CLOSE WINDOW

D2684
བོད་ཡིག

slob dpon bde ba'i myu gus mdzad pa rdzogs so// //[ ]@##/ /rgya gar skad du/ badzra bi dA ra Na nA ma d+hA ra Ni br-iti/ bod skad du/ rdo rje rnam par 'joms pa zhes bya ba'i gzungs kyi 'grel pa/ bcom ldan 'das rdo rje rnam par 'joms pa la phyag 'tshal lo//rdo rje lta bu'i ye shes kyis/ /gdul dka' rnams kyi gnyen po gang / /mchog tu zab pa'i chos nyid can/ /rdo rje rnam 'joms sku la 'dud/ /re zhig yongs su shes par bya ba pha rol tu phyin pa'i theg pa dang / rjes su bsgrub par bya ba sngags kyi theg pa gnyis so/ / sngags la yang rdo rje 'chang gis bka' stsal ba'i rgyud dang / de dang mi 'gal ba'i bla ma dam pa'i gdams ngag go/ /rgyud la rnam par gzhag pa dang / /bshad pa'i tshul gyis rtogs par bya ste/ re zhig spyi rgyud kyi rnam par gzhag pa ni/ gang zhig rgyun chags pa de'i rgyud do/ /rgyud las ji skad du/ rgyud ni rgyun chags zhes bya ste/ 'khor ba rgyud du 'dod pa yin/ /mya ngan las 'das rgyud phyi ma/ /zhes gsungs so/ /gzhan yang / ma tshang med dang 'brel pa dang / /zhes bya ba la sogs pa'i don yang de bzhin du rig par bya'o/ /de lta bu'i rgyud de la yang gdul bya'i khyad par dang brjod bya don gyi khyad par gyis rnam pa bzhi'o//de yang gang zhe na/ bya ba dang spyod pa dang / rnal 'byor dang / rnal 'byor bla na med pa'i rgyud do/ /gzhan dag rgyud gong ma'i lta ba ston cing 'og ma'i spyod pa ston pa gnyis ka'i rgyud dang lnga'o zhes 'dod pa ni mi 'thad de/ de lta na rgyud la la nas rgyud phal cher gyi don tshang bar gsungs pa yang yod pas rgyud sde lnga las kyang lhag par 'gyur te/nyes pa 'di yang spang bar dka'o/ /de'i phyir rgyud de ni bzhi kho na'o/ /'dir ni bya ba'i rgyud ston pa'i skabs yin pas de brjod par bya ste/ longs spyod rdzogs pa'i sku'i gtsug tor las 'od zer dang bcas pa'i khro bo zhig byung ste zhus pa la bshad pa ni gtsug tor 'khor los sgyur ba'i rgyud ces bya'o//de bzhin du zhal khro bo me lce 'bar ba dang / shangs dang / dpung pa dang / thugs ka dang / lte ba dang / gsang ba dang / zhabs kyi bol gong la sogs pa nas sprul pa'i zhu ba po la gsang ba'i spyi rgyud dang / dpung pa bzang po la sogs pa'i rgyud rnams bshad do//de dag thams cad kyi don zab mo mdor bsdus te lag na rdo rje la gsungs pa ni rdo rje rnam par 'joms pa ste/ le lag gi rgyud dam man ngag gi rgyud ces kyang bya'o/ /de ltar na mdor bsdus te rgyud kyi rnam par gzhag pa'i bshad pa'o/ /de nas rgyud kyi bshad pa'i tshul brjod par bya'o//de la phun sum tshogs pa rnam pa lnga ste/ ston pa dang / gnas dang / dus dang / /chos dang / 'khor ro/ /de la ston pa ni longs spyod rdzogs pa'i sku'o/ /gnas ni chos kyi dbyings kyi pho brang ngo / /dus ni 'dzam bu'i gling du chos kyi 'khor lo gsum gsungs pa'i rjes la'am bsam gyis mi khyab pa'i dus su'o//chos ni rdo rje rnam par 'joms pa la sogs pa'i rgyud rnams so/ /'khor ni sa bcu'i byang chub sems dpa' lag na rdo rje la sogs pa'o/ /de [(]ltan [,]lta na [)]rgyud bshad pa'i tshul lo/ /da ni gzhung gi don la 'jug par bya ste/ de yang gnyis te drang ba'i don dang nges pa'i don yi ge ltar bshad pa dang /gdams ngag gi don phyi dang / nang dang gsang ba dang de kho na nyid kyi dbye bas khrus bzhi bstan pa'o/ /de la re zhig yi ge'i don brjod par bya ste/ de la yang dang por nges pa'i don brjod par bya'i/ yi ge'i don brjod pa ni sgra ji bzhin du 'og nas brjod par bya'o//nges pa'i don du sbyar na chos thams cad kyi de bzhin nyid la bsgyur zhing bcos su mi rung ba'i phyir gzhan du ni ma yin kyi 'di ltar ro zhes bstan pa'i don du 'di skad ces bya ba gsungs so/ /yang dag par ni chos thams cad de bzhin nyid las ma g.yos shing de kho na nyid yin pas na bdag gis zhes bya'o//'o na de bzhin nyid la kha dog dang dbyibs la sogs pa'i rang bzhin med pas ji ltar rtogs par rung snyam pa la de'i phyir/ bla ma'i drin gyis rtogs par 'gyur/ /zhes gsungs pa ni thos pa zhes bya'o/ /de yang dpe la sogs pa'i sgo nas bla mas mtshon pa las rim gyis nges par skye bar 'gyur gyi cig car du rang gi ngo bo thos pa'am/rtogs pa ma yin no/ /de lta bu'i bla ma dam pa rnyed dka' zhing des rjes su bzung yang de kho na nyid myur du rtogs par dka' ste rim gyis sbyangs pa las nam zhig rtogs par 'gyur bas na dus gcig na zhes gsungs so//gang gis de ltar rtogs pa'i don de la ni grub pa'i mtha' zhe'am lta ba zhes kyang zer ro/ /de ltar rtogs pa'i don la gnas te 'dris shing goms par byed pa ni bsgom pa zhes bya ba'am rnal 'byor zhes kyang zer ro/ /de lta bu'i bstan pa dang gong nas gong du bogs dbyung ba'i gnas skabs la ni sa dang lam gyi rim pa zhes zer ro//de rab tu gsal zhing khyad par du gyur pa'i gnas skabs na sgrub pa po de la byang chub sems dpa' zhes zer ro/ /de yang nyon mongs pa'i sems kyis mi dge ba la mi 'jug cing rang gis nyams su myong ba la gnod pa'i las mi byed pa ni spyod pa zhes bya'o//de ltar na lta ba dang / de la gnas pa dang / sgom pa dang / de dang mi 'gal ba'i las spyod pa ste de dag dang ldan pa ni brtson 'grus kyi khyad par gyi skye ba gcig gam gnyis la sogs pa ci rigs par rang 'dod pa'i 'bras bu 'thob par gyur pas 'bras bu bstan pa ni bcom ldan 'das gsungs te/de ni thob par 'dod pa'i phyir 'bras bu'o/ /gnas skabs kyi 'bras bu'i drang ba'i don brjod pa'i skabs su brjod par bya'o/ /de la bcom ldan 'das zhes bya ba ni phyin ci log 'joms pa'i skal ba can te b+ha ga zhes bya ba'i don ni skal ba'am 'joms pa yin pa'i phyir ro//gang 'joms she na bdud bzhi 'joms pa ste skye ba ni phung po lnga mngon par len pas na phung po'i bdud do/ /rgas pa ni legs pa las nyams pas na lha'i bu'i bdud do/ /na ba ni bde bas phongs shing nyon mongs pas na nyon mongs pa'i bdud do/ /'chi ba ni nying mtshams sbyor bar 'gyur ba ste 'chi bdag gi bdud do//bdud de rnams gang las byung zhe na/ nyon mongs pas bskul ba las byung ba'o/ /de yang gang las byung zhe na bag chags dang bcas pa'i sems las byung bas na sems de ni nyes pa thams cad 'byung ba'i rtsa bar gyur bas/ rgyud do cog gi rtsa ba ste/ /zhes gsungs so/ /gzhan yang de legs par rtogs shing sems de'i rang bzhin khong du chud pa goms pas bdag dang gzhan la phan pa dang bde ba thams cad kyang de la 'byung bas de'i phyir/ rgyud do cog gi rtsa ba ste/ /zhes bya'o/ /rgyud thams cad du yang don 'di rtogs pa'i thabs gzhan dang gzhan gsungs bar zad kyi don gyi gtso bo ni 'di nyid yin pa'i phyir yang /rgyud do cog gi rtsa ba ste/ /zhes gsungs so/ /de lta bas na gzhom zhing gdul bar bya ba ni rang gi sems yin te/ ma bcos na nyes pa'i rgyud do cog yin la/ bcos pa ni legs pa'i dpal kun thob par byed pa'i phyir ro//'o na gang gis gzhom zhe na/ de la gsum ste/ ji ltar gzhom pa dang / gang gzhom pa dang / gang gis bcom pa'o/ /ji ltar gzhom pa ni rtogs pa'i don rjes su bsgrub pa mthar phyin pas so/ /gang gzhom pa ni bdud bzhi la sogs pa'i rgyud do cog gi rtsa ba'o//gang gis bcom pa ni dbang gi rim pa dang mthun pa'i khrus kyis so/ /de ltar bcom pas dpal kun gyis ni legs par brgyan pa dang ldan par 'gyur ro/ /de gang gis bcom pa la rnam par rtog pa med cing gang la yang mi gnas pa zhes bya'o/ /rdo rje la bzhugs zhes bya ba ni spangs pa dang ye shes phun sum tshogs pa'i ngo bo nyid las mi 'gyur zhes bya ba'i tha tshig go//de'i che ba'i rang bzhin dang yon tan ni 'og nas mi chod pa zhes bya ba la sogs pas bstan to/ /de'i don ni 'di skad du bstan par 'gyur te/ gang gi bla ma la brten te de kho na nyid rtogs pa mngon du byas pa'i 'bras bu ni dbyings dang ye shes dbyer med pa las smin pa'i tshul du don mdzad cing bzhugs so zhes rig par bya'o//de'i yang bcom ldan 'das zhes bya bas ni chad pa'i mtha' bsal te rdzogs pa'i sangs rgyas la zag pa med pa'i rang bzhin can bde ba chen po'i ye shes mnga' bar bstan to//rdo rje la bzhugs zhes bya bas ni rtag pa'i mtha' bsal te/ chos kyi dbyings ston ba nyid bstan pa'o/ /de ltar na chos kyi dbyings stong pa nyid dang ye shes rtog pa med par mar la mar zhugs pa'am/ chu la chu thim pa lta bur gyur pa ste de la chos kyi sku zhes kyang bya/sangs rgyas bcom ldan 'das zhes kyang bya/ rdo rje 'chang zhes kyang bya/ byang chub chen po zhes kyang bya'o/ /sangs rgyas kyi mthu zhes bya ba la sangs rgyas ni 'das ma thag par bshad pa nyid do/ /mthu ni cho 'phrul te nam mkha'i cho 'phrul sprin la sogs pa sna tshogs 'byung ba lta bu'o//gang la nang du don mi g.yeng ba'i yan lag tu phyag tu de mtshon byed kyi phyag mtshan bsnams pa la de skad du brjod de lag na rdo rje'ang nang gi stong pa'i ngang la mi yengs pa'i brjed byang du rdo rje lag tu thogs pas lag na rdo rje'o/ /rnam par smin pa las grub pa las grub ba dang ting nge 'dzin gyi lus la ni lus thams cad ces gsungs so//rdo rjer byin gyis brlabs zhes bya ba ni stong pa nyid sgom pa'i snod du rung bar byas shing stong pa nyid kyis gdams ngag gnang ba'o/ /rdo rje'i ting nge 'dzin la snyoms par zhugs so zhes bya ba ni lag na rdo rjes gdams pa de lhur blangs te sgrub cing gnas pa'o/ / zhes rig par bya'o/ /gdams pa gang zhe na stong pa nyid dang ldan pa'i khrus bzhi'o/ /de dag ni yi ge'i don nges pa'i don du mdor bsdus te bkod pa'o/ /da ni gdams ngag gi don brjod par bya'o/ /de la bzhi ste/ gzungs sngags kyi tshul zlos pa'i phyi'i khrus dang / rig sngags kyi tshul du zlos pa nang gi khrus dang /gsang sngags su zlos pa gsang ba'i khrus dang / snying bor zlos pa de kho na nyid kyi khrus so/ /khrus de dag kyang rim pa bzhin du nyan thos dang / rang rgyal dang / sems tsam pa dang / dbu ma pa rnams la sbyar bar bya'o/ /de la dang por phyi'i khrus kyis ni lus dag par byed la/nang gi khrus kyis ni ngag dag par byed cing gsang ba'i khrus kyis ni sems dag par byed/ de kho na nyid kyi khrus rdo rje lta bu'i ting nge 'dzin gyis ni lus ngag yid gsum dbyer med pa nyid du 'gyur ro/ /da ni phyi'i khrus bya bar 'dod pa rnams la de bshad par bya ste/ dang por sngags pa snying rje che zhing bya ba la mkhas pas phyi dang nang gi dri ma dag par byas te gos sar pa bgos la mdun du bum pa rin po che las grub pa'i nang du srog chags med cing gtsang ba'i chu blugs nas sku'i rtags su sman lnga dang /gsung gi rtags su spos lnga dang / thugs kyi rtags su snying po lnga dang / phrin las kyi rtags su 'bras bu lnga dang /yon tan gyi rtags su rin po che lnga dang / de bzhin nyid la nyes pa'i dri mas ma gos pa'i rtags su mgul gos gtsang mas dgab cing bzhag ste/ de'i nang du skad cig ma la bskyed pa'i lha'i sku dang / gsung dang / thugs dang / phrin las dang / yon tan rnams mtshon pa'i phyir rdzas de rnams bum par stsol lo//sngags pa bdag nyid kyang yon tan de dag thob par bya ba'i phyir/ rtag tu yid la dran ba'i gzungs thag gdags par bya ste/ srad bu dkar po gtsang ma la sku gsung thugs kyi rang bzhin sum sgril du bya ba bzung ste ma yengs par 'di ltar bzlas pa dang bsgom pa la sogs pa bya'o//gong du brjod pa'i mtshan nyid dang ldan pa'i sngags pas yud tsam gyis mdun gyi nam mkha' la sangs rgyas shAkya thub pa stong pa nyid la mnyam par gzhag ba 'ja' tshon lta bur snang la rang bzhin med pa'i sprul sku bzhugs par bsams la/ rang nyid yud tsam gyis lag na rdo rjer mos par bya'o//de nas bcom ldan 'das kyis bdag lus thams cad rdo rjer byin gyis brlab tu gsol zhes lan gsum gsol ba gdab par bya'o/ /gsol ba btab pas lus rdo rjer byin gyis brlabs pas stong pa nyid du gyur pa la cung zad gnas par bya'o//de nas stong pa'i ngang las rang nyid yud tsam gyis rdo rje rnam 'joms sngon po zhal gcig pa phyag gnyis pa g.yas na rdo rje gdengs pa g.yon na dril bu dku la brten nas bzhengs shing 'gying bag bcas pa'i zhal khro zhing mche ba gtsigs pa'i sku 'ja' tshon lta bur bsams la/ mdun gyi khams gsum rnam par dag pa'i rang bzhin bum pa'i