CLOSE WINDOW

D257
བོད་ཡིག

@##/ /rgya gar skad du/ Ar+ya sUr+ya gar+b+ha nA ma ma hA bai bu l+yaM sU tra/ bod skad du/ 'phags pa shin tu rgyas pa chen po'i sde nyi ma'i snying po zhes bya ba'i mdo/ bam po dang po/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/bcom ldan 'das rgyal po'i khab 'od ma'i tshal bya ka lan da ka gnas pa na bzhugs te/ gang dag phyogs bcu'i sangs rgyas kyi zhing gzhan grangs med dpag tu med pa dag nas der lhags pa'i byang chub sems dpa' sems dpa' chen po grangs med/ dpag tu med/ brjod du med pa dag gis yongs su bskor cing mdun gyis bltas so/ /de bzhin du phyogs bcu'i sangs rgyas kyi zhing gzhan dang gzhan dag nas der 'dus te lhags pa'i nyan thos chen po grangs med/ dpag tu med/ brjod du med pa dag gis kyang yongs su bskor cing mdun gyis bltas so//de bzhin du phyogs bcu'i sangs rgyas kyi zhing gzhan dang gzhan dag nas 'dir lhags pa brgya byin dang / tshangs pa'i dbang po dang / lha'i dbang po dang / klu'i dbang po dang / gnod sbyin gyi dbang po dang / dri za'i dbang po dang / lha ma yin gyi dbang po dang / nam mkha' lding gi dbang po dang /mi 'am ci'i dbang po dang / lto 'phye chen po'i dbang po grangs med/ dpag tu med/ brjod du med pa dag gis kyang mi mjed kyi sangs rgyas kyi zhing thams cad sa dang nam mkha' la 'gro ba'i lam gang bar gyur to/ /de bzhin du 'dod pa na spyod pa dang / gzugs na spyod pa'i lha gzhan dang gzhan dag dang / klu dang / gnod sbyin dang / srin po dang / lha ma yin dang / nam mkha' lding dang / mi 'am ci dang / lto 'phye chen po gzhan dang / gzhan grangs med dpag tu med pa dag kyang lhags nas/ bcom ldan 'das la gyen du lta zhing /bcom ldan 'das ring po mi thogs par mthar phyin pa/ nam mkha' ltar snang ba/ byang chub sems dpa'i spyod pa rab tu 'byed pa/ dbugs rngub pa dang / 'byung ba dran pa 'chi ba med pa'i sgo/ tshangs pa'i gnas pa lung bstan pa ston pa na cang mi smra bar 'khod de thams cad dang ldan pa'i mi mjed kyi sangs rgyas kyi zhing thams cad sa dang nam mkha'i lam gang bar gyur cing /da dung bcom ldan 'das kyi chos kyi char gyi ston pas tshim par ma gyur nas thal mo dag rab tu sbyar te/ bcom ldan 'das kho na la blta zhing 'khod pa ni dper na nad pa dag sman pa la lta bar byed pa bzhin dang /mun pas khebs pa dag snang ba la lta bar byed pa bzhin dang / chu bos khyer ba dag chu 'gram du lta bar byed pa bzhin dang / sdug bsngal bar gyur pa dag skyabs la lta bar byed pa bzhin te/ de ltar mi mjed kyi sangs rgyas kyi zhing thams cad sa dang nam mkha'i lam byang chub sems dpa' sems dpa' chen po dag dang /nyan thos dag dang / dbang po brgya byin dag nas lto 'phye chen po'i dbang po dag gi bar dang / 'dod pa na spyod pa dang / gzugs na spyod pa'i lha gzhan dang gzhan dag nas mi dang mi ma yin pa rnams gzhan dang gzhan dag gi bar bcom ldan 'das chos dang ldan pa chos kyi rgyal po la lta zhing thal mo rab tu sbyar te cang mi smra bar 'khod par gyur to//de'i tshe tshangs pa chen po pad ma 'bar ba'i dpal zhes bya ba sangs rgyas mang po la lhag par bya ba byas pa dge ba'i rtsa ba bskyed pa/bla na med pa yang dag par rdzogs pa'i byang chub las phyir mi ldog pa/ chos la dmigs pa'i byams pa shin tu yongs su sbyang ba byas par gyur to/ /de nas tshangs pa chen po pad ma 'bar ba'i dpal stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/bcom ldan 'das ga la ba de logs su thal mo sbyar ba btud nas/ bcom ldan 'das la tshigs su bcad pa brjod pa 'dis chos bshad par gsol ba btab bo/ /ring du gshegs shing myur ba'i rgyun dang ldan/ /zad pa lhur mdzad mi g.yo 'od gsal ba//rtogs pa thams cad skyed par mdzad pa po/ /khyod gsung rab zhi rgyu skar tshul mkhyen mkhas/ /dbugs rngub pa dang 'byung ba dran pa mkhyen/ /tshangs pa'i gnas pa bzhi po dag dang ldan/ /srid pa gsum po ji ltar dag 'gyur bar/ /sems can 'gro ba spong bar mdzad pa po//tshul gcig ldan pa nyid kyi mkhyen mnga' ba/ /lha mi rnam pa mang po khri dag kyang / /som nyi rgal mdzad dge brnyes chu bo rgal/ /bde 'gro'i mkhyen pa myur dang ldan pa po/ /byang chub spyod dang sangs rgyas chos mngon sum/ /sems g.yo sems can kha cig 'dod klung lhung //mun pas khebs shing mig dang mi ldan pa'i/ /sdug bsngal thams cad bcom par gyur lags pa/ /ma thos dge bral slob dpon mkhas ldan pa'i/ /skye bo bral la mi dbang thugs rje skyed/ /mnyam pa'i chos nyan skye ba'i pha rol mchi//srid pa gcod pa bshad par mdzad du gsol/ /skye klung pha rol gshegs thub thugs rjes gsungs/ /blo 'chal skye mang sred pa'i dra ba'i lam/ /de dag thams cad nyon mongs rtsa ba can/ /der ni sems can 'khyams 'gyur gcad du gsol/ /gang du sdug bsngal rab zhi dbang drug dang //yid kyang zhi 'gyur sred skyon rgyal ba gsung / /sred pa bral ba sred rgyu mi mnga' ba/ /sems can gdung ba dpal kun bral gyur pa/ /de slad thub pa thugs brtse ba yi rgyus/ /sred pa yi ni chu klung skems mdzad pa/ /myur du bde zhing 'chi ba ma mchis pa'i//chos kyang sred pa gcod pa bshad par gsol/ /de nas bcom ldan 'das kyis tshangs pa pad ma 'bar ba'i dpal la 'di skad ces bka' stsal to/ /gang dag sngon chad pha rol phyin/ /spyod pa spyad cing spyod 'gyur ba/ /de dag nyan thos chos rnams la/ / nam yang dga' bar mi bya ste/ /sangs rgyas chos las nyams 'gyur ba'i/ /ltung ba gnyis pa gzhan med de/ /de ni yang dang yang du yang / /gnyi gar sems ni 'jug pa yin/ /khro dang nyan thos chos rnams dang / /rkyen gyi byang chub 'jug pa yi/ /chos gsum rnam par spangs pas na//sangs rgyas chos rnams rdzogs par 'gyur/ /skye gnas bzhi ldan sems can 'di/ /sangs rgyas zhing 'dir lhags pa dag /thams cad 'dod pa rten mi byed/ /thams cad mi sdug thob pa yin/ /'di na sems can mkhas pa gang / /byang chub mchog gi phyir zhugs shing //gang blo gzungs dang bzod pa la/ /brtson zhing legs par goms byas la/ /dbang po drug gi sgo bsdams shing / /skyil mo krung gis dran gzhag nas/ /rang gi spyod yul sa non pa/ /phyi ma'i dus kyi de bzhin gshegs/ / nor bdun rab tu rdzogs pa'ang yin/ /'dir ni mi sdug tshul bshad na/ /kun gzhi gang yin sems can gyi/ /'ching ba brtan pa 'dir bcad 'gyur/ /ngas ni chos kyi ser sna spangs/ /sems can srung phyir ma bshad de/ /'di la byang chub sems dpa' yis/ /byang chub phyir sems 'dir ma btang //phyogs bcu'i sangs rgyas de dag gis/ /chos 'di yun ring gnas bya zhes/ /sa 'di yongs su spyad mdzad cing / /sa 'di byin gyis brlabs pa yin/ /de bzhin du ni khyod kyis kyang / /zhing 'di la ni rtse bar byos/ /de bzhin bzod pa dag gis rtses//bsdams nas yun ring gnas par byos/ /nyan thos theg pa ngas bshad de/ /sems can chags las thar bya zhing / /phung po dag dang khams rnams dang / /skye mched stong pa ngas bshad de/ /zhi gnas rnam pa bcu gsum dang / /lhag mthong nga yis bshad bya ste//'dod pa'i 'ching bas dam bcings pa'i/ /sems can de yis rnam dag 'gyur/ /sems can rnams la snying brtse bas/ /nyan thos rnams kyi bden pa bzhi/ /chos rnams rtag tu yun gnas dang / /zag pa med phyir ngas bshad do/ /nyan thos bden pas 'dul ba ni//srid pa'i mtsho las ngas bsgral lo/ /byang chub spyod pa thams cad kyang / /phyi nas khyed la bstan par bya'o/ /de nas de'i tshe thams cad dang ldan pa'i mi mjed kyi sangs rgyas kyi zhing du gtogs pa'i sems can rnams 'di snyam du sems te/ kye ma da ltar de bzhin gshegs pa 'di ni nyan thos kyi gtam yang dag par rab tu ston par mdzad kyi/theg pa chen po'i gtam ni mi mdzad do snyam mo/ /de nas de'i tshe byang chub sems dpa' de dag thams cad 'di snyam du sems te/ kye ma da ltar de bzhin gshegs pa 'di ni sangs rgyas kyi zhing 'dir sa yongs su spyad pa'i phyir dang /ma 'ongs pa'i dus na chos kyi tshul ring du gnas par bya ba'i phyir dang / da ltar sangs rgyas kyi zhing 'dir gang dkon mchog gsum gyi gdung rgyun mi 'chad par bya ba'i phyir dang / ma 'ongs pa'i dus na lha dang / klu dang / gnod sbyin dang / srin po dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa ma dad pa rnams mngon par dad par bya ba'i phyir dang / dad pa rnams phyir zhing 'phel bar bya ba'i phyir dang / sems can chos la mngon par brtson pa dag dang / chos la gnas pa dag dang / yon tan gyis phyug pa dag dang / tshul khrims kyi dri dang yang dag par ldan pa rnams bde ba la reg pa dang / rnam par tho 'tsham pa med par bya ba'i phyir dang / byang grol gyi bde ba yongs su rdzogs par bya ba'i phyir dang / ji nas sangs rgyas kyi zhing 'di shin tu yon tan dag gis bsgo bar bya ba'i phyir dang /phyogs bcu na gnas pa'i sangs rgyas kyi zhing gzhan thams cad kyang bsgo ba'i 'os su gyur pa dang / bla ma la gus pa dang / phyag bya ba'i 'os su gyur par bya ba'i phyir bdag cag nang du yang dag par 'jog par bzhed pas/ ma la bdag cag gis da de bzhin gshegs pa'i dgongs pa yongs su rdzogs par bya ste/bdag cag thams cad kyis sa'i steng du skyil mo krung gis 'khod par bya zhing / rang rang gi rnam pa sna tshogs kyi mchog thams cad dang ldan pa'i bzod pa dang / gzungs dang / ting nge 'dzin dang / rnal 'byor dag gis gnas pa dag tu bya gor ma chag snyam mo//de nas de'i tshe byang chub sems dpa' sems dpa' chen po gang dag bskal pa brgyas nges par byung ba dag dang / gang dag sa bcu dag dang / gang dag mi skye ba'i chos kyi bzod pa la gnas pa'i bar dag dang / gang dag sangs rgyas kyi chos ma 'dres pa brgyad la gzhan la rag ma las pa'i ye shes la mkhas pa dag dang /mi 'jigs pa thob pa dag gi bar de dag thams cad sa steng 'dir skyil mo krung gis 'khod par gyur to/ /de bzhin du rang rang gi rnam pa sna tshogs kyi mchog thams cad kyi bzod pa dang /gzungs dang / ting nge 'dzin dag la mnyam par gzhag pa dag tu gyur to/ /yang de'i tshe bsod nams kyi stobs ji lta ba bzhin du rgyu 'thun pa'i rgyu'i stobs kyis byang chub sems dpa' sems dpa' chen po mnyam par gzhog pa de dag dang / byang chub sems dpa' chen po bsam gtan byed pa de dag las kha cig gi lus las 'od 'di lta bu byung ste/dper na mar me'i 'od lta bu'o/ /kha cig gi ni skar mda' dang mnyam pa dag go/ /kha cig gi ni brgya byin dang mnyam pa dag go/ /kha cig gi ni mi mjed kyi bdag po tshangs pa dang mnyam pa nas kha cig gi ni zla ba dang mnyam pa'i bar dag go//kha cig gi ni nyi ma dang mnyam pa dag go/ /kha cig gi ni nyi ma gnyis dang mnyam pa dag go/ /kha cig gi ni nyi ma gsum dang mnyam pa dag go/ /kha cig gi ni nyi ma lnga dang mnyam pa dag go/ /kha cig gi ni nyi ma stong dang mnyam pa'i bar dag go//kha cig gi ni lus las ni nyi ma bye ba brgya stong dang mnyam pa'i 'od dag byung ste/ mi mjed kyi sangs rgyas kyi zhing 'di thams cad sngon ma mthong ma thos pa'i snang ba chen po rgya che ba de lta bus 'jig rten khyab par gyur to/ /de dag gi lus las mchog tu sems can gzhan dag gi lus dang sems kyi bde ba la reg pa dang /dga' ba dang / rab tu tshim par byed pa/ nad thams cad rab tu zhi bar byed pa/ lta ba ngan pa thams cad rab tu zhi bar byed pa/ lus kyi gnas ngan len thams cad rab tu zhi bar byed pa/bkres pa dang skom pa thams cad rab tu zhi bar byed pa/ 'dod pa thams cad rab tu zhi bar byed pa/ khro ba thams cad dang / 'jigs pa thams cad dang / nyon mongs pa dang / 'ching ba thams cad rab tu zhi bar byed pa'i 'od byung ste/ sangs rgyas kyi zhing 'di na srid pa gsum gyi btson ra'i sdug bsngal gyi 'jigs pa thams cad kyi bar rab tu zhi bar byed do//de'i tshe sangs rgyas kyi zhing 'di na sems can thams cad sangs rgyas la 'bab pa dag dang / chos la 'bab pa dag dang / dge 'dun gyi yon tan la dga' ba la mkhas pa dag 'khod par gyur to//yang de'i tshe sangs rgyas kyi zhing 'di phyogs bcu'i gang gA'i klung gi bye ma snyed kyi sangs rgyas kyi zhing stong pa dang / stong pa ma yin pa dag dang / yongs su dag pa dang / yongs su dag pa ma yin pa dag na kun nas lham me/ lhan ne/ lhang nger yang dag par snang ba ni 'di lta ste/mtshan mo mun pa byung ba na zla ba dang / nyi ma brgya stong shar nas lham me/ lhan ne/ lhang nge ba bzhin te/ de ltar de'i tshe mi mjed kyi sangs rgyas kyi zhing yang phyogs bcu'i gang gA'i klung gi bye ma snyed kyi sangs rgyas kyi zhing stong pa dang / stong pa ma yin pa dag dang /yongs su dag pa dang / yongs su ma dag pa dag na kun nas mchog tu lham me/ lhan ne/ lhang nger gyur to/ /de nas sangs rgyas kyi zhing de dang de dag na byang chub sems dpa' sems dpa' chen po gang dag yod pa dang / gang dag bskal pa brgyas nges par byung ba dag dang /gang dag sangs rgyas kyi chos ma 'dres pa brgyad la gzhan la rag ma las pa'i ye shes la mkhas pa dag dang / mi 'jigs pa thob pa'i bar de dag sangs rgyas kyi mthus de nas chas te/ sems kyi skad cig ma gcig dang ldan pas sangs rgyas kyi zhing 'dir zhugs nas gnas ji lta ba bzhin sa steng du skyil mo krung gis 'khod par gyur to//de bzhin du rang rang gi dge ba'i phyogs la nan tan dag tu byed cing ji ltar dge ba'i phyogs kyi stobs bskyed pa thob pa de dag dang / mi 'jigs pa'i rgyu dang rkyen dang ldan pa de dag gi lus las de 'dra ba kho na'i 'od byung bar gyur to//de nas bcom ldan 'das dge slong gi dge 'dun gyis yongs su bskor nas nyan thos chen po rnams la bka' stsal pa/ khyed bsam gtan gyi yul gyi mthu la ltos shig /byin gyi rlabs kyi rgyus bdud thams cad kyi yul dang / klu thams cad kyi yul zil gyis mnan nas/sngon gyi de bzhin gshegs pa thams cad kyis 'dir chos kyi tshul dang / dkon mchog gsum gyi gdung rgyun mi 'chad pa'i phyir dang / gsal bar mdzad pa'i phyir mi mjed kyi sangs rgyas kyi zhing 'di thams cad yongs su spyad pa mdzad do/ /de bzhin du da ltar byang chub sems dpa' sems dpa' chen po grangs med pa/dpag tu med pa gang gA'i klung gi bye ma snyed bsam gtan dang / mngon par shes pa'i yul la rnam par rtse ba dang ldan pa dag gis mi mjed kyi sangs rgyas kyi zhing 'di na chos kyi tshul yun ring du gnas par bya ba'i phyir dang /gsal bar bya ba'i phyir dang / lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa ma dad pa rnams dad par bya ba'i phyir dang / dad pa rnams phyir zhing 'phel bar bya ba'i phyir dang /sems can chos la mngon par brtson pa dag dang / chos kyis gnas pa dag dang / yon tan gyis phyug pa dag dang / sems la dbang dang ldan par gyur pa rnams bde ba la reg pa dang / rnam par tho 'tsham pa med par bya ba'i phyir dang / nga'i bstan pa rab tu mi 'jig par bya ba'i phyir dang /byang grol gyi bde ba yongs su rdzogs par bya ba'i phyir sa chen po 'di yongs su spyad par byas pa yin no/ /don de nyid byin gyis brlab par bya ba'i phyir de ltar na byang chub sems dpa' sems dpa' chen po rnams bsam gtan gyi yul dag gis rnam par rtse bar byed do//sa phyogs gang dang gang na byang chub sems dpa' sems dpa' chen po 'di dag 'khod cing bsam gtan gyi yul dag gis rnam par rtsen par byed pa de dang der da ltar dang / ma 'ongs pa'i dus na yang kha cig tu la lar nga 'das nas sems can 'khor ba'i 'jigs pas skrag par byed cing mya ngan las 'das pa 'dod pa dag sku gdung gi mchod rten dag byed du 'jug par 'gyur zhing /sangs rgyas kyi bzhugs khang dag gam/ sangs rgyas kyi sku gzugs dag gam/ chos kyi bzhugs khang dag byed par 'gyur ro/ /yang na der glegs bam du bri ba byas nas nga'i chos kyi sku yang 'chang bar 'gyur ro//der yang mchod pa rnam pa sna tshogs dag kyang byed par 'gyur zhing / der rin po che rnam pa sna tshogs dag kyang 'bul bar 'gyur te/ 'di lta ste/ gser dang / dngul dang / bai dUr+ya dang / shel dang / mu tig dmar po dang /rdo'i snying po dang / spug dang / nor bu dang / mu tig dang / dbyig dang / dung dang / man shel dang / byi ru la sogs pa dang / dar yug dang / dril bu dang / za 'ug dang / gso ras bzang po dang / yul ka shi'i ras bzang po dang / dbu stan nang tshangs can dang /gding ba dang / gdugs dang / rgyal mtshan dang / ba dan dang / chos gos dang / mgur gyi rgyan dang / phyag gi rgyan dang / spos dang / me tog dang / bdug pa dang / rol mo'i sgra dang / lus 'dud pa dang / bla ma dang / gus pa chen po dang / gces par byed pa dag tu 'gyur ro//de nas bcom ldan 'das kyis de'i tshe phyag sor bcu'i thal mo sbyar nas 'di skad ces bka' stsal to/ /de dag gi mchod pa ni de nas nga nyid kyis bzhes par mdzad de/ sems can de dag thams cad ni bsam pa ji lta ba bzhin du theg pa gsum gyis phyir mi ldog pa dag tu 'gyur ro//sa phyogs la lar ni gtsug lag khang dang / gnas khang dang / 'chag sa dang / dgon pa'i gnas dang / skyed mos tshal dang / kun dga'i ra ba dag rab tu shom par byed do/ /yang na nyan thos kyi chos kyi gnas pa rnams la mchod pa dang / rim gro rnam pa sna tshogs 'di lta ste/ chos gos dang / bsod snyoms dang / mal cha dang / stan dang / na ba'i gsos sman dang / yo byad dag gis byed par 'gyur ba'am/ byed du 'jug par 'gyur ro/ /gtsug lag khang dang / 'chag sa dang / dgon pa'i gnas de dag tu yang bkur stir byas te chos nyan pa dang /rnam par gtan la dbab pa'i gtam byed pa dag tu 'gyur ba'am/ glegs bam dag klog par 'gyur ro/ /gtsug lag khang dang / 'chag sa la sogs pa de dag tu yang yongs su gtong ba rnam pa sna tshogs dag yongs su gtong bar 'gyur te/'di lta ste/ zhing gi gzhi 'am/ khyim gyi gzhi'am/ kun dga'i ra ba'i gzhi'am/ bran dang / bran mo dang / glang po che dang / rta dang / rnga mo dang / ba lang dang / ma he dang / bong bu dang / phyugs gzhan dag dang / snod spyad kyi yo byad rnam pa sna tshogs dag der yongs su gtong bar 'gyur zhing /nga'i nyan thos kyis chos kyi gnas pa rnams longs spyod par bya ba'i phyir mal cha dang / stan gyi yo byad rnam pa sna tshogs dag sems kyi rgyan gyi don dang / sems kyi yo byad kyi don dang / rnal 'byor gyi tshogs kyi don dang /byang grol gyi bde ba don gyi mchog thob par bya ba'i phyir sngo ba dag tu byed do/ /da ltar dang ma 'ongs pa'i dus na nga'i bstan pa la phan gdags pa'i phyir yongs su gtong ba rnam pa sna tshogs dag yongs su gtong bar byed do/ /de bzhin du sems can de dag gi sbyin pa las byung ba'i bsod nams bya ba'i dngos po de dag thams cad la ci nas kyang sems can de dag 'bras bu chen por 'gyur bar bya ba'i phyir nga rjes su thugs rangs par mdzad do//bzhes par mdzad do/ /sems can log par ltung ba'i chos can ma yin pa ngan 'gro gsum rnam par spangs pa de dag thams cad bsam pa ji lta ba bzhin du theg pa gsum gyis phyir mi ldog pa dag tu 'gyur ro//sems can de dag yun ji srid du 'khor bar 'khor bar 'gyur ba de srid du yang longs spyod gnyis po chos kyi longs spyod dang / zang zing gi longs spyod dang mi 'bral bar 'gyur ro//ri dang / nags khrod dang / shing ljon pa chen po dang / dgon pa dang / nags 'dab gang du yang rung ste/ da ltar dang ma 'ongs pa'i dus na thar pa don du gnyer ba chos kyis gnas pa'i dge slong dang / dge slong ma dang / dge bsnyen dang / dge bsnyen ma sgra bskyungs pa dag dang /gcom bskyungs pa dag dang / nang du yang dag 'jog gi tshul dang bcas pa dag dang / tshul bzhin du yid la byed pa dang 'tsham pa dag 'byung bar 'gyur zhing / lha dang / klu dang / gnod sbyin dag kyang gnas par 'gyur ro/ /dge slong dag gdul ba'i don du bsam gtan gyi yul gyi mthu la ltos shig /bdud thams cad kyi yul dang / klu thams cad kyi yul zil gyis mnan nas/ sngon gyi de bzhin gshegs pa bzhugs te 'tsho zhing gzhes pa rnams kyis chos kyi tshul ring du gnas par bya ba'i phyir dang / dkon mchog gsum gyi gdung rgyun mi gcad pa'i phyir sngon yang mi mjed kyi sangs rgyas kyi zhing 'di yongs su spyod pa mdzad do//da ltar byang chub sems dpa' sems dpa' chen po grangs med pa/ dpag tu med pa gang dag phyogs bcu'i sangs rgyas kyi zhing gzhan gang gA'i klung gi bye ma snyed nas nga'i sangs rgyas kyi zhing 'dir zhu ba dang /zhal blta ba dang / phyag 'tshal ba dang / mchod pa dang / bsnyen bkur bya ba'i phyir dang / nam mkha'i mig dang ldan pa/ so so yang dag par rig pa bzhi dang ldan pa/ chos kyis gnas pa rnams kyi byang chub sems dpa'i spyod pa mnyan pa'i phyir lhags pa'i byang chub sems dpa' sems dpa' chen po de dag kyang nga la snying nye ba'i phyir chos kyi tshul ring du gnas par bya ba'i don dang /dkon mchog gsum gyi gdung rgyun mi gcad pa'i don du bsam gtan gyi yul gyis sa steng du 'khod nas/ bdud thams cad kyi yul tshar bcad pa'i phyir dang / 'khor bas skrag pa sbyin pa la mngon par brtson pa'i sems can de dag la snying brtse ba'i phyir sangs rgyas kyi zhing 'di yongs su spyod pa dag tu byed do/ /da ltar dang ma 'ongs pa'i dus na nga'i bstan pa 'di dang / dam pa'i chos sam/dam pa'i chos kyi gzugs brnyan yun ji srid gnas par chos kyis gnas pa'i dge slong rnams la khyim dang / kun dga'i ra ba dang / zhing dang / bran dang / bran mo'i bar gang su dag gis de ltar bsngos pa de la sdig pa spyod pa'i dge slong tshul khrims 'chal pa gang dag tha na 'dab ma gcig dang /'bras bu gcig dang / me tog gcig cig yongs su spyod pa dag tu byed na de ni mi blun po de la don ma yin pa dang / phan pa ma yin par 'gyur te/ de la gnod pa bzhi yang 'byung bar 'gyur ro/ /bzhi gang zhe na/ phyogs thams cad du mi snyan pa chen po 'gro ba yin/mdza' bo dang / nye du dang / snag gi gnyen mtshams dang / mkhan po dang / slob dpon dang / rim gro pa sdug cing yid du 'ong ba dag dang myur du 'bral bar 'gyur ba yin/ nad tshabs chen po yun ring ba dag gis thebs par 'gyur ba yin/de'i chos gos dang lhung bzed gang yod pa yang 'jigs pa chen po lngas phrogs par 'gyur ba yin no/ /lnga gang dag gis zhe na/ 'di lta ste/ rgyal po dang / chom rkun dang / me dang / chu dang / bgo skal la spyod pa mi mdza' ba dang lnga po de dag gis so//de'i 'jig rten pha rol gyi 'dod pa ma yin pa'i 'bras bu bzhi myur du 'grub par 'gyur ba yin te/ bzhi gang dag yin zhe na/ lus zhig nas sems can dmyal ba chen po mi bzad par skye bar 'gyur ba yin/ de gal te brgya la res 'ga' zhig dus ring zhig 'das nas sems can dmyal ba de nas shi 'phos nas 'brog dgon pa ro skam gyi nang du dud 'gro dang /kyi ris su long ba dang rkang lag med pa dag tu skye bar 'gyur zhing / de lo brgya stong mang po dag tu bkres pa dang / skom pas yongs su gdung ba chen po'i sdug bsngal nyams su myong bar 'gyur ba yin/gal te brgya la res 'ga' zhig dus ring zhig 'das nas de dag shi 'phos nas lo brgya stong mang po dag tu sbrul gdug pa long ba rdul za ba dag gi nang du skye bar 'gyur ba yin/ de brgya la res 'ga' zhig de nas shi 'phos nas gal te mi rnams kyi nang du skyes na/ 'on kyang sangs rgyas kyi zhing snyigs ma lnga dang ldan pa stong pa dag tu mi nyid 'thob pa rnyed par 'gyur zhing /mong rtul ba dang / tshul du mi shes par 'gyur ba dang / mig ma tshang ba dang / lag pa ma tshang ba dang / rkang pa ma tshang ba dang / khyi'i longs spyod kyi kha zas la gdu zhingaskyag khung sa'i kha zas za ba dang /'dam rdzab dang / phyag dar khrod na nyal ba dang / 'brog dang / dgon pa dang / lam po che rnams na 'tsho bar 'gyur la/ de de nas shi 'phos nas kyang yang sems can dmyal ba rnams kyi nang du skye bar 'gyur ro/ /de ci'i phyir de'i 'bras bu 'dod pa ma yin pa de ltar lci ba 'byung zhe na/'di ltar sdig pa spyod pa'i dge slong de ni 'di ltar chos kyis gnas pa rnams la khyim dang / zhing dang / kun dga'i ra ba dang / bran dang / bran mo dang / phyugs dag gi bar bsngos pa dag phrogs nas gang zag rang gi yongs su longs spyod pas longs spyod par byed pa'i phyir te/sdig pa spyod pa'i dge slong de lta bu de ni de ltar ngo mtshar rmad du byung ba'i sangs rgyas bcom ldan 'das 'byung ba thams cad kyi chos kyi tshul med par bya ba dang / rnam par gzhig pa dang / rgyun gcad pa dang / nub par bya ba'i phyir brtson pa yin no//de bzhin du dkon mchog gsum gyi gdung med par bya ba nas nub par bya ba'i bar du brtson pa yin no/ /de ci'i phyir zhe na/ 'di ltar dge ba'i phyogs ni tshogs dang ldan pa yin la/ chos kyi tshul dang dkon mchog gsum gyi gdung yang dge ba'i phyogs kyis rab tu phye ba yin te/de'i phyir de nyid kyi mi 'dod pa'i 'bras bu rnam par smin pa lci ba mngon par 'grub pa yin no/ /de nas gnas brtan ga ya 'od srung gis mchi ma blags nas 'di skad ces gsol to/ /btsun pa bcom ldan 'das mi nyid rnyed pa ni ma thob kyang mi bsngo'i/ rab tu byung nas bza' ba dang btung ba'i slad du log par sgrub pa ni de lta ma lags so//bcom ldan 'das kyis bka' stsal pa/ ga ya 'od srung chen po de de bzhin no/ /ji skad smras pa de bzhin te/ gang du de'i sngon gyi las rnams zad pa dag tu 'gyur ba'i sems can dmyal bar gnas pa ni sla'i/'di na gang gzhan du spyod pa ni de lta ma yin no/ /'on kyang skyes bu blun po kha cig mi nyid thob pa rnyed par dka' ba rnyed de legs par gsungs pa'i chos 'dul ba gang la sdug bsngal thams cad zad pa dang / zag pa thams cad mthar thug par 'gyur ba ngo mtshar rmad du byung ba'i rab tu 'byung ba rnyed par dka' ba dang /bsnyen par rdzogs pa dge slong gi dngos po thob nas 'on kyang skyes bu blun po de dag gang gis mchod par mi 'gyur ba dang / bza' btung dang bral bar 'gyur ba mi dge ba'i phyogs rnal 'byor yid la byed pa yongs su bsams nas rgyal rigs dang /bram ze dang / rje'u rigs dang / dmangs rigs dad pa can dag gis khyim dang / zhing dang / kun dga'i ra ba dang / skyed mos tshal dang / bran dang / bran mo nas rkang bzhi pa dag gi bar dge slong chos kyis gnas pa/ yon tan gyis phyug pa dag longs spyod par bya ba'i phyir dang / dge ba'i phyogs dang 'thun par bya ba'i phyir de ltar bsngos pa la sdig pa spyod pa'i dge slong de mang du thos pa'i mthu'am/ khyim na gnas pa'i mthus de dag la bsngos pa'i longs spyod dang / nye bar spyod pa phrogs nas bdag nyid kyis gang zag gi 'du shes kyis yongs su spyod par byed de/skyes bu blun po de'i log par bsgrub pa de ni de lta bur 'gyur ro/ /de nas bcom ldan 'das la rgyal po gzugs can snying pos 'di skad ces gsol to/ /btsun pa bcom ldan 'das gang dge slong chos kyis gnas pa/yon tan gyis phyug pa dag la de ltar bsngos pa'i longs spyod dang / nye bar spyod pa phrogs nas bdag nyid kyis yongs su spyod par bgyid pa'i dge slong rab tu byung ba'i mi 'dod pa'i 'bras bu de lta bu 'byung lags na/ dpe tsam du bgyi na gang yang khyim na gnas par gyur la/dge slong chos kyis gnas pa rnams la de ltar bsngos pa'i longs spyod dang / nye bar spyod pa phrogs nas bdag nyid kyis yongs su spyod par bgyid na de bsod nams ma lags pa'i phung po ji snyed cig dang ldan par 'gyur ba lags/ bcom ldan 'das kyis bka' stsal pa/rgyal po chen po thong khyod kyis smras pa des ci zhig bya/ gsol pa/ btsun pa bcom ldan 'das dge slong chos kyis gnas pa/ yon tan gyis phyug pa de lta bu dag la longs spyod dang nye bar spyod pa dag gis stsol bar ni bgyid kyi/ 'phrog par ni mi bgyid lags so//'on kyang slad ma'i dus na rgyal rigs dang / bram ze dang / rje'u rigs dang / dmangs rigs ma dad pa 'jig rten pha rol gyis 'jigs par mi lta ba dag 'byung bar 'gyur zhing / dge slong chos kyis gnas pa/ yon tan gyis phyug pa dag la de ltar bsngos pa'i longs spyod dang /nye bar spyod pa phrogs nas bdag nyid kyis yongs su spyod par bgyid pa gang dag lags pa de dag gi rgud par 'gyur ba gang lags/ bcom ldan 'das kyis bka' stsal pa/ rgyal po chen po gal te ngas lung bong lta bu'i rgyal rigs dag nas/ dmangs rigs dag gi bar dag chos kyis gnas pa yon tan gyis phyug pa dag la de ltar bsngos pa'i longs spyod dang /nye bar spyod pa phrogs nas bdag nyid kyis longs spyod par byed pa gang dag yin pa de dag gi log par sgrub pa 'byung ba de bshad na ni/ de'i tshe de dag kyang nga'i bka' bstan pa'i phrin las kyi skabs thob nas spong ba dag tu byed la yid ches pa dag tu mi byed de/de dag ni phung bar 'gyur ba'i 'jigs pa chen po'i gnod pa gnyi ga dang ldan par 'gyur ro/ /bcom ldan 'das la rgyal po gzugs can snying pos lan gnyis su yang 'di skad ces gsol to//bcom ldan 'das bstan du gsol/ bde bar gshegs pa bstan du gsol/ btsun pa bcom ldan 'das gang dag 'jig rten pha rol gyis 'jigs par lta zhing / bcom ldan 'das kyis legs par gsungs pa'i chos 'dul ba legs par bstan pa yang dag par 'dzin pa dang /gsal bar bgyid pa'i rgyal rigs nas dmangs rigs kyi bar dag gi rigs rgyud rigs btsun pa dag 'byung bar 'gyur lags so/ /bcom ldan 'das de dag ni khyod kyi bka'i phrin las bstan pa thos nas stobs dang brtson pa mchog tu chen pos rgyal ba'i bstan pa legs par bstan pa gsal bar bgyid pa dang /yongs su skyong ba dag tu 'gyur zhing / gang zag de ltar yang dag par zhugs pa dag dang / chos kyis gnas pa dag dang / yon tan gyis phyug pa dag la yang mchod pa bgyid pa dang / srung ba bgyid pa dang /yongs su skyong bar bgyid par 'gyur lags so/ /khyim na gnas pa dang / rab tu byung ba de dag kyang 'phrog par mi bgyid lags so/ /btsun pa bcom ldan 'das khyim na gnas pa gang gis gang zag chos kyis gnas pa dag gi longs spyod dang nye bar spyod pa phrogs nas bdag nyid kyis yongs su spyod par bgyid pa de'i rgud par 'gyur ba gang lags/bcom ldan 'das kyis bka' stsal pa/ rgyal po chen po gal te ngas ma 'ongs pa'i dus na lung bong lta bu'i rgyal rigs nas dmangs rigs kyi bar dag chos kyis gnas pa/ yon tan gyis phyug pa dag la de ltar bsngos pa'i longs spyod dang nye bar spyod pa 'phrog cing bdag nyid kyis longs spyod par byed pa gang dag yin pa de dag gis log par sgrub pa 'byung ba de bshad na ni de dag kyang nga'i bka' bstan pa'i phrin las kyi skabs thos nas spong ba dag tu byed la yid ches pa dag tu mi byed de/de dag ni phung bar 'gyur ba'i gnod pa chen po'i gnod pa gnyis ka dang ldan par 'gyur ro/ /bcom ldan 'das la rgyal po gzugs can snying pos lan gsum du yang 'di skad ces gsol to/ /bcom ldan 'das bstan du gsol/bde bar gshegs pa bstan du gsol/ bcom ldan 'das gang dag 'jig rten pha rol gyis 'jigs par lta zhing / bcom ldan 'das kyi chos 'dul ba legs par bstan pa yang dag par 'dzin pa dang / gsal bar bgyid pa'i rgyal rigs nas dmangs rigs kyi bar dag gi rigs rgyud rigs btsun pa dag 'byung bar 'gyur lags so//de dag gi ni bcom ldan 'das kyi bka' phrin las bstan pa thos nas stobs dang brtson pa mchog tu chen pos rgyal ba'i bstan pa legs par bstan pa gsal bar bgyid par 'gyur zhing / gang zag de ltar yang dag par zhugs pa dag dang /chos kyis gnas pa dag dang / yon tan gyis phyug pa dag la yang mchod pa bgyid pa dang / srung ba bgyid pa dang / yongs su skyong bar bgyid par 'gyur lags so/ /khyim na gnas pa dang / rab tu byung ba de dag kyang 'phrog par mi bgyid lags so//chos kyis gnas pa de dag gi longs spyod dang nye bar spyod pa 'phrog par mi bgyid lags so/ /bcom ldan 'das kyis bka' stsal pa/ rgyal po chen po legs so legs so/ /khyod kyi spobs pa legs so/ /rgyal po chen po ma 'ongs pa'i dus na gang dag rgyal rigs dang /bram ze dang / rje'u rigs dang / dmangs rigs dag gis chos kyis gnas pa rnams la khyim gyi gzhi dang / zhing gi gzhi dang / kun dga'i ra ba'i gzhi dang / skyed mos tshal dang / bran dang / bran mo dang / mal cha dang / stan dang / na ba'i gsos sman dang / yo byad dag de ltar bsngos pa dang / rkang pa bzhi pa'i bar bsngos pa yang 'phrog par byed pa'am/ rku bar byed pa dag 'byung bar 'gyur te/ rgyal rigs nas dmangs rigs kyi bar de thams cad ni mthong ba'i chos la 'byung ba 'dod pa ma yin pa'i chos nyi shu dang myur du ldan par 'gyur ro//nyi shu gang dag ce na/ lha rnams kyis yongs su btang ba yin/ phyogs dang phyogs mtshams dag tu yang de'i mi snyan pa grags par 'gyur ba yin/ mdza' bshes dang snag gi gnyen mtshams dag gis kyang de yang yongs su gtong bar 'gyur ba yin/de'i dgra bo dag kyang mang bar 'gyur ba yin/ nor dang nor gyi yo byad dag las kyang yongs su nyams par 'gyur ba yin/ rnam par g.yeng ba yang mang ba yin/ yan lag ma tshang bar 'gyur ba yang yin/ de gnyid med pa yin/ rtag tu sred pas gnod par 'gyur ba yang yin/de'i bza' ba dang btung ba yang dug gi bya ba byed pa yin/ sdug pa dang yid du 'ong ba dag dang myur du 'bral ba thob pa yin/ rtag tu gzhan dag dang thab mo 'byung ba yin/ pha dang / ma dang / spun dang / chung ma dang bu mo dang bran dang / bran mo dag kyang bsgo ba bzhin mi byed pa yin/ de'i gsang sngags gsang ba dag dang / nor gsang ba dang / slas gsang ba dang / de'i dngos po gsang ba rnams kyang thams cad gsang shor ba dag tu 'gyur ba yin/ bgo skal la spyod pa mi mdza' ba la sogs pa lngas kyang longs spyod dag chud za bar 'gyur ba yin/nad tshabs chen po dag gis kyang myur du thebs par 'gyur ba yin/ sman dang rim gro pa dang bral zhing sha dang khrag bskams nas sdug bsngal nyams su myong bar 'gyur ba yin/ rang gi bshang gci dag gi nang du 'chi ba'i dus byed par 'gyur ba yin te/rgyal po chen po 'dod pa ma yin pa'i las nyi shu po de dag dang myur du ldan par 'gyur ro/ /gang dge slong chos kyis gnas pa rnams la bsngos pa'i longs spyod dang / nye bar spyod pa dang / nor gyi yo byad 'phrog par byed cing / bdag nyid kyis kyang yongs su spyod par byed pa de 'chi ba'i dus byas nas sems can dmyal ba chen po mnar med par skye bar 'gyur ro//de der yang tshe bskal par lcags dang zangs bzhun 'thung bar 'gyur zhing / lcags kyi thu lum za bar 'gyur la/ me'i gos dang / longs spyod dang / nye bar spyod pa spyod par byed cing gnod pa mi bzad pa chen po rnam pa sna tshogs nyams su myong bar 'gyur ba yin no/ /tshe bskal pa zad nas kyang de nas shi 'phos nas 'brog dgon pa ro skam dag gi nang du lam du skyes pa'i rnams dang skal pa mnyam par rkang pa dang /lag pa dang / mig ma tshang bar skye bar 'gyur ro/ /der yang phyogs bzhi nas langs pa'i rlung kun tu tsha ba dag gis kun tu gdung bar byed cing sa spu gri dang 'dra ba'i steng du dmyal bar byed/ yongs su dmyal bar byed de/ de der lo brgya stong mang por sdug bsngal de lta bu nyams su myong bar byed pa yin no//de gal te brgya la res 'ga' zhig de nas shi 'phos nas kyang rgya mtsho chen po'i nang du lus dpag tshad brgya pa'i sha nar nar por skye bar 'gyur ro/ /sngon gyi las kyi rgyus de'i dpag tshad khor yug gi chu zangs bzhun ma ltar dmar po 'byung bar 'gyur ro//de der yang lo brgya stong mang por chu'i nang du sems can dmyal ba'i gnod pa myong bar byed pa yin no/ /de de nas shi 'phos nas kyang 'brog dgon pa chen por rdzus te skye ba sha nar nar po chen po ri dang mnyam pa 'byung bar 'gyur ro/ /phyogs bzhi kun tu yang rlung kun tu tsha ba dag gis kun tu sreg par byed do//der yang phyogs bzhi nas dang bya dag lhags te yongs su za ba dag tu byed do/ /de brgya la res 'ga' dus ring zhig 'das nas de nas shi 'phos nas yang sems can dmyal ba chen po dag gi nang du skye bar 'gyur ro//de nas kyang shi 'phos nas yang dang yang du log par sgrub pa chen po de lta bu nyams su myong bar 'gyur te/ yongs su brtag pa nye bar bzung na/ de brgya lam na res 'ga' zhig mi rnams dang skal ba mnyam par skyes na yang sangs rgyas kyi zhing snyigs ma lnga dang ldan pa dag tu mig ma tshang ba dang /tshul du mi shis par skye bar 'gyur ro/ /rgyal po chen po gang chos kyis gnas pa dag la bsngos pa'i longs spyod dang nye bar spyod pa dang / nor gyi yo byad 'phrog par byed pa de'i log par sgrub pa de ni de lta bu yin no/ /de nas rgyal po gzugs can snying po mchi ma dag phyung nas gsol pa/btsun pa bcom ldan 'das skyes bu gang zag de lta bu ni sems can dmyal ba na gnas par mi bsngo lags kyi/ gang gis mi nyid rnyed pa thob nas bsod nams ma lags pa chen po de lta bu kun tu spyod par 'gyur ba'i mi nyid rnyed pa ni de lta ma lags so//bcom ldan 'das kyis bka' stsal pa/ rgyal po chen po da ltar dang ma 'ongs pa'i dus na rgyal rigs chos kyis gnas pa khyed cag gi lag tu gang zag yongs su gtad kyis srungs shig /yongs su srungs shig /rab tu byung ba'am/ khyim na gnas pa gang dge slong chos kyis gnas pa rnams la de ltar bsngos pa'i longs spyod dang / nye bar spyod pa dang / nor gyi yo byad 'phrog par byed pa de la khyed kyis ji nas kyang chos dang 'thun pas chad pas gcad par bya'o/ /rgyal pos gsol pa/ btsun pa bcom ldan 'das gal te gang dag dge slong chos kyis gnas pa rnams la de ltar bsngos pa'i longs spyod dang /nye bar spyod pa dang / nor gyi yo byad 'phrog par byed pa'i khyim na gnas pa dang rab tu byung ba de dag ci nas chos dang 'thun pas chad pas gcod par mi bgyid cing / de la rgyal po btang snyoms par gnas par bgyid lags na rgyal rigs de bsod nams ma lags pa'i phung po ji snyed cig skyed par 'gyur lags/bcom ldan 'das kyis bka' stsal pa/ rgyal po chen po de bzhin gshegs pa ma gtogs par nyan thos dang / rang rgyal ba dag dang bcas pa'i sems can thams cad kyi bsod nams ji snyed yod pa'i bsod nams kyi phung po de lta bu dang /sems can gcig cig ldan par gyur na/ sems can de nyan thos dang / rang rgyal ba thams cad las ches khyad par du 'phags pa dang / ches bsod nams dang ldan par 'gyur ba yin nam/rgyal pos gsol pa/ btsun pa bcom ldan 'das de de lta lags so/ /btsun pa bcom ldan 'das sems can de ches khyad par du 'phags pa lags te/ de gang la sems can 'tsho ba kun gyi nang na nyan thos dang /rang rgyal ba thams cad las ches bsod nams dang ldan pa ni skyes bu 'ga' zhig 'byung bar bas lags so/ /bcom ldan 'das kyis bka' stsal pa/ rgyal po chen po gal te sems can snga ma de bsod nams kyi phung po ji lta bu dang ldan pa'i bsod nams kyi phung po de lta bu dang sems can thams cad ldan pa dag tu gyur la/de la gang sems can 'tsho ba thams cad kyi yan lag dag rnam par gcod par byed cing mig 'byin pa dang / rna ba dang / sna dang / lag pa dang / rkang pa dag rnam par gcod par byed pa'i skyes bu 'ga' zhig byung bar gyur na/rgyal po chen po 'di ji snyam du sems/ skyes bu de bsod nams ma yin pa sdig pa'i las ji snyed cig skyed par 'gyur/ de nas rgyal po gzugs can snying po mchi ma dag phyung nas cang mi smra bar 'dug go/ /bcom ldan 'das kyis bka' stsal pa/ rgyal po chen po lan thob shig lan thob shig /de nas rgyal po chen po gzugs can snying po shum zhes ngu bzhin du gsol pa/ btsun pa bcom ldan 'das gang sems can bsod nams dang ldan pa de lta bu gcig gi yan lag dag rnam par gcod par bgyid cing / mig 'byin pa dang / rna ba dang / sna dang / lag pa dang / rkang pa dag rnam par gcod par bgyid pa'i skyes bu de yang bsod nams ma lags pa sdig pa'i las grangs ma mchis/ tshad ma mchis/ dpag tu ma mchis/ dpe ma mchis pa skyed par 'gyur ba lags na/ gang de lta bu'i bsod nams dang ldan pa'i sems can thams cad kyi yan lag dag rnam par gcod par bgyid cing /mig 'byin pa dang / rna ba dang / sna dang / lag pa dang / rkang pa dag rnam par gcod pa lta ci smos lags/ bcom ldan 'das kyis bka' stsal pa/ rgyal po chen po da ltar dang /ma 'ongs pa'i dus na de bzhin gshegs pa 'tsho ba'am/ yongs su mya ngan las 'das pa yang rung ste/ lnga brgya pa tha ma la dam pa'i chos zad par 'gyur ba'i bar du khyim na gnas pa dang rab tu byung ba gang chos kyis gnas pa/ yon tan gyis phyug pa dag la de ltar bsngos pa'i longs spyod dang /nye bar spyod pa dang / nor gyi yo byad dang / zhing gi gzhi dang / khyim gyi gzhi dang / kun dga'i ra ba dang / skyed mos tshal dang / bran dang / bran mo dang / rkang bzhi pa dang / chos gos dang / bsod snyoms dang /mal cha dang / stan dang / na ba'i gsos sman dang / yo byad dag yod pa de las 'phrog gam rku ba de la rgyal rigs btang snyoms par byed cing / rab tu byung ba dang / khyim na gnas pa rkun ma de dag chad pa ci yod pa bzhin chad pas gcod du mi 'jug na rgyal rigs de bsod nams ma yin pa ches mang du skyed do//rgyal rigs ji lta ba bzhin grong gi blar bskos pa dang / grong khyer gyi bla dang / grong rdal gyi bla dang / ljongs kyi blar bskos pa yang de bzhin du btang snyoms par byed cing / de ltar rku ba'i sems can de dag zlog par mi byed na/de lta bu'i grong gi bla nas ljongs kyi bla'i bar de bsod nams ma yin pa'i phung po ches mang du skyed do/ /de nas rgyal po gzugs can snying pos 'di skad ces gsol to/ /btsun pa bcom ldan 'das rgyal po nyid ni shin tu lci ba lags so/ /rgyal rigs ni bag ma mchis pa mang po dang ldan par gnas pa lags so//btsun pa bcom ldan 'das gang yang rgyal po bag ma mchis par gnas shing / gang zag chos kyis gnas pa de lta bu dag srung bar bgyid pa dang / de bzhin du de ltar bsngos pa'i longs spyod dang / nye bar spyod pa 'phrog pa'i sems can rnams sdig pa'i las de las slar zlog par bgyid pa dang /grong gi bla nas ljongs kyi bla'i bar yang de bzhin du de ltar bsngos pa'i longs spyod dang / nye bar spyod pa dag rku ba'i sems can rnams sdig pa'i las de las slar zlog par bgyid na de bsod nams kyi phung po ji snyed cig skyed par 'gyur lags/bcom ldan 'das kyis bka' stsal pa/ rgyal po chen po gal te ngas sngar gsungs pa bzhin bsod nams kyi phung po de lta bu dang sems can thams cad ldan pa dag tu gyur la/ thams cad kyang btson rar bcug cing bkres pa dang skom pa dag gis gzir bar gyur la/de la gang sems can thams cad de lta bu'i bsod nams dang ldan pa dag btson ra de nas yongs su thar bar byed cing / lo brgya tshang bar yang sems can de dag thams cad la chos gos dang / bsod snyoms dang / mal cha dang / stan dang / na ba'i gsos sman dang / yo byad dag gis rim gro byed pa'i skyes bu 'ga' zhig byung bar gyur na/ rgyal po chen po 'di ji snyam du sems/ ci skyes bu de gzhi de las bsod nams mang du skyed par 'gyur ram/ gsol pa/ btsun pa bcom ldan 'das mang lags so//btsun pa bde bar gshegs pa skyes bu de ni bsod nams kyi phung po grangs ma mchis/ tshad ma mchis/ dpag tu ma mchis pa skyed lags so/ /bcom ldan 'das kyis bka' stsal pa/ rgyal po chen po de bas kyang gang da ltar nas ma 'ongs pa'i dus lnga brgya pa tha ma'i bar la chos kyis gnas pa/yon tan gyis phyug pa dag la de ltar bsngos pa 'phrog pa'i sems can rnams sdig pa'i las de las slar zlog par byed pa'i rgyal rigs sam/ ljongs kyi bla de bsod nams kyi phung po ches mang du skyed par 'gyur ro/ /rgyal pos gsol pa/btsun pa bcom ldan 'das gal te dge slong chos kyis gnas pa gcig cig gi ma bsrungs na de bsod nams ma lags pa de snyed cig skyed par 'gyur lags na/ gang yang gcig gis srung bar bgyid pa de bsod nams de snyed cig skyed par 'gyur lags sam/bcom ldan 'das kyis bka' stsal pa/ rgyal po chen po gang zag gcig gi len pa ngas ma gnang ngo / /gnyis las ma yin/ gsum gyi ma yin/ bzhi'i ma yin gyi/ rgyal po chen po phyogs bzhi'i dge 'dun gyi phyir gtsug lag khang gcig dang / dgon pa'i gnas gcig tu ye nyung na yang dge slong chos kyis gnas pa lnga'i len par ngas gnang ste/gaN+DI brdungs nas phyogs bzhi'i dge slong blo bur du lhags pa dag dang lhan cig tu longs spyod pa dang / nye bar spyod pa dang / gnas khang dang / mal cha dang / stan dang / bza' ba dang /btung ba dang / na ba'i gsos sman dang / yo byad dag longs spyod par ngas gnang ngo / /gal te gtsug lag khang gcig dang / dgon pa'i gnas gcig tu dge slong brgya stong gi bar gnas par byed na/ der yang gaN+DI brdungs nas phyogs bzhi'i dge slong blo bur du lhags pa dag dang lhan cig tu sman gyi yo byad kyi bar dag la longs spyod par ngas gnang ngo //ma chags pa dag dang / ma bcings pa dag dang / ma chums pa dag dang / nam gyi cha stod dang / nam gyi cha smad dag la mi nyal ba'i sbyor ba la rjes su brtson pa dag dang / 'khor ba la rgyab kyis phyogs pa dag dang / mya ngan las 'das pa la nang du phyogs pa dag dang / gzhan la mi smod pa dag dang / bdag la mi stod pa dag dang / chog shes pa dang / sbyangs pa'i yon tan spyod pa dang / rab tu dben pa dang / brtson 'grus brtsams pa dag dang /mnyam par bzhag pa dang / dran pa nye bar gzhag pa dag gis gnas pa dag longs spyod par ngas gnang ngo / /rgyal po chen po dge slong gi dge 'dun gyi nang na sems can de lta bu dag gnas te/ rgyal po chen po dge slong gi dge 'dun gyi nang na sems can de lta bu dag la sems can rnams kyis longs spyod dang /nye bar spyod pa yongs su btang bas bsod nams tshad med pa skyed do/ /rgyal po chen po gtsug lag khang ngam/ dgon pa'i gnas gang na dge slong lnga'am/ lhag par gnas kyang rung ste/ tshul khrims dang ldan pa dag dang /tshul khrims yongs su dag pa dang / kha na ma tho ba phra mo dag la yang 'jigs par lta ba dag gnas par byed cing / de bzhin gshegs pas gsungs pa stong pa nyid dang ldan pa'i mdo sde de dag kyang ston par byed/ kha ton du byed la/ gzhan la mi smod cing bdag la mi bstod pa/phrag dog dang ser sna rnam par spangs pa/ sems can thams cad la snying brtse ba/ thar pa la mngon par brtson pa dag gnas la/ gaN+DI brdungs nas longs spyod par byed na dge slong gi dge 'dun de lta bu las sems can rnams bsod nams tshad med pa de lta bu 'dzin pa dag tu byed do//rgyal po chen po ye nyung ste dge slong gi dge 'dun lnga'i tshogs shig yod du zin kyang / gal te yang tshul khrims yongs su dag cing ngo tsha shes pa dang / khrel yod pa phun sum tshogs la 'jig rten pha rol gyi kha na ma tho ba la 'jigs par lta zhing sbyangs pa'i yon tan dang /'phags pa'i rigs la mngon par brtson pa yin na/ rgyal po chen po de ni dge slong gi dge 'dun rgya mtsho dang 'dra bar gsungs shing / de ni mi dpag tu med pa dag la phan pa byed pa dang / don byed pa dang / sems can thams cad kyi sdug bsngal thams cad las rab tu rnam par thar bar byed pa yin par gsungs na/dge slong gi dge 'dun bcu'i tshogs dang zhes bya ba nas brgya stong gi tshogs zhes bya ba'i bar dag lta smos kyang ci dgos/ rgyal po chen po dge slong gi dge 'dun gang la bram ze dang khyim bdag chen po dad pa can dag rim gro bya ba'i phyir gaN+DI rdung ba dag tu byed cing /der yang gal te dge sbyong ltar bcos pa sdig pa spyod pa'i dge slong nyung yang rung / mang yang rung ba dag kyang 'du la/ der gal te dge slong chos kyis gnas pa/ tshul khrims yongs su dag pa/ ngo tsha shes pa dang /khrel yod pa phun sum tshogs pa dge slong lnga yang 'du na/ rgyal po chen po dge slong gi dge 'dun de ni chos tshad med pa dang ldan pa yin zhing / sbyin gnas chen po dang / lha dang mi thams cad kyis mchod par 'os par 'gyur ro/ /rgyal po chen po de lta bas na dge slong chos kyis gnas pa dag dang /chos kyi kun dga' la dga' ba dag khyed kyi lag tu ngas yongs su gtad do/ /khyim na gnas pa dang rab tu byung ba la las de dag la rkyen gang yang rung ba dag gis gtses sam/ gnod par byas na mi rung gis/ khyed kyis srungs shig///'phags pa shin tu rgyas pa chen po'i sde nyi ma'i snying po zhes bya ba'i mdo/ bam po gnyis pa/ rgyal po gzugs can snying pos 'di skad ces gsol to/ /btsun pa bcom ldan 'das ci dge slong sdig pa spyod pa tshul khrims 'chal pa rnams kyis dge 'dun gyi nang du longs spyod par bgyi lags sam/chos gos dang / bsod snyoms dang / mal cha dang / stan dang / na ba'i gsos sman dang / yo byad dam pa dag kyang longs spyod dang / nye bar spyod par bgyi lags sam/ bcom ldan 'das kyis bka' stsal pa/rgyal po chen po gang khyed kyi blon po chen po dang / sna chen po la gtogs pa dang / rgyal pos bkrabs pa dang / nyung rum dang / rgyal rigs dang / bram ze dang / khyim bdag gzhung lugs las 'gal ba nyes pa dang bcas pa zhig yod na/ gang na rgyal po chen po'i dga' ston nam dus ston nye bar gnas par gyur pa'i 'khor gyi nang der nyes pa dang bcas pa'i skyes bu de 'jug pa dang /longs spyod pa dang / dga' ba dang / rtse ba nyams su myong bar bya ba dang / bde ba dang / yid bde ba mang zhing gnas par nus sam/rgyal pos gsol pa/ btsun pa bcom ldan 'das ma lags so/ /bcom ldan 'das kyis bka' stsal pa/ rgyal po chen po de bzhin du gang tshul khrims 'chal pa sdig pa'i chos kun tu spyod pa/ shing rul pa lta bur gyur pa/ dge sbyong ma yin par dge sbyong du khas 'che ba/tshangs par spyod pa ma yin par tshangs par spyod par khas 'che ba'i gang zag de lta bu ni 'das pa dang / ma byon pa dang / da ltar gyi sangs rgyas bcom ldan 'das thams cad la gnod pa yin te/ de ni bcom ldan 'das kyi nyan thos ma yin zhing bdud kyi stobs kyi rigs kyis zin pa yin no//gang zag de ni lam nyam nga ba la gnas pa yin te/ de ni phyis kyang nyan thos kyi dge 'dun gyi nang du bgrang ba ma yin no/ /de bzhin du der 'jug par bya ba ma yin te/ dge slong chos kyis gnas pa rnams la bsngos na tha na til gyi phub ma tsam yang longs spyod par 'os pa ma yin na/dge 'dun gyi nang du nye bar longs spyod par bya ba lta smos kyang ci dgos te/ de ni chos 'dul ba 'dis bor ba yin no/ /rgyal po gzugs can snying pos 'di skad ces gsol to/ /btsun pa bcom ldan 'das spyod pa'i mtshan nyid kyi mtshan ma gang dag gis dge slong tshul khrims 'chal pa/sdig pa'i chos kun tu spyod pa/ dge slong chos kyis gnas pa rnams kyi nang du slan chad gnas pa dang / longs spyod dang / nye bar spyod par bgyid par mi 'os par 'tshal lags/ bcom ldan 'das kyis bka' stsal pa/rgyal po chen po rnam pa 'di lta bus tshul khrims 'chal pa'i mgo 'byung bar 'gyur ro/ /zhes gang gis kyang myur du rnam par shes par mi nus te/ rgyal po chen po 'di ni nang gi dang por sangs rgyas la ma gus pa yin no/ /chos dang / dge 'dun dang /mkhan po dang / slob dpon dang / bla ma'i gnas lta bu rnams la ma gus pa yin/ 'phags pa'i rigs btang ba yin/ rnal 'byor yid la byed pa la kun dga' ba ma yin/ ngo tsha shes pa dang / khrel yod pa rnam par spangs pa yin/ khyim na gnas pa dang 'dris pa yin/tshig kyal pa smra ba yin/ bdag la bstod pa yin/ gzhan la smod pa yin/ de lta bu dag la kun dga' ba yin/ sdig pa'i snyi la chags pa yin/ lam ngan par zhugs pa yin/ khengs pa yin/ kha drag pa yin/ 'phral g.yar can yin/ 'phyar po yin/kha shing can yin/ g.yo sgyu can yin/ sgyu byed pa yin/ dge sbyong yon po yin/ dge sbyong g.yo can yin/ dge slong snye long lta bu yin/ dge slong gi dge 'dun mi 'thun par 'dod par smra ba yin/ rnyed pa dang / bkur sti dang / tshigs su bcad pa la mngon par dga' ba yin/'du 'dzi'i kun dga' la dga' ba yin te/ sdig pa can gyi dge slong tshul khrims 'chal pa de ni ji srid du de'i tshul khrims 'chal pa'i mgo byung bar ma gyur gyi bar du gang gis kyang mtshan ma de dag gis myur du shes par mi nus so/ /sdig pa can gyi dge slong de gang gi tshe khyim gyi gzhi dang /zhing gi gzhi dang / kun dga' ra ba'i gzhi dang / bran dang / bran mo dang / glang po che dang / rta dang / rnga mo dang / bong bu dang / lug dag gang zag gir srel bar byed na de ni de'i tshul khrims 'chal ba'i mgo byung ba yin te/ tshul khrims 'chal pa'i mgo des ni sdig pa can gyi dge slong de dge slong gi dge 'dun gyi nang nas dor ba yin/gnas par bya ba ma yin/ longs spyod par bya ba ma yin/ dge slong gi dngos po las lhung ba yin/ pham par gyur pa yin te/ dge slong gi tshul las kyang phyis bslang du med par 'gyur ba yin no//rgyal po chen po mi gdol pa gnas na gnas par byed pa ni sla'i/ dge slong gdol pa yongs su 'dzin pa dang bcas pa/ rgyud tshig pa/ don la mi lta pa/ 'jig rten pha rol btang ba/ snying rje'i bsam pa med pa/ phyi sa khung chen po dang 'dra ba/bdud kyi lam du zhugs pa/ lha dang mi rnams la gnod pa byed pa/ dus gsum thams cad kyi drang srong thub pa rnams la slu bar byed pa/ dkon mchog gsum gyi gdung chos kyi mar me med par byed pa/ chos kyi rgya mtsho skems par byed pa/ chos smra ba'i dbyen byed pa/sbyin pa po dang sbyin bdag rnams la 'drid par byed pa/ dge slong chos kyis gnas pa rnams la tho 'tsham par byed pa/ dge 'dun 'thun par byed pa'i rgyun gcod par byed pa ni de lta ma yin no/ /sdig pa can gyi dge slong de ni yongs su 'dzin pa'i rkyen gyis mtho ris kyi lam las rgyal po ldog par byed pa yin no//rgyal rigs dang / bram ze dang / rje'u rigs dang / dmangs rigs dang / skyes pa dang / bud med dang / khye'u dang / bu mo ldog par byed pa yin no/ /ngan song gi lam gsum la rab tu gzhog par byed pa yin no//rgyal po chen po sdig pa can gyi dge slong de yongs su 'dzin pa'i rgyu mtshan gyis lha dang / mi ji snyed cig mi skyid par byed par 'gyur ba la ltos/ rgyal po chen po de lta bas na yongs su 'dzin pa dang bcas pa'i dge slong dang / dge slong chos kyis gnas pa/yon tan gyis phyug pa dag dang lhan cig tu kun dga' ra ba gcig dang / gtsug lag khang gcig tu gnas par mi bya'o/ /gal te sdig pa can gyi dge slong de kha drag cing ngo tsha shes pa dang khrel yod pa rnam par spangs te/ dge slong de dag dang lhan cig gnas par byed na/de'i phyir dge slong chos kyis gnas pa de dag gis byams pa dang ldan zhing chos dang 'thun pas dran par bya ste/ gal te sdig pa can gyi dge slong de gnas de nas 'gro ba lta na/ de lta na ni legs/ gal te 'gro bar mi byed na der dge slong chos kyis gnas pa de dag dong la grong khyer dang /grong rdal dang / grong dang / ljongs dang / ri 'or de dag na rgyal rigs sam/ bram ze'am/ rje'u rigs sam/ dmangs rigs gang dbang byed du 'jug pa de la sbran par bya'o/ /gal te rgyal rigs dang / bram ze dang / rje'u rigs dang / dmangs rigs des sdig pa can gyi dge slong yongs su 'dzin pa dang bcas pa gnas de nas zlog par byed na der ni dge slong chos kyis gnas pa de dag gis gnas par bya'o/ /ji ste rgyal rigs dang / bram ze dang / rje'u rigs dang / dmangs rigs de bza' ba dang / btung ba dang / rnyed pa'i rgyus sdig pa can gyi dge slong yongs su 'dzin pa dang bcas pa'i phyogs byed pa lta na/ de'i phyir dge slong chos kyis gnas pa de dag gis khro ba bstan par mi bya'o/ /chags pa ma yin/ nga rgyal ma yin te/ 'on kyang cang mi smra bar gnas de nas 'gro bar bya zhing /dgon pa'i gnas sam/ nags khrod dam/ ri'am/ ri bo'i 'or gzhan gang na sgra gcom chung ba dang / nang du yang dag 'jog dang 'tsham pa'am/ tshul bzhin du yid la byed pa dang 'thun pa der gnas par bya'o/ /yang rgyal po gzugs can snying pos mchi ma phyung nas 'di skad ces gsol to//btsun pa bcom ldan 'das gang bza' ba dang / btung ba dang / rnyed pa'i slad du sdig pa can gyi dge slong yongs su 'dzin pa dang bcas pa'i phyogs bgyid cing / dge slong chos kyis gnas pa/ yon tan gyis phyug pa rnams kyang gnas nas mchi bar 'gyur ba'i rgyal rigs dang /bram ze dang / rje'u rigs dang / dmangs rigs ni nyams pa lags so/ /btsun pa bde bar gshegs pa mchog tu nyams pa lags so/ /de'i mi nyid rnyed pa ni rnyed par dka' ba lags te/ 'khor ba na 'khor bar bgyid pa de'i mi nyid rnyed pa'i tha ma ni de lags so//sangs rgyas bcom ldan 'das thugs rje chen po dang ldan pa grangs ma mchis/ dpag tu ma mchis pa gang gA'i klung gi bye ma snyed 'jig rten du 'byung bar 'gyur bas kyang / gang dge slong chos kyis gnas pa rnams kyi tshig gus par mi nyan pa'i sems can de ni ngan song rnams las yongs su thar par bgyi ba'am/mtho ris su gzhag par mi spyod de/ de ni sdig pa'i las de lta bu dang ldan par 'gyur lags so/ /bcom ldan 'das kyis bka' stsal pa/ rgyal po chen po ma 'ongs pa'i dus na la lar gang dge slong chos kyis gnas pa rnams la shin tu dad pa'i rgyal rigs dang /bram ze dang / rje'u rigs dang / dmangs rigs dag 'byung bar 'gyur te/ de dag gi don du dgon pa'i gnas dag byed par 'gyur ro/ /gtsug lag khang dang / dgon pa'i gnas der yang khyim gyi gzhi nas zhing gi gzhi dang /bran dang / bran mo dang / kun dga' ra ba'i bar de dag gi longs spyod dang / nye bar spyod pa'i phyir yongs su gtong ba byed par 'gyur ro/ /de dag 'chi ba'i dus byas nas kyang rgyal rigs shing sA la chen po lta bu dag tu skye bar 'gyur ba nas/ 'du shes med 'du shes med min skye mched kyi lha rnams kyi nang du skye ba'i bar du 'gyur ro//sangs rgyas kyi zhing yongs su dag pa dag tu yang skye bar 'gyur ro/ /sangs rgyas bcom ldan 'das rnams dang yang phrad par 'gyur ba nas ring po mi thogs par sbyin pa po dang / sbyin bdag de dag bla na med pa yang dag par rdzogs pa'i byang chub mngon par rdzogs par 'tshang rgya ba'i bar du 'gyur te/de dag ni nga'i bstan pa la dge slong chos kyis gnas pa rnams yang dag par 'dzin par byed par 'gyur ba yin no/ /rgyal po chen po 'di lta ste/ gang khyod kyi bu'am/ spun nam/ bkrabs pa'am/ sna chen po la gtogs pa gang yang rung ba zhig nyes pa dang bcas pa yin na/ gang dang gang du rgyal po chen po'i dus ston nam dga' ston byung ba der rgyal po chen pos dga' ba dang bde ba rnam pa sna tshogs nyams su myong bar byed na/ rgyal po chen po 'di ji snyam du sems/skyes bu de khyod kyi mdun du 'dug cing skyid pa dang rtse ba myong bar byed pa'am/ dga' ba dang bde ba rnam pa sna tshogs kyis gnas par byed nus sam/ rgyal po chen pos gsol pa/ btsun pa bcom ldan 'das ma lags te/ skyes bu des bdag gi mdun na mchis par yang rngo mi thogs lags na skyid pa dang rtse ba myong bar bgyid pa lta smos kyang ci 'tshal/bcom ldan 'das kyis bka' stsal pa/ rgyal po chen po de bzhin du gang zag gang zhig gang zag gir bran dang / bran mo srel bar byed cing khyim gyi gzhi nas zhing gi gzhi dang /lug dag gi bar srel bar byed na/ nga yang de'i ston pa ma yin la/ de yang nga'i nyan thos ma yin no/ /dus gsum du gshegs pa'i yang dag par rdzogs pa'i sangs rgyas thams cad la yang gnod par byed pa dang bcas pa yin no/ /de ni chos kyi gnas pa rnams kyi gnas de ltar bsngos pa dag tu chos dang 'thun pas gnas par 'os pa ma yin no//rgyal rigs dang / bram ze dang / rje'u rigs dang / dmangs rigs gang yang sdig pa can gyi dge slong yongs su 'dzin pa dang bcas pa de'i don byed pa dang / de nas 'gror mi ster ba'i rgyal rigs nas dmangs rigs kyi bar de ni dus gsum du gshegs pa'i sangs rgyas bcom ldan 'das thams cad la yang gnod pa byed pa dang bcas pa chen po yin no//sbyin pa mang po sbyin par byed du zin kyang 'on kyang de 'chi ba'i dus byas nas mnar med pa'i sems can dmyal ba chen po rnams kyi nang du skye bar 'gyur ro//rgyal po chen po de lta bas na bdag la phan par yang dag par rjes su lta bas sdig pa can gyi dge slong yongs su 'dzin pa dang bcas pa'i phyogs su gnas par mi bya'o/ /de ci'i phyir zhe na/ 'di ltar de ni lha dang mi thams cad la yang gnod pa dang /phan pa ma yin pa dang / log par ltung bar bya ba'i phyir zhugs pa dang / dkon mchog gsum gyi gdung med par bya ba'i phyir zhugs pa yin pa'i phyir ro/ /rgyal po chen po rgyal rigs sam/ bram ze'am/ rje'u rigs sam/ dmangs rigs gang zhig dge slong chos kyis gnas pa rnams kyi chos kyi phyogs la yang dag par gnas par byed cing /sdig pa can gyi dge slong rnams kyi phyogs la ma yin na/ de sbyin pa mi sbyin du zin kyang 'on kyang de ni chos kyi phyogs kyi rgyu'i phyir dus gsum du gshegs pa'i sangs rgyas bcom ldan 'das thams cad kyi sbyin bdag dam pa yin no//de ni dam pa'i chos rjes su bsrung ba'i phyir dam pa'i chos 'dzin pa dam pa yin par blta bar bya'o/ /'chi ba'i dus byas nas kyang sangs rgyas kyi zhing yongs su dag pa rnams su skye bar 'gyur ba nas ring po mi thogs par bla na med pa yang dag par rdzogs pa'i byang chub mngon par rdzogs par 'tshang rgya ba'i bar du 'gyur ro//rgyal po chen po de lta bas na rgyal rigs 'tsham pa khyod kyi lag tu chos kyis gnas pa dang bstan pa ngas yongs su gtad kyis lnga brgya pa tha ma la gnas pa'i bar du khyed kyis nga'i chos kyis gnas pa dag yang dag par zung shig dang /de'i rkyen gyis nga'i chos kyi tshul 'di dang / dkon mchog gsum gyi gdung yun ring du gnas par 'gyur zhing / lha dang mi rnams la phan pa dang bde bar 'gyur ro/ /de nas bcom ldan 'das la rgyal po gzugs can snying pos 'di skad ces gsol to//btsun pa bcom ldan 'das zhal ta pa zhes bgyi lags na bcom ldan 'das ji tsam gyis na zhal ta par gdags pas gdags par mdzad pa lags/ bcom ldan 'das kyis bka' stsal pa/ rgyal po chen po dge slong gnyis zhal ta par ngas gnang ngo //gnyis gang yin zhe na/ gang yang rnam par thar pa brgyad la sgom pa'i dgra bcom pa dang / gang yang dge slong slob pa rgyun du zhugs pa yin te/ rgyal po chen po dge slong 'di gnyis zhal ta pa'i las byed par ngas gnang ngo / /'dus pa chen po theg pa chen po'i mdo las le'u bcu gcig pa ste/nyi ma'i snying po'i le'u las dam pa'i chos bsrung ba'i 'dus pa dang po rdzogs so// //gang gi tshe bcom ldan 'das rgyal po gzugs can snying po dang thabs cig tu dge slong chos kyis gnas pa rnams kun tu bsrung ba'i gtam yang yang dag par rtsom pa mdzad pa de'i tshe de'i dus na/shar phyogs su sangs rgyas kyi zhing tshad med pa gang gA'i klung gi bye ma snyed 'das pa de na 'jig rten gyi khams yongs su gdung ba med pa zhes bya ba yod do/ /de na de bzhin gshegs pa dgra bcom pa yang dag par rdzogs pa'i sangs rgyas tsam pa ka'i mdog ces bya ba bzhugs te 'tsho zhing gzhes la chos kyang ston to//sangs rgyas kyi zhing de na bcom ldan 'das de bzhin gshegs pa tsam pa ka'i mdog de'i 'khor du byang chub sems dpa' sems dpa' chen po nyi ma'i shugs kyi snying po zhes bya ba chos nyan pa'i phyir 'dug par gyur to//de nas byang chub sems dpa' sems dpa' chen po nyi ma'i shugs kyi snying pos gyen du rnam par bltas pa dang / byang chub sems dpa' sems dpa' chen po nyi ma'i shugs kyi snying pos steng gi nam mkha' la byang chub sems dpa' sems dpa' chen po grangs med dpag tu med pa shar phyogs nas chas shing nub phyogs su 'dong ba dag mthong bar gyur to//de nas gang du byang chub sems dpa' sems dpa' chen po dag 'dong ba nub phyogs su bltas nas kyang /de nas snang ba chen po mthong nas de'i tshe sangs rgyas tsam pa ka'i mdog ga la ba de logs su thal mo sbyar ba rab tu btud nas 'di skad ces gsol to/ /btsun pa bcom ldan 'das steng gi nam mkha' la byang chub sems dpa' sems dpa' chen po grangs ma mchis/dpag tu ma mchis pa shar phyogs nas chas shing nub phyogs su mchi ba dag bdag gis mthong lags so/ /nub phyogs su snang ba chen po yang bdag gis mthong lags na 'di la rgyu gang lags/ de nas de bzhin gshegs pa tsam pa ka'i mdog gis byang chub sems dpa' sems dpa' chen po nyi ma'i shugs kyi snying po la 'di skad ces bka' stsal to//rigs kyi bu nub phyogs su sangs rgyas kyi zhing tshad med pa gang gA'i klung gi bye ma snyed 'das nas snyigs ma lnga dang ldan par gnas pa na/ sangs rgyas kyi zhing mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs te 'tsho zhing gzhes la/ chos kyi tshul dang dkon mchog gsum gyi gdung yun ring du gnas par mdzad pa'i phyir dang / chos kyis gnas pa nyid rgyun mi gcad pa'i phyir 'dus pa chen po la theg pa gsum rnam par gtan la dbab pa bstan pa'i sgo'i chos kyi rnam grangs rab tu ston par mdzad do//sangs rgyas kyi zhing mi mjed der bdud kyi yul rnam par gzhig pa'i phyir dang / stobs dang mi ldan par mdzad pa'i phyir dang / chos kyi rgyal mtshan bsgreng bar mdzad pa'i phyir dang /chos kyi tshul yun ring du gnas par mdzad pa'i phyir 'du ba mdzad de/ der yang de bzhin gshegs pa thams cad kyis rin po che'i tog ces bya ba'i gzungs sngags bshad cing sangs rgyas kyi zhing yang longs spyad par mdzad nas slar gshegs so/ / yang de bzhin gshegs pa shAkya thub pa des byang chub sems dpa' sems dpa' chen po rnams dang / nyan thos chen po rnams kyi 'dus pa chen po yang dag par 'dus par mdzad de/ so so yang dag par rig pa bzhi dang ldan pa'i spyan gsum dang / tshangs pa'i gnas pa dag bstan kyang da dung 'khor sangs rgyas kyi zhing mi mjed kyi sa dang nam mkha' ma 'dres par gang ba zhig de bzhin gshegs pa chos dam pa gsung ba shAkya thub pa'i chos bstan pa la ngoms pa med do//de nas de bzhin gshegs pa mchog tu snyan par gsung ba shAkya thub pa bsdu ba'i dngos po bzhi dang /nyi ma'i snying po'i chos kyis gnas pa nyid dang / bdud kyi yul rnam par 'jig par mdzad pa'i 'od zer gyi le'u dang / sems can gyi las zad par 'gyur ba'i gzungs sngags bshad par bzhed nas de 'di snyam du dgongs te/ phyogs bcu'i sangs rgyas kyi zhing thams cad na pha rol tu phyin pa drug la byang chub sems dpa' sems dpa' chen po gang dag bskal pa brgyas nges par byung ba nas sangs rgyas kyi chos ma 'dres pa brgyad la gzhan gyi dring mi 'jog pa'i phyir mi ldog pa sgrib pa med pa'i ye shes la mkhas pa'i bar 'khod pa de dag thams cad sangs rgyas kyi zhing mi mjed 'dir zhugs par gyur cing /'dir 'khod nas rang rang gi dge ba'i phyogs dang bsam gtan dag gis rnam par spyod par gyur la/ des na sangs rgyas kyi zhing 'dir sa chen po shin tu skal ba dang ldan pa dang / bcud dang ldan pa dang / yon tan dang ldan pa dang / dran pa dang ldan pa dang / brtson 'grus dang ldan pa dang / gtong ba dang ldan par sangs rgyas kyi zhing gzhan bzhin gyur cig snyam dgongs so/ /de lta bas na da ltar byang chub sems dpa' sems dpa' chen po gang su dag sangs rgyas kyi zhing mi mjed der zhugs pa de dag der 'khod nas rang rang gi ji ltar 'tsham pa'i dge ba'i phyogs kyis bsam gtan dag byed de/sgom pa de dag las kha cig gis lus las ni 'od 'di lta bu byung ste/ dper na 'bru mar gyi mar me bzhin no/ /kha cig gi lus las ni 'od 'di lta bu'i bar dag byung ste/dper na zla ba dang nyi ma bye ba brgya stong phrag mang po'i 'od bzhin no/ /der byang chub sems dpa' sems dpa' chen po mang du 'dus pa da ltar snang ba chen pos sangs rgyas kyi zhing mi mjed khyab par gyur to/ /phyogs bcu'i sangs rgyas kyi zhing thams cad nas byang chub sems dpa' sems dpa' chen po gang dag lhags par gyur pa'i byang chub sems dpa' sems dpa' chen po de dag thams cad kyang sngon der ma phyin pa sha stag de'i tshe ting nge 'dzin las langs nas sangs rgyas kyi zhing mi mjed der chas te der dong nas kyang skyil mo krung gis 'khod cing rang rang gi bsam gtan rnam pa sna tshogs dag gis rtse bar byed do//der yang de bzhin gshegs pa shAkya thub pa la de dag phyag 'tshal bar byed do/ /bsnyen bkur byed do/ 'dus pa chen po de la yang lta bar byed do/ /der de dag nyi ma'i snying po'i chos kyis gnas pa dang /klu rnam par 'jig par mdzad pa'i 'od zer gyi le'u dang / sems can rnams kyi las zad par 'gyur ba'i gzungs sngags nyan par yang byed do/ /rigs kyi bu khyod kyang da ltar ting nge 'dzin las langs pas rigs kyi bu khyod da mi mjed kyi 'jig rten gyi khams su 'gro bar bya'o//rigs kyi bu sangs rgyas kyi zhing mi mjed de na ni sems can rnams shin tu sred pa'i kun tu sbyor ba dang ldan zhing srid pa'i ltung la btags pa dag yin te/ sangs rgyas kyi zhing de na nang na yang bud med gzugs mi sdug pa dang / tshul du mi shis pa dang / mchog tu gzugs kyi rgyags pas dregs pa dang /dri nga ba dang / mi gtsang ba dang / gtsang sbrar spyod pa'i rgyags pas dregs pa dang / ngo gnyis byed pa dang / bden pa ma yin pa'i tshig smra ba dang / tshangs par spyod par nga rgyal byed pa dang / blun pa dang / mkhas par nga rgyal can dang /ser sna can dang / gtong bar nga rgyal can dang / ma dad pa dang / dad par nga rgyal can dang / g.yo sgyu can dang / sgyu byed pa dang / drang po'o snyam pa'i nga rgyal can dang / phrag dog can dang / phrag dog med pa'o snyam pa'i nga rgyal can dang / gnod sems dang ldan pa'i sems dang /byams par nga rgyal can dang / rnam par dbyen byed pa dang / 'thun par nga rgyal can dang / log par lta ba pa dang / yang dag par lta ba'i nga rgyal can yin te/ skyes bu dam pa mkhas pa chen po rdzu 'phrul dang ldan pa mngon par shes pas rnam par rtse bdag bsam gtan yongs su sbyong ba byas su zin kyang yud tsam gyis bud med kyi dbang du 'gyur ba yin no//bud med kyi nyes pas dge ba'i rtsa ba thams cad las yongs su nyams pa dag dang / ngan song ba dag dang / sems can dmyal ba pa dag tu 'gyur ba yin no//rigs kyi bu khyed de bzhin gshegs pa shAkya thub pa de la nga'i bkas zhu ba'i phyir nga'i bkas mi mjed kyi 'jig rten gyi khams su 'gro bar spro na/ der nyi ma'i snying po'i chos kyis gnas pa klu'i yul rnam par 'jig par mdzad pa'i 'od zer gyi le'u sems can rnams kyi las zad par 'gyur ba'i gzungs sngags la nga dad pa sbyin par mdzad do//der bden pa dang rjes su 'thun pa'i gzungs sngags mthu che ba/ phan yon che ba/ 'dod pa'i 'dod chags thams cad kun tu zad par byed pa/ gzugs kyi 'dod chags thams cad kun tu zad par byed pa/gzugs med pa'i 'dod chags thams cad kun tu zad par byed pa/ nga rgyal dang / lhag pa'i nga rgyal dang / nga'o snyam pa'i nga rgyal thams cad kun tu zad par byed pa/ tshol ba thams cad kun tu zad par byed pa/ brnab sems thams cad dang / rgod pa thams cad dang /ma rig pa thams cad kun tu zad par byed pa/ 'jig tshogs la lta ba thams cad dang / mthar 'dzin pa'i lta ba thams cad dang / the tsom thams cad dang / tshul khrims dang brtul zhugs mchog tu 'dzin pa thams cad kun tu zad par byed pa/ rtag par lta ba thams cad dang /chad par lta ba thams cad kun tu zad par byed pa/ sems can du lta ba thams cad dang / sgrib par lta ba thams cad dang / gso bar lta ba thams cad dang / gang zag tu lta ba thams cad dang / byed pa por lta ba thams cad dang / tshor ba por lta ba thams cad kun tu zad par byed pa/gzugs su lta ba thams cad dang / sgrar lta ba thams cad dang / drir lta ba thams cad dang / ror lta ba thams cad dang / reg byar lta ba thams cad kun tu zad par byed pa/ rmad du byung ba chen por lta ba thams cad dang / skye bar lta ba thams cad dang /gnas par lta ba thams cad kun tu zad par byed pa 'di dang / bden pa dang rjes su 'thun pa'i bzod pa gzugs kyi phung po thams cad yang dag pa ji lta ba bzhin du yongs su shes par byed pa nas/ rnam par shes pa'i phung po thams cad kyi bar yang dag pa ji lta ba bzhin du yongs su shes par byed pa/mig gi dbang po thams cad yang dag pa ji lta ba bzhin du yongs su shes par byed pa nas/ yid kyi dbang po thams cad kyi bar yang dag pa ji lta ba bzhin du yongs su shes par byed pa phung po dang / khams dang / skye mched thams cad kyi bar yang dag pa ji lta ba bzhin du yongs su shes par byed pa/ spong bar byed pa/ chos thams cad 'dod chags dang bral bar byed pa/ byang grol gyi bde ba thams cad ston par byed pa 'di bskur bar mdzad do/ /de ci'i phyir zhe na/ de dang de na sems can rnams 'byung po dmus long 'dra ba dag dang /mchog tu glen pa dag dang / 'byung po lug dang 'dra ba dag dang / 'dod pa'i 'dod chags kyis myos pa dag yod de/ bden pa dang rjes su 'thun pa'i bzod pa 'di ni sems can de dag gi lta ba thams cad spong ba dang / longs spyod mi zad pa nyid byed pa yin/ bden pa dang rjes su 'thun pa'i bzod pa 'di ni chos thams cad kyi gter brtan pa yin/ bsam gyis mi khyab pa'i chos la bdud dang phas kyi rgol ba thams cad tshar gcod par byed pa/ bdud thams cad kyi yul rnam par 'jig par byed pa yin no//rigs kyi bu gzhan yang bden pa dang rjes su 'thun pa'i bzod pa 'di ni bdud rnams tshar gcod par byed pa yin/ klu rnams pham par byed pa yin/ lha rnams dga' bar byed pa yin/ gnod sbyin rnams snying dga' bar byed pa yin/ lha ma yin rnams 'bros par byed pa yin/ nam mkha' lding rnams dngang bar byed pa yin/ mi 'am ci rnams dad par byed pa yin/ lto 'phye chen po rnams skrag par byed pa yin/ phas kyi rgol ba rnams 'dul bar byed pa yin/ rgyal rigs rnams mngon par dad par byed pa yin/bram ze rnams 'jug par byed pa yin/ rje'u rigs rnams dga' bar byed pa yin/ dmangs rigs rnams dga' bar byed pa yin/ bud med 'dod chags dang bral bar byed pa yin/ mang du thos pa rnams skyo bar byed pa yin/ rnal 'byor spyod pa rnams mngon par dga' bar byed pa yin/nad thams cad rab tu zhi bar byed pa yin/ thab mo dang / mu ge dang / dus ma yin par 'chi ba dang / pha rol gyi dmag tshogs dang / dus ma yin pa'i rlung dang / dus ma yin pa'i char dang / shwa dang / dus ma yin pa'i lhags pa dang /dus ma yin pa'i tsha ba dang / dngos po kha ba dang / tsha ba dang / rtsub po dang / hrud hrud po dang / reg par dka' ba rnams rnam par zhi bar byed pa/ sprug par byed pa/ mdangs sum 'gyur du rnam par 'phel bar byed pa/ dam pa'i chos kyi tshul gsal bar byed pa yin/dkon mchog gsum gyi gdung rgyun mi gcod par byed pa yin/ sangs rgyas kyi bstan pa rton par byed pa yin/ 'khor bas skrag pa rnams dbugs 'byin par byed pa yin pa nas/ zad pa shes pa'i bar skyed par byed pa yin/ mi skye ba shes pa rtogs par byed pa yin/ma rig pa'i mun pa'i phung po thams cad rab tu 'joms par byed pa yin/ sdug bsngal gyi khur 'dor bar byed pa yin no/ /s+yAd ya the da na/ ba ye ba ya pa ri bA re/ bA he bA ha pa ri bA re/ prI tha be/ prI tha bA pa ri bA re/ A be A ba pa ri bA re/ te dze te dza pa ri bA re/mA le mA la pa ri bA re/ kha ge kha ga pa ri pA ri/ A lo ke A lo ka pa ri bA re/ s+thA me s+thA ma pa ri bA re/ ri dze ri dza pa ri bA re/ si le si la pa ri bA re/ ga me ga ma pa ri bA re/ A bo pa a bo pa pa ri bA re/ mA la ma la ma/ la ma la ma/ rA la rA la ma/ bI dz+nyA na b+hU ta gra he/b+hU ta gra hA pa ri bA