CLOSE WINDOW

D2629
བོད་ཡིག

@##/ /rgya gar skad du/ sa d+hA ra maN+Da la pa ri pa ti/ bod skad du/ dkyil 'khor spyi'i rim pa/ 'jam dpal gzhon nur gyur pa la phyag 'tshal lo/ /yang dag par rdzogs pa'i sangs rgyas kyis gsungs pa'i dkyil 'khor las rnam par snang mdzad mnyes par bya ba'i phyir de'i rim pa ni 'di'o//ji ltar sngar rang gi sgrub thabs kyi rim pas bsnyen pa byas pa dang / bzlas brjod byas pas mtshan ma mthong bas/ bdag dang gzhan 'khor ba'i rgya mtsho las bsgral ba'i phyir sngags pas dkyil 'khor gyi las bya'o/ /dkyil 'khor gyi yo byad thams cad bsdus la tshes grangs dang /gza' dang / rgyu skar la sogs pa bzang po la/ dkyil 'khor gyi sa gzhi'i mtshan ma blta ba'i phyir/ grogs dang bcas pas gnas de nyid brtag par bya ste/ lha khang dang / tshong 'dus chen po dang / yul dang / grong khyer dang /khyams kyi shar dang du brtsam par bya'o/ /gzhan du na 'di ltar yang bya ste/ sa bzang po snum pa dang / zug rngu la sogs pa'i nyes pa med pa shar dang byang du gzhol ba/ me tog dang shing dang chu dang ldan par bya'o/ /yang na yid gang du dga' bar ro/ /de nas slob dpon rnam par snang mdzad kyi rnal 'byor du bzhugs pas/sa'i bdag po la gtor ma la sogs pa sbyin zhing sa bslang par bya ste/ rmi lam du khugs par gyur na'o/ /de yang sngags pas lci ba sa la ma lhung bas maN+Dal byas la/ dkon mchog gsum la phyi nang gi mchod pa bya zhing /ji lta ba bzhin du 'jig rten skyong ba rnams la gtor ma byin la/ gzhung bzhin du pus mo sa la btsugs nas/ thal mo sbyar te blang bar bya'o/ /gang sa 'di la gnas bcas pa'i/ /lha dang klu dang gnod sbyin dang / sha za la sogs pa rnams la bslang bar bya yis/ sa'i gnas 'di la lha khang dang / mchod rten la sogs pa byed par 'dod kyis/ khyed rnams mi gnod pa dang / bzod pa yod na/ sa 'dir byed kyi nga gnas 'dir nyal na rmi lam gyi mtshan mar ston cig ces lan gsum brjod la nyal bar bya'o/ /rmi lam du nged rnams la mi gnod kyi gyis shig ces bstan na de nyid du bya'o//sa khugs nas phyi de zhag gi snga dro dang po la 'di skad brjod do/ /dkon mchog gsum la mchod par bya ba'i phyir/ sa 'di tsam zhig khugs nas lha khang la sogs pa byed kyis/ khyed rnams sems mi nur zhing bgegs med pa dang grogs por byos shig ces bsgo bar bya'o//yon bdag gis zhag dang / gza' skar bzang po'i dus su/ mchod sbyin gyi shing las srid du khru gang sboms su ni mthe bo dang mthe chung rtse sprad pa'i nang khengs pa las phur pa byas la/ ji tsam dgos pa'i phyogs dang mtshams su phur pa btab la/srang bu nyis bsgril gyis phur pa la bre bar bya'o/ /de'i dbus rdzing bu 'dra ba'i dbyibs su byas la/ de'i dkyil du maN+Dal byas te/ dkon mchog gsum la mchod pa rnams dbul lo/ /phyogs skyong rnams la yang gtor ma btang la/ thal mo sbyar la 'di skad ces brjod par bya'o//ji ltar phyogs rnams thams cad du/ /rdzogs pa'i sangs rgyas 'jig rten bzhugs/ /byang chub sems dpa' dgra bcom dag /bdag ni rdo rje che ge la/ /'di nyid du ni brtan bzhugs na/ /mngon shes can gyis mchod yon bzhes/ /zhes lan gsum brjod de/bum pa bkra shis dang ldan pa la de bzhin gshegs pa'i snying po brgya rtsa brgyad bzlas pa'i mchod yon dbul/ bum pa ma 'byor na dung phor dbul/ lha khang la sogs pa byed na gtso bo dbus su dmigs la/ de nyid kyi snying po brgya rtsa brgyad bzlas pa'i mchod yon dbul zhing gsol ba gdab par bya'o//kye bcom ldan 'das bdag gi mchod yon bzhes nas/ byin gyis brlab cing brtan par bzhugs su gsol zhes brjod do/ /gal te dga' ba'i sa gzhi de rmi lam du khugs na/ de nas khro bo'i nga rgyal du byas la/ mngon skyod kyi sbyin sreg byas te/bgegs thams cad bskrad la snga ma bzhin du sa'i tshad blangs te/ mchod yon dbul bar bya/ de nas 'og nas 'byung ba'i rim pa ltar/ klu'i gtso bo la dmigs la/ sa brko bar bya zhing / mchod yon sbyin pa'i cho ga bya'o/ /de nas phyi de nyin nyi ma phyed tsam na/ dkyil 'khor gyi sa'i dbus su khro bo'i nga rgyal byas la/ sngags kyi 'og tu tha mar phaT brjod cing / khrag dang lan tshwa dang / mi rus kyi phye mas mngon spyod kyi sbyin sreg gi cho gas dkyil 'khor gyi bgegs zhi bar bya ba'i phyir/ g.yon pa'i mthe bong dang mdzub mos sbyin sreg bya'o/ /yang phyi de zhag la lus bkru zhing dri zhim pos byugs la zhi ba'i sbyin sreg gi cho ga bya ste/bcom ldan 'das kyi khro bo'i sngags kyis bgegs bsal zhing gnas bsrung bar bya'o/ /yang de bzhin du yungs kar dang / chu dang zhi ba'i sbyin sreg byas pa'i thal ba la sngags lan bdun bzla zhing / sa'i tshad ni ji tsam par gtor ba byas nas/sa'i lha mo nam mkha' la gshegs su gsol bar byas la/ sa sbyang ba'i cho ga ni/ ji tsam 'dod pa'i gnas su gru bzhir dmigs la klu'i bdag po bsams te brko bar bya'o/ /de la klu'i gtso bo don zhes bya ba ni 'di yin te/ ston zla gsum la glo g.yas pa sa la phab ste/kha lho phyogs su bltas te nyal lo/ /dgun zla gsum la lhor mgo bstan la nub tu kha bltas la nyal/ dpyid zla ba gsum la mgon tu blta kha byang du blta'o/ /dbyar zla ba gsum la byang du mgo blta shar du kha bltas te nyal/ de nas klu'i mgo bo dang rgyab dang 'phong bor nas sa brko bar bya/mngon par dag pa'i dngos grub kyi don du brang gi phyogs su/ lkog ma dang / lte ba dang / pus mo tsam gyi bar du/ dngos grub rab 'bring tha ma gsum 'dod pa'i phyir/ g.yas g.yon du bzhugs par bsam zhing brko bar bya ste/ sa phyung la gzhan bzang po nub pa dang / rdo ba dang mgal dum dang / sol ba dang / rus pa dang / gyo mo dang bong ba la sogs pa med par byas nas yang dri zhim po dang sa bsres/ yang na ni dri zhim po dang chu bsres pa'am/ yi ge hU~M bzlas pa'i chu dang bsres shing 'thas par bcags shing bkab la/lag mthil ltar mnyam pa'i steng du gzhal yas khang sgo bzhi dang rta babs bzhis mdzes par byas la/ skar khung dang skar khung dra ba can la sogs pas yongs su bskor ba'i nang du chud par bsam/ ngos thams cad du sna tshogs pa'i me tog gi phreng ba dang dril bu dang / me long gdags rgyal mtshan bzang po gzugs pa bla re dam pa bre ba dang / sangs rgyas rnam par snang mdzad la sogs pa'i ras ris kyis nye bar mdzes par byas la/ gtso bo'i bzlas pa byas pa'i sman dang / 'bru dang / rin po che dbus su gzhug par bya'o/ / zug rngu'i nyes pa thams cad ni/ /gal te dbyung bar mi nus na/ /lag pas brdabs te sngags 'di bzla/ /dngos grub chen po thob par 'gyur/ /khang pa chen po dang / brag phug dang / ba lang gi lhas dang / lha khang la sogs pa dang / 'bab chu'i 'gram dang / sngar byas pa'i sa la yang sbyang mi dgos kyi 'di ltar yang bya ste/rang gtso bor bsgom zhing khro bo'i sngags kyis bgegs bskrad pa dang / chu dang yungs kar dang thal ba la bzlas te/ snga ma bzhin du gtor zhing / shar phyogs nas brtsams te/ ba'i rnam pa lngas byug par bya zhing / dri chab kyis kyang gtor/khro bo'i sngags lan bdun bzlas pa'i sman dang / 'bru dang / rin po che dbus su gzhug par bya'o/ /dkyil 'khor gyi gnas sbyang ba'i rim pa gnyis su byas pas dag pa'i cho ga'o/ /de bzhin du lha khang dang / mchod rten dang / rgyal po'i khang pa dang / 'du khang la sogs pa byed na yang sa sbyang bar bya'o//de nas de lta bu'i gnas la nyin re'am/ zla re'am/ lo re'i bar gyis dkyil 'khor bya bar 'dod na/ yon bdag gi 'byor pa dang ci dga' bas bya'o/ /ji ltar mos pa bzhin du zhag dang / gza' skar la sogs pa'i dbus su gzung bar bya ste/de la slob dpon rang gi lha'i rnal 'byor la/ dkyil 'khor gyi dbus su 'dug la/ snga ma bzhin du bsgrub pa'i rim pas bgegs bskrad de/ snying