CLOSE WINDOW

D2677
བོད་ཡིག

rig pa'i gnas thams cad la mkhas pa'i paN+Di ta chen po karma badzras mdzad pa rdzogs so/ /[ ]@##/ /rgya gar skad du/ shrI b+hU ta Da ma ra maN+Dal bid+hi nA ma/ bod skad du/ dpal 'byung po 'dul byed kyi dkyil 'khor gyi cho ga zhes bya ba/ dpal 'byung po 'dul byed la phyag 'tshal lo//cho ga'i dbye ba'i rang bzhin dri med grub pa ster ba mi rnams bsgral ba'i don du stong nyid don rtogs blo bzang skyong ba bdag gis bshad/ 'di ltar sngon du bsnyen pa byas pas sam/ rtag tu bzlas pa'am/ lo'i nang du'am/ zla ba gcig gi nang du bsnyen pa byas pas dkyil 'khor bri bar bya'o//de yang ji ltar 'chad pa'i rim pas so/ /de yang mi'i rus pa btags pas bgegs bsal ba'i sbyin sreg bya ste/ slob ma'i don du zhi ba'i sbyin sreg bya ba/ nyes pa 'joms pa'i sngags brjod la/ phyogs bcu'i bgegs la phur pas btab ste/gnas srung bar byas la/ pus mo'i bar du brkos la/ yang na brla'am rked pa'i bar du brkos pa ni/ mchog dang bar dang tha ma'i grub pa ster ro/ /skra la sogs pa'i nyes pa thams cad bsal la/ dri bzang po'i chus gtor te dag par bya'o/ /nyes pa 'joms par byed pa'i sngags brjod cing /yang na sa gzhan gyis dgang bar bya'o/ /rin po che lnga dang / sman lnga dang / 'bru lnga yang gzhug cing mnyam par byas la/ dri zhim po'i chus byug go/ /de ltar sa la brtag pa la ni/ zha la dang bcas pa'i gtsug lag khang rnying pa mchog yin la/bye ma dang yungs kar dang chu dang bcas pa la lan bdun bsngags te dkyil 'khor gyi sa gzhi la gtor bar bya'o/ /rin po che dang / ba'i rnam pa lnga dang / sngon gyi sman rnams kyis kyang byug par bya ste/ sa dag par bya ba'i cho ga'o/ /de nas yi ge baM yongs su rdzogs pa las/gter gyi bum pa thogs pa'i sa'i lha mo de yang sku phyed thon pa la bstod cing mchod pa bya ste/ skyob pa sangs rgyas thams cad kyi/ /dbang du gyur pa'i lha mo khyod/ /sa dang pha rol phyin pa dang / spyod pa'i tshul gyi khyad par gyi/ /skyob pa shAkya seng ge yis/ / ji ltar bdud kyi sde bcom pa/ /de tshe khyod ni dbang du gyur/ /de bzhin bdag gis bdud sde las/ /rgyal bar byas la dkyil 'khor bri/ /'dir ni mi bskyod pa'i phyag rgyas bstod pa byas la/ me tog la sogs lngas mchod de/ mchod yon la sogs pa yang byin la/ de'i rjes su lha mo yang dkyil 'khor la thid+ham par bsam zhing /de nas me tog la sogs pa dang ldan pa'i dkyil 'khor la lag pa reg la/ hUM nyi shu rtsa gcig brjod pas bsrung bar 'gyur ro/ /de nas dkyil 'khor gyi dbus su slob dpon 'dug la/ bdag nyid dga' ba bskyed par bya ste/ deng du bdag tshe 'bras bu yong / /de ring sangs rgyas rigs su skyes/ /byang chub sems dang bdag ldan no/ /byang chub sems dpa'i ye shes dang / /bdag kyang da ni ldan par 'gyur/ /de ring rdo rje'i rigs su skyes/ /de ring bdag ni gces pa'i mchog /mchod sbyin mchog gi 'bras bu bdag /lus kyi mchog tu bdag gyur to/ /de nas rang gi lag tu spos thogs te/ /de bzhin gshegs pa thams cad la phyag byas la/ phyogs bcu'i de bzhin gshegs pa thams cad kyi rjes su dgongs par bsams te/ phyogs bcu'i rgyal ba ma lus pa/ /deng du bdag la dgongs su gsol/ /che ge zhes bya'i rdor 'dzin bdag /dkyil 'khor chen po bri bar 'tshal/ /sangs rgyas thams cad 'dir byon cig /rjes su brtse bar nyer dgongs te/ /dngos grub dam pa stsal du gsol/ /de skad ces brjod la dkyil 'khor gyi dbus su 'dug ste/'od zer 'phros cing bsdus pa las bdag nyid rdo rje 'dzin pa'i skur blta bar bya'o/ /de nas khro bo'i rgyal po'i sngags brjod cing / phyag rgya chen po bsgom par bya'o/ /de nas las kyi rdo rje slob dpon shar phyogs su 'dug la/lho phyogs kyis dang por byas pa'i lan gsum bskor te/ mchod pa rnam pa lngas mchod la/ dbang phyug chen po'i gzugs kyis shar phyogs nas dkyil 'khor zhu bar bya'o/ /phyogs gzhan nas kyang de bzhin no/ /de nas slob ma byang chub sems dpas brjod par bya/ 'jig rten gsum gyis phyag byas pa/ /chos kyi rgyal po chen po khyed/ /'byung po kun dang klu rnams dang / /gnod sbyin rig pa 'dzin rnams 'jigs/ /bgegs rnams thams cad 'joms mdzad pa/ /sdug bsngal nyon mongs thams cad 'joms/ /gza' rnams kun dang ro longs dang //yi dags dang ni bdud rnams 'joms/ /grub pa thams cad ster mdzad pa'i/ /dkyil 'khor dam pa bshad du gsol/ de nas las kyi rdo rje slob dpon langs la/ de bzhin gshegs pa thams cad kyis nam mkha'i khams gang bar bsams la/ phyag byas la/ bdag ni legs mdzad rdo rje che/ /bdag ni rdo rje stobs po che/ bdag ni rnal 'byor dbang phyug rgyal/ /phyag na rdo rje brtan par gnas/ /bdag ni dam tshig rdo rje ste/ /byin gyis brlabs pa mi gtod do/ /de nas rdo rje slob dpon tshig gsum gyis rnyed pa dang ldan pas/rang nyid kyi phyag rgya rdo rje dang dril bu bzung la/ rdo rje dril bu gzung bar bya/ /dkyil 'khor las rnams thams cad la/ /'di nyid bzung nas bya ba yin/ /bcom ldan 'das kyi phyag rgya'o/ /oM badzra u tiSh+Tha/ dkyil 'khor nam mkha' la bltas la/ /rang nyid langs la khro bo'i lta bas/yi ge hi las skyes pa'i mig gnyis lta bas bgegs thams cad bsregs te/ de nas khro bo'i phyag rgya bcas la/ phyogs thams cad du blta zhing 'gro bar bya'o/ /rang nyid lha'i nga rgyal dang ldan pas/ sngags brjod par bya ste/ yi ge a yongs su gyur pa las/sna tshogs rdo rjes byin gyis brlabs pa'i 'od zer gyis sa gzhi thams cad khengs par bsam zhing rdo rje'i 'gros kyis bcag par bya'o/ /shar la sogs pa'i bgegs rnams dang / phyogs kyi yang phur bus btab la/ /rdo rje'i ra ba dang gur bsams te//dpal rdo rje sems dpa' dang sbyor bas/ ko skos ol mdud pa mnan la/ /g.yon nga rgyal du blta bas dpal/ /phyogs brgyad 'khor lor gnas pa dang / /steng dang 'og kyang byin gyis brlab/ /b+hUr b+hU ba pa tsaM ban+d+ha ya ta/ /sngags kyi rgyal po hUM brjod pas//nyes pa kun gyis tshugs ma yin/ /de nas oM badzra maN+Dal hUM dza/ 'di yis rdo rje khu tshur gnyis brkyang la/ gsang ba'i dkyil 'khor dgug par bya ste/ zhal bzhi pa/ rdo rje dbyings kyi rang bzhin gyi gsal ba'i dkyil 'khor dgug par bya'o/ /oM badzra badzre a d+hi tiSh+Tha sid+d+hi hUM/de nas rdo rje bskor ba'i phyag rgya byas te brtan par bya'o/ /de nas seng ldeng gi phur pa la bzlas pa byas te/ kun dga' ba dang / rnam par rgyal ba dang / sprin gyi dbang phyug dang / gsus po che dang / rnam par rgyal ba dang / ji lta ba'i rim pas/ 'jig rten gsum las rgyal ba dang / gshin rje gshed dang / stobs po che dang / rta mgrin dang / bdud rtsi 'khyil pa dang / de dag kyang sku smad phur pa'i dpal dang ldan pa/ tsan+dan dmar po'i rang bzhin dang / skud pa dmar po dkris te/ me tog dmar pos brgyan te/ dkyil 'khor gyi phyi rol gyi zur dang / phyogs rnams su lag pa g.yon pas bzung ste/g.yas pa rdo rje dang bcas pas brtan par bya'o/ /log 'dren gyi mtshams la sogs pa ru/ sngags 'dis phur bu brdeg par bya'o/ /oM badzra kI li kI la ya sarba big+h+nAn ban+d+ha ban+d+ha hUM phaT/ 'dir de nas rdo rje rnal 'byor gyi khu tshur gyis go bgo ste/bcing bar byas pas/ dkyil 