CLOSE WINDOW

D2618
བོད་ཡིག

/ //[ ]@##/ /rgya gar skad du/ bi sha ti A kA ra b+hi bo bye kra ma na b+ha ga bAn many+dzu shrI sA d+ha naM/ bod skad du/ rnam pa nyi shus byang chub pa'i rim pas bcom ldan 'das 'jam dpal sgrub pa'i thabs/ 'jam dpal ye shes sems dpa' la phyag 'tshal lo//de dang de yis theg pa yis/ /thabs kyis 'gro ba'i don byed pa/ /theg pa gcig gis bdag nyid can/ /dpal ldan de la phyag 'tshal 'dud/ /shin tu dad pa'i ro gcig pa/ /mi g.yo dus kyi rtogs bya ba/ /bdag nyid chen po gang yin pa/ /su zhig de la phyag 'tshal 'dud//dad pa'i khyad par ma rtogs kyang / /chags pa'i dbang gis sems can bzhin/ /'dod chags la sogs la gnas kyang / /gang yin de la phyag 'tshal lo/ /dkon mchog gsum gyi bdag nyid can/ /dkon mchog gsum gyi don byed mgon//kun du don byed ltos med par/ /skyob pa de la phyag 'tshal lo/ /de yi stobs kyis da ltar bdag /'jam dpal gnyis su med pa yi/ /rnam pa nyi shus mngon rtogs pa/ /sems can don du bshad par bya/ /dang por langs nas rnal 'byor ni//rang gi lha yi nga rgyal can/ /rnam dag cho ga bzhin byas nas/ /mchod pa dman ma bsdu bar bya/ /oM badzra bi ga hUM/ dri ma yang ni bsal bar bya/ /oM sa man+ta pa rik+Sha gu h+ya tsa ra tsa ra hUM/ de yi rjes la skyang nul bya/ /oM nirma ni sho d+ha hUM/ drir bcas chu yi thigs pa yis//skyob pa la yang maN+Dal bya/ /oM ma hA maN+Dal hUM/ sngar nyid langs pa'i gnas dag tu/ /'jam pa'i stan la gnas par bya/ /oM a mu ka pad+mo b+ha sun+d+ha ra d+ha re maN+Dal la hUM/ snying ga'i sa bon 'od zer gyis/ /sangs rgyas mthong nas 'dud par bya//oM sarba ta thA ga ta kA ya bAka tsit+ta pra Na me na badzra ban+da naM ka ro mi/ sna tshogs mchod cing de dag la/ /dang por phyag 'tshal gzhan yang bya/ /de nas skal dang ldan pa ni/ /sprul zhing rnam par mchod par bya/ /nyes pa byas pa'i mchod pa yis/ /sdig pa bshags pa la sogs bya//bdag gis bgyis dang bgyid stsal gang / /chung ngu'am ni tshad med pa/ /gang yang rjes su yi rang ba/ /de dag skyob pas gshegs par mdzod/ /bdag gis 'jug par bya ba yis/ /de dag sems can rang nyid kyi/ /las la 'jug pa de dag gis/ / byas pa rnams la legs zhes gsol/ /sangs rgyas rnams la skyabs su gsol/ /de bzhin chos kyi dkon mchog la/ /sangs rgyas kyis gang gdul ba bya/ /blo chen mgon po de la yang / /sdug bsngal rgal bar dka' ba ni/ /gzhan gyi bdag gis bzod mi nus/ /de na de nyid sel bar byed//bdag ni 'jig rten mgon por shog /sems can bla ma sangs rgyas dang / /byang chub sems dpa' de ci bzhin/ /de bzhin slob ma rjes mthun ma/ /bdag gis lam la 'jug par bya/ /gang yang bdag gi dge ba'i cha/ /dri med gnas par gyur pa ni//de yis sems can gyi don du/ /rgyun du rjes su mthun par shog /oM ma hA sarba pA paM kA ya bAka tsit+ta sa ma na sad+b+hU taM ra ga d+hi sha mU ha da ma da ma na a b+he Shi ta yaM krit+t+waM tat+te ka le kaM hUM hUM hUM phaT phaT