CLOSE WINDOW

D2598
བོད་ཡིག

/[ ]@##/ /rgya gar skad du/ Ar+ya many+dzu shrI maN+Dal bi d+ti tsin+tA ma Ni nA ma/ bod skad du/ 'phags pa 'jam dpal gyi dkyil 'khor gyi cho ga yid bzhin nor bu zhes bya ba/ dpal rdo rje sems dpa' la phyag 'tshal lo//sangs rgyas sku lnga'i bdag nyid can/ /khyab bdag ye shes lnga yi bdag /sprul pa'i 'khor lo sna tshogs 'chang / /ye shes sku nyid la btud nas/ /'jam dbyangs kyis khyab dkyil 'khor ni/ /bsdus dang dbye ba'i bye brag gis/ /thun mong thun mong ma yin pa'i//cho ga'i rim pa bshad par bya/ /dang po re zhig rnal 'byor bas/ /'gro ba 'dun pa'i bsam pa yis/ /yid dga' ba yi sa phyogs su/ /bde ba'i stan la 'dug nas ni/ /sgyu ma'i lus kyi snying ga ru/ /rang gi sa bon bsams nas su/ /'od 'phro ba yi sbyor ba dang //dkyil 'khor sprul pa'i phyag rgya yis/ /rang gi 'khor lo sprul par bya/ /phyag lnga bya ba'i sbyor ba dang / /mchod pa rnam pa lnga yis mchod/ /sgyu 'phrul dra ba las gsungs ltar/ /gsum pa skyabs 'gro la sogs bya/ /de rjes bstod pas mnyes bya ba//thun mong dang ni de ma yin/ /thun mong rnam pa gnyis yin te/ /dang po mdo nyid ji bzhin pa/ /'chad pa'i 'dud pa nyi shu'o/ /thun mong min par rang gi'o/ /nyi shu pa yi rnam pa yang / /mchog gi dang po sku gsum 'chang / /sangs rgyas sku lnga'i bdag nyid can//khyab bdag ye shes lnga yi bdag /mchog sbyin rdo rje mchog khyod 'dud/ /yang dag nyid de de bzhin nyid/ /stong nyid smra ba'i khyu mchog ste/ /zab cing rgya che'i sgra sgrogs pa/ /yang dag mthar gyur khyod la 'dud/ /stong pa nyid dga' 'dod chags blo/ /srid pa'i 'dod chags la sogs spangs//srid pa'i dga' ba chen po pa/ /stong nyid las byung khyod la 'dud/ /sangs rgyas byang chub bla na med/ /gsang sngags las byung yi ge med/ /gsang sngags don kun skyed pa'o/ /sangs rgyas byang chub khyod la 'dud/ /sems can kun la shas cher chags//nam mkha' lta bur chags pa med/ /sems can kun gyi yid la 'jug /sangs rgyas chags pa khyod la 'dud/ /'dod pa'i don grub dam pa ste/ /ngan song thams cad rnam sbyong ba/ /mgon po sems can kun gyi mchog /sangs rgyas 'dod la phyag 'tshal 'dud//ha ha hi hi 'jigs par sgrogs/ /rdo rje gad mo cher sgrogs pa/ /gad mo chen mo gad rgyangs can/ /sangs rgyas dgyes pa khyod la 'dud/ /gom pa'i stabs kyis gar byed pa/ /dpal ldan lag pa brgyas gang la/ /nam mkha' khyab par gar byed pa//sangs rgyas rol la phyag 'tshal 'dud/ /tshig tu brjod pa spangs pa ste/ /brjod pa kun gyi rgyu yi mchog /tshig kun rab tu gsal ba ste/ /sangs rgyas 'dzum pa khyod la 'dud/ /tshig gi dbang phyug smra ba che/ /smra ba'i skyes mchog smra ba'i rgyal/ /smra ba'i dam pa mchog gi gnas//sangs rgyas bzhad pa khyod la 'dud/ /tshig la dbang ba tshig mtha' yas/ /tshig bden pa dang bden par smra/ /bden pa bzhi ni ston pa po/ /sangs rgyas gsung nyid khyod la 'dud/ /sangs rgyas kun gyi thugs che ba/ /sangs rgyas kun gyi thugs la gnas//sangs rgyas kun gyi thugs rig pa/ /sangs rgyas thugs la phyag 'tshal 'dud/ /mya ngan 'das shing mya ngan 'das/ /legs par mya ngan 'das dang nye/ /bde sdug sel ba mthar gyur pa/ /med pa las byung khyod la 'dud/ /theg pa chen po'i tshul la gnas//theg pa chen po'i tshul gyi mchog /sangs rgyas rnam par snang mdzad che/ /sangs rgyas 'byung ba khyod la 'dud/ /nam mkha' las byung rang byung ba/ /shes rab ye shes me bo che/ /'od chen rnam par snang bar byed/ /nam mkha' las byung khyod la 'dud//dang po sangs rgyas rgyu med pa/ /ye shes mig gcig dri ma med/ /ye shes lus can de bzhin gshegs/ /ye shes las byung khyod la 'dud/ /sgyu 'phrul chen po don grub pa/ /sgyu 'phrul chen po dga' bas dga'/ /sgyu 'phrul chen po mig 'phrul can/ /sgyu 'phrul dra ba khyod la 'dud//gom pa'i stabs kyis gar byed pa/ /dpal ldan lag pa brgyas gang la/ /nam mkha' khyab par gar byed pa/ /sangs rgyas rol ston khyod la 'dud/ /dngos po kun gyi rang bzhin mchog /dngos po kun gyi rang bzhin 'dzin/ /skye med chos de sna tshogs ston//thams cad thams cad khyod la 'dud/ /ye shes snang ba lam me ba/ /'gro ba'i mar me ye shes sgron/ /gzi brjid chen po 'od gsal ba/ /ye shes sku nyid khyod la 'dud/ /sngags pa rdo rje dril 'chang ba/ /bstod pa'i rgyal po 'di yis bstod/ / rab tu mos pas gus byed na/ /'jam pa'i rdo rje ngo bor 'gyur/ /ji ltar dus gsum mgon po rnams/ /byang chub tu ni nges mdzad pa'i/ /bla na med pa'i byang chub sems/ /dam pa bdag gis bskyed par bgyi/ /sangs rgyas rnal 'byor sdom pa la/ /tshul khrims kyi ni bslab pa