CLOSE WINDOW

D2582
བོད་ཡིག

rgya gar gyi mkhan po smr-i ti dz+nyA na kI rtis bsgyur ba'o/ /[ ]@##/ /rgya gar skad du/ Ar+ya many+dzu shrI maN+Da la gu Na saM b+ha ba bi d+hi nA ma/ bod skad du/ 'phags pa 'jam dpal gyi dkyil 'khor gyi cho ga yon tan 'byung gnas zhes bya ba/ bcom ldan 'das 'jam pa'i rdo rje la phyag 'tshal lo//dpal ldan sangs rgyas kun bdag nyid/ /rigs kun bdag po ye shes sku/ /'jam pa'i rdo rje mgon dpal dang / /bla ma'i zhabs la rab btud nas/ /'jam pa'i rdo rje'i dkyil 'khor ni/ /bsdus dang bye ba'i bye brag gis/ /thun mong ma yin khyad 'phags pa'i//cho ga'i rim pa bshad par bya/ /chos kyi dbyings kyi ye shes kyi snying po/ /mtshan yang dag par brjod pa'i dkyil 'khor du dbang bskur zhing / /rjes su gnang ba thob pa'i slob dpon la slob ma dam tshig dang ldan pas gsol ba lan gnyis gsum gdab par bya'o/ /slob dpon gyis kyang bla na med pa'i byang chub tu dgod par bya'o zhes bsam pa bzang po dang ldan par bya'o//de nas slob ma de la bu khyod de bzhin gshegs pa thams cad kyi ye shes kyi snying po 'dod dam zhes dri bar bya'o/ /bdag cag 'tshal lo zhes zer na snying rje chen po dang ldan pa'i yid kyis slob ma de la khyod kyi 'dod pa'i don de yongs su sbyin par bya'o zhes gnang ba sbyin par bya'o//'di ni slob ma yongs su gzung ba'i cho ga'o/ /de nas yid dang rjes su mthun pa'i gnas su spos chu la sogs pas legs par byugs la me tog sil ma gtor la bdug spos dri zhim pos bdug pa dang / yongs su 'byor pa'i mchod pa lnga dang //mchod pa'i yan lag dang ldan pa dag dang / /gdan nang tshangs can bzang po la 'dug la/ gzhan gyi don du bsnyen pa dang / /sgrub pa'i las brtsam par bya'o/ /bsnyen pa la gsum ste/ mtshan ma dang grangs dang / dus kyi bsnyen pa'o/ /sgrub pa la ni gsum ste/ dbang bskur ba'i cho ga dang /rab tu gnas pa dang / shi ba la phan gdags pa'o/ /de la dang po bsnyen pa ni bdag nyid oM pra kr-i ti pa ri shud+d+haH/ sarba d+har+m+mAHpra kr-i ti pa ri shud+d+hou0f85haM/ zhes bya ba'i sngags kyis dag pa gsum gyi khrus bya'o/ /de'i rjes la skad cig ma'i rnam pa las oM badzra ma hA kro d+ha hUM zhes brjod pas/ bcom ldan 'das dpal gshin rje gshed sku mdog mthing nag zhal gcig phyag gnyis pa g.yas ral gri bsnams pa/ g.yon sdigs mdzub kyis bgegs thams cad 'joms pa hU~M gi sgra sgrogs pa mig gnyis su ma dang Ta las nyi ma'i dkyil 'khor dang zla ba'i dkyil 'khor gyi steng du hUM shin tu 'bar ba'i 'od zer gyis bgegs thams cad bskrad la/oM ya mAn+ta ka hUM phaT ces bya ba'i sngags kyis bka' bsgo bar bya'o/ /snying gar nyi ma'i dkyil 'khor gyi steng du sprin sgra nga ro ye shes lnga'i bdag nyid can las 'od zer 'phros pas 'og thams cad rdo rje'i sa gzhi/ phyogs mtshams thams cad rdo rje'i ra ba/ steng thams cad rdo rje'i gur dang //bla bre'i rang bzhin du bsam mo/ /rdo rje ra ba'i phyi rol du phyogs mtshams bcur yi ge raM bcu oM badzra rak+Sha rak+Sha hUM zhes pa'i sngags 'dis byin gyis brlab po/ /'di ni srung ba'i 'khor lo'i rim pa'o// //de nas oM many+dzu shrI dz+nyA na satwa hUM zhes brjod pas 'jam dpal zhi ba sku mdog ser po zhal gcig phyag gnyis pa gzhon nu rgyan gyis brgyan par bsam mo//de'i lus ngag yid gsum byin gyis brlab par bya ste/ lkog ma'i gnas su hrIHlas pad+ma/ de'i steng du a las zla ba'i dkyil 'khor gyi steng du hUM/ de yongs su gyur pa las lce rdo rjer bsam/ sngags kyis byin gyis brlab pa ni//oM many+dzu shrI bi ma la dzi hwa g+ha saM sho d+ha na badzra dzi hwa hUM/ de nas lag pa byin gyis brlab pa ni/ /lag pa'i mthil du a las zla ba'i steng du hUM yongs su gyur pa las lag pa rdo rjer bsam/ sngags kyis byin gyis brlab pa ni/ /oM many+dzu shrI pad+ma ha sta puR+Na ga re d+hi ri bi ma le badzra ha sta hUM/yid byin gyis brlab pa ni bdag gi snying gar paM las pad+ma 'dab ma brgyad pa/ de'i steng du a las zla ba'i dkyil 'khor gyi dbus su d+hIHdkar ser bsam sngags kyis byin gyis brlab pa ni/ oM many+dzu shrI bi ma le badzra tsit+ta hUM/ de nas dkyil 'khor sprul par bya ste/ rdo rje 'khor lo'i phyag rgya bcas la/oM many+dzu shrI maN+Da la badzra tsakra hUM zhes brgya rtsa brgyad bzlas so/ /de nas de'i spyan sngar skyabs su 'gro ste/ phyogs bcu'i zhing khams ma lus na/ /rgyal ba sras bcas bzhugs pa rnams/ /bdag la dgongs par bya ba'i phyir/ /lus ngag yid kyis phyag 'tshal lo/ /brtson 'grus stobs kyis dge bsags pa//nam mkha'i khams kyis mtha' gtugs pa/ /mchod sprin tshogs kyis gang gyur te/ /sras dang bcas la mchod par bgyi/ /tshe rabs thog ma med pa nas/ /nyon mongs dbang gis sdig bsags shing / /lus ngag yid kyis spyad pa rnams//mgon la lan gsum bshags par bgyi/ /sems bskyed mngon par sangs rgyas nas/ /rgyal sras 'gro ba'i don bzhugs la/ /nyan thos rang rgyal skye bo yi/ /bsod nams byed la yi rang ngo / /'gro kun ldongs par mi 'gyur te/ /bdud bzhi zil gyis mnan pa dang / /byang chub rnam gsum thob bya'i phyir//'khor lo bla med bskor bar bskul/ /'jig rten bde la dgod par bya/ /srog chags byang chub rgyu yin phyir/ /rgyal sras mya ngan 'da' bzhed la/ /mya ngan mi 'da' bzhugs su gsol/ /dus gsum sangs rgyas thams cad dang / /rgyal sras rnams la bdag dbul gyis//bdag ni dus gsum thams cad du/ /so sor khyed kyis bzhes su gsol/ /sangs rgyas byang chub sems dpa' rnams/ /ji tsam dus nas bzung nas su/ /ma lus bdag la dgongs su gsol/ /nam zhig byang chub snying po la/ /yongs su gnas kyi bar dag tu/ /bdag gis byang chub mchog gi sems//ma lus par ni bskyed par bgyi'o/ /thugs rje che dang ldan pa yi/ /bla na med pa'i dkon mchog gsum/ /'gro ba'i don kun mdzad pa la/ /bdag ni gus pas skyabs su mchi/ /ji ltar 'jig rten mgon po rnams/ /byang chub tu ni nges mdzad pa'i/ / byang chub sems ni bla med pa/ /dam pa bdag gis bskyed par bgyi/ /sangs rgyas rnal 'byor sdom pa la/ /tshul khrims kyi ni bslab pa dang / /dge ba'i chos ni sdud pa dang / /sems can don byed tshul khrims gsum/ /bdag gis brtan por gzung bar bgyi/ /sangs rgyas chos dang dge 'dun te//bla na med pa'i dkon mchog gsum/ /deng nas brtsams te gzung bar bgyi/ /nam du yang ni mi spang ngo / /rdo rje rigs mchog chen po la/ /rdo rje dril bu'i phyag rgya yang / /yang dag nyid du gzung bar bgyi'o/ /slob dpon dag kyang gzung bar bgyi/ /rin chen rigs mchog chen po yis/ / dam tshig yid du 'ong ba la/ /nyin re bzhin du dus drug tu/ /sbyin pa rnam bzhi rtag tu sbyin/ /byang chub chen po las byung ba'i/ /pad+ma'i rigs chen dag pa la/ /phyi nang gsang ba'i theg pa gsum/ /dam pa'i chos ni gzung bar bgyi/ /las kyi rigs mchog chen po la/ /sdom pa thams cad ldan par ni/ / yang dag nyid du gzung bar bgyi/ /mchod pa'i las kyang ci nus bgyi/ /byang chub sems ni bla med pa/ /dam pa bdag gis bskyed bgyis nas/ /sems can kun gyi don gyi phyir/ /bdag gis sdom pa ma lus bzung / /ma grol ba rnams grol bar bgyi/ /ma bsgral ba rnams bsgral bar bgyi/ / dbugs ma phyung ba dbugs dbyung bgyi/ /sems can mya ngan 'das la dgod/ /de nas ngag gi dri ma dag par bya ba'i phyir lha la bstod de/ bde ba las 'khrungs rdo rje 'chang ba yi/ /dngos dang dngos med 'byung gnas chen por mkhyen/ /dang po gang du rnam par snang mdzad che/ /dag cing dri med blos ni oM du sprul/ / gzugs mang phreng ba'i tshul du bskor ba yi/ /sgyu 'phrul dra ba'i tshogs la phyag 'tshal bstod/ /de nas lha rnams dgyes nas lha de dag gis bdag la bstod par bsam mo/ /de nas drin lan gyi tshul du mtshan brgya rtsa brgyad pas phar la bstod par bya'o/ /'di ni bsod nams kyi tshogs bsags pa'i yan lag go//de nas khyad par gyi tshogs bsag par bya ba'i phyir phyag lngas rigs lnga'i sangs rgyas mnyes par bya ste/ oM sarba ta thA ga ta kA ya bAka tsit+ta pra Na ma me badzra ban+dA naM kA ro mi/ zhes bya bas rnam par snang mdzad kyi dkyil 'khor la phyag bya'o/ /oM sarba ta thA ga pU dzo pas+thA na ya At+ma naM nar+yI ta yA mi/ sarba ta thA ga ta badzra satwa a d+hi tiSh+Tha swa mAM/ zhes bya ba mi bskyod pa la phyag bya'o/ /oM sarba thA ga ta pU dza a b+hi She ka At+ma naM nir+yA ta yA mi/ sarba ta thA ga ta badzra rat+na a b+hi Shiny+tsa mAM/ zhes bya ba 'dis rin chen 'byung ldan gyi dkyil 'khor la phyag bya'o/ /oM sarba ta thA ga ta pU dza karma ni/ At+ma naM nir+ya ta yA mi/sarba ta thA ga ta badzra karma ku ru mAM/ zhes bya ba 'dis don yod grub pa'i dkyil 'khor la phyag bya'o/ /oM sarba ta thA ga ta pU dza pra brta na ya At+ma naM ni r+yA ta ya mi sarba ta thA ga ta badzra d+har+m+ma pra baR+ta yA mAM/ zhes bya ba 'dis snang ba mtha' yas kyi dkyil 'khor la phyag bya'o/ /byang chub mchog tu sems bskyed pa dang /sdom pa gzung ba dang / mngon par byang chub pa'ang bsgom pa dang / rten gyi dkyil 'khor bsgom pa dang / /gangs can mtsho bsgom pa dang / dang po'i sangs rgyas bsgom pa dang / shes rab 'khor lo dang / sbyor ba dang po dang / rigs so sor phye ba dang /lha bsgom zhing dbyung ba dang / /dkyil 'khor rgyal mchog dang / /las rgyal mchog rnams bsgom pa'o/ /lha rnams gdan gyi steng du mtshan gyi sngags dang yig 'bru las lha'i skur bskyed la ye shes sems dpa' gzhug par bya ste/ /bdag bcom ldan 'das kyi thugs ka nas 'phrin las kyi 'phags pa 'jam dpal sku mdog ser po zhal gcig phyag gnyis pa/dang po'i sangs rgyas kyi ngo bo de shar phyogs kyi sgor 'dug la mchod pa byin gyis brlab par bya ste/ /oM badzra yak+Sha hUM/ zhes pas mchod pa la gnod pa'i bar gcod kyi bgegs rnams bskrad do/ /oM shi kha re ru Ta ma Ta hUM/ zhes bya bas bsang bar bya'o/ /mchod yon dang zhal bsil la ni oM AHhUM/ zhes bya bas byin gyis brlab pa'o/ /mchod pa lnga ni rang rang gi sngags kyis byin gyis brlab pa'o/ /oM badzra puSh+pe hUM/ oM badzra d+hU pe hUM/ oM badzra A lo ke hUM/ oM badzra gan+d+he hUM/ oM badzra nai wi h+ye hUM/ de nas oM badzra pra be+e sha ya phaT/ ces sgo dbye bar bya'o/ /rang gi lha yi sbyor ba yis/ /lag pa gnyis ni sbyor bar bcings/ /se gol brdab cing brjod do/ /oM badzra sa ma ya dzaHhUM baM hoH sangs rgyas thams cad bsdu bar bya/ /spos snod lag tu thogs la/ /ma lus phyogs na bzhugs pa yi//'phags pa 'jam dbyangs bcom ldan 'das/ /sangs rgyas thams cad bzhugs su gsol/ /bdag ming 'di zhes bgyi ba ni/ /sangs rgyas thams cad spyan 'dren pas/ /deng 'dir sangs rgyas kun gshegs te/ /dngos grub 'di ni stsal du gsol/ /oM e h+ye hi b+ha ga bAn badzra aM ku sha dzaHhUM baM hoH/sa ma ya staM/ de nas mchod yon dbul te/ bcom ldan thugs rjes byon pa legs/ /bdag ni bsod nams skal bar ldan/ /bdag gi mchod yon bzhes nas kyang / /'di nyid du ni bzhugs su gsol/ /oM ar+g+haM pU dza me g+ha sa mu dra s+pha ra Nas ma ye hUM/ de nas zhal bsil dbul te/ ji ltar bcom ldan 'jam dbyangs kyis/ /rang bzhin dag pa'i ye shes la/ /gzung 'dzin dri ma mi mnga' yang / /'gro ba'i don du sku khrus gsol/ oM sarba tathA ga ta pra ba ra sat+kA ra pra tIts+tsha hoH/ de nas 'dod pa'i don la gsol ba gdab pa dang / bdag dang 'gro la thugs brtse'i phyir//nyid kyi rdzu 'phrul mthu yis ni/ /ji srid mchod pa bdag bgyid na/ /de srid bcom ldan bzhugs su gsol/ /oM badzra taSh+Thi hUM/ zhes me tog dbul lo/ /de nas bstod pa bya ba ni/ mnyam nyid mi g.yo mnyam nyid mchog chos can/ /thugs rjes rang bzhin 'gro ba'i sdug bsngal sel//yon tan kun mnyam mtha' yas dngos grub stsol/ /dri med mi g.yo mnyam nyid mchog chos can/ /sems can khams la dam chos dngos grub stsol/ /dngos grub mnyam dang mtha' med mtha' bral ba/ /mi mnyam mnyam pa'i dpe ni mkha' la bde/ /yon tan phra ba'i cha shas mtshungs pa med//rtag tu dri med thugs rje'i shugs las byung / /smon lam grub cing mi 'gag chos nyid can/ /'gro ba'i don grub lhur mdzad mtha' yas pa/ /thugs rje'i bdag nyid drug tu rnam par snang / /dpag med mi rdzogs gnas nyid legs rdzogs te/ /bde gnas gshegs dang thugs rje spyod mi g.yo//'jig rten mchog gi dngos grub