CLOSE WINDOW

D2645
བོད་ཡིག

/byang chub rnam gsum thob par shog /slob dpon chen po kun dga' snying pos mdzad pa rdzogs so//[ ]@##/ /rgya gar skad du/ pradz+nyA pA ra mi ta maN+Da la bid+hi nA ma/ bod skad du/ shes rab kyi pha rol tu phyin pa'i dkyil 'khor gyi cho ga zhes bya ba/spang dang blang ba'i gzhi rnams shes/ /gang zag gsum gyi lam rnams shes/ /thub pa yi ni rtog pa'i yul/ /rten gsum gyi ni bdag nyid can/ /sangs rgyas nyan thos sems dpa' yi/ /tshogs kyis bskor ba'i yum de la/ /sgo gsum dang bas phyag 'tshal lo/ /bde gshegs lung bstan klu sgrub dang //de yi slob ma zla grags dang / /mkhas pa yi ni b+ha bya dang / /de sogs yum gyi sgrub thabs ni/ /legs pa nyid du bstan kyang ni/ /sla zhing dkyil 'khor rgyas pa ni/ /mkhas pas de dag ma bstan te/ /des rgyas bdag gis sla bar bstan/ /bdag 'dra shin tu blun gyur kyang //bla ma yi dam drin dang ni/ /gzhung rnams kun nas bsdus nas ni/ /dkyil 'khor cho ga legs bar bshad/ /snying rje dang ldan rigs kyi bus/ /yum brjod pa yi mjug thogs su/ /dge ba rnams ni bsdu ba'i phyir/ /dkyil 'khor chen po bsham bya ste/ /de nas lha gnas nang par ni//tshangs dang zur dang logs thig rnams/ /gzhan dang mthun par gdab par bya/ /phyi dang nang du dbye bar bya/ /phyi la sgo sogs rdzogs par gdab/ /nang la yang ni tshul bzhin gdab/ /nang gi le'u tshe bzhi la ni/ /pad+ma ze'u 'bru ldan dgu bri/ /de phyi le'u tshe bcu gnyis la/ /ze'u 'bru 'dab ldan bzhi rnams bri//de yi phyi yang gzhan dang mthun/ /bri dang bshad pa rim gyis bstan/ /dran bzhi brda bstan gdugs bzhi bri/ /spong bzhi brda bstan 'khor lo bzhi/ /rdzu 'phrul rkang pa bzhi yi brdar/ /pad 'dab bzhi ni bri bar bya/ /des 'byed yan lag rnam bzhi'i brdar/ / rta babs bzhi yang bri bar bya/ /ye shes skad cig bcu drug brdar/ /bcu gcig rdo rje bcu drug bri/ /'phags lam yan lag brgyad kyi brdar/ /re khA lnga dang dra ba phyed/ /rin chen phag dang 'dod yon snam/ /de dag kyang ni rim bzhin bri/ /sa bcu pa yi brdar bstan pa/ /sgo yi nang yang legs par bri//de ltar pho brang nang dag na/ /yum chen 'khor dang bcas pa bri/ /dbus kyi pad+ma'i lte ba la/ /sku mdog ser mo phyag bzhi ma/ /g.yas kyi dang po pad+ma'i steng / /shes rab kyi ni bu sti'o/ /g.yon gyi dang po ut+pal te/ /mi shigs pa yi rdo rje'o/ /dang po'i 'og ma mchog sbyin dang //gnyis pa 'og ma mnyam gzhag ste/ /de lta bu yi yum bri'o/ /phyogs bzhi pad+ma'i 'dab steng du/ /sems ma rdo rje rin chen ma/ /chos dang las kyi sems ma'o/ /sku mdog phyag mtshan rigs dang mthun/ /mtshams bzhi pad+ma'i 'dab steng du/ /mA ma kI dang gos dkar mo//sangs rgyas spyan dang sgrol ma ste/ /sku mdog phyag mtshan rigs dang mthun/ /shar gyi pad+ma'i lte ba la/ /rin chen 'byung gnas sku mdog ser/ /sa gnon phyag rgya can dgod do/ /phyogs bzhi yi ni pad+ma la/ /sems dpa' 'od zer kun 'byung dang / /rin chen 'od 'phro rin dbang phyug /rdo rje mi g.yo sems dpa' bzhi/ /pad+ma rdo rje dbyug to dang / /rin chen lcags kyu rim bzhin thogs/ /lho yi pad+ma'i lte ba la/ /mya ngan med dpal sku mdog sngo/ /mchog sbyin pad+ma can dgod do/ /phyogs bzhi yi ni 'dab ma la/ /sems dpa' mya ngan med pa dang //chos kyi rgyal mtshan bkod pa rgyal/ /dbang phyug rgyal te sems dpa' bzhi/ /pad+ma 'dab bzhi rin chen 'bar/ /rgyal mtshan rnams te rim bzhin thogs/ /nub kyi pad+ma'i lte ba la/ /rin chen 'od 'phro sku mdog dmar/ /mnyam gzhag phyag rgya can dgod do/ /phyogs bzhi yi ni 'dab ma la//spyod pa'i blo gros snang ba mchog /phyag rgya dang ni spobs pa brtsegs/ /pad+ma dung dang lcags kyu dang / /mnyam gzhag pusti bsnams pa'o/ /de dag thogs nas gtso la 'dud/ /byang gi pad+ma'i lte ba la/ /rgyal ba'i dbang po sku mdog ljang / /skyabs sbyin phyag rgya can dgod do//phyogs bzhi yi ni pad+ma la/ /rgyal ba byin dang grub pa'i lha/ /dga' ba ston dang mi g.yo ba/ /pad+ma rin chen pa tra dang / /rgya gram mnyam gzhag ting 'dzin bsnams/ /byang shar pad+ma'i lte ba la/ /ting 'dzin glang po dmar ser mdog /chos 'khor bskor ba'i phyag rgya can/ /phyogs bzhi yi ni 'dab ma la//rgyal ba gnon dang kun du bzang / /'jam dpal sgrib pa sel ba ste/ /pad+ma rin chen ga'u dang / /rdo rje me tog rim bzhin thogs/ /shar lho pad+ma'i lte ba la/ /pad+mo dam pa dmar skya'i mdog /chos 'chad phyag rgya can dgod do/ /phyogs bzhi yi ni 'dab ma la/ / lag na pad+mo mthu chen thob/ /sman gyi rgyal dang yon tan snying / /pad+ma me tog myu gu dang / /bum pa dang ni ral gri'o/ /de dag bsnams te gtso la 'dud/ /lho nub pad+ma'i lte ba la/ /nyi ma'i dkyil 'khor snang ba'i dpal/ /dmar ser mdog ldan chos 'chad tshul/ /phyogs bzhi yi ni 'dab ma la//nyi ma rab snang rdo rje can/ /gzhon nu rgyan dang seng ge'i sgra/ /pad+ma dang ni me tog nyug /rdo rje bdud rtsi bum pa ni/ /rim pa bzhin du thogs pa'o/ /nub byang pad+ma'i lte ba la/ /gdugs dam pa ste dmar ser mdog /chos 'chad pa yi phyag rgya can/ /phyogs