CLOSE WINDOW

D2639
བོད་ཡིག

@##/ /rgya gar skad du/ sarba durga ti pa ri sho d+ha ne+e saM k+Ship+ta nA ma/ bod sked du/ ngan song thams cad yongs su sbyong ba zhes bya ba'i cho ga mdor bsdus pa/ thams cad mkhyen pa la phyag 'tshal lo/ /'jam dpal gzhon nur gyur pa la phyag 'tshal lo/ /chos kyi 'khor lo skor mdzad pa'i//shAkya seng ger phyag 'tshal nas/ /ngan song thams cad sbyong don du/ /lung gzhan cung zad bshad par bya/ /de la dang por rnal 'byor pa'i dbang phyug gis mi phyed bzhi rigs rnams gson pa'i bar chad du gyur pa'i dus su rdo rje'i rigs can rnam 'chi ba'i dus byas pa'i tshe/ngan song thams cad yongs su sbyong ba'i cho ga byed par 'dod pas ro dang nye ba'i gnas su stan la skyil mo krung bcas pas 'dug ste/ oM swa b+hA wa shud+d+haHsarba d+harmAHswa b+hA wa shud+d+hou0f85haM/ zhes brjod par bya'o/ /de'i rjes la mgrin par yi ge trIHyongs su g yur pa las pad+ma/de'i steng du a las byung ba'i zla ba'i dkyil 'khor la hUM las byung ba'i rdo rje rnam par bsgom ste/ rdo rje'i lce rnam par bsams pas sngags bzlas pa mthu dang ldan par 'gyur ro/ /lag pa gnyis gan rkyal du byas pa'i lag pa'i mthil du a las byung ba'i zla ba la/hUM las rdo rje rtse lnga pa kha dog dkar por sprul te lag pa'i mthil du thim par bsgoms la/ lag pa gnyis thal mo sbyar ba bcings la/ rdo rje lag par rdo rje'i bar du sbyor bas phyag rgya bcing ba mthu dang ldan par 'gyur ro/ /de nas lci ba ma lhung bas dkyil 'khor gru bzhi pa'i tshad du byugs la/tsan+dan dkar pos kyang byugs te ku shas chu dang ba'i rnam pa lnga gtor bar bya'o/ /'bru lnga dang sman lnga dang rin po che lnga nang du blugs pa mgrin pa gos sngon pos bcings pa'i bum pa ku sha la nye bar gzhag par bya'o/ /rdo rje 'jigs byed nas bzung ste rdo rje rtse mo mthar thug pa'i phyag rgyas srung ba'i 'khor lo rnam par bsgom par bya ste/ra ba dang gur bcing ba bsgoms la byin gyis brlab par bya'o/ /dkyil 'khor la gre tog gi tshom bu sil ma gtor la/ 'khor lo tshogs dang bcas pa yi/ /dkyil 'khor nam mkhar bsgom par bya//me tog sogs kyis yang dag mchod/ /sdig pa bshags pa la sogs bya/ /lha dang lha min dri za dang / /klu dang 'byung po lho 'phye che/ /gnod sbyin srin po yi dwags kyis/ /nam mkhar bzhugs pa'i dkyil 'khor la/ /mchod nas sangs rgyas rnams kyis ni//yon tan brjod pa bsgom bya ste/ /e ma ho sangs rgyas e sangs rgyas/ /sangs rgyas mdzad pa mchog mdzad legs/ /ngan song thams cad legs sbyangs nas/ /'gro rnams byang chub thob par mdzad/ /lha dang klu sogs thams cad kyis/ /thal mo rab tu sbyar byas te//shAkya seng ge phyag 'tshal nas/ /de nyid du ni mi snang 'gyur/ /de rjes yi ge a las ni/ /bskyed pa'i zla ba snying gar te/ /de yi dbus su dkyil 'khor bsam/ /nam mkha'i dkyil 'khor bkug nas ni/ /snying ga ru ni gzhug par bya/ /rdo rje lcags kyu la sogs kyis//dgug gzhug bcings la dbang du bya/ /dkyil 'khor rnam gnyis