'khor gyi sgor nyes pa thams cad 'joms par byed pa'i sngags brjod la/ bum pa lhag par gnas par bya ste/ dri bzang po dang bcas pa'i chu blugs te/ lha thams cad kyi ming dang bcas pa nam mkha' la gnas pa/ snying po'i 'od zer gyis bkug ste/yang dag par mchod nas/ gtor ma yang phul la/ bum par gzhug par bya'o/ /bum pa yang nag po spangs pa mgrin pa ring ba/ mchu 'phyang ba/ lto ba rgyas pa/ me tog gi phreng ba dang bcas pa'i ras zung gis mgul pa dkris/ 'bras bu dang bcas pa'i shing gis brgyan pa/ dkyil 'khor gyi gtso bo dang / rigs kyi lha'i mtshan ma dang bcas pa/ rin po che bdun nam rdza las byas pa'i rnam par rgyal ba'i bum pa'o/ /de yang nang du byu ru dang / gser dang dung dang mu tig dang / pad+ma rA ga'i rin po che rnams kyis nang du bcug la gzhan yang sman pr-i ha ti dang /kaN+Ta ka ri dang / ma hA daN+To dang / ut+pal dang / a pa rA dzi ta dkar po dang / 'bras mkhar ma dang / gro dang / sran ma dang / til dang / 'bru rnams kyis kyang ngo / /nang brgyan la/ bcom ldan 'das kyi sngags brgya rtsa brgyad bzlas la/mchod yon dang / zhabs bsil dang bcas mchod cing bstod de/ yi ge hUM brjod pa las/ bcom ldan 'das yongs su rdzogs pa'i skur bltas la rab tu mchod de/ bgegs rnams 'joms par byed pa'i sngags brjod cing / phreng ba'am ma brgyus pa'i me tog gam/spos kyis kyang mchod la/ de nas yi ge bzhi pa'i sngags kyis yang dag par bsrungs la/ las thams cad bya ste/ de nas dkyil 'khor gyi bya ba la 'jug par bya ste/ thun gsum du yang dag par mchod cing / de nas bcom ldan 'das kyi drung du bum pa gzhag par bya ste/'di ni bum pa rab tu gnas par bya ba'i cho ga'o/ /de nas brgya byin la sogs pa shar la sogs pa'i phyogs nas rang rang gi sngags dang phyag rgyas spyan drangs la/ mchod yon la sogs pa phul te/ me tog dang bdug pa la sogs pas yang dag par mchod de/oM sa ra sa ra gats+tsha gats+tsha/ de la sogs pas gshegs su gsol te/ steng nas kyang zla ba dang / nyi ma dang / tshangs pa dang / mig gyen du bltas te gshegs/ 'og tu yang a su re b+h+ya swA hA/ nA ge b+h+yaHswa hA/ so sor yang rdo rje'i sor mo gyen du phye nas/rdo rje 'bar ba'i phyag rgyas gtor ma byin la/ de nas yang / gzhan gtor ma dmar po/ /me tog dang bdug spos la sogs pas brgyan pa'i gtor ma byin zhing lha rnams spyan drang bar bya'o/ /de nas ras dkar pos bum pa rnams g.yogs te/lha rnams kha sbyor dang ldan pa 'byung po dang bcas pa la/ ye ta ya te ma hA b+hU to ro tra s+thA na pra muny+tsa tu swA hA/ de nas sngags de nyid kyis lha bshos la sogs pa dbul te/ so sor 'byung po chen po rnams/ rang rang gnas su ci bder gshegs par bya'o/ / dur khrod chen po lha yi gnas rnams dang / /shing gcig dang ni chu bo'i gnas rnams dang / lam gyi bzhi mdo ling+ga gcig pa dang / /lha'i gnas rnams su myur du gshegs byas la/ /dam tshig gnas la rab tu gnas par mdzod/ /ji ltar khyed ni mi 'gro na/ /khyed kyi mgo ni rdo rjes 'gems//yud tsam gyis ni nyams par 'gyur/ /dmyal ba chen por 'jug par byed/ /ji lta ji ltar ci bde bar/ /rang gi gnas su bde bar song / /yang mchod yon la sogs pa byin la/ mchod de ci bde bar gshegs par bya'o/ /de nas dur khrod dang /lha'i gnas dang / ri'i rtse mo dang / lam gyi bzhi mdo dang / de dag tu myur du 'gro bar 'gyur te/ gtor ma byin pas so/ /dam tshig la rab tu brtan par dam tshig rnams rab tu skyong zhing / khro bo chen po'i bka' stsal ji ltar mnos pas/ rang rang gi las rnams byed par 'gyur te/ru tra s+thA na pra muny+tsan tu swA hA/ de nas/ oM a kA ro mu khaM sarba d+harmA NI A d+ya nu t+pan+na twAta/ 'di ni dbyangs chen po'i 'byung po thams cad la gtor ma sbyin par bya'o/ /mchod yon la sogs pa sbyin pa 'di ni gtor ma'i cho ga'o/ /zhi ba'i rang bzhin nam/rgyas pa la nyes pa rnams 'joms par bya ba'i phyir/ rnam par grol gdong gis/ sngags brgya phrag brgyad bzlas la/ 'khor lo'i lha rnams mchod de/ mchod yon yang phul la/ slob ma lhag par gnas par bya ste/ de nas slob dpon gyis slob ma'i mgo la me tog bzhag ste/slob mas lag par me tog thogs te/ 'di skad ces brjod par bya'o/ /bdag gis ston pa dga' chen po/ /mgon po chen po bdag 'tshal lo/ /byang chub sems mgon brtan pa po/ /dam tshig de nyid bdag la stsol/ /bdag la byang chub sems kyang stsol//sangs rgyas chos dang dge 'dun te/ /skyabs gsum dag kyang bdag la stsol/ /thar pa chen po'i grong mchog tu/ /mgon po bdag ni 'jug par 'tshal/ /de nas dkyil 'khor gyi shar sgor slob ma bzhag la/ snying gar a las zla ba'i dkyil 'khor/de'i steng du yi ge hUM las DaM las bskyed pa'i rdo rje bsams la/ g.yas pa'i rdo rje khu tshur gyis rdo rje bzung la/ slob ma'i snying gar de reg cing / su ra te sa ma ya s+t+waM ho/ /badzra sid+h+ya ya tha su khaM/ sa 'dir slob dpon gyis sdig pa bshags pa bya ba'i don du/ phyag 'tshal bde gshegs thams cad la//ji ltar thams cad mkhyen pa po/ /'khor ba kun gyi skyabs mdzod cig /bdag ni nye bar skyabs su mchi/ /gtso bo kun du bsgom par bgyi/ /sdug bsngal gsum las grol ba'i phyir/ /'jig rten sdug bsngal bdag gis mthong / / thams cad byed par gnas pa yi/ /sdug bsngal gsum gyis thams cad gdung / /bdag ni khyed la dbul bar bgyi/ /bdag ni khyed kyis bzhes su gsol/ /sdig pa thams cad bshags par bgyi/ /phyin chad sdig pa bdag mi bgyid/ /bsod nams kun la rjes yi rangs/ / byas dang byed bcug dge ba la/ /bdag ni de bzhin mngon par dga'/ /chos gsung mdzad pa'i sangs rgyas rnams/ /mya ngan mi 'da' bzhugs su gsol/ /sems can kun gyi don gyi phyir/ /mchog tu rtsol ba chen po yis/ /bdag ni sangs rgyas 'gyur par shog / sangs rgyas dbang phyug gnas pa yis/ /'khor ba thams cad bsgral don du/ /'khor ba'i rgya mtsho mthar phyin te/ /sangs rgyas rgyu la bkod pa'i phyir/ /ji ltar bzod pa'i stobs rnams kyis/ /smon lam chen po gdab par bgyi/ /de ltar gyur pa'i stobs kyis su/ /'di ltar rigs dang rigs skyes kyang //thabs kyis 'gro ba bsgral bar bgyi/ /thams cad mnyam pa'i go 'phang ba/ /dri med stong pa'i yon tan can/ /rigs las byas pa'i bsod nams kyis/ /byas dang byed du bcug pa yi/ /bdag gi bsod nams ci mchis pas/ / grub cing bde ba'i gnas phyin shog /de nas rin chen dpal mos lag pa na dri thogs pa/ dpal mos me tog dang / thig le mchog mas bdug spos dang / ri bong 'dzin mas mar me thogs pa rnams kyis mchod la/ oM badzra hA s+ye hUM/ zhes pa'i sngags kyis/ u dum+bA ra dang /byang chub kyi shing las byas pa'i so shing / dri dang me tog gi phreng bas brgyan pa/ so 'brud pa'i tshul gyis bzung la/ /dor bar bya'o/ /rdo rje chos kyis bzlas pa'i dri bzang po'i mchod yon gyis chus kha bshal byin la/ oM hrIHbi shud+d+ha d+harma sarba pA pa nish+tsa s+ya sarba bi kalpAn a pa na ya hUM/rdo rje rnon po chen po 'di/ /yongs su rdzogs shing ma nyams pa/ /gcig ni mgo bo gzhan ni bstan/ /oM badzra rak+Sha hUM/ bzlas pa sbyin par bya ste/ sngas dang stan du byin la/ rdo rje'i go bskon te/ skud pa sum sgril rang gi slob ma'i dpung