172a6 @##/ /rgya gar skad du/ AR+Ya many+dzu shrI gu h+ya tan+t+ra s+ya maN+Da la bi d+hiH/ bod skad du/ 'phags pa 'jam dpal gsang ba'i rgyud kyi dkyil 'khor gyi cho ga/ /'jam pa'i dbyangs la phyag 'tshal lo/ /'phags pa 'jam dpal dbyangs kyi ni/ /khro bo yi ni bsnyen pa dag /sngon du
172a7 bsnyen pa byas nas ni//de yi dkyil 'khor bri bar bya/ /de nas 'di yi dkyil 'khor ni/ /dngos grub dam pa sbyin mdzad pa/ /'jig rten gsum po 'khrug par mdzad/ /yi dags dmar po zhes bya yi/ /tshad du 'di ni dkyil 'khor 'di/ /gnas ni gang du 'grub 'gyur ba/ /sngags pas
172b1 thog ma nyid du ni//de yi gnas ni brtag par bya/ /shing gcig dang ni dur khrod dang / /khyim stong dang ni bzhi mdo dang / /mchod rten 'gram dang lha khang 'gram/ /thibs po lam srang gnyis pa dang / /skyed mos tshal dang ri yi rtse/ /chu yi 'gram mam nags tshal dang / /lha chen gyi ni gnas kyang
172b2 rung //ba lang lhas sam yul gyi sa/ /khyad par du ni yul gtsang sar/ /yang ni yid ni rab 'jug pa/ /der ni dkyil 'khor rab tu bya/ /shar dang byang ni dma' ba'am/ /kha dog snum par rab tu bzang / /ba tshwa med cing ma gas pa/ /dang por mkhas pas brtag par bya/ /dag
172b3 pa'i gzugs ni rab bzung ste//de nyid gsum brjod sa la ni/ /lag gis brdab pa dag tu bya/ /rab 'gyur lha mo sbran par bya/ /skyob ba sangs rgyas thams cad kyi/ /spyod pa'i tshul dang khyad par gyi/ /sa dang pha rol phyin pa la/ /lha mo khyod ni dpang du gyur/ /shAkya seng ge skyob pa
172b4 yis//ji ltar bdud kyi tshogs bcom pa/ /de bzhin bdag gis bdud las ni/ /rgyal bar byas te dkyil 'khor bri/ /gser gyi mdog dang ldan pa yi/ /sa yi lha mo ji bzhin du/ /sa las rab tu 'thon pa ni/ /rkang bkru mchod yon mnyes par byas/ /sngon gyi dus na de bzhin
172b5 gshegs//shAkya seng ges sa 'dir ni/ /sde dang bcas pa'i bdud btul nas/ /chos rnams mngon rdzogs sangs rgyas bzhin/ /de nas rig 'dzin can gyis ni/ /sems can don du dkyil 'khor byed/ /sa yi lha mos dbang mdzod cig /bdud rnams zhi bar mdzad du gsol/ /sa bslang
172b6 ba'i cho ga'o//de nas rig 'dzin nan gyis ni/ sa ni yang dag sbyang bar bya/ /khro bo yi ni nga rgyal gyis/ /'byung bo'i gtor ma byin nas kyang / /nga ni rdo rje 'di ming ste/ /slob ma dag dang sems can gyi/ /don du dkyil 'khor chen po ni/ /yi dags phal chen zhes bya bzhengs/ /gang
172b7 dag sa 'dir gnas pa yi//lha klu gnod sbyin dri za dang / /nam mkha' lding dang sha za'i tshogs/ /'byung po mang po thams cad kun/ /mchod sbyin bden pa 'di long la/ /'di ru ma gnas gzhan du deng / /khro bo 'bar ba'i bka' byung gis/ /skad cig gis ni myur du deng / /gang dag
173a1 bsam pa dang ldan zhing //khro bo chen po'i bka' gcog pa/ /myur du 'gro bar mi sems ni/ /spyi bo tshal ba brgyar 'gas so/ /oM a kro te ka ya mAn+ta ka ha na ma tha b+hany+dza hUM phaT/ bgegs kyi phyogs nas brjod nas kyang / /khro bo 'bar ba'i bzhin gyis ni/ /rkang