stsol mdzad pa/ /bdag nyid mi 'gyur kye ma chos nyid bzang / /mchog stsol mchog nyid nang nas mchog brnyes pa/ /khams gsum kun la dngos grub stsol mdzad pa/ /mgon po dus gsum dri med rab mkhyen pa/ / kun gyi dngos grub mchog gsum bdag la stsol/ /zhes brjod do/ /oM badzra aM ku sha dzaHzhes pas nang du gzhug /ya mAn+ta ka hUM phaT/ ces pas bgegs bskrad/ badzra ban+d+ha hUM/ zhes pas sgo bcad/ a A sarba ta thA ga ta hr-i da ya/ ha ra ha ra/ oM hUM hrIHb+ha ga bAn dz+nyA rna mU rti wA gI shwa ra ma hA pA tsa sarba d+har+m+ma ga ga na a ma la su pa ri shud+d+ha b+har+m+ma d+hA tu dz+nyA na gar+b+ha AHdr-i sh+ya sa ma ya s+t+waM a haM/zhes blta bar bya'o/ /yang de bzhin du dr-i sh+ya dzaHhUM baM hoHsa ma ya s+t+waM AHhAM/ zhes gnyis su med par bsam mo/ /yang rtsa ba'i sngags de nyid kyi rjes la/ oM badzra ka ra/ zhes pas lha thams cad kyi thugs kar a las 'od 'phros nas yon tan dang 'phrin las kyi ngo bor bsdus nas/ sna tshogs rdo rjer gyur pa las as mtshan pa'o/ /yang de bzhin du oM badzra d+har+m+ma hrIHoM badzra tsakra oM/ oM badzra satwa hUM/ zhes pas pad+ma dang / 'khor lo dang /rdo rje dang ldan pa mgrin pa dang / spyi gtsug dang thugs kar mtshan pa'o/ /sangs rgyas kun gyi thugs che ba/ /sangs rgyas kun gyi gsung yang yin/ /sangs rgyas kun gyi sku che ba/ /sangs rgyas kun gyi thugs la gnas/ /gtso bo chos kyi sbyin bdag ste/ /phyag rgya bzhi po'i don ston pa/zhes pa ni sku gsung thugs yon tan 'phrin las kyi ngo bo yang mtshan pa yin no/ /de nas dbang bskur bar bya te/ oM pra kr-i ti pa ri shud+d+ha sarba d+har+m+ma ya du ta sarba ta thA ga ta dz+nyA na kA ya many+dzu shrI pa ri shud+d+hi ta mu pa dA ye ti a a/ oM sarba ta thA ga ta mu ku Ta a b+hi Shiny+tsa mAM/ zhes pas rang rang gi bdag pos dbu la mtshan pa'o//rdo rje dbyings kyi dkyil 'khor gyi lha rnams ni rigs lngas dbu brgyan pa'o/ /de bzhin gshegs pa lnga dang / byang chub sems dpa' bcu drug rin po che'i cod pan can no/ /de nas dkyil 'khor gyi lha de dag la mchod par bya ste/ thang dang chu las skyes pa yi//lha rdzas dam pa'i me tog 'di/ /thub dbang sras dang bcas la 'bul/ /bdag dang 'gro la thugs brtse'i phyir/ /ci bde bar ni bzhes su gsol/ /oM na maHsarba ta thA ga ta badzra puSh+pe pU dza me g+ha sa mu dra s+pha ra Na sa ma ye hUM/ nags tshal bcud ni yid 'ong ba/ /lha rdzas dam pa'i yid 'ong 'di//thub dbang sras dang bcas la 'bul/ /bdag dang 'gro la thugs brtse'i phyir/ /ci bde bar ni bzhes su gsol/ /oM na maHsarba ta thA ga ta badzra d+hU pe pU dza me g+ha sa mu dra s+pha ra Na sa ma ye hU~M/ snang ba'i khyad par gang yod pa/ /thub dbang sras dang bcas la 'bul/ /bdag dang 'gro la thugs brtse'i phyir//ci bde bar ni bzhes su gsol/ /oM na maHsarba ta thA ga ta badzra A lo ke pU dza me g+ha sa mu dra s+pha ra Na sa ma ye hUM/ ar+g+ha la sogs tsan+dan chu/ /lha rdzas dam pa'i dri chab 'di/ /thub dbang sras dang bcas la dbul/ /bdag dang 'gro la thugs brtse'i phyir/ / ci bde bar ni bzhes su gsol/ /oM na maHsarba ta thA ga ta badzra gan+d+he pU dza me g+ha sa mu dra s+pha ra Na sa ma ye hUM/ ro mchog brgya dang ldan pa yi/ /lha rdzas dam pa'i zhal zas 'di/ /thub dbang sras dang bcas la dbul/ /bdag dang 'gro la thugs brtse'i phyir/ /ci bde bar ni bzhes su gsol/ / oM na maHsarba ta thA ga ta badzra nai bi d+ye pU dza me g+ha sa mu dra s+pha ra Na sa ma ye hUM/ tshangs pa'i gsung ni snyan pa yi/ /lha rdzas dam pa'i sel snyan 'di/ /thub dbang sras dang bcas la dbul/ /bdag dang 'gro la thugs brtse'i phyir/ /ci bde bar ni bzhes su gsol/ /oM na maHsarba ta thA ga ta badzra gI ti ra ga sha pU dza me g+ha sa mu dra s+pha ra Na sa ma ye hUM/de nas mchod pa'i lha mo brgyad kyis kyang mchod par bya ste/ deng nas brtsams te rdzogs sangs rgyas/ /sras dang bcas rnams rnam rol cing / /rdo rje snyems pa'i rnal 'byor gyis/ /dga' ston bde bas mchod par bgyi/ /oM badzra lA s+ye hUM/sgeg dang bcas pas phreng ba 'phang / /sangs rgyas thams cad mchod par bgyi/ /de nas bcom ldan 'bral mi bya/ /phreng ba 'di ni rgyan yin no/ /oM badzra mA le hrAM/ /lus can kun la dam chos kyi/ /glu ni khyod kyis blang bar gyis/ /de yi bde gshegs dngos grub ni//myur du bde ba myong bar 'gyur/ /oM badzra gI ti hrIHde nyid thal mo'i gar gyis ni/ /sangs rgyas thams cad mchod par bya/ /sangs rgyas 'du ba'i 'phrin las kyis/ /gar mkhan tshul du bsgrub par gyis/ /oM badzra n-I ti aH/ rdzogs sangs rgyas la sbos phul bas/ /brtul zhugs bzang po legs tshim gyis//lus can bde gshegs cha lugs su/ /ye shes kyis ni tshim par gyis/ /oM badzra d+hU pe hUM/ sangs rgyas rnams la me tog gtor/ /byang chub yan lag tshogs rdzogs pa'i/ /mtshan dang dpe byad ldan pa yi/ /bde gshegs sku ni thob par bgyi/ /oM badzra puSh+pe hUM/chos kyi me ni legs spar nas/ /rdo rje chos dang 'dra ba ru/ /sems can ma rig ldongs pa la/ /ye shes sgron me sbar du gsol/ /oM badzra A lo ke hUM/ rgyal ba rnams la dri phul bas/ /tshul khrims ting 'dzin shes rab dang / /rnam grol ye shes thob pa yi/ / byang chub lus can rnams kyi bsgos/ /oM badzra g+han+d+he aH/ de nas 'dod pa'i yon tan lngas mchod de/ kha dog dbyibs legs yid 'ong rgyan dang ldan/ /phyogs dus kun na gzugs mchog ci mchis pa/ /kun kyang mos blos mchod gnas rnams la dbul/ /bzhes nas bla med grub mchog stsal du gsol//oM sarba ta thA ga ta rU pa pU dza me g+ha sa mu dra s+pha ra Na sa ma ye hUM/ phyogs dus kun na zin dang ma zin pa'i/ /yon tan sgra snyan khyad par gang yod pa'i/ /kun kyang mos blos mchod gnas rnams la dbul/ /bzhes nas bla med grub mchog stsal du gsol//oM sarba ta thA ga ta gan+de pU dza me g+ha sa mu dra s+pha ra Na sa ma ye hUM/ phyogs dus kun nas tsan+dan sprul snying dang / /a kar la sogs dri mchog mchis pa rnams/ /kun kyang mos blos mchod gnas rnams la dbul/ /bzhes nas bla med grub mchog stsal du gsol/ /oM sarba ta thA ga ta gan+de pU dza me g+ha sa mu dra s+pha ra Na sa ma ye hUM//phyogs dus kun na 'jam mnyen 'khril chags pa'i/ /lus sems rtas byed reg bya'i khyad par rnams/ /kun kyang mos blos mchod gnas rnams la dbul/ /bzhes nas bla med grub mchog stsal du gsol/ /oM sarba ta thA ga ta spak+She pU dza me g+ha sa mu dra s+pha ra Na sa ma ye hUM/phyogs dus kun nas ro dang bcud ldan pa'i/ /lus sems rtas byed ro mchog thams cad kyang / /kun kyang mos blos mchod gnas rnams la dbul/ /bzhes nas bla med grub mchog stsal du gsol/ /oM sarba ta thA ga ta rA sa pU dza me g+ha sa mu dra s+pha ra Na sa ma ye hUM/ de nas rdo rje dang dril bur ldan pas bstod par bya ste/mchog sbyin rdo rje mchog khyod 'dud/ /yang dag mthar gyur khyod la 'dud/ /stong nyid las byung khyod la 'dud/ /sangs rgyas byang chub khyod la 'dud/ /sangs rgyas chags pa khyod la 'dud/ /sangs rgyas 'dod la phyag 'tshal 'dud/ /sangs rgyas dgyes pa khyod la 'dud//sangs rgyas rol la phyag 'tshal 'dud/ /sangs rgyas 'dzum pa khyod la 'dud/ /sangs rgyas bzhad la phyag 'tshal 'dud/ /sangs rgyas gsung nyid khyod la 'dud/ /sangs rgyas thugs la phyag 'tshal 'dud/ /med pa las byung khyod la 'dud/ /sangs rgyas 'byung ba khyod la 'dud//nam mkha' las byung khyod la 'dud/ /ye shes las byung khyod la 'dud/ /sgyu 'phrul dra ba khyod la 'dud/ /sangs rgyas rol ston khyod la 'dud/ /thams cad thams cad khyod la 'dud/ /ye shes sku nyid khyod la 'dud/ /de nas phyag bzhi byas te/ oM s+thi to hr-i di dz+nya na mU rti ra haM bud+d+hA bud+d+hA nAM/zhes bya ba'i sngags kyis bcom ldan 'das gangs can mtsho la phyag bya'o/ /yang de nyid kyis dang po'i sangs rgyas la phyag bya'o/ /yang de nyid kyis shes rab 'khor lo la phyag bya'o/ /yang de nyid kyis ye shes sems dpa' la phyag bya'o/ /'di ni zag pa med pa'i ye shes skyed par byed pa yin pas 'dir bdag nyid thugs kar thim pa'i rim pa'o//de nas zab pa dang / bzang ba dang rgya che ba yangs pa dang / rgya che ba'i ting nge 'dzin la gnas par bya'o/ /skyo bar gyur na bzlas pa'i rnal 'byor bya'o/ /de nas rim pa'i ting nge 'dzin la gnas par bya'o/ / de ltar thun bzhi'i rnal 'byor gyis sngon du bsnyen pa bya ste/ dbang bskur ba la mtshan ma'i bsnyen pa bya'o/ /rab tu gnas pa la grangs kyi bsnyen pa bya'o/ /shi ba la phan gdags pa la ni dus kyi bsnyen pa bya'o/ /yang na gang zag dbang po rab kyis mtshan ma'i bsnyen pa bya'o/ /'bring gis grangs kyi bsnyen pa bya'o//tha mas dus kyi bsnyen pa bya'o/ /'di ni sngon gyi bsnyen pa'i cho ga'o// //de ltar bsnyen pa byas nas ni/ /gzhan gyi don la brtson par bya/ /mtshan ma bzang po thob pa'am/ /ting 'dzin rtse gcig gnas pa yis/ /dkyil 'khor la sogs las rnams bya/ / grong la sogs pa'i phyogs mthun ni/ /rnal 'byor pas ni spang bar bya/ /yon tan kun dang yongs ldan pa'i/ /byang shar mtshams ni yongs su bzung / /sems la gus pa dang ldan na/ /gang du yid dang mthun par bya/ /zhes gsungs pas na/ /shar dang lhor gzhol ba'i sar gshin rje gshed kyi sngags bzlas pa'i chus bsang gtor bya'o//de nas sa'i lha mo la sa bslang ba ni sa'i lha mo mdog ser mo zhi ba'i rang bzhin can phyag gnyis gser gyi bum pa bsnams pa/ /rang gi snying ga'i sa bon gyi 'od zer gyis bkug la mchod pa lnga bya ste/ skyob pa sangs rgyas thams cad kyi/ / spyod pa'i tshul dang khyad par dang / /sa dang pha rol phyin pa la/ /lha mo khyod ni dpang du gyur/ /skyob pa shAkya seng ge yis/ /ji ltar bdud kyi sde bcom pa/ /de ltar bdag gis bdud bcom pas/ /bdag ni dkyil 'khor bri bar byed/ /ces brjod pas sa'i lha mo blos nam mkha'i phyogs su bteg nas sems can gyi don du dkyil 'khor byed pas/bdag la sa byin cig ces brjod pas khyod kyis dkyil 'khor gyi bdag po gyis shig ces brjod par bsam mo/ /sa bslang ba'i rim pa'o// //de nas drag po'i sbyin sreg gis bgegs bzlog /de nyid bdag dang slob ma zhi bar bya ba'i sbyin sreg byas la/de nas sa sbyang bar bya ste/ pus mo nub tsam brkos la gyo mo la sogs pa'i ro lnga bsal te sa de nyid kyis dgang ngo / /'di ni khung bu dgang ba'i cho ga'o// //de nas dkyil 'khor nyis 'gyur la spos chus chag chag btab ste/ rje btsun gyi yi ge brgya pa lan gsum bklag par bya ste/'di ni sa bzung ba'i rim pa'o/ /de nas rdo rje slob dpon gyis dkyil 'khor gyi dbus su 'dug ste/ stong pa nyid sngon du 'gro bas lha'i nga rgyal byas la sa gzhi thams cad stong pa'i rang bzhin las hUM las rdo rje'i rang bzhin du bsgoms nas/ de nas spro ba bskyed par bya ste/deng dus bdag tshe 'bras bu yod/ /bdag gis gson pa'ang 'bras bur bcas/ /lha dang dam tshig mnyam pa ru/ /gyur pas bdag nyid som nyi med/ /byang chub sems dang sems gcig par/ /mi ldog par ni bdag 'gyur te/ /de bzhin gshegs pa'i rigs su ni/ /deng bdag skye bar the tshom med//deng bdag nyi ma dam pa ste/ /sangs rgyas thams cad spyan 'dren pas/ /deng bdag 'dus pa'i mchog yin no/ /de nas spos lag tu thogs la/ /ma lus phyogs na bzhugs pa yi/ /sangs rgyas thams cad dgongs su gsol/ /bdag ming 'di zhes bya ba yis/ / 'jam pa'i dbyangs kyi dkyil 'khor 'bri/ /sangs rgyas thams cad spyan 'dren pas/ /deng 'dir sangs rgyas kun gshegs la/ /dngos grub 'dir ni stsal du gsol/ /zhes brjod pas/ bdag nyid lhag pa'i lha'i nga rgyal du gnas par bya/ gsang sngags yid kyis bzlas par bya'o/ /sgrub pa'i grogs mchog lha'i nga rgyal dang ldan pas dkyil 'khor bri ba'i gsol ba gdab par byas te//sangs rgyas kun gyi dkyil 'khor che/ /sprul pa'i 'khor lo sna tshogs 'chang / /sems can kun la phan pa'i phyir/ /dkyil 'khor chen po bshad du gsol/ /de bzhin gshegs pa kun zhi ba//de bzhin gshegs pa kun gyi gnas/ /sgyu 'phrul dra ba las byung ba'i/ /dkyil 'khor dam pa bshad du gsol/ /zhi ba'i chos mchog las byung ba/ /ye shes spyod pa rnam sbyong ba/ /'jam pa'i rdo rje gsung gi mchog /dkyil 'khor snying po bshad du gsol/ /rgyud chen sgyu 'phrul dra ba las//rdo rje 'chang chen gsang