phaT/ sarba pA paM s+pho Ta ya me swA hA/ oM sarba pA paM pra hi d+hi na ya me swA hA/oM sarba ta thA ga tA nA mAt+ma b+ha baM nir+ya ta yA mi/ sarba ta thA ga ta pra ti gr-ih+NA na swa mi maM swA hA/ oM sarba ta thA ga ta put+ye dz+nyA na saM b+ha ra a nu mu da ye swA hA/ oM sarba ta thA ga ta sa man+ta b+ha dra ma hA badzra sa ma yaM ma hA bo d+hi tsit+tot+pA daM ut+pA da yA mi swA hA/ oM sarba ta thA ga ta shan sat+ye sarba satA nAM/sarba sid+d+h+ya saM sa t+ya na ti sarba ta thA ga tash+tsa a de sha na ti/ oM sarba shud+d+haHsar+b+bad+har+m+mAHswa b+hA ba shud+d+hou0f85haM/ sems can 'di dag bde bar shog /sdug bsngal kun yang sel bar shog /de dag bde bas bdag nyid tshim/ /'di dag nyon mongs bral b ar shog /rang bzhin med dang gtsang la sogs/ /mtshan ma med dang yid mi 'byung / /'di dag thams cad de yi phyir/ /bdag gis gang las rnam par 'khrul/ /oM shU n+ya tA dz+nyA na badzra swa b+hA ba at+ma kou0f85haM/ de nas rgyal ba'i bka' lung gis/ /zla ba gnyis su mthong bar bya//de yang bstan nas gcig 'gyur zhing / /de yi bdag nyid du gyur pa/ /sangs rgyas thams cad mnyam nyid du/ /blo gros chen pos gzhug par bya/ /oM bo d+hi tsit+ta ut+pA da yA mi/ oM dz+nyA na ra sme be+e sre dza hUM/ oM tiSh+Tha sta badzra hUM/ oM s+pha ra Na badzra/oM saM hA ra na badzra/ oM dz+nyA na badzra/ oM sar+b+ba ta thA ga ta dz+nyA na badzra/ oM badzra At+ma kou0f85haM/ oM ya thA sarba ta thA ga ta ta thA a haM/ de nas gzhan don byed pa'i phyir/ /slar yang 'di ltar bsgom par bya/ /khro bo'i gzugs ni 'chang ba yis/ / snying gar pad+ma nyi hUM las/ /khro bo bcu yis bgegs kyi gtso/ /lus ngag yid gsum phur bus gdab/ /phyi rol rdo rje ra ba sogs/ /rnam par sprul pa byas nas ni/ /hUM yig gnyis kyi dbus gnas pa'i/ /'og tu yaM baM raM dag las/ /rlung dang chu dang me dag ni//dkyil 'khor de nyid rim pas bsgom/ /tshe mkha' la b+h+rUM yig las byung ba'i/ /rtag pa'i yan lag las skyes pa/ /bdud rtsi'i rgyun gyi tshogs kyis ni/ /gang ba'i snod kyi bdag nyid gyur/ /hUM gnyis dbus su baM yig las/ /sku yi rdo rje'i ting 'dzin gyis//brtan zhing sra bar gyur pa yi/ /gser gyi dkyil 'khor nyid du gyur/ /ngos gnyis rnam pa'i hUM yig dang / /suM las skyes pa'i lhun po'i steng / /b+h+rUM las gyur pa dpal dang ldan/ /gzhal yas khang brtsegs bsgom par bya/ /de yi dbus su sna tshogs pa'i//chu skyes steng du seng ge'i gdan/ /der ni dbyangs yig dang po las/ /kun da'i 'od ldan rnam snang mdzad/ /bdud rtsi'i dkyil 'khor la gnas pa'i/ /zhal bzhi mnyam gzhag phyag rgya can/ /de yi mdun du mi bskyod pa/ /rdo rje dril bu dang ldan pa'i//glang po'i steng du zla ba la/ /nam mkha'i mdog can bsam par bya/ /lho ru rdo rje nyi ma yang / /rta yi steng du zla ba la/ /rin chen dril bu dang ldan pa/ /gser gyi mdog ni rnam par bsam/ /nub tu pad+ma gar dbang yang / /rma bya'i steng gi zla