173a2 mthil hUM las rdo rje mchog /'bar bas bgegs ni bskrad par bya/ /sa la sngags chu gtor nas kyang / /sa yi dbus su khru gang brko/ /sol ba la sogs ro dag ni/ /bsal nas sngags kyi chu yis gtor/ /rin chen lnga stsogs gang ba yi/ /bum pa'i nang du bcug nas kyang / /rang
173a3 gis kyang ni dgang bar bya//dri yi chu yis gtor bar bya/ /ba yi lnga dang ldan pa yi/ /lci bas kyang ni byug par bya/ /dkyil 'khor nyis 'gyur lhag tsam du/ /kun du sbyor ba brtsam par bya'o/ /sa sbyang ba'o/ /de nas mkhas pas sta gon gyi/ /las ni gnyis pa rab tu brtsam/ /lnga
173a4 yi rdzas la sbyar ba yi//dri yi chus ni dkyil 'khor bya/ /de nas tsan+dan dmar pos kyang / /pad+ma dag gi gzugs su bya/ /yi dags 'dzin pa'i sngags dag gis/ /me tog dmar po dbus stsogs bzhag /de nas mchod yon gzhag par bya/ /me tog sbu gu dri zhim dang / /a ga
173a5 ru dang sbyar ba yi//gu gul bdug pa'ang de bzhin no/ /mar me mar gyi mar me mchog /dri yi don du tsan+dan mchog /tsan+dan dkar po dmar po yi/ /gtor ma nya dang sha la sogs/ /sbyar thug la sogs de bzhin no/ /me tog chur bcas arka dang / /ras la stsogs pa thams cad do/ /de
173a6 ltar de ni tshogs bsags nas//slob dpon gyis ni khrus byas nas/ /smyung ba byas te mnyam gzhag pas/ /khro bo'i bsrung bas byin gyis brlab/ /'di ltar rtog pa zhib mo las/ /gsungs pa'i rim pas khro bo nyid/ /bskyed dang spyan drangs la stsogs kyis/ /lha de 'bad de
173a7 mnyes par bya//de nas 'bad de gsol ba gdab/ /dkon mchog gsum dang rigs gsum gyi/ /mgon po de bzhin gshegs dang bcas/ /gang dag rigs kyi khro bo'i tshogs/ /ma lus bdag la dgongs su gsol/ /slob ma la ni phan pa dang / /khro bo khyod la mchod pa'i
173b1 phyir//bdag ni nang par dkyil 'khor bgyid/ /byin gyis brlab cing gnang mdzad cing / /thugs rjes rjes su gzung du gsol/ /zhes lan gsum brjod do/ /lha gnas pa'i rim pa'o/ /gser sogs rin chen las byung ba'i/ /bum pa bzang po ma nyams pa'i/ /khrus kyis
173b2 gtsang mar byas pa yi//dri yi chus kyang byug par bya/ /mtshan nyid ldan pa'i bum pa gnyis/ /pad+ma'i steng du be con dang / /las kyi rgya gram bri bar bya/ /gtsang ma'i gos kyis mgul pa dkri/ /dang po 'od gsal rgyu las ni/ /kha dog dkar po baM las byung / /ji bzhin dbyibs su [(]bskyid [,]bskyed [)]
173b3 nas su//de yi nang du pad+ma bsam/ /pad+ma'i lte bar nyi ma la/ /hUM las byung ba'i khro bo bskyed/ /khro bo gnyis po de dag ni/ /rang mtshan kha dog ldan par bya/ /spyan drangs nas ni rab bcug nas/ /mchod yon la sogs de la dbul/ /so so'i snying po brgya rtsa brgyad/ /bzlas nas chu yi
