བོད་ཡིག |
245b2 @##/ /rgya gar skad du/ Ar+ya ta thA ga ta gar+b+ha nA ma ma hA yA na sU tra/ bod skad du/ 'phags pa de bzhin gshegs pa'i snying po zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag
245b3 gis thos pa'i dus gcig na/bcom ldan 'das mngon par rdzogs par sangs rgyas nas lo bcu bzhes pa dang shin tu tsha ba'i dus kyi tshe rgyal po'i khab na bya rgod kyi phung po'i ri la rin po che'i gdugs kyi khang tsan dan gyi snying po'i khang pa brtsegs pa na/ slob
245b4 pa dang mi slob pa'i nyan thos kyi dge slong 'bum du tshang ba'i dge slong gi dge 'dun chen po phal cher dgra bcom pa/zag pa zad pa/ nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol
245b5 ba/cang shes pa/ glang po chen po/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas sems shin tu rnam par grol ba/ sems can thams cad
245b6 kyis dbang gi dam pa'i pha rol tu son pa sha stag la 'di lta ste/tshe dang ldan pa 'od srung chen po dang / tshe dang ldan pa lteng rgyas 'od srung dang / tshe dang ldan pa chu klung 'od srung dang / tshe dang ldan pa ga yA 'od srung dang / tshe dang ldan pa kA t+yA'i bu chen po dang / tshe dang
245b7 ldan pa gsus po che dang /tshe dang ldan pa bak+ku la dang / tshe dang ldan pa nam gru dang / tshe dang ldan pa rab 'byor dang / tshe dang ldan pa byams ma'i bu gang po dang / tshe dang ldan pa ngag dbang dang / tshe dang ldan pa shA ri'i bu dang / tshe dang ldan pa maud gal gyi bu chen po
246a1 dang /tshe dang ldan pa cang shes kau Di n+ya dang / tshe dang ldan pa 'char ka dang / tshe dang ldan pa sgra gcan zin dang / tshe dang ldan pa dga' bo dang / tshe dang ldan pa nye dga' dang / tshe dang ldan pa kun dga' bo dang / de dag la sogs pa dge slong 'bum
246a2 du tshang ba dang thabs cig tu bzhugs so//byang chub sems dpa' sems dpa' chen po sangs rgyas kyi zhing tha dad pa nas 'dus pa gang gA'i klung drug cu'i bye ma snyed thams cad kyang skye ba gcig gis thogs pa mngon par shes pa chen po dang / stobs dang / mi 'jigs
246a3 pa thob pa/sangs rgyas bye ba khrag khrig 'bum phrag mang po la bsnyen bkur byas pa/ phyir mi ldog pa'i chos kyi 'khor lo rab tu bskor ba/ gang dag gi ming thos pa tsam gyis 'jig rten gyi khams tshad med grangs med pa'i sems can bla na med pa yang dag par
246a4 rdzogs pa'i byang chub las phyir mi ldog par gyur pa sha stag la 'di lta ste/byang chub sems dpa' sems dpa' chen po chos kyi blo gros dang / seng ge'i blo gros dang / stag gi blo gros dang / don gyi blo gros dang / rin po che'i blo gros dang / rab mchog blo gros
246a5 dang /zla 'od dang / rin chen zla 'od dang / zla ba nya ba'i 'od dang / rnam par gnon pa chen po dang / rnam par gnon pa dpag med dang / rnam par gnon pa mtha' yas dang / 'jig rten gsum rnam par gnon dang / mi g.yo ba'i gnas rnam par gnon dang /
246a6 mthu chen thob dang / spyan ras gzigs dbang phyug dang / spos kyi glang po dang / spos dga' dang / spos dga'i dpal dang / dpal gyi snying po dang / nyi ma'i snying po dang / tog dang / tog chen po dang / tog dri ma med pa dang / rin chen mtha' yas dbyug gu dang /
246a7 rin chen dbyug gu 'dor dang / rin chen dri med dbyug gu dang / mchog tu dga' ba'i rgyal po dang / rtag tu rab dga' dang / lag na rin po che dang / nam mkha'i mdzod dang / ri bo dang / ri rab dang / ri bo chen po dang / yon tan rin chen snang dang / gzungs
246b1 kyi dbang phyug gi rgyal po dang /sa 'dzin dang / sems can thams cad kyi nad sel dang / rab tu yid dga' dang / yid skyo dang / skyo med dang / 'od byed dang / tsan dan dang / g.yo bzlog dang / dpag med mngon bsgrags dbyangs dang / byang chub
246b2 kun nas bslang dang /mthong ba don yod dang / chos thams cad la dbang bsgyur ba dang / byang chub sems dpa' sems dpa' chen po byams pa dang / 'jam dpal gzhon nur gyur pa dang / de dag la sogs pa byang chub sems dpa' sems dpa' chen po
246b3 gang gA'i klung drug cu'i bye ma snyed dang yang thabs cig go//lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dpag tu med pa dang yang thabs cig go/ /
246b4 de nas bcom ldan 'das 'khor 'bum phrag du mas yongs su bskor cing mdun gyis bltas te/ rgyal po dang / blon po chen po dang / tshong dpon dang / khyim bdag dang / blon po dang / grong rdal ba dang / yul gyi mi rnams kyis bsti stang du byas/ bla mar byas/
246b5 rim gro byas shing mchod do/ /de'i tshe bcom ldan 'das bshos gsol ba'i 'og tu tsan dan gyi snying po'i khang pa brtsegs pa de nyid kyi nang du yang dag 'jog la zhugs par gyur to/ /de nas sangs rgyas kyi mthus/ tsan dan gyi snying po'i khang pa brtsegs pa de las pad ma
246b6 'dab ma bye ba khrag khrig phrag 'bum yod pa/tshad shing rta'i phang lo tsam pa/ kha dog dang ldan pa kha ma bye ba bye ba khrag khrig phrag 'bum byung bar gyur te/ de dag steng gi nam mkha'i bar snang la mngon par 'phags nas thams cad dang ldan pa'i sangs rgyas kyi zhing 'di
246b7 khebs par gyur te/'di lta ste dper na rin po che'i bla re bzhin du kun tu gnas par gyur to/ /pad mo'i snying po re re la yang de bzhin gshegs pa'i sku skyil mo krung bcas te bzhugs shing 'od zer 'bum dag rab tu 'gyed par kun tu snang la/ pad ma de dag thams
247a1 cad kyang shin tu kha bye bar gyur to//de nas sangs rgyas kyi byin gyi rlabs kyis pad ma de dag gi 'dab ma de dag thams cad kyang mog mog po dang / nog nog po dang / dri nga ba dang / smad par 'os pa dang / mngon par dga' bar 'gyur ba ma yin par gyur to/ /'on
247a2 kyang pad ma'i snying po de dag la de bzhin gshegs pa'i sku rnams skyil mo krung bcas te bzhugs shing 'od zer 'bum dag rab tu 'gyed par kun tu snang ngo //de bzhin gshegs pa'i sku pad ma'i snying po la bzhugs pa de dag gis kyang thams cad dang ldan pa'i sangs
247a3 rgyas kyi zhing 'di khyab par gyur te/de'i tshe sangs rgyas kyi zhing 'di shin tu mdzes par gyur to/ /de nas de'i tshe byang chub sems dpa'i tshogs thams cad dang / 'khor bzhi yang shin tu ngo mtshar du gyur cing dga' bar gyur to/ /bcom ldan 'das kyi rdzu 'phrul
247a4 mngon par 'du mdzad pa de mthong nas the tsom du gyur te/gang pad ma bye ba khrag khrig phrag 'bum 'di dag gi 'dab ma rnams 'di ltar kha dog ngan cing chu ba rnams kyang kha dog ngan la smad pa'i 'os su gyur te/ mngon par dga' bar 'gyur ba ma yin pa dang / pad ma'i snying
247a5 po de dag la yang de bzhin gshegs pa'i sku re re skyil mo krung bcas te bzhugs shing 'od zer 'bum dag rab tu 'gyed pas shin tu mdzes par kun tu snang ba 'di'i rgyu ni gang yin/rkyen ni gang yin snyam mo/ /de nas thams cad dang ldan pa'i byang chub sems dpa'i