legs bsres te/ /ro gcig tu ni rnam par bsgom/ /dkyil 'khor ba ni thams cad du/ /rdzogs pa'i sbyor ba las byung ba/ /de yi dbus su bdag gi dngos/ /shAkya seng ger bsgom par bya/ /de nas shAkya thub pa'i thugs kar zla ba'i dkyil 'khor la ngan song sbyong ba'i sngags kha dog dkar por bsams te/sngags kyi 'od zer rnams kyis khams gsum po snang bar byas nas dmyal ba dang yi dwags dang byol song gi sems can ngan song ba rnams 'od zer gyis bkug par bltas la dkyil 'khor du bcug pa dang /dkyil 'khor pa thams cad kyis de nas sems can thams cad la dbang bskur ba dang ldan par blta bar bya'o/ /de ltar dbang bskur tsam gyis ni/ /khams gsum pa yi sems can kun/ /sangs rgyas sras dang mnyam bkod nas/ /dri ma med pa'i khyad par gyis/ / de nas sems can dga' ba yis/ /bstod pa'i tshig rnams rjod par byed/ /chos kyi 'khor lo skor mdzad pa/ /khams gsum pa yi 'gro kun gyi/ /ngan song thams cad sbyong mdzad pa/ /shAkya seng pe phyag 'tshal lo/ /chos kyi dbyings kyi rang bzhin las/ /sems can kun la phan pa'i phyir//rang gi de nyid ston mdzad pa/ /rdo rje gtsug tor phyag 'tshal lo/ /mnyam pa'i ye shes sgom pa yis/ /khams gsum la gnas thams cad la/ /dbang bskur rab tu sprul mdzad pa/ /rin chen gtsug tor phyag 'tshal lo/ /so sor kun rtog rang bzhin las//chos kyi bdud rtsi char 'bebs pa/ /sems can dbugs 'byin mdzad pa po/ /pad+ma'i gtsug tor phyag 'tshal lo/ /sems can sdug bsngal bsal ba'i phyir/ /bya ba rjes grub rang bzhin can/ /phrin las sna tshogs mdzad pa po/ /sna tshogs gtsug tor phyag 'tshal lo//khams gsum 'od kyis gsal mdzad nas/ /sems can rnams la thugs brtse bas/ /bden pa mthong bar mdzad pa po/ /gtsug tor gzi brjid phyag 'tshal lo/ /yid bzhin nor bu rgyal mtshan rnams/ /sbyin pas sems can thams cad kyi/ /bsam pa thams cad rdzogs mdzad pa//gtsug tor rgyal mtshan phyag 'tshal lo/ /nyon mongs nye ba'i nyon mongs dag /gcod cing bdud bzhi'i stobs bcom nas/ /sems can byang chub thob mdzad pa/ /gtsug tor gnon po phyag 'tshal lo/ /khams gsum 'gro ba thams cad kyis//gdugs dkar gyes ni brgyan pa yi/ /chos kyi rgyal po thob mdzad pa/ /gtsug tor gdugs dkar phyag 'tshal lo/ /sgeg mo phreng ba de bzhin du/ /gar ma lha mo bzhi po dang / /spos dang me tog mar me ma/ /dri yi lha mo phyag 'tshal bstod/ /dad sogs ngo bo las byung ba'i//sgo yi dbus na gang bzhugs pa/ /lcags kyu zhags pa lcags sgog dril/ /sgo srung rnams la phyag 'tshal 'dud/ /sgo bzhi yi ni logs dag na/ /khyams la sogs par bzhugs mdzad cing / /rab dga' la sogs gnas mdzad gang / / byang chub sems dpa' phyag 'tshal 'dud/ /tshangs pa drag po zla ba sogs/ /phyogs bzhi'i 'jig rten skyong ba dang / /me dang srin po rlung lha dang / /'byung po'i bdag po phyag 'tshal bstod/ /ces bya ba'i tshig 'dis bstod cing dril bu dkrol bar bya'o/ /spros nas dkyil 'khor la sogs pa ste khams gsum po stong pa nyid du bsgom par bya'o//de