CLOSE WINDOW

D2657
བོད་ཡིག

smon lam btab la gshegs su gsol/ /a k+Sha ro yi sngags brjod cing / /maN+Dal mchod pa me tog bsdu/ /'di yis yid bzhin nor bu bzhin/ /mi mthun phyogs sel 'dod pa 'grub/ /slob dpon dpa' bo rdo rje mdzad pa'o/ /rdzogs so//[ ]@##/ /mi 'khrugs pa'i sgrub thabs bzhugs/ / @##/ /mi 'khrugs pa la phyag 'tshal te/ /de yi sgrub thabs bri bar bya/ /rgyud las rigs kyi bu zhes pa/ /sgrub pa po yi mtshan nyid de/ /dal 'byor theg chen rigs can no/ /snying rje shes rab lon tan ldan/ /byams dang snying rje ldan pa dang / /dad cing bla ma la gus dang / /skyabs su song zhing sems bskyed ba//dam tshig sdom ldan dbar thob pas/ /las kyi cho ga shes nas ni/ /dgon pa'i gnas sam grong gi mthar/ /las byas bde ba'i stan la 'dug /khrus byas gtsang ma'i gos can gyis/ /bdun po rnam par dag pa dang / /tshang med bzhi sogs ldan par bsgom//chos rnams thams cad bdag med par/ /sems kyis bsgom par byas nas ni/ /a las zla ba'i dkyil 'khor bsam/ /rang gi sa bon dbus bsams nas/ /dam tshig dag dang phyag rgya dang / /bsam zhing de bzhin nyid du bya/ /rnal 'byor pas ni bsgyur bar bya/ /lha yi rnal 'byor tshul du bsgyur//de nas rang gi sa bon dang / /phyag rgya phyag rgyas de byin brlab/ /lha yi go rims ji bzhin du/ /sangs rgyas rnams kyis dbang bskur ro/ /rang nyid rang gi lhar bsgoms nas/ /mi 'khrugs mdun nam spyi bor bsam/ /bdag nyid mi 'khrugs par bsgoms nas//de nyid gsum sogs rang dang gzhan/ /bum pa mchod rten la sogs nang / /rgya mtsho pad+ma zla ba la/ /dad pa dang ni dam tshig gis/ /tshur gshegs tshur gshegs bcom ldan 'dis/ /bdag gi mchod pa bzhes nas kyang / /mchod pas bdag la dgyes par mdzod/ /oM big+ha nAn+ta kraMta hUM phaT//thal sbyar sor mo gnyis phyir bskyed/ /ta thA gto d+b+ha bA ya swA hA/ /dzaHtUM baM hoHsa de nyid gdan la bzhugs pa la/ /mchod dang bskyed dang bzlas ba bya/ /sgra dang sems dang gzhi la gzhol/ /lan lag bzhi dang dmigs pa gsum/ /gzhan don bsnyen pa byed pa ni/ / dus dang mtshan ma'o/ /dngos grub bsgrub bya'i bzlas pa ni/ /dag dang shib bu rdo rje bzlas/ /yid kyi bzlas brjed bcas pa bzhi/ /me dang sgra dang sgra mtha' gsum/ /brjod pa med pa'i bsam gtan te/ /thun gsum dag tu bzlas pa dang / /bstod nas mchod par gtong ma gtang / /ye shes gshegs dang dam tshig bsdu//mi gnas bsod nams ster bar byed/ /sgra mthar thar ba ster bar byed/ /bcom ldan 'das mi 'khrugs pa byon nas zhes pas rang lhar bsgoms pa'i rnal 'byor pas spyan ng+rang ba dang / /mchod pa dang bstod pa dang / bzlas pa dang / bsgom pa byas pas dngos grub stsol bar gyur pa'o//chos nyid mnyam pa nyid las ma g.yos kyang / /thugs rjes gtan mya ngan mi 'da' zhing / /phrin las rnam bzhis 'gro ba'i don mdzad pa/ /bcom ldan mi 'khrugs pa la phyag 'tshal bstod/ /bzlas brjod me la tshul khrims rlung gis sbar/ / brtsom 'grus chen po'i me lces sdig pa sreg /nyi ma me shel zhugs la me 'byung ltar/ /mi yi lus la dngos grub stsol bar mdzad/ /'di ni yid bzhin nor bu rin chen ltar/ /spyi bo'i gtsug tu kun gyis bkur bar 'os/ /ngan song rnam sel thar lam 'dis 'grub bo/ /rang gzhan mdun du bsgoms kyang dngos grub ster/