247a6 tshogs dang /'khor bzhi po the tshom du gyur pa rnams 'dong bar bya ba'i mtshan ma byas so/ /de'i tshe tsan dan gyi snying po'i khang pa brtsegs pa der byang chub sems dpa' sems dpa' chen po rdo rje'i blo gros zhes bya ba 'dus par gyur te 'dug go/ /de nas bcom ldan 'das kyis
247a7 byang chub sems dpa' sems dpa' chen po rdo rje'i blo gros la bka' stsal pa/rigs kyi bu khyod kyis chos can gyi gtam las rtsoms te de bzhin gshegs pa dgra bcom pa yang dag par rdzogs pa'i sangs rgyas la yongs su zhu bar spobs par gyis shig /de nas
247b1 byang chub sems dpa' sems dpa' chen po rdo rje'i blo gros bcom ldan 'das kyis gnang bas lha dang /mi dang / lha ma yin dang bcas pa'i 'jig rten dang / byang chub sems dpa' thams cad dang / 'khor bzhi po dag gi the tshom gyi zug rngu rig
247b2 nas bcom ldan 'das la 'di skad ces gsol to//bcom ldan 'das 'jig rten gyi khams 'di thams cad pad ma kha dog ngan cing dri mi bda' ba 'di lta bu bye ba khrag khrig 'bum 'di dag gis khebs pa dang de dag gi dbus na yang de bzhin gshegs pa'i
247b3 sku skyil mo krung bcas shing bzhugs te/'od zer 'bum dag rab tu 'gyed par kun tu gda' ba dang / de bzhin gshegs pa'i sku de dag mthong nas kyang srog chags bye ba khrag khrig phrag 'bum thal mo sbyar te phyag 'tshal ba'i rgyu ni gang lags/ rkyen ni gang
247b4 lags/de nas de'i tshe byang chub sems dpa' rdo rje'i blo gros kyis tshigs su bcad pa 'di dag gsol to/ /sangs rgyas stong phrag bye ba mi g.yo bar/ /pad ma dag gi dbus na bzhugs par ni/ /khyod kyis 'di 'dra'i rdzu 'phrul ston mdzad pa/ /bdag gis
247b5 sngon chad nam yang 'di ma mthong //'od zer stong rnams rab tu 'gyed mdzad cing / /sangs rgyas zhing 'di thams cad khengs par mdzad/ /ngo mtshar chos kyi rnams la rol mdzad pa'i/ /'dren pa rnams kyis bar chad ma mchis mdzod/ /'dab ma dag dang
247b6 chu ba smad 'os la//kha dog ngan pa'i pad ma rnams dbus der/ /de dag rin chen rang bzhin 'drar bzhugs pa/ /ci yi slad du rdzu 'phrul 'di dag sprul/ /bdag gis sangs rgyas gang gA'i bye snyed mthong / /de yi rdzu 'phrul khyad 'phags bdag mthong ste/ /
247b7 de ring gda' ba'i rnam sprul ci 'dra ba/ /sngon chad nam yang 'di 'dra 'di ma mthong / /rkang gnyis gtso bo lhas ni bstan du gsol/ /rgyu gang rkyen gang lags pa bshad du gsol/ /'jig rten don mdzad thugs brtse gsung du gsol/ /lus can kun
248a1 gyi the tshom dgum du gsol//de nas bcom ldan 'das kyis byang chub sems dpa' sems dpa' chen po rdo rje'i blo gros la sogs pa thams cad dang ldan pa'i byang chub sems dpa'i tshogs la bka' stsal pa/ rigs kyi bu dag de bzhin gshegs
248a2 pa'i snying po zhes bya ba'i mdo shin tu rgyas pa yod de/de rab tu bstan pa'i phyir de bzhin gshegs pas snang ba'i mtshan ma 'di lta bu 'di byas so/ /de'i phyir legs par rab tu nyon la yid la zung shig dang ngas bshad do/ /byang chub sems dpa' sems dpa' chen
248a3 po rdo rje'i blo gros dang /thams cad dang ldan pa'i byang chub sems dpa'i tshogs des bcom ldan 'das la legs so zhes gsol te/ bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /rigs kyi bu dag ji ltar
248a4 de bzhin gshegs pas sprul pa'i pad ma kha dog ngan pa/dri nga ba/ smad par 'os pa/ mngon par dga' bar 'gyur ba ma yin pa 'di dag dang / de bzhin gshegs pa'i gzugs mdzes pa/ gzugs bzang ba/ blta na sdug pa dag pad ma'i snying po 'di
248a5 dag la skyil mo krung bcas shing 'khod de/'od zer 'bum dag rab tu 'gyed cing 'khod pa de dag kyang rig nas lha dang mi rnams phyag 'tshal zhing mchod pa'i las kyang byed pa de bzhin du rigs kyi bu dag de bzhin gshegs pa dgra bcom pa yang dag par rdzogs
248a6 pa'i sangs rgyas kyis kyang rang gi shes rab dang /ye shes dang / de bzhin gshegs pa'i mig gis sems can srog chags su gyur pa/ 'dod chags dang / zhe sdang dang / gti mug dang / sred pa dang / ma rig pa'i nyon mongs pa bye ba phrag 'bum gyi
248a7 sbubs su gyur pa thams cad dang /rigs kyi bu dag sems can nyon mongs pa'i sbubs su gyur pa de dag gi nang na nga 'dra bar ye shes dang ldan pa/ mig dang ldan pa'i de bzhin gshegs pa mang po 'khod cing skyil mo krung bcas nas mi g.yo bar 'khod pa
248b1 mthong ste/nyon mongs pa thams cad kyis nyon mongs pa can du gyur pa de dag gi nang na de bzhin gshegs pa'i chos nyid mi g.yo zhing srid pa'i 'gro ba thams cad kyis ma gos pa dag mthong nas de bzhin gshegs pa de dag ni nga dang 'dra'o zhes smra'o/ /
248b2 rigs kyi bu dag de bzhin gshegs pa'i mig ni de ltar mdzes pa yin te/ de bzhin gshegs pa'i mig des sems can thams cad de bzhin gshegs pa'i snying po can du mthong ngo / /rigs kyi bu dag 'di lta ste dper na skyes bu lha'i mig can la la
248b3 zhig gis lha'i mig gis 'di ltar kha dog ngan cing 'di ltar dri nga ba'i pad ma kha ma bye zhing ma gyes pa dag la bltas te/de'i dbus na pad ma'i snying po la de bzhin gshegs pa skyil mo krung bcas shing 'dug par rig nas de bzhin gshegs pa'i gzugs blta
248b4 bar 'dod de de bzhin gshegs pa'i gzugs de yang dag par sbyang ba'i phyir pad ma'i 'dab ma kha dog ngan cing dri nga ba smad par 'os pa de dag 'gyed cing sel ba de bzhin du rigs kyi bu dag de bzhin gshegs pas kyang sangs rgyas kyi mig gis sems can thams
248b5 cad de bzhin gshegs pa'i snying por mthong nas sems can de dag gi 'dod chags dang /zhe sdang dang / gti mug dang / srid pa dang / ma rig pa'i nyon mongs pa'i sbubs dbye ba'i phyir chos ston te/ de sgrub pa'i de bzhin gshegs pa rnams ni
248b6 yang dag pa nyid du gnas so//rigs kyi bu dag 'di ni chos rnams kyi chos nyid de/ de bzhin gshegs pa rnams byung yang rung / ma byung yang rung / sems can 'di dag ni rtag tu de bzhin gshegs pa'i snying po can yin na/ rigs kyi bu dag
248b7 smad par 'os pa'i nyon mongs pa'i sbubs rnams kyis g.yogs pas de dag gi nyon mongs pa'i sbubs gzhig pa dang /de bzhin gshegs pa'i ye shes kyang yongs su sbyang ba'i phyir de bzhin gshegs pa dgra bcom pa yang dag par rdzogs pa'i sangs
249a1 rgyas byang chub sems dpa' rnams la chos ston te/bya ba 'di la yang mos par byed do/ /de la byang chub sems dpa' sems dpa' chen po chos de dag la mngon par brtson par gnas pa de dag gang gi tshe nyon mongs pa dang / nye ba'i nyon mongs
249a2 pa thams cad las yongs su grol bar gyur pa de'i tshe de bzhin gshegs pa dgra bcom pa yang dag par rdzogs pa'i sangs rgyas zhes bya ba'i grangs su 'gro ste/de bzhin gshegs pa'i bya ba thams cad kyang byed do/ /de nas de'i tshe bcom ldan 'das kyis
