CLOSE WINDOW

D2664
བོད་ཡིག

@##/ /rgya gar skad du/ ma hA bai ro tsa na a b+hi saM bod+hi saM bo d+ha pU dza bi d+hiH/ bod skad du/ rnam par snang mdzad chen po mngon par byang chub par gtogs pa'i mchod pa'i cho ga /pad+ma rgyas 'dra'i spyan mda' rdzogs sangs rgyas/ /rnam par snang mdzad ces bya la btud de//rnam par snang mdzad las kyi mchod pa yi/ /thabs kyi cho ga btud de bshad par bya/ /ji ltar sngags kyi cho ga'i go rims gyur/ /ji ltar rang sems dri ma med 'gyur ba/ /de ltar mdor bsdus pa ni 'di bya'o/ /de la dang por bdag gzhan don grub pa'i/ /bla med dngos grub mchog gi thabs dang ni//de thob bya ba'i thabs ni rnam mang la'ang / /dngos grub thob par 'dod pa bskyed par bya/ /don kun grub pa'i mchog ni stsol mdzad pa/ /sangs rgyas rnams dang sangs rgyas sras mchog nyid/ /de yi bdag nyid gyur ba'i sngags tshul dang / /sna tshogs tshul du gnas pa'i phyag rgya dang //lhag par gsang sngags tshul gyi gtso bo ni/ /rgya chen theg pa la ni mos bskyed de/ /sems can mos pa che 'bring chung ngu la/ /de thob cho ga'ang 'bad de nges par bstan/ /rgyal bas 'di dag bskyab pa'i don dgongs pas/ /'gro drug 'khor lo can la'ang ci rigs par//gus pa sngon du 'gro bar nges bya ste/ /'di la sems ni dang ba rnam par bskyed/ /de nas gzhan yang theg pa mchog la ni/ /sngags mchog spyod pa'i 'dul ba'i cho ga shes/ /bde gshegs sras kyi spyod pa'i rjes 'jug cing / /bla med sngags kyi tshul la 'jug par bya//sbyor ba phun tshogs bsgrubs par gyur pa dang / /dbang bskur thob cing rjes su shes pa dang / /gzhan don sgrub la gcig tu gzhol gyur pas/ /bla ma mthong na gus pas phyag bya'o/ /ston pa bzhin du rab dang gus bskyed cing / /dge ba'i bshes dang mdza' po mchog bzhin blta//lhag par mos pa'i khyad par bskyed nas ni/ /de mnyes byas te de nas de rdzas spyad/ /rjes su brtse phyir de la mngon phyogs shing / /bsnyen bkur dag gis yid ni mgu bar bya/ /btud de mgon po de dbang byas bdag la/ / stsol zhes bde gshegs spyod mchog gsol ba gdab/ /thugs rjes 'byung stsogs dkyil 'khor bzang por ni/ /cho gas dkyil 'khor mchog der zhugs nas su/ /dam tshig dam pa ci rigs blangs nas su/ /rang sngags phyag rgya dag tu bcas pa ni/ /bla ma mngon du gyur las yang dag mnos//dam tshig mchog tu sgrub cing bsrung ba dang / /'phel bar bya ba la yang rjes 'bad bya/ /de la tshul 'di las ni ston pa yis/ /gsang sngags spyod mchog dam tshig yang dag gzung / /blo chung rnams la brtsi phyir bshad pa ni/ /cho ga ji bzhin rim bzhin rnam par dbye//bcom ldan kun la phan don mchog mdzad pa'i/ /sangs rgyas rnams dang sangs rgyas sras mchog dang / /de yi sngags dang phyag rgya lha rnams dang / /theg mchog sngags kyi tshul la khyad par du'o/ /sngags kyi don la 'jug byed bla ma la'ang / / gus min mi bya brnyas pa'ang bya ba min/ /gzhan don phun tshogs 'byung ba'i rgyud gyur pa/ /sangs rgyas la stsol yongs su spang mi bya/ /bdag nyid che ba'i yon tan sngon 'gro bas/ /rjes su dran pa'ang rgyun du bsten par bya/ /mnyes par bya zhing dad pas mchod pa la/ /ci rigs par ni rjes su spyad par bya//rang sangs rgyas dang de bzhin nyan thos dang / /de yi tshul du bstan pa'i chos rnams dang / /bslab pa rab ster slob dpon bla ma gzhan/ /tshangs par spyod bar bcas la'ang brnyas mi bya/ /de rnams la ni rim gro ci rigs par/ /dus dang dus rtag tu ni bya ba yin//gang yang byis pa'i chos kyis spyod pa dang / /khong khro'ang sangs rgyas la stsogs bya ba min/ /gang phyir 'jig rten don mdzad spyod mdzad pas/ /mdo las khong khro don chen 'joms gsungs te/ /sems bskyed gcig gis bskal pa bye bar ni/ /byas pa ma lus 'joms par byad par gsungs//de bas phung khrol gnas dang rtsa rgyur pa/ /khro bo 'bad de rnams bar spang bar bya/ /byang chub sems ni rin chen mchog gyur pa/ /'jig rten 'jig rten 'das pa'i phun tshogs dang / /rang don gzhan don phun tshogs rgyur gyur cing //the tshom nges par 'jig pa'i mtha' gcig pu/ /de ni srog pas lhag par bsrung bya zhing / /bdag nyid che ba'i yon tan gang yin bsgom/ /lus dang ngag dang yid kyis sems can la/ /gnod par gyur pa chung ngu'ang rnam par spang / /gzhan du de la phan pa'i don 'gyur phyir/ / snying rje bskyed de khro ba bstan par bya/ /gnod pa byed pa la yang sems 'tshe ba/ rnam spang bzod la'ang rtag tu dga' bar bya/ /snying rje byams dang dga' ba'i sems dang ni/ /btang snyoms dang yang ldan par bsgom par bya/ /chos dang zang zing mi 'jigs sbyin pa ni/ /ci rigs 'gro don bsgrub pa nyid du bya//don chen bsgrub dang ldan pa'i sems kyis ni/ /dus gzhan dag tu btang snyoms nyid du bya/ /'gro la phan pa'i don ni mi nus na/ /byang chub sems ni cho ga bzhin du bsgom/ /der ni chos rnams thams cad 'dus gyur cing / /rtag tu dkar zhing rnam par dag par bshad//sbyin stsogs bsdu ba'i dngos po rnams kyis kyang / /sems can yang dag bsdus te theg mchog la/ /des sbyar 'dzin dang bklag par bya ba dang / /de don sgom zhing bsam par bya ba yin/ /mkhas pas mig stsogs drug po des gzung zhing / / mnyam gzhag yid ni zhi zhing spang bar bya/ /gang phyir chang ni don kun 'jig byed cing / /mi dge kun gyi rtsa bar 'gyur pas spang / dug dang mtshon dang lce 'bab lta bu'i sems/ /de ni shin tu ring ba'ang spang bar bya/ /mdor na bdag dang gzhan don 'jig pa gang / /de ni rab tu rgyang bsring spang bar bya//mal khri mchog ldan rnam par spang bya ste/ /rgyal bas de ni dregs gnas yin par gsungs/ /tshul mchog yang dag dam pa'i rim bzhin du/ /mdor bsdus nas ni bstan pa 'di yin te/ /'di ni rnam dbye rab rgyas des pa yis/ /gtso bos mdo sde la stsogs gsungs pa yin//de ltar yang dag dam tshig la gnas pa'i/ /de nyams 'gyur rgyu rnam par spang bya ste/ /sems ngan le lo dran pa brjed pa dang / skye bo ngan pa 'dres pa rtag tu spang / /de ltar yang dag dam tshig gnas pa yi/ /sngags mchog spyod sgos byang chub spyod pa yi//rgyun tu sgrib pa rnams ni zad phyir dang / /bsod nams la stsogs tshogs rnams rnam 'phel phyir/ /tshe 'di nyid du gsang sngags grub par ni/ /ji ltar 'gyur zhes rnam par bsam byas la/ /de bsgrub don du rung bar bdag mthong nas/ /bla ma las ni rim pa yang dag mnod//ji skad bshad rig cho ga'i rim gyis ni/ /de nas gsang sngags la stsogs spyod la sbyar/ /bla ma phyag byas bdag nyid dbang bskur nas/ sngags don legs par bsgrub phyir gsol ba gdab/ /blo ldan bla mas gnang bar byas nas ni/ /rjes su mthun pa'i yul du gnas par bya//sna tshogs ri dang ri sul dag dang ni/ phug dang nags tshul rnam pa sna tshogs dang / /bde ba thams cad 'byung ba'i gnas rnams dang / /pad+ma ut+pal kha byes brgyan pa dang / /chu bo chu bran chu mig mang ba dang / /skye bo la stsogs 'dus pa rnam spangs shing //yid 'ong shing gi yal gar ldan pa dang / /gang na ya ma shing ku sha la stsogs mang / /sbrang ma tsha grang la stsogs rnams dang bral/ /gang na stag dang seng ge med ba dang / /gang zhig sangs rgyas sangs rgyas sras mchog gi/ /gnas gyur sngon ni bsten par mdzad pa dang //gtsug lag khang dang mchod rten gnas gyur ba/ /yid ni dga' bar legs par gnas par bya/ /'bad de 'dod las sems pa rnam bzlog cing / /khyim pa rab byung 'dre ba rnam spangs te/ /chos la shin tu dga' ba bskyed nas ni/ /sems ni dngos grub la 'dod spro ba skyed//blo ni shin tu spro bar ldan pa dang / /bkres skom ngal la stsogs pas mi zhum par/ /'tsho ba rnam dag grogs bzang grogs med par/ /dam chos glegs bam gnyis pa nyid la brtag /sangs rgyas sras kyi spyod yul rjes 'jug cing / /sngags mchog theg la'ang mos pa brtan pa dang //spro ba dang ni blo mchog stobs ldan zhing / /brtan ldan dgos pa la ni ltos med sems/ /snying stobs ldan zhing rab brtse'i rjes su 'jug /mthong ba'i chos la rang gzhan don bsgrub la/ /lha