CLOSE WINDOW

D2690
བོད་ཡིག

@##/ /rgya gar skad du/ ma hA sA ha sra pra marda ni sa ta sU tra TI kA/ bod skad du/ stong chen mo rab tu 'joms pa'i mdo'i 'bum 'grel lo/ /stong chen mo rab tu 'joms pa la phyag 'tshal lo//thams cad mkhyen dang thams cad dga'/ /skye 'gro kun gyi bla ma nyid/ /dngos grub thob la phyag 'tshal nas/ /nyung ngu bsdus te yang dag dgrol/ /stong chen rab 'joms mdo sde yang / /'bum 'grel bdag gis bshad par bya//'di skad bdag gis thos pa zhes bya ba ni/ 'di skad ces bya ba ni sgro skur dang bral ba'o/ /bdag gis thos pa zhes bya ba ni kun dga' bo'o/ /grogs med dam zhe na/ nyan thos la sogs pa thabs cig tu thos pa'o//su las thos na/ bcom ldan 'das las so/ /gang thos na stong chen mo rab tu 'joms pa'i mdo 'di thos pa'o/ /sus thos na kun dga' bos thos so/ /dus gcig na zhes bya ba'i sgra ni don gnyis la 'jug ste/sdud pa po shes rab che bar go ba dang / dam pa'i chos 'byung bar dkon pa'i don to/ /ston pa ni bcom ldan 'das so/ /bcom ldan 'das zhes bya ba ni/ bcom pa ni bzhi bcom//bzhi ni dgra'o/ /dgra ni bdud bzhi'o/ /bdud bzhi ni phung po'i bdud dang / nyon mongs pa'i bdud dang / 'chi bdag gi bdud dang / lha'i bu'i bdud dang bzhi'o/ /gang gi dus na bcom zhe na/ rdo rje gdan la bzhugs pa'i dus su'o//ldan zhes bya ba ni/ skal ba dang ldan pas na bcom ldan 'das so/ /'das zhes bya ba ni/ mya ngan las 'das so/ /'das pa ni gang gi dus na 'das she na/ dpyid zla ra ba'i gnam stong gi nub mo/ byang chub sems dpa' dang nyan thos dang 'khor bzhi la sogs pa la zhal chems phog pa la nga mya ngan las 'das pa'i 'og tu/nga'i chos 'di dgra bcom pa lnga brgya 'dus pas bsdu ba gyis shig ces gsungs so/ /de nas sangs rgyas mya ngan las 'das nas de'i phyi de dbyar ka dgra bcom pa lnga brgya 'dus nas bka' bgros mdzad de/sdud pa po sla la don bsdu ba mdzad do/ /de nas lo brgya nyi shu na/ dgra bcom pa lnga brgya 'dus te rgyal po ma skyes dgras yon bdag byas te tshig bsdu ba mdzad do/ /de'i tshe sangs rgyas kyis gsungs pa la ma gsungs zer ba dang /ma gsungs pa la gsungs zer ba byung ngo / /de nas dgra bcom pa rnams kyis bka' bgros pa da lta'i dus su bdag cag bcom ldan 'das las dngos su thos pa rnams kyang ma mthun na/ phyi rabs pa thams cad sgro skur 'ba' zhig tu 'byung bas/sangs rgyas kyi bka' rtags su rgya rnam gsum gdab par bya'o/ /sdom pa'i tshigs su bcad pa'i rgya dang / dge ba gsum gyi rgya dang / chos rtags kyi phyag rgya bzhi'i rgyas btab pa la/ stong chen mo rab tu 'joms ma 'dir ni dge ba gsum dang / bka' rtags kyi phyag rgya bzhis rgyas btab pa'o//kye nyan thos dang byang chub sems dpa' rnams ngas bshad pa'i chos thams cad theg pa gsum du bshad kyang / theg pa ni gcig yin par gsungs so/ /de nas shA ri'i bu langs te/ bcom ldan 'das la lan gsum bskor ba byas nas mgo bos phyag 'tshal te/shA ri'i bus bka' stsal du gsol zhes zhus so/ /bcom ldan 'das theg pa ni gsum zhes bya bar gsungs na/ theg pa gcig yin zhes bya ba ni 'gal lo/ /de nas bcom ldan 'das kyis bka' stsal pa/ shA ri'i bu'am rigs kyi bu nyon cig /dper na sngon gyi dus su mi rgan po cig yod de/shin tu phyug pa nor dang yo byad phun sum tshogs pa/ rnam thos sras kyi nor ji tsam yod pa de tsam yod de/ rgan po de'i bu dgras khyer nas ma rnyed do/ /rgan mo des mya ngan byas pas rang gi yul du ma bsdad par gzhan gyi yul du 'phos nas yul gzhan zhig tu bsdad do/ /lo mang po lon nas dus gcig na bu de shin tu ltogs pa sprang long du song nas pha'i gan du blangs pas pha ngo ma shes te/phas ngo shes te bu 'dir shog ces byas pas/ bu 'jigs pas bros so/ /pha na re pha gi bros pa nga'i bu yin/ 'dir khrid la shog byas pas mis bzung bas bu de brgyal/ kha nas dbugs kyang ma thon/'chi ba'i dus la bab pas/ phas 'di thong cig byas pas bu de langs nas song ngo / /phyis bu de'i grogs po dang nam zhig tu gnyis bos so/ /nam zhig tu bu de yang byung ngo / /grogs po med par byung ngo / /khyim der yang bsdad do/ /nam zhig na pha na re khyod bur byang phar bya zer ro//bu na re rung zer/ zhag gcig gnyis na lor song nas bu la smras so/ /rgan po na re tshong dpon phun sum tshogs pa yin zer/ yul go sham pa yin/ bu'i ming dri ma med pa yin de zer ba dang bus nga'i pha yin par 'dug /nga'i khyim yin par 'dug sems nas blo brtan no//dpe de bzhin du theg pa gcig ces bya'o/ /de skad byas nas mya ngan las 'das so/ /dus ni dpyid zla ra ba'i tshes gcig la 'das so/ /bcom ldan 'das zhes bya ba'o/ /rgyal po'i khab ces bya ba ni dan+da ka'i grong khyer dang / ka ling ka'i grong khyer dang / ma ga d+hA'i grong khyer dang gsum yod pa las/ma ga d+hA'i grong khyer na drang srong sgom chen cig yod pa la byis pa cig gis gnod pa byas pas/ drang srong gi kha nas me byung bas/ grong khyer gsum po tshig pas dur khrod gsum du gyur/ de'i tshe lha'i bu shed las skyes dad shed bu grogs gnyis byung ste/'jig rten gyi mi rnams byung ste/ dang po lha'i zhal zas bdud rtsi za/ gnyis pa bdud rtsis zhag za/ de gnyis kyang gsog 'jog gis nub ste/ gsum pa 'bras sA lu'i ljang ba za/ de'i tshe mi rnams 'bras sA lU'i ljang pa la ma mthun nas/ mi rnams kyis 'dus nas 'dun ma byas pas/'o cag rnams la dpon po cig dgos par 'dug byas nas yod pas/ de'i tshe shing cig las sgra byung ste/ shing gi lba ba bcad pas rin po che be+ai DUr+ya gdung sha ri ram 'dra ba cig byung / de'i nang nas rgyal po mang pos bkur ba zhes bya ba byung ngo / /de'i mtshan nyid ni dbu skra in+d+ra nI la ltar 'dug pa/so dung so 'khor bar 'dug pa/ 'gram pa seng ge 'dra ba/ spyan dkar mdangs phyed pa rdzi ma ring ba/ sku chu zheng gab pa/ 'khor los sgyur ba'i cha byad can cig byung ngo / /der khrims bcas te/ mi rnams kyi bsod nams brtag par bya ba'i phyir/'bras sA lu'i ljang pa bgos so/ /'jag ma'i spyil po la me mi btang ba'i khrims bcas so/ /de nas dus nam zhig na/ rgyal po'i btsun mos me shor bas/ rgyal po na re rang gi khrims rang gis bshig tu mi btub pas/ bya rgod phung po'i ri'i nub phyogs su nga'i khyim zhig rtsigs shig gsung ngo //de nas brtsigs pas nyin mo brtsigs pa nub mo zhig pa la/ rgyal po'i zhal nas nga bsod nams khyad par du 'phags pa yin pas phyogs bzhir rgyal po'i khab yin no zhes bris shig gsungs/ phyogs bzhir rgyal po'i khab yin no/ / bris pas mi ma yin gyi gnod pa zhi'o/ /de nas pho brang be+ai DUr+ya rang shel bya bar yang grags so/ /rgyal po'i khab kyi tshad ni ci'i phyir zhe na/ 'di lta ste/ grong khyer rin po che sna bdun las byas pa'i rab rim pa bdun gyis bskor ba/ 'obs rim pa bdun dang / shing ta la'i phreng ba rim pa bdun gyis yongs su bskor ba/chur dpag tshad bcu gnyis zheng du dpag tshad bcu gnyis yod pa/ rgya che ba/ 'byor ba rgyas pa/ bde ba/ lo legs pa/ skye bo mang po dang / mis gang ba/ grong bar gyi srang mnyam zhing mtshungs pa/ lta na sdug pa/ lnga brgya dag gis ri mor bris pa bzhin du gtams pa/skye bo bzhon pa dang / khri nyam ming ba dang / bar bar du zam pa btags pa legs par grub pa grong khyer gyi 'khor yug tu zhol gyi phyi rim rin po che sna bdun las legs par byas shing bskor ba/ rin po che sna bdun gyi ra ba de dag gi mnga' yab rnams ni 'dzam bu chu bo'i gser las byas pa/mtho zhing tshad dang ldan pa/ mda' yab thams cad kyi rtse mo las kyang rin po che sna bdun gyi shing skyes te/ rin po che sna bdun gyi shing thog gi 'bras bu chags pa/ mnga' yab las shing skyes pa thams cad las kyang rin po che'i the gu byung bas/ mnga' yab gnyis pa shing gzhan dang 'brel ba thams cad dang ldan pa'i grong khyer de dag thams cad gser gyi dril bu g.yer kha'i dra bas khebs te gser gyi dril bu g.yer kha de dag la rlung gis btab na sgra 'jam zhing snyan pa yid du 'ong ba dag 'byung ba 'di lta ste/ dper na yan lag lnga dang ldan pa'i rol mo'i tshogs pa/rol mo mkhan mkhas pas brdung zhing blangs na/ sgra 'jam zhing snyan pa yid du 'ong ba dag 'byung ba de bzhin du dril bu g.yer kha de dag la rlung gis btab na/ sgra 'jam zhing snyan pa yid du 'ong ba dag 'byung ste/ sgra des sems can de dag rtse dga' kun du spyod do//grong khyer der kho ra khor yug tu 'obs chu rjes su mthun par 'bab par gang zhing chu ha cang yang mi grang ha kyang yang mi dro bas gang ba dag yod do/ /chu de la sngon gyi las kyi rnam par smin pa las grub pa/ rin po che sna bdun rnam par bkra zhing lta na sdug pa'i gru dag yod de/der sems can dag zhugs nas rtse dga' zhing rab tu rgyu'o/ /chu de dag thams cad kyang me tog ut+pal dang / ku mu da dang puN+Da rI ka dag gis khebs pa/ me tog rigs che zhing bzang la dri zhim po dang ldan pa gzhan dag gis kyang khebs te/stong gsum gyi stong chen po'i 'jig rten gyi khams na yod pa'i me tog gi rigs de las de na med pa gang yang med do/ /grong khyer de'i nang nas skyed mos tshal lnga brgya yod de thams cad kyang rin po che sna bdun las byas pa rnam par bkra zhing lta na sdug pa sha stag ste skyed mos tshal de dag re re na yang rdzing bu khor yug tu rgyang grags kyi tshad tsam/lnga brgya yod de/ rdzing bu de dag gi khor yug thams cad rin po che sna bdun gyi me tog ut+pal dang ku mu da dang / puN+Da rI ka rnam par bkra zhing lta na sdug pa dag skyes te/ de dag gis chu de khebs shing me tog ut+pal dang /pad+ma dang / ku mu da dang / puN+Da rI ka'i dri zhim po de dag thams cad kyang / chu zheng du shing rta'i 'khor lo tsam ste/ mthing ga kha dog mthing gar ston pa/ mthing gar snang ba/ ser po kha dog ser po/ ser por ston pa/ ser por snang ba/ dmar po kha dog dmar po/ dmar por ston pa/ dmar por snang ba/ dkar po kha dog dkar po/ /dkar por ston pa/ dkar por snang ba dag yod do/ /rdzing bu de dag thams cad na/ ngar dur dang / khrung khrung dang / ka ran da ka dang / sa ra sa sgra 'byin pa dag yod do/ /skyed mos tshal de dag thams cad kyang nga yir bya ba med cing ris su bcad pa med de/rgyal po'i khab ces bya'o/ /na zhes bya ba ni/ bcom ldan 'das bzhugs pa/ bya rgod phung po'i ri zhes bya ba ni gzhal yas khang ngo / /ci'i phyir gzhal yas khang zhe na/ sangs rgyas rabs bdun bzhugs nas chos gsungs pa'i phyir ro//bya rgod phung po'i ri ni brtsegs pa'o/ /ci'i phyir na brtsegs she na/ rin po che sna bzhi las grub pa'i phyir ro/ /gser dang / dngul dang / pad+ma rA ga dang / in+d+ra nI la la sogs pas ri rab bzhin du brgyan pas gzhal yas khang ngo //ri rab de'i tshad dang rgyan ni 'di lta ste/ mtho ba/ zlum pa/ gnam 'phang dang / rgyar yangs pa/ lo thog thams cad kyi sa 'dzin pa/ me tog dang / phreng ba dang / spos rnam pa sna tshogs dang ldan pa/ mi'am ci dang skyes bu'am/ dri za'i tshogs rnam par rgyu ba/ gnod sbyin dang /srin po dang / sha za rnam pa mang po gnas so/ /de dag ni lho phyogs su rgyu ba'o/ /ri dgas kyi tshogs rnam par rgyu ba la 'di lta ste/ seng ge dang / stag dang / glang po che dang / bse dang / dom dang / dred dang / gzig dang / ma he dang / sha kra dang / bse kha sgo dang /ba lang sngon po dang / ba lang dang / sha ba dang / shan dmar dang / spre'u'i tshogs rnam par rgyu ba'o/ /de dag ni byang phyogs su rgyu ba'o/ /de na bya mang po brgya stong gnas pa 'di lta ste/ ne+e tso dang / ri skegs dang / khu byug dang / shang shang te'u dang / dang pa dang / khrung khrung dang / rma bya dang / g+hu g+hu ta ka dang / ka da ka dang / thing ril dang / yid 'ong ngang pa dang / gong ma sreg dang / e te nu ma kA ka d+he nu dang / d+han d+ha zhes bya ba dang / ka ta ru d+ha dang / mo ra dang / d+hur pa dang / bi ra ba ta dang / rdo rje mchog dang / ka ran da ba dang / ngang skya dang / ku ku ha dang /nor skyong dang / sha ma dang / shi kan shi la dang / bya gag dang / phug ron dang / kag ka ba dang / kur ta dang / bya rgod dang / shan ta sha ka dang / tsad tsa la dang / gser bu dang / 'ol ba dang / khra dang / khra sems dang / 'ug pa dang / sreg pa dang / ka bin da ka dang /ba ti ka dang / tsa ti ka dang / na ba tsa ti ka dang / tsa sha dang / tsa ko ra dang / bya gag rgod dang / rgyags byed ri skegs dang / ka ta ma ka dang / ka tsa ru tsa ka dang / ka ra ru be+e ka dang / de dag la sogs pa bya'i tshogs rnams nub phyogs na gnas te/ de dag kyang sangs rgyas kyi mthus 'dod chags kyi gnod pa med do//zhe sdang dang / gti mug gi gnod pa med do/ /gcig la gcig mi za'o/ /de dag gcig la gcig pha mar 'du shes shing gnas so/ /yang ri'i rgyal po bya rgod kyi phung po de la/ drang srong dang / mi dang / mi sna tshogs shar phyogs na gnas pa'o/ /yang ri'i rgyal po bya rgod kyi phung po de la shing gi tshogs brgya sdong du ma yal ga sdug cing lo ma rgyas pa/ 'dab na drang srong gnas pa dag yod pa la 'di lta ste/ thang shing dang / blag sha dang / a shwad tha dang / pi pi ling gi shing dang /rgya skyegs shing dang / har ti ti dang / a ru ra'i shing dang / skyu ru ra'i shing dang / ba ru ra'i shing dang / sa la dang / ta la dang / nags ta ma la dang / dong ga'i shing dang / a mra dang / 'dzam bu'i shing dang / kham shing dang / ka pid tha dang / rgya shug gi shing dang / seng ldeng dang / ma du lung ka dang / bal po si'u shing dang / star ga'i shing dang / shin tu ka ta dang / kud dza ka dang / d+hang ba ka dang / sa ra la dang / e la dang / k+Shu pa dang / n+ya gro dang / dr-i d+ha ni ma dang / b+h+ra go dang / kam pi la dang / pa la sha dang / ni ya ma dang / ka ke ri ma dang /nid t+ya po lo ti dang / pog dkar po'i shing dang / sra tsi bog gi shing dang / shing kun shing dang / tsan+dan dang / tsan+dan dmar po dang / u pa ta dang / sa ka bi tsa dang / ga dza dang / bi gar dza dang / gser shing dang / pa na sa dang / rgun shing dang / shing bal shing dang /pa ri sha kra dang / hil de lta dang bcas pa dag go/ /de dag ni phyogs phyogs na gnas pa'o/ /yang ri'i rgyal po bya rgod kyi phung po de la/ thang las skyes pa'i me tog rnam pa mang po dag skye ba 'di lta ste/ a ti muk+ta ka dang / tsam pa ka dang / skya snar dang / par shi ka dang / sna ma'i me tog dang / dri mchog dang / yu thi ka dang / da nu ka ri dang / bal la dang / ta ra ni dang / ga ba ta ra ni dang / kang sa mu na dang / lug mig dang / hi ri ni ka dang / mang ta li ka dang / many+dzu pus pi ka ste/ me tog sna tshogs de lta bu dag gis ri'i rgyal po bya rgod kyi phung po gang zhig kun la mdzes so//yang ri'i rgyal po bya rgod kyi phung po de la phyogs phyogs su skyed mos tshal re re yod de/ skyed mos tshal re rer rdzing bu re re yod/ rdzing bu'i nang na chu las skyes pa'i me tog rnam pa mang po dag skye ba dag 'di lta ste/ ut+pa la dang / pad+ma dang / ku mu da dang / pad+ma dkar po dang / pad ka ni ri hi ka dang / kang ka ra dang / kang ka ra chen po ste/ de la sogs pa chu las skyes pa'i me tog rnams kyis ri'i rgyal po bya rgod kyi phung po mdzes par byas so/ /yang ri'i rgyal po bya rgod kyi phung po de la rtag tu rgyun mi 'chad par nam gyi gung thun la sprin chen po mngon par 'dus te/thog mar ri'i rgyal po bya rgod kyi phung po de la/ char sprin lta bu mngon par bsgrags nas/ ba 'jos tsam gyi bar du yan lag brgyad dang ldan pa'i char zim bu dal bu dal bus 'bab ste/ des ri'i rgyal po bya rgod kyi phung po'i kho ra yug tu tshim par byas nas/tho rangs sprin lha gyes shing nam mkha' la sprin med par gyur nas/ der yang bsil zhing 'jam la sim par byed pa'i rlung ldang ste/ de dag gis ri'i rgyal po bya rgod kyi phung po la gnas pa'i sems can la brta bar byed/ sim par bying / tshim par byed de/'di lta ste dper na/ me tog phreng rgyud dam me tog gi phreng rgyud kyi slob mas phreng ba brgyus zin nas/ chus btab pa dang / de'i phreng ba de dag snga ma bas ches bzang bar gyur pa de bzhin du/ ri'i rgyal po bya rgod kyi phung po la rtag tu rgyun mi 'chad par nam gyi gung thun la sprin chen po mngon par 'dus te/thog mar ri'i rgyal po bya rgod kyi phung po de la char sprin lta bu'i sgra mngon par bsgrags nas/ ba 'jos tsam gyi bar du yan lag brgyad dang ldan pa'i char zim bu zim bu dal bu dal bus 'bab ste/ tho rangs skye rengs shar ba'i dus na/ sprin lha gyes shing /nam mkha' la sprin med par gyur te/ yang ri'i rgyal po bya rgod kyi phung po la/ rtswa gsar ba dag skyes te/ reg bzod pa dang ldan pa dri dang ldan pa/ sngo zhing 'jam pa/ g.yas phyogs su 'khyil ba dag skye ba 'di lta ste/ dper na rma bya'i mgrin pa'i spu'i kha dog bzhin no/ / 'di lta ste dper na/ bar sha ka'i me tog gi dri bzhin no/ /'di lta ste dper na/ ka tsa lin+di ka'i gos la reg pa bzhin te/ rkang mthil bzhag na ni sor bzhis nems zhes byed pa/ rkang pa bteg na ni sor bzhis par zhes byed pa/ me tog dang / 'dab ma dang / 'bras bu dang ldan pa/lta bas chog mi shes pa dag go/ /yang ri'i rgyal po bya rgod kyi phung po de la 'bab chu'i dong dang / mtsho bran dang / mtsho dang / mtshe'u dang / rdzing rnam pa mang po bsil ba'i chus rab tu gang ba dag yod de/ de dag las me tog sngon po dang / ser po dang /dmar po dang / dkar po dang / le brgan dang / shel gyi kha dog lta bu dang / me'i kha dog lta bu dang / gser gyi kha dog lta bu che tshad shing rta'i 'phang lo tsam dag skyes te/ de dag bcad na dri ngad phyogs bzhir dpag tshad tsam du ldang ngo / /bya rgod kyi phung po'i ri zhes bya ba'o/ / ri'i rgyal po de'i rtse mo'i lho phyogs kyi ngos na/ pad+ma'i gdan chen po an+da rnyil gzhan gyis mi tshugs pa/ rdo rje lta bu'i mche ba can/ bai DUr+ya chen po'i mtha' bskor ba/ 'dzam bu'i chu bo gser dri ma med pa'i 'dab ma rgyas pa/ tsan+dan dus kyi rjes su 'brang ba'i snying po rnam par dag pa/rin po che'i rdo rje'i snying po'i ze ba dang ldan pa/ tshad rgya mtsho ltar yangs shing rgya che ba/ lha ma yin gyi dbang pos yas snying po kun du bzung ba/ nor bu rin po che sa ya'i dra ba sna tshogs kyis g.yogs pa/ klu'i dbang pos yas sprin las spos chu'i char phab pa/ nam mkha' lding gi dbang po sa yas kha nas dar dpyad gi ri mo byas pa/mi'am ci'i dbang po sa yas phan pa'i sems kyis bltas pa/ lto 'phye chen po'i dbang po sa yas gdong gis phyag 'tshal zhing ri mo byas pa/ dri za'i dbang po sa yas bstod cing bsngags mchod pa/ lha'i dbang po sa yas me tog dang /phreng ba dang / spos dang / byug pa dang / gos dang / gdugs dang / rgyal mtshan dang / lha'i ba dan gyi sprin gyi char mngon par bab pa/ tshangs pa'i dbang po sa yas mgo bos phyag 'tshal zhing ri mo byas pa gnas gtsang ma'i rigs kyi bu sa yas thal mo sbyar nas phyag byas pa/mi'am ci'i dbang po 'khor los sgyur bas yas nor bu rin po che sna bdun dang ldan pas bsdu ba/ rgya mtsho'i lha sa yas bsdu zhing phyag byas pa/ nor bu rin po che skar mdog sa yas 'od zer gyis snang bar byas pa/ bsod nams dag pa'i nor bu rin po che sa yas shin tu nges par mdzes par byas pa/nor bu rin po che'i dpal gyi 'od zer sa yas dpal rab tu thal le ba/ nor bu rin po che'i mdzod sna tshogs sa yas mtha' yas par snang ba/ nor bu rin po che 'dzam bu rgyal mtshan sa yas bres pa legs par bzung bas brtan par gyur pa/ nor bu rin po che rdo rje seng ge sa yas gzhan gyis mi thub pa bkod pa/ nor bu rin po che nyi ma'i snying po sa yas rgya cher spras pa/ nor bu rin po che bsam gyis mi khyab pas yas kha dog sna tshogs ri mo byas pa yid bzhin gyi nor bu rin po che sa yas mi zad pa bkod pas ri mo byas pa byung ste/ pad+ma chen po rin po che de ni de bzhin gshegs pa'i 'jig rten las 'das pa'i dge ba'i rtsa ba las nges par byung ba/byang chub sems dpa'i bsam pas ma nos pa/ phyogs thams cad du mngon par go bar byed pa/ sgyu mar gyur pa'i chos las nges par byung ba/ dri nga ba med pa las skyes pa/ nyon mongs pa med pa'i chos nyid kyi tshul bkod pa/ rmi lam lta bu'i chos nyid kyis kun du rgyu ba mngon par 'du byed pa med pa'i chos nyid kyi rgyas btab pa/ chags pa med pa dang ldan pa/ phyogs kun du chos kyi dbyings kyis khyab par byed pa/ sangs rgyas kyi yul rab tu brjod pa dang mthun pa ste/de'i rnam pa dang / yon tan dang / dbyibs dang / kha dog dang bkod pa'i mtha' ni bskal pa grangs med par yang rtogs par mi nus pa'i pad+ma chen po de la/ bcom ldan 'das skyil mo krung bcas nas bzhugs te/ bcom ldan 'das de chos kyi 'khor lo ni shin tu bskor/sangs rgyas kyi mdzad pa ni shin tu yongs su mthar phyin/ ye shes kyi tshogs ni shin tu yongs su rdzogs/ thams cad mkhyen pa ni shin tu yongs su bzung / byang chub chen po'i phyir pha rol tu phyin pa dang sa ni brnyes/ skyes bu chen po'i mtshan sum cu rtsa gnyis kyis brgyan pa'i sku ni rab tu 'bar/yan lag dang nying lag thams cad ni dpe byad bzang pos rnam par spras/ dbu'i gtsug ni sems can thams cad kyis bltar mi mthong / bdud kyi las thams cad ni mkhas/ sems can thams cad kyis ni shes/ spyan rnam pa lnga ni mnga'/rnam pa thams cad kyi mchog dang ni ldan/ thams cad mkhyen pa'i ye shes dang ni ldan/ sangs rgyas kyi chos thams cad dang ni ldan/ bdud dang phas kyi rgol ba'i tshogs thams cad ni bcom/ grags pa dang / sgra dang tshigs su bcad pa ni 'phags/khyu mchog dang seng ge'i sgra ni bsgrags/ ma rig pa'i mun pa ni kun du bsal/ bskal pa bye ba khrag khrig brgya stong grangs med dpag tu med par/ sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / thabs dang / stobs dang / smon lam dang / ye shes kyi pha rol tu phyin pa dang / bya dka' ba'i spyod pa las ni phyir ma log /sku ni skyes bu chen po'i mtshan sum cu rtsa gnyis dang / dpe byad bzang po brgyad cus brgyan te rab tu mdzes shing / thog mar dge ba bar du dge ba tha mar dge ba don bzang po tshig 'bru bzang po ma 'dres pa yongs su rdzogs pa yongs su dag pa yongs su byang ba'o//sangs rgyas zhes bya ba ni spangs pa phun sum tshogs pa'o/ /spyod yul ni dus gsum sangs rgyas 'byung ba'i gnas so/ /rdo rje rin po che'i shing ljon pa rab tu snang ba'i nags tshogs na zhes bya ba ni rdo rje rin po che'i shing ljon pas legs par brgyan pa'i dbus na/nyan thos dgra bcom pa rnams dang / byang chub sems dpa'i dge 'dun dang thabs cig tu bzhugs pa'o/ /tshe dang ldan pa shA ri'i bu nas tshe dang ldan pa kun dga' bo'i bar du de dag la sogs pa dge slong nyis brgya lnga bcu po de dag gi mtshan nyid ni/dben pa'i ngo bo nyid kyis tshul mngon par rdzogs par rtogs pa/ yang dag pa'i mtha' mngon sum du gyur pa/ chos kyi rang bzhin la zhugs pa/ srid pa'i rgya mtsho las rgal ba/ de bzhin nyid nam mkha' lta bur spyod yul ba/kun du sbyor ba dang / bag la nyal gyi 'ching ba gcad pa/ gnas dang rten la ma chags pa/ nam mkha' lta bur zhi ba la rnam par rgyu ba/ sangs rgyas la nem nur dang / yid gnyis dang / the tshom za ba gcod pa/ sangs rgyas kyi ye shes rgya mtsho la mos pa'i lam du zhugs pa/'gro ba thams cad la phan pa'i phyir zhugs pa/ gsol ba btab par dge ba'i bshes gnyen byed pa/ sems can thams cad srung bar zhugs pa/ sems can thams cad yongs su mi gtong ba'i mdza' bshes su gyur pa/ sangs rgyas kyi bstan pa'i spyod yul las nges par 'byung ba/de bzhin gshegs pa'i bstan pa bsrung bar bzhugs pa/ sangs rgyas kyi bstan pa kun du 'dzin par smon lam btab pa/ de bzhin gshegs pa'i gdung rigs 'byung bar mngon du phyogs pa/ thams cad mkhyen pa'i ye shes mngon du gyur pa sha stag go/ / bya rgod phung po'i ri dang / dge slong gi mtshan nyid kyi gnas skabs te dang po'o// //de'i tshe bcom ldan 'das dang dge slong gi dge 'dun tshogs pa'o/ /bcom pa ni bzhi'o/ /ldan pa ni skal ba drug dang ldan pa'o/ /'das pa ni mya ngan las 'das pa'o/ /dge slong gi dge 'dun ni nyan thos so//bcas pa ni byang chub sems dpa' dang bcas pa'o/ /lus 'phags po ni gzugs can snying po'o/ /yul ma ga d+hA zhes bya ba ni yul dbus so/ /rgyal po ma skyes dgra zhes bya ba ni/ ci'i phyir zhe na/ sngon gyi dus su ma skyes dgra ni sha bar skyes pa'o//gzugs can snying po ni ri khrod du rigs ngan du skyes pa'o/ /des ma skyes dgra sha bar skyes pa de la mdas brgyab nas bsad pas/ de'i las kyi rnam par smin pas/ rgyal po gzugs can snying po'i dgrar 'ongs pas ma skyes dgra zhes bya'o/ /ma ga d+ha'i bar gyi yul na rgyal po chos skyes la bu mo gnyis yod pa la/rgyal po gzugs can snying po dang bu mo chung shas gnyen byas pa la/ bu mo che shos la gtsug lag khang kun na re 'dis khyo mi rnyed/ ci'i phyir zhe na/ khyo la phyin kyang bu mo la bu nam skye tsan pha gsod zer bas su yang 'dod pa med pas nu mo na re khyod kyis su la phyin kyang khyo gcig rnyed de 'ongs pas/nga cag gnyis gzugs byad dbyibs dang thams cad 'dra bas/ nga gzugs can snying po la thong zer/ nu mos mnyan nas/ phu mos nu mor brdzus nas gzugs can snying po la phyin no//mo la bu skyes pas ma skyes dgra zhes bya'o/ /de'i pha ni rgyal po gzugs can snying po zhes bya'o/ /de la pho brang bai DUr+ya rang shel bya ba yod pa/ mchod gnas su yang dag par rdzogs pa'i sangs rgyas shAkya thub pa bzhugs pas/ bdud lhas byin gyis phrag dog byed pas/gzugs can snying po'i bu ma skyes dgra la khyod dang rgyal po gzugs can snying po gnyis/ yab sras bzang ngan med pa yin la/ pho brang bai DUr+ya rang shel kyang khyod la mi ster/ kho'i mchod gnas kyang gau ta ma la byas/ lha sbyin na reng dang gau ta ma gnyis yab kyis ma phye yum gyis ma phye ba yin pa la/gzugs can snying pos gau ta ma'i yon bdag byas/ nga la yon bdag byas pa med/ khyod la yang mchod gnas dang pho brang med/ ngas gau ta ma gsad/ khyod kyis rgyal po gzugs can snying po sod ngas mchod gnas bya khyod kyis yon bdag bya byas pas/ma skyes dgras bdud lhas byin la nyan nas/ 'khor pa dang blon po rnams bos nas/ nga'i yab zung shig byas pas/ 'khor ba dang blon pos yab bzung ngo / /ma skyes dgras yab kyi rkang mthil bshus nas/ 'bras ma bgrus pa'i gseb nas drud bshal byas nas yab ma 'das par dong du bcug nas gsangs nas gzhag go//de nas rgyal po ma skyes dgra'i yum gyis bza' btung bag re bskyal lo/ /de nas bdud lhas byin gyis kyang rgyal po'i khab kyi grong khyer bar gyi steng nas lcags kyi rdo'i 'khrul 'khor bcas nas gzhag go//bcom ldan 'das 'khor nyan thos dang bcas nas bsod snyoms mdzad nas/ rgyal po'i khab kyi grong bar na yar byon pa la/ lhas byin gyis 'khrul 'khor thag pa bcad pas rdo'i char drag po phab pas/ de'i dbus su gnod sbyin rgyud la phog pas/gnod sbyin shi nas lha'i bur skyes so/ /rdo ba yar ma gcig gis bcom ldan 'das kyi zhabs g.yas pa'i mtheb rtsa las khrag dbyung ngo / /khrag byung bas 'jig rten gyi mi rnams na re bcom ldan 'das kyi sku lus rdo rje'i phung po yin zer ba mi bden zer bas/bcom ldan 'das kyi zhal nas sngon rigs ngan du skyes pa'i dus su ri dgas gcig la brgyab pas de'i las kyi rnam par smin pa yin gsungs so/ /de nas ma skyes dgra nga'i bu'i lag ngar la/ thor pa gcig la khrag byung bas/ ma skyes dgra'i khas 'jibs nas bor nas sas g.yogs so//de mthong nas ma skyes dgra'i ma dgod do/ /ma skyes dgra na re de phan chod du yum bshum pa la/ de ring yum dgyes pa de ci las dgyes pa yin zhes dris pas/ man re sngon khyod kyi lag pa la yang thor pa gcig byung nas/ yab rgyal po gzugs can snying pos kyang khrag de khyod kyis mthong na brgyal gyis dogs nas 'thungs pas med pa de dran pas bzhad pa yin gsung ngo //de nas rgyal po ma skyes dgra des yab 'di 'dra ba'i drin can yin par 'dug pa la ngas ma legs pa 'di 'dra ba byas so snyam nas 'gyod pa skyes nas yab dong nang nas bton la bsnyen bkur bya bsams nas phyin pas/yab kyis ma skyes dgra'i skad grag par thos nas/ khos mtshon brgyab nas nga gsod par byung snyam nas/ yab kyi snying gas nas 'das so/ /de'i dge ba'i rtsa ba la sangs rgyas bcom ldan 'das dang / nyan thos dang byang chub sems dpa' rnams steg pa'i phyir/na bza' dang zhes bya ba ni yang dag par rdzogs pa'i sangs rgyas dang / 'khor rnam bzhi dus dus su na bza' gsol ba'o/ /gzims cha dang zhes pa ni/ de yang dus dus su gzims cha la sogs pa 'bul ba'o/ /snyun gyi gsos sman dang zhes bya ba ni/sangs rgyas la sogs pa dge slong gi dge 'dun de dag la/ gso ba'i yo byad rtag tu 'bul ba'o/ /yo byad rnams kyis ni bkur sti byas/ rtag tu lus ngag yid gsum dad par bya'o/ /bla mar bya ba ni gong nas gong du dam par khur ba'o//bsti stang byas nas ni/ de bas kyang lhag pa med par khur ba'o/ /mchod pa byas pa'o zhes pa ni sangs rgyas dang 'khor rnams la sogs pa/ dus dus su rtag tu mchod pa'o/ /yang de'i tshe sa yang cher g.yas par gyur zhes bya ba ni/ sa chen po 'di rnam pa drug tu g.yos/rab tu g.yos kun du rab tu g.yos/ 'gul rab tu 'gul/ kun du rab tu 'gul/ ldeg rab tu ldeg /kun du rab tu ldeg go/ /chem chem/ rab tu chem chem/ kun du rab tu chem chem/ 'ur 'ur rab tu 'ur 'ur/ kun du rab tu 'ur 'ur/ shig shig /rab tu shig shig /kun du rab tu shig shig ste/ ltas chen po bco brgyad byung ba'o/ /ltas chen po bco brgyad po de dag gang gi phyir zhe na/ mu ge dang / mi nad dang / phyugs nad dang / yams kyi nad dang / 'brum bu'i nad gsum dang / rims nad dang / rlung nad dang /mkhris pa'i nad dang / bad kan dang 'dus pa'i nad dang mdze dang lhog pa dang / me dbal dang / nad de dag la sogs pa sa g.yos pas byung ngo / /sprin 'dus pa chen po yang byung zhes bya ba ni ma rungs ba 'bab pa'i phyir ro/ /ci'i phyir ma rungs pa zhe na/ me tshan gyi char chen po 'bab pa'i phyir ro//dus ma yin par rlung zhes bya ba ni nad thams cad byung ba'i phyir ro/ /ser ba chen po ni mu ge chen po byung ba'i phyir ro/ /sprin chen po las char pa yang 'bab par gyur zhes bya ba ni skyi 'dang sman dang gi char chen po bab nas lo nyes byung ba'i phyir ro/ / 'brug kyang di ri ri zer zhes bya ba ni nam mkha' la 'jigs pa'i sgra byung ba'i phyir ro/ /glog rnams kyang byung zhes bya ba ni yangs pa can gyi mi rnams gcig la gcig ma mthong nas skrag pa'i phyir ro/ /phyogs bcu yang 'khrugs par gyur to zhes bya ba ni yangs pa can gyi mi rnams brgyal ba'i phyir ro//mun pa mun nag ces bya ba ni mi rnams gcig la gcig ma mthong ba'o/ /chen po yang byung zhes bya ba ni mi bzad pa'i mun pas 'od rnams zil gyis mnan pa'i phyir ro/ /skar ma dang nyi ma dang zla ba mi snang zhing 'od dang mi ldan pa ni/ mun pa'i sprin chen pos bkab pa'o//lhan ner ma yin/ lhang nger ma yin zhing 'od mi gsal bar gyur to zhes bya ba ni 'od rnams mi 'byung zhing gzi brjid mi gsal bas te/ shes rab can rnams shes rab dang bral bar gyur ba'o/ /des na zhes bya ba ni/ de rnams kyi rdzu 'phrul gyi nus mthu bstan pa'o//yangs pa can gyi grong khyer chen por 'jigs pa de dag byung ba ni/ lits+tsha bI 'byung bos btab pa'i phyir ro/ /yangs pa can gyi grong khyer zhes bya ba ni yul dbus nyid do/ /lits+tsha bI kha cig gis grong gzhan dang zhes bya ba ni bram ze'i grong khyer la bya'o/ /grong khyer gang yin pa de zhes bya ba ni ma ga d+hA dang bram ze'i grong gnyis la bya'o//gdon 'byung pos btab par gyur ces bya ba ni grong khyer de gnyis ka'i mi rnams la 'byung po'i nad sna tshogs byung bas 'jigs pa'i phyir ro/ /grong gi gzhon nu rnams zhes bya ba ni rtsis mkhan dang ni gtsug lag mkhan pos mi zin pa/mig rno dang mo ma rnams kyis kyang mo mi zin pa'o/ /blon po dang ni blon pos kyang rgyal po la zhu ba phul mi nus shing nad kyis btab pa'o/ /blon po chen po dang ni gong bzhin du'o/ /'khor dang gnas dang / bran pho dang / bran mo dang / las byed pa dang / mngag pa dang / g.yog kha cig kyang gdon zhes bya ba ni ma rungs pa'i 'byung po rnams kyis btab nas/ dran pa stor ba dang / smyo ba dang / yams nad dang / rims nad dang / 'brum bu dang / lhog pa la sogs pa'i nad ma rungs pa mang po byung ba'o/ /'byung pos btab par gyur zhes bya ba yan chod ni/klu dang / gnod sbyin dang / yi dags dang / 'byung po dang / sha za la sogs pa rnams bram ze lits+tsha bIs bskrad pas ma thub pa'i phyir/ /grong de'i mi rnams la nad sna tshogs byung ba'i phyir 'jigs pa'o/ /yul yangs pa can gyi ljongs/kun gyi dge slong dang / dge slong ma dang / dge bsnyen dang / dge bsnyen ma dang zhes bya ba ni dkon mchog gsum la dad pas skyabs su 'gro ba'o/ /skyi bung zhes bya ba ni drag tu 'jigs pa'i phyir ro/ /'jigs skrag sngangs te skyi bung zhes bya ba ni sangs rgyas dang chos dang dge 'dun la dad par byed pa rnams kyang /sems can gyi sdug bsngal thos nas sems stor nas lus 'dar bar gyur te/ ngag gis kyang bzlas pa la sogs pa mi nus pa'o/ /kha gnam du bltas shing du 'bod do zhes bya ba ni dus ma yin pa'i ser ba dang char pa rnam pa sna tshogs 'bab pas 'jigs pa'o//sangs rgyas dang chos dang dge 'dun la phyag 'tshal zhes bya ba ni gus par de rnams kyis kyang 'jigs skrag byung ba'i phyir/ sangs rgyas dang chos dang dge 'dun la phyag 'tshal lo/ /bram ze'i khyim dag ces bya ba nas mchod rten gyi gnas na gnas pa dag la phyag 'tshal zhes bya ba ni lta ba log pa'i phyir rang dad pa'i lha la phyag 'tshal bas mun nag zhi bar byed pa'i phyir ro//gang dag yang dag par rdzogs pa'i sangs rgyas kyi bstan pa la mngon par ma dad pa'i bram ze dang zhes bya ba ni 'jig rten mi rigs mi gcig pa/mu stegs kyi chos la dga' ba ste/ de rnams kyang lta ba mi gcig pa sum brgya drug cu po yang / de las bsdus pa drug ste/ snying rje med cing gab pa dang / dgra bcom pa dang / byol song la gus pa dang / khrus chog dang /dka' thub dang / dge sbyong dang drug go/ /de las bsdus pa gnyis te/ rtag chad gnyis so/ /khyim bdag de dag kha cig ni tshangs pa la phyag 'tshal zhes bya ba ni rtag par lta zhing tshangs pa la gus pa'o/ /kha cig ni brgya byin la zhes bya ba ni 'khor ba'i sdug bsngal la lta zhing 'dod pa'i yon tan lnga la lta ba'o//kha cig ni 'jig rten skyong ba la phyag 'tshal zhes pa ni dbang dang mtho ris thob par 'dod pas tshe 'di dang phyi ma la bsrung ba dang / skyob par 'dod pa'o/ /kha cig ni dbang phyug chen po dang zhes pa ni dka' thub tu gnas pa yod par lta ba rnams so//khyim bdag ni so so'i lta ba'o/ /nor bu bzang po dang ni rtag par 'dod pa nor gyi don la gnas pa rnams so/ /gang ba bzang po dang / 'phrog ma dang zhes pa ni 'jig rten 'di dang phyi ma la phun sum tshogs pa rtag par lta ba'o/ / nyi ma dang ni zhes pa ni/ chad par lta ba rnams so/ /zla ba dang ni zhes pa ni bar ma de'i lta ba'o/ /skar ma dang ni zhes pa ni gnyis la gtogs pa'o/ /gza' dang zhes pa ni mthun pa dang mi mthun pa'i lta bar gnas pa'o/ /ri dang nags tshogs dang / sman dang / ljon shing dang /klung dang / lteng ka dang / mtshe'u dang / rdzing bu dang / mchod rten gyi gnas na gnas pa dag la phyag 'tshal zhing zhes pa ni lta ba gcig pa de rnams/ gnas de rnams su phyin nas/ dam bdar ba dang / smon lam la sogs pa 'debs pa'o /bdag cag ni 'di 'dra ba'i gnod pas 'jigs pa'i gnas nas ji ltar thar bar 'gyur snyam du sems shing 'khod pa dag ces bya ba ni so so'i lta ba mi gcig pa'i lha rnams la/de skad du smras nas rang gi yi dam la gsol ba 'debs pa'o/ /bcom ldan 'das ni bshad zin to/ /grong khyer yangs pa can gyi mun pa 'byung ba'i gnas skabs te gnyis pa'o// //spyan rnam par dag pas gzigs zhes bya ba ni thugs rje'i spyan gyis sems can la gzigs pa'o/ /de nas bcom ldan 'das zhes bya ba nas/ mngon par 'du mdzad do zhes bya ba yan chod ni dam pa'i chos mngon par bshad pa yin te/de nas bcom ldan 'das kyis rdzu 'phrul zhes bya ba ni gling bzhi bye ba phrag brgyar sprul ba'i sku bye ba phrag brgyar sprul pa'o/ /mngon par 'du mdzad pas mngon par 'du mdzad pa zhes bya ba ni gang la gang gis 'dul ba de la de dang de'i ngo bor snang ba'o//de tsug yin par ci shes na/ bcom ldan 'das kyi bka' las/ gang la gang 'dul de la de ston pa/ /ston pa'i glang po khyod la phyag 'tshal lo/ /stong gsum gyi stong chen po'i 'jig rten gyi khams zhes bya ba ni bcom ldan 'das kyis bka' stsal pa/ 'jig rten gyi khams ni gsum ste/nyi zla stong / gling bzhi ri rab dang bcas pa stong / rgyal chen rigs bzhi nas tshangs pa'i 'jig rten gyi bar du stong spyi phud do/ /de stong la stong gnyis pa bar ma'i 'jig rten gyi khams so/ /stong gnyis pa bar ma'i 'jig rten gyi khams stong la/ stong gsum gyi 'jig rten gyi khams chen po'o/ /lha dang mi dang lha ma yin du bcas pa'i 'jig rten dad par gyur te zhes bya ba ni cho 'phrul rnam pa gsum ste/ ma dad pa dad par byed pa'i cho 'phrul dang / kun rjod par byed pa'i cho 'phrul gsum gyis dad pa smin par byed pa'i cho 'phrul dang /stong gsum gyi stong chen po'i 'jig rten gyi khams lha dang mi'i bar du 'dun par bcas pa'o/ /de nas zhes bya ba ni/ bcom ldan 'das kyi rdzu 'phrul gyis 'gro ba 'dun par mdzad pa de nas/ mi mjed kyi bdag po tshangs pa zhes bya ba ni bsam gtan dang po'i lha ste/tshangs pa chen po zhes bya'o/ /tshe tshad bskal ba drug cu thub/ lus dpag tshad phyed dang gnyis/ 'di man chad bsam gtan dang po'i rtog dpyod me dang 'dra bas me yis 'jig /'di yang bsam gtan dang po ste/ tshangs pa mdun na 'don gyi nges tshig gong ma'i tshangs pa chen po'i spyan snga na/'og ma 'gro drug gi las dge sdig gi smrang 'don pas/ tshangs pa mdun na 'don zhes bya'o/ /yang na tshangs pa chen po la phan 'dogs pas tshangs pa nye phan zhes bya'o/ /yang na tshangs pa chen po la 'khor bas tshangs 'khor zhes bya'o/ /tshe tshad bskal ba bzhi bcu thub/lus dpag tshad gcig go/ /'di yang bsam gtan dang po ste/ tshangs ris kyi lha'i nges tshig 'og ma'i 'dod pa khams kyi 'khor ba gyod 'khrin 'dra ba las ni tshangs pas tshangs pa chen po'o/ /'khor du tshangs ris tshe'i tshad bskal pa nyi shu thub lus dpag tshad phyed do//lha rnams kyi dbang po brgya byin zhes bya ba ni lha'i dbang po brgya byin dang nye dbang sum cu rtsa gnyis/ rnam par rgyal ba'i khang bzangs tshon sna brgya rtsa gcig las byas pa'i nang na gnas/ dga' pa'i tshal/ dgyes pa'i tshal/ rtsub 'gyur tshal/sna tshogs tshal/ grong khyer blta na sdug ces bya ba gnas so/ /ri rab kyi lcog gcig la/ lag na rdo rje la gnod sbyin gyis bskor ba gnas so/ /ri rab gru bzhi kha tshon phyogs re rer dpag tshad stong phrag bcu bcu yod do/ /rgyu rin chen bzhis byas pa'i steng 'di ni gser gyi sa gzhi shin tu bde zhing nyams dga' ba'o//rdo a mo li ka'i steng na kau shi ka chos 'chad pa'o/ /shing yongs 'dus brtol yang dpag tshad lnga brgya yang skyes/ dpag tshad lnga brgya mar zug /yan lag lnga pa yang dpag tshad drug cu yod do/ /de la lha dang lha ma yin 'thab pa'o//sum cu rtsa gsum pa'i lha rnams dang zhes bya ba ni gzhan 'phrul dbang byed kyi lha dang / 'phrul dga'i lha dang dga' ldan gyi lha rnams te/ gzhan 'phrul dbang byed kyi nges tshig ni 'og ma'i rdzu 'phrul dbang byed pas/ gzhan 'phrul dbang byed do/ / tshe tshad dang mi lo stong drug brgya la lha'i zhag gcig tu brtsis pa'i lo drug stong thub/ lus la rgyang grags bcu yod do/ /lha'i rgyal po la dbang byed pas gzhan 'phrul dbang byed do/ /'phrul dga'i lha'i nges tshig ci 'dod pa rang gi lus las 'byung bas 'phrul dga'o/ / tshe tshad ni mi lo lnga brgya la/ lha'i zhag gcig tu brtsis pa'i lo stong thub/ lus la dpag tshad gcig bsam 'phel nor bu la longs spyod do/ /dga' ldan gyi lha'i nges tshig ni lha ma yin gyi 'thab rtsod dang bral pa'o/ /tshe ni mi lo nyis brgya la zhag gcig tu brtsis pa'i bzhi stong ngo //lus la rgyang grags bzhi yod/ yang na lha'i rgyal po dga' ldan bya ba yod pas/ dga' ldan no/ /lha mo dang lag pa sprad pas 'khrig /'di ni 'thab bral lha'i nges tshig ni lha ma yin gyi 'thab rtsod dang bral bas so/ /'thab bral gyi lha'i khang bzangs ni ri rab steng na khyim yod/lha mo dang sbyor ba ni lus la 'khyud pa tsam gyis tshim/ mi lo dgu pa tsam gyi tshod skye ste/ tshe tshad ni mi lo nyis brgya la lha'i zhag gcig tu brtsis pa'i nyis stong thub po/ /lus la rgyang grags gnyis yod do/ /lha re re bsam 'phel nor bu re re la spyod do//sum cu rtsa gsum mi lo brgya la zhag gcig tu brtsis pa'i lo stong thub/ lus tshad ni gzhu 'dom nyis brgya lnga bcu'o/ /rgyal po chen po bzhi zhes bya ba ni yul 'khor srung dang / /'phags skyes po dang / mig mi bzang dang / rnam thos sras so/ /rgyal chen rigs bzhi'i lha rnams dang zhes bya ba ni/sum cu rtsa gsum mi bzhin mi spyod/ khye'u pha'i phrag pa g.yas pa las skye/ bu mo ma'i brla las skye'o/ /gnod sbyin gyi ded dpon nyi shu rtsa brgyad dang zhes bya ba ni/ 'di lta ste/ ring po dang ni mig bzangs dang / /gang po dang ni ser skya'o//nye shing dang ni seng ge dang / /dus can dang ni dga' ba dang / /seng ge ral ba can dang seng ge'o/ /bla ma dang ni ser skya dang / /'dzin pa dang ni 'dzin pa dag /rtsod skyod dang ni khyab 'jug go/ /lnga skyong dang ni tshigs lnga ser/ /ri mnyam dang ni gser can no//sa ba shin tu sa pa dang / /nag po dang ni nye nag go/ /nyi ma zla ba me dang rlung / /lus ngan gyi ni bu thu bo/ /kun du rgyal ba mi la zhon/ /phrugs su ldan na gnas pa ste/ /lha'i bden pas gsol ba'o/ /gnod sbyin de dag ni gnod sbyin chen po'o/ /de rnams kyis yongs su 'dren pa/rdzu 'phrul dang ldan pa/ 'od dang ldan pa kha dog dang ldan pa/ grags pa dang ldan pa'o/ /gnod sbyin stobs po che sum cu rtsa gnyis zhes bya ba ni dbang po dang / zla ba dang / chu lha dang / skye dgu'i bdag po dang / ba ra d+h+wa dza dang / dbang ldan dang / tsan+dan dang /'dod pa'i gtso bo dang / mgrin ngan dang / mgul nges dang / b+ha Ti dang / nor bu dang / nor bu spyod dang / sgra rab dang / nye lnga spyod dang / ri mnyam dang / gser can dang / gang po dang / seng ldeng ba dang / g.yon can dang / gnod sbyin pa lang skyong dang / 'brog gnas dang /mi'i rgyal po dang / rgyal ba'i khyu mchog dang / tshigs lnga ser po dang / bzhin bzangs dang / gnod sbyin ring po 'khor dang bcas pa dang / dri sna tshogs sde dang / 'bras bu gsum pa dang / mgul gsum pa dang / lcags mdung ring po dang ma ldan te/ gnod sbyin de dag ni gnod sbyin stobs po che chen po ste/ sde rnams kyis yongs su 'dren pa/ rdzu 'phrul dang ldan pa/ 'od dang ldan pa/ kha dog dang ldan pa/ grags pa dang ldan pa ste/ lha dang lha ma yin gyi yul dag kyang myong bar byed pa dag go/ /'phrog ma'i bu dang bcas zhes bya ba ni/yab ni gnod sbyin chen po bany+tsi ka'o/ /bu ni lnga brgya'o zhes bya ba ni 'khor la sogs pa'o/ /'khor dang bcas pa zhes bya ba ni tshangs pa nas 'phrog ma'i bu yan chad do/ /kha dog ni so so'i kha dog go/ /'phags pa dang ni rang gi 'od kyis rang gsal ba'o/ / nub mo 'das zhes bya ba ni mun pa las 'das pa'o/ /yang na nub mo dang nyin mo khyad par med pa'o/ /dag pa lta bu'o zhes bya ba ni nyan thos dang byang chub sems dpa' dang / lha dang lha ma yin la sogs pa dag pas dag pa'o/ /gang las dag ce na/ nyon mongs pa lnga dang bral ba'o//bya rgod kyi phung po'i ri la ni so so'i 'od kyis khebs pa'o/ /gang gi 'od ce na/ tshangs pa la sogs pa'i 'od dang / mthus snang ba chen pos snang bar byas te zhes bya ba ni tshangs pa la sogs pa'i mthus bya rgod phung po la snang pa'o/ /bcom ldan 'das la zhes bya ba ni/bcom pa ni bzhi bcom/ ldan pa ni drug go/ /'das pa ni mya ngan las 'das pa'o/ /ga la ba der zhes bya ba ni spyan sngar ro/ /dong nas phyin pa dang zhes bya ba ni tshangs pa la sogs pas phyin pa'o/ /bcom ldan 'das kyi zhabs la mgo bos phyag 'tshal te zhes bya ba ni lha'i me tog dang /lha'i spos dang / lha'i mar me dang / lha'i zhal zas dang / lha'i man+da ra ba dang / pad+ma dkar po dang / u du m+WA ra la sogs pa me tog gi char phab pa'o/ /phyogs gcig tu 'khod nas zhes bya ba ni phyogs gcig tu tshangs pa la sogs pa 'dug pa'o/ / tshig gcig ces bya ba ni gnyis su med pa'o/ /ngag gcig ces bya ba ni thams cad mthun pa'o/ /dbyangs gcig ces bya ba ni so so'i bstod pas mthun pa'o/ /bcom ldan 'das la tshigs su bcad de mngon par bstod pa zhes pa ni tshangs pa la sogs pa'i lha rnams kyis bstod pa'o//ji skad du bstod na/ shin tu 'bar ba'i gser dang 'dra/ /zhes pa ni dper na gser mkhan gyis gser sbyangs pa'i 'od dang 'dra bas te/ yang na nyi ma bdun gyi 'od dang 'dra ba'o/ /zla ba nyi ma'i 'od dang mtshungs/ /zhes bya ba ni 'od dang mnyam pa ste/ dper na zla ba bsil bar byed pa bzhin du/sems can thams cad kyi don byed pa'o/ /dpal ldan zhes bya ba ni gnyis ldan te/ 'jig rten pa'i dpal dang / 'jig rten las 'das pa'i dpal lo/ /'jig rten pa'i dpal ni 'jig rten la grags pa'o/ /'jig rten las 'das pa'i dpal ni gnyis su med pa ste so so ma yin no//rnam thos kyi bu bzhin brtan zhes pa ni dper na rnam thos kyi bu'i nor la sogs pa zad pa med pa bzhin du/ yang dag par rdzogs pa'i sangs rgyas kyi yon tan zad mi shes pa'i phyir ro/ /rin chen rnams kyi 'byung gnas lags//zhes bya ba ni dper na yid bzhin gyi nor bu rin po che bzhin du dgos 'dod 'byung ba'o/ /seng ge glang chen 'dra ba'i 'gros/ /zhes bya ba ni dper na seng ge ni gcan gzan gyi rgyal po yin pa bzhin du/ nyon mongs pa thams cad kyi gnyen por gyur pa'o/ / glang chen 'dra ba'i 'gros zhes bya ba ni dper na glang po che thogs rdugs med par 'gro ba bzhin du/ de bzhin du bcom ldan 'das kyi yang lam mo/ /glang chen myos pa bzhin du gnon/ /zhes bya ba ni dper na glang po che ra ro ba bzhin du dran pa med de/ de dang 'dra ba yang dag par rdzogs pa'i sangs rgyas so//gser gyi ri ba dang yang mtshungs/ /zhes bya ba ni dper na gser gyi ri bo ni brjid cing lhun sdug pa bzhin du/ yang dag par rdzogs pa'i sangs rgyas kyi sku mthong na mi mthun pa med pa'o/ /'dzam bu'i gling gi gser rgyan 'dra zhes pa ni ri rab kyi lho ngos na rgya mtsho chen po'i 'gram na/shing ljon pa'i 'dzam 'bras zhes bya ba yod de/ 'dzam 'bras kyi 'bras bu mar la lhung bas rgya mtsho la yang mdog 'gyur ba'o/ /de nas 