CLOSE WINDOW

D2692
བོད་ཡིག

@##/ /rgya gar skad du/ ma hA man+t+rA nu d+hA ra ni shU trAM ti sa ha ra Sha TI kA/ bod skad du/ gsang sngags chen mo rjes su 'dzin ma'i mdo'i 'bum 'grel/ rig sngags kyi rgyal mo chen mo gsang sngags rjes su 'dzin ma chen mo la phyag 'tshal lo/ /yang dag ye shes snang bar ldan//rtag tu sems can don byed pa/ /de bzhin yon tan yang dag ldan/ /'jig rten gsum mgon phyag 'tshal nas/ /rab rib kyis ni mi shes pa'i/ /de yi gti mug sel byed pa/ /yang dag bsams la yang dag dgrol/ /bdag gis 'bum 'grel bshad par bya//'di skad bdag gis thos pa'i dus gcig na zhes bya ba ni/ /'di skad ces bya ba ni sgro skur dang bral ba'o/ /bdag gis thos pa zhes bya ba ni kun dga' bas so/ /grogs med dam zhe na/ nyan thos la sogs pa dang thabs cig tu thos pa'o//su la thos na bcom ldan 'das la'o/ /gang thos na rig sngags kyi rgyal mo chen mo gsang sngags rjes su 'dzin ma'i mdo 'di thos pa'o/ /sus thos na kun dga' bos thos pa'o/ /dus gcig na zhes bya ba'i sgra ni don gnyis la 'jug ste/ sdud pa po shes rab che bar go ba dang / dam pa'i chos 'byung bar dkon pa'i don to/ /ston pa ni bcom ldan 'das so/ /bcom ldan 'das zhes bya ba ni/ bcom pa ni bzhi bcom/ bzhi ni dgra ste dgra ni bdud bzhi'o/ /bdud bzhi ni phung po'i bdud dang / nyon mongs pa'i bdud dang /'chi bdag gi bdud dang / lha'i bu'i bdud do/ /gang gi dus na bcom zhe na/ rdo rje'i gdan la bzhugs pa'i dus na'o/ /ldan pa zhes bya ba ni/ skal ba dang ldan pas bcom ldan 'das so/ /'das pa ni mya ngan las 'das pa'o/ /'das pa ni gang gi dus she na/dpyid zla ra ba'i gnam stong gi nub mo'o/ /'dam bu'i khrod na gzigs pa'i 'dug gnas na bzhugs te zhes pa ni/ grong khyer yangs pa can gyi dbus su lha dang lha ma yin dang / mi ma yin pa rnams kyis byas pa'i gzhal yas khang yod de/ phyogs re re la dpag tshad lnga lnga yod pa gru bzhi pa/ sgo bzhi pa/ nang gi ka ba brgyad dang / phyi'i ka ba brgyad kyis brgyan pa/ sgo re re la seng ge gnyis gnyis kyis brgyan pa ste/ de bzhin du twa ra nas kyang brgyan pa'o/ /ka ba dang / skar khung dang / sgo logs dang / ya them dang / ma them dang / sgo 'gram la sogs pa rin po che rnams las byas pa yin te/ ka rten ni ma ra ka ta ljang gu'o/ /ka zhu ni in+d+ra nI la ste/ ka ba ni gser las byas pa ste/ 'phra ni byu ru la sogs pas byas pa'o/ /de bzhin du gdung yang gser las byas pa ste/phyam la sogs pa ni dngul las byas pa'o/ /rtsig pa ni rin po che sna bdun las byas pa/ phyi logs dang nang logs gnyis ka ri mo mkhas pas bris pa bzhin du snang ba'o/ /sa gzhi ni rin po che pad+ma rA ga las byas pa ste/ ra ba ni be+ai DUr+ya las byas pa'o//sgo bzhi ni rin po che sna bdun las byas pa/ de yang gser dang / dngul dang / an+d+ri nI la dang / ma ra ka ta dang / pad+ma rA ga dang / bai DUr+ya dang / shel dang bdun no/ /seng ge brgyad kyang rgyu shel las byas shing / gnya' ral la sogs pa ni an+d+ri nI la dang /byu ru las byas pa'o/ /mig dang kha ni an+d+ri nI la dang pad+ma rA gas mdzes shing / so dang mche ba ni dngul las byas pa'o/ /rgya phibs dang ldan zhing / rgya phibs kyi rten ni rin po che sna bdun las byas shing sna tshogs kyi gzugs su snang ba'o//dra ba dang / dra ba phyed pas brgyan zhing / gdugs dang ba dan dang rgyal mtshan gyis phyogs phyogs su brgyan zhing / rin po che la sogs pa mar la 'phyang zhing / dril bu dang / dril bu g.yer ka dang / rlung gis btab pas skad sna tshogs 'byung ste/dper na rol mo mkhas pas yan lag brgyad dang ldan pa'i rol mo byas pas skad sna tshogs 'byung ba bzhin no/ /de'i phyogs bzhi na rin po che sna bdun las byas pa'i lcags ri gcig gis bskor ba'i nang na skyed mos tshal bzhi yod de/ skyed mos tshal re re la yang rdzing bu re re yod pa'o//skyed mos tshal de'i ming yang / dga' ba dang / mchog tu dga' ba dang / kun du dga' ba dang / rnam par dga' ba dang / rnam pa bzhi yin no/ /de bzhin du rdzing bu'i ming yang yin no/ /rdzing bu'i 'og ni bai DUr+ya las byas pa/logs dang / skas ka ni rin po che sna bdun las byas pa'o/ /rdzing bu de'i chu yang shel chags pa bzhin du dngas la gsal ba/ 'thungs na yang ba/ lta na yid du 'ong ba/ tsan+dan dang / ga pur la sogs pa dri dang ldan pa/ rdzing bu de'i nang na rang bzhin gyis chu las skyes pa'i me tog sna tshogs yod de/de bzhin du kha dog sna tshogs kyis brgyan pa/ pad+ma dang / pad+ma dkar po dang / puN+Da rI ka dang / puN+Da rI ka chen po dang / ut+pal dang / ut+pal sngon po dang / ku mu ta dang / ku mu ta chen po la sogs pa/dri sna tshogs dang ldan zhing / so so'i kha dog dang ldan pa/ lta na mdzes pa'o/ /rdzing bu de'i nang na bya'i tshogs sna tshogs yod de/ khrung khrung dang / bya ngang pa dkar po dang / bya ngang pa'i rgyal po dkar po dang / ngang pa ser po dang / sa ra sa la sogs pa'i bya'i skad sna tshogs 'byung bas mdzes shing mnyan pa'o//de bzhin du skyed mos tshal gyi nang na yang thang las skyes pa'i me tog gi shing nags tshal yod de/ tsam pa ka'i me tog gi shing dang / kun+ta'i me tog gi shing dang / dzA ti'i me tog gi shing dang / kak+ko la'i me tog gi shing dang /klu'i me tog gi shing dang / a ru ra'i shing dang / ba ru ra'i shing dang / skyu ru ra'i shing dang / ta la dang / ta la chen po'i shing dang / tsan+dan gyi shing la sogs pa rang bzhin gyis shing sna tshogs skyes te/ shing de'i me tog dang 'bras bus kyang sems can thams cad la phan 'dogs shing bde bar gnas pa'o//skyed mos tshal dang / rdzing bu la yang / dge slong ngam/ dge bsnyen nam/ dge bsnyen ma'am/ lha dang / mi rnams kyis kyang sgom zhing / tshogs sogs pa'i sa dang / de na gnas pa'i byis pa rnams kyang zhe sdang med cing chos dang mthun par gnas pa'o//de lta bu'i gzhal yas khang gi dbus su rdo rje seng ge'i khri sa ya dang bcas pa yod de/ rdo rje sa la pad+ma sna tshogs dang bcas pa/ rdo rje rin po che'i sa ya sna bdun dang bcas pa/rgyan rnam bzhi twa ra na dang ldan pa/ rdo rje rin po che sna bzhi'i bya khyung gi twa ra na dang ldan pa/ rdo rje rin po che'i mu tig dang / byi ru dang / mu men la sogs pas gser gyi rgyu las 'phra byas shing / klu'i zhags pa bya khyung twa ra nas khar bcug pa'o/ /ri dgas shwa ra na ni rin po che sna bzhi las byas pa ste/mdzes shing blta na sdug pa'o/ /de'i 'og tu shang shang na ra na yin te/ rdo rje rin po che sna bzhi las byas shing g.yas g.yon gnyis nas mdzes par brgyan pa'o/ /chu srin twa ra na ni rdo rje rin po che sna bdun las byas shing mjug ma pa tra sna tshogs su 'khyil zhing blta na sdug pa'o//rdo rje seng ge'i pad+ma chen po'i khri ni/ mnan na nems byed pa/ bzhag na mtho ba/ reg na 'jam pa/ lta na mdzes pa'o/ /gzhal yas khang dang / seng ge'i khri de ni rang bzhin du yod cing sngon gyi smon lam gyi stobs las byung ba'o//de bzhin du gdung g.yogs dang / bla re dang rdo rje rin po che'i mu tig gi phreng ba'i dra bas brgyan pa'o/ /byang chub sems dpa'i rigs mi gcig pa brgya stong 'bum gyi 'khor dang bcas shing / bla na med pa yang dag par rdzogs pa'i byang chub las phyir mi ldog par mthu chen po thob pa/rdo rje chen po'i rnam par thar pa dang / ting nge 'dzin gyi sangs rgyas kyi zhing du rnam par sprul pa dang / cho 'phrul kun du ston pa dang / sems kyi skad cig thang cig yud tsam gcig la sems can thams cad kyi sems dang spyod pa'i rjes su 'jug pa'i chos bstan pa sna tshogs mnyam pa nyid du mnyam zhing rgya che la zab pa dang /[ (]sbobs [,]spobs[ )]pa dang / cho 'phrul dang / ldan pa sangs rgyas kyi zhing du mar de bzhin gshegs pa la mchod pa chen po'i sprin gyis mchod pa dang / rnam par thar pa'i sgo dang / gzungs dang / ting nge 'dzin dang / dbang dang / mngon par shes pa dang / ma 'dres pa dang / byang chub kyi yan lag dang / lam dang / sa dang / pha rol tu phyin pa dang / thabs la mkhas pa dang / bsdu ba'i dngos po dang / byams pa dang / snying rje dang / dga' ba dang / btang snyoms dang / byams pa'i stobs dang / dben pa dang / yongs su byas pa'i sems kyi rgyun dang ldan pa sha stag go/ /byang chub sems dpa' sems dpa' chen po lag na rdo rje dang / rdo rje gtum po dang / rdo rje sems dpa' dang / lag na rdo rje mda' gzhu dang /rdo rje byin gyis brlabs pa dang / rdo rje'i rgyan dang / rdo rje'i 'od dang / spyan ras gzigs dang / kun du bzang po dang / kun du gzigs pa dang / rdo rje dpal dang / pad+ma 'byung gnas dang / zhal rnam par mche ba gtsigs pa'i rdo rje dang / pad+ma snying po dang /pad+ma'i spyan dang / 'jam dpal dang / byang chub sems dpa' sems dpa' chen po byams pa la sogs pa byang chub sems dpa'i dge 'dun dang thabs cig go/ /nyan thos chen po rab tu mang po thams cad kyang dgra bcom pa/ zag pa zad pa/ srid par kun du sbyor ba chad pa/ yang dag pa'i shes pas sems shin tu rnam par grol ba/ rdzu 'phrul gyi stobs dang / cho 'phrul bsam gyis mi khyab pa rnam par 'phrul ba'i mthu chen po thob pa/ lta ba chags pa med pa/ thams cad kyang dri ma dang bral ba/ kun nas nyon mongs pa'i bag chags kyi sa bon bsregs pa sha stag la/'di lta ste/ tshe dang ldan pa shA ri'i bu dang / tshe dang ldan pa byams ma'i bu gang po dang / tshe dang ldan pa ka pi na dang / tshe dang ldan pa rab 'byor dang / tshe dang ldan pa maud gal gyi bu chen po dang / tshe dang ldan pa skul byed dang / tshe dang ldan pa dga' byed dang / tshe dang ldan pa 'od srungs dang / tshe dang ldan pa 'od srungs chen po dang / tshe dang ldan pa lteng rgyas 'od srungs dang / de dag la sogs pa nyan thos chen po rab tu mang po dang / dge slong dang / dge slong ma dang /dge bsnyen nam/ dge bsnyen ma'am/ lha dang / mi dang / 'khor du ma 'dus pa'i nang du bcom ldan 'das kyis 'khor lo shin tu bskor/ sangs rgyas kyi mdzad pa ni shin tu mthar phyin/ bsod nams dang ye shes kyi tshogs ni shin tu rdzogs/thams cad mkhyen pa nyid kyi byang chub chen po'i phyir pha rol tu phyin pa dang / sa brnyes pa shin tu yongs su bzung / spyi gtsug ni sems can thams cad kyis blta bar mi mthong / bdud kyi las thams cad las ni nges par rgyal/de kho na thams cad mkhyen pa ni thugs su chud/ spyan lnga ni mnga'/ rnam pa thams cad kyi mchog dang ni ldan/ thams cad mkhyen pa'i ye shes dang ni ldan/ sangs rgyas kyi chos thams cad ni ldan/ bdud dang phas kyi rgol ba'i tshogs thams cad ni bcom/dgra dang las ni 'phags/ khyu mchog dang seng ge'i sgra ni sgrogs/ ma rig pa'i mun pa ni kun du bsal/ bskal pa bye ba khrag khrig 'bum phrag grangs med pa dpag tu med pa'i sbyin pa dang / tshul khrims dang / bzod pa dang / brtson 'grus dang /bsam gtan dang / shes rab dang / thabs dang / stobs dang / smon lam dang / ye shes kyi pha rol tu phyin pa dang / dka' ba spyad pas/ mngon par 'grub pa'i skyes bu chen po'i mtshan sum cu rtsa gnyis dang / dpe byad bzang po brgyad cus brgyan pa'i sku mdzes shing /rin po che rdo rje chen po'i pad+ma'i snying po seng ge'i khri la bzhugs te/ gser gyi ri bo'i rgyal po ltar dpal ni 'bar/ sa phyogs ni nyi ma steng bas lhag pa'i 'od zer gyi dkyil 'khor gyis rnam par brgyan/ zla ba nya gang ba ltar 'jig rten thams cad la ni sdug par snang /dpag bsam gyi shing ljon pa chen po ltar sangs rgyas kyi chos rnams ni shin tu rgyas shing chos ston te/ tshangs par spyod pa/ thog mar dge ba/ bar du dge ba/ tha mar dge ba/ don bzang po tshig 'bru bzang po/ ma 'dres pa/ yongs su rdzogs pa/yongs su dag pa/ yongs su byang ba/ yang dag par rab tu bstan to/ /rig sngags kyi rgyal mo gsang sngags rjes su 'dzin pa'i gnas dang / 'khor phun sum tshogs pa'i skabs te gnas skabs dang po'o// //de nas zhes bya ba ni/ gnas phun sum tshogs pa'i de nas so//bcom ldan 'das kyis tshe dang ldan pa kun dga' bo la bka' stsal ba zhes bya ba ni/ bcom ldan 'das kyis yud tsam cig ci yang ma smras par/ smin mtshams dang / ba spu'i bu ga thams cad nas 'od zer gyi dra ba 'phros te/ de bzhin du yang nas yang du spros nas stong gsum gyi stong chen po'i 'jig rten gyi khams su khyab ste/slar log nas 'od zer gyi dra ba de smin mtshams dang / ba spu'i bu ga thams cad du thim mo/ /de nas kun dga' bo stan las langs te/ bcom ldan 'das la mgo bos phyag 'tshal te/bskor ba lan gsum byas nas/ pus mo g.yas pa'i lha nga sa la btsugs te/ thal mo sbyar nas bcom ldan 'das la gsol ba/ bcom ldan 'das 'od zer dra ba 'di ni rgyu dang rkyen ci lags/ don med par 'od zer gyi dra ba mi 'gyed na zhes zhus so//de nas bcom ldan 'das kyis bka' stsal pa/ grong khyer yangs pa can gyi nang na/ ma rungs par byed pa/ lha'i gdon dang / klu'i gdon dang / lha ma yin gyi gdon dang / nam mkha' lding gi gdon dang / rlung lha'i gdon dang / dri za'i gdon dang / mi'am ci'i gdon dang / lto 'phye chen po'i gdon dang / gnod sbyin gyi gdon dang / srin po'i gdon dang / 'byung po'i gdon dang / yi dags kyi gdon dang / grul bum gyi gdon dang / srul po'i gnon dang / lus srul po'i gdon dang / brjed byed kyi gdon dang / smyo byed kyi gdon dang /grib gnon gyi gdon dang / gnon po'i gdon dang / de la sogs pa mkha' 'gro dang / bgegs dang / logs 'dren dang / ma rungs par byed ba gzhan gyi srog 'phrog par byed pa dang / gzi brjid 'phrog pa dang / zas su sha za ba rnams dang /gzhan yang ma rungs par byed pa'i yi dags dang / 'byung po rnams kyis kyang yul der phyin nas/ yams kyi nad dang / rims dang / tsha ba dang / 'dus pa dang / rlung dang / bad kan dang / mkhris pa dang / shub dang / g.yan pa dang / mdze dang / phol mig dang / lhog pa dang / 'brum bu dang / sha bkra dang / 'bras dang / me dbal dang / de la sogs pa'i nad thams cad 'byung ste/ yul der mu ge dang / klu'i tshad bas kyang mi tshugs te/ grong khyer yangs pa can gyi chos thams cad dar zhing /chos kyi gzi brjid 'phrog cing chos kyi nus pa yang med par gyur to/ /de bzhin du mi nad dang / phyugs nad dang / grong khyer yangs pa can du ma rungs pa thams cad byung ste/ 'jigs su rung ba byung nas sems can thams cad la 'tshe bar byas so//de'i phyir na 'od zer gyi dra ba 'gyed pa dang / bcom ldan 'das kyis bka' stsal to zhes gsungs so/ /kun dga' bo zhes bya ba ni bcom ldan 'das kyis kun dga' bo la bka' stsal pa'o/ /yangs pa'i grong khyer du byon nas/ yangs pa'i grong khyer ga la ba der dong ngo zhes bya ba ni yangs pa can gyi grong khyer ni dpag tshad brgya lnga bcu yod pa/ dbyibs legs pa/ lta na mdzes pa/ phyogs bzhi'i srang bar nas/ rgyal mtshan dang / ba dan dang / gdugs la sogs pas brgyan pa/ tshong dus mi gcig pa brgya rtsa brgyad yod pa/ de bzhin du 'dod pa dang / 'dod par byed pa rnams kyis nyo ba dang / len pa dang / ra ba gcig gis bskor zhing / sman gyi shing dang / me tog gi shing sna tshogs gyis bskor zhing / de bzhin du skyed mos tshal dang rdzing bu bsam gyis mi khyab pas bskor ba'o//rdzing bu dang / skyed mos tshal de dag la thang las skyes pa dang / chu las skyes pa'i me tog sna tshogs dang / bya rigs mi gcig pa sna tshogs dang / ri dgas kyi tshogs rnams yod de/ de lta bu'i grong khyer gyi nang du 'gro ba sems can gyi don la bcom ldan 'das kyis bka' stsal to/btsun pa de ltar bgyi zhes gsol nas zhes bya ba ni/ kun dga' bos bcom ldan 'das kyis bka' stsal pa mnyan te/ sems can thams cad kyi don mdzad pa la bka' stsal pa'o/ /tshe dang ldan pa kun dga' bos bcom ldan 'das kyi ltar mnyan to zhes bya ba ni/grong khyer yangs pa can gyi don la sdug bsngal thams cad dang bral ba'i phyir yang dag par rdzogs pa'i sangs rgyas shAkya thub pas/ snying rje la gnas nas yang dag pa'i chos kyi 'khor lo ma nor bar bskor ro//de'i phyir na kun dga' bos kyang legs par gsan pa'o/ /de nas zhes bya ba ni/ kun dga' bo la bka' stsal pa de nas so/ /bcom ldan 'das yul bri dzir yul rgyu zhing gshegs zhes bya ba ni/ grong khyer yangs pa can gyi dbus su sems can thams cad 'dus pa'i sa/de bzhin du 'byung po rnams kyang 'du ba'i sa yin no/ /gser gyi sa gzhi la rin po che sna tshogs kyis brgyan pa/ /sangs rgyas thams cad kyi rdo rje'i gdan/ /sangs rgyas thams cad kyis byin gyis brlabs pa/ ma rungs par byed pa'i 'byung po thams cad 'dul ba'i sa yin no//yangs pa'i grong khyer du byon nas zhes bya ba ni/ byang chub sems dpa' dang / nyan thos dang / lha la sogs pa 'khor rnam bzhi dang bcas nas/ grong khyer yangs pa can du zhabs kyis bcags so/ /de nas gnas gtsang ma'i lha dang /tshangs pa la sogs pa'i lha'i me tog bzang pos sil mar bkram ste/ spos dang / dri dang / rgyal mtshan dang / ba dan dang / gdugs la sogs pa bcom ldan 'das la 'bul zhing / lha'i rol mo sna tshogs kyis mchod par byas so//bcom ldan 'das gar gshegs pa'i sa nas kyang lha'i dar la sogs pas bting nas/ lha'i me tog man+da ra ba dang / man+da ra ba chen po la sogs pa me tog gi char 'bebs so/ /de bzhin du grong khyer yangs pa can gyi sems can thams cad kyis kyang bla na med pa'i mchod pa byas so//yangs pa'i grong khyer gyi a mra srung ba'i tshal na bzhugs so zhes bya ba ni/ yangs pa can gyi grong khyer gyi dbus na sems can thams cad 'du ba'i gnas a 'bras kyi shing gis bskor ba/ skyed mos tshal dang /rdzing bu dang / wa chu 'dren pa'i sa dang / rdo rje'i khri'am/ pad+ma chen po'i gdan la bzhugs so/ /de nas zhes bya ba ni/ bcom ldan 'das a mra'i tshal na bzhugs pa'i de nas so/ /bcom ldan 'das kyis tshe dang ldan pa kun dga' bo la bka' stsal pa zhes bya ba ni/grong khyer yangs pa can gyi sems can gyi don la gdon ma rungs pa rnams 'dul ba'i phyir na/ kun dga' bo la bka' stsal pa'o/ /kun dga' bo yangs pa'i grong khyer du song la/ phyi nas sgo'i them pa la rkang pa zhog ste zhes bya ba ni/grong khyer yangs pa can gyi dbus su yul lha'i thog tu dbang po'i dus su rkang pa g.yas pa bzhag la/ seng ge'i sgra bsgrags la/ khyu mchog dang bcas shing gsang sngags rjes su 'dzin ma chen mo/ yams kyi nad dang / gdon ma rungs pa thams cad 'dul ba'i phyir ro//gsang sngags tshigs su bcad pa smras pa'o/ /rig sngags kyi rgyal mo gsang sngags rjes su 'dzin ma'i/ gsang sngags gzhi 'di dag dang / tshigs su bcad pa 'di dag smros shig ces bya ba ni/ gzhan gyis mi thub pa stong pa nyid kyi rang bzhin nad thams cad dang /gdon thams cad rlag par byed pa/ mtshon pa ni so sor rtog pa'i ye shes te/ mtshon byed ni rig sngags kyi rgyal mo gsang sngags rjes su 'dzin ma'o/ /rigs ni pad+ma'i rigs so/ /phung po ni 'du shes kyi phung po/khams ni me'i khams/ skye mched ni ro'i skye mched do/ /rig sngags de'i sku mdog dang / phyag mtshan ni gang zhe na/ 'di lta ste/ zhal gsum pa/ phyag bcu gnyis pa/ sku mdog dkar mo/ g.yas ser ba/ g.yon dmar ba spyan gsum pa/sangs rgyas lnga'i dbu rgyan can/ rgyan thams cad kyis brgyan pa/ rdo rje skyil krung du bzhugs pa/ pad+ma'i steng na zla ba'i gdan la nyi ma'i 'od dang bcas pa'o/ /phyag g.yas g.yon gnyis kyis chos kyi 'khor lo'i phyag rgya'o/ /de'i 'og ma gnyis ni mnyam gzhag go//g.yas pa'i gsum pa ni ral gri/ /bzhi pa na rdo rje/ lnga ba na 'khor lo/ /drug pas mchod sbyin no/ /g.yon pa'i gsum pa ni rin po che'i steng na rdo rje'o/ /bzhi pa na pad+ma/ lnga pa na bum pa'i steng na rdo rje/ drug pa na lcags kyu/maM yig 'bras bu sems can thams cad kyi don byed pa'o/ /rigs lnga'i sangs rgyas kyis dbu la brgyan pa ni ye shes lnga rnam par dag pa'o/ /spyan gsum ni sku gsung thugs rnam par dag pa'o/ /zhal gsum ni ting nge 'dzin gsum rnam par dag pa'o/ / rgyan thams cad kyis brgyan pa ni pha rol tu phyin pa drug rnam par dag pa'o/ /phyag bcu gnyis ni rten 'brel bcu gnyis rnam par dag pa'o/ /rdo rje skyil krung du bzhugs pa ni mi shigs pa rdo rje'i gdan rnam par dag pa'o/ /zla ba dang nyi ma'i 'od ni/ thabs shes rab zung du 'brel ba'o//chos kyi 'khor lo'i phyag rgya mdzad pa ni sangs rgyas dang sems can gnyis su med pa'o/ /mnyam gzhag ni/ rdo rje'i rang bzhin ting nge 'dzin rnam par dag pa'o/ /ral gri ni shes rab