173b4 rang bzhin du//khro bo gnyis ka gyur par bsam/ /rin chen sman la stsogs pa dang / /dpag bsam shing stsogs kha rgyan byas/ /bum pa gnas pa'i cho ga'o/ /slob ma gnas pa'i cho ga dag /gzhan du rtog pa zhib las bshad/ /de bas 'dir ni de bzhin no/ /spyi yi las kyis gnas par
173b5 bya//'on kyang rang gis cho ga dag /cung zad 'di dag sbyar bar bya/ /slob ma smyung bar byas nas kyang / /khrus kyi cho ga legs byas te/ /khro bos bsrung ba byin brlabs nas/ /bla ma la ni gsol ba gdab/ /dpa' bo chen po deng gson cig /bdag ni 'khor bas skyo ba dang / /sems can kun la
173b6 phan pa'i phyir//gsum la skyabs su 'gro ba gsol/ /dkyil 'khor lha la de bzhin no/ /khyad par du ni slob dpon la'o/ /byang chub sems kyang bdag la gsol/ /sngags kyi spyod dang brtul zhugs gang / /de bzhin bdag ni bsgrub par 'tshal/ /thar chen grong du 'jug par 'tshal/ /blo
173b7 chen gyis ni bskyab du gsol//slob ma'i tshig gsan bla ma bzang / /brtse bas bu la mngon phyogs nas/ /dang ba'i bzhin gyis 'di skad smra/ /bu gcig 'dir shog theg chen gyi/ /khyod ni tshul chen snod gyur te/ /rig pa 'dzin pa spyod ba'i tshul/ /khyod la yang ni bshad par bya/ /dus gsum byon
174a1 pa'i sangs rgyas rnams//sems can phan phyir gang bzhugs pa/ /kun gyis thabs chen sngags kyi ni/ /cho ga mkhyen nas thams cad mkhyen/ /de bas kun mkhyen thob bya'i phyir/ /gsang sngags spyod pa mnyam med pa/ /bdud kyi tshogs rnams 'dul byed pa/ /
174a2 khyod kyis blo gros 'di gyis shig /de skad spro ba bskyed nas su/ /slob mas phyag 'tshal la sogs pa/ /yan lag bdun pa'i smon lam bya'o/ /de nas slob dpon gyis sdom pa dpog ste/ sangs rgyas chos dang dge 'dun la/ /khyod kyis skyabs su 'gro bar gyis/ /dkyil
174a3 'khor lha dang slob dpon dag /khyod kyis rtag tu gzung bar bya/ /sems can thams cad sgrol byed pa'i/ /byang chub sems ni mnyam med pa/ /yang dag brtan por gzung bar bya/ /rig pa 'dzin pa'i sdom pa gzung / /srog chags gsod dang ma byin len/ /'dod pa brdzun rnams mi
174a4 bya'o//nyes pa kun gyi rtsa ba yi/ /chang ni btung ba spang bar bya/ /lus kyi las ni rnam gsum dang / /ngag gi nyes pa rnam bzhi dang / /yid kyi rnam gsum bsrung bar bya/ /sems can 'tshe ba ma lus spang / /sems can don la mngon dga' zhing / /theg pa chen po'i lam la
174a5 gnas//dam pa nye bar mnyes pa dang / /'dul ba'i don ni ma lus bya/ /lha dang lha min gsang ba pa/ /de la brnyas par mi bya'o/ /phyag rgya bzhon pa mtshon cha rnams/ /'gom pa'am brdzi bar mi bya'o/ /spyod dang brtul zhugs gsang ba gang / /gsang ba brtul zhugs
174a6 brtan por gyis//slob ma brtan po rab dang bas/ /ji skad gsungs pa'i sdom pa kun/ /'khor bas skyo ba'i yid bzhag nas/ /nges par legs pa'i don du gzung / /dkon mchog gsum la skyabs su mchi/ /sdig pa mang po kun nas bshags/ /dge ba kun la yi rang
