CLOSE WINDOW

D2627
བོད་ཡིག

/[ ]@##/ /rgya gar skad du/ sarba durga ti pa ri sho d+ha ne te dzo rA dza kalpa A lo kA laM ka ra nA ma/ bod skad du/ ngan song thams cad yongs su sbyong ba gzi brjid kyi rgyal po brtag pa snang ba'i rgyan zhes bya ba/gtso chen kun rig shAkya thub/ /rdo rje 'dzin pa zhi dang khro/ /tshe dpag med dang bde ba che/ /'khor dang bcas la phyag 'tshal nas/ /ngan song rnam par sbyong byed pa'i/ /gzi brjid rgyal po'i brtag pa ni/bdag nyid dran pa skyed pa'i phyir/ /ci nus pas ni rnam par dbye/ /'di skad bdag gis thos pa zhes bya ba la sogs pas 'di'i brjod par bya ba dang 'brel pa ni gang zhig yin/ dgos pa dang dgos pa'i dgos pa ni ci zhig yod ce na/de brjod par bya ste/ ngan song thams cad yongs su sbyong ba gzi brjid kyi rgyal po'i brtag pa zhes bya ba ni rgyud yin la/ 'di skad bdag gis thos pa zhes bya ba nas tshangs pa chen po pad+ma'i gdan la bzhugs te zhes bya ba'i bar gyis shAkya thub pa nyid dang gzhan gyi don phun sum tshogs pa'i rang bzhin ston pa'i gleng gzhi'i mdo ni/gdul bya mngon par 'dod pa bskyed pa'i phyir gsungs pa yin no/ /gdul bya mngon par 'dod pa skyes pa rnams la shAkya thub pa de mngon sum du byed pa'i thabs ni ngan song gi rgyud thams cad yongs su sbyong ba'i ting nge 'dzin la snyoms par zhugs te zhes bya ba nas brtsams te/bcom ldan 'das kyis gsungs pa la mngon par bstod do zhes bya ba'i bar gyi gzhung gis thabs bstan to/ /yang 'di kun rig dang gtsug tor dgu dang / tshe dpag tu med pa'i dkyil 'khor ni bar ma la srid pa rjes su 'dzin par byed pa yin no//bde ba chen po dang / 'chi bdag 'joms pa dang / khro bo rdo rje me ni/ mchog la srid pa rjes su 'dzin par byed pa yin no/ /'jig rten pa'i dkyil 'khor rnams ni mchog dang bar ma ma yin pa la srid pa rjes su 'dzin par byed pa yin no/ / ji skad du 'di nyid las/ srid dang srid min rnam sbyong ba/ /zhi zhing dul la dga' ba che/ /zhes gsungs pa'i phyir ro/ /yang 'dir ni kun rig dang bde ba chen po'i dkyil 'khor ni/ sku ston zhing phyag rgya chen po yin la/ de bzhin gshegs pa'i rigs su bstan te/ 'dod chags kyis 'dod chags spang ba'i phyir gsungs pa yin no/ /gtsug tor dang 'chi bdag 'joms pa'i dkyil 'khor ni gsung ston zhing chos kyi phyag rgya gtso bor gyur la/ pad+ma'i rigs su bstan te gti mug gis gti mug spang ba'i phyir gsungs pa yin no/ /tshe dpag med dang khro bo nyi ma dang me dang 'jig rten pa'i dkyil 'khor rnams ni thugs ston zhing dam tshig gi phyag rgya gtso bor gyur la rdo rje'i rigs yin te/khro bas khro ba spang ba'i phyir gsungs pa yin no/ /ji skad du 'di nyid las/ lag pa g.yon pa'i thal mo bkan te pang du bzhag la de'i steng du g.yas pa bzhag ste mthe bong gnyis sprad la zhi ba'i lta bas blta ba 'di ni de bzhin gshegs pa'i rigs kyi ting nge 'dzin gyi phyag rgya ste dam tshig yin par bshad do//de nyid las bzlog ste ltag 'og bsnol la mthe bong dang mthe'u chung gnyis gcig la gcig lu gu rgyud kyi tshul du bsnol la snying gar gzhag pa 'di ni rdo rje rigs kyi dam tshig gi phyag rgya'o//thal mo rdzogs par sbyar ba las mthe bong mthe'u chung gnyis bsnyams pa la lhag ma brkyang ba 'di ni pad+mo'i rigs kyi pad+mo'i phyag rgya'o zhes bya ba dang / rtse gsum rtse gsum 'chang 'phro dang //'dod chags zhe sdang gti mug gtso/ /zhes pa dang / ma rig 'joms pa'i tshangs pa ste/ /'dod chags zhe sdang dri mthar mdzad/ /ces gsungs pa'i phyir ro/ /yang kun rig dang bde ba chen po ni longs spyod rdzogs pa'i sku'i tshul/ shAkya thub pa gtsug tor gyi dkyil 'khor dang / 'chi bdag 'joms pa sprul pa'i sku'i tshul/ dkyil 'khor lhag ma rnams ni chos kyi sku'i tshul ston pa yin no/ /'di nyid las ji skad du bcom ldan 'das phyag na rdo rje de nyid longs spyod rdzogs pa'i skus rdo rje sems dpa'i skur zhugs par 'tshal bar bgyi ste zhes gsungs pa'i phyir ro//yang 'di'i dbang dang dam tshig dngos grub kyi dkyil 'khor kun rig dang / gtsug tor dgu dang / tshe dpag med dang / rgyal chen bzhi dang / phyogs skyong bcu dang / gza' chen brgyad dang / klu chen brgyad dang /'jigs byed chen po dang / lha chen rnams kyi dkyil 'khor dang / 'chi bdag 'joms pa dang / bde ba chen po dang / khro bo rdo rje nyi ma me'i dkyil 'khor te bcu gnyis so/ /bsgrub pa'i dkyil 'khor kun rig gi ras la bri ba dang / gtsug tor dgu'i ras la bri ba dang /tshe dpag med kyi ras la bri ba dang / klu chen brgyad kyi bsam pa dang / 'jigs byed chen po'i bsam pa dang / lha chen po'i bsam pa dang / 'chi bdag 'joms pa'i bsam pa dang / bde ba chen po'i bsam pa dang / rdo rje nyi ma me'i bsam pa ste dgu'o/de kho na ste dkyil 'khor gyi de kho na nyid do/ /dkyil 'khor bskyed pa'i gsang sngags dang / byin gyis brlab pa'i gsang sngags dang / mchod pa'i sngags dang / dbang dang dam tshig sbyin pa'i sngags dang / bsgrub pa'i sngags dang / brdung ba'i sngags dang /dgug pa'i sngags dang / sngags kyi de kho na nyid de ci rigs su sbyar ro/ /'di'i kun rig gi skabs na lcags kyu la sogs pa'i phyag rgya dang / gtsug tor dang bde ba chen po'i skabs nas bshad pa ste phyag rgya'i de kho na nyid do/ /klu chen brgyad dang / 'jigs byed chen po dang /lha chen po brgyad kyi dkyil 'khor dang / 'chi bdag 'joms pa dang / bde ba chen po dang / khro bo rdo rje nyi ma dang / me'i dkyil 'khor gyi skabs nas bsgom pa'i sgo nas bsgrub pa drug ste ting nge 'dzin gyi de kho na nyid do/ /yang kun rig gi ras ris kyi bzlas pa dang /ro'am gzugs brnyan la bzlas pa dang / gtsug tor dgu'i ras ris dang / ro'am gzugs brnyan la bzlas pa dang / tshe dpag med kyi ras ris kyi bzlas pa dang / klu chen brgyad kyi bzlas pa dang / lha chen dang 'jigs byed chen po'i bzlas pa dang / 'chi bdag 'joms pa'i skabs dang /khro bo'i sbyin sreg gi skabs kyi bzlas pa dang bcu ni bzlas brjod kyi de kho na nyid do/ /yang kun rig gi skabs nas zhi ba'i don du sbyin sreg dang / ro bsreg pa'i don du zhi ba'i sbyin sreg dang / gtsug tor dgu'i don du zhi ba'i sbyin sreg dang / 'chi bdag 'joms pa'i zhi ba dang / rgyas pa dang / dbang dang / mngon spyod kyi sbyin sreg dang / bde ba chen po'i skabs nas zhi ba dang / rgyas pa dang / dbang dang / mngon spyod dang / rdo rje nyi ma me'i zhi ba dang / rgyas pa dang / dbang dang / mngon spyod dang bcu bzhi ste/ sbyin sreg gi de kho na nyid do//rdo rje nyi ma me ma gtogs pa'i dkyil 'khor bcu gcig pa la sogs pa nas spyan drang ba bstan pa ni spyan drang ba'i de kho na nyid do/ /dkyil 'khor de dag dang sbyin sreg dang ras ris la sogs pa rnams las mchod pa bshad pa rnams dang / rdo rje nyi ma me'i sbyin sreg gi skabs nas lha rnams mchod cing gshegs su gsol ba'i de kho na nyid bstan to//kun rig gi ras bris kyi skabs nas 'jig rten gsum rgyal du bskyed de bdag gi de nyid dran pas ni bdag bsrung ba ni srung ba'i de kho na nyid bstan to/ /yang dngos su ting nge 'dzin thabs yin pas de brjod par bya ste/de yang rtsa ba'i rgyud kyis bshad par bya'o/ /ngan song thams cad kyi rgyud yongs su sbyong ba zhes bya ba nas brtsams te sangs rgyas bye ba phrag dgu bcu rtsa bzhis bshad pa ngas bshad kyis nyon cig ces bya ba'i bar gyis ngan 'gro sbyong zhing nor bu dri ma med pa lung bstan pa ste dang po sbyor ba'i ting nge 'dzin to//de nas lha rnams kyi dbang po brgya byin gyis zhes bya ba nas brtsams te/ 'jig rten dang 'jig rten las 'das pa'i phan pa dang bde ba thams cad myong bar 'gyur ro zhes bya ba'i bar gyi gzhung gis tshangs pa la sogs pa'i 'jig rten pa'i lha'i dkyil 'khor du dgod pa'i phyir dang lha rnams bskyed pa'i phyir gsang sngags bshad pa ste dkyil 'khor rgyal po mchog gi ting nge 'dzin ston to//de nas bsdu zhing byin gyis brlab pa nas brtsams te las kyi rgyal po mchog 'phags pa gsang zhing sra ba'i mchog mthon po las bshad pa bzhin du shes par bya'o//dbang dang dam tshig thob pas thabs 'di nyid la 'jug par bya ba'i phyir de nas lha rnams kyi dbang po zhes bya ba nas brtsams te/ brtser ldan dngos grub myur du 'grub//ces bya ba'i bar gyi gzhung gis slob dpon gyi las kyi cho ga dang / slob ma gzhug pa la sogs pa'i cho ga ston to/ /de nyid du dbang dang dam tshig thob pa rnams la/ ji ltar 'dod pa'i dngos grub bslab par bya'o zhes bya ba'i don 'di bstan par bya ba'i phyir/ de nas bcom ldan 'das kyis lha rnams kyi dbang po brgya byin zhes bya ba nas/ gnod sbyin rgyu skar gdong la sogs/ /tshig tsam gyis ni dran bzhin du/ /zhi ba la sogs las kun byed/ /ces bya ba'i bar gyi gzhung gis dngos grub ston to//yang 'di nyid du/ dbang dang dam tshig thob pa rnams la/ sdig pa chen po byas pas sems can dmyal ba la sogs pa'i nang du gyur pa rnams thabs sla bas grol bar bya ba'i don 'di bstan par bya ba'i phyir/ de nas lha rnams kyi dbang po brgya byin gyis zhes bya ba nas/bde gshegs rgyal ba nyid kyis gsungs/ /zhes bya ba'i bar gyi gzhung gis shi ba'i dbang du gyur pa'i cho ga bstan to/ /de nas brgya byin la sogs lhas/ /pad+ma lta bu'i mig phye nas/ /zhes pa nas brtsams te bag yod par gyis la sgrubs shig ces bya ba'i bar gyi gzhung gis nor bu dri ma med pa dga' ldan du skyes pa dang /rgyud gtad pa bstan te/ rtsa ba'i rgyud kyi bsdus pa'i don bstan to/ /rgyud phyi ma'i bsdus pa'i don bstan par bya ste de las kyang dang por gtsug tor dgu'i bsdus pa'i don bstan pa ste/ 'dir dang por sbyor ba'i ting nge 'dzin ni rtsa ba'i rgyud las bshad pa las phyag na rdo rje dang bcas pa'o//de nas byang chub sems dpa' sems dpa' chen po phyag na rdo rje zhes bya ba nas brtsams te/ hUM phaT ces pa'i bar gyi gzhung gis dkyil 'khor rgyal mchog bstan to/ /las rgyal mchog ni snga ma bzhin du shes par bya'o//thabs de la 'di nyid du dbang dang dam tshig thob pas 'jug par bya'o zhes bya ba'i don 'di bstan par bya ba'i phyir/ de nas dkyil 'khor bshad de zhes bya ba nas brtsams te/ phyag na rdo rje hUM zhes bya ba las thams cad byed pa'i bar gyi gzhung gis slob dpon gyi las dang /slob ma gzhug pa la sogs pa'i cho ga bstan to/ /'di las gsungs pa'i dngos grub rnams bya ba dang spyod pa dang rnal 'byor gyi rgyud gzhan las gsungs pa'i thabs kyis 'grub bo zhes bya bar brtag pa gzhan gyi cho gas kyang thams cad 'grub par 'gyur ro zhes bya bas ston to//'di nyid du dbang dang dam tshig thob pa'i slob dpon gyis shi ba'i ro la sogs pa la bzlas pa dang sbyin sreg dang dbang rnams kyis grol bar byed do zhes pa'i don bstan par bya ba'i phyir lha dang klu dang zhes bya ba nas brtsams te yongs su grol bar byed do zhes bya ba'i bar gyi gzhung gis bstan to//rtsa ba'i rgyud dang rgyud phyi ma dang phyi ma'i yang phyi ma las gsungs pa'i lha rnams bsgrub pa'i phyir/ rgyas gdab po zhes bstan par bya ba'i phyir/ de nas bcom ldan 'das phyag na rdo rjes seng ge'i lta stangs kyis zhes bya ba nas/de las bskyed nas bsnyengs pa'o/ /zhes pa'i bar gyi gzhung gis bstan to/ /yang 'di nyid du dbang dang dam tshig thob pas ras ris mchod de bsgrub par bya'o zhes bya ba'i don 'di bstan par bya ba'i phyir bsnyen pa byas nas las thams cad bya'o zhes bya ba'i bar gyi gzhung gis sgrub par bstan to//de nas tshangs pa la sogs pa'i lha rnams kyis zhes bya ba nas/ gzhan yin par mi lta'i lha'i 'khor 'di nyid yin no zhes bya ba'i bar gyi gzhung gis lha'i bu nor bu dri ma med pa las kyi rnam par smin pa ci las gyur pa bstan to//gtsug tor dgu'i bsdus pa'i don to/ /da ni tshe tshad med pa'i bsdus pa'i don bshad par bya ste/ sbyor ba dang po'i ting nge 'dzin ni gtsug tor du bshad pa nyid do/ /de nas brgya byin dang tshangs pa rnams yid rab tu mgu zhing rangs nas zhes bya ba nas/gsang ba'i bdag pos bshad du gsol/ /zhes bya ba'i gzhung gis bstod cing gsol ba gdab par ston to/ /de nas bcom ldan 'das phyag na rdo rjes zhes bya ba nas rmad kyi ya mtshan du ma 'jig rten du snang bar gyur to zhes bya ba'i bar gyi gzhung gis dkyil 'khor sprul pa'i gsang sngags bstan te dkyil 'khor rgyal po mchog gi ting nge 'dzin bstan to//de nas bsrung ba dang byin gyis brlab pa ni snga ma bzhin du shes par bya'o/ /tshe tshad med pa'i dkyil 'khor 'di nyid du dbang dang dam tshig la sogs pa thob pas thabs de la 'jug par bya'o zhes bya ba'i don 'di bstan par bya ba'i phyir//de nas dkyil 'khor 'di yin te/ /gru bzhi pa la sgo bzhi pa/ /zhes bya ba nas brtsams te a b+hi Shiny+tsa hUM zhes bya ba'i bar gyi gzhung gis slob dpon gyi las kyi cho ga dang slob ma gzhug pa la sogs pa ston to//de nyid du dbang dang dam tshig la sogs pa thob pa la dngos grub sbyin no zhes bya ba'i don 'di bstan par bya ba'i phyir/ de ltar dbang bskur nas tshe bsring ba'i rig pa sbyin no zhes bya ba nas brtsams te/ brtag mi dgos par the tshom med/ / ces bya ba'i gzhung gis tshe tshad med pa'i dngos grub bstan to/ /tshe tshad med pa'i bsdus pa'i don to/ /da ni 'jig rten pa'i lha la srid pa rjes su 'dzin par byed pa'i don du 'jig rten pa'i dkyil 'khor drug bstan to/ /de la dang po rgyal po chen po bzhi'i dkyil 'khor bsdus pa'i don brjod par bya ste/'di'i sbyor ba dang po'i ting nge 'dzin ni gtsug tor du bshad pa las rgyal po chen po bzhi dang bcas pa'o/ /rgyal po chen po bzhis bcom ldan 'das phyag na rdo rje la phyag 'tshal nas zhes bya ba nas brtsams te/ oM k+Sha zhes bya ba'i bar gyi bshad pas dkyil 'khor rgyal mchog gi ting nge 'dzin to//las kyi rgyal po mchog ni snga ma bzhin du shes par bya'o/ /'di nyid du dbang dang dam tshig thob pas thabs de la 'jug par bya'o zhes bya ba'i don 'di bstan par bya ba'i phyir/ de nas de dag dkyil 'khor 'di yin te//zhes bya ba nas/ phyag na rdo rje la yang 'khus par 'gyur/ /zhes bya ba'i bar gyi gzhung gis slob dpon gyi las kyi cho ga dang slob ma 'jug pa la sogs pa ston te rgyal po chen po bzhi'i bsdus pa'i don to/ /de nas phyogs skyong bcu rnams kyi dkyil 'khor gyi don bsdus pa'i don bshad par bya ste/de nas zhes bya ba dang po'i sbyor ba'i ting nge 'dzin gyi rjes thogs la zhes bya ba'i don te/ 'dir dang po'i sbyor ba'i ting nge 'dzin ni/ gtsug tor du gsungs pa las phyogs skyong ba bcu dang bcas pa yin no/ /phyogs skyong ba bcu rnams kyis zhes bya ba nas brtsams te/oM pra zhes bya ba'i bar gyi gzhung gis dkyil 'khor rgyal po mchog gi ting nge 'dzin bstan to/ /las kyi rgyal po mchog ni snga ma bzhin du shes par bya'o/ /'di nyid du dbang dang dam tshig thob pas thabs de la 'jug par bya'o zhes pa'i don 'di bstan par bya ba'i phyir/de nas de dag gi dkyil 'khor bshad de zhes bya ba nas bdag nyid kyis kyang yongs su bskyab par bya'o zhes bya ba'i gzhung gis slob dpon gyi las kyi cho ga dang slob ma gzhug pa la sogs pa bstan to/ /phyogs skyong ba bcu'i bsdus pa'i don to//gza' chen po brgyad kyi dkyil 'khor gyi bsdus pa'i don brjod par bya ste/ de nas zhes bya ba la sogs pa smos te/ de nas zhes bya ba ni dang po'i sbyor ba'i ting nge 'dzin gyi rjes thogs la ste/ 'dir dang po'i sbyor ba'i ting nge 'dzin ni gtsug tor du bshad pa las gza' chen po brgyad rgyu skar dang bcas pa yin no//gza' chen po brgyad ces pa nas/ oM ha zhes bya ba'i gzhung gis dkyil 'khor rgyal po mchog gi ting nge 'dzin ston to/ /las kyi rgyal po mchog ni snga ma bzhin du shes par bya'o/ /thabs de la dam tshig dang dbang thob pas 'jug par bya'o zhes bya ba'i don 'di bstan par bya ba'i phyir/de nas de dag gi dkyil 'khor bshad de zhes bya ba nas gdon mi za bar 'jigs pa mi 'byung ngo zhes bya ba'i bar gyis slob dpon gyi las kyi cho ga dang slob ma dkyil 'khor du 'jug pa'i cho ga gsungs pa yin no//gza' chen po brgyad kyi bsdus pa'i don no/ /de nas zhes bya ba la sogs pas klu chen po brgyad kyi dkyil 'khor bstan te de nas zhes bya ba dang po'i sbyor ba'i ting nge 'dzin gyi rjes thogs la'o/ /'dir dang po'i sbyor ba'i ting nge 'dzin ni gtsug tor du bshad pa las klu chen po brgyad dang bcas pa yin no//de nas klu chen po nas zhes bya ba nas/ oM phuHzhes bya ba'i bar gyi gzhung gis dkyil 'khor rgyal po mchog gi ting nge 'dzin ston to/ /bsdu zhing byin gyis brlab pa ni snga ma bzhin du shes par bya'o/ / 'di nyid du dam tshig dang dbang thob pas thabs de la 'jug par bya'o zhes bya ba'i don 'di bstan par bya ba'i phyir de dag gi dkyil 'khor bshad de/ pad+ma chen po 'dab ma brgyad pa zhes bya ba nas rdo rje 'dzin pa'i bka' rab tu bsgrub par bgyi'o zhes bya ba'i bar gyi gzhung gis slob dpon gyi las kyi cho ga dang slob ma gzhug pa la sogs pa ston to//klu'i dkyil 'khor 'di nyid du dbang dang dam tshig thob pas bsam pa'i dkyil 'khor la brten te dug bsal ba'i dngos grub bstan pa'i phyir/ de nas bsgrub pa bshad de zhes bya ba nas/sbrul mgo'i phyag rgyas smos ci dgos/ /zhes bya ba'i bar gyis dngos grub ston to/ /klu chen brgyad kyi bsdus pa'i don to/ /de nas zhes bya ba la sogs pas 'jigs byed chen po'i dkyil 'khor ston to/ /de nas zhes bya ba ni dang po'i sbyor ba'i rjes thogs la'o//'dir dang po'i sbyor ba'i ting nge 'dzin ni gtsug tor du bshad pa las 'jigs byed chen po ma mo brgyad dang bcas pa yin no/ /de nas lha chen po rnams kyi bdag po 'jigs byed chen po byed pa zhes bya ba nas/ oM b+ha swA hA zhes bya ba'i bar gyi gzhung gis dkyil 'khor rgyal po mchog gi ting nge 'dzin ston to//las kyi rgyal po mchog ni snga ma bzhin du shes par bya'o/ /'di nyid du dbang dang dam tshig thob pas thabs de la 'jug par bya'o zhes bstan pa'i phyir/ de nas de dag gi dkyil 'khor bshad de zhes bya ba nas/de ltar brgyad kyis dbang bskur ro/ /zhes bya ba'i bar gyis slob dpon gyi las kyi cho ga dang slob ma dkyil 'khor du 'jug pa la sogs pa ston to/ /de nyid du dbang dang dam tshig thob pa la sogs pa la las sbyin no zhes bya ba'i don 'di bstan par bya ba'i phyir/de nas las rnams sbyin par bya ste zhes bya ba nas brtsams te/ byin nas dgod cing grol bar byed/ /skrag nas de ma thag tu gsod/ /ces bya ba'i bar gyis dngos grub bstan te 'jigs byed chen po'i dkyil 'khor gyi bsdus pa'i don to/ /de nas zhes bya ba la sogs pas lha chen po'i dkyil 'khor ston te/de nas zhes bya ba dang po'i sbyor ba'i ting nge 'dzin gyi rjes thogs la'o/ /'dir dang po'i sbyor ba'i ting nge 'dzin ni gtsug tor du bshad pa las tshangs pa la sogs te lha chen po dang bcas pa yin no/ /de nas tshangs pa zhes bya ba nas oM ga zhes bya ba'i bar gyi gzhung gis dkyil 'khor rgyal po mchog bstan to//las kyi rgyal po mchog gi ting nge 'dzin snga ma bzhin du shes par bya'o/ /de nas dkyil 'khor bshad de zhes bya ba nas/ bum pa'i chus ni dbang bskur ro/ /zhes bya ba'i bar gyi gzhung gis thabs de la 'jug pa'i phyir slob dpon gyi las kyi cho ga dang slob ma dkyil 'khor du gzhug pa la sogs pa ston to//de nyid du dam tshig thob pa rnams la/ de nas lha rnams gang dga' ba'i/ /dngos grub rab tu sbyin pa rnams/ /zhes bya ba nas brtsams te/bde 'dod tshad med gsol ba gdab/ /ces bya ba'i bar gyis dngos grub kyi cho ga ston to/ /de nas dbang phyug chen po la sogs zhes bya ba nas/ dbang phyug chen po nyid kyang gsal bar bgyi'o zhes bya ba'i bar gyis 'jig rten pa dang 'jig rten pa las 'das pa'i dkyil 'khor thams cad du zhugs pa'i phan yon ston te/lha chen po'i dkyil 'khor gyi bsdu ba'i don to/ /de nas zhes bya ba la sogs pas 'chi bdag 'joms pa'i dkyil 'khor ston te/ de nas zhes bya ba dang po'i sbyor ba'i rjes thogs la ste/ 'dir dang po'i sbyor ba'i ting nge 'dzin la gtsug tor du bshad pa nyid yin no//de nas bcom ldan 'das phyag na rdo rje nyid kyis dkyil 'khor la gzigs nas zhes bya ba nas brtsams nas/ oM sar+b+ba swA hA gsang ba'i snying po'o zhes pa'i bar gyi gzhung gis bshad par gsol ba gdab pa dang dkyil 'khor rgyal po mchog gi ting nge 'dzin bstan to//las rgyal mchog snga ma dang 'dra'o/ /thabs de nyid la dbang dang dam tshig la sogs pa thob pas 'jug par bya'o zhes bstan pa'i phyir/ de dag gi dkyil 'khor bshad de zhes bya ba nas/ gzhan yang ci bzhed thams cad ni//phan par bya phyir bla mar dbul/ /zhes bya ba'i gzhung gis slob dpon gyi las kyi cho ga dang slob ma dkyil 'khor du gzhug pa la sogs pa ston to/ /de nas byang chub bar du ni/ zhes bya ba nas/ dngos grub gzhan lta smos ci dgos/ / zhes bya ba'i gzhung gis rtog pa thams cad kyi dam tshig sems dpar bskyed par bya ba dang byin gyis brlab pa dang dbang bskur ba dang / phyag rgyas gdab pa dang / mchod pa bsgrub pa'i tshogs bstan to/ /de nas tshangs pa la sogs pa lha chen po rnams kyis zhes bya ba nas brtsams te grol bar 'gyur ro zhes bya ba'i gzhung gis dkyil 'khor du zhugs pa'i phan yon ston to//de nas lha chen de dag gis/ /zhes bya ba nas brtsams te sdig pa chung ngu byas pa lta smos kyang ci dgos zhes bya ba'i gzhung gis tshe 'di dang ngan 'gror skyes zin pa rnams kyi ming la sogs pa bkug la zhag bdun du dbang bskur ba dang ming nas smos te bzlas pa'i cho ga bya ba bstan to//lha yi bu rnams shi ba yi/ /zhes bya ba nas/ myur du bde skyed 'grub par 'gyur/ /zhes bya ba'i bar gyis ngan 'gror skyes zin pa rnams sbyin sreg bzhis sbyor ba ston te/de nas tshangs pa la sogs pa'i lha rnams yid mgu nas legs par sgrubs shig ces bya ba'i gzhung gis rtog pa'i rgyal po'i phan yon dang rgyud gtad pa bstan to/ /'chi bdag 'joms pa'i dkyil 'khor gyi bsdus pa'i don to/ /de nas zhes bya ba la sogs pas bde ba chen po'i dkyil 'khor ston te/de nas zhes bya ba sbyor ba dang po'i rjes thogs la ste 'dir phyag na rdo rje nyid sprul pa yin par shes par bya'o/ /de nas zhes bya ba nas brtsams te badzra hUM a zhes bya ba'i bar gyi gzhung gis bde ba chen po'i dkyil 'khor rgyal po mchog ston to//las rgyal po mchog ni snga ma bzhin du shes par bya'o/ /bde ba chen po dkyil 'khor 'di nyid du dbang thob pas 'jug par bya'o zhes bstan par bya ba'i phyir/ de nas de dag gi dkyil 'khor bshad de zhes bya ba nas/ sid+d+ha ye hUM zhes bya ba'i bar gyis slob dpon las kyi cho ga dang slob ma gzhug pa la sogs pa bstan te/de nas las rnams thams cad byed du gzhug cing zhes bya ba nas/ rdo rje las dang mnyam par 'gyur/ /zhes bya ba'i gzhung gis de nyid du dbang dang dam tshig thob pa la dngos grub sbyin pa ston to//de nas las rnams bshad par bya ste/ zhi ba dang ni rgyas pa'i las/ /de ltar dbang dang mngon spyod rnams/ /zhes bya ba nas brtsams te/ 'dod pa kun kyang dbang du byed/ /ces bya ba'i bar gyis las ston to/ /de nas bcom ldan 'das phyag na rdo rje zhes bya ba nas/ ut+pal ni sgrol mar dgongs/ /zhes bya ba'i bar gyi gzhung gis rtog pa thams cad kyi dkyil 'khor dang sbyin sreg la sogs pa'i dus su rgyas gdab pa'i phyag rgya bstan to/ /gzhan yang rtog pa thams cad kyi lha bskyed pa dang zhi ba la sogs pa'i sbyin sreg gi dus su mi mthun pa'i phyogs gzhom pa ni brdung ba'i sngags ni sa zhes bya ba nas kha tham zhes bya ba'i gzhung gis ston te bde ba chen po'i dkyil 'khor bsdus pa'i don to//gtsug tor nas brtsams te bde ba chen po'i dkyil 'khor gyis rgyud phyi ma'i don bstan nas/ khro bo'i 'khor lo bshad pa rgyud phyi ma'i phyi ma bstan te ji skad du/lta ngan chags dang bral ba la/ /gsang ba 'di ni mi rigs so/ /sems can kun la phan pa'i phyir/ /de nas yang dag bshad par bya/ /zhes bya ba gsungs pas 'dir lta ba ngan pa chags pa dang bral ba ni khro bo'i bdag nyid can yin pas de gdul ba'i don du gtso bor khro bo'i bdag nyid can 'di bstan to//de nas lha rnams kun mgu nas/ /zhes pa nas/ rdo rje sems dpa'i skur zhugs nas/ /zhes bya ba'i bar gyi gzhung gis dang po'i sbyor ba'i ting nge 'dzin ston to/ /'dir de ni gtsug tor du bshad pa las khro bo'i skur bsgyur ba dang bcas pa yin no//rdo rje gnyis su med par zhes bya ba nas/ oM badzra kA la ya tsakra hUM phaT ces bya ba'i gzhung gis khro bo'i dkyil 'khor gyi rgyal po mchog ston to/ /sgo dbye ba sngon du 'gro bas bsdu zhing byin gyis brlab pa nas brtsams te/las kyi rgyal po mchog ni gsang zhing sra ba mthon po las bshad pa bzhin shes par bya'o/ /'di nyid du dbang dang dam tshig thob pas thabs de la 'jug par bya'o zhes bstan pa'i phyir/ de nas de dag gi dkyil 'khor mi bzad pa zhes bya ba nas de bzhin dbang bskur bar bya'o zhes bya ba'i bar gyi gzhung gis slob dpon las kyi cho ga dang slob ma dkyil 'khor du gzhug pa'i cho ga ston to//'di nyid du dbang dang dam tshig thob pa rnams la dngos grub bstan pa'i phyir/ de nas dkyil 'khor gyi bsgrub pa bshad de zhes bya ba nas/bzlas pa'i tshul bzhin bsam par bya/ /zhes bya ba'i bar gyi gzhung gis dngos grub ston to/ /de nas 'brub khung rnams gcig ni/ /zhes bya ba nas/ rdo rje 'dod pa rtag tu bzlas/ /dbang gi las so zhes bya ba'i gzhung gis sbyin sreg gi cho ga ston to//rtog pa thams cad kyi dkyil 'khor rnams la yang mchod pa rnams kyis yang dag par mchod de bstod nas phyag rgya dgrol te gshegs su gsol bar bya'o zhes bya ba'i don 'di bstan par bya ba'i phyir/ de nas brgya byin la sogs lha/ /zhes bya ba nas rjes su yi rang ngo zhes bya ba'i gzhung gis bstan to//rdo rje nyi ma me'i bsdus pa'i don to/ /de ltar bsdus pa'i don bshad nas/ /shAkya thub pa nyid dang gzhan gyi don phun sum tshogs pa'i dkyil 'khor dang / sbyin sreg dang ras ris la sogs pa snang ba rnams ni brjod par bya ba yin la/de ston pa'i gzhung gi cho ga ni rgyud yin te rgyud dang brjod par bya ba gnyis thabs dang thabs las byung ba'i mtshan nyid du 'brel pa'o/ /rgyud la brten nas shAkya thub pa la mngon par 'dod pa bskyed pa ni dgos pa'o/ /mngon par 'dod pa bskyed pa'i mngon sum du byas pa ni dgos pa'i yang dgos pa'o//yang 'di'i mtshan nyid dang gzhan gyi don phun sum tshogs pa'i gleng gzhi dang rtsa ba'i rgyud du gtogs pa'i kun rig gi dkyil 'khor dang / rgyud phyi mar gtogs pa gtsug tor dgu nas brtsams te bde ba chen po'i dkyil 'khor gyi bar dang /rgyud phyi ma'i phyi ma khro bo'i dkyil 'khor te bsdus pa'i don rdzogs so// //de la 'di ni ngan song thams cad yongs su sbyong ba gzi brjid kyi rgyal po'i brtag pa zhes bya ba'o/ /de la ngan song thams cad ces bya ba ni sems can rnams dmyal ba dang yi dags dang byol song ngo //de yongs su sbyong ba ni sems kyi nyon mongs pa'i 'dod chags dang zhe sdang dang gti mug yongs su sbyong ba'o/ /de yang 'di skad du 'di nyid las/ ma rig 'joms pa'i tshangs pa ste/ /'dod chags zhe sdang dri mthar mdzad/ / ces gsungs pa'i phyir ro/ /yang na ngan song thams cad ni sems can thams cad do/ /de yongs su sbyong ba ni sems kyi nyon mongs pa'i las las grol ba'o/ /ji skad du 'di nyid las kun du snang bar byas pas sems can thams cad kyi sems kyi nyon mongs pa'i 'ching ba las rnam par grol te/bde ba so sor thob nas zhes gsungs pa'i phyir ro/ /de'i gzi brjid ni sems can gyi khams kun du dkyil 'khor dang sbyin sreg dang ras ris la sogs pa snang bar byed pa'o/ /de yangs rtsa ba'i rgyud las/ e ma'o sems can khams kun du/ /snang byed gzi brjid dpe med bdag /ces gsungs pa'i phyir ro/ /rgyal po ni kun las khyad par du gyur pas mdzes shing 'bar bar gyur pas rgyal po ste rdo rje 'dzin pa chen po'o/ /de yang ji skad du rdo rje rtse mo las/ de nas rgyal po rdo rje 'dzin/ /kun mchog srid pa'i dbang phyug gis//zhes gsungs pa'i phyir ro/ /de nyid kyi sku dang gsung dang thugs kyi gsang ba ni brtag pa ste rdo rje rtse mo las/ gzhan yang gsang bar brtags pas na/ /de phyir brtag pa zhes bshad do/ /zhes gsungs pa'i phyir ro/ /gzhan yang sems can rnams dang byang chub tu sems bskyed pa la sogs pa rnams ni ngan song thams cad do//yongs su sbyong ba ni byang chub kyi spyod pa la bkod pa dang rnam par rtog pa ma lus par spangs pa'o/ /ji skad du 'di nyid las/ gang phyir ngan song thams cad sbyangs/ /byang chub spyod pa nyid la bkod/ces pa dang / sems nyid chos pas sku mi mnga'/ /rnam par rtog pa ma lus spangs/ /zhes gsungs pa'i phyir ro/ /de rnams kyis sems can kun la mi 'jigs pa sbyin pa ni gzi brjid do/ /ji skad du/ sems can kun la mi 'jigs pa//rdo rje gzi brjid du zhes bshad/ /ces gsungs pa'i phyir ro/ /de'i rgyal po ni snga ma bzhin no/ /brtag pa ni mi rtog pa'i don la brtag pa ste ji skad du rtsa ba'i rgyud las/ de la mi rtog rtog pa'i bdag /rtog pa brtags pa las byung ba/ /ces gsungs pa'i phyir ro//mtshan bshad zin to/ /de lta bu'i rgyud sdud par byed pa sa bcu pa'i dbang phyug lcang lo can gyi pho brang na bzhugs pa rdo rje 'chang bas blo la bzhag nas 'di skad ces bya ba la sogs pa smos so/ /de la 'di skad ces bya ba ni yang dag par bsdus pa'i bshad ma thag pa'i gzhung dang don gyi ngo bo nyid do//bdag gis zhes pas ni bdag nyid yin par ston te bdag nyid kyis thos kyi brgyud de 'ongs pa ma yin no/ /'dis ni bdag nyid kyis thos pa ston to/ /thos pa zhes bya ba ni thos pa'i rang bzhin gyi shes rab kyis thos kyi rtogs pas ni ma yin no//'dis ni ma 'ongs pa dang ma rtogs pa nyid du ston to/ /gang gi tshe thos she na dus gcig na zhes bya ba smos te/ dus gcig gi dus na thos kyi gzhan du gzhan thos so zhes bya ba yin te 'dis ni thos pa mang bar ston to/ /yang na dus gcig na zhes bya ba ni skad cig ma nyid la kun thos te dus gsum gyi bskal pa rnams so sor snang bas thams cad thos pa ste 'dis ni tshad med pa'i skyes bu yin par ston to//yang na dus gcig na bya bas ni rgyud 'di dus gcig na 'byung bas 'byung dka' bar bstan to/ / khyod kyis gang las thos zhes rtog pa dag gi phyir bcom ldan 'das zhes bya ba smos te nyon mongs pa dang / lha'i bu dang / phung po dang / 'chi bdag gi bdud kyi mtshan nyid can du gnas pa'i bdud rnams bcom pas na bcom ldan 'das so/ /yang na dbang phyug la sogs pa'i yon tan drug dang ldan pas bcom ldan 'das so//de ltar ston pa phun sum tshogs pa bstan nas gnas phun sum tshogs pa bstan pa'i phyir/ lha'i tshogs thams cad kyis zhes bya ba la sogs pa smos te/ lha'i tshogs thams cad ces bya ba ni 'dir sum cu rtsa gsum pa'i lha rnams so//de rnams kyi dga' ba'i tshal ni ri rab kyi rtse nor bu dri ma med pa'i steng tshal bzhi las dga' ba'i tshal lo/ /mchog tu yid du 'ong ba zhes bya ba ni bstan pa'o/ /de nyid bshad pa nor bu dang zhes bya ba la sogs pa ste nor bu ni rdo rje la sogs pa'o/ / gser gyi shing yal ga dang lcug mar bcas pa zhes pa ni shing nyid gser du snang ba dang ldan pa'o/ /shing gel pa dang sman dang me tog ka ma la dang / ka ni ka ra dang / ba ku la dang / ti la ka dang / a sho ka dang / man+dA ra ba dang / man+dA ra ba chen po la sogs pa sna tshogs pa dang /dpag bsam gyi shing rnams kyis mdzes par byas pa zhes pa ni de rnams kyis brgyan pa ste sogs pa'i sgras ni many+dzu sha ka la sogs pa bsdus pa'o/ /rgyan sna tshogs zhes bya ba ni gdugs dang rgyal mtshan dang lhab lhub dang lda ldi la sogs pa ste/ de rnams kyis so//brgyan pa ni spud pa'o/ /'dis ni shing dang / sman dang / me tog dang lda ldi yid du 'ong ba bstan to/ /bya mang po skad 'byin pa zhes bya ba ni khu byug dang / shang shang te'u dang / mthing ril la sogs pa skad yid du 'ong ba ston te 'dis ni byol song yid du 'ong ba ston to//rnga dang / cang te'u dang / ker ko dang / gling bu dang / rnga bo che la sogs pa zhes bya ba ni de rnams kyi sgrar grags pa ste sogs pa'i sgras ni dung dang cha lang la sogs pa bsdu'o/ /'dis ni rol mo'i cha byad yid du 'ong ba ston to/ /brgya byin dang / tshangs pa la sogs pa'i lha dang lha'i bu mo rnam par rtse ba zhes bya ba ni de rnams gnas der yid mthun pa'i sgo nas rtse ba'o//sogs pa'i sgras ni tshogs kyi bdag po la sogs pa bsdu'o/ /'dis ni lha rnams kyi yul yid du 'ong ba ston to/ /sangs rgyas dang byang chub sems dpa' thams cad kyis byin gyis brlabs pa ni zhes bya ba ni rjes las skyes pa'i ye shes kyi snang ba zhes bya ba'i don to//lha'i bzhugs gnas phun sum tshogs pa bstan nas brgya byin dang zhes bya ba la sogs pas 'khor phun sum tshogs pa ston to//brgya byin ni mgo bo brgya stong sbyin pa nye bar bsags zhes pa lta bu'o/ /tshangs pa zhes bya ba ni 'jig rten gyi mes por grags pa ste/ 'jig rten mes po tshangs pa yis/ /'jig rten sgron ma bstod byas te/ /zhes bya ba lta bu'o/ /sogs pa ni 'jigs byed chen po la sogs pa'o//lha dang rig pa 'dzin dang / lha'i bu mo'i 'khor zhes bya ba ni lha ste 'dod khams dang gzugs khams kyi'o/ /rig 'dzin ni rdo rje rig pa 'dzin pa la sogs pa'o/ /lha'i bu mo ni sha rtsi la sogs pa ste de rnams kyi 'khor grangs bye ba khrag khrig stong phrag du ma dang gnod sbyin dang zhes bya ba ni/dge sdig bsres ma las gyur pa'o/ /lha ma yin zhes bya ba ni lha dang yid mi mthun pa'o/ /dri za zhes bya ba ni zur phud lnga pa la sogs pa'o/ /mi'am ci zhes bya ba ni sdong po la sogs pa'o/ /lto 'phye chen po ni khyus 'gro ba la sogs pa'o//klu ni dga' bo dang 'jog po la sogs pa'o/ /sogs pa ni 'byung po dang yi dags dang ma mo la sogs pa ste/ de lta bu'i 'jig rten pa'i 'khor du ma dang byang chub sems dpa' sems dpa' chen po zhes bya ba ni byang chub sems dpa' dang sems can gyi tshogs chen po la sems dpa'i phyir byang chub sems dpa' sems dpa' chen po'o//bye ba khrag khrig stong phrag brgyad la zhes bya ba ni grangs so/ /'di lta ste zhes bya ba ni nye bar dgod pa'o/ /blo gros tshad med pa zhes bya ba ni rdo rje rin chen no//blo gros mi g.yo ba ni rdo rje sems dpa'o/ /blo gros yangs pa ni rdo rje chos so/ /kun du blo gros ni rdo rje las so/ /blo gros mtha' yas ni rdo rje 'khor lo'o/ /blo gros ka ma la ni rdo rje rnon po'o/ /blo gros chen po ni rdo rje khu tshur ro/ /blo gros lha rdzas ni nam mkha'i mdzod do//blo gros sna tshogs ni gnod sbyin no/ /sogs pa smos pas ni sems dpa' gzhan rdo rje srung ba la sogs pa bsdus pa'o/ /dang zhes bya ba ni sdud pa'o/ /'dis ni 'bras bu'i byang chub sems dpa'i 'khor ston to/ /phyir mi ldog pa'i byang chub sems dpa'i dge 'dun zhes bya ba ni 'khor dang mtshan mar mi ldog pa'i byang chub sems dpa'i sa la gnas pa ste/de'i dge 'dun phan tshun mi phyed pa dang / ston pa mi phyed pa grangs mthar thug pa med pa rnams kyis bla mar byed/ mchod cing brjod rab tu mchod cing spel zhes bya ba ni gcig gis gcig bshad pa'o//yang na bsti stang byed pa ni/ gdan bsham pa la sogs pa'o/ /bla mar byed pa ni gong mar byed pa'o/ /mchod cing brjod pa ni rnam lngas mchod cing rgyan 'dogs pa'o/ /rab tu mchod cing spel ba ni de rnams yang dang yang du ni don du byas pa'o/ /des ni rgyu'i byang chub sems dpa'i 'khor bstan pa'o//de 'jig rten pa dang 'bras bu'i byang chub sems dpa'i 'khor mang po'i dbus na zhes bya ba ni kun nas bskor te bzhugs pa'o/ /tshangs pa chen po pad+ma'i gdan la zhes bya ba ni tshangs pa yang yin la pad+ma'i gdan yang yin pas na tshangs pa chen po pad+ma'i gdan te dag cing tshangs la nyes pa'i skyon gyis ma gos pa'o zhes bya ba'i tha tshig tshig go//bzhugs te zhes bya ba ni ting nge 'dzin dang chos 'chad pa dang / spyod lam dang gsum snang ba tha dad pa'i tshul gyis bzhugs pa ste 'dis ni bzhugs pa dang gdan phun sum tshogs pa bstan to//gzhan du yang bshad par bya ste/ 'di skad ces bya ba ni don dam par rang bzhin med par kun rdzob tu yod bzhin pa ste sgro skur gnyis dang bral ba'o/ /ji skad du rdo rje rtse mo las/ 'jig rten kun rdzob ces bya ste/ /dam pa'i don du rang bzhin med/ /ces gsungs pa'i phyir ro//bdag gis thos pa zhes bya ba ni thos nas rtogs pa ste ji skad du rtsa ba'i rgyud las/ dam pa'i don ni bdag yin te/ /gang phyir gzings 'dra'i chos rnams la/ /rnam par dag pa rtogs par 'gyur/ /zhes gsungs pa'i phyir ro/ /dus gcig na zhes pa ni ye shes bzhi'i skad cig ma nyid la ste ji skad du rtsa ba'i rgyud nyid las/skad cig ma de nyid kyi tshe na de bzhin gshegs pa thams cad kyi mnyam pa nyid kyi ye shes las mngon par rdzogs par sangs rgyas so zhes gsungs pa'i phyir ro/ /bcom ldan 'das zhes bya ba ni ye shes de dag nyid kyis mi mthun pa'i phyogs kun bcom pa ste rdo rje rtse mo las/mi mthun pa yi phyogs rnams kun/ /bcom pas bcom ldan 'das zhes bya/ /zhes gsungs pa'i phyir ro/ /lha'i tshogs thams cad kyi zhes bya ba ni de dag gi byang chub sems kyi 'dod chags chen po ste/gang phyir sems ni bcom ldan 'das/ /'dod chags chen po 'di yi lha/ /zhes gsungs pa'i phyir ro/ /dga' ba'i tshal mchog tu yid du 'ong ba na zhes bya ba ni chos nyid kyis de bzhin du ro gcig pa'o/ /ji skad du/ blo mchog rnams kyi kun dga' rab ste//dman pas 'jigs pa nyid kyi rgyal byed tshal/ /zhes gsungs pa dang / chos