CLOSE WINDOW

D2641
བོད་ཡིག

@##/ /rgya gar skad du/ pradz+nyA pA ra mi ta hr-i da ya sA d+ha naM nA ma/ bod skad du/ shes rab kyi pha rol tu phyin pa'i snying po'i sgrub thabs zhes bya ba/ bcom ldan 'das ma shes rab kyi pha rol tu phyin pa la phyag 'tshal lo/ /gang zhig sngon du byas gyur pas/ /rab zhi thams cad mkhyen mdzad pa'i//rgyal ba de la rab btud de/ /sgrub thabs cho ga dran par bya/ /dben zhing nyams dga'i sa phyogs su/ /bde ba'i stan la 'dug nas ni/ /snying gar pad zla'i nyi steng du/ /maM las 'od 'phros phyogs bcu nas/ /rgyal ba sras bcas spyan drangs te/ / nam mkha'i phyogs su gnas par bsam/ /mchod dang nyes pa bshags par bya/ /rjes su yi rang gsol ba gang ba/ /skyabs 'gro sems bskyed blang bya zhing / /byang chub chen por bsngo bar bya/ /byams dang snying rje dga' ba dang / /btang snyoms tshangs pa'i gnas pa bsgom/ / gsang sngags 'di ni rab tu bzlas/ /oM swa b+hA wa shud+d+haHsarba d+har+m+mAHswa b+hA wa shud+d+hou0f85haM/ rgyu dang mi rgyu 'di dag kun/ /gzod nas rang bzhin stong par dran/ /de rjes stong pa'i rang bzhin las/ /yaM raM baM laM 'byung ba bzhi/ /suM las ri rab de steng du/ /b+h+rUM las mdzes pa'i gzhal yas khang //yangs shing rgyan ldan bsam par bya/ /dbus su seng ge'i khri steng du/ /pad+ma nyi ma la gnas pa'i/ /dmar ser rgyal yum sku mdog ser/ /zhal gcig phyag bzhi sku ni rgyas/ /g.yas gnyis rdo rje skyabs sbyin can/ /g.yon gnyis rdo rje chos 'chad mdzad/ /longs spyod rdzogs pa'i rgyan ldan bsam//shar du seng ge zla steng du/ /saM las rgyal ba shAkya thub/ /btso ma'i mdog can sprul pa'i sku/ /gtsug tor ldan pa bskyed par bya/ /nub tu pad+ma zla ba la/ /hrIHlas 'jig rten dbang phyug ni/ /shin tu dkar zhing rgyan mdzes pa/ / sems dpa'i skyil krung bzhugs par bsam/ /lho ru maM las shA ri'i bu/ /dka' thub cha byad sku mdog ni/ /dmar skya pus btsugs thal mo sbyar/ /shin tu mdzes pa'i sku nyid bsam/ /byang du kun+da las bskyed pa/ /dmar po rgyal la gus pa'i tshul/ /pad+ma'i steng du bskyed byas nas/ / de ltar bskyed pa rdzogs pa dang / /bdag nyid thugs ka'i maM las ni/ /'od 'phros ye shes bkug byas te/ /mchod dang dzaHhUM baM hoHyis/ /so sor dgug gzhug byas nas ni/ /rgyal bas dbang bskur so so la/ /rnam snang mi bskyod rin 'byung dang / /mtha' yas rgyal ba nyid kyis mtshan//yi ge gsum gyis byin gyis brlabs/ /yum gyi thugs kar rgyal ba nyid/ /bsdus te ting nge 'dzin snyoms zhugs nas/ /dris dang lan gdab stong pa'i don/ /'khor rnams kun la sbyin par bsam/ /'di ltar chos kun rab zhi las/ spros pa'i 'khor kun yum la bsdu//mtshan bcas ting nge 'dzin yi ge la/ /dmigs te gsal la mi rtog bya/ /gzod nas zhi ba'i chos kun ni/ /rkyen dbang 'khrul bar rab snang la/ /de nyid tshe na zhi ba nyid/ /zhi tshe sgyu ma lta bur snang / /mtha' bzhir mi rtog bral bar min/ /bying rgod mi gnas sems nyid ni/ / 'od gsal cir yang mi sgom pa/ /mtshams med rnal 'byor pha rol phyin/ /rgyal bas zhi bar rab gsungs dang / /gcig dang du ma bral sogs pas/ /spros pa bkag pas mi rtog shes/ /rnam par rtog dang yang dag rtog /gal te skyon bzlas bya ste/ /tad+ya thA/ oM ga te ga te pA ra ga te pA ra saM ga te bod+hi swA hA/maM la rab bskor 'od zer ni/ /spro bsdus don byas sngags kyi 'od/ /lte ba'i kha yi bar du bskor/ /ye shes sems dpa' mchod la gshegs/ /stong pa bco brgyad brjod bya ste/ /dam tshig sems dpa' thams cad dang / /gzhal yas khang ni mi dmigs bya//rgyal ba'i bka' dang nA gA rdzun yi/ /gsungs pa la brten mos rnams don dang ni/ /bdag nyid sbyang phyir cho ga thabs mchog byas/ /mkhas rnams blo yi dri ma bzod par mdzod/ /'di la ngal ba'i dge ba'i rtsa ba des/ /'gro rnams rab sbyangs snying po'i don shes nas/ /rgyal ba'i go 'phang rab tu thob 'gyur te/