CLOSE WINDOW

D2596
བོད་ཡིག

/ //lo tsA ba smr-i ti dz+nyA na kI rtis bsgyur cing zhus te gtan la phab pa'o/ /[ ]@##/ /rgya gar skad du/ Ar+ya many+dzu shrI nA ma saM gI ti gu h+ya sA d+ha na pra dI pa nA ma/ bod skad du/ 'phags pa 'jam dpal gyi mtshan yang dag par brjod pa'i sgrub thabs gsang ba'i sgron ma zhes bya ba/'phags pa 'jam dpal dang po'i sangs rgyas la phyag 'tshal lo/ /de la dang por bsnyen pa ni/ gnas dben par 'dug ste/ rnal 'byor pas khrus dang / bsrung ba dang / gos brje ba dang / byug pas byugs te/ gnas dang stan bsangs te 'dug nas/rang rdo rje 'chang du mos pa'i snying gar nyi ma/ de'i steng du hUM las rdo rje/ de'i lte ba la hUM las 'od 'phros pas gnas bsrungs te/ mchod pa byin gyis brlabs la/ rdo rje 'khor los zhing sprul nas/ bdag dang 'brel par byas la/ tshogs bsags par bya'o//tshogs bsags pa ni/ phyag 'tshal zhing bdag spro ba bskyed pa dang / mchod pa dang / sdig pa bshags pa dang / bsod nams la rjes su yi rang ba dang / chos kyi 'khor lo bskor bar bskul ba dang / mya ngan las mi 'da' bar gsol ba dang / bdag 'bul ba dang / dngos grub blang ba dang / 'dud kyis bstod pa dang / bsngo ba'o/ /lha rnams kyis drin lan gyi tshul du tshur bstod pa'o/ /de dag ni dang po sbyor ba'i ting nge 'dzin to/ /de nas sdom pa bzung / de nas 'khor lo bdag la bsdu/ stong par bsgoms ye shes kyi lus su ldang /de nas mngon par byang chub pa lnga bsgom mo/ /de dag ni yongs su dag pa'i ting nge 'dzin to/ /de nas gzhal yas khang gdan dang bcas pa bsgom mo/ /de dag ni gzhi'i ting nge 'dzin to/ /de nas khang bu'i dbus su/ seng ge dang pad+ma'i steng du/a las rdo rje 'chang du bskyed de/ sku mdog dkar po zhal bzhi pa/ byang chub mchog gi phyag rgyas rdo rje rtse lnga pa bsnams pa'o/ /de'i thugs kar dang po'i sangs rgyas so/ /de dag ni dang po'i sangs rgyas bsgom pa'i ting nge 'dzin to/ /de nas snying ga'i ye shes sems dpa' la dmigs te/mtshan yang dag par brjod pa mtshan ma bzang po ma byung gi bar du bzlas par bya'o/ /de dag ni thun mong gi bsnyen pa'o/ /de nas tshom bu'i dkyil 'khor du/ ro la bsnyen pa zhag lnga bya ste/ kun rig gi sngags bzlas pa'i spos chus bkru/de nas bgegs bskrad pa ni/ dkon mchog gsum la phyag 'tshal lo zhes bya ba la sogs pa bden pa bdar la/ tshe 'das pa 'di la gson gyi dus su brnyas byed cing / gshin gyi dus su gegs byed pa'i bgegs dang log 'dren gang dag yod pa de dag thams cad skad cig kyang ma gnas par dengs shig ces byas la yungs kar brdeg cing /sngags khro bo'i snying po/ /oM ya mAn+ta ka hUM phaT/ ces bzlas so/ /de nas shes pa dgug pa ni/ gong gi bden pa bdar la tshe 'das pa ming 'di zhes bya ba khyod/ 'di nas shi ba'i dus byas nas/ ngan song gsum la sogs pa 'gro ba gang na gnas kyang rung skad cig gis 'dir khugs par gyur cig /oM sarba bid sarba pA