CLOSE WINDOW

D2644
བོད་ཡིག

/[ ]@##/ /rgya gar skad du/ pradz+nyA pA ra mi ta maN+Da la no pi ka /bod skad du/ shes rab kyi pha rol tu phyin pa'i dkyil 'khor gyi cho ga /bcom ldan 'das ma shes rab kyi pha rol tu phyin pa la phyag 'tshal lo//spros pa'i mtshan ma las 'das pa/ /yum mchog de la phyag 'tshal nas/ /bde gshegs kun 'byung dam pa yi/ /dkyil 'khor cho ga bshad par bya/ /dam tshig la sogs thob pa yis/ /dang por re zhig bdag med par/ /mos pas nang gi khrus byas la/ / gnyis pa phyi yi khrus kyang bya/ /mgrin par pad+ma bsam par bya/ /mdun gyi 'dab mar as bskyed pa'i/ /zla bar rdo rje rtse lnga pa/ /bskyed de lce der thim par bya/ /rdo rje lcer ni bsam byas nas/ /sngags bzlas pa la nus par gyur/ /lag pa gnyis la yi ge a/ /zla bar rdo rje rtse lnga pa//yi ge hUM gis bskyed byas te/ /kha dog dkar po bsgom par bya/ /lag pa'i nang du thim byas te/ /rdo rje lag pa brtan byas nas/ /phyag rgya thams cad bcing bar bya/ /rdo rje 'jigs byed nas brtsams nas/ /srung ba'i 'khor lo thams cad kyang / /rdo rje ri bo'i mthar thug par/ / mkhas pa yis ni bsam par bya/ /shin tu mnyam gzhag slob dpon gyis/ /kun nas yongs su bskor bar ni/ /rdo rje ra ba dra ba sogs/ /phyogs mtshams bcing bar bya ba'o/ /de nas de yi rjes thogs la/ /sems can kun la phan don du/ /yum mchog sras dang bcas pa rnams//mdun gyi nam mkhar bsam par bya/ /phyag byas nas ni me tog dang / /bdug pa dri la sogs pas mchod/ /rtsa ba'i rgyud las gsungs pa ltar/ /mchod pa nyi shus mchod par bya/ /sdig pa thams cad bshags bya zhing / /rjes su yi rang bskul ba dang / /de bzhin gsol ba gdab pa dang //sems can kun la thun mong bsngo/ /sdom pa gzung dang sdig pa dral/ /ye shes dbab dang ngan song dgug /sdig pa dral bar bya ba'o/ /bdag nyid sems dpar bskyed nas kyang / /byin gyis brlab par bya ba'o/ /de nas de yi rjes nyid la/ / sngags pa gzhan la phan brtson pas/ /stong pa nyid la rab bsgoms nas/ /yi ge hUM las byung ba yi/ /rlung gi dkyil 'khor nas brtsams te/ /ri rab gling bzhi rab tu bskyed/ /de yi steng du mkhas pa yis/ /rdo rje rin chen las grub pa'i/ /gzhal yas khang ni sprul par bya/ /de yi gnas su a siM as//seng ge'i gdan ni bcu gcig bskyed/ /seng ge'i gdan ni dbus ma la/ /pad+ma la gnas zla ba yi/ /de steng bdag nyid 'dug nas kyang / /stong pa nyid du rab bsgoms nas/ /de yi rjes thogs nyid la ni/ /bdag nyid kyi ni snying ga ru/ /d+hi las pad+ma 'dab brgyad pa/ /de yi dbus su a las ni/ / zla ba'i dkyil 'khor rnam par bsams/ /de dkyil yi ge d+hi bkod de/ /de yi 'od kyis bla ma dang / /phyogs bcu'i bde gshegs rab tu mchod/ /de nas d+hi de las byung ba/ /pad+ma shes rab pha rol phyin/ /glegs bam dag gis mtshan pa'am/ /'di dag yongs su gyur pa las/ /phyogs bcu dus gsum thams cad kyi//bde bar gshegs pa'i yum gyur pa/ /shes rab pha rol phyin pa'i yum/ /rdo rje skyil mo krung gis bzhugs/ /sku mdog dung ltar dkar ba la/ /g.yas pa mchog lam sbyin mdzad cing / /g.yon pa'i phyag na bsnams pa ni/ /pad+ma la gnas glegs bam ste//rgyan rnams kun gyis rnam par brgyan/ /bsam gtan dag la rab gzhol ba/ /dri zhim me tog gis brgyan pa'i/ /ral pa'i cod pan brgyan pa'o/ /de lta bu yi yum mchog la/ /lha mo brgyad kyis mchod par bya/ /snying ga lkog ma smin mtshams dang //spyi bo dag gi gnas su yang / /dam tshig phyag rgyas byin gyis brlab/ /sbyor ba mchog gi ting nge 'dzin zhes bya'o// //phyogs bcu'i dkyil 'khor dag tu ni/ /pad+ma la gnas zla dkyil du/ /d+hi ni bcu ru gsal ba las/ /rdzogs pa yi ni tshul nyid du/ /phyogs bcu'i sangs rgyas bskyed par bya//shar phyogs pad gnas zla dkyil du/ /bde gshegs dkon mchog 'byung gnas ni/ /sku mdog dmar skyar gnas pa la/ /g.yas pa rin chen mchog sbyin mdzad/ /g.yon pa lte ba khung du brten/ /de nas go rims bzhin du ni/ /bde gshegs mya ngan med pa ni//sku mdog nam mkha' lta bu la/ /phyag g.yas 'khor lo 'bar ba bsnams/ /g.yon pa lte ba khung du brten/ /bde bar gshegs pa gsum pa ni/ /rin chen gyi ni 'od 'phro ba/ /dung ltar dkar ba'i sku mdog la/ /g.yas pa mche ba gtsigs pa bsnams//g.yon pa lte bar brten pa'o/ /byang phyogs zla ba'i dkyil 'khor la/ /rgyal ba'i dbang po zhes bya ba/ /sku mdog ljang gu 'bar ba la/ /g.yas pa'i phyag na pad+ma bsnams/ /g.yon pa lte bar brten pa'o/ /bde bar gshegs pa lnga pa ni/ /ting 'dzin glang po dam pa'i dpal//btso ma gser gyi mdog 'dra ba/ /phyag g.yas chos ni 'chad pa la/ /g.yon pa chos gos 'dzin pa'o/ /bde gshegs pad+ma dam pa'i dpal/ /sku mdog dkar ba nyid la ni/ /g.yas pa'i phyag na pad+ma bsnams/ /g.yon pa lte bar brten pa'o/ /bde bar gshegs pa bdun pa ni//nyi ma'i dkyil 'khor snang ba'i dpal/ /sku mdog rin chen margad la/ /phyag g.yas nyi ma'i dkyil 'khor bsnams/ /g.yon pa lte bar brten pa'o/ /dkyil 'khor brgyad pa'i bde gshegs ni/ /sangs rgyas gdugs chen dam pa'i dpal/ / sku mdog ljang gu 'od du 'bar/ /g.yas pa sna tshogs rdo rje la/ /g.yon pa lte bar brten pa'o/ /steng gi phyogs kyi sangs rgyas ni/ /dga' bar byed pa'i sems can la/ /sku mdog ut+pal sngon po la/ /phyag g.yas rin chen bum pa bsnams/ /g.yon pa dku ru brten pa'o/ / bde gshegs bcu pa zhes bya ba/ /pad+ma dam pa'i dpal zhes bya/ /sku mdog gser ltar 'bar ba la/ /g.yas pa pad+ma bsnams pa la/ /g.yon gyis lte bar brten pa'o/ /bde gshegs 'khor gyi sems dpa' ni/ /g.yon pa pad+ma 'dzin pa la/ /g.yas pa rang gi mtshan ma 'dzin//rang gi rigs kyi mdog 'dzin pa'o/ /zla ba pad+ma ldan pa la/ /a yi sa bon las byung ba/ /chos kyi rgyal mtshan sems dpa' che/ /mdog dkar chu srin rgyal mtshan bsnams/ /traM gi sa bon las byung ba/ /sems dpa' dbang phyug rgyal po ni/ /nam mkha'i mdog can lcags kyu bsnams//tri yi sa bon las byung ba/ /bkod pa'i rgyan gyi sems dpa' che/ /mdog dkar me tog ut+pal bsnams/ /traM gi sa bon las byung ba/ /rin chen 'od 'phro ljang gu mdog /rin chen 'od 'bar bsnams pa'o/ /a yi sa bon las byung ba/ /sems dpa' snang mchog dkar ba la//nyi ma'i dkyil 'khor bsnams pa'o/ /hUM gi sa bon las byung ba/ /phyag rgya'i rgyal po zhes bya ba/ /sku mdog sngo la mda' gzhu bsnams/ /traM gi sa bon las byung ba/ /sems dpa' spos kyi rgyal po ni/ /za ma tog bsnams dmar ba'o/ /oM gyi sa bon las byung ba//spobs pa brtsegs pa ljang gu la/ /gser g.yu can gyi tog bsnams pa'o/ /tri yi sa bon las byung ba/ /pad+ma'i rgyal po dkar ba la/ /kha ni ma phyed pad+ma bsnams/ /ba yi sa bon las byung ba/ /pad+ma dam pa mdog sngon la/ /pad+ma bye ba bsnams pa'o/ / hUM gi sa bon las byung ba/ /sems dpa' rdo rje mi g.yo ba/ /mdog dmar pusti bsnams pa'o/ /a yi sa bon las byung ba/ /thogs med rgyal po sems