gzhan bsten par mi byed 'jigs med pa/ / de ni grogs po yin par yongs su bsgrags/ /sngags kyi spyod pa'i bslab pa'i gnas bstan pa ste le'u dang po'o// //gnas byas der ni sgrub pa po de yis/ /dbang po brtan pas da ni nyin re zhing / /thog mar ram sngar gnas mal las langs nas/ /des ni bgegs kyi dkyil 'khor ma lus bsal//mtshan mo bag med nyes byas nang par ni/ /'bad de cho ga de bzhin gshegs la 'jug /dbang po zhi zhing phan sems snying rje can/ /'gro ba ma lus gdon pa'i yid gcig ldan/ /khrus kyi cho ga bzhin du khrus byas pa'am/ /rang gi lus dang ngag sems rnam dag pas//gtsang zhing dben pa'i sa yi phyogs su ni/ /me tog la sogs chal bar legs bkram par/ /ras ris la stsogs dam chos glegs bam bdun/ /yang na phyogs bcur bzhugs pa'i mgon po bsam/ /de nas mkhas pas shang la stsogs bltas te//yid kyis mngon sum bzhin du bsams nas ni/ /dad pa gcig tu gzhol ba'i sems kyis ni/ /'dud pa'i sbyor bas yan lag lngas phyag byas/ /phyogs bcu dag na bzhugs pa'i sangs rgyas ni/ /dus gsum 'khrungs shing sku mchog gsum mnga' ba//tshul gyi rab mchog theg chen chos dang ni/ /de bzhin byang chub thugs ldan dge 'dun mchog /rig pa'i tshogs dang gsang sngags tshogs rnams dang / /phyag rgya'i tshogs rnams 'dus tshogs mthar phyin la/ /brjod kyis mi lang bsdus pa'i sbyor ba yis/ / rang lus ngag sems dag pas phyag 'tshal lo/ /oM na maH sarba ta thA ga ta kA ya bAk+tsit+ta pA da ban+da nAM ka ro mi zhes phyag 'tshal ba'i sbyor ba'o/ /sdig las ldog pa'i sems kyis thal sbyar te/ /pus mo g.yas pa'i lha nga sar btsugs nas/ /sdig pa'i tshogs rnams bsags pa bshags bgyi ste//'dod chags zhe sdang rnam par rmongs sems kyis/ /lus dang ngag dang yid kyis gang byas dang / /sangs rgyas chos dang tshogs bcas la gang byas/ /srog chags tshogs gtogs gzhan yang gang byas dang / /gang yang pha ma slob dpon ston pa la/thog med 'khor ba'i 'gro bar gtogs pa yi/ /byas pa'i nyes byas mi gzung ma lus 'di/ /gang zhig phyogs bcu'i 'jig rten khams rnams na/ /bzhugs pa'i rgyal ba'i spyan sngar bshags par bgyi/ /oM sarba pA paM s+pho Ta da ha na badzra Ni swA hA/sdig bsal ba'i sbyor ba'o/ /sku gsum mnga' ba'i dus gsum sangs rgyas dang / /chos rnams kun dang byang chub sems mchog dang / /gang yang phyogs bcur bzhugs pa'i ston pa la/ /de la thal mo sbyar te skyabs su mchi/ /oM sarba bud+d+ha bo d+hi sa twaM/ sha ra NaM gats+tsha mi badzra d+harma hrIH/skyabs su 'gro ba'i sbyor ba'o/ /dus gsum 'byung ba'i lus dang ngag dang yid/ /zhing las lhag pa'i lus kyi rgya mtsho'i tshogs/ /skyon med bdag nyid rnam par dag pa yi/ /bdag nyid bde gshegs kun la dbul bar bgyi/ /oM sarba ta thA ga ta pU dza pra brta nA ya At+ma nAM/sarba ta thA ga ta shrI ad+hi tiSh+Tha taM/ sarba ta thA ga ta dz+nyA nAM me a b+hi Sha tu/ bdag dbul ba'i sbyor ba'o/ /skye stsogs sdug bsngal rnams kyis nyer gtses shing / /mi shes log pas nyes bcom bdag nyid can/ /srog chags rnams la phan phyir byang chub sems//rin chen mchog gyur bdag gis bskyed par bgyi/ /rtag tu srog chags rnams kyi skyabs dang ni/ /gnas dang dpung gnyen skyob pa nyid gyur cig /oM bod+hi tsit+taM ut+pA da yA mi/ sarba b+ha ba bi ga ta skan+d+ha d+hA twA ya ta na grA h+ya grA ha kai sh+tsa bi brdzi taM d+ha ma nai rAt+m+ya sa ma tA/ yA swa tsit+ta mA d+yA nut+pa n+naM shUn+ya tA swa b+hA baM ya thA te/bud+d+ha b+ha ga bad+d+haH bod+hi sa twaiH yA bad bo d+hi maN+Da nang bo d+hi tsit+ta mut+pa tI taM ta thA haM saM a ba bo d+hi tsit+ta ut+pAd yA mi/ byang chub sems kyi sbyor ba'o/ sangs rgyas rnams dang byang chub sems dpa' ni/ /sna tshogs thams cad mkhas pas phan mdzad dang //phyogs bcu'i 'jig rten dag na gang dag gzhan/ /bsod nams byed pa de la yi rang ngo / /oM sarba ta thA ga ta pun+ya dz+nyA na a nu mo da na pU dza me g+ha sa mu dra spa ra Na sa ma ye hUM/ rjes su yi rang ba'i sbyor ba'o/ /sangs rgyas kun dang byang chub sems dpa' ni/ /'gro ba'i skyabs gyur pa la gsol ba ni//phyogs bcu'i sems can ji snyed thams cad la/ /chos kyi sprin las char chen dbab tu gsol/ /oM sarba ta thA ga ta ad+hi Sh+Tha na pU dza me g+ha sa mu dra s+pha ra Na sa ma ye hUM/ bskul ba'i sbyor ba'o/ /so so skye bo'i sa dang nyes byas rnams/ /ma lus par ni myur du spangs nas ni//skyon med chos kyi sku ni rnam dag par/ /bshad pa myur du rtogs par nyid mdzod cig /oM sarba ta thA ga ta na/ a de sha ya me/ sarba satwa he twa r+thA ya/ d+harma d+ha to/ /s+thI tir+b+ha ba tu/ gsol ba gdab pa'i sbyor ba'o/ /sems can thams cad la ni phan pa'i phyir/ /bdag gis dge ba gang dag ci bsags pa//skye ba la stsogs sdug bsngal thams cad ni/ /nye bar zhi phyir bdag gis bsngo bar bgyi/ /oM sarba ta thA ga ta puN+ya nir+yA ta yA mi pU dza me g+has mu dra s+pha ra Na sa ma ye hUM/ bsngo ba'i sbyor ba'o/ /nus pa la ltos gang cung zad/ /phyag la stsogs pa gang byas pa//bya ba de ni dag phyir dang / /rang gzhan rjes su gzung phyir ro/ /de ltar sems kyi 'jug pa rnam dag pas/ /ji ltar rigs par skyil krung bcas nas ni/ /dam tshig gsum zhes bya ba'i rgya bcings nas/ /lus dang ngag dang yid ni rnam par spyad/ /de la 'di yi mtshan nyid ni//kun gyis gsungs pa las shes bya/ /thal mo sbyar ba byas nas ni/ /mthe bong gnyis ni bsgreng bar bya/ /yan lag kun la mnyam sbyar te/ /gsang sngags 'di yang brjod par bya/ /na maH sarba ta thA ga te b+h+yo/ /bi shwa mu khe b+h+yaH oM a sa me tri sa me sa ma ye swA hA/'di'i cho ga ni lan gsum du brjod do/ /rgyud gsungs phyag rgya gzhan gyi yang / /mtshan nyid rim pa gang yin pa/ /gsang sngags bsgrub la brtson pa yi/ /sngags spyod pa yis shes par bya/ /phyag rgya 'di ni bcings tsam gyis/ /sangs rgyas rnams ni sbyong byed yin//sa dang pha rol phyin bskong zhing / /chos gsum lam gyis mtshams 'dzin pa'o/ /chos kyi dbyings las yang dag dbyung / /de bas phyag rgya nges par bcing / /lus dang ngag yid rnam par dag /rang gi lus ni yongs bsgyur phyir/ / lag pa dag ni gnyi ga yang / /khu tshur bcangs la mthe bong sba/ /mdzub gnyis bsgreng bar byas pa 'di/ /rgya 'di phyag rgya chen po ste/ /chos dbyings rnam sbyong phyag rgya'o/ /de yi sngags ni 'di yin te/ /na maH sa man+ta bud+d+hA nAM/ d+harma d+hA tu swa b+hA ba At+ma kou0f85haM/chos kyi dbyings kyi rang bzhin dang / /rang gi lus ni mnyam bsams te/ /mthar ni tshig ni 'di dag kyang / /lan gsum brjod de sbyar bar bya/ /dper na rdul med nam mkha' bzhin/ /chos kyi sku la gnas par mthong / /'di yis byin brlabs sngags pa ni//phyag rgya sngags kyi mthu nyid yin/ /brtan par bya ba'i rgyu ru ni/ /rdo rje ngo bor rnam par bsam/ /rdo rje'i phyag rgya 'di bcings nas/ /gsang sngags 'di yang brjod par bya/ /de bzhin du lag pa gnyis kyi rgyab sbrad de sor mo thams cad kun bsnol la mthe bong gnyis bzlog ste sprad par bya'o//rgya mchog dpal dang ldan pa 'di/ /chos kyi 'khor lo zhes su bsgrags/ /'jig rten mgon po skyob pa yis/ /'khor lo rab tu 'di bskor ro/ /sngags dang phyag rgya'i mthu dag kyang / /de ltar sgrub pa pos mngon na/ /rtag tu 'khor los sgyur 'dra zhing //chos kyi 'khor lo rab skor byed/ /de la phyag rgya de'i gsang sngags ni 'di yin te/ na maH sa man+ta badzrA NAM/ badzra At+ma kou0f85haM/ rdo rje sems dpa' bdag 'dra zhes/ /shin tu mnyam gzhag bsgoms na ni/ /rdo rje sems dpa' bdud tshogs kyis/ /mthong bar ' gyur bar the tshom med//de nas sngags dang phyag rgya yis/ /cho ga bzhin du go bgos te/ /rang lus 'od zer 'bar ba yi/ /rdo rje go cha bsgom par bya/ /bgegs dang log 'dren mi bzad dang / /gang gzhan sdig pa'i sems ldan pas/ /rdo rje lta bur de mthong nas/ /gdug pa'i bdag nyid can rnams 'byer//de la 'di'i phyag rgya dang sngags ni 'di yin te/ thal mo sbyar nas mdzub mo gnyis