| བོད་ཡིག |
1a1 @##/
1b1 /byang chub kyi sems bsgom pa/ 'phags pa 'jam dpal gzhon nur gyur pa la phyag 'tshal lo/ /bdag med gnyis nyid bde gshegs mi rtog ye shes chos dbyings
1b2 sku brnyes pa//kun gyi rang bzhin zhi ba 'di la gsal zhing bla med lam mchog ste/ /mi ldog sa la sogs te dbang bcu rgyal ba kun dang gcig brnyes pa/ /gnas gsum mnyam nyid de la mtshan
1b3 med yid kyis rab tu dad pas mos//ston pa 'jig rten sgron mar gyur pa kun gyis mtshungs par rab bsngags pa/ /chos la chos kyi snying por gyur pa 'jam dpal gzhon nu snying po nyid/ /bde
1b4 gshegs ma lus yum du gyur pas rgyal ba kun gyi lam gcig go//tshul khrims la sogs pha rol phyin lam spyod pa rgya mtsho'i gzhir gyur pa/ /rnam dag byang chub sems kyi ngang tshul bsgoms
1b5 dang yon tan khyad par ni//blo ldan nam zhig sems kyi dam pa de ni mngon du gyur pa na/ /de la sku gsum mchog tu gyur par chos kyi sku zhes rgyal bas gsungs/ /shes byed dam par gyur pa shes rab
2a1 spyan zhes kyang ni de la bya//rdo rje rtse mo mchog nyid mi rtog ye shes de yang de nyid do/ /ji snyed 'phags pa'i rnam grol chos su bsnyad pa de dag thams cad kyang / /byang chub sems nyid rdzogs pas de
2a2 yi yon tan de dag de las byung //'phags pa'i rigs chen 'chi med byang chub sems dpa' de dag thams cad kyang / /de med mi 'byung de phyir de ni rnam grol mchog gi lam nyid do/ /de nas kun du rdo rje sems dpa' ci 'drar
2a3 bsgom par bya bar 'gyur//pha zhing shes dka' drang srong chen po'i lam 'di mi rtog rtog las 'das/ /brtag par dka' zhing bstan par dka' la brjod pa'i tha snyad rnams dang bral/ /tshig gis mi phebs gzhan
2a4 dang byis pa kun gyi spyod yul ma yin yang //ston pa nges pa'i lung dang bla ma dam pa rnams kyi gdams ngag de nyid don 'dir blta/ /mngon sum la sogs rgyu yi dngos po 'jig cing grub pa'i mtha' dpyod pa/ /de nyid rtog
2a5 pa'i rgyun 'brangs dpyod yul tshad mar bzhag nas blo yis 'jig byed de//rtog mtha' med phyir dpyod mtha' med de snying po med na tshad mar gang / /de phyir 'jig rten brtags pa'i tha snyad rnal 'byor lam 'dir mi dgos
2b1 so//dngos po mtha' yi rgyu ni lo rgyus dag las lam 'dir brtag par bya/ /skye bo kun gyi sems la mngon snang phyi nang grags pa'i chos 'di ni/ /'dzin pa drug gi ji ltar mthong zhing brtags pa de ltar ma yin 'khrul/ /rang gi rtog pas myos shing gzung ba de bzhin bden gyur na/ /de
2b2 dag dngos po med rtogs dgra bcom 'dra bar grol 'gyur ba yi rigs//de dag dus dgras 'joms dang sdug bsngal nyen las des 'khrul mngon par 'gyur/ /gzhan du skye mched sgo nas rig pa de dag tshad mar gyur na ni/ /de nyid tshad mar gyur pas 'phags pa'i lam de su la dgos mi 'gyur/ /lam de
2b3 rnam grol lam du bstan cing dbang po'i shes pas mi thar te//sdug bsngal 'ga' yang mi 'jil rnam rig shes te nyon mongs 'byung ba'i gnas/ /de phyir skye bos mthong ba de dag 'khrul par mngon zhes rgyal bas gsungs/ /de na de las 'di dag 'khrul pa'i dbang gis ji ltar snang bar 'gyur zhe
