CLOSE WINDOW

D2666
བོད་ཡིག

@##/ /rgya gar skad du/ A R+Ya many+dzu shrI gu h+ya tan+t+ra sarba karma sA d+ha nI d+hi nA ma TI kA /bod skad du/ 'phags pa 'jam dpal gsang ba'i rgyud kyi sgrub thams dang las kun gyi gter zhes bya ba'i 'grel pa/ sangs rgyas la phyag 'tshal lo/ /'gro la phan phyir sngon gsungs pa/ /sgrub thabs kun gyi rtsa ba ste//gsang ba'i rgyud ni rnyed dka' yang / /bla ma dam pas brgyud pa bzhin/ /bsnyen bkur la brtson bdag gis rtogs/ /rang gis thos pa sngon 'gro bas/ /thos pas rgyu byas shes rab la/ /gzhan dag yid ches rjes 'jug phyir/ /'di la mos pa gsung ba dang / /zhi la sogs pa'i las rnams dang / /de bzhin cho ga sna tshogs dang //'jam pa'i dbyangs mchog mchog yin pas/ /de dag don du legs btud de/ /'phags pa'i bka' ni bshad par bya/ /ming don byed dang dgos dang tshad/ /dang po gleng gzhi yin par gsungs/ /mdor bsdus tsam zhig sbyar 'dod pas/ /rgyas par bri ba rab spangs so/ /sdud par byed pa po phyag na rdo rjes//thos pa'i don rang gi shes rab dran pa dang bcas pa la mnga' bas gzhan dag la phan gdags pa'i ched du rab tu bsdus pa brtsams pa'i phyir/ de nas 'jam pa'i dbyangs kyis ni/ /khro bo'i ming ni gshin rje gshed/ /mtshon cha me ltar 'bar bas 'khrigs/ /gtum la mthu rtsa la drag ldan pa'i/ / zhes smos te/ de nas zhes/ 'phags pa 'jam dpal gshin rje gshed drag po'i cha byad can du 'og min gyi zhing khams su bzhugs pa'o/ /stong pa nyid bcu drug gi ri la seng ge chen po bzhin brtags pa'i snang ba ma yin par ye shes rang rig pa tsam du gnas pa de nas so/ /de nas te sprul ba'i sku gzhan gyi phyir gtum bag tu bstan pa ni chos bshad pa'i phyir te/rgyu mthun pa'i smon lam gyi mthus so/ /gsungs pa'i chos ni rgyud kyi don smras pa'i bde bar gshegs pa'i bka' brjod pa'i don to/ /bka' de yang zag pa med pa'i shes rab kyi 'bras bu ste/ yang dag pa'i rtog pas ngag slong ba ste/ ma brtags ma dpyad par mi smra ba bzhin no//des bstan pa'i chos ni rgyu dang rgyu 'bras te/ rgyud de theg pa chen po'o/ /de la theg pa chen po ni 'bras bu thob par byed pa ste/ de theg pa'i phyir ro/ /'bras bu ni phrin las tshad med pa dang / rang gi yon tan tshad med pa thob pa'o/ /de nyid khyad par can theg pa'i phyir chen po ste/ nyan thos la sogs pa de lta ma yin no//de la 'di'i bsdus pa'i don ni gang ci'i don gleng gzhi'i bsdus pa'i don 'di skad bstan pa bzhin no/ /de la tshig gi don ni 'jam pa'i dbyangs zhes pa la 'jam pa ni theg pa chen po gang yin pa'o/ /dbyangs ni bka' theg pa chen po la bya bar 'dir rig par bya'o/ /dbyangs smra ba ltar snang ba ston pa po ni/khro bo ste de'i ming ni gshin rje gshed do/ /des na des ni byed pa po smras so/ /'jam pa zhes pas na 'jam dpal gsang pa'i rgyud ces brda sbyar bar shes par bya'o/ /mtshon cha me ltar 'bar pa 'khrigs/ /zhes pa ni go cha rnam pa lnga'i rgyan te/ gzhan 'jigs par byed pa'i phyir mtshon cha'o//de las mi stag 'phro bas bgegs sreg par byed pa'i phyir bskal ba'i me bzhin no/ /de lta bu'i gtum la mthu rtsal drag ldan pa ste/ de mthong nas tshangs pa la sogs pa rang gi 'khor las gzhan pa'i khro bo gzhan thams cad kun gyis/ de bzhin gshegs pa'i 'od zer dang /phyag na bsnams pa'i mtshon cha'i mthus lag cha shor ro/ /de bzhin du 'dod pa'i khams kyi lha rnams lus kyis phyag 'tshal zhing gus bas bka' nyan to/ /gzhan rang gi 'khor phyag na rdo rje la sogs pa sa bcu'i dbang phyug ni/ lha rnams mang po ji snyed kun te drang po'i don gyi phyir mdangs med pa'i tshul gyis zhu ba ni/gzir bzhin du ni rab smras pa/ zhes bya ba la sogs pa ste/ bka' stsol cig ces pa zhus pa'o/ /des ni chos kyi 'khor lo bskor bar zhus pa ste/ drang po'i don to/ /rab tu mi bzad 'jigs pa'i gzugs/ /zhes pa dang / khams gsum 'khrug par mdzad pas mthong //zhes pa dag ni rang gi 'khor brjod kyis mi lang ba rnams zhu bar spobs pa chung ba'i phyir/ gzhan zil gyis gnon pa dag med par gsungs pa'o/ /gang tshe lha dang lha min rnams/ /skrag nas skyabs su dong ba na/ de'i tshe 'jam dpal dbyangs kyis ni/ / khro bos slar yang zhi bar 'gyur/ /zhes pa ni rang gi 'khor rnams gsong por smra bar 'dod par rig nas/ bzhin 'dzum par mdzad pa'o/ /gshin rje gshed ces bya ba yang / khro bo chen po zhi ba la/ /zhes gsungs pa ni/ gshin rje gshed khro bo chen po zhi bar gyur pa ni 'jam dpal gzhon nu'o//lha rnams kun ni phyag na rdo rje'o/ /de nas 'khor rnams ngo mtshar du gyur te/ zhus pa khyod kyi dngos grub mchog 'tshal bas/ ji lta bur ni mnyes par bgyi/ /ji lta bur ni dang bar 'gyur/ /bdag la the tshom chen po skyes/ /zhes pa smras te/ khyod ces pa ni 'phags pa ste/gshin rje gshed do/ /de'i dngos grub ni thun mong dang thun mong ma yin pa'i dngos grub ste/ de las mchog tu gyur 'dod pa'i rnal 'byor pas/ skyed pa'i rim pa'i rnal 'byor gyis ji ltar dngos grub la nye bar bgyi ba dang / rdzogs pa'i rim pa'i rnal 'byor gyis lus dang /sems las su rung ba shin tu sbyangs pa'i bdag nyid kyi dang ba thams cad kyi ye shes kyis phyag rgya chen po'i dngos grub spros pa'i rnyog pa med pa'i dang ba'i bdag nyid kyi dngos grub la nye bar thabs la ji ltar bslab par bgyi zhes thabs dang / de'i rim pa la yid gnyis su gyur pas the tshom gyi dri ma bsal du gsol zhes zhus pa'o//khro bos lha rnams tshig gsan nas/ /gshin rje gshed kyis bka' stsal pa/ /zhes bya ba la sogs pa gsungs te/ gsan zhes pa 'khor gyis gsungs pa thos pa'o/ /thos zhes pa rim pa gnyis kyi don dang / de'i bya ba la rmongs par rig pa'o//smras pa bdag nyid khyad par gyur par bstan pa'i phyir bka' stsal pa ste/ bskal pa gang la sems skyed nas mngon par rdzogs par sangs rgyas pa'i bskal pa gong ma la yang byung bas 'di'i thog mar byung ba'o/ /des ni tshangs pa lta bur gtso bor gsungs pa'o//phyis kyang 'byung zhes pa ni/ mya ngan las mi 'da' ba ste/ dus dpag tu med par sems can kyi don byed pa'o/ /des na mdzad pa ring bar bstan pa'o/ /da ltar zhes pa ni bar chad med par phrin las tshad med par mdzad pa'o/ /des ni don la bsnyel ba med par gsungs so/ / bud+d+ha kun gyi sngon du byung / /zhes pa ni chos kyi sku'i mtshan nyid do/ /dus gsum 'byung ba'i sku zhes pa ni longs spyod rdzogs pa'i ngo bo la bya bar bshad do/ /gal te rgyud gzhan dag tu bshad pa nyid kyis the tshom sel bzhin yang bshad pa don med pa ma yin nam zhe na/ lan du/ da ni lnga brgya tha ma'i tshe//nga yi bstan pa 'byung bar byed/ /bstan pa thams cad ces pa la sogs pa gsungs te/ sangs rgyas kyi bstan pa nub pa'i tshe rgyas par byed pa'i bstan pa 'di byung ba ni khyad par can no/ /lan gdags pa'i phyir smras pa dus gzhan la dgos pa med pa yin yang rtsod pa'i dus tshe thung zhing dngos grub ring ba'i dus la gzhan dag las khyad par du gyur pa spros pa lhur len pa 'di dgos pa dang bcas pas gsung zhing zhu ba ni//rigs des na rigs so/ /khros pa nga'i sku zhes pa rnams kyis/ smra ba po yon tan rnam pa mang pos gang bar nyid kyis gsungs nas/ gang tshe gsum la skyabs song ba//zhes smos pa dag gis skyabs song zhes pas rang gi 'khor rten dkon mchog gsum can du bshad de/ brten pa de'i tshe de'i mi zad pa'i snying po thugs sad par byed pa la sogs pa dag 'khor gyi khro po khyod kyi yid la zung la gnas par gyis shig ces gdams pa'o//khyed rnams skyabs su dong ba dang / byang chub sems dang ldan zhes pa ni/ sems bskyed pa dang dam tshig dang ldan pa'i sgrub pa po'i don thams cad grub par byed pa'i gtso bo yi ge 'bru ni bcu bdun pa/ nga'i snying po yid las byung ba bzlas shing bsgom par byas na/ dngos grub lag mthil ltar snang bar 'gyur ro/ /de gsungs pa'i tshes gzhi la sogs pa g.yos so/ /'khor rnams yi rang zhing dang bar gyur to/ /de nas shes pa ni snying po gsungs pa de nas rtog pa 'di ni 'khor de dag la rgyas par gsungs so/ /snying rje byang chub sems ldan pa'i//zhes pa 'di la mos pa'i rnal 'byor ba'o/ /de'i don du rtog pa bshad par bya ba yin par gsungs so/ /phyag na rdo rje la sogs pas phyag 'tshal te/ zhus pa'i don bcom ldan 'das kyis gsungs pa 'di thos pa ni 'di skad ces bya ba rgyud kyi don mtha' dag ston pa'i tshig gi mtshams sbyar ba'o//thos ba'i don ni/ snying rje de bzhin rgyas pa dang / /zhes pa la sogs pa'o/ /mnyan pa zhes bdag nyid kyis mngon sum du thos pa la bya'i gzhan gyis thos nas/ de las thos pa ma yin no/ /mnyam pa'i dus de las gzhan du 'di las thos pa'o/ /des thos pa mang bar gsungs pa dang yang dang yang du mi thos par bshad pa'o//gang las thos she na khro bo nyid las thos pa'o/ /'khor gang dang zhe na/ byang chub rnams zhes pas byang chub sems dpa' rnams dang ngo / /gnas gang du zhe na/ khro bo nyid kyis gsungs pa yi/ /rnam pa mang po byin gyis brlab//ces pa smos te/ tshad med pa bzhi rnam par dag pa'i gzhal yas khang rgyas pa'i rang bzhin gru bzhi'i rnam par byung ba'i 'og min gyi gnas te drang po'i don ni/ nges pa'i don du rnam pa mang po'i de bzhin gshegs pa so so tha dad pa'i rdo rje 'dzin pa'i btsun mo ni shes rab ste/ 'joms pa'i don gyis na b+ha ga'o/ /der bzhugs pa ni gnas gzhir mdzad pa'o/ /nges pa'o/ /yang bgegs kyi steng du bzhugs pa ni khang par ro/ /'di skad bdag gis zhes pa ni nges par ston pa yang yin la/ 'dir yang de bzhin du bdag gis bkod do/ /rgyud dang dus ni dngos su smra bar mi bya ste/shes par bya ba dngos yin pa dang sla ba'i phyir ro/ /rgyud 'di byang chub rnams kyis zhes pa ni de'i phyi ma yin pa'o/ /da ni gnas bstan pa'i phyir/ de nas khro bo rnam par rgyal/ /'jam dpal khro bos bshad pa yi/ /zhes pa smos te/ zil gyis non pa rdo rje khro bo'i ting nge 'dzin la snyoms par zhugs te/rtsa ba'i rgyud bshad pa de nas so/ /'dir sdud par byed pa ma bkod pa ni snga mar bkod pa la ltos pa'o/ /skabs kyis na brjod par bya ba rjod par byed pa las 'dogs pa yang srid/ gzhan dgos pa las kyang btags so/ /'dir don la bya ba yin pas bsdus pa'o zhes 'dod do//zag pa med pa'i shes rab ni de'i bdag po ste/ de gsungs pa'i sgra ni mdo ste/ rgyud du gdags pas rnam par gzhag pa'o/ /bgegs kyi tshogs las rgyal bas rnam par rgyal ba ste/ 'jam dpal lo/ /des bshad pa ni gsungs pa ste/ bla ma'i cho ga mchog tu gyur pa'o//de'i don mdor bsdus pas bshad par bya ba ni/ slob dpon gyis bsdus pa yin par dgongs so/ /de la 'di'i dkyil 'khor ni/ dngos grub [(]thabs [,]thams [)]cad sbyin mdzad pa/ /zhes pa ni/ 'di'i zhes pa dbang bskur ba'o/ /yang 'di zhes pa gsang ba'o/ /de'i dngos grub ni stobs la sogs pa dang /thun mong ste 'thob par byed pa'i rgyu'o/ /gzhal yas khang ni dkyil 'khor te bla ma'i gdams ngag thob par byed de/ dngos grub po/ /'jig rten gsum po 'khrug mdzad pa/ /zhes pa ni khyad par du gyur par rtog pa gsum ste/ de 'gags pa thob par byed pas na'o//da ni yi dags mang po ste de 'dul ba'i ro dbugs rgyu ba med pa'i brdas/ mi rtog pa'i ye shes la dkyil du bshad pa ste dgongs pas bshad pa'o/ /dngos grub kun sbyin par byed pa yin pas na tha dad pa'i drug par ni zhes pa bsgyur te thams cad kyi dkyil 'khor 'di yin pa'o zhes sbyor ro//thog ma nyid du bsrung ba'i k+Sha bkod la shing gcig pa'i nang du dngos grub sbyin par byed pa 'di bsgom par bya ste/ man ngag go/ /grub 'gyur ba'i gnas ni nam mkha'i gnas 'di na sems kyi rgyal po'i rta mgyogs pa 'di 'dug pa 'di tha dad pa med pa nyid du gnas ba ste/bla ma gnang ba dag la grub pa'o/ /'du ba'i don ni dur khrod do/ /stong pa'i don dang gsum gyi mdo ni bzhi mdo'o/ /sgom pa'i tshul ni mchod rten no/ /rtag chad gnyis spangs pa ste dbus ma'i gnas so/ /dbang po yul ma yin pas thibs so/ /grags ba dang 'khor ba dang mya ngan las 'das pa skyed pa dang /bden pa'i don dang chu'i 'gram dang / nag tshal la sogs pa'i yul gtsang ma ni bram ze'i rigs kyi bu mo la sogs pa gnas pa'o/ /gzhan dag ni dkyil 'khor gyi cho ga bzhin rig par bya'o/ /de ltar cho ga bzhin bsams nas mjug tu khro bo gshin rje gshed sngags brjod pas ni spyan drangs nas rang gi snying pos bzhugs su gsol zhes gsungs pa/de ltar zhes pa dbang bskur ba'i phyir dkyil 'khor bri ba'am/ ma bris na yang dkyil 'khor gyi cho ga bzhin blos bsams la/ de nas sgrub pa'i thabs las 'byung ba bzhin du bya'o//snying pos zhes pa yi ge bcu bdun pa la sogs pa ma yin te/ shU la'i phyag rgya dang rang gi dam tshig sngags so/ /me tog dmar po zhes pa ni kha dog dmar ba ste dbang bskur ba'i phyir ro/ /de ltar snying po sngags kyis kyang / /zhes pa rgya cher smos pa ni/ cho ga rnams dgos pa ste rigs drug gi rnam par bsam mo//bsrung ba'i sbyor ba de bzhin blo rnam par rmongs pa kha cig sgra la mngon par zhen nas rten cing 'brel par 'byung ba'i mtshan nyid la lhar zhen pa'i bsrung ba'i sbyor bas ci zhig bya zhes rtog pa can yang 'jig rten na yod do//de ni sun dbyung ba mtshan nyid las grags shing / rig pas spangs zin pa kho na'o/ /de nas me mar rab 'bar ba/ /phyogs brgyad du yang dgod par bya/ /'byung po'i gtor ma khro bo la/ /zhes pa ni/ gzhan dag gi phyir 'phags pa dang / sme gtor ni lhag ma ste yi dags la sbyin no//lha rnams la yang mchod pa'i phyir/ /de nas yang ni bdug pa dbul/ /zhes pa smos te/ lha rnams la mchod pa rnams kyis mchod la gsol ba gdab bo/ /de yi phyi rol chu bcas snod/ /me tog gis ni bkang ste gzhag /cho ga khrus byas smyung ba yin/ /slob ma dag ni bos nas kyang //zhes pa ni/ las thams cad pa'i bum pas bgegs bsal la nang du drangs la/ gong nas gong ma'i gtam brjod la/ de nas slob mas bla ma la maN+Dal byas la me tog dbul lo/ /de nas bu yis blo gros 'di gyis shig /ces brjod la/ bsrung ba bya'o/ / de nas/ dkon mchog gsum ni dran byas te/ /dkyil 'khor la ni 'thor du gzhug /ces pa ni bla ma dang dkyil 'khor gyi 'khor lo la phyag 'tshal lo/ /de nas be con zhes bya ba/ /sngags pas da yi phyag rgya bstan/ /zhes pa ni brtul zhugs kyi dbang bskur ba'o/ /dkon mchog gsum ni gsang ba yi//dam tshig 'di la sbyin par bya/ /zhes pa ni rigs lnga'i dam tshig dpog pa'o/ /khro bo yi ni sngags kyis ni/ /zhes pa ni ming gi dbang bskur ba ste/ ma 'ongs pa'i dus na ste mngon par rdzogs par sangs rgyas pa'i ming gdags pa/ mi bskyod pa'i rnam par bsgom zhing chu dag pas lus kyi dri ma bkru ba dang /pra dbab pa'i 'og tu mtshan ma bstan du gsol zhes me tog dbul ba gsungs pa'o/ /seng ge'i stan la bzhag la yang phul la slob ma de la mgor bcing bar bya'o/ /cho ga bzhin zhes dkyil 'khor gyi cho gas dbang bskur ba'o/ /go chas bsrung ba bla ma dang lha rnams la phyag byas la stong gsum gyi stong chen po gcig shAkya thub pa'i zhing yin par bshad la/'jam dpal gshin rje gshed kyi zhing ni stong phrag grangs med pa yin par gsungs pas de dag khyab pa'i rin po che bsam gyis mi khyab pas mchod par bya ba yin no/ / slob ma'i snying po byin nas kyang / /zhes pa ni slob ma la dbang bskur ba rdzogs par byas nas me tog tsan+dan la sogs pas lha rnams la bla mas mchod pa byas te/ de nas las thams cad pa'i bum pa dri chu dang sman gyis bkang ba phyi rol te byang shar du bzhag pas lha rnams la yon chab tu phul la gshegs su gsol lo zhes pa'o//de nas chu des dkyil 'khor la gtor bar bya ste bkru ba'o/ /dngos grub 'dod pas gshegs nas yang dus bzhir mchod par bya ba yin te/ de'i phyir mchod pa rtag tu byed/ /ces smos so/ /de bas dngos grub thob 'gyur ba'o/ /rtsa ba'i rtog pa las khro bo rnam par rgyal ba'i rgyud chen po las yi dags phal pa'i dkyil 'khor du gtogs pa zhes gsungs pa ni khro bo rnam par rgyal ba'i ting nge 'dzin du snyoms par zhugs nas gsungs pas so//des gsungs pa rtsa ba'i rgyud kyi dkyil 'khor gyi rtog pa 'dir yang bshad de 'dir der 'du ba ni gtogs pa'o//dbang bskur ba rim par phye ba'i le'u ste dang po'o zhes pa la le'u ni dri ma las 'gebs par byed pa/ /don gyi gtso bo ste de ston pa'i gzhung la yang rnam par bshad do/ /le'u dang po'i rnam par bshad pa'o// //da ni le'u gnyis pa'i dkyil 'khor gyi sngags rnams bshad par bya ba'i phyir/de nas gzhan yang gsang sngags ni/ /de nas rab tu dbyung bya ste/ /zhes smos te/ dbus su yi dags te/ tshangs pa bgegs chen po'i gdan gyi sngags ni/ de bzhin gshegs pa thams cad kyi gtso bo zhes bya ba yi dags gdong bzhis zab po'i steng du bzhugs pa'o zhes shes par bya'o//gra'i be con bzhi'i sngags ni 'di yin te/ grwa ni mtshams bzhi'i pad+ma'i steng du bgegs yi dags me 'bar ba can 'di de bzhin gshegs pa kun gyi gtso bo zhes bya ba khro bo rnam par rgyal ba'i bkas khug la shog par byin gyis rlob par byed pa'i sngags des so//rlung lha dang / dbang ldan dang / me lha dang srin po rnams so/ /sgo bzhir brgya byin dang gshin rje dang / klu dang / gnod sbyin dang bzhi'i sngags te/ phyogs skyong brgyad kyi steng na khro bo bzhugs shing pho nya bar byed pa'o//brgya byin ni thub par dka'o/ /gshin rje ni gzhan gsod la dga'o/ /klu ni me'i 'od dang ldan no/ /gnod sbyin ni gzhan