bzhi yi ni 'dab ma la//rin chen mchog dang pad+mo rgyal/ /pad+ma dam pa thogs med rgyal/ /pad+ma dang ni rtse lnga dang / /me tog dang ni mdzes gos dang / /go rims bzhin du thogs pa'o/ /phyi rim shar phyogs lte ba la/ /dga' ba dpal te mdog dkar po/ /skyabs dang ldan pa dgod par bya/ /phyogs bzhi yi ni 'dab ma la//dga' sbyin dang ni bzang skyong dang / /dkon mchog 'byung gnas zla 'od gnas/ /pad+ma dang ni me tog dang / /nyi ma zla ba bsnams pa'o/ /lho phyogs kyi ni lte ba la/ /shAkya thub gser gyi btso ma bzhin/ /bdud btul ba yi tshul can no/ /phyogs bzhi yi ni 'dab ma la//byams pa nam mkha'i snying po dang / /sa yi snying dang spyan ras gzigs/ /maud gal dang shA ri'i bu/ /kun dga' bo dang 'od srungs te/ /pad+ma dang ni rin chen dang / /bum pa khri snyan sa le rnams/ /go rims thogs te gtso la 'dud/ /bzhi yi phyag mtshan lhung bzed do/ / nub kyi pad+ma'i lte ba la/ /mar me mdzad de mdog dmar po/ /kun snang phyag rgya can dgod do/ /phyogs bzhi yi ni 'dab ma la/ /nyi 'od dang ni zla 'od dang / /byams pa mai tri skyes bu dam/ /kun kyang rin chen 'dzin pa'o/ /byang phyogs pad+ma'i lte ba la/ /pad+mo'i dpal de mdog sngo ba/ /skyabs sbyin ldan pa dgod par bya//phyogs bzhi yi ni 'dab ma la/ /pad+ma dam dang ye shes tog /mya ngan kun 'joms blo mi zad/ /kun kyang pad+mo bsnams pa'o/ /mtshams su sgeg mo phreng ba ma/ /glu dang gar de gzhan dang mthun/ /phyi la me tog bdug pa ma/ /dri chab ma ste gzhan dang mthun/ / lcags kyu zhags pa lcags sgrog dril/ /de yang gzhan dang mthun pa'o/ /dkar dang ser dang dmar dang ljang / /kun gyi nang rol mthing ba'o/ /shar du dkar po che ba ste/ /lho ru ser po che ba ste/ /nub tu dmar po che ba ste/ /byang du ljang gu che ba ste/ /dbus su mthing ga yang dag ldan//mchod dang gtor ma rgyas par bshams/ /dkyil 'khor rgyan sogs legs par dgod/ /rang nyid bde ba'i stan la 'dug /dang po tshogs kyi lam gyi chos/ /bzhi gsum bcu gnyis bsgom rtogs bya/ /de rjes sbyor ba'i lam gyi chos/ /nges 'byed bsgom zhing rtogs par bya//de rjes mthong ba'i lam gyi chos/ /byang chub bdun bsgom rtogs par bya/ /de rjes bsgom pa lam gyi chos/ /'phags lam brgyad bsgom rtogs par bya/ /de rjes rdo rje lta bu gnas/ /de de yang ni rtogs par bya/ /de rjes bcu gcig pa yang thob/ /b+h+rUM las rin chen gzhal yas bsam//kun gyi sa bon a yin te/ /de zhu mtshan ma lha ru bsam/ /lam lnga rdzogs pa'i pho brang du/ /yum chen 'khor dang bcas pa rnams/ /gzugs nas rga shi rtogs pa'i tshul/ /sbyin nas rnam pa thams cad mkhyen/ /de yang spyod pa'i tshul can rnams/ /mngon par rdzogs par sangs rgyas nas//ring po ma lon de nyid kyi/ /yum chen 'khor bcas spyan drangs te/ /bsam brjod yul 'das 'gro ba la/ /mtshon phyir skye med mtshon bstan pa/ /skye ba med pa'i gzugs brnyan las/ /'gro ba'i don du yum du shar/ /yum sras 'khor dang bcas pa yang / / yon bdag sgrib rgyun sbyang ba dang / /dam chos klog dang kha ton dang / /yi ge 'dri sogs bgyis pa yis/ /yum chen dge ba bsdu ba'i phyir/ /rin chen pad+ma'i gdan steng du/ /snying rje'i dbang gis spyan 'dren na/ /byang chub sems kyis gshegs su gsol/ /bsam brjod yul 'das pha rol phyin//kun rdzob 'gro don yum gyi sku/ /yum chen pha rol phyin ma yang / /yon bdag sgrib rgyun sbyang ba dang / /dam chos klog dang kha ton dang / /yi ge 'dri sogs bgyis pa yis/ /yum chen dge ba bsdu ba'i phyir/ /rin chen pad+ma'i gdan steng du/ /snying rje'i dbang gis spyan 'dren na//byang chub sems kyis gshegs su gsol/ /shar phyogs rin chen yong ba yis/ /dag pa yi ni zhing khams na/ /bde gshegs rin chen 'byung gnas la/ /byang chub sems dpa' khyim pa dang / /rab tu byung dang khye'u dang / /bu mo'i tshogs kyis 'khor du bskor/ /'khor bcas ma lus pa dag kyang //yon bdag sgrib rgyun sbyang ba'i phyir/ /dam chos klog dang kha ton dang / /yi ge 'dri sogs bgyis pa yis/ /yum chen dge ba bsdu ba'i phyir/ /rin chen pad+ma'i gdan steng du/ /snying rje'i dbang gis spyan 'dren na/ /byang chub sems kyis gshegs su gsol/ / lho phyogs mya ngan med pa yi/ /dam pa yi ni zhing khams na/ /bde gshegs mya ngan med pa la/ /byang chub sems dpa' khyim pa dang / /rab tu byung dang khye'u dang / /bu mo'i tshogs kyis 'khor du bskor/ /'khor bcas ma lus pa dag kyang / /yon bdag sgrib rgyun sbyang ba'i phyir/ /dam chos klog dang kha ton dang //yi ge 'dri sogs bgyis pa yis/ /yum chen dge ba bsdu pa'i phyir/ /rin chen pad+ma'i gdan steng du/ /snying rje'i dbang gis spyan 'dren na/ /byang chub sems kyis gshegs su gsol/ /nub phyogs nye bar zhi ba yi/ /dag pa yi ni zhing khams na/ /bde gshegs rin chen 'od 'phro la//byang chub sems dpa' khyim pa dang / /rab tu byung dang khye'u dang / /bu mo'i tshogs kyis 'khor du bskor/ /'khor bcas ma lus pa dag kyang / /yon bdag sgrib rgyun sbyang ba'i phyir/ /dam chos klog dang kha ton dang / /yi ge 'dri sogs bgyis pa yis/ / yum chen dge ba bsdu