dpa' yang / /ljang gu'i mdog can lcags kyu bsnams/ /traM gi sa bon las byung ba/ /rin chen dbang phyug sems dpa' ni/ / dung ltar dkar ba'i sku mdog la/ /rin chen zur brgyad bsnams pa'o/ /traM gi sa bon las byung ba/ /mi g.yo'i las ni sems dpa' che/ /nam mkha'i mdog tu gnas pa'o/ /sna tshogs rdo rje bsnams pa'o/ /i yi sa bon las byung ba/ /dga' ba ston pa'i sems dpa' ni//dmar ba'i mdog la me long bsnams/ /a yi sa bon las byung ba/ /mi g.yo'i sems dpa' bsam gtan tshul/ /sku mdog ljang gu dag tu'o/ /ba yi sa bon las byung ba/ /sems dpa' phyag na rdo rje yang / /sku mdog dung ltar dkar ba la/ /phyag na rdo rje bsnams pa'o//hrIHyi sa bon las byung ba/ /byams dang snying rje'i bdag nyid can/ /sku mdog nam mkha'i mdog can la/ /pad+ma 'dzin par gnas pa'o/ /traM gi sa bon las byung ba/ /nam mkha'i snying po sems dpa' ni/ /sku mdog margad lta bu la/ /za ma tog gi phyag mtshan bsnams//k+Sha yi sa bon las byung ba/ /sa yi snying po'i sems dpa' ni/ /ljang gu'i mdog tu gnas pa la/ /rin chen myu gu bsnams pa'o/ /traM gi sa bon las byung ba/ /sems dpa' kun du bzang po yang / /mdog dkar rin chen snye ma bsnams/ /mu yi sa bon las byung ba/ / sems can kun la 'jam pa'i dpal/ /nam mkha'i mdog ltar ral gri bsnams/ /a yi sa bon las byung ba/ /sems can kun gyi sgrib sel kyang / /pad+ma rA ga'i mdog can la/ /ut+pal sngon po bsnams pa'o/ /mai yi sa bon las byung ba/ /byams pa mchog tu dam pa de/ /ljang gu'i mdog can gun+d+he bsnams//pa yi sa bon las byung ba/ /sems dpa' mthu chen thob pa yang / /pad+ma'i rtsa ba'i mdog can la/ /rdo rje rtse gsum bsnams pa'o/ /aM gi sa bon las byung ba/ /nyon mongs nad sel sems dpa' ni/ /sman pa'i rgyal po zhes bya ba/ /nam mkha'i mdog tu gnas pa la//bdud rtsi bum pa bsnams pa'o/ /taM gi sa bon las byung ba/ /yon tan snying po sems dpa' ni/ /margad lta bu'i mdog can la/ /rin chen snye ma bsnams pa'o/ /a yi sa bon las byung ba/ /mthong ba dga' ba'i sems dpa' ni/ /in+d+ra nI la'i mdog can la/ / klu shing lo ma bsnams pa'o/ /a yi sa bon las byung ba/ /sems dpa' gzhon pa'i rgyan chags pa/ /ku mu da yi me tog bsnams/ /dung ltar dkar ba'i mdog tu'o/ /hUM gi sa bon las byung ba/ /skyes bu dam pa'i sems dpa' che/ /nam mkha'i mdog can ral gri bsnams/ /tri yi sa bon las byung ba//seng ge 'dra ba'i seng ge'i sgra/ /dmar ba'i mdog la dung bsnams pa'o/ /hUM gi sa bon las byung ba/ /rdo rje spyan gsal sems dpa' ni/ /ljang gu'i mdog la spyan nyid bsnams/ /haM gi sa bon las byung ba/ /byang chub sems dpa' bzang skyong ni/ /mdog dkar bum pa bsnams pa'o//traM gi sa bon las byung ba/ /sems dpa' dkon mchog 'byung gnas ni/ /nam mkha'i mdog can sdong bu bsnams/ /traM gi sa bon las byung ba/ /sems dpa' dpa' bar 'gro ba ni/ /dmar ba'i mdog la ral gri bsnams/ /a yi sa bon las byung ba/ / byang chub sems dpa' gzhon nu rgyal/ /ljang gu'i mdog can zla ba bsnams/ /traM gi sa bon las byung ba/ /byang chub sems dpa' ye shes tog /dung ltar dkar ba'i mdog can la/ /gser gyis brgyan pa'i tog bsnams pa'o/ /a yi sa bon las byung ba/ /mya ngan kun 'joms sems dpa' ni//nam mkha'i mdog can ral gri bsnams/ /ta yi sa bon las byung ba/ /sems dpa' blo gros mi zad pa/ /dmar ba'i mdog la pusti bsnams/ /a yi sa bon las byung ba/ /ye shes 'od zer sems dpa' ni/ /'od dang bcas pa'i rdo rje bsnams/ /sku mdog ljang gur gnas pa'o//lA s+ya la sogs lha mo brgyad/ /sku mdog phyag mtshan gdan la sogs/ /sgo srung bzhi dang bcas pa dag /rtsa ba'i rgyud las 'byung ba bsam/ /'di ni dkyil 'khor rgyal mchog ces bya ba'i ting nge 'dzin to// //'di dag gi phrin las ni sems can thams cad kyis byang chub rnam pa gsum thob par mdzad pas na las kyi rgyal mchog ces bya ba'i ting nge 'dzin to//de nas rdo rje bsdu ba'i phyag rgya bcas la/ bsdu bar bya'o/ /'od zer gyi sgo nas byon te/ de rnams kyi snying po 'di yin no/ /oM pradz+nye ma hA pradz+nye hUM/ d+harma d+hA tu ye swAhA/ oM sarba ta thA ga ta ba yu rA ga ti swA hA/oM d+harma ke tu swA hA/ oM ke tu shwa rA dza swA hA/ oM pad+ma la pad+ma d+ha ra swA hA/ oM rat+na pra brta ya swA hA/ oM sarba ta thA ga ta rat+na a rtsib ri ni swA hA/ oM a ka la ko pra brta na swA hA/ oM A tsar mu ta swA hA/ oM du ti pa ni ra dza Ni swA hA/ oM du pe pa du na du pa nu de swA hA/oM sarba ta thA ga ta rat+na dr-iSh+Ti sha ga sa tri bri sa ri swA hA/ oM ka ma la rA dza pad+ma d+ha ra swA hA/ oM pad+ma ba la pad+ma rA dza swA hA/ oM badzra ak+Sho b+h+yaHswA hA/ oM a mo g+ha rA dza pad+ma d+ha ra swA hA/ oM sarba ta thA ga ta bi shi rat+na na san+d+hi swA hA/ oM shwa ra rat+na d+ha ra swA hA/ oM karmA sid+d+hi d+harma d+ha ra swA hA/oM sarba ta thA ga ta b+ha ga ba te swA hA/ oM bi ya ma sa ba be swA hA/ oM tsaN+Da ma hA ro Sha Na hUM swA hA/ oM sa ri ti ga na ma rA swA hA/ oM traM A kA sha sarba satwa swA hA/ oM k+Shi ti gar+b+ha da na swA hA/ oM sarba ta thA ga ta du ru ma le ga to ba ye swA hA/ oM sa man+ta b+ha dra rat+na da re swA hA/ oM many+dzu shrI ku mA ra muM swA hA/ oM sarba a pA ya bi sha ta ne raM ba ye swA hA/ oM mai tri mai tri mai tri swA hA/ oM sarba ta thA ga ta bi muk+te marga da sha ma ti swA hA/ oM ru na ma ya dza swA hA/ oM ru na Ti a rat+na d+ha ra swA hA/ oM A lo ka ti ri ti ri swA hA/ oM a mr-i ta tsa ra a mr-i ta ra sha Ne swA hA/ oM sarba ta thA ga ta srur+ya mi la ta swA hA/oM ku laM pad+ma d+ha ra swA hA/ oM sarba artse nan tig sna d+ha ra swA hA/ oM sarba ta thA ga ta ti ra mi ti badzra swA hA/ oM badzra tra ba le tra ba te swA hA/ oM rat+na saM b+ha ba rat+na d+ha ra swA hA/ oM shu rad+ga ma ti swA hA/ oM tsin+tA pra brta shu rad+ga me swA hA/ oM sarba ta thA ga ta pad+ma ba la swA hA/oM dz+nyA na ke tu bi da ra Na swA hA/ oM sarba sho ga ma to ni rga ti swA hA/ oM a k+Sho ka mo ni rga ti swA hA/ oM a k+Sha ya phu phu baM sha ne swA hA/ oM dz+nyA na pra brta d+ha ra swA hA/ de nas bsdu bas byon pa'i yum chen mo shes rab kyi pha rol tu phyin ma dang sras phyogs bcu'i sangs rgyas 'khor dang bcas pa thams cad/oM sarba ta thA ga ta ban+da naM ka ro mi/ zhes brjod cing / e ma ho kun du bzang po'i byang chub sems dpa'i spyod pa mchog /de bzhin gshegs pa'i 'khor lo yi/ /dbus na bde gshegs yum mdzes pa/ /ched du brjod par bsam par bya/ /de nas yum shes rab kyi pha rol tu phyin ma'i thugs kar zhugs nas slar byung ste de bzhin gshegs pa dkon mchog 'byung gnas la sogs pa dang gcig tu gyur te yang ched du brjod pa mdzad do//e ma ho sangs rgyas thams cad kyi/ /rgya chen gdod nas skye ba med/ /rdul phran ji snyed thams cad kyi/ / sangs rgyas rnams