174a7 ngo //sangs rgyas byang chub gzung bar gyis/ /ji ltar dus gsum mgon po rnams/ /byang chub tu ni nges mdzad pa'i/ /mnyam med byang chub sems ni bskyed/ /sems can ma lus don gyi phyir/ /bdag gis sdom pa ma lus gzung / /sems can ma bsgral dpag med pa/ /mya ngan
174b1 'das la dgod par bya//lus ngag yid kyi nyes rnams bsdams/ /bag med chang rnams btung ba yang / /theg pa dman la 'dod mi bgyi/ /lha dang lha min gsang ba pa/ /bla ma brnyas par mi bya'o/ /phyag rgya bzhon pa mtshon cha dang / /mtshan ma la sogs mi 'gom mo/ /rig pa 'dzin
174b2 pa'i sdom pa kun//tshul chen sngags pas gsungs pa kun/ /kun nas kun du gzung bar bgyi/ /las dang bka' stsal ma lus bgyi/ /spyi gtsug la sogs gnas rnams su/ /khro bo'i sngags rnams gzhag par bya/ /so shing srung skud de bzhin sbyin/ /ku sha'i stan la cho ga bzhin/ /
174b3 slob ma gnas pa'i cho ga'o/ /ji ltar rim par dkyil 'khor la/ /mchod yon la sogs phul nas kyang / /yid kyis nam mkhar bzhugs nas ni/ /nad par mkhas pas thig gdab po/ /dkar po dmar po sngon po yi/ /kha dog gsum pa'i skud pa ni/ /ras bal la sogs btsos
174b4 pas bya//stong pa rgyu las yi ge gsum/ /so so'i cha ru bskyed nas kyang / /sku gsung thugs dag bsam par bya/ /nam mkhar gnas pa'i de bzhin gshegs/ /ye shes thig skud bkug ste gzhug /dri yi phyogs la sogs pas mchod/ /gnyis su med pa'i sngags kyis ni/ /
174b5 thig skud sum sgril mdzes pa yis/ /mkhas pas thig btab phun sum tshogs/ /shar gyi sgo ru gnas nas kyang / /khro bo'i skur ni rang byas nas/ /sngags kyi yi ge dgod par bya/ /g.yon gyi khu tshur lte bar bsten/ /las kyi khro bor bsams nas su/ /thog mar shar nas
174b6 nub du'o//de 'og lho nas byang du ste/ /nam mkhar thig gnyis gdab par bya/ /phyogs bcu na bzhugs de bzhin gshegs/ /'gro don dus la bab par bskul/ /de nas yang ni de bzhin te/ /thig skud de ni phyogs mtshams nas/ /shar lho yi ni mtshams nas kyang / /nub nas
174b7 byang gi mtshams dag tu//thig gis rab tu tshad byas te/ /gru bzhi par ni thig gdab bo/ /rim pa gcig pa mdzes pa la/ /sgo bzhi dag gis mdzes par bya/ /dkyil 'khor dang ni 'tsham pa yi/ /dbus su pad+mo bri bar bya/ /pad+mo dang ni phyogs bzhi'i sgo/ /the tshom med par
175a1 mnyam par bya//snying po mdzes pa'ang de bzhin te/ /thams cad cho ga bzhin du gdag /cho ga bzhin du dkyil 'khor de/ /kun du thig gis btab nas kyang / /mchod yon bzhengs te rab tu gshegs/ /yi ge gsum dang myuHyis dgrol/ /oM AHhUM muHdur khrod
175a2 rdzas kyi thal bas ni//phyi nas kun du bri bar bya/ /yi dags phal chen gsang mchog ni/ /dkyil 'khor mkhas pas nub mo bri/ /khru gang la sogs rim pa nas/ /khru ni brgyad pa'i bar du ste/ /de las lhag pa yong mi bri/ /las kyi rim pa so sor bri/ /dur khrod thal bas
175a3 sbyar ba'i tshon//kha dog gsum ni bcos par byas/ /stong pa nyid kyi rgyu las te/ /kha dog gsum ni yi ges bskyed/ /ye shes tshon dag bkug nas kyang / /gnyis med byas la mchod yon dbul/ /khro bo'i yi ge dag bzlas la/ /rim pa bzhin du bri bar bya/ /chos kyi dbyings
