CLOSE WINDOW

D2747
བོད་ཡིག

/[ ]@#/ /jo bo thugs rje chen po yi ge drug pa la phyag 'tshal lo/ /de nas/ bde chen shes rab snying rje mchog /ces 'byung ba'i sgrub thabs bshad par bya'o/ /bde chen stong pa nyid bdag lha/ /mgon po nyid dang shes rab mchog /brtse chen rang bzhin nor bu dang / /pad+mo 'dzin la phyag 'tshal bshad/ /rnal 'byor rgyal po shes rab thabs/ /rigs 'dzin dkyil 'khor bla na med/ /dpal ldan pha rol phyin drug dngos/ /cho ga'i dam pa 'di gsungs so/ /oM ma Ni pad+me hUM/ /gsang sngags rgyal po yi ge drug /lugs 'byung ba dang lugs bzlog las/ /rgyud drug 'gog dang lam drug sbyong / /'bras bu drug la rab sbyor nyid/ /de bzhin rgyud drug bskyed pa dang / lam drug la ni sbyor ba dang / /'bras bu drug ni mngon du bya/ /gzi brjid drug pa zhes bshad do/ /oM AH hrIHhUM phaT/rang bzhin gnyis med stong pa nyid/ /chos rnams kun gyi mtshan nyid de/ /'gag pa med dang gsal med dang / /ma bsgribs 'gro 'ong med mtshan nyid/ /oM AHhrIHma Ni hUM/ shes rab chen po dri ma med/ /rnam par shes kun mtshan nyid de/ /ma skyes mi gnas 'gag pa med//gdod nas rnam grol mngon sum pa/ /oM AHpad+me hUM/ snying rje chen po lhun gyis grub/ /dmigs pa kun gyi mtshan nyid de/ /mi phyed mi 'gyur 'bral ba med/ /skyo med re ba rnam spangs pa'o/ /chos kun mtshan med mkha' 'dra'i rnal 'byor dag pa la/ /thugs rje'i spyan bskyod pad+mo zla dbus gzhon nu'i sku//zhal gcig phyag bzhi ji bzhin phyag rgyas mtshan pa dang / /de bzhin g.yas g.yon nor bu pad+mo 'dzin pa'o/ /dam tshig rdo rje lha gsum la/ /ye shes mkha' spyod gsum bcug la/ /thun mong thun mong ma yin pa'i/ /rnal 'byor rim pas bzlas par bya/