re/ tsak+Shu gra ha pa ri bA re/ sho tra gra he/ sho tra gra hA pa ri bA re/ g+h+rA Na gra he/ g+h+rA Na gra hA pa ri bA re/ dzi hwA gra he/ dzi hwA gra hA pa ri bA re/ kA ya gra he/ kA ya gra hA pa ri bA re/ man gra he/ man gra hA pa ri bA re/ spar+sha gra he/ spar+sha gra hA pa ri bA re/ be da nA gra he/be da nA gra hA pa ri bA re/ trISh+NA gra he/ trISh+NA gra hA pa ri bA re/ u pA dA na gra he/ u pA dA na gra hA pa ri bA re/ b+hA ba gra he/ b+hA ba gra hA pa ri bA re/ dzA ti gra he/ dza ra mar Na gra he/ dza ra ma ra Na gra hA pa ri bA re/ duHkha san ta pA na gra he/ duHkha san ta pA na gra hA pa ri bA re/A ra pA ra dwi dza gra he/ A ra pA ra dwi dza gra hA pa ri bA re/ a brta bi brta s+ya/ a ba ra mu pa ma sa s+ya/ be ga bi ni/ brti A r+ya ra smi saM be ga shAn ti swA hA/ rigs kyi bu nyi ma'i snying po'i chos kyis gnas pa klu rnam par 'jig par mdzad pa'i 'od zer gyi le'u dang / sems can rnams kyi las zad par 'gyur ba'i gzungs 'di la ngas dad pa sbyin par mdzad cing bden pa dang rjes su 'thun pa'i bzod pa bskur bar mdzad kyis long la sangs rgyas kyi zhing mi mjed du song shig /nga'i bkas de bzhin gshegs pa shAkya thub pa de la gnod pa chung ngam/bskyod pa yang ngam/ stobs dang bde bar reg pa la gnas sam zhes kyang zhus la/ de la 'di skad du/ shar phyogs su sangs rgyas kyi zhing tshad ma mchis pa gang gA'i klung gi bye ma snyed 'das pa de na 'jig rten gyi khams yongs su gdung ba med pa zhes bgyi ba mchis so//sangs rgyas kyi zhing de na de bzhin gshegs pa tsam pa ka'i mdog ces bgyi ba bzhugs te 'tsho zhing gzhes la chos kyang ston to/ /de bzhin gshegs pa des kyang bdag de nas 'dir bcom ldan 'das la yongs su zhu ba'i slad du btang ba lags na/ btsun pa bcom ldan 'das ci bsnyung ba mi mnga' lags sam/gnod pa chung ngam/ khyod kyi 'khor bro 'tshal ba ma mchis lags sam/ gnod pa chung ngam/ dam pa'i chos nyan par 'tshal ba dag lags sam/ ji ltar thos pa bzhin du chos dang ldan pa lags sam/ chos de la nan tan snying por bgyid pa lags sam/chos kyis gnas pa dang ldan par gnas lags sam/ khyod kyi sangs rgyas kyi zhing 'dir bdud kyi yul dang / klu'i yul bcom lags sam/ sangs rgyas gcig gi yul lags sam/ 'dir khyod kyis chos kyi 'khor lo thogs pa ma mchis par bskor bar mdzad lags sam/gang la la sangs rgyas kyi yul 'dir chos ma lags pa'i 'khor lo skor ba de la yang de bzhin gshegs pa tsam pa ka'i mdog des nyi ma'i snying po'i chos kyis gnas pa klu rnam par 'jig par mdzad pa'i 'od zer gyi le'u dang / sems can rnams kyi las zad par 'gyur ba'i gzungs sngags 'di la dad pa gnang ste/de nas kyang bden pa dang rjes su 'thun pa'i gzungs sngags mthu che ba/ phan yon che ba/ 'dod pa'i 'dod chags thams cad kun tu zad par bgyid pa/ gzugs kyi 'dod chags thams cad kun tu zad par bgyid pa/gzugs med pa'i 'dod chags kun tu zad par bgyid pa nas/ ma rig pa'i mun pa'i phung po thams cad rab tu 'joms pa'i bar bgyid pa dang / sdug bsngal gyi phung po'i khur 'dor bar bgyid pa 'di bskur lags so zhes gsol cig /de nas byang chub sems dpa' sems dpa' chen po nyi ma'i shugs kyi snying po des 'di skad ces gsol to/ /btsun pa bcom ldan 'das bden pa dang rjes su 'thun pa'i bzod pa yon tan dang / phan yon dang bcas pa bdag gis bzung lags na/ btsun pa bcom ldan 'das sangs rgyas kyi zhing mi mjed du mchi ba la 'jigs pa 'ba' zhig mchis lags so//de ci'i slad du zhe na/ da ltar bcom ldan 'das las bdag gis mngon du thos shing mngon du bzung lags te/ 'di ltar sangs rgyas kyi zhing mi mjed de na sems can rnams 'dod chags kyi shas che ba dmus long dang 'dra ba dag lags te/de na bud med kyang gzugs mi sdug pa dang / tshul du mi shis pa dang / mchog tu gzugs kyi rgyags pas dregs pa nas sems can rnams bsam gtan la rab tu spyod pa bgyis pa/ mngon par shes pas rnam par rtse ba/skyes bu dam pa mkhas pa chen po dag kyang lhag par bud med kyi dbang du 'gyur ba lags so/ /bud med kyi nyes pas dge ba'i rtsa ba thams cad las yongs su nyams pa dag dang / ngan song ba dag dang / sems can dmyal ba'i bar 'byung zhing 'byung bar 'gyur ba'i slad du'o//de nas bcom ldan 'das de bzhin gshegs pa tsam pa ka'i mdog des byang chub sems dpa' sems dpa' chen po nyi ma'i shugs kyi snying po la 'di skad ces bka' stsal to/ /rigs kyi bu khyod ni bdag gi don du smra ba ma yin zhing bdag la phan pa'i phyir zhugs pa ma yin no//rigs kyi bu khyod ni sems can thams cad kyi don du smra ba yin zhing khyod ni sems can thams cad la phan pa'i phyir zhugs pa yin no/ /rigs kyi bu sangs rgyas kyi zhing mi mjed na de bzhin gshegs pa shAkya thub pa'i 'khor na dge bsnyen dri ma med par grags pa zhes bya ba snang ba gang yin pa de yang su yin/de ni khyod nyid ma yin nam/ de cang mi smra bar gyur to/ /de bzhin gshegs pa tsam pa ka'i mdog nga yang sangs rgyas kyi zhing de dang / sangs rgyas kyi zhing bye ba phrag brgya stong grangs med pa 'di'i bar du sems can yongs su smin par bya ba'i phyir la lar kha cig tu ni tshangs pa'i lus byad du kun tu snang ngo //sems can yongs su smin par bya ba'i phyir kha cig tu ni dbang phyug gi lus byad du kun tu snang ngo / /la lar ni dge sbyong gi lus byad dang / la lar ni brgya byin gyi lus byad dang /la lar ni lha'i lus byad dang / la lar ni klu'i dbang po'i lus byad dang / la lar ni lha ma yin gyi dbang po'i lus byad dang / la lar ni nam mkha' lding gi dbang po'i lus byad dang / la lar ni mi 'am ci'i dbang po'i lus byad dang / la lar ni shed las skyes kyi dbang po'i lus byad dang /la lar ni rang sangs rgyas kyi lus byad dang / la lar ni nyan thos kyi lus byad dang / la lar ni rgyal rigs kyi lus byad dang / la lar ni bram ze'i lus byad dang / la lar ni khyim bdag gi lus byad dang / la lar ni bud med kyi lus byad dang / la lar ni khye'u'i lus byad dang / la lar ni bu mo'i lus byad dang / la lar ni dud 'gro'i skye gnas kyi lus byad dang / la lar ni kyi lus byad dang / la lar ni sems can dmyal ba'i lus byad du kun tu snang ngo / /de lta mod kyi 'khor 'di na gang dag nga dang thabs cig lhan cig tu snyoms par 'jug par mdzad cing bzhengs par yang mdzad pa'i byang chub sems dpa' sems dpa' chen po brgyad khri yod do//'khor 'di na byang chub sems dpa' kha cig blo g.yo ba dag dang / blo rgyud rnam par mi gnas pa dag kyang yod de/ de bzhin gshegs pa shAkya thub pa la blta ba dang /phyag 'tshal ba dang / bsnyen bkur bya ba dang / 'dus pa chen po de la yang blta ba dang / de bzhin gshegs pa shAkya thub pa de las kyang 'dus pa chen po mnyan par mchog tu 'dod par gyur to/ /byang chub sems dpa' de dag kyang nga kho na dang thabs cig tu de nyid du 'dong bar 'dod de/der de dag 'dod pa'i 'dod chags kyi rgyus slu bar gyur na mi rung zhing der nga'i skyes bu dam pa ma yin pa'i byed pa 'gro bar gyur na mi rung bas/ de dag gi don du ngas bshad do/ /yang de bzhin gshegs pa tsam pa ka'i mdog gis byang chub sems dpa' nyi ma'i shugs kyi snying po la 'di skad ces bka' stsal to//rigs kyi bu ma 'jigs shig ma 'jigs shig /skyes bu dam pa khyed la 'di lta ste/ gzungs sngags gang gis srid pa gsum gyi btson rar thams cad du mngon par mi dga' ba'i 'du shes can dang /mtshan ma med pa'i ting nge 'dzin rnam par thar pa'i sgo la reg nas rdzogs par byas te gnas pa dang / mi g.yo ba'i ting nge 'dzin la 'jug pa dang / mgo mnyam du yongs su mya ngan las 'das par 'gyur ba'i gzungs sngags nyi ma snang ba'i pad ma zhes bya ba lus kyi tshor ba thams cad sgrub par byed pa/lus kyi 'du shes thams cad sgrub par byed pa/ dul ba'i sa sgrub par byed pa/ rnam par grol ba sgrub par byed pa/ srid pa'i rgya mtsho yongs su gcod pa sgrub par byed pa/ dkon mchog gsum gyi gdung gi gags ldog pa sgrub par byed pa/byams pa chen po sgrub par byed pa/ snying rje chen po sgrub par byed pa/ shes rab rnam par grol ba thams cad sgrub par byed pa/ bdud bzhi dang phas kyi rgol ba thams cad 'dul ba sgrub par byed pa/ zad pa shes pa dang mi skye ba shes pa sgrub par byed pa/longs spyod dang / tshe'i 'du byed thams cad dang / zhi ba dang / gtan du yongs su mya ngan las 'das pa sgrub par byed pa ngas sbyin par mdzad do/ /rigs kyi bu gang la la nyi ma snang ba'i gzungs sngags 'di sems rtse gcig pas nyan par byed na/'dod chags la sogs pa'i nyon mongs pa thams cad srab mor byed do/ /'chi ba'i dus byas nas kyang lha rnams kyi nang du tshe rabs bdun 'khor bar byed cing tshe rabs dran par yang 'gyur la/ der 'dod pa rnams kyis kyang gos par mi 'gyur ro//de rnams kyi nang du lha'i drang srong du 'gyur zhing lha rnams kyis mchod pa'i 'os su 'gyur ro/ /de de nas shi 'phos nas mi rnams kyi nang du tshe rabs bdun 'khor bar byed cing 'dir 'dod pa rnams kyis rjes su gos par yang mi 'gyur ro/ /'dir mi rnams kyi nang du mi'i drang srong du 'gyur zhing lha dang mi thams cad kyis phyag bya ba'i 'os su gyur pa dang /mchod pa'i 'os su 'gyur ro/ /gang la la nyi ma snang ba'i gzungs sngags sems rtse gcig pas lan bdun gyi bar du nyan par byed na de 'chi ba'i dus byas nas lha rnams kyi nang du lan bdun gyi bar du drang srong mngon par shes pa lnga dang ldan par 'gyur zhing lha thams cad kyis phyag bya ba'i 'os dang mchod pa'i 'os su 'gyur ro//de 'dir mi rnams kyi nang du lan bdun du drang srong mngon par shes pa lnga dang ldan par 'gyur zhing lha dang / klu dang / gnod sbyin dang /lha ma yin dang / mi dang / mi ma yin pa rnams kyis phyag bya ba'i 'os dang / mchod pa'i 'os su 'gyur ro/ /rigs kyi bu gang la la lha rnams kyi nang du yang lha'i 'dus pa rnams la gzungs sngags nyi ma snang ba'i pad ma zhes bya ba 'di lan bdun du rjod par byed la/de dag kyang sems rtse gcig pas nyan par byed na lha dang lha mo de dag thams cad kyang 'dod pa'i yon tan lnga po thams cad la mi lta ba'i sems dang ldan par 'gyur zhing / bsam gtan la mngon par dga' bar 'gyur ro/ /gal te la la 'dir rgyal po rnams sam/rgyal rigs rnams sam/ bram ze rnams sam/ rje'u rigs rnams sam/ dmangs rigs rnams kyi rna gung du lan bdun du rjod par byed la/ gal te de dag kyang sems rtse gcig pas nyan par byed na de dag thams cad 'dod pa'i yon tan lnga po thams cad la mi lta ba'i sems dang ldan pa dang /bsam gtan la mngon par dga' bar 'gyur ro/ /rigs kyi bu bud med gang la la gzungs sngags nyi ma snang ba'i pad ma zhes bya ba 'di nyan par byed cing nyin zhag bdun du las gzhan mi byed par rnam par sems par byed dam/ lces kha ton du byed na de'i ris 'thun pa la 'dod chags la sogs pa'i nyon mongs pa thams cad bsrabs par 'gyur ro/ /'di ni de'i bud med 'thob pa'i tha ma yin no/ /bla na med pa yang dag par rdzogs pa'i byang chub las phyir mi ldog par 'gyur ro/ / de phyis kyang bla na med pa'i yongs su mya ngan las 'das kyi bar du rang gi smon lam ma gtogs par 'khor ba na 'khor ba'i tshe bud med 'thob pa rnyed par mi 'gyur ro/ /rigs kyi bu gang la la gzungs sngags nyi ma snang ba'i pad ma zhes bya ba 'dis lan bdun du rtsi grang mo las bya bas nas rnga bo che'am/dung la byugs nas/ rnga bo che de rdung bar byed dam/ dung 'bud par byed na gang dang gang du de dag gi sgra 'gro ba de dang der mi rnams la byad stems thams cad kyi rgyu med par 'gyur ro/ /der sman gyi sbyor ba 'gro ba dang / pho nya dang / yig 'bru dang /yid la byed pa dang / lus 'gyur ba dang / tshul 'chos pa dang / 'ching ba dang / lus dang / snying gi kun tu gdung ba mthong bar mi 'gyur ro/ /las sgrub pa med par 'bras bu 'grub par 'gyur te/ rigs kyi bu gzungs sngags nyi ma snang ba'i pad ma zhes bya ba 'di ni de ltar rdzu 'phrul che ba yin no//tad ya thA/ sid d+ha ma te/ bi lo ka ma te/ e le ke te re She/ rU tsi su rU tsi/ bud d+he bi bud d+he/ ma hA bud d+he/ un mad te/ un mad ta/ pra ti She d+ha ne/ ra ga d+hu ra ga d+hu ba pra ti She d+ha ne bin du/ bin du ma te/ tsi Ta tsi Ta pra ti She d+ha ni/ arka tsan dra a d+he/ ha ta tsid ti ha ta ni rmi/ ha ta kA ma be ge /ha ta pau na b+ha bi ra dze/ ha ta tsak+Shu sa ma te/ ha ta bi ta ma bud d+he/ ha ta yA gre/ ha ta bi sa mA gre/ ha ta su mu dra tsa be/ ha ta bi ta mA ra dze/ ha ta ti te/ ha ta d+harma tsa tsa te/ ha ta d+harma rA dze/ ha ta ba hu rA dze/ ha ta pa brdza ma ti/ha taug+ha rab+mi/ ha ta d+harma sid d+hi/ ha ta sarba u pa d+ha na dz+nyA dz+nyA dz+nyA/ bi dz+nyA dz+nyA dz+nyA/ ri bi dz+nyA dz+nyA dz+nya/ sarba mArga dz+nya dz+nyA/ e Sha an+ta sang sA ra duHkhe swA hA/ rigs kyi bu 'dod pa'i chu bo thams cad kun tu skems par byed pa/ nges par 'byung ba'i pha rol du 'gro ba'i gzungs sngags 'di bzung nas mi mjed kyi 'jig rten gyi khams su song shig /khyod kyis 'dod pa'i bdud kyi mchil pa thams cad dang / pha rol gnon pa dang / yul la brtson pa'i pha rol gnon pas pha rol gnon pa byed du zin kyang / sus kyang khyod kyi lus sam sems la 'dod pa'i kun tu sbyor ba dag gis gos par byed mi nus na gzungs sngags 'di ji ltar thos pa bzhin du sangs rgyas kyi zhing mi mjed du song nas kyang sbyor ba byos shig /der gal te bdud bye ba phrag brgya gsang sngags kyi sbyor ba thams cad dang / sman gyi sbyor ba thams cad dang /chos kyi sbyor ba thams cad dang / lha dang / mi gzhan dag gis 'dod pa'i dri nga ba dag gis gos par bya ba lta ci smos/ de nas de'i tshe byang chub sems dpa' sems dpa' chen po nyi ma'i shugs kyi snying po la sogs pa byang chub sems dpa' bye ba khrag khrig brgya stong phrag mang po dang /lha bye ba khrag khrig brgya stong phrag mang po dang / lha dang / mi rnams ngo mtshar rnyed cing rmad du byung ba rnyed par gyur nas 'di skad ces gsol to/ /sangs rgyas bcom ldan 'das rnams kyi ye shes gzigs pa dang / mnga' brnyes pa ni ngo mtshar lags so/ / mchog tu ngo mtshar lags te/ 'dod pas kun tu gdung ba rnam par 'jig par bgyid pa'i gzungs sngags 'di ni bdag cag gis sngon ma thos lags so/ /de nas 'khor der lha'i bu mo dang / mi'i bu mo brgyad khri bzhi stong gis bsnyen bkur byas nas gzungs sngags 'di thos par gyur to//thos ma thag tu de dag gi mo mtshan nub par gyur cing / pho mtshan byung bar gyur te/ thams cad kyang bla na med pa yang dag par rdzogs pa'i byang chub las phyir mi ldog par gyur to/ /de nas de bzhin gshegs pa tsam pa ka'i mdog gis me tog tsam pa ka'i phreng ba bzhes te byang chub sems dpa' sems dpa' chen po nyi ma'i shugs kyi snying po la 'di skad ces bka' stsal to//kye rigs kyi bu me tog tsam pa ka'i phreng ba 'di dang / gzungs sngags nyi ma snang ba'i pad ma zhes bya ba 'di dang / bden pa dang rjes su 'thun pa'i bzod pa de zung shig /'dod pa glog gi 'od lta bu sel bar byed pa 'di gnyis dang / chos kyi sgo mo der khyer la nga'i bkas de bzhin gshegs pa shAkya thub pa la gnod pa chung ngam/ bskyod pa yang ngam/ stobs dang bde bar reg pa la gnas sam zhes kyang zhus la/de la 'di skad du khyod la de bzhin gshegs pa tsam pa ka'i mdog zhu bar mdzad lags te/ btsun pa bcom ldan 'das ci bsnyung ba mi mnga' lags sam/ gnod pa chung ngam/ khyod kyi 'khor gus par nyan lags sam/ chos 'tshal ba lags sam/ chos kyis gnas pa lags sam/chos la brtson pa lags sam/ sangs rgyas kyi yul thams cad na nyon mongs pa sel bar bgyid pa de dag dang / chos kyi sgo la de bzhin gshegs pa des dad pa stsal te/ de nas 'dod pa glog gi 'od lta bu sel bar bgyid pa/ chos kyi sgo'i gzungs sngags mthu stobs che ba/phan yon che ba/ 'dod pa'i 'dod chags thams cad kun tu zad par bgyid pa/ gzugs kyi 'dod chags thams cad zad par bgyid pa nas/ ma rig pa'i mun pa'i phung po thams cad rab tu 'joms pa'i bar bgyid pa/ sdug bsngal gyi khur 'dor bar bgyid pa bskur lags so zhes gsol cig///'phags pa shin tu rgyas pa chen po'i sde nyi ma'i snying po zhes bya ba'i mdo/ bam po gsum pa/ des 'di skad ces gsol to/ /btsun pa bcom ldan 'das de bzhin 'tshal lags so/ / yang de'i tshe byang chub sems dpa' brgyad khris tshig 'thun par 'di skad ces gsol to/ /btsun pa bcom ldan 'das de bzhin gshegs pa shAkya thub pa de la blta ba dang / phyag bgyi ba dang / mchod pa dang / bsnyen bkur bgyi ba dang / 'dus pa chen po de la yang blta ba'i slad du/bdag cag kyang mchi bar 'tshal te/ de bzhin gshegs pa de las 'dus pa chen po sangs rgyas kyi yul thams cad na nyon mongs pa sel bar bgyid pa'i chos kyi sgo bdag cag gis mnyan par bgyid lags so/ /de nas de bzhin gshegs pa tsam pa ka'i mdog des de dag la 'di skad ces bka' stsal to//rigs kyi bu dag thams cad lhan cig 'thun par thams cad tshangs pa chen po'i lus byad dang / rtags dang / mdog dang / dbyibs dang / spyod lam gyis deng shig /de nas de'i tshe byang chub sems dpa' nyi ma'i shugs kyi snying po la sogs pa byang chub sems dpa' bye ba khrag khrig brgya stong phrag mang po thams cad tshangs pa chen po'i lus byad dang /mdog dang / rtags dang / dbyibs dang / spyod lam du lus dag mngon par sprul nas/ de bzhin gshegs pa tsam pa ka'i mdog gi zhabs gnyis la mgo bos phyag 'tshal te/lan gsum du bskor ba byas nas de nas chas te yud tsam gyis sangs rgyas kyi zhing mi mjed 'dir phyin to/ /skyes bu dam pa de dag phyin pa tsam gyi mod la sangs rgyas kyi zhing mi mjed 'di thams cad du bcom ldan 'das la mchod pa bya ba'i phyir me tog tsam pa ka'i char mngon par 'bebs par gyur to//de dag yul ma ga d+hA'i zhing ga la ba dang / bcom ldan 'das de bzhin gshegs pa shAkya thub pa ga la ba der nye bar dong ngo / /dong nas kyang bcom ldan 'das kyi zhabs gnyis la phyag 'tshal te phyogs gcig tu 'khod do//bcom ldan 'das ni de'i bar du yang rgyal po gzugs can snying po dang thabs cig chos kyis gnas pa'i gtam kun tu spyod par mdzad do/ /de'i tshe lho phyogs na grong khyer chu dang rgyar dpag tshad gcig yod pa bye ma dag gis yongs su gang ba de snyed kyi sangs rgyas kyi zhing 'das pa de na 'jig rten gyi khams snyigs ma lngas snyigs ma'i rgyal mtshan zhes bya ba yod de/sangs rgyas kyi zhing de na de bzhin gshegs pa dgra bcom pa yang dag par rdzogs pa'i sangs rgyas ri dbang gi rgyal po zhes bya ba bzhugs te 'tsho zhing gzhes la chos kyang ston to//'khor der yang byang chub sems dpa' sems dpa' chen po spos kyi glang po che zhes bya ba 'dus te 'dug par gyur to/ /des steng gi nam mkha' la byang chub sems dpa' grangs med dpag tu med pa lho phyogs kyi phyogs cha nas byang phyogs su 'gro ba dag mthong ngo / / de nas gong du byang chub sems dpa' sems dpa' chen po de dag 'dong ba'i phyogs de la bltas te/ des der snang ba chen po mthong nas de bzhin gshegs pa ri dbang rgyal po la yongs su zhus so zhes bya ba nas/ de bzhin gshegs pa ri dbang rgyal po des byang chub sems dpa' sems dpa' chen po spos kyi glang po che la 'di skad ces bka' stsal to zhes bya ba'i bar snga ma bzhin no//rigs kyi bu 'di lta ste/ grong khyer chu dang rgyar dpag tshad gcig yod pa bye ma dag gis yongs su gang bar gyur pa'i bye ma'i 'bru de dag ji snyed yod pa'i sangs rgyas kyi zhing ji snyed 'das pa de na 'jig rten gyi khams mi mjed ces bya ba yod do//de na de bzhin gshegs pa shAkya thub pa zhes bya ba bzhugs te 'tsho zhing gzhes la chos kyang ston to/ /de na da ltar 'dus pa chen po yod de/ de na de bzhin gshegs pa de chos kyi tshul yun ring du gnas par mdzad pa'i phyir dang /dkon mchog gsum gyi gdung rgyun mi gcad pa'i phyir dang / chos kyis gnas pa nyid rgyun mi gcad pa'i phyir dang / bdud kyi yul rnam par 'jig par mdzad pa'i phyir dang / chos kyi rgyal mtshan bsgreng bar mdzad pa'i phyir theg pa gsum rnam par gtan la dbab pa bstan pa'i sgo'i chos kyi rnam grangs rab tu ston to//de bzhin gshegs pa de dag thams cad kyang rin po che'i tog ces bya ba'i gzungs sngags bshad nas gshegs so zhes bya ba nas/ de bzhin gshegs pa shAkya thub pa des byang chub sems dpa' sems dpa' chen po rnams dang /nyan thos chen po rnams kyi 'dus pa chen po yang dag par 'dus par mdzad nas so so yang dag par rig pa bzhi dang ldan pa'i spyan gsum dang / tshangs pa'i gnas dag bstan kyang da dung 'khor sangs rgyas kyi zhing mi mjed sa dang steng gi nam mkha' ma 'dres par gang zhig de bzhin gshegs pa mchog tu snyan pa gsung ba shAkya thub pa'i chos bstan pa la ngoms pa med do zhes bya ba'i bar ji skad sngar gsungs pa bzhin no//rigs kyi bu khyod nga'i bkas de bzhin gshegs pa shAkya thub pa la zhu ba'i phyir mi mjed kyi 'jig rten gyi khams su 'gro bar spro na der nyi ma'i shugs kyi snying po'i chos kyis gnas pa klu rnam par 'jig par mdzad pa'i 'od zer gyi le'u sems can rnams kyi las zad par 'gyur ba'i gzungs sngags la ngas dad pa sbyin par mdzad do//der stong pa nyid dang rjes su 'thun pa'i gzungs sngags mthu stobs che ba/phan yon che ba/ 'dod pa'i 'dod chags thams cad kun tu zad par byed pa/ gzugs kyi 'dod chags thams cad kun tu zad par byed pa/ gzugs med pa'i 'dod chags thams cad kun tu zad par byed pa/ nga rgyal dang /lhag pa'i nga rgyal dang / nga'o snyam pa'i nga rgyal thams cad kun tu zad par byed pa zhes bya ba nas zad pa shes pa skyed pa'i bar byed pa/ mi skye ba shes pa rtog par byed pa/ ma rig pa'i mun pa'i phung po thams cad rab tu 'joms par byed pa/ sdug bsngal gyi khur thams cad 'dor bar byed pa 'di bskur bar mdzad do//tad ya thA/ d+hu ma te/ d+hu ma te/ ak+Shi d+hu ma te/ pra b+hA sa d+hu ma te/ sarbA kA sha d+hu ma te/ a ba bI k+Sha kha ga /bi mA na kha ga /a ba mo ha kha ga /a na n+ya kha ga /bya ba brid ti kha ga /a ro tsa na kha ga /a ni mA kha ga /lo ka kha ga /shi khi kha ga /pi ti mi ra kha ga /na mo kha ga /ak+Shi kha ga /shro tra kha ga /g+h+rA Na kha ga /dzi hwA kha ga /kA ya kha ga /ma na kha ga /rU pa kha ga /shap+ta kha ga /gan+d+ha kha ga /ra sa kha ga /spar+sha kha ga /d+harma kha ga /tsak+Shu r+d+hA tu kha ga /rU pa d+hA tu kha ga /tsak+Shurbi dz+nyA na d+hA tu kha ga /yA pad ma na d+hA tu kha ga /d+harma d+hA tu kha ga /man bi dz+nyA na d+hA tu kha ga /prith+wId+hA tu kha ga /a pa d+hA tu kha ga /te dzo d+hA tu kha ga /bA yud+hA tu kha ga /tsa tu ra a nu smr-it+yu pa s+thA na kha ga /yA ba da be Ni ka kha ga /yA bad mArga kha ga /a b+hik+Shi pa/ a na na na/ ba na na/ sa mu dra na na/ sarba ka ra na na/ sarba saM ska ra bi she Sha na na/ a kin tsa na na na/ k+Sha ta k+Sha ta/ i li mi li/ i i i i li mi le swA hA/ rigs kyi bu stong pa nyid dang rjes su 'thun pa'i gzungs sngags de ni 'di yin te/mthu stobs che ba/ phan yon che ba/ 'dod pa'i 'dod chags thams cad kun tu zad par byed pa/ gzugs kyi 'dod chags thams cad kun tu zad par byed pa zhes bya ba nas/ sdug bsngal gyi khur 'dor bar byed pa'i bar yin no/ /long la sangs rgyas kyi zhing mi mjed du song shig /nga'i bkas de bzhin gshegs pa shAkya thub pa de la gnod pa chung ngam zhes bya ba nas/ gang la la sangs rgyas kyi yul 'dir chos ma lags pa'i 'khor lo bskor ba de la yang de bzhin gshegs pa ri dbang rgyal po des nyi ma'i snying po'i chos kyis gnas pa klu'i yul rnam par 'jig par mdzad pa'i 'od zer gyi le'u dang /sems can rnams kyi las zad par 'gyur ba'i gzungs sngags 'di la dad pa stsol bar mdzad cing zhes bya ba'i bar dang / de nas kyang stong pa nyid dang rjes su 'thun pa'i gzungs sngags mthu stobs che ba/phan yon che ba/ 'dod pa'i 'dod chags thams cad kun tu zad par byed pa/ gzugs kyi 'dod chags thams cad kun tu zad par byed pa zhes bya ba nas/ sdug bsngal gyi khur thams cad 'dor bar byed pa 'di bskur lags so zhes bya ba'i bar snga ma bzhin no/ /de nas byang chub sems dpa' sems dpa' chen po spos kyi glang po ches 'di skad ces gsol to//btsun pa bcom ldan 'das stong pa nyid dang rjes su 'thun pa'i gzungs sngags kyi yon tan gyi phan yon dang / stong pa nyid kyi phan yon bdag gis bzung lags na btsun pa bcom ldan 'das sangs rgyas kyi zhing mi mjed der mchi ba la bdag 'jigs lags so//btsun pa bcom ldan 'das de ci'i slad du zhe na/ da ltar bcom ldan 'das las bdag gis mngon du thos shing mngon du bzung lags te/ 'di ltar sangs rgyas kyi zhing mi mjed de na sems can rnams mchog tu 'dod chags kyi shas che ba zhes bgyi ba nas/bud med kyi nyes pas dge ba'i rtsa ba thams cad las yongs su nyams pa dag dang / ngan song ba dag dang / sems can dmyal ba pa'i bar 'byung zhing 'byung bar 'gyur ba'i bar gyi slad du'o/ /de nas de bzhin gshegs pa ri dbang rgyal po des byang chub sems dpa' sems dpa' chen po spos kyi glang po che la 'di skad ces bka' stsal to//nam mkha' la rkyen gsum yod de/ gsum gyis khyab pas rnam par mdzes so/ /gangs ni gdung bar mi byed do/ /chu klung dag la chu skam par mi 'gyur ro/ /rkyen gsum pa dag la mkhas pa dang /bzod pa dang / bsdams pas lus khyab pa ni lung gis ma rig pa'i chu bos kyang dbang po drug gdung bar mi byed do/ /byis pas smras pa/ rkyen gsum gyis chu bo dag las thar bar byed cing sems can med pa dang / phung po'i khur 'dor ba'i chos ston par byed do//khyod kyis mi skye ba'i chos la bzod pa rnam pa bcu gsum rab tu bsgoms pa yin zhing 'jigs pa thams cad spangs pa yin na/ ci'i phyir khyod 'jigs so zhes smra bar byed/ kha cig tu ni khyod tshangs pa'i lus byad kyis sangs rgyas kyi zhing dag na sems can rnams thar bar byed do//kha cig tu ni dbang phyug chen po dang / kha cig tu ni brgya byin dang / kha cig tu ni sred med kyi bu dang / kha cig tu ni lha'i lus byad dang / kha cig tu ni gnod sbyin dang / klu'i dbang po dang / lha ma yin dang / kha cig tu ni 'khor los sgyur ba'i lus byad dang /kha cig tu ni sman pa'i lus byad dang / rgyal rigs kyi lus byad dang / de bzhin du kha cig tu ni bram ze'i lus byad dang / kha cig tu ni nyan thos kyi lus byad dang zhes bya ba nas/ kha cig tu ni sangs rgyas kyi zhing mang por blon po'i bar gyi lus byad du kun tu snang bar byed de/sangs rgyas kyi zhing nyon mongs pa can dag tu dus rtag tu sangs rgyas kyi zhing yongs su dag par byed pa yin na ci ste sems can rnams yongs su smin par byed pa'i don du 'jigs pa'i tshig smra bar byed/ rigs kyi bu khyod la mi zad pa'i sbubs lung bstan pa zhes bya ba sems kyi tshor ba sgrub pa/thams cad mkhyen pa'i ye shes yang dag par 'du ba/ bdud bzhi 'dul bar byed pa sgrub pa/ dkon mchog gsum gyi gdung gi gags med par sgrub pa/ klu'i yul thams cad rnam par 'jig par byed pa'i 'od zer sgrub pa/sems can rnams kyi las thams cad zad par 'gyur ba sgrub pa/ byams pa chen po dang sems can yongs su smin par byed pa sgrub pa/ snying rje chen po dang bsams bzhin du ngan 'gror skye ba dang / sems can yongs su skyob pa sgrub pa/ sems can thams cad kyi sems yang dag par dga' bar byed pa sgrub pa/ sems can thams cad kyi lam ngan pa dang / lta ba ngan pa dang / 'dod pa ngan pa dang / smon lam ngan pa dang / theg pa ngan pa phyir ldog par byed pa sgrub pa/ sems can thams cad ngan 'gro las nges par rnam par thar bar byed pa sgrub pa/bud med thams cad yongs su thar bar byed cing sems can skyes bu 'thob pa sgrub pa/ chos kyi phung po thams cad zad mi shes pa sgrub pa/ ser sna thams cad sel bar byed pa sgrub pa/ ting nge 'dzin gyi phung po dang mngon par shes pa thams cad mi zad pa sgrub pa/sems can thams cad dad par byed pa dang / byang chub sems dpa'i lam la gzhog par byed pa sgrub pa/ nyan thos dang rkyen gyi theg pa sgyur ba sgrub pa zhes bya ba nas/ bla na med pa'i yongs su mya ngan las 'das pa'i bar sgrub pa 'di ni mi zad pa'i sbubs lung bstan pa zhes bya ba yin te/sems can rnams thos pa tsam gyi mod la las kyi sgrib pa dang / sems can gyi sgrib pa dge ba'i rtsa ba thams cad kyi bgegs byed pa/ 'phangs pa/ yongs su ma spyad pa/ ma zad pa/ ma sbyangs pa gang gA'i klung gi bye ma'i tshad snyed kyang ma lus par zad par 'gyur te/'bras bu 'grub par mi 'gyur ro/ /mtshams med pa'i las rnams dang / dam pa'i chos spong ba'i las rnams dang / 'phags pa la skur pa 'debs pa'i las rnams ni ma gtogs so/ /rigs kyi bu gang la la mi zad pa'i sbubs lung bstan pa zhes bya ba 'di lan cig tsam sems rtse gcig pas nyan par byed na de la dga' ba dang /dad pa dang / nye bar rtog pa kun tu skyed par byed do/ /de'i las kyi sgrib pa dang / sems can gyi sgrib pa dge ba'i rtsa ba thams cad kyi bgegs byed pa/'phangs pa/ yongs su ma spyad pa/ ma zad pa/ ma sbyangs pa gang gA'i klung gi bye ma snyed kyang ma lus par zad par 'gyur ro zhes bya ba nas 'bras bu 'grub par mi 'gyur ba'i bar du 'gyur ro/ /de dge ba'i rtsa ba ji lta bu kun tu spyod kyang rung / gal te sbyin pa'i pha rol tu phyin pa kun tu rtsom par byed na yang de sangs rgyas thams cad kyis byin gyis brlabs par 'gyur ro//byang chub sems dpa' dang / rkyen gyi rgyal ba dang / dgra bcom pa thams cad kyis kyang byin gyis brlabs par 'gyur ro/ /de'i khyim longs spyod zad mi shes par yang 'gyur ro//lus dang / ngag dang / yid ser sna'i dri ma dang bral bas snod yin zhing / snod du gyur pa'i sbyin gnas la brnyas pa med pa'i sems kyis mi dmigs pa'i tshul gyis sbyin pa byin par byed na/ tha na yan lag gi dam pa mgo yongs su gtong bar byed na yang de la lha dang lha ma yin du bcas pa'i 'jig rten sus kyang bar chad bya bar mi nus te/mtshams med pa dang / 'phags pa la skur pa 'debs pa dang / dam pa'i chos spong bar byed pa ni ma gtogs so/ /gal te yang de tshul khrims kyi pha rol tu phyin pa la brtson par byed pa na de 'di lta bu rtsom par byed de/'phags pa dgyes pa dang / 'phags pas byin gyis brlabs pa dang / rnam par dag pa'i tshul khrims dang / bzod pa dang / nges pa la gnas par byed na brgya byin dang / tshangs pa dang / 'jig rten skyong ba thams cad kyis dad par bya ba'i 'os su gyur pa dang /phyag bya ba'i 'os su gyur pa dang / rgyal rigs dang / bram ze dang / rje'u rigs dang / dmangs rigs thams cad kyis phyag bya ba'i 'os su gyur pa yin/ gzhan la mi smod pa yin/ bdag la mi stod pa yin zhing rnyed pa dang bkur sti la lhag par chags pa med pas nyin mtshan 'das par byed do//bde bar gnyid kyis log pa dang / bde bar sad par 'gyur ro/ /gnod pa chung ba dang / bza' ba dang / btung ba mod cing mang ba dang / snying rje la gnas pa dang / sems can thams cad la phan par 'dod pa dang /rtsol ba don yod par 'gyur ro/ /phyi ma'i dus na 'chi ba'i tshe phyogs bcu nas sangs rgyas bcom ldan 'das dag mthong bar 'gyur zhing de dag kyang de la skyes bu dam pa legs so legs so/ /khyod tshul khrims skyon med pa yin gyis nged kyi zhing yongs su dag pa dag tu tshur shog /der nged kyis khyod sa bcu la rnam par gzhag par bya'o zhes lung ston par 'gyur ro/ /de sangs rgyas mthong ba'i rgyus 'phags pa'i dga' ba dang / dad pa skye bar 'gyur ro/ /de 'chi ba'i dus byas nas kyang sangs rgyas kyi zhing yongs su dag pa stong pa ma yin pa dag tu skye bar 'gyur ro//de der yang myur du sa bcu 'thob par 'gyur ro/ /de sa bcu la gnas nas myur du bla na med pa yang dag par rdzogs pa'i byang chub mngon par rdzogs par 'tshang rgya'o/ /skyes bu de mi zad pa'i sbubs lung bstan pa 'di thos pa tsam gyi mod la de gal te brtson 'grus kyi pha rol tu phyin pa la goms par byed na de 'di lta ste/sbyin pa dang / snyan par smra ba dang / don byed pa dang / don 'thun pas brtson 'grus dang / stobs dang / spro ba dang / blo dang / pha rol gnon pa dam pa de lta bu dang ldan par 'gyur ro//lha'i dbang po dang / klu'i dbang po dang / gnod sbyin gyi dbang po dang / lha ma yin gyi dbang po dang / nam mkha' lding gi dbang po dang / mi 'am ci'i dbang po dang / lto 'phye chen po'i dbang po dang / mi'i dbang po thams cad kyis dad par bya ba'i 'os su gyur pa yin/mchod pa'i 'os su gyur pa dang / phyag bya ba'i 'os su gyur pa yin/ dran par bya ba'i 'os su gyur pa yin/ mngon par dga' bar bya ba'i 'os su gyur pa dang / rab tu srung ba'i 'os su gyur pa yin pa nas myur du bla na med pa yang dag par rdzogs pa'i byang chub mngon par rdzogs par 'tshang rgya ba'i bar du 'gyur ro//skyes bu de mi zad pa'i sbubs lung bstan pa 'di thos pa tsam gyi mod la gal te bzod pa'i pha rol tu phyin pa la goms par byed na de sems can thams cad dang bral ba dang / mi dmigs pa dang ldan pa dang / 'phags pas byin gyis brlabs pa dang /chos la dmigs pa'i bzod pa de lta bu 'thob par 'gyur te/ des kyang de'i yan lag dang nying lag dag phyung zhing bcad na yang sems kyi skad cig gcig kyang khro ba skyed par mi 'gyur zhing khro ba thams cad spangs par 'gyur ro/ /lha'i dbang po thams cad nas mi'i dbang po thams cad kyi bar gyis dad par bya ba'i 'os su gyur pa nas myur du bla na med pa yang dag par rdzogs pa'i byang chub mngon par rdzogs par 'tshang rgya ba'i bar du 'gyur ro//de bzhin du skyes bu de mi zad pa'i sbubs lung bstan pa 'di thos pa tsam gyi mod la gal te bsam gtan gyi pha rol tu phyin pa la goms par byed na myur du 'phags pas byin gyis brlabs pa dang /chos la dmigs pa'i bsam gtan dang / rnam par thar pa dang / gzugs med pa'i snyoms par 'jug pa dang / ting nge 'dzin gyi sgo dang / gzungs kyi sgo dang /bzod pa'i sgo de lta bu bye ba phrag brgya stong thob par 'gyur ro/ /dus thams cad du sangs rgyas thams cad kyis dgongs par 'gyur ro/ /de lha'i dbang po thams cad nas mi'i dbang po thams cad kyi bar gyis bsams par 'gyur zhing dad par bya ba'i 'os su gyur pa nas myur du bla na med pa yang dag par rdzogs pa'i byang chub mngon par rdzogs par 'tshang rgya ba'i bar du 'gyur ro//rigs kyi bu gang la la mi zad pa'i sbubs lung bstan pa zhes bya ba 'di lan cig tsam sems rtse gcig pas nyan par byed na de la lhag par yang dga' ba dang /dad pa dang / nye bar rtog pa kun tu skyed par byed do/ /de las kyi sgrib pa dang / sems kyi sgrib pa dang / chos kyi sgrib pa dang / nyon mongs pa'i sgrib pa dge ba'i rtsa ba thams cad kyi bgegs byed pa/ 'phangs pa/ so sor ma rten pa/ ma zad pa/ ma sbyangs pa gang gA'i klung gi bye ma snyed kyang ma lus par zad par 'gyur te/de la 'bras bu 'grub par mi 'gyur ro/ /mtshams med pa byed pa dang / dam pa'i chos spong bar byed pa dang / 'phags pa la skur pa 'debs par byed pa'i las rnams ni ma gtogs so/ /de gang gi tshe 'phags pa rnams kyi shes rab kyi pha rol tu phyin pa la goms par byed na de sangs rgyas thams cad kyis byin gyis brlabs par 'gyur ro//byang chub sems dpa' dang / rang rgyal ba dang / dgra bcom pa thams cad kyis byin gyis brlabs par 'gyur ro//dben pa la mngon par dga' bar 'gyur ro/ /gang dag gis de la 'phags pa'i shes rab kyi dbang po legs par sbyang bar byas pa dang / shin tu mthar phyin par 'gyur ba'i chos de lta bu dag de'i sems dang sems las byung ba dag gi nang du skye bar 'gyur ro/ / de chos thams cad la zhugs par 'gyur zhing the tsom med pa dang the tsom las rgal bar 'gyur ro/ /lha dang lha ma yin du bcas pa'i 'jig rten gyis mi rdzi bar 'gyur ro/ /de lha'i dbang po thams cad dang / gnod sbyin gyi dbang po dang / lha ma yin gyi dbang po dang / nam mkha' lding gi dbang po dang /mi 'am ci'i dbang po dang / mi'i dbang po thams cad kyis dad par bya ba'i 'os su gyur pa dang / dran par bya ba'i 'os su gyur pa dang / mngon par dga' bar bya ba'i 'os su gyur pa dang / mchod pa bya ba'i 'os su gyur pa dang / phyag bya ba'i 'os su gyur pa dang /rab tu bsrung ba'i 'os su gyur pa yin no/ /de phyi ma'i dus na 'chi ba'i tshe phyogs bcu kun tu goms pa'i sangs rgyas bcom ldan 'das dag mthong bar 'gyur ro/ /sangs rgyas bcom ldan 'das de dag kyang de la phyag rkyong bar mdzad cing de la 'di skad du skyes bu dam pa nged kyi sangs rgyas kyi zhing yongs su dag par tshur shog /der gnas par byos shig /der nged kyis rigs pas sa bcu la gzhag par mdzad do zhes kyang gsung bar 'gyur ro/ /de sangs rgyas mthong ba dang / 'phags pa'i dga' ba dang / dad pa des 'chi ba'i dus byas nas sangs rgyas kyi zhing yongs su dag pa stong pa ma yin pa de dag tu skye bar 'gyur ro//de der yang sa bcu 'thob cing ring po mi thogs par bla na med pa yang dag par rdzogs pa'i byang chub mngon par rdzogs par 'tshang rgya'o/ /rigs kyi bu mi zad pa'i sbubs lung bstan pa chen po 'di ni de ltar phan yon che ba yin no//sangs rgyas kyi zhing yongs su dag pa thams cad nas smad cing bor ba mtshams med pa byed pa dang / dam pa'i chos spong ba dang / 'phags pa la skur pa 'debs pa dang / ltung ba'i rtsa ba byung ba'i sems can gang mi zad pa'i sbubs lung bstan pa chen po 'di thos nas byams pa'i sems dang ldan pa dang /sems can thams cad la snying brtse ba'i sems dang ldan pa dang / mnyam pa'i sems dang ldan pa dang / phra ma mi byed pa'i sems dang ldan pa dang / tshig kyal pa mi smra ba'i sems dang ldan pas lo bdun du gnas par byed cing rtag tu sangs rgyas rjes su dran pa sgom par byed la/nyin lan gsum mtshan lan gsum du chos gos phrag pa gcig tu bgos nas pus mo'i lha nga gnyi ga sa la btsugs te/ thal mo sbyar nas mngon du sangs rgyas yid la byed pas mi zad pa'i sbubs lung bstan pa 'di dran par byed na lo bdun 'das nas de'i las drag po thams cad ma lus par zad par 'gyur zhing sbyangs par 'gyur te/rigs kyi bu mi zad pa'i sbubs lung bstan pa chen po 'di ni de ltar rdzu 'phrul che ba yin no//'dir dbang phyug la mngon par 'dod pa'i bud med gang zhig mi zad pa'i sbubs lung bstan pa 'di thos nas zla ba bdun du nyin lan gsum mtshan lan gsum pus mo'i lha nga gnyi ga sa la btsugs te/ thal mo sbyar nas mdun du mngon du sangs rgyas yid la byed pas mi zad pa'i sbubs lung bstan pa 'di dran par byed na bud med de ris 'thun par dbang phyug chen po thob par 'gyur ro//phyis kyang bla na med pa yang dag par rdzogs pa'i byang chub kyi bar du rang gi smon lam ma gtogs par 'khor bar bud med kyi dngos po 'thob par mi 'gyur ro/ /khyod mngon par 'dod pa'i bud med gang zhes bya ba nas rigs mngon par 'dod pa'i bud med gang zhes bya ba'i bar dang /nor mngon par 'dod pa'i bud med gang zhes bya ba'i bar dang / mngal na bu yod pa'i khur gyis skyo ba'i bud med gang zhes bya ba'i bar dang / bu mngon par 'dod pa'i bud med gang zhes bya ba'i bar de khrus byas nas byi 'chor pa srung bar byed cing nyin lan gsum dben par/mtshan lan gsum dben par pus mo'i lha nga gnyi ga sa la btsugs te thal mo sbyar ba rab tu btud nas mdun du mngon du sangs rgyas yid la byed pas mi zad pa'i sbubs lung bstan pa chen po 'di dran par byed na bud med de bu ji lta bu 'dod pa de lta bu 'byung bar 'gyur ro//bla na med pa'i yongs su mya ngan las 'das pa'i bar du yang rang gi smon lam ma gtogs par de'i bud med 'thob pa'i tha ma yin no/ / mi zad pa'i sbubs lung bstan pa chen po 'di ni de ltar don che ba de ltar phan yon che ba ste khyed kyis sngon ma thos pa yin no/ /tad ya thA/ sha ra Na bya ya/ shik+Sha bya ya/ smr-iti bya ya/ bra h+ma Ni bya ya/ r-id+d+hibya ya/ in+d+rI ya bya ya/ ba la bya ya/ bo d+h+yang+ga bya ya/ sa mA d+hi bya ya/ d+hA ra NI bya ya/k+ShAn ti bya ya/ b+h+ya na bya ya/ a rU pa bya ya/ a ni na dza bya ya/ mArga bya ya/ a bi dz+nyA bya ya/ pra ti sa ma bid bya ya/ b+hU mi bya ya/ bid+yA bya ya/ ma hA mai tri bya ya/ ma hA kA ru NA bya ya/ prI th+wI bya ya/ sa twa bya ya/ d+ha rma bya ya/ ta mo bya ya/ a lo ka bya ya/ pra ti b+ha sa bya ya/ pra ti shrud ka bya ya/ ga ga na bya ya/ ma ru ta bya ya/ shU n+ya tA bya ya/ pra Ni hi ta bya ya/ a ni mit+ta bya ya/ ru ta bya ya/ g+ho Sha bya ya/ kin tsa nA bya ya/ a b+hi sa ma ya a nU na/ a pa ha/ tsa tsa tsa tsa/ tsA rA tsa/ tsa ra bi mu/ tsa bi tsak+Sha tsa/ ku tsa tsA ra bi mu/bya ya bi mu/ k+Sha ya bi mu/ a sa mu dra/ tsa ra bi mu/ ts+tsha da bi mu/ A kA sha bi mu/ byu pa sha ma bi mu/ a nA b+ha sa bi mu/ a ha ta bi mu/ A ra pA ra bi mu/ a ra pa ra bi mu/ u pa sha ma sa li la bi mu swA hA/ rigs kyi bu mi zad pa'i sbubs lung bstan pa chen po de ni 'di yin te/yon tan che ba/ don che ba/ phan yon che ba/ sems can thams cad dbang du byed pa/ sems can thams cad la phan par byed pa/ sems can thams cad 'khru bar byed pa/ snang bar byed pa/ nye bar zhi bar byed pa yin no/ /long la nga'i bkas de bzhin gshegs pa shAkya thub pa la zhu ba'i phyir mi mjed kyi 'jig rten gyi khams su song shig /de nas thams cad dang ldan pa'i 'khor de ngo mtshar thob cing shin tu dga' ba thob nas 'di skad ces gsol to/ /sangs rgyas bcom ldan 'das rnams kyi sgrib pa mi mnga' ba'i ye shes gzigs pa dang /lung bstan pa gang gis sems can rnams kyi las kyi sgrib pa dge ba'i rtsa ba thams cad la bgegs bgyid pa chung ngu dang / 'bring dang / chen po sra ba dag ma lus par bas par 'gyur zhing myur du byang grol gyi bde ba yang rjes su 'thob par 'gyur ba'i lung bstan pa chen po de lta bu de bzhin gshegs pas bstan pa ni ngo mtshar lags so//de'i tshe byang chub sems dpa' spos kyi glang po ches ched du brjod pa 'di ched du brjod do/ /'jig rten thams cad sgrol bgyid pa/ /mi zad sbubs bshad ji lta bar//sems can dag gi las rnams kun/ /zad bgyid gnyis pa ma mchis so/ /'khor ba rang gis las gang dag /bgyis pa rnams ni ring du spong / /sdug bsngal kun las grol 'gyur zhing / /bsod nams gzi brjid ldan par 'gyur/ / srid pa'i rgya mtsho skems bgyid cing / /sdig pa thams cad 'joms par bgyid/ /gang na 'dren pa bzhugs 'gyur ba'i/ /zhing dag tu ni myur 'gro bgyid/ /sdug bsngal snod kyi 'khor ba na/ /nyes dmigs mang po mthong nas kyang / /nyon mongs thams cad sel bgyid cing //byang chub dam pa thob par 'gyur/ /sems can gang tshul 'di nyan na/ /thub par dka' bar 'gyur ba lags/ /de bas bkur sti bgyis nas mnyan/ /dpal kun thob par bgyis pa lags/ /btsun pa bcom ldan 'das mi zad pa'i sbubs lung bstan pa chen po 'di bdag gis bzung lags te/mi mjed kyi 'jig rten gyi khams su bdag mchi lags so/ /yang de'i tshe 'khor de na byang chub sems dpa' sems dpa' chen po ting nge 'dzin dag las langs nas ring po ma lon pa grangs med dpag tu med pa dag gis tshig 'thun par 'di skad ces gsol to//btsun pa bcom ldan 'das bdag cag kyang de bzhin gshegs pa shAkya thub pa la blta ba dang / phyag bgyi ba dang / mchod pa dang / bsnyen bkur bgyi ba dang / 'dus pa chen po blta ba dang / nyi ma'i snying po'i chos kyi rnam grangs sngon chad ma thos pa nyan par 'tshal lags na bcom ldan 'das der bdag cag mchi bar gnang bar mdzad du gsol/de nas de bzhin gshegs pa ri dbang rgyal po des 'di skad ces bka' stsal to/ /rigs kyi bu dag thams cad lhan cig 'thun par brgya byin gyi cha byad dang /spyod lam dang / rtags dang / dbyibs dag dang / dbang phyug la dbang bas deng shig /de nas byang chub sems dpa' sems dpa' chen po spos kyi glang po che byang chub sems dpa' sems dpa' chen po grangs med dpag tu med pa thams cad dang lhan cig tu thams cad 'grogs shing 'thun par brgya byin gyi cha byad dang /spyod lam dang / rtags dang / dbyibs dag dang / dbang phyug la dbang bar bdag nyid mngon par sprul nas bcom ldan 'das de bzhin gshegs pa ri dbang rgyal po'i zhabs gnyis la mgo bos phyag 'tshal te/lan gsum bskor ba byas te de nas chas so/ /de dag yud tsam gyis mi mjed kyi 'jig rten gyi khams 'dir phyin te/ de dag phyin pa'i mod la sangs rgyas kyi zhing mi mjed 'dir bcom ldan 'das shAkya thub pa de la mchod pa'i las bya ba'i phyir spos kyi char chen po mngon par rab tu phab ste/'di lta ste/ tsan dan gor shir Sha dang / tsan dan sbrul gyi snying po dang / ta ma la'i 'dab ma dang / a ga ru dang / rgya spos dang / dus kyi rjes su 'brang ba'i tsan dan gyi phye ma'i char mngon par rab tu phab bo//de dag de bzhin gshegs pa shAkya thub pa ga la ba der dong ste phyin nas kyang thams cad brgya byin gyi cha byad kyis bcom ldan 'das kyi zhabs gnyis la mgo bos phyag 'tshal te/ lan gsum bskor ba byas nas phyogs gcig tu 'khod do/ /bcom ldan 'das ni de'i bar du yang rgyal po gzugs can snying po dang thabs cig chos kyis gnas pa'i gtam kun tu spyod par mdzad do//yang de'i tshe nub phyogs logs kyi phyogs cha sangs rgyas kyi zhing 'di nas sangs rgyas kyi zhing gang gA'i klung bzhi bcu rtsa gnyis kyi bye ma snyed 'das pa de na/sangs rgyas kyi zhing snyigs ma lnga dang ldan par gnas pa snying po'i rgyal mtshan zhes bya ba yod do/ /sangs rgyas kyi zhing snying po'i rgyal mtshan de na de bzhin gshegs pa dgra bcom pa yang dag par rdzogs pa'i sangs rgyas ye shes dpal brtsegs rgyal po zhes bya ba bzhugs te/'tsho zhing gzhes la 'khor bzhi po rnams kyi bsam pa ji lta ba bzhin du sems can rnams la chos kyang ston to/ /'khor de na yang byang chub sems dpa' sems dpa' chen po snang ba'i snying po dpal zhes bya ba chos mnyan pa'i phyir 'dus te 'dug par gyur to//des kyang gyen du rnam par bltas so/ /des steng gi nam mkha' la byang chub sems dpa' sems dpa' chen po grangs med dpag tu med pa nub phyogs kyi phyogs cha nas shar phyogs su 'gro ba dag mthong ngo / /des gang du byang chub sems dpa' sems dpa' chen po de dag 'dong ba'i shar phyogs la rnam par bltas te/des der snang ba chen po mthong nas de bzhin gshegs pa ye shes dpal brtsegs rgyal po la yongs su zhus so zhes bya ba nas/ de bzhin gshegs pa ye shes dpal brtsegs rgyal po des byang chub sems dpa' sems dpa' chen po snang ba'i snying po dpal la 'di skad ces bka' stsal to zhes bya ba'i bar dang /rigs kyi bu shar phyogs kyi phyogs cha sangs rgyas kyi zhing 'di nas sangs rgyas kyi zhing gang gA'i klung bzhi bcu rtsa gnyis kyi bye ma snyed 'das nas snyigs ma lnga dang ldan par gnas pa de na 'jig rten gyi khams mi mjed ces bya ba yod de/de na sangs rgyas bcom ldan 'das de bzhin gshegs pa shAkya thub pa zhes bya ba bzhugs te/ 'tsho zhing gzhes la chos kyang ston to zhes bya ba'i bar dang / de'i tshe de na 'dus pa chen po yod de/ de na de bzhin gshegs pa de chos kyi tshul dang dkon mchog gsum gyi gdung ring du gnas par mdzad pa'i phyir dang /chos kyis gnas pa nyid rgyun mi gcad pa'i phyir dang / bdud kyi yul rnam par 'jig par mdzad pa'i phyir dang / chos kyi rgyal mtshan bsgreng bar mdzad pa'i phyir theg pa gsum rnam par gtan la dbab pa bstan pa'i sgo'i chos kyi rnam grangs rab tu ston to//der de bzhin gshegs pa thams cad gshegs nas rin po che'i tog ces bya ba'i gzungs sngags bshad nas kyang de dag gshegs par mdzad do/ / yang de bzhin gshegs pa shAkya thub pa des byang chub sems dpa' sems dpa' chen po rnams dang / nyan thos chen po rnams kyi 'dus pa chen po yang dag par 'dus par mdzad de/ der so so yang dag par rig pa bzhi dang ldan pa'i spyan gsum dang / tshangs pa'i gnas pa dag bstan kyang da dung 'khor sangs rgyas kyi zhing mi mjed sa dang nam mkha'i lam thams cad ma 'dres par gang ba zhig de bzhin gshegs pa mchog tu snyan par gsung ba shAkya thub pa'i chos bstan pas ngoms pa med do zhes bya ba'i bar ji ltar sngar gsungs pa bzhin te/rigs kyi bu khyod nga'i bkas de bzhin gshegs pa shAkya thub pa la zhu ba'i phyir mi mjed kyi 'jig rten gyi khams su 'gro bar spro na/ der nyi ma'i snying po'i chos kyis gnas pa klu'i yul rnam par 'jig par mdzad pa'i 'od zer gyi le'u sems can rnams kyi las zad par 'gyur ba'i gzungs sngags la ngas dad pa sbyin par mdzad do//der smon pa med pa dang rjes su 'thun pa'i bzod pa mthu stobs che ba/ phan yon che ba/ 'dod pa'i 'dod chags thams cad kun tu zad par byed pa/ gzugs kyi 'dod chags thams cad kun tu zad par byed pa/gzugs med pa'i 'dod chags thams cad kun tu zad par byed pa/ nga rgyal dang / lhag pa'i nga rgyal dang / nga'o snyam pa'i nga rgyal thams cad kun tu zad par byed pa zhes bya ba nas/ zad pa shes pa skyed pa'i bar byed pa/ mi skye ba shes pa rtogs par byed pa/ma rig pa'i mun pa'i phung po thams cad rab tu 'joms par byed pa/ sdug bsngal gyi khur 'dor bar byed pa 'di bskur bar mdzad do/ /tad ya thA/ sha na sha ba/ ma sha na sha ba/ a bak+Sha sha ba/ k+Shu k+Shu ta sha ba/ tsak+Shu sha ba/ shro tra sha ba/g+h+rA Na sha ba/ dzi hwa sha ba/ kA ya sha ba/ ma na sha ba/ k+Shu b+ha bi d+ha/ tsak+Shu pra ti bi sha ba/ shro tra a b+ha k+Sha b+ha/ g+h+rA Na te dza k+Sha b+ha/ dzi hwa bA yu k+Sha b+ha/ kA ya kra ma k+Sha b+ha/ ma na o dza/ A lo ka dz+nyA yak+Sha b+ha/ bI dza sang kra ma k+Sha b+ha/ ang ga ra kha ga k+Sha b+ha/sa mA ro pa bya yak+Sha b+ha/ sha ma ka na k+Sha b+ha/ k+Sha ya ka ra sa k+Sha b+ha/ shA na ta bya t+ya s+tha k+Shab+ha/ na to tai ta to na/ a tsa nai na na to na/ na g+ha ba na yi na to na/ e sha e bAn to du kha s+ya swA hA/ rigs kyi bu smon pa med pa dang rjes su 'thun pa'i gzungs sngags de ni 'di yin te/mthu stobs che ba/ phan yon che ba/ 'dod pa'i 'dod chags thams cad kun tu zad par byed pa/ gzugs kyi 'dod chags thams cad kun tu zad par byed pa zhes bya ba nas/ sdug bsngal gyi khur thams cad 'dor bar byed pa'i bar yin no//long la mi mjed kyi 'jig rten gyi khams su song shig /nga'i bkas de bzhin gshegs pa shAkya thub pa de la gnod pa chung ngam/ bskyod pa yang ngam/ stobs dang / bde bar reg pa la gnas sam zhes kyang zhus la/ de la 'di skad du nub phyogs kyi phyogs cha na sangs rgyas kyi zhing 'di nas sangs rgyas kyi zhing gang gA'i klung bzhi bcu rtsa gnyis kyi bye ma snyed 'das pa de na sangs rgyas kyi zhing snyigs ma lnga dang ldan par gnas pa/snying po'i rgyal mtshan zhes bgyi ba mchis so/ /sangs rgyas kyi zhing snying po'i rgyal mtshan de na de bzhin gshegs pa dgra bcom pa yang dag par rdzogs pa'i sangs rgyas ye shes dpal brtsegs rgyal po zhes bgyi ba bzhugs te/'tsho zhing gzhes la 'khor bzhi po rnams kyi bsam pa ji lta ba bzhin du sems can rnams la chos kyang ston to//de bzhin gshegs pa des kyang bdag de nas 'dir bcom ldan 'das la yongs su zhu ba'i slad du btang ba lags na/ btsun pa bcom ldan 'das ci snyung ba mi mnga' lags sam/ gnod pa chung ngam/ khyod kyi 'khor bro 'tshal ba ma mchis lags sam/dam pa'i chos nyan par 'tshal ba dag lags sam/ ji ltar thos pa bzhin du chos dang ldan pa lags sam/ chos de la nan tan snying por bgyid pa lags sam/ chos kyis gnas pa dang ldan par gnas lags sam/ khyod kyi sangs rgyas kyi zhing 'dir bdud kyi yul dang / klu'i yul bcom lags sam/ sangs rgyas gcig gi yul lags sam/ 'dir khyod kyi chos kyi 'khor lo thogs pa ma mchis par skor bar mdzad lags sam/ gang la la sangs rgyas kyi yul 'dir chos ma lags pa'i 'khor lo skor ba de'i slad du yang de bzhin gshegs pa dgra bcom pa yang dag par rdzogs pa'i sangs rgyas ye shes dpal brtsegs rgyal po des nyi ma'i snying po'i chos kyis gnas pa klu'i yul rnam par 'jig par mdzad pa'i 'od zer gyi le'u dang /sems can rnams kyi las zad par 'gyur ba'i gzungs sngags 'di la dad par stsol bar mdzad cing /de nas kyang smon pa med pa dang rjes su 'thun pa'i gzungs sngags mthu stobs che ba/ phan yon che ba/ 'dod pa'i 'dod chags thams cad kun tu zad par byed pa/ gzugs kyi 'dod chags thams cad kun tu zad par byed pa zhes bya ba nas sdug bsngal gyi khur thams cad 'dor bar byed pa 'di des bskur lags so zhes bya ba'i bar gsol cig ces bya ba snga ma bzhin no//de nas byang chub sems dpa' sems dpa' chen po snang ba'i snying po dpal des 'di skad ces gsol to//btsun pa bcom ldan 'das smon pa med pa dang rjes su 'thun pa'i gzungs sngags kyi phan yon bdag gis bzung lags na btsun pa bcom ldan 'das sangs rgyas kyi zhing mi mjed der mchi ba la 'jigs pa 'ba' zhig mchis lags so/ / de ci'i slad du zhe na/ da ltar bcom ldan 'das la bdag gis mngon du thos shing mngon du yongs su bzung lags te/ 'di ltar sangs rgyas kyi zhing mi mjed de na sems can rnams mchog tu lta ba mi zad pas sdug bsngal thob par gyur pa mchog tu 'dod chags kyi shas che ba/dmus long dang 'dra ba dag lags te zhes bya ba nas/ bud med kyi nyes pas dge ba'i rtsa ba thams cad las yongs su nyams pa dag dang / yud tsam kho nas mnar med par 'chi bar 'gyur ba'i slad du'o zhes bya ba'i bar snga ma bzhin no/ /de nas de bzhin gshegs pa ye shes dpal brtsegs rgyal po des byang chub sems dpa' sems dpa' chen po snang ba'i snying po dpal la 'di skad ces bka' stsal to//rigs kyi bu lan thob shig lan thob shig /'o na khyod kyis zhag dgu la gling bzhi pa bar ma'i sangs rgyas kyi zhing mi mjed der bya'i rgyal po nam mkha' lding gi cha byad kyis rgya mtsho chen por klu bye ba phrag drug cu rtsa bzhi 'jigs par kun tu bstan pa'i rkyen gyis skyabs gsum du 'gro ba la rnam par ma bkod dam/bla na med pa yang dag par rdzogs pa'i byang chub tu sems skyed du ma bcug gam/des 'di skad ces gsol to/ /btsun pa bcom ldan 'das de de lta lags so/ /ji skad gsungs pa de lta lags te/ bdag gis klu bye ba phrag drug cu rtsa bzhi po de dag 'jigs par kun tu bstan pa'i rkyen gyis byang chub kyi bar la rab tu bkod lags so/ / rigs kyi bu 'o na khyod kyis gling bzhi pa bar ma de na gang na char pa med pa der gang bstan pa las de na gnas pa'i klu thams cad 'khrug par 'gyur zhing / de dag 'khrugs nas kyang zhag bdun du char pa mngon par rab tu 'bebs par byed pa'i glang po che'i klu chen po dag dang / rta'i klu chen po dang / sbrul gyi klu chen po dag ma bstan tam/ des 'di skad ces gsol to/ /btsun pa bcom ldan 'das de de lta lags te/ sngon gyi smon lam gyi bye brag gis lags so/ /bcom ldan 'das des bka' stsal pa/ ngas khyod der mngags na de ji ltar khyod dngang bar byed/byang chub sems dpa' des 'di skad ces gsol to/ /btsun pa bcom ldan 'das 'di lta ste/ rin po che'i gter chen po zhig mchis par gyur la/ de nas skyes bu mkhas pa'i rang bzhin can la la der mchis nas sen mo dag gis rko bar bgyid na de ji lta ji ltar sen mo dag gis rko bar bgyid pa de lta de ltar rin po che'i phung po chen po ches mang du rnyed par 'gyur ro//btsun pa bcom ldan 'das de de bzhin du mkhas pas de bzhin gshegs pa'i gter yang tshig de lta bu dag gis ji lta ji ltar phyung ba de lta de ltar de nas chos rin po che rin thang ma mchis pa ches phal cher 'thob par 'gyur lags pas der sems can yongs su smin par bgyi ba'i slad du chos kyi phyag rgya gang gis de bzhin gshegs pa'i stobs skyed pas/der bdag gis sems can ches mang po yongs su smin par bgyid pa'i chos kyi phyag rgya ches mang du de bzhin gshegs pa las bdag yongs su tshol bar bgyid lags so//de nas de bzhin gshegs pa ye shes dpal brtsegs rgyal po des byang chub sems dpa' sems dpa' chen po snang ba'i snying po dpal la 'di skad ces bka' stsal to//rigs kyi bu ngas lung bstan pa chen po rig sngags kyi rten ces bya ba khyod la sbyin par mdzad do// //'phags pa shin tu rgyas pa chen po'i sde nyi ma'i snying po zhes bya ba'i mdo/ bam po bzhi pa/ tad ya thA/ sa tri ra Na sha ma/ sa mu da thA na sha ma/ a brdza na sha ma/ swa ra~M ga sha sa ma/ sa~M yo ga sha ma/ ban d+ha na sha ma/ sa ma bi sa ra sha ma/ bA tI na sha ma/ sa mA kra ma sha ma/ a bid+yA sha ma/ sa~M skA ra sha ma/ bi dz+nyA na sha ma/ nA ma rU pa sha ma/ Sha DA ya ta na sha ma/ spar+sha sha ma/ be da na sha ma/ tr-iSh+Nasha ma/ u pA da na sha ma/ b+ha ba sha ma/ dzAti sha ma/ dza rA ma ra Na sha ma/ yA bad sarba ma nu Sh+ya sha ma/ yA bad sarba trai d+hA tu kasa~M skr-ita sha ma/ A ra pA ra sha ma/ 'di ni rig sngags kyi rten lung ston pa chen po yin te/ lung bstan pa des na der sems can rnams kyis thos pa tsam gyis sred pa chung ngu dang /'bring dang / rab dang / srid pa'i rgyu nyon mongs pa rnams rab tu zhi bar 'gyur zhing gzugs dang / gzugs med pa'i srid pa'i rgyu byed pa'i nyon mongs pa rnams rab tu zhi bar 'gyur ba yin no//nyon mongs pa gang gA'i klung gi bye ma snyed kyang bsnyil bar 'gyur ro/ /'gro ba lnga lus dang / ngag dang / yid kyi nyes par spyod pa sngon chad byas pa 'bras bu mthar ma phyin pa dang ma sbyangs pa thams cad kyang ldog par 'gyur ro/ /rig sngags kyi rten lung ston pa 'di gang gis ris 'thun par sems rtse gcig pas mnyan nas nyin zhag bdun du las gzhan mi byed par chos 'di rnam par sgom par byed na dge ba'i phyogs thams cad las yongs su nyams par byed pa dang /bgegs byed pa dang / nor yongs su nyams par byed pa dang /sdug pa'i dngos po dang bral bar byed pa dang / lus la kun tu gnod par byed pa dang / sems kun tu 'khrug par byed pa dang / dge ba thams cad la mngon par mi dga' bar byed pa dang / mi dge ba thams cad la mngon par dga' bar byed pa'i sdig pa'i las de dag thams cad ma lus par 'bras bu mi sgrub par zad par 'gyur te/mtshams med pa byed pa dang / dam pa'i chos spong ba dang / 'phags pa la skur pa 'debs pa dang / ltung ba'i rtsa ba byung ba ni ma gtogs so/ /de dge ba'i rtsa ba de lta bu kun tu spyod par byed de/gal te sbyin pa'i pha rol tu phyin pa kun tu rtsom par byed na de sangs rgyas thams cad kyis byin gyis brlabs par 'gyur ro/ /byang chub sems dpa' dang / rkyen gyi rgyal ba dang / dgra bcom pa thams cad kyis kyang byin gyis brlabs par 'gyur ro//de'i khyim longs spyod zad mi shes par yang 'gyur ro zhes bya ba nas sngar gsungs pa bzhin tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa la goms par byed na lha dang / lha ma yin du bcas pa'i 'jig rten gyis mi rdzi bar 'gyur ro zhes bya ba'i bar dang /de lha'i dbang po thams cad dang zhes bya ba nas/ mi'i dbang po thams cad kyi bar gyis dad par bya ba'i 'os su gyur pa yin/ dran par bya ba'i 'os su gyur pa dang / mngon par dga' bar bya ba'i 'os su gyur pa dang /mchod pa'i 'os su gyur pa dang / phyag bya ba'i 'os su gyur pa dang / rab tu bsrung ba'i bar gyi 'os su gyur pa yin no/ /de phyi ma'i dus na 'chi ba'i tshe phyogs bcu kun tu sangs rgyas bcom ldan 'das dag mthong bar 'gyur ro/ /sangs rgyas bcom ldan 'das de dag kyang de la phyag rkyong bar mdzad cing de la 'di skad du/skyes bu dam pa dag 'ongs pa legs so/ /tshur nged kyi sangs rgyas kyi zhing yongs su dag par gnas par byos shig /der nged kyis khyod sa bcu dag la gzhag par mdzad do zhes kyang gsung bar 'gyur ro//de sangs rgyas mthong ba dang / 'phags pa'i dga' ba dang / dad pa des 'chi ba'i dus byas na sangs rgyas kyi zhing stong pa ma yin pa de dag tu skye bar 'gyur te/ de der yang sa bcu thob par byed cing ring po mi thogs par bla na med pa yang dag par rdzogs pa'i byang chub mngon par rdzogs par 'tshang rgya'o//rigs kyi bu rig sngags kyi rten lung ston pa chen po 'di ni de ltar don che ba yin no/ /rigs kyi bu sangs rgyas kyi zhing mi mjed de na sems can rnams ni nges par 'byed pa'i cha dang 'thun pa'i dge ba'i rtsa ba thams cad las yongs su nyams pa dag yin no//de ci'i phyir zhe na/ 'di ltar de dag ni phyogs bcu'i sangs rgyas kyi zhing thams cad nas bor ba dag yin zhing mtshams med pa byed pa dag dang / dam pa'i chos spong ba dag dang / 'phags pa la skur pa 'debs pa dag dang /ltung ba'i rtsa ba byung ba dag yin pa'i phyir ro/ /de dag thams cad kyis ngan song gsum du yun ring por sdug bsngal rnam pa sna tshogs rab tu drag po rab tu rtsub po nyams su myong ngo / /de dag ngan song gsum las yongs su thar ba dang / yongs su dag pas dge ba bcu'i las kyi lam yang dag par blangs pa'i rgyu dang /de bzhin gshegs pa shAkya thub pa'i sngon gyi smon lam gyi rgyus de dag gis sangs rgyas kyi zhing der mi nyid rnyed pa thob bo/ /gang de dag gi sngon gyi dad pa'i dbang po nas shes rab kyi dbang po'i bar dang / sbyin pa dang ldan pa la goms pa nas shes rab dang ldan pa la goms pa'i bar dang / smon lam la goms pa dang / 'khor ba la yongs su skyo ba la goms pa dang / byang grol gyi bde ba la goms pa dang / tshangs pa'i gnas pa sgom pa la goms pa sngon chad byas par gyur pa de dag thams cad ni ngan song gi sdug bsngal nyams su myong ba la goms pas ma lus par brjed do//ma lus par brjed nas kyang sangs rgyas kyi zhing der skyes te/ da dung yang nyes par spyod pa thams cad kyi rgyus de dag gzugs mi sdug pa dag dang / tshul du mi shis pa dag dang / yan lag dang bral ba dag dang / bza' ba dang / btung ba dang / gos dang / mal cha dang / rgyan dang bral ba dag tu gyur to/ /de dag der yang tshe thung ba dag dang / yid gzhungs pa chung ba dag dang / blo chung ba dag dang /longs spyod dang nye bar spyod pa chung ba dag dang / dge ba'i rtsa ba chung ba dag dang / bsod nams chung ba dag dang / grub pa chung ba dag dang / bya ba chung ba dag dang / bya ba ngan pa la zhugs pa dag dang / lta ba ngan pas zin pa dag dang / bstan bcos ngan pa la dad pa dag dang /smon lam ngan pa dang ldan pa dag dang / nad mang ba dag yin/ rnam par g.yeng ba mang ba dag yin/ 'jug pa la sbyor ba mang ba dag dang / nyes par spyod pa gsum mang ba dag dang / ltad mo dag dang / ltas ngan pa dag dang / gzu lums can dag dang / rtsub pa dag dang / zhe sdang dang ldan pa dag dang / mi dge ba bcu'i las kyi lam dang ldan pa dag dang / dkon mchog gsum 'gog par byed pa dag yin te/ sangs rgyas kyi zhing de na sems can ni phal cher ngan song gsum du 'gro ba dag yin no//rigs kyi bu dag der rig sngags kyi rten lung ston pa chen po 'di de dag gis thos pa tsam gyi mod la de dag nges par 'byed pa'i cha dang 'thun pa'i dge ba dag gi kun tu sbyor bas ngan song gi lam dag las sgrol bar byed do/ /de dag sngon byas pa'i dad pa'i dbang po la goms pas dga' bar 'gyur ba nas/shes rab kyi dbang po'i bar la goms pas dga' bar 'gyur ba'i bar dang / smon lam dang / 'khor ba'i skyon dang / tshangs pa'i gnas pa bsgom pa goms pa la dga' bar 'gyur ba yin no/ / thos pa tsam gyis de dag gi tshe 'phel bar 'gyur ro/ /nad med pa 'phel ba dang / longs spyod dang nye bar spyod pa 'phel ba dang / dge ba'i bya ba 'phel ba dang / dge ba'i rtsa ba yang dag par sgrub pa 'phel ba dang / shes rab 'phel ba dang / byams pa 'phel ba nas/btang snyoms kyi bar 'phel ba dang / legs par byas pa'i las 'phel ba mchog tu 'gyur ro/ /thos pa tsam gyis de dag thams cad yang dag pa'i lta ba dang ldan par 'gyur ro/ /gang dag rig sngags kyi rten lung bstan pa chen po 'di bkur stir byas te nyan par byed cing nyin zhag bdun du las gzhan mi byed par sems rtse gcig pas chos 'di dag rnam par sgom par byed pa'i sems can de dag ni dge ba bcu'i las kyi lam dang ldan pa dag dang /legs par spyod pa gsum dang ldan pa dag dang / dkon mchog gsum la skyabs dang /smon lam gyi shugs la mngon par dga' ba dag dang / chos kyis gnas pa dag dang / dkon mchog gsum gyi gdung gsal bar byed pa dag tu 'gyur te/ sems can gang dag der sngon gyi skye gnas myong bar 'gyur ba mtshams med pa byed pa nas ltung ba'i rtsa ba byung ba'i bar dag ni ma gtogs so//de nas shi 'phos nas kyang sangs rgyas kyi zhing mi mjed 'dir skyes shing skye bar 'gyur ba dag yin te/ gang dag gi sdig pa'i las rab tu chen po'i 'bras bu rnam par smin par sngon chad yongs su ma spyad pa'i sems can de dag gis rig sngags kyi rten lung ston pa chen po 'di thos na yang yon tan de lta bu de dag thob par 'gyur ro//thos pa tsam gyis mod la yang de dag gi las kyi sgrib pa dpag tu med pa ma lus par yongs su zad par 'gyur ro/ /sems can de dag gis kyang der chos kyi rnam grangs 'di mtha' dag bri bar bya'o//yang dag par rdzogs pa'i sangs rgyas bdun po dag gi sangs rgyas kyi sku gzugs bdun yang bya'o/ /de bzhin gshegs pa shAkya thub pa'i nyan thos kyi dge 'dun chos kyis gnas pa rnams kyi kun dga'i ra ba yang bya'o//der sbyin bdag kyang rab tu gzhag par bya'o/ /dus dus su gso sbyong gi sdom pa la yang mngon par brtson par bya'o/ /chos mnyan par bya'o/ /der sems can gang dag dkon mchog gsum la dga' ba dang / mchog tu dga' ba chen po de lta bu 'thob pa'i gnas de yod de/de dag gis gang bskal pa bye ba khrag khrig brgya stong mang por ngan song gsum du sdug bsngal drag po rnam pa sna tshogs myong bar 'gyur ba de yang ris 'thun pa 'di nyid la mi 'dod pa'i 'bras bu mngon par 'grub par 'gyur ro/ /kha cig la ni yun ring du nad 'byung ste/des de'i sngon gyi mi dge ba'i las 'phangs pa dag kyang yongs su zad par 'gyur ro/ /kha cig gi ni yan lag bcad pas yongs su zad par 'gyur ro/ /kha cig gi ni nor zad pas yongs su zad par 'gyur ro/ /kha cig gi ni 'khor zhig pas yongs su zad par 'gyur ro//kha cig gi ni longs spyod dang nye bar spyod pa dang bral bas yongs su zad par 'gyur ro/ /kha cig gi ni 'khor dang / bran dang / lus la gnod pa byed pa dang / btson rar gzhag pas yongs su zad par 'gyur ro/ /kha cig gi ni mi snyan pa dang /nyes par smras pa'i tshig thos pas yongs su zad par 'gyur te/ ris 'thun pa la de dag gis mi dge ba'i las sngon byas pa rnams yongs su zad par 'gyur ro/ /rigs kyi bu rig sngags kyi gzhi lung ston pa chen po 'di ni de ltar don che ba yin no//tad ya thA/ kha ga pa ri ts+tshe da/ gar+b+ha k+Sha se/ gar+b+ha re bid+yA/ pra b+ha ga k+She/ k+Sha ba yo ge/ pra ti hA re/ sha ma na si ka the/ sa ma me g+ha dzuSh+Te/ ak+Sha ya ta te/ k+Sha b+ha ba dze/ ni na da na dz+hu She/ sa mA gra dz+hu She/ ad+h+ya sha ya dz+hu She/ bi pra b+ha dz+hu She/shai k+Sha dz+hu She/ sat+ya dza ba dz+hu She/ sai n+ya dza ba dz+hu She/ sa li la gu h+ya dz+hu She/ sa la gu h+ya byA k+She/ pa Na g+ho She/ sa dA na ko ne/ sarba d+ha nan th+ye/ bI ta pra pr-ita te/ u pa kra ma Na the/ a na ts+tsha d+ya pra khe/ pra ti kra ma na /sa kha th+ye she /sa lo tsa na ba me/ kro d+ha d+ha re kA sha sa she /A kA sha kha ge /na ya kuny+dze/ bi d+yA ba ne/ klA na ba ne/ u pa ba ne/ sa me ma kA re/ shA ra ya ba ne/ me g+ha dz+hu She/ ha ri ko na/ ba na ya na mu khe/ sa ra k+Sha ko le/ na rA ya na dz+hu She/ in dra bas ne/ o a/ a ba A/ a ra ba ha/ dza rA/ a ba rA ba/sa me g+ha duHkhe na sti ra Ni nirbA he swA hA/ rigs kyi bu rig sngags kyi rten lung ston pa chen po 'di ni yon tan che ba/ phan yon che ba/ sems can thams cad la phan pa byed pa dang / khrus byed pa/ snang bar byed pa/ dran par byed pa/ nye bar zhi bar byed pa yin te/ de la gang dag sems rtse gcig pas nyan par byed cing ji ltar bstan pa bzhin du sgrub par byed pa'i sems can de dag ni de bzhin gshegs pa thams cad kyis byin gyis brlabs par 'gyur ro/ /byang chub sems dpa' sems dpa' chen po thams cad dang / rkyen gyi rgyal ba thams cad dang /dgra bcom pa thams cad kyis byin gyis brlabs par 'gyur ro/ /de dag thams cad ni lha'i dbang po nas/ mi'i dbang po'i bar gyis bsams pa dang / dad par bya ba'i 'os su gyur pa dang / phyag bya ba'i 'os su gyur pa dang / mchod pa'i 'os su gyur pa yin no//shin tu bsrung bar bya ba'i 'os su gyur pa yin no/ /sems can de dag ni phyi ma'i dus na 'chi ba'i dus kyi tshe rnam par shes pa tha ma la phyogs bcu kun nas mdun na sangs rgyas bcom ldan 'das rnams mthong bar 'gyur te/ sangs rgyas bcom ldan 'das de dag kyang de la phyag rkyong bar mdzad cing 'di skad du/kye yon tan gyis phyug pa dag tshur shog /nged kyi sangs rgyas kyi zhing yongs su dag par gnas par gyis shig /deng nged kyis khyod sa bcu dag la gzhag par bya'o zhes kyang gsung bar mdzad do/ /de sangs rgyas mthong ba'i dga' ba dang /mchog tu dga' ba dang / dad pa 'phags pa des 'chi ba'i dus byas nas kyang sangs rgyas kyi zhing stong pa ma yin pa dag tu skye bar 'gyur zhing de der yang sa bcu dag thob par 'gyur zhing myur du bla na med pa yang dag par rdzogs pa'i byang chub mngon par rdzogs par 'tshang rgya ste/rig sngags kyi rten lung ston pa chen po 'di ni sems can rnams kyi las zad par bya ba dang / rnam par dag pa thob par bya ba dang / byang grol gyi bde ba thob par bya ba'i phyir de ltar don che ba dang / phan yon che ba yin gyis long la mi mjed kyi 'jig rten gyi khams su song shig /nga'i bkas de bzhin gshegs pa shAkya thub pa la zhus shig /de nas byang chub sems dpa' sems dpa' chen po snang ba'i snying po dpal des 'di skad ces gsol to/ /btsun pa bcom ldan 'das de ltar 'tshal lags so//yang de'i tshe 'khor der byang chub sems dpa' sems dpa' chen po grangs med dpag tu med pas kyang tshig 'thun par 'di skad ces gsol to/ /btsun pa bcom ldan 'das bdag cag kyang de bzhin gshegs pa shAkya thub pa la blta ba dang / phyag bgyi ba dang /bsnyen bkur bgyi ba dang / 'dus pa chen po de yang blta ba dang / nyi ma'i snying po'i chos kyis gnas pa klu'i yul rnam par 'jig par bgyid pa'i 'od zer gyi le'u sems can rnams kyi las bas par 'gyur ba'i gzungs sngags thos par 'tshal te/ bdag cag kyang ting nge 'dzin gyi rnal 'byor las langs nas ring po ma lags/snga ma yang kun phyin lags na btsun pa bcom ldan 'das 'jig rten gyi khams mi mjed der bdag cag kyang mchi bar gnang bar mdzad par gsol/ de nas de bzhin gshegs pa ye shes dpal brtsegs rgyal po des 'di skad ces bka' stsal to//rigs kyi bu dag khyed cag thams cad lhan cig 'thun par sred med kyi bu'i mdog dang / rtags dang / gzugs dang / dbyibs dang / spyod lam dang / cha byad kyis khyed deng shig /btsun pa bcom ldan 'das de ltar 'tshal lags so zhes kyang gsol te/byang chub sems dpa' sems dpa' chen po snang ba'i snying po dpal byang chub sems dpa' sems dpa' chen po de dag thams cad dang lhan cig tu sred med kyi bu'i mdog dang / rtags dang / gzugs dang /dbyibs dang / spyod lam dang / cha byad du bdag nyid mngon par sprul nas bcom ldan 'das de bzhin gshegs pa ye shes dpal brtsegs rgyal po'i zhabs gnyis la mgo bos phyag 'tshal te/ lan gsum du bskor ba byas nas de nas chas te yud tsam gcig gis sangs rgyas kyi zhing mi mjed 'dir phyin to//sangs rgyas kyi zhing mi mjed 'dir de dag phyin pa tsam gyi mod la sangs rgyas kyi zhing mi mjed thams cad du bcom ldan 'das la mchod pa'i las bya ba'i phyir 'dzam bu'i chu bo'i gser gyi char pa mngon par rab tu phab bo//de dag gling bzhi pa bar ma 'di ga la ba dang / yul ma ga d+hA'i zhing ga la ba de logs su dong ste/ dong nas kyang bcom ldan 'das shAkya thub pa'i zhabs gnyis la mgo bos phyag 'tshal te phyogs gcig tu 'khod do/ /bcom ldan 'das ni da dung yang rgyal po gzugs can snying po dang thabs cig chos kyis gnas pa'i gtam rab tu mdzad do//yang de'i tshe byang phyogs na sangs rgyas kyi zhing gang gA'i klung brgyad cu'i bye ma snyed 'das pa de na sangs rgyas kyi zhing spos thams cad yang dag par 'phags pa zhes bya ba yod de/ sangs rgyas kyi zhing snyigs ma lnga dang ldan par gnas pa de na de bzhin gshegs pa dgra bcom pa yang dag par rdzogs pa'i sangs rgyas dpal me tog gi snying po zhes bya ba bzhugs te 'tsho zhing gzhes la chos kyang ston to//'khor der byang chub sems dpa' sems dpa' chen po nam mkha'i snying po zhes bya ba chos mnyan pa'i phyir 'dus par gyur te 'dug go//de nas byang chub sems dpa' sems dpa' chen po nam mkha'i snying pos steng gi nam mkha' la bltas so/ /des kyang der nam mkha' la byang chub sems dpa' sems dpa' chen po grangs med dpag tu med pa byang phyogs kyi phyogs cha nas lho phyogs su 'dong ba dag mthong bar gyur to//des lho phyogs su rnam par bltas te snang ba chen po mthong nas des de bzhin gshegs pa dpal me tog gi snying po ga la ba de logs su thal mo sbyar ba rab tu btud nas 'di skad ces gsol to//btsun pa bcom ldan 'das bdag ting nge 'dzin gyi rnal 'byor las langs nas ring por ma lags te/ bdag gis ni steng gi nam mkha' la byang chub sems dpa' sems dpa' chen po grangs ma mchis/ dpag tu ma mchis pa byang phyogs kyi phyogs cha nas lho phyogs su mchi ba dag mthong lags so//btsun pa bcom ldan 'das lho phyogs su rnam par bltas te snang ba chen po mthong nas bdag 'di snyam du sems te/ 'di la rgyu ni gang lags snyam lags so/ /de nas de bzhin gshegs pa dpal me tog gi snying po des byang chub sems dpa' sems dpa' chen po nam mkha'i snying po la 'di skad ces bka' stsal to//rigs kyi bu sangs rgyas kyi zhing 'di nas lho phyogs kyi phyogs cha na sangs rgyas kyi zhing gang gA'i klung brgyad cu'i bye ma snyed 'das nas sangs rgyas kyi zhing mi mjed ces bya ba yod do//'di ltar snyigs ma lnga dang ldan par gnas pa de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba da ltar bzhugs te/ 'tsho zhing gzhes la 'dus pa chen po la chos kyi tshul yun ring du gnas par bya ba'i phyir dang /dkon mchog gsum gyi gdung gi chos kyis gnas pa rgyun mi gcad par bya ba'i phyir da ltar theg pa gsum gyi rnam par gtan la dbab pa bstan pa'i sgo'i chos kyi rnam grangs rab tu ston to/ /sangs rgyas kyi zhing mi mjed der bdud kyi yul rnam par gzhig pa dang /dri ma med par mdzad pa'i phyir dang / chos kyi rgyal mtshan bsgreng bar mdzad pa'i phyir dang / chos kyi tshul yun ring du gzhag pa'i phyir sangs rgyas kyi 'dus pa chen po byung bar gyur to/ /der yang de bzhin gshegs pa thams cad kyis rin po che'i tog gi gzungs sngags gsungs te/sangs rgyas kyi zhing yang yongs su spyad nas gshegs so/ /de bzhin gshegs pa shAkya thub pa de yang byang chub sems dpa' sems dpa' chen po rnams dang / nyan thos chen po rnams kyi 'dus pa chen po yang dag par sgrub par mdzad de/so so yang