ga nas byung ba'i dkyil 'khor gyi 'khor lo las sprul pa byung bas/ nam mkha' khyab par bsams te/ phyogs bcu'i rgyal ba sras dang bcas pa khyed rnams bdag dang slob mar bcas pa la/byin gyis brlab cing bsrung ba'i phyir bzhugs su gsol zhes bskul zhing / snying ga'i zla ba'i dkyil 'khor gyi rdo rje'i dbus su bsdus te bcug la gcig tu gyur par bsams te/ de nas rang gi lus rnam par snang mdzad kyi nga rgyal du byas la/snying po brjod cing sems dpa'i skyil mo krung phye la langs nas/ mig g.yon pa la yi ge Ta las zla ba'i dkyil 'khor/ g.yas pa la yi ge ma las nyi ma'i dkyil 'khor 'bras bu gnyis la yi ge hUM shin tu g.yo ba bskal pa'i me ltar 'bar ba'i rdo rje'i mig byas te/lag pa g.yas pa rdo rje gsor zhing / g.yon pa dril bu dkrol zhing bzung la/ mgo dang mig g.yon du cung zad btud la/ a las sna tshogs rdo rje rkang pa'i 'og tu bsams te/ rgyan thams cad dang ldan pa'i khro bo'i nga rgyal bskyed de/ thams cad du blta zhing rdo rje'i 'gros kyis bskor bar bya zhing /bgegs thams cad bskrad pa'i phyir 'di skad ces brjod do/ /slob dpon ming 'di zhes bya bas slob ma che ge mo zhig rdzogs pa'i byang chub thob par bya ba'i phyir dang / sems can thams cad bla na med pa'i ye shes thob par bya ba'i phyir/sa phyogs 'dir dkyil 'khor gyi rgyal po ming 'di zhes bya ba bri'i/ lha dang lha ma yin dang gnod sbyin dang / srin po dang yi dags dang / sha za dang brjed byed dang / 'byung po dang mkha' 'gro ma dang / gnon po dang nam mkha' lding dang / mi'am ci dang / rig sngags sgrub pa rgan po dang / rgan mo dang 'khor dang g.yog tu bcas pa/ gang dag 'khod pa rnams dengs shig /'di ltar rdo rje 'chang gi bka' thos nas/ myur ba nyid du dengs shig gang dag mi 'gro ba de dag ni/ phyag na rdo rje hU~M zhes bya ba rab tu khros pa'i bzhin 'bar ba can gyis ye shes kyi rdo rje chen po rab tu 'bar bas/mgo bo tshal pa brgyar 'gas par 'gyur ro/ /hU~M zhes lan gsum brjod do/ /de nas rang gi gtso bo las sprul pa'i khro bo grangs med pa shin tu 'jigs pa byung ste/ bgegs rnams shin tu skrag cing bskrad par byas nas/ nam mkha' khyab par 'khyil zhing bzhugs so//de nas gar gyi g.yas brkyang ba dang / g.yon brkyang ba la sogs pa'i stang stabs 'dir bya'o/ /de nas mtha' yas dang / rnam par rgyal ba dang / sprin sgra dang / stobs bo che dang / rgyal ba la sogs pa phur bu lnga'i ngo bo nyid kyi/ khro bo gzugs 'og tu rdo rje rtse gcig pa dbus su btsugs la/de nas dbang ldan nas brtsams te bskor phyogs su/ oM bai ro tsa na hU~M sarba big+h+nAM u tsa ta ya hU~M phaT/ ces bya ba'i sngags kyis phur bu rnams la bzla zhing 'og nas/ gser gyi sa gzhi la thug pa'i bar du gdab par bsam mo//de nas rnam par snang mdzad kyi phyag rgya bcings te hU~M brjod cing nga rgyal bskyed de/ dkyil 'khor gyi sa la snga ma bzhin sprul la/ bcom ldan 'das rnam par snang mdzad kyi phyag rgya bcings shing sngags brjod la/ de'i rnal 'byor du byas te/ nam mkha' la mi bskyod pa la sogs pa de bzhin gshegs pa thams cad kyi phyag rgya nga rgyal bskyed cing /grogs po rnams kyi dkyil 'khor bri ba'i phyir bdag nyid la gsol ba gdab par bsam par bya'o/ /de bzhin gshegs pa kun zhi ba/ /de bzhin gshegs pa kun gyi gnas/ /chos kun bdag po med pa'i mchog /dkyil 'khor dam pa bshad du gsol/ /mtshan nyid thams cad yang dag rdzogs/ /mtshan min thams cad yang dag spangs/ /kun du bzang po sku yi mchog /dkyil 'khor dam pa bshad du gsol/ /zhi ba'i chos ni mchog las byung / /ye shes spyod pa rnam spyod pa//kun du bzang po gsung gi mchog /dkyil 'khor dam pa bshad du gsol/ /sems can kun gyi sems chen po/ /rang bzhin dag pa dri ma med/ /kun du bzang po thugs kyi mchog /dkyil 'khor snying po bshad du gsol/ /de nas langs te de bzhin gshegs pa thams cad kyis nam mkha' khyab par mthong ste/'di skad ces brjod par bya'o/ /oM sarba ta thA ga ta pA da ban+d+ha naM ka ro mi/ zhes de bzhin gshegs pa thams cad kyi zhabs la phyag 'tshal nas langs la nga rgyal bskyed par bya/ bdag ni rang nyid rdo rje can/ /rdo rje sems dpa' bdag rang nyid//bdag ni sangs rgyas rgyal po che/ /stobs chen rdo rje can bdag yin/ /rnal 'byor dbang phyug rgyal po bdag /phyag na rdo rje bstan bdag ste/ /bdag po rdo rje chen po bdag /byin gyis brlab cing bzhugs so gsol/ /de nas rdo rje dril bu blangs la/ oM badzra u tiSh+Tha zhes ji ltar sprul pa'i lha'i dkyil 'khor rnams snga ma bzhin du nam mkha' la bzhugs su gsol lo//g.yas brkyang ba la sogs pas bgegs bskrad par bya ste/ sa gzhi thams cad rdo rje'i rang bzhin du gyur par bsams la/ gzhal yas khang nam mkha' la dmigs la/ rdo rje'i mig gis phyogs mtshams su bgegs med par mthong nas/sgo dbye ba'i phyag rgyas sgo phye ste/ sngags pas gsang ba'i dkyil 'khor du rdo rje rgyu'i gzugs su/ lto ba che ba dbu bzhi pa/ rdo rje dang 'khor lo/ pad+ma dang dril bu bsnams pa/ sku mdog ser por bsgoms te/ sngags 'di dang rdo rje lcags kyu'i phyag rgyas bkug la/oM badzra maN+Dal hU~M dza/ zhes rdo rje rgyu nyid bsgyur bas phyag rgya dang sngags 'dis dkyil 'khor gyi sa gzhi grub par gyur te/ byin gyis brlabs pa bya/ oM ma hA badzra tsakrA d+hi tiSh+Tha sid+d+ha hU~M/ zhes pa rdo rje khu tshur gnyis bcings te/ 'khor lo bzhin du bskor bar bya//mgal me'i 'khor lo'i tshul gyis ni/ 'khor lo byin gyis brlab pa'i phyag rgya 'di'o/ /de nas mtha' yas dang rnam par rgyal ba la sogs pa sngar dmigs pa'i ting nge 'dzin gyis phur bu gdab/ tsan+dan dmar po dang / dar dang sku'i rgyan dang bcas pa/ g.yon pa'i khu tshur gyis bzung ste/g.yas pas 'bar ba'i tho ba tsan+dan dmar po dang / me tog dmar po dang / dar dang srad bu dang bcas pa'i tho ba blangs te/ dkyil 'khor gyi phyi rol dbang ldan nas brtsams te brdung bar bya/ sngar bshad pa'i sngags sam/ yang na oM badzra kro d+ha kI li kI la ya sarba bi g+h+n+'aM hUM hUM phaT/ces bya ba ni phur ba gdab pa'i sngags so/ /oM badzra mud+ga ra A ko Ta ya huM/ tho ba'i sngags so/ /de nas rtse gsum pa'i phyag rgya phyogs bcur bstan cing bgegs bskrad par bya/ oM AHhUM/ yi ge gsum gyis dkyil 'khor gyi phyi rol du 'khor lo'i rim pa dang / pad+ma'i rim pa dang / rdo rje'i rim par bsams la/ de'i phyi rol du rdo rje dra ba dang / sa gzhi yang rdo rje'i rang bzhin du byas la/ 'bar ba'i phreng ba'i 'od dang bcas pa bsgoms la/ bgegs bskrad cing / rnam par snang mdzad kyi sngags dang / rdo rje khu tshur gyis sgo rnams bcing bar bya/ de nas yi ge laM las byung ba'i sa'i lha mo sku mdog ser mo bum pa lag na thogs pa rgyan thams cad dang ldan pa/rdo rje lcags kyu'i phyag rgyas spyan drangs te/ dgug pa la sogs pa bya zhing tshigs bcad 'dis sta gon du bya/ skyob pa sangs rgyas thams cad kyi/ spyod pa'i tshul dang khyad par ni//sa dang pha rol phyin pa la/ /lha mo khyod ni dpang du gyur/ /shAkya seng ge skyob pa yis/ /ji ltar bdud kyi sde bcom pa/ /de bzhin bdag gis bdud las ni/ /rgyal bar bya ste dkyil 'khor bri/ /zhes lan gsum brjod do/ /mchod pa byas la sa'i lha mo dga' ba'i mdangs kyis de bzhin du gyis shig ces bya zhing 'og tu thim par bya'o//de nas rdo rje bcings pa'i phyag rgya dang / /sngags 'dis sa gzhi gzung bar bya'o/ /oM badzra b+ha hUM/ zhes brjod de/ oM badzra d+ha d+ha a d+hi tiSh+Tha/ zhes pas byin gyis brlabs/ 'di ni sa gzhi byin gyis brlabs pa'i cho ga'o/ / de nas dri bzang pos byugs nas/ me tog sna tshogs kyis chal mar bkram ste/ zla ba la sogs pas lha rnams ji ltar gnas pa'i ming brjod de/ maN+Dal re