249a3 tshigs su bcad pa 'di dag bka' stsal to//ji ltar pad ma smad par 'os gyur pa/ /de yi 'dab ma sbubs gyur ma gyes la/ /de bzhin gshegs pa'i snying po ma gos de/ /mi 'ga' la las lha yi mig gis mthong / /de ni de yi 'dab ma 'byed pa na/ /
249a4 dbus na rgyal ba'i lus ni mthong gyur nas/ /rgyal ba nye ba'i nyon mongs phyis mi 'gyur/ /de ni 'jig rten kun tu rgyal bar 'gyur/ /de bzhin ngas kyang srog chags thams cad kyi/ /dkyil der gnas pa'i rgyal ba rnams kyi lus/ /ji ltar smad 'os pad
249a5 ma'i sbubs 'dra ba'i//nyon mongs stong phrag bye bas khebs par mthong / /nga yang de dag gis ni gsal ba'i phyir/ /mkhas pa rnams la rtag tu chos ston to/ /sems can 'di dag sangs rgyas 'gyur bya zhes/ /rgyal ba'i phyir ni nyon mongs rnam par
249a6 sbyong //nga yi sangs rgyas mig ni de 'dra ste/ /de yis rgyal ba'i lus su gnas pa yi/ /sems can 'di dag thams cad mthong gyur te/ /de dag rnam par sbyang phyir chos smra'o/ /rigs kyi bu dag gzhan yang 'di lta ste/ dper na sbrang tshang zlum po shing gi
249a7 yal ga la 'phyang ba/bung ba 'bum gyis kun tu bsrungs shing sbrang rtsis yongs su gang ba zhig yod la/ de nas sbrang rtsi 'dod pa'i mi zhig gis srog chags kyi rnam pa bung ba de dag thabs mkhas pas bskrad na sbrang rtsi des sbrang rtsi'i bya ba byed do/ /rigs kyi bu dag de bzhin
249b1 du sems can thams cad kyang sbrang tshang dang 'dra ste/de la sangs rgyas nyid nyon mongs pa dang / nye ba'i nyon mongs pa bye ba phrag 'bum gyis kun tu bsrungs pa de bzhin gshegs pa'i ye shes mthong bas rig go/ /rigs kyi bu dag ji ltar sbrang tshang gi nang na sbrang
249b2 rtsi bung ba bye ba phrag 'bum gyis kun tu bsrungs pa yod par skyes bu mkhas pa zhig gis shes par rig pa de bzhin du sems can thams cad la yang sangs rgyas nyid nyon mongs pa dang /nye ba'i nyon mongs pa bye ba phrag 'bum gyis kun tu bsrungs pa yod par de
249b3 bzhin gshegs pa'i ye shes mthong bas rig ste/rigs kyi bu dag de la de bzhin gshegs pa yang thabs la mkhas pas bung ba bsal ba de bzhin du sems can de dag gi 'dod chags dang / zhe sdang dang / gti mug dang / nga rgyal dang / rgyags pa dang / 'chab
249b4 pa dang /khro ba dang / gnod sems dang / phrag dog dang / ser sna la sogs pa'i nyon mongs pa dang / nye ba'i nyon mongs pa rnams bsal nas ji ltar sems can de dag la yang nyon mongs pa dang / nye ba'i nyon mongs pa de dag gis nye ba'i nyon mongs pa can
249b5 du mi 'gyur ba dang /gnod par mi 'gyur ba de lta de ltar chos ston to/ /de bzhin gshegs pa'i ye shes mthong ba de rnam par sbyangs nas 'jig rten na de bzhin gshegs pa'i bya ba byed de/ rigs kyi bu dag nga'i de bzhin gshegs pa'i mig yongs su dag pa des
249b6 ngas sems can thams cad de ltar mthong ngo //de nas de'i tshe bcom ldan 'das kyis tshigs su bcad pa 'di dag bka' stsal to/ /ji ltar 'di na sbrang tshang yod pa la/ /bung bas kun tu bsrungs shing sbas gyur pa/ /mi gang sbrang rtsi 'dod pas de mthong nas/ /
249b7 de ni bung ba rab tu skrod par byed/ /de bzhin 'dir yang sbrang tshang lta bu ni/ /srid pa gsum gyi sems can thams cad do/ /de dag nyon mongs bye ba mang ba ste/ /nyon mongs dbus na de bzhin gshegs 'dug mthong / /nga yang sangs rgyas rnam par sbyang
250a1 don du//bung ba skrod pa lta bur nyon mongs sel/ /gang gis nyon mongs bye bas gnod 'gyur ba/ /chos rnams 'dir ni thabs kyis rab ston te/ /de dag ji ltar de bzhin gshegs gyur la/ /'jig rten kun tu rtag tu bya byed cing / /spobs
250a2 ldan ji ltar sbrang ma'i sbrang rtsi yi//snod 'dra'i chos ston 'gyur bar bya phyir ro/ /rigs kyi bu dag gzhan yang 'di lta ste dper na 'bras sA lu'am/ nas sam/ ci tse 'am/ 'bru rnams ni snying po phub ma nas yongs su bsrungs pa yin te/ rang gi phub ma nas
250a3 ma phyung gi bar du bza' ba dang /bca' ba dang / myang ba'i bya ba mi byed kyi/ rigs kyi bu dag skyes pa dang / bud med gang dag bza' ba dang / bca' ba la sogs pa zas skom gyi bya ba 'dod pa de dag gis brngas shing brdungs te/ phub ma'i sbubs dang phyi shun sel
250a4 to//rigs kyi bu dag de bzhin du de bzhin gshegs pa yang de bzhin gshegs pa'i spyan gyis sems can thams cad la de bzhin gshegs pa nyid/ sangs rgyas nyid/ rang byung nyid/ nyon mongs pa'i sbubs kyi shun pas dkris shing gnas par mthong ngo / /
250a5 rigs kyi bu dag de la de bzhin gshegs pa yang nyon mongs pa'i sbubs kyi shun pa bsal ba dang / de bzhin gshegs pa nyid yongs su sbyang ba dang / sems can 'di dag ji ltar nyon mongs pa'i sbubs kyi shun pa thams cad las grol te/ 'jig rten du
250a6 de bzhin gshegs pa dgra bcom pa yang dag par rdzogs pa'i sangs rgyas zhes bya ba'i grangs su 'gro bar 'gyur snyam nas sems can rnams la chos ston to//de nas de'i tshe bcom ldan 'das kyis tshigs su bcad pa 'di dag bka' stsal to/ /ji ltar 'bru
250a7 'am sA lu'i 'bras kyang rung //ci tse 'am ni 'on te nas kyang rung / /ji srid bar du de dag phub bcas pa/ /de srid bar du bya ba mi byed de/ /de dag gis ni brdungs nas phub bsal na/ /bya ba rnam pa mang po dag kyang byed/ /snying po phub ma ldan pa de dag ni/ /
250b1 sems can rnams la bya ba mi byed do/ /de bzhin sems can kun gyi sangs rgyas sa/ /nyon mongs rnams kyis khebs par ngas mthong nas/ /ngas ni de dag rnam par sbyang ba dang / /sangs rgyas myur thob bya phyir chos ston to/ /sems can kun la nga 'dra'i
250b2 chos nyid ni//nyon mongs brgya yis dkris nas gang yod pa/ /de ni rnam sbyang thams cad ji lta bur/ /rgyal bar myur 'gyur bya phyir chos ston to/ /rigs kyi bu dag gzhan yang 'di lta ste dper na/ rul pa dang / nyal nyil gyi gnas bshang gci dri mi
250b3 zhim pas kun tu gang ba zhig tu mi gzhan gseb lam nas song ba zhig gi gser gyi gar bu zlum po zhig lhung bar gyur la/bshang gci dri nga bas kun du gang ba rul pa dang / nyal nyil gyi gnas der mi gtsang ba gzhan dang gzhan gyis brnan pas bltar mi snang
250b4 bar gyur cing /der des lo bcu'am/ nyi shu'am/ sum cu'am/ bzhi bcu 'am/ lo lnga bcu 'am/ lo brgya 'am/ lo stong du mi gtsang bas chud mi za ba'i chos can de sems can gang la yang phan par mi byed do/ /rigs kyi bu dag de nas lhas lha'i
250b5 mig gis gser gyi gar bu zlum po de la bltas nas mi zhig la kye mi khyod song la 'di ni rin po che'i mchog gser rul pa dang nyal nyil gyi rnam pas non pa de byi dor gyis la/gser gyis gser gyi bya ba gyis shig ces bsgo na rigs kyi bu dag rul pa dang / nyal nyil gyi
250b6 rnam pa zhes bya ba de ni nyon mongs pa rnam pa sna tshogs kyi tshig so//gser gyi gar bu zhes bya ba de ni chud mi za ba'i chos can gyi tshig so/ /lhas lha'i mig ces bya ba de ni de bzhin gshegs pa dgra bcom pa yang dag par rdzogs pa'i sangs rgyas