rnam par dag pa'o/ /rdo rje ni stong pa nyid rnam par dag pa'o//'khor lo ni 'khor ba gcod pa'o/ /mchod sbyin ni sbyin pa rnam par dag pa'o/ /rdo rje dang rin po che ni thabs shes rab rnam par dag pa'o/ /pad+ma ni rigs rnam par dag pa'o/ /bum pa dang rdo rje ni nang gi dug dang / phyi'i dug rnam par dag pa'o//lcags kyu ni ma rig pa'i sems can rnams yar la 'dren pa'o/ /de lta bu'i rig sngags tshigs su bcad pa smras shing / ma rig pa thams cad bcom ste/ mun pa'i nags tshal bsal bar byed cing / rig sngags kyi tshigs su bcad pa smras pa'o/ / bi sa ra bi sa ra bi sa ra ta la sogs pa'o/ /sangs rgyas 'jig rten la thugs brtse ba can gyis bka' stsal to zhes bya ba ni/ thugs rje che zhing yang dag par rdzogs pa'i sangs rgyas shAkya seng ges/ stong gsum gyi stong chen po'i 'jig rten gyi khams la sprul pa'i skus khyab cing /sems can gyi don la gsang sngags rjes su 'dzin pa bka' stsal pa'o/ /sangs rgyas thams cad kyis dgongs pa zhes bya ba ni/ bye ba khrag khrig brgyad cu rtsa bzhis gang+gA'i klung gi bye ma snyed kyi 'das pa'i sangs rgyas kyang rjes su yi rang ba'i phyag rgyas btab pa'o//ma 'ongs pa dang da ltar byung bas de bzhin no/ /rang sangs rgyas thams cad kyi bsam pa zhes bya ba ni/ zhi gnas dang lhag mthong gis kyang sku'i sgo nas chos bstan te/ de rnams kyis kyang rig sngags kyi rgyal mo gsang sngags rjes su 'dzin ma rang bzhin gyis ngo bor gnas pa'o//dgra bcom pa thams cad kyi bsam pa zhes bya ba ni/ 'jig rten nas yang dag par song ba dang / yang dag par zhugs pa dang / phyir mi ldog pa dang / lan cig phyir mi ldog pa rnams yin te/de'i sgom pa ni dbugs 'byung ba dang / dbugs rngub pa rnams yin te/ sems dran pa med cing bum pa gang ba bzhin du 'gog pa'i rang bzhin gyis lus bems po'i rang bzhin du gyur pa ni ting nge 'dzin yin te/ de bzhin du rig sngags kyi rgyal mo gsang sngags rjes su 'dzin ma de'i ngo bo nyid kyis kyang bsams pa'o//nyan thos thams cad kyis bsams pa zhes bya ba ni/ ngag gi sgo nas bstan pa'i chos 'di rtags mngon du byas nas/ de bzhin du mi rtag par bsgoms te/ lta ba ni 'phags pa'i bden pa bzhi 'dzin zhing /de bzhin du ngo bo nyid 'dzin pas kyang / rig sngags kyi lam gyi ngo bo nyid yin no/ /bden pa'i tshig dang ldan pa thams cad kyis bsams pa zhes bya ba ni/ yang dag par rdzogs pa'i sangs rgyas rnams dang / byang chub sems dpa' rnams dang dgra bcom pa rnams yin te de rnams kyis kyang rjes su yi rang zhing phyag 'tshal te/phyag rgya'i rgyas btab pa'o/ /chos kyis bsams pa zhes bya ba ni/ kun rdzob dang / don dam pa gnyis yin te/ kun rdzob kyang log pa'i sgyu ma mi dmigs pa dang / yang dag pa'i sgyu ma'i don byed nus pa gnyis so//don dam pa'i ngo bo nyid dang bral zhing dmigs pa med pa/ gnas pa med pa sdig pa dang / dge ba dang bral ba yang rig sngags kyi rgyal mo gsang sngags kyi rjes su 'dzin pa'i gnas yin no/ /tshangs pas bsam pa zhes bya ba ni/bsam gtan dang po dang / gnyis pa dang / gsum pa yin te/ tshangs par spyod pa'i ngo bo nyid 'dzin zhing / lus po bems por btang nas/ mi dmigs pa bsgoms te/ de yang rig sngags kyi rgyal mo gsang sngags rjes su 'dzin ma'i ngo bo nyid kyi ngo bo yin no//tshangs pas so sor bsams pa zhes bya ba ni tshangs rigs kyi lha rnams dang / gnas gtsang ma'i lha rnams kyi 'bras bu dang / bsam gtan bzhi'i lha rnams yin te/ tshangs pa chen po'i ting nge 'dzin ni/ sems bkag nas bems por gnas te/mi dmigs pa'i ting nge 'dzin du gnas so/ /de yang rig sngags kyi rgyal mo gnas pa yin no/ /'dod pa'i dbang phyug gis bsams pa zhes bya ba ni/ khams gsum tsam la dbang mdzad de/ 'dod pa'i yon tan lngas sems can la dbang mdzad de/ de yang rig sngags kyi rgyal mo'i lam nas yin no/ /dbang pos bsams pa zhes bya ba ni/ lha'i dbang po brgya byin gyis sum cu rtsa gsum gyi lha rnams la dbang mdzad pa ni/ rig sngags kyi rgyal mo gsang sngags kyi rjes su 'dzin ma ngo bo nyid kyis thob pa'o/ /lhas bsams pa zhes bya ba ni rigs bzhi dang /rigs bdun gyi rnam pa yin te/ 'dod pa thams cad la spyod cing bde ba la gnas te/ de yang rig sngags kyis bde bar gnas pa'o/ /lha ma yin gyi dbang pos bsams pa zhes bya ba ni/thag bzangs ris yin te/ sems can thams cad kyi don mdzad cing / byang chub kyi sems bskyed de/ khams gsum tsam la dbang mdzad cing / lha rnams kyis kyang mi thub cing rig sngags grub pa'o//lha ma yin thams cad kyis bsams pa zhes bya ba ni/ lha ma yin rnams ni zhe sdang skyes shing / lha rnams kyi rtsod pa ni/ rig sngags kyi stobs kyis rtsod pa'o/ /lha ma yin gyi mngag gzhug pas bsams zhes bya ba ni/ sangs rgyas sgra gcan 'dzin rnams yin te/nyi ma dang zla ba 'dzin nus shing / 'jig rten gyi bya ba la stobs dang ldan pa 'jig rten pas thub pa tsam med de/ de yang rig sngags kyi stobs kyis byas pa'o/ /'byung po thams cad kyis bsams pa zhes bya ba ni/ sangs rgyas dang / chos dang /dge 'dun la dga' ba rnams yin te/ de'i stobs dang / gzi brjid dang ldan pa ni/ rig sngags kyi lam nas yin no/ /gzhan yang 'byung po rnams kyis rig sngags kyi bka' las 'da' mi nus so/ /gal te bka' las 'da' bar gyur na/mgo bo ardza ka bzhin du tshal pa brgyar 'gas te/ lhog pa dang / sha bkra dang / 'bras rnams kyi nad kyis btab cing / rig sngags kyi dmod mos sems can dmyal bar skye bar 'gyur ro/ /rig sngags kyi tshig ni yang nas yang du bklag cing phyir rbad par bya'o//de yang bi sa ra ta la sogs pa smras pa'o/ /sangs rgyas 'jig rten la thugs brtse ba can gyis bka' stsal pa zhes bya ba ni/ sangs rgyas rnams kyi zhal nas sprul te/ de yang zhal gcig phyag gnyis pa/ sku mdog dmar mo/ / khro mo spyan gsum pa/ dbu skra ser po gyen du 'bar ba/ kha gdangs pa/ mche ba gtsigs pa/ yan lag sbrul gyis brgyan pa/ zhabs g.yon brkyang pa/ g.yas bskum pas/ klu gtum po'i rigs mnan pa/ phyag g.yas pa na pad+ma dbyug to can bsnams pa/g.yon na zhags pa dang sdigs mdzub bsnams te/ gdug pa thams cad rlag par byed cing / so sor rtog pa'i ye shes mtshon zhing / mtshon byed ni rig sngags so/ /me'i khams kyi ngo bo nyid dang ldan zhing / dbang ni lce la byas pa'o/ /ye shes lnga'i ngo bo nyid dang ldan zhing /nam mkha' bzhin du thams cad la khyab pa'o/ /rig sngags kyi tshig ni muny+tsa ta la sogs pa'o/ /yams kyi nad phyir song cig ces bya ba ni/ ma rungs par byed pa'i gdon dang 'byung po rnams dang / gong du bshad pa'i nad rnams phyir bskrad cing / rig sngags kyi dmod mos 'dug par mi tshugs shing gnod byed rnams phyir dbyung ba'o/ /phyir bskrad pa'i tshigs su bcad pa ni/ nir gats+tsha ta la sogs pa'o/ /sangs rgyas lha chen po lha'i yang lha'i bla ma gshegs shing zhes bya ba ni/ sangs rgyas lha chen ni shAkya thub pa'i zhal nas gsungs pa/rig sngags kyi rgyal mo gsang sngags kyi rjes su 'dzin ma/ yams kyi nad dang / rims kyi nad la sogs pas mi tshugs te/ gzhan yang ma rungs par byed pa/ sdig pa'i sems dang ldan pa/ sdang ba'i sems dang ldan pa dang / drag shul gyi sems dang ldan pa dang /gzhan gyi srog 'phrog pa rnams dang / 'tshe bar byed pa'i 'byung po dang / nad thams cad 'joms par byed pa'o/ /lha chen po'i tshogs ni 'byung po'i tshogs yin te/ de yang phan gnod byed pa'i phyir na/ rig sngags kyi rgyal mo'i gzi brjid kyis phyin te/gnod byed gang zhe na/ lha chen po'i 'khor la bgegs rnams kyi bdag po 'byung po'i tshogs kyi rgyal po dbang ldan gyi mtshams na gnas pa'o/ /skyer mi ster zhing ma'i mngal nas gnod par byed pa ni/ 'di rnams yin no/ /ri dgas rgyal dang skem byed dang //brjed byed dang ni khu tshur can/ /nam gru srul po dza mi ka /'dod pa can dang ma dga' byed/ /bzhin rgyal can dang gnya' lag can/ bya gzugs mi 'chang 'joms pa mo/ /ma mo dang / de rnams 'byung po gnod byed pa/ / lo grangs bcu gnyis bar du ni/ /byis pa rnams la 'jigs par byed/ /gzhan yang gang gis mi mthong ba/ /de rnams 'byung po sa la rgyu/ /lha yi lha ni gnyis yod do/ /'jig rten dang 'jig rten las 'das pa ste/ 'jig rten las 'das pa ni/yang dag par rdzogs pa'i sangs rgyas so/ /'jig rten pa ni lha'i dbang po brgya byin no/ /de yang shar gyi phyogs na gnas te/ phan pa dang / gnod pa byed cing gnas pa'o/ /gnod byed ni/ dbang phyug chen po biSh+Nu dang / b+h+r-ing gi ri ti dga' byed dbang / gzhon nu smin drug tshogs kyi bdag /stobs dbyangs legs ldan de bzhin no/ /de rnams shar phyogs na phan par byed pa dang / 'tshe bar byed pa rnams yin no/ /lha'i bla ma ni gnyis te/ yang dag par rdzogs pa'i sangs rgyas dang / dpa' ba bzang yin no/ /de yang 'jig rten dang /'jig rten las 'das pa'i bla ma'o/ /gnod par byed pa dang / phan par byed pa dang / lo legs par byed pa dang / lo nyes par byed pa rnams ni/ nyi ma dang ni zla ba dang / phur bu dang ni ba bsangs/ /spen pa dang ni lag dang ni/ /sgra gcan 'dzin dang mjug rings dang /rgyu skar nyi shu rtsa brgyad rnams kyis de bzhin du/ /bzang ba dang / ngan pa dang / tshes grangs 'dzin zhing / bkra shis pa dang / mi shis par byed pa'o/ /dbang po dang bcas pa'i lha rnams dang zhes bya ba ni/ rgyal po bzhi 'khor dang bcas pa yin te/ de yang shar phyogs dang / lho phyogs dang / nub phyogs dang / byang phyogs su 'khod cing gnod par byed pa rnams ni phyir khyer cig ces pa'o/ /rgyal po bzhi po 'phags skyes po dang / yul 'khor srung dang / mig mi bzang dang / lus ngan po rnams yin te/ de'i 'khor ni/ dri za nor bu bzang dang / dri za gang ba bzang dang / dri za me tog dang / 'dor ru rnams yin te/ grul bum gtum mo dang / nyes gtum mo dang / grul bum rgan mo dang / khyab 'jug len dang / grul bum zhe rgan mo rnams yin no/ / klu'i rgya mtsho dang / rgya mtsho'i bu dang / dug med dang / mtsho chen rnams so/ /gnod sbyin gyi dbang po la ba dang / /chu lha dang ni skye dgu'i bdag /ba ra d+h+wa dza dbang ldan dang / /tsan+dan 'dod pa'i gtso bo dang / /mgrin ngan dang ni mgul nyes dang / /bi Di dang ni nor bu spyod//gra rab nyer lnga'i mnyam pa dang / /gser can gang po son te ba/ /g.yon can nor 'dzin ba lang skyong / /'brog gnas mi yi rgyal po dang / /rgyal ba khyu mchog tshogs lnga ser/ /mgrin bzangs ring po 'khor bcas dang / /dri za sna tshogs sde dang ni//'bras bu gsum pa mgul gsum pa/ /lcags mdung ring po ma ldan dang / /gnod sbyin ded dpon de rnams kyis/ /byang phyogs na ni gnas pa'o/ /dbang ldan dang bcas pa rnams zhes bya ba ni/ mi mjed kyi bdag po tshangs pa nas/ tshangs ris kyi lha dang / tshangs chen dang / tshangs pa'i 'khor rnams yin te/ de dag kyang steng na gnas pa'o/ /dbang bdag dang bcas pa rnams dang zhes bya ba ni/ gnas gtsang ma'i lha rnams yin te/ lha'i bu dbang ldan dang / dbang chen dang / dbang grags rnams yin no/ / byang shar mtshams na gnas pa'o/ /skye dgu'i bdag po dang bcas pa rnams dang zhes bya ba ni/ 'gro ba dang / 'dug pa dang / byed pa'i bdag po yin te/ lha dang / lha ma yin dang / nam mkha' lding dang / mi'am ci dang / lto 'phye dang / gnod sbyin dang /srin po dang / mi dang / dud 'gro'i 'gro ba mtho ris dang / dmyal ba dang / bzang ba dang / ngan pa'i phyogs shes shing / khams gsum gyi bya ba shes pa'o/ /skye dgu'i bdag po tshangs pa dang / a tre ya dang / me dang / nyi ma dang / mi dang /bzang po la sogs pa yin te/ de dag gis kyang mngon par shes pa'o/ /'jig rten skyong ba bzhi po dag kyang ngo zhes bya ba ni/ me dang bden bral dang / rlung dang / gshin rje'o/ /me'i 'khor rnams ni/ me zhing dang ni nag pa dang / /yang dag shes dang mdun bdar dang //gya gyu gyur mid a gur dang / /g.yo 'dod dang ni shar lho gnas/ /lang ka mgrin bcu me dang / bum pa mgrin rna bum sna dang / gzigs shing gsod byed la sogs lho nub mtshams na gnas/ / sum rtse dang ni rab shim dang / /lha min he ron ke ru dang / /kun du sna tshogs la sogs nub byang mtshams na gnas/ /rdo rje gzhon nu ma dang ni/ /nam gru dang ni nag mo dang / /rdo rje lu gu rgyud sogs dang / /lho yi phyogs na gnas pa'o/ /lha 'bum phrag du ma dag dang /lha ma yin gyi dbang po rnams dang / lha ma yin 'bum phrag du ma rnams kyang 'ong zhes bya ba ni/ 'dod pa'i khams kyi lha ris drug dang / gzugs khams kyi lha ris bco brgyad kyang dad pa skyes nas byung ste/ gnod sbyin rnams song shig ces pa'o/ /bcom ldan 'das la mngon par dad pa'i 'byung po 'bum phrag kyang /sems can thams cad kyi don gyi phyir 'ong ste zhes bya ba ni/ lha dang / klu dang / lha ma yin dang / nam mkha' lding dang / rlung lha dang / dri za dang / mi'am ci dang / lto 'phye chen po dang / gnod sbyin dang / srin po dang /'byung po rnams dang / yi dags dang / sha za dang / grul bum dang / srul po dang / lus srul po dang / brjed byed dang / smyo byed dang / grib gnon dang / gnod byed dang / gnon po rnams yin te/ gzhan yang mdangs 'phrog pa dang / lo tog za ba rnams yod de/de la sogs pa 'byung po'i rigs mi gcig pa stong phrag nyi shu yod de/ de rnams kyang dad pa skyes nas 'ong bar 'gyur ro/ /de dag khyed rnams la gnod pa chen por byed par 'gyur du 'ong gis zhes bya ba ni/ de lta bu'i rigs kyis kyang gnod pa byas te/ des mi tshugs par bya ba'i phyir rig sngags kyi tshigs su bcad pa gdon par bya'o//rig sngags ni nir gats+tsha ta la sogs pa'o/ /myur du byer cig ces bya ba ni/ snying rje'i sems dang ldan pa dang sdang ba'i sems dang ldan pa rnams so sor song cig /bzang ba dang / ngan pa ma 'grogs shig /rig sngags kyi dmod mos ngan byed rnams mgo tshal pa tshal par 'gas shing / sems can dmyal bar 'gro ba'o/ /khyed cag la gang dag sdang ba'i sems dang ldan pa de dag ni phung bar gyur cig ces bya ba ni/ gzhan yang srog 'phrog par 'dod pa dang /sdig pa'i sems dang ldan zhing / drag shul byed 'dod pa ste/ rig sngags kyi dmod mo'i mtshon gyis/ dum bu dum bur brlag cing rig sngags kyi mes thal bar btang ba'o/ /gang dag byams pa'i sems dang ldan zhing / nyes par mi 'dod la/ srung bar 'jug par 'dod pa de dag kyang khyed cag ces bya ba ni/'jig rten skyong ba dang / chos skyong ba rnams yin te/ lha dang mi dang lha ma yin dang / gnod sbyin ded dpon chen po la sogs pas kyang / rig sngags kyi rgyal mo gsang sngags rjes su 'dzin ma'i gzi brjid dang /stobs kyis srung zhing skyob pa'o/ /lus la yang 'jug par gyis shig ces bya ba ni/ sku dang gsung dang / thugs rnams srung ste/ sku srung ba ni/ tshon skud sna tshogs la mdud pa brgya rtsa brgyad bor zhing lus la btags pa'o/ /yang na dar ram/ shing shun nam/gro ga la gi waM ngam/ gur gum la sogs pas bris na/ gzhan ngan byed thams cad dang / glo bur gyi sdig pas mi tshugs pa'o/ /sangs rgyas 'jig rten la thugs brtse ba can gyis bka' stsal pa zhes bya ba ni/ yang dag par rdzogs pa'i sangs rgyas shAkya thub pa'i thugs ka nas sprul te/gzi brjid dang ldan zhing / stobs che ba/ nam mkhas khyab pa bzhin du/ grags pa yang de bzhin no/ /ye shes lnga'i rang bzhin sangs rgyas lnga'i dbu rgyan can/ cung zad khro ba/ zhal gcig phyag gnyis pa/ sku mdog nag mo/spyan gsum pa zhabs phyed skyil du bzhugs pa/ phyag g.yas na rdo rje g.yon na sdigs mdzub dang zhags pa bsnams pa'o/ /zla ba'i gdan la nyi ma'i 'od dang bcas pa/ rgyan thams cad kyis brgyan pa'o/ /sems can thams cad grol bar byed pa'i rig sngags kyi tshig ni gang zhe na/'di lta ste/ su mu su mu la sogs pa'o/ /sangs rgyas 'jig rten la thugs brtse ba can zhes bya ba ni/ yang dag par rdzogs pa'i sangs rgyas shAkya thub pas/ spyi bo gtsug nas sprul te/ rig sngags sku'i rang bzhin zhal gcig pa phyag gnyis pa/sku mdog dkar mo zhi ba'i tshul du bzhugs pa/ ye shes lnga'i rang bzhin/ sangs rgyas lngas dbu la brgyan pa/ spyan gsum pa/ phyag g.yas na 'khor lo/ g.yon pa na zhags pa bsnams pa'o/ /zla ba'i gdan la zla ba'i 'od dang bcas shing /rgyan thams cad kyis brgyan pa'o/ /sems can thams cad la phan par lhag pa/ dgongs pa dang ldan pa zhes bya ba ni/ 'gro ba ris drug gi sems can la dgongs te/ rig sngags 'di'i gzi brjid kyis/ dmyal ba'i sdug bsngal dpag tu med pa la gsod pa dang /sreg pa dang / rdeg pa dang / dum bur gtub pa dang / tshig pa dang / rengs pa'i sdug bsngal las/ yongs su thar ba'o/ /dud 'gro'i sdug bsngal ni/ bya dang ce spyang la sogs pa rnams kyis gcig la gcig za ba'o/ /rig sngags kyi rgyal mo 'dis/de lta bu'i 'gro ba las thar bar byas shing / gcig la gcig za ba'i sdug bsngal dang bral ba'o/ /yi dags kyi sdug bsngal ni/ btung ba dang / bza' ba med pa'i sdug bsngal yin te/ mthong ma thag tu zhe sdang gis gcig la gcig phrag dog byed cing 'thab rtsod byed pa'o//de yang rig sngags kyi rgyal mo 'di'i gzi brjid kyis btung ba dang / bza' ba med pa'i sdug bsngal 'joms pa'o/ /lha ma yin gyi sdug bsngal ni/ phrag dog gis spyod pa zhe sdang gi sems skye ste ser sna'i rang bzhin gyis 'dod pa la ma mthun nas/ de yang g.yul 'gyed pa'i sdug bsngal lo//de'i sdug bsngal thams cad zhi bar byed pa ni/ rig sngags kyi rgyal mo'i dpung gis 'joms pa'o/ /lha'i sdug bsngal ni/ 'chi 'pho'i sdug bsngal yin te/ byas pa'i dge ba'i rtsa ba rnams zad pa dang lha'i bu rnams kyis kyang de'i 'chi 'pho ba tshor te/dper na sngon gyi dus su lha'i bu dga' byed ces bya ba/ sum cu rtsa gsum nas mar la ltung ba tshor te/ gar 'pho ba tshor zhe na/ yul bA rA Na sIr phag pa'i phru gur skye bar tshor ro/ /de tshor ba'i sdug bsngal gyis lha'i bu de yang ngu zhing / lha'i me tog gam lha'i rdzas la sogs pa la lta zhing yang nas yang du sdug bsngal skye'o//lus las kyang dri ma 'byung ste/ me tog de kun yang skams so/ /lha'i grogs po rnams kyis bor te/ 'od kyang med do/ /zhag bdun bar du lha'i longs spyod bor nas/ mi gtsang ba za'o snyam nas yang nas yang du sdug bsngal dran zhing ngu'o//de nas lha'i dbang po brgya byin skyed mos tshal du rtsed mo la 'ongs pas skad mi snyan pa thos te/ de nas de'i rtsar phyin nas/ de nas lha'i bu de la dris pa dang / lha'i bus smras pa/ lha'i lha zhag bdun pa 'dzam bu'i gling dbus su/grong khyer bA rA Na sIr bdag zhag bdun na phag pa'i phru gur skye'o zhes smras so/ /brgya byin gyis smras pa/ lha'i bu dga' ba khyod kyis/ sangs rgyas dang / chos dang / dge 'dun la skyabs su 'gro ba gyis shig /des phan par 'ong ste/ gzhan gyi thabs ni med do zhes gsungs so/ /lha'i bu des de'i gdams ngag thos pa dang / skyabs su 'gro ba nyin mtshan med du byas pa dang / zhag bdun gyi nang par gnas gtsang ma'i lhar skyes so/ /lha'i longs spyod dang ldan zhing lha'i bu gser 'od ces bya bar skyes so//de nas lha'i dbang po brgya byin skyed mos tshal du lha'i longs spyod la 'ongs te/ lha'i bu de dran nas lha'i spyan gyis 'dzam bu'i gling du bltas pas/ der yang ma mthong ngo / /dmyal ba dang / byol song dang / yi dags dang / gzhan yang mi'i yul shar lus 'phags po dang /ba lang spyod dang / sgra mi snyan du bltas pa dang / de rnams su yang ma mthong ngo / /de nas rang gi yul dang / lha ma yin dang / rgyal chen rigs bzhi'i lha'i yul dang / ri bdun gyi lha la sogs pa rnams su bltas te/ de rnams na yang ma mthong ngo //de nas de rnams su yang nas yang du bltas kyang ma mthong ste/ de ngo mtshar che bas/ lho'i 'dzam bu'i gling gi dbus su/ grong khyer mnyan yod na/ rgyal bu rgyal byed kyi tshal mgon med zas sbyin gyi kun dga' ra ba na/ yang dag par rdzogs pa'i sangs rgyas shAkya seng ge bzhugs te/de'i tshe lha'i dbang po brgya byin gyis/ lha'i me tog dang / lha'i spos dang / lha rdzas kyi mchod pa khyad par 'phags pa khyer nas/ bcom ldan 'das la mchod pa byas nas/ bcom ldan 'das la lha'i dbang po brgya byin gyis smras pa/ bcom ldan 'das lha'i bu dga' ba zhes bya ba 'chi 'phos nas phag pa'i phru gur skyer 'gro ba'i dus su/ngas gsum la skyabs su 'gro ba byin te/ de'i byin rlabs kyis gar skyes cha med pas bdag gis dbang tshad la bltas so/ /bcom ldan 'das kyis bka' stsal pa/ kau shi ka khyod kyis mthong bar mi 'gyur te/khyod kyis longs spyod pas mtho ba'i gnas gtsang ma'i lha'i