ni gcig tu gyur/ /de nas byams pa'i sgo nas gnas pa'i rnal 'byor pas/ rdo rje lcags kyu la sogs pas dgug pa dang / gzhug pa dang / bcing ba dang / dbang du bya ba nas phyag rgya chen po bzhis rgyas btab ste/ lag gnyis rdo rje bsdams pa las/ gung mo myu gu ltar mnyam bsgreng //bde bar gshegs pa'i yum gyur pa'i/ /dam tshig phyag rgya yin par bshad/ /gung mo rin chen 'dra ba ni/ /dang po'i sangs rgyas yin par bshad/ /gung mo 'khor lo 'dra ba ni/ /mya ngan med pa'i phyag rgya yin/ /sor mo thams cad sbyangs byas nas//mdzub gnyis mche ba ltar byas pa/ /'od chen 'phro ba'i phyag rgya yin/ /gung mo pad+ma 'dra ba ni/ /sangs rgyas bzhi pa'i yin par bshad/ /ting 'dzin tshul du byas pa ni/ /ting 'dzin dpal gyi phyag rgya'o/ /bsdams las pad+ma ltar byas pa/ /pad+ma dam pa'i phyag rgya'o/ / sor mo rtse mo bsnol ba ni/ /nyi ma dpal gyi phyag rgya'o/ /bsdams las mdzub mo mthe'u chung gnyis/ /'od zer rtse sprad cung zad bskyed/ /gdugs chen dam pa'i phyag rgya'o/ /bsdams nas bum pa ltar bzhag pa/ /dga' ba'i dpal gyi phyag rgya'o/ /gung mo la sogs gsum byas nas//mdzub mo pad+ma 'dra ba ni/ /sangs rgyas bcu pa'i phyag rgya'o/ /bsdams pa srin lag mthe chung gnyis/ /'od zer 'dra bar byas pa ni/ /chos kyi rgyal mtshan phyag rgya'o/ /bsdams las g.yas pa'i mdzub mo ni/ /lcags kyu 'dra bar byas pa las/ /g.yon pa rgyab nas bsgreng ba ni//dbang phyug rgyal po'i phyag rgya'o/ /lag pa rting pa gnyis sprad nas/ /pad+ma che ba lta bu ni/ /bkod pa'i rgyal po'i phyag rgya'o/ /rdo rje bsdams pa dam bcas nas/ /gung mo rin chen 'dra ba ni/ /rin chen 'od 'phro'i phyag rgya'o/ /mthil sbyar rtse mo bsnol ba ni/ / snang ba'i mchog gi phyag rgya'o/ /bsdams pa g.yon pa'i mdzub mo ni/ /gzhu yi tshul du byas pa la/ /g.yas pa pad+ma ltar byas pa/ /phyag rgya'i rgyal po'i phyag rgya'o/ /rin chen sgrom ltar phyag rgya ni/ /spos kyi glang po'i phyag rgya'o/ /mthe chung srin lag gnyis bsdams nas//gung mo se gol gtogs pa ni/ /spobs pa brtsegs pa'i phyag rgya'o/ /rting sprad pad+ma rgyas pa ltar/ /sor mo cung zad gdengs pa de/ /pad+ma rgyal po'i phyag rgya'o/ /gong gi phyag rgya de nyid las/ /sor mo de bas gdengs pa ni/ /pad+ma dam pa'i phyag rgya'o/ /lag gnyis sor mo rtse bsnol nas//ting 'dzin phyag rgyar bya ba ni/ /mi g.yo ba yi phyag rgya'o/ /bsdams nas gung mo gnyis phyung nas/ /mdzub gnyis dang po'i tshigs sprad pa/ /thogs med rgyal po'i phyag rgya'o/ /bsdams las mdzub mo mthe bong gnyis/ /rtse mor sprad pa byas pa ni/ /rin chen dbang phyug phyag rgya'o//bsdams pa'i gung mo gnyis phyung nas/ /mthe bo mthe chung gshibs te bskyed/ /grub pa'i las kyi phyag rgya'o/ /sor mo nang du bsnol nas kyang / /mthe bong gnyis kyis gung mo mnan/ /mdzub gnyis bsgreng bar byas pa ni/ /dga' ba ston pa'i phyag rgya'o/ / ting 'dzin phyag rgya bya ba ni/ /mi g.yo ba yi phyag rgya'o/ /bsdams las gung mo gnyis phyung ste/ /mthe bo mtheb chung so sor bsgreng / /phyag na rdo rje'i phyag rgya'o/ /bsdams nas mdzub gnyis rtse sprad nas/ /pad+ma'i tshul du byas pa ni/ /spyan ras gzigs kyi phyag rgya'o/ /rin chen sgrom ltar bya ba ni//nam mkha'i snying po'i phyag rgya'o/ /mtheb chung mdzub mo bsgreng ba la/ /lhag ma rnams ni bsnol byas pa/ /sa yi snying po'i phyag rgya'o/ /bsdams las mdzub gnyis gshibs te bsgrengs/ /mthe bo gnyis ni bsnol byas pa/ /kun du bzang po'i phyag rgya'o/ / bsdams las gung mo gnyis phyung ste/ /gung mo gnyis ni sbyar byas pa/ /mthu chen thob pa'i phyag rgya'o/ /bsdams las mdzub mo gnyis brkyang nas/ /mthe bong gnyis ni rtse sprad pa/ /bdud rtsi rgyal po'i phyag rgya'o/ /bsdams las gung mo gnyis phyung ste/ /rin po che ltar bya ba ni/ /yon tan snying po'i phyag rgya'o//lag gnyis cung zad bsnol byas nas/ /gung mo gshibs te phyung ba ni/ /mthong na dga' ba'i phyag rgya'o/ /lag gnyis rdo rje bsnams byas te/ /gung mo pad+mar bya ba ni/ /gzhon nu rgyan gyi phyag rgya'o/ /bsdams las gung mo gnyis phyung nas/ /ral gri lta bur bya ba ni//skyes bu dam pa'i phyag rgya'o/ /thal mo sbyar ba byas pa las/ /mdzub gnyis gung mo'i tshigs su sbyar/ /mthe bong gshibs la brkyang ba ni/ /seng ge'i sgra yi phyag rgya'o/ /bsdams las mdzub mo mthe bo gnyis/ /rtse sprad cung zad gnas pa ni/ /rdo rje spyan gyi phyag rgya'o/ / thal mo khong stong sbyar ba ni/ /skyes bu bzang skyong phyag rgya'o/ /bsdams las gung mo gnyis phyung nas/ /mdzub mo gung mo'i rgyab tu sbyar/ /dkon mchog 'byung gnas phyag rgya yin/ /rdo rje bsdams pa dam byas nas/ /gung mo ral gri ltar byas pa/ /dpa' bar 'gro ba'i phyag rgya'o/ / bsdams las mdzub mo mthe bong gnyis/ /zla ba kham pa ltar byas pa/ /zla 'od gzhon nu'i phyag rgya'o/ /bsdams las mdzub mo gnyis bsgreng ba/ /gung mo mthe bo so sor sprad/ /ye shes tog gi phyag rgya'o/ /bsdams las gung mo gnyis phyung ste/ /ral gri lta bur byas pa ni/ /mya ngan kun 'joms phyag rgya'o//pusti 'dzin ltar bsnams pa ni/ /blo gros mi zad phyag rgya'o/ /bsdams las gung mo gnyis phyung ste/ /mdzub mo rgyab nas sbyar ba ni/ /ye shes 'od zer phyag rgya'o/ /'di dag ni dam tshig gi phyag rgya'o/ /snying gar rdo rje rtse lnga pa dkar po bskyed la sa ma ya s+t+waM/ zhes brjod par bya'o/ /de nas chos kyi phyag rgya ni bde bar gshegs pa'i yum gyi ljags la/ badzra d+harmA d+hi/ zhes bya ba dgod par bya'o/ /phyogs bcu'i de bzhin gshegs pa'i ljags la badzra dz+nyA na/ zhes bya bas dgod par bya'o/ /snga ma bzhin du lce la rdo rje bsam par bya'o/ /de nas las kyi phyag rgya bcing bar bya ste/byang chub sems dpa' rnams kyi chos kyi phyag rgya ni sngar gyi 'byin pa'i sa bon gyi phyag rgya'o/ /phyung nas ji ltar phyag mtshan bsnams pa ni/ phyag rgya chen po yin par shes par bya'o/ /de las phyag mtshan med pa ni las kyi phyag rgyar shes par bya'o/ /las kyi phyag rgya la yang snying gar sna tshogs rdo rje bsams la bcing bar bya'o//rgyal po'i bka' rtags dang / bzang mo'i dpung rgyan dang 'dra ba'i phyir dang / nyo tshong mkhan gyi lag pa dang 'dra ba'i phyir ro/ /de nas yi ge brgya pas brtan par bya ste/ badzra satwa su saM gra haM badzra rat+na ma nut+ta raM/ badzra d+harma gA ya ne/ badzra karma ka rob+ha ba/ zhes bya ba'i rdo rje'i glu blang zhing sgeg mo la sogs pa brgyad kyis mchod do/ /de ltar mchod pa brgyad kyis mchod nas/ lag pa g.yon pas rdo rje dril bu blangs la/ lag pa g.yas pas rdo rje gsor zhing / Tak+ki hUM dzaH/ yang rdo rje rang gi snying gar stod pa'i tshul gyis 'jog cing /Tak+ki dza hoH/ zhes brjod par bya'o/ /de ltar byas pas lus dang ngag dang sems rdo rje 'dra bar 'gyur ro/ /thog mtha' med pa'i