kyis phyi rol nas dkris la/ mthe bong gnyis gzhag pa ni/ rdo rje go cha'i phyag rgya'o/ /namaH sa man+ta badzrA NAM/ oM badzra ka ba tsa hUM/ yi ge ra ni kha dog dkar//thig le yis ni rnam brgyan pa/ /dpa' bos gtsug gi nor bu bzhin/ /de ni rang gi spyi bor bsam/ /na maH sa man+ta bud+d+hA nAM raM/ gal te sdig pa'i las rnams ni/ /bskal pa brgyar ni bsags gyur kyang / /nyes pa thams cad byang 'gyur zhing / /bsod nams ye shes dag kyang rdzogs//chos kyi dbyings kyi sngags 'di ni/ /sdig pa thams cad zad byed pa/ /mi ldog pa yi sa dag kyang / /'di yis myur du thob par byed/ /kha dog dmar shing shas cher 'bar/ /'od zer 'bar ba 'khrigs pa'i 'od/ /smos pa'i bya ba thams cad la/ /'di nyid nges par sbyar bar bya//de nas bgegs ni gzhig pa'i phyir/ /bsrung chen 'di ni dran byas te/ /mi bzang ces pa'i bsrung ba 'di/ /bgegs chen zlog par byed pa yin/ /na maH sarba ta thA ga te b+h+yaH sarba b+ha ya bi ga te b+h+yo/ /bi shwa mu khe b+h+yaH/ sarba thA haM khaM rak+Sha ma hA ba le/ sarba ta thA ga ta puN+ya ni rdza te/hUM hUM tra Ta tra Ta/ a pra ti ha te swA hA/ bgegs dang log 'dren thams cad dang / /srin po mi bzad gzugs can rnams/ /'di ni dran pa tsam gyis su/ /de dag thams cad 'byer bar 'gyur/ /spyod pa dag pa spel ba dang / /bsrung ba bstan pa ste le'u gnyis pa'o// //de ltar bdag nyid legs par sbyangs nas ni/ /rang gi sngags kyis bdag po'i mdun bsams la/ /sngags kyi sbyor bas cho ga bzhin spyan drangs/ /de la dang por dam tshig bstan par bya/ /sngags kyi sbyor ba 'phags pa mi g.yo ba'i/ /ral gri'i phyag rgya bcas pas bges rnams bsal//phyag byas cho ga bzhin du mchod yon dbul/ /gsang sngags mchog gis gdan yang bstab par bya/ /de nas sangs rgyas byang chub sems dpa' mchog /grangs 'das rnams kyis yongs su bskor bar bsam/ / 'phags pa mi g.yo mgon gyis sngar bsangs shing / /sngags kyi sbyor bas bskrad dang sbyang ba dang / rang rang sngags kyis rnam par byin brlabs pa'i/ /me tog la stsogs mchod pas de 'og mchod/ /de la go rims 'di yin te/ /'od zer 'bar bas khyab pa'i mchog / nyi ma 'char ka lta bu'i mdog /yi ge ra ni thig ler bcas/ /rgyas par mdun du bsam par bya/ /rdul dang bral zhes 'di yi ni/ /sgra yis de nyid rnam bsams la/ /chos kun 'dod chags la stsogs pa'i/ /rdul bral yin zhes brjod par bya/ /sems kyi sa ni dag pa'i bdag /de 'og sa la 'jug par bya/ /zug rngu'i nyes pa rnam sbyangs 'di/ /nam mkha' 'dra bar sbyang bar bya/ /mnyam par gyur pa'i sa de ni/ /rdo rje lta bur yang dag gnas/ /sa yi 'og gzhir legs gnas pa'i/ /rlung gi dkyil 'khor bsam pa ni/ /'od zer nag po 'phro bcas pa'i//yi ge has ni legs mnan pa'o/ /na maH sa man+ta badzrA NAM haM/ de nas de steng chu'i dkyil 'khor/ /shel dang 'dra ba'i 'od 'dra ba'i/ /yi ge bas ni legs mnan pa'o/ /na maH sa man+ta bud+d+hA nAM paM/ de nas chu yi steng gnas pa'i/ /gser gyis gzhi bsgom pa ni/ / gru bzhi kha dog ser por snang / /dang po'i yi ges legs mnan pa'o/ /na maH sa man+ta bud+d+hA nA a/ dkyil 'khor btso ma'i gser 'dra la/ /'od zer gser gyi mdog 'dra ba/ /kun nas rnam par 'phro ba ni/ /dbang chen zhes ni bshad pa yin/ /sangs rgyas sras dang bcas pa yi//bzhugs gnas de ltar bsams nas ni/ /de nas pad+ma bsam byas te/ /yu ba rdo rje yid las byung / /rin chen sna tshogs rnams kyi dbus/ /'dab ma brgyad pa ge sar bcas/ /kha bye 'od zer mang por ldan/ /pad+ma bye bas yongs bskor ba'o/ / de nas de steng gdan chen po/ /seng ges bteg par bsam par bya/ /de nas gzhal yas khang chen te/ /rin chen rnam pa sna tshogs kyis/ /brgyan pa'i ka bas bteg pa dang / /gdugs dang rgyal mtshan rnams kyis khyab/ /mu tig dra ba stsogs kyis brgyan/ /rin chen chun 'phyang rnams kyis spud//me tog sprin ni bzang pos g.yogs/ /dri dang spos kyis phan tshun khyab/ /me tog la sogs tshogs rnams ni/ /khor yug kun du khyab par gyur/ /der ni glu gar rol mo rnams/ /mngon par dga' ba'i yon tan 'bar/ /rin chen bum pa mchod yon snod//gzhal yas khang bzangs de ru bsam/ /rin chen shing la stsogs pas brgyan/ /nor bu'i 'od kyis rnam par gsal/ /ting 'dzin gzungs dang sa dang ni/ /dbang stsogs lha mo rnams kyis bsten/ /sangs rgyas pha rol phyin stsogs dang / / byang chub yan lag me tog 'bar/ /gar byed rol mo brdung ba dang / /yid 'phrog snyan pa'i glu dang ldan/ /mgon po bdag gi bsod nams dang / /sangs rgyas byin brlabs gzi can dang / /de bzhin chos kyi dbyings stobs kyis/ /mchod ba yang dag gnas gyur cig /na maH sarba ta thA ga ta b+h+yo bi shwa mu khe b+h+yaH oM sarba thA khaM/ ud+ga te s+pha ra Na i maM ga ga na khaM swA hA/ 'di'i cho ga ni lan mang du brjod pa yin no/ /'di yis byin gyis brlabs na kun/ /slar yang log par 'gyur ma yin/ /phyag 'tshal thal mo las sor bar/ /phan tshun gcer 'di byin rlob rgya//chos rnams thams cad ma skyes shing / /gzod nas zhi ba'i ngo bo nyid/ /de nyid 'di ni bsams nas su/ /yi ge a ni de ru dgod/ /yi ge a de gyur pa las/ /thub chen rnam par snang mdzad ni/ /'jig rten khams ni ma lus par/ /'od kyi phreng ba rnam par 'gyed//sems can khams ni dpag med pa/ /bsam pa ji bzhin bskul mdzad pa/ /'jig rten khams ni stong phrag tu/ /dkyil 'khor rgya cher khyab par mdzad/ /sku gsung thugs ni thams cad du/ /rtag par gnas pa'i thugs dang ldan/ /dpa' bo 'dzam bu'i gser 'dra zhing //kun du snang bar mdzad pa po/ /dpa' bo'i skyil krung bcas nas ni/ /ting nge 'dzin bzhugs nyes pa bcom/ /stod g.yogs dar dkar la mnabs shing / /ral pa thor tshugs dag gis brgyan/ /yang na 'dir ni ra bkod la/ /skyes mchog shAkya thub pa bsam//dpa' bo chos gos mnabs pa dang / /mtshan mchog sum cu gnyis mnga' ba'o/ /na maH sa man+ta bud+d+hA nAM ra/ gnas ni yongs su gyur pa dang / /de bzhin 'jig rten snang mdzad de/ /sku gcig dang ni gnyis nyid dam/ /sku kun dang ni rjes su ldan/ blo dang ldan pas 'jug pa dang / /'byung ba'ang de bzhin bsam par bya/ /bcom ldan g.yas kyi pad+ma la/ /rang rig lha mo dgod par bya/ /g.yon du rdo rje 'dzin la stsogs/ /bzhugs par yang ni bsam par bya/ /nye 'khor pad+ma gzhan dag la/ /byang chub sems dpa'i tshogs chen po//gzhan gyi don ni mdzad par brtson/ /mi ldog tshogs ni blo yis bsam/ /de nas g.yas kyi 'og logs su/ /zlos pa de ni rnam par dag /yang na de dbus 'jam dbyangs stsogs/ /yi ge yongs su gyur pa yis/ /gnas la de ni rim bzhin du//rnam par bsam par bya ba yin/ /de la 'di'i yi ge'i cho ga ni 'di yin te/ na maH sa man+ta bud+d+hA nAM maM/ spyan ras gzigs sam rdo rje sems/ /byams pa dang ni bzang zhes bya/ /rnam par sel lam sa nyid dam/ /spyan dang na bza' dkar mo dang / / sgrol ma khro gnyer can nyid dang / /mA ma kI dang lu gu rgyud/ /'khor los sgyur dang rta mgrin dang / /gnod mdzes bran pho bran mo dang / /khro bo pho nya pho nya mo/ /tshogs dang rgyal po rgyal mo dang / /yongs su gyur pa'i cho ga yis/ /ci 'dod par ni bsam par bya/ /de nas rang sems dpa' ba'i phyir//phyi yi me tog la sogs tshogs/ /mchod yon zhabs bsil la sogs pa/ /cho ga bzhin du yongs su brtags/ /mi g.yo bas ni yongs sbyar zhing / /bsad dang bskrad dang sbar ba dang / /yongs su bzlas te byin brlabs la/ /bdag nyid kyang ni bsrung bar bya//khams gsum rnam rgyal la stsogs pas/ /mtshams dang phyogs dang nam mkha' bcings/ /de nas rang rang phyag rgya dang / /sngags kyis spyan ni drang par bya/ /yang na spyi yi gsang sngags kyi/ /sbyor ba 'di dang ldan par bya/ /de la 'di ni 'phags pa mi g.yo ba'i sngags dang phyag rgya yin te/na maH sa man+ta badzrA NAM/ tsaN+Da ma hA ro Sha Na spo Ta ya hUM tra Ta haM maM/ 'di'i cho ga 'di lan gsum du brjod pa'o/ /phyag rgya ni lag pa g.yon pa khu tshur bcangs la/ mdzub mo dang gung mo brkyang la/ srin lag dang mthe'u chung gi rtse mo mthe bos