sngags 'chang / /dpag med rnams kyi dga' bzhin du/ /dkyil 'khor gtso bo bshad du gsol/ /zhes gsol ba btab la/ /de nas langs nas lha la phyag byas la gshin rje gshed kyi nga rgyal du byas la mig gnyis su ma dang Ta las nyi ma dang zla ba'i dkyil 'khor gyi steng du hUM sngon po 'bar ba bsam pa dang /rkang ba'i mthil du hUM las rdo rje rgya gram 'od 'bar ba bsams la langs te/ khro bo'i lta bas dkyil 'khor gyi sa thams cad du bltas la dbang ldan gyi mtshams nas brtsams la g.yas brkyang ba dang / g.yon brkyang ba la sogs pa'i rdo rje'i 'gros kyis gar gyi tshul du sa kun du bcags la/nga nyid rang nyid rdo rje can/ /'jam pa'i rdo rje nga rang nyid/ /nga ni sangs rgyas rgyal po che/ /stobs chen sangs rgyas kun bdag nyid/ /bdag po chen po rdo rje bdag /byin gyis brlab pa mi 'dor ro/ /hUM dkyil 'khor chen po sa gzhi la gnas pa'i//lha la tshogs pa'i bgegs tshogs kun nyon cig/ /gnas 'dir 'jam dpal pho brang dkyil 'khor 'dri/ /bgegs kyi rigs tshogs gang yin byer bar gyis/ /deng sa phyogs nam mkha' ltar dri ma med pa 'dir rnal 'byor gyi dbang phyug che ge mo zhes bya bas sems can thams cad rdzogs pa'i byang chub la dgod par bya ba'i phyir/'jam pa'i rdo rje'i dkyil 'khor bri yis lha dang klu dang dri za dang gnod sbyin dang 'byung po dang sha za la sogs pa thams cad song cig ces brjod do/ /'od zer me lta bu'i phreng bas gdug pa can thams cad bsreg par bsam mo//de nas shar phyogs su g.yas brkyang ba'i stang stabs kyis bgegs bskrad do/ /lho phyogs su g.yon brkyang ba'i stang stabs kyis bgegs bskrad do/ /nub phyogs su zlum po'i stang stabs kyis bgegs bskrad do/ / byang phyogs su sa ga'i stang stabs kyis bgegs bskrad do/ /dkyil 'khor dbus su hUM gi sgra 'brug dang 'dra bar brjod par bya'o/ /de nas seng ldeng ngam lcags las byas pa'i phur pa stod khro bo la smad lcags kyi rdo rje rtse gcig par 'dug pa lnga hUM las bskyed la/ g.yon pa'i khu tshur gyis bzung la g.yas pas rdo rje thogs la dbus dang grwa bzhir gdab po//oM g+ha g+ha g+hA ta ya g+hA ta ya/ sarba du Sh+TAM hUM phaT/ kI la ya kI la ya/ sarba pA paM hUM hUM phaT/ hUM hUM hUM badzra kI la ya badzra d+ha ro Adz+nyA pa ya ti kA ya bAka tsit+ta badzra kI la ya hUM/ zhes bya ba'i sngags kyis phur bu btab la/phur bu'i phyi rol du rdo rje'i ra ba dra ba dang bcas pa bsam/ /oM badzra yak+Sha hUM/ zhes bya ba'i sngags kyis bsrung bar bya'o/ /de nas sa'i lha mo nam mkha' la phab la de la gtor ma byin la sa la thim par bya'o/ /'di ni sa bslang ba'i rim pa'o// //de nas dkyil 'khor gyi sa tsan+dan la sogs pa'i dri'i chus byugs la lha'i grangs dang mnyam pa'i dri'i thig le zlum po byas la de la me tog gi tshom bu bkod la skad cig mas dkyil 'khor gyi 'khor lo bskyed la/de la mchod pa dang bstod pa byas la/ mkhyen par gsol ba ni pus mo g.yas pa'i lha nga sa la btsugs te 'di skad ces brjod do//'jam dpal dpa' bo rdo rje che/ /rig pa'i rgyal po khyod la 'dud/ /dkyil 'khor thugs rje'i bdag nyid can/ /mgon po bdag nyid bri bar 'tshal/ /slob ma rnams la brtse ba dang / khyod la mchod pa bya ba'i phyir/ /bcom ldan bdag ni gus pa la/ /de la bka' drin mdzad par 'os//'gro ba'i 'khor lo don mdzad pa/ /sangs rgyas bdag la dgongs su gsol/ /'bras gnas byang chub sems dpa' dang / sngags kyi lha gzhan gang lags dang / /'jig rten skyong ba'i lha rnams dang / /gang yang 'byung po mthu chen dang / /sangs rgyas bstan la dga' ba rnams//'jam dpal rdo rje'i dkyil 'khor 'di/ /'gro ba dag phyir bdag bri bas/ /bdag dang slob mar bcas pa la/ /dkyil 'khor byin brlabs dngos grub stsol/ /zhes lan gsum brjod de/ /'di ni lha lhag par gnas pa'i rim pa'o/ /de nas dngul lam gser gyi bum pa kha dog dkar por bsgyur la lha'i grangs dang mnyam ba'am//yang na rnam par rgyal ba'i bum pa dang las thams cad pa'i bum pa'o/ /de nas las thams cad pa la sna tshogs rdo rje bri/ /rnam par rgyal ba'i bum pa la rigs drug gi mtshan ma bri bar bya'o/ /gtso bo'i bum par sman lnga dang /'bru lnga dang / rin po che lnga dang / dri lngas bkang la mgul pa la chings nyis rim du bcings la me tog gi phreng ba dang gdugs dkar pos de g.yogs par bya'o/ /gzhan dag tu yang dri zhim po'i chus dgang bar bya'o/ /shing bzang po'i lo mas kha brgyan par bya'o/ /yang na bum pa brgyad dgod par bya'o//gtso bo'i bum par skad cig gis lha tshang bar bskyed la dgug gzhug dang mchod bstod dang bzlas pa bya'o/ /las thams cad pa'i bum par gshin rje gshed bskyed la dgug gzhug dang mchod bstod dang bzlas pa bya'o/ /rnam par rgyal ba'i bum par bzhu bar bya'o//las thams cad pa'i bum par ni mi bzhu'o/ /de nas bum pa rnams ras gtsang ma'i steng du gzhag go / 'di ni bum pa lhag par gnas pa'i cho ga'o// //de nas bar chod zhi bar bya ba dang dngos grub nye bar bya ba'i phyir gzhung gzhan du bshad pa'i sbyin sreg bya'o//de nas phyi rol du gtor ma chag sum gtang ngo / /de'i rjes la slob ma lhag par gnas par bya'o/ /shar phyogs su maN+Dal byas nas phyag bya ste/ pus mo sa la btsugs la thal mo sbyar bar bya ste/ /dga' che khyod bdag ston pa yin/ /slob dpon khyod ni dgongs su gsol/ / byang chub sems dpa'i tshul brtan pa/ /mgon po chen po bdag 'tshal lo/ /mgon po de nyid bdag la stsol/ /byang chub sems kyang bdag la stsol/ /thar pa chen po'i grong mchog tu/ /mgon po bdag nyid 'jug par mdzod/ /ces gsol ba gdab po/ /de nas slob dpon gyis slob ma la 'di skad ces brjod par bya ste/ bu tshur theg pa chen po yi/ /tshul chen snod ni khyod yin te/ gsang sngags spyod pa'i tshul gyi mchog /khyod la yang dag bstan par bya/ /rdzogs pa'i sangs rgyas gang 'das dang / /de bzhin gang dag ma byon dang / /da ltar byung ba'i rdzogs sangs rgyas/ /'gro la phan phyir bzhugs pa dang /de dag kun gyi gsang sngags kyis/ /cho ga zab mo 'di mkhyen nas/ /dpa' bo byang chub shing drung du/ /thams cad mkhyen pa tshad med brnyes/ /skyob pa 'jam pa'i rdo rje yis/ /bdud sde shin tu mi bzad pa/ /dpung chen dag kyang de yis bcom/ /de phyir kun mkhyen thob bya'i phyir/ / bu yis blo gros 'di gyis shig/ /ces brjod do/ /de nas yang slob mas 'di skad ces brjod par bya'o/ /dkon mchog gsum la phyag 'tshal lo/ /dkon mchog gsum la skyabs su mchi/ /sdig pa thams cad so sor bshags/ /bsod nams kun la rjes yi rang / /byang chub mchog tu sems bskyed bgyi//sems can thams cad mgron du gnyer/ /'gro phan sangs rgyas 'grub par shog /ces bya/ /de nas bu'i snying gar rdo rje bzung la sa ma ya a/ su ra ta s+t+waM badzra satwa sa ma ya ho/ badzra satwa ya thA su khaM zhes pas slob ma ye shes sems dpar bskyed do/ /de nas slob dpon gyis slob ma la//oM AHhUM zhes bya bas/ spyi bo dang mgrin pa dang / thugs ka rnams su rdo rje dang 'khor lo dang pad+ma bsam mo/ /khu tshur g.yas pas rdo rje bzung la gnas gsum du reg par bya'o/ /de nas slob ma de la spyi bor me tog /mdun du bdug spos/ snying gar byug pa/ mig sngar mar me byin la/sor bcu gnyis pa'i tshad kyis so/ /shing a shwad tha dang u du m+WA ra la sogs pa'i rgyu las byung ba/ gas chag med pa drang po me tog gi phreng ba can/ oM ya mAn+ta ka hUM zhes pa'i sngags kyis mngon par bzlas te sbyin no/ /de nas so shing bca' ste/ ba lang gi ko ba tsam gyi maN+Dal byugs la/kha shar du bltas la drang por dor ro/ /de la bdag nyid la rtse mo bltas na mchog 'grub la/ shar du bltas na 'bring du bshad la/ mtshams dang byang shar du bltas na 'jig rten pa'i dngos grub thob/ so shing bor la mthur du bltas na 'og gi dngos grub thob bo/ / de'i dri chu la oM pra kr-i ti pa ri shud+d+he sarba d+ha r+m+ma pra kr-i ti pa ri shud+d+hou0f85haM/ zhes pas mngon par bsngags te hub gsum blud par bya'o/ /oM ya mAn+ta ka hUM phaT/ zhes bya ba bzlas pas ku sha sngas su sbyin zhing sngags de nyid bzlas pa stan du yang sbyin no/ /oM AHhUM bzlas pa'i skud pa mdud pa gsum dang ldan pa yang dpung pa g.yon pa la gdags so//de brtan par bya ba'i phyir/ /oM many+dzu shrI sa ma ya ma nu pA la ya/ many+dzu shrI twe no pa tiSh+Tha/ dr-i D+ho me b+ha ba/ su to Sh+yo me b+ha ba/ su poSh+yo me b+ha ba/ /a nu rak+to me b+ha ba/ sarba sid+d+hi m+me pra yats+tsha sarba kar+m+ma su tsa ma/ tsit+taM shre yaH ku ru hUM ha ha ha ha hoH//b+ha ga bAn sarba ta thA ga to many+dzu shrI mA me muny+tsa badzrI b+ha ba/ ma hA sa ma ya satwa AH de nas tshigs su bcad pa 'dis spro ba bskyed par bya'o/ /'jig rten du ni kun mkhyen rnams/ /u dum+WA ra'i me tog bzhin/ /brgya lam yang ni res 'ga' zhig /'byung 'gyur yang ni mi 'byung ngo //gsang sngags kyi ni chos 'byung ba/ /de bas kyang ni dkon pa ste/ /gang gis dri med sems cad don/ /mya ngan mi 'da' byed par nus/ /gang dag pa yi mchog 'di la/ /blo gros shin tu mi g.yo bas/ /de dag gis ni 'khor ba'i rgyun/ /sdug bsngal kun 'byung bde ba can//bdag nyid chen po khyed rnams kyis/ /rnyed pa mnyam med de ring brnyes/ /gang phyir sangs rgyas sras bcas pa'i/ /bdag nyid chen po kun gyis ni/ /bstan pa 'di la khyed rnams kun/ /yongs su bzung nas skye bzhin pas/ /der ni khyed rnams 'dong ba ni/ /theg pa chen por cher 'byung ba'i/ / lam mchog 'di ni dpal dang ldan/ khyed rnams der ni 'gro bas na/ /rang byung skal ba chen po la/ /'jig rten thams cad mkhyen pa yi/ /de bzhin gshegs par 'gyur ba yin/ /zhes bstan par bya'o/ /de nas thal mo sbyar te tshig 'di skad brjod de/ /khyad par gyi sdom pa 'dzin du gzhug go/ / mi ldog pa yi dbang bskur ba/ /mgon pos bdag la stsal nas kyang / /dkyil 'khor lha yi de nyid dang / /slob dpon 'phrin las yongs su gsungs/ /sangs rgyas kun gyi dam tshig dang / /sdom pa bla na med pa gsungs/ /sems can kun gyi don gyi phyir/ /bdag ni rtag tu slob dpon bgyid/ /de nas rmi lam du ci byung ba nang par nga la smros shig ces brjod la gtong ngo //de nas nang par rmi lam 'dzem pa med par bzlas so/ /rmi lam sangs rgyas mthong na ni/ /yon tan rgya mtsho mngon sum bzhin/ /mchod rten dang ni sku gzugs mthong / /zhes pa la sogs pa rmi lam smras la ngan pa mthong na sbyin sreg bya'o//'di ni slob ma lhag par gnas pa'i cho ga'o// //de nas skya rengs shar ba'i dus su lha'i rnal 'byor dang ldan pa'i snying gar maN+Dal gyi lha rnams bsdus la dkyil 'khor gyi sa gzhi dris nye bar byugs la/ gang zag dbang po rab kyis ni dri'i thig le dang me tog gi tshom bu lha'i grangs dang mnyam par byas la/de'i steng du dkyil 'khor gyi lha rnams ting nge 'dzin gyis bskyed la/ dbang po rab kyis ting nge 'dzin gyi dkyil 'khor du dbang bskur ba dang / rab tu gnas pa dang shi ba la phan gdags pa rnams bya'o/ /gang zag dbang po 'bring gis ni bris sku'i dkyil 'khor maN+Dal de nyid steng du bkod la dbang bskur ba la sogs pa bya'o//gang zag dbang po tha mas ni rdul tshon gyi dkyil 'khor de nyid du bkod la dbang bskur ba la sogs pa bya'o/ /gsar pa legs par bsgril ba ni/ /kha dog lngas ni legs bsgyur la/ /byin gyis brlab par byas nas ni//dkyil 'khor gyi ni thig gdab po/ /zhes gsungs pa ni/ nyi ma shar khar bdag rgyan dang ldan par byas la/ tshon skud sna lnga'i skud pa bkal pa stong pa nyid las/ hUM traM hrIHAHoM las 'od zer gyi rigs lnga'i thugs ka nas yig 'bru lnga spyan drangs te gnyis su med par bstim par byas la ye shes lnga'i rang bzhin du bsams la bsgril par bya'o//tsan+dan la sogs pas bsgos pa'i snod du bzhag la mchod pa lngas mchod par bya'o/ /'di ni thig skud bkal ba'i rim pa'o// //de nas rdo rje slob dpon gyis srad bu g.yon pa'i rdo rje khu tshur gyis bzung la//dz+dza zhes grub pa'i grogs mchog gi lag tu gtad do/ /phyogs thams cad mnyam pa nyid du bsgom par bya zhing ci bde bar gdab par bya/ shar du bltas te thig dang po gdab par bya'o/ /slob dpon lhor kha bltas la tshangs thig gnyis pa gdab par bya/ de nas me'i phyogs kyi char gnas la kha byang du bltas la phyi'i thig gdab par bya'o//rlung gi phyogs su 'dug ste/ lho