'dzam bu'i gling zhes bya ba'o/ /de'i 'og na gser yod de/ shin tu dmar ba/ shin tu kha dog legs pa dag dang mnyam par byed/dpe de bzhin du yang dag par rdzogs pa'i sangs rgyas kyang / kha dog dang gzi brjid dang / yon tan gyis brgyan pa'o/ /skar ma rnams kyis yongs bskor ba/ /zhes pa ni dper na skar ma ste/ nyan thos la sogs pa'o/ /bskor ba ni bcom ldan 'das la'o//nam mkha'i zla ba dri med bzhin/ /zhes bya ba ni dper na dbyar gyi nam mkha'i 'od bzhin du yang dag par rdzogs pa'i sangs rgyas nyon mongs pa la sogs pa'i dri ma dang bral ba'o/ /nyan thos dge 'dun rnams kyi dbus/ /zhes bya ba ni dgra bcom pa byang chub sems dpa'i 'khor rnams kyi dbus su'o//mtshan rnams kyis ni brgyan par gyur/ /zhes pa ni mtshan sum cu rtsa gnyis dang / dpe byad bzang po brgyad cus brgyan pa'o/ /lha dang bcas pa zhes bya ba ni tshangs pa la sogs pa'o/ /'jig rten 'di ni gus par bcom ldan 'das la'o//thub pa la ni zhes bya ba drang srong thub pa zhes bya ba yod de de bzhin du de'i rgyud kyi thub pa zhes bya'o/ /yang na lus ngag yid gsum thub pas thub pa'o/ /skyabs su mchi zhes pas ni skyabs su 'gro bas na'o/ /mi rnams la ni sman slad du/ / zhes pa ni bsrung ba dang skyob pa'o/ /srung ba dus su nye bar gnas/ /zhes bya ba ni srung ba ni ngan song gsum las so/ /dus su ni nyen pa'i dus su'o/ /sangs rgyas zhes pa ni nyon mongs pa spangs pa'o/ /snga mas bshad pa'i zhes pa ni gang+gA'i klung gi bye ma snyed brgyad khri bzhi stong gis gsungs pa'o//stong chen zhes bya ba ni gang+gA'i klung gi bye ma snyed brgyad khri bzhi stong de bzhin gshegs pa rnams de'i sgo nas sangs rgyas pa'o/ /chen mo zhes pa ni de dang mnyam pa med pas so/ /rab ces bya ba ni mi mnyam pa'o/ /'joms pa ni stong gsum gyi stong chen po'i bgegs rnams thams cad 'joms pa'i phyir ro//mdo sde de ni zhes bya ba ni sangs rgyas rabs bdun nas sangs rgyas shAkya thub pa man chod kyis brgyud pa ste/ yang na 'dzin pa/ 'don pa/ phyag 'tshal ba la sogs pa'o/ /khor khor yug ri mtha'i bar/ /zhes bya ba ni dbus su ri rab ste/'khor bas na khor yug go/ /gang 'khor zhe na/ ri rab dang gling bzhi la sogs pa 'khor bas na 'khor ba'o/ /mtshams gcod pa yi dam pa lags/ /zhes bya ba ni mtshams gcod pa ni bsrung ba dang skyob pa'o/ /yang na bgegs rnams thams cad bcing ba'i phyir ro//dam pa zhes bya ba ni 'di dang 'dra ba med pa'o/ /phyag 'tshal zhes bya ba ni tshangs pa la sogs pa'o/ /skyes bu dpa' khyod la zhes pa gzhan dang mi 'dra ba nas skyes bu'o/ /dpa' bo zhes bya ba ni bdud bzhi bcom pa'i phyir ro/ /yang na khams gsum las rnam par rgyal bas dpa' bo zhes bya'o//khyod la zhes bya ba ni bcom ldan 'das la'o/ /phyag 'tshal te tshangs pa la sogs pas so/ /skyes bu ni khams gsum gyi dam pa'o/ /mchog khyod ni sangs rgyas rabs bdun man chod do/ /chos zhes bya ba ni gnyis te kun rdzob dang don dam pa'i chos so//kun rdzob dang zhes bya ba ni log pa dang yang dag go/ /don dam pa zhes bya ba ni ngo bo nyid dang bral ba'o/ /rgyal po zhes bya ba ni ngag la dbang byed pas rgyal po zhes bya'o/ /yang na khams gsum chos kyi dbang bskur bas na rgyal po'o//thub ces bya ba ni lus ngag yid gsum thub pas thub pa'o/ /chen po zhes bya ba ni gzhan las khyad par du 'phags pa'o/ /thal mo sbyar te tshangs pa la sogs pa la phyag 'tshal lo/ /de nas zhes bya ba ni bzhugs pa'i rting la/ bcom ldan 'das zhes pa ni bzhi bcom drug ldan mya ngan las 'das pa'o//yud tsam zhig cang mi gsung bar dgongs nas zhes pa ni skad cig gis rgyal po chen po bzhi po dag bskul ba'o/ /ci'i phyir bskul zhe na/ skad cig gis ting nge 'dzin gyis bskul ba'o/ /rgyal po chen po bzhi po dag la bka' stsal ba zhes pa ni ting nge 'dzin gyi 'od kyis bskul pa'o//gang la bka' stsal na/ rgyal po chen po dag gang khyed kyi zhes pa ni 'khor dang bcas pa zhes bya ba'o/ /khyod kyis nga'i 'khor la 'tshe bar sems pa de ni tshul ma yin no zhes bya ba ni snying rje dang bral ba'i phyir ro//ci'i phyir na zhes bya ba ni sdig la sogs pa byed pa'i phyir ro/ /rgyu ni sangs rgyas dang mnyam pa'i phyir ro/ /mi'i 'jig rten 'dir sangs rgyas 'byung ba dang zhes bya ba ni mi'i 'jig rten ni 'dzam bu'i gling du'o/ /sangs rgyas 'byung ba ni ma ga ng+hA ra ro/ /chos legs par gsungs pa zhes bya ba ni bya rgod phung po'i ri la'o//dge 'dun legs par bsgrubs pa de la sa bon 'di btab nas zhes bya ba ni tshad med pa bzhi'i sgo nas btab pa'o/ /sangs rgyas dang zhes bya ba ni nyon mongs pa 'dod chags la sogs pa dang bral pa'o/ /bcom ldan 'das ni bzhi bcom drug ldan mya ngan las 'das pa'o//rang sangs rgyas rnams dang zhes bya ba ni rang zhes bya ba rang byung gi ye shes dang / slob dpon med pa dang / lus kyi sgo nas sems can 'dul ba dang / bye brag tu smra ba'i phyir dang / rang 'byung ba'i ye shes so/ /dgra bcom pa rnams dang zhes bya ba ni shA ri'i bu la sogs pa dgra bcom pa lnga brgya yin te/dgra ni nyon mongs pa la sogs pa'o/ /nyan thos zhes bya ba ni nyan thos la lta ba gsum yod de/ nyan thos tha ma rab 'bring gsum mo/ /nyan thos tha ma ni bye brag pa yin te/ gang zag gi sgo nas chos ston pa'o//lta ba ni nga gcig pu sangs rgyas par 'gyur ro zhes bya ba'o/ /sangs rgyas dang chos dang dge 'dun gsum la skyabs su mchi'o zhes bya ba dang / bde bar gshegs pa rnams la phyag 'tshal lo zhes bya ba'o/ /nyan thos 'bring po ni snga ma bzhin du yin te/ cung zad tsam sems can gyi don byed do/ /chos ni bye brag pa'o/ /rab ni snga ma bzhin du yin te/ chos ni kha che bye brag pa zhes bya'o/ /chos bstan pa ni 'phags pa'i bden pa bzhi'i sgo nas bstan to/ /nyan thos kyi chos ni ngag gis bstan pa'o/ /'jig rten du 'byung bar 'gyur zhes bya ba ni de kun yang 'byung ngo //de la 'jig rten de dag gis dge ba'i rtsa ba bskyed nas zhes bya ba ni dge ba'i rtsa ba bcu la sogs pa'o/ /srog gcod pa spangs pa dang / ma byin par len pa spangs pa dang / mi tshangs par spyod pa spangs pa dang / rdzun du smra ba spangs pa dang /phra ma smra ba spangs pa dang / tshig rtsub pa smra ba spangs pa dang / ngag 'khyal ba spangs pa dang / brnab sems spangs pa dang / gnod sems spangs pa dang / log par lta ba spangs pa'o/ /yang na stong chen mo rab tu 'joms ma'i mdo sde la phyag 'tshal pa dang / bsgom pa dang / smon lam gdab pa dang / rjes su yi rang ba'i sgo nas dge ba'i rtsa ba bskyed pa zhes bya'o/ /lha'i ris sum cu rtsa gnyis las lha'i ris gang yang rung ba dag tu skye bar 'gyur zhes bya ba ni dge ba'i rtsa ba de'i sgo nas zhes pa'o/ /rgyal po dag kyang dmag bzhi dang ldan pa dang zhes bya ba ni 'khor rnam bzhi ste/rgyal po bzhi de dang ldan pa'o/ /gling bzhi ni lus 'phags po dang / 'dzam bu'i gling dang / ba lang spyod pa dang / sgra mi snyan no/ /dbang sgyur ba zhes bya ba ni rgyal po bzhi'o/ /'khor los sgyur ba zhes bya ba ni dbang sgyur ba'i phyir ro//rgya mtsho la thug pa'i zhes bya ba ni khor khor yug tshun chad do/ /sa'i dkyil 'khor chen por chos kyi rgyal srid byed par 'gyur te zhes bya ba ni ri rab gling bzhi dang dkyil 'khor ro/ /rgyal srid ces bya ba ni dkon mchog gsum las mi 'da' ba'o/ /de dag la yang rgyal po bzhi'i bu'o//dpa' bas na dpa' ba'o/ /rtul phod pa zhes pas ni pha rol gyi dgra la sogs pa'o/ /yan lag mchog gi gzugs dang ldan pa zhes bya ba ni dge ba legs pa'o/ /kha dog dang ldan pa/ stobs dang ldan pa/ rdzu 'phrul dang ldan pa/ grags pa dang ldan pa'o/ /lha dang lha ma yin gyi rtsod pa nus pa'o/ /tshan po che'i stobs kyi shugs bdog pa zhes bya ba ni pha rol gyi dmag bcom pa'i phyir ro/ /pha rol gyi sde rab tu 'joms pa zhes bya ba ni lha ma yin gyi grong 'joms pa'o/ /rin po che sna bdun dang ldan pa stong 'byung bar 'gyur ro zhes bya ba ni 'khor lo dang /rta dang / glang po che dang / nor bu dang / dmag dpon dang / btsun mo dang / blon po dang bdun no/ /yang na gser dang dngul dang zangs dang shel dang byi ru dang / dung dang / ma ra ka ta dang bdun no/ /de stong 'byung bar 'gyur ro zhes bya ba ni/rgyal po chen po bzhi'i pho brang du 'byung bar 'gyur ro/ /de bas na 'jig rten 'dir dge ba'i sngon gyi shugs kyi'o/ /rnam pa 'di lta bur 'byung bar 'gyur bar khyod kyi snying las chung ngur gnas par gyis shig ces bya ba ni/ rnam pa ni smin pa'o/ /'di lta bu 'byung bar 'gyur ba ni bzang ngan gyi khyad par ro//snying las chung ngur gnas pa ni rgyal po chen po bzhi'o/ /gnas pa ni brtan pa'o/ /gnas par gyis shig ces bya ba ni/ bcom ldan 'das kyis bka' stsal to/ /de nas zhes bya ba ni yang bcom ldan 'das kyi mthu dang stobs kyis bka' stsal to//rgyal po chen po rnam thos kyi bu zhes bya ba ni/ zhal gcig phyag bzhi sku mdog ljang gu/phyag g.yas gnyis na ral gri dang mda' bsnams pa'o/ /g.yon na ne'u le'i rkyal pa dang bum pa bsnams pa'o/ /seng ge'i gdan la bzhugs pa/rdzu 'phrul dang ldan pa/ 'od dang ldan pa/ stobs dang ldan pa/ grags pa dang ldan pa/ lha dang lha ma yin gyi rtsod pa nus pa/ byang phyogs kyi gnod sbyin gyi ded dpon byang phyogs la nga bdag byed pa'o/ /stan las langs te zhes pa ni bcom ldan 'das kyi spyan sngar ro/ /bla gos phrag pa gcig tu gzar nas bskor ba lan gsum byas pa'o//pus mo g.yas pa'i lha nga sa la btsugs te zhes pa ni bcom ldan 'das kyi spyan sngar ro/ /bcom ldan 'das ga la ba der zhes pa ni dgra bcom pa dang / byang chub sems dpa' 'khor dang bcas pa'i spyan sngar ro//logs su thal mo sbyar ba btud nas zhes pa ni/ lus ngag yid gsum gyis bcom ldan 'das kyi mdun du'o/ /bcom ldan 'das la 'di skad ces gsol to zhes bya ba ni lus ngan gyi tshig go/ /bcom ldan 'das bdag cag la zhes pa ni gnod sbyin 'khor dang bcas pa'o//grong dang zhes pa ni pho brang la sogs pa'o/ /skyed mos tshal zhes pa ni gnod sbyin rgyu ba'i gnas so/ /gzhal med khang zhes pa ni gnod sbyin la sogs pa'i dkyil 'khor ro/ /khang pa brtsegs pa dang zhes pa ni/ sum brtsegs yin te gnod sbyin gyi gnas so/ / bsil khang dang zhes bya ba ni gnod sbyin pho dang mo'i gnas so/ /sgo khang zhes pa ni sgo khang na gnas pa'o/ /rta babs zhes pa ni mtshams mtshams su brgyan pa'o/ /yang na rta babs zhes pa ni ka ba dang / ri dgas shar Na dang / klung 'brug nar dang / chu srin twa ra dang / bya khyung ga ru Da la sogs pa'o/ /dra ba dang dra ba phyed pa dang / mu tig gi dra ba dang / gdugs dang / rgyal mtshan dang / ba dan dang / ji lta ba bzhin du mdzes par brgyan pa'o/ /skar khung zhes bya ba ni mtshams mtshams su logs logs su zhes bya'o/ /skar khung la yang mu tig dang /byi ru dang / mu men dang / gser dang / dngul dang / shel gyis ji bzhin du mdzes par brgyan pa'o/ /dar gyi lda ldi bzang zhing mdzes pa rnams zhes bya ba ni pho brang gi nang na'o/ /sna tshogs dang ldan zhes pa ni/ rnga ma dkar po gser gyi yu ba can dang /phye ma'i 'phur ma la sogs pa/ me tog gi phreng ba la sogs pa/ dri zhim po'i phreng bas dra ba byas pa'o/ /dril bu dang mu tig gi dra bas yongs su bskor ba dang zhes bya ba ni/ phyi'i sgo rgyan dang / nang gi pho brang gi rgyan no/ /dril bu la sogs pa rlung gis btab pas/dper na yan lag lnga dang ldan pa'i rol mo mkhan pos gar byas pa dang 'dra'o/ /pog por nas bdug pas bdug pa dag dang zhes pa ni/ gser dang dngul gyis byas te/ lhan cig skyes pa dang / yang dag par sbyar ba dang / tsan+dan dang / gu gul dang / a ka ru la sogs pa'i dri ji bzhin du bdug pas bdugs pa'o//me tog gis gtor ba'i khyim dang zhes pa ni rnam thos sras kyi bu'i pho brang ngo / /gnas dang zhes bya ba ni lus dan po'i gnas so/ /khang pa chen po dag mchis te zhes pa ni lus ngan po'i pho brang gi dbus su seng ge'i gdan no//seng ge'i gdan gyi steng na pad+ma la sogs pa'i gdan la rgyan rnam bzhis byas pa'i khri chen po'o/ /de ltar bdag cag ces bya ba ni rnam thos kyi bu'o/ /bud med brgya phrag stong dag gis zhes bya ba ni rnam thos kyi bu'i chung ma'o/ /yongs su bskor cing 'dod pa'i yon tan lnga tshang bar spyod pa dang ldan par gyur nas zhes bya ba ni/gzugs dang / sgra dang / dri dang / ro dang / reg bya la sogs pa ji tsam pa bzhin du spyod pa'o/ /btsun pa zhes bya ba ni 'dod pa'i yon tan la spangs pa'o/ /bcom ldan 'das ni bzhi bcom drug ldan mya ngan las 'das pa'o//bdag cag ces pa ni rnam thos kyi bu gnod sbyin dang bcas pa'o/ /rab tu myos pa'i bag ma mchis par gnas pa zhes pa ni myos pa'i 'dod pa'i yon tan lngas myos pa'o/ /des ma thos pas chos dang mi ldan pa'o/ /'khor zas dang skom tshol du phyogs bcu kun du 'byer zhing /skyes pa dang zhes bya ba ni/ rlung dang / mkhris pa dang / bad kan dang / rims la sogs pa zas dang skom la sogs pa tshol ba'o/ /bud med dang zhes bya ba ni bud med bu skyes pa'i dus su yang zas tshol ba'o/ /bud med kyi gzugs su byas nas so/ /khye'u dang zhes bya ba ni/ khye'u'i gzugs su byas nas zas tshol ba'o/ /bu mo dang zhes pa ni/ bu mo'i gzugs can du byas nas so/ /btsas ma thag pa dang zhes pa ni btsas nas che bar song nas mdze dang phol mig la sogs pa nad rnam pa sna tshogs su gtong ba'i bdag go/ /dud 'gro'i skye gnas su gtogs pa'i zhes pa ni dud 'gro la gnod par byed pa'o//srog chags rnams kyi mdangs 'phrog 'tshe bar bgyid ces bya ba ni srog chags zhes bya ba ni mi la sogs pa'o/ /mdangs 'phrog ces bya ba ni/ nad rnams mdze la sogs pa thams cad gtong pa'i bdag po'o/ /yang na dge ba'i rtsa ba la sogs pa'i bgegs byed pa'i bdag go//bgegs bgyid ces bya ba ni bzhi dang ldan pa'o/ /'gum par bgyid ces pa ni 'chi bdag go/ /srog dang 'bral bar bgyid de zhes bya ba ni/ kha thug tu phrad nas skad cig mas srog dang 'bral bar bgyid pa'o/ /btsun pa bcom ldan 'das zhes bya ba ni zhu ba'o//spyan sngar ni mdun du'o/ /bdag cag gi 'khor bzhi zhes pa ni/ dgra bcom pa'i nyan thos dang / byang chub sems dpa'i dge slong dang / dge slong ma la sogs pa'i mdun du'o/ /bdag cag gi gnod sbyin 'khor dang bcas pa'o/ /'khor gyi tshul gyi mtshan ma bstan pa zhes bya ba ni nad rnams kyi mtshan ma'o//gang gi 'khor gyi gdon 'byung ba der zhes pa ni rnam thos sras kyi 'khor te gnod sbyin gyi gdon no/ /rgyal po chen po de'i gzugs zhes pa ni rgyal po chen po bzhi'i gzugs so/ /rnam thos sras kyi bu dang /yul 'khor srung dang / 'phags skyes po dang / mig mi bzang dang bzhi'o/ /de'i mchod rdzas ni/ rgyal mtshan dang ni ba dan dang / /gdugs dang me tog phreng ba sogs/ /yang dag dri sbyor bzang po dang / /'bras dang bag phye la sogs la/ /rgyal po bzhi yi gzugs byas la//dkyil 'khor bzang po'i sa gzhi la/ /sna tshogs tshon gyis bri bar bya/ /dbus su pad+ma sna tshogs la/ /stong chen rab 'joms dbus na gnas/ /pad+ma bzhi dang mtshungs pa la/ /rgyal po bzhi ni gzugs par shes/ /gnod sbyin gdon dang dri za'i gdon//grul bum gdon dang klu yi gdon/ /de dag thams cad phyi rol dgod/ /tshes brgyad dang ni bcu bzhi dang / /bco lnga dag gi dus dag ni/ /rgyal po rnams ni mchod par bya/ /sna tshogs me tog sna tshogs spos/ /sna tshogs dri dang me mar dang / /lha bshos sna tshogs dri ldan pa//rgyal po rnams la dbul bar bya/ /zho dang bu ram bsres pa la/ /dri za drang srong lha rnams dga'/ /me tog dkar po'i sil ma dgram/ /phreng ba dag kyang de bzhin no/ /shar phyogs ngos su dgod par bya/ /sha dang khrag dang chang dang chan/ /sgog pa la sogs nya sha dang //me tog ser po'i sil ma dgram/ /phreng ba la yang de bzhin no/ /lho phyogs grul bum ma mo dang / /srin mo srin po yi dags gdon/ /grul bum gdon du shes par bya/ /de rnams rdzas ni bsam par bya/ /nub phyogs klu dang 'dab bzangs gdon/ /'o ma sman dang mngar gsum sogs//nub phyogs ngos nas bsam par bya/ /me tog dmar po'i sil ma dgram/ /phreng ba la yang de yis shes/ /klu yi gdon gyi rdzas yin no/ /chang dang khrag dang sha la sogs/ /gnod sbyin dang ni btsag rnams so/ /gnod sbyin pho mo la sogs dang / /byang gi ngos na gnas par shes//me tog ljang gu'i sil ma dgram/ /me tog phreng ba de bzhin no/ /byang gi ngos nas bsam par bya/ /dge slong dag ni rdo rje 'dzin/ /dri ma med pa'i gos la sogs/ /smyung bar byas la dkar po brten/ /snying rje ldan zhing don byed pa/ /de dag slob dpon mtshan nyid do//zhes bya ba bstan pa'o/ /mchod rten dang bcas pa chen po bgyis te zhes bya ba ni/ zangs dang 'jim pa khar ba bcas/ /gser dang dngul dang rin chen sogs/ /tsha tsha la sogs rab gnas bya/ /de bzhin gshegs pa'i skur gnas pa/ /de lta bu yi mchod rten la//gang zag gis ni mchod par bya/ /mtshan ma legs dang mgrin pa ring / /gsus pa che dang mchu 'phyangs pa/ /nag po ra ri med pa dang / /gser ram dngul la sogs pa ste/ /de lta bu yi bum pa la/ /bdug spos bzang pos bdug par bya/ /dri 'am sman nam rin po che/ / gdugs dang mgul chings gtsang ba la/ /'bras bu can gyi shing rnams kyis/ /kha rgyan dag ni legs par bya/ /rgyal po bzhi yi gzugs rnams dang / /gdung rten la sogs gang yang rung / /gser ram dngul lam snod bcas la/ /bum pa'i zhabs la bu gu gdod/ / de yi 'og tu gzhag par bya/ /me tog dang ni bdug spos dang / /dri mchog la sogs gtor ma dang / /rdo rje slob dpon shes par bya/ /lnga'am gcig gam gang yang rung / /dkyil 'khor dbus su yang dag gzhag /phur pa dang ni mda' rnams dang / /mdung dang ral gri mtshon rnams la//skud pa sna tshogs yang dag bskor/ /rdo rje slob dpon shes rab can/ /blo ldan mkhas pas yang dag shes/ /stong chen rab 'joms mdo sde yang / /rgyun mi 'chad par gdon par bya/ /mchod rten mchod do zhes bya ba'o/ /nad pas rgyal po chen po de'i ming nas dbyung zhing zhes bya ba ni/lag pa'i lag pas reg par bgyi'o/ /ming nas dbyung zhing zhes pa ni rgyal po chen po bzhi dang nad pa'i mtshan rnams so/ /dri sna tshogs kyis rang gi lag pas bdug par bya'o zhes bya ba ni nad pa dang rdo rje slob dpon gyi lag pas yang dag par mchod pa'o//yang na dri'i phor pa bzhi maN+Dal gyi khar yang dag par gzhag pa'o/ /dog sa la me tog sil ma bkram ste zhes bya ba ni/ cho ga bya ba'i sa gzhi la'o/ /zhun mar bus la zhes bya ba ni/ mar las byas pa'i me mar ro/ /mchod rten de la mchod par bgyi//zhes bya ba ni stong chen mo rab tu 'joms ma dang / rgyal po chen po bzhi la sogs pa ste/ de yang sangs rgyas rabs bdun yang mchod pa'o/ /btsun pa bcom ldan 'das zhes bya ba ni rnam thos sras kyi tshig go/ /bdag gi 'khor dang zhes bya ba ni rnam thos sras kyi 'khor ro//gnod sbyin gyi gdon gyis btab pa'i mtshan ma ni zhes bya ba ni gnod sbyin ni byang ngos kyi gdon no/ /gnod sbyin gyi gdon nyi shu rtsa brgyad yin te/ byang ngos dag la gnod par byed de/ gnod sbyin de dag gi dpon por gyur pa'o//gnod sbyin gzugs ni sna tshogs gzugs yin te/ gnod pa rang yang sna tshogs su skyel lo/ /rgyal po dang mi dang byol song la yang gnod pa skyel ba ste/ nad sna tshogs gtong ba la sogs pa'o/ /mtshan ma 'di lta bu yin te zhes bya ba ni/ gzugs ni sna tshogs yin pa'o//gnod sbyin srin po ma mo rnams/ /la la kha nas me 'bar dang / /sbrul gyi zhags pa 'dzin pa dang / /ral gri mda' gzhu mdung thung rnams/ /'khor lo lto dmar mdung rnams thogs/ /sna bcad pa dang rna ba bcad/ /sho re dang ni so gcig pa/ /la la sbrul gyi sna dang chu srin dang //mgo gcig pa dang mgo gnyis pa/ /mgo gsum pa dang mgo drug pa/ /mgo med brang ni kha yod can/ /mgo gcig pa la sna krong pa/ /mi yi pags pa gon pa dang / /mi yi mgo bo'i phreng ba byed/ /mi yi rus pa'i rgyan cha dang / /sems can la ni gnod pa byed/ /sgra sgrogs pa dang rnga bo che/ / seng ge'i sgra dang mtshungs par byed/ /bya dang khyi dang wa dag dang / /sna tshogs gzugs ni rmi lam bstan/ /bzhin 'gyur dang ni mkhris pa'i nad/ /rlung dang bad kan ldan pa dang / /mdze dang phol mig lhog pa dang / /me dbal dang ni sha bkra dang / /shu ba g.yan pa 'brum bu'i nad/ / de dag nad ni btang ba'i bdag /ces bya ba bstan pa'o/ /phyir phyir dgod cing 'jigs par byed/ /ces bya ba ni nad pa'i mtshan nyid do/ /phyir phyir dgod pa bud med dang skyes pa yang rung ba la/ gnod sbyin gyis btab pa'i phyir na dgod par 'dod pa'o/ /'jigs par byed ces bya ba ni rmi lam mam dngos por mthong ba'am/sems la 'di 'byung zhes bya ba'am/ nyal nas rmis sad nas byung ba'am/ 'jigs par byed pa'o/ /sma bar bgyid cing zhes bya ba ni don med par lab lob smra ba ste/ yang na nad pa smra bar byed pa'o/ /khro bar byed ces bya ba ni don med par khro ba ste//yang na rang gi lus la smyon pa bzhin du byas pas te/ rang la lceb pa dang / khro zhing gzhan la rdeg pa'o/ /de ni gnyid kyang log par 'gyur/ /zhes bya ba ni/ de gnyid ces bya ba ni nad pa ste/ gnyid log pa'i dus su 'dzin pa'o/ /yang na shin tu bro 'tshal 'gyur//zhes bya ba ni/ yan lag la sogs pa na bar 'gyur ba'o/ /rtag tu gyen du lta bar 'gyur/ /zhes bya ba ni/ gdong ngam nam mkha' la sogs pa la lta ba'o/ /yang na shin tu mi dga' ba'o/ /skar ma dag la snyegs par bgyid/ /ces bya ba ni nub mo dag yin te/skar ma la khro ba'o/ /nub mo shin tu dga' bar 'gyur/ /zhes bya ba ni nub mo bsam pa ldang ngo / /dga' bar byed pa phyin cing nub mo la sogs pa la rgyu ba'o/ /dper na dur khrod dam lam rgya gram mam snyan pa'i dus su/ bud med skyes ba la mi dga' ba khyo tshol ba'i phyir/bud med kyis khyo btang nas phyir dga' ba'o/ /rtag tu 'dar zhing sgra 'byin te/ /zhes bya ba ni nad pa de shin tu 'dar ba'o/ /sgra 'byin pa ni 'jigs pa'i sgra 'byin pa'o/ /de la sngags kyi tshig mchis kyis/ /zhes pa ni rgyal po chen po rnam thos sras kyi zhal nas gsungs te/yang dag par rdzogs pa'i sangs rgyas kyi gzi brjid kyi mthu dang stobs kyis byin gyis brlabs pa smra bar byed pa'o/ /'jig rten mgon po bdag la gson/ /zhes bya ba ni/ 'jig rten mgon po ni sangs rgyas so/ /bdag ni rnam thos kyi bu'o/ /gson zhes bya ba ni/bcom ldan 'das kyi byin rlabs la/ stong chen mo rab tu 'joms pa'i rig sngags kyis gnod sbyin gyi gdon gcod pa'o/ /spyad ya the dan zhes bya ba ni 'di lta ste/ rig sngags 'di'o/ /sid+d+hi zhes bya ba ni sngags so/ /bdag gi sngags kyi zhes bya ba ni rnam thos kyi bu'o//tshig rnams grub par gyur cig ces bya ba ni/ rig sngags 'grub par gyur cig ces bya ba'o/ /rgyal po chen po rnam thos kyi bu'i ming dang zhes bya ba ni/ nad pa la sogs pa de'i mtshan nyid kyis bde ba'o/ /stobs dang ni stobs kyis mi nus pa'o//dbang phyug dang ni gnod sbyin thams cad dbang du bsdus te/ dbang bskur ba'i phyir gnod pa mi skyed pa'o/ /byin gyis brlabs zhes bya ba ni rig sngags dang sangs rgyas dang rnam thos kyi bus byin gyis brlabs pa'o/ /de nas zhes bya ba ni lus ngan gyi tshig gi rting la'o//rgyal po chen po yul 'khor srung / /zhes bya ba ni/ zhal gcig phyag kyang bzhi pa ste/ /sku mdog dkar po 'od zer ldan/ /g.yas na 'khor lo mda' gnas pa/ /g.yon na pi wang gzhu 'dzin pa/ /gdan yang glang chen dag la zhon/ /gnas ni ri rab shar ngos na/ / dri za thams cad mnga' mdzad pa/ /shar phyogs ngos kyi mnga' bdag yin/ /dri za pho mo gzi ldan pa/ /dri za'i rgyal po de yang brjod/ /gzi brjid dang ni stobs dang ldan/ /kha dog ldan zhing grags dang ldan/ /lha dang lha min 'khrug rtsod ldan/ /zhes bya ba yin no/ /stan las langs te zhes bya ba ni bcom ldan 'das la bskor ba lan gsum byas pa'o//bla gos phrag pa gcig tu gzar nas zhes bya ba ni bcom ldan 'das dang byang chub sems dpa' 'khor bzhi'i mdun no/ /pus mo g.yas pa'i lha nga sa la btsugs te zhes bya ba ni gus pas te/ bcom ldan 'das la dge slong gi phyag ces bya ba'o//bcom ldan 'das zhes bya ba ni rgyal po yul 'khor srung gis gsungs pa'o/ /ga la ba de zhes pa ni mdun du'o/ /thal mo sbyar nas zhes bya ba ni mgo bos phyag btsal nas gus pa'o/ /bcom ldan 'das la 'di skad ces gsol to zhes bya ba ni bcom ldan 'das kyi mthu dang gzi brjid dang stobs kyis byin gyis brlabs pa'o//bcom ldan 'das bdag gis zhes bya ba ni rgyal po chen po yul 'khor srung ngo / /'khor dri za'i gdon gyis btab pa'i tshul zhes bya ba ni 'di lta bu ste/ gzugs bzang dang ni skye legs dang / /byang mtshar dri zhim glu la dga'//me tog dri dang dri ma sogs/ /sems can thams cad gnod pa skyel/ /mer mer po dang nur nur po/ /bu yi sa bon ma lus dag /skyes nas gzi brjid 'phrog pa dag /byis pa rnams ni 'jigs par byed/ /zas su za ba bu ram zho/ /shar gyi ngos na gnod par byed//dri za nyi shu rtsa brgyad rnams/ /de kun shar phyogs rgyu ba dag /dri za 'khor g.yog sa ya 'bum phrag dag bstan pa'o/ /mtshan ma ni 'di lta bu dag yin te zhes bya ba'o/ /glu len cing zhes bya ba ni glu la shin tu dga' ba'o/ /yang na nad pas smyo ba'i tshul du glu len pa'o/ /bro brdung zhing zhes bya ba ni/rol mo'i tshogs la shin tu dga' ba ste/ yang na nad pa smyo zhing gar byed pa'o/ /rgyan rnams la yang dga' bar bgyid/ /ces pa ni rgyan rnams la sogs dga' ba ste/ dri dang dri ma la sogs pa la shin tu dga' ba'o/ /yang na nad pa zho dang bu ram la sogs pa la dga' ba'i mtshan nyid do zhes bya ba'o//brkam pa ma mchis zhes bya ba ni mi bden pa'i tshig yin te bden par smra ba'o/ /mang bar smra zhes bya ba ni/ med pa ni mi brtan pa ste/ phra ma'i tshig smra bar 'dod pa'o/ /dgod par byed cing zhes bya ba ni/ smyo ba'i tshul du yin te/ don med par dgod pa'o//khro bar 'gyur zhes bya ba ni gzhan la ma mgu ste/ rang gi tshul smyon pa lta bu'i tshul du khro ba'o/ /skom par 'gyur la zhes bya ba ni dper na yi dags yin te/ yi dags bzhin du skom pa'o/ /mig dmar ta zhes bya ba ni bad kan la sogs pa nad kyis btab ste dmar ba'o//yang na rims kyis btab pa bzhin du'o/ /rtag tu rims kyis 'debs par 'gyur/ /zhes bya ba ni ma shi bar gyi tshe na nad kyis thebs pa'o/ /mig kyang 'byed par mi bgyid de/ /zhes bya ba ni/ mig nad ni rgas rgas su 'byung ba'o/ /rgyab kyis phyogs shing nyal bar byed pa ni dper na mdun na yod pa bzhin du/gan rgyal du nyal ba'o/ /de la zhes pa ni dri za rnams la'o/ /sngags kyi tshig ces bya ba ni stong chen mo rab tu 'joms ma'o/ /'jig rten mgon po ni bcom ldan 'das la'o/ /bdag ni dri za'i rgyal bo'o//gson zhes bya ba ni bcom ldan 'das kyi byin gyi rlabs kyis so/ /s+yAd ya the dan zhes bya ba ni/ 'di lta ste/ stong chen mo rab tu 'joms ma'o/ /rig sngags ni a khe zhes bya ba la sogs pa'o/ /rgyal po chen po yul 'khor srung gi stobs dang zhes pa ni/ sangs rgyas dang stong chen mo dang rgyal po chen po rnams kyis srung ba'o//byin gyis zhes pa ni sangs rgyas so/ /bdag gdon thams cad dang zhes pa ni stong phrag brgyad cu'o/ /gnod pa thams cad las zhes bya ba ni 'dir dri za la sogs pa'o/ /thar bar gyur cig swA hA zhes pa ni/bdag dang sems can thams cad kyi nad zhi bar gyur cig ces pa'o/ /de nas zhes bya ba ni yul 'khor srung gis bshad pa'i de nas so/ /rgyal po chen po 'phags skyes po zhes bya ba ni zhal gcig pa la phyag bzhi ba/ g.yas pa gnyis na bsnams pa ni/ /dbyug to dang ni mda' 'dzin pa'o//g.yon pa gnyis na bsnams pa ni/ /rin chen dang ni gzhu bsnams pa'o/ /sku mdog ser po me yi 'od/ /stag gi gdan la bzhugs pa'o/ /nyi shu rtsa brgyad grul bum gdon/ /ma mo la sogs de bzhin 'khor/ /gtso bor gyur pa de rnams ni/ / grul bum gdon ni bsam mi khyab/ /ri rab rtse mo'i lho phyogs na/ /grul bum gdon rnams gnas pa yin/ /lho phyogs mi la gnod par byed/ /lho phyogs ngos ni grul bum gdon/ /sna tshogs nad ni gtong bar byed/ /rlung dang bad kan 'dus ba dang / /mdze dang lhog pa shu ba dang //phol mig dang ni g.yan pa dang / /sha bkra dang ni me dpal dang / /'brum bu'i nad rnams gtong bar byed/ /ske bong che la skad che ba/ /me ri chen po'i 'od dang mtshungs/ /mig gcig pa dang mig gsum po/ /mjug gcig pa dang mjug gnyis pa/ /mgo gcig pa dang mgo gnyis pa//mgo bzhi pa dang gdong gsum ma/ /rkang gcig pa dang rkang gsum pa/ /rkang pa dag ni gnam la lta/ /mi yi pags pa gon pa dang / /mi mgo'i phreng ba'i do shal can/ /mi yi rus pas brgyan pa dang / /'jigs pa chen po'i 'od 'bar ba/ /rdzu 'phrul chen po'i stobs ldan pa//sems can rnams la 'tshe bar byed/ /de dag mthong na thams cad 'jigs/ /mngal na gnas pa rlag par byed/ /skyes pa na yang gzi brjid 'phrog /phrad na dka' thub can gyi srog kyang 'phrog /rmi lam na ni wa dang spyang ki spre'u dang / /bya dang bu chung bud med dang //rmi lam du ni bstan pa'o/ /grul bum gyi gdon gyi mtshan ma bstan pa'o/ stan las langs te zhes bya ba ni/ bcom ldan 'das la bskor ba lan gsum byas pa'o/ /bla gos phrag pa gcig tu gzar nas zhes pa ni/ bcom ldan 'das dang dgra bcom pa dang byang chub sems dpa' dang 'khor rnam bzhi'i mdun du phyag btsal te/pus mo g.yas pa'i lha nga sa la btsugs te zhes pa ni/ bcom ldan 'das kyi mdun du/ dge slong gi phyag gi tshul du'o/ /bcom ldan 'das ga la ba de logs su thal mo sbyar nas zhes pa ni/ /rgyal po chen po 'phags skyes pos bcom ldan 'das kyi mdun du thal mo sbyar ba'o//bcom ldan 'das nyid la phyag 'tshal zhing zhes pa ni/ shAkya thub pa la phyag btsal ba'o/ /'di skad ces gsol to zhes pa ni/ rgyal po chen po 'phags skyes pos bcom ldan 'das kyi mthu dang gzi brjid kyis byin gyis brlabs pa'o//bcom ldan 'das bdag gi 'khor zhes bya ba ni/ rgyal po chen po 'phags skyes po zhes bya'o/ /yi dags grul bum gyis zin pa'i tshul zhes bya ba ni/ shing bzhin mi sdug pa dang / bong ske thung ba dang / gsus pa che ba dang / mig g.yo ba dang /mgo bo che ba dang / skra ring ba dang / kha yo ba dang / la la ni sha che ba/ la la ni sha skam pa/ rtag tu sems can la gnod pa byed pa'o/ /mtshan ma ni 'di lta bu lags te zhes bya ba ni 'di lta ste/ nad pa'i mtshan nyid do/ /shin tu skom pas 'debs par 'gyur/ / zhes bya ba ni/ bu chung la sogs pa yin te/ ma yi mngal nas bzung nas ni/ /skyes ma thag tu nad kyis 'debs/ /g.yeng bas btab cing lta bar 'gyur/ /zhes bya ba ni g.yeng bas ni byas pas 'jigs pa'o/ /btab cing ni 'dar bas 'jigs pa'o/ /lta bar 'gyur ni mig ldog cing gyen du lta ba'o//bzhin yang ni mig dang lus ni dmar ba'o/ /dmar por lta bar 'gyur zhes bya ba ni skyes pa'am/ bud med dam/ khye'u 'am/ kha nas khrag tu skyugs pa'o/ /bskum nas zhes bya ba ni nad pa'i rkang lag 'khums pa'o/ /'khums pa'i nad kyis ma shi yang glen par 'gro ba'o//sa la nyal bar 'gyur zhes bya ba ni/ 'gul mi nus pa'o/ /gal te 'gro na rkang lag sa la mi tshugs pa'o/ /kha dog ngan zhing zhes bya ba ni mdze dang phol mig btab pa'o/ /lus kyang skem pa zhes bya ba ni glo'i nad kyis btab pa ste/dbugs kyang phyi ru 'gro ba'o/ /skra dang sen mo ring ba ste/ /zhes bya ba ni mngal nas skyes ma thag tu na ba ma tshor bar du skra dang sen mo ring ba'o/ /dri ma can la zhes bya ba ni rims kyis btab nas 'khru ba'o/ /dri mi bda' zhes bya ba ni phyi sa bkag pa'o/ /brdzun ni don med par slu ba'o//kyal par smra ba zhes bya ba ni mdza' bshes rnams la phra ma 'jug pa'o/ /de la zhes bya ba ni grul bum gyi gdon 'dul ba'o/ /gang gis 'dul zhe na/ stong chen mo'i rig sngags kyis gcod pa'o/ /sngags kyi tshig mchis zhes pa ni rgyal po 'phags skyes po'i tshig go//'jig rten mgon po zhes bya ba ni yang dag par rdzogs pa'i sangs rgyas so/ /bdag ces bya ba ni grul bum rgyal po 'phags skyes po'o/ /gson zhes bya ba ni sangs rgyas kyi gzi brjid dang sangs rgyas kyi mthu dang stobs kyis byin gyis brlabs pa'o/ /s+yAd ya the dan zhes bya ba ni 'di lta ste/yang stong chen mo rab tu 'joms pa'i rig sngags so/ /sngags ni kha kha kha me zhes bya'o/ /rgyal po chen po 'phags skyes po/ /zhes bya ba ni grul bum gyi gdon gyi bdag po'o/ ming dang zhes bya ba ni sangs rgyas dang stong chen mo rab tu 'joms ma dang //rgyal po chen po 'phags skyes po'o/ /stobs dang zhes bya ba ni stong chen mo rab tu 'joms pa'i'o/ /dbang phyug dang zhes bya ba ni/ sangs rgyas kyi dbang phyug gis so/ /byin gyis brlabs zhes bya ba ni/ sems can no/ /bdag gi gdon gnod pa ni grul bum gyi gdon no/ /gnod pa thams cad rab tu zhi bar gyur ces pa ni nad pa la sogs pa ste/rgyal po chen po 'phags skyes po'i byin gyis brlabs pa'o/ /de nas zhes bya ba ni rgyal po chen po 'phags skyes po'i tshig go/ /rgyal po chen po mig mi bzang zhes bya ba ni/ rgyal po chen po mig mi bzang / /zhal gcig phyag kyang bzhi pa ste//sku mdog dmar po me yi 'od/ /g.yas pa sbrul zhags mda' yang bsnams/ /g.yon pa pad+ma gzhu yang bsnams/ /gdan la bzhugs te chu srin la/ /klu yi gdon la mnga' mdzad pa/ /nub kyi ngos nas byin brlabs mdzad/ /klu yi gdon ni nyi shu brgyad/ /klu rnams kyi ni dpon po'o//nad rnams thams cad gtong byed pa/ /dug gi bdag po klu rnams yin/ /'gro ba'i dug dang sdod pa'i dug /sbyor ba'i dug dang rnam gsum mo/ /bsam pa dang ni reg pa dang / /kha rlangs dang ni tshor ba'i dug /mche ba dang ni mthong ba dang / /sprin pa'i dug dang chu yi dug /sad dang rlung dang me yi dug /bad kan mkhris pa rlung dang ni/ /ldan pa bzhi sbyor phol mig dang / /g.yan pa me dpal sha bkra dang / /shu ba mdze dang 'brum bu dang / /mig nad sna nad kha nad dang / /rna ba sna dang gag pa dang / /rma nad klad pa 'bras rnams dang / /sbos shing skam pa chu ser dang //dmu chu skran dang rgyu nad dang / /glo nad dbugs dang snying nad dang / /mtsher pa mkhal ma bu snod la/ /bud med bu yang chags mi ster/ /skyes nas 'od 'phrog mngal nas skam/ /mer mer po yang mi ster ro/ /nur nur po na ca le chags/ /grang zhing drod med lus pa yin//klu rnams 'dab bzangs sa bdag dang / /sa srin bsen mo klu btsan dang / /klu yi pho mo klu rgyal dang / /sa la rgyu ba mthong mi 'gyur/ /rmi lam mthong zhing 'dar bar byed/ /rmi lam mtsho dang chu rnams 'gyur/ /ba glang byis pa bud med 'gyur/ /phag dang ra lug rta dang ni//rang gi ma mo nye bar bsdu/ /sdig pa sbrul dang nya rnams dang / /chu la gnas pa'i sems can 'gyur/ /dngos po sbrul dag mthong ba ni/ /sa bdag dngos po yin par shes/ /mgo gcig pa dang mgo gnyis pa/ /mgo gsum pa dang mgo lnga pa/ /bram ze rgyal rigs rje rigs dang //dmangs rigs dang ni gdol ba'i rigs/ /la las khro ba phyed khro ba/ /gzugs bzang zhi ba sbrul mjug can/ /de dag ni klu yi gdon gyi cho 'phrul lo/ /stan las langs te zhes bya ba ni sangs rgyas dang dgra bcom pa dang / byang chub sems dpa' la/bskor ba lan gsum byas nas mgo bos phyag 'tshal ba'o/ /bla gos phrag pa gcig tu gzar nas zhes bya ba ni bcom ldan 'das la'o/ /pus mo g.yas pa'i lha nga sa la btsugs te zhes bya ba ni bcom ldan 'das kyi mdun du ste/ yang na ni dge slong gi phyag ces bya ba'o//bcom ldan 'das ga la der zhes bya ba ni bcom ldan 'das kyi spyan sngar ro/ /thal mo sbyar nas zhes bya ba ni bcom ldan 'das la gus pas so/ /bcom ldan 'das nyid la zhes bya ba ni rgyal po chen po mig mi bzang gis phyag 'tshal lo/ /'di skad ces gsol to zhes bya ba ni sangs rgyas kyi mthu dang byin gyi rlabs dang /stobs dang gzi brjid dang byin gyi rlabs kyis so/ /gsol to zhes pa ni bcom ldan 'das la mig mi bzang gis gsol ba btab pa'o/ /bcom ldan 'das bdag gi 'khor zhes bya ba ni/ rgyal po chen po spyan mi bzang gi 'khor ro//klu 'dab bzangs kyi gdon gyis btab pa'i tshul zhes bya ba ni/ mi yi lus la sbrul gyi mgo/ /la la mi yi lus 'dra ba/ /la la bya yi gzugs su ston/ /mtshan ma ni 'di lta bu lags te zhes bya ba ni nad pa'i mtshan nyid 'di lta ste/ 'og ma'i tshig go/ /skyigs bus 'debs shing zhes bya ba ni dgra rims nad kyis btab cing rlab col zer ba'o//dbugs kyang 'byin zhes bya ba ni glo 'byin zhing dbugs nang du sdud mi shes pa'o/ /de bzhin dbugs kyang grang bar 'gyur/ /zhes pa ni/ rims kyis btab cing lus grang zhing / /lce lkugs rkang lag rengs pa'o//rdul zhing zhes bya ba ni dper na nyi tshan gyis rdul bzhin no/ /sbu ba kha chu 'byung zhes pa ni ra dug zos pas skyugs pa bzhin no/ /yang na chang 'thungs nas na zhing skyugs pa bzhin du'o/ /phyi phyir gnyid ni log par 'gyur/ /zhes bya ba ni yang nas yang gnyid kyis log cing rgyu nad kyis btab pa'o//kha dog ldan zhing dpa' ba ste/ /zhes bya ba ni nad kyi mtshan nyid de ldog pa dang 'brum bu dang sha ro'o/ /de bzhin 'dar zhing zhes bya ba ni khong na tshad pa yod pa'o/ /rgyug par 'gyur zhes pa ni smyo zhing phyi ru 'bros pa'o/ /sen mo dag kyang ston par bgyid/ /ces pa ni khong gcong nad kyis btab nas sen mo gzhan la ston pa'o//dog sar mchis shing zhes pa ni sa gzhi lta zhing snying mi dga' ba'o/ /du bar bgyid pa ni snyod cing snying du 'dre 'jug cing lceb 'dod pa'o/ /de la zhes bya ba ni klu'i gdon tshar gcod pa'o/ /gang gis tshar gcod ce na/ stong chen mo'i rig sngags kyis gcod pa'o//sngags kyi tshig mchis zhes bya ba ni rgyal po chen po spyan mi bzang gi tshig go/ /'jig rten mgon po zhes bya ba ni yang dag par rdzogs pa'i sangs rgyas so/ /bdag ces bya ba ni rgyal po spyan mi bzang ngo / /gson zhes bya ba ni sangs rgyas kyi gzi brjid dang sangs rgyas kyi mthu dang /stobs kyis byin gyis brlabs pa dang / zhu ba phul ba'o/ /s+yAd ya the dan zhes bya ba ni/ 'di lta ste/ stong chen mo'i rig sngags so/ /kra ka mi zhes bya ba la sogs pa'o/ /rgyal po chen po mig mi bzang zhes bya ba ni klu'i gdon gyi rgyal po'o/ /ming dang zhes bya ba ni sangs rgyas dang stong chen mo rab tu 'joms ma dang /rgyal po chen po spyan mi bzang ngo / /stobs zhes bya ba ni rig sngags 'di'i mthu'o/ /dbang phyug dang zhes bya ba ni sangs rgyas kyi dbang phyug brgyad kyi phyir ro/ /byin gyis brlabs zhes bya ba ni sems can la'o/ / bdag gi gdon gnod pa ni klu'i gdon no/ /gnod pa thams cad zhi bar gyur cig ces bya ba ni/ nad pa la sogs pa ste/ rgyal po spyan mi bzang gis byin gyis brlabs pa'o/ /de nas zhes bya ba ni rgyal po chen po bzhi'i bshad pa de nas so/ /de nas bcom ldan 'das kyis de'i tshe zhes pa ni ting nge 'dzin las bzhengs nas/'khor thams cad kyi mdun du zhes bya ba ni nyan thos dang / byang chub sems dpa' dang / rgyal po bzhi dang lha ru bcas pa'i mdun du'o/ /seng ge'i sgra bsgrags pa zhes bya ba ni bdag med pa la gsum ste/ de yang mtshan nyid med pas med pa ni kun du brtags te/de ltar brtags pa'i dus nyid na/ /des stong pa'i phyir ro/ /de na mi mthun pa'i mtshan nyid kyis bdag med pa ni gzhan gyi dbang ste/ de ltar brtags pa dang mi mthun pa ste/ rkyen gzhan la rag las shing skye ba'o/ /rang dang spyi'i mtshan nyid kyis bdag med pa ni yongs su grub pa ste/thog ma nyid nas brtags pa des stong pa'i phyir ro/ /de ltar bdag med pa gsum po de nyid kyis kun skrag par byed pa bdag nyid dam/ nyam mi nga ba'i phyir seng ge'i sgra'o/ /bsgrags pa ni 'khor la bshad pa'o/ /da ni stobs bcu zhes bya ba ni de yang gnas dang gnas ma yin pa'i stobs ni/dge ba spyad pas mtho ris kyi gnas yin la/ ngan song rnams min pa ni 'dod pa gzhan gyi dbang ngo / /log par spyad pa ni ngan song gi gnas yin gyi mtho ris kyi gnas ma yin pa ni mi 'dod pa gzhan gyi dbang ngo zhes bya ba la sogs pa mkhyen pa'o//dbang po mchog dang mchog ma yin pa'i mkhyen pa'i stobs 'di ni dbang po rnon po de'i rigs can yin/ 'di ni rtul po nyan thos kyi rigs can yin pa la sogs pa mkhyen pa'o/ /khams sna tshogs mkhyen pa ni sa bon gyi don te/ 'di ni nyan thos kyi rigs sam skal ba'am bag chags can no//'di ni rang sangs rgyas kyi theg pa chen po la sogs pa mkhyen pa'o/ /mos pa sna tshogs pa mkhyen pa ni gang zag gi nyan thos la mos pa/ 'di ni theg pa chen po la mos pa la sogs pa mkhyen pa'o/ /bsam gtan dang /ting nge 'dzin dang / rnam par thar pa dang / snyoms par 'jug pa bzhi dang / kun nas nyon mongs pa dang / rnam par byang ba mkhyen pa'i stobs ni bsam gtan bzhi dang / rnam par thar pa brgyad dang / dpa' bar 'gro ba la sogs pa'i ting nge 'dzin dang / mthar gyis gnas pa'i snyoms par 'jug pa dgu dang /'khor ba'i chos dang mya ngan las 'das pa'i chos la ma lus pa'i lam mkhyen pa ste/ go rims ltar sbyar ro/ /las kyi rnam par smin pa mkhyen pa ni bsod nams dang bsod nams ma yin pa'i las dang mi g.yo ba'i las kyi 'bras bu rnam par smin pa 'di lta bu dang 'di lta bu thob pa la sogs pa mkhyen pa'o//thams cad du 'gro ba'i lam mkhyen pa ni 'dis ni mngon par mtho ba thob pas thams cad kyi lam mo/ /'di ni nyan thos la sogs pa'i nges par legs pa thob cing bgrod par byed pa'i lam la sogs pa mkhyen pa'o//sngon gyi gnas rjes su dran pa ni sngon gyi yul 'dir las 'di lta bur blangs te pha ni 'di la ma ni 'di/ 'di lta bu la sogs pa zhib tu mkhyen pa'o/ /'chi 'pho ba dang skye ba mkhyen pa ni gang zag 'di dus 'di mi tshe rgyu 'di lta bu zhig gis shi 'phos nas yul 'di'i rigs 'di lta bu zhig tu skyes so zhes bya ba la sogs pa mkhyen pa zag pa zad pa mkhyen pa ni bdag gis sdug bsngal shes so//kun 'byung ba spangs so/ /'gog pa mngon du byas so/ /lam rgyud la skyes so zhes bya ba la sogs pa mkhyen pa'o/ /mi 'jigs pa bzhis 'jigs pa med pa zhes bya ba ni mi 'jigs pa bzhi gang zhe na/bdag gis yang dag par rdzogs pa'i sangs rgyas so zhes dam bcas nas de la chos 'di rnams mngon par sangs ma rgyas so zhes bya bar bdag la dge sbyong ngam/ bram ze'am/ lha 'am/ bdud dam/ tshangs pa'am/skye dgu'i tshogs gzhan su yang rung ste/ 'jig rten na chos dang ldan par 'gyur ro zhes bya ba'i rgyu yang dag par rjes su ma mthong ste/ rgyu yang dag par rjes su ma mthong bas bdag bde ba thob pa dang / bag tsha ba med pa thob pa dang / mi 'jigs pa thob par rnam par spyod pa dang /khyu mchog rlabs po che'i gnas su dam bcas pa'o/ /'khor gyi nang du seng ge'i sgra sgrog go/ /tshangs pa'i 'khor lo 'jig rten na dge sbyong ngam/ bram ze'am/ lha'am/ bdud dam/ tshangs pa'am/ gzhan su yang rung ste/ chos dang ldan pa bskor bar mi nus pa bdag gis rab tu bskor bar bya'o//bdag zag pa zad do zhes dam bcas nas/ de la zag pa 'di rnams yongs su zad par ma gyur to zhes bya bar bdag la dge sbyong ngam/ bram ze'am/ lha'am/ bdud dam/ tshangs pa'am/ skye dgu'i tshogs gzhan su yang rung ste/chos dang ldan pa bskor bar mi nus pa bdag gis rab tu bskor bar bya'o/ /bdag zag pa zad do zhes dam bcas nas/ de la zag pa 'di rnams yongs su zad par gyur to zhes bya bar bdag la dge sbyong ngam/ bram ze'am/ lha'am/ skye dgu'i tshogs gzhan su yang rung ste/'jig rten na chos dang ldan par 'gyur ro zhes bya ba'i rgyu yang dag par rjes su mi mthong ste rgyu yang dag par rjes su ma mthong bas/ de la bdag bde ba thob pa dang bag tsha ba med pa thob pa dang / mi 'jigs pa thob pa rnam par spyod de/ khyu mchog rlabs po che'i gnas su dam bcas pa'o//'khor gyi nang na seng ge'i sgra bsgrag go/ /tshangs pa'i 'khor lo 'jig rten na dge sbyong ngam/ bram ze'am/ lha'am/ bdud dam/ tshangs pa'am/ gzhan sus kyang rung ste/ chos dang ldan pa bskor bar mi nus pa bdag gis rab tu bskor bar bya'o//gang yang bdag gis bar chad kyi chos yongs su bstan pa de dag la brten nas/ bar chad kyi chos su 'gyur ro zhes dge sbyong ngam/ bram ze'am/ lha'am/ bdud dam/ tshangs pa'am/ skye dgu'i tshogs gzhan su yang rung ste/ 'jig rten na chos dang ldan pa rgol bar 'gyur ro zhes bya ba'i rgyu yang dag par rjes su mi mthong ste/rgyu yang dag par rjes su ma mthong bas/ de la bdag bde ba thob pas/ bag tsha ba med pa thob pa dang / mi 'jigs pa thob par rnam par spyod de/ khyu mchog rlabs po che'i gnas su dam bca'o/ /'khor gyi nang du seng ge'i sgra bsgrag go//tshangs pa'i 'khor lo 'jig rten na dge sbyong ngam/ bram ze'am/ lha'am/ bdud dam/ tshangs pa'am/ gzhan sus kyang rung ste/ chos dang ldan pa bskor bar mi nus pa bdag gis rab tu bskor bar bya'o/ /gang yang bdag gis lam 'phags pa byung ba rtogs par gyur pa de byed pa'i sdug bsngal yang dag par gyur pa de dag la nan tan byas nas sdug bsngal yang dag par zad par 'gyur ba mi 'byung ngo zhes dge sbyong ngam/bram ze'am/ lha'am/ bdud dam/ tshangs pa'am/ gzhan su yang rung ste/ 'jig rten na chos dang ldan par rgol bar 'gyur ro zhes bya ba'i rgyu yang dag par rjes su mi mthong ste/rgyu yang dag par rjes su ma mthong bas/ de la bdag bde ba thob pa dang / bag tsha ba med pa thob pa dang / mi 'jigs pa thob pa rnam par spyod de/ khyu mchog rlabs po che'i gnas su dam bca'o/ /'khor gyi nang du seng ge'i sgra bsgrag go//tshangs pa'i 'khor lo 'jig rten na dge sbyong ngam/ bram ze'am/ lha'am/ bdud dam/ tshangs pa'am/ gzhan su yang rung ste/ chos dang ldan par bskor bar mi nus pa bdag gis rab tu bskor bar bya'o zhes bya ste bzhi po de dag ni mi 'jigs pa'o/ / 'khor gyi zhes bya ba ni dgra bcom pa lnga brgya'o/ /nang du seng ge'i sgra zhes bya ba ni bdag nyid kyis stong pa'i sgra'o/ /khyu mchog lta bu ni 'phags pa kun dga' bo'o/ /rgya chen po zhes bya ba ni nam mkhas ji ltar khyab par stong pa'i sgras khyab pa'o/ /stong pa'i sgra des ci'i don byed ce na/ sems can thams cad grol bar byed pa'o/ /yang dag par zhes bya ba ni phyin ci ma log pa ste chos kyi sku'o/ /chos kyi sku ste dper na ci dang 'dra na/ ri bong gi rwa bzhin no/ /brjod du ni mi rung / dngos por ni med pa'i phyir ro/ /de ni chos kyi sku'i dpe'o/ /bsgrags so zhes bya ba ni dngos su ste/gzugs sku gnyis kyis don byed pa'o/ /gzugs sku gnyis ni dper na g.yag gi rwa bzhin no/ /g.yag gi rwas ni dngos por yang snang la 'bigs par byed pa'i don gyi phyir ro/ /de'i phyir na gzugs sku rnam gnyis kyis ni yod pa'i don byas so/ /chos skus ni med pa'i don byas/yod pa dang med pa'i don byas pa'i phyir na stong pa nyid kyi sgra bsgrags pa'o/ /tshangs pa'i zhes bya ba ni 'od srungs kyis spyo ba brgyad kun dga' bo la byas pas tshangs pa'i phyir na tshangs pa'o/ /'khor lo bskor zhes bya ba ni bka'i chos kyi 'khor lo bskor ba'o/ /sde zhes bya ba ni bdud kyi rigs bzhi'o//mthu dang zhes bya ba ni so so'i nus pa'o/ /gzhon pa la ni lha mi'i bu'i cha byad do/ /bcas pa ni bdud kyi rigs bye ba dung phyur phrag bco lnga'o/ /bdud kyang