CLOSE WINDOW

D2732
བོད་ཡིག

shin tu phra ba'i cha blangs nas/ /mngon sum lta bur dad dmigs pas/ /khyed ltar yon tan rab rdzogs shog /'phags pa spyan ras gzigs dbang phyug 'khor dang bcas pa la bstod pa/ slob dpon tsan+d+ra go mis mdzad pa rdzogs so//[ ]@##/ /rgya gar skad du/ ma hA kA ru Ni ka ku bAkya sto tra nA ma/bod skad du/ thugs rje chen po la smre sngags kyi bstod pa zhes bya ba/ thugs rje chen po 'phags pa spyan ras gzigs/ /dri med dung mdog mchog tu gzugs bzang pa/ /rnam dag 'od gsal zla ba'i dkyil bzhin mdzes/ /ji ltar mkha' la nyi stong 'bar ba bzhin/ /dpa' bo 'od zer tshogs kyis rnam par mdzes//srid pa gsum gyi sa mkhan ston par grags/ /khams gsum 'gro ba yongs kyi gnyen gcig pu/ /thugs rje'i lha khyod bdag la dgongs su gsol/ /thugs rje chen po 'phags pa spyan ras gzigs/ /bdag ni thog ma med pa'i dus mtha' nas/ /lam stor lam log sred pa'i 'khor bar 'khyams//sngon tshe las log sdig pa byas pas nongs/ /sdig pa'i las ni ci byas rang gnod 'gyod/ /dar zhing rgyas pa'i las dbang de btsan pas/ /'khor ba'i sdug bsngal rgya mtshor bying gyur te/ /zhe sdang 'bar ba'i me yis rang rgyud bsregs/ /gti mug mun pa chen pos shes rab rmongs//'dod chags rgya mtsho'i nang du rnam shes bying / /nga rgyal mthon po'i ri bos ngan 'gror mnan/ /phrag dog rlung nag 'tshub mas 'khor bar g.yengs/ /bdag tu 'dzin pa'i mdud pa dam pos bcings/ /'dod pa me dang 'dra ba'i 'obs su lhung / / sdug bsngal drag po'i mda' char drag tu bab/ /me khams nyi ma'i dug ni steng nas tsha/ /chu khams sa yi rlan ni 'og nas grang / /phyi rol ser bu'i dad ni mtha' nas tsha/ /bad kan rlung mkhris nad ni khong nas ldang / /de 'dra'i sdug bsngal drag po bzod dka' na'ang / /sdom pa'i dam tshig bshig par ga la rung //sdug bsngal kun dang bsngos nas sdom bsrung zhing / /mos shing dad pas 'phags mchog mi gtong na/ /'phags mchog 'gro don mi mdzad ci la dgongs/ /byams mgon ci slad bdag la thugs mi brtse/ /ye shes spyan can khyed kyi spyan snga ru/ /bdag 'dras smre sngags gsol bar mi rigs kyang //shin tu skrag pa'i smre sngags gsol lags na/ /thugs rje chen pos bdag la dgongs su gsol/ /bdag 'dra'i skye bo las ngan sdig po che/ /las kyi dbang gis snyigs ma'i dus 'dir skyes/ /skyes pas 'gyod kyang las dbang bcos su med/ /las kyi shugs ni chu bo'i rgyun dang 'dra//las dbang chu rgyun 'phral la ga la zlog /bka' la zhugs kyang bka' bzhin rngo ma thogs/ /lus ngag yid gsum sdig pa'i dbang du thal/ /las kyi 'bras bu ngan pas shin tu bsregs/ /las dbang sreg pa'i me ni rab 'bar zhing / /rnam shes dbang po'i myu gu gdungs gyur na//phung po sgyu ma'i lus kyis mi bzod pas/ /byams mgon thugs rje can gyis bzod lags sam/ /ye shes spyan can khyed kyi spyan snga ru/ /sdig pa'i rnam grangs ma lus mthol bshags na/ /thugs rje chen pos dag par mdzad du gsol/ /da nas bzung nas sdig pa mi bgyid spong //bka' yi don la mngon sum phyogs par bgyid/ /rnam yang sdig pa'i dbang du ma gyur