ba'i phyir/ /rin chen pad+ma'i gdan steng du/ /snying rje'i dbang gis spyan 'dren na/ /byang chub sems kyis gshegs su gsol/ /byang phyogs rgyal ba can gyi ni/ /dag pa yi ni zhing khams na/ /bde gshegs rgyal ba'i dbang po la/ /byang chub sems dpa' khyim pa dang //rab tu byung dang khye'u dang / /bu mo'i tshogs kyis 'khor du bskor/ /'khor bcas ma lus pa dag kyang / /yon bdag sgrib rgyun sbyang ba'i phyir/ /dam chos klog dang kha ton dang / /yi ge 'dri sogs bgyis pa yis/ /yum chen dge ba bsdu ba'i phyir/ /rin chen pad+ma'i gdan steng du//snying rje'i dbang gis spyan 'dren na/ /byang chub sems kyis gshegs su gsol/ /byang shar ting 'dzin brgyan pa yi/ /dag pa yi ni zhing khams na/ /bde gshegs ting 'dzin glang po la/ /byang chub sems dpa' khyim pa dang / /rab tu byung dang khye'u dang / /bu mo'i tshogs kyis 'khor du bskor//'khor bcas ma lus pa dag kyang / /yon bdag sgrib rgyun sbyang ba'i phyir/ /dam chos klog dang kha ton dang / /yi ge 'dri sogs bgyis pa yis/ /yum chen dge ba bsdu ba'i phyir/ /rin chen pad+ma'i gdan steng du/ /snying rje'i dbang gis spyan 'dren na/ / byang chub sems kyis gshegs su gsol/ /shar lho snying po byang chub brgyan/ /shin tu yid 'ong zhing khams na/ /bde gshegs pad+ma dam pa la/ /byang chub sems dpa' khyim pa dang / /rab tu byung dang khye'u dang / /bu mo'i tshogs kyis 'khor du bskor/ /'khor bcas ma lus bdag kyang / / yon bdag sgrib rgyun sbyang ba'i phyir/ /dam chos klog dang kha ton dang / /yi ge 'dri sogs bgyis pa yis/ /yum chen dge pa bsdu ba'i phyir/ /rin chen pad+ma'i gdan steng du/ /snying rje'i dbang gis spyan 'dren na/ /byang chub sems kyis gshegs su gsol/ /lho nub rdul dang bral ba yi/ /dag pa yi ni zhing khams na//bde bar gshegs pa nyi ma yi/ /dkyil 'khor snang ba'i dpal la ni/ /byang chub sems dpa' khyim pa dang / /rab tu byung dang khye'u dang / bu mo'i tshogs kyis 'khor du bskor/ /'khor bcas ma lus pa dag kyang / /yon bdag sgrib rgyun sbyang ba'i phyir/ /dam chos klog dang kha ton dang / /yi ge 'dri sogs bgyis pa yis//yum chen dge ba bsdu ba'i phyir/ /rin chen pad+ma'i gdan steng du/ /snying rje'i dbang gis spyan 'dren na/ /byang chub sems kyis gshegs su gsol/ /nub byang dbang du bya pa yi/ /dag pa yi ni zhing khams na/ /bde gshegs gdugs kyi dam pa la/ / byang chub sems dpa' khyim pa dang / /rab tu byung dang khye'u dang / /bu mo'i tshogs kyis 'khor du bskor/ /'khor bcas ma lus pa dag kyang / /yon bdag sgrib rgyun spyang ba'i phyir/ /dam chos klog dang kha ton dang / /yi ge 'dri sogs bgyis pa yis/ /yum chen dge ba bsdu ba'i phyir/ / rin chen pad+ma'i gdan steng du/ /snying rje'i dbang gis spyan 'dren na/ /byang chub sems kyis gshegs su gsol/ /steng phyogs mdangs dga'i zhing khams na/ /bde gshegs dga' ba'i dpal la ni/ /byang chub sems dpa' khyim pa dang / /rab tu byung dang khye'u dang / /bu mo'i tshogs kyis 'khor du bskor//'khor bcas ma lus ba dag kyang / /yon bdag sgrib rgyun sbyang ba'i phyir/ /dam chos klog dang kha ton dang / /yi ge 'dri sogs bgyis pa yis/ /yum chen dge ba bsdu ba'i phyir/ /rin chen pad+ma'i gdan steng du/ /snying rje'i dbang gis spyan 'dren na/ /byang chub sems kyis gshegs su gsol//'og phyogs pad+ma'i zhing khams na/ /bde gshegs pad+ma'i dpal la ni/ /byang chub sems dpa' khyim pa dang / /rab tu byung dang khye'u dang / /bu mo'i tshogs kyis 'khor du bskor/ /'khor bcas ma lus pa dag kyang / /yon bdag sgrib rgyun sbyang ba'i phyir//dam chos klog dang kha ton dang / /yi ge 'dri sogs bgyis pa yis/ /yum chen dge ba bsdu ba'i phyir/ /rin chen pad+ma'i gdan steng du/ /snying rje'i dbang gis spyan 'dren na/ /byang chub sems kyis gshegs su gsol/ /mi mjed 'jig rten khams 'di na/ /bde gshegs shAkya seng ge la//byang chub sems dpa' khyim pa dang / /rab tu byung dang khye'u dang / /bu mo'i tshogs kyis 'khor du bskor/ /'khor bcas ma lus pa dag kyang / /yon bdag sgrib rgyun sbyang ba'i phyir/ /dam chos klog dang kha ton dang / /yi ge 'dri sogs bgyis pa yis/ /yum chen dge ba bsdu ba'i phyir//rin chen pad+ma'i gdan steng du/ /snying rje'i dbang gis spyan 'dren na/ /byang chub sems kyis gshegs su gsol/ /yongs su dag pa'i zhing khams na/ /bde gshegs mar me mdzad pa ni/ /byang chub sems dpa' khyim pa dang / /rab tu byung dang khye'u dang / /bu mo'i tshogs kyis 'khor du bskor//'khor bcas ma lus pa dag kyang / /yon bdag sgrib rgyun sbyang ba'i phyir/ /dam chos klog dang kha ton dang / /yi ge 'dri sogs bgyis pa yis/ /yum chen dge ba bsdu ba'i phyir/ /rin chen pad+ma'i gdan steng du/ /snying rje'i dbang gis spyan 'dren na//byang chub sems kyis gshegs su gsol/ /phyi dang nang na rab gnas shing / /sgo rnams skyong ba la sogs kun/ /ma lus de dag thams cad kyang / /gnas 'dir mchod kyis gshegs su gsol/ /rin chen rgyas pa pad+ma'i gdan/ /shes rab gsal ba zla ba'i gdan/ / thugs rje rgyas pa nyi ma'i gdan/ /yum chen sras dang bcas la dbul/ /dam chos klog dang kha ton dang / /yi ge 'dri sogs bgyis pa yis/ /dge ba bsdu phyir gshegs su gsol/ /oM pradz+nyA pA ra mi tA sarba de ba At+ma nAM ni R+YA ta yA mi/ gdan sogs dbul zhing gnyis med bya/ /de nas mchod pa 'di skad do//bde gshegs mnyes pa'i yon chab 'di/ /'khor gsum yongs su dag sgo nas/ /yum chen sras dang bcas la dbul/ /dam chos klog dang kha ton dang / /yi ge 'dri sogs bgyis pa yis/ /dge ba bsdu phyir bzhes su gsol/ /de bzhin bsgres te sgra mchod par//rgyal yum sras dang bcas la mchod/ /bdag gi sgo gsum dang ba yis/ /yum chen 'khor dang bcas pa la/ /bdag dang khams gsum sems can rnams/ /ngag yid dang bas phyag 'tshal lo/ /pradz+nyA pA ra mi tA de ba sarba At+ma nAM niR+YA ta yA mi/ phyag byas bstod pa 'di lta ste//rang bzhin mnyam nyid gnyis med kyang / /'gro ba'i don phyir yum gyi sku/ /rigs kyi yum gyis yongs bskor ba/ /dus gsum rgyal yum phyag 'tshal bstod/ /rdo rje sems ma rin chen ma/ /chos dang las kyi sems ma ste/ /rigs kyi yum bzhi phyag 'tshal bstod/ /mA ma kI dang gos dkar mo//sangs rgyas spyan dang sgrol ma ste/ /mdzes pa'i yum bzhi phyag 'tshal bstod/ /shar phyogs rin chen yod pa yi/ /dag pa yi ni zhing khams na/ /bde gshegs rin chen 'byung gnas ni/ /sku chen mtshan bzang yon tan rdzogs/ /dam chos rmad du byung ba yi/ /gsung chen pha rol phyin drug gis//zhing mchog gtsang mar yongs sgrogs shing / /thugs chen mnyam nyid rtag gnas shing / /mdzes pa'i bde gshegs phyag 'tshal bstod/ /lho phyogs mya ngan med pa yi/ /dag pa yi ni zhing khams na/ /bde gshegs mya ngan med pa ni/ /sku chen mtshan bzang yon tan rdzogs//dam chos rmad du byung ba yi/ /gsung chen pha rol phyin drug gis/ /zhing mchog gtsang mar yongs sgrogs shing / /thugs chen mnyam nyid rtag gnas shing / /mdzes pa'i bde gshegs phyag 'tshal bstod/ /nub phyogs nye bar zhi ba yi/ /dag pa yi ni zhing khams na/ / bde gshegs rin chen 'od 'phro ni/ /sku chen mtshan bzad yon tan rdzogs/ /dam chos rmad du byung ba yi/ /gsung chen pha rol phyin drug gis/ /zhing mchog gtsang mar yongs sgrogs shing / /thugs chen mnyam nyid rtag gnas shing / /mdzes pa'i bde gshegs phyag 'tshal bstod/ /byang phyogs rgyal ba can gyi ni//dag pa yi ni zhing khams na/ /bde gshegs rgyal ba'i dbang po ni/ /sku chen mtshan bzang yon tan rdzogs/ /dam chos rmad du byung ba yi/ /gsung chen pha rol phyin drug gis/ /zhing mchog gtsang mar yongs sgrogs shing / /thugs chen mnyam nyid rtag gnas shing / / mdzes pa'i bde gshegs phyag 'tshal bstod/ /byang shar ting 'dzin brgyan pa yi/ /dag pa yi ni zhing khams na/ /bde gshegs ting 'dzin glang po ni/ /sku chen mtshan bzang yon tan rdzogs/ /dam chos rmad du byung ba yi/ /gsung chen pha rol phyin drug gis/ /zhing mchog gtsang mar yongs sgrogs shing //thugs chen mnyam nyid rtag gnas shing / /mdzes pa'i bde gshegs phyag 'tshal bstod/ /shar lho snying po byang chub brgyan/ /shin tu yid 'ong zhing khams na/ /bde gshegs pad+mo'i dpal la ni/ /sku chen mtshan bzang yon tan rdzogs/ /dam chos rmad du byung ba yi//gsung chen pha rol phyin drug gis/ /zhing mchog gtsang mar yongs sgrogs shing / /thugs chen mnyam nyid rtag gnas shing / /mdzes pa'i bde gshegs phyag 'tshal bstod/ /lho nub rdul dang bral pa yi/ /dag pa yi ni zhing khams na/ /bde bar gshegs pa nyi ma yi/ /dkyil 'khor snang ba dam pa'i dpal//sku chen mtshan bzang yon tan rdzogs/ /dam chos rmad du byung ba yi/ /gsung chen pha rol phyin drug gis/ /zhing mchog gtsang mar yongs sgrogs shing / /thugs chen mnyam nyid rtag gnas shing / /mdzes pa'i bde gshegs phyag 'tshal bstod/ /nub byang dbang du gyur pa yi//dag pa yi ni zhing khams na/ /bde gshegs gdugs kyi dam pa ni/ /sku chen mtshan bzang yon tan rdzogs/ /dam chos rmad du byung ba yi/ /gsung chen pha rol phyin drug gis/ /zhing mchog gtsang mar yongs sgrogs shing / /thugs chen mnyam nyid rtag gnas shing //mdzes pa'i bde gshegs phyag 'tshal bstod/ /steng phyogs mdangs dga'i zhing khams na/ /bde gshegs dga' ba'i dpal la ni/ /sku chen mtshan bzang yon tan rdzogs/ /dam chos rmad du byung ba yi/ /gsung chen pha rol phyin drug gis/ /zhing mchog gtsang mar yongs sgrogs shing //thugs chen mnyam nyid rtag gnas shing / /mdzes pa'i bde gshegs phyag 'tshal bstod/ /'og phyogs pad+mo'i zhing khams na/ /bde gshegs pad+mo'i dpal la ni/ /sku chen mtshan bzang yon tan rdzogs/ /dam chos rmad du byung ba yi/ /gsung chen pha rol phyin drug gis//zhing mchog gtsang mar yongs sgrogs shing / /thugs chen mnyam nyid rtag gnas shing / /mdzes pa'i bde gshegs phyag 'tshal bstod/ /mi mjed 'jig rten khams 'di na/ /bde gshegs shAkya seng ge ni/ /sku chen mtshan bzang yon tan rdzogs/ /dam chos rmad du byung ba yi//gsung chen pha rol phyin drug gis/ /zhing mchog gtsang mar yongs sgrogs shing / /thugs chen mnyam nyid rtag gnas shing / /mdzes pa'i bde gshegs