paM A kaR+Sha ya hUM dzaHa Ni suM tri pre du dza/ zhes brjod cing snying ga nas 'od zer 'phros pas kyang bkug par bsam mo/ /dzaHhUM baM hoHsa bstims la gzhag go/ /de nas yang dug gzhom pa'i tshigs su bcad pa dang /kun rig gi sngags kyis bkrus la/ ro byin gyis brlabs te/ rang gi lha ru bsgoms/ yi ge a spyi bor bsams nas/ 'od 'phros pas ye shes lnga yis gang bar bsam mo/ /de nas rang a'i spro bsdu'o/ /de nas rang gi mig la a A zhes bya ba dgod/de bzhin du rna ba dang / sna dang / lce dang / lus la yang i I u U e ai o au dgod par bya'o/ /yid la aM aHdgod par bya'o/ /lte ba dang / snying ga dang / mgrin pa dang / mtshog mar 'khor lo bzhi bsgom par bya'o/ /de ni sngon du bya ba'i cho ga'o//de nas ro sta gon la gnas pa ni/ tshom bu'i dkyil 'khor gyi dbus su khri dar gyis bgab pa'i steng du bzhag ste/ slob dpon smyung bar gnas pas gong du bstan pa bzhin du tshogs bsags pa'i cho ga byas la/ de nas dbang bskur ba'i phyir tshig 'dis gsol ba gdab pa'o//de nas phyag byas spos thogs la/ spyan drang tshig 'di brjod par bya'o/ /kye dbang bskur nges te bla na med/ /phyogs bcur bzhugs pa'i sangs rgyas rnams/ /ma lus bdag la dgongs su gsol/ /bdag ming 'di zhes bya ba yis/ /'di la phan gdags don ched du//gnas 'dir sangs rgyas kun gshegs te/ /'di la dbang ni stsal du gsol/ /zhes brjod la/ dang po'i sbyor ba dang / dkyil 'khor rgyal mchog dang / /las rgyal mchog rnams bsgoms la/ sku'i phreng ba'i sngags kyis lha rnams bsal bya'o/ / de nas ting nge 'dzin gyi dkyil 'khor du dbang bskur la dam tshig la gzhag par bya'o/ /de nas zhag lngar ro'i lhag pa'i lha'i snying po'am/ sku'i phreng ba'i sngags kyi bzlas pa bya'o/ /de nas tshom bu'i dkyil 'khor gyi shar khru gang dor bar zhi ba'i thab khung byas la/ til nag po la sdig pa'i gzugs brnyan byas te/sdig pa sbyong ba'i sbyin sreg zhag gcig bya'o/ /de nas dkyil 'khor bri ba'i ched du 'dud nyi shus bstod par bya'o/ /de nas gsol ba gdab byas nas/ /phyogs bcu'i sangs rgyas nam mkha' la/ /mngon sum 'dra bar gang bar bsgoms/ / de dag ni shi ba sta gon la gnas pa'i ting nge 'dzin to/ /de dag ni khyad par gyi bsnyen pa'o/ /de dag ni sngon du bsnyen pa'o/ /de nas zhag bdun gyi nang par sbyin sreg chen po bya'o/ /slob mas gsol ba gdab pa dang / slob ma yongs su gzung ba'i cho ga byas la/ de nas dang po sa'i cho ga bya ste/dang po sa brtag pa ni/ sa'i phyogs brtag pa dang / mtshan nyid brtag pa dang / tshad brtag pa'o/ /bslang ba ni/ snang ba dang / mi snang ba'o/ /sbyang ba ni/ las dang / sngags so/ /gzung ba ni/ sems kyi dbang gis gzung ba dang / rdzogs pa'i rnal 'byor gyi ting nge 'dzin gyis gzung ba'o//byin gyis brlab pa ni rdo rje rgyu'i ting nge 'dzin gyis so/ /bsrung ba ni rdo rje phur pa la sogs pas bya'o/ /de dag ni sa'i ting nge 'dzin to/ /sta gon