cig /nyi ltar 'od gsal zla ltar 'od mdangs pa/ /thugs rje chen po'i zhal mthong 'tshal lags na/ /thog ma med nas ma rig ling thog gis/ /bsgribs shing nongs pa'i mig gis ma mthong na//'gro ba'i mgon khyod da lta gang na bzhugs/ /sdug bsngal drag po shin tu mi bzad pas/ /shin tu bsregs pas skyi g.ya' rab 'jigs shing / /da dung gdung ba'i smre sngags nyid 'don na/ /nyam thag phongs pa'i nga ros 'o dod 'bod/ /byams mgon thugs rje can gyis gsan lags sam//phongs pa gang gis nga yi mtshan thos na/ /de yi sdug bsngal zhi bar bya'o zhes/ /'gro la nyid kyi thugs rjes zhal bzhes nas/ /bdag cag 'gro ba sems can thams cad la/ /dug lnga dug gsum nad kyis gzir lags na/ /mi bzad nad ni thugs rjes zhi bar 'dod//thugs rje'i thugs kyis bdag la dgongs su gsol/ /thugs rje'i spyan gyis bdag la gzigs su gsol/ /thugs rje'i gsung gis bdag la sgrogs su gsol/ /bdag ni sha'i 'phos lus sems brjes pa'i tshe/ /gnyen bshes grogs dang bral nas gshin rjes khrid/ /de dus 'jig rten nye dus mi phan pas//las kyis mnar bas bdag rang gcig pur 'khyam/ /de dus bdag la mgon skyabs ma mchis na/ /thugs rje chen pos mgon skyabs mdzad du gsol/ /las kyis mnar ba'i skye bo bdag 'dra ba/ /thog ma med nas phyin ci log rtogs bas/ /khams gsum 'khor ba'i 'dam las ma thar te//bskal pa dpag med skye ba grangs med du/ /gdos bcas lus blangs skye ba dpag med zhig /sha rus bsags na 'jig rten gtos dang mnyam/ /rnag khrag bsags na rgya mtsho chen po tsam/ /las 'phro bsags na mtha' yas brjod mi lang / /khams gsum bgrangs shing skye ba'i kha brgyud kyang //byas pa'i las rnams don med chud re gsan/ /bka' yi gtan tshigs zab mo ma khrol cing / /shes rab zab mo'i mig bu ma bye bas/ /srid pa'i yo byad gtong bar ma phod cing / /phung po sgyu ma'i lus la chags shing zhen/ /las kyi dbang btsan nyon mongs stobs che bas//sha khrag dra ba'i lus blangs 'khor bar 'khyams/ /sdug bsngal drag po srid pa'i btson rar tshud/ /mi bzad sdug bsngal drag po 'di 'dra na/ /nyes pa thams cad rang gi las las byung / /thugs rje chen pos las ngan rgyun bcad de/ /nyon mongs las kyi rgyun ni bzlog tu gsol//nyon mongs las kyi rgyun ni dbang btsan pas/ /ma rig mun pa'i nang du gtan 'khyams te/ /ye shes nyi ma'i 'od kyis bsal du gsol/ /nyes byas las kyi 'bras bu mi bzad na/ /thugs rje chen pos phrin las mdzad du gsol/ /dug gsum sdug bsngal nad kyis gzir lags na//thabs mkhas thugs rje'i sman gyis gso bar gsol/ /phyin ci log gi g.yang sar lhung lags na/ /myur mgyogs thugs rje'i phyag gis gzung du gsol/ /srid pa'i chu bos bdag cag khyer lags na/ /zag med ye shes gru yis bsgral du gsol/ / rgyal ba'i mtshan brjod yon tan bsam mi khyab/ /yon tan gzhung las ji ltar byung ba bzhin/ /ma lus bdag la myur du stsal du gsol/ /rgyal ba'i thugs kyis bdag la byin gyis rlobs/ /phyag 'tshal bstod dang sdig bshags smre gsol dang / /dge ba'i las ni cung zad bsags pa/ / thams cad bla med byang chub chen por bsngo/ /mi dmigs