pa g.yon pa la bcing bar bya'o//de yang yi ge drug pa'i sngags dang phyag rgyas so/ /srung ba byas la/ slob ma la chos bshad par bya ste/ de ring khyod ni dga' ba yin/ /rnyed pa chen po khyed kyis rnyed/ /de ring sangs rgyas rigs su skyes/ /sangs rgyas sras po dam pa khyod//sangs rgyas kun gyis rjes su bzung / /bdag nyid chen po rgyal ba'i sras/ /khyod ni theg pa chen po la/ /dga' ba'i rigs can thob par 'gyur/ /'di ni lam gyi mchog yin te/ /dpal dang ldan pa'i theg pa che/ /lam 'di la ni khyod phyin na/ /de bzhin gshegs par khyod 'gyur ro//rang byung skal ba che dang ldan/ /'jig rten kun gyis mchod par 'gyur/ /yod dang med pa'i de nyid spangs/ /nam mkha' ltar du dri ma med/ /zab mo rtog ge'i yul las 'das/ /rtog dpyod yul las 'das pa po/ /thams cad lnga ru gnas pas te//lnga pa kun kyang de bzhin no/ /las dang spyod par gnas pa kun/ /gnyis med bden pa'i dpal dang ldan/ /'di ni theg pa chen po'i mchog /'di 'dra khyod kyis thob par 'gyur/ /de skad ces slob ma la brjod par byas la slob ma rnams bstan par bya ste/rdo rje slob dpon gyi bka' drin gyis khyed kyis nang par grol ba'i grong khyer chen po mthong bar 'gyur ro/ /bdug pa la sogs pa ci 'byor pa'i mchod pa rnams shoms shig /bcom ldan 'das 'khor dang bcas pa/ bcom ldan 'das che ge mo rig pa 'dzin pa'i rgyal po 'khor dang bcas pa la phyag 'tshal te/dkyil 'khor snying rje chen po bdag /nang par bdag ni 'dri bar 'dod/ /slob ma rjes su gzung phyir dang / /khyed rnams kyis kyang mchod pa'i phyir/ /'di ltar bdag ni gus pa la/ /bcom ldan 'das kyis bka' drin mdzod/ /bdag ming 'di zhes bgyi ba la//che ge dkyil 'khor ces pa'i mchog /nang par sangs rgyas dkyil 'khor bri/ /ji ltar 'byor pa'i stobs kyis so/ /rjes su bzung ba'i thabs kyis ni/ /bdag gi slob ma gang yin la/ /dkyil 'khor lha tshogs dgongs su gsol/ /de skad ces lan gsum brjod do//de nas dkyil 'khor legs par mchod la/ mchod yon la sogs pa yang phul te/ las kyi rdo rjes slob ma dkyil 'khor gyi gnas su nyal la 'dug par bya'o/ /gzhan nyi ma la lha'i rnal 'byor byas la/ /dkyil 'khor nam mkha' la bltas te/dkar po dang / dmar po dang / ljang gu dang / sngon po dang / dri bzang pos byugs la/ don grub btags pas kyang byug ste/ de ltar skud pa lnga rnams so sor bzhag ste/ oM trAM hrIHaHhUM/ rnam par snang mdzad la sogs pa de bzhin gshegs pa rnams su bsams la/de dag kyang rang rang gi gnas su byin gyis brlab cing sa bon las 'od zer 'phros pa dang / rang gi snying ga las kyang 'od zer 'phros te/ de bzhin gshegs pa lnga'i bdag nyid du byin gyis brlab par bya'o/ /oM dIp+ta dr-iSh+Ti aM ku sha dza/ 'di ni mig lhag par gnas pa'o/ / mig phyogs thams cad du blta bar bya'o/ /gzi ma brtags te mig rab tu bgrad pas/ srad bu nam mkha' la brkyang ba la blta bar bya'o/ /chos rnams thams cad rjes su gcig pa la/ /spro zhing bsdus pas rjes su brtan par byas/ /chos rnams thams cad de nyid gcig pa yin/ / hUM zhes brjod la gcig tu bsgril lo/ /de nas gser la sogs pa'i snod du bzhag cing mchod la/ rdo rje bsdams pa'i phyag rgya bcas la/ /sngags 'di brjod par bya'o/ /oM badzra sa ma ya sU tra mA ti kra ma hUM/ 'di ni lan brgya rtsa brgyad du brjod la/ /de nas dkyil 'khor gyis gzhi la/nam mkha' la gnas pa rnams rab tu brtan pa la/ me tog la sogs pas yang dag par mchod de/ mig gnyis su yi ge dzaHyongs su gyur pa las/ zla ba dang nyi ma'i dkyil 'khor du bltas la/ byang phyogs kyi sgrub pa po bdud rtsi 'khyil pa'i gzugs kyis/ g.yon pa'i khu tshur gyis skud pa lte bar bzung ste/ oMHdzaHdzaHdzaH de skad ces brjod pas/ byang phyogs kyi sgrub pa pos kyang / yang / oMHdzaHdzaHdzaH zhes brjod cing slob dpon gyi lag tu gtad do/ /de ltar slob dpon dang slob ma gdong phyogs pas/ nub dang lho yang slob dpon gyi gnas yin/shar dang byang na slob dpon gyi gnas so/ /de skad ces nam mkha' la thig btab la/ sems kyis phyogs dang mtshams thams cad kyi phyogs mnyam par bgos te/ de nyid kyi rim pas sa gzhi la tshangs pa'i thig la sogs pa gdab ste/ thig skud sboms su dkyil 'khor gyi sgo'i nyi shu cha/ dkyil 'khor nyis 'gyur gyi tshad do/ /de yang rdo rje khu tshur gyis skud pa shar phyogs su bzung la/ /ba tu'ang de bzhin no/ /gnod sbyin dang / yi dags dang / lha dang / klu dang / dbang phyug dang bden bral gyi phyogs su gdong blta zhing /me dang rlung dang ni slob dpon gyi gnas yin la/ shar dang nub dang byang dang phyogs bzhir mnyam par thig btab la/ de yang cha brgyad du mnyam par bya ste/ de yang skud pa'i sgras de bzhin gshegs pa thams cad spyan drangs shing dgongs par bsam mo/ /de yang slob dpon slob ma'i g.yas su bskor zhing 'gro bar bya ste/me dang rlung ni rtag tu slob dpon gyi gnas yin/ srin po dang dbang ldan rnams su yang zur gyi thig rnams gdab bo/ /gru bzhi pa la sgo bzhi pa/ /rta babs bzhi dang yang dag ldan/ /cha rnams bcu drug dang ldan zhing / /rdo rjer bas kun nas bskor//de ltar du ni bshad pa yin/ /phyi rol gyi dkyil 'khor la gnas bzhi ste/ snying po'i lte ba dang re'u mig brgyad dang ldan pa/ phyi rol nas rdo rje ra bas kun nas bskor ba/ /gnyis gnyis dang ldan pa'i cha gsum dang / /thams cad kyi dbus su brgyad cha'i sgo tshad dang / sgo'i phyed kyis sgo khyud dang / 'gram dang / logs kyang ngo / /'gram pa'i phyed kyi rdul tshon gyi sa dang / de nas 'gram pa'i tshad kyis/ /mchod pa'i snam bu'i tshad kyis dra ba dang dra ba phyed pa'i sa'o/ /rdo rje'i ka ba brgyad kyis ni rdul tshon gyis yin la/ sgo'i sum 'gyur gyis rta babs so//phyogs kyi gnas dang snying po'i gnas de bzhin du shes par bya'o/ /'khor lo dang / zur la rgyal mtshan dang / dril bu dang / rnga yab dang / dpag bsam gyi shing dang / de nas dkyil 'khor lte bar phur pa btab la/ phyi rol nas kun nas bskor bar bya ste/ rdo rje'i phreng ba dang / de bzhin ri mo gnyis kyis bskor/ gsum yang bskor la/ kha dog lnga pa'i gzhi yang / ring po bzhi pa'i yang / 'khor lo gru bzhi mnyam pa la bskor ba bya/ ri mo bcu bdun/ cha bcu drug dang ldan pa/ gnas brgyad zlum por bskor te/ rdo rje phreng bas kun nas bskor ba/thams cad kyang sngon du bshad pa'i mdog dang ldan pa'o/ /de nas yi ge hi las/ mig g.yas pa dang / g.yon pa gnyis zla ba dang nyi ma'i dkyil 'khor du byas la/ dkyil 'khor la bltas la/ ye shes kyi thig gshegs su gsol te/ de nas baM laM raM haM dzaM gi sa bon las/rim pa bzhin yongs su rdzogs par byas la/ skud pa'i kha dog bzhin du dkar po la sogs pa rnams kyang byin gyis brlab par bya ste/ rin po che lnga'am/ lcags lnga'am/ ba bla la sogs pa'i khams gzhan nam/ 'bras mkhar ba la sogs pa'i 'bru rnams kyis kyang rung ste/yang na so phag la sogs pa'i sa rnams kyis kyang bya'o/ /oM traHhrIHAHhUM/ sa bon 'di dag yongs su rdzogs pa las/ rang rang gi kha dog gi rigs bzhin du byin gyis brlab par bya ste/ oM badzra tsi tra sa ma ya hUM/ de bzhin du rdul tshon rnams la/sa bon gyi 'od zer las/ de bzhin