CLOSE WINDOW

D2653
བོད་ཡིག

/[ ]@##/ /rgya gar skad du/ akA+o b+h+ya sA d+ha naM nA ma/ bod skad du/ mi 'khrugs pa'i sgrub thabs zhes bya ba/ bcom ldan 'das mi 'khrugs pa la phyag 'tshal lo/ /mi 'khrugs pa la phyag 'tshal te/ /de yi sgrub thabs bri bar bya/ /dal 'byor theg chen rigs chen dang //snying rje shes rab yon tan dang / /byams dang snying rje ldan pa dang / /dad cing bla ma la gus pas/ /skyabs su sor zhing sems bskyed pa/ /dam tshig sdom ldan dbang thob pas/ /las dang cho ga shes nas ni/ /dgon pa'i gnas dang grong gi mthar/ /las bya bde ba'i stan 'dug nas//khrus byas gtsang ma'i gos can gyis/ /rang lhar gsal ba'i thugs ka ru/ /pad+ma zla ba'i steng du hUM/ /de nas 'od zer 'phros pa yis/ /bla ma dang ni mi bskyod pa/ /spyan drangs mdun du bzhugs pa la/ /bdun po rnam par dag par bya/ /tshad med bzhi dang ldan par bsgom//chos rnams thams cad dngos med par/ /sems kyis bsgom par byas nas ni/ /b+h+rUM dang baM las sna tshogs bsgom/ /a las zla ba'i dkyil 'khor bsam/ /rang gi sa bon dbus bsams nas/ /dam tshig dag dang phyag rgya dag /bsam zhing de bzhin nyid du sbyar//rnal 'byor pas ni bsgrub par bya/ /lha yi rnal 'byor tshul du bsgyur/ /zhal gcig phyag gnyis sku mdog sngo/ /g.yon pa mnyam gzhag rdo rje dang / /g.yas pa sa gnon tshul can no/ /rgyan dang ldan par rang nyid bsgom/ /thugs kar pad zla'i steng du ni/ /de steng rang gi sa bon dang / / phyag mtshan phyag rgyas byin gyis brlab/ /rang nyid mi 'khrugs par bsgoms nas/ /sangs rgyas bzhi po phyogs dang bstun/ /rang rang phyag rgya ldan par bsgom/ /hUM las 'od 'phros pad+mo yi/ /'dab ma brgyad la lha mo brgyad/ /phyag mtshon brgyad las sku bskyed do/ /rtsa sngags brgyad po brjod pa las//dri za'i phyogs su pad+ma can/ /sku mdog dkar mo dpal be'u bsnams/ /me yi phyogs su 'jigs byed ma/ /sku mdog dkar mo 'khor lo bsnams/ /gshin rje'i phyogs su rnam rgyal ma/ /sku mdog sngon po rgyal mtshan bsnams/ /bden bral phyogs su mdangs ldan ma/ /sku mdog sngon mo gdugs bsnams pa//kU yi phyogs su 'od ldan ma/ /sku mdog dmar skya pad+ma bsnams/ /rlung gi phyogs su dkar sham ma/ /sku mdog dmar skya bum pa bsnams/ /gnod sbyin phyogs su dri med ma/ /sku mdog ljang gu 'bud dung bsnams/ /dbang ldan phyogs su yid gzhungs ma//sku mdog ljang gu nya bsnams pa'o/ /sgo ma bzhi po 'dod lha ste/ /phyogs dang bstun zhing phyogs skyong dang / /gzhal yas rim par bsgom par bya/ /de ltar dam tshig lha bskyed de/ /thugs ka'i rdo rje'i hUM las ni/ /'og min gnas su 'od 'phros pas/ /mi 'khrugs mdun nam spyi bor bsam//rang lus mi 'khrugs bsgoms bstims la/ /ltag 'og rim pa ji bzhin du/ /lha yi go rims ji bzhin bar/ /sangs rgyas rnams kyis dbang bskur ro/ /yang na rang nyid lhar bsgoms la/ /mi 'khrugs mdun du bsgom par bya/ /gzungs drang pa yi ting 'dzin ni/ /thugs las 'od zer 'phros pa yis//de nyid sum brtsegs rang rang gzhan/ /lha dang bum pa mchod rten gtor/ /bum pa mchod rten la sogs nang / /rgya mtsho zla ba pad+ma la/ /lha bskyed ye shes bstim par bya/ /dad pa dang ni dam tshig gis/ /bdag la rab tu dgongs par mdzod/ /oM ak+Sho b+h+ya dza/ a big+h+nAM ta kr-i ta hUM phaT/thal sbyar sor gnyis phyir bskyed de/ /ta thA ga to ta b+ha bA ya swA hA dzaH hUM baM hoH/ de nyid gdan la bzhugs pa la/ /mchod bstod la sogs dbul bya ste/ /oM ar+g+haM pra tIts+tsha puSh+pe/ d+hU pe/ A lo ke / gan+d+he/ ni bi d+h+ye shab+da/ ba liM ta pU ja khA hi khA hi/ chos nyid mnyam pa'i dang las ma g.yos kyang //thugs rjes rtag tu mya ngan mi 'da' zhing / /phrin las rnam bzhis 'gro ba'i don mdzad pa/ /bcom ldan mi 'khrugs pa la phyag 'tshal lo/ /gtor ma mgron du dmigs la bsngo/ /sgra dang sems dang gzhi la gzhol/ /yan lag bzhi dang dmigs pa gsum/ / rang don du ni bsnyen pa yin/ /grangs dang dus dang mtshan ma'o/ /dngos grub sgrub pa'i bzlas pa ni/ /ngag dang shib bu rdo rje'i bzlas/ /yid kyis bzlas pa byas pa bzhi/ /me dang sgra dang sgra mthar gsum/ /brjod pa med pa'i bsam gtan te/ /thun gsum dag tu bzlas pa bya/ /gtong ma mchod bstod gtor ma btang //ye shes gshegs dang dam tshig bsdu/ /de ltar thun gsum sbyor ba yis/ /bsnyen pa sngon du song ba dang / /gang 'dod dngos grub bab pa'i phyir/ /de nas las la sbyar bar bya/ /bzlas brjod me la tshul khrims rlung gis sbar/ /brtson 'grus chen po'i me lces sdig sgrib sreg /pad+ma'i drod la char chu yis/ /kha zum 'od kyis 'byed pa dang / /nyi ma me shel me 'byung bzhin/ /mi yi lus la dngos grub ster/ /mi gnas bsod nams ster bar byed/ /sgra yis thar pa ster bar byed/ /'di ni yid bzhin nor bu rin chen ltar/ /spyi bo'i gtsug tu kun gyis bkur bar 'os//ngan song rnams las thar lam 'dis sgrub bo/ /rang gzhan mdun du bsgoms kyang dngos grub ster/ /mgon po mi 'khrugs pa yi ni/ /sgrub pa'i thabs mchog 'di bris pa'i/ /bdag gi dge ba'i las 'di yis/ /bdag dang 'gro ba thams cad ni/ /myur ba nyid du sangs rgyas nas//'gro la phan phyir chos ston zhing / /sems can sdug bsngal las grol shog /bcom ldan 'das mi 'khrugs pa'i sgrub thabs rgyas pa slob dpon dI baM ka ra shrI dz+nyA nas mdzad pa rdzogs so// //paN+Di ta de nyid dang / bod kyi lo tsA ba dge slong tshul khrims rgyal bas bsgyur zhing zhus te gtan la phab pa'o/