ba la/ /pad+ma'i dril bu dang bcas pa//pad+ma rA ga'i mdog can bsam/ /byang gi phyogs su rta mchog kyang / /mkha' lding gser 'od la gnas pa'i/ /sna tshogs rdo rje dril bu mdzes/ /sna tshogs pa yi mdog can bsgom/ /de dag gi yang thugs kar ni/ /dang por sangs rgyas bsgom bya ste/ /dpal ldan zhal lnga phyag brgyad pa//any+dza na yi sku mdog 'chang / /ngo mtshar drag po sgeg pa dang / /dgod dang bcas pa'i zhal mnga' ba/ /g.yas g.yon ral gri pusti dag /bdag nyid chen pos bzhi bzhi bsnams/ /'jigs su rung ba'i gzugs kyis ni/ /sems can rnams ni tshim par byed//re re'i thugs kar 'khor lo ni/ /rtsibs bcu gnyis la dbyangs yig ldan/ /phyi rol kA li nang na yang / /oM sarba d+harmA'i sngags su bcas/ /thams cad la yang khyad med par/ /de steng shes rab 'khor lo ste/ /phyi rol a A sogs kyis mtshan//nang gi mu khyud A lir ldan/ /khyad par gtso bo'i 'khor lo ni/ /rtsibs drug gsang sngags drug dang ldan/ /gzhan dag gi yang rang rang mtshan/ /oM dang ya te na mar bcas/ /na ma rtsibs gcig la bsdongs nas/ /lhag ma yi ge'i grangs bzhin brtsigs//gnyis med 'jam dpal gtso bo ni/ /ye shes sems dpa' bsgom par bya/ /rang rigs phyag rgya can gnyis gnyis/ /ut+pa la dang pusti 'chang / /gzhan dag la yang khyad med par/ /ral gri g.yas pa la mtshan no/ /g.yon pas rdo rje rin chen dang //chu skyes sna tshogs rdor dril 'chang / /de yang gnyis pa lnga pa dang / /dang po bzhi pa ye shes sku/ /kun kyang gzhon nu'i rgyan dang ldan/ /kun+da'i kha dog gzugs 'chang ba/ /rdo rje sems dpa' dkar po ste/ /rdo rje dang ni dril bu 'chang / /rgyal po ser po lcags kyu 'chang //chags pa dmar po mda' gzhu can/ /legs pa ljang gu legs sbyin pa/ /mi bskyod pa yi 'khor du gnas/ /rin chen dril 'chang rin chen ser/ /nyi ma nyi bzhin g.yas nyi 'dzin/ /ljang gu tog ni rgyal mtshan 'dzin/ /g.yon pa gdan la gnyis ka yang //bzhad pa dkar po so phreng 'dzin/ /snga ma bzhin du g.yon pa yis/ /rin chen 'byung ba'i 'khor du gnas/ /chos dmar pad+ma'i sdong bu 'dzin/ /rnon po ral gri pusti dkar/ /'khor lo ser po 'khor lo 'dzin/ /smra ba ljang gu ljags 'dzin pa//gnyis ka g.yon pa gdan la brten/ /pad+ma gar gyi 'khor du gnas/ /las ni ljang gu rgya gram gyis/ /bsrung ba ser po go cha can/ /gnod sbyin nag po mche ba 'dzin/ /khu tshur ser po khu tshur 'dzin/ /don yod grub pa'i 'khor du gnas/ /de ltar 'khor lo chen po ni//bsams nas rim bzhin mchod par bya/ /mchod pa'i rim pa dkyil 'khor kyi/ /cho ga nyid las shes par bya/ /snying po dang ni nye snying po/ /rgyal ba kun kyang mnyes par bya/ /lhag ma kun gyis bzlas pa'i sngags/ /yi ge gsum po shes par bya//gzhan dag rgyal ba'i dkyil 'khor bcas/ /rang rang gnas su bsams nas ni/ /de yi nga rgyal dang ldan pas/ /ci rigs pa ni sbyang bar bya/ /rnal 'byor ldan pa'i dus su yang / /mtshan brjod dang ni bstod pa yis/ /rgyal ba 'khor bcas bstod nas ni/