gshegs pa thams cad spyan drangs te bstims la/ yi ge hrIHlas gzi brjid dang ldan zhing / rdo rje khro bo nyi ma'i lta bas bltas la/ oM brjod do/ /yi ge a brjod cing sngags dang phyag rgya bcas te/ rdul tshon rnams rab tu 'bar bar bsam mo/ /rdo rje khu tshur bcas la/ snying ga'i hUM las 'od zer dri ma med pa 'phros te 'bar bar bsam zhing / sUr+ya dz+wa la maN+Dal hUM phaT/ de nas dkyil 'khor gyi lte ba la btab pa'i phur pa yi ge hUM brjod cing / rang gi rdo rje dang bcas pa'i lag par bzung ngo //phur pa'i khung bu yang rdul tshon lngas dgang ngo / /rdo rje dang dril bu bzung la/ rdo rje'i glu blang zhing / dga' ba dang ldan pas bri bar bya'o/ /'di ni chos dbyings dag pa ste/ /sems can khams ni grol bar byed/ /bdag ni rdo rje 'dzin pa'i rgyal//rdul tshon sa gzhir bkod par bya/ /de nas rdo rje khu tshur gyis log 'dren gyi phyogs nas/ ji ltar bde bar rdul tshon dgod par bya'o/ /de yang mnyam par srab mthug med par g.yas su bskor zhing dkar po dang / ser po dang / dmar po dang / ljang gu dang /sngon po rnams rim pas sbyin par bya'o/ /gnas gnyis pa la/ dkar po dang / dmar po dang / nag po dang / kha dog gsum sbyin par bya'o/ /nang gi gnas gnyis la/ nag po 'ba' zhig gis bri bar bya'o/ /de dag kyang sbom phra sgo'i tshad tsam gyi ri mo bcad cing nas kyi tshad tsam du sbom par bya'o//de yang shar phyogs dkar po/ /gshin rje ser po/ /chu lha'i phyogs dmar po/ /lus ngan po'i phyogs ljang gu/ dbus nag po/ /dkyil 'khor bri ba'i dus su/ bgegs kyi mtshan ma dang ldan na/ bgegs 'joms par byed pa'i sngags dang phyag rgya bcas la/byang chub kyi sems dang ldan pas bgegs bskrad par bya'o/ /de'i dus su/ yi ge haM las glang po che'i gdan de'i steng du yi ge oM las pad+ma dang nyi ma'i gdan/ de'i dbus su bcom ldan 'das rang gi bzhugs stangs dang kha dog gis gnas pa la/dzaHhUM baM hoHzhes brjod pas/ yi ge hUM brjod cing dam tshig gi phyag rgya bcas la bstim par bya'o/ /de nas dam tshig gi phyag rgya bcas la/ dbang phyug chen po rang gi kha dog dang gdan dang bzhugs thabs mngon rtogs sgrub thabs las bshad pa bzhin du/dzaHhUM baM hoHzhes brjod la/ bcom ldan 'das kyi shar phyogs su gzhag par bya'o/ /'khor lo thams cad dgug pa dang / gzhug pa dang / bstim zhing yi ge hUM gis gshegs su gsol lo/ /ji ltar gshegs su gsol ba'i tshe/ /lag pa rdo rje dang ldan pas thig rnams steng du bteg ste/gshegs su gsol lo/ /de nas sngon du bshad pa'i bum pa dri bzang po'i chus bkang ba me tog gis brgyan te/ brgyad dbang lnga la sogs pa dkyil 'khor gyi phyogs dang mtshams dgod par bya'o/ /de nas rdo rje slob dpon khro bo'i ting nge 'dzin dang ldan pas/gos sngon po bgos te me tog sngon po'i phreng bas bcings la/ dril bu dkrol zhing bskor ba lan gsum bya ste/ me tog sngon pos mchod la/ dkyil 'khor gyi gnas su song la gar bya zhing / me tog gi phreng ba blangs la/ gar bya zhing mchod yon phul la/sngags 'di brjod par bya'o/ /badzrod g+ha Ta ya sa ma ya pra be+e sha ya hUM/ rang nyid khro bo chen po'i nga rgyal gyis shar sgo nas song ste/ nub kyi sgor gnas la/ lho dang byang gi yang sgor phyin te/ de nas rol pa'i gar gyis/ shar gyi sgor bum pa'i phyi rol tu phyin la/me tog gi gcal bkram ste/ sngon du bzlas pa la/ oM tiSh+Tha si d+d+hi hUM/ sngags 'di brjod cing dam tshig gi phyag rgya bca'o/ /me tog gi phreng ba blangs la/ yi ge bzhi pa'i sngags stong phrag brgyad bzlas par bya'o/ /de nas dkyil 'khor la lan gsum bskor te/bskor ba gsum byas la dkyil 'khor gyi bdag po'i mdun du gzhag par bya'o/ /yang bum pa gnyis pa blangs la/ brgya phrag brgyad bzlas par bya'o/ /bum pa gnyis pa'i chus bdag nyid dang slob ma'i mgo la gtor bar bya'o/ /khro bo chen po'i sngags dang phyag rgya bcing zhing bstims la/dbang phyug chen po'i mtshan ma can gyi bum pa la sogs pa blangs te/ rang rang gi sngags kyis brgya phrag brgyad bzlas te/ dkyil 'khor gyi phyi rol rang rang gi gnas su gzhag par bya'o/ /chu yis gang pos/ / de nas rnam par rgyal ba'i bum pa dang / gzhan la 'byor na/ dbang phyug chen po dang / brgya byin dang / nyi ma dang / me lha rnams la bum pa gcig go/ /pad+ma'i dpal mo dang / rin chen dpal mo dang / rin chen dpal mo chen mo dang / de'i rim pas dbang bskur bar 'gyur ro//bum pa bcu las nyung ba ni ma yin la/ bum pa bcu rnam par gang bas dbang bskur bar 'gyur ro/ /de ltar dkyil 'khor de mngon sum du gnas pa la mchod cing / oM sarba ta thA ga ta kA ya wAka tsit+ta pra Na me na badzra ban+da nAM ka ro mI ti pra Na ma/sngon du bshad pa'i skyabs dkon mchog gsum la skyabs su 'gro ba bya zhing sdom pa yang gzung bar bya'o/ /byang chub sems ni bskyed par bgyi/ /sems can ma lus bsgral ba'i phyir/ /ji ltar dus gsum mgon po rnams/ /byang chub tu ni nges mdzad pa/ / tshul khrims sdom pa rnam pa gsum/ /dge ba'i chos ni sdud pa dang / /sems can don byed tshul khrims gsum/ /bdag gis kyang ni brtan par gzung / /sangs rgyas chos dang dge 'dun te/ /bla na med pa'i dkon mchog gsum/ /mchog tu gus pas gzung bar bgyi//sdom pa sangs rgyas rnal 'byor can/ /rdo rje dril bu'i phyag rgya yang / /bdag gis de nyid gzung bar bgyi/ /rdo rje chen po'i rigs dag la/ /sbyin pa rnam bzhi so sor sbyin/ /nyin re bzhin la'ang dus drug tu/ /rin chen chen po'i rigs mchog sbyor/ /ting 'dzin rab tu dga' ba yis//chos rnams thams cad gzung bar bgyi/ /phyi nang gsang ba'i theg pa gsum/ /pad+ma chen po'i rigs dag pa/ /byang chub chen po'i rigs byung ba/ /sdom pa thams cad ldan par ni/ /de nyid bdag gis gzung bar bgyi/ /mchod pa'i las rnams ci 'byor pa//las kyi rigs ni chen po la/ /mchog tu bskyed par bgyi ba ni/ /byang chub sems ni rjes bsgral ba/ /sdom pa gzung bar bgyi ba ni/ /sems can kun gyi don gyi phyir/ /ma bsgral ba rnams bsgral bar bgyi/ /ma grol ba rnams grol bar bgyi/ / dbugs ma phyin pa dbugs dbyung zhing / /sems can mya ngan 'das la 'god/ /de nas nyes pa 'joms par byed pa'i sngags brjod cing / go cha bgos te/ hUM bzlas shing gos sngon po gon te/ phrag pa phud de gtsug tor dang ldan pas/ me tog gi phreng ba'i do shal la/dri bzang pos byugs shing / rgyan thams cad kyis brgyan te/ sgo srung gi sngags bzlas shing / /gos sngon pos stod bcings la/ phyi rol du gnas pa la bum pa'i chus gdab par bya'o/ /khro bo'i phyag rgya bcings la/ slob ma la go cha bskon cing srung ba byas la/ slob dpon gyis 'di skad ces brjod par bya ste/ sems can kun gyi don gyi phyir/ /de ma thag tu dngos grub thob/ /khro ba'i rgyal po grub pa'i bdag /dam tshig lha rnams brtan par byed/ /de nas khro bo'i phyag rgya bcings la/ badzra kro d+ha hUM hUM phaT phaT/ de skad ces brjod la/nang du gzhug cing brjod par bya ba ni/ rdo rje khro bo rang gis dbab pa bya ste/ tiSh+Tha badzra/ de la sogs pa'i sngags kyis rnam par grol ba'i phyag rgya bstan par bya ste/ phreng ba bzhag cing gdod pa dkrol la/ de nas chu'i dbang dam tshig gsum sbyin zhing / bcom ldan 'das thams cad slob dpon gyi gzugs kyi gnas par/sngon du brjod pa'i rim pas bsam par bya'o/ /de nas dam tshig gsum gyi don du dbang rdzas sbyin zhing / tshigs su bcad pa lngas bstod la/ yi ge bzhi pa'i sngags brjod cing phyag rgya bcas te/ lung bstan pa bzung zhing yang rdo rje'i mchog sbyin par byed pa rdo rje che ge mo zhes bya ba khyod/che ge mo zhes bya ba'i ming gis/ dkyil 'khor bsgos na rim pa 'dis/ bcom ldan 'das kyi phyag rgya dang sngags bzlas pas/ a'i dbang phyug de'i gnas su khro bo'i rdo rje rang gis gzung zhing /khro bo'i nga rgyal byas la/ de nas rdo rje chen po gzung ngo / /khro bo'i bdag po chen po'i nga rgyal du gnas pas/ de nas sngon khro bo'i dbang po 'gugs pa'i phyag rgya bshad pa/ bcom ldan 'das kyi dkyil 'khor la rab tu bstod cing / sngon gyi nyes pa 'joms par byed pa'i sngags bzlas te/phyogs bcing ba dang / rtsig pa dang / ra ba dang gur bsams la/ mchod yon dang zhabs bsil dbul zhing / dam tshig la gnas pas/ dzaHhUM baM hoHsa ma ya s+t+waM/ de skad ces sgrub pa pos brjod la/ de lha chen po la sogs pa rnams rang rang gi dam tshig la gnas pa'i lha'i dkyil 'khor bsgom par bya'o//sgrub thabs dang phyag rgya dang dbang yongs su rdzogs par byas la/ nyes pa 'joms par byed pa'i sngags brjod cing / bdug pa la sogs pas yang dag par mchod cing /mchod yon yang sbyin la/ gos la sogs pas yang dag par mchod la/ dpag tu med pa'i pi wang dang / rgyal mtshan mang pos mchod cing / oM dang hUM brjod cing / spros cing bsdus pas/ de nas me tog dang spos dang bdug pa dang mar me dang / zhal zas rnams kyis mchod par bya ste/ oM badzra gan+d+he hUM/ dri'i phyag rgya bcas la/ ji ltar 'byor pa'i dris mchod par bya'o/ /de bzhin du/ oM badzra puSh+pe hUM/ me tog gi phyag rgya'o/ /oM badzra d+hU pe hUM/ 'di ni bdug spos kyi phyag rgyas so/ /oM badzra A lo ke hUM/ mar me'i phyag rgyas so/ /de dag gis dpag tu med pa'i mchod pa'i sprin rnams spros shing / bza' ba dang / bca' ba dang / longs spyod pa dang / bldag pa dang / gzhib ba dang / btung ba rnams kyis kyang mchod par bya'o/ /oM a kA ro mu khaM sarba d+ha rmANAM Ad+ya nut+pan natwA ta/'dis rdo rje dri dang / ral gri'i phyag rgyas dbul bar bya'o/ /rdo rje khu tshur gyis sor mo rnams bsgul zhing rol mo'i phyag rgyas yi ge hUM brjod cing dbul bar bya'o/ /rol mo dang / gar dang / rgyan dang / lag gdub dang / sor gdub dang / rna rgyan dang cod pan la sogs pa/oM brjod cing dbul bar bya'o/ /glang po che dang / ba glang dang / de bzhin rta babs dang / gos bzang po dang / dril bu dang / rnga yab dbul bar bya'o/ /oM sarba bid pU ra pU ra A brta A brta ho/ /de nas rdo rje sor mo rnams spyi bor bzhag la/ sngon gyi oM brjod cing dbul bar bya'o//byang phyogs su las kyi rdo rje slob dpon gnas nas/ de nas kha bshal la/ dkyil 'khor gyi sngon du 'dug ste/ yi ge bzhi pa'i sngags stong phrag gcig bzlas shing / de bzhin du dkyil 'khor gyi lha rnams kyis kyang bzlas par bya'o//dkyil 'khor gyi shar phyogs su gdong phyogs nas/ las thams cad pa'i thab tu dkyil 'khor gyi lha'i rnal 'byor dang ldan pas/ me tog dang mar me rnams yi ge bzhi pa'i sngags kyis brgya rtsa brgyad sbyin sreg bya ste/ dbang phyug chen pos gtso byas pa'i dkyil 'khor gyi lha thams cad la sngags bdun bdun gyis dbul lo//de nas me'i thab tu/ rdo rje 'dzin pa chen pos me tog dang / spos la sogs pa dkyil 'khor gyi lha la dbul zhing / de bzhin gshegs pa thams cad la phyag byas te/ 'di skad ces brjod par bya'o/ / bdag ni sdom pa kun dang ldan/ /dam tshig mgon pos rjes su gzung / /phyogs rnams kun na bzhugs pa rnams/ /bdag ming 'di zhes bgyi ba la/ /dpang por gnas par mdzad du gsol/ /gsang ba'i dkyil 'khor chen po 'dir/ /sangs rgyas gar mdzad sdom pa la//'khor lo rab tu bskor bar mdzod/ /rnam par grol ba'i grong khyer du/ /mgon po bdag ni 'jug par 'tshal/ /slob dpon chen po khyed kyis ni/ /gsang ba chen po'i dkyil 'khor du/ /bdag ni skal bar ldan par mdzod/ /dbang bskur chen po stsal du gsol//slob dpon bdag la sbyin par mdzod/ /mtshan rnams kun dang ldan pa po/ /bdag ni rjes su gzung du gsol/ /sangs rgyas sku bdag yid dga' ba/ /gter mdzod slob dpon chen po khyod/ /dbang bskur chen po stsal du gsol/ /sems can kun gyi don gyi phyir//bdag kyang slob dpon 'gyur bar mdzod/ /de skad du slob dpon la maN+Dal phul te zhu bar bya'o/ /bdag ni slob dpon 'di zhes pas/ /byang chub sems kyis gzung bar bya/ /gsang ba'i dkyil 'khor 'dod pa la/ /dkyil 'khor 'dir ni bstan par bya/ / de nas slob dpon gyis dri bar bya/ skyes bu chen po khyod 'dod pa/ /gsang ba'i rigs ni dag pas te/ /dag pa bzhad mdzad zab mo gzung / de nas 'di skad ces brjod par bya'o/ /slob ma bdag ni 'dod do zhes brjod la/ /de nas slob dpon dam tshig dang sdom pa dang ldan pas/ji ltar bka' stsal pa bzhin du bdag gis bgyis te/ de nas byang chub kyi sems bskyed pa dang / 'gro ba dang bstan pa thams cad du/ /yang dbang bskur bar 'dod kyis sdom pa mi bzung ngo zhe na/ de la dkyil 'khor kyang bstan par mi bya zhing dbab par mi bya'o//'ga' zhig sdom pa dang dam tshig gzung bar 'dod pa la ni/ slob dpon gyis rjes su bzung zhing / /dbang sbyin par bya'o/ /de nas nyes pa 'joms par byed pa'i sngags brjod de/ oM sarba yo ga tsit+ta uta pA da yA mi/ sngags 'di brjod la byang chub kyi sems dang ldan par bya'o//slob ma'i snying gar rdo rje rab tu gnas pa byas la/ oM su ra ta sa ma ya s+t+waM ho/ /badzra sid+d+h+ya ya thA su khaM/ de ring khyod de bzhin gshegs pa thams cad kyis byin gyis brlab par 'gyur te/ de ring khyod de bzhin gshegs pa thams cad kyi gsang ba'i dkyil 'khor mthong bar 'gyur gyis/khyod kyis dkyil 'khor ma mthong ba rnams kyi mdun du smra bar mi bya ste/ gus pa dang bral ba rnams la yang ma yin no/ /de nas slob mas yon phul la/ khro bo'i rgyal pos byin gyis brlab par bya'o//de'i rjes su brten par gnas pa la/ bum pa'i nang nas chu blangs pas gtor zhing mgo thog tu bzhag pas bsrung ste/ khro bo'i rgyal po'i phyag rgyas go cha bskon la/ me tog sngon po'i thod bcing zhing / dkyil 'khor bstan par bya'o/ / oM badzra d+ha re/ de las gsang ba'i sngags kyis dgug par bya ste/ 'di skad ces brjod par bya'o/ /ma hA su ra ta su dr-i D+ha ru to swAhA/ badzra sa twA ad+ya si d+h+ya mAM/ yang 'di skad ces brjod par bya ste/ /de ring sangs rgyas rigs su skyes/ /de ring rdo rje'i ye shes thob//ye shes de yis de ring khyod/ /de bzhin gshegs pa thams cad kyis/ /dngos grub kyang ni thob 'gyur na/ /grub pa gzhan lta smos ci dgos/ /dkyil 'khor dam pa khyed kyis mthong / /ma mthong ba la smra mi bya/ /gal te khyod kyis 'di smras na/ / dam tshig rnam par 'gyur ba yin/ /dbab pa'i phyag rgya bcas la/ /de skad ces slob ma'i mgo thog tu rdo rje bzhag la smra bar bya'o/ /'di ni dam tshig rdo rje ste/ /khyod kyis gal te 'di smras na/ /nges par mgo bo 'gas par 'gyur/ /de nas dam tshig gi chu