CLOSE WINDOW

D2561
བོད་ཡིག

@##/ /'phags pa 'jam dpal la phyag 'tshal lo/ /de ltar skyabs 'gro khyad par can byas nas sems bskyed pa ni/ thal mo sbyar la phyag 'tshal ba dang mchod pa'i las byas la pus mo g.yas pa'i lha nga sa la btsugs te 'di skad brjod do/ /ji ltar sngon gyi de bzhin gshegs pa dgra bcom pa yang dag par rdzogs pa'i sangs rgyas bcom ldan 'das rnams dang /sa chen po la bzhugs pa'i byang chub sems dpa' rnams kyis thugs bla na med pa'i byang chub mchog tu rin po cher bskyed pa ltar bdag ming 'di zhes bgyi bas byang chub mchog tu sems bskyed pa'i sbyin pa rin po cher gzung du gsol zhes lan gsum du gsol ba gdab po//de nas 'di skad brjod do/ /phyogs bcu na bzhug pa'i sangs rgyas dang byang chub sems dpa' thams cad dgongs su gsol/ bdag ming 'di zhes bgyi ba thog ma dang / skye ba 'di dang skye ba gzhan dag tu sbyin pa las byung ba dang /tshul khrims las byung ba dang / bsgoms pa las byung ba'i dge ba'i rtsa ba bgyis pa dang / bgyid du stsal ba dang / bgyid pa la rjes su yi rang ba'i dge ba'i rtsa ba des/ ji ltar sngon gyi de bzhin gshegs pa dgra bcom pa yang dag par rdzogs pa'i sangs rgyas rnams dang /sa chen po la bzhugs pa'i byang chub sems dpa' rnams kyis thugs bla na med pa'i byang chub mchog rin po cher sems bskyed pa de bzhin du/ bdag ming 'di zhes bgyi bas kyang sems can ma smin pa rnams smin par bya ba dang / ma grol ba rnams grol bar bgyid pa dang / dbugs ma phyung ba rnams dbugs dbyung bar bya ba'i phyir dang /yongs su mya ngan las ma 'das pa rnams yongs su mya ngan las 'da' ba'i phyir/ dus 'di nas bzung nas snying po byang chub la mchis kyi bar du bla na med pa yang dag par rdzogs pa'i byang chub tu sems bskyed par bgyi'o zhes gsol ba gdab po/ de nas 'di skad brjod de/ bsod nams 'di yis thams cad gzigs pa nyid/ /thob nas nyes pa'i dgra rnams pham byas te/ /rga nad 'chi ba'i rba klong 'khrugs pa yi/ /srid pa'i mtsho las 'gro ba 'dren par shog /dge ba 'di yis skye bo kun/ bsod nams ye shes tshogs bsags te//bsod nams ye shes las byung ba'i/ /dam pa gnyis ni thob par shog /sa'am chu'am me'am rlung / /dgon pa shing gi sman lta bur/ /bdag nyid sems can thams cad kyi/ /nad do cog gi gsos su shog /mthong ba dang ni thos pa dang / /dran pa dang ni reg pas kyang / /bdag ni sems can thams cad kyi//gru dang zam pa lta bur shog /byang chub sems dpa' su dag gang bzhugs pa'i/ /de dag kun gyi smon lam grub gyur nas/ /sems can thams cad gtan du bde ba dang / /ngan song rnams ni rtag tu stongs par shog /sangs rgyas chos dang tshogs kyi mchog rnams la//byang chub bar du bdag ni skyabs su mchi/ /bdag gis sbyin sogs bgyis pa 'di dag gis/ /'gro la phan phyir sangs rgyas 'grub par shog /ces dge ba'i rtsa ba sems can thams cad kyi don du bsngo'o/ /sems bskyed pa'i cho ga slob dpon 'jam dpal bshes gnyen gyis mdzad pa rdzogs so/