phyogs su bltas nas nub kyi thig gdab par bya'o/ /de nyid du 'dug ste byang gi thig gdab par bya'o/ /yang me'i mtshams su 'dug ste/ lho phyogs su thig gdab par bya'o/ /yang de nyid du 'dug ste/rlung gi phyogs kyi bar mtshams su bar gyi thig gdab par bya'o/ /yang bden bral gyi phyogs su gnas te dbang ldan gyi bar mtshams kyi bar du thig gdab par bya'o/ /slob dpon gyis kyang slob ma'i skor phyogs su 'gro bar bya'o/ /de ltar thig chen brgyad btab pas/ / ngos bzhi dkyil 'khor bzhi ru 'gyur/ /so so'am cha chen bcu drug tu/ /so sor rnam par dbye bar bya/ /zhes bya ba gsungs pas/ cha chen po bcu drug la/ cha bran so sor bgos la gdab par bya'o/ /phyogs re re nas cha chen po brgyad yod pa las/ cha gsum la ni nang gi dkyil 'khor bya'o//cha gnyis la ni dkyil 'khor bar ma'i thig gdab par bya'o/ /cha chen po gsum la ni phyi'i dkyil 'khor bya'o/ /dkyil 'khor gsum ka yang zur bzhi pa sgo bzhi rta babs dang bcas pa twa ra Nas yongs su brgyan pa'o/ /de ltar dkyil 'khor gyi thig gdab par bya'o/ / de nas so sor rnam par dbye bar bya ste/ zhes gsungs pas na cha bran so sor bgos la thig gdab par bya'o/ /de la nang gi dkyil 'khor gyi thig gdab par bya ste/ tshangs pa'i thig gi g.yas g.yon nas/ /cha chung bcu gnyis yod pa de/ /gnyis gnyis su ni dbye bar bya'o/ /tshangs pa'i thig gi g.yas g.yon nas//gsum pa dang ni lnga pa dang / /bcu gsum pa dang bcu drug pa/ /de bzhin bcu dgu pa dag la/ /cha lnga phyogs bzhir bgo byas la/ /sgo khyud la sogs rnam lnga yis/ /tshon sna lnga yis sa gzhir bsgyur/ /de nas pho brang rim pa ni/ /cha bran bdun las bskor byas te//de nas cha chung gcig gis bskor/ /nang gi rdo rje ra bar bshad/ /de nang cha bzhi 'khor lo bya'o/ /dbus kyi lte ba cha gnyis yin/ /'khor lo rtsibs bzhi lte bar byas/ /rtsibs bzhi dag dang bcas pa ni/ /gtso bo lnga dang yum bzhir gnas/ /de yi phyi rol cha bzhi la//bskor te 'khor lo rtsibs bcu drug /sems dpa' bcu drug gnas su bshad/ /cha gcig rdo rje'i ra bar bskor/ /de yi gru chang bzhi po la/ /sgeg mo la sogs gnas su bshad/ /sgo bzhi dag tu sgo ba dgod/ /phyi rol cha lnga yod pa la/ / cha bzhi nam mkha' stong par bya/ /cha gnyis la ni rta babs bya/ /gdugs dang 'khor lo cha re yin/ /dkyil 'khor bar ma'i thig gdab pa/ /cha chen gnyis po bzhi ru dbye/ /cha chen gcig la lha snam bya/ /cha gsum bzhi bzhir dbye bar bya/ /de ltar bcu gnyis yod pa la/ / dang po dang ni bzhi pa dang / /de bzhin du ni bdun pa rnams/ /cha lnga dag tu bgo byas te/ /tshon sna lnga yis sa gzhi bsgyur/ /nam mkha' stong pa cha chung gcig /rta babs la ni cha gnyis te/ /gdugs dang 'khor lo cha re yin/ /phyi rol dkyil 'khor thig gdab pa/ /cha chen gsum ni bzhi bzhir dbye//cha lnga rigs lnga'i snam bu ste/ /cha bdun gnyis gnyis dbye bar bya/ /de ltar bcu bzhi yod pa la/ /dang po dang ni lnga pa dang / /de bzhin dgu pa cha chung bgo/ /tshon sna lnga yis sa gzhi bsgyur/ /nam mkha' stong pa cha chung gcig /rta babs la ni cha gnyis te//gdugs dang 'khor lo cha re yin/ /rdo rje me ri cha re ste/ /de ltar phyogs bzhir bgo byas la/ /rigs bsdus dkyil 'khor thig gdab po/ /da ni rigs so sor phye ba'i dkyil 'khor thig gdab pa ni/ /byang sems rdo rje'i dkyil 'khor ni/ /rigs bsdus dkyil 'khor nang dang 'dra//rnam par snang mdzad dkyil 'khor ni/ /gtso bo cha gsum gdung cha gcig/ /nang gi phyogs bzhir cha drug yin/ /phyi yi phyogs bzhir cha bdun te/ /phyi yi rdo rje phreng cha gcig/ /mi bskyod pa yi dkyil 'khor ni/ /phyi ru rdo rje phreng cha gcig/ /shar du cha bzhi lho byang gi tshangs thig thad kar cha bzhi ste//bor nas nub kyi zla gam tshad/ /phyi rol ka ba nang gi cha/ /cha bran bcu drug zla ba'i dbyibs/ /de nas nang gi cha dbye ba/ /gtso bo'i cha gnyis gdung cha gcig /lhag ma lha snam bcu bzhi'i gnas/ /pad+ma gar dbang pho brang ni/ /gtso bo'i cha gsum gdung cha gcig /nang gi phyogs bzhir cha drug yin/ /phyi yi phyogs bzhir cha bdun te/ /rdo rje ra ba gong dang mtshungs/ /rdo rje nyi ma'i dkyil 'khor dang / /rta mchog don yod grub pa yi/ /dkyil 'khor thig kyang gong ma bzhin/ /cha bgo ba ni mthun pa yin/ /zhes bstan pa shes rab dang ldan pas thig gdab par bya'o//seng ldeng gi phur pa la brtod pa'i srad bus nang gi dkyil 'khor phyi'i rdo rje'i phreng ba dbang ldan gyi phyogs nas brtsams te/ /g.yas nas bskor bar bya'o/ /dkyil 'khor gyi tshad ni nyis 'gyur du bya'o/ /de yang / /sangs rgyas dkyil 'khor zlum po ste/ rdo rje can gyi zla gam yin//pad+ma la yang pad+ma ste/ /rin chen la yang rin chen nyid/ /las kyi rigs la sna tshogs pa'i/ /rdo rje nyid ni yin par 'dod/ /thig 'debs pa'i dus su sngags 'di brjod cing gdab par bya'o/ /oM badzra sa ma ya mA ti kra ma hUM 'di ni thig gdab pa'i cho ga'o/ /de nas tshon gyi las bshad de//sngon po dang ser po dang dmar po dang ljang gu dang dkar po rnams rim pa bzhin du hUM trAM hrIHaHoM las stong pa sngon du 'gro ba las yi ge lnga bskyed la de nas rang bzhin gyi gnas nas de bzhin gshegs pa lnga'i thugs ka nas yi ge 'bru lnga spyan drangs nas gnyis su med par bstim mo/ / oM badzra sa ma ya dzaHtsit+ta hUM zhes pa'i sngags bzlas pas ye shes lnga'i rang bzhin du sbyang bar bya'o/ /de nas tshon dgye ba brtsam par bya ste/ g.yon pa rdo rje khu tshur gyis/ /dbang ldan mtshams nas dgye byas la/ /phyi nang kun du slob ma yis/ /zhes bya ba ni dkar po nas drangs te/ mdzub gang bla ma'i lag pa g.yon pas bris nas ngag tu 'di skad brjod par bya'o//chos dbyings de dag gnas pas na/ /sems can khams ni rab grol byed/ /rgyal ba 'jam pa'i rdo rje nyid/ /de bzhin gshegs pa kun gyi gnas/ zhes brjod pas phur bu gdon par bya'o/ /shar phyogs su ni sngon po ste/ /lhor ni ser po yang dag ldan//nub ni pad+ma rA ga ste/ /ljang gu byang du yin par 'dod/ /dbus kyis yi cha nyid ni/ /shel ltar snang ba bla na med/ /sngon po rdo rje rtse rang bzhin/ /gnyis pa gser la dmigs pa ste/ /pad+ma chags pa'i ngo bo gzhi/ /de bzhin gshegs ni mar kata 'dra/ / dkar po nang du shes bya ste/ /'di ni tshon gyi rim par grags/ /zhes gsungs pas ni/ /rtse gcig tu bri bar bya'o/ /de ltar bris la lha dgod pa ni dbus su rnam par snang mdzad do/ /'khor lo'i rtsibs bzhi la ni rigs bzhi'o/ /gru chad bzhi la yum bzhi'o/ / de'i phyi rol tu 'khor lo rtsibs bcu drug la rdo rje sems dpa' sku mdog dkar po/ rgyal po ser po/ /chags pa dmar po/ legs pa ljang gu/ rin chen ser po/ gzi brjid dmar po/rgyal mtshan nam mkha'i mdog can/ bzhad pa dkar po/ chos dkar dmar/ rnon po sngo bsangs/'khor lo rgyu ser po/ smra ba zangs kyi mdog can/ rdo rje las sna tshogs pa'i mdog can/ /rdo rje srung ba ser po/ rdo rje gnod sbyin nag po/ rdo rje khu tshur ser ljang / nang gi gru chad bzhi la sgeg mo dkar mo/ phreng ba ma ser mo/ glu ma dkar mo/ gar ma ljang khu'o/ /de nas phyi'i lha mo bzhi ni bdug pa ma sku mdog dkar mo/me tog ma ser mo/ mar me ma dmar skya/ byug pa ma ljang gu /sgo bzhir sgo ba rnams dgod par bya'o/ /de nas dkyil 'khor phyi ma la byams pa la sogs pa byang chub sems dpa' bcu drug khyams su dgod par bya ste/ de'ang shar phyogs pa rnams ni sku mdog dkar mo rdo rje rtse lnga pa bsnams pa/lho phyogs pa rnams ni sku mdog ser po rat+na bsnams pa'o/ /nub phyogs pa rnams ni sku mdog dmar po pad+ma bsnams pa'o/ /byang phyogs pa rnams ni sku mdog ljang gu sna tshogs rdo rje rgya gram bsnams pa'o/ /de nas sgo bzhir sgo ma lcags kyu ma dkar mo/zhags pa ma ser mo/ lcags sgrog ma dmar skya/ dril bu ma ljang gu'o/ /de'i phyi rol gyi khyams la rim pa dang po la de bzhin gshegs pa'i rigs sku mdog dkar po 'khor lo dang ral gri bsnams pa'o/ /rim pa gnyis pa la rdo rje'i rigs sngon po rdo rje dang ral gri bsnams pa'o//rim pa gsum pa la pad+ma'i rigs dmar po pad+ma dang ral gri bsnams pa'o/ /rim pa bzhi pa la rin po che'i rigs ser po rin po che dang ral gri bsnams pa'o/ /rim pa lnga pa la las kyi rigs ljang gu sna tshogs rdo rje dang ral gri bsnams pa/ thams cad gdan pad+ma dang zla ba la bzhugs pa'o//rigs so sor phye ba'i lha rnams lnga ru phye la dgod par bya'o/ /'khor lo rim gsum ldan pa la/ /snam bu mu khyud rnams kyis brgyan/ /dkyil 'khor gyi ni phyi rim du/ /ji skad gsungs pa'i rgyan rnams bri/ /de ni dkyil 'khor bri ba'i rim pa'o//de nas phyi dro'i dus su yo byad dang dkyil 'khor gyi rgyan rnams dgram par bya ste/ mchod pa'i yo byad thams cad dang / de bzhin du phur pa dang mda' dang / ral gri dang / tshon skud kyi dra ba dang / me long la sogs pas dkyil 'khor brgyan la/ phyogs dang mtshams rnams su brgyad gzhag par bya'o//dri zhim pa'i chus khrus byas la gos gtsang ma bgos la rdo rje dang dril bu rab tu bskul zhing rje btsun gyi yi ge brgya pa bzlas shing dkyil 'khor de dbang ldan gyi mtshams nas brtsams nas lan bdun du bskor ba byas pas lhag pa dang ma tshang ba skong bar 'gyur ro/ /de nas bum pa rnams gnas gnas su bzhag ste//rnam par rgyal ba'i bum pa ni dbus su gzhag go/ /las thams cad pa'i bum pa ni bsang gtor bya ba'i phyir dkyil 'khor gyi g.yas phyogs su gzhag go/ /gzhan ma rnams ni me'i mtshams su gzhag go / slob dpon stan nang tshangs can la 'dug la dkyil 'khor bsgrub par bya ste/ 'khor lo dang po'i ting nge 'dzin gyi bar du bsgoms la bzlas pa'i rnal 'byor rdzogs pa dang ras zung du sbyar la lha rnams la oM AHhUMHbadzra wa s+t+ra hUM zhes bya bas dbul lo/ /de nas sgrub pa'i grogs mchog dkyil 'khor du bzhag la bdag nyid phyir byung la gtor ma 'jig rten pa'i 'byung po la gtang ngo / / de nas dkyil 'khor gyi shar phyogs su sbyin sreg gis dkyil 'khor gyi lha rnams mnyes par byas la/ de nas bdag nyid 'jug pa'i cho ga dang / slob ma 'jug pa'i cho ga yang tshul bzhin du bya'o/ /de ni dkyil 'khor bsgrub pa'i rim pa'o/ / de nas dkyil 'khor gyi lha la phyag byas la gnang ba nod par bya ste/ /bdag ming 'di zhes bgyi bas ni/ /rdo rje slob dpon dka' thub che/ /sems can kun la phan pa'i phyir/ /slob ma rnams ni 'jug par gsol/ /de nas slob ma yol ba'i phyi rol du bzhag la bum pa'i chus bsang gtor byas la oM ya mAn+ta ka hUM phaT/ ces bya ba'i sngags bzlas pas/gdong g.yogs bcings la me tog gi phreng ba bzung ste/ dkyil 'khor du gzhug pa'i phyir/ bu khyod dngos grub ci la dga'/ /zhes dri'o/ /de nas bus kyang / skal bzang bde mchog bdag dga'o/ /zhes brjod do/ /de nas slob ma thams cad kyis//dga' chen khyod bdag ston pa po/ /slob dpon nyid ni bdag la dgongs/ /byang chub sems dpa'i lam bstan pa/ /skyob pa chen po bdag 'tshal lo/ /sangs rgyas chos dang dge 'dun te/ /skyabs gsum yongs la skyabs 'gro bas/ /thar pa chen po'i grong mchog tu//mgon po bdag ni 'jug par mdzod/ /ces brjod de/ /de nas slob dpon gyis/ bu khyod tshur shog theg chen gyi/ /lam chen snod ni khyod yin te/ /rdzogs pa'i sangs rgyas gang 'das dang / /de bzhin gang dag ma byon dang / /da ltar byung ba'i rdzogs sangs rgyas/ / de dag kun gyis gsang sngags kyi/ /cho ga zab mo 'di mkhyen pa/ /'jig rten spyod pa rjes 'jug phyir/ /'khor lo bskor nas mya ngan 'das/ /de bas kun mkhyen thob bya'i phyir/ /bu yis blo gros 'di gyis shig /de nas rgyun bshags bya ste/ /dkon mchog gsum la phyag 'tshal lo//dkon mchog gsum la skyabs su mchi/ /sdig pa thams cad so sor bshags/ /bsod nams kun la rjes yi rang / /sangs rgyas byang chub yid kyis gzung / byang chub mchog gi sems ni bdag gis bskyed/ /sems can rnams ni bdag gis mgron du gnyer/ /'gro la phan phyir sangs rgyas 'grub par shog /ces brjod du gzhug go/ /de nas 'di skad ces brjod par bya ste/ gtso bo bdag la sdom pa stsol/ /thub pa'i nyi ma ma lus pa/ /mi ldog pa yi dbang bskur ba/ /slob dpon chen po bdag la stsol/ /de nas slob dpon gyis rigs thams cad la gsol ba gdab par bya ste/che ge mo zhes bya ba 'di/ byang chub sems ni yongs 'dzin pa/ /dam tshig sdom pa gsang ba