sbyin par byas te/snying po'i sngags bzlas so/ /slob mas 'thung ba'i dus su 'di skad brjod par bya ste/ de ring rdo rje sems dpa' ni/ /khyod kyi snying la yang dag gnas/ /gal te tshul 'di smras na ni/ /de ma thag tu dral te gshegs/ /oM tiSh+Th+na sid+d+hi hUM/ 'di ni khyod kyi dmyal ba'i chu//dam tshig 'das na rlag par byed/ dam tshig bsrungs na grub par gyur/ /rdo rje bdud rtsi'i chu 'thung cig /rdo rje dril bu'i phyag rgya spyi bor bzhag la/ gus pa dang ldan pa dang mi ldan pa'i bsam pa brtags la/ slob ma la 'di skad ces brjod par bya ste/ de ring phan ched khyod kyi rdo rje 'dzin pa nga yin te/ngas ji skad ces pa de khyod kyis bya dgos so/ /de lta ma yin na khyod yid mi bde ba chen po dang bcas nas tshe'i dus byas te/ dmyal bar 'jug par gyur ta re/ de nas rang gi snying gar yi ge a las 'od zer dmar po 'phros pas/sgo dbye ba'i phyag rgya bcas te slob ma'i snying ga'i rdo rje la zhugs nas/ lus thams cad khengs par bsam zhing / de nas 'di skad brjod par bya ste/ de bzhin gshegs pa thams kyis byin gyi rlabs kyis/ rdo rje khro bo bdag la dbab par mdzad du gsol//de nas dbab pa'i phyag rgya snying gar bcas la/ 'di skad ces brjod par bya ste/ /'di ltar dam tshig rdo rje 'di/ /rdo rje sems dpa' dran par bya/ /nges par khyod la 'bab par 'gyur/ /rdo rje ye shes rjes su sgrol/ /oM pra be+e sha badzra kro d+ha hUM hUM hUM a/ ji ltar nam mkha' las khro bo'i dbang pos 'bebs par bsam zhing sngags de brjod par bya'o//des kyang 'bab par ma gyur na/ /de nas khro bo dbab pa'i phyag rgya bcas la/ slob dpon g.yon brkyang pas gnas la/ rdo rje 'dzin rnam par snang mdzad kyi gzugs su bltas la/ slob ma'i spyi bor gnas par bsams la/ 'od zer gyis lus gang bar bsam zhing / rlung gis rab tu g.yos pa la dmigs pa gtad de/ hUM gis byin gyis brlab par bya'o/ /rdo rje slob dpon rang nyid mi bskyod pa'i gzugs su gnas pas/ hUM t+r+'aMH hrIHaH/sa bon 'di rnams 'od zer 'phros pa/ slob ma'i khar 'jug par bsam par bya'o/ /oM pra be+e sha kro d+ha hUM hUM hUM aHdz+wa lA ma la ku la ba kha na badzra a/ des kyang mi 'bab na/ slob ma sdig pa mang po byas pas/ sdig pa 'dral ba'i phyag rgya bcas la/ /sdig pa gzhom par byas te/bcom ldan 'das rdo rje 'dzin pa sku mdog dmar po/ /'od zer dmar po kun nas 'bar ba'i phreng bas bskor ba bsam par byas la/ hUM AHsngags 'di mang du bzlas par bya'o/ /des kyang 'bab par ma gyur kyang / /dbang bskur ba ni sbyin par bya'o//de'i tshe 'bab par 'gyur na mngon par shes pa lnga dang ldan par 'gyur ro/ /de'i babs par gyur na/ lce la rdo rje bsams la 'di skad ces brjod par bya ste/ 'das pa dang / ma 'ongs pa dang / de ltar byung ba thams cad smros shig ces brjod pas smra bar 'gyur ro//de nas snying gar rnam par grol ba'i phyag rgya bcas la/ tiSh+Tha badzra dr-i D+ho me b+ha ba shA shwa to me b+ha ba/ hr-i da ya me a d+hi tiSh+Tha sarba sid+d+hi m+me pra yats+tsha hUM ha ha ha ha hoH 'dis ye shes brtan par byas la/ de nas yi ge trAM gis byin gyis brlabs la/ dkyil 'khor bstan par bya ste/pra tIts+tsha badzra ho/ /de nas slob ma'i mgo bo la me tog phreng ba bcings shing / sems can stobs chen khyod kyis ni/ /'di nyid yang dag gzung bar bya/ /de nas gdong g.yogs bkrol zhing / /de ring rdo rje sems dpa' rang / /khyod kyi mig ni 'byed par brtson/ rdo rje'i mig ni bla na med/ /phye bas mchog tu gyur pa yin/ he badzra pa sh+ya/ de nas yi ge aM dang hUM gis mig gnyis byin gyis brlabs la/ pad+ma wa ti'i ting nge 'dzin gyis dkyil 'khor gyi 'khor lo bstan par bya ste/ de nas gsung gi dkyil 'khor gyi phyed kyi tshad kyis snying po'i dkyil 'khor gru bzhi bsgo rtsig pa kha dog lnga dang ldan pa/lte ba la pad+ma 'dab ma brgyad pa 'od zer gyi phreng bas kun nas bskor ba/ rtsa ba'i dkyil 'khor gyi lte ba la glang po che'i rgyal po'i steng du 'byung po gzhan gyis mi thub pa'i steng na nyes pa thams cad 'joms par byed pa'i khro bo'i rgyal po la sogs pa'i dkyil 'khor gyi lha bltas la/de nas slob dpon gyi dbang bskur ba'i don du slob ma la bkra shis la sogs pa gsungs te/ bkra shis la sogs pa yang rdo rje 'dzin pas bya ste/ /dam tshig gi phyag rgya dang / sngags kyis gnas drug tu phyin gyis brlabs par byas te/rol pa'i 'dug stangs kyis gnas pa la/ gzhan gyis mi thub pa'i 'byung po gzhan rnams kyis kyang yi ge hUM gi sgra sgrogs shing / gdugs dang rgyal mtshan dkar po dang / gling bu dang / oM bzlas shing kha dog sna tshogs pa'i rgyan dang / rnga yab dang /de dag la sogs pa dpag tu med pa'i tshogs pa dang / me tog la sogs pas kyang mchod de/ dung dang rnga rings dang / rnga zlum dang / rnga chung dang / de dag la sogs pa'i rol mo dpag tu med pa dang / gar dang / glu dang / bkra shis kyi tshigs su bcad pa brjod cing /bstod pa'i tshogs kyis kyang bstod la/ sgo skyong gi 'gram nas bum pa blangs la/ bcom ldan 'das kyis bum pas spyi bor dbang bskur zhing / chus kyang gtor la dbang bskur bar bya'o/ /oM b+hUH shrI sid+ha d+hA dza shaM d+ha ni ni hrIH badzra a b+hi Shiny+tsa/de nas 'gro ba la/ hUM badzra phaT/ badzra a dz+hai Shiny+tsa a/ bcom ldan 'das kyis rnam par rgyal ba'i chus kyang dbang bskur bar bya'o/ /hUM badzra a d+hi pa ti s+t+waM a b+hi Shiny+tsa mi dr-i D+ho me b+ha ba dzaHhUM baM hoHhUM phaT/ 'dir ji ltar dbang bskur bas chus dbang bskur bar 'gyur ro/ / bum pa'i dbang bskur ba 'di ni/ de nas rin po che la sogs pa'i rgyan gyis brgyan la/ phyag rgya dang / cod pan dang / dar dpyangs dang / rdo rje dang / yi ges dbang bskur ba rnams rdo rje bdag po'i dbang bskur ba rnams dril bu la sogs pa rnams mchod par bya ste/ slob mas kyang stobs kyis 'byor ba'i yon 'bul ba dang phyag byas la dbang gi don du me tog dbul zhing /de nas grub pa'i rdo rje'i bka' drin sbyin par bya ste/ khro bo'i gzugs kyis gsang ba'i gnas su bstan cing / de nas drag po'i nyes pa 'joms par byed pa'i shes rab dang thabs kyis/rdo rje dbyings kyi de nyid las/ /rdo rje'i rigs kyis sems can thams cad kyi don du/ thams cad grub pa la dgod pa'i phyir/ thabs dang shes rab las rdzogs pa'i khro bo chen po'i gzugs su gyur te/ de nas gser gyi bdag nyid kyi thur ma la bzlas par bya ste/ji ltar mig mkhan rgyal po yis/ /'jig rten rab rib bsal ba ltar/ /de bzhin du khyod mi shes pa'i/ /rab rib rgyal ba rnams kyis bsal/ oM badzra ne tra a pa hA ra pa Ta laM hrI/ slob ma'i mig sman thur ma dang bcas pas bsal bar bya'o//de nas me long bstan la/ a badzra satwa/ zhes bya ba'i sngags brjod cing / me long nang gi gzugs brnyan 'di/ /rdo rje sems dpa'i rang bzhin te/ /byang chub sems 'di dri ma med/ /khyod kyis snying la brtan par gnas/ /sangs rgyas kun gyi rang bzhin can//chos rnams gzugs brnyan lta bu ste/ /dag cing gsal la dri ma med/ /gzung du med cing brjod du med/ /rgyu dang las las kun du 'byung / /chos rnams de ltar shes par gyis/ /rang bzhin dri mas ma gos pa/ /sems can don ni khyod kyis