la gnod pa myur bar bskyed do/ /sngags des yi dags rnams bzung nas gnas su gnas par byed pa'i sngags so/ /yi dags phreng ba ni bgegs bsad pa'i lag pa'i phreng ba dang /mgo'i tshogs dang / lus po'i tshogs dang / 'phags pa'i tshogs ni phreng ba'i phyir brgyan par bya ste/ de'i phyir yi dags phal che bas yi dags phal chen gyi dkyil 'khor/ oM a kro te ka ya man zhes pa rang gi snying po gsungs pa ste/ pad+ma 'dab ma brgyad par bris pa la pad+ma'i lte ba la hUM bkod de/ de'i mthar A li rnam par bkod la/ 'dab ma la kA li rnam par bkod la/ 'dab ma la kA li bkod la de nas btu bar bya ba ni/ A li dang po blang bya zhing / /de nas dang po'i dang po dang / /bzhi pa'i bzhi pa de nas blang / /yang ni dang po de bzhin no/ /rlung gi sa bon dbyangs btu zhing //lnga pa'i lnga pa bzhi pa'i lnga/ /bzhi pa de dang bsreg la gzhag /bzhi pa'i dang po nyid dag dang / /dang po nyid la a sbyar te/ /tha ma'i dang po nyid dang ni/ /bzhi pa'i bzhi pa de blang ngo / /ma dang bzhi pa'i gnyis pa ring / /lnga pa'i mthug po na dang sbyar//gnyis pa'i gsum pa'i legs ring ste/ /dbyangs kyi bcu gsum nyid dag dang / /me yi bu dang ring po ni/ /'og dang steng du gnyis par sbyar/ /e yi rnam pa d+ha dang 'brel/ /thog ma gsal byed mtha' ru hUM/ /de yi mthar yang mtshon cha gzhag/ /gshin rje gshed gcig tu khro ba med pa nyid kyis ma rungs pa/ha na zhes pa tshoms shig pa'o/ /ma ta zhes pa lhogs shig pa'o/ /b+hany+dza zhes pa gzhan gyi sbyor ba bshig pa'o/ /hUM ni bskul ba'o/ /phaT drag por bshig pa'o/ /de la hUM ni 'jam dpal gyi sa bon no/ /oM ni gsal bar byed pa 'dus pa'i phyir rdzas su med do//a la sogs pa brgyad ni khro bo brgyad kyi sa bon no/ /ha na ni gnod mdzes kyi'o/ /ma tha ni hUM ka ri'i'o/ /b+hany+dza ni kI li kI la'i'o/ /phaT ni kI li chen po'i sa bon du mkhas pas rigs par bya'o/ /gzhan dag ni go sla bas 'bad pa ma byas so/ / le'u gnyis pa'i rnam par bshad pa'o// //da ni khro bo'i rgyal po'i phyag rgya dbul gyi yi dags kyi steng du dgod par bya ba yin pa'i phyir de bshad de/ de'i phyir/ de nas gzhan yang 'jam dpal gyi/ /khro bo dang po gcig pu nyid/ /tshad med gzi brjid bdag nyid che/ /de yi phyag rgya bshad par bya//zhes gsungs te/ snying po'i sngags bzlas shing bcings pa'am/ logs shin tu sngags mi zlos par lha'i rnal 'byor dang ldan pas so/ /gzhan du nam yang mi bcing ngo / /zhes pa gsang ba'i phyir ro/ /lag pa'i sor mo ni rnam pa bzhi yin la/ de bzhin du bzhi'i nang du mar me'i mthe bong 'di sbas pa ni gsang ba yin te/gzhan du ste stong pa nyid kyi ting nge 'dzin gyis mi bcing zhing dor bar bya'o/ /cung zad du ni de yi tsher/ /yi dags mgo bo mkhas pas bri/ /zhes pa ni/ de'i rtser yi dags kyi mgo bo ste/ der gnas pa'i chu dgug pa'o//phyag rgya'i bsgrub pa bshad de/ /de nas phyag rgya'i bsgrub pa yi/ /dkyil 'khor 'di ni bshad par bya/ /zhes bya ba la sogs pa smos te/ dkyil 'khor gru bzhi'i nang du pad+ma 'dab ma brgyad par bris la/ yi dags [(]gyi [,]kyi [)]steng du be con dgu yang bris la de la dbus kyi yi dags [(]gyi [,]kyi [)]be con las 'jam dpal gyi dngos por bya zhing pad+ma las ma mo rnam pa brgyad de//gzugs mdzes ma dang / sgra snyan ma'i ma mo dang / dbus dri zhim ma'i ma mo dang / lus 'jam ma dang / dkar mo dang / sngon mo dang / dmar mo dang / ljang gu ma'i ma mo ste brgyad do//shes rab kyi lha mo'i dkyil 'khor yin pas na phyag rgya'i dkyil 'khor zhes kyang bya'o zhes gsungs so/ /bar du bcug pa ni khro bo'i sngags a dang hUM gi bar du be con gyi phyag rgya'i sngags bcug pa ni bzhag pa'o/ /sngags des las sna tshogs 'grub pa yin yang 'di bdag gis 'ga' tsam zhig smras pa las mang po'i mthu med do//de nas dngos grub kun gyi mchog /khro bo'i gtso bo de kho na/ /zhes bya ba rgya cher smos pa ni/ gro ga'am ras la las dang rjes su mthun pa'i kha dog gis pad+ma 'dab ma brgyad bris la char dbab pa dang /klu gnan par bya ba'i ni 'dab ma rnams la klu brgyad kyi mtshan ma sprul rnam pa brgyad mgo lte ba'i dkyil du bris la de'i steng du zla ba'i dkyil du a bris la gnan par bya'o/ /de'i steng du baM las bdud rtsi'i chus klu rnams ngoms par byas la/ a'i rnam pa las 'od zer byung bas dbang du bya zhes/a de las be con gyi ngo bor byas la de'i rtse mor hUM bsams pas/ klu gnad la bor zhing bka' bsgo na don grub pa ste/ sngags des brdas shing mi 'bros par bya ba ni man ngag go/ /yi dags spyi bor zhes pa klu kun gyi'o/ /rang gi tshig gis bskul bar ldan//zhes pa la rang gi zhes pa rang gang 'dod pa'i las kyi tshig go/ /rigs las byung ba zhes pa na/ be con 'di rnam par snang mdzad kyi rigs so/ /gsang ba'i mchod pa'i sbyor ba yi/ bdag gis mdor ni bshad par bya/ /zhes bya ba ni las rnam pa drug po 'di gsang ba'i ste ma bcu gnyis kyi sbyor bar rig par bya'i/'dir rgyas par ma bshad do/ /'on kyang mdo tsam zhig bshad de/ /a 'di khro bo rnam rgyal gyi/ /sa bon dam tshig yin par bshad/ /ces pa ni/ 'od dpag tu med pa'i'o/ /bstod ces pa 'od dpag tu med pa la bstod pa'o//de ni dbang gi lhag pa'i lha ste dang po'i sbyor ba'o/ /a 'di khro bo rnam rgyal gyi/ /hUM dang ldan pas zhes pa ni hUM ste mi bskyod pa'o/ /zhi ba'i sbyor ba'o/ /de las gzhan sngags 'phel bar byed/ /ces pa ni swa sngags 'phel bar byed pa rin chen 'byung ldan rgyas pa'i'o//gsum pa'o/ /sarba ta thA ga ta zhes pa ni don yod par gru ba'i sbyor ba gsad ba'i las so/ /hUM ni snying ga'i hUM ste/ de las khro bo gsod pa po'i sngags byung ba'o/ /oM zhes pa ni rnam par snang mdzad dang dbye ba'i lha ste lhag pa'i lha ste lnga pa'o/ /de las gzhan zhes pa ni 'jam dpal ni bskrad par byed pa ste drug pa'o//rang rang sku 'dzin bskul nas ni/ /zhes pa ni khro bo rnam pa drug rang rang gi ngo bo las drug la bskul bar bya ste sgrub pa'i thabs bzhin no/ /de la zhi ba la shAn+tiM ku ru dang swA hA zhes brjod do/ /mjug tu bau Sha Ta sbyar zhes pa rgyas pa la ste/de'i mthar na ma swA hA'o/ /hUM yang de'i mthar gzhag go/ /gsad pa la phaT do/ /dbye bar bya ba la hUM gnyis kyi bar du phaT do/ /bskrad pa la bskul ba'i mgo dang mjug du hUM dang phaT do/ /gsang ba'i mchod pa'i cho gar grags/ /zhes pa ni ma'i 'khor lo'i cho ga'o//gzhan go sla'o/ /rab tu 'grub pas zla drug gis/ /zhes pa ni las re re las zla ba re'am/ yang na lo res 'grub ste/ phyag rgya'i dkyil 'khor ram/ khro bo'i dkyil 'khor gyi rnal 'byor gyis 'grub des so/ /be con phyag rgya'i sngags las mtshon pa'i lha yis lhag par byas la/gsang ba'i mchod pa ste 'khor lo drug pa'i sbyor ba'i le'u ste gsum pa'i rnam par bshad pa'o// //da ni he la'i 'khor lo'i bskul ba'i rnam pa dag bshad pa dang / gzhan dag kyang bstan par bya ste de'i phyir gsungs pa/ de nas be can phyag rgya yi//ji skad gsungs pa de dag bsgrub/ /ces bya ba la sogs pa smos te/ gong ma las gzhan yin pas na gnyis pa'o/ /khro bo gtso bo'i phyag rgya yin/ /zhes pa ni lha gcig pa'i sgrub thabs so zhes shes par bya'o/ /de nas mar gyi tshes brgyad la/ /grogs gsum dang zhes pa lhag pa'i lha rang dang gcig /bdud rtsi'i 'khyil pa dang gnyis/ khro bo pho nya dang gsum mo/ /bcu gcig pa rnyil cig ces pa'i bskul ba ni lhag pa'i mthar ha na pi s+pho Ta ya b+hany+dza zhes pa'o/ /dgos par bya ba ste/ bcu pa'i bskul ba ni da ra bi s+pho Ta b+hany+dza hUM zhes pa ste/b+hany+dza b+hany+dza zhes pa shig shig pa'am chom chom pa'o/ /gnyis pa skoms shig pa'i bskul ba ni/ ba tsa bi tra sang sho Sha ya hUM zhes pa'o/ /bzhi pa non cig pa ni staM b+ha staM b+ha hUM mu se na staM b+ha hUM zhes pa khro bo chen po'i mthar ro/ /lnga pa dkrugs shig pa ni/ k+Sho b+ha ya k+Sho b+ha ya ma hUM hri zhes pa'o//bzhi pa khyad par du 'dis kyang bskul ba ste/ tista tista hUM zhes pa'o/ /gsad par bya ba la bskul ba'i sngags 'di ste/ ha na bi na t+paM sa mA ra ya hUM phaT zhes pa'o/ /bdun pa skrag par gyis shig pa ni kha kha khA hi khA hi hUM zhes pa dpung rnams phan tshun du skrag cing 'khrug go//khrag gi char phob cig pa ni/ tri tri/ dzA dzA/ tri tri/ hUM zhes bskul lo/ /drug pa rmongs par gyis shig pa ni/ ha ha ha ha bai ta la phaT hUM zhes pa'o/ /long par gyis shig pa ni ha ha ha ha an+ta ya phaT hUM zhes pa'o/ /rgyal po 'bebs par byed pa la ni triM tri dza dza triM phaT hUM ngo //de dag gi las kyi 'khrul 'khor ni/ rigs kyi sa bon gyi yi ge las mtshan ma ste/ stong pa nyid sngon du 'gro bas de la las dang rjes su mthun pa'i 'khor lor yang dag par bskyed pa byas pa dang / legs pa ste/ kha dog gi bye brag kyang las dang mthun pa'i yi ge'i kha dog bskyed do/ye shes sems dpa'i thugs ka'i hUM las 'od zer spros pas sangs rgyas 'phags pa 'jam dpal gshin rje gshed kyi thugs ka na/ A li kI li gnas pa'i yi ge las dam tshig gi yi ge lta bu bsdus te 'dir bstim mo/ /de la mchod pa dang gzi brjid bskyed pa byas pa ni byin gyis brlab pa'o//'di lta bu'i 'khor lo ni gshin rje gshed de/ /'dod pa'i don dang / de'i bar du gcod pa sel ba'am/ 'joms pa ste go rims so/ /gzhan yang rnam pa gsum gyis na/ dgu ru dbye ba byas pa dang bshad pa rdzogs par 'gyur ro//rgyu dang thabs dang 'bras bu'i rnam pa 'dod pa nyid de/ de'i phyir bshad pa lnga pa nyid do zhes bshad do/ /'di la las kyi bye brag gis bskyed pa'i 'khor lo bris pa dag la bstim pa dang / 'khrul 'khor bskyed pa dang / 'dod pa'i 'khor dag bskul ba ni bstan pa'i rim pa ltar ro//byang chub sems dpa' thams cad kyis/ /dam tshig rab tu skyong ba yin/ /zhes pa ni khro bo rnam pa bcu gnyis po kun gyis las byed pa las mi'i don no/ /da ni ma grub pa ni 'dis spogs par bya ba ste/ snga ma'i dam tshig bskul pa ltar//zhes pa lhag pa'i lha'i sngags kyi mjug la phyag 'tshal ba dang ldan pa dag brjod la de'i mthar bskul ba brjod do/ /de nas gzhan dag sngar gyi dang mtshungs par bya ba'am med par yang rung bar bshad do/ /bdag nyid nges par 'chi/ zhes pa sngon du bsnyen pa ma byas par 'dod na de'i tshe 'grub par mi 'gyur gyi zad par 'gyur ro//gzhan yon tan te/ las sna tshogs 'grub par bshad de go sla'o/ /gsang pa rab tu bstan pa yin/ /zhes pa ni gsang ba'i 'khor lo'i bskul ba bstan pa yin pa'i phyir ro/ /snying po phyag rgya ni bcu bdun po'i sgrub thabs so//be con zhes pa phyag rgya dgu'i sgrub thabs so/ /snying po rang gis zhes pa ni be con gyi phyag rgya'i sngags kyi bsnyen pa bya'o/ /rtsa ba'i rtog pa be con gyi sgrub pa dang / de'i las bskul ba bsdus te bshad pa le'u bzhi pa'i rnam par bshad pa'o// //de ltar le'u bzhi par bskul ba bstan pa la de'i sgrub pa dgos pas de bstan pa'i phyir/de nas yi ge bcu bdun pa'i/ /zhes bya ba la sogs pa gsungs te/ rtsa ba'i sngags zhes pa ni rang gi lugs brjod pa yin la/ 'dir yang de bzhin te a a nut+pa te zhes pas don dam pa'i bden pa gsungs la khro bo zhes pa ye shes te rang bzhin no//de'i las ni phrin las te/ rnam pa sna tshogs ni sprul pa ste kun rdzob kyi bden pa'o/ /yang na a ni rang gi sems kyi gzhon pa lta bu'i ngo bo khyab pa'i gnas la gsungs te rnam par shes pa gzhan dang rlung gzhan dag gi rgyu ba'i phyir rtsa ba'o/ / de yang rnam par smin pa yang yin la gzung ba'i yul yang yin te man ngag gis shes par bya'o/ /sngags zhes pa la sngags ni sprul la sogs pa'o/ /de yang mgo can dang / mgo med pa dang / mjug can dang / mjug ma med pa ste ming ngo / /gtogs pa dang sod pa ni/ yid skyob pa dang / don ni dgos pa'o/ /skyob pa'i phyir zhes pa dang / stobs la sogs pa 'thob par byed pa'i nges tshig go/ /de yang byang chub kyi phyogs ni sngags so/ /stong pa nyid ni mi mnyam pa dang nyam pa'i sngags so/ /khyad par gyi lam ni bar chad med pa'i phyir sngags so//der rnam par grol ba mthar phyin pa ni mdzad pa chen pos sems can gyi don byed pa'i phyir sngags so zhes bshad do/ /yang / lte ba'i rtsa bar gnas pa yi/ /lhan cig skyes pa'i yi ge a/ /khong nas byung yang skye ba med/ /yi ge kun gyi rtsa ba'i phyir//rtsa ba'i sngags su shes par bya'o/ /zhes pa gdams dag go/ /de yi phyag rgya gzhan dag kyang / /ro langs zhes ni bya ba yod/ /ces pa la de'i zhes pa sngags de'i'o/ /sgrub pa'i thabs gzhan no/ /de yang ro'i sgrub pa'o/ /snying ni dga' byed gsang ba'o/ / zhes bya ba ni ro langs kyi phyag rgya 'dis thugs sad par byed pa'i phyir ro/ /dur khrod dag ni thams cad ni/ /gang la rtag tu rag lus pa/ /zhes pa ni/ dur khrod ni ro la bya ste bdag med pa'i ngo bo'o/ /de'i dngos grub ni de mthong ba dang / de'i shugs las byung ba'o/ /de'i rag las pa ni de'i phyag rgya ste/rgyu'i phyir a'i rnam pa'am sgyu ma'i rnam pa'o/ /yang ril por 'dzin pa dang / rjes su gzhig pa yang mi 'da' ba'i phyir phyag rgya yin la rag las pa'i phyir ro/ /yang na dur khrod ni dbugs rgyu ba'i phyir lus yin te/ de'i shin tu sbyangs pa ni/ /sgyu ma lta bu'i ting nge 'dzin 'di la rag lus so//ro langs phyag rgya ldan pa de/ /zhes pa yan chad ni sgra ji lta ba bzhin te gsal lo/ /ha har gyur ba'i dkyil 'khor du/ /zhes pa ni ro'i sgrub pa gsungs pa ste/ de yang dang po lha gcig pa la sogs pa'i rnal 'byor dang / snying pos sngon du bsnyen pa 'bum byas la/de nas ci rtse la sogs pa'i gnas yid du dga' bar zla ba mar ngo'i tshes brgyad dam bcu bzhi la dur khrod kyi rdzas gyis dkyil 'khor gru bzhi par byas pa'i dbus su pad+ma 'dab ma brgyad par bris la/ de'i lte bar ro bri zhing de ru nyi ma'i gzugs bris nas/der rang gi rnal 'byor byas la mchod pa dang bstod pa bya'o/ /de nas dkyil 'khor du yang 'jam dpal bskyed la bdun rtsi lnga dang / spos dang / mar me dang / dur khrod kyi me tog gis mchod do/ /'byung po la gtor ma yang byin la/ de nas bum pa gcig tu khrag dang /sha dang / tshil bu dang / bdud rtsi dang / sman blugs la/ dur khrod kyi ras kyis mgul pa bcing ngo / /gzhan yang mchod pa'i rdzas tshil chen po dang / sha la sogs pa'i lha bshos dang / srog chags chu chun dar btags pa'i bdug pa dang / dur khrod kyi sdong bu bdun ra'i gci bas bkrus la tshil chen po'i mar me btang bas mig sman du bya'o//de nas bsrung ba'i cho ga gsungs pas bsrungs la/ de nas rang shi ba ma rgas pa dang / nad med par ro de la dri chu dang bdud rtsi chen pos byug go/ /dkyil 'khor kyi dbus su ro bzhag la ro'i snying gar bdag kha lho ru bltas te 'dug nas/khyi'i 'o ma dang ba'i 'o ma'am/ sran ma dang / 'bras kyi chan dang / bdud rtsi dag dur gyi phru bar blugs te btsos pa'i tshe/ thod pas kha bcad cing tshos pa dang / thod par stsal lo/ /khar shing brtsigs la me sbar te drang por sbyin sreg bya ste/sngags brgya re zhing dbul te/ de lta bu'i brgya rtsa brgyad bya'o/ /'phags pa 'jam dpal yum dang bcas pa dang / 'khor gshin rje mtha' yas pa dang / dur khrod kyi ce spyang dang / phyogs skyong ba bcu po dag sod sod kyi sgra sgrogs pa dang / /srin po 'brug gi sgra bzhin sgrogs pa dag gis bskor bar bsam zhing /lho phyogs nas grogs gcig gis bdug spos dang / dril bu rgyun du bsgrag go/ /de nas ro de langs nas bgyi ba ci 'dod ces gang 'dod pa ster ro/ /de'i tshe langs nas ha ha zhes dgod cing las gang 'dod pa gcig ster te/ sha za'i mchod sbyin du bshad pa'o//cho ga bzhin du sbyar bar bya/ /zhes pa sbyin sreg gi cho ga'o/ /khro bo 'bar byed bshad par bya/ /zhes bya ba ni khro bo rnam pa bcu gnyis kyi las su bshad pa yang 'dis 'grub par 'gyur ba'o/ /yi dags phal chen bshad pa bzhin/ /'di yang zhes pa ni ro langs bsgrub pa'i dkyil 'khor 'di yang ngo //khru brgyad lhag chad med par ni/ /zhes pa ni dngos grub sna tshogs la khru brgyad pa 'dis shis so zhes pa gzhan dag ni go sla ste ma bshad do/ /mchod par bya zhes pa lha la ste me lha la'o/ /gtor ma gsum pa zhes bya ba ni dang po'i rang gi rnal 'byor dang de'i gtor ma'o//gnyis pa sbyin sreg gi dang / gsum pa yi dags la gtang ba ste/ de la yang sha chen po dang / tshil dang / khrag dang / bdud rtsi lngas bya'o/ /bdug pa yang de bzhin no/ /ro langs phyag rgya bcings nas ni//gtor ma me tog la sogs dbul/ /zhes pa ni khro bo'i phyag rgyas te/ rang gi dam tshig gi phyag rgya 'dis dam tshig mtshon pa'o/ /des bya ba kun la yang sbyor la ro langs pa la dam tshig gi phyir bstan par bya ba yin pas na ro langs so/ /snying gar ro langs phyag rgya gzhag /ces pa 'jam dpal bzhugs par bsam pa'am/ mtshan ma gzhag pa'o/ /ar+g+ha de la dbul bar bya/ /zhes pa ni 'jam dpal ngo bo ro'i rnam pa'o/ /gser du 'gyur bar gdon mi za/ /zhes pa ni gser du 'dod na gser ram yung bas ro la byugs la snga ma bzhin nam/sbyor ba gzhan du sbyar na'o/ /ro langs phyag rgya mi shes na/ sems ni ji ltar drug gyur kyang / /zhes bya ba ni ro langs kyi phyag rgya ni 'di ro langs nas dngos grub ster ba la dgos pa'i rang gi rnal 'byor dang / me lha'i rnal 'byor dang / de'i mchod rdzas dang sngags rnams ni de'i phyag rgya ste/de ma shes par don 'grub pa med de/ sa bon med par mi 'byung ba myu gu yin pa