la yang / dang po lha sta gon la gnas pa ni/ dri'i thig le byas la der dam tshig pa bskyed nas/ye shes kyi 'khor lo spyan drang zhing bsrel la mchod pa rnam pa lngas mchod do/ /bum pa ni grangs tshang bar bsags la/ rgyan dang yo byad dang ldan par byas nas/ nang gzhal yas khang du bsgoms nas/ der dam tshig pa bskyed la/ ye shes kyi 'khor lo spyan drang zhing bsrel nas mchod de bzlas pa byas la gzhag go//slob ma lhag par gnas pa ni 'jug pa rnams bsags la bya'o/ /de yang dgu ste/ tshig gis dag par bya ba dang / gsol ba gdab pa dang / sdig pa bshags pa la sogs pa dang / byin gyis brlab pa dang /mchod pa dang / so shing sbyin pa dang / srung skud gdags pa dang / ku sha sbyin pa dang / zab mo'i chos bshad pa'o/ /de nas lha kha sbyar la gshegs su gsol te nyal bar bya'o/ /de nas nang par rmi lam dri bar bya'o/ /de dag ni sta gon gyi ting nge 'dzin to/ /de nas thig gdab par bya'o//thig la bcu gcig ste/ rgyu dang / 'khal mkhan dang / tshad dang / byin gyis brlab pa dang / dbye ba dang / nges tshig dang / gdab pa'i gnas dang / 'debs pa'i ting nge 'dzin dang / gdab pa'i thabs dang / cho ga nyams pa'i nyes pa dang /bgegs bsal bas so/ /gdab pa'i thabs ni/ dang po tshangs pa'i thig /de nas logs thig /de nas zur thig /de bzhin du cha dang / cha bran dang / skor thig dang / sgo thig yan chad btab la/ pho brang 'khor lo rtsibs brgyad/ de'i phyir rol du rtsibs bcu drug /de'i phyi rol du lha'i snam bu'i thig gdab bo/ /de dag ni thig gi ting nge 'dzin to/ /de nas tshon dgye bar bya'o/ /de la bcu gnyis te/ rgyu dang / 'thag pa'i mkhan po dang / tshad dang / byin gyis brlab pa dang / dbye ba dang / nges tshig dang / dgye ba'i gnas dang / 'gyed mkhan dang /dgye ba'i thabs dang / cho ga nyams pa'i nyes pa dang / bar chad kyi bgegs bsal ba'o/ /dgye ba'i thabs ni/ 'khor lo kun ser po/ lte ba dkar po/ shar sngon po/ lho ser po/ nub dmar po/ byang ljang gu'o/ /pany+tsa ra ga ni/ nang du dkar po/ de'i phyi rol sngon po//de nas ser po/ /de nas dmar po/ /kun gyi phyi rol ljang gu'o/ /de nas phyag rgya dgod pa ni/ 'khor lo'i lte ba la rdo rje 'dzin chen po/ /'khor lo rtsibs brgyad pa la/ rgyal ba rigs bzhi/ yum bzhi ste brgyad bri'o/ /rtsibs bcu drug po la sems dpa' bcu drug bri'o//grwa la mchod pa brgyad bri'o/ /snam bu la bskal pa bzang po bri'o/ /sgo bzhir srung ma bzhi bri bar bya'o/ /de dag ni tshon gyi ting nge 'dzin to/ /de nas sngar bsnyen par byas pa'i ro de bsreg khang du drang ste/ pur legs par bcas la der bcug nas shing rta la sogs pas drangs nas/zhar la bgegs bzlog pa dang / dug sbyang ba'i tshigs bcad slur len zhing rol mo la sogs pas drangs la/ bsreg khang la sngags mkhan dang bcas pas bskor ba lan gsum byas la/ shar phyogs nas gzhug par bya'o/ /nus na gzugs brnyan gyi dkyil 'khor du gzhug