CLOSE WINDOW

D2714
བོད་ཡིག

/de ltar dus gsum du rnal 'byor byas na ring po mi thogs par blo mchog tu 'gyur ro/ /a ra pa tsa na'i sgrub thabs kyi cho ga /slob dpon shad+d+hA ka ra war+m+mas mdzad pa rdzogs so/ /[ ]@##/ /rgya gar skad du/ a ra pa tsa na sA d+ha naM/ bod skad du/ a ra pa tsa na'i sgrub thabs/bcom ldan 'das 'jam pa'i dbyangs la phyag 'tshal lo/ /ri bong 'dzin pa ltar dkar phyag mtshan glegs bam ral gri can/ /rab mdzes shin tu zhi ba'i gzhon nu zur phud lnga dang ldan/ /dga' ba rgya cher thar mchog spyan ni pad+ma'i 'dab ltar yongs/ /blo gros ngan pa sreg mkhas 'jam pa'i dbyangs la phyag 'tshal nas//lo phyed rgyun du bsgom pa mngon sbyor skye bo gang / /nges par gnas kun khong du chud 'gyur mchog gi blo/ /thob 'gyur a ra pa tsa na ni legs 'grub phyir/ /'khor lo rin chen shin tu bsdus pa'i gdams pa brtsam/ /mnyam zhing gtsang legs yid 'ong dri zhim me tog bkram//dri yi chus btab sa phyogs 'gar ni sngags rig pas/ /shin tu nyams dga' 'jam pa'i stan la nyer 'dug nas/ /bde ba'i yid kyis mtshan med byang chub sems bsgom bya/ /swa b+hA ba shud+d+ha'i sngags brjod cing / /dngos po kun nas ma lus stong nyid du/ / rnam par bsgom bya slar yang bdag gi lus/ /skad cig nyid la 'od gsal nyid du blta/ /de nas nam mkhar dbyangs yig dang po las/ /zla ba'i dkyil 'khor 'od zer 'phro ba bsgom/ /de nas de la d+hIHyig shin tu dkar/ /de ni 'jam dbyangs dri ma med par bsgom/ /rtse gcig bsam gtan gyis ni pad steng gnas//chags bcas cung zad 'dzum zhing yid du 'ong / /ri bong gis mtshan bye ba'i 'od zer can/ /rgyan kun gyis brgyan rab gsal bsgom par bya/ /rang gi snying gar rab 'phro a yig mchog bsgom ste/ /'od kyi dra ba dpag med rtsibs brgyad 'khor lo'i tshul//de steng zla gzugs bsgom bya de las sngags pa yis/ /ri bong 'dzin 'od ltar dkar 'jam pa'i dbyangs de nyid/ /de g.yas skra can gzugs mdzes zur mig rgyas pa can/ /chos de'i nu ma zung ldan rab blta g.yon du ni/ /rab mdzes rol pa'i 'gying ldan nye ba'i skra can ma/ /mtha' dag yon tan gter dag tsa dang na las bsgom//rab dkar re pha las byung dri ma med/ /dra ba can gyi 'od nyid mdun du bsgom/ /ba yig las skyes 'od zer rang bzhin can/ /yid 'phrog zla ba'i 'od de'i rgyab tu bsgom/ /yang na 'od zer 'bar ba'i yi ge rnams/ /rgya cher nus mthu ldan pa bsgom par bya//de rnams mi shes ri bo 'joms byed cing / /rnyog pa med pa'i ye shes bzang po mdzad/ /'og tu 'khor lo myur du 'khor ba las/ /gti mug mun pa thams cad bcad par bsam/ /zla gzugs 'od zer chen po'i dra ba can/ /lhar bcas g.yo ba med pa nyid du blta/ / ri bong gis mtshan las byung 'od zer gyi/ /sprin tshogs dpag med phyogs bcur rab 'phros nas/ /sems can dri med byas nas de bzhin mthar/ /slar log bdag lus zla ba la zhugs bsam/ /yid brtan sngags kyi sgo can man ngag bzhin bsgom zhing / /sngags kyi dam pa a ra pa tsa na bzlas na//myur du blo ngan skyon bcom yid 'ong dri med mchog /rgyal ba'i sa dang mchog gi dbang phyug kun kyang thob/ /mchog gi bla ma dga' ba'i rdo rje dam chos mchog gi mdzod gyur pas/ /bde bar gshegs tshogs mdun du gang zhig cho ga ji bzhin dbang bskur ba'i/ /blo gros bzang po mi pham bshes gnyen de yis skye bo rnams kyi ni//blo gros 'grub phyir a ra pa tsa na mchog 'khor lo'i gzhung 'di byas/ /'khor lo'i cho ga mchog ni legs bsgrigs las/ /bsod nams mtha' yas dri med gang thob pa/ /de yis 'jig rten ma lus sdig spangs shing / /'jam dbyangs bde ba gcig pur gnas gyur cig /