mnan la/lag pa g.yas pa de bzhin du ral gri lta bur byas la/ lag pa g.yon pa'i lag mthil du bcug ste/ ral gri shubs su bcugs pa las drangs pa lta bu ni mi g.yo mgon gyi phyag rgya yin te/ de kun du bskor la me tog la stsogs pa yang de nyid kyis reg par byas na/bskrad pa la stsogs pa byas par 'gyur ro/ /ral gri shubs nas drangs la bskrad pa la g.yon phyogs nas bskor te phyi rol du tsham ngam bya ba bstan par bya'o/ /phyogs dang mtshams bcings pa ni g.yas nas bskor bar bya'o/ /bya ba gzhan dang gzhan dag dang //mi bzad 'jigs pa sna tshogs dang / bgegs la stsogs pa bzlog pa'i phyir/ /'di dag nyid ni nges par sbyar/ /de nas spyan drang ba'i sngags dang phyag rgya'i sbyor ba bya ste/ sras bcas sangs rgyas thams cad ni/ rang gi dam tshig nyid kyis spyon//de la 'di'i cho ga ni/ na maH sa man+ta bud+d+hA nAM/ a ba sarba tra a pra ti ha ta/ ta thA ga ta ad+shu sha/ /bo d+hi tsaR+Ya ba ri pU ra ka swA hA/ 'di'i cho ga ni lan bdun brjod pa'o/ /'di'i phyag rgya ni de bzhin du lag gnyis gcig tu sbyar la khu tshur byas te lag pa g.yas pa'i mdzub mo brkyang ste/tshigs gsum bkug la lhag ma gdu bu'i tshul du gzhag pa'o/ /sangs rgyas skyob pa thams cad kyi/ /'di ni lcags kyu yin par bshad/ /sa bcu dag la gnas pa yi/ /byang chub sems dpa' bdag nyid che/ /gang gzhan gdug pa'i sems ldan pa'i//thams cad 'dis ni 'grub par byed/ /de nas sngags dang phyag rgya dang / /ldan par dam tshig bstan byas te/ /ston pa kun gyi dam tshig gi/ /phyag rgya ji skad bshad pa bcing / /na maH sa man+ta bud+d+hA nAM/ a sa me tri sa ma ye swA hA/ 'di'i cho ga ni lan gsum rab tu brjod pa yin no//de ltar dam tshig yang dag bstan byas pas/ /'gro la phan mdzad rnams ni tshim 'gyur zhing / /sngags dang rig pa'i lha mchog dgyes pa'i phyir/ /dgongs pa mdzad cing dam pa stsol par 'gyur/ /de nas mchod yon sngar gyi cho ga dang / / rang sngags phyag rgya'i cho gar yang dag ldan/ /rnam dag bde bar gshegs par gtogs pa dang / /rgyal sras rnams la dag phyir dbul bar bya/ /na maH sa man+ta bud+d+hA nAM/ ga ga na sa mA sa mA swA hA/ 'di'i cho ga ni lan nyi shu rtsa lnga brjod pa yin no/ /'di'i phyag rgya ni mi g.yo mgon gyi phyag rgya yin no//sngags dang phyag rgyar ldan byas te/ /pad+ma'i phyag rgya bcing ba ni/ /thams cad nyid la sbyar bar bya/ /byang chub mchog dang rgyal ba'i sras/ /gang du bzhugs par shes pa dang / /de tshe zlos pas gdan thob phyir/ /de phyir de nyid dbul bar bya//de la 'di yi cho ga ni/ /na maH sa man+ta bud+d+hA nAM a/ 'di'i phyag rgya ni de bzhin du lag pa gnyis sbyar te sor mo rnams kun du brkyang la mthe bo gnyis dang mthe'u chung gnyis gcig tu sbyar te/ dril bu lta bur byas la mdzub mo gnyis gung mo gnyis dang lhan cig sbyar bar bya'o//'di ni pad mchog dpal dang ldan/ /skyob pa sangs rgyas thams cad kyi/ /gang na bzhugs par shes gyur pa/ /rdo rje mi phyed gdan chen yin/ /de nas gdug pa'i blo can de/ /rta yi mchog ltar mi bzad 'di mthong nas/ /lus tshig pa ltar rnam par 'byer bar 'gyur//na maH sa man+ta badzrA NAM/ tsaN+Da ma hA ro Sha Na s+pho Ta ya tra ka haM maM/ blo dang ldan pas 'di dag thams cad ni/ /rnam sbyang rang nyid rdo rje sems dpa' ru/ /cho ga bzhin bsams de yi gsang sngags dang / /phyag rgya'i cho gas yang dag sbyar bar bya/ /na maH sa man+ta badzrA NAM baM/'di'i cho ga ni yan lag thams cad la sbyar bar bya'o/ /chos rnams tshig las bral ba'o zhes/ /de nyid rnam par bsam bya zhing / /phyag rgyar yang dag ldan pas ni/ /rdo rje sems dpa' lta bur 'gyur/ /de la 'di'i phyag rgya yin te/ lag pa gnyis khu tshur bcangs la gung mo gnyis brkyang ste sbyar la/mdzub mo gnyis bkug ste ngos la sbyar nas rdo rje lta bur bya'o/ /mthe bong gnyis dang mthe'u chung gnyis ni gyen du bsgrengs nas gzhag la/ srin lag gnyis nang du gzhug par bya'o/ /sngags ni/ na maH sa man+ta badzrA NAM/tsaN+Da ma hA ro Sha Na hUM/ lag pa g.yon pa khu tshur bcangs la/ rdo rje phyag rgya sbyar bar bya ba'am/ rgyud gzhan las gsungs pa'i sngags dang phyag rgya yang sbyor ba 'dis bya'o/ /kun du rdo rje'i go cha ni/ /mgo nas rkang pa'i bar du bsam/ /sngar bshad go cha'i sbyor ba ni/ / sngags dang phyag rgya nges par sbyar/ /na maH sa man+ta badzrA NAM/ badzra ka ba tsa hUM/ phyag rgya ni thal mo khong stong du sbyar la mdzub mo gnyis kyis rgyab nas dkris te/ mthe bong gnyis gung mo gnyis la gzhar ba ni rdo rje go cha'i phyag rgya'o/ /yi ge kha ni thig ler bcas/ /rang gi spyi bor yang dag bsam//chos kun mkha' dang mnyam pa'o zhes/ /de nyid rnam par bsam par bya/ /na maH sa man+ta bud+d+hA nAM khaM/ de nas mnyam par gzhag nas su/ /bdud rnams skrag byed phyag rgya ni/ /sngags dang phyag rgyar yang dang ldan/ /mkhas pas kun nas bskor bar bya//gang gzhan sdang bar sems pa yi/ /mi bzad 'jigs pas sa gzhi de/ /rdo rje me ni 'bar ba ru/ /mthong nas rnam par 'byer bar 'gyur/ /na maH sa man+ta bud+d+hA nAM/ ma hA ba la ba ti/ da sha ba le to badzro d+b+ha be/ ma hA mai t+yA b+h+yA ta ga te swA hA/ phyag rgya ni lag pa g.yas pa khu tshur bcangs la/mdzub mo brkyang / dpral bar khro gnyer bsdu bar bya'o/ /phyag rgya 'di ni rgya chen te/ /sangs rgyas skyob pa thams cad kyi/ /bdud ni rnam par bsdigs zhes bya/ /phung byed thams cad 'jigs par byed/ /'di ni bcings pa tsam gyis su//bdud sde shin tu mi bzad dang / /bgegs dang log 'dren thams cad kyang / /the tshom med par rab tu 'byer/ /de ni mi bzad bcings nas su/ /mtshams bcing ba ni nges par sbyar/ /sngags dang phyag rgyar ldan pas kyang / /shin tu bzod dka' skye bar 'gyur//na maH sa man+ta bud+d+hA nAM/ sarba trA nu ga te/ ban+d+ha sI maM ma hA sa ma yaH ni rdzA te sma ra Ni a pra ta ha te D+ha ka D+ha ka tsa ra tsa ra/ ban+d+ha ban+d+ha/ da sha da shin/ sarba ta thA ga tA nu dz+nyA te/ pra brta d+harma a ba da bi dza ye/ b+ha ga wa ti bi ku la bi ku le li la pu ri swA hA/ yang na mdor bsdus pa'i sngags 'di sbyar bar bya ste/na maH sa man+ta bud+d+hA nAM/ bel+lu pu ri bi ku le swA hA/ 'di'i cho ga ni lan bdun bya ba yin no/ /phyag rgya ni lag pa gnyis thal mo sbyar la/ mdzub mo gnyis nang du gzhug mthe bong gnyis dang mthe'u chung gnyis bskums la/srin lag phye ste gyen du bsgreng / gung mo gnyis de bzhin du sbyar ba ni mtshams chen po gcod pa yin no/ /'di phyogs bcur bskor na mtshams chen po gcad pa byas par 'gyur ro/ /bsrung dang phyogs bcing la sogs pa/ /'di dag las ni gcig gis kyang gang phyir 'jig rten gsum dag tu//nges par bsrung ba nus pa yin/ /yang na mi g.yo dpa' bo yis/ /bdag bsrung gnas ni sbyang ba dang / /mtshams dang phyogs bcing la stsogs pa'i/ /las rnams thams cad bya ba yin/ /na maH sa man+ta badzrA NAM haM/ de nas gus pa dam pa sngon 'gro bas//dad pas slar yang mchod yon dbul bya zhing / /de nas dril stsogs pa nges bstan pas/ /mkhas pas cho ga bzhin du mchod par bya/ /de nas 'phags pa mi g.yo ba'i/ /sngags dang phyag rgyar sbyar ba yi/ /dri yi chu yis kun du ni/ / gsang bar bya ba yang dag sbyar/ /mchod pa'i yan lag dri stsogs la/ /de yi sngags kyis yang dang yang / /gsang sngags yongs su bzla ba dang / /de nas rang rang sngags kyis so/ /de nas mkhas pas rang gi ni/ /rig pa bzlas la dbul bya ste/ /dri 'di zhes ni brjod bya zhing //so so'i ming gis dbul bar bya/ /chos dbyings yi ge dgod pa ni/ /thams cad las ni ches sngar bya/ /de la 'di ni chos kyi dbyings kyi snying po'o/ /na maH sa man+ta bud+d+hA nAM raM/ de la dri la stsogs pa'i sngags ni 'di yin te/ na maH sa man+ta bud+d+hA nAM/ oM bi shud+d+ha gan+d+ho d+b+ha bA ya swA hA/ dri'i sngags te 'di'i cho ga ni lan gsum brjod pa'o/ /na maH sa man+ta bud+d+hA nAM/ oM ma hA mai t+r+yA d+b+hU ta ga te swA hA/ me tog gi sngags