pa dang dbang yang bskur bar bya'o//de dag byas nas dkyil 'khor gyi rgyan dang yo byad rdzogs par bkod nas/ lhag chad bskang ba la sogs pa byas nas slob dpon rdo rje 'chang chen po'i ting nge 'dzin du 'jug par bya'o/ /de dag ni slob dpon gyi ting nge 'dzin to/ / de nas dam tshig gi 'khor lo bsgoms pa ni/ kha sbyar yang bsal la gzugs brnyan dang bsres te/ cho ga yan lag gsum gyis dam tshig gi lha rnams bsgom par bya'o/ /de nas ye shes kyi dkyil 'khor spyan drangs la/ mdun gyi nam mkha' la bstod pa bya/ de nas dzaHhUM baM hoHbzhis dgug gzhug bcing ba byas la/ting nge 'dzin dang / byin gyis brlab pa dang / dbang bskur ba dang / mchod pa phul la bstod pa bya'o/ /de nas mthong ba nang gi 'jug pa bya'o/ /de dag ni lha bsgom zhing mchod pa'i ting nge 'dzin to/ /de nas oM dz+wa la dz+wa la zhes me sbar la pra brtag par bya'o//pra legs na me'i dbus su 'jam dpal ye shes sems dpa' bskyed la de zhu ba las drang srong chen po me lha zhi ba la ba ka zhes bya ba/ zhi zhing dkar po dbu gcig pa/ phyag bzhi pa/ mig gsum pa/ ral pa'i thor tshugs dang ldan pa/phyag dang po na ber dkar/ gnyis pa na mchog sbyin/ g.yon dang po na phreng ba/ gnyis pa na gun+d+he/ gos dang rgyan dkar po/ mchod phyir thogs dkar po/ yan lag thams cad nas rdo rje dkar po 'byung ba mngon sum dang 'dra bar bsgom mo/ /de nas 'thor 'thung dang bsang ba bya la/mtshan nyid med pa'i me spyan drang bar bya ste/ dad pa dang ni dam tshig gis/ /tshur gshegs tshur gshegs 'byung po che/ /lha yi drang srong bram ze mchog /bsreg blugs zhal zas bzhes slad du/ /'bar ba'i nang du gshegs su gsol/ / zhes brjod la/ rang gi snying ga nas khro bo 'dod pa'i rgyal po spros la/ Tak+ki hUM dzaHzhes brjod do/ /de nas mdun gyi nam mkha' la/ tshangs pa 'jig rten mgon gyi sras/ bya ba la sogs pas bstod do/ /de nas nang du dgug gzhug bcing dbang du bya'o/ /de nas badzra san+d+hi zhes brjod do//de nas ting nge 'dzin dang ldan par bya/ byin gyis brlab dbang bskur/ de nas oM ha na sa ma ya hUM phaT/ ces brjod la dam tshig la gzhag par bya'o/ /de nas oM badzra ban+d+ha zhes brjod la las 'di mdzod cig ces bsgo'o/ /de nas mchod pa'i yan lag gis mchod/ de nas bstod pa bya'o/ /de nas bsreg rdzas rnams dbul te/ rdo rje gnod sbyin gyis bsangs la/ me lha'i lce dang gzar bu'i kha la lha'i sa bon bkod nas/ pus mo'i bar du lag pa bzhag nas/ dang po mar gyi dgang blugs gsum zhal cung zad gdangs par dbul lo/ /oMag+na ye ha bya ka bya ba ha ne di byA di byA d+hi pa ye shAn+tiM ku ru swA hA/zhes dbul lo/ /bgegs kyi mtshan ma yang shes par bya'o/ /yang bsang gtor byas la/ mar gyi dgang blugs bdun dbul lo/ /oM sarba pA baM da ha na swA hA/ til gyi'o/ /oM sarba saM pa de swA hA/ zho'i'o/ /oM sarba b+ha smi ku ru swA hA/ut+pala'i'o/ /oM badzra A yu She swA hA/ dur