CLOSE WINDOW

D2577
བོད་ཡིག

/[ ]@##/ /ngan song sbyong ba 'gro ba rigs drug gi cho ga bzhugs// @##/ /'phags pa 'jam dpal la phyag 'tshal lo/ /ngan song sbyong ba 'gro ba rigs drug gi cho ga /ngan song thams cad rnam sbyong ba/ /tshe 'das las su bya ba ni/ /'gro drug so so'i maN+Dal bri//dri ma maN+Dal steng du gzhag /lan chags gtor ma cha gcig bsham/ /dkyil 'khor cho ga kun zin nas/ /gtor ma cha gsum gtang bar bya/ /de nas tshe las 'das pa yang / /'gro ba rigs drug dag nas dgug/ /dri ma dag la bstim par bya/ /hUM ltos shig ltos shig rigs kyi bu//las kyi dbang gis tshe 'das te/ /'gro drug kun du 'khyams pa la/ /las dang thugs rje'i dam tshig gis/ /ye shes lcags kyus drang zhing 'gug /a nr-i su du pre dza aM ku sha dzaHdzaH/ zhes brjod pas/ tshe las 'das pa'i shes pa de 'gro ba rigs drug gang na gnas kyang lcags kyu'i phyag rgyas rab tu bkug la dri ma dang mtshan la bstims la dngos su gnas par bsam mo//de nas sdig sgrib thams cad dral te/ hUM stong gsum mun gnag 'khyams pa la/ /'jam dpal shes rab rnon po yis/ /log rtog rgyun gcod ral gri 'dis/ / ting 'dzin shugs ldan phyag rgyas dral/ /oM many+dzu shrI muk+tha ta ka tra tha phaT ces pas sdig pa thams cad bcad par bsam mo/ /de nas las dang nyon mongs pa'i bag chags thams cad bkru ste/ hUM gsum rig gtsang ma dag pa ste/ /'jam dpal ye shes chu rgyun gyis/ /tshe 'das khyod la khrus byas pas/ / nyon mongs bag chags dag gyur cig/ /ces phreng sngags kyis khrus bya'o/ /de nas bar 'dir bcu gcig rnam par dag pas tshogs bsags par bya'o/ /de nas me tog dor ba ni/ /'di ni rdo rje'i dam tshig ste/ /'jam dpal rdo rje yin par grags/ /rdo rje ye shes bla med 'di/ /de ring nyid du 'bab par shog /oM badzra par tIts+tsha ho/ zhes me tog dor bar bya'o/ /de nas mig dbye ba ni/ 'jam dpal rdo rje deng khyod kyis/ /mig dbye bar ni brtson par mdzod/ /rdo rje'i mig ni bla na med/ /da lta nyid du phyed par shog/ /he badzra pA sh+ya hUM zhes dbye'o/ /de nas dkyil 'khor la bskor ba byas la phyag 'tshal lo//de nas rig pa'i dbang lnga bskur te/ hUM rnam shes phung po rnam dag pa'i/ /me long lta bu'i ye shes kyis/ /zhe sdang rnam dag mi bskyod pa'i/ /bum pa'i chu yis dbang bskur ro/ /oM badzra a b+hi Shiny+tsa hUM/ tshor ba'i phung po rnam dag pa'i/ /mnyam pa nyid kyi ye shes kyis/ /nga rgyal rin chen 'byung ldan gyis//dbu rgyan cod pan dbang bskur ro/ /oM badzra mu ku Ta rat+na trAM/ 'du byed phung po rnam dag pa'i/ /bya ba nan tan ye shes kyis/ /phrag dog don yod grub pa yi/ /rdo rje yi ni dbang bskur ro/ /oM badzra kar+m+ma po tsha na badzra badzra hUM/ 'du shes phung po rnam dag pa'i/ / so sor rtog pa'i ye shes kyis/ /'dod chags snang ba mtha' yas kyi/ /shes rab dril bus dbang bskur ro/ /oM badzra a hUM a/ gzugs kyi phung po rnam dag pa'i/ /chos kyi dbyings kyi ye shes kyis/ /gti mug rnam par snang mdzad kyi/ /dpal ldan ming gi dbang bskur ro/ / oM badzra a b+hi She ka hUM/ de nas lan chags kyi gtor ma btang la lam bstan cing smon lam gdab pa ni/ he rigs kyi bu rdo rje che ge mo khyod/ /skye ba gar skyes gar gnas kyang / /cis kyang 'pho ba med pa yis/ /'dod pa'i yon tan rnam lnga la/ /longs spyod pa yi skal ldan nas/ /rdo rje 'chang gral 'khod gyur cig /skye gnas gzhan gyis bar du ma chod par/ /gsang sngags rdo rje'i theg pa ston pa yis/ /dge ba'i bshes gnyen dam pa dang phrad nas/ /des bstan pa yi gsang sngags ma nor bar/ /rtogs nas yang dag par ni sangs rgyas te/ /sems can thams cad 'khor ba'i rgya mtsho las//sgrol ba'i ded dpon chen po byed gyur cig /ces brjod la lam bstan cing smon lam gdab par bya'o/ /tshe las 'das pa'i sgrib pa sbyong ba'i cho ga 'gro ba rigs drug nas 'don pa dang / dkyil 'khor drug tu gzhug cing dbang bskur ba dang / lam bstan cing smon lam gdab pa/