175a4 kyi rang bzhin gyis//sems can khams ni sgrol bar byed/ /de bzhin gshegs pa thams cad kyis/ /gshin rje gshed ni mchog gi gnas/ /dbang ldan phyogs su kha dog gsum/ /ji bzhin legs par bris nas kyang / /khro bo'i sngags kyis brtag par bya/ /nyes pa
175a5 kun las rnam grol ba'i//tshon gyi las ni de nas brtsam/ /dbus su legs par gzhag nas kyang / /khro bos kyang ni byin gyis brlab/ /de nyid gsum gyi gsang sngags bzlas/ /de bzhin thig las gsum bri ste/ /dbus kyi pad+mo gser gyi mdog /'dab ma dag ni
175a6 dmar pos brgyan//snying po ze ba mdzes pa de/ /gser gyi kha dog bzhin du bya/ /thams cad dur khrod thal bas bskor/ /sgo dang phyogs mtshams la sogs pa/ /rigs ni dbye bas phye bar bri/ /rta babs me yi phreng ba'i mthar/ /thams cad rigs kyi kha dog bya/ /lho phyogs
175a7 kyi ni sgo phye la//lhag ma rnams ni bcad par bri/ /gzhan yang yi dags lhag pa yi/ /pad+mo'i lte bar bri bar bya/ /de bzhin phyogs sgo nang dag dang / /phyogs rnams de dag thams cad du/ /yi dags bzhi dang mgo med do/ /dur khrod thal bas spags te bri/ /byang shar la
175b1 sogs grwa rnams su//mkhas pas be con phyag rgya bri/ /gal te bri bar mi nus na/ /yi dags phal chen dbus dag tu/ /pad+ma lnga bris gang yin pa'o/ /de yi steng du yi dags ni/ /yi dags kyi ni sngags mchog gis/ /bsam pa dag ni byas kyang rung / /grwa yi dbyug pa bzhi po yang /
175b2 sngags nyid kyis ni bsam par bya/ /de bzhin sngags kyis thams cad bya'o/ /gal te dri bar nus kyang ni/ /sngags nyid steng du gzhag par bya/ /sgo yi yi dags bzhi po yang / /sngags kyis byin gyis brlab par gsungs/ /dkyil 'khor bri ba'i cho ga'o/ /dkyil 'khor rdzogs par shes nas
175b3 ni//rnam rgyal khro bo'i bum pa ni/ /lho yi sgo yi dbus su gzhag /las kyi bum pa byang shar te/ /bgegs srungs zhes ni brjod la gzhag /mar me mar gyi rgyu las te/ /snying po 'jam pa brgyad kyis bskong / /lha bshos dag kyang de yi grangs/ /bdug pa mchog dang a ga ru/ /de yi
175b4 grangs su mnyam par gzhag//tsan+dan dkar dmar de bzhin blang / /mchod pa'i khyad par gzhan yang ste/ /thams cad cho ga bzhin du gzhag /nya dang sha dang zan dron tshogs/ /khyad par gtor ma dag kyang gzhag /yi dags phal chen phyi rol du/ /chu dang bcas pa'i me tog gzhag /
175b5 ji ltar cho ga zhib mo bzhin/ /phun sum tshogs pa'i yo byad gzhag /gnas dang gnas su de bzhin brgyan/ /de 'og slob dpon bdag nyid kyis/ /khrus kyi cho ga byas nas kyang / /rang gi snying po sngags kyis ni/ /thams cad yan lag sngags kyis bya/ /smyung bas byang chub sems