bu gser 'od ces bya bar skyes so/ /de nas lha'i dbang po brgya byin gyis bcom ldan 'das la/ lha rdzas kyi mchod pa yang nas yang du byas nas/ yid ches shing ngo mtshar che bar yang nas yang du skyabs su 'gro ba byas so//de bzhin du rig sngags kyi rgyal mos lha'i 'chi 'pho ba'i sdug bsngal yang 'joms pa'o/ /mi'i sdug bsngal ni/ skye ba dang / rgas pa dang / na ba dang / 'chi ba la sogs pa'i sdug bsngal yin te/ de yang rig sngags kyi rgyal mo gsang sngags kyi rjes su 'dzin ma'i gzi brjid dang stobs kyis/'di 'chang ba tsam gyis sdug bsngal thams cad las bral bar 'gyur ro/ /'gro ba rigs drug gi sems can thams cad kyi sdug bsngal thams cad 'joms pa'i phyir na/ thugs rjes bskyab pa zhes bya'o/ /byams pa la gnas pa/ thugs rje dang ldan pa zhes bya ba ni/'gro ba rigs drug gi sems can la bu gcig pa lta bur byas nas/ de la bsnyen bkur byed cing 'tshe ba'i sems mi skye zhing / khams gsum gyi sems can la de lta bu'i sems bzhag cing byams pa ste/ de bzhin du 'khor ba la gnas pa'i sems can la snying rjes khyab ste/de 'dod pa'i sems nye bar bzhag pa snying rje'o/ /dga' ba la gnas pa/ btang snyoms la gnas pa'o/ /gshegs kyis zhes bya ba ni/ dge ba'i rtsa ba la dga' ba ste/ 'gro ba rigs drug gi sems can yar la thon pa dang / mun pa mun nag bcom pas dga' ste/de bzhin du mnyam pa nyid dang / bsgom zhing sems can thams cad la khyad par med pas na/ btang snyoms so/ /ye shes kyi mchog dang / chos nyid kyis lha thams cad dang zhes bya ba ni/ bsam gyis mi khyab pa yang dag pa'i ting nge 'dzin rdo rje lta bu yin te/gang la yod ce na/ yang dag par rdzogs pa'i sangs rgyas rnams kyi lta ba'o/ /de'i ye shes ni rig pa'i lha rnams yin te/ rig pa'i lha rnams ni gang zhe na/ stong chen mo rab tu 'joms ma dang / rma bya chen mo dang / bsil ba'i tshal dang / so sor 'brang ma dang / gsang sngags kyi rjes su 'dzin ma rnams yin no/ /mtshon pa ni ye shes rnams yin no/ /mtshon byed ni rig pa'i lha mo rnams so/ /so so'i ye shes ni/ me long lta bu'i ye shes dang / mnyam pa nyid kyi ye shes dang / bya ba nan tan gyi ye shes dang / chos kyi dbyings kyi ye shes dang /so sor rtog pa'i ye shes dang lnga'o/ /rigs ni rdo rje dang / rin po che dang / las dang / de bzhin gshegs pa dang / pad+mo'i rigs so/ /phung po ni rnam shes dang / tshor ba dang / 'du byed dang / gzugs dang / 'du shes so/ /khams ni nam mkha' dang /chu dang / rlung dang / sa dang / me'o/ /skye mched ni/ rna ba dang / sna dang / lus dang / mig dang / lce'i rang bzhin te/ yid kyi rang bzhin ni stong chen mo rab tu 'joms ma'o/ /zhal gsum gsum/ phyag drug drug /sangs rgyas lnga'i dbu rgyan can/ zhal re re la spyan gsum gsum dang ldan pa/rgyan thams cad kyis brgyan pa/ zhabs g.yas bskum pa/ g.yon brkyang pas/ pad+ma'i steng na zla ba'i stan la nyi ma'i 'od zer dang bcas pa'o/ /zhal rnams ni khro ba dang / sgeg pa dang / 'dzum pa dang / zhi ba dang / cung zad khro ba'o//sku mdog ni/ nag po dang / ser po dang / ljang gu dang / dkar po dang / dmar po'o/ /g.yas pa'i zhal rnams ni/ dkar po dang / mthing ga dang / dkar po dang / dkar ba'o/ /g.yon pa'i zhal rnams ni/ dmar po dang / ljang gu dang / ser po dang / dmar po dang / mthing ga'o/ /dang po'i phyag gnyis na rdo rje 'dzin zhing / g.yon pa na dril bu dkur brten pa'o/ /g.yas pa gnyis na ral gri ste/ gsum pa na mda' bsnams pa'o/ /g.yon pa gnyis na/ sdigs mdzub zhags pa ste/ gsum pa na gzhu bsnams pa'o/ /lha mo rnams ni ye shes lnga'i rang bzhin du ldan pa ste/chos nyid ni stong pa nyid do/ /lha mo ni dngos po'i rang bzhin thabs so/ /'byung po thams cad la bka' stsal ba'i gsang sngags kyi bzhi 'di dag ni grub pa'o zhes bya ba ni/ rig sngags kyi rgyal mo gsang sngags kyi rjes su 'dzin ma 'di 'byung po thams cad kyi bdag mo//gsang sngags kyi tshig gis khams gsum tsam yang 'dar bar byed de/ 'byung po rnams kyis mi tshugs so/ /'jig rten dang / 'jig rten las 'das pa'i bya ba grub ste/ gsang sngags kyi tshig 'di grub na yang dag pa'i ye shes thob pa'o/ / tshigs su bcad pa 'di dag ni grub pa'o zhes bya ba ni/ tshe 'di la yang bkra shis te/ phyi ma yang de bzhin no/ /de bzhin gang bsgrub par 'dod pa yang 'grub ste/ rgyal ba rnams kyis gsungs te the tshom med do/ /gang la ser sna rnam chags pa/ /rnam bcom dri ma sel mdzad cing //zhes bya ba ni/ nga rgyal spangs shing 'tshe bar mi byed pa ste/ yang dag pa'i ye shes shar nas/ dri ma de yang spong byed pa/ /gang yang grub ste the tshom med/ /thugs zhi gnod pa mi mnga' ste/ /khyed la bde legs mdzad par 'gyur/ /zhes bya ba ni/ nga rgyal spangs shing 'tshe bar mi byed pa ste/de'i sems nye bar bzhag na/ rig sngags 'di ni 'grub ste/ gnyis pa'i sems med pas na/ phun sum tshogs shing bkra shis 'di 'grub ba'o/ /'dren pa gang zhig 'gro ba rnams/ /thar pa'i lam du 'dzud byed cing / /zhes bya ba ni/ theg pa yang dag par bstan pa ste/mun pa mun nag la ye shes kyi mar me bstan pa'o/ /mtho ris thar pa'i lam 'di ni rgyal ba rnams kyis gsungs pa 'di la ser sna la sogs pa gang yang med do/ /chos rnams thams cad ston pa ste/ /khyed la bde legs mdzad par 'gyur/ /zhes bya ba ni/rig sngags 'di ni bstan pas na/ grub par 'gyur te/ gnyis pa'i sems spangs shing gzhi dad pa'i sems kyis 'dir ni bkra shis te the tshom med do/ /ston pa 'gro ba rnams kyis bsten/ /sems can kun gyi don gyi phyir/ /zhes bya ba ni/ gang yang sangs rgyas kyi chos la mos pa skyes na/byams pa dang / snying rje'i sems ni rtag tu bzhag pa ste/ rig sngags 'di la gzhi dad pa bskyed na 'khor ba'i dra ba gcod pa'o/ /gang gis bde ba mnga' mdzad de/ /khyed la bde legs mdzad par 'gyur/ /zhes bya ba ni/ 'khor ba'i sdug bsngal 'di bor la dge ba'i sems ni yongs su bzung la/bde ba yang dag thob ste/ gnyis pa'i sems ni mi 'dzin pa/ bkra shis 'di ni yang dag par thob pa'o/ /skyob pa gang zhig byams pa yi/ /thugs kyi 'gro ba 'di dag kun/ /zhes bya ba ni/ 'khor ba'i sems can la/ de'i sems nye bar bzhag ste/ snying rjes ni thams cad la khyab ste/ mun pa'i mun nag bcom pa'o/ /bu gcig bzhin du rtag bskyangs des/ khyed la bde legs mdzad par 'gyur/ /zhes bya ba ni/ 'gro ba ris drug ni mnyam par bzhag ste/byams pa'i stobs kyis skyob pa'i sems bzhag nas/ rtag tu sems can la snying rje'i sems dang ldan na/ tshe 'di la bkra shis par 'gyur ro/ /gang zhig 'khor bar 'khor ba yi/ /sems can kun gyi rten gyur cing / /zhes bya ba ni/ 'khor ba ni ma rig pa ste/'khor ba'i byed pa ni gti mug gis 'khor te/ gti mug gi steng du ser snas bcings te/ ser sna'i steng du zhe sdang byung ngo / /zhe sdang la 'dod chags 'khor ro/ /de'i rting la ma rig pa'i snying rje skyes te/ des na 'khor ba'i 'khor ba zhes brtags pa'o// de brten pa/ gcod par byed pa ni/ rig pa ste/ rig pa ni yang dag pa'i ye shes so/ /ye shes de ni rig sngags kyi rgyal mo gsang sngags kyi rjes su 'dzin ma'i ngo bo nyid yin te/ des 'khor ba rnams 'joms pa'o/ /gling dang dpung gnyen gyur pa ste//khyed la bde legs mdzad par 'gyur/ /zhes bya ba ni/ de bzhin du de la bsnyen zhing grub pa ste/ gzhan la snying rje yang dag par skye ste/ tshe 'di la bkra shis par 'gyur te/ yang dag par grub pa'o/ /gang zhig chos kun mngon sum gyur/ /gtsang zhing slu ba mi mnga' la//zhes bya ba ni/ yang dag par rdzogs pa'i sangs rgyas rnams kyi bden pa 'di la/ chos la the tshom med de/ lus dang / ngag dang / yid kyi the tshom med pa'i sems ni bzhag par gyur na/ chos kyi rtsa ba yang dag par thob pa'o/ /gsum gtsang gtsang bar mdzad pa ste/khyed la bde legs mdzad par 'gyur/ /zhes bya ba ni/ brdzun dang / phra ma dang / ngag 'khyal pa dang / tshig rtsub pa dang / gzhan gyi rna bar mi snyan pa'i ngag gi smra ba'o/ /yang na ngag 'khyal pa spangs shing / gzhan la dga' ba'i gtam byin te/ mi dge ba spangs shing dge ba 'di byas na/tshe 'di la yang bkra shis par 'gyur/ dpa' bo chen po gang skyes pas/ /phun sum tshogs don 'byor 'gyur zhing / /zhes bya ba ni/ bdud dang / bdud kyi ris bcom pa la/ chos skyong ba la ni dpa' ba'i sems dang / brtson 'grus ni yang dag par skye ste/de bzhin du/ sbyin pa dang / tshul khrims dang / bzod pa dang / bsam gtan dang / shes rab kyi phun sum tshogs pa'o/ /don grub tshogs kyang grub pa ste/ /khyed la bde legs mdzad par 'gyur/ /zhes bya ba ni/ de la de bzhin du byas par gyur na/rig pa 'di yang 'grub ste/ don 'grub cing 'di la the tshom med de/ gang yang bkra shis 'di las 'byung ngo / /gang zhig skyes pas sa rnams ni/ /nags tshal bcas pa rab g.yos shing / /zhes bya ba ni/ 'di'i chos kyis nyams su myong ba thob pas na/ sa rnams thams cad g.yo zhing 'dar te/de'i gzi brjid kyis sems can thams cad kyang dga' bar 'gyur ro/ /sems can thams cad dga' ba des/ khyed la bde legs mdzad par 'gyur/ /zhes bya ba ni/ rig sngags kyi rgyal mo gsang sngags kyi rjes su 'dzin ma 'di sgrub na/ dga' ba smos ci dgos te/yang dag pa'i byang chub thob pa'o/ /bkra shis shing chos grub par 'gyur ba ste/ tshe 'di dang / phyi ma la yang de bzhin no/ /byang chub snying por gang dag gis/ /sa dag rnam drug g.yos gyur cing / /zhes bya ba ni/ stong gsum gyi stong chen po'i 'jig rten gyi khams kyang 'dar ba ste/de yang 'di 'grub pas/ /bla na med pa'i byang chub thob pas na/ /sa ni de bzhin du g.yo ba'i phyir ro/ /bdud yid mi bder gyur pa des/ /khyed la bde legs mdzad par 'gyur/ /zhes bya ba ni/ sangs rgyas rnams kyi byang chub kyi sa gzhi la bzhugs pa'i dus su/gti mug dang / 'khor bar 'khor ba rnams yid mi dga' ste/ de yang de'i nus pas/ mi dga' ba rnams gcod pa'o/ /rig sngags kyi gzi brjid kyis bkra shis shing bde bar gnas pa'o/ /chos kyi 'khor lo bskor ba na/ /'phags pa'i bden pa rnams gsung ba//zhes bya ba ni/ yang dag pa'i bden pa bdar te chos kyi 'khor lo lan bdun bskor zhing / de yang gsum du 'dus te/ sku'i bden pa dang / gsung gi bden pa dang / thugs kyi bden pa dang / de bzhin du 'dul ba'i ngo bo nyid yin te/ de yang 'phags pa rnams kyi lam yin no/ /de yang bden pas na bkra shis par 'gyur te/ the tshom med do/ /'di la gang yang grub pa'o/ /thub pa'i mnyan pa gang byung de/ /khyed la bde legs byed par 'gyur/ /zhes bya ba ni/ yang dag pa'i chos yin te/ chos ni rig sngags kyi rgyal mo de'i phyag rgyas rgyas btab ste/'di yis gzi brjid gang byed pa de ni bkra shis/ phyag rgyas rgyas btab pa'o/ /yid 'phrog gang gis mu stegs byed/ /thams cad chos kyis pham mdzad cing / /zhes bya ba ni/ lta ba mi gcig pa bsam gyis mi khyab pa yod de/de rnams kyang / rtag par lta ba dang / chad par lta ba la bsdu'o/ /de rnams gang du yang mi gnas shing / chos kyi rang bzhin gsal la bzhag pa'o/ /de yis de 'dul bar byed pas na/ mu stegs kyi chos kyang pham par 'gyur ro//tshogs kun dbang du mdzad pa de/ /khyed la bde legs mdzad par 'gyur/ /zhes bya ba ni/ 'di'i nus pa dang / gzi brjid kyi chos kyi nyams myong yang dag par skyes te/ de yis de kun 'dul ba'i phyir ro/ /de'i gzi brjid kyis 'dir ni/ bkra shis shing phun sum tshogs pa'o/ /sangs rgyas khyed la bde legs mdzad/ /brgya byin lhar bcas bde legs dang / /zhes bya ba ni/ stong gsum gyi stong chen po'i 'jig rten gyi khams kyi sems can la/ 'khor ba'i sdug bsngal las thar bar byed pa'i bde ba chen po skye bar byed pa ste/yang dag pa'i ye shes kyi mar me phye bzhin bkra shis par byed do/ /yang dag pa'i byang chub la 'god pa'o/ /de bzhin du lha'i sems can rnams kyang bkra shis par 'gyur te/ lha rnams kyi ltung ba'i sdug bsngal dang bral ba'o/ /'byung po kun kyang bde legs ni//khyed la rtag tu sbyin gyur cig /ces bya ba ni/ ltung ba med pas sems can la 'tshe ba med de/ 'di'i nus pas 'tshe bar mi byed cing / rtag tu bza' ba dang / btung ba rnyed par 'gyur ro/ /bza' ba la lcags kyi thu lum du mthong ba rnams dang / btung ba la zangs kyi khu bar mthong ba rnams ni/ de dag gis kyang rtag tu mchod pa chen po thob par 'gyur ro/ /sangs rgyas bsod nams mthu dag dang / /lha rnams kyis ni bsam pa yis/ /zhes bya ba ni/ bsod nams kyi tshogs dang / ye shes kyi tshogs gnyis yin te/bsod nams kyi tshogs ni shAkya thub pa bzhin du/ sngon gyi smon lam gyi stobs kyis yang dag pa'i ye shes thob pa'o/ /ye shes kyi tshogs ni/ ngo bo dang bral zhing / ngag gi brjod du med pa'o/ /de gnyis gzi brjid kyis kyang bkra shis shing bde ba ste/'jig rten dang / 'jig rten las 'das pa rnams kyis kyang de bzhin no/ /khyed rnams 'dod don gang yin pa/ /don de de ring grub gyur cig /ces bya ba ni/ rig sngags kyi rgyal mo gsang sngags rjes su 'dzin ma 'dis/ dngos grub thams cad 'grub ste/lha dang / mi dang / 'byung po'i tshogs rnams kyang 'di las don grub pa'o/ /rkang gnyis khyed cag bde legs shog /rkang bzhi khyed cag bde legs shog /ces bya ba ni/ mi dang / bya dang / lha dang / 'byung po rkang gnyis pa la sogs pa ste/'dir ni bkra shis shing sdug bsngal dang bral ba'o/ /rkang bzhi ni/ byol song gi rigs las gyur pa dang / yi dags dang 'byung po dang / lha rnams yin te/ rig sngags kyi gzi brjid kyis/ de bzhin du bkra shis pa'o/ /khyed cag lam 'gro bde legs shog /phyir 'ong dag kyang bde legs shog /ces bya ba ni/ gang yang lha dang mi dang / 'byung po la sogs pa 'gro ba'i dus su yang bkra shis te/ phyir ldog pa'i dus su yang bkra shis pa'i phyir ro/ /nyin mo bde legs mtshan bde legs/ /nyi ma'i gung la bde legs shog /ces bya ba ni/nad rnams med cing sdug bsngal dang 'bral ba ste/ rmi lam ngan pa dang / ltas ngan pa rnams mi mthong zhing / srog dang mi 'bral bar bde zhing bkra shis te/ tshe phyi ma yang de bzhin no/ /khyed cag kun du bde legs shog /khyed cag sdig par ma gyur cig /ces bya ba ni stong gsum gyi stong chen po 'jig rten gyi khams kyi sems can thams cad kyang bkra shis shing bde ba ste/rig sngags 'di yang grub pa'o/ /sdig pa thams cad dang bral zhing sngon gyi dus dang / da ltar dang / shes pa dang / mi shes pa 'joms pa'o/ /sems can kun dang srog chags kun//zhes bya ba ni/ stong gsum gyi stong chen po'i 'jig rten gyi khams kyi sems can dang / srog chags bde bar 'gyur zhing / yang dag pa'i byang chub thob pa ste/ 'jig rten gyi khams gzhan gyi sems can yang de bzhin no/ /'byung po kun dang khyed cag kun//bde ba 'ba' zhig ldan gyur cig /ces bya ba ni/ 'byung po ni sngon gyi las kyis bde ba cung zad kyang med pa dang / bde ba bag tsam yod pa dang / mchod par 'os pa ste/ de bzhin du khyed cag kun kyang / sems can mi gtogs te/de bzhin du rab 'bring tha ma gsum la gnas nas/ de kun yang bkra shis shing bde bar gnas te/ yang dag pa'i bde ba thob pa'o/ /thams cad nad rnams med par shog /kun gyis bzang rnams mthong gyur cig /ces bya ba ni/ 'di la nad rnams kyis mi tshugs te/nad thams cad bcom zhing / bde ba 'ba' zhig la gnas te/ yang na bde ba yang dang yang du thob pa'o/ /gang yang sdig par ma gyur cig /ces bya ba ni/ sngon du byas pa dang / da ltar byas pa'i sdig pa ci byas kyang / 'dir ni mthol lo bshags so zhes bya ba'o//'byung po gang dag 'dir ni lhags gyur cing / /sa dang bar snang dag la gnas pa rnams/ /zhes bya ba ni/ rig sngags kyi rgyal mo'i chos 'di la yang byon zhing / sems can la 'tshe bar ni mi byed do/ /de bzhin du gang dang gang la gnas pa'i 'byung po rnams kyang sangs rgyas kyi bka' las mi 'das pa'o//skye dgu rnams la rtag tu byams byed shog /nyin dang mtshan du chos kyang spyod gyur cig/ /ces bya ba ni/ byams pa dang / snying rje dang / dga' ba dang / btang snyoms la 'god pa ste/ gzhan dang byang chub kyi snying po dang /yang dag pa'i ye shes thob par 'gyur te/ de bzhin du shel bzhin du gsal ba ste/ bag chags dang / shes bya'i dri mas ma gos pa/ yang dag par rdzogs pa'i sangs rgyas shAkya thub pas 'di gsungs pa/ gang dang gang du yang 'jig rten kyi khams la spyod cing dar bar shog cig ces pa'o//rig sngags kyi rgyal mo gsang sngags kyi rjes su 'dzin pa'i/ /grong khyer yangs pa can la 'jug pa'i gnas skabs te gnyis pa'o// //de nas zhes bya ba ni/ grong khyer yangs pa can la 'jug pa'i de nas so//mi mjed kyi bdag po tshangs pa tshangs ris kyi lha rnams dang bcas pa dang zhes bya ba ni/ bsam gtan dang po'i lha dang bcas pa rnams byung ste/ tshangs ris dang / tshangs pa mdun na 'don dang / tshangs lha nye phan dang / tshangs pa chen po dang bzhi'o/ / de ni bsam gtan dang po'o/ /bsam gtan gnyis pa'i lha rnams byung ste/ 'od chung dang / tshad med 'od dang / 'od gsal dang gsum mo/ /de ni bsam gtan gnyis pa'o/ /bsam gtan gsum pa'i lha rnams kyang byung ste/ dge chung dang / tshad med dge dang / dge rgyas so/ /de ni bsam gtan gsum pa'o/ /bsam gtan bzhi pa'i lha rnams kyang gnas te/ sprin med dang / bsod nams skyes dang / 'bras bu che ba'o/ /de gsum ni bsam gtan bzhi pa'o/ /de yang de'i gnas su 'du shes med pa'i lha gnas so/ /gnas gtsang ma'i lha rnams kyang byung ste/de yang mi che ba dang / mi gdung ba dang / gya nom snang ba dang / shin tu mthong ba dang / 'og min dang lnga'o/ /de yang bsam gtan bzhi pa la gtogs te gzugs kyi khams kyi lha rnams kyang / bcom ldan 'das la mgo bos phyag 'tshal nas/ bskor ba lan gsum byas te/ mi mjed kyi bdag po tshangs pas dbu byas shing phyogs gcig tu bsdad pa'o/ /lha'i dbang po brgya byin sum cu rtsa gsum pa'i lha rnams dang bcas pa dang zhes bya ba ni/ 'thab bral dang / dga' ldan dang / 'phrul dga' dang / gzhan 'phrul dbang byed dang /sum cu rtsa gsum gyi lha rnams dang / brgya byin la sogs pa dang thabs cig tu'o/ /rgyal po chen po bzhi rgyal chen bzhi'i lha rnams dang bcas pa dang zhes bya ba ni/ gshol mda' 'dzin dang / gnya' shing 'dzin dang / phreng thogs kyi lha rnams dang /lha ma yin la sogs pa/ rgyal chen rigs bzhi'i lha dang / shar phyogs kyi rgyal po chen po yul 'khor srung dang / lho phyogs kyi rgyal po chen po 'phags skyes po dang / nub phyogs kyi rgyal po chen po mig mi bzang dang / byang phyogs kyi rgyal po lus ngan po la sogs pas dbu mdzad pa dang thabs cig tu'o//gnod sbyin gyi sde dpon chen po nyi shu rtsa brgyad dang zhes bya ba ni/ dbang po dang / zla ba dang / chu lha la sogs pa'i gnod sbyin gyi ded dpon chen po rnams dang thabs cig tu'o/ /'phrog ma bu dang bcas g.yog 'khor dang bcas pa rnams bcom ldan 'das ga la ba der dong ste/lhags nas zhes bya ba ni/ lngas rtsen dang 'phrog ma'i bu dga' byed la sogs pa brgya dang ngo / /'phrog ma'i bu mtha' ltag dbang phyug la sogs pa brgya dang ngo / /'phrog ma'i bu dbu ma khyab 'jug lan la sogs pa brgya dang ngo //'phrog ma'i bu gang ba dang 'og la sogs pa brgya dang ngo / /'phrog ma'i bu skye dgu dag la sogs pa brgya ste lnga brgya dang bcas pa thabs cig go/ /nag po dang / nag mo dang / grul bum dang / dung la sogs pa so so'i 'khor dang bcas te/grong khyer yangs pa can gyi a 'bras kyi tshal na so so'i kha dog bstan zhing rdzu 'phrul yang de bzhin no/ /bcom ldan 'das kyi zhabs la mgo bos phyag 'tshal te zhes bya ba ni/ lan gsum bskor ba bya ba nas/ lha so so'i mchod rdzas bla na med pas bcom ldan 'das la mchod par byas te/bcom ldan 'das dang 'khor phun sum tshogs pa'i mdun du thabs cig tu bzhugs pa'o/ /phyogs gcig 'khod de zhes bya ba ni/ so sor mi smra zhing mgrin pa gcig gis smras pa'o/ / phyogs gcig tu 'khod nas mi mjed kyi bdag po tshangs pas zhes bya ba ni/ mi mjed kyi bdag po yin te/ stong spyi phud kyi bdag po 'khor de rnams kyi dbu byas shing bcom ldan 'das la zhu ba phul ba'o/ /bcom ldan ga la ba de logs su thal mo sbyar ba btud de zhes bya ba ni/mi mjed kyi bdag po tshangs pas gus par byas shing / bcom ldan 'das kyi mdun du'o/ /bcom ldan 'das la 'di skad ces gsol to zhes bya ba ni/ de rnams kyis phyogs gcig tu smras te/ phyogs gcig tu skad cig tu tshangs pas smras pa'o/ / btsun pa bcom ldan 'das bdag ni zhes bya ba ni/ gzugs kyi khams dang / 'dod pa'i khams