gcig gis rab tu btul zhes bya ba ni yang dag par rdzogs pa'i sangs rgyas so/ /de la dang po bzhi la lha'i bdud ni gzhan 'phrul dbang byed kyi gnas na/bdud kyi rgyal po dga' rab dbang phyug ces bya ba dang / bdud mo pad+mo gzi ldan ma/ 'khor 'jig rten skyong ba bzhi/ bdud kyi rigs bye ba dung phyur phrag bco lnga yod de/ de la lha'i rigs su skyes pas lha'i bu yin la zhi ba de thar pa'i srog gcod pa 'phags pa'i nor 'phrogs pas kyang bdud yin no//de lta na bdud kyi rigs bye ba phrag dung phyur bco lnga yod pas bar du gcod do/ /des chod na 'khor 'jig rten skyong ba bzhis bar du gcod do/ /de yang gcig sbyin pa'i bar/gcig gis bzod pa'o/ /gcig gis brtson 'grus kyi bar du gcod pa'o/ /des kyang mchod na bdud kyi rgyal po dga' rab dbang phyug dang / bdud mo pad+ma gzi ldan ma chags pa'i mda' lnga 'phen te/ gdung skem ra ro myos dang smyo/ /mda' lnga yin par shes par bya//de lta bu'i tshul gyis bar du gcod pa'i phyir na bdud do/ /nyon mongs pa'i bdud ni 'dod chags la sogs pa nyon mongs pa ste/ de rnams ma zhi ba'i rnam pa bskyed pas/ nyon mongs pa yin la/ bla na med pa'i byang chub thob pa'i bgegs byed pas 'phags pa'i nor 'phrog pa'i bdud kyang yin no//phung po'i bdud ni nye bar len pa'i phung po lnga la bya ste/ de nyid spungs pas na phung po'o/ /de nyid na ba dang rgas pa 'khogs pa la sogs pa'i bar du gcod pas bdud do/ /'chi bdag gi bdud ni dngos su rang gi tshe 'di'i 'phen pa zad nas 'chi ba yin pa la de'i phyag rgya ma 'am rtags su 'gro ba rnams kyi bdud rang gi lhag pa'i phyogs na gnas zhes pa ste/gshin rje'i rgyal po be ba swa ta zhes bya ba/ lus po mi'i lus la mgo bo seng ge'i mgo bo can/ mig rtsa dmar po gcig gnas te/ de 'chi ba la dbang byed pas na 'chi bdag kyang yin la der Ar+ya'i nor 'phrog pa thar pa la bgegs byed pas bdud kyang yin no//de ltar yang 'gro ba rnams ni do nub 'di bya nang par 'di byed las gzhan yang 'di bya sems pas na/ gshin rje'i rgyal po mig rtsa dmar bas ma rungs snyam pa dgod par byed ces pas so/ /de rnams btul ba dang ldan pa ste/de yang kun rdzob dang don dam pa ste/ de yang dang po ni rdo rje gdan gyi spo la sangs rgyas pa'i tshe bdud dga' rab dbang phyug gis rig nas bdud mo pad+ma gzi ldan ma dang bcas pa mya ngan gyi khang bar zhugs/ de'i tshe 'khor rnams kyis smras pa gtso bo ci'i phyir na mya ngan gyi khang par zhugs mya ngan byed ces pa dang /gtso bos smras pa 'jig rten 'dzam bu'i gling 'di na/ gzhon nu don grub mngon par rdzogs par sangs rgyas pas/ de sangs rgyas nas 'dod pa'i khams stong par 'gyur ro/ /bdag cag mnga' ris gang la bya ste/ de'i phyir na mya ngan byed zer te/'khor rnams kyis smras pa/ mya ngan ma byed de bas bar du gcod ces smras so/ /dang po bdud kyi bu mo shin tu mdzes pa bzhi sprul te/ b+ha ga bAn la chags pa skye ba'i phyir na gtang bas/ b+ha ga bAn mi sdug pa'i phyir ting nge 'dzin la snyoms par zhugs/ rgan mo mi sdug pa sprang mo zhar ma lta bu bzhi ru gyur to//de nas 'khor 'jig rten pa la sogs pa rnams kyis mtshon cha'i char phab pas/ b+ha gas byams pa'i ting nge 'dzin la snyoms par zhugs te/ me tog gi char du gyur to/ /de nas sprul pa'i tshogs khro bo dpag tu med pa rnams kyis/ oM ya mAn+ta ka hUM zhes brjod pas/'tshe ba rtogs shig pa'i sgra nam mkha' khyab par bsgrags pas bdud 'khor thams cad dbang du bsdus so/ /mthong tsam cig nas bdud dga' rab dbang phyug dang pad+ma gzi ldan shor ro/ /de nas lha'i bu'i bdud btul bar gyur te/ de nas tho rangs rdo rje lta bu'i ting nge 'dzin gyis nyon mongs pa rkang la gnas pa dang /spyi la gnas pa thams cad spangs te/ mngon par rdzogs par sangs rgyas nas nyon mongs pa'i bdud btul bar gyur to/ /de nas chu bo nai rany+dza na'i 'gram du dka' thub lo drug mdzad pas rdzud cing rid par gyur pa la tshong dpon gyi bu mo legs skyes mas ba lnga brgya'i 'o ma gdus pa drangs pas/sku gser gyi brtan pa phyis pa ltar song / sha med/ khrag med/ rgas pa med par gyur to/ /de ltar na phung po'i bdud btul/ /de nas lo brgyad cu na sku mya ngan las 'das pa la bram ze su ka tos gsol ba btab/sku tshe ring bar dbang mnga' brnyes pa'i rtags su lo gnyis bzhugs pas 'chi bdag gi bdud btul lo/ /de nas don dam par btul ba ni/ de ltar na bdud bzhi snang ba nyid rang gi ye shes de de lta bur snang ste/ sna tshogs su snang ba sprul pa'i sku/ de lta bur de yang rang rig par rig pa longs sku/ de nyid btsal na gang du yang ma rnyed pas/ stong pa 'od gsal ba chos kyi sku'o/ /sems can thams cad bsrung ba'i phyir zhes bya ba ni/ snying rje'i sgo nas so/ /rig sngags zhes bya ba ni stong pa nyid de/ de yang kun gzhi rnam par shes pas nye bar len pa'i rgyu byas/stobs rnam pa lngas lhan cig skyes pa'i rkyen byas/ kun gzhi rnam par shes pa gnas 'gyur ba me long lta bu'i ye shes te/ stong pa mtha' dag dang bral ba'i don rtogs pas/ rig sngags mtshan nyid pa ste/ de'i mtshon cha me long lta bu'i ye shes/mtshon pa stong chen mo rab tu 'joms ma ste/ sku mdog dang zhal phyag gi rnam par byung ba'o/ /de sku mdog ni mthing ga zhal gsum pa ste g.yas kyi zhal zhi ba dkar mo dregs pa'i tshul dang ldan pa'o/ /g.yon dmar mo rgod pa dbang gi tshul dang ldan pa'o/ /dang po'i zhal mthing ka khro mo ste/drag po'i tshul dang ldan pa'o/ /zhal gsum pa ni sku gsung thugs kyi rnam par dag pa'o/ /phyag drug zhabs gnyis na gnod sbyin pho mo gnon pa'o/ /gnod sbyin pho ni srid pa'i ngo bo'o/ /mo ni 'das pa yin te srid pa dang 'das pa rnam par 'joms pa'o//phyag drug pa zhes bya ba ni/ pha rol tu phyin pa drug rnam par dag pa'o/ /g.yas kyi dang po ni rdo rje rtse lnga pa/ bar ma na ral gri/ tha ma na dgra sta'o/ /g.yon gyi dang po ni sdigs mdzub zhags pa/ bar ma na rtse gsum/ tha ma na lcags kyu'o/ /g.yas na rdo rje zhes bya ba ni ye shes rnam par dag pa'o//ral gri zhes bya ba ni/ shes rab yin te nyon mongs pa gcod pa'o/ /sku gsung thugs kyi nyes pa rnams thub pa'i phyir dgra sta'o/ /rdo rje zhags pa ni yang dag pa'i ye shes kyis bcings pa'o/ /sdigs mdzub ni ma lus sems can sdang ba rnams la sdigs mdzub bo//srid pa gsum du song ba'i nyon mongs pa 'bigs par byed pas na mdung rtse gsum mo/ /mche ba gtsigs pa/ kha gdangs pa/ dbu skra gyen du 'bar ba/ spyan gsum pa/ dbu la thod pa lngas brgyan pa/ rgyan thams cad ni rin po che dang / sbrul gyis brgyan pa/stod g.yogs dang smad g.yogs su bcas pa/ smad g.yogs ni stag gi sham thabs can/ nyi ma'i gdan dang nyi ma'i 'od dang bcas pa'o/ /thams cad ces bya ba ni rigs lnga'i rang bzhin no/ /nga la zhes bya ba ni bcom ldan 'das la'o/ /nyon zhes bya ba ni bcom ldan 'das kyi tshig go//s+yAd ya the dan zhes bya ba ni 'di lta ste zhes bya ba'o/ /'di lta ste zhes bya ba ni rig sngags ston pa'i tshig go/ /rig sngags zhes bya ba ni a saM ge la sogs pa'o/ /de bzhin gshegs pa zhes bya ba ni de bzhin nyid du gshegs pas na de bzhin gshegs pa ste/de bzhin nyid ni stong pa nyid spros pa dang bral ba ste/ de yang dang po byung yang de'i ngang las byung la/ bar du gnas kyang der gnas/ tha mar 'gags pa'am thim pa yang de'i ngang las thim pa'i phyir te chos kyi sku'o/ /yang de bzhin nyid rtogs pas te stong pa nyid spros bral rtogs shing rig pa'i phyir te longs sku'o//yang de bzhin du gshegs pas ni de bzhin gshegs pa ste/ mar me mdzad la sogs pa dus gsum gyi sangs rgyas rnams kyis/ mdzad pa bcu gnyis la sogs pa'i sgo nas sems can gyi don la gshegs pas de bzhin gshegs pa ste/sprul pa'i sku'o/ /mtshan dang zhes bya ba ni sum cu rtsa gnyis so/ /stobs dang ni stobs bcu'o/ /dbang phyug dang zhes bya ba ni 'jigs pa brgyad dam gsum la dbang thob pa ste/ mi 'gyur ba'i sdug bsngal dang / lha'i 'chi 'pho ba dang skye ba'i sdug bsngal la dbang thob pa'i phyir ro//byin gyis zhes bya ba ni stong chen mos byin gyis brlabs so/ /bdag la zhes bya ba ni nye bar mtshon pa'o/ /bde legs su gyur cig swA hA zhes bya ba ni sems can thams cad phun sum tshogs pa dang ldan par gyur cig /de dag rgyal po chen po bzhi'i cho ga'i skabs te gsum pa'o// //sangs rgyas kyi ni gsung thos nas/ /zhes bya ba ni seng ge'i sgra yin te seng ge'i sgra zhes bya ba ni stong chen mo'i rig sngags 'di'i sgra'o/ /thos zhes bya ba ni 'byung po thams cad kyis so/ /phyogs bzhi'i 'jig rten skyong bdag /ces pa ni brgya byin dang / dri za dang / me lha dang / gshin rje dang / srin po dang / chu lha dang / rlung lha dang / gnod sbyin dang / dbang ldan dang / tshangs pa dang / sa'i lha mo'o/ lha'i gdon dang / klu'i gdon dang / lha ma yin gyi gdon dang / rlung lha'i gdon dang /dri za'i gdon dang / mi'am ci'i gdon dang / lto 'phye chen po'i gdon dang / gnod sbyin gyi gdon dang / srin po'i gdon dang / yi dags kyi gdon dang / sha za'i gdon dang / 'byung po'i gdon dang / grul bum gyi gdon dang / srul po'i gdon dang / lus srul po'i gdon dang / skem byed kyi gdon dang / brjed byed kyi gdon dang / smyo byed kyi gdon dang / grib gnon gyi gdon dang / gnon po'i gdon dang / ma mo'i gdon dang / tsa mi ka'i gdon dang / nam gru'i gdon dang / me lha'i gdon dang / nag po'i gdon dang / nag po chen po'i gdon dang /ri khrod kyi gdon dang / zas su sha za'i gdon rnams so/ /de dag ni gtso bor gyur ba rnams so/ /bgegs rigs stong phrag brgyad cu'o/ /'jigs dang skrag dang dngangs 'gyur te/ /zhes bya ba ni rig sngags kyis skrag pa'i phyir ro/ /thal mo sbyar nas 'khod par gyur//zhes bya ba ni yang dag par rdzogs pa'i sangs rgyas la skyabs su 'gro ba dang / 'jigs pa dang / skrag par 'gyur bas na thal mo sbyar ba'o/ /'byung po'i tshogs ni lhag ma rnams/ /dngangs 'khrugs rod rod por gyur nas/ /zhes bya ba ni/ stong phrag dang ni brgyad cu dang / / de 'tsham dag ni nyi shu brgyad/ /dngangs zhes bya ba ni/ dbugs ma thon pa'o/ /'khrugs pa zhes bya ba ni dran pa stor ba'o/ /rod rod por gyur zhes bya ba ni rengs pa'o/ /rab tu 'byer byed cing zhes bya ba ni khros pa'o/ /phyogs bcur zhes bya ba ni so sor gcig la mi sdod par 'bros pa'o//sgra bo che yang sgrogs par byed/ /ces bya ba ni/ bred pa'i skad chen po 'don par byed pa'o/ /rgyal po chen pos zhes bya ba ni rgyal po chen po bzhi'o/ /de shes nas zhes pa ni mngon par shes pas 'byung po bred pa mthong ba'o/ /gsang ba gsum ni dam tshig ste/ rdo rje lta bu'i dam tshig chen po'o//yang dag smra zhes bya ba ni phyin ci ma log par 'byung po la smras pa'o/ /kye ma zhes bya ba ni ngo mtshar ba'o/ /ma ni rgyu ba'o/ /rig sngags zhes bya ba ni nam mkha' bzhin du khyab pa'o/ /rig sngags che zhes bya ba ni stong pa'i lam ting nge 'dzin rdo rje lta bu thob pas che ba'o//stong chen zhes bya ba ni dus gsum gyi sangs rgyas thams cad dang byang chub sems dpa' thams cad kyi rang bzhin nam/ nyan thos dang rang sangs rgyas skyed par byed pa'i yum chos thams cad kyi ngo bo nyid do/ /rab tu 'joms byed ces pa ni/ 'byung po la sogs pa bar du gcod pa thams cad 'dul ba'o//sangs rgyas kyis ni gsungs pa de/ /zhes bya ba ni sangs rgyas gang+gA'i klung gi bye ma snyed brgya phrag stong gis gsungs pa'o/ /thos nas 'byung po skrag gyur te/ /zhes bya ba ni/ /stong chen mo rab tu 'joms ma'i rig sngags kyi sgra thos nas skrag pa'o//dper na rab tu 'bar ba'i me/ /zhes bya ba ni bskal pa chen po dus kyi me/ yang na ni me chen po 'bar ba'i nang du til gyi mar blugs pa lta bu'o/ /til mar ngar btags ral gri bzhin/ /zhes bya ba ni dper na nyi tshan la ral gri'i sne mo nyi ma la bsregs nas til mar byugs nas brgyab pas thams cad gcod pa bzhin du/stong chen mo'i rig sngags 'dis kyang / 'gro ba rigs drug gi sdug bsngal gcod pa'i phyir ro/ /rig sngags spu gri'i so 'dra ba/ /zhes pa ni dper na spu gris skra rnams rtsa ba nas bzhar ba bzhin du bgegs thams cad phyir phud pa'i phyir ro//yang na ni rig sngags 'di'i byin gyi rlabs kyis 'gro ba rigs drug gi rgyun bcad nas byang chub la dgod pa'i phyir ro/ /gau ta ma zhes bya ba ni drang srong gau ta ma'i tsha bo yin pa'i phyir gau ta mar btags so/ /rab bshad pa zhes bya ba ni rgya che ba'o/ drang srong gis ni legs bshad pa/ /zhes bya ba ni phyin ci ma log pa'o/ /sangs rgyas zhal nas gsungs pa la/ /zhes bya ba ni bden pa'i tshig gis brgyan pa'o/ /de la gang zhig ma dad pa/ /zhes bya ba ni dkon mchog gsum la skyabs su mi 'gro zhing lta ba log pa'o/ / de yi bu thu bo zhes bya ba ni dkon mchog gsum la ma dad pa gang yin pa de'i bu thu bo che'o/ /tshangs pa'i zhags pas zhes bya ba ni dus kyi zhags pa'o/ /med par 'gyur zhes bya ba ni dus kyi zhags pas bzung nas 'chi ba'o/ /me ni rab tu 'bar byas la/ /zhes bya ba ni dper na/sbyin sreg mkhan pos me sbar bzhin/ /bla dang 'og dang phyogs bzhi yang / /zhes bya ba ni/ 'gro ba rigs drug gi gnas so/ /sbyin sreg gi ni chus gtor te/ /zhes bya ba ni sbyin sreg gi chus zhes bya ba ni me long lta bu'i yang dag pa'i ye shes kyi chus rigs drug gi tsha ba'i sdug bsngal zhi bar byed pa'o//gtor te zhes bya ba ni rigs drug gi sems can la ye shes kyi 'od zer gyis byin gyis brlabs pa'o/ /nas dang yungs kar blangs nas su/ /mar gyi snying po dang sbyar nas/ /me yi nang du blug par bya/ /zhes bya ba ni dper na nas dang yungs kar dang 'dra ba'i gnod par byed pa'i gdon rnams so//blangs pas su ni sbyin sreg mkhan pos lag par rdzas blangs pa dang 'dra bar bcom ldan 'das kyi byin gyi rlabs kyis gnod byed kyi mi rnams bkug pa'o/ /mar gyi snying po dang sbyar nas/ /zhes bya ba ni mar gyi snying po ni stong chen mo'i rig sngags so/ / sbyar nas zhes bya ba ni rig sngags dang ting nge 'dzin gyi mthu'o/ /me yi nang du blug par bya/ /zhes bya ba ni gnod pa'i gdon rnams ting nge 'dzin gyi mes blangs nas/ ye shes kyi mes bsregs pa'i phyir ro/ /legs par gsungs pa zhes bya ba ni bcom ldan 'das kyis gsungs pa'o/ / 'di zhes bya ba ni stong chen mo'i rig sngags so/ /thos nas zhes bya ba ni 'byung po rnams so/ /gal te myur du mi gtong na/ /zhes bya ba ni/ chad pa dag gis gcod par byed/ /chad pa gang yin zhe na mnar med par skye ba'o/ /thams cad 'bar bar 'gyur zhes bya ba ni dkon mchog gsum gyi bka' las 'das pa gang yin pa de lus la me 'bar ba'o//dper na/ mar dang yungs kar mer blugs bzhin/ /zhes bya ba ni dpe'o/ /de dag bde ba mi rnyed de/ /zhes pa ni de dag ni bka' las 'das pa'o/ /bde ba mi rnyed ces bya ba ni mnar med pa'i sdug bsngal lo//gnod sbyin chad pa ni zhes bya ba ni nad chen po sna tshogs so/ /sdig pa ni sems can thams cad la'o/ /de yi rtsib logs g.yas par ni/ /'bras chen nad kyang 'byung bar 'gyur/ /zhes bya ba ni bka' las 'das pa de la'o/ /yang na ni gang gis gnod par byed pa de la'o/ /gnod sbyin nad kyis btab pa na//sha bkra'i nad kyis btab par 'gyur/ /zhes bya ba ni dkon mchog gsum la ma dad pa'i gang zag de la gnod pa byas pas/ de'i las kyi rnam par smin pas gnod sbyin ku be ras chad pa chen po bzhi bcad pa'i phyir ro/ /lcang lo can gyi pho brang du/ /gzhar yang 'gro bar mi 'gyur ro//zhes bya ba ni rig sngags 'di'i bka' las 'gal gyur na/ rnam thos kyi bu'i pho brang du 'ong mi ster te/ gnod sbyin rnams kyis chad pas gcod par 'gyur ro/ /lus ngan grogs dang ldan pa yi/ /khyim yang mthong bar mi 'gyur te/ /zhes pa ni 'gro ba lta ci smos te/mthong bar yang mi ster zhing / gnod sbyin rnams kyis kyang ring po nas bkag pa'o/ /'byung po mang po tshogs pa na/ /stan yang thob par mi 'gyur ro/ /zhes pa ni gal te pho brang du 'ongs par 'gyur na/ bsdad sa med par skyes te/ 'byung po rnams kyis brnyas par byed de/sdug bsngal mang po myong ba'o/ /gnod sbyin dag gi dkyil 'khor du/ /zas skom dang yang bral bar 'gyur/ /zhes bya ba ni rig sngags kyi bka' las 'das pa'i 'byung po rnams ni 'ongs par gyur kyang mi ster te/ gal te sbyin yang lcags kyi rdog po dang / / me'i phung por mthong ba'o/ /de bas na lha dang / mi dang / yi dags dang / 'byung po la sogs pa yang / rig sngags 'di'i bka' las mi 'da' ba'o/ /stong chen rab 'joms mdo sde la/ /zhes bya ba ni sgrub pa po rten gyi gang zag la la zhig dkon mchog gsum la skyabs su song ba/stong chen mo rab tu 'joms ma/ rdo rje'i rig sngags 'di 'chang ba dang / klog pa dang / yid la byed pa dang / kha ton byed pa dang / bsgom pa dang / mchod pa dang / nyan pa dang / bshad pa de la/ gnod sbyin 'byung po'i bar chad byed pa de la/ spyi bo dag ni zhes bya ba nas/de nyid du ni 'khor bar 'gyur/ /zhes bya ba'i bar na chad pa chen po bdun gcod pa'o/ /sus gcod ce na rdo rje 'chang gis gcod pa'o/ /gnod sbyin 'byung pos bar chad byed pa de la zhes bya ba ni rig sngags 'di'i bka' las 'da' ba dkon mchog gsum la skyabs su 'gro ba rnams la bar chad byas na sdug bsngal thams cad de'i lus la 'byung ngo //de la rdo rje 'chang khros te/ /spyi po dag ni 'gems par 'gyur/ /zhes bya ba ni gnod sbyin gyi ded dpon lag na rdo rje khros te/ de'i stobs kyis 'byung po rnams la chad pa bcad pa'o//ci'i phyir chad pa gcod ce na/ de'i rnam par smin pas a rdza ka'i dog pa bzhin du tshal ba brgyar 'gas par 'gyur ro/ /spu gri'i so ni rtsub mo yis/ /de yi lce ni gcod par 'gyur/ /zhes bya ba ni dkon mchog gsum gyi bka' las 'das pa dang / lag na rdo rje'i ye shes kyi spu gris de'i lce gcod pa'o//mtshon cha shin tu rnon po yis/ /de yi sna dang rna ba gcod/ /zhes bya ba ni gong ma bzhin du/ de'i rnam smin gyis sna dang lce gcod pa'o/ /'khor lo spu gri'i so 'dra bas/ /klad pa rab tu gshegs par byed/ /ces bya ba ni nam mkha' nas las kyi 'khor lo 'byung bas/spyi bo nas lte ba'i bar du gcod pa'o/ /tho ba lcags kyis dkris pa yis/ /de yi snying la 'joms par byed/ /ces bya ba ni bar snang nas lcags kyi 'khrul 'khor gyis/ bka' las 'das pa de'i snying ni 'joms pa'o/ /rnag dang khrag ni dron mo dag / de yi kha nas 'dzag par 'gyur/ /zhes bya ba ni/ don snying lnga la nad zhugs shing / rnag dang khrag rtag tu 'dzag pa'o/ /rig sngags zhags pa'i chad pa yis/ /rtag tu 'khor bar 'gro ba na/ /zhes bya ba ni yang dang yang du rig sngags kyis dmod pa'i zhags pa'i las des rtag tu 'khor bar 'khyam pa'o//'khor ba gnod sbyin dkyil 'khor du/ /de nyid du ni 'khor bar 'gyur/ /zhes bya ba ni de bas na 'di'i bka' las 'da' bar mi bya zhing / /sems can rnams la gnod pa mi bya'o/ /phyogs bzhi dag tu song gyur nas/ /zhes bya ba ni rig sngags 'di la gus pa'i gang zag skyong ba ste/rgyal po bzhi po dag gis ni phyogs phyogs nas srung ba'o/ /chos kyi go cha bgos gyur te/ /bzang po'i khri la 'dug pa ni/ /zhes pa ni byams pa dang / snying rje dang / dga' ba dang / btang snyoms kyi go cha gyon pa/ seng ge'i gdan la bzhugs nas sems can rnams kyi don byed pa'o//shar phyogs na ni yul 'khor srung / /zhes bya ba ni dri za'i ded dpon nyi shu rtsa brgyad dang ldan pas/ shar phyogs skyong ba'o/ /lho phyogs na ni 'phags skyes po/ /zhes bya ba ni grul bum gyi ded dpon nyi shu rtsa brgyad dang ldan pas lho phyogs skyong ba'o//nub phyogs na ni mig mi bzang / /zhes bya ba ni klu'i ded dpon nyi shu rtsa brgyad dang ldan pas/ nub phyogs skyong ba'o/ /byang phyogs na ni lus ngan po/ /zhes bya ba ni gnod sbyin gyi ded dpon nyi shu rtsa brgyad dang bcas pas/ byang phyogs skyong ba'o/ /dpal dang gzi brjid 'bar ba yi//rgyal po dag ni phyin pa dang / /zhes bya ba ni 'jig rten du dpal dang ldan zhing / sde bo che dpung bzhi'i bdag po ste/ de'i gzi brjid kyis gling bzhi khyab pa'o/ /phyin pa ni khyab pa'o/ /de'i tshe ston pa thams cad mkhyen/ /bar snang gnas la rab tu 'phags//zhes bya ba ni yang dag par rdzogs pa'i sangs rgyas rnams kyang / sems can gyi don la gnas pa ste/ nor bu rin po che dang 'dra bar 'jig rten gyi khams rang gi lag mthil du shes pa/ sems can rnams las 'phags pa'o/ /tshangs pas sprul pa'i gzhal med khang //der ni rdo rje'i gdan la bzhugs/ /zhes bya ba ni tshad med pa bzhi bsgoms pas tshangs pa ste/ gzhal med khang ni sku gsung thugs kyi rang bzhin lha'i sku'o/ /yang na gzhal med khang ni ri rab chen por snang ba 'jig rten gyi khams tsam mo/ /de lta bu'i gzhal yas khang gi nang na yang dag par rdzogs pa'i sangs rgyas rdo rje lta bu'i ting nge 'dzin snang ba'o//de nas tshangs dang tshangs chen rnams/ /thal mo sbyar 'khod phyag 'tshal lo/ /zhes bya ba ni de lta bu'i yon tan dang ldan pa'i sangs rgyas shAkya thub pa la/ mi mjed kyi bdag po tshangs pa dang / tshangs chen rnams kyis gus par phyag 'tshal ba'o/ /dpal ldan gser gyi ri bo 'dra/ /gser gyi mchod sdong dang yang mtshungs/ /zhes bya ba ni phyi nang med par gser gyi yon tan dang ldan te/ mtshan sum cu rtsa gnyis dang ldan zhing dpe byad bzang po brgyad cus brgyan pa/'dzam bu'i gling gi gser gyi kha dog dang 'dra zhing / yon tan gyis brgyan pa'o/ /me tog pad+ma bzhin du rgyas/ /sA la'i rgyal po bzhin du rgyas/ /zhes bya ba ni zhal pad+ma bzhin du sems can rnams la bstan pa/ shing sA la bzhin du zil gyis non pa'o/ /nyi ma dang 'dra zla nya la//skar ma rnams kyis yongs bskor zhing / /zhes bya ba ni dregs pa ni nyi ma lta bu ste/ 'jam pa ni zla ba nya ba'i 'od zer lta bu'o/ /byang chub sems dpa' la sogs pa 'khor rnam bzhi ni skar ma lta bu'o/ /thub sku gser gyi kha dog la/ /mtshan rnams kyis ni yongs su bskor//zhes bya ba ni sku gsung thub cing 'dzam bu'i gling gi gser gyi kha dog 'dra ba/ sku la mtshan sum cu rtsa gnyis dang ldan pa/ dpe byad bzang po brgyad cus brgyan pa'o/ /'jig rten mes bo tshangs pa yis/ /'jig rten sgron ma bstod byas te/ /zhes bya ba ni stong spyi phud kyi rgyal po tshangs pas kyang /yang dag par rdzogs pa'i sangs rgyas kyis/ sems can thams cad 'khor ba nas sgrol ba/ stong gsum gyi chos kyi rgyal po la phyag 'tshal zhing bstod do/ /'jig rten mgon po'i spyan sngar ni/ /'jig rten skyong la 'di skad smras/ / zhes bya ba ni stong gsum gyi stong chen po'i 'jig rten gyi khams kyi gtso bo ste/ sangs rgyas kyi bstan pa bsrung ba/ phyogs skyong bcus kyang zhus pa'o/ /'jig rten skyong gi 'khor rnams kyis/ /rjes su bstan pa ma thob ste/ /zhes bya ba ni yang dag par rdzogs pa'i sangs rgyas kyi chos 'di/yid bzhin nor bu rin po che 'dra ba ste/ 'jig rten skyong ba dag gis kyang 'di dang gzhan du mtshungs pa med pa'o/ /gang phyir 'di las sangs rgyas dang / /rang sangs rgyas dag 'byung 'gyur zhing / /zhes bya ba ni stong chen mo rab tu 'joms ma'i lam 'di nas/ rin po che shel dang / 'dra ba ste/ sangs rgyas la sogs pa gang yang 'byung ba'o/ /'di las nyan thos rnams kyang skye/ /lha rnams dag kyang skye bar 'gyur/ /zhes pa ni nam mkha' las char byung ba bzhin du/ /'di'i sgo nas gang yang 'byung ba'o/ /rig byed yan lag drug mthar phyin/ /bram ze rnams kyang skye bar 'gyur//zhes bya ba ni rtag pa'i chos drug yin te/ de yang sngar bshad pa bzhin du lta ba drug go/ /de rnams mthar phyin cing grol ba ste/ 'di'i sgo nas skye gnas bzang po bram ze'i rigs thob pa'o/ /drang srong skal ba chen po dang / /dge sbyong bram ze 'di las skye/ /zhes bya ba ni stong chen mo rab tu 'joms ma'i sgo nas lta ba thams cad 'byung ba'o//khyed cag snying las chung byed pa/ /mi yi skye dgu gnod par 'gyur/ /zhes bya ba ni ma rungs pa'i 'byung po rnams 'jigs skrag byed pa/ mi rnams la byams pa dang / snying rjer ldan pa'o/ /tshangs pa yi ni tshig thos nas//'jig rten skyong gis tshig smras pa/ /zhes bya ba ni mi mjed kyi bdag po tshangs pa'i tshig thos nas/ 'byung po rnams la phyogs skyong ba bcus smras pa'o/ /tshangs pa dang ni thub chen po/ /zhes bya ba ni sangs rgyas dang / byang chub sems dpa' dang / nyan thos dang / rang sangs rgyas dang /sems can thams cad bskyed pa'i ma stong chen mo rab tu 'joms ma'i rig sngags 'di yin pa'i phyir ro/ /bdag gis ri rab bsgul byas shing / /zhes bya ba ni phung po'i gnas skabs so/ /ri rab de yi rgya dang ni/ /'phang dang grwa bzhi'i zur rnams dang / /zheng la khru bzhi 'phang la bzhi//mu khyud zur brgyad sho 'dra ba/ /steng du dkyil 'khor legs par bri/ /sa tshon lngas ni yang dag tu/ /stong chen rab 'joms dkyil 'khor yang / /gru bzhi sgo bzhi ka ba brgyad/ /twa ra rnam bzhi rta babs rgyan/ /dra phyed rin chen la sogs pa/ / gdugs dang rgyal mtshan ba dan rnams/ /'dod pa'i yon tan lha mo dang / /mkhas pa dag gis bri bar bya/ /'bras sam bag phye la sogs pas/ /mkhas pa dag gis yang dag bya/ /ri rab gzugs ni sho 'dra ba/ /lha dang lha min 'byung po'i gnas/ /de lta bu yi gnas bcas la//lha dang lha min 'byung po dang / /de rnams la ni dbul bar bya/ /rgyal po dang ni rgyal po'i 'khor/ /blon po dang ni blon mo dang / /gang dag de rnams gnod pa dang / /'byung po yi dags sogs gnod dang / /byad stems dang ni 'thor ba dang / / ro langs sbod gtong gtong ba dang / /zos pa dang ni skyugs pa dang / /grib ma ngan dang ltas ngan dang / /bri nyes dang ni bsgom nyes dang / /smad nad dang ni nyin gcig dang / /nyin gnyis gsum pa bzhi pa dang / /nyin bdun zla phyed zla ba gcig /nyin mo ba dang yud tsam dad//ldang dub pa dang 'byung po dang / /mi yi rims dang mi ma yin/ /rlung dang mkhris pa bad kan dang / /'dus pa bzhi 'gyur dag dang ni/ /de yi cho ga yang dag yin/ /nad ni bzhi brgya rtsa bzhir gyur pa las/ /rmi lam ngan dang mtshan ma ngan/ /sngags btang ba dang bzlog pa dang //ma mo zor kha phur kha dang / /gshin rje la sogs gang yang rung / /de bzlog cho ga yang dag yin/ /shu ba g.yan pa mdze dang ni/ /phol mig gzhang nad 'bras dang ni/ /lhog dang me dbal bzlog pa dang / /sha bkra dmu chu khong nad dang / /glad pa na ba la sogs dang / /de yi cho ga yang dag yin//gtso bor gyur pa nyi shu brgyad/ /stong phrag brgyad cu rtsa brgyad phrag dang ni/ /'byung po rnams kyi cho ga yang dag bshad/ /ri rab la sogs bzhi dag la'ang / /dkar po dang ni mthing ga dang / /dmar po dang ni ser po rnams/ /shar phyogs ngos nas rim bzhin du/ / yang dag gis ni shes par bya/ /shar phyogs lha dang drang srong dang / /dri za'i gdon rnams gza' dang bcas/ /stong phrag brgyad cu nyi shu rtsa brgyad phrag /de rnams shar phyogs gdon rnams so/ /grul bum la sogs ma mo dang / /srin mo yi dags gdon rnams dang / /lho phyogs la ni yang dag shes//stong phrag brgyad cu rtsa brgyad phrag /de dag lho phyogs gdon rnams so/ /klu dang 'dab bzangs sa bdag dang / /nub phyogs dag ni yang dag shes/ /stong phrag brgyad cu nyi shu rtsa brgyad phrag /de dag nub phyogs gdon rnams so/ /gnod sbyin pho mo la sogs dang / / klu btsan la sogs gzhan rnams dang / /byang phyogs dag ni yang dag shes/ /stong phrag brgyad cu nyi shu rtsa brgyad phrag /de dag byang phyogs gdon rnams so/ /shar lho lho nub nub byang dang / /byang shar steng dang 'og dang ni/ /me yi gdon dang bden bral dang / /rlung lha'i gdon dang 'byung po'i gdon//tshangs pa la sogs sa bdag dang / /stong phrag brgyad cu nyi shu rtsa brgyad phrag /mtshan drug la ni yang dag shes/ /steng dang 'og dang zur rnams su/ /'byung po'i tshogs ni shes par bya/ /bag phye dang ni 'bras phye'am/ /gzugs ni sna tshogs mkhas par bya/ /ba dan dang ni rgyal mtshan dang //gdugs dang me tog phreng ba dang / /'byung po'i tshogs dang bcas pa dang / /bu ram zho dang sbrang rtsi dang / /me tog dkar po la sogs dang / /sha dang khrag dang chang dang ni/ /nya sha sgog pa la sogs dang / /me tog ser po'i phreng ba rnams/ /'o ma ka ra mngar gsum dang //mar la sogs pa'i sman rnams dang / /me tog dmar po dUr ba'i phreng ba dang / /chang dang sha dang khrag rnams dang / /la phug la sogs me tog ljang gu'i phreng ba dang / /dmar po nag po mthing ga dang / /sna tshogs me tog phreng ba dang / /me dang bden bral rlung dang ni//dbang ldan tshangs pa sa bdag dang / /sngon gyi rdzas la cha drug tu/ /yang dag gis ni shes rab la/ /mkhas pa'i sems la shes par bya/ /a kar gu gul la sogs dang / /sbrul gyi pags pa nya mgo dang / /yungs kar sgog pa bsres pa dang / /ga bur gla rtsi spang spos dang //tsan+dan la sogs sbyar ba dang / /tshil bu yungs kar bsres pa dang / /de dag la ni spos phor ro/ /khur ba chan dang thug pa dang / /de dag kun la shes par bya/ /rgya phibs bla re gdugs dang bcas/ /rgyal mtshan ba dan sna tshogs dang / /spos sbyar yang dag me tog dang //bu ram zhal zas sna tshogs dang / /lhan cig sbyar ba'i dri rnams dang / /de rnams la ni yang dag mchod/ /sna tshogs pad+ma'i dbus su ni/ /stong chen rab tu 'joms ma yang / /pad+ma'i lte bar yang dag bzhugs/ /de yi phyi rol ra ba la/ /'khor lo rtsibs brgyad shes par bya//rgyal po bzhi dang phyogs skyong dang / /gza' dang skar ma la sogs la/ /'khor lo lha rnams sgo rnams la/ /mkhas pas yang dag shes par bya/ /lnga'am gcig gam gang 'byor yang / /gang ba'i bum pa bkra shis pa/ /lnga pa'i dbus su gzhag par bya//gser ram dngul las byas pa yi/ /'jim sogs rab gnas byas pa yi/ /mchod rten la ni mchod par bya/ /mtshams gcod yul 'khor srung ba dang / /bkra shis la sogs gang yang rung / /de bzhin du ni byas nas ni/ /the tshom med de yang dag yin/ /slob dpon lnga'am gcig kyang rung //yang dag gis ni rim pa bzhin/ /'byung po rnams ni dgug par bya/ /stong chen rab tu 'joms ma yang / /phyogs bzhi'i mtshams su rgyun mi 'chad/ /slob dpon dgongs pa gsum ldan pas/ /ngag ma 'dres par bzlas par bya/ /zhes bstan pa'o/ / sa yang rnam par bzlog byas la/ /zhes bya ba ni phyogs skyong ba bcus tshangs pa dang / yang dag par rdzogs pa'i sangs rgyas kyi spyan sngar zhus pa'o/ /stobs dang ldan zhing ri rab thogs par nus te/ sa gzhi yang 'khrugs par nus shing / /'jig rten gyi khams kyang ldog par nus pa'o//rgya mtsho la ni thug pa rnams/ /rnam par sbyang ba nyid du bya/ /zhes bya ba ni shar phyogs nas go rims bzhin du/ phyi'i khor khor yug tsam bdag gi dbang du 'gyur te/ steng dang 'og tu yang de bzhin no/ /'jig rten khams de sbyong bar byed cing 'dul bas na sbyang ba'o/ / zhags pa dam po ma nyams pas/ /nyi ma zla ba rlung rnams dang / /zhes bya ba ni mdo sde zhags pas de dang de ldan pas yang 'dren pa'o/ /skar ma dag ni thams cad kyang / /bdag gis su ni bcing bar bya/ /zhes bya ba ni rig sngags kyi dmod mo'i zhags pas/ /smin drug la sogs pa'i rgyu skar rnams bcing ba'o//gang dag rab tu sdang byed cing / /'jig rten la ni phan mi byed/ /ces bya ba ni stong gsum gyi stong chen po'i 'jig rten gyi khams su rgyu zhing / /gnod pa skyel ba rnams la rig sngags kyi bcing ba lngas bcings pa'o/ /de dag la ni thams cad du/ / phyogs kyang snang bar mi bya'o/ /zhes bya ba ni/ gnod pa skyel ba'i 'byung po rnams/ phyogs bcu rnams su gnas pa'i sa med par/ /sdug bsngal drag po myong ba'o/ /'jig rten lha dang bcas pa de/ /'byung po rnams kyi phyir smod de/ /zhes bya ba ni lha dang klu dang lha ma yin la sogs pa/bgegs rigs stong phrag brgyad cu po rnams/ phyir 'gyed cing 'dor mi gtong ba'o/ /'byung po mi yi skye dgu la/ /gnod par byed cing 'tshe bar byed/ /ces bya ba ni phung po lnga'i rang bzhin/ byang chub sems la gnod pa'o/ /gang dag sngags dang sman rnams dang / / rig sngags las ni 'da' byed pa/ /zhes bya ba ni 'di la gus par byed cing dkon mchog gsum la skyabs su 'gro ba'i gang zag dang / sems can rnams la 'tshe bar byed ces rig sngags kyi bka' las 'das pa rnams so/ /'di la sngags kyi dam pa ni/ /pha rol gnon pa ston par byed//ces bya ba ni rig sngags kyi rgyal mo stong chen mo rab tu 'joms ma 'dis kyang / gsang sngags kyi tshig ston pa tsam gyis ni/ ma rungs pa'i 'byung po rnams kyi stobs 'phrog pa'o/ /rig sngags las ni 'da' ba'i 'khor/ /kun du chad pas bsdigs byas te/ /zhes pa ni phyag mtshan dang sku mdog ston pa ni/ded dpon dag ni nyi shu brgyad/ /re re la yang stong phrag brgyad cu brgyad cu'o/ /'di dag gi sku mdog dang phyag mtshan ni/ dkar po dmar po ser po dang / /ljang gu dang ni mthing ga dang / /la la dkar ser dmar ser dang / /la la ser nag ljang nag dang / / mgo bo ser po mjug ma nag /smad dkar stod gnag khra bo'i gzugs/ /sna tshogs gzugs te phyed gzugs so/ /lag na rdo rje 'khor lo thogs/ /gtun shing dang ni rtse gsum mo/ /la la ral gri lag na thogs/ /gtor ma rwa dang mdung thung thogs/ /'phang mdung dang ni nar tsa dang //la la dbyug pa thogs pa dang / /rtse gcig dang ni mdung rings thogs/ /mdung dang mda' gzhu lcags kyu dang / /la la mda' rings ga ge dang / /cha lang dang ni rol mo'i tshogs/ /pi wang gling bu glu len cing / /gnod sbyin pho mo glu len cing / /yan lag lnga dang ldan pa yis/ / rol mo'i tshogs ni la la byed/ /la la mi lpags gon pa dang / /mi mgo lag na thogs pa dang / /mi yi rgyu mas thod kyang byed/ /la la mi yi rus pa thogs/ /sna tshogs rgyan dang sna tshogs phyag mtshan dang / /'byung po'i tshogs su shes par bya/ /sku mdog dang phyag mtshan bstan pa'o//'jig rten mgon po'i spyan snga ru/ /thal sbyar 'khod nas 'di skad smras/ /zhes bya ba ni 'byung po'i gnas ston pa'o/ /skya snar bu ni ka ba na/ /grong khyer bzang na byang phyogs na/ /bya rgod phung po'i rgyal po'i khab/ /rgya mtsho mtha' yi bar gyi sar/ /lan gsum bar du 'gro byed grong //mkha' lding rgyas pa sped pa nas/ /rgyal khab dang ni ser skya'i gnas/ /shAkya'i tog na gar ltam par/ /sgra gcan dang ni tsir da na/ /mnyan yod dang ni gnas dang bcas/ /rgya mtsho'i gnas dang yangs pa can/ /gyad yul dang ni g.yog 'dor dang / /tsam pa yul dang 'jug sgo can//sgo drug dang ni zangs kyi 'dab ma can/ /brang gis 'gro na 'brog gnas dang / /'bru mangs na ni mchog tu srungs/ /srung ba can dang gso ba'i mtha'/ /bsnyen ngag 'grong khyer gnas dang ni/ /chu mchog na ni 'chi med zhag /rnga bzangs dang ni gzi can dang / / ri ldan grong khyer phyogs mtshams dang / /'od ma'i 'gram dang ka ling ka /'gro 'joms dang ni mi thub gnas/ /mdun khab gnas dang phreng ba brtsigs/ /rtad mar na dang ma rdzogs pa/ /snyems pa can dang ma rgyal gnas/ /gnas bcas dang ni zhi ba'i grong khyer dang / /'jigs byed dang ni brang 'gro dang //rdo grong dang ni shing gi grong khyer na/ /kha dog can dang tshangs par ldan/ /ba glang 'dzin dang rdo 'jog dang / /bong srungs sel dang ri la gnas/ /ldan grogs dang ni hro nu'i dang / /dga' ba dga' byed grong khyer na/ /rlung gi sa dang 'phyang 'gyur na/ /bcom brlag na dang lang ka dang //rab nyams dang ni mdzod 'dzin dang / /rnam rgyal ldan dang bcom brlag na yang gnas/ /ma la ya dang rtse 'dzin dang / /po 'dra na dang rab tu gnas/ /pi tang ka le dang ni rlabs ldan dang / /sna nas thung dang gso ba'i mtha'/ /dga' byed dang ni lag pa dang / / pu mtshan dang ni mdzod 'dzin dang / /pho brang ngan dang g.yog 'khor dang / /'gram ldan phung po grong khyer drug /mtha' man dang srung ba can/ /ba lang 'jog dang phyogs mtshams na/ /gdugs 'dra na dang grong khyer gsum/ /tshang tshing gcig dang u dum+WAr/ /kau shAm+bI dang zhi ldan na/ / sbrul gyi gdugs dang g.yo 'dzin na/ /gyen du 'gro dang thob byed na/ /grong ldan tshol ba lang chen mdzod/ /lha yi g.yul dang g.yul 'gyed ldan/ /dgra ngan zhing dang rgyal gnyis na/ /de nyid dang ni rab brten dang / /don grub grub dang don gnas dang / /'gro 'joms dang ni sbom po nyid/ / seng ge'i stobs dang sde bo che/ /de bzhin gzhan gyi grong dang ni/ /tsam pa dang ni ri mangs dang / /ba lang 'byor dang grong khyer dang / /gnas dang khwa la kau shAm+bI/ /bzang po can dang dam pa can/ /mching bu dang ni ma la ya/ /tshang tshing gnas dang ma rgyal gnas/ /chu mchog dang ni sen d+ha ba/ / 'gro ldan dag dang ser skya'i gnas/ /gzhan snyas dang ni sgo gnas dang / /dbu ma'i sde dang bzang mdzes dang / /grong khyer snying dang mya ngan sa/ /khyus 'gro dang ni nga rgyal brag /'jig byed dang ni kha che'i yul/ /ral pa can dang grong dang ni/ /kha che'i yul gyi sa mtshams na/ /sa la gnas dang spu yi mtshan//dkyil 'khor bstan dang ka bu sha /dga' ba'i tshang dang ni nam bsrung / /ngan pa dang ni tho gar yul/ /grong bcas pa dang rgya mtsho gnas/ /grong khyer gsum ni spu yi gnas/ /gra mi ngar dang sing ga la/ /ne tso bzhin dang 'og na gnas/ /pun d+ha gar dang grong khyer che//'jigs pa bzhin dang chu dang ldan/ /rtogs po'i yul dang ka ta ka /'phral ring 'phral dang u rgyan yul/ /thong shol ngan dang mya ngan na/ /yo ga na dang dga' dang ldan/ /phung po'i dbang dang chung ma can/ /rgyal po'i khab dang yangs pa ni/ /gnas te dug sbrul dang ni lcang lo'i grong //dga' ba'i grong dang lha las babs pa dang / /de dag ni 'byung po'i gnas bstan pa'o/ /sbrul gyi gang gis 'byung po'i dkyil 'khor kun/ /zhes bya ba ni stong gsum gyi stong chen po'i 'jig rten gyi khams su 'gyu ba'i 'byung po rnams/ nga'i bka' las ma 'das na/pho brang lcang lo can du skye ba thob pa'o/ /'di bshad pa na mi nyan pa/ /de dag chad pa bshad par bya/ /zhes bya ba ni yang dag par rdzogs pa'i sangs rgyas kyi bka'/ /rig sngags kyi bden pa'i dmod mos rlag par byed pa'o/ /tshangs pas sprul pa'i mdo sde ste/ /sangs rgyas zhabs la phyag 'tshal lo//zhes bya ba ni tshad med pa bzhi'i sgo nas gnas pa/ byang chub kyi sems dang ldan pa/ sangs rgyas shAkya thub pa la phyag 'tshal ba'o/ /phan tshun du ni bltas byas na/ /bai DUr+ya dang gser dngul dang / /zhes bya ba ni 'byung po rnams kyi gzhal yas khang lta na sdug cing rin po che sna tshogs kyis brgyan pa'o//mu tig rnams dang shel dag dang / /spug dang rdo yi snying po dang / /zhes bya ba ni mu tig dmar po dkar pos dra ba byas pa/ sa gzhi dang rtsig pa shel las byas pa/ spug dang rdo'i snying pos ka tan dang / ka ba byas pa'o/ /rin chen bdun gyis brgyan pa yi//rtsibs stong kha dog gser 'dra ba'i/ /zhes bya ba ni sgo bzhi ka ba brgyad/ twa ra rnam bzhi ni gzhi gser las byas pa/ rin po che sna bdun gyis phra byas pa'o/ /shing rta rnam pa bzhi byas pa/ /bzo rnams kun dang ldan pa ste/ /zhes bya ba ni/ /shar phyogs seng ge'i shing rta dang //twa ra rnam bzhis mdzes pa'o/ /de bzhin du go rims bzhin du sbyar bar bya'o/ /glang po che dang / rta dang / ri dgas sha rtu la'o/ /rdzu 'phrul gyis ni mkha' la 'gro/ /rgyal po dag ni der bzhugs nas/ /zhes bya ba ni yang na shing rta de dang ldan zhing //nam mkha' la rgyu'o/ /'byung po'i dkyil 'khor nyid du dong / /sa ni gser gyi phye ma la/ /zhes bya ba ni sems kyis sprul pa'i gzhal yas khang dang 'dra ba/ /lta na sdug pa sna tshogs kyi gzugs su snang ba'o/ /me tog dag gis bkang byas nas/ /mgul par ltung dang skud pa dang //zhes bya ba ni sa gzhi yang me tog gis bkang ba/ pho brang yang me tog gis snang ba ste/ 'byung po dang 'byung mo rnams me tog gis mgo la brgyan pa ste/ /'dod pa'i yon tan lnga spyod pa'o/ /zhags pa dag kyang gdags byos la/ /phyogs kyi sa ni ji snyed pas/ / zhes bya ba ni 'byung po de rnams kyang tshangs pa'i thag pas bcings te/ sa dang bar snang la rgyu ba rnams la'o/ /'byung po thams cad khrid shog ces/ /gnod sbyin gyi ni ded dpon kun/ /zhes bya ba ni/ gnod pa byed pa'i 'byung po rnams/ /kun kyang zhags pas drangs pa'o/ /phyogs bcu dag tu dgye bar bya//zhes bya ba ni phyogs bcu na gnas pa'i stong gsum gyi stong chen po'i 'jig rten gyi khams kyi 'byung po rnams dgye ba'o/ /stong chen rab tu 'joms pa yi/ /mdo sde yi ni dam pa 'di/ /zhes bya ba ni seng ge'i sgra lta bus dam pa rnams kyi dam pa'o/ /tshangs pa'i 'jig rten bar du 'byung //lha rnams kun gyis rnam par bsams/ /zhes bya ba ni chos sku'i rang bzhin nam mkha'i rang bzhin thams cad khyab pa/ sems can rnams kyi yum lta bu'o/ /stong chen mo yi lus kyis su/ /gnod sbyin dang ni srin po btul/ /zhes bya ba ni rig sngags kyis lus ngag yid gsum gyis kyang ma rungs pa thams cad 'dul ba'o//lus ngan po yi tshig thos nas/ /gnod sbyin gyi ni ded dpon stong / /zhes bya ba ni rgyal po chen po ku be ra'i tshig thos nas/ gnod sbyin ded dpon stong phrag gnas pa'o/ /phyogs bzhi dag tu song nas su/ / gsang ba po la drag tu bsgo/ /zhes bya ba ni gnod sbyin de rnams kyang / bka' stsal pa'i tshig snang ba'o/ /thub pa 'byung po nyi shu brgyad/ /dri za las byung gdon gyi tshogs/ /zhes bya ba ni thub pa ni sangs rgyas la zhus pa'o/ /dri za'i ded dpon gyi gdon phyogs der 'khod pa dag go/ / shar phyogs cha na 'khod pa dag /mdo sde'i zhags pas de dag kun/ /zhes bya ba ni shar phyogs nas gnod par byed pa/ rig sngags kyi dmod mo'i zhags pas bcings pa'o/ /bcing pa lnga yis bsdams pa yis/ /'byung po mang po nga la nyon/ /zhes bya ba ni ye shes lnga'i zhags pas bsdams pa ste/dri za'i gdon stong phrag brgyad cu rnams/ rgyal po chen po yul 'khor srung gis bka' stsal pa'o/ /thub pa 'byung po nyi shu brgyad/ /grul bum las byung gdon gyi rnams/ /zhes bya ba ni thub pa ni yang dag par rdzogs pa'i sangs rgyas kyi spyan sngar zhus pa'o//grul bum gyi ded dpon la sogs pa/ rig sngags kyi dmod mo'i zhags pas 'dren pa'o/ /lto phyogs cha 'dir 'khod pa dag /mdo sde'i zhags pas de dag kun/ /zhes bya ba ni lho phyogs nas glags tshol zhing sems can la gnod pa byed pa rnams/ rig pa'i zhags pas bcings pa'o/ /bcing pa lnga yis bsdams pa yi/ /'byung po mang po nga la nyon/ /zhes bya ba ni ye shes lnga'i rang bzhin gti mug la sogs pa de de'i bsdams pas bcings pa ste/ ma rungs pa'i gdon la sogs pa rgyal po chen po 'phags skyes pos 'dul ba'o//thub pa 'byung po nyi shu brgyad/ /klu las gdon du gyur pa rnams/ /zhes bya ba ni thub pa ni sangs rgyas la zhus pa/ klu'i ded dpon du gyur pa/ nub ngos na 'khod pa'o/ /nub phyogs cha 'dir 'khod pa dag/ /mdo sde'i zhags pas de dag kun/ /zhes bya ba ni ma rungs pa'i klu dang sa bdag la sogs pa/rig sngags kyi dmod mo'i zhags pas bcings pa'o/ /bcing pa lnga yis bsdams pa yi/ /'byung po mang po nga la nyon/ /zhes bya ba ni nub ngos nas glags tshol zhing / sems can rnams la gnod pa ste/ /'dod pa'i yon tan lnga yis bcings pa bsdams nas//rgyal po chen po spyan mi bzang gis klu'i gdon la sogs pa la chad pa gcod pa'o/ /thub pa 'byung po nyi shu brgyad/ /gnod sbyin las ni gnod gyur pa/ /zhes bya ba ni thub pa ni sangs rgyas la zhus pas te/ gnon sbyin gyi ded dpon rnams byang ngos na gnas pa'o//byang phyogs cha 'dir 'khor ba dag /mdo sde'i zhags pas de dag kun/ /zhes bya ba ni byang ngos nas glags tshol zhing / sems can la gnod par byed de/ /de rnams kyang rig sngags kyi dmod mo'i zhags pas bcings pa'o/ /bcing ba lnga yis bsdams pa yi//'byung po mang po nga la nyon/ /zhes bya ba ni gnod sbyin gyi gdon la sogs pa/ ye shes lnga'i bcing pas bsdams te/ rgyal po chen po rnam thos bus chad pas gcod pa'o/ /lus ngan gyi ni bu thu bo/ /kun du rgyal ba mi la zhon/ /zhes bya ba ni gnod sbyin gyi ded dpon sde bo che rnams yin te/'dir yang gnod pa byed pa rnams so/ /de yi drung na 'khod pa yi/ /gnod sbyin bye ba drug cu dag /ces bya ba ni rnam thos kyi bu che shos la 'khod pa'o/ /bcing ba rnam pa lngas bsdams nas/ /mdo sde'i zhags pas rab tu drangs/ /zhes bya ba ni 'dod pa'i yon tan lnga'i bcing pas bsdams pas/rig sngags kyi dmod mo'i zhags pas bsdams pa'o/ /de nyid kyi ni bu gnyis pa/ /skyed pa po zhes rnam grags pa/ /zhes bya ba ni rnam thos kyi bu che shos kyi 'og ma'o/ /de yi drung na 'khod pa yi/ /gnod sbyin bye ba drug cu rnams/ /zhes bya ba ni bu de'i 'khor ded dpon sde bo che rnams so//bcing ba rnam pa lngas bsdams nas/ /mdo sde'i zhags pas kun du drangs/ /zhes bya ba ni ye shes lnga'i rang bzhin gyis bsdams shing / rig sngags kyi dmod mo'i zhags pas bcings pa'o/ /de nyid kyi ni bu gsum dang / /de yi ming ni gdon po che//zhes bya ba ni rnam thos kyi bu mtha' ltag go/ /de yi drung na 'khod pa yi/ /gnod sbyin bye ba drug cu rnams/ /zhes bya ba ni gnod sbyin gyi ded dpon sde bo che rnams so/ /bcing ba rnam pa lngas bsdams nas/ /mdo sde'i zhags pas kun du drangs/ /zhes bya ba ni 'dod pa'i yon tan lngas bsdams pa/rig sngags kyi dmod mos bcings pa'o/ /de nyid kyi ni bu bzhi pa/ /de yi ming ni bum bu'i lto/ /zhes bya ba ni rnam thos sras kyi bu tha ma'o/ /de yi drung na 'khod pa yi/ /gnod sbyin bye ba drug cu rnams/ /zhes bya ba ni bu de'i 'khor ded dpon sde bo che rnams so//bcing ba rnam pa lngas bsdams nas/ /mdo sde'i zhags pas kun du drangs/ /zhes bya ba ni de rnams kyang ye shes lngas bsdams shing / rig sngags kyi zhags pas bsdams pa'o/ /dbang phyug chen po lha chen po/ /lag bzhi pa la stobs po che//zhes bya ba ni g.yas gnyis na tri shU la dang / bum pa spyi blugs 'dzin pa/ g.yon gnyis na phreng ba dang mchod sbyin mdzad pa/ stobs dang gzi brjid dang ldan pa khams gsum la dbang byed pa'o/ /de yi drung na 'khod ba yi/ /gnod sbyin bye ba drug cu rnams/ /zhes bya ba ni dbang phyug chen po'i 'khor rnams zhes bya ba ni ded dpon du gnas shing sde che ba'o//bcing ba rnam pa lngas bsdams nas/ /mdo sde'i zhags pas kun du drangs/ /zhes bya ba ni 'dod pa'i yon tan lngas bsdams shing / rig sngags kyi dmod mo'i zhags pas bsdams pa'o//'byung po 'joms pa'i ri la ni/ /'byung po thams cad lhags nas su/ /zhes bya ba ni rigs mi gcig ba'i gdon thams cad gnas pa'o/ /'joms pa ni rig sngags kyis 'joms pa'o/ /rig sngags thams cad 'byung ba'i gnas/ /rig sngags 'di ni kun du bsam//zhes bya ba ni nam mkha' bzhin thams cad la khyab pa/ sems can dang byang chub sems dpa' la sogs pa skyed pa'i yum lta bu'o/ /chad pa mi bzad drag po ste/ /gang phyir sangs rgyas rnams kyis gsungs/ /zhes bya ba ni 'das pa dang ma 'ongs pa dang da ltar gyi sangs rgyas rnams kyis gsungs pa/gzhan rnams kyis mi thub pa dmod mo'i chad pa'o/ /sangs rgyas la ni gus par ni/ /thams cad 'di la skyabs su song / /zhes bya ba ni yang