CLOSE WINDOW

D2600
བོད་ཡིག

@##/ /rgya gar skad du/ Ar+ya many+dzu shrI nA ma saM gI ti no pi ka /bod skad du/ 'phags pa 'jam dpal gyi mtshan yang dag par brjod pa'i sgrub thabs/ 'jig rten dbang phyug la phyag 'tshal lo/ /shes rab ral gri mda' gzhu thogs/ /dang po'i sangs rgyas rgyu med pa//gdong lnga gtsug phud lnga dang ldan/ /gsang sngags rgyal po drug ldan 'dud/ /dang por sngags pas dbang thob cing dam tshig dang ldan par byas te/ yid dga' ba'i gnas su 'dug la/ tho rangs kar kha'i sgo dag par byas la/ snying gar zla ba'i steng du/ yi ge muM rnam par bsams la/'od zer gyis bla ma dang yang dag par rdzogs pa'i sangs rgyas spyan drangs la/ phyag btsal ba dang / mchod pa dang / rjes su yi rang ba dang / chos kyi 'khor lo bskor bar bskul zhing / mya ngan las mi 'da' bar gsol te/ dge ba'i rtsa ba bsngo bar bya'o//de nas byams pa dang / snying rje dang / dga' ba dang / btang snyoms bsgom par bya'o/ /de'i rjes la stong pa nyid bsgoms te/ oM shu n+ya tA dz+nyA na badzra swa b+hA wa At+ma kou0f85haM/ sngags 'di'i don la dmigs pas/ chos thams cad sgyu ma lta bur bsgom mo/ / de nas yi ge d+hIHlas pad+ma'i gdan dmar po bsam zhing / de'i steng du a las zla ba'i gdan rnam par bsams te/ dbus su yi ge muM dmar skya 'od zer gyi tshogs 'phro zhing 'du ba bsam par bya'o/ /de nyid thig ler gyur pa las/ /ye shes sems dpa' sku mdog dkar po sprin dkar dag pa lta bu rdo rje skyil krung can/phyag bzhi dang ldan pa g.yas g.yon gnyis na mdzes pa'i ral gris 'debs shing shes rab kyi pusti 'dzin pa'o/ /de'i 'og ma gnyis na mda' dang gzhu bsnams pa'o/ /gzhon nu'i rgyan can no/ /de ltar rnam par bsgoms te/At+ma kou0f85haM/ zhes brjod la/ nga rgyal bskyed par bya'o/ /de'i rjes la snying ga'i 'od zer gyis ye shes sems dpa' spyan drangs te/ yi ge las byung ba'i pad+ma dang zla ba'i steng du bzhugs te/ mchod pa'i tshogs kyis rnam par mchod la/ rang dang gnyis su med par b sre bar bya'o//snying ga dang mgrin pa dang dpral ba dang spyi bo rnams su/ rdo rje dang pad+ma dang rin po che dang sna tshogs rdo rjes rgyas btab ste/ thugs ka'i 'od zer kyis nam mkha' khyab pas/ de bzhin gshegs pa bskul bas lha mo'i tshogs kyis bdud rtsi'i rgyun gyis dbang bskur te/sangs rgyas lnga'i cod pan dang dar dpyangs dang bcas pas dbang bskur ro/ /de'i thugs kar zla ba'i dkyil 'khor du/ hrIHyongs su gyur pa las dang po'i sangs rgyas sku mdog dkar po zhal lnga phyag brgyad pa/ zhabs gnyis skyil mo krung du bzhugs pa/ byis pa'i rgyan thams cad kyis brgyan pa/rin po che sna tshogs pa'i na bza' can/ g.yas bzhi na mdzes pa'i ral gri/ g.yon bzhi na shes rab kyi pha rol tu phyin pa'i glegs bam de'i thugs kar shes rab kyi 'khor lo rnam par bsnams te/ lce drug pa kha dog drug dang ldan pa/ mu khyud bzhi yis bskor ba/lte bar yi ge a dkar po bsams te/ de las 'od 'phros pas/ phyogs bcu'i sems can gyi khams thams cad khyab par byas te/ slar 'dus te de nyid la thim pas/ rtsa ba'i sngags dgod par bya'o/ /oM sarba d+harmA a b+hA ba swa b+hA ba bi shud+ha badzra a A aM aH/de'i phyi rol mu khyud la dbyangs kyi yi ge bcu gnyis dgod do/ /de'i phyi rol 'khor lo rtsibs drug pa ste/ dang po'i rtsibs