bzhin du sbyor ba 'di mi shes pa'i sngags pa sgra la ni zhen pa dang / lha'i de kho na nyid mi shes pa rten cing 'byung ba rnam pa gnyis so/ /gzugs la sogs pa'i mtshan nyid la yang dag pa'i kun rdzob tsam du yang 'di lha ma yin pa la/don dam par lhar 'dod cing zhen pa dang / sgyu ma'i ngo bo 'di 'jam pa'i dbyangs su brtags pa'i rnal 'byor can gyis rtogs kyang sbyor ba bla ma'i ngag las blangs pa med cing mi shes na/sems pas byed kyang 'dod pa'i don 'byung ba med de/ mi shes shing nye bar ma byas pa'i phyir sa bon med pa'i myu gu bzhin no/ /des nam mkha' la 'gro ba dang / chu la yang sa bzhin byed do/ /gzhan go sla'o/ /da ni gzir ba la sogs pa ro langs kyi las gzhan dag gsungs pa de bshad pa'i phyir/de nas gzhan yang ro langs kyis/ /gzir bar bya ba gsang ba bshad/ /ces bya ba rgya cher smos te/ thod pa'i nang du tshil chen po'i mar khu la a shwa ra ba zhes pa ni/ 'dir ka ra bI ra'i shun lpags dang / ras kyi sdong bu byas la mar me dus ni zla ba'am/nyi ma gzas zin pa'i tshe spar la de mthar bar sngags bzlas shing / thod pa kha sbub pas dud par byas la des snag tshar byas te/ ras bshus pa la 'khor lo bris la mar gyi tshes brgyad la ro snga ma bzhin du byas pa'i khar sbyin sreg du bya/ mthar de yang bsregs na grub ste/man ngag las shes par bya'o/ /de yang na shing arka'i bal kho na bsregs pa'i dud pa snag tshar byas pa/ ro langs pa na mig la bskul na'o/ /slar thar par bya na snga ma bzhin la thar ba'i sngags kyis so/ /de nas gzhan yang rmongs pa ni//zhes byung ba rnams ni/ snga ma bzhin la/ rdzas 'di rnams ri lur byas la mar gyi tshes brgyad la sngags bzlas te/ snga ma bzhin ro'i khar gzhag par bya ste/ de nas des 'khor lo yang dag par bris pa'i nang du ri lu bzhag nas sbas na rmongs par byed do/ /ri lu bdun mthar bsregs la gcig gis bya'o//de nas gzhan yang dbab pa yi/ /zhes pa dag gsungs pa ni dbab pa'i sbyor bas gzhan las khyad bar du gyur pas na mchog go/ /stag gi pags pa dang zhes pa ni na chung gi 'og gi gos so/ /sbrul gyi shun pa ni gu gul nag po ste rdzas de rnams dang /thang chu dang / bdud rtsi lnga dang / tshil chen po rnams kyi ri lu thod par bsreg cing bdugs na 'bebs te thabs gzhan yang bya'o/ /des smra ba rnam pa sna tshogs kyi rtsed mo ston to/ /gshegs pa'am gtang ba ni gur gum can bsregs te gtang ngo / /dbang du byed pa dag gi mchog /rig pa 'dzin pa'i yid las byung / /zhes pa ni/ rnam par snang mdzad kyi thugs las byung ba'o/ /khro bo gtum po la sogs pa'i 'khor lo ltar byas la sngags bzlas na nges par dbang du 'gyur ro/ /de nas khon pa las kyi ni/ /sbyor ba 'ba' zhig bshad bar bya//zhes bya ba gsungs te/ /zhi ba dang ni rgyas pa nyid/ zla ba yar gyi ngo la bya/ /dbang dang mngon spyod las dag dang / /kho na dang bskrad dang gnas par dad/ /dgug pa la sogs mar ngo la'o/ /byang du kha bltas zhi ba la/ /de bzhin rgyas la shar du blta/ /drag po'i las la lho phyogs su//dbang gi las la nub tu blta/ /gsod pa nyid la me yi phyogs/ /sdang bar bya la bden bral phyogs/ /gnas las bskrad la rlung gi phyogs/ /gnon pa la ni dbang ldan phyogs/ /zhi la kha dog dkar po ste/ /rgyas pa dag la ser por bya/ /dbang dang dgug pa dag la dmar//gsad la kha dog nag por bya/ /byams pa'i sems kyis zhi ba la/ /dge ba'i sems kyis rgyas pa la/ /chags pa'i sems kyis dbang dag la/ /khro bo'i sems kyis gsod pa la/ /zhi ba phal cher srod la bya/ /rgyas pa phal cher snga dro bya/ / dbang dang mngon spyod dag gi las/ /nyi ma gung dang mtshan phyed la/ /rdzogs pa'i rim la gnas pa yis/ /nang gi dus la brten par bya/ /'gro ba'i snying la rab gnas dus/ /rim ni go rims ji bzhin du/ /thun phyed kyi ni dus su gnas/ /me dang rlung dang dbang chen dang / /chu ste so so'i dkyil 'khor te//dmar dang gnag dang de bzhin ser/ /dkar po nyid de mdor bsdus pa'o/ /zhes dpal gsang ba 'dus pa'i bshad pa'i las bcom ldan 'das kyis gsungs pa 'dir yang sbyar ro/ /de'i rim pa ni rdzas de rnams la ri lu byas la/ zla ba gzas zin pa'i tshe'i lu la sngags btab la/khon par bya ba dag gi snying gar 'khor lo sbas la/ /tshes brgyad kyi nub mo ri lu khar bzhag la sbas na nges pa yin par ni mthu'i yon tan no/ /glang po che glad pa'o/ /rnal 'byor rnam pa gnyis la gnas pa dag la sdang ba gsad par bya ba bstan pa'i phyir de'i sbyor ba gsungs pa de bshad pa'i phyir/gsod pa'i mchog ni bshad par bya/ /zhes bya ba la sogs pa gsungs te/ /mi gang dag gnod pa mang pos dkon mchog la gnod par byed pa dang / smod par byed pa'i log par lta ba dang / slob dpon la smod pa dang / mtshams med pa byed pa la gsad pa'i sbyor ba 'di bya'o//rang la zhe sdang gi phyir kun la bya ba ni rang nyid la gnod pa skyed pa'o/ /byang chub sems dang ldan pa la/ /zhes pas/ byang chub tu sems bskyed pa dang ldan pa dang / rigs lngar grags pa'i dam tshig dang ldan pa dang / sems can kun la byams pa dang ldan pa dang /snying rje dang / bzod pa dang / snying brtse ba dang 'brel bas 'grub kyi/ de las bzlog pas mi 'grub ste/ /khro dang gtum pa'i spyod pa dang / /zhe sdang gis gsad par 'dod pas ni de bzhin gshegs pa ste/ 'jam dpal gyi dngos grub dag dngos su mi 'grub kyi/rmi lam du yang mi 'grub po zhes shes par bya'o/ /de'i rim pa la dgra bo'i rkang pa g.yon pa dang / /g.yas pa'i rjes zla ba stod dang smad kyi bye brag gis blangs pa'i sa dang / dur khrod kyi sol ba dang / rus pa dang / bdud rtsi lnga dang / khrag dang / lan tshwa dang /bong bu dang / rnga mo'i spangs dang / skye tshe dang / shing nim pa'i lo ma dang / skra dang / mar khu chen po dang / khra dang / 'ug pa'i bshang ba dang / spu dang / gci ba dang / mi'i rus phye dang / ba spu ba dang / phub ma dag las gzugs brnyan byas la/ de'i lus la man ngag bzhin byas nas rlung gi dus sam/nyin gung la rus pa dang tsher mas btsugs la gnas su bcug la ro langs khro bo'i sngags kyi mthar swA hA spangs te hUM dang phaT gnyis kyi dbus su ste/ de yang hUM phaT kyi bar du de ba ta mA ra ya zhes stong rtsa brgyad du bzlas shing / mthar bsreg sam mnan par bya'o//de ltar byas na 'chi ba 'di la the tshom mi bya'o/ /bskrad pa'i las ni go sla'o/ /rtsod pa'i las la ba ra hi ni gu sha rnam gcig go zhes 'dir 'dod do/ /du tsi ra ni gi wang ngo / /sman de dag dang / gzhan gang yin pa'i rdzas so/ /rdzas de rnams lo ma rlung gis btab bar zhes pa 'ug pa dang /bya rog gi sgro rang byi ba ste ma shi ba'i sgro dang so sor sbyar ro/ /byang chub rab zhugs zhes pa sems can la gnod pa dang phan pa'i phyir ro/ /gzhan dag mos par bya ba'i phyir sprul pa sna tshogs bstan pa ni mig 'phrul lo/ /de'i sbyor ba bstan pa'i phyir//de nas gzhan yang mig 'phrul gyi/ /cho ga tshul bzhin bstan par bya/ /zhes pa dag ni gsal ba nyid las ma bshad do/ /da ni zhi ba'i las bshad de de'i phyir gsungs pa/ de nas zhes pa la mig 'phrul pa de nas so/ /sems can rnams kyi nad dang /'chi ba nye bar zhi bar byed pa'i phyir te/ de bzhin gshegs pa rnams nad med pa'i 'byor ba can du thugs dgyes pas zhi ba las kyi sbyor ba 'di gsungs te bka' stsal pa'o/ /me tog dkar po zhes pa ni dri zhim po'i kha dog dkar po'o/ /de bzhin du sbos dang /gzhan yang dkar bar rnam par bsam mo/ /rgya mtshor 'gro ba chu'i nang du zhes pa chu chen po'o/ /der 'gro ba ni chu chung ba'o/ /der ro longs kyi sngags bzlas shing dor bar bya ste/ nad rnams lus las bton nas chur dor bar bsam mo/ /de nas rgyas pa'i las rnams kyang / /zhes pa ni/ de la nad med pas lus rgyas pa dang / rnal 'byor pa mang pos longs spyod rgyas pa dang / tshe ring pos srog rgyas pa dang / mchod pa chen pos bsod nams dang / lam gyis ye shes mchog tu dang / thos pas shes rab rgyas te/ de las skyes pa'am/ bud med nad kyis lus ma rgyas na/tsha tsha gdab pa'i cho ga'am yang na ro langs kyi sngags kyi sku ser por bzhengs la mchod pa byas na nad dang bral te lus rgyas so/ /mchod pa chen po yang byas nas/ de nas bla ma dang dge 'dun dang bram ze dag la chen pos bsngos na ma 'ongs pa'am/ 'di la longs spyod rgyas so/ /yang mchod pa byas nas ro langs kyi sngags bskul bas bzlas shing sngags phreng bar bzlas na tshe rgyas so//yang mchod pa mtha' yas pa ma lus shing lus pa med pa'i rdzas phyogs bcu'i 'jig rten gyi khams ma lus shing lus pa med pa khengs pa rnams kyis/ phyogs bcu'i 'jig rten gyi khams kyi de bzhin gshegs pa ma lus shing lus pa med pa'i 'phags pa 'jam dpal dang /sangs rgyas dang / byang chub sems dpa' dang / khro bo rnams la phul zhing sngags bskul na bsod nams mtha' yas pa rgyas par 'gyur ro/ /yang lam bzhi ste/ sbyor ba'i las nges par 'byed pa'i cha bzhi drod dang /rtse mo dang / bzod pa dang / chos kyi mchog dbang po dang / stobs dang bcas pas mthong ba rnam par dag pa'i ye shes rgyas so/ /de yang rnam pa bzhi ste/ dang po bar chad med pa sdug bsngal la chos shes pa'i bzod pa ni/ 'dod pa'i khams kyi sdug bsngal kyi spros pa bcad nas don myong ba'o//myong ba de nyid kyis khams gong ma'i spros pa bcad pa'i tshul gyis rjes su shes pa'i bzod pa'o/ /bzod pa'i spros pa med pa la/ /zhes pa ni rjes su shes pa gnyis te/ de ni rnam par grol bar bsdus pa bstan te/ de yang bden pa bzhi yin pas bzod pa bzhi yin la/bzod pa bzhi'i grol ba yang bzhi yin pa'am/ yang na khams kyi bye brag gis bzod pa brgyad dang / shes pa brgyad du rnam par gzhag ste/ des bsgom pa'i lam 'phel bar byed do/ /de yang nges par na/ mthong ba'i lam de ni theg pa chen po pa bden pa so so la re mos dmigs pa med pa'i phyir//bden pa bzhi'i stong pa nyid skad cig ma gcig gis dus la thog ma nyid du mthong ba ni/ bar chad med pa'i lam sngar ma mthong ba'i don mthong bas na mthong ba'i ye shes te 'phags pa'i sar phyin par byed pa'i phyir lam mo/ /bden pa'i don dang / bstan pa la shes rab 'phel bar bya ba'i phyir skad cig ma bcu drug dang /brgyad dang dgu la sogs par bshad do/ /de bzhin gshegs pas gsungs pa'i gsung rab sde snod gsum po de la yang mngon pa'i snod de nyan thos dang / rang rgyal ba'i nyan thos kyi theg pa/ theg pa chung ngu'i sde snod thos la/byang chub sems dpas chos mngon pa theg pa chen po'i mdo thos pas shes rab rgyas te/ de yang thos pa'i shes rab la brten nas/ bsam pa'i shes rab ces 'byung ngo / /rgyas par bshad zin to/ /'jig rten thams cad dgar 'gyur ba/ /dgar bar 'gyur ba bshad par bya//zhes pa gsungs pa ni sdud pa po'i tshig go/ /gi wang ni glang po che'i go ro tsa na'o/ /yang na gi wang ni skye ba bdun pa'i snying kha na go ro tsa na yod pa ste/ rang gi khrag cas pa srin lag g.yon pa'i khrag dang bsres nas ro langs [(]gyi [,]kyi [)]khar [(]gcug [,]bcug [)]la/ ro langs kyi sngags kyis bskul la de nas zla ba shi ba'i tshe bsgrub na nges pa'o//yang na dga' ba ni ye shes te/ de rang la skyes pa ni yod pa'o/ /de yong pa'i thabs ni phyag rgya la yod pa'i gsang ba'i pad+ma'i bde ba gi wang dang / rang gi thabs kyi gsang ba sbyar la bdag gi dpral ba ste spyi bor gnyis ka'i khams kyi rang bzhin gyi thig les rtse gnyis su bsres na dga' ba skye ste sbas pa'i don to//'gro ba dbang du byed pa ni bzhu bas sa/ /dgug pa'i cho ga ni bdag gis rnam par ma bshad de/ chags pa dang ldan pa'i don yin pa dang / gsal ba'i phyir ro/ /ro langs rtog pa 'di dag ni//zhes pa ro'i las kyi cho ga rim pa lngar gsungs pa mang po'o/ /rtsa ba'i rgyud kyi ro bsgrub par rtog pa bsdus te bshad pa le'u lnga pa'i rnam par bshad pa'o// //de ltar le'u lnga pa la sogs par las te/ thun mong gi dngos grub dang / mchog gi dngos grub bsgrub par 'dod pa'i rnal 'byor pa 'dod pa'i longs spyod rdzas dang bud med mdzes pa 'dod pa'i chags pa can dang /mchog 'dod pas kyang de'i don du klu'i bu mo la sogs pa la dang por bsten par bya dgos pa dang / thugs nye bar bya dgos pas de'i thabs bskyed pa'i rim pa dang /sngags la sogs pa sngon du bya ba yin pa'i phyir de gsungs pa bdag gis bshad par bya ste/ da ni ro langs rtog pa mchog /rig pa 'dzin pa rnams la ni/ /zhes bya ba smos te/ ro langs rtog pa'i mchog ces pa ni/ ro langs kyi las kyi sbyor ba la bya'o//de'i rig pa 'dzin pa ni/ mi snang ba la sogs pa'i rig pa 'dzin par 'dod pa dag gis/ rang rang gi lha'i rnal 'byor dang / sngags bzlas pas sngon du bsnyen ba byas na 'grub pas de bshad pa'i phyir le'u drug pa 'di gsungs so// //khro bo pad+ma'i zhal nas byung //zhes pa sdud pa po'i tshig go/ /pad+ma ni 'od dpag tu med pa de'i dang pa can khro bo rnam par rgyal bas 'di bshad pa ste/ 'jam dpal nyid yin pas na khro bo nyid kyis gsungs pa'o zhes bsdus so/ /'jam pa'i dbyangs zhas pa la yid kyis bsten par bya ba yin pas na 'jam pa'o//rna bas mnyan par bya ba yin pas na dbyangs te sgra snyan pa mnyan par bya ba bzhin no/ /bka' des gsungs pa ni bskul ba'o/ /rang gi rnal 'byor dang ldan pas dang por drug 'bum du bzlas so/ /de nas sku bris la rab tu spyan dbye ba'i cho ga byas la sum bum du'o/ /de nas ri rtser yang 'bum bzlas/de nas las bsgrub par bya'o/ /bdud rnams thams cad tshar gcod pa/ /zhes pa ni mu stegs la sogs phyir rgol ba'i bdud de'i dpung gi tshogs so/ /khrus kyi cho ga nyin re bya/ /zhes pa rnal 'byor la 'jug pa'i tshe'o/ /thog mar zhes pa sngon du bya ba cho ga yin pas so//mchod yon gyi chus kha dang gdong pa bkrus te/ lus sam gdong pa oM hUM ti ba ta te dza se swA hA zhes pa'i sngags 'di bdun bzlas shing bkru'o/ /des lus dag par byed do/ /ngag sngags 'di'i ste sra ba paM zhes pas kha de bzhin du dag par bya'o/ /de nas nor bu dag par bya ba dang /de nas blang ba dag bya ste man ngag las so/ /bsrung ba rang gi lus la bya/ /zhes be con gyi phyag rgya bcas la de bzhin du bsrung ba'i sngags kyis so zhes ston to/ /paM gi sa bon las byung ba'i/ /zhes pa ni bskyed pa'i rim pa'i gzhi rab tu gsungs pa yin te/ paM las pad+ma ni ri rab kyi steng ngam/khang ba'i nang du'o/ /sa bon hUM las gyur pa'i sku/ /zhes pa zla ba dang nyi ma'i steng du hUM ngo / /brtags zhes pa blos mngon par byang chub pa lnga las bskyed pa'o/ oM AH hUM zhes pas ni rnam par snang mdzad dang / 'od dpag med dang / mi bskyod pa'i sa bon du mkhas pas shes par bya'o//de yang / dpal ldan sangs rgyas sku 'chang ba/ rdo rje mi phyed gsum bsgoms pas/ /deng bdag byin gyis brlabs nas su/ /rdo rje'i sku ni mdzad du gsol/ /phyogs bcur bzhugs pa'i sangs rgyas rnams/ /rdo rje phyed gsum bsgoms pas/ /deng bdag byin gyis brlabs nas su//rdo rje'i sku ni mdzad du gsol/ /sangs rgyas kun gyi sku gang yin/ /phung po lnga yis rab bkang ba/ /sangs rgyas sku yi ngo bo yis/ /bdag kyang de dang 'dra bar shog /ces bya ba la sogs pas gsol ba btab la tshig thams nga rgyal bya ba ni rnal 'byor chen po'o//de nas khro bo'i tshogs ma yis/ zhes pa la sogs pa ni ye shes kyi 'khor los dbang bskur bya'o/ /go cha yang zhes bya ba dag gis gnas bzhir khro bo rnam pa bzhi'i go cha dgod par bya ba'o/ /rang gi dam tshig ldan pa'i rgya/ /zhes pa ro langs kyi phyag rgya bcings la/bdag gi snying gar bsrung ba'i phyir bzhag la/ de bzhin gshegs pa dag spyan ras gzigs dran par byed pa las mi 'da' ba'i phyir dam tshig gi phyag rgya'o/ /de bzhin be con phyag rgya yang / /zhes pa de bcas la mchod pa ste sngon du 'gro ba'o/ /de la mchod pa ni dbang bskur ba'i tshe dang /sku'am ras ris la mchod pa dang / rang rnal 'byor la zhugs nas mchod pa'i tshe ste dus so/ /lha'i me tog dri zhim dang / /zhes bya ba la sogs pa mchod rdzas te lha'i me tog ni lha rdzas kyi me tog go/ /de yang pad+mo dang / ku mut+da dang / puN+Da rI ka dang / na li na dang /sau gan+d+hi dang / ke sa ra dang / ta ma la'i lo ma la sogs pa'o/ /gzhan yang chu las skyes pa dang / yid las skyes pa'o/ /nang du bdud rtsi dang khrag ste dam tshig chen po rnams so/ /gser ram zhes pa ni sku bzhengs pa'i rgyu'o/ /rgyal srid 'dod pas gser las bya//zhes pa ni dngos grub gang la rgyu gang yin pa bshad pa'o/ /sor brgyad ces pa ni tshad do/ /g.yas su skyed pa khro bo che/ /zhes pa khro bo bdud rtsi 'khyil pa ste/ gshin rje mthar byed do/ /de'i g.yon du yum ro langs ma ste/ mi rtog pa'i ro langs sku dmar po spyan gsum/ phyag gnyis mdung rtse gsum dug gsum 'joms pa dang / thod pa g.yon du thogs pa dang / spyan gsum rnam par thar pa gsum yul du byed cing lta ba ste/ sku lus me 'bar bas gdug pa rnams bsreg pa bri'o/ /yang na phyag rgya'i dkyil 'khor du/ /rtag tu ri mo 'di bkram ste//zhes pa ni/ lha dgu'i rnal 'byor ram/ lha gcig gam lha bcu gsum pa la sogs pa'i rnal 'byor gyis bskyed pa'i rim pa la slob pa'i tshe/ /maN+Dal byas la bzhengs par bkram la/ mchod pa dang / bzlas pas bstod do zhes shes par bya'o/ /ri mo gzhan yang bshad par bya//zhes bya ba ni/ 'phags pa ya mAn+ta ka dpal gshin rje gshed gcig pu'i thang ga bri ba'o/ /spyon med ces pa kha dog bzang