250b7 kyi tshig so//rigs kyi bu dag de ltar de bzhin gshegs pa dgra bcom pa yang dag par rdzogs pa'i sangs rgyas kyang sems can thams cad la de bzhin gshegs pa'i chos nyid chud mi za ba yod pa'i nyon mongs pa rul pa dang / 'dam rdzab lta bu rnams
251a1 bsal ba'i phyir sems can rnams la chos ston to//de nas de'i tshe bcom ldan 'das kyis tshigs su bcad pa 'di dag bka' stsal to/ /ji ltar mi yi gser gyi gar bu ni/ /nyal nyil rnam pa'i nang du lhung gyur la/ /der de lo ni mi nyung
251a2 ba zhig tu//de ltar gnas kyang mi 'jig chos can no/ /lha yis lha yi mig gis de mthong nas/ /rnam par sbyang phyir gzhan la smras pa ni/ /'di ni rin chen mchog gi gser yod pa/ /rnam par sbyongs la des ni bya ba gyis/ /de bzhin ngas ni sems
251a3 can thams cad kyang //nyon mongs rnams kyis yun ring rtag non mthong / /de dag gis ni blo bur nyon mongs shes/ /rang bzhin sbyang phyir thabs kyis chos ston to/ /rigs kyi bu dag gzhan yang 'di lta ste/ dper na dbul po zhig gi khyim gyi nang gi
251a4 mdzod kyi 'og gi sa la gter chen po dbyig dang /gser gyis rab tu gang ba mdzod kyi tshad tsam zhig mi bdun srid kyi sas g.yogs pa'i 'og na yod la/ gter chen po de mi dbul po de la 'di skad du kye mi nga ni gter chen po ste/ sas g.yogs cing 'dug go
251a5 zhes mi smra ste 'di lta ste/gter chen po ni sems kyi ngo bo nyid kyis sems can ma yin pa'o/ /mi dbul po khyim gyi bdag po de ni dbul ba'i sems kyis rjes su sems shing de nyid kyi steng na rnam par rgyu yang sa'i 'og na gter chen po yod pa de ma thos mi shes ma
251a6 mthong ngo //rigs kyi bu dag de bzhin du sems can thams cad kyi mngon par zhen pa'i yid la byed byed pa khyim lta bur gyur pa'i 'og na de bzhin gshegs pa'i snying po stobs dang / mi 'jigs pa dang / ma 'dres pa dang / sangs rgyas kyi chos thams cad kyi mdzod kyi gter
251a7 chen po yod kyang sems can de dag gzugs dang /sgra dang / dri dang / ro dang / reg pa la chags pas sdug bsngal bas 'khor ba na 'khor te/ chos kyi gter chen po de ma thos pas thob par ma gyur cing yongs su sbyang ba'i phyir brtson par yang mi byed do/ /rigs
251b1 kyi bu dag de nas de bzhin gshegs pa 'jig rten du byung ste/byang chub sems dpa'i nang du 'di lta bu'i chos kyi gter chen po yang dag par rab tu ston to/ /de dag kyang chos kyi gter chen po de la mos nas rko ste/ de'i phyir 'jig rten na de bzhin gshegs pa
251b2 dgra bcom pa yang dag par rdzogs pa'i sangs rgyas rnams zhes bya ste//chos kyi gter chen po lta bur gyur nas/ sems can rnams la sngon ma byung ba'i gtan tshigs kyi rnam pa dang / dpe dang byed pa'i gtan tshigs dang / bya ba rnams ston pa gter chen
251b3 po'i mdzod kyi sbyin bdag chags pa med pa'i spobs pa dang ldan zhing stobs dang /mi 'jigs pa dang / sangs rgyas kyi chos mang po'i mdzod du gyur pa yin no/ /rigs kyi bu dag de ltar de bzhin gshegs pa dgra bcom pa yang dag par rdzogs pa'i sangs rgyas kyang
251b4 de bzhin gshegs pa'i mig shin tu yongs su dag pas sems can thams cad de lta bur mthong nas de bzhin gshegs pa'i ye shes dang /stobs dang / mi 'jigs pa dang / sangs rgyas kyi chos ma 'dres pa'i mdzod yongs su sbyang ba'i phyir byang chub sems
251b5 dpa' rnams la chos ston to//de nas de'i tshe bcom ldan 'das kyis tshigs su bcad pa 'di dag bka' stsal to/ /ji ltar dbul po'i khyim gyi 'og logs na/ /dbyig dang gser gyis gang ba'i gter yod pa/ /de la g.yo ba'am rlom sems yod min te/ /
251b6 nga ni khyod kyi yin zhes de mi smra/ /de yi tshe na sems can khyim bdag de/ /dbul bar gyur la rnam par mi shes shing / /sus kyang de la bsnyad pa med pas na/ /dbul po de ni de yi steng na 'dug /de ltar ngas ni sangs rgyas mig gis su/ /sems can de
251b7 dag thams cad dbul 'dra la//de dag rnams la gter chen yod pa dang / /g.yo ba med cing bde gshegs lus su mthong / /ngas ni de mthong byang chub sems dpa' la/ /khyod kyis nga yi ye shes mdzod zung la/ /dbul ba med cing 'jig rten mgon gyur dang / /
252a1 bla med chos gter 'gyur bar gyis shig bstan/ /gang dag ngas bstan pa la mos gyur la/ /sems can de dag kun la gter yod do/ /gang dag mos nas bdag nyid rtsol byed pa/ /de dag myur du byang chub mchog thob 'gyur/ /rigs kyi bu
252a2 dag gzhan yang 'di lta ste/dper na shing a mra'i 'bras bu'am/ 'dzam bu'i 'bras bu'am/ ta la'i 'bras bu'am/ spa'i 'bras bu yang rung ste/ phyi shun gyi sbubs kyi nang na myu gu'i sa bon chud mi za ba'i chos can yod pa gang gis sa la btab na shing gi rgyal
252a3 po chen por 'gyur ro//rigs kyi bu dag de bzhin du de bzhin gshegs pa yang 'jig rten na gnas pa/ 'dod chags dang / zhe sdang dang / gti mug dang / sred pa dang / ma rig pa'i nyon mongs pa'i phyi shun gyi sbubs kyis kun tu dkris par mthong ngo / /de la
252a4 'dod chags dang /zhe sdang dang / gti mug dang / sred pa dang / ma rig pa'i nyon mongs pa'i sbubs kyi nang na snying por gyur pa de bzhin gshegs pa'i chos nyid de ni sems can zhes bya ba'i ming du chags so/ /de la gang bsal bar gyur pa de ni mya ngan las 'das pa
252a5 ste/ma rig pa'i nyon mongs pa'i sbubs yongs su sbyangs pa'i phyir sems can gyi khams kyi ye shes chen po'i tshogs su gyur pa gang yin pa de ni rnyed pa'o/ /sems can gyi khams kyi ye shes chen po'i tshogs dam pa de ni de bzhin gshegs pa ji lta ba de bzhin
252a6 du smra bar lha dang bcas pa'i 'jig rten gyis mthong nas de bzhin gshegs pa zhes bya ba'i 'du shes su byed do//rigs kyi bu dag de la de bzhin gshegs pas de ltar mthong nas/ byang chub sems dpa' sems dpa' chen po rnams la de bzhin gshegs pa'i
252a7 ye shes khong du chud par bya ba'i phyir don de nye bar ston to//de nas de'i tshe bcom ldan 'das kyis tshigs su bcad pa 'di dag bka' stsal to/ /ji ltar spa yi 'bras bu thams cad ni/ /nang na spa yi myu gu yod pa ste/ /ta la dang ni 'dzam bu kun la'ang yod/ /
252b1 nang na yod pa'i 'bras bu bskyed na skye/ /de bzhin chos kyi dbang phyug 'dren pa yang / /sems can thams cad spa yi sa bon 'dra/ /de kun nang na bde gshegs lus yod par/ /zag med sangs rgyas mig ni dam pas thob/ /sbubs bshig ma gyur
252b2 de ni sems can brjod//mi shes nang na gnas kyang rlom sems med/ /ting 'dzin thob ste gnas nas rab zhi ste/ /de la g.yo ba ci yang yod ma yin/ /dper na sdong chen sa bon las byung ltar/ /sems can 'di dag ji ltar 'tshang rgya zhing / /lha
252b3 dang bcas pa'i 'jig rten skyabs 'gyur zhes//yongs su spang ba'i don du chos gtam smra/ /rigs kyi bu dag gzhan yang 'di lta ste dper na skyes bu dbul po zhig la de bzhin gshegs pa'i sku gzugs rin po che sna bdun las byas pa/ lag mthil tsam zhig yod