dag par rig pa bzhi dang yang dag par ldan pa mig gsum pa'i tshangs pa'i gnas pa bstan kyang de na da dung sangs rgyas kyi zhing mi mjed sa dang nam mkha' gang ba zhig de bzhin gshegs pa shAkya thub pa mchog tu snyan par gsung ba'i chos bstan pas tshim par ma gyur to//mchog tu snyan pa gsung ba shAkya thub pa de yang bsdu ba'i dngos po bzhi dang / nyi ma'i snying po'i chos kyis gnas pa klu'i yul rnam par 'jig par mdzad pa'i 'od zer gyi le'u sems can rnams kyi las zad par byed pa'i gzungs sngags bshad par bzhed do//de bzhin gshegs pa de 'di snyam du dgongs te/ phyogs bcu dang / sangs rgyas kyi zhing thams cad na byang chub sems dpa' sems dpa' chen po gang su dag bskal pa brgyas nges par 'byung ba zhes bya ba nas gang dag srid pa tha ma pa sangs rgyas kyi chos ma 'dres pa brgyad la gzhan gyi dring mi 'jog pa sgrib pa med pa'i ye shes la mkhas pa dag 'di'i tshe sangs rgyas kyi zhing mi mjed du 'jug par gyur cig /'dir 'khod nas kyang rang rang gi dge ba'i phyogs kyi bsam gtan dag gis gnas par gyur cig / 'di ltar sangs rgyas kyi zhing 'dir sa chen po lhag par mthu dang ldan pa dang / bcud dang ldan pa dang / yon tan dang ldan pa dag tu gyur cig /'di ltar 'dir sangs rgyas kyi zhing gzhan bzhin du thams cad dran pa dang ldan pa dag dang / brtson 'grus dang ldan pa dag dang /gtong ba dang ldan pa dag dang / shes rab dang ldan pa dag tu gyur cig /de'i tshe byang chub sems dpa' sems dpa' chen po gang su dag phyogs bcu'i sangs rgyas kyi zhing dag nas yang dag par zhugs pa de dag kyang sangs rgyas kyi zhing mi mjed 'di'i nang du chud par gyur cig /de nyid du 'khod nas kyang rang rang gi dge ba'i phyogs la stobs ji lta ba dang / ji ltar 'tsham pa bzhin du 'khod nas bsam gtan byed par gyur cig snyam dgongs so/ /bsam gtan byed pa de dag kha cig gi lus las 'od 'di lta bu/ dper na 'bru mar gyi mar me lta bu byung ngo zhes bya ba nas kha cig gi lus las 'od 'di lta bu/dper na zla ba dang nyi ma bye ba phrag brgya stong mang po'i 'od lta bu byung ngo zhes bya ba'i bar du sbyar ro/ /de na da ltar byang chub sems dpa' sems dpa' chen po rnams 'dus pas sangs rgyas kyi zhing mi mjed de snang ba chen pos khyab par gyur to//da ltar gang dag phyogs bcu'i sangs rgyas kyi zhing thams cad na snyoms par zhugs par gyur la/ sngon chad der phyin pa ni ma yin pa'i byang chub sems dpa' sems dpa' chen po de dag ni de ltar ting nge 'dzin las langs nas sangs rgyas kyi zhing mi mjed der chas so//der phyin nas kyang de bzhin gshegs pa de mthong bar 'gyur ro/ /'dus pa chen po de yang mthong bar 'gyur ro/ /gzungs sngags chen po de yang thos par 'gyur ro/ /skyil mo krung du 'dug nas rang rang gi dge ba'i phyogs kyi bsam gtan rnam pa sna tshogs kyis rtse bar 'gyur ro//rigs kyi bu khyod kyang da ltar ting nge 'dzin las langs kyis rigs kyi bu khyod kyis kyang sangs rgyas kyi zhing mi mjed der 'gro bar bya'o/ /rigs kyi bu sangs rgyas kyi zhing mi mjed de na yang sems can dag mchog tu tshe thung ba dag yin/nad mang ba dag yin/ blo chung ba dag yin/ dge ba'i rtsa ba kun tu spyod pa chung ba dag yin/ bsod nams chung ba dag yin/ dge ba'i rtsa ba'i bya ba tshol ba chung ba dag yin/ 'jig rten pha rol la 'jigs par mi lta ba dag yin/longs spyod dang nye bar spyod pa chung ba dag yin/ 'dod pa la chums pa dag yin/ mi dge ba spyod pa dag yin/ phrag dog dang ldan pa dag yin/ ngo tsha shes pa dang khrel yod pa dag spangs pa yin te/ de dag phal cher mi dge ba bcu'i las kyi lam yang dag par blangs pas ngan song du 'gro ba dag yin no//de ci'i phyir zhe na/ de na gang dag 'dren mar spyod pa'i sems can yod pa de dag 'chi ba'i dus byas nas de nyid du sdig pa byed pa'i gnod sbyin zhes bya ba nas/ sdig pa byed pa'i lus srul po zhes bya ba'i bar dag tu skye bar 'gyur te/sdig pa byed pa'i gnod sbyin zhes bya ba nas/ lus srul po zhes bya ba'i bar de dag kyang der sa'i bcud kyi mdangs phrogs nas yongs su spyod par byed do/ /'bru dang / sman dang / me tog dang / 'bras bu dang /'dab ma dang / ro rnams kyi mdangs phrogs nas kyang yongs su spyod par byed do/ /des na stobs dang ldan pa dag yin no/ /der de dag mngal na gnas pa'i mi rnams kyi mdangs dag 'phrog par byed do/ /mi rnams skyes pa tsam gyi mod dag la myur du mdangs 'phrog par byed do//'o ma'i mdangs dag kyang 'phrog par byed do/ /bza' ba dang btung ba'i mdangs dag kyang 'phrog par byed do/ /der de dag gis mi mngal du zhugs pa'i mdangs phrogs shing skyes pa tsam gyis mod la mdangs phrogs pas de dag kyang mdangs la mi reg cing bza' ba dang btung ba nyams pa yongs su spyad zin pa la yongs su spyod par byed de/rgyu des de na mi rnams mchog tu na ba dag dang / tshe thung ba dag dang / dran pa nyams pa dag dang / dge ba'i rtsa ba thams cad las yongs su nyams pa dag dang / bsod nams dang bral ba dag dang /'jig rten pha rol la 'jigs par mi lta ba dag dang / longs spyod dang nye bar spyod pa dang bral ba dag dang / 'dod pa la chums pa dag dang / kun spyod pa mi gtsang ba dag yin zhes bya ba nas mi dge ba bcu'i las kyi lam yang dag par blangs pas ngan song du 'gro ba dag yin no zhes bya ba'i bar yin no//rigs kyi bu sngon nga byang chub sems dpar gyur pa'i smon lam 'di lta bur gyur te/ 'di ltar nga bya ba la brtson pa dang / spro ba dang / brtul ba brten par gyur to/ /sngon gyi yang dag par rdzogs pa'i sangs rgyas gang dag bzhugs par ngas bsnyen bkur byas so//ngas thabs gang gis bud med sbrum pa bsrung bar nus pa yang yongs su zhus so/ /nga'i brtson 'grus gang gis ma bde legs su 'gyur ba dang / mngal na yod pa bde legs su 'gyur ba yongs su zhus so//lha'am/ klu'am/ gnod sbyin nam/ srin po'am/ nam mkha' lding ngam/ mi 'am ci'am/ lto 'phye chen po'am/ grul bum mam/ sam/ sha za'am/ srul po'am/ lus srul po'am/mdangs 'phrog pa'am/ brjed byed dam/ rims nyin gcig pa'am/ nyin gnyis pa'am/ nyin gsum pa'am/ nyin bzhi pa'am/ ro langs gang yang dug gam/ sngags kyi sbyor ba'am/ sman gyi sbyor bas lus dang / sems la gnod pa bya bar mi nus pa yongs su zhus so//gang gis kyang ma'am/ mngal na yod pa dang / skyes ma thag pa dang / 'o ma 'thung ba dang / bza' ba dang / btung ba yongs su spyod pa la gnod par bya bar mi nus par yongs su zhus so/ /gang gis kyang mdangs 'phrog pa'am/lus dkrug pa'am/ khams dkrug pa'am/ sems dkrug par bya bar mi nus par yongs su zhus so/ /gang gi phyir sems can de dag tha mal par mngal na gnas par yongs su zhus so/ /lus dang sems la rnam par tho ma btsams pas bde bar ma'i mngal nas gnod pa med par 'byung ba yongs su zhus so//bde bar 'o ma 'thung ba yongs su zhus so/ /bde bar bza' ba dang btung ba yongs su spyad pa yongs su zhus so/ /gnod pa chung ba dang / tshe ring ba dang / blo dang ldan pa zhes bya ba nas dge ba bcu'i las kyi lam yang dag par blangs pa'i bar dang /sbyin pa dang / dul ba dang / yang dag par sdom pa la mngon par dga' ba dang / 'jig rten pha rol la 'jigs par lta ba yin pa dag kyang yongs su zhus so/ /ngas gsang sngags gang dag dang /sman gang dag gis sems can de lta bu dag yongs su smin par mdzad par spyod pa'i gsang sngags de dag ni gang yin/ sman de dag ni gang yin zhe na/ gzungs sngags gang gis ngas sems can bye ba khrag khrig brgya stong dpag tu med pa yongs su smin par mdzad pa dang /pha rol tu phyin pa drug la bkod pa rig pa yod pa'i sbubs zhi ba gsang sngags kyi gzhi'i gzungs sngags lung bstan pa chen po 'di sngon gyi yang dag par rdzogs pa'i sangs rgyas de dag gis kyang nga la bstan par gyur to/ /rtag tu brtson 'grus dang / brtul ba brtan pa ngas rtag par rgyun du tshe rabs de dang de dag tu mngal na bu yod pa'i bud med la rig pa yod pa'i sbubs zhi ba gzungs sngags gsang sngags kyi gzhi rig sngags 'dis bsrung ba byas so//bud med de mngal na bu yod pa dang bcas te skyabs gsum la rnam par gzhag go/ / phyin chad kyang lha'am zhes bya ba nas/ bdud dam/ brjed byed dam/ mi dang / mi ma yin pa zhes bya ba'i bar gyis ma'i mngal na bu yod pa dang bcas te rnam par tho btsams pa'am/ rnam par gtse ba'am/ lus dkrug pa'am/ khams dkrug pa'am/ sems dkrug par bya bar mi nus so//lha dang lha ma yin du bcas pa'i 'jig rten gyi bar gyis kyang mdangs 'phrog pa'am/ sman dang sngags kyi sbyor ba bya bar mi nus so/ /de dag gis mngal na bu yod pa'i ma rnam par tho ma btsams pa dang / mngal na bu gnas pa yang sngon gyi tshe rabs dran par 'gyur ro//nying mtshams sbyor ba'i lus kyi dbang po thams cad yongs su rdzogs pa dang / gzugs bzang ba/ blta na sdug pa/ kha dog bzang po rgyas pa mchog dang ldan pa dag dang / shin tu blo dang ldan pa dag bde legs su ma'i lto nas byung zhing brjed ngas pa med pa'i sems dang ldan pa dag tu gyur to//de dag skyes pa tsam gyi mod la yang lha stobs dang ldan pa dbang che bar grags pa re re la yang 'khor brgya stong yod pa dag bsrung ba dang / rjes su sba bar byed par kun tu gnas so/ /de dag mi dang mi ma yin pa zhes bya ba'i bar gang gis kyang rnam par tho btsam pa'am/rnam par gtse ba'am/ lus dkrug pa'am/ khams dkrug pa'am/ sems dkrug par bya bar mi nus so/ /mdangs blang bar yang mi nus so/ /gsang sngags dang / sman gyis kyang rnam par tho btsam par mi nus so//gang gi phyir sems can de dag mchog tu gzugs dang ldan pa dang / tshe rabs dran pa dang / 'jig rten pha rol la 'jigs par lta ba dang / byams pa'i sems dang ldan pa dang / snying rje chen po dang ldan pa dang / gtong ba dang ldan pa dang /tshul khrims la rjes su dga' ba dang / bzod pa dang / yon tan dang ldan pa dang / brtson 'grus dang ldan pa dang / dben pa la dga' zhing bsam gtan la mngon par brtson pa dang / dge ba'i bshes gnyen la mngon par dga' ba dag dang / de thob par byed pa'i sdug bsngal yang dag par zad par 'gro ba 'phags pa'i nges par 'byin pa'i shes pa dang ldan pa dag tu gyur to/ /sems can nye bar zhi ba la gnas pa nyon mongs pa chung ba de lta bu de dag la lha dang / klu dang / gnod sbyin rnams kyis rim gro bya bar brtson pa dag yin te/mi de dag kyang mchog tu 'khor ba la skyon du blta ba dang / byang grol gyi bde ba 'dod pa dag tu gyur te/ /de dag gis gal te bla na med pa yang dag par rdzogs pa'i byang chub tu sems bskyed na de dag ris 'thun pa de nyid kyis myur du byang chub kyi sems ma brjed par byang chub sems dpa'i ting nge 'dzin thob par gyur to//ci ste rang sangs rgyas kyi theg pa la sems bskyed na de dag myur du skye ba dang / 'jig pa dang / rjes su 'thun pa'i bzod pa thob par gyur to/ /ci ste sems can de dag kyang nyan thos kyi theg pa la sems skyed par byed na sems can de dag ris 'thun pa nyid kyis bden pa dang rjes su 'thun pa'i bzod pa thob par byed do//sems can de dag thams cad kyang ngan song gsum dang bral ba dang mtho ris su 'gro ba dag tu gyur to/ /rigs kyi bu ngas thabs la 'jug pa'i sbyor ba la brtul ba des sems can dag yongs su smin par byas shing bla na med pa yang dag par rdzogs pa'i byang chub kyang yang dag par bsgrubs so//rigs kyi bu rig pa yod pa'i sbubs zhi ba lung bstan pa chen po 'di ni de ltar don che ba yin no/ /rigs kyi bu ngas sems can nad pa gang dag mthong ba de dag la rig pa yod pa'i sbubs zhi ba lung bstan pa chen po 'dis sman sing ha k+Shir la brams nas nad pa la byin nad thams cad rab tu zhi bar gyur to//gang na sman sing ha k+Shir med par yang ngas de'i mdun du bza' ba dang / btung ba gang yin pa la rig pa yod pa'i sbubs zhi ba lung bstan pas brams nas nad pa la byin nad thams cad rab tu zhi bar gyur to/ /gal te de yang med par gyur na ngas sman bkrus te bor ba la rig pa yod pa'i sbubs zhi ba'i gsang sngags kyi gzhi dag gis brams nas nad pa la byin nad thams cad rab tu zhi bar gyur to//rigs kyi bu ngas thabs la 'jug pa'i sbyor ba la brtul ba des sems can rnams yongs su smin par byas shing bla na med pa yang dag par rdzogs pa'i byang chub kyang yang dag par bsgrubs so/ /gang na shing ljon pa dag me tog dang 'bras bu mi skye ba der yang ngas rig pa yod pa'i sbubs zhi ba gsang sngags kyi gzhi chen po dag gis char pa'i chu la brams nas shing dag la btab na shing de dag lo mang por chu med kyang me tog dang 'bras bu dag dang ldan par gyur to//de bzhin du bu ram shing dang /rgun 'bru dag dang / 'bru dang / sman dag gi bar dag la yang byas so/ /gang na char mi 'bab cing chu med pa der yang ngas ru sbal gyi snying la rig pa yod pa'i sbubs zhi ba gsang sngags kyi gzhi 'dis brams nas shing tsam pa ka'i 'dab mas dkris te/ klu mtsho'i 'gram du bzhag na char chen po dang /chu chen po'i tshogs byung bar gyur to/ /der chu chen po byung bas sems can rnams kyi khyim dang / zhing dang / kun dga' ra ba'i bar chud za bar gyur na der yang ngas sbrul gyi rgyal po'i nor bu la rig pa yod pa'i sbubs zhi ba'i gsang sngags kyi gzhi 'dis brams nas klu'i gnas su bzhag na char chu rab tu zhi bar gyur to//gang na dus ma yin par rlung dang / nyi ma dang / dus ma yin pa'i sprin dang / mun pa dang / rdul gyi char pa dang / grang ba dang / dro ba dang / dus phyin ci log tu 'byung ba'i bar dang /dmag tshogs dang / zla ba dang / nyi ma dang / gza' dang / rgyu skar dang / zla ba dang / zla ba phyed pa dang / dus tshigs dang / lo rnams yang dag par 'byung ba ma yin pa'i bar la ngas snying rjes sems can rnams kyi ched du zhag bdun pa gcig gi nyin mtshan du khrus byas nas 'o ma dang 'bras chan gyi kha zas za zhing tshangs pa'i gnas pa bsgom pa la mngon par dga' bas rig pa yod pa'i sbubs zhi ba lung bstan pa 'di las gzhan mi byed par brjod de/nyin bdun pa la gal te yul yongs su ma bskyangs na der nga'i mdun du rang gi dam bcas pas mi gnas pa yin no//der yang ngas rtsi lcam pa sbrul gyi snying dang bcas pa la rig pa yod pa'i sbubs zhi ba lung bstan pa chen po 'dis brams shing skyugs sman ma da na'i 'bras bu dag dang bsres te/ lha rten sar bzhag pas des dus ma yin pa'i rlung dang /nyi ma dang / sprin dang / mun pa dang / rdul gyi char pa dag dang / grang ba dang / dro ba thams cad zhi bar gyur to/ /yang dag pa'i dus tshigs dang / zla ba dang / nyi ma dang / gza' dang / rgyu skar dang / zla ba dang / zla ba phyed pa dang / lo yang dag par byung bar gyur to//rigs kyi bu des na gang na sems can dge mtshan dang / bkra shis dang / so sor ldan pa dag dang / lta ba phyin ci log tu gyur pa'i bar gyi sems can de dag la ngas rig pa yod pa'i sbubs zhi ba lung bstan pa chen po 'di'i chos bstan to//gang dang gang du sems can rnams kyis thos pa de dang der yang nyon mongs pa chung ngu dag tu gyur to/ /dge mtshan dang / bkra shis dang / lta ba ngan pa thams cad spangs te/ de phyin chad dge ba'i las dang yang dag par ldan pa legs par byas pa'i las kyi mtha' dang /smon lam dag mang ba nges pa'i phung po dag tu gyur to/ /rigs kyi bu de bzhin du ngas thabs la 'jug pa'i sbyor ba la brtul ba des sems can rnams yongs su smin par byas shing pha rol tu phyin pa drug gi bar yongs su rdzogs par byas te/ bla na med pa yang dag par rdzogs pa'i byang chub kyang mngon par rdzogs par sangs rgyas so/ /rig pa yod pa'i sbubs zhi ba lung bstan pa chen po 'di ni de ltar sems can rnams la gces spras byed pa yin no/ /de ltar phan yon mang ba yin te/ sems can thams cad la phan par byed pa/nad thams cad rab tu zhi bar byed pa/ bud med sbrum ma thams cad srung bar byed pa/ rab tu thar bar byed pa/ nyon mongs pa thams cad rab tu zhi bar byed pa/ phung po dang / khams thams cad yongs su shes par byed pa/ chos thams cad rnam par 'byed par byed pa/thabs thams cad yang dag par ston par byed pa/ byang grol gyi bde ba thams cad yongs su rtogs par byed pa/ sems can thams cad rab tu dad par byed pa/ chos thams cad kyi bde ba la 'jug par byed pa/ bdud dang phas kyi rgol ba thams cad chos dang 'thun pas tshar gcod par byed pa/bdud kyi yul thams cad nges par 'dul bar byed pa yin no/ /rigs kyi bu rig pa yod pa'i sbubs zhi ba lung bstan pa chen po 'di ni bdud rnams tshar gcod par byed cing nyon mongs pa rnams pham par byed pa yin te/ lha rnams dga' bar byed pa/gnod sbyin rnams yang dag par mgu bar byed pa/ lha ma yin rnams rnam par 'joms par byed pa/ nam mkha' lding rnams dngang bar byed pa/ mi 'am ci rnams dad par byed pa/ lto 'phye chen po rnams rgyab kyis phyogs par byed pa/ 'thab pa dang / 'thab mo dang / mu ge dang / 'chi ba dang / nad dang / pha rol gyi dmag tshogs dang / dus ma yin pa'i rlung dang / char pa dang / nad thams cad rnam par zhi bar byed pa/ grang ba dang / dro ba dang / kha ba dang / tsha ba dang / rtsub pa dang / hrud hrud po dang / reg par dka' ba'i dngos po rnams rab tu zhi bar byed pa/chos thams cad kyi chos kyi tshul 'bar bar byed pa/ sangs rgyas kyi bstan pa ston par byed pa/ dkon mchog gsum gyi gdung rgyun mi 'chad par byed pa/ 'khor bas skrag pa rnams dbugs 'byin par byed pa/ zad pa shes pa skyed par byed pa/mi skye ba shes pa rang gi mngon sum du byed pa/ ma rig pa'i mun pa'i phung po thams cad rab tu 'jig par byed pa/ sdug bsngal gyi khur 'dor bar byed pa yin no/ /rig pa yod pa'i sbubs zhi ba lung bstan pa chen po 'di yin te/ tad ya thA/ ma nA k+Sha/ a bA k+Sha/ g+ha sA k+Sha/ dza ne k+Sha/ marma nA k+Sha/ k+Sha bA k+Sha/ ma Na DA k+Sha/ na TA k+Sha/ na da ra hu/ bi sa nA da/ kha ga nA da/ a ta na Ta/ ku na Ta/ pa ri ku na Ta/ nA Ta nA Ta/ pa ri ka nA Ta/ ud ta ra nA Ta/ bi nA Ta/ kuny+dza nA Ta/ tsa bAM ba ra nA Ta/ kha g+ha ma b+ha nA Ta/pu sh+kar nA Ta/ sing ha ru dra nA Ta/ sa ma la nA Ta/ shi ri ku sa klau nA Ta/ ta la ma ru ta kha ba/ te hu k+Sha ba ti rak+Sha dA ma ra dzu ba ha/ na pu ti sa na ti ra na dza ba/ a mo ho ra ga dza la/ a tri mA/ a tri nA/ ra ba/ a tri nA k+Sha/ a ba hA/ mArga tri nA k+Sha/ e Sha e ba na to duHkha s+ya swA hA/bcom ldan 'das kyis bstan pa 'di bstan pa na 'khor der srog chags bye ba phrag drug cu ni rjes su 'thun pa'i bzod pa thob par gyur to/ /dkrigs pa phrag drug cu dag kyang skyon med pa la zhugs par gyur to/ /rigs kyi bu rig pa yod pa'i sbubs zhi ba lung bstan pa chen po 'di de bzhin gshegs pa shAkya thub pa la ngas khyod kyi lag nas bskur to//der yang nyi ma'i snying po'i chos kyis gnas pa klu'i yul rnam par 'jig par mdzad pa'i 'od zer gyi le'u sems can rnams kyi las zad par 'gyur ba'i gzungs sngags la nga dad pa sbyin par mdzad do//rig pa yod pa'i sbubs zhi ba 'di long la sangs rgyas kyi zhing mi mjed der song shig /nga'i bkas de bzhin gshegs pa shAkya thub pa la gnod pa chung ngam/ bskyod pa yang ngam/ bde ba la reg par gnas sam zhes kyang zhus shig /'di skad du byang phyogs na sangs rgyas kyi zhing 'di nas sangs rgyas kyi zhing gang gA'i klung brgyad cu'i bye ma snyed 'das pa de na sangs rgyas kyi zhing snyigs ma lnga dang ldan pa sgra thams cad yang dag par 'phags pa zhes bya ba yod de/ sangs rgyas kyi zhing de na de bzhin gshegs pa dgra bcom pa yang dag par rdzogs pa'i sangs rgyas dpal me tog gi snying po zhes bya ba bzhugs te 'tsho zhing gzhes la chos kyang ston to//de bzhin gshegs pa des sangs rgyas kyi zhing de nas bcom ldan 'das la yongs su zhu ba'i slad du bdag mngags pa lags na btsun pa bcom ldan 'das ci bsnyung ba mi mnga' lags sam/gnod pa chung lags sam/ khyod kyi 'khor bro 'tshal ba dag ma mchis lags sam/ gnod pa dag chung lags sam/ dam pa'i chos nyan par 'tshal ba dag lags sam/ ji ltar chos thos pa bzhin du chos de la nan tan snying por bgyid pa dag lags sam/chos kyis gnas pa dag gis gnas par bgyid pa lags sam/ khyod kyi sangs rgyas kyi zhing 'di na bdud kyi yul dang / klu'i yul bcom lags sam/ khyod kyi sangs rgyas kyi yul gcig pu lags sam/'di na thogs pa ma mchis par chos kyi 'khor lo rab tu bskor lags sam/ gang su dag sangs rgyas kyi zhing 'dir 'khor lo bskor bar mdzad pa de dag gi ched du de bzhin gshegs pa dpal me tog gi snying po des 'dir nyi ma'i snying po'i chos kyis gnas pa klu'i yul rnam par 'jig par mdzad pa'i 'od zer gyi le'u sems can rnams kyi las 'byang ba'i gzungs sngags la dad pa stsol bar mdzad cing de nas rig pa chen po yod pa'i sbu bas zhi ba lung bstan pa chen po mthu che ba/phan yon che ba 'di bskur lags te/ sems can thams cad la phan par bgyid pa/nad thams cad rab tu zhi bar bgyid pa/ nyon mongs pa thams cad rab tu zhi bar bgyid pa zhes bya ba nas/ sdug bsngal gyi khur 'dor bar bgyid pa zhes bya ba'i bar rig pa yod pa'i sbubs zhi ba lung bstan pa chen po 'di bskur lags so zhes kyang gsol cig /de na thams cad dang ldan pa'i 'khor de ngo mtshar thob cing rmad du byung ba thob nas 'di skad ces gsol to/ /sangs rgyas bcom ldan 'das rnams kyi chos thams cad la ma thogs pa'i ye shes dang gzigs pa ni ngo mtshar to/ /mchog tu ngo mtshar to/ /de lta lags pas da ltar de bzhin gshegs pas bdag cag la mngon ma thos pa 'di ltar zab pa'i rig pa yod pa'i sbubs zhi ba lung bstan pa chen po sems can thams cad la phan par byed pa 'di kho na bstan to//gang la yon tan 'di lta bu grangs med dpag tu med pa de dag mchis pa 'di la mkhas pa byang chub tshol bar byed pa su zhig mngon par brtson par mi bgyid/de nas byang chub sems dpa' nam mkha'i snying pos 'di skad ces gsol to/ /sems can gang su dag 'khor bas skrag cing byang grol gyi bde ba mngon par 'tshal ba ni bcom ldan 'das kyi mtshan yongs su bsgrags pa dang rig pa mchis pa'i sbubs zhi ba'i gzungs sngags kyi ming yongs su bsgrags pa na dga' ba dang /mchog tu dga' ba dang / gus par sems can rnams kyi rnyed pa chen po dang / dge ba'i phyogs rnam par 'phel bar 'gyur lags so//de nas de bzhin gshegs pa dpal me tog gi snying pos 'di skad ces bka' stsal to/ /rigs kyi bu de de bzhin no/ /khyod kyis ji skad smras pa de bzhin te/ rigs kyi bu nga byang chub sems dpa' gyur te brtson pa 'dis spyad pa spyod pa na smon lam 'di lta bu btab bo//bdag byang chub thob nas sems can gang su dag phyogs bcu'i sangs rgyas kyi zhing thams cad na sbyin pa la brtson pa'i bsam pa can zhes bya ba nas/ shes rab la brtson pa'i bsam pa can zhes bya ba'i bar dag gis bdag gi ming sgrogs par byed cing sems can thams cad kyis sems par byed na gal te de dag la lha dang lha ma yin du bcas pa'i 'jig rten na sems can la la pha rol tu phyin pa de dang de dag gi bar chad byed par nus pa zhig yod na sems can de dag gi dge ba'i phyogs 'phel ba brgya stong du mar gyur cig /sngon gyi las kyi 'bras bu'i rgyu ni ma gtogs so/ /bdag kyang re zhig bla na med pa yang dag par rdzogs pa'i byang chub mngon par rdzogs par 'tshang rgya bar ma gyur cig /gang yang bud med bu la mngon par dga' ba zhes bya ba nas/ bu'i khur gyis skyo ba zhes bya ba'i bar dang /gang bud med sbrum pa zhes bya ba'i bar bdag la phyag 'tshal bar byed cing / sems can thams cad kyis dga' ba dang / gus pa dang / dad pas bdag gi ming yongs su sgrogs par byed la/ gal te ma'am mngal na yod pa de la mi'am mi ma yin pa sdang ba'i sems kyis rnam par tho 'tsham par byed dam/sman dang / gsang sngags kyi sbyor bas kyang rung ste/ lus kun tu 'khrug par byed dam/ sems kun tu 'khrug par byed dam zhes bya ba nas btsas pa tsam gyi bar la yang tha na yud tsam gcig tsam yang rnam par tho 'tsham par byed na/bdag re zhig bla na med pa yang dag par rdzogs pa'i byang chub mngon par rdzogs par 'tshang rgya bar ma gyur cig ces sngon nga byang chub sems dpar gyur pa'i smon lam de lta bu btab bo/ /de bzhin du da ltar yang sems can gang dag sangs rgyas kyi zhing thams cad na sdug bsngal de lta bus gzir ba dag kyang zhes bya ba nas/ji ltar sngar bstan pa bzhin sems can thams cad kyis dga' ba dang / gus pa dang / dang bas bdag gi ming yongs su sgrogs par byed pa thams cad sdug bsngal de dag las yongs su grol bar 'gyur te gzhan du ma yin no//sbyangs pa ma yin na sngon gyi las kyi 'bras bu'i rgyu ni ma gtogs so// //'phags pa shin tu rgyas pa chen po'i sde nyi ma'i snying po zhes bya ba'i mdo/ bam po lnga pa/ des 'di skad ces gsol to/ /btsun pa bcom ldan 'das sangs rgyas kyi zhing mi mjed ni ngo mtshar lags te/de na sems can rnams mchog tu sdang ba/ gzu lums can/ rtsub pa/ phrag dog dang ldan pa/ snying brtse ba ma mchis pa/ bgyis pa mi gzo ba/ tshig rtsub por smra ba/ log par lta ba dag lags pas der kha cig gis bdag la rnam par tho btsams na mi rung ste/bdag mchis pas ci la yang mi sman lags so/ /bcom ldan 'das kyis bka' stsal pa/ rigs kyi bu 'di ni gnas ma yin zhing go skabs med do/ /sus dmigs pa med pa'i tshangs pa'i gnas pa legs par bsgoms shing legs par yid la byas par gyur pa de la ni bdud bye bas kyang rnam par tho 'tsham pa'am/bar chad byed par nus pa 'di ni gnas med do/ /rigs kyi bu khyod kyis yun ring po nas dmigs pa med pa'i tshangs pa'i gnas pa shin tu bsgoms shing legs par yid la byas zin gyis ma 'jigs shig /rigs kyi bu khyod la gsang sngags gang dag gis sdang ba thams cad dad par 'gyur ba dang / rmongs par 'gyur ba dang / gang gis bzod pa dang / dran pa dang / rab tu dang ba thob par byed pa'i gzungs sngags dmigs pa med pa'i tshangs pa'i gnas pa'i rgyu 'thun pa byams pa chen po sbyin par mdzad do//tad ya thA/ bo bri ha/ bu bu la/ i la ba ra/ i la sa ha/ ha T+ya T+ya ga ga nA k+Sha/ sha ma sha ma/ mi tra mi tra/ tsakra bar ti ti le/ sA ga ra ti le/ dur+b+ha li/ hi hi le/ ha ba he na rA dza ne/ ya ba na mi tre/ k+ShA na ti mi tre/ mi tra rla me/ mi tra kha g+ha/ sarba sa to dza mi tre/ sarba kra ma mi tre/ ma na brta mi tre/ d+hi ti sha ra mi tre swA hA/ rigs kyi bu sdang ba zhi bar byed pa dang / rmongs par byed pa'i gsang sngags kyi gzungs sngags 'dis tsam pa ka'i 'bru mar la lan bdun bzlas brjod byas pas lag pa gnyis bskus na sdang ba thams cad dad par byed/rmongs par byed cing sdang ba'i sbrul dag dang / sdang ba'i gnod sbyin dang / grul bum dang / srul po dang / bdud bye ba brgya stong yang rung ste/ sdang ba'i sems dang ldan pa'i sems can de dag gis ci yang byed par mi nus so//gal te sdang ba'i sems dang ldan pa thams cad kyis gling bzhi pa gang bar gyur kyang skyor chu gcig gis thams cad de'i mod kho na la med par 'gyur ro/ /gal te chu rnyog pa can gyis rgya mtsho bzhi yongs su gang bar gyur kyang rung /skyor chu gcig kho nas rab tu dang bar byed de/ 'di la the tsom med kyis long la 'jig rten gyi khams mi mjed du song shig /yang de'i tshe byang chub sems dpa' sems dpa' chen po grangs med dpag tu med pas tshig 'thun par 'di skad ces gsol to//btsun pa bcom ldan 'das bdag cag kyang de bzhin gshegs pa shAkya thub pa la blta ba dang / phyag bgyi ba dang / bsnyen bkur bgyi ba dang / 'dus pa chen po blta ba dang / nyi ma'i snying po'i chos kyis gnas pa klu'i yul rnam par 'jig par mdzad pa'i 'od zer gyi le'u sems can rnams kyi las 'byang ba'i gzungs sngags de yang mnyan par 'tshal lags na/btsun pa bcom ldan 'das gal te der bdag kyang mchir gnang ba lta na sangs rgyas kyi zhing mi mjed du bdag cag mchi lags so//de nas de dag la bcom ldan 'das de bzhin gshegs pa dpal me tog gi snying po des 'di skad ces bka' stsal to/ /rigs kyi bu dag khyed thams cad so so nas gling bzhi pa'i 'khor los sgyur ba'i cha byad dang / rtags dang / dbyibs dang / yo byad dang / spyod lam gyis lhan cig 'thun par deng shig /de nas byang chub sems dpa' bye ba phrag brgyad cu po de dag thams cad gling bzhi pa'i 'khor los sgyur ba'i cha byad dang / rtags dang / dbyibs dang / yo byad dang / spyod lam mngon par sprul nas byang chub sems dpa' nam mkha'i snying po la sogs pa thams cad de bzhin gshegs pa dpal me tog gi snying po'i zhabs gnyis la mgo bos phyag 'tshal te/lan gsum bskor ba byas nas nam mkha' la 'khod do/ /byang chub sems dpa' sems dpa' chen po re res kyang rin po che las byas pa'i pad ma 'dab ma stong pa bdun bdun dang /dpung gi tshogs yan lag bzhi pa yang mngon par sprul to/ /spyod lam de lta bus de nas chas te/ de dag thams cad skad cig thang cig gcig gis sangs rgyas kyi zhing mi mjed 'dir 'khod de/ bcom ldan 'das de bzhin gshegs pa shAkya thub pa dang /byang chub sems dpa' rnams la mchod pa'i las bya ba'i phyir sangs rgyas kyi zhing mi mjed thams cad du kha cig gis ni gser gyi phye ma'i char mngon par rab tu phab bo/ /bcom ldan 'das de bzhin gshegs pa shAkya thub pa dang / byang chub sems dpa' rnams la mchod pa'i las bya ba'i phyir kha cig gis ni dngul gyi phye ma'i char mngon par rab tu phab bo//kha cig gis ni spos kyi phye ma'i char mngon par rab tu phab bo/ /kha cig gis ni mu tig gi char mngon par rab tu phab bo/ /kha cig gis ni gser skud dag mngon par rab tu phab bo//kha cig gis ni mu tig gi do shal dag mngon par rab tu phab bo/ /kha cig gis ni dpung rgyan gyi rgyan dag mngon par rab tu phab bo/ /kha cig gis ni ras dang / ras bcos bu dang / gdugs dang / rgyal mtshan dang / ba dan gyi char mngon par rab tu phab ste/de dag thams cad kyis sangs rgyas kyi zhing mi mjed 'di lan gsum bskor ba byas nas phyogs gcig tu 'khod par gyur to/ /theg pa chen po 'dus pa chen po'i mdo nyi ma'i snying po'i le'u las/ pho nya'i le'u ste gnyis pa rdzogs so// // rgyal po gzugs can snying pos sngon ma mthong ba tshangs pa chen po dang / brgya byin dang / sred med kyi bu dang / gling bzhi pa'i 'khor los sgyur ba grangs med dpag tu med pa mthong nas mchog tu ngo mtshar du gyur te/ stan las langs nas ha cang yang thag mi ring bar 'dug go//de nas byang chub sems dpa' sems dpa' chen po sangs rgyas kyi pho nya bzhi po de dag 'khor dang bcas te/ de bzhin gshegs pa shAkya thub pa ga la ba de logs su thal mo sbyar ba rab tu btud nas 'khod do/ /de nas byang chub sems dpa' sems dpa' chen po nyi ma'i shugs kyi snying pos kyang de bzhin gshegs pa shAkya thub pa ga la ba de logs su me tog tsam pa ka'i phreng ba dag gtor te de'i tshe tshigs su bcad pa 'di dag kyang gsol to//rkang gnyis dam pa 'gro ba'i snang ba 'dzin/ /lta ba nyams pa'i 'gro ba'i lam stsol ba//mnyam nyid ldan pa 'gro la phan mdzad khyod/ /bdud dang klu rnams myur du 'dul mdzad khyod/ /gdul dka' 'gro ba nyon mongs thar mdzad khyod/ /chos 'dir snang ba yun ring 'bar mdzad khyod/ /bsam gtan sgo 'di dag gis skyes mchog ldan/ /zhing mang thams cad shin tu mdzes par mdzad//rgyal ba skyes mchog skye bo mkhas dgu la/ /rgyang ring nas ni zhing 'di brjod par mdzad/ /'gro ba'i chos kyi dus 'di dka' ba ste/ /de mthong bdag 'dir chos ched tshogs su mchis/ /'gro ba mir skye ba ni rnyed par dka'/ / shin tu ring nas mir skye rnyed nas kyang / /nyon mongs chen pos zin gyur thub khyod ni/ /rab myur nyon mongs dra ba gcod mdzad lags/ /sdug bsngal mtsho dang nyon mongs klung lhung ba/ /khyod kyis glang chen lta bur 'gro ba bsgral/ /rgyal bas phan tshun bdag cag pho nyar mngags//khyod kyis chos kyi gter la yi rang mdzad/ /btsun pa bcom ldan 'das shar phyogs na sangs rgyas kyi zhing 'di nas sangs rgyas kyi zhing gang gA'i klung dpag tu ma mchis pa'i bye ma snyed 'das pa de na 'jig rten gyi khams ma dros pa zhes bgyi ba mchis so/ /sangs rgyas kyi zhing de na de bzhin gshegs pa dgra bcom pa yang dag par rdzogs pa'i sangs rgyas tsam pa ka'i mdog ces bgyi ba bzhugs te 'tsho zhing gzhes la chos kyang ston to//de bzhin gshegs pa des bdag 'dir mngags lags te/ de bzhin gshegs pa de khyod nyi ma'i snying po'i chos kyis gnas pa klu'i yul rnam par 'jig par mdzad pa'i 'od zer gyi le'u sems can rnams kyi las 'byang ba'i gzungs sngags 'di 'chad pa la dad pa sbyin par mdzad cing gnod pa chung ngam/bskyod pa yang ngam/ stobs dang bde ba la reg pa la gnas sam zhes kyang zhu bar mdzad lags na bcom ldan 'das ci bsnyung ba mi mnga' lags sam/gnod pa chung lags sam/ khyod kyi 'khor bro 'tshal ba ma mchis lags sam/ gnod pa chung lags sam/ chos nyan par 'tshal ba dag lags sam/ ji ltar chos thos pa bzhin du chos de la nan tan snying por bgyid pa dag lags sam/chos kyis gnas pas gnas par bgyid pa lags sam/ khyod kyi sangs rgyas kyi zhing 'di na bdud kyi yul dang klu'i yul bcom lags sam/ khyod kyi sangs rgyas kyi yul gcig pu lags sam/ 'di na thogs pa ma mchis par 'khor lo skor lags sam/sangs rgyas kyi yul 'di na gang su dag 'khor lo skor bar 'gyur ba de dag gi don du de bzhin gshegs pa tsam pa ka'i mdog de khyod dang nyi ma'i snying po'i chos kyis gnas pa/ klu'i yul 'jig pa'i 'od zer gyi le'u gzungs sngags 'di la dad pa sbyin par mdzad lags so//de nas bden pa dang rjes su 'thun pa'i gzungs sngags mthu che ba/ phan yon che ba/ 'dod pa'i 'dod chags thams cad zad par bgyid pa/ gzugs kyi 'dod chags thams cad zad par bgyid pa/ gzugs med pa'i 'dod chags thams cad zad par bgyid pa/nga rgyal dang / lhag pa'i nga rgyal dang / nga'o snyam pa'i nga rgyal thams cad zad par bgyid pa 'di yang bskur lags so zhes bya ba ji ltar sngar bshad pa bzhin te/ bden pa dang rjes su 'thun pa'i bzod pa 'di ni bdud rnams tshar gcod pa/ klu rnams pham par bgyid pa/lha rnams dga' bar bgyid pa/ gnod sbyin rnams tshim par bgyid pa/ lha ma yin rnams rnam par 'joms par bgyid pa/ rje'u rigs rnams dga' bar bgyid pa/ dmangs rigs rnams mchog tu dga' bar bgyid pa/ bud med rnams 'dod chags dang bral bar bgyid pa/mang du thos pa rnams skyo bar bgyid pa/ rnal 'byor spyod pa rnams mngon par dga' bar bgyid pa/ nad thams cad rab tu zhi bar bgyid pa/ 'thab pa dang / 'thab mo dang / mu ge dang / dus ma yin pa'i nad dang / pha rol gyi dmag tshogs dang /rlung dang / char pa dang / chu bo dang / grang ba dang / dro ba thams cad rnam par zhi bar bgyid pa/ kha ba dang / tsha ba dang / ro mi bro ba dang / rtsub pa dang / hrud hrud po dang / reg par dka' ba'i dngos po rnams rab tu zhi bar bgyid pa/chos kyi tshul 'bar bar bgyid pa/ chos kyi tshul rgyun mi 'chad par bgyid pa/ sangs rgyas kyi bstan pa ston par bgyid pa/ 'khor bas skrag pa rnams dbugs 'byin par bgyid pa/ zad pa shes pa skye bar bgyid pa/ mi skye ba shes pa rtogs par bgyid pa/ma rig pa'i mun pa'i phung po thams cad rab tu 'joms par bgyid pa/ sdug bsngal gyi khur 'dor bar bgyid pa/ sred pa'i klung skems par bgyid pa 'di yang bskur lags te/ tad ya thA/ bA ye ba ya pa ri bA re/ ba he ba ha pa ri bA re/ pr-i tha bi pa ri bA re/ a be a ba pa ri bA re/ te dze te dza pa ri bA re/ ma le ma la pa ri bA re/ kha g+he kha g+ha pa ri bA re/ A lo ke A lo ka pa ri bA re/ s+tha me s+tha ma pa ri bA re/ rA dze rA dza pa ri bA re/ si li si la pa ri bA re/ ga me ga ma pa ri bA re/ a bo tsa a bo tsa pa ri bA re/ ma la ma la la ma la me la ma/rA la rA la la ma/ bid+yA dz+nyA na ma b+hu taM ga me/ b+hu tang ga ma pa ri bA re/ tsak+Shu gra he/ tsak+Shu gra ha pa ri bA re/ sho tra gra he/ sho tra gra ha pa ri bA re/ g+h+rA Na gra he/ g+h+rA Na gra ha pa ri bA re/ dzi hwa gra he/ dzi hwa gra hA pa ri bA re/ kA ya gra he/ kA ya gra ha pa ri bA re/ ma na gra he/ ma na gra ha pa ri bA re/ spar sha gra he/ spar sha gra ha pa ri bA re/ be da na gra he/ be da na gra ha pa ri bA re/ tri Sh+NA gra he/ tri Sh+NA gra ha pa ri bA re/ u pA dA na gra he/ u pA dA na gra ha pa ri bA re/ b+hA ba gra he/ b+hA ba gra hA pa ri bA re/ dzA ti gra he/ dzA ti gra ha pa ri bA re/dza ra ma ra Na gra he/ dza ra ma ra Na gra hA pa ri bA re/ duHkha san ta pA gra he/ duHkha san ta pA gra ha pa ri bA re/ A rA pA rA d+h+wa dze gra he/ A rA pA rA d+h+wa dza gra ha pa ri bA re/ A rA pA rA dwi dza gra he/ A rA bA rA dwi dzaM gra hA pa ri bA re/ a brta bi brta s+ya/ a ba ra mu pa mA swa s+ya/ be ga bi ni brta/ A r+ya ra smi sa ma be ga shA na ti swA hA/ btsun pa bcom ldan 'das de bzhin gshegs pa tsam pa ka'i mdog des bden pa dang rjes su 'thun pa'i bzod pa bskur ba ni 'di lags so/ /bcom ldan 'das kyis kyang legs so zhes bya ba gnang ngo //sangs rgyas kyi zhing mi mjed du thams cad dang ldan pa'i 'khor lhags pas kyang legs so zhes bya ba byin te/ bsam gtan la snyoms par zhugs pa dag ni ma gtogs so/ /de nas bcom ldan 'das kyis byang chub sems dpa' nyi ma'i shugs kyi snying po la 'di skad ces bka' stsal to//rigs kyi bu 'dir nga stan 'di nyid la bzhugs bzhin sems can rnams la don dang bcas pa/ tshig 'bru dang bcas pa/ lhag chad med pa'i bden pa dang / rjes su 'thun pa'i bzod pa rgya cher ston par mdzad do//rigs kyi bu de bzhin gshegs pa tsam pa ka'i mdog gis gang khyod 'dir 'ong ba'i tshe bsrung ba'i phyir byin pa lus kyi khyad par thams cad sgrub pa zhes bya ba nas/ shin tu yongs su mya ngan las 'das pa sgrub pa zhes bya ba'i bar nyi ma'i spyan pad ma'i sbu gu'i gzungs sngags de khyod kyis kyang ston cig /de nas byang chub sems dpa' sems dpa' chen po nyi ma'i shugs kyi snying pos 'di skad ces gsol to/ /s+yAd ya the dan/ sid d+ha ma te/ bi lo ka ma te/ e le ge ta ri she /ru tse su ru tse/ bud d+he/ bi bud d+he/ma hA bud d+he/ un mad te/ un mad ta pra ti She d+ha ne/ ra ga d+h+ru ba pra ti She d+ha ne/ bin du bin du ma te/ tsi ta tsi ta ba ti She d+ha ne/ arke tsan dra ar+d+he/ ha ta tsi ti/ ha ta ni rmi/ ha ta kA ma be ge /ha ta pau na b+ha bi ra dze/ ha ta tsak+Shu sa ma te/ ha ta bi ma ta mu dre/ha ta yA g+he/ ha ta yA g+he/ ha ta sa mu dra dza be/ ha ta bi ma na rA dze/ ha ta hi te/ ha ta tsi ta Te/ ha ta d+harma rA dze/ ha ta ba hu rA dze/ ha ta brdza ma ti/ ha ta u pa ga ma te/ ha ta ro pa rasmi/ ha ta d+harma sid d+hi/ ha ta sarbon ma da/ dz+nyA dz+nyA dz+nyA/ bi dz+nyA dz+nyA dz+nyA/ sarba mArga dz+nyA dz+nyA/ e Sho na da sa~M sa ra duHkhe swA hA/ btsun pa bcom ldan 'das de bzhin gshegs pa tsam pa ka'i mdog des bdag chas pa'i dus kyi tshe bsrung ba'i slad du nyi ma'i spyan pad ma'i gzungs sngags stsal ba ni 'di lags so//de nas bcom ldan 'das shAkya thub pas tshe dang ldan pa snyan pa la bka' stsal pa/ snyan pa khyod kyis nyi ma'i snying po'i spyan pad ma'i gzungs sngags 'di zung shig /snyan pa de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung ba rnyed par dka'o//de bas kyang nyi ma'i spyan pad ma'i gzungs sngags 'di ches rnyed par dka'o/ /rigs kyi bu de bzhin gshegs pa'am de bzhin gshegs pa'i nyan thos kyis kyang rung / gang gis kyang ri'i rgyal po ri rab bam/rgya mtsho chen po'i yon tan dang / phan yon ni brjod par nus so/ /nyi ma'i spyan pad ma'i gzungs sngags 'di'i yon tan dang phan yon ni bskal pa'am/ bskal pa las lhag par yang rung ste brjod par mi nus so/ /nyi ma'i spyan pad ma'i gzungs sngags 'di ni de ltar zab pa yin no//rigs kyi bu khyod kyis nyi ma'i spyan pad ma'i gzungs sngags 'di zung shig /kun chub par gyis shig /'khor bzhi po de dag la yang rgyas par yang dag par rab tu ston cig dang / der sems can rnams 'dod pa'i 'dod chags thams cad spong bar 'gyur ro zhes bya ba nas/zag pa thams cad zad pa dang / byang grol gyi bde ba dang ldan pa'i bar du yang 'gyur ro/ /de nas de'i tshe byang chub sems dpa' spos kyi glang po ches 'di skad ces gsol to/ /shing gi rgyal po'i drung du bdud ni gcig pu khyod kyis bcom//byang chub rab mchog dam pa yang ni gcig pus brnyes pa lags/ /lha dang mi dang gnod sbyin gcig pu khyod kyis dbang du mdzad/ /rgyal ba nyi ma rab grol ye shes mchog gi 'od zer lags/ /'di na mu stegs gzhan ni gcig pus 'od dang bral mdzad pa//'jig rten kun na srin bu me khyer dag la nyi ltar mdzes/ /thub pa 'dus na sems can bsgral ba'i don kyang mdzad lags te/ /dkon mchog gsum gyi gdung dang chos tshul yun ring gnas par mdzad/ / khyod gcig pu la mchod phyir byang chub sems dpa' rnams lhags pa/ /dge dang byang chub yongs su btsal phyir chos don gnyer ba lags/ /rgyal ba khyod ni sdug bsngal thams cad gcod pa'i chos ston pa/ /khyod ni ye shes byang chub spyod pa rab mchog ston par mdzad//gcig pus zhi 'gyur bdud rtsis sems can rnams kyang zhi mdzad pa/ /yang sred ma mchis mdzad slad srog chags khrag khrig sgrol ba khyod/ /zag pa zad cing lta dang bral ba nyon mongs spangs gyur pa/ /gang na mya ngan byed med zhi ba'i grong khyer gshegs pa khyod//'di ni 'jig rten kun tu khyod gcig sman dang mtshungs lags te/ /rgyal ba rnams kyis khyod la zhu ba'i slad du pho nyar mngags/ /rig pa'i rgya mtsho thugs rje mnyam pas gnas par mdzad pa po/ /thub pa zla ba'i chos dang gsan nas gzungs kyang bskur ba lags//btsun pa bcom ldan 'das lho phyogs na sangs rgyas kyi zhing 'di nas dper bgyi na grong khyer rgyar dpag tshad tsam mchis pa/ bye mas gtams pa de snyed kyi sangs rgyas kyi zhing dag 'das nas/ snyigs ma lnga dang ldan pa de na 'jig rten gyi khams snyigs ma'i rgyal mtshan zhes bgyi ba mchis te/de na de bzhin gshegs pa ri dbang rgyal po zhes bya ba bzhugs te/ 'tsho zhing gzhes la chos kyang ston to/ /de bzhin gshegs pa des bdag 'dir mngags lags te/de bzhin gshegs pa de khyod nyi ma'i snying po'i chos kyis gnas pa/ klu'i yul rnam par 'jig par mdzad pa'i 'od zer gyi le'u/ sems can rnams kyi las 'byang ba'i gzungs sngags 'di 'chad pa la dad pa sbyin par mdzad cing gnod pa chung ngam/bskyod pa yang ngam/ stobs dang bde ba la reg par gnas sam zhes kyang zhu bar mdzad lags na/ btsun pa bcom ldan 'das ci bsnyung ba mi mnga' lags sam/ gnod pa chung lags sam/ khyod kyi 'khor bro 'tshal ba ma mchis lags sam/gnod pa chung lags sam/ dam pa'i chos nyan par 'tshal ba dag lags sam/ ji ltar chos thos pa bzhin du chos de la nan tan snying por bgyid pa dag lags sam/ chos kyis gnas pas gnas par bgyid pa dag lags sam/ khyod kyi sangs rgyas kyi zhing 'di na bdud kyi yul dang / klu'i yul bcom lags sam/ khyod kyi sangs rgyas kyi yul gcig pu lags sam/ 'di na thogs pa ma mchis par chos kyi 'khor lo bskor lags sam/ sangs rgyas kyi yul 'di na gang su dag 'khor lo skor bar 'gyur ba de dag gi don du de bzhin gshegs pa ri dbang rgyal po de khyod dang nyi ma'i snying po'i chos kyis gnas pa klu'i yul rnam par 'jig par mdzad pa'i 'od zer gyi le'u sems can rnams kyi las 'byang ba'i gzungs sngags 'di la dad pa sbyin par mdzad lags so//de nas stong pa nyid dang rjes su 'thun pa'i gzungs sngags mthu che ba/ phan yon che ba/ 'dod pa'i 'dod chags thams cad zad par bgyid pa/ gzugs kyi 'dod chags thams cad dang / gzugs med pa'i 'dod chags thams cad zad par bgyid pa/nga rgyal dang / lhag pa'i nga rgyal dang / nga'o snyam pa'i nga rgyal thams cad zad par bgyid pa zhes bgyi ba nas/ ji ltar sngar bshad pa'i bar dang / sdug bsngal gyi khur 'dor bar bgyid pa'i bar 'di yang bskur lags te/ tad ya thA/ d+hu ma te/d+hu ma te/ ak+Shi d+hu ma te/ pra b+hA sa d+hu ma te/ sarbA kA sha d+hu ma te/ a bai kha g+ha/ bai me ta kha g+ha/ a bai k+Sha kha g+ha/ a mo ha kha g+ha/ a na n+ya kha g+ha/ byA brIt+ti kha g+ha/ sa~M ru tsa kha g+ha/ a nai ma kha g+ha/ lo tsa na kha g+ha/ shi khi kha g+ha/ bi ti mi ra kha g+ha/ u k+Sho ma kha g+ha/ u ro kha g+ha/ ak+Shi kha g+ha/ yA bad ma no kha g+ha/ rU ba kha g+ha/ yA bad bi dz+nyA na kha g+ha/ tsak+Shu d+hA tu kha g+ha/ yA bad ma no bi dz+nyA na d+hA tu kha g+ha/ pr-i tha bI d+hA tu kha g+ha/ yA bad bi dz+nyA na d+hA tu kha g+ha/ tsa tu smr-i t+yu pa s+tha na kha g+ha/ yA bad A bo na ka kha g+ha/ duHkha kha g+ha/ yA bad mArga kha g+ha/ bi pa ba na/ bi k+Sha pa/ a nan sa mu dra nan/ sarba kA ra nan/ sarba sang s+tha nan/ bi shU pa nan/ a kin tsa na nan/ k+Sha b+ha k+Sha/ i le i i le/ i i le mi le swA hA/ bcom ldan 'das de bzhin gshegs pa ri dbang rgyal pos khyod la stong pa nyid dang rjes su 'thun pa'i gzungs sngags bskur ba ni 'di lags so/ /de nas bcom ldan 'das shAkya thub pas legs so zhes bya ba gnang ngo / /sangs rgyas kyi zhing mi mjed du thams cad dang ldan pa'i 'khor lhags pas kyang legs so zhes bya ba byin te/bsam gtan dang ldan pa dag ni ma gtogs so/ /de nas bcom ldan 'das kyis byang chub sems dpa' sems dpa' chen po spos kyi glang po che la 'di skad ces bka' stsal to/ /rigs kyi bu 'dir nga stan 'di nyid la bzhugs bzhin du sems can rnams la don dang bcas pa/tshig 'bru dang bcas pa/ lhag chad med pa'i stong pa nyid dang rjes su 'thun pa'i gzungs sngags rgya cher ston par mdzad do/ /rigs kyi bu de bzhin gshegs pa ri dbang rgyal pos gang khyod 'dir 'ong ba'i tshe bsrung ba'i phyir byin pa mi zad pa'i sbubs kyi lung bstan pa sems can rnams kyi sems dang tshor ba sgrub pa yang dag par 'du ba/thams cad mkhyen pa'i ye shes thob pa dang / bdud bzhi 'dul ba/ sgrub pa'i gnas dang / chos kyi tshul dang / dkon mchog gsum gyi gdung sgrub pa/ mi zad pa'i sbubs kyi lung bstan pa'i bar de khyod kyis kyang ston cig /de nas byang chub sems dpa' sems dpa' chen po spos kyi glang po ches 'di skad ces gsol to/ /tad ya thA/ sha ra Na byA ya/ shi k+Sha byA ya/ smr-i ti byA ya/ pra hI na byA ya/r-id+d+hibyA ya/ i na drI ya byA ya/ ba la byA ya/ bo d+h+yAng byA ya/ sa mA d+hi byA ya/ d+hA ra NI byA ya/ k+ShAn ti byA ya/ d+h+ya na byA ya/ a rU pa byA ya/ a ni na dza byA ya/ mA rga byA ya/ a b+hi dz+nyA byA ya/ pra ti sa~M bid byA ya/ b+hU mi byA ya/ bid+yA byA ya/ma hA mai tri byA ya/ ma hA ka ru Na byA ya/ pr-i thi bI byA ya/ sa twa byA ya/ d+harma byA ya/ ta ma byA ya/ A lo ka byA ya/ pra ti b+hA sa byA ya/ pra ti shrut+ka byA ya/ ga ga na byA ya/ mA ra byA ya/ shU n+ya tA byA ya/ pra tI t+ya byA ya/ a pra Ni hi ta byA ya/ a ni mid ta byA ya/ru ta byA ya/ g+ho Sha byA ya/ a kin tsan byA ya/ a b+hi sa ma ya a nu nu/ a no na/ a ba ha/ tsa tsA ra/ tsa tsa tsA ra bi mu/ tsa tsa tsa k+Sha/ tsa tsa tsa ra bi mu byA ya/ bi mu k+Sha ya/ bi mu A pa byA ya/ bi mu a sa mu dra tsa ra bi mu/ ts+tshe da bi mu/ A kA shi ba mu/ byu pa sha ma bi mu/ a nA b+ha sa bi mu/ a ha ha bi mu/ a pA ra bi mu/ u pa sha ma/ sa li la bi mu swA hA/ btsun pa bcom ldan 'das de bzhin gshegs pa ri dbang rgyal po des bdag chas pa'i dus kyi tshe bdag bsrung ba'i slad du mi zad pa'i sbubs kyi gzungs sngags stsal ba ni 'di lags so//de nas bcom ldan 'das shAkya thub pas tshe dang ldan pa kun shes kau Di n+ya la bka' stsal pa/ kau Di n+ya khyod kyis mi zad pa'i sbubs kyi gzungs sngags 'di zung shig /kau Di n+ya de bzhin gshegs pa dgra bcom pa rnams 'jig rten du 'byung ba rnyed par dka'o//de bas kyang mi zad pa'i sbubs kyi lung bstan pa 'di ches rnyed par dka'o/ /rigs kyi bu de bzhin gshegs pa'am de bzhin gshegs pa'i nyan thos kyis kyang rung bskal pa brgya stong gis sems can thams cad kyi sems kyi skad cig bgrang bar nus so/ /gang dag mi zad pa'i sbubs kyi gzungs sngags 'dir mun pa med par 'jug pas zhugs pa'i sangs rgyas kyi chos ma 'dres pa brgyad po de dag ni gang gis kyang bgrang bar mi nus so//kau Di n+ya de lta bas na mi zad pa'i sbubs kyi lung bstan pa'i chos 'di ji ltar thos pa 'khor bzhi po dag la yang rgyas par yang dag par rab tu ston cig dang /de dag chos de thos pas las thams cad zad pa thob par 'gyur ba nas spobs pa thogs pa med pa dag dang / spobs pa gcad du med pa dag dang / spobs pa rgyun mi 'chad pa'i bar dag thob par 'gyur zhing khams gsum las khyad par du 'phags pa'i de bzhin gshegs pa dag tu yang 'gyur ro//yang de'i tshe byang chub sems dpa' sems dpa' chen po snang ba'i snying po'i dpal de bzhin gshegs pa shAkya thub pa ga la ba de logs su thal mo sbyar ba rab tu btud nas de'i tshe tshigs su bcad pa 'di dag gsol to/ / 'gro drug sdug bsngal gyis khrid cing / /nyon mongs nad kyis kun tu g.yengs/ /khyod ni mkhas pa mgon gyur khyod/ /rgal nas 'gro ba sgrol mdzad khyod/ /dbang po drug la rmongs gyur cing / /bdud kyi zhags pas nyer zin la/ /yang dag lam ni ston pa khyod/ /'jig rten na ni rab rnyed dka'//yan lag drug ldan khyim gyi gzhi/ /mkhas pa'i mi rnams kyis spangs la/ /khyod ni 'jig rten kun gyi gnyen/ /chos kyi mu ge 'jig mdzad pa/ /mngon shes drug ldan sgom byed la/ /bden pa gsung ba drang srong che/ /sems can 'khor bar zhugs pa rnams//'ching ba dam las grol mdzad khyod/ /khyod kyi sngags la dad nas su/ /zhing 'dir yang ni lhags pa lags/ /'dir ni 'jig rten mgon po yis/ /bdag cag pho nyar mngags kyis gson/ /btsun pa bcom ldan 'das nub phyogs na sangs rgyas kyi zhing 'di nas sangs rgyas kyi zhing gang gA'i klung bzhi bcu rtsa gnyis kyi bye ma snyed 'das nas/de na 'jig rten gyi khams snying po'i rgyal mtshan zhes bgyi ba mchis so/ /sangs rgyas kyi zhing de na de bzhin gshegs pa ye shes dpal brtsegs rgyal po zhes bgyi ba bzhugs te 'tsho zhing gzhes la chos kyang ston to//de bzhin gshegs pa des bdag sangs rgyas kyi zhing 'dir mngags lags te/ de bzhin gshegs pa de khyod nyi ma'i snying po'i chos kyis gnas pa klu'i yul rnam par 'jig par mdzad pa'i 'od zer gyi le'u sems can rnams kyi las 'byang ba'i gzungs sngags 'di 'chad pa la dad pa sbyin par mdzad cing gnod pa chung ngam/bskyod pa yang ngam/ stobs dang bde ba la reg par gnas sam zhes kyang 'dri bar mdzad lags na btsun pa bcom ldan 'das ci bsnyung ba mi mnga' lags sam/ gnod pa chung lags sam/ khyod kyi 'khor bro 'tshal ba ma mchis lags sam/gnod pa chung lags sam/ dam pa'i chos nyan par 'tshal lags sam/ ji ltar chos rjes su thos pa bzhin du yang chos de la yang nan tan snying por bgyid pa dag lags sam/ chos kyis gnas pas gnas par bgyid lags sam/ khyod kyi sangs rgyas kyi zhing 'di na bdud kyi yul dang klu'i yul bcom lags sam/khyod kyi sangs rgyas kyi yul gcig pu lags sam/ 'di na thogs pa ma mchis par 'khor lo skor lags sam/ sangs rgyas kyi zhing 'di na gang su dag 'khor lo skor bar 'gyur ba de dag gi don du de bzhin gshegs pa ye shes dpal brtsegs rgyal po de khyod dang nyi ma'i snying po'i chos kyis gnas pa klu'i yul rnam par 'jig par mdzad pa'i 'od zer gyi le'u sems can rnams kyi las 'byang ba'i gzungs sngags 'di la dad pa sbyin par mdzad lags so//de nas smon pa med pa'i rjes su 'thun pa'i gzungs sngags mthu che ba/phan yon che ba/ 'dod pa'i 'dod chags thams cad yang dag par zad par bgyid pa/ gzugs kyi 'dod chags thams cad dang / gzugs med pa'i 'dod chags thams cad yang dag par zad par bgyid pa/ nga rgyal dang / lhag pa'i nga rgyal dang / nga'o snyam pa'i nga rgyal thams cad yang dag par zad par bgyid pa 'di yang bskur lags te zhes bgyi ba nas ma rig pa'i mun pa'i phung po thams cad rab tu 'joms par bgyid pa/ sdug bsngal gyi khur 'dor bar bgyid pa zhes bgyi ba'i bar du ji ltar sngar bshad pa bzhin no/ /tad ya thA/sha na sha ra/ sha ma na sha ba/ a pak+Sha ba sha /tsak+Shu b+ha ba sha ba/ sho tra sha ba/ g+h+rA Na sha ba/ dzi hwa sha ba/ kA ya sha ba/ ma nA sha ba/ k+Sha ti bid+ya tsak+Shu pr-i thabI k+Sha b+ha/ shro tra a ba k+Sha b+ha/ dzi hwa bA yu k+Sha b+ha/ ma na o dza k+Sha b+ha/ A lo ka dz+nyA na k+Sha b+ha/ bI dza sang gra ma k+Sha b+ha/ ang ku ra kha g+ha k+Sha b+ha/ sha ma ka ru k+Sha b+ha/ k+Sha ya rA sa k+Sha b+ha/ shAn ti bya sra k+Sha b+ha/ na to na tai na to na a ba n+ye ra to na/ na yA ba na yi na to na e Sha an ta duHkha s+ya swA hA/ btsun pa bcom ldan 'das de bzhin gshegs pa ye shes dpal brtsegs rgyal po des smon pa med pa'i rjes su 'thun pa'i gzugs sngags bskur ba ni 'di lags so//bcom ldan 'das kyis kyang legs so zhes bya ba gnang ngo / /bsam gtan dang ldan pa rnams ma gtogs pa sangs rgyas kyi zhing mi mjed kyi nang du gtogs pa'i sems can thams cad dang ldan pa rnams kyis kyang legs so zhes bya ba byin no//de nas bcom ldan 'das kyis byang chub sems dpa' sems dpa' chen po snang ba'i snying po'i dpal la 'di skad ces bka' stsal to/ /rigs kyi bu nga stan 'di nyid la bzhugs bzhin sems can rnams la don bzang po/ tshig 'bru bzang po lhag chad med pa/smon pa med pa dang rjes su 'thun pa'i gzungs sngags 'di rgya cher ston par mdzad do/ /rigs kyi bu de bzhin gshegs pa ye shes dpal brtsegs rgyal pos gang khyod la 'dir 'ong ba'i tshe byin pa rig sngags kyi rten gyi lung bstan pa de khyod kyis kyang ston cig / lung bstan pa des ni 'dir sems can rnams kyi sred pa chung ngu dang / 'bring dang / chen po'i nyon mongs pa srid pa'i rgyu rnams rab tu zhi bar 'gyur ro/ /de bzhin du gzugs dang gzugs med pa'i nyon mongs pa srid pa'i rgyu rnams zhi bar 'gyur ro/ /bskal pa gang gA'i klung gi bye ma snyed kyang bsnyil bar 'gyur ro//las 'byang ba dang / dge ba'i phyogs thams cad yongs su rdzogs pa'i bar du yang 'gyur ro/ /btsun pa bcom ldan 'das de bzhin te bstan par bgyi lags so/ /tad ya thA/ be ga pa ri ts+tshe da/ gar+b+ha sa k+Sha se/ gar+b+ha re bid+yA pra b+ha ga k+She k+Sha ya/yo ge pra ti ha re sha man na si ka the/ sa ma me g+ha dz+ha She/ a k+Sha ya/ na te k+Sha b+ha ba dze/ nid d+ha dz+ha She/ sa ma na dz+ha She/ a d+h+ya sha ya dz+ha She/ bi pra b+ha dz+ha She/ shaik+Sha dz+nya She/ se n+ya dza ba dz+ha She/ sa li la gu h+ya dz+ha She/ sa li gu ha b+hai k+Shi pa na ko she/ sA d+ha na ko no si ba d+ha na na th+ye/ bi ta pra bid te/u pa kra ma pa the/ a na ts+tshe d+ya pra khe/ pra ti kra me na/ sa kang th+ya shai sa lo tsa na ba me/ kro d+ha d+ha re/ kA ma sa she/ A kA sha kha ge nA ga kun dze/ bid+ya ba ne/ kla na ba ne/ u tsa ba ne/ sa ma ma ke re/ sha ri ya ba ne/ me g+ha dza be ha ri ko no ba/ na ya na mu khe/sA ra k+Sha ko le/ na rA ya Na tsa re/ in dra bA sa ne/ o a/ a ba a/ a rA ba A/ ba ra a bA ra/ sA ra me g+ha/ duHkha na sti ra ni nirbA he swA hA/ btsun pa bcom ldan 'das de bzhin gshegs pa ye shes dpal brtsegs rgyal po des bdag chas pa'i dus kyi tshe bsrung ba'i slad du rig sngags kyi rten gyi lung bstan pa stsal ba ni 'di lags so//de nas bcom ldan 'das de bzhin gshegs pa shAkya thub pas tshe dang ldan pa shA ri'i bu la bka' stsal pa/ sha ra dwa ti'i bu khyod kyis rig sngags kyi rten gyi gzungs sngags 'di zung shig /sha ra dwa ti'i bu de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung ba rnyed par dka'o//de bas kyang rig sngags kyi rten gyi gzung sngags 'di ches rnyed par dka'o/ /sha ra dwa ti'i bu de bzhin gshegs pa'am de bzhin gshegs pa'i nyan thos kyis kyang rung bskal pa brgyas gling bzhi pa'i 'jig rten gyi khams kyi sa'i khams thams cad kyi rdul phra rab rnams bgrang ba'am mtha' rtogs par nus so//rig sngags kyi rten gyi gzungs sngags 'di'i mtha' ni bskal pa brgya stong gis kyang brjod par mi nus so/ /rig sngags kyi rten gyi lung bstan pa 'di ni de ltar zab pa yin no//sha ra dwa ti'i bu khyod kyis rig sngags kyi rten gyi gzungs sngags 'di yang zung shig /kun chub par byos shig /'khor bzhi po dag la yang rgyas par ston cig /yang dag par rab tu ston cig dang / de thos pas kyang sems can de dag gi sred pa chung ngu dang /'bring dang / chen po srid pa'i rgyu rnams dang / gzugs dang gzugs med pa na spyod pa'i nyon mongs pa srid pa'i rgyu rnams rab tu zhi bar 'gyur ro/ /bskal pa gang gA'i klung gi bye ma snyed kyang rgyab kyis phyogs par 'gyur ro/ /bud med mtshams med pa byed pa'i las kyi sgrib pa srid pa'i rgyu rnams zad par 'gyur zhing lhag ma med pa'i bar du yang 'gyur ro//zag pa thams cad zad pa dang / byang grol gyi bde ba dang ldan pa'i bar du yang 'gyur ro/ /yang de'i tshe byang chub sems dpa' sems dpa' chen po nam mkha'i snying po bcom ldan 'das ga la ba de logs su thal mo sbyar ba rab tu btud nas de'i tshe tshigs su bcad pa 'di dag gsol to//khyod ni ded dpon gcig pu lags/ /chos rnams kun la nges pa ste/ /mthong ba'i gus pa skyes pa yis/ /bshes gnyen dpal yang nye bar 'dzin/ /me tog gcig dang bdug pa yis//de bzhin gshegs la mchod bgyis na/ /yan lag kun gyi mchog ldan pa'i/ /bshes gnyen sdug pa nye bar 'dzin/ /tshogs ni chen po bsdus pa yang / /dus gcig tu ni 'dir mdzad pas/ /lha rnams thams cad bsngags bgyid cing / /bshes gnyen dpal yang nye bar 'dzin//der ni 'jig rten mgon po yis/ /'di ni lan cig kho na bstan/ /rtag tu lha min shes rab ldan/ /bshes gnyen dpal yang nye bar 'dzin/ /dpal gyi me tog snying po ni/ /dpal rnams kun gyis kun tu brgyan/ /de yis shAkya'i dpal zhu bar/ /bdag cag pho nyar mngags pa lags//btsun pa bcom ldan 'das byang phyogs kyi phyogs cha na sangs rgyas kyi zhing 'di nas sangs rgyas kyi zhing gang gA'i klung brgyad cu'i bye ma snyed 'das nas snyigs ma lnga dang ldan pa de na 'jig rten gyi khams spos thams cad yang dag par 'phags pa zhes bgyi ba mchis so/ /sangs rgyas kyi zhing de na de bzhin gshegs pa dgra bcom pa yang dag par rdzogs pa'i sangs rgyas dpal me tog gi snying po zhes bgyi ba bzhugs te 'tsho zhing gzhes la chos kyang ston to//de bzhin gshegs pa des bdag 'dir mngags lags te/ de bzhin gshegs pa de khyod nyi ma'i snying po'i chos kyis gnas pa klu'i yul rnam par 'jig par mdzad pa'i 'od zer gyi le'u sems can rnams kyi las 'byang ba'i gzungs sngags 'di 'chad pa la dad pa sbyin par mdzad cing gnod pa chung ngam/bskyod pa yang ngam/ stobs dang ldan nam/ bde ba la rig par gnas sam zhes kyang zhu bar mdzad lags na btsun pa bcom ldan 'das ci bsnyung ba mi mnga' lags sam/gnod pa chung lags sam/ khyod kyi 'khor bro 'tshal ba ma mchis sam/ gnod pa chung lags sam/ dam pa'i chos nyan par 'tshal ba dag lags sam/ ji ltar chos rjes su thos pa bzhin du chos de la nan tan snying por bgyid pa dag lags sam/chos kyis gnas pas gnas par bgyid pa dag lags sam/ khyod kyi sangs rgyas kyi zhing 'di na bdud kyi yul dang / klu'i yul bcom lags sam/ khyod kyi sangs rgyas kyi yul gcig pu lags sam/ 'di na thogs pa ma mchis par chos kyi 'khor lo skor lags sam/sangs rgyas kyi zhing 'di na gang su dag 'khor lo skor bar 'gyur ba de dag gi don du de bzhin gshegs pa dpal me tog gi snying po khyod dang nyi ma'i snying po'i chos kyis gnas pa klu'i yul rnam par 'jig par mdzad pa'i 'od zer gyi le'u sems can rnams kyi las 'byang ba'i gzungs sngags 'di la dad pa sbyin par mdzad lags so//de nas zhi ba rig pa mchis pa'i sbubs zhi ba'i gzungs sngags mthu che ba/ phan yon che ba/ sems can thams cad la phan par bgyid pa/ nad thams cad rab tu zhi bar bgyid pa/nyon mongs pa thams cad 'dul bar bgyid pa/ phung po dang skye mched thams cad yongs su shes par bgyid pa/ chos thams cad rnam par 'byed par bgyid pa/ thabs thams cad yang dag par ston par bgyid pa/ byang grol gyi bde ba thams cad yongs su myong bar bgyid pa/sems can thams cad rab tu dad par bgyid pa/ chos thams cad kyi bde ba la 'jug par bgyid pa/ bdud dang phas kyi rgol ba thams cad chos dang 'thun pas tshar gcod par bgyid pa/ bdud kyi yul thams cad rnam par 'jig par bgyid pa 'di yang bskur lags te/rig pa mchis pa'i sbubs zhi ba lung bstan pa chen po 'di ni bdud rnams tshar gcod par bgyid pa/ phas kyi rgol ba rnams pham par bgyid pa/ lha rnams dga' bar bgyid pa/ gnod sbyin rnams yang dag par mgu bar bgyid pa/lha ma yin rnams rnam par 'joms par bgyid pa/ nam mkha' lding rnams yang dag par mgu bar bgyid pa/ mi 'am ci rnams dad par bgyid pa/ lto 'phye chen po rnams rgyab kyis phyogs par bgyid pa/ phas kyi rgol ba rnams 'dul bar bgyid pa/rgyal rigs rnams mngon par dga' bar bgyid pa/ bram ze rnams 'jug par bgyid pa/ rje'u rigs rnams rab tu 'joms par bgyid pa/ dmangs rigs rnams mchog tu dga' bar bgyid pa/ bud med 'dod chags dang bral bar bgyid pa/ bud med sbrum pa bde legs su yongs su thar bar bgyid pa/ mang du thos pa rnams dran par bgyid pa/ rnal 'byor spyod pa rnams mngon par dga' bar bgyid pa/ nad thams cad rab tu zhi bar bgyid pa/ 'thab pa dang / thab mo dang / mu ge dang / mi ngas dang /nad dang / pha rol gyi dmag tshogs dang / dus ma yin pa'i rlung dang / char pa dang / chu bo dang / grang ba dang / dro ba dang / kha ba dang / tsha ba dang / rtsub pa dang / hrud hrud po dang / 'dus te reg par dka' ba rnams rnam par zhi bar bgyid pa/ chos kyi tshul 'bar bar bgyid pa/sangs rgyas kyi bstan pa rton par bgyid pa/ dkon mchog gsum gyi gdung rgyun mi 'chad par bgyid pa/ 'khor bas skrag pa rnams dbugs 'byin par bgyid pa/ zad pa shes pa skyed par bgyid pa/ mi skye ba shes pa rang gi mngon sum du bgyid pa/mun pa'i phung po rnam par 'jig par bgyid pa/ sdug bsngal gyi khur 'dor bar bgyid pa/ mthu che ba lags so/ /tad ya thA/ ma nA k+Sha a nA k+Sha/ g+ha sa k+Sha/ dza la k+Sha/ mA nA k+Sha/ k+Sha ba k+Sha/ man d+hA k+Sha/ na Da k+Sha/ na Da ra ra hu bi sa nA ta/kha g+ha nA Ta/ A Ta nA Ta ku nA Ta/ pa ri ku sa nA Ta/ nA Ta nA Ta/ pu ri k+Sha nA Ta/ u Ta ra nA Ta/ ka bi nA Ta/ kun dza nA Ta/ a ma kha nA Ta/ tsa ba ma b+ha nA Ta/ kha ga ma b+ha nA Ta/ pu k+Sha ra nA Ta/ hi sa du drA nA Ta/ sa ma la ya nA Ta/ shi ra ku mang kau ta Ta ma tu gu ra ba/twe hu k+Sha/ ba ni ra dzU/ d+h+wa na ma ra dzU/ ba g+ha na pu te/ sa na ti ra ba dza ba/ ma ho ra ga dza la/ a tri nA/ a tri nA/ a tri nA na ba/ a tri nA k+Sha/ a ba ha mArga tri nA k+Sha/ e Sho na tau duHkha b+ha ra s+ya swA hA/ btsun pa bcom ldan 'das de bzhin gshegs pa dpal me tog gi snying pos rig pa mchis pa'i sbubs zhi ba lung bstan pa chen po mthu che ba phan yon che ba 'di 'dir bskur ba lags so//de nas bcom ldan 'das shAkya thub pas legs so zhes bya ba gnang ngo / /bsam gtan la brtson pa rnams ma gtogs pa sangs rgyas kyi zhing mi mjed du lhags pa'i sems can thams cad dang ldan pa rnams kyis kyang legs so zhes bya ba byin no//de nas bcom ldan 'das kyis byang chub sems dpa' sems dpa' chen po nam mkha'i snying po la 'di skad ces bka' stsal to/ /rigs kyi bu nga stan 'di nyid la bzhugs bzhin du sems can rnams la rig pa yod pa'i sbubs zhi ba'i gzungs sngags don dang bcas pa/tshig 'bru dang bcas pa/ lhag chad med pa 'di rgya cher ston par mdzad do/ /rigs kyi bu de bzhin gshegs pa dpal me tog gi snying po des gang khyod chas pa'i dus kyi tshe gsang sngags gang dag gis sdang ba thams cad dad par 'gyur ba'i gzungs sngags sdang ba zhi bar byed pa dang /gnyid kyis log par byed pa dang / dmigs pa med pa'i tshangs pa'i gnas pa'i rgyu 'thun pa byin pa de khyod kyis kyang ston cig /btsun pa bcom ldan 'das de bzhin du bstan par bgyi lags so/ /tad ya thA/ bo pr-i ha bu bu bu ra/ ta la ra ba i la sa ha/ ha Du ha Tu/ ga ga nA k+Sha sha ma mi tra/ tsa kra brti ti le sA ga ra/ ti le dU na hi le/ hi le ha ba he/ na ra dza Te/ ya ba na mi tre/ k+Shi ti mi tre/ par mi tre/ shi khi mi tre/ ma ru tra mi tre/ kha ga mi tre/ sarba u dza mi tra/ sarba kA ma mi tre/ ma na pa ru mi tre/ d+ha na shwa ra mi tre swA hA/ kye byang chub sems dpa' sems dpa' chen po nam mkha'i snying pos sdang ba zhi bar byed pa/ gnyid kyis log par byed pa'i bstan pa 'di bshad pa na sdang ba'i sbrul thams cad rang gi gnas su dong nas gnyid kyis log par gyur te/gang dag bzod pa thob pa rnams dang / bla na med pa yang dag par rdzogs pa'i byang chub las phyir mi ldog pa rnams ni ma gtogs so/ /srid pa na gang dag sdang ba'i gnod sbyin rnams dang /gang dag sdang ba'i lha ma yin rnams dang zhes bya ba nas sdang ba'i nam mkha' lding rnams zhes bya ba'i bar dang / sdang ba'i mi 'am ci rnams zhes bya ba'i bar dang / rnams zhes bya ba'i bar dang / sha za rnams zhes bya ba'i bar dang /srul po rnams zhes bya ba'i bar dang / gang dag sdang ba'i lus srul po rnams zhes bya ba'i bar de dag rang rang gi gnas su dong nas gnyid kyis log par gyur te/ byang chub sems dpa' bzod pa thob pa rnams dang / phyir mi ldog pa rnams ni ma gtogs so//gang dag sdang ba'i mi gzu lums can dang / rtsub pa dang / snying brtse ba med pa dang / phan tshun mi 'thun pa dang / rtag tu khro ba spyod pa dang / 'jig rten pha rol gyis 'jigs par mi lta ba dang / mtshams med pa byed pa dang / dam pa'i chos spong bar byed pa dang /'phags pa la skur pa 'debs pa dang / mi dge ba'i rtsa ba dang ldan pa de dag kyang sdang ba zhi bar byed pa/ gnyid kyis log par byed pa'i bstan pa 'di thos pas thams cad mchog tu byams pa'i sems dang ldan pa dag dang / snying rje'i sems dang ldan pa dag dang /snying brtse ba'i sems dang ldan pa dag dang / 'khon med pa'i sems dang ldan pa dag dang / mi 'khrugs pa'i sems dang ldan pa dag dang / chos la dmigs pa'i sems dang ldan pa dag dang / 'jig rten pha rol gyis 'jigs pa'i sems dang ldan pa dag dang /dkon mchog gsum la lhag par gus pa'i sems dang ldan pa dag dang / chos la dmigs pa'i sems dang ldan pa dag dang / zhi ba'i sems dang ldan pa dag tu gnas par gyur to/ /gsol pa/ btsun pa bcom ldan 'das de bzhin gshegs pa dpal me tog gi snying po des bdag chas pa'i dus kyi tshe bsrung ba'i slad du gang sdang ba zhi bar bgyid pa'i gzungs sngags stsal ba ni 'di lags so//de nas de bzhin gshegs pa shAkya thub pas tshe dang ldan pa maud gal gyi bu la bka' stsal pa/maud gal gyi bu khyod kyis sdang ba zhi bar byed pa gnyid kyis log par byed pa'i gzungs sngags dmigs pa med pa'i tshangs pa'i gnas pa'i rgyu 'thun pa 'di zung shig /maud gal gyi bu de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung ba rnyed par dka'o//de bas kyang sdang ba zhi bar byed pa gnyid kyis log par byed pa'i gzungs sngags dmigs pa med pa'i tshangs pa'i gnas pa'i rgyu 'thun pa 'di ches rnyed par dka'o/ /maud gal gyi bu sdang ba zhi bar byed pa gnyid kyis log par byed pa 'di ni bskal pa brgya stong du las gzhan mi byed par bstan kyang lha dang bcas pa'i 'jig rten dang /tha na byang chub sems dpa' sems dpa' chen po sa la gnas pa rnams kyis kyang rung gang gis kyang don gzung bar mi nus so//de bzhin gshegs pa nyid ni ma gtogs te/ de ltar zab cing de ltar don che ba yin la de ltar phan yon che ba yin no/ /bla na med pa yang dag par rdzogs pa'i byang chub kyi lam dang / bsam pa yongs su rdzogs par byed pa yin zhing sems can yongs su smin par byed pa'i snying rje chen po yang thob par byed pa'o//maud gal gyi bu de lta bas na sdang ba zhi bar byed pa gnyid kyis log par byed pa'i gzungs sngags 'di zung shig /dus dus su sems can rnams la rgya cher yang dag par rab tu ston cig /sems can gang dag nyan par byed pa de dag kyang thos pa tsam gyis yon tan dang phan yon mang po thob par 'gyur ro//khro ba mang po mi 'dod pa myong bar 'gyur ba las kyi rnam par smin pa'i 'bras bu rnams med par 'gyur ro/ /mi snang bar 'gyur ro/ /'khor ba'i skyon mang po rnam par shes par 'gyur ro//dge ba'i rtsa ba mang po skyed par 'gyur ro/ /bsod nams mang po so sor 'dzin par byed do/ /dge ba'i bshes gnyen mang po la sten par byed do/ /snyen par byed do/ /bsnyen bkur byed do/ /des na de dag bla na med pa yang dag par rdzogs pa'i byang chub las phyir mi ldog par 'gyur ro//maud gal gyi bu gzungs sngags 'di ni chos kyi mar me 'bar bar byed pa/ dkon mchog gsum gyi gdung mi chad par byed pa yin no/ /'dus pa chen po theg pa chen po'i mdo nyi ma'i snying po'i le'u las/ gzungs sngags kyi le'u ste gsum pa'o// //de nas bcom ldan 'das kyis pho nya bzhi po de dag dang / byang chub sems dpa' sems dpa' chen po gzhan dag la yang bka' stsal pa/ rigs kyi bu dag sangs rgyas kyi zhing 'dir rang rang gi dge ba'i phyogs kyis gnas par byos shig /de nas byang chub sems dpa' sems dpa' chen po de dag 'khor dang bcas te/ gnas ji lta ba bzhin du skyil mo krung gis 'khod nas ji ltar 'tsham pa bzhin du bzod pa'i gzungs la snyoms par 'jug pa shin tu bsgoms pa dag gis snyoms par zhugs so//snyoms par zhugs pa de dag kha cig gi lus las 'od 'di lta bu byung ste/ dper na 'bru mar gyi mar me bzhin no/ /kha cig gi ni dper na zla ba dang nyi ma bye ba brgya stong gi 'od bzhin pa'i bar du'o/ /yang de'i tshe tshe dang ldan pa kun shes kau Di n+yas 'di snyam du sems te/sangs rgyas kyi mthus de bzhin gshegs pa dgra bcom pa yang dag par rdzogs pa'i sangs rgyas la bdag gis zhu ba ji lta bus de bzhin gshegs pa gzungs sngags bzhi po thams cad rgya cher yang dag par rab tu ston par mdzad pa dang / sangs rgyas kyi zhing mi mjed du ji ltar lhags pa'i sems can rnams nyan par byed pa dang /the tsom thams cad spong bar 'gyur ba dang / chos thams cad la snang ba thob pa dang / ltad mo dang bral ba dang / som nyi las rgal cing the tsom las rgal bar 'gyur ba dang / myur du skyon med par 'jug pa dang /log par mi ltung ba'i chos can dang / mtho ris la gzhol bar 'gyur ba de lta bur zhu bar bya'o snyam mo/ /de nas tshe dang ldan pa kun shes kau Di n+yas bcom ldan 'das ga la ba de logs su thal mo sbyar ba rab tu btud nas cang mi smra bar 'dug go//de nas bcom ldan 'das kyis tshe dang ldan pa kun shes kau Di n+ya la bka' stsal pa/ kau Di n+ya ci de bzhin gshegs pa la khyod zhu ba zhu bar 'dod dam/ gsol pa/ btsun pa bcom ldan 'das de bzhin no/ /btsun pa bde bar gshegs pa de bzhin te/btsun pa bcom ldan 'das gal te zhu ba zhus pa lung bstan pa'i slad du bdag la skabs phye na btsun pa de bzhin gshegs pa la bdag zhu ba 'ga' zhig zhu lags so/ /bcom ldan 'das kyis bka' stsal pa/ kau Di n+ya de bzhin gshegs pa dgra bcom pa yang dag par rdzogs pa'i sangs rgyas la khyod gang dang gang 'dod pa zhus shig dang /ngas zhu ba zhus pa de dang de lung bstan pas ji ltar lha dang bcas pa'i 'jig rten gyis mngon sum du 'gyur ba ltar khyod kyi sems rangs par bya'o//de nas bcom ldan 'das la tshe dang ldan pa kun shes kau Di n+yas 'di skad ces gsol to/ /btsun pa bcom ldan 'das kyis gang zag gi zla ni sred pa'o zla ni sred pa'o zhes gsungs lags na/ ji tsam gyis de bzhin gshegs pa gang zag gi zla sred pa lags par 'dogs pas 'dogs par mdzad lags/ji skad du de bzhin gshegs pas skyes bu'i zla sred pa ni yun ring por yang dang yang 'khor zhing yang dang yang mngal len par byed do zhes gsungs lags so/ /bcom ldan 'das kyis bka' stsal pa/ kau Di n+yas gang khyod skye bo mang po la phan pa dang /skye bo mang po la bde ba'i phyir zhugs shing dus dang 'tsham par zhu ba zhus pa legs so legs so/ /kau Di n+ya de'i phyir legs par rab tu nyon la yid la zung shig dang ngas bshad do/ /btsun pa bcom ldan 'das de bzhin no zhes gsol nas/ tshe dang ldan pa kun shes kau Di n+yas bcom ldan 'das kyi ltar nyan pa dang /bcom ldan 'das kyis de la 'di skad ces bka' stsal to/ /kau Di n+ya sred pa zhes bya ba ni sred pa gsum mo/ /gsum gang zhe na/ 'dod pa'i sred pa dang / gzugs kyi sred pa dang / gzugs med pa'i sred pa'o// //'phags pa shin tu rgyas pa chen po'i sde nyi ma'i snying po zhes bya ba'i mdo/ bam po drug pa/ gzhan yang sred pa ni gsum ste/ 'byung ba'i sred pa dang / 'jig pa'i sred pa dang / chos kyi sred pa'o/ /kau Di n+ya de la 'dod pa'i sred pa rnams gang zhe na/'dod pa rnams zhes bya ba ni 'khrig pa dang ldan pa'i sprod pa ste/ gang la bag med pa rnams 'dod pa'i bde ba'i sbyor ba la brtson zhing dman pa'i rang bzhin can gyi mi dag dga' bar byed cing / sems can rnams 'dod chags kyis yongs su gdung bas gdungs nas 'dod chags kun 'byung bas mi dge ba bcu'i las kyi lam yang dag par blangs te gnas par byed pa'o//rgyu de dang rkyen des sems can dmyal ba rnams snang ngo / /dud 'gro'i skye gnas dang / gshin rje'i 'jig rten dang / gnod sbyin dbul po nyid snang ngo / / 'dod chags kyi rgyus sems can rnams 'gro ba lnga dang ldan pa'i 'khor bar sdug bsngal gyi tshor ba mi bzad pa rtsub pa rnam pa sna tshogs nyams su myong bar 'gyur ro/ /skrag par mi 'gyur ro/ /de dag ngo tsha shes pa dang / khrel yod pa spangs shing dge ba'i rtsa ba dang bral bas brgya lam na res 'ga' mi nyid rnyed par 'gyur ro//de dag 'dod chags kyi rgyus yang dang yang du lus dang ngag dang / yid kyi nyes par spyod pa'i las rnam pa sna tshogs zhes bya ba nas mtshams med pa'i las rnams zhes bya ba'i bar kun nas slong bar byed do/ /de dag yang dang yang du dus yun ring por ngan song rnams su tshor ba rtsub pa mi bzad pa nyams su myong bar 'gyur ro//thams cad kyang 'dod chags kyi rgyu dang 'dod chags kyi gzhis 'dod chags kyi bag la nyal gyi ltung ba brtags pa dag yin te/ de'i phyir de bzhin gshegs pa 'dod chags spangs pa'i phyir chos ston to//'dod pa rnams kyi nyes dmigs yang dag pa ji lta ba bzhin du mthong bar mdzad do/ /sems can de dag 'dod pa rnams kyi nyes dmigs shes nas yang dag pa ji lta ba bzhin du so sor rtogs par byed de/ dper na 'dod pa rnams ni mi sdug pa dag go//kim pa ka'i 'bras bu lta bu dag go/ /'dod pa rnams ni me mdag gi phung po lta bu dag go/ /dug gi bum pa lta bu dag go/ /'dod pa rnams ni mnam phyi sa dang 'dra ba dag go/ /'dod pa rnams ni spu gri'i so lta bu dag go/ / chom rkun lta bu dag go/ /gdol pa'i khyim lta bu dag go/ /lcags kyi thu lum 'bar ba lta bu dag go/ /ser ba 'bab pa lta bu dag go/ /sbrul gdug pa lta bu dag go/ /dgra dang 'dra ba