sems dpa' ni/ /rdo rje sems dpa' dga' ba che/ /kun du bzang po kun bdag nyid/ /rdo rje bsnyems tshul bdag po'i bdag /srid pa ngo bo nyid kyis dag /ngo bo nyid kyis sring bral byas/ /rang bzhin dag pa'i sems dpa' mchog /srid pa mchog tu byed par 'gyur/ /d+harmA a zhes bya ba ni dril bu'i sa bon no/ /de nas dam tshig gsum gyi glus mchod pa ni 'di yin te/ oM nam mkha' las byung mtshan ldan phyir//thog ma tha ma med pa'i mchog /yum mchog shes rab pha rol phyin/ /bde bar gshegs pa deng grub mdzod/ /kun mchog dngos grub chen po ste/ /dbang phyug chen po lhag pa'i lha/ /rdo rje 'dzin pa kun gyi rgyal/ /mi 'gyur mchog tu bdag sgrub mdzod/ /nyes pa mi mnga' rtag pa khyod//'dod chags kun gyi rjes chags pa/ /'dod pa chen po dga' ba che/ /bcom ldan de nyid kyis grub mdzod/ /shin tu dag pa kun gyi mchog /gdod nas grol ba de bzhin gshegs/ /kun du bzang po kun bdag nyid/ /byang chub sems dpa' bdag grub mdzod/ /dngos grub chen po kun gyi mchog /dbang phyug chen po phyag rgya'i mchog /grub pa'i rdo rje cher bstod pa/ /rdo rje bsnyems bdag bdag mdzod cig /de nas phyag bzhi byas la/ oM badzra At+ma kou0f85haM/ zhes bya ba 'dis/ de bzhin gshegs pa thams cad kyi sku dang gsung dang thugs rdo rjer bsgom mo//de nas swa b+hA wa shud+d+hou0f85haM/ zhes bya bas rang bzhin gyis dag par mos par byas la/ oM sarba sa mou0f85haM/ zhes bya bas bdag med pa'i mnyam pa nyid kyis bcom ldan 'das yum shes rab kyi pha rol tu phyin ma la sogs pa'i lha thams cad kyi ngo bo nyid du bsam par bya'o/ /de nas rdo rje db yings chen po'i yi ge brgya pa rdo rje tshig gam/yid kyis bzlas la thams cad kyang bdag yin no zhes bsgoms te/ lha thams cad kyi zhal nas sngags 'byung bar bsams la bzlas pa la brtson par bya'o/ /de lta bu ni lha thams cad kyi bzlas par 'gyur ro/ /ji srid du skyo bar ma 'gyur ba de srid du bsgoms la skyo bar gyur na yang mtshan brgya rtsa brgyad pas bstod la/mchod yon phul te phyag bzhi byas nas/ phyag rgya gong nas 'byung ba de nyid dkrol nas/ mngon par 'dod pa'i dngos grub kyi phyir dge ba'i rtsa ba bsngo ste/ bdag gis cho ga ma tshang ba gang dag bgyis pa de bzod par mdzod cig ces gsol ba btab la mchod yon phul/oM krid+b+ha ba sarba satwAr+tha/ sid+d+hi dat+tA ya thA nu ga /gats+tsha tAM bud+d+ha bi Sha yaM/ pu na ra ga ma na yats+tsha/ zhes bya ba thams cad gshegs pa'i phyir bskul bar bya zhing badzra satwa muH/ zhes bya ba'i snying po 'dis/ rdo rje sems dpa' phyag rgya gyen du dgrol bar bya'o//de lta bus thams cad gshegs su gsol bar 'gyur ro/ /ji ltar sprul pa'i dkyil 'khor lha tshogs 'khor dang bcas pa rnams ni de bzhin du yid kyis rang gi lus la bcug la/ rdo rje gnod sbyin gyi srung ba thams cad byas te/ dkyil 'khor gyi las dang glegs bam klog pa la sogs pa bya'o//de ltar dus bzhir nyin re bzhin/ zla ba gcig gam zla ba drug gam dus ji srid kyi bar du bzlas par bya ste lha rnams las gnang ba thob kyi bar du'o/ /sngon du bsnyen pa'i cho ga'o// //de ltar sngon du bsnyen pa byas nas gtsug lag khang ngam kun dga' ra ba'am/grong khyer gyi shar ram/ byang phyogs kyi cha'am gang yid dga' bar dkyil 'khor bya'o/ /lha khang grong khyer skyed tshal gyi/ /byang shar phyogs ni ji lta ba'i/ /sa yi cha ni yongs bzung la/ /cho ga bzhin du sbyar bar bya'o/ /yang na sngar ni brtags zin pa'i//gnas dang sbyang ba bya mi dgos/ /pus mo rked pa lte ba'am/ /lkog ma nub tsam sa brkos la/ /legs par yongs su brtags nas ni/ /thal ba sol ba gyo mo dang / /gseg ma phub ma rus pa bsal/ /yum mchog nyid kyi sngags bzlas shing //de bzhin bdud rtsi thab sbyor gyi/ /sngags bzlas pa yi chu nyid kyis/ /sa ni kun la bsang gtor bya/ /dri zhim pa yi sa yis ni/ /dkyil 'khor sa ni kun du dgang / /de lta bu yi dbus dag tu/ /zhi ba la sogs sbyin sreg bya/ /sa yi lha la gsol ba gdab/ /de nas tshad dang ldan pa ru//rgyal po'i khru ni brgyad nyid dam/ /de bzhin khru ni lnga bcu nyid/ /blon po tshong dpon ded dpon gyi/ /nyi shu rtsa lnga'am de yi phyed/ /khru de dag ni ma nus na/ /ci nus par ni bri bar bya'o/ /dkyil 'khor de yi sa gzhi ni/ /spos chus bsang gtor bya ba dang / /ba yi rnam lngas skyang nul bya//sa gzhi yongs su rdzogs pa ru/ /thig gdab cho ga rdzogs par bya/ /sa sbyang ba'i cho ga'o// //legs par khrus byas lus dris byugs/ /ji snyed gos dang rgyan gyis brgyan/ /shin tu dmar ba'i gos gyon nas/ /yar gyi ngo nas brtsam par bya/ /dkyil 'khor sa gzhi'i dbus song ste//bdag srung bgegs gzhom la sogs bya/ /rdo rje 'khor lo'i phyag rgya yis/ /dkyil 'khor snga ma bzhin du sprul/ /phyag 'tshal mchod pa la sogs pa/ /sngon du song bas sdom pa gzung / /khang pa gdan la sogs bskyed nas/ /dbus su skyil krung gis 'dug ste//bdag nyid spro ba bskyed par bya/ /deng du bdag tshe 'bras bu yod/ /bdag ni gson pa'ang 'bras bur bcas/ /lha dang dam tshig gis mnyam par/ /gyur par bdag nyid the tshom med/ /byang chub sems dang sems gcig pas/ /mi ldog par ni bdag gyur te/ / de bzhin gshegs pa'i rigs su ni/ /deng bdag skye bar the tshom med/ /deng bdag nyi ma dam pa ste/ /bdag gis mchod sbyin bla na med/ /sangs rgyas thams cad spyan 'dren pas/ /deng bdag 'dus pa'i mchog yin no/ /zhes bya'o/ /phyag rgya bdug spos thogs nas su/ /yum mchog sras dang bcas pa rnams//thams cad ma lus spyan drang ngo / /ma lus phyogs na bzhugs pa yi/ /sangs rgyas thams cad dgongs su gsol/ /bdag ming 'di zhes bgyi bas ni/ /rdo rje can gyi dkyil 'khor bri/ /deng 'dir sangs rgyas kun gshegs te/ /dngos grub mchog ni stsal du gsol//zhes brjod do/ /sbyor ba rnam gsum bsgoms nas ni/ /sgo rnams dbye ba byas nas su/ /byams pa'i sgo na gnas pa yi/ /yum mchog sngags zlos brtson pa yi/ /rnal 'byor nga rgyal cher ldan pas/ /dkyil 'khor bri bar bya ba'i phyir/ /bstod de gsol ba gdab par bya/ / ma zhig na bar gyur pa la/ /bu rnams rim gro byed pa ltar/ /yum mchog gsung ba bya ba'i phyir/ /phyogs bcu'i de bzhin gshegs pa yis/ /nam mkha'i khams su gang gyur te/ /bdag gis gus te phyag byas nas/ /bdag nyid rang nyid rdo rje can/ /rdo rje sems dpa' bdag rang nyid//bdag nyid sangs rgyas rgyal po che/ /stobs chen rdo rje can bdag nyid/ /bdag ni rnal 'byor dbang phyug che/ /phyag na rdo rje bdag brtan nyid/ /bdag po rdo rje chen po'i bdag /byin gyis brlabs pa mi 'dor ro/ /de nas badzra tiSh+Tha ma Ta/ mig gnyis dag tu bkod nas kyang //rkang mthil gnyis su a las ni/ /sna tshogs rdo rje bskyed byas te/ /dam tshig phyag rgyas rab bsrungs nas/ /badzra satwa badzra ut+tiSh+Tha/ de yis dkyil 'khor 'degs par bya'o/ /sngar bzhin byin gyis brlab byas nas/ /phyag rgya chen po de