30b1 [ ]@/ /mnyam par bzhag pa'i rim pa'i man ngag bzhugs/ @##/ /'phags pa 'jam dpal gzhon nur gyur pa la phyag 'tshal lo/ /mtshan yang dag par brjod pa'i rnal 'byor bas/ nam gyi cha smad rang gi rgyud la brtag pa ni rang nyid lha'i phyag rgya chen por
30b2 gsal bar byas la/snang ba thams cad dkyil 'khor la bsdus te/ dkyil 'khor yang rigs kyi dkyil 'khor rnams gtso bo la bsdus te/ gtso bo yang dang po'i sangs rgyas la bsdu/ de yang shes rab 'khor lo la bsdu/ de yang zla ba la de yang a la bsdu/ a yang nam mkha'i khams su 'phel te/ a A i I u U/ e ai
30b3 o au i aHhUM oM hrIHaHde rnams su gyur te/skar ma lta bur gsal ba dang / de rnams kyang gcig la gcig thim ste/ stong pa chen po yi ge lngar gnas pa dang / de'i ngang las stong pa chen po yi ge brgyar langs pa dang / de'i ngang las yi ge'i phreng ba bcu drug tu gyur te gnas/ de'i ngang las
30b4 brgyad du gnas/de'i ngang las yi ge bzhir gyur te gnas pa las/ bdag gi lus sgyu ma lta bur langs te 'khor lo bzhi dran par byas la/ spyi bor oM dkar po kha thur du 'phyang ba dang mgrin par hrIHdmar po kha gyen du gdengs pa dang / snying gar hUM sngon po mgo thur du 'dzag pa dang /
30b5 lte bar a dkar po thig le dmar po 'od zer gyen du 'phro ba la bltas la/ a dkar po de las 'od zer rno la myur ba/ drag la grims pa/ phra zhing ring ba cig langs pas khrag gi thig le la 'od zer phog pa dang / thig le las 'od zer phra la ring ba/ rno la myur ba/ dmar la dang ba/
30b6 drang la gsal ba cig spyi bo'i oM gyi thig le dkar po la reg par gsal ba dang / oM de las yi ge brgya ba'i tshul du byang chub kyi sems bde ba'i rang bzhin thig le dkar po'i tshul du khu 'phang lta bu dkar tsa ra ra 'bab par bsams la rang gi khrag gi thig le la phog pa dang lus thams cad bde bas rgyas
30b7 te shin tu bde bas gang bar gyur pa dang /de la sems gtad pa ni bde ba'i ting nge 'dzin te/ bcu drug phyed phyed thig le can/ /zhes bya'o/ /de yang stong pa nyid du shes par byas nas bde stong dbyer med du bsgom mo/ /yan lag med pa'i rtsis las 'das/ /zhes pa dang / thig le
31a1 stong pa yi ge brgya//zhes bya ste/ de lta bu'i ngang las stong pa 'od gsal chos kyi skur thim pa ni mnyam gzhag gi tshe rnam rtog gi dba' rlabs kyis kyang bskyod pa med par nam mkha' la sprin dengs pa'am/ mar me la rlung gis ma bskyod pa'am rgya mtsho dang ba la rlung gis ma bskyod pa
31a2 bzhin du zhe 'dod thams cad dang bral ba/stong pa'i rgyas thebs pa/ 'od gsal chos kyi sku la tsen ne yer re wa re khyug ge ldem me mer re ha re phyal le/ yid la mi byed thom me/ yor re sim me ting nge mugs se thibs se/ yid la mi byed spros bral mi rtog pa gang yin pa de 'di'o snyam pa med pa
31a3 lta bu mi 'gyur ba so ma rang thag lhug pa lta bu yin la/sems gsal la rtog pa med pa 'di'o snyam pa dang bral ba'o/ /gnyis 'dzin dang gnyis 'dzin ma yin pa'i shes pa gang dang yang bral ba'o/ /nyon mongs pa mtha' dag 'joms pa rdo rje lta bu'i ting nge 'dzin la mnyam par gzhag go/ /de
31a4 lta bu'i ting nge 'dzin la snyoms par zhugs na ting nge 'dzin brgya la snyoms par zhugs par gyur te/rdzogs pa'i sangs rgyas mngon sum du 'gyur ro/ /rjes thob kyi shes pa la ni stong pa chen po yi ge lngar gyur pa dang / de'i ngang las stong pa chen po yi ge brgyar langs pa dang / de'i ngang las
31a5 yi ge'i phreng ba bcu drug tu 'gyur te/gnas pa las ni bar snang gi khams su A li kA li'i phreng bar bltas la/ de la sgyu ma lta bu'i dkyil 'khor gyi lha tshogs sprul par bya'o/ /slob dpon 'jam dpal bshes gnyen gyis mdzad pa'i/ 'phags pa 'jam dpal gyi mtshan yang
dag par brjod pa'i mnyam par gzhag pa'i rim pa'i man ngag rdzogs so/