yi/ /dkyil 'khor 'dir ni 'jug par 'tshal/ /yang slob dpon gyis 'di skad ces brjod par bya ste/ gsang ba chen po'i rigs dag la/ / gsang ba yongs su 'dzin par ni/ /bdag nyid chen po khyod 'dod dam/ /des kyang 'tshal zhes brjod par bya/ /yang slob dpon gyis 'di skad ces brjod par bya ste/ sangs rgyas chos dang dge 'dun te/ /dkon mchog gsum la skyabs su gsol/ /'di ni sangs rgyas rigs dag pa'i/ / dam tshig bstan par gyur pa'o/ /rdo rje dril bu'i phyag rgya yang / /blo chen khyod kyis gzung bar gyis/ /byang chub sems gang de rdo rje/ /shes rab dril bu zhes brjod do/ /slob dpon dag kyang gzung bar gyis/ /bla ma sangs rgyas kun dang mnyam/ /'di ni rdo rje'i rigs dag pa'i/ /dam tshig sdom pa yin par gsungs//rin chen rigs mchog chen po la/ /nyin dang mtshan du lan gsum du/ /zang zing mi 'jigs chos dang byams/ /sbyin pa rnam bzhi rtag tu sbyin/ /phyi nang gsang ba'i theg pa gsum/ /dam pa'i chos kyang gzung bar bya/ /'di ni pad+ma'i rigs dag pa'i/ /dam tshig sdom pa yin par gsungs//las kyi rigs mchog chen po la/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bgyi/ /de las gzhan pa bcu bzhi ni/ /phas pham par ni rab tu bshad/ /spang zhing dor bar mi bya ste/ /rtsa ba'i ltung ba zhes bshad do//nyin dang mtshan mo lan gsum du/ /nyin re bzhin du bzlas par bya/ /gang tshe nyams 'gyur rnal 'byor pa/ /kha na ma tho sbom por 'gyur/ /khyod kyis srog chags gsad mi bya/ /ma byin par yang mi blang ngo / /'dod pa log par mi spyod do/ /brdzun ni smra bar mi bya'o//phung khrol kun gyi rtsa ba ni/ /chang ni rnam par spang bar bya/ /sems can 'dul phyir ma gtogs pa/ /bya ba ma yin thams cad spang / /dam pa nye bar bsten bya zhing / /rnal 'byor pa rnams bsnyen bkur bya/ /lus kyi las ni rnam pa gsum/ /ngag gi rnam pa bzhi rnams dang / / yid kyi rnam pa gsum dag ni/ /ci nus par ni rjes su srungs/ /theg pa dman la 'dod mi bya/ /sems can don la rgyab phyogs min/ /'khor ba dag kyang yong mi spang / /rtag tu mya ngan 'da' mi bya/ /lha dang lha min gsang ba pa/ /khyod kyis brnyas par mi bya zhing / /phyag rgya bzhon pa mtshon cha dang //mtshan ma 'gom par mi bya'o/ /'di dag dam tshig yin par bshad/ /khyod kyis rtag tu bsrung bar bya/ /des kyang 'di skad brjod par bya ste/ /slob dpon 'dir ni bdag la stsol/ /gtso bos ji skad bka' stsal pa/ /de ltar bdag gis 'tshal bar bgyi//ji ltar dus gsum mgon po rnams/ /byang chub tu ni nges mdzad pa'i/ /zhes pa nas/ /sems can mya ngan 'das la dgod/ /ces pa'i bar du brjod do/ /gang zhig sdom pa 'dzin par mi byed pa de la ni slob dpon du rjes su gnang ba dang / dbang bskur bar mi bya'i 'jug pa tsam cig byed du gzhug go//de nas bo d+hi tsit+ta ut+pA da yA mi zhes bya bas byang chub tu sems bskyed de/ /de nas me tog dang bcas pa'i rdo rje snying gar bzhag la/ oM su ra ta sa ma ya s+t+waM ho badzra si d+d+hi sa ma ya su khaM/ dus 'di nyid du khyod nyid ni/ / sangs rgyas rigs su chud pas na/ /tshul 'di gzhan la ma brjod cig /gal te smras par gyur na ni/ /'jam pa'i rdo rje rab khros nas/ /'ga' la smras na glad pa 'gems/ /de nas tsan+dan dang gur kum la sogs pa'i chu khyor bar blugs te/ 'di ni khyod kyis dmyal ba'i chu//dam tshig 'das na 'tshig par byed/ /gal te gsang sngags dngos grub ni/ /rdo rje bdud rtsi'i chu 'dis 'grub/ /oM badzra u da ka Tha Tha/ de nas 'di skad smras te/ /deng nas brtsams te bu khyod kyi/ /'jam pa'i rdo rje nga yin gyis/ /nga yis ji ltar bka' stsal pa/khyod kyis skyo ba med par gyis/ /gang yang nga la mos med pa/ /de bzhin mos par ma byas na/ /bdud kyis bcom nas dmyal bar 'gro/ /de bas dam tshig la gnas kyis/ /'di ni dam tshig chu bo'i cho ga'o/ /de nas slob ma yol ba'i nang du bkug la de bzhin gshegs pa thams cad kyis byin gyis rlobs la 'jam pa'i rdo rje bdag la dbab tu gsol zhes gsol ba btab la slob ma'i snying gar aHbsams la 'di skad ces brjod de/sangs rgyas thams cad kyis byin gyis rlobs la/ ye shes 'bab par gyur cig ces brjod do/ /de nas rkang pa'i mthil du yaM las rlung gi dkyil 'khor ba dan gyis mtshan pa spyi bor oM las 'od zer spros pas rkang pa g.yon pa g.yas pas mnan la/kun tu dril bu'i sgra yang dag par dkrol zhing dbab/ badzra A be+e sha a AH zhes lan brgya rtsa brgyad la sogs pa brjod la dbab po/ /ye shes babs pa dang 'phar na tiSh+Tha badzra zhes brtan par bya'o//sku gsung thugs kyi rtags gsum 'byung ste/ sku babs na gar dang gar gyi lan bya'o gsung babs na sngags smra'o/ /thugs babs na de kho na nyid kyi don shes par bya'o/ /'di ni ye shes dbab pa'i cho ga'o/ /des phebs par ma gyur na rdo rje bsdams pa las rdo rje sems ma'i phyag rgya dral bar bya zhing /badzra satwa a a a zhes brjod pas bdag sum brtsegs pa'i thugs ka'i yig 'bru las 'od zer dpag tu med pa 'phros pa byung ste sdig sgrib bya sgro la me phog pa ltar choms choms bsregs te dag par bsam zhing sgra drag po brgya rtsa brgyad bzlas so//des kyang ma phebs na sdig pa sbyong ba'i sbyin sreg bya/ des mi phebs pa mi srid do/ /'di ltar bdag gis slob ma 'di/ /dkyil 'khor du ni legs bcug nas/ /lha yi rigs kyi rim pa dang / /'di yi bsod nams ci 'dra ba/ /dkyil 'khor 'dir ni de bzhin gyur//zhes brjod la mig gi snang ba dri bar bya'o/ /dkar po la sogs pa zhi ba'i dngos grub rnams su shes par bya'o/ /'dir ni dngos grub gang 'grub pa/ /rigs ni gang gi snod du gyur/ /bsod nams mthu ni gang yod pa/ /de bzhin du ni 'bab par 'gyur/ /pratIts+tsha badzra hoH zhes bya ba 'dis me tog gi phreng ba dkyil 'khor du dor bar bya'o//dbu la babs na ni mchog gi dngos grub thob po/ /zhabs la babs na sngags grub/ stod dang smad dang bar dang gsum du babs na/ dngos grub rab 'bring tha ma gsum du shes par bya'o/ /gal te ri mo'i nang du ma lhung na ni bskyar ro/ /lan gsum bskyar nas phyi rol du song na dngos grub med par shes par bya'o//de nas phreng ba blang la 'di skad brjod de/ oM pra ti gr-ih+Na twaM i maM satwa ma hA ba la zhes brjod pas mgo la bcing ngo / /de ni phreng ba dor ba'i cho ga'o/ /de nas gdong g.yogs dgrol te/ rdo rje chags pa deng khyod kyi/ /mig dbye ba la brtson par mdzad//phye bas thams cad mthong 'gyur te/ /rdo rje'i mig ni bla na med/ /he badzra pa sh+ya zhes pas so/ /gdong g.yogs bkrol la dkyil 'khor bstan te/ thar pa chen po'i grong khyer mchog/ /ltos shig ltos shig sems dpa' che//me tog gang la lhung gyur ba/ /de ni khyod kyi 'jam dbyangs yin/ /zhes brjod la/ de dkyil 'khor blta ru bcug la sgo srungs nas brtsams nas gtso bo'i bar du ming brjod la bstan par bya ste dkyil 'khor du gzhug pa'i cho ga'o// //de nas dngos grub thob par bya ba'i phyir rdo rje slob dpon la rjes su mthun pa'i yon phul la/byang chub rdo rje sangs rgyas la/ /mchod chen ji ltar stsol ba bzhin/ /bdag kyang rab tu bskyab pa'i phyir/ /nam mkha' rdo rje deng bdag stsol/ /zhes brjod la phyag bya'o/ /slob dpon gyis kyang de la dbang bskur bar bya ba'i phyir sgrub pa po dang rdo rje slob dpon du dbang bskur ba sbyin pa ni dang po sgrub pa po'i dbang bskur te/shar ngos su zla ba'i dkyil 'khor gyi steng du slob ma yi dam gyi lhar bskyed la/ yi ge gsum gyis byin gyis brlabs la/ steng du yi ge bris la las thams cad pa'i bum pas dbang bskur la mchod pa lngas de la/mchod la gdugs dang rgyal mtshan dang ba dan la sogs pa dang dung dang rol mo la sogs pa'i sgra rnams kyis mchod par bya'o/ /de nas bkra shis kyi tshigs su bcad pa la sogs pas mngon par dga' bar bya zhing / dang por re zhig chu'i dbang bskur te/ bum pa'i dbang bskur ba ni dkyil 'khor gyi steng du bum pa'i chu rnams rnam rgyal gyi bum par nyung zad re blugs la/de nas slob ma'i dbang bskur sbyin te/ oM many+dzu shrI a p+hi Shiny+tsa hUM/ zhes pas dbang bskur te rigs kyi bdag pos dbu brgyan par bya'o/ /de nas cod pan gyi dbang bskur bar bya ste/ de nas dbu rgyan stong pa nyid sngon du 'gro bas b+hUM oM hrIHAHhUM las rigs lngar bskyed la ye shes sems dpa' dgug gzhug byas la slob ma'i mgo la bskon la/ oM rat+na mu ku Ta a b+hi shiny+tsa zhes pas dbu rgyan dang / dar dpyangs dang bcas pas dbang bskur ro/ /de nas rdo rje stong pa nyid las 'od dpag tu med par bskyed la ye shes sems dpa' bcug la de rdo rjer gyur par bsams la/rdo rje rtse lnga pa khu tshur g.yas bas snying gar bzung la/ sangs rgyas kun gyi rdo rje'i dbang / /de ring khyod la bskur bar bya/ /sangs rgyas kun tu rab bsgrub phyir/ /rdo rje 'di ni khyod kyis long / /oM badzra a d+hi ba d+hi s+t+waM a b+hi Shany+tsA mi tiSh+tha badzra sa ma ya hUM zhes bya bas lag pa g.yas par sbyin no//snang ba mtha' yas kyi rang bzhin rdo rje'i dbang ngo / /de nas dril bu don yod grub par bskyed la ye shes sems dpa' bcug la dril bur gyur par bsams la/ lag pa g.yon par byin la/ oM a kA ro mu khaM sarba d+d+ha r+m+mA NA A d+ya nuta ban+na twAta ces pas sbyin no//dril bu'i rang bzhin bdag po'i dbang ngo / /de nas rdo rje dril bu slob ma'i spyi bor bzhag la ming gi dbang rnam par snang mdzad chos kyi dbyings kyi rang bzhin du sbyin no/ /oM badzra satwa s+t+waM a b+hi shiny+tsA mi badzra nA ma a b+hi She ga ta/ kye dpal rdo rje che ge mo zhes sngar lha gang la babs pa'i zhabs kyis mtshon pa'i ming sbyin no//'di ni rtag pa'i rang bzhin ming gi dbang ngo / /de nas de la pU dza lngas mchod la dga' ba mnyes par bya'o/ /de nas de'i rjes la slob mas bla ma la yon dbul ba la sogs par bya'o/ /dbang bskur ba lnga po de dag gis rgyud la sogs pa nyan pa dang /bshad pa dang sgrub pa po'i snod du 'gyur te/ go rims bzhin du me long lta bu dang mnyam pa nyid dang so sor rtog pa dang / bya ba grub pa dang chos kyi dbyings kyi ye shes rnams so/ /dbang lnga po 'di dag ni rigs lnga'i dbang ngo / /yang na dbang 'di yang ma rig pa las bzlog pas na rig pa'i dbang ngo //'di ni rig pa'i dbang bskur pa'i cho ga'o// //de nas slob dpon du 'os pa'i slob mas yon phul la gsol ba gdab po/ /bdag dang gzhan don byed pas na/ /mi ldog pa yi dbang bskur ba/ /thugs rje'i bdag po bdag la stsol//zhes gsol ba gdab par bya'o/ /de nas slob ma rnam par snang mdzad du bskyed la shar ngos su dbang stegs gru bzhi pa sgo nub tu bstan ba'i dbus su tshon sna lngas pad+ma 'dab brgyad bris la/ de'i steng du seng ge'i khri la bzhag la/ de'i steng du bla re bres/g.yas phyogs su gdugs dkar po gser gyi yu ba can yongs su bzung la/ g.yon phyogs su rgyal mtshan dang ba dang bsgreng la rnga bo che dang / zangs kyi dung dang 'bud dung la sogs pa'i sgras nam mkha' gang bar byas la/ rdo rje dang dril bu dkrol zhing /phun sum tshogs pa mnga' ba gser gyi ri bo 'dra/ /'jig rten gsum gyi mgon po dri ma gsum spangs pa/ /sangs rgyas pad+ma rgyas pa 'dab 'dra'i zhal mnga' ba/ /bkra shis de yis khyod la deng 'dir zhi byed shog /de yis nye bar bstan pa'i mchog rab mi g.yo ba/ /'jig rten gsum du grags shing lha dang mis mchod pa//chos kyi dam pa skye dgu rnams la zhi byed pa/ /de ni 'jig rten dge ba'i bkra shis gnyis pa'o/ /dge 'dun dam pa chos ldan thos pa'i bkra shis phyug/ /mi dang lha dang lha ma yin gyis mchod pa'i gnas/ /tshogs kyi dam pa ngo tsha shes dang dpal gyi gzhi//de ni 'jig rten dge ba'i bkra shis gsum pa'o/ /zhes bya ba la sogs pa'i bkra shis kyi klu blangs la nam mkha' gang ba'i de bzhin gshegs pa rnams kyis dbang bskur bar bsams u0f85la/ rnam par rgyal ba'i bum pa nas bzung la sgo ba'i b ar du bskur la/de nas 'jam dpal gyi sku gzugs slob ma'i spyi bor bzhag la/ oM many+dzu shrI ma hA su kha badzra satwa/ dzaHhUM baM hoHsu ra te sa ma ya s+t+waM/ de ring rdo rje slob dpon gyur/ /slob ma'i tshogs rnams bsdu bar gyis/ /zhes bya ba/ slob ma la gnang ba sbyin no//de nas dam tshig gsum gyi dbang sbyin par bya ste/ hUM las rdo rje bsgoms la/ 'di ni sangs rgyas thams cad kyis/ /'jam pa'i rdo rje phyag na gnas/ /khyod kyis