dang //dge ba'i chos ni sdud pa dang / /sems can don byed tshul khrims gsum/ /bdag gis brtan por gzung bar bgyi/ /sangs rgyas chos dang dge 'dun te/ /bla na med pa'i dkon mchog gsum/ /deng nas brtsams te gzung bar bgyi/ /nam du yang ni mi spong ngo //rdo rje rigs mchog chen po la/ /rdo rje dril bu'i phyag rgya yang / /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po pa/ /dam tshig yid du 'ong ba la/ /nyin re ji bzhin dus drug tu/ /sbyin pa rnam bzhi rtag tu sbyin//byang chub chen po las byung ba'i/ /pad+ma'i rigs mchog dag pa la/ /phyi nang gsang ba'i theg pa gsum/ /dam pa'i chos kyang gzung bar bgyi/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi//mchod pa'i las rnams ci nus bgyi/ /byang chub sems ni bla na med/ /dam pa bdag gis bskyed bgyis nas/ /sems can kun gyi don gyi phyir/ /bdag gis sdom pa ma lus gzung / /ma rgal ba rnams bsgral bar bgyi/ /ma grol ba rnams grol bar bgyi//dbugs ma phyin pa dbugs phyung zhing / /sems can mya ngan 'das la dgod/ /de ltar sdom pa 'dzin byed na/ /bdag nyid snod du rung bar 'gyur/ /de nas sa bon 'od kyis ni/ /dkyil 'khor rang gi sa bon gzhug /de las ye shes me 'bar bas/ /rnam smin phung po bsregs pa yis//skad cig gis ni sgyu 'drar 'gyur/ /de nas snying rje skyed pa ni/ /sdug bsngal chos dang dmigs med pas/ /byang chub rnam pa lnga bsgom ste/ /gzugs brnyan gyi ni ye shes la/ /sdug bsngal rnams ni snang ba ni/ /de las 'don pa'i bsam pa ni/ /sdug bsngal la dmigs snying rje'o//bdag stong sems can chos rnams kun/ /stong pa nyid du rab sbyor bas/ /kun gyi stong pa las 'jug pa/ /chos dmigs snying rje mnyam nyid do/ /de yang ma skyes pa'i phyir stong par shes pa ni/ /so sor rtog pa shes pa las/ /sems can thams cad dgod bsam pa//dmigs med shes rab so sor rtog /sems can don ni rtog med las/ /nam mkha' la ni 'ja' tshon bzhin/ /gang dang gang 'dod snang byed pa/ /dmigs med snying rje bya grub pa'o/ /bdag dang gzhan sogs rtog pa rnams/ / slar zhing 'byung bar mi 'gyur zhing / /gang la chags dang rnam bral ba'i/ /chos dbyings ye shes rnam par bsgoms/ /de dag ni tshogs gnyis kyi yongs su ting nge 'dzin to/ /de nas nam mkha' stong pa la/ /b+h+rUM byung 'khor lo'i dbus su ni/ /nyi ma'i dkyil 'khor dbus gnas par//hUM ni 'jigs pa bsgom byas te/ /'od zer phyogs bcur 'phros pa las/ /hUM bcu 'khor lo'i rtsibs stengs su/ /khro bo bcu gcig skad cig rdzogs/ /hUM mdzad gnod mdzes gtsug tor dang / /gshin rje gshed dang gzhan mi thub/ /rta mgrin dang ni bdud rtsi 'khyil//'dod rgyal mi g.yo mgon po dang / /dbyug sngon can dang stobs po che/ /zhal gsum phyag drug zhabs gnyis par/ /bskyed la de nyid rnam 'phrul ba'i/ /bgegs bcu bkug par bka' bsgo bas/ /bkug ste zhabs 'og phur bus gdab//rdo rje gsang sngags brjod bya bas/ /skad cig gis ni bgegs med 'gyur/ /hUM mdzad thugs ka'i sa bon las/ /'od 'phros phyogs mtshams steng 'og tu/ /'phros pas dra ba gur dang ni/ /ra ba gnyis dang sa gzhi dang / /rdo rje'i rang bzhin bsgom par bya//phyogs mtshams dkyil 'khor bcings pa yi/ /phyis kyang 'jug par mi 'gyur ro/ /de nas zhi ba'i bsam pa yi/ /kun du bzang por hUM mdzad gyur/ /de las chos kyi 'byung gnas bsam/ /dbus su b+h+rUM las gzhal yas khang / /spyi dang thun mong khyad par ni//rim pa bzhin du shes par bya/ /zur bzhi pa la sgo bzhi pa/ /rta babs kyis ni rnam par brgyan/ /dar dang me tog phreng bas brgyan/ /grwa dang sgo yi mtshams rnams su/ /zla ba phyed la gnas pa yi/ /rdo rje rin chen rnams kyis spras/ /dkyil 'khor phyi rim thig gdab bo//de yi rim pa'i nang bzhugs nas/ /dkyil 'khor phyi ma dang mtshungs par/ /mtshan nyid thams cad shes bya ste/ /ka ba brgyad dang ldan pa ru/ /dbus kyi dkyil 'khor 'byung ba ni/ /kun gyi thun mong yin par 'dod/ /bsdus dang so so'i mtshan nyid ni//phyi nas 'byung ba las shes bya/ /dbus su saM gaM taM hraM aM las/ hUM gnyis ldan las byung ba'i gdan/ /ming las mtshon te shes par bya/ /a las zla ba'i steng du bsam/ /de dag ni steng gi ting nge 'dzin to/ /de nas sa bon las bskyed pa/ /a las rnam par snang mdzad che//mdog dkar zhal bzhi phyag gnyis pa/ /mnyam gzhag pa'am byang chub mchog /rna rgyan la sogs spangs pa ni/ /rtag pa'i sangs rgyas bsgom pa'o/ /thugs kar pad+ma gnas pa las/ /hrIHlas dang po'i sangs rgyas ni/ /zhal lnga byis pa'i rgyan dang ldan//phyag brgyad g.yas bzhis ral gri 'dzin/ /g.yon bzhis shes rab po ti 'dzin/ /dang po'i sangs rgyas thun mong pa'o/ /sangs rgyas de