ces 'byung ba'i sgrub thabs bshad par bya'o/ / 'dzum bcas dbus bzhugs zla ba'i zhal mnga' dpal chen don yod zhags pa 'char ka'i mdog /bdud 'joms rta mchog me lce'i kha dog khros mdung mdog skar ma'i 'od ldan b+h+r-i ku TI/ /lcags kyu zhags pa lcags sgrog dril 'dzin nyi shu dang ni bcu drug mchod pa'i lha mos brgyan/ / mnyam med ye shes 'khor lo che la spyi bos gtugs btud sa 'di de ring bkra shis gyur/ /dus gsum gyi bde bar gshegs pa thams cad kyi thugs rje rnam par 'phrul pa las sku gsung thugs nye bar bkod pa'i bcom ldan 'das spyan ras gzigs 'khor lo dang bcas pa bsgrub par 'dod pas/thog mar snying rje chen po goms par bya'o/ /yid dang rjes mthun la sogs gnas/ /byang chub mchog zhugs sems bzung bas/ /snying gi 'od kyis rten bkug la/ /bsod nams phung po yongs rdzogs bya/ /oM swa b+hA ba shud+d+hAHsarba d+harmAHswa b+hA ba shud+d+hou0f85haM/chos rnams rang gi mtshan nyid kyis/ /rang gi rang bzhin stong pa nyid/ /mkha' ltar mnyam par bzhag nas ni/ /de nas bdag lus dkyil 'khor bsgom/ /lus gang yin de gzhal med khang / /sems 'dir lha yi bdag nyid de/ /sngags pa'i ngag ni sngags yin la/ /kun ni dri ma med rtog spangs//hrIH pad+mo bzhi dbus 'jig rten mgon/ /zhal gcig phyag gnyis g.yas dang g.yon/ /mchog sbyin pad+mo 'dzin dkar zhing / /chos dbyings ye shes rang bzhin no/ /haH/ shar gyi 'dab mar don yod zhags/ /phyag bzhi zhags pa lcags kyu dang / /rdo rje phreng thogs rab zhi dmar//me long ye shes bdag nyid do/ /hUM/ lho yi 'dab mar rta mchog zhal/ /phyag bzhi dbyig pa 'khor lo dang / /sdigs mdzub pad+ma 'chang khros pa/ /mnyam nyid ye shes bdag nyid do/ /pa/ nub kyi 'dab mar ral pa gcig /phyag bzhi gri gug thod pa dang //ral gri ut+pal bsnams rngam nag /kun rtog ye shes ngo bo'o/ /Ta/ byang gi 'dab mar khro gnyer can/ /phyag bzhi dbyig pa phreng ba dang / /pad+ma ril pa ldan khro skya/ /don grub ye shes dngos nyid do/ /a A i I u U r-i r-I l-i l-I e ai o au aM aHpi wang gling bu rdza rnga rnga zlum bzhad ma dang //sgeg mo glu ma gar ma me tog bdug spos ma/ /mar me dri dang gzugs ma ro ma reg ma dang / /chos ldan lha mo bcu drug rgyan spud khyams bzhir dgod/ /ka kha ga g+ha nga / tsa tsha dza dz+ha nya/ Ta Tha Da D+ha Na/ ta tha da d+ha na/ pha pha ba b+ha ma/ ya ra la wa/ sha Sha sa ha/k+ShaH/ gtor ma la sogs sprin 'dzin par/ /sum cu nye ba'i mchod pa yi/ /lha mo'ang de bzhin khyams kyi mthar/ /mkhas pas de bzhin dgod par bya/ /dzaHhUM baM hoH/ lcags kyu dkar dang zhags pa ser/ /lcags sgrog dmar po dril bu ljang / /shar la sogs pa'i sgo bzhi ni//gtso bo las phyung rim bzhin bzhugs/ /de'i 'og tu dam tshig gi dkyil 'khor gsal bar bkod pa la/ ye shes pa bcug nas nam mkha' ji snyed pa'i sems can la phan par 'dod pas/ rang rang dang rjes su mthun pa'i 'od kyi phreng ba spro zhing don gnyis cig car sgrub pa'i sems kyis sngags brjod par bya'o//oM AHhrIHnamaHsa man+ta bu d+d+hA nAM sarba ta thA ga ta a ba lo ki te ma hA kA ru Ni mUrta ye hUM/ dzaHswA hA/ bcom ldan 'das kyi snying po'o/ /oM hrIHtrai lo kya bi dza ya/ a mo g+ha pA sha ya/ a pra ti ha ta hrIHha hUM phaT swA hA/ don yod zhags pa'i snying po'o//na maHsa man+ta bud+d+hA nAM haM khA da b+hUM dzaM sA ngA ya swA hA/ rta mgrin gyi snying pa'o/ /oM e ka dza Ti ma hA ro Sha Ni trA sa ma ye pra sa ma na hUM hUM phaT phaT swA hA/ ral gcig ma'i snying po'o/ /na maHsa man+ta bud+d+hA nAM/ sarba b+ha ba san+t+ra ra na hUM phaT pa tA ya swA hA/ khro gnyer can gyi snying po'o/ /spros pas ting 'dzin ngal ba ni//dkyil 'khor mchog gcig dri ma med/ /lha dang sngags sogs rnam grol ba/ /ye shes mchog la mnyam gnas bya/ /rtse gcig pa yis rnam par 'byed/ /bkram pa dang ni sdud pa dang / /rjes 'gro lhan cig spyod pa yi/ /rim pas rdzogs par shes par bya/ / de ltar bsam gtan la sems rton pa'i rnal 'byor pa stong pa nyid dang snying rje chen pos yongs su zin pa'i cho ga ji srid skyo bar ma gyur gyi bar de srid du yongs su bsgoms nas ldang bar 'dod pa na/ bkug pa dang bskyed pa'i 'khor lo gshegs par bya ba dang / dmigs pa thim pa'i man ngag gis bzod par gsol ba dang /dge ba'i rtsa ba thams cad gzhan du ma gyur par yongs su bsngo bar bya'o/ /dpal ldan ye shes 'khor lo mchog gi ni/ /gnas mthong bla ma'i zhal gyi drin thob nas/ /ji bzhin mdor bsdus sgrub thabs 'di bris pas/ /skyes kun thugs rje che mnga' zhal mthong shog /