re bya'o/ de'i 'og tu rnam par snang mdzad 'khor dang bcas pa spyan drangs te/ drwa ba dang ra ba la sogs pas/ mtshams bcad nas mchod pa dang /bstod pa byas te/ dkyil 'khor gyi dbus su 'dug la/ ji ltar rang gi sgrub thabs las 'byung ba bzhin du bgegs bsal nas rnal 'byor chen po byas te/ sems dpa'i skyil mo krung gis 'dug la/ rnam par snang mdzad kyi skur bsgyur nas/ nga rgyal bskyed cing sems dag par bya zhing //deng dus bdag tshe 'bras bu yod/ /bdag gi bsod nams 'bras bur bcas/ /lha dang dam tshig gi mnyam par/ /gyur pa bdag ni the tshom med/ /byang chub sems dang sems gcig las/ /mi bdog par ni bdag gyur te/ /de bzhin gshegs pa'i rigs su ni//deng bdag skye bar the tshom med/ /deng bdag nyi ma dam pa ste/ /bdag gis chos sbyin bla na med/ /sangs rgyas thams cad spyan 'dren pas/ /deng bdag 'dus pa'i mchog yin no/ /de nas lus thams cad kyis phyag byas la/ sangs rgyas thams cad la gsol ba gdab par bya'o//ma lus phyogs na bzhugs pa yi/ /sangs rgyas thams cad dgongs su gsol/ /bdag ming 'di zhes bgyi ba yis/ /rdo rje can gyi dkyil 'khor bri/ /deng 'dir sangs rgyas kun gshegs te/ /dngos grub 'di ni stsal du gsol/ /zhes lan gsum brjod do//snga ma bzhin du bsams te/ dkyil 'khor gyi steng du a las zla ba'i dkyil 'khor/ oM la sogs pa rang gi yi ge bkod la/ lha 'khor dang bcas pa so so'i gnas la bzhugs par bsam mo/ /de'i 'og tu ye shes sems dpa' 'khor dang bcas pa dgug pa dang / gzhug pa dang bcing ba dang dbang du byas te/ dam tshig sems dpa' dang gcig tu gyur par bya'o/ /de nas mchod yon dang / zhabs bsil dang / so sor gnas la bzhugs su gsol te/ oM bai ro tsa na/ ar+g+haM pratIts+tsha swA hA/ zhes bya ba la sogs pa dkyil 'khor la mchod pa rnam pa lnga phul la/bstod pa dang phyag bya'o/ /gser ram dngul lam zangs las rnam par rgyal ba'i bum pa bya/ ma 'byor na kham pa las bya/ de nyid dngos po med par bsams la/ yi ge baM las byung ba nag po ra ri med pa/ mgrin pa ring ba lta ba che ba mchu 'phyangs pa bsgoms te/ de'i nang du d+hi las pad+ma de'i steng du a las zla ba'i dkyil 'khor ma las nyi ma'i dkyil 'khor/ snga ma bzhin du lha'i 'khor lo bsams la/ de rnam par gyur pa las bdud rtsi'i chus gang bar bsgoms te/ de nas dri blugs la/ sman la sogs pa dang ldan par byas te/ shwe ta br-i ha ti a pa ra dzi ta daN+DA ut+pa la kaN+Da ka ri ha sa de ba la sogs pa'i rtsa ba las byas te/'di ni de bzhin gshegs pa thams cad kyi byang chub kyi sems kyi rtags su byas pa'o/ /nas so ba dang / sran ma sha dang / nas dang / til dang / gro 'di rnams ni de bzhin gshegs pa'i thugs kyi rang bzhin no//shel dang / dngul dang / mu tig dang / dung dang / bye ru ni de bzhin gshegs pa thams cad kyi sku mdog gi rtags so/ /nang gi bum pa la ni 'di rnams gzhug par bya ste/ zla ba dang nyi ma dang / chu dang dri dang bza' ba rnams su gzhug go/ /bum pa la 'khor lo'i bdag po'i mtshan ma la sogs pa lnga dang ldan par bya zhing dkar po dang /dmar po dang / ser po dang / ljang gu dang / sngon po'i rigs rnams kyis mgul pa bcing bar bya'o/ /ma 'byor na ras cung zad cig gis spyir bya'o/ /shing 'o ma can 'bras bu dang bcas pa kha brgyan par bya'o//gtso bo'i phyag rgya'am rdo rje sems ma'i phyag rgya bstan cing / gtso bo'i sngags stong rtsa brgyad dam brgya rtsa brgyad bzlas la gzhag par bya'o/ /yang na spyi'i sngags 'di brgya rtsa brgyad bzlas la gzhag /oM badzra u ta ga hUM/ zhes bya bas so/ /de nas bum pa'i gzhi me tog dkar po chal bar bkram pa'am/ras bting pa'i steng du gzhag go/ /de bzhin du mchod yon gyi snod gnyis chu dang bcas pa bzhag la/ dkyil 'khor mchod pa'i zhag gi bar du nyin re lan gsum du phyi nang gi mchod pa dang / ting nge 'dzin dang bzlas pa bya'o/ /de nas dkyil 'khor mchod pa'i dus su dkyil 'khor bskor la dang po dbus su gzhag /de nas lha so so'i gnas su gzhag go/ /bum pa'i grangs ni dkyil 'khor gyi lha du yod pa de tsam du bya'o/ /de ma 'byor na bcu las nyung bar mi bya'o zhes rgyud las 'byung / sman dang / 'bru dang / rin po che dang ldan pa ras zung dang /me tog gi phreng ba dang / tsan+dan dang gur kum la sogs pa'i dri bzang pos bskus pa'i bum pa/ rang gi lha'i mtshan ma dang ldan pa'i rim bzhin du gzhag par bya/ de nas las thams cad pa'i bum pa la bgegs bskrad pa'i sngags bzla zhing / sna tshogs rdo rjes mtshan pa la mchod pa bya ste/phyi rol du byang shar mtshams su gzhag par bya ste/ 'di skad gsol ba gdab par bya/ khyed kyis dkyil 'khor ma rdzogs kyi bar du/ bgegs ma rungs pa rnams bsrung du gsol zhes bya ba ni bum pa'i sta gon gyi cho ga'o/ /phyi rol du song ste rnam par snang mdzad kyi rnal 'byor du gnas la/phyogs skyong la gtor ma btang ste zhi ba'i sbyin sreg bya'o/ /dkyil 'khor gyi sar zhugs te snga ma bzhin du ting nge 'dzin la gnas nas 'di skad ces brjod par bya'o/ /oM pad+ma sa ra swa dwa a ba ra ta ya sho d+ha ya hUM hrI d+hi/ lce byin gyis brlabs pa byas nas/lag par bdug spos thogs te/ pus mo sa la btsugs nas 'di skad gsol ba gdab par bya'o/ /rnam par snang mdzad bcom ldan 'das/ /rig sngags rgyal la phyag 'tshal lo/ /bdag la brtse bar gyur nas su/ /slob ma rnams la brtse ba dang / /khyed rnams la yang brtse ba'i phyir//sa 'dir dkyil 'khor bri bar 'tshal/ /bcom ldan bdag ni gus pa la/ /de bas snang ba mdzad pa'i rigs/ /sangs rgyas 'jig rten mgon brtse dang / /byang chub sems dpa' dgra bcom dang / /gsang sngags lha gzhan gang lags dang / / 'jig rten skyong ba'i lha rnams dang / /gang yang 'byung po mthu chen dang / /gang su lha yi spyan mnga' ba'i/ /sems can bstan la dga' ba rnams/ /bdag ming 'di la dgongs su gsol/ /bdag ming 'di zhes bgyi ba yis/ /sang ni dkyil 'khor bzang po'i ming / /'di zhes bgyi ba ci nus kyis//cho ga bzhin du bri lags na/ /bdag dang slob mar bcas pa la/ /thugs ni brtse bar dgongs nas su/ /tshogs pa thams cad dkyil 'khor du/ /byin gyis brlab par mdzad du gsol/ /zhes lan gsum brjod do/ /de nas bsam pa thag pa nas/ bstod pa dang phyag byas te/phyi rol du byung nas slob ma sta gon du gnas par bya ste/ de nas lus bkru ba dang / dag pa dang gos gtsang ma bgos la/ snyim pa me tog gis bkang la/ slob dpon la phyag byas te gsol ba gdab par bya'o/ /dga' chen khyod bdag ston pa pas/ slob dpon khyod ni dgongs su gsol//byang chub chen po'i tshul bstan pa/ /mgon po chen po bdag 'tshal lo/ /byang chub sems kyang bdag la stsol/ /sangs rgyas chos dang dge 'dun te/ /skyabs gsum dag ni bdag la stsol/ /thar pa chen po'i grong mchog tu/ /mgon po bdag ni 'jug par bgyi//'di skad ces lan gsum brjod do/ /de nas slob dpon gyis mtshan nyid dang ldan pa'i slob ma bos te/ 'di skad brjod par bya'o/ /khyod ni tshul chen snod yin gyis/ /bu tshur theg pa chen po yi/ /gsang sngags spyod tshul go cha ni/ /khyod la yang dag bstan par bya//rdzogs pa'i sangs rgyas gang 'das dang / /de bzhin gang dag ma byon pa/ /da ltar byung ba'i mgon po rnams/ /'gro la phan zhing bzhugs pa dag /de dag kun gyis gsang sngags kyi/ /cho ga mchog bzang 'di mkhyen nas/ /dpa' bos byang chub shing drung du//thams cad mkhyen par mtshan med brnyes/ /gsang sngags sbyor ba mnyam med de/ /shAkya seng ge skyob pa yis/ /bdud sde shin tu mi bzad pa/ /dpung chen dag kyang de yis bcom/ /de bas kun mkhyen thob bya'i phyir/ /bu yis blo gros 'di gyis shig /rtog pa mang po legs par bsdus nas ni//shin tu bsam pa bzang po ldan pas nyon/ /brjed ngas blo la rdo rje sems sogs pa'i/ /bde