nang du yang yud tsam gyis rang dang mthun pa'i sku bskyed la de'i thugs kar gzungs thag gi sna zug par bsams la sngags kyi sgra 'brug lta bur stong gsum gang bar bsam zhing ngag tu gdon par bya'o//sngags kyi phreng ba gzungs thag la 'khril zhing bum par lha'i thugs kar phog par bsam par bya'o//grangs ni thun re la brgya rtsa brgyad la sogs pa ci nus su bzlas nas de'i rjes la bstod pa yang bya ste/ rdo rje ye shes nyon mongs 'joms pa'i sku/ /thugs rje byams pas ma rig sel ba'i gsung //bde chen mi g.yo mchog tu gsal ba'i thugs/ /rdo rje rnam par 'joms la phyag 'tshal bstod/ /ces bstod pa zin pa dang lha 'od du zhu ste ye shes kyi bdud rtsir bsams la bdag dang gzhan la khrus bya zhing sngags kyi mthar phrin las kyi spel ba dang bcas par bzla'o/ / de ni phyi'i khrus te lus dag pa phung po lhag ma med pa'i nyan thos kyi 'bras bu thob par 'gyur ro/ /de nas nang gi khrus bshad par bya'o/ /bum pa ni rang gi lus te khams gsum rnam par dag pa'i gzhal yas khang ngo / /rdzas ni don snying rnam lnga dang / snod rnam drug dang / phung po lnga dang dbang po lnga dang /'byung ba bzhi la rim pa bzhin du/ sman dang / spos dang / 'bru dang / snying po dang / rin po che rnams su mos par byas la snying gar yud tsam gyis lha bskyed pa'i bar du gsol ba gdab pa la sogs pa snga ma bzhin no/ /rang nyid zas dkar gsum la sogs pa gtsang ma zos pa ni chu'o//gos gtsang ma gyon pa ni mgul chings so/ /dran pa ma yengs pa ni gzungs thag go/ /sngags ni sgra mi che bar bzlas par bya ste rig sngags zhes bya'o/ /zin pa dang snying ga'i lha la sogs pa zhu nas rdo rje nor bu nas byung ba'i rang 'byung gi bdud rtsis bkru bar bya'o/ /de nas khrus bshad de/des ni phyi yul la rgyu ba bkag pas chos kyi bdag gzung ba'i phyogs gcig la bdag med pa rtogs pas ngag dag pa sngags kyi nus pa thob nas rang sangs rgyas kyi 'bras bu mi dma' ba nyid thob par 'gyur ro/ /de nas gsang ba'i khrus brjod par bya'o/ /gsol ba gdab pa la sogs pa snga ma ltar byas nas thams cad sems kyi rang bzhin yin no zhes lhag par mos par byas la/sems de'i rang bzhin ni 'od gsal ba yin mod kyi gnas skabs nyon mongs pas bsgribs pa de gsal ba'i don du sems de lus ngag yid gsum gyi rnam pa yi ge oM AHhUM gsum du bsams la yi ge gsum las sngags kyang gsang sngags kyi tshul du lan bdun yid kyis brjod de yi ge gsum po rim gyis oM dang AHdang hUM la 'dus te hUM de yang nA da'i bar du thim ste/nA da de mar me ltar rab tu gsal bar 'gyur bas ni sems kyi sgrib pa dag par byas nas sems yongs su dag pa sems tsam gyi 'bras bu thob ste gsang ba'i khrus zhes bya'o//ldang bar 'dod na lus ngag yid gsum sku gsung thugs kyi rang bzhin du dbyer med pa la mos pas spyod lam bya'o/ /da ni de kho na nyid kyi khrus brjod par bya'o/ /chos thams cad sems su lhag par mos par sems nyid yi ge gsum du bsams la sku gsum du mos pa bya zhing khams gsum pa rnams kyang yi ge gsum las byung zhing de la slar thim par gyur pa'o zhes mos par bya'o//de nas yi ge oM ni AHla thim pas longs spyod rdzogs pa'i sku'i rang bzhin ngag ni sgyu ma lta bur mi bden zhes mos pa bya'o//de ma thag tu hUM yang AHla thim pas sprul ba'i sku'i rang bzhin lus kyang sgyu ma lta bu ste/ yang dag par ma grub ces bsams zhing de ma thag tu yi ge AHde yang gsal bar bltas te/ ngag tu yang AHzhes bya ba nyi shu rtsa gcig brjod pa ni snying po'i tshul du sngags bzlas pa'o//de ltar brjod pas brjod yal du gyur te de nas AHla sems gsal bar gtad pas sems nyid rang bzhin gyis ma skyes pa rkyen gyis mi 'gag pa'i chos nyid brjod du med pa rang du gnas te/ A'i ming tsam yang mi dmigs pa ni rdo rje lta bu'i ting nge 'dzin te nam mkha' lta bu zag pa med pa'i bde ba dang spros pa med pa'i chos nyid ro gcig tu gyur pa brjod du med pa'i ye shes kyi ngang la ji srid 'dod pas gnas par bya'o//de ni rdo rje lta bu'i ting nge 'dzin yin pas na rdo rje'i ting nge 