2b4 na//kun du rtog can yan lag ma yin kun du rtog pas rtsol med nyams/ /blo gros phyin ci log tu gyur cing ma rig rkyen gyi dbang song bas/ /sems dang sems las byung ba de nyid lus gsum don du snang ba yin/ /'du byed sna tshogs dag gis bag chags bsags las gang goms mthu
2b5 brtas tshe//sems nyid yul dang lus 'drar snang ba rus pas gang ba bzhin du snang / /bag chags bsags pa'i rgyun la dmigs skyes yid la brtags pa'i bdag med pa/ /'du byed mthu yis bsgribs shing phra ba ma mthong de las rnam rig skye/ /rgyun dang bcas pa'i sems kyi mthu ni ma
2b6 rtogs rtog pa'i rjes 'brangs nas//de las zag bcas rang bzhin rtog pas bdag dang chos rnams rgyas par byed/ /ldan par 'byung ba shin tu phra bar rgyu ba de ni ma mthong las/ /bdag tu lta la sogs pa mu stegs lta ba sna tshogs skye zhing thar pa rtog /sems 'di las rnams mtha' yas gnas
2b7 gyur bag chags mtha' med nges pa med//bag chags brtas shing sad par byed pa'i rkyen yang rnam pa sna tshogs te/ /rkyen 'gas bag chags 'ga' zhig smin nas mi yi rgyud kyi lus snang ba/ /rkyen gzhan dag gis bag chags gzhan sad byas tshe 'gyur ba'i mthu mthong nas/ /dbang phyug la
3a1 sogs byed par 'dod de nyes pa lam de mi zhi grol mi 'gyur//rnal 'byor lam slad the tshom rgyun 'di phra ba ma rtogs skyes/ /bdag tu brtags pas bsgribs te 'phags pa'i rigs dang rnam par bral/ /chos su btags pas sdug bsngal sna tshogs 'byung zhing ngan song
3a2 srid par 'gyur//rnam shes de yang 'du byed rgyun la mtshan ma tha dad 'dzin pas na/ /las kyi khyad par dag gis brgyad du snang gi rigs la tha dad med/ /de phyir sems kyi skad cig dang po de la lus dang chos kun gnas/ /de la bsam pa zhen pa'i phyir na phyi ma phyi ma de la snang / /rang sems rgyun las 'phags
3a3 pa skye bo chos ni gzhan na yod ma yin//rgyud drug rigs las de yang sna tshogs de dang rang gi ting 'dzin no/ /sems rgyun de las phyogs kyang cung zad med pas gcig la brten med de/ /de la phyogs med phyir na mtha' yas zhing rnams bdag gi lus/ /bdag gi lus ni mtha' yas zhing dang
3a4 skye bo'i lus su rab snang yang //sems dang bag chags gcig min tha dad ma yin brtag par rab tu dka'/ /'di kun rten cing 'brel 'byung tshul te skye dang 'gag par 'gyur zhes pa/ /tshig pa'i sa bon bzhin du med las med pa mi 'byung rgyu 'bras med/ /dngos por zhen cing rgyu dang 'bras bur
3a5 rtog pa'i sems nyid ni//rgyu dang rkyen du snang ste de gnyis med phyir skye dang 'jig pa med/ /skye 'jig med phyir bdag gzhan med de 'chi 'pho med phyir rtag chad med/ /des na 'khrul 'khor med cing mya ngan 'das pa med pa nyid du mngon/ /gnas kyi skad cig nam yang mi 'bras de tshe mnyam
3a6 'gyur de med med//yang dag ma yin rtog pas bskyed phyir bag chags yod pa ma yin dang / /spyod yul med phyir kun gzhi med cing rnam rig de yang med pa bzhin/ /phyogs rnams med cing dmigs dang gnas med rnam par rig pa ji ltar skye/ /de phyir sems 'di yod med mtha'