bar gshegs pa rnams kyis byin mi rlob/ /de nas cho ga 'dis sdig pa bshags pa la sogs pa byed du gzhug /bdag gis sdig pa ci bgyis dang / / bgyid du stsal la yi rang ba/ /sangs rgyas spyan sngar mchis nas su/ /de dag bdag gis bshags par bgyi/ /sangs rgyas byang chub sems dpa' dang / /rang rgyal dgra bcom 'gro rnams kyi/ /bsgom dang bzlas brjod bsod nams kyi/ /de dag bdag ni yi rang ngo / /sems bskyed mngon par sangs rgyas dang //chos kyi 'khor lo bskor ba dang / /byang chub sems dpa' tshogs spyod dang / /de nas bdag ni skyabs su mchi/ /sangs rgyas 'byung ba ji lta bar/ /skal ldan byang chub sems dpa' yis/ /byang chub sems ni bskyed pa ltar/ /de ring nyid du sems bskyed do//mgon po bdag la dgongs su gsol/ /ma lus bzhugs pa'i sangs rgyas rnams/ /dus 'di nyid nas 'tshang rgya'i bar/ /bla med bdag la gzigs su gsol/ /sangs rgyas chos dang dge 'dun te/ /bla na med pa'i dkon mchog gsum/ /sangs rgyas rnal 'byor sdom pa ni//yang dag nyid du gzung bar bgyi/ /rdo rje rigs mchog chen po la/ /rdo rje dril bu phyag rgya yang / /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po la/ /dam tshig yid du 'ong ba la/ /nyin re zhing ni lan drug tu//sbyin pa rnam bzhi rtag tu sbyin/ /byang chub chen po las byung ba'i/ /pad+ma rigs mchog dag pa la/ /phyi nang gsang ba'i theg pa gsum/ /dam pa'i chos kyang ma lus gzung / /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi//mchod pa'i las kyang ci nus bgyi/ /tshul khrims kyi ni bslab pa dang / /dge ba'i chos ni bsdu ba dang / /sems can don byed tshul khrims gsum/ /de bzhin brtan por gzung bar bgyi/ /bdag gi dge ba'i chos rnams 'di dag gis/ /'jig rten mi ring sangs rgyas myur bsgrub nas//sems can 'khor ba'i rgya mtshor bying ba rnams/ /bla med byang chub nyid du bsgral bar bgyi/ /zhes zhus pa/ slob dpon gyis slob ma la bsrung ba bya ste/ khro bo'i sngags kyis tshems shing la bzlas pa bya'o/ /so shing cho ga ni 'di'o/ /u dum+WA ra a shwad+tha/me tog bcings shing dri yis byug /sor ni bcu gnyis tshad du bya/ /ma yo ma gas 'bus ma zos/ /lci bas pa yi ko ba tsam/ /sa gzhi maN+Dal byas nas ni/ /slob ma de yi steng bzhag nas/ /me tog la sogs mchod pa bya/ /slob ma'i tshogs la sbyin par bya/ /de nas shar phyogs kha bltas te//mi smra bar ni so shing bca'/ /bca' ba zin nas mi dgab shing / /phan tshun du yang mi dor ro/ /de tshe bdag la blta ba dang / /rtse mo gyen du 'greng gyur na/ /de ni dngos grub mchog ces bya/ /de bzhin shar du kha bltas na/ /de yis dngos grub 'bring du bshad//mtshams dang byang du kha bltas na/ /'jig rten pa yi dngos grub 'grub/ /so shing bor ba brgya zhig la/ /gal te thur du kha bltas na/ /de ni nges par sa 'og gi /dngos grub de la the tshom med/ /de nas dri'i chus lag pa bkrus te/ 'thor 'thung bya'o/ /yang oM hri bi shud+d+ha s+sarba d+harmA s+sarba pA pa ni tsas+ya saM sho d+ha ya sarba bi kalpA pa nA ya hUM/zhes bya ba mngon par bzlas pa'i chu khyor ba gsum 'thung du gzhug par bya ba'i phyir sbyin par bya'o/ /de'i 'og tu slob ma rnams la sems dga' bar bya ba'i phyir/ chos bstan par bya'o/ /bar 'dir chos bstan pa'i cho ga gzhan du ltos/de nas rtsa ba'i sngags kyis ku sha la bzlas la/ 'og gi phyogs su zhog ces bsgo/ /bgegs kyi dgra'i sngags bzlas pa/ /stan du yang ni gding bar bya/ /grangs drug mdud drug byas pa yi/ /srung skud dpung pa g.yon par gdags/ / yi ge brgya pas brtan byas pa/ /bsrung ba'i phyir ni gdags par bya'o/ /de nas bzhin bzang rnams longs shig /sang gi nyin mo khyed rnams kyis/ /thar pa chen po'i rang bzhin gyi/ /grong khyer chen po mthong 'gyur gyis/ /de nas snga ma bzhin du mchod pa rnam pa lnga byas nas/ gtor ma btang ste nang du zhugs nas dkyil 'khor la phyi nang gi mchod pas yang dag par mchod de/gnas de nyid du ku sha'i stan la slob ma dkyil 'khor gyi 'gram du seng ge'i nyal stabs su 'dug la/ rmi lam gyi mtshan ma blta ba'i phyir/ mi smra bar bsam pa'i sems kyis nyal bar bya'o/ / de nang par mtshan mo'i mthar rmi lam gang dang gang mthong ba dri bar bya/ dri ba thos nas rmi lam bzang ngan 'dzem pa med par bstan par bya'o/ /rmi lam sangs rgyas mthong ba ni/ /yon tan rgya mtsho mngon sum bzhin/ /zhes bya ba la sogs pa smos/ rmi lam bzang po mthong na slob ma la rjes su yi rang ba dang /dngos grub rab 'bring tha ma bstan par bya'o/ /ngan pa mthong na ba'i rnam pa lnga la khro bo'i sngags bzlas te/ 'thung du gzhug cing bsrung ba bya/ 'grub na drag po'i sbyin sreg kyang bya zhing rtog pa bsal bar bya'o/ /de nas slob dpon phyag rgya chen po dang ldan par byas te/ snga ma bzhin du phur bu dang dra ba dang ra ba dang phyogs bcing bar bya'o/ /yi ge gsum las ri rab bskyed/ de'i steng du bdag nyid rnam par snang mdzad du bsgoms te/ /de las sprul pa byung bas srad bu 'dzin par bsams la/ nges par dkyil 'khor bya ba ni/ /su zhig gis ni bya bar nus//lha yi rnal 'byor rang gnas na/ /dkyil 'khor 'grub par 'gyur ba yin/ /zhes rgyud las 'byung ba yin no/ /de nas las thams cad pa'i bum pa bsang gtor bya ba'i phyir bzhag ste/ dkyil 'khor thig gdab par bya'o/ /glu dang rol mo me tog la sogs pa//mchod pa rang bzhin gyi dkyil 'khor la bya'o/ /de'i 'og tu srad bu so sor byas te/ dkar po dang ser po dang / sngon po dang dmar po dang / ljang gu rnams la/ oM hUM trAM hrIHkhaM/ zhes bya ba'i yi ge 'bru lnga bzlas la/ rnam par snang mdzad la sogs pa bsgoms te/mig g.yas g.yon la nyi ma dang zla ba bsams te/ oM di ba d+h+ra riSh+Tha oM ku dzaH/ zhes bzlas la/ lcags kyu 'dra ba'i 'od zer gyi sprin 'byung bas/ rnam par snang mdzad la sogs pa bskul te/ ye shes kyi spyan gyis gzigs nas/ 'di skad ces gsol ba gdab par bya'o zhes bcom ldan 'das kyis dkyil 'khor thig gdab pa'i rdo rje srad bu stsal du gsol/de nas ye shes kyi spyan gyis gzigs nas/ rnam par snang mdzad la sogs pa'i thugs nas phyung ste/ lcags kyus bskul ba'i tshul du/ rang gi lag tu 'ong bar bsams te/ rnam par snang mdzad mdun du dmigs la/oM dzi na dzikaswA hA/ zhes brjod la bsgril bar bya'o/ /de nas tsan+dan bzang po la sogs pas/ legs par bskus pa'i gser gyi snod la sogs pa'i nang du legs par bzhag la/ me tog la sogs pas mchod de/ rdo rje'i mig byas la/ rdo rje khu tshur gyis srad bu bzung la/ oM badzra be ya ma sU traM mA ti kra ma hUM/ zhes brgya rtsa brgyad bzla bar bya'o/ /oM oM hUM/ zhes brgya rtsa brgyad bzla bar bya'o/ /yang dkyil 'khor dri bzang pos byugs te/ phyi rol 'khor bar me tog bkram nas nam mkha' na bzhugs pa'i dkyil 'khor gyi lha thams cad la mchod yon phul te/me tog la sogs pa mchod pa rnam pa lnga dbul/ sgeg mo la sogs pa phyi nang gi mchod pas kyang mchod/ glu dang rol mo sogs pa ci nus kyis mchod nas/ sngags pa rang nyid kyis dkyil 'khor gyi thig gdab par bya'o/ / de la rim pa ni 'di yin te/ bdag nyid rnam par snang mdzad rnal 'byor du byas te/ oM dzi na dzika /ces bya ba'i snying po ci nus su brjod nas/ rnam par snang mdzad du gyur pa'i snying ga las/ grogs po sprul nas byin gyis brlabs pa dang dbang bskur ba bya ste/ mdun du blta bar byas nas phan tshun rdo rje khu tshur gnyis bcings la/dkyil 'khor gyi nyis 'gyur gyi tshad sboms su sgo'i nyi shu'i cha'i srad bu rdo rje khu tshur g.yon pas bzung la/ phyogs thams cad mnyam par dmigs shing / oM dza dza dza/ zhes bya ba gsum brjod la lag pa g.yas pas blangs te/grogs po'i lag tu gtad par bya'o/ /grogs pos rkang pa mdun du bsnur nas/ g.yon pa'i rdo