27b3 /[ ]@##/ /rgya gar skad du/ many+dzu shrI nA ma sang+gI ti bo d+hi ma hA sha rI raM bi d+hi nA ma/ bod skad du/ 'jam dpal gyi mtshan yang dag par brjod pa'i byang chub chen po'i sku gdung gi cho ga zhes bya ba/ sangs
27b4 rgyas dang byang chub sems dpa' thams cad dang /'jam dpal gzhon nur gyur pa la phyag 'tshal lo/ /dad pa can gang zhig gis mchod rten byed par 'dod pas sa chog tshul dang mthun par bya/ srog chags med pa'i sa legs par blangs te/ rin po che'i phye ma yang mang du btab nas/ dri zhim po'i
27b5 chus bran te/bdag nyid sangs rgyas kyi nga rgyal dang ldan pas 'jim pa'i gong bu de 'od kyi phung por byas te/ 'od phung de nyid d+hIHser po las dang po'i sangs rgyas zhal lnga phyag brgyad par bsams te/ ye shes sems dpa'i sku'i phreng ba'i sngags la rdo rje bsdu ba dang bcas pas rig sngags kyis sangs
27b6 rgyas 'khor dang bcas pa bsdus te/byon pa thams cad dang po'i sangs rgyas kyi zhal lnga po de nyid du thams cad thim par byas te/ de la thugs ka nas sprul pa'i mchod pas yang dag par mchod la/ 'od kha dog lnga'i phung po 'ja' tshon lta bur mos pa byas la/ de la 'bi 'bi bya zhing skol phor chos
27b7 kyi 'byung gnas su bsams te/de bzhin gshegs pa thams cad 'grub par byed pa'i ye shes sems dpa'i sku'i phreng ba'i sngags 'di zlos shing gdab bo/ /oM a AH sarba ta thA ga ta hr-i da ya/ ha ra ha ra/ oM hUM hrIHb+ha ga wAn dz+nyA na mUr+t+ti/ wA gI shwa ra ma hA wa tsa/ sarba d+harmA ga ga na/ a ma la
28a1 su pa ri shud+d+ha d+har+m+ma d+hA tu dz+nyA na gar+b+ha AH zhes bzlas shing skol phor nas gdon pa dang /phyi gzhal yas khang du rdzogs pa la nang dkyil 'khor gyi 'khor lo rigs thams cad bsdus pa la lha drug cu rtsa gsum grub par byas la bzhugs par bsams te/ snying ga'i 'od zer gyis de
28a2 dang mthun pa'i sangs rgyas spyan drangs te bcug la yang dag par mchod de/lhag pa dang ma tshang ba kha bskang pa'i phyir yi ge brgya pa gdon par bya'o/ /sngags 'dis rab tu gnas par byas te/ ye d+harmA he tu pra b+hA ba he tun+te ShAn tA thA ga to h+ya ba da ta/ te ShAny+tsa yo ni ro d+ha e baM bA dI ma hA shra ma NaH / de yang
28a3 bkra shis par bya ba'i phyir sngags 'di brjod par bya ste/oM ru ru s+phu ru dz+wa la tiSh+Tha sarba ar+tha sid+d+ha lo tsa na ye swA hA zhes bzlas so/ /sngags 'dis sa dkar byug par bya'o/ /oM a ra dze bi ra dze swA hA/ zhes brjod do oM ar+ya ye swA hA/ zhes pas bre gzugs so/ /oM tsakra brta na ye swA hA/ zhes pas 'khor
28a4 lo gzugs so//oMts+tsha tra ne ra ya swA hA zhes pas gdugs dbul lo/ /oM kuM bi ra d+h+wa dza ye swA hA zhes pas rgyal mtshan nam tog gzhag go/ /oM bA ta ka ta dza ye swA hA zhes pas ba dan phyar ro/ /oM pa Ta dA ma ye swA hAHzhes pas dar dpyangs gdags so/ /oM puSh+pa mA la ye swA hA zhes pas me tog gi phreng ba
28a5 gdags so//de ltar rdzogs par byas nas slar yang mchod pas yang dag par mchod do/ /bkra shis brjod la brtan par bzhugs su gsol lo/ /dad can rnams la phan pa'i phyir/ /tsha tsha'i cho ga 'di byas pas/ /de las byung ba'i dge ba des/ /'gro ba rdzogs pa'i sangs rgyas shog/ /slob dpon
'jam dpal bshes gnyen gyis mdzad pa/