kyi 'dod pa yid du 'ong / /'dod chags dam tshig yin par bshad/ /ces gsungs pa'i phyir ro/ /nor bu dang gser shing yal ga dang lcug mar bcas pa dang shing gel pa dang / sman dang / me tog ka ma la dang /karni ka dang / tsa ku la dang / ti la ka dang / a shwa ka dang / man+dA ra ba dang / man+tA ra ba chen po la sogs pa sna tshogs pa dang / dpag bsam gyi shing rnams kyis mdzes par byas pa rgyan sna tshogs kyis brgyan pa zhes bya ba ni/ bcom ldan 'das de nyid sman dang shing dang me tog dang mdzes pa'i rgyan yin te/'di skad du/ sman rnams ma lus ljon pa'i shing / /nang do cog gi dgra che ba/ sdu gu 'jig rten gsum na mdzes/ /zhes pa dang / byang chub yan lag me tog phreng / /zhes gsungs pa'i phyir ro/ /bya mang po skad 'byin pa zhes pa ni de nyid skad sna tshogs su snang ba ste/ji skad du/ phyogs bcu chos kyi rnga bo che/ /zhes bya ba dang / lha yi skad dang klu yi skad rnams dang / /'gro ba kun gyi skad rnams ji tsam par/ /zhes gsungs pa'i phyir ro/ /rnga dang / cang te'u dang / ke ko dang / gling bu dang / rnga bo che la sogs pa zhes bya ba ni phyogs bcur chos kyi sgra sgrogs pa'o//ji skad du/ phyogs bcu'i chos kyi rnga bo che/ /zhes pa dang / chos kyi dung de sgra chen ldan/ /zhes gsungs pa'i phyir ro/ /brgya byin dang zhes bya ba ni bcom ldan 'das 'di nyid gzhan la phan par brtson pa ste/ 'di nyid las/ brgya byin gzhan la phan brtson pa/ /'di yis ji ltar gsol ba btab/ /ces gsungs pa'i phyir ro/ /tshangs pa la sogs pa zhes bya ba ni mya ngan las 'das pa rnam par grol ba'o/ /ji skad du/ mya ngan 'das pa tshangs pa thob/ /grol ba thar pa rnam grol lus/ /zhes gsungs pa'i phyir ro//lha dang mi'i bu mo sna tshogs zhes bya ba ni byang chub tu sems bskyed pa dang / sbyin pa'i pha rol tu phyin pa la sogs pa ste/ ji skad du/ sngon chad byang chub sems bzang gang / /rdo rje sems dpar yang dag bshad/ /ces pa dang / gang phyir mchog tu rol pa na/ / sgeg mo sbyin pa'i pha rol phyin/ /zhes gsungs pa'i phyir ro/ /de rnams rnam par rtse ba zhes bya ba ni rmad du byung ba'i chos kyi thar pa de nyid de rdo rje rtse mo las/ thar pa mchog tu bstan pa ste/ /zhes gsungs pa'i phyir ro/ /sangs rgyas dang byang chub sems dpa' thams cad kyi byin gyis brlabs pa na zhes bya ba ni bcom ldan 'das de nyid kyis chos thams cad skye ba med par shes pa ste rtsa rgyud las/bcom ldan 'das shAkya thub pas phyogs thams cad mnyam pa nyid du gzigs nas byin gyis brlabs te zhes gsungs pa'i phyir ro/ /brgya byin dang tshangs pa la sogs pa'i lha dang rig 'dzin dang lha'i bu mo'i 'khor bye ba khrag khrig stong phrag du ma dang /gnod sbyin dang lha ma yin dang dri za dang / mi'am ci dang / lto 'phye chen po dang / klu la sogs pa'i 'khor du ma dang zhes bya ba ni bcom ldan 'das de nyid kyi yon tan cha du mar de snang ba ste ji skad du/lha dang lha dbang lha yi lha/ /lha min dbang po lha min bla/ /zhes pa dang / gnod sbyin srin po dam pa bstan/ /zhes bya ba la sogs pa rtsa ba'i rgyud las gsungs pa'i phyir ro/ /byang chub sems dpa' sems dpa' chen po zhes bya ba ni bcom ldan 'das de nyid kun du rtog pa thams cad spangs par 'dod pa'o//ji skad du byang chub pa'i rgyud las/ byang chub nam mkha'i mtshan nyid de/ /kun du rtog pa thams cad spangs/ /gang zhig de rtogs 'dod pa ste/ /byang chub sems dpa' zhes bya'o/ /zhes gsungs pa'i phyir ro/ /bye ba khrag khrig stong phrag brgyad la 'di lta ste zhes bya ba ni bcom ldan 'das de nyid kun du rtog pa thams cad spangs pas/bcom ldan 'das kyi yon tan gyi bye brag mthar thug pa med pa nye bar dgod pa'o/ /byang chub sems dpa' sems dpa' chen po blo gros tshad med pa dang / blo gros mi g.yo ba dang / blo gros yangs pa dang / kun du blo gros dang / blo gros mtha' yas dang / blo gros ka ma la dang / blo gros chen po dang / blo gros lha rdzas dang / byang chub sems dpa' sems dpa' chen po blo gros sna tshogs pa zhes bya ba la blo gros tshad med pa ni khams gsum pa thams cad kyi tshogs gnyis dang sa dang pha rol tu phyin pa rdzogs pa ni rdo rje rin chen no//de yang ji skad du/ dpal rdo rje snying po rgyan gyi rgyud las/ khams gsum pa ni rgyal po che/ /tshogs gnyis yongs su rdzogs pa dang / /sa dang pha rol phyin pa mchog /rdo rje dbang bskur legs 'byung ba'o/ /zhes gsungs pa'i phyir ro//blo gros mi g.yo ba ni byang chub sems dpa' brtan pa la stong pa nyid las byung ba'i mi g.yo ba phyag na rdo rje ste ji skad du/ 'gro la yang dag spros pa'i sems/ /bstan pa'i snying po legs bsgoms shing / /stong nyid de nyid las byung ba/ /rdo rje sems dpa' de bshad do/ /zhes gsungs pa'i phyir ro//blo gros yangs pa ni bdag med cing gnyis su med pa'i ye shes chos nyid bsam gyis mi khyab pa'i rdo rje chos yangs pa ste ji skad du/ bdag med chos las legs par 'byung / /gnyis med ye shes dam pa ste/ /chos nyid mchog tu bsam mi khyab/ /rdo rje chos su de bshad do//zhes gsungs pa'i phyir ro/ /kun du blo gros ni sems can kun gyi don dang sangs rgyas kun gyi mchod pa chen po ste rdo rje las so/ /ji skad du/ sems can kun don yang dag sbyor/ /sangs rgyas kun gyi mchod chen po/ /dang po sbyor ba dag pa che/ /rdo rje las zhes bya bar bshad/ /ces gsungs pa'i phyir ro//blo gros mtha' yas pa zhes bya ba ni sangs rgyas rnams kyi chos kyi 'khor lo mtha' yas pa dang / /rten 'brel bcu gnyis gnas 'gyur pa mtha' yas pa thob pa rdo rje rgyu'o/ /ji skad du/ sangs rgyas rnams kyi chos 'khor lo/ /gnyis med thob pa'i mtshan nyid can/ /rten 'brel yang dag bcu gnyis grags//rdo rje rgyu zhes bya bar bshad/ /ces gsungs pa'i phyir ro/ /blo gros ka ma la zhes bya ba ni/ zag pa med pa'i shes rab dang / /ye shes rdo rje rnon po'o/ /ji skad du/ rdo rje blo ni snang ba che/ /shes rab ye shes dri ma med/ /zag pa med pa'i shes rab ste/ /rdo rje rnon por de bshad do//zhes gsungs pa'i phyir ro/ /blo gros chen po zhes bya ba ni sku gsung thugs kyi sbyor ba gsang ba chen po rdo rje khu tshur ro/ /ji skad du/ sku gsung thugs kyi sbyor ba ni/ /sgrib pa med cing bla med pa/ /de bzhin gshegs pa kun gyi gsang / /rdo rje khu tshur de bshad do/ /zhes gsungs pa'i phyir ro//blo gros lha rdzas zhes bya ba ni/ nam mkha' mdzod kyi chos la dbang sgyur ba yid bzhin nor bu nam mkha'i mdzod do/ /ji skad du/ nam mkha'i mdzod ni mdzod chen po/ /chos rnams kun la dbang sgyur ba/ /yid bzhin nor bu rdo rje che/ /rdo rje tog ni bla med pa'o/ /zhes gsungs pa'i phyir ro/ / blo gros sna tshogs pa zhes bya ba ni/ sangs rgyas kyis thabs sna tshogs pa'i sgo nas nyon mongs pa sna tshogs pa za ba'i rdo rje gnod sbyin no/ /ji skad du/ sangs rgyas skyob pa thams cad kyis/ /shes rab thabs kyi khro bo che/ /nyon mongs thams cad za ba che/ /rdo rje gnod sbyin de bshad do/ /zhes gsungs pa'i phyir ro/ / 'di dag gis sgrub pa'i yan lag tu gyur pa'i byang chub sems dpa' bshad de/ lung las dam pa'i chos kyi grong khyer skyong bar byed pa'i byang chub sems dpa' zhes gsungs pa'i phyir ro/ /sogs pa smos pas ni rdo rje rgyal po la sogs pa'i yon tan bsdu'o//phyir mi ldog pa'i byang chub sems dpa'i dge 'dun rnams mthar thug pa med pa rnams kyis zhes bya ba ni/ bcom ldan 'das de nyid kyis phyir mi ldog pa'i byang chub kyi snying po la yod pa'i sa bcu dang pha rol tu phyin pa bcu la sogs pa byang chub sems dpa'i yon tan dang ldan pa bstan to//ji skad du/ pha rol phyin bcu thob pa ste/ /pha rol phyin pa bcu yi tshul/ /mgon po sa bcu'i dbang phyug ste/ /sa bcu la ni gnas pa po/ /zhes pa dang / rtsa ba'i rgyud las/ phyir mi ldog pa'i 'khor lo yang / /byang chub snying po yin par dgongs/ /zhes gsungs pa'i phyir ro//bsti stang du byed bla mar byed mchod cing rjed/ rab tu mchod cing spel zhes bya ba ni rgyu'i gnas skabs kyi sa dang pha rol tu phyin pa rnams kyis thob par bya ba'i bdag nyid du ston te ji skad du/ mchod 'os bstod 'os phyag gi gnas/ /ri mor 'os pa bkur bar 'os/ /bkur 'os brjed par bya ba mchog /phyag byar 'os pa bla ma'i rab/ /ces gsungs pa'i phyir ro/ /'khor mang po'i dbus na zhes bya ba ni de nyid dkyil 'khor gyi de nyid kyis 'khor dang gtso bo'i tshul gyis zhugs pa ste/ ji skad du 'di nyid las/ sangs rgyas kun gyi byang chub sems/ /bla na med pa rtogs gyur pa'i//rgyal bas gsungs pa'i ye shes gang / /de ni dkyil 'khor snying por gsungs/ /zhes gsungs pa'i phyir ro/ /de'i don phyis bshad par bya'o/ /tshangs pa chen po zhes bya ba ni bcom ldan 'das mya ngan las 'das pa nyid de ji skad du sngar bshad pa de bzhin du shes par bya'o//pad+ma'i gdan la bzhugs te zhes bya ba ni 'khor ba'i nyes pas ma phog pa dang rnal 'byor can bzhugs pa'o/ /dpal mchog dang po las/ ji ltar pad+ma dmar po 'di/ /tshon gyi nyes pas ma gos pas/ /'khor ba'i nyes pas ma gos so/ /zhes pa dang rdo rje rtse mo las/ 'khor lo de la brtag byas nas//rnal 'byor can ni mi gsung bzhugs/ /zhes gsungs pa'i phyir ro zhes gleng gzhi'i de kho na nyid do/ /gleng gzhi'i 'grel pa rdzogs so// //de ltar gleng gzhi bstan nas/ ngan song gi rgyud thams cad yongs su sbyong ba'i zhes bya ba la sogs pa rgyud nyid bstan te/ngan song gi rgyud thams cad yongs su sbyong ba zhes bya ba ni/ ngan song rnams bag chags dang bcas pa 'dzoms zhes bya ba'i don to/ /de la dmigs pa'i ting nge 'dzin la yang ming 'di skad ces bya ste/ de'i snyoms par zhugs pa ni mngon du mdzad nas so/ /ngan song gi rgyud las rnam par grol ba zhes bya bas byang chub sems dpa' sems dpa' chen po'i ting nge 'dzin gyi 'od zer zhes bya ba ni sprul pa'i sku'i rang bzhin gyi ting nge 'dzin skyed par byed pa 'od zer las byung ba'o//spro ba dang bsdu ba mang po'i phreng ba zhes pa ni phar spro tshur sdud pa rgyun mi 'chad pa'i rang bzhin no//nyid kyi dpral ba'i mdzod spu nas byung nas zhes bya ba ni/ ston pa bcom ldan 'das nyid kyi smin mtshams kyi mdzod spu nas so/ /de nas stong gsum gyi stong chen po'i 'jig rten gyi khams zhes bya ba ni/ 'od zer gyi snang ba des so/ /stong gsum gyi stong chen po zhes bya ba ni stong spyi phud dang / stong gnyis pa bar ma dang stong gsum gyi stong chen po'o/ /'jig rten gyi khams zhes bya ba ni 'jig pa la rten pa'i phyir dang mtshan nyid 'dzin pa'i phyir ro/ /'di dag thams cad kun du snang bar byas so zhes bya ba ni/ ma lus par snang bar byas pa'o/ /des kyang ci zhig mdzad ce na/ nor bu dri ma med pa'i steng du 'khod de bzhag nas zhes bya bar sbyar ro//kun nas snang bar byas nas sems can gyi sems nyon mongs pa'i 'ching ba las rnam par grol te zhes bya ba ni nyon mongs pa'i bag chags dang bcas pa las bkrol ba'o/ /bde ba so sor thob nas dga' ba'i tshal thams cad kun du snang bar byas te zhes bya ba ni rgyu dag pa'i sems can snang ngo zhes bya ba'i don no//mchod pa'i sprin sna tshogs pas mchod de lan brgya stong du bskor ba byas nas mgo bos lan brgya phrag stong du phyag 'tshal nas/ bcom ldan 'das kyi spyan sngar sa gzhi nor bu dri ma med pa'i steng du 'khod do zhes bya ba ni mchod pa dang bskor ba dang /phyag 'tshal ba dang / spyan sngar 'khod pas drin lan gyi tshul du ston to/ /'di skad ces gsol to zhes bya ba ni 'og nas 'byung ba'i don 'di skad zhus pa'o/ /e ma'o zhes bya ba ni ngo mtshar gyi don to/ /sangs rgyas zhes bya ba ni de kho na rtogs nas chos kun rtogs pa'i phyir sangs rgyas zhes bya'o//de yang rdo rje rtse mo las/ de bzhin nyid bden shin tu brtan/ /de kho na nyid gang rtogs pa/ /chos kun rtogs zhes bya ba gang / /de ni rtogs pas sangs rgyas brjod/ /ces gsungs pa'i phyir ro/ /e ma'o sangs rgyas e sangs rgyas/ /zhes bya ba ni yang dang yang du ngo mtshar ba'o//ci zhig la zhe na/ mdzad pa legs zhes gsungs te/ gang phyir ngan song bdag nyid sbyangs/ /byang chub spyod pa nyid la bkod/ /ces gsungs pa'i don to/ /'dis ni sbyor ba dang po sgom pa rnams kyis mchod pa dang sdom pa gzung ba sngon du 'gro bas lha la sogs pas sangs rgyas kyi yon tan brjod de mi snang bar gyur par bsgom zhes bya ba'i don to//de nas phyag 'tshal nas 'di skad ces gsol to zhes bya bar sbyar ro/ /su zhig gis snyam pa la lha rnams kyi dbang po brgya byin gyis zhes gsungs so/ /gang zhig la zhe na/bcom ldan 'das la lan brgya phrag stong du bskor ba byas nas phyag 'tshal nas bcom ldan 'das la 'di skad ces gsol to zhes bya ba'i don to/ /bcom ldan 'das gang gi slad du sangs rgyas kyi 'od zer kun du snang bas ngan song gi rgyud las rnam par grol zhing / rnam par grol ba'i lam la gzhag pa ni zhes bya ba ni bar chad med pa dang rnam par grol bas byang chub kyi spyod pa nyid la bzhag ste/de la bcom ldan 'das ngo mtshar che'o/ /bde bar gshegs pa ngo mtshar che'o zhes gsungs pa ni don gnyis kyi dbang gis lan gnyis zhus pa'o/ /lan du bcom ldan 'das kyis bka' stsal pa/lha'i dbang po 'di ni ngo mtshar mi che'o/ /lha'i dbang po 'di ni ngo mtshar mi che ste zhes bya ba ni bstan pa'o/ /sangs rgyas zhes bya ba la sogs pas bshad de/ sangs rgyas bcom ldan 'das rnams ni tshad med pa'i bsod nams kyi tshogs yang dag par bsags pa'o zhes bya ba ni mngon par byang chub pa dang po'i rgyu dang bcas pa'i zla ba'i dkyil 'khor yongs su rdzogs pa'o//de yang ji skad du/ de bzhin tshogs ni rdzogs pa'i phyir/ /sems ni zla ba gang dang mtshungs/ /dngos po yod dang med nyid min/ /ji ltar zla ba mtshungs nyid yin/ / zhes gsungs pa'i phyir ro/ /lha'i dbang po yang dag par rdzogs pa'i sangs rgyas ni tshad med pa'i yon tan rin po che'i 'byung gnas su gyur pa'o/ /lha'i dbang po yang dag par rdzogs pa'i sangs rgyas ni tshad med pa'i thabs yang dag par rdzogs pa'i zhes bya ba ni zla ba'i dkyil 'khor gnyis pa rdzogs pa'o//ji skad du/ snying po dag pa bzlas nas ni/ /sems ni dbus su rtogs pa na/ /zla ba'i dbus su yang zla ba'i/ /dkyil 'khor gnyis pa mthong ba yin/ /zhes gsungs pa'i phyir ro/ /lha'i dbang po sangs rgyas rnams ni shes rab tshad med pa bsags pa'o zhes bya ba ni/ shes rab stong pa nyid kyis rdo rje'i dkyil 'khor gnyis pa'i dbus na gnas pa'o/ /ji skad du/ dkyil 'khor gnyis pa'i dbus gnas pa'i/ /rdo rje chen po sems byed cing / /thang cig so sor brtags pa ni/ /shin tu brtan pa mthong 'gyur nas/ /zhes gsungs pa'i phyir ro/ /sangs rgyas bcom ldan 'das rnams ni spyod pa tshad med pa'o//sangs rgyas bcom ldan 'das rnams ni gdul ba'i skye bo tshad med pa'i snod du gyur par mdzad pa'o zhes bya ba ni/ rdo rje las sku gsung thugs byung nas spyod pa tshad med pa mdzad cing skye bo'i snod du gyur par mdzad cing 'dus pa las rdo rjer gyur ba'o/ / ji skad du/ snying po dag pa bzlas nas ni/ rdo rje'i lus su rnam bsgom pa/ /des ni sra brtan khong stong med/ /rdo rje'i sku ni thob gyur nas/ /zhes gsungs pa'i phyir ro/ /sangs rgyas bcom ldan 'das rnams ni mi mnyam pa dang mnyam pa'i ye shes dang ldan pa'o/ /sangs rgyas bcom ldan 'das rnams ni mi mnyam pa dang mnyam pa'i rdzu 'phrul dang ldan pa'o zhes bya ba ni/gzugs sku chos sku dang ldan pa'o/ /ji skad du/ snying po dag la blangs nas ni/ /sangs rgyas gzugs su rnam bsgoms pas/ /rnam pa kun gyi mchog ldan pa'i/ /kun mkhyen ye shes thob par 'gyur//zhes gsungs pa'i phyir ro/ /sangs rgyas bcom ldan 'das rnams ni mi mnyam pa dang mnyam pa'i smon lam gyi stobs dang ldan pa ste zhes bya ba ni/ rdo rje dbyings shin tu brtan pa'i ye shes dbang bskur ba dang bcas pa'o/ /ji skad du/ rdo rje dbyings ni shin tu brtan/ /de nas sangs rgyas thams cad ni//rdo rje'i thugs ka nas phyung ste/ /chos kyi dbang bskur bzhi po yis/ /de tshe thub pa dbang bskur 'gyur/ /zhes gsungs pa'i phyir ro/ /lha'i dbang po de lta bas na zhes bya ba ni dbang bskur ba la sogs pa kun du rdzogs pas de lta bas na zhes bya'o/ /sangs rgyas rnams kyi snod ji lta ba bzhin du sems can gyi don mdzad pa dang zhes bya ba ni/dkyil 'khor gyi don du gnas pa'i ye shes kyi bdag nyid ces bya ba'i don to/ /ji ltar 'dul ba bzhin du sems can gyi don mdzad pa dang zhes bya ba ni/ ngan 'gro sbyang zhing dkyil 'khor du bcug pa'i sgo nas so//mos pa ji lta ba bzhin du sems can gyi don mdzad pa yin par shes par bya ste zhes bya ba ni ji ltar 'dod pa'i dbang thob pa'i sgo nas te/ de ltar na 'di la the tshom dang som nyi dang yid gnyis ma byed cig gang de bzhin gshegs pa rnams kyis 'dul bar mi 'gyur ba'i gnas med do zhes bya'o//yang na bsod nams kyi tshogs brgyad dang / mtshan dang dpe byad kyi yon tan dang / snying rje chen po dang / shes rab dang / 'phags pa mchod pa dang / sems can gyi don dang / ye shes dang rdzu 'phrul gyi mngon par shes pa dang / smon lam gyi stobs dang ldan pa'i sgo nas gang zag la bdag med pa la sogs pa dang /nyan thos kyi gzugs la sogs pa dang / nyan thos kyi theg pa la sogs pa 'dul bar gyur pa'i rgyu la som nyi la sogs pa ma byed cig ces bya ba'i don to/ /'dis ni sbyor ba dang po bsgom pa rnams kyis bdag mngon par byang chub pa bskyed de byin gyis brlab pa dang /dbang bskur ba dang ldan pas ngan 'gro nas dgug cing dkyil 'khor du bcug dbang bskur bar bya ste zhes bya ba'i don to/ /de nas lha rnams kyi dbang po brgya byin rang gi stan las langs nas yang bcom ldan 'das la mchod pa rgya che zhing che ba byas te/phyag 'tshal nas bcom ldan 'das la 'di skad ces gsol to zhes bya ba ni/ nga rgyal dang bral ba dang / mchod pa dang phyag 'tshal zhing bstod pa byas par ston to/ /'dis ni gsang sngags kyi sgo'i spyad pa spyod pa rnams kyis mchod cing bstod pa drin lan gyi tshul du sbyar bar bya'o zhes bya ba'i don to//sems can zhes bya ba la sogs pa la/ brgya byin nyid sems can gyi tshe phyi ma'i don dang / snying rje chung ngu dang 'bring dang chen po dang / bsam pa rdzogs pa'i rgyur shes rab bskyed cig ces yang dang yang du gsol ba btab pa'o/ / byin gyis brlab pa dang zhugs pa'i rang bzhin gang zhe na/ bcom ldan 'das sum cu rtsa gsum pa'i zhes bya ba la sogs pa smos te/ sum cu rtsa gsum pa'i lha'i ris zhes bya ba ni ga Na pa ti la sogs pa sum cu rtsa gnyis dang / brgya byin gyi ris te sum cu rtsa gsum pa'i lha'i ris so/ / 'di nyid nas lha'i bu nor bu dri ma med pa'i 'od ces bya ba cig shi 'phos te dus las 'das nas zhes bya ba ni las ci zhig gi stobs kyis tshe 'phos pa'o/ /dgung bdun lags na zhes bya ba ni lha'i zhag bdun la mi'i lo bdun brgya lon pa'o/ /bcom ldan 'das de gang du skyes zhes bya ba ni gnas gang du skyes pa dris pa'o//bde ba'am sdug bsngal ci zhig myong bar 'gyur zhes bya ba ni 'bras bu dris pa'o/ /bcom ldan 'das bshad du gsol/ bde bar gshegs pa bshad du gsol zhes bya ba ni yid la gcags nas yang dang yang du gsol ba btab pa'o/ / bcom ldan 'das kyis bka' stsal pa lha'i dbang po ji ste dus la bab par shes na zhes bya ba ni/ lha'i dbang po sprul pa yin pa'i phyir dus mkhyen pas so/ /nyon cig ces bya ba ni thos pa'i rang bzhin gyi shes rab kyis zung shig pa'i don to/ /lha'i dbang pos gsol ba bcom ldan 'das 'di ni dus la bab pa lags so//bde bar gshegs pa 'di ni dus la bab pa lags so zhes gsungs pa dang / bcom ldan 'das kyis bka' stsal pa/ lha'i dbang po lha'i bu nor bu dri ma med pa'i 'od ces bya ba de 'di nas shi 'phos nas myong zhing myong bar 'gyur ro zhes bya bar sbyar ro//ji lta bu zhig ce na dmyal ba chen por lo stong phrag bcu gnyis kyi bar dang / dmyal ba chung ngu rnams su lo stong phrag brgyad dang / byol song dang yi dags kyi gnas su lo brgya phrag brgyad dang / mi'i skye gnas su rna ba dang smra ba'i skyon can du lo stong phrag drug cu dang sdug bsngal brgyud pa dang gzhan la gnod pa byed pa dang las kyi sgrib pa brgyud pas stong phrag brgyad cu rtsa bzhi'i bar du sdug bsngal myong zhing myong bar 'gyur ro zhes lung bstan pa dang /de nas brgya byin la sogs pa lha'i bu thams cad kyis thos nas shin tu sngangs shing zhes bya ba ni ngag gi sgo nas skrag ste skyo nas zhes bya ba sems kyi sgo nas kha bub tu 'gyel bar gyur to zhes bya ba lus kyi tshul gyis 'gyel bar gyur pa'o//'dis ni mos pa spyod pa'i sa la gnas pa'i brgya byin la sogs pa ston to/ /de nas lha'i dbang po brgya byin gyis 'di skad ces gsol to/ / sdug bsngal chen po brgyud pa 'di las bcom ldan 'das ji ltar thar bar 'gyur/ bde bar gshegs pa ji ltar thar bar 'gyur/ bcom ldan 'das ci nas kyang sdug bsngal gyi phung po 'di las rnam par grol bar 'gyur/ bde bar gshegs pa 'di bskyab tu gsol zhes zhus pa dang / bcom ldan 'das kyis bka' stsal pa/sangs rgyas bye ba phrag brgyad cu rtsa bzhis bshad pa 'di nyon cig ces bya ba ni phrag brgyad cu rtsa bzhi ni nye bar mtshon pa ste/ sangs rgyas grangs med pas bcom ldan 'das la bskul zhing du mar snang ba'i tshul gyis 'di bshad ces bya ba'i don to/ /'dis ni gsang sngags kyi sgo'i spyad pa spyod par 'dod pa rnams kyi lus la dkyil 'khor brtag ces bya ba'i tha tshig go//sbyor ba dang po'i ting nge 'dzin rdzogs so// //de nas zhes bya ba la sogs pas dkyil 'khor rgyal po mchog ston pa ste/ de nas zhes bya ba ni sbyor ba dang po'i ting nge 'dzin gyi rjes thogs la'o//lha'i dbang po brgya byin gyis bcom ldan 'das la zhes bya ba ni/ dkyil 'khor sprul zhing gsang sngags gsung ba'i don du slar yang zhes pa'i don to/ /me tog man+dA ra ba dang zhes bya ba la sogs pa me tog dang rgyan gyi khyad par gyis mchod de bskor ba dang phyag 'tshal ba dang legs so zhes bya bas mnyes par byas nas 'di skad ces gsol to//bcom ldan 'das lha dang bcas pa'i 'jig rten la phan pa dang zhes bya ba tshe phyi ma'i don dang / bde bar bgyi ba dang zhes bya ba tshe 'di'i don dang ma 'ongs pa'i sems can rnams ngan song gi rgyud gsum las thar bar bgyi ba'i slad du zhes bya ba ni/dkyil 'khor yod na dbang dang dam tshig yod pa'i phyir ro/ /legs par bshad du gsol zhes bya ba ni gzugs brnyan gyi dkyil 'khor dang / rang bzhin gyi dkyil 'khor sprul zhing bshad du gsol zhes bya ba'i don to/ /de nas gzhan yang sprul pa'i 'khor tshangs pa la sogs pa lha mang po rnams kyis kyang 'di skad ces gsol to//legs so bcom ldan 'das legs so/ /bde bar gshegs pa ci nas kyang ma 'ongs pa'i sems can rnams kyis mtshan tsam thos pas ngan song gsum gyi lam las rnam par grol te/ bde 'gro lha'i 'jig rten nas mi'i 'jig rten du skyes nas bla na ma mchis pa yang dag par rdzogs pa'i byang chub thob par bgyi ba'i slad du bshad par gsol zhes bya ba ni/dkyil 'khor dang sngags dang 'bras bu 'di rnams dang ldan pas bshad par gsol zhes gsol ba btab pa'o/ /de nas bcom ldan 'das kyis ting nge 'dzin la snyoms par bzhugs so zhes bya bar sbyar ro//ci'i phyir zhe na/ brgya byin dang tshangs pa la sogs pa lha'i bu de dag bzhin gshegs pa thams cad kyi snying po 'og nas 'byung ba byin gyis brlab par bya ba'i phyir zhes bya ba ni/ kha bub tu 'gyel ba bslangs te rgyud sbyangs la dam tshig dang dbang thob par byas nas dkyil 'khor du lha dgod pa'i don du'o//ji lta bu zhig la zhe na/ gdon mi za ba'i zhes bya ba la sogs pa smos te 'bras bu yod cing don yod la mi chod pa'i rdo rje nges pa bskyed pa'i don du ming de skad ces bya'o/ /ting nge 'dzin la snyoms par zhugs pa ni mngon du mdzad pa'o//ting nge 'dzin 'ba' zhig tu zad dam zhe na ma yin te/ oM badzra a d+hi d+hiSh+Tha dz+nyA na sa ma ye hUM/ thugs ka nas phyung ngo zhes bya bar sbyar ro snyoms par zhugs nas gsang sngags gsungs pas lha'i bu rnams kyi rgyud sbyang ba dang dkyil 'khor du zhugs pa bstan to/ /gzhan yang snyoms par zhugs nas kyang gdon mi za bar mi chod pa'i rdo rje'i byin gyi rlabs kyis byin gyis brlabs nas kyang zhes bya bas ni dbang bskur ba bsdu'o//gdon mi za bar zhes bya ba ni dbang bskur ba la the tshom med pa'o/ /mi chod pa'i zhes bya ba ni de'i 'bras bu chos kyi sku'o/ /rdo rje'i byin gyi rlabs kyis zhes bya ba ni bum pa rdo rjer byin gyis brlabs pas so//byin gyis brlabs nas zhes bya ba ni chu'i dbang bskur nas te/ gzhan yang dbang nyi shu rtsa gcig kun gyis bskur ro zhes bya ba'i tha tshig go/ /ngan song thams cad yongs su sbyong ba'i rgyal po zhes bya ba la sogs pa la yongs su sbyong ba'i rgyal po ni rgyu dang 'bras bu dang ngo bo nyid dang rten dang gnas sbyong ba ste thugs yang dag pa'i ye shes so//de ston pa'i sgra la yang nye bar gdags pas de skad ces bya'o/ /de bzhin gshegs pa thams cad kyi snying po 'og nas 'byung ba 'di'o/ /rang nyid kyang nges pa'i ye shes las sgra'i gzugs su phyung ngo zhes bya ba'i don to//oM sho d+ha ni zhes bya ba nas/ shud+d+he swA hA zhes bya ba'i bar ro/ /rig pa chen po 'di bshad ma thag tu ces bya ba ni gsungs pa dang sprul pa'o/ /de'i phan yon sems can zhes bya ba la sogs pas ston to/ /de nas gzhan yang gsang ba'i snying po 'di gsungs so zhes bya ba la/de nas zhes bya ba ni kun rig gi gsang sngags gsungs pa'i rjes thogs la'o/ /gzhan yang zhes bya ba ni slar yang zhes bya ba'i don to/ /gsang ba'i snying po zhes bya ba ni/ thugs dang yon tan dang gsung dang phrin las so/ /de ston pa'i sgra la yang nye bar gdags pas de skad ces bya'o//'di gsungs so zhes bya ba ni 'og nas 'byung ba'o/ /oM shod+hi ni sho d+ha ya sarba a pa yA na zhes bya ba ni ngan song sbyong ba dang / rin chen tog dang / shAkya'i dbang po dang / me tog cher rgyas rnams kyi thun mong gi snying po yin no//sarba sad+ya b+h+ya hUM zhes bya ba dang / haM zhes bya ba dang / tra tha a zhes bya ba ni/ rin chen tog la sogs pa'i khyad par gyi snying po ste phyis 'byung ba las shes par bya'o/ /lha'i dbang po gzhan yang 'di ni de bzhin gshegs pa rnams kyi snying po'o zhes bya ba ni byang chub kyi sems dang sbyin pa dang shes rab dang /brtson 'grus dang snying rje la sogs pa dang bcas pa'o/ /de ston pa'i sgra la yang de skad ces bya'o/ /oM sarba a pA ya bi sho d+ha ne zhes bya ba ni/ sangs rgyas spyan dang / mA ma kI dang / gos dkar mo dang / sgrol ma rnams kyi thun mong gi snying po yin no/ / hUM phaT ces bya ba dang / traM haM aHzhes bya ba ni khyad par gyi snying po'o/ /lha'i dbang po gzhan yang 'di ni de bzhin gshegs pa thams cad kyi snying po dang zhes bya ba ni thugs so/ /nye ba'i snying po'o zhes bya ba ni rdo rje lta bu'i ting nge 'dzin to/ /de ston pa'i sgra la yang de skad ces pa'o/ / oM traT ces bya ba ni sdig pa gzhom pa'i snying po'o/ /lha'i dbang po 'di ni gzhan yang ngan song thams cad sbyong ba'i snying po'o zhes bya ba ni shar gyi gtso bo'i khyad par gyi snying po'o/ /rdo rje sems dpa' nas brtsams te lhag ma rnams kyi bde ba chen po'i dkyil 'khor dang gtsug tor la sogs pa rnams su shes par bya'o//lha'i dbang po gzhan yang mdor na dran pa tsam gyis kyang bsod nams chung ba'i sems can thams cad ngan song gi rgyud thams cad las bde blag tu rnam par grol bar gyur pa ni 'di yin no zhes bya ba ni mdor bsdu na dran pa tsam gyis grol bar 'gyur ba'i rgyu yin te/lha thams cad bskyed pa dang / rgyas gdab pa dang / snying gar dgod pa dang / khrus bya ba dang / kun la mchog tu gyur pa'i rtsa ba'i rig pa ste/ na mo b+ha ga wa te zhes bya ba nas brtsams te/ swA hA'i mthar thug pa'o/ /sarba bid ces bya ba nas brtsams te/ oM b+ha zhes bya'i mthar thug pa rnams tshe 'di'i phan yon la gnas pa'am shi ba'i lus la gdags pa dang bzlas brjod bya ba dang /b+ha dang sha'i don bsgom pa yin te/ de gsungs pa lha'i dbang po de bzhin gshegs pa ngan song thams cad yongs su sbyong ba gzi brjid kyi rgyal po gsang ba'i snying po 'di zhes bya ba la sogs pa gsungs te de ston pa'i sgra la yang de skad ces bya ste/rigs kyi bu'am rigs kyi bu mo gang yang rung bas zhes bya ba ni rgyal rigs la sogs pa du ma ste/ bu'am bu mo gang yang rung bas zhes bya ba ni khyad par gyi dgag pa med pa'o/ /ming tsam nyan tam zhes bya ba ni ming nyid nyan pa'o/ / bcangs sam zhes bya ba ni don dang tshig go/ /bklags sam zhes bya ba ni kha thon nam glegs bam gyis so/ /de 'ba' zhig tu ma zad kyi gro ga la sogs pa la bris nas kyang mgo bo'i gtsug phud dam dpung pa'am mgul du btags te 'chang na zhes bya ba ni tshe 'di nyid la gnas pa'i gdags pa gsum bstan to//de nyid du gsungs pa tshe 'di nyid la bya ba'i don to/ /de nyid kyi phan yon dus ma yin par 'chi ba brgyad dam zhes bya ba la sogs pa smos te/ dus ma yin par 'chi ba brgyad ni mid pa bsgags pa la sogs pa'o/ /dus ma yin pa'i 'chi ba dang / 'brel pa'i rmi lam gyi rnam pa'am zhes bya ba ni/ rmi lam ni gsum ste/ bag chags kyi rmi lam dang ltas bstan pa dang byin gyis brlabs pa'o/ /des kyang mi 'byung la gzhan yang ngan song dang 'brel pa'i mtshan ma de dag thams cad rmi lam du yang mi 'byung na zhes bya ba ni gnyid ma log pa na lta smos kyang ci dgos zhes bya ba'i don to//mnyan pa la sogs pa'i phan yon bshad nas/ dkyil 'khor du ji lta bar zhugs la zhes bya bas zhugs pa'i phan yon ston to/ /zhugs la zhes bya ba la dang por zhugs la zhugs nas dbang bskur nas gong du bshad pa'i snying po bzlas brjod byed cing sngags kyi don bsgom pa gang yin pa zhes bya ba dang /b+ha dang sha'i don bsgom pa'o/ /lta smos kyang ci dgos te zhes bya ba dang phul du byung ba gsungs pa ste bstan pa'o/ /de nyid bshad pa de dag las sdig pa gang yang nye bar mi 'gyur ngan song du 'gro bar yang mi 'gyur ro zhes gsungs so//de ltar tshe 'di la gnas pa'i phan yon bshad nas/ tshe 'das pa rnams kyi phan yon gyi dbang du byas nas/ skyes pa'am bud med dam lha'am klu'am gnod sbyin nam srin po'am/ byol song ngam yi dags sam sems can dmyal ba la sogs te gang yang rung ba shi ba'i lus dkyil 'khor du btsug ste dbang bskur na zhes bya ba ni 'og nas 'byung ba'i tshul gyis dkyil 'khor du bcug cing dbang bskur na zhes bya ba'i don to//de nas cir 'gyur zhe na 'bras bu gsungs pa/ sems can dmyal bar skyes na yang de ma thag par yang thar nas lha'i ris su skye bar 'gyur ro//lha'i ris der skyes nas kyang / de bzhin gshegs pa thams cad kyi chos nyid mngon du byed ces bya ba ni sgro 'dogs pa dang / skur pa 'debs pa dang bral ba'i chos nyid thob ces bya ba'i don to/ /de bzhin gshegs pa thams cad la bsnyen bkur la sogs pa yang byed/ phyir mi ldog par yang 'gyur/ rgyu nges pa can du yang 'gyur/ de bzhin gshegs pa thams cad kyi rigs su yang skye/ sdig pa thams cad rab tu spangs nas de bzhin gshegs pa thams cad kyi rigs sam lha'i rigs sam/ gang yang rung bar bde ba myong bar 'gyur ro zhes bya ba ni de bzhin gshegs pa thams cad la bsnyen bkur byed pa dang /nges par 'byed pa'i cha dang mthun pa la sogs pa phyir mi ldog pa dang / theg pa chen po'i rigs can dang / de bzhin gshegs pa'i dngos grub dang / mchod pa'i sgrib pa la sogs pa spangs pa dang / rigs kyi dngos grub dang / 'jig rten pa'i lha dang /ri lu la sogs pa'i dngos grub gang yang rung ba dang ldan pa'i bde ba thob par 'gyur ro zhes bya ba'i don to/ /lha'i dbang po mdor na/ 'jig rten dang 'jig rten las 'das pa'i phan pa dang bde ba thams cad myong bar 'gyur ro zhes bya ba ni mdor bsdu na 'jig rten dang 'jig rten las 'das pa gnyis su bsdus pas de'i phan pa dang bde ba myong bar 'gyur ro zhes bya ba'i don to//'dis ni dkyil 'khor rgyal po mchog sgom pa rnams kyi khang pa brtsegs ma dang gdan bskyed pa dang / kun rig sprul nas thugs kar zla ba la sngags bkod nas lha rnams sprul pa dang / sprul cing sgrub pa'i sngags 'bras bu dang bcas pa bstan to//ri rab tu sprul pa'i dus ni/ gtso bo grub pa'i dus su 'khor rnams grub pas/ gtso bo dang 'khor sprul pa ma bstan to/ /de nas zhes bya ba nas brtsams te myong bar 'gyur ro zhes bya ba'i bar gyi gzhung gis dkyil 'khor rgyal po mchog gi ting nge 'dzin bstan to//de nas gtso bo dang tha mi dad par bsams te/ bsdu ba dang phyag 'tshal ba dang / ched du brjod pa dang / byin gyis brlab pa dang / yang ched du brjod pa dang / dbang blang ba dang / dgug gzhug bya ba dang / rgyas gdab pa dang / kun gyi phrin las gcig la sbyar ba dang / kun gyi de kho na nyid bsdus pa dang / gsang zhing sra ba'i mchog mthon po las bstan pa bzhin shes par bya'o/ /las kyi rgyal po mchog gi ting nge 'dzin to// //dam tshig dang dbang thob pas thabs 'di nyid la 'jug par bya ba'i phyir/ de nas zhes bya ba la sogs pas slob dpon gyi las dang /slob ma gzhug pa la sogs pa'i cho ga ston to/ /de nas sngon du bsnyen pa byas pa'i rjes thogs la'o/ /de yang 'dir lo'am/ lo phyed dam/ zla ba gcig gam/ lha rnams grub nas zhes bya ba'i don to/ /lha rnams kyi dbang po brgya byin gyis 'di skad ces gsol to zhes bya bar sbyar ro//ci zhig byas nas she na/ bcom ldan 'das la de bzhin du bskor ba byas nas zhes bya ba'i don to/ /bcom ldan 'das bshad du gsol zhes bya bar sbyar ro/ /ci'i slad du zhe na/ ngan song gi dbang du gyur pa rnams la phan pa dang bde bar bgyi ba dang ci nas kyang sems can de dag ngan song thams cad kyi sgo las rgyab kyis phyogs par bgyid pa dang /bla na ma mchis par yang dag par rdzogs pa'i byang chub bde blag tu rtogs par bgyi ba'i slad du zhes bya ba ni dkyil 'khor bris pas mi rnams la phan pa'i don du ste de'i phyir bshad du gsol zhes bya ba'i don to//rje btsun bshad du gsol zhes bya ba ni khyad par du bod pas gsol ba btab pa'o/ /de nas zhes bya ba ni gsol ba btab pa'i rjes thogs la'o/ /bcom ldan 'das shAkya thub pas zhes bya ba ni/ kun rig nyid mi yul du shAkya thub par gyur pa la dgongs nas de skad ces bshad de nges so//de bzhin gshegs pa thams cad kyi ngan song thams cad yongs su sbyong ba'i ye shes zhes bya ba ni der nges pa'i ye shes te/ dbyer mi phyed pas rdo rje zhes bya la dkyil 'khor gyi de kho na nyid de/ de la dmigs pa'i ting nge 'dzin la yang de skad ces bya'o/ /de'i snyoms par zhugs pa ni mngon du mdzad pa ste de mdzad nas so//de bzhin gshegs pa thams cad kyis ngan song thams cad yongs su sbyong ba'i gzi brjid kyi rgyal po zhes bya ba'i dkyil 'khor chen po 'di gsungs so zhes bya ba dkyil 'khor ni gzugs can dang gzugs med pa la gzugs med de rang gi dkyil 'khor gnyis su med pa'i ye shes so//de yang chos kyi bcud kyi snying po 'byung ba'i phyir dang snying po lan pa'i phyir de skad ces bya'o/ /chen po zhes bya ba ni chos kyi dbyings sngon du 'gro bas ye shes gzugs sku dang bcas pa'o/ /'di zhes bya ba 'og nas byung ba 'di'o gsungs so zhes bya ba ni bka' stsal pa'o//gsungs pa'i rang gi ngo bo bstan pa'i phyir/ /sangs rgyas kun gyi byang chub sems/ /bla na med pa rtogs 'gyur ba'i/ /rgyal bas gsungs pa'i ye shes gang / /de ni dkyil 'khor snying por gsungs/ /zhes bya ba yin te/ sangs rgyas kun gyi byang chub sems/ zhes bya ba ni gnyis su med pa'i ye shes so/ /bla na med pa zhes bya ba ni spros pa dang bral ba'o/ /rtogs 'gyur ba'i zhes bya ba ni khong du chud pa'o/ /de nyid ye shes zhes bya bas ston te sus gsungs she na/ rgyal bas gsungs pa'i zhes bya ba smos so/ /de ni dkyil 'khor snying por gsungs/ / zhes bya ba ni nges par gzung ba ste de nyid ces bya ba'i don to/ /dkyil 'khor snying por gsungs zhes bya ba ni dkyil 'khor gyi rang bzhin du bshad pa'o/ /rang bzhin du bshad pa de yang 'di yin te/ mi mnyam pa med pas zur bzhi yin no/ /dran pa nye bar gzhag pa bzhi dang / yang dag par spong ba bzhi dang /rdzu 'phrul gyi rkang pa bzhi dang / dbang po lnga zhes bya ba ni sgo bzhi yin no/ /bsam gtan rnams la rta babs bzhi/ /zhes bya'o/ /gzugs rnams la kha khyer la brten pa'i lha mo rnams zhes bya'o/ /bsam pa thams cad yongs su rdzogs pa 'dul ba bskyod pa'i rang bzhin ni/ rlung gis dar 'phan bskyod nas sgra sgrogs pa zhes bya'o/ /ye shes me long zhes bya'o/ /byang chub kyi yan lag me tog gi phreng ba zhes bya'o/ /mi zad pa'i bde ba dra ba dang dra ba phyed pa dang / rin chen mchog nyi ma dang zla ba zhes bya'o/ /rnam par thar pa brgyad dkyil 'khor brgyad ces bya'o/ /theg pa chen po mdo sdes bskor ba ni rdo rje theg pa zhes bya'o//'khor lo ni chos kyi 'khor lo zhes bya'o/ /de yang ji skad du/ mi mnyam med pas zur bzhi ste/ /dran dang dbang po sgo bzhi yin/ /bsam gtan rnams kyang rta babs yin/ /kha khyer la brten rdo rje mchog /lha mos mchod pas gzungs rnams yin//sna tshogs pa yi rgyan rnams kun/ /bsam pa thams cad rdzogs pa yin/ /gdul bya bskyod pas sna tshogs mchog /dam chos mchog ni kun du 'gro/ /rlung gis bskyod nas sna tshogs mchog /dar 'phan dril bu sgra sgrogs ni/ /me long ye shes rtags me tog /dra ba dra phyed rin chen mchog /nyi ma zla ba yang dag ldan/ /kun grub mi zad bde