3a7 las 'das shing gcig dang du mar bral//bde gshegs byang chub med phyir de yi rdzu 'phrul sgyu 'dra 'khrul la snang / /de bzhin dag pa'i ye shes de dag shin tu dge ba'i rgyun nyid dang / /chos kyi dbyings nyid la ni de dag dmigs shing skye bar brtags pa yang / /rdo rje'i gnas med phyir na
3b1 mnyam gnas rang bzhin 'drar 'gyur dang //chos dbyings rdo rje rtse mo de dag phyogs nyid med pas skad cig min/ /dag pa'i dge rtsa gzugs brnyan med pas 'jig rten ye shes yod mi 'gyur/ /de phyir byang chub ma chub mtshan nyid med par gcig pas blang dor med/ /don de'i tshul gyis don
3b2 dam rnam grangs skye 'gag med dang mnyam nyid dang //gnyis med bsam 'das chos dbyings brjod dang tha snyad bral la sogs/ /bstan pa de kun tha snyad yin te don dam med cing kun sgrib med/ /don dam tshul gyi lam 'dra zhes pa de nyid kun sgrib yin/ /the tshom yod med chos ni gang la'ang
3b3 spong zhing gnas par mi byed do//sgom pa dang ni chos dbyings med phyir som nyi med la dam par blta ba la yang med/ /de ltar dngos po mtha' rnams rtag dang rang bzhin sgyu ma'ang med gyur phyir/ /yod la ltos pa'i med pa'ang med de med pa'ang med/ /mtha' rnams med phyir dbus med
3b4 dbus la'ang gnas par mi byed la//gang la 'jig rten dbang phyug pad+ma kun kyang mi spong 'drar mnyam gnas/ /chos la 'khrul par mthong ba de nyid 'khrul pa yin par rab rtogs te/ /drug gis bstan pa bdud kyi las kyang mi 'dor ngan du mi rtog go/ /shes rab thabs kyi spyod la
3b5 mi gnas phyir na bdud kyi 'dra bar spyod//rang gi shes pa dam par byas pa kun las rgyal te de bsnyems nas/ /'dod chags zhe sdang skyes nas rtsod 'byung gti mug yin te don mi mthong / /ji srid yid kyi g.yo ba de srid bdud kyi yul te phra ba'i lam/ /g.yo dang mi g.yo tha snyad mi gnas
3b6 gnas pa la yang gnas par mi byed do//snang med dbu ma'i lam de byang chub sems zhes bde gshegs gsungs/ /gzugs dang mtshan ma smon par 'dzin pa rab tu spangs nas ni/ /rnam thar gsum po bsgom pa'ang bdud kyi las te gzugs nyid stong pa'o/ /'khor ba'i lam gsum
3b7 spong zhing mya ngan 'das lam bsgom pa'ang bdud nyid de//de nyid rang bzhin ma zhi rang bzhin brtsal spangs gar mi gnas/ /'phags pa kun gyi yul dang gnas kyang 'das sogs lam nyid gzhan na med/ /ldang dang mi ldang ched du mi spong sems rten mi 'cha' mngon du min/ /'jam dpal
4a1 ma yin rdul tsam g.yo ba de yin der mi gnas//bsgom pa'i sa mi rnyed phyir bsgoms pas rnyed phrad mi 'gyur te/ /sems kyi spyod yul shes pa de dag chos rnams kyi ni chos nyid yin/ /rnam bral gang la mchog dang tha ma med par lam mchog 'di bsgom mo/ /'du byed ma
4a2 skyes chos kun 'byung med bzhin du chos rnams mya ngan 'das//dngos med de tshe kun kyang chos kyi dbyings zhes dgra bcom rab 'byor yin/ /nam mkha' mi dmigs ming tsam dge dang mi dger 'byed med skye ba'ang med/ /rtsol ba yid la mi byed gang la'ang sems med shes dang mi shes bral/ /
4a3 dran dang 'byed med gang la'ang 'ga' dang mtshungs med mi gnas mi dmigs shing / /mnyam nas gnyis su brtag med brjod bral bya dang mi bya med de stsogs bri med/ /ched du rtsol bar yid la mi byed cis kyang mi 'khrugs mnyam shes dang / /gang la'ang chags dang yul gyis myos skrag med
