CLOSE WINDOW

D2588
བོད་ཡིག

/brtsams pa'i dge rtsa yod srid na/ /sems can mos dang phrad par shog /dge bsnyen ma snyan grags dge mas mdzad pa/ 'phags pa 'jam dpal gyi sgrub pa'i thabs rdzogs so/ /[ ]@##/ /rgya gar skad du/ Ar+ya many+dzu shrI rat+na no bi ka / bod skad du/ 'phags pa 'jam dpal rin po che'i cho ga /rdo rje sems dpa' la phyag 'tshal lo/ /bden pa dang ldan 'dzin bral ba/ /'jam dpal yang dag kun mkhyen pa/ /de bzhin nyid kyi ngang gnas pa/ /smra ba'i seng ge phyag 'tshal lo/ /de la gus pas 'dud pa yi/ /dus ni rtag tu bsgom pa dang //mos pa byed pa'i rnal 'byor pa/ /de yi don du bshad par bya/ /stong pa la dga' dbang thob pa/ /dam tshig ldan zhing bsgom pa dga'/ /rnal 'byor srog gtong dad pa che/ /sems can don byed byas la drin/ /rtag tu mtshan brjod bzlas la brtson/ /de ltar yon tan bcu ldan pas//yid dga' ba yi gnas dag tu/ /bde ba'i stan la gnas par bya/ /tha ma la yi dam dran pa la/ /snying gar yi ge muM ser dgod/ /kha dog lnga yi 'od 'phros nas/ /phyogs bcu'i rgyal sras bla ma ni/ /spyan drangs mdun du bsams pa la/ /phyag 'tshal mchod pa sdig pa sbyang //yi rang skyabs 'gro sems bskyed la/ /dge bsngo 'dud la sogs pas bstod/ /de nas stong nyid bsam pa ni/ /oM a kA ro mu khaM sarba d+ha r+m+mA NAM Ad+ya nut+pan na ta twA swA hA/ sngags don dngos po med pa la/ /yun rings ngang la blo gnas pas/ / de nyid la ni gnas par bya'o/ /de nas nam mkha' stong pa la/ /dngos po thams cad paM du gnas/ /de steng yi ge saM dkar las/ /byang chub sems dpa' seng ge gsal/ /de steng a las zla bar gsal/ /gdan steng yi ge muM ser las/ /ut+pal sngon po mdzes par bsgom/ / de las 'phro 'du bya ba ste/ /smra ba'i seng ge bsgom par bya/ /ser po gser btso 'dra ba la/ /g.yas na ut+pal pu stis mtshan/ /g.yon pa gzhan la sbyin pa gtong / /dga' ba'i sems kyis 'dzum dang ldan/ /thugs rje che bas nyon mongs spong / /rin chen rnams kyis lus la brgyan//dbu la thor tshugs rnams kyis mdzes/ /dbu skra gtsug phud 'khyil pa dang / /stod g.yogs ser po rnams kyis mdzes/ /smad g.yogs dar dpyangs dpyangs pa'o/ /rmugs pa'i rnam pa ma yin pas/ /gsal ba rtag tu bsgom pa'o/ /de nas spyan drangs mchod pa'o//oM wA gI shwa ra dzaHhUM baM hoHoM AHhUM gis mchod yon dbul/ oM badzra puSh+pe AHhUM/ oM badzra d+hU pe A hUMH/ oM badzra dI pe AHhUM/ oM badzra nai bi h+ye AHhUM/ ba liM ta kha kha/ khA hi khA hi AHhUM/ mchog sbyin rdo rje'i mchog khyod 'dud//yang dag mthar gyur khyod la 'dud/ /stong nyid las byung khyod la 'dud/ /sangs rgyas byang chub khyod la 'dud/ /sangs rgyas chags pa khyod la 'dud/ /sangs rgyas 'dod la phyag 'tshal 'dud/ /sangs rgyas dgyes pa khyod la 