175b6 ldan pas//ji ltar rim pas bskyed nas kyang / /mjug tu khro bo gshin rje gshed/ /sngags brjod pas ni spyan drangs nas/ /rang gi snying pos bzhugs su gsol/ /yi dags kyi ni spyi bor yang / /me tog dmar po bzhag par bya/ /blo ldan gyis ni khro bo la'o/ /de nas tsan+dan dmar
175b7 bo dbul//tsan+dan gyis ni gtor ba yi/ /me tog sngags kyis dbul bar bya/ /de nas gtso bo'i snying pos dbul/ /'byung po'i gtor ma khro bo la/ /phul nas yi dags phal chen gyi/ /phyi rol du ni mkhas pa yis/ /sme gtor rnams kyang dbul bar bya/ /de nas gtso bo'i snying po nyid/ /
176a1 brgya rtsa brgyad du bzlas par bya/ /khro bo'i gtso la phyogs nas ni/ /de nas yang ni bdug pa 'bul/ /cho gas khrus byas smyung ba yi/ /slob ma dag gi bsod nams kyang / /sngags kun gyis ni gzi byin bskyed/ /khro bo yi ni snying po yi/ /lag gnyis me
176a2 tog byin nas ni//gos kyis gdong ni g.yogs par bya/ /khro bo'i sngags kyis sgo drung gzhag/ /bla ma rdo rje 'chang gis kyang / /mtshog ma spyi gtsug la sogs la/ /sngags rnams ma lus gzhag par bya/ /bsang gtor sngon 'gro de bzhin te/ /rin chen gser stsogs yon
176a3 mchog dag /'bad pas bla ma la phul nas/ /'jug pa'i sngon du gsol ba gdab/ /'di ni dngos grub thob pa'i rgyu/ /sangs rgyas kun gyis rab sprul pa'i/ /bla ma la ni phyag 'tshal te/ /sems can kun gyi don gyi phyir/ /bdag ni dkyil 'khor 'jug par 'tshal/ /'jam
176a4 dpal khro bo mi bzad pa//de yi dkyil 'khor dam pa mchog /yi dags mang po zhes bya'i phyir/ /bdag gis slob ma gzhug par bgyi/ /oM AHhUM zhes pas bskul bar bya'o/ /de nas slob ma bdag nyid dngos grub kyi snod du bya ba'i phyir na 'di dag bya ste/ /bla na med pa'i sangs
176a5 rgyas dang //chos dang byang chub sems dpa'i tshogs/ /'gro ba ma lus pa yi skyabs/ /bdag ni gsum la skyabs su mchi/ /de nas skyabs ni gsum po dang / /dkyil na gshin rje gshed gcig pu/ /dpa' bo khro bo mi bzad pa/ /de dag kun la phyag 'tshal lo/ /dkon mchog gsum
176a6 dang khro bo ni//rtag tu bdag ni mchod par bgyid/ /bla ma la yang de bzhin du/ /sgo gsum dang ba'i sems kyis mchod/ /dkyil 'khor la me tog gtor ro/ /lus kyi nyes pa gsum rnams dang / /ngag gi bzhi po nyes pa spyad/ /yid kyi nyes spyad gsum po ste/ /lus kyi sgrib
176a7 pa ma lus bshags//sangs rgyas sras bcas 'phags pa yi/ /thar par byas pa'i dge ba dang / /thams cad thar bar gyur pa yi/ /bdag gzhan dge la yi rang ngo / /sa bon mchog las rang byung ba'i/ /thar par gyur pa'i dge ba'i tshogs/ /sems can mya ngan 'das pa'o/ /
176b1 byang chub chen por yongs su bsngo/ /phyogs bcu'i zhing rnams dag par ni/ /sems can phan phyir gang bzhugs rnams/ /thabs kyis mya ngan 'da' bzhed pa/ /mya ngan mi 'da' bzhugs su gsol/ /ma smin pa rnams smin pa dang / /smin pa grol bar bya ba'i phyir/ /dam chos bdud rtsi 'byung ba yi/ /