gyis/ /zhes brjod la/ de nas a las skyes pa'i dril bu chos kyi sgra dang ldan par dkrol la/ /de nas/ rang bzhin dag pa'i ngo bo nyid/ /yod dang med pa'i ngo bo spangs/ /rang bzhin dag pa'i sems dpa' che/ /rang bzhin mchog gi spyod pa can/ /de nas ho zhes brjod la dril bu sbyin par bya'o//de'i rjes su mda' dang gzhu byin la/ de bzhin gshegs pa thams cad kyi rjes su chags pa/ phyogs bzhir 'bigs pa'i tshul du bya'o/ /steng dang 'og tu'ang de bzhin no/ /de nas rdo rje dang / chos kyi 'khor lo rkang pa'i 'og tu byin la/raM yaM khaM ral gri yang lag par byin la/ 'di skad ces brjod par bya'o/ /de ring byang chub sems bskyed nas/ chos kyi 'khor lo bskor bar byos/ /chos kyi dung ni rjes su bus/ /don la 'jigs par mi bya zhing / /sems ni rtog pa med par byos/ /'jig rten thams cad bsal ba'i phyir//sngags kyi spyod pa rjes su spyod/ /de ltar byas na de dag kyang / /sangs rgyas kyis bka' stsal pa dang ldan pas so/ /de nas rdo rje 'dzin pas srung ba bya/ /'dir ni kho na nyid de bzhin gshegs pa rdo rje sems dpa' hUM gi yi ge 'jig rten dbang phyug dang /nam mkha'i snying po'i nga rgyal du rim par bya ste/ skad lngas brjod par rjes su byin la/ sems can kun gyi don gyi phyir/ /sems can thams cad kun la yang / /ji ltar rnam par rjes su dag /chos kyi 'khor lo rab tu bskor/ /de nas 'di ltar khro bo yi//nor bu dang 'khor lo 'dir tshigs su bcad pa bzhis brjod par bya zhing / de nas snying po'i sngags brjod la byin zhing / sgrub thabs dang / cho ga phyag rgya bzhi'i ye shes slob ma la bslab shing / rdo rje lag par sbyin zhing / phyag rgya bcas la slob ma lung bstan par bya ste/'di ltar khyod la lung bstan pa/ /rdo rje sems dpa' de bzhin gshegs/ /ngan song las ni sgrol bar byos/ /grub pa'i gnas la thams cad 'khod/ /he badzra nA ma ta thA ga ta sid+d+hi sa ma ya b+hUr b+hU swaH de bzhin gshegs pa'i gzugs su bltas la/lag pa g.yon pas snam sbyar rna mchog ltar byas la/ g.yas pa mi 'jigs pa sbyin pa'i phyag rgya byas te/ de bzhin gshegs pa rigs kyi dam tshig la gnas pas/ blta ba bstan pa mchog tu bzhad mdzad dkyil 'khor 'dir/ /sdig pa thams cad grol zhing dri ma med pa khyod ni bsgom pa kun la bstan par mdzod//khyod la 'chi med bde chen theg pa'i mchog /'jig med rtsod bral dga' ba'i grong khyer 'di/ /sdug bsngal kun las nges par grol/ /rang bzhin grub pa dam pa ni/ /khyod kyis nges par bsrung bar byos/ / dam tshig ldan na grub par 'gyur/ /sangs rgyas kun gyi dam tshig ni/ /ye shes bden pa'i don la gnas/ /byang chub sems ni de ring bskyed/ /de ring rdo rje'i dam tshig ni/ /ji ltar bskyed pa de ma thag /'di ltar thams cad sangs rgyas 'gyur/ chos la bskor zhing bzod pa yi//bzod pa dang ni mi ldan na/ /mi shes rmongs pa'i rang bzhin 'gyur/ /brtags shing dpyad par mi 'gyur ro/ /bdag dang bral bar ma gyur bar/ /nam du'ang bde ba mi rnyed de/ /'dzin pa'i bde ba bde ba min/ /yang dag yid du 'ong ba la/ /rdo rje dril bu'i phyag rgya yang //nam du yang ni mi btang ngo / /slob dpon ming gis rjes bzung ba/ /sangs rgyas kun dang mnyam pa yin/ /ji ltar rdo rje slob dpon ni/ /sangs rgyas thams cad dam tshig bla/ /sangs rgyas kun gyi thugs dang ni/ /slob dpon la khros 'gal bar 'gyur/ rims dang de bzhin dug dang ni/ /rims dang mkha' 'gro ma rnams kyis/ /'jigs pa nye bar skye ba yin/ /dug dang log par 'dren pa dang / /rta yi 'jigs pa nye bar bskyed/ /shi nas dmyal bar sbyar bar 'gyur/ /de nas rtsol ba chen po yis/ /rdo rje slob dpon bla ma che/ / mchog tu ches pas mnyes par bya/ /nam du'ang khro bar mi bya ste/ /ji ltar 'byor pa'i stobs kyis su/ /bla ma mnyes shing mchod par bya/ /ji ltar rgas pa la sogs pas/ /nyes pa gang yang mi 'byung bar/ /de ltar bla ma mnyes par bya/ /rtag tu dam tshig slob dpon la/ / gus pas lus kyi bsnyen bkur bya/ /ji ltar bu dang chung ma dang / /ma lus phul nas mnyes bya na/ /longs spyod g.yo ba smos ci dgos/ /bskal ba bye bas rnyed dka' ba'i/ /sangs rgyas ster ba'i bla ma la/ /gus pas bsnyen bkur bsgrub par bya/ /bla ma mchog la phul ba ni//sangs rgyas kun la phul dang mnyam/ /de lta'i bsod nams sdom pa ni/ /sdom pa bsod nams kun gyi mchog /rtag tu dam tshig la gnas shing / /rtag tu de bzhin gshegs pa mchod/ /rtag tu bla ma la phul zhing / /sangs rgyas kun dang mnyam pa yi/ / 'bras bu tshe 'dir ster bar 'gyur/ /ji ltar bstan pa'i dam tshig ni/ /rtag tu lha dang dam tshig bstan/ /de ring sangs rgyas rigs su skyes/ /tshe 'di'i 'bras bu khyod kyis thob/ /sangs rgyas kun gyi rdo rje'i bdag /'jig rten gsum gyi rgyal po ste/ /rgyal po chen por 'gyur ba yin//de ring bdud rnams kun las rgyal/ /mchog gi grong khyer chen por zhugs/ /sangs rgyas mchog tu khyed gyur to/ /de nas slob mas bskor ba bya ste/ /slob ma'i lag pa g.yas pa'i mthe bo slob dpon gyis bzung la/ g.yon par chu blugs te/ mar gyi sbyin sreg sbyin zhing /sbrang rtsi dang / di ting gi mar dang / zho dang / til dang / thams cad bsres pa'i sbyin sreg dbul zhing / bskor ba yang byas la/ phyag btsal zhing / shar sgor phyin la 'di skad ces brjod par bya ste/ bdag gi slob ma 'di ru ni/ /rgyud rnams kyis ni 'dzin pa po//sangs rgyas byang chub sems dpa' rnams/ /lha la dam tshig ldan pa ni/ /de la 'di skad brjod pa 'di/ /sems can rjes su gzung ba'i phyir/ /rtsol bas dkyil 'khor chen po 'di/ /'bad pa dang bcas bris pa 'di/ /sgrub pa po rnams grub don du//de nas phyi rol du gtor ma byin la/ /mchod yon dang zhabs bsil yang phul te/ ji ltar 'byor pa'i stobs kyis mchod pa rgya chen po phul la/ /ji ltar 'byor pa'i bza' rgyu la longs spyad de/ /phud nas dkyil 'khor gyi lha rnams la mchod la/ bcom ldan 'das la mchod yon yang phul la/ sgrub thabs las byung ba ltar bsgoms la/ dkyil 'khor la bskor ba yang byas la phyag 'tshal lo/ /oM badzra satwa sa ma ya ma nu pA la ya badzra satwa twe no pa tiSh+Tha Di D+ho me b+ha ba su to Sh+yo me b+ha ba/ a nu rak+to me b+ha ba/ su po sh+yo me me b+ha ba/sarba sid+d+hi m+me pra yats+tsha sarba karma su tsa me/ tsit+ti shre yaHku ru hUM/ ha ha ha ha hoH b+ha ga wAn sarba ta thA ga ta badzra mA me muny+tsa badzri b+ha ba ma hA sa ma yas twa AH /'di lan gsum brjod la/ oM hUM kA ra ji ltar 'dod na 'di yang bden par bya'o/ /yi ge hUM brjod cing gshegs su gsol te/rdul tshon dri ma med pa chu bo'i gzhung du dor bar bya zhing / yi ge hUM brjod cing phur pa yang bsdu bar bya zhing 'o ma dang dri bzang po dang ldan pa'i chus bkru bar bya'o/ /phur pa'i khung bu yang dri bzang po dang 'o mas bkang la/ /slob ma dang sa skyong ba'i don du zhi ba'i sbyin sreg bya'o//lha mnyes par bya ba'i don du sbyin sreg gi thab zlum po khru gang ba/ thur du yang sor nyi shu brkos te/ lte ba la sor mo brgyad la rdo rje rtse mo lnga pas mtshan pa/ thab kyi phyi rol du sor mo bzhi dor ba'i de dang mnyam pa'i kha khyer sor bzhi pa las bzhin du byugs te/ me tog sil ma dang phreng bas