ba ste/ /bde ba chen po zhes bshad do/ /de yi nang rim dag gi thig /dkyil 'khor brgyad pa 'dra ba ni/ /'di na rnam par thar pa brgyad/ /dngos grub kun gyi bde ba ster/ /theg pa chen po byang chub sems/ /mdo sde'i 'khor lo bskor bas na//rdo rje thig gis yongs bskor ba/ /rdo rje 'khor lo yang dag bri/ /zhes pa dang / chos kyi 'khor lo 'dra ba la/ /lte bar bcas shing rtsibs bcu drug /ces gsungs pa'i phyir ro/ /yang de nyid kyi byang chub sems kyi 'bras bu dang bsdu ba'i dngos po bzhi dang /sems can gyi don la chags pa dang / byang chub sems dpa' kun mgu bar byed pa'i tshul ni rdo rje sems dpa' dang / rgyal po dang / chags pa dang / legs pa'o/ /ji skad du/ byang chub sems kyi 'bras bu ni/ /sangs rgyas ye shes bla med gang / /de ni rdo rje sems rang bzhin//chos dang longs spyod sprul pa'o/ /zhes pa dang / bsdu ba yi ni dngos po bzhi/ /bcom ldan 'das kyis gang spyad pa/ /sems can 'gugs pa'i thabs zhes pa/ /rdo rje rgyal po yang dag 'byung / /zhes bya ba dang / sems can smin phyir bcom ldan gyis/ /gang tshe byang chub spyod pa spyad//byang chub spyod la rjes chags pa/ /rdo rje chags par yang dag 'byung / /zhes pa dang / sangs rgyas thams cad mnyes byed cing / /legs so zhes bya rab ster byed/ /byang chub sems dpa' kun mgu byed/ /de ni rdo rje legs par brjod/ /ces gsungs pa'i phyir ro/ / gnyis su med pa'i ye shes de nyid sbyin pa'i pha rol tu phyin pa dang mi shes pa'i mun nag 'joms pa dang / chos kyi rgyal mtshan chen po dang / byang chub sems dpa' kun dbugs 'byin pa go rims bzhin du rdo rje rin chen dang / gzi brjid dang / rgyal mtshan dang bzhad pa bzhi yin te/ ji skad du/byang chub sems dpa'i sbyin pa gang / /mkha' mnyam rin chen lta bu ste/ /rdo rje rin chen skal ba che/ /des na rdo rje rin chen brjod/ /ces pa dang / ma rig ling tog 'khor ba yi/ /mi shes mun pa 'joms byed cing / /thar pa'i snang ba gzi brjid che/ /de ni rdo rje gzi brjid do//zhes pa dang / rgyal mtshan sangs rgyas kun rang bzhin/ /thar pa'i lam 'gro rgyal mtshan de/ /chos kyi rgyal mtshan rgyal mtshan che/ /de ni rdo rje rgyal mtshan brjod/ /ces pa dang / rnal 'byor chen po rdo rje bzhad/ /sangs rgyas thams cad bzhad byed cing / /byang chub sems dpa' kun dbugs 'byin//de ni rdo rje bzhad par brjod/ /ces gsungs pa'i phyir gnyis su med pa'i ye shes de nyid sems can gyis rtogs par byed pa'i rgyu dang / shes rab chen po dang / chos kyi 'khor lo dang / tshig dang bral bas smra ba ste/ bzhi po go rims bzhin du rdo rje chos dang rnon po dang / 'khor lo dang smra ba ste/ ji skad du/ rnal 'byor chen po sangs rgyas chos/ /sangs rgyas sems can rtogs byed pa/ /dag pa de bzhin gshegs snying po/ /de ni rdo rje chos su brjod/ /ces pa dang / shes rab rnon po ye shes che/ /shin tu sdug pa'i nyon mongs gcod/ /shes bya'i sgrib pa gcod pas na//de ni rdo rje rnon por brjod/ /ces pa dang / 'khor lo sangs rgyas gar shes pa/ /chos kyi 'khor lo shin tu brtan/ /dam chos sgrol ba'i bcud las byung / /de ni rdo rje rgyu zhes bya/ /zhes pa dang / sangs rgyas kun gyi chos chen po/ /mkha' mtshungs tshig dang bral ba ste/ tshig med tshig las yang dag byung / /zhes gsungs pa'i phyir ro/ /gnyis su med pa'i ye shes nyid sems can smin pa dang grol ba dang theg pa dman pa spong ba dang / nyon mongs pa thams cad zad pa dang de bzhin nyid phyin ci ma log pa ste go rims bzhin du/ rdo rje las dang srung ba dang / gnod sbyin dang / khu tshur zhes bya'o/ /ji skad du/ sems can smin dang grol ba yi/ /sangs rgyas kun gyi las gang dang / /sangs rgyas las ni bdag med pa/ /de ni rdo rje las zhes bya/ /byang chub sems dpa' srung ba ste/ /theg pa dman pa spang byed cing / /rtse mo nas ltung srung byed pa/ / de ni rdo rje srung bar bshad/ /sdig pa thams cad zad byed cing / /nyon mongs thams cad nges par gcod/ /srid pa zad byed gnod sbyin che/ /de ni rdo rje gnod sbyin brjod/ /ces pa dang / bden zhing gzhan min de bzhin nyid/ /'gyur med de kho na nyid gang / /sangs rgyas de bzhin nyid ye shes/ / de ni rdo rje khu tshur brjod/ /ces gsungs pa'i phyir ro/ /gnyis su med pa'i ye shes de nyid sbyin pa dang tshul khrims dang / bzod pa dang / brtson 'grus dang / bsam gtan dang / shes rab dang / thabs dang / smon lam rnams ni/ lA s+ye dang / mA le dang / gI rti dang / ni rtI dang / d+hU pe dang / puSh+pe dang / A lo ke dang / gan+d+he zhes bya ba rnams so/ /ji skad du/ gang phyir mchog tu rol pas na/ /sgeg mo sbyin pa'i pha rol phyin/ /byang chub yan lag 'bras ster bas/ /phreng ba tshul khrims pha rol phyin/ /zhes pa dang / zhi ba'i chos la rjes mos pas/ /glu ma bzod pa'i pha rol phyin//zhes pa dang / sangs rgyas mchod la mi skyo bas/ /gar ma brtson 'grus pha rol phyin/ /zhes pa dang / thar pa mchog ni dga' sgrub pas/ /bdug pa shes rab pha rol phyin/ /sangs rgyas nyid 'bras rgyu yin pas/ /me tog bsam gtan pha rol phyin/ /zhes pa dang /rdo rje mar me thabs chen po/ /smon lam rdo rje byug pa dang / /zhes gsungs pa'i phyir ro/ /gnyis su med pa'i ye shes de nyid byang chub kyi sems kyi mtshan nyid 'gugs par byed pa dang / byang chub kyi spyod pa'i zhags pa dang theg pa chen por 'ching ba dang / chos thams cad skye ba med par 'bab pa ste go rims bzhin du/lcags kyu dang / zhags pa dang / lcags sgrog dang / dril bu'o/ /de yang ji skad du/ byang chub sems kyis 'gugs pa ni/ /rdo rje lcags kyur yang dag brjod/ /byang chub spyod pa la spyod pa/ /rdo rje zhags par de bshad do/ /theg pa dman pa srung byed pa//rdo rje lcags sgrog de bshad do/ /rab tu 'od gsal skye med pa//rdo rje dril bur de bshad do/ /zhes gsungs pa'i phyir ro/ /yang gnyis su med pa'i thugs de nyid snying rje dang / byams pa dang / dga' ba dang / btang snyoms dang bzhi ni go rims bzhin du/ sangs rgyas spyan ma dang / mA ma kI dang / gos dkar mo dang / sgrol ma rnams zhes pa yin no/ /ji skad du/ sangs rgyas spyan ni byams pa che/ /mA ma kI ni snying rje che/ /dkar mo dga' bar rab tu brjod/ /btang snyoms che dang thabs che bar/ /sgrol ma zhes ni brjod pa yin/ /zhes gsungs pa'i phyir ro//gnyis su med pa'i ye shes nyid byang chub kyi sems dang / tshogs dang / shes rab dang / byang chub kyi spyod pa zhes bya ba bzhi go rims bzhin du ngan song sbyong ba dang / rin chen tog dang / shAkya'i dbang po dang / me tog cher rgyas so/ /ji skad du/ byang chub tu ni sems bskyed dang //de bzhin tshogs dang shes rab dang / /byang chub spyod pa rab spyod pa/ /rgyal po bzhir ni yang dag 'byung / /zhes gsungs pa'i phyir ro/ /ye shes de nyid chos thams cad gcig tu bsdus pa ni/ bcom ldan 'das rnam par snang mdzad do/ /ji skad du/ dbus su rnam par snang mdzad ces/ /chos rnams gcig tu bsdus pa yin/ /zhes gsungs pa'i phyir ro/ /'dis ni 'bras bu de nyid las ldog pa'i tshul gyis tha dad pa yin gyi ngo bo nyid kyis tha dad pa yod pa ma yin no/ /'dis ni gzhan yang gsang sngags kyi sgo'i spyad pa spyod par 'dod pa rnams kyis dkyil 'khor gyi de kho na nyid thog mar shes par gyis shig ces ston to//de ltar nang gi dkyil 'khor gzugs med pa gsungs nas/ da ni de nas zhes bya ba la sogs pas phyi'i dkyil 'khor gzugs dang bcas pa bstan to/ /de nas zhes bya ba ni bar ma chad pa'o/ / yang zhes bya ba ni sdud pa'o/ /bcom ldan 'das kyis sems can thams cad la thugs brtse ba'i slad du zhes bya ba ni mi rnams la phan pa'i don du'o/ /phyi'i dkyil 'khor zhes bya ba ni/ /gzugs dang bcas shing thams cad 'jug tu rung ba'o/ /'di gsungs so zhes pa ni/ mi rnams la phan pa'i don du bshad do//gtsug lag khang dang skyed mos tshal/ /mchod rten lha khang kun ra sogs/ /ji bzhin pa yi cho ga yis/ /gnas ni byin gyis brlab pa brtsam/ /zhes bya ba ni gtsug lag khang dang / mchod rten dang lha khang dang kun dga' ra ba dang 'bab chu'i 'gram dang /grong khyer gyi shar dang / byang gi phyogs kyi char ram gang du yid dang mthun pa'i gnas su'o/ /de nas/ dkyil 'khor bri ba'i don du ni/ /tshigs bcad 'di ni bsgrag par bya/ /sa la rgyu ba'i lha kun dang / /gang zhig sa la brtan pa kun/ /byams pa'i sems kyis gnas nas su//sems can kun la dge don du/ /kun dga'i don du zhu zhing mchis/ /de nas ji ltar 'tsham bzhin du pus mo nub tsam 'og tu brkos la/ gyo mo la sogs pa bsal la/ spyan dang rdo rje gnod sbyin dang / /bdud rtsi 'khyil pa'i sngags kyi chus bsang gtor bya/ khru tshad kyis che chung brtag par bya/ba'i chu dang lci bas byug /sa gzung ba dang sbyang ba'i cho ga'o/ /de nas gos dang rgyan sna tshogs kyis brgyan/ khrus byas lus dri chus byugs/ rdo rje gnod sbyin du bskyed/ mig gnyis su ma dang Ta las zla ba dang nyi ma dgod/ rkang pa la a las sna tshogs rdo rje bskyed/lag pa gnyis kyis rdo rje dril bu bzung ste yi ge hUM gi sgra sgrogs shing / g.yas nas bskor la dengs zhes brjod/ mtshams dang ra ba dang dra ba dag kyang bya/ bdud dang sdang ba bzlog /de nas phur bu byin gyis brlabs la phur bu gdab par bya'o/ /'dis ni/ ji bzhin pa yi cho ga yis/ /zhes bya ba'i don to/ /de nas sbyor ba dang po dang / dkyil 'khor rgyal mchog dang / las rgyal mchog bsgoms la dkyil 'khor nam mkha' la bteg/ /lha'i gnas su tsan+dan la sogs pa'i zlum po dang / gru bzhi'i thig le bya/ dkyil 'khor brtags pa bsdus/lcags kyu la sogs pas dgug gzhug bya/ bgegs bskrad pa dang / ra ba dang / dra ba bya/ sgo bcad srung ba brtan par bya/ mchod yon dbul ba sngon du 'gro bas phyag rgya bzhis rgyas gdab/ mchod pa rnams kyis mchod rang rang gi sngags ci mang du bzlas te/ bum pa lhag par gnas pa dang slob ma lhag par gnas pa dang / phyi rol du gtor ma sbyin pa dang / nye reg dang / sbyin sreg dang / mchod cing gsol ba gdab pa la sogs bya'o/ /'di tsam gyis ni/ gnas ni byin gyis brlab pa brtsam/ /zhes bya ba'i don yin no/ /byin gyis brlabs pa'i gnas der ni//zhes bya ba ni de nyid du'o/ /phyi yi dkyil 'khor bri bar bya/ /zhes pa ni dkyil 'khor gyi sgo gnyis pa'o/ /phyogs kun mnyam pa grwa dang bcas pas gru bzhi pa la phyogs kyi cha re re zhing sgo bzhi yod pas sgo bzhi pa zhes bya'o/ /rta babs bzhi dang ldan pa dang / /them skas bzhi yi phreng ba dang //seng ge ba glang rnams kyis brgyan/ /zhes bya ba ni/ phyogs re re na rta babs re dang / them skas phreng ba dang / seng ge ba glang rnams kyis mdzes par byas pas de skad ces bya'o/ /dar dang lnga ldi do shal phreng / /dril bu dang ni rdza mas brgyan/ /zhes bya ba ni dar gyi lnga ldi dang /mu tig gi do shal dang / me tog gi phreng ba dang / dril bu g.yer kha la sogs pa dang / rnga mas mdzes par byas pa la de skad ces bya'o/ /rdo rje rin chen pad+ma dang / /rgya gram pa yi phyag rgyas brgyan/ /zhes bya ba ni shar phyogs su rdo rje/ lhor rin po che/ nub tu pad+ma/ byang du rgya gram gyi phyag rgyas brgyan cing sprul pa'o/ /srad bu rgyan dang ldan pa dang / /phyi yi sgo khyud rnams kyis brgyan/ /zhes bya ba ni tshangs thig gnyis dang / zur thig gnyis dang / shar phyogs dang / nub dang / byang dang / lho phyogs kyi thig ste brgyad dang ldan pa dang / sgo khyud ni mdzes pa dang /rjes su mdzes pa zhes bya ba ni rtsig par ston pa'i cha gnyis te de rnams kyis brgyan pa'o/ /dgu yi char ni bgos pa las/ /zhes bya ba ni nang gi dkyil 'khor gnas gru bzhi pa cha dgu dang ldan par bgos pa las so/ /sgo dang sgo khyud sum char bya/ /zhes bya ba ni sgo dang sgo khyud la cha chen gcig gnas par byas pas sum cha'i yang sum char 'gyur ro//rdo rje srad bus thig gdab po/ /zhes bya ba ni rdo rje srad bur byin gyis brlabs pas gdab bo/ /dbus kyi dkyil 'khor thig gdab pa/ /zhes bya ba ni dbus kyi yang dbus kyi thig gdab pa'o/ /chos kyi 'khor lo dra ba la//zhes bya ba ni rdo rje dang mtshon cha'i 'khor lo lta bu ma yin pa chos kyi 'khor lo 'dra ba'o/ /yang na lte ba dang rtsibs rten dang rtsibs dang gsum chos kyi 'khor lo gsum dang 'dra ba'o/ /yang na stong pa nyid bcu drug chos yin la de yang 'khor lo ni 'dra ba'o/ /lte bar bcas shing rtsibs bcu drug /ces bya ba ni lte ba dang / rtsibs rten dang bcas shing / rtsibs bcu drug tu grangs nges pa'o/ /rim pa gsum dang ldan pa la/ /zhes bya ba ni lte ba'i rim pa dang / rtsibs rten gyi rim pa dang / rtsibs kyi rim pa dang ldan pa'o/ /rtsibs ni nyis 'gyur nyid du bya//zhes pa ni/ rtsibs byang chub sems dpa'i gnas yin pas gtso bo'i gnas pas nyis 'gyur gyis chung bar bya'o zhes bya ba'i don to/ /yang lte ba la bskor ba'i rim pa dang po ni rtsibs rten no/ /gnyis pa ni rtsibs yin pa'i phyir/ rtsibs ni nyis 'gyur nyid du bya/ /zhes gsungs so//'di ni don slar yang gsal bar bya ste/ sa yi cha yid du 'ong bar dkyil 'khor gyi nyis 'gyur gyi tshad la/ mig byin gyis brlab cing bsgril ba dang rang rdo rje sems dpar bskyed de/ grogs po rdo rje las su bskyed nas/ dang po rang shar du bltas te tshangs thig gdab/de'i 'og tu byang du bltas te tshangs thig gnyis pa gdab/ me'i gnas su gnas la shar gyi thig gdab/ rlung gi phyogs su bltas te nub kyi thig kyang gdab/ de nyid du 'dug ste shar du bltas te byang du thig kyang gdab/ me'i mtshams su gnas nas lho phyogs kyi thig gdab/de nyid du 'dug ste rlung phyogs su bltas te tshangs thig gdab par bya/ bden bral gyi phyogs su 'dug ste dbang ldan du kha bltas la zur thig gnyis pa gdab/ de ltar gru bzhir gnas pa la cha chen bcu drug gdab par bya'o/ /tha mar cha chen gnyis par bya'o/ /dbus kyi bcu po gnyis gnyis gdab/nyi shu rtsa bzhi dag tu 'gyur/ /de nas cha phra mo gdab par bya ba ni/ cha chen dgu ru gnas pa la/ /tha mar lnga pa'i phyed bor ba la lhag ma brgyad la bzhi bzhir bgo gsum pa dang de bzhin du lnga pa la yang ngo / /phyi rol gyi sgo dang nang gi sgo khyud dang logs su 'gyur ro/ / lnga pa'i phyed nang du bor nas phyi rol gnyis su gdab/ drug pa la cha bran bzhi btab la bdun pa'i nang rol cha chung gcig gdab bo/ /cha gsum mi gdab/ dgu pa dang bcu pa bcu gcig pa bcu gnyis pa bzhi bzhir gdab bo/ /de nas tshon gyi thig gdab par bya ste/ lnga pa phyed kyi dang po gdab//de nas gnyis dor gsum pa gdab/ /drug pa la yang gdab par bya/ /dgu pa'i nang gi cha gcig gdab/ /yang gnyis dor la cha gcig gdab/ /yang gnyis bzhag la cha gcig gdab/ /ngos dang 'gram dang ya phubs 'gyur/ /lhag ma ni ci rigs par sbyar bar bya'o/ /dbus kyi dkyil 'khor thig gdab pa la/tshangs thig gi phyogs gcig tu bcu gnyis pa yongs su bskor bas rtsibs rten du 'gyur ro/ /de'i nang du phyogs gcig gi bzhi pa btab bas ka bar 'gyur ro/ /rtsibs rten gyi phyi rol gsum dor ba la rtsibs bcu drug tu bya ste/ gtso bo'i gnas pas phyed kyis chung ba nyis 'gyur du bya'o/bzhi pa yongs su bskor bas rdo rje'i phreng ba'o/ /thig gdab pa'i cho ga'o/ /dbus kyi phyogs su kun rig ni/ /dung dang kun+da zla 'dra ba/ /zhes pa ni dkyil 'khor gyi dbus kyi phyogs su bcom ldan 'das rnam par snang mdzad kha dog dung dang kun+da dang / zla ba dang 'dra ba la mchog tu phul du byung ba'o//dbyibs dang gdan dang rgyan ci zhig ce na/ zhal bzhi pa la rdo rje yi/ /seng ge'i gdan la bzhugs pa dang / /ting 'dzin phyag rgyar ldan pa dang / /rgyan rnams kun gyis brgyan pa bri/ /zhes gsungs so/ /zhal bzhi pa la zhes bya ba sku gcig la zhal bzhi'o/de yang 'og nas de'i spyan sngar ngan song kun 'dren shar phyogs la gsungs pa'i phyir ro/ /seng ge'i gdan la zhes pa seng ge dang pad+ma dang zla ba la'o/ /rdo rje'i bzhugs pa dang zhes sbyar ro/ /'dis ni rdo rje skyil krung gis bzhugs par bstan to/ /ting 'dzin phyag rgya ldan pa dang //rgyan rnams kun gyis brgyan par bri/ /zhes bya ba ni ting nge 'dzin gyi phyag rgya dang dbu rgyan la sogs pas brgyan par bri ba dang / gzhag pa dang dgod ces bya ba'i don to/ /bcom ldan 'das rnam par snang mdzad de'i spyan sngar te/ shar du ngan song kun sbyong ba'i rgyal po bri ste phyag gnyis ting nge 'dzin du bsnol ba kha dog ji lta bu zhe na/zla ba rgyas dang ba mo'i mdog /rgyan ji lta bu zhe na/ rgyan rnams kun gyis legs rdzogs la/ /rgyal mchog skyes bu gang ba bri/ /zhes bya ba ni/ rgyal mchog gang bas mtshan dang dpe byad rang bzhin gyis brgyan par bstan la/ snga mas ni gsal ba'i rgyan ston to/ /rgyab tu shAkya'i rigs dbang po/ /gtso bo thub pa bri bar bya/ /zhes bya ba ni nub kyi phyogs su shAkya thub pa kha dog dmar po chos kyi 'khor lo'i phyag rgya can bri bar bya'o/ /g.yon dang g.yas kyi phyogs char ni/ /rgyal mchog rin chen me tog gnyis/ / zhes bya ba ni lho dang byang du'o/ /rin chen me tog kha dog sngon po mchog sbyin gyi phyag rgya can dang / byang phyogs su me tog cher rgyas kha dog ljang gu mi 'jigs pa'i phyag rgya can bri zhing dgod par bya'o/ /'di dag gi gdan yang glang po che la sogs pa ji skad du bshad pa bzhin shes par bya'o//lo tsa na dang mA ma kI/ /de bzhin gos dkar sgrol ma rnams/ /rang gi rigs kyi mtshan ma bzhin/ /grwa yi phyogs ni kun du bri/ /zhes bya ba ni/ sangs rgyas spyan dang / mA ma kI dang / gos dkar mo dang / sgrol ma rnams rang gi rigs gtso bo'i kha dog dang mtshan ma can dang /rdo rje dang / pad+ma dang / ut+pal rnams go rims bzhin du phyag g.yas na 'dzin cing / grwa'i phyogs kun du bri bar bya'o zhes bya ba'i don to/ /rtsibs kyi nang ni thams cad du/ /rdo rje sems sogs sems dpa' mchog /rdzu 'phrul che ba'i sems dpa' rnams/ /go rims bzhin du bri bar bya//zhes bya ba ni rtsibs bcu drug pa'i nang thams cad du rdo rje sems dpa' la sogs pa 'bras bu'i byang chub sems dpa' rdzu 'phrul che ba rnams dbang ldan gyi mtshams nas brtsams te go rims bzhin du bri bar bya zhes bya ba'i don to/ /mkhas pas lA s+ye la sogs pa/ /mchod pa grwa yi phyogs su bri//zhes bya ba dkyil 'khor gyi mdog dang / /dbyibs la bya bas lA s+ye la sogs pa mchod pa brgyad nang gi grwa dang / phyi rol gyi grwar bri zhes bya ba'i don to/ /sgo yi phyogs ni thams cad du/ /zhes bya ba ni shar la sogs pa bzhir/ sgo ba bzhi ni bri bar bya/ /zhes bya'o/ /rta babs khyams ni thams cad du//zhes bya ba ni kyang zhes bya ba'i don to/ /des ni 'di ltar 'gyur te/ nang gi dkyil 'khor gyi rta babs kyi gnas dang / nang gi khyams nyid kyi nang du bri zhes bya ba ste bstan pa'o/ /de nyid bshad pa/ byams pa la sogs bri bar bya/ /zhes bya ba la sogs pa gsungs te nang gi khyams nyid du byams pa la sogs pa bcu drug bri bar bya'o//rta babs kyi gnas kyi khyams la/ rim pa gsum gyi rang bzhin bri/ /zhes te dang po la 'khor ba gcod mdzad la sogs pa bcu drug bri bar bya'o/ /gnyis pa la/ nyan thos rgyal ba thams cad dang / /zhes bya ste/ nyid kyi gcung tshe dang ldan pa dga' bo la sogs pa bcu drug bri bar bya'o//gsum pa la nyon mongs 'joms pa 'jigs med gdung ba sel ba la sogs pa bcu gnyis bri bar bya'o/ /khro bo mngag pa pho nya rnams/ /bri bya yang na ming yang rung / /zhes bya ba ni khro bo nyid mngag pa yang yin la pho nya yang yin pas de skad ces bya'o//bri'am yang na ming yang rung / /zhes bya ba ni 'dra ba'am ming de yi ger dgod pa'ang rung ste phyag mtshan du dgod par bya zhes bya ba'i don to/ /'dis ni dkyil 'khor rgyal po mchog bsgom pa ston to/ /shar phyogs kyi sgor 'jig rten gsum snang dang 'jig rten gsum 'jig go//lho phyogs kyi sgor 'jig rten gsum mthar byed dang 'jig rten gsum 'dul lo/ /nub phyogs kyi sgor bdud rtsi 'khyil pa dang / be con sngon po'o/ /byang phyogs kyi sgor mi g.yo mgon po dang rta mgrin bri bar bya'o/ /phyi yi dkyil 'khor phyi rol du/ /zhes bya ba ni sngar bstan pa de nyid kyi phyi rol du mu ran dkar po bri zhing /de nyid kyi bar du/ gling bzhi po ni bri bar bya/ /'dzam bu'i gling du tshangs pa bri/ /byang phyogs su ni dbang phyug che/ /shar dang nub kyi gling du ni/ /brgya byin gtogs 'dod thams cad kyang / /'khor dang bcas pa bri bar bya/ /zhes bya ba ni/ shar phyogs su brgya byin 'khor dang bcas/lho phyogs su tshangs pa 'khor dang bcas/ nub phyogs su gtog 'dod 'khor dang bcas/ byang phyogs su ma hA de ba 'khor dang bcas pa bri bar bya'o zhes bya ba'i don to/ /gzhan rnams dag kyang de bzhin te/ /zhes bya ba ni/ brgya byin nas brtsams te dbang ldan gyi mthar thug par 'khor dang bcas pa bri bar bya'o//de nyid kyi 'khor bshad pa lha min zhes bya ba la sogs pa'o/ /lha min zhes bya ba sum brtsegs dang / rab sim dang / he ran ke shu dang / kun du snang ba la sogs pa'o/ /dri za'i rgyal po yul 'khor srung la sogs pa'o/ /nam mkha' lding gser mig la sogs pa'o//gnod sbyin nor 'dzin la sogs pa'o/ /srin po u ba karni purna la sogs pa'o/ /gzhan yang de bzhin du lto 'phye chen po dang / yi dags dang / 'dre rnams dang / klu dang / sbrul dang / ri rnams dang / rgyal po chen po bzhi rnams dang / gza' dang /rgyu skar dang / khro bo ma rungs pa 'tshe ba'i bgegs dang / bi na ya ka rnams dang / sems can kun la phan par byed pa'i drang srong skal ba chen po rnams dang / mkha' 'gro ma'i bud med rnams dang / srin po rnal 'byor ma rnams dang / 'byung po bzhi'i lha chen po rnams dang / khyim dang ri dang /kun dga' ra ba dang / nags tshal dang / dur khrod na gnas pa dang / grong khyer na gnas pa rnams kyang bri ste ming du gzhag pa dang / phyag rgyar gzhag pa dang / thig le tsam du bri bar bya ste/ 'khor 'di rnams kyi kha dog la sogs ma bshad do/ / 'dis ni 'di skad ston pa yin te/ thig btab pa'i rjes thogs la'o/ /tshon gyi las rnams byas nas/ tshon dgye ba sngon du 'gro bas lha rnams gzhag cing 'khor rnams ni ming dang / phyag rgya dang / thig le tsam du bris kyang 'grub par 'gyur ro zhes ston to/ /de nas zhes bya ba la sogs pa la mkhas pas gzhag ces thams cad la sbyar bar bya'o//de yang dkyil 'khor la mchod pa'i phyir/ bla re dang / rgyal mtshan dang / lhab lhub dang / gdugs dang / rnga ma dang / lda ldi dang / 'phan dang sna tshogs pa'i na bza' dang / gser las byas pa'i bya brgyad dang bcu drug gam/sum cu rtsa gnyis kyang rung ba dang / dbang bskur ba'i bum pa chus bkang ba lnga dang / me tog dang / mar me dang / gtor ma'i bum pa dang / mdzes pa'i bshos la sogs pa dang / bza' ba dang / btung ba legs par sbyar ba dang / bca' ba sna tshogs pa dang / gnod sbyin srin po'i kha zas su gtor ma rnam pa sna tshogs pa dang /'byung po kun dang / klu rnams dang / lha dang / mi dang / mi ma yin gyi kha zas su me tog dang / dri sna tshogs dang / 'o ma dang / mar dang / li kha ra dang bcas pa gzhag par bya'o/ /slob ma dang bdag dbang bskur ba'i don du rnam par rgyal ba'i bum pa dri'i chus rab tu bkang ba rdo rje sems dpa'i spyan sngar gzhag par bya'o//las thams cad pa'i bum pa ni shar phyogs kyi sgor gzhag par bya'o/ /bum pa lhag ma rnams ni phyi rol gyi 'khor yug rnams la gzhag par bya'o/ /gzhan yang chos klog pa bzhi phyogs bzhir gzhag par bya'o//de ltar dkyil 'khor kun du legs par bkod nas dgongs ka'i dus nas brtsams te/ de nas zhes bya ba la sogs pas lha rnams mchod pa ston te/ khrus la sogs pa byas nas zhes bya ba ni dang por khrus bya/ gnas bsrung rkang pa bkrus te nye reg bya/ sngon du bdag bsrung ba la sogs pa 'gro bas rgyan gdags dris byug /rdo rje 'dzin mas zhugs nas bskor ba bya/ chad pa dang lhag pa zhi bar bya/ sgo phye la zhes bya ba'i don to/ /de nyid dri dang phreng mchog phreng ba can/ /dri zhing kha bkang mchog mdzes pa/ /rdo rje 'dzin mas zhugs nas kyang / /zhes bya ba'i don yin no//kyang zhes bya ba'i don ni bsdu ba ste/ dang po'i sbyor ba dang / dkyil 'khor rgyal mchog dang las rgyal mchog bsgoms la/ mchod pa gsang ba bzlas brjod bya/ /hUM mdzad nga rgyal gyis sgo phye/ /zhes bya ba'i don to/ /yang / me tog thogs te sgo phyogs 'dug /gtso bo rgyal ba sras kyi 'khor//mang po rnams ni spyan drangs te/ /zhes bya ba ni gtso bo'i rnal 'byor dang ldan pas dpung par se gol brdab pa byas la/ dzaHhUM baM hoHzhes brjod de spyan drang ngo zhes bya ba'i don to/ /phyag rgya sngags dang bdag ldan pas/ /lcags kyu la sogs bdag sbyor zhing / /zhes bya ba ni/bdag phyag rgya dang sngags dang ldan pa'i sgo nas lcags kyu la sogs pa'i las bya zhing ngo / /ci zhig spyan drang zhe na/ dzaHhUM baM hoHthugs rje'i bdag /tshur gshegs zhes ni brjod nas kyang / /zhes bya ba gsungs so/ /gsang ba'i bcing ba bcings nas ni/ /zhes bya ba ni dam tshig dang / chos dang las dang phyag rgya chen po rnams kyis rgyas btab pas/ dam tshig gi bcing bas bcings zhes bya ba'i don to/ /phyag rgya gang zhig gis dgug pa la sogs pa'i las bya ba mdzub mo gnyis zhes bya ba la sogs pa smos te/ mdzub gnyis lcags kyu'i tshul du bya/ /zhes bya ba ni mkhrig ma gnyis bsnol te/mthe'u chung lu gu rgyud du sbrel/ mdzub mo gnyis lcags kyu'i tshul du bya ba ni lcags kyu'o/ /mkhrig ma gnyis mdud pa byas pa/ /zhags pa bzhin du sbyar nas kyang / /zhes bya ba'o/ /de la lcags sgrog tshul du bya/ /zhes bya ba ni mdzub mo gnyis gdu bur bcings pa'o/ / mdzub mo gnyis slar nang du bkug nas bskyod par gyur na dbang du 'gyur zhes bya ba ni dril bu'o/ /de nas mtshan ma skyes te mgu nas ni/ /thog ma tha ma med par mngon sum mthong / /zhes bya ba ni/ de nas zhes bya ba ni bar ma chad pa ste/ spyan drangs lcags kyu la sogs pas las byas/ bgegs bsal mchod pa dbul ba sngon du 'gro bas phyag rgya bzhis rgyas gdab/ dbang bskur ba'i rjes thogs nyid la zhes bya ba'i don to/ /mtshan ma skyes te zhes bya ba ni/ bsgom pa dang bzlas pa bya bar bstan to/ /de'i 'bras bu khyad par mthong nas mgu nas ni/ thog mtha' med par dngos po thams cad mngon par shes pa skyes pas mthong bar 'gyur ro zhes bya ba'i don to/ /de nas mthong ba la sogs pa'i lha rnams la/ ar+g+has mchog bstabs gsang la sogs pa yi/ /dbyangs snyan pa yi bstod pa'i lha rdzas kyi/ /mchog gi dam pa rnams kyis legs par mchod//ces bya ba ni/ ar+g+ha byin gyis brlabs pa dang / gsang ba lA s+ye la sogs pa brgyad dang / bstod pa rnams dbyangs snyan pas 'bul zhing / lha rdzas kyi mchog dam pa gong du bshad pa bum pa la sogs pa rnams kyis legs par mchod do zhes bya ba'i tha tshig go/ /'di skad du ston pa yin te/dang po rdo rje 'dzin ma dang dpal gyi lag gnyis lta bur bcings nas me tog gi phreng ba thogs te/ yid kyis dkyil 'khor du zhugs la chad pa dang lhag bzhi par bya/ /me tog gi phreng ba dor/ mgo la bcing ngo / /oM badzra satwa hUM zhes kyang rgyun mi chad par bzlas pa bya/ hUM mdzad kyi nga rgyal dang ldan pas sgo bzhi phye/khrus byas dri dang phreng ba la sogs pa'i rgyan rnam pa sna tshogs kyis brgyan/ sa ma ya s+t+waM/ zhes brjod de stan thog tu 'dug /lce lag pa byin gyis brlab pa nas brtsams te/ srung ba'i 'khor lo thams cad rdzogs par bya la/ sems can thams cad la phan pa'i phyir nam mkhar dkyil 'khor bsgom par bya'o//de nas dril bu stong pa'i bdag tu brtag pa dang / mchod pa rnam pa lnga dang / sdig pa thams cad bshags pa la sogs pa lha dang lha ma yin gyis mchod nas mi snang bar gyur pa dang / bsam gtan dang gzugs med pa'i snyoms par 'jug pa mngon du byas nas/'og min du byin nas mngon par byang chub pa lngas rdo rje dbyings su bskyed de byin gyis brlab pa dang / dbang bskur ba sngon du 'gro ba dang bcas te snying ga'i dkyil 'khor du/ ngan song sbyong ba la sogs pa byas nas dkyil 'khor lus la brtags te/ nam mkha'i phyogs su gnas nas/ri rab dang khang pa brtsegs pa la sogs pa bskyed de thabs dang shes rab kyis bdag nyid zhu ba las/ kun rig gi skur gyur nas/ thugs ka'i zla ba la lha thams cad bskyed pa las tha mi dad par bsams te bsdu ba sngon du 'gro bas/ phyag dang ched du brjod pa dang / dkyil 'khor du zhugs nas byin gyis brlabs nas yang ched du brjod pa dang /rnal 'byor pas dbang blangs shing / lcags kyu la sogs pas las bya zhing phyag rgya bzhis rgyas btab nas/ ngan song thams cad sbyong ba'i las la sbyar te/ mchod pa bsangs la bzlas par bya ba brjod cing / hUM mdzad kyi nga rgyal dang ldan pas sgo phye ste/gtso bo'i sbyor bas sangs rgyas rnams bsdus la/ lcags kyu la sogs pas las byas la/ rdo rje gnod sbyin gyis bgegs bsal la/ ra ba dang dra ba byas la/ rdo rje khu tshur gyis sgo bcad de/ bsrung bas brtan par byas la/ mchod yon dbul ba sngon du 'gro bas lha thams cad kyi dam tshig gi phyag rgya dang /chos kyi phyag rgya dang / las kyi phyag rgya dang / phyag rgya chen pos rgyas btab la/ /lha thams cad dbang bskur ba'i phyag rgya rnams kyis dbang bskur te/ sgom pa dang bzlas brjod mthong snang gi bar du byas la mthong ba gsal ba dang / ar+g+ha la sogs pa mchod pa rnam pa lnga dang brgyad dang bstod pa dang /byang chub sems dpa' bcu drug la sogs pa rnams kyis spa ra Na khaM zhes bya bas dbul bar bya'o zhes bya ba'i don to/ /de nas 'byung po kun gyi gtor ma bya/ /sems can bkres shing skom la btung ba dang / /phyogs na gnas pa rnams la rnam par brtag /de yi gtor ma ji ltar mthun par bya/ /zhes bya ba ni dngos grub gsol ba'i lha rnams mchod pa de nas 'byung po kun zhes bya ba sems can thams cad kyi dkar gsum gyis gtor ma byas te sems can bkres pa la bza' ba dang zhes sbyar/ skom pa la btung ba dang / phyogs skyong phyogs na gnas pa rnams spyan drangs te gtor ma sbyin/'khor rnams la de'i gtor ma ji ltar mthun zhing 'tsham par sbyin par bya ste/ de yang phyi rol du gtor ma sbyin par bya ste/ 'bras chan me tog chu dang bcas/ /zhes bya ba la sogs pa la/ a kA ro zhes bya ba la sogs pas byin gyis brlabs nas 'phags pa dpung bzang [(]kyis [,]gis [)]zhus pa las 'byung ba ltar gtor ma sbyin par bya'o zhes bya ba'i don to//de nas nye reg dang 'thor 'thung byas la/ thab khung du me tog gis lha rnams spyan drangs la mar gyi dgang blugs la sogs pa phul la slar spyan drangs te/ bdag ming 'di zhes bgyi ba yi/ /rdo rje slob dpon dka' thub che/ /sems can kun la phan pa'i phyir/ /slob ma rnams ni gzhug par bgyi/ /zhes brjod par bgyi'o/ /'di tsam gyis ni slob dpon gyi las kyi cho ga ston to/ /de nas sngags pa zhes bya ba la sogs pas slob ma gzhug pa la sogs pa ston to//de nas zhes bya ba ni snga ma bzhin no/ /sngags pas bla na med pa'i byang chub kyi/ /gnas su slob ma yongs su smin par bya/ /'gro la phan phyir myur du byang chub sems/ /de dag byang chub mchog sems bskyed du gzhug /de rnams byin brlab byang chub smon lam gdab/ / zab cing rgya che ba yi chos bsgrags la/ /srung ba byas nas brtul zhugs sdom gnas pa/ /zhes bya ba ni 'gro ba la phan pa'i phyir myur du byang chub tu 'gyur ba dang / byang chub mchog tu sems bskyed pa dang / rdo rje sems dpar byin gyis brlab cing bskyed pa dang / sdig pa bshags/ rjes su yi rang bskul/gsol ba gdab/ lam bsgom/ phyag 'tshal ba la sogs pas smon lam gdab pa dang / lhag par gnas pa'i dus su zab cing rgya che ba'i chos bsgrags la/ srung skud btags pas srung ba byas nas lhag par gnas pa dang / dkyil 'khor du gzhug pa'i dus su brtul zhugs dang sdom pa la gnas pa zhes bya ba'i don to//rang gi kha nas sngags zlos gzhug par bya/ /dar la sogs pas mig gnyis g.yogs nas ni/ /rdo rje 'dzin mar dpal gyi lag gnyis sbyar/ /me tog rin chen la sogs de brgyan la/ /g.yon gyis lag pa bkang ste gzhug par bya/ / zhes bya ba ni slob dpon rang gi kha nas sngags brjod cing slob ma gzhug par bya ba dang / dar dang ras dmar pos stod g.yogs dang smad g.yogs byas shing mig gnyis g.yogs nas rdo rje 'dzin mar dpal gyi pad+mor lag pa gnyis byas la/ me tog la sogs pa'i phreng bas brgyan la yon 'bul du gzhug par bya'o zhes bya ba'i don to//gzhug pa'i sngags bstan pa ni sngags ni 'di rnams yin no zhes bya ba nas/ sa ma ye hUM zhes bya ba'i bar ro/ /de nas sngags 'dis me tog la sogs pa dor bar bya'o zhes bya ba nas sa ma ya s+t+waM zhes bya ba'i bar gyis me tog dang rin po che la sogs pa dor ba bstan to//dor nas ci zhig byed ce na/ dngos grub tu 'gyur ba ni lha bzung zhing bsgrubs pas 'grub po zhes/ me tog rin chen la sogs pa/ /gang la bab pa rigs kyi lha/ /gtso bo'i rigs de bsgrubs nas ni/ /dngos grub 'gyur te the tshom med/ /ces gsungs so/ de nas sngags la mkhas pa yis/ /zhes bya ba slob dpon gyis/ sngags 'dis dam tshig sbyin par bya/ /zhes bya ba ni/ sngags 'di brjod pa sngon du 'gro bas sbyin par bya ste/ oM zhes bya ba nas/ hUM zhes bya ba'i bar ro/ /de nas 'dis dam tshig bsgrag par bya'o zhes bya ba nas/ bdag gi de nyid dang ni sngags sogs de bzhin no//zhes bya ba'i bar 'di'i don ni/ slob dpon gyi dam tshig bsgrag par bya ba dang / 'di ni dmyal ba'i chu yin te/ /dam tshig nyams na sreg par byed/ /dam tshig bsrungs na dngos grub thob/ /ces gsungs pa ni/ yang cis te dam tshig 'das na sngar zhugs pa'i ye shes kyi sems dpa' gshegs shing khros pas kyang rang gis brtsams pa bu dang tsha bo la sogs pa brlag par mdzad de/skyon de ltar gnas pa de bas na/ rtag tu khyod kyis dam tshig dang bla ma'i bka' mos pas bsrung bar bya'o/ /bsrung bar bya ba de nyid gang yin na srog gcod pa dang /ma byin par len pa dang / brdzun dang / 'dod pa log par spyod pa dang / chang btung ba dang / sha la sogs pa bza' ba spang / /sems can gnod par sbyor ba rnams kyang mi bya/ dkon mchog gsum mi spang / dus kun du byang chub kyi sems dang / snying po dang / sngags dang / phyag rgya dang / lha dang bla ma mi spang / sdig pa'i las mi bya/ bla ma'i bka' las mi 'da'/ lha la phul ba'i rnying pa dang / bla ma'i grib ma dang / phyag rgya'i gzugs la mi 'gom/ sngags dang lha la mi smad/ gzhan la gnod pa drag po mi bskul/ mu stegs can la mi smad/ dam pa'i chos la som nyi dang yid gnyis mi bya/bdag gi de nyid dang sngags dang phyag rgya la sogs pa la yid gnyis mi bya ba'o zhes bya ba'i don to/ /'di'i slar yang bsgrub pa'i rim pa ni 'di yin te/ bslab pa lnga yongs su gzung ba'am/ dge sbyong ngam dge slong gi sdom pa yongs su gzung ba lhag par gnas pa'i cho ga ji lta ba bzhin du byas pas/slob dpon gyi zhabs gnyis la phyag byas te 'di skad ces brjod par bya'o/ /dga' chen khyod bdag ston pa bas/ /slob dpon khyod ni dgongs su gsol/ /byang chub sems dpa'i tshul bstan pa/ / mgon po de ring bdag 'tshal lo/ /dam tshig chen po de nyid gsol/ /sdom pa rnams kyang bdag la gsol/ /de nas yol ba'i mthar rdo rje srung ba yongs su bzlas pa'i ras shin tu dmar bas stod g.yogs smad g.yogs bskon zhing / sgo srung bzlas pa'i dar dkar gyi gdong g.yogs bcings la phyag byed du gzhug go//me tog thogs pas yang slob dpon la phyag byas la/ sdig pa bshags pa dang / rjes su yi rang ba dang bskul ba dang / gsol ba gdab pa yang byas la 'di skad ces brjod par bya'o/ /gtso bo bdag la sdom pa gsol/ /thub pa'i nyi ma lus pa//sangs rgyas bdag la dgongs su gsol/ /bdag ming 'di zhes bya ba ni/ /slob dpon dpang du gnas pa la/ /sangs rgyas rol mo las byung ba/ /mi ldog 'khor lo'i 'byor par ldan/ /thar pa chen po'i grong khyer mchog /gsang ba chen por 'jug par bgyi/ /gsang ba'i rigs mtho thams cad du//slob dpon bdag ni 'jug par mdzod/ /mi ldog pa yi dbang bskur ba/ /skal ba chen po bdag la gsol/ /mtshan rnams kun gyis rab brgyan cing / /dpe byad rnams dang yang dag ldan/ /sangs rgyas sku ni yid 'ong ba/ /slob dpon chen po bdag la stsol/ /dbang bskur chen po rmad byung ba//sems can kun gyi don bgyid phyir/ /bdag ni rtag tu slob dpon 'gyur/ /slob dpon chen po bdag la stsol/ /de nas slob dpon gyis rigs la gsol ba gdab ste/ che ge zhes bya 'di nyid ni/ /byang chub sems ni yongs 'dzin pa/ /dam tshig mchog dang gsang ba yi//'khor lo 'dir yang 'jug par 'tshal/ /de nas slob dpon gyis 'di skad brjod par bya'o/ /gsang ba chen po'i rigs dag pa/ /gsang ba chen po 'dzin par ni/ /bdag nyid chen po khyod 'dod dam/ /des kyang 'tshal zhes brjod par bya/ /de nas/ ji ltar dus gsum mgon po rnams/ / zhes bya ba nas/ sems can mya ngan 'das la dgod/ /ces bya ba'i bar du brjod par bya'o/ /yang oM sarba yo ga tsit+ta ut+pA da yA mi zhes bya bas byang chub tu sems bskyed nas/ snying gar rdo rje bzhag nas/ su ra te sa ma ya staM ho badzra sid+d+hi ya thA su khaM/ de nas badzra satwa/ zhes zlos shing rdo rje sems dpa'i dam tshig gi phyag rgyas/rdo rje sems dpar byin gyis brlabs la/ rigs kyi dam tshig gi phyag rgya bzhis snying ga la sogs pa bzhir byin gyis brlabs la/ dri dang me tog la sogs pas mchod la yon gyi mchog phul te/ phyi rol na gnas pa'i bum pas dbang bskur la/ sa ma ya staM zhes bya bas rdo rje 'dzin ma dpal gyi lag pa gnyis su shes par bya ste/me tog gi phreng ba thogs la/ oM badzra a d+hi