CLOSE WINDOW

D2624
བོད་ཡིག

/ //rgya gar gyi mkhan po pradz+nyA ka ra warma dang / zhu chen gyi lo tsA ba dge slong rin chen bzang pos bsgyur cing zhus te gtan la phab pa'o/ /[ ]@##/ /rgya gar skad du/ durga ti pa ri sho d+ha nAr+tha bArti kA nA ma/ bod skad du/ ngan song sbyong ba'i don gyi 'bru 'grel zhes bya ba/chos nyid thugs chud bdag nyid gzhan gyi dpal/ /ye shes rdo rjes 'khor ba'i sdug bsngal 'joms/ /thugs rje chen pos 'gro ba'i don la sems/ /mkhyen pa'i dgongs rlabs chos nyid rtogs pas dpa'/ /rgyud kyi don gyi ston pa'i ngo bo la//lus ngag yid gsum dang bas phyag 'tshal te/ /rgyud kyi don 'grel bdag gis bya bar 'dod/ /gus pa'i sems kyis 'di gzhung 'bad par bya/ /de la rgyud 'di bsdus pa'i don rnam pa gnyis kyis bstan te/ gleng gzhi dang mdo bshad pa'o/ /gleng gzhi la yang don rnam pa gnyis kyis bstan te/phun sum tshogs pa'i gleng gzhi dang / gleng bslang ba gnyis so/ /phun sum tshogs pa'i gleng gzhi la don rnam pa lnga ste/ gang du bshad pa'i gnas dang / ma nor bar ston pa'i ston pa dang / yongs su dag pa'i 'khor dang / ma nor bar sdud pa'i sdud pa po dang / gang du bshad pa'i rgyud dang lnga'o/ /gleng bslang ba la yang don rnam pa gnyis te/ ston pas gleng bslang ba dang / 'khor gyis gleng bslang ba'o/ /mdo bshad pa la yang don gnyis te/ dkyil 'khor dang sbyin sreg go/ /dkyil 'khor la yang don rnam pa gnyis te/ 'jig rten dang / 'jig rten las 'das pa'o//sbyin sreg la gnyis te/ ro'i sbyin sreg dang / phrin las rnam bzhi'i sbyin sreg go/ /de yang dbang po rab mgo smos pas don go ba la ni/ tan+t+ra'i mtshan smos te/ de yang ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas zhes smos te/de ni ma nor cing phyin ci ma log pa'i rang bzhin chos nyid ji bzhin pa/ ye nas rnam par dag pa chos kyi dbyings kyi ye shes te/ de'i don ni gshegs pa me long lta bu'i ye shes/ dper na me long la gzugs brnyan 'byung zhing rtog pa med pa ltar/ me long lta bu'i ye shes kyis chos nyid kyi don rtogs pas rig pa dbyings su gshegs nas thugs rje'i dkyil 'khor 'byung ba'i rgyur gyur pas chos kyi sku'o//dgra bcom pa ni sems can gyi gnas skabs na nyon mongs pa can gyi yid/ nga dang bdag tu 'dzin pa dang bdag med par bsgoms pas mnyam pa nyid kyi ye shes su gyur pa'o//yang dag par rdzogs pa ni/ so sor kun du rtog pa'i ye shes te/ de bzhin gshegs pa'i che ba'i yon tan yang dag par rdzogs par byed pas na smos te/ ci'i phyir zhe na/ yid kyi rnam par shes pa yul la yang dag par spyod cing /bag chags kun gzhi la rdzogs par sogs pas na smos te/ de gnas gyur pa ni so sor kun du rtog pa'i ye shes so/ /de gnyis ni longs spyod rdzogs pa'i sku'o/ /sangs rgyas kyi ni sprul pa'i sku ste/ bya ba grub pa'i ye shes kyi rgyu ni/ sgo lnga'i rnam par shes pa/yul log par rtog pa/ skyes bu ra ro ba'am/ gnyid log pa las sangs shing / shes bya la ye shes kyis khyab cing rgyas par byed pas na sangs rgyas so/ /de ni sku gsum gyi phrin las ston te/ ci'i phyir zhe na/ ngan song thams cad yongs su sbyong ba gzi brjid kyi rgyal po'i brtag pa zhes bya ba smos te/de la ngan pa ni rgyu ste/ yang dag pa'i don la mgo rmongs shing / rgyu ngan pa spyod pa'i phyir na ngan pa'o/ /song ba ni 'bras bu ste/ ci'i phyir zhe na/ rgyu las dang nyon mongs pas 'bras bu khams gsum du yang nas yang du song ba'i phyir ro/ /yongs su sbyong ba ni ngan song gi rgyu sbyong ba dang /'bras bu sbyong ba'o/ /rgyu ni rdo rje lta bu'i ting nge 'dzin gyis sbyong / 'bras bu ni 'od zer sdud pa'i phreng bas sbyong / gzi brjid ni rgyu nyon mongs pa thams cad sbyong ba rdo rje lta bu'i ting nge 'dzin gyis gzi brjid ye shes lnga dang ldan pas nyon mongs pa rnam pa lnga 'joms pa'i gzi brjid dang ldan pa'o//'bras bu sdug bsngal gyi phung po 'joms pa'o/ /'od thugs rje la zer phrin las rgyun mi 'chad pa'i gzi brjid dang ldan pa'o/ /rnam pa gcig tu yon tan gyi gzi brjid dang ldan pa'o/ /rgyal po ni nyes pa'i skyon bcom zhing legs pa'i yon tan sna tshogs pa dang ldan pas rgyal po'o//brtag pa ni cho ga zhib mo dang / rgyu byang chub kyi sems dang ldan pa'i sgo nas brtag pa'o/ /de nas dbang po rab mgo smos pas go ba la gsungs so/ /da ni dbang po 'bring tshig gi don rnam par phye bas go ba la don gyis dbye ba ston te/ de yang don rnam pa gnyis su shes par bya ste/thugs chos nyid las ma g.yos pa'i rtags su ni dkyil 'khor du ston la thugs rje 'gro ba'i don mdzad pa'i rtags su ni hom du bstan to/ /de yang bden pa gnyis dang mi 'gal bar bya ba'i don ched ni/ dkyil 'khor la yang 'jig rten pa dang 'jig rten las 'das pa gnyis su gsungs so//hom la yang gnyis te/ dngos po la zhen pa bzlog pa'i phyir ni ro sreg gi hom dang / thugs rje phun sum tshogs pas 'gro ba'i don mdzad pa'i phyir phrin las rnam bzhi'i hom dang gnyis so/ /de ltar gsungs pa de yang dgos 'brel gyi 'brel bstan te/de yang ci'i phyir zhe na/ thugs chos nyid las ma g.yos kyang / rtsa ba byang chub kyi sems su 'dus pa'i rtags su ni/ rtsa ba'i dkyil 'khor chen po gsungs so/ /de ltar rtsa ba byang chub kyi sems su 'dus kyang / thugs rjes ngan song gi rgyu 'bras gzhom pa'i phyir/ gtsug tor brgyad kyi dkyil 'khor gsungs so/ /de ltar rgyu 'bras bcom yang / sems can 'chi ba ni/ ngan song gi las yin pas/ de zhi bar bya ba'i phyir/ tshe dpag med kyi las kyi sgrib pa rgyun gcod pa'i dkyil 'khor gsungs so/ /las kyi sgrib pa rgyun bcad kyang / sems can glo bur gyi rkyen gyis 'chi bas tshe dpag med 'chi bdag 'joms pa phyag na rdo rje'i dkyil 'khor gsungs so/ /de ltar 'chi bdag bcom yang phrin las rnam bzhi'i sgo nas 'gro ba'i don mdzad dgos pas/ byang chub sems dpa' rigs bzhi 'khor los sgyur ba'i maN+Dal gsungs so//de ltar 'gro ba'i don mdzad kyang ma rungs pa gdul dgos pas/ khro bo rdo rje nyi ma'i maN+Dal gsungs so/ /de ltar ma rungs pa thul yang / dngos por lta ba sun dbyung dgos pas/ ro sreg gi hom gsungs so/ /de ltar dngos por lta ba sun dbyung yang /thugs chos nyid las ma g.yos pa'i rtags su zhi ba'i hom gsungs so/ /de ltar ma g.yos kyang 'gro ba'i don bya dgos pas rgyas pa'i hom gsungs so/ /de ltar don mdzad kyang 'khor ba dbang du bsdu dgos pas dbang gi hom gsungs so/ / de ltar dbang du bsdus kyang ma rungs pa la mngon spyod kyi las bya dgos pas drag po'i hom gsungs so/ /'jig rten pa mtshan ma la dga' bas de zhi bar bya ba'i phyir/ 'jig rten pa'i maN+Dal drug gsungs te/ 'jig rten pa'i dri za dang grul bum dang gnod sbyin dang / klu'i gnod pa zhi bar bya ba'i phyir rgyal po bzhi'i maN+Dal gsungs so//gdon stong phrag brgyad cu zhi bar bya ba'i phyir phyogs skyong bcu'i dkyil 'khor gsungs so/ /bza' dang dus tshigs skar ma gdug pa slu ba zhi bar bya ba'i phyir gza' brgyad kyi maN+Dal gsungs so/ /klu'i dug zhi bar bya ba'i phyir klu brgyad kyi maN+Dal gsungs so//'jig rten gyi lha mi dga' ba zhi bar bya ba'i phyir lha chen po brgyad kyi maN+Dal gsungs so/ /lha gdon zhi bar bya ba'i phyir 'jigs byed brgyad kyi maN+Dal gsungs so/ /de la 'jig rten las 'das pa'i maN+Dal rnam pa drug tu gsungs pa ni/ rgyu byang chub kyi sems rtogs pa'i sgo nas/'bras bu ye shes rnam pa drug spyod pa pha rol tu phyin pa drug gi rtags/ dkyil 'khor rnam pa drug dang ldan pa'i sgo nas/ rgyu drug gis sgrib pa sbyong ba'i phyir gsungs so/ /hom lnga gsungs pa ni/ nyon mongs pa rnam pa lnga sbyong ba'i rtags su gsungs so/ /'jig rten pa'i maN+Dal ni/'jig rten pa'i 'dod pa bskang zhing dga' bar gzhug pa dang / 'jig rten pa dang mthun par bya ba'i phyir gsungs so/ /de ni don gyis dbye ba ste/ dbang po 'bring don rnam par phye bas go ba la/ don gyi dbye ba smos pa yin no/ /dbang po rab 'bring gnyis kyi don ched du/tan+t+ra'i mtshan don gyi dbye ba mdor bsdus te bstan pa'i don yin no/ /da ni dbang po tha ma tshig lhur blangs pas go ba rnams la/ rgyud kyi don gsal bar bya ba'i phyir/ ston pa sangs rgyas bcom ldan 'das kyis gsungs pa'i don te/ sems can rnams ni mtshan ma la zhen cing /dngos por lta bas na/ de dag gdul ba'i phyir ni hom dang dkyil 'khor gsungs te/ mtshan ma'i sgo nas mtshan ma med pa'i don shes par bya ba'i phyir smos te/ de yang 'dul ba'i dbang du shes par bya ste/ ci'i phyir zhe na/ rnam pa thams cad mkhyen pa'i ston pa sangs rgyas bcom ldan 'das sku dang ye shes kyi ngo bos sngon gyi bsod nams kyi tshogs mtha' yas pa bsags pas/bdag dang gzhan gyi don ma lus par yongs su rdzogs par bya ba'i phyir/ thugs chos nyid rnam par mi rtog pa'i ngang las bzhengs nas 'khor ba'i sems can rnams/ nyon mongs pa'i rgya mtsho las thar cing grol bar bya ba'i don du/ri rab ri'i rtse mor nor bu rin po che'i khang bzangs nas/ byang phyogs dga' ba'i tshal du lha rnams gdul ba'i don du zhus te/ rgyud kyi don 'di bka' stsal ba'i tshe/ thugs yang dag pa'i ye shes las skyes pa/ sku gsung thugs gsang ba'i mdzod 'dzin pa/lag na rdo rje 'khor gyi nang du thos nas/ don gyi snying po tshig gi phreng ba 'di bsdus nas gzhan la bshad pa'i phyir/ 'di skad bdag gis thos pa'i dus gcig ces smos te/ 'di ni ston pa sangs rgyas bcom ldan 'das kyis 'khor ba'i sems can rnams bsgral ba'i phyir/rgyud kyi don 'di gsungs pa'i tshe 'di zhes bya'o/ /bdag gis zhes bya ba ni/ lag na rdo rje bdag ni de'i tshe 'khor gyi nang du bdag 'dus pa'i don to/ /thos pa zhes bya ba ni thugs mkhyen pa'i ye shes kyis 'gro ba'i don la dgongs nas/ zhal gyi maN+Dal nas tshangs pa'i gsung phyung nas bka' stsal pa'i tshe/ rna ba'i dbang po skyon med pas thos pa'i phyir ro/ /dus gcig na zhes bya ba ni ston pa brgya lam gcig na/ brgya byin gyi gnas na 'dug pa'i dus so/ /dbyar dgun ston dpyid la sogs pa ni ston pa thugs rje che bas 'khor rnams kun gyi nang na bzhugs par snang zhing /de'i tshe de'i dus na bshad kyi/ gang na bzhugs shing chos ston to zhes so sor the tshom skyes dogs te de'i phyir ma smos so/ /b+ha ga bAn ni ston pa phun sum tshogs pa ste/ bcom zhes bya ba ni bdud bzhi bcom ste rdo rje lha bu'i ting nge 'dzin gyis nyon mongs pa'i sgrib pa dang /shes bya'i sgrib pa rnams rdo rje'i gdan stengs su mthar mdzad nas nyon mongs pa'i bdud bcom mo/ /de'i tshe phyogs bcu'i sangs rgyas rnams kyis mngon par byang chub pa lngas bskul te/ rnam par shes pa'i tshogs brgyad ye shes rnam pa lngar gnas gyur te/'chi ba med pa g.yung drung gi tshe thob pas 'chi bdag gi bdud bcom mo/ /tho rangs mngon par rdzogs par sangs rgyas nas/ sku gsum ye shes kyi ngo bos/ thugs rje'i sprul pas cha gcig/ /ri rab ri'i rtse mor rnam par rgyal ba'i khang bzangs su/sprul pa'i sku'i dang longs spyod rdzogs pa'i sku'i cha 'dzin pa/ rnam par snang mdzad sems dpa' sum cu rtsa bdun gyi ngo bor sangs rgyas pas/ mtshan yang rnam par snang mdzad rdo rje dbyings su gsol bas/ sku dang ye shes rnam par dag pa'i ngo bor snang bas/phung po'i ming med pas phung po'i bdud bcom mo/ /de ltar sangs rgyas kyang dmag dpon btson du bzung na dra ma legs pa dang 'dra bar/ thugs rje'i sprul pa cha gnyis su gyes nas/ cha gcig rdo rje'i gdan stengs su bstan te/ gzhan 'phrul dbang byed kyi lha'i bu bye ba dung phyur thul/cha gcig ri rab kyi rtse mor rnam par snang mdzad kyis lag na rdo rjer sprul nas/ lha chen po rnams thul nas lha'i bu'i bdud bcom/ ldan pa ni de ltar bdud bzhi bcom pa'i don gyis legs pa'i yon tan drug dang ldan te/ dbang phyug gzugs bzang grags pa dang / / dpal dang ye shes brtson 'grus so/ /zhes 'byung ste/ de la dbang phyug phun sum tshogs pa ni/ thugs rnam par mi rtog pa'i ngang la bzhag pas na/ mya ngan las 'das pa'i mtha' las dbang zhes bya'o/ /thabs mkhas pa'i thugs rjes 'gro ba'i don sna tshogs su mdzad pas 'khor ba'i mtha' las dbang zhes bya'o//sngon bskal pa grangs med pa mtha' yas pa nas/ bsod nams dang ye shes kyi tshogs rnam pa gnyis bsags pas phyug go/ /gzugs bzang zhes bya ba ni sku phun sum tshogs pa'i don te/ de ci'i phyir zhe na/ chos kyi sku lhun gyis grub pa rnam par mi rtog pa'i ngo bor gnas te/de'i khyad par las longs spyod rdzogs pa'i sku mtshan dang dpe byad kyis brgyan pa/ dbang phyug chen po'i gnas chos kyi dbyings kyi pho brang na rnam par snang mdzad du bstan te/ byang chub sems dpa'i 'khor gyi dkyil 'khor na sku'i sgo nas chos ston to//sprul pa'i sku ni rnam par snang mdzad ri rab ri'i rtse mor lha rnams la chos ston pa dang / stong gsum gyi stong chen po'i 'jig rten gyi khams na/ shAkya thub pa dbu reg dang zhabs rjen du bstan te/ 'gro ba'i don mtha' yas par mdzad pa'i tshig go/ /de lta bu'i sku dang ldan pa'i phyir na gzugs bzang ba'o//dpal zhes bya ba ni chos thams cad kyi rang bzhin chos nyid bsam du med pa'i don thugs su chud nas/ dngos po thams cad bsal nas mi rtog pa'i ngang la bzhugs pa ni bdag gi dpal lo/ /sngon gyi bsod nams kyi tshogs kyis thabs mkhas pa'i sgo nas 'gro ba'i don sna tshogs su mdzad pas ni gzhan gyi dpal lo//ye shes zhes bya ba ni/ chos thams cad spyi dang rang gi mtshan nyid kyang mnyam pa nyid las ma g.yos pa ni mnyam pa nyid kyi ye shes so/ /de ltar stong pa nyid kyang don dam par na yang dag pa'i shes rab kyis gsal bar rig pa ni so sor rtog pa'i ye shes so//de ltar rtogs pas byas pa chud ma zos pas byas pa mthar phyin pas na bya ba grub pa'i ye shes so/ /brtson 'grus ni nyin mtshan dus drug tu 'gro ba'i don sna tshogs su mdzad pa ni brtson 'grus so//de lta bu'i ston pa sangs rgyas bcom ldan 'das nyes pa'i mthar phyin pa/ legs pa'i yon tan bsngags pa'i phul du phyin pa'o/ /bcom ldan 'das ni rgyud kyi ston pa sna la smos so/ /ston pa'i mdor bsdus pa bshad zin to// //da ni gnas phun sum tshogs pa'i rang bzhin kun rdzob tu 'dod pa'i yon tan lnga'i rang bzhin du snang ba ste/de bzhin gshegs pa'i bzhugs gnas su gsungs pas na/ don dam pa bshad pa'i thabs su ston te/ de yang ci'i phyir zhe na/ lha'i mchog thams cad kyi gnas dga' ba'i tshal yid du 'ong ba/khyad par du 'phags pa'i gnas phun sum tshogs pa ston te/ brgya byin lha'i dbang po bsod nams kyi mthu las byung ba/ lha'i longs spyod kyi rgyan rin po che sna tshogs pa dang / mchod pa'i yon tan sna tshogs pa rnams su snang bas ni lha'i gnas zhes bya'o//kun rdzob tu de ltar snang na yang / don dam par de bzhin gshegs pa thams cad kyi gzhal yas khang du byin gyis brlabs nas ye shes lhun gyis grub pa'i phyir na mchog ces bya'o/ /de lta bu'i gzhal yas khang de las 'dod pa'i yon tan ting nge 'dzin gyi mthu sna tshogs su 'byung bas na thams cad kyi zhes bya'o//de lta bu'i gzhal yas khang gi ngo bo nyid ni ting nge 'dzin gyi ye shes kyis rtogs pa'i yul yin pas na gnas zhes bya'o/ /de'i don zab la rgya che rab tu rtogs na dga' ba'i ro sna tshogs su 'byung bas rab tu dga' ba'i ngo bos na dga' ba zhes bya'o//chos kyi dbyings kyi gzhal med khang ste/ yon tan dang cho 'phrul sna tshogs pa 'byung ba'i gzhi yin pas na mang ba'i phyir zhes bya'o/ /mtshan dang dpe byad rgyan dang cha lugs sna tshogs pa 'byung ba'i gzhi yin pas na/ sems rab tu dga' mgu rangs pa'i phyir na yid du 'ong ba zhes bya'o//de ltar gnas kyi yon tan mdor bsdus nas/ de'i 'og tu yon tan kun rdzob tu sna tshogs su snang ba de brgya byin bsod nams kyi rkyen te/ don dam pa'i tshul du bshad par bya ste/ dngos po rnams chos nyid du zla ba dang / mtshan ma la zhen pa rnams mtshan ma med par bya ba dang /de bzhin gshegs par gzhan mas rtogs pa'i yul ma yin zhes ston te/ de yang ci'i phyir zhe na/ bud+d+ha dang byang chub sems dpa' thams cad kyis byin gyis brlabs pa zhes 'byung ba'i phyir na 'og gi gtan tshigs gang du drangs pa'i sgo nas ched do//nor bu dang rnga bo che'i sgra grags pa la sogs pa bstan par bya ste/ che ba'i yon tan sna tshogs su 'byung ba'i rtags su nor bu dang / /byang chub kyi sems ye shes kyi 'od 'bar ba'i rtags su gser gyi shing yal ga dang ldan pa dang / ting nge 'dzin bde ba'i don gyi khyad par la dbang thob pa'i rtags su lcug mar bcas pa dang /ting nge 'dzin 'bum phrag 'byung ba'i rtags su shing gel pa dang / yang dag pa'i shes rab kyis nyon mongs pa'i nad sna tshogs pa'i sdug bsngal gyi gnod pa sel ba'i rtags sman dang / so sor kun du rtogs pa'i shes rab la/gzung 'dzin rnam pa gnyis kyi skyon gyi zug rngu dang bral te 'khor ba'i nye gnas la phan 'dogs pa'i rtags su me tog sna tshogs pa dang / 'khor ba mi zad pa'i bar du thabs mkhas pa'i thugs rje chen po mi zad pas na dpag bsam gyi shing gis mdzes par byas pa dang /thabs mkhas pa'i cho 'phrul sna tshogs pa 'gro ba la 'byung ba'i rtags su ni rgyan gyi rnam pa sna tshogs pas brgyan pa dang / thogs pa med pa'i ye shes kyi rdzu 'phrul gyis 'khor ba'i nye gnas la phan 'dogs pa'i rtags bya sna tshogs pa skad 'byin pa dang / zhal gyi dkyil 'khor nas tshangs pa'i gsung rnam par dag pa phyung nas 'gro ba la chos ston pa'i rtags su rnga bo che dang /cang te'u la sogs pa'i sgra sna tshogs pa grag pa la sogs pa bstan pa'i phyir ro/ /de ni gzhal yas khang gi phun sum tshogs pa'i don bstan zin to/ /da ni 'jig rten las 'das pa'i bsod nams kyi rkyen dang /de bzhin gshegs pa las grub pa'i don ston te/ de ci'i phyir zhe na/ khams gsum thams cad thugs rdo rje'i zhing yin pas na/ brgya byin dang tshangs pa la sogs pa rtsen pa zhes bya'o/ /sa dang po bden pa mthong bas/ting nge 'dzin dang zhing khams brgya la rtsal sbyong bas brgya byin zhes bya'o/ /sa dang por 'khor ba bstan pa las tshangs pa la sogs pa zhes bya'o/ /sa dang po rang gi ting nge 'dzin la shes pa'i rtsal sbyong bas na/ lha'i bu sna tshogs pas rnam par rtsen pa zhes bya'o/ / sa dang por de bzhin gshegs pa thams cad la dge ba'i rtsa ba bskrun pas na/ de'i phyin na sangs rgyas dang zhes bya'o/ /de lta bu'i byang chub sems dpa' de ni byang chub sems dpa' thams cad shes pa'i rtsal sbyong ba rnam par mi rtog pa'i ye shes thob pa'i gzhi yin pas na byang chub sems dpa' thams cad kyis byin gyis brlabs pa zhes bya'o//de ci'i phyir zhe na/ de bzhin gshegs pa thams cad kyi ye shes kyi gzhal yas khang de ni sa dang po mthong ba'i lam yan chad ma yin pa gzhan gyis ma rtogs pas na/ shes pa'i rtsal sbyangs te/thun mong ma yin pa'i gnas de na rnam pa thams cad mkhyen pa'i sangs rgyas shAkya thub pa 'khor 'jig rten las 'das pa sna tshogs pas yongs su bskor nas sprin bzhin du gtibs te bzhugs pa'i don rab tu bsdus pa ston te/ gnas phun sum tshogs pa'i don bsdus pa'i don bshad zin to// //da ni 'jig rten pa'i 'khor phun sum tshogs pa ston te/ 'jig rten las 'das pa'i 'khor mi smos par/ 'jig rten pa'i 'khor sna la smos pa mi 'gal lam zhes rgol ba las/ gtan tshigs kyis mi 'gal bar ston te/ de ci'i phyir zhe na/ 'jig rten pa'i chos can 'jig rten pa las 'das par chos nyid du bzla ba dang / theg pa chung ba'i 'jig rten pa rnams mos pa skyed du gzhug pa'i phyir na smos so/ /brgya byin dang tshangs pa zhes bya ba ni mgo brgya byin zhing mchod sbyin brgya gtang ba dang / nor bu tir ya ka brgya byin pas brgya byin te/yon bdag yin pa dang / gnas kyi bdag po yin pas sna la smos so/ /tshangs pa ni nyon mongs pa 'khor 'gyod khrin dang 'dra ba las tshangs pa'am/ 'jig rten pa'i mes po'am/ chos kyi 'khor lo chen po rnams la bskul bar dam bcas pas na smos so//sogs pa zhes bya ba ni/ de gnyis kyi 'khor du ni 'dod khams brgya byin gyi 'khor du sdud pa dang / gzugs khams tshangs pa'i 'khor du sdud pas na 'khor dang bcas pa ni sogs pa zhes bya'o/ /so so'i skye bo las bla na med pa'i byang chub tu sems bskyed de/ tshogs rnams tshul bzhin bsags nas sbyor ba'i lam non/ de theg pa chen po'i 'khor bar mi ldog cing / sngon chad ma mthong ba'i rnam par mi rtog pa'i ye shes mthong ba'i rigs gzung ba dang / rnam pa gcig tu cho 'phrul rnam pa bzhi dang mngon par byang chub pa rnam pa lnga'i sgo nas spyod cing sbyangs nas/theg pa chen po'i rigs 'dzin pas na rigs 'dzin no/ /de'i 'og tu de rnams kyi bsod nams kyi rkyen chags pa'i yul de chos nyid ye shes kyis brgyan pas na lha'i bu smos so/ /de'i 'og tu sems can la gnod pa bye brag zhi bar gsungs pa'i phyir na gnod sbyin te/rnam thos sras dang sa srungs yang dag shes la sogs pa'o/ /de'i 'og tu zhe sdang gi dregs pa yongs su gzhug pa'i phyir na/ srin po'i sde lang ka mgrin bcu dang / bden bral du bum rna 'o/ /de'i 'og tu phrag dog gdug rtsub tu gzhug pa'i phyir na/ lha ma yin gyi rgyal po rab sim dang /rnam par snang byed dang / sgra gcan 'dzin dang / sum brtsegs 'khor dang bcas pa dang / de'i 'og tu nyam chung ba rnams gzengs bstod pa'i phyir na dri za ste/ rgyal po yul 'khor srung dang / zur phud lnga pa 'khor dang bcas pa'o/ /de'i 'og tu spyod pa mi tshad pa tshad du bcug pa'i phyir na/mi'am ci'i sde rgyal po shing ljon pa dang / btsun mo'i 'khor dang bcas pa'o/ /de'i 'og tu skal ba med pa rnams gzengs bstod du gzhug pa'i phyir na lto 'phye chen po rab brtan 'khor sbrul gyis bskor ba'o/ /de'i 'og tu gnod pa'i bye brag sna tshogs pa zhir gzhug pa'i phyir na/klu'i sde ba ru Na dang 'jog po la sogs pa'o/ /de ni 'jig rten pa'i 'khor phun sum tshogs pa ste/ de ci'i phyir zhe na/ ston pa'i zhabs 'bring dregs pa can yin pas thul nas kyang gdams ngag phog pas na sna la smos so/ /'jig rten pa'i 'khor phun sum tshogs pa'i don bstan zin to//da ni thugs yang dag pa'i ye shes las bskyed pa rgyal sras 'jig rten las 'das pa'i don to/ /ci'i phyir zhe na/ 'jig rten las 'das pa zhes bya zhe na/ 'jig rten pa'i tshul 'dzin pa'i mtshan ma'i bye brag dang don rtog pa'i mtshan ma spangs nas/de bzhin gshegs pa'i thugs yang dag pa'i ye shes kyi dgongs pa la 'jug pa'i phyir ro/ /de yang ci'i phyir zhe na/ byang chub sems dpa' sems dpa' chen po smos te yang dag pa'i shes rab kyis gzung 'dzin gyi sgrib pa gnyis gtan nas bcom pas na byang ngo //dngos po med pa'i mtha' spangs te/ shes bya la ye shes khyab pas na chub po/ /chos nyid don gnyis su med par sems pas na sems so/ /de'i don gnyis su med pas na/ skad cig kyang mi yengs par klong du gyur pas na bdud dang mu stegs kyis bslur mi thub pas na dpa' ba'o//de lta bu mi rtog pa'i ngang las sngon gyi bsod nams kyi tshogs kyis dag pa 'jig rten pa'i ye shes kyis gzung 'dzin gyi sgrib pa spangs pa 'byung ste gnas pa ni sems so/ /thabs mkhas pa'i thugs rje de 'khor ba mi zad kyi bar du sran 'dzugs pas na dpa' ba'o//de lta bu dang spyod pa gzhan pas na chen po'o/ /de lta bu'i 'khor gyi grangs ni/ bye ba khrag khrig brgya stong phrag brgyad la 'di lta ste zhes smos te/ ting nge 'dzin de tsam la mnga' brnyes pa'i phyir dang / che ba'i byin rlabs dang cho 'phrul de tsam mnga' ba'i phyir de skad ces bya'o//gzhan du na sangs rgyas kyi zhing mtha' yas pa nas 'dus te/ /dam pa'i chos btsun par bya ba'i ston pa'i zhabs 'bring 'khor du bsdus pa'i phyir na grangs kyi bye brag smos so/ /de ltar byang chub sems dpa' tshad med grangs med pa la mdor smos pa ni 'di dag go//byang chub sems dpa' blo gros tshad med pa ni/ bdog pa thams cad gtong bas sa dang 'dra ste/ yang dag pa'i shes rab kyi blo gros la thabs mkhas pa'i sbyin pa tshad med dpag tu med pa'i ngo bo yin pas na/ nam mkha'i snying po'o/ /nam mkha'i blo gros kyi don la snying po ni tshad med pa smos so//blo gros mi g.yo ba zhes pa ni/ tshul khrims mi g.yo ba rgya mtsho'i gting dang 'dra ste/ tshul yang dag pa'i ngo bo yangs la rgya che bas mi g.yo ba'i phyir ro/ /khrims de las mi 'da' bas blo gros so/ /de ni sa'i snying po ste/sa ni 'gro ba'i rten byed kyang mi g.yo ba dang sbyar ro/ /snying po ni skyon spangs pa'i don te blo gros dang sbyar ro/ /de lta bu'i sa'i snying po'i rang bzhin pas na smos so/ /blo gros yangs pa ni/ bzod chen brtan pas ri rab lhun po 'dra/ yang dag pa'i bzod pa yangs la rgya che ste/ri rab ltar bskyod par dka' ste sgrib pa rnam par sel ba'i rang bzhin du shes par bya'o/ /sgrib pa rnam pa gnyis bstan pa yang / chos rnams kyi ngo bo rnam par sel bas ni blo gros so/ /kun du blo gros ni rab tu 'bar ba'i brtson 'grus sprin dang 'dra/ yang dag pa'i shes rab kyis kun du myur ba'i rdzu 'phrul dang ldan pas kun du 'gro 'ong brtson 'grus thogs pa med pas blo gros so//de ni phyag na rdo rje ste/ de ni thugs gsang ba'i mdzod 'dzin pas na kun du bzang ngo / /de lta bu'i ting nge 'dzin dang ldan pas blo gros so/ /blo gros mtha' yas ni bsam pa mi 'gyur nam mkha'i dkyil dang 'dra/chos kyi don la yang dag pa'i ye shes kyis gtan pa bcug pas na blo gros so/ /sku gsung thugs nam mkha' ltar yangs pas na mtha' yas so/ /de ni dri ma med par grags pa ste/ yang dag pa'i shes rab la skyon gyi dri ma med pas na blo gros so//thabs mkhas pa'i thugs rje sna tshogs kun du grags pa mtha' yas zhes smos so/ /blo gros ka ma la ni/ shes rab mtha' gnyis spangs pas pad+ma 'dra ste/ shes rab kyi gzung 'dzin yangs pa ste blo gros so/ /mtha' gnyis la sems pas pad+ma ltar ma chags pas na ka ma la'o//de ni 'jam dpal te sku gsung thugs 'jam pas na blo gros 'jam pa'o/ /shes rab tshad med pas nam mkha'i dkyil dang 'dra bas na dpal te ka ma la zhes pa'o/ /blo gros chen po ni thabs kyis 'gro don mdzad pas gar mkhan 'dra/thabs kyis 'gro don sna tshogs su mdzad pas na blo gros so/ /mdzad pa gar thabs dang 'dra ba 'joms pas na chen po'o/ /de ni spyan ras gzigs dbang phyug go/ /yang dag pa'i shes rab kyi spyan gyis chos nyid kyi don la gzigs pas na blo gros so/ / thugs rjes 'khor ba la dbang zhing tshogs rdzogs nas phyug pas na chen po'o/ /blo gros lha rdzas ni/ stobs chen gnon pas lha rdzas mthu chen 'dra/ ye shes kyi stobs dang ldan pa'i blo gros so/ /pha rol gyis zil gyis mi non pas na lha rdzas so/ /de ni byams pa ste/phyogs med pa'i byams pa dang ldan pas na blo gros so/ /skye ba gcig gis thogs pas na lha rdzas so/ /blo gros sna tshogs pas ni smon pa med pa'i ye shes lnga dang ldan/ chos nyid kyi don mthong ba ni smon pa med pas na blo gros so/ /yang dag pa'i ye shes sna tshogs su snang bas na sna tshogs so//de ni kun du bzang po ste/ lta ba dang spyod pa kun du ngan pa'i ming yang med pas na blo gros so/ /smon lam sna tshogs la mnga' brnyes pas sna tshogs so/ /sogs zhes bya ba ni gong du gsungs pa'i don te/ gtso bo rnams kyi 'khor du gtogs pa'i phyir ro//phyir mi ldog pa ni mos pa spyod pas ngan song du mi ldog pa brgyad pa mtshan mar mi ldog pas na phyir mi ldog pa'o/ /dge 'dun thug pa med pa ni 'khor gyi rnam grangs kyis chos nyan cing 'jug pas na smos so/ /de la dge ba'i 'bras bu bla na med pa'o//'dun pa yid 'phags pa'i lam la dmigs pa'o/ /'khor mang po'i dbus na zhes bya'o/ /rgyal sras byang chub sems dpa' thugs las skyes pa'i 'khor dang / nyan thos dgra bcom pa gsung las skyes pa'i 'khor dang / lha klu gnod sbyin la sogs pa 'jig rten las kyi 'khor dang /snang srid thams cad thugs rje zhing gi 'khor gyi dbus na de bzhin gshegs pa bzhugs te/ ci'i phyir zhe na/ tshangs pa chen po pad+ma'i gdan ni/ ye shes kyis 'khor ba las tshangs pa dang phrin las kyis khams gsum thams cad 'khor ba las tshangs par byed pa'o//pad+ma ni thugs rnam par dag pa mtshan mas mi gos pa dang / thabs mkhas pa'i phrin las 'gro ba'i don mdzad na spyod pas mi gos pas na spyad pa'o/ /chen po'i rgyu byang chub dang ldan pa dang / 'bras bu khams gsum thams cad bla na med pa'i don la dgongs pas na chen po'o zhe'o//gdan ni 'brel pa'i don te thugs rje thabs kyis 'gro ba'i don la zhugs pas gdan/ ting nge 'dzin rnam par mi rtog pa'i ngang la bzhag pas gdan no/ /bzhugs pa ni ting nge 'dzin ye shes ngan song sbyong ba'i ting nge 'dzin la zhugs pa dang / phrin las thugs rjes 'od zer sdud pa'i ting nge 'dzin gyi sgo nas bzhugs pa'o//da ni ston pas gleng bslang ba ston te/ ngan song gi rgyud thams cad yongs su sbyong ba'i ting nge 'dzin la snyoms par zhugs te/ de ni rgyu las dang nyon mongs pa ngan pa las 'bras bu sdug bsngal gyi phung po khams gsum du song bas na song ba'o//rgyud ni kun gzhi la thog ma med pa'i dus na bag chags rang rgyud du yod pas na rgyud do/ /thams cad ni las dang nyon mongs pa'i bag chags dang 'brel pa'i sems can no/ /yongs su sbyong ba ni thugs rdo rje lta bu'i ting nge 'dzin gyis sbyong ba dang /phrin las 'od zer sdud pa'i ting nge 'dzin gyis sbyong ba'o/ /ting nge 'dzin ni rdo rje lta bu'i ting nge 'dzin gyis thog ma med pa'i dus nas bdag tu rtog pa'i rang bzhin rgyu'i bag chags yod pa la dmigs pa'o/ /'od zer gyi phreng ba sdud pa'i ting nge 'dzin gyis ni 'bras bu sdug bsngal gyi phung po 'joms shing mi gtang bas na ting nge 'dzin no//snyoms par zhugs pa ni mi 'da' ba'i snyoms par zhugs pa dang gnyis su med pa'i phyir dang 'brel pa'i phyir snyoms par zhugs so/ /rnam par grol ba ni bag chags kyi rnam pa sna tshogs te grol ba ni de las thar pa'o//byang chub sems dpa'i ting nge 'dzin ni chos kyi dbyings gzung 'dzin gyi skyon spangs pas na byang chub pa'o/ /de ni don ye shes las tshur snang bas na chub la/ sems ni de las thugs rje'i cho 'phrul 'gro ba rnams las 'byung bas na sems so/ /dpa' ba ni khams gsum gyi 'khor ba gyen du bzlog pas dpa' ba'o//ting nge 'dzin de lta bu'i don las mi 'da' bar gnas pa'i phyir ro/ /'od zer kun du sdud pa'i phreng ba ni/ thugs rje phun sum tshogs pa ste/ phyi'i pags pa nas byung bas ni ngan song gi yul rnams sbyong ba la/ zer ni ye shes kyi phrin las drang bzhin phun sum tshogs pa ste/ba spu'i bu ga kun nas 'byung bas ni bag chags kyi rgyud sbyong la/ sdud pa ni yon tan gyi rang bzhin te/ sems can rnams bla na med pa'i byang chub la sdud la mang po ni de rnams kun khyab pa'i don la/ phreng ba ni bsdus pa dang 'brel pa ltar na thugs rje dang 'khor bar 'brel pa'i don yin la/nyid kyi dpral ba'i mdzod spu nas phyung ba ni nyid kyi ston pa shAkya thub pa'o/ /dpral ba ni thugs rnam par dag pa nas dpral ba'i dkyil 'khor du bstan la/ mdzod spu ni ting nge 'dzin gyi cho 'phrul gzhan las 'byung ba'i mdzod spu bstan la phyung ba ni/gang gi 'od zer sdud pa'i phreng ba phyung ba'i don to/ /bde ba so sor thob nas zhes pa ni/ thugs rje cho 'phrul gyi byin rlabs kyi 'od zer des/ stong gsum gyi stong chen po'i 'jig rten gyi khams 'di 'od zer gyi snang ba chen pos khyab par byas nas/sems can de dag mi dang lha'i bde ba so sor thob nas/ dga' ba'i tshal du bkod pa'i phyir ro/ /des gsol ba 'debs par gyur te/ e ma ho/ /sangs rgyas ni thugs rnam par dag pa'i ngo bo/ /rdo rje lta bu'i ting nge 'dzin gyi sgo nas ngan song gi rgyud sbyong ba re bzang ba'o//kye ma sangs rgyas ni ngan song gi rgyud sbyangs ba des 'bras bu 'khor bar mi skye ba sbyang ba re bzang ste/ ci'i phyir zhe na/ gsung rnam par dag pa ste/ 'gro ba'i rgyud rnam par 'brel ba'i phyir ro/ /kye ma sangs rgyas ni/ 'gro ba'i don sna tshogs mdzad pa ni re bzang zhes bya'o//kye ma sangs rgyas ni/ 'gro ba'i don ltar mdzad kyang thugs chos nyid las ma g.yos pas re bzang zhes bya'o/ /mdzad pa legs pa ni sku gsung thugs kyi yon tan phrin las gzhan las khyad par du 'phags pa'i mdzad pa legs pa'i phyir ro//gang gi phyir bdag ngan song ni sbyong / thabs dang shes rab zung du 'brel pa'i thugs rjes 'khor ba'i rgyu dang 'bras bu sbyangs nas bcom pa'i phyir ro/ /byang chub spyod pa nyid la gzhag pa ni/ sems can de rnams nyon mongs pa'i 'khor ba las bton nas byang chub rnam pa gsum la gzhag ces gsungs so//de'i 'og tu ngo mtshar mi che ba'i rgyu ston te/ tshad med pa'i bsod nams kyi bsags pa zhes pa ni/ de la sems can gyi bsod nams kyi phung po bcu 'gyur gyis ni de bzhin gshegs pa'i ba spu gcig mngon par 'grub bo/ / ba spu mngon par grub pa'i bsod nams kyi phung po brgya 'gyur gyis ni/ dpe byad bzang po 'grub po/ /dpe byad bzang po gcig mngon par grub pa'i bsod nams kyi phung po stong 'gyur gyis ni/ mdzod spu dang dbu'i gtsug tor dang chos kyi dung ma gtogs pa'i mtshan re re grub bo/ / mtshan nyi shu rtsa dgu grub pa ma gtogs pa'i bsod nams kyi phung po khri 'gyur gyis mdzod spu grub bo/ /mdzod spur grub pa ma gtogs pa'i bsod nams kyi phung po 'bum 'gyur gyis ni gtsug tor grub po/ /gtsug tor du gtogs pa'i bsod nams kyi phung po bye ba 'bum gyis ni/de bzhin gshegs pa'i chos kyi dung grub bo/ /de ni 'bras bu'o/ /rgyu ni rkyen dge ba'i bshes gnyen gyi man ngag la brten nas byang chub kyi phyogs dang pha rol tu phyin pa'i dge ba'i rtsa ba'i tshogs bsags pa'o/ /tshad med pa'i yon tan rin po che'i 'byung khungs ni/tshad med pa'i ni rgyu tshad med pa dang / 'bras bu tshad med pa dang / phrin las tshad med pa'o/ /yon tan sna tshogs pa ste/ 'gro ba'i ltar 'dul ba bzhin du 'byung ba'o/ /rin po che ni mi zad pa'i phyir dang / dkon pa'i phyir dang / khyab pa'i phyir btags pa'o//tshad med pa'i thabs rdzogs pa ni thabs gnyis te/ rgyu'i thabs rgyu chung ngu las 'bras bu mang por byed pa'o/ /'bras bu'i thabs ni sems can ji ltar mos pa bzhin 'byung bar bya zhing snang ba'o/ /shes rab tshad med par bsags pa ni dang por 'jig rten pa'i shes rab la brten cing bsgoms pas 'jig rten las 'das pa'i shes rab thob ste/de ni chos thams cad skye ba med par rtogs pas tshad med de/ de ci'i phyir zhe na/ dngos po dang mtshan ma dang bral bas tshad kyi bye brag tu mi dmigs pa'i phyir ro/ /tshad med pa ni thun mong dang thun mong ma yin pa gnyis su med pa dang ldan pa ste/thun mong ni 'jig rten pa'i spyod pa la/ thun mong ma yin pa ni 'jig rten las 'das pa'i spyod pa'o/ /'dul ba'i skye bo tshad med pa rnams snod du rung bar mdzad pa ni 'dul ba'o/ /'dul ba ni sngon gyi smon lam gyis 'dul ba dang /'phral gyi phrin las kyis 'dul lo/ /skye ba ni las las skye zhing 'khor ba gzhol phyogs su bor ba'o/ /tshad med pa ni rgyu tshad med pa ni gnas khams gsum dang 'khor bar lus blangs nas/ sdug bsngal gsum dang / brgyad kyis gzir ba'i de'i rgyu ni las dang nyon mongs pa'o//de ni mtha' yas pa'i sems can te/ sdug bsngal gyi 'bras bu tshad med pa rab la dmigs pa'i don to/ /snod du rung ba ni de rnams kyi rgyu dang 'bras bu bcom nas/ byang chub rnam pa gsum po gang la yang mos pa la dgod pa la snod du rung ba'o//mi mnyam pa dang mnyam pa'i ye shes ni/ rgyu mi mnyam pa dang las dang ba'i mtshan nyid dang / nyon mongs pa spong ba'i grogs mi mnyam pa dang / 'bras bu mi mnyam pa'o/ /mnyam pa ni rtog pa dang bral zhing dngos po med pas na mnyam pa'o/ / mi mnyam pa dang mnyam pa'i rdzu 'phrul dang ldan pa ni/ mi mnyam pa dang 'gro ba gzhan nyan thos dang rang sangs rgyas la sogs pa'i rdzu 'phrul la sogs pa dang mi mnyam pa'o/ /mnyam pa ni/ de bzhin gshegs pa'i rdzu 'phrul gyi nang du de dag thams cad 'dus pa'i phyir ro/ /mi mnyam pa dang mnyam pa'i smon lam gyi stobs dang ldan pa ste zhes pa ni/mi mnyam pa ni bdag dang gzhan gnyis kyi don du bsngo bas mi mnyam pa'o/ /mnyam pa ni dmigs pa dang bral ba'o/ /smon pa ni 'bras bu'o/ /lam ni rgyu ste 'bras bu la dmigs pa'o/ /stobs ni gzhan gyi zil gyis mi non pa'o//de la the tshom dang som nyi dang yid gnyis ma byed cig go zhes pa ni the tshom yid mi ches pas rtog pa zhugs pa'o/ /som nyi ni bya mi bya snyam pa'i som nyis so/ /res 'ga' ni mi blo rgod/ res 'ga' ni blo mi rgod pas ni yid gnyis so//'khor gyis gleng bas ngo mtshar gyi rgyu bstan pa'o/ /da ni dkyil 'khor zhus pa ston te/ de nas lha'i dbang po brgya byin rang gi stan la langs nas ni zhes pa ni/ 'dod khams kyi lha la dbang byed pas na dbang po'o/ /sprul pa dang zhing khams dang ting nge 'dzin brgya la rtsal sbyangs pas na brgya byin no//rdo a mo li ga'i steng na rin po che'i khri'u la bzhugs pa'i phyir na rang gi'o/ /langs pa ni chos zhu ba'i phyir langs pa dang / rag lus pa dang / rin thang bskyed pa dang / gus pa dang bskyed pa'i phyir langs pa'o/ /mchod pa ni rgya che zhing mchod pa ni ma nyes par bya ba'i phyir/rta dang glang po che la sogs pa'o/ /rgya che ba ni sems kyi yid bzhin gyi sprin tshogs 'dod pa'i yon tan gyi lha mor sprul pa'o/ /phyag btsal nas 'di skad ces gsol to/ /phyag ni lus kyis langs pa dang / ngag gis bstod pa dang /sems kyis mos pa'o/ /'di ni 'og gi don la skad ni tshig tu brjod pa'o/ /gsol to ni 'og gi don zhus pa'i tshul lo/ /spobs pa bskyed par gsol te/ sngon gyi dge ba'i tshogs kyis spobs pa bskyed pa dang / rang gi mos pa'i mthus zhu bar spobs pa bskyed pa'o//bde bar gshegs pa bdag spobs pa bskyed par gsol/ chos nyid kyi don thugs su chud pas ni mi bde ba'i gnod pa spangs pas bde bar ro/ /gshegs pa ni thabs mkhas pa'i thugs rjes 'gro ba'i don la gshegs pas gshegs pa'o/ /bdag ni lha'i dbang po spobs pa ni rgyu dang 'bras bu'i don zhu bar spobs pa'o//bskyed pa ni bdag byang chub tu sems bskyed par mdzod ces pa'o/ /gsol ba ni bdag lha'i bu dri ma med pa'i don zhu bar gsol ba rab tu gdab pa'i phyir ro/ /spyir zhu ba'i don bsdus nas bshad zin to// //da ni sgos zhus pa'i don ston te/ sum cu rtsa gsum pa'i ni brgya byin la rang gi bu sum cu rtsa gnyis dang / brgya byin dang sum cu rtsa gsum yod pas de'i phyir ro/ /de dag kyang brgya byin gyi phyogs bzhi mtshams brgyad nas bzhi bzhi 'dug ste/ brgya byin la bskor bas na blon po zhes bya'o//'di nas shi 'phos nas sems can dmyal ba'i ston pas rnam par smin pa'i sdug bsngal ston pa yin te/ 'di ni lha'i gnas nyid la bya/ shi 'phos nas ni phung po'i rang bzhin dang bral te/ rnam par shes pa thal ba'i tha tshig go/ / mtshams med pa ni las dang nyon mongs pa ste/ rnam par dkar ba'i bar mtshams med pa'o/ /'bras bu la bar mtshams med pa ni/ sdug bsngal gyi rang bzhin sna tshogs pa la/ bde ba'i bar mtshams ni skad cig kyang med pa'o/ / sems ni sdug bsngal la gnas pa yin la/ can ni sdug bsngal gyi phung po nye bar len pa'o/ /dmyal ba ni 'joms pas ni rab tu mnar ba'o/ /gzhan mdo sde'i gzhung las gsal bsam bris so/ /mtha' 'khob ni khrims med pa'i mthar phyin pa dang / chos skad mi thos pas mtha' 'khob bo//rnam pa gcig tu yul mtha' 'khob ni gangs ri la mi mtha' 'khob ni spyod pa ngan pa'o/ /rnam par smin pa'i don bsdus pa bshad zin to// //rnam par smin pa la skyo ba'i don ston te/ de nas brgya byin la sogs pa'i lha'i bu thams cad kyis thos nas/shin tu dngangs shing skrag ste/ skyo nas khas bub tu 'gyel to zhes pa ni/ ston pas rnam par smin pa'i don gsungs pa la/ brgya byin 'khor dang bcas pa dang / gzhan yang 'dod khams lha'i bu thams cad kyis thos nas/ rgyu nyon mongs pa la ni shin tu sdangs/ 'bras bu sdug bsngal la rab tu skrag ste/'dod pa'i yon tan la rab tu skyo nas yid skrag pas khas bub tu 'gyel to zhe'o/ /da ni zhu ba bsnan pa bstan to/ /de nas yang zhes pa ni skabs kyi rting thogs bskyar zhing bsnan nas zhus pa'i don to/ /bskyab par gsol bya ba ni 'khor gyi sdug bsngal 'di las bskyab par gsol ba dang /bdag dang gzhan ngan song las rab tu thar bar bya ba'i phyir zhus pa'o/ /da ni bkas gnang ba ston te/ de yang ci'i phyir gnang zhe na/ ma 'ongs pa'i sems can rnams la phan pa'i phyir te/ lha'i dbang po sangs rgyas bye ba