CLOSE WINDOW

D2703
བོད་ཡིག

/[ ]@##/ /'jam dbyangs smra ba'i seng ge'i sgrub thabs bzhugs/ /bla ma dam pa rnams la phyag 'tshal lo/ /shes rab 'phel bar 'dod pa yis/ /spang rgyan gla ba mtshal dkar gsum/ /yung ba tsan+dan a ka ru//spang spos dbang lag shu dag gsum/ /gser mdog rgya skyegs shing mngar gsum/ /dpa' bo bcu gnyis bsdus nas ni/ /zhib par btags te sbrang rtsi dang / /ba dmar 'o mas ri lu bya/ /brgya dang rtsa brgyad byas nas ni/ /ri lu rnams la hrIHdang d+hIH/ /bri ba'i snag tsha gur kum dang //rgya skyegs gi wang bsres pas bri/ /rin chen snod du blugs byas nas/ /pad+ma ser po 'dab brgyad dbus/ /gong gi ri lu bzhag byas nas/ /dmar ser dar gyi gur yang dbub/ /shar du kha bltas stong nyid bsgom/ /stong pa'i ngang las seng ge'i gdan/ /de steng pad+ma zla ba'i dbus//yi ge d+hIHdmar tsheg drag can/ /'od zer dmar po 'phro ba yi/ /de las bdag nyid 'jam dpal ni/ /sku mdog dmar po rgyan dang ldan/ /'od zer dmar po 'phro ba can/ /g.yas pa ral gri g.yon pa na/ /pu sti bsnams shing rgyan dang ldan/ /ral pa'i thor tshugs gyen du 'greng //de ltar bdag nyid bsams nas ni/ /thugs kar b+hUM las 'khor lo bsam/ /lte bar ral gri sor bzhi pa/ /rtsa ba'i sngags kyis bskor bar bsam/ /'od zer dmar po 'phros nas ni/ /ye shes sems dpa' spyan drang gzhug /mdun gyi lhung bzed dbus su ni/ /yi ge hrIHlas dbyangs can ma//sku mdog sngon mo gzi brjid can/ /g.yas na ral gri g.yon pu ste/ /bsnams shing rgyan dang yang dag ldan/ /thugs kar ral gri sngags kyis bskor/ /'od kyis ye shes spyan drang gzhug /mdun du sangs rgyas thams cad dang / /byang chub sems dpa' rnams kyang bsam//bdag dang sems can thams cad kyi/ /blo yi mun pa bsal bar bsam/ /de ltar bsams nas dang po ni/ /bdag gi thugs kar ral gri dang / /sa bon d+hIHdang bcas pa las/ /'od zer dmar po 'phros pa yis/ /bdag gi sna bug g.yas nas byung / /dbyangs can ma yi g.yon du zhugs//thugs ka'i sngags dang hrIHla thim/ /thugs ka'i gnas nas tshur la byung / /bdag gi thugs kar zhugs pa las/ /A li kA li'i sngags su gyur/ /khong pa'i nang dang ba spu'i gseb/ /dpag tu med pas khengs par bsam/ /bar gyi sngags kyi phreng ba las/ /'od zer dpag tu med pa 'phros//sangs rgyas byang chub sems dpa' dang / /dus gsum bla ma yi dam dang / /dpa' bo dpa' mo la sogs pa'i/ /sku gsung thugs kyi byin rlabs bsdus/ /bdag dang lha mo'i spyi bor bstim/ /bdag dang sems can thams cad kyi/ /blo yi mun pa bsal bar bsam//yang gcig 'phros pa'i byin rlabs kyis/ /sde snod gsum dang rgyud sde bzhi/ /dge bshes rnams kyi nus mthu dang / /mtha' yi nor bu'i 'od zer dang / /rtsi shing nags tshal bcud rnams bsdus/ /bdag dang lha mo'i spyi bor bstim/ /lus la ye shes bdud rtsis gang / / des ni shes rab 'phel bar bsam/ /bzlas pa byed pa'i dus dag tu/ /mdun du ri lu la dmigs shing / /sngags ni stong phrag bzhi ru bzlas/ /oM hrIHd+hI ma me dI pa many+dzu shrI muM/ pradz+nyA d+hA tuHhrIHswA hA/ brgya rtsas mi brjed gzungs thob 'gyur/ /stong gis sgra skad kun la mkhas/ /khri phrag gcig ni bzlas gyur na//nyi ma re re dag la yang / /sh+lo ka ni lnga stong re/ /'dzin 'gyur 'di la the tshom med/ /mngon par shes pa 'char ba dang / /gzhan gyi sems ni shes pa dang / /yi ge'i rigs ni thams cad kyang / /thogs pa med par shes par 'gyur/ /sgra dang bstan bcos thams cad kyang / / bka' bzhin rtsom par nus pa yin/ /phyis ni sa yi dbang phyug 'thob/ /ri lu rgyal chen bzhir mthong na/ /shes rab 'jam pa'i rdo rje dang / /sangs rgyas kun dang mnyam par 'gyur/ /ri lu dbyangs can mar mthong na/ /sangs rgyas zhing du 'gro bar 'gyur/ /ri lu nyi zlar mthong gyur na/ /sngon gyi skye ba dran par 'gyur//ri lu 'od du mthong gyur na/ /smra bzhi dag la mkhas pa dang / /'od dang dung dang rnga sgra dang / /rlung dang nyi ma me tog dang / /yi ge 'dri klog mthong ba dang / /snag tsha 'thungs dang nyams dga' dang / /me tog 'dzugs dang zhing rmo ba/ /shes rab 'phel ba'i rtags su 'dod//de nas mdun gyi sangs rgyas dang / /dbyangs can ma dang bcas pa rnams/ /'od du zhu nas ril bur thim/ /nang ma nyi shu rtsa gcig la/ /ril bu re re zos gyur na/ /shes rab 'phel bar the tshom med/ /dang por rjes gnang thob nas ni/ /skar ma rgyal la bsgrub par bya/ / gcig dang brgyad dang bco lnga la/ /bsgrubs na shes rab 'phel bar 'gyur/ /brdzun dang sha chang sgog pa dang / /sngo ngad la sogs g.yeng ba dang / /'khon dang zhe sdang drag po dang / /grogs ngan mya ngan smre sngags dang / /sems la gnod pa'i las rnams spang / /bza' ba bdog pa thams cad kyis//'jam pa'i rdo rje mchod nas ni/ /rtag tu lha la gsol ba gdab/ /sems can rnams la snying rje bsgom/ /gal te las 'phro yod gyur na/ /srid pa'i 'ching ba thams cad kun/ /nyi ma gcig gis grol bar 'gyur/ /'bring gis gnyis kyis rtogs pa ste/ /nyi ma gsum du bsgrubs gyur na//las 'phro med kyang 'grub par 'gyur/ /gzhan gyi rtsod pa bzlog pa ni/ /dpral bar d+hIHyig dmar po bsam/ /d+hIHlas 'od zer 'phros nas ni/ /kho yi shes pa bkug nas kyang / /srin lag bzhi la bstim nas ni/ /oM hrIHd+hIHche ge mo na na hUM phaT/ /rtsod pa kun las rgyal bar 'gyur//gcan gzan rgyal po seng ge'i sgra bsgrags pas/ /dur khrod wa tshogs thams cad brgyal bar 'gyur/ /nyon mongs dug rnams 'joms pa'i shes rab mchog /bdag gis 'jam pa'i dpal la rab zhus pas/ /'gro rnams shes rab gru yis 'don par shog /rje btsun dam pa rgya gar gyi gdams pa rdzogs so/