yi thugs ka ru/ /a las gyur pa'i 'khor lo ni/ /rtsibs drug pa la mu khyud bzhi/ /lte bar a las 'od 'phros pas//don byas 'dus pa'i sngags su 'gyur/ /lte bar a ste mu khyud gnyis/ /nang ma'i mu khyud la dgod pa/ /oM sarba d+harmA a b+hA ba/ bi shud+d+ha badzra a A aM aH/ phyi rol du ni dgod pa ni/ /rtsibs bcas sam ni rtsibs med par/ /dbyangs yig bcu gnyis dgod par bya//de yi phyi rim rtsibs drug la/ /gsang sngags rgyal po drug ldan pa/ /dang po'i rtsibs la dgod bya ba/ /oM badzra tIk+Sha ya te nA ma/ gnyis pa'i rtsibs la dgod bya ba/ /oM duHkha ts+tshe da ya te nA ma/ gsum pa'i rtsibs la dgod bya ba/ / oM pradz+nyA dz+nyA na murta ye ya te nA ma/ /bzhi pa la ni bsam bya ba/ /oM dz+nyA na kA ya ya te nA ma/ lnga pa la ni bsam bya ba/ /oM wA gI shwa ra ya te nA ma/ drug pa la ni bsam bya ba/ /a ra pa tsa na ya te nA ma/ 'khor lo mu khyud gsum pa la/ /ye shes sems dpa'i sku yi sngags//a A sarba ta thA ga ta hr-i da ya/ ha ra ha ra/ oM hUM hrIHb+ha ga bA na/ dz+nyA na mUrti wA gI shwa ra/ ma hA wa tsa sarba d+harmA/ ga ga na/ a mA la su pa ri shud+d+ha d+harmA d+hA tu dz+nyA na gar+b+ha AH/ 'khor lo mu khyud bzhi pa la/ /ka sogs k+Sha la thug par dgod/ /shes rab 'khor lo'i ting 'dzin to//de yi lte ba'i a las ni/ /gnyis su med pa'i 'jam dpal dbyangs/ /zhal drug pa la phyag drug pa/ /'khor lo'i rtsibs dang yi ge'i zhal/ /dkar dmar sngo dang dkar ljang dkar/ /phyis kyang so sor bya ba yin/ /ut+pal sngon dmar dang po gnyis//mda' dang gzhu ni gnyis pa gnyis/ /mnyam par gzhag pas gsum pa gnyis/ /sku ni dung ltar dkar ba'o/ /thugs kar zla ba sa bon no/ /rnam snang chen po zhes bya ba'i/ /dang po sbyor ba'i ting 'dzin gyis/ /sgyu 'phrul dra bas byang chub pa'o/ /so sor dbye ba'i sbyor ba yang //dbus su rang gi gdan stengs su/ /hrI hUM a a oM a las/ /pad+ma gar dang hUM byed dang / /rnam snang rta mchog rdo rje nyid/ /rdo rje sems dpa'i go rims bzhin/ /zhal gcig pa la phyag gnyis te/ /ting 'dzin bdud 'dul byang chub mchog/ / skyabs mdzad mchog sbyin 'gying bcas pas/ /'on kyang khyad par yod pa'o/ /pad+ma rdo rje rdo rje dang / /rdo rje sna tshogs rin chen dang / /rdo rje dril bu 'dzin pa ste/ /mdog ni bsdus pa'i zhal gyis te/ /dang po sangs rgyas d+hIHdkar la/ /sngar gyi kun gyi thun mong gis/ /'jam dpal dag tu thams cad mchog /de yi thugs kar shes rab kyi/ /'khor lo sa bon rnams la bskyed/ /rtsibs brgyad yin te rnam snang gi/ /rtsibs bcu pa ni yin par 'dod/ /mu khyud bzhi sogs snga ma bzhin/ /yi ge gyur pas sngags rnams ni/ /rtsibs la dgod pa'i sngags rnams ni//ye shes sems dpa'i ming can du/ /bsdus pa'i sngags rnams phye ba'o/ /kha dog sngar bzhin shes par bya/ /shes rab 'khor lo bsgom par bya/ /lte ba rnams su sa bon gyi/ /spro bsdu las grub ye shes sems/ /zhal gcig pa la phyag gnyis pa//dmar po la sogs kha dog drug /rdo rje rnon po sdug bsngal gcod/ /shes rab ye shes ye shes sku/ /ngag dbang phyug dang pa tsa'i mtha'/ /ral gri kun gyi g.yas pa ste/ /rang mtshan g.yon na 'dzin pa'o/ /ye shes sems dpa' bsgom pa'i ting nge 'dzin to//dngos gzhi dkyil 'khor rgyal mchog ni/ /bsdus dang phye ba'i bye brag gis/ /thun mong thun mong ma yin pa/ /go rims bzhin du shes par bya/ /bsdus pa rnam pa gsum yin te/ /rnam snang gnyis dang rdo rje sems/ /de gsum gtso bo gang rung ngam//yang na rang bzhin gcig yin pas/ /gcig tu bsdus pas shes par bya/ /thugs bsdus pa la 'jam pa'i dbyangs/ /so so la ni sngar bzhin 'dod/ /de yi thugs la sa bon rnams/ /spros pas rang rang dkyil 'khor 'byung / /las byas 'dus nas dkyil 'khor du//'og tu 'chad pa'i rim pas gnas/ /dbus dkar shar sngo lho ser zhing / /nub dmar byang gi ljang gu ru/ /kha dog la sogs shes par bya/ /kun gyi dbus kyi mtshan ma ste/ /'og kyang khro bo'i rdo rje dang / /rin chen pad+ma sna tshogs mtshan/ /nyams dang de dang 'dra bar ram//yang na 'grel par bshad pa bzhin/ /ming dang zhal mdog mtshan ma sogs/ /tha dad par ni shes par bya/ /gdul bya'i bsam pa'i dbang gis ni/ /sna tshogs gzugs 'dzin nor bu bzhin/ /so so rang rang sa bon las/ /rang rigs thams cad sprul byas nas//'dod chags can sogs gdul byas nas/ /'dus nas dkyil 'khor la zhugs pa/ /dkyil 'khor rgyal mchog yin par 'dod/ /rjes kyi las rgyal ting 'dzin ni/ /'od zer spro bsdus 'gro ba sbyor/ /kun gyi phrin las mthun pas ni/ /khyad par dbye ba ma bshad do//sprul pa byin gyis brlab pa'i phyir/ /rang gi gtso bo'i sbyor ba yis/ /lag ngar gnyis ni rdo