bcings te/ /g.yon pas dril bu legs bzung nas//g.yas pas rdo rje gsor bar bya/ /yi ge hUM gi sgra sgrogs pas/ /cung zad gar byed gom stabs kyi/ /bskor ba'i tshul gyis song nas ni/ /dengs shig ces ni brjod par bya/ /sgyu 'phrul dra bar gsungs pa ltar/ /g.yas brkyang la sogs stang stabs bya//bsgyings pa'i tshul gyis song nas ni/ /gdug pa'i bgegs rnams bskrad par bya/ /de nas phyag rgya 'di yis ni/ /gsang ba'i dkyil 'khor dgug par bya/ /rdo rje khu tshur gyis bcings nas/ /mdzub mo mthe bong rdo rje byas/ /dkyil 'khor dgug pa'i phyag rgya'o/ /oM badzra maN+Dal hUM dzaH/de nas rdo rje 'khor lo yi/ /phyag rgya dang ni sngags 'di yis/ /dkyil 'khor byin gyis brlab par bya/ /ma hA badzra tsakra a d+hiSh+Tha sid+d+h+ya hUM/ rdo rje rgyu yi las kyi ni/ /phyag rgya nyid ni bshad pa yin/ /de nas phur bu btab nas ni/ /'og gi phyogs kyi bgegs rnams bzlog /oM badzra kI li kI la ya sarba big+h+nAM ban+d+ha hUM phaT/ brgya ni rtsa brgyad bzlas nas kyang / /dkyil 'khor dbus dang grwa bzhi ru/ /g.yon pas bzung ste g.yas pas gdab/ /seng [(]sdeng [,]ldeng [)]phur bu lnga bskyed do/ /oM g+ha g+ha g+hA ta ya g+hA ta ya sarba duSh+TAn hUM phaT/ kI la ya kI la ya sarba pA paM phaT/badzra kI la ya badzra d+ha ra A dz+nya pa ya ti swA hA/ bdug pas bdugs te dbang bskur ro/ /de nas dkyil 'khor dbus su ni/ /dkyil 'khor yongs su brtag byas nas/ /tsan+dan gur kum la sogs pas/ /yum chen gyi ni gnas dag tu/ /rin chen zur brgyad thig le bya/ /de bzhin gshegs pa'i gnas dag dang //byang chub sems dpa'i gnas su ni/ /grwa bzhi zlum por bya ba'o/ /yum mchog gi ni sngags kyis ni/ /lan gsum dag tu bzlas pa'o/ /de nas nam mkha'i phyogs nas ni/ /nam mkha'i dkyil 'khor bkug nas ni/ /gzhug nas bcing dang dbang du bya//mchod pa lnga pos legs par mchod/ /de nas dbang bskur bum pa la/ /'bru sogs bcas par chu blugs la/ /yum mchog sngags ni brgya bzlas te/ /mchod yon legs par dbul bar bya/ /bdug pas bdugs nas me tog dor/ /lhag par gnas par bya ba'o//thun gsum dag tu bzlas byas nas/ /des ni dbang bskur bya ba'o/ /lhag par gnas pa'i sbyin sreg bya/ /de nas phyi rol phyung nas kyang / /dam tshig can la gtor ma sbyin/ /nye reg dag kyang byas nas ni/ /mtshan brgya rtsa brgyad dam pa ni/ /lan cig bar du brjod par bya/ / de nas me tog la sogs dang / /sgeg mo la sogs brgyad kyis mchod/ /slob ma lhag par gnas pa'o/ /re zhig dang por khrus byas la/ /shin tu gtsang ba'i gos gyon la/ /me tog thogs pa'i slob ma yis/ /slob dpon dag la phyag byas te/ /'di skad ces ni smra bar bya/ /dga' chen khyod bdag ston pa bas//slob dpon khyod ni dgongs su gsol/ /byang chub chen po'i tshul bstan pa/ /mgon po chen po bdag 'tshal lo/ /dam tshig de nyid stsal du gsol/ /sangs rgyas chos dang dge 'dun te/ /skyabs gsum dag ni bdag la stsol/ /thar pa chen po'i grong mchog tu//mgon po bdag ni 'jug par bgyi'o/ /de nas sdig pa bshags pa byed du bcug ste/ rtog pa rnams ni shin tu bsdus nas ni/ /shin tu bsam pa bzang po ldan pas nyon/ /brjed ngas blo la rdo rje sems dpa' sogs/ /bde bar gshegs pa rnams kyis byin mi rlob/ / dbang med bdag gis mi dge bgyis pa dang / /rjes su yi rang yang na bgyid rtsal gang / /de dag thams cad byang chub mchog tu ni/ /spyan sngar de lta ma lus so sor bshags/ /bde bar gshegs pa sras kyi lha rnams dang / /rgya chen 'gro ba ma lus pa yi don/ /sgrub par byed dang de las gzhan la'ang //rtag tu bdag ni rjes su yi rang ngo / /thugs rjes khyab pa'i thugs dang ldan gyur cig /blo gros sdig bral gti mug tshogs kun bcom/ /ma lus rigs kyi pad+ma'i nang bzhugs pa/ /bde bar gshegs pa rnams la skyabs su mchi/ /smra bsam brjod med shes rab pha rol phyin//ma skyes mi 'gag nam mkha'i ngo bo nyid/ /so so rang rig ye shes spyod yul ba/ /dus gsum rgyal ba'i yum la skyabs su mchi/ /blo mchog rnams kyi kun dga' ra ba dang / /dman pas 'jigs pa nyid kyi rgyal byed tshal/ /srid pa'i 'byor pa zil gyis gnon pa'i mchog /gsung mchog chos la bdag ni skyabs su mchi/ /'dod chags la sogs sbrul gyi dug bcom zhing / /blo gros rnam rgyal thugs rje cher ldan pa'i/ /brtul zhugs bzang po'i tshogs la skyabs su mchi/ /srid dang bral ba rnams la phyag 'tshal lo/ /rgyu yi rjes la bdag po'i yul bdag nyid//'bras bu'i stobs kyis dgra las rgyal gyur pa'i/ /snying rje'i rtsa ba zug cing yang dag rtogs/ /mnyam med byang chub yang dag gzung bar bgyi/ /sems can rnams ni yongs su smin pa'am/ /yang na yongs su bskyab par bya ba'am/ / rang gi sems ni dag par bya ba'i phyir/ /'di dag thams cad rtswa sog bzhin du btang / /de bzhin tshul khrims bzod dang brtson 'grus dang / /bsam gtan shes rab bla na med pa ni/ /bdag dang gzhan rnams dag par bya ba'i phyir/ /skad cig re re zhing ni bsgom par bgyi/ / bde bar gshegs pa sngags la mkhas pa yi/ /chos rgyal rtag tu lhun gyis grub pa ni/ /'gro ba 'di yis thob par bya ba'i phyir/ /khyad par gnas la bdag ni gnas par bgyi/ /zhes lan gsum brjod do/ /bdag gis de skad brjod pa'i dge ba'i rtsa ba 'dis/ /bdag gis lus thams cad yongs su gtang bar bgyi'o//bdag gis sems can thams cad la mnyam pa'i sems bskyed par bgyi'o/ /bdag gis sems can thams cad theg pa thams cad dang / thabs kyi bye brag thams cad kyis btul nas mi gnas pa'i mya ngan las 'das pa'i dbyings la rab tu gzhag par bgyi'o//bdag gis sems can thams cad mya ngan 'das kyang sems can 'ga' yang mya ngan las 'das pa med do zhes sems bskyed par bgyi'o/ /bdag gis chos thams cad skye ba med pa nyid du rjes su rtogs par bgyi'o/ /bdag gis ma yengs pa'i sems dang / thams cad mkhyen pa'i ye shes kyi pha rol tu phyin pa drug la bslab par bgyi'o//bdag gis ting nge 'dzin thams cad kyi rgyal po thob par bgyi ste sems can thams cad byang chub rnam pa gsum la dgod par bgyi'o/ /bdag gis theg pa gcig gi tshul du gnas par yang rtogs par bgyi'o/ /bdag gis byang chub kyi phyogs kyi chos sum cu rtsa bdun la gnas pa so sor rtogs par bya ba'i phyir bslab par bgyi'o//bdag gis stobs bcu dang mi 'jigs pa dang so so yang dag par rig pa dang sangs rgyas kyi chos ma 'dres pa rnams so sor rtogs par bya ba'i phyir mngon par brtson par bgyi'o/ /de bzhin du bdag gis sangs rgyas kyi chos ma lus pa'i bar la mngon par gnas par bya ba'i phyir mngon par bsgrub par bgyi'o//'di nyid ni byang chub sems dpa' rnams kyi byang chub kyi byang chub chen po'i sems bskyed pa rdo rje lta bu yin te/ de bzhin gshegs pa thams cad kyi yab dang / de bzhin gshegs pa thams cad kyi bka' bzhin byed pa dang /de bzhin gshegs pa thams cad kyi sras kyi thu bo ste/ 'di nyid bcom ldan 'das kun du bzang po'o/ /de'i dge ba'i