so/ /na maH sa man+ta bud+d+hA nAM/ oM D+ha rma d+hA twA nu ga te swA hA/ bdug spos kyi sngags so/ /na maH sa man+ta bud+d+hA nAM/ oM ta thA ga ta rtsa s+pha ra Na a ba b+hA sa ga ga nau dA R+Ya swA hA/ mar me'i sngags so/ /na maH sa man+ta bud+d+hA nAM/ sarba thA khaM ud+ga te s+pha ra Na i maM ga ga na khaM swA hA/ lha bshos kyi sngags so/ /mchod pa'i yan lag gzhan dag 'byor bar gyur na yang / 'phags pa mi g.yo bas rab tu sbyangs pa nyid dang chos nyid kyis dbul bar bya'o//de la thal mo khong stong du sbyar te/ sor mo phan tshun du cung zad bsnol ba ni thams cad dri la stsogs pa spyi'i phyag rgya yin no/ /mkhas pas spos stsogs med na ni/ /dad pas yid kyis dbul bya ste/ /rnam dag yid du 'ong ba yi//yid kyi cho ga'ang bya ba yin/ /zhing khams 'di 'am gzhan dag na/ /lha dang mi yi gang yin pa'i/ /spos dang me tog la stsogs pas/ /chos dbyings mnyam dang mi mnyam dag /sangs rgyas byang chub sems rnams kyis/ /bsod nams ye shes las byung ba'i//gdugs dang rgyal mtshan ba dan dang / /gzhal yas khang stsogs chen po dang / /lha yi rin chen shing stsogs ni/ /yo byad thams cad ldan pa dang / /de bzhin dri sogs sprin gyis ni/ /nam mkha'i gtos kun yang dag dgang / /dri sogs sprin gyi char 'bab pa'i//mchod pa kun du legs bsams te/ /sangs rgyas sras dang bcas rnams la/ /kun nas legs par mchod bya ba/ /byin rlobs sngags dang phyag rgya yis/ /de nas de ni dbul bar bya/ /na maH sarba ta thA ga te b+h+yo bi shwa mu khe b+h+yaH sarba thA khaM ud+ga te s+pha ra Na i maM ga ga na swA hA/phyag rgya 'di ni byin gyis rlob pa'i phyag rgya nyid yin te/ 'di'i cho ga ni lan bdun gyi bar du bya ba yin no/ /'di skad kyang brjod par bya ste/ mgon po bdag gis bsod nams kyi stobs dang chos kyi dbyings kyi stobs kyis sangs rgyas dang byang chub sems dpa' thams cad kyi 'khor gyi dkyil 'khor du dus thams cad rnyed par sla zhing /rgya che la yongs su dag pa'i mchod pa chen po'i bkod pa'i sprin byung ba sangs rgyas dang byang chub sems dpa' thams cad kyis byin gyis brlab par mdzad du gsol zhes brjod par bya'o//cho ga 'di yis gang cung zad/ /bsod nams tshogs ni legs bsags pa/ /des na bdag ni 'gro kun gyi/ /don byed gsang sngags grub gyur cig /de skad sngags spyod rnam dag phyir/ /bsam pa dag pas brjod par bya/ /gang zhig sgrib pa dag phyir dang //tshogs rnams yongs su bskang ba'i phyir/ /sngags kyi cho ga 'di sbyar ba/ /de la nges pa'ang gang na med/ /cho ga la stsogs sbyor ba dang / /gnas dang dus kyi cho ga yang / /tshe 'dir dngos grub thob 'dod phyir/ /gang zhig gsang sngags la brtson pa//de'i bsnyen cho ga'ang sngon du ni/ /yid kyi cho ga bya ba yin/ /bsnyen pa'i cho ga bzhin rdzogs nas/ /zla ba gcig gi 'og tu ni/ /phyi yi mchod pa'i cho ga yis/ /sngags kyi bsnyen pa bya ba yin/ /de nas dngos grub myur du thob par bya ba'i phyir rdo rje glu'i bstod pa'i mchog 'dis de bzhin gshegs pa sras dang bcas pa rnams la mchod par bya ba yin no//mnyam nyid mi g.yo mnyam nyid mchog chos can/ /thugs rje'i bdag nyid 'gro ba'i sdug bsngal sel/ /yon tan kun mnyam mtha' yas dngos grub stsol/ /dri med mi g.yo mnyam nyid mchog rab chos//sems can khams la rtag mchog dngos grub stsol/ /dngos grub mnyam dang mtha' med dpe bral ba/ /mnyam pa'i dpe med nam mkha' la med de/ /yon tan phra ba'i chos kyang mtshungs ma yin/ /rtag tu dri med thugs rje'i shugs las byung //smon lam grub pa mi 'gag chos nyid can/ /'gro ba'i don grub lhur mdzad mtha' yas pa/ /thugs rje'i bdag nyid rtag tu rnam par snang / /dpag med mi gos gnas nyid legs rdzogs te/ /bde gnas gshegs kyang thugs rje'i spyod mi g.yo/ / 'jig rten gsum la mchog gi dngos grub stsol/ /'gag nyid mi 'gyur kye ma'o chos nyid bzang / /mchog stsol sbyin mchog nyid gnas mchog nyid brnyes/ /'jig rten gsum mchog dam pa stsol mchog sgrub/ /bde gshegs dus gsum mkhyen sgrib mi mnga' ba/ / kun gyis dam tshig mchog gsung grub bdag stsol/ /de nas mchog gyur tshig gi dam pa brjod/ /mgon po khyod la rab tu skyabs mchi yis/ /dngos grub 'gro ba kun la phan byed ba/ /shin tu 'phags shing mchog gyur stsal du gsol/ /de nas sems can don byed tshogs pa yi//sprul pa'i sprin ni phyogs bcur bdag gi ni/ /bsod nams dag gis kun du'ang sangs rgyas dang / /kun du bzang po la stsogs rgyal sras rnams/ /bzhud de pad+ma rgyas pa'i gdan bzhugs nas/ /sems can bsam pa ji bzhin don mdzad shog /bde gshegs bsngags pa'i phyi nang 'byor pa rnams//phun sum tshogs pa kun mos ji bzhin du/ /bdag gis bsod nams rgyas pa'i stobs dag dang / /dam chos rgyu yi stobs kyis rtag 'byor shog /de bzhin gshegs pa'i stobs kyi mthu yis kyang / /'gro don 'byor pa nyid ni phun tshogs shing //ji bzhin don gyi 'byor pa bsam mi khyab/ /'gro ba rtag tu 'byung bar shog ces brjod/ /na maH sarba ta thA ga te b+h+yo/ bi shwa mu khe b+h+yaH/ sarba thA khaM ud+ga te s+pha ra Na i maM ga ga na khaM swA hA/ 'dis kyang gsang sngags kyi spyad pa spyod pa'i byang chub sems dpa' rnams kyis 'di ni de bzhin gshegs pa thams cad kyis gsungs pa yin pa'i phyir mi slu ba yin no zhes mngon par 'dod par bya'o//mchod pa'i cho ga bstan pa'i le'u ste gsum pa'o// //de ltar mchod bcas don la zhugs nas ni/ /da ni sems can ma lus phan sems kyis//sangs rgyas byang chub sems mchog phyag byas la/ /rnal 'byor stan gnas yid ni mnyam par gzhag /bsam gtan yan lag bzhi yi cho ga yis/ /ji ltar rang gi lha ni mnyes 'gyur pa/ /de ltar ci nus pas ni gsang sngags kyi/ /de nyid don gyi phan pa bskul bar bya//gsang sngags rjes su dran bya ba/ /de yi cho ga 'di brjod bya/ /mkhas pas sngar bshad cho ga yis/ /mdun du rang lha bsam par bya/ /snying ga'i dbus su zla gzugs la/ /der ni yi ge rnam bsgoms te/ /ji srid sems ni dag gyur pa//de srid bzlas brjod brtsam par bya/ /grangs dang dus dang mtshan ma ni/ /lung las bshad bzhin rdzogs byas te/ /sngags kyi dngos grub ci gsungs pa/ /rnam rtog las byung gsol ba gdab/ /de la rnam par rtog pa dang bcas pa'i cho ga ni 'di yin te/yan lag bzhi pa las ni gzhan pa yin no/ /mkhas pas mdun du rang gi lha/ /rnam par nges par blos bsams te/ /de yi sngags rgyar ldan pa las/ /rang gi lha yi sbyor bar ldan/ /de'i mdog rtags dang dbyibs rnams dang / /nyer gdags bdag nyid dbyer med par//rang lha'i sbyor ldan bdag nyid can/ /bsod nams dman yang 'grub par 'gyur/ /zhes don dam pa'i tshul las gsungs pa'i phyir ro/ /yi ge'i gnas de gyur pa ni/ /de las gzugs ni rnam par bsgom/ /rang gi lha yi sbyor ba yang / /rgyud las mtshan nyid gnyis su gsungs//sngar ni sangs rgyas sbyor cho ga/ /de bzhin byang chub sems cho ga /ji ltar 'phags pa 'jam dbyangs sogs/ /yongs su gyur pa'i tshul gyis bzhugs/ /de sngags gnas ni gyur pa dang / /sngags dang phyag rgya'i sbyor bas so/ /na maH sa man+ta bud+d+hA nAM a/ rang gi lha yi sbyor ba yang / /rang gi snying gar 'di bkod la/ /byang chub sems ni rjes dran nas/ /de nyid bdag ces bsgom par bya/ /sku mdog rtags sogs grags pa yis/ /nye bar gdags pas dbyer med bya/ /'di yi cho ga 'di shes bya/ /gur gum bzang po'i mdog 'dra zhing //dbu la zur phud lnga dang ldan/ /phyag g.yon ut+pal rdor bcas pa bsnams/ /g.yas kyi phyag ni mchog sbyin mchog /stsol bar mdzad pa bsam par bya/ /de la 'di'i sngags dang phyag rgya ni 'di yin te/ na maH sa man+ta bud+d+hA nAM/ he he ku mA ra kA bi mu k+ti pa Tha s+thi ta sma ra sma ra pra te dz+nyAM swA hA/phyag rgya ni lag pa gnyis thal mo sbyar te/ gung mo gnyis kyis srin lag gnyis dkris la/ mdzub mo gnyis mthe bo'i steng du bkug la bzhag nas snga ma bzhin du yan lag thams cad la 'dir gtugs nas de'i 'og tu las brtsam par bya'o/ /de bzhin du sangs rgyas dang byang chub sems dpa' gzhan rnams kyi yang