rje khu tshur gyis dza dza dza gsum brjod nas blangs te/ slob dpon nub tu 'dug la kha shar du blta ba dang / de bzhin du lhor 'dug la byang du bltas la gnam thig gdab bar bya'o//oM badzra sa ma ya sU tra mA ti kra ma hUM/ zhes gnyis kas brjod par bya'o/ /snga ma ji lta ba bzhin du mtshungs pa'i thig kyang de bzhin du gdab bar bya'o/ /slob dpon dang slob ma gnyis g.yas su bskor bar bya'o/ /de nas me'i phyogs su 'dug la byang du mngon par phyogs par byas nas/phyi'i dkyil 'khor gyi shar ngos kyi thig gdab par bya'o/ /rlung gi phyogs su gnas nas lhor mngon par phyogs te nub tu thig gdab bo/ /de bzhin du 'dug la shar du phyogs te byang gi thig gdab bo/ /yang me'i phyogs char 'dug la/ nub tu mngon par phyogs la lho'i ngos su thig gdab go /de bzhin du 'dug la rlung phyogs su bri bar bya'o/ /yang bden bral gyi phyogs su 'dug la/ dbang ldan gyi mtshams su srad bu bre bar bya ste/ cha bzhir bgos te phyed ni nang gi /phyed ni phyi'i sa/ rim pa 'di bzhin du dkyil 'khor thams cad la thig gdab par bya'o//thig skud chad na bla ma 'chi/ /ring thung khyer na na bar 'gyur/ /phyogs 'khrul slob ma myos par 'gyur/ /des na nan tan thams cad du/ /thig skud las ni 'bad par bya/ /de bzhin du thig gdab par bya ste/ ye shes kyi thig skud kyang snga ma bzhin du mchod de/gshegs su gsol bar bya'o/ /de nas snga ma ye shes kyi skud pa la yig 'bru ji ltar bkod pa bzhin du/ 'dir tshon la yang dgod par bya ste/ de nas dkyil 'khor bri ba ni/ /lcags ni sna lnga'i phye ma ste/ /mkhas pas dkar po la sogs pa'o/ /dad cing yon tan ldan pa yi//slob mas rin chen phye mas bri/ /rin chen lcags rnams ma 'byor na/ /sA lu btags pa'i phye mas bri/ /tshon rtsi zhib mos sngar bshad pa/ /'byung khungs las byung phye mas bya/ /rdo rje'i mkhas ni sna tshogs kyang / /phye ma'i gor ni sbyar bar bya/ /de ltar rnam pa bzhi po ni//phye ma'i rgyur ni grags pa yin/ /lcags rnams kun dang rin chen dang / /'byung khungs rnams dang 'bras btags pa/ /dkyil 'khor kun gyi las rnams la/ /phye ma don du sbyar bar bya/ dam tshig la ni lcags kyi shing / /rin chen las byung dbang bskur la/ /sA lu phye ma zhi ba la//khams las byung ba rgyas pa la/ /drag shul spyod pa khyad par du/ /thal ba la sogs bya bar shis/ /phye ma rnams kyi bye brag gi /cho ga'i rim pa bstan pa 'di'o/ /oM badzra tsi tra sa ma ya hUM/ zhes bya ba'i sngags 'dis lan bdun bdun bzlas te/ de nas tshon rtsi thams cad la/'bar ba'i mig gis blta bar bya'o/ /de la 'bar ba'i mig gis blta ba ni 'di yin te/ rab tu myur bar g.yo ba'i mig /mig gi rje ma 'dren pa ni/ /'bar ba'i lta ba zhes su gsungs/ /'gro ba thams cad 'gugs pa'o/ /mthar yi ge hri dang rdo rje pad+ma'i phyag rgyas spang bar bya'o//de nas tshon bzang po bya ba'i phyir bden pa'i byin gyi rlabs bya'o/ /bden pa gang gis sems can rnams la sangs rgyas rnams sems can du dpag pas/ chags pa mdzad pa'i bden pa de tshon rtsi rnams 'bar bar gyur cig ces bya'o/ /de nas bcom ldan 'das rnam par snang mdzad kyi sngags brgya rtsa brgyad bzlas te/de'i 'og tu rdo rje dril bu blangs te/ dkrol zhing bkra shis kyi dbyangs rnams brjod/ de nas bkra shis kyi 'das pa'i bsam pa btang la/ 'gro ba'i don la dmigs te/ oM badzra tsi tra zhes bya ba'i sngags zlos shing / rdo rje khu tshur g.yon pas/ tshon blangs la dbang ldan gyi mtshams nas g.yas su bskor te/ tshon dgye bar bya'o/ /de nas phyis ci bde bar bya'o/ /tshon dgye ba yang / mnyam dang ma 'dres ma yo ba/ /bar ma chad dang g.yon mi bskor/ sboms su sgo yi nyi shu'i tshad/ /re khA'i rnams kyang de tsam bya/sboms na nad rnams 'byung bar 'gyur/ /phras na yang ni nor zad 'gyur/ /spro bar gyur na mdza' bshes 'bral/ /bar du chad na mkhan slob 'chi/ /g.yon du bskor na sdug bsngal 'bab/ /de bas tshon rtsi nan tan bya/ /sngon po rdo rje'i rang bzhin te/ / gnyis pa gser la dmigs pa dang / /pad+ma rA ga'i rang bzhin gzhan/ /gzhan ngag mar gad lta bur bshad/ /dkar po nang du shes bya ste/ /'di ni tshon gyi rim par 'dod/ /shar phyogs su ni sngon po che/ /lhor ni ser po legs sbyar ba/ /nub kyi cha ni dmar po ste/ /byang gi ljang gu yang dag ldan//dbus kyi sa yi cha nyid ni/ /shel ltar snang ba bla na med/ /rdo rje dril bu rtag 'chang ba/ /shin tu mnyam gzhag legs par bri/ /gsang sngags de nyid yongs zlos shing / /tshon gyis thig ni yongs su dgang / /'di ltar bya ba ni dkyil 'khor gyi tshon spyi'i rim pa'o// //yang gzhan du na dkyil 'khor sgo gnyis pa'am/ gsum pa phya na rdo rje shugs kyi sngags zlos shing / dkyil 'khor rnams nam mkha' la 'degs shing bzhag par bsams la/ 'jug cing 'byung ba la sngags ni 'di/ oM badzra be ga a kra ma hUM/ zhes brjod par bya'o//de nas dkyil 'khor bris zin nas bgegs zhi bar bya ba'i phyir/ khro bo'i sbyor ba byas la/ bgegs rnams bskrad pa dang bsrung ba bya'o/ /rdo rje lcags kyu la sogs pa'i sngags dang phyag rgyas bkug la bgegs bskrad rang gi snying ga'i rdo rje'i dbus su lha'i 'khor lo bzhugs par bsam zhing /oM e h+ye hi b+ha ga bAn ma hA ka ru Ni ka dr-i sh+ya ho sa ma ya s+t+waM sa ma ya s+t+waM a haM/ zhes brjod do/ /'khor lo rim bzhin bsgoms pa bzhin du/ phyag mtshan dang / sku mdog dang gos dang rgyan dang ldan pa bcug cing / me tog la sogs pas mchod/ lha'i sngags re re bzlas/gtso bo'i sngags lan bdun bzlas te/ de nas byin gyis brlab pa dang dbang bskur ba bya ste/ snying ga las phyung la nam mkha' la bzhugs su gsol lo/ /yang rnam pa gzhan du na snying gar bzhag ste/ rnam par snang mdzad kyi rnal 'byor du byas la/ me tog gi phreng ba blangs te/oM AHhU~M/ zhes bzlas zhing / dkyil 'khor gyi gnas nyid du/ g.yas g.yon nyes pa zhi bar bya ba'i phyir/ khro bo'i lta bas blta zhing / dril bu dkrol la lan bdun bskor te/ bcom ldan 'das la phreng ba dbul bar bya'o/ /rdo rje gar bya zhing bskor nas slar phreng ba blangs te/rang gi mgo la bcing bar bya'o/ /de'i 'og tu rdo rje slob dpon mnyam par bzhag pas/ shar dang lho dang nub dang byang du kha bltas la yid kyis 'khor lo'i sgo dbye bar bya ste/ de'i sngags dang phyag rgya ni 'di yin no/ /rdo rje mdzub mo legs par ni/ / sbyar la bsdams te bkan nas su/ /rab tu khros nas dbye ba ni/ /sgo dbye ba'i phyogs yin no/ /oM badzra u ta g+ha Ta ya sa ma ya pra we sha ya hU~M/ 'di ni sgo dbye ba'i cho ga'o/ /de nas rang gi lus gzugs brnyan gyi rnal 'byor byas la/ de bzhin gshegs pa thams cad dgug pa dang /gzhug pa dang bcing ba dang / dbang du byas la bsgrub par bya ste/ de'i rim pa ni 'di'o/ /dbang por rnam par snang mdzad kyi rnal 'byor du byas la/ oM dzi na dzika A kaR+Sha ya dzaH/ zhes bya bas dgug cing / sangs rgyas kyi 'jig rten gyi khams thams cad na/dpal rnam par snang mdzad la sogs pa 'khor dang bcas pa dgyes shing nam mkha' khyab par bsams te/ rang rang gi rdzu 'phrul gyis rdo rje 'chang chen po la sogs pa'i dngos grub thob par bya zhing / rang rang gi gnas su gzhug par bya'o/ /de bzhin gshegs pa thams cad dgyes pa dang brtan par 'gyur ro//rang dang rnam par snang mdzad dang gnyis su med de grogs ltar gyur/ de ltar sgo la sogs pa la dzaHhUM baM hoH/ zhes bya bas dgug cing / sgo ba rnams bzhugs su gsol lo/ /de ltar rnam par snang mdzad dang gnyis su med par rnal 'byor du byas te/rang gi snying ga nas 'od zer byung bas dkyil 'khor gyi 'khor lo gsal bar bya ste/ sngar gyi snying ga'i lha dang dkyil 'khor gyi lha so sor thim par bya'o/ /de'i 'og tu gtso bo'i snying po brgya rtsa bzla