kyang gtor la/dgang blugs gser ram zangs las kyang rung ste/ gzhan nim pa'i shing ngam/ mchod sbyin gyi shing las kyang rung ste/ dbyug pa sor bcu pa de'i sngon du/ gru bzhi pa dma' ba sor gnyis pa rdo rje rtse lnga pas mtshan pa/ bcud 'dzag pa'i lam mthe'u chung gi tshad tsam/rdo rje rtse mo gsum pa sor bzhi'i tshad tsam mo/ /blugs gzar pad+ma'i 'dab ma dang ldan pa rgyar sor gnyis pa/ zhabs su sor mo gcig pa/ rdo rje rtse mo gsum pas mtshan pa/ thabs kyi rang bzhin rdo rje khu tshur gyis mtshan pa'i yu ba dang bcas pa dbyug pa'i rtse mor sor drug pa'i rdo rje'am rin po che khru gang gis dgang gzar dang blugs gzar gyi tshad do//de yang shing pa lA sha'am/ seng ldeng ngam/ shing arga'am/ shing n+ya gro d+ha'am/ shing b+hi ka ta'am/ shing a mra'am/ shing sa mi'am/ shing god srung ngam/ shing a pa marga 'am/ byang chub kyi shing ngam/ /shing u dum wA ra ba'am/de dag so sor byas la/ gsar pa dang / 'dab ma dang ldan pa sngon blangs la/ sor bcu gnyis pa/ rtse mo gnyis la dri zhim po'i chus bsangs la/ las thams cad pa'i don du'o/ /ji ltar zhi ba dang rgyas pa'i don du dbul bar bya'o/ /ji ltar rang gi 'byor ba'i longs spyod thams cad kyang dbul zhing /swAhA'i sngags kyi mtha' dang bcas pas/ rtag tu mar dang / gu gul dang 'bras mkhar ma dang bcas pa sngags kyis dbul bar bya'o/ /dri dang me tog la sogs pa ci 'byor pa ji ltar sngags bzlas pa bzhin du/ mchod sbyin gyi shing la sogs pa 'bus ma zos cing dri ma med cing gtsang bas so/ /ji ltar bud shing ma 'byor na nags kyi dgon pa'i lci ba la bya'o/ /ba glang gi lci ba ma gtogs pa thams cad ni rgyas pa'i las la rung ngo / /ro tsha ba dang / tsher ma can dang / dri mi zhim pa dang / dur khrod du skyes pa'i nim pa'i shing dang /bong bu dang rnga mo'i rtug pa dang / de dag gi bud shing ni gsad pa dang / bskrad pa la'o/ /nim pa dang / a b+hA'i me tog dang gzhan me tog ni las thams cad pa'i don du'o/ /de nas khrus byas la las dang mthun pa'i rgyan gyis brgyan te/ las dang mthun pa'i lha'i nga rgyal byas la/pad+ma la sogs pa'i 'dug stangs kyis 'dug ste/ sngon du brjod pa'i sngags swAhA la sogs pa'i mtha' dang ldan pas zhi ba la sogs pa la brjod do/ /nyes pa 'joms par byed pa'i sngags brjod cing las gang yang rung ba'i sngags bzlas par bya ste/mchod yon gyi sngags g.yon du gzhag par bya'o/ /sbyin sreg gi rdzas thams cad sngags bdun gyis byin gyis brlabs te g.yas su gzhag par bya'o/ /drag po'i las la go bzlog pas so/ /de yang 'o ma can gyi shing la rtsub ma bton pas spang bar bya ste/ zhi ba'i don du'o//gzhan yang bram ze'i khyim nas blangs pa'i me las kyang rung ngo / /gzhan dge 'dun las kyang rung ngo / /rgyal po dang / /rje'u rigs dang / nags kyi me'am/ dge 'dun gyi mes ni rgyas pa'o/ /dur khrod kyi mi'i rus pa'am/ ro bsregs pa'i me'am/ gdol pa'i khyim gyi mes ni drag po'i las la'o//smad 'tshong ma'i khyim nas blangs pa'i mes ni dgug pa'o/ /gar mkhan dang / slong mo ba'i mes ni de bzhin dgug pa'o/ /de nas nyes pa 'joms par byed pa'i sngags lan gsum brjod de/ ku sha'i chus lan gsum bsangs la/ shing skam pos me sbar bar bya'o//rlung g.yab kyis g.yob par bya'i kha'i dbugs kyis ni ma yin no/ /oM dz+wa la dz+wa la hUM hUM lan bdun bzlas te/ mar dbul bar bya'o/ /oM badzra twa AHzhes brjod la/ ku sha phyogs thams cad du dgram par bya'o/ /rtsa ba gtsang ba dri ma med pa/ma grugs pa/ ma gas pa/ rlon pa/ ring thung snyoms pa/ thams cad rtse mo shar du bstan la dgram par bya'o/ /thab kyi mtha' yongs su rdzogs par bkang la/ de nas thab kyi dbus su me'i lha yongs su rdzogs par bsgoms la/ rdo rje 'dzin pas sngags dang phyag rgya bcas la/bgegs bskrad cing go bskon zhing phyogs bcing bar bya'o/ /ye shes pa spyan drang zhing dgug pa dang / gzhug pa dang bcing ba dang / dbang du byas la/ mchod yon dang / zhal bsil dang / zhabs bsil phul la/ me'i lha dam tshig la gnas par bya ste/dzaHhUM baM hoH sa ma ya s+t+waM/ sa ma ya s+t+waM/ zhes brjod la/ oM ag+na ye swAhA/ lan gsum brjod par bya'o/ /sngon gyi dam tshig gi phyag rgya byas la/ go cha bgo zhing go cha'i phyag rgya bya'o/ /bdag gis ji ltar 'dod pa'i las rnams mdzod cig ces brjod la/las dang rjes su mthun pa'i gzugs su bsgom par bya'o/ /u ma la sogs pa'i lha mo bzhis yang dag par mchod cing / nyes pa 'joms par byed pa'i sngags brjod cing bskor ba gsum bya ste/ g.yas pa'i mthe bo'i khu tshur gyis 'jigs par byas te/me lha'i lce la hUM bkod pa la/ pus mo gnyis kyi steng nas dgang blugs kyis mar gsum sbyin par bya'o/ /drag po'i las khang par ta'i sbyin par bya'o/ /me 'bar ba'i mtshan ma brtags la/ me bskor zhing dgang blugs sbyin par bya'o//yang bgegs kyi mtshan ma dang ldan na/ bskrad cing mar gyi dgang blugs gsum sbyin zhing / gzhan yang gcig nas bdun gyi par gang yang rung bas so/ /de nas mar gyi rjes su til dbul zhing / de nas 'bru gzhan rnams kyang rim gyi dbul bar bya'o/ / drag po'i las la ni mi'i rus pa btags pa'i phye ma dang ldan pa'i mar dbul zhing / zho la sogs pa'i rdzas rnams ni zhal du'o/ /mchod yon ni phyag du'o/ /dri ni thugs kar ro/ /me tog ni dbu la'o/ /bdug spos ni shangs la'o/ /zhabs bsil ni zhabs la'o/ / mchod yon dang mar me ni mdun du'o/ /zhal bsil ni zhal du'o/ /yam shing ni 'od kyi dkyil 'khor la'o/ /de nas las dang rjes su mthun pa'i rim pas bya ste/ de nas sngags drug dang / b+ha kha tra b+ho la tra hUM ho dza/ zhi ba dang / rgyas pa dang / dgug pa dang / dbang du bya ba la dri dang mar me la sogs pa/zhi ba lag pa'i gzugs kyis u ma lag pa'i lha mo rnams kyis me tog la sogs pa'i mchod pa rnams kyis yang dag par mchod de/ lce rdo rje'i sbu gu can yi ge hUM gis mtshan pas yang dag par mchod de bsreg rdzas thams cad kyang sngags gsum gsum gyis dbul bar bya'o/rdo rje khu tshur gyis dgang blugs bzung la/ che ge mo zhi ba'i don du zhes bya ba la sogs pa mtha' bsgyur gyi sngags dang ldan pa'o/ /de'ang rgyud gzhan gyi cho ga'i rjes su 'jug par bya'o/ /de nas yi ge hUM brjod cing / de nas dgang blugs la sogs pa yang byin la/mchod yon dang zhabs bsil la sogs pa phul te/ yang dag par bstod nas/ de nas dngos grub kyi don du me la gsol ba gdab par bya ste/ yang mchod yon dang zhabs bsil phul la/ de ltar lan gsum mam bzhi lag pas dbul zhing sngags bzlas par bya'o//ji ltar sems can kun gyi don/ /sangs rgyas kun gyis gsal bar gsungs/ /sbyin sreg la sogs pa rnams dang / /sngags kyi bzlas pa dag pa rnams/ /ji ltar sems can kun don la/ /ji ltar bris pa'i bsod nams kyis/ /sems can kun gyi don gyi phyir/ /myur du mya ngan 'das mchog shog /dpal 'byung po 'dul byed kyi dkyil 'khor gyi cho ga rdzogs so// //slob dpon chen po blo bzangs skyong gis mdzad pa'o/ /'di'i sh+lo ka'i grangs ni tshigs su bcad pa bdun brgya'o/ /rgya gar gyi paN+Di ta sgra pA NI ni yongs su rdzogs pa'i snyan dngags dang tshig gi sdebs la mkhas pa non ni paN+Di ta dang /