rje bcing / /se gol rdeb cing sngags brjod pas/ /sangs rgyas thams cad bsdu bar bya/ /de tshe sangs rgyas thams cad ni/ /rdo rje sems dpa' la sogs bcas//dkyil 'khor thams cad 'dus par 'gyur/ /sngar bzhin bstod pas bstod nas su/ /lcags kyu la sogs rnal 'byor gyis/ /dgug pa la sogs pa byas nas/ /sgo bcad bsrung ba rdzogs pas 'grub/ /gtso bo'i dam tshig mchog bcings pa//snying gar hUM las rdo rje bsam/ /dr-i sh+ya dzaHhUM baM hoH/ zhes gtso bo'i sngags kyis rjes 'gro ba'o/ /lce la pad+ma bsam bya ste/ /gtso bo'i snying po bkod byas pas/ /chos kyi phyag rgya gsung sgrub po/ /gtso bo'i las kyi phyag rgya bcing / /spyi bor rdo rje kun dngos bsam//las kyi phyag rgya phrin las 'grub/ /ye shes sems dpa'i snying ga ru/ /rang gi mtshan ma bsam byas nas/ /phyag rgya chen po bcings pas ni/ /phrin las thams cad 'grub par 'gyur/ /rigs kyi dbu rgyan bsams nas ni//mchod dang mnyam nyid la sogs bstod/ /de nas bzlas brjod bya ba ni/ /shes rab 'khor lo'i sngags rnams las/ /'od zer de 'dra 'jig rten du/ /'gro ba'i don byas der 'dus thim/ /dang po'i bzlas pa yin par 'dod/ /yang na mtshan mchog brjod pa ni//gnyis pa yin te der yang gnyis/ /bsdus la kun te phye ba la/ /dum bu drug tu gdon byas na/ /phan yon drug tu rgyud bzhin 'gyur/ /bsdus pa'i man ngag 'di yin te/ /rnam snang che dang rnam snang dang / /rdo rje sems la mdo gnyis te/ /snying las mtshan rnams thon byas nas//sku yi grangs kyis 'jig rten du/ /chags can gti mug can don byas/ /'dus te dbyangs nas gsal byed la/ /thim pas 'od kyi 'khor lor 'gyur/ /dbus kyi cha la gnas pa'o/ /shar sogs mi bskyod la sogs pa/ /rang rang mtshan gyi gnas skabs su//sngags don rigs kyi lhar 'phros te/ /zhe sdang can sogs dbang byas nas/ /'dus te rang gi 'khor lo ru/ /sngags la 'dus te sngar bzhin no/ /so so rang rang mtshan gyis so/ /dang po'i ming gi sbyor bas so/ /phyi nas sngags ni nus tshad bzlas//gal te gtong bar 'dod na yang / /sngar bzhin mchod bstod sngon 'gro bas/ /lhag chad nyes pa zhi ba dang / /bzod pa gsol dang gsal ba dang / /sngar bcings dam tshig phyag rgya dgrol/ /oM khyed kyis sems can don kun mdzod/ /rjes su mthun pa'i dngos grub stsol//sangs rgyas yul du gshegs nas kyang / /slar yang 'byon par mdzad par rigs/ /sprul pa'i 'od kyis der bsdus la/ /stong pa'i nga rgyal brtan bsgoms na/ /bsrung ba dam pa yin par 'dod/ /spyod lam bzhi yi dus su yang / /'jam pa'i rdo rje nga rgyal 'chang //yid la yang ni sbyar bar bya/ /snying po'i ting 'dzin sbyar ba'o/ /de ltar bsnyen par byas nas ni/ /gang 'dod las ni rdzogs 'dod pas/ /dkyil 'khor la sogs las rnams bya/ /grong la sogs pa'i phyogs bdun ni/ /rnal 'byor pa yis spang bar bya/ / yon tan kun dang yongs ldan pa'i/ /byang shar mtshams ni yongs su gzung / /sems la nus pa dang ldan na/ /gang du yid dang mthun par bya/ /mngon par 'dod pa'i sa phyogs su/ /drag dang zhi ba'i sbyin sreg gis/ /sa ni sbyang ba 'grub par bya/ /gyo mo gseg ma thal ba dang //rus pa phub ma la sogs grub/ /bsal bas gnod pa med par 'gyur/ /dbus su sa ni brkos byas la/ /dag pa'i chu yis bkang byas la/ /me tog dkar po bzung byas la/ /shar du gom pa brgya phyin nas/ /log ste dngos grub brtag par bya/ / de nas maN+Dal sngon 'gro bas/ /bruM ser las byung lha mo la/ /bslang ba gzhung dang mthun par bya/ /sa yi dbus su ting 'dzin gsum/ /snga ma bzhin du bsgom bya ste/ /'on kyang khyad par dbye ba yod/ /rten gyi 'khor lo rdzogs byas la/ /deng dus bdag tshe 'bras bu yod/ / bdag gi gson pa 'bras bur bcas/ /lha dang dam tshig mnyam 'gyur bar/ /gyur par bdag nyid som nyi med/ /byang chub sems dang sems gcig pas/ /mi ldog par ni bdag gyur te/ /de bzhin gshegs pa'i rigs su ni/ /deng bdag skye bar the tshom med/ /deng bdag nyi ma dam pa ste//sangs rgyas thams cad spyan 'dren pas/ /deng bdag 'dus pa'i mchog yin no/ /spos snod lag tu thogs nas ni/ /ma lus phyogs na bzhugs pa yi/ /sangs rgyas thams cad dgongs su gsol/ /bdag ming 'di zhes bgyi ba ni//sangs rgyas thams cad spyan 'dren pas/ /deng 'dir sangs rgyas kun gshegs te/ /dngos grub 'di ni stsal du gsol/ /de nas ting 'dzin gsum pa ni/ /snga ma bzhin du shes par bya/ /de nas gtso bo'i sbyor ldan pas/ /lag na rdo rje la sogs pa'i/ /nga rgyal 'dzin pas sngar bzhin bstod//sangs rgyas kun gyi 'khor lo che/ /sprul pa'i 'khor lo sna tshogs 'chang / /sems can kun la phan pa'i phyir/ /dkyil 'khor chen po bshad du gsol/ /de ltar bstod pa'i tshig gsan