phrag brgyad cu rtsa bzhis kyang bstan pa zhes pa ni/mdangs gsol du gsungs pa'i phyir bos nas bka' stsal te/ sngon gyi sangs rgyas mar me mdzad dang / gser thub la sogs pa bye ba phrag brgyad cu rtsa bzhis kyang ngan song gi rgyud 'di gsungs te/ ngas kyang bshad kyis khyod nyon cig bya ba'i tha tshig go//da ni gnang ba la dga' ba ston te/ de nas lha'i dbang pos mngon par mchod pa ni ston pas gnang ba'i rting thogs so/ /brgya byin rab tu dga' ba'i mchod pa sna tshogs kyis mchod nas zhus pa'i don dang / phyi rabs la de ltar gyis shig pa'i don to/ / legs bya ba ni thugs rjes 'gro ba'i don la legs pa dang / bdag la rgyu dang 'bras bu'i chos ston pa legs bya ba'i tha tshig go/ /de la zhu ba bsnan pa ni/ de nas tshangs pa zhes 'byung bas na/ re zhig 'jig rten pa'i mes po tshangs pa yin pa dang / dad pas zhu ba'i tshul dang /dam pa'i chos kyi bskul ba yin pas zhu ba'i tshul du bstan pa'o/ /dang por slob ma snod du rung bar byin gyis rlob pa ston te/ de nas bcom ldan 'das kyis zhes pa ni/ nyes pa'i skyon thams cad gtan bcom zhing / legs pa'i yon tan dang ldan pas na mtha' gnyis skyon bcom zhing sku dang ye shes kyi rang bzhin shAkya thub pas bka' stsal te/de ci'i phyir zhe na/ khams gsum las mthar phyin pa'i phyir ro/ /de bzhin gshegs pa thams cad kyi snying po 'dis byin gyis brlabs pa ni/ de bzhin nyid chos ji bzhin pa'i ngang du rang gi ngang du gshegs pas na dbyings dang /ye shes gnyis su med pa'o/ /thams cad ni phyogs bcu dus bzhi'i sangs rgyas pa snying po ni thugs yang dag pa'i ye shes so/ /byin gyis brlabs pa ni/ ras dkar po la dmar po bya ba'i mthu tshon la yod pa dang 'dra bar bla na med pa'i sangs rgyas 'grub pa'i rgyu ni sngags la yod pas na'o//gdon mi za bar rdo rjer byin gyis brlabs pa zhes bya ba ni gdon mi za ba ni/ thugs yang dag pa'i ye shes la mtshan ma'i skyon gyis mi za ba'o/ /rdo rje ni sku gsung thugs rdo rje lta bu'o/ /byin gyis brlabs pa ni/ kha dog tshon gyis bsgyur ba ltar ting nge 'dzin la snyoms par zhugs pas bsgyur/de ci'i phyir zhe na/ byang chub kyi sems bde ba'i ting nge 'dzin gyis ni/ nyon mongs pa thams cad byang chub sems su bsgyur nus pas na de skad bya'o/ /oM badzra a d+hi tiSh+Tha dz+nyA na sa ma ye hUM/ oM ni ye shes lnga la/ badzra ni rdo rje/ tiSh+Tha ni 'joms pa/dz+nyAn ni ye shes so/ /sa ma ya ni dam tshig dang ldan pa'o/ /hUM ni thugs chos nyid du ye nas gnas pa'o/ /snyoms par zhugs nas kyang ni/ ting nge 'dzin byang chub rnam par dag pa la snyoms par zhugs pa ni gnyis su med par gyur pa'i tha tshig go/ / de bzhin gshegs pa thams cad kyi snying po ma nor ba la/ bzhin ni mi 'gyur ba ste/ gshegs pa ni rig pa dang dbyings gnyis su med par gyur pa'o/ /thams cad ni ma lus pa la snying po ni byang chub kyi sems la/ 'di ni dbang po mngon sum du gsungs pa'o/ /rang gi snying ga nas byung nas rang ni shAkya thub pa la/snying po ni thugs ye shes la bya/ phyung ni tshig tu gsungs pa'o/ /oM sho d+ha ni sho d+ha ni zhes pa ni/ oM ye shes rnam pa lnga'i ngo bor kun rig rnam par snang mdzad kyi snying po ste/ chos nyid rang bzhin gyis rnam par dag pa'i rtags so/ /oM sarba pA paM bi shod+ha ni ye shes rnam pa lngar las kyi sdig pa thams cad dag par byin gyis brlab pa'o//shud+d+he bi shud+d+he/ ngo bo nyid dag pa'i chos nyid rang bzhin gyis dag pa chen por byin gyis brlab ces bya'o/ /sarba karma A ba ra Na ni/ thams cad ma lus pa'i phrin las rgya mtsho dang 'dul bas byin gyis brlab pa'i don/bi shud+d+he sarba chos nyid dag pa de ni rang bzhin gyis bkra shis pa'i don to/ /rig sngags chen mo 'di bshad ma thag tu ni rig pa'i ye shes la/ sngags ni des mtshan ma 'joms pa la/ chen mo 'di/ lta ba dang spyod pa che bas na dbyings te chen mo'o/ /khyab pa'i phyir btags so//de nas gzhan yang gsang ba'i snying po 'di gsungs so/ /de nas ni skabs kyi rting thogs so/ /gzhan yang rnam pa ni/ gsang ba ni chos nyid la/ snying po ni ye shes la/ 'di ni 'og gi don la gsungs pa ni/ gsal la ma 'dres par brjod pa'i tha tshig go//oM sho d+ha ni sho d+ha ni sarba a pa ya ni sarba swa rgye b+h+ya hUM ni/ oM ni rin chen me tog gi ye shes la snying po'o/ /sho d+ha ni dag pa la/ sarba ni thams cad/ a pa ya ni ldan pa/ sarba swa rgye b+h+ya ni/ thams cad bde bar byed pa'i rig pa'o/ /de bzhin gshegs pa thams cad kyi snying po ste/de ni ma nor pa ste chos kyi dbyings nyid do/ /bzhin ni ye shes kyi rtogs pa'o/ /gshegs pa ni thugs rjes 'gro ba'i don mdzad pa'i rtags so/ /thams cad ni rigs lnga'i sangs rgyas la sogs pa thams cad kyi snying po'o/ /oM sarba a pa ya bi sho d+ha ni hUM phaT ni/shAkya thub pa'i snying po ste/ yang dag pa'i ye shes kyi rang bzhin gyis thams cad kun gyi rang bzhin ye nas dag par byin gyis brlabs nas bzhugs te/ chos nyid dag par byed pa'i tha tshig go/ /snying po dang nye ba'i snying po zhes pa ni/ snying po ni rtsa ba rang gi byang chub kyi sems la/nye ba'i snying po ni/ de bsgrub par bya ba'i phyir 'bad cing btsal ba'o/ /oM tra Ta ni ye shes kyi ngo bo/ mtshan ma'i chos thams cad stong pa nyid la bzla ba'i thabs te/ me tog cher rgyas kyis sku bskyed pa'i snying po'o/ /ngan 'gro thams cad rnam par sbyong ba'i snying po ni/ngan pa ni las dang nyon mongs pa la/ 'gro ba ni khams gsum shing rta'i 'phang lo lta bur gyur pa la/ rnam par ni sdug bsngal las thar pa'i thabs mnga' ba dang / sdug bsngal ba'o/ /sbyong ba ni ye shes rgyu dang 'bras bur bcas pa sbyong ba'o/ /snying po ni byang chub kyi sems so//hUM ni ngan song thams cad yongs su sbyong ba'i snying po'o/ /thig le chos nyid rnam par mi rtog pa'i ngo bo la/ ha h+ye ga na dgyes nas 'du 'bral med pa'i don to/ /bsod nams chung ba'i sems can rnams ni/ bsod nams ni longs spyod dang bral ba'o/ /chung ba ni bde ba med pa'o//sems ni tshogs brgyad la/ can ni nye bar len pa'i phung po lnga'o/ /des thob nas bde blag tu gyur pa'i phyir ro/ /na mo b+ha ga wa te zhes pa ni/ bcom ldan 'das kun rig rtsa ba'i snying po ste/ rnam par snang mdzad kyis byang chub kyi sems bskyed pa'i don to//sarba durga ti ni/ thams cad kun gyi rang bzhin chos nyid byang chub kyi sems su dbang bskur ba'i don to/ /pA ri sho d+ha ni/ rtsa ba byang chub kyi sems de ni rang bzhin gyis dag pa'o/ /rA dzA ya ni/ sku gsung thugs mi zad pa rgyan gyi 'khor lo ni khams gsum la dbang gi rgyal mtshan 'dzugs pa'i phyir ro//ta thA ga ta ya ni/ de bzhin gshegs pa'o/ /tad+ya thA ni/ 'di lta ste yang dag pa'i ye shes kyi ngo bo'o/ /oM sho d+ha ni ye shes rnam pa lngas nyon mongs pa rnam pa lnga thams cad dag par byed pa'i thabs so/ /sarba pA paM bi sho d+ha ni/sdig pa thams cad rang bzhin gyis dag par byin gyis brlabs pa'o/ /sarba karmA ni phrin las rgya mtsho dang 'dra bas thams cad ma lus par byin gyis rlob pa'i phyir ro/ /A ba ra Na bi sho d+ha ni/ che ba'i yon tan dang ldan pas/ thams cad dag pa chen por byin gyis rlob pa'i thabs so//rtsa ba'i rig pa ni/ rtsa ba'i byang chub kyi sems gzung 'dzin dang bral ba la/ rig pa ni ye shes kyis rtogs pa'i yul lo/ /oM sarba bid ni ye shes kyi dngos po thams cad dag par byin gyis rlob pa'i don to/ /sarba A ba ra Na ni thams cad dag pa dang ldan par rigs lngas byin gyis brlabs pa'i phyir ro//bi sho d+ha ya ha na hUM phaT ni dga' ba chen pos mtshan ma rnams dbang du bsdus nas/ thugs chos nyid du byin gyis rlob pa'i phyir ro/ /oM sarba bid hUM phaT ste oM ni ye shes lnga'i ngo bo yin pas/ rin chen me tog gi nye ba'i snying po'o//AHni ma skyes pas gsung gi ngo bo bas snang ba mtha' yas so/ /hUM ni rnam par mi rtog pa'i ye shes te rdo rje sems dpa'o/ /sarba ni che ba'i yon tan 'byung ba'i ngo bo ste/ rin chen 'byung ldan/ phaT ni las te thams cad sbyin pa'i don/ bya ba nan tan gyi ye shes te don yod grub pa'o//oM sarba bid hUM ni shAkya thub pa'i sku bskyed pa ste/ sems can thams cad kyi sems ma skyes pa ste/ thams cad thugs rnam par mi rtog pa'i chos nyid du rig pa'o/ /oM sarba bid phaT ni/ chos kyi dbyings kyi ye shes kyis rnam par snang mdzad kyi sku bskyed pa'i sngags so//oM sarba bid sa ni me long lta bu'i ye shes kyis sa ltar che ba'i yon tan 'byung ba'i thabs so/ /ngan song sbyong ba'i sku bskyed pa'i snying po'o/ /oM sarba bid aHni mnyam pa nyid kyi ye shes kyis chos nyid ma skyes par spyod pa'o/ /rin chen me tog gi sku bskyed pa'i snying po'o//oM sarba bid hUM ni/ so sor rtog pa'i ye shes kyi ngo bo thugs rnam par dag pa'i don la 'jug pa'i thabs so/ /shAkya thub pa'i sku bskyed pa'i snying po'o/ /oM sarba bid tra tha ni/ oM ni ye shes bya ba grub pas gdul bya chud mi za bar bya ba'i phyir ro//me tog cher rgyas kyi snying po'o/ /oM sha ni chos nyid mngon par byang chub pa shU n+ya ta dz+nyA na ste/ stong pa nyid kyi rang bzhin du byang chub kyi sems zla ba lta bur gyur pa'o/ /oM b+ha ni oM ye shes kyi rang bzhin du gnas pa'i phyir ro/ /badzra ra'i sgras drangs na/ thams cad rdo rje'i rang bzhin/ngo bo'i sngags kyi don bsdus pa bshad zin to// //de'i yon tan ni lha'i dbang po brgya byin/ ngan 'gro thams cad yongs su sbyong ba ni/ yon tan brjod pa'i phyir na/ lha'i dbang po zhes bos pa'o/ /lha ni 'dod khams kyi lha yin pas na lha zhes gsungs so/ / de la dbang bskur na dbang po ngan pa ni rgyu ste nyon mongs pa'o/ /'gro ba ni 'bras bu ste khams gsum dang 'khor ba'i rgyu'o/ /thams cad ni 'khor ba'i sdug bsngal kun la bya ba'i phyir ro/ /yongs su sbyong ba'i gzi brjid ni yongs su ma lus pa thams cad do/ /gzi brjid ni sku dang gsung thugs rnam par dag pa'i gzi brjid dang ldan pa'o//dus ma yin par 'chi ba brgyad ni/ sa gnyan pa la nyal pa dang / bud med rgan mo dang nyal ba dang / mi na bzhin du sman za ba dang / khang ring na nyal ba dang / gdon 'byung po yod pa'i phyogs su mi med par gcig pur 'gro ba dang /nad pa sman pa'i ngag mi nyan pa dang / 'thab mo'i yul du 'jug pa dang / mi thub pa la do bsdo ba la sogs pa las thar par 'gyur ro/ /dus ma yin par 'chi ba dang 'brel pa ni/ chu chen po la rkyal ba med par rkyal ba dang / sbas sar gcig por 'dug pa dang / dug 'thung ba rnams ni 'chi ba dang 'brel pa'i mtshan ma'o//rmi lam gyi rnam pa ni/ sum cu rtsa gnyis te ltas ngan gyi rtags so/ /gang zhe na/ dgras ded pa dang / skyabs dang bral ba dang / sdug bsngal gyis gzir ba dang / yi dwags kyi gdon gyis mthu phrogs pa dang / mig phyung ba dang /kha nas lce gzhan gyis phrogs pa dang / nyi zla lhung ba dang / sa gzhi mi gtsang bas gang ba dang / skra byi ba dang / sgren mor 'dam bu dbab pa dang / gzhan gyi mgo phrogs pa dang / lcags su 'jug pa dang / dug 'thungs pa dang / mi gtsang bas lus byugs pa dang /khyim la me shor ba dang / mi gtsang ba'i rlubs su lhung ba dang / mi bsngags pa'i zhal ches 'debs pa dang / sgra mi snyan pa grag pa dang / grogs dang bral ba dang / chus khyer ba dang / mgo la me shor ba dang / rgyal po'i chad pas go rar chud pa dang / bdog pa gzhan gyis phrogs pa dang /gcan gzan mchu can gyis za ba dang / dmyal bar lhung ba rmi ba dang / mun pa mun nag na 'dug pa dang / ngo tsha ba dang / mya ngan gyi nang na 'dug pa dang / bdud kyi zhags pas gzung ba dang / srin pos khyer ba dang / phangs pa'i mi shi ba dang / gzhan gyis 'tshe bas 'debs pa'o//de dag la sdig pa dang nyes pa 'byung bar mi 'gyur ro/ /gong gi gsang sngags 'chang ba de dag la/ bdud la sogs pa'i bag chags 'byung bar mi 'gyur ro/ /dus ma yin pa'i sdig pa dang / rmi lam gyi sdig pa dang / nyes pa yang 'byung bar mi 'gyur ro//sngags kyi yon tan mdor bsdus pa bstan zin to/ /da ni sems can ngan song du skyes pa dkyil 'khor du bcug nas dbang bskur nas thar pa'i thabs ston te/ de ci'i phyir zhe na/ skyes pa dang bud med dang / lha'am klu'am/ shi ba'i lus dkyil 'khor du bcug na zhes pa'i bar ni 'khor ba'i sems can thugs rje'i zhing yin pas de las thar par bya ba'i phyir na sngon gyi bag chags sna tshogs kun la bsags pa'i 'bras bu sdug bsngal gyis 'gro ba rigs drug tu skye ba blangs pa la sngon gyi bag chags kyis bsags pa'i lus gdos pa can te/yang dag pa'i ye shes kyis bag chags rtsad bcad pa'i phyir na/thig bzhi btab pa'i re'u mig dgu pa 'khor lo rtsibs bcu drug pa la snam bu dang sgo dgod pa dang / rigs kyi sems dpa' bskal pa bzang po dang / mchod pa'i lha mo dang / sgo ba dgod de lus la gnas rnam pa lnga/ yig 'bru rnam pa lnga/rigs drug so so'i yig 'brur sbyangs nas dngos po'i bag chags rnams dag cing stong pa chen por byin gyis brlabs nas/ dkyil 'khor du bcug dbang bskur nas/ rgyal ba'i sras su skye ste ngan song las thar bar 'gyur ro/ /cho ga'i thabs bstan zin to/ /de nas lha rnams kyi dbang po dang /bshad du gsol ba'i bar gyis bshad par gsol ba btab par bstan to/ /da ni ting nge 'dzin la snyoms par zhugs nas bshad par ston te/ de nas bcom ldan 'das shAkya thub pas zhes pa ni/ skabs kyi rting thogs su 'byung bas ni de nas so/ /bcom pa ni rdo rje lta bu'i ting nge 'dzin gyis nyon mongs pa dang shes bya'i sgrib pa rnams bcom pa'o//ldan pa ni sku dang ye shes dang ldan pa'o/ /'das pa ni mtha' gang la yang mi gnas pa'o/ /shAkya ni rigs shAkya yin pa dang / bdud shAkya btul bas na shAkya'o/ thub pa ni sku dang gsung dang thugs thub pas na'o//ye shes rdo rje zhes bya ba'i ting nge 'dzin ni yang dag pa'i ye shes rdo rje ltar 'dus ma byas pas na/ gnyis su med pa'i don la zhugs pa'i don to/ /dkyil 'khor chen po 'di gsungs so/ /thugs rnam par mi rtog pa'i ye shes ni dkyil la/ thabs mkhas pa'i thugs rje gzhan la sna tshogs su 'byung bas ni 'khor la lta ba dang spyod pa gzhan las 'phags pas ni chen po zhe'o//gsungs ni/ don gsungs pa dang rtags gsungs pa dang / mtshon par byed pa ni gsungs pa'i phyir na'o/ /sangs rgyas kun gyi byang chub sems ni sangs rgyas ni/phyogs bcu dang dus gsum gyi rgyal ba rnams so/ /byang chub sems ni rnam pa gnyis te/ don dam byang chub kyi sems ni chos nyid skye ba med pa'o/ /kun rdzob byang chub kyi sems ni khams gsum gyi sems can la snying rje chen po bskyed pa'o/ /bla na med par rtogs 'gyur ba ni byang chub kyi sems de/gzung 'dzin rnam par rtog pa'i mtha' spangs pas bla na med pa ste/ de gang gis rtogs na so sor rtog pa'i ye shes kyis tshig tsam ma yin par blo'i gting du gnas pa'i don te/ rgyal bas gsungs pa'i ye shes de ni nyon mongs pa'i 'khor ba las rgyal ba'i de bzhin gshegs pa ste/gsung tshangs pa'i dbyangs kyis 'gro ba'i don du bka' stsal ba'i don du ni yang dag pa'i ye shes te/ spros pa'i mtha' spangs nas rnam par mi rtog pa'i dbyings na 'du 'bral med pa'i don to/ /de ci'i phyir zhe na/ de ni dkyil 'khor snying por gsungs pa ni rnam par mi rtog pa'i ye shes ni dkyil/ thabs mkhas pa'i phrin las sna tshogs su 'byung ba ni 'khor lo ste rtog pa'i skyon spangs pas na 'khor byang chub sems dpa' rang gi dkyil 'khor bshad zin to// //da ni rtsa ba'i dkyil 'khor rtog pa'i phyir gzugs brnyan ston to//de ci'i phyir zhe na/ phyi'i dkyil 'khor 'di gsungs so/ /de la phyi ni sa tshon gzugs brnyan gyi dkyil 'khor bri ba'i thabs te dbang po rnam pa lnga'i spyod yul du snang ba'o/ /dkyil ni dbus kyi pho brang la 'khor ni 'khor lo'i rtsibs dang ldan pa dang snam bu dang sgo dang gru chad du ldan pa'o//'di ni 'og ma'i don la gsungs pa ni zhal nas tshangs pa'i dbyangs su ldan pa'o/ /gtsug lag khang dang skyed mos tshal ni/ gtsug lag khang ni/ chos kyi khang pa yod pa'i sa phyogs su'o/ /skyed mos tshal ni/ sa gzhi mnyam las phyogs shing sna tshogs skyes pa'o/ /mchod rten lha khang kun dga' sogs/ /mchod rten ni sku gdung ring bsrel yod pa'i sa phyogs su lha khang ni 'jig rten pa'i lha rten yod pa'o/ /kun dga' ba ni/ mi mang po 'du ba'i sa phyogs su bri bar gsungs so/ / ci bzhin pa yi cho ga yis/ /zhes pa ni/ ci bzhin ni gnas ci bzhin pa dang / yo byad ci bzhin pa dang / sngags mkhan dang / sngags g.yog dang / yon bdag ci bzhin no/ /cho ga ni sa gzhi dang brtag pa'i cho ga/ /snang ba'i rgyal po dang / mi snang ba'i sa'i lha mo la sogs pa la/dang po ni sa gang du bya ba'i gnas dang / sa bzang po btsal ba dang / gnyis pa tshul bzhin du tshogs par byas la bslang ba dang / gsum pa ni/ sngags dang / phyag rgya dang / ting nge 'dzin dang ldan par byas la/ ye shes lnga'i ngo bo byang chub sems su byin gyis brlabs pa dang /bzhi pa sa'i rang bzhin dang mtshan nyid brtag pa dang / lnga pa cho ga bzhin du bsgom pa dang / drug pa cho ga bzhin du mkhyen par gsol zhing las tshul bzhin du bya ba dang / ting nge 'dzin mi yengs par bya ba'o/ /de ci'i phyir zhe na/ gnas ni byin gyis brlab par bya//zhes 'byung bas/ ye shes kyi chos nyid la gnas par byin gyis brlab pa dang / ting nge 'dzin gyis sems las byung ba'i chos kyi dkyil 'khor gyi gnas su byin gyis brlab pa dang / brtag pa ming gi gnas chos nyid dbyings su byin gyis brlab pa dang / mtshan ma rdzas kyi gnas tshon gyi dkyil 'khor gyi rgyal ba'i bzhugs gnas su byin gyis brlab pa dang bzhi'o//byin gyis brlab pa'i gnas der ni/ /zhes bya ba ni/ dper na rtsi gser 'gyur gyis/ dngul srang stong gser du bsgyur ba ltar/ ting nge 'dzin gyi ye shes kyi rtsis nyon mongs pa rnam par dag par byin gyis rlob par byed pa la de skad ces bya'o//phyi yi dkyil 'khor bri bar bya/ /zhes pa ni shes pa snang ste/ ting nge 'dzin gyi dkyil 'khor de mthong bar byed pas/ de phyi'i dkyil 'khor gzugs brnyan la brten dgos pas na phyi'i maN+Dal zhes gsungs so/ / de ni mtshon par byed pa'i phyir na/ phyi'i maN+Dal zhes bya'o/ /gru bzhi pa la sgo bzhi pa ni/ ye shes bzhi dang ldan pa'i rtags su gru bzhir bstan pa la/ phrin las rnam bzhi dang ldan pa'i rtags su ni sgo bzhi dang ldan par bstan te/ rta babs bzhi dang ldan pa dang / them skas bzhi dang phreng ba ni/maN+Dal stegs kyi bang rim la/ rta babs ni sgo phyogs nas bang rim byas pa'o/ /them skas ni rta babs las skas chung bar byas pa'o/ /phreng ba ni them skas dang rta babs la phreng ba snang ba'i bar mtshams brgyan nas mdzes par bya ba la sogs pa'o/ /de yang tshad med pa bzhi'i rta babs dang ldan pas bsdu ba'i dngos po bzhi'i them skas dang /thugs rje tshad med pa'i phreng bas brgyan te/ rnam par thar pa brgyad yang bstan/ seng ge dang ba lang rnams kyis brgyan pa ni/ thabs thugs rje chen po 'khor bas mi 'jigs pas seng ge dang / yang dag pa'i stobs tshad med pa'i rtags su glang po che ste/ sgo g.yas g.yon ni/ dar dang lda ldi do shal phreng ba dril bu dang ni rnga mas brgyan pa ni/ dar ni pany+tsa re ga ye shes rnam pa lnga'i don to/ /lda ldi ni tri re ga ste sku gsung thugs rnam par dag pa'i ngo bo'o/ /do shal ni mu tig ha ra'i do shal te/byang chub sems dpa' bde ba'i do shal/ phreng ba ni mu tig gi phreng ba do shal zlum por bskor ba ste/ ting nge 'dzin tshogs pa'i don to/ /dril bu de'i bar bar nas do shal dang spel mar 'dug ste/ gsung rnam par dag pas 'gro ba la chos ston pa'i rgyu'o//de ni mu tig ha ra ste/ maN+Dal gyi mtha' bskor ba'o/ /rnga ma ni 'phro bas gangs ri ste/ skyon dang bral ba byang chub sems la g.yo ba med pa'i don to/ /rdo rje rin chen pad+ma dang / rgya gram gyi ni phyag rgyas brgyan pa ni/ rdo rje ni rdo rje ra ba zlum po ste/ rig pa'i ye shes rdo rje ltar 'dus ma byas pa'i ra ba dang ldan pa dang /rin po che'i phreng bas pho brang nang du bskor ba'o/ /yon tan sna tshogs gzhan pas byung ba'o/ /pad+ma ni lha mo so so'i gdan gyi khyad par ro/ /thabs mkhas thugs rje che bas ni 'gro ba'i don la ma chags pa'i don to/ /rgya gram ni/ grwa na rdo rje rgya gram zla phur yod pa ste/ thabs dang shes rab zung du 'brel pa'i rtags so/ /rgyan ni gzugs brnyan la mdzes par brgyan pa dang / nang gi rtags 'dzin la gsal bar brgyan pa'o/ /srad bu brgyad dang ldan pa la/ phyi'i sgo khyud rnams kyis brgyan pa ni/ srad bu ni thig skud de byang chub sems su bsgom pa'o//brgyad ni phyogs thig bzhi dang / nang thig bzhi dang brgyad do/ /rnam pa brgyad dang ldan pa dang / sku la bkra shis kyi rtags brgyad rdzogs pa'i rtags so/ /phyi'i sgo khyud ni/ sgo khug par byas te/ ting nge 'dzin rtogs pas 'jug pa'i thabs so//rnams kyis brgyan pa ni/ sgo la sum rim ste sgo bcu gnyis kyis bstan pa'o/ /khams gsum gyi sems can rten cing 'brel par 'byung ba bcu gnyis las bzlog pa'i phyir na/ mdzad pa bcu gnyis tshul du sangs rgyas so/ /snam bu la bzhi rim gyis brgyan pa ni/ ye shes bzhis skye gnas bzhi sbyong ba'i rtags so/ /de ni brgyan pa'i don to/ /dgu'i char ni dgos pa la/ sgo dang sgo khyud thams cad sum char bya ba ni/ khams gsum sa dgu thugs rjes sbyong ba'i phyir ni/ dkyil 'khor gyi ngos gcig dgur 'chad pa la sgo dang sgo khyud du bya ba ste/zhi gnas dang lhag mthong zung du 'brel pas na/ sgo dang sgo khyud du bya'o/ /sku gsung thugs sgrub pa'i phyir na sum char 'chad do/ /brgya byin gyi bye brag bstan zin to/ /da ni nang gi don ston te/ de ci'i phyir zhe na/ rdo rje srad bus thig btab pa/ dbus kyi maN+Dal gyi thig gdab pa ni/rdo rje ni rigs la bya ste/ byang chub sems su byin gyis brlabs pa'i phyir ro/ /srad bu ni des mtshon pa'i thabs thig skud la bya'o/ /dbus ni chos kyi dbyings mtshon pa'i rtags pho brang zlum po la bya'o/ /thig ni rig pa rdo rje'i thig byang chub sems bde ba chen po la bya'o/ / byin brlabs cho 'phrul gyi thig ni/ de las ye shes kyi 'od zer 'phros pas/ 'phags pa'i thugs dam bskul ba dang / sems can gyi don byas nas byin gyis brlabs pa'o/ /gdab pa'i srad bu'i thig ni/ thig skud ye shes kyi 'od 'phro bar byin gyis brlabs nas gnam thig dang sa thig gdab pa'o//dag cing tshangs par byin gyis brlab pa'o/ /chos kyi dkyil 'khor 'dra ba la zhes pa ni/ 'khor lo ni lte ba dang / rtsibs dang ldan na 'khor du btub bo/ /dpe de dang 'dra bar ston pa dang / 'khor gnas la sogs pa dang ldan na/ chos ston pas na 'khor lo'o//'khor los ni mchod pa dang 'dra bar/ yang dag pa'i ye shes ni nyon mongs pa'i sdug bsngal gcod pa'i phyir/ chos kyi 'khor lo zhes gsungs pa ste/ blo'i dra ba rnams chad nas don mthong ba'i rtags so/ /dra ba ni rtsibs dang bcas pa bcu drug pa gcig tu byas pa'i tshig ste/de yang mtshon pa'i rtags te/ chos kyi dbyings ni ye nas rnam par dag pa/ mtshon pa'i rtags lte ba la/ thabs mkhas pa'i thugs rje phun sum tshogs pa'i rtags rtsibs te/ chos ni dbyings la lte bar yang bstan la/ 'khor lo ni phrin las la rtsibs ni thugs rje'i rang bzhin du bstan to//dra ba ni mtshon pa'i rtags 'jig rten mtshon byed gzugs brnyan du bya ba yang / de bzhin du bya ba'i phyir te ye shes mtshon pa ni rin po che'i phreng bas zlum por bskor bas te/ 'dod pa 'byung bas longs spyod rdzogs pa'i sku'o//brda'i dkyil 'khor la dpe gzhag go/ /de ci'i phyir zhe na/ lte bar bcas shing rtsibs bcu drug /zhes pa ni/ lte ba ni dbus kyi pho brang zlum po ste chos kyi sku'o/ /bcas pa ni rin po che'i phreng bas zlum por bskor bas te/ 'dod pa 'byung bas longs spyod rdzogs pa'i sku'o//rtsibs ni 'khor lo ste/ thugs rje phun sum tshogs pas/ sems dpa' bcu drug gi rang bzhin du bstan te/ sprul pa'i sku'o/ /de ci'i phyir zhe na/ rim pa gsum dang ldan pa zhes pa ni/ rim ni phyi nas nang du 'jug pa gsum dang / nang nas phyi ru 'byung ba gsum du bstan to//nang nas phyir 'byung ba ni lte ba dang / rin po che'i phreng ba dang / rtsibs su bstan to/ /de la lte ba ni/ kun rig rnam par snang mdzad chos kyi sku'i rtags su bstan to/ /rim pa ni ma 'dres pa'i 'byung ba'i tha tshig /rin po che'i phreng ba ni rigs bzhi'i sangs rgyas dang /rigs kyi yum ste/ longs spyod rdzogs pa'i sku bde ba chen por bstan to/ /rim pa gsum pa'i rtsibs ni sprul pa'i sku ste/ sems dpa' bcu drug la sogs pa'i 'jig rten las 'das pa'i 'khor gyi rang bzhin te/ sprul pa'i skur bstan pa'o/ /rdo rje ra ba phyin chad ni/ sprul pa'i 'khor 'jig rten las 'das pa dang /'jig rten par shes par bya'o/ /phyi nas nang du 'jug pa'i rim pa gsum ni sgo la sum rim du bstan to/ /de bzhin gshegs pa'i gsung gi sgo nas/ 'gro ba'i don mdzad pa'i rim pa la/ de ltar 'gro ba byang chub rnams la bkod nas theg pa chen por sems bskyed par byed pas na phyi nas nang du 'jug pa'i tha tshig go//da ni 'khor lo'i don ston te/ rtsibs ni nyis 'gyur nyid du bya/ /zhes pa ni rtsibs ni 'khor lo'i lte ba ste/ de la nyis 'gyur du bya ba'i dbus kyi rin po che'i phreng ba tshun chad kyi rim pa ma gtogs pa gnyis yod pa ste/de yang rin po che'i phreng ba dang / gong ras nyis 'gyur du lce la gtang ba'i phyir na/ rtsibs ni nyis 'gyur ro/ /de ni thabs dang shes rab kyi sgo nas 'gro ba'i don mdzad pa'i phyir na nyis 'gyur du smos te/ dkyil 'khor don bsdus pa bshad zin to// //da ni dkyil 'khor gyi lha gtso bo'i don te/de ci'i phyir zhe na/ dbus phyogs su kun rig ni zhes pa gsungs te/ thams cad kun gyi rang bzhin yin pas na dbus zhes smos so/ /dus gsum gyi don phyin ci ma log par shes pas na/ kun rig gi phyogs ni/ 'jig rten dang mthun pa dang / don gsal bar bstan pa'i phyir smos so//dung dang kun+da zla 'dra zhes pa ni/ mtshan ma'i skyon dang bral bas na dung ltar dkar bar bstan la/ byang chub kyi sems bde ba'i rang bzhin gyis snum pa'i rtags su ni me tog kun da ltar snum par bstan to/ /zhal bzhi pa la rdo rje ni/ /zhes pa ni phyogs ris nga bdag med pas thams cad mnyam pa'i rang bzhin pas zhal bzhi smos te/ci'i phyir zhe na/ de ni ye shes bzhi rtogs pa'i rang bzhin yin pas smos pa'o/ /rdo rje ni thugs rnam par dag pa rdo rje ltar 'dus ma byas pas mtshan ma thams cad bral ba'i rtags su bstan to/ / gdan ni de lta bu'i ngang la bzhugs pa dang / mi 'da' ba'i phyir smos pa'o/ /yang dag bzhugs ni/ zil gyis mi non par bzhugs pa dang / mi rtog par bzhugs pa'i tha tshig go/ /mdun du ngan song kun 'dren ni/ /zhes pa ni/ mdun ni shar phyogs te me long lta bu'i ye shes kyi ngo bo ste/nyon mongs pa 'joms la ngan song ni sdug bsngal rdo rje lta bu'i ye shes kyis 'joms shing 'dren pas kun 'dren no/ /zla ba rgyas dang ba mo'i mdog /ces pa ni/ sku zla ba'i maN+Dal du gyur pa ni zla ba'o/ /ba mo'i ni dkar la 'tsher ba ste/ sku la skyon gyi bag chags dang bral bas ni dkar la/yon tan sna tshogs 'byung bas ni 'tsher ro/ /rgyan rnams kun gyis legs par brgyan/ /zhes pa ni/ dbu rgyan dang se mo do la sogs pa'i rgyan sna tshogs pas spras pa'o/ /legs par brgyan ni mdzes pa dang blta na sdug pas ni ting nge 'dzin gyi rtags so//rgyal mchog skyes bu gang bas na gang ba'o/ /bri ni mtshon cha bkod pa'i tha tshig go/ /rgyab tu shAkya rigs dbang po/ /zhes pa ni/ zhal shar du gzigs pa'i rgyab nub tu nye ba so sor rtog pa'i ye shes ni/ rgyab las skyes pa ni/ ci'i phyir zhe na/ 'khor rgyab lta bu las ye shes kyi 'khor ba'i gzung 'dzin bcom pas na rgyab nas skyes pa zhes bya'o//shAkya ni rigs phun sum tshogs pa ste/ rgyal po shAkya nyi ma dmar po'i rigs te/ rus ni go ta ma'o/ /thub pa ni/ sku gsung thugs thub pas mi dge ba spangs te/ ye shes kyi rang bzhin yin pas thub pa zhes smos so//gtso bo ni khams gsum gyi bdag po rkang gnyis kyi mchog /lha dang mi'i gtso bo ste/ bri ba'i tha tshig go/ /g.yas dang g.yon gyi phyogs rol du/ /zhes pa ni/ zhal shar du gzigs pa'i g.yas ni lho ste/ de ni mnyam pa nyid kyi ye shes kyis 'khor ba g.yon phyogs dang 'dra ba'i lam las bsgral te/g.yas phyogs bde ba chen po bla na med pa'i lam la bkod pas g.yas so/ /g.yon ni bya ba nan tan gyi ye shes kyis phrin las kyi bdag nyid g.yon phyogs dang 'dra ba'i sems can 'khor ba las 'dren par mdzad pas na g.yon te byang phyogs so//rgyal mchog rin chen me tog gnyis pa ste/ mnyam pa nyid kyi ye shes kyi nyon mongs pa can gyi yid dang bdag tu 'dzin pa ni nga bdag dang bdag med par bcom pas na rgyal mchog go/ /rin chen ni bya ba grub pa'i ye shes kyis phrin las sna tshogs par mdzad pa ni rin chen no//me tog ni 'dam gyi nang na 'dug kyang 'dam gyi skyon dang bral ba ltar/ 'khor ba la thugs rjes phrin las mdzad kyang ma gos pa'i rtags smos so/ /dbus kyi gtso bo rigs lnga'i don bsdus pa bshad zin to// //da ni mnyes par byed pa'i ye shes kyi lha mo rigs kyi yum chen mo rnam pa bzhi dbus kyi pho brang zlum po'i mtshams kyi re'u mig med pa'i don ston te/de yang ci'i phyir zhe na/ lo tsA na dang mA ma kI/ /de bzhin dkar mo sgrol ma rnams/ /zhes gsungs te/ sku'i lha mo lo tsA na ste/ de bzhin gshegs ba'i ye shes kyis gzigs pa'i yum ste/ sangs rgyas spyan du gsungs/ ye shes kyi sku la chos nyid rgyan yum du bstan pas sangs rgyas spyan no/ /mA ma kI byang chub kyi sems bde ba chen po gzhan las byung zhing / che ba rin po che lta bu mi chad pa longs spyod pas rat+na mA ma kI'o/ /na bza' dkar mo'i ting nge 'dzin tshul khrims kyi na bza' dam pa dang ldan pas nyon mongs pa'i nyes skyon gyi rnam pas mi tshugs pas na bza' dkar mo'o//dam tshig sgrol ma ni sngon gyi phrin las mnga' ba'i 'bras bus da ltar phrin las rgya mtsho lta bu la mnga' brnyes pas khams gsum gyi sems can rnams la thabs mkhas pa'i thugs rjes mi 'da' bar dam tshig gis bsgral bas dam tshig sgrol ma zhes bya'o//lo tsA na ni zla ba tshes pa la spyan yod pa dang / mA ma kI la rin po che'i mchod sdong dang / na bza' dkar mo la pad+ma sgrol ma'i ut+pal bri'o/ /mtshan gyis lha mo'i don bstan zin to/ /sems dpa' bcu drug 'khor lo'i rtsibs la 'dug pa'i don te/de ci'i phyir zhe na/ rtsibs kyi nang ni thams cad du/ /rdo rje sems sogs sems dpa' mchog /ces gsungs pa ni rtsibs ni 'khor lo'i rtsibs bcu drug bstan pa'o/ /nang ni 'khor lo'i lce la bris pa'i tha tshig go/ / de la shar phyogs kyi rtsibs la bri ba'i sems dpa' bzhi ni me long lta bu'i ye shes kyis/ kun gzhi gnas gyur pa'i thabs te/ 'dul ba'i dbang du sku sprul te yang dag pa'i ye shes kyis chos nyid don la sems pas na rdo rje sems dpa'o/ /nyon mongs pa'i bdud las rgyal bas rdo rje rgyal po'o//thabs mkhas pa'i thugs rjes 'gro ba'i don la chags pas rdo rje chags pa'o/ /yang dag pa'i ye shes gzung 'dzin gyi skyon gyis ma gos pas rdo rje legs pa'o/ /thabs mkhas pa'i thugs rjes 'gro ba'i don la sems pa dang / yang dag pa'i ye shes kyis chos nyid kyi don la sems pas shar phyogs su bri'o//mnyam pa nyid kyi ye shes kyis nyon mongs pa'i yid nga dang bdag tu lta ba gdul ba'i phyir lho phyogs kyi sems dpa' bstan te/ yang dag pa'i ye shes la gzung 'dzin gyi skyon gyis ma gos pas che ba'i yon tan sna tshogs pa 'byung bas rdo rje rin chen no//sku gsung thugs ye shes kyi gzi brjid dang ldan pas rdo rje gzi brjid do/ /yang dag pa'i ye shes kyis nyon mongs pa'i bdud las rgyal bas na rdo rje rgyal mtshan no/ /sku gsung thugs mi zad rgyan gyi 'khor lo las thabs mkhas pa'i thugs rjes 'gro ba'i don la bzhad pas na rdo rje bzhad pa'o//so sor kun du rtog pa'i ye shes yid kyi rnam par shes pas yul la rang thad du mchod pas 'khor lo'i rgyu yin pas gdul ba'i phyir ro/ /thugs rjes nub kyi sems dpar sprul te/ bzhugs pa ni so sor kun du rtog pa'i ye shes kyi chos spyi dang /rang gi mtshan nyid la ma rmongs pas rdo rje chos rab bo/ /yang dag pa'i ye shes kyis nyon mongs pa thams cad rtsad nas gcod pas rdo rje rnon po'o/ /thabs mkhas pa'i thugs rjes 'khor ba kha lo bsgyur bas rdo rje 'khor lo'o/ /gsung rnam par dag pas 'gro ba la chos ston pas rdo rje smra ba'o//sgo lnga'i rnam par shes pas yul la rang thad du gcod pas 'khor ba'i rgyu ste/ gdul bya'i thabs su byang phyogs kyi sems dpar sku sprul te/ bya ba grub pa'i ye shes kyis de bzhin gshegs pa'i phrin las sna tshogs su mdzad pas rdo rje las rab bo/ /phyin ci log gi gzung 'dzin gyis mi tshugs pa'i go skabs pas rdo rje bsrung ba'o//rdo rje lta bu'i ting nge 'dzin gyis nyon mongs pa'i bdud 'dul bas rdo rje gnod sbyin no/ /yang dag pa'i shes rab kyis rtog pa thams cad kyi mtha' spangs pas rdo rje'i khu tshur ro/ /da ni phyi nang gi gru chad kyi lha mo'i don to/ / de ci'i phyir zhe na/ mkhas pas lA s+ye la sogs pa'i/ /mchod pa grwa yi phyogs su bri/ /zhes pa ni/ khams gsum gyi lha chen po 'dod chags can gdul ba'i thabs su/ nang gi lha mo bzhir bstan te/ ye shes mtshon pa'i yul du byung ste/ khams gsum gyi sems can dang cha bstun pa'i phyir yang dag pa'i shes rab kyis chos nyid don gsal bar rtogs pa'i rtags su lA s+yer bstan no//byang chub sems las 'dod pa sna tshogs 'byung bas mA ler bstan no/ /yang dag pa'i chos ston pa'i rtags su gI tir bstan no/ /thabs mkhas pa'i mdzad pa gar thabs dang 'dra ba'i rtags su nr-i ti bstan no//de ni ye shes kyis rtogs pa'i yul dbyings mtshon pa'i rtags 'dul ba'i dbang du bstan no/ /de ni nang gi gru chad la smos so/ /de'i 'og tu phyi rol dang chos mthun pa'i dus rnam pa bzhi chos kyi dbyings la 'da' ba'i phyir mtshon pa'i rtags su phyi'i gru chad kyi lha mo'i don bstan te/dus snga ma dang phyis ye nas ma skyes pa'i chos nyid du la 'da' ba'i phyir badzra d+hU pe ste/ tshul khrims kyi dris nyon mongs pa 'joms pa'i phyir ro/ /dus da lta dang dbyar gyi ngo bo gnas su dag pa ni badzra puSh+pe ste/ ting nge 'dzin byang chub kyi sems me tog tu gtor ba'i phyir ro//dus ma 'ongs pa dang / ston ma skyes pa ni badzra A lo ke ste/ yang dag pa'i shes rab sgron ma lta bu rtogs pa'i yul lo/ /dus 'byung ba dang dgun gyi ngo bo ye nas stong zhing mi dmigs pa'i mtshon pa'i rtags badzra gan+d+he ste/ shes rab ye nas dag pas rtogs pa'i yul lo//de rnams ni ye shes rnam pa bzhi dang / phrin las rnam pa bzhis 'gro ba'i don mdzad pa yang chos nyid las ma g.yos pa'i rtags su bstan no/ /phyi nang gi lha mo'i don bstan zin to/ /da ni ye shes kyi phrin las tshad med pa bzhi ste/ bsdu ba dang dngos po rnam pa bzhis 'gro ba'i don mdzad pa'i rtags sgo ba bzhi'i don te/sgo yi phyogs ni thams cad du/ /sgo ba bzhi ni bri bar bya/ /zhes pa ni/ yang dag pa'i shes rab kyi lcags kyus 'khor ba'i sems can nyon mongs pa las 'byin pa'i rtags su lcags kyur bstan/ thabs mkhas pa'i thugs rjes zhags pa dang 'khor ba dag 'dzin pa'i rtags su zhags par bstan/ting nge 'dzin ye shes kyi ngo bor gnyis su med par ston pa'i rtags su lcags sgrog tu bstan/ gsung rab rgya mtsho'i ngo bos chos ston pa'i rtags su dril bur bstan/ de ni ye shes kyi sprul pas sgo smos so//da ni thugs yang dag pa'i ye shes skyes pa'i rgyal sras/ sngon gyi bsod nams kyi tshogs kyis sangs rgyas kyi zhing khams mtha' yas par shes pa'i rtsal sbyong ba sngon gyi bsod nams kyis 'dul ba'i dus la skad cig tsam gzhes pas/ bskal pa bzang po'i byang chub sems dpa' bcu drug smos te/rim pa dang po'i snam bu la bkod pa'i don te/ ci'i phyir zhe na/ rta babs khyams ni thams cad du/ /byams pa la sogs bri bar bya/ /zhes pa ni/ thugs chos nyid las ma g.yos pa'i rtags su ni/ shar phyogs kyi sems dpa' bzhi bstan te/bdag don mthar phyin pas gzhan don rtse gcig tu mdzad pas na byams pa'o/ /snying rje'i blo mkhyen pas 'jam pa'i dpal dang / tshul khrims kyi stobs dang ldan pa spos kyi glang po dang / thabs mkhas pa phrin las kyis 'gro ba'i re 'dod skong ba ye shes tog dang bzhi shar phyogs khyams su bri'o//lho phyogs kyi sems dpa' bzhi smos te/ lta ba dang spyod pa yongs su dag pas thams cad chos nyid la 'da' bas bzang skyong dang / lta spyod rnam par dag pa dang ldan pa don yod mthong dang / chos nyid kyi don la thugs rjes char 'bebs pa nam mkha'i mdzod dang /thabs dang shes rab kyi spyod pa mi zad pa dang blo gros mi zad pa dang bzhi bri'o/ /nub kyi sems dpa' yon tan gyi tshogs rdzogs pas na nub phyogs kyi bzhi smos te/ brtson 'grus kyi don dang ldan pas spobs pa brtsegs dang / mi shes pa'i ri bo 'joms pas mthu chen po thob dang /yang dag pa'i shes rab 'khor ba gting nas 'joms pas ngan song kun 'dren dang / yang dag pa'i shes rab gzung 'dzin gyi skyon spangs pa ngan song kun 'joms dang bzhir gzung 'dzin rnam pa gnyis nub tu bri'o/ /byang phyogs sems dpa' bzhi smos te/thabs dang shes rab zung du 'brel ba dra ba can dang / 'khor ba'i skyon gyi zug rngu dang bral ba zla 'od dang / bsam pa mngon par rtogs pa dang ldan pa bdud rtsi 'od dang / lta spyod ye nas dag pa kun du bzang po bzhi/ sgrib gnyis byang bas na byang phyogs su bri'o/ /bskal ba bzang po'i don bstan zin to//bskal bzang gi snam bu la dpe med pa'i byang chub sems dpa' bcu drug spel mar 'byung ste/ dpe bcu drug ni de bzhin gshegs pa ye shes la skyes nas/ dbang du thugs rje'i sku 'byung zhing nyon mongs pa las rgyal bar byed pas rgyal zhes bya'o/ / da ni theg pa chung ngu rnams gzengs stod par byed pa'i thabs su phyung bas ci'i phyir zhe na/ nyan thos rgyal ba thams cad dang / /zhes pa ni/ de la nyan thos sna la smos pa ni/ de bzhin gshegs pa'i thugs 'dul ba'i zhing yin pa'i phyir smos la/ dpe med pa phyin smos pa ni/ thugs rjes 'dul ba'i zhing la 'byung ba'i phyir dang / tshig bsgyur pa'i thabs logs su shes par bya'o/ /de la dpe med pa bcu drug ni/ shar du thugs mchog dpe med pa bzhi ste me long lta bu'i ye shes kyis thabs mkhas pa'i thugs rjes 'khor ba'i rgyun gcod pas na ngan 'joms/nyon mongs pa'i mun pa sel bas na nyon mongs mun sel/ sdug bsngal 'joms par byed pas ngan song 'dren mdzad/ nyon mongs pa 'joms pas srid pa'i mtsho sgrol/ sku mdog dkar po rdo rje lcags kyu bsnams pa'o/ /lho phyogs su sems can gyi 'dod pa bskang ba'i phyir/yon tan dpe med pa'i byang chub sems dpa' bzhi smos te/ mnyam pa nyid kyi ye shes dang ldan pa'i dgos 'dod skong ba rin chen mdzod/ ting nge 'dzin gyi ye shes kyi dga' ba dang ldan pa dge ba blo gros/ yang dag pa'i don mthun par smra bas na don mthun yid 'ong yang dag pa'i ye shes kyi dran pa dang ldan pas dran pa'i stobs mchog sku mdog sngon po rin chen 'bar ba bsnams pa'o//nub tu gsung mchog dpe med pa bzhi smos te/ so sor rtog pa'i ye shes kyi nga ro dang ldan pas na dge ba'i 'byung gnas dang / legs pa'i yon tan ldan pas legs pa'i tog /nyon mongs pa'i sems can rnams srid pa'i mtsho las sgrol bas na srid mtsho sgrol/ bden pa'i gsung rnam par dag pas na bde ba'i 'byung gnas so/ /sku mdog dmar po pad+ma bsnams pa'o/ /byang phyogs su phrin las dpe med pa bzhi smos te/ bya ba grub pa'i ye shes rab tu 'bar bas/brtson 'grus kyis 'gro ba'i don mdzad pas na brtson 'grus mi ldog pa/ che ba'i yon tan chen po dang ldan pas na ston mdzad do/ /sems can gyi the tshom gyi thag pa gcod pas na the tshom nyid 'gyur/ so sor rtog pa'i ye shes kyi nga ro dang ldan pas nga ro snyan/sku mdog ljang gu me tog ut+pal bsnams pa'o/ /de rnams mtshan ma'i dngos po dang bral bas na dpe med/ dang po'i skyon gyis mi tshugs pas na rgyal ba zhes bya'o/ /da ni ston pa'i sku'i zhabs 'bring sprul pa'i sku'i 'khor yin pas na 'jig rten las 'das pa'i snam bu gnyis yod pa'i tha ma la bri ste/ci'i phyir zhe na/ gzhan la rag lus pa'i phyir na ston pa la gus par nyan cing rna ba'i dbang pos thos nas gzhan la ston pa'i phyir na nyan thos so/ /spyir ni dge slong stong nyis brgya lnga bcu 'dus pa'i tshe yod kyang / 'dir gtso bo mchog