dag go/ /dgon pa'i lam lta bu dag go/ /srin mo'i gling lta bu dag go/ / gshed ma lta bu dag go/ /phyag dar lta bu dag go/ /'dod pa rnams ni dur khrod lta bu dag tu shes shing 'dod pa la chags pa dang / 'dod pa la zhen pa dang / 'dod pa'i yongs su gdung ba dang / 'dod pa'i kun 'byung ba dang / 'dod pa rnams kyi nyes dmigs shes te/ de la 'dod pa rnams la nyes dmigs su shes pas skyo zhing chos kyi bsam pa bsgom pa dang /bslab pa 'dzin pa la mngon par dga' bas gnas par byed do/ /chos yongs su tshol ba dang / chos kyi kun dga' la dga' bas dga' ba dang / chos kyi nor bsags pa dang / chos kyi sems rnam par dag pa dang / chos kyi lam dang yang dag par ldan pa dang / chos la gzhol ba dag tu 'gyur ro/ /de dag 'chi ba'i dus kyi tshe chos rjes su dran zhing chos kyi ro'i rnam par smin pa chos kyis brlan pa'i sems kyis gnas pa de dag gang dang gang du rnam par lta bar byed pa de dang der phyogs thams cad na sangs rgyas bcom ldan 'das bzhugs te/'tsho zhing gzhes la chos kyang ston pa tshogs chen po'i 'khor dang bcas pa mthong bar 'gyur ro/ /chos thos par 'gyur ro/ /de dag chos de thos pas kyang yid mchog tu rangs te/de bzhin gshegs pa la lta bar byed do/ /de dag 'chi ba'i dus byas nas ngan song spangs shing sangs rgyas kyi zhing stong pa ma yin pa rnams su skye ba dag tu 'gyur ro/ /der de dag yon tan gyis phyug pa dang / dul ba dang / yang dag par sdom pa la mngon par dga' zhing bsam gtan dang mngon par shes pas rnam par rol pa byang grol gyi bde ba phun sum tshogs pa/byams pa chen po dang / snying rje chen pos brgyan pa/ sems can thams cad yongs su smin par mdzad pa/ sangs rgyas kyi zhing yon tan gyis rnam par brgyan pa rnams dang lhan cig 'phrad par 'gyur ro//der de dag dang lhan cig phrad pas de dag gi bag chags kyi nying mtshams sbyor ba'i nyon mongs pa rnams yongs su zad par 'gyur ro/ /der de dag yon tan de lta bu dag gis kyang shin tu brgyan par 'gyur te/ dper na za ma tog la lar spos kyi rnam pa sna tshogs dag bcug par gyur cing / za ma tog der yang rgyan rnam pa sna tshogs dag gzhag par gyur na ring po mi thogs par de dag gi dri ci 'dra bar gos dang rgyan de dag kyang de 'dra ba'i dri rab tu 'byin par byed do/ /ring po mi thogs par spos kyi rnam pa de dag gis gos par yang 'gyur la kha dog tu nye bar 'gro bar yang mi 'gyur ro//kau Di n+ya de bzhin du sems can gang dag 'dod pa rnams la nyes dmigs su shes pas zhes bya ba nas de dag 'chi ba'i dus kyi tshe zhes bya ba'i bar dang / sangs rgyas bcom ldan 'das mthong zhing de dag 'chi ba'i dus byas nas ngan song gsum spangs shing sangs rgyas kyi zhing stong pa ma yin pa rnams su skye ba dag tu 'gyur ro//zhes bya ba'i bar dang / der de dag yon tan de lta bu dag gis kyang yang dag par brgyan par 'gyur te zhes bya ba'i bar dang /de dag ring po mi thogs par bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /kau Di n+ya de lta bas na bdag gi don dang / gzhan gyi don dang / gnyi ga'i don yang dag par mthong ba'i rigs kyi bu'am rigs kyi bu mos skyes bu dam pa dag la bsten par bya'o//bsnyen par bya'o/ /bsnyen bkur bya'o/ /de dag la yang gang 'dod pa rnams kyi ro myang ba dang / nyes dmigs dang / nges par 'byung ba yongs su dri bar bya'o/ /der de dag chos thos nas gang gi phyir myur du bla na med pa yang dag par rdzogs pa'i byang chub mngon par rdzogs par 'tshang rgya ba'i bar du 'gyur ro//skyes bu dam pa rnams zhes bya ba ni sangs rgyas dang / byang chub sems dpa' rnams dang / rkyen gyi rgyal ba rnams dang /dgra bcom pa rnams dang / da ltar 'jig rten du ston pa nga byung ngo zhes bya ba nas sangs rgyas bcom ldan 'das so zhes bya ba'i bar yin te/ nga ni sems can thams cad la phan par bzhed pa/ sdug bsngal thams cad las rab tu thar bar bzhed pa/ 'dod pa'i skyon thams cad rab tu ston par bzhed pa yin no/ /de bas na 'dir khyed ji snyed lhags pa thams cad nga gzhan ma yin par gsung ba/ mi mnyam pa med par gsung ba/ byams par gsung ba/ snying rje bar gsung ba/ sems can thams cad la phan par mdzad pa las 'dod pa rnams kyi nyes dmigs yang dag pa ji lta ba bzhin nyon cig /mnyan nas kyang tshul bzhin du yid la byos shig dang / phyis ngan song gsum po thams cad las yongs su thar bar 'gyur zhing myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro//yang de'i tshe sangs rgyas kyi zhing mi mjed thams cad du gtogs pa'i sems can de dag thams cad kyis mgrin gcig tu 'di skad ces gsol to/ /bcom ldan 'das kyis 'dod pa rnams kyi nyes dmigs gang bdag cag gis sems rtse gcig pas thos par 'gyur ba bshad du gsol/thos nas kyang stobs ji lta ba bzhin du bsgrub par bgyi lags so/ /bcom ldan 'das kyis bka' stsal pa/ rkyen bzhis sems can dag gi 'dod pa rnams 'byung ste/ bzhi gang zhe na/ gzugs kyi 'dod chags dang / dbyibs kyi 'dod chags dang /reg pa'i 'dod chags dang / rnam par grol ba ma yin pa'i rtse ba'i 'dod chags kyis so/ /de la gzugs kyi 'dod chags gang zhe na/ gzugs kyi 'dod chags zhes bya ba ni mkhas pa dus su 'byung ba chen po bzhi dag la mkhas pa ni zad pa'i tshul dang /bdag med pa'i tshul dang / sems can med pa'i tshul gyis so sor rtogs par byed na/ 'on kyang byis pa phyin ci log la yang dag par rten pa rnams ni rnam par brtag pa dag la 'di ni bud med kyi gzugs so/ /'di ni skyes pa'i gzugs so/ /'di ni ngan pa'o//'di ni bzang po'o/ /'di ni dga' bar byed pa'o/ /'di ni mi 'dod pa'o zhes nye bar rtog par byed do/ /de la 'dod pa'i skyes bu smyon pa rnams ni bud med kyi gzugs dag mthong nas de la mtshan mar 'dzin pa dag yin/ mngon rtags su 'dzin pa dag yin no//de la de dag 'dod pa'i gzhi dang / 'dod pa la 'dun pa dang / 'dod pa la lhag par chags pa ma byung ba skyed par byed pas de dag dge ba'i rtsa ba thams cad las yongs su nyams par 'gyur ro/ /mkhas pa thams cad kyis rnam par spong bar byed par 'gyur ro//lus dang / ngag dang / yid ma bsrungs pas nyes par spyod pa thams cad dang phrad par 'gyur ro/ /de dag 'dod pa rnams las nges par 'byung bar mi lta zhing ngan song gsum dang yang dag par ldan pa yin te/ 'chi ba'i dus byas nas sems can dmyal ba rnams sam/dud 'gro rnams sam/ rnams su skye bar 'gyur ro/ /der 'dod pa'i rgyu dang / 'dod pa'i rkyen dang / 'dod pa'i gzhis dus yun ring por sdug bsngal gyi tshor ba rtsub pa tsha ba mi bzad pa myong bar 'gyur ro/ /der mkhas pa rnams ni bud med dang skyes par shes nas mi sdug pa'i 'du shes skyed par byed do//skra med pa dang / pags shun dang / rgyus pa dang / sha dang / khrag med pa dang / rus pa dang / mi'i thod pa dkar po yid la byed/ kun tu sten par byed cing de sgom par byed/ lan mang du byed do/ /bud med kyi gzugs la ji lta bar skyes pa'i gzugs la'ang de bzhin no/ /mdun du ji lta bar thag ring du'ang de bzhin no/ /thag ring du ji lta bur mdun du'ang de bzhin no/ /gzhan ji lta bar bdag gi yang de bzhin du rus pa'i phung po dkar po dang /skra med pa dang / pags shun dang / rgyus pa dang / sha dang / khrag med par yid la byas shing rig par byas la/ lan mang du byas pas der sems shin tu gnas pa yin/ shin tu bsgoms pa dang / shin tu yid la byas pa yin te/ 'di ni sems kyi nyon mongs pa'i klong yang dag par gcod pa dang po'o/ /yang rus gong gi phung po de nyid la sems yang dag par gtod par byed de/ smin mtshams su rgya shug tsam de la dran pa gzhog par byed cing sems sgom par byed/ lan mang du byed do zhes bya ba nas de'i sems shin tu gnas pa yin te shin tu bsgoms pa dang /shin tu yid la byas pa'i bar yin no/ /de la de'i sems shin tu sbyangs pa yin/ lus shin tu sbyangs pa yin te/ ji ltar sems shin tu sbyangs pa yin zhe na/ thams cad kyi thams cad du rnam par zhi bar byed do//de cung zad yid la byed pa yin/ de cung zad yang dag par shes pa yin/ de cung zad dmigs par byed pa yin te/ 'di ni zhi gnas dang rjes su 'thun pa nyon mongs pa'i klong rnam par gcod pa dang / 'dod chags rnam par gcod pa'i chos kyi sgo gnyis pa'o//ji ltar lus shin tu sbyangs pa yin zhe na/ de bzhin du sgom pa'i dbugs rngub pa dang dbugs phyung ba rnam par zhi bar byed cing 'jug par yang mi byed/ 'byung bar mi byed do/ /de lus dang sems shin tu sbyangs shing zhi gnas la rjes su brtson pa 'gog pa la dmigs pa yin te/'di ni 'gog pa la dmigs pa'i nyon mongs pa'i klong rnam par gcod pa'i chos kyi sgo gsum pa yin no/ /yang gang gi sems rgod pa myur du zhi gnas dang 'thun par byung ba de mgo thod kyi mtshogs mar rgya shug gi 'bras bu tsam la gnas gcig tu sems nye bar gtod par byed cing sgom par byed/lan mang du byed do/ /der bu ga'i bar du mthong bar byed cing sgom par byed/ lan mang du byed do/ /der yang bye ma'i 'bru tsam gyi rus gong gi phye mar byed/ mthong bar byed cing rim pa de gnyis pa dang / gsum pa zhes bya ba nas mgo'i thod pa thams cad rus gong gi phye ma'i bar du yang dag par rjes su mthong bar byed do//de dag kyang rlung gis khyer bar yang dag par rjes su mthong bar byed pa nas thams cad nam mkha' stong pa nyid du mthong ba'i bar du byed do/ /de la lus shin tu sbyangs pa dang /sems shin tu sbyangs pa 'di ni zhi gnas la rab tu brtson pa dang / 'gog pa la dmigs pa dang / nyon mongs pa'i klong rnam par gcod pa'i chos kyi sgo bzhi pa'o/ /de nas tshe dang ldan pa kau Di n+yas 'di skad ces gsol to/ /btsun pa bcom ldan 'das ci lags/'dus byas kyi dbyings kyi ye shes ma tshang ba ma mchis pa rnam par dben pa'i rten nam mkha'i dbyings kyi yang dag pa'i mtha' can lags sam/ rigs kyi bu de bzhin no/ /'dus byas kyi dbyings kyi yang dag pa'i mtha' ni nam mkha' dang 'dra ste/ 'di ni yang dag par rang gis mthong bar bya ba la 'jug pa'o//kun shes kau Di n+yas zhus pa/ btsun pa bcom ldan 'das ci lags nam mkha' rang gi shes pa lags sam/ 'on te gzhan gyi shes pa la mngon par 'jug pa la mkhas pa lags/ bcom ldan 'das kyis bka' stsal pa/chos thams cad kyi dbyings la 'jug pas 'dus byas kyi dbyings thams cad rang gi shes pa la 'jug par bya'o/ /ji lta zhe na/ gang gzugs shin tu rnam par dag pa la rnam par sgom par byed pa de de bzhin gshegs pa mthong bar 'gyur ro/ / gang mgo'i thod pa'i rus pa'i phye ma mthong nas thams cad rlung gis khyer bar mthong ba des gzugs thams cad rnam par bshig pa yin te/ mig gi rnam par shes pa la gzugs su snang ba ci yang snang bar mi 'gyur ro/ /de nam mkha' stong pa yid la byed cing sgom par byed/lan mang du byed de/ phyogs dang phyogs mtshams thams cad du nam mkha' bai dUr+ya'i mdog ltar dag pa yang dag par rjes su mthong ngo / /de'i yid la de bzhin gshegs pa'i gzugs 'byung ste/ des nam mkha' de la de bzhin gshegs pa'i gzugs mthong ngo //de gang gi tshe phyogs gang dang gang du lta bar byed pa'i phyogs dang phyogs mtshams thams cad du de bzhin gshegs pa'i gzugs mthong ngo / /yang de bzhin gshegs pa'i mtshan gyis brgyan par mig gi rnam par shes pa 'byung ngo //de phyogs dang phyogs mtshams thams cad du gang dang gang du lta bar byed pa de dang de nyid du sangs rgyas kyi sku ril gyis mtshan sum cu rtsa gnyis kyis brgyan pa/ 'od 'dom gang ba/ shing n+ya gro d+ha ltar chu zheng gab pa 'ba' zhig mthong ngo / /gal te ris 'thun par nges par 'byed pa'i cha dang 'thun pa'i dge ba'i rtsa ba bsags par gyur pa zhig na de 'di snyam du sems te/gang de bzhin gshegs pa la sus nam mkha' kun tu skyed/ gang du de yongs su zad par 'gyur ba bdag gis zhu gor ma chag snyam mo/ / de 'di snyam du de bzhin gshegs pa la bdag gis zhus zin no snyam yang sems so/ /de bzhin gshegs pa yang de la 'di skad ces bka' stsal to/ /nam mkha' rtog par gsungs pa ste/ /rtog pa de ni yod ma yin/ /nam mkha'i ming dang rtog pa dag /de dag thams cad dngos po med//chos rnams thams cad ci yang med/ /'gyur ba med cing mtshan nyid med/ /mtshan nyid med par brtags pa yis/ /mtshan gzhi kun las rab tu grol/ /bstan pa de thos nas myur du phyir mi 'ong ba'i 'bras bu 'thob bo/ /de'i gzugs kyi 'dod chags 'dod pa rnams ni lhag ma ma lus par 'gyur ro//de bzhin du gzugs med pa'i 'dod chags dang / ma rig pa dang / nga rgyal dang / rgod pa lhag ma ma lus par 'gyur ro/ /yang su la ris 'thun par nges par 'byed pa'i cha dang 'thun pa'i dge ba'i rtsa ba rnams med pa de/gal te sangs rgyas kyi sku mthong na de 'di snyam du sems te/ gang de bzhin gshegs pa'i tshad bdag gis gzung ba gor ma chag snyam mo/ /de gal te phyogs thams cad du lta bar byed na thams cad du nam mkha' thams cad la de bzhin gshegs pa mthong bar 'gyur te/chung ngur lta bar byed na de bzhin gshegs pa chung ngu nyid du mthong ngo / /tshad med par lta bar byed na de bzhin gshegs pa tshad med par mthong ngo / /de 'di snyam du sems te/ de bzhin gshegs pa 'di ga las gshegs snyam mo/ /de 'di snyam du sems te/de bzhin gshegs pa 'di ga las kyang ma gshegs so/ /gang du yang ma bzhud do/ /de gang du yang de bzhin gshegs pa bzhud pa mi dmigs/ byon pa mi dmigs so/ /yang de 'di snyam du sems te/ lus kyi rgyu khams gsum pa 'di ni sems tsam pas/ sus ji ltar rnam par brtags pa de bzhin du mthong ngo / /bdag gis rang gi sems kyis sangs rgyas su byed do/ /bdag gi sems kyis sangs rgyas mthong ngo / /bdag gi sems nyid sangs rgyas so/ /bdag gi sems nyid lus so/ /sems nyid kyang nam mkha'o/ / bdag gi sems kyi rnam par rtog pas sangs rgyas mthong ngo / /sems kyis sems mi shes so/ /sems kyis sems mi mthong ngo / /sems su 'du shes pa rnams ni shes pa med pa'o/ /sems su 'du shes pa rnams ni ldog pa'o/ /ldog pa ni snying po med pa'o/ / chos de dag ni shes pa med pa'i phyir yang dag par byung ba'o/ /sus sngon byang chub tu sems bskyed cing shes rab gang gis stong par rtogs pa de yang rang bzhin gyis stong pa'o snyam nas dmigs pa yid la byed pa des da ltar gyi sangs rgyas mngon du bzhugs pa'i ting nge 'dzin 'thob bo/ / 'on kyang yang nyan thos kyi theg pa pa yin te/ de ltar mtshan ma med pa'i gzugs thams cad rnam par bsgoms pas nges par 'byed pa yongs su dag pa yin/ 'dod chags dang bral ba yongs su dag pa yin/ ma rig pa yongs su dag pa yin no/ /de la stong pa nyid kyi bsam pas ni stong pa nyid dang rjes su 'thun pa'i bzod pa rnon po 'thob ste/phyis kyang de'i 'bras bu 'thob par dka' ba med do/ /gal te yang nam mkha' stong pa la rnam par sgom par byed na lus shin tu sbyangs pa yin/ sems shin tu sbyangs pa yin te/der stong pa nyid kyi rnam par thar pa'i sgo 'thob bo/ /de'i 'bras bu rjes su 'thob par dka' ba yang med de 'di ni stong pa nyid la rab tu brtson pa/ 'gog pa la dmigs pa'i nyon mongs pa'i rba rlabs rnam par gcod pa'i chos kyi sgo lnga pa'o/ /bcom ldan 'das kyis bstan pa 'di bshad pa na 'khor de las lha dang mi bye ba brgya stong phrag dgu bcu rtsa dgu ni de bzhin du rjes su 'thun pa'i bzod pa thob par gyur to//stong phrag brgyad cu rtsa bzhi ni der stong pa nyid dang rjes su 'thun pa'i bzod pa thob par gyur to/ /de bzhin du srog chags stong phrag drug cu ni der stong pa nyid kyi ting nge 'dzin gyi rnam par thar pa'i sgo thob par gyur to//srog chags stong phrag nyi shu ni der da ltar gyi sangs rgyas mngon du bzhugs pa'i ting nge 'dzin thob par gyur to/ /sems can dpag tu med pas kyang rgyun du zhugs pa'i 'bras bu thob bo//dge slong brgya stong phrag brgyad cu rtsa bzhi yang len pa med par zag pa rnams las sems rnam par grol bar gyur to/ /bcom ldan 'das kyis bka' stsal pa/ kau Di n+ya gzhan yang su mgo'i thod pa de la sems yang dag par gnas par mi byed cing rab tu dad par mi byed/mos par mi byed pa des kyang dur khrod du 'gro bar bya'o/ /des der mi ro rnam pa sna tshogs pa mthong zhing kha cig ni rnam par sngos pa/ kha cig ni rnam par rnags pa/ kha cig ni rnam par dmar ba/ kha cig ni rnam par zos pa dang / bam pa dang / sha khrag med pa dang / dkar zhing rab tu dkar la dung gi mdog lta bu'i rus gong du mthong bar 'gyur ro/ /de thams cad la yang dang yang du so sor brtag par bya ste/ gang dang gang du de'i sems shin tu yang dag par gnas shing mi g.yo la/ rnam par g.yeng bar mi 'gyur ba de yid kyis bzung nas yid la bya zhing bsgom par byas na zag pa thams cad zad par 'gyur ba'i bar du thams cad 'gyur ro//sems can su lhag pa'i nga rgyal can yin pa des ni shi nas ring po ma lon pa'i mi ro rnam par sngos pa dag tshul bzhin du bzung nas yid la bya/byin gyis brlab par bya/ bsgom par bya'o/ /ji ltar yid la byas pa de ltar bdag gi lus la yang dag par mthong bar 'gyur ro/ /'di la bye brag ci yod de/ ji ltar de rnam par sngos pa'am/ rnam par rnags pa de bzhin du bye brag med par bdag gi lus kyang gzhan gyi lus kyi ro dang mtshungs par yang dag par rjes su mthong zhing de bdag gi lus de la sgom pa'i sbyor ba la rjes su brtson pas gnas so zhes bya ba nas lus 'di thams cad rnags pa'i bar du yang dag par rjes su mthong ngo //rnam par dmar bar yang dag par rjes su mthong ngo //srin bu'i rigs rnams kyis lto gang bar yang dag par rjes su mthong ngo / /rang gi lus rnam pa thams cad dang ldan pa srin bu'i rigs rnams kyis gang zhing za bar yang dag par rjes su mthong ngo zhes bya ba nas sha khrag med pa dang / dkar zhing rab tu dkar la dung gi mdog lta bu'i rus gong dang / rus pa'i phung po rgyus pa dang 'brel ba'i bar du yang dag par rjes su mthong ste/ de yid la byed cing de la byin gyis rlob par byed/ de la sgom par byed do/ /nyin par ji lta bar mtshan mo yang de bzhin no/ /mtshan mo ji lta bar nyin par yang de bzhin te/'gro ba dang / 'greng ba dang / 'dug pa dang / nyal ba na rang gi lus de yang rus gong gi phung po dkar zhing rab tu dkar la dung gi mdog lta bu dang / rgyus pa dang / pags shun dang 'brel bar yid la byed cing byin gyis rlob par byed cing sgom par byed de/dper na mig btsums pas yang dag par rjes su mthong ba bzhin no/ /ji ltar bdag gi lus la yang dag par rjes su mthong ba de bzhin du gang dang gang du lta bar byed pa sa'i rnam pa dang / shing dang / mi dang / dud 'gro'i skye gnas pa gang ci mthong ba thams cad du rus pa'i phung po dkar zhing rab tu dkar la dung gi mdog lta bu dang /rgyus pa dang 'brel ba de lta bur yang yang dag par rjes su mthong ngo / /gang du chags par byed cing 'gro bar byed pa thams cad de rus pa'i phung po la rkang pa gnyis kyis 'gro zhing ldog pas rus pa'i phung po la gnon par byed cing 'dug par byed/nyal bar byed de/ dper na de'i mi sdug pa'i 'du shes shin tu bsgoms shing shin tu yid la byas la/ shin tu nan tan byas pa bzhin no/ /de'i ris 'thun pas 'dod pa'i 'dod chags thams cad spangs par 'gyur te/ris 'thun pa gzhan la ma yin no/ /'di ni stong pa nyid dang rjes su 'thun pa'i gzungs sngags yin te/ de ni yang phyogs bzhi'i rlung 'dus nas rus pa'i phung po ma lus par rnam par phye mar byed do//rnam par 'jig par byed do/ /ji ltar rang gi lus kyi rus pa'i phung po la rlung 'dus nas ma lus par rnam par phye mar byed cing rnam par 'jig par byed pa de bzhin du rlung 'dus nas gzugs kyi lus thams cad dang / sa thams cad ma lus par phye mar byed cing rnam par 'jig par byed do zhes bya ba nas bdag gam gzhan yang rung de'i mig sngar gzugs su snang ba ci yang mi 'byung ste/nam mkha' bai dUr+ya lta bur stong par brjod par bya ba la mos par byed cing nam mkha' la byin gyis rlob par byed/ sgom par byed/ lan mang du byed do/ /ji ltar de 'di snyam du sems te/ yang dpyod par bya ba'i phyir nam mkha'i kha dog ser po yid la byed cing kha dog ser por rab tu sbyor bar byed/ byin gyis rlob par byed/ sgom par byed pa de bzhin du nam mkha' thams cad ser por mos par byed do/ / kha dog ser po la ji lta ba de bzhin du kha dog dmar po dang / de bzhin du kha dog dkar po dang / btsod ka zhes bya ba nas shel gyi kha dog gi bar la mos par byed do/ /de bzhin du yang gzugs su snang ba dang / sa thams cad la chu kha dog sngon por byin gyis rlob par byed la zhes bya ba nas/kha dog sngon por mos par byed do zhes bya ba'i bar dang / de bzhin du kha dog ser po la zhes bya ba nas kha dog dmar po dang / de bzhin du kha dog dkar po dang / de bzhin du kha dog le brgan dang / de bzhin du shel gyi kha dog gi bar du sa thams cad la chur yid la byed do//yang dag par rab tu shes so/ /rab tu sbyor bar byed do/ /sa'i khams thams cad la chu shel gyi kha dog lta bur byin gyis rlob par byed cing phyis kyang sa sor bzhi tsam du byin gyis rlob par byed do/ /des rkang pa'i mthe bos reg par byed cing gang 'dod pa g.yo bar byed/rab tu g.yo bar byed/ 'gul bar byed/ kun tu rab tu 'gul bar byed pa nas gang 'dod pa dang / ji tsam du 'dod pa de tsam du rab tu g.yo bar byed do zhes bya ba'i bar du'o/ /de 'gul bar byed pa na yang sa chen po ri dang bcas pa 'di 'gul/g.yo/ 'khrug /rab tu ldeg go/ /gzhan yang chu de la kha dog sna tshogs pa'i me tog ud pa la dang / pad ma dang / ku mu ta dang / pad ma dkar po rnams yid la byed do/ /yang dag par shes so/ /rab tu sbyor bar byed do/ / byin gyis rlob par byed do/ /phyogs bzhir ser bu bsil ba rab tu dad pa dag tu mos par byed do/ /de der 'chag par byed/ 'dug par byed/ nyal bar yang byed do/ /yang phyogs bzhir kha dog sna tshogs pa'i ri chen po rnams su byin gyis rlob par byed cing /de'i steng du 'chag par byed/ gnas par byed/ 'dug par byed/ nyal bar yang byed do/ /gzhan yang de spong bar byed cing / nam mkha' dag pa de nyid yid la byed do/ /yang dag par yid la byed do/ /yang dag par shes so/ /rab tu sbyor bar byed do//nam mkha' dag par byin gyis rlob par byed do/ /rang gi lus yang bar yid la byed do/ /yang bar rab tu sbyor bar byed do/ /yang bar byin gyis rlob par byed de/ dper na shing bal gyi 'dab ma'am ras bal gyi 'dab ma rlung chung ngus 'degs par byed/ 'jog par byed/ khyer bar byed pa de bzhin du de lus 'di nyid la yang bar yid la byed do zhes bya ba nas yang bar byin gyis rlob par byed do zhes bya ba'i bar dang / rlung dang phrad nas nam mkha' la gnas pa'i bar du yin te/ de nam mkha' la 'chag par byed/'dug par byed/ gnas par byed/ nyal bar yang byed do/ /me'i khams la snyoms par 'jug par byed de/ de'i lus las 'od 'phro ba kha dog sngon po dang / ser po dang / dmar po dang / le brgan dang / shel gyi kha dog lta bu rnam pa sna tshogs rab tu 'byung bar byed do//de'i lus kyi stod nas me 'bar bar byed cing / lus kyi smad nas chu grang mo'i rgyun dag 'bab par byed rab tu 'bab par byed do/ /lus kyi smad nas me 'bar bar byed cing / lus kyi stod nas chu grang mo'i rgyun dag 'bab par byed/rab tu 'bab par byed do/ /de bzhin du sa'i steng du 'byung bar yang byed pa nas nyi ma dang zla ba dag la yang lag pas nyug par byed do zhes bya ba'i bar dang / tshangs pa'i 'jig rten gyi bar du lus kyis dbang sgyur bar byed do zhes bya ba'i bar du'o//de nyid spangs te yang gzugs ci 'dra ba dang ji snyed pa yang na ni sngon po dang / yang na ni ser po dang / dmar po dang / dkar po dang / le brgan dang / yang na ni shel gyi kha dog lta bur yid la byed cing de 'dra ba dang de snyed kho na mthong bar byed do/ /de 'di snyam du sems te/de bzhin gshegs pa nyid la blta'o snyam na des de bzhin gshegs pa nyid mthong ngo / /des phyogs gang dang gang kho nar lta bar byed pa'i phyogs thams cad du de bzhin gshegs pa mthong ngo / /gal te de bzhin gshegs pa'i gzugs chung ngu yid la byas na chung ngu nyid mthong ngo //gal te tshad med pa yid la byas na zhes bya ba nas nam mkha' thams cad du de bzhin gshegs pa 'ba' zhig mthong ngo zhes bya ba'i bar dang / de 'di snyam du sems te/ gang du yang de bzhin gshegs pa byon pa'am bzhud pa med do zhes bya ba'i bar dang /khams gsum thams cad kyi lus kyi rgyu ni sems 'ba' zhig go zhes bya ba dang / ji ltar rnam par brtags pa de bzhin du mthong ste/ bdag gis rang gi sems kyi kha dog tha dad pa dang / gzugs tha dad pa dang / rdzu 'phrul tha dad pa rnam pa sna tshogs pa mthong ngo //bdag gi sems ni gzugs tha dad pa dang / rdzu 'phrul tha dad pa dang / kha dog tha dad pa dang / 'jug pa tha dad pa dang / rnam par rtog pa tha dad pa'o/ /sems ni sna tshogs su grub pa'o/ /sems ni nam mkhar 'dres pa'o/ / sems ni rlung du yang dag par brjod pa'o/ /rlung thams cad kyang dngos po med pa'o snyam ste/ 'di ni so so'i skye bo dang thun mong ba'i bden pa dang rjes su 'thun pa'i gzungs sngags kyi don yin te/ gang de bzhin gshegs pa tsam pa ka'i mdog gis nga la nyi ma'i shugs kyi snying po'i lag nas bskur ba yin no//de la so so'i skye bo dang thun mong ma yin pa'i bden pa dang rjes su 'thun pa'i gzungs sngags kyi don gang zhe na/ de ni gzugs kyi 'dod chags dang dbyibs kyi 'dod chags spangs pa'o/ /de 'di snyam du sems te/ nam mkha' 'di ni gzung du med cing brjod du med pa'o//de bzhin du sems kyang brjod du med pa ste/ gnyi ga yang brjod du med pa'o/ /phung po 'di dag ni yongs su gdung ba dang bcas/ 'khrug pa dang bcas/ 'drid pa dang bcas/ slu ba dang bcas pa yin pas ma la bdag gis rnam pa thams cad du kun tu rtog pa'i sems spangs na/gang nam mkha' yang spangs par 'gyur zhing / rtog pa thams cad las yang dag par byung ba'i dpyod pa yang spangs par 'gyur gor ma chag snyam mo/ /'on kyang de sems dang pos nam mkha' la dmigs nas/de yang mngon par rig par bya ste/ rnam par rig pa thams cad spangs shing skyed par yang mi byed do/ /sems skyed pa 'gag la de'i ma skyes pa yang skyed par mi byed do/ /de ltar na rgyu de 'gags na sems kyang 'gag pas lus dang / ngag dang /yid kyi 'du byed shin tu sbyangs pa'i 'gog pa'i snyoms par 'jug pa la 'jug par byed de/ de 'gog pas nyin zhag gcig 'da' bar byed do/ /ji ltar bsams pa bzhin 'gog pa la snyoms par 'jug pas mtshungs pa de ma thag pa'i sems dang po ldang ba'i bar du bskal pa brgya stong mang po'i bar yang 'da' bar byed do//sems gnyis pas ni de'i zag pa thams cad yongs su zad pa dang / tshe yang yongs su zad par 'gyur bas mgo mnyam du yongs su mya ngan las 'das par byed de/'di ni so so'i skye bo dang thun mong ma yin pa zag pa med pa'i bden pa dang rjes su 'thun pa'i gzungs sngags kyi don yin no/ /de la so so'i skye bo dang thun mong ba dang / so so'i skye bo dang thun mong ma yin pa'i bden pa dang rjes su 'thun pa'i gzungs sngags kyi don gang zhe na/'di ltar de 'di snyam du sems te/ gzugs ji lta bur rnam par brtags pa de lta bu kho nar mthong ngo / /sems ni sems nyid dang gzugs nyid yin te/ de'i phyir bdag gis nam mkha' dag pa nyid la brtag par mi bya'o snyam mo/ /de gzugs thams cad spang bar 'dod de/de ltar de'i gzugs kyi 'du shes thams cad spangs nas de nam mkha' mtha' yas so snyam nas nam mkha' mtha' yas skye mched du rdzogs par byas te gnas pa 'di ni so so'i skye bo dang thun mong ba'i ting nge 'dzin to/ /gang yang de 'di snyam du sems te/bdag gi gzugs ni nam mkha' ste/ bdag gis nam mkha' gzugs su mthong ngo / /nam mkha'i mtshan nyid ci zhe na/ nam mkha' ni go 'byed pa'i mtshan nyid do/ /'on kyang nam mkha' ni rlung gis khyab pa'o/ /rlung de yang 'byung ba chen po bzhi las gyur pa'o//bdag gi gzugs kyang 'byung ba chen po bzhi las gyur pa yin te/ gnyi ga mtshan nyid mtshungs so snyam mo/ /de 'di snyam du sems te/ ci 'byung ba rnams 'byung ba chen po'i ngo bo dag yin nam snyam zhing / de 'di snyam du sems te/ gnyi ga spyi'i mtshan nyid du 'byung ba dag ma yin no snyam mo//de ci'i phyir zhe na/ chos thams cad rang bzhin gyi ngo bo nyid kyis stong pa yin pa'i phyir ro/ /de bzhin du rang gi ngo bo yang gzhan gyi dngos pos stong pa dang / skye ba med pa dang / 'gag pa med pa dang / 'byung ba med pa dang /gzhi med pa yin no/ /de de ltar so sor rtog pa na de bzhin gshegs pa yid la 'byung ngo / /des nam mkha' thams cad du de bzhin gshegs pa gcig mthong ngo / /des de ltar mthong bas phyir mi 'ong ba'i 'bras bu 'thob bo/ /'di ni so so'i skye bo dang thun mong ba bden pa dang rjes su 'thun pa'i gzungs sngags las rnam par grol ba'i skye mched dang po'o//gzhan yang de 'di snyam du sems te/ gang nam mkha' mtha' yas skye mched 'dis gnas pa de ci rang gi ngo bo'i mtshan nyid yin nam/ 'on te de nyid nam mkha' yin snyam zhing /de 'di snyam du sems te/ nam mkha'i mtshan nyid dag pa ni bdag gi bdag yin gyi/ bdag gi ngo bo'i mtshan nyid ni ma yin no snyam nas de nam mkha' mtha' yas mu med pa ji snyed yid la byed pa de snyed kyis bdag yang dag par shes te/ 'di ni de'i so so'i skye bo dang thun mong ba'i ting nge 'dzin to/ /de 'di snyam du sems te/ nam mkha' thams cad ni bdag gi bdag yin na/ 'o na ci nam mkha' la ngo bo gzhan yod dam/ gang gi tshe de bzhin gshegs pa yid la byed pa na de bzhin gshegs pa rnams kyis ji ltar bstan snyam mo//de ltar de bzhin gshegs pa ji snyed yid la byed pa de snyed yang dag par rjes su mthong zhing / mthong ba tsam gyi mod la kha cig 'bras bu dang po de la gnas par byed ces bya ba nas nyon mongs pa thams cad spangs pa'i dgra bcom pa nyid kyi bar du mngon du byed de/'di ni so so'i skye bo dang thun mong ba bden pa dang rjes su 'thun pa'i gzungs sngags las rnam par grol ba'i skye mched gnyis pa'o/ /yang de 'di snyam du sems te/ nam mkha' dag pa rab tu dang ba rnyog pa med pa bdag gi bdag ji snyed pa/ ci bdag gi dge ba'i sems nyon mongs pa thams cad spangs pa gzhi med pa yin nam snyam mo//de 'di snyam du sems te/ snang ba chen po byed pa 'phags pa'i lam yan lag brgyad pa de ni nyon mongs pa thams cad las rnam par grol ba'o snyam mo/ /de ji ltar nyon mongs pa thams cad las rnam par grol ba 'phags pa'i lam yan lag brgyad pa yid la byed pa bzhin skad cig de nyid la kha cig rgyun du zhugs pa'i 'bras bu la gnas par byed ces bya ba nas kha cig dgra bcom pa nyid kyi bar du mngon du byed de/'di ni so so'i skye bo dang thun mong ba bden pa dang rjes su 'thun pa'i gzungs sngags las rnam par grol ba'i skye mched gsum pa'o//gzhan yang de 'di snyam du sems te/ de ltar bdag gi rtog pa rnams ni don med pa sgrub pa yin te/ gang bdag gis gzugs la rnam par brtag pas gnas par mi bya'o//gang na gzugs yod pa de na 'du shes tha dad pa yod do/ /de na thogs pa'i 'du shes yod do/ /de na rga shi yod pas bdag gis rga shi rnam par gcad pa'i phyir sems sgom mo/ /nam mkha'i 'du shes su yang mos so snyam mo/ /yang de nam mkha'i 'du shes yid la byed cing de yang dag par shes par byed la/de la rab tu sbyor bar byed/ de la mos par byed de/ de nam mkha' shin tu yongs su dag pa ji snyed pa thams cad la bdag nyid kyis mngon par brjod pa dang mos par byed cing rdzogs par byas te gnas pa 'di ni so so'i skye bo dang thun mong ba bden pa dang rjes su 'thun pa'i gzungs sngags yin te/'di ni so so'i skye bo dang thun mong ba'o/ /yang de 'di snyam du sems te/ 'di ni bdag gi bdag shin tu yongs su dag pa yin te/ de nam mkha' thams cad la da dung bdag gi rtog pa rnams kun tu spyod par byed do//gang bdag gi bdag gis nam mkha' la brtag par bya'o/ /bdag gi 'du shes ni nam mkha' yin no snyam mo/ /'on kyang 'du shes thams cad ni sdug bsngal gyi sgrar gsungs te/ 'di ni kun 'byung ba dang sdug bsngal thams cad kyi 'gog pa dang zhi ba yin te/sus de la sdug bsngal ba dang kun 'byung ba 'gog par yang dag par rjes su mthong ba de'i dus na kha cig rgyun du zhugs pa'i 'bras bu la gnas pa nas kha cig dgra bcom pa nyid kyi bar la gnas pa 'di ni so so'i skye bo dang thun mong ba bden pa dang rjes su 'thun pa'i gzungs sngags las rnam par grol ba'i skye mched bzhi pa'o//yang de 'di snyam du sems te/ 'o na nam mkha' bsgom par bya ba'i phyir lan mang du gnas par bya'o/ /gang nam mkha' thams cad ni bdag gi bdag yin te/ nam mkha' la mos par bya'o/ /rnam par shes pa yongs su btsal bar bya'o snyam nas nam mkha' ji tsam par de'i rnam par shes pa mnyam par snang ngo //de'i nam mkha'i 'du shes kyang spangs shing nam mkha' mtha' yas mu med pa ji snyed pa de snyed kyi rnam par shes pa thams cad kun tu snang ste/ /'di ni so so'i skye bo dang thun mong ba bden pa dang rjes su 'thun pa'i gzungs sngags so//de la gnas pa 'di snyam du sems te/ bdag gi rnam par shes pa'i 'du shes 'di ni rtog pa dang / sdug bsngal ba dang / kun 'byung ba zhes bya ba nas de nyid rnam par shes pa phyin ci log gi bar yin no snyam mo//'on kyang bdag gi phyin ci log 'di ni dgag par bya'o/ /gnas skabs gang du sdug bsngal zhes bya ba nas 'gog pa'i bar du yid la byed pa'i gnas skabs de na kha cig 'bras bu dang po la gnas so zhes bya ba nas kha cig dgra bcom pa nyid kyi bar la gnas pa 'di ni so so'i skye bo dang thun mong ba bden pa dang rjes su 'thun pa'i gzungs sngags las rnam par grol ba'i skye mched lnga pa'o//de 'di snyam du sems te/ bdag gi rnam par shes pa'i 'du shes 'di ni rtog pa dang / zug rngu dang / 'bras dang / nad nyid yin te/gang bdag gis rnam par shes pa'i 'du shes de yang spang bar bya gor ma chag go snyam nas nam mkha'i 'du shes de yang spangs shing rnam par shes pa'i 'du shes kyang spong bar byed do/ /de ci la yang dmigs par mi byed do/ /de'i tshe 'du shes med pa la snyoms par zhugs pa yin te su la sngar 'di byung ba ni so so'i skye bo dang thun mong ba'i ting nge 'dzin to//de bzhin du rnam par shes pa ni zug rngu dang / 'bras dang / nad rnams yin te/ gang bdag gis med pa nyid yid la bya gor ma chag snyam mo/ / ci zhig med ce na/ 'du shes thams cad bdag gam bdag gi med do/ /bdag des bdag dang 'du shes kyang spang bar bya ste/ de ni mya ngan las 'das pa yin no/ /gnas skabs gang du mya ngan las 'das pa yid la byas pa'i gnas skabs der kha cig rgyun du zhugs pa'i 'bras bu la gnas pa nas kha cig dgra bcom pa nyid kyi bar la gnas pa 'di ni so so'i skye bo dang thun mong ba bden pa dang rjes su 'thun pa'i gzungs sngags las rnam par grol ba'i skye mched drug pa'o//yang su zhig 'di snyam du sems te/ rnam par shes pa'i ting nge 'dzin gyi rim pa shin tu yongs su dag pa nyon mongs pa ci yang med pa'i sems kyis gnas par bya'o snyam nas de mi rtog pa'i tshul gyis ci yang med pa'i sems kyis gnas par byed de/gnas skabs gang du mi rtag pa'i 'du shes yid la byed pa'i gnas skabs der de rgyun du zhugs pa'i 'bras bu mngon du byed pa nas dgra bcom pa nyid kyi bar mngon du byed pa 'di ni so so'i skye bo dang thun mong ma yin pa bden pa dang rjes su 'thun pa'i bzod pa'i gzungs sngags las rnam par grol ba'i skye mched bdun pa'o//su zhig 'di snyam du sems te/ bdag gi rnam pa thams cad du ci yang med pa'i shes pa yang dag par spangs nas 'du shes med 'du shes med min skye mched rdzogs par byas te gnas par bya'o snyam nas de ci yang med pa'i skye mched thams cad spangs te/'du shes med 'du shes med min skye mched yid la byed cing yang dag par mi shes/ rab tu sbyor bar mi byed/ byin gyis rlob par mi byed/ sgom par mi byed/ sgrub par mi byed pa 'di ni so so'i skye bo dang thun mong ma yin pa bden pa dang rjes su 'thun pa'i gzungs sngags las rnam par grol ba'i skye mched brgyad pa'o/ /des ni 'dod pa'i 'dod chags dang gzugs kyi 'dod chags thams cad dang /dbyibs kyi 'dod chags dang / reg pa'i 'dod chags dang / rnam par grol ba ma yin pa'i rtse ba'i 'dod chags thams cad spong bar 'gyur ro/ /'phags pa'i gang zag rnams kyi ni lhag ma med par 'gyur ro/ /so so'i skye bo rnams kyi ni nyam smad par 'gyur te/rkyen gyi dbang gis phyis skye bar 'gyur zhing ngan song gi rgyur 'gyur ro/ /'di ni bden pa dang rjes su 'thun pa'i gzungs sngags kyis don gleng gzhi dang bcas pa rgyas pa dang bcas pa yin te/ gang de bzhin gshegs pa tsam pa ka'i mdog gis nga la byang chub sems dpa' sems dpa' chen po nyi ma'i shugs kyi snying po'i lag nas bskur ba mthu che ba/phan yon che ba yin no/ /'dus pa chen po 'di ngas bshad pa la dad pa sbyin par mdzad pa yin no/ /'dod pa'i 'dod chags thams cad yang dag par zad par byed pa gzugs kyi 'dod chags thams cad dang /gzugs med pa'i 'dod chags thams cad dang / nga rgyal dang / lhag pa'i nga rgyal dang / nga rgyal las kyang nga rgyal thams cad dang / phrag dog thams cad yang dag par zad par byed pa/ yongs su tshol ba thams cad dang / brnab sems thams cad dang /rgod pa thams cad dang / ma rig pa thams cad dang / 'jig tshogs la lta ba dang / the tsom dang / tshul khrims dang / brtul zhugs mchog tu 'dzin pa thams cad dang / rtag par lta ba dang / chad par lta ba dang / sems can du lta ba dang /srog tu lta ba dang / gso bar lta ba dang / gang zag tu lta ba thams cad dang / byed pa po dang / tshor ba por lta ba thams cad dang / gzugs su lta ba thams cad ces bya ba nas reg par lta ba thams cad ces bya ba'i bar dang / skye bar lta ba thams cad dang /'byung ba chen por lta ba thams cad yongs su shes par byed pa zhes bya ba nas phung po dang / khams dang / skye mched thams cad rdul med par byed pa'i bar dang / byang grol gyi bde ba thams cad ston par byed pa yin no/ /rim pa des ni bdud rnams tshar gcod par byed pa/klu rnams pham par byed pa/ lha rnams dga' bar byed pa/ gnod sbyin rnams mgu bar byed pa/ lha ma yin rnams rnam par 'joms par byed pa/ nam mkha' lding rnams dngang bar byed pa/ mi 'am ci rnams dad par byed pa/lto 'phye chen po rnams skrag par byed pa/ phas kyi rgol ba rnams 'dul bar byed pa/ rgyal rigs rnams mngon par dga' bar byed pa/ bram ze rnams 'jug par byed pa/ rje'u rigs rnams dga' bar byed pa/ dmangs rigs rnams mchog tu dga' bar byed pa/bud med 'dod chags dang bral bar byed pa/ mang du thos pa rnams skyo bar byed pa/ rnal 'byor spyod pa rnams mngon par dga' bar byed pa/ nad thams cad rab tu zhi bar byed pa/ 'thab pa dang / thab mo dang / mu ge dang / nad dang / dus ma yin pa'i pha rol gyi dmag tshogs dang / dus ma yin pa'i rlung dang / char pa dang / chu bo dang / grang ba dang / dro ba dang / kha ba dang / tsha ba dang / rtsub pa dang / ro med pa dang / reg par dka' ba'i dngos po rnams rnam par zhi bar byed pa/ chos kyi tshul 'bar bar byed pa/dkon mchog gsum gyi gdung rgyun mi 'chad par byed pa/ sangs rgyas kyi bstan pa ston par byed pa/ 'khor bar skrag pa rnams dbugs 'byin par byed pa/ zad pa shes pa skyed par byed pa/ mi skye ba shes pa rtogs par byed pa/ ma rig pa'i phung po rab tu 'joms par byed pa/sdug bsngal thams cad 'dor bar byed pa yin te/ 'di ni bden pa dang rjes su 'thun pa'i bzod pa yin no/ /bstan pa 'di bshad pa na der lha dang mi grangs med dpag tu med pa ni chos rnams la chos kyi mig rdul med cing dri ma dang bral ba nye ba'i nyon mongs pa dang bral ba thob bo//de'i tshe khrag khrig phrag dgu bcu rtsa drug ni len pa med par zag pa rnams las sems rnam par grol to/ /de'i tshe bye ba khrag khrig brgya stong phrag brgyad cu ni bden pa dang rjes su 'thun pa'i gzungs sngags 'di thob par gyur to/ /de'i tshe sems can grangs med dpag tu med pa ni bla na med pa yang dag par rdzogs pa'i byang chub tu sems bskyed cing phyir mi ldog par yang gyur to//stong phrag sum cu rtsa gnyis ni mi skye ba'i chos rnams la bzod pa thob par gyur to/ /lha dang / klu dang / gnod sbyin dang / srin po dang /lha ma yin dang / nam mkha' lding dang / mi 'am ci dang / lto 'phye chen po dang / dang / grul bum dang / sha za dang / mi dang mi ma yin pa thams cad kyis legs so zhes bya ba gsol te/ btsun pa bcom ldan 'das khyod kyis dge bar gsungs pa legs so//sangs rgyas bcom ldan 'das rnams kyi thogs pa ma mchis pa'i ye shes mthong ba ni ngo mtshar lags so/ /bla na med pa yang dag par rdzogs pa'i byang chub 'di la su zhig 'dun pa skyed par mi bgyid lags/ 'di ltar de bzhin gshegs pa ni sems can thams cad kyi mig tu gyur pa/ye shes su gyur pa/ sdug bsngal thams cad nye bar zhi bar bgyid par gyur pa/ bde ba thams cad sbyin par mdzad pa/ 'khor ba'i gzings su gyur pa lags so/ /de nas bcom ldan 'das la tshe dang ldan pa kun shes kau Di n+yas 'di skad ces gsol to//btsun pa bcom ldan 'das gang byang chub sems dpa' sems dpa' chen po nyi ma'i shugs kyi snying pos gzungs sngags nyi ma'i mig bstan pa bsrung ba chen po ma 'dres pa thams cad sgrub pa zhes bgyi ba nas shin tu yongs su mya ngan las 'das pa sgrub pa zhes bgyi ba'i bar dang /gzungs sngags gang gis skyes bu dam pa rnams srid pa gsum gyi btson ra thams cad du mngon par mi dga' ba'i 'du shes dang / mtshan ma med pa'i ting nge 'dzin gyi rnam par thar pa'i bde ba la reg par bgyis nas mi g.yo ba'i ting nge 'dzin la 'jug cing mgo mnyam pa nyid du 'gyur ba dang /sus thos pa de'i nyon mongs pa 'dod chags la sogs pa bsrabs par 'gyur zhing / de lha rnams kyi nang du tshe rabs bdun 'khor bar 'gyur ba dang / lha'i drang srong du 'gyur ba dang / de'i sems 'dod pa rnams kyis gos par mi 'gyur ba dang /lha thams cad kyis mchod pa'i 'os su gyur pa dang / de de nas shi 'phos nas 'dir mi rnams kyi nang du tshe rabs bdun 'khor bar 'gyur ba dang / de'i sems 'dod pa rnams kyis gos par mi 'gyur ba dang / mi'i drang srong du 'gyur ba dang /lha dang mi thams cad kyis mchod pa'i 'os su gyur pa dang / phyag bgyi ba'i 'os su gyur par 'gyur ba de gang lags/ bcom ldan 'das kyis bka' stsal pa/ kau Di n+ya mi dga' bar ma byed cig chog go/ /kau Di n+ya nyi ma dang ldan pa'i gzungs sngags 'di nyan thos dang rang rgyal ba rnams kyis ma yin no//nyi ma'i mig pad ma'i gzungs sngags 'di ni sangs rgyas kyi chos ma 'dres pa brgyad kyi rgyu 'thun pa dag yin no/ /kau Di n+ya gal te ngas bskal pa brgya stong du nyi ma'i mig gi gzungs sngags 'di'i don bstan kyang bskal pa brgya stong ni zad par 'gyur gyi rgya cher don thams cad brjod par mi nus so//'di la lha dang bcas pa'i 'jig rten rmongs par yang 'gyur ro/ /'di la de bzhin gshegs pa dgra bcom pa yang dag par rdzogs pa'i sangs rgyas rnams nyid ma gtogs par mngon sum pa gzhan gang yang med do//nyi ma'i mig gi gzungs sngags 'di ni don dpag tu med pa mthong bar dka' ba/ rtogs par dka' ba yin no/ /de bzhin du mi zad pa'i sbu bu dang / de bzhin du rig sngags kyi rten dang / de bzhin du sdang ba zhi bar byed pa/ gnyid kyis log par byed pa'i gzungs sngags ni don dpag tu med la mthong bar dka' ba khong du chud par dka' ba yin te/'di la de bzhin gshegs pa rnams nyid ma gtogs par mngon sum pa gzhan gang yang med do/ /kau Di n+yas gsol pa/ btsun pa bcom ldan 'das gang de bzhin gshegs pa ri dbang rgyal po des stong pa nyid dang rjes su 'thun pa'i gzungs sngags byang chub sems dpa' sems dpa' chen po spos kyi glang po che'i lag nas bskur ba bshad par gsol/bcom ldan 'das kyis bka' stsal pa/ kau Di n+ya de bzhin te/ gang de bzhin gshegs pa ri dbang rgyal pos 'dir nga la bskur ba 'dus pa 'dir ngas bshad pa la dad pa sbyin par mdzad pa stong pa nyid dang rjes su 'thun pa'i gzungs sngags lha dang bcas pa'i 'jig rten gyi mdun du ngas bshad par bya'o//'di ltar 'di ni 'dir ngas bshad na sems can grangs med dpag tu med pa'i don byed pa yin zhing 'dir sems can rnams kyis mngon sum du gyur par 'gyur ro//kau Di n+ya de'i phyir khyod ces bya ba nas bcom ldan 'das des de la 'di skad ces bka' stsal to zhes bya ba'i bar to/ /kau Di n+ya 'di la sems can gang dag 'dod chags kyi rgyags pas myos shing nges par 'byung bar mi lta bas gnas pa de dag yun ring por 'khor bar byed par 'gyur ro//yun ring por ngan song gsum du sdug bsngal gyi tshor ba rtsub pa mi zad pa myong bar 'gyur ro/ /de la byang chub sems dpa' sems dpa' chen po rnams kyi snying rje chen po skyes te/ de nas byang chub sems dpa' sems dpa' chen po snying rje'i stobs chen po dang /brtson 'grus dang / brtson pa dang / brtul ba chen pos myur du bla na med pa yang dag par rdzogs pa'i byang chub yongs su tshol bar byed do/ /de dag myur du mngon par rdzogs par 'tshang rgya'o/ / sems can rnams ngan song gsum las bsgral ba'i phyir nges par 'byed pa dang / nges par 'byin pa dang / gces spras byed pas yang dag par sdug bsngal zad par 'gro bar bya ba'i phyir chos ston to/ /sems can gang dag chos bstan pa de nyan par byed cing sdug bsngal las nges par 'byung bar lta ba de dag 'bras bu dang po thob par byed do zhes bya ba nas 'bras bu bzhi pa'i bar du thob par byed do//yang na gal te gang dag sems can thams cad kyi don du bla na med pa'i ye shes yongs su btsal bar bya ba'i phyir 'khor ba'i sdug bsngal 'jigs su rung ba rnams la spro bar byed pa de dag bla na med pa'i ye shes rjes su thob nas sems can rnams 'dod pa dag la nges par 'byung bar bya ba'i phyir chos ston par mdzad de/dper na da ltar nga bzhin no/ /kau Di n+ya de la reg pa'i 'dod chags gang zhe na/ sems can gang dag gcig la gcig lus kyis reg pas reg par gyur pa de dag bde ba'i tshor ba myong bas sdug bsngal skye bar byed do//sdug bsngal so so yang dag par myong bar byed do/ /dper na sbrul gdug pa gtum po kha cig lta bas sems can rnams gsod par byed/kha cig dbugs tsam gyis sems can rnams gsod par byed do/ /kha cig reg pa tsam gyis sems can rnams gsod par byed/ kha cig sbyor ba tsam gyis sems can rnams gsod par byed pa de bzhin du sems can kha cig ni mthong ba tsam gyis dge ba'i rtsa ba thams cad chud gson par byed cing rab tu sreg par byed do//kha cig ni gcig la gcig lus kyis reg pas dge ba'i rtsa ba thams cad chud gson cing rab tu sreg par byed do/ /kha cig ni 'jug pa tsam gyis dge ba'i rtsa ba thams cad chud gson cing rab tu sreg par byed do//kha cig ni 'khrig pa dang ldan pa'i kun tu sbyor ba'i reg pa tsam gyis sdug bsngal skyed par byed cing de dag sdug bsngal so so yang dag par myong bar byed do/ /kau Di n+ya de la reg pa'i 'dod chags las nges par 'byung ba gang zhe na/kau Di n+ya 'di na rus pa'i phung po gzugs gsal ba la so sor brtag par bya'o/ /ji ltar zhe na/ gang du gzugs 'dod pa sdug pa/ phangs pa/ yid du 'ong ba/ 'dod pa dang ldan pa/ chags par 'gyur ba rnams mthong nas de la byang grol gyi bde ba 'dod pa de 'di ltar so so yang dag par slob par byed de/gzugs 'di ni 'byung ba chen po bzhi las gyur pa/ 'jig cing rnam par 'jig la rnam par phye mar 'gyur ba'i ngo bo nyid do/ /ji ltar zhe na/ de na rus pa'i phung po skra med pa dang / sha dang / sen mo dang / khrag med pa dang /stong pa dang / shin tu dkar zhing dung gi mdog lta bu dang / rgyus pas 'brel bar yid la byed/ yang dag par shes par byed/ rab tu sbyor bar byed/ byin gyis rlob par byed de/ des de kho na bzhin du yang dag pa ji lta ba bzhin mthong ngo / /de de la sten cing sgom la lan mang du byed pa na mtshan mo ji lta bar nyin par yang de bzhin du yang dag par rjes su mthong zhing /de 'jig rten thams cad la mngon par mi dga' ba'i 'du shes skyed do/ /de 'di snyam du sems te/ bdag ni rga shi'i 'jigs pas gnod par gyur pa yin pas gang bdag gis rga shi'i rnga bo che 'di ma lus par gcag gor ma chag snyam mo//ji ltar bdag gis rga shi'i rnga bo che ma lus par gzhig par nus zhe na/ gang bdag gis rus pa'i phung po 'di la shin tu so sor brtag par byas pas ma lus par gzhig par bya gor ma chag snyam nas de thams cad dang ldan pa'i rus pa'i phung po 'di la so sor rtog par byed de/gang de thams cad la dkar po'i 'du shes yid la byed pa 'di ni de'i zhi gnas su 'gyur ro/ /de 'di ni bdag gi mgo'i rus pa'o zhes bya ba nas de bzhin du 'di ni bdag gi rkang pa'i mthe bo'i rus pa'o zhes bya ba'i bar du de ltar so sor rtog par byed cing rga shi'i rnga bo che 'di gzhig par bya ba'i phyir bdag gis gnas gang du lhag mthong gis brtsam par bya snyam mo//de 'di snyam du sems te/ kha dang sna gnyis kyi rlung 'dus pas rga shi'i rnga bo che rang gi rus pa'i phung po 'di ma lus par gzhig par bya'o snyam nas de sna'i rtse mor rlung 'dus pas yang dag par rtsom par byed de/rdul phra rab tsam du rus pa 'jig par byed do/ /rlung gis 'phyar bar byed do/ /sbyor ba des rang gi rus pa'i phung po thams cad 'jig par 'gyur ro/ /ji ltar rang gi rus pa'i phung po thams cad lhag ma med par rlung gis khyer bar gyur pa bzhin de'i rang gi lus de la gang rus pa'i 'du shes byung ba de spangs shing der de la stong par snang ste/'di stong pa nyid kyi yan lag dang po'o// //'phags pa shin tu rgyas pa chen po'i sde nyi ma'i snying po zhes bya ba'i mdo/bam po bdun pa/ gzhan yang de la bdag nang stong pa nyid du snang ngo / /de la phyi rol ni gzugs kyi 'du shes su 'gyur ro/ /de 'di snyam du sems te/ bdag gis rlung 'dus pa des gzugs snang ba thams cad rnam par gzhig par bya'o snyam nas de de ltar rlung 'dus pas phyi rol gyis gzugs snang ba gang ci yang rung ba thams cad rlung gis rnam par 'jig par byed do//de rnam pa thams cad du nang ngam phyi rol gyi gzugs snang ba thams cad spangs nas bye brag tu yid la byed pa 'di ni stong pa nyid kyi yan lag gnyis pa'o//yang de 'di snyam du sems te/ bdag gis gzugs snang ba gang spangs pa thams cad ni bdag la stong par snang gi gzhan ni ma yin no/ /des na bdag gi rlung du kun tu rtog pa'i sems 'di yang shin tu rnam par grol ba ma yin pas de bdag gis spang bar bya'o//chos ni gang du yang 'ong ba med/ gang du yang 'gro ba med de/ de de ltar 'gro ba med pa'i tshul lam/ bdag nyid 'gro ba'i tshul gyis rtog pa spong bar byed de 'di ni stong pa nyid kyi yan lag gsum pa'o/ /yang de 'di snyam du sems te/ci 'dus byas thams cad la de kho na yang dag pa ci yang yod dam snyam nas de yang dag pa mngon sum du gyur pa de shes par byas te/ kun 'byung ba'i chos gang ci yang rung ba thams cad 'gog pa'i chos su rig par byas nas des khams gsum pa thams cad med cing yang dag pa ma yin par shes te/de'i 'du byed shin tu sbyangs shing zhi bar 'gyur ba 'di ni stong pa nyid kyi yan lag bzhi pa'o/ /kha cig ni 'dir 'bras bu dang po la gnas par byed do/ /kha cig ni rjes su 'thun pa'i bzod pa sgom par byed do/ /kha cig ni dus dang rkyen ji lta ba bzhin du byang chub la reg par byed do//gang rtog pa dang dpyod pa 'ba' zhig rnam par zhi bar bya ba'i phyir brtson pa ni rnam par zhi bar 'gyur ro/ /de 'gog pa'i snyoms par 'jug pa la 'jug par byed de/ de bsam pa ji lta ba bzhin du 'gog pas nyin zhag gcig 'da' bar byed do zhes bya ba nas bskal pa dpag tu med pa'i bar du 'da' bar byed do//dang po de langs ma thag tu skad cig ma gnyis pa la nyon mongs pa zad pa na tshe yang zad par gyur nas de mgo mnyam par yongs su mya ngan las 'das par byed do/ /'di ni stong pa nyid dang rjes su 'thun pa'i gzungs sngags brgyad pa yin te/so so'i skye bo dang thun mong ma yin pa bden pa dang rjes su 'thun pa'i gzungs sngags mthu che ba/ phan yon che ba/ 'dod pa'i 'dod chags thams cad yang dag par zad par byed pa/ gzugs dang gzugs med pa'i 'dod chags thams cad yang dag par zad par byed pa zhes bya ba nas sdug bsngal gyi khur 'dor bar byed pa zhes bya ba'i bar yin no//de ni de bzhin gshegs pa ri dbang rgyal pos nga la stong pa nyid dang rjes su 'thun pa'i gzungs sngags byang chub sems dpa' sems dpa' chen po spos kyi glang po che'i lag nas bskur ba dang 'dus pa 'di la ngas bshad pa la dad pa sbyin par mdzad pa yin no//bstan pa 'di bshad pa na der sems can bye ba 'bum phrag dgu bcu rtsa gnyis 'bras bu dang po la gnas par gyur to/ /'bum phrag drug cu ni len pa med par zag pa rnams las sems rnam par grol lo//sngon las byas pa'i sems can khrag khrig 'bum phrag dgu bcu rtsa dgu ni stong pa nyid dang rjes su 'thun pa'i gzungs sngags thob par gyur to/ /srog chags brgyad khri ni rang byung can gyi gzungs sngags thob par gyur to//der sems can dkrigs phrag drug cus ni bla na med pa yang dag par rdzogs pa'i byang chub tu sems bskyed cing bla na med pa yang dag par rdzogs pa'i byang chub las phyir mi ldog par gyur to/ /de nas thams cad dang ldan pa'i 'khor des legs so zhes bya ba gsol te/lha rdzas kyi me tog dang spos kyi char mngon par rab tu bab par gyur to/ /de nas yang bcom ldan 'das la tshe dang ldan pa kau Di n+yas 'di skad ces gsol to/ /btsun pa bcom ldan 'das de bzhin gshegs pa ye shes dpal brtsegs rgyal po des smon pa med pa dang rjes su 'thun pa'i gzungs sngags gang byang chub sems dpa' sems dpa' chen po snang ba'i dpal snying po'i lag nas bskur ba dang /'dus pa chen po lung bstan pa chen po 'di la dad pa sbyin par mdzad pa bshad par gsol/ bcom ldan 'das kyis bka' stsal pa/kau Di n+ya de de bzhin no/ /kau Di n+ya de de bzhin te/ kau Di n+ya 'khor 'di la smon pa med pa dang rjes su 'thun pa'i gzungs sngags ngas bshad par bya'o/ /kau Di n+ya 'khor 'di na sems can gang dag sngon yongs su sbyang ba byas pa dang chos 'di kun tu shes par nus pa dag yod do//kau Di n+ya de'i phyir nyon la zhes bya ba nas bcom ldan 'das kyis de la 'di skad ces bka' stsal to zhes bya ba'i bar du'o/ /kau Di n+ya 'di na sems can gang dag ma mos shing 'dod chags dang yang dag par rjes su 'brel ba dag yod de/de dag nges par 'byung ba rab tu mi shes shing / de dag nges par 'byung bar mi lta bas yun ring por 'khor bar 'khor bar 'gyur ro zhes bya ba nas yid kyis kun tu rtog pa'i 'dod chags las nges par 'byung ba gang zhe na zhes bya ba dang / 'di la ji ltar yang dag par bslab par bya zhe na zhes bya ba'i bar du'o//'dod pa'i 'dod chags dang / gzugs kyi 'dod chags dang / gzugs med pa'i 'dod chags dang / dbyibs kyi 'dod chags dang / reg pa'i 'dod chags dang / mos pa'i 'dod chags dang / yid kyi kun tu rtogs pa'i 'dod chags gang ci yang rung ba de thams cad ni 'du byed kyi 'byor 'brel gyi rkyen las 'byung na/ sus 'du byed de dag mngon par 'dus byas shing su zhig ni mngon par 'du byed ce na/ rlung gis mngon par 'dus byas pa'o/ /bdag gi lus dang /ngag dang / yid kyi 'du byed de dag dang rlung yang rnam par gzhig par bya'o/ /rlung de dag ni kha dang sna dag nas 'jug cing 'byung ste/ rlung de dag gis mngon par 'dus byas so/ /rlung de dag nyid kyis lus 'di rnam par gtor zhing rnam par gzhig par bya'o snyam nas de de ltar sems la dbugs rngub par byed de/dbugs gang dag 'jug par byed pa de dag ni sha dang khrag skems par byed do/ /med par byed do/ /gang dag 'byung bar byed pa de dag ni sha dang khrag de lus kyi phyi rol du 'dor bar byed do zhes bya ba nas lus thams cad bu gar gyur par mthong ba'i bar dang /rma'i sgo thams cad nas dbugs 'jug cing 'byung la skra dang / sen mo dang / sha dang / khrag gzhi nas 'byin cing lus kyi phyi rol du 'dor bar byin gyis rlob par byed pa'i bar dang / sha dang khrag thams cad ma lus par lus thams cad la mi mthong bar byed pa'i bar dang /rus gong gi phung po stong zhing dkar la dung gi mdog lta bu dang / rgyus pas 'brel bar yang dag par rjes su mthong bar byed cing yid la byed/ sgom par byed la de nyid byin gyis rlob par byed pa'i bar dang / gang de la sngar 'dod pa'i 'dod chags kyi sems dang rjes su 'brel bar byung ba de sems mnyam par gzhag pa la nyams dmas par 'gyur/bsrabs par 'gyur zhing de bzhin du gzugs kyi 'dod chags dang / gzugs med pa'i 'dod chags dang / de bzhin du dbyibs kyi 'dod chags dang /de bzhin du reg pa'i 'dod chags dang / de bzhin du mos pa'i 'dod chags dang / kun tu rtog pa'i 'dod chags 'gong bar 'gyur zhing bsrabs par 'gyur ro zhes bya ba'i bar du'o/ /gang gi tshe yang de'i sems mnyam par ma bzhag pa na yang dang yang du rkyen ji lta bu rnyed pa de lta bu de chu tshod gcig tsam du gzugs kha cig la zhes bya ba nas/reg pa kha cig la zhes bya ba'i bar la rnam par nyams par 'gyur ro/ /de 'di snyam du sems te/ bdag gi ris 'thun pas 'dod chags gzhi dang bcas pa gang yin pa de bcad la ma lus par bya ba yin no//dper na drungs nas phyung ba ma yin pa'i shing bcad pa ni phyis kyang skye bar 'gyur/ de bzhin du sred pa'i bag la nyal ma bton pa sdug bsngal rnam pa sna tshogs phyi phyir skyed de/ de nyid la sgom par byed de/ ji ltar rang gi lus la keng rus dkar zhing dung gi mdog lta bu rgyus pas 'brel ba yang dag par rjes su mthong bar byed pa'i bar du'o//de bzhin du gzugs snang ba gang ci yang rung / sems can nam/ sems can ma yin pa yang rung ste/ mig sngar snang bar gyur na des thams cad du de lta bur thams cad keng rus mdog dkar po rgyus pas 'brel bar lhag chad med par yang dag par rjes su mthong ngo //de las de'i sems rnam par g.yeng bar yang mi byed de/ 'di ni de'i zhi gnas yin no/ /de'i tshe yang 'di ltar so sor yang dag par slob par byed de/ 'di ni mgo'i thod pa'i rus pa'o//'di dag ni so rnams so/ /'di ni mgrin pa'o zhes bya ba nas 'di dag ni rkang pa'i mthe bo'i rus pa rnams so zhes bya bar de'i lhag mthong dang mtshungs par ldan pa'i sems kyi bsam gtan sgrub par byed do/ /de ci'i phyir zhe na/ bsams bzhin du bsam gtan sgrub par byed pa'i phyir ro//gang du de'i sems shin tu yang dag par gnas shing rab tu dang bar gyur na des de bsgom par bya ste/ lhag mthong gcig pu la sems shin tu yang dag par gnas shing rab tu dang bar gyur na yang des de bsgom par bya'o/ / lhag mthong gcig pu la sems shin tu yang dag par gnas shing rab tu dang bar gyur na des 'di ltar bsgom par bya ste/ rus pa'i phung po so sor tha dad par rus pa rnams la so sor brtags shing bshig la so sor brtags nas rnam par phye mar byas te so sor brtag go/ / der rus gong gi phye ma rnams la sems kyi 'du 'phrod gang yin pa de rgyu med pa ma yin pa dang / zad pa dang 'jig pa'i mtshan nyid du so sor brtag par bya'o/ /de ltar lhag mthong dang rjes su 'thun pa'i bzod pa mngon par rtogs par 'gyur ba yin no/ /gzugs snang ba thams cad la chags pa med pa'i rus gong gi phye ma shin tu dkar po la 'du 'phrod kyi rgyu gang /sems mgyogs pa dang kun tu mgyogs pa la so sor rtog pa 'byung ba 'di ni skyo ba dang rjes su 'thun pa'i bzod pa mngon par rtogs par 'gyur ba yin no/ /gzugs thams cad la chags pa med pa'i rus gong gi phye ma shin tu dkar po ngo bo nyid med pa la 'du 'phrod kyi rgyu dang /sems mgyogs pa dang kun tu mgyogs pa la so sor rtog pa bdag med pa de ni 'jig pa dang rjes su 'thun pa'i bzod pa mngon par rtogs par 'gyur ba yin no/ /gzugs snang ba thams cad la chags pa med pa'i rus gong gi phye ma shin tu dkar po dag la brjod du med pa dang /snum pa med pa dang / gzung ba med pa dang / mnyam par gnas pa ma yin pa dang / ci yang med pa 'di ni zhi ba'i zhi gnas dang rjes su 'thun pa'i bzod pa mngon par rtogs par 'gyur ba yin no//des bzod pa thob par bya ba'i phyir dus gsum gyi 'dod chags dag 'dod chags las yang dag par sgrol ba dang / yang dag par ldang bar byed pa dang / rnam par rtog pa mnyam pa dang / rten mnyam pa dang / dus gsum gyi mtha' spong bar 'gyur zhing sred pa gsum gyi mtha' spong ba dang /khams gsum pa'i srid pa ldog cing nye bar zhi ba dang / dri ma gsum spong ba dang / rnam par thar pa'i sgo gsum thob par 'gyur zhing kun tu sbyor ba gsum spangs nas rgyun du zhugs pa'i 'bras bu thob par 'gyur ro//gzhan yang yang dag par mtshan gyi gzhi med pa'i chos rnams bsgom pa la brtson pa ni dgra bcom pa'i 'bras bu la gnas par 'gyur ro/ /gzhan yang sus gzugs snang ba thams cad dag cing dkar la dung gi mdog lta bu chags pa med pa/ rgyus pa dang 'brel ba'i rus gong gi phung po yang dag par rjes su mthong na ni der de'i sems shin tu yang dag par gnas par gyur te/ 'gro ba dang / gnas pa dang / 'dug pa dang / nyal ba na de nyid yid la bya'o/ /des de nyid yid la byas shing de nyid bsgoms la de nyid byin gyis brlabs na de ltar de'i zhi gnas shin tu bsgoms shing shin tu sbyang ba byas pa'i bar du 'gyur ro//de'i tshe rnal 'byor pa phyi nang bdag med pa stong pa nyid la 'jug ste/ gzugs thams cad kyi rus gong gi phung po la gal te sngon po'i 'du shes byung na der rus gong gi phung po sngon po yang dag par rjes su mthong ngo zhes bya ba nas gal te shel gyi mdog lta bu yid la byed na des gzugs snang ba thams cad rus gong gi phung po shel gyi mdog lta bu'i bar du yang dag par rjes su mthong ngo //der de'i rnam par rtog pa 'byung ste/ ci'i phyir 'di gzugs snang ba thams cad rus gong gi phung po dkar por yang dag par snang /ci'i phyir shel gyi mdog lta bu'i bar du yang dag par snang snyam mo/ /de 'di snyam du sems te/ 'di dag thams cad sems kyi brag ca yin pa'i phyir gsob la pa ste thams cad sems snang ba yin no//sus de ltar shes pa de 'jig rten thams cad kyi sbyin gnas yin zhing mchod par 'os pa yin no/ /kau Di n+ya 'di ni mngon par mi dga' ba'i 'du shes dang zas la mi 'thun pa'i 'du shes ma gtogs par smon pa med pa dang rjes su 'thun pa'i bzod pa'i don yin no//de bzhin gshegs pa ye shes dpal brtsegs rgyal pos gang nga la bskur ba yin no/ /de la byang chub sems dpa' sems kyi blo gros bzang pos 'di skad ces gsol to/ /btsun pa bcom ldan 'das nyan thos zhi gnas kyi bsam pa can sus de ltar bsgoms na mi sdug pa sgom par bgyid pa lags/der mtshan ma gang dag 'byung ba lags/ bcom ldan 'das kyis bka' stsal pa/ sus 'dod chags zad par bya ba'i phyir gang mi sdug pa sgom par byed pa de'i 'phral bar sems gtad par bya'o//de'i mtshan ma 'di dag 'byung ste/ ji srid du mi sdug pa'i sems kyis so sor rtog par 'gyur ba de srid du de'i lus thams cad g.yo zhing kun tu gdung bar 'gyur ro/ /'di ni de'i mtshan ma nang gi dang po yin no/ /ji srid du yang dang yang du sgom par byed pa de'i rang gi lus kyi gnas so cog tu 'di snyam byed de/phyar ba rtsub pos reg pa bzhin no snyam pa 'di ni de'i mtshan ma gnyis pa'o/ /yang phyi phyir sems rnam par g.yeng ba med par sgom par byed pa de'i lus thams cad rab tu sim par 'gyur te/ lus thams cad la 'o mas btab pa bzhin no snyam pa 'di ni de'i sems rtse gcig pa nyid kyi zhi gnas kyi mtshan ma yin te/de dga' ba dang bde ba 'di yang mtshan ma med pa'i tshul gyis spong bar byed do/ /de yang de'i nges par 'byed pa yongs su dag par bya ba'i phyir sems 'dod chags kyis nye bar nyon mongs pa yongs su gtugs shing ma rig pas nye bar nyon mongs pa'i shes rab rnam par dag na de lus thams cad rus gong gi phung po la sdug bsngal gyi rnam pa shes pa zhes bya ba nas zhi ba'i rnam pa zhes bya ba'i bar du so sor rtog par byed do//de bzhin du de'i lus thams cad las dro ba 'byung bar 'gyur te/'di ni de'i zhi gnas yongs su rdzogs pa yin no/ /dro bar gyur pa'i dge ba'i rtsa ba dang / snga phyi med pa'i bde ba 'jug pas sems yongs su dag par 'gyur ro/ /bdag nyid lhar gyur pa bzhin du yang dag par shes so/ /yang rus gong gi phung po de nyid la rnam pa bzhir so sor rtog pas rang gi 'phral ba na mar me'i me lce mthong ngo //de ma rig pa las yang dag par 'das par bya ba'i phyir ches lan mang du rang gi rus gong gi phung po la yang dang yang du rnam pa bzhir rtag tu snang ba de lta bur yongs su rtog pas sems dang sems las byung ba'i chos rnams kyi 'jig pa mi mthong ngo //de ltar 'khor zhing mi gnas pa nyid ni dper na nyi zer gyi rdul bzhin du 'khor bar byed do/ /ji ltar 'dus byas kyi dngos po thams cad la 'du shes mchog gis mthong ba de bzhin du 'dus byas kyi chos thams cad la bdag med pa zhes bya ba nas 'gog pa'i chos kyi bar yang dag pa ji lta ba bzhin du shes te/de ni de'i rtse mo'i dge ba'i rtsa ba thob pa'o/ /yang rang gi lus la me shi ba dang kun tu rab tu 'bar bar yang dag par rjes su mthong ngo / /phyogs thams cad du snang ba chen po yang dag par rjes su mthong ngo //de ni de'i bsam gtan dang po'i sa'i lam yin te/ de bzhin du gzugs na spyod pa'i dge ba'i rtsa ba rnams dang / gzugs na spyod pa'i 'byung ba chen po rnams thob par 'gyur ro/ /de bzhin du gzugs na spyod pa'i bde ba chen pos lus thams cad khyab par 'gyur ro//de bzhin du de'i snying ga nas kyang nyi ma'i 'od zer dag 'byung ngo / /phyogs gang dang gang mthong ba dang yid kyis brtags pa thams cad du nyi ma'i dkyil 'khor gyi 'od zer rnams kyis khyab par mthong ngo / /'od zer de rnams la yang smon pa med pa'i tshul gyis sgom par byed de/de de'i tshe srid pa gsum po thams cad la smon pa med pa'i sems yin no/ /de de'i tshe tshul gcig pa'i 'phags pa'i bden pa bzhi la mi dmigs pa'i tshul gyis stong pa nyid la brtson par gnas so/ /de'i lus thams cad las kyang dro ba 'byung ngo //spyi bo nas kyang dro ba kha dog sna tshogs 'byung ngo / /spyi bo'i steng du gdugs gnas par 'gyur ba 'di ni rtse mo'i dge ba'i rtsa ba yin no/ /yang mi dmigs pa'i tshul gyis bden pa dang rjes su 'thun pa'i bzod pa la yongs su rtog par byed de/ de'i tshe 'phags pa'i bden pa bzhi mngon par rtogs par 'gyur ro//rigs kyi bu 'di ni nyan thos kyi mi sdug pa sgom pa yin te/ mi sdug pa shin tu bsgoms pa des zhi gnas thob par 'gyur ro/ /de la mtshan ma 'di dag 'byung ste/ mtshan ma de dag dang dad pa de lta bu dag gis 'phags pa'i lam yan lag brgyad pa'i bar la gnas shing nyon mongs pa thams cad spong ba dang dgra bcom pa nyid la reg par 'gyur ro//rigs kyi bu de lta bas na khyod kyis sangs rgyas kyi zhing 'od zer gyis rgyal bar nyan thos kyi theg pa pa'i gang zag rnams la yid la byed pa de lta bu ston cig /mi sdug pa bstan pa 'di bshad pa na der sems can dpag tu med pa bden pa dang rjes su 'thun pa'i bzod pa thob pa nas der sems can dpag tu med pa bden pa mthong ba'i bar du gyur to/ /de nas bcom ldan 'das kyis gzhan yang kun shes kau Di n+ya la 'di skad ces bka' stsal to/ / kau Di n+ya gal te thams cad tshul gcig cing bsam pa gcig par gyur na gang gis zag pa rnams las sems rnam par grol bar 'gyur ba'i chos gcig kho na sems can rnams la bstan par bya'o/ /ji srid du sems rnam par ma zhi ba de srid du srid pa'i 'bras dang / nad dang / zug rngu dang / yang srid pa sna tshogs kun nas slong zhing 'gro ba sna tshogs byed pas gang bdag gis rang gi sems bsdu bar bya zhing sems kyi mtshan ma gzung bar bya gor ma chag snyam zhing rus gong gi phung po 'di ji ltar sems kyi 'du 'phrod skyed par byed pa'i rgyu de la rnam par rtog par byed pa 'di ni lhag pa'i sems kyi skyon med pa thob pa dang po yin te/ngan ngon ma yin par thob pa yin/ mthong ba'i chos la bde bar gnas par 'gyur zhing phyir mi ldog par 'gyur ba yin no/ /gzhan yang de 'di snyam du sems te/ rkyen gang dag gis sems kyi 'du 'phrod kyi rgyu 'byung ba'i rkyen de dag bsdus nas 'jig pa'i tshul gyis sdud par byed pa 'di ni lhag pa'i sems kyis mthong ba'i chos la bde bar gnas pa skyon med pa thob pa gnyis pa yin te/ngan ngon ma yin par thob pa dang / dka' ba med par thob pa yin no/ /yang de 'di snyam du sems te/ bdag gi sems 'di ji srid du rkyen gyi 'du 'phrod kyi rgyu la rgyug par byed pa de srid du lus dang sems kyi bde bas myos pas gnas par 'gyur bas gang bdag gis lus dang sems kyi bde ba nub par bya gor ma chag go snyam nas de 'di ltar so so yang dag par slob par byed de/bdag gi skyon gyi 'du 'phrod kyi rgyu 'di ni rus gong gi phung po dran pas lus dang sems kyi bde ba yang dag par 'byung ba'o//gang bdag gis de mngon par dor bar bya gor ma chag go snyam nas de mig gi rnam par shes pa byung ba zhes bya ba nas yid kyi rnam par shes pa'i bar byung ba skye ba dang 'jig pa'i tshul gyis nub par byed pa 'di ni lhag pa'i sems kyi mthong ba'i chos la bde bar gnas par 'gyur ba gsum pa yin te/skyon med par thob pa dang / dka' ba med par thob pa dang / ngan ngon ma yin par thob pa yin no/ /gzhan yang de 'di snyam du sems te/ bdag chos kyi dbyings thams cad nges par 'byung ba dang /zad pa dang / rang bzhin dag pa dang / ngo bo nyid med pa dang / zhi ba'i tshul gyis gnas par bya'o/ /ji ltar zhe na/ sems kyi mtshan nyid thams cad rnam par zhi ba'i tshul gyis gnas par bya'o snyam nas/ de sems kyi mtshan nyid thams cad pa'i rgyu ba rnam par zhi ba dang sems zhi bar gnas pa 'di ni lhag pa'i sems kyi mthong ba'i chos la bde bar gnas pa dang skyon med pa thob pa bzhi pa yin te/dka' ba med par thob pa dang / tshegs med par thob pa yin no/ /lhag pa'i sems kyi chos bzhi po de dag dang ldan pa ni ting nge 'dzin gyi sgor 'jug pa 'bum phrag brgyad cu rtsa bzhi mthong ngo //de phyir mi 'ong ba'i 'bras bu la gnas par 'gyur ba nas dgra bcom pa nyid kyi bar la gnas par 'gyur ro/ /dge slong de gnyi ga'i cha las rnam par grol ba yin zhing mthu che ba nus pa che ba yin no/ /kau Di n+ya gal te yang sems can thams cad tshul gcig cing dad pa gcig la bsam pa gcig par 'gyur du ni 'di ltar sems can rnams bsam pa tha dad pa'i phyir te/de lta bas na de bzhin gshegs pa tshig tha dad pa'i chos kyi sgo bstan pa dang brjod pa rnams kyis chos ston to/ /bcom ldan 'das kyis sems can 'du shes tha dad pa phyin ci log pa rnams la bka' stsal pa/khyed kyi mi rtag pa'i 'du shes kyang rung / sdug bsngal gyi 'du shes kyang rung / bdag med pa'i 'du shes kyang rung / rnam par bam pa'i 'du shes kyang rung / rnam par rnags pa'i 'du shes kyang rung / rnam par sngos pa'i 'du shes kyang rung /rnam par zos pa'i 'du shes kyang rung / rnam par 'thor ba'i 'du shes kyang rung ste/ de thams cad don ni 'dir gsungs pa yin no/ /kun shes kau Di n+yas gsol pa/ bcom ldan 'das ji ltar mngon par mi dga' ba'i 'du shes bsgom par bgyi ba dang / ji ltar zas la mi 'thun pa'i 'du shes bsgom par bgyi ba bshad par gsol/bcom ldan 'das kyis bka' stsal pa/ kau Di n+ya chog go/ /zhing 'di na byang grol gyi bde ba thob par bya ba'i phyir chos kyi rjes su 'thun pa'i chos sgrub pa yang gzhan du yin la/ 'jig rten gyi khams de dag na sems can rnams byang grol gyi bde ba thob par bya ba'i phyir chos kyi rjes su 'thun pa'i chos sgrub pa'i sems can gyi bsam pa dag kyang gzhan du zhugs pa yin zhing spyod pa gzhan dang sbyor ba gzhan gyi mngon par rtogs pa yin no//kau Di n+ya gal te ngas bshad na tshul de lta bu de rab tu shes par 'gyur ba'i skyon med pa dag la zhugs pa dag dang /byang chub sems dpa' sems dpa' chen po rnams ma gtogs par sems can gzhan gang dag yod pa de dag 'di la kun tu rmongs par 'gyur ro/ /kau Di n+yas 'di skad ces gsol to/ /btsun pa bcom ldan 'das 'jig rten thams cad la mngon par mi dga' ba'i 'du shes dang zas la mi 'thun pa'i 'du shes bshad par gsol/btsun pa bde bar gshegs pa bshad par gsol/ de thos pas sems can rnams dge ba'i rtsa ba rnam pa sna tshogs skyed par 'gyur lags so/ /sems can ma rig pas bsgribs pa rnams dang / sred pa'i kun tu sbyor ba can rnams dang /sred pa'i ltung ba thogs pa rnams dang / 'khor bar kun tu rgyug cing 'khor ba rnams kyi sngon gyi mtha' mi mngon lags te/ der de dag mngon par dga' lags so/ /de ci'i slad du zhe na/ zas kyi kun tu sbyor ba'i rgyu dang 'khrig pa dang ldan pa'i kun tu sbyor ba'i slad du ste/chos kyi tshul de lta bu de ma thos pas 'gro ba lnga'i 'khor bar bying zhing rtag tu sdug bsngal gyis nyen par gnas lags so/ /bcom ldan 'das ni sems can thams cad la bde bar bzhed pa/ sems can thams cad la thugs brtse ba thugs rje chen po brnyes pa lags na/ btsun pa bcom ldan 'das de bzhin gshegs pa ye shes dpal brtsegs rgyal po des gang skye bo mang po la sman pa dang / lha dang mi rnams kyi bar la sman pa'i slad du bskur ba smon pa ma mchis pa dang rjes su 'thun pa'i gzungs sngags kyi don thams cad yongs su rdzogs par bshad par gsol/ btsun pa bcom ldan 'das 'jig rten thams cad la mngon par mi dga' ba'i 'du shes bshad par gsol/ sems can rnams kyis de thos pas 'dod pa rnams las ldog par 'gyur lags so/ /btsun pa bcom ldan 'das zas la mi 'thun pa'i 'du shes bshad par gsol/ de thos pas sems can gang dag ro la chums pa rnams ldog par 'gyur lags so//sems can gang dag gis 'dod pa rnams la nyes dmigs su 'tshal ba dang / ro rnams la nyes dmigs su 'tshal ba'i sems can de dag 'khor ba'i pha rol tu dga' ba dag pa dang / srid pa'i 'ching ba las grol bar blta lags so//bcom ldan 'das kyis bka' stsal pa/ kau Di n+ya de de bzhin no/ /ji skad khyod kyis smras pa de bzhin te/ ji ltar byang chub sems dpa' snang ba dpal gyi snying pos nga la yid la byed pa brjod pa bzhin lha dang bcas pa'i 'jig rten gyi mdun du 'jig rten thams cad la mngon par mi dga' ba'i 'du shes ngas bshad par bya'o//zas la mi 'thun pa'i 'du shes kyang ngas bshad par bya'o/ /kau Di n+ya de'i phyir khyod kyis nyon la zhes bya ba nas bcom ldan 'das kyis de la 'di skad ces bka' stsal to zhes bya ba'i bar du'o/ /kau Di n+ya gang du mngon par mi dga' ba de bskyed par bya ba'i 'jig rten gang zhe na/'jig rten ni gnyis te/ sems can gyi 'jig rten dang / 'du byed kyi 'jig rten no/ /de la sems can gyi 'jig rten gang zhe na/ sems can rnams zhes bya ba ni gang dag 'gro ba lnga po sems can dmyal ba dang / dud 'gro dang / dang / lha dang / mi rnams kyi nang du skyes pa rnams so/ /'dod pa'i khams na ni srid pa mngon par grub pa nyi shu'o/ /gzugs kyi khams na ni bcu drug go/ /gzugs med pa'i khams na ni srid pa mngon par grub pa bzhi ste/ sems