nas stong pa nyid las yo raM baM laM las byung ba'i dkyil 'khor gyi steng du/ suM las byung ba'i rin po che sna bzhi'i rang bzhin can gyi ri rab bsgom par bya'o/ /de'i dbus su b+huM las byung ba'i gzhal yas khang gru bzhi la sogs pa'i yon tan dang ldan pa'o//de'i dbus su 'khor lo rtsibs brgyad pa/ de'i lte ba la gnas pa'i seng ge'i gdan no/ /de'i steng du a las byung ba'i zla ba la thabs dang shes rab kyi bdag nyid can gyi sngags bzlas te/ oM mu ne mu ne ma hA mu ni swA hA/ sngags 'di'i yongs su gyur pa las/ /shAkya'i rgyal po rjes dran bya/ /sems can kun la rjes brtse bas/ /chos kyi 'khor lo'i phyag rgya 'dzin/ /rdo rje khu tshur gnyis bcings te/ /rim gyis rnam par 'byed pa ni/ /rgya 'di chos kyi 'khor lo ste/ /'khor ba thams cad gcod byed yin//'di yi dpe ni 'di 'dra ste/ /ji ltar pad+ma la chags pa'i/ /bung ba la sogs bsdams pa bzhin/ /de bzhin pad+ma'i 'dab phye na/ /bcing pa'i sdug bsngal thar bar byed/ /de bzhin 'khor bar sems can rnams/ /srid gsum 'khor bar bcings pa las/ /thugs rje'i bdag can shAkya yi//seng ges bcings pa las grol mdzad/ /de nas bcom ldan 'das kyi thugs kar zla ba la sngags kyi yi ge bsgom par bya ste/ oM na mo b+ha ga wa te sarba durga ta pa ri sho d+ha ni rA dzA ya/ ta thA ga tA ya/ arta te/ sa myak+saM bud+d+hA ya/ tar+ya thA/ oM sho d+ha ne sho d+ha ne sarba pA paM bi sho d+ha ne shud+he bi shud+he/sarba karma A ba ra Na bi sho d+ha ne swA hA/ sngags 'dis rdo rje gtsug tor nas bzung nas rdo rje lcags kyu'i bar du rdzogs par bya'o/ /oM badzra hUM phaT/ ces brjod nas/ /bcom ldan 'das kyi zhal gyi sgo nas phyung ste sems can thams cad snang bar byas nas ngan song thams cad zhi bar byas te shar gyi rtsibs kyi pad+ma dang zla ba la gnas pa'i hUM las skyes pa'i rdo rje gtsug tor sku mdog dkar po sa gnon gyi phyag rgyas yang dag par bzhugs pa'o//oM rat+no ta ta ma t+t+waM gis lho'i rtsibs kyi pad+ma dang zla ba la gnas pa'i rin chen gtsug tor sku mdog sngon po mchog sbyin gyi phyag rgya 'dzin pa khams gsum pa la dbang sgur bar mdzad pa'o//oM pad+mo ta ta ma trIHsa nub kyi rtsibs kyi pad+ma dang zla ba la gnas pa'i pad+ma'i gtsug tor sku mdog dmar po bsam gtan gyi phyag rgya 'dzin pa/ sems can thams cad dbugs 'byin par mdzad pa'o//oM bi sho d+ha ma a zhes pas byang gi rtsibs kyi pad+ma dang zla ba la gnas pa'i sna tshogs gtsug tor sgu mdog ljang gu mi 'jigs pa stsol bas sems can 'khor ba las sgrol bar mdzad pa'o/ /a~M gyi sa bon las byung ba'i gtsug tor gzi brjid me'i mtshams kyi pad+ma dang zla ba la gnas pa/sku mdog dkar dmar phyag g.yas na nyi ma bsnams pa g.yon dkur brten te bzhugs pa khams gsum pa snang bar mdzad pa'o/ /hUM gi sa bon las byung ba'i gtsug tor rgyal mtshan bden bral gyi rtsibs kyi pad+ma dang zla ba la gnas pa sgu mdog dmar nag yid bzhin gyi nor bu'i rgyal mtshan bsnams pa ser sna sbyong bar mdzad