252b4 la/de nas skyes bu dbul po des de bzhin gshegs pa'i sku gzugs de khyer te 'brog dgon pa las shin tu 'da' bar 'dong bar gyur nas ji nas kyang de gzhan gyis mi tshor zhing rkun pos mi khyer bar bya ba'i phyir des de ras rul pa/ dri mi zhim pa'i dum bu du mas dkris
252b5 te de nas skyes bu de 'brog dgon pa de nyid du nyes pa gang gis kyang 'chi ba'i dus byas par ma gyur la/de'i tshe de bzhin gshegs pa'i sku gzugs rin po che las byas pa ras rul pa'i dum bus dkris pa yang rdog lam de na 'phyan zhing 'dug pa dang / 'dron po rnams
252b6 kyis ma shes nas/'goms shing 'goms shing dong la/ ras rul pa dri mi zhim pa'i dum bu'i thum bu kun tu 'dril ba 'di gang nas rlung gis bdas zhes smad pa'i dngos por yang ston pa dang / 'brog na gnas pa'i lhas lha'i mig gis rnam par bltas nas mi gzhan
252b7 dag gcig la bstan te/kye skyes bu dag ras kyi dum bu 'di yi thum bu 'di'i nang na de bzhin gshegs pa'i sku gzugs rin po che las byas pa/ 'jig rten thams cad kyis phyag bya bar 'os pa yod kyis phye shig ces bsgo'o/ /rigs kyi bu dag de bzhin du de
253a1 bzhin gshegs pa yang sems can thams cad nyon mongs pa'i dkri bas dkris te/smad pa'i 'os su gyur cing yun ring por 'khor ba'i 'brog dgon pa na rtag tu 'khyam par mthong ste/ rigs kyi bu dag tha na dud 'gro'i skye gnas su song ba rnams kyang
253a2 rung ste/sems can nyon mongs pa sna tshogs kyi dkri bas dkris par gyur pa rnams kyi nang na yang de bzhin gshegs pa'i lus nga ci 'dra ba yod pa mthong ngo / /rigs kyi bu dag de la de bzhin gshegs pa ni ji ltar de bzhin gshegs pa'i ye shes mthong ba nye ba'i nyon
253a3 mongs pa dang bral zhing yongs su dag par gyur la/ji ltar da ltar nga bzhin du 'jig rten thams cad kyis phyag bya ba'i 'os su 'gyur snyam nas/ nyon mongs pa'i dkri bas dkris pa las thar par bya ba'i phyir byang chub sems dpa' thams cad la chos ston to/ /de nas
253a4 de'i tshe bcom ldan 'das kyis tshigs su bcad pa 'di dag bka' stsal to//ji ltar dri nga smad pa'i 'os rnams kyis/ /yongs su dkris pa bde bar gshegs kyi gzugs/ /rin chen byas pa ras dum dkris pa de/ /lam gyi bar na bor te 'khyam gyur pa/ /
253a5 lha yi mig gis de ni mthong nas su/ /lha des gzhan zhig la ni rab smras pa/ /'di na de bzhin gshegs pa rin chen yod/ /ras dum thum bu 'di ni myur du phye/ /de bzhin nga yi lha mig 'di 'dra ba/ /des ni sems can 'di dag thams cad kyang / /nyon mongs
253a6 dkri bas dkris nas rab sdug bsngal//'khor ba'i sdug bsngal gyis mi rtag gtses mthong / /ngas ni nyon mongs dkris pa'i nang dag na/ /rgyal ba'i sku ni mnyam par bzhag gyur la/ /de ni g.yo ba med cing mi 'gyur yang / /de yongs thar byed gang yang med par
253a7 mthong //ngas mthong de nas skul ma btab pa ni/ /byang chub mchog tu gang dag zhugs pa nyon/ /de ltar sems can chos nyid 'di 'drar rtag /'di na yongs su dkris pa'i rgyal ba bzhugs/ /bde bar gshegs kyi ye shes yongs bkrol nas/ /gang tshe
253b1 nyon mongs thams cad rab zhi ba//de tshe 'di ni sangs rgyas ming thob ste/ /lha dang mi rnams sems ni rab tu dga'/ /rigs kyi bu dag gzhan yang 'di lta ste dper na bud med mgon med par gyur pa/ mdog ngan pa/ dri mi zhim pa/ smad par 'os pa/ 'jigs
253b2 su rung ba/blta na mi sdug pa/ 'dre mo 'dra ba zhig mgon med pa'i khang par zhugs nas gnas so/ /de der gnas pa dang sbrum par gyur te/ gang gis gdon mi za bar 'khor los sgyur ba'i rgyal srid byed par 'gyur ba'i sems can de 'dra ba zhig de'i mngal du
253b3 zhugs kyang bud med de'i mngal na 'dug pa'i sems can de la bdag gi mngal du zhugs pa'i sems can 'di ci 'dra ba zhig snyam du yang de yid la mi byed/bdag gi mngal du zhugs sam/ ma zhugs snyam du yang de de na yid la mi byed kyi/ gzhan du na de dbul ba'i sems
253b4 dang /zhum pa dang / dman pa dang / kho ru chung ba snyam pa'i sems rjes su sems shing mdog ngan pa dang / dri mi zhim pa nyid kyis mgon med pa'i khang pa na gnas te dus 'da' bar byed do/ /rigs kyi bu dag de bzhin du sems can thams cad kyang
253b5 mgon med par gyur cing 'khor ba'i sdug bsngal gyis gtses par gyur la/srid par skye ba'i gnas mgon med pa'i khang pa na gnas so/ /de na sems can rnams la de bzhin gshegs pa'i rigs bzhugs te/ khong na yod kyang sems can de dag gis khong du
253b6 ma chud do//rigs kyi bu dag de la de bzhin gshegs pa ni sems can dag bdag nyid la khyad du mi gsad par bya ba'i phyir rigs kyi bu dag khyed bdag nyid sro shi bar ma byed par khyed brtson 'grus brtan par gyis shig dang / khyed la de bzhin gshegs pa zhugs pa
253b7 yod pa dus shig na 'byung bar 'gyur te/khyed byang chub sems dpa' zhes bya ba'i grangs su 'gro bar 'gyur gyi sems can zhes bya bar ni ma yin no/ /der yang sangs rgyas zhes bya ba'i grangs su 'gro'i/ byang chub sems dpa' zhes bya bar ni ma yin no zhes chos
254a1 ston to//de nas de'i tshe bcom ldan 'das kyis tshigs su bcad pa 'di dag bka' stsal to/ /ji ltar bud med mgon med gyur pa zhig /kha dog ngan cing gzugs ni mi sdug la/ /byis pa yin te mgon med khang par gnas/ /re zhig
254a2 des na de ni der sbrum gyur//de yi mngal du gang zhig nges par ni/ /'khor los sgyur ba'i rgyal po che ba nyid/ /rin chen rnams kyi 'phags pa gling bzhi yi/ /bdag po byed par 'gyur ba de 'dra zhugs/ /bud med byis pa de ni 'di lta bur/ /mngal du
254a3 zhugs sam ma zhugs mi shes la//mgon med khang pa na ni gnas byed de/ /dbul ba snyam du sems shing dus 'da' byed/ /de bzhin ngas ni sems can thams cad kyang / /mgon med gyur la sdug bsngal chos kyis nyen/ /khams gsum pa yi bde ba chung
254a4 la gnas//nang na chos nyid mngal gnas 'dra yod mthong / /de 'dra mthong nas byang chub sems dpa' la/ /'jig rten phan par byed pa mngal gnas na/ /sems can kun gyis chos nyid ma shes kyis/ /bdag dman 'du shes ma skyed cig ces bstan/ /
254a5 khyed cag brtson 'grus brtsam pa brtan gyis dang / /rang lus ring por mi thogs rgyal bar 'gyur/ /dus shig byang chub snying po thob gyur nas/ /srog chags stong phrag bye ba grol byed 'gyur/ /rigs kyi bu dag gzhan yang 'di lta ste dper na spra tshil las rta'i
254a6 gzugs sam/glang po che'i gzugs sam/ bud med kyi gzugs sam/ skyes pa'i gzugs dag byas te/ 'jim pa'i nang du bcug nas g.yogs la bzhu ste/ zags par byas la gser bzhu ste/ zhu bar gyur pas bkang nas rim gyis grangs par
