CLOSE WINDOW

D2726
བོད་ཡིག

/[ ]@##/ /rgya gar skad du/ Ar+yA ba lo ki te shwa ra s+ya tsar+p+ra Ti ru tsi ta sto tra~M`/ bod skad du/ 'phags pa spyan ras gzigs dbang phyug la tsar+p+ra Tis bstod pa/ 'jig rten mgon po la phyag 'tshal lo/ /lha mi lha min gyis ni zhabs la btud/ /skye rga na dang 'chi ba rab tu bcom//thugs rje'i ngang can 'jig rten dbang po khyed/ /skyabs med bdag la snying rje mdzod cig kye/ /nyon mongs rlabs chen tshogs kyis 'joms byed cing / /sna tshogs sgra sgrogs 'khor ba'i chu gter dbus/ /bying ba bdag ni zung la bsrung bar mdzod/ /brtse ba chen po khyed la bstod par bgyid//srid pa'i mun pas mig la nyer 'tshe zhing / /'chi ba'i 'jigs pa chen pos lus nyam chung / /ji srid mnar med mi mnyam 'gro min par/ /bsrung la bcom ldan bdag la kun tu gzigs/ /rtag tu gzhan gyi bud med gzung ba byas/ /mi shes pa yis srog chags stong phrag bsad//bdag gi sdig byas deng du mgon po yis/ /lus can skyon rnams ma lus nyams par mdzod/ /gang zhig 'tsho ba dang ni bkur ste'i phyir/ /bden min 'jig rten 'dod pa min pa smras/ /dmyal ba yun du goms pa'i smra ba can/ /de kun 'jig rten dbang pos zhi bar mdzod//bdag gis sems can phan min gang bsams dang / /gzhan gyis bya la'ang rjes su yi rang ba/ /mgon po de la du bar bgyid pa na/ /deng bdag yid kyi sdig pa bsal du gsol/ /lha dang mi dang lha min ris rnams dang / /dud 'gro yi dwags dmyal bar 'gro ba ni//gnas shing rtag tu gdung ba'i sems can gang / /khyod ni de rnams bsrung zhes bdag la grags/ /de phyir gzhon nu nyid song lus la ni/ /thugs rje'i gzigs pa bdag gi steng spros zhes/ /dmyal bar zhugs pa min pa ji srid du/ /smra bar bgyid yis bcom ldan khyed kyis gson//'on kyang gzhan gyi don la btang snyoms pa/ /dor zhig bcom ldan bdag don ma mdzad do/ /yang na brtse ba'i dbang gyur khyod kyis ni/ /bsod nams bskyed mdzod rgud pa ma gzigs sam/ /dran pas kyang ni khyod ni yongs tshim na/ /sdig pa dor bar mdzod cig ma gzigs sam//de slad bcom ldan gzhan phan la mkhas pa/ /bdag ni 'dor bar ma mdzad 'di ru srungs/ /glang chen rta dang bur bcas chung ma dang / /dmag bcas rgyal srid khang pa sna tshogs dang / /sha rus mgo dang khrag gi mthar thug pa/ /don du gnyer la mtha' dag khyod kyis byin//su zhig 'jig rten dbang po khyod mnyes byed/ /ri lu mig sman mchil lham grub pa dang / /grub pa'i sman dang nor bu rnam dag sngags/ /gnod sbyin mo dang grong 'jug sgrub par byed/ /gang dag mig dang rkang lag smras pa yi/ /sna tshogs nad kyis 'jig rten nyam thag pa//khyod mnyes na ni de rnams yongs rgyas lus/ /rnam sgeg nad med yon tan zab mor 'gyur/ /khyod dgyes gang lags rgyal 'gyur ga ru Da/ /gcan gzan gza' dang mkha' 'gro rnal 'byor ma/ /rtag tu zhi 'gyur de yi mdun du ni/ /gshin rje'i pho nya rgyu bar mi byed do//'jig rten dbang phyug dgyes bzhin skyabs med bdag /'dor ba ci zhes bcom ldan bdag smre ste/ /nyi ma so sor lag pa bsgreng byas nas/ /tshig 'khrugs pa yi skrag pa zhi bar mdzod/ /'khrugs pa'i lus kyis song ba'i skye bar bdag /yul drug la ni dbang po g.yo ba'i yid/ / sdig pa mang byas 'dir ni ma lus pa/ /dbyes pa'i rgyu yis 'khor zhing rnam par 'dzings/ /gang gis ngan song sdug bsngal ma myong bar/ /bde 'gror mngon sum 'gro de spyod kyis mdzod/ /deng bdag 'jig rten dbang la phyag dang zhing / /sna tshogs thal sbyar 'di ni phyag gi'o/ /khyod ni rmongs dang sdang ba 'jig pa'i rgyu//'khor ba'i chu gter chen po'i zam pa lags/ /ltung zhing skrag pa slong ba'i dpung pa khyod/ /sdig lci mtshan mor byed pa'i sgra gcan no/ /bla med bde gshegs kyis gsungs de nyid kyis/ /khyod kyis sems can sdug bsngal mang po bskyang / /rgyal dka' yid srubs bdud las khyod rgyal te//kun tu grol ba sred mtsho'i pha rol lo/ /nad kun gcod par mdzad pa khyod kyi sku/ /ma lus 'gro bar mchog tu lus mdzes pa/ /bcom ldan dpe med snying rje'i sin d+hu khyod/ /rgyu med gnyen du skye bo rnams la grags/ /rol pas dbang po 'joms shing rnam par byed//khyod ni yul la kun nas chags pa 'dor / /lha yi bsam gtan mnyam bzhag khyod kyi thugs/ /nor ni slong ba po dang thun mong lags/ /brtse ldan khyod ni gzhan la phan mdzad kyang / /gti mug lto 'phye chen pos sos zin cing / /yul la kun rtog dge ba las ltung ba/ /bdag ni tshim par mi mdzad ci ltar lags//mtha' dag 'gro ba'i don bsten snying rje gang / /khyod kyis spros de nges pa lags sam ci/ /khyod kyi spyan sngar sna tshogs sgra sgogs pa'i/ /sdig ldan bdag la gang las bsrung mi mdzad/ /mgon khyod snying rje nam mkha' las yangs te/ /sems can rnams la chu 'dzin chu rgyun ltar//mya ngan chu dang mtho dma'i yul kun tu/ /ma lus nyin mtshan bar med 'bab par 'gyur/ /bcom ldan dag las bdag gis bsod nams gang / /de ni 'gro 'dis bde blag thob gyur te/ /dpal ldan po ta la yi ri bor gnas/ /mdzes zhing sna tshogs rol pas skye bar shog /'phags pa 'jig rten dbang phyug gi bstod pa grub thob chen po tsar+p+ra Tis mdzad pa sdogs so// //rgya gar shar phyogs kyi paN+Di ta chen po nags kyi rin chen gyi zhal snga nas dang / lo tsA ba 'gos gzhon nu dpal gyis bsgyur ba'o/