yi ge yongs su gyur pa'i cho ga'i sbyor ba rgyud las ji skad gsungs pa nyid las shes par bya'o//yang na rgyud gzhan las gsungs pa'i sngags dang phyag rgya rnams la yang sbyor ba 'di dang 'gal ba med pa yin no/ / yang na spyi'i sngags dang phyag rgya'am/ so so'i cho ga ji lta ba bzhin du yongs su gyur pa'i tshul dang sbyar bar shes par bya ste spyi'i ni 'di yin par bshad do/ /na maH sa man+ta bud+d+hA nAM ka /'di la yang chos thams cad bya ba dang bral ba'o zhes ston par byed pa'i sgra'i de kho na nyid nges par bsam par bya'o//rgyal sras kun gyi spyi yi ni/ /phyag rgya yid bzhin nor bur bshad/ /yang na rgyud gsungs so so yi/ /sngags dang phyag rgya'i cho gas bya/ /yid bzhin nor bu'i phyag rgya ni tshigs dang tshigs su sbyar ba yid bzhin gyi nor bu rin po che lta bu ste sbyar bar bya'o//na maH sa man+ta bud+d+hA nAM/ sarba thA bi ma ti bi ka ra Na/ d+harma d+hA tu ni rdzA ta saM saM swA hA/ sngags 'di byang chub sems dpa' thams cad kyi spyi'i'o/ /spyi bor thig ler bcas pa yi/ /kha ni kha dog kun ldan bsam/ /chos kun nam mkha' dang mnyam zhing / /thob pa med pa nyid ces brjod//na maH sa man+ta bud+d+hA nAM khaM/ spyi bo'i nang du dbyangs kyi yi ge dang po dkar zhing thig le dkar pos mdzes par byas pa'i snying po'i mchog snga ma bzhin du bsams la/ mig gnyis su yi ge ra dang ma thig les mtshan pa mar me ltar 'bar ba bsams la/cho ga bzhin du rang gi lha'i gnas la gnas te/ sngar bzhugs su gsol ba'i bcom ldan 'das yang dag par rdzogs pa'i sangs rgyas mngon sum bzhin du mthong bar gyur pa de srid kyi bar du bya'o/ /de yi snying ga'i dbus chud pa'i/ /zla ba'i dkyil 'khor dri med pa//der ni yi ge'i gnas dgod de/ /a ni kha dog ser po'o/ /'di yi sgra yi de nyid ni/ /chos rnams gdod nas ma skyes brjod/ /yid la sogs pa kun 'bar ba/ /nang du chud par nges par bsam/ /sgra zhes bya ba phreng bar sbyar/ /me yi rtse mo'i 'od bcas pa//kun tu 'od byed rnam par dag /mi shes grong khyer 'jig byed pa'o/ /yi ge ka la sogs pa rnams kyang ji skad ston pa'i sgra'i de kho na nyid ji skad bshad pa brjod cing bkol la/ de nas mngon par 'dod pa'i sngags kyi phreng ba bsams la/ srog dang rtsol ba legs par bsdams te/yid slar sdud pa'i sbyor bas non par byas la/ yid kyis sam shub bu ci rigs pa dang ci 'dod pa'i dngos grub la dmigs pa'i sems kyis ji srid yid skyo bar ma gyur pa de srid kyi bar du bzlas brjod bya'o/ /rnam pa gzhan yang gsang sngags zla ba'i dkyil 'khor la bkod de/yi ge dang mthun pa'i sgra'i de kho na nyid bsams la bzlas brjod bya'o/ /'dir yang gang bsod nams kyi tshogs tsam gyi dngos grub don du gnyer pa de rnams yid kyis sam shub bur bya ba'i cho ga'i phyir dus kyi nges pa med do/ / gang mthong ba'i chos nyid la dngos grub rab 'bring tha ma don du gnyer ba de rnams la ni/ sngon du bsnyen pa'i dus su yid kyi bzlas pa nyid bya bar bcom ldan 'das kyis gsungs pa yin no/ /yang ci nus pa la ltos par bya'o/ /sngon du bsnyen pa ni rnam pa gnyis te/ sngar dus su bya ba dang mtshan ma can no//de la sngar gyi dus su bya ba ni bzlas pa'i grangs yongs su rdzogs pa'i nges pa'i dus te/ zhag dang zla ba la sogs pa'i dus kyi grangs dang dus nges pa'o/ /mtshan ma can ni mchod rten dang / ras ris dang sku gzugs la stsogs pa las 'od dang gsung 'byung ba la stsogs pa'i mtshan ma ston pa'i nges pa yongs su chad pa'o//de la snga ma ni yongs su ma dag pa'i sngags pa'i yin par shes par bya ste gang zhig dbang du mdzad nas/ shin tu bsdams te 'bum phrag gcig/ /yid kyi bzlas pa bya ba yin//zhes bya ba la stsogs pa gsungs pa yin no/ /de'i gong du bsnyen pa gzhan bya ste/ de'i ni shub bu'i bzlas brjod kyi skabs su yin par shes par bya'o/ /sgrib pa dang bcas pa'i mtshan ma can gyi sngon du bsnyan pa de la yang yid kyi bzlas pa nyid ni ji srid mtshan ma mthong gi bar du bya la/de'i gong du zla ba gnyis ni shub bu'i bzlas brjod bya ba yin par snga ma'i rjes su 'brangs nas shes par bya'o/ /de bzhin gshegs pa'i gsang sngags kyi/ /bzlas brjod bya ba 'di las gzhan/ /zlos pa po la phan 'dong pas//mdor bsdus nas ni bstan par bya/ /mgon po rnam par snang mdzad kyi/ /gsang sngags gang zhig zlos 'dod pa/ /de yi phyag rgya sngags bcas pa/ /mkhas pas yang dag sbyar bar bya/ /de la yi ge ni 'di yin te/ na maH sa man+ta bud+d+hA nAM A/ 'di'i sgra'i de kho na nyid ni sngar bshad pa yin no/ /phyag rgya ni yang mdzod spu la stsogs pa ste/ lag pa g.yas pa'i khu tshur bcangs la smin ma'i mtshams su gzhag par bya'o/ /sngags ni/ na maHsa man+ta bud+d+hA nAM/ A haM dzaH/ sngon bzhin lha yi de nyid ni/ /yongs su gyur pa'i sbyor ba las//dbyer med pa yi cho ga yis/ /rang gi bdag nyid nye bar sbyar/ /rang lha'i rnal 'byor la gnas shing / /yi ge lnga yi sbyor ba can/ /lus kyi mgo dang lte ba dang / /de bzhin lte ba'i gang dag dang / /smin ma'i mtshams dang mgo phyogs su/ /mnyam bar gzhag par dgod par bya//cho ga de 'di byin rlabs che/ /thub pa'i mchog gis bka' stsal to/ /na maH sa man+ta bud+d+hA nAM aH ser po'o/ /lus kyi 'og tu a ni dbang chen yin te rnal 'byor gyi gnas yin par bshad do/ /de nas lte bar ni/ na maH a man+ta bud+d+hA nAM baM/dkar po ste 'di ni khug rna'i tshogs kyi dbus na gnas pa'i chu'i dkyil 'khor yin par bshad do/ /lte ba'i steng na yi ge ra ste/ na maH sa man+ta bud+d+hA nAM raM/ me'i dkyil 'khor te kha dog dmar por snang ngo / /smin ma'i mtshams su yi ge ha ni rlung gi dkyil 'khor te kha dog nag bo'o//na maH sa man+ta bud+d+hA nAM haM/ spyi bo'i dbus su yi ge kha dog thams cad dang ldan par bsam par bya'o/ /na maH sa man+ta bud+d+hA nAM khaM/ yi ge lnga ni rnam dag dgod/ /me 'od ldan pa skye 'gyur te/ /blo ldan ye shes nyi ma 'dra/ /sdig pa thams cad nges par btul//rdo rje me 'bar lta bu ni/ /gdug ba'i sems dang ldan pa dang / /bdud kyi tshogs ni mi bzad dang / /bgegs dang log 'dren rnams kyis mthong / /thod pa sbyar ba'i dbus na ni/ /yi ge a ni thig ler ldan/ /yi ge ra ni mig nyid du/ /mar me dbar ba lta bu yin//snga ma'i gnas kyi sbyor ba dang / /byin gyis brlab pa'ang snga ma yin/ /blo yis rang lus sngon bzhin du/ /de bzhin gshegs dang bral bar bsam/ /sgra zhes bya ba'i phreng bar sbyar/ /yi ge dang ni yi ger sbyar/ /dril bu'i sgra ltar ma chad par/ / yid la song par bsam par bya/ /de bzhin gshegs pa'i gsang sngags gang mngon par 'dod pas snga ma bzhin du bkod de bzlas brjod bya'o/ /gal te byang chub sems dpa'i gsang sngags zlos par byed pa rnams la rnam pa gnyis pa 'di ni shin tu myur du grub pa'i thabs yin par shes par bya/bcom ldan 'das shAkya thub pa la ni yi ge 'di dgod par shes par bya'o/ /na maH sa man+ta bud+d+hA nAM buM/ 'di'i sgra'i de kho na nyid ni sngar bshad pa nyid do/ /phyag rgya ni lhung bzed kyi phyag rgya yin no/ /sngags ni/ na maH sa man+ta bud+d+hA nAM/ sarba kle sha ni sU da na/ sarba d+harmA ba shi ta prA ta ga ga nas mA ya swA hA/ de bzhin du bcom ldan 'das kyi sngags dang phyag rgya gzhan dag kyang rgyud las ji ltar grags pa bzhin du sbyar bar bya'o/ /snga ma bzhin du rang gi lha'i yi ge yongs su gyur pa'i sbyor ba byas la/ de'i yi ge dgod pa las ci ltar mngon par 'dod pa'i bzlas brjod bya'o//'di ni de bzhin gshegs pa'i bzlas brjod kyi cho ga yin te/ thugs rje 'byung ba la stsogs pa'i dkyil 'khor chen por dbang bskur ba'i slob dpon nyid la 'os pa yin gyi/ rigs pa'i dbang bskur ba ni ma yin no/ / yan lag bzhi'i bsam gtan la stsogs pa'i sbyor ba gang rgyud gzhan las bshad pa'i cho ga ma tshang ba la stsogs pa'i nyes pa dang 'gal bar 'gyur ba yin no/ /lha rnams kyang shin tu chi ma zhing thugs mnyes par 'gyur ba yin no/ /ji ltar byas pa'i bzlas brjod dang bsrung ba dang /dgos pa'i sbyor