'dzin la snyoms par zhugs so zhes kyang gsungs so/ /de ni de kho na nyid kyi khrus te sgo gsum dag pa dbyer med pa dbu ma'i lam mthar phyin pa'i chos kyi sku thob pa zhes bya'o//ting nge 'dzin las ldang bar 'dod na yang skad cig las khams gsum pa'i ngo bo a las skur mos pa bya ste spyod lam bya'o/ /ting nge 'dzin de'i che ba ni de nas zhes bya ba nas rab tu smras so zhes bya ba'i bar du gsungs so//de ltar na gdams ngag gi don brjod pa'o/ /da ni yi ge'i don brjod par bya ste/ de la dang por re zhig nges pa'i don bshad par bya'o/ /de nas sangs rgyas dang byang chub sems dpa'i mthus zhes bya ba la sogs pa ni rtogs par sla'o/ / rdo rje zhes bya ba ni stong pa nyid kyi ting nge 'dzin to/ /gal te de ni khro bar mi 'thad do zhe na spros pa dang mtshan ma la sogs pa 'khor ba'i chos thams cad la stong pa nyid de khro zhing gtum la de dag 'joms pa ni de'i phyir de la khro bo zhes gsungs so/ /chos thams cad stong pa nyid chos nyid skye ba med pa'i ngang las byung bas na rdo rje khro bo las byung ba zhes gsungs so//gang 'byung zhe na rdo rje snying po ste/ thams cad la de bzhin gshegs pa'i snying po'i khyad par gsungs pa yin no/ /'dir bsdus pa'i don ni 'di yin te 'khor ba dang mya ngan las 'das pa'i dngos po thams cad ni rgyud do cog gi rtsa ba rang gi sems las byung la/sems de yang shin tu rtogs par dka' bas so so skye bo nas byang chub sems dpa' la sogs pa'i bar du rtogs pa'i bye brag tha dad pa sna tshogs 'byung ngo / /de yang dmus long gis rta dang glang po la dpyad pa bzhin du de dag gis kyang cha shas re re tsam la/ rang rang gi grub mtha' dang lta bar 'dogs pas zad de grub mtha' tha dad kyang sems nyid de bzhin nyid la ni tha dad pa'am rnam par dbye ba yod pa ma yin te ji skad du/chos kyi dbyings la dbyer med phyir/ /zhes bya ba la sogs pa gsungs pa'i phyir ro/ /sems de yang rgyud do cog gi rtsa ba ji ltar yin zhe na lung las chos thams cad sems kyi sprul pa'o//zhes bya ba la sogs pa'i lung dang rigs pa mang mod kyi/ 'dir ni bla ma'i gdams ngag la gtso bo yin no/ /gal te gdams pa ltar na yang sems ci'i phyir na rgyud do cog gi rtsa ba yin snyam pa la/ chos thams cad ni sems su 'dus la sems kyi rang bzhin legs par ma rtogs pas 'khor ba'i rgya mtsho yang byung la/rtogs shing goms pas mya ngan las 'das pa'i bde ba yang byung ba'i phyir sems ni rgyud do cog gi rtsa ba yin no/ /ma rtogs pa las 'khor ba ji ltar 'byung zhe na/ ma rig pa'i rkyen gyis 'khor ba zhes bya ba ste/ de'i rgyu dang /rkyen dang / rang bzhin dang / dbye ba'o/ /sems de legs par rtogs shing bsgrub pa las mya ngan las 'das pa'i bde ba ji ltar 'byung zhe na/ rang byung gi ye shes chen po'i rkyen gyis mya ngan 'das pa zhes bya ba ste/ rgyu dang rkyen dang rang bzhin dang dbye ba'o/ /de dag zhib tu bla ma'i lung las shes par bya'o//de ltar na rdo rje khro bo las byung ba'i rdo rje snying po sems kyi de bzhin nyid de las rgyun du gnas shing brtan pa thob pas ni rnam par rtog pas bar du mi chod pas na mi chod pa zhes bya ste chos kyi sku'o/ /'dus ma byas par lhun gyis grub pa'i rdo rje lta bu'i sku yin pa'i phyir rkyen gyis mi shigs pa'o//yang dag pa'i don la slu ba med pas na bden pa'o/ /don rtogs pa dang thog par dka' bas na sra ba'o/ /rdo rje snying po de ngan song du gnas pa'i tshe dman par mi 'gyur la mya ngan las 'das pa'i dus na bzang bar mi 'gyur bas na brtan pa'o/ /gang gi rdo rje snying po de rtogs pas nam mkha' ltar ci'i ngo bor yang ma grub pas na thogs pa med pa'o//stong pa nyid nam mkha' lta bu de la gang gis kyang mi tshugs shing glags mi rnyed pas na thams cad du ma pham pa'o/ /rdo rje gnas bdun po des ni phal cher bdag gi don yul chos kyi dbyings bstan to/ /da ni phal cher gzhan gyi don gyi dbang du mdzad nas ye shes kyi khyad par gsungs pa ni sems can thams cad skrag par byed pa zhes bya ba la sogs pa phrin las bco brgyad ni