'dud/ /sangs rgyas rol la phyag 'tshal 'dud//sangs rgyas 'dzum pa khyod la 'dud/ /sangs rgyas bzhad pa khyod la 'dud/ /sangs rgyas gsung nyid khyod la 'dud/ /sangs rgyas thugs la phyag 'tshal 'dud/ /med pa las byung khyod la 'dud/ /sangs rgyas 'byung ba khyod la 'dud/ / nam mkha' las byung khyod la 'dud/ /ye shes las byung khyod la 'dud/ /sgyu 'phrul dra ba khyod la 'dud/ /sangs rgyas rol ston khyod la 'dud/ /thams cad thams cad khyod la 'dud/ /ye shes sku nyid khyod la 'dud/ /zhes bya bas bstod do/ /gnyis med bdag la bsdu ba'o//snying gar pad+ma'i zla ba la/ /steng na ye shes sems dpa' ste/ /tshon gang dang 'dra gsal bar bsgom/ /yi ge a mchog zla ba la/ /thugs kar bsam par bya ba yin/ /ye shes sngags phreng bskor bar bya/ /oM sarba d+ha r+m+mA b+hA ba/ swa b+hA ba bi shud+d+ha/ badzra tsak+Shu a A/ aM aHpra kr-i ti pa ri shud+d+ha sarba d+har+m+mA ya du ta/ sarba ta thA ga tA dz+nyA na kA ya many+dzu shrI pa ri shud+d+hi tA mu pA dA ye ta/ a A/ sarba ta thA ga tA hr-I da ya ha ra ha ra/ oM hUM hIMHb+ha ga wAn dz+nyA na mUrti bA gI shwa ra ma hA wA tsa/ sarba d+har+m+ma ga ga nA ma la su pa ri shud+d+ha d+har+m+mA d+hA tu dz+nyA na gar+b+ha AH gsang bar phreng ba sngags la gtad//brgya rtsa brgyad du bzlas par bya/ /de nas mtshan rnams brjod pa la/ /ye shes sems dpa' dag la ni/ /dmigs pa brtan pa gtad nas su/ /yon tan dag tu brjod pa'o/ /de yang gal te ma brtan na//g.yeng bar gyur na nus pa chung / /de la brtan par gyur pa na/ /ye shes gnyis med skye yang srid/ /yon tan dag tu brjod pa yang / /theg pa mtha' chos ston mdzad pas/ /thams cad ngo bo yin shes las/ /thams cad de dang ldan par ston/ / de ltar byas shing bstod gyur na/ /chos sku mtha' dag thob par 'gyur/ /bsam pa ci 'dod de las 'byung / /lha srin sde brgyad dga' 'gyur nas/ /'dod pa thams cad 'byung ba'o/ /de nas 'bad pas mtshan brjod 'don/ /skyo bar mi 'gyur gus par bya/ /skyo ba dag ni byung pa na/ / rnal 'byor gnyis su med par bya/ /a las stong pa tsam par bya/ /gsal bar rtog med bsgom par bya/ /de nas a ni zhu ba las/ /thig le dkar po je chung las/ /ye shes stong pa nyid gsal ba/ /bying rgod med par gsal ba'o/ /yang dang yang du gtad la bsgom/ / snang ba rang bzhin med mthong 'gyur/ /yang na shes rab 'khor lo ste/ /bcu drug phyed phyed thig le can/ /bsam gtan bzhi yi rtse mo can/ /yan lag med pa'i rtsis las 'das/ /zhes gsungs pa las/ bcu drug phyed brgyad de phyed de/ /bzhi ni gnas bzhi'i 'khor lo yi//lte ba shes rab 'khor lo ste/ /bcu gnyis rtsibs can 'khor lo la/ /sngags kyi rnam par dgod pa ni/ /a A aM A rim par dgod/ /de nas yang dang yang du dgod/ /dbus su a