dag par rdzogs pa'i sangs rgyas shAkya thub pa la skyabs su 'dong zhing zhes bya ba ni/ dam ba'i chos rig sngags la gus pa'o//g.yo med par ni rjes zhugs shing / /thams cad med par gyur ta re/ /zhes bya ba ni brdzun mi smra bar sems can mi slu bas te/ stong pa'i rang bzhin du snang ba'o/ /de nas thang cig tsam gyis ni/ /'byung po mang po thams cad lhags/ /zhes bya ba ni gzugs sna tshogs su snang ba'i 'byung po rnams kyang //rig sngags kyi ye shes zhags pas drangs nas/ phyogs bzhir snang ba'o/ /ri rnams dang ni g.yang sa dang / /rgya mtsho dang ni mtsho rnams dang / /zhes bya ba ni 'byung po'i gnas ni de rnams dang ldan pa'o/ /klung dang 'bab chu lu ma dang //dba' klong dag na gang 'khod dang / /zhes bya ba ni de dang ldan pa'i gnas su bsdad cing / sems can rnams la gnod pa byed pa'o/ /skyed mos tshal dang gzhal med khang / /kun dga' dang ni nags rnams dang / /zhes bya ba ni 'byung po rnams gnas gcig tu mi/ gnas te/ gzugs sna tshogs su snang ba'o/ /mchod rten gnas dang grong gi gnas/ /shing ljon drung na gang gnas dang / /zhes bya ba ni gnas de dang de la gnas shing / 'jig rten khams su rgyu ba'o/ /grong khyer sgo dang grong rnams dang / /grong rdal dang ni ljongs rnams dang / / zhes bya ba ni 'byung po tshan gcig ni grong dang grong khyer rnams su rgyu zhing / sems can rnams la glags tshol ba'o/ /rgyal po'i pho brang sgo rnams dang / /gzhal med khang na gnas pa dang / /zhes bya ba ni tshan gcig kyang rgyal po la gnod pa byed pa rnams/ gnas der bsdad cing glags tshol ba'o//dkyil 'khor dag dang dur khrod dang / /de bzhin lha khang rnams dang ni/ /zhes bya ba ni tshan gcig ni lha khang rnying pa la chags shing dge ba la bar chod byed pa'o/ /mtshams dang sho gam gnas rnams dang / /khang stong dang ni gram sa dang / /zhes bya ba ni de dang der ldan pa'i gnas su bsdad cing /gzugs mi gcig par snang ba'o/ /gnod sbyin gang rnams bla 'og dang / /phyogs bzhi dang ni mtshams rnams nas/ /zhes bya ba ni gnod sbyin de dang ldan pa ni/ /phyogs mtshams brgyad du gnas pa'o/ /gnod sbyin bye ba stong rnams ni/ / rig sngags zhags pas bkug pa rnams/ /zhes bya ba ni/ stong phrag de dang de yod pa/ /ma rungs pa yi 'byung po rnams/ /rig sngags kyi dmod mo'i zhags pas 'dren pa'o/ /rdza rnga dag ni brdungs nas su/ /la las sda zlum ngag ni brdungs/ /zhes bya ba ni sgra la dga' ba'i gnod sbyin rnams bsam gyis mi khyab par snang ba'o//pi wang gling bu khar ba'i rnga/ /stobs chen dag ni sgra 'byin te/ /zhes bya ba ni tshan gcig kyang rol mo la dga' zhing / sems can rnams la gnod par byed pa'o/ /rol mo'i sgra dbyangs sna tshogs dang / /glu dang gar rnams byas nas su//zhes bya ba ni sems can rnams slu ba'o/ /dbang po zla ba chu lha dang / /ba ra d+h+wa dza skye dgu'i bdag /ces pa ni gnod sbyin gyi ded dpon sum cu rtsa gnyis su gnas shing / /sangs rgyas kyi bstan pa srung ba dag go/ /mi ldan pa dang kun du lta/ /mngon shes gangs can rdzogs pa dang //zhes bya ba ni de rnams la yang de'i sder bcas shing / phyogs bcu'i 'jig rten gyi khams rgyu ba'o/ /tsan+dan dang ni 'dod mchog dang / /mgul pa mdzes dang mgul nges dang / /zhes bya ba ni de rnams kyis kyang sems can gyi don byas shing /rig sngags la gus pa'o/ /skye dgu'i bla mar gyur pa dang / /lha las byung ba'i ma ldan dang / /zhes bya ba ni gnod sbyin gyi tshan de dang der ldan zhing / nam mkha' dang / sa steng sa 'og tu rgyu ba'o/ /dri za sna tshogs sde dang ni/ /mi rgyal rgyal ba khyu mchog dang / /zhes bya ba ni sde po cher grags shing stobs dang ldan pa'o//de bzhin phung bu lnga zhes bya/ /g.yer ma dang ni nyi zer dang / /zhes bya ba ni nyi ma'i 'od dang ldan pa/ yud tsam gyis stong gsum khyab pa'o/ /nya lcibs dang ni ral gyi bu/ /kun kyi bshes dang grags 'dzin dang / /zhes bya ba ni 'byung po sde tshan de dang ldan pa/ral gri bzhin du rno ba'o/ /'brog gnas dang ni yid bzangs dang / /khab rna dang ni ri sul kha/ /zhes bya ba ni sde bo che nyi shu rtsa gnyis dang ldan pa/ de rnams yang gzugs sna tshogs dang ldan pa'o/ /lnga 'dzin dang ni khab bzangs dag / sde dang dpung dang bzhon par bcas/ /zhes bya ba ni stobs dang ldan pa sde bo cher grags pa'o/ /lha dang klu dang dri za dang / /gnod sbyin 'byung po lha ma yin/ /zhes bya ba ni gdon rigs mi gcig pa lha'i gdon la sogs pa stong phrag brgyad cu'o/ /nyin gsum pa yi smyo byed dang / /de bzhin bzhi pa'i rims dag dang //zhes bya ba ni nad sna tshogs gtong zhing smyo bar byed pa rnams yin te/ de rnams yang gzhan mi thub pa stobs dang ldan pa'o/ /'jig rten 'tshe ba gang yin pa/ /gnod sbyin 'byung po ma rungs rnams/ /zhes bya ba ni stong gsum gyi stong chen po'i 'jig rten gyi khams skad cig yud tsam thang cig gis rgyu ba//sems can rnams la 'tshe bar byed pa'o/ /phyogs bzhi nas ni bkug nas su/ /bcing ba lnga yis bsdams pa rnams/ /zhes bya ba ni ma rungs pa'i 'byung po rnams la/ ye shes lnga'i zhags pas bcings pa'o//'jig rten mgon po'i spyan snga ru/ /thal mo sbyar nas 'di skad smras/ /zhes bya ba ni 'byung po de rnams kyis kyang yang dag par rdzogs pa'i sangs rgyas kyi spyan sngar/ gus bar byas nas zhus pa'o/ /phyag 'tshal skyes bu dpa' khyod la/ /phyag 'tshal skyes bu mchog khyod la/ / zhes bya ba ni bdud bzhi 'joms pa la dpa' ba/ skyes bu chen po'i mtshan sum cu rtsa gnyis dang ldan pa/ dpe byad bzang po brgyad cu pos sku la brgyan pa/ sems can rnams la mnyam pa nyid du lta ba/ snying rje dang byams pas khyab pa/ thal mo sbyar nas phyag 'tshal lo/ /chos rgyal khyod la phyag 'tshal lo//zhes bya ba ni 'byung po de rnams kyis zhabs la gus par phyag 'tshal te/ stong gsum gyi stong chen po'i 'jig rten gyi khams la/ chos kyi rgyal srid mdzad pa'o/ /de dag gi ni mdun rgyug pa/ /'byung po gnod sbyin lus po che/ /zhes bya ba ni che ba ri rab dang mnyam pa/ chung ba ba spu'i rtsa mo tsam/de dang der ldan pa'i 'byung po rnams rgyu ba'o/ /lag pa bzhi pa ma rungs pa/ /rkang mangs dang ni rkang gcig pa/ /zhes bya ba ni mda' dang gzhu dang ral gri mdung rnams thogs pa/ stong tsho gcig gi rkang pa yod pa/ rkang gcig ni gnyis sbrel nas rgyu ba'o/ /rkang bzhi pa dang rkang gnyis dang //rkang pa bsgreng la spyi'u tshugs dang / /zhes bya ba ni ma rungs pa'i 'byung po yang spyi bo'i gtsug gis 'gro zhing / sems can rnams 'jigs par byed pa'o/ /de bzhin du rkang bzhi rkang gnyis kyang 'jigs par byed pa'o/ /lus mang mgo bo gcig pa dang / /lus gcig pa la mgo bzhi dang //zhes bya ba ni gzugs che zhing 'jigs su rung ba bzhin mi sdug ba rnams so/ /mig mang po la lus phyed dang / /mig gcig lto ni bcu gnyis dang / /zhes bya ba ni rkang gcig lag gcig lus su snang zhing / /lus de la mig mang po yod pa ste/ 'byung po gzhan yang lto ba ri bo lta bur gnas pa/mang po bsdebs pa mig gcig tu snang ba'o/ /bong bu rnga mo glang chen mgo/ /lag pa bsgreng la mgo btud dang / /zhes bya ba ni gzugs mi'i gzugs la mgo bo sna tshogs su snang ba/ rkang pa dang lag pa sgreng bar byed pa'o/ /mtshon cha'i so dang mtshon cha'i lag /mtshon cha'i rkang pa srin po rnams/ /zhes bya ba ni de kun gyi yan lag dang ral gri dang / mda' gzhu dang mdung la sogs par snang ba'o/ /zangs kyi skra dang zangs kyi so/ /zangs kyi mig dang zangs kyi lag /ces bya ba ni shin tu dmar ba 'jigs su rung ba ste/mtshon cha bzhin du snang ba'o/ /zangs kyi tho ba rkang pa dang / /zangs kyi sna dang zangs kyi kha/ /zhes bya ba ni mtshon cha mi 'jigs pa 'dzin pa/ rkang pa yang tho ba'i tshul du gnas pa'o/ /de bzhin du kha la sogs pa yang zangs kyi skra bzhin du snang ba'o/ /rkang lag kun du 'bar ba dang //mi yi lus su gnas pa rnams/ /zhes bya ba ni me bzhin du 'bar te/ des kyang mi la zhe sdang la sogs pa 'bar bar byed pa'o/ /sgur zhar lba ba gsum yod pa/ /mig mi sdug la kha glal ba/ /zhes bya ba ni bong thung zhing lus po sgur te/ de'i ske la sba ba gsum yod pa/ lus po zha zhing kha gdangs pa/ mchu sngon por sang ba 'jigs pa'o/ /chu srin stag gi gzugs dang ni/ /gzugs mi sdug dang kha ral po/ /zhes bya ba ni mi'i lus la mgo brnyan du yod pa/ kha gdangs shing mi sdug pa'o/ /mchu 'phyang po dang so yon po/ /rab tu sdug pa'i khro gnyer can//zhes bya ba ni gdong pa yo ba/ de bzhin du mchu dang so yo ba'o/ /khro bar gnas shing sems can la 'jigs par byed pa'o/ /gsus po che dang bum sna po/ /rna 'phyangs po dang rna ba med/ /ces bya ba ni gsus pa ri rab tsam snang ba/ rna ba gos su gon pa/ rna ba bcad pa'i 'byung po rnams so//lag ring dang ni rna ba ring / /sna yi rtse dang lag rtse ring / /zhes bya ba ni lag pa brkyang bas dpag tshad brgyar slebs te/ snas lus khebs te glang po che'i sna dang 'dra ba/ de bzhin sor mo yang ring ba'o/ /lus skams lus ni ring ba dang / /skra ring rab tu brgyan pa dang //zhes bya ba ni shin tu nag pa/ shing lpags skams pa dang 'dra ba/ /ring ba ni ring ba pas kyang ches ring ba lus rnams kyang skra ring bas brgyan pa'o/ /rkang pa mid pa phra ba dang / /dri nga ba dang bum lto po/ /zhes bya ba ni yan lag gi tshigs rdog por yod pa/ rkang pa phra bas te/dri mi zhim pa mnam pa/ gsus pa ri bo tsam yod pa'o/ /yan lag chu srin 'dra ba dang / /gtun shing tho ba 'dra ba'i lto/ /zhes bya ba ni lag pa dang rkang pa yang chu srin 'dra ste/ gzugs ring ba/ rked pa nyag pa/ nag por snang ba'o/ /gnam lto ba dang sna bo che//gyen du brdzes skra rab tu dmar/ /zhes bya ba ni sna yar 'khyil pa glang po che'i sna 'dra ba/ khab kyi rtse mo dang 'dra ba'i skra dmar zhing 'bar ba'o/ /mgo bo che la gzhu mgrin po/ /rked pa sgur po bum lto bo/ /zhes bya ba ni 'byung po la la ni gzhu bzhin du ske sgur bas te/ de bzhin du yan lag dang lus po rnams kyang sgur ba'o//ri rab rtse mo bsgul nas su/ /me mdag gi ni char pa 'bebs/ /zhes bya ba ni gzi brjid dang / stobs dang ldan zhing / /ri rab dang sa g.yo bar byed pa ma rungs pa'i char 'bebs pa'o/ /ljon shing ri dang rdo ba dang / /sprin gyi tshogs kyi mdog 'dra ba//zhes bya ba ni la la gzugs bzang bar gnas pa/ gzhan rnams yang bzhin mi sdug pa'o/ /dung dang rnga chen rdza rnga dang / /grul bum rnga bran rnams kyi sgra/ /zhes bya ba ni sgra dang rol mo la dga' ba gar sna tshogs dang ldan pa'o/ /'jigs pa'i sgra ni rab tu 'byin/ /ming po che la bong bu'i sgra//zhes bya ba ni ri rab kyi rtse mo nas gling bzhir thos pa'i sgra/ sgra des sems can 'jigs pa'o/ /nag po sngon po ser po dang / /dmar ser me ltar dmar ser dang / /zhes bya ba ni bzhin mi sdug pa gzugs sna tshogs su snang ba/ bskal ba'i me'i 'od dang 'dra ba'i 'od zer snang ba'o//khab 'dra'i spu dang ral gri'i skra/ /dmar po'i khrag gis bskus pa rnams/ /zhes bya ba ni shin tu rno ba lus dang mgo rnams la khyab pa/ kha yang khrag gis bskus pa'o/ /mi ro dag ni khyer nas su/ /za bzhin du ni rnam par rgyug /ces bya ba ni mi rnams la 'tshe bar byed cing srog 'phrog pa rnams yin te/glags tshol zhing 'phrang kha bsgugs pa rnams yin no/ /so rnon lag pa dmar po dang / /mchu ni khrag gis bskus pa dang / /zhes bya ba ni mche ba ring ba mtshon 'dra ba ste/ sems can rnams kyi lag pa dmar por snang ba/ khrag 'thung ba la dga' ba'o/ / lus phyed dag ni zos pa dang / /mkhal snying dang nang grol gyis/ /zhes bya ba ni sems can rnams la 'tshe bar byed pas/ sha dang khrag la dga' ba dang / /don snying lnga la dga' ba'o/ /snyim pa shin tu bkang ba dang / byis pa dag ni za bzhin du/ /zhes bya ba ni mi rnams kyi ni srog 'phrogs nas don snying rnam pa lnga phyung nas za bar byed pa'o//mer mer po dang srog chags kyi/ /rkang lag rnams kyi stobs kyang 'phrog /ces bya ba ni byang chub sems chags su mi ster bar za ba/ ma'i mngal nas gzi brjid 'phrog pa'o/ /keng rus kyi ni lus kyis su/ /skye bo mang po skrag par byed//ces bya ba ni pags pa dang sha med pa dang rus par snang ste/ de lta bu'i gzugs kyis kyang 'tshe bar byed pa'o/ /khrag gis rab tu bkang ba yi/ /mi yi pags pa thogs nas su/ /zhes bya ba ni sems can rnams kyi khrag 'jib cing / mi yi pags pa gon pa'o//mi bzad dug gis kun bskus te/ /phyogs phyogs dag tu rnam par rgyug /ces bya ba ni bsam pa dang / mthong ba dang reg pa dang / mche ba'i dug rnams kyis bskus pa/ stong gsum gyi stong gi 'jig rten gyi khams su rgyug pa'o/ /grong khyer rnams kyi sgo rnams dang / /khyim nas khyim du rnam par 'thor//zhes bya ba ni sems can rnams la glags tshol ba/ grong dang grong khyer grong rdal du rgyu ba'o/ /rlung dang bad kan mkhris pa rnams/ /phyogs bzhi dag tu 'khrug par byed/ /ces bya ba ni 'byung po rnams kyi mdze dang phol mig la sogs pa nad bzhi brgya rtsa bzhi gtong ba'i bdag po'o//de ltar de na rgyal po yi/ /gdon dang 'jigs pa chen po rnams/ /zhes bya ba ni rgyal po chen po bzhis kyang 'byung po'i gdon de rnams 'dul ba'o/ /lhags pa de dag thams cad kyang / /rig sngags zhags pas rab tu bsdams/ /zhes bya ba ni stong chen mo'i rig sngags kyis/'byung po rnams rang dbang med par bkug pa'o/ /phyag 'tshal skyes bu dpa' khyod la/ /phyag 'tshal skyes bu mchog khyod la/ /zhes bya ba ni ma rig pa la sogs pa nyon mongs pa 'dul ba la dpa' ba'o/ /skyes bu chen po'i mtshan sum cu rtsa gnyis dang /dpe byad bzang pos sku la brgyan pa/ 'jig rten gyi khams kyi sems can thams cad la mnyam pa nyid du byed pa'o/ /thal mo sbyar nas phyag 'tshal lo/ /chos rgyal khyod la phyag 'tshal lo/ /zhes bya ba ni 'byung po rnams kyis kyang gus par phyag 'tshal te/ stong gsum gyi chos kyi rgyal srid mdzad pa'o//grong khyer grong dang yul 'khor dang / /pho brang 'khor du rgyu ba dang / /zhes bya ba ni 'byung po rgyu ba'i dus tshod ni snga dro shar gyi phyogs nas rgyu/ nyi ma phyed na lho nas rgyu/ nyi ma smyur nas nub kyi phyogs su rgyu/ nyi ma smyur nas ma nub bar du byang gi phyogs nas rgyu/ nyi ma nub nas sa sros bar du shar lho mtshams su rgyu/ srod 'khor nam phyed bar du srin po'i phyogs nas rgyu/ nam phyed skya rings tshun chad nub byang phyogs nas rgyu/ skya rings shar nas nam langs tshun chad byang shar mtshams nas rgyu/ de dag dus rgyu ba ni/ mchod phyir lhags kyang 'tshe ba mod//tshes grangs dag la rgyu ba rnams/ /de dag mi la 'tshe bar byed/ /tshes gcig dang ni bcu gcig la shar gyi phyogs nas chu tshod bzhi'i bar du rgyu/ tshes gnyis dang bcu gsum la lho'i phyogs nas chu tshod brgyad rgyu/ tshes gsum dang bcu gnyis la chu tshod bcu'i bar du nub kyi phyogs nas rgyu/srod 'khor tsam tshes bzhi dang bcu bzhi la nam phyed nas chu tshod drug byang gi phyogs nas rgyu/ tshes lnga dang bcu drug la ni nyi ma dros nas shar lho mtshams nas chu tshod bdun rgyu'o/ /tshes drug dang dgu la chu tshod sum cu tham pa lho nub mtshams nas snga dro nas rgyu'o/ / tshes bdun dang bcu tham pa'i dus su nub byang mtshams nas snga dro nas chu tshod bco lnga la rgyu'o/ /tshes brgyad dang gnam stong la byang shar nas snga dro nas chu tshod bcu gnyis bar du rgyu'o/ /de dag ni 'byung po rgyu ba'i dus bstan pa'o/ /gnod sbyin ma rungs mdangs 'phrog pa/ /snying rje med cing khrag 'thung ba//zhes bya ba ni sems can rnams la 'tshe bar byed cing srog 'phrog pa ste/ 'byung po de rnams sha dang khrag la dga' ba'o/ lus chen 'jigs pa chen po ste/ /stobs po che la sgra yang che/ /zhes bya ba ni lus ni ra rab dang mnyam pa/ stobs kyis ni ri rab bsgul ba/ / skad kyang drag po'i tshul du snang ba'o/ /mgrin bcu po la mig stong po/ /gdon chen mig ni dmar po rnams/ /zhes bya ba ni mgo re re la mig brgya brgya yod pa ste/ mig de yang dmar por snang zhing 'jigs su rung ba'o/ /'khor ni mang po rnams btang ste/ /lag na mtshon thogs rab tu 'jigs//zhes bya ba ni gnod sbyin ma rungs pa mang por snang zhing / ral gri la sogs pa'i mtshon cha mang po thogs pa'o/ /sbrul gyi pags pa thogs pa dang / /lag bzhi lag na sgron me thogs/ /zhes bya ba ni dug sbrul gyi pags pa gon pa/ mi gsal ba gsal bar byed pa kha nas me 'bar zhing 'jigs par byed pa'o//lag na mtshon dang dbyig pa thogs/ /rdo rje'i mdung rtse lag na thogs/ /zhes bya ba ni 'byung po ma rungs pa rnams kyang / lag na mtshon sna tshogs pa thogs shing 'jigs su rung ba'o/ /rab tu drag pa'i dmag brgal nas//phyogs bcu kun du skrag par byed/ /ces bya ba ni dpung mang po dang ldan zhing phyogs bcu dag tu 'khod pa ste/ de dag gis kyang sems can rnams la 'jigs pa dang skrag par byed pa'o/ /sdang ba'i gnas na 'khod pa yi/ /gsang ba po ni dad kun yang / /zhes bya ba ni sems can rnams la sdang ba/rgya cher gnod pa skyel ba'o/ /mi yi 'jig rten 'di dag tu/ /skyes pa bud med gzhan yang 'dzin/ /zhes bya ba ni stong gsum gyi mi rnams la 'byung po de rnams kyis 'tshe bar byas pa'o/ /sha khrag dron mor bcas pa la/ /rnam par 'khrul zhing 'dod pa'i gzugs//zhes bya ba ni mi rnams kyi srog gcod cing sha dang khrag la dga' ba'o/ /seng ge dang ni stag dang rta/ /ma he ba glang bong bu rnga/ /zhes bya ba ni gzugs mi gcig pa byol song rnams kyi gzugs su sprul pa'o/ /glang po che yi gzugs 'dra dang //dom dang gzig dang spyang ki dang / /zhes bya ba ni de dang der ldan pa'i gzugs su snang zhing / sems can rnams la 'tshe bar byed pa'o/ /khyi dang wa dang ra dag dang / /byi la byi ba sbre'u'i gzugs/ /zhes bya ba ni gnod pa skyel ba'i dus su gcan gzan gyi gzugs su sprul pa'o//bse dang phag dang sre mong dang / /nya dang rus sbal dag gi gzugs/ /zhes bya ba ni gzugs kyang sna tshogs su snang ba/ rmi lam yang de bzhin du snang ba'o/ /kha cig dag ni sram gyi gzugs/ /khwa dang 'ug pa khu byug dang / /zhes bya ba ni de lta bu'i gzugs su snang zhing gnod pa cher skyel ba'o//bya rgod khra dang nya mid bcas/ /rma bya ngang pa thi ba dang / /zhes bya ba ni de'i gzugs su ston cing / skad mi gcig pa mang po 'don pa'o/ /khrung khrung dang ni bya rnams dang / /kha cig bya gag gzugs rnams su/ /zhes bya ba ni 'jigs su rung ba ma rungs pa rnams yin te/ltas dang rmi lam ngan par byed pa'o/ /gnod sbyin rnams ni mi yis mthong / /'dab bzangs bya yi tshul gyis kyang / /zhes bya ba ni 'jigs su rung ba'i gzugs ston pa/ sems can rnams la skrag par byed pa'o/ /skye bo mang po skrag byed cing / /zhes bya ba ni skyes pa bud med byis pa rnams la skrag par byed pa'o//kha cig mi yi mgo can la/ /lus ni bya gag bong du 'dra/ /zhes bya ba ni 'jigs su rung ba'i 'byung po rnams kyang / mi'i mgo can la byol song gi lus so/ /kha cig mtshon gyis rab tu 'tshe/ /lus dang bral ba nyid du snang //zhes bya ba ni sna tshogs mtshon gyis 'tshe zhing / khrag khrug la dga' ba'o/ /rnam par 'khrugs shing 'dod la mos/ /rgyu ma'i phreng bas rab tu dkris/ /zhes bya ba ni 'dod pa'i yon tan lnga la dga' zhing sems 'khrugs par byed pa ste/ yan lag mi'i rgyu ma'i phreng bas brgyan pa'o//rtse gsum mdung gis rab 'debs shing / /srog chags rnams la gnod par byed/ /ces bya ba ni 'jigs su rung ba'i 'byung po de dag kyang snying rje dang bral ba'o/ /mi bzad pa yi dbugs 'byin cing / /skye dgu 'di dag skrag par byed/ /ces bya ba ni ske ba che zhing skad che ba ste/sgra des sems can rnams skrag pa'o/ /srog chags rgyud rnams ji snyed par/ /sna tshogs kyi ni gzugs su snang / /zhes bya ba ni nya la sogs pa'i sems can gyi gzugs su snang zhing / gzugs mi gcig pa mang po snang ba'o/ /kha cig dag ni ri yang thogs/ / la la ral gri 'khor lo thogs/ /zhes bya ba ni stobs dang ldan zhing ri rab theg par nus pa/ mtshon rnon pos 'tshe bar byed pa'o/ /grangs ni brgya phrag stong rnams te/ /dbyug pas bsdigs shing kha drag pa/ /zhes bya ba ni 'byung po rnams sde chen por gnas shing sems can rnams la chad pa chen po gcod pa'o//mig chung ba la bzhin mi sdug /srin po'i so ni rno ba dang / /zhes bya ba ni bzhin mi sdug pa kha dang so rnams yo ba'o/ /sna dang rna ba bcad pa dang / /lce bcad gdong ni gnyer ma can/ /zhes bya ba ni gzugs ngan par snang zhing / dbang po rnams ma tshang ba'o//rkang lag dag ni gtubs pa dang / /mgo bo bcad pa'i srin po rnams/ /zhes bya ba ni mgo bo med par brang nas gdong pa snang bas te/ tshigs rnams la yang gdong pa snang ba'o/ /skabs ni rab tu tshol bar byed/ /sdig pa can rnams gzi brjid 'phrog / ces bya ba ni sems can rnams la glags tshol zhing / sdig pa'i sems dang ldan pa/ sems can gyi dpal 'phrog pa'o/ /mi yi lus rnams dag la ni/ /rab tu phra ba'i gdon du snang / /zhes bya ba ni mi'i lus la zhugs nas mi dga' ba'i sems dang / lceb pa'i sems dang ldan par byed pa'o//spu yi bar dang nad rnams dang / /de bzhin rma yi kha rnams su/ /zhes bya ba ni ba spu'i bar du 'dzin cing / rma med pa rma yod par byas te/ rma'i nang rul bar byas nas/ phyi subs nas nang na tsha chen po dang ldan par byed do/ /lhags pa de dag thams cad kyang //rig sngags zhags pas rab tu drangs/ /zhes bya ba ni rig sngags kyi dmod mo'i zhags pas ma rungs pa'i 'byung po rnams bcings pa'o/ /phyag 'tshal skyes bu dpa' khyod la/ /phyag 'tshal skyes bu mchog khyod la/ /zhes bya ba ni de dang der ldan pa'i 'byung po rnams kyis kyang /yang dag par rdzogs pa'i sangs rgyas la gus par phyag 'tshal ba'o/ /thal mo sbyar nas phyag 'tshal lo/ /chos rgyal khyod la phyag 'tshal lo/ /zhes bya ba ni stong gsum gyi stong chen po'i 'jig rten gyi khams chos srid du mdzad cing / stong gsum gyi chos kyi rgyal por snang ba'o//ri yi rgyal po ri rab dang / /zhes bya ba ni 'dod pa'i khams ni 'dod yon lnga la spyod pa bzhin/ 'byung po rnams kyang 'dod pa'i yon tan lngas spyod do/ /ji ltar spyod ce na/ gzugs mthong bas mdangs 'phrog pa dang / sgra snyan po thos nas 'dzin pa dang / dri zhim po tshor nas 'dzin pa dang /ro zhim po myangs nas 'dzin pa dang / lus reg pas 'dzin pa dang / de dag kyang gang na gnas she na/ ri rab khor yug la gnas nas 'dzin pa'o/ /de bzhin kho ra khor yug dang / /bya rgod phung po gshol mda' 'dzin/ /zhes bya ba ni dbus kyi ri bo mchog rab nas/ phyi'i kho ra khor yug la thug pa'i ri bo chen po la gnas pa'i 'byung po rnams so//de bzhin du bya rgod phung po dang / ri bdun la sogs pa'o/ /spos ngad ldan dang gangs kyi ri/ /sna tshogs sde dang pa N+Da pA/ /zhes bya ba ni de yang 'dzam bu'i gling na gnas pa'i ri rnams so/ /na la ngA yi ri gnyis dang //dpal gyi ri yi rtse mo ni/ /zhes bya ba ni 'dzam bu'i gling gi lho phyogs na gnas pa'o/ /gang dag shin tu mthor 'phags dang / /ri bo de dag kun la yang / /zhes bya ba ni lha dang lha ma yin rnams 'tshogs shing / 'byung po'i tshogs rnams 'dul ba'o/ /lha dang drang srong gang gnas pa//de dag thams cad mi dga' zhing / /zhes bya ba ni stong chen po rab tu 'joms ma'i gzi brjid kyis/ ri rab de rnams na gnas pa'i 'byung po rnams yid mi dga' ba'o/ /'jigs pa'i yid kyis mya ngan byed/ /bye ba stong gi lha dag dang / /bye ba phrag brgya'i lha rnams dang //zhes bya ba ni rig sngags kyi gzi brjid kyis/ 'dar zhing kyi hud ces sgra 'byin pa'o/ /lha yi bu mo skal chen dag /thal mo rab tu sbyor bar byed/ /ces bya ba ni rig sngags kyi dmod mos 'jigs pas gus par sangs rgyas la phyag 'tshal lo/ /thags bzangs ris dang sgra gcan dang //tshim par byed pa'ang der phyin to/ /zhes bya ba ni lha ma yin gyi dbang po la sogs pa yang / rig sngags kyi dmod mos bkug ste/ gus par sangs rgyas la 'dud pa'o/ /lha min bye ba phrag stong dang / /lha min bye ba phrag brgya dang / /zhes bya ba ni de yang lha ma yin gyi grangs/'byung po la gtogs pa rnams so/ /de dag bu mo 'phrul ldan pa/ /mang po kun kyang thal mo sbyar/ /zhes bya ba ni lha ma yin gyi dbang po'i bu mo la sogs pa yang / rig sngags kyi gzi brjid kyis/ sangs rgyas kyi spyan sngar 'khod pa'o/ /rab tu gnas dang rgya mtsho dang //zhes bya ba ni phyi'i rgya mtsho la gnas pa dang / sa 'og dang nam mkha' la rgyu zhing / ma rungs pa'i klu dang sa bdag rnams dang / rigs bzhir gnas shing phyogs bcu dag tu 'khod pa'o/ /klu yi rgyal po gzi can dang / /zhes bya ba ni sa rim pa bdun gyi 'og na gnas pa ste/de'i 'khor sha za dang 'byung po rnams yod de/ mi'i dri tshor ba tsam gyis mdangs 'phrog pa'o/ /klu'i gnod pa'i mtshan nyid bstan pa'o/ /klu yi rgyal po ma dros dang / /dga' bo nye dga' gnyis po dang / /zhes bya ba ni sngar bshad pa bzhin du klu'i rgyal po rnams kyis kyang sangs rgyas kyi drung du 'khod pa'o//rdo rje blo gros pak+Shu dang / /gang+gA dga' bo sin+d+hu mtsho/ /zhes bya ba ni de rnams kyang mtsho ma dros pa la gnas shing / gling bzhi ri rab dang bcas par rgyu ba'o/ /bya yi rgyal po 'dab bzangs dang / /rgya mtsho chen po 'khrugs byed dang / / zhes bya ba ni de yang rgya mtsho gting na gnas pa rnams yin te/ de rnams sangs rgyas kyi drung du 'khod pa'o/ /stong phrag bye ba'i klu rnams dang / /bye ba brgya yi klu dag dang / /zhes bya ba ni de rnams kyi 'khor du bcas pa sa bdag klu dang bcas pa rnams so/ /de dag bu mo skal chen rnams//thal mo rab tu sbyor bar byed/ /ces bya ba ni klu'i bu mo de yang grangs de dang ldan par gnas shing / sangs rgyas kyi spyan sngar 'khod pa'o/ /nyi ma zla ba gnyi ga yang / /skar ma'i 'khor gyis yongs su bskor/ /zhes bya ba ni de yang bar snang du rgyu zhing / rig sngags kyi dmod mos 'khod pa'o//gser gyi me tog yan lag na/ /ma ga d+hA na 'jigs byed pa/ /zhes bya ba ni de yang gnod sbyin 'byung po rnams/ 'dzam bu'i gling na gnas shing / rig sngags kyi dmod mos 'khod pa'o/ /gso ba'i mtha' na mi thod can/ /ko sa la na rab tu dkar/ /zhes bya ba ni yul ma ga d+hA na gnas shing /stong gsum rgyu ba'o/ /bzang po'i yul na kha spu can/ /gyad kyi yul na grags pa 'dzin/ /zhes bya ba ni de yang 'dzam bu'i gling gi nub phyogs su gnas shing / sems can rnams la 'tshe bar byed pa'o/ /lnga 'dzin pa na skrag byed pa/ /rta skye ba na mig dmar gnas//zhes bya ba ni 'byung po'i gnas de dang ldan pa ni/ sems can la gnod par byed par grags pa'o/ /srung byed pa na ser skya ste/ /sems pa na ni mig ser po/ /zhes bya ba ni gnod sbyin gyi ded dpon gnas de na gnas shing / skad cig mas thams cad rgyu ba'o//be'u la phan bum pa'i lto/ /dga' ba'i yul na ring por skyes/ /zhes bya ba ni gnas de dang ldan zhing gling bzhi ri rab dang bcas pa la rgyu ba'o/ /ba lang 'dzin na rab tu 'joms/ /dung yul na ni nyi ma'i grogs/ /zhes bya ba ni gnas de dang ldan zhing sangs rgyas kyi spyan sngar 'khod pa'o//ljongs chen rnams kyi gnod sbyin ni/ /brjod pa bcu drug de dag dang / /zhes bya ba ni 'byung po gnas can du gnas pa/ grags pa dang ldan pa/ rig sngags kyi zhags pas 'dren pa'o/ /lag na rdo rje gnod sbyin che/ /chos skyong rab tu dkar ba dang / /zhes bya ba ni ri rab rtse mo la gnas shing sangs rgyas kyi bstan pa bsrung ba'o//ser skya rab mdzes khyab 'jug dang / /bum lto gsus pa zlum po dang / /zhes bya ba ni gnod sbyin de rnams yang ri rab kyi khong seng lho ngos na gnas shing / dge ba'i rtsa ba la gnod par byed pa'o/ /chu srin bden pa 'chang ba dang //lnga ldan rgyal ba khyu mchog dang / /zhes bya ba ni de rnams kyang lho'i 'dzam bu'i gling na gnas shing / gling bzhi ri rab dang bcas par rgyu ba'o/ /gnod sbyin chen po dbang phyug che/ /lag pa bzhi can stobs po che/ /zhes bya ba ni ti se'i gangs la gnas shing / sems can rnams kyis mchod par 'os pa'o//sde pa rab tu 'dul ba ni/ /mthu bo che la stobs po che/ /zhes bya ba ni 'byung po de dang der ldan pa ni/ stong gsum rgyu ste rig sngags kyi zhags pas 'dren pa'o/ /gshin rje gshin rje'i pho nya dang / /bdud rnams sde dang bcas pa dang / /zhes bya ba ni ma rungs pa'i gshin rje'i pho nya mo dang /bdud kyi lha rnams yang 'dren pa'o/ /gnod sbyin bye ba'i g.yog 'chang ba/ /gnod sbyin de ming 'phrog po yin/ /zhes bya ba ni 'jig rten gyi mi rnams la gnod pa skyel zhing gzi brjid dang 'od 'phrog pa'o/ /sha ri ta ni sder bcas dang //ri yi bu mo gnod sbyin ma/ /zhes bya ba ni de yang gzi brjid che zhing sa la gnas pa'o/ /gzi brjid chen mo 'jigs pa'i gzugs/ /'phrog ma zhes kyang grags pa dang / /zhes bya ba ni gnod sbyin srin mor grags pa dang / ma'i mngal nas bu 'phrog pa'o/ / gdol pa mo ni gtum mo yang / /bu rnams lnga brgyas bskor ba dang / /zhes bya ba ni ma rungs pa'i 'byung po rnams bu lnga brgya dang ldan pa'o/ /mi sdug nag mo karka ti/ /pad+ma dang ni pad+ma can/ /zhes bya ba ni gnod sbyin mo de rnams yang / rig sngags kyi dmod mos sdod par mi nus te/ sangs rgyas kyi spyan sngar 'khod pa'o//me tog so dang sa ga dang / /srin mo bong bu'i sna can dang / /zhes bya ba ni srin mo de rnams lho phyogs na gnas shing sems can rnams la gnod pa byed pa'o/ /tsan+dan dang ni khyab 'jug len/ /seng ge ser skya dmar ser po/ /zhes bya ba ni de dag ni gnod sbyin gyi ded dpon du gnas pa/byis pa'i gdon bco lnga'i gtso bo rnams so/ /glang po klu yi so can dang / /ri bshes drag po'i mche ba can/ /zhes bya ba ni de dang de ldan zhing sems can rnams la gnod par byed pa'o/ /srin mo so bzang yod pa dang / /tshangs pa len dang khyab 'jug len//zhes bya ba ni ming der grags pa sems can la gnod pa/ skad cig mas gling bzhir rgyu ba'o/ /gnod sbyin ha la ha la dang / /gnod sbyin rnam pa'i mchu can dag /ces bya ba ni gnod sbyin 'di dag kyang / lcang lo can gyi pho brang du gnas shing / rnam thos kyi bu'i 'khor du gnas pa'o//mdung dang mda' gzhu kun thogs shing / /mi rta ba lang ri dgas rnams/ /zhes bya ba ni mtshon sna tshogs thogs shing / sems can rnams la gnod pa byed pa'o/ /za zhing 'tshe ba de dag ni/ /phyogs rnams kun du rgyug cing 'dong / /zhes bya ba ni sems can rnams la glags tshol zhing srog 'phrog pa rnams so//sa 'di rab tu g.yo bar byed/ /nags tshal rnams kyang rab tu skems/ /zhes bya ba ni ri rab 'gul bar byed cing / rgya mtsho yang skems par byed pa'o/ /ri rnams kun nas g.yo bar byed/ /skye dgu 'di dag 'tshe byed cing //zhes bya ba ni tshe'i bar chod byed/ sems can rnams la 'jigs skrag byed pa'o/ /phan tshun nas ni 'du ba dag /rig sngags kyis ni drangs nas lhags/ /zhes bya ba ni de dang der ldan pa'i 'byung po rnams la/ rig sngags kyi bcing ba lnga'i dmod mo'i zhags pas bsdams pa'o//phyag 'tshal skyes bu dpa' khyod la/ /phyag 'tshal skyes bu mchog khyod la/ /zhes bya ba ni 'byung po de rnams kyis kyang / 'jig rten mgon po'i spyan snga ru/ /gus pas phyag 'tshal nas bstod pa'o/ /thal mo sbyar nas phyag 'tshal lo/ /chos rgyal khyod la phyag 'tshal lo//zhes bya ba ni stong gsum gyi stong chen po'i chos kyi srid mdzad cing / dam pa'i chos kyi rgyal po la gus par phyag 'tshal lo/ /'jig rten mgon po'i spyan snga ru/ /gus pas phyag 'tshal bstod pa'o/ /zhes bya ba ni 'byung po rnams kyis so so rang rang gi sgo nas/ chos kyi rgyal po la zhu ba phul ba'o//de nas zhes bya ba ni 'byung pos smras pa'i don de nas so/ /rgyal po chen po rnam thos bus/ /'jig rten mgon la 'di skad gsol/ /zhes bya ba ni yang dag par rdzogs pa'i sangs rgyas shAkya thub pa la/ rgyal po chen po rnam thos sras kyis zhus pa'o/ / bdag gi phyogs cha byang phyogs su/ /rgyal po'i gnas su sprul pa ni/ /zhes bya ba ni ri rab kyi byang phyogs na mnga' mdzad cing / byang phyogs skyong bar byed pa'o/ /lcang lor ldan pa yid du mchi/ /de bas bdag ni lcang lo'i bdag /zhes bya ba ni lta na sdug cing mdzes par snang ba yid du 'ong bar gnas so//rgyal po'i pho brang lcang lo can/ /lha rnams kun gyis bsam par gyur/ /zhes bya ba ni las kyi lhas byin gyis brlabs pa/ rin po che'i gzhal yas khang du snang ba'o/ /phyir shin tu mthon po can/ /rin chen kun gyis brgyan pa lags/ /zhes bya ba ni rin po che sna bdun las byas pa/rgya phibs dang ldan pa/ bdun thog yod pa'o/ /'phang du dpag tshad bcu drug ste/ /gser gyi rgyu las bgyis pa lags/ /zhes bya ba ni thog re re la dpag tshad bcu drug bcu drug ste/ rin po che sna bdun gyis phra byas pa'o/ /phyogs bzhi lcog ni re re la'ang //gnod sbyin lag na rdo rje dag /ces bya ba ni sgo bzhi dang ldan pa phyogs re re nas srung mar snang ba'o/ /kun nas rab tu gnas par gyur/ /lag na mtshon cha legs par sprul/ /zhes bya ba ni gnod sbyin pho mo mang po gnas shing / mtshon cha sna tshogs thogs pa'o/ /rgyal po'i pho brang de yi sgo//bzhi pa gtod par bgyis pa ni/ /zhes bya ba ni ka ba brgyad kyis mdzes pa/ rgyan rnam bzhis lta na sdug pa'o/ /gcig ni gser las bgyis pa'i sgo/ /gnyis pa dngul las bgyis pa lags/ /zhes bya ba ni thog re re la yang sgo bzhi bzhi dang ldan pa'o/ / gsum pa shel gyi sgo mo lags/ /bzhi pa gser gyis rnam par spras/ /zhes bya ba ni rim pa bzhin du rin po che rnams kyis byas pa'o/ /grong khyer de yi nang dag na/ /skyed mos tshal gyi me tog rgyas/ /zhes bya ba ni rdzing bu dang / me tog gi ra ba chu las skyes pa dang / thang las skyes pas brgyan pa'o//de yi nang na gzhal med khang / rin chen sna bdun sna tshogs mchis/ /zhes bya ba ni gnod sbyin pho rnams spyod pa byed pa'i gzhal yas khang snang ba'o/ /rin chen sna tshogs ljon shing dang / /bya bran sna tshogs skad kyang 'byin/ /zhes bya ba ni de'i skyed mos tshal dang rdzing bur/khrung khrung dang khu byug la sogs pa bya sna tshogs kyi skad kyis mdzes pa'o/ /me tog sna tshogs legs par bkram/ /sna tshogs spos kyis byugs pa lags/ /zhes bya ba ni chu dang thang las skyes pa'i me tog ku mu ta dang puN+Da rI ka la sogs pas brgyan pa/ yan lag brgyad dang sbyar ba'i pog phor dang ldan pa'o//gnod sbyin mo ni 'joms ma dang / /glu dang rol mos rab tu brgyan/ /zhes bya ba ni lta na sdug pa rgyags ma dang ldan pa she dag rnams kyis/ rol mo sna tshogs la spyod pa'o/ /dpal gyi dam pa nyams su myong / /der ni 'byung po'i dkyil 'khor der//zhes bya ba ni 'dod pa'i yon tan lnga phun sum tshogs pa de rnams la spyod pa'o/ /gang dag 'khor zhing mchis pa dag /rnam pa'i mchog kun ldan pa ste/ /zhes bya ba ni yid bzhin nor bu bzhin du 'dod pa gang yang 'byung ba'o/ /chos 'tshal ba dang chos spyod pa/ /zhes bya ba ni yang dag par rdzogs pa'i bka' nyan nas/mi la sogs pa sems can gang la yang gnod pa mi skyel zhing sdom pa gsum la gnas pa'o/ /srog chags rnams la 'tshe mi bgyid/ /zas dang skom gyis mi brel te/ /zhes bya ba ni 'jig rten gyi sems can rnams la dga' zhing / byang chub kyi sems dang ldan pa'o/ /skye dgu mi bzad gzhan dag ni/ /longs spyod chen po tshol bgyid cing / /zhes bya ba ni mi'i tshogs rnams la phrad par dga' zhing / phun sum tshogs par byas nas skyong bar byed pa'o/ /phyogs bzhi kun du rnam par lta/ /grong khyer sgo yi gom yo dang //zhes bya ba ni mi'i grong khyer gyi phyogs bzhi nas srung zhing / de rnams mtho bar dga' ba'o/ /bza' shing ra ba nags tshal na/ /gnod sbyin srin po 'byung po'i tshogs/ /zhes bya ba ni gang dag gang du gnas pa'i 'byung po rnams la rig sngags 'di'i dmod mos 'khod pa'o//bye ba stong phrag brgya mchis pa/ /de dag thams cad mdo sde yi/ /zhags pas drangs te brlag par bgyi/ /zhes bya ba ni gang yang rung ba gnod pa rnams la/ rig sngags kyi dmod mo'i zhags pas 'dul bar byed pa'o/ /rgyal po'i pho brang dbus na ni/ /chos kyi rgyal po'i gnas gyur pa//zhes bya ba ni rgyal po chen po bzhi'i dbus su/ dmigs pa med pa'i pho brang snang ba'o/ /bsil ba'i rdzing bus bskor ba ste/ /tsan+dan nags kyis 'khor ba lags/ /zhes bya ba ni sems can rnams la bsil bar byed pa'i ye shes kyis bskor zhing / byams pa dang snying rje'i nags tshal gyis bskor ba'o//kun nas dpag tshad drug cu ste/ /khang pa brtsegs pa sprul pa dag /ces bya ba ni sems can gyi gzhal yas khang du snang zhing yid bzhin nor bu lta bu'o/ /gcig ni gser las bgyis pa ste/ /gnyis ni dngul las bgyis pa lags/ / zhes bya ba ni phyi nang gnyis su med par rin po che gser dngul las byas pa'o/ /gsum pa bai DUr+ya las bgyis/ /bzhi pa gtsang dang shel gyi rgyu/ /zhes bya ba ni chos mi 'gyur bar snang bas bai DUr+ya ste/ phyi nang gnyis su med par gsal ba ni shel lta bu'o/ /lnga pa mu tig dmar po ste//drug pa rdo yi snying po lags/ /zhes bya ba ni rdo rje pha lam las byas pa'i seng ge'i khar mu tig gi dra ba'i phreng bas te/ de yang mtshan sum cu rtsa gnyis dang / dpe byad bzang po brgyad cus brgyan pa'o/ /bdun pa spug las bgyis pa ste/ /brgyad pa rin chen bdun las bgyis//zhes bya ba ni rin chen dra ba dang dra ba'i yon tan gyis brgyan pa'o/ /bud med stong phrag brgya dag kyang / /de dag re re kun na gnas/ /zhes bya ba ni shes rab kyi rang bzhin gnyis su med pa'i ye shes dang ldan pa'o/ /lhab lhub sna tshogs mchog dag dang / /cha byad sna tshogs mang pos brgyan//zhes bya ba ni tshad med pa bzhi'i rgyan gyis brgyan cing mdzes pa'o/ /glu dang rol mo sna tshogs dang / /bzo yi gnas la mkhas pa mchis/ /zhes bya ba ni zag pa zad pa'i ye shes dang ldan zhing / sems can rnams kyi las 'joms par byed pa la mkhas pa'o/ / de lta'i rab tu dga' ba yis/ /bde zhing tshim pa'i yid du gyur/ /zhes bya ba ni yang dag pa'i ye shes dang ldan zhing bde bar gnas pa'o/ /de na bdag ni rgun skyems dang / /'dod pa dag gis rab myos pas/ /zhes bya ba ni de yang 'byung po la sogs pa'i 'dod pa'i yon tan lnga la spyod cing /'dod pa'i zhags pas bcings pa'o/ /bdag gi 'khor rnams 'phyan bgyid cing / /phyogs bcu dag tu 'jigs pa skyed/ /ces bya ba ni rgyal po chen po rnam thos kyi bu'i 'khor tshan gcig kyang / sdig la dga' bas sems can la 'jigs skrag byed pa'o/ /bud med dag dang skyes pa dang //de bzhin khye'u dang bu mo dang / /zhes bya ba ni gzi brjid 'phrog pa she dag go/ /mngal na gnas pa 'jigs par byed/ /dud 'gro'i skye gnas gtogs pa la'ang 'tshe/ /zhes bya ba ni mer mer po dang nur nur po rnams 'phrog cing dud 'gro rnams kyi srog 'phrog pa'o//skar ma dag dang nyi zla dang / /gtum pa'i gza' rnams gnod par bgyid/ /ces bya ba ni zla ba nyi ma mi snang bar byas shing / bza' ba dang btung ba rnams 'phrog pa'o/ /lo thogs bon 'bras bu dang / /me tog sman dang zas skom dang / /zhes bya ba ni 'byung po de rnams kyis kyang dus ma yin pa'i rlung dang ser ba gtong ba'o//mi rnams kyi ni dpal 'phrog cing / /mthon po rnams kyang dma' bar bgyid/ /ces bya ba ni gzi brjid dang phun sum tshogs pa 'phrog par byed pa/ phyug po ltogs por gtong ba dag go/ /'jig rten dag la nongs pa rnams//dmag dang 'thab mo shar gnyer dang / /zhes bya ba ni khrag khrug la dga' bar byed pa'am/ mi'i 'jig rten gyi sems rnam par byed pa'o/ /tshig gam zhig gam gsad bya ba/ /de kun 'byung po'i rnam par gyur/ /zhes bya ba ni khrag khrug la sman ma byas shing / mi rnams kyi srog 'phrog pa'o/ /sbed cing stor bar bgyid pa dang / /zlog par bgyid cing rgod par byed/ /ces bya ba ni 'byung po de rnams bzung nas/ zas dang skom yang mi 'ju zhing bzlog ste/ sbed pa ni nad sna tshogs gtong zhing sems yang stor bar byed pa'o/ /res 'ga' yang sems smyo bar byed pa'o//byed pa rgod pa'o/ /'jigs par byed cing lta bar bgyid/ /dgrar 'gyur ba yang ston par bgyid/ /ces bya ba ni skyes pa bud med khye'u bu mo rnams la rims dang yams nad gyis btab cing / 'jigs skrag byed cing bla 'chol smra ba'o/ /lta ba ni dran pa stor zhing nam mkha' dang sa gzhi la lta ba rnams te/sems mi dga' bar byas nas ngu ba'i sgra 'byin pa'o/ /sdig pa'i rmi lam mthong bar bgyid/ /nyal ba dag la gnod par bgyid/ /ces bya ba ni shin tu 'jigs pa'i rmi lam dang / mi dge ba'i ltas ston te/ skyes pa la mor sgyur cing gnod la/ bud med la phor sgyur cing gnod pa'o/ /sgo nas se gol sgra 'byung zhing / /mi dran brjed de za bar bgyid/ /ces bya ba ni grong dang grong khyer du rgyu zhing / se gol tsam gyis khrag khrug byed do/ /khrag khrug gi sman mas za ba dang 'thung bar byed pa'o//mdza' bo gnyen bshes gzugs dag tu/ /dga' zhing bka' mchid smra bar bgyid/ /ces bya ba ni tshe 'di dang phyi ma yang / mdza' bo dang gnyen bshes su skyes shing mi de la gnod par byed pa'o/ /bu mo sdu gu'i gzugs dag tu/ /'dod la spyod pa dga' bar bgyid//ces bya ba ni mdzes sdug pa bu mo'i gzugs su byas nas/ byang chub sems dang tshe 'phrog ma'o/ /nyi ma skar ma'i gzugs dang ni/ /zla ba'i gzugs su gda' bar bgyid/ /ces bya ba ni rmi lam dang ltas la yang de lta bu'i rmi lam rmi pa'o/ /rlung dang skar mda'i lce gzugs su//tshe la gnod par de dag gda'/ /zhes bya ba ni phyugs chen por gyur cing / nam mkha' nas 'brug sgra dang glog babs te/ bar snang la 'od chen po snang ba'o/ /skar ma'i tshogs dang 'dra ba dag /'jigs par bgyid pa wa dang khyi/ /zhes bya ba ni dngos po dang rmi lam la yang /gcan gzan gyi gzugs su sprul nas gnod pa'o/ /rnam par sprul nas ljon shing dang / /mchod rten dag gi gnas na gda'/ /zhes bya ba ni gnas de dag tu gnas shing / sems can rnams la gnod par byed pa'o/ /skyes pa gzhon nu'i gzugs mdzes pas//'bar zhing shing rta'i sgra yang 'byin/ /zhes bya ba ni 'byung po de rnams kyis khye'u dang bu mor skyes nas/ pha ma dag la gnod par byed pa'o/ /shing rta'i sgra ni skad sna tshogs su 'byung ba'o/ /gnas rnams dang ni shul dag tu/ /rnam pa sna tshogs rjes kyang ston/ / zhes bya ba ni gzugs dang 'od dang rdzu 'phrul ston pa'o/ /grong khyer dag dang khyim rnams kyi/ /sgro yang gnod sbyin de dag 'byed/ /ces bya ba ni 'byung po de rnams kyi phyir 'brang zhing / grong dang grong khyer rnams la gnod par byed de/ sgo phug dang 'phrang kar bsdad cing 'dzin pa'o//srog dang lus kyang blang bgyis shing / /lam ngan kun du bskor bar bgyid/ /ces bya ba ni lus la na tsha drag por byas shing / srog 'bral bar bgyid pa'o/ /bskal pa bdun gyi bar du yang rjes snyag pa'o/ /rnam pa sna tshogs gzugs dag dang / /rnam pa sna tshogs sgra rnams dang //zhes bya ba ni gzugs sna tshogs su sgyur zhing / kha dog sna tshogs sprul pa'o/ /rnam pa sna tshogs nad rnams kyis/ /lus la na bar gnas par ston/ /zhes bya ba ni mdze dang lhog pa phol mig la sogs pa'i nad bzhi brgya rtsa bzhi ston pa dag go/ /nad rnams kun gyi mtshan nyid kyang //phyin ci log tu ston par byed/ /ces bya ba ni rlung dang bad kan mkhris par ston cing / bad kan rlung dang mkhris par ston te rtsa 'khrug par snang ba'o/ /ji snyed 'jig rten rang bzhin dag /thams cad log par de dag ston/ /zhes bya ba ni stong gsum gyi stong chen po'i 'jig rten gyi khams skad cig thang cig yud tsam gyis rgyu zhing /sems can rnams la 'tshe ba phyin ci log par ston pa'o/ /rig sngags zhags pas drangs bas na/ /de dag kun kyang 'dir mchis so/ /zhes bya ba ni stong chen mo rab tu 'joms ma'i dmod mo'i zhags pas ma rungs pa'i 'byung po rnams bcings pa'o//de nas zhes bya ba ni/ 'byung po bshad pa'i de nas so/ /rgyal po chen po rnam thos bu/ /zhes bya ba ni byang phyogs kyi gdon gnod par byed pa rnams la chad pa gcod pa'o/ /langs te thal mo rab sbyar nas/ /zhes bya ba ni 'khor gyi nang nas sangs rgyas kyi spyan sngar langs so//zhabs la 'khor lo'i mtshan mnga' ba/ /gser gyi mchod sdong 'bar ba bzhin/ /zhes bya ba ni mtshan sum cu rtsa gnyis dang ldan zhing / dpe byad bzang po brgyad cus brgyan pa/ chos kyi phung po'i rang bzhin gyi sku'o//'jig rten snang bar mdzad pa po/ /thub pa chen po me dang 'dra/ /zhes bya ba ni stong gsum gyi stong chen po'i 'jig rten gyi khams na chos kyi rgyal por snang ba bskal pa me ltar 'bar ba'i 'od do/ /stong phrag drug cu rtsa bzhi ni/ /gnod sbyin gsang sngags mi bzad can/ / zhes bya ba ni sangs rgyas bcom ldan 'das kyis stong chen mo'i rig sngags zhal nas gsungs pas/ gnod sbyin gyi gdon rnams brlag par byed pa'o/ /byang phyogs cha yi phyogs cha gnas/ /byang phyogs dag tu gnod par bgyid/ /ces bya ba ni gnod sbyin 'byung po ma rungs pa rnams so//'jig rten mgon po'i spyan sngar ni/ /de dag chad pa bdag gis bshad/ /ces bya ba ni stong chen mo'i rig sngags kyi chad pas gcod pa'o/ /s+yAd ya the dan zhes bya ba ni/ 'di lta ste/ gang la zhe na rig sngags 'di'o/ /byang phyogs su bdag bde legs su gyur cig ces bya ba ni bdag nye bar mtshon pa'o//bde legs ni sems can thams cad phun sum tshogs pa dang ldan par gyur cig pa'o/ /de dag ni rgyal po bzhi dang phyogs skyong ba bcu'i chad pa sgres pa ste/ tshangs pa dang ni brgya byin dang / /'jig rten skyong ba dbang phyug che/ / zhes bya ba ni tshangs pa la sogs pa gzugs khams kyi lha rnams dang / brgya byin la sogs pa 'dod khams kyi lha rnams dang / 'jig rten skyong ba bcu po dang / gnas gtsang ma dang dbang phyug chen po la sogs pa'i lha rnams dang / gnod sbyin ded dpon thams cad dang / /'phrog ma'i bu dang bcas pa dang //zhes bya ba ni mthu bo che sum cu rtsa gnyis dang / gnod sbyin gyi ded dpon nyi shu rtsa brgyad dang / gnod sbyin gyi ded dpon lngas rtsen dang / 'phrog ma'i bu lnga brgya'o/ /bdag gi me tog spos dag dang / /sbyin sreg 'di ni blang bar gyis/ /zhes bya ba ni rgyal chen rnam thos kyi bus/sems can gyi don du de dag 'bul ba'o/ /de dag gi ni brtson 'grus dang / /gzi brjid dbang phyug stobs kyis kyang / /zhes bya ba ni lha de dag gi mthu'i nus pa'o/ /nad rnams thams cad bcom par gyur/ /zhes bya ba ni/ rlung mkhris bad kan la sogs pa nad bzhi brgya rtsa bzhi 'joms pa'o//bdag 'jigs pa dang / gnod pa thams cad las bde legs su gyur cig swA hA zhes bya ba ni/ /gang zag 'di la gus par byed pa nad dang 'jigs pa las thar ba'o/ /phyag 'tshal skyes bu dpa' khyod la/ /phyag 'tshal skyes bu mchog khyod la//zhes bya ba ni rgyal po chen po rnam thos kyi bus kyang / mtshan sum cu rtsa gnyis dang / dpe byad bzang po brgyad cus sku la brgyan pa'i sprul pa'i sku la gus pas phyag 'tshal lo/ /thal mo sbyar te phyag 'tshal lo/ /chos rgyal khyod la phyag 'tshal lo/ /zhes bya ba ni stong gsum gyi stong 