pa'o//d+hi'i sa bon las byung ba'i gtsug tor rnon po rlung gi rtsibs kyi pad+ma dang zla ba la gnas pa sku mdog nam mkha' ltar sngo ba/ phyag g.yas na ral gri g.yon na glegs bam bsnams pa nyon mongs pa dang nye ba'i nyon mongs pa yang dag par gcod par mdzad pa'o//k+ShaM gi sa bon las byung ba gtsug tor gdugs dkar po dbang ldan gye rtsibs kyi pad+ma dang zla ba la gnas pa sku mdog dkar po gdugs bsnams pa chos kyi bdag po thob par mdzad pa'o/ /hUM t+t+waM hrIHaH'i sngags kyis sgeg mo la sogs pa bzhi mtshams kyi cha'i pad+ma dang zla ba la gnas pa sku mdog rigs kyi rim pa bzhin no//me tog la sogs pa grwa'i cha'i pad+ma dang zla ba la gnas pa sku mdog dang sngags de bzhin du spro bar bya'o/ /de nas oM sarba saM skA ra pa ri shud+he d+harma te ga ga na sa mung+ga te swa b+hA wa bi shud+he ma hA na yA pa ri bA re swA hA/zhes bya ba'i sngags 'dis byams pa la sogs pa bcu drug spro bar bya ste shar gyi sgo'i logs gnyis su byams pa la sogs pa bzhi dgod de/ byams pa mdog ser po pad+ma la gnas pa'i zla ba la sems dpa'i skyil mo krung gis bzhugs pa phyag g.yas na klu shing me tog /g.yon na ril ba spyi blugs 'dzin pa byams pa'i thugs kyi bdag nyid can no/ /gnyis pa mthong ba don yod ni mdog ser po pad+ma la gnas pa'i zla ba la bzhugs pa g.yas pa na pad+ma spyan dang ldan pa/ g.yon pa khu tshur dkur brten pa'o/ /gsum pa ngan song sbyong ba ni sku mdog dmar po lcags kyu 'dzin pa'o//bzhi pa mya ngan dang mun pa thams cad 'joms pa'i blo gros ni mdog dmar ser g.yas na dbyug pa 'dzin pa/ g.yon pa khu tshur dkur brten pa'o/ /lho'i sgo'i logs su dang po spos kyi glang po mdog dkar ljang phyag g.yas na dri'i glang po'o//gnyis pa dpa' bar 'gro ba ni shel dang zla ba'i mdog can g.yas na ral gri 'dzin pa'o/ /gsum pa nam mkha'i mdzod ni mdog dkar ser g.yas pa na pad+ma la gnas pa'i chos kyi mdzod do/ /bzhi pa ye shes tog ni mdog sngon po g.yas na yid bzhin gyi nor bu'i rgyal mtshan 'dzin pa'o//nub kyi sgo'i logs su dang po ni 'od dpag tu med pa zla ba'i mdog can phyag g.yas pa na bdud rtsi'i bum pa bsnams pa'o/ /gnyis pa zla 'od ni mdog dkar po phyag g.yas pa na pad+ma la gnas pa'i zla ba 'dzin pa'o/ /gsum pa bzang skyong ni mdog dkar dmar phyag g.yas na rin po che 'bar ba 'dzin pa'o//bzhi pa dra ba can gyi 'od ni mdog dmar po phyag gnyis kyis rdo rje'i dra ba 'dzin pa'o/ /de nas byang gi sgo'i logs su rdo rje snying po mdog sngo zhing dkar ba la phyag g.yas pa na ut+pa la rdo rje dang ldan pa'o/ /gnyis pa blo gros mi zad pa ni kun+da dang zla ba ltar dkar ba phyag gnyis na ye shes kyi bum pa 'dzin pa/gsum pa spobs pa brtsegs pa ni zangs kyi mdog can phyag gnyis na pad+ma la gnas pa'i rin po che brtsegs pa 'dzin pa'o/ /bzhi pa kun du bzang po ni mdog ser po phyag g.yas na rin po che'i snye ma 'dzin pa'o/ /byang chub sems dpa' thams cad ni pad+ma dang zla ba'i gdan la sems