tiSh+Tha hUM/ oM badzra sa ma ya hUM/ oM badzra pra be sha badzra hUM/ a sa me tri sa me ma hA sa ma ye hUM zhes bya ba 'dis gzhug par bya'o/ /de nas sgo dbye ba'i phyag rgyas snying gar phye la/ rang gi snying ga na gnas pa'i rdo rje'i dbus na yi ge a rdo rje dmar po'i 'od zer gyi phreng ba dang ldan par bsams nas/slob ma'i snying ga na gnas pa'i rdo rje'i dbus su blos bcug la lus thams cad gang bar bsams shing / de bzhin gshegs pa thams cad kyis byin gyis rlobs la/ rdo rje sems dpa' bdag la 'bab par gyur cig ces smrar gzhug go//de nas sems ma rdo rje 'dzin ma'i phyag rgya bcings la/ 'di ni rdo rje dam tshig ste/ /rdo rje sems dpa' yin par grags/ /rdo rje ye shes bla med 'di/ /da lta nyid du 'bab par shog /ces brjod du bcug la/ badzra a be sha a a a a A/lan brgya'i bar du bzlas shing dbab par bya'o/ /de nas snang ba dri bar bya'o/ /me tog gi phreng ba hUM pra tIts+tsha badzra hUM zhes bya bas dor/ yang na/ sangs rgyas dngos grub thob bya'i phyir/ /zhes bya ba la sogs pa smos pas dor ro/ /de nas mgo la bcing ba ni/ /oM pra ti gr-ih+Na swa mi maM/ satwa ma hA ba la zhes bya'o//dam tshig bsgrag par bya ste/ 'di ni khyod kyi dmyal ba'i chu/ /zhes bya ba nas/ bdag gi de nyid dang ni sngags sogs de bzhin no/ /zhes bya ba brjod do/ /de nas oM badzra hA s+yod g+ha Ta ya hUM zhes bya bas gdong g.yogs dgrol/ oM badzra pA sh+ya hUM zhes bya bas dkyil 'khor bstan/tiSh+Tha badzra zhes bya ba la sogs pas 'jug pa'i phyag rgya snying gar dgrol lo/ /de ltar slob ma dkyil 'khor du gzhug pa bshad nas/ dbang bskur bar bya ba'i phyir mos pa brtan pa dang ldan pas dam bca' zhing / sarba bid kyis ji ltar dbang bskur te//bum pa la sogs ji snyed mang thogs pas/ /bcu po rnams kyis dbang bcu ci dgar bskur/ /de nas lag tu dril bu rdo rje sbyin/ /'khor lo la sogs rin chen bdun thogs la/ /mi dbang dbang phyug 'khor lo thogs pa dang / /sdig pa gzhom phyir dbang ni bskur bar bya/ /zhes bya ba ni sdom pa 'dzin pas mos pa brtan pa dang ldan par dam bcas nas/oM sarba bid a b+hi Shiny+tsa zhes brjod cing / ji ltar gsungs pa'i bum pas dbang bskur zhing / gzhan yang dbu rgyan dang dar dpyangs la sogs pa'i phreng ba dang / phyag rgya dang / rdo rje dang / las kyi rdo rje dang / 'khor lo dang /thabs shes rab gnyis su med pa gsang ba dang shes rab ye shes rnams kyis dbang bskur ba ji snyed thogs pas/ bcu po rnams kyis dbang bcu ci dgar bskur ro/ /de nas lag pa g.yon du dril bu g.yas su rdo rje byang chub kyi sems dang stong pa nyid du brtags la sbyin/ 'khor lo rin po che la sogs pa rin po che sna bdun thogs la/oM badzra rat+na a b+hi Shiny+tsa zhes brjod cing dbang bskur bar bya'o/ /de'i phan yon ni/ mi dbang dbang phyug 'khor lo ste/ /'khor los sgyur ba'i rgyal po 'thob par bya ba'i phyir dang / 'dis ni rin po che sna bdun gyi 'bras bu bstan to/ /thams cad kyi thun mong gi 'bras bu ni/sdig pa gzhom phyir dbang ni bskur bar bya/ /zhes bya'o/ /de nas bka'i dbang bskur ba dang / las kyi dbang bskur ba yang sbyin te phyis bshad par bya'o/ /de ltar na dbang nyi shu rtsa gcig tu 'gyur ro/ /ci'i phyir ji lta bu zhig ce na/ 'khrud par byed pas brtan par byed pa'i bdag nyid kyi ngo bo dang phyir mi ldog pa'i sa bon la bya'o//sngags bsgrub phyir du mos ldan slob ma la/ /sngags pas bka' ni rab tu bsgo bar bya/ /zhes bya ba nas brtsams te/ brtser ldan dngos grub myur du 'grub/ /ces bya ba'i bar gyis sngags bsgrub pa'i phyir slob dpon gyis bka' rab tu bsgo zhing /slob mas bla ma la yon phul te dam tshig sbyin pa bstan te go sla ba'i phyir ma bshad do/ /slar yang 'di dag gi don bshad par bya ste/ shar phyogs kyi sgo dang nye bar pad+ma dkar po la gnas pa'i 'khor lo rtsibs brgyad pa legs par bris la/ de la slob ma rang gis lhar bskyed nas/dri dang / bdug pa dang / me tog dang / lha bshos dang / mar mes yang dag par mchod de/ bkra shis kyi tshigs su bcad pa 'don cing / rnam par rgyal ba'i bum pa las rdo rje khu tshur gyis chu blangs la/ oM sarba bid a b+hi Shiny+tsa maM/ zhes bya ba'i sngags 'dis/ spyi bo nas dbang bskur bar bya'o//de nas rdo rje 'dzin pa'i bum pa dang / shar phyogs kyi ngan song sbyong ba'i bum pas dbang bskur zhing / oM badzra ka la sha a b+hi Shiny+tsa hUM zhes bya ba dang / gtso bo'i bum pas dbang bskur zhing / bud+d+ha ka la sha a b+hi Shiny+tsa oM zhes bya ba dang / rin chen tog gi bum pa dang / oM rat+na ka la sha a b+hi Shiny+tsa trAM zhes bya ba dang /shAkya'i dbang po'i bum pa dang / oM pad+ma ka la sha a b+hi Shiny+tsa hrIHzhes bya ba dang / me tog cher rgyas kyi bum pa dang / oM karma ka la sha a b+hi Shiny+tsa aHzhes bya bas dbang bskur bar bya'o/ /de nas rin po che la sogs pa'i rgyu las byas pa'i dbu rgyan dang de bzhin gshegs pa'i rigs sam bde bar gshegs pa'i sku gtso bo yin na rin po che'i myu gu/oM badzra a b+hi Shiny+tsa hUM/ bud+d+ha oM/ rat+na trAM/ pad+ma hriH/ karma aHzhes byas pas/ oM dang a b+hi Shiny+tsa brjod pas dbang bskur bar bya'o/ /de nas rin po che la sogs pa'i phreng bas dbang bskur ba/ oM rat+na mA le a b+hi Shiny+tsa traM traM traM traM/oM pa Ta bA laM pa na a b+hi Shiny+tsa traM zhes brjod par bya'o/ /de nas rang gi dam tshig gi phyag rgya bcings la/ oM bud+d+ha mu dra a b+hi Shiny+tsa oM/ dbus su'o/ /oM badzra mu dra a b+hi Shiny+tsa hUM shar du'o/ /lho nub byang rnams su trAM hrIHaHgzhan 'gre/ phyag rgya'i dbang bskur ba'o//de nas dang po'i rdo rje bcings la/ oM badzra nA ma a b+hi Shiny+tsa hUM/ oM traM hri aHzhes bya ba brjod de/ ye shes kyi rdo rje'i dbang bskur ba'o/ /las kyi rdo rje sna tshogs lag tu byin la/ oM karma badzra a b+hi Shiny+tsa aHzhes bya bas las kyi rdo rje'i dbang bskur ro/ / chos kyi 'khor lo rkang pa'i bar du bcug la/ oM badzra tsakra a b+hi Shiny+tsa hUM b+h+rUM/ oM tsakra a d+hi pa ti s+t+waM/ a b+hi Shiny+tsa oM hUM traM hri aHzhes gsum du rigs kyi dbye bas brjod par bya'o/ /'khor los dbang bskur ba'o/ /de nas rdo rje dril bu gnyis 'khyud pa'i tshul du bzung la/ oM badzra d+ha ra na a b+hi Shiny+tsa hUM/rin po che'i dril bu rin chen rdo rje dang 'khyud pa/ oM rat+na d+ha ra na a b+hi Shiny+tsa traM/ pad+mo'i rdo rje dril bu dang / pad+ma d+ha ra na a b+hi Shiny+tsa hri/ sna tshogs rdo rje dril bu dang / karma d+ha ra na a b+hi Shiny+tsa aH/ de bzhin gshegs pa'i rdo rje'i dril bu dang / oM sarba ta thA ga ta rat+na a b+hi Shiny+tsa oM zhes bya ba rigs tha dad pa'i sgo nas thabs dang shes rab gnyis su med par dbang bskur bar bya'o//de nas oM sarba ta thA ga ta gu h+ya a b+hi Shiny+tsa oM zhes brjod de sku'i gsang ba/ oM badzra gu h+ya a b+hi Shiny+tsahUM zhes brjod de thugs kyi gsang ba/ oM rat+na gu h+ya a b+hi Shiny+tsa traM zhes brjod de/ yon tan gyi gsang ba/oM pad+ma gu h+ya a b+hi Shiny+tsa hri zhes brjod de/ gsung gi gsang ba/ oM karma gu h+ya a b+hi Shiny+tsa a a a zhes brjod de/ phrin las kyi gsang ba'o/ /gsang ba'i dbang bskur ba sbyin pa'o/ /de nas chos thams cad ni skye ba med pa nyid bstan cing / oM pra dz+nyA sa ma ya a b+hi Shiny+tsa hUM a/ zhes bya bas shes rab ye shes kyi dbang bskur bar bya'o//de nas ras sam gro ga la sogs pa la/ 'khor lo rin po che la sogs pa bdun bris la/ oM rat+na a b+hi Shiny+tsa zhes dbang bskur ro/ /de nas lag pa g.yas par rdo rje byin la/ sangs rgyas rnams kyi rdo rje'i dbang / /di ring khyod la bskur bar bya//sangs rgyas kun du rab bsgrub phyir/ /rdo rje 'di ni khyod kyis long / /oM badzra a d+hi pa ti s+t+waM a b+hi Shiny+tsa mi tiSh+Tha badzra sa ma ya s+t+waM zhes bya bas sbyin par bya'o/ /aHzhes bya bas dril bu bskyed la sbyin par bya'o/ /de nas gdengs ka'i dbang bskur bar bya'o/ /oM sarba ta thA ga ta A dz+nyA te dA si mi gr-ih+Na badzra su sid+d+ha ye/oM badzra tiSh+Tha hUM/ rjes su gnang ba'o/ /yang lag tu rdo rje byin la/ las kyi dbang bskur bar bya ste/ oM sarba karma Ni ku ru bud+d+ha nA ma hUM zhes brjod de brtul zhugs sbyin no/ /de ltar dbang nyi shu rtsa gcig byin nas slob dpon du 'gyur ro/ /de nas slob dpon dang slob mas dkyil 'khor gyi lha rnams mchod de slob ma rnams yo byad kyis tshim par byas nas bstod cing mchod la dge ba'i rtsa ba bsngo ste/dam tshig gi phyag rgya bkrol nas gshegs su gsol te/ maN+Dal phyags nas/ chu bo chen por dor nas bskor ba bya/ sprul pa'i tshogs lus la bsdu zhing ci bder gnas par bya'o//dkyil 'khor thams cad du 'jug pa'i cho ga'o/ /de ltar dbang dang dam tshig thob pa rnams la dngos grub la bslab par bya'o zhes bya ba'i don 'di bstan par bya ba'i phyir/ de nas bcom ldan 'das kyis zhes bya ba la sogs pa ston to/ /de nas zhes bya ba ni snga ma bzhin no/ / bcom ldan 'das kyis gsungs so zhes bya bar sbyar ro/ /ci'i phyir zhe na/ lha rnams kyi dbang po brgya byin gyis/ lha'i 'jig rten dang bcas pa rnams kyi don dang / phan pa dang / bde ba'i phyir zhes bya'o/ /gang zhig gsungs she na/ sgrub pa'i cho ga 'di zhes bya ba smos te 'di sgrub pas na bsgrub pa ste/byed pa'am rgyu'i cho ga zhes bya ba'o/ /ras la zhes bya ba la sogs pa la/ ras kha tshar bzang po rin la rtsegs pa med par nyos la/ sbyin med pa'i tshon rtsi rnams kyis bcom ldan 'das kun rig sngar bshad pa bzhin du seng ge'i gdan la rdo rje skyil krung gis bzhugs pa/ zla ba ltar dkar ba zhal bzhi pa ting nge 'dzin gyi phyag rgya dang ldan pa/rgyan rnam pa sna tshogs kyis brgyan pa bri bar bya'o/ /g.yas phyogs su ngan song sbyong ba rgyan kun gyis brgyan pa ba mo'i mdog lta bu ting nge 'dzin gyi phyag rgya can bri bar bya'o/ /g.yon phyogs su shAkya thub pa mdog dmar po chos kyi 'khor lo'i phyag rgya can bri bar bya'o//ngan song sbyong ba'i 'og tu spyan ras gzigs dbang phyug mdog zla ba lta bu phyag g.yon na pad+ma bsnam pa phyag g.yas pa pad+ma kha 'byed pa bri bar bya'o/ /shAkya thub pa'i 'og tu phyag na rdo rje mdog nam mkha' lta bu g.yas na rdo rje bsnams shing thugs kar 'jog la g.yon bsnyems pa'o//de gnyis kyi bar du sman gyi lha mdog sngon po phyag g.yon na 'bras bu a ru ra bsnams pa g.yas mchog sbyin can no/ /rta mgrin dang khams gsum rnam rgyal gnyis mdog dmar po dang sngon po rang gi lha la brten par bri/ de gnyis kyi bar du/lo tsa na dang / mA ma kI dang / gos dkar mo dang / sgrol ma rnams rang gi spyan la sogs pa lag tu thogs pa bri/ de bzhin gshegs pa ni rdo rje skyil mo krung gis bzhugs pa'o/ /lha mo ni sems dpa'i skyil mo krung gis bzhugs pa'o/ /de dag gi 'og pad+ma'i rdzing bu dang /de'i nang na chu srin dang / nya dang / rus sbal dang / sbal ba dkar po dang / nya 'khar ba dang / dung dang / pir dang / srog chags du ma yod pa dang / de nas chu las skyes pa'i me tog du ma yod pa dang bcas pa bri bar bya'o/ /bdug pa dang / mar me dang / dri dang / phreng ba dang / gos dang / me tog dang /'bras bu sna tshogs pa bri/ de'i 'og tu sgrub pa po nyid thal mo sbyar te phyag 'tshal ba'i tshul gyis 'dug pa bri/ de nas ri mo'i gzugs de bsnyen pa dang bcas pas mngon par mchod de/ sgrub pa po bdag nyid kyis rab tu gnas par bya zhing mnga' phul/ spyan dbye bar bya ste 'di ni 'di nyid kyi cho ga las shes par bya'o//bden pas byin gyis brlab pa dmigs par bya'o zhes bya ba ni bden pa ste spyan dbye ba'o/ /byin gyis brlab par dmigs pa ste mtshan ma la'o/ /de nas ci ste mtshan ma zhig mthong na ni myur du dngos grub thob 'gyur ro/ /'on te ma mthong na ni ring mo zhig nas dngos grub tu 'gyur zhes bya ba ni mtshan ma las skal ba dang ldan pa dang mi ldan pa'i las so//mtshan ma gang zhig yin zhe na/ bzhad pa dang ni rnga sgra dang / /dril bu'i sgra dang 'brug sgra dang / /zhes bya ba mchog gi mtshan ma dang / de bzhin dge slong bram ze dang / /zhes bya ba'i 'bring gi mtshan ma dang /'bras bu mthong na zhes bya ba mtshan ma tha ma las go rims bzhin du myur du mchog dang bar dang tha mar 'grub ces bya'o/ /de nas gzugs de zhes bya ba la sogs pas bsnyen pa dang sgrub pa dang dngos grub ston te/ gzugs byin gyis brlabs te zhes bya ba ni/ ye shes sems dpa' bcug pas so/ / sngags dang phyag rgyas byin gyis brlabs te dbang bskur nas zhes pa'i don to/ /ci bdog pa yis mchod par bya/ /rtag tu mngon sum 'dug nas kyang / /zhes bya ba ni mchod pa sna tshogs kyis mchod cing / rnal 'byor gyis dus su rgyun mi 'chad par spyan sngar 'dug ces ston to/ /'jig rten gsum las rnam rgyal gyis//bdag srung la sogs byas nas kyang / /bdag gi de nyid dran byed cing / /zhes bya ba ni hUM bzhi'i sngags kyis bdag srung ba dang / khrus kyi cho ga sngon du 'gro bas/ dkyil 'khor lus la brtags pa'i mthar thug pa byas la 'bum phrag gsum mam yang na drug / dngos grub mtshan ma ma byung bar du bzlas par bya'o/ /de nas dben pa'i gnas su ni/ /brgyad brgya nyid du tshang bar bya/ /sngags ni 'khral 'khrul med par bzlas/ /zhes bya ba ni/ gnas dben par snga ma nyid kyi cho gas brgyad brgyar sngags gug skyed dang / tsheg bar la sogs pa chad lhag med par bzlas zhes bya ba'i don to//de ltar bsnyen pa bstan nas/ de nas bzlas pa'i mjug tu ni/ /dkyil 'khor snga ma bzhin bsams la/ /mchod pa rgya cher byas nas kyang / /mtshan gcig thog thag bzlas pa bya/ /zhes bya bas sgrub pa bstan te/ bzlas pa rdzogs pa'i mjug tu dkyil 'khor snga ma bzhin du bsams la/ting nge 'dzin gsum dang ldan pas mtshan thog thag bzlas brjod byas nas 'bras bu bstan pa ste/ ci ste gtso bo'am de yi sras/ /zhes bya ba la sogs pas ston to/ /ci ste gtso bo dang byang chub sems dpa' dang 'jig rten pa mthong ba las dngos grub rab 'bring gsol ba gdab par bya ste/phyag 'tshal nas dngos grub blang bar bya'o/ /gal te 'bring ngam tha ma'i dngos grub mig sman la sogs pa yin na bla ma dang dkon mchog la skal ba re re phul nas lhag ma bdag spyad/ dbul ba'i zhing med na bdag nyid kyis spyad/ mchog gi dngos grub yin na/ sems can la phan par brtson par bskal pa du mar gnas par 'gyur ro/ /ci ste dngos grub 'thob na las thams cad 'grub par 'gyur te/ gnod sbyin rgyu skar gdon la sogs pa tshig tsam gyis bran bzhin du zhi ba la sogs pa'i las byed par 'gyur ro zhes bya ba'i don to/ /sdig pa chen po byas pas sems can dmyal ba la sogs pa'i dbang du gyur pa thabs sla bas grol ba bstan pa'i phyir/de nas zhes pa la sogs pas bstan to/ /de nas lha rnams kyi dbang po brgya byin gyis bcom ldan 'das la 'di skad ces gsol to/ /bcom ldan 'das sdig pa bgyis pas sems can dmyal ba la sogs pa'i dbang du gyur pa rnams ji ltar na dmyal ba la sogs pa'i sdug bsngal spang ba'i slad du bsgrub par bgyi zhes bya ba ni shi ba rnams ji ltar sbyang zhes pa'i don to//bcom ldan 'das kyis bka' stsal pa/ lha'i dbang po nyon cig /sems can dmyal ba la sogs pa'i dbang du gyur pa'i sems can sdig pa chen po byed pa de dag ci nas kyang sems can dmyal ba'i sdug bsngal las thabs sla bas grol bar 'gyur ba nyon cig ces bya ba ni nyon la zung shig pa'i don to/ /thabs de nyid/ de bzhin dkyil 'khor bris nas ni//de ltar yang na bum pa la/ /brgya rtsa brgyad du bzlas nas ni/ /dbang bskur ba ni rab tu brtag /ces bya ba sngar bshad pa bzhin du/ bsnyen pa dang sa'i cho ga dang / lha rnams mchod pa la sogs pa byas nas/ bum pa la sngags bzlas te/ lho sgo'i cho ga sngon du 'gro bas dkyil 'khor du bcug cing sngar bshad pa bzhin du dbang bskur ba zhes bya ba'i don to//de'i 'bras bu/ de nas sdig pa kun sbyangs te/ /dmyal ba la sogs sdug bsngal las/ /de ni myur du thar bar 'gyur/ /sdig las rnam par grol bdag nyid/ /dag par gyur pa'i lha rnams kyi//rigs su skye bar gyur nas kyang / /de ni rtag tu sangs rgyas dang / /chos 'gro ba ni 'thob par 'gyur/ /phyir mi ldog pa'i sa la gnas/ /rim gyis byang chub 'thor bar 'gyur/ /zhes bya ba gsungs so/ /de yang ci zhig las dbang bskur zhe na/ de yi gzugs brnyan bri ba ni/ / gur gum gyis ni ming byang rus/ /zhes bya ba gsungs so/ /de ci'i phyir zhe na/ ngan song kun gyi 'jigs chen las/ /sems can rnams ni dgrol ba'i phyir/ /zhes gsungs te/ su zhig gis she na/ sngags mkhan gzhan la phan brtson zhing / /snying rje can gyis dbang bskur ro/ / zhes bya ba gsungs so/ /des ni thabs dang po bstan to/ /gzhan yang / de nas rnal 'byor can gyis ni/ /sngags dang phyag rgyas de dbang bskur/ /lha yi gzugs su brtags nas kyang / /mchod rten dbus su gzhag par bya/ /zhes bya ba ni gzugs brnyan la sogs pa mdun du gzhag la/ lce dang lag pa byin gyis brlab pa nas bzung ste srung ba'i 'khor lo dang /nam mkhar dkyil 'khor bsgom pa dang mchod pa rnams kyis mchod de/ ji lta ba'i go rims kyis mngon par byang chub pa mngon du byas nas/ phab ste dkyil 'khor bsre ba byas la gzugs brnyan la sogs pa la 'od zer gyis shes pa bcug ste/sdig pa 'joms pa la sogs sngon du 'gro bas rang gi snying gar ji lta ba bzhin du bcug ste/ rdo rje dbyings kyi dbang phyug mas byin gyis brlabs la/ sngags dang phyag rgyas dbang bskur te mchod rten gyi dbus su gzhag par bya'o zhes bya ba'i don to/ /thabs sla ba gnyis pa'o/ /gzhan yang /rang gi lha'am lha gzhan gyi/ /snying po snying gar bris nas kyang / /lha 'dra bar ni sems bskyed de/ /khyim gyi nang du gzhag par bya/ /zhes bya ba ni dbang dang dam tshig thob pa'i rnal 'byor pa shi bar gyur na/ shes na rang gi lha'i snying po snying gar bri/ lha dang 'dra bas sems kyis brtag /ma shes na lha gang yang rung ba'i snying po snying gar bri/ lha dang 'dra bas sems kyis brtag /khyim mam dur khrod dam mchod pa'i nang du gzhug par bya ste/ 'di ni thabs sla ba gsum pa'o/ /gzhan yang / de nas smos nas ni/ gur gum bzang pos sngags bris la/ /rim gyis 'bum ni tshang tsam du//mchod rten las ni rab tu bya/ /sdig can sdig ni zad bya'i phyir/ /bye ba snyed ni tshang bar bya/ /des ni nges par dmyal gnas nas/ /de byas pas ni grol bar 'gyur/ /yi dags byol song sdug bsngal las/ /grol nas lha yi nang du skye/ /zhes bya ba ni/ de'i ming nas brtsams te/sngar bshad pa'i sngags/ oM sarba bid ces bya ba nas/ b+ha zhes bya ba'i mthar thug pa gur gum bzang pos ras sam gro gnag por byas pa la 'bum tshang bar tsai t+ya byas te/ mchod rten gyi las bya'o/ /sdig pa zad par bya ba'i phyir/ /bye ba snyed du gdab par bya'o/ /de ni dmyal ba dang byol song dang yi dags las grol te lha'i gnas su skye'o zhes bya ba'i don to//'di'i don ni cho ga nyid las shes par bya'o/ /thabs bzhi pa'o/ /gzhan yang / de yi ming nas brjod nas ni/ /'bum phrag stong ngam yang na ni/ /brgya phrag stong du tshang ba dang / /bye ba snyed du rab bzlas na//lha yi gnas su skye bar nges/ /zhes bya ba ni sbyor ba dang po dang dkyil 'khor rgyal mchog dang / las kyi rgyal po mchog dang / sgo dbye ba sngon du 'gro bas de'i ming thog mar smos te/ gong du bshad pa'i sngags 'bum phrag stong dang brgya phrag stong tshang ba dang / bye ba snyed du bzlas te dkyil 'khor chen po la mchod pa sngon du 'gro bas mtshan thog thag bzlas na lha'i gnas su nges par skye zhes bya ba'i don to//thabs sla ba lnga pa'o/ /de nas gzhan yang / de yi ming nas brjod nas ni/ /mkhas pas 'bum phrag brgya 'am ni/ /yang na stong phrag brgya snyed du/ /sbyin sreg byas par gyur na ni//zhes bya ba ni/ thab khung ji lta ba bzhin du brkos te/ rdzas gzhag cing bsang ba byas nas rang lhar bskyed de/ chos kyi yi ge las thab khung byin gyis brlabs la/ b+ha dang sha bkod pa'i bud shing brtsigs te rgyun bzhag gi me sbar nas me lha spyan drang ba sngon du 'gro bas dgang blugs la sogs pa phul te 'bar ba dang tha mi dad par 'gyur ba'i me lha'am/yang na me lha'i snying gar rdo rje sems dpa' la dgang blugs la sogs pa phul ba sngags dang ming spel te/ til gyi sbyin sreg mkhas pas 'bum phrag brgya'am/ brgya phrag stong snyed du sbyin sreg byas la/lha rnams gshegs su gsol ba'i cho ga byas nas ni zhes bya ba'i don to/ /de'i 'bras bu ni/ dmyal ba chen por gyur pa yi/ /sdig pa de las thar bar 'gyur/ /zhes bya'o/ /yang dus ji srid du zhe na/ /ji srid mtshan ma shin tu ni/ /'bar ba'i gnas su skye bar 'gyur/ / mtshan ma yang dag 'byung bar du/ /zhes bya ba de srid du'o/ /rdzas ci zhig ce na/ til dang yungs kar 'bras rnams dang / /ba yi 'o mar ldan pa dang / dri yis bskus pa'i yam shing gis/ /cho ga bzhin du sbyin sreg bya/ /zhes gsungs so/ /sdig pa las thar ba'i mtshan ma ni/ de nas de ni nges par yang //lha yi gnas su skyes gyur nas/ /de yi mtshan ma ston par byed/ /yang na lha yi mchog tu 'gyur/ /yang na hom khung nang du ni/ /me yi ltas ni ston byed cing / /lha yi gnas su skye ba dang / /sdig pa bcom pa'i mtshan ma ni/ /dkar po nyid dang g.yas su 'bar/ /gyen du 'bar zhing dri ma med//zlum zhing rnam par mi 'phro la/ /brtan la glog bzhin dri ma med/ /yang na me lha nyid kyis ni/ /bdag nyid de nyid ston byed cing / /zla ba dri med dkar 'dra la/ /gzhan mdog dkar zhing lham mer 'bar/ /des na mtshan ma 'di dag gis/ /dmyal ba la sogs rnam grol zhing //sdig pa bcom nas bde 'gror ni/ /skyes pa yin par shes par bya/ /zhes bya ba ni thar pa'i mtshan ma yin no zhes bya ba'i don to/ /thabs sla ba drug pa'o/ /gzhan yang / khru bzhi pa yi tshad du ni/ /cho ga bzhin du brkos pa la/ /rdo rjes mtha' mar bskor ba yi/ /'khor lo dbus su bri bar bya//rigs lnga yi ni phyag rgya rnams/ /ji bzhin pa yi phyogs su bri/ /ji bzhin sems dpa' rnams kyang ni/ /'jig rten rtse la sogs pa bri/ /zhes bya ba ni dang por stegs bu'i tshad khru sum cu rtsa gnyis la sogs pa brtsigs la/ khru bzhi pa'i smad du zabs su khru do pa'i tshad kyi khung bu brkos la/sor bcu drug pa'i phyi rol du sor bcu drug yod pa'i mtho dman dang ldan pa de la rdo rje rtse gsum pa'i phreng bas bskor/ de'i dbus su 'khor lo rtsibs brgyad pa rdo rje rtse gsum pas bskor ba bri/ lte ba la sogs pa rnams su rigs lnga'i phyag rgya rnams shar la sogs pa ji bzhin pa'i phyogs su rim pa bzhin du bri/de'i phyi rol du 'khor lo rtsibs bcu drug pa/ sems dpa' bcu drug gi rdo rje la sogs pa bri/ de'i phyi rol grwa dang sgo rnams la/ lA s+ya dang lcags kyu la sogs pa'i phyag rgya bri/ khyams kyi nang du byams pa la sogs pa'i phyag rgya bri/ phyi rol gyi khyams la rim pa dang po dang gnyis pa dang gsum pa la rdo rje la sogs pa dang /par bu dang gseg shang dang / 'khor lo rnams bri bar bya'o/ /sgo rnams la khro bo'i phyag mtshan rnams bri bar bya'o/ /'jig rten gtso dang ma mo dang mkha' 'gro ma rnams kyi thig le dang ming du bri bar bya'o zhes bya ba'i don to/ / yang bya dang bum pa gang ba dang / gtor ma'i snod rnams bkang ba brgyad dam bcu drug snyed dag gzhag bza' ba dang bca' ba'i bshos dang / me tog gi phreng ba dang / bla re rgyal mtshan dang / dar dang lda ldi rnams gzhag par bya'o/ /dkyil 'khor dam par sbyin sreg gi phyir gzhag pa yin no//cho ga shes pas bris nas kyang / lha rnams mang po spyan drangs pa/ /zhes bya ba ni cho ga shes pas phyag rgya'i dkyil 'khor bris nas te/ thugs kyi rang bzhin ston cing dngos po mtshan ma bsreg pa ni thugs gtsor gyur pa'i phyir ro/ /kyang zhes bya ba ni lhag chad zhi ba sngon du 'gro bas ting nge 'dzin gsum dang /bzlas brjod byed cing sgo dbye ba bsdu'o/ /lha rnams mang po spyan drangs pa ni/ bsdu zhing lcags kyu la sogs pas las bya'o/ /sngags shes pas ni sngags phyag rgya/ /ar+g+haM phul ba shes pas kyang / /zhes bya ba ni mchod yon dbul ba sngon du 'gro bas phyag rgya bzhis rgyas gdab dbang bskur bas kyang zhes pas ston to//mdor na mchod pa byas nas ni/ /zhes bya ba ni sna tshogs pa'i mchod pa bsdu na mchod par 'dus pas de skad ces bya'o/ /lha yi sbyor bas rab gnas la/ /zhes bya ba ni/ lha'i nga rgyal gyis gnas pa'o/ /de ltar sbyin sreg gi tshe na lha rnams mchod nas rdzas bstan pa'i phyir/ga bur gur gum la sogs pa/ /mar dang 'o ma til bsgos la/ /nas dang yungs kar 'bras rnams la/ /dri yi chus ni legs bkang ste/ /'bras chan spod dang la du dang / /sbrang rtsi kha rar ldan de bzhin/ /brgya phrag du mar yongs bzlas la/ /yam shing la yang de bzhin te//rang gi sngags kyis btab pa'i shing / /khung bu'i nang du gzhug par bya/ /zhes bya ba la rdzas de rnams kun la oM sar+b+ba bid ces bya ba nas/ b+ha zhes bya ba'i bar gyi sngags brgya phrag du mar bzlas shing / sngags de nyid btab pa'i shing la b+ha dang sha bkod pa mchod rten gyi dbus su brtsig par bya ba'i don to//ro'i bya ba bstan pa'i phyir/ dang po re zhig ngan 'gro las dgug cing sdig pa sbyangs la/ bye ma dang nyungs kar gyis sbyangs te khrus byas la/ yangs stegs sngon po'i steng du gzhag pa las bum pa sngon pos bkru zhing mgrin ris dang lam bstan te me tog gi char phab la/slob ma gzhug pa'i cho ga ji lta ba bzhin du dkyil 'khor du bcug la bum pa la sogs pa bsdus te/ 'khor lo rtsibs brgyad dang pad+ma la bzhag nas rang gi lhag pa'i lhar bskyed de/ chu mchog gis bkrus la dris byug cing rgyan sna tshogs pa btags la sngags kyis btab pa'i bdug pa la sogs pas bdug cing mchod pa'i khyad par gyis mchod pa ni/ro la sngags kyis btab nas ni/ /chu mchog gis ni bkru bar bya/ /bzlas pa'i dri yis byug par bya/ /gos dang rgyan gyis bklubs nas kyang / /sngags kyis btab pa'i bdug pas bdug /me tog phreng ba sogs pas mchod/ / ces bya ba 'dis bstan to/ /de 'ba' zhig tu ma zad kyi/ gtsug phud dpung par de bzhin du/ /sngags bri bas ni gdags par bya/ /zhes bya ba ni sngags bris pas gdags pa mdor bstan to/ /snying ga lkog ma kha phyogs su/ /sar+b+ba bid kyis byin gyis brlab/ /ces bya ba ni rdo rje'i phyag rgya bcings te/oM sar+b+ba bid badzra a d+hi tiSh+Tha dz+nyA na sa ma ye hUM/ zhes bya bas snying ga lkog ma'i phyogs la sogs pa rnams su byin gyis brlab pa ste mdor bstan pa'o/ /sngags bri ba dang byin gyis brlab pa gnyis bshad pa ni/ dpral ba mdzod spu rna ba gnyis/ /mgo bo gtsug phud dpung pa gnyis/ /sna dang rked pa pus mo bol//long bu sna yi rtse mo dang / /mig gnyis dang ni gsang ba yi/ /dbang po rnams kyi gnas dang ni/ /de ltar gzhan du yi ge sngags/ /mchog tu dge ba rnams bshad do/ /zhes bya ba ni/ gnas bco brgyad du 'god pa ste/ /yi ge zhes bya ba b+ha dang sha'o/ /sngags zhes bya ba sarba bid la sogs pa'o//mchog tu dge bar byed pas na de skad ces bya'o zhes bya ba'i don to/ /de nas ro bsreg pa'i rang lhar gyur pa tsam zhig lus pa'i phyir ngan song sbyong ba'i phyir lhar bskyed pa ste/ 'dis ni kun rdzob mi 'gag pa dang don dam par mtshan ma las 'das pa shes par bya ba'i phyir ro//yang na don dam par shes par bya ba'i phyir/ skra dang thal ba la sogs pa bsreg pa'i rdzas su dbul ba ni/ rgyud phyi ma las ston to/ /de nas lhar bskyed de/ de nas ngan song sbyong ba'i phyir/ /stan dang bcas te thab dbus su/ /bzhag pa nyid du bya ba yin/ /de nas sngags 'chang sngags kyis ni//btab pa'i gos kyis g.yogs par bya/ /zhes bya ba yin no/ /me dang mchod pa'i bya ba bstan pa'i phyir de nas byin rlabs zhes bya ba la sogs pa smos te ro dbus su bzhag la de nas byin za dge ba rgyun bzhag gi me blangs la/ rlung yab kyis sbar la rang gi chos kyi yi ges thab khung byin gyis brlabs te mar gyis sbar la/byin za de yang ji lta bu yin zhe na/ me lce stong gis dkrigs shing 'bar ba'i lus su gnas pa la zla ba ltar dkar zhi ba'i lus so/ /bsams pa'am zhe na mtha' yas pa'i me bkug la zhes bya ba'o/ /de nas ar+g+has mchod/blo mchog ldan pa'i mdun du gzugs mchog gzhag /'bras bu 'thob par 'dod pas me tog gis ni de bzhin gshegs pa spyan drangs la/ mchod yon sngon du 'gro bas mchod pa lngas mchod de/ de nas me lha la bsreg bya rnams kyis mchod par bya ba'i phyir ro/ /de nas bsreg bya rnams kyis lha thams cad la brgya rtsa brgyad dang /gtso bo la nyi shu rtsa gcig brtag /de nas me lha gtso bo la sogs pa gshegs su gsol te yo byad lan gsum gsum dbul/ de nas phyag na rdo rje pad dkar zhal/ ar+g+ha la sogs pas mchod de/ de yang phyag na rdo rje dang pad+ma 'dzin cing gnyis kyis zhags pa bsnams pa/khams gsum rnam rgyal gyi gzugs zhabs kyi pad+mo dang ma hA de ba u ma de ba dang bcas pa mnan pa rgyan rdzogs pa/ sangs rgyas kyi dbu rgyan can bsams sam yid kyis bris pa'ang rung / de'i snying po hUM zhes bya ba dang / tshe 'das pa shAn+tiM ku ru zhes bya ba dang til gyis sbyin sreg byas nas/stong ngam bye ba'i tshad du'am/ mtshan ma byung ba de srid kyi bar du sbyin sreg byas la/ sdig can gyi rgyud dag par shes nas me lha'i phyag rgya dgrol de gshegs nas me lha mchod de bzod par gsol de nas gshegs su gsol bar bya'o/ /de ltar mchod pa bya ba bstan nas thal ba'i bya ba bstan pa'i phyir/de nas thal bar gyur pa dang / /rdo rje bsdu ba'i sngags kyis ni/ /zhes bya ba saM ha ra na badzra zhes bya bas so/ /cho ga bzhin du bsdu bar bya/ /thal ba de dang rus pa rdul/ /sngags kyis btab pa'i dri chu dang / /ba skyes 'o ma la sogs lngas/ /sbyong ba'i sngags kyi blo ldan gyis//'bum du bzlas pa brjod nas ni/ /ga bur dri dang bsgos pa yis/ /'dag pa dang ni bsres nas kyang / /gzugs su bya ba'am yang na ni/ /mchod rten gyi ni lhar byas nas/ /gcig gam gnyis sam gsum mam lnga/ /yang na brgya rtsa brgyad du'am/ /sngags dang phyag rgyas btab nas kyang //'bum phrag nyis brgya'i bar du bzlas/ /zhes bya ba la gzugs su zhes bya ba sku gzugs su'o/ /sngags dang phyag rgyas btab ces bya ba spyan dbye ba byas nas zhes bya ba'i don to/ /de'i mtshan ma ni/ de nas mchod rten 'bar 'gyur tam/ /zhes bya ba la sogs te de lta bu mthong bar 'gyur ro zhes bya ba'i don to//ci ste mtshan ma de dag ni/ /sdig can blo yis ma mthong na/ /zhes pa ni/ rnal 'byor pa rgyud ma dag pas ma mthong na'o/ /'bum gyi phrag ni brgya stong ngam/ /ji srid mtshan ma byung bar du/ /de bzhin gshegs pa mchod nas ni/ /mnyam par gzhag pas bzla bar bya//de yi mthar ni mkhas pas kyang / /mtshan gcig thog thag mi nyal bzlas/ /zhes bya bas ni sdig pa shin tu che bas dang po dang gnyis pa la mtshan ma ma mthong na 'bum phrag brgya bzlas brjod byas te mtshan thog thag mi nyal bar bzlas zhes bya ba'i don to/ /sgrib pa shin tu chung ba rnams ni ro bsreg pa'i dus su'o//sdig pa can rnams ni 'bum phrag nyis brgya'i dus na'o/ /shin tu sdig che ba rnams ni 'bum phrag stong gi dus na mtshan ma byung na/ de'i sdig pa nyid dag par mthong ste lha'i lus su gyur la rang gi rgyud ngo shes na de byams pa dang / snying rjer ldan pas las thams cad byed par 'gyur ro zhes bya ba'i don to//thabs bdun pa'o/ /de ltar yang ro yod pa'i dbang du byas pa bshad nas/ da ni ro med pa'i dbang du byas pa'i thabs bstan pa/ yang na med par gyur na yang / /bzlas shing bsgom pa'i tshul gyis ni/ /ming tsam legs par bris nas kyang //mchod rten phreng ba bya ba dang / /yang na gzugs su bris kyang rung / /sbyin sreg mngon par dbang bskur nas/ /zhes bya ba ni bzlas shing zhes pa bzlas brjod dang / mchod rten phreng ba'i gzugs su bya/ /sa tsha dang / sbyin sreg bya ba ming bsreg pa dang / sbyin sreg mngon par dbang bskur na//zhes bya ba mchod rten gyi dbus su gzhug pa dang / khyim du bzhag pa dang / dbang bskur ba nyid dang bdun ro med kyang 'grub pa'o zhes bya bar ston to/ /snga ma bzhin du 'bras bu ni/ /gdon mi za bar bde 'gror skye/ /zhes bya'o/ /gzhan yang thal ba nyungs kar bye ma sogs//zhes bya ba thal ba dang nyungs kar dang / bye ma dang me tog la/ rang gi ming smos sngags btab nas/ /zhes bya ba la ming nas thog mar smos te ro la sogs pa la bya ba byas nas/ song nas kyang phyi'i rgya mtshor 'bab pa'i chu klung du dor zhes bya ba'i don to/ /de'i 'bras bu/de ltar na 'ang sdig can yang / /ngan 'gro las ni thar 'gyur na/ /zhes bya ba dman pa yang thar bar gsungs na zhes bya ba'i don to/ /mchog rnams smos kyang ci zhig dgos/ /dge ba'i mchog ni bskyed pa dang / /zhes bya ba la sogs pa gsungs so/ /sdig pa nges pa can rnams ni thabs cis kyang mi grol bar dge ba'i rtsa ba ma bskyed par zhes bya ba nas/bde gshegs rgyal ba nyid kyis gsungs/ /zhes bya ba'i bar du ston to/ /de ltar thabs brgyad ston to/ /thams cad kyang thabs sla bas grol bar 'gyur ba yin no/ /de nas zhes bya ba la sogs pa la brgya byin la sogs pas bka' stsal pa bden pa nyid du byas nas nor bu dri ma med pa thar te dga' ldan du skyes nas grags pa chen po'i lha dang bcas pas de bzhin gshegs pa la tshe 'di nyid la mchod pa'i phyir sems bskyed de/lha rdzas sna tshogs kyis dga' ba'i tshal kun du gang bar byas so/ /lha'i bu ni ma mthong la lha rdzas mthong ba rnams kyis ya mtshan che bar gyur nas/'di ci lags zhes ngo mtshar che bar zhus pa dang / bka' stsal pa dri ma med pa'i 'od yin no/ /zhus pa ngo mtshar che'o/ /lha rnams kyis kyang zhus pa/ dkon mchog la khyad par can du bsngags nas lta bar 'tshal lo/ / zhes gsol ba btab nas 'od kyis snying bskul te 'od mi snang bar gyur nas/ rdzu 'phrul chen pos dga' ba'i tshal snang bar byas nas/ bla ma gnyis ma gtogs pa zil gyis mnan nas ched du brjod do/ /pad+ma sgra snyan pa 'byin pa byung ba dang ya mtshan skyes te/ bsam yas brjod nas lta bar 'tshal zhus pa dang bla ma'i 'od kyis snying bskul te 'od mi snang bar gyur nas/bla ma gnyis ma gtogs pa thams cad g.yos te ngo mtshar che ba'i don zhus pa/ khyad par lnga'i mchod pas mchod de mi snang bar gyur te zhes bya ba ste/ nor bu dri ma med pa dga' ldan du skyes pa bstan to/ / de nas brgya byin dang zhes bya ba la sogs nas bag yod par sgrubs shig ces bya ba'i bar gyis thams cad la phan pa'i phyir rgyud gtad pa bstan/ de ltar rtsa ba'i rgyud phyag rgya chen po de bzhin gshegs pa'i rigs longs spyod rdzogs pa'i sku la sogs pa'i gtso bor gyur pa bstan pa'o/ /ci'i phyir rtsa ba'i rgyud du mdzad ce na/lha thams cad kyi sku dang / gsung dang / thugs dang / phrin las dang / yon tan dang lnga/ rtsa bar dang por ston pa dang ldan pas na rtsa ba'i rgyud ces bya'o/ /de yang ji skad du/ gsang ba lnga ldan gang yin pa/ /dang po nyid du bstan pas na/ /de ni rtsa ba'i rgyud ces bya/ / zhes gsungs pa'i phyir ro/ /ci'i phyir rgyud ces brjod ce na/ /rgyud ni rgyun chags zhes bya ste/ /'khor ba rgyud du 'dod pa yin/ /zhes gsungs pas rgyun chags pa'am/ 'khor ba'i phyir rgyud ces bya'o/ /de ltar rtsa ba'i rgyud bstan nas/ de ni de nas zhes bya ba la sogs pas rgyud phyi ma ston te/ci'i phyir phyi ma zhes bya zhe na/ snga ma las byung zhing de nyid gsung ba sbas pa shes pa'i phyir rgyud phyi ma zhes brjod par bya'o/ /de yang ji skad du/ phyi ma snga ma las byung ste/ /de nyid gsungs pa sbas shes pa/ /rgyud ni phyi mar brjod pa yin/ /zhes gsungs pa'i phyir ro/ /'dis rgyud phyi ma'i phyi ma ni dga' ba'i tshal 'di nyid du gsungs par shes par bya ste/mi'i yul du bab pa la sogs pa la khyad par ma bshad pa dang / phyis 'dzam bu gling gi ris 'di nyid na zhes gsungs pa ni/ ri rab kyi lho phyogs la dgongs pa dang / yang phyis ming dang rjes yi rang ngo zhes bya ba gsungs pa ni/rdzu 'phrul gyi mngon par shes pa dang ldan pa yin pas sprul pa'i sku mthong ba'i phyir 'gal ba med pa kho na'o/ /la la dag gnas gang du 'chad pa de dag gis bshad pa'i lung brjod dgos te/ lung med pa kho na nyid yin te/ de nyid kyis gang nas kyang ma bshad pa'i phyir ro/ /rigs pa ni shin tu lkog tu gyur pa'i phyir mi 'thad pa nyid do//de nas zhes bya ba ni dang po'i sbyor ba'i rjes thogs la'o/ /'dir dang po'i sbyor ba'i ting nge 'dzin ni rtsa ba'i rgyud du bshad pa las phyag na rdo rjes sngar bshad pa'i yon tan gyi khyad par dang bcas pa'o/ /bcom ldan 'das byang chub sems dpa' sems dpa' chen po phyag na rdo rje zhes bya ba ni/ye shes kyi rdo rje rtse lnga pa phyag gi mthil na gnas pa bzhin du 'dzin pa'am phyag na rdo rje nyid 'dzin pas de skad ces bya ste nges so/ /'di gsungs so zhes bya bar sbyar ro/ /ji ltar gsungs she na/ bcom ldan 'das kyi mthus zhes bya ba gsungs te sangs rgyas kyi byin gyi rlabs kyis so//ci zhig gsungs she na/ brtag pa'i rgyal po phyi ma 'di/ /zhes bya ba smos te/ brtag pa'i rgyal po pha rol tu phyin pa drug byang chub kyi sems dang bcas pa yin la de ston pa la yang de skad ces bya ste/ ji skad du/ sems can kun gyi don bya'i phyir/ /byang chub tu ni sems bskyed nas//pha rol phyin drug spyod pa dag /brtan pa rtogs pa nyid yin no/ /zhes gsungs pa'i phyir ro/ /brtag pa phyi ma 'di zhes bya ba ni sngar bshad pa 'di lta bu 'di'o/ /gsungs so zhes bya ba ni sangs rgyas kyi