kyang ni rtag tu zungs/ /'jam pa'i rdo rje'i brtul shugs brtan/ /oM sarba ta thA ga ta si d+d+hi badzra sa ma ya tiSh+Tha e Sha s+t+waM d+ha ra ya mi hi hi hi hi hUM zhes bya ba 'dis slob ma la gtad la/de kho na nyid 'di brjod do/ /thog ma med pa'i sems dpa' la/ /'jam pa'i rdo rje dga' ba che/ /kun tu bzang po thams cad bdag /rdo rje snying po'i bdag po'i gtso/ /bcom ldan 'das dpal mchog dang po'i skyes bu'o//oM ma hA badzra hUM/ de nas a las dri' bu bskyed la/ 'di de sangs rgyas thams cad kyi/ /shes rab dbyangs kyi rjes 'gror brjod/ /khyod kyis kyang ni rtag tu bcang / /byang chub mchog tu rgyal ba bzhed/ /ces bya ba 'dis slob ma'i lag pa g.yon du dril bu byin la/srid pa'i rang bzhin dag pa'i phyir/ /rang bzhin gyis ni dngos bral byas/ /rang bzhin dag pa'i sems ldan pa/ /srid pa dag pa'i mchog tu byed/ /ces bya ba 'dis chos kyi dril bu dkrol bar bya ste/ oM badzra g+haN+Ta AHzhes bzlas so/ /de nas slob ma'i lag pa gnyis kyis rdo rje dang dril bu snying gar bsnol la//lha'i sku phyag rgya chen por bsgoms la/ /srid pa'i bde ba shin tu chung / /sdug bsngal chen po dag bya'i phyir/ /shin tu bde ba dam pa'i thabs/ /de bas dam tshig bsrung bar gyis/ /'dod pa'i longs spyod thams cad ni/ /ci 'dod pa ni bsten bzhin du/ / rang gi lha yi sbyor ba yis/ /bdag dang gzhan la mchod par gyis/ /'di ni sku yi dam tshig go/ /de nas slob ma la mchod pa lngas mchod la/ de'i 'og tu gser gyi thur ma blangs la/ ji ltar mig mkhan rgyal po yis/ /'jig rten ling tog bsal ba ltar/ /bu khyod kyis ni mi shes pa'i//ling tog rgyal ba rnams kyis bsal/ /oM badzra ne tra a pa ha ra pa Ta laM hri zhes bya bas mig la byugs te dag par bya'o/ /de nas me long blangs la chos kyi snying po de kho na nyid bstan te/ chos rnams gzugs brnyan lta bu ste/ gsal zhing dag la rnyog pa med/ /gzung du med cing brjod du med//rgyu dang las las kun du 'byung / /rang bzhin med cing bdag med pa/ /de ltar chos rnams shes byas nas/ /sems can don ni mnyam med byos/ /'on kyang sangs rgyas sras su skye/ /de nas AHlas bskyed pa'i dril bu byin te/ chos rnams nam mkha'i mtshan nyid de/ / nam mkha' la yang mtshan nyid med/ /nam mkha' dang ni mnyam bas/ /kun mchog mnyam pa nyid du gsal/ /zhes bya bas dkrol bar bya'o/ /de nas mda' gzhu'i dbang bskur sbyin par bya ste/ ho zhes bya bas mda' gzhu byin la/ de bzhin gshegs pa thams cad kyi rjes su byos zhes bya ste/logs bzhi steng 'og tu mda' re 'phen du gzhug go/ /yang me long gi dbang sbyin par bya ste/ oM many+dzu shrI zhes bya bas me long bstan la/ 'jam pa'i rdo rje me long ltar/ /dag cing gsal la rnyog pa med/ /sangs rgyas kun dag rang bzhin gyis//bu khyod kyi ni snying la zhugs/ /'jam pa'i rdo rje rang nyid gtso/ /'di nyid yin par shes par gyis/ /oM many+dzu shI AH// //de nas rjes gnang sbyin par bya ste/ oM badzra hi tu zhes bya bas 'khor lo rkang ba'i bar du bzhag la/ oM badzra b+hA Sha raM zhes bya bas lag pa g.yas su dung byin la/lag pa g.yon par AHzhes bya bas mtshan yang dag par brjod pa'i po ti byin la/ dril bu yang byin la dkrol zhing / de ring phan chad 'jig rten la/ /skyob pa rnams kyis 'khor lo bskor/ /chos kyi dung ni bla med pas/ /kun du ma lus gang bar gyis/ /som nyi yid gnyis mi bya zhing //dogs pa med pa'i sems kyis ni/ /gsang sngags spyod pa'i tshul gyi mchog /'jig rten rnams la rab tu sgrol/ /de ltar byas na sangs rgyas la/ /phan 'dogs drin du gzo bar 'gyur/ /rdo rje 'dzin pa de kun yang / /khyod la rtag tu srung bar byed//de nas gnang ba sbyin par bya ste/ /so so'i 'khor los sgyur ba'i rnal 'byor byas la/ lo ka kun la khyad par du/ /sems can kun la phan pa'i phyir/ /ji ltar sna tshogs 'dul gyur pa/ /chos kyi 'khor lo rab tu bskor/ /zhes bya ba dang / chos kyi gnas su rdo rje dang //rin chen dang ni pad+ma dang / /las kyi 'khor lo rab tu bskor/ /zhes bya bas rjes su gnang ba sbyin no/ /de nas lung bstan te/ slob dpon bdag nyid langs la/ skyob pa shAkya seng ge'i ting nge 'dzin dang ldan par byas la/ g.yon pa khu tshur snying gar chos gos 'dzin pa'i tshul du byas la/g.yas pa mi 'jigs pa sbyin pa'i phyag rgya bcas la/ oM nga yis khyod la lung bstan yin/ /'jam pa'i rdo rje de bzhin gshegs/ /srid pa kun tu dag pas na/ /srid dang ngan 'gro rnams las bton/ /kye rdo rje che ge mo zhes bya ba yi/ /de bzhin gshegs pa b+hur b+hu ba swaHzhes gzengs bstod do//de nas gsang ba bsgrags te/ /'dod chags bral ba lta bu yi/ /khams gsum na ni sdig med de/ /de bas 'dod la chags bral bar/ /khyod kyis nam yang mi bya'o/ /ma hA sa ma ya ha na hUM phaT /dbugs dbyung ba'o/ /de nas lha'i sngags sbyin par bya ste/sngags kyi rjes gnang ngo / /de nas gdams pa bstan par bya ste/ khyod kyis mkhas pa'i gang zag la/ /sngags dang phyag rgya ma ston cig /de yis spyod na som nyi za/ /gnyis ka ngan song nyid du lhung / /de nas slob ma'i spyi bor gdugs bzung la bskor ba byas la thal mo sbyar te/gdugs dang bcas pa dkyil 'khor gyi drung gi sa la lus btud la/ sngags rnams 'dzin par gyur pa yi/ /slob ma 'di ni phul ba lags/ /de nas gdugs bzhag la slob ma'i snying la 'bab pa'i tshig dag brjod de/ de ring dkyil 'khor slob dpon gyur/ /sngags dang rgyud kyang 'dzin par gyur//sangs rgyas byang chub sems dpa' dang / /lha rnams kun gyis bkur bar 'gyur/ /sems can kun la thugs brtse bas/ /dkyil 'khor cho ga bzhin du bris/ /sgrub pa po yang rgyud la sbyor/ /khyod kyis chos la ser sna dang / /sems can rnams la mi phan pa//bu khyod kyis ni mi bya'o/ /de nas slar yang bstan bya ste/ /mchog tu gsang ba'i dkyil 'khor 'dir/ /btsud pa dang ni mthong ba yis/ /de ring sdig pa rnam grol nas/ /de ring khyed rnams bde bar gnas/ /bde chen theg pa 'di la ni/ /phyin chad 'chi ba yong med cing / / mi thub tshugs pa yong med pas/ /cis kyang mi 'jigs dga' bar gyis/ /srid pa shin tu dag pa na/ /srid pa'i sdug bsngal las 'das so/ /byang chub sems ni spang mi bya/ /dam pa'i chos ni smad mi bya/ /nam yang bor bar yang mi rung / /mi shes pa dang rmongs pa la/ /de nyid bstan par mi bya'o//rdo rje dril bu mi spang zhing / /slob dpon nam yang smad mi bya/ /sangs rgyas kun dang mtshungs pa yin/ /rang dga' yongs su bor nas ni/ /dka' thub kyis ni gdung mi bya/ /ji ltar bde bar bzung nas ni/ /sangs rgyas dngos grub thob par 'gyur/ /zhes bya bas dbugs dbyung ba'o//slob mas kyang phyag byas te/ gtso bos ji ltar bka' stsal ba/ /de dag thams cad bdag gis bgyi/ /zhes khas blang ngo / /'di ni slob dpon du dbang bskur ba'i cho ga'o// //de nas gsang ba'i dbang bskur sbyin par bya ste/ slob ma ye shes sems dpa' sku mdog dkar po zhal gcig phyag gnyis pa/phyag g.yas na ral gri g.yon pa na po ti bsnams pa bskyed la/ gser ram dngul lam nya phyis kyi snod du a ka ru nag po dang / glu rtsi dang / mu tig dkar po dang / tsan+dan smug po dang / mtshal chen dang / de rnams kyi steng du stong pa chen po'i yi ge lnga dgod par bya ste/ AHhUM oM hrIHaHde las 'od zer 'phros pas nam mkha'i khams nas ye shes kyi bdud rtsi drangs nas gnyis su med par bstims la oM AHhUM/ zhes bya bas byin gyis brlabs la/ sbrang rtsi'am/ ka ra'am bu ram la ril bu byas la/slob ma'i lce thog tu tshigs su bcad pa 'dis sbyin par bya'o/ /ji ltar 'jam dbyangs rgyal po yis/ /byang chub sras la dbang bskur bzhin/ /khyod la gsang ba'i dbang bskur bas/ /bdud rtsi lnga ni mnyam pa'i sems/ /nyon mongs lnga ni dag par byed/ /ye shes lnga yis dbang bskur ro//oM sarba d+har+m+ma a b+hA ba swA b+hA ba bi shud+d+ha/ badzra badzra a A aM aH'di ni gsang ba'i dbang bskur ba'i cho ga'o/ /da ni nges pa'i dbang bskur bar bya ste/ 'di khyod gzugs bzang ston pa yis/ /dam pa'i bde ba myong bar 'gyur/ /rig pa'i rnal 'byor sdom pa yis/ / sangs rgyas dngos grub thob par 'gyur/ /rmongs pa gang zhig 'di spong ba/ /de la mchog gi dngos grub med/ /ces bya ba sbyin par bya'o/ /dge slong dang ma ning dang / rgan po la ni lus kyi gnas bzhi ru 'khor lo bzhi bsgoms la/ rkang ba'i gnas su yaM las rlung gi dkyil 'khor gzhu'i dbyibs lta bu ba dan gyis mtshan pa/sum mdo'i gnas su raM las me'i dkyil 'khor gru gsum 'od zer dang bcas pas mtshan pa'o/ /rlung gi ba dan gyis me sbar me lce gyen du 'bar ba'i 'od kyis rtsa dbu ma na yar ye shes kyi me 'bar bas spyi bo bde ba chen po la reg pas/ thig le bcu drug mgrin pa'i 'khor lo ru babs/mgrin pa nas snying gar 'dab brgyad du babs/ snying ga nas lto bar thig le bzhi ru babs nas/ lus mtha' dag thig le byang chub sems kyis gang nas slob ma'i lus la bde gsal gyi rnam par shes pa spros ba dang bral ba bde ba thams cad kyis lus gang bar bsam mo/ / de nas tshigs su bcad pa 'di brjod par bya'o/ /sa mchog bcu gnyis 'thob par 'gyur/ /thabs gzhan gyis ni sangs mi rgya/ /'khor lo bzhi po mnyam pa'i ros/ /srid pa'i ro ni dag par byed/ /de bas khyod kyis 'di dang ni/ /nam yang bral bar mi bya'o/ /oM badzra s+thi to hra di dz+nyA na mU rti ra haM bud+d+ho bu d+d+hA nAM t+r+ya d+h+wa brtI nAM oM AHhUM/'di ni nges pa'i dbang bskur ba'i cho ga'o/ /de ltar dbang rnam pa gsum rim gyis bskur bas/ /slob dpon gyi dbang gis ni rdos pa dang bcas pa'i lus shel sgong ltar dag par 'gyur ro/ /gsang ba'i dbang gis ni dri ma dang bcas pa'i ngag tshangs pa'i dbyangs lta bur 'gyur ro//nges pa'i dbang gis ni rtog pa dang bcas pa'i sems mar me lta bur 'gyur ro/ /de nas slob ma rnams kyis slob dpon la mchod pas mchod cing yon dbul bar bya'o/ /dngos grub dam pa mnos pa yi/ /bla ma gang bzhed dbul bar bya/ /des ni bsod nams tshogs su 'gyur//de las dngos grub chen po 'byung / /de nas bza' ba dang / btung ba dang / bdag dang gzhan gyi bde ba la longs spyod do/ /de'i rjes la lha rnams la mchod pa dang / bstod pa dang bzod par gsol ba dang / 'dod pa'i don la gsol pa gdab pa dang / dkyil 'khor bsdus la rim pa'i ting nge 'dzin la 'jug pa dang /smon lam gdab pa dang / yi ge brgya pas dag par bya ba dang / dge ba'i rtsa ba bsngo bar bya'o/ /de nas oM badzra kI li kI la ya sarba big+h+nAM badzra d+ha rA dz+nyA hUM hUM hUM hUM phaT/ ces pas phur bu bton la 'o mas bkru'o/ /a kA ro mu khaM sarba d+har+m+ma nAM a d+yA nutapan+na twA ta ces pas tshon rtsi bsdus la/gar dang sil snyan ldan byas la/ /chu klung chen por bskyal bar bya/ /sdig pas mi gos ya ga med/ /de'i rjes la dkyil 'khor la ba'i rnam lngas byug go/ /yo byad rdzas rnams thams cad ni/ /slob dpon nyid kyis spyad par bya//bdag rang yod par mi 'dod na/ /dkon mchog gsum la dbul bar bya/ /sems can kun la phan pa'i phyir/ /byams pa chen po bsgom par bya/ /'di ni dbang bskur ba'i cho ga'o/ /sku gsung thugs kyi rten gsum ni/ / zin ma thag tu rab gnas bya/ /zhes gsungs pas na rab tu gnas pa'i cho ga myur du byas na bkra shis pas rab tu gnas pa'i cho ga bya'o/ /de la sku rab tu gnas pa dang / gsung rab tu gnas pa dang / thugs rab tu gnas pa dang / gsum mo/ /de la sku rab tu gnas par bya ba ni mchod rten dang gtsug lag khang dang /ras ris dang / lugs ma dang / 'bur du btod pa la sogs te/ sku'i rigs su gtogs pa rnams so/ /gsung rab tu gnas pa ni glegs bam dang / dril bu dang rnga dang dung dang cha lang dang / phreng ba dang Da ma ru la sogs pa mchod pa'i sgra'i bye brag gaN+Di la sogs pa rnams so//thugs rab tu gnas pa ni rdo rje dang / phur pa dang / rin po che dang / ral gri dang be con la sogs pa'o/ /de la rab gnas byed pa'i slob dpon gyis gza' skar bzang po la gnas yid du 'ong bar bla re bres la spos chus chag chag btab pa dang /me tog gi sil ma bkram pa dang / bsnyen pa rdzogs par byas la sa'i cho ga dang / thig gdab cing gsol ba gdab pa la sogs pa byas la/ tshon gyi las la sogs pas dkyil 'khor rdzogs par bris la/ rang lha'i nga rgyal dang ldan pas/ /sku gzugs blta bar bya ste/dkyil 'khor gyi shar phyogs su ba'i