phyag 'tshal bstod/ /yongs su dag pa'i zhing khams na/ /bde gshegs mar me mdzad pa ni/ /sku chen mtshan bzang yon tan rdzogs//dam chos rmad du byung ba yi/ /gsung chen pha rol phyin drug gis/ /zhing mchog gtsang mar yongs sgrogs shing / /thugs chen mnyam nyid rtag gnas shing / /mdzes pa'i bde gshegs phyag 'tshal bstod/ /sems dpa' 'od zer kun 'byung dang / /rin chen 'od 'phro rin dbang phyug /rdo rje mi g.yo sems dpa' bzhi/ /pha rol phyin la rab dad de/ /mi mjed 'jig rten khams 'di ru/ /bya rgod spungs pa'i ri bo la/ /sprul sku shAkya seng ge yis/ /dri med pha rol phyin pa la/ /chos sgra chen po sgrogs pa'i tshe/ /chos 'byung rtag chen bstan pa'i drus/ /sems dpa' chen po khyed rnams kyis//rang gis gtso la rtag zhus te/ /gtso bos tshul bzhin lung bstan dus/ /mdzes pa gser gyi pad 'dab stong / /shAkya seng ge mchod pa dang / /pha rol phyin chos mnyan pa'i ched/ /mi mjed 'jig rten 'dir byon pa'i/ /blo chen khyod la phyag 'tshal bstod/ /sems dpa' mya ngan med pa dang //chos kyi rgyal mtshan bkod pa rgyal/ /dbang phyug rgyal te sems dpa' bzhi/ /pha rol phyin la rab dad de/ /mi mjed 'jig rten khams 'di ru/ /bya rgod spungs pa'i ri bo la/ /sprul sku shAkya seng ge yis/ /dri med pha rol phyin pa la/ /chos sgra chen po sgrogs pa'i tshe/ / chos 'byung rtag chen bstan pa'i dus/ /sems dpa' chen po khyed rnams kyang / /rang gis gtso la rtag zhus te/ /gtso bos tshul bzhin lung bstan dus/ /mdzes pa gser gyi pad 'dab stong / /shAkya seng ge mchod pa dang / /pha rol phyin chos mnyen pa'i ched/ /mi mjed 'jig rten 'dir byon pa'i/ / blo chen khyod la phyag 'tshal bstod/ /spyod pa'i blo gros snang mchog dang / /phyag rgya rgyal dang spobs pa brtsegs/ /blo dang ldan pa'i sems dpa' bzhi/ /pha rol phyin la rab dad sde/ /mi mjed 'jig rten khams 'di ru/ /bya rgod spungs pa'i ri bo la/ /sprul sku shAkya seng ge yis/ /dri med pha rol phyin pa la//chos sgra chen po sgrogs pa'i tshe/ /chos 'byung rtag chen bstan pa'i dus/ /sems dpa' chen po khyed rnams kyang / /rang gis gtso la rtag zhus te/ /gtso bos tshul bzhin lung bstan dus/ /mdzes pa gser gyi pad 'dab stong / /shAkya seng ge mchod pa dang / /pha rol phyin chos mnyan pa'i ched//mi mjed 'jig rten 'dir byon pa'i/ /blo chen khyod la phyag 'tshal bstod/ /rgyal ba byin dang grub pa'i lha/ /dga' ston dang ni mi g.yob/ /blo dang ldan pa'i sems dpa' bzhi/ /pha rol phyin la rab dang de/ /mi mjed 'jig rten khams 'di ru/ /bya rgod spungs pa'i ri bo la//sprul sku shAkya seng ge yis/ /dri med pha rol phyin pa la/ /chos sgra chen po sgrogs pa'i tshe/ /chos 'byung rtag chen bstan pa'i dus/ /sems dpa' chen po khyed rnams kyang / /rang gis gtso la rtag zhus te/ /gtso bos tshul bzhin lung bstan dus/ /mdzes pa gser gyi pad 'dab stong //shAkya seng ge mchod pa dang / /pha rol phyin chos mnyan pa'i ched/ /mi mjed 'jig rten 'dir byon ba'i/ /blo chen khyod la phyag 'tshal bstod/ /nyi ma rab snang rdo rje can/ /gzhon nu rgyan dang seng ge sgra/ /blo dang ldan ba'i sems dpa' bzhi/ /pha rol phyin la rab dad de//mi mjed 'jig rten khams 'di ru/ /bya rgod spungs ba'i ri bo la/ /sprul sku shAkya seng ge yis/ /dri med pha rol phyin pa la/ /chos sgra chen po sgrogs pa'i tshe/ /chos 'byung rtag chen bstan pa'i dus/ /sems dpa' chen po khyed rnams kyang / /rang gis gtso la rtag zhus te/ / gtso bos tshul bzhin lung bstan dus/ /mdzes pa gser gyi pad 'dab stong / /shAkya seng ge mchod pa dang / /pha rol phyin chos mnyan pa'i ched/ /mi mjed 'jig rten 'dir byon pa'i/ /blo chen khyod la phyag 'tshal bstod/ /rin chen mchog dang pad+mo rgyal/ /pad+mo dam pa thogs med rgyal/ /blo dang ldan pa'i sems dpa' bzhi//pha rol phyin la rab dad de/ /mi mjed 'jig rten khams 'di ru/ /bya rgod spungs pa'i ri bo la/ /sprul sku shAkya seng ge yis/ /dri med pha rol phyin pa la/ /chos sgra chen po sgrogs pa'i tshe/ /chos 'byung rtag chen bstan pa'i dus/ /sems dpa' chen po khyed rnams kyang //rang gis gtso la rtag zhus te/ /gtso bos tshul bzhin lung bstan dus/ /mdzes pa gser gyi pad 'dab stong / /shAkya seng ge mchod pa dang / /pha rol phyin chos mnyan pa'i ched/ /mi mjed 'jig rten 'dir byon pa'i/ /blo chen khyod la phyag 'tshal bstod/ /dga' bzhin dang ni bzang skyong dang //dkon mchog 'byung gnas zla 'od gzhon/ /blo dang ldan pa'i sems dpa' bzhi/ /pha rol phyin la rab dad de/ /mi mjed 'jig rten khams 'di ru/ /bya rgod spungs pa'i ri bo la/ /sprul sku shAkya seng ge yis/ /dri med pha rol phyin pa la/ /chos sgra chen po sgrogs pa'i tshe/ /chos 'byung rtag chen bstan pa'i dus//sems dpa' chen po khyed rnams kyang / /rang gis gtso la rtag zhus te/ /gtso bos tshul bzhin lung bstan dus/ /mdzes pa gser gyi pad 'dab stong / /shAkya seng ge mchod pa dang / /pha rol phyin chos mnyan pa'i ched/ /mi mjed 'jig rten 'dir byon pa'i/ /blo chen khyod la phyag 'tshal bstod//pad+mo dam