dang / bgegs kyi bdag po rnams yin te/ de bzhin bdag cag bcom ldan 'das kyi spyan sngar mchis so zhes pa'o/ /stong gi 'jig rten gyi khams rnams su zhes bya ba ni/ bsam gtan bzhi pa stong /bsam gtan gsum pa stong / bsam gtan gnyis pa stong / bsam gtan dang po stong / de bzhin du so sor bgrangs pa stong stong brtsi ste/ de ni gzugs kyi khams kyi rtsi lugs so/ /gzhan 'phrul dbang byed stong / 'phrul dga' stong / 'thab bral stong / sum cu rtsa gsum stong / rgyal chen rigs bzhi stong / rim pa bzhin du lha'i rigs drug ni 'dod pa'i khams la de bzhin du stong stong brtsi bar bya'o/ /de bzhin du ri rab kyang yin te/ nyi ma dang / zla ba dang / skar ma la sogs pa'o/ /shar gyi lus 'phags stong / lho'i 'dzam bu gling stong /nub kyi ba lang spyod stong / byang gi sgra mi snyan stong / de bzhin tsha ba'i dmyal ba dang / grang ba'i dmyal ba dang / dud 'gro dang / yi dags rnams yin te/ de ni 'dod pa'i khams kyi stong rtsi lugs so/ /gzugs med kyi khams kyang de bzhin du yin no/ /dbang phyug chen po la dbang bgyid pa lags te zhes bya ba ni/stong spyi phud kyi khams la dbang mdzad pa'o/ /yang na de ni stong spyi phud kyi 'jig rten gyi khams yin te/ mi mjed kyi bdag po tshangs pa chen po dbang sdud mdzad pa'o/ /btsun pa bcom ldan 'das bdag ni 'tshal na/ stong gi 'jig rten gyi khams rnams su srung bar bgyid ces bya ba ni/tshangs pas dbu mdzad cing / lha dang / 'byung po rnams kyis kyang phan par byed pa dang / gnod par byed pa'i nges tshig bcom ldan 'das kyi spyan sngar tshig zhus pa'o/ /srung bar bgyid ces pa ni/ bcom ldan 'das kyi bka' las mi 'da' ba'o/ /yongs su skyob par bgyid cing /yongs su gzung ba dang / zhi ba dang / bde legs su 'gyur bar bgyid lags so zhes bya ba ni/ bkra shis shing sems can thams cad la bde bar gnas par byas pa'o/ /btsun pa zhes bya ba ni/ 'dod pa'i yon tan lnga spangs shing / tshul khrims la sogs pa bsrungs te/sems can thams cad kyi don la sprul pa'i skus khyab pa'o/ /bde bar gshegs pa chos kyi mnga' bdag ces bya ba ni/ bag chags kyi sgrib pa dang / shes bya'i sgrib pas ma gos te/ 'khor ba'i sdug bsngal gyis mi gos shing / lus dang ngag dang /yid bde ba ste/ de bzhin du gti mug dang / zhe sdang dang / 'dod chags dang / ser sna dang / phrag dog rnams kyis mi tshugs shing bde bar gshegs te/ lus pa med pas na bde bar gshegs pa ste/ de bas na chos rang bzhin ni dngos po med cing rnyog pa med pa ste/rang bzhin med cing / rtag chad gnyis dang bral te/ brjod pas kyang mi khyab pa ste/ nam mkha' bzhin du sems can thams cad la khyab pas na/ dbang phyug ces bya'o/ /bcom ldan 'das ni stong gsum gyi stong chen po'i 'jig rten gyi khams rnams su dbang phyug la mnga' mdzad pa lags te zhes bya ba ni/bzhi bcom skal ba dang ldan pa ste/ ri rab la sogs pa 'jig rten gyi khams 'di stong stong brtsi ste/ de ni stong spyi phud gyi 'jig rten gyi khams yin no/ /de bzhin du nyis 'gyur du brtsis pa ni stong bar ma'o/ /stong gsum gyi stong chen po'i 'jig rten gyi khams ni/de de'i sum 'gyur du brtsis pa ni stong gsum mo/ /chen po ni sems can thams cad bsam gyis mi khyab pa'o/ /'jig rten gyi khams ni mnyam por gzigs shing mnyam por bsten te/ dge sdig la sogs pa gnas shing sems can gnas pa'o//de la sprul pa'i skus khyab ste/ sems can rigs mi gcig pa'i phyir na rdzu 'phrul sna tshogs bstan pa'o/ /yang na sems can gyi don la der dbang mdzad de/ theg pa sna tshogs bstan zhing yang dag pa'i byang chub kyi lam bstan pa'o/ /de ni tshangs pa'i tshig go//bcom ldan 'das kyang bzhed na zhes bya ba ni byams pa dang / snying rje dang / dga' ba dang / btang snyoms bsgom zhing sems can rnams kyi don mdzad pa'o/ /stong gsum gyi stong chen po'i 'jig rten gyi khams rnams su zhes bya ba ni/ sprul pa'i skus kyang skad cig thang cig yud tsam gyis kyang /sems can gyi don mdzad pa'o/ /bsrung ba dang / yongs su bskyab pa dang / yongs su gzung ba dang / zhi ba dang / bde legs su 'gyur bar mdzad pa lags na zhes bya ba ni/ mi dge ba bcu la 'gro bar yang srung ste mtho ris kyi lam bstan pa'o//'khor ba'i 'jigs pa dang / 'jig rten dang da ltar byung ba rnams kyi 'tshe ba dang / ngan song gsum las 'thon par byed pa'o/ /mi dge ba bcu la 'gro ba yang bzung ste/ de las ldog nas dge ba bcu la 'jug pa'o/ /dper na shing skam po 'gugs te/khengs pa'i rang bzhin thabs kyis 'gugs pa bzhin du/ khengs pa khro bo'i rigs kyang bcom ldan 'das kyi gzi brjid kyis kyang 'dul bar byed pa'o/ /yang na zhi ba ni bcom ldan 'das sangs rgyas dang chos dang dge 'dun gyi byin rlabs kyis zhi bar byed pa'o/ /sdug bsngal dang bral zhing /bde ba la bkod de/ yang dag pa'i ye shes thob par byed pa'o/ /yang na 'jig rten gyi khams 'di la/ lus dang / ngag dang / yid bde zhing phun sum tshogs pa yi dags rnams kyis kyang 'tshe bar mi byed pa'o/ /mdzad lags na zhes bya ba ni/ bcom ldan 'das la tshangs pas yang nas yang du zhus pa'o//btsun pa bcom ldan 'das zhes bya ba ni/ lan gcig mngon du zhugs te/ lan gnyis pa ni da ltar zhu ste/ phyi ma yang zhus pa'o/ /lan gcig lan gnyis lan gsum du/ tshangs pa rnams kyis yang dang yang du zhus pa'o/ /de nas bcom ldan 'das mi mjed kyi bdag po tshangs pa la cang mi gsung bas gnang ngo zhes bya ba ni/de nas ni tshangs pas smras pa'i de nas so/ /sems can rnams la dmigs nas rig sngags kyi rgyal mo gsang sngags rjes su 'dzin ma zhal nas byung ste/ maM gyi yi ge'i rang bzhin las nam mkha' bzhin du khyab pa/'od zer sna tshogs pa 'phros nas/ 'gro ba rigs drug gi sems can thams cad kyi sdug bsngal dang bral ba dang / stong pa nyid kyi rang bzhin thabs dang shes rab gnyis su med pa/ ngo bo dang bral zhing gang gis brjod du med pa de ni bcom ldan 'das shAkya thub pa'i zhal nas byung ngo //zhal bzhi pa/ phyag brgyad pa/ sku mdog dmar mo/ gzhon nu'i cha byad can/ sangs rgyas lnga'i dbu rgyan dang bcas pa/ spyan gsum pa/ rgyan thams cad kyis brgyan pa/ zhal g.yas dkar po/ g.yon mthing ga /rgyab ser po'o//phyag dang po'i g.yas g.yon gnyis na chos kyi rgyal po'i phyag rgya mdzad pa/ de'i 'og ma gnyis kyis byang chub mchog gi phyag rgya mdzad pa/ de'i 'og ma gnyis kyis mnyam gzhag gi phyag rgya mdzad pa/ g.yas pa'i tha mas mchod sbyin gyi phyag rgya mdzad pa/ g.yon pas skyabs sbyin phyag rgya'o//zhabs pad+ma skyil krung du bzhugs pa/ ye shes lnga'i rang bzhin/ shes rab kyi ngo bo na so sor rtog pa'i ye shes thabs kyi ngo bo yang rig sngags kyi rgyal mo'o/ /'du shes kyi phung po pad+ma gsung gi rigs me'i khams ro'i skye mched do/ /pad+ma dang /zla ba'i gdan la bzhugs shing nyi ma'i 'od zer dang ldan pa/ 'jig rten dang 'jig rten las 'das pa'i 'khor dang bcas shing / rin po che sna bdun gyi gzhal med khang dang bcas nas byung ba'o/ /bcom ldan 'das kyis cang mi gsung zhing sems can gyi don la tshangs pa la sogs pas zhus pa la ting nge 'dzin gnang ba'o//de nas zhes bya ba ni/ bcom ldan 'das kyi ting nge 'dzin gyis gnang ba de nas so/ /mi mjed kyi bdag po tshangs pas bcom ldan 'das kyis cang mi gsung bas gnang bar rig nas/ de nyid du mi snang bar gyur to zhes bya ba ni/stong spyi phud kyi rgyal po tshangs pas mngon par shes pas ting nge 'dzin gyis gnang bar shes so/ /de nas zhes bya ba ni tshangs pas mngon par shes pa'i de nas so/ /bcom ldan 'das kyis dge slong rnams la bka' stsal pa zhes bya ba ni/ ting nge 'dzin las bzhengs nas/byang chub sems dpa' dang / nyan thos dgra bcom pa dang / gzhan yang dge slong dang / dge slong ma dang / dge bsnyen pha dang / dge bsnyen ma dang / de la sogs pa mi dang / lha dang lha ma yin dang / 'byung po mang po 'dul ba'i 'khor gyi nang du bcom ldan 'das shAkya seng ges bka' stsal to/dge slong dag stong spyi phud kyi rgyal po tshangs ris kyi lha rnams dang bcas pa dang zhes bya ba ni gzugs kyi khams kyi lha gnas ris bcu bdun dang ngo / /lha'i dbang po brgya byin sum cu rtsa gsum pa'i lha rnams dang bcas pa dang zhes bya ba ni 'dod pa'i khams sum cu rtsa gsum nas yar la bgrangs pa lnga dang bcas pa'o//rgyal po chen po bzhi'i ris kyi lha rnams dang bcas pa dang zhes bya ba ni/ rgyal chen bzhi'i ris nas mar la bgrangs pa/ lha ma yin dang / gser gyi ri bdun phreng thogs kyi lha rnams la sogs pa'i 'dod pa'i khams kyi lha'i bu rnams dang thabs cig go//rgyal po bzhi ni ri rab kyi lcog la gnas pa'o/ /gnod sbyin gyi ded dpon chen po nyi shu rtsa brgyad dang / 'phrog ma bu dang bcas/ g.yog 'khor dang bcas pa rnams zhes bya ba ni/ gdon gyi rigs nyi shu rtsa drug dpon re re dang bcas pa stong phrag brgyad cu lha'i gdon la sogs pa re re yang stong phrag brgyad cu brgyad cu'o//de rnams dang thabs cig tu'o/ /ngag la ba der 'ongs nas/ mi mjed kyi bdag pos nga la 'di skad ces smras so zhes bya ba ni/ sems can gyi don la rig sngags kyi tshig smras so zhes pa'o//btsun pa bcom ldan 'das zhes bya ba ni/ mi mjed kyi bdag po tshangs pas bcom ldan 'das la lan gcig lan gnyis/ lan gsum zhus pa'i lan bcom ldan 'das kyis dge slong rnams la bshad pa'o/ /mnga' mdzad pa lags te zhes bya ba ni/ chos kyi rang bzhin gyis stong gsum gyi stong chen po'i 'jig rten gyi khams sprul pa'i skus khyab pa'o//bcom ldan 'das kyang bzhed na zhes bya ba ni/ tshangs pas yang nas yang du zhus pa'i tshig dge slong rnams la smras pa/ lan gsum zhus pa'o zhes smras pa'o/ /bde legs su gyur par mdzad du gsol zhes gsol to zhes bya ba ni sems can gyi don la sprul pa dang /bde legs su gyur cig ces pa'o/ /dge slong dag ngas kyang mi mjed kyi bdag po tshangs pa la cang mi gsung bas gnang ngo zhes bya ba ni/ stong gsum gyi stong chen po'i 'jig rten gyi khams kyi sems can don la/ skad cig ma'i ting nge 'dzin gyis rig sngags 'phros pas 'gro ba ris drug gi don mdzad pa'o//de nas mi mjed kyi bdag po tshangs pas cang mi gsung bas gnang bar rig /nas de nyid du mi snang bar gyur to zhes bya ba ni/ bcom ldan 'das kyis gsungs pa'i de nas te/ de mngon par shes nas tshangs pa la sogs pas kyang / de rig par shes pa'o/ /dge slong dag rig sngags kyi rgyal mo gsang sngags chen mo rjes su 'dzin pa 'di zhes bya ba ni/ bcom ldan 'das kyi rig sngags kyi nges tshig smras te/ rig ni shes rab ste/ sngags ni thabs so/ / rgyal mo ni bdud rnams kyis mi tshugs te/ 'khor ba rnams 'joms ba'o/ /gsang ba ni stong pa nyid yin te/ khyab che ba mi dmigs pa rdo rje'i rang bzhin yin te/ ngag gis kyang smra bar mi nus te/ ngo bo rnam par dag pa chos kyi dbyings kyi ye shes mi dmigs pa ste gsang ba'o//sngags ni skyob pa/ srung ba/ man+t+ra'i rang bzhin/ sgyu ma lta bu/ chos thams cad kyang sgyu ma lta bu'o/ /sangs rgyas rnams kyang sgyu ma lta bu'o/ /bcom ldan 'das kyis kyang shes rab kyi pha rol tu phyin pa brgyad stong pa las/ stong gsum gyi stong chen po 'jig rten gyi khams kyang sgyu ma lta bu ste/gzugs dang / tshor ba dang / 'du shes dang / 'du byed dang / rnam par shes pa rnams kyang rmi lam lta bu/ sgyu ma lta bu ste/ sangs rgyas dang / chos dang / dge 'dun yang / rmi lam lta bu sgyu ma lta bu'o zhes gsungs so/ /yang na sngags ni thams cad la khyab ste sprul pa'i sku'i rang bzhin gyis sems can rnams kyi don mdzad pa'o//rjes su 'dzin pa ni rig sngags kyi rgyas btab ste/ sangs rgyas dang / byang chub sems dpa' dang / dgra bcom pa dang / lha dang / mi la sogs pa rjes su 'dzin te/ de'i ye shes kyi lam gyis/thun mong dang / thun mong ma yin pa'i 'bras bu thob ba'o/ /rig sngags 'di ni yang dag pa'i ye shes yin no/ /'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang gsungs so zhes bya ba ni/ bsam gyis mi khyab pa/gang+gA'i klung gi bye ma snyed kyi bye ba khrag khrig brgya stong mar me mdzad la sogs pa sangs rgyas rnams kyis gsungs pa'o/ /rjes su yi rang ste 'di'i lam nas sangs rgyas pa'o/ /ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas rnams kyang gsung bar 'gyur ro zhes bya ba ni/ma 'ongs pa rnams ni bcom ldan 'das byams pa la sogs pa yin te/ de bzhin du de'i lam nas yang dag par rdzogs pa'i sangs rgyas thob pa'o/ /da ltar byung ba na yang 'di lta ste/ sangs rgyas kyi byang chub nyid la phan par bya ba'i phyir da ltar nga nyid kyis bshad do zhes bya ba ni/smon lam gyi stobs kyis 'di'i tshe 'di la sems can gyi don la/ shAkya seng ges kyang gsungs shing rjes su yi rang ste/ 'di'i lam yang dag par rdzogs pa'i sangs rgyas thob pa'o/ /rig sngags kyi rgyal mo gsang sngags rjes su 'dzin pa'i tshangs pa la sogs pas rig sngags zhu ba'i gnas skabs te gsum pa'o//rig sngags kyi nges tshig gi rtags dang po rdzogs so// //de nas zhes bya ba ni 'das pa dang / ma 'ongs pa dang / da ltar bzhugs pas gsungs pa'i de nas so/ / bcom ldan 'das kyis tshe dang ldan pa kun dga' bo la bka' stsal pa zhes bya ba ni/ gsang sngags kyi tshig 'di zung shig ces gsungs nas/ kun dga' bo la bcom ldan 'das kyis gtad pa'o/ /kun dga' bo khyod kyis rig sngags kyi rgyal mo gsang sngags rjes su 'dzin ma 'di zung shig ces bya ba ni/sku gsum gyi rang bzhin la sems can rnams kyi don mdzad pa gsang sngags kyi tshig gis/ ma rig pa'i mun pa bsal te/ srid pa gsum yang 'joms pa/ sku gsung thugs kyis bzung nas sems can rnams kyi don mdzad do zhes pa'o/ / chongs shig /lhogs shig /shod cig /kun chub par gyis shig ces bya ba ni/ nga'i bka' las ma 'das par byas shing / sems can gyi don la nga mya ngan las 'das nas kyang / gsungs shig /rjes su yi rang zhing sems can thams cad la ston cig ces bya ba'o/ /yang na de ltar khyod kyis de ltar bzung nas sems can gyi don la tshig gzung bar gyis shig ces pa'o//kun dga' bo zhes bya ba ni/ bcom ldan 'das kyis yang dang yang du gsungs pa'o/ /rig sngags kyi rgyal mo gsang sngags rjes su 'dzin ma 'di ni zhes bya ba ni/ gzhan gyis mi thub pa/ ngan song gsum 'joms pa/ bsod nams kyi tshogs dang / ye shes kyi tshogs rnam par dag pa/ 'khor ba nas log pa/ sdug bsngal thams cad dang bral ba'o/ /'khor bzhi po rnams kyi don dang / phan pa dang / bde ba dang / bde bar reg par gnas par 'gyur ro zhes bya ba ni/med pa yod par byed de/ yod pa rnams kyang med par byed pa'o/ /bkra mi shis pa bkra shis pa ste/ brjed pa rnams kyang dran pa rnyed de/ shes rab chung ba rnams kyang shes rab dang ldan pa/ 'jigs pa rnams kyang mi 'jigs pa'o/ /tshe thung ba rnams kyang tshe ring bar byed de/ nad thams cad 'joms shing /mi bde ba yang bde bar byed de/ ma rungs pa'i gdon rnams kyis/ dge ba dang / chos byed du mi ster ba'i gdon rnams 'joms shing / tshig tu brjod pa tsam gyis kyang / lha dang / lha khang dang / khyim dang / pu sti dang / glegs bam dang / lugs sku la sogs pa rab tu gnas par 'gyur ro//yang na 'khor bzhi la sogs pa la bar chod med cing bde bar bgyid do/ /rig sngags 'di'i tshig ni/ pad+ma'i rigs kyi de bzhin gshegs pa'i rigs te/ mtshon pa ni chos kyi dbyings kyi ye shes so/ /mtshon byed ni rig sngags kyi rgyal mo gsang sngags rjes su 'dzin pa'o//phung po ni gzugs kyi phung po'o/ /sa'i khams ni mig gi skye mched/ ye shes lnga'i ngo bo nyid/ sangs rgyas lnga'i dbu rgyan can/ spyan gsum pa/ sku mdog dkar po/ /zhal gsum pa/ phyag drug pa/ rgyan thams cad kyis brgyan pa/zhal g.yas mthing ga /g.yon dmar ba/ phyag g.yas pa gsum na/ ral gri dang / be con dang / 'khor lo bsnams so/ /g.yon pa gsum na rin po che dang / zhags pa dang / lcags kyu rnams so/ /g.yas brkyang ba/ g.yon bskum pas pad+ma'i steng na/ zla ba'i mtshan nyid/nyi ma'i 'od dang ldan pa ste/ zhi ba'i tshul du bzhugs pa'o/ /rig sngags kyi tshig 'di lta ste/ u bud+d+he/ ne bud+d+he zhes bya ba la sogs pa'o/ /kun dga' bo zhes bya ba ni/ bcom ldan 'das shAkya thub pas bka' stsal to/ /yun ring po nas spyad pa'i gsang sngags stobs dang /mthu rtsal dang ldan pa 'di ni zhes bya ba ni/ dpag tshad lnga brgyar gnas pas kyang / 'di nas bsrungs na/ bskyab pa dang / zhi ba dang / bde legs su 'gyur ro/ de bzhin du de bzhin gshegs pa rnams kyis gsungs pa bzhin du yang dag par gsung bar bya'o//'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang gsungs so zhes bya ba ni/ rnam par gzigs dang / gtsug tor can dang / kun skyobs dang / log par dad sel dang / gser thub dang / 'od srungs rnams yin te/ de la sogs pa bye ba khrag khrig brgya stong phrag gang+gA'i klung gi bye ma snyed kyis gsungs pa'o/ /ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas rnams kyang gsung bar 'gyur ro zhes bya ba ni/ rin chen zla ba dang / rin chen 'byung gnas dang / kun du bzang po dang / chos 'byung ba dang / rnam par snang mdzad dang / zhal rnam par gzigs ba'i ut+pa la dang / de bzhin gshegs pa byams pa la sogs pas dbu mdzad pa bsam gyis mi khyab pa sangs rgyas te/ de rnams kyis kyang gsung bar 'gyur ro/ /da ltar byung ba na yang / 'di lta ste/ sangs rgyas kyi byang chub 'di nyid la phan par bya ba'i phyir/ da lta rang nyid kyis bshad do zhes bya ba ni 'gro ba rigs drug gi don la sprul pa'i skus khyab ste/ mi bde ba bde bar byed pa'i phyir da ltar byang chub bsgrub pa'i phyir rig sngags kyi rgyal mo bsam gyis mi khyab pa gsungs pa'o//ngas zhes bya ba ni/ bcom ldan 'das shAkya thub pas sems can rnams bsrung bar byas pa'o/ /rig sngags kyi rgyal mo gsang sngags chen mo rjes su 'dzin pa 'di'i ming 'di zhes bya ba la bsrung bar bya'o zhes bya ba ni/ sems can thams cad dang bdag ces bya ba srung bar byed do//rig sngags 'di 'chang zhing gus par byed pa gang yin pa la/ tshe 'di la yang srung ste/ de bzhin du tshe phyi ma la yang yin no/ /mtshams bcad do zhes bya ba ni/ mi nad dang / phyugs nad dang / ma rungs pa'i nad byung na/ yul 'khor mtshams gcad par bya ste/rtsa ba'i sngags kyis seng ldeng gi phur pa la bris nas/ phyogs mtshams su btags te/ dbus su gcig gdab pa'o/ /tshon skud sna tshogs kyis bskor zhing / rgyal bas gsungs pa bzhin du dkyil 'khor yang dag par bzhengs te/ de bzhin du phyogs mtshams su gang ba'i bum pa bzhag nas/chu de yang rigs kyi bu pho'am/ rigs kyi bu mo la sogs pas gtor bar bya'o/ /de bzhin du byas na phyugs nad dang / mi nad dang / ma rungs pa'i nad thams cad zhi bar 'gyur ro/ /sngon byung ba rnams kyang phyir 'byung ste/ phyi nas 'ong ba rnams kyis mi tshugs so/ / shar phyogs su rgyang grags gcig tshun chad mtshams gcad do zhes bya ba ni/ ring na rgyang grags gcig tshun chad du mtshams gcad do/ /gal te phyed tshun chad do/ /tha ma la rang gi yul 'khor tsam mo/ /phyogs dang phyogs mtshams thams cad kyi bar du yang rgyang grags gcig mtshams gcad do zhes bya ba ni/sngar bshad pa'i rdzas dang / sngags kyis kyang mtshams gcad par bya ste/ de bzhin du phyogs dang mtshams kyang shes par bya'o/ /de bzhin du byas par gyur na/ yul de bkra shis par 'gyur te/ nad rnams kyis mi tshugs shing / lo legs te ser ba la sogs pas kyang mi tshugs so//rig sngags kyi rgyal mo gsang sngags rjes su 'dzin pa pad+ma'i rigs kyi rin po che'i rigs ma/ mtshon pa ni mnyam pa nyid kyi ye shes/ mtshon byed ni rig sngags kyi rgyal mo/ phung po ni tshor ba'i phung po/ chu'i khams sna'i skye mched do//ye shes lnga'i ngo bo nyid sangs rgyas lnga'i dbu rgyan can/ spyan gsum pa/ sku mdog ser mo/ zhal gsum phyag drug pa/ zhal g.yas dkar po g.yon dmar po/ rgyan thams cad kyis brgyan pa/ phyag dang po g.yas g.yon gnyis kyis mda' gzhu 'gengs pa/bar ma na rin po che tha ma na be con no/ /g.yon pa'i bar ma na dgra sta/ tha ma na zhags pa'o/ /zhabs g.yas brkyang ba/ g.yon bskum pa/ pad+ma'i steng na zla ba'i gdan la nyi ma'i 'od dang bcas pa/ gzhon nu'i cha byad can/ sgeg pa'i tshul dang ldan pa'o//rig sngags kyi tshig ni 'di lta ste/ sa mu tsa/ bi mu tsa la sogs pa'o/ /kun dga' bo zhes bya ba ni/ bcom ldan 'das kyis yang dang yang du bka' stsal pa'o/ /yun ring po nas spyad pa'i gsang sngags kyi stobs dang / mthu rtsal dang ldan pa 'di