| བོད་ཡིག |
25a3 /de bzhin gshegs pa'i mdzad spyod dang / /byang chub sems dpa'i spyad pa spyod pa rnams la sems gtad la blta bar bya'o/ /dus gsum gyi sangs rgyas la blta ba rdzogs so//[ ]@##/ /'phags pa 'jam dpal gzhon nur gyur pa la phyag
25a4 'tshal lo//dbang po tha mas rjes su dran pa drug bsgom pa ni/ sangs rgyas rjes su dran pa dang / chos rjes su dran pa dang / dge 'dun rjes su dran pa dang / gtong ba rjes su dran pa dang / tshul khrims rjes su dran pa dang / lha rjes su dran pa'o/ /de yang 'di lta ste/ de rnams
25a5 kyi yon tan dran pa'i sgo nas gus pa bskyed cing bdag gis kyang de'i sgo nas 'jug par bya'o//de yang sangs rgyas rjes su dran pa ni de bzhin gshegs pa dgra bcom pa rig pa dang zhabs su ldan pa/ 'jig rten mkhyen pa skyes bu 'dul ba'i kha lo sgyur ba/ yang dag pa'i
25a6 sangs rgyas bcom ldan 'das so zhes bya'o//de lta bu'i sgo nas sangs rgyas kyi yon tan rtogs shing dran pa nyid ni sangs rgyas rjes su dran pa'o/ /chos rjes su dran pa ni bcom ldan 'das kyi chos ni legs par gsungs pa yang dag par mthong ba/ dus tshod mkhyen pa/ 'di mthong ba la nye bar
25a7 gtod pa/mkhas pa so sor yang dag par rig pa/ don bzang po tshig 'bru bzang po/ /thog mar dge ba/ bar du dge ba/ tha mar dge ba/ ma 'dres pa yongs su gsal ba'o/ /de lta bu la dmigs shing yon tan dran par bya'o/ /dge 'dun rjes su dran pa ni bcom ldan 'das kyi
25b1 nyan thos kyi dge 'dun legs par zhugs pa/drang por zhugs/ rigs par zhugs pa/ mthun par zhugs pa/ kun du sbyin pa'i 'os su gyur pa/ rab tu sbyin pa'i 'os su gyur pa/ sbyor ba'i 'os su gyur pa/ 'jig rten pa'i bsod nams kyi zhing bla na med pa'o/ /de'i yon tan rjes su dran par bya'o/ /gtong ba rjes su dran pa ni
25b2 kye ma skyes bu ser sna'i dri ma spangs pa'i nang nas ser sna dang bral ba'i sems kyis chos sbyin 'khor mor byed pa/lag rkyong ba rnams gtong ba la dga' ba/ 'di ni bdag gis legs par rnyed pa yin no/ /de ltar rjes su dran par bya'o/ /tshul khrims rjes su dran pa ni bcom ldan 'das kyi nyan
25b3 thos kyi dge 'dun ni tshul khrims ma nyams pa/skyon med pa ma 'dres pa ma gos pa/ rang gtsang yod pa/ mkhas pas bsngags pa/ ting nge 'dzin shes pa'o zhes de lta bur dran par bya'o/ /lha rjes su dran pa ni lha rnams ni che ba'i yon tan dang ldan pa/ lhar skye ba'i rgyur gyur pa/
25b4 tshul khrims dang ting nge 'dzin dang / shes rab dang / bdag nyid dang / lha'i yon tan mtshungs par byas nas lha'i yon tan dang sbyar nas rjes su dran par bya'o/ /slob dpon 'jam dpal bshes gnyen gyis mdzad pa'i mtshan yang dag par brjod pa'i rjes su dran pa drug bsgom pa'i
man ngag rdzogs so/