drang ba'i don ltar na 'khrul 'khor bris te sgra ji bzhin no zhes 'chad par 'gyur ro//'dir nges pa'i don ltar na bco brgyad po de ni lam gyi rim pas ni stong pa nyid bco brgyad yin zhing 'bras bu'i dus na ni sangs rgyas kyi chos ma 'dres pa bco brgyad du rig par bya'o//de la sems ni rang rig pa de lus la brten pas na sems can no/ /thams cad ni ji snyed pa ma lus pa'o/ /skrag par byed ces bya ba ni stong pa nyid kyi ye shes kyi mes rang gi sems kyi nyon mongs pa skrag pa'o//sems can ni sngar bzhin no/ /'jil ba ni nyon mongs pa mngon du rgyu ba rnams so/ /rig sngags ni phyi'i yul rnams so/ /gcod pa ni sems las gzhan pa'i don ma grub par rtogs pa'o/ /rig sngags ni snga ma bzhin te gnon pa'i yul la 'phro ba bkag pa'o//las ni 'bad pa dang rtsol ba'o/ /stong pa nyid la 'bad cing sgrub pa'i las byed pas na 'joms pa'o/ /da ltar ba gzhan pa'i las sngon gyi las so/ /'jig pa ni zad cing zhi bar byed pa'o/ /gdon ni rnam par rtog ba'o/ /thams cad ni bzang ngan la sogs pa'o//brlag pa ni don rtogs pas rang bzhin gyur ba'o/ /gdon ni snga ma bzhin no/ /thar pa ni slar mi skye ba skye ste gtan spangs pa'o/ /'byung po ni dbugs rgyu rlung la sogs pa 'byung ba bzhi'o/ /'gugs pa ni rlung la sogs pa ste stong pa'i ting nge 'dzin la gnas pa'i stobs kyis rang bzhin gyi rgyu ba chad de bstan pa'o//rig sngags yul rnams so/ /las thams cad ni snang bar bsgyur ba ste 'byung ba la dbang thob pas so/ /ma grub pa ni ting nge 'dzin mi gsal ba'o/ /grub bar byed pa ni de kho na nyid la sogs pa'i khrus kyis de bzhin nyid gsal zhing brtan pa'o/ /grub pa ni ting nge 'dzin nyid do//chud mi za ba ni slar mi nyams pa'o/ /chos sku las gzugs skur 'char zhing des yid la bsams pa ltar phan 'dogs pas na 'dod pa thams cad rab tu sbyin pa'o/ /ting nge 'dzin de las sangs rgyas kyi chos thams cad 'byung bas na 'dod pa thams cad sbyin pa'o/ /sems can ni gdul bya'o//srung ba ni 'khor ba las so/ /ji ltar srung zhe na nyon mongs pa bzhi dang / /rjes su mthun pa'i phrin las bzhes so/ /gang zhe na 'dod chags can dang zhe sdang can dang / gti mug can dang cha mnyam pa la zhi ba dang / mngon spyod dang dbang dang rgyas pa rnams go rims ltar sbyar ro//rengs par byed pa ni zhe sdang can la'o/ /rmugs par byed pa ni gti mug can la'o/ /gzhan yang zhi ba ni de bzhin nyid dang chos kyi dbyings so/ /rgyas pa la ni mngon du gyur pa'i chos kyi sku'o/ /rengs pa ni mngon spyod de bde ba chen po la mngon par longs spyod pas na longs spyod rdzogs pa'i sku'o/ / rmugs pa ni ye shes la sogs pa mi mnga' ba'i phyir sprul skur rig par bya'o/ /zhi ba ni thabs gang gis sems can gyi rgyu ba rags pa rnams zhi nas gnas pa'o/ /rgyas ba ni de las lhag pa'i myong ba mthong ba'am rtogs pa'o/ /rengs pa ni zhi bar gnas shing lhag pas mthong bas sems nyid myong bar mi 'gyur bas de'i phyir rengs pa zhes bya'o//de'i ngang la gnas na dmigs pa'i yul ci yang ma grub cing mthong ba'am rtogs pa'am bye brag phyed pa'i dngos por 'gyur ba ci'ang med pa'i phyir rmugs pa zhes bya ste/ stong pa nyid kyi ngang la gnas pa zhes bya ba'i don to/ / gsang sngags kyi mthu chen po zhes bya ba ni sngar brjod pa'i stong pa nyid chos thams cad kyi rang bzhin te de ni ngo bo nyid kyis gsang ba'am sbas pa lta bur gnas shing rtogs par dka' bas gsang sngags zhes bya'o/ /de'i mthu ni chos nyid bden pa'i nus pa'o/ /chen po ni dngos po dang mtshan ma'i tshogs chen po yang 'joms la mtshan mas slar gzhom pa'am glags mi rnyed pa ste/ji ltar nyi mas mun pa 'joms kyi mun pa de ltar ma yin pa bzhin no/ /rab tu smras zhes bya ba ni don zab mo rtogs pa'i yan lag tu re shig tshig dang yi ge gsungs par zad de/ rdo rje snying po'am yang dag pa'i don la ni smra ba'am bstan par mi nus te rang rig pa'i ye shes kyi ngo bo yin pa'i phyir ro//na mo rat+na tra yA ya zhes bya ba la sogs pa'i gsang sngags kyi don ni byin gyi rlabs chung