bcu drug bri bar 'byung bar smos te/nyid kyi gcung po dga' bo/ /sku'i sras sgra gcan 'dzin/ shes rab can gyi mchog shA ri'i bu/ 'dri zhing lan ldon pa la mkhas pa'i mchog rab 'byor shar phyogs su'o/ /rdzu 'phrul can gyi mchog maud gal/ yab rgyal po zas gtsang la sogs pa khyim pa dad pa skyed pa 'char ka'o//rdzu 'phrul gyi spyan dang ldan pa ma 'gags pa dang / ston pa las dam pa'i chos thos pa snga ba kau N+Din+ya dang / 'dul ba 'dzin pa nye ba 'khor dang / bdud kyi gtso bo dad par byed pa rta thul/ 'gog pa'i ting nge 'dzin la dbang thob pa'i ba glang bdag /zhabs 'bring gnyug mar gnas pa kun dga' bo/ /shAkya rnams kyi skra 'breg mkhan yin pas na shAkya ming chen/ bslab pa kun sbyin nor sbyin 'dzin/ sbyangs pa'i yon tan gyi rang bzhin yin pas gang po/ /zhal ta ba sku bgres pas 'od srungs de rnams bri'o//de rnams ni drang srong dang / par bu dang / bsil yab dang rin po che bsnams pa'o/ /nyan thos rnams kyi don bstan zin to/ /da ni nyan thos kyi snam bu la rang sangs rgyas rnams kyang spel mar bri bar 'byung ste/ ci'i phyir zhe na/ de bzhin rang rgyal gtso bo rnams//zhes gsungs te/ de ni sngon nyan thos blo rnon po rnams shugs kyis/ smon lam dbang btsan pas sangs rgyas mi bzhugs pa'i zhing khams rang gi byang chub rang gis tshol zhing rnyed pas na rang rgyal ba'o/ /de la bcu gnyis bri ste/ nyon mongs 'joms pas gdung sel dang /ting nge 'dzin la dbang thob pas na snang ba brtsegs pa dang / 'khor ba skrag par byed pa'i don mnga' bas na rang sangs rgyas 'jigs par byed pa dang / de gsum shar phyogs su'o/ /'khor ba'i rlung gis mi bskyod pas na ri bo rgyal/ shes pa'i rtsal dang ldan pas na shes rab mgyogs chen/'khor bas mi bsnyel bas dpa' bo 'dul ba lho phyogs su'o/ /gsung gi sgra dang ldan pas na sgra chen/ ting nge 'dzin rtse gcig par gyur pas na bse ru lta bu/ nyon mongs pa'i gdung ba sel bas na gdung sel nub phyogs su'o/ /sprul pa'i cho 'phrul dang ldan pa na rdzu 'phrul cher ston/'jigs pa thams cad dang bral bas na seng ge lta bu dang / ting nge 'dzin 'gyur bas na rang sangs rgyas pa yid gyur te/ de rnams ni bsil yab dang zla ba tshes pa dang / me 'bar ba bsnams pa'o/ /rang sangs rgyas bshad zin to// //da ni rnam par thar pa brgyad kyi rtags sgo gsum pa'i bar ma 'jig rten las 'das pa'i sgo'i khro bo ston to/ /ci'i phyir zhe na/ khro bo mngag gzhug pho nya'i tshogs/ /bri ba'am yang na ming yang rung / /zhes gsungs te/ yang dag pa'i ye shes kyi nyon mongs pa la khro bas khro ba'o//de bzhin gshegs pa'i sku gsung thugs kyi phrin las mdzad pas na/ mngag pa'o/ /sprul pa sna tshogs su 'gyed pas na pho nya'o/ /de'i rtags kyi cha 'dzin pas na khro bo brgyad me long lta bu'i ye shes kyis 'jig rten gsum la rab tu gsal bas na 'jig rten gsum snang ngo //thabs mkhas pa'i thugs rjes 'jig rten 'dul bas na 'jig rten gsum 'dul lo/ /shar phyogs kyi sgo g.yas g.yon gnyis so/ /mnyam nyid kyi ye shes kyis nyon mongs pa 'jig pas na 'jig rten gsum 'jig go/ /nyon mongs pa'i 'khor ba las thar bar byed pas na 'jig rten thar byed de lho'i sgo g.yas g.yon no//so sor rtog pa'i ye shes kyi bdud rtsi dang ldan pas na/ bdud rtsi thab sbyor ro/ /yang dag pa'i be con bsnams pas nyon mongs pa'i mtshan ma 'joms te be con can ni nub kyi sgo g.yas g.yon no/ /bya ba nan tan gyi ye shes kyi phrin las dang ldan pas na/mtshan mas mi g.yo bas na mi g.yo mgon po'o/ /gsung rnam par dag pa'i skal ba dang ldan pas na rta mgrin no/ /byang gi sgo g.yas g.yon no/ /de rnams ni de bzhin gshegs pa'i ye shes kyi 'gro ba 'dul ba'i don du byung ste//ming ngam thig le'am mtshan ma gang rung bri zhes pa'i tha tshig go/ /de rnams ni 'jig rten las 'das pa'i 'khor lha brgya rtsa lnga bshad zin to// //da ni 'jig rten pa'i snam bu gnyis yod pa'i maN+Dal gyi don to/ /de ci'i phyir zhe na/ phyi yi dkyil 'khor phyi rim du/ / gling bzhi po ni bri bar bya/ /zhes pa ni/ 'dzam bu gling du tshangs pa bri/ phyi ni 'jig rten pa yin pa'i phyir smos la/ dkyil 'khor ni gtso bo dang 'khor du bcas pa bri zhes pa'i tha tshig go/ /gling bzhi pa ni/ phyogs bzhin ma 'dres pa'i phyir smos la 'dzam bu'i gling du tshangs pa bri ba ni/ 'dzam bu'i lho phyogs la tshangs pa zhes bya ba ni/ yab ki na pany+tsi ka dang / yum lha mo dpal ldan mo gnyis yid kyis bshos pa'i sras zhes pa'i tha tshig go/ /gling bzhi pa ni/ sum brgya drug cu yod pa'i nang nas/ mi mjed kyi bdag po tshangs pa ni/ sras thu bo'i 'dod pa'i khams kyi nyon mongs pas tsha ba'i gdung ba dang bral bas tshangs pa/'khor ba'i gyod khrin dang / lta ba'i skyon gyis ma gos pas na tshangs pa'o/ /srid pa skos 'debs pas na 'jig rten mes po tshangs pa'o/ /phyag na gun+d+he bsnams pa'o/ /btsun mo tshangs pa'i bang thogs pa dang / pho nya ni mngags pa ste pad+ma/ mngag gzhug yid du 'ong ba ral gri bsnams pa'o/ /byang phyogs su dbang phyug che zhes pa ni/ dkyil 'khor gyi byang phyogs su bri ba ste/ lha'i rgyal po yin pa'i phyir na dbang phyug go/ /phyag na tri shUl yum dka' thub zlog ma phyag na pad+ma kha phye ba bsnams pa/pho nya rnam par snang ba dang / mngag gzhug ded dpon nag po mda' dang gzhu bsnams te de bzhi bri'o/ /shar dang nub kyi gling du brgya byin khyab 'jug thams cad kyang zhes pa ni shar phyogs su lha'i dbang po brgya byin te/ nor bu tir+ya ka brgya byin cing / mchod sbyin rgyal btang ba dang /sprul pa brgya 'gyed/ ting nge 'dzin brgya la snyoms par 'jug /sangs rgyas brgya mthong zhing khams brgya sbyong bas brgya byin phyag na rdo rje gdengs pa bsnams pa'o/ /btsun mo bde sogs dgu bo rgyud mangs 'dren/ mngag gzug yid du 'ong ba lha'i bu kun du snang ba ral gri 'dzin/pho nya rab tu myur ba'i shugs can rtse gsum pa bsnams zhes pa'o/ /khyab 'jug gi thugs kun du khyab pa la phrin las ni kun du 'jug ces bya'o/ /yab ni mtha' bral lha'i dbang po ba su ta de ba/ yum ni ga Na pa ti phyag na 'khor lo bsnams/ btsun mo dpal mo phyag na gsal zhing bsnams/mngag gzhug rdo rje bde ba phyag na mche ba bsnams/ pho nya rdo rje ded dpon phyag na 'khor lo bsnams pa bri ste/ bcu drug sde nyi shu rtsa gcig go/ /lha min mkha' lding dri za dang / /zhes pa ni/ lha yang ma yin pa/ mi yang mi yin pas na lha ma yin te/phrag dog zhi bar bya ba'i phyir bri ste/ lha ma yin gyi rgyal po rnam par snang byed/ mda' dang gzhu bsnams pa dang / sgra gcan 'dzin zla ba bsnams pa dang / sum brtsegs ri bsnams pa dang / he ran ke shu rdo rje bsnams pa/ kun du snang ba me long bsnams pa/ btsun mo dang bcu gnyis bri'o/ /mkha' lding ni nam mkha' lding ste/ gser mig lcags kyu bsnams pa dang / g.yog du ma can rdo rje bsnams pa dang / bya khyung ga ru Na gnam lcags kyi sbar zhags bsnams pa dang gsum/ btsun mo gsum ste drug dang rtsa brgyad do/ /dri za ni dri za ba'i phyir dang /gos su sprin gon nas snang la mi snang ba'i phyir smos te/ zur phud lnga pa me tog gi phreng ba bsnams pa dang / yul 'khor srung ba pi wang bsnams pa dang / btsun mo gnyis dang bzhi ste/ nyi shu rtsa gnyis te/ de ltar lha bzhi bcu rtsa gsum byang drang po nas shar phyogs su dngar te bri'o//gnod sbyin srin po lto 'phye zhes pa ni/ sems gnod pa dang bcas shing / sems pas nor sgrubs shing sbyin pa'i phyir na gnod sbyin no/ /de la brgyad bri ste/ shar phyogs su yang dag shes zla tshes bsnams pa/ lhor 'brog gnas rin po che'i sgrom bu bsnams pa/nub tu nor bu bzang po nor bu bsnams pa/ byang na dzam+b+ha la ne'u le'i rkyal pa bsnams pa/ shar lhor gang ba bzang po bum pa/ lho nub tu ku be+e ra be con/ nub byang du pany+tsi ka rin chen mdzod/ byang shar du nor lha'i rgyal po shing tog /btsun mo brgyad dang bcu drug go/ / srin po ni 'jigs shing gsod pa'i phyir ro/ /lang ka mgrin bcu mda' gzhu/ u pa kar+Na ral gri/ bum rna dbyug tho/ /btsun mo dang drug ste nyi shu rtsa gnyis so/ /lto 'phye chen po ni/ /ltos 'gro ba'i phyir na rkang lag med de lto 'phye'o/ /rab brtan ni rdo rje bsnams pa/ khyus 'gro ni rin po che bsnams pa/ btsun mo gnyis dang bzhis te nyi shu rtsa drug go/ /de ltar na lha brgyad cu rtsa bdun no/ /'byung po yi dwags 'dre rnams dang / /zhes pa ni/ lta ba log pa las byung ba'i phyir 'byung po'o/ /dbang ldan ni phyag na tri shU la ste/ btsun mo dang gnyis te byang shar mtshams su gong ma dang bsres la bri/yi dwags kyis zas 'dod kyang za bar bgegs yod pas yi dwags so/ /phyi yi sgrib pa can dang / nang gi sgrib pa can dang / rang bzhin gyi sgrib pa can/ me lce'i 'khor lo can dang sgo khyud can dang bzhi'o/ /'dre ni bar du gcod pa'i bgegs byed pas na log 'dren nag po chu ltar g.yo ba sprul/gnye'u thung ba ston te/ spyi'u tshugs thur ltas kyi/ se'u nya na snying du 'jug pa'i 'dre dang / dar dpyangs te lce la 'jug pa/ myur rgan te myur bar 'jug pa ral gri bsnams pa dang drug go/ / 'byung po'i rgyal po dbang ldan ni 'khor bco lnga yod do/ /ri dwags kyi rgyal po ri dwags kyi gdon dang / skem byed ni gzhon nu'i gzugs su ston pa'i gdon dang / brjed byed pa ni wa 'dra dang / khu tshur can ni bya rog 'dra ba dang / nam gru khyi'i gzugs dang / srul po phag gi gzugs dang /dza ma kirti'i gzugs dang / 'dod pa can rdo rje'i gzugs dang / marga byed pa byi la'i gzugs dang / bzhin rgyan 'ug pa'i gzugs dang / gnya' lag can bya gag gi gzugs dang / bya ni 'dab chags kyi gzugs dang / mig 'phyang po ni pha wang gi gzugs dang /'jam pa ni ba glang gi gzugs dang / ma mo ni mi'i gzugs dang bco lnga ste/ de ltar brgya dgu bcu rtsa bzhi'o/ /klu dang sbrul dang ri dwags rnams/ /zhes pa ni/ klu ni byol song gi rigs te/ rgya mtsho na gnas pa phrag dog dang ldan pa bri ste/ mtha' yas ut+pal bsnams pa dang /'jog po dgra sta/ chu lha pad+ma'i sdong po dang / dung skyong dung bsnams pa/ nor rgyas bum pa bsnams pa/ stobs kyi rgyu sbrul gyi gshol mda' bsnams pa/ btsun mo bde sogs/ pad+ma chen po pad+ma kha phye ba bsnams pa/ rigs ldan rin chen rkyal bu bsnams pa/dga' bo sprin phung dang ral gri bsnams pa/ nye dga' bo rin chen 'bar ba bsnams pa/ sbrul ni btsun mo bdes mgul nas 'khyud cing mdzes pa'i rgyan du byas pa ste nyi shu tham pa'o/ /rigs rnams zhes pa'o/ /phyogs skyong ba bcu ni bgegs kyi rigs su gtogs pas rigs rnams so//brgya byin rdo rje/ gshin rje thod dbyug /chu lha sbrul zhags/ gnod sbyin be con/ me lha bgrang phreng / bden bral ral gri/ dbang ldan rtse gsum/ sa bdag mche ba/ sa'i lha mo bum pa/ nyi ma pad+ma/ zla ba ut+pal so so'i btsun mo yang gtso bo dang mthun pa can du bri ste nyi shu rtsa gsum/de ltar nyis brgya sum cu rtsa bdun so so'i phyogs su bri'o/ /rgyal po bzhi rnams bri bar bya/ /zhes pa ni/ 'di'i sgor 'ong ste/ shar du yul 'khor srung pi wang / lhor 'phags skyes po ral gri/ nub tu spyan mi bzang sbrul zhags/ byang du rnam thos sras ba dan/ btsun mo dang brgyad de/ de ltar lha nyis brgya bzhi bcu rtsa lnga'o/ /gza' dang skar ma rgyu skar dang / /zhes pa ni/ gza' ni 'phel ba dang 'grib par ston te/ rnam pa brgyad de/ pa ba sangs me tog /phur bu pu sti/lag pa mchog sbyin/ zla ba ku mu da/ mig dmar bdud rtsi'i bum pa/ sgra gcan 'dzin pad+ma'i sdong bu/ /nyi ma pad+ma/ spen pa dbyug tho btsun mo dang bcu drug go/ /rgyu skar ni nam mkha' la rgyu ba ste/ dbang ldan gyi phyogs nas me lha'i phyogs su/ smin drug mdog dmar bum pa'i steng na bzhugs/snar ma mdog dmar glang khyu pa dkar mo la zhon/ mgo ser po sha ba zhon/ lag dmar po sbrul la zhon/ nab so ser po pad+ma la 'dug /rgyal ljang gu bum pa la 'dug /skag ljang gu bya rog la 'dug /phyag na rin po che'i shing thog bsnams pa'o//me'i phyogs nas/ bden bral gyi phyogs su dngar ba la/ mchu ser ma he la zhon/ gre ljang khri la 'dug /sbo ser gser khri la 'dug /me bzhi ser glang po che la zhon/ nag pa ljang rma bya la zhon/ sa ri dmar lcang mo la 'dug/ sa ga rta dkar po la zhon/phyag mtshan rin po che'i shing thog bsnams pa'o/ /bden bral gyi phyogs nas rlung lha'i phyogs su dngar ba la/ lha mtshams mdog ser bya'i sha tshugs 'dra bya la zhon/ snron dmar gdan par tshangs can la 'dug /snrubs mdog ljang gu sbal pa la zhon/ chu stod mdog ser phub la 'dug /chu smad ljang gu byi ba la zhon/ byi zhun mdog sngo sre mong zhon/ gro zhun mdog dmar skur ma la 'dug /phyag mtshan pad+ma'i sdong bu sha stag bsnams pa'o/ /rlung gi phyogs nas dbang ldan bar dngar ba la/ mon dre ljang glang khyu ba dkar po zhon/ mon gru mdog dmar stan nang tshangs can la 'dug /khrums stod ljang ser khri la 'dug /khrums smad ser po rin chen khri la 'dug /nam gru dmar po rta la zhon/ tha skar ljang gu mi la zhon/ bra nye sngon po 'khor lo'i steng na 'dug /phyag na ut+pal sha stag bsnams pa'o/ /de ltar rgyu skar nyi shu rtsa brgyad de/de ltar lha nyis brgya brgyad cu rtsa dgu'o/ /khro bo ma rungs 'tshe ba ni/ /zhes pa ni/ khro bo ma rungs pa dmyal ba ste/ las kyi bag chags khros pa'i mthu las snang ste/ ci'i phyir zhe na/ phyin ci log pa'i rtog pa ngan pas bltas pas/ gshin rje rab tu khros pa ni shin tu mi bzad par snang ste/de'i 'khor ni bsam gyis mi khyab pa las/ mdor bsdu na tsha grang gnyis te/ tsha ba la brgyad de/ mnar med pa dang / rab tu tsha ba dang / tsha ba dang / ngu 'bod chen po dang / ngu 'bod dang / bsdus 'joms dang / thig nag dang / yang sos dang brgyad do//grang ba brgyad ni/ chu bur can dang / chu bur rdol ba dang / so thams thams pa dang / kyi hud zer ba dang / a chu zer ba dang / ut+pal ltar gas pa dang / pad+ma ltar gas pa dang / pad+ma ltar gas pa chen po ste brgyad do/ /nyi tshe ba dang / mtha' 'khor ba gnyis te bco brgyad kyang / ming ngam brda'am thig le bri/me'i phyogs nas dbang ldan gyi phyogs su bskor te bri'o/ /'tshe ba ni nyon mongs pa lnga'i cha shas sdug bsngal gyi bdag gis gzhan la 'tshe bar byed pa dang / gzhan bdag la 'tshe ba'i phyir na 'tshe ba'o/ /de ni 'dod chags bya dang / gti mug phag dang / zhe sdang sbrul dang / nga rgyal rtsangs pa dang bzhi ste nyi shu rtsa gnyis de ltar lha sum brgya bcu gcig go/ /bgegs dang bi na ya ka ni/ /zhes pa ni/ bgegs ni/ dge ba'i bar du gcod cing mtho ris dang thar pa la sgrib pa'i phyir na bgegs te/ spyir ni stong phrag brgyad cu rtsa bzhi yod pa la/ 'dir ni rnam pa brgyad smos te/ tshangs pa srin po'i gdon dang / brjed byed kyi gdon dang / rnon po dang / grib gnon gyi gdon dang / skem byed dang / ma mo'i gdon dang drug gi steng du/ gtso bo bi na ya ga 'khor lo bsnams pa/ btsun mo brgyad de/ lha sum brgya bcu dgu dang / sems can kun la phan byed pa'i/ /drang srong skal ba chen po rnams/ /zhes pa ni/ sems ni rnam par shes pa'i tshogs brgyad la/ nye bar len pa'i phung po lnga dang 'brel pa/ kun ni khams gsum pa kun yin te/ phan pa ni thabs mkhas pa'i sgo nas byed pa'i tha tshig go/ / de ni drang srong ste/ drang ba ni skyon spangs pa yin la/ srong ba lam drang po la srong ba yin pas so/ /skal ba chen por brtul zhugs dang mthu che ba'i phyir na skal ba chen po ste/ rnams ni mchog brgyad bri ba'i tha tshig ste/ drang srong mes bzhi rin po che 'bar ba/ nag pa 'khor lo/ yang dag shes rdo rje/mdun bdar rtse gsum/ gya gyur rin po che'i sgrom/ gyur mid dgra sta/ aM gu me phung / g.yog dor 'khor lo bsnams pa ste/ me lha'i 'khor ba nas shar lho'i mtshams nas dngar te bri/ de ltar lha sum brgya nyi shu rtsa bdun no/ /mkha' 'gro ma dang bud med bri//zhes pa ni/ mkha' 'gro ni las dang rdzu 'phrul dang stobs kyis mkha' la 'gro ba ste/ bdud kyi rgyal po mngag pa yin te/ rnam pa brgyad du bstan to/ /lA ma kau rI ma byis dbyug dang / lA ma tsau rI ma mda' gzhu dang / lA ma phra mo ha rgyal mtshan dang / lA ma be+e tA lI rdo rje/lA ma puk+ka sI rgyu zhags/ lA ma g+hasma rI thod pa/ lA ma tsaN+Da lI rtse gsum/ lA ma sma sha lI rin po che 'bar ba/ lho nas nub tu bri/ bud med ni ma mo chen mo ste/ bud med kyi tshul du gnas pa bud med bco lnga ste/ de ltar lha sum brgya bzhi bcu rtsa gnyis so/ /de bzhin sring mo rnal 'byor ma//zhes pa ni/ de bzhin gong ma dang 'dra bar bud med kyi tshul du gnas pas de bzhin sring mo ni bzhi ste/ rgyal ma pad+ma bsnams pa dang / rnam par rgyal ma rdo rje bsnams/ mi pham ma 'khor lo/ rig sngags 'chang rtse gsum bsnams/ sring mo ltar gdung ba'i phyir na sring mo'o//nub nas byang du bri'o/ /rnal 'byor ma ni/ rnal 'byor ni chos nyid la/ rnal 'byor rig pa ste/ sku chos nyid la rnal 'byor rtags brgyad du bstan pas na/ bkra shis brgyad de/ pad+ma can dpal be'u/ 'jigs byed 'khor lo/ rnam par rgyal ba rgyal mtshan/gdangs can gdugs/ 'od ldan pad+ma/ yid gzhungs pa bum pa/ dri med dung 'dzin pa dang / yid bzangs gser nya ste/ de ni 'jig rten pa'i 'khor dgar gzhug pa'i phyir na/ sprul pa'i sku'i rtags/ 'jig rten pa'i snam bu la bri ste/ de ltar lha sum brgya lnga bcu rtsa bzhi'o//'byung ba bzhi'i lha chen zhes pa ni dngos po'i 'byung ba'i gzhi med par 'byung bas na 'byung po'o/ /smin par byed pas me lha gsal ba'i 'od zer me dpung bsnams/ sdud par byed pas ba ru Na sbrul zhags bsnams/ g.yo bar byed pas ba ya be sbud pa/ snang bar byed pas sa bdag lag chen 'khor lo/ de dag ni phyogs skyong bcu'i 'khor du bsdus pa yang yod/ grangs kyi khyad par spyir gtong ba yang yod/ khyim dang ri la gnas pa yang / /zhes pa ni khyim gyi lha ste/ kun du snang ba rin chen sgrom/ /ri la brten cing gnas pa ni/ /ri'i lha rab tu brtan pa'i blo gros rin po che 'bar ba/kun dga' gnas la sogs/ ljon shing skye ba'i bdag po byed pas shing gi lha/ kun nas 'od zer shing thog bsnams/ mi mang po 'du ba'am/ chos bshad pa'am/ dge 'dun gyi ra ba rnams bsrung bas kun dga' ra ba'i lha/ kun du snang ba'i blo gros ljon shing bsnams/ gnas la brten cing bsrung bas na/ gnas kyi lha tshogs sgo ste/ phyag na 'khor lo bsnams/ dur khrod grong khyer gnas pa rnams/ /zhes pa ni/ dur ni sdud pa la khrod ni 'byung bas te/ mi ro rnams kyi khog srung byed pa'i 'dre 'byung ba'o//dge ba kha T+wAM ga bsnams/ grong ni nyung ngu la/ khyer ni mang po ste/ yul khams tsam re re la bya ba'i tha tshig ste/ grong khyer gyi lha bsod nams dge ba'i blo gros phyag na rin po che 'bar ba bsnams/ spyir 'byung ba bzhi/ phyogs skyong khongs su btang ba ni/ lha sum brgya drug cu rtsa gcig btang ba ni sum brgya drug cu rtsa lngar 'dod ming ngam brda'am yang na thig le rnams kyang bri bar bya zhes pa ni/ming ni btags pa'i rang bzhin du smos pa'o/ /brda ni phyag mtshan/ thig le gdan/ tshom bu byas nas gzhag pa'o/ /de nas mkhas pas dkyil 'khor zhes pa ni/de nas skabs kyi rting thogs su byung ba la bya/ mkhas pa ni sgrub pa po gdams ngag dang bcas pa gtan tshigs dang sgra sbyor bye brag kun la mkhas pa'o/ /dkyil 'khor ni kun rig rtsa ba'i maN+Dal chen po ste smos pa 'di nyid la bya'o/ /kun rig ni dus gsum ma 'dres par mkhyen pa/rtsa ba ni byang chub sems/ dkyil ni byang chub sems gzung 'dzin dang bral bas/ 'khor ni de las che ba'i yon tan sna tshogs 'byung ba'o/ /chen po ni phrin las dang thugs rje chen por ston pa'i lha sum brgya drug cu po de dag kyang sku gsum dang 'khor du sbyar ro//de yang kun rig rnam par snang mdzad chos kyi sku/ rigs bzhi'i sangs rgyas dang / rigs kyi yum longs spyod rdzogs pa'i sku/ sems dpa' bcu drug dang / dpe med pa man chad thugs rje sprul ba'i sku/ nyan thos nas grong khyer gyi lha la thug pa'i bar thams cad sprul pa'i sku'i 'khor te/thugs rje sprul pa tha dad par ston pas na/ 'khor yang tha dad par bris pas/ mchod pa dbul zhing maN+Dal gzhung bzhin du byas na bsod nams kyi tshogs skye'o zhes pa'i tha tshig go/ /da ni maN+Dal gyi rgyan chos ston te/ci'i phyir zhe na/ bla re rgyal mtshan lhab lhub dang / /zhes pa nas/ bza' dang btung ba sbyar ba legs/ /zhes pa'i bar te/ khams gsum gyi bla mar gyur pas bla re dang / bdud las rgyal ba'i rgyal mtshan dang / thugs rje'i phrin las kyi lhab lhub dang / byang chub sems kyi gdugs dang /phrin las kyi rnga yab dang / thugs rje'i lda ldi dang / sku'i 'phan dang / tshul khrims kyi na bza' dang / gser gyi bum pa bcu drug dang / chos kyi dbyings kyi phyag rgya bstan pa dang / rigs lnga/ ye shes kyi bum pa lnga/ rigs lnga'i chus bkang la gzhag pa dang /shes rab kyi mar me dang / thugs rje'i gtor ma dang / mdzes pa'i lha bshos dang / ro brgya dang ldan pa'i zas sna tshogs pa dang / yan lag brgyad dang ldan pa'i yon chab la sogs pa'i btung ba rnams kyi maN+Dal gyi rgyan chas mchod pa'i phyir brgyan to/ /'khor gyi 'byung po'i kha zas la sogs pa rnams ni bde ste bshad mi dgos/da ni slob dpon maN+Dal la 'jug pa ston te/ de nas khrus la sogs pa byas nas zhes pa ni/ de nas maN+Dal gyi rgyan chas la sogs pa tshang ba'i rting thogs la bya ste/ khrus ni rnam par rgyal pa'i bum pa byin gyis brlabs nas phyi'i lus bkru ba dang /rtogs pa'i khyad par gyis nang gi sems bkru ba dang / bsogs bya ba ni/ chos gos dang / kha zas mngar ba dang / dkar gsum la sogs pa bza' zhing / rdo rje 'dzin ma'i phyag rgya bcings nas/ rig pa'i me tog thogs la/ 'phags pa spyan drangs nas/ phyag rgya rnam bzhis gzugs brnyan la phab ste/ bdag nyid rtogs pa dang / goms pa 'jug go/ /slob dpon maN+Dal du 'jug ba bstan zin to/ /da ni slob dpon zhugs pa'i yon tan mtshan ma thob pa'i rtags ston te/ ci'i phyir zhe na/ de nas mtshan ma skyes te mgu nas ni zhes pa ni/ de nas ni zhugs pa'i rting thogs so/ /mtshan ma ni dngos grub kyi rtags te/ dri zhim po dang / 'od dam rlangs pa la sogs pa'o/ /skyes te ting nge 'dzin gyi mthu las skye ba dang / sngon bsags kyi dge bas skye ba'o/ /mgu nas ni rang gi ting nge 'dzin rtse gcig pas mgu nas rtse gcig pa dang maN+Dal gyis 'phags pa dgyes nas dngos grub ster ba'o//thog ma dang tha ma med par mngon sum mthong gi / sngon bsags pa yod na ni/ dngos grub kyi rtags nye ste/ thog ma nas mthong la/ sngon bsags chung nas rtsol ba zhan na ni mtha' mar mthong ste/mngon sum ni dbang po'i dngos su ni/ 'od dam rlangs pa mthong la/ yid kyi mngon sum ni/ yid kyis ji ltar bsgoms pa de ltar mthong ba'o/ /rnal 'byor mngon sum ni/ gnas ni gnas kyi ting nge 'dzin dang / 'byor lhag mthong gi ting nge 'dzin shes rab kyis cha snyoms pa ni mthong ba'o//mchod yon gsang la sogs pa zhes pa ni/ mchod pa rnam pa lnga/ yon ni bla re la sogs pa rnams/ mchod pa'i dkyil 'khor gyis 'phags pa mchod/ rtags ni rgyu dang rkyen sngags dang ting nge 'dzin gyi rtags so//gsang ni 'dod pa'i yon tan lnga lha mor byin gyis brlabs pas thun mong ma yin pa'i phyir gsang / sogs ni thams cad 'tshogs pa la bya/ dbyangs snyan pa'i bstod pa dang / lha rdzas kyi zhes pa ni/ dbyangs ni rgyu dang ngag gi glu len pa la bya'o/ /snyan pa ni rnar snyan la/bstod pa ni yon tan gyi sgo bstod de/ lha rdzas mchod pa'i khyad par la bya bas/ dngos grub mi nyams par bya ba'i phyir 'phags pa mchod/ slob dpon zhugs pa'i yon tan mtshan ma mthong ba'i rtags dang / mchod pa dang bcas pa bstan zin to//da ni 'jig rten pa'i 'khor la/ mchod pa'i sbyin pa la bab ste/ de ci'i phyir zhe na/ de nas 'byung po kun gyi gtor ma zhes pa ni/ de nas ni skabs kyi rting thogs so/ /'byung po ni dge ba'i tshogs la 'byung ba'i phyir na 'byung po ste/ 'jig rten pa'i bsod nams can rnams so//las kyi bag chags mi dge ba'i mthu las 'byung bas 'byung po ste/ sems can dmyal ba la sogs pa ngan song ba'o/ /kun gyi ni ma lus pa'i phyir te maN+Dal du bkod pa rnams so/ /gtor ma ni phrin las te khyab par byed pa ste/ ma ni len par byed pa ste mi dmigs par gtong ba'o/ /da ni slob ma 'jug pa ston te/ ci'i phyir zhe na/ de nas sngags pa bla med byang chub kyi/ /zhes pa ni/ sngags pa ni slob dpon te/ ting nge 'dzin sngags kyi mthu dpal skye bas sngags pa'o/ /bla med ni rgyu bla na med pa'i sgo nas ni zhugs/'bras bu bla na med pa thob pa'o/ /byang chub ni zad pa dang / mi skye ba ste/ slob ma de la zhugs pa'i phyir ro/ /ci'i phyir zhe na/ gnas su slob ma yongs su smin par bya zhes gsungs so/ /mtshon pa'i gnas ni dkyil 'khor ro/ /rgyu'i gnas ni slob ma'i sems so/ / yongs su smin par bya ba ni 'bras bu thob par bya ba'i phyir/ sems ma grol ba grol bar bya ba'i phyir/ slob ma sems bskyed/ rdo rje 'dzin ma'i phyag rgya bcings la/ maN+Dal slob dpon la yon 'bul lo/ /rig pa'i me tog lha la 'phangs pa'o/ /gang la bab pa'i lha de la bstan pa dang /yi dam du 'char gzhug pa'o/ /da ni slob ma la dam tshig dbog pa ston te/ ci'i phyir zhe na/ de nas sngags pa mkhas pa yis/ /zhes pa ni/ de nas skabs kyi rting thogs so/ /sngags pa ni slob dpon no/ /mkhas pa ni dam tshig sgrogs pa la mkhas pa'o//slob dpon gyis ar+g+ha byin gyis brlabs nas/ slob ma la dam tshig bsgrags pa'i tshigs bcad dang / sngags dang skyon yon ni bde ste ma bris so/ /da ni dam tshig dbog ste/ ci'i phyir zhe na/ khyod kyis srog chags gsad mi bya/ /zhes pa nas/ mdor na yid gnyis som nyi mi bya ste/ /zhes pa'i bar ni snying rje rgyun mi 'chad pa'i phyir ro/ /srog mi gcod pa dang / chags pas khams gsum du 'khor bar ma byin par mi blang ba dang / dam pa'i chos dang mi mthun pa'i brdzun mi smra ba dang / chags pas ting nge 'dzin nyams pa'i gzhi yin pas bud med la chags pa mi skyed pa dang /nyes pa'i gzhi yin pas chang mi 'thung ba dang / 'byung po'i kha zas sha mi za ba dang / bsam pa ngan pa'i sbyor ba sems la mi bya ba dang / dmigs pa'i rten dkon mchog gsum mi spang ba dang / byang chub kyi sems rjes su gzung ba dang /lha'i snying po rdzogs pa dang / phyag rgya rnams rtag tu bya ba dang / lha dang slob dpon dbyer med par blta ba dang / slob dpon gyi bka' las mi 'da' zhing / lha la phul ba la mi 'gong ba dang / sngags dang phyag rgya la mi smad cing dang du blang ba dang /grong sngags kyi las mi bya ba dang / yid gnyis dang som nyi mi bya'o/ /da ni mi 'da' ba'i thabs bstan cing dbang bskur ba ston te/ de ci'i phyir zhe na/ bdag gi de bzhin dang ni sngags sogs de bzhin pa ni/ bdag sgrub pa po slob dpon no/ /de nyid ni slob ma nyid la bya la/ sngags rig pa la sogs pa ni mngon par byang chub pa lnga dang / cho 'phrul rnam pa bzhi la sogs pa la/ de bzhin bdag nyid ji ltar bsgoms pas de bzhin du slob ma yang sgom du gzhug pa'o/ /rnam gcig tu ni bdag ni slob ma nyid/ lha sngags ni lha'i snying po'o/ /sogs ni phyag rgya la sogs pa/de bzhin slob ma de sgom du gzhug pa'i tha tshig go/ /de yang ci'i phyir zhe na/ mos pa brtan dang ldan pa dam bcas nas/ /zhes pa ni/ mos pa ni slob ma yid ches pa'i sgo nas so/ /brtan pa ni sems mi 'gyur zhing 'khu ldog med pa'o/ /ldan pa ni yon tan tshang ba'i phyir smos la/dam bca' ba ni mi 'da' zhing / /mi 'gyur bar dam bsgrags nas dbang bskur ba'i don to/ /ci'i phyir zhe na/ bdag gi de bzhin dang ni sngags sogs de bzhin nyid/ /ces pa ni/ sarba ni thams cad dkyil 'khor gyi lha rnams so/ /bid ni rig pa ste thugs so//ji bzhin ni slob ma ste/ lha ji bzhin du dam bca' ba'o/ /dbang ni thugs te yo ga'i dbang bcu dang / thabs dang shes rab kyi dbang dang / rin po che sna bdun gyi dbang dang gsum mo/ /bskur ni slob ma la sbyin pa'i tha tshig go/ /ci'i phyir zhe na/ bum pa la sogs ji snyed mang thogs la//bcu po rnams kyis dbang bcu ci dgar bskur/ /zhes pa ni/ slob dpon gyis bum pa thugs kyi ngo bo sarba bid kyi byin gyis brlabs nas/ bdud rtsi bum pa yum shes rab kyi pha rol tu phyin pa'i ngo bo'o/ /byang chub kyi sems ye shes kyi sprul pa 'byung bas slob ma la dbang bskur bas/nyon mongs pa lnga 'joms pas rigs rnam pa lnga'i dbang dang / thabs mkhas pa thugs rje'i phreng ba'i dbang dang / byang chub sems dpa' cod pan gyi dbang dang / mi 'da' ba phyag rgya'i dbang dang / rgyal ba'i sras yin pas ming gi dbang dang /de bzhin gshegs pa'i phrin las mdzad pas las kyi dbang dang / 'khor ba gting nas 'joms pas 'khor lo'i dbang dang / gnyis su med pa gzungs kyi dbang dang / chos nyid kyi don mthong bas gsang ba'i dbang dang / rgyal ba'i sras yin pas ming gi dbang dang /de bzhin gshegs pa'i de bcu ni slob ma ji ltar dga' bar dbang rim pas bskur ro/ /da ni thabs shes rab kyi dbang bskur te/ de nas lag tu rdo rje dang dril bu sbyin/ thugs yang dag pa'i ye shes kyi rdo rje thabs kyi dbang dang / chos kyi dbyings skye ba med pa'i dril bu shes rab kyi dbang dang /gnyis ni mtha' gnyis dbang bskur bas thabs dang shes rab bo/ /da ni sa dang po thob pa'i las rin po che sna bdun gyi dbang bskur te/ ci'i phyir zhe na/ 'khor lo la sogs rin chen bdun thogs la/ mi dbang dbang phyug 'khor lo thob pa dang /sdig pa gzhom phyir dbang ni bskur bar bya/ /zhes pa ni/ 'khor lo ni gtso bo yin pas sna la smos so/ /sogs kyi khungs su rin po che sna bdun 'byung ste/ byang chub kyi yan lag bdun dang sbyar te/ chos rnam par 'byed pa ni shes rab kyi rang bzhin te/ rang bzhin ni yan lag go//de'i rtags ni yang dag pa'i shes rab kyis 'khor ba 'joms pas na 'khor lo'o/ /rin po che ni/ btang snyoms ni mthong bas na spang bar bya ba'i ting nge 'dzin spangs nas nyon mongs pa rgyun du mi 'byung bas/ nyon mongs pa med pa'i yan lag ste/ de'i rtags ni thabs thugs rjes nor bu rin po che'o//shin tu sbyangs pa ni lus sems las su rung ba ste/ 'dod chags la sogs pa mi 'byung bas de'i rtags ni yang dag pa'i shes rab kyi btsun mo'o/ /brtson 'grus ni nges par 'byung ba'i yan lag ste/ so so'i gnas las nges par 'byung ba'i yan lag ste/de'i rtags ni rdzu 'phrul gyi rta rin po che'o/ /ting nge 'dzin ni mthong bas spang bar bya ba'i nyon mongs pa spong bas gnas kyi yan lag go/ /de'i rtags ni thabs mkhas pa'i glang po rin po che'o/ /dga' ba'i phan yon gyi yan lag ste/ sa dang por bden pa mthong bas des lus sems las su rung bas phan 'dogs pas na de'i rtags ni 'khor ba'i dgra 'joms pa dmag mi rin po che'o//dran pa ni shes rab kyi rgyu ste/ gnas kyi yan lag yin pas de'i rtags ni dran pa dang ldan pa'i khyim bdag rin po che'o/ /mi dbang ni 'jigs pas mthong ba'i phyir ro//dbang ni sa dang po thob cing de la longs spyod pas phyug go/ /sdig pa ni bag chags la/ gzhom pa ni sprul pa'i sku 'phro 'du bstims la/ dbang ni byin gyis brlabs la byin pa'o/ /da ni slob ma dga' ba'i gtang rag yon 'bul ba bstan te/ci'i phyir zhe na/ sngags 'grub phyir ni mos ldan slob ma la/ /zhes gsungs te/ sngags ni nyon mongs pa bcom nas dbang thob pa'o/ /grub pa ni chud ma zos par ro/ /phyir ni yon 'bul ba'i phyir na/ mos pa ni sems la/ ldan pa ni dad pa'o/ /slob ma ni dbang bskur ba ste/des slob dpon gyi ngag mnyan nas gzhung las byung ba bzhin yon 'bul ba'o/ /dbang bskur ba'i yon tan yang bde ste ma smos so/ /da ni slob dpon gyi blta thabs ston te/ ci'i phyir zhe na/ sangs rgyas kun dang bla mar mnyam/ /zhes pa ni/ sangs rgyas kun ni dkyil 'khor gyi lha la bya la/bla ma ni slob dpon te/ mnyam pa ni lha dang 'dra bar blta ba'i phyir/ lha ngo shes su 'jug cing dam mi 'da' bar ston pas mnyam/ slob dpon la ni brnyas mi bya/ /zhes pa ni/ bdag 'khor ba las 'dren cing yang dag pa'i don ston pas na/ slob dpon la brnyas na 'phags pa thams cad la brnyas pa'i tha tshig go/ /de'i 'og tu grogs mched la brnyas pa ston te/ ci'i phyir zhe na/ rdo rje spun dang sring mo dang / /zhes gsungs te/ rdo rje'i dam tshig rdo rje ltar bsrung ba dang / dngos grub rdo rje bstan pa'i sgo nas bsgrub pa'o//spun ni pha ma gcig pa'i don to/ /lha dang slob dpon pha dang 'dra ba dang / dam pa'i chos ma dang 'dra ba dang / gnyis pa rten cing gnas pa dang / mi 'bral zhing 'grogs pa'i phyir na spun no/ /sring mo ni ming sring ltar tshul bsrung ba dang / pha ma'i rgyu rkyen gcig las byung ba 'dra bas/rgyu rang gi sems la/ rkyen rang slob dpon gyi bka' drin gyis 'bras bu bla na med pa 'byung ba'i phyir na/ sgrub pa'i grogs ni mi brnyas par brtse gdung bya ba'i tha tshig ste/ zhib tu gzhung las smos so/ /da ni dkon mchog gsum po la gnod pa byed pa la/bzod pa mi bsgom pa ston te/ ci'i phyir zhe na/ dkon mchog gsum la gnod byed la/ /zhes gsungs te/ dkon pa ni rgyu bsgrub par dka' ba dang / 'bras bu thob par dka' ba'i phyir dkon no/ /mchog ni rkang gnyis mchog sangs rgyas/ 'dod chags dang bral ba'i mchog dam pa'i chos/mang po 'dus pa'i mchog dge 'dun te/ de gsum la gnod pa byed pa la bzod pa mi skyed de/ ci'i phyir zhe na/ nyes pa byed pa la chad pas ma chod na/ glang po che rdzing rnyog pa ltar/ yul la nyes pa 'phel ba'i gzhi'o/ /bsgrubs na myur du 'grub par 'gyur//zhes pa ni/ bsgrubs pa ni gong ma'i don la bya/ myur ba ni gus par grub pas mi thogs pa'i phyir ro/ /'gyur ni ras dkar po dmar por bya ba'i mthu btsod la yod pa dang 'dra bar/ 'bras bu bla na med pa'i rgyu ni rang gi sems la yod pa'i tha tshig go//kun rig rtsa ba'i dkyil 'khor yan lag dang bcas pa bshad zin to// //da ni bsgrub par bya ba'i thabs sku gzugs kyi don te/ ci'i phyir zhe na/ de nas bcom ldan 'das kyis lha'i dbang po brgya byin dang zhes pa ni/ de nas ni skabs kyi rting thogs so/ /bcom ni sgrib pa rnam pa gnyis bcom la/ldan ni thun mong dang thun mong ma yin pa'i yon tan dang ldan pas te/ lha'i dbang po brgya byin dang / gsol pa 'jig rten la phan pa'i tha tshig tu gsungs pa'i tshig tu smos so/ /sgrub pa'i cho ga 'di gsungs so/ /zhes pa ni/ sgrub pa rnams ni gsum ste/sku gzugs gzugs brnyan sgrub pa dang / dngos grub kyi rdzas sgrub pa dang / 'bras bu bla na med pa sgrub pa'i phyir na sgrub pa'o/ /cho ga ni zhib mo'i sgo nas bya ba'i tha tshig la/ 'di ni 'og gi don la gsungs pa ni de bzhin gshegs pas gsungs pa'i tha tshig go//bcom ldan 'das thams cad rig pa zhes pa nas/ sgrol ma zhes bya ba'i bar du ni sku gzugs bri ba'i lha'i khyad par ston te/ ci'i khyad par zhe na/ de bzhin gshegs pa yang dag pa/ /zhes pa ni/ dbus su rnam par snang mdzad bri'o/ /yang dag pa'i ye shes kyis 'khor ba'i ngan song 'joms pas ngan song 'joms pa g.yas su bri'o//'khor ba g.yon phyogs dang 'dra ba la/ thugs rje dang las bskyed pa'i phyir/ shAkya thub pa g.yon du bri'o/ /thabs thugs rje dang ldan pa'i rtags su/ ngan song sbyong ba'i 'og tu spyan ras gzigs bri'o//sku gsung thugs gsang ba'i mdzod 'dzin pas/ shAkya thub pa'i 'og tu phyag na rdo rje bri'o/ /nyon mongs pa'i nad bzhi brgya rtsa bzhi gso ba'i rtags su sman gyi bla bri'o/ /dug gsum bdud rtsir bsgrub pa'i phyir/ kun rig gi 'og tu rta mgrin bri'o/ /bdud dang dregs byed gdul ba'i phyir/'jig rten gsum las rnam par rgyal ba rta mgrin gyi g.yon du bri'o/ /yang dag pa'i shes rab kyis rtogs pa'i yul yin pas/ kun rig gi mdun du sangs rgyas spyan gyi zla ba tshes pa la spyan yod pa bri'o/ /g.yas su mA ma kI bri'o/ /g.yon du sgrol ma bri/rgyab tu gos dkar mo bri/ 'og tu ma chag pa pad+mo'i rdzing bu bris la/ de'i nang du ni/ nyon mongs pa 'khor bar mi gtong ba'i chu srin gyi gzugs dang / gzung 'dzin rnam pa gnyis dang bral ba'i rtags su sbal pa bri'o/ /thugs rje'i rdzu 'phrul gyis 'khor ba'i nye gnas la 'dzin cing 'brel pa'i rtags su sbal pa dkar po'ang phyir bri'o//skyon gyi bag chags dang bral zhing / thugs rje'i thugs mnga' ba'i rtags su rus sbal dkar po bri/ nyon mongs pa zad par mdzad pa'i rtags su nya dkar po bri'o/ /de rnams ni ye shes kyi rtags dang /mdzes pa'i rgyan dang thugs rje'i yul gsum ka sbyar zhing shes par bya/ rgyan chas phyi ma ni gzhung las byung bar bas/ lha mi brjed cing dran par bya ba'i phyir/ bdag nyid kyang thal mo sbyar zhing mchod pa byed pa'i tshul du bri'o/ /da ni mchod pa'i thabs ston te/ de nas ri mo'i gzugs de mngon par mchod de zhes pa ni/ri mo'i gzugs brnyan ri mor bri'o/ /mngon par ni dbang po'i mngon sum du ri mo gzhag la yid kyi mngon sum ni ting nge 'dzin gyi maN+Dal du bsgom pa'i don to/ /mchod pa'i rgyu dang rkyen dang thabs so/ /rgyu ni lus ngag yid gsum gyi sdig pa bshags pa'o//rkyen ni dngos grub kyi rdzas kyi mar dang / bu ram dang / dzA ti pha la la sogs te/ dngos grub kyi snod du blugs nas mchod par bgyi ba ni rnam pa gnyis te/ gzugs brnyan mchod pa'i 'bras bu ni/ sku bzhad pa la sogs pa'i rtags 'byung ba'o/ /bdag nyid kyis spyan dbye zhes pa ni/bdag nyid ni sgrub pa'o/ /spyan ni sku gzugs kyi spyan no/ /dbye ba ni rnam pa gnyis te/ gzugs brnyan dang / mtshan ma'i spyan dbye ba'i thabs dang gnyis so/ /de la gzugs brnyan gyi spyan la yang nyi zla'i maN+Dal bsgoms nas/ bdag gi mig las ye shes kyi dzaHspros te/rang gi maN+Dal nas thugs dam gyi rgyud bskul nas/ bdag ting nge 'dzin dang / chu dang 'o ma 'dres par gyur te/ grangs kyi bsnyen pa dang / mtshan ma'i bsnyen pa tshul bzhin du byas nas gzugs brnyan gyi sku gzugs la phab ste/ gnyis su med par byin gyis brlab cing brtan par byas nas/ye shes kyi spyan gyis 'gro ba la gzigs pa dang / byin gyis rlabs par byed pa ni ting nge 'dzin gyis spyan dbye ba'o/ /dngos grub sgrub pa'i rtags bde ste ma bris so/ /da ni byin gyis brlab pa ston te/ ci'i phyir zhe na/ de nas gzugs brnyan de byin gyis brlabs te zhes pa ni/de nas ni skabs kyi rting thogs so/ /gzugs ni brtan te byung ba dang / mtshon par byed pa'i phyir na gzugs te/ de ni gong du smos pa yin la/ byin gyis brlabs te zhes pa ni/ ye shes kyi sku'i sprul pa spros pa sku la phog ste sku stong pa nyid du byin gyis brlabs/gsung yig 'bru'i 'phro 'du spros te/ gsung la thim pas na gsung smon pa med par byin gyis brlabs pa'i sku gzugs de la dngos grub gsol ba'i phyir/ spyan sngar mchod pa dbul zhing bsnyen par bya ba'i don to/ /de ci'i phyir zhe na/ rtag tu mngon sum 'dug kyang zhes gsungs te/ rtag tu zhes bya ba ni/ mi 'bral bar bya ba'i don to/ /mngon sum du ni dbang pos mthong bas lta/ yid kyis ni dmigs pa'i ting nge 'dzin gyis ni bsgom pa'i don to/ /da ni bsgrub pa'i gnas bstan te/ de nas dben pa'i gnas su zhes pa ni/sems dben pa ni phyi yul la mi spro ba dang / yul dben pa ni mi'i skad mi thos pa dang / ting nge 'dzin dben pa ni/ sems rtse gcig tu mi 'gyur ba'i klong du gyur pa/ gnas ni lus kyi gnas ni dben pa yin la/ dbang po dben pa'i gnas ni/gzugs brnyan gyi sku yin la/ ting nge 'dzin dben pa'i gnas ni chos nyid yin te/ bsnyen pa'i don gyi dkyus las 'byung bsam smos so/ /da ni dngos grub kyi rdzas ston te/ bsod nams snod las ci dga' bar/ /dngos grub mchog ni stsol bar bya/ /zhes gsungs te/sgrub pa pos dngul gyi phor pa'am/ rin po che'i snod gtsang ma'i nang du/ dngos grub kyi bu ram dang tsan+dan la sogs te mchod pa'i cha rkyen la bsnyen pa tshul bzhin du byas nas/ lha'i dbang por byin gyis brlabs pa ste/ 'phags pa la yang dngos grub thob tsa na/mchod rdzas kyi skal ba dbul/ sems can la yang snying rje'i mgron du sbyin/ bdag gis kyang dngos grub kyi rdzas la longs spyod pa'i phyir gzung / phyi ma ni bde ste ma smos so/ /sku gzugs kyi cho ga bsdus pa bshad zin to// //da ni ma grub na spogs pa'i don te/ngan song las thar par ston te/ ci'i phyir zhe na/ de nas lha rnams kyi dbang po brgya byin gyis zhes pa ni/ phyi rabs kyi sems can rnams la phan 'dogs pa'i don du ma grub na spogs pa'i cho ga ston te/ zhu