CLOSE WINDOW

D2571
བོད་ཡིག

/rgya gar gyi mkhan po su badzra dang / bod kyi lo tsA ba chos kyi shes rab kyis bsgyur ba'o//[ ]@/ /'jam dpal dpa' bo gcig pa'i sgrub thabs bzhugs// @#/ /'phags pa 'jam dpal la phyag 'tshal lo//skye ba mi lus thob pa rnams/ /mi lus thob pa shin tu dka'/ /de bas dam chos rnyed par dka'/ /des na sgrub la brtson par bya/ /sang tsam 'chi'am sus shes na/ /da lta nyid du bsnun te bya/ /yid dga' ba yi gnas dag tu/ /bde ba'i stan la 'dug nas ni/ / skad cig tsam gyis lha ru dmigs/ /snying ga'i muM las 'od zer 'phros/ /bla ma dang ni yi dam lha/ /mdun du bsam par byas pa las/ /dngos po kun gyis phyag byas pas/ /phyi dang nang gi mchod pas mchod/ /sdig pa bshags dang rjes yi rang / /skyabs su 'gro dang sems bskyed bya/ /dge ba bsngo dang gshegs su gsol//de dag yid kyis bya bar bshad/ /de nas tshad med bzhi bsgoms la/ /stong pa nyid la goms par bya/ /oM ma hA shU n+ya tA dz+nyA na badzra swa b+hA ba A t+ma kou0f85haM/ stong nyid brtan par bya ba'o/ /de nas muM dang ut+pal las/ /'jam dpal ye shes sems dpa' b sam//sku mdog gser mdog ldem bag can/ /rin po che yi dbu rgyan dang / /snyan cha gdu bu dpung rgyan dang / /'og bag dang ni zhabs gdub dang / /rin chen rnams kyis mdzes par brgyan/ /sems dpa'i skyil krung bzhin du bzhugs/ /g.yas na ut+pal sngon po bsnams/ /g.yon ni chos 'chad phyag rgya'o//spyan drangs bzhugs su gsol ba la/ /phyi dang nang gi mchod pa bya/ /gnyis su med par bdag la bstim/ /mi phyed pa ru rgyas par bsgom/ /de nas bzlas pa bya ba ni/ /rang 'dra'i ye shes sems dpa' bsam/ /de nas ting 'dzin sems dpa' ste/ /pad+ma'i gdan la rab bzhugs pa//yi ge drug gis bskor ba ste/ /oM wA gI shwa ri muM/ /dmigs pa gtad la bzlas pa bya/ /skyo zhing gtong bar 'dod pa na/ /spyan drangs gshegs su gsol ba dang / /bdag nyid lha yi rnal 'byor bya/ /rnam pa kun dang dus kun du/ /lha ru gsal bas 'grub par 'gyur//rdzogs pa'i rim pa bsgom par bya/ /dkar nag dmar dang ser dang ljang / /gsal ba dag tu dmigs pa las/ /thugs kar yi ge lnga bkod de/ /'od zer 'phros pas dgug par bya/ /phyi dang nang gi mchod pas mchod/ /mtshan gyi bstod pa dag bya'o/ /yang na mdun du dmigs par bya//bstod pa rang bzhin med par bsam/ /bstod pa zin nas gshegs su gsol/ /de nas mtshan med bsgom pa la/ /tha ma nas bsdu dang por bsdu/ /bdag bsdu ye shes sems dpa' la/ /ye shes sems dpa' a la bsdu/ /de yang rang bzhin dmigs med de/ / de la brtan pa thob pa ni/ /chos sku skye med thob ces bya/ /tshigs bcad bcu drug ldan pa 'di/ /ye shes zhal mthong gnyis med rtogs/ /'jam mgon sgrub thabs 'di brtsams te/ /mkhas rnams gus par blang bar bgyi/ /bdag gis sgrub thabs 'di byas pas/ / bdag dang sems can thams cad kyi/ /snod bcud sgrib pa byang nas su/ /bla med byang chub thob par shog /dpa' bo gcig pa'i sgrub thabs/ slob dpon 'jam dpal bshes gnyen gyis mdzad pa rdzogs so/ /rgya gar gyi mkhan po su badzra dang / bod kyi lo tsA ba chos kyi shes rab kyis bsgyur ba'o/