dag ni zhes bya ba ni/yul 'khor mtshams gcod pa dang / nad rnams bcom pa dang / 'di nas dpag tshad lnga brgya'i bar du yang / yongs su bskyab pa dang / yongs su gzung ba dang / zhi ba dang / bde legs su 'gyur ro/ /rig sngags 'di 'dzin pa gang yang / tshe 'di dang tshe phyi ma yang bde ba thob cing yang dag pa'i ye shes thob par 'gyur ro//'das pa'i de bzhin gshegs pa dgra bcom pa yang dag par rdzogs pa'i sangs rgyas rnams kyis kyang gsungs so zhes bya ba ni/ de bzhin gshegs pas bstan pa nyi ma phyag mtshan dang / tshe dpag med dang / mi bskyod pa dang / rgya mtsho rdo rje 'dzin pa la sogs pa de bzhin gshegs pa bye ba khrag khrig brgya stong phrag brgyad cu gang+gA'i klung gi bye ma snyed kyis kyang rjes su yi rang zhing gsungs pa'o//ma 'ongs pa'i de bzhin gshegs pa dgra bcom pa yang dag par rdzogs pa'i sangs rgyas rnams kyang gsung bar 'gyur ro zhes bya ba ni de bzhin du 'jig rten dbang phyug dang /'jam dpal dang / rdo rje snying po la sogs pa bsam gyis mi khyab pa'i de bzhin gshegs pa rnams kyis kyang rjes su yi rang zhing gsungs pa'o/ /da ltar byung ba na yang ngas bshad do zhes bya ba ni/ sems can gyi don la sprul pa'i skus khyab ste/ bcom ldan 'das shAkya thub pas sems can gyi don la rjes su yi rang zhing yang dag par gsungs pa'o//mi mjed kyi bdag po tshangs pas kyang bshad do zhes bya ba ni/ rig sngags 'di'i lam nas tshangs pa'i ngo bo thob cing / gus pas mchod par byas te/ tshangs pas kyang rjes su yi rang zhing gsungs pa'o//kun dga' bo/ dge slong ngam/ dge slong ma'am/ dge bsnyen nam/ dge bsnyen ma gang la rig sngags kyi rgyal mo gsang sngags chen mo rjes su 'dzin pa 'di bzung nas zhes bya ba ni/ rig sngags 'di bzung na ni pha rol tu phyin pa bcu thob ste/sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / thabs dang / stobs dang / smon lam dang / ye shes kyi pha rol tu phyin pa ste/ de bzhin du 'di'i lam nas sa bcu'i byang chub thob pa'o/ / ji ltar bstan pa dang / ji ltar kun chub par byas pa bzhin du shes sam zhes bya ba ni/ mi 'gyur ba rdo rje bzhin du brtan te/ bsam gyis mi khyab cing / mnyam pa nyid kyi ye shes bzhin du sems can la khyab pa'o/ /nam mkha' bzhin du kun la khyab ste/ 'jig rten gyi khams thams cad la yang ma lus par chos kyis khyab pa'o//ye shes kyi spyan gyis rnam par gzigs te/ de bltas pa'i phyir na shes par grags pa'o/ /mthong ngam las byed pa de la ni ji srid 'tsho ba'i bar du bsrung ba dang / yongs su bskyab pa dang / yongs su gzung ba dang /zhi ba dang bde legs su 'gyur bar byas par 'gyur ro zhes bya ba ni/ ye shes med par ye shes thob cing / dper na mun pa'i nang na me mar btang ba bzhin du bstan te/ yang dag pa'i ye shes thob cing 'jig rten 'di yang bsrung zhing skyob ste/ shing ljon pa nyi ma shar ba'i dus su sems can der song ba rnams bsil bar byed de/ji srid ma shi'i bar du/ nad dang 'bral zhing dpal dang ldan te/ mya ngan la sogs pa bor zhing bde ba la gnas pa'o/ /de bzhin du tshe phyi ma la yang chos 'di dran zhing bde bar 'gyur ro/ /kun dga' bo zhes bya ba ni/ bcom ldan 'das kyis bka' stsal pa'o//'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyis bka' stsal pa zhes bya ba ni/ mar me mdzad dang / byams pa dang / shAkya thub pa la sogs pas kyang gsungs te/ rjes su yi rang zhing rig sngags kyis rgyas btab pa'o//rig sngags kyi rgyal mo gsang sngags chen mo rjes su 'dzin ma 'dis ming 'di zhes bya ba la bsrung bar bya'o zhes bya ba ni/ gang zag dang / sems can thams cad dang / 'di 'dzin par byed pa gang yang rung ba la/ bsrung zhing yongs su bskyab pa dang / yongs su gzung ba dang / zhi ba dang bde legs su 'gyur ro/ /shi 'phos nas kyang de bzhin te/ bla na med pa'i byang chub thob par 'gyur ro/ /yongs su bskyab pa dang zhes bya ba ni gong du bshad pa bzhin du/ zhi ba dang / bde legs yin te/ sems can de yang ma shi'i bar du bde zhing / tshe phyi ma yang de bzhin no//mtshams gcad do zhes bya ba ni/ ma rungs pa'i gdon rnams yi ge la bris la mnan par bya ste/ de'i steng du yang rig sngags kyi rgyal mo'i gzugs 'di bris la bum pa chen po byas te/ rab tu gnas pa byas nas/ rig sngags kyi gsang sngags bris nas mchod rten gyi rtse mo la btags te/de mthong ba tsam gyis kyang gdon gdug pa can rnams kyis kyang 'ong mi nus so/ /ring na rgyang grags gcig ste/ bar ma la rgyang grags phyed/ thung ba la yul 'khor tsam mo/ /shar phyogs mtshams bcad do zhes bya ba la sogs pa ni/ gong du bshad pa bzhin du phyogs mtshams la rig sngags bris pa mchod rten gyi rtse mor gdags par bya'o//de ltar byas na 'jigs pa thams cad dang 'bral bar 'gyur ro/ /kun dga' bo zhes bya ba ni/ bcom ldan 'das shAkya thub pas yang dang yang du bka' stsal pa'o/ /rgyal po chen po bzhi'i lam dang /lam ma yin pa nas gnas pa bzhi yod de zhes bya ba ni/ rgyal po bzhi'i lam ni yul 'khor srung gi lam nas gnas pa dang / 'phags skyes po'i lam nas gnas pa dang / spyan mi bzang gi lam nas gnas pa dang / lus ngan po'i lam nas gnas pa dang / de bzhi yang /sku mdog dkar po dang / ser po dang / dmar po dang / ljang gu ste/ de bzhin du phyag mtshan ni/ 'khor lo dang / dbyug to dang / sbrul gyi zhags pa dang / ral gri ste/ de yang phyag g.yas pa rnams na rim pa bzhin du'o/ /pi wang dang / rin po che dang / pad+ma dang / bum pa rnams ni/ phyag g.yon pa rnams na bsnams pa'o/ /glang po che dang / rus sbal dang / chu srin dang / seng ge rnams yin te/ de rnams kyi don zhes bya'o/ /yang na rgyal po bzhi'i lam ni/ rgyal po bzhi po rnams kyis srung ba'o//lam ma yin pa ni/ rgyal po chen po rnams kyi bu yin te/ de bzhis kyang rgyal phran dang / 'khor la sogs pa bskul zhing / sems can rnams la 'tshe bar byas so/ /de dag gang zhe na zhes bya ba ni/ shar dang / lho dang / nub dang / byang rnams gnod pa skyel te/bgegs rigs stong phrag brgyad cu yang de bzhi la 'dus pa'o/ /de ni 'di lta ste/ bkra shis ldan dang / kun shes dang / gang po dang / dga' ba'i dpal rnams te zhes bya ba ni/ nag po dang / ljang nag dang / dmar nag dang / thal ba'i mdog rnams yin te/ de'i gzugs kyang rim pa bzhin du bshad de/ seng ge dang / stag dang / spre'u dang / byi la'o/ /phyag mtshan yang / gtun shing dang / dbyug to dang / mdung dang / ral gri'o/ /de ni g.yas pa rnams yin te/ g.yon pa na zhags pa bsnams pa'o/ /bzhon pa de yang gzugs ji bzhin du zhon pa yang de bzhin no//gang de dag gi ming shes pa dang zhes bya ba ni/ rig sngags kyi rgyal mo gsang sngags rjes su 'dzin pa'i sngags 'don zhing de ngo bor 'dzin par bya'o/ /de ngo bor 'dzin par shes na/ rgyal po rnams kyi 'jigs pa dang bral bar 'gyur ro//rus shes pa de la zhes bya ba ni/ rgyal po bzhi'i 'khor gyis nad btab pa bzhin du/ de rnams kyis kyang nad pa la nad kyis btab pa'o/ /rgyal po bzhi'i 'jigs pa mi 'byung ngo zhes bya ba ni/ rig sngags kyi gzi brjid kyis 'khor dang / g.yog rnams kyis kyang mi nus pa'o//chom rkun gyi 'jigs pa dang zhes bya ba ni/ rig sngags kyi gzi brjid kyis chom rkun rnams kyang mi 'byung ste/ gal te 'ong bar gyur na/ nor mi rnyed cing long bar 'gyur ro/ /me'i 'jigs pa dang zhes bya ba ni/ rig sngags kyis srung ba'i gzi brjid kyis grong tsam la yang mi tshugs so//chu'i 'jigs pa dang zhes bya ba ni/ chu'i nang na gzings chen po la yod par gyur na/ gar btang na yang ldog par mi 'gyur ro/ /mi yi 'jigs pa dang zhes bya ba ni/ rgyal po dang / mi rgod la sogs pa yin te/ de'i nyes pas kyang 'jigs pa de mi 'byung ste/ mi rgod kyi nang du 'gro yang mi choms so/ /yang na de kun dang phrad par mi 'gyur ro/ /mi ma yin pa'i 'jigs pa mi 'byung ngo zhes bya ba ni lha'i gdon rnams yin te/ de la sogs pa gdon phran tshegs ngan byed la sogs pa yod de/ rig sngags kyi gzi brjid kyis 'jigs pa mi 'byung ba'o//kun dga' bo zhes bya ba ni/ bcom ldan 'das kyis yang dang yang du gsungs pa'o/ /lag na rdo rje'i bu pho lag myur zhes bya ba/ grong khyer khor yug ces bya ba na gnas pa yod de zhes bya ba ni/ stobs che zhing gzi brjid che ba/ gnod sbyin thams cad kyi ded dpon/ /sems can rnams la 'tshe bar mi byed pa/sku mdog mthing nag /zhal gcig pa/ phyag gnyis pa ste/ phyag g.yas na rdo rje be con 'dzin zhing / g.yon pa na sdigs mdzub dang / zhags pa bsnams pa'o/ /de bzhin du grong khyer yang rin po che sna bdun las grub pa/ gnod sbyin pho mo mang po 'du zhing des sde dpon mdzad pa'o//gang de'i ming shes pa dang / rus shes pa de la ni zhes bya ba ni/ rig sngags kyi rgyal mo'i gzi brjid kyis/ gnod sbyin de rnams kyis kyang de la bsrung bar byas so/ /de srung bar byed ces bya ba ni/ rig sngags dang / rdo rje slob dpon la sogs pa'i dam las ma 'das na/grogs byed cing / dpal dang ldan par byed do/ /yongs su skyob par byed/ /yongs su 'dzin par byed/ chad pa zlog par byed/ zhi ba dang / bde legs su 'gyur bar byed ces bya ba ni/ phun sum tshogs par byed de/ de'i byin rlabs kyis/ zhi ba dang / rgyas pa'i las thob cing / nad thams cad las thar zhing / bkra shis par gnas pa'o/ /ming 'di zhes bya ba'i phyir/ lag na rdo rje'i bu pho lag myur la gsol lo zhes bya ba ni/ rig sngags kyi cho ga bzhin du byas te/ bu de yang gnod sbyin la bcol bar gyur na/ byis pa'i gdon rnams kyis kyang mi tshugs te/gzhan rnams kyis ci smos te/ tshe ring zhing nad med pa dang / dus ma yin par 'chi ba'i 'jigs pa dang bral zhing / 'jig rten pa'i dngos grub thob par 'gyur ro/ /gsol ba 'debs so zhes bya ba ni/ rjes su mthun pa'i gtor ma dang /spos dang / zhal zas la sogs pa/ mngar gsum dkar gsum la sogs pa byin nas/ gsol ba yang nas yang du gsol lo/ /de bzhin byas nas mngon sum du skad cig mas 'khod par 'gyur ro/ /'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi bkas/gang ming 'di zhes bya ba la skabs tshol ba dang zhes bya ba ni/ 'das pa rnams ni sangs rgyas mar me mdzad la sogs pa bsam gyis mi khyab pa'i de bzhin gshegs pa rnams yin te/ ma 'ongs pa ni byams pa la sogs pa yang bsam gyis mi khyab pa'i da ltar yod pa/yang dag par rdzogs pa'i sangs rgyas shAkya thub pa yin te/ rig sngags kyi rgyal mo gsang sngags rjes su 'dzin ma 'di la sus gus par byas sam/ 'di 'chang ba dang / klog pa dang / sgom pa dang / rjes su yi rang ba la sogs pa byas na/ sangs rgyas de rnams kyis kyang byin gyis brlabs shing /nad rnams med cing bde bar 'gyur te/ gzhan gyis kyang klags tshol bar mi 'gyur ro/ /ming 'di zhes bya ba ni/ sems can thams cad dang / gang zag bdag rnams yin no/ /glags lta ba'i gnod sbyin nam/ srin po'am/ yi dags sam/sha za 'am/ grul bum mam/ srul po'am/ lus srul po rnams kyis bdag la glags rnyed par ma gyur cig ces bya ba ni/ sems can la gnod par byed 'dod pa'i yi dags rnams kyis kyang rig sngags 'dis bsrungs pas mi tshugs so/ /gnod sbyin gyi gdon bzhin mi sdug pa/bsam gyis mi khyab pa/ bsam pa ngan pa de rnams kyis kyang mi tshugs shing sems can thams cad dang / gang zag 'di la gnod par mi byed de/ de bzhin du srin po dang / yi dags dang / sha za dang / grul bum dang / srul po dang / lus srul po rnams kyis kyang gnod par mi byed do//glags tshol bas kyang glags mi rnyed do/ /bdag dang klan ka rnyed par ma gyur cig ces bya ba ni/ gang zag dang / sems can thams cad la klan ka ci smos te/ rtsar nye bar yang mi nus so/ /kun dga' bo zhes bya ba ni/ yang dag par rdzogs pa'i sangs rgyas shAkya thub pas sems can gyi don la yang nas yang du bka' stsal pa'o//srin mo chen mo bcu bzhi yod do zhes bya ba ni gzi brjid che zhing stobs dang ldan pa/ dbyibs dang kha dog dang ldan pa ste/ lha dang / lha ma yin gyi 'thab rtsod la rtsod par nus pa sha stag go/ /de dag ni byang chub sems dpa' yum gyi lhums na bzhugs pa na yang srung zhes bya ba ni/rgyu'i byang chub sems dpa' yin te/ rgyu'i byang chub sems dpa'i ci'i phyir yin zhe na/ rig sngags 'di'i lam nas yang dag pa'i byang chub thob par 'gyur te/ bslab pa dang / slob pa yod de byang chub kyi sems kyi rgyu yin te/dang po ma rig pa'i mun pas bkab nas mi snang bar 'gyur te/ de yang de bsal nas rin po che shel bzhin du phyi nang med par gsal bar 'gyur ro/ /sems can dang / sangs rgyas la yang gnyis su med cing so so ma yin te/ sems can gyis sangs rgyas sgrub pa yang byang chub kyi sems yod pas 'grub ste/sems can la yang byang chub sems dpa' zhes grags so/ /'o na sems med pa'i bems po rnams sangs rgyas te/ de'i phyir na sems can dang / sangs rgyas gnyis su med pa'o/ /de bzhin du byang chub sems dpa' ma'i lhums na bzhugs pa la bsrung ba zhes bya'o//bltams pa'i tshe yang srung / bltams zin pa'i 'og tu yang srung zhes bya ba ni/ skye ba'i bar yang bde ba ste/ skyes pa nas kyang bde ba'o/ /rig sngags kyi rgyal mo 'di la gus par byed na/ tshe ring zhing gzi brjid dang ldan par 'gyur ro//sku 'khrungs na yang srung ste zhes bya ba ni/ tshe la bar gcod med cing / 'chi ba la ma thug gi bar du bde ba byas shing srung bar 'gyur ro/ /bcu bzhi gang zhe na zhes bya ba ni/ de'i sku mdog dang / phyag mtshan ni nag mo dang / ser mo dang / dkar mo dang / dmar mo dang / ljang gu dang / sngo bsangs dang / dmar ser dang / dkar ser dang / ljang nag dang / mthing nag dang / thal ba'i mdog dang / dkar po/ dmar po/ ser bo'o/ /phyag mtshan ni 'khor lo dang / gshol dang / gtun shing dang / mdung dang / mda' gzhu dang / shak+ti dang / to mar dang / zhags pa dang / dgra sta dang / rtse gsum dang / rdo rje dang / kha T+wAM ga dang / ral gri bsnams pa'o/ /bcu bzhi ni 'di lta ste zhes bya ba ni/ stobs ldan ma la sogs pa'o/ /gang de dag gi ming shes pa dang zhes bya ba ni/ ming ni gong du bstan te/ rus shes pa de la ni de dag srung bar byed ces bya ba ni/sku mdog dang / phyag mtshan dang / mtshan nyid shes pa'o/ /yongs su skyob par byed pa la sogs pa zhes bya ba ni/ nad med cing bde ba ste/ bar chod kyis mi tshugs par 'gyur ro/ /kun dga' bo zhes bya ba ni/ rig sngags kyi tshig bcom ldan 'das kyis yang dang yang du gsungs pa'o//srin mo chen mo brgyad yod do zhes bya ba ni/ gzi brjid che zhing stobs dang ldan pa ste/ longs spyod dang ldan zhing / lha dang / lha ma yin gyi 'khrug pa la yang rtsod par nus pa'o/ /de dag ni skyes pa dang / bud med gnyid log kyang rung /gnyid ma log kyang rung ste/ gzi byin 'phrog par byed do zhes bya ba ni/ sems can la 'tshe bar byed cing glags tshol te/ sdang ba'i sems dang / drag shul gyi sems dang / sdig pa'i sems dang ldan zhing / srog gcod par byed pa'i sems dang ldan pa'o/ / de dag kyang gang zhe na zhes bya ba ni/ kha dog dang / dbyibs bstan pa ste/ kha dog ni ljang nag dang / sngon po dang / nag khra dang / stag re dang / mthing ga dang / nag po dang / dmar nag dang / thal ba'i mdog go/ /dbyibs ni/ khyi dang / wa dang / spyang ki dang / stag dang / phag dang / 'ug pa dang / pho rog dang / ra dang ngo / /phyag mtshan ni/ ro dang / thal ba dang / zhags pa dang / sbrul gyi zhags pa dang / me mgal dang / hom khung dang / snying dang / thod pa'o/ /'di dag ni mi srun zhing sems can rnams la 'tshe bar byed pa'o//'di lta ste zhes bya ba ni/ brgyad pa'i grangs dang / mi bstan te/ de ni ra la sogs pa'o/ /gang de dag gi ming shes pa dang / rus shes pa de la ni zhes bya ba ni/ rig sngags kyi rgyal mo gsang sngags rjes su 'dzin pa'i stobs dang / gzi brjid dang / mthu rnams kyis kyang srung ste/rig sngags kyi bka' las mi 'da' zhing srung ste/ 'on kyang rig sngags kyi gzi brjid kyis ming rus shes par byed pa'o/ /de dag srung bar byed ces bya ba la sogs pas ni/ gnod par mi nus shing / bde ba la bkod de/ rig sngags kyi gzi brjid kyis sems can rnams la/sdig pa can rnams kyis kyang 'tshe bar mi byed cing / nad thams cad dang bral bar byed pa'o/ /kun dga' bo zhes bya ba ni/ kun dga' bo la yang dag par rdzogs pa'i sangs rgyas kyis yang dang yang du bstan pa'o/ /srin mo chen mo bdun yod de zhes bya ba ni/ gzi brjid che zhing kha dog dang ldan pa/rdzu 'phrul che zhing stobs dang ldan te/ lha dang lha ma yin gyi 'thab rtsod la yang rtsod par nus pa'o/ /de dag ni khrag gi dri mnams na dpag tshad lnga brgyar rgyug go zhes bya ba ni/ skad cig mas gang na yod pa'i sha khrag tshor te/ de bzhin du skad cig mas len nus te/ sems can rnams la 'tshe bar byed pa'o//de dag kyang gang zhe na zhes bya ba ni/ kha dog dang / dbyibs bstan te/ de'i kha dog ni/ ser mo dang / dmar mo dang / sngon mo dang / ljang gu dang / sngo bsangs dang / nag mo dang / mthing ga ste/ gzugs ni khra bo dang ldan pa ste/ skra ser po gyen du 'bar zhing /drag po'i tshul du yod de/ zhags pa 'dzin pa sha stag go/ /'di lta ste zhes bya ba ni/ bdun pa'i grangs dang / ming bstan pa ste/ gzi brjid mchog dang zhes bya ba la sogs pa'o/ /gang de dag gi ming shes pa dang / rus shes pa de la ni zhes bya ba ni/ srin mo bdun gyi ming dang /rus ni rig sngags kyi gzi brjid kyis shes par 'gyur te/ de rnams kyang rig sngags kyi bka' las mi 'da'o/ /de dag srung bar byed ces bya ba la sogs pa ni rig sngags kyi stobs kyis/ nor dang / 'bru dang / phyugs rnams kyang 'phel te/ de bzhin du bu rnams kyang yin no//nad med cing 'byung po rnams kyi 'tshe ba yang mi 'byung ngo / /kun dga' bo zhes bya ba ni/ bcom ldan 'das kyis kun dga' bo la bka' stsal pa'o/ /srin mo chen mo nag mo zhes bya ba ni/ gzi brjid che zhing stobs che ba ste/ ri rab kyi rtse mo yang sgul nus pa ste/ de'i dbyibs dang / kha dog la sogs pa ni/ ming dang mthun te/ phyag mtshan ni/ gri gug dang / thod pa bsnams shing ral pa ring po gcig tu 'khyil pa yod de/ mi srun zhing sems can rnams la gnod par byed pa'o/ /bu stong yod pa rgya mtsho'i 'gram na gnas pa zhes bya ba ni/ ma bzhin du bu rnams kyang yin te/sems can la 'tshe bar byed cing zas 'tshol bar byed pa ste/ lang ka'i lho phyogs na rgya mtsho'i 'gram na tshal cig na gnas pa'o/ /mtshan gcig gis dpag tshad brgyad khrir phyin pa cig yod do zhes bya ba ni/ sha dang / khrag yod pa'i sar gnas kyang tshor nas/bslangs nas khyer nus pa ste/ de bzhin du sha dang / khrag gi phyir sems can rnams la gnod par byed pa'o/ /sha khrag 'thung zhing srog 'phrog pa'o/ /gang de'i ming shes pa dang / rus shes pa de la ni zhes bya ba ni/ rig sngags kyi rgyal mo gsang sngags rjes su 'dzin pa'i gzi brjid kyis/ming dang rus shes par 'gyur te/ de'i gzi brjid kyis kyang / de rnams kyis gnod mi nus shing / 'thab rtsod yod na nam yang rgyal bar byed cing grogs kyang byed pa'o/ /de srung bar byed ces bya ba la sogs pa ni/ rig sngags kyi gzi brjid kyis/'tshe bar mi nus shing snying rje dang ldan te/ gang gi yang sdug bsngal yang 'bral zhing bde bar byed pa'o/ /kun dga' bo zhes bya ba ni/ yang dang yang du bcom ldan 'das kyis bka' stsal pa'o/ /srin mo chen po lnga zhes bya ba ni/ stobs dang ldan zhing gzi brjid che ste/kha dog dang ldan zhing grags pa che ba/ rdzu 'phrul dang ldan zhing snying rje che ba ste/ skad cig mas 'dzam bu'i gling du/ sems can gyi don la bskor nus pa'o/ /gnod sbyin 'bum phrag bdun cu rtsa bdun dang lhan cig 'dzam bu'i gling gi mi rnams srung zhing skyob pa yod de zhes bya ba ni/rnam thos sras kyi chos rnams yin te/ de rnams kyis kyang sems can rnams la srung ba dang / skyob par byed de/ sems can gyi don la gnas shing / gzhan sdig pa mi dge ba'i las la mi 'jug cing / sems can gyi don 'ba' zhig la gnas pa'o/ /de dag kyang gang zhe na zhes bya ba ni/gtso bor gyur pa lnga yin te/ de dag gi kha dog dang / dbyibs ni/ kha dog legs shing 'dzum bstan pa ste/ rtag tu zhi bar gnas pa'o/ /de'i sku mdog ni/ ser po dang / dkar po dang / sngo bsangs dang / dmar po dang / ljang gu'o/ /phyag mtshan ni/'khor lo dang / dung dang / dgra sta dang / rtse gsum dang / ral gri dang / zhags pa bsnams pa'o/ /'di lta ste zhes bya ba ni/ lnga po 'di dag la sogs pa thams cad de bzhin yin te/ rtag tu myos dang zhes bya ba la sogs pa 'bum phrag bdun cu rtsa bdun gyi jo bo ni de rnams yin no//gang de dag gi ming shes pa dang / rus shes pa de la ni zhes bya ba ni/ rig sngags kyi rgyal mo'i gzi brjid kyis/ ming dang / rus kyang shes te/ rig sngags kyi mthus/ rig sngags kyi bka' las mi 'da'o/ /de dag srung bar byed do zhes bya ba la sogs pa ni/ sems can de yang bde bar gnas te/ nad med cing / de rnams kyis rtag tu skyong bar 'gyur ro/ /de bas na zhes bya ba ni gzhan bzhin du lo mi rtag pa ma yin te/ de la bcol bar 'gyur na tshe ring zhing nad med de/ gzhan rnams kyis kyang mchod par 'os pa'o/ /bdag gi ming 'di zhes bya ba'i phyir srin mo lnga po gnod sbyin 'bum phrag bdun cu rtsa bdun dang bcas pa de dag la gsol lo zhes bya ba ni/gang zag dang / sems can thams cad 'di la bcol bar byas na/ gang yang sdug bsngal dang bral zhing bde bar gnas so/ /gsol ba 'debs so zhes bya ba ni/ de bzhin du sems can rnams kyis kyang /rig sngags kyi rgyal mo gsang sngags rjes su 'dzin ma dang / srin mo de dag dang gnod sbyin de rnams la gus par byas shing mchod par bya'o/ /'das pa dang / ma 'ongs pa dang / da ltar byung ba'i sangs rgyas bcom ldan 'das kyi bkas/ ming 'di zhes bya ba ni/'das pa ni mar me mdzad la sogs pa'o/ /ma 'ongs pa la sogs pa rnams yin te/ da ltar bzhugs pa ni shAkya thub pas rig sngags kyi bka' 'di gsungs shing / sems can gang zag rnams la srung zhing skyob pa'o/ /bsrung ba gyis shig ces bya ba la sogs pa ni/sangs rgyas kyi bka' dang / rig sngags kyi gzi brjid kyis/ 'khor ba bcom zhing bde ba la gnas te/ yang dag pa'i byang chub kyi lam la 'god pa'o/ /rig sngags 'di ni pad+ma'i rigs yin te/ mtshon pa ni so sor rtog pa'i ye shes so/ /mtshon byed ni rig sngags kyi rgyal mo nyid do//phung po ni 'du shes kyi phung po/ khams ni me'i khams/ skye mched ni ro/ sangs rgyas lnga'i dbu rgyan can spyan gsum pa/ rgyan thams cad kyis brgyan pa/ zhal gsum pa/ phyag drug pa/ sku mdog dmar mo/ zhal g.yas dkar ba g.yon mthing ga /phyag g.yas pa gsum na bsnams pa ni/ ral gri dang / pad+ma dang / dung bsnams pa'o/ /g.yon pa gsum na zhags pa dang / lcags kyu dang / rdo rje bsnams pa'o/ /zhabs g.yas brkyang ba/ g.yon bskum pa/ pad+ma'i steng na zla ba'i gdan nyi ma'i 'od dang bcas shing cung zad khro bo'i tshul du bzhugs pa'o//rig sngags kyi tshig ni 'di lta ste/ bi mu ku te/ bi mu ku ta/ ba te la sogs pa'o/ /kun dga' bo zhes bya ba ni/ yang sems can gyi don la/ bcom ldan 'das kyis bka' stsal to/ /rig sngags kyi rgyal mo gsang sngags chen mo rjes su 'dzin ma 'dis zhes bya ba ni/bsam gyis mi khyab pa/ ye shes kyi rang bzhin te/ rdo rje lta bus khyab cing / srung ba dang / skyob pa yang yin no/ /'di lta bu'i rig sngags kyis kyang phyogs mtshams thams cad du khyab pa'o/ /gang la srung ba dang zhes bya ba ni/gang yang 'jig rten gyi khams mnyam pa nyid du lta zhing srung ba'o/ /sba ba byas pa dang zhes bya ba ni gsang sngags mchog tu gsang ba ste/ 'jig rten khams kyi sems can thams cad gsang bzhin du srung ste/ sems can thams cad kyang gzhan gyis mi tshor zhing /sangs rgyas pa'o/ /yongs su bskyab pa byas pa dang / yongs su gzung ba byas pa dang zhes bya ba ni/ ngan song gsum nas mtho ris su btang ste/ ngan song gsum gyi sdug bsngal las bskyab pa'i phyir na/ bskyab pa zhes bya ste/ mtho ris su btang nas bzung ba'o/ /zhi ba dang bde legs su 'gyur ba dang zhes bya ba ni/chos 'di'i nyams myong gis zhi ba ste/ ji ltar zla ba bzhin du sems can rnams zhi bar bya ste/ chos 'di'i don rtogs pas sems can lus ngag zhi ba'o/ /de bzhin du 'jig rten gyi khams kyi sems can rnams bde bar gnas pa'o/ /chad pa bzlog par byas pa de la ni zhes bya ba ni 'jig rten 'di'i chad pa dang /bdud bzhi rnams kyi chad pa ste/ rig sngags kyi gzi brjid 'dis gang gi chad pa yang 'ong bar mi nus so/ /lha dang bcas pa'i 'jig rten dang zhes bya ba la sogs pa ni/ stong gsum gyi stong chen po'i 'jig rten gyi khams kyi gzugs kyi khams dang /'dod pa'i khams kyi lha dang bcas pa rnams kyi 'byung po rnams dang / 'jig rten gyi khams su skad cig mas rgyu ba stong phrag brgya brgyad cu phrag nyi shu rtsa drug /de'i g.yog dang bcas pa yang de bzhin te/ de dag kyang stong gsum gyi stong chen po'i 'jig rten gyi khams su rgyu ba'o//glags lta ba dang / glags tshol ba rnams kyis zhes bya ba ni/ sems can rnams la bar chod nas/ dge ba byed pa yang mi byed pa'i glags dang / mi 'jigs pa yod pa 'jigs par byas te/ phyug po de yang ltogs por btang ba/ mi na ba na ba'i glags dang /dga' ba mi dga' bar byed pa'i glags dang / mthun pa rnams bar du bcad nas so sor byas te sdom pa srung ba mi srung bar byed pa'i sems dang ldan par byed pa/ gti mug la sogs pa'i 'dod pa rnams khong du zhugs shing / sred pa dang / 'dod chags la dga' zhing / zhe sdang la gnas te/ 'thab rtsod la dga' bar byed pa'i glags dang / tshe ring ba thung bar byas te/ dge ba byed pa la rtag tu bar chod byed pa rnams 'di yin te/ klan ka rko ba dang / glags tshol bas kyang glags mi rnyed de/ rig sngags kyi gzi brjid kyis glags tshol ba'i skabs kyang mi rnyed pa'o//yang na glags tshol ba rnams kyis rnyed pa'am/ bgegs kyi rigs lta bu'am/ pha'am/ ma'am/ sring mo'am/ bu'am/ nye ba la sogs par skyes nas glags tshol te/ de'i glags kyis kyang mi tshugs so/ /glags rnyed pa'am klan ka rnyed pa'i sems can gang nas kyang med la zhes bya ba ni/rig sngags kyi rgyal mo gsang sngags rjes su 'dzin ma'i ngo bo nyid rtogs na/ glags mi rnyed do zhes bya ba'o/ /ngo bo nyid gang zhe na/ thabs dang shes rab gnyis su med cing bsod nams kyi tshogs dang /ye shes kyi tshogs yang dag par bsgoms te/ a las gnas shing ngo bo nyid bral ba'o/ /mi'i 'jig rten gyi khams sgyu ma lta bur bsgoms te/ de bzhin du mas khyab pa'o/ /tra sprul sku ste sems can gyi don la gnas pa'o/ /de lta bur sems kyis rtogs na glags kyang ga la rnyed de/rnyed par yang mi 'gyur ro/ /ngas yang dag par ma mthong ste/ de ni gnas med do zhes bya ba ni/ rig sngags lta bu 'di rtogs na de rnams kyis glags kyang mi rnyed cing / gnod pa gang yang skyel ba med de/ rig sngags kyi gzi brjid kyis de rnams kyis de gang yang ma grub pa'o//yang na de rnams kyi gzi brjid 'phrog pa'o/ /rig sngags kyi rgyal mo gsang sngags rjes su 'dzin ma'i 'byung po rnams kyi mtshan nyid bshad pa'i gnas skabs te bzhi pa'o// //las kyi rnam par smin pa ni ma gtogs te zhes bya ba ni/ sngon bsags pa'i las dang /sngon du mtshams med pa lnga byas na/ sngon du bshags dgos te/ sngon du ma bshags par gyur na/ las kyi rnam par smin pa de yang shing tog bzhin du smin par 'gyur ro/ /smin pa'i 'bras bu ni gang zhe na/ khyi dung dkar po bzhin du bram ze'i rigs su skyes nas kyang nga rgyal chen po'i las kyi rnam par smin pas byol song gi nang na khyi dung dkar por skye ba'o//mchod sbyin byas pa'i phyir na/ 'bras kyi thug pa 'khar sder du blugs nas za zhing / nga rgyal che zhing khri la bsdad pa'o/ /dung gi mdog tu gyur pa ni sngon bram ze lus bsrungs shing / khrims bsrungs pa'i phyir ro//'di'i nges tshig ni gang zhe na/ 'di lta ste/ de nas bcom ldan 'das snga dro chos gos dang sham thabs bsnams/ lhung bzed bsnams te/ mnyan yod du bsod snyoms kyi phyir gshegs nas thar chags su mnyan yod du bsod snyoms bzhes te/ tau de'i bu bram ze'i khye'u ne tso'i khyim gal ba der gshegs so//de'i tshe tau de'i bu bram ze'i khye'u ne tso'i khyim na ras go ni ka bting ba'i khri'i steng na/ khyi dung zhes bya ba 'dug ste/ 'khar gzhong rdo ba'i khar blangs pa la 'bras chan dang / sha bsres pa'i khrud ma 'thung ba las/ khyi dung gis bcom ldan 'das sgo drung na bzhugs pa mthong ste/mthong nas kyang 'a 'u zhes zugs so/ /de nas bcom ldan 'das kyis khyi dung la 'di skad ces bka' stsal to/ /khyi dung khyod kye zhes bya ba las/ 'a 'u zhes zugs par gyur na/ des kyang ma dul lam/ de skad ces bka' stsal pa dang / khyi dung khros 'khrugs tshig pa zos te/yi ma rangs nas/ ras go ni ka bting ba'i khri las babs te/ khri'i 'og na stor khung gi shing gi wa la 'dug go/ /de'i tshe tau de'i bu bram ze'i khye'u ne tso bya ba zhig gis phyi rol du byung ba las/ de nas tau de'i bu bram ze'i khye'u ne tso slar log pa dang /tau de'i bu bram ze'i khye'u ne tsos/ khyi dung 'og na stor khung gi shing gi wa la 'dug pa mthong ngo / /mthong nas kyang nang mi la smras pa/ khyed kyis khyi dung 'di la ci zhig smras/ jo bo bdag cag gis kyang / khyi dung la ci yang ma smras so/ /de ltar lags mod kyi dge sbyong gau ta ma byon par gyur te/khyi dung gis dge sbyong gau ta ma sgo drung na bzhugs par mthong ngo / /mthong nas kyang 'a 'u zhes zugs pa dang / dge sbyong gau ta mas/ de la 'di ces bka' stsal to/ /khyi dung khyod kye zhes bya ba las/ 'a 'u zhes zugs par gyur na/ des kyang ma dul lam/ de skad ces bka' stsal pa dang /khyi dung khros 'khrugs tshig pa zos te/ yi ma rangs nas ras go ni ka bting ba'i khri las babs te/ khri'i 'og na/ stor khung gi shing gi wa la 'dug go/ /de nas bram ze'i khye'u bu ne tso khros 'khrugs tshig pa zos te/ yi ma rangs nas/ mnyan yod nas byung ste/rgyal bu rgyal byed kyi tshal mgon med zas sbyin gyi kun dga' ra ba ga la ba der song ngo / /de'i tshe bcom ldan 'das dge slong brgya phrag du ma'i 'khor gyi mdun na chos ston cing bzhugs te/ bcom ldan 'das kyis tau de'i bu bram ze'i khye'u ne tso rgyang ring po nas 'ong ba gzigs so//gzigs nas kyang dge slong rnams la bka' stsal pa/ dge slong dag khyed kyis tau de'i bu bram ze'i khye'u ne tso rgyang ring po nas 'ong ba mthong ngam/ btsun pa de lta lags so/ /gal te tau de'i bu bram ze'i khye'u ne tso 'di 'chi ba'i dus byas par gyur na ni/lus zhig nas shi ba'i 'og tu/ dper na mda' ste'u ka ma 'phangs pa bzhin du/ ngan song ngan 'gro log par ltung ba sems can dmyal ba rnams su skye bar 'gyur te/ 'di ltar 'di nga la sems rab tu khros pa'i phyir ro/ /sems rab tu khros pa'i rgyus/ de ltar na 'di nas sems can kha cig lus zhig nas shi ba'i 'og tu ngan song ngan 'gro log par ltung ba/sems can dmyal ba rnams su skye bar 'gyur ro/ /de nas dge slong zhig gis de'i tshe tshigs su bcad de smras pa/ 'di na gang zag kha cig ni/ /rab tu sems khros gyur gzigs nas/ /ston pa dge slong tshogs rnams la//don de nyid ni lung bstan to/ /kye ma gso ba'i ma 'di ni/ /da ni 'chi ba'i dus byed na/ /de yi sems ni khros pa'i phyir/ /sems can dmyal ba rnams su skye/ /de bzhin gshegs la sems khros pa/ /de yi rgyus ni sems can rnams/ /dper na mda' ni 'phangs pa bzhin//de ltar ngan 'gror 'gro bar 'gyur/ /de nas tau de'i bu bram ze'i khye'u ne tso/ bcom ldan 'das ga la bder song ste phyin pa dang / bcom ldan 'das dang lhan cig tu mngon du kun dga' bar bya ba dang / yang dag par dga' bar bya ba'i gtam/ rnam pa mang por byas nas phyogs gcig tu 'dug go//tau de'i bu bram ze'i khye'u ne tso phyogs gcig tu 'dug nas bcom ldan 'das la 'di skad ces gsol to/ /gau ta ma khyod bdag gi khyim du byon tam/ bram ze'i bu phyin to/ /gau ta ma khyod kyis bdag gi khyi dung la ci zhig ma gsungs sam/ bram ze'i khye'u nga 'dir snga dro chos gos dang sham thabs bgos te/ lhung bzed thogs nas/ mnyan yod du bsod snyoms kyi phyir zhugs te/ mthar gyis mnyan yod du bsod snyoms blangs nas/ khyod kyi khyim ga la ba der song ste phyin pa nas/ sgo drung na 'dug pa dang / de'i tshe khyi dung ras go ni ka bting ba'i khri'i steng na 'dug cing /'khar gzhong rdo ba'i khar blangs pa la 'bras chan dang / sha bsres pa'i khrud ma 'thung ba las khyi dung gi nga sgo drung na 'dug pa mthong ste mthong nas kyang zugs pa dang / ngas de la smras pa dang / khyi dung khyod kyi zhes bya ba las 'a 'u zhes zugs par gyur na/des kyang ma dul lam zhes de skad smras pa dang / khyi dung khros 'khrugs tshig pa zos te/ yi ma rangs nas/ ras go ni ka bting ba'i khri las babs te/ khri'i 'og tu stor khung gi shing gi wa la 'dug go/ /gau ta ma khyod kyis khyi dung tshe snga ma la bdag gi cir mchi mkhyen tam/bram ze'i khye'u kha rog 'dug la nga la don 'di ma 'dri shig /khyod kun du gnod sems su 'gyur ba dang / mi bzod pa dang / sems mi bde bar 'gyur du 'ong ngo / /lan gnyis lan gsum du tau de'i bu bram ze'i khye'u ne tsos/ bcom ldan 'das la 'di skad ces gsol to//gau ta ma khyod kyis khyi dung tshe snga ma la bdag gi cir mchis mkhyen tam/ bcom ldan 'das kyis kyang lan gnyis lan gsum du/ tau de'i bu bram ze'i khye'u ne tso la 'di skad ces bka' stsal to/ /bram ze'i khye'u kha rog la/ nga la don 'di ma dri shig /khyod kun du gnod sems su 'gyur ba dang /mi bzod pa dang / sems mi bde bar 'gyur du 'ong ngo / /bram ze'i khye'u khyod lan gsum gyi bar du don 'di la nges par ma mthong bas de'i phyir bram ze'i khye'u legs par nyon la yid la zung shig dang ngas bshad do/ /bram ze'i khye'u khyod kyi pha tau de'i gang yin pa de lus zhig nas dman pa'i khyi'i skye gnas su skyes so//kye gau ta ma bdag gi pha tau de'i ni/ mchod sbyin bgyis pa/ sbyin sreg bgyis pa mchod sdong sgreng ba lags na/ de ci'i slad du zhe na/ 'di ltar 'gyur/ de ni lus zhig nas nges par tshangs pa'i 'jig rten bzang por skye bar 'gyur ro//bram ze'i khye'u khyod kyi pha tau de'i ni/ nga rgyal las kyang nga rgyal de nyid kyis dman pa khyi'i skye gnas su skyes so/ /bram ze'i khye'u gal te/ ngas smras pa yid mi ches na/ bram ze'i khye'u khyod de'i phyir rang gi khyim du song la phyin pa dang / khyi dung la 'di skad du/ gal te khyi dung khyod tshe snga ma la nga yi pha tau de'ir gyur pa lta na/ras go ni ka bting ba'i khri la 'dug shig ces smros shig /khri la 'dug pa dang / tshig 'di skad du gal te khyi dung khyod/ tshe snga ma la nga'i pha tau de 'ir gyur pa lta na/ 'khar gzhong rdo ba'i khar blangs pa la/ 'bras chan dang / sha bsres pa'i khrud ma 'thungs shig ces smros shig /'thungs nas de la tshig 'di skad du gal te khyi dung khyod tshe snga ma la nga'i pha tau de 'ir gyur pa lta na/ khyod 'chi ba'i dus kyi tshe bdag dbang ba gang yod pa nga la ma bstan pa de ston cig ces smros shig dang / ston par 'gyur ro/ /de nas tau de'i bu bram ze'i khye'u ne tsos//bcom ldan 'das kyis gsungs pa bzung ste/ kun chub par byas nas/ rang gi khyim ga la ba der song ste phyin pa dang / khyi dung la 'di skad ces smras so/ /gal te khyi dung khyod tshe snga ma la nga'i pha tau de'ir gyur pa lta na ras go ni ka bting ba'i khri la 'ang 'dug cig /khri la 'dug nas de la 'di skad ces smras so//gal te khyi dung khyod tshe snga ma la nga'i pha tau de'ir gyur pa lta na/ 'khar gzhong rdo ba'i khar blangs pa la/ 'bras chan dang / sha bsres pa'i khrud ma 'thungs shig /'thungs nas de la 'di skad ces smras so/ /gal te khyi dung khyod tshe snga ma la nga'i pha tau de'ir gyur pa lta na/khyod 'chi ba'i dus kyi tshe/ bdag dbang ba gang yod pa nga la ma bstan pa de ston cig /de nas khyi dung ras go ni ka bting ba'i khri las babs te/ gnas khyim rnying pa zhig yod pa ga la ba der song ste phyin pa dang / khri'i rkang pa bzhi'i gnas su rkang lag gi sder mos brus so//dbus ni snas mnam mo/ /to de'i bu bram ze'i khye'u ne tsos/ de nas gser dngul brdung ma dang / sil lcags zangs bzhi dang / dbus na gser gyi 'khar ba dang ril ba rnyed do/ /de nas tau de'i bu bram ze'i khye'u ne tsos gser de sbas nas/ dga' mgu zhing rab tu dga' ste/rangs nas dga' ba dang / yid bde ba skyes te/ mnyan yod nas byung nas/ bcom ldan 'das ga la ba der song ngo / /de'i tshe bcom ldan 'das dge slong gi 'khor brgya phrag du ma'i mdun na chos ston cing bzhugs te/ bcom ldan 'das kyis tau de'i bu bram ze'i khye'u ne tsos rgyang ring po nas 'ong ba gzigs so//gzigs nas kyang dge slong rnams la bka' stsal pa/ dge slong dag khyed kyi tau de'i bu/ bram ze'i khye'u ne tso rgyang ring po nas 'ong ba mthong ngam/ btsun pa de ltar lags so/ /gal te tau de'i bu bram ze'i khye'u ne tso de'i tshe 'chi ba'i dus byas par gyur na ni/dper na mda' ste'u ka ma 'phangs pa bzhin du bde 'gro mtho ris kyi 'jig rten du/ lha rnams kyi nang du skye bar 'gyur te/ 'di ltar de nga la sems dad par byas pa'i phyir ro/ /dge slong dag sems dad pa'i rgyus de ltar 'di ni sems can kha cig /lus zhig nas bde 'gro mtho ris kyi 'jig rten du lha rnams kyi nang du skye bar 'gyur ro//de nas dge slong zhig gis de'i tshe tshigs su bcad de smras pa/ 'di na gang zag kha cig ni/ /rab tu sems dad gyur gzigs nas/ /ston pas dge slong tshogs rnams la/ /don de nyid ni lung bstan to//kye ma gso ba mi 'di ni/ da ni 'chi ba'i dus byed na/ de yi sems ni dad pa'i phyir/ /lha rnams nang du skye bar 'gyur/ /de bzhin gshegs la sems dad pa/ /de yi rgyus ni sems can rnams/ /dper na mda' ni 'phangs pa bzhin/ /de ltar bzang 'gror 'gro bar 'gyur//de nas tau de'i bu bram ze'i khye'u ne tso/ sangs rgyas bcom ldan 'das ga la ba der song ste phyin pa dang / bcom ldan 'das dang lhan cig tu mngon du kun dga' bar bya ba dang / yang dag par dga' ba'i gtam rnam pa mang po byas nas/ phyogs gcig tu 'dug go/ / tau de'i bu bram ze'i khye'u ne tso phyogs gcig tu 'dug pa dang / bcom ldan 'das kyis 'di skad ces bka' stsal to/ /bram ze'i khye'u ci ngas ji ltar lung bstan pa de bzhin du gyur tam kye gau ta ma mad de ji ltar gau ta ma khyod kyis/ khyi dung lung bstan pa de de bzhin no/ /slob dpon las kyi rdo rjes kyang gsungs pa/rnam par smin pa'i las de yang / /lus dang ngag dang yid kyi las/ /ngan song dang ni mtho ris dang / /'jig rten rang gi spyod pa ste/ /dper na pad+ma chu skyes pa/ /nags la me yi 'jigs pa na/ /de bor sdong bu chu las skyes/ /der skyes rgyun gyi lhags pas tshig /mi 'gul las kyi rnam smin ni/ /gang gis kyang ni thub mi 'gyur/ /de yang gsungs pa'o/ /rig sngags kyi rgyal mo gsang sngags rjes su 'dzin ma'i las kyi rnam par smin pa bshad pa'i gnas skabs te lnga pa'o// //de nas zhes bya ba ni las kyi rnam par smin pa bshad pa'i de nas so//'das pa dang / ma 'ongs pa dang da ltar byung ba'i sangs rgyas bcom ldan 'das kyis bka' zhes bya ba ni/ 'das pa'i sangs rgyas mar me mdzad la sogs pa ste/ bsam gyis mi khyab pa'i sangs rgyas rnams kyis gsungs pa'o//ma 'ongs pa'i sangs rgyas byams pa la sogs pa yin te/ de yang bsam gyis mi khyab pa rnams kyis gsung ngo / /da ltar yod pa ni yang dag par rdzogs pa'i sangs rgyas shAkya thub pa ste/ sems can gyi don la rig sngags 'di bka' stsal pa'o/ /rig sngags kyi rgyal mo gsang sngags chen mo rjes su 'dzin pa 'di zhes bya ba ni/rig sngags 'dis kyang sdug bsngal thams cad dang bral bar byed cing mi ma yin gyis 'tshe bar yang mi nus te/ mtho ris kyi lam bstan zhing yang dag pa'i byang chub bsgrub pa'i rgyu zhes bya'o/ /mi 'am mi ma yin pa zhes bya ba la sogs pa ni/rig sngags kyi gzi brjid kyis srung bar byed de/ de rnams kyang gzi brjid che ba/ stobs che ba/ kha dog dang ldan zhing rdzu 'phrul che ba ste/ lha dang lha ma yin gyi 'thab rtsod la yang rtsod par gnas pa'o/ /de bzhin du de rnams kyis kyang srung bar byed do/ /ming 'di zhes bya ba bsrung bar bya'o zhes bya ba ni/gang zag dang / sems can thams cad la rig sngags kyi gzi brjid kyis gdon de rnams kyis snying rje che zhing srung bar 'gyur ro/ /yongs su bskyab pa dang zhes bya ba la sogs pa ni/ bde bar gnas shing nad thams cad 'joms te/ zhi ba dang /rgyas pa'i las la 'grub cing / phun sum tshogs shing rigs kyang byed par 'gyur ro/ /rig sngags kyi rgyal mo gsang sngags rjes su 'dzin ma 'dis zhes bya ba ni/ ngan sems yod pa rnams kyang rig sngags kyi gzi brjid kyis/ dge ba'i sems dang ldan zhing / sems can thams cad la snying rje dang ldan pa'o//sdang bar sems pa can thams cad ces bya ba la sogs pa ni/ rig sngags 'di'i stobs kyis sdang ba'i ming zhes bya ba yang med de/ de rnams kyang snying rje