dpa'i skyil mo krung gis bzhugs pa g.yon pa khu tshur dkur brten pa'o//dzaH yi sa bon las byung ba/ /shar du rdo rje lcags kyu ni/ /zla ba dkar ltar mdog 'chang zhing / /phyag g.yas lcags kyu 'dzin pa'o/ /hUM gi sa bon las byung ba'i//rdo rje zhags pa lho ru ste/ /sku mdog ser po 'dzin pas gnas/ /phyag na zhags pa yang dag bsnams/ /baM gyi sa bon las byung ba'i/ /rdo rje lcags sgrog nub tu ste/ /sku mdog dmar po legs par mdzes/ /phyag na lcags sgrog 'dzin pa'o/ /hoHyi sa bon las byung ba'i//rdo rje 'be+ebs pa byang du ste/ /sna tshogs mdog ni 'dzin pas gnas/ /phyag na dril bu yang dag bsnams/ /de ltar dkyil 'khor bskyed nas so so'i sngags brjod par bya ste/ chos kyi 'khor lo'i phyag rgya bcings la/ oM na maHsarba durga te pa ri sho d+ha ni rA dzA ya/ zhes bya ba la sogs pa nas te sngags brjod par bya'o/ /sems ni rnam par g.yeng ba'i rgyur 'gyur bas phyi rol gyi phyag rgya bcing bar mi bya'o zhes gsungs pas dkyil 'khor pa so so'i phyag rgya so sor ma bstan to/ /sarba bita sarba A ba ra Na bi sho d+ha ne mu ne hUM phaT/ shAkya thub pa'i sngags so//oM sarba bid hUM hUM/ rdo rje gtsug tor gyi'o/ /oM sarba bita traT/ rin chen gtsug tor gyi'o/ /oM sarba bid tri hri/ pad+ma gtsug tor gyi'o/ /oM sarba bid aHaH/ sna tshogs gtsug tor gyi'o/ /oM sarba bid oM oM/ gtsug tor gzi brjid kyi'o //oM sarba bid hUM hUM/ gtsug tor rgyal mtshan gyi'o/ /oM sarba bita phaT/ gtsug tor rnon po'i'o/ /oM sarba bita kreM traT/ gtsug tor gdugs dkar gyi'o/ /oM sarba bid ma hA badzrong+g+ha ba dA na pA ra mi tA pU dze hUM/ sgeg mo'i'o/ /oM sarba bid ma hA badzrod+b+ha ba shI la pA ra mi tA pU dze t+t+waM/ phreng ba ma'i'o//oM sarba bid ma hA badzrod+b+ha ba k+Shun+he pA ra mi tA pU dze dIH/ glu ma'i'o/ /oM sarba bid ma hA badzrod+b+ha bIr+ya pA ra mi tA pU dze aH/ gar ma'i'o/ /oM sarba bita sarba a pA ya bi sho d+ha ni d+ha ma d+ha ma d+hu pa ya d+h+yA na pA ra mi tA pU dze hUM phaT/ bdug pa ma'i'o/ /oM sarba bita sarba durga ti pa ri sho d+ha ni gre sha tshe da na puSh+pa bi lo ka ni pradz+nyA pA ra mi tA pU dze tra~M hUM phaT/me tog ma'i'o/ /oM sarba bid a pA ya bi sho d+ha ni dz+nyA na A lo ka ka ri pra Ni d+hi na pA ra mi tA pU dze hUM phaT/ mar me ma'i'o/ /oM sarba bita sarba a pA ya gan+d+ha bi nA sha ni badzra gan+d+ha u pa ya pA ra mi tA pU dze A hUM phaT/dri ma'i'o/ /oM sarba bid na ra ka ga ti A kaR+Sha Ni hUM dzaHphaT/ rdo rje lcags kyu'i'o/ /oM sarba bita sarba da ra ka ut+ta ra ni hUM hUM phaT/ rdo rje zhags pa'i'o/ /oM sarba bita sarba a pA ya ban+d+ha na bi mo tsa ni hUM baM phaT/ rdo rje lcags sgrog gi'o/ /oM sarba bita sarba a pA ya ga ti ga ha na bi sho d+ha ni hUM hoH phaT/rdo rje 'be+ebs pa'i'o/ /oM mi tri ya ha ra shA swA hA/ oM a mo g+hA daR+sha ni hUM/ oM sarba sho ka ta mo nirga te na ma ti hUM phaT/ oM sarba a pA ya dza ha sarba a pA ya bi sho