mthus bka' stsal to/ /'dis ni phyag na rdo rje bshad pas/ de bzhin gshegs pa nyid kyis gsungs pa'i phyir bka' nyid du rnam par gzhag pa gsungs so/ /gdul bya rnams kyi bsam pa la dgongs nas de skad ces bshad kyis don la tha dad pa yod pa ma yin no/ /dpa' bo gdan la bzhengs nas kyang / /dgyes shing rdo rje gsor nas ni/ /shAkya'i bdag po dgyes mdzad pa//thub pa'i gtso la phyag btsal nas/ /zhes bya ba ni gnyis su med pa'i dpa' bo gtso bo la gus pas zla ba dang pad+ma'i gdan rang dang 'tsham pa las bzhengs nas byin gyis brlabs pas dgyes shing bgegs zhi ba dang / bar chod kyis mi tshugs par bya ba'i phyir rdo rje bsor nas kyang /shAkya'i bdag po sems can gyi don la dgyes par mdzad pa thub pa'i gtso la phyag 'tshal nas zhes bya ba'i don to/ /'dis ni gsang sngags kyi sgo'i spyad pa spyod pa rnams kyis kyang bgegs zhi bar byas nas gnang ba thob nas 'jug pa bya'o zhes bya ba'i don to/ /sgrib pa thams cad rnam par dag pa rdo rje zhes bya ba'i ting nge 'dzin la snyoms par zhugs nas zhes bya ba ni sgrib pa thams cad de mchod pa'i sgrib pa la sogs pa'o//rnam par dag pa rdo rje zhes bya ba thabs dang shes rab kyi rang bzhin no/ /de la dmigs pa'i ting nge 'dzin la yang de skad ces bya la/ de la snyoms par zhugs pa ni mngon du mdzad pa ste/de lta bur gyur nas zhes bya ba'i tha tshig go/ /'dis ni dkyil 'khor rgyal mchog bsgom pas zla ba'i dbus su thabs dang shes rab kyi bdag nyid du zhugs nas gtso bo bskyed de/ phyag rgya brjod pa dang sngags brjod pa dang bcas pa bstan pa'o/ /ngan song thams cad rnam par sbyong ba'i rang gi snying po'i 'di thugs ka nas phyung ngo zhes bya ba la/ngan song thams cad rnam par sbyong ba ni 'dir gtsug tor ro/ /rang gi snying po zhes bya ba ni de kho na bskyed pa la bya'o/ /'di nyid kyi thugs ka nas phyung ngo zhes bya ba ni sgra'i rang bzhin 'og nas 'byung ba 'di nyid kyi thugs nges pa can ye shes las bton zhes bya ba'i don to//'dis ni sgom pa po rnams kyis gtso bo'i thugs kar zla ba la sngags bkod de 'khor thams cad bskyed do/ /ston pa'i sngags nyid badzra hUM phaT ces bya ba ni rdo rje gtsug gi'o/ /oM sar+b+ba pA paM da ha na badzra hUM phaT ces bya ba nas brtsams nas/oM ma te sar+b+ba tir+ya ka ga ti he hUM phaT ces bya ba bco lngas bteg pa'i sngags ston to/ /de nas de dag gi yo byad rnams bshad do zhes bya ba ni/ de dag gi zhes pa dkyil 'khor gyi lha rnams kyi'o/ /yo byad rnams zhes pa gsol ka ba dang bran la sogs pa rnams kyi'o/ /bshad do zhes bya ba bzlas pa'i sngags rnams gsungs so//de nyid oM sar+b+ba a pa ya zhes bya ba nas hUM phaT ces bya bas ston to/ /dkyil 'khor gyi lha rnams bskyed pa ni/ rgyud gzhan dang 'di nyid kyi rtsa ba'i rgyud dang / phyi ma'i bde ba chen po'i bshad pa las shes par bya ste/ ra t+not+ta ma traM pad+mot+ta ma hrIH/ bi shot+ta a zhes bya ba la sogs pa rnams kyang / na mo b+ha ga wa te sar+b+ba du rga ti zhes bya ba la sogs pa rtsa ba'i rig pa dang bcas pa'o/ /des ni 'di skad du ston te/ dkyil 'khor rgyal mchog sgom po rnams kyis ni shAkya thub pa'i thugs kar thun mong dang khyad par gyi sngags bkod de/ rdo rje gtsug tor nas brtsams nas rdo rje dril bu'i bar du bskyed ces bya ba'i don to//sprul pa'i dus su mthong ba'i skal ba dang ldan pa rnams la dkyil 'khor gyi lha rnams kyi smon lam dang thugs rje'i mthus ji ltar 'dod pa ltar snang ba yin no/ /de nas bsdu zhing byin gyis brlab pa sngon du 'gro ba nas brtsams te/las kyi rgyal po mchog ni snga ma bzhin du shes par bya'o/ /ting nge 'dzin rnam pa gsum bstan zin to/ /thabs de la 'di nyid du dbang dang dam tshig thob pas 'jug par bya'o zhes bya ba'i don 'di bstan par bya ba'i phyir/ de nas zhes bya ba la sogs pas slob dpon gyi las dang slob ma gzhug pa la sogs pa'i cho ga ston to//de nas zhes bya ba ni sngon du bsnyen pa'i rjes thogs la'o/ /gzhan yang sa bzung ba dang lhag par gnas pa dang bcas pa yang de nas zhes bya bas ston to/ /dkyil 'khor bshad de zhes bya ba ni thig gdab pa dang rdul tshon bri ba'i gzugs can gyi dkyil 'khor bshad ces bya ba'i don to//'khor lo 'dra ba'i dkyil 'khor la/ /zhes bya ba ni dkyil 'khor gyi gnas gru bzhi pa/ sgo bzhi pa rta babs dang bcas pa kha khyer dang ldan pa la sogs pa phyi'i dkyil 'khor byas la zhes bya ba'i don to/ /'dis ni/ dkyil 'khor la ni 'khor lo bshad//ces bya ba legs par 'gyur ro/ /de'i nang du ji ltar bri zhe na/ shin tu mdzes pa'i rtsibs brgyad can/ /lte bar bcas shing rtsibs rten can/ /nang gi rim ba bris nas ni/ /zhes bya ba gsungs te/ rtsibs brgyad dang ldan pa dang lte ba dang rtsibs rten dang sum rim du bris nas rdo rje phreng bas yongs su bskor ba bri zhes bya ba'i don to//de'i nang du ci zhig dgod ce na/ lte ba'i nang du shAkya yi/ /dpang po thub pa bri bar bya/ /phyag na rdo rje stobs chen ni/ /dpa' bo de yi spyan sngar bri/ /rgyab tu 'khor los sgyur ba bri/ /g.yas su rgyal po gtsug tor la/ /g.yon par rnam par rgyal ba bri//gzi brjid phung po me yi phyogs/ /dbang po'i phyogs su gdugs dkar po/ /rnam par 'thor ba rlung gi phyogs/ /rnam par 'joms pa nri tir bri/ /zhes bya ba gsungs te lte ba'i dbus pad+ma'i lte ba la shAkya thub pa/ pad+ma re re bor ba'i gzhi la rdo rje la sogs pa'i shar phyogs su rdo rje gtsug tor/lho phyogs su rgyal ba'i gtsug tor/ nub phyogs su pad+ma'i gtsug tor/ byang phyogs su sna tshogs gtsug tor/ shar lho mtshams su gtsug tor gzi brjid/ lho nub mtshams su gtsug tor rgyal mtshan/ nub byang du gtsug tor rnon po/ byang shar mtshams su gtsug tor gdugs dkar bri bar bya'o//'khor lo 'dra ba'i dkyil 'khor la/ /zhes sngar bshad de/ bshad pa phyi rol bri bya ste/ /gru bzhi pa la sgo bzhi pa/ /seng ge rta babs brgyan par bya/ /zhes bya ba gsungs pa ste/ phyi rol gyi gnas gru bzhi dang sgo bzhi dang seng ge dang glang po che dang rta babs dang kha khyer la sogs pas brgyan par bya'o zhes bya ba'i don to//phyi rol gyi gnas rnams su dgod pa ni/ dpa' bo lcags kyu zhags pa dang / /lcags sgrog dril bu snyan rnams gzhag /grwa yi phyogs ni thams cad du/ /bdug pa la sogs bri bar bya/ /zhes bya ba gsungs te dpa' bos shar phyogs kyi sgor lcags kyu/ lhor zhags pa/ nub tu lcags sgrog /byang du dril bu rnams gzhag /nang gi grwa'i phyogs mtshams su ni lA s+ye dang phreng ba dang glu mkhan ma dang gar mkhan ma dang bzhi gzhag par bya'o/ /phyi'i grwa bzhir bdug pa ma dang me tog ma dang mar me ma dang dri chab ma rnams shar lho mtshams nas brtsams te bri bar bya'o//khyams la/ byams pa la sogs bri bar bya/ /zhes bya ba'i don to/ /de ltar dkyil 'khor legs par bkod nas chad pa dang lhag pa zhi bar bya ste dkyil 'khor du zhugs la me tog gi phreng ba dor te sgo bzhi phye la/ khrus byas shing lus dri zhim po la sogs pas byugs nas rgyan sna tshogs pas brgyan te/lce dang lag pa byin gyis brlabs nas sbyor ba dang po dang dkyil 'khor rgyal po mchog dang las kyi rgyal po mchog dang sgo dbye ba rnams so/ /de nas dri zhim la sogs pa/ /rang gi lus la bskus nas kyang / /rdo rje 'dzin mas zhugs nas ni/ /zhes bya ba kyang du bskur bas phal cher ston to//de nas gtso bo bdag sbyor bas/ /oM dzaHhUM baM hoH b+ha ga wAn e h+ye hi ma hA ka ru Ni ka dr-i sh+ya ho sa ma ya satwaM zhes bya ba las lha thams cad spyan drang ngo zhes bya ba ni bsdu'o zhes bya ba'i don to/ /de nas gshegs par mos pa bskyed de zhes bya ba ni lcags kyu la sogs pas las bya zhing bgegs bsal ba dang / sgo bcad pa dang / ra ba dang / dra ba dang / srung ba dang / de brtan par bya ba dang / phyag rgya bzhis rgyas gdab pa dang / dbang bskur bar mos pa bskyed de mchod pa byas nas zhes bya ba ni/ bzlas brjod kyi rjes thogs la mchod pa sna tshogs kyis mchod pa dang / gtor ma dang /sbyin sreg dang gnang ba nod par byas la/ de nas slob ma gzhug pa'i bya ba bya'o zhes bya ba'i don to/ /de bzhin du bcug ste dbang bskur na zhes bya ba ni snga ma bzhin du dkyil 'khor du bcug cing dbang nyi shu rtsa gcig gis bskur na zhes bya ba'i don to/ /de'i phan yon ngan song thams cad las rnam par grol te bde 'gro mtho ris kyi 'jig rten dang gong nas gong du sa rnams su skye bar 'gyur ro//dngos grub thams cad kyang 'grub par 'gyur ro/ /sangs rgyas su yang gdon mi za bar 'grub par 'gyur ro/ /snga ma bzhin du las thams cad byed cing thams cad la thogs pa med par 'gyur ro//bya ba byas pas rims nad thams cad dang gdon gdug pa can la sogs pa thams cad las thar bar 'gyur ro/ /phyag na rdo rje'i hUM zhes bya bas las thams cad byed par 'gyur ro zhes bya ba ni/ dbang bskur ba tsam gyis ngan song thams cad las thar zhing bde 'gror skye ba dang / dbang bskur nas bsgrubs pas mos pa spyod pa la sogs pas bcu gnyis su gong nas gong du 'gro ba dang / 'jig rten pa'i dngos grub dang sangs rgyas su 'gyur ba dang sngar bshad pa bzhin du zhi ba la sogs pa'i las byed pa dang / las phra mo thams cad la sbyar ba tsam gyis 'grub pa dang / bye ma dang yungs kar la sogs pas byabs pas rims dang gdon dang gdug pa thams cad las thar bar 'gyur ba dang /dbang bskur ba de la phyag na rdo rje de'i drung du gnas pas thams cad byed par 'gyur ro zhes bya ba'i don to/ /brtag pa gzhan gyi cho gas kyang las thams cad 'grub par 'gyur ro zhes bya ba ni bya ba dang spyod pa dang rnal 'byor gyi rgyud brtag pa gzhan gyi cho ga las kyang zhes bya ba ni sngar kr-i yar bshad pa'i lha lngas bskyed pa dang /snying po tshig tsam gyis bskyed pa dang rnal 'byor gyi rgyud du bshad pa'i mngon par byang chub pa dang / snying po tshig tsam gyis bskyed pa la sogs pa'i cho gas kyang las thams cad 'grub par 'gyur ro zhes bya ba'i don to//'dis ni dkyil 'khor 'di'i dbang bskur ba dang dam tshig la mchog tu gsungs so zhes bya ba'i don to/ /thabs sla bas snga ma bzhin du grol bas lha dang klu dang gnod sbyin dang srin po la sogs pa ngan song gi rgyud kyi dbang du gyur pa rnams shi ba'i ro'am gzugs brnyan nam/ming la sogs te bzlas pa dang sbyin sreg dang dbang rnams kyis snga ma bzhin du zhes bya ba ni thabs sla ba brgyad tshan gnyis po rnams kyis yin te/ bzlas pa dang po zhes bya ba ni bzlas brjod bya ba nyid dang / chu klung du dor ba dang tsha tsha dang gsum bstan to/ /sbyin sreg ces bya ba sbyin sreg nyid dang sbyin sreg chen po dang gnyis so//dbang zhes bya ba dbang bskur ba nyid dang / mchod rten gyi dbus su gzhag pa dang dur du bskyal ba dang gsum bstan to/ /ngan song thams cad yongs su grol bar byed do zhes bya ba ni de rnams kyi phan yon no/ /de nas de rnams su zhes bya ba la sogs pas rgyud gsum las gsungs pa'i lha rnams rgyas gdab bo//de nas zhes bya ba ni snga ma bzhin no/ /byang chub sems dpa' sems dpa' chen po phyag na rdo rjes seng ge'i lta stangs kyis bcom ldan 'das kyi zhal du bltas te phyag btsal nas 'di skad ces gsol te zhes bya ba ni 'jigs pa med pa'i tshul gyis bltas te byin gyis brlab pa'i phyir phyag 'tshal nas 'og nas 'byung ba'i don zhus pa'o//byin gyis brlab phyir gsol ba btab ste zhus pa'i don to/ /bcom ldan phyag rgya dam pa yi/ /mtshan nyid bdag gis bshad par bya/ /thugs rjes bsgral ba'i thugs mnga' ba'i//rgyal ba kun gyis byin brlabs pa/ /zhes bya ba yin te bcom ldan 'das sku gsung thugs dam pa'i phyag rgyas bcings pa'i mtshan nyid bshad par bgyi ba la/ dmigs su med pa thugs rje chen pos bskul ba'i thugs dang ldan pa la rgyal ba kun gyi ngo bo gnas pa khyod kyis byin gyis rlobs shig ces bya ba'i don to//gsol ba btab nas bshad pa dngos/ /mnyam par gzhag pas dpral bar ni/ /phyag 'tshal ba yi thal mo sbyar/ /sangs rgyas bde gshegs skyes rnams kyis/ /phyag 'tshal ba yi phyag rgyar bshad/ /ces bya ba ni lha'i rnal 'byor dang ldan pas dpral bar thal mo sbyar zhing phyag 'tshal ba'i tshul du byas na/de bzhin gshegs pa'i rigs rnams kyi phyag 'tshal ba'i phyag rgyar bshad ces bya bar bstan to/ /rnal 'byor rigs pas mgrin phyogs su/ /thal mo snying gar sbyar ba ni/ /rtag tu pad+ma'i rigs nyid du//pad+ma'i phyag rgya yin par bshad/ /ces bya ba ni lha'i rnal 'byor dang ldan pas mgrin pa'i phyogs snying gar thal mo sbyar te phyag 'tshal na pad+ma'i rigs kyi phyag rgyar 'gyur ro/ /rdo rje thal mo sbyar nas kyang / /snying gar gung mo thal sbyar ba/ /rdo rje rigs kyi phyag rgya 'di//dam tshig thams cad 'dzin byed pa'o/ /zhes bya ba ni thal mo sbyar nas snying gar gung mo'i rtse mo sbyar ba dang phyag 'tshal ba na rdo rje rigs kyi dam tshig thams cad 'dzin par 'gyur ro/ /'di rnams kyi rigs su nges par oM sarba ta thA ga ta bA da ban+d+ha naM ka ro mi zhes bya bas phyag 'tshal bar bya'o//gzhan yang de bzhin gshegs pa'i khu tshur g.yon pas thal mor byas la gan rkyal du gzhag pa de'i steng du g.yas pa bzhag ste mthe bong gnyis sprad la zhi ba'i lta bas blta ba 'di ni de bzhin gshegs pa'i rigs kyi ste/ kun rig dang ngan song sbyong ba'i ting nge 'dzin gyi phyag rgya ste dam tshig yin par bshad do zhes bya ba'i phyag rgya nyid dam tshig ste mi 'da' bar byed pas so//ji skad du/ de bzhin gshegs pa kun gyis kyang / /'da' bar ru ni mi mdzad pas/ /phyag rgya dam tshig ces su bsgrags/ /zhes gsungs pa'i phyir ro/ /de nyid las bzlog ste/ lta 'og bsnol la mthe bong dang mthe'u chung gnyis gcig la gcig lu gu rgyud kyi tshul du bsnol la snying gar gzhag pa 'di ni rdo rje rigs kyi dam tshig gi phyag rgya zhes bya la rdo rje 'dzin ma dpal gyi pad+ma lta bur bya ba ste dam tshig thob par byed pa'i phyag rgya'o/ /de bzhin gshegs pa'i rigs kyi yang 'jug pa'i phyag rgya yin no//thal mo rdzogs par sbyar ba las mthe bong dang mthe'u chung gnyis bsnyams la lhag ma brkyang pa 'di ni pad+ma'i rigs kyi pad+ma'i phyag rgya'o zhes bya ba ni shAkya thub pa'o/ /rdo rje bsdams pa las gung mo gnyis rdo rje 'dra bar bsnyams la mthe bong mthe chung gnyis brkyang ba 'di ni/phyag na rdo rje'i phyag rgya'o zhes bya ba rdo rje gtsug tor dang rdo rje sems dpa'i dam tshig gi phyag rgya'o/ /de nyid las mthe bong dang mthe'u chung gnyis de bzhin du byas la/ mdzub mo gnyis dang srin lag pad+mo 'dra bar bkug pa ni ngan song thams cad yongs su sbyong ba'i phyag rgya'o zhes bya ba ni dam tshig gi phyag rgya'o//de nyid las mdzub mo dang srin lag gnyis rin po cher byas pa ni dbang bskur ba'i phyag rgya'o zhes bya ba ni rin chen tog dang / dbang bskur ba ste rdo rje gdams pa las byung ba'o/ /mthe'u chung dang mthe bong so sor bsnyams la lhag ma rnams brkyang ba 'di ni sdig pa thams cad sreg pa'i phyag rgya'o zhes bya ba ni ngan 'gro la sogs pa'i dkyil 'khor du zhugs pa'i sngon du'o//lag pa g.yon pa de bzhin du bskor zhing zhes bya ba 'di ni las thams cad pa'i phyag rgya'o zhes bya ba ni ngan 'gro sbyang ba la sogs pa kun gyi ste snga ma bzhin du shes par bya'o/ /snyim pa bzed pa gyen du 'thor bar byed pa 'di ni bdug pa'i phyag rgya'o zhes bya ba la sogs pa la snyim pa 'og nas gyen du 'thor ba dang /bsnyams te 'dzin pa dang / dung dang 'dra bar bya ba dang bzhi ni bdug pa ma la sogs pa'i 'o/ /de nyid las brkyang ste 'dzin pa ni gtor ma'i phyag rgya'o zhes bya ba ni phyi rol du gtor ma sbyin pa'i tshe rdo rje thal mo brkyang ba sbyin no//de nyid las gung mo nang du bkug pa ni ar+g+ha'i 'o zhes bya ba ni mchod yon gyi'o/ /da ni dam tshig gi phyag rgya ston te rdo rje bcings pa las gung mo gnyis bsnyams te tshigs dang po bcag la sor mo thams cad brkyang ba 'di ni rnam par 'thor ba'i phyag rgya'o zhes bya ba gtsug tor rnon po'i 'o//de nyid las mthe bong dang mthe chung gnyis bkug pa ni rnam par 'joms pa'i phyag rgya'o zhes bya ba ni gtsug tor rgyal mtshan gyi'o/ /de nyid las 'od zer 'bar ba 'dra ba ni gzi brjid phung po'i phyag rgya'o zhes bya ba gtsug tor gzi brjid kyi'o//de nyid las spyi bor bskor ba gdugs dkar rgya zhes bya ba ni gtsug tor gdugs dkar po'i 'o/ /rdo rje khu tshur gnyis las mdzub mo gnyis dang mthe'u chung gnyis gnyis bsnol la mdud pa gyen du bsnol ba 'di ni 'khor lo'i phyag rgya'i zhes bya ba dkyil 'khor sprul pa'i phyag rgya'o//rdo rje bsdams pa las gung mo gnyis rdo rjer byas pa ni mdzub mo gnyis rin po che ltar byas la lhag ma rnams 'od zer 'bar bar byas pa ni rgyal ba'i gtsug tor gyi phyag rgya'o/ /rin chen zhes bya ba rin chen gtsug tor gyi phyag rgya'o/ /de bzhin du mdzub mo gnyis rdo rjer byas la sor mo lhag ma rnams bsdams nas rdo rje 'dra bar byas pa ni rnam par rgyal ba'i phyag rgya'o zhes bya ba ni sna tshogs gtsug tor gyi phyag rgya'o//g.yas pa mchog sbyin du byas la g.yon pa mi 'jigs pas sbyin pa 'di ni de bzhin gshegs pa'i yin no zhes bya ba bcom ldan 'das tshe dpag med kyi'o//rdo rje bsdams pa las mdzub mo gnyis brkyang ste rdo rje 'dra bar byas pa 'di ni rdo rje'i phyag rgya'o/ /de nyid las mdzub mo g.yas pa bkug pa 'di ni lcags kyu'i phyag rgya'o/ /de nyid las me tog 'dra bar byas la 'di ni mda'i phyag rgya'o/ /de nyid las slar bkug ste mthe bong gnyis rtse sprad pa ni blo gros legs pa'o//de nyid las tshigs bar ma bcag pa ni rin po che'i 'o/ /de nyid las sor mo rnams 'od zer 'dra bar skyed pa ni gzi brjid kyi'o/ /de nyid las spyi bor gzhag pa ni tog gi'o/ /de las mdun du gzhag pa ni bzhad pa'i 'o/ /de nyid las pad+mo 'dra bar byas pa ni pad+ma'i 'o//de nyid las rtse mo gnyis bkug pa ni ral gri'i 'o/ /de nyid las gdu bu 'dra bar byas pa ni 'khor lo'i 'o/ /de nyid las yid tsam pad+ma 'dra bar byas pa ni lce'i 'o/ /de nyid las rtse mo yid tsam skyed pa ni rgya gram gyi'o/ /de nyid las shin tu bskyed pa ni srung ba'i 'o//de nyid las rtse mo gnyis slar bkug pa ni gnod sbyin gyi'o/ /dam du bkug pa ni bsdams pa'o zhes bya ba rnams ni rdo rje sems dpa' nas rdo rje khu tshur gyi mthar thug pa'i bar gyi dam tshig gi phyag rgya'o/ /bsdams pa nyid mdun du gzhag pa ni bdug pa'i 'o/ /de nyid la gyen du stod pa ni phreng ba'i 'o//mdun du mthe bong bsnyams te bskor ba ni mar me'i 'o/ /de nyid byug pa ltar byas pa ni dri'o zhes bya ba bdug pa la sogs pa bzhi'i dam tshig gi phyag rgya'o/ /sngar bshad pa ni las kyi phyag rgya'o/ /de nyid las mdzub mo gnyis bkug pa ni lcags kyu'i 'o/ /de nyid las rtse mo gnyis sprad pa ni zhags pa'i 'o//de nyid las gcig la gcig 'khyud pa ni lcags sgrog gi'o/ /de nyid las bskyod pa ni mnyes pa'i 'o zhes bya ba ni sgo bzhi'i dam tshig gi phyag rgya ste las kyi phyag rgya ni sngar rtsa ba'i rgyud du shes par bya'o/ /sku gzugs kyi cho ga yang 'di ni de bzhin byas te zhes bya bas ras ris kyi sgrub pa ston to//sku gzugs kyi cho ga yang zhes bya ba ni slar yang zhes bya ba'i don to/ /'dir ni zhes bya ba ni rgyud phyi ma'i dkyil 'khor dang pad+ma'i rigs 'dir ni zhes bya ba'o/ /de bzhin byas te zhes bya ba ni pad+ma'i rdzing bu la sogs pa rnams so/ /cung zad du na bcom ldan 'das 'jig rten gsum las rnam par rgyal ba'i gzugs bri'o zhes bya ba ni/'jig rten gsum rgyal nyid cung zad na ni don yin no/ /yang na sku gzugs nyid dkyil 'khor gyi tshul du bris la zhes bya ba ni gtsug tor dgu'i dkyil 'khor gyi tshul du bri ba'o/ /me tog la sogs pas mchod de/de'i spyan sngar 'bum tsam cig sngar bsnyen pa byas nas las thams cad bya'o zhes bya ba ni spyan dbye ba sngon du 'gro bas dben pa'i gnas su spyan drang zhing phyag rgya bzhis rgyas gdab pa pa dang / dbang bskur ba dang / mchod pa byas la bsnyen pa 'bum byas te mtshan thog thag bzlas nas sngar bshad pa'i dngos grub kyi las thams cad bya'o zhes bya ba'i don to//de nas zhes bya ba la sogs pas nor bu dri ma med pa'i las kyi rnam par smin pa ci las gyur pa ston to/ /de nas phyag na rdo rje la las kyi rnam par smin pa ci yis nor bu dri ma med pa'i 'od de dmyal ba la sogs pa der lhung zhes dris pa dang /sangs rgyas kyi mthus phyag na rdo rjes bka' stsal pa dang bshad pa ni 'di yin te/ 'di ni sngon gyi las kyi sgrib pa 'di yin te 'dzam bu'i gling gi rigs 'di nyid na mtha' khob pa rigs ngan du gtogs pa'i rgyal po lus mi bde ba zhes bya ba zhig tu gyur te zhes bya ba la sogs pa smos te sngon gyi zhes bya ba rdzogs ldan gyi dus na'o//'dzam bu'i gling gi rigs 'di nyid na zhes bya ba ni ri rab kyi lho phyogs gling bzhi pa'i rigs 'di nyid na'o/ /rgyal po lus mi bde ba zhes bya ba ni btsun mo dam pa mdzes ldan ma'i khong du gnas tsam nyid na lus mi bde ba yin pa'i phyir ro//lhag ma rnams ni go sla bas ma bshad de 'dis kyang nor bu dri ma med pa de nyid kyi las kyi rnam par smin pa dang zhus pa bstan pa'i phyir/ 'dzam bu'i gling du lha'i bu nor bu dri ma med pa'i don du zhu ba ma 'brel pa'i phyir ro/ / da ni tshe tshad med pa'i dkyil 'khor gsungs pa'i pad+ma'i rigs bshad pa'i rjes thogs la/ bshad pa de nas zhes bya ba la sogs pas tshe tshad med pa'i dkyil 'khor ston to/ /gzhan yang de nas zhes bya ba ni sbyor ba dang po'i rjes thogs la'o/ /'dir dang po'i ting nge 'dzin ni gtsug tor du bshad pa nyid dang 'dra bar shes par bya'o//brgya byin dang tshangs pa la sogs pa'i lha'i bu rnams kyis bos nas bstod de gsol ba btab bo zhes bya bar sbyar ro/ /tshul ji lta bu dang ldan pas she na/ brgya byin dang tshangs pa la sogs pa lha'i bu rnams yid rab tu mgu zhing rangs te ba spu'i bu ga nas sbu rnams langs shing rgyal ba rgyal ba zhes skad chen pos bos nas so//lha'i bu rnams zhes bya ba ni nges par 'byed pa'i cha dang mthun pa thob pa sprul pa'i sku mthong ba'i skal ba dang ldan pa'i brgya byin la sogs pa nyid ston to/ /sngar ni rtsa ba'i rgyud du las kyi rnam par smin pa bshad pas rgyal bar 'gyur nas/de sangs par bya ba'i phyir dkyil 'khor du bcug cing / dbang bskur ba rnams yin te/ gzhan yang de rnams tshe bsring ba'i phyir dkyil 'khor dang sgrub pa bstan pa'i phyir ro/ /sprul pa ni lha'i dbang po zhes bya ba gang yin pa ste de lta na ni khyod de'i phar gyur to zhes bya ba 'gal lo zhe na ma yin te nor bu dri ma med pa nyid kyang de bzhin gshegs pa'i sprul pa yang de lta bur snang ba'i phyir ro//de ltar na thams cad sprul pa dang dngos su 'gyur ro zhe na/ 'di ni 'thad pa nyid do/ /de yang bcom ldan 'das kyis ji skad du/ lha dang lha dbang lha yi bla/ /lha min dbang po lha yi bdag /ces pa dang / u ma'i [(]khyib [,]khyim [)]thab skye dgu'i bdag /gtogs 'dod rgyal 'dod thub pa che/ /'jig rten gsum dang mkha' dang sa/ /zhes bya ba la sogs pa dang / nga ni dmyal ba'i dmyal ba pa/ /zhes gsungs pa'i phyir ro/ /lha'i bu rnams khu bub tu 'gyel ba dang ba spu langs pa dang tshe sgrub pa de bzhin gshegs pa'i sprul pa las gzhan pa nyid do//rab tu mgu zhing rangs te zhes bya ba ni rgyu dang 'bras bu'i khyad par mthong ba'i phyir ro/ /ba spu langs shing zhes bya ba ni dang po'i dad pa bskyed pas so/ /rgyal ba rgyal ba zhes skad chen por bos nas zhes bya ba ni las kyi rnam par smin pa gsungs pas skrag nas yang dang yang du skad chen por bos pa'o//bcom ldan 'das phyag na rdo rje la ming bcu pa 'dis zhes bya ba ni mtshan don dang ldan pas so/ /mngon par bstod de zhes bya ba ni ming don dang ldan pas brjod pas bstod pas so/ /gsol ba btab bo zhes bya ba ni tshe ring ba dang nad med pa'i don du gsol ba btab bo zhes bya'o//bstod pa dang gsol ba btab pa'i rang gi ngo bo k+Sho tak+Sha/ khyod ni glang po'i rna ba can/ /zhes bya'o/ /k+Shad trag k+Sha/ bcom ldan 'das mgon rdo rje 'dzin/ /zhes bya'o/ /ko ta ba go ta ba/ khyod ni bzang po'i rgyan zhes bya'o/ / ko ta pa sha khyod ni rnam par gnon pa'i zhes bya'o/ /ka hi rak+Sha/ yon tan rin chen 'byung gnas khyod/ /ces bya'o/ /ko la k+Sha/ khyod ni bden pa'i sprin chen te/ /zhes bya'o/ /ko la pa ko la pa/ khyod ni gzugs sdug yid kyi rgyan/ /ko la pa sha /khyod ni me lce 'bar ba can/ /zhes bya'o/ / ka li sta/ khyod ni yid bzhin nor bu ste/ /zhes bya'o/ /tha i ti/ khyod ni gzugs ni mdzes pa yin/ /zhes bya'o zhes bya ba ni bcom ldan 'das la bstod pa zhes bya ba'i don to/ /gzhan yang ngo bo nyid kyi sangs rgyas la sogs pa bcu dang stobs bcu dang dbang bcu dang / gzugs bcu ste de bzhin gshegs pa la mnga' ba'i yon tan ston te brjod pa'i phyir ro//de ltar bstod pa bstan nas/ brgya byin la sogs lha mchog rnams/ /sems can kun la phan pa dang / /tshe dang nad med 'phel ba'i phyir/ /mgon po khyod la gsol ba 'debs/ /bcom ldan 'das tshe thung ba dang skal ba chung ba rnams kyi don dang phan pa dang tshe bsring ba'i slad du bshad par gsol/gsang ba'i bdag po bshad du gsol zhes bya ba yin te brgya byin la sogs pa mos pa spyod pa'i sa la gnas pa'i lha'i mchog rnams sems can kun tshe phyi ma'i don dang / tshe 'phel ba dang nad med pa'i phyir mgon po khyod la gsol ba 'debs kyis tshe thung zhing skal ba chung ba rnams kyi don dang phyi ma la dang 'di'i phan pa dang bde ba dang tshe bsring ba'i slad du yang dang yang du bshad du gsol zhes gsol ba btab pa'i don to//de nas bcom ldan 'das phyag na rdo rjes zhes bya ba la sogs pas snying po gsungs pa ston to zhes bya ba ni gsol ba btab pa'i rjes thogs la'o//bcom ldan 'das phyag na rdo rjes brgya byin dang tshangs pa la sogs pa 'khor de dag gzigs nas legs so zhes bya bas mgu bar byas te snod dang ldan pa tshangs pa la sogs pa'i lha'i bu rnams gang khyed kyis 'di lta bu'i spobs pa yang dag par bskyed pa ni legs so legs so legs par sgrubs shig dang bshad par bya'o zhes bya ba ni 'khor la gzigs shing mgu bar byas pas snod dang ldan par byas nas spobs pa bskyed pa la dgyes nas legs so zhes bya ba lan gnyis gsungs te/ma yengs par 'dzin du bcug pa'i tha tshig go/ /de nas bcom ldan 'das phyag na rdo rjes zhes bya ba ni bcom ldan 'das phyag na rdo rje nyid kyis so/ /sems can thams cad kyi tshe dpag tu med pa spel ba zhes bya ba ni nyi ma dang zla ba yod pa de srid kyi bar du thub pa'o/ /de bzhin gshegs pa thams cad kyi snying po 'di zhes bya ba ni/yon tan de lta bu dang ldan pa 'og nas 'byung ba'i snying po 'di'o/ /rang gi snying ga nas phyung ngo zhes bya ba ni nges pa'i ye shes ston pa'o/ /de nyid oM pu N+ye zhes bya ba la sogs pa ste de'i phan yon ni/ de bzhin gshegs pa thams cad kyi snying po'i gzungs 'di bshad ma thag tu ngan song thams cad rab tu zhi ste sems can dmyal ba dang byol song dang yi dags su skyes pa'i sems can rnams grol bar byed pa nyid kyis rab tu shes so//'jig rten gyi khams thams cad du snang bar byas te snang bar byas nas kyang sangs rgyas kyi mdzad pa bcu gnyis kyi tshul du byas nas zhes bya ba ni bcom ldan 'das kyis gzungs 'di gsungs ma thag tu ngan song gsum las zhi zhing grol te/bcom ldan 'das kyi mthus grol zhing zhi bar rang rang shes so/ /'jig rten gyi khams thams cad du sprul pa'i sku'i rnam par byas nas sangs rgyas kyi mdzad pa bcu gnyis yum gyi lhums su gshegs pa dang sku mya ngan las 'das pa'i tshul ston pa'i bar mdzad nas zhes bya ba'i don to//kyang zhes bya ba ni mdzad pa gnyis dang / mdzad pa bdun dang / mdzad pa bcu drug dang / mdzad pa nyi shu rtsa bdun dang / mdzad pa brgya rtsa bcu dang / mdzad pa mtha' yas pa yang mdzad nas zhes bya ba'i don to//de bzhin gshegs pa thams cad kyi thugs kyi chos kyi yi ge 'di nyid du zhugs par gyur to zhes bya ba ni de bzhin gshegs pa thams cad de ni 'dir phyag na rdo rje'o/ /thugs kyi chos kyi zhes bya ba ni byang chub tu sems bskyed pa'i ye shes so yi ge zhes bya ba ni de'i rtags zla ba'o//de la bkod pa'i yig 'bru la yang yi ge zhes bya ba bshad de ji skad du/ yi ge byang chub sems yin te/ /gnyis pa sgra zhes bya bar bshad/ /ces bya ba bshad pa'i phyir ro/ /'di nyid du zhugs par gyur to zhes bya ba ni sprul pa'i sku de dag kyang zla ba'i dkyil 'khor de nyid du zhugs par gyur to zhes bya ba'i don to//'dis ni dkyil 'khor rgyal po mchog sgom pa rnams kyis phyag na rdo rje lte ba'i dbus su bzhugs pa la snying ga nas 'od zer byung ste sngags kyi 'od des brgya byin dang tshangs pa la sogs pa bkug nas bstod cing gsol ba btab nas/ yang rang gi snying gar zla ba la sngags bkod de/ sangs rgyas kyi mdzad pa rnams mdzad nas sngags dang 'dres pa las zhu bar gyur pa te thabs dang shes rab kyi bdag nyid las gtso bo bskyed par bya ba'i don to/ /de nas bcom ldan 'das kyis tshe dpag tu med pa'i rdo rje'i 'od ces bya ba'i ting nge 'dzin la snyoms par zhugs nas zhes bya ba ni/tshe dpag tu med pa'i rdo rje 'od byed pa ni me long lta bu'i ye shes te bri ba dang zad pa med pas tshe dpag tu med pa'i gzung ba dang 'dzin pa rtog pas mi phyed pas/ rdo rje'i rang bzhin gyis dag pas 'od byed pa zhes bya ba yin la/ de la dmigs pa'i ting nge 'dzin la yang ming de skad ces bya ste snyoms par byas pa ni de gzhan la sbyin pa'i rnam pa thugs rtse gcig tu mdzad nas zhes bya ba'i don to//de bzhin gshegs pa thams cad kyi tshe dang ye shes dpag tu med pa zhes bya ba ni bcom ldan 'das tshe tshad med pa'i phyag rgya chen po'o//snying po'i gzungs 'di bshad do zhes bya ba 'og nas 'byung ba 'di bshad do/ /de nyid oM A mi ta zhes bya ba nas swA hA zhes bya ba'i bar ro/ /de nas 'di bshad ma thag tu ni sems can thams cad kyi sdug bsngal rab tu zhi'o zhes bya ba snga ma bzhin no/ /de nas yang bcom ldan 'das kyis gdon mi za bar sgrib pa thams cad rnam par 'joms pa zhes bya ba'i ting nge 'dzin la snyoms par zhugs te zhes bya ba ni the tshom med par gzung 'dzin gyi sgrib pa thams cad rnam par 'joms shing 'khrud pa ni mnyam pa nyid kyi ye shes te/de la dmigs pa'i ting nge 'dzin la ming de skad ces bya zhing gzhan la sbyin pa'i rnam pa thugs rtse gcig tu mdzad ces bya ba'i don to//de bzhin gshegs pa thams cad kyis sgrib pa gcod pa zhes bya ba ni rin chen 'byung ldan no/ /snying po 'di thugs ka nas phyung ngo zhes bya ba ni 'og nas 'byung ba'i sngags te/ de nyid oM ka ka ni zhes bya ba la sogs pa'o//'di bshad ma thag tu yang thams cad de bzhin gyur to zhes bya ba ni snga ma bzhin no/ /de nas yang bcom ldan 'das kyis zhes bya ba la sogs pa la/ sgrib pa thams cad dri med cing / /zhes bya ba ni gzung 'dzin gyi dri ma dang bral ba so sor rtog pa'i ye shes so//de nyid rnam par rtog pa'i rdo rje zhes pa'o/ /de lta bu'i ting nge 'dzin la snyoms par zhugs pa ni sbyin pa'i rnam pa thugs rtse gcig tu mdzad nas zhes bya ba'i don to/ /de bzhin gshegs pa thams cad kyis sgrib pa rnams ma lus par 'joms pa zhes bya ba ni 'od dpag tu med pa'o/ / snying po'i gzungs 'di rang gi thugs ka nas phyung ngo zhes bya ba ni de skyed par byed pa dang lam sbyang ba'i sngags te/ oM rat+ne zhes bya ba la sogs pa'o/ /de nas zhes bya ba la sogs pa snga ma bzhin te phan yon no/ /de nas yang zhes bya ba la sogs pa la gdon mi za bar mi 'joms pa thams cad rnam par 'joms nas zhes bya ba ni bya ba nan tan gyi ye shes te/sgo lnga'i rnam par shes pa la sogs pa 'joms pa'i phyir ro/ /ting nge 'dzin la snyoms par zhugs nas zhes bya ba ni sbyin pa'i rnam pa thugs rtse gcig tu mdzad nas so/ /de nas de bzhin gshegs pa thams cad ni don yod grub pa'o//snying po'i gzungs 'di zhes bya ba la sogs pa ni snga ma bzhin no/ gsang sngags 'di zhes bya ba la sogs pas lan gsum du g.yos shing ya mtshan 'jig rten du snang bas sngags kyi che ba bstan to/ /de nas bsdu zhing byin gyis brlab pa la sogs pa sngar bshad pa bzhin du shes par bya'o//de nas dkyil 'khor ni 'di yin te zhes bya ba la sogs pas slob dpon gyi las dang / slob ma gzhug pa la sogs pa'i cho ga ston to/ /de nas zhes bya ba ni rjes thogs la'o/ /de yang 'dir dang por re zhig nyams dga' ba'i sa phyogs su stan la 'dug la/ lce dang lag pa byin gyis brlab pa dang rdo rje 'jigs byed nas brtsams te 'og bcing ba'i mthar thug pa dang /nam mkhar dkyil 'khor bsams la/ mchod pa rnam pa lngas mchod pa la sogs pa dang lha dang lha ma yin gyis bstod de mi snang bar gyur pa'i bar dang / stong pa nyid dang a las zla ba dang sa bon dang dam tshig gi phyag rgya dang lha'i rnal 'byor dang byin gyis brlab pa dang dbang bskur ba dang phyag na rdo rje thugs yongs su rdzogs pa'i sbyor bas dkyil 'khor bskyed de/nam mkha'i dkyil 'khor dgug pa dang / ngan 'gro sbyong zhing dkyil 'khor du gzhug pa dang dbang bskur nas/ sangs rgyas kun pas sngar sangs rgyas//zhes bya ba la sogs pas bstod pa dang / dkyil 'khor lus la brtags pa dang bcas pa ni dang po'i sbyor ba'i ting nge 'dzin to/ /de nas stong pa nyid du bsgom pa dang khang pa brtsegs ma dang 'khor lo rtsibs bzhi pa'i lte ba la babs te phyag na rdo rje nyid kyi thugs kar/oM pu N+ye pu N+ye/ ma hA pu N+ye a pa ri mi ta pu N+ye dz+nyA na sam+ba ro pa tsit+te ka ri ni swA hA/ zhes bya ba bkod nas 'od zer gyis sangs rgyas kyi mdzad pa byas te gsol ba 'debs pa'i lha rnams dang bcas pa thugs ka'i zla bar zhugs pas zla ba dang bcas pa zhu nas shes rab dang thabs su gyur nas sngags de nyid gyur pa las phyag na rdo rjer gyur nas de'i thugs kyi zla ba'i oM AHni ti zhes bya ba la sogs pas mi bskyod pa bskyed de/shar gyi rtsibs la gdon/ oM ka ka ni zhes bya ba la sogs pas lho phyogs kyi rin chen 'byung ldan gdon/ oM rat+ne zhes bya ba la sogs pas nub phyogs kyi 'od dpag tu med pa gdon/oM a ka ka zhes bya ba la sogs pas byang phyogs su don yod grub pa gdon/ hUM traM hrI a zhes pas lA s+ya la sogs pa brgyad de mtshams kyi cha la gzhag /de nas gtso bo dang tha mi dad pas bsdu/ phyag dang ched du brjod de dbang blang lcags kyu la sogs pas las bya zhing dbang bskur te tshe bsring ba'i las la sbyar las kyi rgyal po mchog gi ting nge 'dzin no//de nas bzla bar bya ba brjod cing sgo dbye ba sngon du 'gro bas bsdu/ lcags kyu la sogs pas las bya zhing mchod yon sngon du 'go bas phyag rgya bzhis rgyas btab/dbang bskur mchod pa sna tshogs kyis mchod de/ lha thams cad kyi thugs ka'i zla ba la sngags bkod nas bzlas brjod bya/ thun bzhi'i tha mar bstod pa sngon du 'gro bas mchod pa dang phyag dang dbang bskur ba dang go bgo ba dang dge ba'i rtsa ba bsngo ba dang brjod par gsol ba dang rdo rje sems ma'i phyag rgya bkrol te gshegs su gsol ba dang sprul pa lus la bsdu ba brtan par bya'o//de nas langs te glegs bam bklag pa la sogs pa ci nus bya'o/ /de ltar byas pas zla ba drug gam lo gcig gam lha rnams las gnang ba thob pa dang 'bum phrag gcig gi bar du byas te sngon du bsnyen pa'i cho ga'o//de nas sngar bshad pa bzhin du sa gzung ba dang lhag par gnas pa'i cho ga dang / thig byin gyis brlab pa la sogs pa sngon du 'gro ba zhes bya ba'i don to/ /dkyil 'khor ni 'di yin te/ gru bzhi pa la sgo bzhi pa/ / sgo ba bzhi dang yang dag ldan/ /rta babs bzhi dang ldan par bya/ /zhes bya ba snga ma bzhin du shes par bya'o/ /phyi dang nang gi dkyil 'khor spyir lte bar bcas shing sgo khyud dang ldan pa/ lte ba dang ni sgo khyud ldan/ /zhes bya'o/ /nang gi dkyil 'khor rtsibs bzhi'i lte ba dang bcas pa'o/ /de yi dbus su 'khor lo'o//dkyil 'khor dam pa bri bya ste/ /rtsibs bzhi pa dang ldan pa la/ /lte ba'i dkyil 'khor ldan par bya/ /zhes bya ba ston to/ /de ru lha gang bri zhe na/ /de yi dbus su gtso bo ni/ /phyag na rdo rje stobs chen te/ /phyag na rdo rje dril bsnams shing / /zla ba 'dra ba'i zhal 'dzum bri//zhes bya ba la sogs pa bri ba gsungs so/ /dkyil 'khor gyi 'khor lo'i lte bar gtso bo rdo rje 'dzin pa zhi ba phyag na rdo rje dang dril bu bsnams shing kha dog dkar po zhal 'dzum par bri bar bya'o/ /'khor lo'i rtsibs bzhi la shar du mi bskyod pa/ lhor rin chen 'byung ldan/nub tu 'od dpag med/ byang du don yod grub pa bri ste thams cad kyang 'khor los sgyur ba'i cha lugs can kha dog dkar po dbu rgyan la sogs pa'i rgyan sna tshogs kyis brgyan pa g.yas pa mchog sbyin du byed pa/ g.yon mi 'jigs pa rdo rje'i skyil krung gis so/ /nang gi grwa la lA s+ye la sogs pa bri'o//phyi'i grwa la d+hup+pe la sogs pa'o/ /sgo bzhi la sgom bzhi bri ste g.yon brkyang ba dang / zlum po dang / mthun pa'i rkang thams cad kyis gnas par bri ste/ de nas gzhan yang bris pa ltar bar snang las 'ongs te gcig tu bsre ba dang / gdugs dang rgyal mtshan bum pa'i mchog dang gtor ma dang rta babs dang chos klog pa dang /me tog sil ma bkram pa dang bcas pa ni de nas zhes bya bas ston te/ rnal 'byor bdag nyid zhugs zhes bya ste/ zhugs nas lhag chad bskang ba dang sgo dbye ba sngon du 'gro bas ting nge 'dzin gsum dang ldan par gnas pas sgo dbye ba ston to//de nas bsdu zhing spyan drang