skye zhing sems can la gnod par mi byed pa'o/ /myos par byed pa'o zhes bya ba ni gal te sdang ba'i sems dang /gnod pa'i sems dang / sems can la 'tshe bar byed pa'i sems dang ldan par gyur na/ rig sngags kyi gzi brjid kyis de rnams kyi sems gtor zhing rang sems mi gnas shing myos par 'gyur ro/ /rab tu myos par 'gyur ro zhes bya ba'o/ /rengs pa dang zhes bya ba ni/ gzhan gyi sngags btang ba dang /rang gi ma rungs par byed pa rnams rengs par byed pa'o/ /gzhan gyi sngags zlog par byed pa ni/ ling+ga bris la ni ra gats+tsha ta la sogs pa'i sngags bris la mnan par bya'o/ /gzhan ma rungs pa 'dul bar yang de bzhin no/ /ling+ga'i bye brag gis dbye bar bya'o/ / rmugs pa dang / lag pa dang / rkang pa dang / sems dang / lce gzung bar bya'o zhes bya ba ni/ snga ma bzhin byas te/ tha ma la bi sa ra ta/ bi sa ra ta la sogs pas bskor zhing lam rgya gram la mnan par bya ste/ gzhan gyi sbod gtong dang / sngags dang / ro langs dang / dug dang /dug sbyar ma dang / gzhan gyi bsam pa ngan pa btang ba thams cad las thar bar 'gyur ro/ /rig sngags kyi rgyal mo gsang sngags rjes su 'dzin pa 'dis ni zhes bya ba ni/ gzhan gyi mi thub pa'i rig pa'i dam pa rdo rje lta bu ste/ gzhan rnams kyis kyang thub par mi 'gyur ro//gang dang gang du yang thar bar 'gyur ro zhes bya ba ni/ 'jig rten 'di'i sdug bsngal dang / 'jig rten gyi chos brgyad kyang de bzhin te/ ma rig pa'i mun pa dang / 'khor ba nas kyang thar bar 'gyur ro/ /kye ma bram ze mya ngan 'das/ /'jig rten dag na srid las rgal/ / zhes bya ba ni/ tshangs pa khyod kyis kyang zab mo'i don 'di la gnas pa/ ma rig pa'i mun pa bor zhing mya ngan las 'das pa'o/ /gzugs dang / sgra dang / dri dang / ro dang / reg bya rnams bor te/ de bzhin du ma rig pa la sogs pa'i 'du byed rnams spangs te/ 'khor ba'i sdug bsngal rgya mtsho 'dra ba bsgral nas/ mya ngan las 'das te/ de bas na srid las rgal zhes bya'o/ /khon dang 'jigs pa kun spangs pa/ ring mo zhig nas bzod mthong ngo / /zhes bya ba ni/ dge ba dang sdig pa rnams kyis mi gos te/ bdud bzhi'i 'jigs pa dang / 'khor bar ltung ba'i 'jigs pa dang / gzhan yang 'jigs pa thams cad dang bral te/ 'khor ba'i grong khyer zhig nas yang dag pa'i ye shes mthong ngo / /de'i ngo bo gang zhe na/ srid pa ma yin 'das pa de bzhin no/ /da ltar yod pa la de bzhin ma yin te/ sdun nam phyi'am dbus ma yin te/ de bzhin yang dag don de yin//de bas na ring mo zhig nas bzod mthong ngo zhes bya ba ni/ /bzod pa dka' thub mtshog ste bzod pa ni/ /mya ngan 'das pa mchog ces sangs rgyas gsungs/ /zhes bya ba ni/ sems can thams cad la bzod pa sgom zhing mnyam pa nyid du bsgom pa ste/ sdug bsngal bor zhing /shes bya'i sgrib pa dang / bag chags kyi sgrib pa dang / bor nas yang dag pa'i ye shes thob cing ngo bo nyid dang bral ba'o/ /rab tu byung ba gzhan la gnod pa ni/ gzhan la 'tshe ba dge sbyong ma yin no/ /zhes bya ba ni/ de bzhin gshegs pa'am/ bla ma'am/ pha ma'am/gzhan yang de la sogs pa la 'tshe ba ni/ dge ba gang byas kyang thar bar mi 'gyur ro/ /yang na mig dang ldan pa yis/ /btsal bar bya ba yod pa bzhin/ /zhes bya ba ni rang gis sngon nas mthong ste/ 'jig rten pas de mthong ste/ ma rig pa'i mun pas de yang ma mthong ba'o//mkhas pas 'tsho ba'i 'jig rten 'dir/ /sdig pa dag ni yongs su spang / /zhes bya ba ni/ yang dag pa'i ye shes kyi mar me bltam ste/ 'khor ba'i mun pa bsal nas/ 'khor ba'i sdug bsngal mthong ste/ de mthong ba'i dran pas na/ mkhas pas 'khor ba spangs pa'o//da ltar byung dang 'das pa dang / /ma 'ongs sangs rgyas gang yin pa/ /zhes bya ba ni/ 'das pa'i 'od srungs nas sangs rgyas rabs bdun la sogs pa ste/ da ltar yod pa shAkya seng ge'o/ /ma 'ongs pa yang de bzhin du byams pa la sogs pa'o/ /thams cad la yang bdag phyag 'tshal//de dag kun la skyabs su mchi/ /zhes bya ba ni/ de lta bu'i 'das pa dang / ma 'ongs pa dang / da ltar byung ba'i sangs rgyas bsam gyis mi khyab pa/ bdag dang sems can rnams kyis kyang sdig pa bshags pa'i phyir phyag 'tshal te/ 'jigs pa thams cad sgrol ba'i phyir na skyabs su mchi'o//'jig rten dgra bcom bde gshegs la/ /zla ba skyabs su mchi lags kyis/ /zhes bya ba ni/ 'jig rten 'di'i sdug bsngal 'joms shing / mun pa mun nag bsal bar bya ste/ chos kyi nyams myong gi bdud rtsis/ sems can rnams 'tsho bar byed pa ste/thugs rje che zhing bdud rtsi snang ba rnams la skyabs su mchi'o/ /sangs rgyas 'jig rten thugs brtse rnams/ /zla ba thar mdzod sgra gcan las/ /zhes bya ba ni/ stong gsum gyi stong chen po'i 'jig rten gyi khams la sprul pa'i skus khyab ste/ rig sngags 'di'i chos nyid kyi nyams myong gis ma rig pa'i mun pa zla bas gsal ba bzhin du bsal te/de yang chos kyi rang bzhin nam mkha' bzhin du khyab pa'o/ /sgra gcan zla ba mun sel ba/ /nam mkha' dag la 'od byed cing / /zhes bya ba ni/ 'jig rten khams la grags pa dang ldan pa zla ba yin te/zla ba des kyang mun pa bsal zhing gsal bar byas so/ /de bzhin du rig sngags kyi chos kyi nyams myong gis ma rig pa'i mun pa bsal ste/ 'khor ba 'joms so zhes bya ba sgra gcan zhes bya'o/ /lam mer 'dug la dkar ba dang / /rnam par dag pa'i 'od ldan pa//zhes bya ba ni/ chos nyid gzhan gyis mi gos te/ gzhan gyis ma byas pa rang gis rang bsal te/ rnam par dag cing dngos po med de/ dngos pos kyang ngo bo nyid dang 'bral lo/ /de lta bu'i 'od kyis kyang 'jig rten gyi khams la khyab pa'o/ /bar snang dag la ma bzung bar/ / skye dgu'i sgron me myur du thong / /zhes bya ba ni/ sdig dang dge ba skye zhing mi bya ste/ gang yang dge ba dag la gnas pa ste/ de bzhin du byas par gyur na mtho ris myur du thob par 'gyur ro/ /de nas rings bzhin sgra gcan de/ /lus kyang rdul zhing skrag gyur la/ /zhes bya ba ni sdig pa byed par 'gyur na dmyal ba'i mes ni skrag par 'gyur ro//de bas na sdig pa spang bar bya ste/ sdig pa'i ming yang mi bya'o/ /nad pa bzhin du brtad pa yin/ /zla ba rnam par gtong bar byed/ /ces bya ba ni/ dper na sgra gcan zin gyis zla ba 'dzin pa bzhin du/ ma rig pa'i mun pas sems can 'dzin pa'o//zla ba sgra gcan gyis btang ba bzhin du/ rig sngags kyi chos kyi nyams myong / ma rig pa'i mun pas kyang btang ba'o/ /ci yi phyir na sgra gcan khyod/ /lus kyang rdul zhing skrag gyur la/ /zhes bya ba ni/ rnam par smin pa'i las kyis skrag par 'gyur te/rig sngags kyi gzi brjid kyis kyang thar bar byed pa'o/ /nad pa bzhin du brtad pa yis/ /rings par zla ba gtong bar byed/ /ces bya ba ni/ rig sngags kyi gzi brjid des/ zla ba sgra gcan zin gyis bzung ba gtang ba ste/ nad pa de yang sman bzang pos sos par byas te/ de bzhin du rig sngags kyi gzi brjid kyis sems can thams cad bde bar gnas pa'o/ /sangs rgyas tshigs bcad 'di brjod pas/ /gal te zla ba ma btang na/ /zhes bya ba ni/ sgra gcan zin gyis zla ba bzung ba bzhin du myur du ma btang na gza' de yang nyes par 'gyur ro/ / de bzhin du ma rungs pa'i gdon rnams kyis kyang rig sngags kyi bka' las 'das na mgo tshal pa tshal par 'gas par 'gyur ro/ /bdag gi mgo ni tshal bdun 'gas/ /gson kyang bde bar mi 'gyur ro/ /zhes bya ba ni/ lha dang / mi dang / 'byung po la sogs pa rnams kyang /rig sngags kyi dam tshig las 'das par gyur na/ nad rnams thams cad 'byung zhing 'chi ba'i dus su mgo tshal par 'gas te/ shi nas kyang dmyal ba mnar med du skye'o/ /rig sngags kyi dmod mo yin pas gang gis kyang mi phan par 'gyur ro/ /kye ma bde ba gzigs pa yi//sangs rgyas rnams ni 'byung ba smad/ /ces bya ba ni/ smig rgyu dang / sgyu ma dang / rmi lam dang / chu bur dang / dbu ba dang / chu shing dang / dri za'i grong khyer dang brgyad do/ /de bzhin du sangs rgyas rnams dang / 'jig rten gyi khams kyang yin te/rig sngags kyi rgyal mo gsang sngags rjes su 'dzin pa yang de bzhin no/ /de kun yang yod par shes sam/ med par shes pa'ang ma yin te/ med pa yang ma yin/ gnyis ka yang ma yin no/ /sgyu ma tsam du gnas te/ de yang sems can gyi don la gnas pa'o//de bas na sangs rgyas kyi chos smad du med pa ste/ skyon rnams kyis kyang mi gos pa'o/ /de dag gis ni tshigs su bcad pa/ brjod na sgra gcan zla ba gang / /zhes bya ba ni/ de lta bu'i chos kyi rang bzhin gyis ni/ sgra gcan zin gyis zla ba btang ba bzhin du/nad kyis kyang btang ba ste/ bden pa'i tshig 'dis kyang sdug bsngal thams cad dang bral bar 'gyur ro/ /bden pa dang bden pa'i tshig gang gis/ 'jig rten du sems can brjed ngas pa med pa'i chos can 'byung ba ni zhes bya ba ni/ 'jig rten gyi chos brgyad kyang brjed ngas pa yin te/dang po ma rig par byung / ma rig pa las 'du byed byung ste/ 'du byed kyis rnam par shes pa byung ngo / /rnam par shes pas ming dang gzugs/ ming dang gzugs kyis skye mched drug /skye mched drug gis srid pa/ srid pas reg pa/ reg pas sred pa/ sred pas skye ba/ skye bas len pa/ len pas rga shi de ni 'jig rten gyi chos can brjed ngas pa ste/ de las de 'khor bar nyon mongs pa skye bar byed pa'o/ /brjed par mi 'gyur ba'i chos can ni/ ma rig pas rga shi 'gag pa'o/ /rga shis len pa 'gag go/ /len pas skye ba 'gag go/ / skye bas sred pa 'gag go/ /sred pas reg pa 'gag go/ /reg pas srid pa 'gag go/ /srid pas skye mched drug 'gag go/ /skye mched drug gis ming dang gzugs 'gag go/ /ming dang gzugs kyis rnam par shes pa 'gag go/ /rnam par shes pas 'du byed 'gag go/ / 'du byed kyis ma rig pa 'gag go/ /de 'gags pas na skye ba ste/ rig pa shar ba de ni brjed ngas pa med pa'o/ /de bzhin gshegs pa'o zhes yang dag par smras pas smra ba ni tshig kyang mi mnga' ste/ de bzhin gshegs pa'i mig gi yang dag pa'i ye shes thob cing /rig sngags 'di yang 'grub par 'gyur ro/ /dus su yang dag par smra bas smra ba yin no zhes bya ba ni/ de bzhin gshegs pa rnams kyi rkyen med par nga mi smra ste/ sems can gyi don la rig sngags 'di yang dag par bstan pa'o/ /kun dga' bo zhes bya ba ni yang dag par rdzogs pa'i sangs rgyas shAkya thub pas smras pa'o//gzhan yang tshangs par spyod pa la/ phan pa'i phyir zhes bya ba ni/ tshul khrims ma dag pa dag par byed pa dang /sdom pa med pa sdom pa la 'jug pa dang / bden pa'i tshig 'di dag gis sdom pa la gnas par 'gyur ro//yang rig sngags 'dis sdom pa srung bar byed pa'o/ /de bzhin gshegs pa'i tshig gsung ba gang yin pa de dag dang zhes bya ba ni/ rig sngags kyi rgyal mo gsang sngags rjes su 'dzin pa'o/ /bden pa'i tshig bden pa ste/ de bzhin gshegs pa rnams kyis yang dag par gsungs pa'o//kun dga' bo zhes bya ba ni/ yang dag par rdzogs pa'i sangs rgyas shAkya thub pas yang dang yang du bka' stsal pa'o/ /gzhan yang tshig de dag gis bya ba gang byed pa'i don dang zhes bya ba ni/ rig sngags kyi rgyal mo'i tshig 'dis gang yang rung ste/ 'jig rten dang /'jig rten las 'das pa'i dngos grub kyang 'grub pa'o/ /phan pa dang / bde ba yang 'dis byed par 'gyur ba zhes bya ba ni/ rig sngags 'dis kyang / gang yang gang gi sdug bsngal yang 'dis 'joms par 'gyur te/ sems can thams cad mtho ris 'dren pa la mthu che bar rigs pa'i dam pa'o//pad+ma'i rigs kyi rdo rje'i rigs ni/ mtshon pa ni me long lta bu'i ye shes te/ mtshon byed ni rig sngags kyi rgyal mo bdag nyid do/ /phung po ni rnam par shes pa'i phung po ste/ khams ni nam mkha'i khams so/ /skye mched ni yid kyi skye mched do//de yang ye shes lnga'i rang bzhin/ sangs rgyas lnga'i dbu rgyan can/ spyan gsum pa/ zhal gsum pa/ phyag drug pa/ sku mdog mthing ga /zhal g.yas dkar ba/ g.yon dmar ba/ rgyan thams cad kyis brgyan pa/ phyag g.yas pa gsum na/rdo rje dang / ral gri dang 'khor lo'o/ /g.yon pa gsum na/ pad+ma dang / zhags pa dang / dgra ste/ zhags g.yas brkyang ba/ g.yon bskum pa/ pad+ma'i steng na/ zla ba'i gdan la nyi ma'i 'od zer dang ldan pa/ khro bo'i tshul du bzhugs pa'o/ /rig sngags kyi tshig ni gang zhe na/'di lta ste/ swa ti ma ti la sogs pa'o/ /rig sngags kyi rgyal mo gsang sngags rjes su 'dzin ma'i bden pa'i tshigs su bcad pa'i gnas skabs te drug pa'o// //kun dga' bo zhes bya ba ni/ bcom ldan 'das kyis kun dga' bo la yang bka' stsal pa'o//sa bon gyi rtsa ba bcu dang zhes bya ba ni/ sa bon gyi rtsa ba bcu ni/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / thabs dang / stobs dang / smon lam dang / ye shes kyi pha rol tu phyin pa dang bcu'o/ / de ni sa bon bcu zhes bya'o/ /sa bon gyi rtsa ba'i tshig bcu de bzhin gshegs pas gsungs pa yod do zhes bya ba ni/ rim pa bzhin du sa bcu'i byang chub kyi lam yin te/ de yang rab tu dga' ba dang / dri ma med pa dang / 'od byed pa dang / 'od 'phro ba dang / shin tu sbyang dka' ba dang /mngon du gyur pa dang / ring du song ba dang / mi g.yo ba dang / legs pa'i blo gros dang / chos kyi sprin dang bcu'o/ /de bas na sa bon gyi rtsa ba'i tshig bcu zhes bya'o/ /kun dga' bo zhes bya ba ni/ bcom ldan 'das kyis smras pa'o/ /tshig de dag de bzhin gshegs pas gsungs par 'gyur ba dang zhes bya ba ni/pha rol tu phyin pa bcu'i 'bras bu dang / sa bcu'i byang chub sems dpa'i lam rnams ni/ rig sngags kyi rgyal mo gsang sngags rjes su 'dzin ma la brten zhing / de bzhin gshegs pa thams cad kyis gsungs pa'o//ston par 'gyur ba yang yod de zhes bya ba ni/ pha rol tu phyin pa bcu thob cing / sa bcu dang / de'i lam gyis sa bcu gcig thob pa'o/ /de dag bstan pa 'di la zhugs pa'i mi rnams kyi khar brjod na zhes bya ba ni/ bstan pa ni rig sngags kyi rgyal mo'i bstan pa ste/de la zhugs par gyur na gang yang 'grub par 'gyur ro/ /gnod sbyin dang / srin po rnams kyang bran bzhin du las byed par 'gyur ro zhes bya ba ni/ 'di'i lam nas byang chub thob ste khams gsum gyi gtso bor 'gyur zhing / de rnams kyang dbang du 'dus par 'gyur ro//bden pa dang bden pa'i tshig gang gis phyir mi ldog pa'i sa'i tshig bden pa rnams la 'jig rten gyi ming gi mchog dang zhes bya ba ni/ byang chub kyi sems kyang gzhan med de/ sa'i 'bras bu thob pa yang rang bzhin du gnas shing / rig sngags nyid kyang logs na med do//de bzhin du phyir mi ldog pa'i 'bras bu yang yin te/ 'jig rten pa dang / sangs rgyas gnyis su med cing / gnyis su yang dbyer med do/ /de nas bden pa'i tshig dge sbyong rnams kyi nang na dge sbyong skyid de ba zhes bya ba dang zhes bya ba ni/ dge ba'i rtsa ba 'di la gtogs na bde ba chen po thob ste/ bde ba'i nang na yang dag par rdzogs pa'o/ /de bzhin gshegs pa dgra bcom pa yang dag par rdzogs pa'i sangs rgyas ni 'jigs pa mi mnga' ba zhes bya ba ni/ rig sngags 'di'i lam sbyong zhing / de bzhin gshegs pa'i yang dag pa'i 'bras bu thob ste/bdud bzhi rnams kyis mi thub cing dri ma thams cad dang 'bral ba'o/ /bag tsha ba mi mnga' ba ste zhes bya ba ni/ mnyam pa nyid bsgom zhing nyon mongs pa'i dri ma dang bral zhing / yang dag pa'i ye shes thob pa'o/ /mi skrag mi 'bros pa 'jigs pa med cing zhes bya ba ni/dngos po yang med cing / ngo bo yang gang na gnas pa med do/ /de yang 'khor ba dang mya ngan las 'das pa la mi gnas te/ de bzhin du 'jigs pa spangs shing / sdig pa dang dge ba la yang mi gnas pa'o/ /'jigs par byed pa dang bral ba zhes bya ba ni/'jigs pa ni sems yin te/ 'jigs par byed pa ni rnam par rtog pa'o/ /'jigs pa spangs pa ni rang gi sems kyi rtog pa yang dag pa'i ye shes yin te/ de yang sems kyi rang bzhin no/ /yang bcom ldan 'das kyis gsungs pa/ bsams te bsam gyis mi khyab pa/bsam gyis mi khyab bsgom byas na/ /bsam pa'i 'bras bu de thob cing / /sems nyid kyis ni gang yang 'grub/ /'jigs pa dang 'jigs pa spang bar byed cing zhes bya ba ni/ 'jigs pa ni sems kyi rang bzhin no/ /'jigs par byed pa ni ma rig pa'i rang bzhin nyon mongs pa yin te/spangs pa ni sems kyi rang bzhin rtogs shing / gnyug ma'i rang bzhin shes pa'o/ /skyi bung zhes byed pa med pa'o zhes yang dag par smra bas smra'o zhes bya ba ni/ 'khor ba la 'jigs pa'i bdud bzhi'i rang bzhin nyon mongs pa shas che zhing /de la zhal ta byed par 'gyur ba ni rig sngags kyi rgyal mo yin te/ de rnams 'joms shing yang nas yang du 'joms par byed pa dang / dus su yang dag par smra bas smra ba yin te zhes bya ba ni/ de yang bdud rnams ni dge ba byed pa'i dus su bar du gcod de/ de'i dus su ya mi nga bar byed pa ni/ rig sngags kyi rgyal mo'o/ /bden pa dang bden pa'i tshig des ming 'di zhes bya ba la bde legs su gyur cig ces bya ba ni/ yang dag par rdzogs pa'i sangs rgyas shAkya thub pa'i bka' dang rig sngags kyi rgyal mo'i chos kyang ldan pas/gang zag dang / sems can thams cad 'jigs pa med cing bde ba ste/ yang dag pa'i byang chub thob pa'o/ /bden pa dang / bden pa'i tshig gang gis tshul khrims dang brtul zhugs dang zhes bya ba ni/ bde bar gshegs pa shAkya thub pa'i bka' dang /rig sngags kyi rgyal mo gsang sngags rjes su 'dzin pa'i chos kyi bden pas/ tshul khrims bsrung ba dang / tshul khrims med pa rnams tshul khrims thob ste/ skus gdul gsung gis 'dul te/ de 'dul ba'i phyir na brtul zhugs zhes bya'i/ dka' thub dang /tshangs par spyod pa la gang ci yang rung ba de dag gi nang na ni zhes bya ba ni/ bka' des kyang tshangs par mi spyod pa tshangs par spyod de/ sems can nyon mongs pa rnams la sdom par mi gnas pa sdom par gnas shing / rig sngags kyi bden pa 'dis kyang sems can thams cad bde bar gnas shing /sdig pa thams cad kyang spong bar byed pa'o/ /'phags pa dgyes pa'i tshul khrims mchog /ces bya ba ste/ de bzhin du rig sngags kyi bden pa 'dis kyang 'phags pa'i tshul khrims mi thob pa thob par byas te/sdig pa thams cad kyis mi tshugs shing tshul khrims la gnas te/ sems can thams cad las 'phags pas na 'phags pa zhes bya'o/ /bden pa dang bden pa'i tshig des ming 'di zhes bya ba la bde legs su gyur cig ces bya ba ni/ bde bar gshegs pa'i bka' dang / rig sngags kyi bden pas/gang zag dad pa can dang / sems can thams cad la tshe 'di la bkra shis shing phun sum tshogs shing phyi ma la yang de bzhin te/ phyin ci ma log pa'i rig sngags kyi phyag rgya thob cing / yang dag pa'i ye shes kyi lam la 'jug pa'o/ /gnas brtan rgyal po'i bu thu bo dang 'dra bar rab tu byung nas ring du lon pa zhes bya ba ni/gnas la dbang byas shing gzhan dge slong rnams la dbang byed de/ de bzhin du byas pa'i phyir na thu bo zhes bya'o/ /tshangs par spyod pa/ mngon par spyad pa rnams kyi mchog /'di lta ste zhes bya ba ni/ zag pa zad pa/tshul khrims la gnas nas sems can gyi don byed pa/ skad cig mas kyang mngon par shes pa/ rdzu 'phrul dang ldan pa sha stag go/ /dge slong kun shes kauN+Di n+ya'i dang zhes bya ba ni/ sngon shAkya thub pas byang chub sems dpar skyes tsam na/ srin po kauN+Di n+ya lnga yod do//de'i dus su yang chu med cing skom nas yod pa la byang chub sems dpa' des kyang tse chung gnyis gtar nas/ kauN+Di n+ya lnga la byin nas 'thung du bcug ste/ da ltar yang bcom ldan 'das kyi chos kyi nyams myong gis khams gsum tsam yang kun du shes nas dge slong dgra bcom pa thob pa'o//'dod pa nyung ba sbyongs ba'i yon tan la gnas pa/ chog shes pa rnams kyi mchog 'od srungs chen po dang zhes bya ba ni/ sems can gyi don byas shing / snying rje chen po dang / byams pa la sogs pa dang ldan pa ste/ theg pa chung ngu'i sgo nas 'od srungs chen po yin te/ 'dir dgra bcom pa thob cing / sems can rnams kyi don byed pa'o/ /shes rab che ba dang / spobs pa che ba rnams kyi mchog sha ra dwa ti'i bu dang zhes bya ba ni/ phyi'i rig pa sbyongs shing / blo dang ldan te nyon mongs pa bcom zhing nyan thos kyi gtso bor gyur cing / sems can gyi don byas pa'o//ma'i ming nas kyang bos pa'i phyir na sha ra dwa ti'i bu zhes bya'o/ /rdzu 'phrul che ba rnams kyi mchog /shA ri'i bu dang / rdzu 'phrul che ba dang / mthu che ba rnams kyi mchog /maud gal gyi bu chen po dang zhes bya ba ni ri rab re re la rkang pa gzhag cing / bdun bdun la 'god nus te/ de bzhin du yang mthu dang ldan pa/ bram ze'i rigs su skyes nas/ chos kyi nga rgyal dang ldan pa'o/ /de yang ma'i ming nas btags pa'o/ /lha'i mig dang ldan