po ste ma 'dres pa'o/ /rlung za zhing ni bzlas par bya/ /zhes pa rlung la brten pa'i bzlas pa bya ste/ phreng ba'i bzlas pa'o/ /za ba ni srog gi ngo bo yin pa ste/de'i rten yin pa'i phyir zas dang 'dra'o zhes shes par bya'o/ /yang na bsnyung bar gnas pa'o/ /bzlas pa'i brtul zhugs dang / lha'i brtul zhugs dang / dur khrod la sogs pa'i brtul zhugs dang / phreng ba dang / rig pa'i brtul zhugs dang / ngag gi bzlas pa dang / dbang po bsdam pa dang / mtshan ma'i dang / spyod lam gyi rgyud pa la bdud rtsi 'khyil pa'i sngags bzlas pa dang / seng ge'i brtul zhugs so/ /de dag la gnas shing bsgrubs na 'grub ste des nges pa yin no/ /rtsa ba'i rgyud kyi brtul zhugs kyi brtag pa'i brtag par rtog pa bsdus te/bshad pa le'u drug pa'i rnam par bshad pa'o// //de ltar le'u drug par bshad pa'i sku rnams la mchod na bsod nams 'phel bar bstan pa'i phyir le'u bdun pa gsungs te ji skad gsungs pa'i sku rnams la/ me tog ji skad gsungs de bzhin gshegs pa gsungs pa la/rab tu gnas pa'i cho gas lha rnams spyan dbye ba bya zhing dbang bskur na/ bsod nams rgyas shing 'dod pa 'grub pas na bya ba ste/ rgyal srid 'dod pa'i rnal 'byor pas 'jam dpal gyi gzugs gser las bzhengs pa la tsan+dan dang / gur kum a ka ru sbyar bas bsangs pa dang /byugs nas mchod de ut+pa la la sogs pa rnams kyis mchod pa 'bul lo/ /des rgyal srid thob par 'gyur ro/ /yang longs spyod 'dod pa'i rnal 'byor pas dngul las byas pa'i sku gzugs bzhengs pa la dbang bskur zhing mchod pa bya ste/snga ma bzhin du byas na thob par 'gyur ro/ /nad sel ba ni bsal lo/ /'dod dgur sbyin pa ni zhes pa zangs las byas te/ zhi ba dang dbang dang rgyas pa dang / dgug pa dang / khon dang bskrad pa dang / bsad pa dang / gzhan bskul ba rnam pa bcu gnyis dang / gzhan yang yid la gang 'dod pa dag bskul zhing bsgrubs na 'byor par byed pa'o//de bzhin du sku las grub pa bzhin du khro bo rnam bcu dag gam/ phyag rgya rnams las bsgrub pa bshad de/ khro bo'am yang na phyag rgya'ang rung / /zhes pa smos te/ tri shU la rtse gsum pa'i sgrub pa dang por bshad do//de nas khro bo gtso bo yi/ /zhes pa la gshin rje gshed kyi sgrub pa bshad de/ dang por stong pa nyid dang / 'byung ba bzhi dang / ri rab kyi mthar sgrub pa'i thabs las byung ba bzhin no/ /oM las 'khor lo'i steng du yi ge tri dkar po las tri shUl rtse gsum pa'o//de las gshin rje gshed sku mdog sngo bas mdangs phyung ba dkar po'o/ /rang dang 'dra ba'i rig ma sngon mo dang lhan cig byung ba bdag gis bsams te/ zhal gcig pa la gdangs pa/ gsus pa che ba phyag drug pa g.yas na tri shU la dang / 'khor lo dang rdo rje'o g.yon pa sdigs mdzub zhags pa dang dag sta dang dril bu'o//yum dril bu dang thod pa'o/ /zhabs bzhi pa ma he dang nyi ma'i steng na bzhugs pa/ sgra sgrogs pa yi dags kyi khang pa rnam par snang mdzad dbu la gzhugs pa dang / dbang bskur ba dang / spyan drang ba dang mchod pa dag byas la gshegs par bya'o//gzhan dag la sbyor ba ni gsal lo/ /oM a mA na ta kri ta ru ru s+phu ru dz+wa la tiSh+Tha sid+d+ha lo tsa na sarba ar+tha sa d+ha ni swA hA zhes pa ni bzlas pa'o/ /de la che ge mo shAn+tiM ku ru zhes pa btags na zhi bar 'gyur ro/ /a si la zhes pa ral gri ste/ de'i sgrub pa ni/ da ni ral gri bzang po yang //'di ni bsgrub par rab tu bshad/ /ces pa ni khro bo gzhan gyis mi thub pa'i sgrub pa ste sku mdog dkar po ste/ de'i rim pa ni swa las rin po che zur brgyad pa'i sting du si las ral grir gyur pa ni sa bon no/ /zhal gcig dang / phyag drug dang / rang gi rig ma dang ldan pa/g.yas na ral gri rdo rje dbyug pa'o/ /g.yon du zhags pa dang / dril bu dang dgra sta'o/ /gshin rje'i pags pa gyon pa ma he dang nyi ma'i steng du zhabs gnyis bgrad pa'o/ /rin chen 'byung ldan dbu la brgyan pa sngar gyi bzhin no/ /oM pradz+nyAn+ta kr-i ta ga te bi ka te/ ni ka ni ka te ka tang ka te swA hA zhes pa bzlas pa ste ral gri la sgrub pa'am/yang na 'khor lor bris la mthar bau ShaDa sbyar na rgyas pa la shis so/ /phongs pa rnams gso ba dang / khyad par du dang / sgrub pa po dang nye ba dang / shin tu yang gso ba dag ste/ rgyas pa las so/ / dkyus ni gsal ba nyid do/ /da ni be con bsgrub pa bshad/ /ces pa ni sngar gyi bzhin te/ gzhan khro bo rta mgrin gyi sgrub thabs te/ de'i rim pa ni a las pad+ma dang / der da las be con te sa bon no/ /de yang pad+ma ta kr-i ta ces pa ni pad+ma la chus ma gos pa bzhin du nyon mongs pas ma gos shing /de spong bar mdzad pa ni pad+mAn+ta kr-id ste/ zhal gcig gam gsum yang rung / sku dmar ba dang / phyag drug dang / spyan gsum dang / rgyan dang cha lugs so/ /phyag g.yas na be con dang ral gri dang / pad+ma'o/ /g.yon na dgra sta dang / dril bu dang /zhags pa'o/ /'od dpag tu med pa dbu la bzhugs pa/ zhabs bzhi yi dags dang / nyi ma la bzhugs pa yum ro langs dmar mo'o/ /phyag na dril bu dang zhags pa kun kyang bya'o/ /oM pad+mAn+ta krid ta re tut+tA re swA hA zhes pa ni bzlas pa'o/ /dbang du bya ba phongs pa ni nyam thag pa ste/de las skyob pa'i sngags 'di la ba sha ma na ya zhes pa'am dbang du gyis zhes pa ni sngags so/ /de nas dgra sta bzang po sgrub/ /ces pa ni dgra sta yongs su gyur pa'i sgrub pa ste ba ra shu'o/ /de yang ha las rdo rje rgya gram gyi steng du pa las so/ /khro bo bdud rtsi la 'khyil pa sku gnag pa phyag gnyis dang zhal gcig go//dbu la don yod grub pa bzhugs pa gnod sbyin mnan pa rang gi yum nag mo dang gnas pa/ phyag na dgra sta dang sna tshogs rdo rje'o/ /oM big+h+nAn+ta kr-id/ hUM hUM hUM ha na ha na sa ta ka ma kha kha khA hi khA hi hUM phaT/ zhes pa ni bzlas pa'o/ /de la mA ra ya zhes pa btags na gsod pa la shis so/ /de yang bgegs rnams mthar byed pas 'jig par mdzad pa bgegs mdzad byed ste/ big+hAn+ta kr-id do/ /gzhan du na yi dags phal ba'i dkyil 'khor gyi sgrub thabs ltar tri shU la la sogs pa bzhi po sor tshad bcu pa la sogs pa bsams la de'i nang du lha rnams bya ste/bsten pa dang las bsgrub pa'am stong par ngal bso bar shes par bya ste/ man ngag go/ /yang na dpal gshin rje gshed 'phags pa 'jam dpal gyi mtshan ma 'di rnams rang gi chos kyi phyag rgya'i steng /sran ma tsa na ka'i tshad tsam las dang mthun par kha dog bsams la/ blo brtan pa dang las rnams bya ba ni rigs pa'o/ /yang dag par sgrub thabs mang yang gcig gis kun grub ste lha mnyes pa las 'byung ba'i phyir ro/ /dper na sa bon nus pa khyad par can las 'bras bu 'byung ste sa bon nus pa khyad par can ni chos can no//'di las 'bras bu nges par 'byung ba yin te zhes pa bsgrub par bya ba'i chos so/ /mthu khyad par du gyur pa'i phyir ro zhes pa rigs pa'o zhes pa lta bu'o/ /las gcig mthu las 'byung ba dang / gzhan 'byung ba 'dra ste mthu las 'byung ba'i phyir ro//bzhi par grub pa ni 'dod pa'i dbang gis zhi bar mthong yang dper na rnam par rtog pa tha dad pas dngos po gcig la mthong ba tha dad pa bzhin no/ /lcags kyu la sogs pa de dag kyang de bzhin te gsal lo/ /de yang g.yas pa drug bsgrub pa ni nyin gyi 'pho ba drug bsgrub pa ste khri phrag gcig dang chig stong phyed dang /brgya phrag gsum du ma yengs par mtshan pa la dmigs pa'am/ rdo rje thabs kyi bzlas pa byed de/ de yang bcom ldan 'das kyi snying po yi ge gsum pa'i sa'am/ phreng bar gzhan te sngags rnams so//de yang / dang po yi ge'i sbyor ba yis/ /rtag tu gtong ba legs par byed/ /brgyad pa'i mtha' dang ldan pa yi/ /yi ge u ni thig ler bcas/ /rnal 'byor pa ni dbugs rngub byed/ /ces gsungs pa dang / dpal gsang ba 'dus pa'i rtsa ba'i rgyud las sngags bsdus pa 'di lta bu gsungs so//oM aHhUM zhes pa'o/ /rnal 'byor de yi bzlas pa ni/ /don rtogs pa yi bzlas pa ni/ /ngo bo nyid med bzang ba yin/ /dus gsum sangs rgyas kyis brtags pa/ /rdo rje bzlas par de bshad do/ /zhes gsungs pa dang / mtshan mo yang de bzhin du g.yon pa drug go//de yang dpal gsang ba 'dus pa'i rgyud phyi ma las/ thun mong mchog gi dbye ba yis/ /bsnyen pa rnam pa gnyis zhes bya/ /tha mal pa ni rdo rje bzhi/ /mchog ni yan lag drug gis so/ /de yang / so sor sdud dang bsam gtan dang / srog rtsol de bzhin gzung ba dang /rjes su dran dang ting nge 'dzin/ sbyor ba'i yan lag drug ces bya/ /zhes pas ni rnal 'byor pa kun gyi rnal 'byor ni rim pa rnam pa gnyis su nges pa de la yang rim pa bzhin bslab ste/ dper na 'phong bslabs pa'i slob pa dang 'dra'o/ /de yang rnal 'byor pa las 'grub par 'dod pas rang gi ting nge 'dzin la goms par bya dgos te/de bas na ting nge 'dzin gyi gegs rnam par rtog pa yin pas de bsal ba'i phyir de'i rta rlung yin te/ de yang / rlung gi sbyor ba med pa ni/ /sems kyi rang bzhin gzung du med/ / sems kyi rang bzhin rgyud gyur pas/ /las dang skye ba kun du 'byung / /de nyid rlung dang yang dag ldan/ /zhes pa dang / yang / sems can rnams kyi srog gyur pa/ /rlung zhes bya bas las kun byed/ /'di ni rnam shes bzhon pa ste/ /lnga yi bdag nyid bcu yang yin/ /zhes pa gsungs pa thos pas rlung gi cho gas las bya bar bla ma gsung ngo //de yang yi ge 'brel bar bya ba yin ba ni/ oM gyis sems can yang dag spros/ /sangs rgyas sku ni rab tu brtag /hUM gis sems can yang dag sdud/ /sangs rgyas sar ni rab tu brtag/ /a yis gnas par gyur pa'o//zhes pas ni yi ge gsum dang ldan pas bya ba yin no/ /de dang bral na skyon yod par bstan pa ni/ ma blangs pa la chags mi bya/ /longs spyod bral ba'i mi dag ni/ /gcig pu grong khyer skor byed kyang / /nor gyis gang ba ring ba bzhin/ /rlung dag yi ge dang bral na//zhi ba'i longs spyod ring ba nyid/ /ces pa ni sngags dang bral ba'i skyon no/ /de nas sems kyi rta rlung bsad na sems zhon pa mi lta bu yang sod de/ de bsad cing mi rtog par bya ba ni rta dang bral nas bya'o/ /don ni rnam par rtog pa dgag pa ste/ de stong pa nyid lam bzhis te nges par 'byed pa cha bzhis bkag na/mi rtog pa bzhi pa mngon par byang chub pa'i ye shes skye ste/ de yang / ye shes gsum gyi sbyor ba dang / /stong pa gsum ni mnyam sbyor bas/ /lhan cig skyes pa'i ye shes skye/ /de yis bla med go 'phang 'thob//ces 'byung bas rnam par rtog pa las su rung bar bya dgos so/ /de nas sgyu ma lta bu la brten nas las 'grub ste/ sgyu ma lta bu'i ting 'dzin gyis/ /rdzu 'phrul che la rnam 'phrul zhing / /kun rdzob bden pa sgyu ma nyid/ /sgyu ma lta bu'i ting 'dzin gyis/ las rnams thams cad bsgrub par bya/ /mtshan ma med pa'i ting 'dzin gyis/ /dngos grub byi ga nges par 'grub/ /ces pa bshad do/ /rnal 'byor ni ting nge 'dzin no/ /yang rnal 'byor ni ting nge 'dzin dang / shes rab dang / brtson 'grus so/ /yang de dag dang / btang snyoms dang bzhi'o//yang de dag dang / dran pa dang / lnga'o/ /zla ba sgron ma'i mdo las/ byang chub kyi phyogs ni rnal 'byor zhes 'byung ba dang / yang sangs rgyas rdo rje 'dzin pas rgyud kyi lus su bzhag pa/ rgyud rnam pa gsum bstan par bzhed pa dang / yang zhi gnas lhag mthong zung du 'brel par 'jug pa'i lam mo//yang na dad pa dang / 'dun pa dang / brtson 'grus dang / thabs rnal 'byor zhes bya ste sbyor ba'i phyir ro/ /yang 'jig rten pa'i lam dang / 'jig rten las 'das pa dang / sbyor ba dang / bar chad med pa dang / rnam par grol ba dang /khyad par gyi lam mo/ /de nas bskyed pa'i rim pa'i ting nge 'dzin ni rnal 'byor ro/ /rlung za zhing ni bzlas par bya/ /zhes pas rdo rje bzlas pa bsgom pa ni rnal 'byor ro/ /mtshan ma bsgom pa ni rnal 'byor ro/ /stong pa gsum bsgom pa ni rnal 'byor ro/ /phra mo bsgom pa ni rnal 'byor ro//yi ge dang thig le bsgom pa ni rnal 'byor ro/ /yang na rgyu ba bsgom pa ni rnal 'byor ro/ /'byung ba bzhi bsgom pa ni rnal 'byor ro/ /phyag rgya rnam pa gsum las kyi phyag rgya dang / ye shes kyi phyag rgya dang / phyag rgya chen po dag bsgom pa ni rnal 'byor ro/ / yang na dkyil 'khor spro pa dang bsdu pa bsgom pa ni rnal 'byor ro/ /yang na rten cing 'brel par 'byung ba sgyu mar bsgom pa ni rnal 'byor ro/ /stong pa nyid bsgom pa ni rnal 'byor ro/ /snying rje dang shes rab khyad par du zung du 'brel par 'dug pa mi gnas pa'i mya ngan las 'das pa ni rnal 'byor ro//yon tan rin po che'i 'byung gnas kyi le'u zhes bya ba'i mdo las 'byung ba la rten cing 'brel bar 'byung ba la rtog pa ni rnal 'byor du bshad pa dang / tshangs pas zhus pa'i mdo las chos gang skye bar mi byed/ 'gag par mi byed pa ni rnal 'byor du bshad pa dang / 'phags pa lang kar gshegs pa'i mdo las kyang /yang dag tshol ba mi rtog cing / /gang tshe snang ba med pa'i tshe/ /gzung ba dang ni 'dzin pa dang / /'gro dang bcings pa mi mthong ba/ /de tshe rnal 'byor snyoms zhugs pas/ /de mthong 'gyur bar thogs pa med/ /ces pas rnal 'byor du gsungs pas stong pa nyid kyi ting nge 'dzin la bshad do//de bzhin du shes rab kyi pha rol tu phyin pa las/ shA ri'i bu stong pa nyid la sbyor ba'i byang chub sems dpa' ni dman pa'i sar mi ltung zhing yongs su dag par byed pa'i bar du yang 'gyur ro zhes bshad pa dang /yang shes rab kyi pha rol tu phyin pa las shes rab kyi pha rol tu phyin pa'i rnal 'byor ni/ rnal 'byor kun gyi mchog tu bshad pa dang / /zhes pa rnams kyis rnal 'byor bshad do/ /spros pa gtang la dkyus dpyad par bya ste/ de'i phyir gsungs pa/de nas rtog pa las byung ba'i/ dngos grub gzhan dag bshad par bya/ /ji ltar kho bo mchog gis ni/ /nyid kyi mdo ru bshad pa'o/ /zhes pa ni sdud pa'i tshig go/ /rtog pa las byung ba ni cho ga'i rim pa las byung ba ste dngos grub po/ /de 'byung ba'i thabs gzhan ro'i sgrub thabs bshad par bya ste/'phags pas gsungs pa de bshad par bya ba nyid kyis bshad pa'o/ /de'i rim pa ni yi dags mang po'i dkyil 'khor snga mar bris nas te/ de bzhin du yi dags phal ba'i dkyil 'khor bzhin bri'am bsams la/ mar gyi zla ba'i tshes brgyad la dur khrod du rang shi ba'i ro gzhon nu gang yang rung ba blangs la khrus byas te las kyi sngags dag par byed pa bzlas shing dri'i chus brkus la/rang gi rnal 'byor la zhugs pa dang gtor ma btang la/ ro de maN+Dal du bzhag la shi ba'i ro'i snying gar shUn+ya tA'i yi ge'i zla ba'i steng du bsams la/de dang ro yongs su gyur pa las tri shU lar song ba las 'phags pa gshin rje gshed nam mkha' lding gi gdong pa can/ sku nag po phyag g.yas na tri shU la/ g.yon na 'khor lo bsnams pa/ spyan gsum pa/ zhal gcig pa/zhabs rnam pa gnyis su bgrad pa/ ro dang klu mnan pa/ khro bo'i rgyan sna tshogs dang ldan pa/ me thab kyi nang du bzhugs pa la dgug pa byas te mchod pa 'bul lo/ /me tog dang / spos dang / lha bshos dang / mar me dang / sha chen po dang ldan pa'i gtor ma yang gtong ngo //thod par tshil dang / khrag dang / 'bras chan dang / zho dang / bdud rtsi lnga la sogs pas bkang la sbyin sreg gi tshul du khar phul na snang bar bshad de dge ba gcig ster ro/ /yang na mkhas pas dur khrod du/ /zhes pa ni ro langs kyi sgrub pa po gong du bshad pa bzhin du'o zhes shes par bya'o//da nas gzhan yang a tsa na/ /zhes pa smos te/ sman de'i sbyor ba'o/ /snga ma bzhin zhes pa ni ro langs kyi sgrub pa ltar bya ste/ 'bar bas zhes pa rtags so/ /mkhas pas gi wang bsgrub par bya/ /dngos grub dag kyang de bzhin bstan/ /zhes pa la gi wang dang /li khri dang / ba bla dang / ldong ros dag dang / bdud rtsi lnga dag skyes bus bsad pa'i ro'i khar bzhag la/ dur khrod gyi gos kyis g.yogs la/ sngags yi ge bcu bdun pa bzlas so/ /mar gyi brgyad la dur khrod du bsgrubs na nges pa can no/ /de yang las gang la yang 'khor lo 'di mchog tu 'gyur te nyi ma rnam pa bzhi'i 'khor lo 'am/'khor lo dri ma med pa rnam pa bcu drug pa pad+ma lte ba dang / ge sar can la nyi mas mdzes par byas pa la/ pad+ma'i phreng ba'am/ rdo rje'i phreng bas brgyan par bris te/ dur khrod kyi ras sam shing lo la bri'o//de'i phyi rim du mu khyud la yum gyi rig pa g.yon skor du bri'o/ /'khor lo la yang rig pa yi ge bcu drug g.yon skor du bri'o/ /dbus su phaT dang zhe sdang gi yi ge bri/ de'i bar du bskul ba bri ste/ de yang dur khrod kyi rgya skyegs dang / swa shu kra dang / gi wang dang /li khri dang / ba bla dang / ldong ros dang ldan pas rgyas pa'am zhi ba la'o/ /yang gsang ba la nyi ma gung la khros pa'i sems kyis mngon spyod kyi rdzas kyis bri'o/ /dbang du bya ba la gi wang dang / khrag dang sa bon gyis so/ /'khor lo de dag gzugs brnyan gyi snying gar bcug na nges so/ / yang ro'i khar yungs kar bcug la las kyis skyes pa smin pa'i 'bras bu blangs pa des gong gi gzugs brnyan la sngags dang ming du ldan pas bsnun na/ rims kyis thebs shing 'chi ba ste mthu'o/ /yung ba dang ldong ros kyis snga ma bzhin 'khor lo bris nas/ der tsan+dan dmar po'i rdul dang /skye tshe dang / lan tshwa dang / rdzas rnams gtums nas sar sbas na rengs te ma shes pa ma gtogs so/ /gnod sbyin mo bsgrub bshad par bya/ /zhes pa la/ gang byang gi shing dben pa'i sar dkyil 'khor te/ maN+Dal byas la/ ldong ros dang tsan+dan dmar pos 'khor lo lnga ba