ba ni shin tu myur du grub pa'i phyir sgrub pa pos rgyud gzhan dag las bshad pa de yang bya'o/ /de las kyang shin tu myur du grub par 'dod par bya ste/ de bas na 'di dang cho ga gzhan bsgre bar bya'o/ /rang gi lha'i gnas kyi cho ga'i sbyor ba las rang gi dkyil 'khor gyi gnas kyi bya ba la rab tu sbyang bar bya'o//gang gis kha dog gang bshad pa/ de yid kyi dkyil 'khor du 'gyur te/ cho ga'i sbyor ba 'di yis ni/ /dngos grub myur du thob par 'gyur/ /'di ni dngos grub rnam gsum dbye shes nas/ /rtag tu zhi la stsogs pa'i las gsum gyi//kha dog dkyil 'khor dag ni so so yi/ /dbye ba rnam bzhi cho ga bzhin du bya/ /dkar po ser po de bzhin dmar dang gzhan/ /zhi la stsogs pa'i dbye bar rtag tu bshad/ /zlum po dang ni gru bzhir bcas pa dang / /gru gsum de bzhin pad+ma'i dbyibs can yin//zhi ba'i sbyor bas kha ni byang du blta/ /rtag tu zhi zhing pad+ma'i 'dug stabs bya/ /shar du kha bltas bkra shis stabs kyis 'dug /dga' bcas sems kyis rgyas pa bya ba yin/ /nub tu kha bltas bzang po'i stabs kyis 'dug /khro bo dga' bcas sems dang dbang du bya/ /lho phyogs kha bltas stan ni med pa'am/ /gcig pus khros pa'i yid kyis mngon spyod bya/ /rang lha'i kha dog la stsogs cho ga'i rim/ /dkar po la stsogs zi la rtag tu sbyar/ /dri stsogs las dang rjes mthun cho ga bzhin//kha dog la stsogs dbye bas ji bzhin sbyar/ /zhi dang stobs bskyed lus ni brtan pa dang / /bskrad dang dgar dang gsad par bya ba la'ang / /sngags kyang oM dang phyag 'tshal sbyor bar ldan/ /hUM dang phaT dag mngon spyod bya ba la/ / oM dang swA hA zhes pas zhi ba bya/ /thog ma oM dang bcas pa rgyas pa la/ /hUM dang phaT gnyis dag gi sbyor ba las/ /bar du ming bcug bskul pa bya ba yin/ /de ltar gsang sngags kyi dbye bas zhi ba dang / rgyas pa dang / mngon spyod la stsogs pa'i las kyi dbye bas gsungs pa yin par shes par bya'o//bzlas brjod kyi cho ga bstan pa ste le'u bzhi pa'o// //de ltar ci rigs pa dang ci 'dod pas bzlas brjod kyi cho ga'i rjes su spyad pa sgrub pa nyid las snga ma bzhin du bdag las kyi rdo rje sems dpar byas nas/bcom ldan 'das yon tan mtha' yas pa mnga' ba dang / sems can ma lus pa bskyab pa mdzad pa'i byang chub sems dpa' rnams bsams la ci 'byor ba'i mchod pa bya'o/ /de nas thal mo sbyar ba dang bcas pas snga ma bzhin du'am/ de las gzhan pa'i yang dag pa'i yon tan yongs su sgrogs pa las 'byung ba'i bstod pas bstod cing mchod pas de rnams kyi yon tan yongs su bsgrag par bya'o//de nas ji ltar byas pa'i dge ba'i rtsa ba rnams yongs su bsngo bar bya'o/ /de'i sbyor ba yang 'di yin te/ 'di ltar sangs rgyas bcom ldan 'das rnams kyis bla na med pa'i yongs su bsngo ba mkhyen cing thugs su chud pa de bzhin du/ bdag gi bsod nams ma lus pas sems can gyi khams la lus pa 'khor ba'i rgya mtsho las bsgral par bgyi zhing / /de bzhin gshegs pa nyid dang /gzhan gyi phun sum tshogs pa bla na med pa'i gnas chen po la rab tu gzhag par bya'o/ /ji srid 'gro ba ma lus pa'i don byed pa'i sangs rgyas nyid la yang dag par 'grub par ma gyur pa de srid kyi bar du/ /tshe rabs de dang de dag tu thams cad mkhyen pa nyid thob par bya ba'i phyir/bsod nams dang ye shes kyi tshogs las gzhan mi byed par rgyun du bde ba dang yid bde ba'i rjes su 'gro bas de bdag gis yongs su rdzogs par bgyi'o/ /de bsgrub pa dang rjes su mthun pa nyid kyi dngos po dang phyi nang gi 'byor ba rnams kyang kha na ma tho ba med cing yon tan rin po che sna tshogs kyis rnam par brgyan pa dang /mdon par 'dod pa'i phun sum tshogs pa thams cad rgyun mi chad par rnam par 'phel bar gyur cig /de lta bu'i smon lam mdor bsdus pa yin te/ rgya cher ni byang chub sems dpa' chen po kun tu bzang po'i smon lam mam/theg pa chen po'i mdo sde las gsungs pa'i smon lam gzhan dag la nyin dang mtshan du bzla bar bya'o/ /yang na sangs rgyas dang byang chub sems dpa' rnams kyis ji ltar mkhyen pa de bzhin du bdag kyang smon lam 'debs par bya'o zhes smon par bya'o//de nas ar+g+ha blangs la spyi bor thal mos sbyar ba bzhag ste/ sangs rgyas dang byang chub sems dpa' rnams la yang dag pa'i yon tan las byung ba'i phyag 'tshal bar bya ste/ nyes pa thams cad bral ba gang //yon tan thams cad kyis brgyan cing / /gcig tu 'gro ba'i don mdzad pa/ /sras bcas mgon la phyag 'tshal lo/ /de'i 'og tu 'di skad ces gsol ba gdab par bya ste/ mgon dang byang chub sems dpa' rnams/ thugs rje can gyis bdag byin brlabs//theg pa che las mi nyams shing / /khyad par du yang 'gro ba dang / /slar yang bdag la phan mdzad pa/ /rjes su gzung bar dgongs nas ni/ /mgon po rig dang sngags bcas par/ /ci bde bar ni gshegs su gsol//yang dam tshig gi phyag rgya spyi bor bcings la/ gyen du bstod pa dang bcas par dgrol bar bya'o/ /de ltar na sngar bshad pa'i dam tshig gi dbang gis bzhugs pa thams cad shin tu sbyangs pa byas par 'gyur ro/ /ji ltar rnam par gzhag pa'i bsrung ba'i phyag rgya rnams kyang yid kyis dgrol bar bya'o//de nas chos kyi dbyings kyi phyag rgyas bdag nyid de'i ngo bo nyid yin par byin gyis brlabs la/ byang chub sems dang ldan pa'i phan pa'i blos/ rdo rje sems dpa'i ngo bo nyid du de'i sngags dang phyag rgyas byin gyis brlab par bya'o//yang na bzlas brjod kyi mthar phyag rgya gsum dang byin gyis brlab pa nyid kyi bzlas brjod nye bar bsdu ba'i cho ga 'di thams cad yongs su rdzogs par 'gyur bas de 'ba' zhig bya'o/ /spyi bor yang snga ma bzhin du chos kyi dbyings kyi yi ge rnam par dgod pa dang rdo rje go cha ba go par bya'o//de ltar sbyor ba byas pas rdo rje sems dpa' nyid las gang du yang nyams pa med par 'gyur ro/ /de lta bu dang ldan pa gang yin pa de dag ni/ gang zhig 'di mthong ba dang reg pa dang de dang lhan cig smra ba de thams cad rdzogs pa'i byang chub tu nges par 'gyur ba la stsogs pa'i yon tan dang ldan par 'gyur ba yin no zhes bcom ldan 'das de bzhin gshegs pa rnam par snang mdzad kyis gsungs so//de nas dge ba'i tsa ba khyad par can gyi bya ba 'dod pa'i sems kyis langs la shin tu dben pa'i sa phyogs su me tog gi chal pa bkram par bdag nyid 'jig rten dbang phyug gi ngo bo nyid du de'i yi ge'am/de'i phyag rgyas byin gyis brlabs pa'am/ snga ma bzhin du de bzhin gshegs par byin gyis brlab pa byas nas byang chub sems dpa'i spyod pa zab cing rgya chen po la 'jug par byed pa'i mdo sde rnams chos kyi sbyin pa bya ba la dga' ba'i bsam pas nyan pa po rnams spyan drangs la bklag par bya'o//de bzhin gshegs pa thams cad kyi chos kyi gzugs can ni 'jig rten dbang phyug yin no zhes don dam pa'i tshul dag las gsungs pa dang / gang gi phyir bcom ldan 'das de bzhin gshegs pa yang chos thams cad kyi dbang phyug yin pas de gnyis gang yang rung ba'i ngo bo nyid du byin gyis brlabs pa ni chos kyi sbyin pa byed pa'i dus su bya ba yin par shes par bya'o//de la 'di ni 'jig rten dbang phyug gi yi ge yin te/ na maH sa man+ta bud+d+hA nAM/ sa/ 'di'i sgra'i de kho na nyid ni chos thams cad 'du ba dang dmigs su med pa'o zhes mngon par sgra sgrogs pa'o zhes bsam par bya'o/ /'di'i phyag rgya ni lag pa gnyis gcig tu sbyar te/ dril bu lta bur byas nas brkyang la mthe bong gnyis dang mthe chung gnyis gcig tu sbyar ba ni pad+ma'i phyag rgya'o//'di'i sngags ni/ na maH sa man+ta bud+d+hA nAM/ sarba ta thA ga ta A ba lo ki ta kA ru N+yA yar ra ra hUM dzaH swA hA/ ji skad bshad pa'i yi ge dang phyag rgya 'di dang sbyar bar bya'o/ /spyi bor chos kyi dbyings kyi yi ge'i snying po dgod par byas la/ dam pa'i chos kyang ci nus par bklags nas gzhan yang mchod rten gyi las dang dkyil 'khor gyi las la stsogs pa byas zin pa dang /de nas langs la bya ba cung zad gang ci yang rung ba rdzogs par byas nas/ slong bas bslang ste thob pa'am sbyin bdag gam/ dge 