176b2 gsung ni du mar bsgrag par mdzod/ /de nas slob dpon gyis sngar gyi sdom pa thams cad brjod de sbyin par bya'o/ /slob mas khas blangs pa brjod pas/ /sdom pa ma lus gzung bar bya/ /de ring phan chad bu khyod ni/ /de bzhin gshegs pa'i rigs su zhugs/ /nga yi ye shes chen po sbyin/ /
176b3 de yis dngos grub mchog thob 'gyur/ /gang dag dkyil 'khor ma zhugs la/ /gsang ba 'di ni smra ba min/ /bag med sems kyis smras gyur na/ /dngos grub cung zad thob mi 'gyur/ /de nas dam tshig chu blud de/ /'di ni khyod kyi dmyal ba'i chu/ /dam tshig 'das na
176b4 sreg par byed//dam tshig bsrungs na dngos grub 'thob/ /'thung cig rdo rje'i dam tshig yin/ /dri dang me tog ldan pa'i chus/ /lag pa g.yas pas blud par byas/ /oM AHhUM/ dus 'di nyid nas bu khyod kyi/ /de bzhin gshegs pa nga yin gyis/ /nga yis ji ltar
176b5 bka' stsal mchog /mnyan dang bsgrub pa dag kyang gyis/ /khyod ni nam yang nga la ni/ /ma dad pa yi sems rnams spang / /slob ma mos pa med pa yis/ /dngos grub ring bar rgyal bas gsungs/ /ji ltar dngos grub thob mi thob/ /rgyud las 'byung bzhin phra rnams brtag /las
176b6 kyi bya ba rab 'jug pa//rim pa 'di las shes par 'gyur/ /slob ma mtshan ldan nyes skyon med/ /shin tu bkrus te rgyan gyis brgyan/ /ba yi rnam lnga blud nas ni/ /de 'og smyung bar gang gnas pa/ /zhim pa'i dri yis lus la byug /gos dang rgyan gyis brgyan par byas/ /
176b7 shar gyi phyogs su kha bltas la/ /ku sha'i stan la gzhag par bya/ /de yi lag gnyis snyim pa'i nang / /tsan+dan gtor ma'i me tog sbyin/ /a gar nag po'i du bas kyang / /de nas myur du sngags brjod de/ /sgrub pa'i cho ga 'di yis ni/ /snod la dbab pa'i las bya'o/ /
177a1 oM a kro te ka ya mAn+ta ka ha na ma tha b+hany+dza hUM ya mAn+ta ka kr-iN+Di a be sha hUM phaT/ snod la babs gyur de nas ni/ /dge dang mi dge dri bar bya/ /'byung ba byung ba bden par smra/ /sems can chen po 'di gyis la/ /'di min zhes ni rjod par byed/ /de nas khro bo
177a2 mchog de la//me tog ldan pa'i ar+g+ha dbul/ /de nas bde gshegs bstan pa yi/ /dam tshig kyang ni bstan par bya/ /snod kyis thos nas de nas su/ /de btang nas ni sa la 'gyel/ /rig pa khro bo gshin rje gshed/ /grub pa de las bzhud par 'gyur/ /de las slob
177a3 mas me tog ni//gshin rje gshed la gtor ba ni/ /rang gi snying pos me tog nyid/ /dkyil 'khor la ni gtor bar bya/ /oM AHhUM/ lho phyogs sgo nas de bzhin te/ /de nas gdong ras bsal nas kyang / /dbyug pa'i phyag rgya bstan par bya/ /de nas dkyil 'khor de bzhin
177a4 te//de bzhin gshegs pas de ring nyid/ /khyod ni nan tan mig phye ste/ /nga yis ji bzhin mig phye bas/ /mi bzad dkyil 'khor mthong bar gyis/ /oM AHhUM/ de nas be con gyi phyag rgya bstan par bya ste/ dkon mchog gsum gyi dam tshig ni/ /mngon par bstan pa sngar byas
177a5 nas//lag pa g.yas pa cho ga bzhin/ /legs par rab tu bcing bar bya/ /rig 'dzin dag gis rtag par ni/ /lag pa'i sor mo thams cad kyis/ /mthe bong legs par spras nas ni/ /rab tu bsdams pa bzang po bcing / /cho ga shes pas be con rgya/ /snying po