ba ni sngags kyis lha rnams spyan drangs te/ dzaHhUM baM hoHb+ha ga bAn badzra e h+ya hi sa ma ya s+t+waM/ de nas gtso bo byon pa dang / /zhes bya ba ni/ mdor na mchod pa byas nas kyang / /zhes bya ba ni/ mdor bsdu na lcags kyu la sogs pas las bya zhing bgegs bsal sgo bcad pa la sogs pa snga ma bzhin du byas nas/phyag rgya bzhis rgyas gdab dbang bskur bzlas brjod bya ba rnams ni mdor na zhes bya'o/ /mchod pa byas nas zhes bya ba ni/ arga mchog bstabs pa la sogs pa'i mchod pa bya'o/ /kyang zhes bya ba ni gtor ma dang sbyin sreg dang gnang ba nod pa bsdu'o//'chi bdag sbrul gyi 'jigs ldan rnams/ /zhes bya ba la sogs pas dkyil 'khor du gzhug pa bstan to/ /'chi bdag sbrul dang 'dra bas 'jigs ldan rnams gzhom pa'i phyir gzhug par bya ste/ mdor na/ oM badzra sa ma ya hUM zhes bya bas ti rIn+ti ri'i phyag rgya bcings la rin chen thogs te yang na phreng ba thogs te gzhug /hUM pra tIts+tsha badzra hUM zhes bya bas me tog dor/ badzra sa ma ya hUM zhes bya bas dam tshig sbyin/ oM badzra hA s+yod g+ha tra ya zhes bya bas gdong g.yogs dgrol/ oM badzra pA sh+ya hUM zhes bya bas dkyil 'khor bstan nas snying gar phyag rgya dgrol/'di'i sgrub pa'i go rims ni rtsa ba'i rgyud du bshad zin to/ /de nas zhes bya ba la sogs pas dbang bskur ba bstan to/ /de yang dang por dbu rgyan dang / bum pa dang / phreng ba dang / phyag rgya dang / rdo rje dang / las kyi rdo rje dang /'khor lo dang / thabs dang / shes rab dang / gsang ba dang / shes rab kyis dbang bskur ba rnams yin te/ 'di yang rtsa ba'i rgyud du bshad pa de bzhin du shes par bya'o/ /de ltar dbang bskur na tshe ring ba'i rig pa 'di sbyin no zhes bya ba la sogs pas 'di nyid du dbang bskur ba dang dam tshig thob pa la dngos grub sbyin no zhes bya ba ste/de ltar sngar bshad pa ltar bskur nas tshe ring ba thob par byed pa'i rig pa 'di slob dpon gyis slob ma la sbyin no/ /de nyid oM b+hUM badzra A yu She hUM a zhes bya ba'o/ /de nas sgrub pa 'di yin te zhes bya ba ni 'dis sgrub pas na bsgrub ste 'og nas 'byung ba'i cho gas so//'di yin te zhes bya ba ni ston pas rtsom pa'o/ /bcom ldan 'das rdo rje tshe dpag med zla ba'i 'od can zhes bya ba la sogs pas dang po bri ba dang bsnyen pa ston te bcom ldan 'das tshe dpag med kha dog dkar po rgyan kun gyis brgyan pa g.yas pa mchog sbyin dang g.yon pa mi 'jigs pa sbyin pa de las bdud rtsi 'dzag pa bri'o//de'i 'og tu rnal 'byor pa thal mo sbyar ba gdong gyen du bltas pa/ mchod pa rnam pa lnga dang bcas pa ras la bris te spyan dbye ba'i cho ga sngar bshad pa bzhin du byas la/ de'i spyan sngar dang po'i sbyor ba'i ting nge 'dzin bsgom ste bcom ldan 'das la sems bzhin du 'bum bzlas so//de nas zla ba nya ba la zhes bya ba la sogs pas sgrub pa ston te/ nya'i nub mo dkyil 'khor chen po brtsams te mchod pa byas la ba dmar ser gyi mar snod gsar par bcug la rdo rje khu tshur g.yon pas mnan la/ bcom ldan 'das srog dang bcas pa lta bur sems shing mtshan thog thag bzlas brjod bya ba yin no//de nas dri sna tshogs bsnams shing zhes bya ba la sogs pas mtshan ma dang dngos grub ston to/ /de nas dri dang ldan pa 'am rlangs pa 'am/ du ba'am me'am 'od zer ram me sgron nam 'od la sogs pa'i mtshan ma byung na mar me de yang mar sar pa la sogs pa rdzas bcu gcig po gang yang rung ba la bsres te/nang par sngar srung ba dang / khrus la sogs pas bdag nyid dkyil 'khor brtags pa'i tshul du sbyangs nas/ lha'i rnal 'byor du byas te 'thungs sam zos na nyi ma dang zla ba yod kyi bar du tshe ring ba rdo rje dang 'dra bar 'gyur ro//mtshan ma tha ma byung na/ nad med zo mdog bde skra dkar dang gnyer ba med pa'i tshe lo brgya par 'gyur ro/ /gzhan yang des nyungs kar la sogs pas zhi ba la sogs pa'i las 'grub par 'gyur te the tshom med do/ /de ltar tshe tshad med pa'i dkyil 'khor bshad nas/da ni 'jig rten pa'i lha la mos pa'i don du 'jig rten pa'i dkyil 'khor drug bstan te/ de yang dang por de nas rgyal po bzhi zhes bya ba la sogs pas rgyal po bzhi'i dkyil 'khor ston to/ /de nas zhes bya ba ni dang po'i sbyor ba'i rjes thogs so/ /de yang 'dir gtsug tor du bshad pa las/rgyal po bzhi dang bcas pa'o/ /de nyid kyi snying gar dkyil 'khor sprul pa'i dus su gtso bo'i thugs kar zla ba la sngags bkod de/ /ngan 'gro sbyong ba'i dus su rgyal po bzhi yang dgug pa dang bcas pa bsgom zhes bya ba'i don to/ /rgyal po bzhi zhes bya ba la sogs pa la bshad du gsol zhes bya bar sbyar ro//de yang rgyal chen bzhis mos pa byed pa'i sa thob pa'i phyag na rdo rje la phyag 'tshal nas sems can ngan 'gro las bskyab pa dang / tshe phyi ma dang 'di'i don du rang rang dgod pa'i snying po dang / sprul pa la sogs pa bshad kyis/ de la brten pa'i dkyil 'khor rdo rje 'dzin pas bka' stsal du gsol zhes gsol ba gdab bo//rgyal po chen po dag legs kyis shod cig dang ngas rjes su yi rang zhing byin gyis brlab par bya'o zhes bya ba ni khyod kyis zhus pa bzhin du ngas byin gyis brlab cing bshad pa'o zhes bya'o/ /de nas gnod sbyin gyi rgyal po la bos te zhes bya ba nas rang rang gi snying po phul te/oM bai gnod sbyin gyi rgyal po'i 'o/ /oM d+hi dri za'i rgyal po'i 'o/ /oM bi grul bum gyi rgyal po'i 'o/ /oM khya klu'i rgyal po ste 'di dag gis de rnams dgod pa la sogs pa ston to/ /sgo ba rnams kyi ni dzaHhUM baM hoHzhes bya ba yin no//'dis kyang 'di skad du ston te/ sbyor ba dang po bsgom pa la khang pa brtsegs ma dang gdan bskyed la rgyal po bzhi dang bcas pa bsams nas snying po de rnams kyis rgyal po gnas rnams su bkod de/ phyag na rdo rje'i thugs ka las sgo ba bzhi bton nas bsgom pa ni dkyil 'khor rgyal po mchog gi ting nge 'dzin to//de nas bsdu zhing byin gyis brlab pa ni las kyi rgyal po mchog gi ting nge 'dzin yin par shes par bya'o/ /de nas de dag gi dkyil 'khor bshad de zhes bya ba ni/ slob dpon gyi las dang slob ma gzhug pa la sogs pa ston te/de yang rgyal po chen po de dag gi dkyil 'khor bshad pa ni/ phyi'i dkyil 'khor gru bzhi sgo bzhi pa nang gi dkyil 'khor 'khor lo rtsibs bzhi pas brgyan pa'o/ /de'i lte ba la snga ma bzhin du rdo rje 'dzin pa zhi ba bri ba'o/ /byang phyogs kyi rtsibs la lus ngan po ne'u le'i rgyal ba thogs pa rin po che'i rgyan gyis brgyan pa sboms pa seng ge'i gdan la gser gyi mdog can bum pa bzang po'i kha nas chu 'bab pa dang /dpag bsam gyi shing dang bcas par bri'o/ /shar phyogs kyi rtsibs la yul 'khor srung pi wang bsgreng ba ljang gu rgyan rnams kyis brgyan pa'o/ /lho phyogs kyi rtsibs la lus 'phags ral gri lag na thogs pa bri'o//nub phyogs kyi rtsibs la mig mi bzang rdo rje dang zhags pa 'dzin pa mgo bo la sbrul mgo bdun gyis bskor ba mig dmar zhing shin tu 'bur ba bri'o/ /sgo bzhi'i phyogs su lcags kyu ma la sogs pa bri'o/ /de nas dgongs ka'i dus la bab pa dang rdo rje'i phyag rgyas rnal 'byor pa nyid du zhugs la lhag chad zhi bar bya ba dang /me tog dor ba la sogs pa sngon du 'gro bas ting nge 'dzin gsum dang yang sgo phye ste dang po rdo rje 'dzin pa spyan drang / de nas oM bai zhes bya ba la sogs pa la dzaHhUM baM hoH/ btags pas rgyal po spyan drang / lcags kyu la sogs pas las bya/ phyag rgya bzhis rgyas gdab/ dbang bskur ba dang mchod pa bya ba dang cho ga bzhin du phyi rol du gtor ma dbul sbyin sreg bya zhing gnang ba nod ces bya ba ston to/ /de nas sngags mkhan sngags 'di dang zhes bya ba la sogs pas gzhug pa dang dbang bskur ba phan yon dang bcas pa ston to//de nas rnal 'byor pas/ oM badzra sa ma ya hUM zhes bya ba'i sngags 'di dang / rdo rje 'dzin pa'i phyag rgyas rigs bzhi po gang yang rung ba me tog gam/ rin chen thogs su gzhug go/ /de nas pra tIts+tsha ba ma ho d+ha ma zhes bya bas dor ro/ /gang la babs pa de 'dis 'grub par 'gyur ro//de nas sngar bshad pa bzhin du pad+ma la bzhag ste/ phyi rol du gnas pa'i bum pa bzhis dbang bskur zhing phyag na rdo rje'i phyag rgyar bskyed la dbang bskur bar bya ste/ de nas dbang nyi shu rtsa gcig po kun snga ma bzhin du bskur nas rgyal por gyur pa dang / rgyal po yang gling gcig dang /gling bzhi la dbang bskur ba'i rgyal por 'gyur ro/ /phyag na rdo rje'i phyag rgyar bskyed pa bzhin du gzhan yang rgyal po bzhi'i phyag rgya bskyed de lan bzhir dbang bskur zhing zhugs na rdo rje 'dzin pa dang rgyal po bzhi 'khor dang bcas pas rtag tu skyong ba dang gzhan gyi gnod pa dang nad dang 'chi bdag gi 'jigs pa dang mu ge la sogs pa'i gnod pa 'joms so//rgyal po bzhis khyad par du zhi ba dang mngon spyod dang dbang dang rgyas pa byed de/ de ltar ma byas na phyag na rdo rje la 'khus par 'gyur ro zhes bya ba yin no/ /de nas zhes bya ba la sogs pas phyogs skyong ba bcu rnams kyi dkyil 'khor ston te/de nas zhes bya ba ni phyogs skyong bcu dang bcas pa'i phyag na rdo rje ste mdor na dang po'i sbyor ba'i ting nge 'dzin te de'i rjes thogs la'o/ /phyogs skyong ba bcu rnams kyis zhes bya ba la sogs pa la/ phyogs skyong ba bcu rnams kyis bcom ldan 'das la phyag byas te sems can gyi don du rang gi snying po dbul bar gsol ba btab pa dang /bcom ldan 'das kyis gnang bas rang gi snying po phul ba/ oM i zhes bya ba nas oM bra zhes bya ba'i bar brgya byin dang / gshin rje dang / chu lha dang / gnod sbyin dang / me lha dang / srin po dang / rlung lha dang / dbang ldan dang /nyi ma dang / phag rnams kyi snying po yin te 'dis ni 'di rnams dgod pa ston to/ /de nas bsdu zhing byin gyis brlab pa ni snga ma bzhin no/ /de nas de dag gi dkyil 'khor bshad de zhes bya ba la sogs pas slob dpon gyi las dang slob ma gzhug pa la sogs pa ston te/de yang ting nge 'dzin gsum dang sa dang lhag par gnas pa byas pa de'i rjes la dkyil 'khor zur bzhi pa sgo bzhi pa la sogs pa'i dbus su 'khor lo rtsibs brgyad pa bris la/ de'i lte ba la rdo rje 'dzin pa snga ma bzhin gzhag /phyogs skyong rnams shar la sogs pa'i char brgya byin la sogs pa gzhag /lte ba la spyan sngar nyi ma dang phag kyang gzhag /sgo rnams su lcags kyu la sogs pa yang gzhag /de nas ting nge 'dzin gsum la sogs pa dang spyan drang ba dang mchod pa bya/ de nas slob ma gzhug pa'i don du yang bdag nyid gcig pu zhugs nas/gnang ba nod pa'i mthar thug par bya zhes pa'i don to/ /slob ma rnams ni gzhug byas shing / /zhes bya ba la sogs pas dkyil 'khor du gzhug pa dang dbang bskur ba dang phan yon ston to/ dang po slob ma rnams sngar rtsa ba'i rgyud du bshad pa bzhin du gzhug cing / phyogs skyong ba'i bum pa rnams kyis dbang bskur te/dbang bskur ba gzhan rnams kyis kyang dbang bskur te snying po sbyin par bya'o/ /de nas bsgrubs na 'grub par the tshom med do zhes bya ba'i don to/ /de nas de dag mgu nas ni/ /'di skad du ni tshig gsol to/ /zhes bya ba la sogs pa brgya byin la sogs pas zhus pa ste dbang bskur ba'i phan yon yin te go sla bsam bshad do//de nas gza' chen po brgyad ces bya ba la sogs pas gza' chen po brgyad kyi dkyil 'khor ston to/ /de nas zhes bya ba la de nas zhes bya ba ni dang po'i sbyor ba ste/ 'dir dang po'i sbyor ba ni phyag na rdo rje gza' chen po rgyu skar dang bcas pa yin no//gza' chen po brgyad ces bya ba la sogs pa la gza' 'khor dang bcas pa rnams rang rang gi snying po phul ba la byin gyis brlabs nas rang rang gi snying po bzlas pa ni/ oM a zhes bya ba nas oM ra zhes bya ba'i bar pa bsangs dang / phur bu dang / zla ba dang / gza' lag dang /mig dmar dang / sgra gcan dang / nyi ma dang / spen pa la sogs pa dang / smin drug la sogs rgyu skar nyi shu rtsa brgyad dang bcas pa yin no/ /de nas bsdu ba dang byin gyis brlab pa ni snga ma bzhin te ting nge 'dzin rnam pa gsum mo/ /de nas de dag gi dkyil 'khor bshad do zhes bya ba la sogs pas slob dpon gyi las ston te de yang ting nge 'dzin gsum gyis bsnyen pa byas nas sa dang lhag par gnas pa'i rjes la thig gdab pa sngon du 'gro bas ji skad du bshad pa'i dkyil 'khor dang /nang gi chos kyi 'khor lo rtsibs brgyad pa lte ba dang bcas pa bris la/ dbus kyi pad+mo'i lte ba la rdo rje 'dzin pa'i khro bo gzhag par bya'o//pad+ma 'dab ma brgyad kyi mtshams bzhi bor ba'i phyogs bzhi la rdo rje dang / rin po che dang / pad+ma dang / sna tshogs rdo rje bri'o/ /rtsibs la shar du pa bsangs/ lhor phur bu/ nub tu zla ba/ byang du gza' lag /shar lhor mig dmar/ lho nub tu sgra gcan 'dzin/ nub byang du nyi ma/byang shar du spen pa/ sgo bzhir lcags kyu la sogs pa khros pa bri/ khor yug gi phyi rol du smin drug nas bra nye'i mthar thug par rgyu skar bdun bdun phyogs re rer bri'o/ /'dir lA s+ye la sogs pa rnams mi bri ba ni 'jig rten pa'i lhar dngos grub stsol ba'i rgyur gyur pas mchod pa bya ba ma yin pa'i phyir ro//de nas khrus la sogs pa sngon du 'gro bas ting nge 'dzin gsum dang ldan pas lcags kyu la sogs pas las bya zhing / mchod pa dang gnang ba nod pa snga ma bzhin no/ /de nas slob ma rnams gzhug ste zhes bya ba la sogs pas gzhug pa dang dbang bskur ba'i phan yon dang bcas pa ston to//oM badzra zhes bya ba la sogs pa gsum gyis gzhug pa'i khyad par bstan to/ /lhag ma ni sngar bshad pa bzhin no/ /de nas gza' brgyad kyis byin gyis brlabs pa'i bum pas dbang bskur rdo rje'i phyag rgyas dbang bskur/ dbang bskur ba lhag ma rnams kyis kyang dbang bskur/gza' yi dam 'di ltar bzung ste snying po don tsam gyi sgo nas bsgrub par bya'o/ /'dir sgrub pa'i khyad par ma bshad pa ni rgyu ni gsum yin te/ dbang dang dam tshig kho na gtsor zung shig /dbang gi 'bras bu gza'i dkyil 'khor la sogs pa gsum yin no//klu'i dkyil 'khor la sogs pa gsum ni dbang dang dam tshig dang dngos grub thams cad sgrub pa kho na'o/ /'di ltar bstan pa de yang des 'dul ba'i gang zag la sogs pa yin no zhes bya ba'o/ /de nas phan yon gza' rnams kyis 'dod pa thams cad sgrub po//rgyu skar dang skad cig dang yud tsam dang thang gcig dang / dus gcig dang zla tshigs dang sbyor ba dang khyim dang dus sbyor dang 'jug phod la sogs pa zhes bya ba ni rgyu skar de dag nyid skad cig la sogs pa la dbang ba dang / dus drug pa la sogs pa nas zla tshigs la dbang ba dang / dpal la sogs pa'i 'byor pa dang / khyim dang dus sbyor ba la sogs pa 'grub pa dang 'jug phod bzang ngan byed pa dang zhes bya ba yin no/ /lhag ma rnams ni go sla bas ma bshad do/ /de nas klu chen brgyad kyi zhes bya ba la sogs pas klu'i dkyil 'khor ston te/ de nas zhes bya ba la sogs pa ni sbyor ba'i ting nge 'dzin to//de yang snga ma las klu chen brgyad dang bcas pa'o/ /klu chen brgyad kyi zhes bya ba la sogs pa la/ rang gi skad cig tsam gyis mtshon pa'i sgras bcom ldan 'das mnyes par byas te snying po dbul bar zhus pa dang / bcom ldan 'das kyis gnang nas rang rang gi snying po phul ba/oM phuHzhes bya ba nas/ oM phuHzhes bya ba'i bar mtha' yas dang / 'jog po dang / karko Ta dang rigs ldan dang / nor rgyas dang dung skyong dang pad+ma dang chu lha rnams kyi yin no/ /de snga ma bzhin du bshad pas dkyil 'khor rgyal po mchog gi ting nge 'dzin bstan to//de nas bsdu ba dang byin gyis brlab pa ni snga ma bzhin du las rgyal mchog gi ting nge 'dzin no/ /de nas zhes bya ba la sogs pas slob dpon gyi las bstan to/ /de yang sngon du bsnyen pa dang sa lhag par gnas pa'i cho ga dang / thig gdab pa dang bcas par bya ba la de nas zhes bya'o//pad+ma 'dab ma brgyad pa'i dkyil 'khor bshad de/ pad+ma 'dab ma brgyad pa kha dog dkar po de'i lte bar rdo rje 'dzin pa khro bo dbu la sbrul mgo bdun mtha' yas pa yod par bri'o/ /dbang ldan gyi phyogs nas brtsams nas mtha' yas nas chu lha'i bar mthar thug par pad+ma re re la sbrul mgo bdun bdun mgo la yod pa/chung mas lag pa g.yas pas mgul nas 'khyud par bri bar bya'o/ /'di dag dang phyi'i dkyil 'khor dang sgo la sogs pa med na ni rgya mtsho chen po la brten pa'i dbang du byas nas dus de la dgongs nas bshad pa yin no/ /de'i phyir pad+ma yang chu dang 'dam las skye ste 'di dag kyang pad+ma la gnas pa nyid do//gzhan dag tu ni gzhal yas khang dang bcas par yang bshad do/ /gzhan yang bum pa brgyad dang / gtor ma dang shin tu mdzes pa'i bshos dang / 'byung po'i gtor ma mar dang 'o ma dang sbrang rtsir bcas par bri'o/ /de nas khrus bya ba sngon du 'gro bas zhugs la ting nge 'dzin gsum dang ldan par bya'o//sbrul mgo'i phyag rgyas rang gi skad mtshon pa phuHdzaHhUM baM hoHzhes brjod de/ lcags kyu la sogs pas las bya ba snga ma bzhin du shes par bya'o/ /de nas bu ni rgyal po dang zhes bya ba la sogs pas slob ma gzhug pa ston to/de nas rgyal po dang rgyal rigs rtsa ba'i rgyud du bstan pa bzhin du dkyil 'khor du bcug nas dug gi nyes pa bsal ba'i phyir/ phuHzhes bya bas drangs pa'i sngar bshad pa'i sngags rnams kyis snga ma bzhin du dbang bskur ro/ /de nas oM be'u zhes bya ba la sogs pa'i snying po tsam brjod nas klu rnams bsgrub par bya'o//de nas de dag mgu nas zhes bya ba la sogs pa ni go sla ba'i phyir ma bshad do/ /klu'i dkyil 'khor 'di nyid du dbang thob pa rnams la dngos grub bstan pa'i phyir/ de nas sgrub pa bshad ces bya ba la sogs pas dngos grub bshad de/de yang dang por gnas dben par khrus byas pa sngon du 'gro bas bdag rdo rje 'dzin par bsams te/ de'i dbu la sbrul mgo de las lha rdzas kyi 'od zer gyi phreng ba dkar po bdud rtsi 'bab pa lta bur bsams te/ phuHzhes bya ba thun mong gi snying po 'bum bzlas la bsnyen pa byas te/de nas klu'i dkyil 'khor bsams te mchod la dug gis zin pa'am/ g.yan pa'am 'tshe ba la sogs pas zin pa la dbu'i lha rdzas 'od zer gyi phreng bas bkang ste/ de'i don du phuHzhes bya bas klu'i dkyil 'khor bsams te lag pa sbrul mgo'i zhags pa 'dra bas drang zhing phuHzhes brjod la 'od zer gyi rlung gis gtor la/dang por pags pa/ de nas sha dang / tha mar rus pa la gnas pa'i dug rnams phuHzhes bya ba dang sbrul mgos drangs na 'drongs par 'gyur ro zhes bya ba'i don ni sgrub pa yin no/ /de nas las thams cad byed cing dug rims dang dug sbyar ma la sogs kyi dus su snga ma bzhin du sbyar na khu tshur gyis kyang 'byin te/sbrul mgo'i phyag rgya smos ci dgos/ /zhes bya ba khyad par du gsungs pa yin no/ /de nas zhes bya ba la sogs pas 'jigs byed chen po'i dkyil 'khor ston to/ /de nas zhes bya ba ni 'jigs byed chen po'i dkyil 'khor dang bcas pa snga ma bzhin no//lha chen po rnams kyi bdag po 'jigs byed chen po zhes bya ba la sogs pa la 'jigs byed rang gi 'khor bud med brgyad dang bcas pas bskor bas phyag byas te zhus pa'i don to/ /skrag cing smyo ba la sogs pa la phan gdags pa'i slad du snying po phul la gsol ba btab pa dang /bshad par gnang nas 'jigs byed chen po kho nas 'jigs pa'i sgra phyung ste smras pa ni oM b+he ra zhes bya ba nas/ oM ba swA hA zhes bya ba'i bar yin te/ 'jigs byed chen po dang / tshangs pa dang / khyab 'jug dang / brgya byin dang / gzhon nu karti ka dang /b+h+r-id+gi ri ti dang / stobs bzangs dang / tshogs kyi bdag po khros pa dang bcas pa/ chung ma dang bcas pa rnams kyi snying po yin te/ dkyil 'khor rgyal mchog gi ting nge 'dzin ston te gang gi phyir 'jigs byed chen po kho nas smras she na/ bcom ldan 'das 'jigs byed chen po ni/brgyad po de dag bdag ngag nyan/ /zhes bya ba gsungs te gtso bo yin pa'i phyir ngag nyan pa'o/ /ting nge 'dzin gsum pa ni de bzhin du shes par bya'o/ /de nas de dag gi dkyil 'khor bshad de zhes bya ba la sogs pas slob dpon gyi las ston te de bzhin du bsnyen pa la sogs pa thams cad byas la phyi'i dkyil 'khor bri ba'i nang du 'khor lo rtsibs brgyad pa lte ba dang bcas pa bris nas/rdo rje 'dzin pa khro bo 'jigs byed chen po chung ma dang bcas pa zhabs 'og tu non par bri/ shar phyogs kyi rtsibs su brgya byin la sogs pa/ lho'i phyogs kyi rtsibs la tshangs pa khros pa/nub phyogs kyi rtsibs la gtogs 'dod khros pa/ byang phyogs kyi rtsibs la gzhon nu karti ka khros pa/ shar lho'i rtsibs la tshogs kyi bdag po khros pa/ lho nub kyi mtshams su b+h+r-id+gi ri ti khros pa/ nub byang gi mtshams su dga' byed dbang phyug khros pa/ byang shar gyi rtsibs la stobs bzangs khros pa chung ma dang bcas pa bri bar bya'o//rgyud 'dir ni lha rnams kyi kha dog dang phyag mtshan dang gdan dang dbyibs la sogs pa ma bstan pa ni 'gro ba 'dul ba rnams kyi phyag mtshan la sogs pa nges pa med pa'i phyir ma bstan to/ /yang dkyil 'khor du dgod pa'i dus su ni bya ba dang spyod pa dang /rnal 'byor gyi rgyud gzhan rnams las shes par bya'o/ /'dir yang sgo ba rnams ni khro ba dang ldan par bri la/ sngar bshad pa bzhin du bum pa la sogs pa rnams gzhag par bya'o/ /de nas ting nge 'dzin gsum dang ldan pas sgo dbye ba la sogs pa lcags kyu la sogs pas las bya ste khrag gis bkang pa'i thod pas mchod pa dang /sha chang gi gtor ma dang / snod mgo'i thod rnams khrag chang gis bkang ba gzhag /bum pa brgyad 'jigs byed kyis byin gyis brlabs pa rnams kyis mchod cing phyi rol du gtor ma byin la gnang ba nod pa'i bar du bya'o//de nas 'jig rten gsum rgyal po'i/ /zhes bya ba la sogs pas slob ma gzhug pa ston to/ /slob dpon gyi las rnams kyi rjes thogs la 'dir 'jug pa'i phyag rgya ni drag po yin pa'i phyir 'jig rten gsum rgyal gyi phyag rgyas sngar bshad pa bzhin du bcug la/bum pa'am mgo'i thod pa brgyad kyi khrag lce la myang du gzhug cing dbang bskur ba thams cad kyis dbang bskur ba'o/ /de nas zhes bya ba la sogs pas 'di nyid du dbang thob pa la sbyin par ston to/ /de nas dang por re zhig bud med kyi khyim mam/ shing gcig par lce dang lag pa byin rlabs nas brtsams te 'jig rten gsum rgyal du bskyed nas mchod de/oM b+hai ra zhes bya ba 'bum phrag bzhir bzlas pa nas tha mar mtshan yal nas su gnas te de nas sgra thos nas khrag gi thod pa phul te 'jigs byed de mthong bar 'gyur ro/ /khams gsum rnam rgyal hUM zhes bya ba dran par byed cing thod pa bkang ste yang phul na grub nas ci 'dod ces bya bar smra bar byed de sa sbyin pa ma gtogs par khams gsum rnam rgyal gyi nga rgyal du bsgoms pas gsol ba btab na khu ba la sogs pa thams cad sbyin par byed do//mi skrag par bya ste skrag na de ma thag tu gsod de//de nas zhes bya ba la sogs pas lha chen po rnams kyi dkyil 'khor ston te/ de nas zhes bya ba snga ma bzhin te tshangs pa la sogs pa dang bcas pa'o/ /tshangs pa la sogs pa lha chen po rnams kyis zhes bya ba la sogs pa la/ lha chen po rnams kyis rdo rje 'dzin pa la phyag byas te zhus pa'i don rang gi snying po bshad par 'dod pa la byin gyis brlab par gsol ba btab nas/rang gi snying po smras pa zhes bya ba nas kra zhes bya ba'i mthar thug par te dbang phyug chen po dang / tshangs pa dang / brgya byin dang / gtogs 'dod dang / gzhon nu karti ka dang tshogs kyi bdag po dang b+h+r-id+gi ti ti dang stobs bzangs rnams kyi yin no//'di'i bshad pa snga ma bzhin dkyil 'khor rgyal bo mchog gi ting nge 'dzin to/ /ting nge 'dzin gsum pa yang de bzhin du shes par bya'o/ /de nas zhes bya ba la sogs pas slob dpon gyi las bstan to/ / bsnyen pa la sogs pa thams cad byas la de nas tshe dpag tu med pa bzhin du dkyil 'khor 'khor lo rtsibs bzhi pa bris la/ lte ba la rdo rje 'dzin pa khro bo/ shar gyi rtsibs la dbang phyug chen po/ /lho'i rtsibs la brgya byin/ nub kyi rtsibs la tshangs pa/ byang gi rtsibs la gtogs 'dod/rang rang gi chung ma dang bcas pa bri ste lcags kyu la sogs pa bzhi yang khros pa dang bcas pa bris la/ dkyil 'khor gyi phyi rol du dbang ldan gyi mtshams nas brtsams nas stobs bzangs dang / tshogs kyi bdag po dang / b+h+r-id+gi ri ti dang / gzhon nu karti ka gzhag /bya dang bum pa la sogs pa thams cad kyang snga ma bzhin du gzhag /de nas zhugs pa sngon du 'gro bas ting nge 'dzin gsum dang phyag rgya bzhis rgyas bdab pa la sogs pa mchod pa'i mthar thug pa thams cad dga' ba chen pos mchod par bya'o/ /de nas rdo rje 'dzin pa ni/ /zhes bya ba la sogs pas slob ma gzhug pa'i las la sogs pa ston to//'dir rdo rje 'dzin pa'i phyag rgya bcings la snga ma bzhin du bcug nas/ oM pra tI ts+tsha zhes bya ba la sogs pas me tog dor ba/ mig dbye ba/ bstan par bya ba la sogs pa thams cad snga ma bzhin du'o/ /de nas sngags kyis btab pa'i bum pa brgyad kyis dbang bskur/dbang bskur ba lhag ma yang rtsa ba'i rgyud du bshad pa bzhin shes par bya'o/ /de nas lha rnams gang dga' ba'i/ /zhes bya ba la sogs pas 'di nyid du dbang dang dam tshig thob pa la dngos grub sbyin pa ston to/ /gang la dga' ba'i sngags byin la snga ma bzhin du rdo rje 'dzin pa bsams te 'bum phrag gnyis bsnyen pa byas nas shes pa'i gnas su dkyil 'khor chen po bsams te bsgrubs na nam phyed na lha 'ongs nas ci 'dod pa sbyin gyis soms te smros shig /de nas lha la gsol ba ci 'dod pa gdab bo/ de nas bla ma dang slob dpon la cha re dbul ba ni rtsa ba'i rgyud du bshad pa bzhin du shes par bya'o//de nas zhes bya ba la sogs pas 'jig rten las 'das pa'i dkyil 'khor bcu gnyis po mtha' dag tu zhugs pa'i 'bras bu lam bco lnga dang / 'jig rten pa'i yon tan mtha' dag kyang bstan te go sla bas ma bshad do//'jig rten pa'i drug bar du ci'i phyir bstan zhe na/ sangs rgyas kyi chos thams cad kyang sku gsum dang rigs gsum gyi bsdus pa'o/ /de yang kun rig dang / gtsug tor dang / tshe dpag tu med pa'i dkyil 'khor gsum gyis bstan pa de dag rtogs par bya ba'i phyir dang por ston to//de nas de dag la 'jug pa yang byang chub sems dpa' mos pa'i sa yan chad thob pa yin pas sbyor ba'i lam la gnas pa thob pa'i rang bzhin can rgyal po bzhi dang phyogs skyong bcu dang / gza' chen po brgyad kyi dkyil 'khor dang dbang dang dam tshig dang gtso bor gyur pa ston to//sbyor ba'i lam mngon par rtogs pa dang 'brel pa'i rang bzhin la gzhan gyi don byed pa gtso bor 'gyur bas/ klu chen po brgyad dang 'jigs byed chen po dang / lha chen po'i dkyil 'khor gtso bor gyur pa bstan to/ /de dag byang chub sems dpa' mos pas spyod pa'i sa la gnas pa zhes bya'o//de yang rtsa ba'i rgyud las/ de nas brgya byin dang tshangs pa la sogs pa'i lha'i bu rnams dang rgyal po bzhi dang 'jig rten skyong ba brgyad dang / gnod sbyin gyi sde dpon chen po nyi shu rtsa brgyad dang / gnod sbyin gyi sde dpon chen po nor bu bzang po dang nor bzangs po chen po la sogs pa byang chub sems dpa'i sa la rab tu gnas pa rnams dang zhes gsungs pa'i phyir ro//de nas yang sa bcu dang sangs rgyas kyi sa la sku gsung thugs nyid du 'byung bas 'chi bdag 'joms pa gsung dang / bde ba chen po sku dang / khro bo thugs kyi dkyil 'khor te gsum gyis bshad do//de ltar na rgyu 'bras kyi go rims su bshad nas zhes bya ba yin la/ grangs kyang nges pa 'di tsam gyis bstan to/ /de ltar 'jig rten pa'i dkyil 'khor drug bshad nas/ don de nas zhes bya ba la sogs pas 'chi bdag 'joms pa'i dkyil 'khor ston te/ de nas zhes bya ba ni snga ma bzhin sbyor ba dang po'i rjes thogs la'o/ /bcom ldan 'das phyag na rdo rje nyid kyis 'khor gyi dkyil 'khor gzigs nas zhes bya ba la sogs pa la mthu chen po'i rig bshad du gsol zhes bya ba sbyar ro/ /de yang phyag na rdo rje nyid kyis 'khor la gzigs te 'dzum pa dang /'khor g.yos pa dang / 'gul ba dang / 'bar ba dang / dgod pa dang / rtse ba dang rmad kyi ya mtshan snang bar gyur to/ /de la lha rnams dam par gyur nas phyag 'tshal te 'dzum pa mdzad pa'i rgyu dris pa dang / phyag na rdo rjes gsan nas lha rnams la 'chi bdag 'joms par byed pa'i rig pa thos sam zhes bka' stsal pa dang /phyag 'tshal zhing mgu zhing dang ba'i dad pa skyes te legs so zhes bya ba sngon du 'gro bas tshe bsring zhing 'chi bdag zhi bar bya ba dang ngan song grol bar bya ba dang / 'khor ba spangs te bla na med pa yang dag par rdzogs pa'i byang chub thob par bgyi ba'i slad du rig pa bshad du gsol zhes bya ba'i don to//snga ma ni tshe 'di la gnas pa'i don du bshad pa kho na yin la/ 'di ni 'di dang phyi ma gnyis ka nas thams cad yin pa'i phyir khyad par de yod do/ /de nas bcom ldan 'das phyag na rdo rjes lha rnams kyis gsol ba'i tshig gsan nas zhes bya ba ni sngar gsol ba btab pa'i tshig gsan nas so//de bzhin gshegs pa thams cad kyi snying po rig sngags 'di nyid sku gsung thugs rdo rje las phyung ngo zhes bya ba ni 'og nas 'byung ba'i rig sngags 'di nyid sku las 'od zer/ gsung las sgra/ thugs las nges pa'i ye shes phyung ngo zhes bya ba'i don to//de nyid oM pu N+ye zhes bya ba la sogs pa'o/ /snying po rig pa'o zhes bya ba ni snying po ni ye shes lnga'o/ /de nyid ni rig pa'o/ /de ston pa'i sgra la yang de skad ces gdags so/ /'dis ni thams cad kyi 'od kyi dkyil 'khor la bri ba'i rig pa dang bzlas brjod du bya ba bstan to/ /oM d+hi swA hA/nye ba'i snying po'i rig pa'o zhes bya ba ni mngon sum pa'i rgyu'i rdo rje lta bu'i ting nge 'dzin to/ /de'i sgra yang snga ma bzhin no/ /phyag na rdo rje'i snying po'o/ /oM b+h+ruM swA hA snying po'o/ /nye ba'i snying po rig pa zhes byas pa la snying po ni gzugs kyi sku'o/ /nye ba'i snying po ni rig pa'o/ / mngon sum pa'i rgyu ye shes te de'i sgra yang snga ma bzhin no/ /gtso bo ni rig pa'o/ /oM gruM swA hA snying po yang dag par bskul ba'o zhes bya ba ni thugs rjes thugs yang dag par bskul ba'i rig pa'o/ /de'i sgra yang snga ma bzhin te/ khro bo'i rig pa'o/ /oM traM swA hA snying po dam pa'o zhes bya ba ni mnyam pa nyid kyi ye shes te sgra la yang de bzhin no//nam mkha'i snying po'i rig pa'o/ /oM hri swAM hA/ gsang ba'i snying po'o zhes bya ba ni so sor kun du rtog pa'i ye shes te spyan ras gzigs kyi rig pa'o/ /'di dag gis ni dkyil 'khor rgyal po mchog gi ting nge 'dzin bstan to//snga ma bzhin du bsgom par bya'o zhes bya ba'i don to/ /las kyi rgyal po mchog gi ting nge 'dzin ni snga ma bzhin du shes par bya'o/ /de nas de dag gi dkyil 'khor bstan te zhes bya ba la sogs pas slob dpon gyi las bstan te snga ma bzhin du bsnyen pa la sogs pa sngon du 'gro bas phyi'i dkyil 'khor bris te/nang gi dkyil 'khor du 'khor lo rtsibs bzhi pa bris la dbus su de bzhin gshegs pa tshe dang tshogs dang gzi brjid tshad med pa gzhag pa b+h+rUM zhes bya bas so/ /spyan sngar phyag na rdo rje ste hri zhes bya ba'i snying pos gzhag go/ /byang phyogs su khro bo ste kruM zhes bya ba'i snying pos so//lho phyogs su nam mkha' snying po'i snying po ste/ traM zhes bya ba'i snying pos so/ /nub phyogs su spyan ras gzigs te hri zhes bya ba'i snying pos so/ /kun gyi 'od la oM pu N+ye zhes bya ba la sogs pa'i rig pa bri'o/ /dbang bskur ba'i bum pa lnga dang /mchod pa'i bum pa brgyad dang / traM zhes bya ba'i sngags kyi bzlas brjod byas te gzhag go/ /bdug pa la sogs pa'i mchod rdzas kun la/ kruM zhes bya ba'i bzlas pas gzhag/ gzhan yang mchod pa'i lha mo brgyad dang sgo ba bzhi snga ma bzhin du bri'o/ /de nas/ dgongs ka'i dus la bab pa dang / /zhes bya ba ni de nas sngags mkhan bdag nyid zhugs la bde bar gshegs pa sras dang 'bangs su bcas pa'i 'khor gyis bskor te rig pa dang lhan cig spyan drang ngo / /de nas bdag nyid dbang bskur te/ /skyil krung bcas te 'dug la stong phrag brgyar bzlas na de bzhin gshegs pa'am rdo rje 'dzin pa'am/'phags pa spyan ras gzigs kyi dbang phyug kyang rung ste mngon sum du mthong nas 'dod pa'i mtshan ma so sor thob par 'gyur ro/ /ci ste mnyam par ma bzhag na yid kyis thams cad nus par 'gyur ro/ /de nas rdo rje 'dzin ma'i phyag rgya bcings nas/oM badzra d+hA ra/ rat+na d+hA ra/ pad+ma d+hA ra/ bi shwa d+hA ra/ ta thA ga ta sa ma ya ma ti kra ma tha ta thA ga ta sa ma ya d+hA ra At+ma kou0f85haM zhes bya ba'i nga rgyal bskyed la zhes bya ba ni sngags pa nyid zhugs la lhag chad zhi bar byas nas ting nge 'dzin gsum sngon du 'gro bas sgo phye ste/ rgyal b a sras dang bcas pa rig pa dang lhan cig spyan drang ngo //de nas lcags kyu la sogs pas las bya/ phyag rgya bzhis rgyas gdab/ dbang bskur/ bzlas pa dang / mchod pa dang / gtor ma dang / sbyin sreg dang gnang ba nod pa'i bar du bya'o/ /de nas slob ma 'jug pa'i cho gas zhugs te/bdag nyid dbang nyi shu rtsa gcig bskur nas/ skyil krung bcas nas 'bum bzlas na de bzhin gshegs pa la sogs pa dkyil 'khor gyi gtso bo mngon sum du mthong nas 'bras bu mchog thob po/ /bzlas brjod ma byas kyang yid kyis las thams cad byed nus par 'gyur ro//de nas rdo rje 'dzin ma'i phyag rgya bcings nas/ rdo rje 'dzin gyi phyag rgyas 'jug pa yin no zhes bya ba'am/ rin chen 'dzin dang / pad+ma 'dzin dang / khro bo dang de bzhin gshegs pa'i 'jug pa ni nga yin zhes nga rgyal bskyed la zhes bya ba'i don to/ /de nas slob ma rnams gzhug par bya'o zhes bya ba la sogs pas slob ma gzhug pa la sogs pa ston te de yang rtsa ba'i rgyud du bshad pa bzhin du ye shes dbab pa'i mthar thug pa byas la 'dir me tog dor bar bya'o//oM sarba ta thA ga ta pra tI ts+tsha ho sa ma ya s+t+wAM/ de nyid brjod la mgo la bcings gdong g.yogs dgrol//lha ngo bstan 'jug pa'i phyag rgya snying gar bstan/ dbang bskur bar bya ste snga ma bzhin du shar phyogs kyi sgor bzhag la/ oM sarba ta thA ga ta a b+hi Shiny+tsa badzra d+hA tu adz+nyA hUM b+h+rUM/ zhes bya ba dang gtso bo'i bum pas dbang bskur ro/ /oM badzra badzra a b+hi Shiny+tsa hUM hUM/ zhes byas pas rdo rje 'dzin pa'i bum pas dbang bskur ro//oM rat+na a b+hi Shiny+tsa hUM traM/ zhes bya bas nam mkha'i snying po'i bum pas dbang bskur ro/ /oM pad+ma a b+hi Shiny+tsa hUM hrIH/ zhes pas spyan ras gzigs kyi bum pas dbang bskur ro/ /de nas karma a b+hi Shiny+tsa hUM kruM zhes bya ba dang khro bo'i bum pas dbang bskur ro//dbang lhag ma nyi shus kyang dbang bskur bar bya ste/ de la dam tshig ni 'di yin no/ /dkon mchog gsum dang byang chub kyi sems dang bla ma mi spang ngo / /srog chags mi gsad ma byin par mi blang / brdzun du smra bar mi bya/ gzhan gyi bud med la mi spyad//bla ma'i grib ma la mi 'gom/ /slob dpon du yon tan can ma yin pa mi gzung / slob dpon gyi mtshan nas mi brjod/ sngags dang phyag rgya dang lha la mi smad gal te glen pas smad na nad kyis thebs nas 'chi bar 'gyur ro/ /snying po dang lha'i grib ma dang phyag rgya dang gom pas mi 'gom/dkon mchog gsum dang bstan pa la gnod pa dang bla ma la smod pa rnams ngan sngags kyis gsad par bya'o/ /log par lta ba dang sdig pa spyod pa dang sems can la gnod pa dang dam tshig la sdang ba rnams snying rje chen pos ngan sngags kyis gsad par bya'o/ /'jungs pa can gyi nor blangs la//phongs pa rnams la sbyin par bya/ /bla ma la mchod pa bya ba'i phyir dang / dam tshig bsgrub pa'i phyir dang / dkyil 'khor mchod pa'i phyir dang / dam tshig can la phan pa'i phyir dang / rgyal ba sras dang bcas pa la mchod pa'i phyir du 'jungs pa rnams kyi nor dbrog go//sems can la phan par 'dod pas bla ma'i nor dang / srog chags kyi srog bsrung ba'i phyir brdzun du smra bar bya'o/ /sangs rgyas mnyes par bya ba'i phyir dam tshig srung ba dang bsgrub pa'i phyir gzhan gyi bud med bsten par bya'o/ /de dag kyang ji lta bu zhe na/rdo rje sems dpa'i rnal 'byor dang ldan pas thams cad spyad cing bsgrubs na 'grub par 'gyur te mnyes par mi 'gyur na/ snying rje chen po dang ldan pa'i thabs kyis smos kyang ci dgos zhes bya ba'i don to/ /de nas bka'i dbang bskur bar bya'o/ /de nas las kyi rdo rje lag tu byin la las kyi dbang bskur bar bya'o//dbang bskur ba ni rtsa ba'i rgyud du bstan pa bzhin du shes par bya'o/ /de nas bla ma la lus dang nor dang dbyig dang 'bru dang stan dang bran dang khang pa dang rgyal po yin na rgyal srid dang bu dang bu mo dang chung ma dang ma dang sring mo dang tsha bo dang / gzhan yang ci bzhed pa thams cad rang la phan pa'i phyir bla ma la dbul lo zhes bya ba'i don to/ /de nas byang chub bar du ni/ /zhes bya ba la sogs pas dngos grub ston te/ 'di nyid du dbang dang dam tshig thob pa de nas byang chub thob pa'i bar du sangs rgyas nyid dang / byang chub sems dpa' dang 'jig rten pa'i mthu chen rnams sgrub par 'dod pas slob dpon la dngos grub rnams gsol ba gdab bo//de nas slob ma la phan pa'i phyir slob dpon ser sna med cing sems dad pa dang ldan pa'i slob ma la dngos grub rnams sbyin par bya'o zhes bya ba sbyin no/ /ji lta bu sbyin zhe na/ chos rnams thams cad dngos med par//sems kyis bsgom pa byas nas kyang / /a las zla ba'i dkyil 'khor bsam/ /rang gi sa bon de dbus su/ /bsams nas dam tshig phyag rgya dag /bsams shing de bzhin de nyid du/ /sgrub pa yis ni bsgyur bar bya/ /lha yi rnal 'byor tshul du bsgyur/ de nas rang gi sa bon dang / /phyag rgyas phyag rgya de byin