'dun las ji lta ba bzhin mnyes pa'i kha zas nya dang sha dang sgog pa dang /ri sgog dang / sgog btsong dang / la phug dang / lha la stsogs pa la phul ba'i zas dang / de bzhin gshegs pa la phul ba'i lha bshos dang / gang gzhan dag kyang lhag mar gyur pa dang / rnyings pa dang / kha dri mi zhim pa'i rgyur gyur pa chang la stsogs pa'i bza' ba dang btung ba'i bya ba spangs la/rang gi lha la zas kyi phud ci rigs par sngon du phul la 'byor ba ci yod pa las glo bur du lhags pa rnams la ci rigs par bgo bsha' bya ste/ shing rta'i mig bsku ba dang 'dra bar phan tshun rgyu rkyen las byung ba'i rang gi lus gnas par bya ba'i phyir/ dga' ba'i sems dang chos kyi dbyings kyi yi ges yang dag par sbyangs la/bdag nyid las kyi rdo rje sems dpar byin gyis brlabs nas zas la spyad par bya'o/ /na maH sa man+ta bud+d+hA nAM/ oM bi swA hA/ 'phags pa rdo rje 'dzin pa'i'o/ /stobs sbyin pa'i rig pa lan brgyad mngon par bzla bar bya'o/ / na maH sa man+ta bud+d+hA nAM/ bo d+hi sa twA nAM/ oM ba lin+nga te dzo mA li ni swA hA/ de nas snga ma bzhin du rang gi lhag pa'i lha'i sbyor bas gnas la/ zas kyi bya ba rdzogs pa dang / lhag ma'i chang zan dang lhung bzed kyi lhag ma rnams de don du gnyer ba rnams la byin la ldang bar bya'o/ /kha zas kyi lhag ma'i chang zan pa yang las thams cad pa'i snying po'i don yod pa'i gtum pos mngon par bsngags pa'i 'phags pa mi g.yo ba la dbul bar bya ste/de ltar byas pas yongs su mnyes shing rjes su 'brang bar bya'o/ /na maH sa man+ta bud+d+hA nAM/ tra Ta a mo g+ha tsaN+Da ma hA ro Sha Na spo Ta ya hUM tra ma ya tra Ta haM maM/ de nas bras la spyad zin pa dang /cung zad ngal bso ste/ de bzhin gshegs pa thams cad la phyag bya ba la stsogs pa dang / sdig pa bshags pa la stsogs pa sems rnam par dag par byed pa'i rgyu rnams kyang de legs par byas nas/ zab cing rgya che ba'i chos kyi kun dga' ra bar gnas par bya'o//de nas phyi dro'i dus su snga ma bzhin du bzlas brjod byas la/ mtshan stod smad la ni theg pa chen po sems pa la stsogs pa dang mngon par ldan pa nyid du bya'o/ /de'i bar gyi dus la ni las kyi rdo rje rdo rje chen po'i go bgos par 'gyur bar byas la/ khri med pa'i mal du sangs rgyas dang byang chub sems dpa' thams cad la yan lag thams cad btud pas phyag byas la/sems can thams cad la phan par bya ba'i phyir/ yang dag par rdzogs pa'i byang chub chen por smon pa mngon sum du byas te/ rang gi lus de bzhin gshegs pa'i gzhir gyur pa'i 'os su bya ba'i phyir khams mnyam pa nyid du bsgrub par bya'o zhes yid la byas la nyal bar bya'i/gnyid kyi bde ba la chags par bya ba'i phyir ma yin te/ de lta bus dang por glo g.yas pa phab nas nyal bar bya ste/ phyis ni ci bde bar bya'o/ /nyal nas kyang myur du sad par bya ba'i phyir snang ba'i 'du shes yid la bya ba la sngon du 'gro pa'i yid du bya'o//de nas phyi de nyin gsang sngags kyi sgo'i byang chub sems dpa'i spyang pa spyod pa'i byang chub sems dpas spyod pa de nyid kyi cho ga'i rgyun mi 'chad pas gsang sngags brnyes par bya ba dang rab tu ldan pa yin par shes par bya'o/ /grangs dang dus dang mtshan ma la stsogs pa ji ltar sngon du spyad pa'i khyad par rnams pa cho ga ji bzhin gsungs pa bzhin du ma lus par rdzogs par bya bar bdag gis mi nus so zhes sgyid zhan cing 'khum par mi bya'i/stobs ci yod pas mngon par brtson par bya ste/ cho ga bla na med pa 'di ni don yod pa yin pas sems can la phan pa'i sems dang ji lta ba bzhin du sangs rgyas dang byang chub sems dpa' rnams ci nas kyang mnyes par byas nas shin tu phul du byung ba'i bde ba'i rgyur 'gyur ba nyid yin par khong du chud par bya'o//gnyis po 'di ni yongs su spang bar mi bya ste/ sangs rgyas dang byang chub sems dpa' rnams la bdag por lta zhing nye bar zhi ba'i sems dang /'gro ba ma lus pa yongs su bskyab par bya ba'i phyir/ yang des bla na med pa yang dag par rdzogs pa'i byang chub tu smon pa nyid du rgyun du ldan pas nges par rjes su mthun pa'i dngos grub thob par 'gyur bar shes par bya'o/ /cho ga 'di la ni nang gi bdag nyid kyi gtsang sbra gtso bor gyur pa yin pas phyi'i gtsang sbra la mngon par zhen par mi bya'o//bza' ba ma yin pa zos pa dang / phyag dar dang lhag ma dang 'dris pa la stsogs pa'i rtog pa yang mi bya'o/ /lus bde bar gnas par bya ba'i phyir phyi rol gyi khrus dang gtsang sbra la stsogs pa'i rim pa ci rigs par rjes su spyad par bya'o//khrus kyi cho ga chu bo stsogs par byed/ /phyag rgya sngags kyi go rims ldan par bya/ /dang por dam tshig ces bya'i phyag rgya dang / /phyag rgya gsum po sngags bcas gang yin cing / /ra yi sbyor bas chu yi gnas sbyang zhing / /mi g.yo mgon dang 'jig rten gsum 'dul ba'i/ /de'i sngags phyag rgyas phyogs stsogs bcings pa ni//de nyid rang bzhin bsgom pa'i sngags pas bya/ /lan gsum bzlas pa'i sa dang khrus byas pas/ /rtag tu rjes 'jug sems ni yid la bya/ /yang na mi g.yo'i sngags rgyal rjes dran la/ /mkhas pas mi smra bar ni khrus byas te/ /na maHsa man+ta bud+d+hA nAM raM/ chos kyi dbyings kyi yi ge'o//phyag rgya ni ral gri nyid do/ /na maHsa man+ta bud+d+hA nAM haM/ 'phags pa mi g.yo mgon gyi ste phyag rgya ni sngar bshad pa nyid do/ /na maHsa man+ta badzrA NAM/ haM/ khams gsum rnam par rgyal pa'i'o/ /'di'i sgra'i de kho na nyid ni bshad ma thag pa nyid shes par bya'o/ /'di'i phyag rgya sngar bshad pa'i rdo rje rtse lnga pa'o//'di'i sngags ni/ na maHsa man+ta badzrA NAM/ ha ha ha/ bi sa ma ye sarba ta thA ga ta pi Sha ya sam+b+ha ba trai lo kya bi dzA ya swA hA/ khrus byas nye reg byas nas slar yang dam tshig stsogs/ /rgya bcings sngags kyi sbyor bas mgo la stsogs par gzhag /sangs rgyas sras dang dge 'dun ma lus mthar thug pa//bsams la chu yi sbyor ba gsum ni dbul bar bya/ /'gro la phan pa'i sngags pa mchog gzhol sangs rgyas dang / /byang chub sras rnams rnam dag yid kyis phyag byas la/ /'dod chags la stsogs rtog dang bral ba'i yid kyis ni/ /dul bar ldan pas gnas de nyid du 'gro bar bya/ /gnas de nyid du brjod pa ji bzhin rab bya zhing //sngar bshad cho ga de yis sems ni 'dul bar bya/ /lkog ma brang dang lte ba rked pa tsam bsten pa/ /mchog dang 'bring dang tha ma'i gnas ni thob par 'gyur/ /gang tshe de lta'i cho gas rab tu zhugs gyur pa/ /sdig pa'i tshogs rnams rnam par 'jig par byas nas ni//thams cad mkhyen nyid gnas thob tshogs kyi legs bsags phyir/ /bgegs rnams nges bcom sngags kyi dngos grub myur du 'thob/ /de nas 'jig rten pa'i sgrub pa rgyud gzhan las bstan pa yang dag par blangs la/ sgrub pa'i cho ga ji lta ba bzhin du nye bar bzung nas de brtsam par bya'o//'jig rten pa nyid ni 'dir mtshan ma dang bcas pa'i cho ga ste/ gang mtshan ma dang bcas pa de ni 'jig rten pa'o zhes rgyud gzhan las gsungs pa'i phyir ro/ /'di ni 'dir gtso cher mtshan ma can gyi chos la lhag par mos pa'i 'gro ba la ltos nas gsungs pa yin no//gang yang ting nge 'dzin 'dir gtogs pa'i khyad par de rnams la ni/ de la lhag par mos pa'i yid la byed pa bsgom pa sngon du 'gro ba'i sngon du bsnyen pa'i cho ga dang / sgrub pa'i cho ga ni dngos grub kyi le'u dang / 'jig rten las 'das pa'i le'u las ci rigs par gsungs pa yin par shes par bya'o//de las kyang de kho na nyid la lhag par mos pa'i yid la byed pas kyang / bzlas brjod kyi bya ba'i yan lag mi dmigs pa'i phyir 'jig rten las 'das pa'i yin par 'dod de/ de'i nye bar gdags pas de rtogs par byed pa'i thabs yin pa'i phyir ro/ /rnam par snang mdzad chen po mngon par byang chub pa dang 'brel pa'i mchod pa'i cho ga slob dpon dpal bzang rab dgas mdzad pa rdzogs so// //rgya gar gyi mkhan po pad+ma ka ra warma dang / zhu chen gyi lo tsA ba dge slong rin chen bzang pos bsgyur cing zhus te gtan la phab pa'o// //