mchog bsam par bya/ /de nas/ snying gar shes rab 'khor lo ni/ /rtsibs bcu gnyis dang ldan pa la//a A/ i I/ u U/ e ai/ o au/ aM aH dbyangs yig bcu gnyis g.yas na bskor nas bkod par bya/ /lte ba la ni a mchog gnas/ /mgrin par shes rab 'khor lo ni/ /bcu gnyis rtsibs mchan gnas pa la/ / lte ba a bsgom rtsibs rnams la/ /a ra pa tsa na/ wA gI shwa ra/ pradz+nyA na mar rim pas dgod par bya'o/ /de nas spyi bo'i 'khor lo la/ /bcu gnyis rtsibs la dgod par bya ba ni/ /sku'i phreng sngags te las sngags so/ /a A/ sarba ta thA ga ta hr-i da ya ha ra ha ra oM hUM hrIH/b+ha ga wAn dz+nyA na mU r+t+ti/ wA gI shwa ra ma hA wA tsa/ sarba d+ha rma ga ga na/ a ma la su pa ri shud+d+hu/ d+ha rma d+hA tu dz+nyA na gar+b+ha AHdbus su a dkar chen po gnas/ /'og nas haM dkar bzlog nas bsam/ /dbus na yi ge yod pa ste/ /bsam gtan bzhi yi rtse mo de la bya//'khor lo nang stong 'od ltar 'dug /yi ge rdul thig gang ltar bsam/ /dbus kyi thig le'i rang bzhin yin/ /dga' ba du ma yod pas blta/ /'khor lo bzhi la shes rab ste/ /thig le a wa d+hU tI thabs/ /nor bu'i rtse nas hUM la thug /dkar bo 'od du 'dug pa'o//de nas byang chub rgyu ba'o/ /nor gnas tsaN+Da lI gnas pas/ /de la gtad de bsam pa'o/ /'khor lo de ltar gnas pa ni/ /yan lag bya ba de yin no/ /med pa rtsis las 'das pa ste/ /tshad med bsam gtan byed pa'o/ /de yang tsaN+Da lI la gtad pas so/ / me 'bar drod las brten nas byung / /a wa d+hU tA+e lam zhugs nas/ /lte bar me 'bar thams cad bsregs/ /de ltar 'khor lo bzhi ka yi/ /spyi bo'i bde ba ngang gis zhu/ /'o ma ltar dkar thams cad gang / /nor bu phebs nas lte gnas 'dren/ /rlung dang bstun nas yang yang 'dren//de stengs lus gso bde ba 'byung / /snang ba dga' ba ba skye ba'o/ /bcu drug log po lta bu 'byung / /tha mal zag med ye shes skye/ /skyo'am bsam gtan gtong 'dod na/ /spyi bor bsdu bar 'dod pa yi/ /dga' bral song yang nyes mi 'gyur//tha mal thabs las ma byung bas/ /nyes pa chen po 'ong mi 'gyur/ /de yang rlung gi brtan thob pa/ /bya ba rung gi gzhan nas min/ /tha mal zag med thob pa la/ /med pa'i tshig 'das de yin no/ /tha mal gshegs su gsol ba dang / /lha yi nga rgyal gnas par bya//spyod pa dge ba gang mos bya/ /dad yod khro med sbyin par bya/ /lus ngag yid kyi bya ba kun/ /bde ba che la ngang gnas bya/ /ma brjed pa yi bsam gtan bsten/ /de ltar byas na bla med 'gyur/ /gzhon nu'i sku 'chang thob par 'gyur/ /tshe 'di dag la bde bar 'gyur//bdag gis bsags pa'i cho ga yis/ /'gal ba ma mchis lha la bshags/ /dge ba'i rtsa ba yid 'ong kun/ /thams cad 'jam dpal thob par shog /'phags pa 'jam dpal rin po che'i sgrub thabs/ dge bsnyen ma grags sbyin mas mdzad pa/