can gyi 'jig rten ni de tsam mo/ /de la 'dod pa'i khams kyi srid pa mngon par grub pa nyi shu gang zhe na/sems can dmyal ba chen po brgyad de re re la yang 'khor bcu drug go/ /brgyad gang zhe na/ dus gsum pa'i yang sos zhes bya ba 'khor bcu drug pa dang / thig nag dang / bsdus gzhom dang / ngu 'bod dang / ngu 'bod chen po dang / tsha ba dang / rab tu tsha ba dang / sems can dmyal ba mnar med pa zhes bya ba 'khor bcu drug pa'o//sems can gang dag lus dang / ngag dang / yid kyis nyes par spyad pa'i rgyus de dag tu skyes shing skye bar 'gyur ba de dag der sdug bsngal gyi tshor ba rtsub pa mi bzad pa tsha ba chen po myong bar 'gyur ro/ /de dag gis der mig gis gzugs gang ci mthong yang rung /thams cad yid du mi 'ong bar mthong gi yid du 'ong bar ma yin/ yid du mi 'thad par mthong gi yid du 'thad par ma yin/ gzugs mi sdug par mthong gi gzugs sdug par ma yin/ gzugs mi legs par mthong gi gzugs legs par mi mthong ste/ de lta bas na gzhi des de dag der sdug bsngal gyi tshor ba rtsub pa mi bzad pa tsha ba chen po myong bar 'gyur ro//de dag gis der rna bas sgra gang ci thos kyang rung zhes bya ba nas snas dri gang ci mnams kyang rung zhes bya ba dang / lces ro gang ci myangs kyang rung zhes bya ba dang / lus kyis reg bya gang ci reg kyang rung zhes bya ba dang /yid kyis chos rnams gang ci rnam par shes kyang rung zhes bya ba'i bar thams cad yid du mi 'ong bar yin gyi yid du 'ong bar ma yin/ yid du mi 'thad par yin gyi yid du 'thad par ma yin/ gzugs mi sdug par yin gyi gzugs sdug par ma yin/ gzugs mi legs par yin gyi gzugs legs par ma yin no//lus rab tu 'bar ba dang / lcags kyi thu lum za ba dang / lcags dang zangs 'thung ba dag yin te/ gzhi des de dag der sdug bsngal gyi tshor ba rtsub pa mi bzad pa tsha ba chen po myong bar 'gyur ro/ /ji srid du gang 'dir sngon chad mi rnams kyi nang du mir gyur pa dang /'thun pa'i lus kyis nyes par spyod pa spyad pa dang / ngag dang / yid kyis nyes par spyod pa spyad pa de dag gi sdig pa'i las de zad par ma gyur cing sbyangs par ma gyur pa de srid du de dag de nas shi 'pho bar mi 'gyur ro/ /kau Di n+ya ltos sems can bde ba 'dod par gyur la sdug bsngal dang mi 'thun par byed pa su zhig sems can dmyal ba de la dga' bar sems shing 'dod pa skyed par byed/'di ni nyes par spyad pa spyod pa'i 'gro ba dang po ste/ de la mkhas pas mngon par mi dga' ba'i 'du shes bskyed par bya'o/ /kau Di n+ya de la mkhas pas ji ltar dud 'gro'i skye gnas la mngon par mi dga' ba'i 'du shes bskyed par bya zhe na/kau Di n+ya dud 'gro rnams kyi lus 'di ltar mchog tu phra mo thob pa dag yod de/ 'di lta ste/ skra'i rtse mo'i mtha' lnga bcu'i char phye ba tsam mo/ /kha cig ni nyi zer gyi rdul tsam mo zhes bya ba nas kha cig ni rgya shug gi tshad do zhes bya ba'i bar du'o//kha cig ni lus dpag tshad khri'i bar du thob pa dang thob par 'gyur ba dag go/ /kha cig gi srog ni yud tsam cig thub bo zhes bya ba nas kha cig gi tshe bskal pa gcig thub bo zhes bya ba'i bar du'o/ /der de dag la chos byed pa med do/ /dge ba byed pa med do//der de dag ngo tsha shes pa dang / khrel yod pa spangs pa dag dang / snying rje med par zhugs pa dag dang / snying brtse ba med pa dag dang / rtag par sdug bsngal gyis gzir ba dag dang / rtag tu skrag pa dag dang / gcig la gcig za ba dag dang / mi dge ba'i las kyi lam thams cad dang yang dag par ldan pa dag dang /gti mug gi mun khrod du zhugs par gyur pas ngan 'gror 'gro ba dag dang bde 'gror 'gro ba dag kyang spyod yul ma yin pa la dge ba'i las byed par sems phyin ci log tu gyur pa dag yin no/ /mkhas pa su zhig de lta bu'i gti mug gi mun khrod du rtag par sdug bsngal gyis gzir ba'i dud 'gro'i skye gnas de la dga' bar sems shing 'dod pa skyed par byed/'di ni nyes par spyad pa spyod pa'i 'gro ba gnyis pa ste/ de la mkhas pas mngon par mi dga' ba'i 'du shes bskyed par bya'o/ /kau Di n+ya de la mkhas pas ji ltar kyi 'gro ba'i skye gnas la yang mngon par mi dga' ba'i 'du shes bskyed par bya zhe na/kau Di n+ya gang dag gi lus mtho gang tsam yod pa'i dag yod de/ kha cig ni mi gang tsam mo/ /kha cig ni dpag tshad stong yod pa'i bar gyi lus thob la de dag kyang gcer bu dang /rtsub pa dag dang / nag po dag dang / lus mchog tu skem zhing sha khrag dang bral ba dag dang / rtag par bkres shing skom pas gzir ba dag dang / bza' btung dang bral ba dag dang / me'i dbugs rngub pa dang dbugs 'byung ba dag dang / gcig la gcig rab tu sdang ba'i sems dang ldan pa dag dang /snying rje med par zhugs pa dag dang / rtag par lus dub pa dang / sprin bsil ba dang bral ba dag yin no/ /kha cig gi zas ni lcags dang zangs yin no/ /kha cig gi ni lcags kyi thu lum rnams so/ /kha cig gi ni rnag khrag tsha ba'o//kha cig gi ni rdul kun tu tsha ba'o/ /kha cig gi ni phyi sa kun tu tsha ba'o/ /kha cig gi ni gcin bskol ba'o/ /kha cig gi ni rlung kun tu tsha ba'o/ /kha cig ni rtsa ba dang / 'dab ma dang / me tog dang / 'bras bu dang / shing las byas pa'i kha zas rab tu 'bar ba'o/ / de yang dka' bas res 'ga' nan gyis rnyed par 'gyur ro/ /kha cig gi tshe'i tshad ni lo stong thub bo/ /kha cig gi tshe'i tshad ni lo stong phrag brgya'i bar du thub ste/ rtag par bde ba dang bral ba dag dang / sdug bsngal gyis gzir ba dag dang / ma rig pa'i mun par zhugs pa dag yin na mkhas pa su zhig rnams la dga' ba skyed par byed/'di ni nyes par spyad pa spyod pa'i 'gro ba gsum pa ste/ de la mkhas pas mngon par mi dga' ba'i 'du shes bskyed par bya'o/ /kau Di n+ya de la mkhas pas ji ltar mi'i 'jig rten 'di la mngon par mi dga' ba'i 'du shes bskyed par bya zhe na/mi'i 'jig rten 'di ni sems can rnams sdug bsngal gyis gzir ba dag yin te/ rga ba'i sdug bsngal dang / na ba'i sdug bsngal dang / 'chi ba'i sdug bsngal dang / mi sdug pa dang phrad pa'i sdug bsngal dang / sdug pa dang bral ba'i sdug bsngal dang /rnam pa sna tshogs yongs su tshol ba'i sdug bsngal dang / 'khrug pa dang / khro ba dang / phrag dog dang / ser sna dang / phra ma smra ba dang / tshig rtsub po smra ba dang / brnab sems dang / grang ba dang / dro ba dang / gcig la gcig kun tu gnod par byed pa'i sdug bsngal gyis gzir ba dag yin/dus rtag tu mi'i 'jig rten 'di na sems can rnams 'chi ba rjes su dran pas sdug bsngal ba dang / tshe thung ba nyid kyi sdug bsngal dang / 'jig rten pha rol du 'gro ba rjes su dran pa'i sdug bsngal gyis gzir ba dag yin na mkhas pa su zhig mi'i 'jig rten la 'dod pa skyed par byed cing dga' bar sems/'di ni spel ma'i 'gro ba bzhi pa ste/ de la mkhas pas mngon par mi dga' ba'i 'du shes bskyed par bya'o/ /kau Di n+ya de la mkhas pas ji ltar lha'i 'jig rten la mngon par mi dga' ba'i 'du shes bskyed par bya zhe na/ 'dod pa na spyod pa'i lha drug po de dag na yang sems can rnams 'dod pa la sred pa'i sdug bsngal rnams kyis gzir bdag yin/'ged pa dang / longs spyod dang / nye bar spyod pa'i sdug bsngal rnams kyis gzir ba dag yin/ sngon chad dge ba'i rtsa ba bsags pa mthar gyis yongs su zad pa'i sdug bsngal rnams kyis gzir ba dag yin/yongs su tshol ba'i sdug bsngal rnams kyis gzir ba dag yin/ sdug pa dang bral ba'i sdug bsngal rnams kyis gzir ba dag yin/ bsod nams yongs su zad pas 'chi 'pho ba'i sdug bsngal rnams kyis gzir ba dag yin/ yang dang yang du ngan song gi sdug bsngal rnams kyis gzir ba dag yin te/ 'di ni 'dod pa na spyod pa'i lha rnams la mngon par mi dga' ba'i 'du shes lnga pa yin no/ /'di ni rnam pa lnga pa yin te/ mkhas pas 'dod pa'i khams 'di thams cad la mngon par mi dga' ba'i 'du shes bskyed par bya'o//kau Di n+ya de la mkhas pas ji ltar gzugs na spyod pa'i lha rnams la mngon par mi dga' ba'i 'du shes bskyed par bya zhe na/ sems can gang dag gzugs na spyod pa bcu drug yod pa de dag kyang lha'i ris rnams kyi nang na 'jig rten pa'i bsam gtan dag sgom par byed de/de dag thams cad zag pa dang bcas pa'i sdug bsngal rnams kyis yongs su ma grol ba yin/ sdug bsngal mang pos gzir ba yin/ lhag ma dang bcas pa'i 'gro ba nyid kyi sdug bsngal rnams kyis gzir ba yin/ pha rol la mi lta ba rnams yin/ nges par 'byung bar mi lta ba rnams yin/ ngan song gi sdug bsngal rnams las yongs su ma grol ba yin te/ sdug bsngal de dag gis gzir ba yin na mkhas pa su zhig de dag la dga' bar sems shing 'dod pa skyed par byed/ mkhas pas de ltar gzugs kyi khams de la mngon par mi dga' ba'i 'du shes bskyed par bya'o//gzhan yang gzugs kyi khams de na sems can gang dag zag pa med pa'i bsam gtan dang yang dag par ldan zhing yongs su grol ba ma yin par gnas pa 'phags pa'i lam gyi tshe sdug bsngal rnams kyis gzir ba yin zhing / de yongs su rdzogs pa kun tu tshol ba'i sdug bsngal rnams kyis gzir ba yin/sa ma lus pa thams cad kyi ting nge 'dzin la dbang mi byed pa'i sdug bsngal rnams kyis gzir ba dag yin te/ de dag rang rgyal ba dang thun mong ba'i ting nge 'dzin la dbang sgyur ba med pa nyid kyi sdug bsngal rnams kyis gzir ba yin no//de dag de bzhin gshegs pa'i spyod yul la dbang sgyur ba med pa nyid kyi sdug bsngal rnams kyis gzir ba yin no/ /de na gang dag mgo mnyam du yongs su mya ngan las 'das par byed pa de dag thams cad sdug bsngal de rnams kyis gzir ba yin no//mkhas pas de ltar gzugs kyi khams de la mngon par mi dga' ba'i 'du shes bskyed par bya'o/ /kau Di n+ya de la mkhas pas ji ltar gzugs med pa'i khams la mngon par mi dga' ba'i 'du shes bskyed par bya zhe na/ gzugs med pa'i ris kyi lha'i gnas bzhi po de dag na yang sems can rnams zag pa dang bcas pa'i ting nge 'dzin rnams dang ldan pa yin te/de dag thams cad zag pa dang bcas pa'i sdug bsngal rnams las yongs su ma grol ba dag yin/ sdug bsngal de rnams kyis gzir ba dag yin/ de dag slob pa dang mi slob pa'i sa thams cad la dbang sgyur ba med pa dag yin/sdug bsngal de rnams kyis gzir ba dag yin/ chos mi thos pa'i sdug bsngal rnams kyis gzir ba dag yin/ sred pa thams cad gtan du bcad pa la dbang sgyur ba med pa nyid kyi sdug bsngal rnams kyis gzir ba dag yin/ de nas 'chi 'pho ba'i chos kyi rnam pa dang /lhag ma dang bcas par 'gro ba nyid kyi sdug bsngal rnams kyis gzir ba dag yin/ ngan song thams cad kyi sdug bsngal rnams las yongs su ma grol ba dag yin no/ /sdug bsngal de rnams kyis gzir ba dag yin te/ mkhas pas de ltar gzugs med pa'i khams de la mngon par mi dga' ba'i 'du shes bskyed par bya'o//rnam pa brgyad po de dag gis srid pa gsum gyi btson ra thams cad du srid pa mngon par grub pa yin no/ /mkhas pas de lta bu dang yang dag par ldan pa'i mngon par mi dga' ba'i 'du shes bskyed par bya zhing 'dun pa drag pos 'phags pa'i lam yan lag brgyad pa bsgom par bya ste/kau Di n+ya 'di ni 'jig rten thams cad la mngon par mi dga' ba'i 'du shes so/ /'du byed kyi 'jig rten la mngon par mi dga' ba'i 'du shes gang zhe na/ 'du byed gsum zhes bya ste/ 'di lta ste/ lus kyi 'du byed dang / ngag gi 'du byed dang /yid kyi 'du byed do/ /de la lus kyi 'du byed gang zhe na/ dbugs rngub pa dang / dbugs 'byung ba rnams ni lus kyi 'du byed rnams zhes bya'o/ /de la ngag gi 'du byed gang zhe na/ rtog pa dang / dpyod pa rnams ni ngag gi 'du byed rnams zhes bya'o/ /de la yid kyi 'du byed rnams gang zhe na/rnam par shes pa dang sems pa'o/ /'di dag ni yid kyi 'du byed rnams zhes bya'o/ /'du byed gsum po 'di dag ni sems can rnams kyi mtshan nyid mnyam pa rnams so/ /mkhas pas ji ltar 'du byed rnams la mngon par mi dga' ba'i 'du shes bskyed par bya zhe na/ mkhas pas gang dbugs rngub pa dang /dbugs 'byung ba rnams kyi mtshan ma la gsar pa dang rnying pa'i tshul dang / bsil ba'i rnam pa dang / dro ba'i rnam pa dang mi 'thun pa'i tshul gyis nye bar rtog par bya'o/ /lus 'byung ba thams cad kyi dbugs rngub pa dang / lus thams cad kyi dbugs 'byung ba dang /rma'i sgo rnams kyi mtshan ma la yang nye bar brtags nas 'du byed 'di rnams ni ma byung ba las yang dag par byung ba dag go/ /byung nas med par gyur pa dag go/ /thams cad glog lta bu dag go snyam zhing thams cad du zad par 'du shes par yid la byed cing dngos po med par 'du shes par yid la byed do//gang du tha dad par rtog par byed na rnam par rtog pa thams cad 'byung ste/ rtog pa rnams la zad pa'i 'du shes dang dngos po med pa'i 'du shes 'byung ngo / /chos de nyid la gang bsil ba'i 'du shes dang / dro ba'i 'du shes dang / mi 'thun pa'i 'du shes dang / de bzhin du sar pa dang rnying pa'i 'du shes kyang rung 'du shes dang sems pa de dag las 'byung ste/thams cad du zad par 'du shes pa dang dngos por 'du shes par 'gyur ro/ /de 'du byed thams cad la zad par 'du shes pa dang / 'jig par 'du shes pa dang / 'dod chags dang bral bar 'du shes pa dang /'gog pa la dmigs par 'du shes par 'gyur ro/ /de 'du byed thams cad kyi sngon gyi mtha' dang phyi ma'i mtha' mthong bas thams cad du zad par 'du shes pa zhes bya ba nas 'gog pa la dmigs par 'du shes pa'i bar du 'gyur ro/ /sus de ltar 'du byed rnams la dmigs pa shin tu yongs su sbyang ba byas par gyur pa de 'du byed thams cad la mi brtan par 'du shes pa dang /rab tu 'jig par 'du shes pa dang / yid mi brtan par 'du shes pa dang / mi rtag par 'du shes pa dang / dngos po med par 'du shes pa dang / bdag med par 'du shes par 'gyur ro/ /de lta bur yang dag par brtson pa'i sems dang ldan pa de yang dag pa ji lta ba bzhin shes nas 'du byed thams cad la mngon par mi dga' bar 'du shes par 'gyur ro//de bzhin du yang so sor brtags pa'i 'gog pa la dmigs pa'am so sor brtags pa ma yin pa'i 'gog pa la dmigs pas dus gsum la rjes su sems par byed/kun tu sbyor ba thams cad spong bar byed/ mthong ba rnam par dag par byed/ 'khor ba'i rgyun spong bar byed cing yang dag pa nyid skyon med par zhugs nas rgyun du zhugs pa'i 'bras bu thob par byed do/ /kau Di n+ya mkhas pa ni de ltar rnam pa thams cad du 'du byed kyi 'jig rten la mngon par mi dga' ba'i 'du shes skyed par byed do//kau Di n+ya 'di ni mngon par mi dga' ba'i 'du shes kyi sbyor ba'i dmigs pa'o/ /de la chos gos la mi 'thun pa'i 'du shes gang zhe na/ kau Di n+ya mkhas pas gang gi tshe chos gos mthong ngam/ reg gam/ sham thabs su byed dam/ gyon par byed dam/ bzhag gam/ sbas kyang rung ste de thams cad du 'di ni mi'i pags pa'o/ /de la khrag gis bskus pa'o/ /khrag 'dzag pa'o/ /mchog tu dri mi zhim pa'o/ /thams cad kyis skyon bgrang bar bya'o/ /srin bu dang sbrang bus gang ba'o/ /mdzangs pa rnams kyis mngon par dga' bar bya ba ma yin pa'o zhes de lta bur 'du shes par 'gyur ro//mkhas pa de ltar chos gos la mngon par mi dga' ba'i 'du shes skyed do/ /kau Di n+ya mkhas pas ji ltar zas la mi 'thun pa'i 'du shes bskyed par bya zhe na/ mkhas pas gang zas blangs par gyur na de zas 'di yang nang grol lo//skra dang pags pa med cing rnag dang khrag gis bskus pa srin bu dang / sbrang bus yongs su bskor ba'o/ /snod 'di ni mi mgo'i thod pa mchog tu dri nga ba skyon du bgrang bar bya'o zhes de lta bur 'du shes skyed de/ gal te 'bras can zhig len na mi ro srin bus gang ba'o//zhes de lta bur 'du shes par 'gyur ro/ /gal te chu zhig len na de 'di ni mi'i khrag mchog tu skyon du bgrang bar bya'o zhes bya ba dang / de bzhin du phye dag la 'di ni mi'i rus pa'i phye ma'o zhes bya ba dang / de bzhin du khur skyal 'di ni mi'i pags pa'o zhes de ltar 'du shes par 'gyur ro/ / de bzhin du sha khu dang / thug pa dang / tshod ma dang / sran tshod kyang rung ste/ de la 'di ni mi'i khrag go/ /'di ni mi'i klad pa'o zhes bya ba dang / de bzhin du snga sngo la 'di ni mi'i skra'o/ /'di ni mi'i so'o zhes bya ba dang / de bzhin du sha la 'di ni mi'i sha'o zhes bya ba dang / de bzhin du li khar dang /bu ram dang / rgun chang dang / bal po se'u'i khu ba la 'di ni mi'i khrag go/ /mi'i klad pa'o/ /mi'i bad kan no/ /mi'i rus pa'i rkang ngo zhes bya ba de lta bur 'du shes skyed de/ kau Di n+ya mkhas pas de ltar zas la mi 'thun pa'i 'du shes bskyed par bya'o/ /kau Di n+ya mkhas pas ji ltar khyim mam/gnas khang ngam/ khang pa brtsegs mar 'jug pa'i tshe 'jigs pa'i 'du shes bskyed par bya zhe na/ grong khyer chen po sgo bzhi pa 'dir zhugs pas bdag sreg go/ /'jug pa na shing la mer 'du shes pa dang / 'jim pa la mi'i shar 'du shes pa dang / ri mo la mi'i khrag tu 'du shes pa dang /mal cha la mi'i pags pa nyid du 'du shes pa dang / stan la mi'i rus gong gi phung po 'am/ mi ror byin gyis rlob par byed pa de lta bur 'du shes pa 'jug par bya'o/ /rtsi'i rnam pa de lta bu la so sor sten par byed pa na yang chos de dag yid la bya'o/ / kau Di n+ya mkhas pa de lta bur 'du shes pa ni 'jig rten thams cad la mngon par mi dga' ba'i 'du shes thob par 'gyur ro/ /su 'jig rten thams cad la mngon par mi dga' bar 'du shes par 'gyur ba de yon tan dang phan yon ci thob ce na/ de rjes su 'thun pa'i bzod pa gsum thob par 'gyur ro//gsum gang zhe na/ smon pa med pa dang rjes su 'thun pa'i bzod pa dang / stong pa nyid dang rjes su 'thun pa'i bzod pa dang / mtshan ma med pa dang rjes su 'thun pa'i bzod pa'o/ /'jig rten gyi bzod pa gsum po de dag thob pas phan yon thob par byed de/de'i sems stong pa nyid kyi lta ba la 'jug par byed do/ /de skye ba dang 'jig pa'i tshul gyis mngon par 'du byed pa med pa la yid 'jug par byed do/ /de phung po'i rang bzhin la mi rtag pa dang / sdug bsngal ba dang / stong pa nyid dang bdag med pa'i stong pa nyid yang dag par rjes su mthong ngo //khams rnams zhes bya ba nas skye mched rnams zhes bya ba'i bar yang dag par rjes su mthong ngo / /bden pa rnams zhes bya ba'i bar dang / rten cing 'brel bar 'byung ba zhes bya ba'i bar la chos thams cad kyi rang bzhin dang mi rtag pa nyid yang dag par rjes su mthong ngo / /sdug bsngal nyid dang bdag med pa nyid kyi stong pa nyid yang dag par rjes su mthong ngo //de rgyun du zhugs pa'i 'bras bu 'thob bo zhes bya ba nas dgra bcom pa nyid kyi bar 'thob ste/ kau Di n+ya 'di ni mi slob pa'i rnam par grol ba mnyam par gzhag pa'o/ /kau Di n+ya 'jig rten thams cad la mngon par mi dga' ba'i 'du shes 'di ni sems can rnams kyi gces spras byed pa'o//'dod pa'i 'dod chags thams cad yang dag par spong bar byed pa'o/ /gzugs kyi 'dod chags thams cad dang / gzugs med pa'i 'dod chags thams cad yang dag par spong bar byed pa'o//nga rgyal dang / rgod pa dang / the tsom dang / ma rig pa'i mun pa thams cad spong bar byed pa'o/ /lhag ma med pa'i sa'i bar la 'jog par byed pa'o/ /don thams cad yongs su rdzogs pa smon pa med pa dang rjes su 'thun pa'i gzungs sngags de bzhin gshegs pa ye shes dpal brtsegs rgyal pos gang nga la byang chub sems dpa' sems dpa' chen po snang ba dpal gyi snying po'i lag nas bskur zhing /'dus pa chen po 'di la ngas bshad pa la dad pa sbyin par mdzad pa 'di ni mthu che ba phan yon che ba'o/ /'dod pa'i 'dod chags thams cad dang gzugs kyi 'dod chags thams cad dang /gzugs med pa'i 'dod chags thams cad yang dag par zad par byed pa'o/ /nga rgyal thams cad yang dag par zad par byed pa'o/ /zad pa shes pa dang mi skye ba shes pa'i bar du byed pa'o/ /mi skye ba'i ye shes mthong bar byed pa'o//ma rig pa'i mun pa'i phung po thams cad rab tu 'joms par byed pa'o/ /rnam par 'jig par byed pa'o/ /sdug bsngal gyi khur thams cad 'dor bar byed pa'o/ /bdud rnams tshar gcod par byed pa'o/ /phas kyi rgol ba rnams pham par byed pa'o/ /lha rnams thams cad dga' bar byed pa'o//gnod sbyin thams cad mgu bar byed pa'o/ /lha ma yin rnams rnam par 'joms par byed pa'o/ /nam mkha' lding rnams dngang bar byed pa'o/ /mi 'am ci rnams dad par byed pa'o/ /lto 'phye chen po rnams dngang bar byed pa'o/ / phas kyi rgol ba rnams nges par thul bar byed pa'o/ /rgyal rigs rnams mngon par dad par byed pa'o/ /bram ze rnams 'jug par byed pa'o/ /rje'u rigs rnams dga' bar byed pa'o/ /dmangs rigs rnams mchog tu dga' bar byed pa'o/ /bud med rnams 'dod chags dang bral bar byed pa'o//mang du thos pa rnams skyo bar byed pa'o/ /rnal 'byor spyod pa rnams mngon par dga' bar byed pa'o/ /'jig rten thams cad rab tu zhi bar byed pa'o/ /'thab pa dang / thab mo dang / mu ge dang / nad dang / dus ma yin pa'i pha rol gyi dmag tshogs dang / dus ma yin pa'i rlung dang /char pa dang / chu bo dang / grang ba dang / dro ba dang / kha ba dang / tsha ba dang / rtsub pa dang / ro mi bro ba dang / reg par dka' ba'i dngos po thams cad rnam par zhi bar byed pa'o/ /chos kyi tshul 'bar bar byed pa'o/ /dkon mchog gsum gyi gdung rgyun mi 'chad par byed pa'o/ / sangs rgyas kyi bstan pa ston par byed pa'o/ /'khor bas skrag pa rnams dbugs 'byin par byed pa ste/ 'di ni smon pa med pa dang / rjes su 'thun pa'i gzungs sngags yin no/ /bstan pa 'di bshad pa na sems can lha dang mi grangs med dpag tu med pa ni chos rnams la chos kyi mig rdul med cing dri ma dang bral ba thob par gyur to//dkrigs phrag dgu bcu rtsa brgyad ni len pa med par zag pa rnams las sems rnam par grol lo/ /de'i tshe khri phrag brgyad ni smon pa med pa dang rjes su 'thun pa'i gzungs sngags 'di thob par gyur to/ /de'i tshe sems can grangs med dpag tu med pas ni bla na med pa yang dag par rdzogs pa'i byang chub tu sems bskyed cing phyir mi ldog par gyur to//de'i tshe 'bum phrag lnga bcu rtsa brgyad ni mi skye ba'i chos rnams la bzod pa thob par gyur to/ /lha dang / klu dang / gnod sbyin dang / srin po dang / lha ma yin dang / nam mkha' lding dang / mi 'am ci dang / lto 'phye chen po dang / dang / sha za dang / grul bum dang / mi dang / mi ma yin pa thams cad kyis legs so zhes bya ba gsol te/ btsun pa bcom ldan 'das legs so legs so/ /sangs rgyas bcom ldan 'das rnams kyi thogs pa ma mchis pa'i ye shes gzigs pa ni ngo mtshar lags so//mchog tu ngo mtshar lags so/ /btsun pa bcom ldan 'das 'di ltar de bzhin gshegs pa rnams sems can thams cad kyi bsam pa mkhyen pa lags so/ /dbang po la mkhas pa'i pha rol tu phyin pa lags/ sems can thams cad la chos kyi ros tshim par mdzad pa lags/'phags pa'i lam yan lag brgyad pa ston par mdzad pa lags/ sdug bsngal thams cad nye bar zhi bar mdzad pa lags pas su zhig bla na med pa yang dag par rdzogs pa'i byang chub 'di la dad pa mi skyed pa lags/ lha dang / klu dang / gnod sbyin dang / lha ma yin dang / nam mkha' lding dang /mi 'am ci dang / lto 'phye chen po rnams kyis thal mo rab tu sbyar nas mgrin gcig tu 'di skad ces gsol to/ /btsun pa bcom ldan 'das gang dang gang du bden pa dang rjes su 'thun pa'i gzungs sngags 'di bstan pa tha na glegs bam du chud pa la yang rung ste/ de dang der bdag cag gis brtson pa lhur blang ba'i thabs thams cad kyis bkur stir bgyi'o//ri mor bgyi'o/ /mchod par bgyi'o/ /chos smra ba dang chos nyan pa de dag dang / gnas de dag la slar rgol ba thams cad kyis mi rdzi bar yongs su bskyang bar bgyi'o/ /bsrung bar bgyi'o//sba bar bgyi'o/ /nor gyi phung po thams cad kyis mi phongs par bgyi'o/ /rtag par snod du gyur cing sbyin gnas su gyur la/ tshogs pa rnams nad ma mchis pa dang / longs spyod dang nye bar spyod pas dga' zhing rtse ste/ mchog tu dga' ba mang la chos 'tshal zhing chos kyis gnas pa dag dang /chos rjes su bsrung bar bgyi'o/ /bcom ldan 'das kyis bka' stsal pa/ khyed gang dag chos kyi tshul dang dkon mchog gsum gyi gdung rgyun mi gcad par bya ba'i phyir zhugs pa ni sangs rgyas kyi bstan pa la sbyin bdag khyed legs so legs so// // 'phags pa shin tu rgyas pa chen po'i sde nyi ma'i snying po zhes bya ba'i mdo/ bam po brgyad pa/ yang de'i tshe tshe dang ldan pa shA ri'i bus bcom ldan 'das ga la ba de logs su thal mo sbyar ba rab tu btud nas bcom ldan 'das la 'di skad ces gsol to//btsun pa bcom ldan 'das de bzhin gshegs pa dpal me tog gi snying po des gang byang chub sems dpa' nam mkha'i snying po'i lag nas 'dir yid la byed pa bskur zhing / lung bstan pa chen po nyi ma'i snying po la dad pa sbyin par mdzad pa/ rig pa mchis pa'i sbubs zhi ba sdang ba gnyid kyis log par bgyid pa'i gzungs sngags bshad du gsol/bcom ldan 'das kyis bka' stsal pa/ shA ri'i bu lha dang bcas pa'i 'jig rten gyi mdun du bshad par bya'o/ /shA ri'i bu de'i phyir khyod nyon la zhes bya ba nas bcom ldan 'das kyis de la 'di skad ces bka' stsal to zhes bya ba'i bar du'o//shA ri'i bu 'di ltar de bzhin gshegs pa dpal me tog gi snying po de de lta bu'i thag ring po nas 'dir khyed kyi bsam pa dang bag la nyal ba mkhyen nas 'dir sangs rgyas kyi zhing 'di na khyed bdag tu 'du shes pa dang /sems phyin ci log pa dang / 'khor ba'i 'dam la kun tu rmongs pa dang / lam yan lag brgyad pa la rnam par rmongs pas gzungs sngags de lta bu 'dir bskul ba yin no/ /ji ltar bdag med pa yin yang 'on kyang 'di na sems can byis pa rnams bdag yongs su btsal bar sems phyin ci log pa dag yin no//shA ri'i bu mkhas pa ji ltar bdag yongs su tshol bar byed ce na/ ji ltar bdag med pa bzhin du bdag nyid kyis mngon sum du 'gyur ro/ /shA ri'i bu mkhas pas 'di la 'di ltar bdag yongs su btsal bar bya ste/sems can 'di rnams ni rang gi lus la bdag tu 'du shes pa dag yin pas lus 'di nyid la tshul bzhin du so sor brtag par bya'o/ /ji ltar zhe na/ dbang po kho nar mig la so sor brtag par bya'o/ /'di ltar yang dag par brtag par bya ste/'di ltar gnas mal sna tshogs la skyil mo krung du 'dug nas dbang po thams cad bsdams pa'i rang gi sems kyis 'di ltar brtag par bya'o/ /bdag gi mig g.yas pa 'di ni 'byung ba chen po bzhi las gyur pa/ rgyus pas 'brel pa chus gang ba yin te/sgyur bar byed pa gzhan gang yang med kyi rlung rnams yin no/ /gang dag mig gi dbang por zhugs nas skor bar byed cing sgyur bar byed pa de dag kyang rlung rnams so/ /yongs su sbyong bar byed cing 'byung bar byed pa de dag ni nam mkha' la rten pa dag go//nam mkha' de yang gzung ba med pa/ brjod du med pa/ bdag med pa'o/ /ji ltar nam mkha' bdag med pa de bzhin du rlung de dag kyang bdag med pa'o/ /gang dag mig gi dbang po la 'jug cing skor bar byed/ sgyur bar byed/ yongs su sbyong bar byed/'byung bar byed pa de dag kyang gzung ba med pa/ brjod du med pa/ bdag med pa/ dmigs pa dang bral ba dag go/ /de bzhin du gang mig gi dbang po la sa'i khams sra ba nyid shing n+ya gro d+ha'i sa bon tsam yod pa yang mig thams cad la tshul bzhin du yid la byed pa skye bas so sor brtags nas de bdag tu mi dmigs so//de la bdag nyid kyis nem nur med par 'gyur ro/ /de la sa'i khams la bdag med de/ khams de yang gzung ba med pa bdag med par dmigs so/ /de bzhin du de la chu'i khams la so sor rtog par byed do zhes bya ba nas de bzhin du me'i khams kyi bar la so sor rtog par byed do//de ltar mig gi bar la so sor brtags pas mig gi 'byung ba chen po rnams la bdag med par bdag nyid kho nas nem nur med par 'gyur ro/ /de 'di snyam du yang sems te/mig dang gzugs la brten nas reg pa'i bdag tu gyur na mi rung ngo snyam nas de rlung de yang nam mkha'i ngo bor yang tshul bzhin du so sor brtags te de thams cad du gang du yang bdag mi dmigs so/ /brten nas rnam par shes pa 'byung ba yang rkyen rnams med na mi 'byung ste/ mig dang gzugs la rten cing mig gi rnam par shes pa 'ba' zhig 'byung zhing gzugs rnams kyi rkyen gyis 'byung ngo //grogs rnam par shes pas ming dang gzugs so/ /de las byung ba'i skye mched drug las reg pa dang / tshor ba myong ba dang / sred pa lhag par chags pa dang / len pa dang / srid pa dang / skye ba dang / rga shi'o/ /des chos 'di dag thams cad ni mig gi rnam par shes pa la yang dag par brten pa'o/ /mig gi rnam par shes pa de yang shar phyogs nas 'ongs pa ma yin/ lho phyogs nas ma yin/nub phyogs nas ma yin/ byang phyogs nas ma yin/ steng nas ma yin/ 'og nas ma yin te/ skad cig ma gang la mig gi rnam par shes pa byung ba'i skad cig de yang 'gags so/ /skad cig ma gnyis la nye bar mi gnas te/'gags pas gang du yang 'gro ba med do/ /bsags pa med do/ /chos de dag dang 'di dag thams cad ni rkyen las 'byung bar skye'o/ /rkyen ma tshang bas 'gag go/ /gang rkyen la rag las pa de bdag med do/ /rkyen de dag kyang byed pa po med pa/ tshor ba po med pa/ slong ba po med pa/ kun nas slong ba po med pa'o/ /de bdag med pa yin te/ gang bdag med pa de bdag dang bdag gis stong pa'o/ /de ci'i phyir zhe na/ mig gi rang bzhin de yin pa'i phyir te/ ther zug tu gnas pa ma yin pa dang / 'jig pa med pa'i phyir de la bdag gam bdag gi med do snyam mo/ /'di la ji ltar chos thams cad len pa med pa dang / 'dor ba med pa dang / nyan thos rnams kyis byas pa ma yin pa dang / rang rgyal ba rnams kyis ma yin pa dang / de bzhin gshegs pa rnams kyis mdzad pa ma yin te/ngo bo nyid thams cad kyi mig bdag med pa'o/ /gang bdag med pa de stong pa'o/ /mi dmigs pa'i tshul gyis chos thams cad stong pa'o/ /de bzhin du mtshan ma med pa'i rnam par thar pa'i sgo'i bar du bsgoms pas chags pa'i gzhi spong bar 'gyur zhing de'i rgyu las byung ba nyon mongs pa thams cad kyang spong bar 'gyur ro//de'i tshe kha cig ni bden pa dang po mngon par rtogs par 'gyur ro/ /kha cig ni bden pa bzhi pa'i bar mngon par rtogs par 'gyur ro/ /rna ba zhes bya ba nas sna dang lce'i bar la yang de bzhin no//yang de lus thams cad la tshul bzhin du yid la byed pas so sor rtog par byed de/ kha cig ni dang por spu gcig la lnga bcur rnam par bcad de/ bcur bshig pa la'o/ /gang dag rten pa'i spu thams cad la yang de bzhin te/ de la bdag nyid kyis nem nur med par 'gyur ro//spu gang la yang bdag mi dmigs so/ /mdog gi pags pa dang / sha dang / khrag dang / bad kan dang / rgyus pa dang / rgyu ma dang / klad pa dang / rus pa dang / rkang dang / dro ba nyid la yang de bzhin no/ /rlung gyen du rgyu ba dag dang /thur du rgyu ba dag dang / blang ba med pa dang / dor ba med pa'i rlung rnams la yang de bzhin du ji ltar sngar bshad pa bzhin du dmigs pa yid la byed pa ste/ lus 'di la de ltar so sor rtog par byed do/ /sems kyi bar la tshul bzhin du yid la byed pas de ltar so sor rtog par byed do//ji lta zhe na/ yid la rten la chos rnams la yang rten cing yid 'byung ngo / /grogs rnam par shes pas ming dang / gzugs dang / skye mched dang / 'dus pa'i reg pa dang / tshor ba myong ba dang / sred pa lhag par chags pa nyid dang /len pa dang / srid pa dang / skye ba dang / rga shi'o/ /chos 'di dag thams cad ni yid kyi rnam par shes pa la yang dag par rten nas 'byung ngo / /yid kyi rnam par shes pa de yang shar phyogs nas 'ongs pa ma yin no zhes bya ba nas 'og nas 'ongs pa ma yin no zhes bya ba'i bar yin te/skad cig ma gang kho na la rkyen gyi 'du 'phrod kyi rgyus yid kyi rnam par shes pa byung ba'i skad cig de yang 'gag go/ /skad cig ma gnyis pa la nye bar mi gnas te/ 'gags pa gang du yang 'gro ba med do/ /bsags pa med do//chos 'di dag thams cad ni rkyen las yang dag par byung bar skye'o/ /rkyen ma tshang bas 'gag go/ /thams cad rkyen la rag las pa yin te/ de dag bdag med do/ /rkyen de yang byed pa po dang / tshor ba po dang / slong ba po dang / kun nas slong ba po mi dmigs pa nyid pas des na de dag bdag med pa yin te/gang bdag med pa de bdag dang bdag gis stong pa'o/ /de ci'i phyir zhe na/ yid kyi rang bzhin de yin pa'i phyir te/ ther zug tu gnas pa ma yin pa dang / 'jig pa med pa'i phyir de la bdag gam bdag gi med do snyam mo//chos thams cad skye ba dang 'jig pa'i chos nyid yin te/ 'di la len pa med do/ /'dor ba med do/ /de nyan thos rnams kyis byas pa ma yin no/ /rang sangs rgyas rnams kyis ma yin no/ /de bzhin gshegs pa rnams kyis mdzad pa ma yin te/rang bzhin dang ngo bo nyid kyis yid bdag med pa'o/ /gang bdag med pa de stong pa'o/ /mi dmigs pa'i tshul gyis chos thams cad bdag med pa'o/ /gang bdag med pa de stong pa'o/ /de bzhin du mtshan ma med pa'i rnam par thar pa'i sgo'i bar du bsgoms pas chags pa'i gzhi rnams spong bar 'gyur zhing de'i rgyu las byung ba nyon mongs pa rnams spong bar 'gyur ro//de'i tshe kha cig ni bden pa dang po mngon par rtogs par 'gyur ro/ /kha cig ni bden pa bzhi pa'i bar mngon par rtogs par 'gyur ro//mkhas pas 'dir de ltar bdag yongs su btsal nas mi dmigs pa'i phyir ji ltar bdag med pa bzhin rang gi mngon sum du 'gyur ro/ /shA ri'i bu mkhas pa stong pa nyid kyis gnas pas gnas shing smon pa med pa dang / mtshan ma med pa'i gnas pas gnas nas dbang po brgya byin thams cad kyis phyag bya ba'i 'os su gyur pa dang /mchod pa'i 'os su gyur pa dang / mngon par srung ba'i 'os su gyur pa dang / rjes su dran par bya ba'i 'os su gyur pa dang / dad par bya ba'i 'os su gyur pa yin no/ /dbang po tshangs pa zhes bya ba nas lha'i dbang po zhes bya ba'i bar dang /klu'i dbang po dang / gnod sbyin gyi dbang po dang / lha ma yin gyi dbang po dang / nam mkha' lding gi dbang po dang / mi 'am ci'i dbang po dang / lto 'phye chen po'i dbang po'i bar rnams kyis phyag bya ba'i 'os su gyur pa dang /mchod pa'i 'os su gyur pa dang / mngon par bsrung ba'i 'os su gyur pa dang / rjes su dran par bya ba'i 'os su gyur pa yin no/ /mi'i dbang po thams cad kyis kyang dad par bya ba'i 'os su gyur pa'i bar du yin no/ /shA ri'i bu rig pa yod pa'i sbubs zhi ba'i gzungs sngags de ni de bzhin gshegs pa dpal me tog gi snying pos nga la gang byang chub sems dpa' nam mkha'i snying po'i lag nas bskur zhing 'dus pa chen po nyi ma'i snying po ngas bshad pa la dad pa sbyin par mdzad pa yin no//rig pa yod pa'i sbubs zhi ba'i gzungs sngags de ni mthu che ba phan yon che ba'o//sems can thams cad la phan par byed pa'o/ /nad thams cad rab tu zhi bar byed pa'o/ /nyon mongs pa thams cad 'dul bar byed pa'o/ /phung po dang / khams dang / skye mched thams cad yongs su shes par byed pa'o//chos thams cad rnam par 'byed par byed pa'o/ /thabs thams cad yang dag par ston par byed pa'o/ /byang grol gyi bde ba thams cad yongs su 'byed par byed pa'o/ /sems can thams cad dad par byed pa'o/ /chos thams cad kyi bde ba la 'jug par byed pa'o//bdud dang phas kyi rgol ba thams cad chos dang 'thun pas nges par thul bar byed pa'o/ /bdud kyi yul thams cad 'jig par byed pa'o/ /bdud rnams tshar gcod par byed pa'o/ /phas kyi rgol ba rnams pham par byed pa'o//lha rnams dga' bar byed pa'o/ /gnod sbyin rnams yang dag par mgu bar byed pa'o/ /lha ma yin rnams rnam par 'joms par byed pa'o/ /nam mkha' lding rnams mgu bar byed pa'o/ /mi 'am ci rnams dad par byed pa'o/ /lto 'phye chen po rnams rgyab kyis phyogs par byed pa'o//rgyal rigs rnams mngon par dga' bar byed pa'o/ /bram ze rnams 'jug par byed pa'o/ /rje'u rigs rnams rab tu sim par byed pa'o/ /dmangs rigs rnams mchog tu dga' bar byed pa'o/ /bud med 'dod chags dang bral bar byed pa'o//bud med sbrum ma bde legs su yongs su thar bar byed pa'o/ /mang du thos pa rnams dran par byed pa'o/ /rnal 'byor spyod pa rnams mngon par dga' bar byed pa'o/ /nad thams cad rab tu zhi bar byed pa'o/ /'thab pa dang /thab mo dang / mu ge dang / mi ngas dang / nad dang pha rol gyi dmag tshogs dang / dus ma yin pa'i rlung dang / char pa dang / chu bo dang / grang ba dang / dro ba thams cad dang / kha ba dang / tsha ba dang / hrud hrud po dang / rtsub pa dang / reg par dka' ba'i dngos po thams cad rnam par zhi bar byed pa'o//chos kyi tshul 'bar bar byed pa'o/ /sangs rgyas kyi bstan pa ston par byed pa'o/ /dkon mchog gsum gyi gdung rgyun mi 'chad par byed pa'o/ /'khor bas skrag pa rnams dbugs 'byin par byed pa'o/ / zad pa shes pa skyed par byed pa'o/ /mi skye ba shes pa rang gi mngon sum du byed pa'o/ /ma rig pa'i mun pa'i phung po rnam par 'dul bar byed pa'o/ /sdug bsngal gyi khur 'dor bar byed pa'o/ /zhi ba rig pa yod pa'i sbubs lung bstan pa chen po 'di ni sems can rnams kyi las 'byang ba dang /bdud kyi lam las yang dag par 'das pa dang / sangs rgyas kyi yul la 'jug par byed pa'o/ /chos thams cad la dbang sgyur bar byed pa'o/ /sangs rgyas kyi chos ma 'dres pa brgyad kyi bar gyi pha rol tu 'gro ba dang chos kyi 'khor lo rab tu skor bar byed pa'o//chos kyi char rab tu 'bebs par byed pa'o/ /sems can thams cad yongs su smin par byed pa'o/ /bla na med pa'i yongs su mya ngan las 'das par byed pa ste/ 'di ni rig pa yod pa'i sbubs zhi ba lung bstan pa chen po yin no//bcom ldan 'das kyis bstan pa 'di bshad pa na gang du sems can de lta bu rnams kyi las kyi sgrib pa sngon 'phangs shing yongs su ma zad pa'i lha dang mi grangs med pa dpag tu med pa dag ni der chos rnams la chos kyi mig rdul med cing dri ma dang bral ba thob par gyur to//sems can dkrigs phrag 'bum gyis ni len pa med par zag pa rnams las sems rnam par grol lo/ /de'i tshe khri phrag bdun cu ni zhi ba rig pa yod pa'i sbubs kyi gzungs sngags 'di thob par gyur cing theg pa gsum las phyir mi ldog par yang gyur to//de'i tshe lha dang mi grangs med dpag tu med pa dag ni bla na med pa yang dag par rdzogs pa'i byang chub tu sems skyes shing bla na med pa yang dag par rdzogs pa'i byang chub las phyir mi ldog par yang gyur to/ /de'i tshe brgyad khri bzhi stong ni mi skye ba'i chos rnams la bzod pa thob par gyur to//sangs rgyas kyi zhing mi mjed thams cad kyi sems can rnams kyis gzungs sngags bzhi po bden pa dang / rjes su 'thun pa dang / stong pa nyid dang rjes su 'thun pa dang / smon pa med pa dang rjes su 'thun pa dang /zhi ba rig pa yod pa'i sbubs kyi gzungs sngags de dag gi don bstan pa thob nas de'i tshe sems can grangs med dpag tu med pa dag gi 'dod pa'i 'dod chags thams cad dang / gzugs kyi 'dod chags thams cad dang /dbyibs kyi 'dod chags dang / reg pa'i 'dod chags dang / mos pa'i 'dod chags dang / gzugs med pa'i 'dod chags thams cad yongs su zad do/ /'dod chags pa rnams kyi nyes dmigs kyang rang gi mngon sum du gyur to/ /kha cig gis ni mi sdug pa'i dge ba'i rtsa ba bskyed do//kha cig gis ni skye mched drug go/ /kha cig gis ni zil gyis gnon pa'i skye mched do/ /kha cig gis ni zad par gyi skye mched do/ /kha cig gis ni dbugs rngub pa dang dbugs 'byung ba dran pa'o/ /kha cig gis ni zhi gnas so//kha cig gis ni lhag mthong ngo / /kha cig gis ni bsam gtan dang po'o/ /kha cig gis ni bsam gtan khyad par can no/ /kha cig gis ni bsam gtan bzhi pa'i bar ro/ /kha cig gis ni gzugs med pa'i snyoms par 'jug pa rnams so//kha cig gis ni bden pa dang rjes su 'thun pa'i bzod pa'o/ /kha cig gis ni rigs kyi sa'o/ /kha cig gis ni brgyad pa'i chos rnams so/ /kha cig gis ni nyan thos dang thun mong ba'i dge ba'i rtsa ba rnams skyed do/ / kha cig gis ni rang sangs rgyas dang thun mong ba'o/ /kha cig gis ni thams cad mkhyen pa'i ye shes dang / thun mong ba'i ting nge 'dzin dang / bzod pa dang / gzungs kyi dge ba'i rtsa ba rnams skyed do/ /de'i tshe bud med gang dag sems rtse gcig pa dang /bud med kyi dngos po skyon du bgrang ba'i sems kyis tshul bstan pa 'di thos pa de las mi'i bud med dkrigs phrag dgu bcu rtsa gcig gi mo mtshan nub par gyur cing pho mtshan yang byung bar gyur to/ /lha'i bu mo bye ba phrag dgu bcu rtsa dgu dang / klu'i bu mo brgyad khri bzhi stong snyed dang /gnod sbyin gyi bu mo brgyad khri drug stong snyed dang / lha ma yin gyi bu mo brgyad cu rtsa bzhi snyed dang / nam mkha' lding gi bu mo bdun khri snyed dang / mi 'am ci'i bu mo dkrigs phrag bcu gnyis snyed dang / lto 'phye chen po'i bu mo stong snyed dang /mo dkrigs phrag dgu bcu snyed dang / sha za mo dkrigs phrag bzhi bcu rtsa gnyis snyed kyi bu mo mo mtshan nub par gyur cing pho mtshan byung bar gyur to/ /gang bud med sbrum pa de yang ngas lus dang sems kyi bde ba mchog la yang dag par gtad de/ tha na dud 'gro'i skye gnas su gtogs pa yang rung /tho 'tsham pa med pa'i lus dang ldan pa dang / 'khrug pa med pa'i sems dang ldan par khye'u'am bu mo btsas par gyur to/ /btsas nas kyang dbang po tshang ba dang / gzugs mchog dang ldan pa dang / dran pa dang ldan pa dang /tshe rabs dran pa dang / dpa' ba dang / sran thub pa dang / shes rab dang ldan par gyur to/ /gang sbrum pa btsa' bar mi byed pa de'i nad thams cad ngas rab tu zhi bar byas so/ /mngal na yod pa de yang tshul de lta bu'i bde ba dang yang dag par ldan par byas te/lus dang sems kyi bde ba dang yang dag par ldan par byas nas kyang de phyis bde ba mchog gis khye'u dang bu mo btsas te/ gzugs mchog dang ldan pa dang / dran pa mchog dang ldan pa dang / tshe rabs dran pa dang / dpa' ba dang / sran thub pa dang /shes rab dang ldan pa'i bar du gyur to/ /de nas lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po dang / dang / sha za dang / grul bum dang / srul po dang / mi dang / mi ma yin pa de dag thams cad kyis kyang legs so zhes bya ba gsol te/ bcom ldan 'das legs so legs so/ /de bzhin gshegs pas da ltar sngon ma thos pa'i chos kyi 'khor lo rab tu bskor ba/ sems kyi yongs su rtog pa'i las kyi sgrib pa yang dag par 'byang ba/'khor ba las sgrol ba/ srid par 'gro ba thams cad yongs su 'byang ba/ bdud rtsi'i byang grol gyis yang dag par tshim par mdzad pa ni mchog tu ngo mtshar lags so/ /sems can yongs su smin pa thams cad kun tu srung ba dang /rnyog pa'i dngos po thams cad yongs su 'byang ba dang / shes rab mchog gi mig thob par bgyi ba dang / dkon mchog gsum gyi gdung rgyun mi gcad pa'i slad du/ de bzhin gshegs pas da ltar sangs rgyas kyi yul thams cad snang bar mdzad pa'i chos kyi char rab tu phab lags te/de bzhin gshegs pa la bdag cag gis rngo ci thogs par mchod pa bgyi lags so/ /bcom ldan 'das la mchod pa'i las bya ba'i phyir ting nge 'dzin la brtson pa rnams ma gtogs par lha thams cad ces bya ba nas lus srul po'i bar gyis kyang lha rdzas kyi rol mo'i sgra dang pheg rdob pa'i sgra 'byung bar byed do//lha rdzas kyi gser gyi phye ma'i char mngon par rab tu phab bo zhes bya ba nas lha rdzas kyi me tog dang / spos dang / bdug pa dang / ras bcos bu dang / chos gos dang / rgyan dang / lha rdzas kyi me tog phreng gi bar gyi char mngon par rab tu phab bo/ /bcom ldan 'das ji ltar nyi ma shar ba la yang mchod pa'i las bya ba'i phyir rin po che'i me tog dang / spos dang / bdug pa dang / ras bcos bu dang /phreng ba rnams gtor to/ /'phags pa 'dus pa chen po theg pa chen po'i mdo nyi ma'i snying po'i le'u bcu gcig pa las las 'byang ba'i le'u ste bzhi pa'o// //de nas de snyed kyi lha'i dbang po 'khor dang bcas pa thams cad dang / klu'i dbang po 'khor dang bcas pa thams cad dang /gnod sbyin gyi dbang po 'khor dang bcas pa thams cad dang / lha ma yin gyi dbang po dang / nam mkha' lding gi dbang po dang / mi 'am ci'i dbang po dang / lto 'phye chen po'i dbang po dang / kyi dbang po dang /sha za'i dbang po 'khor dang bcas pa thams cad dang / lus srul po'i dbang po 'khor dang bcas pa thams cad kyis bcom ldan 'das ga la ba de logs su thal mo sbyar ba rab tu btud nas 'di skad ces gsol to/ /btsun pa bcom ldan 'das gang dang gang du dge slong ngam/dge slong ma'am/ dge bsnyen nam/ dge bsnyen ma'am/ dad pa dang ldan pa'i rigs kyi bu'am/ rigs kyi bu mo mi sdug pa sngon du gtong ba tshul de lta bus zhes bgyi ba nas 'gog pa'i snyoms par 'jug pa'i bar gyi tshul gyis gnas par bgyid la/ji ltar sngar bshad pa'i dge ba'i phyogs yid la bgyis pas gnas par bgyid na dad pa dang ldan pa'i rigs kyi bu mo'i bar 'khor dang bcas pa thams cad la yang rang gi ris kyi ston pa'i 'du shes gzung bar bgyi'o/ /lus dang sems dang yid kyis sems can thams cad la rim gro'i spyod pa bgyi'o//chos gos dang / bsod snyoms dang / mal cha dang / na ba'i gsos sman dang / yo byad rnams kyis mi brel bar bgyi'o/ /kun tu 'khrug pa'i 'jigs pa lnga las yongs su thar bar bgyi'o/ / lnga gang zhe na/ lus kyi kun tu 'khrug pa'i 'jigs pa las yongs su thar bar bgyi'o/ /bong ba dang / dbyug gu dang / mtshon cha dang / dug dang / rdo dang / sems can sdang ba dang / rtsub pa dang / dad pa ma mchis pa rnams las yongs su thar bar bgyi'o//khams kun tu 'khrug pa'i 'jigs pa las bsrung bar bgyi'o/ /ji ltar 'thun pa'i bza' ba dang / btung ba dang / sman dang / yo byad kyi gzhi las rim gro ba dang / nye du dang / sbyin pa po dang / sbyin bdag yongs su mi nyams pa'i chos can rnams nad dang dgra'i kun tu 'khrug pa'i 'jigs pa dang /'byung po thams cad dang / dgra thams cad kyi kun du 'khrug pa'i 'jigs pa las bsrung bar bgyi'o/ /dug gi kun tu 'khrug pa'i 'jigs pa dang / rgyal po'i kun tu 'khrug pa'i 'jigs pa dang / nang gi dmag tshogs dang / pha rol gyi dmag tshogs dang / mu ge'i kun tu 'khrug pa'i 'jigs pa las yongs su bsrung bar bgyi ste/ kun tu 'khrug pa'i 'jigs pa lnga po de dag go/ /gang dag da ltar dang ma 'ongs pa'i dus na dam pa'i chos ltar bcos pa la gnas pa'i bar gyi dge slong dang /dge slong ma dang / dge bsnyen dang / dge bsnyen ma dang / dad pa dang ldan pa'i rigs kyi bu'am/ rigs kyi bu mo de dag dang / gang dag mi sdug pa sngon du gtong ba'i tshul de lta bus zhes bgyi ba nas 'gog pa'i snyoms par 'jug pa'i bar gyi tshul gyis gnas par bgyid la/ji skad sngar bshad pa bzhin nam gyi cha stod dang nam gyi cha smad la mi nyal bar sbyor ba la rjes su brtson par gnas par bgyid pa 'khor dang bcas pa de dag thams cad dang / gang du gnas pa'i yul 'khor dang /grong rdal dang / ljongs dang / ri 'or dang / grong dang / rgyal po'i pho brang 'khor de dag dang / dgon pa'i gnas de dag rang gi ris kyi khyim khol gyi khyim gyi bar bzhin du gzung bar bgyi'o/ /kun tu 'khrug pa'i 'jigs pa lnga po de dag las yongs su bsrung bar bgyi'o//slar bzlog par bgyi'o/ /gang du de lta bu'i dge ba la brtson pa tha na gang zag gcig cig gnas par bgyid kyang rung / der tha na nyin zhag gcig cig gnas par bgyid kyang rung ste/ yul 'khor de dag rang gi ris kyi khyim khol gyi khyim gyi bar bzhin du gzung bar bgyi'o//kun tu 'khrug pa'i 'jigs pa lnga las yongs su bsrung bar bgyi'o/ /yongs su bskyang bar bgyi'o/ /sbyin pa po dang / sbyin bdag rgyal rigs dang / bram ze dang / rje'u rigs dang /dmangs rigs dang / skyes pa dang / bud med dang / khye'u dang / bu mo de dag kyang rang gi ris lags par gzung bar bgyi'o/ /kun tu 'khrug pa'i 'jigs pa lnga po de dag las rjes su bsrung bar bgyi'o/ /yongs su bskyang bar bgyi'o/ / gang dag de lta bu'i dge ba'i phyogs la brtson pa'i gang zag rnams la gnas khang dang / gtsug lag khang dang / kun dga' ra ba dang / gnas dang / chos gos dang / bsod snyoms dang / mal cha dang / na ba'i gsos sman dang / yo byad rnams kyis bkur sti dang /mchod pa dang / rim gro bgyid pa dag kyang kun tu 'khrug pa'i 'jigs pa de lta bu de dag las bsrung bar bgyi'o/ /yongs su bskyang bar bgyi'o/ /gang yang bud med sbrum pa gang zag de lta bu dag la bkur sti bgyid pa de la dus rtag tu rnam par mi 'tshe ba'i chos can dang /nad ma mchis pa dang / mchog tu dga' ba mang bar bdag cag gis bsrung bar bgyi'o/ /yongs su bskyang bar bgyi'o/ /yang gang dang gang du de lta bur tshul bzhin yid la bgyid pa la brtson pa'i gang zag la snying brtse bar gsol ba 'debs par bgyid pa dag dang /de'i ming brjod par bgyid pa dag dang / skud pa btags pa'am/ kun tu bsrung ba bgyid pa'am/ mi dge ba las slar bzlog pa'am/ dge ba la sbyor du stsal ba 'ang rung ste/ sems can de dag kyang kun tu 'khrug pa'i 'jigs pa lnga po de dag las bdag cag gis rjes su bsrung bar bgyi'o//yongs su bskyang bar bgyi'o/ /mi dang mi ma lags pa'i sems can gang dag de lta bu'i dge ba'i phyogs la tshul bzhin du yid la bgyid par brtson pa'i gang zag rnams kyi tshig mi nyan zhing /mi bgyi bar sems pa dag dang / gang dag de dag la gshe bar bgyid pa'am/ phan pa ma lags pa dang / don ma lags pa dang / bar du nyams pa dang / gnod sems su bgyi ba'i slad du rtul bar bgyid pa'i sems can de dag gi thad du bdag cag gis mi dang mi ma yin pa dag gtang bar bgyi'o//de la bzod par mi bgyi'o/ /gang dag de lta bu'i dge ba'i phyogs la tshul bzhin du yid la bgyid par brtson pa'i gang zag rnams kyi tshig mi mnyan zhing mi bgyi bar sems pa dag dang / gang dag de dag la gshe bar bgyid pa'am/ don ma lags pa dang / phan pa ma lags pa dang / gnod sems dang / bar du nyams par bgyi ba'i slad du rtul bar bgyi ba'i sems can de dag ni gnod pa lnga po 'di dag dang ldan par 'gyur lags so/ / lnga gang zhe na/ myur du nad kyi sdug bsngal dang / longs spyod kyi sdug bsngal dang / nye bar spyod pa las yongs su nyams pa'i sdug bsngal dang / yan lag dang nying lag gcod pa'i sdug bsngal dang / 'khor sdug pa dang bral ba'i sdug bsngal dang / dbang phyug las rgud pa'i sdug bsngal dang / gnas kyi sdug bsngal dang / dgras rdzi ba'i sdug bsngal dang / rtag tu sems kun tu 'khrug pa'i sdug bsngal dang / yul 'khor gyi sdug bsngal dang / rgyal rigs kyi kun tu 'khrug pa'i sdug bsngal dang / chom rkun gyi kun tu 'khrug pa'i sdug bsngal dang / bud med kyi kun tu 'khrug pa'i sdug bsngal dang / myur du tshe zad pa dang / 'chi ba'i sdug bsngal lags so/ /sems can de dag ni gnod pa de dag dang myur du ldan par 'gyur lags so//sems can gang dag de lta bu'i tshul bzhin du yid la bgyid pa la brtson pa rnams kyi tshig mi mnyan zhing / mi bgyid par sems pa dang / de dag la yang gshe bar bgyid pa'am/ don ma lags pa dang / phan pa ma lags pa dang / gnod sems dang /bar du nyams par bgyi ba'i slad du brtul bar bgyid pa'i sems can de dag skrag nas bdag cag la skyabs su mchis kyang rung / gsang sngags sna tshogs sgrub pa'i yo byad kyis rim gro bgyi bar brtson par bgyis su lags kyang de dag gi don du bdag cag gis rim gro'i bsnyen bkur blang bar mi bgyi'o//de dag gi skyabs mi bgyi'o/ /de dag gi bgyi ba mi sgrub po/ /don bsgrub par mi bgyi'o/ /phung krol gyi lha'am/ klu nas lus srul po'i bar sdang ba snying brtse ba ma mchis pa/ bgyis pa mi gzo ba/'jig rten pha rol la 'jigs par mi lta ba gang dag 'byung bar 'gyur ba de dag de lta bu'i dge ba'i phyogs la tshul bzhin du yid la bgyid par brtson pa dgon pa dang / nags dang / bas mtha' dang / ri khrod dang / dur khrod dang / shing drung dang / kun dga'i ra ba dang /gtsug lag khang dang / gnas khang dang / 'chag sa'i gnas na gnas pa'i gang zag rnams kyi tha dad du sdang ba'i sems dang ldan pa dang / rnam par tho 'tsham pa'i sems dang ldan pa dang nye bar mchi bar bgyid cing / de lta bu'i gang zag rnams kyi lus kun tu 'khrug pa'am sems kun tu 'khrug par bgyid la/mdangs 'phrog par bgyid cing tha na de lta bu'i gang zag rnams kyi rim gro pa dang / sbyin bdag gang dag lags pa de dag la yang lha'am/ klu nas lus srul po'i bar sdang ba/ bgyis pa mi gzo ba/'jig rten pha rol la 'jigs par mi lta ba dag gis lus kun du 'khrug pa dang / sems kun tu 'khrug par bgyid cing mdangs 'phrog par bgyid la/ sngon gyi las kyi rkyen ma gtogs lags te/ gal te lha dang / klu nas lus srul po'i bar de dag bdag cag gis so sor ma bzlog gam/slar ma bzlog gam/ nongs pa ci mchis pa'i chad pa la ma bkod par gyur na dus gsum du gshegs pa'i de bzhin gshegs pa thams cad bdag cag gis bslus par gyur cig /bdag cag 'khor ba na 'khor ba'i tshe de lta bu'i nyan thos kyi spyod yul lam/rang rgyal ba'i spyod yul lam/ de bzhin gshegs pa'i spyod yul gyi yang rung ste snod du ma gyur cig /byang grol gyi bde ba thob par ma gyur cig /bcom ldan 'das kyis bka' stsal pa/ rigs kyi bu dag 'di ltar yang khyed dus gsum du gshegs pa'i de bzhin gshegs pa thams cad kyi chos kyi tshul 'bar bar byed pa dang /dkon mchog gsum gyi gdung rgyun mi gcad par bya ba'i phyir zhugs pa legs so legs so/ /khyed kyis de ltar byos shig /de ltar byas na dus gsum du gshegs pa'i de bzhin gshegs pa thams cad la khyed kyis mchod pa dang /rim gro byas par 'gyur ro/ /rigs kyi bu dag gang la la brtson pa dang brtul ba de lta bus legs par gsungs pa'i chos 'dul ba rjes su srung bar byed pa dang / de ltar zhugs shing chos kyis gnas pa'i gang zag rnams la rjes su srung bar byed pa'i rigs kyi bu de 'khor bar 'khor ba na dpal dam pa la nye bar spyod par 'gyur ro//de la 'khor ba'i sdug bsngal 'byung bar mi 'gyur zhing myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro//de lta bas na sdug bsngal dang mi 'thun pa bde ba 'dod pa khyed kyis de ltar byos shig /'di ltar khyed legs par byas pa'i las kyi mtha' la zhugs pa ni khyed yang legs so legs so/ /yang de'i tshe mi ma yin pa'i 'byung po mdangs dang khrag za ba gang dag yin pa grangs med dpag tu med pa de dag gis 'di skad ces gsol to//btsun pa bcom ldan 'das bdag cag ni mi ma lags pa/ mdangs 'tshal ba/ sha khrag 'tshal ba dag lags te/ bdag cag gis de bzhin gshegs pa'i nyan thos rnams la rnam par tho btsam par mi bgyi'o//btsun pa bcom ldan 'das da ltar bcom ldan 'das kyis ji skad bstan pa bzhin nyan thos gang dag de lta bu'i mi sdug pa'i sbyor ba rnal 'byor yid la bgyid pas gnas pa'i gang zag de lta bu dag gal te bdag cag gis rnam par tho btsams par gyur na bdag cag dad pa can ma lags par gyur cig /dbang po thams cad kyi spyod yul rnams su mchi bar mi nus par gyur cig /gang zag de lta bu dag ni bdag cag gis kyang bsrung bar bgyi'o/ / de dag gi rim gro pa dang sbyin bdag gang dag lags pa de dag kyang bsrung bar bgyi'o/ /yongs su bskyang bar bgyi'o/ /de bzhin gshegs pa'i nyan thos chos kyis gnas pa mi sdug pa'i sbyor ba yid la bgyid pas gnas pa dag yang dag par 'dzin par bgyid pa gtsug lag khang dang /gnas dang / kun dga'i ra ba dang / chos gos dang / bsod snyoms dang / mal stan dang / bro 'tshal ba'i gsos sman gyi yo byad rnams kyis yang dag par 'dzin par bgyid pa gang dag lags pa de dag bdag cag gis bsrung ba dang /bskyab pa dang / sba bar bgyi'o/ /yongs su bskyang bar bgyi'o/ /bcom ldan 'das kyis bka' stsal pa/ bzhin dag legs so legs so/ /khyed kyis de ltar byos shig /yang de'i tshe sa'i lha mo brtan mas 'di skad ces gsol to//btsun pa bcom ldan 'das/ bcom ldan 'das kyi nyan thos chos kyis gnas pa de lta bu'i mi sdug pa'i sbyor bas rnal 'byor la brtson par gnas par bgyid pa gang dag lags pa de dag gi lus la bdag gis rgya chen po'i sa'i bcud kyi mdangs gtang bar bgyi ste/des chos kyis gnas pa de lta bu'i ting nge 'dzin la mngon par brtson pa de dag shin tu gzi brjid dang ldan pa dang / kha dog dang ldan pa dang / dran pa dang ldan pa dang / brtson 'grus dang ldan pa dang / shes rab dang ldan par 'gyur lags so/ / bcom ldan 'das kyis bka' stsal pa/ sbyin pa chen po dang ldan ma gang khyod nga'i sras/ thugs kyi sras/ zhal nas skyes pa/ chos dang ldan pa/ chos kyi sprul pa dag de lta bu'i bsod snyoms kyis yang dag par tshim par byed pa legs so legs so/ / sbyin pa chen po dang yang dag par ldan pa des khyod theg pa chen po yongs su rdzogs par byed par 'gyur ro/ /yang de'i tshe dpal lha mo chen mos 'di skad ces gsol to/ /btsun pa bcom ldan 'das bdag gis kyang de lta bu'i chos kyis gnas pa rnams kyis sbyin pa po dang /sbyin bdag gang dag lags pa'i sbyin pa po dang / sbyin bdag de dag gi dga' ston dang / nor dang / 'bru dang / shing tog dang / nye bar spyod pa dang / longs spyod rnams ma tshang ba ma mchis par bgyi'o/ /mi sdug pa'i sbyor bas zhes bgyi ba nas 'gog pa'i snyoms par 'jug pa yid la bgyid pa'i bar gyis nyin mtshan 'da' bar bgyid pa gang dag lags pa de dag gtsug lag khang dang /gzhi dang / gnas dang / chos gos dang / bsod snyoms dang / mal stan dang / bro 'tshal ba'i gsos sman gyi yo byad rnams kyis 'dzin par bgyid pa dang /yang dag par 'dzin par bgyid pa dang / yongs su skyong bar bgyid pa de dag gi yo byad thams cad phun sum tshogs pa dang / nye bar spyod pa dang / longs spyod pa dang / lus dang sems kyi bde ba dang /yid bde ba dang / mchog tu dga' ba mang bar bdag gis yang dag par gzung bar bgyi'o/ /snod du gyur pa'i sbyin gnas rnams dang ma bral zhing lhan cig 'grogs su stsal bar bgyi'o/ /chos la mngon par dga' ba'i sems dang ldan pa dang /snying brtse ba'i sems dang ldan pa dang / log par mi ltung ba'i sems dang ldan pa dang / byams pa'i sems dang ldan pa dang / snying rje'i sems dang ldan pa dang / mi nyams pa'i chos can du yang dag par bsgrub par bgyi'o/ / bcom ldan 'das kyis bka' stsal pa/ sbyin pa chen po la yang dag par rten pa legs so legs so/ /khyod brtson pa'i brtul ba des theg pa chen po rnam par 'phel bar byed par 'gyur ro/ /yang de'i tshe gsang ba pa'i bdag po lag na rdo rjes 'di skad ces gsol to//btsun pa bcom ldan 'das 'dus pa chen po'i le'u 'di bshad pa na/ bcom ldan 'das kyis bstan pa yang dag par 'dzin pa yongs su skyong ba dang / yo byad dang yang dag par ldan pa'i sbyin pa po dang / sbyin bdag mang po gang dag mchis pa'i rkyen des sangs rgyas kyi zhing 'dir chos kyi tshul la yun ring du 'bar zhing mi nyams pa'i chos can du 'gyur lags so//byang chub sems dpa' sems dpa' chen po byams pas smras pa/ kye gsang ba pa'i bdag po ci nam mkha' yongs su nyams pa mngon nam/ smras pa/ gnas la sgro btags pa med pa'i phyir ro//smras pa/ ci chos rnams kyi yang dag par 'du ba mngon nam/ smras pa/ ci yang dag pa'i mthar thug pa'i phyir mi mngon no/ /smras pa ci yang dag pa'i mtha' dang nam mkha' mi 'dra bar mngon nam/ smras pa/ 'di ni tha mi dad pa nyid de/tha mi dad pa nyid kyi phyir mi 'dra ba'o/ /smras pa ci nam mkha' dang chos rnams mi 'dra'am/ smras pa ci mi g.yo ba dang mi skye ba'i chos kyi dbyings su 'jug pas mi 'dra ba med pa nyid do/ /smras pa rigs kyi bu ci 'dus byas dang 'dus ma byas kyi chos rnams kyi tha dad pa nyid mi mngon nam/smras pa/ ji ltar yang dag pa'i mtha' dang de bzhin nyid tha mi dad pa nyid yin pa de bzhin du 'dus byas kyi chos rnams nam mkhar sgro btags pa nyid kyi phyir tha mi dad pa nyid do/ /smras pa ci yang dag pa'i mtha' de bzhin du 'dus byas kyi chos rnams yin nam/'on te 'dus ma byas kyi chos rnams yin/ smras pa/ stong pa nyid sgro btags pa nyid kyi phyir yang dag pa'i mtha' dang / de bzhin nyid du 'dus byas dang 'dus ma byas dang yang dag par ldan pa ma yin no/ /yang smras pa/ ci stong pa nyid du yang dag par 'du ba yin nam/smras pa/ ther zug tu gnas pa ma yin pa dang / rang bzhin stong pa nyid dang / 'jig pa med pa nyid kyi phyir chos thams cad yang dag par 'du ba stong pa nyid do/ /'di la gang stong pa nyid ces bya ba'i dngos po yang mi dmigs so/ / rigs kyi bu ji ltar ngo bo nyid ngo bo nyid kyis stong pa dang / mtshan gyi gzhi mtshan gyi gzhis stong pa dang / mtshan gyi gzhi med pa mtshan gyi gzhis stong pa yin pa de bzhin du tshul des chos thams cad shes par bya'o/ /de ci'i phyir zhe na/ de ltar brjod du med pa'i phyir chos thams cad stong pa nyid kyi phyir ro//'di ltar chos thams cad kyi de'i ngo bo nyid nyan thos rnams kyis byas pa ma yin no/ /rang rgyal ba rnams kyis ma yin no/ /de bzhin gshegs pa rnams kyis mdzad pa ma yin te/ de ltar yang dag pa'i mtha' dang / de bzhin nyid dang /'dus byas dang / 'dus ma byas kyi chos nyid thams cad nam mkha' dang yang dag par ldan pa nyid kyi phyir mi 'dra ba med pa nyid ni tha mi dad pa yin par shes par bya'o/ /bstan pa 'di bshad pa na sngon stong pa nyid kyi tshul la yongs su sbyang ba byas pa'i sems can dpag tu med pa ni sngon gyi mi dge ba'i las kyi sgrib pa zad cing chos rnams la chos kyi mig rdul med cing dri ma dang bral ba thob par gyur to//sems can khrag khrig phrag dgu bcu rtsa gnyis ni bla na med pa yang dag par rdzogs pa'i byang chub tu sems skyes shing phyir mi ldog pa'i chos rnams la gnas par gyur to//'phags pa 'dus pa chen po theg pa chen po'i mdo/ nyi ma'i snying po'i le'u bcu gcig pa las kun tu bsrung ba'i le'u ste lnga pa rdzogs so// //yang de'i tshe rgyal po gzugs can snying po dga' ba dang mchog tu dga' ba dam pa skyes te 'di skad ces gsol to//btsun pa bcom ldan 'das 'di ltar byang chub sems dpa' sems dpa' chen po bsam gtan la mngon par brtson pa rnams kyis sangs rgyas kyi zhing mi mjed gtams zhing sngon ma mthong ma thos pa'i snang ba chen pos khyab pa de lta bu ni ngo mtshar lags so//btsun pa bde bar gshegs pa mchog tu ngo mtshar lags te/ sangs rgyas kyi zhing 'di dang mtshams gzhan gyi khor yug chen po'i ri ma gtogs par g.yar sngar gzhan ci yang gda' bar mi 'gyur lags so//btsun pa bcom ldan 'das gang byang chub sems dpa' sems dpa' chen po rnams kyi snang bas sangs rgyas kyi zhing mi mjed 'di thams cad mthong lags na de bzhin gshegs pa snyoms par zhugs pa'i snang ba ji lta bur 'gyur ba lags/ci de bzhin gshegs pa'i snang bas bdag cag gis sangs rgyas kyi zhing gzhan gyi yon tan bkod pa mthong lags sam/ bcom ldan 'das kyis bka' stsal pa/ rgyal po chen po de de bzhin te/ de bzhin gshegs pa rang gi spyod yul na bzhugs so/ / de bzhin gshegs pa bsod nams chen po'i rgyan gyis mngon par brgyan pa/ sngon gyi tshogs bsags pa'i dge ba'i rtsa ba dang sngon gyi byang chub sems dpa'i spyod pa'i rgyu 'thun pa'i byang chub sems dpar gyur pa'i rgyu 'thun pa'i rang gi gnas sangs rgyas kyi rnam par smin pas mngon par grub pa mtha' yas par bstan pa/de bzhin gshegs pa'i rnam par 'phrul pa ma chags pa'i spyod yul gyis byin gyis brlabs pa/ ye shes gsal ba bskyed par 'jug pa'i blo gros dang yang dag par ldan pa/ ye shes kyi pha rol tu gshegs pa las rab tu skyes pa/phyi ma'i mtha'i bskal par yang dag par bsgrubs pa/ sangs rgyas kyi spyod yul tshad med pa la gnas pa/ chos kyi 'khor lo shin tu bskor ba/ chos thams cad la dbang sgyur ba brnyes pa'i rgyu 'thun pa/ sems can thams cad kyi dbang po mchog dang mchog ma yin pa mkhyen pa dang /yongs su smin par mdzad pa la mkhas pa/ bag chags yang dag par bcom pas sangs rgyas kyi mdzad pa lhun gyis grub pa yang dag par bstan pa na bzhugs so/ /rgyal po chen po des na phyogs bcu kun tu 'jig rten gyi khams grangs med pa dpag tu med pa khyod kyis mthong bar 'gyur ro//de bzhin du de bzhin gshegs pa grangs med pa dpag tu med pa bzhugs shing gzhes pa byang chub sems dpa' rnams dang / nyan thos kyi tshogs kyis yongs su bskor ba dang bcas pa khyod kyis mthong bar 'gyur ro//de nas rgyal po gzugs can snying po dang srog chags bye ba mang po gzhan dag gis kyang tshig 'thun par 'di skad ces gsol to/ /bcom ldan 'das kyis bdag cag la sangs rgyas kyi yul nyid kyi spyod yul bsod nams chen po'i rgyan gyi rgyu 'thun pa bstan du gsol/bdag cag la sangs rgyas kyi mdzad pa lhun gyis grub pa'i bar yang dag par bstan du gsol/ bcom ldan 'das kyis de bzhin gshegs pa'i spyod yul yang dag par bstan pa gnang bar mdzad du gsol/ de nas bcom ldan 'das kyis tshe dang ldan pa kun shes kau Di n+ya la bka' stsal pa/ kau Di n+ya nyan thos chen po rnams dang / khyim na gnas pa dang / rab tu byung ba gang dag yin pa thams cad rang gi dge ba'i phyogs kyi nang du yang dag 'jog la gnas par byos shig /nga yang rang gi sangs rgyas kyi spyod yul gyi nang du yang dag 'jog la gnas par mdzad do//yang de'i tshe lha dang / klu dang / gnod sbyin nas mi dang / mi ma yin pa'i bar gang dag yin pa dang / bden pa mthong ba gang dag yin pa dang / rjes su 'thun pa'i bzod pa thob pa gang dag yin pa dang /theg pa gsum las phyir mi ldog pa gang dag yin pa dang / dkon mchog gsum la mngon par dad pa gang dag yin pa de dag thams cad skyil mo krung du 'khod nas snyoms par zhugs so/ /de nas bcom ldan 'das sangs rgyas thams cad kyi yul gyi spyod yul la shes rab kyis nam mkha' khyab par byed pa/mkhas pa mang po thams cad yang dag par tshim par byed pa nyi ma dang zla ba lta bu zhes bya ba'i ting nge 'dzin la snyoms par zhugs te/ de ni nyan thos dang rang rgyal ba thams cad kyi spyod yul ma yin pa dang /byang chub sems dpa' sems dpa' chen po thams cad kyi spyod yul ma yin pa dang / sems can thams cad kyis shes pa'i spyod yul ma yin te/ de sangs rgyas bcom ldan 'das thams cad kyi spyod yul gyi yul mkhyen pa ni ma gtogs so//de'i tshe bcom ldan 'das ting nge 'dzin la snyoms par zhugs nas sangs rgyas kyi zhing mi mjed 'di thams cad dang / gling bzhi pa bye ba phrag brgya dang / ri'i rgyal po ri rab bye ba phrag brgya dang / nyi ma dang zla ba bye ba phrag brgya snyed dang /srid pa'i rtse mo'i lha'i gnas bye ba phrag brgya snyed yod pa de dag thams cad de bzhin gshegs pa'i sku la chud par yang dag par snang ngo / /thams cad dang ldan pa'i sangs rgyas kyi zhing mi mjed thams cad de bzhin gshegs pa'i sku la gnas par yang dag par snang ngo //sangs rgyas kyi zhing mi mjed 'dir gtogs pa'i sems can sems can dmyal ba'am/ dud 'gro'i skye gnas pa'am/ gshin rje'i 'jig rten pa'am/ lha'am/ mi gang dag yin pa de dag thams cad kyi lus dang sems kyi sdug bsngal gyi nyon mongs pa yang thams cad kyi thams cad du rgyun chad do//de dag thams cad kyis lus dang sems kyi bde ba 'di lta bu thob par gyur te/ dper na bsam gtan gnyis pa'i zhi gnas thob pa'i dge slong snyoms par zhugs pa bzhin no/ /byang chub sems dpa' thams cad kyis ting nge 'dzin las langs te langs pa de dag thams cad kyi rang gi lus la snang ba nub par gyur to//nyan thos thams cad dang sems can gang su dag snyoms par zhugs pa de dag thams cad ting nge 'dzin las langs te/ de dag thams cad lus dang sems kyi bde ba de lta bu dang yang dag ldan par gyur to//de dag thams cad ngo mtshar thob cing rmad du byung ba thob ste/ dbang po tshim nas de dag de bzhin gshegs pa'i sku'i nang du gnas shing 'khod nas bcom ldan 'das kyi sku'i ba spu'i khung bu la bltas te/ de dag thams cad kyis 'di ltar bcom ldan 'das kyi sku'i ba spu'i khung bu gcig nas 'od zer 'di lta bu byung ba de lta bu mthong bar gyur te/ dper na nyi ma dang zla ba gang gA'i klung gi bye ma snyed dang / nor bu rin po che chen po gang gA'i klung gi bye ma snyed kyi snang ba dang /byang chub sems dpa' sa bcu pa gang gA'i klung gi bye ma snyed kyi 'od zer gyi snang ba bzhin no/ /bcom ldan 'das kyi ba spu'i khung bu re re nas kyang 'od de lta bu byung ste/ bcom ldan 'das kyi sku las 'od zer rab tu byung ba de dag gis phyogs bcu'i sangs rgyas kyi zhing thams cad snang ba chen pos rgyas par gang bar gyur to//sangs rgyas kyi zhing stong pa ma yin pa gang dag na sangs rgyas bcom ldan 'das bzhugs shing gzhes pa'i sangs rgyas bcom ldan 'das de dang de dag gis thams cad dang ldan pa'i sangs rgyas kyi zhing mi mjed thams cad 'di lta bu'i dbyangs brjod pas kun tu gang bar mdzad do//shAkya seng ge mi yi mchog /byams dang thugs rje'i rgyu 'thun pa/ /sems can kun la phan mdzad pa/ /bsod nams las grub pa la ltos/ /sems can kun la thugs brtse'i phyir//sangs rgyas spyod yul ston par mdzad/ /thugs rjes 'od zer bkye bas ni/ /zhing rnams thams cad gsal bar gyur/ /re res zhing ni rgyas gyur pa/ /gnas kun gsal ba mthong nas su/ /byang chub mchog ni yongs tshol zhing //sems kyi mchog kyang skyed par byed/ /gang dag lus can rdzu 'phrul 'thob/ /de dag thams cad myur du lhags/ /shAkya seng ge mi mchog la/ /khyed kyis bskor ba byas nas kyang / /gang dag rdzu 'phrul ma thob kun/ /rgyang ma nas ni phyag 'tshol la//byang chub tu ni sems bskyed dang / /mi yi skyes mchog rnams su 'gyur/ /sangs rgyas bcom ldan 'das de dag gi rang rang gi sangs rgyas kyi zhing nas dbyangs kyis go bar mdzad nas/ thugs rje'i dbang gis sems can rnams yongs su smin par mdzad pa'i phyir de bzhin gshegs pa shAkya thub pa'i dgongs pa dang smon lam yongs su bskang ba'i phyir dang /de'i yon tan brjod pa'i phyir de bzhin gshegs pa re re yang byang chub sems dpa' dang / de bzhin du nyan thos chen po gang gA'i klung gi bye ma snyed phrag du ma dang /lha dang / klu dang / gnod sbyin dang / lha ma yin dang / nam mkha' lding dang / dri za dang / mi 'am ci dang / lto 'phye chen po gang gA'i klung gi bye ma snyed phrag du mas mdun du bdar cing yongs su bskor te/ de dag rang rang gi sangs rgyas kyi zhing rnams nas rdzu 'phrul gyis yang dag par zhugs nas sangs rgyas kyi zhing mi mjed 'dir gshegs te/bcom ldan 'das kyi sku la lan gsum bskor ba mdzad nas sangs rgyas bcom ldan 'das de dag gi 'khor gyi sems can gang dag yin pa de dag bcom ldan 'das de bzhin gshegs pa shAkya thub pa la skor ba byed cing de lta bu'i mchod pa byed par gyur to//yang rang rang gi sangs rgyas kyi zhing dag tu yang dong ngo / /de'i dus na sems can gang dag sangs rgyas kyi zhing mi mjed du bcom ldan 'das kyi sku la chud pa de dag thams cad kyis phyogs bcu kun gyi sangs rgyas kyi zhing thams cad kyi yon tan bkod pa'i de bzhin gshegs pa 'khor dang bcas pa rnams mthong ngo //de dag thams cad kyis de nas yang dag par zhugs pa 'khor dang bcas pa rnams dang / bcom ldan 'das shAkya thub pa la bskor ba mdzad cing gshegs pa dang / rang rang gi sangs rgyas kyi zhing du 'jug cing rdo rje'i gdan la bzhugs te chos ston pa mthong ngo / /ji ltar sangs rgyas bcom ldan 'das de dag rang rang gi sangs rgyas kyi zhing dag tu rang rang gi gdan la bzhugs nas rang rang gi 'khor las brtsams te/de bzhin gshegs pa shAkya thub pa'i bsngags pa dang / yon tan dang / grags pa dang / shes rab dang / bsod nams dang / brtson 'grus dang / thugs rje dang / sems can yongs su smin par mdzad pa bstan pa bzhin der sangs rgyas kyi zhing re rer yang sems can grangs med dpag tu med pa gang gA'i klung gi bye ma snyed kyis bla na med pa yang dag par rdzogs pa'i byang chub tu sems bskyed par gyur to//rang rang gi lung bstan pa thob par gyur to/ / rang sangs rgyas kyi theg pa la yang de bzhin no/ /nyan thos kyi theg pa la yang de bzhin no/ /'dir bcom ldan 'das kyi sku la chud pa gang dag yin pa thams cad kyis kyang mthong ngo / /lung bstan pa yang thams cad kyis thos so/ /snyigs ma lnga'i sangs rgyas kyi zhing stong pa dag na sems can gang dag yod pa'i bde ba dang sdug bsngal gyi tshor ba ci 'dra ba myong ba dag kyang 'dir bcom ldan 'das kyi sku la chud cing 'khod pa rnams kyis mthong ngo //de'i tshe snyigs ma lnga'i 'jig rten gyi khams stong pa dag na sems can gang dag yod pa de dag thams cad kyis kyang snang ba de mthong nas de bzhin gshegs pa shAkya thub pa yang mthong ste/sangs rgyas bcom ldan 'das bgrang ba las 'das pa dang / de bzhin gshegs pa re re yang sems can bgrang ba las 'das pa dag dang thabs cig tu 'dir de bzhin gshegs pa shAkya thub pa la bskor ba mdzad pa mthong ngo //de'i tshe sems can de dag thams cad mchog tu dga' ba'i dam pa skyes te/ thams cad sdug bsngal gyi tshor ba rgyun chad do/ /snyigs ma lnga'i sangs rgyas kyi zhing stong pa de dag na byang chub sems dpa' sems dpa' chen po sa bcu pa gang dag sems can yongs su smin par bya ba'i phyir zhugs pa'i byang chub sems dpa' sems dpa' chen po de dag gis sangs rgyas kyi zhing gang na sangs rgyas kyis 'dul ba'i sems can dag yod pa der sangs rgyas kyi sku byad kyis sangs rgyas kyi zhing mi mjed thams cad dbyangs dang /ngag dang / sgra brjod pa gcig gis go bar mdzad do/ /dge ba'i don du zhing gcig tu/ /nged cag thams cad gshegs pa yin/ /sangs rgyas rnams ni mi bzhugs na/ /sus kyang dpal chen mi 'thob bo//khyed cag gis ni byang chub tu/ /gcig tu sems ni gzhol byas na/ /khyed cag phyin cad 'khor bar ni/ /sdug bsngal skye bar mi 'gyur ro/ /shAkya khyu mchog mchod pa dang / /de la bskor ba bya ba'i phyir/ /'di ltar khyed cag thams cad ni//nga dang thabs cig myur du 'deng // //'phags pa shin tu rgyas pa chen po'i sde nyi ma'i snying po zhes bya ba'i mdo/ bam po dgu pa/ byang chub sems dpa' sems dpa' chen po de dag kyang sangs rgyas kyi sku byad kyis re re zhing sems can rdzu 'phrul dang ldan pa gang gA'i klung gcig gi bye ma snyed dang lhan cig tu de nas chas te/de bzhin gshegs pa shAkya thub pa la lan gsum bskor ba byas nas bcom ldan 'das shAkya thub pa la sems can de dag gis rin po che sna tshogs nas rol mo'i sgra dang /gar dang glu sna tshogs pa'i bar gyis mchod pa byas nas bla na med pa yang dag par rdzogs pa'i byang chub tu smon lam btab bo/ /kha cig gis ni rkyen gyi theg par smon lam btab/ kha cig gis ni nyan thos kyi theg par smon lam btab ste/thams cad kyang bsams pa ji lta ba bzhin du phyir mi ldog par gyur to/ /de'i tshe de dag cho ga bzhin du ting nge 'dzin dang / bzod pa dang / gzungs thob ste/ dge ba'i rtsa ba rnam pa sna tshogs bsgrubs nas rang gi zhing du dong ste/ byang chub sems dpa' sems dpa' chen po kha cig ni rang rgyal ba'i lus byad kyis zhes bya ba nas kha cig ni nyan thos kyi lus byad kyis zhes bya ba'i bar dang /kha cig ni tshangs pa'i lus byad dang / kha cig ni brgya byin gyi lus byad kyis zhes bya ba nas kha cig ni rgyal po chen