177a6 sngags sam logs shig tu//sngags pa phyag rgya'i sngags gyis bcing / /gzhan du yang ni ma yin no/ /oM na mo bud+d+ha/ d+har+m+mA/ saM g+ha b+h+yaH/ sat+tha ta thA ga ta kro d+ha bi dza ya/ a g+ni dz+wa li ta dzi ha pra ta shrI ri hUM hUM phaT/ de ltar be con phyag rgya dang sngags bstan nas dkyil 'khor
177a7 yang yi dags phreng ba la sogs pa thams cad bstan par bya'o//de nas slob dpon bdag nyid kyis/ /bstan pa'i be con rgya bcings nas/ /lho phyogs sgo nas slob ma yis/ /dri sogs mchod pa ma lus dbul/ /de nas sngags pa dbang bskur la/ /chu dang me tog bcas pa yi/ /
177b1 snying po gdab pa'i bum pa yis/ /khro bos dbang bskur mchog sbyin no/ /oM a kro te ka ya mAn+ta ka ha na ma tha bany+dza hUM phaT/ de nas khro bo'i snying po yis/ /cho ga bzhin du dbang bskur la/ /bdug pa me tog phreng ldan par/ /snying po de la sbyin par bya/ /oM a kro te ka ya la sogs/ /sngags
177b2 kyi don ni bcu bdun pa//khro bo de nyid kyis gsungs pa/ /de ring phan chad bu khyod kyis/ /khro bo dran par bya zhing bzlas/ /gzhan yang sngags kyi spyod pa'i mchog /smyung bar byang chub sems ldan las/ /skye bo med ba'i nags tshal du/ /ru rag+sha yi phreng thogs shing / /lag pa dri yis byugs nas
177b3 kyang //the tshom med par 'grub par 'gyur/ /'jig rten lha la phyag mi 'tshal/ /glang po la yang lam mi bzur/ /rgyal po la yang phyag mi btsal/ /bgrod dka' ba nas bgrod par byed/ /khro bo 'ba' zhig sems byed cing / /spyod dang brtul zhugs brten par gyis/ /zhes brtul
177b4 zhugs sbyin par bya'o//de nas slob ma dbang thob des/ /gshin rje gshed ni khro bo yi/ /tshul las bdag ni don yod de/ /lha khyod kun la bde mdzad pa/ /khro bo khyod ni bdag gis mnos/ /mnos zhes khro bo me tog gtor/ /de nas slob mas phyag byas te/ /ci nus yon mchog dbul bar
177b5 bya//sngags pas bla ma mchod byas na/ /dngos grub 'grub 'gyur gzhan du min/ /slob ma snying po byin nas ni/ /phreng ba tsan+dan la sogs pas/ /mchod nas de yi 'og tu ni/ /phyi rol du ni sngar bzhag pa'i/ /dri chu la sogs bkang ba'i snod/ /de nas mchod pa phul nas ni/ /'jam
177b6 dbyangs khro bo mi bzad pa//mthu rtsal drag po slar yang gtang / /de btang ba yi 'og tu ni/ /dkyil 'khor du yang mchod yon dbul/ /rgya cher sa yi dkyil 'khor ni/ /dngos grub mtshungs med 'dod pa yi/ /rig sngags 'chang gis de ltar ni/ /mchod pa de ltar legs par bya/ /
177b7 snod ni gser sogs rin chen du/ /tshon rtsi legs par bsdu bar byas/ /gtsang ma'i chu bo la stsogs por/ /phyi nas kyang ni rnam lngas byug /tshul chen rgyud las gsungs pa yi/ /dkyil 'khor 'jug pa'i cho ga byas/ /chung zad dge ba gang thob 'dis/ /'jam dpal khro
bo'i gnas thob shog /