bris pa tsan+dan dmar po dang /tsha dang dur khrod kyi sol bas gzugs byas par bcug la 'jam dpal la rjes su chags pa'i sems kyis sngags bzlas shing log par phyogs par byas la/ gnod sbyin mo mdzes pa kha bzhin gsal bar byas la/ rjes su chags par byas nas skra bshig cing gos med par byas la/zas sha rjen pa dang / la phug dang / sgog pa dang / btsos pa dang / sha chen po la sogs pa thod pa gang ba mar ngo la lha mo la dbul zhing bzlas na sum cu rtsa gsum pa'ang 'ong ste/ de nas snang ba dang yid brtan pas mchod pa 'bul la gang du 'dod par zhu ba bya'o//gdon mi za bar de la ster zhes pa grub pa des ster te 'dod pa'i don no/ /sha za mo dag sgrub 'dod na/ /sgrub pa po la de yi las/ /zhes pa la mngal nas skye ba ni/ sgo nga las skye ba dang / rdzus te skye ba ma yin pa'o/ /snga ma bzhin no//yang na gshin rje'i gshed dam/ rnam par snang mdzad du bsgoms la thab tu bdud rtsi 'khyil pa sbyor ba'i lhar bsams la/ brgya byin gyi chung ma/ de'i khang pa na sha rtsi la sogs pa'am/ yang na ka ring ki zhes bya ba bdud rtsi 'khyil pa'i sngags kyis 'bras blugs pa blugs gzar gyis stong phrag brgya phul bas bsregs na 'ong ngo //de ste klu yi bu mo mchog/ /ces pa ni bla ma'i man ngag 'dis dgug ste/ pad+ma dkar po'i mtsho'i 'gram du snga ma'i dkyil 'khor ltar bris la/ de yang me thab dbus su zla ba kham pa bzhin du byas la/u dum+WA ra'i shing gi yam shing la/ nA ga ge sar gyi phye ma dag dang sbyin sreg byas na nges so/ /yang na gnas der tshes brgyad la thod pa la btsag gas rlung gi gzugs bris la/ de'i sting du me 'bar ba'i nang du klu'i bu mo bris la/ de'i ming nas smos te bdud rtsi 'khyil pa spros pa las/lcags kyus drang zhing rlung gis bteg par bsams shing / thod pa rkang pa g.yon pas mnan la/ ming dang sngags dag spel na klu'i bu mo 'grub pa 'di la the tshom med do/ /de nas sngags pa lha min gyi/ /phug sgor song nas ji 'dod pa/ /zhes pa la lha ma yin gyi bu mo dgug pa ste/gnas der snga ma'i maN+Dal byas la/ gtor ma byas nas 'byung po la btang zhing / shing pri yang ku'i me spar la/ me lha gnod mdzes mdog dmar por byas la yungs kar gur kum gyi chu la spangs pa'am/ snyugs pa khyad par du byas pa bsreg go//rdo rje sa 'og ste gnod mdzes bskul la sa'i 'og gi lha ma yin gyi bu mo mdung gis snying phug nas lcags kyus drangs la zhags bas bcings nas rlung gi 'khor lo la bskyon nas 'ong bar bsams na 'grub po/ /sha chen dag ni 'tshong 'dod na/ /dang por dur khrod song nas su//zhes pa la rdzas sam de dag gang 'dod pa thob par bya ba'i phyir sha chen po 'tshong ste/ zhing skyong bkug la mchod par bya'o/ /de nas gzhan yang 'di yi las/ /dpung rnams mnan par bya ba bshad/ /ces pa ni dur khrod kyi ras la 'khor lo dug la sogs pa dag gis snga ma bzhin du bris la/dur khrod du grub pa'i nyi ma la rang gi rnal 'byor byas la/ de nas 'khor lo de rkang pas mnan la sngags bzlas nas de'i 'og tu mnan na nges pa ste/ bla ma'i kha las rtogs par bya'o/ /de nas gzhan yang dur khrod kyi/ /sbyor ba bkri shis dge ba gang / / zhes pa ni dur khrod kyi thal ba 'di'i sbyor ba ni kun la shis te/ byin gyis brlabs pa'i rdzas yin pa'i phyir bkra shis pa ste/ ku sha la zhes pa ngan pa bsnyil ba'i phyir dge ba'o/ /de yang rno ba ste dpung mnan pa la rno ba'i sbyor ba'o/ /ro dpa' bo bsregs pa'i nub mo thal ba blangs pa de thod par stsal la bsrung ba bya ste/gshin rje gshed kyi sngags/ oM hriH Sh+TiH bzlas la bsrung ngo / /de nas zla ba gzas zin pa'i tshe thod pa de la sngags bzlas so/ /de nas grub pa'i rdzas de yang bsrung ba byas la dus nam mnan pa'i tshe gtor ro/ /'di ni mtshon rnams gnon pa yang / /zhes pa ni mtshon cha yang des gtor na gnon pa'o//yang mtshon gnon pa ni de la mtshon ni drangs pas 'phen pa dang / phyar bas 'phen pa dang / lag pas 'phen pa dang / bzung nas 'phen pa dang / lag pas 'ching ba'o/ /su dar sha ma'i shing dang / a kar sha na pri ti ka dang / spang rgyan dang / lcug ma dkar po dang /da dur ste shis pa'i nyin par la sman bzang po de rnams blangs te/ bdud rtsi dang bsres la gdol pa nag mo'i khrag dang bsno'o/ /nag po'i tshes brgyad dam bcu bzhi la bram ze'i thod par bzhag go/ /de ro bsregs pa'i sas bkang la/ sngar gyi me tog gis bran la gtor ma btang bas bsrungs la/lcug ma rdzogs pa de rgyal gyi nye bar blangs te/ sngags kyis bsrung zhing sa la ma reg par blang ngo / /de rnams kun gcig tu byas pas log par bsgril ba de lus la btags na/ de dag 'bar bar chag pa'am grugs pa'am/ de dag las rgyal te mtshon brgyas bsnun kyang rma med de rdo rjer 'gyur ro//'gro ba dbang byed sbyor ba ni/ dkyus ni rnam par gsal lo/ /gzhan dag drang ba ni ma bshad de/ sngar bshad pa dang / phyis kyang smras pas zlos pa'i skyon spang bar bya ba yin pas so/ /btsag gi sbyor ba dge bar bshad/ /ces pa gsungs pa la/sngon du bsnyen pa byas par ni gsal lo/ /dur khrod du bsregs pa'i ro phyed tshig pa ste/ kha'i sngon po ma bral ba na'o/ /gzhan du btsag la sogs pa mtshon rdo rje lcags kyu lta bur bsams pa de zla ba shi ba'i tshe chus 'byung du bcug la/ de thar par ma gyur par bsgrub cing bzlas na 'grub ste de srid du snyoms par zhugs la/de nas bton pa de thod par bzhag la bsrungs la de nas nam dgug par 'dod pa la sogs pa bris shing byugs na des te sta gon la gnas par byas pa yin no zhes bshad do/ /sor sdud bsgrub pa sbyor bshad bya/ /zhes pa ni dbang du bya ba'i sbyor ba ste gsal lo//de nas gzhan yang yungs kar dag /shin tu ngo mtshar dang ldan pa/ /khro bo nyid kyis ji lta bar/ /bsgrub phyir sbyor ba gsungs pa bshad/ /ces pa ni/ sor sdud bsgom pa bstan pa de nas yungs kar ni gzhan te/ khro bo rnam par rgyal bas bshad par bya ba ni gsungs pa'o//de ni sdud pa po'i tshig go/ /nyi ma re re bzlas pa ni/ /zla ba gzas ni zin pa las/ /zhes pa dang po'i mtshams de gnas so zhes pa'o/ /sgra byung yang na gas kyi bar/ /zhes mtha' gzung ba ste nus pa skyed pa'o/ /des ni mi 'grub ci yang med/ /ces pa nus pas byin brlab ci yang nus pa'o//chu skems pa dang / ri 'gas pa dang zhes pa na/ mi skyed par byed pa dang / sta re lta bus gyur par byed pa'o/ /phyag rgya gnyis kyi las rnams ni/ /zhes pa la phyag rgya gnyis ni/ /dman pa'i rnal 'byor dang khyad par du gyur pa'i rnal 'byor ro/ / dman pa la mos pa la gzugs can dang / dben 'dod pa la gzugs med do zhes bya'o/ /ma lus pa ni bshad pa yin/ zhes pa yungs kar la sogs pa mang du gsungs pa la dgos pa'o/ /rtsa ba'i rtog pa ste le'u bdun pa'o zhes pa ni 'di yang don la mtshungs pas de'i rtog pa ste/le'u bdun pa'i bshad pa'o// //le'u ni don gyi ngo bo yin la/ de ston pa'i gzhung yang le'u'o zhes bshad pa nyid do/ /da ni le'u brgyad pa bshad de/ de yang phyi ma rtog pa bsdus te bshad pa yin te/ don las dgongs pa dang / de grub pa gcig pa las dgongs te rgyud rtsa bar rtogs zhes de dag la gsungs pa yin no//'di yang de bzhin du yin pa ni sdud pa pos shes kyang blo rmongs pa dag dus gcig tu sgras rgyud kun smras pa yin na/ phyi ma la sogs pa ni med par 'dzin pa bsal ba'i phyir/ dus phyis gsungs pa la phyi ma zhes sdud pa pos bkod do//dang po ni shes rab 'phel ba dang / dgos pa gcig par bshad/ gnyis pas ni the tshom sel zhing dus tha dad par gsungs te/ phyi ma nyid la'o/ /des na de'i rtog pa phyi ma ni zhes smos so/ /mchod chen bya zhes pa bsod nams bsags pa'i ched du'o/ /khro bo la zhes pa de yang de bzhin to//dug la sogs pa gang brjod pa/ /zhes pa dang / gang zhig nag pos zin pa yi/ /zhes pa ni 'khor lo snga bzhin bris la/ 'od zer dkar po 'phros pas hUM la dug dang / nad kyi ngo bo dang / klu dbyung zhing chu la 'khor lo bstim pa bya bzhin bya ba byas na nges pa'o//de la dug 'byin pa'i sngags ni hUM ste/ de rkang pa dag la zla ba ltar bsil bar rnam par bsam mo/ /rkang pa'i sbug sa stong pa las gyen du hUM gis drug phul zhing / de nyid 'od dang hUM gi 'od kyis dngos su phul bas de'i bu gnas kyang dbyung zhing lte bar phyin pa dang / de nas kyang dbyung zhing spyi bo dang kha nas dbyung zhing rim gyis steng du 'gro bar bya ba ni rgyu ba'i dug thams cad do//de yang rim pa gsum mam/ bzhi'am/ lnga ru bsgoms la/ nad pa las nag po'i gzugs can gyi dug skyugs par bsams na ni bde bar 'gyur ro/ /yang la la dag rim pa des spyi bo nas rkang par dbyung bar phyi ma ste/gzhan gyi rjes su 'brang ba dag 'dod/ nag pos zin pa ni klu brgyad kyis te mtha' yas la sogs pa'o/ /de la 'phags pa gshin rje gshed kyi bkas bskul na rdzu 'phrul sna tshogs pa can dag 'jigs pa thob pas rang gi gdug pa rnam par sdud de/ de yang mtsho'i 'gram du gnas la/ pad+ma 'dab ma brgyad kyi rnam par bsams shing de'i lte ba la lha'i rgyal po rang nyid bsam zhing / de yang klu bdag brdzis pa phyag bcu gnyis dang / rgyan rnam pa mang pos brgyan par bya'o/ /'dab ma la klu brgyad g.yas skor du bri ste/ sbrul mgo gsum gsum gyi gdengs ka'i mgo steng na/nad sel ba'i rang gi rgyan yod pa'o/ /de yang bdag la kha bltas pa/ thal mo sbyar ba/ lung nod pa/ zhum pa'i tshul du bltas la/ hUM naM hUM zhes pa dang / rigs pa'i rgyal po'i sngags bzlas so/ /de nas 'o ma dang 'bras can du bcas pas gtor ma dang mchod pas yang dag par mchod do//de ltar zla ba drug gam thun mtshams bzhir sbyar na/ rang gi nad dam/ gzhan gyi dug 'byung ste/ klu'i dug rang gi gnas su sdud do/ /chu yis nges par gtor byas dang / /zhes pa dang / lcag gam yang na rkang pa yis/ /zhes pa la chu ni 'od zer dkar bas so//lcag ni thas pa'i nad 'don pa ste 'dod pa'i rlung ngo / /rkang pa ni rdzu 'phrul gyi mthu g.yo ba'o/ /de nas de la dbab pa yang / /zhes pa la sogs pa gsungs pa ni/ pra dbab pa ste skyes pa'am/ bu mo gzhon nu mtshan dang ldan pa ste mdzes ba'o/ /skyon ni sbyad pa'o//de med pa ste ma spyad pa la yan lag tshang pa de snod yin te/ de la khrus byas la bdud rtsi lnga pos bkra shis pa blud la/ smyung ba byas te zhes pa tshul khrims dang ldan pa de stong par byas la/ yum ro langs mar bskyed ba'o/ /yang bkrus la zhes pa lha mo la me long du khrus bya'o/ /gos dang rgyan can du bsam pa ni gos rnams dang ni rgyan gyis brgyan pa ste/g.yas brkyang thal mo snying gar sbyar ba rlung gi dkyil 'khor la gnas pa/ rkang pa la yaM bsam zhing / snying gar yang laM dang baM bsams la de dag rlung gis g.yo bar bya ba mi 'dar bar bya ba'i phyir bkod la shar phyogs su kha blta ba ni kha bstan te zhes pa'o//de ltar mchod pa byas nas ni/ /zhes pa me tog la sogs pa'i 'o/ /de yang byin gyis brlab pa'i rdzas 'di dag thod par bsregs pas bdug go/ /de yang bdud rtsi lnga dang / thang chu dang / byi la'i brun dang / glad pa dag dang / ra'i yan lag lnga'i sha dang /tshil chen po dang / gu gul nag po dag bsres la ri lur byas la'o/ /de nyid kyang rlung g.yo ba la bzhag la/ bdag nyid kyis yi ge bcu gcig pa bzlas shing / yang a la la hUM a zhes pa yang bzlas so/ /de dag babs na tshigs bcad dag 'don no/ /sems babs pas ni da ltar la sogs pa rnams shes so//dge dang mi dge dri bar bya/ /zhes pa ni mtshan ma bzang ba dang ngan pa'o/ /a rga dbul zhes pa ni lung ston pa la'o/ /de nas gshegs su gsol lo/ /sa la 'gyel zhes pa khro bo gdug pas snod de'o/ /bslangs nas su/ phyin nas rab tu khrus bya'o/ /zhes pa yang sangs rgyas la mchod pa dbul ba'o//rgyal po dbang du byed 'dod na/ /zhes pa la sogs pa la rgyal po bdag gi dbang du bya bar 'dod na/ de'i tshe ri mo'i mdun du zhes pa rang gi rnal 'byor gyis khro bo'i rgyal bor dmigs shing byas pa ni mngon sum dang 'dra bas mdun du zhes bya'o/ / rgyal po'i rjes dang / tsan+dan dmar po dang / gi wang gis 'khor lo bris la de dbang gi rdzas rang gi rkang rjes dang / dur khrod kyi thal bas gzugs brnyan bris pa ni de 'dra bar byas pa'i der bcug la/ sngags rtse gcig pas bzlas nas 'og tu sbas na don grub pa ni 'khor lo'i mthu stobs so/ /mthar sbyar zhes pas ni sbyin byed pa/sha ma na ya zhes pa de'i mthar phaT spangs pa'i hri swA hA zhes pa ste/ hri ni dbang du bya ba'i sa bon te/ swA hA zhes pa dbang du byed pa rdzogs pa'i tshig go/ /de nas phan tshun mdza' bo gnyis/ /dbye bar bya bar 'dod na ni/ /zhes pa dbye ba ste/ 'chad par 'gyur bsam bshad do//de nas sems can rab gdug par/ /shes nas legs par gdul ba ni/ /dkon mchog gsum la gnod byed na/ /khro bos bya yis gzhan du min/ /zhes pa la rang gi sbyor ba drag pos gsod pa pos 'chi bdag gi drung du gtang ba na dkon mchog la gnod pa'i gdug pa 'di la bya ba yin pa'o//de yang rim pa 'di steng dur khrod kyi rdzas dang bye brag gis dang / sa'i tshil bu dang / chu'i 'gram gyi sa dang / sha chen la sogs pa la sor bcu drug pa'i tshad du de'i rnam par byas la/ dong gru gsum pa ste/ de yang lus la mtshon rus pa dang / tsher mas btsugs la nag po'i brgyad dam/mar ngo la bya ba ste/ dngos skyed pa la gzhug par bya ba dang / sdig pa bsgrags pa dang / kha sbyor dbye ba byas la bzlas pa bya'o/ /de yang 'khor lo dug gi ngo bo la che ge mo ba sha ma na ya mA ra ya phaT ces dgug go/ /ba sha spangs pa'i 'khor lo dang gzugs brnyan de ldan par bya'o//de nas seng ldeng phur bu la zhes pa sor brgyad pa'o/ /brgya rtsa brgyad du rab tu bzlas te zhes pa brgya rtsa brgyad bzlas pa dang / rtse gcig pa btab pa'o/ /de nas bdun gyi thun mtshams su bdud rtsi 'khyil pa'i rnam pas snying la'o/ /de'i 'og tu khri bzlas so//de nas yang zhag drug tu khri phrag re ni de bzhin no/ /de lta bu'i btab pa khri dang / brgya dang brgyad tshang pa dang / drag por bsreg pa ste man ngag las shes par bya'o/ /mA ra ya hUM phaT ces bya ba ni bzlas pa'o/ /de ltar byas na sangs rgyas kyang 'jig na gzhan lta ci smos te/ drag po'i rnon po'i 'khor lo mthu stobs so//sems can rnams la brtse ba'i phyir/ /zhes pa la sogs pa dkon mchog la gnod pa dang / bla ma la brnyas pa dag la bya ba yang / de la snying rje dang byams pa dang ldan pa dang / zhing dag par btang bar bsams pas bya ste/ de yang rlung g.yo ba la rnam par shes pa bskyon la b+ha ga'i gnas sam/bde ba can du mtshan bzang po dang ldan par skyes par byas la/ rnam par shes pa med pa'i lus la ce sbyang dang / wa dang / spyang ki dang / bya rog dang / ma mo sha za ba dang / gnod sbyin 'jigs pa can dag la sbyin par gtang zhing de dag kyang dga' ba dang bcas pas lus de dum bur bcad cing za bar bya ba'i bsam pas zhing du nye ba dang ldan pas bya'o zhes pa'o//de nas bskrad pa dang / zhi ba dang / rgyas pa dang / dpal 'dod pa dang / gter 'dod pa dang zhes pa bdag gis rnam par ma 'bad do/ /tshe lhag pa la ste/ tshe ring bar byas pa la dUr bas sbyin sreg bya'o//rtog pa phyi ma'i rtog pa le'u brgyad pa'i rnam par bshad pa'o// //de nas rtog pa thams cad kyi phyi ma'i phyi ma zhes bya ba la sogs pa smos te/ phyi ma kho na yin yang 'di las te/ 'di dag de'i yang phyi mar phyag na rdo rjes bshad pa ni/ de bzhin gshegs pa'i dgongs pa dang 'dra ba'i phyir de'i dgongs pa yang zab ste/zab pa gnyis bzhi la sogs pas zab pa'i don yod pas gzhan du rnam par bshad do zhes shes par bya'o/ /de yang bka' mtha' yas ni nges pa'i don dang / drang ba'i don dang / dgongs pa can gyi don dang / dgongs pa'i don gyis zab bo//de yang nges pa yi ni rten cing 'brel pa sgyu mar bshad pa dang / rnam par shes pa 'das pa dang da ltar gyi tha dad par bshad pa dag mchan nyid kyi de kho na nyid na'o/ /drang ba'i don na rnam pa bzhi'i sbyor bas lha'i de kho na bsgoms pas sa thob par bshad pa ste/ khad kyis don zab mo la gzhug pa'i phyir ro zhes gzhug pa'i de kho na zab pa'o//dgongs pa'i de kho na ni sangs rgyas kun yin zer ba dang / dus gsum gyi sngon du byung zhes pa dang / khyod kyis gzhan bsad na grol zhes pa dag ni dgongs pa'i de kho na ste zab ba'o/ /dgongs pa'i don ni gzhan du bstan pas shes rab 'phel bas ni dgongs pa'o//de bzhin du 'di la 'jug pa dang / yid gzhungs pa dang / bsgom pa 'phel ba ni dgos pa ste/ 'dir bzung ba yin no/ /'o na 'di'i dgongs pa zhe na/ dus de nyid la yang skad cig ma dag gis de la yang snga ma dang phyi ma gzigs pa'o/ /'o na lha rjes su dran pa drang ba'i don yin na/rjes su dran pa gzhan ci zhe na/ smras pa/ rnam pa bzhi yi sbyor ba yis/ /lha ni rjes su dran pa bsgom/ /lha ni rjes su dran pa yis/ /sangs rgyas rjes su dran pa bsgom/ /sangs rgyas rjes su dran pa yis/ /chos ni rjes su dran pa bsgom/ /chos rjes dran pa'i sbyor ba yis/ /sgyu ma rjes su dran pa bsgom//sku ni rjes su dran pa yis/ /rigs ni rjes su dran pa bsgom/ /rigs rjes dran pa'i sbyor ba yis/ /sngags rjes dran pa bsgom par bya/ /sngags rjes dran pa'i sbyor ba yis/ /sems rjes dran pa bsgom par bya/ /zhes bshad pa ni khyad par ro/ /des na gzhan nges pa'i don du 'dir bshad do//rnal 'byor de dag bsgom pa yang dbang bskur bas bya ba yin te/ thog mar dbang rnams legs thab pa'i/ /bla ma