'jig rten gyi khams chos kyi rgyal srid mdzad cing /chos kyi rang bzhin gyis khyab ste/ de la sku gsung thugs kyis gus par phyag 'tshal ba'o/ /rgyal chen yul 'khor srung ba yang / /langs te thal mo sbyar btud nas/ /zhes bya ba ni 'jig rten mgon gyi spyan sngar gus par 'dud pa'o//me tog lta bur rgyas gyur cig /ka la ping+ka'i sgra dbyangs can/ /zhes bya ba ni zhal pad+ma rgyas pa dang 'dra ba/ dbyangs gsal ba la phra ba'o/ /khu byug dang ni rma bya'i sgra/ /rnga dang 'brug gi sgra sgrogs pa/ /zhes bya ba ni sgra gsal ba yid du 'ong ba/ rol mo'i tshogs dang ldan pa'o//thub chen gnod sbyin srin po dang / /dri za stong phrag drug cu bzhi/ /zhes bya ba ni shar phyogs na 'khod pa'i 'byung po rnams so/ /shar gyi phyogs cha'i phyogs na gnas/ /shar phyogs pa la gnod par bgyid/ /ces bya ba ni ma rungs pa de rnams la rig sngags kyi dmod mos chad pa gcod pa'o//'jig rten mgon gyi spyan sngar ni/ /de dag thams cad bdag gis bshad/ /ces bya ba ni yang dag par rdzogs pa'i sangs rgyas bcom ldan 'das shAkya thub pa'i spyan sngar/ rgyal po chen po yul 'khor srung gis zhus pa'o/ / gang zhus na/ dri za la sogs pa'i srog snying rig sngags snying pos zhus pa'o/ /gsang sngags ni 'di lta ste/ d+hA ra Ni la sogs pa'o/ /shar phyogs su bdag bde legs su gyur cig swA hA zhes bya ba ni gang dag 'di la gus pa shar phyogs su gnod pa dang / 'jigs pa mi 'byung ba'o//'di yang yul 'khor srung gis gsungs pa ste/ tshangs pa dang brgya byin la sogs pa ni/ /gong du bshad pa bzhin du shes par bya'o/ /de dag gi gzi brjid dang mthu'i dbang gis/ gang zag nad dang 'jigs pa las thar pa'o/ /phyag 'tshal skyes bu dpa' khyod la sogs pa ni gong du bshad pa bzhin bya'o//rgyal po chen po 'phags skyes po/ /thal mo sbyar te de nas langs/ /zhes bya ba ni 'jig rten mgon gyi spyan sngar gus pas thal mo sbyar ba'o/ /thams cad mkhyen pa thams cad gzigs/ /smra ba thams cad rab 'joms pa//zhes bya ba ni rin po che rang gi lag mthil du snang ba dang 'dra ba 'jig rten gyi khams thugs rjes lta ba/ rnam par rtog pa'i ngo bo bdud bzhi 'joms pa'o/ /the tshom thams cad gcod mdzad pa/ /'jig rten thams cad rnam 'dren pa//zhes bya ba ni ma rig pa'i ngo bo nyid nyon mongs pa rnams 'joms pa'o/ /ye shes kyi 'od zer gyis 'jig rten gyi sems can mtho ris su 'dren pa'o/ /grul bum yi dags srul po dag /stong phrag drug cu rtsa bzhi rnams/ /zhes bya ba ni ma rungs pa'i grul bum la sogs pa rig sngags kyi chad pas gcod pa'o//lho phyogs cha yi phyogs na gnas/ /de dag byung la gnod par bgyid/ /ces bya ba ni lho phyogs na 'khod cing gnod par byed pa'o/ /'jig rten mgon gyi spyan sngar ni/ /de dag chad pa bdag gis bshad/ /ces bya ba ni yang dag par rdzogs pa'i sangs rgyas kyi spyan sngar rgyal po chen po 'phags skyes pos zhus pa'o//gang zhus she na/ grul bum la sogs pa'i srog snying rig sngags kyi las kyi snying po'o/ /gsang sngags ni 'di lta ste/ shAn+ti shAn+ti la sogs pa'o/ /lho phyogs su bdag bde legs su gyur cig swA hA zhes bya ba ni/gang zag 'di la gus pa la lho phyogs kyi nad dang 'jigs pa mi 'byung ba'o/ /tshangs pa la sogs pa zhes bya ba ni/ sngar bshad pa bzhin du shes par bya'o/ /de dag gi gzi brjid dang dbang phyug gis gang zag gi nad dang 'jigs pa dang bral ba'o/ /phyag 'tshal skyes bu dpa' khyod la//sogs pa ni/ gong du bshad pa bzhin du shes par bya'o/ /rgyal po mig mi bzang ba yang / /thal mo sbyar ba byas nas langs/ /zhes bya ba ni 'jig rten mgon po'i spyan sngar gus par 'dud pa'o/ /sprin chen seng ge chen po pa/ /che ba'i che ba rgya mtsho che//zhes bya ba ni 'jigs pa med pa seng ge bzhin du spyod pa sems can sprin gyi char bzhin don byed pa'o/ /rgya mtsho bzhin du bsam gyis mi khyab pa'o/ /gsung ba chen po dpa' chen po/ /g.yul chen rab tu 'joms mdzad pa/ /zhes bya ba ni smra ba'i seng ge stobs dang ldan pa nyon mongs pa'i g.yul chen po 'joms pa'o//klu dang 'dab bzangs gsang ba po/ /stong phrag drug cu rtsa bzhi dag /ces bya ba ni ma rungs pa'i klu'i gdon la sogs pa rig sngags kyi dmod mo'i chad pas gcod pa'o/ /nub kyi phyogs cha'i phyogs na gnas/ /de nas byung nas gnod par bgyid//ces bya ba ni nub ngos nas 'khod nas de dag nas byung ba'o/ /'jig rten mgon gyi spyan sngar ni/ /de dag chad pa bdag gis bshad/ /ces bya ba ni yang dag par rdzogs pa'i sangs rgyas kyi spyan sngar rgyal po chen po spyan mi bzang gis zhus pa'o/ /gang zhus she na/ klu rnams kyi snying po'o//rig sngags kyi las kyi snying po'o/ /gsang sngags ni 'di lta ste/ ba tri ba ra tri la sogs pa'o/ /nub phyogs su bdag bde legs su gyur cig swA hA zhes bya ba ni/ gang dag nub phyogs [(]gyi [,]kyi [)]'jigs pa dang / nad la sogs pa dang bral ba'o/ /tshangs pa la sogs pa ni sngar bshad pa bzhin no//de dag gi mthu dang gzi brjid kyis kyang gang zag gi nad dang 'jigs pa dang bral ba'o/ /phyag 'tshal skyes bu dpa' khyod la sogs pa ni/ gong bzhin du shes par bya'o/ /de nas ni tshig gi bar gyi de nas so/ /tshangs pa dang ni tshangs chen yang //thal mo sbyar ba byas nas langs/ /zhes bya ba ni mi mjed kyi bdag po tshangs pas kyang 'jig rten mgon po'i spyan sngar 'dud pa'o/ /tshangs pas bkrus pa dag pa'o/ /rig byed kun gyi pha rol zhes bya ba ni/ mi dge ba bcu spangs shing dge ba bcu dang du blangs te/ tshad med pa bzhi'i sgo nas sems can gyi don mdzad pa'o/ /skye bo dga' mdzad sman pa'i rje/ /'jig rten thams cad gso mdzad pa/ /zhes bya ba ni 'jig rten gyi khams kyi mes por mdzad pas de'i don mdzad pas dbang du bsdu ba'o/ /gnod sbyin srin po gang gi rnams/ /phyogs dang phyogs mtshams gnas pa rnams//zhes bya ba ni phyogs bcu na bsdad pa'i 'byung po rnams rig sngags kyi dmod mos chad pa gcod pa'o/ /sa yi 'og dang sa yi steng / /nam mkha' dag la gnas pa'i gdon/ /zhes bya ba ni sa bdag tu gnas pa bar snang la rgyu ba ma rungs pa'i 'byung po rnams so//'jig rten mgon po'i spyan sngar ni/ /de dag chad pa bdag gis bshad/ /ces bya ba ni yang dag par rdzogs pa'i sangs rgyas kyi spyan sngar mi mjed kyi bdag po tshangs pas zhus pa'o/ /gang zhus she na/ 'byung po rnams kyi gnyen po rig sngags kyi las kyi snying po'o//gsang sngags ni 'di lta ste/ b+h+ra me b+h+ra ma go She la sogs pa'o/ /phyogs bcu dag tu bdag bde legs su gyur cig swA hA zhes bya ba ni/ /gang zag 'di la gus pa la phyogs thams cad kyi 'jigs pa mi 'byung ba'o/ /tshangs pa dang ni brgya byin la sogs pa zhes bya ba ni//gong du bshad pa bzhin du shes par bya'o/ /de dag kun gyi mthu'i nus pas gang zag la 'jigs pa dang / nad thams cad dang bral ba'o/ /rlung las gyur dang mkhris las gyur/ /bad kan las gyur 'dus las gyur/ /zhes bya ba ni 'di'i rkyen gyis mdze nad bco brgyad du 'byung ste/de rnams kyis kyang 'jigs pa dang bral ba'o/ /nad rnams thams cad bcom par gyur/ /bdag 'jigs pa dang gnod pa thams cad las bde legs su gyur cig swA hA zhes bya ba ni/ gang zag gang yang 'di'i nus pas nad bzhi brgya rtsa bzhi dang 'jigs pa brgyad dang bral ba'o//phyag 'tshal skyes bu dpa' khyod la sogs pa ni gong bzhin du shes par bya'o/ /de yan chad ni 'byung po'i gnas skabs bshad pa ste bzhi pa'o// //de nas zhes bya ba ni/ 'byung po'i cho ga bshad pa'i de nas so/ /bcom ldan 'das 'di snyam du dgongs te zhes bya ba ni/grong khyer yangs pa can gyi sems can gyi don la snyoms par zhugs te/ yang na thugs rjes gzigs nas 'gro ba rigs drug gi sems can la don bya sems pa'o/ /sangs rgyas bcom ldan 'das rnams ni zhes bya ba ni/ gang+gA'i klung gi bye ma snyed tsam mo//yang 'di nas sangs rgyas rnam par gzigs dang / gtsug tor can dang / thams cad skyob dang / log par dad sel ba dang / gser thub dang / 'od srungs dang / shAkya seng ge rnams zhes bya ba ni/ rgyal srid ni bcom ldan 'das kyis sems can gyi don la dgongs nas chos kyi rgyal srid byed pa'o//ci'i phyir 'jig rten du byung ba ma yin zhes bya ba ni/ shAkya seng ge'i bstan pa las byung ba ni ma yin no/ /ci'i phyir zhe na/ sngon du song ba'i sangs rgyas rnams kyis byas pa'i phyir zhes pa'o/ /sangs rgyas bcom ldan 'das rnams ni zhes bya ba ni/'das pa dang da ltar bzhugs pa dang / ma byon pa rnams so/ /grong khyer ni zhes bya ba ni/ sa gcig tu bshad pa la bya/ grong rdal ni che ba'i phyir ro/ /ljongs ni lcags ri dang bcas pa'o/ /grong dang zhes bya ba ni chung ba la sogs pa'o/ /khyim na zhes bya ba ni/ sems can no//sems can gcig gi bar gyi don gyi phyir/ 'jig rten du byung ba ma yin zhes bya ba ni sangs rgyas rnams byung ba'o/ /gang gi phyir byung zhe na/ 'jig rten gyi lha dang bcas nas byung ba'i phyir ro/ /bcas nas byung zhes pa ni/ 'gro ba rigs drug gi sems can gyi don du byung ba'o//bdud dang bcas pa tshangs pa dang bcas pa/ dge sbyong dang bram zer bcas pa'i skye dgu dang / lha dang mi dang lha ma yin du bcas pa'i don du zhes bya ba ni/ 'jig rten mi la gang yang 'byung ba'i phyir/ de'i don du sangs rgyas rnams kyis thugs rje'i spyan gyis lta ba'o//sangs rgyas bcom ldan 'das rnams ni zhes bya ba ni/ sangs rgyas gang+gA'i klung gi bye ma snyed tsam mo/ /'jig rten du byung ste zhes pa ni/ /gcig gi don du ma yin no/ /ci'i phyir zhe na/ sangs rgyas rnams kyis lung bstan pa'i phyir ro/ /de ni zhes bya ba ni sangs rgyas bcom ldan 'das so//dper na zhes bya ba ni/ sman pa mkhas pa'i dpe'o/ /sman pa mkhas pa mchog tu phyin pa zhes bya ba ni/ gcig gi don du ni ma yin no/ /gang gi phyir zhe na sems can gyi don byed pa'i phyir ro/ /gso ba la brtson pa zhes bya ba ni/ yon tan dang ldan pa'o//sman pas shes par bya ba bzhin du bslab pa zhes bya ba ni/ yon tan ni rig pa bslabs pa'o/ /rgyal po gcig gi don du byung ba ma yin zhes bya ba ni/ rgyal po'i don du ma yin no/ /ci'i phyir zhe na/ sangs rgyas bcom ldan 'das rnams kyis rgyal srid byed pa'i phyir ro//yang na sems can gyi don byed do/ /yul gcig gi don du byung ba ma yin pa nas zhes bya ba ni/ grong dang grong khyer dang grong rdal dang / ljongs rnams su rgyu ba'o/ /sems can gcig gi zhes bya ba ni/ grong khyer yangs pa can no/ /rab tu byung zhes bya ba ni/bcom ldan 'das shAkya thub pa'o/ /ma yin pa dang 'dra'o zhes bya ba ni/ theg pa chung ngu ma yin pas/ theg pa chen po yin pa'i phyir ro/ /de ci'i phyir zhe na zhes bya ba ni/ byang chub kyi sems kyis 'khor ba la gnas pa'i sems can rnams 'don pa'o/ / phyogs gang na sangs rgyas bcom ldan 'das rnams zhes bya ba ni/ 'das pa'i sangs rgyas rnams so/ /bzhugs pa'i phyogs de zhes bya ba ni/ phyogs bcu'i 'jig rten gyi khams na bzhugs pa'o/ /de dag tu zhes bya ba ni/ sems can gyi don no/ /mi rnams dang / mi ma yin pa dag kyang rnam par 'tshe bar mi bya bar sems kyis zhes bya ba ni/sangs rgyas bcom ldan 'das kyi sems kyis dgongs nas/ grong khyer yangs pa can gyi don du bzhengs so/ /gang gi phyir zhe na/ mun nag byung ba'i phyir ro/ /nga yang zhes bya ba ni/ sangs rgyas shAkya thub pa'o/ / yangs pa can gyi grong khyer chen po zhes bya ba ni/ zheng dang chu ru dpag tshad lnga bcu'o/ /rgya che ba yangs pa skye po mang po'i tshogs 'du ba/ 'obs rim pa bdun gyis bskor ba/ shing ljon pa rnams phyogs phyogs na yod pa/ skyed mos tshal phyogs nas brgyan pa/ skyed mos tshal re re yang rdzing du re re dang bcas pa/rdzing bu'i nang na me tog pad+ma dang / puN+Da rI ka dang / ut+pal dang / ku mu da la sogs te/ dri zhim po'i me tog skye ba/ chu de yang tsan+dan la sogs pa'i dri zhim pa skye ba/ rdzing bu de rnams kyi nang na/ bya'i tshogs yod pa/ ngang pa dang / ngur pa dang / khrung khrung dang /sa ra sa la sogs pa yod pa/ skyed mos tshal de rnams na thang las skyes pa'i me tog dri zhim pa dzA ti'i me tog dang ku mu da dang / tsam pa ka dang / ser po dang / dmar po dang / dkar po dang / sngon po dang / mthing ga dang / le brgan la sogs pa'i dri zhim po skye ba/ skyed mos tshal gyi 'gram nas 'bras bu can gyi shing skyes pa/a 'bras kyi shing dang / 'jam 'bras kyi shing dang / star ga dang / u nu'i shing dang / se ba dang / rgya'i se ba dang / shug pa dang / rgya shug dang / shing bal po se'u dang / u dum+WAr dang / ner 'go'i shing la sogs pa'i shing yod do/ /grong khyer yangs pa can gyi phyogs phyogs na mchod rten gyis bskor ba/yang dag par rdzogs pa'i sangs rgyas kyi chos dar ba/ dge slong ngam dge slong ma'am/ dge bsnyen nam dge bsnyen ma'am/ de dag kyang sangs rgyas kyis gsungs pa de bzhin srung ba/ bram ze'am/ bram ze mo'am/ rgyal po 'am/ rgyal mo'am/ btsun mo'am/ btsan mo'am/ rje rigs sam/ dmangs rigs la sogs pa'am/ skye bo mang po 'dus pa'am/ byol song ngam/ phyugs la sogs pa mang po yod pa/ grong khyer chen po yangs pa can no/ /gal bder zhes bya ba ni grong gi nang du'o//yangs pa can gyi grong khyer chen po'i skye bo'i tshogs zhes bya ba ni/ lits+tsha bI la sogs pa'i bram ze'o/ /phal po che'i don yang byas par 'gyur ro zhes bya ba ni/ grags pa chen po byung ba'o/ /ci'i phyir zhe na/ mun nag chen po byung ba dang / mu ge byung ba dang / nad sna tshogs byung ba'o//sangs rgyas kyi mdzad pa yang byas par 'gyur ro zhes bya ba ni/ sangs rgyas kyi don yin no/ /mnyam du dgongs te zhes bya ba ni/ /sems can thams cad mnyam pa nyid du bsgom pa'o/ /de nas zhes bya ba ni mnyam pa nyid du bsgoms pa'i rting la'o/ /bcom ldan 'das snga dro'i dus kyi tshe zhes bya ba ni nyi ma shar ba'i dus so//chos gos dang / sham thabs dang / lhung bzed bsnams te zhes bya ba ni/ sangs rgyas bcom ldan 'das stan las langs te gsil byed dang lhung bzed thogs nas bya rgod kyi phung po'i ri las babs nas grong khyer yangs pa can la kha bltas pa'o//dge slong nyis brgya lnga bcu dang thabs cig tu zhes bya ba ni/ bcom ldan 'das 'khor dang bcas pa'o/ /bya rgod kyi phung po'i ri las shod du gshegs pa dang zhes bya ba ni/ lha dang lha ma yin la sogs pas mchod pa byed pa'o/ /mi mjed kyi bdag po tshangs pas lha'i gdugs lnga brgya tsam blangs te zhes bya ba ni lha'i rdzas dang /me tog dang mchod pa la sogs pa 'bul te lha'i bu tshangs pa dang tshangs chen dang / dga' ldan gyi lha'i bu la sogs pas mchod pa byed pa'o/ /bcom ldan 'das la g.yas rol nas phul lo zhes bya ba ni lha dang mi la sogs pa gus pa byas nas 'bul ba'o//yang na ni bcom ldan 'das gar gshegs pa'i sar/ lha'i za 'og dang / dar dang / sa gzhi la bting nas gshegs pa'o/ /phul nas bcom ldan 'das la rdul yab kyis g.yob cing 'dug par gyur to zhes bya ba ni/dga' ldan gyi lha'i bu dang / tshangs pa dang tshangs chen la sogs pas/ lha rdzas kyi me tog dang dri la sogs pa'i char 'bebs pa'o/ /lha rnams kyi dbang po brgya byin gyis kyang gdugs lnga brgya tsam blangs te zhes bya ba ni/ lha'i dbang po brgya byin nam/ lha'i bu dbang phyug chen po'am/khyab 'jug gam 'khor dang bcas pas bcom ldan 'das la phul ba'o/ /bcom ldan 'das la g.yon rol nas phul lo zhes bya ba ni/ sum cu rtsa gsum lha'i bu dang / bu mo rnams kyis kyang phul lo/ /phul nas bcom ldan 'das la rdul yab kyis g.yob cing 'dug par gyur to zhes bya ba ni/lha'i za 'og dang dar la sogs pa dogs la bting ba'o/ /rgyal po chen po bzhis kyang re re zhing lha'i gdugs lnga brgya tsam blangs te zhes bya ba ni/ rgyal chen gyi lha rnams dang lha'i bu mo re re blangs nas phul ba'o/ /bcom ldan 'das la snam logs nas phul zhes bya ba ni//bcom ldan 'das kyi mdun du yin te/ me tog gi char phab pa'o/ /bcom ldan 'das la rdul yab kyis g.yob cing 'khod par gyur to zhes bya ba ni/ rgyal chen bzhi'i lha'i bu dang bu mos lha'i za 'og dang / dar la sogs pa dog sa la bting ba'o/ /lha'i bu dbang phyug chen po la sogs pa so so nas lha'i gdugs dang zhes bya ba ni/lha dang lha mo dang gnod sbyin dang gnod sbyin mo la sogs pas so so'i lag nas phul ba'o/ /nyan thos rnams la phul nas zhes bya ba ni sngon du bcom ldan 'das la phul nas/ nyan thos rnams la yang bkur sti byas pa'o/ /de lta bu'i grags pa dang bkur sti dang brnyes par bya ba brnyes nas zhes bya ba ni/bcom ldan 'das 'khor dang bcas pa rnams la'o/ /bcom ldan 'das dge slong gi dge 'dun dang thabs cig tu bya rgod phung po'i ri las shod du babs te zhes bya ba ni grong khyer yangs pa can gyi sems can gyi don du'o/ / yangs pa can gyi grong khyer chen po ga la ba der gshegs pa dang zhes bya ba ni/ yangs pa can gyi mi rnams kyis mthong nas/ gdugs dang rgyal mtshan dang / ba dan dang rol mo'i tshogs kyis/ bcom ldan 'das rnams la sdun du zhu'o/ /grong khyer yangs pa can gyi grong dang / grong bar dang / grong gi phyi rol dang / ba dan dang / rgyal mtshan dang / gdugs dang / me tog gi phreng ba dang / mu tig dang / mu tig gi phreng ba dang / dra ba dang / dra ba phyed ba dang / /bsil yab dang / rnga ma dang / rnga ma dkar po dang / dar dpyangs dang / bla re dang / dog sa la za 'og dang / dar bting ba dang /grong bar du zur zur bkra shis bum pa gang ba yang dag par gzhag pa'o/ /yangs pa can gyi lits+tsha bI rnams kyis zhes bya ba ni/ bcom ldan 'das shin tu byon pa dga' nas lits+tsha 'am lits+tsha'i chung ma'am li ts+tsha'i bu'am bu mo'am/ lits+tsha'i 'khor pho'am/ 'khor mo'am/ nye ba rnams la dga' ba'i sems dang ldan no/ /sdug bsngal thams cad dang bral ba ni/ dper na mi cig btson du bzung ba dang btson thon nas sdug bsngal dang bral ba lta bu'o/ /bcom ldan 'das shin tu mdzes pa zhes bya ba ni/ dper na bu mo gzhon nu ma bag mar 'gro ba bcas pa lta bu ste yang na dbyar ka'i nam mkha' la nyi zla shar ba lta bu'o//skar ma rnams ni nyan thos la sogs pa lta bu ste/ de bzhin du bcom ldan 'das la mdzes pa'o/ /dad par 'os pa zhes bya ba ni/ dper na bu gces pa tshong la song nas/ yun ring por lon nas ma dang phrad pa lta bu'o//dbang po zhi ba zhes bya ba ni/ mu stegs shin tu nga rgyal che ba bcom ldan 'das kyi zhal mthong nas dad pa skyes pa dang 'dra ste/ yang na ni 'dod pa'i yon tan lnga dang bral ba'o/ /thugs zhi ba zhes bya ba ni sems mi 'phro ba lta bu'o/ /dbang po dul ba zhes bya ba ni gzugs sgra dri ro reg bya dang bral ba'o//thugs dul ba zhes bya ba ni/ brnab sems gnod sems log par lta ba las bral ba'o/ /dul ba dang zhi gnas kyis zhes pa ni/ nyan thos kyi tshul du gnas pa'o/ /dam pa'i pha rol tu phyin pa brnyes pa zhes bya ba ni/ pha rol tu phyin pa bcu ste de la sbyin pa ni sems can rnams yongs su 'dzin pa ste de la yang gsum/zas skom dang nor bu dang / 'bru la sogs pas sems can rnams tshim par byas te/ mgu bar byed pa dang / phan skyabs dang dpung gnyen gyis sems can rnams 'jigs skrag las dbugs phyung ste mgu bar byed pa dang don dang yi ge dang brda'i sgo nas sems can rnams nyon mongs pa las grol bar byas te mgu bar byed pa'o//tshul khrims ni de dag la mi gnod cing phan par sems pa ste/ de la gsum bcas pa dang rang bzhin gtso bo'i sgo nas gzhan las gnad pa las ldog par dam bcas pa'i sems can thams cad dang /pha rol tu phyin pa bcu la sogs pa'i sgo nas dka' bar byed pa'i dam bcas pa'i sems bsdu ba'i dngos po bzhi la sogs pas sems can gyi don byed par dam bcas pa'i sems brtan pa'o/ /bzod pa ni bsran bya'i dngos po la mi skrag cing sran tshugs pa sems pa'o//de la yang gsum ste/ chos la sems pa'i phyir rtag tu sdug bsngal ba la sran tshugs pa dang / gzhan gyi gnod pa byas pa la mi skrag cing sran tshugs pa'i shes pa dang chos nyid stong pa nyid spros bral don la mi skrag cing sran tshugs pa'o/ / brtson 'grus ni dge ba la spro ba'i shes pa'o/ /de la yang gsum ste/ bsgrub bya'i dngos po de ltar sgrub par dam bcas pa'i sems pa dang / de nyid nyams su len pa'i sems pa dang / bsgrub bya de nyid mthar ma phyin par mi gtong ba'i sems pa'o/ /bsam gtan ni dmigs pa la rtse gcig pa'o//de la yang gsum ste/ mi mthun phyogs kyi bying rgod dngos por yang ma byung la dogs pa yang yod pa'i tshe spong ba'i sems mnyam pa nyid la rgyun du gzhag /blan te bzhag pa'i sgo nas mngon par shes pa la sogs pa'i yon tan khyad par can sgrub pa dang / bying rgod byung gi dogs pa yang yod kyang / dngos su ma byung ba'i sems rnal du zhugs pa'i skabs dang / bying rgod sems byung yang ma byung gi dogs pa yang med pa'i sems lhun gyis grub pa'i skabs na lus kyi 'byor ba stod nas me byung smad nas chu brub pa la sogs pa'i sgo nas sems can don byed pa'o//shes rab ni chos rab tu rnam par 'byed pa'o/ /de la yang gsum ste/ sgra thos nas rtogs pa dang / rig pa nges pa'i shes rab kyis sgra don la spyad pas don rtogs pa de lta bu'i don bsgoms pas blo phul du byung ba skyes pa'o/ /thabs ni dge ba chung ngu byas pa yang mi zad par chen por byed pa ste/rang gi skyon dge ba chen po chung ngur 'gro ba dang / mi zad pa zad bar 'gyur ba spong ba dang rang gi dge ba la sems 'jug pa'i thabs shes pa dang / rang gi dge ba'i 'bras bu myur du smin pa'i thabs shes pa'o/ /smon lam ni 'dod pa'i gnas su rang gi dge ba stobs pa'o//de la yang gsum ste/ rang gi dge ba de phyi ma la sogs pa la rgyun mi 'chad par smon cing de yang sems can thams cad kyi don du bsngo ba dang / bdag gang du skye ba der sems can rnams 'dod chags med pa zhe sdang med par gyur cig ces sems sbyong ba dang bdag gang du skye ba der ma btab pa'i lo thog skye ba sman dang me tog phun sum tshogs pa'i zhing khams rnam par dag pa thob par gyur cig ces smon lam gdab pa'o//stobs ni mi mthun pa'i phyogs zil gyis gnon pa'o/ /de la yang gsum ste/ mi dge ba'i las kyi dbang du mi 'gro zhing zil gyis gnon par mi nus shing phar la zil gyis gnon pa dang /bdud dang rgol ba rnams kyis tshur zil gyis gnon par mi nus la phar zil gyis gnon pa'o/ /ye shes ni dngos po de shes pa'o/ /de la yang gsum ste/ gnyis su snang yang mi snang la zhen pa med pa dang snang ni snang la zhen pa med pa dang /nyan thos la sogs pa gang gis 'dul ba dang / de dang der ston pa'o/ /de ltar bcu po de rnams re re la yang gnyis gnyis te/ sbyin pa yin la pha rol tu phyin pa ma yin pa dang sbyin pa yang yin la pha rol tu phyin pa yang yin pa'o/ /de yang sems can thams cad kyi don du bsngo ba dang /byams pa dang snying rje'i rnal 'byor gyis zin pa dang / bla na med pa'i rgyur bsngos pa de ni/ sbyin pa yang yin la pha rol tu phyin pa yang yin pa'o/ /de las bzlog pa ni sbyin pa yang yin la pha rol tu phyin pa ma yin pa'o/ /de ltar tshul khrims la sogs pa yang sbyar bar bya'o//sbyin pa yang yin la pha rol tu phyin pa ma yin pa la gnyis te/ sbyin bya'i rdzas la sems pa mi dmigs pa dang / sbyin bdag mi dmigs pa dang / len pa mi dmigs pa'i shes rab kyis zin pa ni lo ka las 'das pa g.yeng ba las 'phags pa'i phyir 'das pa'o//'khor gsum yongs su dag pa ni lo ka las mi g.yo ba 'phags pa'i phyir na 'jig rten pa'i de ltar tshul khrims la sogs pa la yang sbyar ro/ /nges pa'i tshig ni sbyin pa nyid kyis pha rol tu phyin par byed pa'i phyir na sbyin pa'i pha rol tu phyin pa ste/gzhan la yang sbyar bar bya'o/ /ming gi rnam grangs pha rol tu phyin pa zhes bya ba ni mchog tu phyin pa zhes bya/ mthar phyin pa zhes bya'o/ /'o na 'bras bu sku gsum mam chos kyi dbyings ye shes dang rgyu pha rol tu phyin pa gnyis tha dad du mi 'gyur ram zhe na/ pha rol tu phyin pa bcu ni chos can la chos dbyings ye shes sam sku gsum ni chos nyid kyi tshul du gnas pa'am/chos dbyings ye shes ni rten la/ pha rol tu phyin pa ni brten pa'i tshul du gnas pa tha mi dad pa'o/ /dbang po dben zhing zhes bya ba ni/ dbang po ni mig gi dbang po'o/ /yang na ni gom pa bdun gyi bar du spyi lta ste/ting nge 'dzin la snyoms par zhugs pa'o/ /khugs pa zhes bya ba ni sems yin te/ nyon mongs pa la sogs pa yang dag par spangs pa'o/ /glang po che ltar shin tu dul ba zhes bya ba ni/ glang po che ni dpe yin te glang po che dul ba ltar yang dag par rdzogs pa'i sangs rgyas kyang gzugs la sogs pa 'dul ba'o//mtsho ltar dang zhing zhes bya ba ni/ mtsho ni shin tu rgya che ba gting ring ba ste/ yang dag par rdzogs pa'i sangs rgyas kyi yon tan yang dpag tu med pa'o/ /rnyog pa med pa zhes bya ba ni/ rnyog pa ni dri mas te dri ma ni nyon mongs pa la sogs pa'o//yang dag par rdzogs pa'i sangs rgyas dri ma dang bral ba'o/ /rnam par gsal ba zhes bya ba ni/ ting nge 'dzin la sogs pa rnam par gsal ba ste/ yang na ni ye shes lnga rnam par gsal ba dang ldan pa'o/ /skyes bu chen po'i mtshan sum cu rtsa gnyis kyis sku legs par brgyan pa zhes bya ba ni/mtshan sum cu rtsa gnyis gang zhe na/ phyag dang zhabs 'khor lo'i mtshan dang ldan pa dang / zhabs shin tu gnas pa dang / phyag dang zhabs dra bas 'brel ba dang / phyag dang zhabs gzhon zhing 'jam pa dang / bdun shin tu mtho ba dang /sor mo ring ba dang / rting pa yangs pa dang / sku che zhing drang ba dang / zhabs legs par mtho ba dang / yan lag gi spu gyen du 'khyil ba dang / ri dgas e na ya'i byin pa lta bu dang / phyag brla drang por slebs pa dang / gsang ba'i gnas sbubs su nub pa dang / gser gyi kha dog dang /mdog shin tu 'jam pa dang / spu re re nas g.yas phyogs su 'khyil ba dang / zhal mdzod spus brgyan pa dang / seng ge'i ro stod lta bu dang / phrag pa'i lhun mdzes par grub pa dang / phrag so shin tu rgyas pa dang / ro bro ba'i mchog dang shing n+ya gro d+ha ltar chu zheng gab pa dang /dbu spyi gtsug dang ldan pa dang / ljags shin tu yangs pa dang / tshangs pa'i dbyangs dang / seng ge'i 'gram pa lta bu dang / tshems shin tu dkar ba dang / tshems mnyam pa dang / tshems thags bzang ba dang / tshems mnyam zhing bzhi bcu tshang ba dang / spyan dkar nag phyed pa dang /ba'i rdzi ma lta bu ste/ de la de bzhin gshegs pa'i phyag dang zhabs kyi mthil 'khor lo rtsibs stong dang ldan pa mu khyud can lte ba dang bcas pa rnam pa thams cad yongs su rdzogs pa 'di ltar/ rus pa'am ba so la gzugs brkos pa dang 'dra ba mnga' bas phyag dang zhabs 'khor lo'i mtshan dang ldan pa'o//zhabs kyi mthil gnyis mnyam par sa la 'jog cing zhabs zhum pa med pas zhabs shin tu gnas so/ /ngang pa'i rgyal po ltar phyag dang zhabs kyi sor mo dra bar 'brel bas/ phyag dang zhabs dra bar 'brel ba'o/ /shing bal gyi g.yeng bu ltar shin tu 'jam zhing gzhon pas phyag dang zhabs gzhon zhing 'jam pa'o//zhabs dang phyag dang mgur gyi lhun shin tu mtho bas/ phyag dang zhabs kyi sor mo ring ba'o/ /rting pa ring bas rting pa yangs pa'o/ /sku lag pa mdun du 'phags la drang bas sku che zhing drang ba'o//pus mo'i lha nga dang long bu mdzes par nub pas/ zhabs legs par mtho ba'o/ /spu gyen du g.yas phyogs su 'khyil bas yan lag gi spu gyen du 'khyil ba'o/ /ri dgas e na ya'i byin pa lta bu dang / smin ma dang ldum bu dar ba ltar drang zhing mnyam pa la rim gyis gzhol bar grub cing byin pa zlum pas ri dgas e na ya'i byin pa lta bu'o//brla drang por bzhag ste ma btud kyang phyag gi mthil gnyis kyis pus mo g.yas pa'i lha nga la reg pas/ phyag brla drang por slebs pa'o/ /glang po dang rta cang shes ltar gsang ba'i gnas shin tu mdzes par sbubs su nub pas/gsang ba'i gnas sbubs su nub pa'o/ /shin tu sbyangs pa'i gser gyi kha dog lta bu dang ldan pas gser gyi kha dog go/ /gser dang dngul shin tu sbyangs pa ltar 'jam zhing snyoms pa'i kha dog tu 'dug pa sku la rdul gyis ma gos pas mdog shin tu 'jam pa'o//shin tu rnam par phye ba'i spu re re skyes shing / gnyis su med pas spu re re nas g.yas phyogs su 'khyil ba'o/ /me tog kun+da dang zla ba dang 'o ma dang ba mo'i mdog ltar 'dug la/ nyi ma dang zla ba rgyas pas kyang 'phags pas 'od gsal ba'i mdzod spus smin mtshams shin tu rgyas pas zhal mdzod spus brgyan pa'o//ro stod che bas seng ge'i ro stod do/ /mgul pa rgyu legs par lhu 'brel zhing lhun zlum pas/ phrag pa'i lhun mdzes par grub pa'o/ /gser gyi gtan pa shin tu phyis pa ltar shin tu phrag so legs par grub pas phrag so shin tu rgyas pa'o/ /rlung dang mkhris pa dang bad kan gyis ma nyams shing rnam par shes pa 'dra ba med pas ro bro ba'i mchog go//sku chu zheng 'dom du mnyam pas/ shing n+ya gro d+ha ltar chu zheng gab pa'o/ /spyi gtsug zlum zhing legs par g.yas phyogs su 'khyil ba dang ldan zhing dbu mnyam zhing legs par grub pa la/ mdzes pa mnga' bas dbu'i spyi gtsug dang ldan pa'o/ /me tog ut+pal dmar po'i 'od mnga' ba'i kha dog ltar 'dug cing shin tu yangs pas ljags shin tu yangs shing srab pa'o/ /tshangs pa dang bya ka la ping+ka lta bu'i gsung mnga' bas tshangs pa'i dbyangs so/ /'gram pa me long gi dkyil 'khor ltar legs par grub cing /mdzes par skyes te yid du 'ong bas seng ge'i 'gram pa lta bu'o/ /me tog kun+da dang dung gi bcag 'phro ltar shin tu dkar ba'i tshems mnga' bas tshems shin tu dkar ba'o/ /tshems la mthon dman med pas tshems mnyam pa'o/ / tshems la bar mtshams ma dod pas tshems thags bzang pa'o/ /bla 'og dgye dgu med pas tshems mnyam zhing bzhi bcu tshang ba'o/ /dkar nag cha ma 'dres pa shin tu rnam par dag pa'i mdog dmar pos ma g.yogs pas/ spyan dkar nag phyed pa'o/ /rdzi ma bla 'og shin tu legs par gnas la ma 'dzings ba'i rdzi ma lta bu'o//de la bla ma la bsu skyel dang chos nyan pa la sdod pa dang / gtsug lag khang dang mchod rten rjes su sgrub pa la sogs pa la phu dung byas pas/ phyag dang zhabs 'khor lo'i mtshan dang ldan pa ste/ de ni 'khor shin tu mang ba'i snga ltas so//yi dam la brtan pas zhabs shin tu gnas pa ste de ni mi g.yo zhing shin tu brtan pa'i snga ltas so/ /sbyin pa dang ngag snyan pa dang / don spyod pa dang don mthun pa'i bsdu ba rnam pa bzhi goms par byas pas zhabs dang phyag dra bas 'brel ba ste/ de ni myur du 'du ba'i lnga ltas so/ /bza' ba dang bca' ba dang btung ba zhim zhing nyams su bde ba byin pas phyag dang zhabs gzhon zhing 'jam pa dang / bdun shin tu mtho ba ste de gnyis ni bca' ba dang bza' ba dang / btung ba zhim zhing nyams su bde ba mthong ba'i snga ltas so/ /bcing ba bkrol ba dang srog gi rim gro byas pa dang /srog gcod pa spangs pas sor mo ring ba dang / rting pa yangs pa dang / sku che zhing drang bas te de ni sku tshe ring pa'i snga ltas so/ /dge ba'i chos yang dag par blangs pa dang / gzung ba mngon par spel zhing 'grib par ma byas pas zhabs kyi gong mtho ba dang /yan lag gi spu gyen du 'khyil ba ste de ni mi mnyam pa'i chos dang ldan pa'i snga ltas so/ /rig pa dang bzo'i las rim gror byas shing gzhan 'byin pa dang / bdag gis blangs pas/ ri dgas e na ya'i byin pa lta bu ste/ de ni myur du 'dzin pa'i snga ltas so/ /bdog cing yod pa'i nor blangs nas mi 'gong bar gtong zhing med ces ma byas pas phyag brla drang por slebs pa ste/de ni yo byad la mnga' ba dang 'dul ba'i snga ltas so/ /grogs po dang / mdza' bshes dang gnyen pa ma phye ba dang / bye bar 'gyur ba'i sems can rnams tshangs pa'i spyod pa la yang dag par bskul ba dang /gsang ba'i tshig yongs su bsrungs pas gsang ba'i gnas sbubs su nub pa ste/ de ni bu mang ba'i snga ltas so/ /stan dang / gos dang / khang pa dang / gzhal med khang dang / gzhal med khang bzang po byin pas gser gyi kha dog dang / /mdog shin tu 'jam pa ste/de gnyis ni na bza' dang / gdan dang / khang pa dang / gzhal med khang dang / gnas bzang po thob pa'i snga ltas so/ /'du 'dzi spangs pa dang / mkhan po dang / slob dpon dang / pha ma dang / phu nu la sogs pa rnams la/ tshul dang 'dra ba'i rim gro byas pa dang /btsun par byas pa dang bcol ba rna ba la ma gzan pas spu re re nas g.yas phyogs su 'khyil ba dang / zhal mdzod spus brgyan pa ste/ de ni mnyam pa med pa'i snga ltas so/ /mi snyan pa zer zhing mi smon pa dang / snyan par smra zhing legs par bshad pa mthun par 'dzin pas seng ge'i ro stod lta bu dang /phrag pa'i lhun mdzes par grub pa ste/ de ni thub pa med pa'i snga ltas so/ /na ba rnams la rtsi dang rim gro dang / sman pa dang nyams su phan pa'i zas byin pa dang / rim gro byas pas phrag so shin tu rgyas pa dang / ro bro ba'i mchog ste/ de ni nad nyung ba'i snga ltas so//skyed mos tshal dang / 'khor dang / ltung ba dang / rdzing bu dang / rgal dka' ba'i zam pa dang / kha zas dang / phreng ba'i gnas dang / stegs dang / gtsug lag khang bya ba la sogs pa la gzhan mos par bya ba sngon du gtong zhing bdag gis gzhan byin pa ste/ shing n+ya gro d+ha ltar chu zheng gab pa dang dbu'i spyi gtsug dang ldan pa ste/ de ni mnga' chen po mnga' ba'i snga ltas so/ /yun ring por tshig snyan cing 'jam pa dang / nyams su bde ba'i smra ba smras pas ljags shin tu srab pa dang / tshangs pa'i dbyangs te de gnyis ni yan lag lnga dang ldan pa'i gsung mnga' ba'i snga ltas so//gsung yan lag lnga dang ldan pa zhes pa ni yongs su shes shing rnam par shes par 'gyur ba dang / mnyan na dga' zhing mi mthun pa med pa dang / zab cing dbyangs rjes su 'byung ba dang / gtang mi bra zhing rnar snyan pa dang / ma 'khrugs shing btsal ba'o//yun ring po nas tshig 'khyal ba spangs shing / dus su smras pas seng ge'i 'gram pa lta bu ste/ de ni tshig kun gyis mnyan pa'i snga ltas so/ /rim gror bya ba dang / brnyas pa med pas gnyis 'tsho ba yongs su dag pas tshems shin tu dkar ba dang mnyam pa ste de 'khor snga nas bsags pa'i snga ltas so//yun ring po nas bden zhing phra ma med pa'i tshig smra bas tshems thags bzang ba dang / tshems mnyam zhing bzhi bcu tshang ba ste de ni 'khor dbyer mi phyed pa'i snga ltas so/ /pang gis 'khyud pa bzhin du nye bar bsam pa med la ma chags mi sdang ba dang /rmongs pa med pa'i mig gis lta bas spyan dkar nag 'byes pa dang / ba'i rdzi ma lta bu ste de ni kun nas mdzes pa'i snga ltas so/ /de dag ni skyes bu chen po'i mtshan sum cu rtsa gnyis so// //dpe byad bzang po brgyad cus shin tu rgyas pa zhes bya ba ni gang zhe na sangs rgyas bcom ldan 'das rnams mngon par 'du bya ba thams cad las dben ba ste/sen mo zangs kyi mdog ltar 'dug pa'o/ /gnyen bshes byams pa dang 'dra bar sems can la phan pa dang bde ba'i thugs mnga' ba ste/ sen mo'i mdog snum pa yin/rigs dang rgyud mthon por byung ba ste/ sen mo mtho ba yin/ tshul la kha na ma tho ba mi mnga' ba ste/ sor mo zlum pa yin no/ /dge ba'i rtsa ba shin tu tshogs pa ste/ sor mo rgyas pa yin no/ /dge ba'i rtsa ba rim gyis grub pa ste/ sor mo rim gyis grub pa gzhon pa yin no//thugs dang gsung dang sku'i phrin las dang / 'tsho ba shin tu dben pa ste rtsa mi mngon pa yin no/ /nyon mongs pa'i mdud pa 'grol ba ste/ rtsa bar mdud pa med pa yin no/ /shin tu dben pa'i chos mnga' ba ste/ long bu mi mngon pa yin no//mi mnyam pa thams cad las grol ba ste/ zhabs mi mnyam pa med pa yin no/ /mi'i seng ge ste seng ge'i 'gros su bzhud pa yin no/ /mi'i glang po ste glang po che'i 'gros su bzhud pa yin no/ /ngang pa'i rgyal po ltar nam mkha' la bzhud pa ste/ ngang pa'i stabs su bzhud pa yin no//mi'i khyu mchog ste khyu mchog gi 'gros su bzhud pa yin no/ /mthun pa'i lam mnga' ba ste/ g.yas phyogs su bzhud pa yin no/ /lta na mdzes pa ste mdzes par bzhud pa yin no/ /rtag tu thugs yon po mi mnga' ba ste/ ma yo bar bzhud pa yin no/ /tshul rnam par dag pa yon tan ston pa ste sku shin tu legs pa yin no//sdig pa'i chos rnams shin tu sbyangs pas te/ sku shin tu sbyangs pa yin no/ /chos rim gyis ston pas te sku rim gyis gzhol ba yin no/ /sku dang gsung dang thugs shin tu gtsang ba dang ldan pa ste/ sku shin tu gtsang ba yin no/ /rang bzhin gyis thugs 'jam pa dang ldan pas te sku shin tu 'jam pa yin no//rang bzhin gyis rnam par dag pa mnga' ba ste/ sku shin tu rnam par dag pa'o/ /chos dang 'dul ba shin tu rdzogs pa ste/ dpe byad bzang po shin tu rdzogs pa yin no/ /yon tan yangs shing bzang ba ston pa ste sku che zhing mdzes pa yin no//sems can thams cad la mnyam pa'i thugs mnga' ba ste/ sku legs par mnyam pa yin no/ /mchog tu 'jam pa'i chos ston pa ste/ sku shin tu gzhon pa yin no/ /rtag tu zhum pa med pa'i thugs mnga' ba ste/ sku la zhum pa med pa yin no/ /mi dge ba'i rtsa ba thams cad byang ba ste/sku shin tu rgyas pa yin no/ /yang 'byung ba shin tu bcom zhing zad pa ste sku shin tu mkhregs pa yin no/ /rten cing 'brel bar 'byung ba'i yan lag dang nying lag legs par ston pa ste/ /yan lag dang nying lag gtsang mar mdzes pa yin no/ /gzigs pa shin tu rnam par dag pa ste/snang ba rab rib med cing rnam par dag pa yin no/ /tshul dang ldan pa'i slob ma mnga' ba ste/ phyal zlum pa yin no/ /'khor ba'i legs nyes thams cad shin tu sbyangs pa ste/ phyal shin tu byang ba dang ldan pa yin no/ /nga rgyal gyi de'u bcom pa ste/ phyal ma zhum pa yin no//chos zad pa rnam par zlog pas te phyal phyam mer 'dug pa yin no/ /chos zab mo shin tu thugs su chud pa ste lte bzab pa yin no/ /mthun par 'dzin pa'i slob ma mnga' ba ste/ lte ba g.yas phyogs su 'khyil ba yin no/ /slob ma kun la mdzes pa'i dge 'dun mnga' ba ste/kun nas mdzes pa yin no/ /thugs shin tu gtsang bas te/ sku sbyong ba shin tu gtsang ba yin no/ /chos nag po bstan pa dang bral ba'i chos dang 'dul ba mnga' ba ste/ sku la sme ba med pa yin no/ /shing bal ltar yang ba rab tu 'thob pa'i chos ston pas te/ phyag shing bal ltar 'jam pa yin no//rang gi skye bo dang phal ba la byams pas dge sbyong chen po mnyes pa ste phyag gi ri mo snum pa yin no/ /shin tu zab cing brtan par bzhugs pas bzhugs pa ste/ phyag gi ri mo zab pa yin no/ /bzod pa'i yangs pa ston pa ste phyag gi ri mo ring ba yin no/ /bslab pa'i gnas ha cang mi ring bar 'char ba ste zhal ha cang yang mi ring ba yin no//gzugs brnyan 'jig rten thams cad du dgye ba ste/ zhal gzugs kyi gzugs brnyan ma yin no/ /'jam pa sngon du gtong zhing 'dul ba ste/ ljags shin tu 'jam pa yin no/ /yon tan phra ba'i tshogs dang ldan pa ste/ljags shin tu srab pa yin no/ /byis pa so so'i skye bo 'dod chags pa rnams kyis chos dang 'dul ba gting dpag par dka' ba ste/ ljags shin tu dmar ba yin no/ /glang po chen po'i sgra dang 'brug gi sgra lta bus nyes pa mi mnga' ba ste/ glang po che'i nga ro dang 'brug gi sgra dbyangs dang ldan pa'o//snyan cing 'jam pa dang nyams su bde bar smra ba'i slob ma mnga' ba ste/ snyan cing 'jam pa dang nyams su bde ba'i gsung dang ldan pa'o/ /srid par kun du sbyor ba las 'das te/ tshems mche ba shin tu zlum pa yin no/ /skye bo rno ba rnams 'dus pas te/ tshems mche ba rno ba dang ldan pa yin no//chos dang 'dul ba shin tu dkar ba ste/ tshems mche ba shin tu dkar ba yin no/ /sa phyogs mnyam pa la bzhugs pa ste/ mche ba mnyam pa dang ldan pa yin no/ /rim gyis mngon par rtogs pa'i chos ston pa ste/ tshems mche ba rim gyis gzhol ba yin no//shes rab kyi ri bo mthon po la bzhugs pa ste/ shangs legs par mtho ba dang ldan pa yin no/ /'dul ba'i skye bo gtsang ma mnga' ba ste/ shangs shin tu gtsang ba yin no/ /sangs rgyas kyi chos phul du yangs pa mnga' ba ste/ spyan ring ba dang ldan pa yin no//gzigs pa shin tu rnam par dag pa ste/ spyan rnam par dag pa yin no/ /sems can gyi tshogs shin tu bsags pa ste rdzi ma stug pa yin no/ /lha dang lha ma yin dang skyes bu dang na chung mchog gi mig dkar nag phyed pa pad+ma'i 'dab ma ltar 'dug pa rnams kyis mngon par dga' bar byas te/spyan dkar nag phyed cing pad+ma'i 'dab ma ltar 'dug pa yin no/ /rtag tu yangs pas gzigs pa ste spyan ring ba dang ldan pa yin no/ /'jam pa dul ba la mkhas pa ste smin ma 'jam pa dang ldan pa yin no/ /skyon thams cad mkhyen pa ste smin ma'i spu mnyam pa dang ldan no/ / dge ba'i rtsa ba'i snum gyis sems snum par gyur pas skye bo 'dul ba ste smin ma snum pa dang ldan pa yin no/ /chos mchog tu yangs shing don dang ldan pa mnga' ba ste snyan legs shing snyan shal ring ba yin no/ /nyon mongs pa'i rgyu las rnam par rgyal ba ste snyan mnyam pa yin no/ sems can bsam pa mnyam pa 'bul ba ste snyan gyi dbang po mnyam pa dang ldan pa yin no/ /lta ba'i rnam pa thams cad yongs su byang ba ste/ zhal dbral ba legs par grub pa dang ldan pa yin no/ /phas kyi rgol ba shin tu dul ba ste/ zhal dbral ba yangs pa dang ldan pa yin no/ / smon lam dam pa shin tu rdzogs pa ste dbu shin tu rgyas pa yin no/ /g.yul gyi bung ba rnam par zlog pa ste/ dbu bung ba ltar gnag pa yin no/ /mthong ba dang bsgom pa spangs pa'i bag la nyal zad par bya ba ste dbu stug pa yin no/ /thugs 'jam pas bstan pa'i snying po thugs su chud pa ste/dbu 'jam pa yin no/ /rtag tu mi 'khrugs pa'i thugs dang ldan pa ste/ dbu skra mi 'dzing ba yin no/ /brlang ba'i gsung yongs su bral ba ste/ dbu skra mi rtsub pa yin no/ /byang chub kyi yan lag spos kyi me tog gis skye bo mthun par bsgrubs pa ste/ dbu la dri zhim pa yin no/ / sangs rgyas bcom ldan 'das rnams ni phyag dang zhabs dpal gyi be'u dang bkra shis dang dga' ba 'khyil bas brgyan pa yin no zhes bya'o/ /shing sA la'i rgyal po ltar zhes bya ba ni/ shin tu skye legs pa yal ga mang ba lo ma rgyas pa/ dper na dbyar ka tshad pa che ba'i dus su tshad pa la 'jigs nas shing des kyang mi la phan thogs te/de bzhin du yang dag par rdzogs pa'i sangs rgyas rnams kyis kyang 'gro ba rigs drug sems can rnams la phan 'dogs pa'o/ /de bzhin gshegs pa zhes bya ba ni/ de bzhin nyid du gshegs pas na de bzhin gshegs pa ste/de bzhin nyid ni stong pa nyid spros pa dang bral ba ste/ de yang dang po byung yang de'i ngang las byung ba/ bar du gnas kyang der/ tha mar 'gags pa thim yang de la thim pa'i phyir te chos sku'o/ /yang na de bzhin nyid rtogs pa ste/ stong pa nyid spros bral rtogs shing / rig pa'i phyir longs sku'o//yang de bzhin du gshegs pas de bzhin gshegs pa ste/ mar me mdzad la sogs pa dus gsum gyi sangs rgyas rnams kyis mdzad pa bcu gnyis la sogs pa'i sgo nas sems can don la gshegs pa ste sprul pa'i sku'o/ /sku rnam par spras pa zhes bya ba ni shing sA la'i lo ma rgyas pa ltar sangs rgyas bcom ldan 'das kyang yon tan gyis spras pa'o//nyi ma ltar 'od zer gyi dra bas kun du 'gyed pa zhes bya ba ni/ 'od zer ni nyi ma bdun gyi 'od zer dra ba ste/ nyi ma de bzhin du 'od zer khyab pa bzhin du yang dag par rdzogs pa'i sangs rgyas kyi gzi brjid kyis khyab pa'o//'od zer ni dra ba kun du 'gyed pa ci'i phyir zhe na don med par dra ba 'gyed pa ma yin no/ /'on kyang rgyal po'i khab na rgyal po sbyin pa sar ri rgyal khrims yin pa dang yang dag par rdzogs pa'i sangs rgyas shAkya thub pa de'i dus na baiDUR+Ya DUr+ya shel zhes bya ba'i lha khang na bzhugs te dus gcig na bcom ldan 'das sems can gyi don byed la dgongs nas bsod snyoms mdzad de tshong dpon chen po bkra shis dpal dang /yum dpal ldan grags ma zhes bya ba ste/ yo byad phun sum tshogs pa me tog gi ra ba dang skyed mos tshal la sogs pa kho'i gnas ni shin tu yid du 'ong ba dang /sems dga' ba dang / tshong dpon de'i slob dpon mu stegs gcer bu yin te/ yang dag par rdzogs pa'i sangs rgyas shAkya thub pas de'i khyim du bsod snyoms la gshegs te/ de nas tshong dpon yab yum dad pa skyes nas/ yang dag par rdzogs pa'i sangs rgyas ma byon pa de ring 'dir byon pa shin tu legs so//chos ston drangs/ bkur sti byas/ yo byad la sogs pa phul nas/ de nas tshong dpon gyi chung ma nad pa de bcom ldan 'das la gzigs su phul lo/ /tshong dpon gyis de skad smras so/ /bcom ldan 'das ni mngon par shes pa mdzad de 'di'i lus la ci skye zhe na/de nas bcom ldan 'das kyis bka' stsal pa/ tshong dpon 'di'i lus la skyes bu dam pa skye'o/ /sangs rgyas kyi bstan pa bsrung ba/ dgra bcom pa'i 'bras bu thob pa/ rdzu 'phrul gyi rkang pa dang ldan pa myur du thob pa skye'o//bcom ldan 'das kyis de skad gsungs pa dang tshong dpon dga' ba'i sems dang ldan no/ /bcom ldan 'das la phyag lan gsum btsal nas yang bkur sti la sogs pa byas so/ /de nas bcom ldan 'das gshegs so/ /gshegs pa'i dus su mu stegs gcer bu dang 'phrad do//gcer bu'i sems la nga'i yon bdag gau thams phrogs so snyam nas/ nang du phyin nas tshong dpon la smras so/ /kye tshong dpon gau ta ma ci la byon smras pas/ tshong dpon gyi zhal nas/ bcom ldan 'das bsod snyoms la byon pa lags/ dad pa skyes nas bkur sti byas pa yin nga'i 'di'i nad pa gzigs su phul ba lags/bcom ldan 'das kyi zhal nas 'di'i lus la skyes bu dam pa dgra bcom pa'i 'bras bu thob pa/ sangs rgyas kyi bstan pa bsrung ba/ rdzu 'phrul gyi rkang pa myur du 'thob pa skye'o gsungs so/ /gcer bu'i mtshan nyid ni mngon par shes pa gcer bu ra'i 'phongs la thal lcag brgyab pas gcer bu ra dang 'dra ba bzhi lnga lnga 'thon pa de bzhin du mtshan nyid dang 'dra ba'i gcer bus brdzun po smras so//kye tshong dpon gau ta ma'i 'dod pa yin/ kye bu dang skye ste skyes ma thag nas ma gsod pa de'i rting la khyod kyi yo byad phun sum tshogs pa thams cad zad par byed pa de'i rting la pha bsad nas kho rang rab tu byung ba yin/de lta bu skye ba yin/ khyed kyis myur du ma bsad na/ de bzhin du khyod la de dag myur du 'ong ngo / /de nas tshong dpon gyis nub mo'i dus su chung ma'i gsus pa phyag gnyis kyis mnyes so//mnyes pas mo ma bzod nas skad ngan chen po byung ngo / /de nas khyim mtshes dang nye ba la sogs pas thos nas/ ra mda' byas pas de'i nub mo dbugs dang ma bral lo/ /yang phyi de nub mo'i dus su me tog gi ra ba yod pa'i skyed mos tshal gyi dbus su khang pa cig gi nang du yang khrid nas chung ma'i gsus pa mnyes so//mnyes pa dang bud med de na tsha chen po byung bas dbugs chad do/ /de nas tshong dpon gyis kha skad bsgyur nas smras so/ /nga'i chung ma de yang byis pa ma thon par gum mo zhes smras so/ /mya ngan gyi tshul yang byas de nas mu stegs gcer bu'i tshogs rnams kyang rgyal po'i pho brang ngam/srang ga'am srang ga chen po'am/ grong ngam grong khyer chen po'am/ grong rdal la sogs pa la 'di skad ces smras so/ /kye rgyal po skyes