la oM badzra tIk+Sh+Na ya te nA ma/ gnyis pa la oM duHkhats+tshe da ya te nA ma/ gsum pa la oM pradz+nyA dz+nyA na mUrta ye ya te nA ma/ bzhi pa la oM dz+nyA na kA ya ya te nA ma/lnga pa la oM wA gI shwa ra ya te nA ma/ drug pa la oM a ra pa tsa nA ya te nA ma/ phyi'i mu khyud dang po la ye shes sems dpa'i phreng sngags/ sarba ta thA ga ta hri da ya zhes bya ba nas/ dz+nyA na gar+b+ha AHzhes bya ba'i bar du dgod do/ / phyi'i mu khyud tha ma la yi ge ka nas ha'i mthar gsal byed kyi yi ge dgod do/ /de ltar snying gar bsam zhing / de las 'khor lo de'i dbus su a las bskyed pa/ bcom ldan 'das 'jam dpal ye shes sems dpa' zhal drug pa ston ka'i zla ba ltar dkar zhing / in+d+ra nI la'i gtsug phud can/nyi ma 'char ka'i 'od 'dra bas bskor zhing / zhi ba'i ngang tshul dang ldan pa/ phyag gnyis kyis ut+pal dmar po dang sngon po/ shes rab kyi pha rol tu phyin pa'i glegs bam gyis mdzes pa g.yas dang g.yon na rim pa bzhin bsnams pa rgyan thams cad kyis brgyan cing skyil mo krung gis bzhugs par bsam mo//de'i thugs kar zla ba'i dkyil 'khor/ de'i dbus su yi ge a bkod de/ de las 'od zer 'phros shing / 'khor lo'i sngags kyi kha dog ji lta ba bzhin 'od zer 'phros te/ rang dang 'jig rten gyi khams kun khyab par byas nas/sangs rgyas kyi zhing thams cad gsal bar 'gyur zhing / sems can gyi khams thams cad snang bar byas te/ 'od kyis de bzhin gshegs pa thams cad slar bsdus nas/ bdag nyid la lan gsum bskor te/ snying ga'i sngags dang zla ba dang bcas pa gcig tu 'dres par gyur nas/shes rab dang ye shes kyi me 'bar ba'i tshul gyis/ bdag med pa brtan por bsgom mo/ /de lta bu'i tshul gyis sngags kyi bzlas pa rdzogs par 'gyur ro/ /gzhan yang sngags bzlas pa dang / mtshan yang dag par brjod pa bklag pa yang rim pa des yang dang yang du bya'o//thun mtshams su ni ye shes sems dpa' gshegs su gsol zhing ji ltar bskyed pa'i rim pa bdag nyid la bsdu bar bya'o/ /bdag nyid kyang mi dmigs pa la lha'i rnal 'byor du langs te/ spyod lam thams cad kyang bden pa gnyis kyi tshul gyis dkyil 'khor dang gtor ma dang /sbyin sreg dang / mchod pa dang / mdo gdon pa la sogs pa mchod rten gyi las dang / sbyin pa la sogs pa pha rol tu phyin pa drug dang / lus ngag gi spyod pa thams cad lha'i rnal 'byor dang ldan pas sgyu ma'i tshul gyis sbyar bar bya'o/ /zas la sogs pa ni rang bzhin gyis rnam par dag pa'i bdud rtsi chen por sngags kyis btab la tshim par bya'o//phyi'i khrus don du gnyer ba'i tshe yang dbang bskur ba'i cho ga rang bzhin rnam par dag pas bkru'o/ /nyal ba'i tshe chos kyi dbyings la snyoms par zhugs pas nyal lo/ /ldang na gzugs kyi sku'i rim pas so//tshul 'di lta bur gang zhig sgom par byed pa de ni 'dul ba'i dbang gis de nyid ring por mi thogs par nam mkha'i dkyil na bzhugs pa mthong ngo / /ye shes sems dpa' sprul pa'i sku yi sgrub thabs 'di/ /rgyud dang sgeg pa'i rdo rje byang chub mchog ldan dang //'jam dpal grags pa bla ma'i man ngag rim pa 'di/ /gsang ba'i mtshan ldan rdo rje las grub kyis/ /dam pa nyer bsten dan hri badzra las/ /byang chub sgyu 'phrul sbyor ba'i man ngag 'di/ /rnyed nas 'di la gus phyir bdag gis bris/ /'di yis 'gro kun ye shes sems dpar shog /