sgyu ma rig pas gnang / /zhes pas na/ sgyu ma rig pa dbang thob pa ni dbu ma'i lam ste/ de yang / rten cing skyes pa de ma skyes/ /de la skyes zhes su smra ba//rkyen las byung ba'i don ma mthong / /rang gi ngo bor ma skyes pa/ /rkyen las skyes te rgyu yang zhi/ /zhi ba rgyu dang rkyen 'bras min/ /zhes pa dang yang / gcig gi ngo bor ma byung dang / /gcig gi ngo bor ma grub pa/ /du ma byung dang du mar me/ /rang bzhin zhi ba 'od gsal ba'o//gsal ba du ma du 'byung min/ /zhes pa ni dbu ma'i don te/ rten cing 'brel bar 'byung ba ni/ /rgyu las 'byung ba ste/ rgyu tshogs pa las 'byung ba ni/ /rang byung ba ma yin bas rkyen la ltos pa'i phyir rang gi ngo bos ma byung bas/ dngos po med do/ / yang rgyu las rang gis nus pa rang gi ngo bo yod pas rgyu gzhan med do zhe na/ rkyen las byung ba'i don ma mthong zhes gzhan dag las gsungs pas na/ 'bras bu dang rgyu gcig par smra ba'i rmongs pa ni blo gros dman pa ste/ rkyen las byung ba'i don du ma shes pa'o/ /rang gi ngo bor ma skyes pas//zhes pa lan te rmongs par bstan nas/ 'bras bu myu gu bdag ma thob pas sa bon la snga ma nas yod na rang bzhin bye brag tu gyur pa med pa'i phyir/ gang rgyu yin la gang 'bras bur gzhag pa dang / 'bras bu yang sa bon snang ba nas mthong bar rigs pa las/ ma mthong ba snang ba mi dmigs pas yod par ma 'grub ba'i phyir bdag gi yod pa las skyes pa ma yin pas rgyu las byung ba'o//de phyir yang dag par ma grub po zhes khas blang ngo / /'o na rgyu rtag pa'o zhe na/ rgyu yang zhi zhes pas na sgyu yang rang gi ngo bos kyang stong la/ de yang rgyu gzhan la ma ltos par ma byung bas na/zhi ba ste rtag pa ma yin no/ /'o na zhi ba'i ngo bor grub bam zhe na/ zhi ba rgyu dang rkyen 'bras min/ /zhes pa gsungs pas na/ zhi ba yang yang dag par ma grub ste rgyu yang ma yin/ rkyen yang ma yin/ 'bras bu yang ma yin te/ spros dang rnam par chad pa la mtshan ma'i gnas med pa'i phyir ro//des na dbu ma'i don rig pa ni/ sgyu ma rig pa'o/ /'bras bu de gcig tu ma byung ste chos mang bar byung ba dang / gcig gi ngo bo ma grub ste/ sna tshogs pa dang / cha'i bye brag gis gcig ma grub pa'o/ /de nas du ma yang med pa'i rigs pa 'dis na yang dag par grub pa med do zhes pa yang rigs pa'i don rnam par dpyad na gang btsal ba'i don la shes pa des btsal na/dngos po sgyu ma 'di la yang dag pa'i mtha' spros pa rnam par chad pa la nges pa 'dzin pa rjes su dpag pa 'dis bzung ba ni 'od gsal ba ste/ des na snang ba la rjes su dpyod pas nges par skye ste rig pa'o//yul gnyis ba can yin pas na shes pa 'di yang gnyis su rnam par bzhag ste/ rang gi snang ba rig pa dang stong pa la dpyod pa'o/ /ngo bo la khyad par med kyi tha dad pa nyid yin na/ 'o na chos can gang yin zhe na/ smras ba bya ka ra Na'i sgra'i lugs dang /rigs pa'i sgo nas don rnam par gzhag pa la/ sgra'i sbyor ba'i byed pa dang / rigs pa'i tshul gyis gzhan la don go bar byed pas na/ rnam par gzhag pa mtha' yas su rnam par 'jog ste/ chos dang chos can la sogs pa'o/ /don tsam ston pa ni 'di ka ba yin zhes brjod na sgra de dang 'di ka ba yin snyam pa'i blo skye ba des don brjod pa dang /blo'i yul snang ba'am yul zhen pa de dngos po brjod cing yul bzung ba ni/ gnyis ka ma yin pa brjod cing bzung ba yin te/ chos can yang ma brjod la gnyi ga ma bzung ngo zhes shes par bya'o/ /de khyad par du shes par 'dod nas sgra sbyor ba na/ka ba mi rtag ces brjod pa'i sgra dang / blo de ltar skye ba ni chos su 'dra bar rigs pas grub kyang ste/ chos can du ka ba gzhag go/ /ka ba ma yin pa dag rigs su bsdus pa gcig las ldog pa ka ba yin la/ ka ba ma yin pa'i ngo bo yang rigs ma bsdus pa yin pa'i ngo bo gcig las log pa brjod pa dang shes pa skye ba'i brjod bya dang yul dag ngo bo khyad par med pa'i tshul yin te/log pa'i phyogs dang / log pa'i ngo bo la mang ba'am nyung ba'i khyad par la sogs pa med kyang de'i khyad par rtogs par bya ba'i don gyis ngo bo la gzhi zhes bya ba'am/chos can du rnam par gzhag go/ /don la brten pa'i khyad par ni mang du gnas pa'i ngo bo ma grub pa'i sngo ser mi dmigs pa bzhin te/ dngos po gang gi yang sgra 'jug pa'i rgyu mtshan dang ldan pa smra'am/ rigs pas ngo bor tha snyad gzhag pa'i don gang yin pa khyad par 'du shes par bya ba dang bcas pa ni chos can yin no//dngos po med pa'i mdzes pa ni med pas chos so zhes shes par bya'i mang ba las log pa dang / gcig las log ba'i phyir ni ma yin no/ /de'i ngo bo dang / de'i khyad par gyi tshul rnam pa gnyis su klu grub pa las thos shing rigs pa yin no zhes gzhan dag kyang zung shig pa ni tshul gcig pa'o//'di la rnam pa gzhan du yang 'dod pa ni mang yang sgra tsam la zhen par rig pas ni grub pa'o/ /'on kyang da rung blos btsal zhing dpyad pa ni gnang ngo / /le'u dgu pa'i rnam par bshad pa rdzogs so// //da ni 'bru gcig pa'i sngags dang / de'i dkyil 'khor du dbang bskur ba bstan pa bshad par bya ste/ de'i phyir gshin rje rab 'joms 'di/ /zhal ni hUM zhes bya bar bshad/ /ces ba smos te/ gshin rje ni yi dags te/ rang bas stobs chung ba dag gi sems can gyi bdud byed pa ste/gang nas shi 'phos nas gnas ngan par song ba ni shi ba sngon du song ba yin pas gshin zhes bya bar dgongs la/ de'i dbang yang byed pa rje ste/ de yang 'jig rten dbang che ba rnams so/ /de'i rnam par 'jig par byed pa ni gshin rje/ de yang phyogs skyong ba las/ las mthu che ba'i gshed ni/'phags pa ste khyad par du gyur pa'i ye shes te de las byung ba'o/ /de'i lhan cig pa'i bsgrub pa dang / snying po gcig pa'i sgrub thabs su rnam par bshad par shes par bya'o/ /tha ma dag tu zhes pa ni dbus su ro bri ba dang / de'i phyi skor la ro'i phreng ba dang / de'i yang mthar thod pa'i phred ba la tha mar bshad do//grwa bzhi ni gru chad do/ /thod ba dag kyang phreng bar bya/ /zhes pa ni lcags ri'i'o/ /khro bo'i spyan sngar 'dug nas su/ /zhes pa rnal 'byor byas pa'i 'og tu sngags gdon pa'o/ /dur khrod gnas su slob ma gzung / /ces pa ni slob ma dur khrod kyi gnas te 'jam dpal gyi dkyil 'khor du gzhug pa'o//hUM bzlas shing gzhug pa'o/ /hUM bzhag ba ni rgyu'i ngo bo ste lha la bshad pa ni man ngag go/ /de nas shU la'i phyag rgya ni/ /ras kyis g.yogs te bcing bar bya/ /zhes pa smos pa ni dkyil 'khor du bcug la/ dam tshig dbog pa'o/ / de nas dam bsgrags pa la sogs pa byas la yang pra dbab pa'o/ /de nas me tog phul ba la sogs pa byas la/ dbang bskur te/ de'i phyir smos pa/ de nas dbang bskur gshin rje gshed/ /ces pa de'i dbang bdun bskur ba'o/ /yig 'bru gcig sbyin ces pa sngags so/ /shU la rab tu bstan par bya//zhes pa dril bu'i dbang ngo / /dpung nas gyen du bgrangs te gzhag/ /ces pa dbu rgyan no zhes shes par bya ba ni man ngag go/ /gzhan du na rnam par gzhan te gsal lo/ /tsan+dan dmar pos bskus zhes pa dbang la'am ste/ gzhan dang rang gi don la shes pas so/ /lha gcig pa'i bya ste rig pa'i dbang dang /rnal 'byor rnam par dgos pa bshad pa yin no/ /rgyal pa'i dkyil 'khor dgos pa zhes bya ba ni/ pho brang du gnyis pa rnam par med pa'o/ /phyi ma'i phyi ma las/ gshin rje rab tu 'joms pa'i yi ge 'bru gcig pa rgyal po'i dkyil 'khor dgod pa'i rtog pa ste dang po rnam par bshad pa'o// //da ni lha gcig pa'i bsgrub pa bstan te/ de nas 'dir ni zhes bya ba la sogs pa gsungs te/ de la mtshan mo ni nyin par ma yin pa'o/ /de'i mchog ni nyi ma sgra gcan gyis zos pa'i dus te/ dus der sbyin pa'i kun du mchod pa byas la/ de nas sku bri bar bya ste shis pa'i phyir sgrub pa'i yan lag gi phyir ro//bris pa la spyan dbye ba ni rim pa 'di ltar ro/ /dkyil 'khor dang ni ting 'dzin mchog /phyag rgya btang thabs gdan dang ni/ bzlas brjod sbyin sreg de bzhin mchod/ /las kyi sbyor ba nyer bsdu bya/ /de ltar de nyid bcu shes shing //khrus byas pa rang gi lha'i rnal 'byor gyis gsal ba dang / stong pa nyid du gnas la yang ldan pa ltar/ rang gi rigs kyi sa bon las mtshan ma'i rim pas dam tshig gi lha bskyed la/ yang ye shes kyi 'phags pa 'jam dpal gshin rje 'joms pa dgug ste/ ku sha rang gi lag par bcug la g.yab ste/ spyan drangs la 'thor 'thung dag phul la bstims te/ mchod pa phul la/ khyod la mchod pa dbul ba dang / slob ma'am bdag la phan pa'i phyir/ bdag ming rdo rje 'di zhes bya/ /rig pa'i rgyal po 'di zhes bya/ /yo byad ci 'byor pa yis ni//sang ni rab gnas bgyid par 'tshal/ /bdag dang slob mar bcas pa la/ /thugs brtse bar ni nyer dgongs nas/ /tshogs pa thams cad rab gnas pa/ /byin gyis brlab pa mdzad du gsol/ /zhes brjod nas gshegs par bya'o/ /de nas yang rang gi rab gnas kyi dus su rang nyid kyi lha'i 'khor lo yang bskyed pa dang dgug pa dang /mchod pa dang dbang bskur ba bya ste/ spro ba dang bsdu bas bzlas pa dang / mchod pa bya zhing khrus dang dbang gzi bskyed do/ /de yang bzlas pa dang / lha gcig pa'i las dang mchod pa dag ni sgrub pa'i thabs bzhin no//phyi ma'i phyi ma las yi ge gcig pa'i ri mo la sogs pa'i cho gar gtogs pa gnyis pa'o// //de nas sngon du bsnyen pa ni/ /zhes bya ba la sogs pa gsungs pa ni/ yi ge gcig pa la sogs pa'i grangs so/ /khro bo'i brtul zhugs ni sbyangs pa'i yon tan no/ /de yang mtshan ma dang /pags pa dang / thal ba dang / rus pa'i phreng ba dang / 'khor lo dang / lag gdub dang / rna cha la sogs pa dang ldan par byas nas spyod pa spyad pa'o/ /lci ba bza' zhing zhes pa ni/ lci ba ni 'dir gsung pas na sha chen po'o/ /dur khrod du gnas pas sbyang ba la sogs pa byas la dam tshig gi phyir bsten zhing bza' bar bya'o//gtsang zhing gtsang mar zhes pa tha mal pa'i dngos po dang bral zhing dben bas na gtsang ba'o/ /de yang phyag rgya bzhi'i ngo bo dang ldan pa'i phyir ro/ /ngag rnam par dben pa'i phyir dul ba'o/ /dza ti zhes pa la dza ni song ba ste 'gro ba'o/ /des na 'ong ba yang bstan te/rlung dang ldan pa'i sngags grangs dgu brgya la gcig gis rgyu ba'i 'gro ba ste stong dang nye bas so/ /ji skad gsungs pa'i las dag gis/ /zhes pa dkar po la sogs pa rigs bzhi'o/ /mchod pa bya zhes pa la/ de bzlas pa nyid ni de'i mchod pa'o/ /'dod pa'i 'bras bu ni 'dir zhes pa nye bar thob pa'o//yang las thams cad do/ /de la sa'i dbang po ni sa bdag go/ /phyi ma'i phyi mar gtogs pa gsum pa rnam par bshad pa'o/ /de nas gzhan las gsungs pa'i las bshad pa dag cho ga snga ma bzhin bsgrub pa ni brtul zhugs med par mi 'grub par bstan pa'i phyir/de nas gzhan yang brtul zhugs kyis bsgrub pa'i las rnams bshad par bya ba la sogs pa smos te/ brtul zhugs med par mi 'grub pa'am/ brtul zhugs la brten pa'i las ni/ brtul zhugs kyis bsgrub pa'i las te/ /rag las pa'i rgyu'i don to/ / gzhan dag ni rnam par gsal lo/ /ral gyi la brten pa ste de'i rig pa'o/ /yi ge 'bru gcig pa'i sngags dang de'i sgrub pa phyi ma'i phyi mar gtogs pa'i le'u ste bzhi pa rnam par bshad pa'o// //don gyi bdag nyid yin yang tshig la yang gdags so/ /de ltar le'u gzhan gong du bstan pa dag tu bshad pa'i las kyi sngags sbyar ba bshad pa bstan pa'i phyir/zhal drug hUM zhes bya ba'i sngags/ /bzlas pa tsam gyis 'grub pa'i sngags/ /zhes pa ni zhe sdang gi ngo bo'i hUM drug ni zhal drug hUM nyid kyis don za ba'i phyir zhal drug hUM ngo / /hUM dang yi ge phyi mar sbyar/ /zhes pa ni/ gshin rje zhes pa gzhan dag go//hUM gi tha mar ni bskul bar bya/ /zhes pa ni ri dgas la sogs pa'o/ /hUM tri shU la'i phyag rgyar ldan/ /zhes pa ni/ hUM traM da ra bi s+pho Ta ya bany+dza bany+dza hUM zhes pa yang shes par bya'o/ /hUM traM ha na bi s+pho Ta ya bany+dza hUM traM zhes pa ni sa g.yo ba'o/ /hUM gcig rig sngags thams cad dang / mtshon cha rnams gcod par byed ces pa la hUM sarba mu sa la a si man+t+ra na ts+tshin+d+ha ts+tshin+d+ha zhes pa zhal drug gi dang ba ste/de dag kun traM gi 'og tu rnam par bshad pa de re re sbyor ro zhes bshad do/ /hUM kha zhes pa la hUM che ge mo kha kha khA hi khA hi mA ra ya phaT ces pa'o/ /hUM tha zhes pa la hUM tha ste/ ar+tha de ba pre ta ma tha ma tha hUM phaT ces pa'o//hUM ha zhes pa la/ ha ha ha ha bai ta la phaT hUM zhes pa'o/ /hUM gra zhes pa la/ de dang 'brel bar a mu kaM a si mu sa la/ a kla e ka ha na ha na phaT ces pa'o/ /hUM dz+dza zhes pa la dza dz+ha zhes de btang zhing bzlog pa'o/ /hUM ka zhes pa la ga go ru ste/ glang po dang rta la sogs pa'o//gang staM b+ha ya staM b+ha ya la hUM phaT ces pa'o/ /hUM mu zhes slar 'gro ba ste mnan pa la slar gshegs su gsol zhes pa'i sa bon no/ /hUM traM zhes pa ni/ der hri lha sbyin A kaR+Sha ya hri dza A kaR+Sha ya dza zhes pa'o/ /dngos grub phra mo ni dgug pa'o/ /hUM baM zhes pa la baM zhes dbang du byed pa'i sa bon te a mu kaM pa sha man ya bo kaSha da swA hA zhes pa'o//ma zhes pa ni/ mes sreg pa'i las dang mA ra ya zhes pa'o/ /yaM zhes pa rlung gi dkyil 'khor ro/ /wa zhes pa zhi ba'i ngo bo chu'o/ /la zhes pa rgyas pa sa'o/ /bau ShaT yang sbyar te bskul ba'i tshig go//de la gsod pa'i sa bon dang / skrod pa'i dang / zhi ba la sogs pa'i tshig re re bzhin sa bon no/ /gzhan yang ya ma rA dza sa do me ya/ ya me do ru Na yo da ya/ ya da yo ni ra ya k+she ya/ yak+she ya ts+tsha ni ra ma ya zhes pa dag ni las sna tshogs pa bsgrub par gsungs pa yin te/de yang dang pos mgo bar byed gnyis pas khrag tu skyug par byed/ gsum pas yid ni brgyal bar byed/ /bzhi pas mar gdon mi za/ /ma ras me do Na da yo ra k+she ts+tsha ra/ nang gi re mig brgyad pa yi/ lho nas brtsams pa'i rim pa yis/ /shar lho mtshams la thug par bri//yA dza do ya ru yo ya ni ya ya ya ni/ 'khor lo bcu gnyis dbus su ni/ /snga ma'i tshul du bri bar bya/ /zhi ba ya dang ni med par/ /nang du lhag ma bkod pas yin/ /de nas gzhan yang bshad pa ni/ /ya dza sa ya ru Na ya na ra ya ts+tsha ni/ /snga ma bzhin du nang du dgod/ mtshams su gnyis gnyis de bzhin ni//ma ra do me do yod yo yak+Sha yang / snga ma bzhin du phyi rol dgod/ /lte ba 'dir ni tshangs thig ldan/ /de nas gzhan yang bshad pa ni/ /ya ma rA dza sa to me ya/ g.yon nas brtsams te nang du dgod/ hriH Sh+T+riH la sogs g.yas nas bkod/ dang pos mgo bo 'khor bar byed/ /de nas gzhan yang bshad pa ni//lhag ma gsum yang de dang 'dra/ /de nas gzhan yang bshad pa ni/ /ya ni dbus su shar duk+Sha/ /lho ru ma ste nub du me/ byang du da yig bri bar bya/ /rA dza sa do ru na yo na ra yi tsa ni/ g.yon nas brtsams te dgod par bya/ /las rnams ma lus 'grub par byed/ / de nas gzhan yang bshad pa ni/ /ya me do ru ya k+she ya ts+tsha/ /lho nas brtsams te g.yon tu dgod/ /nang na brgyad po de dag go/ /ma rA dza sa na yod yon ri ni ra/ /'di dag phyi ma dag la bri/ /de nas gzhan yang bshad pa ni/ /ya dzas ya ru na ya ni ra ya tsa Na/ 'di dag nang du dgod pa'o/ /mar do me do yo da yo da ya k+sha ya ra//snga ma bzhin du phyi rol dgod/ /gsad pa nyid la sbyar bar bya/ /las rnams kun la mi 'grub med/ /de nas gzhan yang bshad pa ni/ /rnal 'byor rang snying ye shes sems/ /ting 'dzin sems dpa' ra'i dang po/ /de las 'od byung yig gsum reg /las kyi gshin rjer gyur pa yis//gang gi snying ga gcig gis phye/ /de yi lha tshogs bzhugs pa'am/ /yang na ye shes sems dpa' nyid/ /bkug la 'di skad smra bar bya/ /bla ma dag la 'khu ba dang / /bstan pa bshig dang sangs rgyas brnyas/ /mtshams med pa dag byed pa 'di/ / 'di la srung bar ga la rigs/ /'og min lha yi rgyal la dri/ /dris pas de lta'i sems can 'di/ /dus la bab po rang nyid sgrol/ /de skad gsung pa de nyid kyis/ /mgo ba bcad par bsgom par bya/ /gsod la dga' ba'i gshin rje yis/ /rtsa ba bcad pa'i shing 'dra de/ /lto par bcug pa byas pa de//nad la sogs pas gzir bar bya/ /yang na ye shes sems dpa' yis/ /ye shes sems dpa' dgug par bya/ /sems ni ling+gar thim par bya/ /zla ba sa chu'i khams te shes pa gsal/ /nyi ma med dang rlung gi khams te g.yo/ /bzhi la brten pa'i shes pa dbus na gnas//bzhi po nyams na brten par ga la nus/ /sa nyams mgo 'khor chu nyams khrag tu skyug /me nyams drod chung yid la sdug bsngal skye/ /rlung med rnam shes lus las yang dag byung / /zhes bshad pa 'dir sbyar bar bya'o/ /gsang ba dam pa zhes pa sngags dam pa'o//phyi ma'i phyi mar gtogs pa le'u lnga pa rnam par bshad pa'o// //de nas rtog pa rab tu gzhan bshad de/ de nas rtog pa rab rgyas pa/ /zhes pa rgya cher 'byung ba la/ de yang sgrub pa po legs par bslabs pas bya'o/ /gzhan gyis ni ma yin te/ blo gros chen po 'di lta ste/ dang po sems bskyed par bya'o/ /de yang dbang thob pa dang ldan pa/ rgyud kyi don shes pa dang ldan na snying rje skye bas rang gi sems la nan tan du dbang po bsdam par bya'o/ /de nas dul bas gzhan gyi sems kyi rnam pa dang mthun bar bya'o/ /de nas bdag gi sems la brtag go//de nas dor ba dang / blang ba la brtson par bya'o/ /de nas blangs pa dang ldan pas thun mong la sogs pa la 'jug par bya'o zhes pa ni mnyam gzhag byang chub sems ldan zhes pa'o/ /de bzhin du/ byang chub bslab pa dang bral bas/ /tshe 'di nyid la 'byung mi 'gyur//g.yo sgyu blo ldan le lo can dag dang / rje btsun dag dang bla ma yis/ /skyon rnam mthong gi yon tan min/ /bsnyen bkur med par myur du de nyid thob par 'dod/ /yang dag tshig ma yin zhes khro bcas g.yo bar 'gyur/ /chags nang bla ma mthong na rgyab kyis phyogs par byed/de nas phrag tu gus pa sgyus byed pa/ bla ma la smod zhing ni spang bar bya/ /zhes bya ba ni mi 'grub pa'i rgyu'o/ /mtsho dang zhes pa gnas gsungs pa ste/ ri bo'i sting du rengs pa dang / rmongs pa dang / gsad pa bya'o/ /tshang tshing ni shing mang po yod par dbang dang dgug pa bya'o//phug ni chu dri ma med pa'i gnas su zhi ba dang rgyas pa bya'o/ /chu chen po'i dogs su sdang ba dang / bskrad pa dang / gsad pa'o/ /dur khrod du sngags bsgrub po/ /ri bor gter dang / tshang tshing du rin po che dang / phug tu bdud rtsi dang / chu bo'i dogs su ral gri dag bsgrub bo zhes bshad do//dpa' bo zhes pa 'phags pa 'jam dpal lo/ /dgod par bya zhes pa go cha'i sngags so/ /khro mig ces pas bsrung ba'am/ bgegs bskrad pa'o/ /dkyil 'khor 'di ni be con mang po zhes bshad do/ /dkyil 'khor rnam pa drug tu dbang bskur ba'i le'u ste drug pa phyi ma'i phyi ma rnam par bshad pa'o//gzhan go bas ma bshad do// //da ni le'u bdun pa rnam par bshad de/ /de nas gzhan yang gshin rje gshed po yi/ /sngags ni 'di dag gnas nas su/ /zhes ba la sogs bas smos te/ de la gshin rje gshed po ni/ /'jigs par snang ba sprul pa'i sku'o//'o na de yang dag pa yin na ma zhe na/ ma yin no/ /bzo bo smyung ba byas nas ni/ /zhes pa ni/ dbang byin pa'am/ sngags kyis byin gyis brlabs pa'o/ /phyag ni bco brgyad rnams kyis brgyan/ /zhes pa rgya cher smos pa la/ phyag ni bco brgyad ni stong pa bco brgyad dag pa'i phyir ro// mi mnyam sngags ni bcu gcig pa'o/ /zhes pa ni zhal rnam pa drug dang / phyag bco brgyad kyi sngags so/ /go cha bgos nas bzlas byas na/ /zhes pa la/ lam du zhugs pa'i tshe na yang go bgos te bzlas ba byas na/ ral gri la sogs pa'i rig pa 'dzin pa 'grub pa'o/ /khro bo bdud rtsi 'khyil pa ste//bgegs mthar byed pa 'di ni 'chi ba med pa ste/ de'i sngags dang po o yi ge a dang u las o/ /de a la bskyon pa las o ste/ rdo rje gsum gyi bdag nyid do/ /de yang bsod nams len pas so/ /a mr-i ta kuN+Da li zhes pa ni bdud rtsi 'khyil pa zhes bod pa'o//sarba big+h+rAn ta kr-ita ces pa bgegs thams cad mthar byed pa zhes pa'o/ /hUM hUM hUM zhes pa bgegs bshig pa'i phyir sdigs mdzub bya ba'o/ /phaT ces pa de dag bkas pa'o/ /bud+d+ha lo tsa ne zhes pa la/ sangs rgyas spyan te thams cad mkhyen pa'i sangs rgyas kyi ye shes ni spyan te/de gang la yod pa de ni sangs rgyas spyan zhes bya'o/ /swA hA zhes pa rtse gcig pa'o/ /gnas dag ji ltar yin pa bshad/ /ces pa la sogs pa ni sngar bshad pa nyid do/ /myur ba dang ni bul ba dang / /de bzhin yi ger rnam 'dres pa/ /zhes pa la de des par na rlung myur ba dang yi ge myur ba'o//rlung bul ba dang yi ge bul ba'o/ /'dres pa ni yi ge gcig gis gnyis ka'i don du sbyar ba'o/ /yi ge gsum gyis bya ba la/ gnyis sam gcig gis byas pa'o/ /yang na blo rnam par ma gsal ba yin par dgongs so/ /snying gar phog par dbul bya zhing / / zhes pa la gus pa'i sems kyis thugs zer yang dbul ba'o/ /sa yang rab tu 'gas par byed/ /ces pa la ro bsregs pa'i sol ba thod par bcug la sngags khri bzlas la des mar gyi tshes brgyad kyi dus su rang rnal 'byor byas pas ri'i gzugs sam sa'i gzugs ras la bri'o//de'i rtse nas sol ba des dag par bri zhing gsal bar bsam mo/ /ba ta ya pa ha ya sa da ya phaT ces pa bzlas so/ /so la ba de sta re lta bur bsam zhing gnyis su bya'o/ /'di'i la mang po dag ni nges pa can te yon tan no/ /de la 'di'i las kyi phyag rgya ni be con gyi phyag rgya ste/spyan drang ba la sogs phyag rgya'am/ dus su legs par bya zhing bcing ngo / /khro bo rnam par rgyal ba'i rgyud chen po/ /'jam dpal gyi rtsa ba'i rtog pa thams cad kyi phyi ma yang phyi ma las/ khro bo rnam par rgyal ba/ bcom ldan 'das gshin rje gshed kyi rgyal po'i rtog pa phyi ma'i yang phyi ma gsang ba zhes bya ba ni gsang bar gtogs pa'o//rim par phye ba bdun pa bdun te bshad pa'i rnam par bshad pa rdzogs so// //da ni las rnams kyi sbyor ba bstan pa nges pa drug pa'i rim pa 'di rnal 'byor pas bslab par bya ba'i phyir/ las bsdus pa bshad pa'i rgyud gsungs pa ni/khro bo rnams kyis zhus pa 'di ni thabs bshad pa las mchog gi thabs yin pa'o/ /de bstan pa'i phyir khro bo rnam par rgyal ba ni/ gshin rje gshed la 'di skad smras/ /bcom ldan khyod kyi rtog pa 'di/ /sgrub po rnams la phan pa'i phyir/ /zhes pa gsungs te/khro bo ni 'khor gyi khro bo ste/ de yang drag po 'jigs pa chen po las rgyal ba'i phyir rnam par rgyal ba'o/ /gshin rje ni 'jig rten la dbang che ba ste/ de'i gnyen po ni gshin rje'i gshed de 'jig rten pa'i gnyen po'i mthu rnam pa mtha' yas mnga' ba'i phyir dang / mi mthun pa'i phyogs su gyur pa'i phyir de nyid bshad do//la zhes pa la ni gnas bzhi ste/ zhu ba'i gnas thams cad mkhyen pa de yin pa'i phyir ro/ /dbang phyug brgyad dang ldan pa'i phyir bcom ldan 'das so/ /des bshad pa'i cho ga ni rtog pa ste/ rtog pa'i yul yin pas so/ /ngag la brten cing dang du len pa dang /bla ma'i rim pa la sgrub pas sgrub pa po ste/ las dang mchog 'dod pa'o/ /de'i ched du phyir zhes bya ba byed pa bzhi pa'i tshig ste/ rnal 'byor pa'i phyed du bzlas pa la sogs pa gsungs so/ /des na mang ba de dag gis byed pa ni 'grub pa'o/ /'dir gang gis zhes pa gcig gi sgra gang zhes pa dang /gang dag ces gnyis la sogs par don gyis smras la/ de las gcig gis dngos grub ster ba yin par bshad pa dang / mang po'i sgra don med pa ma yin zhes zhus pa dang / rgyud gcig kho nar bshad pa dang / gzhan du bshad pa dag tshegs che ba ma yin nam zhe na/lan gdab pa'i phyir/ khro bo drag tu bzhad pa yis/ /zhes pa rgya cher gsungs pa la/ bzhad pa ni snang ba ste/ gsong bor bzhugs pa'o/ /gang smras pa zhes pa ni sngar bshad pa rnams so/ /med par yang zhes pa ni bshad pa nyid do/ / sbyor ba shes pa zhes pas ni/ las kyi sbyor ba shes rab dang thabs shes pa'am/ drag po dang drag po ma yin pa'am/ snang byed dang bdud rtsi 'khyil ba'i sbyor ba la sogs pa'o/ /lha rnams zhes pa sgrub pa po/ /dngos grub gcig pu zhes pa de mnyes pa ni dngos grub ste/ de las dngos grub 'byung ba'i phyir ro//thugs sad pa'i thabs ni mos pas phye bas na/ rnam pa tha dad par bshad de/ de'i phyir sngar gyi skyon med pa kho na yin no/ /mtshan ma de zhes pa 'jam dpal gshin rje gshed kyi dngos po'o/ /dngos grub de zhes pa ni/ sngon du bsnyen pas grub pa'i spyan ras kyis gzigs pa'o//thog mar byang chub rtsal la brten/ /zhes pa ni/ thog mar zhes pa dang po'o/ /byang chub ni sems bskyed pa'o/ /rtsal zhes pa byang chub ni 'dod pa'i 'bras bu yin la de sems bskyed pa ste/ gzhan gyi phyir bdag byang chub 'dod pa las 'byung ngo //de yang rtsal la brten pa ni sgyu rtsal la brten pa ste goms pa dang / sngon gyi smon la ma dang / rang [(]gzhin [,]bzhin [)]gyi sa bon las 'byung ngo / /yang na byang chub ni snying po'o/ /de rtsal la brten pa ni lam gyi phyag rgya la brten pa'o/ /yang na byang chub ni lhan cig skyes pa'i ye shes so/ /rtsal la brten pa ni stong pa nyid la'o//de nyid shes rab bo/ /yang na byang chub ni thams cad stong pa'i ye shes so/ /de rtsal la zhes pa sgom pa rnam pa gsum gyi ye shes la'o/ /de gsum nyid shes rab ste de bsgoms pas mngon par byang chub pa'i ye shes ni rnam par mi rtog pas zhes bya'o/ /de nas sgrib pa mtha' dag spangs nas sangs rgyas nyid 'thob ni/bde gshegs dngos grub de dag 'thob/ /ces bshad par shes par bya'o/ /yang na/ thog mar byang chub rtsal la brten/ /zhes pa/ dang po sems bskyed pa dang / de la brten pa'i dag pa tshad med pa bzhi dang / de la brten pa mchod pa dang /de la brten pa byang chub tu bsngo ba dang / de nas rang dang gzhan yi rang ba dang / de nas skyabs su 'gro ba'o/ /de nas stong pa nyid bsgom pa'o/ /de nas mtshan ma dang de la yang sa bon gyi rim pa gyur pas de'i gzugs su gyur par bya'o zhes pa ni/ sngon du 'gro ba mngon par byang chub pa dang bcas pa'o//snying por ldan zhes pa/ snying bskul ba'i snying po dang ldan pa'o/ /phyag bcu zhes pa bcu'o/ /drug ces pa g.yas dang g.yon no/ /sa yi steng na za za ltar/ /zhes pas bdag la lta ba ste/ de za bar byed pa'o/ /thog mar bdag gi dam tshig sbyin//zhes pa/ bye brag gis shU la'i phyag rgya'am/ be con gyi'am/ dam tshig gi phyag rgya'o/ /de la 'di lhag pa'i lha sku mdog char sprin sngon po'i kha dog lta bu la zhal drug pa la phyag bcu pa'am/ zhal gcig pa la phyag drug pa'am/ zhal gsum pa la phyag drug pa dag ste/ phyag bcu pa la zhabs bzhi pa'o//phyag drug pa la zhabs gnyis pa'am bzhi'o/ /de la phyag bcu'i g.yas dang po na be con/ g.yon dang po sdigs mdzub/ gnyis pa gnyis na tri shU la dang ral gri/ g.yas pa'i gsum pa la dgra sta/ bzhi pa la thod pa/ lnga pa la thod pa/ g.yon pa'i gsum pa la lcags kyu/bzhi pa la shak+ti/ lnga pa la dbyug pa'o/ /drug pa'i g.yas dang po be con/ 'og ma na mda'/ tha ma nar la gri'o/ /g.yon dang bo na 'khor lo/ /gnyis pa na gzhu/ gsum pa na rdo rje rtse mo gsum pa kha gyes pa'o/ /zhal gcig pa'i be con dang sdigs mdzub po//zhal drug pa la spyan bco brgyad do/ /zhal gsum la spyan dgu'o/ /dpral ba la khro gnyer dang / dbu la thod pa'i phreng ba dang / rna cha dang / mgul do dang / do shal dang / phyag gdub dang / sbrul gyis yan lag la 'khyud pa dang / sna tshogs rdo rjes dbu la mnan pa dang /stag lpags gon pa dang / dbu skra dmar ser gyen du 'khyil pa'o/ /sgra 'brug ltar sgrogs pa/ mig 'og tu lta ba/ tsham ngam sna tshogs pa byed pa/ sa bdag dang / nyi ma'i steng na zhabs g.yas brkyang ba/ g.yon bskum nas bzhugs par bdag nyid du bsam mo//de nas go cha'i bsrung ba bya ste/ rang gi sa bon dgod par bya/ /zhes pa'o/ /de nas spyan drang ba bya ste/ sngags kyi snying po tha ma la/ tshur gshegs pa'i tshig gnyis dag ces pa ni spyan drang ba'o/ /de nas bstim pa ste/ gzugs ni gzugs la gnas par bya/ /zhes pa'o/ / de nas bzhugs su gsol te/ me tog dag gi gdan 'di la/ bzhugs su gsol zhes rtag tu bya/ /zhes pas so/ /de nas me tog dang / ar+g+ha dang / spos dang / mar me dang / lha bshos dang / gter ma dbul te rim pa'o/ /gzhan ni sla'o/ /gsang ba'i rtog pa ste las kyi rgyu lha bskyed pa dang /mchod pa la sogs pa dang / dkyil 'khor bri ba rnam par bshad pa ste/ dang po'i 'grel pa'o// //da ni 'khor lo'i sbyor ba 'di rnal 'byor pas nyams su blang ngo zhes pa'i phyir de bshad par bya lte/ ma mA/ zhes pa la sogs pa gsungs te/ khra bo zhes pa 'phags pa'o//sa bon ni snying po'o/ /yang na sa bon ni hUM ngo / /dkyil ni zla ba dang nyi ma'o/ /zung dang zhes pa ma ma'o/ /des mtshon pa khro bo drug dang ngo / /tha mar bzhag pa ni bskul ba'o/ /mtshon cha med pa ni hri 'o/ /de'i mthar swA hA zhes pa ni dbang du bya'o/ /bsgrub par bya ba'i gzugs byas nas//zhes pa ni tsan+dan dmar po dang / gi wang dang / rang gi khu ba dang / rkang rjes kyi rdul la sogs pa las gzugs brnyan byas la/ 'khor lo dang 'brel pa de rkang pas brdzis na dbang du 'gyur ro/ /sa bon gnyis pa'i gnas la ni/ /zhes pa kho na zhing 'thab par bya ba ni bsgrub par bya ba gnyis pa'o//gdong yang bsgyur nas su zhes pa ni/ rkang pa ya gcig thur du bzhag pa dang / gdong dang nu mjing gis btsugs pa dang / mig ya gcig gis btsums pa'o/ /grub par bya ba gnyis ka yi/ /gzugs ni 'jigs pa'i las byed de/ gcig tu dpa' ba'i nyams ldan pa/ /zhes pa ni dug rdzas dang / smyo byed dang / tsha ba dang / rjes la dur khrod kyi rdzas kyis gzugs gnyis byas pa la man ngag bzhin du byas te/ de gnyis mtshon cha 'jigs pa shin tu 'debs par bsam mo/ /de yang snga ma bzhin byas na 'thab par 'gyur ro//gsum pa la gnas te/ yang de nyid dam/ yang na gsum pa bsgrub ste las su bsgrub pa'o/ /de yang mi 'di gsad pa ste shi bar bsgrub pa'o/ /khros pa'i sems kyis mar ngo'i tshes brgyad la dur khrod kyi ras la 'khor lo bris la/ dur khrod kyi thal bas dgra bo'i gzugs brnyan byas la/mtshon gdab cing / dug bkod pa'i nang du khrag 'dzag pa de lag pa nas bzung zhing der gzhug par bya'o/ /de nas yang dur khrod du sbas na 'chi bar 'di la the tshom med do/ /bzhi pa de la sgrub pa 'dug /ces pa ni yang bskrad pa bsgrub pa ste snga ma bzhin te/drag shul can gyi lus gnas zhes pa ni tsham ngam byas pas so/ /yi ge ha ni dbul ba bzhag /ces pa la/ u tsa ta ya ha phaT ces pa'o/ /de dag zhi bar bya 'dod na/ /zhes pa ni zhi ba'i mtshan nyid gsungs pas so/ /gnas lnga la zhes pa lnga ba 'di bsgrub pa'o/ / de'i thog ma tha mar ni/ oM dang swA hAr sbyar bar bya/ /zhes pa ni zhi ba la'o/ /drug pa'i gnas la song nas su/ /rkang pa dal bus gnon pa yis/ /zhes pa ni rgyas pa la bsgrub pa spyi'i bshad pa dang 'dra ste/ dge ba'i sems kyis bya'o/ /khro bo'i 'khor lo'i bka' nan kyis/ /zhes pa la khro bo ni lhag pa'i lha bka' bsgo bar byed pas so//'khor lo ni khro bo rnam pa drug go/ /de yang rnam par snang mdzad kyi rigs kyi khro bo'o/ /des nges par byed pa ni myur du grub pa'o/ /phyis kyang rim gyis 'di la gnas/ /zhes pa ni/ rnam pa lnga la lhag pa'i lhar gnas pa ste/ rim gyis ni go rims so//logs shig khro bo 'khor lo'i bkas/ zhes pa ni pho nya dang / gtso bo tha dad pas so/ /me dang 'dra bar 'bar ba de/ /zhes pa la/ me dang 'dra ste/ mes bsam gtan dang po man chad du tshig par byed pa bzhin/ 'khor lo drug gi sbyor ba 'di yang dbang dang rgyas pa man chad 'grub par byed do zhes pa'o//so so'i 'am zhes pa yi ge so so'am/ gcig tu yang rung zhes pa yang yi ge'o/ /don ni khro bo drug dag gis las gang 'dod pa gcig ste/ so sos so sor bshad pa ma dgongs so/ /da ni yang gzhan de nyid slar bshad de gnad la dbab pa'i 'khor lo drug go//de bstan pa'i phyir/ bdun pa'i 'khor lo'i gnas la bzhugs/ /zhes pa ni rim pa snga ma de nyid la/ drag po'i sems kyis bskul zhing 'khor lo rten dang bcas par bsreg go/ /de yang bdun ni grangs te/ lha rnams la ltos pa'o/ / 'khor lo ni dang po nyid do zhes man ngag las shes par bya'o/ /de nas brgyad pa dang / dgu pa la sogs pa yang de bzhin no/ /de na khro bo'i 'khor lo ni/ cho gar bcas pa rgyas pa dag /ces pa la khro bo ni 'bar phreng la sogs pa'o/ /de'i 'khor lo ni de'i tshogs nyid do/ /de'i cho ga'i rim pa ni/bla mas bstan pa'i rim pa'o/ /rim pa de gsang zhing sba bar bya ba yin pas gsal bar ma bshad do/ /mi shes pa ni rmongs pa ste/ gdams ngag dang rgyud mtha' dag thos pa med pa nyid do/ /da ni 'khor lo bri ba bshad de/ de'i phyir/ 'khor lo rtsibs kyi nang rnams ni/de dang de dag gnyis su sbyar/ zhes pas/ ri mo rnam pa gsum du bya la/ gnyis su sbyor zhes pas 'khor lo nyis rim mo/ /de bzhin 'khor lo'i nang du yang / /zhes pa lte ba la'o/ /de ni 'khor lo'i dbus su yin pas nang ste de nyid kyi nang ni ma yin no/ /mtha' ni kun gyi mtha' ste/dbang la dri la bu dkrol ba'o/ /'khor lo'i mu ran nang dag tu/ /ces pa ni 'khor lo la khro bo dang de'i mthar ma mA dang / de nas ba sha ma na ya ho zhes pa ni man ngag go/ /mur na la zung gcig pa'i yi ge dang skul ba dag dang / /ho la sogs pa phye bas dgod de sgra ji bzhin pa'o//gzhan du na khro bo bzhi sum cu gnyis su rnam par gnas pa ste/ khro bo gshin rje gshed kyi sngags/ oM ya mAn+ta krid ya ma rA dza sa do me ya swA hA/ khro bo gzhan gyis mi thub pa'i sngags/ oM pradz+nyA n+ta kr-id ya me do ru Na yo da ya swA hA/ khro bo rta mgrin gyi sngags/ oM pad+mAn+ta kr-id ya da yo ni ra yak+she ya swA hA/ khro bo bdud rtsi 'khyil pa'i sngags/ oM bag+h+nIn+ta kr-id ya k+she ya ts+tsha ni ra ma ya swA hA/ zhes pa ni de dag dang bcas par bsnyen par gsungs pa yin no/ /de yang nyi ma bzhi bzhir bsnyen pa khri khri bya ba ni gdams ngag go//mi g.yo ba dang / 'dod pa'i rgyal po dang / dbyig pa sngon po dang / stobs po che dang / bzhi ni pho nya dang po ste/ ri mo rnam gsum yongs su zlum/ /dbus su pad+ma 'dab bzhi la/ /phyi ma dag la 'khor lo ni/ /drug drug rnam par mdzes par bri/ /'khor lo gnyis po la bri ba//yi ge sum cu rtsa gnyis dang / /de yis bshad pa'i tshig dag bri/ /'khor lo tha ma dri med la/ /ring po thung du zung gcig bri/ /de la dbang byed sngags kyang spel/ /zhes bshad pa ni/ khro bo rnam bzhi'i las te/ /rgyud gzhan las kyang bshad do//khro bo gnod mdzes dang / /gtsug tor 'khor los sgyur ba dang / /ki li rnam pa gnyis te bzhi ni/ ma grub na spogs pa'i cho ga ste/ 'khor lo de nyid la g.yas nas sngags de nyid bskor bar bri ba ste rim pa snga ma bzhin no/ /de yang 'khor lo la lha bzhir byed pas dbang bskur ro//gzhan ma tshang ba ni gzhan las shes par bya'o/ /de ni man ngag go/ /sku nas su ni bsgyur te zhes pa 'dir nyi ma rnam pa