rnam lngas maN+Dal byas te/ maN+Dal de'i steng du ras dkar po bting la/ de'i steng du rab gnas byed pa'i rten lugs sku dang po ti la sogs pa'i rab gnas bya bar 'os pa rnams bzhugs su gsol lo/ / sku gzugs la dang po na bza' ser po gsol la yungs kar khu tshur g.yas g.yon gnyis kyis lan gsum bskor te/ kham phor gyi me blugs shing sngags 'dis bsreg par bya'o/ /oM sarba pA paM da ha na badzrA ya swA hA/ de ltar me'i shis pa lan gsum gyi bar du bya'o/ /de nas til mar dUr ba'i pir gyis sku la byug par bya'o//ri mo la sogs pa ni me long gi gzugs brnyan la byug go/ /til mar bsku ba'i sngags ni oM sarba ta thA ga ta kA ya bi sho d+ha ni swA hA/ de nas bum pa chu dang rin po che lnga dang 'bru lnga dang / sman lnga dang ldan zhing dri zhim po'i chus yongs su gang ba'o/ / mgul pa ras bzang pos dkris la/ kha rgyan bzang po dang ldan par byas la dbang bskur zhing bkru bar bya'o/ /oM bi shud+d+ha badzrod ka hUM/ zhes bya ba'i zhabs la rang rang gi snying po gang yin pa'i sngags bzlas par bya'o/ /tshigs bcad 'di dag brjod par bya'o/ /ji ltar bltams pa tsam gyis ni//lha rnams kyis ni khrus gsol ltar/ /lha yi chu ni dag pa yis/ /de bzhin bdag gis sku khrus gsol/ /oM sarba ta thA ga ta a b+hi she ka ta sa ma ya shri ye hUM/ lugs ma khrus ni bya bar gsungs/ /ri mo me long dag la bkru/ /ras dkar dag gis sku phyis la/ /maN+Dal steng du gzhag par bya//gsang sngags 'di yis dbang bskur bya/ oMHhUM trAM hrIH AH/ de nas ye shes sems dpa' dgug gzhug byas la/ gnyis su med par bstim mo/ /de nas rnam pa thams cad mkhyen pa'i mchog dang ldan pa'i skur bsams la/ dbu la yi ge oM/ /zhal la hrIH/ thugs kar hUM dgod//yang na lha gang dang gang yin pa de'i sa bon thugs kar dgod par bya'o/ /de'i rjes la mchod pa rnam pa lnga dang bstod pa bya'o/ /de nas lag pa g.yas par spos snod thogs la g.yon par dril bu dkrol zhing pus mo sa la btsugs te/ 'di skad gsol ba gdab par bya'o/ /bcom ldan rdo rje che ge mo//rig pa'i rgyal po phyag 'tshal bstod/ /mgon po thugs rje'i bdag nyid kyi/ /rab gnas bdag gis bgyi bar 'tshal/ /slob ma rnams la brtse ba dang / /khyed rnams la yang mchod pa'i phyir/ /bcom ldan bdag ni gus pa la/ /bka' drin dag ni mdzad par 'os/ /'gro ba'i sdug bsngal zhi mdzad pa'i//sangs rgyas bdag la dgongs su gsol/ /byang chub sems dpa'i tshogs bcas dang / /gsang sngags lha rnams thams cad dang / /'jig rten skyong ba'i lha rnams dang / /sangs rgyas bstan pa bsrung mdzad dang / /rig 'dzin rdo rje ming can rnams/ /che ge mo dag rdo rje can//rig pa'i rgyal po 'di la ni/ /ji ltar gus pa'i mchod pa dang / /'gro ba'i don phyir rab gnas bgyid/ /slob mas mchod dang bdag la ni/ /khyed kyi thugs rjes nges bzung ste/ /rab gnas 'di la byin rlabs mdzod/ /ces bya ba 'dis lha la snyan gsan dbab po/ /de skad ces brjod pas phyogs bcu'i sangs rgyas dang byang chub sems dpa' thams cad byon nas byin gyis rlob par bsam mo//'di ni lhag par gnas pa'i cho ga'o/ /yang na bsnyen pa rdzogs pa dang sa'i cho ga zin par byas la/ de nas lhag par gnas pa'i cho ga byas te/ de nas phyi de'i dus su thig gi cho ga la sogs pa dang /dkyil 'khor sgrub pa rdzogs nas rab gnas bya'o/ /lhag par gnas pa'i cho ga rdzogs pa'i rjes la/ rab gnas byed pa'i slob dpon de bza' ba dang btung ba la sogs pas khams rtas par byas la/ dri bzang po'i chus khrus byas la dkyil 'khor sgrub pa'i cho gas yongs su rdzogs par bya'o//de'i rjes la dkyil 'khor gyi phyi rol du gtor ma yang btang la rab tu gnas pa'i cho ga byas te/ lhag par gnas pa'i rten sku gzugs la sogs pa maN+Dal gyi steng na lha mo de dkyil 'khor gyi dbus su bzhag la lugs ma la sogs pa rnams sngon du bdag med par bsgoms te/skad cig tsam gyis rang rang gi lha bskyed la/ de dang 'dra ba'i ye shes sems dpa' spyan drangs la/ mdun gyi nam mkhar byon pa la mchod yon dang / zhal bsil dang 'dod pa'i don la gsol ba gdab pa dang / mnyam med mi g.yos bstod pa byas la/dzaHhUM baM hoH/ zhes pas gnyis su med par bstims la/ phyag rgya bzhis rgyas gdab pa dang / dbang bskur zhing rigs kyi bdag pos dbu brgyan la/ mchod pa rnams kyis yang dag par mchod la rab gnas kyi lha de'i sngags mang du bzlas so/ /de nas yi ge brgya pas brtan par byas la gzhag go//gang lhag par byas pa rnams de ltar bya'o/ /de nas gser las byas pa'i thur mas spyan dbye bar bya ste/ oM badzra tsak+Shu sa man+ta tsak+Shu bi sho d+ha ne swA hA/ de nas sbyin sreg gis mnyes shing bsod nams spel bar bya ste/ lha khang dang mchod rten la sogs pa ni yi ge b+h+rUM las skad cig ma tsam gyis rnam par snang mdzad du bskyed la ye shes sems dpa' gzhug pa'i cho ga byas la/de yongs su gyur pa las mchod rten gyi gzugs su bsgoms la/ sangs rgyas dang byang chub sems dpa' thams cad kyi gzhal yas khang du bsams la/ mgon po sras dang bcas pa dang / /gsang sngags dang rig pa'i lha thams cad spyan drangs te bcug la/ mchod pa'i yo byad rnams kyis yang dag par mchod la/ oM sarba ta thA ga ta A be sha ye swA hA/ oM su pra tiSh+Tha badzre swA hA/ oM hUM hrIHb+h+rUM trAM hrIH he zhes bya bas rab tu gnas par bya'o/ /de nas phyogs bcu na bzhugs pa'i de bzhin gshegs pa thams cad kyis byin gyis brlab par bsam mo//glegs bam la sogs pa gsung rab tu gnas pa ni po ti la sogs pa mi dmigs par bsams la/ yi ge AHlas 'od dpag tu med par bsams la/ ye shes sems dpa' gzhug pa'i cho ga rdzogs par byas la/de yongs su gyur pa las glegs bam gsung yig 'brur bsgom mo/ /gsung gi bye brag gzhan ni rang rang gi ngo bor gyur par bsam mo/ /de la mchod pa'i yo byad de dag gis yang dag par mchod la/ oM hUM hrIHzhes bya bas rab tu gnas par bya'o/ /de nas phyogs bcu na bzhugs pa'i de bzhin gshegs pa rnams kyis byin gyis brlabs par bsam mo//rdo rje la sogs pa'i rab tu gnas pa ni/ rdo rje la sogs pa mi dmigs par bsgoms la/ yi ge hUM las mi bskyod par bsams la ye shes sems dpa' dgug gzhug la sogs pa byas la/de yongs su gyur pa las thugs phyag mtshan du bsgoms la/ de las mchod pa'i yo byad kyis mchod la/ oM AHhUM zhes bya bas rab tu gnas par bya'o/ /de nas phyogs bcu na bzhugs pa'i de bzhin gshegs pa thams cad kyis byin gyis brlabs par bsam mo/ /de la sil snyan dang rol mo la sogs pas mchod do//'byor pa chung ba rnams kyi don du dkyil 'khor dang lhag par gnas pa med par nyi ma gcig la rab gnas rdzogs par byed par 'dod na bdag nyid rang gi lhag pa'i lhar bsgoms la/ khrus la sogs pa sngar bzhin du kun rdzogs par bya'o/ /mchod pa'i yo byad rnams bshams te/bdag med pa'i bsam gtan sngon du 'gro bas lugs ma la sogs pa skad cig tsam gyis lhar bsgoms la ye shes sems dpa' bstims la/ rgyas gdab pa dang dbang bskur ba byas la mchod pa dang bstod pa byas te/ de nyid kyi sngags brgya rtsa brgyad bzlas la de bzhin gshegs pa thams cad kyis byin gyis brlabs par bsam mo//de nas yi ge brgya pas brtan par byas la de bzhin gshegs pa thams cad la gsol ba gdab cing rten 'brel gyi snying pos byin gyis brlab par bya'o/ /'di ni rab tu gnas pa'i cho ga'o// // shi ba'i don du gsungs pa yi/ /ro spyod dkyil 'khor cho ga ni/ /shi ba'i ro la 'bad byas na/ /rnam par grol bar the tshom med/ /de la dang po rnal 'byor pas/ /snying rje chen po dang ldan pa/ /rtog pa'i dri mas ma gos pa/ /sems dpa' dang ni ldan pa yis/ /gong bzhin tshe 'phos don du ni/ /ro yi sbyin sreg dkyil 'khor ni//byas na bde 'gror nges par skye/ /rgyu de'i rim gyis bla med pa'i/ /rdzogs pa'i byang chub thob par 'gyur/ /skyes pa'am bud med la sogs pa/ /gang yang rung ba shi ba'i lus/ /dkyil 'khor bcug ste dbang bskur na/ /sems can dmyal bar skyes na yang / /de ma thag tu thar nas ni//lha yi nang du skye 'gyur na/ /sdig pa chung ngu byas pa rnams/ /lta smos kyang ni ci dgos pa/ /de nas sngon du bsnyen pa byas nas/ /dben pa'i gnas su ro bzhag la/ ro de la srog gcod pa'i ro langs kyi bgegs zhugs nas 'ong bas/ de bskrad par bya ba'i phyir bdag nyid khro bo gshin rje gshed kyi nga rgyal dang ldan pas//mig gnyis su ma dang Ta las nyi ma zla ba'i dkyil 'khor gyi steng du hUM bsams la/ stang stabs dang bcas pas bgegs bskrad par bya'o/ /de nas bum pa mgul chings kha rgyan sngon po dang ldan pa'i spos chus bkru bar bya ste/ bdag nyid bcom ldan 'das phyag na rdo rjer bskyed la/na mo b+ha ga ba te sarba du rga ti pa ri sho d+ha ni rA dzA ya/ ta thA ga tA ya/ /ar+ha te smya k+saM saM bud+d+hA ya/ ta d+ya thA/ oM shod+d+ha ne shod+d+ha ne/ sarba pA paM bi shod+d+ha ne/ shud+d+he bi shud+d+he/ sarba karma A ba ra Na bi shud+d+he swA hA/ zhes bya ba'i sngags kyis bkru bar bya'o/ /de nas ga pur la sogs pa'i dris byugs la/me tog gi phreng bas brgyan la/ lag pa thal mo snying gar sbyar la/ rang gi yi dam gyi lhar bskyed do/ /yi dam gyi lha med pa rnams ni/ /spyi bo'i a'i 'phro 'dus dag par byas la/ skad cig tsam gyis 'phags pa 'jam dpal sku mdog ser po rgyan thams cad kyis brgyan par bskyed la/de'i dbang po yongs su dag par bya ba'i phyir ro'i spyi bor oM/ mgrin par AHsnying gar hUM gro ga la bris la bag zan gyis bskus la glan par bya'o/ /ras dkar po gtsang ma ga pur gyi chus bkrus pas ro g.yogs la/ shing leb kyi steng du bzhag la ro'i snying ga na gzungs thag gis btags la/bdag nyid lha'i dkyil 'khor du bskyed la/ gzungs thag nas bzung la bzlas pa bya'o/ /bzlas pa byed pa'i dus su de'i shes pa a'am mar me'i rnam pa lta bu bkug cing shes pa de phung po la bstim mo/ /de nas snying ga'i 'od zer gyi khams gsum gyi sdig pa sbyang ngo //skabs su tsan+dan nam/ ga pur gyi chus byug /bzlas pas skyo na/ rdzogs pa'i sangs rgyas bcom ldan 'das/ /sdig pa thams cad sbyang mdzad pa/ /'dren pa'i stobs ldan thams cad mkhyen/ /thugs rje chen por byin rlabs kyis/ /tshe 'das 'di la byin gyis rlobs//zhes gsol ba btab la/ spyod lam gyi rnal 'byor bya'o/ /de ltar bsnyen pa 'bum phrag gcig gam/ 'bum phrag gsum mam/ 'bum phrag brgya la sogs pa bzlas par byas la/ de nas zhi ba'i sbyin sreg brgya rtsa brgyad kyi bar du til gyis ro la bskor cing sbyin sreg bya'o/ /de'i dus su sbyin pa dang gtor ma dang /dge 'dun la ston mo la sogs pa bya'o/ /sngon du bsnyen pa'i cho ga'o/ /de nas dkyil 'khor bya ba'i gnas ni gtsug lag khang dang / skyed mos tshal dang / lha khang dang / kun dga' ra ba dang / rang gi gnas sam gang yang rung ba rU ba'i cho ga dang / thig dang tshon gyi cho ga la sogs pas dkyil 'khor bri bar bya'o//de nas bum pa dgram pa dang / mchod pa'i yo byad thams cad rdzogs par bshams la/ dkyil 'khor sgrub pa'i cho ga gzhung bzhin du byas te/ mchod pa dang bstod pa la sogs pa yongs su rdzogs par bya'o/ /de nas dkyil 'khor kyi phyogs bzhir gtor ma bzhi btang la dkyil 'khor gyi lho phyogs su ba'i rnam lngas maN+Dal byas la de'i steng du ro bzhag ste/slob ma dkyil 'khor du gzhug pa'i tshul du ro de dkyil 'khor du gzhag par bya'o/ /gsol ba gdab pa dang / bsod nams kyi tshogs bsags pa dang /ye shes dbab pa dang / dkyil 'khor du me tog dor te/ gdong g.yogs dkrol ba dang / dkyil 'khor du bcug la lha ngo bstan pa dang / rig pa'i dbang dang gsang ba'i dbang bskur ba la sogs pa ste dbang rnams rdzogs par bskur bar bya'o/ /de nas cho ga 'di brtsam par bya'o/ /dkyil 'khor gyi lha thams cad ro'i snying gar bsdus la/ro de dkyil 'khor gyi dbus su bzhag ste/ lha'i sras po bzhin du rgyan dang gdugs dang rgyal mtshan la sogs pa dang / rol mo la sogs kyis mchod par bya'o/ /de nas spro ba bskyed par bya ba ni tshig 'di ched du brjod par bya ste/ deng dus bdag tshe 'bras bu yod//bdag gis gson pa'ang 'bras bu bcas/ /dam tshig lha dang mnyam par ni/ /bdag nyid gyur par the tshom med/ /byang chub sems dang sems gcig pas/ /phyir mi ldog par bdag gyur te/ de bzhin gshegs pa'i rigs su ni/ /deng bdag skye bar the tshom med/ / 'dir ni bdag nyid dam pa ste/ /mchog sbyin 'di