ba'i yon bdag yin pas ma smos so/ /de ltar zhu ba gsol nas/ston pas gnang nas bka' stsal ba'i don to/ /ci'i phyir zhe na/ de bzhin dkyil 'khor bris nas ni/ /zhes gsungs te/ de bzhin zhes bya ba ni gong ma'i rtsa ba'i dkyil 'khor chen po nas byung ba de ltar bya ba'i tha tshig go/ /de yang 'jig rten las 'das pa'i maN+Dal sgo gnyis pa yan chad bri bar 'byung ste/de ltar gnyis su smos pa yang / gong gi sgrub thabs yin pas 'og ma ma grub na spogs pa'i cho ga yin te/ gong ma ni nor bu dri ma med pa'i don du gsungs la/ 'di ni phyi rabs kyi sems can la ma grub na spogs pa'i thabs su shes par bya/de ltar yang ni bum pa zhes pa ni/ lha'i grangs so so'i bsnyen pa dbul ba rtags ma byung gi bar du bsnyen pa byas nas/ bum pa la bruM las rin po che'i gzhal yas khang du chos kyi rang bzhin du bsgom/ nang gi bcud ye shes kyi phrin las thabs thugs rje 'od zer sna tshogs pa 'byung bar bsams la/lha so so'i rtsa ba'i sngags dang / shi ba'i ming spel mar bzla zhing / yang dang yang du ting nge 'dzin gyis dar bskyed la gzhung las byung ba'i yon tan thob par 'gyur ro/ /da ni de'i yan lag mtshan ma la dmigs nas/ngan 'gro las thar pa'i thabs ston te/ ci'i phyir zhe na/ de yi gzugs brnyan bri ba'am/ gur gum gyis ni ming yang rung / /zhes gsungs te/ de ni dmigs pa'i rten gang la bya ba'o/ /gzugs ni rten par byed pa'i gzhi rnam par bam pa'i ro'i gzugs brnyan ras sam shog shog la bris pa'o//ming ni gdags pa'i gzhi/ bod pa'i brda/ gur gum gyis shing bu la bri ba'i tha tshig go/ /de la sngags dang phyag rgyas rtags ma byung gi bar du dbang bskur zhing byin gyis brlabs na 'grub ces so/ /de ni ji ltar bya ba'i thabs ston te/ ci'i phyir zhe na/ lha yi gzugs su brtags nas kyang / /mchod rten dbus su gzhag par bya/ /zhes pa ni/ lha so so'i sku'i phyag rgyar gzugs kyi ngo bo bsgoms te/ de yang spyi bor kun rig gi yig 'brus byin gyis brlab/ snying gar ngan song kun 'dren gyi yig 'brus byin gyis brlab/lhag par rgyal ba ye shes tog/ /rkang mthil du me tog cher rgyas/ khar shAkya thub pa/ cho 'phrul rnam pa bzhi'i rang bzhin du byin gyis brlab cing / gsung yig 'brus nyon mongs pa skye ba'i yul gzhom pa'i phyir brtags nas spro/ sku tsa ka lis nyon mongs pa'i rten gzhom pa'i phyir brtags nas spro/thugs phyag mtshan nyon mongs pa'i rgyu sems sbyang ba'i phyir brtags nas spro/ de bas na mchod rten ni maN+Dal byas pa'i tha tshig la/ dbus ni maN+Dal gyi pho brang gi dbus la gzhag pa ni byin gyis brlab pa dang / dbang bskur ba'i phyir gzhag zhes bya ba'i tha tshig go//'di ni ma grub na spogs pa'i cho ga ston te/ ci'i phyir zhe na/ ji srid mtshan ma shin tu ni/ /skye 'gyur 'bar ba'i gnas kyang rung / zhes pa gsungs te/ ji srid ni mtshan ma spangs pa dang / ma grol ba de srid kyi tha tshig go/ /mtshan ma ni dngos po ste bag chags la/shin tu ni mang po'i tha tshig ste/ skye 'gyur ni/ 'khor bar skye bar 'gyur ba dang / nyon mongs pa skye bar 'gyur ba'i tha tshig go/ /'bar ba ste ye shes de ma grub na gnyen po bsgom pa'i don to/ /gnas ni thugs rje'i gnas/ snying rje'i yul yin pas de la dmigs pa'i yul/gnas zhes smos so/ /de yang ci'i phyir zhe na/ til dang yungs kar 'bras rnams dang / /zhes gsungs te/ nyon mongs pa'i mtshan ma bsreg pa'i phyir dang / thams cad zhir gzhug pa'i phyir dang / bdag nyid kyi khams gsum rnam par rgyal ba'i ting nge 'dzin la bzhugs nas/til dang yungs kar dang / 'bras dang / bu ram sbrang rtsi la sogs pa dang / ra rgya mo'i 'o ma dang / gur gum gnyis bsres te/ yam shing sor bcu gnyis pa la byugs nas/ ya thog ma thog gnyis sbrang rtsir byug ste/shi ba'i ming dang bsres te sbyin sreg byas na/ shi ba de ngan song las thar ba'i rtags ni me la blta ste/ me lce mdog dkar ba dang / g.yas su 'bar ba dang / gyen du 'bar ba dang / dri ma med pa dang / zlum la mi 'phro ba ni ngan song las thar pa'i rtags su ston pas gsungs so//yon tan dang skyon rnams kyi ni bde ste brda sprad par sla'o/ /ma grub na spogs pa'i thabs kyi cho ga ngan song las thar ba'i don bsdus pa bstan zin to/ /da ni ro bsreg la hom smos te/ ro ni rgyu dang 'bras bu'i tshul te/ rgyu ma rig pa ste/yang dag pa'i don la mgo rmongs pa'i rtog pa glo bur bas/ kun gzhi'i sgrib pa ni rgyu'o/ /de ci'i phyir zhe na/ nang gi nye bar len pa'i phung po 'di len pa'i phyir na/ len pa'i rnam par shes pa zab cing phra/ /zhes pa smos so/ /ci'i phyir zhe na/ ro ni shes pa dang bral ba ltar rgyu dang 'bras bu la mgo rmongs pa'i phyir ro//phyi'i ro ni 'bras bu'i ngo bo ste/ dbang po'i lnga'i spyod yul du las dang nyon mongs pas bskyed pas phung po gdos pa can du snang ba'i phyir ro/ /hom ni rgya gar gyi sgra ste de las drangs nas sbyin sreg ces smos te/ sbyin pa ni thugs rjes te bde ba sbyin la/sreg pa ni phrin las rnam pa bzhis sreg pa'i phyir ro/ /de la ro'i rgyu ni nang gi sems te/ gnyen po 'phags pa'i ye shes rdo rje lta bu'i ting nge 'dzin gyis sreg la/ 'bras bu'i ro ni 'jig rten gyi mes sreg pa'i tha tshig go/ /de bas na khams gsum gyi mtshan ma'i rang bzhin te/dngos po gzhom pa'i phyir ni/ yang dag pa'i ye shes mtshon par byed pa'i 'jig rten gyi me dang / chos kyi dbyings mtshon par byed pas hom khung dang / thabs thugs rje mtshon pa'i shing / ting nge 'dzin las sprul pa gzhan la 'byung ba mtshon pa'i thabs mchod pa'i rdzas dang /bsreg rdzas dang / mi shis pa dad pa bskyed pa'i phyir na/ tshon rtsi rnam pa lnga dang / de med na'ang lcags rnam pa lnga'am/ tha ma ni 'bras bu tshon gyis kha dog bsgyur ro/ /nyon mongs pa rnam pa lnga gzhom pa'i thugs sarba bid kyis byin gyis brlab pa ston to//de ci'i phyir zhe na/ khru bzhi pa yi tshad du ni/ /zhes smos te/ khru bzhi pa ni/ ye shes rnam pa bzhis skye rgas na 'chi'i sdug bsngal sbyangs pa'i phyir na gru bzhi pa'o tshad du ni zhes pa ni/ thab khung sogs gcig gi tshad ni khru bzhi ste/ phyi'i tshad ni khru bcu gnyis te/rten 'brel bcu gnyis 'khor ba lugs las bzlog pa'i don te/ khru bcu gnyis pa/ kha gsum bcad pa'i dbus ma thab khung ste/ gru bzhi zhes smos pa'i don to/ /de'i tshad phyi ma'i 'og mas ston te/ ci'i phyir zhe na/ cho ga bzhin du khung brkos la//zhes gsungs te/ cho ga ni rnam pa gnyis te/ nang gi zabs dang / phyi rol gyi rnam pa gnyis so/ /de la nang gi zabs ni/ khung brko ba ste/ ci'i phyir zhe na/ khru gang gi yar gyed de'i phyi rol smos so/ /thab khung la sor brgyad ni 'chad pa la mu ran du bya/ me ri ni dmar por btang ste/rnam par thar pa brgyad kyi ye shes zhal gdangs pa'i tha tshig go/ /phyi rol gyi snam bu'i nang du yang kha bzhir bcad de/ phrin las rnam bzhi'i sgo nas 'gro ba'i don mdzad pa'i rtags te/ bzhi'i nang ma gsum du kha bcad de/ gcig la rdo rje ra ba btang ste/ kha khyer gcig la sems dpa' bcu drug /gcig la bskal bzang rgyal sras bcu drug /gru chad kyi nang gnyis la mchod pa'i lha mo brgyad/ bzhi cha gcig la mchod pa rnams dang / dri reg dang / pAny+tsa re ga dang / sgo bzhi mu khyud dang bcas pa'i sa bcad do/ /de'i sum cha gcig phyir bcad do//shing rnams gzhag /bzhi'i cha thab lhag kha gnyis su 'chad de/ gong ma'i sum cha la phyed po de yar bsnan la/ shing gi snam bu la gzhag/ /phyed po de sum cha sum gnyis su btang la/ shing snam dang / nye ba'i sum cha gcig /mchod snam sum gnyis/'jig rten pa'i snam bu bzhi cha phyed ni kha gnyis su btang ste/ gza' dang rgyu skar gyi snam bu'o/ /phyi ma sgo sna ma mo/ /dbus kyi thab khung thig bzhi btab pa'i re'u mig dgur byas la/ dbus su rnam par snang mdzad kyi phyag rgya 'khor lo 'joms pa la 'bur du btod nas bri/'jig rten las 'das pa'i snam bu gnyis ni sems dpa' bskal bzang shing snam bar du bcug pa ni/ 'jig rten pa phrag dog che ba'i phyir ram/ 'jig rten dang 'jig rten las 'das pa ngo shes pa'i phyir gzhag /'jig rten pa'i snam bu gnyis ni/bar ma phyogs skyong bcu dang bkra shis brgyad/ tha ma gtsug lag khang gi srung ma dang / gza' dang rgyu skar dang / rgyal po bzhi/ de rnams bri ba'i dgos ched ni/ bcom ldan 'das kyi bka' srung dang / rang gi 'khor gyi gdug pa zhi bar bya ba'i phyir dang / 'jig rten pa'i mngon rtogs ston pa'i phyir bri/da ni mchod pa'i rgyan chas ston te/ ci'i phyir zhe na/ bya dang bum pa gang ba gzhag /ces pa dang / khung bu'i dbus su gzhag par bya/ /zhes pa'i bar ni/ 'khor ba'i nye gnas la phan 'dogs pa'i rtags dngul gyi bya pho bcu drug dang /chos kyi dbyings kyi ye shes kyi rtags gser gyi bum pa lnga dang / thabs dang shes rab zung du 'brel pa'i rtags gtor ma dang / khams gsum tshim par bya ba'i phyir/ bza' ba dang bca' ba sna tshogs pa dang / byang chub kyi yan lag la me tog sna tshogs pa dang / thugs rje rgyun mi 'chad pa'i phreng ba dang /khams gsum gyi bla mar gyur pas bla re dang / nyon mongs pa'i bdud las rgyal ba'i rtags rgyal mtshan dang / ting nge 'dzin sna tshogs dang ldan pa'i rtags dar sna tshogs pa dang / nyon mongs pa'i tsha bas gdung ba las bsil ba'i gdugs dang / ting nge 'dzin la shes pa rtsal sbyong ba dang / dam rdzas dang ldan par bya ba ste/ sngags dang phyag rgyas byin gyis brlab cing / ye shes kyi 'od zer dmigs nas bsreg rdzas dang / mchod rdzas la sogs pa kun ni/ 'phags pa mnyes par bya ba dang / dngos grub thob pa'i rtags su khung bu'i dbus su gzhag /da ni ro byin gyis brlab cing rgyas gdab pa ston te/ ci'i phyir zhe na/ ro la sngags kyis btab nas kyang / /chu mchog gis ni bkru bar bya/ /zhes pa ni/ ro ni rgyu 'bras kyi tshul gong du smos pa'o/ /sngags ni rigs rnam pa lnga'i sku bskyed pa dang / snying po dang / nye ba'i snying po dang lnga ste bco lnga'o/ /stong par bsgom pa dang / rdo rje bsgom pa gnyis te bcu bdun no/ /btab nas kyang ni/ phyi'i btab pa ni lus la btab pa dang / nang gi btab pa ni yig 'bru ste/ de rnams sprul pa ro la bstims nas dngos po med par bsgom pa'o//chu ni bum pa'i nang gi chu ste/ dri zhim po la sogs pa gzhung nas 'byung ba rnams sbyar ro/ /mchog ni snying po bcu bdun gyis byang chub sems zla ba'i maN+Dal du gyur par bsgom pa'o/ /bkru bar bya ba ni rnam pa gnyis te/ phyi'i bkru ba bum pa'i chus 'khru ba dang /nang gi bkru ba ting nge 'dzin gyi 'phro 'dus dag par byed pa'i tha tshig go/ /bzlas pa dri yis byug par bya/ /zhes pa ni/ ting nge 'dzin gyi bzlas pa dang / yig 'bru dang 'phro 'du'i bzlas pa'o/ /dri gur gum la sogs pas lus la byug pa dang / tshul khrims kyi dris byin gyis brlabs pa'i tha tshig go//gos dang rgyan gyis klubs nas kyang / /zhes pa ni/ gos ni sngags mkhan gyi chas gos dang / ro'i gos ni phrin las rnam pa bzhi'i las gang byed pa'i tshul du byas la/ rgyan ni sku bre'u ldir gyi cod pan gyi rgyan la sogs pa btags pa dang /klubs ni mang ba dang mdzes pa'i tha tshig go/ /da ni ro la sngags kyis byin gyis brlab cing gdags pa'i don te/ ci'i phyir zhe na/ sngags bris pa ni gdags par bya/ /zhes 'byung ste/ sngags ni lha so so'i yig 'bru'o/ /bris pa ni gro ga'am shog shog la bri'o/ / gdags pa ni lus la gdags pa'o/ /de'i gnas gang yin zhe na/ snying ga lkog ma kha phyogs dang / /dpral ba mdzod spu rna ba gnyis/ /mgo bo gtsug phud dpung pa gnyis/ /sna dang rked pa pus mo bol/ /long bu sna yi rtse mo dang / /mig gnyis dang ni gsang ba'i gnas/ / dbang po rnams kyi gnas dag tu/ /zhes gsungs te/ de bzhin gshegs pa'i yang dag pa'i ye shes kyis/ mtshan ma rnams gzhom par bya ba'i phyir/ de'i gnas ni bcu bdun yod de/ rten 'brel bcu gnyis dang / de las byung ba lnga ste/ de rnams ni thugs kyi ngo bor sbyar ba'i phyir ro//de mtshon pa'i gnas ni lus te/ ci'i phyir zhe na/ sngon gyi bag chags kyis bskyed pa'i rang bzhin yin pas sems rten pa'i gzhi byed pas/ lus thams cad kyi rang bzhin ni mgo bo ste/ de bzhin du ma rig pa ni nyon mongs pa thams cad kyi rang bzhin te/ci'i phyir zhe na/ ma rig pa mi shes pa'i dbang gis de bzhin nyid dang / yang dag pa'i mtha' dang / rgyu dang 'bras bu la mgo rmongs pa'i phyir ro/ /de 'joms pa'i sngags ni/ rin chen me tog gi nye ba'i snying po ste/ oM sarba bid hUM phaT/ de mgo la gdags shing byin gyis brlabs pa tshul bzhin bya'o//dpung pa ni las kyi 'du byed la rtsol bar byed pa'i rgyu yin pas na/ dpe de dang 'dra bar ma rig pa mgo rmongs pas na/ phyi'i yul rnams la 'dod chags la sogs pa'i nyon mongs pa skye ba ni mngon par 'du byed pa'i phyir na 'du byed pa'o//de sbyong ba'i phyir shAkya thub pa'i nye ba'i snying po ste/ oM sarba bid aH/ dpung pa la gdags te gnyis su med par byin gyis brlab pa'i don to/ /snying ni khyad par du yang shes pa'i rang bzhin gnas pa'i yin te/ de bzhin du rnam par shes pa ni/ 'du byed kyi rkyen gyis so so'i sprul pa rnam par rig cing ma 'dres par mchod pa dang /bdag gir 'dzin pa'i phyir te/ de 'joms pa'i phyag rgya ni rnam par snang mdzad kyi snying po ste/ oM sho d+ha ni sho d+ha ni sarba pA paM bi sho d+ha ni/ shud+d+he bi shud+d+he sarba karma A ba ra Na bi shud+d+he swAhA/ snying gar btags nas byin gyis brlab pa'i don to//rked pa ni dang po phung po skye ba'i rgyu byed pa'i rten lte ba'i thad ka nas ma zos pa'i drod kyis reg pas 'tsho bar byed pas na lus byin gyis brlab bo/ /de bzhin du rnam par shes pa'i rang bzhin la las kyi bag chags bsgos shing smon pas lhan cig skyes pa'i nye bar len pa'i phung po ni ming dang gzugs 'di 'grub ste/de 'joms pa'i phyag rgya ni rnam par snang mdzad kyi sku bskyed pa'i sa bon te/ oM sarba bid oM/ rked par byin gyis brlab cing gdags pa'i don to/ /rna ba'i dbang po gro ga gcus te bcad pa 'dra ba ni rnam par shes pa skye zhing 'byung ba'i gzhi byed la/dper na rgyu ming dang gzugs la brten pa'i dbang po rnams ni skye mched drug ste/ de 'joms pa ni/ kun rig gi nye ba'i snying po ste/ oM sarba bid sarba A bar Na bi sho d+ha ya ha na hUM phaT/ rna ba gnyis la gdags shing gnyis su med par byin gyis brlab pa'i don to//sna'i dbang po zangs ma'i mo khab gshibs pa dang 'dra ba ste/ yul la brten nas rnam par shes pa byung nas yul nyams su myong ba'i don te/ de bzhin du yul dang dbang po dang / rnam par shes pa gsum 'dus nas/ nyams su myangs nas phrad pa ni reg pa'o//de 'joms pa ni me tog cher rgyas kyi nye ba'i snying po ste/ oM sarba bid tra tha/ sna la btags la byin gyis brlabs nas gnyis su med par bya ba'i don to/ /dpral ba'i ngo bo ni bkrag mdangs 'byung ba'i rang bzhin gyi gzhi ste/ de bzhin du reg pas yul dang phrad par gyur pa'i tshe/tshe rabs yul gyi bde sdug nyams su myong ba ni tshor ba ste/ de 'joms pa'i phyag rgya ni/ me tog cher rgyas kyi snying po ste/ oM sarba bid tra tha/ dpral bar btags nas byin gyis brlab pa'i don to/ /kha ni zas la sogs pa la sred pa'i rang bzhin gyi rgyu byed pas na/de bzhin du tshor bas yul gyi bde sdug nyams su myong nas phung po lnga la mngon par zhen pas ni sreg pa'o/ /de 'joms pa'i phyag rgya ni shAkya thub pa'i snying po ste/ oM sarba a pa ya bi sho d+ha ya hUM phaT/ shAkya thub pa'i snying po snying gar btags la byin gyis brlab pa'i don to//pus mo ni brkyang ba dang / bskum pa'i rgyu byed de/ pus tshigs te/ de bzhin du sred pas yum gyi rnam par shes pa la 'phel zhing 'byung ba'i rkyen gyis len pa ste/ me tog thu ba lta bu ste/ yul la bdag tu zhen pa'i don to/ /de 'joms pa ni ngan song sbyong ba'i sku bskyed pa'i snying po ste/oM sarba bid swa/ pus mo gnyis la gtags la gnyis su med pa byin gyis brlab pa'i don to/ /rkang pa'i bol ni phung po 'dren cing mgyogs par byed pa'i gzhi byed pa ste/ de bzhin du yul la len pas bdag tu gzung bas las kyis ma'i mngal du 'phangs nas/srid pa'i gzhi bsgrub pa'i sa bon 'byin pas srid pa'o/ /de 'joms pa ni rin chen me tog gi sku bskyed pa'i snying po ste/ oM sarba bid a/ rkang pa'i bol gnyis la btags nas gnyis su med par byin gyis brlab pa'i don to/ / gsang ba'i gnas ni sems can skye ba'i rgyu sa bon 'byung ba'i gnas te/ de bzhin du srid pas srid cing rtas par byed pas phung po smin cing ma'i mngal nas byung nas phyir 'byung ba ni skye ba'o/ /de 'joms pa ni rdo rje'i bsgom pa ste/ oM b+ha gsang ba'i gnas su gdags te/ gnyis su med par byin gyis brlab pa'i don to//gtsug phud ni rgas pa'i rtags te/ ci'i phyir zhe na/ skra dkar por gyur pa'i rtags so/ /de bzhin du sems can rnams las kyis rab tu bskyed nas/ phung po smin cing mthar thug pa'i rgas pa ste de bdag po'o/ /de 'joms pa ni me tog cher rgyas kyi sku bskyed pa'i snying po ste/oM sarba bid tra tha/ gtsug phud du btags te gnyis su med par byin gyis brlab bo/ /lkog ma ni dbugs phyi nang gnyis su rgyu ba'i rten srog gi gzungs yin pas de bzhin du dang po skye ba'i skye ba'i rkyen gyis rgas nas khams rab tu 'gyur nas/nad kyi rnam pa sna tshogs phung po rnam par mi bzod pa'i sdug bsngal sna tshogs pas gzir te/ 'jig pa ni 'chi ba'o/ /de 'joms pa'i phyag rgya ni/ rin chen me tog gi snying po ste/ oM sho d+ha ni sho d+ha ni sarba a pa ya na sarba swa rgye b+h+ya hUM/ rin chen me tog gi snying po ste/lkog mar btags la byin gyis brlab bo/ /long bu ni/ rkang pa'i tshigs gnas pa'i gzhi ste/ de bzhin du rab tu 'ching bar myos te/ sems can mngon par chags pa dang bcas te/ gang gis sems rab tu gdung ba'i mya ngan no/ /de 'joms pa'i phyag rgya ni shAkya thub pa'i sku bskyed pa ste/oM sarba bid hUM/ long bu la btags la gnyis su med par byin gyis brlab/ mig ni yul sna tshogs pa mthong ba'i rgyu mig gi dbang po chu dang ba lta bu ste/ de bzhin du mya ngan gyi sems rab tu gdungs te shin tu myos te/ tshig rnam pa sna tshogs su smre sngags 'don pa ni smre sngags 'joms pa'i phyag rgya ni stong par byin gyis brlab pa'i sngags te/oM sha mig la btags la byin gyis brlab bo/ /mdzod spu ni ngo'i bkrag skye ba'i gnas te/ dpe de dang 'dra bar ni/ nang gi rnam par shes pa'i tshogs lnga dang /lhan cig tu sdug bsngal sna tshogs myong ste rab tu nyon mongs pas gzir ba ni/ sdug bsngal gsum dang rgyud kyi rgyu ste/ de 'joms pa'i thabs kyi phyag rgya ni/ ngan song sbyong ba'i nye ba'i snying po ste/ oM sarba bid hUM/ mdzod spu la btags la gnyis su med par byin gyis brlab bo//sna'i rtse mo ni/ sna ni rnam par shes pa skye ba'i rgyu byed de/ dpe de dang 'dra bar sdug bsngal gyis sems gzir cing nyon mongs pa'i tshe/ yid mi bde ba'i 'khrul pa sna tshogs nyams su myong bar gyur nas/ nyon mongs pa'i sdug bsngal sna tshogs pas/ rang gi sems gzir cing yid 'khrul pa ni yid mi bde ba'o/ /de 'joms pa'i phyag rgya ni ngan song sbyong ba'i snying po ste/ sna'i rtse mo la btags la gnyis su med par byin gyis brlab bo/ /snying po bcu bdun du smos pa ni/ stong par bsgom pa rig pa'i ye shes so/ /dbyings dang ye shes kyi khyad par las/rigs lnga'i sangs rgyas 'byung ba'i rgyu yin pa'i phyir yang smos so/ /sems can phyi gzung ba'i yul med pa la/ yul du lta ba'i gnyen po ni/ stong par bsgom pa smos la/ nang 'dzin pa'i sems med pa la bdag tu lta ba'i gnyen por ni rdo rje bsgom pa smos so//phyi la bco lnga yod pa ni rnam pa gsum du bsdus te/ ci'i phyir zhe na/ de ltar gzhan du yi ge sngags/ /zhes gsungs te/ de ltar gong gi yig 'bru dgod pa'i bye brag la bya ba yin la/ gzhan du ni 'gro ba gzhan gyi don ched du 'di ltar du yang sbyar ba zhes pa'i tha tshig ste/ci'i phyir zhe na/ yi ge ni mtshon par byed pa'i rgyu byang chub la bri bar byed pa yin la/ sngags ni rig pa'i khyad par du bstan pa yin te/ de yang rnam pa gsum ste/ byang chub kyi sems rtogs pa'i khyad par las ni snying po rnam pa lngar bstan la/ byang chub sems kyi 'bras bu bla na med pa thob cing /sbyin pa'i rgyu byed pas nye ba'i snying po sngar bstan la/ 'bras bu ngo bor gzhag pa'i phyir ni/ sku bskyed pa lnga bstan la/ de la snying po ni/ rgyu'i don to/ /nye ba'i snying po ni rkyen snying po 'phags pa'i ye shes kyi don to/ / sku bskyed pa'i 'bras bu bla na med pa 'gro ba la bstan pa'i tha tshig go/ /de la snying po byang chub kyi sems rgyu rnam pa lngas ni ngan song rgyus nyon mongs pa rnam pa lnga ni ngan song gi nyon mongs pa rnam pa lnga 'joms pa'i phyag rgya'o/ /rkyen gnyen po ye shes kyi brtson 'grus nye ba'i snying po rnam pa lnga ni/ngan song du skye ba'i lam rgyud lnga 'joms pa'i don to/ /sku bskyed pa rnam pa lngas ni/ ngan song gi rten phung po rnam pa lnga bshig cing 'joms pa'i tha tshig go/ /de yang ci'i phyir zhe na/ mchog tu dge ba rnam gzhag go/ /zhes gsungs te/ mchog ni thugs kyi yig 'bru rnams la bya ste/ci'i phyir zhe na/ yon tan gyi mchog tu gyur pa'i phyir ro/ /dge ba'i thabs te gong du gsungs pa ltar/ ngan song gi rgyu lam dang rtog pa bcom nas de dge ba la dgod pa'i tha tshig go/ /de bas na gzhag ces smos pa'i phyir ro/ /sngags kyi yig 'bru btags pa'i don bstan zin to//da ni ro shing steng du gzhag pa'i don te/ ci'i phyir zhe na/ de nas ngan song sbyong ba'i phyir zhes smos so/ /de nas ni skabs kyi rting thogs so/ /ngan pa ni nyon mongs pa ste rgyu'o/ /song ba ni 'bras bu ste khams gsum du 'khor ba'o/ /sbyong ba ni rgyu rdo rje lta bu'i ting nge 'dzin gyis sbyang ba dang /rkyen gnyen pos 'phags pa'i ye shes kyi 'phro 'dus sbyang ba dang / ngan song gi 'bras bu 'od zer gyi phreng bas/ sku'i sa bon gyis sbyang ba dang gsum mo/ /ci'i phyir zhe na/ stan dang bcas pas de dbus su/ /gzhag pa nyid du bya ba yin/ /zhes gsungs te/ stan ni rnam pa gnyis te/ phyi rol dang chos mthun par bya ba'i phyir na/shing gi steng du pad+ma 'dab ma brgyad pa bya ba dang / ting nge 'dzin dang 'brel ba'i phyir ni/ paM las pad+ma 'dab ma brgyad pa maM las nyi ma'i dkyil 'khor la sogs pa'i ting nge 'dzin gyis bsgom pa'i tha tshig go/ /bcas zhes bya ba ni/ stan steng du gzhag pa'i tha tshig go//dbus ni pho brang dkyil 'khor du khyer ba'i don to/ /gzhag pa ni de nyid du stan la gzhag par bya ba'i don to/ /ro nyid kyang snying po lnga bkod pas ni nyon mongs pa rnam pa lnga dang bral te/ ye shes rnam pa lngar bsgoms la/ nye ba'i snying po rnam pa lngar bkod pas ni/ lam rnam pa lnga sbyangs te/rigs rnam pa lngar bskyed pa dang / sku bskyed pa rnam pa lnga bskyed pas ni ngan song gi rten phung po lnga bcom nas/ rin po che lnga'i mchod rdzas su gyur ba'am/ rnam par grol ba'i phung po lngar gyur par bsgoms nas bya ba yin zhes smos so/ /da ni gos la sngags kyis gdab cing me sbar ba ston te/de nas sngags 'chang sngags kyis ni/ /btab pa'i gos kyis g.yogs par bya/ /zhes gsungs te/ de nas ni skabs kyi rting thogs so/ /sngags 'chang ni sgrub pa po las rdo rje'o/ /sngags ni gnyen po ye shes kyi 'od zer gos la 'phro ba'o/ /btab pa ni gos la btab pa'o//rigs lnga'i yig 'brus rigs drug kha dog rnam pa lngar byin gyis brlabs pa'i tha tshig go/ /g.yogs pa ni ro la g.yogs pa'o/ /da ni me sbar ba ston te/ de ci'i phyir zhe na/ de nas byin za dge ba rab sbar la/ /zhes gsungs te/ de nas ni skabs kyi rting thogs so/ / byin za ni ye shes kyi zhal te/ sreg khang gzhal yas khang ngo / /ci'i phyir zhe na/ ye shes kyis nyon mongs pa zad cing stongs par byed pa'i tha tshig go/ /dge ba ni mi dge ba 'joms par byed pa'i gzhi yin la/ sbar ba ni shing la me sbar ba'i phyir te/ ci'i phyir zhe na/ me lce stong gis dkris shing 'bar ba'i lus//zhes gsungs te/ de la me ni ye shes/ lce ni phrin las/ stong pa ni sprul pa/ dkris pa ni thugs rjes 'gro ba'i don la dkris shing 'brel/ 'bar ba ni rang bzhin/ lus ni lha ye shes sems dpa'i lus su/ bdag dam tshig sems dpa' bsgom zhing / gnyis su med par byin gyis brlab pa'i lus so//de nas sngags pas mchod rdzas ni g.yon du gzhag bsreg rdzas ni g.yas su gzhag ste/ me lha ye shes sems dpa' spyan drangs te/ mchod pa sbyin sreg nas 'byung ba bzhin bya'o/ /da ni maN+Dal gyi lha spyan drangs pa ston te/ ci'i phyir zhe na/ de bzhin gshegs sogs de ltar spyan drangs la//zhes gsungs te/ de ni ma nor ba'i chos nyid do/ /bzhin ni ye shes kyis phyin ci ma log par rtogs pa'o/ /gshegs pa ni dbyings te/ ye shes kyi khyad par las rigs lnga'i sangs rgyas su 'gro ba'i don la gshegs pa'o/ /sogs ni 'khor dang bcas pa'o//de ltar me la bya ba'i tha tshig go/ /spyan drang ba ni/ rang bzhin gyi maN+Dal gyi 'phags pa rnams spyan drangs la bdag gi ting nge 'dzin bskyed pa ni/ chu dang 'o ma 'dres pa ltar gyur nas/ ye shes kyi thab khung du rim par mchod pa gong nas bstan pa bzhin du bya ba'i tha tshig go/ / da ni me brtag pa ston te/ de ci'i phyir zhe na/ de nas byin za la ni brtag bya ba/ /zhes gsungs te/ me lce zlum la 'khyil pa ni/ chos kyi dbyings kyi ye shes kyi rtags so/ /dkar la 'tsher ba ni me long lta bu'i ye shes kyi rtags so/ /me lce drang por 'bar ba ni so sor rtog pa'i ye shes kyi rtags so//me stag mi 'phro ba ni mnyam pa nyid kyi ye shes kyi rtags so/ /me lce gyen du mi 'thor bar 'bar ba ni bya ba nan tan gyi ye shes kyi rtags so/ /de 'phags pa'i gnas skabs so/ /sems can gyi gnas skabs su skyon yon gnyis su bstan te/ yon tan la kha dog dkar bar 'bar ba ni bag chags zad pa'i rtags so//g.yas su 'khyil zhing 'bar ba ni 'khor ba las ldog pa'i rtags so/ /gyen du 'bar ba ni mtho ris su phyin pa'i rtags so/ /dri ma med par 'bar ba ni nye bzhi la kha na ma tho ba'i skyon gyis mi gos pa'i rtags so/ /me lce zlum la me stag mi 'phro bar 'bar ba ni/ nye bzhi bkra shis pa'o/ /me lce brten la glog bzhin du dri ma med pa la gsal bar 'bar ba ni nor phyugs 'phel ba'i rtags so/ /de ni me'i yon tan brtag thabs drug go/ /me'i skyon rnam pa lnga ste/ kha dog kham la mi gsal bar 'bar ba ni/ bag chags kyi sgrib pa ma 'byongs pa'i rtags so/ / sngo la sngon la me lce g.yon du 'khyil ba ni/ mtho ris su mi thar ba'i rtags so/ /me lce thur du 'tshub cing du ba dang 'des nas 'bar ba ni/ nye bzhi la mi khas btsogs pa'i rtags so/ /me lce 'phro zhing sngo nag tu 'bar ba ni/ nor phyugs mi chags pa'i rtags so/ /me 'tshub cing rlung gis lho phyogs su bsad na rims nad dang yams 'ong ba'i rtags so//me'i rtags skyon rnam pa lnga'o/ /da ni las kyi lhag chad kyi kha bskang ba ston te/ ci'i phyir zhe na/ de nas spyan drang yo byad gsum mchod ces gsungs te/ de nas ni/ gong du mchod pa phul ba'i phyi nas bya bar smos la/ spyan drang ba ni/las kyi lhag chad kha bskang ba'i phyir/ thab khung du rim par lha spyan drang ba'o/ /yo byad ni mchod rdzas dang bsreg rdzas thams cad do/ /lan gsum ni/ sku gsung thugs la mnyes par bya ba'i phyir/ lha re re la lan gsum gsum dbul lo/ /da ni ma grub na spogs pa'i cho ga ston te/ci'i phyir zhe na/ phyag na rdo rje pad+ma'i zhags pa bsnams/ 'jig rten gsum las rnam rgyal gzugs/ /zhes gsungs te/ phyag na rdo rje ni thugs yang dag pa'i ye shes te/ nyon mongs pa'i skyon gyis ma gos pa ni/ phyag g.yas pa na pad+ma bsnams/ thabs thugs rje chen pos 'khor ba mi gtong ba'i phyir ni zhags pa bsnams/sbyin sreg gi gnas skabs su bsgoms pa la/ da ni rus pa rdo rje bsdu ba dang / ma grub na spogs pa'i cho ga bya ba'i phyir/ bdag nyid de las las kyi khro bo 'jig rten gsum las rnam par rgyal ba/ sku mdog sngon por 'dug pa/dbu rgyan rigs lnga'i sangs rgyas kyis brgyan pa dbu gsum phyag drug /dbu g.yas dkar g.yon dmar/ phyag g.yon dang po gnyis hUM gis mdzub mo gnyis bsgreng ba/ g.yas bar ma ni rdo rje rtse lnga pa bsnams pa/ g.yas tha ma na pad+ma 'dab brgyad bsnams pa/ g.yon tha ma na zhags pa bsnams pa/ na bza' stod g.yogs dang / smad g.yogs kyis brgyan pa/ thugs chos nyid las ma g.yos pa'i rtags su ni zhabs g.yas bskum pa/ phrin las sna tshogs mdzad pa'i rtags su ni/ g.yon brkyang pa las pad+ma 'dab ma brgyad pa dkar po'i gdan la bzhugs par bsgom/sdig can gyi ro'am bsregs pa'i thal ba'i steng na gnon cing bzhugs par ting nge 'dzin gyis bsgom mo/ /de nas khams gsum rnam par rgyal ba'i snying po stong ngam bye ba tsam bya zhing / sdig can gyi ming ngam rus pa dang bsres nas sbyin sreg byas na 'grub par gsungs so//de nas rus pa rdo rje bsdu ba'i sngags kyis bsdu ba ston te/ ci'i phyir zhe na/ de nas thar par gyur pa dang / rdo rje bsdu ba'i sngags kyis ni/ /zhes pa ni/ de nas bdag nyid khams gsum rnam par rgyal ba'i ting nge 'dzin bsgoms pa des/ rus pa nyid rdo rje bsdu ba'i sngags oM badzra ti rin+ti zhes bzlas shing rus pa bsdu ste/ci'i phyir zhe na/ de ltar mtshan ma sreg pa de nyid lhar dbang bskur ba'i phyir ro/ /cho ga bzhin du bsdu bar bya/ /zhes gsungs te/ cho ga ni thabs zhib mo ste/ bdag lhar bsgoms pa'i cho ga'o/ /bsdu ba ni rus pa rin po che'i 'bar bar byas//rus pa nyid nor bu rin po cher bsgom pa'i cho ga dang sngags yig 'bru byang chub sems zla ba'i maN+Dal du bsgom pa'i cho ga dang / snod bruM las rin po che'i gzhal yas khang du bsgom pa'i cho ga'o/ /bsdu ba ni rus pa rin po che'i 'bar bar byas nas snod du bsdu ba dang /rgyu nyon mongs pa gnyen po ye shes kyi stobs su bsdu ba dang / 'bras bu rigs lnga'i ngo bor bsdu ba'o/ /de ltar bsdus nas sngags mkhan gyis/ rnam par rgyal ba'i bum pa dri chu dang / ba'i 'o ma dang zho dang mar dang / ba'i lci ba dang / gcin dang lnga/ dri sna tshogs dang bsres la btags te/mchod rten du byas nas sngags dang phyag rgya brgya rtsa brgyad dang 'bum phrag gi bar du ting nge 'dzin dang bzlas pa bya zhing / dngos grub kyi rtags mchod rten 'bar ba dang / zhal 'dzum pa dang / dri dang 'od dang / rnam pa sna tshogs kyi gzugs ston pa ni bzang po'i rtags so//ci srid me tog la sogs pa 'dor ba dang / dri mi zhim pa la sogs pa byung na ni sdig pa'i mtshan ma ste/ bdag nyid mi nyal bar ting nge 'dzin rtse gcig par sngags kyi yig 'bru bzlas nas/ lha'i gzugs su 'gyur zhing byang chub kyi rgyur nges pa the tshom med par kun rig gis gsungs so//rus pa rdo rje bsdu ba'i sngags kyis bsdu ba'i cho ga bye brag dang bcas pa bshad zin to// //da ni las kyi mtshan nyid bye brag gtan la dbab pa ston te/ mtshan ma 'di dag shes nas ni/ /zhes pa ni/ mtshan ma ni dngos grub bzang ngan gyi mtshan ma la/ 'di dag ni gong du gsungs pa la/shes nas ni las kyi mtshan nyid gtan la dbab pa'i don ston to/ /ci'i phyir zhe na/ rnam par mi rtog sems kyis kyang / /zhes gsungs te/ rnam pa ni mtshan ma'i bye brag la/ mi rtog pa'i ye shes kyi mtshan ma rnams ma byung ma skyes par bsgom pa'o/ /sems ni de'i don bsgrub pa'i sems kyi ting nge 'dzin gyis bsgom zhes pa'i tha tshig go//dang por rnam par mi rtog pa'i ting nge 'dzin bsgoms pa las/ dag pa 'jig rten pa'i ye shes kyis 'gro ba'i don bya dgos pas na/ byams dang snying rjer ldan pa yi/ /zhes gsungs te/ byams pa ni phyogs med pa ste/ kun la khyab par bsgom pa yin pas/ snying rjes phan 'dogs pa ste/ khyad par du yang ngan song gsum la sogs pa'i sdug bsngal can rnams so/ /ldan pa ni phrin las dang ldan pa ste/ 'gro ba'i don byed pa'i tha tshig pas/ las dang thams cad gtan la 'bebs par mdzad pas na las grub pa'i tha tshig go//da ni ltos pa'i ro med na yang cho ga byed pa'i khyad par ston te/ ci'i phyir zhe na/ yang na med par gyur na yang / /zhes gsungs te/ yang na ni ro med na yang bya ba'i tha tshig go/ /'gyur na ni 'gron la tha tshig tu song ba'am shi ba'am/ chus khyer ba'am/ dngos po med pa'o/ /ci'i phyir zhe na/ bzlas shing bsgoms pa'i tshul gyis ni/ /ming rus legs par bri bar bya/ /zhes gsungs te/ bzlas pa ni sngags kyi yig 'bru bzlas pa dang / mtshon pa'i sgo nas ming rus bzlas pa dang / btags pa'i sgo nas ming zlos shing / ming rus sngags kyi yig 'bru dang bsres shing /ma nor bar bsgom pa'i tshul yin te/ gro ga'am shog shog la ming rus gur gum gyis bris te/ de la dmigs pa'i rten byas nas/ gnyen po ye shes kyi sprul pa bstims nas/ de nyid 'jim pa dang bsres la btags te mchod rten gyi phreng ba'am/lha'i gzugs su byas na'ang rung / sbyin sreg byas nas dbang bskur na yang rung ste/ gdon mi za bar mtho ris su skye bar 'gyur ro/ /yang na thal ba nyid yungs kar dang bsres la shi ba'i ming rus smos la sarba bita kyi sngags kyis btab nas/ rgya mtsho'am chu klung du blugs na'ang ngan 'gro las thar bar 'gyur ro//da ni dge ba'i tshogs che ba rnams ngan 'gro las thar bar thabs sla ba ston te/ ci'i phyir zhe na/ dge ba'i mchog ni bskyed pa dang / /byang chub sa bon thob pa'i thabs/ /zhes gsungs te/ dge ba ni sngon goms pa'i mthus de ltar mi dge ba bcu'i dngos po med pa'o//mchog ni yid 'phags pa'i lam la 'dun cing / byang chub tu sems bskyed pa'o/ /shes bya la ye shes chub pa'o/ /sa bon ni dper na sa bon skye ba'i 'bras bu 'byin pa dang 'dra bar rgyu rang gi byang chub kyi sems 'bras bu byang chub tu sems pa skyed pa smos so//sangs rgyas 'bras bu rgyur ldan pa/ /zhes gsungs te/ sangs rgyas ni rigs lnga la bya/ 'bras bu ni sku gsung thugs mi zad pa rgyan gyi 'khor lo ste/ rgyu ni rang gis rtogs pa'i khyad par ro/ /ci'i phyir zhe na/ sbyin pa'i pha rol phyin par ldan/ / zhes gsungs pa dang / shes rab rnams kyi rgyu bsgoms pa/ /zhes pa'i bar gyis ston te/ de la sbyin pa ni yongs su gtong ba'i mtshan nyid de/ de la rnam pa gnyis te/ chos dang zang zing gnyis so/ /tshul khrims ni tshul yang yang dag pa'i don la/ khrims ni de las mi 'da' ba'i mtshan nyid do//de la yang gnyis te/ dge ba'i chos sdud pa dang / sems can gyi don byed pa'i tshul khrims so/ /bzod pa ni mi 'khrugs pa'i mtshan nyid do/ /de yang gnyis te/ chos zab mo la yid ches pa'i bzod pa dang / gnod par byed pa la ji mi snyam pa'i bzod pa'o/ /brtson 'grus ni/skyo dub med pa'i mtshan nyid de/ de la yang gnyis te/ go cha'i brtson 'grus dang / sbyor ba'i brtson 'grus so/ /bsam gtan ni/ chos nyid kyi don la mnyam par 'jog pa'i mtshan nyid de/ de la yang gnyis te/ chos nyid kyi bsam gtan dang / ting nge 'dzin gyi bsam gtan no//shes rab ni/ spyi dang rang gi mtshan nyid do/ /de la yang gnyis te/ zag pa dang bcas pa'i shes rab dang / zag pa med pa'i shes rab bo/ /de ni rgyud de pha rol tu phyin pa drug gis 'bras bu bsod nams dang ye shes kyi tshogs skye ba'i phyir ro/ /de lta bu'i sems can ni the tshom med par 'grub pa'i don to//da ni dge ba'i rtsa ba ma bskyed pas mi 'grub pa'i don te/ de ci'i phyir zhe na/ dge ba'i rtsa ba ma bskyed la/ /med par lta ba gang yin dang / /zhes gsungs te/ dge ba ni rnam par dkar ba la bya/ rtsa ba ni byang chub kyi sems so/ /ma bskyed pa ni de la mi gnas shing ma mos pa'o//med par lta ba ni rgyu dge sdig gnyis mi dge bar ldan pa dang / 'bras bu dge sdig gnyis med par lta ba'o/ /de ni rgyu 'bras la skur pa 'debs pa ste/ yang dag pa'i byang chub kyi sems ma rtogs nas/ log pa dang / sangs rgyas kyi bstan pa la zhe sdang byed cing /sdig pa'i rang bzhin du mthong ba dang / pha ma la snying ring zhing byang chub kyi sems dang ma bral ba rnams 'grub par mi 'gyur zhes rnam par snang mdzad kyis gsungs so/ /de yan chad du sbyin sreg gi don bstan zin to/ /da ni cho ga'i phan yon bstan te/ de nas brgya byin la sogs lha/ / zhes gsungs te/ de ni gong gi sbyin sreg gi mjug sdud la/ nas ni 'og gi phan yon gyi mgo 'dren no/ /brgya byin ni yon bdag yin pas na sna la smos la/ lha thams cad nor bu dri ma med pa'i 'od thar pa las phal dam pa'i phyir smos so/ /de nas dbang por bcas pa yi/ /zhes pa nas/sna tshogs 'byung ba 'di ci lags/ /zhes pa 'byung ba'i bar gyis ni/ /yon tan la mang ste/ mchod pa du mas mchod pa ston te/ bcom ldan 'das kyi bka' zhes pa nas/ bde bar gshegs pa ngo mtshar lags so zhes pa'i bar gyis ni/ nor bu dri ma med pa'i 'od rnam par thar bstan la/'khor ngo mtshar che bar bstan to/ /de nas brgya byin la sogs pa/ /zhes pa nas/ sngags dang 'dra ba'i 'dren pa med/ /ces pa'i bar gyis ni/ dkon mchog gsum la yon tan gyi sgo nas bstod pa bstan to/ /de nas lha'i bu de dag gis zhes pa dang / blta bar 'tshal lo zhes pa'i bar gyis ni/nor bu dri ma med pa'i rdzu 'phrul dang / rnam par 'phrul pa blta bar zhu ba gsol ba ston to/ /de nas bcom ldan 'das zhes pa nas de nyid du mi snang bar gyur to zhes pa'i bar gyis ni/ de bzhin gshegs pa'i nor bu dri ma med pa'i 'od zer gyi phreng bas bskul nas rang gi gnas nas 'ong ba ston to//de nas lha'i bu de nyid ces pa nas/ zil gyis mnan to zhes pa'i bar gyis ni/ nor bu dri ma med pa'i 'od kyi rnam par 'phrul pas thams cad zil gyis mnan pa ston to/ /de nas lha'i bu de zhes pa nas/ myur du dgrol zhes pa'i bar gyis ni/ya mtshan che nas thugs rje la ngam nas bstod pa ston to/ /de nas skad cig ma nyid kyi tshe zhes pa nas/ ya mtshan skyes te zhes pa'i bar gyis ni/ rnam par 'phrul pa sna tshogs 'thon pa ston to/ /de skad ces smras so zhes pa nas/ tshangs spyod tshul khrims dri med skye bsam yas//zhes pa'i bar gyis ni de bzhin gshegs pa'i yon tan gyi khyad par bsam gyis mi khyab pa la dam pa ston to/ /de nas lha'i bu de dag gis zhes pa nas/ blta bar 'tshal lo zhes pa'i bar gyis ni blta bar zhu ba gsol ba ston to/ /de nas bcom ldan 'das zhes pa nas mi snang bar gyur to zhes pa'i bar gyis ni snang bar bya ba'i ting nge 'dzin to//de nas nor bu dri ma med pa'i zhes pa nas/ 'di skad gsol to zhes pa'i bar gyis ni de bzhin gshegs pa'i spyan sngar 'ongs nas thams cad zil gyis gnon pa ston to/ /kye ma sangs rgyas kyi sangs rgyas//zhes pa nas/ /bdag myur skyes zhes pa'i bar gyis sngags kyis yon tan kun la bstod pa bstan to/ /de nas nor bu dri ma med pa'i 'od dang zhes pa nas de bzhin du song ba zhes bya ba'i bar gyis ni/ drin la lan gyis glan pa'i phyir mchod pa'i khyad par gyis mchod nas rang gi gnas su 'gro ba ston to/ / de nas brgya byin dang zhes pa nas/ bshad du gsol zhes pa'i bar gyis ni/ phyi rabs kyi sems can rnams la phan pa'i phyir zhu ba gsol pa ston to/ /brgya byin dang zhes pa nas 'gro bar 'gyur zhes pa'i bar gyis ni/ sngags kyi don thos par dka' ba'i che ba'i yon tan 'di bstan to/ /de nas brgya byin dang zhes pa nas/rnam par smin pa ji ltar 'gyur/ /zhes pa'i bar gyis ni/ rang snod du rung bas na theg pa chen po la dad pa'i rnam par smin pa cir 'gyur zhu ba gsol ba bstan to/ /bcom ldan 'das kyi zhes pa nas smos ci dgos zhes pa'i bar gyis ni/ theg pa chen po'i rigs can gyi yon tan gyi khyad par chen po ston to//de nas brgya byin dang zhes pa nas/ bskyab par bgyi zhes pa'i bar gyis ni/ 'jig rten pa'i 'khor rnams kyis theg pa chen po'i chos nyid gang na spyod pa de bsrung zhing bskyab pa'i thabs ston to/ /lha'i dbang po zhes pa nas/ bsgrubs zhes pa'i bar gyis ni/phyi rabs kyi sems can la phan pa'i phyir gdams ngag sbyin pa ston to/ /ro sreg gi hom cho ga'i yan lag phan yon dang bcas pa'i don dka' dka' bsdus pa bshad zin to// //da ni gtsug tor chen po brgyad kyi dkyil 'khor ston te/ gtsug tor zhes bya ba ni dper na/ lus kyi rang bzhin mgo'i gtsug yin la de bzhin du chos rnams kyi rang bzhin rnam par dag pa ni/chos kyi dbyings te dbus kyi pho brang zlum por ston te/ shAkya thub pa dkyil 'khor na bzhugs pa'i don to/ /'thor ni 'khor te shAkya thub pa chos kyi sku las/ ye shes rnam pa bzhi dang phrin las rnam pa bzhi'i rtags/gtsug tor brgyad 'khor du phyung pa ni 'thor ba'i tha tshig ste/ thugs rjes 'gro ba'i