d+ha ni hUM/ oM gan+d+ha haste ni hUM/ oM shu raM ga me hUM/ oM g+ha ne ga ga na lo tsa ne hUM/oM dz+nyA na ke tu dz+nyA na ba ti hUM/ oM a mi ta b+hA a mi ta wa ti hUM/ oM tsa n+d+ri tsan+d+ra bya ba lo ki te swA hA/ oM b+ha dra pA le hUM/ oM dzA la ni ma hA dzA la ni hUM/ oM badzra gan+he hUM oM ak+Sha ya karma A ba ra Na bi sho d+ha ni swA hA/ oM sarba pra ti b+hA ne pra ti b+hA na kU Ti swA hA/ oM sa man+ta b+ha dre hUM/zhes bya ba'i sngags lan re re de dag so sor brjod la/ de nas phyis 'khor los sgyur ba'i snying po'i 'od zer lcags kyu'i rnam par yang dag par spros la/ shi ba'i rnam par shes pa bkug la 'gro ba rigs drug kyang ngo / /yi ge gsum gyi bdag nyid du nam mkha' la gnas par bya ste/gos sngon pos mgul chings byas pa'i rdo rje gnod sbyin gyis byin rlabs byas la de nyid kyis sngags bzlas la/ mkhas pas rtag tu mchod par bya'o/ /shi ba'i rus pa'am ming yang rung ste/ skyes pa'am bud med gson po gang yang rung ste shing ro kha ba la me sbar te phyir bzlog pa bya ba ni/nim pa dang yungs kar bsregs la sngags dang phyag rgyas bsnun par bya'o/ /oM sarba pA paM da ha na badzra che ge mo'i sarba pA paM da ha swA hA/ sdig pa thams cad bsreg pa'i sngags des me'i dkyil 'khor du bsnun par bya'o/ /tshad dang chur ldan pa'i bum pas de'i sdig pa bkru bar bya ste/oM sarba A ba ra Na da ha na badzra hUM phaT/ khrus kyi sngags kyis ngan song gi dri ma dag par bya'o/ /de'i rjes la zan dang chur bsres pas sdig pa zhi bar rab tu brtags la/ de nas snod du gyur pa'i dri ma lhag ma gzhom par bya ste de nas phyir bzlog pa bya ste/ yungs kar dang / me tog kun+das sgrib pa thams cad dag par bya'o/ /sngags dang ldan pa'i bla mas phyag rgyas brab par bya'o/ /de'i rjes la phyir bzlog pa bya ba ni yungs kar gyis bya ste yungs kar me tog dang ldan pas yang dag par brjod cing brab par bya'o/ /brab pa'i sngags ni/ oM sarba pA paM bi sho d+ha na badzra hUM phaT/oM sarba karma A ba ra NA ni b+hasmi ku ru hUM phaT/ oM bruM bi nA sha ya A ba ra nA ni dzaHhUM phaT/ oM druM bi sho d+ha ya A ba ra NA ni hUM phaT/ oM dz+wa la dz+wa la d+ha ka d+ha ka ha na ha na A ba ra n+ha ni hUM phaT/ oM su~M` sha ra sha ra pra sha ra pra sha ra A ba ra NA ni hUM phaT/ oM hUM ha ra ha ra sarba A ba ra nA ni hUM phaT/o b+h+ri ta b+h+ri ta sarba A ba ra NA ni hUM phaT/ oM tra Ta tra Ta sarba A ba ra Na ni hUM phaT/ oM tshin+da tshin+da sarba A ba ra nA ni hUM phaT/ oM da ha da ha sarba na ra ga te he rtu hUM phaT/ oM pa tsa pa tsa sarba pre ta ga te he tun hUM phaT/ oM ma tha ma tha sarba tir+ya ka ga te he tun hUM phaT/ zhes bya ba'i sngags 'dis bsnun brab la nam mkha' la gzhag par bya'o/ /de'i rjes la rdo rje sems dpa' las byung ba'i thab khung gi dbus su/ hUM las byung ba'i me lha mdog dkar po shes rab la 'khyud pa phyag na ril ba spyi blugs dang mi 'jigs pa dang dbyug pa dang / bgrang