pa me tog dang / /mya ngan kun du 'joms pa dang / /blo gros mi zad sems dpa' bzhi/ /pha rol phyin la rab dad de/ /mi mjed 'jig rten khams 'di ru/ /bya rgod spungs pa'i ri bo la/ /sprul sku shAkya seng ge yis/ /dri med pha rol phyin pa la/ /chos sgra chen po sgrogs pa'i tshe//chos 'byung rtag chen bstan pa'i dus/ /sems dpa' chen po khyed rnams kyang / /rang gis gtso la rtag zhus te/ /gtso bos tshul bzhin lung bstan dus/ /mdzes pa gser gyi pad 'dab stong / /shAkya seng ge mchod pa dang / /pha rol phyin chos mnyan pa'i ched/ /mi mjed 'jig rten 'dir byon pa'i//blo chen khyod la phyag 'tshal bstod/ /byams pa sa snying nam mkha' snying / /spyan ras gzigs te sems dpa' bzhi/ /'gro don brtson la phyag 'tshal bstod/ /maud gal dang shA ri'i bu/ /kun dga' bo dang 'od srungs te/ /mchog bzhi nyan thos phyag 'tshal bstod/ /nyi 'od dang ni zla 'od dang //byams pa mai tri skyes bu dam/ /thabs mkhas 'gro don brtson la bstod/ /nyams bdes bde gshegs mnyes mdzad pa/ /nang gi lha mo bzhi la bstod/ /mchod pa yi ni las kyis ni/ /bde bar gshegs pa mnyes mdzad pa/ /phyi yi lha mo bzhi la bstod/ /bde gshegs sgo srung rab tu grags//sgo srung bzhi la phyag 'tshal bstod/ /bzhi gsum bcu gnyis chos rtogs pa/ /tshogs lam gnas la phyag 'tshal bstod/ /dbang po stobs kyi rab phye ba/ /nges 'byed rtogs la phyag 'tshal bstod/ /sa rab dga' ba rtogs 'gyur ba/ /mthong lam gnas la phyag 'tshal bstod/ / sa brgyad rim gyis rtogs gyur pa/ /bsgom lam rtogs la phyag 'tshal bstod/ /rdo rje lta bu la gnas nas/ /chos kyi sku yang rab tu gsal/ /sa bcu gnas la phyag 'tshal bstod/ /sems bskyed la sogs rab ldan pa/ /rgyu dang 'bras bus rab phye ba/ /thams cad mkhyen gzhung de la bstod/ / gang zag gsum gyi lam yang bshad/ /lam shes gzhung la phyag 'tshal bstod/ /shes rab snying rje ldan pa sogs/ /spang dang blang ba'i gzhi rnam shes/ /thams cad mkhyen gzhung de la bstod/ /rnam pa thams cad yongs bsdus pa/ /rnam kun mngon rdzogs gzhung la bstod/ /'phel ba la sogs rab ldan pa//rtse mo'i gzhung la phyag 'tshal bstod/ /'og ma kun gyi mthar phyin pa/ /mthar gyi gzhung la phyag 'tshal bstod/ /skad cig bzhi dang rab ldan pa/ /sangs rgyas sa yang rab tu gsal/ /byang chub gzhung la phyag 'tshal bstod/ /bde gshegs sku rnams kun dang ldan//sems can don phyir phrin las gzhung / /chos sku'i gzhung la phyag 'tshal bstod/ /'ga' zhig don du rgyas pa dang / /'ga' zhig don du 'bring dang ni/ /rgyas 'bring gzhung la phyag 'tshal bstod/ /de rnams don bsdus la yang bstod/ /gzhung rnams rgyas par ma gyur kyang / /don ni mi zhan ston gyur pa//don mi zhan la phyag 'tshal bstod/ /de rnams gsal bar rab 'byed pa/ /mkhas pa yis ni mdzad pa gang / /bstan bcos gzhung la phyag 'tshal bstod/ /'jig rten khams ni thams cad la/ /yum sras 'khor dang bcas pa yi/ /gzugs brnyan ci snyed yod pa la/ /thal mo sbyar te phyag 'tshal bstod//smon lam bya ba 'di skad do/ /dus gsum rgyal ba kun gyi yum/ /bklags pa dang ni kha ton bgyis/ /bgyid du rtsal dang rjes yi rang / /dge ba 'di yi stobs kyis ni/ /bdag cag 'khor dang bcas pa rnams/ /zhing mchog gtsang mar skye bar shog /dus gsum rgyal ba'i yum dag la//mchod bstod bkur sti bgyis pa dang / /bgyid du stsal dang rjes yi rang / /dge ba de yi stobs kyis ni/ /bdag cag 'khor dang bcas pa rnams/ /phyogs bcu'i sangs rgyas zhing du ni/ /bdag dang yon bdag skye bar shog /zhing de nyid du skyes nas kyang / /bde gshegs bcu la mchod par shog /pha rol phyin drug spyod par shog /lam lnga rim gyis bgrod par shog /lam lnga rim gyis bgrod nas kyang / /mngon par rdzogs par sangs rgyas shog /mngon par rdzogs par sangs rgyas nas/ /rtog pa dag ni mi mnga' yang / /'gro ba'i don phyir sprul pa'i sku/ /rgyun mi 'chad par ston par shog /dus gsum rgyal ba'i yum kun la/ /bdag gis dge ba ci bsags dang / /dge ba de yi stobs kyis ni/ /khams gsum sems can thams cad kun/ /thar pa'i lam la 'dzeg par shog /bdag gi dge ba 'di dag la/ /bdud kyis bar du mi gcod par/ /dge ba'i 'bras bu smin gyur cig /ji ltar sngon gyi 'phags pa rtag tu dus/ /lus kyi tsha grangs sdug bsngal mi lta bar/ /shes rab pha rol phyin don du/ /sdug bsngal sna tshogs tshol ba ltar/ /bdag dang khams gsum sems can kyang / /'phags pa rtag tu du bzhin du/ /shes rab pha rol phyin don du/ /sdug bsngal ci spyod der spyod shog /ji ltar sngon gyi 'phags pa rtag tu dus/ /shes rab pha rol phyin don du/ /sha khrag rus rnams thogs med du/ /sdug bsngal mi lta gtong ba ltar/ /bdag dang khams gsum sems can kyang / /'phags pa rtag tu du bzhin du/ /shes rab pha rol phyin don du/ /sha khrag rus rnams gtong bar shog /sngon gyi 'phags pa chos 'phags kyis/ /grong khyer chen po spos ldan du/ /shes rab pha rol phyin pa la/ /phyin ci ma log spyod pa ltar/ /bdag dang khams gsum sems can rnams/ /spos ldan lta bu'i grong khyer du/ /shes rab pha rol phyin pa la/ /phyin ci