po bzhi'i lus byad kyis zhes bya ba'i bar dang /kha cig ni sred med kyi bu'i lus byad dang / kha cig ni dbang phyug chen po'i lus byad kyis zhes bya ba'i bar dang / kha cig ni klu'i lus byad kyis zhes bya ba'i bar dang / kha cig ni gnod sbyin gyi lus byad kyis zhes bya ba'i bar dang /kha cig ni lha ma yin gyi lus byad kyis zhes bya ba'i bar dang / kha cig ni 'khor los sgyur ba'i lus byad kyis zhes bya ba'i bar gyis sangs rgyas kyi zhing gang dag na sems can nyan thos kyis 'dul ba'i bar du yod pa'i sangs rgyas kyi zhing de dag tu byang chub sems dpa' sems dpa' chen po sa bcu pa rnams sems can yongs su smin par bya ba'i phyir zhugs te/der nyan thos kyi lus byad kyi bar gyis sems can rnams la chos ston to/ /sangs rgyas kyi zhing der yang sems can thams cad kyis snang ba de mthong ste/ de bzhin gshegs pa shAkya thub pa yang mthong nas sems can de dag shin tu dga' ba dang mchog tu dga' ba skyes shing dbang po rnams tshim ste/ thams cad sdug bsngal gyi tshor ba rgyun chad do/ /de dag la bde ba'i tshor ba yang byung ngo / /sangs rgyas kyi zhing der gang nyan thos kyi lus byad kyis chos ston pa de yang byang chub sems dpa' sems dpa' chen po yin te/des bsod nams chen po bsags pa'i dge ba'i rtsa bas 'di lta bu'i dbyangs dang sgra brjod pas sangs rgyas kyi zhing de thams cad go bar byed pa 'di skad ces smras so//sdig pa'i sems ni gzhom par byos/ /sdig pa'i lta ba spong bar byos/ /gang du 'jig rten mi 'jug pa'i/ /'khor ba'i pha rol 'dong bar byos/ /khyed cag sdig pa'i sems kyis su/ /nges par 'byung bar mi lta bas/ /rga ba dang ni 'chi ba'i lus//'khor bar ring por zhugs pa yin/ /ston pa mthong ba rnyed par dka'/ /dal ba 'di 'dra rnyed par dka'/ /chos thos pa yang rnyed par dka'/ /dge byed rab tu rnyed par dka'/ /de ltar khyed kyis gus byas te/ /byang chub tu ni 'dun pa skyed//sdug bsngal kun las thar gyis la/ /'jig rten 'dren par 'gyur bar byos/ /rtag pa dang ni chad pa'i blos/ /chos gnyis myur du spangs nas ni/ /'du byed thams cad bdag med la/ /tshul bzhin du ni rtag par byos//kun 'byung sred dang sdug bsngal yang / /ye shes chu yis bkru bar byos/ /shAkya seng ge mchod pa'i phyir/ /thams cad lhan cig myur du 'dong / /de nas byang chub sems dpa' de dag nyan thos kyi lus byad kyi bar gyis byang chub sems dpa' re re zhing byang chub sems dpa' dang /sems can rdzu 'phrul dang ldan pa gang gA'i klung gi bye ma snyed tshad med pa dang lhan cig tu rang rang gi sangs rgyas kyi zhing nas chas te/ 'dir de bzhin gshegs pa shAkya thub pa 'khor dang bcas pa la lan gsum bskor ba byas nas bcom ldan 'das shAkya thub pa la de dag gis rin po che sna tshogs dang /ras bcos bu sna tshogs dang / chos gos sna tshogs dang / rgyan dang rgyan gyi lhab lhub sna tshogs dang / gdugs dang / rgyal mtshan dang / ba dan sna tshogs dang / me tog sna tshogs dang / spos sna tshogs dang /rol mo'i sgra sna tshogs dang / bstod pa sna tshogs dang / glu sna tshogs dang / gar sna tshogs kyis mchod pa byas so/ /byang chub sems dpa' sems dpa' chen po de dag rang rang gi sangs rgyas kyi zhing du phyin nas rang rang gi stan dag la 'khod do//de bzhin du rang rang gi 'khor rnams la de bzhin gshegs pa shAkya thub pa'i bsngags pa dang grags pa nas sems can thams cad yongs su smin par mdzad pa'i yon tan gyi phan yon gyi bar brjod par gyur te/ de nas sangs rgyas kyi zhing de dag na 'khor de'i sems can grangs med pa dpag tu med pa yod pa de dag gis ni bla na med pa yang dag par rdzogs pa'i byang chub tu sems bskyed do//de bzhin du nyan thos kyi theg pa dang / rang sangs rgyas kyi theg par yang sems bskyed de/ thams cad kyang phyir mi ldog par gyur to//de'i tshe de dag gis ting nge 'dzin dang / gzungs dang / bzod pa sna tshogs thob nas dge ba'i rtsa ba rnams bskyed do/ /sems can thams cad kyis sangs rgyas kyi zhing mi mjed 'dir gang bcom ldan 'das kyi sku la chud par gyur pa'i bkod pa de lta bu yang mthong ngo //de dag thams cad de bzhin gshegs pa'i yon tan rnams la ngo mtshar thob cing rmad du byung ba thob bo/ /de'i tshe gang dag sngon chad sems ma bskyed pa'i sems can gang gA'i klung gi bye ma snyed grangs med pa dpag tu med pa de dag ni bla na med pa yang dag par rdzogs pa'i byang chub tu sems bskyed par gyur to//de bzhin du rang sangs rgyas kyi theg pa dang / de bzhin du nyan thos kyi theg par yang sems dag bskyed de/ de dag thams cad phyir mi ldog pa'i sa thob par gyur to/ /de bzhin du 'khor los sgyur ba'i lus byad kyis zhes bya ba'i bar dang /phyir mi ldog pa'i sa thob par gyur to zhes bya ba'i bar du yin te/ sems can yongs su smin par mdzad pa'i phyir ji ltar bcom ldan 'das cho 'phrul chen po sangs rgyas thams cad kyi yul gyi rgyu 'thun par ting nge 'dzin de lta bu la snyoms par zhugs pa bzhin no//'dus pa chen po nyi ma'i snying po'i le'u bcu gcig pa las le'u drug pa'o// //de nas bdud sdig can gyis de bzhin gshegs pa 'khor dang bcas pa nyid kyi pho brang na de bzhin gshegs pa'i dbyings na bzhugs pa mthong nas mchog tu yid mi bde ste lus thams cad nas rdul 'thon zhing mchi ma dag byung nas mi dga' bar gyur to//de nas bdud sdig can gyis gnas thams cad du rgyu bar byed/ /rnam par rgyu bar byed/ 'jug par byed/'byung bar byed/ ldang bar byed/ rgyug par byed/ kun tu rgyug par byed/ glal bar byed/ 'dzum par byed/ shugs ring du 'byin par byed/ kha la lces ldag par byed/ mig 'dzums par byed/ lag pa gnyis rkyong zhing skum par byed/ mgo la lag pa gnyis kyis rdob par byed/mgrin pa dang nu ma la mnyed par byed de/ de mthong bas bdud kyi gnas na gnas pa'i sems can thams cad gnod pa dang / mngon par mi dga' ba dang / yid mi bde bar gyur to/ /de nas bdud shor ba nam mkha'i shing zhes bya ba des bdud sdig can la tshigs su bcad pas dris pa/'khrug sems yid rab mi bde bas/ /ci slad de ltar khyod rgyug cing / /kun la dga' bar mi dgongs pas/ /gang du yang ni dgyes mi mnga'/ /bdud sdig can gdong mchi ma dang bcas pas 'di skad ces smras so//gau ta ma stobs can mthong nas ni/ /nga yi snying ni rnam gas nas/ /lus kun nas ni rdul 'thon cing / /gdong yang mchi mas gang ba yin/ /sems can thams cad 'thun pa ru/ /ji ltar thos pa bzhin du der/ / tshogs chen ril gyis dong bas na/ /nga yi yul ni stongs par byas/ /nam mkha' dang ni mtshungs pa'i yul/ /phyogs bcu nas ni lhags pa yis/ /de la bskor ba byas nas su/ /bye ba mang pos yongs su bskor/ /bdud rnams thams cad 'khor bcas te//de la yang ni skyabs song bas/ /nga yi dpung ni ma mthong ste/ /gang na'ang nga yi phyogs med do/ /de nas bdud sdig can la bdud shor ba nam mkha'i shing des 'di skad ces smras so/ /bdag cag thams cad 'khor bcas te/ / go cha sra ba dag bgos nas/ /ral gri 'khor lo mda' bo ches/ /de yi lus ni phye mar rlag /sdig can gyis smras pa/ de la yang ni skyabs song zhing / /der yang rang nyid song bas na/ /de la dmag ni yang dag phul/ /nga ni bcing ba dam pos bcings/ /de nas bdud shor ba nam mkha'i shing des smras pa/thabs rnams kun gyis ci bgyis kyang / /dgra ni dbang du mi 'gyur te/ /mdza' bo'i gzugs kyis bslus bgyis na/ /de lta na ni gsad par nus/ /sdig can gyis smras pa/ mdza' bo'i gzugs kyis der 'gro bar//'di ltar bdag gis de bsams nas/ /rang gi mgul na dri nga ba'i/ /ro myags 'jigs su rung ba mthong / /nam mkha'i shing gis slar smras pa/ /bdud dang klu dang bsam gtan pa'i/ /yul gsum dag tu bshad pa la/ /bdag cag gi ni yul bcom yang //klu rnams kyi ni yul brtan no/ /klu de dag kyang gzi brjid che/ /dmag rnams mang zhing stobs kyang che/ /de dag gi ni yul mchis pa/ /kun tu gzhan gyis mi thub lags/ /'dod pa'i khams na gang su dag /klu yi bdag po gnas gyur pa//de dag rnams la gau ta ma/ /thal bar rlag par myur du bsgo/ /sdig can gyis smras pa/ kye bsod nams shes rab chen po can/ /klu yi gnas su nyid song la/ /gau ta ma dang dmag 'gyed par/ /thams cad la ni khyod kyis bsgo/ /des smras pa/de bzhin du bgyi'o zhes nas dmag brgya stong go bgos pa de dag la/ lag pa bsgreng ste bsgrags pa ni/ /klu yi rten du bdag cag 'deng / /gau ta ma dang dmag 'gyed cing / /srog dang bral bar byed du gzhug /der ni bdag cag grogs bya bar/ / thams cad la ni bsgo bar bya/ /de na 'khod pa de dag kyang gang du yang / su yang 'gro bar ma nus pa dang / shor ba nam mkha'i shing de gdong mchi ma dang bcas shing spu zing zhes byed par gyur te/ thal mo rab tu sbyar ba byas nas sdig can la smras pa/ bdag cag gis ni gang du yang //mchi bar bgyi ba'i rngo ma thogs/ /sgyu 'phrul brtan pa gau ta ma/ /drang srong gi ni sgyu lags so/ /bdag cag thams cad rkang pa bcings/ /lus rnams kun la rdul yang byung / /gang gis dgra las khyed rgyal bar/ /gzhan zhig kyang ni mdzad par gsol//bdud sdig can je sdug bsngal zhing yid mi bde nas mya ngan du gyur pa de 'di lta bu'i blo skyes te/ gang bdag gis klu'i rten thams cad du gang kun tu smra bar byed pa dang / mngon par mi dga' ba skyed par byed pa dang / klu thams cad kun du gshe bar byed pa'i bdud kyi stobs de lta bu yang dag par rjes su dran par bya gor ma chag snyam mo//de nas de'i tshe bdud sdig can gyis klu'i rten thams cad du sha sbrang dang / sbrang bu mchu dang / sbrang bu gdug pa rnams sprul to/ /thams cad dri nga bas bkang ngo //rdul dbyung ba dang mngon par mi dga' bar byas so/ /de bzhin du klu dang / klu chen po skyes pa dang / bud med dang / khye'u dang / bu mo thams cad mngon par mi dga' nas de dag thams cad kyis rnam par bltas te/ bdag cag la co 'dri bar byed pa su yin snyam na de dag gis ma shes shing ma mthong ngo //gling bzhi pa 'di'i klu dang / klu chen po skyes pa dang / bud med dang / khye'u dang / bu mo gang dag yin pa de dag thams cad kyang khro bas zil gyis non nas de dag thams cad kyis kyang rang gi gnas bor/klu'i rgyal po dga' bo dang nye dga' gnyis 'khor brgya stong phrag du mas kyang rang gi gnas bor nas ri'i rgyal po ri rab kyi 'dab na ri kha la ti ya zhes bya ba yod de/ ri kha la ti ya de'i rtse mo na drang srong thub pa rnams kyi gnas kyi rten kun rten ces bya ba rgyar dpag tshad bzhi khri pa lha rdzas kyi rin po che sna bdun gyis brgyan pa bzhi yod pa/drang srong thub pa'i gnas der skyabs kyi don du rten cing zhugs so/ /der de dag zhugs ma thag tu 'di lta bu'i lus chung ngur gyur te/ dper na mig sman bsku ba'i thur ma bzhin no//de dag kyang rang khros pa'i mthus re re yang 'di lta bu'i lus ri rab tsam du yang dag par shes te/ de dag gis skad 'byin kyang ma nus so/ /de nas 'gro bar yang ma nus te/ mya ngan chen po dang khros pas zil gyis non nas der 'khod do/ /de bzhin du klu'i rgyal po chen po rgya mtsho 'khor bye ba brgya stong phrag du ma dang /de bzhin du sa srung gi bu zhes bya ba'i bar dang / de bzhin du shin tu brtan pa zhes bya ba'i bar dang / de bzhin du 'jog po zhes bya ba'i bar dang / de bzhin du ma dros pa zhes bya ba'i bar dang / de bzhin du btang bzung zhes bya ba'i bar dang /de bzhin du rgya mtshos byin zhes bya ba'i bar dang / de bzhin du chu lhas byin zhes bya ba'i bar dang / de bzhin du khyim bdag gis byin zhes bya ba'i bar dang / de bzhin du chu bas byin zhes bya ba'i bar dang / de bzhin du chu sog ma med kyis byin zhes bya ba'i bar dang /de bzhin du ri bos byin zhes bya ba'i bar dang / de bzhin du ba lang mgo zhes bya ba'i bar dang / de bzhin du rgyan skyes zhes bya ba'i bar dang / de bzhin du e la'i 'dab ma zhes bya ba'i bar dang / de bzhin du lag pa'i tshigs mi mngon pa zhes bya ba'i bar dang /de bzhin du sgra bsags zhes bya ba'i bar dang / de bzhin du mtsho gyad ces bya ba'i bar dang / de bzhin du stobs kyis rgyu zhes bya ba'i bar dang / de bzhin du ti se'i gangs mtho ba zhes bya ba'i bar dang / de bzhin du chu'i shugs zhes bya ba'i bar dang /de bzhin du gtsug phud sngon po zhes bya ba'i bar dang / de bzhin du gser ser skya zhes bya ba'i bar dang / de bzhin du rtswa sngon po zhes bya ba'i bar dang / de bzhin du gshe ba'i shing zhes bya ba'i bar dang / de bzhin du mig gsal zhes bya ba'i bar dang / de bzhin du glang po zad ces bya ba'i bar dang /de bzhin du rnon pos byin zhes bya ba'i bar dang / de bzhin du gnas na rgyu zhes bya ba'i bar dang / de bzhin du gshol ngan zhes bya ba'i bar dang / de bzhin du e la'i gdong zhes bya ba'i bar dang / de bzhin du mig dmar zhes bya ba'i bar dang /de bzhin du yid 'phrog ces bya ba'i bar dang / de bzhin du rab mchog ces bya ba'i bar dang / de bzhin du 'dzam bu'i gling 'di na klu'i rgyal po lnga khri drug stong gang dag yin pa'i bar de dag thams cad klu'i rgyal po re re yang 'khor brgya stong phrag du ma drang srong thub pa'i gnas der skyabs kyi don du rten cing zhugs so//gling brgyad khri bzhi stong nas gling re re nas kyang klu chen po brgya stong phrag du mas rang rang gi gnas bor nas gnas rten der skyabs kyi don du rten cing zhugs so/ /de bzhin du byang gi sgra mi snyan nas klu'i rgyal po lus 'bigs pa'i khab ces bya ba dang /klu'i rgyal po rgyu ba chen po zhes bya ba de gnyis re re yang klu dang / klu chen po dang / klu'i rgyal po bye ba khrag khrig brgya stong phrag du ma dang lhan cig tu yongs su bskor cing drang srong thub pa'i gnas der skyabs kyi don du brten to/ / shar gyi lus 'phags kyi gling nas klu'i rgyal po zla ba srung zhes bya ba dang / klu'i rgyal po dbyig gtong zhes bya ba de gnyis re re yang klu dang / klu chen po dang / klu'i rgyal po bye ba brgya stong phrag du mas lhan cig yongs su bskor cing mdun du bdar te drang srong thub pa'i gnas rten der skyabs kyi don du rten cing zhugs so//ba lang spyod kyi gling nas klu'i rgyal po rin po che'i phreng ba can zhes bya ba dang / klu'i rgyal po ba lang gi 'od kyi phreng ba can zhes bya ba de gnyis re re yang klu dang / klu chen po dang / klu'i rgyal po bye ba khrag khrig brgya stong phrag du mas lhan cig tu mdun du bdar zhing drang srong thub pa'i gnas der skyabs kyi don du zhugs so//yang de'i tshe gling bzhi pa 'di dang gling gzhan brgya stong phrag brgyad cu na klu dang / klu chen po dang / klu'i skye gnas pa klu sgo nga las skyes pa dang / klu mngal nas skyes pa dang /drod gsher las skyes pa dang / rdzus te skyes pa pho dang / mo dang / khye'u dang / bu mo yang rung / gang su dag yod pa skad cig de la gang der brten par ma gyur pa gcig kyang med de/ drang srong thub pa'i gnas der skyabs kyi don du zhugs so//de dag thams cad zhugs ma thag tu re re yang 'di lta bu'i lus chung ngur gyur te/ dper na mig sman bsku ba'i thur ma bzhin no/ /de dag kyang rang khros pa'i mthus re re yang 'di lta bu'i lus ri rab tsam chen por yang dag par rjes su mthong ngo / / de nas de'i tshe bdud sdig can gyis gnas rten du klu'i skye gnas pa thams cad 'dus pa dang / thams cad lus chung ngur mthong ngo / /de mthong bas shas cher 'khrugs shing kun tu 'khrugs te skrag nas rang gi skye bo la 'di skad ces smras so/ /'byung po chen po klu rnams thams cad g.yos//drang srong gnas pa der ni 'dus nas su/ /thams cad stobs dang gzugs dang dpal las nyams/ /dge sbyong mdangs kyi stobs la blta bar byos/ /de nas bdud shor ba gzhan tshul khrims rten zhes bya ba des smras pa/ thugs mi dgyes pa ma mdzad bdag la gson/ /klu rnams bdag nyid rtse ba 'di lags te/ /'di ltar shAkya'i bu ni phyer rlog pa'i/ /tshogs can 'dus pa la ni mngon brtag mdzod/ /sdig can gyis smras pa/ blo mchog der ni myur du 'gro bar byos/ /klu yi tshogs ni thams cad spro bar byos//ji ste shAka bu tshogs bcas gsad nus na/ /klu rnams kyi ni yul yang mchog tu 'gyur/ /de nas bdud shor ba tshul khrims rten de bdud kyi gnas de nas srog chags brgyad khri dang lhan cig chas so/ /de nas de bzhin gshegs pa shAkya thub pa sngon gyi smon lam mthar phyin pas drang srong thub pa thams cad dbang du mdzad/sems can thams cad yongs su smin par mdzad/ sangs rgyas kyi yul thams cad kyi cho 'phrul gyi byin gyi rlabs kyi rgyu 'thun pa bshad pa yang dag par bstan/ byang chub sems dpa' sems dpa' chen po thams cad skyo bar mdzad/ lha dang / klu dang / gnod sbyin zhes bya ba nas mi dang / mi ma yin thams cad rab tu dga' bar mdzad/ sangs rgyas kyi zhing 'di thams cad shin tu yongs su spyad pa mdzad/ sangs rgyas kyi zhing yongs su dag pa thams cad kyi nang na sangs rgyas kyi zhing 'di mchog tu ches gzi brjid dang ldan pa dang /ches skal ba dang ldan pa dang / ches bsod nams kyi sa bon byed pa'i mdangs dang ldan pa dang / sangs rgyas kyi zhing thams cad kyi mchod par 'os pa mdzad de/de nas de bzhin gshegs pas rdzu 'phrul mngon par 'du mdzad pa rgyun bcad do/ /de la sangs rgyas kyi zhing 'di na sems can gang dag yod pa de dag thams cad bcom ldan 'das kyi sku la chud par gyur te/ de dag thams cad bcom ldan 'das kyis shes pa so sor sbyangs so//de bzhin gshegs pas sangs rgyas thams cad kyi yul gyi rgyu 'thun pa'i cho 'phrul gyi byin gyi rlabs kyi ting nge 'dzin gyi stobs rgyun bcad pa dang / de'i tshe sngon ji ltar bzhugs pa bzhin du yang dag par snang ste/ de de ltar shin tu lham me/lhan ne/ lhang nger bzhugs so/ /de de'i bar du yang rang gi gzi brjid kyi 'od zer rnams kyis sangs rgyas kyi zhing thams cad snang bas khyab par mdzad nas bzhugs so/ /byang chub sems dpa' sems dpa' chen po brgya stong phrag du ma de dag thams cad ngo mtshar thob cing rmad du byung ba thob ste/bcom ldan 'das la me tog dang / dri dang / phye ma dang / rin po che dang / ras bcos bu dang / chos gos dang / phyang 'phrul dang / rgyan sna tshogs dang / rol mo'i sgra sna tshogs kyis mchod pa byas te/ bskor ba byas nas spyan sngar 'khod do//de bzhin du bcom ldan 'das kyi nyan thos rnams zhes bya ba nas de bzhin du lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po dang / grul bum dang / dang / sha za dang / srul po dang / lus srul po dang / mi dang / mi ma yin pa thams cad kyi bar de dag thams cad kyis bcom ldan 'das la me tog dang / dri dang / phye ma dang / rin po che sna tshogs dang / ras bcos bu dang / chos gos dang / phyang 'phrul dang / rgyan sna tshogs zhes bya ba nas mchod pa'i bar du byas te/bskor ba byas nas chos nyan pa'i phyir bcom ldan 'das kyi spyan sngar 'khod do/ /bdud shor ba tshul khrims rten bdud kyi ris brgyad khri dang de nas 'dzam bu'i gling 'dir babs nas/ dge sbyong gau ta mas sku yangs pa kun tu bstan pa ji ltar rgyun bcad pa mthong ste/de yul ma ga d+hA na bzhugs par kun tu snang ngo / /de bdag cag gis skrag pas sgyu'i stobs las ma nyams sam snyam zhing / da lta na der 'khor dang bcas te 'dus pa'i nang du 'dug na/ de bdag cag gi phyir 'dug nas sdig pa mi byed dam snyam ste/ gang bdag cag gis der dang por song nas 'di la rgyu gang yin par 'gyur ba mnyan par bya gor ma chag snyam mo//de nas bdud shor ba tshul khrims rten 'khor dang bcas te de nas babs nas/ bcom ldan 'das ga la ba de logs su song ste phyin nas bcom ldan 'das kyi spyan sngar 'dug ste/de'i tshe yang des tshigs su bcad pa spobs par byas pa/ khyod kyis nad ni chen po dag /rga shi'i mtsho las ma rgal to/ /'di ltar sems can slu byed na/ /byang grol tu ni ji ltar zhugs/ /de nas bcom ldan 'das kyis bdud shor ba tshul khrims rten la tshigs su bcad nas slar bka' stsal pa/nga ni sems can chu bo rgal/ /nga la yang sred med pa yin/ /sems can rnams la thugs brtse'i phyir/ /srog chags rnams la chos ston to/ /'khor bar yun brtsams nas su/ /khyod kyis byang chub phyir spyad de//mar me mdzad ni tshun chad du/ /sbyin dang tshul khrims kun tu bsgrubs/ /sangs rgyas bye ba phrag stong po/ /de dag khyod kyis ri mor byas/ /theg pa mchog gi don du ni/ /nga yis khyod la lung bstan te/ /sbyangs pa'i yon tan kun tu spyad/ / mtshan ma med par rnam par bsgoms/ /nga yis mig rnams dag pa sbyin/ /sngon gyi tshe rabs dran par byos/ /de nas bdud shor ba tshul khrims rten sngon gyi tshe rabs dang / smon lam dang / sangs rgyas rnams la mchod pa dang / dge ba'i rtsa ba thams cad kyis bskul bas bcom ldan 'das kyi spyan sngar rtswa bkram ba lta bur 'ongs par gyur te/gdong mchi ma dang bcas pas thal mo rab tu sbyar nas 'di skad ces gsol to/ /btsun pa bcom ldan 'das byis pa ji lta ba dang / myos pa ji lta ba dang / sems 'khrug pa ji lta ba bzhin du nongs pa 'chags lags so//btsun pa bcom ldan 'das nongs pa 'chags so/ /'di ltar bdag gis dran lags te/ grangs ma mchis pa gcig rdzogs par bla na ma mchis pa yang dag par rdzogs pa'i byang chub tu brtson pa chen pos pha rol tu phyin pa drug gi spyod pa spyad lags so//dge ba'i rtsa ba yongs su sbyangs pa mang du bgyis lags so/ /bcom ldan 'das de bzhin gshegs pa 'das pa rnams dang bzhugs pa brgya stong phrag bye ba la bdag gis bsnyen bkur ba dang bkur sti rnam pa sna tshogs bgyis te chos kyang thos lags so//smon lam yang btab lags so/ /de bzhin gshegs pa 'od srung gi gsung rab la dge slong la la nyan thos kyi gtam rjes su bskul bar bgyid lags te/ de nas bdag gis ma bsams par kye ma dge sbyong gi lus byad kyis gang zag theg pa chen po la yang dag par zhugs pa rnams kyi mdun du nyan thos kyi gtam 'chad pa 'di ni bdud do zhes sdig pa can gyi tshig brjod lags te/der gal te bdag gis sdig pa can gyi tshig de ma smras par gyur na ni der bdag gis bla na ma mchis pa yang dag par rdzogs pa'i byang chub tu lung bstan pa thob par 'gyur lags na/sug las kyi lhag ma des bdag de nas shi 'phos nas bdud kyi gnas su skyes te/ dgung lo bye ba phrag lnga bcu rtsa bdun dang / dgung lo brgya stong dag tu der bla na ma mchis pa yang dag par rdzogs pa'i byang chub tu bdag gi sems bskyed pa gcig kyang ma byung lags na tshangs pa'i gnas pa rnams la lta smos kyang ci 'tshal lags zhes de bzhin gshegs pa 'khor dang bcas pa la lan gnyis kyi bar du bzod pa gsol to//ji srid du sngon gyi mtha'i 'khor bar 'khor ba de srid du slad kyis phyi ma'i mtha'i mur sems can dmyal bar gnas par spro lags kyi/bla na ma mchis pa yang dag par rdzogs pa'i byang chub las sems ldog par ni mi bgyid lags so/ /bcom ldan 'das kyis bka' stsal pa/ rigs kyi bu legs so legs so//gang la la snying rje'i sems kyis byang chub tu sems gzhol bar byed na/ 'di ni 'dren pa rnams la mchod pa mchog dang phul yin te/ 'dren pa'i spyan sngar la la mar me ri rab tsam du 'bar bar byed kyang bsod nams kyi phung po de snyed yongs su bzung ba ma yin gyis khyod longs shig /nga la sdig pa'i las sra ba 'or cig /phung po dang khams 'di dag la spros pa dang / mtshan ma med pa dang / 'dus byas thams cad dran par byos shig dang / khyod yon tan mchog tu kha lo sgyur bar 'gyur ro/ /de nas de nyid kyi tshe byang chub sems dpa' sems dpa' chen po tshul khrims rten gyis rjes su 'thun pa'i chos rnams la bzod pa thob par gyur to//de nas de'i tshe byang chub sems dpa' sems dpa' chen po tshul khrims rten stan las langs te/ bcom ldan 'das la rin thang med pa'i mu tig gi rgyan phreng gis sku la g.yogs nas gsol pa/gang bdag cag gis chos thams cad myur du rtogs nas dbu ba dang 'dra ba'i lta ba thams cad yang dag par 'joms par bgyid pa dang / byang chub tu ni bzod pa mchog thob par 'gyur ba dang / yun ring po mi thogs par sems can thams cad thar bar bgyid pa'i chos ni gang lags/gang zhig ni byang chub sems dpas spang ba'i slad du bsgom par bgyid pa lags/ bcom ldan 'das kyis bka' stsal pa/ tshul khrims rten mkhas pas chos bzhi myur du bskyed par bya ste/bzhi gang zhe na/ sems can gyi phyir sdug bsngal tshad med pa thams cad la spro bar bya ba yin/ sangs rgyas kyi yul gyi bslab pa dpag yas pa gzung bar bya ba yin/ ma nyams par gzung bar bya ba yin/ sangs rgyas kyi chos dpag tu med pa thams cad myur du yongs su rdzogs par bya ba yin no//yang de'i tshe tshul khrims rten gyi 'khor bdud kyi sde brgyad khri bzhi stong po de dag gis lung bstan pa de thos nas de bzhin gshegs pa la dad pa dang dang ba mchog skyes shing gus pa skyes nas/ bcom ldan 'das la lhag pa'i bsam pas bzod pa gsol bar gyur to//de'i tshe de dag gis kyang bla na med pa yang dag par rdzogs pa'i byang chub tu smon lam btab ste/ de dag thams cad kyis byang chub kyi sems mi brjed pa'i ting nge 'dzin thob bo/ /bcom ldan 'das la de dag gis rang rang gi lha rdzas kyi chos gos dag sku la gsol nas phyogs gcig tu 'khod do//bdud sdig can gyis mthong ste/ mthong nas kyang yang shas cher 'khrugs shing skrag nas 'di skad ces smras so/ /dge sbyong gi ni ltor chud pas/ / 'khor de dag dang bral bar gyur/ /'di nas gang du dong ba ni/ /thams cad de yi dbang du song / /des su yang phyi rol du ma 'byung shig /bdud kyi spyod yul 'dir bdag cag gnas par bya'o zhes smras nas myur du grong khyer gyi sgo bcad de gab tu bcug go/ / de nas bcom ldan 'das kyis yang ji ltar nam mkha'i spyan las gsungs pa bzhin du de dag la tshangs pa'i gnas pa rnam pa gsum po sems can la dmigs pa dang / chos la dmigs pa dang / dmigs pa med pa rgya cher bstan par yang dag par brtsam pa mdzad do/ / ri kha la ti ya'i rtse mo drang srong thub pa'i gnas su klu gang dag rten cing 'dus pa de dag thams cad kyis kyang rang rang gi lus chung ngur mthong ste/ dper na mig sman bsku ba'i thur ma bzhin no/ /ji ltar sngon gyi lus bzhin du yang bzhag par ma nus so/ /slar 'byung bar yang ma nus te/de dag thams cad 'jigs shing skrag la spu zing zhes byed pa'i ba spu'i khung bu byung nas/ de dag thams cad kyis dga' bo dang nye dga' la rab tu btud nas 'di skad ces smras so/ /gang gi tshe bdag cag gi grong du sha sbrang dang / sbrang bu mchu dang /sbrang bu gdug pa rnams kun tu byung ba de'i tshe bdag cag gnas thams cad bor nas bskyab pa'i phyir 'dir zhugs nas 'di nas gang du yang mchi bar ma nus te/ lus dag kyang chung ngur gyur lags na gang gis bdag cag gnas su mchi bar bdag cag bskyab tu gsol/mi 'jigs pa stsal bar gsol/ dga' bo dang nye dga' gnyis kyis kyang smras pa/ dge sbyong 'di ni g.yo sgyu can gyis blo/ /shAkya'i bu pho sgyu ma byed pa yin/ /sangs rgyas zhing 'dir zhugs par gyur nas su/ /lus kun la ni thams cad chud par gyur//des ni klu rnams kun gyi gnas dag tu/ /sha sbrang sbrang bu mchu sbrang bu sbrul/ /sa 'di bskyab phyir nged cag lhags gyur te/ /thams cad stobs rnams las ni nyams par gyur/ /gau ta ma ni blo gros g.yon can yang //las des rdzu 'phrul de las nyams gyur cing / /de ni lus kyang chung ngur gyur nas su/ /stan gyi stengs na dmangs ni kun tu snang / /des ni bdag cag lus kyang chung ngur byas/ /btson ra 'dir ni bcings par gyur nas su/ /nged cag ci yang byed par mi nus kyis//mi 'jigs lha la khyed cag phyag 'tshol cig /'dod pa'i dbang phyug bdud sdig can la klu de dag thams cad kyis phyag 'tshal te smras pa/ gang bdag cag btson ra de nas 'byer ba dang rang rang gi gnas rnams su gnas par rngo thogs par bdag cag bskyab tu gsol/klu'i rgyal po sa srung gi bus de dag la 'di skad ces smras so/ /bdud dpung bcas pa rang nyid skrag nas su/ /gau ta ma sgyu ma g.yo sgyu can la skyo/ /'khor dang lto gol rnams kyang g.yo yis su/ /des ni de yi skye bo mang po phrogs/ /bdud la mthu ni ci yang yod ma yin//'gro ba dang ni rdzu 'phrul de las nyams/ /gzhan la khyed cag myur du skyabs su deng / /lha rnams la ni kun gyis rjed par byos/ /de nas klu thams cad kyang kha cig ni rgyal po chen po bzhi la phyag 'tshal bar byed do/ /kha cig ni brgya byin la phyag 'tshal bar byed do//kha cig ni rab 'thab bral la phyag 'tshal bar byed do/ /kha cig ni yongs su dga' ldan la phyag 'tshal bar byed do/ /kha cig ni 'phrul dga' la phyag 'tshal bar byed do/ /kha cig ni lha'i bu gzhan 'phrul dbang byed la phyag 'tshal bar byed do//kha cig ni tshangs pa chen po la phyag 'tshal bar byed do/ /klu'i rgyal po thams cad la klu'i rgyal po rgya mtshos 'di skad ces smras so/ /lha dang lha dbang 'di kun 'khod nas su/ /mchod pa rnam pa sna tshogs byed pa dang / /gau tam dmangs la thams cad skyabs gnas pa//khyed cag gi ni ci yi phyir ma mthong / /dka' thub drag po drang srong chen po dag /gzhan rnams la ni grogs dag khyed phyag 'tshol/ /rtas bsrungs mthon 'phur skar ma dga' ba dang / /ngan spong bu la ci phyir phyag mi 'tshal/ /de nas klu de dag thams cad kha cig ni drang srong rab tu dpal ldan la phyag 'tshal bar byed do//kha cig ni brten po la phyag 'tshal bar byed do/ /kha cig ni rtas bsrungs la phyag 'tshal bar byed do/ /kha cig ni mthon por 'phur la phyag 'tshal bar byed do/ /kha cig ni skar ma la dga' ba la phyag 'tshal bar byed do//kha cig ni drang srong ngan spong gi bu la phyag 'tshal bar byed do/ /mngon par shes pa lnga dang ldan pa de dag la skyabs su nye bar dong ngo / /yang de'i tshe/ drang srong mngon par shes pa lnga dang ldan pa de dag gangs kyi nub phyogs kyi ngos la drang srong skar ma la dga' ba'i mdun na/shAkya khyu mchog gi yon tan bsngags pa nyan cing 'khod de/ drang srong de dag gis klu thams cad 'o dod 'bod pa thos so/ /thos nas kyang drang srong lnga po de dag stan las langs te/ byang chub sems dpa' sems dpa' chen po skar ma la dga' ba la 'di skad ces smras so//bcom ldan 'das drang srong thub pa'i gnas rten du klu thams cad gnod par gyur cing bdag cag la skyabs su nye bar gnas pa gzigs sam/ bzhengs te der bzhud la klu'i sde thams cad yongs su thar bar mdzod cig /des smras pa/ khyed deng shig /lha dang / klu dang / gnod sbyin brgya stong phrag mang po 'di dag nga'i mdun du 'khod nas tshangs pa'i gnas pa dmigs pa med pa yongs su 'dri bar byed de/ ngas de dag gi sems yongs su mgu bar bya'o//de nas skar ma la dga' ba'i rkang pa gnyis la drang srong de dag thams cad mgo bos phyag 'tshal te/ lan gsum bskor ba byas nas rdzu 'phrul gyis dong ste drang srong thub pa'i gnas kyi gzhi rten du 'khod do/ /de nas de dag la klu de dag mgo bos phyag 'tshal te 'di skad ces smras so//khyed bsod nams can shes rab dang ldan pa thabs thams cad kyi pha rol tu phyin pa drang srong chen po lags na bdag cag yongs su bskyab par gsol/ /btson ra'i 'jigs pa 'di las bdag cag yongs su dgrol bar gsol/ de nas drang srong de dag gis 'di skad ces smras so//nged kyis ni khyed 'di nas yongs su grol bar byed par mi nus so/ /lag 'gro'i bdag po dag gangs kyi nub phyogs kyi ngos la drang srong thams cad kyi bla ma dbang che bar grags pa/ shes rab dang / thabs dang / gzi brjid chen pos rgyas pa skar ma la dga' ba zhes bya ba yod de/des khyed 'di nas yongs su grol bar byed par 'gyur ro/ /de la phyag 'tshol cig /de thos nas klu thams cad drang srong skar ma la dga' ba la thal mo rab tu sbyar ba byas nas dbyangs gcig gis 'o dod bos so/ /de nas byang chub sems dpa' drang srong gi cha byad can drang srong skar ma la dga' bas lha dang /mi 'am ci dang / gnod sbyin brgya stong phrag mang pos mdun du bdar cing yongs su bskor te/ de nas rdzu 'phrul gyis chas nas drang srong thub pa'i gnas der yang phyin par gyur te/ de la klu thams cad mgo bos phyag 'tshal te gus pa mchog skyes nas 'di skad ces smras so//gang bdag cag rang gi gnas su mchis nas dga' bar 'gyur bar bdag cag yongs su bskyab par gsol/ gnas 'di nas bdag cag yongs su dgrol bar gsol/ dus shes pa/ dus la blta ba drang srong chen po des kyang rkyen gyi dbang gis de dag la rgyu skar gyi gtam brtsams pa/ ji ltar thams cad thar 'gyur ba/ /de bzhin du ni bshad par bya/ /khyed la phan pa gzhan med kyis/ /mthar gyis su ni mnyan par gyis/ /'dir ni nab so gang gnas pa//de ni dbyar zla tha / /de ni nyi ma lha yin zhing / /klu rnams kun dang 'brel pa yis/ /skar ma'i dpyad ni phongs pa dang / /snying por drang srong sbyor bas bstan/ /gza' dang rgyu skar skar ma rnams/ /nam mkha' la ni su yis bzhag /mkhas pa rnams ni dga' bgyid pa//lo skor shes pa bshad du gsol/ /zla ba nyi ma rgyu skar dang / /gza' rnams 'gro ba ji ltar lags/ /zla ba rnams kyi dang por ni/ /rgyu skar gang zhig 'byung bar 'gyur/ /zla ba'i yud tsam gang zhig lags/ / ni ci 'dra lags/ /lha ni ci lags rus ci lags/ /lci ba ci lags yang ba gang / /phan pa ci lags gnod pa ci/ /stobs ci bdag la myur du gsungs/ /gang gis su ni mtshan mo 'thob/ /nyi ma'i mdun na ci zhig lags/ /grib ma'i gom pa du zhig tu//nyi ma 'khor bar bgyid pa lags/ /zla ba gang la lho phyogs su/ /nyi ma byang du ji ltar gnas/ /drang srong khyod la kun zhu na/ /bdag cag la ni kun ston cig /shes rab chen pos 'jig rten mkhas/ /skar la dga' bas de skad smras/ / bskal pa bzang po zhugs pa na/ /sngon chad byung ba skye lags 'gro/ /dpal ldan grong khyer lnga len du/ /'dod pa spangs shing chos dang ldan/ /gtsang ma 'dod cing rab mkhas pa'i/ /mi rgyal 'byor ba chen po byung / /de yi btsun mo dam pa ni/ /'dod pa rnams la 'chums gyur nas//de tshe yul ni dben par yang / /gzu lums can dang lhan cig spyad/ /mngal ni smin par bya ba'i phyir/ /yang dang yang du spyad nas su/ /de tshe chos kyis sbrum par gyur/ /mi sdug pa yi khye'u zhig byung / /bung bu'i mgo la bong mgrin po/ / bong rna po la bong gdong po/ /thams cad rtsub po ral pa can/ /mi yi lus ni phyed yod pa/ /de mthong 'jigs nas myur du ni/ /snam phyi sar ni de bor ro/ /reg tu mi rung mi gtsang ba/ /de phyir srin mo bong mos blangs/ /gangs kyi gnas su song nas su/ / bu la chags pas gsos pa yin/ /bcud kyis len ni 'thungs pas na/ /de tshe lha dang lhan cig 'grogs/ /shes rab chen po skal ldan po/ /rab tu brtson ldan snying rje'i sems/ /gzi brjid chen po byams pa thob/ /sems can kun la phan byed pa'o/ lha yi tshogs kyang 'dus nas su/ /rnga bong la ni phyag 'tshal nas/ /de la yang ni snying brtse'i phyir/ /gangs kyi ri bo sprul pa byas/ /shing dang me tog 'bras bur ldan/ /dri zhim dga' bar byed pa ste/ /sna tshogs rtsi yis khebs pa la/ /bya rnams sna tshogs rten pa yin//der ni drang srong rnga bong de/ /rnam par dben par rten nas su/ /lo ni drug khri tham par yang / /rkang pa gcig gis dka' thub gnas/ /brgya byin tshangs pas phyag byas te/ /lha rnams kun gyis mngon par bstod/ /gzugs rten lha rnams thams cad dang //der ni tshangs pa nye bar 'ongs/ /'dod rten lha rnams thams cad dang / /der ni brgya byin nye bar 'ongs/ /klu dang gnod sbyin grul bum dag /thams cad der ni nye bar lhags/ /'jig rten gang su mkhas pa ni/ /drang srong tshangs par spyod pa rnams//'dod pa'i khams dang gzugs khams pa/ /thams cad der ni nye bar lhags/ /kun gyis drang srong rnga bong la/ /mchod pa rnam pa sna tshogs byas/ /btud nas thal mo sbyar byas te/ /brgya byin tshangs pas 'di skad smras/ /skal ldan chen po kye khyod ni//ci phyir ded la mngon par dga'/ /re ba ci 'dra ci la bsams/ /ci 'dod pa ni smra bar gyis/ /drang srong rnga bong gis smras pa/ /gza' dang rgyu skar skar ma rnams/ /mkha' la ci 'drar byung gyur pa'i/ /sngon gyi bskal pa bdag gis dran//nyin zhag du ni rgyu skar rnams/ /re re nas ni rgyu bar byed/ /tshe rabs kun tu rgyu skar gyi/ /yon tan las rnams rnam par shes/ /bskal pa bzang po 'di la ni/ /'di ni ci yang mi snang na/ /snying brtser gyis de khyod kyis ni/ /rgyu skar kun zhog shig /ji ltar 'jig rten 'dir gnas bzhin/ /de yi las dang yon tan gsungs/ /yon tan rgya mtshos shod cig ces/ /lha yi tshogs rnams kun gyis smras/ /drang srong rnga bong gis smras pa/ /re zhig dang por smin drug ces/ /rgyu skar dkyil 'khor thams cad la//nang gi dang por gzhag par bya/ /ji ltar smin drug bzhag pa bzhin/ /'di la su zhig dad pa 'bul/ /lha yi bu ni nyi ma yang / /skar ma drug po ston par byed/ /smin drug rgyu skar de dag ni/ /mkha' la rtag tu rgyu bar shog /thams cad ldan pa'i 'khor dga' nas/ /me lha zhig ni sprul pa byas/ /gzi brjid chen po drang srong lha/ /me bzhin 'jug gis bus smras pa/ /bdag gi sring mo'i bu 'di dag /gling bzhi par ni gnas par shog /drang srong rnga bong slar smras pa//dang por smin drug de dag yin/ /rgyu skar chu yi rus can ni/ /gnyis pa yang ni yin par bya/ /skye dgu'i bdag gis 'di skad smras/ /bdag gis bu lnga dbul lags te/ /rus ni drang srong chen po chu/ /rab tu brtson ldan snar ma lags/ / chu yi rus kyi rgyu skar ni/ /snar ma'i ming gis gnyis pa lags/ /zla ba'i bu pho gsum po ni/ /ming ni mgo zhes bgyi ba lags/ /ba ra dwa dza'i rus su ni/ /mgo zhes bgyi ba bzhag pa lags/ /rab tu mi bzad lag ces bya/ /lha drag rnams kyis bstan pa lags//ljang sngo'i bu yi bu rus su/ /de ni bzhi par bzhag pa lags/ /drang srong bcas pa'i lha tshogs kyis/ /nyi ma'i bu ni bstan lags te/ /nab so lags shing gnas 'jog rus/ /phur bu'i bu ni gsum lags te/ /lag gi bu yi rus lags shing //rgyal zhes bgyi bar de dag bshad/ /sa srung gi ni bu lnga po/ /brtul zhugs spyod pa mkhas pa rnams/ /mdza' bo'i bu yi rus lags te/ /de ltar de dag rgyu skar bdun/ /shar phyogs kha 'dzin rnams su bzhag /de yi las dang dang //sbyor ba kha 'dzin gzhung las bstan/ /ngas kyang yang ni khyed cag la/ /gling bzhi pa ni gnas byed cing / /las ni ci 'dra sgrub byed pa/ /mdor ni myur du bshad par bya/ /phur bu yi ni bu lnga po/ /byang grol brtul zhugs 'chang ba dag / ser skya'i bu yi rus su ni/ /lho yi phyogs su ngas bzhag go/ /dbyangs can gyi ni bu gnyis po/ /ming gis kyang ni gre yin te/ /drang srong gau ta ma rus su ni/ /lho yi phyogs su ngas bzhag go/ /lha mo yi ni bu gnyis po/ /ming gis kyang ni dbo yin te/ / kau Di n+ya yi rus su ni/ /lho phyogs kha 'dzin gsum pa bzhag /sdig pa yi ni bu bstan pa/ /drang srong kA tA'i bu yi rus/ /lhar bcas drang srong rnams kyis der/ /me bzhi zhes ni bya bar bzhag /dri za'i bu ni nag pa ste/ /kA tA'i bu yi rus yin no/ / sa ri de ni ma yi bu/ /kA tA'i bu chen rus yin no/ /'dir ni sa ga dpal gyi bu/ /kA tA'i bu rgan rus yin te/ /drang srong rnams kyis rgyu skar bdun/ /lho phyogs kha 'dzin rnams su bzhag /mdza' bo'i bu yi bu bzhi po/ /drag po'i bu yi rus yin te/ /ming gis lha mtshams zhes bya ba//nub phyogs su ni bzhag pa yin/ /dbang po yi ni bu gsum ste/ /zla ba kA tA'i bu yi rus/ /'jam pa'i las ni thams cad la/ /gnyis pa snron ni bzhag pa yin/ /sa yi lha mo'i bu gsum ste/ /snrubs ni lag pa'i bu yi rus//rgyal ba'i lha mo'i bu bzhi ste/ /kA tA'i bu yi rus yin no/ /thams cad lha zhes bya ba bzhi/ /maud gal bu yi rus yin no/ /snrubs dang chu stod chu smad gnyis/ /rgyu skar gsum po bzhag pa yin/ /sred med bu yi bu gsum po/ /rgyu skar rnams ni byi bzhin 'khod//khyab 'jug gi ni bu gsum ste/ /kA tA'i bu pho dpal gyi rus/ /de ltar de dag rgyu skar bdun/ /nub phyogs kyi ni kha 'dzin yin/ /nor lha'i bu ni mon gru ste/ /drang srong rna ba'i rus yin no/ /chu lha'i bu ni gcig pu ste/ /deb rtse'i bu yi rus yin zhing //sman ma sprul gyi lha mo yi/ /rgyu skar mon gre gnas pa yin/ /sdig pa yi ni bu gnyis te/ /khrums stod ces ni bya bar bshad/ /chu yi rna ba'i rus su ni/ /gsum pa 'di ni bzhag pa yin/ /lha yi drang srong chu lha'i bu/ / khrums smad ces ni bya bar bshad/ /bra nye drang srong rus yin par/ /bzhi pa 'di ni bzhag pa yin/ /lha yi drang srong rgyal gyi bu/ /nam gru zhes bya de bstan te/ /drang srong dbang po'i rus su ni/ /lnga pa 'di ni bzhag pa yin/ /dri za'i rgyal po'i bu gsum ste//lnga len bu yi rus yin zhing / /rgyu skar tha skar zhes bya ba/ /'jig rten mkhas pa rnams kyis bzhag /drag po'i bu ni gsum yin te/ /bra nye ngan spong rus yin no/ /rgyu skar bdun po de dag ni/ /byang phyogs kha 'dzin rnams su bzhag / rgyu skar nyi shu rtsa brgyad po/ /kha 'dzin bzhir ni gzhung las bshad/ /gtor ma las dang yon tan rnams/ /mdor na nga yis bshad par bya/ /thams cad rab tu thal sbyar 'khod/ /lha dang shed las skyes rnams kyis/ /drang srong rnga bong la ni smras/ /mi dge sngon du 'gro ba'i las//gang byas khyod ni mi sdug skyes/ /gang du thams cad myur zad 'gyur/ /'di ni lha dang mi rnams dang / /drang srong dag ni zhi ba rnams/ /thams cad gzugs ni bzang por gyur/ /rigs dang snyan ldan de dag kun/ /drang srong rnga bong de la ni//brgya byin lhan cig 'khod nas su/ /'khor kun rangs te thal sbyar gyur/ /bsam pa gcig tu smras pa ni/ /nam mkha' 'di la rgyu skar ni/ /gang zhig dang por rgyu bar byed/ /kha zas su ni ci za shod/ /mi rnams kyi ni las ci sgrub/ /yun ni ji srid rgyu bar byed//drang srong de dag thams cad la/ /rnga bong gis ni ji skad smras/ /ji ltar nga yis brjod pa bzhin/ /'dir ni khyed kyis dad pa phul/ /rgyu skar 'di la ngas mchog phyin/ /de ni khyod la brjod par bya/ /shes pa nga bdag bzhin/ /gling bzhi'i sems can phan pa'i phyir//lo skor yang ni shes par bya/ /dang por nyi ma gang yin pa/ /ngas byas pa ni nga yi mig /bu drug g.yo can sems rangs pa/ /de ni nga yis dang por brjod/ /de yi phyir na smin drug ni/ /rgyu skar tshogs ni thams cad du/ / nang gi gtso bor 'gyur bar shog /zla ba nya dang nyi ma yi/ /nyin mtshan de dag mnyam par gnas/ /mtshan mo gzhan ni mun khyab dang / /chu lha yang ni gnas par 'gyur/ /'gro ba bzod pa bgrang ba dang / /bra nye gnas bzhin 'di ltar bshad/ /mon sran bcu drug brgyar bsgyur te//skyes bu dang ni brgyad pa gcig /brgyad pa phrag ni bcu drug la/ /cha ni gcig tu 'gyur ba yin/ /cha ni drug cu tham pa la/ /yud tsam cig ni de yin no/ /de tsam yud tsam sum cu la/ /'dir ni 'jig rten gnas pa yin//ri rab g.yas nas bskor ba'i tshe/ /yud tsam sum cus 'gro bar byed/ /'dir ni mon sran tshod ma za/ /bya ba nyung ngu bsgrub par gyis/ /rgyal po nad pas 'gro ba kun/ /zhag bcu tham pa thar bar gyis/ /rtag tu dad pas mtshon chas bsrungs/ / mchog sbyin khyod kyis bu skye gang / /tshor ba dbang po thul ba dang / /chos kyi blo gros nab so la/ /mngal du nying mtshams sbyor bar 'gyur/ /'dir ni gre la bya ba mang / /chu smad bra nye gsum pa yin/ /me bzhi snar ma gro bzhin ni/ /nor rgud byed par 'gyur ba yin//snrubs dang skag dang nam gru ni/ /lam dag gi ni rgyu skar yin/ /khrums stod dang ni snron dang ni/ /rgyal dang yang ni khrums smad ni/ /phun sum tshogs par byed pa yin/ /mchu dang chu stod tha skar dang / /mon gru dang ni smin drug dang / /dbo zhes bya ba dag gis ni//bde ba sgrub par byed pa yin/ /'dir ni mgo dang nag pa dang / /mon gru dang ni mon gre dang / /sa ri lag ni rnam drug gis/ /grogs po dang ni grogs mchog 'gyur/ /lha yi dbang pos 'di skad smras/ /snron gyi tshe na tshes gnyis la/ / yud tsam sum cur mi zad par/ /bya phyir mkha' la khyod gnas kyis/ /khyod kyis kyang ni la phug dang / /bu ram zas la gnas par gyis/ /nad pa zhag ni bcu gsum khrol/ /da ltar skye dgu skye ba med/ /shin tu tshul 'chal snying rje spangs/ /mchod sbyin dang ni skye ba dang //snron la skye tshe rtag tu ni/ /mngal du mtshams sbyor bsrung bar gyis/ /nag pa dang ni mon gru dang / /mgo la grags pa mang du byed/ /byi bzhin dang ni gre dang dbo/ /las dag gi ni rgyu skar yin/ /khrums stod dang ni khrums smad ni//rgud byed chu dang chu stod dang / /tha skar phun sum tshogs par byed/ /snrubs dang skag dang nam gru dang / /mon gre me bzhi snar ma ni/ /bde ba sgrub par byed pa yin/ /bra nye dang ni gre dang ni/ /chu smad mdza' bo'i mchog tu 'gyur/ /khrums stod dang ni sa ri dang / / mon gru dang ni nab so dang / /sa ga dang ni lag kyang ni/ /'dir ni rnam pa drug tu 'gyur/ /lha yi drang srong des gsob kyis/ /snrubs bshad pa na tshes gsum la/ /yud tsam sum cur nam mkha' la/ /bya ba che chung khyod gnas kyis/ /zas ni 'bras bu la phug dang / / bdug pa dang ni me tog ste/ /zhag ni sum cur bdag nyid kyis/ /nad pa yang ni thar bar byed/ /gang zhig spyod par byed pas ni/ /skye dgu mi skye nor dang 'bru/ /skal ldan skyes bu'i rnam pa dang / /sa la las ni byed par 'gyur/ /mgo la mngal du mtshams sbyor ba//rta dang yang ni rnga mo dang / /glang po che dang khyu mchog dang / /dred dang bcas pa'i rnam par 'gyur/ /chu stod dang ni gre dang ni/ /bra nye dang ni gsum pa ste/ /'jig pa'i rgyur 'gyur skag dang snrubs/ /de la 'phel bar byed par 'gyur/ /nam gru bgrang dang mnyam 'gyur te//mon gru las kyi rgyu skar yin/ /khrums stod ces ni bya ba yang / /de la rgud par byed par 'gyur/ /lha mtshams nab so gsum pa yin/ /lag ni de la rgud byed 'gyur/ /sa ga dang ni mon gre yang / /gsum pa zhes ni bya ba yin/ /tha skar de la sgrub par 'gyur//chu stod zla ba gnyis pa ste/ /snron dang rgyal zhes bya ba yang / /de la bde bar byed par 'gyur/ /khrums smad ces ni bya ba ni/ /grogs dang grogs po mchog tu 'gyur/ /drug po 'di dag lag dang ni/ /gro bzhin snar ma gsum pa yin/ /smin drug ces ni bya ba yang //byi bzhin dang ni dbo yin no/ /'dir ni khron pa sa rir gyur/ /me lha yin te sa gas bshad/ /gling bzhir tshes ni lnga la/ /khyod spyod yud tsam bzhi bcu lngas/ /'gro bar byed cing bya ba ni/ /chen po mi zad pa yis gnas/ /zhag ni lnga tham par yang //nad pa yang ni thar bar gyis/ /su zhig kyang ni khyod kyi bur/ /dag par rjes su skye 'gyur ba/ /gzi brjid dang ni dpal dang ni/ /longs spyod dga' ba 'bar bar 'gyur/ /bud med brnab sems shin tu srungs/ /de skye'i rgyu skar lag yin no//de'i las rgyu skar mon gre yin/ /mchu dang tha skar chu stod rgyu/ /smin drug ces ni bya ba la/ /de ni 'chi bar 'gyur ba yin/ /byi bzhin dang ni dbo yang ni/ /'dir ni rgud par byed pa yin/ /khrums stod dang ni snron dang ni/ /nab so yang ni gsum pa ste/ / lha mtshams zhes ni bya bar yang / /de ni phun sum tshogs byed yin/ /nab so khrums stod snrubs dang ni/ /nam gru skag ni bde byed yin/ /gre dang yang ni chu smad dang / /gsum pa bra nye sgrub pa yin/ /mdza' bo dang ni mdza' mchog tu/ /de dag der ni 'gyur ba yin//nag pa snar ma mon gru bzhin/ /mgo gnyis me bzhi gro bzhin yang / /'dir ni de bdun lho phyogs kyi/ /kha 'dzin phrugs zhes bya ba yin// //'phags pa shin tu rgyas pa chen po'i sde nyi ma'i snying po zhes bya ba'i mdo/ bam po bcu pa/mdza' bshes kyi ni lha mo yis/ /yar gyi ngo yi tshes gcig la/ /'gro bar byed pa'i / /lha mtshams la ni smras pa yin/ /bra nye tshes ni lnga yi/ /nyin par yang ni yud tsam yin/ /mtshan mo yang ni de tsam ste/ /nyin mtshan gcig la bra nye yin//chu yi lha mo de yang ni/ /nyin dang mtshan du mnyam pa ste/ /yud tsam sum cu tham pa yin/ /de yi longs spyod thang cig shog /rgyal po legs brtan snying rje spangs/ /'thun par yul 'khor skyong ba bzhin/ /de bzhin du ni mi zad pa'i/ /bra nye yang ni 'gro bar shog /'dzam gling 'di la ston par shog /de bzhin khyed cag thams cad kyis/ /de la dmod pa bor bar gyis/ /de bzhin 'gro la bstan par gyis/ /kun gyis smras pa/ de bzhin rtag tu gyur par shog /mi zad pa yi bya ba gyis//khyod kyis spyod pas gang skye ba/ /mi yi thu bo mi bzad 'gyur/ /de yi mngal 'jug chu stod yin/ /bra nye la ni skyes pa'i mi/ /'chi ba'i tshe na lha mtshams dang / /khrums stod ces ni bya ba yin/ /'di la mkhas pas brtag bya ste/ /sa ri mon gru ma yin gzhi//dmag 'gro rtsod pa'i gnas dag gis/ /bya spang spu gri'i las mi bya/ /snar ma me bzhi byi bzhin ni/ /rgud byed dgra rnams khyod kyis gzhom/ /khyod kyis las ni che chung kun/ /gre yi tshe na bya bar gyis/ /chu smad dang ni dbo yang ni/ / phun sum tshogs pa byed par byed/ /sman rnams brten bya sbyin dang dul/ /gos dang rgyan gyi bya ba'ang brjod/ /mgo dang nag pa zhes bya dang / /gro bzhin mchu ni bde bar byed/ /sa ga nab so mon gre ste/ /de dag lam 'jug sgrub pa yin/ /skag dang snrubs zhes bya ba dang //tha skar dang ni mchu dang gre/ /grogs po mchog tu 'gyur ba yin/ /bsgrub tu mi rung las kyang gyis/ /'di tshe khri bzhon gos dang mal/ /mdza' bo rnams la'ang brtsam par bya/ /nyi ma'i bu ni mig dmar te/ /drang srong chen po der dpang btsugs/ /bcu gnyis khyim dus gnas de nas//der yod las 'thun grib gom drug /der ni dus kyang mnyam pa yin/ /nyin dang mtshan kyang mtshungs pa yin/ /de yod tha skar mtshan mo gang / /lha mtshams nyin par gnas pa na/ /khyod kyis nga ni spang bar gyis/ /mkha' la spyod cing khyod kyis ston//gling bzhi pa ni mgu bya'i phyir/ /'di ni ji ltar lhags pa bzhin/ /ngas 'dir gang zhig yang dag brjod/ /lha yi drang srong kun dga' gyur/ /de bzhin khyod ni kun du song / /smin drug de bzhin me yi lha/ /bdag nyid gling bzhi der gnas shing //khyod kyis me bzhin myur bya gyis/ /yud tsam sum cur tshal du song / /der gang mi yi zas 'byung ba/ /dam pa'i grags dang longs spyod kyang / /zla nya khyod 'dir yang legs rdzogs/ /de ltar nga yis thob pa yin/ /zhag bzhi tham par nad pa ni//myur ba kho nar thar bar gyis/ /mngal du 'jug pa me bzhi bsrungs/ /chu stod 'chi bar byed pa yin/ /skag khrums stod smad nab so dang / /mon gre 'phel bar byed pa yin/ /khyod kyis bya ba 'di spongs shig /dmag dang rtsod pa'i gnas 'gro dang //spu gri yi ni las rnams so/ /gro bzhin dang ni nag pa dang / /mgo ni rgud par byed pa yin/ /lag dang dbo ni 'dir 'joms byed/ /byed pa'i bya ba 'di gyis shig /che dang chung ba gang ci yang / /snar mas phun sum tshogs par byed/ /byi bzhin dang ni nag par bcas//der ni bya ba gang rtsi dang / /gom pa sbyin pa gos dang mal/ /der ni rgyan gyis brgyan par bya/ /lag ni bde bar byed pa ste/ /mon gru dang ni sa ri yang / /gsum po dag ni de dag yin/ /lam du 'jug pa'ang de dag yin/ /rgyal dang lha mtshams khrums stod ni//las dag sgrub par byed pa yin/ /mchu snrubs skag dang khrums smad dang / /de dang de rnams drag byed grogs/ /skal bzang bag ma gtong dang bzhon/ /mal yang der ni de bya ste/ /khyim dang dus zhes bya ba dang / /gza' rnams bdag gis brjod pa yin//de ltar bdag gis dus kun brjod/ /khyod ci drang srong lha mi dga'/ /bdag gis byed de bshad pa bzhin/ /lha dbang drang srong 'khor dang bcas/ /mi yis thal sbyar 'di skad smras/ /'byung po kun la phan pa khyod/ /'gro ba la ni skyob pa khyod//de ltar shes mnyam ji bzhin khyod/ /yang smras pa/ rnga bong can gyi drang srong ste/ /snar ma chu yi rigs kyang yin/ /chu yi lha mo khyod yin na/ /gsum par yang ni 'gro bar gyis/ /byed pa chung dang 'bring yin zhing / /bzhi bcu rtsa lnga tham pa yin//yud tsam du ni khyod kyis 'gro/ /dug dang sha ni zas yin no/ /khyod la spyod par byed pa yis/ /gang dag mi rnams skye 'gyur ba/ /de dag phyug cing chos dang ldan/ /zhag lnga nad pa myur du gsos/ /de 'dir khyod kyis bstan par gyis/ / byi bzhin nam grus mngal du 'jug /'chi ba snrubs dang mchu bzhin te/ /rgyal dang lha mtshams khrums stod 'phel/ /dmag 'gro bag ma gtong ba yi/ /gnas nas 'gro bar byed pa dang / /nyo tshong dang ni bzo byed pa/ /de 'dra ba yi bya ba spongs/ /sa ri mon gru de dag 'dir//rgud byed dgra 'dir gzhom par bya/ /me bzhi las kyi rgyu skar yin/ /che chung thams cad 'dir gyis shig /mgo dang nag pa gro bzhin te/ /de dag phun sum tshogs par byed/ /rtsi byed na yang de dag sten/ /der byin gos rgyan sna tshogs sgrogs/ / nab so dang ni sa ga dang / /mon gre bde bar byed pa ste/ /de dag la ni lam du 'jug /snron ni sgrub pa byed pa yin/ /skag ces bya ba khrums smad ni/ /drag po'i las dag byed pa yin/ /chu stod chu smad tha skar dang / /bra nye khrums stod khrums smad mdza'/ / dbos ni skal ba bzang po sbyin/ /brtson pa dang ni bzhon pa dang / /mal dang khri ni bsham pa yang / /'di la bya ba de 'jug go/ /yang smras pa/ 'gro ba bzhi dang ldan par ni/ /mgo la khyod ni gnas par 'gyur/ /mi yi las bya myur du sgrubs/ /yud tsam sum cur 'gro bar gyis//zhag brgyad nad pa myur du gsos/ /khyod zas tshon sha zla ba'i lha/ /der ni skyes dgu gang dag skye/ /dpa' zhing 'byor bar 'gyur ba yin/ /khyab 'jug bden 'di shin tu bsrungs/ /de byed ji bzhin nga yis bshad/ /gro bzhin tha skar mngal du 'jug /mchu gnyis gre dbo 'chi bar byed/ /snron gyi tshe ni bya ba 'phel/ /skag dang gzhan bcas thob par byed/ /lam ring rtsod dang gnas nas 'gro/ /bya ba de 'dra spang bar gyis/ /nab so rgud par byed pa ste/ /mon gre sa ga bzhin du shes/ /gsang ba'i gnas bzhin brtsam par gyis//g.yo dmangs kyis 'joms par byed/ /nag pa las kyi rgyu skar te/ /'di la che chung thams cad rtsom/ /lag ni phun sum tshogs par byed/ /mon gru sa ri gzhan thob byed/ /'dir ni sman dang sbyin 'dul bzhon//rgyan dang gos kyang thob par byed/ /rgyal dang lha mtshams khrums stod bde/ /de dag lam du shin tu 'phrod/ /snrubs dang nam gru mchu sgrub byed/ /'di la gtum po'i las kyang bya/ /me bzhi dgra zin bra nye dang / /snar ma dbyer med chu gnyis bzhin//skal bzang bag ma gtong dang bzhon/ /mal kun 'dir ni byed du chug /lag lha drag mos de tshe smras/ /tshes lnga la ni khyod gnas te/ /yud tsam bco lnga khyod 'gro byed/ /khyod kyi zas ni mar sar te/ /drag cing mi bzad sdang byed sgrub/ /nad pa yang ni zhag bcu yin//khyod la spyad pas mi gang skye/ /srid pa gsum du mi zad 'gyur/ /nor tshol byed cing chom pos 'chi/ /khyod kyi sbyor bas de yin no/ /mon gru snrubs la mngal du 'jug /chu dang nam grus 'phel bar 'gyur/ /dbo yi tshe na 'chi bar byed//chu gnyis bra nye ji bzhin no/ /skye dang 'jig dang 'phel ba yi/ /byed pa de ni spong bar gyis/ /lha mtshams dang ni khrums stod der/ /byed pa bstan nas rgud par byed/ /sa ri las kyi rgyu skar yin/ /byed pa chung ngu thams cad 'jug /sa ga dang ni mon gre dang //nab so phun sum tshogs par byed/ /khrums smad par ni bde byed yin/ /snron dang skag ni lam na mnyam/ /gre ni sgrub par byed pa ste/ /chu stod tha skar gsum pa yin/ /me bzhi'i bar gzhan grogs mchog ste/ /smin drug nag pa gro bzhin dang //byi bzhin bag ma gtong dang bzhon/ /mal dang skal ba bzang por sgrub/ /nyi ma'i lha mo nab sos smras/ /tshes drug la yang gnas par 'gyur/ /sbrul sha khyod kyi zas su shog /las kyang drag por bya bar gyis/ /yud tsam bzhi bcu rtsa lngar 'gro/ / 'dir ni nad pa zhag brgyad yin/ /khyod spyad su yang mi nang skye/ /zhing pa longs spyod ldan par 'gyur/ /rta dang glang chen zad par 'gro/ /nab sos mngal du 'jug par 'gyur/ /'di ni mon gre'i zas yin te/ /smin drug la ni 'chi bar byed/ / khrums smad rgud par byed pa yin/ /skag snron las kyi rgyu skar yin/ /sa ga brtul zhugs bstan pa yin/ /rgyal yang phun sum tshogs par byed/ /lag dang lha mtshams zhes bya dang / /khrums stod kyang ni bde bar byed/ /mchu dang nam gru bzhin du ste/ / de dag lam du zhugs na bzang / /bra nye chu smad gre dang dbo/ /sgrub byed nag pa gro bzhin dang / /sa ri snar ma mgo mon gru/ /mi yi nang khyod grogs mchog 'gyur/ /rgyal 'dir lha mo phur bu khyod/ /tshes bdun gnas khyod yud sum cu/ /'gro byed bu ram sbrang rtsi zas//chos ldan byed chud myur du sgrub/ /nad kyang zhag lnga kho na ste/ /khyod spyad su yang mi nang skye/ /tshul dga' chos smras mdun 'don blon/ /zhing ring bag gtong de dag 'jig /khrums stod dang ni lha mtshams la/ /mngal du 'jug par byed pa ste/ / dbo dang yang ni tha skar dang / /chu smad la ni 'phel bar byed/ /snar ma nag pa gro bzhin 'chi/ /gsum po de dag shes par gyis/ /mchu snrubs nam gru de dag gsum/ /rgud byed mkhas pas shes par gyis/ /lha mtshams byed pa thams cad la/ /las dag gi ni rgyu skar te//mkhas pas shes pa kho nar gyis/ /snron ni phun sum tshogs par byed/ /khrums smad skag gis thob byed gre/ /chu stod tha skar gsum po bde/ /me bzhi sgrub min drug dbyer med/ /de bzhin mkhas pas gsum shes gyis/ /sa ri grogs dang grogs mchog ste//mgo dang lag dang mon gru bzhin/ /sa ga dang ni mon gre yang / /don ni 'bras bur bcas pa yin/ /sbrul gyi lha mo skag 'dir smra/ /tshes brgyad la ni khyod gnas kyis/ /yud tsam bco lngas khyod 'gro byed/ /god pa'i sha ni zas yin no//'gro ba'i nang du gshin rje yi/ /byed pa mi zad khyod gnas kyis/ /nyin der khyod spyod su mir skye/ /khro zhing sdig pa can du 'gyur/ /shin tu mi sdug tshul khrims nyams/ /chos gos gding ba zad 'gyur zhing / /khrums smad ces bya rab mchog la//mngal du 'jug pa ston par byed/ /me bzhi smin drug 'chi bar byed/ /mgo snrubs gre ni ro myangs pas/ /rgud byed chu stod tha skar dang / /snron ni las kyi rgyu skar yin/ /snrubs dang nam gru mchu zhes pa/ /gsum po phun sum tshogs par byed//bra nye bde byed gro dbo dang / /gro bzhin mchu gnyis khyod thos sgrub/ /nag pa snar ma mchu gnyis dang / /mon gre lha mtshams sa ga dang / /lag dang nab so de dag grogs/ /khrums stod kyang ni de bzhin no/ /gshin rje'i lha mos smras/ / tshes dgu la ni khyod gnas shing / /yud tsam sum cur nyin mtshan du/ /til gyi sbyar thug zas yin no/ /sems can byed pa chung 'bring sgrubs/ /zhag brgyad tham par nad pa sos/ /gang ma'i bra nye su mir skye/ /bsod nams byed par bshad pa yin/ / srog shin tu yun bsrungs/ /snrubs ni las kyi rgyu skar yin/ /'dir yang nam grus mngal du 'jug /sa ga la yang 'chi bar byed/ /lag ces bya ba kho na dang / /mon gre yang ni gsum pa yin/ /snar ma dang ni nag pa dang / /gsum pa gro bzhin 'dir dga' byed//dbo dang bra nye rgud byed yin/ /chu smad phun sum tshogs par byed/ /tha skar dang ni gre dang ni/ /mchu gnyis 'phel bar byed pa yin/ /gsum po de dag shes par gyis/ /me bzhi dang ni byi bzhin dang / /smin drug kyang ni bde bar byed/ /sa ri de la sgrub pa yin//mgo gnyis dang ni mon gru bcas/ /de gsum rje grogs shes par gyis/ /snron rgyal lha mtshams chu stod dang / /nab so lhag par zla ba'ang yin/ /skal ldan lha mo gre yis smras/ /tshes bcu la ni khyod gnas shig /bil ba mar sar zas yin te//yud tsam sum cur khyod kyis 'gro/ /'gro 'dir bya ba chung ngu sgrubs/ /zhag bdun nad pa khyod spyod pas/ /su zhig mir skye dri dga' 'dod/ /gos dang rgyan dag 'dod pa yin/ /bye brag phyed rnams su srung ba/ /tha skar la ni mngal 'jug 'gyur//nab sos 'chi mgo zin ro myang / /'phel byed smin drug rgud par byed/ /me bzhi'ang mkhas pas mngon shes gyis/ /gre zhes bya dang bra nye dang / /chu smad ces ni bya ba gsum/ /phun sum tshogs byed shes par gyis/ /'di ni sa ga mon gre yang / / sgrub yin lag la'ang bde ba ste/ /snar ma nag pa gro bzhin nyin/ /mkhas pas grogs gnyis shes par gyis/ /rnam pa drug tu 'gyur ba ni/ /skag dang nam gru rgyal dag dang / /snrubs dang snron zhes bya ba dang / /khrums gnyis gang yin 'dir yin no//lhag par yang ni de bzhin du/ /thams cad kyang ni bgrang bar gyis/ /mkhas pa blo gros ldan pa yis/ /rang gi thams cad shes par gyis/ /gre dbo nyi ma'i lha mos smras/ /tshes ni bcu gcig khyod gnas kyis/ /yud tsam bzhi bcu rtsa lnga yis/ / khyod ni rnam par grol bar gyis/ /mgo yis las ni chung ngus kyang / /sa bon thob cing bskyed bya ste/ /zhag bcur nad pa zhi bar gyis/ /khyod spyad skye dgu gang 'byung ba/ /blun zhing bsnyen gnas gnas pa dang / /sbyin bral 'gro la sdang mi sdug /dug gis 'chi bar 'gyur ba ste//de yi mngal 'jug bra nye shog /nam gru mon gre 'phel bar byed/ /lag ces bya dang sa ga dang / /snron zhes bya ba gsum pa ste/ /de dag 'chi bar byed pa yin/ /khrums smad dang ni rgyal yang 'dir/ /rgud byed yin par shes par gyis/ / snar ma dang ni chu smad kyang / /de'i las rgyu skar shes par gyis/ /me bzhi'ang phun sum tshogs byed cing / /byi bzhin dang ni smin drug kyang / /bde bar byed pa'i gnas yin te/ /mon gru dang ni mgo sgrub byed/ /nab so khrums stod lha mtshams 'dir/ /mkhas pa bzhin du'ang shes par gyis//grogs dang grogs mchog tha skar te/ /mchu dang nam gru skag dang bcas/ /snrubs dang khrums stod ces bya ba/ /drug po de dag nam mkha' la/ /nyi ma'i lha mo lhan cig par/ /mkhas pa yis ni shes par gyis/ /bcu gnyis khru myur rgyal byed mkha'i//dpal las bya bar myur mi bzad/ /yud tsam sum cur 'gro bar gyis/ /sems can rnams la phan par byin/ /e ma khyod zas lham mchu gsher/ /zhag lnga nad pa myur du gsos/ /der gnas skye dgu gang skye ba/ / dbang phyug gtso bo nor ldan yin/ /chom rkun rnams ni 'dul byed mchog /sbyin dang dul bar byed pa yin/ /mchog sbyin rnam pa sna tshogs kyi/ /mchod sbyin byed par 'gyur ba yin/ /byang chub kyi ni yan lag bdun/ /go 'phang srung bar byed pas na/ / de yi grags pa mngal 'jug kyang / /skag ces bya ba kho na yin/ /lha mtshams 'chi bar byed pa ste/ /de yi 'phel byed nab so yin/ /khrums stod ces ni bya ba yang / /las kyi rgyu skar dbyer med pa'o/ /sa ri mon gru 'dir rgud byed/ /'dir ni mgo yang gsum pa yin//phun sum tshogs byed 'dir gro bzhin/ /sa ri snar ma'ang gsum pa yin/ /mon gre bde bar byed pa ste/ /'dir ni sa ga lag gsum pa/ /snron dang rgyal yang sgrub pa ste/ /'dir ni khrums smad gsum pa'ang yin/ /grogs dang grogs mchog 'di drug ste//chu stod mchu dang tha skar dang / /chu smad ces ni bya ba dang / /gre dang bra nye 'chi bar byed/ /dga' byed lha mo nag pas smras/ /khyod mkha' myur song yud sum cur/ /mi bzad las byed myur gnas shig /yan lag rmas pa'ang khyod kyis bza'//zhag drug nad pa myur du gsos/ /khyod la gnas pas skye dgu skye/ /glu dang rol mo'i sgra mkhas 'gyur/ /sbyin dga' 'dod spyod mkhas la sdug /snar ma de yi mngal 'jug yin/ /tha skar zhes ni bya ba dang / /mchu ni 'chi bar byed pa ste/ /chu stod ces bya gsum pa'ang yin//khrums smad 'phel bar byed pa ste/ /snron dang rgyal ni gsum pa'ang yin/ /de yi las kyi rgyu skar ni/ /gro bzhin yin gyi bgrang bar gyis/ /'dir ni mon gre rgud par byed/ /sa ga 'dir lag gsum pa'ang yin/ /mgo ni phun sum tshogs byed 'dir//sa ri mon gru gsum pa'ang yin/ /'dir yang lha mtshams bde bar byed/ /mgo zhes kyang ni bya ba dang / /khrums stod ces ni bya ba dang / /skag kyang 'dir ni sgrub pa yin/ /grogs dang grogs mchog snrubs nam gru/ /'dir drug chu smad smin drug dang //bra nye dang ni dbo dang yang / /sa bon gre dang sa ri ste/ /pha mas 'dir smras gling bzhi bar/ /mkha' la khyod song tshes bcu bzhir/ /khyod spyod 'gro ba'i gling bzhi bar/ /lnga yud drag byos khyod song shig /me tog nas shin zas yin te/ / zhag lngar nad pa myur du gsos/ /khyod spyad skye dgu su skye ba/ /rtsis pa 'byor rnyed khro bar 'gyur/ /'dir ni rgyu skar khro sdang g.yo/ /snar ma me bzhi rgud par byed/ /'dir ni smin drug byi bzhin dang / /gsum pa dbo ni phun sum tshogs/ /sa ga dang ni nab so dang //gsum pa khrums stod sgrub pa yin/ /'dir bde nag pa mgo mon gru/ /rnam pa drug ni mdza' bo yin/ /nam gru snron mdza' tha skar dang / /mchu snrubs de dag mchog tu mdza'/ /byi bzhin tshangs pa'i lha mos smras/ /tshes drug mkha' la khyod yud song //mi bzad bya ba 'byung bya'i phyir/ /mar sar yang ni khyod zo shig /khyod la sems can su gnas pa/ /dpa' zhing sran thub 'byor rgyal gtso/ /yul 'khor grong 'joms dgra thul ba/ /dbo la de ni mngal du 'jug /de la 'phel byed 'chi ba med/ / de yi rgyu skar kun grogs mchog /gro bzhin khyab 'jug lha srong smras/ /nga'i g.yas tshes bdun 'dir khyod song / /sum cu'i yud sha bu ram zas/ /'phrog byed bya ba chung ngu sgrubs/ /khyod gnas skye dgu su skye ba/ /mkhas par byed pa'i mchog yin te/ / grogs skyong rnams kyis mchod pa yin/ /'dir de me bzhis mngal 'jug yin/ /rgyal zhes bya dang lha mtshams dang / /khrums stod la ni 'phel bar byed/ /mchu snrubs gro bzhin 'chi bar byed/ /snar ma las kyi rgyu skar yin/ /sa ri mon gre lag rgud byed//mon gru mgo zhes bya ba dang / /nag pa phun sum tshogs par byed/ /khrums stod nab so sa ga bde/ /nam gru nab so snron skag sgrub/ /rnam drug grogs dang grogs mchog ste/ /smin drug chu smad de dag yin/ /de gnyis gsum pa dbo yang yin/ / mon gru drang srong nor lhas smras/ /tshes brgyad yud tsam sum cur khyod/ /bzhir song las chung khyod khu 'thung / /der ni nad btab lo gcig gsos/ /khyod gnas skye dgu su skye ba/ /khro zhing rnyed gos dus kyang spangs/ /nang mis yongs skor mchod sbyin bsrungs/ / 'dir de'i mngal 'jug nag pa yin/ /gre dang bra nye 'chi bar byed/ /chu stod gsum par bgrang bar gyis/ /snron skag nam gru 'phel bar byed/ /sa ga nab so khrums stod rgud/ /sa ri dang ni mon gre dang / /lag ni phun sum tshogs par byed/ /las kun gnyen gyis shin tu bsrungs//de yi mngal 'jug skag yin no/ /mon gre zhes ni bya ba dang / /lag ni 'chi bar byed pa ste/ /me bzhi dang ni mon gre dang / /snar ma 'phel bar byed pa yin/ /nam gru de las rgyu skar yin/ /bra nye dang ni chu smad dang / /gre zhes kyang ni bya ba yang //gsum pa yin te rgud par byed/ /chu stod mchu dang tha skar ni/ /phun sum tshogs byed nag pa dang / /mon gru mgo ni sgrub par byed/ /byi bzhin dbo ni bde bar bsgrags/ /rnam drug grogs dang grogs mchog yin/ /khrums stod khrums smad nab so 'dir//rgyal zhes bya dang lha mtshams dang / /sa ga 'dir ni smras pa yin/ /chu stod gzhi yi lha mos smras/ /tshes bzhi'i mtshams khyod mkha' la song / /n+ya gro d+ha ni zas yin te/ /yud tsam sum cur 'gro bar byed/ /gdab mo chu yi las phyir yin/ bad kan gyur nad chung bar 'gyur/ /khyod spyod skye dgu der su skye/ /chos gnas brtson thos longs spyod ldan/ /mkhas pa dag dang phrad pa yin/ /bya ba kun la mkhas pa yin/ /der skye'i rgyu skar 'dir mchu yin/ /'dir las rgyu skar tha skar yin//nag pa mgo dang mon gru 'phel/ /sa ga khrums stod nab so ni/ /'dir yang 'chi bar byed pa yin/ /dbo ni 'dir yang rgud par byed/ /smin drug byi bzhin gsum pa'ang yin/ /'di ni phun sum tshogs byed gre/ /bra nye chu smad gsum pa'ang yin//khrums dang sa ri mon gre bsgrub/ /me bzhi snar ma gro bzhin bde/ /grogs dang grogs 'bring rnam drug ste/ /nam gru rgyal dang lha mtshams skag /snron dang 'dir ni khrums smad yin/ /chu smad drang srong kun lhas smras/ /tshes lngar bzhi bcur lnga yud 'gro//khyod chung bsdu byar khyod zas mngar/ /zhag bdun nad gsos skye ba bsrung / /khyod spyod skye dgu su skye ba/ /bu ldan yin zhing nad kyang med/ /grogs mang rab tu 'byor pa ste/ /mngal du 'jug pa'ang chu stod yin/ /mon gre dang ni lag dang ni//sa ri kho nas 'phel bar byed/ /khrums smad dang ni lha mtshams dang / /rgyal yang 'dir ni 'chi byed yin/ /gshin rje'i lha mo la mgos smras/ /rgyal zhes bya dang lha mtshams dang / /khrums smad bde bar byed pa ste/ /tha skar mchu snrubs sgrub pa yin/ / dbo zhes kyang ni bya ba dang / /chu smad smin drug grogs kyang byed/ /snar ma byi bzhin rtsis nas kyang / /gsum pa me bzhi grogs mchog yin/ /mon gre bra nye'i lha mos smras/ /gling bzhi'i mkha' la khyod song shig /yud tsam bco lngar zho mar zo/ /zhag bdun nad gsos las kyang chung //'dir khyod gnas pas skye dgu skye/ /khro bar byed cing med pa yin/ /chu bran la ni bsrung bar gyis/ /mngal 'jug 'dir ni sa ri yin/ /tha skar mchu snrubs 'phel bar byed/ /chu smad ces ni bya ba dang / /smin drug 'chi bar byed pa ste/ / dbo yang gsum par shes par bya/ /khrums smad rgyal dang lha mtshams ni/ /rgud byed lag las rgyu skar yin/ /khrums stod nab so sa ga ste/ /de dag phun sum tshogs par byed/ /snron skag nam gru bde bar byed/ /gre dang chu stod bra nye sgrub/ /gro bzhin mgo dang me bzhi dang / /snar ma byi bzhin grogs mchog grogs//khrums stod drang srong gis smras khyod/ /lan chung g.yo byed yud sum cur/ /bcu bzhi tshes gling bzhi 'dir song / /sha sran khyod zo me tog bsnams/ /der ni sems can gang dag skyes/ /gya gyu g.yo rkun blun zhing 'thab/ /srog gcod yud sum cur//nad pa myur du thar byed cing / /skye dgu de dag dmag rkun dang / /rgyud sgra rtag bsrungs sa ga yang / /'dir mngal 'jug yin bra nye dang / /chu stod gsum pa gre 'dir 'phel/ /snar ma byi bzhin shi sos byed/ /thams cad bya phyir nab so lag / rgud byed nam gru snron skag bzhin/ /phun tshogs khrums smad lha mtshams rgyal/ /tha skar mchu snrubs 'dir bde byed/ /smin drug chu dbo gsum pa sgrub/ /mon gru mgo dang nag pa grogs/ /grogs mchog mon gru lag sa ri/ /khrums smad nyi ma'i lha mo khyod//bcu gcig tshes la mkha' la song / /yud tsam bzhi bcu rtsa lngar song / /sha gtor zhag bdun rims/ /khyod spyad skye dgu su skye ba/ /glu dang gar mkhas nor 'bru mang / /rab tu rig pa'i pha rol phyin/ /'dir ni chos kyi sbyin pa byed/ / lha mtshams 'phel byed smin drug dang / /chu smad 'chi bar byed pa ste/ /nag pa mgo dang gro bzhin dang / /rgyal de'i las kyi rgyu skar yin/ /snrubs dang tha skar mchu rgud byed/ /nam gru skag 'dir phun tshogs/ /me bzhi byi bzhin sgrub pa ste/ /bde bar byed pa chu stod gre//bra nye dang ni nag pa dang / /sa ri mon gru lag yin no/ /nab so dang ni sa ga dang / /mon gre gsum pa grogs mchog yin/ /drang srong lha mo rgyal smras khyod/ /mi yi 'jam chung bya ba'i phyir/ /bcu bzhi'i tshes yud sum cur song / / gtor ma bu ram mun pa srungs/ /zhag ni nyi shur khyod bsrung bas/ /skye dgu skye mdzangs nor 'bru ldan/ /sbyor dang rab sbyor bya ba dang / /dbyig rnams dpag tu med pa'ang yin/ /de yi mngal 'jug snron yin te/ /me bzhi snar ma byi bzhin 'phel//sa ri mon gru lag 'chi byed/ /las kyi rgyu skar 'dir skag yin/ /dbo dang chu smad smin drug bde/ /gro bzhin nag pa snar ma sgrub/ /chu stod gre bra nye rgud byed/ /tha skar mchu snrubs phun tshogs byed/ /nab so sa ga mon gre grogs/ /rgyal dang lha mtshams grogs mchog ste//khrums stod drang srong gis smras pa/ /dri za'i lha mo yud sum cur/ /tshes ni bcu bzhir khyod song shig /myur bya'i gtor ma zan dron sha/ /'dir zhag nyi shu lnga nad yin/ /srog ldan 'bras dkar brgya yis bsrungs/ / khyod spyad skye dgu su skye ba/ /sman sbyor byed pa sman pa yin/ /glu gar rol mo'i sgra mkhas 'gyur/ /'dir de'i mngal 'jug snrubs yin no/ /nag pa mgo dang gro bzhin 'phel/ /nab so mon gre lag 'chi byed/ /skye 'chi 'phel nyo tshong lam 'gyed/ /thal mo 'dreg mkhan las rtag spongs//smin drug gre dbo chu smad gnyis/ /rgud byed 'dir ni dgra pham byed/ /khyod kyis las dag che chung byas/ /mchu dang gre 'di brtan phun tshogs/ /chu stod dang ni bra nye dang / /gsum pa khrums smad bde bar byed/ /me bzhi snar ma bde bya'i phyir//gsang ba'i lam du 'gro ba yin/ /lag dang mon gru sa ri sgrub/ /drag po'i las rnams kun gyis shig /rgyal dang lha mtshams khrums stod grogs/ /bya ba skal bzang 'dir chud za/ /skag snron grogs mchog brten pa ste/ /khrums smad 'dir yang gsum pa yin//skal ba bzang dang bzhon pa dang / /mal dang shin tu brtan par gyis/ /drug bdun de dag las bzhin dang / /sna tshogs mkhas pas shes nas su/ /sngon gyi bya ba bzhin du gyis/ /gshin rje'i lha tshes bcu bzhir song //zla nya zla ba rangs pa'i tshe/ /smin drug kyang ni 'gro bar gyis/ /lha dang mi dang drang srong rnams/ /byed pa gang gis sngar bstan bzhin/ /zhag ni sum cu zla ba rangs/ /nyin dang mtshan ni mnyam pa ste/ /yud tsam bco lnga bco lnga yin/ /grib ma'i gom drug 'dir kun 'khor//tha skar gyi ni mtshan mo thob/ /nyi ma'i mdun na lha mtshams te/ /lho phyogs su ni nyi ma 'khor/ /zhing gi dkyil 'khor mig dmar yin/ /nyi bu lha srong rab spro byas/ /khyod kyis zla ba 'di la ni/ /rtswa dang lag 'gro gnod sbyin dang //sdig pa las sogs bsrung bar gyis/ /cha dang char ni dus bzhag par/ /sdig pa zhes bya khyod phan song / /phyogs dang phyogs su las bzhag par/ /khyod ni yang dag phan par song / /mi 'thun 'thun dang 'phel 'di yin/ /'gro ba la ni phan pa yi//rjes su 'thun pa bdag gis su/ /dang por bsdu ba byas 'di yin/ /de nas drang srong rnga bong gis thams cad la thal mo rab tu sbyar te 'khor la go bar byed cing smras pa/ 'di ltar bdag gis dang po dang / mtshan mo dang / nyin mo dang / zla ba dang /zla ba phyed dang / rgyu skar dang / gza' dang / dus dang / khyim dang / gnas dang / 'gro bar byed pa dang / 'khor ba dang / 'gro ba dang / mthong ba dang / thos pa dang / rnam par shes pa de bzhin du da ltar yang bstan cing rnam par gzhag na/ ci khyed cag 'di ltar rnam par gzhag pa dang /gdags par rgyu skar dang / gza' yongs su mgu ba la rjes su yi rang bar byed dam/ 'on te ma yin/ de nas de nyid kyi tshe lha ma yin dang / mi dang / drang srong dang / lha dang / lag 'gro dang / mi 'am ci'i tshogs thams cad kyis thal mo rab tu sbyar ba btud nas 'di skad ces smras so//kye khyod ni lha thams cad kyi bla ma/ lha dang lha ma yin du bcas pa'i 'gro ba'i nang na gtso bo/ mtshungs pa med par mkhas la mngon par rtogs pa'i snying brtse bas bskal pa pha rol dran pa'o//sems can thams cad la phan par 'dod pa'o/ /dpal thams cad phun sum tshogs pa'o/ /yon tan thams cad kyi pha rol tu phyin pa'o/ /dus gsum thams cad mnyam pa nyid dang ldan pa yin te/ 'di lta bu'i mtshan mo dang / nyin mo dang /skad cig dang / rgyu skar dang / gza' dang / zla ba dang / zla ba phyed 'dogs par byed pa'i ye shes de lta bu su la yod pa'i sems can de lta bu su yang lha dang lha ma yin du bcas pa'i 'gro ba'i nang na med pa yin no/ /ji ltar khyod kyis da ltar btags pa bzhin du bdag cag thams cad kyis der dad pa byin pa yin/rjes su yang yi rang ngo / /legs ldan legs so/ /sems can thams cad la phan pa'i phyir rgyu skar