bu rnams gau ta ma'i brdzun po la tshong dpon de'i bud med la bu khye'u ga re mo yang shi/ gau ta ma'i brdzun po la sems can thams cad dad pa skyed de skad bzhin du gcer bu'i tshogs rnams yang nas yang du smra zhing dril bu dkrol zhing ba dan phyar zhing yar 'gro mar 'gro byas so//gcer bu'i tshogs rnams kyang rang dong skyes so/ /de nas yang bcom ldan 'das kyis bai DU r+ya'i ri shel gyi gtsug lag khang gi nang du seng ge'i gdan la rdo rje skyil krung du bzhugs te/byang chub sems dpa' dang dgra bcom pa'i nyan thos dang dge slong ngam dge slong ma'am/ dge bsnyen nam dge bsnyen ma'am/ 'khor gyi dbus su ting nge 'dzin la snyoms par zhugs so/ /yang dag par rdzogs pa'i sangs rgyas kyi mdzod spu nas 'od zer gyi dra ba nyi ma'i 'od dang ldan pa stong gsum gyi stong gi 'jig rten gyi khams chen po khyab po//kun du khyab po/ /yang 'od zer gyi dra ba de ba spu re re la 'du'o/ /de nas bcom ldan 'das kyi ba spu re re'am mdzod spu nas 'od zer gyi dra ba nyi ma bdun shar ba dang 'dra ba nam mkha' la 'phro'o//de nas 'od zer de yang mi mjed kyi bdag po tshangs pa la sogs pa dga' ldan nam sum cu rtsa gsum mam rgyal chen gyi lha'am/ 'od zer gyi dra bas kun du khyab po/ /'od zer gyi dra ba de yang dag par rdzogs pa'i sangs rgyas kyi mdzod spu la 'du'o//de nas tshe dang ldan pa kun dga' bo stan las langs te bcom ldan 'das la bskor ba lan gsum byas la/ mgo bos phyag 'tshal te/ pus mo g.yas pa'i lha nga sa la btsugs nas thal mo sbyar nas bcom ldan 'das la zhus pa'o/ /bcom ldan 'das kye lags/gang gi sems can gyi don lags/ mtshan nyid gang lags/ rgyu gang lags/ rkyen gang lags/ bcom ldan 'das zhes smras so/ /de nas bcom ldan 'das kyis ting nge 'dzin de las langs te tshe dang ldan pa kun dga' bo la bcom ldan 'das kyis bka' stsal to/ / tshe dang ldan pa kun dga' bo byang chub sems dpa' dgra bcom pa nyan thos dang / dge slong ngam/ dge slong ma'am/ dge bsnyen nam dge bsnyen ma'i 'khor rnams dur khrod bsil ba'i tshal du 'gro ba lags/ gzhon nu 'od zer skyes dgra bcom pa yang dag par byung bas gshegs par bgyi'o//de nas bcom ldan 'das seng ge'i stan las langs te/ gtsug lag khang nas phyir gshegs so/ /de bzhin du dgra bcom pa rnams kyang gshegs so/ /de nas mi mjed kyi bdag po tshangs pa dang / tshangs chen gyi lha dang lha'i dbang po brgya byin dang / rgyal po chen po bzhi dang / rgyal chen gyi lha rnams dang / lha ma yin dang / gdugs dang / rgyal mtshan dang / ba dan dang lha'i rol mos bcom ldan 'das la sngun du bsu ste/ lha rdzas kyi dri bzang po dang / me tog gi char phab bo/ /de nas rgyal po chen po gzugs can snying pos thos nas rgyal po dang rgyal po chen po 'khor dang bcas pa yang gshegs so//de'i rting la gcer bu'i mtshan ma'am tshong dpon gyi 'khor ram/ ro de gla la gshegs so/ /de bzhin du rgyal po'i khab kyi skye dgu 'am skye dgu'i bdag po la sogs pa dur khrod bsil ba'i tshal du gshegs so/ / bsil ba'i tshal du slebs nas/ phyogs gcig tu bcom ldan 'das dang nyan thos la sogs pa bzhugs so/ /phyogs gcig tu gcer bu dang mu stegs pa bsdad do/ /de nas ro bsregs pa'i sa nas skad byung ngo / /skad byung ba dang pad+ma skyes so/ /pad+ma'i steng na gzhon nu 'od zer skyes zhes bya ba skyes so//shin tu skye legs pa dgra bcom pa'i cha byang dang ldan pa de me'i nang du de lta bu skyes so/ /de nas bcom ldan 'das kyis tshong dpon la smras pa/ kye tshong dpon khyod kyi bu 'di lags so zhes smras so/ /tshong dpon gyis gcer bu la kha bltas nas langs dogs byed do//de nas gcer bus tshong dpon la smras so/ /kye tshong dpon me'i nang du gang yang / shi nas me la bsregs pa la/ /khyod kyi bu ni gang las skyes/ /me yi nang du 'gro na ni/ /khyod ni nges par tshig par 'gyur/ /zhes brjod pas 'gro ma nus so/ /de nas bcom ldan 'das kyis rgyal po gzugs can snying po la bka' stsal to//kye rgyal po chen po gzhon nu long la spyon cig ces brjod pa dang / rgyal po chen pos blangs nas/ me'i nang nas khyer nas 'ongs so/ /me de yang shin tu bsil ba tsha ba'i dngos po med do/ /yang dag par rdzogs pa'i sangs rgyas kyis blangs nas/byin gyis brlabs nas/ dgra bcom pa gzhon nu 'od zer skyes zhes bya bar mtshan btags so/ /de nas gzugs can snying pos blangs te/ lha dang lha ma yin la sogs pas kyang bltas so/ /ngo mtshar che'o/ /mi rnams kyis kyang ngo mtshar che'o zhes ltad mo bltas so//yang bcom ldan 'das la dad pa skyes nas/ lha'i dbang po brgya byin la sogs pas/ lha rdzas kyi me tog gi char phab bo/ /lha'i rol mos mchod pa byas so/ /mu stegs gcer bu'i tshan pa de pham mo/ /bdud pham mo/ /'od zer gyi dra ba kun du 'gyed pa zhes bya ba'i nges tshig go//mtshan mo mun pa'i nang na zhes bya ba ni/ mtshan mo ni dpe yin te/ de bzhin du mtshan mo'i me ni shin tu gsal bas mtshan mo zhes bya ba'o/ /ro bo'i spo la me'i phung po chen po rab tu 'bar ba dang 'dra zhing zhes bya ba ni/ dper na mi zhig gis ri bo chen po la 'bar ba mthong bzhin du'o/ /bcom ldan 'das gser gyi ri bo nas gshegs pa mthong ngo zhes bya ba ni/ gser zhes bya ba ni/ yon tan dang ldan pa'o/ /ri bo chen po ltar zhes bya ba ni bcom ldan 'das kyi sku'o/ /lha ma me lhan ne zhes bya ba ni 'od zer sna tshogs so//rgyang ring po nas gshegs pa mthong ngo zhes bya ba ni/ mun nag gi nang nas me 'bar ba mthong ba bzhin du mthong ngo / /gshegs pa ni grong khyer yangs pa can gyi dbus su'o/ /mthong ba ni lits+tsha bI rnams kyis so/ /mthong ma thag tu zhes bya ba ni gus pa'i sems kyis bcom ldan 'das la'o//yangs pa can gyi lits+tsha bI rnams bcom ldan 'das la sems dad par gyur nas zhes bya ba ni nyon mongs pa dang ldan pa'i sems can rnams sangs rgyas bcom ldan 'das mthong nas sems de 'khril bar 'gyur ba'o/ /sems dad par gyur pa de dag ces bya ba ni grong khyer yangs pa can gyi mi rnams so//byi dor byed pa zhes bya ba ni dad pas bcom ldan 'das la mchod pa byed pa'o/ /bcom ldan 'das yangs pa can gyi grong khyer chen por/ lam gang nas gshegs pa'i lam de 'phyag cing chag chag 'debs zhes bya ba ni/ sangs rgyas gshegs pa'i lam la gzhan rnams kyis kyang tsan+dan la sogs pa'i dri zhim po'i chus sa gzhi rnam par dag par byas so//byi dor legs byas me tog 'thor/ /zhes bya ba ni sa gzhi mthon dman med par byas la me tog sna tshogs kyis sil mar bkram la me tog phreng ba'i dra bas brgyan pa'o//dar gyi lda ldi dang / dril bu dang / gdugs dang / rgyal mtshan dang / ba dan sna tshogs kyis brgyan te zhes bya ba ni/ grong khyer gyi phyogs bzhir yang bar snang gi phyogs su de rnams 'phyar ba'o/ /bdug spos sna tshogs kyis bdugs nas zhes bya ba ni/ grong khyer gyi phyogs dang mtshams su bdug spos sna tshogs kyi bog phor gzhag pa dang bum pa gang ba bzhag pa'o/ /ga la ba der song ste ga la ba der dong ste phyin pa dang zhes bya ba ni/ grong khyer yangs pa can gyi dbus su'o/ /zhabs gnyis la mgo bos phyag 'tshal te zhes bya ba ni/ grong khyer yangs pa can gyi mi rnams dang lits+tsha bI rnams kyis phyag 'tshal ba'o//de nas zhes bya ba ni phyag 'tshal gyi rting la'o/ /bcom ldan 'das kyi phyag gi mthil 'khor lo rtsibs stong dang ldan pa'i ri mo can me tog pad+ma'i snying po ltar 'jam pa zhes bya ba ni lits+tsha bI'i mgo la reg ba'o//sngon legs par spyad pa'i mtshan gyis brgyan pa zhes bya ba ni skyes bu'i mtshan sum cu rtsa gnyis dang dpe byad bzang po brgyad cus legs par brgyan pa'o/ /gzhon sha chags shing zhes bya ba ni lo bcu gnyis pa'i sha lta bu'o/ /'jam pa ni lus ngag yid gsum 'jam pos nyi ma'i 'od zer bas lhag pa'i 'od dang ldan pa zhes bya ba ni nyi ma bdun gyi 'od zer dang ldan pa'o//'od zer brgya phrag mang po kun du 'phro ba zhes bya ba ni/ mdzod spu'am ba spu'i bu ga'am lte ba'i gnas sam dbu'i gtsug tor ram ljags sam sna'i bu ga'am/ snyan nam spyan gyi sgo nas sems can gyi don la 'phro ba'o//dri ma med pa'i phyag gis zhes bya ba ni/ nyon mongs pa'i dri ma dang bral ba'o/ /lits+tsha bI rnams kyi mgo la byugs te zhes bya ba ni bram ze chen pos gsol ba btab pas yang dag par rdzogs pa'i sangs rgyas kyi phyag spyi bor bzhag nas byin gyis brlabs pa'o//rjes su bstan pa mdzad do zhes bya ba ni rjes su dran pa drug go/ /de nas zhes bya ba ni lits+tsha bI byin gyis brlabs zhes bya'o/ /bcom ldan 'das yangs pa can gyi grong khyer chen po'i nang du gshegs pa ni/ grong khyer gyi dbus su nam gyi gung thun la zhes bya ba ni yi dags rgyu ba'i dus su'o//sgo skyes kyi gzhi zhabs kyis mnan nas zhes bya ba ni/ dbang po'i phur pa la zhabs yang dag par bzhag pa'o/ /phyogs bzhir gzigs te zhes bya ba ni ye shes kyi spyan gyis gzigs pa'o/ /phyag gser gyi mdog can brkyang nas zhes bya ba ni/sngon du song ba ni skyes bu chen po'i mtshan sum cu rtsa gnyis/ dpe byad bzang po brgyad cu dang ldan pa'o/ /na bza' bla gos gsol te zhes bya ba ni/ mdzes pa'i chos gos phrag la gzar nas zhes bya ba yin no/ /bka' stsal to zhes bya ba ni phyin ci ma log pa'o//phyi ma'i dus na zhes bya ba ni/ sku mya ngan las 'das pa'o/ /dge slong ma la sogs pa zhes bya ba ni/ bstan pa srung dgos pa'i dus su ste bkur sti byed pa'o/ /gang su yang rung ba dag ces bya ba ni/ byang chub sems dpa' lcang lo can rnams kyis bkur sti byed par 'gyur ro/ / de bzhin gshegs pa'i sku gdung ring bsrel yungs 'bru tsam la mchod pa byed pa dang zhes bya ba ni/ 'das pa dang ma 'ongs pa dang da ltar yod pa rnams kyi/ sku gzugs dang gdung dang ring bsrel lta bu'o/ /rig sngags kyi rgyal mo stong chen mo rab tu 'joms pa gdon thams cad las thar bar byed pa'i chos kyi rnam grangs zhes bya ba ni/stong pa nyid kyi rang bzhin bdud bzhi po pham par byed pa/ bskyed pa'i rim pa dang rdzogs pa'i rim pa yang dag par 'grub pa/ sdug bsngal thams cad 'joms par byed ma/ ma rungs pa'i 'byung po rnams rlag par byed ma/ chos thams cad kyi 'byung gnas de bzhin gshegs pa'i ring bsrel gyi skur snang ba'o/ /de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed rnams kyis sangs rgyas kyi phyag rgya 'di zhes bya ba ni/ stong chen mo rab tu 'joms ma 'di yang 'das pa'i sangs rgyas 'od srungs la sogs pa gang+gA'i klung gi bye ma snyed bye ba khrag khrig 'bum phrag brgyad cu rtsa bzhis bsrung zhing /phyag rgya'i rgyas btab pa de bzhin du ma 'ongs pa'i sangs rgyas byams pa la sogs pa yin no/ /de ltar yang shAkya thub pa la sogs pas bsrung zhing phyag rgya'i rgyas btab pa'o//'dzin cing 'chang ba dang / klog cing ston pa dang zhes bya ba ni/ bskyed pa'i rim pa dang rdzogs pa'i rim pa bsgom pa/ ting nge 'dzin dang kha ton du sngags dang mdo 'don pa dang / kun chub par byed pa de dag la zhes bya ba ni/ rgya cher chos kyi 'khor lo bskor ba dang / gus par 'di las rgya cher spel nas bla mar byas/ mchod par byas pa'o/ /yams kyi nad dang 'jigs pa dang / 'tshe ba dang / nad 'go ba dang / 'khrug pa dang / 'thab pa dang / 'ching ba dang / kha mchu dang / shags dang / tha na phra ma dang sdig pa mi dge ba sdug bsngal ba'i las kyis mi tshugs shing 'tshe bar byed pa thams cad kyis mi thub par 'gyur ro zhes bya ba ni greng yangs pa can gyi dbus su 'khor gyi nang du bka' stsal pa'o//bcom ldan 'das la mi mjed kyi bdag po tshangs pas 'di skad ces gsol to zhes bya ba ni/ mnyam pa nyid du khyab pa'i sangs rgyas la/'jig rten gyi mes pos zhus pa'o/ /btsun pa bcom ldan 'das zhes bya ba ni/ sku gsung thugs btsun pa dka' thub mdzad pa/ bdud rnams bcom zhing pha rol tu phyin pa drug nyon mongs pa lnga las 'das pa'o/ /rig sngags kyi rgyal mo stong chen mo rab tu 'joms ma zhes bya ba ni/de bzhin gshegs pa rnams kyi ring bsrel lta bu phyag rgya bzhi'i ngo bo'i gdon thams cad las thar bar byed pa'i chos kyi rnam grangs zhes bya ba ni bar chod med pa bdud rnams kyis mi tshugs pa ste/ 'di'i lam nas thar pa thob pa/ dmigs pa med pa'i ye shes stong pa nyid du snang ba'o//de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed rnams kyi sangs rgyas kyi phyag rgya de gang lags zhes bya ba ni/ stong chen mo rab tu 'joms ma 'das pa dang ma 'ongs pa dang / da ltar yod pas gsungs pa gsang sngags kyi tshig zhus pa'o//de skad ces gsol pa dang zhes bya ba ni/ mi mjed kyi bdag po tshangs pas bcom ldan 'das la zhus pa'o/ /bcom ldan 'das kyis mi mjed kyi bdag po tshangs pa la 'di skad ces bka' stsal to zhes bya ba ni/ mtshan sum cu rtsa gnyis dang ldan pa dpe byad bzang po brgyad cus brgyan pa sprul pa'i skus bka' stsal pa'o//tshangs pa de'i phyir khyod legs par nyon la yid la zung shig dang ngas khyod la bshad do zhes bya ba ni/ pha rol tu phyin pa'i rang bzhin sdug bsngal thams cad 'joms par byed pa'i gsang sngags sangs rgyas kyis sems can gyi don la bka' stsal pa'o//btsun pa bcom ldan 'das de ltar 'tshal lo zhes gsol nas zhes bya ba ni/ mi mjed kyi bdag po tshangs pas kyang gus par/ bcom ldan 'das la gsol ba btab pa'o//mi mjed kyi bdag po tshangs pas bcom ldan 'das kyi ltar nyan pa dang zhes bya ba ni/ 'khor rnam bzhi dang tshangs pas dbu mdzad pa mi dang mi ma yin pa'i tshogs rnams 'joms pa'o/ /de la bcom ldan 'das kyis 'di skad ces bka' stsal to zhes bya ba ni/ de bzhin gshegs pa'i rigs dang mtshan ma ston te mtshan ma ni bcom ldan 'das rnam par snang mdzad do//de'i mtshon cha ni chos kyi dbyings kyi ye shes so/ /sku mdog ni dkar po zhal bzhi pa g.yas zhal sngon po ltag pa'i zhal dmar ser g.yon ljang gu spyan gsum dang ldan pa'o//dbu la rigs lngas brgyan pa'o/ /phyag brgyad pa dang / g.yas na 'khor lo ral gri /rdo rje dang rtse gsum mo/ /g.yon gyi phyag na 'dzin pa ni bum pa'i steng na rdo rje dang rin po che dang zhags pa dang ni lcags kyu'o/ /pad+ma dang zla ba'i steng na rdo rje skyil krung mdzad pa/ sku me 'od kyi dkyil na bzhugs pa'o//rdo rje rigs kyi de bzhin gshegs pa'i rigs so/ /de bzhin du stong chen mo rab tu 'joms ma rtsa ba'i sngags so/ /s+yad ya the dan a tsa li la sogs pa'o/ /stong chen mo rtsa ba'i sngags de la/ 'di skad ces bya ste/ lus su rtogs pa dang dran pa dang zhes bya ba ni byang chub kyi phyogs kyi chos sum cu rtsa bdun no//zhi gnas dang lhag mthong zhes bya ba ni/ thabs dang shes rab ste lha'i gzugs su bsgom pa ni thabs so/ /rig sngags stong pa nyid bsgom pa ni shes rab ste/ des na thabs shes rab zung du 'brel pa'o//ting nge 'dzin gsum gang zhe na/ rnam par thar pa'i sgo gsum ste stong pa nyid kyi ting nge 'dzin ni stong pa nyid kyi rnam pa dang / dben pa'i rnam par sems rtse gcig pa ste de ni stong pa nyid kyi ting nge 'dzin zhes bya'o/ /mtshan ma med pa'i ting nge 'dzin ni/ zhi ba'i rnam pa dang mtshan ma med pa'i rnam par sems rtse gcig pa ste de ni mtshan ma med pa'i ting nge 'dzin ces bya'o//smon pa med pa'i ting nge 'dzin gang zhe na/ mi rtag pa'i rnam pa dang sdug bsngal ba'i rnam par sems rtse gcig pa ste/ de ni smon pa med pa'i ting nge 'dzin ces bya'o/ /rdzu 'phrul gyi rkang pa bzhi zhes bya ba ni mos pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa dang /sems kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dang / brtson 'grus kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dang / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa'o//yang dag par spong ba bzhi zhes bya ba ni/ sdig to mi dge ba'i chos ma skyes pa rnams mi bskyed pa'i phyir mos pa skyed pa dang / skyes pa rnams spang ba'i phyir mos pa skyed pa dang / dge ba'i chos ma skyes pa rnams skyed pa'i phyir mos pa skyed cing brtson 'grus rtsom pa dang /skyes pa rnams 'phel zhing shin tu rgyas par bya ba dang bsgom pa yongs su rdzogs par bya ba'i phyir mos pa bskyed pa'o/ /dran pa nye bar gzhag pa bzhi zhes bya ba ni/ lus dran pa nye bar gzhag pa ni/ yan lag 'dus pa sna tshogs kyi lus gzung 'dzin la sogs pa stong zhing mi dmigs pa bsgom pa'o//tshor ba ni phyin yang med nang na yang med gnyis ka med par mi dmigs pa bsgom pa'o/ /sems ni ming tsam ste mi dmigs pa bsgom pa'o/ /chos ni chos la mi dmigs pa bsgom pa'o//de ni theg pa chen po'i dbang du byas pa'o/ /bsam gtan bzhi zhes bya ba ni bsam gtan dang po nas yan lag lnga ste/ rtog pa dang dpyod pa gnyis nyon mongs pa'i yan lag go/ /dga' ba dang bde ba gnyis phan pa'i yan lag go/ /sems rtse gcig pa gnyis ka'i yan lag go//bsam gtan gnyis pa ni yan lag kun la bsdus nas bzhir bshad do/ /nad rab tu dang ba gnyen po'i yan lag go/ /tshor ba yid dga' ba dang bde ba phan yon gyi yan lag /sems rtse gcig pa gnyis ka gnas kyi yan lag go/ /bsam gtan gsum pa la yan lag lnga ste/btang snyoms dran pa shes bzhin gsum gnyen po'o/ /tshor ba bde ba phan yon gyi'o/ /sems rtse gcig pa gnyis ka gnas kyi yan lag go/ /bzhi pa na yang yan lag lnga ste bzhir bshad do/ /btang snyoms yongs su dag pa dang /dran pa yongs su dag pa dang / bde ba yang ma yin sdug bsngal ba yang ma yin pa'o/ /shes bzhin yongs su dag pa ni gnyen po'i tshor ba dang phan yon gyi yan lag go/ /sems rtse gcig pa ni gnyis ka'i gnas kyi yan lag go/ /'phags pa'i bden pa bzhi zhes bya ba ni/gang gi 'du byed thams cad ma skyes par mthong ba des sdug bsngal yongs su shes pa'o/ /chos thams cad 'byung ba med par mthong ba des kun 'byung ba rab tu spangs so/ /chos thams cad mya ngan las 'das par mthong ba des/ 'gog pa mngon du byas so//chos thams cad dngos po med par mthong ba des/ lam bsgoms so/ /dbang po lnga zhes bya ba ni/ dad pa'i dbang po ni/ las dang / 'bras bu dang / bden pa dang / dkon mchog rnams la mngon par yid ches pa ste dbang po ni 'di'o zhes mngon par 'dzin pa'o//brtson 'grus kyi dbang po ni bya ba de la nges par 'jug pa'o/ /dran pa'i dbang po ni dran pa nyams pa med pa ste des ma rig pa'i skabs mi byed pa'o/ /ting nge 'dzin gyi dbang po ni sems rtse gcig pa ste des dbang byed pa'o/ /shes rab kyi dbang po ni blang ba dang dor ba gnyis rnam par 'byed pa'o//stobs lnga zhes bya ba ni/ dad pa'i stobs la sogs pa bshad pa ni/ dbang po lnga nyid rab kyi mthar gyur pa la gzhag go/ /de dag kyang dad pa'i stobs dang brtson 'grus kyi stobs dang / dran pa'i stobs dang / ting nge 'dzin gyi stobs dang /shes rab kyi stobs zhes mngon par brjod par 'gyur ro/ /rjes su dran pa drug ces bya ba ni/ rten dkon mchog gsum rjes su dran pa/ yul tshad med pa bzhi rjes su dran pa/ shes bya bden pa gnyis rjes su dran pa/ thabs shes rab rjes su dran pa dang / rgyu rigs lnga'i dam tshig rjes su dran pa dang /'bras bu sangs rgyas rjes su dran pa'o/ /byang chub kyi yan lag bdun zhes bya ba ni/ chos rnam par 'byed pa byang chub kyi yan lag gis sa dang po la chos kyi dbyings skye ba med par rang gi mtshan nyid mngon sum du skyu ru ra lag mthil du bzhag pa bzhin rtogs pa'o//dran pa yang dag byang chub kyi yan lag gis gang du chos rang dang spyi'i mtshan nyid rtogs pa ma brjed pa'o/ /brtson 'grus yang dag byang chub kyi yan lag gis bdag mngon par rdzogs par sangs rgyas pa la thogs pa med par 'jug pas sam dge ba gong nas gong du 'phel bar byed pa'o//shin tu sbyangs pa yang dag byang chub kyi yan lag ni nyon mongs pa spong ba'i gzhi ste/ /de la lus shin tu sbyangs pa ni lus shing bal gyi 'dab ma ltar yang ba dang reg na bde ba la sogs pa'o/ /sems shin tu sbyangs pa ni dmigs pa la rtse gcig pa ste/ rdzu 'phrul ye shes kyi mngon par shes pa dang ldan pa'o/ /ting nge 'dzin yang dag byang chub kyi yan lag ni/ nyon mongs pa spong ba gnas kyi yan lag ste ting nge 'dzin la gnas nas gnas ngan len gnas 'gyur ba'i phyir ro/ /btang snyoms yang dag ni/ ngo bo nyid kyi yan lag ste/nyon mongs pa dngos su yang mi 'byung mod kyi/ dag pa yang med de gnyen po'i 'bad rtsol med pa'o/ /dga' ba yang dag ni chos bdag med pa'i don mthong bas/ lus kyi dga' ba dang sems kyi bde ba phul du byung ba skyes pa ste phan yon gyi yan lag go/ /'phags pa'i lam yan lag brgyad ces bya ba ni/yang dag pa'i lta ba ni mnyam gzhag gi don rjes thob kyis gcod pa'o/ /yang dag pa'i rtog pa ni kun slong ba'i 'phen pa nus pa yod pa ste/ kha dog ni legs par byang ba bzhin no/ /yang dag pa'i ngag ni lta ba la yid ches par byed pa ste bshad pa dang 'bel gtam la sogs pa'i sgo nas yid ches pas so//yang dag pa'i las kyi mtha' ni/ las kyi mtha' tshul khrims rnam par dag pa la yid ches pa ste lus dang ngag dang yid rnams dang / ye shes sngon du 'gro zhing ye shes kyi rjes su gzung ba'i phyir ro/ / mthar gyis gnas pa'i snyoms par 'jug pa zhes bya ba ni/ 'di la 'dod pas dben zhing sdig to mi dge ba'i chos kyis dben pa rtog pa dang bcas pa dpyod pa dang bcas pa/ dben ba las skyes pa'i dga' ba dang bde ba can bsam gtan dang po la nye bar bsgrubs te gnas so//de la rnam par rtog pa dang rnam par dpyod pa nye bar zhi nas nang yongs su dang ste/ sems kyi rgyud gcig tu gyur pas rtog pa med pa dpyod pa med pa/ ting nge 'dzin las skyes pa'i dga' ba dang bde ba can bsam gtan gnyis pa la nye bar bsgrubs te gnas so//de dag dga' ba las 'dod chags dang bral bas dran pa dang ldan pas shes bzhin dang btang snyoms su gnas te/ bde ba lus kyis myong ba dang / 'phags pa rnams kyis de la dran pa dang ldan pa bde ba rnam par spyod cing btang snyoms pa'o zhes brjod pa'o/ /de dga' ba med pa'i bsam gtan gsum pa la nye bar bsgrubs te gnas so//de bde ba yang spangs sdug bsngal ba yang spangs shing yid bde ba dang yid mi bde ba snga nas kyang nub pas bde ba yang med sdug bsngal ba yang med btang snyoms dang dran pas yongs su dag pa/ bsam gtan bzhi pa la nye bar bsgrubs te gnas so//de rnam pa thams cad du gzugs kyi 'du shes las yang dag par 'das te thogs pa'i 'du shes rnams nub par 'gyur zhing sna tshogs kyi 'du shes yid la mi byed pas nam mkha' mtha' yas so zhes te nam mkha' mtha' yas skye mched la nye bar bsgrubs te gnas so//de la yang rnam pa thams cad du nam mkha' mtha' yas skye mched las yang dag par 'das te/ rnam shes mtha' yas so zhes rnam shes mtha' yas skye mched la nye bar bsgrubs te gnas so/ /de rnam pa thams cad du rnam shes mtha' yas skye mched las yang dag par 'das te/cung zad kyang ma yod do zhes/ cung zad med pa'i skye mched la nye bar bsgrubs te gnas so/ /de rnam pa thams cad du cung zad med pa'i skye mched las yang dag par 'das te 'du shes dang tshor ba yang med do zhes 'du shes med min skye mched la nye bar bsgrubs te gnas so//de rnam pa thams cad du 'du shes med 'du shes med min skye mched las yang dag par 'das te 'du shes dang tshor ba 'gog pa la nye bar bsgrubs shing gnas te de ni mthar gyis gnas pa'i snyoms par 'jug pa dgu zhes bya'o//stobs bcu zhes bya ba ni gnas dang gnas ma yin pa mkhyen pa'i stobs dang / dbang po mchog dang mchog ma yin pa mkhyen pa'i stobs dang / khams sna tshogs mkhyen pa'i stobs dang / mos pa sna tshogs mkhyen pa'i stobs dang / rnam par byang ba mkhyen pa'i stobs dang /las kyi rnam par smin pa mkhyen pa'i stobs dang / thams cad du 'gro ba mkhyen pa'i stobs dang / sngon gyi gnas rjes su dran pa mkhyen pa'i stobs dang / 'chi 'pho ba dang / skye ba mkhyen pa'i stobs dang / zag pa zad pa mkhyen pa'i stobs so//rnam par grol ba'i skye mched bcu gcig dang zhes bya ba ni/ mtha' dag sa dang / mtha' dag chu dang / me dang / rlung dang / sngon po dang / ser po dang / dmar po dang / dkar po dang / mtha' dag rnam par shes pa dang / mtha' dag nam mkha'o/ /rten cing 'brel bar 'byung ba'i yan lag bcu gnyis dang zhes bya ba ni/de yang rgyu dang rkyen 'brel pa ste phyi dang nang gi'o/ /phyi'i rgyu ni sa bon dang / myu gu dang / sdong bu dang / lo ma dang / me tog dang / 'bras bu drug go/ /rkyen ni sa'i khams dang / chu'i khams dang / me'i khams dang / rlung gi dang /nam mkha'i dang / dus kyi khams drug go/ /nang gi rgyu ni ma rig pa nas rga shi'i bar du/ rten cing 'brel pa yan lag bcu gnyis te/ de la ma rig pa ni las legs nyes dang de'i 'bras bu mi shes pa dang / yang dag pa'i don mi shes pas rmongs pa'o/ / 'du byed ni las legs nyes byed pa'o/ /rnam par shes pa ni las kyis bsgos pa'i kun gzhi rnam par shes pa'o/ /skye ba ni thog mar mtshams sbyor ba'o/ /ming dang gzugs ni phung po lngar gyur pa'o/ /skye mched drug ni dbang po rnams dod pa'o/ /reg pa ni yul dbang po rnam shes gsum 'dus nas yongs su gcod pa'o//tshor ba ni reg pa las byung ba rnam pa gsum myong ba'o/ /sred pa ni tshor ba bde ba la zhen cing mi ngoms pa'o/ /len pa ni sred pa g.yen spyos nas 'dzin cing yongs su gtong ba'o/ /srid pa ni len pa las byung ba'i las zag pa dang bcas pa'o//skye ba ni srid pa mthun pa'i 'bras bu grub pa'o/ /dga' ba ni phung po smin pa'o/ /shi ba ni 'jig pa'o/ /de dag ni gong ma gong mas 'og ma 'og ma grub par byed do/ /'di dag yan lag lngar 'gyur te/ dang po gsum ni 'phen pa'i yan lag go//de'i 'og ma bzhi ni 'phangs pa'i yan lag go/ /de'i 'og ma gsum ni mngon par sgrub pa'i yan lag go/ /skye ba ni mngon par grub pa'i yan lag go/ /rga shi ni nyes dmigs kyi yan lag go/ /rgyu de yang tshe gsum la rdzogs shing dum bu gsum du gnas te/de yang dang po gsum la rdzogs pa ni/ ma rig pa dang 'du byed tshe snga mas bsdus so/ /rnam par shes pa ming dang gzugs skye mched drug reg pa tshor ba sred pa len pa bdun ni da ltar gyis bsdus so/ /srid pa skye ba rga shi gsum ni phyi mas bsdus so/ /de la dum bu gsum ni nyon mongs pa dang las dang tshe dang gsum ste de yang /dang po brgyad dang dgu nyon mongs/ /gnyis pa bcu pa las yin te/ /lhag ma skye ba'i nyon mongs yin/ /zhes pas dang po ma rig pa brgyad pa sred pa dgu pa/ len pa gsum ni nyon mongs pa'o/ / gnyis pa 'du byed dang bcu pa srid pa gnyis ni las so/ /lhag ma rnam par shes pa ming dang gzugs/ skye mched drug /reg pa/ tshor ba/ skye ba/ rga shi dang bdun ni/ tshe ste sdug bsngal zhes kyang bya'o/ /de yang dang po gsum las ni bar ba gnyis byung / de las tha ma bdun byung bas thog ma dang tha ma med cing nges pa med par 'khor ro//de la ma rig pa dang 'du byed ni 'das pa'i nyon mongs pa dang las te da ltar gyi rgyu'o/ /rnam par shes pa dang / ming dang / gzugs dang / skye mched drug dang / reg pa dang / tshor ba ni da ltar gyi 'bras bu'o//sred pa dang / len pa dang / srid pa ni da ltar gyi nyon mongs pa dang las te/ ma 'ongs pa'i rgyur 'gyur pa'o/ /skye ba dang rga shi ni ma 'ongs pa'i 'bras bu'o/ /yang na dum bu gsum ste/ rgyu'i kun nas nyon mongs pa dang / las kyi kun nas nyon mongs pa dang /'bras bu'i kun nas nyon mongs pa'o/ /de la dang po nyon mongs pa'i kun nas nyon mongs pa gsum ni nyer len gyi rgyu yin la/ las kyi kun nas nyon mongs pa ni lhan cig tu byed pa'i rkyen no/ /'bras bu'i kun nas nyon mongs pa ni/ yan lag bdun te skye ba'i kun nas nyon mongs pa'i mtshan nyid rnams so//yang na rgyu bdun gyis bye brag gi 'bras bu yang bdun te/ phyin ci log gi rgyu la sogs pa'i rgyu ni ma rig pa'o/ /zag pa med pa'i rgyu ni 'du byed do/ kun gzhi rnam par shes pa las kyi bag chags yang dang yang du 'jog pa'i phyir ro//srid pa'i rgyu ni rnam par shes pa ste/ nying mtshams sbyor ba'i phyir ram/ gnas su 'khrid par byed pa'i phyir ro/ /kun du 'dzin pa'i rgyu ni ming dang gzugs dang skye mched drug go/ /nye bar byed pa'i rgyu ni reg pa dang tshor pa'o/ /sdud pa'i phyir ni srid pa dang len pa dang sred pa'o//sdud pa'i rgyu ni skye ba dang rga shi'o/ /rnam pa bcu gnyis dang ldan pa'i chos kyi 'khor lo bskor ba dang zhes bya ba ni/ bden pa bzhi la chos rnam pa bcu drug tu phye nas chos kyi 'khor lo lan bzhi gsum bcu gnyis bskor bas te/ de yang ji skad du bshad pa'i sdug bsngal gyi bden pa las phye ba gsum ste mi rtag pa dang sdug bsngal ba dang stong pa dang bdag med pa la gsum gcig tu bsdus pa'o//kun 'byung gi bden pa la gsum rgyu kun 'byung ba dang rab tu skye ba dang rkyen gyi rnam pa gcig tu bsdus pa'o/ /'gog pa'i bden pa la 'gog pa dang zhi ba dang gya nom pa dang nges par 'byung ba bzhi gcig tu bsdus pa'o//lam gyi bden pa la lam dang rig pa dang sgrub pa dang nges par 'byung ba gcig tu bsdus pa rnams so/ /de ltar skal ba ji lta ba bzhin du bden pa bzhi las phye ba'i bye brag gis/yan lag bcu gnyis su chos kyi 'khor lo bskor ba'o/ /dbugs dbyung ba dang rngub pa rjes su dran pa rnam pa bcu drug dang zhes bya ba ni/ dran zhing dbugs nang du rgyu na yang dran zhing dbugs nang du rgyu'o zhes bya bar rab tu shes so/ /dran zhing dbugs phyir rgyu na yang dran zhing dbugs phyir rgyu'o zhes bya bar rab tu shes so//dbugs nang du ring du rgyu na yang dbugs nang du ring du rgyu'o zhes bya bar rab tu shes so/ /dbugs phyir ring du rgyu na yang dbugs phyir ring du rgyu'o zhes bya bar rab tu shes so/ /dbugs nang du thung ngu rgyu na yang dbugs nang du thung ngu rgyu'o zhes bya bar rab tu shes so//dbugs phyir thung ngu rgyu na yang dbugs phyir thung ngu rgyu'o zhes bya bar rab tu shes so/ /dper na 'khor lo bskor ba'am 'khor ba'i 'khor lo bskor ba'i mchan bu mkhas pa ni ring du bskor na ring du bskor zhes bya bar rab tu shes so//thung ngu bskor na thung ngu bskor zhes bya bar rab tu shes so/ /sangs rgyas rjes su dran pa/ chos rjes su dran pa/ dge 'dun rjes su dran pa/ tshul khrims rjes su dran pa/ gtong ba rjes su dran pa/ lha rjes su dran pa/ skye ba rjes su dran pa/ dbugs phyi nang du rgyu ba rjes su dran pa/'chi ba rjes su dran pa/ bzod pa rjes su dran pa dang / brtson 'grus rjes su dran pa dang / bsam gtan rjes su dran pa dang / shes rab rjes su dran pa dang / thabs dang shes rab rjes su dran pa'o/ /sangs rgyas kyi chos ma 'dres pa bco brgyad dang zhes bya ba ni/de bzhin gshegs pa la 'khrul pa mi mnga'o/ /ca co mi mnga'o/ /dngos po nyams pa mi mnga'o/ /'du shes sna tshogs mi mnga'o/ /thugs mnyam par ma bzhag pa mi mnga'o/ /ma brtags pa'i btang snyoms mi mnga'o/ /mos pa yongs su nyams pa mi mnga'o//brtson 'grus yongs su nyams pa mi mnga'o/ /bsgom pa yongs su nyams pa mi mnga'o/ /ting nge 'dzin yongs su nyams pa mi mnga'o/ /shes rab yongs su nyams pa mi mnga'o/ /rnam par grol ba yongs su nyams pa mi mnga'o/ /rnam par grol ba'i ye shes yongs su gzigs pa yongs su nyams pa mi mnga'o//sku'i phrin las thams cad ye shes sngon du 'gro ba ste ye shes kyi rjes su 'brang ngo / /gsung gi phrin las thams cad ye shes sngon du 'gro ba ste ye shes kyi rjes su 'brang ngo / /thugs kyi phrin las thams cad ye shes sngon du 'gro ba ste ye shes kyi rjes su 'brang ngo //'das pa'i dus la ma chags ma thogs pa'i ye shes gzigs pa la 'jug go/ /ma 'ongs pa'i dus la ma chags ma thogs pa'i ye shes gzigs pa la 'jug go/ /da ltar byung ba'i dus la ma chags ma thogs pa'i ye shes gzigs pa la 'jug go//stobs dang mi 'jigs pa la sogs pa'o/ /yi ge bzhi bcu rtsa gnyis zhes bya ba ni/ gzhan dag las 'di skad du 'dams shing 'di skad du ston to/ /rigs kyi bu khyod tshur shog /yi ge mngon par bsgrub pa la mkhas par gyis shig / yi ge gcig la mkhas par gyis shig /yi ge gnyis nas yi ge bzhi bcu rtsa gnyis kyi bar la mkhas par gyis shig /yi ge gcig gis sbyangs pa'i rang bzhin thams cad shes par gyis shig /yi ge gnyis kyis byang ba'i rang bzhin thams cad shes par gyis shig / yi ge bzhi bcu rtsa gnyis kyis byang ba'i rang bzhin thams cad shes par gyis shig /yi ge gcig tu yi ge bzhi bcu rtsa gnyis 'dus par sgoms shig /yi ge bzhi bcu rtsa gnyis su yi ge gcig 'dus par sgoms shig ces ston to/ /byang chub sems dpa' sems dpa' chen po de yang yi ge gcig la mkhas pa yin/yi ge bzhi bcu rtsa gnyis kyi bar la mkhas pa yin/ yi ge gcig gi nang du yi ge bzhi bcu rtsa gnyis 'dus par bsgom pa la mkhas pa yin/ yi ge bzhi bcu rtsa gnyis su yi ge gcig 'dus par bsgom pa la mkhas pa yin/de ltar yi ge mngon par bsgrub pa la mkhas par bya ba la goms shing / yi ge med pa la mngon bar bsgrub pa la mkhas pa yin no/ /dper na de bzhin gshegs pa dgra bcom pa yang dag par rdzogs pa'i sangs rgyas kyi chos la mkhas pa dang yi ge mkhas pa yin te/de'i chos la mkhas pa dang / yi ge la mkhas pas yi ge mang pos yi ge med pa'i chos ston kyang chos de yi ge'i rnam pa dang bral ba yang ma yin te/ de yang byang chub sems dpa' sems dpa' chen po rnams kyi ngo mtshar gyi rmad du byung ba'i chos te gang nyan thos dang rang sangs rgyas thams cad dang thun mong ma yin no//yang dag par rdzogs pa'i sangs rgyas zhes bya ba ni stong pa'i rang bzhin de chos nyid kyi sku yin pas dper na stong pa la brten te glog snang ngo / /glog la brten te 'od snang ngo / /de bzhin du chos kyi sku la brten te bsod nams kyi sku snang ngo //bsod nams kyi sku la brten te sprul pa'i sku snang ngo / /yang gsum du bgrang ba yod mod kyi dngos po ni gsum du med do/ /mi skye mi 'grib/ rmi lam sgyu ma dang 'dra'o/ /tshangs pa de ni rig sngags kyi rgyal mo stong chen mo rab tu 'joms pa zhes bya ba gdon thams cad las thar bar byed pa'i mdo zhes bya ba ni de lta bu'i rang bzhin te/'jig rten 'di dang phyi ma la yang sdug bsngal mi 'byung ba'o/ /de bzhin gshegs pa dgra bcom pa yang dag par rdzogs pa'i sangs rgyas zhes bya ba ni/ 'das pa ma 'ongs pa da ltar yod pa rnams kyis rtag tu bsrung ba'o/ / gang+gA'i klung gi bye ma snyed rnams kyi zhes bya ba ni grangs so/ /sangs rgyas kyi phyag rgya ste zhes bya ba ni chos thams cad kyi sgo nas sangs rgyas kyi yum lta bu'o/ /sangs rgyas sgrub pa'o zhes bya ba ni de'i sgo nas thams cad bsgrub pa ste/ sangs rgyas ni sku gsum gyi sangs rgyas sgrub bo/ /chos sgrub ba'i zhes bya ba ni/don dam pa dang kun rdzob pa'o/ /dge 'dun sgrub pa'o zhes bya ba ni dgra bcom pa'i ngo bo byang chub sems dpa' dang / nyan thos sgrub pa'o/ /tshangs pa sgrub pa'o zhes bya ba ni tshangs pa'i 'jig rten gyi khams thun mong gi dngos grub gzugs kyi khams kyi lha sgrub pa'o//dbang po sgrub pa'o zhes bya ba ni 'dod pa'i yon tan lnga la spyod pa 'dod pa'i khams kyi lha'i dbang po la sogs pa sgrub pa'o/ /'jig rten skyong ba sgrub pa'o zhes bya ba ni 'jig rten gyi khams kyi dbang phyug 'khor los sgyur ba'i rgyal po la sogs pa'o/ /dbang phyug sgrub pa ni gzhan pas dbang che bar gnas pa 'jig rten gyi dbang phyug sgrub pa'o//bden pa sgrub pa'o zhes bya ba ni ngag gi dbang phyug thob pa/ don dam kun rdzob go ba'o/ /lam sgrub pa'o zhes bya ba ni pha rol tu phyin pa lnga sgrub pa'o/ /rten cing 'brel bar 'byung ba sgrub ba'o zhes bya ba ni ma rig pa la sogs pa 'byung bar 'dod pa'o//zla ba sgrub pa'o zhes bya ba ni zla ba bzhin du bdud rtsi zil gyis gnon pa'o/ /nyi ma sgrub pa'o zhes bya ba ni nyi ma bzhin du 'jig rten gyi khams rags pa dang ldan pa'o/ /gza' sgrub pa'o zhes bya ba ni 'jig rten khams la mthu che bar grags pa'o//rgyu skar sgrub pa'o zhes bya ba ni 'jig rten khams su bzang ba dang ngan pa dang bye brag 'byed pa'o/ /kun gzhi rnam par shes pa'i gnas 'gyur ba'i me long lta bu'i ye shes te/ stong pa mtha' dag dang bral ba'i don rtogs pas/ rig sngags mtshan nyid pa ste/de'i mtshon bya me long lta bu'i ye shes so/ /mtshon pa stong chen mo rab tu 'joms ma ste sku mdog dang phyag mtshan gyis rnam par byung ba'o/ /sku mdog mthing ga /zhal gsum pa/ phyag drug pa/ dang po mthing ga /g.yas dkar ba/ g.yon dmar ba/dbu la thod pa lngas brgyan pa/ dbu skra gyen du 'bar ba/ spyan gsum pa/ zhabs phyed skyil du bzhugs pa/ nyi ma'i dkyil 'khor gyi steng du klu chen po dang gnod sbyin chen po gnyis so/ /g.yas pa na klu mnan pa g.yon pa na gnod sbyin mnan pa'o/ /g.yas kyi phyag gsum na rdo rje dang ral gri dang gri gug go//g.yon pa gsum na zhags pa dang thod pa dang rtse gsum mo/ /rgyan thams cad rin po che las byas pa/ rdo rje rigs kyi rang bzhin sgyu ma lta bu'o/ /nyi ma'i gdan la me'i 'od rigs lnga'i sangs rgyas kyi ngo bo nyid/ rig sngags kyi rgyal mo stong chen mo rab tu 'joms ma sangs rgyas la sogs pa thams cad de'i sgo nas 'grub pa'o//s+yAd ya the dan zhes bya ba ni/ 'di lta ste rig sngags 'di'o/ /sngags ni sA le ka ni zhes bya ba'o/ /de nas zhes bya ba ni rig sngags kyi rting la bcom ldan 'das kyis de'i tshe tshigs su bcad pa 'di dag bka' stsal to zhes bya ba ni bkra shis pa'o//'jig rten na'am zhes bya ba ni stong gsum gyi stong chen po'i 'jig rten gyi khams lha dang mi la sogs par gyur pa'o/ /yang na 'das pa dang zhes bya ba ni sangs rgyas gang+gA'i klung gi bye ma snyed yin/ yang na bgrang ba las 'das pa'o//mtho ris dag na rin chen mchog yod pa/ /zhes bya ba ni mtho ris ni sangs rgyas kyi zhing khams te/ yang na sangs rgyas thob pa'o/ /de bzhin gshegs pa lha yi lhar gyur pa/ /mi yi mchog dang 'dir ni mtshungs pa med/ /ces bya ba ni rig sngags 'di'o/ /lam nas de bzhin gshegs pa'i ngo bo dang lha'i lhar gyur pa'i ngo bo nyid dang mi'i mchog kyang yang dag par 'gyur ba'o//de bas 'di ni rin chen mchog tu gsungs/ /zhes bya ba ni/ stong chen mo rab tu 'joms ma ste yang na dkon mchog gsum mo/ /gsung ba ni yang dag par rdzogs pa'i sangs rgyas kyis gsungs pa'o//bden pa zhes bya ba ni/ stong chen mo rab tu 'joms ma'o/ /de yis zhes bya ba ni gang zag go/ /'dir ni zhes bya ba ni/ sems can thams cad dang rig sngags sgrub pa'o/ /bde legs shog ces bya ba ni/ bkra shis par gyur cig pa'o/ / zad pa chags bral bdud rtsi 'dus ma byas/ /zhes bya ba ni 'dod pa'i yon tan lnga dang bral ba'o/ /yang na de kho na nyid kyi sgo nas ye shes bdud rtsi dang 'grogs pa'o/ /shes pas shAkya thub des rab tu phye/ /zhes bya ba ni rig sngags kyi rgyal mo stong chen mo rab tu 'joms ma ste yang dag par bstan pa'o//bdud rtsi zhi ba 'dus byas ma yin pa/ /zhes bya ba ni ye shes te/ de kho na nyid do/ /yang na ni 'gag pa'o/ /mtshungs pa gang yang med ces bya ba ni/ de'i sgo nas gang yang med pa'o/ /de bas 'di ni rin chen mchog tu gsungs/ /bden pa de yis 'dir ni bde legs shog /ces bya ba ni yid bzhin gyi nor bu rin po che bzhin du gang yang 'grub ste/ de yang dkon mchog gsum yin no/ /de'i bden pas bkra shis par gyur pa'o/ /mchog tu gang 'dod tshul bzhin rab bstan pa/ /zhes bya ba ni khyad par 'phags pa ste/dper na yid bzhin gyi nor bu lta bu'o/ /ston pa'i rnal 'byor bla med rtag bsgrub pa/ /zhes bya ba ni ston pa'i mtshan nyid ji lta bu zhe na/ nyon mongs bdud tshogs gcod byed cing / /ngan 'gro srid las skyob byed pa/ /ston pa'i ston pa rjod byed yin/ /rnal 'byor ni thabs shes rab kyi bdag nyid/bla na med pa ni gong na med pa'o/ /rdo rje lta bu'i mig gnyis lam mthong ba/ /zhes bya ba ni rgyu mtshan nyid kyi theg pa dang 'bras bu rdo rje'i theg pa'o/ /rgyu mtshan nyid kyi theg pa gang zhe na byang chub kyi phyogs kyi chos sum cu rtsa bdun lam du 'khyer ba'o/ /'bras bu rdo rje'i theg pa gang zhe na/sku gsung thugs ye shes lnga lam du 'khyer ba'o/ /ting 'dzin de dang mnyam pa yod ma yin/ /zhes bya ba ni de'i gong na khyad par gang yang med pa'o/ /de bas 'di ni rin chen mchog tu gsungs/ /bden pa de yis 'dir ni bde legs shog / ces bya ba ni stong chen mo rab tu 'joms ma rin chen gyi bden pa 'di 'chang ba thams cad bkra shis pa'o/ /gang zag ces bya ba ni 'khor ba nas yang nas yang du 'dzag pa'o/ /nyan thos 'gog pa yin te bye brag tu smra ba'i mtshan ma yin pa'o/ /chen po brgyad po rab bsngags shing zhes bya ba ni dgra bcom pa rnams yin te/'od srungs dang / 'od srungs chen po dang / ga ya 'od srungs dang / chu klung 'od srungs dang / cang shes kauN+Di n+ya dang / dga' byed dang / ka ta ya'i bu chen po dang / ba ku la dang brgyad do/ /gang zag zung bzhir brjod pa de dang ni phal chen pa dang thams cad smra ba dang gnas brtan pa dang /thams cad bkur ba dang bzhi yin no/ /'dul ba'i sgo nas gang zag mdzad pa'o/ /drang srong chen po gang zag mtshungs pa med/ /ces bya ba ni nga yin te 'khyil ba dang / 'khyil ba chen po dang / 'od srungs 'khyil ba dang /'od srungs chen po 'khyil ba dang / chu klung 'od srungs 'khyil ba dang / de dag ni drang srong gang zag go/ /de dag ni 'gog pa chen po ste/ de dag ni stong chen mo rab tu 'joms ma'i rig sngags kyi sgo nas so/ /bde bar gshegs pa zhes bya ba ni dang po ni bder gshegs bya ba la sogs pa'i tshig de la gcad bya bdun bcad de phyag gi yul du sgrub pa las bder gshegs ni/bcom ldan 'das yin pas so so'i skye bo mchod pa'i yul ma yin te 'khor ba la zhugs pa'i phyir dang / sangs rgyas ni 'khor ba las ldog pa'i phyir ro//bde bar gshegs pa'i sras ni mdzes par gshegs pa la sogs gsum la 'jug ste mdzes par gshegs pa ni ji ltar dbu ma'i theg pa mkhyen pas nyon mongs pa la sogs pa'i sgrib pa spangs pas spangs pa phun sum tshogs pa bstan/ yang na mdzes pa ni chos thams cad rang bzhin med pa'i de kho na nyid rtogs shing khong du chud pa ste/mkhyen pa phun sum tshogs pa'o/ /'dis ni mu stegs can gyi mkhyen pa rnams las khyad par bstan te/ de dag gi bdag tu lta ba la sogs pa'i mi ni pa rab tra ba spangs pas gshegs pa ste bdag tu lta ba la tshad mas gnod pa'i phyir dang 'khor ba la phyogs pa yin pa'i phyir don du spangs pa'i phyir mi ldog par gshegs pa ni skye ba len pa'i rgyu 'dod chags la sogs pa dang /nga rgyal gyi sa bon ma rig pa la sogs pa thams cad spangs pas na bder gshegs te 'di ni rgyun du zhugs pa dang lan cig phyir 'ong ba dang /dgra bcom pa dang rang rgyal ba rnams las khyad par du gyur par bstan te/ de dag ni mdzes par gyur pa'i rgyu thams cad spangs pa'i phyir dang phyir mi ldog pa'i phyir ro/ /ji srid du rtogs pa'i dbye ba khong du chud pas lus dang ngag dang yid kyi nyes pa bag chags skyon gyi mtshan nyid thams cad rang gis mkhyen cing /lam ston pa la rnam pa thams cad du mi gsal ba spangs pa'i phyir bde bar gshegs pa'o/ /sbyin pa'i gnas zhes gsungs zhes bya ba ni/ rgyu dang 'bras bu'o/ /rgyu ni dang po'i las can no/ /'bras bu ni gnyis su med pa'i ye shes yid la byed pa brjod du med pa'o//de la byin na 'bras bu cher 'gyur te/ /zhes bya ba ni stong chen mo rab tu 'joms ma'o/ /zhing rab gshin la zhes bya ba ni/ rig sngags kyi sgo nas zhing btab pa bzhin no/ /sa bon btab pa bzhin zhes bya ba ni dang po'i las can gyi 'bras bu'o/ / 'di na dge 'dun rin chen mchog tu gsungs/ /bden pa de yis 'dir ni bde legs shog /ces bya ba ni rig sngags 'di yang dgra bcom pa'i dge 'dun gyi rang bzhin grub pa dge 'dun dkon mchog gi bden pas bkra shis pa'o/ /gang dag brtan pa'i yid kyis rab brtson zhing //zhes bya ba ni dag pa'i rnam par dag pa'o/ /brtan pa ni mi 'gyur ba'o/ /yid ni rlom sems so/ /sems kyi rang bzhin ci zhe na/ gsal ba sems kyi sangs rgyas kyi ngo bo nyid de de ltar zab ste/ nam mkha' dang 'dra ste phyi mo nas gtsang na ci'i slad du/ sems can gyi mya ngan rnams kyis sems can gyi dri ma de ni thog ma gang las mchis pa de bshad par smon to//bka' stsal pa mya ngan thams cad ni phyin ci log las skyes so/ /phyin ci log thams cad ni mi bden pa'i sems las skyes so/ /mi bden pa'i sems can thams cad ni phyi mo las skyes so//phyi mo med pa thams cad ni mi gnas pa nyid yin no/ /phyi mo med na yod pa ma yin no/ /yod pa ni dri ma'o/ /med pa ni gtsang ma'o/ /gtsang ma de'i gnas dag kyang dag gtsang zhing pha rol tu phyin pa'o/ /de lta bu'i mthong ba zhes bya'o/ /gau ta ma'i bstan la 'jug byed pa/ / zhes bya ba ni gau ta ma ni bcom ldan 'das bstan pa ni dkon mchog gsum mo/ /dkon mchog gsum ni stong chen mo'o/ /stong chen mo ni chos so/ /chos ni ci'i phyir zhe na/ chos gang yang mi dmigs so/ /mi dmigs pa de nyid mi skye ba'i bzod pa thob pa zhes bya'o/ /de dag thob nas bdud rtsi 'jug thob ste//zhes bya ba ni/ de dag gi rig sngags so/ /bdud rtsi ni ye shes so/ /ye shes de kho na nyid kyi ngo bo'o/ /mun pa bsal nas mya ngan 'das thob pa/ /zhes bya ba ni mun pa ni nyon mongs pa'o/ /bsal ba ni ma rig pa'o/ /mya ngan las 'das pa thob pa zhes bya ba ni mya ngan las 'das pa 'gags na bde na 'khor ba med do//de bas dge 'dun rin chen mchog tu gsungs/ /bden pa de yis 'dir ni bde legs shog /ces bya ba ni rig sngags 'dis kyang mnyam pa nyid du lta ba byang chub sems dpa'i dge 'dun 'grub ste/rin chen de'i bden pas bde bar gnas pa'o/ /lta ba 'di la sbyar ma thag tu ni/ /zhes bya ba ni lta ba ni mu stegs kyi lta ba sum brgya drug cu tham pa'o/ /gnyis su 'dus pa'o/ /yang dag par lta ba ni sangs rgyas kyi lta ba'o/ /'jig tshogs lta dang ni zhes bya ba ni/'jig pa dang ni chad par lta ba dang / rtag par lta ba'o/ /tshul khrims brtul zhugs dang zhes bya ba ni nyan thos so/ /the tshom ni rtog pa'o/ /rtog pa ni ma rig pa'o/ /nyon mongs gsum po dag ces bya ba ni/ 'dod chags la sogs pa'o/ cig car spangs te zhes bya ba ni/ gti mug zhe sdang 'dod chags so/ 'phags pa'i bden mthong ba zhes bya ba ni bden pa bzhi pa'o/ /sdug bsngal/ kun 'byung / 'gog pa/ lam mo/ /des na dge 'dun rin chen mchog tu gsungs/ /bden pa de yis 'dir ni bde legs shog / ces bya ba ni stong chen mo rab tu 'joms ma 'di yang / byang chub sems dpa' dang nyon thos kyi dge 'dun rnams skyed pa'i yum yin te/ de dkon mchog de'i bden pas bkra shis par 'gyur ba'o/ /lus sam ngag gam de bzhin yid kyis kyang / /zhes bya ba ni lus la ni gsum ngag la ni bzhi yid la ni gsum mo//sdig pa rnam gsum nam yang mi byed la/ /zhes bya ba ni mi dge ba bcu spangs pa'o/ /glo bur byas na'ang 'chab par mi byed cing / /zhes bya ba ni bshags par byed pa'o/ /de ltar de dag lta bas 'dzin mi byed/ /ces bya ba ni sdig pa dang bral ba'o/ / de bas dge 'dun rin chen mchog tu gsungs/ /bden pa de yis 'dir ni bde legs shog /ces bya ba ni rig sngags 'di yang dkon mchog gsum gyi ngo bo grub pa/ rin chen de'i bden pas bde bar