nas/ /phyogs rnams kun du phyag byas nas//nga ni rang nyid rdo rje can/ /'jam pa'i rdo rje bdag rang gis/ /nga ni sangs rgyas rgyal po che/ /stobs chen sangs rgyas kun bdag nyid/ /bdag po rdo rje chen po'i bdag /byin gyis brlab pa mi 'dor ro/ /mig dang rkang pa byin brlabs nas/ /dkyil 'khor steng du bdag byas la//deng shig ces ni brjod byas la/ /g.yas brkyang la sogs 'dug stangs kyis/ /bgegs kyi tshogs ni gzhom par bya/ /de nas phur bus gdab pa yis/ /'og gi bgegs ni bzlog par 'gyur/ /de nas skyang nul byas nas ni/ /spos kyi dkyil 'khor bya ba ni//bdag po'i gnas su gru bzhi ste/ /lhag ma'i gnas su zlum po ru/ /rang rang gi ni snying po'am/ /sku yi gsang sngags zlos pas so/ /de nas bum pa bya ba yang / /rnam par rgyal ba la sogs pa/ /rtsa ba nag po ra ri med/ /rang gi mtshan mas mtshan bcas pa'o//'bras chags lcug mas kha brgyan nas/ /ras zung gis ni mgul pa bcings/ /'bru sna rin chen sna lnga dang / /snying po lnga dang ldan par bya/ /dri zhim chu yis rab bkang la/ /steng du mchod yon chu bzhag la/ /rang gi chos kyi sa bon las/ /rang gi lha ru brtags nas ni//bsdu dang bstod dang dgug pa dang / /rgyas gdab la sogs sngar bzhin bya/ /de nas dam tshig phyag rgya yis/ /bzung ste sku yi sngags bzlas la/ /mchod yon phul la gnas su gzhag /lag bzangs zhus pa'i rgyud gsungs pa'i/ /chogs gtor ma sbyin par bya//'og nas 'byung ba'i cho ga yis/ /sbyin sreg gis ni mnyes par bya/ /gson po'i slob ma'ang lha gnas bya/ /'khor bzhi rnams kyi nang nas ni/ /dkyil 'khor cho gas rjes bzung bas/ /rang la bslab par shin tu ldan/ /theg pa che la rab tu mos//blo dang ldan pas dkyil 'khor gzhug /gzhan dag rjes su gzung mi bya/ /de nas slob mas phyag byas te/ /dga' chen khyod bdag ston pa bas// /slob dpon khyod ni dgongs su gsol/ /byang chub sems dpa'i tshul bstan pa/ /mgon po chen po bdag 'tshal lo//dam tshig de nyid stsal du gsol/ /sdom pa rnams kyang bdag la stsol/ /thar pa chen po'i grong mchog tu/ /mgon pos bdag ni gzhug par mdzod/ /bu tshur theg pa chen po yi/ /tshul chen snod ni khyod yin te/ /gsang sngags spyod pa'i tshul gyi mchog /khyod la yang dag bstan par bya/ /rdzogs pa'i sangs rgyas gang bzhugs dang / /de bzhin gang dag ma byon dang / /da ltar byung ba'i rdzogs sangs rgyas/ /'gro la phan phyir bzhugs pa rnams/ /de dag kun gyis gsang sngags kyi/ /cho ga bzang po 'di mkhyen nas/ / dpa' bos byang chub shing drung du/ /thams cad mkhyen pa mtshan med brnyes/ /skyob pa 'jam pa'i rdo rje yis/ /bdud sde shin tu mi bzad pa/ /dpung chen dag kyang de yis bcom/ /de phyir kun mkhyen thob bya'i phyir/ /bu yis blo gros 'di gyis shig /de nas slob mas brjod bya ba//dkon mchog gsum la phyag 'tshal lo/ /dkon mchog gsum la skyabs su mchi'i/ /sdig pa thams cad so sor bshags/ /bsod nams kun la rjes yi rang / /byang chub mchog tu sems bskyed bgyi/ /sems can thams cad mgron du gnyer/ /'gro la phan phyir sangs rgyas 'grub par shog /sa ma ya a/ su ra ta s+t+waM sa ma ya ho/ /badzra satwa ya thA su khaM/ snying ga la sogs par byin rlabs/ /a shwat+tha la sogs pa'i shing / /sor ni bcu gnyis me tog bcas/ /byin nas kha dang so yang brud//rtse nas bcem ste dor ba dang / /hub gsum chu yang sbyin par bya/ /dpung pa g.yon par srung skud bcing / /ku sha byin la rmi lam brtag /nga la nang par smros zhes bsgo/ /'jig rten na ni kun mkhyen rnams/ /u dum+WA ra'i me tog bzhin/ /brgya lam na ni res 'ga' zhig /'byung 'gyur yang ni mi 'byung ngo / /gsang sngags kyi ni tshul 'byung ba/ /de bas kyang ni dkon pa ste/ /gang gis mnyam med sems can don/ /mya ngan mi 'da' byed par nus/ /gang dag spyod pa'i mchog 'di la/ /blo gros shin tu mi g.yo bas/ /de dag kun ni 'khor ba'i rgyun//sdug bsngal kun 'byung bden pa bcad/ /bdag nyid chen po khyed rnams kyis/ /rnyed pa mnyam med de ring rnyed/ /gang gis sangs rgyas sras bcas pa'i/ /bdag nyid chen po kun gyis ni/ /bstan pa 'di la khyed rnams kun/ /yongs su bzung nas skyob bzhin par//sang ni rab tu 'dor bcas nas/ /theg pa chen po cher 'byung ba'i/ /lam mchog 'di ni dpal dang ldan/ /khyed rnams 'dir ni 'dod pas na/ /rang byung skal ba chen po pa/ /'jig rten thams cad mkhyen pa yi/ /de bzhin gshegs par gyur pa yin//zhes bstan par bya'o/ /snyan gsan dbab pa rgyud bzhin bya/ /tho rangs dus su langs nas ni/ /dkyil 'khor steng du sngar bzhin bzhag /sku yi gsang sngags bzlas pa yi/ /dri yis dkyil 'khor byugs byas la/ /sar pa legs par bsgril pa la//kha dog