dang / gza' dang / khyim dang / dus kyi tshogs kyis yongs su bskor ba'i zla ba gnyis pa la yang gdags par gyis shig /drang srong rnga bong gis rab tu smras pa/ bdag gi rgyu skar smin drug brjod/ /zla ba nya tshe zla rangs 'gyur/ /ston zla tha zhes bya ba/ /'di ni rab tu brjod pa yin/ /mtshan mo yang ni yud tsam cig /yongs su bskor te slar ldog byed//bra nye dang ni smin drug kyang / /lan gnyis yongs su 'khor bar byed/ /de bas rgyu skar thams cad kyang / /phyir zhing 'jug par byed pa ste/ /snar ma gcig pu'ang zla ngo der/ /tshes gcig la ni mkha' la 'gro/ /ji ltar sngar bya bshad pa bzhin//de bzhin khyod kyis skye dgu srungs/ /de tsam mgo tshes gnyis la 'gro/ /de tsam lag tshes gsum la 'gro/ /tshes bzhi la yang nab so ste/ /rgyal yang tshes ni lnga la 'gro/ /tshes drug la ni skag gis tshigs/ /mchu yang tshes ni bdun la srungs/ / tshes brgyad la ni gre yin te/ /tshes dgu la ni dbo 'gro byed/ /me bzhi'ang tshes ni bcu la 'jug /nag pa'ang tshes bcu gcig la 'gro/ /sa ri'ang tshes bcu gnyis la gnas/ /tshes bcu gsum la'ang sa ga ste/ /tshes bcu bzhi la lha mtshams yin/ / tshes bco lnga la de bzhin snron/ /'di ni zla ba phyed du bshad/ /yar gyi ngo la snrubs sgrub ste/ /tshes gcig la ni skye dgu srung / /tshes gnyis la ni chu stod yin/ /tshes gsum la ni chu smad yin/ /tshes bzhi la ni byi bzhin srung / /tshes lnga la ni gro bzhin yin//tshes drug la ni mon gru tshigs/ /tshes bdun la ni chu lha yin/ /tshes brgyad la ni khrums stod yin/ /tshes dgu la ni khrums smad yin/ /tshes bcu la yang nam gru srung / /de bzhin bcu gcig tshes tha skar/ /gshin rje'i lha mo tshes bcu gnyis//tshes bcu gsum la me lha mo/ /tshes bcu bzhi la'ang snar ma yin/ /zla ba rangs la mgo bshad do/ /dgun zla ra ba'i zla ba 'dir/ /lha yi bla ma phur bu ste/ /'di ni lhan cig byed par gzung / /de bas gza' zhes bya bar bshad/ /de phyir nyin mo tshes bcu bzhir//yud tsam mtshan mo bcu drug ste/ /smin drug gis ni mtshan mo 'thob/ /snrubs kyang nyi ma'i mdun na ste/ /grib tshod gom pa brgyad yin zhing / /nyi ma yongs su 'khor bar byed/ /lho phyogs nyi mar kha bltas 'khor/ /de bzhin dgun zla ra ba yi//zla 'dir khyim gzhur shes par bya/ /mar gyi ngo yi tshes gcig la'ang / /lag ni sgrub par byed pa yin/ /tshes gnyis la ni nab so ste/ /tshes gsum rgyal du shes par gyis/ /'dir tshes bzhi la'ang skag yin te/ /mchu yang tshes ni lnga la 'gro//tshes drug la yang gre yin te/ /tshes bdun la yang dbo yin bshad/ /tshes brgyad la ni me bzhi yin/ /tshes dgu la ni nag pa gnas/ /tshes bcu la ni sa ri 'gro/ /tshes bcu gcig la sa ga 'gro/ /tshes bcu gnyis la'ang lha mtshams te//tshes bcu gsum la snron yin no/ /tshes bcu bzhi la'ang snrubs yin te/ /tshes bco lnga la'ang chu stod bshad/ /yar gyi ngo yi tshes gcig la/ /chu smad kyang ni rung ba yin/ /tshes gnyis byi bzhin gro bzhin te/ /tshes gsum la ni mon gru 'gro//tshes bzhir mon gre 'gro rung ste/ /tshes lnga la ni khrums stod yin/ /tshes drug la yang khrums smad yin/ /tshes bdun la ni nam gru 'gro/ /tshes brgyad la ni tha skar rung / /tshes dgur gshin rje'i lha mo yin/ /tshes bcur smin drug 'gror rung ste//tshes bcu gcig la'ang snar ma yin/ /tshes bcu gnyis la'ang mgo yin te/ /tshes bcu gsum la lag kyang 'gro/ /tshes bcu bzhi la nab so ste/ /zla ba nya la rgyal yang yin/ /zla ba nya ba 'di la yang / /'dir ni rang bzhin brjod par bya//lho yi phyogs su phyin nas kyang / /nyi ma yongs su 'khor bar byed/ /nyin par bcu gsum shes par gyis/ /mtshan mo bcu bdun 'gro bar byed/ /mtshan mo yang ni mgor shes gyis/ /nyi ma'i mdun du'ang gro bzhin te/ /grib tshod gom pa bcu tham pa//nyi ma yongs su 'khor bar byed/ /'jig rten mkhas pa rnams kyis kyang / /'dir ni spen pa'i zhing bstan pa/ /'di la mgo yin shes par gyis/ /zla ba gsum pa rnam gzhag nas/ /zla ba mar gyi tshes gcig la/ /skag ni sgrub par byed pa yin//tshes gnyis la ni mchur shes gyis/ /tshes gsum la ni gre yin no/ /tshes bzhi la ni dbo 'gro ste/ /tshes lnga la ni me bzhi 'gro/ /tshes drug la ni nag pa sgrub/ /tshes bdun la ni sa ri 'gro/ /tshes brgyad la yang sa ga ste/ /tshes dgu la ni lha mtshams yin//tshes bcu la ni snron 'gro ste/ /tshes bcu gcig la snrubs 'jug bya/ /tshes bcu gnyis la chu stod yin/ /tshes bcu gsum la chu smad yin/ /tshes bcu bzhi la byi bzhin te/ /tshes bco lnga la gro bzhin 'gro/ /zla ba yar gyi tshes gcig la//mon gru sgrub par byed pa yin/ /tshes gnyis la ni mon gre ste/ /tshes gsum la yang khrums stod yin/ /tshes bzhi la ni khrums smad yin/ /tshes lnga la ni nam gru 'gro/ /tshes drug la ni tha skar tshigs/ /tshes bdun gshin rje'i lha mo yin//de bzhin tshes brgyad smin drug ste/ /tshes dgu la ni snar ma 'gro/ /tshes bcu la yang mgo yin te/ /lag ni tshes bcu gcig la 'gro/ /tshes bcu gnyis la'ang nab so ste/ /tshes bcu gsum la rgyal yang yin/ /tshes bcu bzhi la'ang skag yin te//mchu ni zla ba rab rdzogs byed/ /dgun zla tha rang bzhin yang / /mthar gyis kyang ni brjod par bya/ /lho yi phyogs su phyin nas kyang / /nyi ma yongs su 'khor bar byed/ /mtshan mo bco brgyad shes par gyis/ /nyin par yang ni bcu gnyis yin//rgyal yang mtshan mo 'thob par byed/ /nyi ma'i mdun na mon gre yin/ /grib tshod kyang ni sor bcu bdun/ /nyi ma yongs su 'khor bar byed/ /spen pa lha yi bla ma dag /zhing der rab tu brjod pa yin/ /'dir khyim bum pa mnyam pa med//dpyid zla ra ba mar gyi ngor/ /tshes gcig gre ni bsgrub par bya/ /tshes gnyis la ni dbo yin no/ /tshes gsum la ni me bzhi ste/ /tshes bzhi'i bar du nag pa yin/ /tshes lnga la ni sa ri ste/ /tshes drug la ni sa ga yin/ / tshes bdun la ni lha mtshams te/ /tshes brgyad la ni snron yin no/ /tshes dgu la ni snrubs yin te/ /tshes bcu la ni chu stod yin/ /tshes bcu gcig la chu smad yin/ /tshes bcu gnyis la byi bzhin te/ /tshes bcu gsum la gro bzhin yin/ /tshes bcu bzhi la mon gru ste//tshes bco lnga la mon gre yin/ /de ni zla ba phyed yin no/ /zla ba yar gyi tshes gcig la/ /khrums stod ces ni bya ba yin/ /tshes gnyis la ni khrums smad yin/ /tshes gsum la ni nam gru ste/ /tshes bzhi la ni tha skar yin/ / tshes lnga la ni bra nye yin/ /tshes drug la ni smin drug ste/ /tshes bdun la ni snar ma yin/ /tshes brgyad la ni mgo yin te/ /tshes dgu la ni lag yin no/ /tshes bcu la ni nab so ste/ /tshes bcu gcig la rgyal yin no/ /tshes bcu gnyis la skag yin te//tshes bcu gsum la mchu yin no/ /tshes bcu bzhi la gre yin te/ /zla rangs tshes bco lnga la dbo/ /'dir ni dpyid zla ra ba yis/ /rang bzhin yang ni brjod par bya/ /byang phyogs su ni kha bltas te/ /nyi ma yongs su 'khor bar byed//nyin par bcu gsum shes par gyis/ /mtshan mo bcu bdun 'gro bar byed/ /mchus kyang mtshan mo 'thob par byed/ /nyin par khrums stod 'gro bar byed/ /grib tshod sor ni bcu gnyis su/ /nyi ma yongs su 'khor bar byed/ /zhing der lha yi bla ma yang //rnam par gnas pa kho nar ni/ /bshad pa yin te 'dir yang ni/ /der ni mtshan mo 'byung ba yin/ /dpyid zla 'bring po'i zla ngo yi/ /dang por tshes gcig me bzhi ste/ /tshes gnyis la ni nag pa yin/ /tshes gsum la ni sa ri yin/ /tshes bzhi la ni sa ga ste//tshes lnga la ni lha mtshams yin/ /tshes drug la ni snron yin no/ /tshes bdun la ni snrubs yin no/ /tshes brgyad la ni chu stod yin/ /tshes dgu la ni chu smad yin/ /tshes bcu la ni byi bzhin te/ /tshes bcu gcig la gro bzhin yin/ / tshes bcu gnyis la mon gru ste/ /tshes bcu gsum la mon gre yin/ /tshes bcu bzhi la khrums stod yin/ /tshes bco lnga la khrums smad yin/ /de ni zla ba phyed yin te/ /zla ba yar gyi tshes gcig la/ /nam gru tshes gnyis tha skar te/ /tshes gsum la ni bra nye yin//tshes bzhi la ni smin drug ste/ /tshes lnga la ni snar ma yin/ /tshes drug la ni mgo yin te/ /tshes bdun la ni lag yin no/ /tshes brgyad la ni nab so ste/ /tshes dgu la ni rgyal yin no/ /tshes bcu la ni skag yin te/ /tshes bcu gcig la mchu yin no//tshes bcu gnyis la gre yin te/ /tshes bcu gsum la dbo yin no/ /tshes bcu bzhi la me bzhi ste/ /tshes bco lnga la nag pa yin/ /dpyid zla 'bring po kho na yi/ /rang bzhin yang ni brjod par bya/ /byang gi phyogs su kha bltas te/ /nyi ma yongs su 'khor bar byed//'dir ni phyis kyang yud tsam dag /yongs su 'khor bar shes par byed/ /yud tsam yang ni re re zhig /nyin mtshan dag la 'jug par byed/ /nyin par bcu bzhi shes par gyis/ /mtshan mo'ang bcu drug shes par gyis/ /gre dbo mtshan mo 'thob par byed//nyi ma'i mdun na tha skar yin/ /grib tshod sor brgyad nyi ma 'khor/ /nyi ma'i bu ni mig dmar te/ /gza' rno shin tu mi bzad yin/ /khyim lug la ni yang dag gnas/ /dpyid zla tha mar gyi ngo / /dang po tshes gcig sa ri ste/ /tshes gnyis la ni sa ga yin//tshes gsum la ni lha mtshams yin/ /tshes bzhi la ni snron yin te/ /tshes lnga la ni snrubs yin no/ /tshes drug la ni chu stod yin/ /tshes bdun la ni chu smad yin/ /tshes brgyad la ni byi bzhin te/ /tshes dgu la ni gro bzhin yin/ / tshes bcu la ni mon gru ste/ /tshes bcu gcig la mon gre yin/ /tshes bcu gnyis la khrums stod yin/ /tshes bcu gsum la khrums smad yin/ /tshes bcu bzhi la nam gru ste/ /tshes bco lnga la tha skar yin/ /de ni zla ba phyed yin te/ /zla ba yar gyi tshes gcig la//bra nye sgrub par byed pa yin/ /tshes gnyis la ni smin drug ste/ /tshes gsum la ni snar ma yin/ /tshes bzhi la ni mgo yin te/ /tshes lnga la ni lag yin no/ /tshes drug la ni nab so ste/ /tshes bdun la ni rgyal yin no/ /tshes brgyad la ni skag yin te//tshes dgu la ni mchu yin no/ /tshes bcu la ni gre yin te/ /tshes bcu gcig la dbo yin no/ /tshes bcu gnyis la me bzhi yin/ /tshes bcu gsum la nag pa ste/ /tshes bcu bzhi la sa ri yin/ /zla rangs tshes ni bco lnga la/ /sa ga yin te sa ga yi//brjod bya byang phyogs su/ /kha bltas nyi ma yongs su 'khor/ /mtshan mo mnyam mtshungs rnam pa ste/ /bco lnga bco lngar bshad pa yin/ /nag pas mtshan mo 'thob par byed/ /nyin par yang ni smin drug yin/ /grib tshod dag kyang gom pa drug nyi ma yongs su 'khor bar byed//lha min bla ma pa ba sangs/ /'dir yang zhing zhes gdags pa yin/ /khyim glang yin te mkhas rnams kyis/ /zla ba bdun po bshad pa yin/ /dbyar zla ra ba mar gyi ngo'i/ /dang po tshes gcig lha mtshams sgrub//tshes gnyis la ni snron yin te/ /tshes gsum la ni snrubs yin no/ /tshes bzhi la ni chu stod yin/ /tshes lnga la ni chu smad yin/ /tshes drug la ni byi bzhin yin/ /tshes bdun la ni gro bzhin yin/ /tshes brgyad la ni mon gru ste/ /tshes dgu la ni mon gre yin//tshes bcu la ni khrums stod yin/ /tshes bcu gcig la khrums smad yin/ /tshes bcu gnyis la nam gru ste/ /tshes bcu gsum la tha skar yin/ /tshes bcu bzhi la bra nye yin/ /tshes bco lnga la smin drug ste/ /de ni zla phyed zla ba yar/ /tshes gcig la ni snar ma sgrub//tshes gnyis la ni mgo yin te/ /tshes gsum la ni lag yin no/ /tshes bzhi la ni nab so ste/ /tshes lnga la ni rgyal yin no/ /tshes drug la ni skag yin te/ /tshes bdun la ni mchu yin no/ /tshes brgyad la ni gre yin te/ /tshes dgu la ni dbo yin no//tshes bcu la ni me bzhi ste/ /tshes bcu gcig la nag pa yin/ /tshes bcu gnyis la sa ri ste/ /tshes bcu gsum la sa ga yin/ /tshes bcu bzhi la lha mtshams te/ /tshes bco lnga la snron yin no/ /dbyar zla ra ba'i rim brjod bya/ /byang phyogs kha bltas nyi ma 'khor//'phel byed nyin par bcu drug tu/ /shes bya mtshan mo'ang bcu bzhi yin/ /sa gas mtshan mo 'thob par byed/ /nyi ma'i mdun na mgo yin no/ /grib tshod gom pa bzhi yin te/ /de ni yongs su 'khor bar byed/ /der zhing gza' lhag nyi ma'i bu//'jam por byed pa'i gza' yin no/ /sbyor ba'i khyim yin nyin par 'gro/ /brgyad pa yin par brjod pa yin/ /dbyar zla 'bring po'i tshes gcig la/ /snrubs ni sgrub par byed pa yin/ /tshes gnyis la ni chu stod yin/ /tshes gsum la ni chu smad yin//tshes bzhi la ni byi bzhin te/ /tshes lnga la ni gro bzhin no/ /tshes drug la ni mon gru ste/ /tshes bdun la ni mon gre yin/ /tshes brgyad la ni khrums stod yin/ /tshes dgu la ni khrums smad yin/ /tshes bcu la ni nam gru ste/ /tshes bcu gcig la tha skar yin//tshes bcu gnyis la bra nye ste/ /tshes bcu gsum la smin drug yin/ /tshes bcu bzhi la snar ma ste/ /tshes bco lnga la mgo yin no/ /de ni zla ba phyed yin te/ /zla ba yar gyi tshes gcig la/ /lag ni sgrub par byed pa yin/ /tshes gnyis la ni nab so yin//tshes gsum la ni rgyal yin no/ /tshes bzhi la ni skag yin no/ /tshes lnga la ni mchu yin no/ /tshes drug la ni gre yin no/ /tshes bdun la ni dbo yin te/ /tshes brgyad la ni me bzhi yin/ /tshes dgu la ni nag pa ste/ /tshes bcu la ni sa ri yin//tshes bcu gcig la sa ga ste/ /tshes bcu gnyis la lha mtshams yin/ /tshes bcu gsum la snron yin te/ /tshes bcu bzhi la snrubs yin no/ /zla nya'i zla bar chu stod yin/ /bdag gis dbyar 'bring rim brjod bya/ /byang phyogs bzhin gyi dkyil 'khor bltas//nyi ma yongs su 'khor bar byed/ /nyin par yud tsam bcu bdun te/ /mtshan mo yang ni bcu gsum yin/ /snron gyis kyang ni mtshan mo 'thob/ /nyin par bcas na nab so yin/ /grib tshod gom pa gnyis yin te/ /nyi ma yongs su 'khor bar byed/ / zla ba zhes bya zhing yin te/ /lag dang yang dag ldan pa yin/ /'di khyim sbal pa zhes bya ba/ /zla ba dgu par bshad pa yin/ /dbyar zla tha mar ngo yi/ /tshes gcig la ni chu smad sgrub/ /tshes gnyis byi bzhin gro bzhin te/ /tshes gsum la ni mon gru yin//tshes bzhi la ni mon gre ste/ /tshes lnga la ni khrums stod yin/ /tshes drug la ni khrums smad yin/ /tshes bdun la ni nam gru ste/ /tshes brgyad la ni tha skar yin/ /tshes dgu la ni bra nye ste/ /tshes bcu la ni smin drug yin/ /tshes bcu gcig la snar ma yin//tshes bcu gnyis la mgo yin no/ /tshes bcu gsum la lag yin no/ /tshes bcu bzhi la nab so yin/ /tshes bco lnga la rgyal yin te/ /de ni zla ba phyed yin no/ /zla ba yar gyi tshes gcig la/ /skag ni sgrub par byed pa yin/ / tshes gnyis la ni mchu yin no/ /tshes gsum la ni gre yin te/ /tshes bzhi la ni dbo yin no/ /tshes lnga la ni me bzhi ste/ /tshes drug la ni nag pa yin/ /tshes bdun la ni sa ri ste/ /tshes brgyad la ni sa ga yin/ /tshes dgu la ni lha mtshams te/ / tshes bcu la ni snron yin no/ /tshes bcu gcig la snrubs yin te/ /tshes bcu gnyis la chu stod yin/ /tshes bcu gsum la chu smad yin/ /tshes bcu bzhi la byi bzhin te/ /zla ba rangs la gro bzhin no/ /bdag gis dbyar tha'i rim brjod bya/ / de bzhin byang gi phyogs su ni/ /nyi ma gdong phyed bltas te 'khor/ /nyin par bco brgyad thob nas kyang / /mtshan mo yang ni bcu gnyis te/ /chu stod kyis ni mtshan mo 'thob/ /nyi ma'i mdun na mchu yin no/ /grib tshod gom pa phyed yin te/ /nyi ma yongs su 'khor bar byed//'dir zhing nyi ma ldan pa yin/ /sas kyang gzer ni gtong bar byed/ /'dir khyim seng ger shes par gyis/ /zla ba bcu po bshad pa yin/ /ston zla ra ba mar gyi ngo'i/ /dang por tshes gcig mon gru sgrub/ /tshes gnyis la ni mon gre ste//tshes gsum la ni khrums stod yin/ /tshes bzhi la ni khrums smad yin/ /tshes lnga la ni nam gru ste/ /tshes drug la ni tha skar yin/ /tshes bdun la ni bra nye ste/ /tshes brgyad la ni smin drug yin/ /tshes dgu la ni snar ma ste/ /tshes bcu la ni mgo yin no//tshes bcu gcig la lag yin te/ /tshes bcu gnyis la nab so yin/ /tshes bcu gsum la rgyal yin te/ /tshes bcu bzhi la skag yin no/ /tshes bco lnga la mchu yin te/ /de ni zla ba phyed yin no/ /zla ba yar gyi tshes gcig la//gre ni sgrub par byed pa ste/ /tshes gnyis la ni dbo yin no/ /tshes gsum la ni me bzhi ste/ /tshes bzhi la ni nag pa yin/ /tshes lnga la ni sa ri ste/ /tshes drug la ni sa ga yin/ /tshes bdun la ni lha mtshams te/ /tshes brgyad la ni snron yin no//tshes dgu la ni snrubs yin te/ /tshes bcu la ni chu stod yin/ /tshes bcu gcig la chu smad yin/ /gro bzhin byi bzhin tshes bcu gnyis/ /tshes bcu gsum la mon gru ste/ /tshes bcu bzhi la mon gre yin/ /zla ba nya ba'i zla rangs la/ / khrums stod ces ni bya ba yin/ /bdag gis ston zla ra rim brjod/ /lho phyogs nyi ma'i 'khor lo ldog /nyin par yang ni bcu bdun te/ /mtshan mo yang ni bcu gsum yin/ /gro bzhin gyis kyang mtshan mo 'thob/ /nyi ma'i mdun na gre yin te/ /grib tshod dag kyang gom pa gnyis//nyi ma yongs su 'khor bar byed/ /zla bu gza' lhag ces bya ba/ /der ni zhing la yang dag gnas/ /der khyim bu mo bzhag pa ste/ /zla ba bcu gcig bdag gis bshad/ /ston zla 'bring po'i mar gyi ngo'i/ /dang por tshes gcig khrums smad sgrub//tshes gnyis la ni nam gru ste/ /tshes gsum la ni tha skar yin/ /tshes bzhi la ni bra nye ste/ /tshes lnga la ni smin drug yin/ /tshes drug la ni snar ma ste/ /tshes bdun la ni mgo yin no/ /tshes brgyad la ni lag yin te/ /tshes dgu la ni nab so yin//tshes bcu la ni rgyal yin te/ /tshes bcu gcig la skag yin no/ /tshes bcu gnyis la mchu yin te/ /tshes bcu gsum la gre yin no/ /tshes bcu bzhi la dbo yin te/ /tshes bco lnga la me bzhi yin/ /de ni zla ba phyed yin te//zla yar tshes gcig nag pa sgrub/ /tshes gnyis la ni sa ri ste/ /tshes gsum la ni sa ga yin/ /tshes bzhi la ni lha mtshams te/ /tshes lnga la ni snron yin no/ /tshes drug la ni snrubs yin te/ /tshes bdun la ni chu stod yin/ /tshes brgyad la ni chu smad yin//tshes dgur byi bzhin gro bzhin te/ /tshes bcu la ni mon gru yin/ /tshes bcu gcig la mon gre yin/ /tshes bcu gnyis la khrums stod yin/ /tshes bcu gsum la khrums smad yin/ /tshes bcu bzhi la nam gru ste//zla rangs nya tshe tha skar yin/ /de ni zla ba phyed yin te/ /ston zla 'bring po'i ngo la ni/ /lo skor bdag gis brjod par bya/ /lho yi phyogs su kha bltas te/ /nyi ma yongs su 'khor bar byed/ /nyin par bcu drug 'gro byed cing / /mtshan mo yang ni bcu bzhi yin//khrums stod kyis ni mtshan mo 'thob/ /nyi ma'i mdun na nag pa yin/ /grib tshod dag ni gom bzhi ste/ /nyi ma yongs su 'khor bar byed/ /lha min bla ma pa ba sangs/ /gza' ni zhing la rnam par gzhag /'dir khyim srang zhes bya ba bzhag /zla ba bcu gnyis bshad pa yin/ /yongs su 'khor ba de yis ni/ /lo ni de ltar 'gro bar byed/ /mig stong yang dang yang du ni/ /'dus te chos kyi phyogs la ltos/ /khyod ni shes rab gzhi yin na/ /chos ma yin pa'ang bzlog par gyis/ / chos gnas tshul khrims phun sum tshogs/ /thos phyug mkhas pa bsam gtan pa/ /de dag khyod kyis chos gos dang / /bza' btung rnams kyis rjes su srungs/ /yang dag gnas te brgya byin gyis/ /rnga bong la ni thal sbyar nas/ /rab tu smras pa bdag cag gis//bya ba yang ni bsgo bar gyis/ /smras pa/ lha yi bla ma khyod kyis su/ /rtag par tshangs par spyod pa srungs/ /rig sngags sman dang gsang sngags rnams/ /thams cad la ni bya ba sgrubs/ /las kun drang srong zla ba dang / /zla ba chung dang zhag dang bzhi//bzo yi las kyi mtha' kun la/ /gtso bo yin par bkod pa yin/ /drag po dung gi sna can dang / /dgon pa dang ni lci ba ste/ /gnod sbyin bzhi po de dag ni/ /mchod sbyin rib mar gtso bor bkod/ /rgya mtsho chu lha 'jog po dang / /rin chen skyong dang ring du 'gro//sa yid tshes dang zla srungs dang / /gnas thar byed pa rgya mtsho ni/ /gtso bor gzhag ste ma dros dang / /khab kyis lus 'bigs chu lhas byin/ /'khrugs pa klu de bzhi/ /klu rnams kyi ni gtso bor bkod/ /khyod ni dge ba rab skyed pa//ne tso yi ni khyab byed pa/ /mkhas pa zhing gi gtso bo ste/ /de 'dra ba ni ji lta bu/ /khyod ni snying po kho nas kyang / /me yi rtse mo'i gtso bo ste/ /khyod ni rlung dmar 'gul g.yo ba/ /rlung yang ba yi gtso bo yin/ /rdo rje'i mig dang seng ge'i mig /legs mthong lag na mdung gsum thogs/ /lha mo bzhi po de dag ni/ /grong khyer gtso bor bkod pa yin/ /gong ma'i char skyes rtsibs mu khyud/ /'khor lo spen pa gnod sbyin bzhi/ /de dag rin chen brtags pa la/ /nyo tshong byed pa'i gtso bor bkod//phyogs mtshams su ni bzhi yin te/ /bsrung ba'i phyir ni yang dag gnas/ /yul 'khor grong khyer thams cad du/ /bsrung ba'i phyir ni 'byung po bkod/ /drang srong dag ni thams cad dang / /lha yi tshogs dang klu rnams dang / /lha ma yin dang mi rnams kyi//bar yang rjes su yi rang byed/ /lung bstan rab tu rgyal ba mchog /thub pa yi ni gtso bo ste/ /khyod ni skye dang 'gag pa dang / /zas dang ro dang me tog mchog /khyod ni dri 'phel byed pa ste/ /shu dag rdzogs byed 'bras bu'i mchog /khyod ni lam bde skyed pa ste//rnam par 'tshe las rgyal ba'i gtso/ /dga' bo dang ni nye dga' gnyis/ /ri bo rnams kyi gtso bor bkod/ /nor rgyas bu dang thang shing zhing / /lci mchog mig dmar smugs byed skem/ /khyod ni dbyangs can chu yi gtso/ /khyod ni grub dang yid 'phrog pa//zla ba 'phrog par byed pa ste/ /bcud kyi len gyi gtso bo yin/ /gza' dang rgyu skar dus kyang yin/ /khyim rnams thams cad rnam par gzhag /rgyal po chen po bzhi yang ni/ /skal ldan rgyur ni rnam par gzhag /lus ngan gnod sbyin rnams kyi gtso//grul bum rnams kyi 'phags skyes po/ /klu rnams kyi ni mig mi bzang / /dri za rnams kyi yul 'khor srung / /thams cad kyi gling chen po bzhi/ /gling gzhan brgyad khri thams cad du/ /drang srong rnga bong gis gang yongs su skyong ba ma bkod par btang ba'i gnas ci yang med do//der lha dang / klu dang / gnod sbyin dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa de dag thams cad kyis kyang legs so zhes bya ba byas par gyur to//drang srong rnga bong gi bya ba de la yang dag par rjes su yi rang bar gyur to/ /bya ba de ni mchod pa dang / rim gro bya bar so sor gnas par gyur to/ /de'i rjes la shin tu yun ring zhig na drang srong thub pa lam zhes bya ba byung ste/ des kyang skar ma'i dpyad rab tu byas so//zhag gis mi thub pa dang / shol yod pa yang bshad do/ /yang de'i tshe drang srong thub pa'i gnas rten ga la bar klu thams cad 'dus te/ de dag drang srong skar ma la dga' ba mchog tu bla ma la gus pa dang gces par byed pa skyes te/ de la mchod pa'i las bya ba'i phyir ci nus su brtson par gyur to/ /'phags pa 'dus pa chen po'i sde theg pa chen po'i mdo las nyi ma'i snying po'i le'u bcu gcig pa rdzogs te/ rgyu skar gyi sbyor ba rnam par gzhag pa'i le'u ste bdun pa rdzogs so// // 'phags pa shin tu rgyas pa chen po'i sde nyi ma'i snying po zhes bya ba'i mdo/ bam po bcu gcig pa/ rgya mtshos smras pa/ nam mkha' la ni rgyu skar tshogs/ /ji ltar bzhag pa bzhin du ni/ /khyod kyis sngon gyi tshe rabs dran/ /mkhas khyod srid gsum kun gyi gtso/ / khyod kyi snying rje byams pa dper/ /shes gsal 'gro la snying brtse bzhin/ /kun dpal 'di nas khyod kyis ni/ /lag 'gro thams cad thar bar gyis/ /srid gsum tshul brtul mtshungs med khyod/ /lag 'gro de kun tshim byed khyod/ /khyod ni drang srong kun gyi bla/ / mi rnams kyis ni mchod par 'os/ /'gro ba kun dpal khyod la ni/ /lha dang lag 'gro gnod sbyin tshogs/ /rten gyi yul rnams thams cad pa/ /lag 'gro myur du thar bar gyis/ /de nas drang srong skar ma la dga' ba dkon mchog gsum la mchog tu yid dang ba bskyed par 'dod nas de lta bu'i klu'i tshogs thams cad la shin tu rigs pa'i tshig snyan pa dag gis 'di skad ces smras so//yon tan de 'dra bdag la med/ /drang srong rnga bong bdag ma yin/ /khyed cag 'di nas thar byed par/ /bdag gis nus pa ma yin no//gang gis bskal pa du mar ni/ /dka' thub dka' ba bzod pa spyad/ /khyod cag thar bar byed pa yi/ /drang srong gzhan de blta bar gyis/ /rtag tu brtson zhing sbyin pa byin/ /mkhas shing glang chen rta dang ni/ /shing rta bu dang chung ma dang / /nor gyis sems can phan pa byas//rkang lag mgo dang rna ba dang / /mig dang pags pa khrag dang ni/ /bu bran bran mo bza' btung mang / /mal cha kha zas sngon chad btang / /snying rje dang ni byams pa yis/ /khyed cag thar byed srid gsum na/ /mtshungs med bsam gtan dga' 'byung ba//de ni drang srong rnga bong ste/ /kun tu brtse zhing byang chub sems/ /sngon chad rig byed pha rol phyin/ /sems can mang po sdug bsngal gyis/ /nyam thag pa ni thar bar byas/ /sems can gcig gi ched du yang / /sngon gyi tshe rabs de bskal par//dmyal bar 'gro bzod de / /de ni 'jig rten sangs rgyas byung / /sems can sdug bsngal nyam thag kun/ /sdug bsngal mthar mdzad rnga bong yin/ /sems can sman phyir brtson 'grus dang / /snying rje brtan pos de srid 'khor//rnga bong de ni skyes pa na/ /rgyal sras bu ram shing ba yi/ /rigs su zas gtsang gi ni sras/ /des ni btsas ma thag tu khyab/ /srid gsum bde 'byung 'jig rten dpal/ /yid bde rnam pa sna tshogs dang / /lha dang klu yi bu rnams dang / / 'byung po gnod sbyin rgyal pos khyab/ /der ni mchod phyir thams cad lhags/ /de yis gom pa bdun bor te/ /ri dang rgya mtshor bcas pa yi/ /sa ni thams cad 'khrugs par gyur/ /'gro ba rga nad sdug bsngal dang / /'chi bas gzir las ngas bsgral zhing //zhi ba bde ba mya ngan med/ /skam la dgod ces shAka sras gsungs/ /me tog dri dang rin chen dag /lha klu rnams kyis gtor gyur cing / /'byung po'i tshogs rnams sna tshogs kyis/ /sras po la ni bstod gyur pa/ /bskal pa mang po du mar yang //sngon chad khyod kyis dul ba dang / /sbyin dang bsam gtan dgyes la brten/ /sems can kun ched sdug bsngal bzod/ /'di la skye ba 'di yang ni/ /thams cad kyi ni tha ma lags/ /sdug bsngal thams cad zhi mdzad par/ /ring por mi thogs khyod 'tshang rgya//des kyang dpa' bo brtan par gyur/ /mtshungs pa med de bud med tshogs/ /drug khri tham pa spangs nas su/ /spyod pa rab bstan lo drug spyad/ /g.yo sgyu can ni sder bcas pa'i/ /bdud ni gcig pus bcom nas kyang / /byang chub zhi mchog gzhal med brnyes//mya ngan med lam don dam gzigs/ /byams dang ye shes thugs rje yis/ /sems can kun dang mi mnyam zhing / /'byung po dag ni thams cad la/ /de ni byams pa'i thugs mnyam pa/ /sems can gang la'ang mtho mi 'tsham/ /sems can thams cad sdug bsngal las//thar bar mdzad cing de yang ni/ /rnam bcings btson ra thar mdzad pa/ /ma ga d+hA na de gnas shing / /'gro ba'i nang na chos kyang ston/ /de la khyod kyis gsol ba thob/ /byams pa'i yid kyis rnam par ltos/ /drang srong mchog gi thad du deng //'gro ba'i sdug bsngal thams cad las/ /khyed cag yongs su thar bar byed/ /rang nyid kyang ni 'dong bar gyis/ /dga' mchog bde ba 'dod rnams kyis/ /phyin cad mkha' lding thams cad las/ /'jigs pa khyed la mi 'byung ngo / /rtag bde sdug bsngal bral dgar gyis//btson ra 'di ni g.yo sgyu can/ /bdud ni khyed la rnam par 'tshe/ /ji ltar nga yis bshad pa bzhin/ /thams cad kyang ni gzung bar gyis/ /yang de'i tshe drang srong thub pa'i gnas rten du klu dang / klu chen po pho dang / mo dang / khye'u dang / bu mo gang dag thams cad 'dus pa de dag thams cad kyis thal mo rab tu sbyar te 'di skad ces smras so/ /'jig rten thams cad las khyad par du 'phags pa/ chos thams cad kyi dbang gi pha rol tu phyin pa/ sems can thams cad kyi sdug bsngal sel bar mdzad pa/bde ba thams cad sbyin par mdzad pa/ dga' ba thams cad skyed par mdzad pa/ shes rab thams cad kyi pha rol tu phyin pa/ rtag tu byams pa'i thugs dang ldan pa/ thugs rje thams cad kyis khyab pa/ phrin las thams cad sgrub par mdzad pa/ lam thams cad ston pa/yang dag pa'i mig gsung ba/ lha dang klu rnams kyis mchod pa la phyag 'tshal lo/ /srid pa gsum gyi dgra bcom pa/ mchod pa thams cad 'os pa/ bdag cag thams cad sdug bsngal gyi btson ra 'dir 'phangs lags na 'di nas bdag cag thar bar mdzad par gsol/klu de dag dang lhan cig bdag cag gnas par bgyi'o/ /bcom ldan 'das kyis klu de dag thams cad sngon gyi lus kyi gzugs ji lta ba bzhin du bkod de/ gnas de nas 'gro bar ma nus so/ /de dag thams cad kyis drang srong skar ma la dga' ba la smras pa/de bzhin gshegs pa de ni bden te/ sems can thams cad la bde bar bzhed pa rnam par mi 'tshe ba'i chos nyid yin no/ /de la bdag cag skyabs su nye bar gnas so/ /'di nas myur du bzhud cig /bdud kyi 'ching ba 'di las bdag cag thar bar mdzod cig /skar ma la dga' bas 'di skad ces smras so/ /de bzhin gshegs pa drang srong sems can thams cad la phan pa dang bde ba'i phyir snying rje chen po'i rgyu 'thun pa thams cad mkhyen pa thub pa des byang chub sems dpa' sems dpa' chen po rnams la 'khor ba'i 'khor lo rnam par ldog par bya ba'i phyir dang /byang chub kyi lam rnam par dag par bya ba'i phyir dang / rgyu dang 'bras bu'i sems can yang dag par bstan pa'i phyir zhes bya ba nas sangs rgyas kyi spyan gyi bar du thob par bya ba'i phyir mang por ma byung ba la dmigs pa dang /nyan thos dang thun mong ba sems can la dmigs pa'i gnas pa mchog bstan to/ /yang byang chub sems dpa' sems dpa' chen po slob dpon la rag las pa rnams la rgyu las yang dag par byung ba dang / so sor brtags pa la dmigs pa tshangs pa'i gnas pa bstan to//da ltar de bzhin gshegs pa de ni sangs rgyas kyi zhing gang gA'i klung gi bye ma snyed grangs med pa dpag tu med pa rdul phra rab kyi rdul snyed na theg pa bla na med pa'i pha rol tu phyin pa drug yongs su rdzogs pa'i byang chub sems dpa' sems dpa' chen po rnams dang /sems can thams cad 'khor ba'i rgya mtsho las bsgral ba'i phyir dang / bdud bzhi gdul ba'i phyir dang / dkon mchog gsum gyi gdung rgyun mi gcad pa'i phyir chos kyi chus khrus mdzad do/ /da ltar shin tu kun tu rtog pa'i nyon mongs pa'i tshogs kyi sems can gyi khams la dmigs pa med pa/kun nas ldang ba med pa/ rgyu ba med pa/ gzhi med pa/ mtshan nyid med pa/ mtshan ma med pa/ chags pa med pa/ rnam par gzhag pa med pa/ rdul med pa/ mun pa med pa/ snang ba med pa/gzung ba med pa/ gsal byed med pa/ spyod pa med pa/ tha mi dad pa nyid ces bya ba nas phung po dang / khams dang / skye mched dang / 'byung ba chen po thams cad dang / mig gi rang bzhin tshor ba po med pa'i sred pa zhes bya ba'i bar nas/ yid kyi rang bzhin tshor ba po med pa'i sred pa'i bar la smon pa med pa dang /mngon par 'du byed pa med pa dang / 'jug pa med pa'i chos kyi dbyings dang / yang dag pa'i mtha' dang / 'gag pa med pa dang / de bzhin nyid 'dres pa med pa dang / gang 'jug pa med pa'i chos kyi dbyings don dam pa stong pa nyid dang /phyir mi ldog pa'i chos thams cad mnyam pa nyid kyis sgrol ba/ phyad pa'i ye shes kyi spyod pa dang ldan pa/ yang dag par dmigs pa'i de bzhin gshegs pa 'di ni byang chub sems dpa' sems dpa' chen po pha rol tu phyin pa drug gi spyod pa dag la yongs su sbyang ba byas pa/sems nam mkha' dang mnyam zhing mtshungs pa/ ma chags pa'i ye shes mnyam pa nyid thob pa/ lta ba thams cad kyi bag chags kyi nyon mongs pa yang dag par bcom pa rnams la tshangs pa'i gnas pa dmigs pa med pa ston to//kye drang srong skar ma la dga' bas bstan pa 'di bshad pa na yang klu'i rgyal po rgya mtsho dang / klu'i rgyal po lus 'bigs pa'i khab ces bya ba dang / klu'i rgyal po zla ba la rtsub pa zhes bya ba dang / klu'i rgyal po rin chen skyong zhes bya ba de dag byang chub kyi spyod pa'i dge ba'i rtsa ba sngon bsags pa'i smon lam yang dag par rjes su dran pas de dag snang ba dang /rnam par bsgyings pa dang ldan pa'i gzungs thob par gyur to/ /de'i tshe klu gzhan brgyad cu rtsa bzhi ni byang chub kyi spyod pa'i dge ba'i rtsa ba sngon bsags pa'i smon lam yang dag par rjes su dran pas byang chub kyi sems mi brjed pa'i ting nge 'dzin thob par gyur to//byang chub sems dpa' skar ma la dga' ba la de dag gis 'di skad ces smras so/ /khyod bzhud la snying rje chen po thob pa gang gis 'dir bdag cag bdud kyi 'ching ba 'di las yongs su thar bar bgyid pa'i de bzhin gshegs pa'i snying rje chen po thob pa de la bdag cag gi tshig gis gsol ba thob shig /de bzhin du bya'o zhes smras nas byang chub sems dpa' sems dpa' chen po skar ma la dga' ba drang srong gi cha byad kyis 'khor drang srong stong phrag mang po dang de nas rdzu 'phrul gyis song ngo //'phags pa 'dus pa chen po'i sde theg pa chen po'i mdo las nyi ma'i snying po'i le'u bcu gcig pa las brgyad pa'o// //bcom ldan 'das la klu thams cad skyabs su nye bar gnas pa bdud sdig can gyis thos te/shas cher 'khrugs shing skrag la rgya shug gi 'dab ma bzhin du lus rab tu 'dar zhing lus rngul nas lag pa gnyis bsgreng ste 'di skad ces smras so/ /lag 'gro rnams ni skyabs su dong / / skye dgu thams cad rmongs gyur cing / /'chi med lam la gzhog byed pa/ /mi zad g.yo sgyu can la ltos/ /de'i tshe na bdud kyi bu mo mun bral ma zhes bya ba des 'di skad ces smras so/ /sems can gang dag thos tsam gyis/ /dge sbyong la ni skyabs su mchis//gang dag de yi tshig thos shing / /de mthong ba lta smos ci 'tshal/ /brtson 'grus sna tshogs sbyor ba yis/ /khyod kyis yun ni ring du gzigs/ /bka' mchid sna tshogs lhan cig mdzad/ /de yi sgyu ni ma bslabs sam/ /bdud kyis slar smras pa//dge sbyong gau tam brtan pa yin/ /rang bzhin mkhas pa chen po ste/ /stong pa'i chos la yang dag zhugs/ /rgal nas skye dgu sgral bar byed/ /mun bral mas smras pa/ stong pa la ni gang zhugs pa/ /bdud rnams bye bas mi bskyod de/ /byang grol bde ba sbyin bgyid pa//de la bdag ni skyabs su mchi/ /mtshan nyid ma mchis ldan pa yi/ /de bzhin nyid la gang rten cing / /ye shes kyi ni pha rol phyin/ /de la bdag ni skyabs su mchis/ /sgyu de bdag gis bslab par bgyi/ /sems can thams cad rnam par dgrol//chos rnams kun la dbang sgyur ba'i/ /bla med sangs rgyas 'grub par shog /bdud kyi bu mo lnga brgya snyed bdud kyi gnas der 'khod nas byang chub tu smon lam btab par gyur te/ bdud sdig can shas cher 'khrugs shing dngangs te rmongs nas stobs kyi shugs kyis 'chag sar zhugs te/bdud kyi stobs kyi shugs kyi cho 'phrul gyis byin gyis brlab pa de lta bu byin gyis brlabs so/ /gang gis drang srong skar ma la dga' ba de nas song nas ring po ma lon par drang srong thub pa'i gnas rten der bdud kyi gnas de nas nam mkha' las rdo'i char pa me rab tu 'bar ba'i char mngon par rab tu dbab par brtsams te/klu thams cad thal bar rlag par 'dod na/ bcom ldan 'das kyi mthus der me tog gi char rnam pa sna tshogs rab tu bab ste/ klu thams cad rab tu dga' bar gyur to//dga' khyab mas smras pa/ kye bdud kyi bu mo dag khyed ltos shig /'dzam bu'i gling der dge sbyong gau ta ma la klu gang dag skyabs su dong ba de dag thams cad kyang 'di sdug bsngal mang pos gnod par byed na gang dag 'dir 'khod nas dge sbyong gau ta ma la skyabs su dong ba rang gi bu mo khyed la lta smos kyang ci dgos/bdud kyi bu mos 'di skad ces smras so/ /sangs rgyas skyabs su sems can su 'gro ba/ /bdud rnams bye bas gsad par mi nus te/ /tshul khrims nyams shing blo ni 'khrugs zin kyang / /de ni nges par skye ba'i pha rol 'gro//ston pa la ni me tog gcig gtor zhing / /byang chub smon lam brtan po bskyed pas na/ /de ni bdud rnams du mas gsad mi nus/ /nem nur med par 'jig rten sangs rgyas 'gyur/ /de yis bslab pa'i gzhi ni gcig blangs shing / / tshig gi don gcig tsam yang nyan byed la/ /byang chub phyir ni sems kyang bskyed pa de/ /sems can kha lo sgyur 'gyur nem nur med/ /yab klu tshogs 'di mthong ste sangs rgyas kyis/ /der ni me tog char pa sna tshogs 'bebs/ /sangs rgyas yul gcig gis ni khyod la bsngos//der ni ci yang nus par ma gyur to/ /gang gis sems can de dag sdig zad cing / /bdag cag gi ni las kyi sgrib 'byang ba/ /ched du lung bstan pa ni der nyan pa'i/ /rig pa gcig kyang der ni ston pas gsungs/ /de nas bdud sdig can shas cher 'khrugs shing gshe ste/sdug bsngal zhing yid mi bde ba skyes nas mya ngan gyi khang par gcig pu 'dug go/ /de'i tshe byang chub sems dpa' sems dpa' chen po skar ma la dga' ba bcom ldan 'das kyi tshangs pa'i gnas pa dmigs pa med pa'i gtam gyi tha mar mjug thogs su bcom ldan 'das bzhugs pa der phyin te 'dug go//bcom ldan 'das ga la ba zhes bya ba nas bcom ldan 'das la byang chub sems dpa' sems dpa' chen po skar ma la dga' bas 'di skad ces gsol to zhes bya ba'i bar du'o//btsun pa bcom ldan 'das bzhi pa rab kyi mtha' gnas yid la bgyid pa'i gzungs sngags bshad par gsol/ gzungs sngags kyi gzhi de dag gis ni sngon bdag cag gnyis bram ze'i khye'u gnyis su gyur pa na lus kyi slad du rgyal po rgyal gyi lha la nongs pa bgyis pas 'gum pa la thug ste btson rar stsal nas/zla ba phyed zas dang bral zhing bcing ba lngas bcings nas de bzhin gshegs pa man dA ra ba'i bsung la yid la gzhan mi sems par gsol ba btab pa lags so/ /de nas de bzhin gshegs pa man dA ra ba'i bsung bdag cag la thugs brtse bas rang gi gnas kyi shul kar bzhugs nas sangs rgyas kyi yul gyi rdzu 'phrul gyi cho 'phrul lung bstan pa de lta bus bzhi pa rab kyi mtha' gnas yid la bgyid pa'i gzungs sngags bstan te/sangs rgyas kyi mthus brtson ra der bdag cag gi rna lam du don dang bcas/tshig 'bru dang bcas par grags so/ /gsang sngags yid la bgyid pa de dag gis bdag cag dga' ba dang dad pa yang dag par bskyed nas de'i tshe bdag cag gi mthong ba'i chos la myong bar 'gyur ba thams cad dang /skyes nas myong bar 'gyur ba dang / lan grangs gzhan la myong bar 'gyur ba thams cad dang / las kyi sgrib pa thams cad dang / nyon mongs pa'i sgrib pa dang / chos kyi sgrib pa dang / sems can gyi sgrib pa dang / sbyin pa'i sgrib pa zhes bgyi ba nas shes rab kyi sgrib pa zhes bya ba'i bar dang /nye bar spyod pa dang / longs spyod kyi sgrib pa dang / tshe'i 'du byed bas pa'i sgrib pa dang / bsams bzhin du srid par skye ba'i sgrib pa dang / sangs rgyas kyi zhing yongs su dag pa rnams su 'gro ba'i sgrib pa yongs su bas shing /der bdag cag bzhi pa rab kyi mtha' gnas yid la bgyid pa'i gzungs sngags thos pa tsam gyis mod la mgrin pa 'ching ba lnga las grol te/ btson ra nas rdzu 'phrul gyi yul thob par gyur cing / de nas nam mkha' la chas nas bcom ldan 'das de bzhin gshegs pa man dA ra ba'i bsung gi thad du nye bar phyin to//de nas shi 'phos nas sangs rgyas kyi zhing ri bo'i 'od ces bgyi bar skyes te/ bcom ldan 'das de bzhin gshegs pa sprin gyi mdog gi thad du rab tu byung nas zhes bgyi ba nas slan chad bskal pa dpag tu ma mchis par sangs rgyas kyi zhing stong pa rnams su bdag cag ma skyes so zhes bya ba'i bar du'o//de bzhin du da ltar sangs rgyas kyi zhing mi mjed thams cad du 'di dang 'og min la thug pa'i bar gyis thams cad sems can mi dang mi ma lags pa dpag tu ma mchis pas khyab ste/de dag ni las kyi sgrib pa dang / nyon mongs pa'i sgrib pa dang / chos kyi sgrib pa dang / sems can gyi sgrib pa rnam pa sna tshogs kyis zin to zhes bgyi ba nas sangs rgyas kyi zhing yongs su dag pa rnams su las yongs su ma dag pa dag gis bsgribs te mchis par mi nus pa lags so zhes bgyi ba'i bar du'o//sems can gyi las kyi gzungs sngags thos ma thag tu sems can rnams kyi mthong ba'i chos la myong bar 'gyur ba dang / lan grangs gzhan la myong bar 'gyur ba dang / las kyi sgrib pa thams cad dang /nyon mongs pa'i sgrib pa dang / chos kyi sgrib pa dang / sems can gyi sgrib pa dang / sbyin pa'i sgrib pa zhes bgyi ba nas shes rab kyi sgrib pa zhes bya ba'i bar dang / nye bar spyod pa dang / longs spyod kyi sgrib pa dang / dge ba bcu'i las kyi lam gyi sgrib pa mchis pa thams cad dang /thos ma thag tu skye ba'i sgrib pa dang / sangs rgyas kyi zhing yongs su dag pa dag tu 'gro ba'i sgrib pa mchis pa thams cad yongs su bas par 'gyur ba dang / chos bstan pa des sems can rnams bzod pa dang ting nge 'dzin rnam pa sna tshogs thob par 'gyur ba dang /ji srid 'tsho ba'i mtha'i bar du der 'chi ba'i dus bgyis nas sems can rnams ji ltar bsam pa bzhin du srid par skye ba len par rngo thogs par 'gyur ba dang / tshe rabs dran par 'gyur ba dang / rtag par rgyun du brtson 'grus brtsams pa dang / dge ba bcu'i las kyi lam yang dag par len pa dang / log par mi ltung ba'i chos can rnams su 'gyur ba dang / pha rol tu phyin pa drug la mngon par brtson pa dang / bsdu ba'i dngos po bzhi la mngon par brtson pa dang /chos nyan pa dang / dge 'dun la rim gro bgyi ba dang / bsam gtan gyis rnam par rol pa dang / mngon par shes pa dang / tshangs pa'i gnas pa sgom pa la mngon par brtson par 'gyur ba dang / 'gro ba thams cad du bla na med pa'i yongs su mya ngan las 'das pa'i bar du chos de dag dang 'bral bar mi 'gyur bar bcom ldan 'das da sems can thams cad la thugs brtse ba'i slad du btsun pa bcom ldan 'das bzhi pa rab kyi mtha' gnas yid la bgyid pa'i gzungs sngags de legs par bshad par gsol/bcom ldan 'das kyis bka' stsal pa/rigs kyi bu gang khyod skye bo mang po la phan pa'i phyir zhugs pa legs so legs so zhes bya ba nas bcom ldan 'das kyis bka' stsal pa zhes bya ba'i bar du'o/ /dge slong ngam/ dge slong ma'am/ rigs kyi bu'am rigs kyi bu mo dad pa can su la la theg pa gsum las theg pa gang yang rung bas srid pa'i rgya mtsho las rgal bar 'dod pa ni myur du theg pa de yongs su rdzogs par bya bar 'dod pa yin la/sdug bsngal thams cad 'joms par 'dod pa yin/ thos pa thams cad kun tu 'dzin par 'dod pa yin/lus dang / ngag dang / yid kyi gnas ngan len thams cad las yongs su thar bar 'dod pa yin/ bstan pa bsrung bar 'dod pa yin/ snyan pa 'dod pa dang / rnyed pa 'dod pa yin/ bza' ba dang btung ba mang po 'dod pa dang / dbang phyug 'dod pa dang / gzugs 'dod pa dang / stobs 'dod pa dang / 'khor 'dod pa dang / nor dang 'bru 'dod pa dang / thu bo 'dod pa dang / mi dang mi ma yin thams cad kyis mchod par 'os par 'dod pa yin/ rtag tu lus 'dod pa yin/ rtag tu lus dang / ngag dang yid kyis kun tu gnod par 'dod pa yin zhing myur du bsam gtan dang /ting nge 'dzin dang / gzugs med pa'i snyoms par 'jug pa dang / mngon par shes pa dang / tshangs pa'i gnas pa dang / gzungs dang / bzod pa rnam pa sna tshogs bsgrub par 'dod pa yin no/ /de ltar yang las kyi sgrib pa dang /nyon mongs pa'i sgrib pa shas cher 'phangs pa rnam pa sna tshogs kyis zhes bya ba nas sangs rgyas kyi zhing yongs su dag par 'gro ba'i sgrib pa rnams kyis bsams bzhin du srid par skye ba blangs pa de'i bar gyis myur du dge ba'i rtsa ba rnam pa sna tshogs de lta bu de dag sgrub par mi nus te/las kyi sgrib pa de lta bu de dag gis zin pa'i phyir ro/ /gang zag de khrus byas te gos gtsang ma bgos shing / kha zas gtsang ma dang mal gtsang ma der skyil mo krung dam 'chags pas kyang rung ste/ rjes su 'thun pa'i tshes brgyad la sangs rgyas kyi sku'i gzugs yid la byed pas gzhan yid la mi sems par zhes bya ba nas las gzhan mi byed cing sems rnam par g.yengs pa ma yin pa'i bar gyis re shig mtshan gcig gam zhes bya ba nas mtshan bdun gyi bar du gnas par byed na des rang gi sku byad du sangs rgyas mthong ngo zhes bya ba'i bar du'o//gal te sangs rgyas kyi sku'i gzugs chung ngur rtog par byed na chung ngu kho nar mthong ngo / /yang na tshad med par rtog par byed na gzugs kyi sku tshad med pa yang dag par rjes su mthong ngo / /des mtshan thog thag mtshan sum cu rtsa gnyis mthong ngo //mtshan gang las kha dog sngon po'i 'od 'phro ba'i mtshan gcig po de nyid la yid kyis rjes su bltas nas gsang sngags 'di dag brjod do/ /tad+ya thA/ bi dzrim b+hu bi dzri ma b+ha/ ud pA da/ bya ya/ bi dzri ma b+ha/ sna ba ba ra a nu da ta thA tA b+hU ta ko Ti bi dzrim b+ha swA hA/ji srid du des kha dog sngon po'i 'od 'phro ba rnam par spel nas de dag byung ste/ rang gi mgo'i spyi bor zhugs pa de srid du des mtshan gcig la rnam par mi g.yeng ba'i yid kyi rjes su bltas nas tshig 'di dag brjod cing mi skrag par bya/mi dngang bar bya'o/ /rang gi lus la mer rnam par blta bar bya ste/ ji lta zhe na/ des kha dog sngon po'i 'od 'phro ba rang gi lus kyi yan lag dang nying lag thams cad du 'gro ba mthong nas rang gi lus thams cad rab tu 'bar bar mthong ngo zhes bya ba nas thal ba bzhin du mthong ngo zhes bya ba'i bar dang /phyogs bzhir rlung gis ma lus par khyer ba stong pa bzhin du mthong ngo zhes bya ba'i bar du ste/ phyogs thams cad du de la gzugs snang ba gang yang mi 'byung ba 'di ni de'i thams cad sgrub pa yin no/ /rigs kyi bu su la la sangs rgyas rjes su dran pa de lta bu'i bzhi pa rab kyi mtha' gnas yid la byed pa'i gzungs sngags shin tu bsgoms zhing mchod sbyin legs par byas la shin tu yid la byas na de'i las kyi sgrib pa thams cad dang /nyon mongs pa'i sgrib pa dang / chos kyi sgrib pa zhes bya ba nas ma lus pa'i bar du yongs su byang bar 'gyur ro//mtshams med pa'i las rnams dang / dam pa'i chos spangs pa rnams dang / 'phags pa la skur pa 'debs pa rnams ni ma gtogs so/ /de 'dod na de ltar nyin mtshan gcig gis sangs rgyas kyi gsung thams cad dang /phyi rol pa'i bstan bcos thams cad dang / rig pa'i gnas bco brgyad dang / gzhan yang gang dag snyan dngags su byas pa rnams des the tshom med par shin tu kun tu 'dzin par 'gyur ro/ /de nyin mtshan gcig gis bsam gtan bzhi dang / gong ma rdzu 'phrul gyi rkang pa dang /tshangs pa'i gnas pa bzhi dang / so so yang dag par rig pa bzhi dang / gzugs med pa'i snyoms par 'jug pa bzhi bsgom par 'dod na des shin tu bsgoms pa yin no/ /de 'dod na skad cig gcig gis sems can thams cad kyi dus gsum gyi 'gro ba'i 'chi 'pho dang /skye ba dang sems kyi spyod pa rab tu shes par 'gyur ro/ /de 'dod na skad cig gcig gis nam mkha' thams cad rang gi lus sam/ sangs rgyas kyi sku'am/ brgya byin gyi bar ram/ tshangs pa'i bar ram/ sred med kyi bu'i bar ram/dbang phyug chen po'i bar ram/ rgyal chen bzhi'i bar ram/ 'khor los sgyur ba'i bar ram/ chu'i bar ram/ me'i bar ram/ sa'i bar gyis gang bar byed do/ /de 'dod na skad cig gcig gis nam mkha' thams cad me tog gi bar dang / rin po che'i phreng ba dang /spos dang / gdugs dang / rgyal mtshan dang / ba dan dang / ras bcos bu dang / chos gos dang / rgyan rnam pa sna tshogs kyi bar dag gis gang bar byed do/ /sus bzhi pa rab kyi mtha' gnas yid la byed pa sangs rgyas rjes su dran pa de lta bu shin tu bsgoms pa yin zhing shin tu 'dres par byas la shin tu yid la byas pa yin pa de'i las tshad med pa de lta bu ma lus par byang bar 'gyur ro//de de ltar bsod nams dang / stobs dang / brtson 'grus dang / ting nge 'dzin dang / gzungs dang / bzod pa dang / rnam par rol pa dang / mngon par shes pa tshad med par 'gyur ro/ /des de ltar gang yang rung ba dag yongs su rdzogs par byas na myur du 'khor ba las rnam par thar bar 'gyur te/ mtshams med pa byed pa dang / dam pa'i chos spong ba dang / 'phags pa la skur pa 'debs pa rnams ni ma gtogs so/ /de lta yin yang mtshams med pa byed pa dang / dam pa'i chos spong ba dang / 'phags pa la skur pa 'debs pa de yang bdun phrag bdun du bzhi pa rab kyi mtha' gnas yid la byed pa sangs rgyas rjes su dran pa 'di 'dir ji ltar bstan pa bzhin sgom par byed na bdun phrag bdun po de 'das nas las kyi sgrib pa sum cha ma zad cing lhag ma skyon med par ma lus par byang bar 'gyur ro//bzhi pa rab kyi mtha' gnas yid la byed pa sangs rgyas rjes su dran pa sgom pa de lta bu de ni de ltar don che ba yin no//su la la bzhi pa rab kyi mtha' gnas yid la byed pa sangs rgyas rjes su dran pa 'di de ltar thos pa tsam rna lam du thos na/ de la mi'am mi ma yin pa'i bar de nye bar brtags nas dad pa dang / dga' ba dang / mchog tu dga' ba skye'o//de btson ra'i 'ching ba dam po las yongs su thar bar 'gyur ro/ /gang su dag sdug bsngal bar gyur pa'i sems can thams cad kyang sdug bsngal dag las yongs su thar bar 'gyur ro/ /longs spyod kyi sdug bsngal dang / chad pa dang / brdeg pa dang /g.yang sa dang / me dang / chu dang / dug dang / dgra thams cad dang / 'byung po thams cad dang / nad kyi 'jigs pa dang / gnas kyi 'jigs pa dang / rgyal po'i 'jigs pa dang zhes bya ba nas bran gyi 'jigs pa zhes bya ba'i bar dang / ngan 'gror 'gro ba'i 'jigs pa zhes bya ba'i bar las yongs su thar bar 'gyur ro//bde 'gror 'gro ba'i rgyur 'gyur ro/ /su sangs rgyas rjes su dran pa de lta bu thos pa tsam rna lam du grags na de la nye bar brtags nas dad pa skyes te/ de ltar don che zhing phan yon che ba yin na su ji ltar bstan pa bzhin de bzhin du bsgom pa lta smos kyang ci dgos/chos kyi rnam grangs 'di bshad pa na sngon yongs su sbyang ba byas pa dkrigs pa bye ba khrag khrig brgya stong phrag brgyad cu rtsa drug ni sangs rgyas rjes su dran pa'i ting nge 'dzin de thob par gyur to/ /ji ltar sngar bshad pa bzhin du yon tan de dag dang yang ldan par gyur to//de'i tshe srog chags khrag khrig phrag brgyad cu rtsa bzhi ni sdug bsngal la chos shes pa'i bzod pa thob par gyur to/ /de'i tshe sems can dpag yas pa kha cig ni mthar gyis gnas pa'i snyoms par 'jug pa'i rnal 'byor dang 'bras bu dang po la gnas par gyur to//kha cig ni dgra bcom pa nyid kyi bar thob par gyur to/ /de'i tshe sems can dpag yas pa ni bla na med pa yang dag par rdzogs pa'i byang chub tu sngon ma bskyed pa'i sems bskyed do/ /mun bral ma la sogs pa'i bdud kyi bu mo lnga brgya po de dag kyang sangs rgyas kyi mthus bdud kyi gnas su 'khod bzhin sems yongs su sbyang ba'i sangs rgyas rjes su dran pa'i lung bstan pa 'di thams cad thos so//thos nas kyang bud med kyi dngos po mi snang bar gyur te skyes pa nyid thob bo/gang dag sngon yongs su sbyang ba byas pa de dag thams cad sangs rgyas rjes su dran pa'i ting nge 'dzin dang ldan par gyur to/ /ji skad bshad pa bzhin du yon tan de dag dang ldan par gyur to/ /de dag thams cad tshangs pa chen po'i cha byad du bdag nyid mngon par sprul nas tshangs pa chen po re re yang bye ba brgya stong phrag mang pos yongs su bskor cing bye ba brgya stong phrag mang pos mdun gyis bltas te/sil snyan dang / pheg rdob pa bye ba brgya phrag mang pos yongs su bskor nas de dag bdud kyi gnas bsam gyis mi khyab pa bkod pa nas bcom ldan 'das kyi thad du babs te/bcom ldan 'das de la lha rdzas kyi me tog dang / phreng ba dang / spos dang / byug pa dag dang / gdugs dang / rgyal mtshan dang / ba dan dag dang / rin po che'i ras bcos bu dang / chos gos sna tshogs gtor cing mngon par gtor te/bcom ldan 'das la lan gsum bskor ba byas nas bcom ldan 'das kyi zhabs gnyis la mgo bos phyag 'tshal te phyogs gcig tu 'khod do/ /'phags pa 'dus pa chen po nyi ma'i snying po'i le'u bcu gcig pa las sangs rgyas rjes su dran pa'i le'u ste dgu pa rdzogs so// //de nas bcom ldan 'das kyis byang chub sems dpa' sems dpa' chen po skar ma la dga' ba la 'di skad ces bka' stsal to/ /rigs kyi bu lag 'gro'i tshogs thams cad kyi zhal ta byos shig ces bcom ldan 'das kyis bka' stsal pa dang /nyon mongs pa med pa'i sems kyis gsol pa/ bcom ldan 'das kyis dus lags kyis gshegs shig /bcom ldan 'das gang khyod kyis mdzad pa mdzod cig /bcom ldan 'das kyis bka' stsal pa/ rigs kyi bu gang de bzhin gshegs pas lag 'gro'i las bstan pa bsam gyis mi khyab pa yongs su 'byang ba lung bstan pa bshad pa rab tu bstan pa'i dus yin no//yang de'i tshe lha thams cad ces bya ba nas grul bum thams cad ces bya ba'i bar dag me tog dang /spos dang / rin po che dang / ras bcos bu dang / chos gos dang / rgyan dang / spud pa dang / gdugs dang / rgyal mtshan dang / ba dan gyi char pa dag rab tu 'bebs shing sil snyan bye ba khrag khrig brgya stong gi rol mo'i sgra 'byin pa la mi dang mi ma yin pa thams cad kyis bsngags pa'i yon tan gyis bstod nas bcom ldan 'das gdan las mngon par bzhengs te ri'i rgyal po ri rab ga la bar byang phyogs su nye bar gshegs so//'dod pa na spyod pa dang / gzugs na spyod pa'i lha thams cad kyis kyang gang bcom ldan 'das nyan thos kyi dge 'dun gyis mdun du bdar cing byang chub sems dpa'i dge 'dun gyis yongs su bskor te ri rab kyi rtse mor gshegs par bzhed par shes so//de ltar rig nas mi mjed kyi bdag po tshangs pas bcom ldan 'das kyi phyir rin po che sna bdun las byas pa ras bcos bu sna tshogs dang /lha rdzas kyi rin po che'i me tog bkram pa'i them skas sprul nas 'di skad ces gsol to/ /bcom ldan 'das bdag gi them skas las gshegs par gsol/ lha'i bu gzhan 'phrul dbang byed rnams kyis kyang bcom ldan 'das kyi phyir 'dzam bu'i chu bo'i gser gyi them skas tsan dan sbrul gyi snying po'i phye ma sna tshogs bkram pa dag sprul nas 'di skad ces gsol to//bcom ldan 'das bdag cag gi them skas rnams las gshegs par gsol/ lha'i bu 'phrul dgas kyang bcom ldan 'das kyi phyir lha rdzas kyi gser gyi them skas tsan dan sa mchog sna tshogs bkram pa sprul nas 'di skad ces gsol to//bcom ldan 'das bdag cag gi them skas las gshegs par gsol/ lha'i bu yongs su dga' ldan gyis bcom ldan 'das kyi phyir lha rdzas kyi bai dUr+ya'i them skas dus kyi rjes su 'brang ba'i tsan dan gyi phye ma sna tshogs bkram pa sprul nas 'di skad ces gsol to//bcom ldan 'das bdag gi them skas las gshegs par gsol/ lha'i bu rab 'thab bral gyis bcom ldan 'das kyi phyir lha rdzas kyi bai dUr+ya'i them skas lha rdzas kyi phye ma sna tshogs bkram pa sprul nas 'di skad ces gsol to//bcom ldan 'das bdag gi them skas las gshegs par gsol/ lha rnams kyi dbang po brgya byin gyis kyang bcom ldan 'das kyi phyir mu tig dmar po'i them skas lha rdzas kyi tsan dan gyi phye ma sna tshogs dang /rin po che'i dra ba sna tshogs kyis yongs su khebs pa sprul nas 'di skad ces gsol to/ /bcom ldan 'das bdag gi them skas las gshegs par gsol/ rgyal po chen po bzhis kyang bcom ldan 'das kyi phyir lha rdzas kyi rin po che rdo'i snying po las byas pa lha rdzas kyi ras bcos bu sna tshogs kyis rab tu khebs pa'i them skas de nyid sprul nas 'di skad ces gsol to//bcom ldan 'das bdag cag gi them skas las ri rab kyi rtse mor gshegs par gsol/lha ma yin gyi dbang po bzhi 'khor dang bcas pas kyang bcom ldan 'das kyi phyir lha rdzas kyi spug gi them skas lha rdzas kyi gser gyi phye ma sna tshogs kyis yongs su khebs pa de nyid du sprul nas 'di skad ces gsol to/ /bcom ldan 'das bdag cag gi them skas las ri rab kyi rtse mor gshegs par gsol/de nas bcom ldan 'das de dag la thugs brtse nas bdag nyid 'dun pas bdag dang 'dra ba'i sangs rgyas kyi sku drug sprul nas sangs rgyas bdun po de dag lha'i dbang po dang / lha ma yin gyi dbang po thams cad kyi mdun du nyan thos kyis mdun du bdar cing byang chub sems dpa'i dge 'dun gyis yongs su bskor nas bcom ldan 'das bkod pa chen po de lta bus ri rab kyi rtse mor gshegs so//sangs rgyas bdun po de dag mchog tu lhan ne lhang nger ri rab kyi rtse mo na bzhugs so//sangs rgyas kyi sku re re las 'od zer 'di lta bu byung ste/ dper na zla ba dang nyi ma bye ba phrag stong shar ba bzhin no/ /klu gang dag drang srong thub pa'i gnas rten du lhags pa de dag thams cad kyis de mthong nas ltad mor gyur te gcig la gcig dris pa/snang ba chen po'i nang na rten pa ri rab kyi rtse mo la gnas pa bdun po de dag ga las 'ongs/ dga' bo dang nye dga' gnyis kyis smras pa/ ri rab rtse la lha rnams lhan cig tshangs pa'i mdun na 'don pa 'di gnas pa/ kun mchog lha yi dbang phyug shin tu mkhas pa rnams kyi rig pa'i pha rol phyin/ /bdag cag la ni brtse bas 'dir gnas dpal gyi gzi brjid kyis ni longs spyod byed/ /'ching ba rnams las thar bar byed kyis kun kyang de la mgo bos phyag 'tshol cig /ma dros pas 'di skad ces smras so//de 'di ma yin 'di bdud sdig can 'gro gtso 'dod pa'i dbang phyug rdzu 'phrul can/ /khyed la snying brtse ba yis bu dang skye bos yongs bskor 'di ni gnas pa yis/ /'di ni gang zhig la la 'dod khams sdug bsngal bkres shing skom pa'i nad kyis 'jig /sems can de yang rab tu thar byed khyed cag myur du sdug bsngal rnams las thar bar byed/ /sa yi dbang phyug gis 'di skad ces smras so/ /de lta ma yin 'dir rgyal lha dbang 'thab bral dga' ldan 'phrul dga' gzhan 'phrul ba//de dag khyed la snying brtse ba yis ri la gnas shing klu yi tshogs la lta/ /bdag cag yongs su skyobs zhes kun gyis gsang mthor de dag la ni 'o dod bos/ /de dag rtag tu bde dang ldan pas khyed cag btson ra dag nas zhi bar byed/ /rgya mtshos smras pa/ de dag ma yin 'di ni lha dbang brgya byin tshogs bcas gzi brjid lhang nge ba/ /de ni gling bzhi'i nang na chos dang ldan pa su yod brtse ba'i yid kyis blta/ /khyed cag thams cad byams pa'i yid du gyis la khro ba myur du dor bar gyis/ /de yis myur du lag 'gro thar byed 'di nas 'jigs pa kun nas thar bar byed//shin tu brtan gyis smras pa/ de lta ma yin 'di kun gzugs brten lha tshogs bsam gtan bde ldan gzi brjid can/ /sems can rnams kyi ched du drang srong 'dir 'dzegs 'khod nas brtse bas phyogs rnams su//myur du srog chags rnams kyi 'gro ba'i sdug bsngal zhi byed chos chu'i char pa 'bebs/ /lha yi yid kyis thams cad de la phyag 'tshol 'di nas bdag cag thar bar byed/ /klu lus 'bigs pa'i khab kyis 'di skad ces smras so/ /'di ni gzugs na brten pa'i lha min bzhi po 'di kun bdud kyi 'byor pa yin//lus ngan skye mchog bdud rtsi'i skom dang rgyu bar btags pa 'di dag gnas pa ni/ /gnod sbyin sde dang bcas pas yongs bskor phyogs bzhi skyong byed sdig pa'i skye bo sgrol/ /de dag gis ni bdag cag sems can gzhan mthong 'di nas myur du thar bar byed//klu rin chen skyong gis 'di skad ces smras so/ /de dag ma yin de ni mgo bregs ngur smrig gos can 'khod par snang ba yin/ /de dag la ni kun lta thal mo sbyar 'khod skar ma'i nang na zla ba bzhin/ /bdun po de dag cher bsgrubs brtul zhugs brtan pa mgo bregs dag gis mthong ba yin//ngur smrig gos bgos mtshan gyis rab brgyan 'gro ba kun gyis mchod par 'os par mthong / /klu lus 'bigs pa'i khab kyis 'di skad ces smras so/ /'di ni bdag nyid kyis kyang 'jig rten 'dren pa yin te nga la de ltar snang //sems can rnams kyi mnyam gnyen 'gro ba skyob pa sdug bsngal rgya mtsho sel byed pa/ /gang dag lhan cig snang ba drang srong gzhan rnams kyang ni de yis sprul pa yin/ /bdag cag la ni brtse bas 'dir gnas khyed cag sdug bsngal rnams las thar bar byed//de nas bcom ldan 'das ri rab kyi rtse mo de la bzhugs ma thag tu ri rab dpag tshad brgyad cu rtsa bzhir 'khor brgya stong yod par gyur to/ /de nas 'dod pa na spyod pa dang / gzugs na spyod pa'i lha rnams kyis bcom ldan 'das kyi steng du lha rdzas kyi rin po che sna bdun las byas pa'i khang pa brtsegs pa 'og min gyi lha'i gnas la thug pa'i bar man chad sna tshogs pa/blta na sdug pa/ dpag tshad brgya stong du mar spras pa de srid cig sprul te/ de ni bcom ldan 'das la mchod pa'i las bya ba'i phyir lha rdzas kyi ras bcos bu dang /chos gos dang / rgyan dang / sbud pa dang / gdugs dang / rgyal mtshan dang / ba dan dang / spos dang / me tog sna tshogs kyis shin tu brgyan par sprul pa yin no/ /de'i tshe bcom ldan 'das kyis lha rnams kyi dbang po brgya byin la bos te bka' stsal pa/kau shi ka sangs rgyas kyi zhing mi mjed ni nga dang / sangs rgyas rnams dang / byang chub sems dpa' sems dpa' chen po rnams dang / nyan thos chen po rnams dang / drang srong rnams dang / bdud rnams dang / dbang che bar grags pa'i lha dang /klu dang / gnod sbyin rnams dang / mi dang / mi ma yin pa rnams kyis shin tu longs spyad zin to/ /de bzhin du da ltar ri rab 'di ni de bzhin gshegs pa nyid kyis shin tu longs spyad zin te/ phyogs bcu'i sangs rgyas kyi zhing thams cad kyi byang chub sems dpa' sems dpa' chen po de dag dang /lha dbang che bar grags pa rnams kyis shin tu longs spyad zin to/ /ri rab kyi rtse mo na gnas pa'i 'byung po khyed la phan pa dang bde bar gyur cig /btsun pa bcom ldan 'das gal te bdag cag la thugs brtse bar mdzad na btsun pa bcom ldan 'das/bcom ldan 'das la phyag bgyi ba dang / bsnyen bkur bgyi ba dang / ri rab la longs spyad par bgyi ba'i slad du sangs rgyas kyi zhing mi mjed 'di thams cad na gal te yang gang su dag bdud dam/ brgya byin nam/tshangs pa'am/ lha'i dbang po'am/ klu'i dbang po'am/ gnod sbyin gyi dbang po'am/ dri za'i dbang po'am/ lha ma yin gyi dbang po'am/ nam mkha' lding gi dbang po'am/ mi 'am ci'i dbang po'am/ lto 'phye chen po'i dbang po'am/ sems can dbang che bar grags pa/ dbang che bar grags pa lha'i drang srong gi bar zhes bgyi ba nas mi'i drang srong gi bar de dag thams cad 'dir lhags par gyur na 'dir bdag cag la shas cher phan pa dang bde bar 'gyur lags so/ /der bcom ldan 'das bzhugs nas 'dzum pa mdzad de/de'i zhal gyi sgo nas 'od zer kha dog sngon po dang / ser po dang / dmar po dang / dkar po dang / le brgan dang / shel gyi kha dog lta bu rnam pa sna tshogs byung ngo / /'od zer de dag gshegs nas bdud kyi gnas bye ba phrag brgya dang / brgya byin gyi gnas bye ba phrag brgya dang / tshangs pa'i gnas zhes bya ba nas lha'i dbang po thams cad kyi gnas dang / lha ma yin gyi gnas dang / drang srong gi gnas bye ba phrag brgya'i sangs rgyas kyi zhing 'di ji snyed pa thams cad du 'od zer de dag zhugs so/ /de dang de dag tu sems can dbang che bar grags pa dbang che bar grags pa bdud dam zhes bya ba nas drang srong rnams zhes bya ba'i bar du ming du btags pa de dang de dag thams cad la rab tu go bar mdzad nas bdud ces bya ba nas drang srong zhes bya ba'i bar de dang de dag de nas chas te bcom ldan 'das ga la ba dang /sangs rgyas kyi sku drug po de dag ga la bar skad cig thang cig yud tsam cig gis 'dir ri rab kyi rtse mor 'khod do/ /bcom ldan 'das kyis sprul pa dag rgyun bcad nas bka' stsal pa/ nga'i sangs rgyas kyi zhing 'di na ri'i rgyal po ri rab bye ba phrag brgya ji snyed yod pa thams cad kyi nang na ri rab 'di ni mchog dang phul yin par ngas bshad de/ri rab 'di ni 'dus pa chen po thams cad kyis longs spyod pa yin zhing ri rab thams cad kyi rgyal po yin no/ /de thos nas brgya byin kau shi ka dang zhes bya ba nas mi mjed kyi bdag po tshangs pa zhes bya ba'i bar mchog tu yid bde ba dang rangs pa skyes so//bcom ldan 'das kyi mthus klu'i rgyal po chen po bzhi po de dag drang srong thub pa'i gnas rten de nas song ste/ klu'i rgyal po rgya mtsho ni 'di nas lho phyogs kyi rgya mtsho chen po'i nang du mjug mas 'dug nas ri rab kyi rtse mo'i bar du de'i mgo bzhag ste bcom ldan 'das 'ba' zhig la lta'o zhes bya ba nas klu'i rgyal po rin chen skyong zhes bya ba nub phyogs kyi zhes bya ba'i bar dang /klu'i rgyal po lus 'bigs pa'i khab ni byang phyogs kyi zhes bya ba'i bar dang /klu'i rgyal po zla ba la rtsub pa ni shar phyogs kyi rgya mtsho chen po'i nang du mjug ma bzhag nas zhes bya ba nas ri rab kyi rtse mo'i bar du de'i mgo bzhag ste bcom ldan 'das 'ba' zhig la lta'o zhes bya ba'i bar du'o/ /klu lhag ma khrag khrig brgya stong phrag dpag tu med pa de dag ni de nas 'dong bar ma nus so//de dag thams cad kyis gsang bstod de 'di skad ces smras so/ /btson ra 'di nas bdag cag yongs su bskyab par gsol/ yongs su thar bar mdzad par gsol/ klu'i rgyal po dga' bo dang nye dga' gnyis bcom ldan 'das ri rab kyi rtse mo nas 'dir gshegs shing gnas rten 'dir bzhugs nas klu rnams la chos ston par 'gyur ro snyam ste/de dag gnyi gas gnas rten nas ri rab kyi rtse mo'i bar du de srid kyi rang gi lus sprul to/ /de nas brgya byin 'di snyam du sems te/klu de dag ni lus rtsub cing 'dus te reg na gdug pa yin pas bcom ldan 'das kyi zhabs kyi mthil dag ral bar gyur na mi rung ngo snyam nas/ des lag 'gro'i lus lha rdzas kyi ras bcos bu dag gis yongs su g.yogs shing mgo la tsan dan sbrul gyi snying po dang ta ma la'i lo ma'i phye mas yongs su g.yogs te lha rdzas kyi me tog dag mngon par gtor to//de nas bcom ldan 'das kyis drang srong thub pa'i gnas rten de rgyar dpag tshad bye ba khrag khrig brgya stong phrag brgyad cu rtsa bzhi par sprul to//mi mjed kyi bdag po tshangs pas de'i dbus su lha rdzas kyi rin po che'i ras bcos bu dang / rgyan dang / nor bu dang / rin po che rnams kyi gdan dag bting ngo / /de'i tshe bcom ldan 'das ri rab kyi rtse mo la bzhugs nas kun shes kau Di n+ya la bka' stsal pa/ ci nas kyang sangs rgyas kyi zhing mi mjed thams cad du chud pa thams cad kyis thos par de la sangs rgyas kyi yul gyi cho 'phrul gyi byin gyis rlabs kyi stobs de lta bus chos ston te/ kau Di n+ya gang mig gi skye ba dang / gnas pa dang / 'byung ba dang / nye bar len pa la mngon par zhen pa 'di ni sdug bsngal gyi skye ba'o//'di ni nad dang srid pa'i yan lag rnams kyi gnas pa'o/ /'di ni rga shi'i 'byung ba'o/ /kau Di n+ya gang rna ba dang / sna dang / lce dang / lus dang / yid kyi skye ba dang / gnas pa dang / 'byung ba dang / nye bar len pa la mngon par zhen pa 'di ni sdug bsngal gyi skye ba'o//'di ni nad dang / srid pa'i yan lag rnams kyi gnas pa'o/ /'di ni rga shi'i 'byung ba'o/ /kau Di n+ya gang mig gi 'gog pa dang / nye bar zhi ba dang / nub pa dang / nye bar len pa nye bar zhi ba 'di ni sdug bsngal gyi 'gog pa'o//'di ni srid pa'i yan lag rnams kyi nye bar zhi ba'o/ /'di ni rga shi'i nub pa'o/ /kau Di n+ya gang rna ba dang / sna dang / lce dang / lus dang / yid kyi 'gog pa dang / nye bar zhi ba dang / nub pa dang / nye bar len pa rnam par zhi ba 'di ni sdug bsngal gyi 'gog pa'o//'di ni srid pa'i yan lag rnams kyi nye bar zhi ba'o/ /'di ni rga shi'i nub pa'o/ /chos gang gis nga lha dang bcas pa dang / tshangs pa dang bcas pa dang / dge sbyong dang / bram zer bcas pa dang / lha dang mir bcas pa'i skye dgu'i 'jig rten na phul yin par grags pa dang /byams pa chen pos mchog yin par grags pa dang / snying rje chen pos dam pa yin par grags pa dang / 'khor ba'i pha rol tu phyin pas bla na med par grags pa dang / sbyin pa dang / dul ba dang /yang dag par sdom pa rnams kyis sems can thams cad la sems snyoms par grags pa'i chos kyi sbyin pa dang / dul ba dang / yang dag par sdom pa dang / tshangs pa'i gnas pa dang / 'phags pa'i lam yan lag brgyad pa yongs su bsgom pa'i rgyu 'thun pa'i chos de ni ngas sems can thams cad la rgya cher bstan to//gsal bar mdzad do/ /ston pa thugs brtse ba can phan par bzhed pas gang nyan thos rnams la mdzad pa ni ngas mdzad zin te/ da khyed cag gis bya ba yin no/ /rga shi'i mthar dbyung ba'i phyir dgon pa rnams dang /shing drung dang / dur khrod dang / ri dang / ri khrod dang / bas mtha'i gnas mal de dag tu phyis 'gyod pa can du gyur na mi rung gis sgoms shig /rtsol cig /nged kyis rjes su bstan pa ni 'di yin no/ /bcom ldan 'das kyis chos kyi rnam grangs 'di bshad pa na/sangs rgyas kyi zhing mi mjed 'di'i gling bzhi pa bye ba phrag brgya gang yin pa thams cad du gling bzhi pa re rer yang sems can dkrigs pa bye ba brgya stong phrag mang po de dag gis ni dge ba'i rtsa ba rnam pa sna tshogs bskyed do/ /kha cig ni ting nge 'dzin dang /gzungs dang / bzod pa rnams la rnam par gnas par gyur to/ /de bzhin du chos rnams la chos kyi mig bskyed do/ /kha cig ni sems can dmyal bar 'gro ba'i las kyi sgrib pa rnams byang ngo zhes bya ba nas kha cig ni sems can dmyal ba dang / dud 'gro'i bar dang / kha cig gnod sbyin dbul po nyid kyi bar dang / kha cig ni mi dbul po nyid du 'gro ba'i las kyi sgrib pa rnams yongs su byang ngo / /nad kyis btab pa rnams ni nad med par gyur to/ /sems can rnams btson ra nas yongs su thar bar gyur to/ / de nas bcom ldan 'das la klu'i rgyal po rgya mtshos tshigs su bcad de gsol pa/ dge ba sna tshogs dri ma med pa'i gser can spyod pa rnam dag thugs rjes phyug /lha dang shed las skyes dang lag 'gro'i dam pa nyon mongs rnyog pa sel mdzad pa/ /tshul khrims thos rig gsum po phun sum tshogs pa sems can thams cad 'dzud pa'o//lag 'gro'i tshogs rab thar mdzad thugs rje brtan po sngon gyi dam bcas dgongs par mdzod/ /gzhan sems sems can slad du sdug bsngal ji ltar gtar ba bzhin/ /lag 'gro'i skad cig mtha' yas 'dir rmongs sdug bsngal sna tshogs thebs//dgra yis phyag bgyis brtson brtan skye ba'i dgon pa las grol ba/ /ye shes chab kyis lag 'gro thams cad tshim par mdzad du gsol/ /'phags pa 'dus pa chen po theg pa chen po'i mdo nyi ma'i snying po'i le'u bcu gcig pa las ri rab la gshegs pa'i le'u ste bcu pa'o// //'phags pa shin tu rgyas pa chen po'i sde nyi ma'i snying po zhes bya ba'i mdo/ bam po bcu gnyis pa/ de nas bcom ldan 'das me tog dang / rin po che dang / chos gos dag gi char rab tu 'bebs shing /sil snyan dang / pheg rdob pa dang / glu dbyangs dag gi rol mo'i sgra 'byin pa'i lha dang / klu dang / gnod sbyin dang / lha ma yin thams cad sdod pas ri rab kyi rtse mo nas gshegs te/ bcom ldan 'das nyan thos kyi dge 'dun gyis mdun du bdar cing byang chub sems dpa'i dge 'dun gyis yongs su bskor nas drang srong thub pa'i gnas rten gyi dbus su gdan bting ba nyid la bzhugs so//bcom ldan 'das la mchod pa'i las bya ba'i phyir steng gi nam mkha' la lha dang / klu dang / gnod sbyin dang /lha ma yin dang / mi 'am ci thams cad kyis rgyan dang / phye ma sna tshogs dang / me tog sna tshogs dang / rin po che sna tshogs kyi char rab tu phab bo/ /bcom ldan 'das la klu de dag gis kyang me tog sna tshogs dang / dri sna tshogs dang / rin po che sna tshogs dang /ras gos dang / ras bcos bu dang / chos gos dang / rgyan sna tshogs kyis mchod pa byas nas lan gsum bskor ba byas te/ bcom ldan 'das kyi zhabs gnyis la mgo bos phyag 'tshal nas spyan sngar chos mnyan pa'i phyir 'khod do/ /de nas bcom ldan 'das la klu'i rgyal po rgya mtshos 'di skad ces gsol to//btsun pa bcom ldan 'das sug las gang dag gis sems can rnams klu'i skye gnas su skye lags/ bcom ldan 'das kyis bka' stsal pa/ klu'i bdag po las kyi sgrib pa bcus sems can 'byung po rnams myur du klu'i skye gnas su skye'o//bcu gang zhe na/ sems can gang dag pha rol tu phyin pa drug la mngon par brtson zhing bla na med pa'i theg pa yongs su tshol ba'i sems dang ldan pa dag yin la myur du 'dod pa rnams la nyes dmigs su lta ba ma yin zhing shin tu sbyin pa la mngon par brtson la lag pa brkyang ba dag yod de/de dag smon lam gyi dbang gis klu rnams kyi nang du skye'o/ /yang sems can gang dag bla na med pa'i theg pa yongs su tshol ba'i sems dang ldan zhing sbyin pa'i pha rol tu phyin pa la mngon par brtson pa dag yod de/de dag gis tshul khrims thams cad rdzogs par skyon med par bsrung bar ni ma nus so/ /de dag sems can dmyal ba dang / kyi 'jigs pas skrag nas rang gi smon lam gyis klu rnams kyi nang du skye'o/ /yang sems can gang dag bla na med pa'i theg pa yongs su tshol bar byed cing shin tu nga rgyal gyis khengs pa dag yod de/de dag nga rgyal gyi mthus rang gi smon lam gyis klu rnams kyi nang du skye'o/ /yang sems can gang dag bla na med pa'i theg pa'i spyod pa la mngon par brtson pa dag yod de/de dag shin tu khro ba mang zhing sems can gzhan rnams la rab tu sdang ste/ de dag sha khon la rten pas 'chi ba'i dus tha mar klu rnams kyi nang du smon lam 'debs te/ de dag smon lam gyis der skye'o/ /yang sems can gang dag nyan thos kyi theg pa dang yang dag par ldan zhing snod du gyur pa'i sbyin gnas yongs su btsal ba dang mchod pa'i sems dang ldan pa dag yod de/de dag rang gi smon lam gyis klu rnams kyi nang du skye'o/ /yang sems can gang dag ser sna can dang nga rgyal gyi skyon dang ldan pa dag yod de/ de dag las des klu rnams kyi nang du skye'o//yang sems can gang dag nga rgyal la mngon par dga' zhing mu cor smra la du smra ba dag yod de/ de dag las des klu rnams kyi nang du skye'o/ /yang sems can gang dag sangs rgyas la gces par byed pa ma yin pa mang ba dag yin zhing / chos dang / dge 'dun dang / bslab pa dang / mkhan po dang / slob dpon dang / bla ma'i gnas lta bu dang / pha ma rnams la gces par byed pa ma yin pa mang ba dag yin pa yod do/ /de'i tshe de dag nga rgyal gyi rgyu dang / lus dang / ngag dang / yid chung ngus 'khrul pas klu rnams kyi nang du skye'o//yang sems can gang dag nga rgyal dang / gti mug gis zil gyis non cing ma dul la skyon med pa ma yin par spyod pa dag yod de/ de dag klu rnams kyi nang du skye'o/ /yang sems can gang dag nga rgyal dang / phra ma smra ba dang / tshig rtsub po smra ba la goms pa dag yod de/de dag 'chi ba'i dus byas nas klu rnams kyi nang du skye ste bcu po de dag yin no/ /chos gzhan gsum dang ldan na klu rnams kyi nang du skye'o/ /gsum gang zhe na/ sems can gang dag lus dang / ngag dang / yid kyi nyes par spyod pa shin tu dam po dag gis sems can dmyal ba rnams kyi nang du skyes pa dag yod de/de dag de nas shi 'phos nas nyes par spyod pa'i lhag ma chung ngus klu rnams kyi nang du skye'o/ /de bzhin du dud 'gro rnams dang / de bzhin du rnams nas zhes bya ba'i bar du ste/chos gsum po de dag gis sems can rnams klu rnams kyi nang du skye'o/ /rgya mtshos kyang gsol pa/ btsun pa bcom ldan 'das de de bzhin no/ /btsun pa bde bar gshegs pa de de bzhin te/ btsun pa bcom ldan 'das 'di na klu gang dag longs spyod pa dang /nye bar spyod pa'i dpal dang ldan pa lha dang 'dra ba dag mchis pa nas mi smad rims dang 'dra ba dag mchis pa'i bar dang / dang 'dra ba dag mchis pa'i bar dang / gang dag dud 'gro'i skye gnas pa dang 'dra ba dag mchis pa'i bar nas klu gang dag sems