254a7 gyur pa na/mnyam par gnas par gyur pa'i gzugs de dag thams cad phyi rol gyi 'jim pa gnag cing kha dog mi sdug kyang nang gi rnams ni gser las byas pa dag go/ /de nas mgar ba'am/ mgar ba'i slob ma zhig gis de las gzugs gang dang gang dag
254b1 grangs par gyur pa mthong ba de dang de dag gi phyir rim gyis 'jim pa tho bas bskogs na de nas skad cig de la nang na gser las byas pa'i gzugs yod pa dag yongs su dag par 'gyur ro//rigs kyi bu dag de bzhin du de bzhin gshegs pa yang de bzhin gshegs pa'i
254b2 mig gis sems can thams cad 'jim pa'i gzugs lta bu yin la/phyi rol gyi nyon mongs pa dang / nye ba'i nyon mongs pa'i sbubs kyi nang gi sbu gu sangs rgyas kyi chos kyis gang ste/ zag pa med pa'i ye shes rin po che'i nang na de bzhin gshegs pa mdzes par 'dug
254b3 pa mthong ngo //rigs kyi bu dag de la de bzhin gshegs pas sems can thams cad de ltar mthong nas byang chub sems dpa'i nang du song ste/ 'di lta bu'i chos kyi rnam grangs 'di dag yang dag par rab tu ston to/ /de la byang chub sems dpa' sems dpa'
254b4 chen po gang dag zhi zhing bsil bar gyur pa de dag gis de bzhin gshegs pa'i ye shes rin po che yongs su sbyang ba'i phyir de bzhin gshegs pa chos kyi rdo rje'i tho bas phyi rol gyi nyon mongs pa thams cad 'gogs so//rigs kyi bu dag mgar ba zhes bya ba de ni de bzhin
254b5 gshegs pa'i tshig so//rigs kyi bu dag de bzhin gshegs pa dgra bcom pa yang dag par rdzogs pa'i sangs rgyas kyis sangs rgyas kyi mig gis sems can thams cad de ltar mthong nas nyon mongs pa de dag las thar bar byas te/ sangs rgyas kyi ye shes
254b6 la rab tu dgod pa'i phyir chos ston to//de nas de'i tshe bcom ldan 'das kyis tshigs su bcad pa 'di dag bka' stsal to/ /ji ltar gzugs ni phyi rol 'jim pas g.yogs/ /nang ni sbu gu yod cing gsog yin pa/ /rin chen bzhus pas rab tu bkang na ni/ /
254b7 brgya stong phrag ni mang por 'gyur ba yin/ /mgar bas shin tu grangs par gyur shes nas/ /'di ltar rin chen las ni byas pa 'di/ /rnam dag gzugs 'gyur las gang bya snyam ste/ /gzugs la g.yogs pa'i 'jim pa 'gogs par byed/ /de bzhin
255a1 ngas ni sems can thams cad kyang //gser gzugs 'jim pas g.yogs pa 'dra ba ste/ /phyi rol shun pa nyon mongs sbubs yin la/ /nang na sangs rgyas ye shes yod par mthong / /de la byang chub sems dpa' gang dag ni/ /zhi
255a2 zhing shin tu bsil bar gyur pa dag /gang gis de dag nyon mongs ma lus 'byin/ /chos kyis lag chas de la 'gogs par byed/ /rin chen gzugs ni blta na sdug pa ltar/ /rgyal sras gang zhig 'dir ni dag gyur pa/ /stobs bcu dag gis
255a3 lus rnams yongs gang ste//lhar bcas 'jig rten 'di na mchod par 'gyur/ /ngas ni srog chags thams cad de ltar mthong / /byang chub sems dpa'ang ngas ni de ltar mthong / /de ltar dag pa bde bar gshegs 'gyur te/ /bde gshegs dag ni
255a4 sangs rgyas tshul ston to//de nas bcom ldan 'das kyis byang chub sems dpa' rdo rje'i blo gros la bka' stsal pa/ rdo rje'i blo gros rigs kyi bu'am/ rigs kyi bu mo khyim pa'am rab tu byung ba yang rung ste gang zhig de bzhin gshegs pa'i snying po'i chos kyi rnam grangs
255a5 'di 'dzin pa dang /'chang ba dang / klog pa dang / kun chub par byed pa dang / glegs bam du byas te 'jog pa dang / gzhan dag la yang rgya cher 'chad pa dang / yang dag par rab tu ston pa de bsod nams mang du skyed par 'gyur ro/ /rdo rje'i blo gros yang byang chub
255a6 sems dpa' gzhan gang zhig de bzhin gshegs pa'i ye shes bsgrub pa'i phyir brtson par gyur la/'jig rten gyi khams re rer yang sangs rgyas thams cad la mchod pa'i phyir rdzu 'phrul bsgrubs nas 'di lta bu'i ting nge 'dzin la snyoms par zhugs te/ ting nge
255a7 'dzin gyi stobs bskyed pa des sangs rgyas kyi zhing bye ba khrag khrig 'bum phrag gang gA'i klung gi bye ma bas kyang mang ba rnams su gang gA'i klung gi bye ma bas kyang mang ba'i sangs rgyas bcom ldan 'das byang chub sems dpa' rnams dang bcas pa/nyan thos kyi dge 'dun
255b1 dang bcas pa bzhugs shing gnas pa'i de bzhin gshegs pa re re la yang khang pa brtsegs pa dus su bde ba/rgyar dpag tshad tsam la 'phang du dpag tshad bcu pa/ rin po che thams cad las byas pa/ lha'i dri zhim po dang ldan pa/ me tog sil ma sna
255b2 tshogs bkram pa/longs spyod kha na ma tho ba med pa thams cad dang ldan pa 'bum phrag gang gA'i klung lnga bcu'i bye ma snyed nyin re zhing phul te/ bskal pa 'bum du tshang ba'i bar du 'di lta bu'i mchod pa byed pa bas rigs kyi bu'am rigs kyi bu mo gang gzhan zhig byang
255b3 chub tu sems bskyed de/de bzhin gshegs pa'i snying po'i chos kyi rnam grangs 'di las dpe gcig tsam lus la 'chang ngam/ glegs bam du gnas par byed na/ rdo rje'i blo gros de'i bsod nams mngon par 'du byed pa de la bsod nams mngon par 'du byed pa snga
255b4 mas brgya'i cha dang /stong gi cha dang / 'bum gyi cha dang / grangs dang / cha dang / bgrang ba dang / dper yang nye bar mi 'gro ste/ rgyur yang mi bzod do/ /rdo rje'i blo gros yang byang chub sems dpa' gang sangs rgyas kyi chos yongs su tshol bas sangs rgyas bcom
255b5 ldan 'das de dag las de bzhin gshegs pa re re la yang bskal pa 'bum tshang gi bar du shing man dA ra ba'i me tog khal bzhi pa 'bum 'thor la/rdo rje'i blo gros dge slong ngam/ dge slong ma'am/ dge bsnyen nam/ dge bsnyen ma zhig gis byang chub tu sems
255b6 bskyed de/de bzhin gshegs pa'i snying po'i chos kyi rnam grangs 'di thos nas thal mo lan cig sbyar te rjes su yi rang ngo zhes tshig gcig smras na/ rdo rje'i blo gros bsod nams mngon par 'du bya ba dang / dge ba mngon par 'du bya ba de la me tog dang / me tog
255b7 phreng phul ba dang ldan pa/de bzhin gshegs pa la bzhag pa'i bsod nams mngon par 'du bya ba dang / dge ba mngon par 'du bya ba snga ma des brgya'i cha dang / stong gi cha dang / 'bum gyi cha dang / grangs dang / cha dang / bgrang ba dang / dper yang nye bar mi
256a1 'gro ste rgyur yang mi bzod do//de nas de'i tshe bcom ldan 'das kyis tshigs su bcad pa 'di dag bka' stsal to/ /sems can la la gang zhig byang chub la/ /mos pa bskyed nas 'di nyan 'dzin pa'am/ /yi ger 'dri 'am glegs bam bzhag
256a2 byed cing //gus dang bcas pas tshigs bcad gcig bshad dam/ /de bzhin gshegs pa'i snying po 'di thos nas/ /gang zhig byang chub mchog 'di tshol byed na/ /bsod nams phung po ji tsam skyed 'gyur ba/ /de yi phan yon 'dir ni mnyan par gyis/ /
256a3 rdzu 'phrul stobs mchog 'di la gnas nas su/ /dpa' bo bskal pa dag ni stong bar du/ /phyogs bcu rnams su mi yi gtso bo dag /nyan thos bcas pa rnams la bsti stang byed/ /ji ltar gang gA'i stong mang bye ba bas/ /de bas lhag pa bsam gyis