bar bya'o/ /'khor rnams kyi bdun bdun no/ /snga ma bzhin dam pas phyag rgya bzhis gdab par bya ste/de tsam gyis dkyil 'khor 'grub bo/ /de nas gtso bo'i snying po bzla zhing / dkyil 'khor las 'od zer 'phros pas sems can gyi don byas te/ slar log par rang gi gnas la bzhugs par bsgoms te/ oM baM d+ha badzra ba ti tiSh+Tha/zhes rdo rje bcings ba bsdams te/ oM badzra muSh+Ti baM/ zhes bya bas brtan par bya'o/ /de nas mchod yon la sogs pa rnams kyis mchod par bya'o/ /de nas snga ma bzhin du rnam par rgyal ba'i bum pa la sngags bzlas/ rdo rje sems ma'i phyag rgya'am/ gtso bo'i phyag rgya bya ste/me tog gi phreng ba blangs te/ sngags 'dis lan nyi shu rtsa gcig bzlas nas/ rnam par rgyal ba'i bum pa mdun du bzhag ste/ phreng ba bcing bar bya'o/ /sngags ni oM ma hA su kha badzra oM a mo g+ha sa ma yo da ka sid+d+hi a b+hi Shiny+tsa sarba mu kha sau ma na s+yaM da da ku ru ku ru dzaHhUM baM hoH/ zhes bya bas bum pa gnas su gzhag par bya/ bum pa phyi ma rnams la yang rang gi mtshan ma btab la/ spyi'i sngags 'di lan bdun bdun bzlas te/ sngags ni 'di yin no/ /oM badzro da ka hUM/ zhes bya'o/ /so so'i sngags kyis btab ste/ rang rang gi gnas su gzhag par bya'o//de nas mchod yon la sogs pa mchod pa rnam pa lnga bya/ oM bai ro tsa na ar+g+haM pra tIts+tsha swA hA/ zhes bya ba dang / so so'i sngags lnga dang mchod pa dbul/ de nas snying ga nas 'od zer phyung ste/ lA s+ye la sogs pa bcu drug bskul nas dkyil 'khor la mchod par bsam mo//spyi'i lha mo'i sngags ni 'di yin te/ oM sarba ta thA ga ta ma hA hA sa la s+ya ra ti kri Di sau khya a nut+ta ra pU dza me g+ha sa mu dra s+pha ra Na sa ma ye hUM/ zhes bya ba brjod de/ de nas las thams cad pa'i bum pa'i chus gnas thams cad bsang gtor bya/ de nas lha bshos dang /khur ba sna tshogs dang / 'bras chan dang / btung ba'i bye brag la sogs pa mchod pa'i dngos po ci 'byor pa yi ge oM AHhUM/ gtso bo'i sngags kyis btab ste/ dbul bar bya'o/ /de nas oM bai ro tsa na pU ra pU ra a warta ya hoH/ /zhes bya ba'i sngags kyis lha thams cad la ras dbul lo//de nas yang 'byor tshad kyi bla re dang / gdugs dang / rgyal mtshan dang / 'phan la sogs pa yang mchod pa'i phyir lha rnams la dbul lo/ /glu dang / gar dang / rol mo dang / rtsed mo dang / dga' ba la sogs pa'i dngos po dang / ting nge 'dzin gyis mchod pa dpag tu med pa rnams kyis kyang mchod par bya'o//de nas oM a nut+ta ra sarba pU dza me g+ha sa mu dra ga taM s+pha ra Na i maM ga ga na khaM hUM phaT swA hA/ zhes bya ba'i sngags lan bdun brjod pas mchod pa'i rnam par gyur te/ lha rnams mnyes shing byin gyis brlab par 'gyur ro/ /de nas nyes pa che chung rnams med par bya ba'i phyir/dril bu dkrol zhing yi ge brgya ba lan bdun brjod cing / dkyil 'khor lan bdun bskor ba byas nas/ rtsa ba'i sgor stan bde ba la 'dug ste/ ting nge 'dzin la gnas shing bzlas pa brgya'am stong ci nus brjod la brtan par bya ste/ gsol ba gdab par bya ste/ sems can thams cad kyi don gyi phyir/ thugs rjes dngos grub stsal du gsol/ /de nas sgrub pa'i grogs po dkyil 'khor du bzhag la/ rang nyid sgor 'dug nas khro bo'i nga rgyal bskyed de/ snga ma bzhin du gtor ma btang ngo / /de nas nyes pa rnams sbyang ba'i phyir/rang gi lha'i rnal 'byor du bya ba ste/ las thams cad pa'i thab khung byas nas/ mar la sogs pa'i sreg rdzas kyis zhi ba'i sbyin sreg bya'o/ /de nas slob dpon lus bkrus la dris byugs la gos sna tshogs bgo ba dang / me tog gi phreng ba bcing ba dang sug smel la sogs pa dri bzang po yang bca'o//slob dpon rang nyid dang sgrub pa'i grogs dang / skyes pa dang bud med la sogs pas gar glu dang bkra shis dang rol mo'i cha byad rnams kyis mchod par bya'o/ /de ltar byas pas sangs rgyas dang byang chub sems dpa' rnams kyis byin gyis rlob par 'gyur ro//shin tu thugs dgyes pas spyan mdzes pas gzigs shing byams pa dang / snying rje'i shugs kyis bdag dang slob ma'i tshogs rnams la dgongs shing gzigs par gyur nas/ bka' /drin skyob bo/ /de nas slob dpon rang nyid kyis lha'i rnal 'byor du byas la/ ci bde bar gnas par bya'o//dkyil 'khor spyi'i cho ga rdzogs so// //de nas slob ma gzhug pa'i cho ga bya ste/ slob dpon bdag nyid dang po dkyil 'khor du 'jug pa nas/ dbang bskur ba rdzogs kyi bar du bka' nyan par bya'o/ /de nas slob dpon gyis 'di skad brjod par bya'o//'dod chags chen po kun 'byung ba/ /'khor lo de ni gzugs brnyan 'dra/ /slob ma'i don du grong khyer byas/ /de kho na nyid bden par brjod/ /de nas slob ma yol ba'i phyi rol du bzhag ste/ snga ma bzhin du sdom pa blangs la/ gos dmar po bgos pa dang / mig dang gdong g.yogs la las thams cad pa'i chus bsang gtor byas la/'di skad brjod par bya'o/ /ka s+t+waM su ra pra ti yaM/ slob mas 'di skad lan gdab par bya'o/ /su b+ha go haM ma hA su kha/ de nas shar gyi sgor bzhag ste/ sngags 'di brjod cing phyag byed du gzhug go/ /oM sarba ta thA ga ta bai ro tsa na pU dzo pas+tha na ya At+ma nAM naR+Yi ta yA mi/bai ro tsa na a d+hi tiSh+Tha swa mAM/ zhes byang chub kyi sems bskyed par bya zhing snying gar rdo rje 'di bzhag ste/ sngags 'di smra bar bya'o/ /oM sarba yo ga tsit+ta ut+pA da yA mi su ra ta sa ma ya s+t+waM/ a haM sid+d+h+yi badzra ya tha su khaM/ zhes brjod do//de nas rnam par snang mdzad kyi phyag rgyas me tog gi phreng ba blangs la lag tu gzhag /de nas sngags 'dis bsrung ba bya/ na mo rat+na tra yA ya/ oM bai to tsa na sa pa ri bA ra rak+Sha sarba ye b+h+yaHswA hA/ de nas 'di skad brjod de/ deng khyod de bzhin gshegs pa rnams kyis byin gyis brlabs par 'gyur gyis/khyod kyis de bzhin gshegs pa thams cad kyi gsang ba'i dkyil 'khor ma mthong ba rnams la smra bar mi bya zhing / dad pa med pa rnams la yang ma yin no/ /de nas khro bo gshin rje gshed la sogs pa'i sngags kyis bkug ste bzhag nas sdom pa 'dzin du gzhug go//deng khyod de bzhin gshegs pa thams cad kyi rigs su zhugs kyis/ ngas khyod la rdo rje'i ye shes gang gis de bzhin gshegs pa thams cad du grub pa thob na/ dngos grub gzhan lta smos kyang ci dgos te/ de lta bu'i ye shes bskyed par byas/ khyod kyis dkyil 'khor chen po ma mthong ba su la yang ma smra shig /khyod dam tshig nyams par 'gyur ta re/ snying gar rdo rje bzhag ste/ oM 'di ni dam tshig rdo rje ste/ /khyod kyi snying la rab tu gnas/ /gal te gzhan zhig la smras na/ /khyod kyi snying las 'byung bar 'gyur/ /zhes brjod do/ /de nas dung chos bzang po'am/ nya phyis la sogs pa'i nang du chu blugs la yi ge gsum gyis sbar bar bya ste chu blud par bya'o//'di skad brjod de/ 'di ni sems can dmyal ba'i chu/ /dam tshig 'das na sreg par byed/ /dam tshig bsrungs na dngos grub ni/ /rdo rje bdud rtsi'i chu 'dis 'grub/ oM badzrod ka Tha Tha Tha/ zhes brjod do/ /de nas dam tshig brtan par gyur nas/ slob ma la 'di skad bsgo ste/ deng phan chad khyod kyi phyag na rdo rje nga yin gyis/ ngas 'di byos shig ces bsgo ba gang yin pa de yang bya dgos so/ /khyod kyis nga la brnyas par ma byed cig /ya nga ba ma spangs par dus byas nas/dmyal bar ltung bar gyur ta re zhes smras la/ de nas slob mas 'di skad brjod par bya ste/ de bzhin gshegs pa thams cad kyis byin gyis rlobs la/ rdo rje sems dpa' bdag la dbab par gyur cig ces brjod par bya'o/ /de nas rdo rje slob dpon gyis rnam par snang mdzad kyi rnal 'byor du byas la/de nas 'od zer byung bas slob ma'i snying gar yi ge raM las me'i dkyil 'khor gru gsum pa/ de'i phyi rol du yaM las rlung gi dkyil 'khor gyi dbus