gyur pa'o/ /ji ltar dbang po'i sdod po sar btsugs pa/ /phyogs bzhi'i rlung rnams kyis ni ma g.yos ltar//zhes bya ba ni 'dod pa'i yon tan lnga'i ngo bos mi tshugs shing glo bur gyi skyon gyis ma gos pa'o/ /'phags pa'i lam gyi dam pa mthong ba yi/ /gang zag 'phags pa'i dge 'dun de bzhin no/ /zhes bya ba ni kun 'byung ba shes pa'o/ /sdug bsngal phung po lnga'i sdug bsngal spangs pa'o//'gog pa ni sngon du snang ba'o/ /lam ni stong pa nyid du snang ba'o/ /de bzhin du sems can rnams las 'phags pa'i phyir na 'phags pa'i dge 'dun du snang ba'o/ /des na dge 'dun rin chen mchog tu gsungs/ /bden pa de yis 'dir ni bde legs shog //ces bya ba ni stong chen mo rab tu 'joms ma 'dis kyang rin chen de rnams 'grub cing ldan pa ste de'i bden pas bkra shis par gyur pa'o/ /shes rab zab mo shin tu bstan pa yi/ /zhes bya ba ni shes rab ni rig pa'o/ /rig pa ni stong pa nyid do/ /stong pa nyid ni stong chen mo rab tu 'joms ma'o//stong chen mo ni chos kyi sku'o/ /chos sku ni nam mkha'o/ /'phags pa'i bden pa su dag rnam bsgoms shing / /zhes bya ba ni sdug bsngal ni phung po lnga'i rang bzhin te zhes bya'o/ /kun 'byung ni rnam par rtog pa dang bral ba'o/ /'gog pa ni lhag mthong ste/ sngon du bya'o/ /lam ni stong pa nyid du bsgoms pa'o/ /lus kyang sbyin par yid la byas pa ni lus ni thabs so/ /yid ni shes rab bo/ /thabs dang shes rab zung du 'brel pa'o/ /thabs med pas zin pa'i shes rab bcing ba gang zhe na 'di ltar stong pa nyid dang mtshan ma med pa dang /smon pa med pa la des par rtogs shing mtshan dang / dpe byad bzang po dang sangs rgyas kyi zhing gi rgyan dang sems can yongs su smin par bya ba la nges par mi rtog pa 'di ni thabs med pas zin pa'i shes rab ste/ bcings pa'o/ /thabs kyis zin pa'i shes rab grol ba gang zhe na/'di lta ste mtshan dang / dpe byad bzang po dang / sangs rgyas kyi zhing gi rgyan dang / sems can yongs su smin par bya ba la sems nges par rtogs shing / stong pa nyid dang mtshan ma med pa dang / smon pa med pa yang 'dris par byed la/ /yongs su mi skyo ba de ni thabs kyis zin pa'i shes rab ste grol ba zhes bya'o//de dag ni stong chen mo rab tu 'joms ma'o/ /'jigs pa brgyad dang phrad mi 'gyur/ /zhes bya ba ni 'jigs pa ni seng ge dang glang po che dang / me dang / sbrul dang / btson du bzung ba dang / chu dang / rkun po dang / yi dags dang ni brgyad do/ /phrad mi 'gyur ni rig sngags kyis byin gyis brlabs pa'o//des na dge 'dun rin chen mchog tu gsungs/ /bden pa de yis 'dir ni bde legs shog /ces bya ba ni rig sngags 'dis kyang dkon mchog gsum 'grub cing / stong pa nyid du snang ba ste rin chen de'i bden pas bde legs su gyur ba'o//ji ltar me ni rlung gis rab gtor bas/ /zhes bya ba ni mi dmigs pa'o/ /lag tu blangs te bgrang du med pa nyid/ /ces bya ba ni stong pa nyid do/ /stong pa nyid ni mtshan nyid ci zhe na/ brjod du yod de dngos po med pa'o/ /yang na stong pa nyid la rdzu 'phrul byung ngo / /gang zhe na nam mkha' la rlung la sogs pa 'byung ba bzhin du'o//de ltar kun tu sbyor ba rab btang ba zhes bya ba ni kun rdzob dang don dam pa'o/ /kun rdzob ni thabs kyi ngo bo'o/ /don dam pa ni shes rab kyi ngo bo'o/ /de bzhin du thabs dang shes rab sbyor ba'o/ /sangs rgyas sras rnams bstan du med par 'gro//zhes bya ba ni dper na yid bzhin nor bu'i rgyal po ni ji ltar/ yid la bsam pa rdzogs byed pa/ /de bzhin sangs rgyas chos nyid kyang / /rtag tu smon lam rdzogs par grub/ /mtha' dang dbus med 'jig rten 'dir/ /'jig rten pa ni 'dres par 'gyur/ / de yi smon lam de dag gis/ /phyogs bcu'i de dag rgyal ba gang / /yang na/ ji ltar zla ba shar 'gyur ba/ /tshad med pa yi gzugs brnyan rnams/ /chu yi snod du snang 'gyur kyang / /zla ba gnyis su 'gyur ba med/ /de bzhin chags med mkhyen ldan rnams/ /chags med rnam par sangs rgyas pa//zhing rnams kun nas rab tu snang / /sangs rgyas la ni gnyis kyang med/ /ces gsungs so/ /des na dge 'dun rin chen mchog tu gsungs/ /bden pa de yis 'dir ni bde legs shog /ces bya ba ni 'phags pa dgra bcom pa'i rang bzhin yang rig sngags 'di yis grub ste/dkon mchog de'i bden pas bkra shis par gyur pa'o/ /sems can gang dag 'gro dang mi 'gro ba/ /zhes bya ba ni sems can ni 'gro ba rigs drug tsam mo/ /bems po la sogs pa 'gyur ba rnams so/ /de dag thams cad 'dir ni bde gyur cig /ces bya ba ni de dag ni sems can no//'dir ni stong chen mo'i byin rlabs so/ /bde gyur cig ni sems can thams cad do/ /ston mchog lha dang mis ni mchod 'os pa/ /sangs rgyas phyag 'tshal deng 'dir bde legs shog /ces bya ba ni stong pa nyid kyi rang bzhin sangs rgyas rnams kyi zhal nas byung ba stong chen mo rab tu 'joms ma'i ngo bo//sems can rnams kyis mchod par 'os pa'o/ /sems can gang dag 'gro dang mi 'gro ba/ /de dag thams cad 'dir ni bde gyur cig /ces bya ba ni 'gro ba rigs drug gi sems can rnams rin chen chos kyi bden pas bde legs su gyur pa'o//zhi ba chags bral lha mis mchod 'os pa/ /chos la phyag 'tshal deng 'dir bde legs shog /ces bya ba ni 'gro ba rigs drug gi sems can rnams sdug bsngal dang bral bar byed pa 'dod pa'i yon tan lnga spangs pa/ dmigs pa med pa'i chos la phyag 'tshal ba'o/ / sems can gang dag 'gro dang mi 'gro ba/ /de dag thams cad 'dir ni bde gyur cig /ces bya ba ni 'phags pa'i bden pa bzhis sems can gyi don byed pa rnams de'i bden pas 'gro ba rigs drug zhi bar 'gyur ba/ dkon mchog bden pa de'i bkra shis pa'o/ /tshogs kyi dam pa zhes bya ba ni 'bras bu dang rgyu'o//lha mis mchod 'os pa/ zhes bya ba ni 'jig rten pa thams cad kyis mchod pa'o/ /dge 'dun phyag 'tshal deng 'dir bde legs shog /ces bya ba ni mi dge ba spangs pas dge ba dang du blangs pa bden pa bzhi'i sgo nas spyod pa rnams la phyag 'tshal ba'o//'byung po gang dag 'dir ni lhags gyur te/ /sa 'am 'on te bar snang 'khod pa dag /ces bya ba ni glo bur gyi nyon mongs pa lnga'i ngo bo las gyur pa/ de dag 'byung po'i tshogs rnams so/ /skye dgu rnams la rtag tu byams byed shog /nyin dang mtshan du chos kyang spyod gyur cig /ces bya ba ni rig sngags 'di'i bden pas byams pas khyab nas chos kyi dam pa dar ba smon lam btab pa'o/ /'di na rgyal ba dgra rgyal bden gang gis/ /shin tu bden pa gsungs shing brdzun med pa/ /zhes bya ba ni sangs rgyas rnams kyi bka' dang rig sngags kyi bden pas the tshom med pa'o//bden pa de yis 'dir ni bde legs shog /ces bya ba ni dkon mchog gsum gyi bden pas/ 'jigs pa dang nad rnams dang bral zhing / bkra shis dang bde legs su gyur pa'o/ /de kun 'jigs pa che las thar gyur cig /ces bya ba ni stong chen mo rab tu 'joms ma ste rang bzhin ni smig rgyu dang 'dra ste ngo bo nyid ni rigs lnga'i sangs rgyas so/ /mtshon bya ni mnyam pa nyid kyi ye shes so/ /mtshon pa ni stong chen mo rab tu 'joms pa'o/ /rigs ni rdo rje'i rigs kyi rin po che'i rigs so/ /de'i phyag mtshan dang sku mdog ni ser mo zhal gsum pa phyag drug pa/g.yas mthing ga g.yon dmar ba spyan gsum pa dbu la rigs lnga'i dbu rgyan can g.yas pa gsum na rin po che dang ral gri dang mnga'o/ /g.yon pa gsum na rdo rje dang zhags pa dang gzhu'o/ /zhabs rdo rje skyil krung du bzhugs pa/pad+ma'i steng du nyi ma'i gdan dang bcas pa bzhugs pa nyi ma'i 'od dang bcas pa tshor ba'i phung po stong chen mo rab tu 'joms ma'o/ /rig sngags ni/ s+yA da ye the dan/ 'di lta ste/ sngags ni d+hi ri d+hi d+hi re zhes bya ba'o/ /tshangs pa zhes bya ba ni/ yang dag par rdzogs pa'i sangs rgyas kyis bka' stsal pa'o//rig sngags ni stong pa nyid do/ /rgyal mo ni 'jig rten la dbang ba'i phyir ro/ /stong chen mo rab tu 'joms ma zhes bya ba ni/ /yid bzhin gyi nor bu 'dra ba ste/ sdug bsngal thams cad 'joms pa'o/ /gdon thams cad las thar bar byed pa 'di ni zhes bya ba ni/'khor ba las thar pa'o/ /sangs rgyas ni sdug bsngal dang bral ba'o/ /phyag rgya'o zhes bya ba ni stong chen mo/ /de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed kyi sangs rgyas kyi phyag rgya'o zhes bya ba ni stong chen mo rab tu 'joms ma 'di yang /tshad med pa bzhi'i phyag rgya'i rgyas btab nas/ 'das pa dang ma 'ongs pa dang ltar byung ba rnams kyi phyag rgya'i rgyas btab pa'o/ /sangs rgyas kyi gnas so zhes bya ba ni stong pa nyid kyi rang bzhin no/ /chos kyi gnas so zhes bya ba ni thabs dang shes rab gnyis su med par 'byung ba'o//dge 'dun gyi gnas so zhes bya ba ni/ mi dge bar mi gnas la/ tshogs sogs pa'i dam pa'o/ /tshangs pa'i gnas zhes bya ba ni/ 'di la gnas shing tshangs par spyod pa'o/ /dbang po'i gnas so zhes bya ba ni/ 'di la brten cing 'dod pa'i yon tan lnga la longs spyod pa'o//'jig rten skyong ba'i gnas so zhes bya ba ni/ 'dis skyed cing phyogs skyong bcu la dbang po'o/ /dbang phyug gi gnas so zhes bya ba ni/ 'di la brten nas dbang mdzad pa'o/ /drang srong chen po'i gnas so zhes bya ba ni/ 'di'i bden pa la brten nas dmod mo 'byung ba'o//'byung po'i gnas so zhes bya ba ni/ 'byung ba lnga'i rang bzhin du 'di las 'byung ba'o/ mig gi gnas so zhes bya ba ni/ sna tshogs kyi lta ba yang der gnas pa'o/ /rgyu'i gnas so zhes bya ba ni 'byung ba bzhi'i rang bzhin no/ /phyogs kyi gnas so zhes bya ba ni/nam mkha' bzhin du phyogs bcur thug pa med pa'o/ /bstan pa'i gnas so zhes bya ba ni/ mi dge ba mi byed cing / sems can gyi don byed pa/ sbyin pa dang tshul khrims dang de rnams mdzad pa'o/ /sangs rgyas kyis mngon par rdzogs par sangs rgyas pa'o zhes bya ba ni//rgyu dang 'bras bu'i sgo nas rdzogs te stong chen mo rab tu 'joms ma'i ngo bo nyid do/ /nyan thos rnams kyis ni reg pa'o zhes bya ba ni/ bye brag pa zhes bya ba yin te/ stong chen mo rab tu 'joms ma'i sgo nas/ tshangs pas byin gyis brlabs pa'o zhes bya ba ni/ tshangs pa'i ting nge 'dzin ni/ rlung sgom pa'o/ /de yang rig sngags kyi sgo nas/ dbang pos rab tu bsngags pa'o zhes bya ba ni bsngags pa ni bsrung ba dang skyob pa'o/ /de yang ni rig sngags kyi sgo nas so/ /'jig rten skyong ba rnams kyis mchod pa'o zhes bya ba ni/ 'jig rten skyod ba ni/brgya byin la sogs pa yin te/ de dag kyang rig sngags kyi rgyal mo mchod pa'o/ /dbang phyug gis phyag byas pa'o zhes bya ba ni/ dbang phyug chen po ni mu stegs kyi lta ba mthar thug pa yin te/ de dag kyang rig sngags kyi rgyal mo chen mo la phyag 'tshal lo/ /lha rnams kyis kun du mchod pa'o zhes bya ba ni/'dod pa'i khams dang / gzugs kyi khams dang / gzugs med pa'i khams dang gsum mo/ /de dag kyang rig sngags kyi rgyal mo la mchod pa'o/ /rnal 'byor spyod pa rnams kyis bsngags pa'o zhes bya ba ni/ rnam pa dang bcas pa dang rnam pa med pa'o//de la rnam pa dang bcas pa'i ye shes smra ba ni/ drug gis cig car sbyar bas na/ /phra rab rdul cha drug tu 'gyur/ /zhes bya ba la sogs pa'o/ /rig pas kyang phra rab kyang dmigs par mi 'gyur gyi 'di dag thams cad ni sems tsam ste/ sems nyid gzung ba dang 'dzin pa'i ngo bo dang bral ba'o/ /rnam pa med par smra ba'i bsam gtan ni/ bden pa gnyis su med pa/ bsam gyis mi khyab pa snang ba med pa'i ye shes mngon sum du byed pa'o/ /de yang de'i ngo bo gsal bar 'dod/ /rnam pa med cing ma gos pa/ /de ni mkhas pa ma yin pas//nam yang shes par mi 'gyur ro/ /'di dag thams cad sems tsam zhes/ /de snyam du ni dmigs nas su/ /ci yang rung ste mdun 'jog na/ /de nyid tsam la mi gnas so/ /gang tshe shes pa dmigs pa rnams/ /nye bar de la dmigs pa'i tshe/ sems tsam la ni gnas pa ste/ /gzung ba med pas de 'dzin med/ /ces bstan pas so/ /de bzhin du rig sngags kyi rgyal mo'i sgo nas spyod pa'o/ /mkhas pa rnams mngon par dga' bar gyur pa'o zhes bya ba ni mkhas pa ni paN+Di ta la sogs pa ste/ rig pa'i gnas lnga la mkhas pa'o//rig pa'i gnas lnga gang zhe na/ lha snyan rig pa spyad dang sman dang ni/ /bzo dang sgra dang lnga yin zhes/ /de dag kyang stong chen mo rab tu 'joms ma la spyod pa'o/ /drang srong rnams kyis rab tu bsngags pa'o zhes bya ba ni/ drang srong ni ting nge 'dzin la gnas pa ste de dag kyang rig sngags kyi sgo nas gnas pa'o//tshangs pa rnams kyis rab tu brgyan pa'o zhes bya ba ni/ tshangs pa ni mi mjed kyi bdag po la sogs pa ste/ de dag kyang rig sngags kyi sgo nas gnas pa'o/ /lha rnams kyis mngon par bstod pa'o zhes bya ba ni/ lha rnams kyis mngon pa ni rang gi gnas nas mar la mthong ste/de dag kyang rig sngags kyi sgo nas mthong pa'o/ /khrus byed pa rnams kyis bsams pa'o zhes bya ba ni/ khrus byed pa ni mu stegs kyi rigs yin te/ yang na ni gtsang sbra la brten te/ kri ya la gnas pa'o/ /de dag kyang rig sngags kyi sgo nas khrus byed pa'o//rigs bzhi'i 'jig rten gyis dga' bar byas pa'o zhes bya ba ni/ /rigs bzhi ni bram ze dang / rgyal po dang / rje'i dang / dmangs rigs dang bzhi yin te/ yang na bram ze'i bram ze'o/ /rgyal po'i rgyal po'o/ /rje'u'i rje'u'o/ /dmangs rigs kyi dmangs rigs so/ / dmangs rigs kyi gdol pa ni grangs kyis mi chod do/ /de dag kyang rig sngags kyi sgo nas so/ /sangs rgyas kyi spyod yul bya ba ni sangs rgyas kyi spyod yul ni dbu ma'i lam yin te/ chos kyi sku ni ting nge 'dzin rnam par mi rtog pa de ni dbu ma'i lam mo/ /de nas sangs rgyas kyi spyod yul lo//de dag kyang rig sngags kyi sgo nas spyod yul du byas pa'o/ /rang sangs rgyas rnams kyi skyed mos tshal lo zhes bya ba ni/ sangs rgyas rnams ni rang byung ye shes te chos ni lus kyis bstan pa'o/ /de dag kyang rig sngags kyi sgo nas 'tshal lo/ /drang srong rnams kyi gnas so zhes bya ba ni/drang srong ni sems mi dmigs pa sgom pa ste/ de dag kyang rig sngags kyi sgo nas byas pa'o/ /nyan thos rnams kyis mya ngan las 'das pa'o zhes bya ba ni/ nyan thos ni rtag pa dang mi rtag pa bsgoms pas sngon du rtag pa 'gro ba ni/ ting nge 'dzin gyi dri mas te de dag ni rig sngags kyi sgo nas mya ngan las 'das pa'o//rnal 'byor spyod pa rnams kyi gnas so zhes bya ba ni rnal 'byor ni thabs dang shes rab bo/ /spyod pa ni thabs dang shes rab kyi sgo nas spyod pa'o/ /de dag kyang rig sngags kyi sgo nas spyod pa'o/ /byang chub kyi phyogs kyi chos rnams kyi 'byung gnas so zhes bya ba ni/byang chub kyi phyogs ni sum cu rtsa bdun no/ /de lam du 'khyer ba ste/ de dag kyang rig sngags kyi sgo nas 'byung gnas so/ /nyon mongs pa rnams 'joms pa'o zhes bya ba ni/ nyon mongs pa rnams ni bzhi'i sgo nas gnas so//de dag kyang rig sngags kyi sgo nas 'joms pa'o/ /bag la nyal gyi zug rngu rnams 'byin pa'o zhes bya ba ni/ bag la nyal ba ni gcer bu ba ste/ de dag kyang rig sngags kyi sgo nas sun 'byin pa'o/ /'phags pa'i lam kun du ston pa'o zhes bya ba ni 'phags pa'i kun du ni lam bzhi ste de dag kyang rig sngags kyi sgo ston pa'o//thar pa'i sgo rnams 'byed pa'o zhes bya ba ni/ thar pa ni 'khor ba nas thar bas te/ de dag ni rig sngags kyi sgo nas so/ /'jig tshogs la lta ba rnams 'jig par byed pa'o zhes bya ba ni 'jig tshogs ni phrag dog ste/ phrag dog 'joms ma ni rig sngags kyi rgyal mo'o/ /nga rgyal gyi ri rab tu bsnyil bar byed pa'o zhes bya ba ni/ nga rgyal ni ma rig pa ste ri ni rab tu chen po ste/ de dag kyang rig sngags kyi sgo nas bsnyil bar byed pa'o/ /'khor ba'i rgya mtsho skems par byed pa'o zhes bya ba ni rgya mtsho ni rgya che ba gting ring ba ste/de dag kyang rig sngags kyi sgo nas skems pa'o/ /'khor ba'i rgya mtshor ltung ba'i sems can rnams sgrol ba'o zhes bya ba ni rgya mtsho ni gting ring grangs mi chod pa'o/ /de dag kyang rig sngags kyi sgo nas sems can sgrol ba'o/ /bdud kyi zhags pa gcod pa'o zhes bya ba ni/bdud bzhi'i zhags pa ni phyin ci log pa'o/ /de dag kyang rig sngags kyis gcod pa'o/ /bdud kyi 'khor skrag par byed pa'o zhes bya ba ni/ bdud ni lha'i bdud la sogs pa'o/ /de dag kyang rig sngags kyi sgo nas skrag pa'o/ /bdud kyi mchil ma 'dor ba'o zhes bya ba ni bdud ni dga' rab dbang phyug la sogs pa ste de dag kyang rig sngags kyis bcom mo//nyon mongs pa'i g.yul las sgrol ba'o zhes bya ba ni/ nyon mongs pa ni ma rig pa la sogs pa ste de dag kyang rig sngags kyi sgo nas sgrol ba'o/ /mya ngan las 'das pa'i grong khyer du 'jug par byed pa'o zhes bya ba ni mya ngan las 'das pa ni sangs rgyas kyi yul lo//rig sngags kyi sgo nas 'khrid pa'o/ /'khor ba'i khyim nas 'byung bar byed pa'o zhes bya ba ni 'khor ba'i khyim ni ma rig pa'o/ /'byung ba ni rig pa'o/ /rig pa ni dge ba'o/ /dge ba ni grol ba'o/ /grol bar byed pa ni stong chen mo rab tu 'joms ma'o//stong chen mo rab tu 'joms ma 'di gang zhe na/ rang bzhin ni chu'i chu bur lta bu'o/ /mtshon bya ni so sor rtog pa'i ye shes so/ /rigs ni rdo rje dang pad+ma'i rigs so/ /mtshon pa ni rig sngags kyi rgyal mo stong chen mo rab tu 'joms ma'o/ /ngo bo nyid ni rigs lnga'i sangs rgyas kyi ngo bo nyid do//de'i phyag mtshan dang sku mdog ni gang zhe na/ zhal gsum phyag drug sku mdog dmar mo/ /g.yas dkar g.yon mthing ga /rigs lnga'i dbu rgyan can/ spyan gsum pa/ phyag g.yas na pad+ma dang ral gri g.yon na rin po che'i steng na rdo rje dang rtse gsum mo//'og ma gnyis mnyam gzhag mdzad de/ phyag gi steng na bum pa'o/ /rgyan thams cad rin po ches brgyan pa'o/ /zhabs rdo rje skyil krung du bzhugs pa/ pad+ma'i steng na zla ba'i gdan dang bcas pa/ nyi ma'i 'od la 'du shes kyi phung po ste/ rig sngags gang zhe na/s+yAd ya the ngan/ 'di lta ste/ sngags ni khang+ga nir g+ho She zhes bya'o/ /rig sngags zhes bya ba ni stong pa nyid do/ /stong chen mo rab tu 'joms ma zhes bya ba ni rig sngags kyi rgyal mo gdon thams cad las thar bar byed pa ni zhes bya ba ni thun mong dang thun mong ma yin pa'i don grub pa/chos kyi bdud rtsi nyams myong dran pa med pa/ bdud bzhi 'joms pa/ stong pa nyid kyi rang bzhin srung ba dang skyob bar byed pa/ 'jig rten khams la dbang byed pa/ glo bur gyi 'byung po rnams 'joms pa'o/ /mdo sde 'di de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed rnams kyi zhes bya ba ni/sangs rgyas kyi zhal nas zhal du gsungs par sangs rgyas kyi rgyud rgyun mi 'chad pa'o/ /bka' yang dag par snang ba phyag rgya bzhi'i rgyan phyin ci ma log pa'o/ /'dis ni lha dang mi dang lha ma yin du bcas pa'i 'jig rten phyag rgyas btab ste zhes bya ba ni/nam mkha' bzhin du khyab nas/ 'jig rten khams la rig sngags kyi phyag rgyas btab pa'o/ /sangs rgyas zhes bya ba ni gnyis su med do/ /phyag rgya zhes bya ba ni de nyid kyi phyag rgya'o/ /phyag rgyas btab ste zhes bya ba ni/rig sngags kyis btab pa'o/ /mya ngan las 'das pa'i grong khyer bla na med par zhugs so zhes bya ba ni mya ngan las 'das pa zhes bya ba ni sangs rgyas so/ /grong ni zhing khams so/ /bla na med pa ni gong na med pa'o/ /de'i don gyi phyir mngon par sangs rgyas pa'i yang dag par rdzogs pa'i sangs rgyas dang zhes bya ba ni stong chen mo rab tu 'joms ma'i lam nas sa bcu rab tu thob ste de bzhin du pha rol tu phyin pa bcu thob nas/sa bcu gcig pa yang dag par rdzogs pa'i sangs rgyas kyi sa thob pa'o/ /rang sangs rgyas dang nyan thos thams cad kyis yang dag par rdzogs pa'i sangs rgyas rnams zhes bya ba ni zhi gnas dang lhag mthong gnas pa rnams dang /bdag mi rtag pa'i rang bzhin bye brag pa rnams dang / dmigs pa med pas 'jig rten gyi khams lta ba rnams la lta ba rnams so/ / rang sangs rgyas rnams dang nyan thos rnams dang / pha ma rnams dang / sbyin gnas dang zhes bya ba ni/ rig sngags kyi rgyal mo 'di la de rnams kyis kyang mchod par 'os pa gzhi nas gnas pa'o/ /bla ma lta bu rnams la bsnyen bkur to zhes bya ba ni/ gong nas gong ngo / /tshangs par spyod pa spyad ces bya ba ni stong chen mo'i sgo nas sbyong ba'o//tshul khrims bsrungs so/ /sbyin pa sbyin no zhes bya ba ni/ /'dzem pa med par sbyin pa byin/ /tshul khrims mchog kyang shin tu bsrungs/ /bdag lung mgon gyis ma bstan te/ /bdag la 'du shes med 'gyur tshe/ /sbyin pa'i 'du shes ma lus par//rnam par rtog pa kun spangs nas/ /de ni byang chub lung bstan to/ /sbyin pas su ni longs spyod bshad/ /tshul khrims kyis ni mtho ris bsgrub/ /gang na cung zad mi rnyed pa/ /de ni byang chub bla med do/ /dmigs par gnas pa'i sbyin pa rnams/ / mkhas pas ma yin rtog med do/ /de la theg pa chen por mi dmigs par/ /tshul khrims gcig pa'i dbu ma'o/ /zhes bstan pa'o/ /snying rje'i pha rol tu phyin pa yongs su bskangs so zhes bya ba ni snying rje ni tshad med pa bzhi'o/ /de bzhin du pha rol tu phyin pa lnga'o/ /shes rab kyi pha rol tu phyin pas yongs su zin pa/thams cad mkhyen pa'i ye shes yongs su dngos po rnams la yang khyad par ram/ bye brag gang yang mi dmigs so/ /yang sems dang po bskyed pa nas nye bar bzung ste/ shes rab kyi pha rol tu phyin pa dang thabs mkhas pas bla na ma mchis pa'i byang chub ni the tshom ma mchis so//ci'i slad du zhe na/ chos gang yang mi dmigs so/ /mi dmigs pa de nyid ma skyes pa'i bzod pa thob pa zhes bya'o/ /yang shes rab kyi pha rol tu phyin pa la spyod pa'i tshe/ sbyin pa dang sbyin pa'i bdag po dang / len pa yang mi dmigs na/ de'i tshe byang chub kyi lam thob par 'gyur ro/ /yang chos thams cad la rab tu rtogs na chos gang la yang rnam par rgyu ba med pa de ni byang chub sems dpa'i shes rab kyi pha rol tu phyin pa'o/ /de dag bstan pa'o/ /byang chub thob par bsgrubs so zhes bya ba ni/ ci'i phyir zhe na/ bla na med pa'i byang chub kyi rgyu gang las byung bka' stsal ba ma yin no//byang chub ni rgyu ni rkyen las ma yin no/ /de ci'i phyir zhe na ma skyes pa dang ngo bo nyid med pa ni/ rgyu dang rkyen las byung ba ma yin no/ /de ci'i phyir zhe na/ chos thams cad ma skyes pa'i phyir ro/ /bdud pham par byas so zhes bya ba ni ci'i phyir zhe na/bdud ni bzhi yin te/ nyon mongs pa'i bdud dang / phung po'i bdud dang / 'chi bdag gi bdud dang / lha'i bu'i bdud dang / de dag bcom pas na pham pa zhes bya'o/ /de nas zhes bya ba ni/ tshangs pa la sogs pa'i don to/ /mi mjed kyi bdag po tshangs pa la sogs pa zhes bya ba ni/rig sngags kyi rgyal mo la 'jig rten gyi lha rnams kyis ngo mtshar du che bas ngag gcig tu smra ba'o/ /kye ma'o rig sngags rigs sngags che/ /zhes bya ba ni stong pa nyid chen po'o/ /stong chen mo rab tu 'joms ma zhes bya ba ni ma rungs pa thams cad 'joms pa'o//sangs rgyas phyag rgya de yis ni/ /zhes bya ba ni mtshan sum cu rtsa gnyis dang dpe byad bzang po brgyad cu la sogs pas/ rgyas btab pa'o/ /phyogs bzhi'i sems can thams cad srung / /zhes bya ba ni phyogs bzhi'i sems can gyi gling bzhi'o/ /yang na ni phyogs bcu'i 'jig rten gyi khams la sogs pa'o//phyag rgya gang zhig btab gyur na/ /zhes bya ba ni gdon pa dang bzlas pa byed pa dang rjes su yi rang ba dang yid la byed pa dang bsgom pa dang bshad pa la phyag 'tshal ba dang / rig sngags kyi khyim du bzhugs pa dang cho ga byed pa dang mtshams gcod pa la sogs pa bya ba'o//dbang po thams cad skrag bgyid pa/ /zhes bya ba ni ngan byed 'byung po la sogs pa skrag pa'o/ /stong chen mo rab tu 'joms ma'i mdo sde zhes bya ba ni nad thams cad 'joms pa'o/ /phyag rgya ni rig sngags so/ /bdag cag ni tshangs pa la sogs pa'o/stsal bar bgyi zhes bya ba ni chad pas gcod pa'o/ /mi gang rab tu sdang ba dang / /zhes bya ba ni dam pa las 'das pa'o/ /bstan pa 'di la ma dad pa/ /zhes bya ba ni mu stegs kyi rigs yin te yang na bstan pa 'jig pa'o/ /de dag tshangs pas sprul pa yi//zhes bya ba ni nad rnams thams cad 'byung ste gshin rje'i 'khor gyis 'tshed par 'gyur ro/ /rig sngags chad pas gcad par bgyi/ /zhes bya ba ni bdud kyi zhags pas bcings nas khrid pa'o/ /brgya byin gyis ni spyi bos blangs/ /zhes bya ba ni lha dang lha ma yin gyis kyang khas blangs pa'o//'jig rten skyong bas rgyas btab po/ /zhes bya ba ni rdo rje slob dpon la dam tshig nyams pa dang / sangs rgyas chos dang dge 'dun gsum gyi bstan pa 'jig pa dang / rig sngags la ma dad pa 'jig rten skyong ba rnams kyis rgyas btab pa'o/ /rig sngags ni gang zhe na rang bzhin ni chu shing lta bu ste mtshon bya ni bya ba nan tan gyi ye shes so//mtshon pa ni rig sngags kyi rgyal mo stong chen mo rab tu 'joms ma ste/ rigs ni las kyi rigs so/ /ngo bo nyid ni rigs lnga'i ngo bo nyid do/ /rgyas btab pa ni don yod grub pas rgyas btab pa'o/ /de'i phyag mtshan dang sku mdog ni ci zhe na/zhal gsum phyag drug sku mdog ljang gu /zhal g.yas dkar ba g.yon dmar ba/ dbu skra ser po gyen du 'bar ba/ spyan gsum pa dbu la thod pa lngas brgyan pa/ zhal gdangs pa/ mche ba gtsigs pa phyag g.yas na ral gri dang rdo rje dang / lcags kyu'o//g.yon pa na sdigs mdzub dang zhags pa dang / rdo rje rgya gram dang skyabs sbyin no/ /rgyan thams cad sbrul dang rin po che las byas pa nyi ma'i 'khor lo'i steng na bdud bzhi zhabs kyis mnan pa/ nyi ma'i 'od dang bcas pa 'du byed kyi phung po khro gnyer dang ldan pa las thams cad grub pa/ rdo rje rigs kyi las kyi rigs so/ /rig sngags kyi rgyal mo stong chen mo rab tu 'joms ma de bzhin no/ /rig sngags ni/ s+yAd ya the dan 'di lta ste/ sngags ni ka ling ge la sogs pa'o/ /de dag ni grong khyer yangs pa can gyi mun pa sel ba'i cho ga'i gnas skabs te lnga pa'o// // rig sngags kyi rgyal mo stong chen mo rab tu 'joms ma zhes bya ba 'di bshad pa'i tshe zhes bya ba ni/ bcom ldan 'das kyi zhal nas gsungs pa'o/ /stong gsum gyi stong chen po'i 'jig rten gyi khams 'di rnam pa drug tu g.yos so zhes bya ba ni stong gsum gyi stong chen po'i 'jig rten gyi khams na yod pa'i sems can dmyal ba ni 'di'i sgo nas thon no//de bzhin du byol song dang / yi dags la sogs pa yin te/ yang na gnod byed dang / 'byung po dang / bdud rnams la yang skrag par byed gsod par byed/ gnod par byed pa dang / rig sngags kyi chad pas mgo bo dum bu dum bur byas pa'o//dper na ardza ka'i dog pa bzhin no/ /rnam pa drug tu g.yos ji bzhin du g.yos she na/ sa chen po ni rnam pa drug tu g.yos/ rab tu g.yos kun du rab tu g.yos so/ /'gul rab tu 'gul kun du rab tu 'gul/ ldeg ldeg rab tu ldeg /kun du rab tu ldeg go/ /chem chem rab tu chem chem kun du rab tu chem chem/ 'ur 'ur rab tu 'ur 'ur kun du rab tu 'ur 'ur/ shig shig rab tu shig shig kun du rab tu shig shig go/ /ltas chen po bco brgyad byung ba'o/ /ltas chen po bco brgyad gang gi phyir byung zhe na/mu ge dang / mi nad dang / phyugs nad dang / yams kyi nad dang / 'brum bu'i nad gsum dang / rims nad dang / rlung nad dang / mkhris pa'i nad dang / bad kan dang / 'dus pa'i nad dang / mdze dang / lhog pa dang / me dbal dang / nad de dag la sogs pa rlag par byed pa'o//bcom pa'o/ /mnan pa'o/ /bud pa'o/ /phyir song ngo / /ma tshugs so/ /mun nag sel ba'o/ /'byung po rnams pham mo/ /bdud rnams bcom pa'o/ /phyogs bzhi'i gnod sbyin dang srin po 'byung po la sogs pa zhes bya ba ni/ stong gsum gyi stong chen po'i 'jig rten gyi khams kyi 'byung po la sogs pa'o//sa la gnas pa/ ri la gnas pa/ shing la gnas pa/ nam mkha' la gnas pa/ chu la gnas pa/ sa 'og na gnas pa/ ri bo chen po la gnas pa/ khyim na gnas pa/ rgyal po'i pho brang na gnas pa rnams kyang /mchi ma byung ba'o/ /skad drag po byung ngo / /lus zhig go/ /'dar ro/ /'jigs so/ /bdag cag ni 'byung ba'o/ /dbang du khrid pa ni stong chen mo'i dbang gis khrid do/ /de nas zhes bya ba ni/ 'byung po skrag pa'i de nas so/ /bcom ldan 'das kyis rdo rjer mngon par sprul pa dang zhes bya ba ni/ma rungs pa'i 'byung po rnams la 'dzul du mi ster bar 'tshe'o/ /de dag kyang phyogs bzhir 'byer ro zhes bya ba ni/ phyogs phyogs su 'byung po rnams 'bros pa'o/ /de nas zhes bya ba ni/ 'byung po bcom pa'i de nas so/ /rgyal po chen po bzhis zhes bya ba ni/so so'i sgo nas byin gyis brlabs pa'o/ /phyogs bzhir me lce'i phung po mngon par sprul pa dang / de dag nam mkha' la kun du rgyug go zhes bya ba ni ma rungs pa'i 'byung po rnams phyogs bzhi mtshams su rgyug ste/ de ni 'bros su mi ster ba'i 'tshe ba'o/ / de nas mi mjed kyi bdag po tshangs pas nam mkha' la lcags su mngon par sprul pa dang zhes bya ba ni/ tshangs pas rdo rje'i lcags kyi rang bzhin sprul pa ni de rnams rgyug tu mi ster ba'i 'tshe ba'o/ /de dag shing ta la bdun tsam nas nam mkha' la kun du rgyug go zhes bya ba ni/ mthon dman de tsam du rgyug go//de nas lha rnams kyi dbang po brgya byin gyis ral gri dang / mda' dang / mdung thung dang / mdung dang / mda' bo che dang / shing ljon pa dang ri'i char mngon par phab po zhes bya ba ni 'jigs su rung ba'i sgra dang bcas nas par snang nas phab pa'o/ /de'i tshe gnod sbyin lnga stong mi mjed kyi 'jig rten gyi khams su 'dus pa rnams zhes bya ba ni mi mjed kyi 'jig rten gyi khams ni 'dzam bu'i gling gling bzhi ri rab dang bcas pa nyi ma zla ba skar ma 'di dang khor khor yug gis bskor ba'o//sngags kyi dmod mos bcom ste zhes bya ba ni gnod byed rnams nad kyis thebs pa'o//rims nad kyis btab nas myos te rmya zhing zhes bya ba ni/ rig sngags kyi mthus gnod byed rnams nad sna tshogs kyis zin pa'o/ /de la 'gyod pa ma skyes na mnar med la sogs par 'tshed pa'o/ /bcom ldan 'das kyi zhabs gnyis la gtugs nas zhes bya ba ni nad kyis thebs pa dang /dmyal ba mnar med du 'gro bar shes nas 'byung po'i tshogs kyis bcom ldan 'das la skyabs su 'gro ba'o/ /gsol pa dge sbyong gau ta ma ni sems can thams cad la phan pa dang / thugs brtse ba can lags kyis zhes bya ba ni ma rungs pa'i 'byung po de rnams kyang sangs rgyas la bag phab nas bcom ldan 'das kyi zhabs la 'dud de bzod par gsol ba'o//dge sbyong gau ta mas bdag cag bskyab tu gsol zhes bya ba ni rig sngags kyi dmod mos 'jigs skrag ste/ rims nad kyis thebs pa'i phyir skyabs su 'gro ba'o/ /de nas zhes bya ba ni 'byung pos gsol ba btab pa'i de nas so//de dag la byams pas khyab par mdzad nas zhes bya ba ni tshad med pa bzhi'i sgo nas so/ /bslab pa 'dzin du bcug go zhes bya ba ni 'byung po rnams dkon mchog gsum la skyabs su 'gro ba dang sdom pa bzung ba'i gsol ba btab pa dang phyis mi gnod pa'i khas blang ba'o//bdag cag phyag rgya spong gyur na/ /ma 'gums pa yi 'gro gang dang / /zhes bya ba ni ma rungs pa'i gdon rnams kyis kyang sangs rgyas kyi spyan sngar skyabs su 'gro zhing sdig pa bshags pa'o/ /pha 'gums pa yi 'gro gang dang / /dgra bcom pa yang 'gums gang dang / / zhes bya ba ni pha dang ma dang dgra bcom gyis ma legs pa byed pa rnams kyang / sangs rgyas bcom ldan 'das la khas len cing bshags pa byed pa'o/ /dge 'dun dbyen byed 'gro gang dang / /rdzogs sangs rgyas la sdang sems kyis/ /zhes bya ba ni mtshams med pa lnga yang 'dir byas pas/sangs rgyas bcom ldan 'das kyi spyan sngar bshags su gsol ba'o/ /sku mtshal phyung ba bgyis pa yi/ /'gro ba gang lags des mchi'o/ /zhes bya ba ni gzhan yang nyon mongs pa'i dbang gis bya ste lus ngag yid kyis sems can rnams 'tshe bar byas pa dang mi dge ba bcu las bzlog par bgyi'o//ardza ka yi dog pa ltar/ /mgo bo tshal pa bdun 'gas shing / /zhes bya ba 'di las bzlog par ma gyur na mgo dang lus po yang dum bu dum bur dbye bar 'gyur ro/ /gnod sbyin nad kyis btab pa dang / /bdag lus sha bkra 'byung bar shog /ces bya ba ni 'di'i bka' las 'das par gyur na nad sna tshogs kyis thebs shing skye ba bdun du mnar med par skye ba'o/ /gang 'di rgyal bas gsungs pa'i mdo/ /stong chen rab tu 'joms ma yi/ /zhes bya ba ni 'das pa dang ma 'ongs pa dang / da ltar yod pa rnams kyis gsungs te 'di dang mnyam pa'am mtshungs pa med pa'o//rig sngags rgyal las 'gal bgyis na/ /zhes bya ba ni 'di'i dam tshig las 'gal bar gyur na rang gi don mi 'grub cing 'dir yang nad thams cad kyis thebs te 'jig rten phyi ma la yang dmyal ba nas dmyal bar 'gro ba'o//bdag cag 'dod bzhin mi 'gyur ro/ /zhes bya ba ni 'byung pos khas blangs pa'o/ /de'i tshe grong khyer yangs pa can zhes bya ba ni bcom ldan 'das kyi gzi brjid dang stobs dang mthu dang rig sngags [(]gyi [,]kyi [)]rgyal mo'i dmod mo dang chad pas nad thams cad med par brlag par 'gyur ba'o//yams kyi nad dang 'jigs pa dang / gnod pa dang nad 'go ba dang 'khrugs pa thams cad rgyun chad par 'gyur ro zhes bya ba ni grong khyer yangs pa can gyi lits+tsha bI la sogs pa'i nad thams cad dang bral zhing zhi ba dang bde legs su gyur pa'o/ /gnod sbyin dang srin po dang mi dang mi ma yin pa rnams kyang rang rang gi spyod yul las 'das pa'o zhes bya ba ni rig sngags kyi rgyal mo'i gzi brjid kyis 'byung po rnams kyis 'tshe bar byed mi nus shing /so so'i spyod yul du gnas pa'o/ ngang pa dang / ne tso dang / ri skegs dang / khu byug dang / rma bya dang / ngur pa dang / shang shang te'u dang bya'i tshogs rnams kyang sgra snyan pa 'byin to zhes bya ba ni de rnams kyang yams dang rims kyi nad kyis btab pa yang da ltar rig sngags kyi gzi brjid kyis so so'i skad 'byin cing yid du 'ong ba'o/ /mi'am ci rnams ni lha'i bu mo bzhin du lus la gnod pa med do zhes bya ba ni yul de na gnas pa'i lha rnams kyang rang gi cha byad du gnas shing so so'i gnas su gnas pa'o//rin po che'i cha byad rnams kyang ma dkrol bar 'khrol lo zhes bya ba ni lha khang ngam pho brang ngam gzhan mi dang mi ma yin pa'i rgyan du byas pas sil sil sgra sgrogs pa'o/ /rnga bo che dang /dung dang / rdza rnga dang / rnga bran dang / pi wang dang zhes bya ba ni/ rig sngags kyi nus pas/ yul de rnams kyi sems can rnams la byar btub par byung ste/ sgra thams cad kyang rang bsgrag par 'byung ba'o/ /gling bu rnams kyang ji ltar gnas su bkod pa bzhin du sgra 'byin no zhes bya ba ni gzhan gyis brdung mi dgos te bkra shis pa'i rtags so//dper na dril bu la rlung gis btab pa bzhin du so so rang skad du byung ba'o/ /bal po se'u dang / bil ba dang / skyu ru ra dang / n+ya gro d+ha dang / byang chub kyi shing dang / spre'u gnas dang / blag sha dang / u dum+WA ra dang / sA la zhes bya ba ni/yul de'i shing dang / me tog gi ra ba dang / skad cig mas/ lo ma dang / me tog dang / yal ga rgyas par skyes nas/ yid du 'ong bar snang ba'o/ /ta ma la'i shing ljon pa rnams kyang / dril bu rab tu 'byin to zhes bya ba ni/ 'bras bu med pa la ni 'bras bu me tog med pa la ni me tog /dri med pa la ni dri rab tu byung ngo / /lo ma med pa la ni lo ma byung ngo / /shing skam pa ni skyes so/ /de dag kyang bcom ldan 'das dang / rig sngags kyi gzi brjid dang stobs dang mthu rnams kyis bkra shis pa'i rtags so/ /lha brgya stong dag gis kyang / hi hi/ a la la zhes bya ba'i sgra phyung ste zhes bya ba ni grong khyer yangs pa can gyi lha dang / sangs rgyas la gus par byed pa'i lha rnams mgu ba'i sems dang ldan pa'o/ /bar snang la me tog gi char mngon par phab po zhes bya ba ni/ grong khyer yangs pa can gyi yul gyi steng du me tog gi char phab pa'o//mi ma yin pa'i dri dag kyang 'jig rten du byung ngo zhes bya ba ni/ lha'i dri bzang po dang / lha'i bdug spos dang / me tog la sogs pa'i mchod pa byung ngo / /de nas lha rnams kyis kyang / sdom pa bzung ngo / /phyag 'tshal ba'o/ /'don no/ /grangs so/ /smon lam btab po//rjes su yi rang ngo / /mgul du btags so/ /de dag kyang 'jigs pa thams cad dang bral lo/ /de nas zhes bya ba ni/ nam mkha' la lha byung ba'i de nas so/ /rgyal po chen po bzhis thal mo sbyar te zhes bya ba ni/ lan gsum bskor ba byas nas/ pus mo'i lha nga sa la btsugs nas zhu ba phul ba'o//sangs rgyas ni gnyis su med pa'o/ /phyag rgya ni rig sngags so/ /chos ni stong pa nyid do/ /bcom ldan 'das la 'di skad ces gsol to zhes bya ba ni/ de lta bu'i yon tan dang ldan pa'i sangs rgyas la/ rgyal po chen po bzhes zhus pa'o/ /btsun pa bcom ldan 'das gang la la zhig gis bslab pa'i gzhi yongs su bzung ste zhes bya ba ni/sdom pa gsum dang ldan pa sangs rgyas dang chos dang dge 'dun gsum la skyabs su 'gro ba'o/ /gos ngur smrig gon nas mdo sde'i rgyal po/ stong chen mo rab tu 'joms ma gdon thams cad las thar bar bgyid pa/sangs rgyas kyi phyag rgya zhes bya ba ni/ gzhan gyis mi thub pa 'byung po rnams kyi gnyen po'o/ /phyag rgya bzhi'i rang bzhin stong pa nyid du snang ba'o/ /chos kyi rnam grangs 'di blangs shing bzung ste zhes bya ba ni/ gus pa byas nas spyi bor bzhag pa'o/ /kun chub par bgyis shing zhes bya ba ni/sems can kun la phan 'dogs pa'o/ /yi ger bris nas mdud pa bor te de zhes bya ba ni/ yi ger bris nas ni gang zhe na/ dar ram shing shun nam gro ga'am/ ras la sogs pa gang yang rung / /gi waM gur kum la sogs pa/ /yang dag gis ni bri bar bya/ /dbus su 'khor lo rtsibs brgyad bri//mu khyud rim pa lnga bskor ba/ /pad+ma sna tshogs ra ba dang / /phyi rim rdo rje ra ba dang / /bzhi bcu dag ni bri bar bya/ /bye brag tu ni skyes pa rnams/ /gur kum gyis ni bri bar bya/ /de yi dogs pa 'dod pa rnams/ /'grub 'gyur 'di la the tshom med/ /pad+ma gnyis sam yang na gsum//bzhi 'am yang na lnga bris te/ /pad+ma la ni phyag rgya'i mtshan/ /rnam pa sna tshogs gzugs su bri/ /de bzhin du ni pad+ma rnams/ /ze bas kun du 'khor ba bri/ /pad+ma 'dab ma rab rgyas la/ /sdong bu dar gyis bcings ba bri/ /pad+ma la ni rtse gsum pa/ /zur brgyad la ni dar dbyangs bri//de bzhin pad+ma dgra star bcas/ /'dab ma brgyad dang ldan par bri/ /pad+mar bcas pa'i ral gri bri/ /pad+ma de ni dkar por bya/ /pad+ma'i steng du dung yang bri/ /thams cad du yang rgyas par bya/ /kun du cho ga'i mtshan ma rnams/ /mkhas pa dag gis bri bar bya/ /gang la gnod pa'i sems byung ba/ /ming rus dag ni bri bar bya//mu khyud 'khor lo'i lte ba la/ /lnga po dag kyang de bzhin no/ /sngags ni drug po rigs drug pa/ /mkhas pa dag gis yang dag bri/ /hUM dang phaT dang yang dag ldan/ /ha 'joms dang ni swA hA dag /'khor lo la ni rtsibs brgyad la/ /mkhas pa dag gis yang dag bstan/ /rab gnas yang dag byas nas su//mgul lam dpung par yang dag gdags/ /'di dag bstan pa'o/ /mdud pa bor te zhes bya ba ni/ gang zhe na/ ras sam dar dmar skud pa la/ /gang dag rnyed pa gang yang rung / /tshon skud sna tshogs gang rnyed pa/ /dkar po dag la yang dag bya/ /rgyal rigs lo brgyad lon pa la//bu mo gzhon nus 'khal bar bya/ /gtsang ma la ni gang yang rung / /mdud pa bor te brgya rtsa brgyad/ /de bas nyung na lnga bcu bzhi/ /bcu dang lnga dang mdud pa bor/ /sngags dang bzlas pas yang dag tu/ /bdug spos la sogs yang dag bdug /mgul lam dpung pa lus la sogs//mkhas pas yang dag bcing bar bya/ /nad 'jigs sna tshogs mi tshugs pa/ /dus ma yin pa'i 'chi ba bzlog /rmi lam ngan dang ltas ngan bzlog /gdon rnams thams cad mi tshugs so/ /de dag bstan pa'o/ /'chang na de la yams kyi nad dang 'jigs pa la sogs pa zhes bya ba ni/de dag nad 'jigs pas mi tshugs te/ 'jig rten 'di dang phyi ma yang de bzhin no/ /phra ma'i bar gyi sdig pa zhes bya ba ni/ rig sngags la rjes su yi rang ba la sogs pa byas nas mi tshugs so/ /mi dge ba'i chos rnams kyis mi tshugs par 'gyur lags so zhes bya ba ni mi dge ba ni bcu ste/mi dge ba'i chos byed pa'i yul ni mtha' khob la sogs pa ste/ /yang na ni byed mkhan ni shan pa'i rigs sam gdol pa'i rigs la sogs pas mi tshugs so/ /rnam par 'tshe ba thams cad las zhes bya ba ni/lha dang mi dang gnod sbyin 'byung po la sogs pa yin te/ de dag 'byung pos kyang mi tshugs so/ /mi dang zhes bya ba ni rgyal po'am rkun po'am/ chom rkun nam/ mi sdig can la sogs pa yin te/ de dag kun gyis kyang mi tshugs so/ /yang na 'tshe ba byed pa ni/ seng ge'am stag gam/ma he'am/ ba men nam/ sbrul lam/ sdig pa'am/ dug rnams sam 'tshe bar byed pa'i sems can de dag thams cad kyis mi tshugs so/ /rgyal bar 'gyur lags so zhes bya ba ni de dag dang rgyal ba'o/ /grong khyer yangs pa can gyi nad sel ba'i cho ga'i gnas skabs te drug pa'o// //yul 'khor mtshams gcad par 'tshal ba khrus bgyis pa zas dkar gsum 'tshal ba zhes bya ba ni gang zhe na/ dkyil 'khor legs par byas pa la/ /sa gzhi 'jam po legs pa la/ /rnam lnga dag gis byug par byas/ /mkhas pa dag gis thig btab la//sa tshon sna lngas bri bar bya/ /dbus su sna tshogs pad+ma dang / /ze'u 'bru'i steng du nyi ma yin/ /de steng rdo rje'i rigs su gnas/ /de bzhin pad+ma 'dab bzhi la/ /shar phyogs lho dang nub phyogs byang / /de bzhin gshegs dang rigs bzhi bzhugs/ /de dag stong chen rab 'joms ma/ /rigs ni lnga ru yang dag shes//shar lho lho nub byang shar yang dag tu/ /d+hU pe ma la sogs pa yin/ /mu khyud rdo rjes bskor ba yin/ /phyi rim 'khor lo rtsibs brgyad la/ /sna tshogs 'khor lo de bzhin no/ /gza' rnams de la dgod par bya/ /de bzhin du ni mu khyud la/ /skar ma rnams ni yang dag shes//gru bzhi lha rnams phyogs phyogs la/ /phyogs skyong bcu ni yang dag dgong / /shar phyogs dang ni lho phyogs dang / /nub phyogs byang dang sgo dag la/ /rgyal po bzhi ni yang dag bzhugs/ /gru bzhi sgo bzhi ka ba brgyad/ /twa ra rnam bzhi sna tshogs rgyan/ /sna tshogs pad+ma rgya gram dang / /rdo rje ra ba me ris bskor//stong phrag brgyad cu nyi shu rtsa brgyad phrag /bgegs rnams phyogs phyogs gnas pa'o/ /gtor ma sna tshogs phyogs phyogs su/ /rigs ni lta zhing mkhas pas bgyis/ /mda' dang mdung dang ral gri dang / /phur pa dag la tshon skud bskor/ /lnga'am gcig gam gang yang rung //bkra shis bum pa yang dag dgang / /nor bu rin chen byang chub shing / /'bru dang snying po bdud rtsi dang / /dri dang gos kyis legs par brgyan/ /bzhi po'i dbus su yang dag bzhag /lus khrus ngag dang yid khrus dang / /dri ma med pa'i gos gon la/ smyung bar byas nas yang dag tu//yang na dkar gsum la ni brten/ /snying rje ldan zhing sems can la/ /tshul khrims de la yang dag bsrungs/ /rdo rje slob dpon mkhas pa yis/ /bsnyen pa'i cho ga yang dag bzhugs/ /de dag bstan pa'o/ /zas sna lnga spangs pa zhes bya ba ni/ sha dang sgog pa bsres pa dang //chang dang nya sha la sogs dang / /de dag la ni spang bar bgyi/ /mi yi bslab pa'i gzhi thams cad yongs su gzung zhes bya ba ni/ yang dag sems dang mtshungs pa dang / /sdom pa gsum dang yang dag ldan/ /sdig pa thams cad spang bar bya/ /mi rnams thams cad grong ba dang / /sdom pa la ni gnas par bya//sems can thams cad la sems snyoms pa zhes bya ba ni/ gang zhe na/ mi dge bcu ni spangs byas pa/ /tshangs pa'i gnas bzhi bsgom bya ba/ /grong dang grong la 'thab spangs pa/ /rang sems ji bzhin gzhan dag dang / /'thab rtsod thams cad spang bar bya/ / shin tu brgyan pa gos dang rgyan dang ldan pa zhes bya ba ni/ bud med skyes pa de bzhin du/ /dri ma med pa legs par bgo /gser dang mu tig la sogs pa/ /lus la shin tu legs par brgyan/ /des grong dang grong khyer dang / grong rdal dang / yul 'khor dang sum mdo dang zhes bya ba ni/cho ga gar byed pa'i sa ru/ ba'i rnam lnga dang / tsan+dan la sogs pa'i dri bzang po'i chus thams cad byugs te/ mi gtsang ba rnams bor nas/ spos sna tshogs kyis bdugs te/ gos dang me tog gi phreng bas brgyan pa'o/ /khyim rnams nyal nyil gyi phung po ma mchis par bgyis te zhes bya ba ni/phyag dar bzang po byas nas su/ /sna lnga dri dang gtor bar bya/ /grong ngam grong khyer thams cad du/ /de bzhin la ni gtor bar bya/ /rgyal po'i pho brang 'khor gyi dbus kyi dog sa rnams su me tog gi sil ma bkram pa zhes bya ba ni/grong khyer dbus dang gzhan dag dang / /gang yang rung ste khyim la sogs/ /me tog chu skyes thang skyes dang / /dus las byung ste gang yang rung / /spos sna tshogs kyis rab tu bdug par bgyi'o zhes bya ba ni/ lhan cig sbyor dang gzhan dag dang / /a ka ru la sogs pa gang yang rung //phyogs bzhir bu mo shin tu khrus bgyis pas brgyan zhes bya ba ni/ bram ze mo'am rgyal rigs sam/ /rje rigs la sogs gang yang rung / smyung bar byas nas tshul khrims srung / /skyes pa la sogs spang byas pa/ /yang na zas ni dkar gsum bsten/ /lo grangs bcu gnyis nyi shu gnyis//mtshan nyid legs pa byad mdzes pa/ /dri ma can gyi gos kyang spang / /lag na mtshon thogs pa bzhi dang dril bu bzhi dang zhes bya ba ni/ gzhon nu de dag mtshon thogs nas/ /ral gri la sogs g.yas na 'dzin/ /dril bu dkrol zhing bkra shis 'don/ / glu gar la sogs de bzhin no/ /rin po che'i snod bzhi gzhag par bgyi'o zhes bya ba ni/ grong ngam grong khyer grong rdal du/ /grong bar de bzhin gzhag par bya/ /yang na cho ga byed pa'i sa/ /phyogs bzhi la ni yang dag gzhag /snga dro'i dus kyi tshe gdugs shar ba dang / rig sngags bklag par bgyi ste zhes bya ba ni/de bzhin phyogs bzhi phyogs rnams su/ /ngag mi bde bar yang dag 'don/ smyung bar bya zhing gtsang sbra bsten/ /yang na zas ni dkar gsum bsten/ /yi ger bris te mchod rten chen po zhes bya ba ni/ gser ram dngul las byas pa yi/ /bum pa dang ni tsha tsha dang //de la sogs pa gang yang rung / /yi ger bris te 'khor lo la/ /de bzhin du ni rtse mo la/ /mchod rten la sogs yang dag gzhag /bal srang drug cu tham pa la/ /bkal nas mchod pa bya ba'o/ /dar ram ras sam srin bal la/ /gang yang rung ste skud pa la/ /tshon ni sna tshogs byas nas su//grong ngam grong khyer yang dag bskor/ /shing ljon pa chen po dang rgyal mtshan chen po'i rtse mo la brtod de btags la/ me tog sna tshogs dang / spos sna tshogs dag gis zhes bya ba ni/ /de la sogs pa mthon po'i gnas su/ sngar bshad pa'i 'khor lo btags nas bal lam ras las byas pa'i skud pa srang drug cu tham pa byas pas shing la sogs pa la gdags par bgyi'o//de bzhin du mchod pa yang bya'o/ /dgung zla phyed kyi bar du mchod par bgyi'o zhes bya ba ni/ gcig gam gsum mam lnga yang rung / /de bzhin bdun dang dgu dang ni/ /bcu gcig dang ni bco lnga'o//gdugs re re zhing rig sngags bklag go zhes bya ba ni/ snga dro'i dus su bya'o/ /yang na rgyun mi 'chad par bklag go/ /de ltar na yang yul 'khor yongs su thar bar 'gyur ro zhes bya ba ni/ dbang blang ngo / /khrus bya'o/ /bkra shis brjod/ gdon no/ /rol mo la sogs bya'o//bkra shis kyi rdzas gdon par bya'o/ /de dag ni grong khyer bsrung ba'i cho ga'i gnas