rtsa ba ji lta ba bzhin du yang dag par rdzogs par byas pa'i stobs kyis bdag sems bskyad pa 'di la gnas pas kun du bzang po'i spyod pa zhes bya ba sgo mtha' yas pa la gnas pa/mtha' med par 'gyur ba rdzogs par byas nas gdul bya 'gro ba'i tshogs ma lus pa rnams la spyod pa rab tu dbye ba'i sgo mang po bstan pas yang dag par mgu bar bya ba dang / yang dag par dga' bar bya ba dang / yang dag par gzengs bstod pa la nges par sbyar bar bgyi'o//de nas sa ma ya a zhes bzlas pas/ slob ma'i snying gar zla ba'i dkyil 'khor bskyed la/ de'i steng du rdo rje rtse lnga pa dkar po de la bzhag la/ su ra ta sa ma ya s+t+waM ho badzra sid+d+ha ya thA su khaM/ zhes bya ba'i snying po yang snying gar bzlas la/ spyi bor spos chus brlan pa'am gsher ba'i lag pa bzhag la/rdo rje sems dpa' bzlas shing rdo rjer bsam par bya'o/ /dpral ba dang lkog ma dang spyi bor traM hrI dang kaM las rdo rje dang rin po che dang pad+ma dang sna tshogs rdo rjer bsams la/ badzra satwa/ badzra rat+na/ badzra d+harma/ badzra karma zhes zlos shing snying ga la sogs par byin gyis brlab par bya'o//de nas a shwad+tha la sogs pa'i so shing sor bcu gnyis pa'i tshad la rtse mor me tog bcings la/ rdo rje bzhad pas bzlas la sbyin no/ /de nas shar ram byang du bltas te rtse mo nyid nas bca' bar bya'o/ /de nas ku sha sar pa la rdo rje gnon po bzlas te byin la/ 'di ni stan du gding zhing sngas su gyis la nyol cig ces bsgo'o//de nas dpung pa g.yon par ni/ /rdo rje srung ba bzlas pa yi/ /srung skud mdud pa gsum ldan pa/ /bdag nyid kyis ni legs par bcing / /de nas zab mo rgya che ba'i/ /chos ni ci nus par bstan pas/ thams cad la gzengs bstod par byas nas/bzhin bzangs rnams longs shig nang par dkyil 'khor chen po mthong bar 'gyur zhes bsgo'o/ /lhag par gnas pa'i cho ga'o// //de nas nyi ma 'char ka ru/ /dkyil 'khor nam mkhar 'degs par bya/ /de nas thig ni gdab par bya'o/ /dang por tshon rtsi sngon po dang / / ser po dang ni dmar po dang / /ljang gu dkar po dag la ni/ /dri zhim tshon gyis so sor bsgyur/ /go rims kyis ni bzhag pa la/ /de la hUM traM hrIHaHoM/ /rang gi sa bon der dgod do/ /dIp+ta dr-iSh+Ta aM ku sha dzaH/ mig gnyis dag tu rab dgod do/ /rab tu g.yo zhing 'bar ba'i mig /mig gi rdzi ma 'dren pa ni/ /zhes bya ba'i 'bar ba'i lta bas mi bskyod pa la sogs bskul zhing / bcom ldan 'das yum chen mo'i dkyil 'khor thig gdab par bya ba'i phyir rdo rje'i thig gdab pa gsol cig ces bgyi bas kyang bskul bar bya'o/ /de nas rang gi sa bon gyi 'od kyis bskul bas mi bskyod pa la sogs pas btang ba'i srad bu 'bar ba'i lcags kyus bkug ste/rang gi lag na gnas pa'i srad bu de gang bar byas pa la/ a n+yo n+ya a nu ga ta sarba d+harmA pa ra spa ra a nu pra biSh+Ta/ sarba d+harmAHoM atrAn+ta a nu pra biSh+Ta sarba d+harmAHd+hi/ zhes bsgril bar bya'o/ /bsgril nas mig g.yas dang g.yon du/ma dang Ta las nyi ma dang zla ba bskyed la/ badzra dr-iSh+Ti ma Ta/ zhes bya bas brtan par byas la/ srad bu de dris byugs pa'i rin po che'i snod du bzhag la/ dri dang me tog dang bdug spos kyis mchod do/ /oM badzra sa ma ya sU traM mA ti kra ma hUM/ zhes rdo rje bsdams pas bzung ste/lan brgya rtsa brgyad bzla bar bya'o/ /de nas dris nye bar byugs la bar snang la bzhugs pa'i rigs thams cad la mchod yon phul te/ me tog ma la sogs pa lnga dang / sgeg mo la sogs pa brgyad kyis mchod la phyag byas la/ dkyil 'khor gyi sa bzhi brtag par bya'o/ / de la re zhig sngags bzlas pa'i srad bu mtha' ma dkar po dang ldan pa spangs la yid kyis badzra d+hA tu/ zhes bya bas rdo rje'i tshig gis bzlas la/ rnam par snang mdzad du gyur par byas nas/ badzra karma/ zhes brjod pas sgrub pa'i grogs mchog rang gi snying ga nas rdo rje las kyi gzugs su sprul par bya'o//de nas srad bu de g.yon pa'i rdo rje khu tshur gyis bzung la/ dzaHzhes bya bas sgrub pa'i grogs mchog rdo rje las kyi gzugs can gyi lag tu srad bu gtad la phyogs thams cad mnyam pa nyid bsgom zhing / shar phyogs su bltas te rdo rje srad bu gdab par bya'o/ /yang slob dpon lhor 'dug la byang du bltas te/gnyis pa gdab par bya'o/ /de nas me'i phyogs kyi char gnas la byang du bltas te/ phyi'i dkyil 'khor gyi shar du thig gdab par bya'o/ /rlung gi phyogs su gnas pa la lho'i phyogs su bltas te nub kyi thig gdab par bya'o/ /de nyid du 'dug ste byang gi thig gdab bar bya'o//yang me'i phyogs su 'dug ste lho phyogs su thig gdab par bya'o/ /kha khyer gyi thig kyang gdab par bya'o/ /yang me'i mtshams su gnas te rlung gi phyogs kyi mtshams kyi thig gdab pa dang / yang bden bral gyi mtshams su gnas te dbang ldan gyi mtshams kyi bar gyi thig gdab par bya'o//slob dpon grogs mchog gnyi ga ni skor phyogs su 'gro bar bya'o/ /de la sgo ni 'khor lo'i brgyad cha'o/ /sgo khyud ni sgo'i tshad kyi phyed do/ /kha khyer ni sgo'i phyed do/ /tshon sna lnga'i sa ni kha khyer gyi phyed do/ /rta babs ni sgo'i sum 'gyur du bya'o/ /da ni lung las 'byung ba'i thig gdab ste//gsar ba las ni bkal nas kyang / /tshad mthun par ni mdzes pa yis/ /thig ni mkhas pas ci nus kyis/ /dkyil 'khor gyi ni thig gdab bo/ /dus gsum bde gshegs thams cad kyi/ /yum gyur dam pa'i dkyil 'khor ni/ /thig bzhi btab pas dkyil 'khor dgu//dkyil 'khor dgu yi dkyil du ni/ /bde gshegs yum du gyur pa dgod/ /dung ltar sku mdog dkar ba la/ /g.yas pa rin chen mchog sbyin zhing / /g.yon pa glegs bam 'dzin pa de/ /seng ge la gnas pad+ma'i gang na/ /zla ba'i dkyil 'khor dag la ni/ /sbyin pa tshul khrims bzod pa dang //bsam gtan la sogs 'khor gyis bskor/ /phyi yi le'u tshe brgyad po la/ /phyogs bcu'i bde bar gshegs pa bcu/ /so so'i 'khor gyis bskor ba ni/ /seng ge la gnas pad+ma'i gdan/ /de steng zla ba'i dkyil 'khor la/ /go rims bzhin du dgod par bya/ / phyogs bzhi'i zla gam bzhi'o la/ /sems dpa'i rdo rje la sogs ni/ /bdag nas zla ba'i dkyil 'khor la/ /go rims bzhin du dgod par bya/ /de yang phyi rim dag tu ni/ /thugs rje 'od kyi dkyil 'khor ni/ /pad+ma brgya'am stong dag tu/ /cho ga shes pas bri bar bya/ /rdo rje nyi mar yang dag ldan//grwa bzhi phyogs bzhi dag tu ni/ /lA se la sogs lha mo brgyad/ /pad gnas zla ba'i dkyil 'khor la/ /legs pa dag tu bri bar bya/ /lha yi snam bu dgod bya ba/ /bskal pa bzang po 'di nyid kyi/ /sangs rgyas stong du bzhis ma tshang / /pad gnas zla ba'i dkyil 'khor la//rang rang mtshan ma bsnams pa bri/ /sgo khyud bzhi po dag la yang / /sgo ba bzhi po bri bar bya/ /rta babs bzhis ni mdzes byas la/ /dar dang me tog phreng bas brgyan/ /grwa bzhi phyogs bzhi thams cad dang / /sgo khyud kyi ni nang rnams su/ /rdo rje rin chen spras par ni/ / dkyil 'khor phyi rim bri bar bya/ /de ltar dkyil 'khor legs bris nas/ /dang por bdag nyid 'jug par bya/ /de nas slob ma gzhug par bya/ /zhes 'byung ngo / /gal te bgegs byung na ni/ stong pa nyid kyi ting nge 'dzin mngon du byas nas/ de 'og a las rnam par snang mdzad du gyur nas rgyud las bshad pa'i rnam par snang mdzad kyi skur yang nges par byas nas/haM las 'phags pa mi g.yo ba thugs ka nas phyung ste/ badzra ban+d+ha zhes yid la brjod la/ phyi'i dkyil 'khor du rlung gi phyogs su dri'i thig le bdun byas te thig le re re zhing yang re re'i nang du chud par byas la dbus ma dang mtha' ma yang thig le bdun dang ldan par byas te thig le bdun po de dag kyang rlung lha bdun po ri dgas la zhon pa/mdog nag po 'phags pa mi g.yo bas zhags pas kun nas bcings par bsams la/ de rnams kyi dbus ma gcig ni gtso bo yin la/ lhag ma drug ni 'khor yin pas/ kun nas bskor bar bsam pa'o//de nas kham phor a las ri rab tu bsams la/ de'i steng du a nyid las dbang chen gyi dkyil 'khor thams cad du rdo rjes g.yogs la/ dbus rdo rje rtse lnga pa/ yi ge hUM gi sa bon las byung ba/ mtshams rnams su mdung rtse rnams bsams la/ de bzhin du badzra ban+d+ha zhes brjod do//de kham phor nges ji skad bshad pa'i thig le bdun dag par bya'o/ /de nas kham phor ri rab kyi steng du oM las bcom ldan 'das rnam par snang mdzad bsams te/ 'phags pa mi g.yo ba yang bcom ldan 'das kyi spyan sngar g.yon pa brkyang bas ri rab bzung nas ral gri dang zhags bas rlung lha rnams la sdigs mdzub mdzad par bsams te/de lta bus ni rlung thams cad bcing bar byas par 'gyur ro/ /de nas dkyil 'khor dbus na gnas pa'i phur bu hUM bzhis bton la/ 'og nas bshad pa'i tshon sna lngas bu ga bkang la mnyam par gzhag go/ /de nas hri zhes bya bas mig g.yas dang g.yon du nyi ma dang zla ba bskyed la/khro bo'i lta bas kun du bltas la sgo rnams dbye'o/ /de nas tshon rtsi byin gyis brlab par bya ste/ oM badzra tsi tra sa ma ye hUM/ zhes bya ba 'di phyag rgya dang ldan pas tshon rtsi thams cad la lan bdun gyi bar du bzlas na rdo rje'i rang bzhin du 'gyur ro zhes bcom ldan 'das rnam par snang mdzad kyis gsungs so//phyag rgya gnyis las ni mdzub mo mnyam par sbyar bar byas nas tshon rtsi thams cad ni 'bar ba'i lta bas dgug par bya hri zhes bya ba dang / rdo rje nyi ma khro bo'i dam tshig gi phyag rgya dang ldan pa g.yon pa'i rdo rje khu tshur gyi mthar sbyar bar bya'o//oM badzra tsi tra sa ma ya hUM/ zhes zlos shing dgye bar bya'o/ /phyogs bzhir yang spos snod bzhi dang shes rab kyi pha rol tu phyin pa klog tu gzhug go/ /de nas dbus su 'dug nas ni/ /rdo rje slob dpon mnyam gzhag pas/ /rdo rje sgo ni rnam bzhi po/ /yid kyis su ni dbye bar bya/ / oM badzrod+g+ha Ta sa ma ya pra be sha hUM/ rdo rje mdzub mo yang dag par/ /sbyar la bkan te bsdams nas su/ /rab tu khros nas dbye ba ni/ /sgo dbye ba yi mchog yin no/ /de nas rin po che las byas pa'i bum pa rtsa ba mi gnag pa gsus pa che ba mgrin pa ring ba/ mchu 'phyang ba/ byi ru dang / gser dang / dngul dang / mu tig dang pad+ma rA ga ste rin po che thams cad dang / bri ha ti dang / kaN+Da ka ri dang / ha sa de ba dang / daN+Dot+pa la dang / shwe te a pa ra tsi ta ste sman thams cad dang / 'bras dang / nas dang / gro dang / til dang / ma sha ste 'bru thams cad dang spos chu dri zhim pa dang me tog dri zhim pas yongs su bkang la dris kun du byugs pa'i me tog gi phreng ba btags pa'o//mgul pa ras dkar po bzang pos brgyan pa 'dab ma dang 'bras bu dri zhim pos kha brgyan pa dang / badzra d+hA tu pradz+nye ma hA pradz+nye hUM/ zhes lan brgya rtsa brgyad bzla bar bya'o/ /brgya'am stong dam dpag tu med pa'am bcu las nyung bar mi bya'o//ras zung brgya'am stong ngam lha bshos dang mar me yang brgya'am stong ngam bdug spos brgya'am stong ngam bcu las nyung bar mi bya'o/ /glang po che'am rta la sogs pa'i tshogs kyang dgod do/ /rol mo'i tshogs 'di lta ste/pi wang dang / gling bu dang / rnga dang / cang te'u dang / cha lang dang / rnga rings dang / rdza rnga dang / rnga bo che dang / kuny+dza dang / ti mi la brdung ba ste de dag kyang dbul bar bya'o/ /de nas dkyil 'khor gyi lha rnams mngon sum lta bur bsams la/ phyag bzhi sngon du 'gro bas me tog la sogs pas yang dag par mchod la/sdom pa gzung ba la sogs pa byas pa'i rjes la bdag nyid 'jug par bya'o/ /de nas/ de nyid kyis ni rdo rje gzung / /chos kyi dril bu dkrol bar bya/ /dam tshig gi ni phyag rgya cher/ /byin gyis brlabs la snying po bzla/ /zhes bya ba'i sngar bshad pa'i cho ga byas la yi ge brgya pa brjod la mtshan brgya rtsa brgyad pas bstod pa bya ste/dpag med shes rab pha rol phyin/ /sdig med rnams kyi chos sku gang / /skyon rnams thams cad med gzigs mnga'/ /rnam rtog mi mnga' khyod la 'dud/ /gang gi yang dag nyid du khyod/ / nam mkha' bzhin du gos pa med/ /spros med yi ge med mthong na/ /des ni de bzhin gshegs pa mthong / /'phags pa dam pa rnams dang ni/ /yon tan phyug mo khyod dang ni/ /sangs rgyas 'gro ba'i bla ma dang / /khyad par ma mthong zla 'od bzhin/ /gus byas snying rje'i bdag nyid can//sangs rgyas rnams kyi 'gro 'dren ma/ /khyod la brten bgyis nges par ni/ /bdag nyid chen po mnyam med thob/ /don yod gzigs ma gang yin ni/ /bsam pa dag pas lan 'ga' yang / /tshul bzhin khyed la lta bgyid pa/ /des kyang nges par grub pa thob/ /khyod ni dpa' mo gzhan don la//dga' ba'i bdag nyid thams cad ni/ /gso mdzad skyed par mdzad pa ste/ /byams shing gcugs pa'i yum lags so/ /dge ba gang slong khyod kyi sras/ /sangs rgyas 'jig rten bla ma dang / /thugs rje can lags de slad khyod/ /sems can kun gyi phyi mo lags//ma smad skar ma rnams kyis ni/ /zla ba'i dkyil 'khor mdzes bzhin du/ /mi dmigs pha rol phyin kun gyis/ /khyod ni rab tu bskor ba lags/ /khyod ni nyag ma gcig lags kyang / /de bzhin gshegs pas de dang der/ /skye bo 'dul ba'i rten mdzad nas/ /sna tshogs mtshan gyis rnam snang bstod//nyi ma'i 'od dang mjal gyur na/ /zil pa'i chu thigs ji bzhin du/ /khyod dang mjal ba dag rnams kyi/ /skyon dang tshig rnams rab 'jig 'gyur/ /khyod nyid skrag pa skyed pa ste/ /byis pa rnams la 'jigs par gda'/ /yang dag dbugs 'byin skyed pa ste//mkhas pa rnams la zhi bar gda'/ /gang la mgon khyod dbye ba ste/ /khyod la mngon du chags mi mnga'/ /gzhan la 'dod chags zhe sdang dang / /ji lta bur ni 'byung gyur yum/ /khyod ni gang nas mi byon te/ /gang du bzhud par 'gyur ma lags/ /gang khyod de ltar mi mthong zhing //yang dag nyid du rtogs 'gyur ba/ /rtogs nas nges par 'grub 'gyur ba/ /deng 'dir ngo mtshar shin tu che/ /khyod mthong na ni mchi 'gyur te/ /ma