ma log spyod par shog / sngon gyi tshe yi tshong dus ni/ /mar me can gyi dbus su ni/ /sngon 'das bde gshegs mar me mdzad/ /sprul sku shAkya seng ge la/ /mngon par 'tshang rgya lung bstan dang / /sring mo gang+ga'i lha mo dang / /sems bskyed lung bstan thob pa ltar/ /bdag dang khams gsum sems can la/ /dus gsum sangs rgyas thams cad kyi//byang chub tu ni sems bskyed cing / /mngon par 'tshang rgya lung bstan shog /mngon dga' phyogs bcu'i zhing khams su/ /mgon po bde gshegs bcu rnams kyis/ /shes rab pha rol phyin pa la/ /phyin ci ma log spyod pa ltar/ /bdag dang khams gsum sems can rnams/ / mngon dga' phyogs bcu'i zhing khams su/ /shes rab pha rol phyin pa la/ /phyin ci ma log spyod par shog /sngon tshe shAkya seng ge yis/ /kun dga' bo ni thos ldan la/ /shes rab pha rol phyin pa ni/ /nan gyis yang nas yang du ni/ /sgro skur bral ba gtad pa bzhin/ /bdag dang khams gsum sems can rnams//dus gsum sangs rgyas thams cad kyi/ /kun dga' bo la gtad bzhin du/ /shes rab pha rol phyin pa ni/ /nan gyis yang dang yang du ni/ /sgro skur bral bar gtod par shog /gal te bdag dang sems can rnams/ /tshe yi 'du byed byed pa na/ /yum chen pha rol phyin pa la/ /bklags dang kha ton byas pa dang //yi ge 'dri sogs bgyis pa dang / /mchod dang bsnyen bkur ci bgyis pa/ /dge ba 'di yi stobs kyis ni/ /gnad gcod sdug bsngal med par ni/ /sangs rgyas byang chub sems dpa'i tshogs/ /sdun nas bsu zhing 'dren par shog /bdag dang khams gsum sems can rnams//tshe rabs dag ni gar skyes kyang / /thos pa'i shes rab ldan gyur nas/ /the tshom yul de chod par shog /bsam pa'i shes rab ldan gyur nas/ /ma rtogs pa rnams rtogs par shog /bsgom pa'i shes rab ldan gyur nas/ /chos nyid don rnams rtogs gyur shog /de ltar shes rab rnam gsum gyis//spros pa rnam gsum chod par shog /yul ni mkhyen pa rnam gsum la/ /dge ba'i las ni ci bsags pa/ /dge ba de yi stobs kyis ni/ /bdag dang khams gsum sems can rnams/ /mkhyen pa gsum la spyod par shog /spang bya'i gzhi de spangs nas ni/ /blang bya'i gzhi la spyod par shog / lam gnyis tshul bzhin shes nas kyang / /nges 'byung lam la spyod par shog /rgyu yi mkhyen nyid rgyud la sbyar nas ni/ /'bras bu'i mkhyen nyid thob par shog /yul ni mkhyen pa rnam gsum gyis/ /mjug tu bya ba'i cho ga'o// //da ni bar gyi skabs bzhi yis/ /mjug tu bya ba'i cho ga bstan/ /de nas dkyil 'khor bri ba ni//dbus su le tshe dgu ldan bri/ /de phyir pad+ma 'dab ldan bri/ /pad+ma de yi phyi nyid du/ /le tshe khra bos bskor ba bri/ /de yi phyi yi 'khyams su'o/ /sgo sogs legs par bri bar bya/ /de nas lha ni dgod bya ba/ /dbus su yum ldan shAkya seng ge bri/ /phyi yi le tshe brgyad la ni//bzang skyong dang ni rin 'byung gnas/ /dkon mchog 'byung gnas de dang ni/ /rin chen snying po rin chen byin/ /ded dpon dam dang skyes bu byin/ /skyob pa sbed pa de dang ni/ /chu bdag lha dang dbang po byin/ /bzang po stobs dang blo gros dam/ /tha ma bzhi ni go rims bzhin/ /shar nas bzung nas zla gam la'o//de phyir pad+ma'i 'dab ma la/ /'phags pa blo gros 'phel ba dang / /blo gros mtha' yas don yod mthong / /sgrib pa med pa blo gros dang / /rab tu zhugs pa de dang ni/ /rnam gzhan brtson 'grus mtha' yas dang / /rtag tu brtson dang rtag tu sbyor/ /mi gtong brtson dang nyi ma'i snying / /zla snying blo gros dpe med dang //spyan ras gzigs dbang mthu chen thob/ /'jam dpal gzhon nur gyur pa dang / /bdud kyi stobs ni rab tu 'joms/ /rdo rje de ni blo gros dang / /lag na rin chen phyag rgya dang / /rtag tu lag brkyang de dang ni/ /snying rje cher sems rgyan chen po/ /rnam par bkod pa'i rgyal po dang / /ri bo'i zom dang byams pa ste//pad+ma rnams kyi 'dab ma la'o/ /le tshe khra bo'i steng du ni/ /skye dgu'i bdag mo chen mo sogs/ /lnga brgya tsam yang rang bzhin dmigs/ /khyams su mchod ldan nyan thos dang / /de sogs lnga stong tsam yang dmigs/ /dge bsnyen pha dang dge bsnyen ma/ /shin tu mang bar dmigs par bya/ / kun kyang yon tan ldan par ro/ /de nas sngon gyi ting 'dzin ni/ /sa bcu pa yi bar du bsgom/ /de nas spyan drang 'di skad do/ /yang dag don ldan mgon po yum/ /mdzes pa'i le tshe'i dbus su ni/ /dam chos klog dang kha ton dang / /yi ge 'dri sogs bgyis pa yi/ /dge ba bsdu phyir spyan 'dren na/ thugs rje'i dbang gis gshegs su gsol/ /gdan dang 'tsham par bzhugs su gsol/ /theg chen chos la longs spyod pas/ /bden pa mthong zhing sa thob pa'i/ /'phags pa'i tshogs bcas de dag kyang / /rin chen pad+ma'i gdan steng du/ /bya ba la sogs sngar bzhin no/ /de nas phyag bya mchod pa 'bul//de nas bstod pa 'di lta ste/ /yon tan 'dus pa sku gsung thugs/ /ro gcig gyur pa gtso chen mchog /gtso chen khyod la phyag 'tshal bstod/ /dang po byang chub mchog sems bskyed/ /mos pa gnas shing lam gnyis 'dzin/ /bden pa mthong zhing 'phags pa ste/ /sems dpa'i tshogs la phyag 'tshal bstod//sangs rgyas byin gyis theg chen spyod/ /nyan thos