su chud pa/ gru gsum gyi nang du yi ge hUM las rdo rje dmar po/ spyi bor yi ge oM las 'khor lo rtsibs brgyad pa 'khor bar bsgom mo//de nas dam tshig gi phyag rgya bya ste/ 'di skad smra'o/ /oM A ye shastu te s+t+wa d+he badzra g+ha mA nut+ta raM/ zhes brjod do/ /de nas sboms pa lan brgya rtsa brgyad bzlas la me la bor te/ bskor zhing slob ma'i lag tu bzhag nas me tog gi phreng ba yang byin la nga rgyal yang bskyed de sngags 'di smras so//oM bai ro tsa na A we sha d+hu na d+hu na/ kaM pA kaM pA kaM pA ya pa taM g+h+r-i Na g+h+r-i Na pa ya bai ro tsa na swA hA/ zhes bya bas babs nas lce la a dmar po bsams te/ kye rdo rje rung ngam mi rung smros shig ces bya ba dang / legs nyes kun smra bar 'gyur ro/ /oM b+ha ga bAn bai ro tsa na A we sha tiSh+Tha badzra dr-i D+ho me b+ha ba sha shwa to me b+ha ba hr-i da ya me a d+hi tiSh+Tha sarba sid+d+hi m+me bra yats+tsha sarba karma su tsa me/tsit+taM shre yaHku ru hUM ha ha ha ha hoH/ zhes brjod do/ /me tog dkyil 'khor du dbul zhing sngags pra tIts+tsha ho/ /slob dpon gyis phreng ba blangs slob ma'i mgo la stobs po che 'di long shig byas la bcing bar bya/de nas sngags 'dis gdong g.yogs dgrol bar bya'o/ /oM bai ro tsa na sa man+ta tiSh+Tha/ tsak+Shu ne tra pa ha ra mung+g+ha Ta ya te/ sarba a k+Sho badzra tsak+Shu a nut+ta raM/ zhes brjod la gdong g.yogs dgrol te mig la oM re re dang / snying gar gtso bor bsam par bya/de ltar 'bab par ma gyur na/ de nas snying gar hUM 'bar ba dmigs la/ rang nyid rdo rje hUM mdzad kyi nga rgyal bskyed la/ de nyid kyi sngags kyi phreng bas dbab par bya ste/ na maHsarba ta thA ga te b+h+yaHoM ta Ta ta Ta/ rdo rje hUM mdzad kyi sngags 'dis dbab par bya/ / de nas slob dpon gyis slob ma la kye rdo rje zhes bos la/ ltos shig ces bsgo'o/ /dkyil 'khor dbus nas sgo'i mthar thug pa'i bar du bstan par bya'o/ /de nas slob mas me tog la sogs pa'i mchod pa byed du bcug la/ de nas slob dpon phyag lan gsum du byed du gzhug go/ / dkyil 'khor lan gsum bskor la smon lam btab nas/ rdo rje slob dpon la phyag lan gsum byas la yon gyi mchog dbul bar bya ste/ ba dang / ba lang dang / rta dang / chung ma dang / bran dang / gser dang / dngul dang / rin po che dang / sa gzhi dang / grong dang / nor dang / ma he rnams dbul bar bya/ bdag dang bu dang chung ma dang / /yo byad rnam pa sna tshogs pas/ /slob dpon mnyes par gyur pa ni/ /las kyi dngos grub thob par 'gyur/ /slob ma dkyil 'khor du gzhug pa'i cho ga'o/ /shin tu gsang ba'i gzhung 'di nyid/ /rdo rje slob ma gsol bya ste//de nyid la ni yon gyi mchog /dam pa phul nas gsol ba gdab/ /ji ltar sngon gyi rgyal po la/ /rdo rje sems dpas dbang bskur ltar/ /yon tan ldan pas brtser dgongs nas/ /dbang rnams bdag la stsal du gsol/ /de nas slob dpon gyis snod du rung bar dgongs nas/dad pa dang sngags mkhas par mthong nas dbang bskur bar bya'o/ /dang por rnam par rgyal ba la sogs pa rnams las/ dung phor bzang po'i nang du cha bsdus te/ de nas rnam par snang mdzad kyi sngags kyis snying ga'i dkyil 'khor gyi 'od zer gyis nam mkha' las lha mo bsam gyis mi khyab pa gser gyi bum pa thogs pa 'byung bas dbang bskur bar bsam zhing /rang gis kyang dung phor gyi chu 'dis spyi bor blugs shing sngags 'di brjod par bya'o/ /oM badzra a b+hi Shiny+tsa/ zhes chu'i dbang bskur ba'o/ /de nas dbu rgyan la sangs rgyas lnga bsgoms la/dar dpyangs dang bcas pa lag tu thogs te/ snga ma bzhin du lha mo rnams kyis dbang bskur zhing / sngags brjod la dbu rgyan bcing bar bya'o/ /oM badzra ba ra da ka badzrA ral+li ho/ /de'i steng du rnam par snang mdzad kyi sngags bzlas pa'i/ me tog gi phreng ba bcing bar bya ste/'di ni dbu rgyan dang phreng ba'i dbang ngo / /de nas rdo rje bzung la slob ma'i lag pa gnyis kas bzung la/ sangs rgyas rdo rje dbang gis ni/ /khyod ni deng 'dir dbang bskur 'gyur/ /'di ni sangs rgyas de kun nyid/ /rab tu 'grub phyir rdo rje long / /'di ni rdo rje'i dbang ngo //de nas lag tu rdo rje dril bu blangs te/ sngags 'dis/ oM badzra a d+hi pa ti s+t+waM/ a b+hiShiny+tsA mi tiSh+Tha badzra sa ma ya s+t+waM/ zhes bya bas dril bu lag tu byin la 'di skad brjod do/ /dril bu sangs rgyas kun gyi dngos/ /dkrol ba'i sgra ni shes rab nyid/ /khyod kyis brtan par gzung bar gyis//byang chub mchog ces sangs rgyas gsungs/ /dngos rnams rang bzhin dag pa'i phyir/ ngo bo nyid kyis dngos med byas/ /rang bzhin dag pa'i sems dpa' yis/ /dam pa'i dngos po med par 'gyur/ /'di ni bdag po'i dbang ngo / /de nas spyi bor lag pa bzhag la dbang bskur te/oM badzra satwa twaM a b+hi Shiny+tsA mi badzra nA ma a b+hi she ka ta/ kye rdo rje che ge mo zhes rdo rje ming gi dbang bskur ro/ /de nas rdo rje brtul zhugs bya ste/ lag par rdo rje blangs te/ 'di ni rdo rje sems dpa'i lag na 'dug /khyod kyis rtag tu bcang bar gyis/ / phyag na rdo rje brtul zhugs brtan/ /slob mas rdo rje'i rtse mo nas bzung nas sngags 'di brjod par bya'o/ /oM sarba ta thA ga ta sid+d+hi badzra sa ma ya tiSh+Tha ye Sha twaM d+ha ra yA mi badzra satwa hi hi hi hi hUM/ zhes bya ba 'di ni rdo rje thugs dka' thub pa'o/ /de'i dbang po thob pa'i sngags pas las ci byas pa 'grub par 'gyur ro//'di dag kun ni rig pa'i dbang bskur ba yin no/ /sems can gyi don bya ba'i phyir/ phyir mi ldog pa'i dbang sbyin par bya ste/ mi ldog 'khor lo'i dbang stsol cig /bdag ni rtag tu slob dpon bgyid/ /ces bya ba'i bar gyis gsol ba gdab par bya'o//de nas sna tshogs pad+ma'i steng seng ge'i khri byas pa'i steng du ras la sogs pa'i stan bting la/ de'i steng du slob ma bzhag la/ bgegs gzhom pa'i phyir sngags bzla zhing / slob ma shar gyi sgor gzhag par bya ste/ sngags dang phyag rgyas byin gyis brlabs la dbang bskur ba'i yo byad rnams bsags te/dbang bskur bar bya'o/ /de nas lag pa gnyis su rang gi mtshan ma 'khor lo dang / pad+ma dang / ral gri sbyin par bya zhing 'di skad brjod par bya'o/ /zhi ba dang / rgyas pa dang / dbang la sogs pa dang / dbral ba dang / gzhig pa dang /gsad pa dang / dbyung ba dang / dgug pa la sogs pa las thams cad de ring phan chad gyis shig /mdor na 'jig rten thams cad du/ /sems can kun la phan pa'i phyir/ /ji ltar 'dul ba sna tshogs pas/ /chos kyi 'khor lo bskor bar gyis/ /'di ni 'khor lo'i dbang ngo //de nas me long bstan la/ chos kun gzugs brnyan lta bu ste/ /dag cing dngas la rnyog pa med/ /gzung du med cing brjod du med/ /rgyu dang las las kun du byung / /ngo bo nyid med gnas med par/ /de ltar chos 'di shes nas su/ /sems can don ni mnyam med byos//'on kyang sangs rgyas sras su skye/ /de nas ho zhes bya bas mda' gzhu byin la/ de bzhin gshegs pa thams cad mnyes par gyis shig ces brjod par bya'o/ /phyogs bzhir mda' 'phen du gzhug cing / steng 'og tu yang re re 'phen du gzhug go/ /de nas rin po che'am gser gyi thur ma thogs la/slob ma'i mig gnyis su pra bkod la/ /thur ma des mig byugs la 'di skad ces brjod par bya ste/ ji ltar mig mkhan rgyal po yis/ /'jig rten rab rib bsal ba ltar/ /bu khyod kyis ni mi shes pa'i/ /ling thog rgyal ba ngas bsal mdzad/ oM badzra ne tra a ba ra ha ra pa Ta laM hri/de nas dung byin la 'di skad ces brjod par bya ste/ de ring phan chad 'jig rten la/ /skyob pa rnams kyis 'khor lo bskor/ /chos kyi dung ni bla med pa/ /kun du ma lus gang bar gyis/ /de nas sems dpa'i rdo rje lag tu byin la/ lha rnams dang ni sems can la/ / ci dga' bar ni 'grub par 'gyur/ /sangs rgyas kun gyi gsang