bzhi'i dus su khro bo re re'i rnam par bya'o/ /de yang dang po g.yon la/ de nas yang g.yon skor ro/ /mthar g.yas bskor te lha rnams so/ / tsham ngam ni gsal lo/ /gsang ba rtog pa ste le'u gnyis pa bshad pa'o// //de'i yon tan mtha' yas pa bstan pas 'dul bas de bstan pa'i phyir/ khro bo'i rgyal po'i dngos grub ni/ /sna tshogs thogs med tha dad pa/ /zhes gsungs pa ni/ khro bo ni rnam pa gnyis so//de dag nyid rgyal ba ste/ gnod pa la sogs pas brdzi bar mi nus pa'o/ /rab tu gsang ba'i sngags 'di ni/ /zhes pa ni/ badzra kro d+ha bi dza ya/ badzra kro d+ha nI la daN+DA ya/ badzra kro d+ha ya mAn+ta ka hUM/ badzra kro d+ha a tsa la aR+Ya ban+d+ha ban+d+ha/ badzra kro d+ha h+ya gr-I ba/ badzra kro d+ha a par/ ts+tshin+da ts+tshin+da/ badzra kro d+ha a mr-i ta kuN+Da li/ badzra kro d+ha trai lo kya bi dza ya/ suM b+ha ni suM b+ha/ uSh+NI Sha tsakra brti/ a mr-i tA ki lI ya/ badzra kro d+ha pa tra ya pa tA ya/ badzra tsaN+Da badzra/ badzra na lArka badzra/ badzro Sh+NI ShA badzra/ badzra kuN+Da li badzra/ badzra bi sha na badzra/ badzra ma hA pA lA badzra/ badzra ka ra la badzra badzra ya k+sha badzra/badzro Sh+NI sha tsa kra brti badzra/ badzra pa ta la badzra badzra kI la ya badzra/ badzra kI lA ya ma hA badzri ki lA ya/ zhes pa ste 'di dag la thog mar oM dang / mthar hUM gnyis phaT ces pa ni/ rang gi ming dang ldan pa'i sngags su bcom ldan 'das kyis sngags su gsungs so//de bzhin du hriH Sh+T+riH dang / ma mA ya/ bcom ldan 'das kyis sngags su bshad do/ /oM ni de'i thog mar zhes pa ni 'khor lo la bri pa'o/ /drag po'i tshig dang bral zhes pa tsheg drag dang ma sbyar ba'o/ /mnan pa zhes pa thig les brgyan pa'o/ /sngags rnams thams cad ces pa ma mA ya sogs pa'o//gsal byed pa zhes pa ni dbyangs kyi yi ge bcu gnyis sbyar ba ste/ gsal byed ces bzhi smras la 'dis shes byed pa mi gsal bar byas pa'o/ /snying gar 'dug ces pa 'dug go/ /dus gsum du zhag bdun byas na'o/ /ma mo'i gnas ni dur khrod do/ /nyi ma nub kyi bar khros shing dgra'i ming smos/bzlas zhes pa nyid ni nyi ma bzhir bzlas pa ste/ nyi ma nub nas mi bzlas so/ /zhes pa'o/ /de yang ma mo dang sha za nyi ma nub nas der song zhing / srog 'phrog par bsam mo/ /zhi ba'i cho ga mkhas pa yis/ /zhes pa ni ma mo'i gnas der ma mo bdag gi drung du bsams la/zhi ba'i sngags bzlas pa ste zhi bar 'gyur ro/ /gzhan dag rnam par gsal lo/ /le'u gsum pa gsang ba'i rtog par bshad pa'o// //da ni ha'i sgrub pa rab tu bshad de/ de'i phyir gsungs pa/ de nas gzhan yang mchog gyur pa/ /ha la sogs pa'i dkyil 'khor ni//de las mchog gyur gzhan med pa/ /zhes smos te/ de la 'khor lo dri ma med pa rtsibs bcu gnyis pa bris pa ni/ khro bo'i dngos grub rab tu stsol ba'i thabs myur ba'i phyir mchog tu 'gyur te de'i thabs te/ de nyid 'dod pa len pa dang 'dzin pa'i phyir te/ gang gis brten na des ni 'dod pa'i dgos pa de 'grub par byed pa'o/ /grub pa ni blangs pa'o/ /'phags pa'i dngos grub 'di'i sbyor bas blang bar rung ba ste/ rgyu'i ngo bo rnal 'byor dang ma 'brel kyang gnas pa ni 'dzin pa'o/ /de la/ dang por ha zhes gang bshad pa/ /zhes pa ni rnam par rgyal ba'o//bskul zhes pa 'phags pas so/ /gang ltar zhe na sngags byung bas snying bskul ba'o/ /sa bon thams cad ces pa khug shig pa'o/ /de nas thog mar bskul ba dang / /de bzhin don ni rim pa ru/ /khro bo yi ni rgyal po yi/ /zhes smos te/ thog mar zhes khug shig par ro//de nas bsreg par ro/ /de nas skrod par byed par ro/ /go rims kyi don bshad do/ /yi ge bcu gnyis des sbyar ba/ /zhes pa ni gsal byed de/ yal sogs pa brgyad pa'i sa bon de gnyis bcu gnyis dang / dbyangs kyi yi ge bcu gnyis su sbyar ba la thig les brgyan par bya'o//khro chen tshig gi dang por sbyar/ /zhes pa dngos gzhi ste/ rtsibs rnam pa bcu gnyis la khro bo rnam pa bcu gnyis su sbyar te/ gtso bor dgod par rab tu lhag pa'i lhar shes par bya'o/ /zung shig pa tshig gnyis pa/ zung drug 'khor lo'i mtha' mar dgod//ces ba ni zung drug tu sbyar ba la tshig bcu gnyis te/ dngos su khro bo rnam pa bcu gnyis so/ /'khor lo zhes rtsibs bcu gnyis so/ /de yang mthar gsal byed pho nya rnam pa bcu gnyis kyi sngags kyi gzhi yang dag par dgod pa'o/ /mtha' med pa yang mu ran dang / rtsibs kyi mig tu yod do//de'i phyir/ mu ran rtsibs kyi mig rnams su/ /zhes smos so/ /de yang sngags dgod pa yin pas/ sngags las byung ba zhes pa ni/ rang gi sa bon hUM las byung ba ste/ bcu gnyis kyi rgyu mtshan no/ /so so'i las la zhes pa ni/ las bcu gnyis la sogs pa mtha' yas kyang 'dir khro bos rnam par gzhag pas bcu gnyis te khug shig pa la sogs pa rnams so//de dag kyang mthar dgod pa'o/ /de nas yi ge dgod pa dang / sngags btu ba ni tshul bzhin bya/ /zhes pa ni 'khor lo bri ba'i thabs te/ nang gi lta ba la 'khor lo gsum gyis bskor pa'o//de yang man ngag las shes par bya'o/ /de dbus de bzhin gshegs pa yi/ /zhes pa ni/ 'phags pa 'jam dpal la bya'o/ /snying po'i rigs kyi mchog yi ge bcu gcig pa ni mtshan rjod par byed pa la gsungs so/ /de'i mthar ni sngags te las kyi sngags te bzhag go//tshig de yang 'dod pa bsgrub pa'i phyir sngags su bcom ldan 'das kyis gsungs so/ /de nas mur na gnyis pa la/ /zhes pa la/ ho dag dang haM la sogs pa ste/ de ni dgyes par byed pa mchod pa yin te/ des na snying por bshad la/ de'i dngos grub len pas dgongs pa ni zhabs kyis mnan ba ste/bde bar gshegs pa bya rgod kyi ri la dgyes shing der zhabs kyis bzhin no/ /khro bo zhabs kyis bcags byas pa/ /rtsibs rnams khro bo'i mthu dang ldan/ /zhes pa'i don de ltar ro/ /mu ran gsum dang dbus su de/ /zhes pa la lte ba dang 'dab ma gsum gyi sngags te/mtshan ma brjod pa mthu dang ldan pa rnams so/ /yi ge bcu gnyis rab sbyar ba/ khro bo chen po'i dbus nas zhes gsungs pa ni/ byed pa gsum pa'i stags kyi rten du spel bar bya la/ de'i mthar las kyi tshig dang / bskul ba'i sngags dgod cing bzlas pa yin no/ /de nas gsang sngags dgod pa las gzhan pho nya rab tu bstan pa'i phyir/khro bo du ma skul ba ste/ /thams cad kun du don rnams kun/ /grub pa'i phyir ni 'di la gnas/ /zhes pa smos te/ /du ma bskul zhes pa rnam pa bcu gnyis bka' sgo bar bya ste/ rang gi byin rlabs bdud rtsi 'khyil pa dang / khro bo dag gi las 'grub par byed pas ni/de'i phyir/ thams cad kun du don rnams kun/ grub pa'i phyir ni 'di la gnas/ /zhes gsungs so/ /de nas gzhan yang rim bzhin du/ /zhes pa la sogs pa smos te/ de la dang po'i ming ni khro bo 'bar ba'i phreng ba zhes pa ni/ rnam par rgyal ba ste/ 'gugs par byed pa'i byed pa po/ /kha dog dmar po spros pa yis/ /snying bskul na lcags kyu 'bar ba chen pos 'gugs par byed pa bskul bsngags so/ /rdo rje me yi rgyal po yin/ /zhes pa lho shar gyi dbyig pa sngon po 'jig pa'i me bzhin skems par byed pa yin te las so/ rab tu drag po'i shugs yin te/ /zhes pa ni khro bo ya mAn+ta ka ste/ gshin rje mthar byed pa rlung rab tu drag pa'i shugs che bas dngos po bskyod pa ltar 'dis yul gzhan du skrod pa'o/ /rab tu drag gnon stobs po che/ /zhes pa ni mi g.yo ba ste de'i stobs gyis gzhan gnon pa ni mi 'gul bar byed pa'o//rgya chen khro bo nyid yin te/ /zhes pa khro bo rta mgrin te/ rgya che ba'i srid pa dag 'khrug cing 'thab par byed pa'i phyir ro/ /drug pa gzhan gyis mi thub pa/ /zhes pa ni/ mthu khyad par du gyur pa nyid kyis gzhan rmongs par byed pa ni/ gzhan dregs pa can gyi mthu 'joms pa'i phyir ro//'jigs par byed pa zhes bshad pa/ /zhes pa ni/ khro bo bdud rtsi 'khyil pa ste/ gzhan dkon mchog la gnod pa skrag pa'i phyir 'jigs byed ces gsungs so/ /byang shar khro bo dril bu sgrogs/ /zhes pa ni khams gsum rnam par rgyal ba ste/dga' bar byed pa'i phyir sgrogs pa yin la 'jigs rten khams las kyang rgyal bas khams gsum rnam par rgyal ba'o/ /phongs pa sgrol ba dgu pa ste/ /zhes pa gnod mdzes stobs po che ste sa 'og gi gter gyis dbul ba 'joms pa'i phyir ro/ /rab tu 'joms pa bcu pa yin//zhes pa ni gtsug tor 'khor los sgyur bas gzhan 'joms pa'i phyir te las so/ /ki li zhes pa bzhag pa ni rnyil bar byed pa'i khro bo ste/ don yod grub pa'i rigs so/ /ki li chen po de bzhin gsungs/ /zhes pa ni 'di yang khro bo chen po phur pa can te/ zhugs par byed pa yin no/ /bcu gnyis su ni gsungs pa yin/ /zhes pa la sogs pa ni/ 'dir bcu gnyis ni rten cing 'brel par 'byung ba rnam par dag bas so/ /pho nya yin pa'i phyir snang byed de/ gtso bos kun bskul ba'i phyir na gnon pa yin no/ /'khod pa na/ bzhi pa dang gsum pa la'o//kun la bdud rtsi 'khyil pa'o/ /zhes pa dag ni kun gyi bcu gnyis so/ /de dag la bdud rtsi 'khyil pa dang sbyar te bsdus pa zhes pa'i don to/ /da ni sngags btu bar bya ba'i phyir gsungs pa/ gug skyed drug dang ldan par bya/ /zhes pa rgya cher smos te/ gug skyed ni dbyangs kyi yi ge dag go//sa bon snga ma ni ya la sogs pa'i'o/ /steng du thig le zhes pa ang ngo / /sa bon bdud rtsi zhes pa thig le ste bdud rtsi 'khyil pa'o/ /ha ni lhag pa ste/ gtso bo'o/ /dbyangs ni snang byed de/ khro bo gsum po sum cu rtsa drug gam/ bcu bzhi'o/ /dang po dkyil 'khor nang nas gcig /ces pa lte ba la mtshan rjod par byed pa'i mthar hUM dbyangs kyi drag pos zhugs pa drag por bri ba'o/ /don kun sgrub byed ces pa hUM gi mthar gsod pa ste mA ra ya dang de'i mthar phaT sbyar ba'o/ /'bar ba'i phreng bzhes pa khro bo de yang sbyar ba 'dra bar reg par bya'o//gnyis pa zhes pa ni bdud rtsi 'khyil pa nas yin la/ dngos su dang por shes par bya'o/ /lhag ma go sla'o/ /sa bon 'di dag rnams kyis bsgrags/ /zhes pa haM hAM la sogs pas sbyar bar rig par bya ba'o/ /khro bo'i rgyal po 'khor lo'i gnas/ /zhes pa lte bar gshin rje gshed bzhugs pa ste sngags so//de'i bsdus pa'i don ni 'di yin ta/ de nang mu ran gsum po dang / dbus kyi mu ran bzang por ldan/ /zhes pa la de zhes pa ka la dang / a dang haM la sogs pa'i 'khor lo de'i'o/ /mu ran gsum ni dril bu'i khyams dang / bdud rtsi 'khyil pa'i dang /snang byed kyi 'khor lo dang gsum mo/ /dbus ni ge sar dang lte ba'o/ /de yang mtshan brjod pa ste/ sgrub pa'i 'khor lor shes par bya'o/ /mtha' mu ran drug po ste/ rtsibs kyi zur drug rab bzang ba/ /zhes pa ni 'khor lo rtsibs bcu gnyis pa la haM la sogs pa dang /de'i grwar dbyangs yig bcu gnyis dang / de'i phyi skor la re'u mi gsum cu rtsa bzhi la/ kA li sum cu rtsa bzhi dang / de'i mthar pad+ma 'dab ma bcu gnyis pa bskul bar rnam par bri'o/ /yang na 'khor lo'i 'dab ma bcu gnyis la gsum gsum dang gcig la k+sha ste tshang du 'dug pa'o//bden pa gnyis gnyis su med pa'i ngo bo 'di dag ni 'dod pa'i don mtha' dag sgrub pa thabs dang shes rab las byung ba ste/ bdag med pa'i lha yin no/ /bsdus pa'i don no/ /zung drug 'khor lo'i mtha' mar dgod/ mu ran rtsibs kyi mig rnams su/sngags las byung ba re re'o/ /don rnams thams cad sgrub byed yin/ /bcu gnyis dag tu gsungs pa'i sngags/ /gnas su ji ltar bkod pa dag /so so'i las la sbyar bar bya/ /zhes pa'i bsdus pa'i don ni 'di yin te/ re'u mig dgu dang de'i phyi skor la zung drug ces pas 'khor lo bcu gnyis so//de la dbus su rlung gi sa bon dang / lho ru 'jam dpal rdo rje dang / /shar du dngos med yi ge dang / /byang du mkha' 'gro'i yi ge dang / /ma dang e ni bsdus nas su/ /nub kyi phyogs su mkhas pas gzhag /g.yon nas dgod pa'i rim pa yis//sngags las byung ba re re'o/ /me yi sa bon mdun du yin/ /de bzhin 'gro ba'i ming yig dang / /de nas khams te dbang chen dang / /rdzogs pa'i yi ge bzhi pa yi/ /gzugs dang yid gnyis drug par bshad/ /rnal 'byor ma dang nges pas bzung / / me yi bu dang rlung dang ni/ /sdud po nges dang bcu gnyis pa'o/ /bdun yig gsum gsum mkhas pas btu/ /zhes gsungs pa ni 'dir man ngag go/ /de ltar na bdun pa'i mtha' tsheg dang bcas pa ste/ bcu gnyis po kun gyi sngags so/ /bdud rtsi 'khyil pa ni phyogs bzhi po yin la/ rtsibs bcu gnyis ni snang byed du 'dir mkhas pas rig par bya'o/ /des na bdud rtsi 'khyil pa zlos bu'i nyes pa yang med la/ bdun pa yang yin zhing gnyis pa yang de nyid yin no/ /dang po dkyil 'khor nang nas gcig /ces pa nas 'bar ba zhes pa ni/ nang gi ya la sogs pa bcu gnyis so//sngags kyi mthar zhes pa de'i mthar ro/ /sa bon gnyis pa zhes pa yi ge ma'o/ /me rgyal ni me'i bu ste yi ge ra'o/ /gsum la zhes pa ni ya gsum pa'o/ /shugs drag ces pa ni to'o/ /khro bo che/ de ni stobs po che zhes gsungs/ zhes pa pha rol reg pas stobs che ba'i phyir me'o//drug pa 'khor lo zhes bya ba ni/ nang nas gcig blangs te to ni drug pa'o/ /mi thub khro bo zhes pa gzhan gyis thub par dka' bas te yi ge ya'o/ /'jigs pa zhes bya zhes pa ni/ 'jigs par byed pa'i yi ge da'o/ /zur du khro bo zhes pa ni/ byang shar du po'i yi ge yo yin no/ /dgu pa phongs pa zhes bya ni/ma nas te phongs pa sel ba'i sngags ya'o/ /rab 'joms pa zhes bsgrags pa zhes pa ni k+She ste des so/ /ki li zhes pa ni ki li ya ste ya'o/ /mthu khyad par gyur pas ni dngos grub rab tu ster ro/ /ki li chen po zhes pa ni ni ra ste yi ge ra'o/ /tsheg bcas ces pa ni de dag kun re rer dgod cing /re re rab tu ba'o/ /dang po ni 'khor lo bstan zhes pa ni mtha'i mu khyud gnyis te/ re'u mig nyi shu rtsa bzhi'o/ /khro bo bdud rtsi 'khyil pa dang / /khro bo'i rgyal po de las gzhan/ /zhes pa la/ bdud rtsi 'khyil pa ni yi ge phaT bzhi ste/ mtshon cha'i yi ge 'di gzhan dag gis gsad par mi nus pas 'chi ba med pa yin no//de las gzhan zhes pa/ de las 'phros pa'i mtshon cha sna tshogs pa dag go/ /da ni le'u lnga par gong gi sngags dgod pa rgyas par bshad par bya ste/ de'i phyir gsungs pa/ khro bo chen po gcig gi mthar/ /zhes pa la sogs pa gsungs te/ khro bo'i tshig ni yi ge sum cu rtsa gnyis so//bskul cig ces pa ni las kyi tshig go/ /bdud rtsi 'khyil pa ni mtshon cha'i yi ge'o/ /'bar phreng ni mtshon dang pho nya'o/ /dang po'i gnas bcu gnyis dag ni/ 'pho ba bcu gnyis la ste/ nyin 'pho ba drug la sngags khri dang brgyad brgya'o/ /nub 'pho ba drug la khri dang brgyad brgya ste/rab kyi tshad 'dis don nges pa ni man ngag la rag las pa yin no/ /bdag nyid kyis thos pa ni dang po'i sngags zhag gcig yin pas na/ gzhan zhag gsum ste/ de ltar na khri phrag brgyad dang / stong phrag drug dang bzhi brgya'o/ /'dir snang byed ni phyogs skyong ba bzhi'o//tsham ngam bcu gnyis ni las dang sbyar ba yin no/ /gzhan ma bkrol ba dag go sla bar shes so/ /cho ga shes pas zhes pa ni/ rnam pa bzhi ste/ lha rnam pa gsum bskyed cing sku rnam pa gsum rdzogs par bya ba dang gcig /de la gnas pas de dag la mchod pa bya ste/ rdzas rnams bsangs la/thog par sman a ka ru dang sbyar ba'am/ tsan+dan dang sbyar bar 'thor 'thung dbul te/ oM hUM pra ti dza swA hA/ de nas ar+g+ha dbul te/ oM hUM hri ka la ma tha na swA hA/ dri dbul ba/ oM hUM hri shri kha khA swA hA/ spos dbul ba/ oM hUM hraM du pa ri ka ha swA hA/ lha bshos dbul ba/ oM bi mAn+ta ka te jo ba len ni swA hA/mar me dbul ba/ oM hUM dzIM dzIM ha swA hA/ me tog dbul ba/ oM ka ra la rAd na ha swA hA/ zhes pa zhes bzhes bdag gis phul ba'i me tog 'di/ ar+g+ha 'di bzhes su gsol ba zhes su gsol/ gnyis po'o/ /yi ge hUM las byung ba yi/ phreng ba 'bigs pa'am/ 'dzin pa'am/'gugs pa dag gos kha sbyar dbye shing bsdus la/ ye shes sems dpa' phyung la rten med pa'i rnam par shes pa bdag gi rlung la zhon nas byung ba mtshan ma la bstim zhing bcug la/ mtshon cha 'am/ phur bur phreng ba gyur pa las gnod pa mtshan ma la bsam mo/ /bzlas pa ste/ gsum pa'o/ /'khrul 'khor gyi rim pa dag dang / mnan pa'am/ bsreg pa ni cho ga bzhi pa'o/ /khro bo rnam par rgyal ba'i zhes pa ni/ de'i rtog pa dang por gsungs pa'i khro bo rnams kyi las bshad pa'i las kyi rim pa'i cho ga rgyas pa nas bsdus pa'o/ /cho ga 'di ni zhes pa las bshad pa'o//de gsang ba ste de bas gsang ba 'khor lo'o/ /de bas mchog ni bzlas pa'o/ /khro bo rnam par rgyal ba'i rtog pa/ zhes pa 'jam dpal gyi ste/ de'i rigs kyi khro bo'i rtog pa ni de'i rtog pa'o/ /cho ga'i rim pa ste/ de'i las su gtogs pa 'khor lo'i sbyor ba ste/ le'u bzhi pa'i bshad pa'o// //'phags pa rdo rje khro bo'i sku mnga' shes rab mtshon char ldan/ /'gro ba byams pa'i thugs mnga' thugs rje kun la snyoms/ /de sras bdag la bdud rtsi skyed pa bla ma rin chen la/ /bdag gis mog yis bla ma'i zhabs la phyag 'tshal nas/ /'gro la phan phyir 'grel pa 'di byas pas//rtsa ba'i ltung bar gyur na bshags par bgyid/ /gal te 'di yis 'gro la phan gyur na/ /dge ba de kun bsdus te byang chub chen por bsngo/ /slob dpon lha spas kyis mdzad pa sgrub thabs kun gyi gter zhes bya ba'i 'grel pa rdzogs so// //rgya gar gyi mkhan po pad+ma ka ra warma dang /zhu chen gyi lo tsA ba rig pa gzhon nus bsgyur cing zhus te gtan la phab pa'o// //lho phyogs kyi yul be tar sku 'khrungs pa/ rnal 'byor gyi dbang phyug chen po slob dpon gyi mchog klu sgrub kyi zhal snga nas bsdus pa'o/ /