CLOSE WINDOW

D2585
བོད་ཡིག

rgya gar gyi mkhan po smr-i ti dz+nyA na kI rtis mdzad cing de nyid kyis bsgyur ba rdzogs so//[ ]@##/ /thig ga dab pa'i rim pa/ 'jam dpal ye shes sems dpa' la phyag 'tshal lo/ /mtshan nyid ldan pa'i thig skud kyis/ /yongs su rdzogs pa'i sa gzhi la//tshangs thig zur thig logs thig rnams/ /gzhan dang mthun par gdab byas nas/ /phyi dang nang du dbye bar bya/ /phyi la drug drug bcu gnyis te/ /nang du brgyad brgyad bcu drug gdab/ /cha chen nyi shu brgyad du 'gyur/ /so so'i cha ni dbye bar bya/ /nang gi brgyad po gnyis po yang / re re'ang bzhi bzhir bgo bya zhing / /phyi rol dkyil 'khor thig la ni/ /dang po khyams su gzhag par bya/ /gnyis pa gsum pa bzhi pa dang / /lnga po rnams ni bzhi bzhir bgo /drug pa la ni gnyis su bya/ /drug po gzhan yang de bzhin bgo /'di la/ /phreng ba re yang re'u mig ni//brgya dang cha chung gnyis su 'gyur/ /tshangs pa'i thig gi ngos gnyis las/ /gsum pa de bzhin lnga pa dang / /bcu bdun pa dang nyi shu pa/ /de bzhin nyi shu rtsa gsum pa/ /cha lngar nang du bgo bar bya/ /phyi yi gsum pa lnga pa rnams/ /de bzhin du ni bgo bar bya/ /gnyis pa lnga pa brgyad pa rnams//cha chung lnga lngar gdab par bya/ /phyi sgo sum chas che bar dbyi/ /sgo ni 'khor lo'i brgyad cha ru/ /ya phugs bcas pa dbus su dbyi/ /rta babs ya phubs dag la ni/ /cha gcig dor ba'i cha chen tshad/ /sgro yi mtshams dang twa ra Na/ /shin tu gcig nyid mi bya'o//de steng 'khor lo rdzogs par bya/ /tshangs nas cha chung brgyad la ni/ /'khor lo rtsibs brgyad thig tu gdab/ /lte ba cha gsum mu khyud gcig /de nas rtsibs brgyad cha phran bzhi/ /man ngag thig la tshod kyis bskor/ /de rgyab cha chung gcig la ni/ /nang gi mu khyud legs par bya/ / cha chung gcig la lte bar bya/ /de brten cha chung lnga la ni/ /rtsibs ni bcu drug 'khor lo bya/ /de rgyab cha chung mu khyud 'gyur/ /de rgyab nang sgo cha chen bzhi/ /dkyil 'khor phyi rol khyams dag la/ /rtsibs bcu drug tu gdab par bya/ /de rjes cha chen bzhi po la/ /phyi yi sgo ni rdzogs par gzhag/ / mtshan nyid gong ma bzhin du dbye/ /phyi rol rdo rje phreng gsal ba/ /cha chen gyi ni phyed kyi tshad/ /'bar ba'i phreng ba'ang de yi tshad/ /sgrub thabs gsang ba dang ldan pa'i thig gi cho ga /paN+Di ta smr-i ti dz+nyA na kIrtis mdzad pa rdzogs so// //