las 'byung ba'i phyir ro/ /de'i don bstan pa'i phyir/ de nas bcom ldan 'das zhes smos te/ de ni gong gi cho ga'i don bsdus la/ nas ni 'og ma'i dkyil 'khor mgo 'dren pa'i phyir ro//bcom pa ni yang dag pa'i shes rab kyis nyon mongs pa phyin ci log pa'i skyon bcom pa yin la/ ldan pa ni pha rol tu phyin pa'i stobs dang ldan pa la/ 'das ni mtha' gnyis dang bral ba'i tha tshig ste/ ci'i phyir zhe na/ byang chub sems dpa' sems dpa' chen po phyag na rdo rje zhes gsungs te/byang ba ni gzung 'dzin rnam pa gnyis spangs pa yin la/ chub pa ni shes bya la ye shes kyis chub cing gnas la/ sems ni gnyis su med pa'i don la sems la/ dpa' ni de'i don la sran 'dzugs te/ sems ni thugs rjes 'gro ba'i sems la/ dpa' ni 'gro ba'i don la mi ldog pa ste/ de ni gzhan dpa' ba'i phyir na chen po'o/ /phyag na rdo rje ni dus gsum gyi rgyal ba thams cad kyi thugs las skyes pa'i phyir na phyag na rdo rje sku gsung thugs kyi gsang ba'i mdzod 'dzin pa'i bdud dang dregs byed 'dul ba'i rtags su rdo rje bsnams pas kyang rdo rje/de bzhin gshegs pa rnams kyis ming gi dbang bskur zhing / rdo rje lag tu byin pas kyang rdo rje'o/ /bcom ldan 'das kyi mthus cho ga zhib mo zhes pa ni/ dper na bon po lha bka' 'bebs pa ni/ lha'i bka' zer ba dang 'dra bar/ phyag na rdo rje bshad pa 'di yang bcom ldan 'das kyi mthus zhes smos pa'i phyir ro//cho ga sgrub par byed pa'i thabs la bya ste/ zhib mo ni ma grub na spogs pa'i cho ga byed pa'o/ /ci'i phyir zhe na/ phyi ma 'di bshad do zhes gsungs so/ /gong gi rtsa ba'i maN+Dal gyi don 'dir 'dus pa'i phyir ram/ 'di bsdu ba'i phyir ram/'di dang 'brel ba'i phyir ni smos so/ /dpa' bo gdan la bzhengs nas ni/ /zhes pa ni/ lta bas mtshan ma 'joms pa dang / thugs rjes 'khor ba 'joms pas dpa' ba'o/ /gdan ni ye shes te chos nyid dang 'brel ba'i phyir na gdan/ thugs rjes 'khor ba las 'brel ba'i rtags su pad+mar bstan pas na gdan/bzhengs pa ni de bzhin gshegs pa'i thugs ka nas/ phyag na rdo rje'i sku phyung ba bzhengs nas/ phyag na rdo rje'i thugs ka nas ni/ gtsug tor brgyad 'byin pa'i phyir ni bzhengs pa'o/ /dgyes shing rdo rje gsor nas ni/ /zhes pa ni/ dgyes pa ni de bzhin gshegs pas byin gyis brlabs pa ste/rgyud kyi don ston par dgyes pa'o/ /rdo rje ni rigs pas te/ mi 'gyur ba'i don la'o/ /gsor ba ni phrin las te rgyud kyi don ston par byed pa'i tha tshig go/ /shAkya ni rgyal po shAkya nyi ma dmar po'i rigs yin la/ gtso bo ni khams gsum gyi gtso bo'i tha tshig go//dgyes mdzad ni rgyud kyi don ston pa'i phyir na dgyes mdzad do/ /thub pa'i gtso la phyag 'tshal nas/ /zhes gsungs te/ thub pa ni sku gsung thugs thub pa'i phyir ro/ /gtso bo ni rkang gnyis kyi gtso bo yin la/ phyag 'tshal ni ya rabs bla ma'i tshul gzung ba'i phyir dang / sku gsung thugs nan tan bskyed pa'i phyir smos so//de yan chad du de bzhin gshegs pa'i byin gyi rlabs kyis/ phyag na rdo rjes bshad pa bstan zin to/ /da ni rtsa ba'i snying po 'byung ba'i phyed du bshad pa'i don ston te/ ci'i phyir zhe na/ sgrib pa thams cad rnam par dag pa'i rdo rje zhes bya ba'i ting nge 'dzin la zhes pa ni/sgrib pa ni nyon mongs pa rnam par byang ba'i bag chags rnam par rtog pa ste/ rnam pa lngar bstan te/ las kyi sgrib pa dang / chos kyi sgrib pa dang / rnam par smin pa'i sgrib pa dang / /skye ba'i sgrib pa dang / shes bya'i sgrib pa lnga ni thams cad do/ /rnam par dag pa ni/ gnyen po'i ye shes kyis mi mthun pa dag zil gyis gnon pa ste/ ci'i phyir rdo rje zhes smos te/ rdo rjes thams cad 'joms pa dang 'dra ste/ nyon mongs pa'i mtshan ma 'joms pa'i phyir ro/ /ting nge 'dzin ni de'i ngang las mi 'da' zhing 'dzin pa'i phyir ro/ /snyoms par zhugs pa ni gnyis su med par snyoms par zhugs pa dang /mi 'da' bar snyoms par zhugs pa'o/ /ngan 'gro thams cad ni/ ngan ni ngan song gsum mo/ /'gro ba ni las kyi bag chags kyis der 'gro ba'o/ /thams cad ni de rnams la bya'o/ /rnam par sbyong ba ni/ thugs rjes rdo rje lta bus rgyu sbyong ba dang /gtsug tor brgyad kyi snying po phyung bas 'bras bu sbyong ba'o/ /rang gi snying po ni/ rang ni phyag na rdo rje'i snying po ni rig pa'i ye shes so/ /'di nyid thugs ka nas ni/ 'di nyid ni snying po 'og nas 'byung ba nyid do/ /thugs ka nas ni ye shes pa'i rgyud la gnas pa zhal du 'byin pa'i don to//de ci'i phyir zhe na/ phyung zhes smos pa'i tha tshig go/ /sngags ni snying po yin pa'i phyir na ma bshad do/ /de yan chad du sngags kyi don 'byung ba'i dgos ched dang bcas pa'i don bsdus pa bshad zin to// //da ni dkyil 'khor gyi lha dgod pa'i thabs ston te/ ci'i phyir zhe na/ 'khor lo 'dra ba'i dkyil 'khor la/ zhes bya ba ni/ dper na 'khor los sgyur ba'i gser gyi 'khor lo ni lte ba dang mu khyud dang rtsibs dang ldan pa ni/ de dang 'dra ba'i phyir na/ dkyil 'khor la zhes smos so/ /ci'i phyir zhe na/ shin tu mdzes pa'i rtsibs brgyad can/ /zhes gsungs te shin tu mdzes pa ni/tshon sna lnga ste/ dkar dang dmar dang ser dang ljang / /kun gyi mtha' ma lcags ka ba/ /zhes gsungs te/ dbus kyi pho brang ni gzung 'dzin dang bral bas dkar por bya ba yin la/ rin po che'i phreng ba'i gzhi ma ni ma chags pas dmar bar bya ba yin la/ rtsibs ni rgyal po'i gser gyi 'khor lo dang mthun par ser po bya ba yin no//gru chad bzhi ni phrin las kyi rang bzhin yin pas/ ljang gur bya ba yin la/ mtha' ma ni lcags ka btang ste/ pany+tsa re ga yang de bzhin du byas pas mdzes zhe'o/ /rtsibs brgyad ni 'khor lo'i rtsibs brgyad do/ / ci'i phyir zhe na/ lte bar bcas shing mu khyud bcas/ /zhes 'byung ste/ de la dbus kyi lte ba zlum po ni chos kyi sku'o/ /rin po che'i phreng ba ni longs spyod rdzogs pa'i rtags so/ /'khor lo'i rtsibs ni sprul pa'i sku'o/ /yang dag pa'i shes rab kyis 'khor ba 'joms pas 'khor lo'o//che ba'i yon tan sna tshogs la mnga' brnyes pas na rin po che'i phreng ba'o/ /thugs rje'i phrin las kyis skye shi rtsad nas bcad pas na rtsibs so/ /ting nge 'dzin mi 'gyur ba'i rtags su ni rdo rjer bar bstan to/ /dus rnam pa bzhi'i sgo nas 'gro ba'i don mdzad pa'i rtags su ni gru chad bzhir bstan to//sku gsung thugs mi 'gyur ba'i rtags su ni tri rA ga dang ye shes rnam pa lnga dang ldan pa'i rtags su ni pany+tsa re gar bstan/ ting nge 'dzin rtogs pa'i rtags su sgo khyud ldan pas thabs thugs rje/ 'khor ba las mi nyams pa'i rtags seng ge mgo g.yas su bstan la/ sku yang dag pa'i stobs dang ldan pa'i rtags su ni glang po che g.yon du bstan la/ sgo steng thugs rje thabs kyi rta babs dang ldan pa la byang chub sems kyi mu tig ha ra la gsung rnam par dag pa dril bu dang / phrin las sna tshogs su 'byung ba'i rin po che'i do shal dang / thabs thugs rje'i rdo rje dang /shes rab ma skyes pa'i zla bar 'brel pa lta bu ni dkyil 'khor gyi rgyan te ye shes kyi rtags su bstan to/ /da ni nang du lha bri ba'i khyad par ston te/ ci'i phyir zhe na/ lte ba'i nang du shAkya thub/ /ces gsungs te/ lte ba ni dbus kyi pho brang ngo / /shAkya ni rgyal po shAkya'i rigs kyi sras yin pa'i phyir na shAkya'o//thub ni sku gsung thugs thub la/ sku mdog ser po thugs rje thabs kyi drang srong dang / chos kyi dbyings rnam par dag pa'i bar du bsnams par bri'o/ /da ni maN+Dal gyi don ston te/ ci'i phyir zhe na/ phyag rgya rdo rje stobs po che/ / dpa' bo de yi spyan sngar bri/ /zhes gsungs te/ bcom ldan 'das kyis me long lta bu'i ye shes las sprul te rdo rje lta bu'i ting nge 'dzin gyis stobs dang ldan la/ ye shes kyis chos nyid sems shing thugs rjes 'gro ba'i don la sems pa'i phyir na stobs chen no/ /dpa' bo ni shAkya thub pa ste ting nge 'dzin mi 'gyur ba'i ngo bor grub pa'o//de'i spyan sngar bri ba ni mdun te shar phyogs kyi rtsibs la thugs kyi rdo rje dang / shes rab kyi dril bu dang ldan par bri ba'i tha tshig go/ /rgyab tu 'khor los sgyur ba bris/ /zhes pa ni/ rgyab ni nub phyogs te/ bcom ldan 'das kyi so sor rtog pa'i ye shes las sprul te/dam pa'i chos bdud rtsi'i 'khor lo ni 'gro ba'i rgyud las bskor ba/ thugs rje'i thabs kyi 'khor lo ni khams gsum gyi nang du sgyur ba'i phyir ro/ /sku mdog dmar po phyag na 'khor lo bsnams pa ste nub kyi phyogs kyi rtsibs la bri'o//g.yas phyogs rgyal ba'i gtsug tor bri/ zhes pa ni bcom ldan 'das kyi g.yas ni lho ste/ mnyam pa nyid kyi ye shes kyi khyad par las nyon mongs pa'i bdud las rgyal bas na rgyal ba'i gtsug tor ro/ /thugs rje thabs kyis 'khor ba dbang du sdud cing / phrin las thabs kyi cho 'phrul rgyal ba'i rtags mnga' bas na sku mdog sngon po phyag na mnyam pa nyid kyi ye shes mi 'gyur ba'i rtags rdo rje bsnams pa lho phyogs kyi rtsibs la bri'o//g.yon rnam par rgyal ba zhes pa ni g.yon ni byang phyogs te/ bcom ldan 'das kyi bya ba nan tan gyi ye shes las thugs rje'i sku sprul te nyon mongs pa'i mtshan ma'i phrag dog las rgyal bas na/thugs rje thabs kyi sprul pas rgyal ba'i rtags su sku mdog ljang gu phyag na ting nge 'dzin gyi dbu rgyan bsnams pa byang gi rtsibs la bri'o/ /gzi brjid phung po me yi phyogs/ /zhes pa thugs chos nyid zhi ba'i ngo bo las thugs rjer sprul te byung bas byang chub kyi sems ye shes kyi gzi brjid spangs pa/rnam par dag pa'i sku gsung thugs kyi gzi brjid kyi phung po brnyes pas skye ba'i sdug bsngal 'joms pas sku mdog dmar ser phyag na ye shes kyi sprin phung bsnams pa'o/ / me lha drang srong ste/ shar lho'i rtsibs la bri'o/ /dbang po'i phyogs su gdugs dkar po/ /zhes pa ni dbang ldan byang shar mtshams na 'dug pas byang shar phyogs su'o/ /bcom ldan 'das kyi phrin las drag po'i rang bzhin las sku sprul te gtum po chen po ye shes kyi gtsug tor dang ldan pa/'bar ba'i phreng bas thugs rje'i 'od zer 'phro ba/ byang chub kyi sems thugs rje'i dbu gdugs can/ gdugs dkar po sku mdog dkar skyar gnas pa phyag na gtsug tor bsnams pa byang shar gyi rtsibs la bri'o/ /rnam par 'thor ba rlung gi phyogs//zhes pa ni/ bcom ldan 'das kyi thugs rje dbang gi ngo bo las sku sprul te/ phyin ci log gi mtshan ma stong par byed pa thugs rje sprul pa sdud cing 'thor bar byed pa/ 'gro ba'i don du dbang gi rgyal mtshan 'dzugs pas rgas pa'i sdug bsngal sbyong ste/ rnam par 'thor ba ni sku mdog dmar skya phyag na ral gri bsnams pa rlung gi phyogs te nub byang gi rtsibs la bri'o/rnam par 'joms pa bden bral phyogs/ /zhes pa ni/ thugs mchog ye shes rgyal ba'i ngo bo las sku sprul te/ thugs rje chen pos sdug bsngal gyi mtshan ma 'joms pas ye shes kyis rtog pa'i dra ba bshigs te/rnam par 'joms pa thugs kyi sprul pas na ba'i sdug bsngal 'joms te/ rnam par 'joms pa ni sku mdog sngo skya phyag na be con bsnams pa/ rnam par 'joms pa bden bral gyi phyogs te lho nub kyi phyogs rtsibs la bri'o/ /grwa yi phyogs ni thams cad du//zhes pa ni/ sbyin pa'i ngo bo sgeg mo sku mdog dkar ba rdo rje bsnams pa/ tshul khrims kyi ngo bo phreng ba ma ser mo phreng ba 'dzin pa/ bzod pa'i ngo bo glu mkhan ma dmar mo pi wang bsnams pa/ brtson 'grus kyi ngo bo gar ma phyag gnyis gar byed pa gru chad la bri'o/ /bris nas phyi rol bri bya ste//bdug spos la sogs bri bar bya/ /zhes pa ni/ tshul khrims kyi bdug spos ma dkar mo spos khang bsnams pa/ ting nge 'dzin gyi me tog ma ser mo me tog bsnams pa/ shes rab kyi mar me ma dmar mo mar me bsnams pa/ byang chub kyi sems bde ba'i dri chab ma ljang gu dri chab bsnams pa ni gru chad phyi ma la bri'o//dpa' bo lcags kyu zhags pa dang / /lcags sgrog dril bu snyan rnams gzhag /ces pa ni thugs rje'i lcags kyu ma dmar po dang / phrin las kyi zhags pa ma ser mo dang / /thabs kyi lcags sgrog ma dmar mo dang / /gsung rab sgra'i dril bu ma sgo bzhir bri'o//shar du byams pa sku mdog ser po phyag g.yas na klu shing gi me tog bsnams pa/ g.yon pa spyi blugs bsnams pa/ mthong ba don yod sku mdog ser po g.yas pa pad+ma bsnams pa/ pad+ma'i steng na mig g.yon pa khu tshur dkur bzhag pa/ ngan song sbyong ba sku mdog dkar la 'od 'bar ba lcags kyu 'dzin pa'o//mya ngan mun 'joms sku mdog dkar ser g.yas pa be con 'dzin pa g.yon pa dkur bzhag pa'o/ /lhor spos kyi glang po sku mdog dkar ljang g.yas na spos kyi glang po bsnams pa g.yon dku la brten pa'o/ /dpa' bar 'gro ba sku mdog dung ltar dkar ba g.yas pa ral gri 'dzin pa/g.yon pa khu tshur dku la brten pa'o/ /nam mkha'i mdzod sku mdog dkar ser g.yas pad+ma 'dzin pa/ g.yon pa dku la brten pa'o/ /ye shes tog sku mdog sngon po g.yas pa rgyal mtshan 'dzin pa g.yon pa khu tshur dku la brten pa'o//nub tu zla 'od sku mdog dkar po phyag g.yas na pad+ma'i steng na zla tshes/ g.yon pa khu tshur dku la brten pa'o/ /bdud rtsi 'od sku mdog dkar po phyag g.yas pa bum pa 'dzin pa g.yon pa khu tshur dku la brten pa'o/ /bzang skyong dkar dmar g.yas rin po che 'bar ba 'dzin pa g.yon pa khu tshur dkur brten pa'o//dra ba can gyi 'od sku mdog dmar ba rdo rje'i dra ba 'dzin pa'o/ /byang du rdo rje snying po sku mdog sngo skya g.yas na ut+pal gyi steng na rdo rje dang g.yon pa dku la brten pa'o/ /blo gros mi zad pa rdo rje dang phyag gnyis kyis bum pa 'dzin pa'o/ /spobs pa brtsegs pa sku mdog dmar ba/g.yas pas pad+ma'i steng na rin chen brtsegs pa bsnams pa phyag g.yon pa khu tshur dku la brten pa'o/ /kun du bzang po sku mdog ser po g.yas na rin po che'i snye ma bsnams pa g.yon pa khu tshur dku la brten pa'o/ /dkyil 'khor bri ba'i thabs bshad zin to// //da ni dkyil 'khor du 'jug pa ston te/ de nas dri zhim la sogs pas/ /rang gi lus ni bskus nas kyang / /rdo rje 'dzin par zhugs nas ni/ /zhes gsungs te/ de nas ni skabs kyi rting thogs so/ /dri zhim ni gur gum dang / tsan+dan dang /spos dang gla rtsi la sogs pa rnams so/ /rang gi ni sgrub po'am slob ma gang rung ba la bya'o/ /lus bskus pa ni lus la lde gu yang bya/ chu dang sbyar te bkru ba yang yin no/ /rdo rje ni rig pa mo yang yin la/ 'dzin pa ni phyag rgya ste bca' ba'o/ /zhugs pa ni lha'i dkyil 'khor du spyan drang ba'i phyir phyag rgya bzhi'i sngags kyis spyan drangs nas gzugs brnyan la bzhugs par bsgom pa'o//slob dpon rtog pas zhugs pa dang / slob ma dad pas zhugs pa'i phyir smos so/ /ci'i phyir zhe na/ de nas de bzhin gshegs par mos pa bskyed pa ni zhes gsungs te/de nas ni gong 'og gi mtshams sbyor ba/ gshegs pa ni de bzhin gshegs par sems kyis mos pa bskyed pa'o/ /mchod pa byas nas de bzhin gshegs pa'i gtsug tor nas dbang bskur te zhes pa ni/ mchod pa ni dkyil 'khor gyi lha la mchod pa gzhung bzhin du byed pa'o/ / de bzhin ni gong ma bzhin du'o/ /bcug ni slob ma dkyil 'khor du bcug ste de nas dbang bskur te/ thabs dang shes rab kyi rdo rje dang dril bu dang rin po che sna bdun dang yo ga'i dbang rdzas bcus dbang bskur te/ yon tan gzhung las smos pa bzhin thob par 'gyur ro/ /da ni shi ba la sgos su phan pa'i don ston te/ci'i phyir zhe na/ lha dang gnod sbyin srin po la sogs pa/ /zhes pa ni lha'i rgyal po rnams dang klu dang gnod sbyin la sogs pa yang thugs rje'i zhing yin te de'i ming dang rus kyi sgo nas dmigs te/ dkyil 'khor gyi lha la sbyin sreg gi las byas shing /mkhyen par gsol na yang 'grub la/ gal te sems can bar ma do'i srid pa der len pas de'i dbang du yang gsungs te/ ci'i phyir zhe na/ ngan 'gro'i rgyud dbang du gyur pa rnams kyi zhes gsungs te ngan pa ni bag chags so/ /'gro ba ni der 'gro ba'o/ / rgyud ni sems can gyi rgyud do/ /dbang du gyur pa ni las kyi ngo bos der skyes nas dbang du gyur pa ste/ de la phan pa'i thabs bstan pa'i phyir shi ba'i ro'am gzugs brnyan nam ming zhes smos te/ shi ba ni srog dang bral ba'o/ /ro ni dngos po yod pa'i dngos po'o/ /gzugs brnyan ni med na yang ri mo mkhan gyi ras sam dar la tshon gyis bris pa'o//ming ni gro ga'am shog shog la gur gum gyis bris pa'o/ /de yang dngos po la zhen pas ni ro smos la/ gdags pa'i gzhi dgos pa'i sgo nas ming smos la/ mtshon par byed pa'i sgo nas ni gzugs brnyan smos te/ de la ting nge 'dzin gyi bzlas pa dang / sngags kyis brjod pa dang / sbyin sreg tshul bzhin du ni byas te snga ma bzhin du dbang bskur nas ngan song las thar bar 'gyur ro/ /gtsug tor brgyad kyi dkyil 'khor gyi don bsdus pa bshad zin to// //da ni phyag rgya'i le'u ston te/ ci'i phyir zhe na/de nas bcom ldan 'das phyag na rdo rje zhes gsungs te/ rgyud kyi ston pa gong du bshad zin pa yin pas phyag rgya la 'jug pa'i go rims smos mo/ /seng ge'i lta bas zhes pa ni bag tsha zhing 'jigs pa dang bral ba'i phyir dang 'khor thams cad zil gyis mnan pa'i phyir dang / theg pa chen po'i rigs can thams cad gzengs bstod pa'i phyir bstan to//bcom ldan 'das phyag rgya dam pa'i zhes pa ni/ 'khor gar bzhugs pa'i phyir bcom ldan 'das zhes gsungs so/ /phyag rgya ni rnam pa gsum ste mi 'da' ba'i phyir phyag rgya ni chos nyid rtogs pas mi 'da'o/ / mtshon pa'i phyag rgya ni kha dog rnam pa lnga'am phyag rgyas mtshon pa'o/ /'cha' ba'i phyag rgya ni lag pa'i sor mo byin gyis brlabs te 'cha' ba'o/ /dam pa mnyes pa'i phyir dang gnyis su med pa'i phyir dam pa'o/ /phyag rgya'i mtshan nyid mdor bstan pa'o/ /da ni sku gzugs bri ba'i cho ga ston te/ci'i phyir zhe na/ sku gzugs kyi cho ga 'dir yang de bzhin du bya ste zhes gsungs te/ sku gzugs ni gtsug tor brgyad kyi dkyil 'khor rnams la sku gzugs la bris te/ /bdag nyid kyang de'i zhabs drung du bris la/ bsnyen pa gong du gsungs pa ltar byas nas yi dam du bcas na ngan song las thar par 'gyur ro//sku gzugs kyi don bsdus pa bshad zin to// //da ni tshangs pa la sogs pa zhes pa nas/ dbang du 'gyur zhes pa'i bar gyis ni nor bu dri ma med pa'i 'od sngon las ci byas pa zhus pa'o/ /de nas bcom ldan 'das zhes pa nas/ma 'ongs pa'i dus las 'das so zhes pa'i bar gyis ni las kyi rnam par smin pa ngan par smin pa'i rgyu rkyen ston/ lan cig ci zhig gi rkyen gyis zhes pa nas/ bde mang kun gyi gnas su skye/ /zhes bya ba'i bar gyis ni las kyi rnam par smin pa ma nges pa'i don ston to//'bras bu ngan song du skye rgyu las rkyen drang srong dang phrad nas lhar skyes pa'i don ston te/ lha'i dbang po nyon cig ces pa nas lha'i 'khor 'di dag yin no zhes bya ba'i bar gyis ni sngon las mthun pa'i 'brel pa ston te/ sngon gyi gleng gzhi'i rgyu ni mdo sde la smos te yan chad du thal lo/ /da ni tshe dpag med kyis las kyi sgrib pa rgyun gcod pa'i maN+Dal gyi don ston te/de la tshe ni ye shes so/ /dpag med ni dngos po thams cad dang bral ba'i tha tshig go/ /las ni dge sdig rnam pa gnyis so/ /sgrib pa ni nam mkha' dwangs pa la sprin gyis g.yogs pa dang 'dra bar kun gzhi la rtog pa glo bur bas bsgribs pa'o//rgyun gcod ni gnyen po 'phags pa'i lam gyi ye shes kyi stobs kyis mi mthun pa rgyun gcod pa'i tha tshig go /dkyil 'khor ni dpag med de chos nyid do/ /'khor ni che ste zhes pa ni/ sems ni rangs te gsol ba 'debs pa'i tha tshig go/ /ye shes bzhi'i 'khor ro//de bshad pa'i phyir zhu ba gsol ba ston te/ ci'i phyir zhe na/ de nas brgya byin dang zhes smos so/ /brgya byin ni yon bdag yin pa'i phyir dang gnas kyi bdag po yin pa'i phyir dang por smos so/ /rab tu mgu zhing yi rangs te/ /zhes pa ni sems ni rangs te gsol ba 'debs pa'i tha tshig go//ba spu'i bu ga nas spu rnams langs pa ni 'khor ba la skrag cing 'bras bu bla na med pa'i sangs rgyas la dga' bas na sna la smos so/ /rgyal ba rgyal ba ni ye shes kyi chos nyid rtogs pas mtshan ma las rgyal ba/ thugs rjes 'gro ba'i don mdzad pas 'khor ba la spyod pa rgyal lo//phyag na rdo rje la ming bcus mngon par bstod de zhes pa ni/ phyag na rdo rje gnod sbyin kun du bzang po yin pa'i phyir ni/ gnod sbyin skad kyis pha rol tu phyin pa bcu la sogs pa yon tan gyi sgo nas bstod do/ /de ni tshe dpag med kyi maN+Dal bshad pa'i gsol ba gdab pa'i tha tshig go//ko Ta k+Sha ni khyed kyi thabs kyi pha rol tu phyin pa la mnga' brnyes pa'i rang bzhin no zhes pa'i tha tshig go/ /ko Ta pa ni khyod kyi shes rab kyis spyi dang rang gi mtshan nyid 'byed pa'i don to/ /ko Ta ko Ta ni khyod kyi brtson 'grus kyi stobs dang ldan pas 'khor bar mi gtong ba'i rtags so//ko la pa la ni khyod kyi bzod pas ni mi 'khrugs shing sran tshugs pa'i don to/ /ka ti ra ka ni khyod kyi tshul khrims yang dag pa mi nyams pa'i don to/ /ko la k+Sha ni khyod kyi stobs kyi pha rol tu phyin pa ni gzhan gyis mi gnon pa'i rtags so//ko la pa ni khyod kyi sbyin pa'i pha rol tu phyin pa ni yongs su gtong ba'i mtshan nyid dang ldan pa'i rtags so/ /ko la ko la ni khyod kyi ye shes kyi pha rol tu phyin pa ni ye nas shes pa'i rang bzhin can yin pa'i rtags so/ /b+hany+dza ni khyod kyi brtson 'grus kyi pha rol tu phyin pa ni skyo dub med pa'i mtshan nyid do//ko la pa ti ni khyod kyi smon lam gyi pha rol tu phyin pa ni mthun pa'i ye shes la dmigs pa'i don to/ /ko la ta tha in+ti ni khyod ni bsam gtan gyi pha rol tu phyin pa'i don mthong ba'i chos nyid bsam du med pa la gtan 'cha' ba'i phyir ro//thabs kyi pha rol tu phyin pas ni rdo rje 'dzin pa'o/ /shes rab kyi pha rol tu phyin pas ni mgon po rgyal mtshan gyi dpung rgyan can no/ /brtson 'grus kyi pha rol tu phyin pas ni glang po'i rna ba dang ldan pa'o/ /bzod pa'i pha rol tu phyin pas ni rnam par gnon pa'i ngo bo brnyes so//tshul khrims kyi pha rol tu phyin pas ni yon tan rin chen 'byung ldan du 'gyur ro/ /stobs kyi pha rol tu phyin pas ni bden pa'i don ston pa thob pa'o/ /sbyin pa'i pha rol tu phyin pas ni gzugs mdzes pa thob bo/ /ye shes kyi pha rol tu phyin pas ni yid kyis brgyan pa 'grub po//smon lam gyi pha rol tu phyin pas ni me 'bar ba can 'grub po/ /bsam gtan gyis ni gzugs mdzes pa yin zhes pa'o/ /gsang ba'i bdag pos bshad du gsol/ /zhes pa'i bar gyis gsol ba btab pa'o/ /de nas bcom ldan 'das zhes pa nas bshad du gsol zhes pa'i bar gyis ni bka' gnang ba bstan to//da ni dkyil 'khor gyi yig 'bru'i don te/ de nas bcom ldan 'das phyag na rdo rje zhes pa ni/ gnang nas tshe dpag med kyi ting nge 'dzin la zhugs pa'i phyir na smos so/ /thams cad kyi tshe dpag tu med pa zhes pa ni thams cad ni dngos por snang ba'o//tshe ni ye shes kyi dngos po med par rtogs pas na dpag med do/ /khyad par du 'byung ba'i rdo rje zhes pa ni/ dbyings khyab pa'i rang bzhin las ye shes 'byung ba'i phyir na rdo rje zhes smos so/ /phyi ma ni bde ste ma smos so/ /thugs chos kyi yi ge nyid du zhugs par gyur pa ni thugs ni ye shes lnga'i rang bzhin la/chos ni mdzad pa bcu gnyis kyi tshul du phrin las mdzad pa'i don to/ /de ci'i phyir zhe na/ tshe dpag tu med pa rdo rje'i 'od byed pa ni/ yang dag pa'i ye shes dngos po dang bral bas ni dpag tu med la/rdo rje ltar 'dus ma byas pas ni thugs rje'i 'od byed/ gdon mi za ba'i sgrib pa rnam par 'joms pa ni zhes pa la gdon mi za ni phrin las gdon mi za la/ sgrib pa ni nyon mongs pa'o/ /'joms pa ni mtshan ma thams cad 'joms pa'o/ /dri ma med cing rnam par dag pa'i rdo rje ni/dri ma ni gzung 'dzin gyi bag chags so/ /med pa ni dag pa'o/ /rdo rje ni chos nyid du bsgom pa'o/ /gdon mi za bar mi choms pa/ /zhes pa ni/ thugs rje dang phrin las gzhan gyis mi choms pa'o/ /de rnams ni rigs lnga'i snying po ste ci rigs par/ sngags kyi yig 'bru'i don bsdus pa bshad zin to// //da ni dkyil 'khor bri ba'i thabs ston te/ de ci'i phyir zhe na/ gru bzhi pa la sgo bzhi pa/ /sgo ba rnams dang ldan pa ste/ /rta babs bzhi dang ldan par bya/ /lte ba dang ni mu khyud ldan/ /zhes gsungs te/ gru bzhi ni phrin las rnam pa bzhis 'gro ba'i don byed pa'i rtags yin pas gru bzhir ldan no//sgo bzhi ni tshad med pa'i phrin las rnam pa bzhis 'gro ba la dbyung ba'i sgo dang / bsdu ba'i dngos po bzhis theg pa chen po la 'dzud cing 'god pa'i rtags so/ /sgo ba ni de'i phyag rgya ste ye shes kyi 'od dang ldan par bri'o//rta babs bzhi ni sgo bzhi bang rim gyi them pa bzhi ste/ snying rje la sogs pa tshad med pa bzhi'i rtags so/ /lte ba ni dbus kyi pho brang zlum po ste chos nyid kyi rtags so/ /de'i dbus su 'khor lo ni/ /zhes pa ni/ de ni dkyil 'khor la bya'o/ /dbus ni dkyil 'khor gyi sum gnyis la bya'o//'khor lo ni rtsibs bzhi pa'o/ /dkyil 'khor dam pa bri bar bya/ /zhes pa ni/ dkyil ni dbus kyi pho brang ste gtso bo'i sa bcad do/ /rtsibs bzhi pa dang ldan pa la/ /zhes pa ni rtsibs bzhi pa ni 'khor lo'i lce bzhi'o/ /de ni ye shes rnam pa bzhi'i phrin las so/ /lte ba dkyil 'khor ldan par bya//zhes pa ni lte ba ni dbus kyi pho brang zlum po la/ dkyil ni de'i sa bcad do/ /'khor lo ni rtsibs su bstan to/ /ldan par bya ba ni lha bri ba'i tha tshig go/ /de ci'i phyir zhe na/ de yi dbus su gtso bo ni/ /zhes gsungs te de ni 'khor lo'o/ /dbus ni lte ba'o/ /gtso bo ni phyag na rdo rje sku mdog ljang skya zhal zla ba rgyas pa ltar 'dzum pa phyag g.yas na rdo rje/g.yon pa na dril bu bsnams pa/ rgyan sna tshogs kyis brgyan pa bri'o/ /shar gyi rtsibs kyi steng du ni mgon po mi bskyod pa bri bar bya zhes pa ni/ shar ni shar gyi phyogs so/ /rtsibs ni 'khor lo'i lce'o/ / mgon po ni khams gsum gyi mgon mdzad cing mtshan mas mi bskyod pas sku mdog dkar po sa gnon gyi phyag rgya can bri'o/ /lho'i rtsibs la rin chen 'byung ldan mchog sbyin gyi phyag rgya can bri'o/ /nub kyi rtsibs la snang ba mtha' yas sku mdog dmar po ting nge 'dzin gyi phyag rgya can bri'o/ / byang gi rtsibs la gdon mi za bar grub pa sku mdog ljang gu skyabs sbyin gyi phyag rgya can bri'o/ /phyi ma ni gtsug tor brgyad dang cha mthun no/ /'khor los sgyur ba'i cha lugs su bri/ maN+Dal du bdag nyid zhugs shing lha spyan drang ba ni/ de nas rnam grol can nyid dang / /zhes pa nas/ sa ma ya hUM zhes pa'i bar gyis bstan/ rdo rje ti ri zhes pa nas badzra hUM zhes pa'i bar gyis ni rig pa'i me tog de maN+Dal du 'jug pa bstan/ de nas zhes pa nas hUM zhes pa'i bar gyis ni dam tshig bsgrag pa bstan/ bar gyi tshigs gnyis kyis ni dkyil 'khor bstan pa'o/ / de nas 'di zhes pa nas a b+hi Shiny+tsa hUM zhes pa'i bar gyis ni dbang bskur ba bstan/ de nas zhes pa nas aHzhes pa'i bar gyis ni tshe bsring ba'i thabs bstan/ de'i sgrub pa zhes pa nas bzlas brjod ces pa'i bar gyis ni/ bsgrub pa'i lha bri ba bstan/ da ni sgrub pa po ston te de nas zla ba nya'i tshe mchod pa chen po byas la ba dmar ser gyi mar snod sar par bcug la zhes pa ni sgrub pa byed pa'i dus ni zla ba nya ba ste/tshogs gnyis rdzogs pa'i phyir dang / /ting nge 'dzin rgyas pa'i phyir dang / 'jig rten pa dang mthun pa'i phyir smos so/ /phyi nang gi mchod pas mnyes par bya ba'i phyir 'phags pa la mchod pa phul la/bdag gis snod gtsang ma'i nang du ba dmar ser gyi mar dang / til mar dang / gur gum la sogs pa bsres shing bcug la/ bdag nyid las kyi lha phyag na rdo rje'i ting nge 'dzin du zhugs la/ lag pa g.yon pa rdo rje rtse gsum gyi phyag rgya bcas la snod la gtad la g.yas pa thal mo khong stong du sbyar te/bcom ldan 'das tshe dpag med rab tu bsam zhing / sku'i gzugs brnyan la dmigs pa'i rten bcas nas bsnyen pa dang bzlas brjod tshul bzhin byas nas/ dngos grub mtshan ma ma byung na yang / de la mar sar pa'am/ til mar ram 'o ma chang ngam khrag gam zhag gam klad pa'am sha'am gang yang rung ba la bzlas shing bdag nyid kyis bshags pa bya zhing / bdag nyid kyi lus gur gum gyi chu la bkrus la bsnyen pa yun ring du byas na 'grub par the tshom med do/ /tshe dpag med las kyi sgrib pa rgyun gcod pa'i phyag na rdo rje'i dkyil 'khor bshad zin to// //da ni rgyal po chen po bzhi'i dkyil 'khor ston te/ ci'i phyir zhe na/ de nas rgyal po chen po bzhis/ /zhes gsungs te/ de nas ni tshe dpag med kyi dkyil 'khor rting thogs su 'byung ba'i phyir na de nas zhes bya'o//rgyal po ni rgyal po chen po bzhi lha'i rgyal po yin pa'i phyir ro/ /chen po ni sku bzhi dang dpal brgyad bka' srung rigs kyis 'dul ba'i phyir phrin las mdzad pa'i phyir na chen po'o/ /bzhi ni yul 'khor srung dang / 'phags skyes po dang / mig mi bzang dang / rnam thos sras la sogs pa bzhis bka' stsal du gsol bya ba'i bar gyis rang gi snying po 'gro ba la phan pa'i don du mdongs gsol du dbul bar gsol ba'o//de bzhin gshegs pas bka' gnang ba dang rgyal pos snying po phul ba ni bde ste ma smos so/ /da ni dkyil 'khor bri ba'i don bstan te/ de nas de dag gi dkyil 'khor bshad de zhes gsungs te/ de nas ni snying po phul ba'i rting thogs so/ /dkyil ni phyag na rdo rje dbus na bzhugs pa'o/ /'khor ni rgyal po chen po bzhi'o/ /bshad pa ni don bshad pa'o/ /ci'i phyir zhe na/ gru bzhi pa la sgo bzhi pa/ /dkyil 'khor lngas ni brgyan pa ste//zhes gsungs te/ gru bzhi ni rgyal po chen po bzhi yod pas gru bzhir bya'o/ /sgo bzhi ni rgyal po bzhis phyogs bzhi nas rigs kyis 'dul ba dang dam bca' ba'i phrin las mdzad pas na sgo bzhi'o/ /dkyil 'khor ni phyag na rdo rje dbus na bzhugs pa'o/ /lngas brgyan zhes pa ni rgyal po chen po bzhi dang lnga yod pa'i phyir na lngas brgyan te zhes smos so//de yang maN+Dal gyi sum gnyis la thig bzhi btab pa'i re'u mig dgu la/ dbus su phyag na rdo rje 'gying bag tu bri/ re'u mig gi mtshams su rgyal po chen po bzhi'i btsun mo bri'o/ /yul 'khor srung gi btsun mo rdo rje mda' byed ma dang /'phags skyes po'i btsun mo dpe med ma dang / /mig mi bzang gi btsun mo 'dul mkhas ma dang / rnam thos sras kyi btsun mo phreng 'dzin dang / re'u mig gi bar yang rin po che'i phreng bas bcad do/ /phyi rol yang zlum pos bskor/ gru chad bzhi la dus bzhi bri'o//de'i phyi rol du mchod snam bcad/ sgo bzhi yang phyogs su bri'o/ /de nas rdo rje 'dzin ma'i phyag rgya bcas la slob ma gzhug /rig pa'i me tog dor/ gang la bab pa'i rgyal pos dbang bskur/ da ni dbang bskur ba ston te/ de nas grwa na gzhag pa yi//bum pa bzhis ni dbang bskur te/ /zhes gsungs te/ de nas ni zhes pa ni maN+Dal bri ba'i rting thogs so/ /mtshams zhes bya ba ni re'u mig gi mtshams su gzhag pa'o/ /bum pa bzhi rgyal po bzhi'i sngags dang phyag rgya dang ldan par bya ste/ de nas bdag nyid phyag na rdo rje'i ting nge 'dzin du zhugs la/dang po phyag na rdo rje'i dbang bskur/ de nas rgyal po chen po bzhi'i bum pa phyogs phyogs na yod pas rim pas dbang bskur la byin gyis brlabs na yon tan gzhung las 'byung ba bzhin thob par 'gyur ro/ /rgyal po chen po bzhi'i dkyil 'khor gyi don bsdus pa bshad zin to// //da ni phyogs skyong bcu'i dkyil 'khor bshad de/ de nas phyogs skyong ba rnams kyis zhes pa ni/ de nas ni rgyal po chen po bzhi'i rting thogs so/ /phyogs ni phyogs bzhi mtshams bzhi dang brgyad steng 'og dang bcu'o/ /skyong ba ni de rnams kyis 'jig rten skyong ba'o//de rnams kyis ni 'khor rnams kyis rang gi snying po 'bul bar zhus pa dang / gnang ba dang snying po phul ba'o/ /da ni dkyil 'khor bri ba ston te/ de nas de dag gi dkyil 'khor bshad de zhes pa ni/ de nas ni skabs kyi rting thogs so/ /de dag ni phyogs skyong pa'o/ /dkyil ni dbus su mgon po phyag na rdo rje bri'o//'khor ni phyogs skyong bcu'o/ /bshad pa ni don bshad pa'o/ /dkyil 'khor snga ma bzhin bris la zhes pa ni/ snga ma ni rgyal po chen po bzhi dang 'dra bar bri ba'i tha tshig go/ /phyogs bzhi mtshams brgyad kyi re'u mig las dbus kyi re'u mig la bcom ldan 'das phyag na rdo rje zhi ba sku mdog ljang gu phyag g.yas pa rdo rje thugs kar 'dzin pa/g.yon dril bu dku la brten pa bri'o/ /de'i mdun du nyi ma dmar po shing rta la zhon pa nyi ma 'dzin pa/ zla ba dkar po ngang pa la zhon pa zla ba 'dzin pa/ rgyab tu sa bdag phag mgo can pi wang 'dzin pa/ shar du brgya byin ser po glang po che la zhon pa rdo rje 'dzin pa/lhor gshin rje sngon po ma he la zhon pa dbyug to 'dzin pa/ nub tu chu lha dkar po chu srin la zhon pa sbrul zhags 'dzin pa/ byang du gnod sbyin ser po rta la zhon pa rin po che 'dzin pa/ byang shar du dbang ldan dkar po glang la zhon pa rtse gsum 'dzin pa/shar lhor me lha dmar po ra la zhon pa dbyug to 'dzin pa/ lho nub tu srin po nag po mi la zhon pa ral gri 'dzin pa/ nub byang du rlung lha ljang gu sha ba la zhon pa ba dan 'dzin pa/ sgo ba rnams kyang de bzhin du phyi ma ni rgyal po chen po bzhi dang mthun no/ /de nas spyan drang ba dang /bdag nyid zhugs pa dang / slob ma gzhug pa dang / phyogs skyong ba bcu'i sngags kyis btab pa'i bum pa rnams kyis dbang bskur ba dang / de'i yon tan dang / yon tan gyi che ba bsrung zhing 'phel bar bya ba dang / so so rang rang gi phyogs srung ba'i phyir dam bcas pa ni bde ste bshad mi dgos so//phyogs skyong ba bcu'i maN+Dal 'dis ni gdon stong phrag brgyad cu rtsa bzhi zlog par bgyid pas phyogs skyong bcu'i dkyil 'khor gsungs te de ni 'jig rten pa'i gtso bo yin pas na 'jig rten pa la phan pa'i don du bshad do/ /phyogs skyong bcu'i dkyil 'khor gyi don mdor bsdus pa bshad zin to//da ni gza' chen po brgyad kyi maN+Dal bshad de/ de ni sems can la gza' chen po brgyad gshed dang skar ma'i rlung rnams zhi bar bya ba'i phyir gsungs te/ de yang ci'i phyir zhe na/ de nas gza' chen po brgyad dang / 'khor rgyu skar dang bcas pa rnams kyis zhes gsungs te/de ni skabs kyi rting thogs su 'byung ba'o/ /nas ni 'og gi mgo 'dren pa'o/ /gza' ni dper na 'jig rten pa dag sgra la gza' zhugs na mi rung bar 'gyur ro zhes gsungs te/ de bzhin du 'jig rten pa'i gza' chen po brgyad ni 'jig rten na rgyu ba'i ma rungs pa ste bar snang la gnas shing gnod pa'i gdug rtsub byed pa'i phyir smos so//de'i 'khor ni rgyu skar te nam mkha' la rgyu zhing zla ba'i mngag gzhug dang / las kun byed pas na rgyu skar ro/ /de rnams ni bcom ldan 'das kyi 'khor yin pas 'jig rten pa'i gnod pa zhi bar bya ba'i phyir smos so//'di skad ces gsol to zhes bya ba ni/ 'og gi don 'di kho na bcom ldan 'das la zhu ba gsol ba'i phyir smos so/ /bcom ldan 'das zhes pa ni nyon mongs pa'i bdud bcom zhing pha rol tu phyin pa'i legs pa'i yon tan dang ldan pas mtha' gnyis kyi skyon dang bral bas phyag na rdo rje'o//bdag cag 'khor dang bcas pa zhes pa ni bdag gi gza' chen po brgyad la pa sangs gtsor smos pa'o/ /gcig ni phur bu la sogs pa phyi ma bdun gyi tha tshig go/ /'khor ni gza' re re dang rgyu skar rnams dus su rgyu bas na rgyu skar gyi 'khor du gsungs so/ / rang rang gi gsang sngags kyi zhes pa ni rang rang gza' dang rgyu skar nyid la bya ba'i tha tshig go/ /gsang sngags ni rang rtags kyi snying po sems la gnas pa'i don to/ /byin gyis brlab tu gsol zhes pa ni/ dper na ras dkar po dmar por byin gyis brlab pa ni btsod la yod pa dang 'dra bar de bzhin du gza' dang rgyu skar gyi snying po byin gyis brlab pa ni bcom ldan 'das phyag na rdo rje la mnga' bas so//byin gyis brlab pa bshad zin to/ /da ni snying po bshad pa ston te legs so dpa' zhes pa ni legs so ni gza' tshig la bcom ldan 'das mgu ba'i tha tshig go/ /dpa' ni phyag na rdo rje nyid kyis gnang ba'i tha tshig go//phyi ma ni bde ste bshad mi dgos so/ /da ni dkyil 'khor gyi don ston te/ de ci'i phyir zhe na/ de nas de dag gi dkyil 'khor bshad de zhes pa ni/ de ni gong ma'i mjug sdud pa la/ nas ni 'og gi dkyil 'khor gyi mgo 'dren pa la'o/ /de dag ni gza' dang rgyu skar de dag go//dkyil ni phyag na rdo rje dkyil na bzhugs pa'o/ /'khor ni gza' dang rgyu skar du bcas pa'o/ /bshad pa ni tshig dang don gsal bar bya ba'i tha tshig go/ /'jig rten gsum las rnam par rgyal ba'i gzugs su bri zhes pa ni/ chos thams cad rang bzhin gyis rnam par dag pa yin pa'i phyir ni 'jig /chad pa ma yin pas ni rten la/ gsum ni 'dod khams dang gzugs khams dang / gzugs med pa'i khams gsum la bya'o/ /rnam par rgyal ba ni mtshan ma'i rnam pa ste de rnams las thugs rje'i phrin las kyi rgyal ba'i rtags te/ de ni phyag na rdo rje ste gza'i dkyil 'khor gyi skabs su khro bor ston te/ hUM ka ra'i gzugs su bri ba'i tha tshig go/ /ngos rnams su phyag rgya chen po bzhi bri zhes pa ni/ ngos ni dkyil 'khor kha gsum du bcad pa de'i dbus thig bzhi btab pa'i re'u mig dgu pa rin po che'i phreng bas zlum por bskor ba'i phyi rol gyi gru chad bzhi la bya ba'i tha tshig go//phyag rgya bzhi ni dus bzhi'i lha mo bzhi phyag rgya bdug spos me tog mar me dri chab dang bzhi bri'o/ /rnam pa gcig tu rdo rje rin po che/ pad+ma rgya gram zhes smos so/ /de yi mdun du pa ba sangs/ /zhes pa ni de ni hUM ka ra'o/ /mdun du ni shar phyogs kyi re'u mig go//pa ba sangs mdog dkar po lag na me tog ku mu ta dang shing tog bsnams pa/ rgyab tu zla ba bri bar bya/ /zhes pa ni rgyab ni nub phyogs te gza' zla ba phyag na ku mu ta thogs pa dang ngang pa la zhon pa bri/ g.yas ni lho phyogs te phur bu sku mdog sngon po phyag na pusti bsnams pa'o/ / g.yon du gza' lhag bri bar bya/ /zhes pa ni g.yon ni byang phyogs te gza' lhag pad+ma la 'dug pa/ phyag g.yas mchod sbyin byed pa/ g.yon ut+pal bsnams pa bri/ me yi phyogs su mig dmar dang / /zhes pa ni shar lho'i mtshams te/ mig dmar mdog dmar po phyag g.yas pa na bdud rtsi'i bum pa bsnams pa/g.yon pa na me sgron bsnams pa'o/ /rlung gi phyogs su nyi ma ste/ /zhes pa ni rlung ni nub byang gi mtshams te gza' nyi ma rta la zhon pa phyag g.yas pa na pad+ma kha bye ba bsnams pa/ g.yon pa na mtha' ber bsnams pa bri/ dbang ldan phyogs su spen pa'o/ /zhes pa ni dbang ldan ni byang shar gyi phyogs te/spen pa lag pa g.yas na dbyug pa thogs pa/ g.yon pa dgra sta thogs pa/ stan nang tshangs can la 'dug pa bri/ srin po'i phyogs su sgra gcan bri/ /zhes pa ni/ srin po ni lho nub kyi phyogs su sgra gcan mdog dud kha mi'i mgo can ro smad sbrul du 'dug pa/phyag g.yas pa na pad+ma sdong bu dang bcas pa/ g.yon pa na ral gri bsnams pa bri/ da ni 'khor rgyu skar smos te/ dkyil 'khor phyi rol khor yug tu/ /zhes pa ni phyi rol gru chad phyi snam la rgyu skar nyi shu rtsa brgyad rtsa ba'i dkyil 'khor nas 'byung ba bzhin du bri ba ni phyogs re re bdun bdun no/ / smin drug dmar po bum pa la gnas pa/ snar ma ljang gu khyu ba dkar po la zhon pa/ mgo ser po sha ba la zhon pa/ lag dmar po sbrul la zhon pa/ nab so ser po pad+ma la 'dug pa/ rgyal ljang gu bum pa la 'dug pa/ skag ljang gu bya rog la 'dug pa/ mchu ser po me tog la 'dug pa/gre dkar po pad+ma la 'dug pa/ dbo ljang gu chu srin la 'dug pa/ me bzhi ser po glang po che la zhon pa/ nag pa ljang gu rma bya la zhon pa/ sa ri dmar po lcong mo la zhon pa/ sa ga ljang gu rta dkar po la zhon pa/ lha mtshams ser po bya rog la zhon pa/ sgrog dmar po nang tshangs can la 'dug pa/snrubs ljang gu sbal pa la zhon pa/ chu stod ser po nang tshangs can la 'dug pa/ chu smad ljang gu mi'i snying la 'dug pa/ byi bzhin dkar po nang tshangs can la 'dug pa/ gro bzhin ser po skur ma la 'dug pa/ mon gru dmar po nang tshangs can la 'dug pa/ mon gre ljang gu glang khyu mchog zhon pa/chu stod ljang gu gser khri la 'dug pa/ tha skar ljang gu mi la 'dug pa/ bra nye ser po 'khor lo la 'dug pa'o/ /sgo sgor de bzhin sgo ba rnams/ /khros pa'i yid du bri bar bya/ /zhes pa gsungs te/ phyi rol gyi sgo bzhi la rdo rje lcags kyu ma la sogs pa bzhi rab tu khros pa bskal pa'i me dpung 'bar ba'i dkyil na rdo rje'i brag ri la brkyang bskum gyi tshul du gnas pa bri/rdo rje 'dzin mar zhugs nas ni/ /zhes pa nas sa ma ya hUM gi bar gyis ni dkyil 'khor du 'jug pa bstan to/ /da ni dbang bskur ba ston te/ de nas gza' brgyad sngags btab ste//de bum brgyad kyis dbang bskur ro/ /zhes pa ni bdag nyid khams gsum rnam par rgyal ba'i ting nge 'dzin la zhugs la/ bum pa brgyad gza' brgyad kyi sngags kyis btab nas slob ma rdo rje'i phyag rgya bcas nas bsgrub par bya'o/ /de nas tsan+dan dmar po'i shing la 'bras thug rin po che dang /til dang / sbrang rtsi dang / sA lu dkar po dang / bu ram/ gu gul/ spos/ gla rtsi gur gum rnams bsres la gza' brgyad bsgrub par bya'o/ /da ni gza' brgyad kyis dam bcas pa ston te/ de nas gza' chen po de dag ni zhes pa ni bcom ldan 'das kyi bka' bsrung zhing / rang gis dam bcas pa thams cad mi nyams par bya ba'i phyir smos so//de nas rgyu skar dang yud tsam gyis ni zhes pa ni rgyu skar rnams yud tsam gyis ni mkha' la 'gro ste/ de yang yud tsam gyi tshad las ni zhag tsam du brtsi zhing zhag la rgyu skar gyi rlung ded pa'i phyir smos so/ /skad cig dang / thang cig dang /dus dang zla tshigs dang zhes pa ni yud tsam gyi tshad las skad cig brtsi ste/ yud tsam ni bud med bal 'khal ba skyen bul ran pas mo rang gi lag pa gang nar gyis drangs nas bkal te 'phang la bgos pa'i tshad ni yud tsam mo/ /yud tsam nyi shu ni skad cig go/ /skad cig nyi shu ni thang gcig go//thang gcig bcu drug ni nyin zhag gcig go/ /nyin zhag gcig la gza' dang rgyu skar rim par rgyu ba de'i nyin par de bsgrubs na 'grub par gsungs so/ /dus dang lo tshigs dang zhes pa ni/ dus nam zla dbyar dgun ston dpyid bzhi'o/ /de yang lo gcig la zla ba bcu gnyis la de yang rab 'bring gsum gsum du dbye'o//de re re la yang gza' dang rgyu skar gang rgyu ba de shes par bya ba'i phyir smos so/ /sbyor ba dang khyim dang dus sbyor dang zhes pa ni/ sbyor ba ni skar ma dang gza' sbyor ba'o/ /dus tshod dang tshes grangs su sbyor ba dang / nam zla re re la rgyu skar re re la rgyug rim du sbyor ba'o//khyim ni gnas te rgyu skar rim par rgyu ba'i gnas te/ de'i dus su yang rang gi khyim du yang rgyu skar rnams rim pas bsgrub cing gnas par bya ba'i phyir dus ni nam zla dus bzhi 'am/ zhag gi grangs kyi dus su rgyu skar bsgrub pa'o/ /'jug phod la sogs pa ni dkyil 'khor gyi lha gang du 'jug pa de smos so//phyi ma ni bde ste ma smos so/ /gza' brgyad kyi dkyil 'khor gyi don bsdus pa bshad zin to/ /da ni klu chen po brgyad kyi dkyil 'khor bshad de/ de ni 'jig rten pa'i sems can klu gdon gyis zin pa rnams thar bar bya ba'i phyir smos so/ /de yang ci'i phyir zhe na/de nas klu chen po brgyad kyis phud ces bya ba'i sgras ni zhes pa ni/ de nas ni skabs kyi de ma thag pa ste gza' brgyad kyi rting thogs su 'byung ba'o/ /klu chen po brgyad ni mtha' yas dang rigs ldan gnyis bram ze'i rigs me las byung ba ste/ dkar po nor rgyas dang dung skyong gnyis rgyal rigs las byung ba ste mdog kyang ser/'jog po dang pad+ma chen po gnyis rlung las byung bas rje'u'i rigs te mdog kyang dmar/ stobs kyi rgyu dang pad+ma gnyis chu las byung ba ste/ dmangs rigs mdog nag po ni rigs bzhi'i gtso bo bzhi yin pas chen po'o/ /phud ces bya ba ni rang gi dam tshig sgyu med pa'i snying po ste/de ci'i phyir zhe na/ dper na nor gyi dam pa ni phud du bcad de bzhag pa dang / zas kyi dam pa ni phud sna la bcad de gzhag pa lha mchod pa dang 'dra bar/ bdag gi dam tshig sgyu med pa'i rtags yin par shes par bya ste rnam pa gcig tu phud ni mang po las nyung ngu na gcod pa dang 'dra bar klu'i snying po mang po zhig byung yang /nyung ngu bstan na phud ces bya ba las med pas na phud ni bsdus pa dang / 'dus pa'i phyir na sgras mnyam pa'i thabs su brjod do/ /bcom ldan 'das la snying po dbul bar zhu ba gsol ba dang /klu'i rgyal po la gnang ba dang / klu'i rgyal po dga' nas snying po brjod pa ni rab tu bde ste ma smos so/ /da ni klu chen po brgyad kyi dkyil 'khor gyi don ston te/ de yang ci'i phyir zhe na/ de nas de dag gi dkyil 'khor bshad de zhes smos so/ /de nas ni skabs kyi rting thogs so//de dag ni klu chen po de dag go/ /dkyil ni phyag na rdo rje klu'i rgyal po'i tshul du gnas so/ /'khor ni klu chen po brgyad do/ /bshad pa ni de'i don dang tshig bstan pa'o/ /de yang ci'i phyir zhe na/ pad+ma chen po 'dab brgyad la/ /kha dog dkar po bri bar bya/ /zhes gsungs te/pad+ma ni dkyil 'khor gru bzhir byas pa'i dbus su pad+ma 'dab ma brgyad pa kha dog dkar por bris te/ dkyil 'khor sum gnyis las gcad par bya'o/ /phyi'i gru chad dang / shing rta'i snam bu la bang mig dang sgo dang ldan par bya'o/ /dbus su phyag na rdo rje sbrul mgo mtha' yas pa'i gdengs ka can klu'i rgyal po bsdigs pa'i tshul du gnas par bya'o//pad+ma'i 'dab ma la shar phyogs su mtha' yas phyag na ut+pal bsnams pa/ lhor 'jog po dgra sta/ nub tu stobs kyi rgyu sbrul gyi gshol/ byang phyogs su dung skyong dung phor/ shar lhor nor rgyas bum pa/ lho nub tu pad+ma pad+ma 'dab ma brgyad/nub byang du chu lha sbrul zhags/ byang shar du rigs ldan rin chen rkyal bu rnams/ gru chad la dus bzhi'i lha mo/ shing rta'i bang mig la klu gnod sgor sgo ba rnams bri'o/ /dkyil 'khor bri ba'i thabs bsdus pa bshad zin to/ /mchod rdzas bde ste ma smos so/ / da ni dkyil 'khor du 'jug pa ston te/ de ci'i phyir zhe na/ de nas rdo rje bdag nyid zhugs pa ni zhes pa ni/ de nas ni skabs kyi rting thogs so/ /rdo rje ni slob dpon sku gsung thugs rdo rjer bsgom pa'o/ /bdag nyid ni dkyil 'khor bdag nyid du gnas shing bsgom pa'o/ /zhugs pa ni gnyis su med par bya ba'i don to//de ci'i phyir zhe na/ sbrul mgos sbrul mgo can rnams dgug /phud ces bya ba'i lhan cig tu/ /dzaHhUM baM hoHzhes brjod cing / /zhes gsungs/ sbrul mgos ni zhes pa ni bdag slob dpon las kyi bdag nyid phyag na rdo rjer bsgom pa'o/ /sprul mgo can rnams ni klu rnam pa brgyad la sogs pa'o//dgug pa ni dam tshig gi phyag rgyas gnyis su med par byas pa'o/ /phud ni dam tshig gi mna'i snying po'o/ /lhan cig tu ni dam las mi 'da' bar bya ba'i tha tshig go/ /dzaHni lcags kyu/ hUM ni zhags pa/ baM ni lcags sgrog /hoHni dril bu phyag rgya rnam pa bzhis bkug nas dam tshig dang ldan par byed pa'o//da ni slob ma gzhug cing dbang bskur ba ston te/ de yang ci'i phyir zhe na/ de nas bu ni rgyal po dang / /rgyal rigs thams cad bcug nas ni/ /zhes gsungs te/ de nas ni skabs kyi rting thogs so/ /bu ni slob ma ste/ rgyal po ni rigs phun sum tshogs pa'o//rgyal rigs thams cad dkyil 'khor du gzhug go/ /de ci'i phyir zhe na/ dug gi nyes skyon bsal ba'i phyir/ /phud ces bya ba'i dbang bskur ro/ /zhes pa ni dug ni klus zin nas sdug bsngal gyi nad do/ /nyes pa ni 'dod chags la sogs pa'i skyon gyis klu dang 'gras pa na bkra mi shis shing mi la skyon yod pa bsal ba'i phyir smos so//phud ni dam tshig snying po la dbang bskur ba ni slob ma ste/ klu dang gnyis su med par bya zhing mi gnod par bya ba'i phyir dbang bskur ro/ /de ltar byas na klu thams cad 'gugs par 'gyur ro/ /klu bsgrubs na dngos grub 'grub bo//klu ma mgu nas smon lam 'debs pa dang / rang gi dam tshig gi mna' bor ba dang / dus rtag tu sems can la phan pa dang / rgyal ba'i bka' srung ba ni bde ste ma smos so/ /da ni klu bsgrubs nas nad zhi bar byed pa'i thabs ston te/ de yang ci'i phyir zhe na/de nas sgrub pa bshad de/ lha rdzas 'od phreng dkar po yi/ /dbu la sbrul mgo bzhis bskor ba'i/ /zhes gsungs te/ de ni gong gi mjug sdud la nas ni 'og gi mgo 'dren pa'o/ /bsgrub pa ni dug gi de kho na nyid kyis/ klu'i skyon bsal cing nad zhi bar byed pas bsgrub pa/lha rdzas ni bdag nyid phyag na rdo rjer bsgoms pa'i dbu la lha rdzas kyi 'od phreng dkar bo'i dbu rgyan sbrul mgo bzhin du bsgoms te/ de ci'i phyir zhe na/ rdo rje 'dzin gtso bsams nas kyang / /phud ces bya ba 'bum bzlas la/ /zhes gsungs te/ rdo rje 'dzin ni las kyi lha'o//bsam pa ni yid kyis bsam zhing bsgom pa'o/ /dkyil 'khor gyi gtso bo yin pas smos so/ /phud ni snying po la 'bum ni grangs te bzlas pa ni rtsa ba'i snying po dang phud ces bya ba bsres la bzlas so/ /de yang ci'i phyir zhe na/ de nas dug blang phud ces ni/ bya ba'i dkyil 'khor bsams nas kyang / /lha rdzas 'od zer phreng bas dgang / /zhes gsungs te/ dug ni nyon mongs pa/ blang ba ni med par bya ba phud ni rig pa'i me tog gi snying po la/ bya ba ni bsgrub par bya ba'i tha tshig la/ 'khor ni klu rnams te/ bsam pa ni yid kyis bsam pa/lha rdzas ni mchod pa'i rdzas yin te/ 'od ni kha dog rnam pa lnga dang dri bsung du ldan pa la/ zer ni 'phro ba ste/ phreng ba ni rgyun mi 'chad pa'i tha tshig la/ dgod pa ni mchod pa'i rdzas kyis dgang ba'o/ /da ni nad pa la srung ba'i cho ga ston te/ de ci'i phyir zhe na/ de la phud ces bya ba bsam/lag pa sbrul mgo zhags 'dra dang / /phud ces bya ba'i rlung gis gtor/ /zhes gsungs te/ de ni gong gi mjug sdud la/ phud ni dug zhi bar byed pa'i sngags yin pas yid kyis bsam/ lag pa ni sgrub pa po dag gi/ sbrul mgo ni lag pa'i sor mo rnams sbrul mgo 'dra bar byas pa la/zhags pa 'dra zhing zhags pa'i phyag rgya bcas la klu drang ba'i tha tshig go/ /phud ces bya ba ni gtong ba'i gnyen po ste/ de ci'i phyir zhe na/ rlung gis gtor zhes 'byung bas/ phud las rlung du gyur pas nad dang dug dang rims med par 'thor ba'i tha tshig go//de yang ci'i phyir zhe na/ pags pa sha dang rus gnas pa'i/ /dug rnams thams cad ma lus pa/ /phud ces bya ba'i lag pas drang / /zhes gsungs te/ pags pa ni phyi'i kha dog ste sa'i khams shas che ba'i nad yin pas bsdus/sbrul kha dog dmar por bsam zhing 'od dmar pos gtor/ kha chu 'dzag pa dang / lkog ma 'gag pa ni sha'i nad yin te/ chu'i khams kyi dug yin pas sbrul sngon por bsam zhing / 'od sngon po'i rang bzhin du gtor/ rkang lag ru shing lhu tshigs na ba ni rus pa la gnas pa'i nad yin te/ rlung las gyur pa'i khams pas phud las rlung dkar por gyur pas gtor/ de ltar dug thams cad ma lus par lag pa sbrul mgo la phud ces bya ba'i snying po bsams te drangs na nad thams cad 'byin par 'gyur ro//de yang ci'i phyir zhe na/ las rnams thams cad kun byed cing / /zhes gsungs te/ gong du gsungs pa de ltar byas na las thams cad byed par 'gyur ro/ /dug rims dug sbyar la sogs pa/ /zhes pa ni dug ni rnam pa gnyis te/ phyi'i ha la ha la'i dug la sogs pa dang / nang 'dod chags la sogs pa'i dug go/ /rims ni zhag gcig pa la sogs pa rnams so/ /dug sbyar ni rang bzhin dang / sbyar ba'i dug go/ /khu tshur phyag rgyas kun 'byin na/ /sbrul mgo'i phyag rgyas smos ci dgos//zhes pa ni/ de lta bu'i dug rnams khu tshur gyi phyag rgya bcas nas byabs na yang dug 'byin par 'gyur na/ sbrul mgo'i phyag rgya bcas nas drangs na lta smos kyang ci dgos zhes pa'i don to/ /klu chen po brgyad kyi dkyil 'khor gyi don bsdus pa bshad zin to/ /da ni 'jigs byed chen po brgyad kyi dkyil 'khor gyi don ston te/de ni lha gdon la sogs pa zhi ba'i phyir smos te/ de yang ci'i phyir zhe na/ de nas lha chen po rnams kyi bdag po 'jigs byed chen po brgyad la bud med rnams kyis bskor bas zhes gsungs pas/ de ni klu brgyad la sogs pa'i mjug bsdus la/nas ni 'og gi 'jigs byed brgyad kyi mgo 'dren pas so/ /lha ni 'dod khams kyi lha la chen po ni de'i rgyal po'o/ /rnams ni ma lus pa'o/ /bdag po ni de rnams la dbang byed pas bdag po'o/ /'jigs byed ni rab tu khros pa'i tshul du gnas pas 'jigs byed do//brgyad ni lha chen po nyi shu rtsa gcig las gtso bo brgyad smos pa'i tha tshig go/ /bud med ni rang rang gi btsun mo'o/ /de nas bcom ldan 'das phyag na rdo rje la rang gi 'jigs pa'i tshul gyis sems can skrag pa la phan gdags pa'i phyir/ bcom ldan 'das la snying po dbul bar zhu ba gsol ba dang /bcom ldan 'das kyis gnang ba dang rang gi snying po brjod pa ni rab tu bde ste ma smos so/ /da ni dkyil 'khor gyi don ston te/ de ci'i phyir zhe na/ bcom ldan 'jigs byed chen po ni/ /rgyal po de dag gi ngag nyan/ /zhes gsungs te/bcom ldan 'das ni phyag na rdo rje'o/ /'jigs byed chen po ni 'jigs byed brgyad do/ /rgyal po ni 'jigs byed thams cad kyi gtso bo yin pas smos so/ /bdag ni 'jigs byed kho na/ bdag gi tha tshig go/ /ngag nyan pa ni bcom ldan 'das kyi bka' nyan pa'o/ /de'i dkyil 'khor ni 'di ltar bri ste/ci'i phyir zhe na/ de nas de dag gi dkyil 'khor bshad de zhes smos te de dag ni gong gi 'jigs byed brgyad do/ /dkyil ni dbus na rnam par rgyal ba bzhugs pa'o/ /'khor ni 'jigs byed brgyad do/ /bshad pa ni phyag na rdo rjes bshad pa'o/ / de ci'i phyir zhe na/ 'khor lo chen po rtsibs brgyad pa/ /bris nas dbus su rdo rje 'dzin/ /zhes gsungs te/ 'khor lo ni lte ba dang mu khyud dang gong ras dang rtsibs su ldan pa'o/ /bri ba ni 'khor lo bri ba'o/ /dbus ni 'khor lo'i lte ba'o/ /rdo rje 'dzin pa ni khams gsum rnam par rgyal ba'o//de yang ci'i phyir zhe na/ khro chen 'jig rten gsum pas ni/ /rnam par rgyal ba gzhag par bya/ /zhes gsungs pa ste/ khro bo ni ye shes te nyon mongs pa la khro ba'o/ /'jig rten ni rgyu la brten/ rkyen gyis 'jig pa'o/ /gsum ni khams gsum mo/ /rnam pa ni de rnams so//rgyal ba ni de rnams 'jigs shing de rnams las rgyal ba'o/ /gzhag par bya ba ni dbus su bri ba ste gong du gdung bsreg gi nang nas 'byung ba bzhin no/ /da ni dkyil 'khor bri ba'i don ston te/ ci'i phyir zhe na/ de yi zhabs drung 'jigs byed pa'i/ /bdag po chen po khros pa ni//'jigs byed ma dang bcas par bri/ /zhes gsungs te de ni phyag na rdo rje'o/ /zhabs drung ni bdun drang po'o/ /shar phyogs ni lte ba'i drung ngo / /'jigs byed kyi bdag po ni dbang phyug ma hA de ba ste/ khros pa ni 'jigs pa'i tshul du gnas pa spyan gsum mche ba gtsigs pa/'jigs pa'i cha byad sna tshogs pa dang ldan pa/ phyag na kha T+wAM ga bsnams pa btsun mo 'jigs byed ma u ma de ba dang bcas pa bri ba'i tha tshig go/ /da ni 'khor 'jigs byed brgyad ston te/ ci'i phyir zhe na/ rtsibs kyi nang ni thams cad du/ /gzhan yang 'jigs byed brgyad po ni//bud med rnams dang ldan pa la/ /zhes gsungs te/ rtsibs ni 'khor lo'i rtsibs so/ /nang ni phyi rol ma yin te rtsibs kyi nang lce la bya ba'i tha tshig go/ /gzhan yang ni dbang phyug chen po ma gtogs pa'i gzhan yang 'jigs byed brgyad yod pa smos so//shar gyi rtsibs la 'jigs byed phra mi ta mdog dkar ba phyag na rin po che 'bar ba bsnams pa/ btsun mo tshangs ma dang ldan par bri'o/ /lho'i rtsibs la 'jigs byed b+he ra ba ste/ sku mdog sngo nag phyag na rtse gsum bsnams pa/ btsun mo bde sogs ma dang bcas pa bri'o/ /nub kyi rtsibs la 'jigs byed ka la b+hai ra ste sku mdog dmar nag tu 'dug pa/phyag na thod dbyug bsnams pa/ chung ma rau dri ma dang bcas pa bri'o/ /byang gi rtsibs la 'jigs byed yak+She b+hai ra ste sku mdog ljang nag phyag na 'khor lo bsnams pa chung ma kau mA ri dang ldan par bri'o/ /shar lho'i rtsibs la 'jigs byed b+hai shAn+ta sku mdog dmar nag phyag na mda' gzhu bsnams pa btsun mo be sna bi dang ldan par bri'o//lho nub kyi rtsibs la 'jigs byed bi di b+hai ra ste sku mdog sngo nag phyag na dgra sta bsnams pa btsun mo phag mo dang ldan par bri'o/ /nub byang gi rtsibs la 'jigs byed kA la b+he ra ba sku mdog dud kha phyag na ral gri bsnams pa chung ma ma nu ha ra dang bcas pa bri'o//byang shar gyi rtsibs la 'jigs byed ga na pa ti sku mdog sngo nag phyag na rdo rje 'bar ba bsnams pa/ btsun mo tsa muN+Di dud kha dang bcas pa bri'o/ /phyi rol gru chad la dus bzhi dang ldan par bri/sgor sgo ba bzhi bri'o/ /de dag kyang rab tu khros pa'i tshul du bri'o/ /dkyil 'khor gyi mchod rdzas dang slob ma gzhug cing dbang bskur ba la sogs pa bde ste ma smos so/ /da ni 'jigs byed brgyad sgrub pa'i cho ga'i thabs ston te/ de ci'i phyir zhe na/ de nas las rnams sbyin bya ste//bud med khyim mam mtshan gcig pa/ /zhes gsungs te/ las ni sgrub par byed pa'i thabs te sbyin pa ni de bsgrubs na dngos grub sbyin pa'o/ /bud med khyim ni ma mo'i gnas dang / smad 'tshong ma'i gnas dang / mo reng mo 'dug pa'i khyim mo//mtshan gcig pa ni sa mtshan ma can dang / ri mtshan ma can gnyen po 'jig rten pa'i lha chen po'i rten yod par sha khrag chang la sogs pas dam rdzas byas nas bsgrubs na dngos grub kyi rtags nye bar 'ong gsungs so/ /phyi ma bde ste ma smos so/ /'jigs byed ma kun dngos grub stsol ba yang bde ste ma smos so//da ni dngos grub kyi rtags gsol te ma smos so/ /khu ba bro ba btung ba dang / /rdzas dang ral gri 'khor lo dang / /rtse gsum dang ni mtho ris lha zhes gsungs te/ khu ba ni dngul chu'i rigs gser du snang bas lcags srang stong gser du 'gyur ba ltar dngos grub kyi rdzas byang chub sems kyi khu ba dang ldan zhing /ro bro ba'i btung ba dam pa'i rtags 'byung ba dang / gzhan yang dngos grub kyi rtags ral gri dang / rtse gsum dang / 'khor lo la sogs pa 'byung ba dang / 'od zer dang gzugs mthong bar gyur na mtho ris kyi lha dang mi la sogs pas dngos grub thob bo//dngos grub sbyin du 'od na/ skrag na ni 'chi ste mi skrag par dngos grub blang ngo / /'jigs byed brgyad kyi dkyil 'khor gyi don bsdus pa bshad zin to/ /da ni lha chen po brgyad kyi dkyil 'khor gyi don bsdus pa ston te/de ni 'jig rten pa'i lha chen po mi dge ba de zhi bar bya ba'i phyir gsungs te/ de ci'i phyir zhe na/ de nas tshangs pa la sogs pa'i lha chen po rnams kyi zhes gsungs te/ de ni gong gi mjug sdud pa la/ nas ni 'og gi lha chen po rnams kyi mgo 'dren pa'o//tshangs pa ni nyon mongs pa'i 'khor ba gyad khrin dang 'dra ba las tshangs shing 'jig rten pa'i mes po yin pas tshangs pa sna la smos so/ /phyi ma lha chen po rnams ni de'i zhar la smos pas sogs zhes bya ba'i tha tshig go/ /lha chen po rnams kyis rang gi snying po bshad par 'tshal zhing byin gyis brlab par gsol nas snying po bshad pa ni bde ste ma smos so//da ni dkyil 'khor gyi don ston te/ de nas de dag gi dkyil 'khor bshad de/ dkyil 'khor snga ma bzhin bris la/ /zhes gsungs te de dag ni lha chen po/ /dkyil 'khor ni gtso bo dang 'khor du bcas pa'i don ston to zhe'o//snga ma bzhin ni 'jigs byed chen po ltar bya ba'i tha tshig go/ /dbus su phyag na rdo rje 'jig rten gsum 'dul bri'o/ /shar du dbang phyug mdung rtse gsum bri'o/ /lhor brgya byin rdo rje gdengs pa bri/ nub tu tshangs pa rin po che/byang du khyab 'jug 'khor lo/ shar lhor 'dod pa'i dbang phyug gi mda' gzhu/ lho nub tu tshogs bdag gi dgra sta/ nub byang du b+h+r-ing gi ri ti'i rin po che'i sgrom/ byang shar du gzhon nu kArti ka mdung bsnams pa bri'o/ /gru chad la stobs bzang sku mdog ljang gu gshol thogs pa byang du bri/dga' ba'i dbang phyug sku mdog dmar po phyag na gshong thung ba nub phyogs su bri'o/ /nag po chen po sku mdog nag po mi sdug pa phyag na mdung rtse gsum bsnams pa/ rgyan dang cha lugs kyis brgyan pa lhor bri'o/ /seng ge'i tog phyag na thod pa khrag gis bkang ba thogs pa shar lho'i gru chad la bri bar bya'o//sgor sgo ba bzhi bri bar bya'o/ /dkyil 'khor du 'jug pa dang dngos grub kyi rtags mthong nas mchod pa dang / rdo rje 'dzin ma'i phyag rgyas slob ma gzhug cing me tog dor ba dang / mig dbye ba dag sngags kyis btab pa'i bum pas dbang bskur zhing /sngags kyis bsnyen pa'i tshad bsgrub pa'i gnas dang / lha 'ongs nas dngos grub ster zhing gsol ba gdab pa ni bde ste ma smos so/ /phyi ma lha chen po rnams kyis 'jig rten la phan par byed pa'i thabs sna tshogs 'byung ba ni bde ste ma smos so//lha chen po brgyad kyi dkyil 'khor gyi don bsdus pa bshad zin to/ /da ni tshe dpag med gshin rje 'joms pa'i dkyil 'khor ston te/ de ni sems can dus ma yin par 'chi bas 'jigs pa'i gnyen por gsungs te/de nas bcom ldan 'das phyag na rdo rje nyid kyis dkyil 'khor la kun du gzigs nas 'dzum pa mdzad pa dang zhes pa ni thugs yang dag pa'i ye shes las skyes pa'i phyag na rdo rje nyid kyi dkyil 'khor 'jig rten pa'i 'khor sna tshogs pa la tshe dpag med kyi dkyil 'khor bshad par bzhed nas/glang po che'i lta stangs kyis kun du gzigs nas/ zhal 'dzum pa gser gyi kha dog lta bu mdzad nas 'od kyis 'jig rten gyi khams snang bar mdzad do/ /de yang ci'i phyir zhe na/ 'khor gyi dkyil 'khor de dag g.yos zhes gsungs te/ 'khor gyi dkyil 'khor ni tshangs pa la sogs pa'i 'jig rten pa'i 'khor ro/ /g.yos pa ni drod de sngon gyi dge ba'i rtsa ba'i tshogs g.yos pa'o/ /yang dag par g.yos pa ni rtse mo ste/ dge ba'i rtsa ba rnam par 'phel ba'i rtse mo byung bas phyi gzung ba'i yul spangs pas yang dag par g.yos so//yang dag par 'gul ni bzod pa ste phyi gzung ba'i yul spangs pas na 'gul/ nang 'dzin pa'i sems spong ba la zhugs pas ni yang dag par 'gul to/ /'bar rab tu 'bar ni 'jig rten chos kyi mchog ste nang 'dzin pa'i sems spong bas ni 'bar ro//sa dang por bden pa mthong bas ni rab tu 'bar ro/ /yang dag par rab tu 'bar zhing sa dang po bden pa mthong ba'i lam ste 'jig rten pa'i mtshan ma rab tu 'joms pas yang dag par rab tu 'bar ro/ /dgod rab tu yang dag par rab tu dgod ni ye shes ni dgod par byed pa'o//grogs byang chub kyi yan lag gis ni rab tu dgod par byed do/ /spyod pa pha rol tu phyin pas yang dag par rab tu dgod do/ /brtse rab tu brtse yang dag par rab tu brtse zhes pa ni sa bcu pa chos kyi sprin thob pas ni brtse'o/ /'bras bu sangs rgyas par byed pas ni yang dag par rab tu brtse zhing zhes smos so//rmad kyi ya mtshan du ma 'jig rten du snang bar gyur to/ /dga' ldan gnas nas 'jig rten mi yul du babs te mdzad pa bcu gnyis kyi tshul du mngon par rdzogs par sangs rgyas pa'i tha tshig go/ /'jig rten pa'i 'khor dam par 'gyur ram 'dzum pa'i don bstan par zhu ba gsol ba dang /bcom ldan 'das kyis tshe dpag tu med pa'i 'chi bdag bcom pa'i don thos sam zhes pa dang / 'khor rnams dga' nas zhu ba gsol ba dang / rtsa ba'i sngags kyi yig 'bru bshad pa ni rab tu bde ste brda phrad sla'o//dkyil 'khor bri ba'i thabs dang / sngags mkhan bdag nyid zhugs nas lha spyan drang ba dang / bdag nyid dbang bskur zhing spyan ras gzigs bsgrubs na dngos grub kyi rtags sems nyams dga' bar 'gyur ba dang / rdo rje 'dzin ma'i phyag rgya bcings la/ slob ma gzhug cing me tog dor ba dang /phreng ba la sogs pas dbang bskur ba dang / dam tshig 'bogs pa'i khyad par dang / dam nyams gsad pa'i las bya ba ni bde ste ma smos so/ /sdig pa che ba med par bsgrub pa dang / dam tshig khyad par bstan pa dang dbang bskur ba ni bde ste ma bshad do//slob dpon mnyes pa'i yon dbul ba dang dngos grub gsol ba dang slob dpon gyis slob ma la dngos grub sbyin pa ni bde ste ma smos so/ /da ni sgrub pa'i thabs ston te/ ci'i phyir zhe na/ chos rnams thams cad dngos med par/ /sems kyis bsgom par byas nas kyang //zhes gsungs te dkyil 'khor drug po gang sgom yang gtso bo mngon byang lnga po 'dis bskyed do/ /de la dang po stong pa la mngon par byang chub pa ni lag pa mnyam gzhag bya ste/ ngag tu oM swa b+hA ba shud+d+haHsarba d+harmAHswa b+hA ba shud+d+hou0f85haM zhes brjod pas chos thams cad s tong pa nyid du bsgom par bya'o//de'i ngang las byang chub kyi sems zla ba'i dkyil 'khor mngon par byang chub pa ni a las zla ba'i dkyil 'khor bsam/ A li bcu drug las zla ba'i dkyil 'khor du bsam mo/ /de nas brtan pa'i snying po ni/ oM tsit+ta pra ti bed+he ka ro mi zhes brjod pas rang gi sems rang gis rig pa'o//rang gi sa bon de dbus su zhes so/ /yang de'i steng du snying po bsam de'i mtha' na phar kA li las zla ba'i dkyil 'khor nyis brtsegs su gyur par bsam/ de brtan par bya ba ni/ oM bo d+hi tsit+ta ut+pA da ya mi zhes brjod pas ye shes kyi tshogs rdzogs so//yig 'bru las mngon par byang chub pa ni de'i steng du lha gang bsgom gyi snying po bsam/ de brtan pa'i snying po ni tiSh+Tha badzra zhes brjod pas brtan par bya'o/ /de las 'od 'phros 'dus pa las dam tshig gi phyag rgya la bsams nas dam tshig phyag rgya yang zhes so//mngon par byang chub pa ni lha gang bsgom gyi phyag mtshan du gyur pa'o/ /de brtan par bya ba ni/ oM badzra At+ma kou0f85haM zhes pas brtan par gyur to/ /mtshan ma de la de bzhin gshegs pa'i sku gsung thugs dpag tu med par zhugs pa l as/phyag rgya chen po mngon par byang chub pa ni dkyil 'khor gang bsgom gyi gtso bor gyur ba'o/ /oM sarba ta thA ga ta tA sta haM zhes brjod pas bcu gcig par sangs rgyas par gyur to/ /de nas rang gi sa bon dang lha gang bsgom gyi sngags dang / dam tshig gi phyag rgyas sku phyag rgya chen po la gnas bzhir byin gyis brlab bo//sangs rgyas rnams kyis dbang bskur zhes so/ /de nas rigs lnga'i phyag rgyas dbang bskur ro/ /oM bud+d+ha mu dra a b+hi Shany+tsa oM spyi bor/ oM badzra mu dra a b+he Shiny+tsa hUM/ mtshog khar/ oM rat+na mu dra a b+hi Shiny+tsa tAM/ ltag pa g.yas/ oM pad+ma mu dra a b+hi Shiny+tsa hrIH/ ltag pa ru/ oM karma mu dra a b+hi Sh-iny+tsa AH/ ltag pa g.yon du'o/ /de nas dar dpyang gi dbang ni/ oM badzra pa TaM bA laM bi ni a b+hi Shiny+tsa hrIHzhes pa'o/ /de las lha'i skur bskyed de/ bsgrubs na dngos grub thob ces gsungs so/ /maN+Dal du zhugs pa'i phan yon zhu ba dang /b+ha ga bAn gyi bka' stsal pa dang / dbang bskur ba'i thabs ni bde ste ma smos so/ /tshe dpag med gshin rje 'joms pa'i dkyil 'khor bshad zin to/ /da ni zhi ba'i sbyin sreg gi las ston te/ sbyin pa ni bde ba la/ sreg pa ni nyon mongs pa'o//de yang ci'i phyir zhe na/ lha'i bu rnams zhi zhes gsungs te/ lha'i bu zhes smos pa ni khyab pa spyir la gtang ba'i phyir ram lha'i bu gzhon nu rnams g.yeng ba che bas/ nyan cing mdun du 'dug pa'i phyir ming ni ma smos te lha'i bu rnams zhes bya ba'i tha tshig go/ /zhi ba ni thugs rang bzhin gyis zhi bas nyon mongs pa'i mtshan ma zhi bar byed pa'i tha tshig ste de'i thabs ni 'di ltar yin te/ci'i phyir zhe na/ hom khung bar ma tha ma mchog /khru gang khru do khru bzhi pa/ /zlum po nyid du byas nas ni/ /zhes gsungs te/ thab khung bar ma ni khru do/tha ma khru gang / mchog ni khru bzhi yin te gzung 'dzin rnam pa gnyis spangs pas ni khru gang du bstan la/ thabs dang shes rab rnam pa gnyis dang ldan pa'i rtags su khru do'o/ /tshad med pa bzhi dang ldan pa'i rtags khru bzhir bstan la/ dngos po'i mtha' spangs pa'i rtags su ni phyi rol zlum por bya ste/thab khung rab 'bring gi tshad las lha dgod pa'i rim pa yang che chung du bri'o/ /thab khung gi dbus su 'khor lo rtsibs brgyad dkar po cig bri/ thab kyi kha khyer la mu ran btang / mu ran la me ri btang / kha khyer la rdo rje'i ra ba btang / de'i phyi rol gyi bang rim gcig la rigs rnam pa bzhi'i phyag rgya rdo rje dang / rin po che dang / pad+ma dang rgya gram rnams bri/ de'i phyi rol la sems dpa' bcu drug bri/ de'i phyi rol snam bu la phyogs skyong bcu dang lha chen po brgyad bri/ de'i phyi rol du gza' chen po brgyad dang rgyu skar gyi mtshan ma'am thig le bri/de nas gdod sgo ba bzhi bri/ /da ni las bya ba'i thabs ston te/ de yi ming yang yungs kar gyis/ brgya phrag stong du bsres byas na/ /ngan song kun las rnam par thar/ /zhes gsungs te de ni sems can shi ba'o/ /ming ni gdags pa'i gzhi ste yungs kar dang bsres la so so'i sngags dang ming spel mar sbyin sreg bya/rnam pa gcig tu ni sha dang rus pa dang rkang dang skra dang gos la sogs pa'i mtshan ma dang / ro bsregs pa'i thal ba la sogs pa dang / gur gum dang / tsan+dan dang / 'bras chan dang /la du la sogs pa dang bsres nas las byas na ngan song las thar bar gsungs so/ /bri ba'i thabs bde ste ma smos so/ /da ni mchod pa'i khyad par ston te/ bya dang bum pa dgang ba dang / /zhes pa ni dngul gyi bya pho dang / gser gyi bum pa spos chus bkang ba dang / gtor ma dang lha bshos la sogs pa dkar por byas la gzhag pa dang / mar dang / 'o ma dang / sbrang rtsi dang / spos dang / yungs kar rnams kyang mchod rdzas su gzhag ste de ni mchod pa'i khyad par ro/ /da ni gos bstan te/ dkar po'i gos ni gon nas kyang / /zhes pa ni sngags mkhan gyis dpal gyi gos dkar po gon pa dang /srad bu dkar po se ral du thogs shing las gong nas 'byung ba bzhin byas na 'grub par gsungs so/ /da ni rgyas pa'i las ston te/ de ci'i phyir zhe na/ mkhas pas rgyas pa bya dgos te/ /zhes pa ni mkhas pa ni sgrub pa po cho ga dang las kyi bye brag la mkhas pa'o//rgyas pa ni dpal dang gzi brjid 'phel zhing rgyas pa'o/ /de ni sems can phongs pa rnams bde bar bya ba'i phyir smos te/ khru do pa'am khru bzhi pa/ /de ltar mchog ni khru brgyad pa/ /byas nas thab khung gru bzhi pa'i//zhes gsungs te/ khru do ni thab khung gi tha tshig go/ /khru bzhi ni bang rim bzhi yod pa'i tha tshig go/ /khru brgyad ni phyi'i tshad do/ /thab khung yang khru bzhi par brkos la/ mu ran yang btang / mu ran la chu skyes kyang btang / kha khyer la rin po che'i phreng bas bskor dbus su pad+ma 'dab ma brgyad bris la pad+ma'i lte bar rin po che 'bar ba'i 'od zer ser po can bri/bang rim dang po la rigs rnam pa lnga bri/ gnyis pa la rigs kyi sems dpa' bri'o/ /gsum pa la phyogs skyong dang bkra shis bri'o/ /bzhi pa la sgo gdod/ sngags mkhan gos ser po gon nas las tshul ba zhin du byas nas/lus can gyi tshe dang dpal dang gzi brjid dang bde ba'i longs spyod 'phel lo/ /rgyas pa'i don bshad zin to/ /da ni dbang gi las ston te/ de ni ma rungs pa dbang du bsdu ba'i phyir smos te/ de ci'i phyir zhe na/ de nas phan phyir nges pa yang / /dbang du bya ba'i las bya ste/ /zhes gsungs pas/ de nas ni rgyas pa'i rting thogs su 'byung bas so/ /phan phyir ni sems can 'dod chags can dang nyon mongs pas nyen pa la phan pa'i phyir ro/ /dbang du bya ba ni de rnams chags pa'i tshul gyis dbang du bsdu zhing theg pa chen por sems bskyed pa'i tha tshig go//de'i thabs ni ji ltar yin zhe na/ thab khung gzhu yi dbyibs 'dra ba/ /khru gang ngam ni khru do pa/ /gru bzhir byas pa de dbus su/ /zhes pa ni/ hom gyi thab khung yang gzhu'i dbyibs ltar brko bar bya ste/thab khung tha ma khru gang 'bring khru do rab khru bzhi pa byas la/ thab khung gi dbus su pad+ma dmar po bris la/ pad+ma'i lte ba la mda' dang gzhu bcas pa yang bri/ kha khyer la yang mda' dang gzhu dmar po yang bri/ phyi rol du yang bang rim btod la bang rim dang po la rigs lnga/gnyis pa la rigs kyi sems dpa'/ de'i phyi rol du sgo gdod/ sngags mkhan yang chas gos dmar po gon/ mchod rdzas kyang me tog dmar po dang / sran ma dang / bu ram dang / shing thog dmar po dang / mar dang gur gum bsres pa dang / tsan+dan dmar po'i phye ma la sogs bsreg rdzas mchod rdzas dang bsres te sbyin sreg byas na thams cad de'i mod la dbang du 'gyur ro//thab khung gzhu'i dbyibs 'dra bar byas pa ni zhi gnas gzhu 'dra ba dang lhag mthong mda' 'dra bas thams cad dbang du sdud pa'i rtags so/ / dbang gi las bstan zin to/ /drag po'i las ni 'dir ma gsungs so/ /de nas tshangs pa la sogs pa zhes pa nas smos ci 'tshal zhes pa'i bar gyis ni/ 'khor srung bar dam bcas pa ston/ gang zhig cho ga zhib mo zhes pa nas de bzhin gshegs pa legs par 'tshal bar bgyi'o zhes pa'i bar gyis ni cho ga zhib mo 'di gang na spyod pa bkur bar bstan/de nas bcom ldan 'das zhes pa nas legs par sgrubs shig ces bya ba'i bar gyis ni legs par sgrubs shig pa bstan to/ /de yan chad ni cho ga'i phan yon no//da ni rigs bzhi 'khor los sgyur ba'i dkyil 'khor ston te/ de la rigs bzhi ni rdo rje'i rigs dang rin po che'i rigs dang pad+ma dang las kyi rigs so/ /'khor lo ni bskor du btub pa'o/ /sgyur ba ni des khams gsum sgyur ba'o/ /dkyil ni chos nyid la 'khor ni phrin las so//de yang ci'i phyir zhe na/ de nas bcom ldan 'das phyag na rdo rjes gsang sngags dang rig sngags dang snying po thams cad brtan par bya ba'i phyir nyid kyi snying po 'di bshad de zhes pa ni/ de nas ni skabs kyi rting thogs su 'byung ba yin la/ bcom pa ni nyes pa'i skyon bcom pa yin la/ldan pa ni 'jig rten pa'i dregs pa can 'dul ba'i legs pa'i yon tan dang ldan la/ 'das pa ni shes pas srid pa la mi gnas/ thugs rjes zhi ba la mi gnas pas 'das pa'o/ /phyag na rdo rje ni thugs yang dag pa'i ye shes kyi rtags rdo rje bsnams pas so//gsang ba ni chos kyi dbyings te/ phyi rol gyi rtog pa can gyis mi rtogs pa'i phyir ro/ /sngags ni mtshan ma dang bral ba'i don to/ /rig pa ni ye shes la sngags ni des nyon mongs pa 'joms pa'o/ /snying po ni byang chub kyi sems la thams cad ni der thams cad 'dus pa'i phyir ro//brtan par bya ba ni rgyu dang 'bras bu brtan par bya ba'i tha tshig go/ /nyid kyi snying po 'di zhes pa ni phyag na rdo rje nyid kyi byang chub kyi sems kyi snying po'o/ /bshad pa ni tshig dang don bshad pa'o/ /oM b+hUM badzra pA Ni zhes pa ni/ oM ni ye shes lnga'o/ /b+hUM ni gzhal yas khang gi sa bon no//traM ni 'dzin pa'o/ /badzra ni phyag na rdo rje'o/ /tiSh+Tha ni 'joms pa'o/ /hUM ni thugs/ oM AHhUM ni de bzhin gshegs pa'i sku gsung thugs/ oM b+hUM phaT ni rdo rje 'dzin pa'i snying po spro ba'o/ /oM di badzra hUM ni rin po che'i rigs kyi snying po'o/ /oM badzra ha sa ni pad+ma'i rigs kyi snying po'o//oM badzra hUM a ni las kyi rigs kyi snying po'o/ /rtsa ba'i snying po'i don bshad zin to/ /da ni dkyil 'khor gyi don ston te/ de nas de dag gi dkyil 'khor gyi don bshad de/ dkyil 'khor snga ma bzhin bris la/ /zhes pa ni de dag ni sngags kyi yig 'bru gong du phyung ba'i lha de dag go//dkyil ni dbus kyi gtso bo la 'khor ni 'jig rten pa dang 'jig rten las 'das pa'o/ /dkyil ni dbus kyi pho brang la 'khor ni sgo dang snam bu la sogs pa'o/ /snga ma bzhin ni tshe dpag med kyi dkyil 'khor ltar 'khor lo rtsibs bzhi par bri ba'i tha tshig go//dbus su rdo rje bri bar bya/ /yang na rdo rje sems dpa' 'am/ /kun du bzang ngam bde ba che/ /zhes pa ni dbus ni pho brang zlum po'o/ /rdo rje ni thugs yang dag pa'i ye shes kyi rdo rje rtse lnga pa bri bar smos so/ /yang na ni bsnan pa'i don te rnam gcig tu na 'di ltar yang bri zhes pa'i tha tshig go//rdo rje sems dpa' ni thugs yang dag pa'i ye shes kyi phyag rgya'o/ /kun du bzang po sku rnam par dag pa'i phyag rgya ste kun du bzang po'o/ /bde ba chen po ni gsung bde ba chen po la mnga' sgyur bas bde ba chen po'o//de gsum ni sku gsung thugs kyi phyag rgya las gang bris kyang mi 'gal bar gsungs so/ /spyan sngar phyag na rdo rje la/ /g.yas su phyag na rin chen bsnams/ /zhes pa ni spyan sngar ni shar phyogs kyi lce ste phyag na rdo rje sku mdog dkar po phyag na rdo rje bsnams pa bri/g.yas ni lho phyogs te nam mkha'i snying po sku mdog sngon po phyag g.yas na rin po che bsnams pa bri/ rnam par gsal ba nub phyogs bri/ /zhes pa ni/ rnam par ni spyi dang rang gi mtshan nyid do/ /gsal ba ni thugs la de gsal ba ste nub phyogs su bri ba ni spyan ras gzigs dbang phyug sku mdog dkar po phyag na pad+ma bsnams pa bri/byang gi phyogs na rgya gram bsnams/ /zhes pa ni byang phyogs rdo rje las rab sku mdog ljang gu phyag na rgya gram bsnams pa bri/ phyi rol du ni kun bskor zhing / /zhes pa ni/ phyi rol ni 'khor lo rdo rje ra bas zlum por bskor ba'i phyi rol gru chad la ni rdo rje lA s+ye sku mdog dkar mo phyag khu tshur gyis dkur rten pa'o//lhor mA le sku mdog sngon mo phyag na rin po che'i phreng ba 'dzin pa'o/ /nub tu dbyangs mkhan sku mdog dmar mo phyag na pi wang bsnams pa/byang du gar mkhan ma ljang gu gar mdzad pa/ shar du bdug pa ma sku mdog dkar mo phyag na bdug spos bsnams pa/ lhor me tog ma sku mdog sngon mo phyag na me tog gi gzhong bu bsnams pa/ nub tu mar me ma sku mdog dmar mo phyag na mar me bsnams pa/byang du dri chab ma sku mdog ljang gu phyag na dung por bsnams pa ste de rnams ni grwA nas rim par bskor zhing bri ba'i tha tshig go/ /sangs rgyas thams cad gzhag par bya/ /zhes pa ni sangs rgyas ni 'das pa dang da ltar gnyis pas thams cad gzhag par bya ba ni gru chad kyi phyi rol du snam bu gcig byas pa la bri bar bya ba ste/'das pa'i sangs rgyas bdun bri bar bya ste mar me mdzad dang / 'khor ba 'jig dang / gser thub dang / 'od srungs dang / thams cad skyob dang / log par dad sel dang / shAkya thub pa de'i 'khor du btang ba dang bdun no//de ni sprul pa'i sku cha lugs dbu reg dang zhabs rjen du bri/ phyag mtshan mi dgos pas shar nas rim par bskor ba bri/ de'i bar du da ltar bzhugs pa'i sangs rgyas lnga ste/ de ni 'khor los sgyur ba'i cha lugs su bzhugs pas phyag mtshan yang bri ste rnam par snang mdzad sku mdog ser po phyag na 'khor lo bsnams pa'o//mi bskyod pa sku mdog dkar po phyag na rdo rje bsnams pa'o/ /rin chen 'byung ldan sku mdog sngon po phyag na rin po che bsnams pa'o/ /snang ba mtha' yas sku mdog dmar po phyag na pad+ma bsnams pa'o//don yod grub pa sku mdog ljang gu phyag na rgya gram bsnams pa bri'o/ /de'i phyi rol du sgo gdod la shar na lcags kyu dkar po lcags kyu bsnams pa bri/ zhags pa sngon po zhags pa bsnams pa lhor bri/lcags sgrog dmar po lcags sgrog bsnams pa nub tu bri/ dril bu ljang gu dril bu bsnams pa byang du bri/ da ni sems dpa' bcu drug bri thabs ston te de ci'i phyir zhe na/ de yi phyi rol sems dpa' rnams/ /go rims bzhin du bri bar bya/ /zhes pa ni/sems dpa' ni rigs so so la sprul pa ste bcu drug go/ /bshad pa ni kun rig nas 'byung ba dang mthun/ shar phyogs rdo rje sems dpa' sku mdog dkar po rdo rje bsnams pa'o/ /rdo rje rgyal po ser po lcags kyu bsnams pa'o/ /rdo rje chags pa dmar po mda' gzhu bsnams pa'o//rdo rje legs pa ljang gu se gol bsnams pa shar phyogs su rim pas bri'o/ lho phyogs su rdo rje rin chen sku mdog sngon po rin po che bsnams pa'o/ /rdo rje gzi brjid dmar ser nyi ma bsnams pa'o/ /rdo rje rgyal mtshan nam mkha'i mdog rgyal mtshan bsnams pa/rdo rje bzhad pa dkar po so'i phreng ba bsnams pa/ nub tu rdo rje chos rab sku mdog dmar po phyag na pad+ma bsnams pa bri/ rdo rje rnon po sngon po ral gri bsnams pa'o/ /rdo rje 'khor lo ser po 'khor lo bsnams pa'o/ /rdo rje smra ba dmar po ljags bsnams pa'o//byang phyogs su rdo rje las rab sku mdog ljang gu rgya gram bsnams pa bri'o/ /rdo rje srung ba ser po go cha bsnams pa'o/ /rdo rje gnod sbyin nag po mche ba bsnams pa'o/ /rdo rje khu tshur ser po khu tshur bsnams pa bri'o/ /da ni dpe med pa'i byang chub sems dpa' bcu drug bri ba smos te/de yi phyi rol sems dpa' rnams/ /zhes bya ste de ni sems dpa' bcu drug gi phyi rol gyi snam bu la'o/ /sems ni rdo rje'o/ /dpa' ba ni ye shes te mtshan ma la dpa' bas na dpe med pa rnams smos so/ /shar phyogs su thugs mchog dpe med pa bzhi ste nyon mongs mun sel dang /sdug bsngal 'joms byed dang / 'khor ba rgyun gcod rnams rdo rje lcags kyu sha dag pa bsnams pa'o/ /srid pa'i mtsho sgrol phyag na 'khor lo bsnams so/ /lhor yon tan dpe med pa bzhi bri ste/rin chen mdzod sku mdog sngon po rin chen 'bar ba bsnams pa'o/ /dge ba'i blo gros pu sti bsnams pa'o/ /bde ba'i 'byung gnas rin po che'i sgrom bsnams pa'o/ /legs pa'i tog rin po che'i mchod sdong 'bar ba bsnams pa'o//nub tu gsung mchog dpe med pa bzhi bri ste don mthun yid 'ong sku mdog sngon po phyag na dgu po rgyud mangs bsnams pa'o/ /bde ba'i 'byung gnas rin po che'i phreng bsnams pa'o/ /the tshom yid myur pad+ma'i sdong bu bsnams pa'o/ /nga ro snyan pa dung bsnams pa'o//byang phyogs su phrin las dpe med pa bzhi ste tshad med yon tan sku mdog ljang gu dpag bsam ljon shing bsnams pa/ dran pa'i stobs mchog zla tshes bsnams pa'o/ /thams cad kun sgrol lcags kyu/ brtson 'grus mi ldog ut+pal bsnams pa bri'o//da ni bskal bzang bcu drug dpe med pa dang spel mar bri ba 'byung ste/ byams pa la sogs mchog chen bri/ /zhes gsungs pas/ byams pa sa bcu'i rgyal tshab yin pas sna la smos so/ /sogs kyi khongs su ni sems dpa' bcu drug bsdu'o//shar phyogs su dpa' bar 'gro ba ral gri bsnams pa'o/ /kun du bzang po rin po che'i snye ma bsnams pa'o/ /zla 'od gzhon nu zla ba tshes pa bsnams pa'o/ /bzang skyong rin po che'i bum pa bsnams pa'o/ /lho phyogs su dra ba can gyi 'od rin po che'i dra ba bsnams pa bri'o//nam mkha'i mdzod rin po che'i mdzod bsnams pa'o/ /rdo rje snying po rdo rje bsnams pa'o/ /'od dpag med pa rin po che 'bar ba bsnams pa'o/ /nub phyogs su ye shes tog rgyal mtshan bsnams pa'o/ /mya ngan kun 'joms ral gri bsnams pa'o//blo gros mi zad pa pu sti bsnams pa'o/ /spobs pa brtsegs pa rdo rje bsnams pa'o/ /byang phyogs su byams pa klu shing gun+d+he bsnams pa'o/ /spos kyi glang po dung phor bsnams pa'o/ /ngan song kun 'dren lcags kyu bsnams pa'o/ /don yod grub pa rdo rje rgya gram bsnams pa bri'o//der sgo byas la khro bo brgyad bri ste/ mchog chen bzhi ni bri bar bya/ /zhes smos pas sgo srung yang de brgyad bri ste/ sgo srung de rnams ni phyi nang gi bgegs 'dul bas mchog go/ /gzhan yang khyad par du 'phags pas spyan che zhes pa'o//bri ba ni shar du 'jig rten gsum snang sku mdog dkar po phyag na nyi ma bsnams pa'o/ /'jig rten gsum 'dul phyag na rtse gsum 'bar ba bsnams pa'o/ /'jig rten gsum 'jigs sku mdog sngon po phyag na thod dbyug bsnams pa'o//'jig rten gsum mthar byed phyag na be con bsnams pa'o/ /nub tu bdud rtsi thab sbyor sku mdog dmar skya phyag na rgya gram bsnams pa'o/ /be con nag po dgra sta bsnams pa'o/ /byang du mi g.yo mgon po sku mdog ljang gu dbyug pa bsnams pa'o/ / rta mgrin pad+ma bsnams pa sgo g.yas g.yon du zung re bri'o/ /de'i phyi rim gyi snam bu la nyan thos dang rang sangs rgyas spel mar bri ste/ de ltar dge slong kun dga' sogs/ /thub rnams de yi phyi rol bri/ /zhes pas/ kun dga' bo ni zhabs 'bring yin pas sna la smos te bsil yab bsnams so//shA ri'i bu rin po che/ maud gal gyi bu pad+ma/ rab 'byor zla tshes/ ma 'gags pa me long / 'char ka 'khor lo/ kat+yA ya na rin po che'i sgrom/ rta thul phreng ba/ nye ba 'khor bar bu/ ba glang bdag drang srong / sgra gcan 'dzin pad+ma'i sdong bu/dga' bo gdu bu/ ming chen/ nor sbyin 'dzin rin po che'i rkyal bu/ gang po/ 'od srungs rin chen 'bar ba bsnams pa'o/ /thub pa rnams ni rang sangs rgyas te/ rang gi brtul zhugs dang / dam tshig dang sdom pa slob dpon med kyang rang gis thub pas na thub pa rnams so//rang sangs rgyas 'jigs byed rdo rje/ snang brtsegs rin po che'i mdzod/ dpa' bos 'dul rdo rje/ nyon mongs gdung sel bsil yab/ shes rab mgyogs chen zla tshes/ rdzu 'phrul cher ston me 'bar ba/ nyon mongs gdung sel sgra chen dung /bse ru lta bu bsam gtan phyag rgya 'cha'/ ri bo'i rgyal po rin po che'i snye ma/ seng ge lta bu'i rdo rje/ yid myur bsil yab bsnams pa bri'o/ /de ltar lha brgya rtsa bdun 'jig rten las 'das pa la yod do/ /sgo ba ni rgyal po chen po bzhi ste/'og nas 'byung ba bzhin bri/ de'i phyi rol gyi snam bu la/ 'jig rten pa rnams bri ste/ tshangs pa la sogs phyi rol bri/ /zhes pa ni/ phyi rol gyi snam bu la bri ste/ tshangs pa gun+d+he bsnams pa/ btsun mo tshangs ma pi wang thogs pa'o/ /mngag gzhug yid du 'ong ba'i ral gri/pho nya mngag pa ste pad+ma bsnams pa'o/ /dbang phyug tri shU la/ dka' thub bzlog ma pad+ma/ pho nya rnam par snang ba mda' gzhu/ mngag gzhug ded dpon nag po mdung thung bsnams pa'o/ /brgya byin rdo rje gdengs pa bsnams pa/ bde sogs ma rgyud mangs/mngag gzhug yid du 'ong ba ral gri/ pho nya myur ba'i shugs can rtse gsum bsnams pa'o/ /khyab 'jug 'khor lo bsnams/ btsun mo dpal ldan mo gsal shing / mngag gzhug rdo rje bde ba mche ba bsnams/ pho nya rdo rje sde dpon 'khor lo bsnams pa bri ste/de ltar bcu drug ste brgya nyi shu rtsa gsum mo/ /de'i phyi rim gyi snam bu la bri ba'i lha ston te/ gza' dang skar ma'i lha rnams dang / /zhes pa ni/ gza' ni brgyad de/ pa ba sangs me tog /phur bu pu sti/ lhag pa mchog sbyin/ zla ba ku mu ta/ sgra gcan 'dzin pad+ma'i sdong bu/mig dmar bdud rtsi'i bum pa/ nyi ma pad+ma/ spen pa dbyug to/ /rgyu skar ni/ smin drug dang / snar ma dang / mgo dang / lag dang / nab so dang / rgyal dang / skag dang / de rnams shar phyogs su bri'o/ /phyag mtshan ni rin po che'i snyan cha dang / gdu bu she dag bsnams pa'o//lho phyogs su mchu dang / gre dang / dbo dang / me bzhi dang / nag pa dang / sa ri dang / sa ga rnams ni rin po che'i me tog bsnams pa'o/ /nub phyogs su lha mtshams dang / snron dang / snubs dang / chu stod dang / chu smad dang / byi bzhin dang /gro bzhin rnams ni pad+ma'i sdong bu she dag bsnams pa'o/ /byang phyogs su mon dre dang / mon gru dang / khrums stod dang / khrums smad dang / nam gru dang / tha skar dang / bra nye rnams ni ut+pal she dag bsnams pa'o/ /da ni rgyal po chen po bzhi rnams ston te/ rgyal po chen po bzhi rnams ni/ /zhes pa ni/ shar du yul 'khor srung pi wang / lhor 'phags skyes po ral gri/ nub tu mig mi bzang sbrul zhags/ byang du rnam thos sras ba dan bsnams pa ste/ de ltar na 'jig rten pa'i lha bzhi bcu ste/ brgya drug cu rtsa gsum mo//da ni de'i phyi rol gyi snam bu ston te/ phyogs skyong 'jig rten skyong ba rnams/ /zhes pa ni phyogs bzhi mtshams brgyad na/ 'jig rten skyong bas phyogs skyong ngo / /brgya byin rdo rje/ gshin rje thod dbyug /chu lha sbrul zhags/ gnod sbyin be con/ me lha bgrang phreng /bden bral ral gri/ rlung lha ba dan/ dbang ldan rtse gsum/ sa bdag mche zhags/ sa'i lha mo bum pa/ nyi ma pad+ma/ zla ba ku mu ta ste/ de ltar na brgya bdun cu rtsa lnga'o/ /de ni gza' dang rgyu skar gyi snam bu dang bsre'o/ /da ni phyi rol gyi snam bu'i ngan song gsum gyi don ston te/de yi phyi rol dmyal ba kun/ /zhes pa ni/ dmyal ba yang mdor bsdu na tsha grang gnyis/ nyi tshe ba dang kha 'khor ba dang gsum mo/ /tsha ba'i brgyad ni yang sos dang / thig nag dang / bsdus 'joms dang / ngu 'bod dang / ngu 'bod chen po dang /tsha ba dang / rab tu tsha ba dang / mnar med pa dang brgyad do/ /grang ba'i brgyad ni/ chu bur dang / chu bur rdol ba dang / so thams thams pa dang / kyi hud zer ba dang / a chu zer ba dang / ut+pal ltar gas pa dang / pad+ma ltar gas pa dang / pad+ma ltar gas pa chen po ste brgyad do//nyi tshe ba dang / kha 'khor gnyis te bco brgyad do/ /ming ngam brda'am thig ler bris te gzhag /'dod chags la sogs byol song 'dra/ /zhes pa ni 'dod chags phug ron dang / gti mug phag dang / zhe sdang sbrul dang / nga rgyal rtsangs pa la sogs pa bri ste/de ltar nyi shu rtsa gnyis te/ spyir brgya dgu bcu rtsa bdun yod do/ /sgo sgor gsungs pa de bzhin du/ /zhes pa ni gong du sgo bzhi rim du gsungs pa de rnams la bya ba'i tha tshig go/ /mchod pa'i bye brag ni bde ste ma smos so/ / da ni sngags mkhan dkyil 'khor du 'jug pa'i don ston te/ de nas sngags mkhan nyid kyis ni/ /spyan drangs bdag nyid 'jug par bya/ /zhes pa ni/ de nas ni gong gi rting thogs so/ /sngags mkhan ni slob dpon te/ sngags dang / phyag rgya dang / cho ga dang / thabs kyi bye brag la mkhas pa'o/ /spyan drangs pa rnams rang bzhin gyis 'phags pa rnams spyan drangs nas gzugs brnyan la phab ste/ bdag nyid kyang dkyil 'khor du 'jug par bya'o/ /bdag nyid kyis ni dbang bskur la/ /zhes pa ni/ bdag nyid ni slob dpon no//dbang bskur ni slob ma de'i 'og tu dbang bskur ba'i tha tshig go/ /da ni slob dpon de'i yon tan ston te/ sdom gnas dam tshig ldan pa dang / /zhes pa ni/ sdom pa ni byang chub sems dpa'i sdom pa'o/ /dam tshig ni yo ga'i dam tshig lnga'o/ /bla ma mos shing mi 'jigs pa//zhes pa ni/ bla ma ni rdo rje slob dpon te/ mos pa ni slob ma'i sems so/ /mi 'jigs pa ni slob ma mi shes pas mi 'jigs pa'o/ /rigs bskyed skyon dang bral ba dang / /zhes pa ni/ yo ga'i rigs bzhi dang lha lnga'o/ /bskyed pa ni sems bskyed pa'o//skyon ni sdig pa'i sems so/ /bral ba ni spangs pa'o/ /ser sna ma lus spangs 'gyur zhing / /zhes pa ni/ ser sna ni sna la yeng yeng / zil phrom phrom mo/ /spangs 'gyur ni nor la ma chags pa'o/ /yon tan mang po ldan 'gyur zhing / /zhes pa ni/yon tan dad pa dang / drang ba dang / g.yo sgyu chung ba dang / yi rang zhing gtong phod pa la sogs pa'o/ /gtong dang tshul khrims mang du thos pa dang / /zhes pa ni/ gtong ba ni rnam pa gsum ste/ nor zas gtong ba dang / yongs su gtong ba ni rgyal srid gtong ba dang /gtong ba chen po ni lus la sogs pa gtong ba'o/ /tshul ni theg pa chen po'i chos kyi tshul lo/ /khrims ni de'i don nyams su len pa'o/ /mang du thos pa ni sde snod gsum gyi don la yid ches pa'i dad pas gzhan la nyan cing thos pa'o/ /byams pa dang ni snying rje'i sems//zhes pa ni/ byams pa ni phyogs med pa'o/ /snying rje ni mi bzod cing gzhan la phan 'dogs pa'o/ /dga' dang btang snyoms gnas pa dang / /zhes pa ni/ dga' ba ni chos bzhin can no/ /btang snyoms ni gang la yang mi gnas shing ma chags par gnas pa'o//stong pa mtshan ma med pa'i sems/ /zhes pa ni/ stong pa ni rnam par thar pa'i mtshan ma dang bral ba'i ngang / thugs mtshan ma med pa'i sems su gnas pa'o/ /smon pa med pa'i yid ldan pa/ /zhes pa ni/ smon pa med pa ni gsum/ smon pa med pa'i rnam par thar pa las/ yid dang ldan pa ni yid kyi rnam par shes pas/ rnam par thar pa gsum dang ldan pa'i don bsgom pa'o/ /da ni slob ma gzud cing me tog dor nas/ dam tshig dbog pa'i tshig ston te/ de nas slob ma sngags 'di yis/ /zhes pa ni slob ma 'og nas 'byung ba'i sngags 'dis slob ma gzhug par bya'o//phyi ma bde ste brda phrad sla'o/ /de nas phyag na rdo rjes so/ /zhes pa nas/ thams cad sbyin no zhes pa'i bar gyis ni/ lha bstan cing dbang bskur ba'i bye brag ste brda phrad sla'o/ /da ni sgrub pa'i khyad par ston te/de ci'i phyir zhe na/ bde bas bde ba bskyed nas ni/ /zhes gsungs te/ bde bas ni sgrub pa po phun sum tshogs pa lnga dang ldan pa'o/ /bde ba ni brtson 'grus kyi rtags bde ba 'dod pa'o/ /bskyed nas ni cho 'phrul rnam pa bzhi dang / mngon par byang chub pa lnga'i sgo nas sems bskyed pa'o//dkyil 'khor bzhi yi dbus su ni/ /zhes pa ni/ dkyil ni chos kyi dbyings la/ 'khor ni ye shes bzhi'o/ /dbus ni dbus kyi pho brang ste/ kun du bzang po bde ba che/ /zhes pa ni/ kun du bzang po'am bde ba chen po gang yang rung ba'i rigs bzhi'i dkyil 'khor gyi dbus su sngags mkhan bdag nyid kyis bsgom par bya'o//de ci'i phyir zhe na/ snying gar hUM zhes pa bsams nas/ /rdo rje sems dpa' mnyam par 'gyur/ /zhes pa ni/ bdag gi snying gar ma las nyi ma'i dkyil 'khor cig bsams la/de'i dbus su ye shes kyi hUM bsams nas/ cho ga rnam pa gsum gyi tshul du spro bsdu byas la/ rdo rje 'dzin pa dang mnyam pa'i dngos grub thob bo/ /dpal ldan las rnams kun byed cing / kun du bzang po bdag nyid 'gyur/ / zhes pa ni/ dpal ldan ni lta ba dang spyod pa'i dpal dang ldan pa des bsgrub pa'i las kun byas nas kun du bzang por 'gyur zhe'o/ /hUM las sangs rgyas skur bsgyur na/ phyag na rdo rje bdag nyid 'gyur/ /zhes pa ni/ bdag nyid las kyi lha phyag na rdo rje bsgrub par bya ba'i phyir/ye shes kyi rang bzhin yi ge hUM las yi ge hUM sna tshogs spros te/ de la sangs rgyas kyi gzugs kyis gang bar bsgoms na phyag na rdo rje dang 'dra bar 'gyur ro/ /snying gar 'khor lo rab bskor nas/ /phyag na rdo rje 'dra bar 'gyur/ /zhes pa ni/ bdag gi snying gar tsa ser po las gser gyi 'khor lo rtsibs brgyad pa cig bskyed do//rdo rje ra bas mtha' ma rab tu bskor nas/ 'khor lo'i lte bar ye shes sems dpa' mtshon gang ba cig bsgoms te/ las kyi lha'i bsnyen pa grangs mang du byas na/ phyag na rdo rje dang 'dra ba'i dngos grub 'thob bo//rdo rje khro bo rab bsgoms te/ /snying ga'i dbus su phaT ces bya/ /hUM zhes bya ba bskor bsams nas/ /zhes pa ni/ bdag khro bo rdo rje stobs po che'i ting nge 'dzin du rab tu bsgoms te/ bdag gi snying ga'i dbus su ma las nyi ma'i dkyil 'khor cig bskyed de/de'i dbus su phaT cig bsgoms nas/ phaT kyi mtha' ma hUM gis bskor bar bsams te/ stobs po che'i bsnyen pa ci mang du byas na 'grub par 'gyur ro/ /rdo rje brtan par bdag bsgyur la/ /snying gar oM zhes bya ba yis/ / bskor ba'i hUM dang traM ldan pas/ /zhes pa ni nam mkha'i snying po bsgrub pa'i don ched du/ rdo rje ni rig pa/ brtan pa ni ting nge 'dzin du bdag nyid bsgyur nas/ snying gar zla ba'i dkyil 'khor dbus su oM bsgoms te/ hUM dang traM gis oM gyi mtha' ma bskor te/ bsgoms nas bsnyen pa byas na nam mkha'i snying po dang 'dra bar 'gyur ro//da ni rdo rje chos rab sgom pa ste/ rdo rje bsgoms la snying ga yi/ /dbus su traM bsam zhes bya ba/ /oM zhes bya bas bskor bsams nas/ /zhes pa ni/ bdag nyid rdo rje chos su bsgoms la/ snying gar zla ba'i dkyil 'khor du yi ge traM bsams te/oM gyis mtha' bskor nas/ bsgrubs na 'grub par 'gyur ro/ /da ni rdo rje las bsgrub ste/ 'khor lo rgya gram hUM ldan pa/ /aHzhes bya ba bskyed nas kyang / /oM zhes bya bas bskor bsams na/ /zhes pa ni bdag nyid rdo rje las su bsgoms te/bdag gi snying gar 'khor lo cig bsams la/ 'khor lo'i lte bar rdo rje rgya gram cig bsams te/ rgya gram gyi bsnol mtshams su hUM bsgoms nas/ aHzhes bya bas lha'i skur bskyed de/ oM gyis rgya gram gyi mtha' bskor nas bsgrubs na 'grub par gsungs so//da ni las rnam pa bzhi'i bye brag bshad de/ de nas las rnams bshad bya ste/ /zhi ba dang ni rgyas pa'i las/ /de ltar dbang dang drag spyod rnams/ /zhes pa ni/ de nas ni gong gi rting thogs so/ /las ni byed cing rtsol ba'o//rnam pa ni bye brag gi phrin las bzhi'o/ /thugs chos nyid las ma g.yos pa ni zhi ba'o/ /bde ba chen pos 'dod pa skong bas na rgyas pa'o/ /des thams cad dbang du sdud pas na dbang ngo / /des mtshan ma'i dngos po 'joms pas ni drag spyod do//bzlas dang sbyin sreg cho ga yis/ /las rnams thams cad bya ba yin/ /zhes pa ni/ bzlas pa ni phrin las rnam pa bzhi gang byed pa'i sngags dang phyag rgya dang / ting nge 'dzin dang yo byad rnams grub na spogs pa'i cho ga byed pa'o/ /sbyin pa ni ma chags par gtong ba'o//sreg pa ni dngos po dang mtshan ma rnams sreg pa'o/ /cho ga ni las kyi bye brag la mkhas par bya ba yin zhes so/ /rdo rje sems dpar bdag bsgyur la/ zhi ba'i las ni brtsam bya zhing / /zhes pa ni/ bdag rdo rje sems dpa'i skur bsgoms la/gos dang kha dog dkar por byas te/ kha shar phyogs su bltas nas las byas na/ nyes pa thams cad sel bar 'gyur bar yang gsungs so/ /yang na de bzhin gshegs pa'i rigs kun du bzang po'am/ bde ba chen por bsgoms nas gong ma bzhin du las byas na/sdig can gyi sems zhi bar 'gyur ro/ /da ni rgyas pa'i las ston te/ gser 'od mdzes shing 'bar ba yis/ /rin chen 'dzin du bsams nas ni/ /zhes pa ni/ bdag rin chen 'byung ldan mdog gser 'od ltar mdzes shing 'od 'bar bar bsgoms nas/nyi ma'i gung la rgyas pa'i las byas na/ 'od ser pos gang la bya ba'i lus la bkang nas byin gyis brlabs na 'byor pa dang ldan par 'gyur ro/ /da ni dbang gi las ston te/ 'byor dang ldan pas khung bur ni/ /pad+ma 'dra bar byas nas kyang / /zhes pa ni dbang ni 'byor ba phun sum tshogs pa dbang du byed pa'i thabs ston te/khung bu'i dbus su pad+ma mkhal yon 'dra ba brkos la/ rdo rje chos rab tu bdag bsgyur nas bsgoms na 'grub par 'gyur zhes gsungs so/ /skabs 'dir drag po'i las 'byung zhes kyang gsungs na/dkyus na mi gsal/ da ni phrin las kyi thabs ston te/ 'dren pa kun du bzang po yis/ /zhi ba'i las ni rab tu bya/ /zhes gsungs pas/ nyon mongs pa'i 'khor ba las sems can 'dren pas kun du bzang po ste/ de'i ting nge 'dzin du bdag bsgoms la/zhi ba'i las ma grub na spogs pa'i cho ga bya'o/ /rdo rje rin chen rgyas pa ste/ /dbang bskur ba yang de bzhin no/ /zhes pa ni rdo rje ni zhi ba'i rang bzhin te/ de las rin chen rgyas par bsgyur la/ de la/ thams cad dbang du sgyur ba'i phyir/ /dbang bskur ba yang de bzhin no//zhes gsungs te/ tog gis rnam rgyal de bzhin te/ /longs spyod dbang phyug dpal mnyam med/ /ces pa ni phrin las rnam pa bzhi ni nyon mongs pa'i sdig pa rtsad nas 'byin pas na/ tog ni gzung 'dzin rnam pa gnyis las rgyal ba de bzhin du/ bdag gis phrin las rnam pa bzhi'i las byas la/'jig rten pa'i longs spyod dang / khams gsum gyi dbang phyug dang / dpal mnyam pa med pa 'thob par 'gyur ro/ /rdo rje nyi ma'i gzi brjid dang / mdog sdug shin tu 'bar bar bya/ /zhes pa ni/ sgrub pa pos rdo rje nyi ma'am/ rdo rje bzhad pa mdog sdug gnyis gsal bar bsgom pa ni 'bar bar bya zhes pa'i tha tshig go//bzhad cing rmad du mdzad pa yis/ /dga' mgu rangs pa'i bsam par 'gyur/ /zhes pa ni/ rdo rje bzhad par bsgoms nas de'i phrin las byas na/ yon tan rmad du mdzad pa yin na/thams cad yid dga' ba dang / sems mgu ba dang / blo rangs pa'i bsam par 'gyur ro/ /pad+ma bzhad pas tshogs kun gyi/ /rtogs mdzad sangs rgyas thams cad kyang / /zhes pa ni/ bdag nyid rdo rje chos su bsgrubs te/ pad+ma ni ma chags pa la/ bzhad pa ni phrin las te/tshogs ni mang po 'byung ba'i don to/ /rtogs mdzad ni de'i don nyams su blangs shing rtogs par byas nas/ sangs rgyas thams cad kyang mnyes na/ gzhan lta ci smos zhes bya ba'i don to/ /da ni rdo rje rnon po'i las ston te/ gzhan gyi rigs sogs tshogs mchog rnams//rnon pos gcod pa nyid du mdzad/ /ces pa ni/ bdag nyid rdo rje rnon por bsgoms nas/ gzhan gyi rig sngags la sogs pa'i tshogs kyi mchog rnams rdo rje rnon por bsgoms pa'i mthus/ de rnams tshar gcod cing gdon yi dwags la sogs pa/ gza' than rnams 'khor rtsad nas 'byin par mdzad pa ni rdo rje gsung gi las ston te/lkugs dang lkugs pa yin pa dang / /glen mi smra dang smra bar mdzad/ /ces pa ni/ rdo rje smra bar bsgoms te/ lce'i steng du paM las pad+ma 'dab ma brgyad pa'i steng du/ nyi ma'i dkyil 'khor cig bsgoms te de'i steng du rdo rje cig bsgoms nas/bsgrub pa'i las byas na lkugs pa rnams smra bar mdzad do/ /gal te ma rungs pa'i lce la dzaM bsgoms te/ de 'od nag po 'phros te lkugs par 'gyur ro/ /da ni rdo rje las kyi bsgrub pa ston te/ rgya gram gyi ni mchod pa dang //sems can don mdzad thams cad ston/ /zhes pa ni/ bdag rdo rje las su bsgoms nas/ phyag na rgya gram bsnams pa/ de la mchod pa bya zhing bsgoms la/ sems can gyi don mdzad pa dang / dngos grub thams cad thob par 'gyur ro/ /da ni rdo rje srung ba'i las ston te/hraM zhes bya ba 'phro mdzad cing / /rdo rje srung bas srung bar mdzad/ /ces pa ni/ bdag nyid rdo rje srung bar bsgoms te/ bdag gi snying gar hraM zhes bya ba las 'od 'phro bar bsgom zhing gang nad kyis zin pa de la spros na rdo rje srung bar 'gyur ro/ / da ni rdo rje gnod sbyin gyi las 'chad de/ hUM zhes bya ba'i so yis ni/ /rdo rje gnod sbyin nyid kyis kyang / /zhes pa ni/ bdag nyid gnod sbyin du bsgoms te/ hUM las ye shes kyi mche ba rnon po dang ldan pa bsgoms te/ rdo rje gnod sbyin gyi ting nge 'dzin gyis ni ma rungs pa rnams sems ma rungs par 'gyur ro//ma rungs pa'i snying gar baM bsams te/ bsgoms na dug rigs la sogs pa med par 'gyur ro/ /da ni zhi ba'i las ston te/ 'od zer gsal ba'i dngos po la/ /rgyas par 'gyur bsgom byed cing / /zhes pa ni/ bdag rdo rje sems dpar bsgoms te/'od zer dkar la gsal bas thams cad rgyas par 'gyur zhing zhi bar 'gyur ro/ /rgyas pa'i las ni/ rang gi lus ni gser btsos dang / /nyi ma gsal shar dge 'dra bar/ /zhes pa ni/ bdag nyid rin chen 'byung ldan du bsgoms nas/ kha dog ser po 'od 'phro bar bsgoms na thams cad rgyas par 'gyur ro//da ni dbang gi las ston te/ pad+ma'i sems dpa'i ting nge 'dzin gyis/ /zhes pa ni/ bdag nyid chags pa'i rang bzhin snang ba mtha' yas su bsgoms nas/ hoM las 'od zer dmar po 'phros te/ snying gar spros na 'dod pa kun dbang du 'gyur ro//rigs bzhi 'khor los sgyur ba'i cho ga yan lag dang bcas pa bshad zin to/ /cho ga bshad pa las legs par bsngags pa dang / phyag rgya'i le'u ni bde ste brda phrad sla'o/ /phrin las rnam bzhi'i sngags kyi yig 'bru ni sa bcu drug gi snying po'o//ba bcu drug ni nye ba'i snying po'o/ /dza bcu drug ni sku bskyed pa'i snying po'o/ /tsa bcu drug ni rtsa ba'i gsang sngags so/ /phrin las rnam bzhi gtang ba ni bde ste brda phrad sla'o/ /da ni rdo rje nyi ma me'i dkyil 'khor ston te/ de nas phyag na rdo rjes rang gi sku bor te/ rdo rje sems dpa'i chos kyi sku'i ngang du bzhugs te gnyis su med par gyur to/ /de nas rdo rje gnyis su med pa mnyam pa zhes bya ba'i ting nge 'dzin la snyoms par zhugs te zhes pa ni rdo rje ni ye shes te/ de'i don la gnyis su med pa ste/ de lta bu'i ting nge 'dzin la snyoms par zhugs so//rdo rje sems dpa' khro bo rdo rje nyi ma me zhes bya ba'i snying po 'di zhes pa ni/ rdo rje ni yang dag pa'i ye shes so/ /sems ni thugs rje phun sum tshogs pa'o/ /dpa' ni phrin las phun sum tshogs pa'o/ /khro bo ni rang bzhin phun sum tshogs pa'o/ /rdo rje ni ye shes so//me ni mtshan nyid do/ /snying po ni rig pa'o/ /thugs ni rig pa'i rang bzhin snying ga nas phyung zhes pa'i tshig go/ /sngags kyi don ni ma smos so/ /da ni dkyil 'khor gyi mtshan nyid bshad do/ /de nas dkyil 'khor mi bzad pa/ /zhes gsungs te/ de ni gong gi mjug sdud la/nas ni 'og gi mgo 'dren/ dkyil ni rdo rje nyi ma me la/ 'khor ni khro bo mi bzad par rab tu 'jigs pa'i drag shul dang ldan pa'o/ /che ba'i che mchog rtsibs bcu gnyis/ /zhes pa ni che ba ni 'jig rten pa'o/ /mchog ni de'i mchog rdo rje nyi ma me'o/ /rtsibs bcu gnyis ni 'khor lo'i rtsibs te/shar du 'jig rten gsum snang rdo rje bsnams pa'o/ /shar lhor 'jig rten gsum 'dul thod dbyug bsnams pa/ lhor 'jig rten gsum 'jig rdo rje rtse gsum/ lho nub tu 'jig rten mthar byed gshed kyi dgra sta/ nub tu 'jig rten gsum 'jig bdud rtsi thab sbyor gyi rgya gram/nub byang be con nag po 'khor lo/ /byang mi g.yo ba dgra sta/ byang shar rta mgrin pad+ma bsnams pa'o/ /shar gyi srin mo nag mo thod rlon bsnams pa/ lho'i rtsibs la be con nag mo dbyug to bsnams pa/ nub kyi rtsibs la mtshan mo nag mo zla ba bsnams/byang gi rtsibs la khro bo gnod sbyin nag mo rdo rje bsnams/ lha rdzas 'bar ba'i phreng bas dkrigs/ /shin tu 'bar zhing cher 'bar ba/ /zhes pa ni/ lha rdzas ni 'jig rten pa'o/ /'bar ba ni rdo rje nyi ma me'o/ /phreng ba ni thugs rdo rje las 'khor gyis phreng ba ltar bskor ba'i tha tshig go//dkrigs pa ni rim par bri ba'i phyir smos te/ shin tu 'bar ba ni sku'o/ /cher 'bar ba ni thugs yang dag pa'i ye shes so/ /de ltar dkyil 'khor bris nas ni/ /zhes pa ni/ de ltar ni gong gi gtan tshigs de ltar sgrub pa po bdag nyid kyis dkyil 'khor gyi lha rnams sgrub pa'o//dkyil ni rdo rje nyi ma me bzhugs te/ 'khor ni khro bo rnams kyis bskor ba bri ba ni/ sa tshon la bri ba ste/ 'khor lo'i rtsibs bcu gnyis su 'khor rnams sngon gyi smon lam gyi stobs kyis khams gsum gyi sems can la phan pa'i rtags su rten 'brel bcu gnyis las bzlog ste/thugs rje phun sum tshogs pa'i khyad par gyis mdzad pa bcu gnyis su bstan to/ /de lta bu'i gzhal med khang de'i mtshon par bya ba'i rtags su ye shes kyi khro bo rnams rim par bri ba'i thabs/ ci'i phyir zhe na/ rdo rje sems dpa' gzhag par bya//zhes pa ni/ rdo rje ni thugs chos nyid do/ /sems dpa' ni ye shes so/ /gzhag par bya ba ni nyi ma ste/ thugs chos nyid mi 'gyur ba ste sku mdog sngo nag phyag na thabs dang shes rab kyi rdo rje dang dril bu bsnams so/ /da ni 'khor ston te ci'i phyir zhe na/ 'jig rten gsum snang la sogs khro bo kun/ /zhes pa ni/ 'jig rten ni khams gsum mo/ /gsum snang ni ye shes kyi ngo bo la sogs ni 'khor dang bcas pa'o/ /khro bo ni ma rungs pa gdul ba'i gnyen po ste/ de ci'i phyir zhe na/ ma rungs snying gar bzhag nas shin tu sdigs byed cing //zhes pa ni/ ma rungs pa ni spyod pa mi bgrungs pa'o/ /snying ga ni dran pa'i bzhi ste mnan pa'i phyir ro/ /sdigs byed cing ni/ sku'i tsham ngam gyis sdigs par byed pa'i tshul gyis gnon te/ de yang shar gyi rtsibs la 'jig rten gsum snang gis lha'i dbang po brgya byin gnon to//shar lho'i rtsibs la 'jig rten gsum 'dul rnam par rgyal te/ me lha'i rgyal po mnan to/ /lho'i rtsibs la 'jig rten gsum 'jig ste gzhan gyis mi thub pa gshin rje gnon to/ /lho nub kyi rtsibs la 'jig rten mthar byed gshin rje gshed kyis srin po gnon to//nub kyi rtsibs la 'jig rten gsum 'jig bdud rtsi thab sbyor gyis chu lha gnon to/ /nub byang gi rtsibs la be con nag po rlung lha gnon to/ /byang gi rtsibs la mi g.yo ba gnod sbyin gnon to/ /byang shar gyi rtsibs la rta mgrin dbang ldan gnon to//srin mo nag mos shar gyi rtsibs la nyi ma gnon to/ /be con nag mos lho'i rtsibs la sa bdag gnon to/ /mtshan ma nag mos nub kyi rtsibs la zla ba gnon to/ /khro mo gnod sbyin nag mos byang gi rtsibs la sa'i lha mo brtan ma gnon to zhe'o//de rnams kyi ye shes kyi khyad par gyis 'jig rten gyi mthu can dbang du bsdus nas zhabs 'og tu bcug pa'i tha tshig go/ /sku mdog gi don ni brda phrad sla'o/ /zhal ni shin tu 'jigs 'jigs lta/ /zhes pa ni/ zhal ni rnam par thar pa gsum mo//'jigs pa ni bdud dang srin po yang 'jigs pa'o/ /'jigs par lta ba ni thugs rje'o/ /phyag ni brgya phrag du mar ldan/ /sbrul dang mi sdug gos kyis brgyan/ /zhes pa ni/ phyag ni thabs thugs rje'o/ /brgya phrag ni rnam grangs so/ /du mar ldan ni phrin las so//sbrul ni 'khor ba zhe la gnon pa'i rgyan no/ /mi sdug pa ni thugs rje'o/ /gos kyis brgyan ni shes rab bo/ /stag lpags kyis ni smad g.yogs shing / /rgyu ma thogs shing dbu mtha' yas/ /zhes pa ni stag lpags ni phrin las so/ / smad g.yogs gos ni bdud las rgyal ba'o/ /rgyu ma ni 'khor ba'i rgyu ma'o/ /thogs pa ni thugs rje'o/ /dbu mtha' yas ni ye shes so/ /mgo thod shas bkang phyag na bsnams/ /zhes pa ni/ mgo thod ni phyi snod kyi 'jig rten no/ /shas gang ba ni nang bcud kyi sems can no//phyag na bsnams pa ni snod bcud thugs rjes gang bar byed pa'i tha tshig go/ /srin mo'i tshogs rnams gzhag par bya/ /zhes pa ni/ phyi rol gyi snam bu gru chad la srin mo chen mo bzhi bri ste/ 'jig rten yin pa'i phyir dang / mthu bo che dam la btags pa'i phyir bri ba'i tha tshig go//sgo ba rnams kyang ji bzhin du/ /rang gi phyag rgya'i lag mtshan can/ /zhes pa ni/ de'i phyi rol du sgo ma lcags kyu ma dang / zhags pa dang / lcags sgrog dang / dril bu rnams kyang bri ba'i tha tshig go/ /rang gi ni so so la/ phyag rgya ni mi 'da' ba dang mtshon pa'i brda'o//lag mtshan ni/ gru chad kyi lha mo bzhi ni shar du rak+Sha ma'i thod rlon dang / lhor in+d+ra ma'i rdo rje gdengs pa dang / nub tu phra ma na'i rin po che dang / byang du ya ba'i gdan no/ /lha'i gral rim bstan to/ /da ni bum pa'i dkyil 'khor dang cha rkyen ston te/de nas bum pa gang ba yis/ /zhes pa ni/ de ltar ni rgyan chas bum pa bcu drug /sman lnga/ 'bru lnga/ spos lnga/ rin po che lnga/ snying po lnga/ kha rgyan dang gzungs thag dang / mgul chings dang ldan par bya ste gzhag par bya'o/ /rgyan chas phyi ma ni brda phrad sla'o//dkyil 'khor du 'jug pa ni/ de nas slob dpon bdag nyid kyang / /zhes pa ni/ dkyil 'khor bri ba'i rting thogs su/ lha la dbang mi bza' ba'i phyir/ lha'i dam tshig thob pa'i phyag rgyas bdag nyid dkyil 'khor du 'jug cing kha zas sha la sogs pa'i dam tshig byin gyis brlab cing mchod pa dbul bar bya'o//dkyil 'khor du 'jug pa bshad zin to/ /da ni sgrub tu gnang ba ston te/ de nas 'dod ldan rnyed nas ni/ /hUM zhes bya ba bsgrub par bya/ /zhes pa ni/ de nas ni skabs kyi rting thogs so/ /'dod pa ni dngos grub 'dod la/ldan pa ni bdag sgrub pa po skal ba dang ldan pa'o/ /rnyed ni bdag dang gnyis su med par dngos grub rnyed pa'o/ /hUM ni lha so so'i rtsa ba'i snying po rgyu ma nor ba'o/ /bsgrub par bya ba ni de las ma g.yos shing mi 'da' bar bya ba'i tha tshig go/ /sgrub tu gnang ba bstan zin to//da ni slob ma 'jug pa ston te/ de ci'i phyir zhe na/ de nas sngags mkhan sgo sgor yang / /de nyid dran byed bsnyen par bya/ /zhes pa ni/ sngags mkhan ni gong du bsgrubs pa'i slob dpon no/ /sgo sgor ni dkyil 'khor gyi sgo bzhi'o/ /yang ni bsnan pa'i tshig gi don te/slob dpon zhugs pa'i 'og tu slob ma yang gzhug ces pa'i tha tshig go/ /de nyid ni slob ma de nyid do/ /dran byed ni dkyil 'khor dang / sngags dang / phyag rgya dang / lha dang slob dpon no/ /bsnyen par bya ba ni byang chub kyi sems dang ldan par bya ba'i tha tshig go//de'i yon tan ni brda phrad sla'o/ /da ni dngos grub blang ba ston te/ dkyil 'khor gyi ni tshogs rnams dang / /rang gi lha yi tshogs rnams la/ /zhes pa ni/ dkyil ni dbus kyi gtso bo'o/ /'khor ni phyi rol nas bskor ba rnams so/ /tshogs rnams ni ldan pa'i don to//rang gi lha ni bdag gang la bab pa'o/ /tshogs ni g.yog dang bcas pa'o/ /rgyud las 'byung ba'i dam tshig brjod/ /ces pa ni/ rgyud ni thugs rang bzhin gyis rgyud la gnas pas/ don ni 'di nyid breng ma chad pa dang / 'brel pa'i phyir rgyun ma chad par smos so//'byung ba ni rgyud 'di nyid las 'byung ba'i dngos grub stsol ba'i don to/ /dam tshig ni bdag dang mi 'da' ba'i phyir dam tshig go/ /brjod pa ni gsol ba 'debs pa'i tha tshig go /da ni dkyil 'khor nas 'byung ba ston te/ de nas mchod de langs nas kyang //zhes pa ni/ dkyil 'khor gyi lha la mchod cing / dngos grub gsol zhing / dkyil 'khor las langs nas 'byung ba'i tha tshig ste/ de ci'i phyir zhe na/ tshogs spyan rdo rje sems dpa' yi/ /tshul du gnas nas 'byung bar bya/ /zhes pa ni/ tshogs ni dkyil 'khor gyi lha rnams so//spyan ni ye shes so/ /rdo rje ni thugs so/ /sems dpa' ni phrin las so/ /tshul du gnas pa ni gnyis su med par gnas pa'o/ /'byung bar bya ba ni slob ma yon 'bul du 'jug pa'i phyir 'byung bar bya zhes smos so/ /slob ma 'dus nas yon 'bul ba ni/de nas slob ma zhes pa ni/ snod du rung bar byin gyis brlab pa dang / /thod pa'i phyag rgya bca' ba dang / gdong g.yogs dkri ba dang / dam tshig gi chu blud pa'i sngags dang / dam tshig las mi 'da' ba'i mna' dang / dbang bskur ba'i sngags dang / dbang bskur bar bya ba ni brda phrad sla'o//da ni de dag gi sgrub pa ston te/ de ci'i phyir zhe na/ de nas de dag sgrub pa ston te zhes pa ni/ de nas ni rting thogs so/ /de dag ni gong gi lha'o/ /sgrub pa ni gnyis su med par bsgom pa'o/ /bdag nyid khro bor snyoms zhugs te/ /des ni snying gar nyi ma bsgom//zhes pa ni/ bdag nyid ni sgrub pa po'o/ /khro bo ni nyi ma me'o/ /snyoms zhugs ni gnyis su med par sgom pa'o/ /des ni de ltar sgrub pa des zhes bya ba'i tha tshig go/ /snying gar ni shes pa'i rang bzhin la bya'o/ /nyi ma sgom ni lha ye shes sems dpa' bdag dam tshig sems dpa' la bsgom pa'i phyir ro//nyi ma'i dkyil 'khor gcig bsam mo/ /rang gi chos kyi yi ge las/ /khros nas yang dang yang khro zhing / /de gnyis gcig tu bsgom par bya/ /zhes pa ni/ rang gi ni sgrub pa po bdag nyid do/ /chos kyi ni gong gi nyi ma'i dkyil 'khor ro//yi ge ni so so'i rtsa ba'i sngags so/ /khros nas yang ni sems rab tu khros nas khro bo'i tshul du dmigs pa la yang dang yang zhes smos so/ /yang khro zhing ni de las kyang khro bo'i sprul pa phyogs bcur 'phro ba'o/ /de gnyis ni lha ye shes sems dpa' dang /bdag dam tshig sems dpa' gnyis so/ /gcig tu bsgom pa ni chu dang 'o ma 'dres pa'i tshul du bsgom pa'o/ /de'i yon tan phrin las rnam pa bzhi sgrub pa ni brda phrad sla'o/ /da ni ma grub na spogs pa'i cho ga ston te/ de ci'i phyir zhe na/ rdo rje sems dpa'i ting 'dzin gnas//khro bo dkyil 'khor bsgom par bya/ /zhes pa ni/ rdo rje ni thugs so/ /sems dpa' ni snying po byang chub bo/ /ting nge 'dzin ni de la gnyis su med par bsgom pa'o/ /khro bo ni ye shes so/ /dkyil 'khor ni nyi ma me'i dkyil 'khor ro/ / bsgom par bya ba ni bdag dang gnyis su med par sgom zhing sgrub pa'i tha tshig go/ /gdug pa'i sems kyis 'dzin byed cing / /zhes pa ni/ gdug pa ni spyod pa'o/ /sems ni de'i rang bzhin no/ /'dzin byed cing ni mi gtong bar 'dzin pa'i tha tshig go/ /mdor na dug rims gdon la sogs//zhes pa ni/ mdor na ni rnam pa gcig tu'o/ /dug ni rang bzhin dang sbyar ba'o/ /rims ni nad sna tshogs pa'o/ /gdon la sogs ni gdon stong phrag brgyad cu la sogs pas byin gyis brlabs pa'o zhe'o/ /thabs la sogs pa 'joms byed pa/ / zhes pa ni/ thabs ni gong du gsungs pa'i bye brag go/ /'joms byed ni de 'dul ba'i gnyen po'o/ /khros nas snying las 'byung 'gyur ba ni/ khros pa ni thugs rje'o/ /snying las 'byung ba ni sems las khro bo'i sprul pa 'byung ba'o/ /bsad pa'i las ni bsam par bya//zhes pa ni/ bsad pa ni gong gis las kyi bye brag rnams med par bsam pa'i tha tshig go/ /khros par gyur pa'i rgod ma khas/ /sha dang khrag ni 'jib byed cing / /zhes pa ni/ khros par gyur pa ni/ sems gong gi rims nad la sogs pa gdon 'byung ba'o/ / rgod ma kha ni bdag nyid rta mgrin gyi ting nge 'dzin du zhugs la/ de rnams kyis sha dang khrag 'jib cing stobs 'phrog par bsam pa dang / 'od zer gyi sprul pa sna tshogs pa thugs ka nas phyung nas/ rims nad la sogs pa rnams zhi bar 'gyur zhes gsungs te/ ma grub na spogs pa'i cho ga bstan zin to//da ni srung ba'i cho ga ston te/ de nas hUM gi tshig bzhag la/ /rdo rje lta bu'i lus bsam zhing / /zhes pa ni/ nad pa'i lus byin gyis brlab pa'i don ched du/ bdag gi thugs ka nas ye shes kyi hUM gi tshig sna tshogs pa phyung zhing / nad pa'i lus gzhig cing bstims pa'i nad pa'i lus la 'od du zhu ste rdo rje'i ngo bor gyur par bsgom mo//haM gis 'khor lo'i cho ga bya/ /'od zer chu yis dbang bskur ro/ /zhes pa ni/ de ltar lus byin gyis brlabs pa'i nad pa de/ haM spros pas ye shes kyi 'khor lo'i go cha bla na med par gyur te/de'i 'od bdag gi thugs ka'i dkyil 'khor las ye shes kyi 'od zer byang chub kyi sems zla ba'i dkyil 'khor chu ltar gsher bas nad pa'i spyi bo nas dbang bskur bas nad lnga sos par byin gyis brlabs pa'i tha tshig go/ /de nas de yi ming zlos shing / / bzlas pa tshul bzhin bsam par bya/ /zhes pa ni/ de nas zhes bya ba ni rting thogs so/ /ming smos ni nad pa'o/ /bzlas pa ni phrin las rnam pa bzhi gang byed pa'i bzlas pa'o/ /tshul bzhin ni ma nor pa'o/ /bsam par bya ba ni so so'i nad rnams shAn+tiM ku ru swA hA zhes smos so//bsrung ba'i cho ga bshad zin to/ /da ni zhi ba'i sbyin sreg ston te/ de nas/ khung bu gsum las rnam gcig tu/ /zhes pa ni khung bu gsum ni rab 'bring rnam pa gsum la bya'o/ /rnam gcig tu ni de gsum gyi kha dog dbyibs ston te/ de ci'i phyir zhe na/ zla ba rgyas pa'i 'od zer 'phro 'dra la//zhes pa ni/ zla ba ltar ni dkar ba/ rgyas pa ltar ni zlum pa/ ye shes kyi 'od zer 'phro ba 'dra ba la/ dbyibs su smos zhes pa'i tha tshig go/ /de yang khung bu rab 'bring tha ma gsum ni blo'i khyad par dang / bsod nams kyi khyad par du smos te/ de la rnam gcig tu 'od ni me 'od do//zer ni mu ran dang kha khyer ro/ /'phro ba ni pad+ma'i 'dab ma'o/ /de yang thugs chos nyid las ma g.yos pa ni thab khung khru gang du smos so/ /thabs dang shes rab zung du 'brel pas khru do'o/ /tshad med pa'i phrin las rnam pa bzhis 'gro ba'i don mdzad pas khru bzhi'o//nyon mongs pa'i 'khor ba rtsad nas gcod pa'i rtags su/ dbus su 'khor lo rtsibs brgyad pa bri/ gzung 'dzin gyi skyon spangs pa'i rtags su zla ba'i dkyil 'khor bri'o/ /nyon mongs pa'i mtshan ma 'joms pa'i rtags su ye shes kyi rdo rje rtse lnga pa la ye shes kyi 'od dkar po 'phro ba bri'o//nyon mongs pa'i 'khor ba'i mun pa sel ba'i rtags su me 'od bri'o/ /rtog ge pa'i spyod yul ma yin pas phyi rol rdo rje ra ba zlum pos bskor ro/ /sku gsung thugs lhun gyis grub pas snam bu rim pa gsum gsum du bstan par bya'o//nyon mongs pa'i skyon gyis ma gos pas pad+ma'i 'dab ma bri'o/ /ye shes bzhi rtogs pa'i yul yin pas phyi rol gru bzhir bya'o/ /bsdu ba'i dngos po bzhis sems can sdud pas na sgo bzhir bya'o/ /rim pa dang po la rigs bzhi'o/ /gnyis pa la sems dpa'o//gsum pa la phyogs skyong dang lha chen po spel mar bri'o/ /sgor rgyal po chen po bzhi bri'o zhes smos so/ /rigs brgyar la sogs zur phyin cing / /zhes pa ni rigs ni lnga'o/ /brgyar dbye ba ni sku gsung thugs gsum ste/ rigs bco lnga'o/ /de la yang ye shes rnam pa lnga lnga ste rigs bdun cu rtsa lnga'o//de la phrin las rnam pa bzhi ste rigs dgu bcu rtsa lnga'o/ /de yang thabs dang shes rab zung 'brel te/ gnyis su med pas gnyis gcig tu brtsis pas brgya tham pa'o/ /zur phyin cing ni gsal bar bya ba dang / phyogs ma nor bar bya ba'i tha tshig go//gzhan ma cha rkyen ni brda phrad sla'o/ /me brtag pa dang / yi dam gyi lha spyan drang ba dang / mchod pa'i thabs dang bsam rgyud ni de dang 'dra ba'o/ /da ni zhi ba'i mchod pa mdor bsdus pa ston te/ de nas dkon mchog gsum la gsum/ /zhes pa ni/ theg pa chen po'i chos khungs mi gsung ba'i don ched du/sangs rgyas yab dang / dam chos yum dang / dge 'dun sras rnams la sku gsung thugs mnyes par bya ba'i phyir gsum zhes smos pa'i phyir ro/ /de bzhin du ye shes kyi zhal me lha la yang gsum mo/ /bsgrub pa'i rten yin pas rdo rje sems dpa' la yang gsum mo//dam tshig nyams pa bskang ba'i phyir phyi ma la yang gsum mo/ /snying rje'i zhing yin pas bgegs dang 'byung po la yang gsum mo/ /yam shing bsreg pa'i thabs dang / bsnyen pa'i tshad dang / las kyi lhag chad kha bskang ba dang /slar gshegs su gsol ba dang / grub pa'i rtags dang / sdig can ma grub na grub pa'i thabs brda phrad par sla'o/ /zhi ba'i sbyin sreg gi don bsdus pa bshad zin to/ /da ni rgyas pa'i las bshad par bya ste/ gnas phun sum tshogs pa bde ste ma bkral lo//hom khung gi tshad ni/ hom khung khru do khru bzhi pa/ /de ltar mchog ni khru brgyad pa'o/ /zhes pa ni/ gzung 'dzin rnam pa gnyis spangs pas khru do'o/ /skye gnas bzhi sbyong bas khru bzhi/ rnam par thar pa brgyad dang ldan pas khru brgyad do/ /rab 'bring de rnams kyang 'bangs dang blon po dang /rgyal po gsum gyi tshad du yang gsungs so/ /chung mchog bar ma rnams la gcig /ces pa ni/ chung ba ni khru do/ mchog ni khru brgyad do/ /bar ma ni khru bzhi'o/ /de rnams gang lcogs pa cig la dkyil 'khor bri zhing rgyas pa'i las bya zhes pa'i tha tshig go//stegs bu brtsegs pa'i dkyil 'khor ni/ /zhes pa ni/ stegs bu ni sa stegs so/ /dkyil ni dbus kyi pho brang thab khung du smos pa'o/ /'khor ni de'i phyi tshad do/ /thab khung khru do/ phyi tshad ni khru brgyad de/ phrin las rnam pa bzhi dang / tshad med pa bzhi ste brgyad dang ldan pa'i rtags so//thab khung bar ma khru bzhi'i phyi tshad ni khru bcu gnyis te/ mdzad pa bcu gnyis kyi tshul gyis rten 'brel bcu gnyis ldog pa'i don to/ /rab khru brgyad kyi phyi tshad ni khru bcu drug ste/ dmyal ba'i khams bcu drug gi gnyen po ye shes bcu drug gis sbyong ba'i don to//mu khyud sor brgyad bcu drug gam/ /sum cu gnyis su byas pas yin/ /zhes pa ni/ thab kyi kha khyer chung ba'i tshad ni sor brgyad de/ rnam par thar pa brgyad dang ldan pa'o/ /'bring gi mu khyud sor bcu drug ni sems dpa' bcu drug gi don to/ /mchog gi mu khyud ni sor sum cu rtsa gnyis te/gnas gzhan sum cu rtsa gnyis ni shes pa sum cu rtsa gnyis kyis sbyong ba'i tha