tshogs la phyag 'tshal bstod/ /gzhan rnams sngon dang mthun pa ste/ /lhag par bya ba 'di skad do/ /bdag dang khams gsum sems can rnams/ /sbyor ba rnam pa bzhi po dag /rgyud la tshul bzhin sbyar nas ni/ sku de thogs med thob par shog /bdag dang khams gsum sems can rnams/ /rnam pa brgyad dang bdun cu gsum/ /sbyor ba dag ni bco brgyad dang / /thar dang nges 'byin cha mthun dang / /srid dang zhi ba mnyam pa dang / /slob dpon rdo rje lta bu yi/ /de yi ting nge 'dzin dang ni/ /kun kyang tshul bzhin spyod par shog /mtshan nyid dgu bcu rtsa gcig kyang / /ma nor tshul bzhin sbyor bar shog /bdud las bzhi bcu rtsa drug gis/ /bar du mi chod thar par shog /yon tan bcu bzhi thob par shog /phyir mi ldog pa'i rtag dang ni/ /tshul bzhin du ni ldan par shog /snod bcud sbyong ba'i mthu dang ni//thabs mkhas bcu dang ldan par shog /bdag dang khams gsum sems can rnams/ /sbyor dang mthong dang bsgom pa dang / /bar chad med pa'i lam mchog dang / /lam bzhi'i rtse mo bgrod par shog /bdag dang khams gsum sems can rnams/ /pha rol phyin drug rjes dran drug / ngo bo nyid ni dran pa ste/ /mthar gyis lam ni bgrod par shog /bdag dang khams gsum sems can rnams/ /zag pa med dang rnam par smin/ /mtshan nyid med dang rnam par grol/ /dga' ba bzhi dang rab ldan te/ /chos kyi sku yang gsal bar shog /de ltar sbyor ba rnam bzhi yis/ /rang bzhin don la brtson par shog /sbyor ba rnam bzhi'i mjug thogs su/ /cho ga 'di ni shin tu shis/ /tha ma skabs kyi cho ga bstan/ /de nas dkyil 'khor bri ba ni/ /mdzes pa'i dra ba 'khor lo can/ /rin chen gdung gis gru bzhir bcad/ /dbus dang phyogs bzhir bri bar bya/ /zur rnams kun du rin chen 'bar/ /kun gyi phyi yang rin chen bskor//sgo sogs legs par bri bar bya/ /de nas lha ni dgod bya ba/ /dbus su yum chen dgod par bya/ /shar du chos kyi sku yi yum/ /mdog dkar yum gyi mtshan nyid can/ /lho ru longs spyod rdzogs pa'i yum/ /mdog ser yum gyi mtshan nyid can/ /nub tu ngo bo nyid kyi yum/ / mdog dmar yum gyi mtshan nyid dang / /byang du sprul sku shAkya seng / /kun kyang legs par dgod par bya/ /de nas spyan drang 'di skad do/ /yum chen sku bzhi 'khor bcas dang / /rin chen dra ba'i dkyil 'khor du/ /dam chos klog dang kha ton dang / /yi ge 'dri sogs bgyis pa yis/ /dge ba bsdu phyir spyan 'dren na//sngon gyi smon lam dbang gis ni/ /gnas 'dir mchod kyis gshegs su gsol/ /gdan dang 'tsham par bzhugs su gsol/ /de nas phyag dang mchod pa bya/ /de nas bstod pa 'di lta ste/ /dus gsum sangs rgyas thams cad kyi/ /rtogs pa yi ni yum gyur pa'i/ /skye med tsam las chos kyi skur//'ja' tshon lta bur shar ba yi/ /yum mchog sku la phyag 'tshal bstod/ /yang dag don ldan chos kyi sku/ /longs rdzogs sku yi yul gyur pa/ /gnas 'gyur ye shes ldan phyag 'tshal/ /thun mong ma yin gnas chen du/ /sems dpa'i tshogs kyis rab bskor ba'i/ /mtshan dang dpe byad rab ldan pa//gnas 'gyur ye shes gnyis kyi bdag /longs spyod rdzogs su phyag 'tshal bstod/ /bsam brjod yul 'das nyid kyi sku/ /rang bzhin mtshan ma rnam bral yang / /sngon gyi smon lam dbang gis ni/ /'gro ba'i don phyir mtshan byad sku/ /kun gyi thun mong ma gyur pa'i/ /chos kyi sku yi yul gyur pa'i//brjod bral ngo bo nyid kyi sku/ /ngo bo nyid sku phyag 'tshal bstod/ /'gro ba'i mgon po shAkya seng / /bdud bzhi 'joms pa stobs kyi bdag /dang po byang chub chen po yis/ /'gyur med byang chub sems bskyed cing / /bar du brtson 'grus drag po yis/ /mi bzad dka' ba sna tshogs spyad//gnas gyur ye shes bdag nyid can/ /gdul bya kun snang shAkya seng / /mgon po khyod la phyag 'tshal bstod/ /dkyil 'khor lha la phyag 'tshal bstod/ /gzhan rnams sngar dang mthun pa ste/ /lhag par bya ba 'di skad do/ /bdag dang khams gsum sems can rnams/ /ngo bo nyid sku thob nas kyang //gzhan gyi don phyir sku gsum po/ /thogs pa med par 'byung bar shog /bdag dang khams gsum sems can rnams/ /sku bzhi tshul bzhin thob nas kyang / /mdzad pa nyi shu rtsa bdun gyis/ /gzhan gyi don la thogs med du/ /phyin ci ma log spyod par shog /chos kyi sku yi gzhung dag la//bklags dang yi ge 'dri sogs dang / /mchod bstod bsnyen bkur ci bsags pa/ /dge ba de yi stobs kyis ni/ /bdag dang khams gsum sems can rnams/ /brjod bral sku de thob par shog /de nas bdag dang chos mkhan dang / /bsngo bar bya ba'i dge ba kun/ /thams cad mi dmigs par bsgoms la//de la cung zhig gnas par bya'o/ /de nas chos skyong dang 'byung bo'i tshogs tshim par bya ba'i phyir gtor ma yang gzhan bzhin du btang ngo / /yi ge brgya pa gdon par bya/ ye shes pa gshegs shing dam tshig pa bsdu'o/ /'di don rin chen grags pa yis/ /yum chen dge rtsa bsdu ba'i phyir//dkyil 'khor gsum gyi bdag nyid kyi/ /cho ga 'di ni bstan pa yin/ /mkhas pa rnams kyis yum kun la/ /don bsdus cho ga de tsam zhig /shes rab gsal bas shes par bya/ /de ltar min na thams cad kyis/ /cho ga legs par bstan pa min/ /de bas cho ga 'di dang gzhan/