256a4 mi khyab pa//gzhal med khang mchog rin chen las byas pa/ /'jig rten slob dpon re re la yang phul/ /de dag 'phang du dpag tshad bcu yod la/ /chu dang rgyar ni dpag tshad gcig yod pa/ /spos dang bdug pa dag dang rab ldan la/ /de na rin chen
256a5 las byas khri bshams shing //dar dang bcos pu'i ras ni brgya bting ba'i/ /khri dag dang ni khri stan gzhan rnams kyang / /ji ltar gang gA'i klung bzhin dpag med pa/ /rgyal ba gcig la dbul ba byas gyur la/ /rgyal ba gang dag 'jig rten khams bzhugs
256a6 pa//ji ltar gang gA'i bye ma bas mang ba/ /rgyal ba de dag rnams la de ltar phul/ /kun la gus par mchod pa byed pa bas/ /mkhas pa gang zhig mdo sde 'di thos nas/ /dpe gcig tsam zhig yang dag 'dzin byed dam/ /bzung nas mi 'ga' zhig la 'chad byed
256a7 na//de ni de bas bsod nams phung po mang / /dpa' bos bzung ba'i bsod nams 'di la ni/ /cha dang dper yang de ni nyer mi 'gro/ /srog chags dag ni kun gyi skyabs 'gyur zhing / /de ni myur du byang chub mchog 'tshang rgya/ /de bzhin gshegs kyi snying
256b1 po 'dra yod pa//sems can dag ni kun gyi chos nyid 'di/ /byang chub sems dpa' mkhas pa gang sems pa/ /de ni rang byung sangs rgyas myur du 'gyur/ /rdo rje'i blo gros rnam grangs 'dis kyang 'di ltar chos kyi rnam grangs 'di ji ltar byang chub sems dpa'
256b2 sems dpa' chen po rnams la thams cad mkhyen pa'i ye shes bsgrub par 'gyur ba'i gces spras byed par rig par bya'o//rdo rje'i blo gros sngon byung ba 'das pa'i dus na bskal pa grangs med pa shin tu rgyas pa/ tshad med pa/ bsam gyis mi khyab pa/ mtshungs
256b3 pa med pa/brjod du med pa de'i pha rol bas kyang ches pha rol du gyur pa de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul
256b4 ba'i kha lo sgyur ba/bla na med pa/ lha dang mi rnams kyi ston pa/ sangs rgyas bcom ldan 'das rtag tu 'od zer gtong zhes bya ba 'jig rten du byung ngo / /rdo rje'i blo gros ci'i phyir de bzhin gshegs pa de rtag tu 'od zer gtong zhes bya zhe na/ rdo rje'i blo gros bcom ldan 'das
256b5 de bzhin gshegs pa rtag tu 'od zer gtong de byang chub sems dpar gyur pa na ma'i mngal du zhugs ma thag tu de ma'i mngal na 'dug bzhin du lus las 'od byung ste/shar phyogs su 'jig rten gyi khams 'bum phrag sangs rgyas kyi zhing bcu'i rdul phra rab kyi rdul snyed dag snang
256b6 bas rtag tu khyab par gyur to//de bzhin du lho dang / nub dang / byang dang / shar lho dang / lho nub dang / nub byang dang / byang shar dang / 'og dang / steng gi phyogs dang / phyogs bcu'i 'jig rten gyi khams 'bum phrag sangs rgyas kyi zhing bcu'i rdul phra
256b7 rab kyi rdul snyed dag snang bas rtag tu khyab par gyur te/byang chub sems dpa' de'i lus kyi 'od dga' bar 'gyur ba sdug pa/ mchog tu dga' bar byed pa/ mgu bar 'gyur bas 'jig rten gyi khams 'bum phrag de snyed snang bas rtag tu khyab par gyur to/ /rdo rje'i blo gros
257a1 byang chub sems dpa' ma'i mngal na gnas pa de'i 'od kyis 'jig rten gyi khams 'bum de dag tu sems can gang dag la reg par gyur pa de dag thams cad gzi brjid dang ldan pa dang /kha dog dang ldan pa dang / dran pa dang ldan pa dang / blo gros dang
257a2 ldan pa dang /rtogs pa dang ldan pa dang / spobs pa dang ldan par gyur to/ /'jig rten gyi khams 'bum de dag na sems can gang dag sems can dmyal ba dang / dud 'gro'i skye gnas dang / gshin rje'i 'jig rten dang / lha ma yin rnams kyi nang du skyes par
257a3 gyur pa de dag thams cad byang chub sems dpa' de'i 'od kyis reg pa tsam gyis rang gi 'gro ba dag nas shi 'phos te lha dang mi rnams kyi nang du skyes so//de dag reg pa tsam gyis bla na med pa yang dag par rdzogs pa'i byang chub las phyir mi ldog par gyur to/ /yang phyir
257a4 mi ldog pa gang dag la 'od des reg pa de dag reg ma thag tu de dag thams cad mi skye ba'i chos la bzod pa thob par gyur to//yon tan lnga brgya pa'i le'u zhes bya ba'i gzungs kyang thob bo/ /byang chub sems dpa' ma'i mngal na gnas pa de'i lus kyi 'od kyis 'jig
257a5 rten gyi khams 'bum gang dag la reg par gyur pa de dag thams cad bai dUr+ya las grub par yongs su gnas par gyur te/gser gyi skud pas mig ris su bris par gyur la mig ris thams cad kyang rin po che'i shing ljon pa me tog dang / 'bras bu dang / dri dang / kha
257a6 dog dang ldan pa rnams 'thon par gyur to//rin po che'i shing de dag rlung gis bskyod cing rlung gis bsgul na 'di lta ste/ sangs rgyas kyi sgra dang / chos kyi sgra dang / dge 'dun gyi sgra dang / byang chub sems dpa'i sgra dang / byang chub sems dpa'i stobs dang / dbang
257a7 po dang /byang chub kyi yan lag dang / rnam par thar pa dang / ting nge 'dzin dang / snyoms par 'jug pa'i sgra snyan pa yid du 'ong ba 'di lta bu 'di dag byung ngo / rin po che'i shing ljon pa'i sgra des kyang 'jig rten gyi khams 'bum de dag thams cad na sems can rnams
257b1 dga' ba dang /mchog tu dga' ba thob nas gnas so/ /sangs rgyas kyi zhing de dag thams cad na yang sems can dmyal ba dang / dud 'gro'i skye gnas dang / gshin rje'i 'jig rten dang / lha ma yin gyi ris rnams med par gyur to/ /byang chub sems dpa'
257b2 ma'i mngal na gnas pa de yang sems can de dag thams cad la zla ba'i dkyil 'khor bzhin du snang bar gyur to//mngal na gnas pa nyid la nyin lan gsum mtshan lan gsum du thal mo sbyar ba'i las byas so/ /rdo rje'i blo gros de ltar byang chub sems dpa' de btsas pa
257b3 dang /mngon par byung ba dang / byang chub mngon par rdzogs par sangs rgyas kyi bar du byang chub sems dpa' de'i lus las 'od rtag tu byung bar gyur to/ /mngon par rdzogs par sangs rgyas nas kyang bcom ldan 'das de'i lus las 'od rtag tu byung bar gyur to/ /tshul
257b4 de bzhin du yongs su mya ngan las 'da' ba'i dus kyi bar du bcom ldan 'das de'i lus kyi 'od de rtag tu byung bar gyur to//de bzhin gshegs pa de yongs su mya ngan las 'das te/ ring bsrel mchod rten na gnas pa'i tshe'ang lus kyi 'od de rtag tu byung bar gyur te/ rdo
257b5 rje'i blo gros de'i phyir bcom ldan 'das de rtag tu 'od zer gtong ba zhes bya bar lha dang mi rnams kyis mtshan gsol to//rdo rje'i blo gros yang bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rtag tu 'od zer gtong ba de dang po mngon par
257b6 rdzogs par sangs rgyas pa'i bstan pa la byang chub sems dpa' 'od zer mtha' yas zhes bya ba g.yog stong dang ldan pa zhig byung ste/rdo rje'i blo gros byang chub sems dpa' 'od zer mtha' yas des bcom ldan 'das de bzhin gshegs pa dgra bcom pa yang dag par rdzogs
257b7 pa'i sangs rgyas rtag tu 'od zer gtong de la de bzhin gshegs pa'i snying po'i chos kyi rnam grangs 'di las brtsams te yongs su dris so//de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rtag tu 'od zer gtong ba