ba'i'o/ /oM badzra puSh+Ta ye swA hA/ 'bras ma chag pa'i'o/ /oM badzra a pra ti ha ta badzrA ya swA hA/ ku sha'i'o/ /oM badzra bi dzA ya swA hA/ 'bras kyi lag ban gyi'o/ /oM badzra ma le puSh+Ta ye swA hA/ mngar gsum dang dkar gsum gyi'o//oM ma hA be gA ya swA hA/ nas kyi'o/ /oM ma hA pa lA ya swA hA/ sran ma sha'i'o/ /oM badzra g+hasma re swA hA/ gro'i'o/ /oM badzra a dz+nyAn swA hA/ yam shing dang / dUr ba'i myu gu'i'o/ /oM bo d+hi br-ik+ShA ya swA hA/ byang chub kyi shing la sogs pa'o/ /oM badzra ra ta ya swA hA/n+ya gro d+ha'i'o/ /oM badzra ya ka ra swA hA/ a mra'i'o/ /lan grangs ci nus dbul lo/ /de nas bstod pa bya/ de dag ni me lha'i ting nge 'dzin to/ /de nas bsang gtor byas la/ de nas me lha'i snying gar gzhal yas khang bsgoms la/ gzugs brnyan gyi dkyil 'khor nas bsreg khang du me tog gi ri mo'am/dus gcig tu spyan drang zhing dbul lo/ /spyan drang ba ni/ hUM ma lus sems can kun gyi mgon gyur cing / /bdud sde dpung bcas ma lus 'joms mdzad pa/ /dngos rnams ma lus ji bzhin mkhyen gyur pa/ /bcom ldan 'khor bcas 'dir ni gshegs su gsol//de nas bstod pa dang / de nas dgug gzhug bcing dbang du bya/ oM badzra san+ti baM zhes brjod/ mchod yon dang zhabs bsil dbul/ phyag rgyas gdab/ bde bar gshegs pa rnams rdo rje dbyings kyi dbang phyug mas byin gyis brlab/sems dpa' rnams gnas bzhir yum bzhis brlab/ bde bar gshegs pa rnams rin po che'i cod pan dar dpyangs kyis dbang bskur/ sems dpa' rnams rigs lnga'i cod pan gyis dbang bskur ro/ /de nas mchod pa rnam pa lnga la sogs pas mchod/ de nas bsang ba dang /'thor 'thung byas la gong ma ltar rdzas sngags sam/ yang na spyi sngags sam/ lha'i sngags kyis dbul lo/ /de nas bsang ba dang 'thor 'thung byin la/ mar gyi dgang blugs phul la 'dud nyi shus bstod pa bya'o/ /yi ge brgya pa bzlas/oM badzra muHzhes phyag rgya bkrol la bskyed pa snying gar bsdu/ spyan drangs pa gshegs su gsol te/ 'gro ba 'di dag kun gyi dpung / /sems dpa' chen po brtan mdzod la/ /sangs rgyas yul du gshegs nas kyang / /slar yang gshegs par mdzad du gsol//de nas bsang gtor byas la/ slar yang me thab tu bsams la/ mchod yon la sogs byin la/ rdzas lhag ma kun sbyin sreg byas/ tha mar yang / dgang blugs dang 'thor 'thung phul la/ 'dod pa'i don la gsol ba gdab par bya'o/ /phyag rgya dgram par byas la/snga ma bzhin gshegs su gsol te/ oM AHhUM muH/ zhes brjod la/ khro bo ti rin+ti ri'i phyag rgya bcings/ gyen du bkrol la gshegs su gsol/ gtor ma gtang / phyag btsal/ mchod bstod/ bzod par gsol/ dngos grub blang / dge ba'i rtsa ba bsngo/ phyag rgya dgrol/ bskor ba bya/ gshegs su gsol/ bskyed pa bsdu/ dman ma phyag /phyogs skyong gsol/ tha ma slob ma bsrung la dgye'o/ /de nas skar ma bzang po la/ rus pa bsdus la/ tsha tsha 'debs par gzhag go/ /bdag gis sgrub thabs legs sbyar bas/