4a4 de mi 'bral mi gnas shing //mi 'phrogs mnyam shes bzhi po phyogs dang pha rol phyin rnams der shes te/ /sems kyi dbyings su goms pas lam 'di gzhan du bsgoms pas 'od gsal mi 'gyur ro/ /brda can yang dag len pa'ang byang chub chen po yin zhes ston pas rab gsungs
4a5 phyir//de la 'di ni byang chub sems nyid bskyed cing bsgom pa'i gnas yin te/ /ting 'dzin gsum po bstan par byas nas rtags kyi phyag rgya gsum bcings nas/ /chos kyi phyag rgya chen por sems nyid skyed de snying po brjod cing bsgom pa'i gnas/ /rdo rje sems dpa' bsgoms pas
4a6 lam kun ma nor bsgoms pa yin//kun du bzang po'i spyod pas ma zin dge ba'i chos ni gang yang rung / /kun du bzang po'i spyod pa'ang bdud kyi las te zad cing mthar thug 'gyur/ /de dang ldan pa'i las ni bdud kyi las kyang byang chub spyod par gsungs/ /don 'dir mos pa de yang
4a7 byang chub chen po yin zhes rgyal bas rab tu bsngags//gnas 'dir bskyed pa tsam gyis 'jig rten gsum po bla mar bcas pa yis/ /mchod nas nyan thos bdud kyi sde rnams zil gyis gnon zhes sangs rgyas gsungs/ /thabs chen byang chub sems dpa'i gsang ba'i spyod pa 'di nyid
4b1 do//'di med rgyal ba rnam par snang mdzad theg pa gsum ston mi srid do/ /skad cig tsam du dad pa'i shugs bskyed de yang myur du 'jam dpal gzhon nur 'gyur/ /dkyil 'khor gsang bar zhugs shing theg chen dam tshig mchog kyang gsungs pa yin/ /tshul khrims sdom pa kun kyang
4b2 srungs shing sbyin gnas dam par rab tu bsngags//de phyir byang chub sems kyi bsod nams de la gzugs yod na/ /nam mkha' bar snang de yang snod du chugs zhes rgyal bas mtshungs par gsungs/ /skye bo skye ba sna tshogs dag las skyes shing skye 'gyur skye ba'i rgyun gyi dbang song ba/ /
4b3 rtog mtha' mi shes rtog pas bslus shing rtog pa'i rgyun 'brangs 'khrul pa'i rtog las phyir ldog med gyur pa/ /sgyu ma'i sgyu shes dag cing sgyu ma'i glang po 'dra bar sgyu mas rmongs pa'i sgyu ma rnams/ /rmi lam gyis bslad bzhin du rmi lam bden pa nyams shing rmi lam dbang du song ba'i rmi lam pa/ /
4b4 lam 'di spong zhing mtha' dang lam gzhan lam du bltas nas ma nor lam zhes ston pa de/ /de dag rdo la gser bzhin thugs rjer rung zhing thugs rje'i thugs rjes kye ma 'bros pa yin/ /shin tu ma sbyangs dus kyis mnar ba'i skye bo lnga brgya tha ma la/ /gsung rab dri med rtogs dka' dag la
4b5 sgra bzhin spyod dang tshul bzhin min//rang gi blo gros stobs bzhin 'jug pa la sogs lta ba sna tshogs dag /mi shes chu bos g.yengs shing gsung gi nying gu bdud rtsi rnal 'byor bral/ /de phyir rgyal bas gsungs pa'i thugs kyi gsang ba 'di/ /kun du rgyal ba rnams kyi thugs kyi spyod yul
4b6 thun mong ma yin yang //goms pa'i mthu yis mi 'gal tshul du tshad ma dag las rab bsgrubs te/ /'gro ba'i don du mi gnyis lam mchog 'di ni rab bgyis pas/ /skye ba'i skye gnas thams cad du yang skad cig tu/ /mi mthun phyogs kyis mi nyams rgyal ba kun gyi thugs 'di
rab rgyas shog /