tshig go / phyi yi dkyil 'khor de yi phyed/ /zhes pa ni/ phyi ni mu khyud kyi phyi rol lo/ /'khor lo ni snam bu'i phyi rol du bskor ba'o/ /de'i phyed ni thab khung de'i phyed tsam cig phyi rol snam bu la phyi rol gcad pa'i tha tshig go//dkyil 'khor dbus su rin chen dang / /zhes pa ni/ dbus ni sbyang ba'i pho brang ste/ rin po che 'bar ba gser gyi 'od 'dra ba bri'o/ /phyi rol gyi mu ran la yang pad+ma dang rin po che spel ma bri'o/ /de yi dbus su brko ba ni//legs par brtags te phyed kyi tshad/ /ces pa ni/ de'i 'og tu zhes gsungs pa ni stegs bu'o/ /dbus ni thab khung ngo / /legs par ni thig tshad la dbab pa'i tha tshig go/ /bltas pa ni gzu lums mi bya ba'i tha tshig go/ /phyed kyi tshad ni thab khung gi phyed tshad gcig nang du brko ba'o//khru bzhi pa'am khru brgyad pa/ /yang na dpal skyes pad+ma 'dra/ /zhes pa ni/ phyi'i dbyibs te ye shes bzhi'i rtogs pa'i yul yin pas phyi rol khru bzhi par bya'o/ /de thab khung chung tshad kyi phyi rol gyi dbyibs so/ /thab khung 'bring gi dbyibs ni zur brgyad par bya ste/tshad med pa bzhi dang bsdu ba'i dngos po bzhis 'gro ba'i don mdzad pa'i rtags so/ /yang na ni chung 'bring gnyis la bsnan pa'i rtags so/ /dpal skyes ni bsod nams rab kyis bya ba'i tha tshig go/ /pad+ma 'dra ni pad+ma gyes pa ltar che ba'i dbyibs zlum por bya ba'i tha tshig go//tshon gyis bris pa'i thab ni brda phrad sla'o/ /rim gnyis yang na rim bzhi'am/ /yang na rim pa brgyad ldan par/ /zhes pa ni/ rim gnyis ni 'jig rten pa dang / 'jig rten las 'das pa'i snam bu gnyis su bya'o/ /yang na ni bsnan te/ rim pa bzhir smos te/ 'jig rten pa'i snam bu gnyis dang / 'jig rten las 'das pa'i gnyis te bzhi'o/ /rim pa brgyad ni me ri dang rdo rje ra ba dang / mchod snam dang / sgo snam bzhi ste/ brgyad dang ldan par bya zhes smos te/ so so'i phyag mtshan dang ldan par bri'o/ /rgyan chas ni brda phrad sla'o//las dang bya ba'i thabs ni/ byang phyogs kha bltas 'dug nas ni/ /'jig rten gsum 'dul khro bo ni/ /zhes pa ni/ gnod sbyin gyi gter sgrub pa'i phyir byang phyogs su kha lta'o/ /dngos grub mi nyams par bya ba'i phyir ni 'dug nas zhes smos so//'jig rten gsum 'dul khro bo ni/ /zhes pa ni/ 'jig rten gsum ni bde ba bsgrub pa'i phyir na/ trai lo kya bi dza ya'i khro bo'i ting nge 'dzin du sgom pa smos so/ /nyid kyi rnal 'byor rjes dran zhing / /lha yi yid bzhin nor rgyal mtshan/ /zhes pa ni/ nyid kyi ni lha'o//don dam par chos nyid dang ye shes rnal 'byor rjes su dran pa dang / kun rdzob tu lha ye shes sems dpa' dang / bdag dam tshig sems dpa' rjes su dran zhing sgom pas lha'i yid bzhin gyi bde ba'o/ /nor dang rgyal mtshan ni bdud las rgyal ba'i rtags thob pa'o/ /gter sgrub pa'i yon tan ni bde ste brda phrad sla'o//da ni gang bya ba'i dmigs ston te/ rgyal bar bya phyir de ming nas/ /zhes pa ni/ gang nor zad pa de nor spel ba'i phyir/ 'jig rten gsum 'dul la sogs pa lha so so'i sngags dang / de'i ming spel la puSh+TiM ku ru zhes grangs kyi bsnyen pa gzhung bzhin du byas na 'grub ce'o//sbyin sreg bya ba'i bsam rgyud yan lag dang bcas pa dang / yam shing cho ga dang bcas pa dang / me lha spyan drangs nas sbyin sreg bya ba dang / sngags mkhan khro bo'i ting nge 'dzin du bzhugs nas sbyin sreg dang / gnyen po'i yon tan ni brda phrad sla'o//rgyas pa'i las mdor bsdus pa bshad zin to/ /da ni dbang gi las ston te/ dbang ni chags pa'i sems kyis sam/ ye shes kyis chos nyid la dbang sgyur ba dang / thugs rjes 'gro ba la dbang sgyur bas dbang ngo / /de mi gtong zhing 'dzin pas na chags pa'o//de gnyis su med par sgom dgos pas na/ sems kyis sam zhes gsungs te/ de ni chags pa'i yul chags pa'i sems kyis bya ba'i tha tshig go/ /gang du bya ba'i gnas ni bde ste brda phrad sla'o/ /da ni ji ltar bya ba'i thabs ston te/ der ni stegs bu khru brgyad dam/de ltar bcu gnyis bcu drug rnams/ /zhes pa ni der ni gzhung nas 'byung ba'i gnas so/ /stegs bu ni sa stegs so/ /khru brgyad ni hom khung chung ba'i phyi tshad de/ lta ba log pa brgyad 'dul ba'i gnyen por gsungs so/ /bcu gnyis ni hom khung 'bring gi phyi tshad de/rten 'brel bcu gnyis lugs las bzlog pa'i rtags so/ /bcu drug ni hom khung rab kyi phyi'i tshad de/ sdug bsngal rab kyi mthar thug pa/ dmyal khams bcu drug thugs rjes dbang du sdud cing 'dul ba'i gnyen por gsungs so/ /hom khung dkyil 'khor bya ba ni//khru gang yang na khru do'am/ /de ltar khru ni bzhi par bya/ /zhes pa ni/ hom khung gi dbus kyi pho brang ste thab khung ngo / /dkyil ni tshad ma nor ba'i rtags so/ /'khor ni phyi'i tshad gong ma la bya zhes pa'i tha tshig go/ /khru gang ni stegs bu khru brgyad kyi thab khung ste/chos nyid du la 'da' bas khru gang ngo / /khru do ni bcu khru bcu gnyis kyi thab khung gi tshad de/ thabs dang shes rab gnyis su med pas mtha' gnyis la dbang sgyur ba'i rtags su khru dor bstan to/ /khru bzhi ni khru bcu drug gi thab khung gi tshad de/ bsdu ba'i dngos po bzhis dmyal khams bcu drug sdud pas na khru bzhi smos so//gzhu 'dra ba dang pad+ma dang / /zhes pa ni/ zhi gnas gzhu 'dra bas dbang du sdud pa'i don ched du ni gzhu'i dbyibs 'dra bar smos so/ /chags pa'i tshul gyis chags pa dbang du sdud pa'i don ched du pad+ma 'dra ste/ 'dab ma mkhal yon du 'dug pas de'i tshul du brko'o//thugs rtse gcig pa'i sgo nas dbang du sdud pa'i don ched du/ yang na rdo rje 'dra bar bya/ /zhes pa ni/ rdo rje rtse gcig pa'i tshul du brko ste/ sna gnyis phra la dkyil sbom la 'bur ba'i tha tshig go/ /mda' 'dra zla ba kham pa'am/ /zhes pa ni/lhag mthong mda' dang 'dra bas don dbang du sdud cing 'bigs pa'i phyir na mda' zhes smos so/ /mde'u ste'u kha ltar sog kar thab khung brko ba'i tha tshig go/ /zla ba yar gyi ngo bzhin du thugs rjes 'gro ba'i don la 'phel zhing dbang sdud pa'i don ched du zla gam 'dra ste tshes brgyad pa'i tshul lo//nang gi thab khung bzhin du phyi rol gyi tshad kyang de bzhin du bya'o/ /rnam pa gcig tu na de rnams kyang rgyan chas su shes par bya ste/ de ci'i phyir zhe na/ thab khung nang du pad+ma bri/ /zhes pa ni/ thab khung nang du pad+ma 'dab ma brgyad pa cig bri ste/ pad+ma dang zhes par sbyar ro//de'i steng du mda' bcas gzhu ste/ pad+ma de'i steng du mda' sgro shar du bcug pa mde'u rtse nub tu blta ba bri ste/ gzhu 'dra dang / mda' dang zhes pa dang sbyar ro/ /gzhu yi dbus su rdo rje nyid/ /ces pa ni/ mda'i stong rdo rje lta bu nyid du ldan pas na/ yang na rdo rje 'dra ba dang sbyar ro//zla ba ni phyi'i gzugs su shes par bya/ phyi ma ni rgyan chas te/ 'og gi don gong du sbyar zhing shes par bya'o/ /mda' dang 'dra zhes pa ni rgyan chas de lta bu'i tha tshig tu bri ba'i phyir ro/ /zheng du chu yi phyed kyi tshad/ /ces pa ni/ zheng ni glo'i dkyil tshad do/ /chu ni zla gam gyi sna re re'i tshad do//phyed tshad ni sna'i phyed tshad gcig zheng du bya ba'i tha tshig go/ /zheng gi tshad kyi phyed tshad du/ /hom khung zabs su brko bar bya/ /zhes pa ni zheng phyed mar btang ba'i phyed tshad gcig nang du zabs su brko ba'i tha tshig go/ /mu khyud sor ni bzhi par bya/ /nyis 'gyur ba ni nyis 'gyur bya//zhes pa ni/ mu khyud ni kha khyer ro/ /sor bzhi ni ye shes bzhi'i rang bzhin te/ khru brgyad pa'i kha khyer ro/ /de ni chung tshad do/ /nyis 'gyur ni 'bring khru bcu gnyis pa'i kha khyer gyi tshad do/ /sor bzhi nyis 'gyur du bya ni sor brgyad de/ 'phags pa'i lam yan lag brgyad pa la dgod pa'i rtags so//nyis 'gyur bya ni khru bcu drug pa rab kyi kha khyer gyi tshad de/ brgyad las nyis 'gyur ro/ /bcu drug ste sems dpa' bcu drug gis 'gro ba'i don rgyas par mdzad pa'i rtags so/ /hom bya ba'i thabs bstan to/ /yam shing dang / mchod rdzas dang / kha dog dang / lha bri ba'i thabs dang / sngags mkhan kha gang phyogs su lta ba ni brda phrad sla'o/ /da ni bsam rgyud bstan te/ pad+ma dmar po'i gdan bsam par/ /rab chags phyag na pad+ma bsnams/ /zhes pa ni/ pad+ma ni chags pa'i don te/ chags pa'i tshul gyis don mdzad pa'o//dmar ba ni kha dog ste ma gos pa'i tha tshig go/ /gdan ni bzhugs pa ste/ thugs rje'i rtags so/ /bsam pa la ni spyan ras gzigs dbang phyug sku mdog dmar ba dbu la tshe dpag med bzhugs par bsgom zhe'o/ /rab ni ye shes te gzung 'dzin spangs pa'i rab bo//chags ni thugs rje ste/ 'khor ba'i gnas na bzhugs pa'o/ /phyag ni g.yas so/ /bsam pa la pad+ma ni rang rtags thugs ka na 'dzin pa'i tha tshig go/ /g.yon du rdo rje chags pa la/ /zhes pa ni/ bdag nyid las kyi lha de ltar bsgoms pa'i g.yon du rdo rje chags pa zhi gnas dang lhag mthong gi mda' gzhu 'gengs par bsgom mo//bdag gi g.yas phyogs su kun du bzang po bde ba chen po rdo rje sems dpa' ste phyag na rdo rje thugs kar 'dzin par bsgom mo/ /bdag gi dbus su ni/ badzra tIk+Sh+Na d+hIHrmongs byed ma ste/ sku mdog dmar mo phyag na chu srin gyi rgyal mtshan 'dzin pa sgom mo//badzra kI li kI li ni/ sku mdog dmar mo phyag na mda' gzhu 'gengs pa dag dang / rdo rje chags pa bsgom pa'i bar du bsgom mo/ /bdag gi rgyab badzra lA s+ye sku mdog dmar mo phyag ni 'khyud pa'i tshul du sgom mo/ /thab khung du me lha dam tshig sems dpa' sku mdog dmar ser du 'dug pa/phyag rnam pa bzhi dang ldan te/ g.yas dang po mda' 'dzin pa/ g.yon dang po gzhu thogs nas ltong rgyud sbyar te/ g.yas g.yon tha ma pad+ma bsnams par bsgoms te/ bdag nyid de ltar las kyi lha'i ting nge 'dzin du zhugs nas/dzaHlcags kyus ni thugs dam bskul/ hUM zhags pas ni mdun gyi bar snang la spyan drangs/ baM lcags sgrog gis gnyis su med par spyan drangs/ hoHdril bus brtan par bzhugs/ de nas lha ye shes sems dpa' la chags pa'i tshul gyis mchod pa 'bul ba'i phyir/bdag gi spyi bos zhabs kyi drung du gtugs la/ ting nge 'dzin gnyis su med pa'i sbyor ba la snyoms par zhugs te/ las gang byed pa'i lha de'i rtsa ba'i sngags dang / las bya ba'i dmigs pa de'i ming spel zhing rtsa ba'i sngags dam bca' ba bzhin ba shaM ku ru zhes brjod cing /sbyin sreg byas na thams cad dbang du 'gyur ro/ /de ltar byas pa'i 'og tu 'phags pa slar gshegs su gsol ba dang / lus srung ba la sogs pa tshul bzhin du bya'o/ /dbang gi sbyin sreg gi don mdor bsdus pa bstan zin to/ /dkyil 'khor gyi bdag po chen po rgyud kyi ston pa la/'khor 'jig rten pa rnams kyi dkyil 'khor dang / sbyin sreg dang / las kyi bye brag dang / sngags dang phyag rgya la sogs pa la dga' nas bstod pa ston te/ de yang sku gsung thugs gsang ba'i bdag po mtshan brgya rtsa brgyad pas bstod pa byed de/ de la tshig bdun cu'i tshigs su bcad pa'i sh+lau ka phyed dang bco brgyad yod de/de la mtshan brgya rtsa brgyad du dbye ba ni mtshan re re nas phye ste bstan pas na/ 'bru rnams dkrol ba'i rim pa nas grangs brgya rtsa brgyad du phye ste bstan par shes par bya'o/ /da ni stong pa'i don ston te/ de nas brgya byin tshangs pa la sogs zhes 'byung bas ni/de ni gong ma'i dbang gis dkyil 'khor gyi mjug sdud la/ nas ni 'og gi bstod pa'i mgo 'dren no/ /brgya byin dang tshangs pa smos pa ni/ 'khor gyi gtso bo yin pa'i phyir smos so/ /brgya byin ni yon bdag yin pas sna la smos so/ / tshangs pa ni chos kyi 'khor lo bskul ba yin pas de'i 'og tu smos so/ /sogs kyi khongs su ni brgya byin gyi 'khor du 'dod khams na gnas pa rnams bsdu'o/ /tshangs pa'i 'khor du ni gzugs khams na gnas pa rnams sdud pas na la sogs lha zhes bya'o/ /phyag 'tshal yang dang yang du ni//zhes pa ni/ de rnams kyi lus kyis ni phyag dang skor ba byed/ ngag gis tshig snyan pa'i sgo nas mtshan brgya rtsa brgyad pa'i sgo nas bstod do/ /sems kyis ni yon tan gyi sgo nas dmigs te dga' ba bskyed nas gnas pa'i don to/ /rin chen bdug pa sogs mchog gis//zhes pa ni/ rin po che rnam pa sna tshogs pa rnams kyi gdugs te/ rang bzhin gyi bzo bo'i bsod nams kyi khyad par gyis byas pa dang / lha'i ting nge 'dzin gyi ngo bo las sprul pa shin tu mdzes khyab nam mkha' dang mnyam pa rnam par spras shing grub pas na gdugs mchog go/ /mchod pa sna tshogs byas nas kyang //zhes pa ni/ mchod pa yang rnam pa gsum ste/ kun rdzob rdzas kyi mchod pa sna tshogs pa dang / 'dod pa'i yon tan ye shes kyi lha mo'i mchod pa sna tshogs pa dang / sgrub pa rtse gcig pa dad pa'i mchod pa sna tshogs pa dang ldan pa'i sgo nas byed pa'o/ / phyag na rdo rje rgyal ba'i spyan/ /zhes pa ni/ ye shes kyi rtags phyag na rdo rje bsnams pas phyag na rdo rje'o/ /nyon mongs pa las rgyal bas na rgyal zhes so/ /ye shes kyi chos nyid kyi don la gzigs pas na spyan no/ /rnam gcig tu ni spyi dang rang gi mtshan nyid ma 'dres par gzigs zhes bya'o//dga' ba'i bsam pas stod byed pa/ /zhes pa ni/ dga' ba ni yid de chos bstan pa dang / yon tan gyi khyad par la dga' ba'o/ /bsam pa ni ting nge 'dzin te rtse gcig pa'i ting nge 'dzin gyi sgo nas bsam pa'o/ /bstod pa ni yon tan te/ che ba'i yon tan brgya rtsa brgyad kyi sgo nas stod pa byed pa'o//da ni mtshan brgya rtsa brgyad kyi don 'bru gnyer zhib par bstan te/ sangs rgyas kun pas sngar sangs rgyas/ /zhes pa ni/ sangs rgyas ni dus gsum gyi bde bar gshegs pa la bya ste/ de kun bas sngar sangs rgyas te/ phyag na rdo rje ni thugs yang dag pa'i ye shes te/de bzhin gshegs pa rnams mngon par rdzogs par sangs rgyas pa yang / thugs rdo rje lta bu la brten nas sangs rgyas par byed pas na/ 'bras bu'i ming la btags pas na/ /sangs rgyas kun bas sngar sangs rgyas/ /zhes bya'o/ /mi shes dri ma kun bcom pa/ /zhes pa ni/mi shes pa ma rig pa ste/ rgyu dang 'bras bu'i don mi shes pa'o/ /dri ma ni sems la bag chags sgom par byed pas na/ sems rmongs par byed pa'i dri mar gyur pas na dri ma'o/ /kun bcom ni mos pa spyod pa'i skabs su des gzung 'dzin du gyur pas te/ so so'i kun du rtog pa'i shes rab kyis bcom/mthong ba'i lam dang bsgom pa'i lam du nyon mongs pa ste/ chos dang gang zag la bdag med pa'i ye shes kyis bcom pa'i don to/ /rdo rje zhes pa ni/ dper na rdo rjes thams cad 'joms pa dang 'dra bas na thugs mkhyen pa'i ye shes kyi dngos po dang mtshan ma bcom pas na rdo rje'o//rdo rje 'dzin rgyal po zhes pa ni/ mkhyen pa'i thugs rdo rje lta bu la mnga' brnyes pas na/ rdo rje 'dzin rgyal ni mtshan ma thams cad 'joms pas na mtshan ma las rgyal lo/ /de ni rdo rje 'dzin rgyal lo/ /rdo rje rdo rje rdo rje 'dzin/ /zhes pa ni/ rdo rje gsum smos pa ni/ sku rdo rje ltar sra ba/thugs rdo rje ltar mi 'gyur ba/ gsung rdo rje ltar bden pa'i tshig mi slu'o/ /'dzin ni sku gsung thugs rdo rje lta bu las mi 'da' bar 'dzin pa'o/ /rdo rje sku ste zhes pa ni chos kyi sku rdo rje ltar 'dus ma byas pas mtshan mas mi 'gyur ba'i phyir smos so/ /sku che ba zhes pa ni longs spyod rdzogs pa'i sku mtshan dang dpe byad du ldan pa'i sku ste/dngos po thams cad kyi gtso bor gyur pas na sku che ba smos so/ /rdo rje yan lag ces pa ni sprul pa'i sku ste/ rdo rje lta bur mi 'gyur bas rdo rje mchog yan lag ni mang ba'i don te/ sprul pa las thugs rje'i mthu bas lha dang klu dang gnod sbyin dang mi la sogs pa la so so'i lag na rdo rje zhes grags pa'o//rdo rje mchog ni zhes pa ni sku gsum la spyir sbyar te/ chos kyi sku las mi 'gyur ba'i rdo rje mchog go/ /longs spyod rdzogs pa'i sku ni mi nyams pas rdo rje ste/ ting nge 'dzin rgyun mi 'chad pa'i mchog ste thugs rje phun sum tshogs pas mchog /rdo rje 'bar ba zhes bya ba ni/ rdo rje thugs te mtshan mas mi 'gyur ba'o/ /'bar ba ni phrin las te 'gro ba'i don du sprul pas nyon mongs pa la 'bar ba'o/ /cher 'bar ba ni thugs rje phun sum tshogs pa ste/ khams gsum gyi sems can rnams kyi las dang nyon mongs pa la ye shes kyi 'od 'bar bas mtshan ma rnams sreg par mdzad pas na cher 'bar ba'o//rdo rje shugs chen zhes pa ni rnam par mi rtog pa'i ye shes rdo rje lta bu'i shugs dang ldan pas ni thugs rje phun sum tshogs pa 'byung ste/ ci'i phyir zhe na/ shugs che ba zhes smos pa na/ rnam par mi rtog pa la brten pa'i stobs kyis dag pa 'jig rten pa'i ye shes 'gro ba'i don du thugs rje sprul pa sgyu ma ltar sna tshogs su ston pas na 'gro ba'i don byed pa'i byin gyis brlabs pa'i shugs dang ldan pa'o//de ni shugs che ba ste rdo rje shugs che ba'o/ /rdo rje mtshon cha zhes pa ni thugs rdo rje ltar mi 'gyur ba'i rang bzhin las phrin las mtshon cha lta bus rgol ba rnams 'dul ba'i don to//mtshon cha che zhes pa ni/ dper na mtshon gyis gcod pa dang 'dra bar nyon mongs pa rtsad nas gcod pa'i don ched ni bdud kyi dmag 'dul bas che ba'o/ /phyag na rdo rje phyag chen po/ /zhes pa ni/phyag na ye shes kyi rdo rje bsnams te/ nyon mongs pa rnams ye shes kyi phyag gis 'byin par mdzad pas sam 'dul bar mdzad pas phyag rgya chen po'o/ /rdo rje mda' ste rab 'bigs pa/ /zhes pa ni/ thugs las rdo rje chags par sprul te/ ye shes rdo rje lta bu'i mdas nyon mongs pa rnams 'bigs shing med par mdzad pa'am/don mthong bar mdzad pa'i phyir smos so/ /rdo rje rnon po zhes pa ni/ 'dul ba'i dbang du rdo rje rnon po lta bur sku sprul te/ khams gsum rnams ye shes kyi ral gri rnon pos gcod cing zad par mdzad pa'i phyir ro/ /rno ba che zhes pa ni rdo rje 'khor lo lta bur bstan te/phrin las kyi 'khor lo gcod byed rno bas skye zhing rtsad nas gcod pa'i tha tshig yin pas na rno ba che'o/ /che ba'i che ba zhes pa ni/ 'jig rten pa rnams kyi che ba 'dod khams kyi dbang phyug chen po'o/ /de'i che ba ni sangs rgyas bcom ldan 'das lags pa zhes pa'i tha tshig go//rgya mtsho chen po zhes pa ni/ dper na rgya mtsho ni sus kyang gting mi rtogs pa dang 'dra bar thugs kyi dgongs rlabs gzhan gyis mi rtogs pas na rgya mtsho che'o/ /rdo rje pad+mo zhes pa ni/ thugs rje sprul pa rdo rje chos rab lta bur sku sprul te nyon mongs pas ma gos pas na pad+ma bsnams te 'khor bas ma gos pa'i don to//byang chub che zhes pa ni thugs mtshan ma dang bral bar byas la ye shes kyis shes bya la chub ste/ phrin las dang thugs rje gzhan pas che bas na byang chub che'o/ /byang chub sangs rgyas rang 'byung ba/ /zhes pa ni/ thugs rnam par dag pa'i byang chub sems dpas 'bras bu bla na med pa'i sangs rgyas 'byung ba'i phyir ro//rdo rje rgya chen zhes pa ni/ thugs rdo rje ltar mi 'gyur bas rgya che ste/ gzhan gyis mi rtogs shing rig par dka' ba'i tha tshig go/ /rgya chen te zhes pa ni/ dper na nam mkha' rgya che ste tshad dpag tu med pa'o//de bzhin du thugs mtshan ma med pas ni phyi rol pa rnams kyis dpag cing gzhal du mi btub pa'o/ /rdo rje sgyu ma zhes pa ni/ thugs rdo rje ni sgyu ma ltar sna tshogs su ston pa'i tha tshig go/ /rnal 'byor zhes pa ni/ chos nyid rtogs pas rnal 'byor rig pas phyin ci ma log par mkhyen pas so//rdo rje rgyu ste zhes pa ni/ thugs rdo rje lta bu ni 'bras bu sangs rgyas kyi rgyu ste myur du thob par byed pas so/ /gnod sbyin che zhes pa ni/ phrin las ni rdo rje gnod sbyin du bstan te/ nyon mongs pa'i gnod pa la bde ba sbyin pa'i don to/ /rdo rje pad+ma zhes pa ni pad+ma 'dam gyis ma gos par 'dam dang 'brel pa ltar thugs rjes 'khor bar rol kyang skyon gyis ma gos pa'i don to//rnam sbyong ba zhes pa ni nyon mongs pa rnams thugs rje phun sum tshogs pas rnam par sbyong ba'i phyir ro/ /rdo rje khro bo zhes pa ni/ thugs rjes bdud dang srin po rnams 'dul ba'i phyir na/'dul ba'i dbang du khams gsum rnam par rgyal ba'i skur sprul ba'i don to/ /ma rungs che zhes pa ni phrin las des bdud dang ma rungs pa 'dul ba'i phyir na spyod pa drag po'i sgo nas mdzad pa'o/ /rdo rje dgra ste 'joms pa'i gtso/ /zhes pa ni/ bdud kyi rgyal po'i dgra sta phrogs nas nyid kyis bdud rnams 'joms par mdzad do//rdo rje 'jig pa zhes pa ni thugs rdo rje lta bus nyon mongs pa thams cad 'jig par mdzad pa'i don to/ /bsrung ba zhes pa ni/ phrin las rdo rje bsrung ba ltar bstan nas sems can rnams rtag tu srung bar mdzad do//rdo rje lcags kyu zhes pa ni nyon mongs pa'i rdzing nas sems can rnams drang ba'i phyir dang / rdo rje lcags kyu ltar yang 'dul ba'i dbang du bstan to/ /don yod byed ces pa ni phrin las don yod par bstan pa'i phyir na rdo rje las su bstan te don yod par bstan pa'i tha tshig go/ / rdo rje ro langs ro langs che/ /zhes pa ni/ thugs rdo rjes shi pa sos par mdzad pa'i phyir na ro langs chen por sku sprul nas ro langs grub pa rnams 'dul bar mdzad pas na ro langs che'o/ /rdo rje srin po za ba'o/ /zhes pa ni/ phrin las rdo rje srin por bstan te/ nyon mongs pa'i mtshan ma za bar mdzad pa'i tha tshig go//rdo rje gnod sbyin zhes pa ni/ thugs rjes gnod sbyin du sku sprul nas 'gro ba'i don mdzad pa'i tha tshig go/ /gnod sbyin che zhes pa ni/ res 'ga' ni gnod sbyin chen po kun du bzang por yang sku ston pas na gnod sbyin che'o/ /rdo rje gdon te zhes pa ni/ ye shes rdo rje dang 'dra bas gdon stong phrag brgyad cu zad par mdzad pas rlog par mdzad pa'i tha tshig go/ /gdon che mchog ces pa ni/ res 'ga' gdon gyi nang du yang phyag na rdo rjer bstan nas/ gdon 'dul bas na gdon che mchog ste/ gdon gyi mchog rgyal ba'o/ / rdo rje 'jigs byed ces pa ni/ thugs rjes 'jigs byed gshin rje gshed du bstan nas/ gshin rje rnams 'joms par mdzad do/ /dga' byed drag po ste zhes pa ni/ thugs rjes thams cad dga' bar byed cing phrin las drags po ni bdud rnams spa bkong bar mdzad do/ /rdo rje 'jigs byed sngangs byed pa ni rdo rje lta bu'i phrin las kyis thams cad la sku 'jigs par bstan pas/thams cad sems rab tu sngangs bar bka' nyan pa'i tshul gyi tha tshig go/ /sgrub dka' bsgrubs pa legs pa ste/ /zhes pa ni/ skyes bu chen pos ni sngon so so skye bo sgrub dka' ba las rab tu bsgrubs pas 'bras bu legs pa thob ces pa'i don to//rdo rje legs pa zhes pa ni phrin las rdo rje legs par bstan nas/ rdo rje dga' bas zhes pa ni 'gro ba 'dul ba dang / chos nyid las mi g.yos pa'i thabs dang ldan pas na dga' ba ste/ thugs rje dang ldan pa'i tha tshig go//dga' ba che zhes pa ni de bzhin gshegs pa'i sku gsung thugs kyis dbang bsgyur nas dga' ba chen po mnyes pa'i don to/ /dga' ba'i rdo rje zhes pa ni de'i tshe thams cad dang ldan pa'i 'khor rnams dga' bar bya ba'i phyir na/ rdo rje gsor bar thams cad g.yos nas a la la zhes brjod pa'i don to//dbang byed pa zhes pa ni/ 'jig rten thams cad dus gcig tu dbang du bsdu ba'i don to/ /'od sdug pas ni sdug pa che/ /zhes pa ni/ 'od ni ye shes kyi kha dog rnam pa lnga las sdug pa mdzes par snang ba ste/ sdug pa che ni des 'jig rten gyi khams thams cad ma lus par snang bar mdzad pa'i sdug pa chen po dang ldan pa'i don to//nam mkha' dang ni mnyam pa'o/ /zhes pa ni/ phrin las nam mkha' dang mnyam pa dang / mkhyen pa nam mkha' dang mnyam pa'o/ /re ba thams cad rdzogs par mdzad/ /ces pa ni/ sems can rnams kyi re ba thams cad thugs rjes rdzogs par mdzad pa'i don to/ /rdo rje dbang bskur zhes pa ni dus gsum gyi sangs rgyas rnams kyis thugs rdo rje lta bu'i dbang bskur ba'i don to/ /rin chen mchog ces pa ni sems can gyi 'dod pa skong ba'i phyir na/ rdo rje rin chen du bstan pas ni rig chen mchog go//rdo rje rgyal mtshan zhes pa ni/ phrin las rdo rje rgyal mtshan du bstan nas nyon mongs pa las rgyal bar mdzad pa'o/ /yon tan gtso zhes pa ni che ba'i yon tan sna tshogs pas 'gro ba'i gtso bor gyur ba'i don to/ /rdo rje ye shes zhes pa ni/ ye shes rdo rje lta bus nyon mongs pa thams cad 'joms par byed pa'o/ /ye shes che zhes pa ni/ ye shes rnam pa lnga la mnga' brnyes pas na/ de bzhin gshegs pa'i thugs mnga' bas na ye shes che'o/ /rig sngags bye ba'i tshogs kyis mchod/ /ces pa ni// rig sngags 'chang grub pa mthu dang byin rlabs can bye ba snyed kyis kyang rab tu mchod par gyur ba'i don to//ha la ha la nag po che/ /zhes pa ni/ sems can gyi phyi nang gi dug ha la ha la yang zhal du rngub cing gsol bas bdud rtsir 'gyur ro/ /sgra che zhing zhes pa ni thugs rje chen po gsung gi sgra skad chen pos thams cad zil gyis gnon par mdzad pas na sgra che zhing ngo //'joms pa can zhes pa ni/ thugs rjes 'joms pa'i dbang phyug mar sku sprul nas sems can rnams kyi 'dod chags rnams zhi bar mdzad pa'i don to/ /rdo rje 'dod pa zhes pa ni/ de bzhin gshegs pa thams cad kyi phrin las mdzad pa rnams 'dod pa bzhin du grub par mdzad pa'o//'dod pa che zhes pa ni/ 'dod pa ni chos nyid las che ba ye shes kyis mnga' brnyes pa'i don to/ /rtog pa'i dus ngan rnam 'joms pa/ /zhes pa ni/ phyi gzung bar rtog pa dang / nang 'dzin par rtog pa dang /chos tsam du rtog pa dang / gang zag tu rtog pa la sogs pa rtog pa brgya rtsa brgyad la sogs pa ma lus par spangs pa'i don to/ /dus ngan ni lnga'i tha ma'o/ /rnam par 'joms pa ni nyon mongs pa ye shes kyis 'joms pa la/ dus ngan ni thugs rjes 'joms pa'i don to//skad cig g.yo bas the tshom gcod/ /ces pa ni/ sems can rnams kyi sems kyi rgyud la yod pa'i the tshom g.yo ba rnams dus gcig tu 'joms par mdzad do/ /glog bzhin zhal gyi ljags las 'phro/ /zhes pa ni/ dper na glog rgyu ba bzhin du ma mgyogs pas kun du thos par 'phro zhes pa'i don to//rdo rje me ste ma rungs 'dul/ /zhes pa ni/ ye shes rdo rje lta bu las thugs rje phun sum tshogs pa'i me stag 'phro ba ni ma rungs pa sngangs su 'jug pas zhal nas 'byung ba'i don to/ /drag po rab snang zhes pa ni phrin las zhi bas mi 'dul ba la/drag por rab tu snang bar mdzad pa'i don to/ /snang mdzad pa zhes pa ni/ sku gsung thugs kyi phrin las rnam par snang mdzad kyis sems can rnams sgrol bar mdzad pa'i don to/ /nyi ma stong gis gdungs pa'i zhal/ /zhes pa ni/ dper na nyi ma stong gis gdungs pa'i dngos po thams cad me 'bar ba dang 'dra bar rnam par thar pa'i ye shes kyi zhal nas mtshan ma rnams bsreg pa'i ye shes kyi me 'byung bas nyon mongs pa bud shing dang 'dra ba bsreg cing stongs par mdzad pa'i don to//spyan dmar 'jigs par mdzad pa po/ /zhes pa ni/ spyan ni ye shes te thams cad gzigs pa'o//dmar ba ni thugs rje ste/ mtshan mas ma gos pa'i don to/ /thugs rje'i 'jigs tshul thabs kyi byin rlabs kyis ni/ phrin las kyis gzigs par thams cad 'jigs par mdzad do/ /khro bo du ma 'od bzhin 'phro/ /zhes pa ni/ thugs rnam par dag pa'i rang bzhin las/ ye shes kyi khro bo sna tshogs rnams 'jig rten gang bar 'phro ba'i don to/ /phyag rnams du mas mtshon cha brgya/ /zhes pa ni/ khro bo de rnams 'dul ba'i dbang du/ kun du sku sna tshogs pa la phyag sna tshogs par bstan te/ phyag de rnams na ye shes kyi mtshon cha sna tshogs pa 'dul ba'i dbang du bsnams she'o//du ma'i zhal te zhes pa ni/ sku de rnams las yang kun du sku bsam gyis mi khyab par bstan te/ de re re yang kun du zhal bsam gyis mi khyab par sna tshogs pa rab tu ston pa'i phyir ro/ /sku yang ston zhes pa ni/sku de rnams 'gro ba rigs drug tu gtogs pa'i sems can rnams la so so'i gtso bo ni tshul tha dad ba'i skur bstan to/ /'khyil zhing zhes pa ni/ thugs rjes 'gro ba de bla na med pa'i byang chub tu dgod pas kyang 'khyil zhing la/ rnam gcig tu dbu skra 'khyil par bstan te/thugs chos nyid las ma g.yos pa'i rtags so/ /rgyan yang 'khyil pa la zhes pa ni/ sku'i rgyan rnams sku la 'khyil par bstan te/ khams gsum dbang du sdud pa'i don to/ /sems dpa'i chos la sku mi mnga'/ /zhes pa ni/ ye shes rnam par dag pa'i chos nyid la sems dpas ni chos pa ste/chos ni dngos po can te de dang bral bas na dngos po'i sku med ces pa'i don to/ /rnam par rtog pa ma lus spangs/ /zhes pa ni/ phyi gzung bar rtog pa dang / nang 'dzin par rtog pa dang / chos tsam du rtog pa dang / gang zag du rtog pa la sogs par rtog pas brgya rtsa brgyad la sogs par ma lus par spangs pa'i don to//ma rig 'joms pa'i tshangs pa ste/ /zhes pa ni lta ba la log pa thams cad kyi gzhi ni ma rig pa ste/ ma rig pas bdag tu rmongs pa'i ngo bo tshangs pa chen po 'jig rten mes po yang 'joms par byed pa'i tha tshig go//'dod chags zhe sdang dri mthar mdzad/ /ces pa 'dod chags dag par bsgoms pas na gsung grub/ /zhe sdang dag par bsgoms pas na thugs grub/ gti mug dag par bsgoms pas ni sku grub bo/ /rnam gcig tu dug gsum dri ma'i rang bzhin te/ 'dod chags la mi sdug pa bsgoms/zhe sdang gi gnyen por byams pa bsgoms/ gti mug gi gnyen por rten cing 'brel par 'byung ba bsgoms pas nyon mongs pa'i dri ma las thar bar gsungs so/ /sgyu ma gtogs 'dod ces pa ni lha chen po khyab 'jug ni sgyu ma ltar sna tshogs par kun du khyab par phyin cing kun du 'jug pas gtogs 'dod che bas na/gtogs 'dod ces gsungs pas na de yang 'dul bar mdzad do bar bstan to/ /rdo rje can zhes pa ni/ dper na rgad po 'khar ba can zer ba ltar thugs rdo rje lta bu la mnga' brnyes pa'i phyir ro/ /rnam gcig tu 'jig rten na rdo rje can gyi rigs ma rungs pa rnams 'dul bas kyang de skad bstan to//rtse gsum zhes pa ni sku gsung thugs lhun gyis grub pa'i rtags su ye shes kyi rdo rje rtse gsum bsnams par 'dod/ rtse gsum 'chang ba 'phrog pa ni/ /zhes pa lha dbang phyug chen po'i rtse gsum 'chang ba 'phrogs nas phyag na bsnams she'o//'dod chags zhe sdang gti mug che/ /zhes pa ni/ 'dod chags che ba ni chos nyid kyi don la chags pa dang 'gro ba'i don la chags pa'i don to/ /zhe sdang ni thugs rje ste nyon mongs pa'i rgyu la zhe sdang ba dang / chos nyid kyang ngang du gnas pas na mtshan ma la zhe sdang ba'o//gti mug ni blang dor med pa ste 'gro ba'i don la blang dor med par mdzad pa dang / chos nyid dmigs pas na gang la yang mi gnas pas na chen po'o zhes pa'i don to/ /srid dang srid min rnam sbyong ba/ /zhes pa ni/ srid pa ni 'khor ba ste thugs rjes sbyong la/ mi srid pa ni mya ngan las 'das pa ste ye shes kyis sbyong zhes pa'i don to//zhi zhing dul ba zhes pa ni/ /zhi ba ni chos nyid la/ dul ba ni ye shes te/ chos nyid dang ye shes 'brel ba'i don to/ /dga' ba che zhes pa'i thugs rjes ni sems can dag par byed la/ shes rab kyis ni chos nyid dag par gzigs pa'i don to//sangs rgyas zhes pa ni nyon mongs pa spangs pas sangs la/ shes bya la ye shes kyis khyab pas ni rgyas pa'o/ /sangs rgyas rab rtogs pa zhes pa ni/ dus gsum gyi sangs rgyas rnams kyi dgongs pa mi mkhyen pa mi mnga' ba'i phyir ro/ /sangs rgyas bdag nyid ces pa ni/dus gsum gyi sangs rgyas kun gyi sku gsung thugs kyi bdag nyid du gyur bas na bdag nyid do/ /sangs rgyas sku zhes pa ni/ de bzhin gshegs pa thams cad kyi sku'i bdag nyid du gyur pa sku la rgol ba'i bgegs rnams rab tu 'dul bar mdzad pa dang sku'i phrin las kyi ngo bor gyur pas so//rdo rje rab skyes zhes pa ni/ gsung rdo rje lta bur rab tu skyes par gyur bas 'gro ba'i rgyud dgrol ba dang / gsung la mnga' brnyes pa'i phyir ro/ /rdo rje sems dpa' zhes pa ni/ rdo rje sems dpa'i thugs rnam par dag pa la rab tu mnga' brnyes pa'i phyir na rdo rje sems dpa'o//kun du bzang po zhes pa ni/ gnod sbyin rnams kun du bzang pos 'dul bar mdzad pas na/ 'dul ba'i dbang du ni bstan nas gnod sbyin gyi bdag po chen por bstan to/ /cher bzang po zhes pa ni/ sems can rnams kyi nor rnams bsgrub par bya ba'i phyir na gang ba bzang po btul nas nor gyis gang bar mdzad pas de'i bdag por gyur pas ni cher bzang zhes bya'o//mtshan bzang dam pas rnam par brgyan/ /zhes pa ni/ mtshan sum cu rtsa gnyis dang / dpe byad bzang po brgyad cu la mnga' brnyes pas na mtshan bzang dam pa ste/gzhan las 'phags pa'i thun mong ma yin pas na dam pa'o/ /rnam par brgyan ni 'dul pa'i dbang du thun mong gi mtshan gyis ni brgyan pa'i sku brgyad pa/ thun mong ma yin pas ni thugs rab tu brgyan par mdzad pa'o/ /khams gsum bdag nyid che zhes pa ni/khams gsum gyi bdag nyid chen por thugs rjes bstan nas/ bdag cag 'jig rten pa rnams kyi mnga' bdag mdzad cing 'khor gyi gtso bor gyur ba'i don to/ /khyab pa po zhes pa ni srid pa gsum du yang thugs rje dang phrin las kyis khyab par gyur pas na/ kun du yang lag na rdo rje zhes grags par mdzad pa'i phyir ro//thams cad rdo rje zhes pa ni sangs rgyas kyi zhing ma lus pa thams cad du phyag na rdo rjer bstan nas de'i bstan pa la gnod pa'i bdud la sogs pa rnams 'dul bar mdzad pa na'am/ bstan pa rdo rje lta bu'i sgo nas 'dul bar mdzad pa'i phyir/bdag nyid gtsang zhes pa ni srid pa gsum gyi bdag nyid du gyur kyang ni nyon mongs pa'i sgrib pa dang / shes bya'i sgrib pa rnams spangs pas kyang gtsang ngo / /rnam pa gcig tu dus gsum gyi sangs rgyas rnams kyi rang bzhin nam bdag nyid du gyur pas na mi mthun pa'i skyon rnam pa thams cad dang bral bas na bdag nyid gtsang zhes pa'i don to//mtshan brgya rtsa brgyad pa phye nas bshad zin to/ /da ni rgyud kyi don 'di gzung ba ston te/ de ci'i phyir zhe na/ gang gis 'di bris bklags 'gyur ram/ /zhes pa ni/ khyab pa spyi'i tshig gam/ chos la phyogs su bsdus pa ste su yang rung zhes pa'i don to//des rgyud kyi don 'di yi ge la bris nas/ bdag gis ni 'chang ba'am/ gzhan la bris nas sbyin pa'am/ bris pa rnams bdag gis klog gam/ gzhan klog tu 'jug pa'am/ rgyun du yi dam du klog tu 'jug bar bgyi zhes pa'i don to/ /rtag tu de don bcang byed dam//zhes pa ni dus rtag tu don blo la 'chang ba'am/ tshig glegs bam la 'chang bar byed pa'i don to/ /dran nas nyan par byed kyang rung / /zhes pa ni/ de la dran pa ni lhag mthong gi shes rab kyis rgyud kyi don nyan pa dang / nyan pa'i don bsam zhing sgom par byed kyang rung ste/da ni de bzhin gshegs pa'i rigs su 'gyur ba'i don to/ /de yang ci'i phyir zhe na/ phyag na rdo rje 'dra bar 'gyur/ /zhes 'byung bas na/ rgyud 'di nyid ni phyag na rdo rje'i thugs kyi rgyud la rab tu gnas pas gang gi 'di nyid nyams su blangs nas/ de yang phyag na rdo rje dang 'dra bar 'gyur te/de ci'i phyir zhe na/ rgyud 'di rtogs pa'i sgo nas thob par 'gyur ba'i rgyu yin pas smos so/ /da ni rgyud 'di gsungs pa la 'khor rnams dga' ba ston te/ de yang ci'i phyir zhe na/ bcom ldan 'das kyis de skad ces bka' stsal pa dang zhes 'byung bas/ bcom ldan 'das ni shAkya thub pa ste/de ci'i phyir zhe na/ de'i bstan pa yin pas gtso bor rab tu smos so/ /de skad ces bka' stsal pa dang zhes pa ni/ rgyud 'di'i don te de skad ces par sbyar te/ de yang ji ltar gsungs na/ gleng gzhi dang mdo bshad pa gnyis su gsungs so/ /gleng gzhi la yang gnyis te/phun sum tshogs pa'i gleng gzhi dang / khyad par gyi gleng gzhi gnyis su gsungs so/ /phun sum tshogs pa'i gleng gzhi yang lngar gsungs so/ /de yang ston pa dang / 'khor dang / gnas dang / sdud pa po dang dus dang rnam pa lngar gsungs so/ /khyad par ni rnam pa gnyis te/ston pas gleng bslang ba dang / 'khor gyis gleng bslang ba'o/ /mdo'i don bshad pa la yang don rnam pa gnyis su gsungs te/ de yang dkyil 'khor dang sbyin sreg go/ /de yang thugs rnam par mi rtog pa'i ngang du gnas kyang kun rdzob tu phrin las sna tshogs su mdzad pas na dkyil 'khor du bstan to//phyin ci log gi nyon mongs pa'i mtshan ma sreg pa'i phyir na hom du bstan te bka' stsal to/ /de yang dkyil 'khor la rnam pa gnyis su bka' stsal te/ 'jig rten las 'das pa don dam par mi 'gal bar bka' stsal ba dang /'jig rten pa kun rdzob kyi bden par bka' stsal lo/ /de la 'jig rten las 'das pa la yang rnam pa drug ste/ de yang thams cad byang chub sems kyi rang bzhin du/ nyon mongs pa'i sems can thugs rje'i zhing yin pas na/ kun rig rtsa ba'i dkyil 'khor bka' stsal to/ / thugs rnam par dag pas sprul ba phyung nas ngan song sbyong ba'i phyir na gtsug tor brgyad gsungs so/ /sems can 'chi ba ni sngon gyi las yin pas na de sbyang ba'i phyir na tshe dpag med las kyi sgrib pa rgyun gcod pa'i dkyil 'khor bka' stsal to/ /sems can rnams 'phral gyi rkyen gyis 'chi bas ni/de bzlog pa'i phyir tshe dpag med bka' stsal te/ sems can gyi don mdzad pa'i phrin las su ni rigs bzhi'i 'khor los sgyur ba gsungs so/ /ma rungs pa zhi bas mi 'dul ba rnams drag po'i sgo nas 'dul dgos pas na/ khro bo rdo rje nyi ma me'i dkyil 'khor bka' stsal to//'jig rten pa yang rnam pa drug tu bka' stsal te/ 'jig rten pa so so rang rang gi maN+Dal mdongs gsol du phul bas na/ de la ston par dgyis nas/ rgyal po chen po bzhi'i so so'i bgegs rnams zhi bar bya ba'i phyir na/ rgyal po chen po bzhi'i dkyil 'khor bka' stsal to//gdon stong phrag brgyad cu rtsa bzhi zhi bar bya ba'i phyir na/ phyogs skyong ba bcu'i dkyil 'khor bka' stsal to/ /gza' skar mi mthun pa zhi bar bya ba'i phyir gza' brgyad kyi dkyil 'khor bka' stsal to/ /sems can rnams las bdag gi gdon zhi bar bya ba'i phyir na klu brgyad kyi dkyil 'khor bka' stsal to//lha gdon rnams gdul bar bya ba'i phyir ni 'jigs byed brgyad kyi dkyil 'khor bka' stsal to/ /sems can rnams kyi lha mi dga' ba'i gnod pa zhi bar bya ba'i phyir na lha chen po brgyad kyi dkyil 'khor bka' stsal to/ /sbyin sreg la yang rnam pa gnyis te/ro'i hom dang phrin las rnam pa bzhi'i hom mo/ /de la yang nyon mongs pa'i dngos po gdos pa dang bral ba'i phyir na/ ro'i sbyin sreg bka' stsal to/ /de yang thugs chos nyid las ma g.yos pas na/ zhi ba'i sbyin sreg bka' stsal to/ /'dod pa phun sum tshogs pa bsgrub pa'i phyir na rgyas pa'i sbyin sreg bka' stsal to//khams gsum thams cad dbang du sdud pa'i phyir na dbang gi sbyin sreg bka' stsal to/ /ma rungs pa dregs pa can 'dul ba'i phyir na drag po'i hom bka' stsal to/ /phyi ma'i cho ga yan lag ni dkyil 'khor dang hom rnams ma grub na/cho ga spobs par bya'o zhes bka' stsal to/ /rgyud kyi don de ltar bcom ldan 'das kyis bka' stsal na/ de skad ces bka' stsal pa dang zhes smos so/ /da ni 'khor rnams rab tu dga' ba ston te/ de ci'i phyir zhe na/ bcom ldan 'das kyis kyang mya ngan las 'das pa'i bstan pa'i zhabs su yang /de skad ces gyis shig ces kun dga' bo la gdams so/ /de nas brgya byin dang zhes pa ni mgo brgya btang zhing / mchod sbyin brgya btang ba dang / dang po'i yon bdag dang / gnas kyi bdag po yin pas sna la smos so/ /tshangs pa la sogs pa'i 'khor zhes pa ni/nyon mongs pa las tshangs par mdzad pa dang / 'jig rten pa'i mes po yin pas de'i 'og tu smos so/ /sogs kyi khongs su ni so so'i btsun mo dang bcas pa'i tha tshig go/ /'khor la sogs pa ni brgya byin sum cu rtsa gsum dang bcas pa dang / tshangs pa tshangs ris lha dang bcas pa dang zhes pa'i tha tshig go//lha dang ni dbang phyug chen po ma hA de ba la sogs lha 'dus pa rnams so/ /mi dang ni mos pa spyod pa'i sa la mir gnas pa rnams so/ /lha ma yin dang ni/ lha ma yin gyi rgyal po sgra gcan la sogs pa rnams dang / dri za dang ni zur phud lnga pa la sogs pa'o//gnod sbyin dang sde dpon pany+tsi ka la sogs pa'o/ /srin po la sogs pa ni/ lang ka mgrin bcu la sogs pa'i 'khor rnams so/ /bcom ldan 'das kyis gsungs pa la/ /zhes pa ni/ rgyud kyi don thugs rnam par dag pa'i ngang la gnas pa/ zhal gyi dkyil 'khor nas tshangs pa'i gsung gis don dang tshig tu ldan par gsungs she'o//mngon par dga' ste zhes pa ni/ don la dga' ba dang / phrin las ngan song rnam par sbyangs pa la mngon par dga' ba'o/ /rjes su yi rang ngo zhes pa ni/ rgyud kyi don la rjes su yi rang ba dang /cho 'phrul gyi bya ba dang / phrin las kyi spyod pa la rjes su yi rang ba'o/ /blo dman rnams la phan gdags phyir/ /rgyud kyi 'bru 'grel gsal bar bkrol/ /mkhas pa rnams kyis bzod pa mdzod/ /kun gyis don rtogs bde legs smon/ /don gyi 'bru 'grel slob dpon sangs rgyas gsang bas mdzad pa rdzogs so/