ba yi/ long shig rdo rje grub pa'i phyir/ /grub pa chen po khyod kyi las/ /bdud rnams chen po 'dul bar gyis/ /ral gri mig sman sa 'og dang / /shing lham dang ni mgu ling ki / lha dang gnod sbyin mo grub dang / / ji ltar 'dod pa grub par gyis/ /zhes bsgo/ /de nas slob dpon rnam par snang mdzad kyi rnal 'byor du byas la/ mdun na slob ma gnas/ sna bug g.yas pa nas nang du bcug la/ 'od zer gyis dag par sbyangs nas sna bug g.yon pa nas phyir byung la mdun du bzhag ste lung bstan par bya/ de bzhin gshegs pa'i khu tshur g.yon pas snying gar chos gos kyi mtha' ma 'dzin pa'i tshul du byas la/ g.yas pa mi 'jigs pa'i tshul du bya'o/ /oM 'di ni ngas khyod lung bstan pa/ /rdo rje de bzhin gshegs pa dang / /srid pa'i mchog tu grub pa'i phyir/ /srid pa'i ngan 'gro dag las bton//kye rdo rje che ge mo zhes bya ba de bzhin gshegs pa/ satwa sa ma ya s+t+waM b+hur b+hu ba swaH// zhes gang lung bstan par byas nas/ de la rdo rje sems dpa' la sogs pa byang chub sems dpa' dang / de bzhin gshegs pa thams cad dang / rdo rje 'dzin 'khor dang bcas pa rang rang gi dam tshig mgrin gcig tu/bla na med pa yang dag par rdzogs pa'i sangs rgyas su lung ston par 'gyur ro zhes slob ma la bsgo bar bya'o/ /de nas sngags kyis byin gyis brlabs la/ rgyal po'i dbang gi tshul gyis dung dang / rnga pa Ta ha dang / rnga po che dang / rnga thams cad dang / glu dang sgeg mo la sogs pa thams cad slob ma'i ba spu'i bu gar sprul pa'i tshul du zhugs nas/yid du 'ong ba'i glu dang / sngags brjod cing tshig 'dis dbang bskur bar bya'o/ /rdo rje dbang bskur chen po yis/ /khams gsum gyis ni phyag byas pa/ /dam tshig gsum gyi gnas las byung //sangs rgyas kun gyis stsol bar mdzad/ /oM sarba ta thA ga ta a b+hi She ka sa ma ya shri ye hUM su pra tiSh+Tha badzra swA hA/ de nas bkra shis rnams mchod par bya'o/ /de nas chos gos rnams bton te/ me tog la sogs pas mchod/ mchod phyir gdu bu bcas par bya/ /de nas bla ma bdag nyid kyis//de'i spyi bor gdugs kyang gzung / /thal mo sbyar ba byas nas ni/ /dkyil 'khor legs par bskor du gzhug /spyi bos btud de phyag 'tshal gzhug /slob ma 'di ni phul ba lags/ /gsang sngags rgyud ni 'dzin par 'gyur/ /sangs rgyas byang chub sems dpa' dang //lha rnams kun gyis bkur bar 'gyur/ /sems can rnams la snying brtse'i phyir/ /khyod kyis dkyil 'khor cho ga bzhin/ /nan tan bskyed de bri bar gyis/ /bsgrub bya kun kyang rgyud la sbyor/ /khyod kyi chos la ser sna dang / /sems can kun la mi phan pa/ /nyam nga chen por gyur kyang ni//bu khyod kyis ni mi bya'o/ /de nas gtso bo'i sngags brgya rtsa brgyad bzlas la/ phyag rgya slob ma la sbyin par bya'o/ /phyag rgya khyod la byin gyis brtan par gyur cig /bdag gis phyag rgya blangs pa brtan par gyur/ de bzhin du slob dpon gyis slob ma la lha'i sngags dang / man ngag dang /phyag rgya bzhi yan bstan cing gnyi gas sngags bzlas shing / slob dpon gyis 'di skad bsgo bar bya/ khyod kyis phyag rgya la sogs pa mi shes pa su la yang ma smra zhig /de ci'i phyir zhe na/ dkyil 'khor ma mthong ba rnams la/ phyag rgya la sogs pa bstan na/ skye bo dad pa med pas 'phyas nas nad kyis btab ste/dus ma yin par shi nas dmyal bar skye bar 'gyur la/ bstan pa'i rgyus rang nyid kyang dmyal bar skye bar 'gyur ro/ /de nas dbugs dbyung ba sbyin par bya ste/ ji ltar zhugs pa'i slob ma rnams/ /dkyil 'khor mthong bas sgrib pa 'byung / / di ring sangs rgyas rigs su ni/ /khyed rnams skye bar the tshom med/ /de'i 'og tu dam tshig sbyin par bya ste/ /dngos grub dam tshig sdom pa 'di/ /khyod kyis rtag tu bsrung bar bya/ /rdo rje dril bu phyag rgya dang / /byang chub sems ni spang mi bya/ /gnod pa byed la byams sems bskyed/ /rdo rje spun la bsnyen bkur bya//dad pa can la smad mi bya/ /slob dpon la ni smad mi bya/ /zhabs la spyi bos phyag byas te/ /bla ma la ni yon yang dbul/ /dngos po khyad par gang dang gang / /bla ma mnyes phyir de la dbul/ /de bzhin bla ma de la ni/ /zad dang phongs pa med par dbul/ / bla ma de la brnyas mi bya/ /gal te brnyas par gyur na ni/ /sangs rgyas rnams la brnyas dang mtshungs/ /de yi rnam smin myong bar ni/ /dus ma yin par 'chi ba'i rkyen/ /glen dang dgra dang rkun po dang / /de bzhin gdon dang rims kyis thebs/ /rgyal po'i chad dang phra men dang / /me dang chu dang rtag tu dug /bgegs dang bar chad sha 'khon gnyer/ /shi nas dmyal bar ltung bar 'gyur/ /sems ni khro bar mi bya zhing / /nam yang shes rab nyams mi bya/ /bstir med dmyal ba skrag pa'i gnas/ /de nyid 'dir ni bzlog par bshad/ /des na bla ma smod pa bsdam/ / thams cad sdom pas yongs su bzung / /rdo rje slob dpon chen po ni/ /gtsang zhing gus dang dag pa dge /nam yang mi mnyes mi bya'o/ /rang gi dngos po de la phul/ /bla mar phu dud rtag tu bya/ /gal te nyes pa byas na ni/ /tsha ba'i rims ni mi zlogs ltar/ /de bzhin 'gyod bshags sbyangs te bsdams//khyed kyis rtag tu dam tshig bsrungs/ /'di ni dam tshig sbyin pa'o/ /de'i 'og tu ji ltar zhugs pa'i slob ma rnams/ bza' btung la sogs pas sems dga' bar byas te btang / de'i 'og tu thab khung la rnam par snang mdzad bsams te/ rgyal ba'i cho gas mar gyi sreg blugs brgya rtsa brgyad dbul bar bya'o//de'i 'og tu zhi ba'i thab khung la rang dang slob ma dang / rgyal po dang / sems can thams cad kyi don du zhi ba'i cho gas mar gyi dgang blugs brgya phul te/ mchod pa thams cad kyis mchod de/ gshegs su gsol bar bya'o//de nas dkyil 'khor gyi gnas su 'dug la/ bstod pa dang / mchod pa dang / phyogs skyong la gtor ma sbyin pa dang / phyag byas te mchod pa phul nas/ dge ba'i rtsa ba thams cad sems can thams cad dang thun mong du byas te/ smon lam btab cing snga ma'i phyag rgya bcings shing dgrol bar bya'o//rdo rje dril bu blangs la lan gsum bskor ba byas te/ ye shes kyi dkyil 'khor dang / gsang ba'i dkyil 'khor gshegs su gsol bar bsam zhing / ji ltar sprul pa'i 'khor lo rnams snying gar bsdus la/ a kA ro mu khaM sarba d+harmA NAM/Ad+ya nut+pan+na twAta/ ces brjod cing / oM kr-i to b+ha sarba satwAr+tha/ sid+d+ha ra dad tha ya thA nu ga /gats+tsha twaM bud+d+ha bi Sha yaM/ pu na ra ga pu na ra ga zhes brjod cing / bsrung ba bya zhing gtang bar bya/ sa tshon rnams bsdus la chu chen por dor bar bya/ de nas oM badzra kI la ya sarba kalpAn bud+d+ha bud+d+ha sa twen badzra d+ha ra a ye AHhUM hUM/zhes brjod cing rdo rje phur pa dbyung bar bsam/ phyis seng lding gi phur bu 'dis dbyung bar bya ste/ phyag rgya ni 'di'o/ /lag pa gnyis rdo rje khu tshur byas la mdzub mo gnyis rtser dgug pa bar du bcug la dbyung bar bya'o/ /de nas gtso bo'i sngags brgya rtsa brgyad kyis/dri chab bam 'o mas phur bu bkru zhing / chu des bu ga dgang / de nas dkyil 'khor gyi sa gzhi ba'i lci bas byug /yo byad rdzas rnams thams cad ni/ /slob dpon dag gis bsdus nas su/ /bdag rang nyid kyis spyad par bya/ /slob ma rnams la bgor mi rung / dkyil 'khor gyi ni yo byad dag /slob dpon bdag nyid dbang bar bshad/ /gal te slob mas spyad na ni/ /dam tshig las ni nyams par 'gyur/ /de nas dkyil 'khor gyi gnas la 'dug ste/ rang nyid dus thams cad du lha'i ngo bo nyid du dmigs te/ bza' ba dang / btung ba la sogs pa thams cad slob dpon dang /slob mas ji ltar dam tshig las 'byung ba bzhin du mchod par bya zhing bza' bar bya'o/ /slob dpon ru ra b+ha dras/ dkyil 'khor thams cad kyi spyi'i rim pa zhal dang 'dra bas mdzad pa rdzogs so// //rgya gar gyi mkhan po d+harma shrI b+ha dra dang /