brlab/ /ltag 'og go rims ji bzhin du/ /sangs rgyas rnams kyis dbang bskur ro/ /de nas nga rgyal bskyed nas kyang / /zhes bya ba gsungs te/ chos rnams thams cad ces bya ba ni mtshan nyid 'dzin pas na chos te dngos po thams cad do//dngos po med par zhes bya ba ni rgyu dang bral bas zhes bya ba'i tha tshig go/ /rgyu dang bral ba de yang rgyu yod pa las skye'am med pa las skye'am gnyi ga las skye zhe na/ ci dang por yod pa las ma yin te ngo bo nyid yongs su grub zin pa ni ma 'ongs pa'i dus gzhan du skye ba don du mi rigs so//gzhan du gal te yod pa skye bar 'gyur ba ni skyes zin pa'ang skye bar 'gyur ro/ /med pa las kyang mi skye ste shin tu gzugs med pa'i ri bong gi rwa la sogs pa dang 'dra zhing skye bar 'jug pa dang mi ldan pa'i phyir ro/ /gzhan du 'di dag thams cad med par 'gyur zhing gang gi phyir dngos po'i phyogs gang yang rung ba 'ga' zhig las kyang dngos po thams cad rtag tu skye bar thal bar 'gyur bas rgyu dang 'bras bu nges pa med par 'gyur ro//gal te so so'i nus pa nges par mi 'gyur bar dngos po 'di rnams kyi nus pa so sor nges par gyur na ni dngos po de rnams las cung zad cig skye bar 'gyur bas khyad par med pas kyang thams cad med pa yin no zhe na/de ni mi rigs te 'bras bu rnams dang 'dres pa'i gzugs rnams rkyen du gyur na ni de'i tshe de rnams kyis so sor nges pa'i 'bras bu dang 'brel par 'gyur bas 'bras bu gang zhig la nges par nus pa yin/de lta na nus pa nges pa med pa nyid du gnas par 'gyur ro/ /de bas na thams cad las thams cad skye bar thal bar 'gyur bas bzlog dka' bar 'gyur ba dang yod pa dang med pa'i phyogs su smras pa'i nyes pa dang 'dres par 'gyur ro/ /gnyi ga las kyang mi skye ste gcig la ngo bo nyid gnyis su 'gyur ba med de/gcig pa nyid dang gnyis pa nyid ni phan tshun 'gal ba'i phyir de yang / yod dang med pa'i don la yang / /rkyen ni rung ba ma yin te/ /yod na rkyen gyis ci zhig bya/ /med na gang gi rkyen du 'gyur/ /gang tshe chos ni yod pa na//med dang yod min mi sgrub pa/ /ji ltar sgrub byed rgyu zhes bya/ /de ltar yin na mi rigs so/ /rkyen rnams so so 'dus pa las/ /'bras bu de ni med pa nyid/ /rkyen rnams las ni gang med pa/ /de ni rkyen gyis ji ltar skyed/ /ci ste de ni med par yang //rkyen de dag las skye 'gyur na/ /rkyen dag las kyang 'bras bu ni/ /ci yi phyir na skye mi 'gyur/ /zhes bshad pa yin no/ /sems kyi bsgom pa byas nas kyang / /zhes bya ba ni snga ma bzhin du don bsgom zhes bya ba'i tha tshig go/ /snga ma las zla ba'i dkyil 'khor bsgom zhes bya ba ni rang gi sems nyid zla ba dang po dang gnyis par bsgom pa'o//rang gi sa bon de dbus su/ /bsams shing dam tshig phyag rgya dag /ces bya ba ni dbus su rang gi sa bon las dam tshig gi phyag rgya bskyed par bya ba'i don to/ /bsam zhing de bzhin de nyid du/ / sgrub pa pos ni bsgyur bar bya/ /zhes bya ba ni sku gsung thugs dpag tu med pa 'dus pa'o/ /lha yi rnal 'byor tshul du bsgyur/ /zhes bya ba ni de nyid las lha'i sku rdzogs pa'o/ /de nas rang gi sa bon dang / /phyag rgya phyag rgyas de byin brlab/ /ces bya ba ni byin gyis brlab pa rang gi sa bon/oM sarba bid badzra ad+hi tiSh+Tha dz+nyA na sa ma ye hUM zhes bya ba dang phyag rgya gnyis bcings te/ snying ga la sogs pa'i gnas bco brgyad du byin gyis brlab pa'o/ /ltag 'og go rims ji bzhin du/ /sangs rgyas rnams kyis dbang bskur ro/ /zhes bya ba ni snying gar dkyil 'khor gzhan du sprul te zhugs nas de'i 'og tu sangs rgyas lnga'i dbu rgyan dang /dar dpyangs dang / rdo rje dang / bdag po dang / ming dang / brtul zhugs sbyin no zhes bya ba'i don to/ /de nas nga rgyal bskyed nas kyang / /zhes bya ba ni dam tshig dang chos dang las dang phyag rgya chen po la sogs pas rgyas btab nas zhes bya ba'i don to//kyang zhes bya ba ni mchod pa bsdu'o/ /'di skad du ston pa yin te/ rigs rnams kyi zlos pa pos khrus kyi cho ga sngon du 'gro ba las lha la sogs pa mchod de mi snang bar gyur par byas la dang po chos thams cad rgyu dang 'bras bu'i sgo nas stong pa nyid du bsgom/a las zla ba'i dkyil 'khor dang / yang zla ba'i dkyil 'khor dang / sa bon las dam tshig gi phyag rgya dang de bzhin gshegs pa'i sku dang gsung dang thugs rdo rjer zhugs pa dang gzugs nyid rdzogs par byed pa dang / rdo rje'i phyag rgya gnyis bcings te sngags brjod la byin gyis brlab pa dang /snying gar sprul te 'jug pa dang / dbang rnams kyis dbang bskur ba dang rgyas gdab pa dang mchod pa yang bya'o zhes bya ba'i don to/ /mkhas pa yis ni bsgrub byas na/ /zhes bya ba ni bsnyen pa dang mtshan thog thag tu bsgoms nas zhes bya ba'i don to/ / 'bras bu cir 'gyur zhe na/ de bzhin gshegs kyang 'grub 'gyur na/ dngos grub gzhan lta ci zhig smos/ /zhes bya ba yin no/ /'dis ni rtog pa thams cad kyi dam tshig sems dpa' bskyed pa dang dngos grub kyi cho ga ston to/ /de nas tshangs pa la sogs pa lha chen po rnams kyis zhes bya ba la sogs pas dkyil 'khor 'dir gzhug pa'i phan yon bstan te go sla bas ma bshad do//de nas lha de dag de bzhin gshegs pa la sogs pas dbang bskur ba dang bzlas brjod ston te/ bcom ldan 'das la phyag 'tshal nas zhus pa'i don tshe thung ba dang / ngan song du skyes par 'gyur ba ma mchis na ji ltar bsgrub ces zhus pa dang /lan du dkyil 'khor du chug cig /chos kyi yi ge zlos su chug cig /de tshe ring bar 'gyur/ bsod nams dang ldan par 'gyur/ ngan song las grol bar 'gyur zhes bya ba yin no/ /tshe 'di la gnas pa'i don bshad nas/pha rol tu 'phos pa rnams kyi don du ngan song du skyes zin pa rnams ming la sogs pa la bkug la lan bdun du dkyil 'khor du bcug la dbang bskur na ngan song las rnam par grol bar 'gyur ro zhes bya ba dang / shi ba'i ming nas smos te sngar bshad pa'i rig pa'i rgyud nyid 'bum phrag stong gi bar du bzlas brjod byas pa la yang kha don du klog pa'i tshul gyis byas na/mtshams med pa lnga dang ldan pa yang 'byang bar 'gyur na sdig pa chung ngu lta smos kyang ci dgos zhes phan yon gsungs pa yin no/ /lha'i bu rnams zhi ba'i zhes bya ba la sogs pa'i ngan song du skyes zin pa rnams sbyang ba ston te zhi ba'i hom khung tha ma khru gang bar ma khru do mchog khru bzhi pa zlum po nyid du byas nas ming dang sngags spel te nyungs kar gyis brgya phrag stong du sbyin sreg byas na ngan song las thar bar 'gyur ro//de'i sha dang rus pa dang skra dang thal ba dang gzugs brnyan la sogs pas brgya phrag stong du sbyin sreg byas na yang ngan song las thar bar 'gyur ro//thab khung la sogs pa la ci zhig bri zhe na/ de'i dbus su 'khor lo rtsibs brgyad dang 'od zer dkar po bri/ /'khor yug la rdo rje rtse lnga pa 'od zer dkar po bri/de'i phyi rol du 'khor lo rtsibs bzhi pa la shar phyogs su rdo rje gzhag /byang du rgya gram/ lho phyogs su rdo rje rin chen/ nub tu pad+ma/ sdig pa gzhom pa'i phyir phyag rgya sna tshogs pa gzhag par bya ste mu ran dkar po'i nang du phyi rdo rje rigs kyi phyag rgya bri ba ni gza' dang skar ma dang 'jig rten skyong ba dang bcas pa bri/gtso bo gang zhig tu gzhag ce na/ ri mo'am lugs ma yang rung / shar phyogs kyi rtsibs la rdo rje can dang lhan cig gzhag /gzhan yang byang du bum pa dang gtor ma dang lha bshos rab tu bkang ba gzhag /mdor na thig gdab nas cho ga bzhin du bri bar bya/de nas dkar po'i gos gon rnal 'byor dang ldan pas ngan song gi rgyud na gnas pa'i sems can drang zhing sdig pa zhi bar bya ba'i phyir dang dag pa'i sems kyis sbyin sreg bya'o/ /rdzas ci zhig gis bya zhe na/ mar dang 'o ma sbrang rtsi dang / chan dang 'bras yos dang yungs kar dang de'i rus pa la sogs pa bsres te sbyin sreg bya'o//rus pa la sogs pa med na ming nas smos te bya'o/ /de ltar zhi ba'i sbyin sreg gis bde 'gror skyes nas/ rgyas pa'i sbyin sreg mkhas pas rgyas par bya dgos te zhes bya ba la sogs pa la rnal 'byor pas khru do pa dang khru bzhi pa dang /mchog la khru brgyad pa byas nas hom khung khru bzhi pa mu ran dang ldan pa de'i dbus su pad+ma dang rin po che'i 'od zer ser po dang ldan par bri'o/ /de'i khor yug tu rin po che/ mur na la pad+ma/ phyi rol du rtsibs chen po bzhi la/ shar du rdo rje/ lhor rin po che/ nub tu pad+ma/ byang du sna tshogs rdo rje/ shar du 'khor lo'i rtsibs la gtso bo'i ri mo la sogs pa bri'o/ /grwa rnams su lha mo brgyad kyi phyag mtshan/ sgor lcags kyu la sogs pa'i phyag mtshan bri bar bya'o/ /de nas gos ser po bgos nas mtho ris na gnas pa dran par byed cing de la phan zhing rgyas par bya ba'i phyir rgyas pa'i las snga ma bzhin du byas nas/de'i tshe dang dpal dang gzi brjid dang longs spyod 'phel bar bya ba'i phyir de ltar rgyas pa'i las bya'o/ /de nas dbang du bya ba'i las bshad pa ni/ de nas phan phyir nges par yang //dbang du bya ba'i las bshad do/ /zhes bya ba la sogs pa la rgyas par bya ba nas dbang du bya ba'i las ni thab khung gzhu'i dbyibs 'dra ba dang / tha ma khru gang / bar ma khru do mchog khru bzhi par byas la de'i dbus su pad+ma dmar po bris la/ lte ba la mda' dang gzhu bri/'khor yug tu mda' dang gzhu bri/ sngags shes pas mu ran la yang mda' dang gzhu bri/ phyi rol lhag ma rnams zhi ba dang rgyas pa dang 'dra bar bya'o/ /de nas sems can de dran par byas te gos dmar po gon la pad+ma'am 'bras bu dmar po tshon gyis sbrus nas mar dang gur gum dang bsres nas/tsan+dan dmar po'i phye ma'i sbyin sreg byas na thams cad de'i dbang du 'gyur ro zhes bya ba yin no/ /de nas mngon spyod bstan pa ni/ /de la gdon rnams gzhom pa'i phyir/ /mngon spyod kyi las ni brtsam par bya/ dbang du gyur pa de la gzhom pa'i phyir mngon spyod brtsam par bya ste/tha ma phyed dang gsum/ bar ma khru gsum/ mchog khru dgu pa/ thab khung khru gsum pa/ dbus su rdo rje rtse dgu pa mu khyud la rtse gsum pa dang / rgya gram dang rdo rje dang dbyug pa dang / phyogs gcig rtse gsum pa'i rdo rje dang / dgra sta dang rdo rje rtse gcig pas bskor/phyi rol du lha'i gnas 'khor lo rtsibs bzhi pa dang lA skye la sogs pa'i gnas dang / rdo rje rigs kyi gnas sum rim du bya/ bya dang gtor ma dang bum pa dang bshos cha rnam pa mang po dang / chang dang khrag gis bkang ba'i thod pa gzhag /de nas lus can gyi sdig pa dang bgegs gzhom pa'i phyir/gos nag po bgos shing khro bo tshad mar byas la 'jig rten gsum rgyal du bskyed de snga ma bzhin du sbyin sreg byas nas/ de nas de'i lus la sdig pa bcom nas bgegs dang bral te mtho ris lha dang mi'i nang na ci dga' bar spyod do//de nas thab kyi go rims dang po zhi ba dang de las rgyas pa 'byung bas rgyas pa dang / de nas dbang du bya ba de nas mngon spyod kyi las yin te/ go rims 'di dag nyid kyis ni/ /de nas gang gi phyir byas pa/ /de yi phyir yang de bzhin 'gyur/ /zhes gsungs pa'i phyir ro//tshe 'di nyid la gnas pa rnams kyi go rims phan yon dang bcas pa/ gzhan dag gi las rnams kyang / snga ma bzhin du de ltar bya/ /des ni sems can rnams la yang / /myur du bde skyid 'grub par 'gyur/ /zhes gsungs pa yin no/ /de nas tshangs pa la sogs pa'i lha rnams dang zhes bya ba la sogs pas brtag pa'i rgyal po'i phan yon dang /rgyud gtad pa bstan te go sla bas ma bshad do/ /de nas bcom ldan 'das zhes bya ba la sogs pas bde ba chen po'i dkyil 'khor ston te/ de nas zhes bya ba sbyor ba dang po'i rjes thogs la ste/'dir dang po'i sbyor ba ni phyag na rdo rje nyid yin par gzung ngo / /bcom ldan 'das phyag na rdo rje sngags dang phyag rgya dang snying po thams cad ces bya ba ni gsung dang thugs dang las dang sku thams cad do/ /bstan par ba ba'i phyir zhes bya ba ni 'og nas 'byung ba'i dkyil 'khor yod pa las bstan par 'gyur ro//nyid kyi snying po 'di bshad do/ /zhes bya ba ni nyid kyi ye shes nges par bstan pa'i sgras gsungs pa'o/ /de'i gnas la'ang bya ba ste de nyid oM badzra b+hi hUM/ rdo rje sems dpa'i 'o/ /oM AHhUM kun du bzang po'i 'o/ / badzra hUM phaT phyag na rdo rje'i 'o/ /oM badzra kro d+ha badzra hUM phaT/ rdo rje bsnams pa'o/ /oM badzra d+hi sgrib pa rnam par bsal ba'i'o/ /oM badzra hUM a rgya gram bsnams pa'o/ /'di dag gis kyang dkyil 'khor rgyal mchog sgom pa pos snga ma bzhin du dkyil 'khor lus la brtags pa'i bar byas nas khang pa brtsegs pa dang gdan bskyed la kun rig gi dkyil 'khor ji lta ba bzhin bsams la/dbus su bde ba chen po'am/ rdo rje sems dpa' bsams la thabs dang shes rab kyi mtshan nyid las sngar bshad pa'i ye shes las sku/ de'i thugs kar zla ba la yig 'bru rnams bkod de bskyed ces bya ba'i don to//dkyil 'khor rgyal po mchog gi ting nge 'dzin to/ /de nas bsdu zhing byin gyis brlab pa la sogs pa las rgyal po mchog ces pa'i ting nge 'dzin snga ma bzhin shes par bya'o/ /de nas de dag gi dkyil 'khor bshad de zhes bya ba la sogs pas slob dpon gyi las ston to//sngon la bsnyen pa byas pa dang / sa lhag par gnas pa dang / cho ga thams cad spyad de de nas dkyil 'khor bshad pa ni/ rtsa ba'i rgyud ltar dkyil 'khor bris la kun rig gi gnas su rdo rje 'am/ rdo rje sems dpa' 'am/ bde ba chen po gang rung cig bri/ de'i spyan sngar phyag na rdo rje g.yas phyogs su rdo rje bsdams pa/nub phyogs su rnam par gsal ba/ byang phyogs su rgya gram bsnams pa/ de'i phyi rol gyi dkyil 'khor du/ shar phyogs su ngan song sbyong ba/ lhor rin chen tog /nub phyogs su shAkya'i dbang po/ byang phyogs su me tog cher rgyas/de'i phyi rol 'khor lo'i rtsibs rnams la sems dpa' bcu drug po go rims bzhin du bri/ khyams dang grwa'i char byams pa dang / lA s+ye la sogs pa dang / sgo gnyis pa'i nang du dpe med pa'i byang chub sems dpa' bri/ rim pa gnyis pa la kun dga' bo la sogs pa'i nyan thos gsum pa la rang sangs rgyas bri'o//mu ran dkar po'i nang du 'khor yug la rang rang gi bu dang chung mas bskor ba'i tshangs pa la sogs pa dang / gza' dang skar ma'i lha rnams dang / rgyal po bzhi dang / 'jig rten skyong ba rnams bri/ de'i phyi rol gyi mtshams kyi char shar lhor dmyal ba/ lho nub tu yi dags/nub byang du byol song / byang shar du mi'i 'gro ba bri bar bya'o/ /shar la sogs pa'i phyogs bzhir shar phyogs su 'dod chags bya/ lho phyogs su zhe sdang sbrul/ nub phyogs su gti mug phag /byang phyogs su bud med kyi gzugs bri bar bya'o/ /nang sgor lcags kyu la sogs pa/phyi rol gyi sgor 'jig rten gsum mthar byed pa la sogs pa stobs kyi dam pa rnams bri bar bya'o/ /dri rnam pa lnga'i chus bkang ba'i gser gyi bum pa dang gtor ma dang lha bshos dang / me tog dang bdug pa dang gdugs dang rgyal mtshan dang 'phan dang bla re dang rnga ma dang dril bu dang /rdo rje nor bu dang do shal dang nyi ma la sogs pas brgyan zhing gzhag par bya'o/ /'dod pa'i yon tan rnams kyi rang bzhin gzugs sdug pa la sogs pa lngas dkyil gyi 'khor nye 'khor kun du dgang ngo / /de nas sbyor ba dang po la sogs pa sngon du 'gro bas sgo phye ste/spyan drangs la lha rnams mchod pa'i mthar thug pa byas pa'i rjes thogs la gnang ba nod mnos nas bdag nyid zhugs la bdag nyid dbang bskur la zhes bya ba yin no/ /sdom gnas dam tshig ldan pa zhes bya ba la sogs pas slob ma gzhug pa la sogs pa ston to/ /slob ma sdom pa la gnas shing dam tshig la gnas pa bla ma la mos pa stong pa nyid la mi 'jigs pa/rigs kyi skyon dang bral ba/ ser sna dang bral ba/ yon tan dang ldan pa/ gtong ba dang / tshul khrims dang / mang du thos pa dang / tshad med pa bzhi dang / rnam par thar pa'i sgo dang yid dang mthun pa'i slob mas snga ma bzhin du gsol ba btab pa la sogs pa sngon du 'gro bas sngags 'dis byang chub tu sems bskyed du bcug ste/oM badzra hUM dza/ sngags 'dis gzung bar bya ste/ oM badzra sa ma ya pra be sha ya hUM/ sngags 'dis me tog dor bar bya'o/ /oM badzra pA Ni pra ta'i ts+tsha badzra satwa ma hA su kha hUM ha ho sa ma ya s+t+waM/rang gi lha'i sngags dang phyag rgyas mgo la bcing bar bya'o/ /de nas dam tshig sbyin par bya'o/ /oM ji ste khyod kyis su yang rung ba la smras na/ phyag na rdo rje'i rdo rje 'bar bas khyod kyi mgo bo 'gas par 'gyur ro/ /'dis dam tshig gi chu blud do/ / oM badzra sa ma ya hri traM hUM a/ 'dis gdong g.yogs dgrol lo/ /oM badzra tsak+Shu pA she haM/ oM ta dz+nyA na be ta lan te/ ma hA ma mi hUM/ de nas sangs rgyas dang byang chub sems dpa' thams cad bstan la rtsa ba'i rgyud du bshad pa bzhin du thams cad byas la/ bcom ldan 'das kyi spyan sngar dbang bskur bar bya'o//oM badzra pA Ni swa ya ti/ a nu ra ga te a b+hi Shiny+tsa hUM/ zhes phyag na rdo rje'i bum pas dbang bskur/ oM badzra a b+hi Shiny+tsa sarba a b+hi She ka te hUM/ rdo rje sems dpa'i bum pas dbang bskur/ oM bud+d+ha d+harmA b+hi Sh-iny+tsa sarba bud+d+ha bi Shi ka ta oM hUM/ kun du bzang po'i bum pas dbang bskur/oM rat+nA b+hi Shiny+tsa sarba rat+nA b+hi Shi ka ta oM hri/ rdo rje bsdams pa'i bum pas dbang bskur/ oM pad+mA b+hi Shiny+tsa sarba pad+mA b+hi She ka ta hri/ rnam par gsal ba'i bum pas dbang bskur/ oM karmA b+hi Shiny+tsa sarba karmA b+hi She ka ta a/ sna tshogs rdo rje bsdams pa'i bum pas dbang bskur/dbang bskur ba lhag ma ni rtsa ba'i rgyud du bstan pa bzhin shes par bya'o/ /de nas lus la sogs pa yon du phul nas bka' nod par bya'o/ /de'i sngags oM sarba zhes bya ba la sogs pa'o/ /de nas las thams cad byed du bcug cing dngos grub thams cad kyang sbyin no zhes bya ba la sogs pas dngos grub bstan to//bde bas bde ba bskyed nas ni/ /zhes bya ba ni bde ba chen po lhag pa'i lha thob pas bde ba chen po'i skur bskyed nas ni zhes bya ba yin no/ /dkyil 'khor bzhi yi dbus su ni/ /kun du bzang ngam bde chen po/ / bdag nyid kyis ni bsgoms nas kyang / snying gar hUM zhes bya ba nas/ /zhes bya ba ni phyag na rdo rje la sogs pa bzhi'i dbus su bde ba chen po snga ma bzhin du bsgoms nas snying gar zla ba'i thog tu hUM zhes bya ba dang po'i bsnyen pa la mtshan ma thob kyi bar du bsams te mtshan thog thag bsams nas zhes bya ba yin no//de'i phan yon ni/ rdo rje sems dpa' dang mnyam 'gyur/ /dpal ldan las rnams kun byed cing / /kun du bzang por bdag nyid 'gyur/ /de ltar 'gyur bar the tshom med/ /ces gsungs pa yin no/ /gzhan yang 'chi bdag 'joms pa'i skabs su bshad pa bzhin du lha'i rnal 'byor rdzogs par bskyed la/hUM las phyag na rdo rjer bsgyur la snying gar 'di nyid kyi dkyil 'khor bsgoms te bsnyen pa dang sgrub pa bsgoms na phyag na rdo rje dang 'dra bar 'gyur ro zhes bya ba ni/ hUM las sangs rgyas gzugs gyur na/ /phyag na rdo rje bdag nyid 'gyur//snying gar 'khor lo rab bsgoms na/ /phyag na rdo rje 'dra bar 'gyur/ /zhes gsungs pa'i don yin no/ /gzhan yang / rdo rje khro bor mnyam gzhag ste/ /snying ga'i dbus su phaT ces bya/ /hUM zhes bya bas bskor bsams te//khro bo stobs chen nyid du 'gyur/ /zhes bya ba ni snga ma bzhin du bsams te khro bor bsgyur la rang gi zla ba'i steng du phaT ces bya ba hUM zhes bya bas bskor bar bsams te bsnyen pa dang sgrub pa bsgoms na khro bo stobs po che nyid du 'gyur ro zhes bya ba'i don to/ /rdo rje bsdams par bdag bsgyur la//snying gar oM zhes bya ba yis/ /bskor ba'i hUM dang hri zla ba/ /bsams na rin chen 'dra bar 'gyur/ /zhes bya ba ni snga ma bzhin rdo rje rin chen du bsgyur la/ hUM hri gnyis zla ba'i dbus su bsams la/ oM zhes bya bas bskor ba snying gar bsams la bsnyen pa dang sgrub pas rdo rje rin chen du 'gyur ro zhes bya ba yin no//snga ma bzhin du rdo rje chos su bsgoms la snying ga'i dbus su traM zhes bya ba oM oM zhes bya bas bsnyen pa dang sgrub pa'i dus su zla ba la bsgoms pas phyag na pad+mo dang 'dra bar 'gyur ro zhes bya ba'i don to/ /rdo rje bsgoms nas snying gi ni/ / dbus su hrI zhes bya ba la/ /oM zhes bya bas bskor bsams na/ /phyag na pad+mo mnyam par 'gyur/ /zhes bya ba yin no/ /gzhan yang snga ma bzhin du rdo rje las su bskyed la/ a las 'khor lo'i dbus su sna tshogs rdo rje dbus su hUM dang ldan pa oM zhes bya bas bskor ba bsnyen pa mtshan thog thag bzlas na rdo rje las dang mnyam par 'gyur ro zhes bya ba ni/'khor lo rgya gram hUM ldan pas/ /aHzhes bya ba bskyed nas kyang / /oM zhes bya bas bskor bsams na/ /rdo rje las dang mnyam par 'gyur/ /zhes gsungs pa yin no/ /rdo rje las rnams bshad bya ste/ /zhes bya ba la sogs pas las bshad de/de nas bshad par bya'i las rnams ni/ zhi ba dang rgyas pa dang dbang dang mngon spyod kyi las rnams bzlas pa dang sbyin sreg gi sgo nas zhi ba la sogs pa'i las rnams bya ba yin no/ /zhi ba'i rnal 'byor pa rdo rje sems dpa' bsgyur la zhi ba'i las brtsam zhing /dus ngan par bzlas pa dang sbyin sreg byed cing 'od zer sprin gyis de'i lus la 'og nas 'byung ba'i brdung ba'i sngags brjod cing 'phro bar gyur par bsgoms la shar du kha bltas nas gzhan gyi nyes pa sel bar byed la sems can la phan par dga' bas de bzhin gshegs pa'i rigs la mchod cing kun du bzang po'am bde ba chen po bsams nas nang par re re snga ma bzhin thams cad byas pas sdig pa zhi bar 'gyur zhes bya bar gnas so//rgyas pa ni 'od zer ser po dang ldan pa'i rin chen 'dzin du bsams la/ zas dkar gsum bza' zhing nyi ma'i gung la rgyas pa'i las shis te/thab khung rin chen lta bur brkos la bzlas pa dang sbyin sreg bya ba ni/ sngags pas snga ma bzhin du 'od zer ser pos lus dgong ngo zhes pa'i don to/ /dbang du bya ba ni lha'i rnal 'byor dang ldan pas thab khung pad+mo 'dra bar byas pa spyan ras gzigs su bdag bsgyur la nyi ma rgas pa'i mthar dbang du bya'o zhes bya ba'i don to//de yang lha gang dag gi rnal 'byor gyis 'grub par bstan pa ni/ 'dren pa kun tu bzang pos ni zhi ba'i las bya'o/ /rdo rje rin chen gyi rnal 'byor ni rgyas gdab pa dbang bskur ba 'grub bo/ /rdo rje dpal gyi rnal 'byor ni rnam par rgyal ba dang longs spyod dang /dbang phyug dang dpal mnyam pa med pa 'grub bo/ /rdo rje nyi ma ni gzi brjid dang mdog shin tu 'bar ba gtso bor 'grub bo/ /bzhad pa ni dga' mgu rangs pa gtso bor 'grub bo/ /rdo rje chos ni chos thams cad brtags nas sangs rgyas la sogs pa thams cad mnyes par byed pa gtso bor 'grub bo//dbang phyug chen po la sogs pa'i rigs rnon pos gcod pa nyid du 'grub bo/ /ma rungs pa rnams rtsad nas gcod pa 'khor los gtso bor 'grub bo/ /mi smra ba smra bar mdzad cing ma rungs pa lkugs pas rdo rje smra ba gtso bor 'grub bo/ /rdo rje las kyi rnal 'byor gyis mchod pa dang sems can gyi don bya bar gtso bor 'grub bo//rdo rje srung bas bsrung ba gtso bor 'grub bo/ /ma rungs pa thams cad za ba rdo rje gnod sbyin gyi gtso bor 'grub bo/ /rdo rje khu tshur gyis bcings nas gtso bor 'grub bo/ /de dag gi lha'i rnal 'byor gyis zhi ba dang rgyas pa dang dbang dang /mngon spyod rnams la gcig dang bzhi dang bzhis gtso bor 'grub bo zhes bya ba yin no/ /gzhan yang de dag gi thun mong gi 'bras bu ni/ bzlas pa dang sbyin sreg gi las kyi dgos pa thams cad bsgrub par bya'o zhes bya ba yin no//zhi ba la 'od zer gsal bas bsgrub pa'i dngos po gang bar bsgom zhing / zhi ba lha'i rnal 'byor dang ldan pa zhi ba'i sems kyis zhi zhes bya'o/ /rang gi lus gser btso ma lta bu dang / nyi ma shar ba lta bur bsams la rgyas pa'i las bya'o/ /'od zer ser pos dgang bar bya'o//spyan ras gzigs kyi rnal 'byor gyis hri dang 'dra ba'i 'od zer btang bas bsgrub par bya ba'i snying la kun du bskor nas byed cing bsams na 'dod pa thams cad dbang du byed do zhes bya ba'i don to/ /de ltar las rnams bshad nas de nas bcom ldan 'das phyag na rdo rje zhes bya ba la sogs pas rtog pa thams cad kyi dkyil 'khor dang sbyin sreg la sogs pa'i dus su rgyas gdab pa ston te/de nas bcom ldan 'das phyag na rdo rje la phyag 'tshal nas 'di skad ces gsol to/ /bcom ldan 'das phyag na rdo rjes sems can thams cad la phan pa'i phyir the tshom thams cad gcod pa ngan song thams cad bzlog pa'i rtog pa dam pa 'di bshad pa legs so legs so zhes bya ba ni dga' nas lan gnyis su zhus pa'o//de nas phyag na rdo rjes phyag rgya'i le'u 'di bshad do zhes bya ba ni bde bar byed pas na phyag rgya ste 'og nas 'byung ba'o//le'u zhes bya ba ni gos dang 'dra ba ste cho ga dang rim pa dang rnam par 'byed pa dang dum bu zhes bya ba'i don to/ /'di bshad do zhes pa ni gsungs pa'o/ /lag pa gnyis mdun du bzhag la a las zla ba'i dkyil 'khor du byin gyis brlabs te zhes bya ba ni lag pa gnyis mdun du bzhag nas a las zla ba hUM las rdo rje bskyed de thim pa'o//hUM zhes bya ba dang a zhes zla ba'i dkyil 'khor gnyis kyi byin gyis brlabs la zhes bya ba ni hUM AHzhes brjod pas so/ /lag pa gnyis kyi thal mo gnyis ka la a la sogs pa'i yi ge bcu drug kun du gang zhing 'phro bar bya ste zhes bya ba ni zla ba la g.yas skor gyis a A la sogs pa bcu drug 'od zer dang bcas te zhes bya ba'i don to//mthe bong gnyis la oM zhes bya ba bzhag nas gung mo gnyis la hUM zhes bya ba gzhag /mdzub mo gnyis la hUM zhes bya ba gzhag /srin lag gnyis la hri zhes bya ba gzhag /mthe bong la a zhes bya ba bzhag ste de ltar yi ge rnams gzhag par byas nas de bzhin gshegs pa rnams yin par mos pa bskyed de zhes bya ba ni g.yas pa la oM las rnam par snang mdzad/ hUM la sogs pa la ni mi bskyod pa la sogs pa bskyed/g.yon phyogs la oM las rdo rje dbyings kyi dbang phyug ma/ hUM la sogs pa la rdo rje sems dpa' la sogs bskyed de zhes bya ba'i don to/ /chos thams cad gcig la gcig 'dres pa dang gdan rjes su mthun par byas te zhes bya ba ni bde bar gshegs pa yab yum rnams badzra any+dza li zhes bya bas rdo rje thal mo sbyar ba dang bdag gis kyang de'i don bsgom zhes bya ba'i don to//lag pa gnyis pad+ma lta bur sbyar ba byas nas/ oM zhes bya ba gnyis brkyang ba dang a zhes bya ba gnyis bkug ste/ de bzhin du hUM zhes pa dang / hri zhes bya ba gnyis gshibs te brkyang ba 'di ni bcom ldan 'das kyi rtsa ba'i phyag rgya las thams cad dang ldan pa'i dam tshig gi'o zhes bya ba ni mthe bong gnyis brkyang mdzub mo gnyis dang srin lag gnyis pad+ma'i 'dab ma 'dra bar bya/gung mo gnyis gshibs te brkyang ba ni sdig pa sbyang ba la sogs pa las thams cad las mi 'da' ba'i phyag rgya'o zhes bya ba'i don to//de nyid rnon po dang ldan pa dang / de las rab tu 'khor lo dang 'dra ba dang 'khor lo'i zhes bya ba ni rdo rje thal mo de nyid rnon po ltar byas te bskor na 'khor lo'i phyag rgyar 'gyur ro/ /de nyid las khar gzhag pa ni sgra ste 'di ni phyag rgya'i tshogs so zhes bya ba ni rdo rje thal mo de nyid khar gzhag pa sgra'i ste phyag rgya'i tshig tu 'gyur ro//de nyid gnyis su byas nas las kyi phyag rgyar byas nas las kyi'o zhes bya ba ni/ rdo rje thal mo de nyid gnyis su byas nas rdo rje khu tshur du byas te rang rang gi snying gar sbyar na las su 'gyur ro//g.yon pa mgo thod thogs 'dra dang / /g.yas pa mdung rtse gsum pa zhes bya ba ni g.yon pa mgo thod thogs pa 'dra bar byas la g.yas pa mthe bos mthe'u chung mnan te/ lhag ma gsum mdung rtse gsum pa ltar byas pa ni ma mo dang gshin rje'i phyag rgya'o//g.yon pa pad+ma kha 'dzum dang / /g.yas pa oM zhes bya ba gzhag /ces bya ba ni g.yon pa pad+ma kha 'dzum pa lta bu byas la/ g.yas pa'i mthe bong kha'i phyogs su gzhag pa ni tshangs pa'i'o/ /g.yon pa 'khor lo dbyug rtse gsum//zhes bya ba ni g.yon pa 'khor lo thogs pa ltar byas la/ g.yas dbyug to rtse gsum ltar byas pa ni dbang phyug chen po'i 'o/ /a dang oM ni rtse sprad pa/ /lhag ma gsum ni rdo rje can/ /zhes bya ba ni g.yas pa'i mthe'u chung dang mthe bong rtse sprad nas lhag ma gsum rdo rjer byas pa ni brgya byin gyi'o//hUM dang oM gnyis gzhur byas la/ /lhag ma mdar byas mda' can gyi'o/ /zhes bya ba ni mdzub mo dang mthe bong gnyis gzhur byas la sor mo lhag ma mdar byas pa ni mda' gzhu can gyi phyag rgya'o/ /lag pa g.yas g.yon la 'khor lor bya//'di ni nyi ma zla ba'i zhal/ /zhes bya ba ni/ g.yon pa bgrad pa zla ba yi/ /g.yas pa bgrad pa nyi ma'i 'o/ /thal mo dam sbyar sor mo spro/ /gza' lag rtag tu se gol gtogs/ /zhes bya ba ni thal mo sbyar ba sor mo 'khrol ba ltar byed cing se gol gtogs pa ltar byed pa ni gza' lag go//de nyid tshig dbang gsungs pa ste/ /mchu la tshig 'bru 'dra bar gzhag /ces bya ba ni rdo rje thal mo nyid mchu las tshig dbyung ba 'dra bar gzhag pa ni phur bu'o/ /pa ba sangs ni mnyam nyid sbyar/ /zhes bya ba ni thal mo mnyam nyid sbyar ba pa sangs dang mig dmar gyi'o//spen pa dbyig pa 'dzin par bya/ /zhes bya ba ni dbyug pa 'dzin pa ltar byed pa ni spen pa'i 'o/ /ba lang sna ni chu srin 'dra/ /zhes bya ba ni mdzub mo dang mthe bong gnyis glang po che dang chu srin gyi sna 'dra ba sgra gcan gyi yin par shes par bya'o zhes bya ba'i don to/ / rgyu skar me stag 'phro ba 'dra/ /de nyid bskor na glog phreng gi/ /bla 'og gzhag pa sprin phyag rgya/ /zhes bya ba ni me stag 'phro ba ltar byas pa rgyu skar gyi'o/ /de nyid bskor ba glog gi'o/ /thal mo gnyis bla 'og tu gzhag pa sprin gyi'o/ /'di dag snying po phyag rgya ste/ /las kyi phyag rgya yang 'di dag yin no zhes bya ba ni thugs dam tshig snying po'i phyag rgya'o//'jig rten pa'i las kyi phyag rgya yang 'di dag nyid do/ /de nyid las srin lag sbas pa ni phyag na rdo rje'i zhes pa ni rdo rje thal mo de nyid las mdzub mo'i tshigs bar ma bcag pa ste dbang bskur ba rdo rje rin chen gyi phyag rgya ste/ de nyid las hUM zhes bya bas tshigs bar ma bcag pa ni dbang bskur ba sbyin par byed pa ste/ nam mkha'i snying po'i phyag rgya'o/ /de nyid las hUM zhes bya ba ni gshibs la srin lag pad+ma 'dra bar byas pa 'di pad+ma 'byung ba'i chags pa'i phyag rgya'o zhes bya ba ni mdzub mo gnyis gshibs srin lag pad+ma 'dra bar bya ba ni rnam par gsal ba'i phyag rgya'o//mdzub mo gnyis dang srin lag gnyis bsgreng ba ni rdo rje sems dpa' ste de nyid las hUM zhes bya ba dang / /hri zhes bya bas gshibs te bsgreng ba ni bcom ldan 'das rdo rje sems dpa'i phyag rgya'o/ /de nyid las pad+ma 'dra bar byas pa ni bde ba chen po'i phyag rgya'o//de nyid las 'od zer 'phro ba'i tshul du byas pa ni kun du bzang po'i phyag rgya'o zhes bya ba ni rdo rje thal mo pad+ma 'dra bar byas pa dang / /'od zer 'phro ba ni bde ba chen po dang kun du bzang po'i phyag rgya'o/ /de nyid nang du bkug na ni/ /khro bo sna tshogs gzi can no/ /zhes bya ba ni thal mo nang du bkug pa khro bo'i 'o//de nyid las shin tu bsdams pa ni rdo rje bsdams pa'o/ /brkyang pa ni srung ba'o/ /hri zhes bya ba'i sa bon ni gnod sbyin gyi'o zhes bya ba sor mo rnams bsdams pa rdo rje dam tshig gi phyag rgya'i rgyu dang / brkyang nas mgul du 'khyud pa srung ba'i dang / /mdzub mo mche ba gnod sbyin gyi phyag rgya'o//hUM zhes bya ba lcags kyur byas pa ni bkug pa'o/ /de nyid mdar byas pa ni 'dod pa'o/ /oM dang hUM gnyis sbyar ba dgyes pa'o zhes bya ba ni mdzub mo gnyis lcags kyur byas pa rgyal po'i 'o/ /mdzub mo gnyis mdar byas pa chags pa'i 'o/ /mthe bong dang mdzub mo gnyis se gol gtogs pa ni legs pa'i 'o//de nyid dkyil 'khor lta bur byas pa ni gzi brjid kyi'o/ /de nyid nor bu 'dra bar byas pa ni rgyal mtshan gyi'o/ /bskor na gzhag pa ste de nyid khar gzhag na dgyes shing 'dzum par mdzad pa ya mtshan no zhes bya ba rdo rje bsdams pa las 'od zer 'bar ba ltar byas pa gzi brjid kyi'o//rdo rje bsdams pa nyid thal mor byas pa nor bu 'dra bar byas pa ni rgyal mtshan gyi'o/ /de nyid bskor nas kha'i phyogs su gzhag pa ni bzhad pa'i 'o/ /thal mo pad+mo bkug pa ni pad+mo'i 'o/ /a zhes bya ba dang oM zhes bya ba gnyis nang du bkug pa ni ral gri'o//gcig la gcig sbyar ba ni 'khor lo'i 'o/ /snga ma las oM zhes bya ba gnyis khar gzhag pa ni 'byung ba ste zhes bya ba thal mo pad+mo dang mthe'u chung dang mthe bong bkug nas lhag ma ral gri dang thal mo sbyar ba dang / mthe bong gnyis khar gzhag pa ni go rims bzhin du chos dang rnon po dang /'khor lo dang smra ba'i phyag rgya'o/ /mdor na phyag rgya ni las kyi phyag rgya sbyin par byed pa'o zhes bya ba ni yon tan mdor bsdu na las thams cad sbyin par byed pa'o zhes bya ba'o/ /de nyid bsdus mdud sprul mgor 'gyur/ /zhes bya ba ni rdo rje thal mo de nyid las mtshams gnyis bsdus la sor mo'i rtse mo bsdus nas btud de sprul mgo ltar byas pa ni klu dang chu lha'i phyag rgya'o//kun du gnod sbyin mche ba 'dra/ /zhes bya ba ni mdzub mo gnyis mche ba 'dra bar byas pa ni gnod sbyin no/ /srin po yi ni khrag 'phrog pa/ /zhes bya ba khrag 'thung ba ltar byed pa srin po'i 'o//lag pa bskor ba rlung gi ste/ /dbyug to ldan pa gnod sbyin no/ /bum pa gzhag pa nor gyi'o/ /zhes bya ba ni lag pa bskor ba rlung lha'i 'o/ /dbyug to ltar byed pa ni gnod sbyin gyi'o/ /lag pa gnyis bum pa ltar byed pa ni nor lha'i 'o/ /mthe bong ne le'i rna 'drar bya/ /mgo bo thod pa nag po ste//b+h+r-id+gi ri ti lag brkyang pa/ /pi wang g.yon thogs dri za'o/ /lag gnyis 'bar ba me 'bar ba/ /gung mo dbyug 'dra gshin rje yi/ /zhes bya ba ni rdo rje thal mo nyid mthe bong gnyis rna ba dang 'dra bar bya ba ni rnam thos bu'o/ /g.yon pa mgo thod mkhal ma'i phyogs su 'jog pa ni nag po chen po'i 'o//tha ma brkyang ba ni b+h+r-id+gi ri ti'i 'o/ /g.yon pa pi wang thogs pa ni dri za'i 'o/ /lhag ma gnyis kyi sor mo me 'dra bar byas pa ni me lha'i 'o/ /lag pa gnyis kyi gung mo dbyug pa 'dra bar byas pa ni gshin rje'o/ /rnal 'byor khro dang dbang sbyin pa/ /mthe'u chung ral gri mdzub gzhag can//zhes bya ba ni rdo rje thal mo las mthe'u chung gnyis ral gri ltar byas pa ni rna ba la gzhag la khro bo'i tshul du bya ba dang mdzub mo gnyis zhags pa ltar byas pa ste gzhan la dbang du byed pa sbyin pa dang bcas pa chu lha 'khor dang bcas pa'i phyag rgya'o/ /rlung gi rgyal mtshan rang gi gdong //zhes bya ba ni lag pa g.yas pa'i mthe bos mdzub mo mnan/ sor mo lhag ma gsum pa ba dan ltar byas pa rang gi gdong du 'phyar ba ni rlung lha'i 'o/ /de la sogs pa'i phyag rgya rnams/ /lag las skyes pas skye bar 'gyur/ /zhes bya ba ni gong du bshad pa'i phyag rgya de la sogs pa phyag rgya sna tshogs pa rnams rgyu lag pa las skye zhing bcing bar 'gyur ro zhes bya ba yin no//lha rnams kyi thun mong du/ pad+ma'i phyag rgya bkra shis te/ /klu rnams zhes bya ut+pal/ /de ltar so ni gnod sbyin rnams/ /srin po rnams kyi mgo tshal pa/ /bud med rnams kyi sor bcu bsnol/ / gza' rnams kyi ni dbyug pa ste/ /arga dbul ba rgyu skar rnams/ /de dag kun gyis sems 'grub po/ /zhes bya ba ni 'jig rten pa'i lha thams cad kyi thun mong du thal mo pad+mo'i phyag rgya'o/ /klu rnams kyi sor mo ut+pal ltar byas pa'o/ /gnod sbyin thams cad kyi sor mo rnams so ltar byas pa'o//srin po rnams kyi lag pa g.yas g.yon mgo bo'i tshal pa ltar byas pa'o/ /bud med thams cad kyi sor mo bcu bsnol ba'o/ /gza' thams cad kyi lag pa g.yas g.yon dbyug pa ltar byas pa'o/ /arga dbul ba ltar byas pa rgyu skar thams cad kyi ste de dag ni sems bskul ba 'grub bo zhes bya ba'i don to//mgo bo thod pa khar gzhag pa/ /phyag rgya 'di ni phra men ma/ /mgo thod lce yi phyag rgya ni/ /rdo rje rnal 'byor ma yir bshad/ /de dag kun gyi thun mong du/ /phyag rgya chen po bshad par bya/ /thal mo brkyang ba bshad pa ni/ /yang na thal mo pad+mar bya/ / zhes bya ba ni mgo bo'i thod pa khar gzhag pa ltar byas pa ni phra men ma'i phyag rgya'o/ /mdzub mo dang mthe bong gnyis rtse sprad de srin lag dang mthe'u chung mig 'bras su byas pa gung mo lcer brkyang ba ni rdo rje rnal 'byor ma'i phyag rgya'o/ /'jig rten pa'i lha thams cad kyi thun mong du thal mo brkyang ba dang yang na pad+mor byas pa'o//rdo rje khu tshur bcings nas ni/ /a zhes bya ba lu gu rgyud/ /hUM zhes bya ba gnyis bsgreng la/ /phyag na rdo rje'i phyag rgya yin/ /zhes bya ba ni rdo rje khu tshur gnyis bcings nas mkhrig ma bsnol te mthe'u chung lu gu rgyud du sbrel mdzub mo bsgreng ba ni/rdo rje 'dzin pa khro bo'o/ /rdo rje bsdams pa bsdams nas kyang / /hUM dang a gnyis gshibs te bsgreng / /oM zhes bya ba ngos bcar ba/ /phyag rgya snang bar byed par dgongs/ /zhes bya ba ni rdo rje bsdams pa las mdzub mo dang mthe chung gnyis gshibs te bsgreng /mthe bong ngos la bcar ba ni 'jig rten gsum snang gi'o/ /de la a zhes bya ba bcings/ /zhes bya ba ni mthe chung nang du bkug pa ni 'jig rten gsum mthar byed kyi'o/ /oM zhes bya ba nang du bkug /a zhes bya ba sngon bzhin sbyar/ / oM dang a yang 'dra bar bya/ /zhes bya ba mthe bong gnyis nang du gzhug mthe chung gnyis ni nang du sbyar mthe bong dang mthe'u chung gnyis 'dra bar sbyar ba ni mi g.yo mgon po'i phyag rgya'o/ /traM zhes bya ba gshibs nas ni/ /e dang oM gnyis lu gu rgyud/ /lhag ma gshibs pa'i