258a1 des byang chub sems dpa' de dag rjes su gzung ba dang /yongs su gzung ba'i phyir stan gcig la 'dug bzhin du bskal pa chen po lnga brgyar de bzhin gshegs pa'i snying po'i chos kyi rnam grangs 'di yang dag par rab tu bshad de/ des de bzhin
258a2 gshegs pa'i snying po'i chos kyi rnam grangs 'di tshig rnam par shes par bya bas chos bsgrub pa dang /nges pa'i tshig dang / dpe 'bum phrag du mas byang chub sems dpa' de dag la yang dag par rab tu bshad pas phyogs bcu rnams su sangs rgyas kyi zhing bcu'i
258a3 rdul phra rab kyi rdul snyed kyi 'jig rten gyi khams su yang tshegs chung ngus go bar gyur to//rdo rje'i blo gros de la byang chub sems dpa' gang dag gis de bzhin gshegs pa'i snying po'i chos kyi rnam grangs 'di tha na de bzhin gshegs pa'i snying po zhes bya ba'i ming
258a4 thos pa de dag thams cad mthar gyis dge ba'i rtsa ba yongs su smin nas yon tan bkod pa de 'dra ba nyid du bla na med pa yang dag par rdzogs pa'i byang chub mngon par rdzogs par sangs rgyas te/byang chub sems dpa' sems dpa' chen po bzhi ni ma gtogs so/ /
258a5 rdo rje'i blo gros de'i tshe de'i dus na byang chub sems dpa' 'od zer mtha' yas zhes bya bar gyur pa de gzhan zhig yin pa snyam du khyod sems na de de ltar mi blta ste/ rdo rje'i blo gros khyod nyid de'i tshe de'i dus na byang chub sems dpa' 'od zer mtha' yas zhes bya bar
258a6 gyur to//bcom ldan 'das de'i bstan pa la gang dag da dung du yang bla na med pa yang dag par rdzogs pa'i byang chub mngon par sangs ma rgyas pa'i byang chub sems dpa' bzhi po de dag gang zhe na/ 'di lta ste/ byang chub sems dpa' 'jam dpal dang / mthu chen
258a7 thob pa dang /spyan ras gzigs dbang phyug dang / rdo rje'i blo gros khyod nyid de bzhi po'o/ /rdo rje'i blo gros de ltar de bzhin gshegs pa'i snying po'i chos kyi rnam grangs 'di thos pa tsam gyis byang chub sems dpa' sems dpa' chen po rnams la sangs rgyas kyi ye shes
258b1 sgrub pas don che ba yin no//de nas de'i tshe bcom ldan 'das kyis tshigs su bcad pa 'di dag bka' stsal to/ /'das pa'i dus ni bskal pa mtha' yas na/ /bcom ldan 'od zer gtong zhes bya ba byung / /de yi lus las 'di 'dra'i 'od byung bas/ /zhing
258b2 rnams bye ba stong dag snang bar gyur//rgyal ba dang por mngon rdzogs sangs rgyas rig /byang chub sems dpa' 'od zer mtha' yas kyis/ /de tshe bde gshegs rgyal dbang de la zhus/ /mdo 'di rtag tu yang dag rab tu bshad/ /gang gis rgyal de'i bstan
258b3 las mdo sde 'di//'dren pa las ni mngon sum thos gyur pa/ /de kun myur du byang chub dam pa 'thob/ /byang chub sems dpa' bzhi ni ma gtogs te/ /mthu chen thob dang spyan ras gzigs dbang phyug /byang chub sems dpa' 'jam dpal gsum
258b4 pa ste//rdo rje'i blo gros khyod nyid bzhi pa yin/ /de tshe de dag gis ni mdo 'di thos/ /byang chub sems dpa' 'od zer mtha' yas pa/ /de tshe gang gis rgyal la zhus byung ste/ /de yi dbang byas bde gshegs sras po ni/ /de tshe rdo rje'i blo gros khyod nyid yin/ /
258b5 nga yang sngon gyi spyad pa spyod pa'i tshe/ /bde bar gshegs pa seng ge'i rgyal mtshan las/ /mdo sde 'di yi ming ni thos par gyur/ /gus par byas te thos nas thal mo sbyar/ /nga ni legs par byas pa'i las de yis/ /byang chub dam pa myur du thob par gyur/ /
258b6 de bas byang chub sems dpa' mkhas rnams kyis/ /rtag tu mdo mchog 'di ni gzung bar bya/ /rdo rje'i blo gros rigs kyi bu'am/ rigs kyi bu mo las kyi sgrib pas bsgribs pa gang dag de bzhin gshegs pa'i snying po'i chos kyi rnam grangs 'di nyan tam/
258b7 lung nod dam/ kha ton du byed dam/ ston kyang rung / chos kyi rnam grangs 'di nyan pa dang / lung nod pa dang / kha ton byed pa dang / rab tu 'chad pa dang / yi ger 'dri ba de dag las tshegs chung ngus chos de dag kyang mngon sum du 'gyur/ las kyi sgrib pa
259a1 de yang byang bar 'gyur ro//de nas bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das rigs kyi bu'am/ rigs kyi bu mo gang las kyi sgrib pas bsgribs par mi 'gyur zhing chos kyi rnam grangs 'di la
259a2 brtson par bgyid pa de dag sangs rgyas bcom ldan 'das ji snyed cig las mang du thos pas chos bstan pa'i slad du nges par 'byung bar 'gyur lags/bcom ldan 'das kyis bka' stsal pa/ kun dga' bo rigs kyi bu'am/ rigs kyi bu mo gang dag sangs
259a3 rgyas brgya'i chos bstan pa kun tu gzung ba'i phyir nges par 'byung ba de dag kyang yod do//kun dga' bo rigs kyi bu'am/ rigs kyi bu mo gang dag sangs rgyas nyis brgya dang / sum brgya dang / bzhi brgya dang / lnga brgya dang / stong dang / nyis stong dang / sum stong dang /
259a4 bzhi stong dang / lnga stong dang / drug stong dang / bdun stong dang / brgyad stong dang / dgu stong dang / khri dang / sangs rgyas 'bum nas/ sangs rgyas bye ba khrag khrig 'bum gyi bar dag gi chos ston pa kun tu gzung ba'i phyir nges par 'byung bar 'gyur ba dag
259a5 kyang yod do//kun dga' bo byang chub sems dpa' gang chos kyi rnam grangs 'di 'chang ba dang / klog pa dang / gzhan dag la yang rgya cher yang dag par rab tu ston pa dang / glegs bam du byas te/ 'chang ba des 'di snyam du bdag gis deng nyid bla na med pa
259a6 yang dag par rdzogs pa'i byang chub thob bo snyam du sems bskyed par bya ste/de ni ji ltar da ltar nga bzhin du lha dang / mi dang / lha ma yin du bcas pa'i 'jig rten gyis phyag bya ba'i 'os dang / mchod pa'i 'os yin no/ /de nas de'i tshe bcom ldan 'das kyis
259a7 tshigs su bcad pa 'di dag bka' stsal to//byang chub sems dpas mdo sde 'di thos nas/ /bdag gis byang chub dam pa thob par bsam/ gang gi lag na mdo sde 'di yod pa/ /de ni da ltar 'jig rten phyag bya'i 'os/ /de ni 'jig rten mgon po rnam
259b1 par 'dren//khrid byed rnam par khrid byed bsngags pa'i 'os/ /gang gi lag na mdo sde 'di yod pa/ /de ni de ltar chos kyi rgyal zhes bya/ /gang gi lag na mdo sde 'di yod pa/ /mi yi khyu mchog chos kyi sgron ma 'dzin/ /de ni nyi zla lta bur blta ba'i
259b2 'os//'jig rten mgon po lta bur phyag bya'i gnas/ /bcom ldan 'das kyis de skad ces bka' stsal nas/ byang chub sems dpa' rdo rje'i blo gros dang / thams cad dang ldan pa'i byang chub sems dpa'i tshogs de dag dang / nyan thos chen po de dag dang /
259b3 'khor bzhi po dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// //'phags pa de bzhin gshegs pa'i snying po zhes bya ba theg pa chen po'i mdo
259b4 rdzogs so// //rgya gar gyi mkhan po shAkya pra b+ha dang / zhu chen gyi lo ts+tsha ba ban de ye shes sdes bsgyur cing zhus te skad gsar chad kyis kyang bcos nas gtan la phab pa// //
CLOSE WINDOW