lnga ni legs gyur nas/ /ye shes lnga las sangs rgyas lngar/ /byin gyis brlab pa byas nas ni/ /bcom ldan dkyil 'khor thig gdab phyir/ /rdo rje'i thig ni bdag la gsol/ /btang ba bsdus te bkang nas ni/ /legs par bsgril te mchod cing bzlas/ / sgrub pa'i grogs kyi lag gtad la/ /dkyil 'khor brtags te tshad bcal nas/ /phyi nas thig ni gdab par bya/ /nub nas shar du tshangs thig gdab/ /lho nas byang du'ang de bzhin no/ /byang dang lho dang shar nub dang / /rlung dang dbang ldan phyogs bltas nas/ /dbang po chu dang nor gshin rje//zur thig gnyis dang gdab byas nas/ /ngos bzhi dkyil 'khor bzhin du 'gyur/ /so so'ang cha chen bcu drug tu/ /so sor rnam par phye bar bya/ /dbang po'i phyogs nas bcal bya ste/ /cha dang po yi mtha' gnyis nas/ /bzhi cha gnyis ni gdab par bya//gnyis pa mnyam po bzhi ru'o/ /gsum pa phyed kyi phyed ma gnyis/ /bzhi pa dang po'i tshad dang mtshungs/ /cha ni bcu drug dag tu 'gyur/ /gdugs dang 'khor lo pad+ma dang / /rim pa bzhi dang nam mkha' brgyad/ /dgu dang bcu gcig bcu gsum pa/ /de gsum lnga lngar bgo bar bya//ya phubs 'gram dang logs su 'gyur/ /de kun ring thung cha gnyis pa/ /bcu dang bcu gnyis gnyis pa ni/ /logs su gcig 'das gcig gis ni/ /bzhi cha logs te de yang yin/ /cha phyed 'das ni phyed kyi phyed/ /nang ma lngar byas khyud du 'dod/ / de nang cha chen lha snam yang / /cha phyed gnyis byas phyi ma la/ /mtha' gnyis nas ni bzhi cha gdab/ /gdugs dang pad+ma 'khor lo'o/ /gnyis pa'i nang ma bzhi ru bya/ /skas la sogs pa lta bur 'gyur/ /de yang gnyis gnyis byas nas su/ /phyi ma gnyis byas de yi nang //sngar byas ya phubs yin par 'dod/ /nang gi cha chen de yi ni/ /bzhi cha gnyis su byas pa las/ /mtha' gnyis dag tu byas pa yang / /lnga char byas pas 'gram dang ni/ /ngos su gyur te de kun yang / /cha gnyis nas ni ring ba med/ /khyud dang logs ni rang gi tshad//phyi las dpag pas nang gi tshad/ /phyed tshad gnyis kyi bzhi char 'gyur/ /phyogs gsum yang ni des shes bya/ /kun gyi thun mong yin par 'dod/ /nang gi dkyil 'khor dbye ba yang / /bsdus pas gnyis te dbye ba drug /mkhas pas so sor shes byas te//bsdus pas 'dod pa brtsam par bya/ /cha chen rnam pa bzhir gnas pa'i/ /re re'ang bzhi bzhir byas nas ni/ /tshangs pa'i thig las logs de ru/ /drug pa spyi yi ka bar 'gyur/ /bcu bcu las ni mchog rnams 'dod/ /cha phyed pas ni zlum thig gis//bskor te cha phyed phyir bor ba'i/ /cha phyed par ni bskor byas pas/ /nang gi mu khyud dag tu 'gyur/ /dbus dang phyogs bzhi brgyad rnams ni/ /gnyis gnyis su ni byas pa yis/ /bcu drug dag tu 'gyur ba yin/ /dkyil 'khor lnga po kun gyi ni/ / rta babs sgo la sogs pa yi/ /phye ba bzhir te der shes bya/ /kun gyi phrang gnas lugs dang ni/ /rdo rje dbyings dang khams gsum rgyal/ /don grub 'gro 'dul las kyi rigs/ /de nyid 'dus pa rgyud kyi rtse/ /'di ru bya zhes mkhas pas 'dod/ /yang na thun mong min pa ste/ / 'khor lo rtsibs brgyad lte bar bcas/ /ka ba brgyad dang rtsibs rten bcas/ /de yi phyir rim rtsibs bcu drug /rtsibs rnams rten dang bcas par bri/ /zur brgyad dkyil 'khor rnams dang ni/ /lha yi snam bu'i phyogs bzhin du/ /'khor lo rtsibs dang rtsibs rten dang / / lte bar bcas pa'i thig gdab bya/ /phyir yang rdo rje me 'od bskor/ /so sor phye ba'i dkyil 'khor yang / /sngar bzhin rnam pa gnyis shes bya/ /thig gdab pa yi rim pa'o/ /de nas tshon gyi las bshad de/ /sngo ser dmar po ljang gu dang / /dkar po rnams la rim bzhin du//hUM trAM hrIHa A las ni/ /mi bskyod rin dbang tshe dpag med/ /gdon mi za dang rtag pa bskyed/ /mig gi 'bar ba'i lcags kyu yis/ /rang bzhin gnas pa kun nas ni/ /'dres pas ro gcig gyur bsams nas/ /bzlas pa bya ste dge ba brtsam/ /dang por rdo rje slob dpon gyis//g.yon pa'i rdo rje khu tshur gyis/ /dbang ldan mtshams nas brtsams nas dgye/ /phyi nas kun du slob mas so/ /shar phyogs su ni sngon po che/ /lho na ser dang yang dag ldan/ /nub ni pad+ma rA ga ste/ /byang du ljang gu yin par 'dod/ /dbus kyi sa yi cha nyid ni//shel ltar dkar ba bla na med/ /sngon po rdo rje rtse rang bzhin/ /gnyis pa gser la dmigs pa ste/ /pad+ma chags pa'i ngo bo gzhan/ /de bzhin gzhan ni margad de/ /dkar po nang du shes bya ste/ /'di ni tshon gyi rim par grags/ /de nas lha rnams dgod pa yang //dkyil 'khor lnga yi dbus su ni/ /rnam par snang mdzad rdzogs sangs rgyas/ /byang chub mchog gi phyag rgya 'dzin/ /seng ge yi ni gdan la bzhugs/ /yang na dbus ma dang po la/ /rdo rje sems dpa' dgod par bya/ /rdo rje dril bu yang dag 'khyud/ / yang na rnam snang chen po'o/ /lnga po kun gyi shar phyogs su/ /mi bskyod glang po la gnas shing / /bdud 'dul rdo rje bsnams shing sngo/ /kun gyi lho yi phyogs su ni/ /rin chen dbang gis rta la bcibs/ /mchog sbyin rin chen bsnams shing ser/ /dkyil 'khor kun gyi nub phyogs su//tshe dpag med pa rma bya bcibs/ /ting 'dzin pad+ma bsnams shing dmar/ /lnga po kun gyi byang phyogs su/ /gdon mi za ba mkha' lding bcibs/ /skyabs mdzad sna tshogs bsnams shing ljang / /rdo rje 'degs pa sngon 'gro bas/ /snying po brjod cing bri bar bya//de nyid 'dus pa'i rjes 'brangs nas/ /lnga la rang gi 'khor gyis bskor/ /yang na 'khor lo'i rtsibs bcu drug /rigs kyi mdog ltar dgod par bya/ /rdo rje sems ma rin chen chos/ /las mchog mas te dpal ldan ma/ /mtshams kyi 'khor lo'i rtsibs la dgod//bzhi yi mtshams bzhi po las ni/ /me mtshams 'khor lo'i rtsibs lnga ni/ /shar sngo lho ser nub dmar zhing / /byang du ljang zhing dbus dkar la/ /rigs lnga'i sgeg mo rnam lnga ni/ /dbus su de bzhin gshegs rigs dkar/ /rdo rje shar du sngon po ste/ / lho ru rin chen ser mo'o/ /nub du pad+ma dmar mo ste/ /byang du las ma ljang ba'o/ /de bzhin lho nub phreng ba dang / /nub byang glu ma dbang ldan du/ /las ma la sogs de bzhin no/ /phyi yi lha rnams mtshams su ni/ /bdug pa la sogs de bzhin dgod/ /byams pa yang ni rigs lnga'i lnga//'khor lo lag na de bzhin te/ /rigs kyi mdog gi dbye bar bya/ /'khor dang gtso bo phyogs sogs ni/ /lA se la sogs bshad pa bzhin/ /bskal bzang gzhan yang de bzhin no/ /sgo rnams kun gyi nang du yang / /sgo srung bzhi yang lnga lnga ru//gtso bo 'khor yang sngar bzhin brtag /phyag mtshan la sogs dbye ba ni/ /rgyud las ji skad gsung bzhin bya/ /'khor lo bcu tshan gsum dang gsum/ /brgya dang brgyad cu rtsa lnga ru/ /mkhas pas bsgrims te bri bar bya/ /de ltar phyag rgya chen po'am//yang na lag pa'i phyag rgyar bcas/ /yang na mtshan ma dgod pa'am/ /yang na yi ge dgod pa'am/ /yang na gdan gyi mtshan ma'am/ /gal te 'byor pa med na yang / /phyag rgyas yongs su bsgrub ste bsam/ /dkyil 'khor bdun du brtag pa'o/ /so sor phye la'ang de bzhin te//rang rang gi ni dkyil 'khor bzhin/ /de nas phyi dro'i thun dus su/ /khrus dang rgyan ni rab rdzogs pas/ /rdo rje dril bu rab bskul bas/ /dkyil 'khor lan bdun bskor byas pas/ /lhag pa gang yin 'dor bar 'gyur/ /mkhas pas ma tshang yongs skong mdzad//'grub 'gyur smad par mi bya'o/ /lcags kyu la sogs rnal 'byor gyi/ /steng du bteg pa dgug pa dang / /gzhug cing dbang du bya ba'o/ /de nas bum pa bya ba yang / /rtsa ba nag po ra ri med/ /mgrin par ras mchog gis brgyan pa/ /'bru sna rin chen sna lnga dang //snying po lnga dang ldan par bya/ /dri zhim chu yis yongs bkang ba/ /bsgrub ste rang gi gnas su dbul/ /de nas dkyil 'khor dbus su ni/ /ting 'dzin gsum po sngon bzhin bsgom/ /ye shes sems dpa'i nga rgyal gyis/ /mchod pa nyid dang gtor ma dang //sbyin sreg ci nus pa yis mchod/ /bdag nyid 'jug pa'i cho ga yang / /slob ma 'jug pa'i tshul gyis bya/ /de nas slob ma 'jug pa yang / /gson dang shi ba'i las yin te/ /re zhig gnang ba nod par bya/ /bdag ming 'di zhes bgyi ba ni/ /rdo rje slob dpon dka' thub ches//sems can rnams la phan pa'i phyir/ /slob ma gang yin 'jug par 'tshal/ /de nas slob ma thams cad kyis/ /gson pa zhes bya'i khyad par te/ /dga' chen khyod bdag ston pa bas/ /slob dpon nyid ni bdag la dgongs/ / byang chub sems dpa'i lam bstan pa/ /skyob pa chen po bdag 'tshal lo/ /sangs rgyas chos dang dge 'dun te/ /skyabs gsum song la bdag skyabs mchi/ /thar pa chen po'i grong mchog tu/ /mgon pos bdag ni gzhug par 'tshal/ /bu tshur gshegs shig theg chen gyi//lam chen snod ni khyod yin te/ /rdzogs pa'i sangs rgyas gang 'das dang / /de bzhin gang dag ma byon dang / /da ltar bzhugs pa'i rdzogs sangs rgyas/ /de dag kun gyis gsang sngags kyi/ /cho ga bzang po 'di mkhyen nas/ /'jig rten spyod pa rjes 'jug phyir//'khor lo bskor nas mya ngan 'das/ /de bas kun mkhyen thob bya'i phyir/ /bu yis blo gros 'di gyis shig /de nas rgyun bshags byed du gzhug ste/ yol ba'i mtha' ru gnas pa las/ /gdong la gos kyis g.yogs pa yis/ / dkon mchog gsum la skyabs su mchi/ /sdig pa thams cad so sor bshags/ /bsod nams kun la rjes yi rang / /sangs rgyas byang chub yid kyis gzung / /byang chub mchog tu sems ni bskyed par bgyi/ /sems can rnams ni bdag gis mgron du gnyer/ /'gro la phan phyir sangs rgyas 'grub par shog /ces