can dmyal ba dang 'dra ba dag gi bar mchis lags te/de dag sdug bsngal gyi tshor ba myong bar 'gyur lags so/ /de nas klu'i rgyal po'i bu pad ma'i gdong zhes bya bas 'di skad ces gsol to/ /bdag su ga las gang gis klu'i rigs su skyes nas gzugs mchog tu lham me zhing lus kyis reg pa gang ci reg kyang kun tu tshig cing 'bar ba lags/bdag dus thams cad du mchil lham bor nas gcer bur rgyu bar bgyid lags/ bdag gi pha ma de ni dpal phun sum tshogs pa'i ches khyad par du 'phags pa myong ste/dper na gling bzhi pa'i 'khor los sgyur ba'i rgyal po bzhin lags/ bcom ldan 'das kyis bka' stsal pa/ kye lag 'gro sngon byung ba 'das pa'i dus bskal pa sum cu rtsa gcig 'das pa de'i tshe de'i dus na/ de bzhin gshegs pa zhes bya ba nas sangs rgyas bcom ldan 'das zhes bya ba'i bar gtsug tor can zhes bya ba 'jig rten du byung ngo //de'i tshe rgyal po me tog bral zhes bya ba zhig byung ste/ rgyal po me tog bral des kyang de bzhin gshegs pa gtsug tor can nyan thos dang / byang chub sems dpa'i dge 'dun brgya stong phrag mang po'i 'khor dang ldan pa de la zla ba gsum du yo byad thams cad phul nas rtag tu chos mnyan te/bla na med pa yang dag par rdzogs pa'i byang chub tu smon lam btab bo/ /bcom ldan 'das de'i gtsug lag khang yo byad thams cad dang ldan pa zhig kyang brtsigs so//rgyal po me tog bral de'i bu srid sgrub bcas zhes bya ba zhig yod de/ de shin tu 'khor bas skrag nas bcom ldan 'das kyi thad du rab tu byung ste pha'i dge 'dun gyi kun dga'i ra ba de rjes su skyong zhing 'dug go/ /de nas bcom ldan 'das kyi nyan thos kyi dge slong gang dag gnas pa dang /de na gang dag bza' ba dang / btung ba dang / mal cha la longs spyod par byed pa thams cad la me tog bral gyi bu dge slong srid sgrub bcas de phrag dog byed do/ /bcom ldan 'das kyi nyan thos kyi dge slong de dag kyang gnas de nas dong ngo //de yang yid mchog tu dga' nas bdag nyid kyis kyang longs spyod par mi byed/ gzhan dag la yang mi ster ro zhes bya ba nas dge slong de yang 'chi ba'i dus byas nas sems can dmyal ba chen po rnams kyi nang du skyes so zhes bya ba'i bar du'o/ /de lo khrag khrig brgya stong phrag mang por sems can dmyal ba chen po'i nang du skyes nas btsos so//de de nas shi 'phos nas rnams kyi nang du skyes te/ lo brgya stong phrag mang por der sdug bsngal myong ngo / /phyis yang sems can dmyal ba dang rnams kyi nang du sdug bsngal myong ngo //lag 'gro 'khor bas skrag pa'i sems dang ldan pa'i srid sgrub bcas zhes bya ba rab tu byung ste/ de nas shi 'phos nas de ltar yun ring por ngan song gsum du sdug bsngal myong ba de gzhan zhig yin par khyod sems na/ gzhan yin par blta bar mi bya ste/de ltar las kyi sgrib pa dam pos zin pa yang khyod yin no/ /'di phan chad bskal pa sum cu rtsa gcig tu khyod rtag par ngan song gsum gyi nang du skyes so/ /de'i las kyi sgrib pa lhag ma lus pa des 'dir klu rnams kyi nang du skyes pa ni gzhan ma yin gyi khyod yin te/sdug bsngal gyi tshor ba de lta bu myong ngo / /gang khyod 'di nas shi 'phos nas phyis kyang sems can dmyal ba dang / dud 'gro dang / rnams kyi nang du rtag tu sdug bsngal gyis gzir bar 'gyur ba 'di ni gnas yod do/ /klu'i bu de mchog tu yid mi dga' nas rab tu ngu zhing bcom ldan 'das kyi zhabs gnyis la phyag 'tshal nas 'di skad ces gsol to//btsun pa bcom ldan 'das byis pa ji lta ba dang / rmongs pa ji lta ba dang / mi gsal ba dang / mi mkhas pa ji lta ba bzhin du nongs pa so sor 'chags lags so nongs pa so sor 'chags lags so/ / btsun pa bcom ldan 'das bdag gi bsam pas sdom pa gzung bar bgyi'o/ /bdag de bzhin gshegs pa'i dge bsnyen lags te/ ji srid 'tsho'i bar du srog gcod pa spangs pa lags so/ /bdag bcom ldan 'das la skyabs su mchis pa lags so/ /bcom ldan 'das kyis bka' stsal pa/rigs kyi bu legs so legs so/ /khyod lhag pa'i bsam pas nga la skyabs su song bas khyod kyi ngan song thams cad yongs su zad do/ /'di nas shi 'phos nas khyod kyis byams pa'i tshe na mi'i rnyed pa thob par 'gyur te/ byams pa'i thad du rab tu 'byung bar 'gyur zhing dgra bcom pa nyid kyi bar du mngon sum du byed par 'gyur ro//de'i tshe de'i dus na gang gis gtsug tor can 'khor dang bcas pa la zla ba gsum du yo byad thams cad kyis rim gro byas pa dang / de'i phyir dge 'dun gyi kun dga' ra ba yo byad thams cad phun sum tshogs par byas pa'i rgyal po me tog bral zhes bya ba gzhan zhig yin par khyod sems na de gzhan yin par yang mi blta ste/de ni klu'i rgyal po rgya mtsho 'di yin no/ /'di ni bskal pa sum cu rtsa gcig tu nam yang ngan 'gror ma skyes so//lha'i dpal dang skal ba bzang po phun sum tshogs pa shin tu rgya chen po myong ngo / /'di ni bla na med pa'i theg pa'i phyir smon lam gyi dbang gis 'dir klu rnams kyi nang du skyes te/ 'dir dpal dang skal ba bzang po de lta bu myong ngo / /de skad ces thos nas klu thams cad skyo zhing mchog tu yid mi bde nas bcom ldan 'das la mchog tu gus pa skyes shing nye bar rtog pas gces par byed par gyur to//de'i nang na klu gzhan mig med pa long ba 'bras bu nyam chung ba zhes bya ba zhig yod de/ des gsang bstod nas 'o dod bos te gsol pa/sems can rnams la thugs brtse bdag cag yongs su bskyab par gsol/ /yun ring bdag gi lus la sdug bsngal tshor ba rab mi bzad/ /srin bu sbal pa skye bo srog chags sna tshogs 'tshal bar bgyid/ /bza' ba btung ba ma mchis chab tshan nang na bdag gnas lags/bcom ldan 'das kyis bka' stsal pa/ 'khor ba 'jig rgyal bstan pa la/ /sngon ni dge sbyong khyod gyur to/ /mkhas shing gtsang sbra spyod lam ldan/ /dben pa dag tu'ang sdig pa byed/ /lhan cig gnas pa dag kyang mang //khyod bdag ston pa 'dra bar gyur/ /dgra bcom rdzu 'phrul chen po yang / /khyod la slob ma rnams kyis brjod/ /rnyed dang bkur sti byung ba ni/ /khyod gcig bu yis longs spyad cing / /khyod kyis dge slong des pa mthong / /de dag la ni mi snyan brjod/ / lhan cig gnas de mi dgar gnas/ /khyod ni tshe rabs stong dag tu/ /nged kyi zas su gyur cig ces/ /de lta bu yi sems bskyed do/ /las kyi rnam par smin pa des/ /'dir yang khyod ni lag 'gror skyes/ /khyod rang gi yang lhan cig gnas/ /phyi phyir za bar byed pa yin//chu tshan nang na gnas pa dang / /long bar de yis gyur pa yin/ /kun tu 'bar ba'i lcags dang zangs/ /phyis kyang dmyal bar za bar 'gyur/ /stobs med yid ni mi dga' bas/ /klu dbang kun gyi nang na ngu / /nyes pa so sor bshags byas na//sdug bsngal rnams las yongs su grol/ /de nas bcom ldan gser 'dra ba'i/ /phyag gi mthil gyi dkyil 'khor reg /spyod par dka' ba dgongs mdzad nas/ /ston pas 'di skad bka' stsal to/ /rgyal po mig nga byung ste/ /sngon tshe bden pa gang gis ngas//bram ze long ba'i don du ni/ /mig dag gnyis ka phyung bar gyur/ /bden pa'i tshig de kho na yis/ /khyod kyis dri med mig thob shog /nga yi legs par spyod pas khyod/ /sngon gyi las de byang bar shog /tad+ya thA/ tsak+Shu kha ba/ ra sa na kha ba/karma kha ba/ a nan dza na/ bi ra dza/ ba ra an ta/ dz+nyA ma/ ni sa ra Na tro ya/ a he tsan dra Da ne kri mi shud d+he/ pha la shud d+he/ a dze ta dze/ ta le tan ta le/ ba se d+ha sa ke/ ba sa te/ rU ra ti/ ma hA rU ra bi/ tri rad na bra te swA hA/ bcom ldan 'das kyis bden pa'i tshig de bshad pa na klu 'bras bu nyam chung ba'i mig yongs su dag par gyur to//klu gzhan stong phrag lnga bcu rtsa gsum gyi mig kyang yongs su dag par gyur to/ /gzhan gnod sbyin dang / grul bum dang / dang / sha za dang /mi khrag khrig phrag brgyad cu rtsa bzhi ni sngon gyi las kyi sgrib pa zad cing mig yongs su dag par gyur to/ /de nas lha'i bu mtshams thal mo rab tu sbyar ba byas nas smras pa/ 'jig rten 'dren pa rnams kyi stobs la ltos/ /rab tu lam med rnams la mig kyang byin//gal te ston pa 'jig rten mi 'byung na/ /su yang 'gro bar sha'i mig phyis mi 'thob/ /de'i tshe bcom ldan 'das kyis tshe dang ldan pa kun shes kau Di n+ya la bka' stsal pa/ kau Di n+ya khyod kyis gsang sngags chen po'i gzhi'i gzungs sngags mig sgrub pa 'di zung shig /da ltar dang ma 'ongs pa'i dus na su la la sems can rnams kyi sngon gyi las kyi lhag ma dang / khams kun tu 'khrugs pa dang / gsang sngags dang / sman dang / dug gi sbyor bas long bar 'gyur ba dang / mthong bar yang 'gyur ba des mig sgrub pa'i gzungs sngags 'di rang gis bklag par bya'o/ /rang gi las so sor bshags par bya'o/ /des sems can thams cad la byams pa'i sems kyis sangs rgyas rjes su dran pa bsgom zhing las gzhan mi byed par zhag bdun phrag bdun du rang gi mig la byabs na mig yongs su dag par 'gyur ro//yang sems can gang dag mtshams med pa'i las lhag ma lus pas long bar gyur cing dam pa'i chos spong ba'i lhag ma lus pa dang / 'phags pa la skur pa 'debs pa'i lhag ma lus pa dang /chos kyi sbyin pa'i sgrib pa'i lhag ma lus pa dang / glegs bam du bris pa rnam par 'jig pa'i lhag ma lus pa dang / gzhan gyi mig rnam par 'jig pa'i las kyi lhag mas long bar gyur pa de dag gis gzungs sngags 'di yi ger 'drir bcug ste/ yang dang yang du klog tu gzhug go//las kyi sgrib pa bshags par bya'o/ /gzhan yang rgya mtsho'i lbu ba dang / shing mngar dang / sman ka tsa dang / 'bras bu gsum dang / rus sbal gyi snying rnying pa sbrang rtsi dang lhan cig btag cing btsos la gsang sngags 'di dag lan stong rtsa brgyad mngon par brjod cing mig gi phyi rol du bsku bar bya'o//zhag bdun phrag bdun du las gzhan mi byed par sangs rgyas rjes su dran pa bsgom zhing sangs rgyas kyi sku gzugs kyang byas na de'i las kyi sgrib pa ma lus par byang bar 'gyur zhing de'i mig yongs su dag par 'gyur ro//gzhan yang dge slong rnams kyi gnas dge 'dun gyi kun dga' ra ba byas na yang de'i las kyi sgrib par byang bar 'gyur ro/ /phyis kyang 'khor bar mig ma tshang bar mi 'gyur ro/ /de nas thams cad dang ldan pa'i klu'i 'khor des 'di skad ces gsol to//thugs rje chen po dang ldan pa dus gsum gyi sems can thams cad la phan par mdzad pa nad las rab tu thar bar mdzad pa la phyag 'tshal lo/ /de nas de'i tshe klu tshon rtsi sngon pos gsang bstod de 'di skad ces gsol to/ /sdig pa thams cad sbyong ba khyod//khyod ni dka' mdzad dpal kun ldan/ /khyod kyis las kyang rab tu mkhyen/ /srog chags kun gyi rgyal po khyod/ /bdag ni chu dang rnam bral zhing / /tsha ba'i klung gis kun gdungs pa'i/ /'brog dgon pa na gnas pa lags/ /dri mi zhim pa'i gnas na gnas//lo ni bye ba phrag stong du/ /zhag gcig bdag la bde ma mchis/ /rtag par 'khor dang lhan cig tu/ /bdag ni gzhan gyis bza' ba lags/ /bcom ldan 'das kyis bka' stsal pa/ /sems can gang dag sdig byas nas/ /phyis kyang bdag nyid bsod nams sgrub//lus kyis gaN+DI brdungs nas su/ /dge slong dge 'dun tshim byed na'ang / /las kyi lhag ma de yis su/ /gang dang gang du skyes par ni/ /sdug bsngal ci 'dra 'byung 'gyur zhing / /bza' btung dag dang yang dag ldan/ /yang na klu yi skye gnas su//lus kyis skye bar 'gyur ba yin/ /de yi mgo yi klad pa der/ /nor bu'i rgyal po 'byung bar 'gyur/ /kun tu chu 'byung zhes bya ba/ /chu sbyin byed pa'i klur 'gyur ro/ /gang na klu ni gnas byed pa/ /de nas chu ni 'bab par 'gyur/ /sa 'am nam mkha' la yang rung //gang dang gang du 'gro ba der/ /sems ni bskyed ma thag tu yang / /chu ni 'byung bar 'gyur ba yin/ /yang na sems can gang dag gis/ /mi yi dngos po thob nas su/ /sdig pa rnam pa sna tshogs byas/ /dge 'dun rim gro mi byed na/ / de dag sdug bsngal sna tshogs ni/ /ngan song gsum du myong nas kyang / /de nyid klu yi skye gnas su/ /skye ba thob par 'gyur ba yin/ /de las kun tu chu mi 'byung / /mgo la nor bu rin chen med/ /stong pa skom pa'i gnas dag tu/ /chu med par ni gnas par 'gyur//sngon 'das dus na khyod kyis ni/ /rgyal ba skar rgyal bstan pa la/ /dge slong dgon pa par gyur te/ /phrag dog ser snas gang ba yin/ /dge slong blo bur 'ongs mthong nas/ /khro gnyer can gyi bzhin byas nas/ /de dag la ni sbyin gtong byed//de la yang ni mngon sum gshe/ /der ni gang dag chur yang ni/ /myur du mi gtsang ba yis bkang / /'chag sa gnas khang dag gi gnas/ /dri nga ba yis bkang bar gyur/ /dge slong des pa 'gro ba na/ /brgyad bkag gis ni gshe bar gyur//dge slong des pa gzhan dag kyang / /rgyang ring bar ni yongs su spangs/ /de phyir phrag dog ser sna'i rgyus/ /ma chod par ni khyod gyur nas/ /dge sbyong su zhig la la mthong / /myur du khros nas gshe bar 'gyur/ /sbyin pa po la khro bas gshe//ngo tsha khrel yod rnam par spangs/ /las kyi rnam par smin pa des/ /sems can dmyal bar so sor skyes/ /lus ni bye bas sems dmyal du/ /sdug bsngal mang po nyams su myong / /rnams su dus ring por/ /sdug bsngal rab tu mi bzad myong //khyod ni klu yi skye gnas su/ /skyes nas shin tu sdug bsngal gyur/ /stong pa 'brog dgon rdzong rnams su/ /chu dang bral bar gnas pa yin/ /sems can dmyal ba rnams su khyod/ /sdug bsngal tshor ba phyi phyir myong / /shin tu yun ring dang //dud 'gror sdug bsngal tshor ba myong / /su zhig tha ma'i dus tshe gnod sems byung / /rtag tu phrag dog ser sna khros pa la/ /bsam gtan mi skyob sangs rgyas mchod pa min/ /tshul khrims mi skyob dgon par gnas pa min/ / yang de'i tshe klu'i 'khor de'i nang na klu lta bu bye ba phrag nyi shu rtsa drug sngon gyi tshe rabs rjes su dran par gyur te/ skad po cher rab tu ngu zhing 'di skad ces gsol to/ /bcom ldan 'das bdag cag yongs su bskyab tu gsol/ bde bar gshegs pa bdag cag yongs su bskyab tu gsol/sngon gyi rgyal ba'i bstan pa la bdag cag gis 'dra mtshungs par las kyi sgrib pa de lta bu 'phangs lags so/ /de ltar yun ring por ngan song gsum du sdug bsngal myong lags so/ /da ltar yang klu lta bu rnams kyi nang du rtag tu sdug bsngal de lta bus gzir lags te/dper na klu lta bu tshon rtsi sngon po bzhin no/ /bcom ldan 'das kyis bka' stsal pa/ khyod kyis chu long la de bzhin gshegs pa'i zhabs kyi drung du chag chag thob shig dang / des ni khyed kyi sdug bsngal thams cad yongs su zad par 'gyur ro//de nas klu lta bu de dag thams cad kyis lag pa gnyis kyis chu blangs pa dang / lag na chu 'dug pa de rab tu 'bar ro/ /de nas me'i phung po shing ta la drug srid du 'phags te/ lan bdun gyi bar du de bzhin no//klu'i tshogs de mchog tu yid mi dga' nas mchi ma dag phyung ngo / /thams cad dang ldan pa'i 'khor de yang yid kun tu mi dga' nas de bzhin no/ /bcom ldan 'das kyis bka' stsal pa/ /ci 'dra ba yi las byas pa/ /de 'dra ba yi 'bras bu 'thob/ / dge ba yin na bzang po ste/ /sdig pa byed pa'ang sdig to'o/ /de nas lta bu'i klu/ /khyed kun 'di skad tshig smros shig /bden pa gang gis ston pa ni/ /sems can kun la thugs snyoms pa/ /bden pa'i tshig de kho na yis/ /nged kyi chu ni ma 'bar cig /klu thams cad kyis 'di skad ces smras so/ /lan brgyad pa la lag pa gnyis kyis chu blangs te bcom ldan 'das kyi zhabs gnyis la gtor nas nyes pa la nyes par so sor bshags so/ /bcom ldan 'das kyis bka' stsal pa/ sdig pa'i las kyi sgrib pa yi//lhag ma lus pa yongs su zad/ /byams pa'i tshe na khyed cag ni/ /mi yi srid pa thob par 'gyur/ /byams pa yi ni bstan pa la/ /myur du rab tu 'byung ba thob/ /rnal 'byor la ni mngon brtson dang / /myur du dgra bcom thob par 'gyur//yang de'i tshe bcom ldan 'das kyi mthus klu'i tshogs de ji ltar lhags pa bzhin de dag thams cad kyis sngon gyi tshe rabs dang / bdag gi las dang / 'gro ba dang / skye ba rjes su dran te/ 'khor de'i nang nas klu brgya stong phrag mang po rang gis nyes par byas pa'i sdig pa'i las kyis rab tu dus nas kha cig gis 'di skad ces gsol to//sngon gyi de bzhin gshegs pa rnams kyi bstan pa la bdag cag khyim na gnas par gyur te/ nye du dang 'grogs pa'i rkyen dang / chos mnyan pa'i rkyen gyis dge slong rnams dang lhan cig tu dge 'dun gyi mngon du gyur pa bsngos pa'i me tog dang /'bras bu dang / khu ba dang / bza' ba dang / btung ba longs spyad lags so zhes bya ba nas kha cig gis gsol pa/ bdag cag gis phyogs bzhi pa la bsngos pa longs spyad lags so zhes bya ba'i bar du'o//kha cig gis 'di skad ces gsol to/ /bdag cag gis rang gis bsngos pa longs spyod lags so zhes bya ba'i bar du'o/ /kha cig gis gsol pa/ bdag cag de bzhin gshegs pa rnam par gzigs kyi zhes bya ba'i bar dang /bdag cag gtsug tor can gyi zhes bya ba'i bar dang / bdag cag 'khor ba 'jig gi zhes bya ba'i bar dang / bdag cag gser thub kyi zhes bya ba'i bar du'o/ /klu kha cig gis 'di skad ces gsol to/ /de bzhin gshegs pa 'od srung gi bstan pa la bdag cag khyim na gnas par gyur te/nye du dang 'grogs pa'i rkyen dang / chos mnyan pa'i rkyen gyis de bzhin du bsngos pa'i dge 'dun gyi me tog dang / 'bras bu dang / khu ba dang / bza' ba dang / btung ba dge slong rnams la stsal pa de bdag cag gis longs spyad lags so//sdig pa'i las des kyang sems can dmyal ba rnams kyi nang du sdug bsngal mi bzad pa chen po rnam pa sna tshogs rab tu mi bzad pa mang po yang dang yang nyams su myong lags so/ /dud 'gro dang yi dgas rnams kyi nang du dus yun ring por rtag tu sdug bsngal gyis gzir lags so//las kyi lhag ma des bdag cag klu'i skye gnas dman pa 'dir skyes nas chab bskol ba kun tu tsha ba'i nang du btsos lags so/ /bye ma kun tu tsha ba'i nang du bsregs lags so//bdag cag gi kha'i sgor kha zas stsal ba yang lcags kyi thu lum du gyur lags so/ /de bzhin du khar btung ba stsal ba yang lcags dang zangs su gyur lags so/ /gang dang gang du mchis pa thams cad du sdug bsngal gyi tshor ba de lta bu myong lags na bdag cag yongs su bskyab tu gsol/bcom ldan 'das kyis bka' stsal pa/ kye lag 'gro dag khyed kyis dge 'dun gyi longs spyod pa de ni 'os pa ma yin te/ mtshams med pa dang nye ba yin no/ /rnam par ma smin par gang gis kyang myur du bshags par mi nus so//kye lag 'gro dag de lta yin yang ji srid 'tsho'i bar du skyabs gsum du 'gro ba la 'khod cig dang / de lta na khyed la phan pa dang bde bar 'gyur ro/ /rgyu des de bzhin gshegs pas khyed 'dod pa bzhin 'khor bar gzhog par mdzad do//de dag thams cad gsum la skyabs su 'gro ba la yang bkod par gyur to/ /yang 'khor de'i nang na klu mo long ma zhig yod de/ de'i kha srin bus gang zhing gcin rul pa lta bu'i rnag dri nga ba zag go/ /smad kyi mtshan ma la yang de bzhin no/ /de'i lus thams cad rul cing rnag 'dzag pa phol mig dang srin bus gang ba la sha sbrang dang /sbrang bu mchu dang / sbrang bu gdug pa rnams kyis za bar byed do/ /de'i tshe bcom ldan 'das kyis thugs rje chen pos gzigs te/ bka' stsal pa/ sring mo khyod kyis lus la sdig pa'i las ni ci byas/ji lta bu zhig /des gsol pa/ btsun pa bcom ldan 'das bdag gi tshor ba sdug bsngal lags so/ /btsun pa bcom ldan 'das bdag gi tshor ba tsha ba lags te/ gang nas klu'i skye gnas dman pa 'dir skyes pa'i dgung lo stong phrag sum cu rtsa drug bdag gis mngon par 'tshal lags so//bdag gi sdug bsngal gyi tshor ba de lta bu ni gdugs zhag gcig kyang rgyun ma chad lags so/ /bka' stsal pa/ sngon gyi las ci zhig byas/ des gsol pa/ 'di nas bskal pa dgu bcu rtsa gcig pa la rgyal ba rnam par gzigs kyi bstan pa la mi'i rgyud kyi bud med du gyur lags te/bdag der 'dod pa'i dregs pas myos nas bcom ldan 'das kyi bstan pa la rab tu byung ba dang lhan cig tu dge 'dun gyi gtsug lag khang na dge 'dun gyi mal cha'i steng du yang dang yang 'khrig pa dang ldan pa'i chos 'dod pa dag so so yang dag par myong lags te/nor gyi slad du ma skrag lags so/ /bcom ldan 'das de tshun chad bdag rtag tu lha dang mi'i rnyed pa dang bral lags so/ /rtag tu ngan song gsum gyi tshor ba mi bzad pas rab tu gzir lags so//bka' stsal pa/ sring mo gang gi tshe 'dir bskal pa chen po 'jig par gyur pa de'i tshe khyod gang du song / des gsol pa/ sngon gyi las la rten pa'i rlung chen po de dag gis 'phangs nas/ 'jig rten gyi khams snyigs ma lnga dang ldan pa gzhan dag tu 'phangs lags so//yang gang gi tshe der 'jig par gyur nas de nas yang 'dir 'phangs lags na/ bcom ldan 'das thugs rje chen pos bdag yongs su bskyab tu gsol/ bde bar gshegs pa bdag yongs su bskyab tu gsol/ de nas bcom ldan 'das kyi phyag gnyi gas rma rtsi spos dang sbyar ba'i chu bzhes te bden pa brjod par mdzad do//bden pa gang gis sngon thi ba'i phyir nga'i lus chags pa med par yongs su btang ba'i bden pa des khyod kyi nad de dag zhi bar gyur cig /klu mo de'i khar blugs shing lus la gtor bas nad thams cad rab tu zhi bar gyur te/gsum la skyabs su nye bar gnas par gyur to/ /yang de nyid na klu gzhan zhig lus dri nga zhing srin bus gang la srin bu ser skyas gang nas de las rnag khrag tsha zhing gor gor po zag pa/ smra mi nus pa/ mchog tu skyon du bgrang ba zhig yod do//bcom ldan 'das kyis klu de gzigs nas bka' stsal pa/ lag 'gro khyod kyis sngon mi dge ba'i las ci zhig byas/ klu des kha'i sgo phye nas srin bu'i rigs dang / rnag khrag dang / mes gang ba'i kha'i sgo sbyang brims te smra ma nus so/ /de nas bcom ldan 'das kyis skyor chu zhig bzhes te bka' stsal pa/ri bong gyur te drang srong phyir/ /rang gis me yi nang bor ba/ /bden pa'i tshig de kho na yis/ /klu ni smra bar nus par shog /skyor chu de klu'i khar blugs nas de'i kha'i nang du me rab tu zhi zhing srin bu dang rnag khrag kha'i phyi rol du byung ngo //klu de kha yongs su dag par gyur nas 'di skad ces gsol to/ /btsun pa bcom ldan 'das rgyal ba 'od srung gi bstan pa la bdag zhing par gyur lags so/ /bdag gis bcom ldan 'das kyi nyan thos gzhan zhig la skyed du stsol cig dang /ston gyi dus su khyod la dbul lo zhes gser lnga bcu zhig gsol ba btab lags so/ /des bdag la 'gron bu brgyad cu'i rin bcu zhig stsal te/ lnga bcur ma stsal lags so/ /bdag gis dge slong de la khro bas zil gyis non nas 'gron bu brgyad cu'i rin bcu blangs te/de la slar yang ma stsal lags so/ /gzhan yang dus gzhan zhig na dge slong rnams kyi kun dga' ra ba der bdag mchis nas der dge 'dun gyi mngon du gyur pa bsngos pa a mra'i 'bras bu bcu gsum pa longs spyad lags so//sug las kyi sgrib pa'i lhag ma de kho nas de nas shi 'phos nas 'brog dgon pa skam po 'dir nyi tshe ba'i sems can dmyal ba rnams kyi nang du skyes te/ rtag tu bdag gi lus srin bu dag dang rnag khrag brdus pas gang lags so/ /bkres pa dang skom pas kun tu gzir nas sdug bsngal gyi tshor ba myong lags so//yang mi dge ba'i las kyi rgyu des bdag 'di nas shi 'phos nas yang sems can dmyal ba chen po rnams kyi nang du skyes lags so/ /dge slong de yang khro ba dang ser sna'i rgyu des 'chi ba'i dus bgyis nas 'dir klu rnams kyi nang du bdag gi mchan khung du skyes te/dus rtag tu bdag la g.yo bar bgyid do/ /de rtag tu khro bas zil gyis non nas dbugs tsha bas bdag gi lus la yongs su gang bar bgyid do/ /rgyu des rtag par rgyun tu bdag gi lus srin bu dag dang rnag khrag gis gang lags na de bzhin gshegs pas bdag yongs su bskyab tu gsol/sbrul dgra dang 'dra ba de las bdag yongs su thar bar mdzad par gsol/ de nas yang bcom ldan 'das kyis phyag tu chab bzhes te 'di skad ces bka' stsal to//mu ge dag ni byung ba'i tshe/ /nga ni 'dir yang nyar gyur te/ /sha dang khrag gis tshim byas pas/ /khyed cag gnyi ga bde bar shog /chu des klu la gtor nas de'i mchan khung nas klu'i bu byung ngo / /gnyi gas 'di skad ces gsol to//yun ji tsam gyis ngan song dag las bdag cag thar bar 'gyur/ /bcom ldan 'das kyis bka' stsal pa/ kye lag 'gro dag gang phyogs bzhi'i dge 'dun nas dge 'dun gyi mngon du gyur pa bsngos pa'i me tog dang / 'bras bu dang / 'dab ma dang / bza' ba dang / btung ba dang / mal cha dang / rtsi dang / yo byad kyang rung / dge 'dun las gal te bdag gir longs spyad dam/ gzhan la byin na sdig pa'i las de rnam par smin cing so so yang dag par ma myong bar sus kyang myur du zad par bya bar mi nus te 'di ni mtshams med pa dang nye ba shin tu lci ba yin no//lag 'gro dag khyed tshur sheg /dkon mchog gsum la skyabs su deng shig dang / des na khyed cag chu la gnas pa dag tu 'gyur ro zhes bya ba nas dkon mchog gsum la skyabs su rnam par bkod de chu la gnas par gyur to zhes bya ba'i bar du'o//bcom ldan 'das kyis bka' stsal pa/ spu gri rnon po dag gis su/ /rang gi yan lag gtubs pa sla'i/ /bsngos zin pa yi dngos po ni/ /khyim pa rnams la sbyin mi bya/ /me lce 'bar ba lta bu yi/ /lcags kyi thu lum zos sla yi//dge 'dun dag las gal te ni/ /dge 'dun gyi la longs mi spyad/ /lhun po dang ni 'dra ba'i me/ /blang ba byas te zos pa sla'i/ /khyim par gyur pas dge 'dun gyi/ /longs spyad par ni mi bya'o/ /thams cad dbyung ba byas pa dang / / gsal shing steng du bteg pa sla'i/ /khyim par gyur pas dge 'dun gyi/ /longs spyad par ni mi bya'o/ /me mdag gis ni gang ba yi/ /gnas khang der ni zhugs pa sla'i/ /khyim pas dge 'dun gnas khang du/ /mtshan mo gnas par mi bya'o/ /me lce 'bar ba lta bu yi//lcags kyi thu lum blangs pa sla'i/ /rab tu byung dang khyim pa yis/ /dbyig ni blang bar mi bya'o/ /'khor lo rnon pos bdag gi lus/ /kun tu gtub par byas pa sla'i/ /legs par gsungs pa'i chos rnams la/ /rgyags dang gshe ba bskyed mi bya//legs par gsungs pa'i chos can gyi/ /mig ni rang gi phyung ba sla'i/ /sems can du ni bgrang ba la/ /khros pas skye dgu mi mngag go/ /legs par gsungs pa'i chos can gyi/ /me yi gos ni gyon pa sla'i/ /tshul 'chos pa dang mthu yis su//khyim pa las ni gos mi bslang / /me 'dra bar ni bskol ba yi/ /rtsub 'gyur chu ni 'thungs pa sla'i/ /rab tu byung bas g.yo sgyu yis/ /bza' btung bslang bar mi bya'o/ /de'i tshe bcom ldan 'das kyis klu khri bzhi stong snyed sngon gyi nyes par byas pa'i sdug bsngal gyi tshor ba de lta bu dag las yongs su thar bar mdzad de skyabs gsum la yang rnam par bkod do//de'i tshe klu gzhan bye ba phrag brgyad cu ni skyabs gsum du 'gro ba dang / theg pa gsum la nges par rnam par bkod do/ /de'i tshe bcom ldan 'das kyis tshe dang ldan pa kau Di n+ya la bka' stsal pa/kau Di n+ya sems can rnams rang la slu ba la ltos/ sems can gang dag dbul po nyid kyi 'jigs pas skrag nas rang gis dge slong chos kyis gnas pa rnams la phan gdags pa'i phyir yo byad kyi dngos po rnam pa sna tshogs bsngos la/kha cig gis ni rang gis longs spyad do/ /kha cig gis ni gzhan dag longs spyad par bya ba'i phyir byin/ kha cig gis ni mthus phrogs nas longs spyad pas de ltar yun ring por ngan song gsum du sdug bsngal brten to//yang sems can gang dag dbul po nyid kyis 'jigs pas skrag nas 'khor ba'i srid pa'i btson ra thams cad las yongs su thar bar bya ba'i phyir sngon gyi sangs rgyas bcom ldan 'das rnams kyi bstan pa la rab tu byung ngo / /de dag rab tu byung nas chos dang ldan pa'i rnal 'byor yid la byed pa dang /tshig 'don pa btang nas nyams par gyur pa de dag kha cig ni dge slong chos kyis gnas pa rnams la dngos po rnam pa sna tshogs de bzhin du bsngos pa rang gis phrogs te longs spyod par byed do/ /kha cig gis ni khyim pa rnams la sbyin par byed de/de dag gnyi ga de ltar yun ring por ngan song gsum du sdug bsngal gyis gzir to/ /ngas nyes dmigs de yang dag par gzigs nas nga'i nyan thos rnams la dran par bya ba bca' ba mdzad de/ nga'i nyan thos sus kyang dge slong la bsngos pa dang /dge slong gi dge 'dun la bsngos pa'i me tog dang / 'bras bu dang / lo ma dang / bcud khyim pa rnams la sbyin par mi bya'o/ /gang zag gi 'du shes kyis longs spyad par mi bya'o/ /dge 'dun las phyi rol du yang nyo tshong mi bya'o/ /bskor ba dang / bsgyur ba dang / dbyig gi gtam mi bya'o/ /sems can rnams zang zing gis yongs su bsdu ba'i rkyen gyis ngan song gi sdug bsngal dag la dgod par mi bya'o/ /sems can rnams chos kyis bsdu bas bsdu bar bya'o/ /mi phyed pa'i dad pa bzhi dang / theg pa gsum dang /rnam par thar pa'i sgo gsum la dgod par bya'o/ /'phags pa 'dus pa chen po'i sde nyi ma'i snying po'i mdo le'u bcu gcig pa las klu skyabs su 'gro ba'i le'u ste bcu gcig pa'o// //'phags pa shin tu rgyas pa chen po'i sde nyi ma'i snying po zhes bya ba'i mdo bam po bcu gsum pa ste tha ma/de nas bcom ldan 'das la gnas brtan kun shes kau Di n+yas 'di skad ces gsol to/ /bcom ldan 'das lag 'gro dag byin gyis brlab tu gsol/ bsam gyis mi khyab pa'i las bstan pa'i spyod pa dang 'brel pa'i chos kyi rnam grangs yun ring por 'bar bar mdzad du gsol/bcom ldan 'das kyis bka' stsal pa/ ji srid du gling bzhi pa 'dir mchod rten chen po 'di dag rnal 'byor yid la byed pa la mngon par brtson pa thams cad kyis stongs par ma gyur pa de srid du gling bzhi pa 'dir chos kyi rnam grangs 'di rab tu spyod par 'gyur ro//mchod rten chen po gang dag ce na/ 'dzam bu'i gling 'di na mchod rten drang srong thub pa'i gnas kun rten 'di ni sngon chad sngon gyi sangs rgyas dang / byang chub sems dpa' dang / rang rgyal ba dang / nyan thos mang po gnas gnas shing ma 'ongs pa'i dus na yang gnas par 'gyur ba ste/ rjes su bstan pa chen po yun ring du gnas par mdzad pa'i phyir drang srong thub pa'i gnas kun rten 'di ni sngon gyi yang dag par rdzogs pa'i sangs rgyas rnams kyis chu lha'i lag tu yongs su gtad pa mdzad do//ngas kyang de nyid kyi lag tu yongs su gtad de/ 'di yang spro bar 'gyur zhing gang zag chos kyis gnas pa rnal 'byor yid la byed pa la mngon par brtson pa dag yongs su smin par byed par 'gyur ro/ /gang dag gang zag chos kyis gnas pa rnams la bsnyen bkur la mngon par brtson pa'i sbyin pa po dang /sbyin bdag de dag kyang yongs su srung bar 'gyur ro/ /klu'i rgyal po chu lhas gsol pa/ btsun pa bcom ldan 'das de de bzhin te/ de bzhin gshegs pa 'khor ba 'jig gis drang srong thub pa'i gnas kun rten 'di chang khyir yongs su gtad lags so//gang dag gang zag mnyam pa nyid la mngon par brtson pa chos kyis gnas pa rnams kyang chang khyir yongs su gtad lags so/ /gang dag gang zag mnyam pa nyid la mngon par brtson pa chos kyis gnas pa rnams la rim gro la mngon par brtson pa'i sbyin pa po dang sbyin bdag de dag kyang de bzhin lags te/ji srid du dam pa'i chos 'bar bar 'gyur ba de kho na bzhin du bdag gis gnyi ga bsrungs lags so/ /de bzhin du de bzhin gshegs pa gser thub kyi bar dang /de bzhin gshegs pa 'od srung gi bar gyis kyang de'i chos kyi tshul 'bar bar bgyi ba'i slad du gtad lags so/ /de bzhin du da ltar yang bcom ldan 'das kyi bkas drang srong thub pa'i gnas kun rten nas gang zag mnyam pa nyid la mngon par brtson pa chos kyis gnas pa rnams kyi bar dang /gang dag mnyam pa nyid la mngon par brtson pa chos kyis gnas pa rnams la rim gro dang bsnyen bkur la mngon par brtson pa'i sbyin pa po dang / sbyin bdag de dag gi bar dag dang / ji srid du nyan thos de dag yongs su 'dzin pa ma mchis par gnas par de dag thams cad bsrung bar bgyi lags so//bcom ldan 'das kyis bka' stsal pa/ lag 'gro'i bdag po legs so legs so/ /de ltar byin gyis brlabs pas nga'i chos kyi tshul sbyin bdag chen po de lta bu dag gis yun ring por 'bar bar byed par 'gyur ro//ba lang spyod kyi gling gi ngos na rdul gyi ri de la drang srong thub pa'i gnas bkra ba ni klu'i rgyal po rin po che'i phreng ba can la chang khyir yongs su gtad do zhes bya ba'i bar du'o/ /klu'i rgyal po rin po che'i phreng ba can gyis 'di skad ces gsol to//btsun pa bcom ldan 'das de de bzhin te/ de bzhin gshegs pa 'khor ba 'jig gis der drang srong thub pa'i gnas bkra ba de chang khyir yongs su gtad lags so zhes bya ba nas/ ji srid du nyan thos de dag yongs su 'dzin pa ma mchis par gnas pa de srid du bdag gis thams cad yongs su bskyang bar bgyi lags so zhes bya ba'i bar du'o//bcom ldan 'das kyis bka' stsal pa/ sbyin bdag rnams kyis yun ring por 'bar bar byed par 'gyur ro zhes bya ba'i bar du'o/ /shar gyi lus 'phags kyi ngos na ni lang ga Na'i ri la drang srong thub pa'i gnas drang srong 'byung ba ni klu'i rgyal po zla srung la chang khyir yongs su gtad do zhes bya ba nas de srid du bdag gis yongs su bskyang bar bgyi lags so zhes bya ba'i bar du'o//byang gi sgra mi snyan gyi ngos na rgyal dga'i ri la drang srong thub pa'i gnas spos brtsegs ni klu'i rgyal po lus 'bigs pa'i khab la chang khyir yongs su gtad de/gang zag mnyam pa nyid la mngon par brtson pa chos kyis gnas pa rnams kyang chang khyir yongs su gtad do/ /de bzhin du gang zag dge slong mnyam pa nyid la mngon par brtson pa chos kyis gnas pa rnams la rim gro dang bsnyen bkur la mngon par brtson pa'i sbyin pa po dang /sbyin bdag de dag kyang chang khyir ngas yongs su gtad do/ /klu'i rgyal po lus 'bigs pa'i khab kyis 'di skad ces gsol to//btsun pa bcom ldan 'das de de bzhin te/ sngon de bzhin gshegs pa 'khor ba 'jig gis drang srong thub pa'i gnas spos brtsegs de yang chang khyir yongs su gtad lags so/ /chos kyis gnas pa yang de bzhin lags so/ /gser thub kyis kyang de bzhin lags so zhes bya ba nas 'od srung gis kyang de bzhin lags so zhes bya ba'i bar dang /bdag gis chos kyi tshul yang dag par bzung lags so zhes bya ba'i bar dang / de bzhin du da ltar yang bcom ldan 'das kyi bkas bdag gis drang srong thub pa'i gnas spos brtsegs thams cad bsrung bar bgyi lags so zhes bya ba'i bar du'o//bcom ldan 'das kyis bka' stsal pa/ lag 'gro'i bdag po legs so legs so/ /de ltar byin gyis brlabs pas chos kyi tshul sbyin bdag chen po de lta bu dag gis yun ring por 'bar bar byed par 'gyur ro//de bzhin du ba lang spyod kyi gling na drang srong thub pa'i gnas 'od zer byung ba zhes bya ba gang yin pa de ni klu'i rgyal po ba lang mgo la chang khyir yongs su gtad do zhes bya ba nas yun ring por 'bar bar byed par 'gyur ro zhes bya ba'i bar du'o/ / de bzhin du shar gyi lus 'phags gling na drang srong thub pa'i gnas pad ma'i shing n+ya gro d+ha lta bu gang yin pa de ni klu'i rgyal po dbyig gtong la chang khyir yongs su gtad do zhes bya ba nas yun ring por 'bar bar byed par 'gyur ro zhes bya ba'i bar du'o/ /de bzhin du byang gi sgra mi snyan gyi gling na drang srong thub pa'i gnas spos brtsegs 'od zer ces bya ba gang yin pa de ni klu'i rgyal po gnas na rgyu la chang khyir yongs su gtad do zhes bya ba nas yun ring por 'bar bar byed par 'gyur ro zhes bya ba'i bar du'o//de bzhin du rgya mtsho chen po'i nang na klu'i rgyal po rgya mtsho'i gnas na drang srong thub pa'i gnas nor bu'i snying po'i 'od 'phro ba gang yin pa de ni klu'i rgyal po rgya mtsho la chang khyir yongs su gtad do zhes bya ba nas yun ring por 'bar bar byed par 'gyur ro zhes bya ba'i bar du'o//de bzhin du ri rab kyi rtse mo na sum cu rtsa gsum pa'i gnas na drang srong thub pa'i gnas me tog rab tu rgyas pa'i snying po gang yin pa de ni klu'i rgyal po sa srung gi bu la chang khyir yongs su gtad do zhes bya ba nas yun ring por 'bar bar byed par 'gyur ro zhes bya ba'i bar du'o//de bzhin du 'dzam bu'i gling 'di na dga' 'phel zhes bya ba nas drang srong thub pa'i gnas gnas brtan gyi phug gang yin pa de ni klu'i rgyal po ce spyang la chang khyir yongs su gtad do zhes bya ba nas yun ring por 'bar bar byed par 'gyur ro zhes bya ba'i bar du'o//de bzhin du yangs pa can na drang srong thub pa'i gnas shin tu brtan pa ni klu'i rgyal po nor rgyas kyi bu la chang khyir yongs su gtad do zhes bya ba nas yun ring por 'bar bar byed par 'gyur ro zhes bya ba'i bar du'o//de bzhin du ser skya'i gnas na drang srong thub pa'i gnas gser sgron dri zhim ni klu'i rgyal po ma dros pa la chang khyir yongs su gtad do zhes bya ba nas yun ring por 'bar bar byed par 'gyur ro zhes bya ba'i bar du'o//de bzhin du yul ma ga d+hA na drang srong thub pa'i gnas rgya chen zhes bya ba ni klu'i rgyal po ri bos byin la chang khyir yongs su gtad do zhes bya ba nas yun ring por 'bar bar byed par 'gyur ro zhes bya ba'i bar du'o//de bzhin du bcom brlag na drang srong thub pa'i gnas stug pa'i sprin ni klu'i rgyal po ce spyang dang rgyu ba la chang khyir yongs su gtad do zhes bya ba nas yun ring por 'bar bar byed par 'gyur ro zhes bya ba'i bar du'o/ / de bzhin du yul 'khor ko sa la na drang srong thub pa'i gnas rgyal ba dag pa zhes bya ba ni klu'i rgyal po srin bu la chang khyir yongs su gtad do zhes bya ba nas yun ring por 'bar bar byed par 'gyur ro zhes bya ba'i bar du'o/ /de bzhin du phug gi pha rol na drang srong thub pa'i gnas btang bzung bden pa'i dri zhes bya ba ni klu'i rgyal po btang bzung la chang khyir yongs su gtad do zhes bya ba nas yun ring por 'bar bar byed par 'gyur ro zhes bya ba'i bar du'o//de bzhin du yul 'khor sa 'dzin na drang srong thub pa'i gnas mthong ba'i lam rgyags zhes bya ba ni klu'i rgyal po e la'i 'dab ma la chang khyir yongs su gtad do zhes bya ba nas yun ring por 'bar bar byed par 'gyur ro zhes bya ba'i bar du'o//de bzhin du kha che'i yul na drang srong thub pa'i gnas gur kum gyi rtse mo zhes bya ba ni klu'i rgyal po hu lu ru la chang khyir yongs su gtad do zhes bya ba nas yun ring por 'bar bar byed par 'gyur ro zhes bya ba'i bar du'o//de bzhin du yul chu len na drang srong thub pa'i gnas 'od zer byed pa'i snying po zhes bya ba ni klu'i rgyal po 'phyang ba la chang khyir yongs su gtad do zhes bya ba nas yun ring por 'bar bar byed par 'gyur ro zhes bya ba'i bar du'o//de bzhin du rgya yul na drang srong thub pa'i gnas sred med kyi bu'i 'od ces bya ba ni klu'i rgyal po rgya mtshos byin gyi lag tu chang khyir yongs su gtad do zhes bya ba nas yun ring por 'bar bar byed par 'gyur ro zhes bya ba'i bar du'o//de bzhin du kha sha'i yul na sa'i nu ma'i gnas ri glang ru'i drung chu bo go ma ti'i ngogs na drang srong thub pa'i gnas go ma sA la gan d+ha zhes bya ba mchod rten chen po'i gnas ni klu'i rgyal po khyim bdag gis byin gyi lag tu chang khyir yongs su gtad do zhes bya ba nas yun ring por 'bar bar byed par 'gyur ro zhes bya ba'i bar du'o//mchod rten chen po de dag ni sngon chad drang srong thub pa'i khyu mchog mang po gnas shing sngon chad byang chub sems dpa' sems dpa' chen po mang po yang gnas gnas/ sngon chad rang rgyal ba mang po yang gnas gnas/sngon chad nyan thos chen po mang po yang gnas gnas/ sngon chad drang srong mngon par shes pa lnga dang ldan pa mang po yang gnas gnas pa yin te/ sangs rgyas kyi zhing 'dir gang dag skyes pa de dag thams cad kyis byin gyis brlabs shing sems can 'khor bas skrag pa yongs su skyo ba rnams kyi don du dge ba'i rtsa ba bskyed pa'i phyir dbang che bar grags pa/dbang che bar grags pa thams cad kyis de dag gi lag tu yongs su gtad pa yin no/ /de bzhin du phyogs bcu'i sangs rgyas kyi zhing grangs med pa dpag tu med pa na gang dag sangs rgyas bcom ldan 'das dang /byang chub sems dpa' sems dpa' chen po byung ba de dag thams cad kyis kyang sems can rnams kyi las zad par bya ba'i phyir mchod rten chen po nyi shu po de dag dgongs shing bsams la byin gyis brlabs so//de bzhin du ma 'ongs pa'i dus na de'i tshe sangs rgyas kyi zhing grangs med pa dpag tu med pa de dag tu gang dag sangs rgyas bcom ldan 'das dang / byang chub sems dpa' sems dpa' chen po 'byung bar 'gyur ba de dag thams cad kyis kyang mchod rten chen po nyi shu po de dag dgongs shing bsams par 'gyur la byin gyis rlob par 'gyur ro//ma 'ongs pa'i dus na sangs rgyas kyi zhing 'dir rgyal ba'i zla ba gang dag 'byung bar 'gyur ba de dag thams cad kyis kyang sems can gyi don du las zad par bya ba'i phyir mchod rten chen po nyi shu po de dag la gnas par 'gyur zhing byin gyis rlob par 'gyur ro//byang chub sems dpa' sems dpa' chen po de dag thams cad dang / rang rgyal ba thams cad dang / nyan thos chen po thams cad dang / de bzhin du drang srong mngon par shes pa lnga dang ldan pa rnams kyis kyang sems can gyi don du las zad par bya ba'i phyir mchod rten chen po nyi shu po de dag la gnas par 'gyur zhing byin gyis rlob par yang 'gyur te/sems can dbang che bar grags pa de dag gi lag tu chang khyir ngas yongs su gtad par mdzad do//de bzhin du da ltar yang mchod rten chen po'i gnas nyi shu po de dag khyed kyis ji ltar ming yongs su bzung ba bzhin ngas yongs su gtad kyis/ sems can 'khor bas yongs su skyo ba rnams kyi don du khyed kyis de dag srungs shig /chos rab tu mi 'jig par yang dag par zung shig /de nas gang dag gi lag tu mchod rten chen po'i gnas nyi shu po de dag yongs su gtad pa'i klu de dag thams cad kyis 'di skad ces gsol to/ /btsun pa bcom ldan 'das bdag cag klu rnams ni rmugs pa dang gnyid kyi sgrib pas shin tu myos pa lags te/gang bdag cag mtshan gcig gnyid log pa de ni mi'i ltar brtsis na dgung lo nyi shu rtsa gcig 'das par 'gyur lags so/ /gal te bdag cag gnyid kyis log nas drang srong thub pa'i gnas de dag tu lha'i kun tu 'khrug pa 'ga' zhig byung bar gyur tam/mi'i kun tu 'khrug pa'am/ zhugs sam/ chab kyis kun tu 'khrug pa 'ga' zhig byung bar gyur na mchod rten chen po'i gnas de dag rnam par 'jig par 'gyur lags na bdag cag gnyid kyis log cing myos pa de dag gis rab tu 'jig pa de bsal bar rngo mi thogs lags te/dus gsum du gshegs pa'i de bzhin gshegs pa thams cad la bdag cag nongs pa byung ba lags par 'gyur lags so/ /de'i tshe bcom ldan 'das kyis gnod sbyin gyi sde dpon nyi shu rtsa brgyad po de dag la bka' stsal pa/rtag par rgyal ba rnams kyis dgongs pa'i mchod rten chen po'i gnas drang srong thub pa'i gnas khyed kyis long shig /chang khyir yongs su skyongs shig /yongs su srungs shig /de'i tshe gnod sbyin gyi sde dpon chen po nyi shu rtsa drug gis ji ltar rjes su 'thun par sngon chad drang srong thub pa'i gnas su ji ltar gnas par gyur pa bzhin du chang khyir yongs su blangs so//go ma sA la gan d+ha'i gnas ni ma gtogs te ma blangs so/ /de'i tshe bcom ldan 'das la klu'i rgyal po khyim bdag gis 'di skad ces gsol to//btsun pa bcom ldan 'das sa'i nu ma'i gnas ri glang ru'i drung chu bo go ma ti'i ngogs gang na drang srong thub pa'i gnas go ma sA la gan d+ha zhes bgyi ba mchod rten chen po'i gnas mchis pa ni yongs su bskyang ba'i slad du bdag gis blangs lags na sa phyogs de na yul dang /grong dang / grong khyer dang / grong rdal ma mchis lags so/ /mi rnams kyi gnas ma mchis lags te/ yul gzhan nam/ gling bzhi pa gzhan nam/ sangs rgyas kyi zhing gzhan gyi byang chub sems dpa' sems dpa' chen po rnams dang /rang rgyal ba dang / nyan thos chen po rnams dang / drang srong mngon par shes pa lnga dang ldan pa rdzu 'phrul gyi pha rol tu phyin pa rnams ni ma gtogs te/ de dag ni rdzu 'phrul gyi stobs kyis mchod pa bgyi ba'i slad du drang srong thub pa'i gnas go ma sA la gan d+ha der lhags te/de nas slar yang mchi bar bgyid do/ /btsun pa bcom ldan 'das da ltar gnod sbyin gyi sde dpon su yang de kun tu bsrung ba'i slad du spro bar ma gyur pa la gzigs/ gnas de ngan par rtsi ba zhig ma lags sam zhes bdag ngo mtshar du gyur lags so//bcom ldan 'das kyis bka' stsal pa/ lag 'gro'i bdag po de skad ma smra shig /kha sha'i yul na bden pa mthong ba dang / dbang che bar grags pa dbang che bar grags pa nyi khri gnas pa gang dag yin pa de dag gis drang srong thub pa'i gnas mchod rten chen po go ma sA la gan d+ha la nyin mtshan du mchod pa byed par 'gyur ro//gzhan yang lag 'gro'i bdag po ji ltar de bzhin gshegs pa 'od srung yongs su mya ngan las 'das nas skye dgus lo sum stong lon pa na sa'i nu ma'i gnas su yul 'khor chen po rdo rtsub ces bya ba bde ba dang dga' bar byed pa/mi dang skye bo mang pos gang ba zhig byung bar gyur to/ /de na drang srong sbyin gnas bsam gtan la mngon par dga' ba theg pa bla na med pa 'dod pa lnga 'bum snyed kyi mang po gnas par gyur to//de'i tshe mi rnams zas la 'khren te/ de dag kha zas kyi phyir drang srong de dag la 'khrig pa dang ldan pas mi snyan par rjod par byed do/ /thal ba dang rdul gyis 'thor bar byed do/ /de'i tshe drang srong de dag yul 'khor rdo rtsub de nas dong ngo //de nas sems can de dag drang srong dong ba de dag la mchog tu dga' zhing yi rangs par gyur to/ /de'i phyir dang por khyod khros te/ de dag gi chu kun tu chad nas yul 'khor der klung dang / 'bab chu'i ngogs dang / mtsho dang / mtshe'u dang /lu ma'i chu dang / khron pa dag skams pa khyod kyis dran nam/ yul der me lha khros te sems can de dag gi me kun tu chad nas sems can de dag bkres pa dang skom pas gzir te/ 'chi ba'i dus byas nas ring por ma lon par de 'brog dgon par gyur to//de ltar yun ring por yang dag par gnas par gyur pa dag kyang de bzhin no/ /nga yongs su mya ngan las 'das nas lo brgya lon pa dang / der ji nas kyang sa'i nu ma'i gnas der grong dang / grong khyer dang / grong rdal dang / yul 'khor dang / ri brags rnams gnas par 'gyur ba dang /sems can theg pa chen po la yang dag par zhugs pa rnams kyi longs spyod dang / nye bar spyod pa'i gnas dang / bde ba dang / dga' bar byed pa dang / mi dang / skye bo mang pos gang bar 'gyur bar nga der gshegs par mdzad de/drang srong thub pa'i gnas go ma sA la gan d+ha de zhag bdun longs spyod par mdzad do/ /de'i tshe bcom ldan 'das kyis gnod sbyin gyi sde dpon chen po ming can la bka' stsal pa/ ming can khyod kyis dran nam/ gsol pa/ btsun pa bcom ldan 'das sngon ri glang ru de la ji ltar de bzhin gshegs pa 'od srung gis skyil mo krung gcig gis rnam par grol ba'i bde bas dgung bdun 'das par mdzad de/dgung bdun po de 'das nas ting nge 'dzin de las bzhengs te/ drang srong thub pa'i gnas go ma sA la gan d+ha de la bzhugs pa dang /de'i tshe de'i srung ba 'dzin pa dang / pyi pyi ling gi shing bsrung ba gang dag lags pa dang / de'i nyan thos bsnyen bkur la mngon par brtson pa/ ting nge 'dzin la mngon par brtson pa/ chos kyis gnas pa rnams kyis srung ba 'dzin pa dang /pyi pyi ling gi shing srung ba gang dag lags pa bdag gis dran lags so/ /de nas klu'i rgyal po khyim bdag gis byin gyis gsol pa/ btsun pa bcom ldan 'das de bzhin du yun ji srid du nyan thos de dag yongs su 'dzin pa ma mchis par gnas pa de srid du bdag gis bsrung bar bgyi lags so//gzhan yang byams pa'i dus kyi bar du mchod rten chen po go ma sA la gan d+ha dus rtag tu chab dang / zhugs dang / gnod sbyin dang / grul bum gyis kun tu 'khrug pa rnams las bdag gis bsrung bar bgyi lags so//bcom ldan 'das kyis bka' stsal pa/ lag 'gro'i bdag po legs so legs so/ /nga'i chos kyi tshul de ltar shin tu byin gyis brlabs pas grogs po dang sbyin bdag de lta bu dag gis yun ring por 'bar bar byed par 'gyur ro/ /yang de'i tshe byang chub sems dpa' sems dpa' chen po bye ba phrag drug cu po gang dag phyogs bcu'i sangs rgyas kyi zhing gzhan dag nas lung bstan pa chen po nyi ma'i snying po mnyan par bya ba'i phyir lhags shing 'dus pa de dag gis 'di skad ces gsol to//btsun pa bcom ldan 'das bdag cag gis kyang gling bzhi pa 'dir gnas par bgyi lags so//drang srong thub pa'i gnas me tog nas ba dan gyi bar dang / gser nas sa le sbram gyi bar gyis yongs su gtams par bgyi lags so/ /las 'byang ba'i gzungs sngags nyi ma'i snying po 'di bcang bar bgyi lags so//gzhan dag la bstan par bgyi lags so/ /yang dag par rab tu bstan par bgyi lags so/ /bcom ldan 'das kyis ji skad bstan pa'i gzungs sngags de yang yid kyis rjes su brtags te gnas par bgyi lags so/ / byang chub kyi lam dang / pha rol tu phyin pa drug yongs su rdzogs par bgyi ba'i slad du bdag dang gzhan gyi las kyi sgrib pa byang bar bgyi lags so/ /da ltar bdud bye ba de dag lhags shing lha dang / klu dang / gnod sbyin dang / lha ma yin dang / nam mkha' lding dang /mi 'am ci dang / lto 'phye chen po grangs ma mchis pa/ dpag tu ma mchis pa de dag kyang lhags te/ bcom ldan 'das kyis kyang drang srong thub pa'i gnas mchod rten chen po'i gnas de dag thams cad klu rnams dang / gnod sbyin rnams kyi sug par chang khyir stsal lags so//'on kyang 'di la bdud dang / lha dang / mi 'am ci dang / lha ma yin de dag gi sems gzhan du gyur te/ bcom ldan 'das kyis drang srong thub pa'i gnas de rnams dag pa dag gi sug par chang khyir yongs su gtad lags zhes/bcom ldan 'das kyis da ltar dang / ma 'ongs pa'i dus na mi rnams kyi bar gyis mchod rten chen po'i gnas de dag la mi phan pa dang / rab tu 'jig pa dang / rnam par 'jig par pha rol gnod par 'gyur ba de lta bu ma dgongs na mi rung lags so//bcom ldan 'das kyis bka' stsal pa/ rigs kyi bu legs so legs so/ /ma 'jigs shig /ma skrag shig /'dir sngon gyi yang dag par rdzogs pa'i sangs rgyas gang dag byung bar gyur pa de dag gis drang srong thub pa'i gnas mchod rten chen po'i gnas de dag thams cad byin gyis brlabs nas klu rnams dang /gnod sbyin rnams la chang khyir yongs su gtad do/ /de bzhin du da ltar ngas kyang drang srong thub pa'i gnas mchod rten chen po'i gnas thams cad klu rnams dang / gnod sbyin rnams kyi lag tu chang khyir yongs su gtad do//de ci'i phyir zhe na/ mi khom pa brgyad thob pa de dag gi las kyi sgrib pa yang dag par byang bar bya ba dang / byang grol gyi bde ba'i rgyu yang dag par bskyed par bya ba dang / sems can rnams kyi nye bar 'tsho ba'i yo byad sa bon gyi tshogs dang /'byung ba'i tshogs dang / sman dang / nags tshal rnams yang dag par rab tu skye bar bya ba dang / bza' ba rnam pa sna tshogs yongs su smin par bya ba dang / dus ma yin pa'i rlung dang char pa rab tu zhi bar bya ba'i phyir drang srong thub pa'i gnas mchod rten chen po'i gnas de dag klu rnams dang /gnod sbyin rnams kyi lag tu yongs su gtad pa'i phyir ro/ /yang gzhan yang mchod rten chen po'i gnas byung ngo cog dang / 'byung bar 'gyur ba gang du de bzhin gshegs pa bltams pa dang / dka' thub kyi tshal gang du bsam gtan la mngon par brtson pa dang /gang du byang chub mngon par rdzogs par sangs rgyas pa dang / gang du chos kyi 'khor lo bskor ba nas gang du de bzhin gshegs pa'i chos kyi sku'am/ btsas pa'i sku rab tu bzhag pa'i bar dang / gang dang gang du de bzhin gshegs pa'i nyan thos chos kyis gnas pa rnams gnas par gyur pa dang /gnas par 'gyur ba nas nga'i chos kyi tshul gnas par 'gyur ba'i bar gyis gnas de dag thams cad lha dang bcas pa'i 'jig rten gyi mchod rten dag yin no/ /yang mchod rten chen po'i gnas de dag kyang bdud rnams dang /lha rnams dang / klu rnams dang / gnod sbyin rnams dang / lha ma yin rnams kyi lag tu yongs su bskyang bar bya ba'i phyir yongs su gtad do/ /gzhan yang 'byung po thams cad rab tu dad par byed pa dang / phyir mi ldog par byed pa gang 'di lung bstan pa chen po ting nge 'dzin mngon par sgrub pa/ so sor sdang ba thams cad phyir zlog par byed pa zhes bya ba ngas khyed cag la sbyin par bya ste/ sngon gyi de bzhin gshegs pa thams cad kyis gsungs shing byin gyis brlabs la mngon par rjes su yi rang bar mdzad pa/sdang ba rnams mngon par dad par byed pa/ phyir zlog par byed pa/ dge ba la yang dag par sbyor du 'jug pa yin no/ /de bzhin du ma byon pa'i de bzhin gshegs pa thams cad kyis zhes bya ba nas mngon par dad par byed cing phyir zlog par byed la/dge ba la yang dag par sbyor du 'jug pa'i bar du yin no/ /lung bstan pa chen po rdzu 'phrul gyi rkang pa bzhi'i rgyu 'thun pa/ mngon par sgrub pa'i bdag po chen po sdang ba thams cad phyir ldog par byed pa 'di ni brtul zhugs chen po yang dag par sgrol bar byed pa'o//ye shes chen po la 'jug par byed pa'o/ /thos pa mang po kun tu 'dzin pa'o/ /thabs chen po yang dag par sgrol bar byed pa'o/ /dgra chen po nges par 'dul bar byed pa'o/ /sdang ba chen po rab tu dad par byed pa'o/ /nad chen po las rab tu thar bar byed pa'o//nad chen po las rab tu sgrol bar byed pa'o/ /'jigs pa chen po phyir zlog par byed pa'o/ /dgon pa chen po las nges par rgal bar byed pa'o/ /bden pa chen po mthong bar byed pa'o/ /bzod pa chen po la reg par byed pa'o//ye shes chen po'i rgya mtsho la 'jug par byed pa yin no zhes bya ba nas bla na med pa yang dag par rdzogs pa'i byang chub thams cad mngon par rdzogs par 'tshang rgya bar byed pa'o zhes bya ba'i bar du'o/ /tad+ya thA/ A ma a bA sa/ A ma ba ri ba ra/ sa~M shrI ya/gam+b+ha pa ri pA sA/ mi tra mi tra/ shwA ya mi tra/ pa ri bA sA/ mi tra sa ma dz+nyA ya/ ni ka tha sa ma dz+nyA ya/ tri sh+yang g+ha ba/ dra ba/ rA dza/ bi na shA ya/ sa ma shA ya/ nir an b+ha dra ma/ bA bA gram/ r-id d+hi bi gra maN/ sa ma dz+nyA na/ a ba brga/ na rA ya na brga/ sa mA gram/ sarba ta thA ga ta a d+hiSh+Tha na mA rga swA hA/ bzhin dag 'di ni sangs rgyas thams cad kyis gsungs shing byin gyis brlabs pa ste/ rdzu 'phrul gyi rkang pa'i rgyu 'thun pa'i ting nge 'dzin thams cad mngon par sgrub pa/sdang ba thams cad phyir zlog par byed pa nas dge ba la yang dag par sbyor du 'jug par byed pa'i bar dang / brtul zhugs chen po yang dag par sgrol bar byed pa nas byang chub thams cad mngon par rdzogs par 'tshang rgya bar byed pa'i bar yin no//gang dang gang du da ltar dang / ma 'ongs pa'i dus su de'i tshe mchod rten chen po'i gnas de dag la bdud dam/ lha'am/ klu'am/ gnod sbyin nam/ srin po'am/ lha ma yin nam/ nam mkha' lding ngam/ mi 'am ci'am/ grul bum nas mi dang mi ma yin pa'i bar du sus chu'am/me'am/ pha rol gnon pa gzhan gang yang rung ba zhig gis mi phan pa dang / rab tu 'jig pa dang / rnam par 'jig par rtul bar byed na der khyed kyis 'di ltar dus gsum du gshegs pa'i de bzhin gshegs pa rnams yid la bya zhing sems can thams cad la yang byams pa'i yid kyis lung bstan pa chen po ting nge 'dzin thams cad mngon par sgrub pa/sdang ba thams cad phyir zlog par byed pa 'di dran par byas na de'i tshe de dag gi sems kyi rgyud rab tu dad par byed par 'gyur ro//phyis kyang rnam par gzhig par bya ba'i phyir rtul bar mi byed do/ /rigs kyi bu gang gis lung bstan pa chen po ting nge 'dzin thams cad mngon par sgrub pa/ sdang ba thams cad phyir zlog par byed pa 'di thos nas sdig pa'i sems phyir zlog par mi byed pa dang /nyes par byas pa'i las spong bar mi byed pa ni lha dang bcas pa'i 'jig rten nas skye dgu'i bar la ngas yang dag par rjes su ma mthong ste/ sngon gyi sha khon dang 'dres pa ni ma gtogs so/ /kye bcom ldan 'das kyis lung bstan pa 'di bshad pa na 'khor de'i nang nas lha dang /klu dang / gnod sbyin dang / srin po dang / dang / grul bum dang / sha za dang / mi dang / mi ma yin pa gang dag bcom ldan 'das la mngon par dad pa de dag thams cad bcom ldan 'das la shin tu dga' ba dang /mchog tu dga' ba dang / rab tu dad pa skyes so/ /yang de'i tshe bcom ldan 'das kyi rdzu 'phrul gyi mthus bdud sdig can bdag gis rang gi gnas su ting nge 'dzin mngon par sgrub pa 'di thos so/ /thos nas kyang bcom ldan 'das la shin tu dga' ba dang /dad pa dang / gus pa skyes nas mchi ma dag phyung ste/ 'khor rnams la 'di skad ces smras so/ /nga'i tshig nyon cig /'di ni drang srong thub pa rgyal ba'i mchog bzod pa dang / yon tan dang / nges pa'i tshig rab mchog can de srin bus gang ba'i ri'i gnas dam pa la 'bar ba la lag 'gro chen po dang /lha rnams kyis bzod pa'i dus bstan te/ nga yang der 'gro zhing mnyam pa med pa'i dge sbyong la bzod par gsol lo/ /de nyid la skyabs su 'gro'o/ /mtshungs pa med pa'i snying brtse ba rnam pa sna tshogs dang ldan pa rgyal ba bzod pa can de la skyabs su 'gro ba ni nga dang lhan cig 'dong bar byos shig /de'i chos bstan du med pa nyon cig /nyon mongs pa'i dra ba chod cig /rdul med cing 'jigs pa med pa'i grong khyer du 'jug par byos shig /de nas bdud sdig can 'khor bye ba phrag brgyad cu dang ldan pas bcom ldan 'das kyi zhabs gnyis la mgo bos phyag 'tshal te 'di skad ces gsol to zhes bya ba'i bar du'o//rkang gnyis dam pa shin tu zhi mdzad pa/ /bzod stobs des mthu can la bzod par gsol/ / khyod kyi yon tan bdag gis kun tu 'tshal/ /bdag gis log pa gang bgyis de bzod gsol/ /dus gsum rgyal ba kun la bdag phyag 'tshal/ /chos dang dge 'dun la yang bdag skyabs mchi/ /bla ma bdag gi nongs par gzung du gsol/ /slan chad khyod la bdag 'khrug yong mi bgyid//de nas bcom ldan 'das kyis bdud sdig can la 'di skad ces bka' stsal to/ /nga la khro med nyon mongs thams cad med/ /rtag tu sems can kun la sems snyoms te/ /bdud khyod la ni sems kyang dga' ba yin//rgyal ba bzod pa'i thugs ldan rtag tu bzod/ /de nas bdud sdig can mchog tu dga' ba dang dad pa skyes nas bcom ldan 'das kyi zhabs gnyis la mgo bos phyag 'tshal te/ lan gsum bskor ba byas nas bcom ldan 'das 'ba' zhig la blta zhing 'dug go//de nas 'khor de'i nang nas bdud kyi bu 'od 'phro rtsub ces bya ba bdud kyi yul thams cad dang lhan cig tu bcom ldan 'das kyi zhabs gnyis la phyag 'tshal te bcom ldan 'das la 'di skad ces gsol to/ /btsun pa bcom ldan 'das mig mig ces bgyi ba lags na/btsun pa bcom ldan 'das ci gzugs rnams kyi rgyu mig lags sam/ 'on te mig gi rgyu gzugs rnams lags pa nas ci chos rnams kyi rgyu yid kyi khams lags sam/ 'on te yid kyi rgyu chos rnams kyi bar lags//bcom ldan 'das kyis bka' stsal pa/ rigs kyi bu gzugs rnams kyi rgyu yang mig ma yin la/ mig gi rgyu yang gzugs rnams ma yin pa nas chos rnams kyi rgyu yang yid ma yin la/ yid kyi rgyu yang chos rnams kyi bar ma yin no//rigs kyi bu 'on kyang mig ni mig gis stong pa'o/ /de lta mod kyi mig la rten cing mig gi rnam par shes pa skye'o/ /de'i rkyen gyis gzugs rnams rab tu shes pa nas yid kyi rkyen gyis yid kyi rnam par shes pa skye'o/ /de'i rkyen gyis chos rnams kyi bar rnam par shes pa'o//mig gi rnam par shes pa dmigs nas gang nas kyang 'ong ba med do/ /gang du yang 'gro ba med do/ /mig phyi na sdod pa yang med de/ dus gsum du gtogs pa thams cad la gang la yang mi dmigs so/ /mig la 'bri ba nyid med do//gang ba nyid med do/ /brda med do/ /tha snyad med do/ /yang dag par 'du ba med do/ /gzhi med do/ /dper na snga dro'i dus su nyi ma shar ba na skar khung gang dang gang du nyi ma'i 'od zer dag zhugs pa ni ra ba la gnas pa dag tu yang dag par snang ngo //ra ba la mun pa dang / snang ba dang / rtog pa yang med do/ /ra ba gang yin pa de nyid snang ba yang ma yin no/ /ra ba'i rkyen gyis snang ba yang ma yin te/ 'on kyang de la snang ba yang yod do/ /snang ba gang yin pa de nyid nyi ma dang / nyi ma gang yin pa de nyid snang ba yang ma yin no//nyi ma nub pa na snang ba yang med par 'gyur ro/ /gang na yang snang ba'i 'gro ba dang gzhi med de/ 'on kyang nyi ma'i rkyen gyis snang bar rab tu shes shing gzugs kyi snang ba la rten par yang snang ngo / /de bzhin du nang gi skye mched drug po de dag gi rgyu yang nang gi skye mched drug po de dag yin no zhes bya ba'i bar du'o//nang gi skye mched rnams kyi rgyu yang phyi rol gyi skye mched rnams ma yin te/ phan tshun du bsdus pa nyid kyi phyir ro/ /bsdus pa la ni rnam par rgyu ba med do/ /yang dag par 'du ba med do//gzhi med do/ /phyi dang nang gi skye mched rnams la rnam par shes pa'i bar dang / brda dang / rnam par rgyu ba med do/ /yang dag par 'du ba med do/ /gzhi yang med pa nyid de/ phan tshun du bsdus pa nyid kyi phyir dang / yul ma yin pa nyid kyi phyir ro/ / 'on kyang rnam par shes pas rnam par shes par byed de/ 'du byed kyi rkyen gyis rnam par shes pa yin pas rnam par shes pa yang 'du byed kyi rgyu lags so/ /'du byed rnams ni gsum ste/ lus kyi 'du byed dang / ngag gi 'du byed dang / yid kyi 'du byed do//de la lus kyi 'du byed rnams gang zhe na/ lus kyi 'du byed rnams zhes bya ba ni dbugs rngub pa dang 'byung ba dag yin te/ de dag ni lus kyi 'du byed rnams so/ /dbugs rngub pa dang / 'byung ba de dag kyang yan lag rnams len pa ste/ mi mnyam pa dang mnyam pa nyid kyi phyir dang /ma nor ba de bzhin nyid kyi phyir/ gzhan gang yang rung ba'i skal ba mi mnyam pa nyid dang / sar pa sar pa dang / rnying pa med pa nyid dang / rnam par mi gnas pa'i mtshan nyid dang /nam mkha' dang mnyam pa dang / nam mkha' la kun tu rgyu ba dag yin no/ /rlung gang yin pa de ni nam mkha' ma yin no/ /nam mkha' gang yin pa de nyid kyang rlung ma yin te/ phan tshun du 'dres pa yin la phan tshun spyod yul ni ma yin no/ /gnyi ga stong pa dang /brjod du med pa dang / mtshan nyid dang bral ba dag yin no/ /'bri ba dang / gang ba med pa dag yin no/ /pha rol dang tshu rol la gnas pa dang / yang dag pa'i mtha' yang dag par 'phags pa ni lus kyi 'du byed rnams yin te/ de lta bas na rnam par shes pa la lus kyi 'du byed rnams gnas pa ma yin te/tshogs pa med/ rnam par rgyu ba med/ yang dag par 'du ba med/ gzhi dang yang dag pa'i rjes su 'brel ba med do/ /rnam par shes pa gzhi dang yang dag par rjes su 'brel pa'o zhes bya ba'i bar yang de bzhin no//de la ngag gi 'du byed rnams zhes bya ba gang zhe na/ rtog pa dang / dpyod pa rnams so/ /rtog pa rnams gang zhe na/ gang dag dbugs rngub pa 'jug par byed pa dang / 'byung bar byed pa rnams te/ sems kyis rjes su 'thun par byas pa dag yin no//de la rtog pa rnams kyis rtog par byed pa nas 'jig pa'i mtshan nyid rnams kyis rtog par byed/ yongs su dag pa la rtog par byed/ rlung la rten pa'i rtog pa de dag skye bar byed/ dgag pa'i bar du ste/ rtog pa'i rlung rnams ni skad cig la 'chel pa yin no//rlung rnams kyang rtog pa rnams yin par mi 'gyur te/ gnyi ga yang phan tshun du spyod yul ma yin zhing phan tshun du mtshan nyid dang bral ba nas brjod du med pa dag dang / nam mkha' ltar med pa dag pa'i bar du'o/ /de la dpyod pa rnams gang zhe na/ dpyod pa gang dag grang ba'i rnam pa'am/dro ba'i rnam par lus thams cad kyi dbugs rngub pa dang 'byung ba'i rlung rnams rgyu bar byed pa yin no/ /dpyod pa dag gis 'dus te reg pa rnam par mi shes te/ dpyod pa de dag rlung rnams dang phan tshun du spyod yul ma yin te/ phan tshun du mtshan nyid dang bral ba nas brjod du med pa dag pa'i bar du'o//de la yid kyi 'du byed rnams gang zhe na/ yid kyi 'du byed rnams zhes bya ba ni 'du shes dang sems pa'o/ /de la 'du shes gang zhe na/ sems gang gis chos de dag de ltar shes pa nas gang gi tshe dbugs rngub pa de'i tshe dbugs 'byung ba med do zhes bya ba'i bar du ste/de ltar 'du byed rnams la 'du shes rnam par bsgoms pa yin no/ /yang dag par byung nas kyang 'du byed rnams zad pa yin te/ rjes su 'thun par 'du shes pas kyang 'du byed kyi 'du shes rnam par sgom par byed pa 'di ni 'du shes zhes bya ste/'du shes de ni rlung rnams la rten pa nas gnyi ga brjod du med pa'i bar du'o/ /de la sems pa gang zhe na/ sems pa gang dag gis zhes bya ba nas 'du byed rnams la 'du shes rnam par bsgoms pas yang dag pa nyid skyon med pa la zhugs shing so so'i skye bo'i sa las rnam par 'das par byed do zhes bya ba'i bar du ste/skye ba dang 'jig pa sgom pa 'du byed rnams las sems sel bar byed pa/ rlung rnams 'phro bar mi byed pa 'di ni sems pa zhes bya'o/ /tshor ba gsum spang ba'i phyir ye shes kyi rten mig ma 'dres pa can zhes bya ba nas/yid ma 'dres pa can zhes bya ba'i bar dang / 'phags pa zhes bya'o zhes bya ba'i bar du'o/ /rigs kyi bu de ltar yang gzugs dmigs pa'i rgyu mig ma yin no/ /mig gi rgyu gzugs ma yin pa nas chos rnams kyi rgyu yid ma yin no//yid kyi rgyu chos rnams ma yin pa'i bar du ste/ gnyi ga phan tshun du spyod yul ma yin/ phan tshun du brdar btags pa ma yin/ rnam par rgyu ba ma yin/ yang dag par gnas pa ma yin/ yang dag par 'du ba ma yin/ brjod du med pa dag yin/ pha rol dang tshu rol la gnas pa dang / yang dag pa'i mtha' la yang dag par rten pa dag yin no/ /kye yang bcom ldan 'das kyis bstan pa 'di bshad pa na bdud kyi bu 'od 'phro rtsub bdud kyi 'khor sngon gyi rgyal ba la lhag par bya ba byas pa nyi khri dang lhan cig tu rjes su 'thun pa'i bzod pa thob par gyur to//de'i tshe lha dang mi sngon gyi rgyal ba la lhag par bya ba byas pa/ sems can dpag yas pa yang bsam gtan dang po la gnas par gyur pa nas bsam gtan bzhi pa'i bar thob par gyur to//kha cig ni 'bras bu dang po la gnas par gyur pa nas 'bras bu gsum pa la gnas par gyur pa'i bar du'o/ /kha cig gis ni nyan thos kyi theg pa la sa bon bskyed pa nas rkyen gyi theg pa la sa bon bskyed pa'i bar du'o/ /kha cig gis ni bla na med pa yang dag par rdzogs pa'i byang chub tu sems bskyed do//klu'i 'khor de'i nang nas kyang klu dkrigs phrag drug cus bla na med pa yang dag par rdzogs pa'i byang chub tu sngon ma bskyed pa'i sems bskyed par gyur to/ /sangs rgyas kyi zhing mi mjed thams cad du sa chen po rnam pa drug tu rab tu 'gul to/ /der phyogs bcu nas byang chub sems dpa' sems dpa' chen po gang dag lhags pa de dag gis bcom ldan 'das la mchod pa'i las bya ba'i phyir byang chub sems dpa'i ting nge 'dzin rnam pa sna tshogs kyis rab tu phye ba'i rin po che'i char pa dang /ras bcos bu'i char pa dang / me tog gi char pa sna tshogs rab tu phab ste gsol pa/ sngon ma thos pa'i 'dus pa 'di dang / ting nge 'dzin bstan pa 'di ni mchog tu ngo mtshar lags shing rmad du byung ba lags so/ /'di ni shAkya thub pa'i chos kyi 'khor lo bskor ba gnyis pa lags so/ / btsun pa bcom ldan 'das bdag cag gis kyang nyi ma'i snying po lung bstan pa chen po shin tu rgyas pa'i sde'i mdo'i gzungs sngags 'di bzung nas rang rang gi sangs rgyas kyi zhing rnams su sems can rnams la rab tu bstan par bgyi lags so/ /der bdud dang / lha dang / klu dang / gnod sbyin dang / srin po dang / lha ma yin dang / nam mkha' lding dang / mi 'am ci dang / lto 'phye chen po dang / grul bum dang / dang / sha za gang dag lhags pa de dag gis kyang mchog tu ngo mtshar thob nas sil snyan rnam pa sna tshogs kyi sgra 'byin par byed cing bcom ldan 'das la rin po che sna tshogs dang /ras bcos bu dang / chos gos dang / rgyan dang / me tog dang / phreng ba dang / dri dang / byug pa sna tshogs kyis mchod pa byas so/ /de nas bcom ldan 'das la klu'i rgyal po rgya mtshos 'di skad ces gsol to//btsun pa bcom ldan 'das bdag la thugs brtse ba nye bar bzung ste/ bdag gi gnas su rgya mtsho chen por bsod snyoms la gshegs par gsol/ der bcom ldan 'das las bdag 'khor dang bcas pas nyi ma'i snying po lung bstan pa chen po 'di thog ma dang /bar dang / tha ma 'di thams cad mnyan par bgyi lags so/ /bcom ldan 'das kyis bka' stsal pa/ lag 'gro'i bdag po da de bzhin gshegs pa rgya mtsho chen por mi gshegs so/ /gsol pa/btsun pa bcom ldan 'das su zhig sems rtse gcig pas nyi ma'i snying po lung bstan pa chen po 'di nyan par bgyid pa'i rigs kyi bu'am rigs kyi bu mos bsod nams mang po ji snyed cig skyed par bgyid lags/ bcom ldan 'das kyis bka' stsal pa/ lag 'gro'i bdag po sems can su la la zhig byung nas gling bzhi pa 'di thams cad rin po che thams cad kyis yongs su gang bar byas nas de bzhin gshegs pa rnams la sbyin pa sbyin par byed pa dang / skyes bu cig shos su zhig sems rtse gcig pas nyi ma'i snying po lung bstan pa chen po 'di thams cad yongs su rdzogs par nyan par byed na bsod nams kyi phung po snga ma des ni bsod nams kyi phung po cig shos 'di la brgya'i char yang nye bar mi 'gro'o//stong gi cha dang / bye ba phrag brgya stong gi cha dang / grangs dang / cha dang / dpe dang /rgyur yang mi bzod do/ /lag 'gro'i bdag po nyi ma'i snying po 'di thos pa tsam gyi bsod nams kyi phung po yang de ltar zab pa yin no/ /gsol pa/ btsun pa bcom ldan 'das gal te da rgya mtsho chen por mi gshegs lags na bdag gis kyang nyi ma'i snying po lung bstan pa chen po 'di mnyan nas yi ger bris te bcang bar bgyi lags na rgya mtsho chen por dge ba'i chos ji snyed cig rnam par 'phel bar 'gyur lags/bcom ldan 'das kyis bka' stsal pa/ lag 'gro'i bdag po gang dang gang du nyi ma'i snying po lung bstan pa chen po thams cad bris nas 'chang bar 'gyur ba de dang de nyid du phan yon bcu 'byung ngo //bcu gang zhe na/ khyim de dang de zhes bya ba nas yul zhes bya ba'i bar der nor dang / 'bru dang / nye bar spyod pa dang / longs spyod mang po dang / rin po che rnam pa sna tshogs ma tshang ba med par 'gyur ro//gzhan yang khyim mam yul gang na nyi ma'i snying po lung bstan pa chen po 'di bris nas mchod par 'gyur ba de dang der mchod rten chen po de dag na gang dag de la mchod pa bya ba'i phyir gnas pa'i byang chub sems dpa' sems dpa' chen po bye ba phrag drug cu po de dag gis kyang blta ba dang /phyag bya ba dang / mchod pa bya ba dang / bsnyen bkur bya ba'i phyir lhags nas der 'thab pa dang / thab mo dang / mi ngas dang / nad dang / mu ge dang / dmag tshogs gnyi ga dang /dus ma yin pa'i rlung dang / char pa dang / nad rnam pa sna tshogs rab tu zhi bar byed do/ /yang de'i tshe byang chub sems dpa' sems dpa' chen po bye ba phrag drug cu po de dag thams cad kyis 'di skad ces gsol to/ /btsun pa bcom ldan 'das de bzhin du bgyi lags so//khyim mam zhes bya ba nas yul 'khor gyi bar gang na nyi ma'i snying po lung bstan pa chen po 'di yi ger bris shing mchod par 'gyur ba der bdag cag gis 'thab pa dang / thab mo dang / mi ngas dang / nad dang / mu ge dang / dmag tshogs gnyi ga dang dus ma lags pa'i rlung dang /char pa rnam pa sna tshogs rab tu zhi bar bgyi lags so/ /bka' stsal pa/ gzhan yang khyim mam zhes bya ba nas yul 'khor zhes bya ba'i bar gang na nyi ma'i snying po lung bstan pa chen po 'di yi ger bris par 'gyur ba'i yul 'khor zhes bya ba'i bar der brgya byin dang /tshangs pa dang / rgyal po chen po bzhi dang / gnod sbyin gyi sde dpon nyi shu rtsa brgyad 'khor dang bcas pa dang / lha mo chen mo dpal dang / lha mo chen mo dbyangs can dang / sa'i lha mo brtan ma dang / sman gyi lha mo grub pa 'khor dang bcas pas khyim zhes bya ba nas yul 'khor zhes bya ba'i bar der rtag par rgyun du nyin mtshan du srung bar 'gyur ro//yongs su skyong bar 'gyur ro/ /de'i tshe brgya byin dang / tshangs pa zhes bya ba nas sman gyi lha mo grub pa zhes bya ba'i bar 'khor dang bcas pas kyang 'di skad ces gsol to//btsun pa bcom ldan 'das de bzhin du bgyi lags so zhes bya ba nas gzhan yang zhes bya ba'i bar du ste/ khyim dang zhes bya ba nas yul 'khor zhes bya ba'i bar gang na zhes bya ba nas khyim dang zhes bya ba nas/yul 'khor zhes bya ba'i bar de dang der sangs rgyas mang po la bsnyen bkur byas pa/ dbang che bar grags pa/ dbang che bar grags pa/ sbyin pa dang / dul ba dang / yang dag par sdom pa phun sum tshogs pa rnams skye ba len par byed do//gzhan yang khyim de dang der sems can rnams 'dod pa'i yon tan lnga la ma chags pa dang / rtag tu sbyin pa'i pha rol tu phyin pa la brtson par 'gyur ro zhes bya ba'i bar du'o/ /gzhan yang snod du gyur pa'i sbyin gnas de dag nyid la mngon par dga' bar 'gyur ro/ / gzhan yang der rtag par rgyun du chos kyi ro rnam pa sna tshogs kyi char pas khyab par 'gyur ro zhes bya ba'i bar du'o/ /gzhan yang der sems can rnams rtag tu dge ba bcu'i las kyi lam yang dag par blang ba la mngon par brtson par 'gyur ro/ /gzhan yang der sems can rnams rtag tu byams pa'i sems dang ldan pa dang /snying rje'i sems dang ldan pa dang / 'dod chags dang bral ba'i sems dang ldan par 'gyur ro/ /gzhan yang khyim dang zhes bya ba nas yul 'khor zhes bya ba'i bar de dang de dag tu sems can rnams ngan song gsum spangs pa dang /mtho ris su skye bar 'gyur ro/ /lag 'gro'i bdag po de la khyim dag dang zhes bya ba nas yul 'khor zhes bya ba'i bar du nga la mchod pa bya ba'i phyir nyi ma'i snying po lung bstan pa chen po 'di yi ger bris shing yang dang yang klog pa'i khyim zhes bya ba nas yul 'khor zhes bya ba'i bar der phan yon de dag 'byung bar 'gyur na/gang dag 'don par byed pa dang / chos de dag la yang dag par snang bar byed pa dang / chos kyi gnas pas gnas par byed pa la lta smos kyang ci dgos/ bsod nams kyi phung po de ni ngas bskal pa brgyar yang bstan par sla ba ma yin te/lag 'gro'i bdag po nyi ma'i snying po lung bstan pa chen po 'di ni de ltar zab bo/ /nyi ma'i snying po lung bstan pa chen po 'di ni de ltar yon tan che ba'o/ /de ltar phan yon che ba'o/ /bcom ldan 'das kyis de skad ces bka' stsal nas/phyogs bcu'i sangs rgyas kyi zhing thams cad nas lhags pa'i byang chub sems dpa' sems dpa' chen po de dag dang / bdud dang / lha dang / klu dang / gnod sbyin dang / srin po dang / lha ma yin dang / nam mkha' lding dang / dri za dang / mi 'am ci dang / lto 'phye chen po dang / grul bum dang / dang / sha za dang / srul po dang / mi dang / mi ma yin pa de dag yi rangs shing rab tu dga' la/ dga' ba dang / yid bde ba skyes nas bcom ldan 'das kyis gsungs pa la mngon par bstod do// //'phags pa 'dus pa chen po theg pa chen po'i mdo las nyi ma'i snying po'i le'u bcu gcig pa rdzogs so// //'phags pa shin tu rgyas pa chen po'i sde nyi ma'i snying po zhes bya ba'i mdo rdzogs so// // rgya gar gyi mkhan po sarba dz+nyA de ba dang / bid+yA ka ra pra b+ha dang / d+harmA ka ra dang / lo ts+tsha ba ban de bzang skyong gis bsgyur/ zhu chen gyi lo ts+tsha ba ban de dpal brtsegs kyis zhus te gtan la phab pa// //

CLOSE WINDOW