bsngo dang gsol btab smon lam dang / /spyan ras gzigs dbang thugs rje'i byin rlabs kyis/ /zhing rab dam pa'i gnas su skye bar shog /zhing rab dam pa'i gnas su skyes nas kyang / /rgyal ba sras bcas zhal mthong gsung thos shog /thugs rje chen po 'phags pa spyan ras gzigs/ /mchod pa'i yo byad bdag la ma mchis pas/ /smre sngags chen pos khyed la gsol 'debs na/ /mchog gi dngos grub ma lus stsal du gsol/ /thugs rje chen po 'phags pa spyan ras gzigs/ /gang dang gang la mgon dang skyabs med pa//de dang de yi mgon skyabs zhal bzhes na/ /skyabs med sdig can rnams la bskyab tu gsol/ /skyabs med tshe 'das rnams la bskyab tu gsol/ /skyabs med 'khor bar 'khyams la bskyab tu gsol/ /thugs rje chen po 'phags pa spyan ras gzigs/ /nyin re bzhin du sdig pa zil gyis non//las ngan sgrib pa ci mchis bsal du gsol/ /thugs rje chen po 'phags pa spyan ras gzigs/ /bdag ni nyon mongs dbang du mi 'gro bar/ /sdig pa'i las ni gang yang mi byed cing / /nyin dang mtshan du chos la spyod pa ru/ /thugs rje chen pos byin gyis brlab tu gsol//thugs rje chen po 'phags pa spyan ras gzigs/ /mtshan nas brjod pa tsam gyis sdug bsngal rnams/ /zhi bar mdzad pa khyed dang mjal gyur na/ /bdag gis 'bad kyang 'bras bu ma mchis na/ /thugs rje chen po 'phags pa spyan ras gzigs/ /khyed kyi gzungs sngags brjod pa'i phan yon nam//yon tan gzhung las ji ltar bshad pa bzhin/ /ma lus bdag la myur du stsal du gsol/ /thugs rje chen po 'phags pa spyan ras gzigs/ /bdag gis khyed bsgoms snying po bzlas pa dang / /phyag 'tshal bstod dang sdig bshags smre gsol bas/ /mgon po khyed kyi zhal mthong gsung thos nas//khyed kyi go 'phang myur du thob nas kyang / /bdag kyang khyed ltar 'gro don byed par shog /thugs rje chen po 'phags pa spyan ras gzigs/ /ji srid bdag ni 'khor ba'i tshe/ /de srid bdag gi lus skyed pas/ /lus kyis mgon po mchod byed cing / /lus kyi tshogs ni rdzogs par shog /thugs rje chen po 'phags pa spyan ras gzigs/ /ji srid bdag ni 'khor ba'i tshe/ /de srid bdag gi ngag skyed pas/ /ngag gis mgon po'i mtshan brjod cing / /ngag gi tshogs ni rdzogs par shog /thugs rje chen po 'phags pa spyan ras gzigs/ /ji srid bdag ni 'khor ba'i tshe//de srid bdag gi yid skyed pas/ /yid kyis mgon po rjes dran zhing / /yid kyi tshogs ni rdzogs par shog /de ltar lus ngag yid gsum gyis/ /thugs rje'i dbang phyug bsten bgyis pas/ /lus ngag yid gsum skyon bral nas/ /yon tan phun sum tshogs par shog / de ltar lus ngag yid gsum gyi/ /thugs rje'i dbang phyug sku gsung thugs/ /rtag tu dad gus bgyis pa na/ /thugs rje'i dbang phyug spyan ras gzigs/ /srid gsum re ba'i gnas gcig po/ /yon tan bsam gyis mi khyab pa/ /de 'dra bdag kyang 'grub gyur nas/ /srid gsum re ba rdzogs par shog /srid gsum 'dod dgu 'byung bar shog /srid pa gsum gyi sems can la/ /dngos sam brgyud pas phan thogs shog /'phags pa spyan ras gzigs dbang phyug la/ slob dpon tsan+d+ra go mis bstod pa smre sngags su gsol ba rdzogs so// //