brjod du gzhug go/ /de nas oM su ra ta s+t+waM sa ma ya s+t+waM/ oM badzra sid+d+hi ya thA su khaM/ zhes pas sems ni bskyed par bya'o/ /de nas che ge zhes bya ba 'di nyid ni/ byang chub sems ni yongs bzung nas/ /dam tshig mchog dang gsang ba yi//'khor lo 'di ni 'jug par 'dod/ /de nas slob ma la bsgrags pa/ /sdom pa thams cad dbog pa ni/ /nus pa'i nyams la dpag ste sbyin/ /slob mas yang ni de bzhin gzung / /deng khyod de bzhin gshegs rigs zhugs/ /tshul 'di gzhan la ma brjod cig /gal te smras par gyur na ni/ /'jam pa'i rgyal po rab khros nas/ /bdun rgyud rigs dang bcas par bzlog /de nas 'og tu 'gro bar 'gyur/ /oM badzra u da kas chu blud do/ /gal te gsang na dngos grub ni/ /rdo rje bdud rtsi chu yis 'grub/ / deng nas brtsams te bu khyod kyi/ /'jam dbyangs rgyal po nga yin gyis/ /brnyas mi bya zhing mnyan par gyis/ /ye shes dag pa dbog pa dang / /brtan pa'ang gzhung bzhin bya ba ste/ /phreng ba dor dang bcing ba dang / /gdong g.yogs bkrol zhing dkyil 'khor bstan/ /bla ma brgyud pa shes par gyis//'jug pa rdzogs nas dbang bskur ba/ /lhar bskyed chu dang cod pan dang / /rdo rje dril bu ming dang ni/ /brtul zhugs rjes gnang gzengs bstod dang / /lung bstan dbugs dbyung la sogs pa/ /cho ga mthong bas shes par bya/ /gson po'i las ni yongs rdzogs nas//gal te shi la phan 'dogs na/ /ro'am rus pa gos la ni/ /sku yi sngags kyis btab pa yi/ /chu mchog gis ni bkru dang gtor/ /de nas de la gnas pa yi/ /gnod pa'i bgegs rnams bsal ba ni/ /shin tu khros pa'i 'jam dpal du/ /bdag nyid rab tu bsams nas ni//gshin rje gshed dam bdud rtsi yi/ /gsang sngags drag po rab bzlas pa'i/ /yungs kar rdo rjer bsams nas ni/ /de la lan gsum rab tu brab/ /de nas de yi bgegs bral la/ /snying ga'i 'dod pa'i rgyal po yis/ /bar do'i shes pa dgug par bya//a la sogs pa'i sa bon gyis/ /ye shes sems dpa' rab bskyed la/ /sems bskyed sdom bzung la sogs dang / /dkyil 'khor du ni gzhug pa rnams/ /gson po'i tshul bzhin byas nas su/ /dbang bskur ba yang rim bzhin bya/ /rnam par dag pa de yi ni/ / lte ba snying ga lkog ma dang / /spyi bo rnams ni rim bzhin du/ /shes rab 'khor lo gdags bya ste/ /lte bar shes rab 'khor lo ni/ /mu khyud bzhi dang rtsibs bcu gnyis/ /mu khyud bzhi la sngags bzhi ni/ /sngar bzhin dgod par shes par bya/ /rtsibs la'ang dbyangs yig bcu gnyis te//lte bar a yig bsam pa'o/ /snying ga mgrin pa spyi bo yang / /de bzhin bsam pa byas nas ni/ /spro dang bsdu ba'i 'od kyis ni/ /de yi lus kun khyab par bsam/ /de la sogs pa'i gzugs rten no/ /sbyin sreg tu ni dbul bar bya/ /de yang / thabs dang dgang gzar blugs gzar rdzas//shing dang sgrub pa po dang snod/ /rdzas bsang dgod dang me blang dang / /bsang gtor dang ni me sbar dang / /ku sha dgram dang gnas pa dang / /me bskyed pa dang spyan drang sogs/ /srung skud bcing dang mchod pa dang / /zhabs bsil sgrub dang dbang bskur dang //dam tshig bsgo dang mchod yon dang / /bsang gtor 'thor 'thung sreg blugs dang / /me bsang brtag dang dgang blugs dang / /kun bsregs bsang dang lha dgod dang / /bsdus dang bstod dang dgug pa dang / /sngon bzhin phyag rgyas dbang bskur dang //mchod dang mchod yon 'thor 'thung bsang / /dgang blugs cig shos las bskul dang / /lha rnams gzi byin bskyed pa dang / /me lha dgang blugs mchod yon bcas/ /bsang gtor sogs dang gshegs gsol ba/ /cho ga ji ltar mthong ba yi/ /gang na las kyi cho ga med//de ni spyi yi cho ga las/ /rgyas pa'i cho ga sngags pas bstan/ /de shes pa la nyes pa bral/ /de ltar byed pa'i slob dpon ni/ /rdo rje 'dzin dang 'dra bar 'gyur/ /dkyil 'khor sngon bzhin mchod pa dang / /yi ge brgya pa brjod pa dang / /bzod pa gsol dang bsngo ba dang //phyag rgya dgrol ba'i rim pa bya/ /oM khyod kyis sems can don kun mdzad/ /rjes su mthun pa'i dngos grub stsol/ /sangs rgyas yul du gshegs nas kyang / /slar yang 'byon par mdzad du gsol/ /oM badzra muH/ 'phags pa 'jam dpal gyis khyab pa'i//bsdus dang rgyas pa'i cho ga ni/ /thun mong thun mong min par sbyar/ /nongs pa mkhas rnams bzod par mdzod/ /gsang bar 'os pa sba ba'i phyir/ /bsdus dang rgyas pa'i cho ga byas/ /'di las dge ba ci thob pa/ /'gro kun 'jam pa'i dbyangs thob shog /'phags pa 'jam dpal rigs bsdus pa dang phye ba'i cho ga yid bzhin nor bu zhes bya ba slob dpon zla bzangs grags pas mdzad pa rdzogs so// //kha che'i mkhan po paN+Di ta ma hA dz+nyA na dang / lo tsA ba dge slong tshul khrims gzhon nus bsgyur cing zhus te gtan la phab pa'o/