skabs te bdun pa'o// //de ltar grong dang grong khyer la sogs pa zhes bya ba ni/ gang yang rung ngo / /yang na nad pa'i khyim mam phyugs lhas rnams nyal nyil ma mchis par bgyis te zhes bya ba ni/legs par phyag dar byas nas/ ba'i rnam lngas gtor te/ hom khum zlum por byas nas/ cho ga ji bzhin du gtor bar bya'o/ /rdzas ni til dang mar la sogs pa'i rdzas/ ku sha la sogs pa yang de bzhin no/ /seng ldeng dang rgya shug la sogs pa zhes bya ba ni/ zhi ba'i shing gang yang rung ba/dog sa la me tog sil ma bkram ste zhes bya ba ni/ hom khung la sogs pa la gtor bar bgyi'o/ /sgo g.yas g.yon nas dri sna tshogs la zhes bya ba ni/ gang ba'i bum pa yang g.yas g.yon du gzhag go/ /dri dang me tog la sogs pa phul ba ste/ de bzhin du me lha la khrus bya'o//sa bon thams cad mar gyis bskus te phyogs bzhir gtor bar bgyi'o zhes bya ba ni/ sarba pA paM da ha na badzra shAn+tiM ku ru swA hA/ chab sgor tshon skud sna tshogs bre bar bya'o zhes bya ba ni/ mda' dang mdung dang / ral gris bskor bar bya'o/ /dud 'gro'i skye gnas su gyur pa dag ni bton la slar yang gzung bar bgyi'o zhes bya ba ni/dud 'gro rnams phyir btang ste/ yang gzhug par bya'o/ /yang na bgegs gang gnod pa'i ming byang bcug la/ me la gtang bar bya'o/ /rig sngags kyang bklag par bgyi'o zhes bya ba ni/gtsang sbra la brten te rgyun mi 'chad par bklag par bgyi'o/ /yi ger bris sam zhes bya ba ni 'khor lo'o/ /mdud pa mdud de zhes bya ba ni srung skud do/ /mthon po'i khar btags la mchod par bgyi zhes bya ba ni/ mchod rten chen po'i rtse mo'am/ rang nyal ba'i steng ngam/ ya them la gdags pa'am/ gdung gi logs la gdags pa tsam gyis kyang / gnod byed dang nad thams cad la sogs pa yang mi tshugs pa'o/ /nad pa'i mdun du sangs rgyas kyi sku gzugs sam zhes bya ba ni gser ram dngul lam zangs sam/ ras ris la sogs pa/ sangs rgyas kyi ring bsrel lam zhes bya ba ni zangs sam dngul la sogs pa las byas pa'i mchod rten nam/rin po che'i snod du bzhag la/ bum pa zhabs phug la/ dri'am sman la sogs pas yang dag par mchod la/ khrus gsol bar bya'o/ /dkyil 'khor la sogs pa ni sngon du bshad pa bzhin no//tshangs pa la sogs pa'i gzugs sam zhes bya ba ni/ dkyil 'khor yang dag par bris la bgyi'o/ /yang na bag phye'am 'bras phye la sogs pa las gzugs byas la/ dkyil 'khor la yang dag par gzhag go/ /phyag rgya bzhi bgyis la gzhag par bgyi'o zhes bya ba ni/phyag rgya bzhi ni rig sngags kyi rgyal mo stong chen mo yin te/ dar ram ras sam shing shun la sogs pa la cho ga bzhin du bris la/ nad pa la yang dag par gdags so/ /me tog sna tshogs dang / spos sna tshogs dang zhes bya ba ni/ mchod pa sna tshogs kyis phyag rgya bzhi'i mchod pa bya'o//tshangs pa dang / brgya byin dang / rgyal po chen po bzhi dang / dbang phyug chen po dang / gnod sbyin gyi ded dpon dang / 'phrog ma la sogs pa'i ming gis zhes bya ba ni/ de rnams kyi ming dang gzugs byas nas mchod pa dang ming byas nas ar+g+ha bya'o/ / dkon mchog gsum la mchod par bgyi'o zhes bya ba ni/ yang dag par rdzogs pa'i sangs rgyas shAkya thub pa dang / rig sngags la sogs pa la yang dag par mchod do/ /gzungs kyang ngag ma 'dres par bklag par bya'o/ /de rnams kyi stobs dang dbang phyug dang / byin gyi rlabs kyis bdag la bde legs su gyur cig /bdag la bsrung ba gyis shig ces bya ba ni/ sangs rgyas dang rig sngags dang / tshangs pa la sogs pa 'jig rten skyong ba rnams so/ /nad pa rnams nad thams cad las thar bar gyur cig ces bya ba ni/ sems can thams cad la sogs pa'o/ / de bzhin du byas na the tshom med do/ /nad pa'i zas dang skom dang zhes bya ba ni/ rig sngags kyi rgyal mo'i sngags bton nas byin gyis brlab par bya'o/ /sman rnams kyang rig sngags 'dis btab ste stsal bar bgyi'o zhes bya ba ni phyi nas 'dod pa'i sngags btabs nas/ bden pa yang dag par bdar bar bya'o//rdzogs sangs rgyas rnams sangs rgyas tshe/ /'jig rten skyong ba phyogs bzhi nas/ /zhes bya ba ni rdzogs sangs rgyas ni dus gsum gyi sangs rgyas rnams so/ /'jig rten skyong ba ni brgya byin la sogs pas te/ de rnams yang phyogs bcur skyong ba'o//snod bzhi dag ni blangs nas su/ /bde bar gshegs la phul ba dang / /zhes bya ba ni dang po bde bar gshegs pa rnams la 'bul te/ gnyis pa phyogs skyong la sogs pa la sbyin pa'o/ /mthu yis gcig tu sprul mdzad pa/ /lha yi snod mchog de dang ni/ / zhes bya ba ni rdzu 'phrul dang ldan zhing dag pa'i snod du'o/ /bdud rtsi 'dra ba'i sman gyi rnams/ /ston pa'i phyag na bsnams gyur pa/ /zhes bya ba ni yang dag par rdzogs pa'i sangs rgyas kyi zhal nas byung ba/ rig sngags kyi nus mthu'i bdud rtsi'o/ /bden pa'i tshig ni de dag gis//sman rnams bdud rtsir gyur bar shog /ces bya ba ni nad pa'i zas dang sgom dang sman la sogs pa 'di'i byin rlabs kyis bdud rtsir 'gyur ba'o/ /de bzhin lha mo 'phrog ma yis/ /lha rdzas dge ba a ru ra/ /zhes bya ba ni nad pa rnams kyi ma lta bu/ lha mos kyang yang dag par rdzogs pa'i sangs rgyas la a ru ra phul ba'o//blangs nas ston la rab phul ba/ /bdud rtsi 'dra ba'i sman gyi rnams/ /zhes bya ba ni de phul ba'i bden pas kyang / 'dir nad pa la bdud rtsir snang ba'o/ /bden pa'i tshig ni de dag gis/ /nad pa rnams kyi nad sel zhing //zhes bya ba ni sangs rgyas kyi bka' dang / rig sngags kyi bden pas nad rnams sel bar byed pa'o/ /nyes pa thams cad 'phrog par byed/ /sman rnams bdud rtsir gyur par shog /ces bya ba ni rig sngags kyi stobs dang gzi brjid kyi byin gyi rlabs kyis bdud rtsir snang ba'o//sangs rgyas rnam gzigs gzi brjid dang / /gtsug tor can gyi stobs rnams dang / /zhes bya ba ni sngon gyi dus su 'das pa'i sangs rgyas rnam gzigs gzi brjid kyis/ sems can gyi don byas pa de bzhin du gtsug tor can gyi stobs kyis sems can gyi don byed pa'o//thams cad skyob kyi bden tshig dang / /log dad sel gyi ting 'dzin dang / /zhes bya ba ni bskal pa gnyis pa'i dus su sangs rgyas thams cad skyob kyi bden pas sems can gyi don byas te/ de bzhin log dad sel gyi ting 'dzin gyis kyang don sems can gyi byas pa'o/ / gser thub kyi ni ye shes dang / /'od srungs kyi ni rdzu 'phrul dang / /zhes bya ba ni bskal pa gsum pa'i dus so/ /bder gshegs gser thub kyi ye shes kyis sems can gyi don byas pa de bzhin du sangs rgyas 'od srungs kyi rdzu 'phrul gyis sems can gyi don byas pa'o/ /shAkya seng ge'i mthu rnams kyis//sman rnams bdud rtsir gyur par shog /ces bya ba ni bskal pa tha ma snyigs ma lnga'i dus su/ bder gshegs shAkya thub pas/ mthu'i stobs kyis sems can gyi don byas pas/ de rnams kyi bden pas 'dir yang sman rnams bdud rtsir snang ba'o/ /nad pa shar phyogs kha bstan pa//sman rnams nye bar stsal bar bgyi/ /zhes bya ba ni bden pa 'di'i tshig dang / rig sngags kyi gsang sngags kha don du byas pas nad pa la bdud rtsi sbyin par bya'o/ /de yi [(]tshen [,]tshan [)]rig sngags 'di/ /zhes bya ba ni zhal gcig phyag gnyis sku mdog dkar mo g.yas na rdo rje dang g.yon na rin po che 'dzin pa/spyan gsum dbu la rigs lnga'i sangs rgyas kyis brgyan pa/ rgyan thams cad kyis brgyan pa/ zhi ba'i gzugs can zhabs phyed skyil du bzhugs pa/ pad+ma'i steng du zla ba'i gdan/ nyi ma'i 'od dang ldan pa/ sems can thams cad la don byed pa/ rdo rje'i rigs la stong chen mo rab tu 'joms ma'o//lag mthil gzhag ste bklag par bgyi/ /zhes bya ba ni rig sngags rgyal mo de bzhin du bsgoms nas/ rig sngags kyi zhal nas 'byung ba bzhin du bsgom par bya'o/ /rig sngags gang zhe na/ s+yAd ya the dan 'di lta ste/ sngags ni kha de kha de la sogs pa'o/ /rlung las gyur dang mkhris las gyur//bad kan las gyur 'dus las gyur/ /nad rnams thams cad rab bcom ste/ /zhes bya ba ni de gsum gyis gzhi blangs pa/ nad bzhi brgya rtsa bzhi po rnams kyang / bden pa'i tshig dang rig sngags kyi gsang sngags kyis nad thams cad bcom zhing bde bar 'gyur ro/ / bdag la rtag tu bde legs shog /ces bya ba ni nad pa dang mtha' yas kyi sems can thams cad do/ /rims nad la sogs pa sel ba'i cho ga ste brgyad pa'o// //byad dang ro langs dang ldan pa'i las rnams la/ skyes pa'am bud med gdugs zhag gcig smyung bar bgyis pa zhes bya ba ni sngags gtang ba dang /sbod gtong gtang ba dang / mdze dang phol mig dang / lhog pa dang / dug dang dug sbyar ma dang sman dang sman nyes pa dang / sa bdag la sogs pa'i nad thams cad smyo ba dang / 'bog pa la sogs pa bcom pa'o/ /rab tu bkrus pa shin tu brgyan pa zhes bya ba ni/byad kyis phog pa dang / slob dpon yid bzhin no/ /des dog sa la me tog sil ma bkram ste zhes bya ba ni/ sngon gyi dkyil 'khor bshad pa la brten la/ slob dpon mkhas pas cho ga yang dag par bya ste/ de bzhin sta gon gyi cho ga'o/ /mchod pa rnam pa lnga la sogs pa byas nas/ye shes sems dpa' yang de bzhin no/ /ar+g+haM la sogs pas yang dag par mchod do/ /spos sna tshogs kyis bdugs la zhes bya ba ni/ byad kyis phog pa dang / bum pa rnams la bdug pa dang / de bzhin du lha rnams kyang yin no/ /seng ldeng dang rgya shug rigs gnyis kyi zhugs bus te zhes bya ba ni/thab khung zur gsum khru gang tshad du byas pa/ nag po'i sum brtsegs sor bzhi byas pa'o/ /pad+ma gsum pa phyi logs su byas pa nang du yang de bzhin du yin te/ me lha nag po khro bor nag po la zhon pa/ g.yas na ral gri /g.yon na sdigs mdzub zhags pa 'dzin pa/ kha gdangs pa/ me'i mdog kyang de bzhin no/ /sa bon thams cad phyogs bzhir gtor bar bgyi'o zhes bya ba ni rdzas ni til la sogs pa yin te/ sha sna tshogs dang / khrag sna tshogs dang / 'bru sna tshogs dang / dus kyi me tog gang yang rung ste/bag phye'am 'bras la sogs pas gzugs byas la/ ling+ga dag kyang de bzhin no/ /zhugs kyi nang du yang gtor bar bgyi'o zhes bya ba ni/ rdzas de rnams dgang gzar blugs gzar gyis re mos blugs par bgyi'o/ /rtsa ba thams cad dang me tog thams cad tshon skud sna tshogs la brgyus te zhes bya ba ni/dug gi me tog sna tshogs dang byad gang gnod pa'i ming rus sam/ mtshon cha la sogs pa'i rtse mo la btags la/ phyogs bzhir gdags so/ /de bzhin du byad kyis phog pa'i mgul du yang gdags so/ /ral gri'am mdung rtse gsum pa'am/mdung ngam mda' la gdags par bgyi'o zhes bya ba ni/ hom khung gi zur du bzhi bzhi btsugs la/ sngar bshad pas gdags pa'o/ /spos chab sna tshogs sbyangs te/ bum pa chen po'i nang du blugs la/ gang byad kyis phog pa de'i mgul bar skud pa des bcings te bum pa'i chab kyis bkru bar bgyi'o zhes bya ba ni/stong chen mo'i gzhung bzhin du bzlas pa byas nas mtshon cha rnams sna gcig btags la gcig byad phog pa'i ske la gdags so/ /de nas stong chen mo'i rang bzhin bum pa'i chus dbang bskur la sku gsung thugs dag par bya'o//skud pa yang mtshon gyis bcad de zhugs kyi nad du dor ro zhes bya ba ni/ stong chen mor bsams la/ rig sngags kyi ral grir byin gyis brlabs nas/ byad dang ro langs sngags su bsams la/ bsreg par bya'o/ /stong chen mo rab tu 'joms ma'i mdo 'di yang brjod par bgyi'o zhes bya ba de'i dus su phyogs phyogs su dag ma 'dres par gdon par bya'o//de nas bden pa bdar la/ mchod par bgyi'o/ /gang dag sangs rgyas rang sangs rgyas/ /sangs rgyas rnams kyi nyan thos dang / /zhes bya ba ni sku gsum gyi sangs rgyas dang / lhag pa mthong nas sems can gyi don byed pa'i rang sangs rgyas kyi bden pa ste//dus gsum gyi sangs rgyas rnams kyis kyang sems can gyi don byed pa/ de bzhin du nyan thos rnams kyis kyang bden pa bzhi'i sgo nas don byed pa'o/ /tshangs dbang dang ni 'jig rten skyong / /gnod sbyin ded dpon dbang phyug dang / / zhes bya ba ni tshangs pa la sogs pa'i phyag mtshan dbyug gu gsum dang rdo rje dang / 'jig rten skyong ba so so'i phyag mtshan gnod sbyin gyi ded dpon bzhin te/ dbang phyug chen po'i rtse gsum mo/ /de bzhin gnod sbyin stobs chen dang / /'phrog ma'i bu dang bcas pa dang / /zhes bya ba ni de rnams kyi so so rang rang gi stobs dang gzi brjid do//de dag mthu dang gzi brjid kyis/ /ro langs las rnams chad gyur cig /ces bya ba ni/ byad dang / ro langs dang / sngags dang / sbod gtong dang / dug dang dug sbyor dang / de rnams chad pas bcad par 'gyur ba'o/ /rdo rjes rin chen phug pa dang //me yis bud shing bsreg pa dang / zhes bya ba ni rdo rje pha lam gyis mu men la sogs pa phig ste/ de bzhin du mes kyang thams cad bsreg pa'o/ rlung gis sprin ni 'thor ba dang / /nyi mas nags tshal skems byed pa/ /zhes bya ba ni bar snang gi sprin mthug po yang rlung gis gtor nas/mi snang bar 'gyur te/ de bzhin du nyi mas kyang rgya mtsho skems pa'o/ /bden pa'i tshig ni de dag gis/ /byad stems las rnams tshig par shog /ces bya ba ni de bzhin du sangs rgyas rnams kyi bka' yang bden te/ de rnams kyi gzi brjid dang stobs rig sngags kyi gsang sngags kyis/ byad dang ro langs la sogs pa tshig pa'o/ /spos dang me tog sna tshogs kyis/ /sdig pa thams cad nges par bsal/ /zhes bya ba ni spos la sogs pa gsal te/ rig sngags 'di yi gzi brjid kyis/ /sdig pa thams cad sreg par byed pa'o/ /s+yAd ya the dan zhes bya ba ni/ rig sngags yin te/rig sngags ni gang zhe na/ zhal gcig phyag gnyis ba/ sku mdog nag mo/ spyan gsum pa dbu skra ser po/ dbu la thod pa lngas brgyan pa/ g.yas na ral gri gdengs pa/ g.yon na lcags kyu dang zhags pa 'dzin pa zhabs pus btsugs su bzhugs pa/ g.yon pa'i zhabs brkyang ba/nyi ma'i gdan gyi steng na gnod byed gnon pa/ bskal pa me ltar 'bar ba'i 'od dang ldan pa/ rgyan sbrul gyis brgyan pa/ zhal gdangs pa mche ba gtsigs pa/ khro gnyer dang ldan pa/ rdo rje rigs ma dang / stong chen mo rab tu 'joms ma'o/ /rig sngags ni rig sngags kyi zhal nas byung ngo //brlag par bya'o/ /gsad par bya'o/ /bcom par bya ba la sogs pa'o/ /sngags ni hu me hu me la sogs pa'o/ /de bzhin du byas na the tshom med do/ /las kyi rnam par smin pa ni ma gtogs so/ /lha thams cad kyi gsang sngags 'di dag gis byang dang /ro langs dang sman dang sngags dang / dug dang dug sbyar ma rnams gcad do/ /bshig go/ /pham par byas so/ /pha rol pham par byas so zhes bya ba ni/ bden pa'i tshig de dag dang rig sngags kyis bsad/ dmod mos 'tshig par byed pa'o/ /byad dang ro langs la sogs pa'i cho ga'i gnas skabs te dgu pa'o// //lnga pa dang / shu ba dang / smyo ba dang / 'bras dang / 'brum bu dang / rkom po dang / dug 'thungs pa la sogs pa las thar bar 'tshal ba zhes bya ba ni/ dang por rang gi phyag gis bgyi'o/ /gnyis pa chus gdab bo/ /gsum pa dUr bas bya'o//bzhi pa rtswa ku shas bya'o/ /lnga pa rma bya'i sgros sel lo/ /drug pa mtshon gyis brdeg go/ /bdun pa rang gi sos bya'o/ /de bzhin du byas na the tshom med do/ des ma sos na las kyi rnam par smin pa yin te gang gis kyang mi sos so/ /lhog pa yang de bzhin bya'o/ /dug za bar 'gyur na chu la btab la 'thung du gzhug go//shin tu khrus bgyis pa brgyan pa zhes bya ba ni/ 'dod chags dang / 'gog pa la sogs pa spang bar bgyi'o/ /stan bzang po'i steng du mchis te zhes bya ba ni/ sa bdag gi nad kyis btab pa yin te/ lus bde ba dang / ngag bde ba dang /sems bde bar byas la/ bzlas pa rgyun mi 'chad par bya'o/ /rig sngags 'di brjod par bgyi'o zhes bya ba ni/ ngag ma 'dres par rig sngags kyi rgyal mo stong chen mo rab tu 'joms ma'i mdo gdon par bya'o/ /de nas bden pa brjod par bya'o/ /sangs rgyas kun gyi gzi brjid dang //rang rgyal ngag gi gzi brjid dang / /zhes bya ba ni dus gsum gyi sangs rgyas rnams kyi gzi brjid kyis dug bcom ste rang sangs rgyas kyis kyang sku'i don byed pa'o/ /dgra bcom dag gi mthu dag dang / /gsang sngags 'dzin pa thams cad dang / /zhes bya ba ni nyan thos dgra bcom pa rnams kyis kyang /nyon mongs pa bcom ste/ gsang sngags 'dzin pa yang gzi brjid dang ldan pa'o/ /shA ri'i bu yi shes rab dang / /maud gal bu yi rdzu 'phrul dang / /zhes bya ba ni nyan thos kyi tshogs su gyur pa la/ shes rab la grags pa dang rdzu 'phrul la grags pa'o/ / ma 'gags pa yi mig dang ni/ /'od srungs sbyangs pa'i yon tan dang / /zhes bya ba ni nyan thos de gnyis la yang mthong bar grags pa dang / sems can la byams par grags pa'o/ /kau N+Di n+ya'i sngar thos dang / /kun dga' bo yi thos pa dang / /zhes bya ba ni nyan thos su gyur pa de gnyis kyang /sangs rgyas kyi bka' thos pa dang / thos pa mang po byas pa'o/ /tshangs pa yi ni byams pa dang / /brgya byin gyi ni dbang rnams dang / /zhes bya ba ni 'jig rten gyi khams lta zhing / sum cu rtsa gsum la sogs pa dbang du 'dus pa'o/ /'jig rten skyong ba'i yul rnams dang //dbang phyug chen po'i stobs dag dang / /zhes bya ba ni phyogs bcu skyong bar byed pa de'i bdag por gnas pa/ lha dbang phyug chen po'i stobs dang ldan pa'o/ /ded dpon rnams kyi nus mthu dang / /'phrog ma'i gzi brjid rdzu 'phrul dang / /zhes bya ba ni 'jig rten khams su mthu che bar grags pa/'phrog ma'i bu dang bcas pa yang / 'jig rten gyi khams skad cig mas rgyu ba'o/ /de dag rnams kyi mthu dang gzis/ /bdag gi dug ni dug med shog /ces bya ba ni/ gang gis dug la sogs pa 'thung ba ni de rnams kyi mthu dang gzi brjid kyis dug gis mi tshugs shing /nges par bcom mo/ /dug med dug rnams 'joms byed pa/ /gsang sngags tshig rnams de lags so/ /zhes bya ba ni gsang sngags ni/ ha ri ke shi Ni la sogs pa'o/ /stong chen mo rab tu 'joms ma'i gsang sngags kyi tshig gis dug gsum nges par 'joms pa'o//gsang sngags tshig rnams de lags so/ /zhes bya ba ni rig sngags ni gang zhe na/ zhal gcig phyag bzhi sku mdog ljang gu spyan gsum pa/ sangs rgyas lnga'i dbu rgyan can/ cung zad khro mo g.yas na ral gri dang rma bya'i sgro 'dzin pa/ g.yan pa na rdo rje dang sbrul 'dzin pa'o//rgyan thams cad ni sbrul dang bcas pa/ zhabs phyed skyil du bzhugs pa'o/ /nyi ma'i gdan gyi steng na mtha' yas dang / 'jog po mnan pa'o/ /'od nyi ma'i 'od dang bcas pa/ rdo rje'i rigs ma stong chen mo rab tu 'joms ma'o/ /'bras dang rma dang shu ba dang //g.yan pa dang ni 'brum bu dang / /lhog pa dang ni g.ya' ba ni/ /bdun pa lags te rab tu bcom/ /zhes bya ba ni 'jig rten nang gi dug gsum ma spangs pas phyi'i dug gsum pa de dag 'byung ste/ 'dir yang gsang sngags kyi byin gyi rlabs kyis 'di dag nges par bcom mo//'dod chags zhe sdang gti mug rnams/ /de dag 'jig rten dug gsum ste/ /zhes bya ba ni 'dod chags kyis ni 'dod pa'i yon tan lnga dang ldan no/ /de dag ni dug chen po zhes bya ba'o/ /zhe sdang gis ni mi la phrag dog la sogs pa byas te/ de dag kyang dug chen po zhes bya'o//gti mug ni ma rig pa yin te/ de dag kyang dug chen po yin no/ /yang na sku'i dug /gsung gi dug /thugs kyi dug dang gsum mo/ /sngon gyi las kyi rnam par smin pa'am/ /'jig rten gyi dug gsum mam/ rang gis rang dug btang ba'o/ /yang na ni rang gis rang sel du btub ste/'jig rten gyi dug gsum ni/ yang dag par rdzogs pa'i sangs rgyas kyis kyang mi sel lo/ /bcom ldan sangs rgyas dug mi mnga'/ /zhes bya ba ni rang gis rang gi dug bcom ste/ bcom ldan 'das kyis dug bcom pa'o/ /de bas na dug mi mnga' ba zhes bya ba'o//sangs rgyas gzi brjid dug bcom mo/ /zhes bya ba ni dug ni gsum yin te/ 'gro ba'i dug dang / 'dug pa'i dug dang / byams pa'i dug dang gsum mo/ /'gro ba'i dug la bzhi ste/ tshor ba mthong ba/ reg pa khas blangs pa bzhi'o/ /'dug pa'i dug nas las skyes pa ste/sam ya 'bum sde'o/ /byed pa'i dug ni/ sbyor ba la sogs pa ste/ dper na kham phor gyi nang du mar dang sbrang rtsi mnyam par byas nas zhag bdun bzhag ste/ mchod rten gyi mdun du mchod par bya ba dang / sbyin sreg bya ba dang / mchod pa bya ba dang / dus khyad par du 'phags pa ni/rig sngags bklag par bgyi'o zhes bya ba ni/ de dag gi tshul khrims dang ldan par bgyis la/ rig sngags gdon par bgyi'o/ /me tog la sogs pa mchod pa lnga dang ldan par bgyis la/ 'byung po dag la yang gtor ma sbyin no/ /tshes brgyad kyi tshe na ni rgyal po chen po bzhi'i skyes bu dag ces bya ba ni/rgyal po'i gzugs su byas nas mchod par bgyi'o/ /rgyal po chen po rnams kyi mdun na de la sems bar zhes bya ba ni/ sngon du bshad pa bzhin du/ rgyal po chen po bzhi'i mchod par bya'o/ /ming nas kyang 'don par bgyid do zhes bya ba ni yul 'khor srung dang /'phags skyes po dang / spyan mi bzang dang / rnam thos sras dang / mchod pa yang dag par bya'o/ /tshes bcu bzhi'i tshe na rgyal po chen po bzhi po dag nyid mdun na sems par bgyid do zhes bya ba ni/ yang nas yang du mchod pa la sogs pa bgyid do/nad la sogs pa 'tshe ba thams cad kyis mi tshugs pa'o/ /ming nas kyang 'don par bgyid do/ /tshes bco lnga'i tshe rgyal po chen po bzhi po dag nyid/ sems par bgyid cing ming nas kyang 'don par bgyid do zhes bya ba ni/ gang zag gang gis de bzhin du byas par gyur na/nad dang sdug bsngal gyis mi tshugs te/ dus dus su rgyal po chen po bzhi po dag kyang 'khor bar 'gyur ba'o/ /bcom ldan 'das kyi nyan thos zhes bya ba ni/ sems ma dad pa gang gis kyang / 'di la gus par byas na tshugs par yang mi 'gyur ro//stong chen mo rab tu 'joms pa'i mdo sde 'di zhes bya ba ni/ dus gsum gyi sangs rgyas kyi brgyud pa rgyun mi 'chad pa/ phyag rgya bzhi'i rgyas gdab pa'o/ /len pa dang / 'chang ba dang / ston pa dang / klog pa dang / kun chub par bgyid pa de ni/ srog chags 'byung po thams cad la snying brtse zhing / phan par bgyid pa lags so zhes bya ba ni/ 'gro ba rigs drug gi sems can rnams tshad med pa bzhi'i sgo nas lta ba dang / gzhan yang 'di'i bslabs pas/ byams pa dang snying rjer ldan pas so/ /btsun pa bcom ldan 'das/bdag cag rgyal po chen po bzhis kyang de la zhes bya ba ni/ bslab pa'i gzhi bzung zhing / sems can rnams kyi don byed pa rgyal po chen po dag la yang gus par byas na/ don 'grub par 'gyur ro/ /gos dang zas dang / mal cha dang stan dang na ba'i gsos sman dang yo byad rnams kyis/mi brel bar bgyi'o zhes bya ba ni/ de bzhin du byas par 'gyur na/ sems can rnams kyang bde bar 'gyur zhing / nad rnams dang 'bral bar 'gyur ba'o/ /sems can thams cad kyis kyang / bsti stang bgyid bar 'gyur zhes bya ba ni/'gro ba rigs drug gi sems can rnams kyang gus par byas pa'o/ /rgyal po dang blon po rnams kyis kyang / bla mar bgyi ba dang / rim gror bgyi ba dang / mchod par bgyid par 'gyur ba lags so zhes bya ba ni/ sngar bshad pa bzhin du de dag gis kyang lus ngag yid kyis gus par byas pa'o//gzhan mu stegs can dang / dge sbyong dang / bram ze dang / spyod pa can dang / kun du rgyu dang / mdza' ba dang / mi mdza' ba dag gi nang du mchis kyang mchod par 'gyur lags so zhes bya ba ni/ mu stegs kyi rigs lta ba mi gcig pa sum brgya drug cu yod kyang drug tu bsdus te/drug po gnyis su bsdus pa'i lta ba rnams kyis kyang 'dir gong du bshad pa bzhin du gus par byas pa'o/ /rigs kyi bu'am rigs kyi bu mo dad pa des gtsang mar bgyis te zhes bya ba ni/ yul 'dzam bu'i gling gi dbus su mi'i lus su skye ste/rigs las 'phags pa rgyal po dang bram ze dang rje'u rigs su skye'o/ /lus gtsang ba dang / gos dang rgyan dang mal cha dang / stan dang yo byad khyad par can dang gtsang mar bgyi'o zhes bya ba ni/ mi dge ba bcu spangs shing phun sum tshogs pa/ dkon mchog gsum rjes su dran pa'o//yul ngan pa rnyed par mi bgyid yul ngan pa'i mdza' bo dang brten par mi bgyid/ /yul ngan pa na gnas pa la bsngags par mi bgyi'o zhes bya ba ni/ mtha' 'khob tu ni mi skye zhing / de dag gi mi rnams dang / gnas pa dang phrad par mi 'gyur ba'o//gang 'byung po'i gdon gyis zin pa'i mdun du stong chen mo rab tu 'joms pa'i mdo sde 'di dran par gyur na zhes bya ba ni/ rims nad dang / yams nad dang de la sogs pa thams cad dang / 'jigs pa thams cad dang / smyo 'bog la sogs pa thams cad las thar bar 'gyur ro//de la rgyal po chen po bzhi po bdag nyid/ bsrung ba dang zhes bya ba ni/ bzhi po de dag kyang stong chen mo la gus par byed pa ni mi nus so/ /'khor de dag gis kyang byed ma nus so/ /skyob pa dang sbed par byed par 'gyur lags so zhes bya ba ni/ gang gis gnod par byed par 'gyur na yang mthong bar mi nus so//btsun pa bcom ldan 'das de ltar na stong chen mo rab tu 'joms ma'i mdo sde 'di mthu che ba zhes bya ba ni/ dngos po med pa dngos po dang bral ba rang bzhin du dag pa/ nam mkha'i ngo bo bzhin du yin te/ brjod pa yang med brjod du yang med do//gang gis rang gi khyim du mtshan gcig gam/ nyin gcig kyang rung yang dag par bsams na zhes bya ba ni/ 'di'i gzhung bzhin du bsgom pa dang / ting nge 'dzin 'chang ba dang rgya cher 'phel ba'o/ /de la lo gcig bar du mi ma lags pas glags rnyed par mi 'gyur lags so zhes bya ba ni/yud tsam du gus par byas na yang / 'di skabs ma phyi gnyis la chad/ sum cu rtsa gsum gyi lha rnams so/ /'jig rten skyong dang zhes bya ba ni/ me lha dang / srin po dang / rlung lha dang / dbang ldan dang / gshin rje dang / gnod sbyin dang /sa bdag rnams so/ /dbang phyug chen po zhes bya ba ni/ u ma de ba lha yin te/ yab yum gnyis dang ngo / /gnod sbyin ded dpon thams cad dang / /zhes bya ba ni ded dpon nyi shu rtsa gnyis dang / mthu bo che nyi shu rtsa brgyad do/ /de rnams kyi ded dpon du gyur pa ni gsum yin te/nam mkha' la rgyu ba dang / sa la rgyu ba dang / sa 'og la rgyu ba gsum mo/ /nam mkha' la rgyu ba ni tshangs pa'o/ /sa la rgyu ba ni khyab 'jug chen po'o/ /sa 'og la rgyu ba ni dbang phyug chen po'o/ /'phrog ma'i bu dang bcas pa yang //zhes bya ba ni 'phrog ma'i bu ni lnga brgya ste/ yab ni gnod sbyin pa ny+tsi ka'o/ /'phrog ma'i bu dang bcas pa la gnod pa gang zhe na/ 'di lta bu yin te/ nyal nas rdul zhing skrag par bgyid/ /rnam pa sna tshogs sgra yang 'byin/ /tshig pa za zhing rdul bar byed/ / rnam pa sna tshogs gzugs bstan pa/ /'khru bar byed cing skyug par byed pa de dag 'phrog ma'i bu'i mtshan nyid do/ /de dag gi cho ga ni bshad par bya'o/ /sngon du bshad pa'i dkyil 'khor gyi cho ga la sogs pa byas nas/ rig sngags ni bklag par bya'o/ /yas stags ni shal nya sha bkal nas/chan dang chang dang khur ba la sogs pa gtor ma la bzhag nas/ chang bu gsum yang mar gyis byugs la ha ri te zhes bya ba'i ming bton la gtang ngo / /de nas byis pa khye'u mang po bos la/ 'bru chan nam sran ma'i chan btsos la/ byis pa la ston mo bya'o//de ltar byas na the tshom med do/ /thal mo dag ni rab sbyar nas/ /zhes bya ba ni de dag rnams kyis thal mo sbyar nas/ sangs rgyas kyi mdun du'o/ /sgra skad gcig tu 'di skad gsol/ /zhes bya ba ni de dag rnams kyis skad gcig tu byas nas/ bcom ldan 'das la zhu ba phul ba'o//nyi ma stong ltar gsal ba'i 'od/ /ces bya ba ni stong chen po rab tu 'joms ma'i gzi brjid dang / mthu dang stobs de bzhin du yin no/ /zla ba nya ltar 'od gsal ba/ /zhes bya ba ni zla ba nya ba bzhin du 'od gsal ba de bzhin du/ stong chen mo rab tu 'joms mas kyang / sems can thams cad la 'od gsal ba'o/ /lha mir bcas pa'i 'jig rten na/ /zhes bya ba ni stong gsum gyi stong gi 'jig rten gyi khams kyi bgegs rnams rjes gcod pa la drag po ste/ yang na stong gsum gyi stong gi 'jig rten gyi khams kyi sems can thams cad skyob pa la drag pa'o//khyod dang 'dra ba yang ma mchis/ /zhes bya ba ni sngon du yang ma byung ste/ phyi nas kyang 'ong ba ma yin no/ /legs sam legs par sbyar na ni/ /zhes bya ba ni 'di la dad pas 'dzin pa rnams la bkra shis pa'i rgyu yin no//gnod sbyin srin po rnams 'joms pa/ /zhes bya ba ni sems can la gnod pa thams cad 'joms pa'o/ /rgyal srid thar bgyid ces bgyi ba/ /zhes bya ba ni/ de la gus par byed pa thams cad la kho'i rgyal srid las thar ba'o/ /rig sngags rgyal srid rab sbyor ba/ /zhes bya ba ni de dag ni rtse mo ste/bsrung ba gang gis kyang khyad par du 'phags pa'o/ /de gang zhe na/ 'khor bar gnas med mya ngan 'das med do/ /gnyis ka med cing sdug bsngal 'joms byed pa/ /rig sngags rgyal mo drag ma yin/ /stong chen gyi ni 'jig rten na/ /srung ba'i mdo sde dam pa lags//zhes bya ba ni dus gsum gyi sangs rgyas kyis yang dag par gsungs pa/ phyogs bcu'i 'jig rten khams khyab pa/ 'di srung ba dang skyob pa byed pa la'o/ /phyag 'tshal skyes bu dpa' khyod la/ /phyag 'tshal skyes bu mchog khyod la/ /zhes bya ba ni skyes bu rnams kyi dam pa stong gsum gyi 'jig rten gyi khams/chos spyod pa la 'dud pa'o/ /thal mo sbyar nas phyag 'tshal nas/ /zhes bya ba ni/ yang dag par rdzogs pa'i sangs rgyas la phyag 'tshal ba'o/ /de nyid du ni mi snang gyur/ /zhes bya ba ni de nyid ni de kho na nyid do//myong 'gyur snang ni ming gi gtso bo ste/ de dag kyang mi'i nang nas byung ba'o/ /yon tan gyi gnas skabs te bco lnga ba'o// //de nas zhes bya ba ni/ phan yon bshad pa'i de nas so/ /bcom ldan 'das nub ka'i dus kyi tshe zhes bya ba ni/ rang gi 'khor dge slong la sogs pa la bka' stsal pa'o//nang du yang dag 'jog las bzhengs nas zhes bya ba ni/ 'dul ba la sogs pa bka' yin te/ gsang ba la gnas bka' stsal ba'o/ /dge slong rnams la bka' stsal ba zhes bya ba ni/ dge slong lnga bcu la sogs pa'o//dge slong dag stong chen mo rab tu 'joms ma'i mdo sde longs shig ces bya ba ni/ dad pa skyed la gus par gyis shig ces bya'o/ /chongs shig /lhogs shig /ston cig /kun chub par gyis shig ces bya ba ni/ gus par gzhan rnams kyis kyang rgya cher 'phel ba'o//de lha dang bcas pa'i 'jig rten la/ yun ring po'i don la phan pa dang / bde ba la reg par gnas par 'gyur ba'o zhes bya ba ni/ 'di la de bzhin du byas par gyur na/ 'jig rten 'di dang phyi ma la yang bde bar gnas pa'o/ /dge slong dag nga'i dge slong gang la la zhig gis stong chen mo rab tu 'joms ma zhes bya ba ni/'di dang gzhan yang mtshungs pa med de/ 'di la gang gis kyang gus par 'dzin pa'o/ /mdo sde 'dis shing skam po la skud pas bcings na zhes bya ba ni/ 'di 'chang ba dang / klog pa dang rjes su yi rang ba la sogs pas dad pa skyes nas de bzhin du tshe thung ba rnams la tshe ring bar 'gyur ro//bkra mi shis pa ni shis par 'gyur ro/ /rgyal ba mi thob pa rnams rgyal bar 'gyur ba dang / bu med pa bu rnyed par 'gyur ba dang / gang gi sgo nas kyang 'bras bu thob par 'gyur ro/ /de las lo ma dang me tog dang 'bras bu rnams skye bar 'gyur na/rnam par shes pa dang bcas pa'i lus la lta ci smos te zhes bya ba ni/ gzhi bems po yang de bzhin du snang ste/ byang chub sems dang ldan pa mi la sogs pa'i sems can yang / tshe thung ba rnams tshe ring bar byed pa/ longs spyod med pa rnams longs spyod dang ldan pa 'gro ba rigs drug gi sdug bsngal yang 'joms par byed pa'o//sngon gyi las kyi rnam par smin pa ni ma gtogs so zhes bya ba ni/ da ltar byas pa da ltar 'byang ba'o/ /dge dang mi dge ba de bzhin de yin te/ dper na zhag tu lon pa'i 'o ma bskol du mi btub pa de bzhin du/dge ba dang mi dge ba yang de bzhin yin no/ /des na sngon gyi las ma gtogs pa zhes bya ba/ de skad ces bka' stsal pa dang zhes bya ba ni/ bcom ldan 'das kyis bka' stsal ba'o/ /bcom ldan 'das la dge slong de dag gis/'di skad ces gsol to zhes bya ba ni/ dge slong rnams kyis zhu ba phul ba'o/ /btsun pa bcom ldan 'das kyis mdo sde chen po lnga gsungs pa ni/ 'di lta ste zhes bya ba ni/ gzugs dang / tshor ba dang / 'du shes dang / 'du byed dang / rnam par shes pa rnams te/ de bzhin du ye shes rnam pa lnga'i sgo nas kyang yod de/ skye mched drug dang khams lnga'i sgo nas yang yin no/ /stong chen mo rab tu 'joms ma dang / rma bya chen mo dang / so sor 'brang ma dang / bsil ba'i tshal dang / gsang sngags rjes su 'dzin ma'o zhes bya ba ni/ rdo rje dang /de bzhin gshegs pa dang / rin po che dang / pad+ma dang / las kyi rigs su zhugs so/ /yang na 'dul ba'i dbang du byas na phal chen pa dang / thams cad smra ba dang / gnas brtan pa dang / mang pos bkur ba dang / gcig ni rigs la mi gtogs te/yang na rigs thams cad kyang ngo bo nyid yin no/ /yang bstan pa'o/ /bram ze dang / rgyal rigs dang / rje rigs dang / dmangs rigs dang / gdol ba'i rigs so/ /de dag kyang kri ya'i dbang du 'gyur na/ bram ze'i rigs zhes bya'o/ /de dag ni sems can gyi don la byas te/grong khyer yangs pa can du gsungs pa dang / rgyal po rgyal byed kyi tshal mgon med zas sbyin gyi kun dga' rab nas gsungs pa dang / dur khrod chen po bsil ba'i tshal du gsungs pa dang / sum cu rtsa gsum pa'i yul du gsungs pa dang bya rgod phung po'i ri la gsungs pa dang de dag ni mdo chen mo lnga yin no//zas sna lnga ni zhes bya ba ni sha dang 'dres pa'i zas yin te de yang 'dod chags la sogs pa'i ngo bo nyid yin no/ /btsun pa bcom ldan 'das kyis de dag zas rnam pa lnga yongs su spongs la chongs shig ces kyang bka' stsal pa zhes bya ba ni/zas rnam pa lnga ni dug dang 'dres pa'i zas yin te/ de yang 'dod pa'i yon tan lnga las byung de dang mi ldan pa ni zas nyung ba'o/ /zas bsod snyoms la brten te rab tu byung shig ces gsungs na zhes bya ba ni/re re mi 'gro zhing rab tu byung ba zla ba dang 'grogs shing gnas pa bsod snyoms kyi zas kyang chags pa med par gsum du bgo ste/ rang za ba dang yi dags dang gzhan la dbul ba'o/ /bcom ldan 'das zas rnam lnga dang ma 'dres pa'i bsod snyoms ni nyung /'di ltar zas rnam lnga dang 'dres pa de ni mang lags na zhes bya ba ni/ dge slong rnams kyis kyang bcom ldan 'das la zas kyi don du zhus pa'o/ /btsun pa bcom ldan 'das de la bdag cag gis ji ltar nan tan du bgyi zhes bya ba ni/ gal te zas rnam pa lnga lhung bzed du lhung bar gyur na/thabs ci bdog ces pa'o/ /de skad ces gsol pa dang / bcom ldan 'das kyis dge slong de dag la bka' stsal pa zhes bya ba ni/ zas rnam pa lnga'i don la dge slong rnams la phan pa'i phyir gsungs pa'o/ /'di skad ces bka' stsal to zhes bya ba ni/dge slong gis bcom ldan 'das la zhu ba phul ba la/ bcom ldan 'das kyis bka' stsal pa'o/ /dge slong dag de nyid kyi phyir/ stong chen mo rab tu 'joms ma'i mdo sde 'chang ba des zhes bya ba ni/ sdig pa dag kyang mi chugs te/zas sna lnga dag kyang med do/ /rma med pa'i nor bu zhes bya ba ni/ yang dag pa'i don yin te/ yang dag pa'i don ni gang zhe na/ gnyis su yang med gnyis su brtags pa yang med do/ /so sor brtags pa yang med do/ /gzungs zhes bya ba bdag nyid srung ba'i phyir zhes bya ba ni/stong chen mo rab tu 'joms ma 'di yang / dge slong rnams la yang dag par gsungs te/ de yang zas rnam lnga srung bar byed pa'o/ /chongs shig /des bsod snyoms len pa'i tshe/ zas la mi mthun pa'i 'du shes bskyed par bya'o/ zhes bya ba ni/ 'di la rnam par rtog pa med par/ rig sngags 'dis sel ba'o/ /zas rnam lnga dang 'dres pa'i bsod snyoms la yang zas rnam lnga ma 'dres so snyam pa'i 'du shes bskyed par bya'o zhes bya ba ni/ gal te rgyus med pa'i sems can rnams kyis dad pas bsod snyoms la byon par gyur na/de'i don la mi dmigs par bsam pa'o/ /'dus byas thams cad mi rtag pa'i rang bzhin dang zhes bya ba ni/ 'dus byas ni byas pa'i chos yin te/ de yang rmi lam lta bu sgyu ma lta bur snang ba'o/ /mi rtag pa la sdug bsngal ba'i 'du shes dang zhes bya ba ni/rmi lam lta bu skyu ma lta bu de yang / lus kyi sdug bsngal du shes par bya'o/ /sdug bsngal ba la bdag med pa'i 'du shes bskyed par bya'o zhes bya ba ni/ 'jig rten gyi khams snang ba 'di sgyu ma lta bu yang dmigs pa stong pa nyid du snang ba'o/ /zas rnam lnga po ga la yod//zas rnam lnga ba su yi yin/ /zhes bya ba ni zas kyi gnas kyang med cing bdag 'dzin pa yang med pa'o/ /su zhig zas rnam lnga po za/ /zhes bya ba ni 'dzin mkhan med cing gzung bya yang ma grub pa'o/ /de bas na zas kyi ming yang med do/ / brjod du med pa'o/ /sems can yang med do/ /sems can ga la yod/ sems can dmigs su med do zhes bya ba ni/ dge ba yang ma grub cing / mi dge ba grub pa yang med do/ /'jig rten gyi khams thams cad kyang dmigs su med pa'i ye shes su snang ba'o//des zas rnam lnga dang 'dres na/ tshes brgyad dang / bcu bzhi dang / bco lnga la bdag bsrung ba bya ste zhes bya ba ni/ gal te rnam par rtog pa skye bar gyur na/ rig sngags 'di'i thabs kyis srung bar byed pa'o/ /rgyal rigs kyi bu mo zhes bya ba ni sngon du bshad pa'i mtshan nyid dang ldan pa/gtsang sbra la brten la kha shar phyogs su bltas la 'khal du gzhug pa'o/ /legs par srung ba shin tu brgyan pa zhes bya ba ni/ lo brgyad lon pa/ gzhan rnams dang ma 'grogs pa shin tu gtsang sbra la brten pa'o//nyin zhag gcig zas bcad pa/ bslab pa'i gzhi bzung ba zhes bya ba ni/ smyung bar byas shing za ma srung ba'o/ /skud pa dmar po bzhi sgril du 'khal du bcug la zhes bya ba ni/ ras dang shing bal gyi skud pa kha dog bsgyur ba la bu mo des 'khal ba'o//gsang sngags 'dzin pa rig sngags dran par bya ste/ skud pa de la mdud la zhes bya ba ni/ gang zag gis gzhung bzhin du mchod pa la sogs pa bya ste/ rdzogs pa'i rim pa dang / bskyed pa'i rim pa bsgom par bya'o/ /skud pa de mtshon gsar pas gcad de zhes bya ba ni/mtshon gzhan ma bcad pa'i mtshon gyis dum bu bdun du byed pa'o/ /rin po che'i snod dam lcags kyi snod kyang rung ba chus bkang ste zhes bya ba ni/ gser ram dngul la sogs pa gang yang rung ba'i snod du tsan+dan la sogs pa'i dri zhim po'i chus bkang ba'o//me tog dag gis khyab par khrom la zhes bya ba ni/ snod gyi nang du me tog sna tshogs kyis mchod par bya'o/ /bdug pa sna tshogs kyis bdugs te zhes bya ba ni/ a ka ru la sogs pas bdug par bya'o/ /yang na sngon du bshad pa'i cho ga bzhin du rig sngags yang dag par mchod la/cho ga bzhin du bklag par bgyi'o/ /snod kyi nang nas skud pa de slar 'byor te ma byung gi bar du rig sngags 'di brjod par bgyi'o zhes bya ba ni/ gzhan dang dag ma 'dres par gsang sngags 'don par bya'o/ /de yang lag pa la bcings la zhes bya ba ni/skud pa nam 'byor ba dang / bsod snyoms pa'i dge slong rnams srung ba'o/ /tshig 'di skad du brjod do zhes bya ba ni/ bden pa bdar ba'o/ /bram ze rnams kyis bslus nas su/ /shAkya seng ges skyob pa la/ /zhes bya ba ni ma rungs pa phrag dog gi dug can/mu stegs kyi rigs can gyis bslus pa'o/ /bde bar gshegs pa shAkya seng ge yang thams cad skyob pa'o/ /dpal sbas kyis ni dug can gyi/ /bsod snyoms dag ni phul ba dang / /zhes bya ba ni sngon gyi dus su ma ga d+hA'i bdag po dpal sbas kyis phul ba'o//de las de ni blangs nas su/ /ston pas dug ni bsal nas gsol/ /zhes bya ba ni sngon gyi dus su yang dug dang 'dres pa'i zas de yang / rnam par rtog pa med par rig sngags kyi yon tan gyis sel ba'o/ /bden pa'i tshig ni 'di yis su/ / zas ni bdud rtsir gyur par shog /ces bya ba ni bde bar gshegs pa rnams kyi bka' bden pa dang / rig sngags kyi nus mthus/ zas la dug med par snang ba'o/ /rnam par gzigs la lha gang dang / /gtsug tor can kun skyob pa dang / /zhes bya ba ni sems can la byams pa dang snying rjes lta zhing /sangs rgyas gtsug tor can gyis kyang 'gro ba rigs drug la skyob pa'o/ /log par dad pa sel ba dang / /stobs chen lha gang dad pa dang / /zhes bya ba ni sangs rgyas log dad sel gyis kyang stobs dang ldan zhing bdud rnams btul ba'o//gser dang dpal ldan 'od srungs dang / /shAkya yi ni seng ge la/ /zhes bya ba ni sangs rgyas de rnams kyang dpal dang ldan te/ dmigs pa med pa'i ye shes snang ba'o/ /rab dad lha yi dbang po dang / /tshangs dbang sum cu'i dbang phyug dang / /zhes bya ba ni gzugs khams dang 'dod khams la dbang byed pa/gzi brjid dang stobs kyis so/ /'jig rten skyong ba bzhi dag dang / /nor bu bzang dang dbang phyug che/ /zhes bya ba ni phyogs bzhi skyong zhing phyogs la dbang byed pa dang / gnod sbyin gyi sde dpon thams cad la dbang byed pa'o//srin mo nag mo chen mo dang / /de bzhin gdol ba gtum mo dang / /zhes bya ba ni sangs rgyas kyi bstan ba bsrung zhing bzang la dga' ba rnams so/ /me tog dang ni bdug pa dang / /bdag gi sbyin sreg 'di bzhes shig /ces bya ba ni 'dir yang gang zag gis sbyin ba'i mchod pa de rnams bzhes par zhu'o//de dag tshim zhing mchod gyur nas/ /bdag gi kha zas byang bar mdzod/ /ces bya ba ni de rnams kyi zhal du gsol te/ bdag gi bsod snyoms yang zas lnga dang ma 'dres pa'o/ /zas lnga dag dang 'dres pa yang //bdag la ma 'dres mdzad du gsol/ /zhes bya ba ni de dag gi nus pas zas lnga dang ma 'dres pa'o/ /kha zas lnga dang 'dres pa yang / /zas de kun ni bza' bar bgyi/ /zhes bya ba ni bdud rtsi lnga'i rang bzhin zas dkar po la brten pa'o/ /sa bon dag ni mchog kun la//sa yi bcud ni zhugs pa yi/ /zhes bya ba ni sa nas skyes pa'i sdig pa'i zas su ma gyur pa'o/ /kha zas 'dres pa thams cad kyang / /bdag la ma 'dres mdzad du gsol/ /zhes bya ba ni dug dang zas rnam lnga dang 'dres par gyur kyang / rig sngags kyi nus mthus ma 'dres pa'o//ji ltar skud pa bcad bsregs pa/ de lta bu yang slar 'byor ba/ /zhes bya ba ni/ rig sngags kyi bden pa des kyang zas rnam lnga dang 'dres par mi 'gyur ba'o/ /de ltar zas rnams 'dres pa yang / /zhes bya ba ni/ bde gshegs kyi bka' dang / rig sngags kyi bden pas/zas 'dres pa'i 'jigs pa mi 'byung ba'o/ /ma 'dres par ni bdag la mdzod/ /ces bya ba ni rig sngags kyi bden pa yin te rig sngags sku gzugs ni gang zhe na/ zhal gcig phyag gnyis sku mdog dmar mo/ /spyan gsum pa dbu la rigs lnga'i sangs rgyas can/ g.yas na rdo rje lcags kyu 'dzin pa/ g.yon na rdo rje dang zhags pa 'dzin pa'o/ /zhabs phyed skyil du bzhugs pa/ rgyan thams cad kyis brgyan pa/ pad+ma'i steng du zla ba'i gang na nyi ma'i 'od dang bcas pa/ rdo rje'i rigs ma stong chen mo rab tu 'joms ma'o/ /gsang sngags ni gang zhe na/s+yAd ya the dan/ 'di lta ste/ gsang sngags ni kha kha me/ zhes bya ba la sogs pa'o/ /kha zas lnga dang 'dres pa yang / /ji ltar ma 'dres zas bzhin du/ /gang gis ji ltar skud bsregs pa/ /zhes bya ba ni sangs rgyas kyi bka' dang rig sngags kyi nus mthus skud pa de yang 'byor ba/zas rnam pa lnga yang rnam par rtog pa med pa'o/ /de 'dra'i bden pa mdzad du gsol/ /zhes bya ba ni gsang ba'i snying po ste/ yang rig sngags gdon par bya'o/ /s+yAd yA the dan/ 'di lta ste gsang sngags ni ka la le la sogs pa'o/ /sangs rgyas rnam par gzigs dang gtsug tor can//bde gshegs kun skyob sangs rgyas log par dad sel dang / /zhes bya ba ni sangs rgyas bzhi po de dag kyang / sems can gyi don byas nas thugs rje'i spyan gyis gzigs pa'o/ /gser thub 'od srungs shAkya thub pa gau ta ma/ /bsnyengs pa mi mnga' ba la skyabs su mchi bar bgyi//zhes bya ba ni/ sangs rgyas gsum po de dag gis kyang / sems can rnams kyi don byas nas thugs rje'i spyan gyis gzigs pa'o/ /yon tan dang ldan pa'i sangs rgyas gang zag gi skyabs su 'gro ba'o/ /mi mchog bdun po de rnams kyi ni sku rnams la//me tog dag dang spos rnams kyis ni mchod par bgyi/ /zhes bya ba ni ye shes kyi rang bzhin mi'i tshogs sogs pa'i dam pa de rnams yang mi'i tshogs rdzogs pas sangs rgyas pa/ de'i yon tan dang ldan pa mi'i mchog bdun po de 'dud pa'o/ /lus dang yid dang rab tu dang ba'i sems kyis ni//de dag rnams la skyabs su nye bar mchi bar bgyi/ /zhes bya ba ni gang zag rab tu gus par byed pa'i sems kyis/ sangs rgyas de rnams la bskyab cing gus par byed pa'o/ /sangs rgyas rdzu 'phrul che dang ldan pa de dag la/ / lha gang mngon par dang ba rab tu yod pa yi/ /zhes bya ba ni rdzu 'phrul gyi rkang pa dang ldan zhing thams cad mkhyen pa gzhan gyis mi thub pa'o/ /lha nge mgu zhing yid ni rab tu dga' gyur ne/ /zhes bya ba ni bka' de rnams kyi byin rlabs kyis thams cad dga' zhing bde bar gyur pa'o//rab tu dang ba'i sems kyis bdag la srung du gsol/ /zhes bya ba ni lus dang ngag dang sems kyis kyang / sems can thams cad bsrung ba ste/ /dam pa'i chos 'di gus par byas na ni/ rgyun du zhugs pa dang / phyir mi ldog pa'i 'bras bu dang / lan cig phyir mi ldog pa dang /'jig rten na yang dag par song pa dang / yang dag par zhugs pa dang 'jig rten na dgra bcom ba'i 'bras bu thob pa'o/ /yang dag par rdzogs pa'i sangs rgyas kyi zhing khams dang / sa bcu'i byang chub sems dpa'i zhing khams thob pa ste/ de bzhin du nyan thos dang / rang sangs rgyas kyi 'bras bu yang yin no/ /lha tshe ring po'i yul du mi skye ba dang / mtha' 'khob dang rigs ngan gyi yul du mi skye ba dang chom rkun dang rkun ma dang ngan song gsum nas thar pa dang de dag kyang rig sngags la dad pa skyes pa yin no/ /de'i tshe na lha dang mi'i yul dang /'dzam bu'i gling gi dbus na bram ze 'am rgyal rigs sam/ gang gi rigs bzang ba la skye bar 'gyur ro/ /nam skyes pa'i dus su yang chos 'di dang 'grogs par 'gyur ro/ /da lta'i tshe na yang 'jigs pa las skyob pa dang / sba ba dang srung ba dang mtshams gcod pa la sogs par yang 'gyur ro//gza' dang rgyu skar dang / rmi lam ngan pa dang ltas ngan pa dang / byad dang ro langs dang dug dang dug sbyor ba dang / sbod gtong dang sngags dang 'byung po rnams kyang 'tshe bar mi 'gyur ro/ /bsod snyoms kyi cho ga'i gnas skabs te bcu drug pa'o// // bcom ldan 'das kyis de skad ces bka' stsal nas zhes bya ba ni/ rig sngags kyi rgyal mo stong chen mo rab tu 'joms ma 'di/ 'phags pa kun dga' bo la gtad pa'o/ /dge slong de dag yi rangs te zhes bya ba ni/ dgra bcom pa'i nyan thos lnga brgya dang / byang chub sems dpa'i dge 'dun dang /dge slong dang / dge slong ma dang / dge bsnyen dang / dge bsnyen ma dang / mi mjed kyi bdag po tshangs pa dang / /tshangs chen gyi lha dang / sum cu rtsa gsum gyi bdag po brgya byin dang / dga' ldan gyi lha rnams dang / rgyal chen rigs bzhi'i lha rnams dang /'jig rten skyong ba rnams dang / gnod sbyin ded dpon nyi shu rtsa gnyis dang / gnod sbyin mthu bo che nyi shu rtsa brgyad dang / 'phrog ma bu dang bcas pa lnga brgya dang / mi'i rgyal po ma skyes dgra dang mi rnams la sogs pa'o/ /bcom ldan 'das kyis gsungs pa la mngon par bstod do zhes bya ba ni/bcom ldan 'das kyis de rnams kyi mdun du gsungs so/ /stong chen mo rab tu 'joms ma'i 'bum 'grel dag pa lnga pa/ stong chen mo rab tu 'joms ma'i 'grel pa/ las kyi rdo rjes mdzad pa rdzogs so// //