phreng can blta ste/rdo rje sems dpa' la sogs bkug nas bsang gtor dang mchod yon dang zhabs bsil phul te/ yongs su dag pa'i me la thim par blta'o/ /sreg rdzas rnams so sor lan bdun phul te dgang blugs dbul bar bya'o/ /de la nye reg phul te de bzhin nyid kyi ye shes kyi me ru yang dag par blta ste/de'i thugs kar ngan song sbyong ba'i dkyil 'khor gyi 'khor lo 'khor dang bcas pa bzhugs par bsam mo/ /de nas 'khor los sgyur ba nas brtsams te dkyil 'khor pa rnams kyi sngags kyis sbyin sreg dbul lo/ /de'i rjes su nam mkha' la gnas pa'i yi ge gsum gyis bdag nyid la oM sarba bita sarba a pA ya bi sho d+ha na hUM phaT swA hA/zhes bya ba'i sngags kyis ngan song rnam par sbyangs la 'khor los sgyur ba'i bkas rdo rje lcags kyu la sogs pa spro ba'i sbyor bas ngan song nas dgug pa dang gzhug pa dang bcing ba dang dbang du bya ba la 'gro ba la lam yang dag par bstan pa'i sngags 'di brjod pa nyid kyis bcom ldan 'das kyi zla ba la yi ge gsum gyi bdag nyid bzhugs par bltas te/o rat+ne rat+ne ma hA rasne rat+na sam+b+ha be+e rat+na ki ra rte rat+na mA la bi shud+d+hi sho d+ha ya sarba pA paM hUM phaT/ lam yang dag par bstan pa'i sngags so//de nas bcom ldan 'das la yi ge gsum gyi bdag nyid ro gcig par gyur te spros pa'i spyor bas rdo rje gtsug tor la sogs pa rnams kyis bcom ldan 'das la dbang bskur ba dang ldan par bltas la dril bu dkrol te dgang gzar mar kyis gang ba dbul bar bya ste/ oM pad+me pad+me pad+ma d+b+ha be su kha pa t+yaM gats+tshan+tu swA hA/oM sarba bud+d+hA k+She Ta gats+tshan+tu swA hA/ zhes bya ba'i sngags kyis dgang blugs dbul lo/ /nye reg dang so rtsi la sogs pa phul la dkyil 'khor pa rim pas bcom ldan 'das la thim pa dang / bcom ldan 'das kyang rnam pa thams cad kyi mchog dang ldan nga /'i stong pa nyid kyi mtshan nyid du bzhugs par bya'o/ /'jig rten las 'das pa'i bya ba byas nas dkyil 'khor gshegs su gsol bar bya ste/ oM khyed kyis sems can don kun mdzad/ /ces bya ba la sogs pas gshegs su gsol lo/ /de nas nyi ma gsum pa'am bdun pa la snga ma bzhin du ting nge 'dzin gsum bsgoms la 'o mas yongs su gang ba'i snod du rus pa thams cad bzhag ste ngan song sbyong ba'i sngags thams cad rim gyis brjod cing /yungs kar me tog dkar po dang ldan pas dbang bskur ba sbyin par bya'o/ /khrus byas nas kyang ngan song sbyong ba'i sngags mang po bzlas te de nas tshogs kyi 'khor lo'i bza' ba dang ston mo ji ltar 'dod pa yongs su spyad la shis pa brjod pa ji lta ba bzhin du sbyin par bya'o//gang zhig sems can bsam pa'i ngo ru ni/ /mdo ru yang dag bsdus tsam byas pa la/ /bstan bcos mthar son mkhas pa yis/ / bdag la bzod pa mdzad par rigs/ /bsod nams 'di yi sbyor ba yis/ /khams gsum gnas pa'i sems can kun/ /nyon mongs rgya mtsho las brgal nas/ /bde ba can du 'gro bar shog /ngan song thams cad yongs su sbyong ba zhes bya ba'i cho ga'i bya ba mdor bsdus pa rdzogs so/