phyag rgya 'di//bdud rtsi 'khyil par shes par bya/ /zhes bya ba ni gung mo gnyis gshibs te bsgreng / mthe'u chung dang mthe bong lu gu rgyud du sbrel/ lhag ma gshibs pa bdud rtsi 'khyil pa'i 'o/ /traM zhes bya ba gshibs nas ni/ /hUM zhes bya ba de bzhin no/ /zhes bya ba gung mo dang mdzub mo gshibs pa ni be con sngon po'i 'o//de ltar hUM zhes bya ba gshibs/ /lhag ma 'od zer 'bar bar bya/ /rta mgrin phyag rgya gang yin pa/ /de yang las rnams kun la gsungs/ /zhes bya ba ni mdzub mo gnyis gshibs te lhag ma 'od zer ltar byas pa rta mgrin gyi phyag rgya ste las dang dngos grub thob par 'gyur ro zhes bshad pa yin no//khro bo rnams kyi dam tshig gi phyag rgya'o/ /spyan ni mig dang 'dra bar bshad/ /mA ma kI ni rdo rjer bshad/ /dkar mo pad+ma nyid du bshad/ /ut+pa la ni sgrol mar dgod/ /ces bya ba ni rdo rje bsdams pa la mdzub mo dang mthe'u chung mig ltar byas pa ni sangs rgyas spyan gyi'o//mdzub mo rtse gug pa gung mor sbyar ba ni mA ma kI'o/ /gung mo dang srin lag pad+mo 'dra bar byas pa ni gos dkar mo'o/ /mdzub mo'i rtse mo bkug pas gung mo la dkris te/ mthe bong ngos la bcar ba ni sgrol ma'i ut+pa la'o/ /gang phyag rgya ma bshad pa thams cad ni de kho na nyid bsdus pa la sogs par shes par bya'o/ /gzhan yang rtag pa thams cad kyi lha bskyed pa dang mi mthun pa'i phyogs gzhom pa dang brdung ba'i sngags ni badzra satwa hUM/ dzra rA dza dza zhes bya ba la sogs pa bcu drug rdo rje sems dpa' la sogs pa'o//oM bud+d+ha lo tsA na hUM/ sangs rgyas spyan gyi'o/ /badzra mA ma kI trAM/ mA ma kI'o/ /badzra paN+Ta re de hi de hi sid+d+ha bo d+hi lo kot+ta ri b+ha swA hA/ gos dkar mo'i 'o/ /oM badzra tA re tu t+tA re tu re hUM hUM hUM swa swa swa sgrol ma'i 'o/ / sems dpa' bcu drug gi snying po dang sbyar ba'i shaM pa ta bcu drug zhi bar brdung ba'o/ /de bzhin sbyar ba g+huM bcu drug rgyas pa'i brdung ba'o/ /de bzhin du ho sbyar ba bcu drug dbang gi brdung ba'o/ /de bzhin kha staM sbyar ba bcu drug mngon spyod kyi brdung ba'o/ /'dir ma gsungs pa'i sngags pa thams cad yang gzhan dag las shes par bya'o//ci'i phyir rgyud phyi ma'i bde ba chen po dang / de yang gtsug tor du gsang sngags dang phyag rgya'i khyad par gsungs she na/ dkyil 'khor gyi lha thams cad de gnyis kyi nang du 'dus pa'i phyir gsungs so zhes bya ba'i don to//de ltar rgyud phyi ma bshad nas da ni rgyud phyi ma'i yang phyi ma bshad pa'i phyir 'jug par bya ste/ de yang / de nas lha rnams kun mgu nas/ /zhes bya ba la sogs pas ston to/ /'dir ni khro bor gsungs pa ston te/ de yang 'og nas khro bo'i skur 'gyur ba'i phyir ro//de nas lha rnams kun mgu nas/ /phyag na rdo rje phyag 'tshal te/ /khro bo'i dkyil 'khor bshad pa'i phyir/ /gsol ba 'debs pa nyid du 'gyur/ /zhes bya ba ni rtsa ba'i rgyud dang phyi ma'i rgyud bshad pas lha rnams mgu nas phyag 'tshal nas khros pas khro bo spangs pa'i phyir gsol ba 'debs pa nyid du gyur to zhes bya ba'i don to//de nas bcom ldan 'das phyag na rdo rjes rang gi sku bor te zhes bya ba ni zhi ba'i skur bor te'o/ /rdo rje sems dpa'i skur zhugs nas/ /zhes bya ba ni khro bo sems dpa'i skur gyur pa'o/ 'dis ni sbyor ba dang po'i ting nge 'dzin ston to/ /gsang sngags kyi sgo'i spyad pa spyod par 'dod pa rnams kyis phyag na rdo rje'i skur bskyed la/ 'og nas 'byung ba'i gsang sngags kyis khro bo'i skur bsgyur ro zhes bya ba'i don to/ /rdo rje gnyis su med pa'i mnyam pa zhes bya bas ni sems dang sems las byung ba gnyis su med pa thugs rje chen po mtshungs pa'i khro bo'o//de la dmigs pa'i ting nge 'dzin la yang de skad ces bya ste/ de'i snyoms par zhugs pa ni mngon du mdzad pa'o/ /rdo rje sems dpa' khro bo zhes bya ba ni khro bo sems dpa' nyid do/ /me'i rdo rje nyi ma zhes bya ba ni khro bo lhag ma rnams te dbyer mi phyed pa'i 'od dang ldan pa'o//snying po 'di nyid kyi thugs ka nas byung ngo zhes bya ba ni 'og nas 'byung ba'i snying po'o/ /de nyid kyi nges pa'i ye shes las phyung ba'o/ /de nyid oM badzra kro d+ha a na lArka ma hA badzra/ badzra kro d+ha dra ba dra ba/ bi dra ba bi dra ba/ sarba a pa ya/ nA sha ya nA sha ya/ ha ra ha ra phra NaM hUM phaT/ khro bo rdo rje sems dpa'o/ /oM trai lo kya ka ri hUM phaT/ 'jig rten gsum snang gi'o/ /oM trai lo kya da ma ka hUM phaT/ 'jig rten gsum 'dul gyi'o/ /oM trai lo kya nA sha hUM phaT/ 'jig rten gsum 'jig gi'o//oM tri lo kya ha na ta ka hUM phaT/ 'jig rten gsum mthar byed kyi'o/ /oM a mr-i te hUM phaT/ oM bdud rtsi 'khyil pa'i 'o/ /oM kA la daN+Da hUM phaT/ be con sngon po'i 'o/ oM ka la ha ni hUM phaT/ mi g.yo mgon po'i 'o/ /oM ha ya gr-I ba hUM phaT/ rta mgrin gyi'o//oM ka la ang+ku sha hUM phaT/ lcags kyu'i 'o/ /oM ka la pA sha hUM phaT/ zhags pa'i 'o/ /oM ka la bah+d+ha hUM phaT/ lcags sgrog gi'o/ /oM ka la g+taN+Ta hUM phaT/ dril bu'i 'o/ /oM ka la rak+Sha si hUM phaT/ srung ma'i 'o/ /oM ka la daN+Da hUM phaT/ be con mi'i 'o/ /oM ka la ra Ti hUM phaT/dga' ma'i 'o/ /oM ka la ya k+Sha si hUM phaT/ gnod sbyin gyi'o/ /'di dag gis ni dkyil 'khor rgyal po mchog bstan to/ /gsang sngags kyi sgo'i spyad pa spyod pa dkyil 'khor rgyal mchog sgom pa rnams kyis rdo rje sems dpa'i thugs su sngags bkod la bskyed do zhes bya ba'i don to//ting nge 'dzin gsum pa ni de bzhin du sngar bstan pa las shes par bya'o/ /de nas dkyil 'khor mi zad pa/ /zhes bya ba la sogs pas slob dpon gyi las ston te/ bsnyen pa dang lhag par gnas pa'i cho ga thams cad spyad pa/ de nas khro bo'i dkyil 'khor yangs pa rtsibs bcu gnyis pa 'od zer 'bar bas dkrigs shing cher 'bar bar snga ma ltar phyi'i dkyil 'khor bris nas lte ba la rdo rje sems dpa' gzhag par bya'o//dbang ldan gyi phyogs nas brtsams te/ shar gyi rtsibs gnyis la gsum snang dang gsum 'dul/ lho'i rtsibs gnyis la gsum 'jig dang gsum mthar byed/nub kyi rtsibs gnyis la bdud rtsi 'khyil pa dang be con sngon po/ byang gi rtsibs gnyis la mi g.yo mgon po dang rta mgrin/ me'i phyogs kyi rtsibs su srung ba'o/ /srin po'i phyogs kyi rtsibs la be con ma/ rlung gi phyogs kyi rtsibs la dga' ba mo/dbang ldan phyogs kyi rtsibs la gnod sbyin mo/ /khro bo brgyad 'jig rten skyong ba brgyad mnan pa zhal 'jigs pa phyag brgya phrag du ma mnga' ba/ sprul dang thod kyis brgyan pa/ stag lpags smad dkris byas pa/ rgyu ma thogs pa sprul pa phyag dang dbu mtha' yas pa 'byung ba/de dag kyang mgo thod shas bkang ba phyag na thogs par bri/ phyi rol na srin mo bdun cu la sogs pa gzhag /sgo ba rnams lcags kyu la sogs pa'i phyag mtshan thogs par bri/ de nas bdud rtsis gang ba'i bum pa bcu drug gzhag bdug pa dang me tog dri mar me kha zas kyis bkang ba'i gtor ma bsham/bza' ba dang bca' ba'i bdud rtsis mgo thod gang bar gyur pa rnams gzhag ces bya ba yin no/ /de nas slob dpon bdag nyid kyang / /mgu nas mgo thod phyag rgyas gzhug /phyag rgya de dang de yis ni/ sha rnams kun gyi dam tshig gsol//de nas 'dod ldan rnyed nas ni/ /zhes bya ba la de ltar dgongs ka'i dus mtshams la bab pa dang / slob dpon gyis mgo thod kyi phyag rgyas dkyil 'khor du zhugs te chad pa dang lhag pa zhi bar bya/ de nas ting nge 'dzin gsum sngon du 'gro bas sgo dbye/ bsdu na nam mkha' la mgo thod kyi phyag rgya de dang / rnal 'byor de'i sha rnams kyi dam tshig gsol lo/ /de nas 'dod pa'i dngos grub rnyed nas hUM zhes bya ba'i sngags bcas pas bsgrub par bya'o/ /de nas sngags mkhan sgor sgo ma/ /de nyid dran byed bsnyen par bya/ /zhes bya ba ni lcags kyu la sogs pas las bya zhing bgegs bskrad bsrung /sgo bcad phyag rgya bzhis rgyas gdab dbang bskur zhes bya ba'i don to/ /des ni nges par dngos grub ster/ /yud tsam 'jig rten dbang du 'gyur/ /dkyil 'khor du ni tshogs rnams dang / /rang gi lha yi tshogs rnams la//rgyud las byung ba'i dam tshig brjod/ /ces bya ba ni dngos grub 'jig rten dbang du 'gyur bar bya ba'i phyir dkyil 'khor gyi lha rang gi tshogs rtsa ba'i rgyud las 'byung ba'o/ /bzlas brjod kyi dam tshig thog ma dang tha ma med pa de srid kyi bar du brjod do zhes bya ba'i don to/ /de nas mchod de langs nas kyang //tshogs can rdo rje sems dpa' yi/ /tshul du gnas nas 'byung bar bya/ /zhes pa ni mchod pa dang / gtor ma dang / sbyin sreg dang / gnang ba nod pa'i mthar thug pa byas la/ tshogs kyi bdag nyid rdo rje sems dpa' khro bo'i tshul du gnas nas 'byung bar bya'o zhes bya ba'i don to//de nas slob ma bsdus nas ni/ /zhes bya ba la sogs pas slob ma gzhug pa la sogs ston te/ slob ma rnams snga ma bzhin du cho ga thams cad byas te lag tu rin po che thogs su bcug la/ oM badzra kro d+ha zhes bya ba la sogs pa nas/ oM badzra kro d+ha sa ma ya ma ti kra ma hUM phaT ces bya bas dkyil 'khor du bcug la/rtsa ba'i rgyud du gsungs pa bzhin du cho ga lhag ma rjes su spyad nas/ oM badzra kro d+ha sa ma ya a b+hi Shiny+tsa hUM phaT a zhes bya ba 'dis khro bo'i bum pas dbang bskur la/ dbang bskur ba nyi shu po kun rtsa ba'i rgyud du bshad pa bzhin du dbang bskur bar bya'o zhes bya ba'i don to//de nyid du dbang bskur ba thob pa rnams la dngos grub bstan pa'i phyir de nas de dag gi sgrub pa bshad de zhes bya ba la sogs pa yin no/ /de dag gi sgrub pa bshad pa ni sngar bshad pa'i cho gas khro bo gang yang rung bar bskyed de/ snying gar nyi ma'i dkyil 'khor la rang gi yi ge la khro bo dpag tu med pa bsgoms nas yi ge dang khro bo gcig tu bsres te bsgom pa dang /dang po bsnyen pa dang sgrub pa bsgoms na nges par gsod par 'gyur ro zhes bya ba ni/ bdag nyid khro bor snyoms zhugs te/ /de nas snying gar nyi ma bsgom//rang gi chos kyi yi ge las/ /khros nas yang dang yang 'phros shing / /de gnyis gcig tu bsgom par bya/ /de nas 'grub 'gyur gzhan du min/ /zhes gsungs so/ /khro bo'i las gsod pa kho na'am zhe na/ gzhan yang yin par/ khro bo'i rgyal po las dngos su//gsod par yin par bshad mod kyi/ /zhi dang dbang dang rgyas pa rnams/ /'di dag byed 'gyur gdon mi za/ /zhes bya ba yin te khro bo thams cad thun mong gi sgrub pa bstan to/ /rdo rje sems dpa'i ting 'dzin gnas/ /khro bo dkyil 'khor bsgom byas nas/ /sdug pa'i sems can 'dzin byed cing //mdor na dug rims gdon la sogs/ /de bzhin de dag thams cad ni/ /thabs la sogs pas 'jigs byed pa'i/ /khros nas snying las 'byung 'gyur bar/ /bsad pa'i las la brtsam par bya/ /khros par gyur nas rgod pa'i las/ / sha dang khrag rnams 'jib byed cing / /de dag 'tsho ba sreg par byed/ /bsams nas nges par brlag par 'gyur/ /zhes bya ba ni 'chi bdag 'joms pa'i dkyil 'khor las bshad pa ltar rang gi lha'i rnal 'byor byas la/ khro bo rdo rje sems dpar bskyed nas rang gi snying gar khro bo'i dkyil 'khor bsgoms te gdug pa dang rims la sogs pa thugs rje chen po'i thabs khro bos 'joms par bsams nas/snying ga'i khro bo'i dkyil 'khor las khro bo spros te bzhad pa'i zhal gyi sha dang khrag 'jib cing / srog dang bral bar bsnyen pa dang sgrub par bsams nas nges par brlag par 'gyur ro//gzhan yang khro bo 'jig rten gsum snang kha dog dkar po bsgom zhing / de nas byung ba'i dkyil 'khor gyis khyab par bsams la 'od de phyung nas rims la sogs pa ring du dor la 'od las hUM byung rdo rjer bsam zhing 'od las hUM lta bu'i 'khor lor gyur pa go char bya/'od zer gyi chus spyi bo nas dbang bskur/ de nas ming nas smos shing bzlas brjod dang bsnyen pa dang bsgrub pa tshul bzhin du bsams na 'grub par 'gyur ba ni/ khro bo 'jig rten gsum snang mdzad/ /zla ba 'dra ba'i dge bsams shing //'od zer phyung ba mang po yis/ /khyad par gyur par rnam bsam la/ /rims dang gdon dang dug la sogs/ /'od zer des ni phyung nas kyang / /de yi nad bgegs gnod pa sems/ /zhi bya'i phyir ni ring du dor/ /de nas hUM gi tshogs bzhag la/ /rdo rje lta bur lus bsam zhing //hUM gi 'khor los go char bya/ /'od zer chu yis dbang bskur ro/ /de nas de yi ming smos shing / /bzlas pa'i tshul gyis bsam par bya/ /zhes gsungs pa yin no/ /sbyin sreg rnam pa gsum bstan pa ni de nas/ khung bu gsum las rnam gcig ni/ / zhes bya ba la sogs pas dang po zhi ba bstan te/ de yang zhi ba dang rgyas pa dang dbang gsum las/ zhi ba ni kha dog dkar po/ tha ma ni khru gang / bar pa khru do/ mchog khru bzhi'o/ /rnal 'byor pa des dang por sa rnams rab sbyangs te/ 'khor lo'i steng na zla ba'i dkyil 'khor dbus su rdo rje rtse lnga pa cig thab khung gi dbus su bri/de'i phyi rol gyi 'khor lo rtsibs bcu gnyis pa 'jig rten gsum snang la sogs pa'i phyag rgya 'od zer dkar por 'phro ba/ 'dod chags la sogs pa'i rigs brgya 'joms pa bye brag tu phye ba bri/ rgyal po bzhi'i phyag mtshan phyogs skyong rnams kyi phyag mtshan phyogs phyogs su bri/lha chen po khyab 'jug la sogs pa rnams kyi phyag mtshan dkyil 'khor lta bur bri/ dri zhim pa'i chus bkang ba'i mdog dkar po'i ras kyis dkris pa'i bum pa brgyad gzhag/ 'bras chan dang zho dang mar dang dkar gsum gyi gtor ma dang /lha bshos dang / bdug pa dang / mar me dang me tog rnams kyang gzhag /mchod pa bya ba'i phyir bla re dang / gdugs dang rgyal mtshan dang rnga ma la sogs pa gzhag/ na ma re re ga pur dang bcas pa'i dri zhim po tsan+dan la sogs pa'i byug pas byugs kha shar du bltas te sbyin sreg bya/de bzhin gshegs pa'i skyil krung ngam sems dpa'i skyil krung gis gdan la 'dug /gzhan yang gos la sogs pa dkar po dang / phreng ba dkar pos brgyan/ sreg pa'i rdzas bstan pa ni mar me dang sbrang rtsi dang / 'o ma dang / nas kyi thug pa dang /til mar dang / til nyid dang / yungs kar dang / 'bras yos dang / 'bras chan dang / nas dang / gro dang / me tog dri zhim pa rnams ga bur dang bsres pa tsan+dan dkar pos bsgos pa gzhag go/ /yam shing dang bud shing ni 'dab ma brgyad pa me tog dang 'bras bu yod cing zho dang ldan pa'i yam shing la khung bu'i khyad par gyi sor gyis gzhal zhing /mchog sor nyi shu rtsa bzhi yan chad/ sor bcu drug thab khung bar ma la/ bcu gnyis dang brgyad tha ma la/ gzhan yang bud shing zho dang ldan pa la dri'i chus bskus te/ bud shing de la rgyun gzhag la sogs pa'i me bcug ste/dz+wa la dz+wa la hUM zhes pas rlung yab kyis sbar nas/ dri'i chus bsang gtor byas te/ de nas me lha bskyed pa ni kha dog dkar po phyag g.yas gnyis na pad+ma dang nor bu/ phyag g.yon gnyis na ril ba dang dbyug pa thogs pa/ pad+ma dkar po'i gdan gyi steng du de lta bu'i me lha bkug nas mchod yon dbul bar bya'o//sbyin sreg gi tshe na khyad par mchod pa'i lha kha dog dkar po 'gro ba la phan pa'i khro bo rdo rje sems dpa' pad+ma dkar po la shar phyogs su bsams te/ de'i thog tu spyan drangs nas gzhag par bya'o/ /de'i mdun du bsgrub par bya ba'i lus bzhag ste khro bo'i 'od zer gyis nyes pa drangs nas phyi rol du dor bar bsam mo//mchod pa'i dus su nang par snga bar khrus byas lus dris byug /'od zer bdud rtsi lta bur bsam zhing sbyin sreg bya ste dam tshig de ni 'da' bar mi bya ba kha na'o//de nas mchod pa'i rim pa ni/ sha chen la sogs pa'i bdud rtsi lnga dang por me lha la phul/ de nas shar phyogs na bzhugs pa'i khro bo de'i thugs kar spyan drangs la dbul/ de yang bsreg bya gsum du dbul bar bya'o/ /de nas de'i lus su sangs rgyas dkon mchog gsum spyan drangs la/dkon mchog gsum du dmigs la yang lan gsum du dbul/ gshegs su gsol te yang me lha la dbul/ de nas dkyil 'khor gyi lha rnams spyan drangs te rdo rje sems dpa' la dbul/ de nas dkyil 'khor gyi lha re re la dbul/ de nas bgegs la sogs pa thams cad la dbul/yang gshegs su gsol te rang gi lhag pa'i lha la dbul/ de nas dang por khro bo'i sngags kyis btab nas sbyin sreg byas te rdzas thams cad gcig tu bsres nas bdud rtsi 'khyil pa'i sngags kyis btab ste/ sbyin sreg kun byas pa'i 'og tu brgya stong ngam brgya rtsa brgyad dam khro bo spyan drangs pa la phul la 'od zer 'byung bas bsgrub par bya ba dbang bskur zhing /haM gi go chas bsrung / mjug tu lha thams cad la mchod pa brgyad la sogs pas mchod nas/ rdo rje sems dpa'i phyag rgya gyen du bkrol te/ oM badzra muHzhes bya bas gshegs su gsol lo//'dis ni zhi ba'i las 'grub pa la the tshom med do/ /ci ste sdig pa can nam ting nge 'dzin dang mi ldan nas dngos grub mi thob na/ dang po stong pa nyid du bsgoms la/ de nas snga ma bzhin du thams cad byas nas gdon mi za bar dngos grub tu 'gyur te/ zhi ba'i las 'di tsam gyis mthar thug go zhes bya ba'i don to//de nas rgyas pa bstan pa ni/ 'bras bur ldan nam nags tshal lam/ /zhes bya ba la sogs pa yin te 'bras bur ldan pa'am nags tshal lam gnas sam rgyal po dang rje'u rigs kyi khyim du rgyas pa la dga' ba'i sems kyis bya ste/thab khung chung ngu khru do/ bar ma khru bzhi pa/ mchog khru brgyad pa gang yang rung ba cig tu byas pa'i las bya ba yin no/ /gzhan yang stegs bu dang phyag rgya bstan pa ni thab khung las stegs bu dpag pas shes par bya ste/ thab khung khru do la stegs bu khru brgyad/ thab khung khru bzhi la stegs bu khru bcu gnyis/thab khung khru brgyad la stegs bu khru bcu drug gam nyi shu rtsa bzhir bya'o/ /thab khung khru do la mu khyud sor brgyad/ thab khung khru bzhi la mu khyud sor bcu drug/ thab khang khru brgyad la mu khyud sor sum cu rtsa gnyis su bya ba yin no/ /de'i phyi rol du pad+ma sna tshogs pas brgyan par bya ba yin no//de'i dbus su rin po che dang pad+ma sna tshogs gzhag par bya'o/ /de'i dbus su thab brko ba ni zabs su rgya'i phyed kyi tshad gru bzhi pa'am/ khru brgyad gang yang rung bar bya'o/ /'jim pa ser pos bskus shing gur kum la sogs pas byugs nas tshon ser pos bskus te gser 'od dang 'dra bar bsam zhing bya'o//de nas tshon dmar ser gyis rin po che dang / pad+ma la sogs pa phyag rgya'i dkyil 'khor 'khor yug nyid du gnas pa bri bar bya ste/ nang gi dkyil 'khor dang phyi'i dkyil 'khor rim pa gnyis sam/ thab khung dang mu khyud dang nang gi dkyil 'khor dang phyi'i dkyil 'khor te bzhi'am nang gi 'khor yug dang mu khyud dang 'khor lo dang lha'i gnas dang mu ran dkar po'i nang dang phyi rol dang 'gro ris kyi gnas dang /yang na rim pa brgyad dang ldan par bri'o/ /sgo ba nyid kyang phyag rgya'i gzugs su bri'o/ /bum pa kha dog ser po dri chus bkang ba brgyad dam/bcu gnyis sam/ bcu drug gam/ sum cu rtsa gnyis te bkra shis pa'i dar ser pos dkri/ kha rgyan yal ga dang me tog can dri zhim po'i me tog dang bdug pa dang phreng ba dang mar me dang rgyan rnams dang rgyal mtshan dang 'phan dang bla re dang gdugs rnams ser pos brgyan pa gzhag par bya'o//lha'i rnal 'byor bstan pa ni bdag nyid gos dang rgyan dang me tog la sogs pa ser pos brgyan/ byang phyogs su kha bltas te 'dug nas khro bo rdo rje sems dpa'i rnal 'byor byed cing zhes bya ba yin no/ /gzhan yang de nyid kyi tshe na mchod pa'i lha byang phyogs su nam mkha' la lha'i bu yid bzhin gyi nor bu'i rgyal mtshan mdog ser po 'dra ba dang /lha'i bu dang nyi ma dang zla ba dang ku be ra dang nor sbyin dang / dzam+b+ha la kun kyang 'od zer gser lta bu 'bebs shing yid kyi dgos pa skong bar mdzad pa 'od zer chu yis dbang bskur bar bsam mo/de nas dbang thob nas lus rgyas par 'gyur ro/ /yang rgyas par bya ba'i phyir de'i ming dang gung gung zhes bya ba brgya rtsa brgyad dang stong phrag brgya rtsa brgyad du bzlas pa bya'o/ /de nas sbyin sreg bya ba ni byang phyogs su seng ge'i stan gyi thog na rin po che'i khri/ yang na pad+ma dang nyi ma dang zla ba'i gdan khri'i steng na rdo rje rin chen dang /rdo rje gzi brjid dang / rdo rje dpal dang / rdo rje bzhad pa dang bzhi rgyan kun gyis brgyan pa/ phyag rgya mchog sbyin mdzad pa rin po che'i char dang 'od zer gyi phreng bas bsgrub par bya ba la khyab par bsam mo/ /dung dang cang te'u dang pi wang dang / sil snyan dang glu dang gar gyis de rnams mchod par bya ste/ de'i 'og tu sbyin sreg gi las brtsam mo/ yam shing dang bud shing bstan pa ni/ khung bu'i khyad par las yam shing dang bud shing dbye ste mdzub gang ba dang khru gang ba ni chung ngu yin no/ /bar ma ni khru do/ khru bzhi pa ni mchog go//me tog dang 'bras bur bcas pa rtse mo sbrang rtsis byug pa yin no/ /bsreg par bya ba'i rdzas 'bru dang me tog dang 'bras bu ser po dang / mar dang sbrang rtsir bsres nas dpal gyi 'bras bu lta bur byas pa yin no/ /mchod pa'i rim pa bstan pa'i phyir/ me lha kha dog ser po phyag bzhi pa/phyag mtshan sngar zhib par bshad pa bzhin pad+mo'i gdan la zhugs pa rgyan sna tshogs kyis brgyan pa spyan drangs te bsreg bya dbul/ de nas de nyid 'bar bar bzhugs pa'i lus su khro bo'i rgyal po bcug nas/ sngon bzhin du bsgrub par bya ba dran par byed cing sbyin sreg dbul ba ni 'bum mam nyis 'bum gyis nges par dngos grub 'grub bo//'bum phrag brgyas ni rgyal srid la dbang ba'i longs spyod phun sum tshogs pa 'grub bo/ /de nas mjug tu 'od zer gyis dbang bskur zhing bsrungs na rgyas par 'gyur te/ rdo rje 'dzin pa'i bka' bzhin no zhes bya ba yin la/'di tsam gyis ni rgyas pa'i las mthar thug go zhes bya ba'i don to/ /dbang ni chags pa'i sems kyis kyang / /zhes bya ba la sogs pas dbang gi las ston te/ dbang ni chags pa'i sems dang ting nge 'dzin gyis bya ba ste/ chags pa rdo rje can dang / rdo rje chags pa de las byung zhing khams gsum chags par byed pa'i phyir ro//pad+ma'i sems dpa' rtag tu chags pa de bas na dbang du bya ba'i las grub par bshad pa yin no zhes bya ba'i don to/ /gnas ji lta bu zhig tu bya zhe na/ chags dang mthun pa'i sa phyogs sam/ /chags par byed pa'i khyim du shes//btso blag mkhan nam zla mtshan can dag gi /khyim du chags pa'i las rnams bya ba yin/ /rdo rje chags pa'i gnas kyang rung / /phyag na pad+mo'i gnas nyid du/ /rtag tu rdo rje sems dpa'i gnas/ /bde chen gyi ni gnas chen dang / /pad+ma ut+pal rdzing bu dang //ban+du ka yi me tog gnas/ /me tog 'bras bu dmar tshal ni/ /yid 'ong sems ni chags byed pa/ /der ni zhes bya ba yin no/ /stegs bu dang thab khung bstan pa ni stegs bu khru brgyad ces bya ba la sogs pa ste/ stegs bu khru brgyad dam bcu drug pa rnams byas/de'i dbus su hom khung bya ba ni go rims bzhin du khru do dang / khru bzhi par bya'o/ /dbyibs ni gzhu dang 'dra ba dang / pad+ma 'dra ba dang / rdo rje 'dra ba dang / mda' 'dra ba dang / zla ba kham pa 'dra ba dang / pad+ma'i 'dab ma 'dra bar byas la zheng du mchu'i phyed kyi tshad zheng gi phyed kyi tshad zabs su brko/mu khyud sor bzhi pa dang sor brgyad pa dang / bcu gnyis pa dang / tha ma dang / bar ma dang / mchog gi khyad par lags so/ /yam shing dang bud shing ni so sor nges par bya ba zhi ba'i skabs su gsungs pa ltar byas la/ shin tu dmar ba'i tsan+dan dang /btsag dang / rgya skyegs dang / le brgan rtsi dang / gur kum dang bcas pas bud shing dang yam shing la bsku'o/ /gzhan yang rdzas bstan pa ni/ yungs 'bru dmar po dang / btsag dang / mtshal dang / zangs kyi phye ma dang / yungs kar dang ske tse dang /lan tshwa dang til dang zhim thig le'i 'bru dang / la phug dang nyungs rdog dang / khrag dang rdul chen po dang bcas pa kun bsres par bya ba'i phyir bsdus nas btsag la sogs pas bskus nas/ khro bo'i sngags kyi byin gyis brlabs la/ ba dang ra las bzhos pa'i bsrubs ma thag pa'i mar sar dang /mar dang til mar rnams ga bur la sogs pas bskus nas bdud rtsi 'khyil pa'i sngags kyis btab ste gzhag go/ /de nas hom khung dmar por bsams nas spos dmar po la sogs pas byug cing bsku bar bya'o/ /gzhan yang thab khung dang phyag rgya bstan pa ni/gur kum gyis bsres pa'i tshon gyis hom khung gi nang du pad+ma bri/ de'i lte ba la mda' dang gzhu bri/ de'i dbus su rdo rje bri/ nang gi 'khor yug tu pad+ma bri/ mu khyud la mda' dang gzhu bri/ de'i phyi rol gyi 'khor yug la pad+ma nyid mda' dang bcas pa bri/ de'i phyi rol 'khor lo'i rtsibs la dbang ldan gyi phyogs nas brtsams te rdo rje dang lcags kyu dang mda' gzhu dang gsum shar gyi rtsibs la/lho phyogs kyi rtsibs la rin chen dang rgyal mtshan dang / nyi ma'i dkyil 'khor bri/ nub phyogs kyi rtsibs la pad+ma dang / ral gri dang / 'khor lo bri/ /byang phyogs kyi rtsibs la sna tshogs rdo rje dang mche ba dang /go cha'i mchog rnams bri'o/ /grwa rnams su spos la sogs pa phyag rgya'i gzugs bri/ de nas me tog la sogs thams cad kyis snga ma bzhin du mchod do/ /gos dang phreng ba dmar po dang dmar po'i dris bskus nas dmar thag ma chad bar du las brtsams te bya ba yin no//khyad par dbang la byin gyis brlabs/ pad+ma dmar po'i gdan la bzhugs pa/ rab chags phyag na pad+ma bsnams/ /g.yon du rdo rje chags pa la/ /g.yas su bde ba chen po ste/ /bsams nas de yi dbus su ni/ /chu srin rgyal mtshan 'dzin pa gzhag / rdo rje gzhu dang g.yon 'gying ma/ /me tog dmar brgyan rab dgyes ma/ /zhes bya ba la nub kyi pad+ma'i cha la rab chags phyag na pad+ma bsnams pa'i spyan ras gzigs bri/ g.yon du rdo rje chags pa/ g.yas par bde ba chen po yid kyis bri zhing bsams nas/ lte ba la chu srin gyi rgyal mtshan ma dang /lha mo rdo rje glu dang / lha mo rdo rje g.yon 'gying ma dang rab dgyes ma dang bcas pa bsam mo zhes bya ba'i don to/ /dri la sogs pas rab mchod de/ /zhes bya ba la snga ma bzhin du glu dang rol mos mchod nas/ badzra satwa hUM ho hUM zhes bya ba zlos shing dbang du byas pa'i phyir brjod par bya'o//mchod pa'i rim pa bstan pa'i phyir/ /mda' dang gzhu thogs de bzhin du/ /zhes bya ba la sogs pa yin te/ 'dir me lha phyag gnyis na mda' gzhu thogs pa phyag gnyis na pad+ma dmar po dang dbyug pa thogs pa/ de lta bu'i me lha bcug nas dang por mchod de/de'i lus su khro bo'i rgyal po bcug ste mchod/ 'od zer dmar po byung nas de las lcags kyu dang zhags pas bsgrub par bya ba bkug cing bcings la spyi bo zhabs drung du bzhag par bsam/ de ltar bsams na lha yang dbang du 'gyur na mi dang mi min lta smos kyang ci dgos/las zin par gyur pa dang chags pa'i sems su bcas nas spyi bo nas 'od zer gyis dbang bskur zhing haM gi go chas bsrung bar bya ba ste/ rdo rje chos kyi rnal 'byor gyis lha rnams mchod de/ dam tshig phyag rgya gyen du bkrol la gshegs su gsol la rdo rje srung bas bsrungs te/rdo rje 'dod pa haM zhes bya ba bzlas nas langs la ci bder gnas par bya'o/ /'di tsam gyis ni dbang gi las mthar thug go zhes bya ba'i don to/ /rtog pa thams cad kyi dkyil 'khor rnams la yang thog /mchod pa rnams kyis mchod de bstod nas/ phyag rgya bkrol te gshegs su gsol ba ni/de nas zhes bya ba la sogs pas ston pas/ de nas brgya byin la sogs lhas/ /yang dang yang du phyag 'tshal te/ /rin chen gdugs la sogs mchog gi/ /mchod pa sna tshogs byas nas kyang / /phyag na rdo rje rgyal dbang la/ /dga' ba'i sems kyis stod par byed//ces bya ba la/ de nas zhes bya ba ni bar ma chad pa ste/ khro bo rdo rje 'dzin pas rgyud phyi ma'i phyi ma dbang gi las la thug gi bar bshad pa'i rjes thogs la'o/ /brgya byin la sogs lha zhes bya ba ni/ brgya byin dang tshangs pa la sogs pa dkyil 'khor du bkod pa'i lha rnams kyis zhes bya ba yin no//yang dang yang du phyag byas shing rin po che'i gdugs la sogs pas mchod pa ni mchod par byas pa'o/ /de yang gsang sngags kyi spyad pa spyod par 'dod pa rnams kyis dkyil 'khor gyi bya ba la sogs pa rdzogs nas mchod pa sngon du 'gro bas bstod do zhes bya ba'i don to//phyag na rdo rje rgyal dbang la/ /zhes bya ba ni dkyil 'khor dgu'i bdag po'i rdo rje 'dzin pa zhi ba dang khro bo la zhes ston to/ /dga' ba'i sems kyis stod par byed/ /ces bya ba ni yid bde ba'i sems kyis 'og nas 'byung ba rnams brjod do zhes bya ba'i don to//de yang gsang sngags kyi sgo'i spyad pa spyod par 'dod pa rnams kyis dkyil 'khor dgu'i skabs su 'dis bstod do zhes ston to/ /bstod pa'i rang gi ngo bo ston pa ni/ sangs rgyas zhes bya ba la sogs pa'o/ / sangs rgyas kun pas sngar sangs rgyas/ /zhes bya ba ni byang chub tu sems bskyed pa'i sgo nas so/ /mi shes dri ma kun bcom pa/ /zhes bya ba ni 'dres pa'i ma rig pa spangs pa'i sgo nas so/ /rdo rje rdo rje 'dzin rgyal po/ /zhes bya ba ni byang chub kyi sems dang rdo rje rtse lnga 'dzin pa'i sgo nas so//rdo rje rdo rje rdo rje 'dzin/ /zhes bya ba ni sku gsum gyi rdo rje 'dzin pa'i sgo nas so/ /rdo rje sku ste sku che ba/ /zhes bya ba ni sku phyag rgya chen po'i sgo nas so/ /phyag na rdo rje phyag 'tshal bstod/ /ces bya ba ni dkyil 'khor gyi bdag po'i sgo nas so/ /rdo rje yan lag rdo rje mchog /ces bya ba ni dkyil 'khor gyi lha thams cad du snang ba'i sgo nas so/ /rdo rje 'bar ba cher 'bar ba/ /zhes bya ba ni mtshan ma'i rnam par rtog pa sreg pa'i tshul gyis so/ /rdo rje shugs te shugs che ba/ /zhes bya ba ni thugs rje chen po'i shugs kyi sgo nas so//rdo rje mtshon cha mtshon rnon po/ /zhes bya ba ni thos pa dang bsams pa dang bsgoms pa'i shes rab kyi sgo nas so/ /phyag na rdo rje phyag chen po/ /zhes bya ba ni ting nge 'dzin gyi phyag rgya'i sgo nas so/ /rdo rje mda' ste rab 'bigs pa/ /zhes bya ba ni chos kyi sgo 'dod pa'i sgo nas so//rdo rje rnon po rno ba che/ /zhes bya ba ni zag pa med pa'i shes rab kyi sgo nas so/ /che ba chen po rgya mtsho che/ /zhes bya ba ni chos kyi dbyings kyi tshul gyis so/ /rdo rje pad+ma byang chub che/ /zhes bya ba ni 'khor ba'i nyes skyon dang bral ba'i tshul gyis so//sangs rgyas byang chub rang byung ba/ /zhes bya ba ni theg pa chen po kho nar nges pa'i tshul gyis so/ /rdo rje rgya chen rgya chen te/ /zhes bya ba ni don dam pa'i tshul gyis so/ /rdo rje sgyu ma rnam sbyong ba/ /zhes bya ba ni kun rdzob kyi tshul gyis so/ /rdo rje rgyu ste gnod sbyin che//zhes bya ba ni nyon mongs pa zad par byed pa'i rgyu'i tshul gyis so/ /rdo rje pad+ma rnam sbyong ba/ /zhes bya ba ni gzhan gyi nyes pa dag par byed pa'i tshul gyis so/ /rdo rje khro bo drag po che/ /zhes pa ni khro bo'i dkyil 'khor du snang ba'i tshul gyis so/ / rdo rje dgra sdang 'joms pa'i gtso/ /zhes bya ba ni hUM mdzad du snang ba'i tshul gyis so/ /rdo rje 'jigs pa srung ba che/ /zhes bya ba ni rdo rje srung ba'i rang bzhin gyis so/ /rdo rje lcags kyu don yod byed/ /ces bya ba ni rgyal po'i rang bzhin gyis so/ /rdo rje ro langs ro langs che//zhes bya ba ni ma hA de bar sprul pa'i tshul gyis so/ /rdo rje srin po za ba po/ /zhes pa srin por snang ba'i tshul gyi sgo nas so/ /rdo rje gnod sbyin gnod sbyin che/ /zhes bya ba gnod sbyin du sprul pa'i sgo nas so/ /rdo rje gdon te gdon gyi mchog /ces pa ni gdon du sprul pa'i sgo nas so//'jigs byed dag byed drag po che/ /zhes bya ba ni dri ma 'khru ba zag pa med pa'i sgo nas so/ /rdo rje 'jigs byed rngam byed pa/ /zhes pa ni phyi rol mu stegs 'joms pa'i sgo nas so/ /bsgrub dka' bsgrub pa legs pa ste/ / zhes pa ni dga' ba spyod pa'i sgo nas so/ /rdo rje legs pa dgyes mdzad pa/ /zhes pa ni rdo rje legs pa'i rang bzhin gyis so/ /rdo rje dga' ba dga' ba che/ /zhes pa ni zag pa med pa'i dga' ba'i rang bzhin gyis so/ /dga' ba'i rdo rje dbang byed pa/ /zhes bya ba ni byas pa'i dngos po bzhi'i rang bzhin gyis so//'od sdug pas ni sdug pa che/ /zhes pa ni gzi brjid rang bzhin gyis so/ /nam mkha' dang ni mnyam pa'o/ /zhes pa sprul pa'i rang bzhin gyis so/ /re ba thams cad rdzogs mdzad pa//zhes pa ni byams pa'i rang bzhin gyis so/ /rdo rje dbang bskur rin chen mchog /rdo rje rgyal mtshan yon tan gtso/ /zhes pa rin chen dang / rgyal mtshan gyi rang bzhin gyis so/ /rdo rje ye shes ye shes che/ /zhes pa ni ye shes lnga'i sgo nas so/ /rig pa bye ba tshogs kyi mchog /ces bya ba lha mo rnams kyi bdag por snang ba'i sgo nas so/ /ha la ha la nag po che/ /zhes pa ni klu chen po'i dkyil 'khor du snang ba'i sgo nas so/ /dgra che zhing ni 'joms pa can/ /zhes pa ni 'jigs byed chen po'i dkyil 'khor du snang ba'i sgo nas so/ / rdo rje 'dod pa 'dod pa che/ /zhes pa ni rdo rje chos su snang ba'i sgo nas so/ /rnyog ma dus ngan rnam 'joms pa/ /zhes pa ni 'chi bdag 'joms pa'i dkyil 'khor du snang ba'i sgo nas so/ /skad cig g.yo ba'i the tshom gcod/ /ces pa ni 'jig rten pa'i chos thams cad kyi the tshom gcod pa'i sgo nas so//glog bzhin zhal gyi ljags las 'phro/ /zhes pa ni chos myur du gsungs pa'i sgo nas so/ /rdo rje me ste ma rungs 'dul/ /zhes pa ni me ltar 'bar ba'i sgo nas so/ /drag po rab snang snang mdzad pa/ /zhes pa ni 'dod pa'i rgyal po'i sgo gnas so//nyi ma stong gis gdungs pa'i zhal/ /zhes pa ni gzi brjid chen po'i sgo nas so/ /spyan dmar 'jigs par mdzad pa po/ /khro bo du ma'i 'od 'phro zhing / /phyag rnams du ma mtshon cha brgya/ /du ma'i zhal te sku yang stong / /'khyil cing brgyan yang 'khyil pa la//zhes pa ni khro bo'i dkyil 'khor du snang ba'i sgo nas so/ /sems kyi chos pas sku mi mnga'/ /rnam par rtog pa ma lus spangs/ /zhes pa ni chos kyi sku'o/ /ma rig 'joms pa'i tshangs pa ste/ /'dod chags zhe sdang srid mthar mdzad//ces pa nyon mongs pa gsum spong ba'i sgo nas so/ /sgyu ma khyab 'jug rdo rje can/ /rtse gsum rtse gsum 'chang 'phrog ma/ /zhes pa ma hA de ba dang khyab 'jug dang brgya byin chung ma dang bcas par snang ba'i sgo nas so/ /'dod chags zhe sdang gti mug che/ / zhes pa kun rig la sogs pa 'dod chags kyis 'dul ba la sogs pa'i sgo nas so/ /srid dang srid min rnam sbyong ba/ /zhes mos pa rab 'bring rnam pa gsum la snang ba'i sgo nas so/ /zhi zhing dul la dga' ba che/ /sangs rgyas sangs rgyas rab rtogs pa/ / sangs rgyas bdag nyid sangs rgyas sku/ /zhes pa ni sangs rgyas kyi chos thams cad bsdus pa'i sgo nas so/ /rdo rje rab skyes rdo rje sems/ /kun du bzang po cher bzang ba/ /zhes pa rdo rje sems dpa' dang kun du bzang po'i sgo nas so/ /mtshan rnams dam pas rnam brgyan pa//zhes pa ni mtshan bzang po sum cu rtsa gnyis kyis brgyan pa'i sgo nas so/ /khams gsum bdag nyid khyab pa po/ /zhes pa khams gsum du snang ba'i tshul gyis so/ /thams cad rdo rje bdag nyid gtsang / /zhes pa 'jig rten dang 'jig rten las 'das pa thams cad dang /rdo rje 'chang chen po nyid snang ba'i sgo nas so/ /de ltar bstod pa bstan nas phan yon ni gang gis zhes bya ba la sogs pas ston te skyes pa dang bud med gang gis so/ /'di bris zhes bya ba ni ras la sogs pa la bris pa'o/ /klog 'gyur tam zhes pa klog pa dang kha don byed pa'o//rtag tu de dag 'chang byed dam/ /zhes pa ni bsam pa dang sgom pa'i tshul gyis so/ /dran nas nyan par byed kyang rung / /zhes pa ni dran pa sngon du 'gro bas nyan pa'o/ /kyang zhes bya ba ni rgyal mtshan gyi rtse mo la 'dogs pa dang / mchod pa la sogs pa yang bsdu ste de lta bu dag kyang ngo / /dgos pa ni ci zhig yod ce na/ phyag na rdo rje 'dra bar 'gyur/ /zhes gsungs te rdo rje 'dzin pa chen por 'gyur zhes bya ba'i tha tshig go /bcom ldan 'das kyis zhes bya ba la sogs pas dga' ba dang rjes su yi rang ba ston to//de yang gsang sngags kyi sgo'i spyad pa spyod par 'dod pa rnams kyis dge ba'i rtsa ba bsngo zhing rjes su yi rang ste/ sprul pa'i tshogs lus la bsdus la sprul pa bya ba nas ci bder gnas so zhes bya ba'i don to/ /bcom ldan 'das kyis zhes bya ba ni shAkya thub pa dang /des byin gyis brlabs pa'i phyag na rdo rje dang / rdo rje 'dzin pa khro bo rnams kyis zhes bya ba'i don to/ /de skad ces bka' stsal pa dang zhes pa ni rtsa ba'i rgyud dang / rgyud phyi ma dang / phyi ma'i phyi ma'o/ /brgya byin dang tshangs pa la sogs pa lha'i 'khor rnams dang /lha dang mi dang lha ma yin dang dri za dang gnod sbyin dang srin po la sogs pa zhes bya ba ni ming zhes bya ba yang shas che ba ste/ rdzu 'phrul la brten pa'o/ /bcom ldan 'das kyis gsungs pa la mngon par dga' ste rjes su yi rang ngo zhes bya ba 'bras bu thob pas mngon par dga' ste/rgyud sprul pas bshad pa la rjes su yi rang ba'o/ /ngan song thams cad yongs su sbyong ba'i gzi brjid kyi rgyal po'i brtag pa zhes bya ba sngar bshad pa bzhin no/ /phyogs gcig pa zhes bya ba de kho na nyid bsdus pa dang / dpal mchog dang po dang /rdo rje rtse mo la sogs pa las le'u 'di phyogs gcig tu byas shing dum bur bkol ba las 'dir 'dus par bstan zhes bya ba'i tha tshig go /ngan song rnam par sbyong byed pa'i/ /gzi brjid rgyal po snang brtsams pas/ /dge ba bdag gis ci bsags pa//'gro kun ngan song rnams sbyangs te/ /rdo rje 'dzin pa nyid gyur cig /ngan song thams cad yongs su sbyong ba'i gzi brjid kyi rgyal po brtag pa snang ba'i rgyan zhes bya ba rdzogs so// //rgya gar gyi mkhan po su bid+ya ka ra barma dang /zhu chen gyi lo tsA ba dge slong dbang phyug rgyal mtshan gyis bsgyur cing zhus te gtan la phab pa'o// //