mthong na yang mchi bar 'gyur/ /khyod mthong na ni grol 'gyur te/ /ma mthong na yang grol bar 'gyur/ /kye ma ngo mtshar skyed mdzad ma//zab mo lags so grags ldan ma/ /snang yang snang ba ma lags ma/ /shin tu rtogs dka' sgyu ma bzhin/ /sangs rgyas rnams dang rang rgyal dang / /nyan thos rnams la nges bstan pa'i/ /thar lam gcig tu khyod lags te/ /gzhan ma mchis par nges par lags/ / 'jig rten mgon po'i thugs rje yis/ /lus can rnams la bstan slad du/ /khyod mdzad mdzad pa mdzad ma lags/ /mtshan nyid dang ni mtshan ma med/ /tshig lam kun las 'das khyod la/ /su zhig gis ni 'dir bstod nus/ /khyod ni gang la gnas mi mnga'/ /khyod nyid bstod bya ma lags te//de ltar phun sum tshogs mnga' ba/ /de 'dra'i tshig gi lam dag gis/ /bstod pa rnams ni shin tu bde/ /rdzogs pa gang zhig rtogs 'dod pa/ /nyan thos zhi ba 'dod pa dag /thams cad shes pa nyid 'gyur zhing / /gang zhig thub mchog sras dag ni/ /lam gyi rnam pa kun shes 'gyur ba dang //gang zhig mchog rnams rgyal ba'i yon tan tshogs/ /rnam kun mkhyen pa mnyes par 'gyur ba yi/ /bde bar gshegs pa'i yum mchog de la ni/ /mkhas pa rnams kyis rtag tu 'jug par gyis/ /ser sna nyon mongs dag pa yi/ /yid bzhin nor bu dam pa 'dis//khams gsum bsam pa rdzogs mdzad pa/ /dkon mchog 'byung gnas phyag 'tshal bstod/ /nyon mongs mtha' dag rab bsal bas/ /khams gsum pa ni thams cad kyi/ /sdug bsngal rnams kyis ma gos pa/ /mya ngan med la phyag 'tshal bstod/ /gsang ba'i de nyid bsgoms pa yis//'od zer brgya phrag rnams 'gyed cing / /'od kyis 'gro ba'i don mdzad pa/ /rin chen 'od 'phro phyag 'tshal lo/ /stong pa nyid la rab gnas pa/ /khams gsum 'khor ba'i sdug bsngal las/ /rab tu rgyal bar mdzad pa po/ /rgyal ba'i dbang po phyag 'tshal bstod//khams gsum 'khor ba la gnas pa'i/ /'gro ba'i don rnams mdzad nas kyang / /pad ltar skyon gyis ma gos pa/ /pad+mo dam pa phyag 'tshal lo/ /khams gsum gti mug 'khyams pa la/ /nyi ma lta bu'i 'khor lo yis/ /'gro ba'i don rnams rab mdzad pa/ /phyag 'tshal nyi ma'i dkyil 'khor la//nyi ma drod chen 'od lta bur/ /thabs kyi dam pa brnyes 'gyur ba'i/ /'gro ba'i don la rab brtson pa/ /phyag 'tshal gdugs chen dam pa la'o/ /sngon gyi smon lam dam pa yis/ /glang chen lta bu'i ting 'dzin gyis/ /khams gsum 'khor ba las sgrol ba/ /phyag 'tshal ting 'dzin glang po la'o//khams gsum sems can thams cad la/ /dga' ba'i dam par 'gyur ba ni/ /byang chub rnam gsum thob mdzad pa/ /dga' ba'i dpal la phyag 'tshal lo/ /'khor ba'i 'dam las sku 'khrungs pa/ /srid pa'i nyes pas ma gos par/ /'gro ba 'khor ba las grol ba//pad+ma'i phyogs la phyag 'tshal lo/ /'khor rnams kyi phyag rgya bcing ba dang bstod pa ni rgyal po dang 'bangs kyi tshul yin pas mi dgos so zhes slob dpon kha cig 'chad do/ /de nas sgeg mo la sogs pas kyang mchod do/ /dngos grub thams cad grub pa'i phyir sems can thams cad kyi don mdzod cig ces de bzhin gshegs pa thams cad la gsol ba gdab par bya'o//de nas grogs mchog dam pa dkyil 'khor du gzhug ste phyi rol du gtor ma sbyin par bya'o/ /'bras yos bcas shing til dang bcas/ /'bras chan gtor ma chu dang bcas/ /'bras chan bcas shing la du ba/ /snum khur la sogs bza' ba rnams//zhes bya bas gtor ma'i las bya'o/ /de nas zhi ba'i sbyin sreg brgya rtsa brgyad dbul lo/ /de bzhin gshegs pa rnams la ni bdun bdun dbul te mnyes par bya'o/ /de nas dkyil 'khor du 'jug par bya ste dang por slob dpon bdag nyid 'jug par bya/ de nas slob ma 'jug par bya ste/bdag ming 'di zhes bgyi ba yi/ /rdo rje slob dpon dka' thub che/ /sems can kun la phan pa'i phyir/ /slob ma rnams ni gzhug par bya/ /de nas bcom ldan 'das dkyil 'khor chen po 'dir zhugs pa la snod du gyur pa dang ma gyur pa brtag mi 'tshal lo/ /de ci'i slad du zhe na/sems can kha cig sdig pa chen po mchis kyang yum chen mo shes rab kyi pha rol tu phyin ma'i dkyil 'khor chen po 'dir zhugs te mthong na ngan song thams cad dang bral bar 'gyur ro/ /shes rab kyi pha rol tu phyin pa'i 'od kyis phog pa tsam gyis kyang long bas gzugs mthong ba dang 'on pas sgra thos pa la sogs pa'i bde ba rnyed na dkyil 'khor chen por zhugs pa dag lta smos kyang ci 'tshal lo//de nas slob dpon gyi zhabs la phyag 'tshal te 'di skad ces brjod par bya'o/ /dga' chen khyod bdag ston pa bas/ /slob dpon khyod ni dgongs su gsol/ /byang chub sems dpa'i tshul brtan pa//mgon po chen po bdag 'tshal lo/ /dam tshig de nyid bstan du gsol/ /sdom pa rnams kyang bdag la stsol/ /de nas slob ma la stod g.yogs dang smad g.yogs bskon la phyag bzhi byed du gzhug go/ /lag tu me tog bskur te bshags pa nas gsol ba gdab pa'i bar du bya ste 'di skad brjod par bya'o//gtso bo bdag la sdom pa stsol/ /thub pa nyi ma ma lus pa/ /sangs rgyas rnams ni bdag la dgongs/ /bdag ming 'di zhes bgyi ba ni/ /slob dpon dbang du gnas pa la/ /sangs rgyas rol mo las byung ba/ /mi ldog pa yi 'khor los 'byor/ /thar pa'i rang bzhin grong khyer che//gsang ba chen por 'jug par bgyi/ /gsang ba thams cad bsdus par ni/ /slob dpon chen po bdag 'jug mdzod/ /mi ldog pa yi dbang bskur ba/ /skal pa chen po bdag la stsol/ /mtshan rnams kun gyis rgyas btab cing / /dpe byad rnams dang yang dag ldan//sangs rgyas kyi ni yid 'ong ba/ /slob dpon chen po bdag la stsol/ /dbang bskur chen po rmad byung ba/ /sems can kun gyi don bgyid phyir/ /bdag ni rtag tu slob dpon 'gyur/ /slob don chen po bdag la stsol/ /de nas slob dpon gyis/ che ge mo zhes bya ba 'di nyid ni//byang chub sems ni yongs 'dzin pa/ /dam tshig mchog dang gsang ba yi/ /'khor lo 'dir yang 'jug par 'tshal/ /yang slob dpon gyis/ gsang ba chen po rigs dag pa'i/ /gsang ba yongs su 'dzin par ni/ /bdag nyid chen po khyod 'dod dam/ /des kyang 'tshal lo zhes brjod par bya'o de nas/sangs rgyas chos dang dge 'dun te/ /zhes bya ba la sogs pas sdom pa dbog go/ /sdom pa 'dzin par mi byed pa de la ni dbang bskur yang mi bya'o/ /'jug pa tsam zhig byed du gzhug go /de ltar sdom pa 'dzin pa de la ni dang por chu'i dbang bskur ro/ /phyag rgya'i dbang dang cod pan dang /dar dpyangs dang / rdo rje dang / bdag po dang / ming gi dbang bskur nas me tog la sogs pa dang sgeg mo la sogs pa brgyad kyis yang dag par mchod nas/ slob dpon la yon gyi mchog phul te dbang phyi ma yang bskur bar bya'o/ /de nas zhi ba'i sbyin sreg gis zhi bar bya'o//tshon rtsi chu bo chen por dor ro/ /dus gsum sangs rgyas thams cad kyi/ /yum mchog spros pa med pa yi/ /sgrub thabs cung zhig sbyar ba las/ /kun gyis bde gshegs sku thob shog /yum gyur sgrub thabs legs sbyar ba/ /bsgyur bas bsod nams gang thob des/ /khams gsum sems can thams cad kyis/