bar 'gyur bas na ma phye'o/ /de ltar bstan pa'i don des cir 'gyur zhe na/ rgyud do cog gi rtsa ba ma rig pa la sogs pa'i nyes pa rnams zhi nas nyes pa'i 'bras bu sdug bsngal thams cad mi 'byung ste de la dgongs nas/sdig pa thams cad byang byas nas/ /sdug bsngal thams cad med par byed/ ces gsungs so/ /'di skad du gsungs pa yin te gang zhig skye ba la sogs pa'i sdug bsngal 'di dag ni sngon rang rang gi sdig pa mi dge ba spyad pa las byung bas te sdig pa mi dge ba'i las de yang sems la gnas bas na gang gis sems kyi rang bzhin 'od gsal ba rtogs pa de'i tshe bag chags kyi dri ma dag pas sdig pa thams cad dag par gyur nas de'i 'bras bu las kyi rnam smin sdug bsngal la sogs pa myong bar 'gyur ba thams cad kyang med par byed do zhes bstan par 'gyur ro//da ni 'jig rten dang 'jig rten las 'das pa'i 'bras bu phun sum tshogs pa ston te/ 'dir gsang sngags kyi 'bras bu nyan thos la sogs pa phung po lhag ma med pa'i mya ngan las 'das pa tho rangs kyi mar me shi ba ltar mi 'dod pas yon tan gyi dbang du mdzad de/ dpal kun gyis ni legs par brgyan//zhes gsungs so/ /des ni nges pa'i don rnams bshad zin to/ /da ni drang ba'i don brjod par bya ste/ de la phrin las kyi bye brag bco brgyad do/ /mdor bsdus na phrin las bzhi'o/ /de la lha'i rnal 'byor dang ldan pas las 'di dag bsgrub par bya'i stong pa nyid kyis ma yin no//de yang chos gsum dang ldan pa'i sngags pas 'grub par rje btsun gsungs te de gang zhe na rtogs pa'i gdengs dang ldan pa dang lha las su rung ba dang / bzlas pa mthar phyin pa'o/ /de lta bu'i sngags pas sgrub pa ni snying brtse ba sngon du 'gro bas bya'i gzhan du na dam tshig dang 'gal bar 'gyur ba'i phyir/de la dang por las bco brgyad la phrin las bzhi'i 'khrul 'khor bri bar bya ste 'khrul 'khor gyi rgyu dang dus dang kha dog dang dbyibs so/ /de la zhi ba'i 'khrul 'khor ni rgyu ras la sogs pa la'o ma dang tsan+dan la sogs pas so/ /dus snga dro'o/ /mdog dkar po'o/ /dbyibs zlum po ste pad+ma rgyas pa lta bu'o//rgyas pa'i 'khrul 'khor ni rgyu shing shun la sogs pa la gi wang la sogs pas so/ /dus nya'am phyed gang du'o/ /mdog ser po'o/ /dbyibs gru bzhi pa'o/ /dbang gi rgyu ni ras sam shing shun la mtshal dang li khri la sogs pas so/ /dus phyi dro'o/ /mdog dmar pos so/ /dbyibs ni zla gam mo//mngon spyod kyi rgyu ni ro ras sam zhing chen la dug dang khrag gis bris pa'o/ /dus ni dgra la mtshan phyed na'o/ /bgegs la nyin phyed na'o/ /dbyibs dang kha dog ni nag po gru gsum mo/ /sngags dang ting nge 'dzin ni lung las shes par bya'o/ /sems can ni gang yang rung ba'o//dbang po ni rnam par shes pa skye ba'i rten mig la sogs pa'o/ /nyams pa ni mi gsal ba'am dman bar gyur pa'o/ /'og nas gnod pa dang zhes bya ba thams cad la sbyar te dbang po nyams pa'i gnod pa dang zhes bya bar rig pa'o/ /gnod pa de dag khrus bzhi po sngar bstan pa la gnas pas zhi bar zhes rig par bya'o//tshul ji ltar gnas pas zhe na sgrub pa po gang dag yid dge ba ni kun la phan par 'dod pas so/ /sems dang ba ni chos la gus pa dang spros pas so/ /dam tshig dang sdom pa ma nyams pa ni gtsang ma'i gos kyis rab brgyan te/ /zhes bya'o/ /mnyan par bya zhes 'brel te gang zhe na mdo sde dam pa'o//ji lta bu zhe na/ zab mo sangs rgyas spyod yul ba'o/ /'di ni slob dpon la lung blangs pa las 'bras bu 'thob kyi rang dgas ni ma yin zhes dgongs pa'o/ /chos rnams kyi de kho na nyid mdor bsdus te gsungs pas na mdo sde'o/ /de la nyan cing rjes su bsgrubs pas gnas skabs kyi 'bras bu yang /mdo sde 'di yi gzi brjid kyis/ /srog chags dag ni thams cad kyi/ /zhes bya ba la sogs pa gsungs te/ thams cad kyi nad zhi zhes bya ba ni gang dag nyams su len pa rnams kyi'o/ /drang ba'i don bshad zin to/ /da ni rdzas dang sngags kyi grangs gsungs pa ni/nor bu yungs kar dUr ba dang / /zhes bya ba la sogs pa ste nor bu zhes bya ba ni mu tig la sogs pa rin po che lnga mtshon pa'o/ /yungs