ni bla na med/ /phyogs bcu'i sangs rgyas spyan 'dren pas/ /deng 'dir 'dus pa'i mchog yin no/ /de nas phyag byas spos snod thogs la/ spyan 'dren tshig 'di brjod par bya/ /kye/ dbang ni nges te bla na med/ /phyogs bcur bzhugs pa'i sangs rgyas kun//ma lus bdag la dgongs su gsol/ /bdag ming 'di zhes bya ba yis/ /shi la phan gdags don ched du/ /gnas 'dir sangs rgyas kun gshegs te/ /'di la dbang ni stsal du gsol/ /zhes bya bas spro ba bskyed par bya'o/ /de nas zhag gnyis pa man chod na bdag nyid ting nge 'dzin gyi dkyil 'khor bsgom pa ni//dang po sbyor ba nas yongs su rdzogs pa'i ting nge 'dzin gyi bar bsgoms la mchod pa dang bstod pa rdzogs pa dang / de'i rjes la gsang sngags kyi bzlas pa 'di bya'o/ /a A sarba ta thA ga ta hr-i da ya ha ra ha ra/ oM hUM hrIH/ b+ha ga pAn dz+nyA na mU r+t+ti wA gI shwa ra ma hA wA tsa sarba d+har+m+ma ga ga na a ma la su pa ri shud+d+ha d+har+m+ma d+hA tu dz+nyA na gar+b+ha AH/de nas bzlas pa rdzogs pa dang tshigs su bcad pa 'di brjod par bya ste/ shi la phan gdags don byed du/ /mchog sbyin rdo rje mchog khyod 'dud/ /ye shes sku nyid khyod la 'dud/ /ces pa'i bar du brjod de de nas bstod pa rdzogs pa dang / bdag gi ting nge 'dzin gyis dkyil 'khor bdag la bsdus te/ ro'i mig gnyis la a re bsams la/ de las 'od 'phros pas phyogs bcu'i sangs rgyas thams cad spyan drangs la/ mdun gyi nam mkha' la byon par bsams la/ bum pa zla ba'i mdog lta bus ro la dbang bskur bar bsam mo//de nas rnal 'byor pa bdag gis kyang rnam par rgyal ba'i bum pas dbang bskur zhing bkru bar bya'o/ /de nas bsrung ba'i sngags ni oM pra kr-i ti pa ri shud+d+haHsarba d+har+m+ma pra kr-i ti pa ri shud+d+hou0f85haM/ zhes pas bkru zhing dbang bskur bar bya'o/ /de nas oM ya mAn+ta ka hUM phaT/ ces bya bas ro d e la bar du gcod pa'i bgegs bskrad la/oM AHhUM zhes bya bas ro'i lus ngag yid gsum gyi gnas gsum du byin gyis brlabs la bsrung ba byas la gzhag go/ /de nas lho phyogs su dkyil 'khor gyi ro la bskor zhing sbyin sreg byas la sdig pa sbyang ngo / /de ltar zhag bdun nam lnga'am/ gsum gyi bar du bya'o/ /de ni ro'i dkyil 'khor chen por gzhag cing dbang bskur ba'i cho ga ste de ni gnas pa'i cho ga'o/ /shi ba sta gon la gnas pa'i ting nge 'dzin to/ /dur khrod 'jigs pa spangs pa'i sar/ /ro yi sbyin sreg bya ba ni/ /rnal 'byor ting 'dzin ldan pa yis/ /sa yi cho ga gzhung bzhin bya//gong du cho ga rdzogs pa nas/ /sta gon cho ga bya mi dgos/ /de nas stegs bu rgyar khru phyed dang nyi shu rtsa bzhi pa dpangs su khru gang brtsigs la ba'i rnam lngas byugs la de'i dbus su thab khung rgyar khru bzhi pa zabs su khru do pa khung bu brus la/ de'i kha khyer la zheng du sor brgyad pa/ 'phang du sor bzhi dang ldan par bya'o//sa gzhi de thams cad tsan+dan dkar po'i chu dang sa dkar gyi chus byugs la/ thab khung gi nang du pad+ma 'dab ma brgyad pa bri'o/ /de'i kha khyer la phyogs bzhir rdo rje phreng ba bri/ mtshams bzhir 'khor lo rtsibs bzhi bri/ de'i mtha' mar ka ba bzhi btsugs la/ de'i steng du so phag las sreg khang mchod rten dang 'dra ba brtsig par bya ste/ skar khung bzhi dang ldan par bya'o/ /dmangs tha mal pa la ni bang rim med pa bya'o/ /blon po dang rgyal po la ni bang rim gcig pa bya'o/ dge bsnyen la ni bang rim gnyis pa bya'o/ /dge slong la ni bang rim gsum pa bya'o//rdo rje 'dzin pa la ni bang rim bzhi pa bya'o/ /de'i bum pa'i nang du ro bzhag la/ tsan+dan dang shug pa la sogs pa'i bud shing la sogs pa gzhag go/ /tshe 'das pa'i don du phyogs bzhi'i 'khor los sgyur ba'i sbyin sreg bzhi yang bya ste/ dkyil 'khor de'i shar phyogs su zhi ba'i thab khung bya'o/ / lhor rgyas pa'i thab khung bya'o/ /nub tu dbang gi thab khung bya'o/ /byang du mngon spyod kyi thab khung bri bar bya'o/ /de nas sbyin sreg gi rdzas mar dang / til dang me tog dkar po dang / tsan+dan gyi phye ma dang / yungs kar dang / 'o thug dang 'bras chan dang / mngar gsum gyi ril bu dang / dkar gsum dang de rnams ga pur gyi chus byugs la/g.yas phyogs su gzhag par bya'o/ /yam shing tsan+dan la sogs pas byas la/ de yang sor nyi shu rtsa bzhi byas la/ de'i rtsa ba zlum por byas te rtse mo ral gri lta bur byas la g.yon phyogs su gzhag par bya'o/ /mdun du ni mchod pa'i yo byad rnams bsham mo//de nas sngags pa chas gos dang ldan pas shin tu bsgyings pa'i rgyan dang ldan par byas la/ dkyil 'khor de'i phyogs bzhir gtor ma btang la/ de'i rjes la bdag nyid gnas su 'dug la/ 'jam dpal gshin rje gshed kyi nga rgyal dang ldan pas bsrung ba'i 'khor lo bya'o//de'i rjes la mchod pa rnams byin gyis brlabs la sreg rdzas dang yam shing la ni/ oM AHhUM zhes byin gyis brlab bo/ /de nas rlung yab kyis me sbar la/ oM ag+na ye raM raM dzra la raM swA hA/ zhes brjod la/ mar khu gzar bu gsum me'i nang du blugs so//de nas ye shes kyi sreg khang chen por nyon mongs pa'i dri ma dang bag chags kyi dri ma bsreg par bya ba dang / ngan song rnam pa gsum gyi rgyud sbyang bar bya ba'i phyir rnal 'byor pa snying rje chen po dang ldan pas ye shes kyi me sbar ba ni/ gson cig dgongs shig rigs kyi bu//phung po lnga yi bud shing la/ /rgyal ba rigs lnga'i me spar ro/ /nyon mongs lnga yi bud shing la/ /ye shes lnga yi me spar ro/ /'byung ba lnga yi bud shing la/ /rnam thar bzhi yi me spar ro/ /zhes bya bas me spar la/ /de nas me de'i nang du dang por bsgom par bya ba ni yi ge a las zla ba bsgoms la/de'i steng du a dkar po bsam mo/ /a de las 'od 'phros pas gdug pa thams cad btul nas slar 'dus nas 'od du zhu ba las/ thabs dang shes rab rang bzhin gyi me lha kha dog dkar po la shin tu rid pa'i brang rus can dbu la ye shes sems dpas brgyan par bsgom mo//de ltar bsgoms nas ye shes sems dpa' dgug gzhug bya ba ni/ tshur byon tshur gshegs me lha'i tshogs/ /drang srong bram ze spyan gsum pa/ /sreg blugs zhal zas bzhes nas kyang / /'bar ba'i gdan la bzhugs su gsol/ /zhes brjod la/ e h+ye gi ag+na ye dzaHhUM baM hoH/ /zhes spyan drangs la/ gnyis su med par bstims la/ sku gsung thugs su byin gyis brlab po/ /me lha de la mar gyi dgang blugs bdun dbul bar bya ste/ na maHsa man+ta b+hU ta nUM/ ag+na ye swA hA/ ha bya ka byA ti bya shAn+tiM ku ra we swA hA/ zhes mar gyi dgang blugs phul la me lha'i bstod pa bya ste/'jig rten dbang phyug tshangs pa mchog gi sras/ /me lha'i rgyal po rigs lnga dbang bskur ba/ /ye shes mchog nyid nyon mongs thams cad bsreg /'dzin mdzad me yi lha la phyag 'tshal bstod/ /ces bya ste/ de nas me lha'i thugs ka ru//a las bskyed pa'i zla stengs su/ /yi ge b+hUM las yongs bskyed pa'i/ /shin tu legs pa'i gzhal yas khang / /gong du bstan dang mthun pa las/ /shin tu legs pa'i sgo bzhi pa/ /dra ba'i sgo ni shar phyogs te/ /de nas gang shi de nyid kyi/ /rnam shes mtshan gyi sngags su gyur/ / de yi yig 'bru rnams su gyur/ /yig 'bru las ni lhar bskyed la/ /de yi ye shes sems dpa' yang / /gong bzhin bsdu dang dgug gzhug bya/ /de nas mchod pa'i bye brag rnams dang / bstod pas yang dag par mchod la/ sreg rdzas dbul bar bya ste/ a A sarba ta thA ga ta hr-i da ya ha ra ha ra/oM hUM hrIH b+ha ga bAn dz+nyA na mUrte bA gI shwa ra ma hA wA tsa sarba d+d+har+m+ma ga ga na a ma la su pa ri shud+d+ha d+har+m+ma d+hA tu dz+nyA na gar+b+ha AHsarba pA paM che ge mo'i sgrib pa shAn+tiM ku ra we swA hA/ zhes bya bas sbyin sreg gi rdzas thams cad lan brgya rtsa brgyad kyi bar du dbul bar bya'o/ /sreg rdzas thams cad bdud rtsir byin gyis brlabs shing dbul bar bya'o//bar bar du ming 'di zhes bya ba'i nyon mongs pa'i sgrib pa dang shes bya'i sgrib pa dang / bag chags kyi sgrib pa thams cad sarba pA paM da ha na badzra che ge mo shAn+tiM ku ra we swA hA/ zhes brjod cing ti la bsreg go /yang na sbyin sreg gi rdzas rnams la sbyin sreg gi cho ga rim pa gnyis pa'i ye shes brtag gnas dang mthun pa ru/sreg rdzas rnams la rang rang gi ming dang bcas pa rnams dbul lo/ /sbyin sreg rdzogs pa dang bstod pa bya ste/ shi la phan gdags don ched du/ /mchog sbyin rdo rje mchog khyod 'dud/ / la sogs pas bstod la/ /rjes la lam bstan pa bya ba ni/ /tshogs gnyis bsags pa'i gang zag de/ /dkyil 'khor lha ni rtag bsgoms nas/ /dkyil 'khor lha dang mnyam byas te/ /de nas rim bzhin bsdus nas ni/ /gtso bo'i thugs kar a la thim/ /yi ge a yi ngo bor bsdu//a las 'od zer 'phros pa yis/ /phyogs bcu nam mkha'i mthas gtugs pas/ /ngan song gsum dang mi khom brgyad/ /'gro ba drug po rnam sbyangs nas/ /kun kyang bde gshegs sku ru bsgyur/ /yang yang dbyings kyi ngang du thim/ /thams cad nam mkha' 'dra bar bsgom//ting 'dzin chen po'i byin brlabs kyis/ /sangs rgyas sa ni 'di nyid de/ /srid pa bar do 'di nyid yin/ /khyod kyi lam ni mthar phyin shog/ /phung po lnga ni sangs rgyas nyid/ /nyon mongs lnga ni ye shes lnga/ /'byung ba lnga ni rnam thar bzhi/ /srid pa'i 'khor lo rgyun bcad nas/ / sangs rgyas sa ni rnam par dag/ /'khor ba bya ba'i ming yang med/ /ces lam bstan no/ /de nas smon lam gdab pa ni/ /tshe 'das pa'i sgrib pa rnam par dag nas tshogs gnyis rdzogs te/ bla na med pa'i byang chub chen po thob par gyur cig/ /'di ni lam bstan pa'i rim pa'o/ / de nas me lha la rdzas kyi lhag ma ci yod pa bsogs la/ des me lha la sbyin sreg bya ste/ rdzas rnams bdud rtsir byin gyis brlabs la/ brgya rtsa brgyad kyi bar du dbul bar bya'o/ /oM badzra a na la ma hA b+hU ta dz+wa lA ya sarba b+ha smi ku ru sarba pA paM che ge mo shAn+tiM ku ru swA hA/ zhes pas sreg rdzas thams cad spyi'i sngags 'dis dbul bar bya'o//de nas me lha la bstod pa bya ste/ tshangs pa 'jig rten mgon skyong ba/ /gzi brjid ldan pa me yi lha/ /'bar bcas sku ni rgyan gyis bzhugs/ /rngam brjid rgyan ldan las la dbang / /sreg rdzas phul bas las kyang 'grub/ /zhi la sogs pa'i lha dpal des//ji ltar 'dod pa'i don grub pa/ /gzi brjid rgyan ldan phyag 'tshal bstod/ /ces bstod la/ de dag rdzogs pa dang bzod par gsol la gshegs su gsol lo/ /de nas me tog lag tu thogs la yi ge brgya pa lan bdun bzlas la sreg khang du gtor bar bya'o/ / tshe 'das pa'i sdig pa bcom pa'i rtags ni me lce steng du drang por 'bar ba dang / du ba la sogs pa nag nog med pa dang / zlum zhing phyogs gzhan du mi 'phro ba dang / me mdangs gsal ba dang / sgra chung bas 'bar ba dang / yang me lha'i gzugs sreg khang du ston pa dang / rtags de ni tshe 'das pa ngan song gi gnas nas grol ba'i rtags yin no//tshe 'das pa'i don du phyogs bzhi rigs bzhi'i 'khor los sgyur ba'i sbyin sreg ji lta ba bzhin du bya ba ni/ de nyid kyi tshe dang longs spyod rgyas par bya ba dang / nad la sogs pa'i gdon zhi bar bya ba dang / lha la sogs pa'i 'jig rten gsum dbang du gyur par bya ba dang /dgra dang ma rungs pa gzhom pa'i don du'o/ /de nas tshogs bsag cing dge ba'i don la sbyar bar bya ste/ rus pa thal bar bsdus nas kyang / /mchod rten la sogs las byas te/ /bsod nams bsags shing smon lam gdab/ /'di ni tshogs bsag rim pa'o/ /'byor pa chung ba rnams kyis ni zhag bdun gyi nang du thams cad rdzogs par bya'o//'di ni ro sreg pa'i cho ga'o// //'jam dpal dkyil 'khor cho ga ni/ yon tan thams cad 'byung ba'i gnas/ /thun mong ma yin khyad 'phags pa'i/ /gsang bar 'os pa'i cho ga ste/ /'di byas pa yi bsod nams kyis/ / des ni 'jig rten thams cad kyis/ /dri med ye shes thob nas kyang / /gzugs skus 'gro ba'i don byed shog /'phags pa 'jam dpal gyi mtshan yang dag par brjod pa'i dkyil 'khor gyi cho ga yon tan 'byung gnas zhes bya ba/ slob dpon dpal ldan byang chub mchog gi skal ba dang ldan pa zhes bya ba/gzhan yang skye ba gcig la mtshan lnga thob pa'i slob dpon de'i zhal snga nas mdzad pa rdzogs so// //rgya gar gyi mkhan po smr-i ti dz+nyA na kI rtis bsgyur cing gtan la phab pa'o// //phyis slob dpon 'phags pa mchog gis kyang zhus nas gtan la phab ste 'gyur phyi ma yang yin no/