pa rnams kyi mchog ma 'gags pa dang zhes bya ba ni/ mthong ba la ni ma 'gags pa yin te/khams gsum gyi bya ba thams cad dus gcig tu mthong ba'o/ /mthong ba la 'gag pa med pa'i phyir na ma 'gags pa'o/ /mang du thos pa rnams kyi mchog kun dga' bo dang zhes bya ba ni/ sangs rgyas bcom ldan 'das kyi chos ma lus par thos te/ pha rol tu phyin pa'i chos la sogs pa ni kun dga' bo la gtad pa'o//sems can thams cad dga' ba'i phyir ni kun dga' bo zhes bya'o/ /'dul ba 'dzin pa rnams kyi mchog nye ba 'khor dang zhes bya ba ni/ sku dang gsung dang thugs thul bas 'dul ba 'dzin pa ste/ de 'dul ba'i phyir na nye ba 'khor zhes bya ba'o//chos smra ba rnams kyi mchog byams pa'i bu gang po dang zhes bya ba ni/ sems can la mi 'dzin ngag nas smra ba thogs pa med de/ ma'i ming nas bos pa'i phyir na byams ma'i bu gang po zhes pa'o/ /bslab pa la gus pa rnams kyi mchog sgra gcan zin pa dang zhes bya ba ni/lha'i gdon la sogs pa bcom pa dang dgra bcom pa thob ste/ nyi ma gzas zin pa'i dus su skyes pa'i phyir sgra gcan zin zhes bya'o/ /mal cha dang stan bsko ba rnams kyi mchog gyad nor bu dang zhes bya ba ni/ bcom ldan 'das dang dgra bcom pa rnams la gus par byas na tshogs sogs par bya'o//seng ge'i sgra sgrogs pa rnams kyi mchog ba ra d+h+wa dza bsod snyoms len dang zhes bya ba ni/ 'jigs pa med cing khams gsum tsam la yang sgra sgrogs te/ sems can gyi dge ba'i rtsa ba bsod snyoms blangs pas 'phel ba'i phyir na/ bsod snyoms len zhes bya'o/ /khyim pa dad pa skyed pa rnams kyi mchog nag po 'char ka dang zhes bya ba ni/ ma rig pa rnams rig par 'jug ste/ khams gsum gyi sems can rnams ma lus par/ ma dad pa dad par byed pa'i phyir na nag po 'char ka zhes bya'o/ /lha dang mis mchod pa rnams kyi mchog legs mthong bden pa dang zhes bya ba ni/de'i rdzu 'phrul gyis kyang khams gsum tsam yang dag par bya ste/ dad pa des kyang yang dag par mchod par 'os pa/ de rnams kyis mchod pa'i phyir na legs mthong gi bden pa zhes bya'o/ /bden pa'i tshig des ming 'di zhes bya ba la bsrung bar bya'o zhes bya ba ni/yang dag par rdzogs pa'i sangs rgyas shAkya thub pa'i bka' dang / rig sngags kyi bden pa dang / nyan thos dgra bcom pa rnams kyi yon tan gyi nges tshig dang / gang zag dang / sems can thams cad bde bar gnas shing / nad thams cad dang bral ba'o//yongs su bskyab pa dang zhes bya ba la sogs pa ni/ de rnams kyi bden pa dang / sdug bsngal thams cad dang bral zhing / rig sngags kyi phyag rgyas btab pa'o/ /rgyal po'am zhes bya ba la sogs pa ni/ bden pa dang bden pa'i tshig gis de rnams kyi 'jigs pa med cing /bde ba la gnas te kun kyang bde ba'o/ /bden pa dang bden pa'i tshig gang gis sems can zhes bya ba ni/ yang dag par rdzogs pa'i sangs rgyas shAkya seng ge thugs rje can gyi bka' dang / rig sngags kyi rgyal mo'i gsang sngags rjes su 'dzin pa'i bden pa dang /chos kyi bden pa dang / nyan thos rnams kyi rdzu 'phrul rnams kyis bde legs su 'gyur ro/ /rkang pa med pa'am zhes bya ba la sogs pa ni stong gsum gyi stong chen po'i 'jig rten gyi khams kyi sems can rigs mi gcig pa rnams la bden pa nges bde bar byas shing / sdug bsngal thams cad dang bral te/ sems can de rnams kyang byang chub kyi lam la 'god pa'o/ /de bzhin gshegs pa mchog ces bya ste zhes bya ba ni/ bye ba khrag khrig phrag brgya gang+gA'i klung gi bye ma snyed kyi de bzhin gshegs pa 'od srungs nas 'das pa'i sangs rgyas rabs bdun la sogs pa dang /ma 'ongs pa'i sangs rgyas byams pa la sogs pa yang de bzhin no/ /da ltar yod pa'i sangs rgyas shAkya thub pas kyang / rig sngags kyi phyag rgyas btab cing bden pa bka' stsal ba'o/ /bden pa dang bden pa'i tshig des ming 'di zhes bya ba bsrung bar bya'o/ / sangs rgyas de rnams kyi bden pa dang / rig sngags kyi rgyal mo'i chos kyi bden pa dang / bden pa de dag gis kyang sems can rnams la bde bar byas te/ sdug bsngal thams cad dang 'bral zhing / yang dag pa'i byang chub thob par byed pa'o/ /yongs su bskyab pa dang zhes bya ba la sogs pa ni/sems can thams cad kyang bde ba la bkod de/ nam skye ba'i dus su phun sum tshogs par skye chos 'di dang yang mi 'bral bar 'gyur ro/ /bden pa dang bden pa'i tshig gang gis zhes bya ba ni/ rig sngags kyi rgyal mo gsang sngags rjes su 'dzin pa thugs rje che zhing sems can rnams kyi don mdzad pa/de rnams kyi yang gang dang gang 'dod pa 'grub pa'o/ /'dus byas sam/ 'dus ma byas kyi chos ji snyed yod pa de dag gang gi nang na/ 'dod chags dang bral ba mchog ces bya ste zhes bya ba ni/ 'du byed kyis ma rig pa bkag ste/ma rig pas rga shi la sogs pa bkag nas/ 'dod pa'i yon tan lnga la sogs pa'i ming yang med de/ des na nyon mongs pa la sogs pa dang bral zhing / shes bya'i sgrib pa dang / bag chags kyi sgrib pas ma gos pa'o/ /bden pa dang bden pa'i tshig des ming 'di zhes bya ba bsrung bar bya'o zhes bya ba ni/de lta bu'i rig sngags dang / yang dag par rdzogs pa'i sangs rgyas rnams yin te/ bden pa ni sangs rgyas rnams kyi bka'o/ /bden pa'i tshig ni rig sngags kyi rgyal mo nyid do/ /gang zag dang sems can rnams la rig sngags kyi rgyal mo'i bden pa'i tshig gis yang dag par bsrung bar byas pa'o//yongs su bskyab pa dang zhes bya ba la sogs pa ni/ bde ba la gnas shing sems da lta dang / tshe phyi ma rnams kyang sdug bsngal dang bral zhing / yang dag pa'i byang chub thob pa'o//bden pa dang / bden pa'i tshig gang gis zhes bya ba ni/ rig sngags kyi rgyal mo'i bden pa'i tshig gis gang yang 'grub cing / rig sngags kyi ngo bo thob pa'o/ /tshogs sam/ 'dus pa'am/ mar po'am/ 'khor ji snyed cig yod pa de dag gi nang na ni/de bzhin gshegs pa'i nyan thos kyi dge 'dun mchog ces bya ste zhes bya ba ni/ byang chub sems dpa' dang / nyan thos dgra bcom pa dang / lha dang bram ze dang / rgyal po la sogs pa'i mi rnams bcom ldan 'das kyi spyan sngar tshogs pa'i bden pas kyang bde bar gnas pa'o//bden pa dang bden pa'i tshig des zhes bya ba ni/ rig sngags kyi rgyal mo'i bden pa'i tshig smras pa dang / yang dag par rdzogs pa'i sangs rgyas rnams kyi bka' tshogs 'dus pa dang / de'i bden pas bde legs shing bkra shis te/dgra'i tshogs rnams kyang 'byung bar mi 'gyur ro/ /rgyal khams dang / yul 'khor ram zhes bya ba la sogs pa ni/ bden pa'i tshig de dag gis kyang yul 'khor rnams la srung ste/ mi nad dang / phyugs nad dang / nang du ma rungs ba 'dre gdon zhugs pa dang /de la sogs pa nad thams cad 'byung ba de med cing brlag par 'gyur te/ de bzhin du zhing la gnod pa dang / sad dang / ser ba dang / 'bru dang / 'brum bu dang / btsa' dang / ne tso dang / ri bong dang / ri dgas dang / byi ba la sogs pa zhing la gnod pa dang sems can rnams kyis kyang mi tshugs shing sems can rnams la bde bar byas pa'o//nad pa 'di la bsrung bar bya'o zhes bya ba ni cho ga dang / bsrung ba gnyis kyis bsrung ste/ srung ba ni gang zhe na/ srung ba'i 'khor lo dang / dkyil 'khor gyi chogs bsrung ba'o/ /bdag gis 'dir bshad pa'o//dkyil 'khor bzang po sa gzhi la/ /ba yi rnams lngas byugs pa ste/ /chu dang lcib sar bsres la/ /lci ba dang ni sngags kyis ni/ /maN+Dal legs par byugs par bya/ /tshon ni sna tshogs legs bris la/ /dkyil 'khor mnyam pa nyid du bri/ / gru bzhi sgo bzhi rta babs bzhi/ /dra ba phyed kyis mdzes pa la/ /mu tig phreng bcas rnam par brgyan/ /rin chen lnga yi gzhal yas khang / /mdzes pa de ni mkhas pas bri/ /dang po nam mkha' rlung chags pa/ /me dang chu dang sa chags te/ /de bzhin ri rab rtse mo la/ /pad+ma'i steng du rgya gram ste//'og dang steng dang logs rnams su/ /sna tshogs rdo rje'i gur du bsam/ /de phyir rdo rje'i ra ba la/ /rlung dang me sa'i yul du 'khyam/ /phyi rgya kho ra khor yug dang / /de rtsar mda' yi dra ba 'bar/ /de phyir 'og dang steng dag dang / /phyogs bzhi mtshams su me yis bskor//'og ni rdo rje'i sa gzhi ste/ /de steng rdo rje bla res brgyan/ /de 'og rdo rje sa gzhi la/ /gzhal yas khang gi dbus su shes/ /dbus su sna tshogs pad+ma ste/ /phyir ni 'khor lo rtsibs brgyad do/ /de phyir lha snam zlum po ste/ /gza' dang rgyu skar gnas pa'o//phyi rol lha snam gru bzhi la/ /phyogs skyong yang ni der gnas so/ /shar dang lho dang nub dang ni/ /byang gi sgo bzhi dang po la/ /rgyal po bzhi yang der bzhugs so/ /dbus su sna tshogs pad+ma la/ /ye shes lha mo lnga yang bzhugs/ /mtshams bzhi pad+ma stong pa la//mchod pa'i lha mo bzhi gnas so/ /dbus su lte ba zla ba'i gdan/ /gsang sngags 'dzin ma der bzhugs so/ /dkyil 'khor gyi bya thabs so/ /rig sngags bum pa lnga po ste/ /mtshan ma ldan zhing nag po med/ /rtsa ba yangs pa mchu 'phyang ba//dbyibs ni legs shing lto ba che/ /de lta bu yi mtshan ldan la/ /a ka ru 'am gu gul bdug par bya/ /rin chen lnga dang 'bru lnga dang / /dri lnga sman lnga de bzhin te/ /'bras bu can gyi shing lnga yi/ /lo mas kha la rnam par brgyan//bdud rtsi lnga dang snying po lnga/ /de bzhin mgul chings gdugs kyis brgyan/ /rim bzhin dkyil 'khor dgod par bya/ /yan lag dang ni gtor ma dang / /bdag gis 'dir ni ma bshad de/ /gzhan la ltos la shes par gyis/ /rdo rje slob dpon dge slong gis//kha zas dkar po bsten nas su/ /cho ga yang dag bsam par gyis/ /khengs pa med cing nga rgyal spang / /nyon mongs shas ni mi che zhing / /byams dang snying rje dga' ba dang / /btang snyoms la ni yang dag 'jug /yi ge bzhi pa'i sngags kyis ni/ /dgug pa gzhug pa bcing ba dang //ye shes lha ni dgyes par 'gyur/ srom mkhan la sogs bsang gtor bya/ /bsnyen pa cho ga yang dag bzung / /mchod bstod la sogs byas nas su/ /thun gtor la sogs gtang bar bya/ /phyogs skyong bcu dang rgyal po dang / / gza' dang skar ma 'byung po rnams/ /rjes mthun gtor ma byin nas su/ /de la mchod pa bstod pa bya/ /rdo rje slob dpon bka' drin gyis/ /nad pa yul 'khor yang dag bsrung / /sems can la ni snying rje'i phyir/ /rim gro'i cho ga yang dag bshad/ /de ni dkyil 'khor byed pa'i thabs so//'khor lo rim pa bcu bris la/ /sngar bshad las kyi snying po dgod/ /phyi rol 'khor lo'i ra ba la/ /phyag mtshan phyag rgya dgod pa ste/ /mnyam gzhag byang chub mchog dang ni/ /chos 'chad skyab sbyin mchog sbyin dang / /sa gnon chos sbyin phyag skor ba//bum rten rdo rje rin chen dang / /ral gri'i steng na rdo rje dang / /de bzhin pad+ma de bzhin no/ /'khor lo lcags kyu rdo rje dang / /de bzhin 'khor lo'i phyag rgyas bskor/ /pad+ma'i steng na phyag mtshan gnas/ /sdong bu dar gyis bcings pa la/ /rgyas par yang ni bri bar bya//'khor lo gnyis po zlum po la/ /pad+ma rdo rje yang dag bri/ /bde bar gsang sngags yi ge dgod par bya/ /de nang gsum po mu khyud la/ /sngar bshad sngags kyis bskor bar bya/ /de nang mu khyud gcig pu la/ /'khor lo'i rim pa de bzhin shes/ /'khor lo'i nang du ma khyud de/ /sngar bshad sngags ni bri ba'o//de yi nang na 'khor lo la/ pad+ma'i ra ba shes pa'o/ /'khor lo'i lte bar mu khyud dang / /snying po yi ni sngags bzhin no/ /lte sngags yi ge bri ba ste/ blo dang ldan pas bri bar bya/ /rig sngags kyi rgyal mo gsang sngags kyi rjes su 'dzin pa'i dkyil 'khor dang /srung ba'i 'khor lo bshad pa'i gnas skabs te bdun pa'o// //yongs su bskyab pa dang zhes bya ba la sogs pa ni/ yang dag par rdzogs pa'i sangs rgyas kyi bka' dang / rig sngags kyi bden pa dang / srung ba de rnams kyis kyang / sdug bsngal thams cad dang bral zhing bde bar gnas te/srung ba des yang dag par rdzogs pa'i sangs rgyas thob pa'o/ /'byung po thams cad bzlog par bya'o zhes bya ba ni bden pa 'dis lha'i gdon la sogs pa thams cad kyis mi tshugs shing / bde bar gnas shing 'jigs pa med par gnas pa'o/ /gzi brjid 'phrog pa rnams bzlog par bya'o zhes bya ba ni/ma rungs pa'i byis pa'i gdon rnams yin te/ ma'i mngal nas 'dzin zhing / skyes nas lo bcu gnyis bar du 'dzin pa'o/ /de'i phyir nas sems can la gzi byin 'phrog pa yin te/ bden pa de yis bde bar gnas shing /mngal na yang 'di lta ste/ skyes nas kyang bde ba'o/ /lo bcu gnyis nas kyang bde bar 'gyur ro/ /bden pa dang bden pa'i tshig ces bya ba ni/ yang dag par rdzogs pa'i sangs rgyas kyi bka' dang / rig sngags kyi bden pas bde bar gnas te the tshom med de/ / gang gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas zhes bya ba ni/ 'das pa dang / ma 'ongs pa dang / da ltar byung ba'i sangs rgyas rnams yin te/ 'das pa rnams ni mar me mdzad la sogs pa bsam gyis mi khyab ste/ ma 'ongs pa rnams kyang de bzhin du byams pa la sogs pa'o//da ltar yod pa'i shAkya thub pas kyang bdud bzhi bcom nas ston par byas pa'o/ /ngas 'dod chags dang / zhe sdang dang / gti mug zad par bya ba'i phyir ni zhes bya ba ni/ 'dod chags ni phung po'i bdud de/zhe sdang ni nyon mongs pa'i bdud do/ /gti mug ni 'chi bdag gi bdud yin te/ de 'joms pa ni lha'i bu'i bdud do/ /sangs rgyas rnams kyis bdud bzhi bcom zhing / 'khor ba ma lus par bcom zhing chos kyi 'khor lo bskor ba'o/ /chos kyi phung po brgyad khri bzhi stong bstan pa dang zhes bya ba'i bdud bzhi bcom nas/sems can gyi don la/ sprul pa'i skus khyab nas chos ston pa'o/ /bshad pa dang brjod pa'i zhes bya ba ni/ chos kyi phung po brgyad khri bzhi stong bstan nas/ sku mya ngan las 'das pa'o/ /de yang sems can gyi don la yin no//bden pa dang bden pa'i tshig des ming 'di zhes bya ba'i nad bzhi brgya rtsa bzhi zad par gyur cig ces bya ba ni/ de bzhin du de'i bden pas/ bdag dang sems can thams cad bde bar 'gyur zhing / nad thams cad zhi bar 'gyur ro/ /nad med par gyur cig /zhi bar gyur cig /rab tu zhi bar gyur cig ces bya ba ni/ rig sngags kyi rgyal mo gsang sngags rjes su 'dzin pa 'dis/ nad thams cad 'joms par byas te/ gdon thams cad brlag par byas nas/ rlung dang / bad kan dang / mkhris pa dang / 'dus pa dang ldan pa la sogs pa'i nad rigs mi gcig pa bzhi brgya rtsa bzhi bcom nas/nad pa rnams la bde bar gnas par byed pa'o/ /bden pa 'di yis kyang yang dag par rdzogs pa'i sangs rgyas kyi 'bras bu thob pa'o/ /rig sngags kyi rgyal mo gsang sngags rjes su 'dzin ma'i bden pa'i tshig gis nad pa gso ba'i gnas skabs te brgyad pa'o// //de skad ces bka' stsal nas zhes bya ba ni/ rig sngags kyi rgyal mo gsang sngags rjes su 'dzin ma'i tshig 'di bka' stsal pa'o/ /tshe dang ldan pa kun dga' bos/ btsun pa de bzhin bgyi'o zhes bya ba gsol to zhes bya ba ni/kun dga' bos thugs su chud nas/ gro ga'am/ shing shun nam/ ras la bris nas rgyal mtshan gyi rtse mo la btags te zhes bya ba'o/ /bcom ldan 'das kyi ltar mnyan nas/ yangs pa'i grong khyer du song ste zhes bya ba ni/ tshe dang ldan pa kun dga' bos sems can thams cad dang /yangs pa can gyi sems can rnams kyi/ mi nad dang / phyugs nad dang / mu ge dang / chos rnams kyang bshad du mi btub cing / ma rungs pa 'byung po rnams kyis khyer ba'i phyir ro/ /sgo yi them pa la rkang pa bzhag nas zhes bya ba ni/grong khyer yangs pa can gyi dbus su yul lha'i them pa la gnas nas/ rig sngags kyi nga rgyal byas nas/ rgyal mtshan lag na thogs nas/ seng ge'i sgra bsgrags so/ /gsang sngags kyi gzhi 'di dag dang / tshigs su bcad pa 'di dag kyang smras so zhes bya ba ni/tshe dang ldan pa kun dga' bo'i zhal nas/ nyi ma stong phrag brgya shar ba bzhin du/ 'od zer re res rig sngags kyi rgyal mo gsang sngags rjes su 'dzin ma khro bo'i tshul gyis bsam gyis mi khyab pa 'phros te/ grong khyer yangs pa can du zhugs pa'i lha 'dre rnams de'i 'od zer gyi khro bos lha 'dre rnams phyir phyung ste/rig sngags kyi dmod mos mi theg pas gzugs sna tshogs ston cing bros so/ /rig sngags kyi tshig ni/ bi sa ra ta/ bi sa ra ta/ zhes pa la sogs pa las so/ /de'i sngags yungs kar bsres la phyogs bzhir gtor bas lha 'dre thams cad kyis mi tshugs so//nir gats+tsha ta nir gats+tsha ta la sogs pa'i sngags kyis/ seng ldeng gi me phyogs bzhi mtshams bzhir sbar la mtshams bzhi nas blangs la/ yungs kar dang / skye tshe dang / shing tsher ma can bsres la me'i nang du gtor ro/ / phyogs bzhi mtshams bzhi nas chu gtor ro/ /de na zhugs pa'i 'byung po rnams kyis mi tshugs shing 'byung ngo / /sum su la sogs pa'i sngags kyis srung skud sna lnga bsngags shing mdud pa bor te/ de bsrung bar byas na nad thams cad kyis mi tshugs shing / 'byung po rnams kyang 'bros so//su mu ru su mu ru zhes bya ba'i sngags ni rig sngags kyi snying po bstan to/ /de yang pad+ma'i rigs kyi lam rigs so/ /mtshon pa ni bya ba nan tan gyi ye shes so/ /mtshon byed ni rig sngags kyi bdag nyid do/ /phung po ni 'du byed kyi phung po ste/khams ni rlung gi khams so/ /skye mched ni lus kyi skye mched do/ /ye shes lnga'i rang bzhin/ sangs rgyas lnga'i dbu rgyan can/ spyan gsum pa sku mdog ljang gu/ zhal gsum pa/ phyag drug pa/ zhal g.yas dkar ba/ g.yon dmar ba'o/ / phyag g.yas pa gsum na/ ral gri dang / rdo rje rgya gram dang / skyabs sbyin no/ /g.yon gsum na bsnams pa ni/ 'khor lo dang / zhags pa dang / rdo rje'o/ /zhabs g.yas brkyang ba/ g.yon bskum pa/ pad+ma'i steng na zla ba'i gdan la nyi ma'i 'od dang ldan pa/'dzum pa'i zhal dang ldan par bzhugs so/ /rig sngags kyi rigs ni gang zhe na/ 'di lta ste/ su mu ru su mu ru la sogs pa'o/ /de dag sngags rnams grub par 'gyur/ /zhes bya ba ni/ gsang sngags kyi bkra shis kyi tshigs su bcad pa la sogs pa'o/ / sangs rgyas rnams kyis byin rlabs dang / rig sngags gsang sngags rnams kyis byin brlabs pa/ rnam par dag pa 'di 'das pa dang / ma 'ongs pa dang / da ltar yod pa rnams kyi bka' dang / rig sngags kyi chos bden pas/ grong khyer yangs pa can srung zhing skyob pa dang /sba ba dang / zhi ba dang / bde legs su 'gyur ro/ /bcom ldan 'das kyis de skad ces bka' stsal nas zhes bya ba ni/ rig sngags kyi rgyal mo gsang sngags rjes su 'dzin ma bka' stsal to zhes bya ba ni/ tshe dang ldan pa kun dga' bo dang zhes bya ba ni/ byang chub sems dpa' sems dpa' chen po lag na rdo rje la sogs pa/ bye ba khrag khrig stong phrag brgyad do/ /nyan thos kyang de bzhin du shA ri'i bu la sogs pa nyis brgya lnga bcu dang ngo / /gzhan yang dge slong pha'am/ dge slong ma'am/ dge bsnyen pha'am/ dge bsnyen ma la sogs pa mang po dang thabs cig tu'o//mi mjed kyi bdag po tshangs pa dang zhes bya ba ni/ tshangs ris kyi lha rnams dang / gzugs kyi khams kyi lha rnams dang thabs cig go/ /lha dang zhes bya ba ni/ lha'i dbang po brgya byin sum cu rtsa gsum gyi lha rnams dang / rgyal po chen po bzhi dang / rgyal chen bzhi'i lha rnams dang zhes bya ba ni/ lha ma yin gyi rgyal po thags zangs ris la sogs pa lha ma yin mang po dang / gnod sbyin gyi ded dpon nyi shu rtsa brgyad dang / dri zar bcas pa'i zhes bya ba ni/ dri za'i rgyal po zur phud lnga pa g.yog du ma dang bcas pa dang 'phrog ma bu dang bcas pa/g.yog 'khor dang bcas pa rnams dang / 'jig rten yi rangs te zhes bya ba ni/ stong gsum gyi stong chen po'i 'jig rten gyi khams kyi'o/ /bcom ldan 'das kyis gsungs pa la mngon par bstod do zhes bya ba ni/ byang chub sems dpa' dang /nyan thos dang / dge slong pha dang / dge slong ma dang / dge bsnyen pha dang / dge bsnyen ma dang / lha dang / mi dang / lha ma yin la sogs pa'o/ /rig sngags kyi rgyal mo gsang sngags rjes su 'dzin ma'o/ /grong khyer yangs pa can na zhugs pa'i 'byung po rnams phyir btang ba'i phyir gnas skabs te dgu pa'o// //pad+ma'i rigs lnga bstan pa'i brtags pa ste gnyis pa rdzogs so// //rig sngags kyi rgyal mo chen mo gsang sngags rjes su 'dzin ma'i mdo'i 'bum 'grel slob dpon chen po las kyi rdo rjes mdzad pa rdzogs so// //rig sngags kyi rgyal mo gsang sngags rjes su 'dzin ma'i mdo'i 'bum 'grel paN+Di ta mkhas pa chen po mi mnyam rdo rje'i sras/ paN+Di ta don yod rdo rjes/ jo mo sgrol mas zhabs kyis bcags pa/ tshangs pa'i 'byung gnas rdo lung dgon par rang 'gyur mdzad pa'o// //'di bsgyur bsod nams gang thob pa/ /de yis khams srid gsum du ni/ /gsang sngags rjes su 'dzin ma yi/ /dngos grub go 'phang myur thob shog/ //