kar zhes bya ba ni 'bru lnga'i brda'o/ /dUr ba zhes bya ba ni snying po lnga'o/ /rma med pa ni ma nyams pa ste tsan+dan gang la ma nyams pa'i dri yod pa de ni dkon zhing dri'i mchog ste spos lnga'i mtshon pa'o//bcas zhes bya ba ni dri de ma rnyed na dri gzhan yang rung zhes bya ba'i tha tshig go/ /rin chen zhes bya ba ni sman lnga'i brda'o/ /sman la sogs pa lnga po de dag ci'i don du bum par gzhug ce na/ zag bcas kyi phung po lnga dang / sa la sogs pa'i khams lnga dang rol sogs pa'i yul lnga dang /'dod chags la sogs pa'i nyon mongs pa lnga rnams yongs su dag nas zag pa med pa'i phung po lnga dang ye shes lnga dang de bzhin gshegs pa'i sku dang / gsung dang / thugs dang / phrin las dang / yon tan de dag gi don rtogs shing thob par bya ba'i phyir ro/ /rin po che lnga la sogs pa dbul pos mi 'byor ro snyam pa la sku gsung thugs kyi mtshon byed du rdzas gsum gsungs te/shel dang rdo rje me tog gam/ /zhes bya ba ni gzhan mi rnyed na zhes bya ba'i don to/ /de ni lus dang ngag dang yid yongs su dag pa'i rang bzhin sku gsum thob pa'o zhes mtshon pa ste sgo gsum dag pa las sku gsum 'byung ba yang sems dag cing dri ma med pa shel lta bu'i chos kyi sku dang /rdo rje lta bu rgyan thams cad kyis brgyan pa longs spyod rdzogs pa'i sku dang / 'gro ba thams cad la yid du 'ong zhing mdzes pa'i me tog lta bu sprul pa'i sku ste de dag mtshon pa'i phyir ro/ /gal te mchog tu dbul bas gsum mi 'byor ro zhe na de'i phyir/chu yi gser ram yang na ni/ /zhes bya ba gsungs te/ de tsam la brten zhes pa'o/ /de la gser ni bsregs pa la sogs pas rang bzhin ser po bsgyur bar mi nus pa bzhin du byang chub kyi snying po yang de de ltar mtshon pa'i brda'o//ram yang na ni zhes bya ba de dag gang yang mi rnyed pas bum pa rin po che las grub tsam la brten zhes bya ba'i don to/ /gang zhe na/ dngul gyi bum pa dag kyang rung / /zhes gsungs so/ /kyang zhes bya ba ni sa la sogs pa'i snod mtshon pa'o/ /'dir rtogs par bya ba ni 'di yin te dngul gyi bum pa ni dkar zhing dri ma med pa dang rin po che yin zhing mnyen pa ltar byang chub kyi sems 'gro ba kun la khyab pa'i don gyi snying po de kho na nyid kyang rnal 'byor pa gang gis mngon du byas nas ma rig pa'i mun pa zhi ba dang nyon mongs pa'i dri ma dag pa dang rin po che bzhin du 'dod pa thams cad 'byung ba dang lam gyi dus na lus dang sems mnyen zhing las su rung ba ste/de ltar dngul dang byang chub kyi sems chos mtshungs pa'o zhes gsungs par rig par bya'o/ /gtsang ma'i gos kyis zhes bya ba ji ltar gos kyis lhags pa dang ngo tsha la sogs pa las skyob pa bzhin du/ rnal 'byor pa'i dam tshig dang sdom pa yang 'khor ba dang ngan song las skyob pa'o zhes bya ba'i tha tshig go//gtsang ma'i zhes bya ba ni dam tshig la sogs pa'i skyon med de ma nyams pa'o zhes rig par bya'o/ /bzlas pa'i dbang du mdzad de thun re re la gzungs ring po nyi shu rtsa gcig gam brgya rtsa brgyad do/ /yang snying bzlas par 'dod na brgya rtsa brgyad yan chad do zhes bya ba'i don to//rgyal po ni sems te bag chags kun gyi gzhi yin la brtan pas rgyal po dang chos mtshungs so/ /de khrus byas pas sgrib pa thams cad dang bral nas ma bcos pa gnyug ma'i ngang la gnas par 'gyur ro zhes dgongs pa'o/ /blon po lta bu nyon mongs pa yid dang 'bangs lta bu'i tshogs drug kyang rgyal po ni zhi bas zhi bar 'gyur ro//de lta bas na gang zhig 'khor ba'i sdug bsngal las thar par 'dod pas sems kyi rgyal po rtag tu khrus gyis shig ces gsungs so/ /rdo rje spun dang dam tshig 'di la mos/ /de yi ngor byas bla ma dam pa'i gsung //shes rab mthu yis bdag gis rnam par bkod/ /dge ba thob de byang chub mchog tu bsngo/ /nyes par gyur na rnam 'joms nyid la bshags/ /rdo rje rnam 'joms kyi 'grel pa jo bo smr-i tis mdzad pa rdzogs so// //paN+Di ta chen po de nyid kyis bsgyur/ phyi dang nang dang de kho na nyid kyi khrus gsum ni theg pa gsum dang ji bzhin du sbyar ro/