CLOSE WINDOW

D2555
བོད་ཡིག

/[ ]@##/ /'phags pa 'jam dpal gzhon nur gyur pa la phyag 'tshal lo/ /'phags pa 'jam dpal gyi mtshan yang dag par brjod pa ni/ dang po bdag nyid kyis sems can gyi don du sangs rgyas thob par bya'o zhes bsam/ de nas a A i I u U e ai o au aM aH zhes pas stong pa'i rang bzhin las rang gi sems kyi snang ba A li kA lir bsam pa'i 'od zer gyis rten gyi dkyil 'khor mngon par bsgrub par bya'o/ /de'i dbus su seng ge'i khri nyi ma'i dkyil 'khor gyi steng du bsam pa ni/ s+thi to hr-i di dz+nyA na ma mU r+t+ti ra haM bu d+d+ho bu d+d+hA nAM/t+r+ya d+h+wa bar+t+ti nAM zhes brjod pas rnam snang chen po kun du zhal bsam mo/ /de'i thugs kar dang po'i sangs rgyas bsam/ de'i thugs kar shes rab 'khor lo bsgoms te/ oM badzra tI kaSh+Na ya te na maHoM duHkhats+tshe da ya te na maH/ oM pradz+nyA dz+nyA na mU r+t+tA ya te na maH oM dz+nyA na kA ya te na maHoM wa gI shwa rA ya te na mAH/oM a ra pa tsa nA ya te na maHzhes brjod bas shes rab 'khor lo rtsibs drug pa bsgom/ de'i steng du ye shes sems dpa' zla ba dang a bsgom par bya'o/ /a'i 'od zer gyis ye shes kyi dkyil 'khor drug bdag la zhugs par bsam mo//de la mtshan brjod par bya'o/ /de la dang por byang sems rdo rje'i dkyil 'khor gyi mtshan brjod par bya ste/ 'di ltar sangs rgyas bcom ldan 'das/ /zhes pa nas/ theg pa chen po'i tshul gyi mchog/ /ces pa'i bar du tshigs bcad bcu bzhi brjod pas/ ye shes sems dpa'i yi ge a las mtshan don byung ste/de dag gis bcom ldan 'das byang sems rdo rje'i dkyil 'khor gyi lha tshogs su gyur te/ spros nas 'gro ba sems can gyi don byas nas slar 'dus te/ rnam snang chen po'i phyi rim du gnas par bsam mo/ /de nas/ sangs rgyas rnam par mdzad che/ /zhes pa nas rdo rje lcags kyu zhags pa che//zhes bya ba'i bar du tshigs bcad nyi shu rtsa lngar rkang pa gcig gis ma tshang ba brjod pas/ thugs ka'i ye shes sems dpa'i a las mtshan don gyi yi ge brgya brgyad cu rtsa gcig 'phros te/ de dag kyang rnam par snang mdzad kyi dkyil 'khor gyi lha tshogs su gyur te/'gro ba'i don byas rnam par snang mdzad chen po la bskor bar bsam mo/ de nas/ rdo rje 'jigs byed 'jigs par byed nas/ sgra dang ldan pa rnams kyi mchog /ces pa'i bar du tshigs bcad bcur rkang pa gcig gis lhag pa brjod pas/ ye shes sems dpa'i thugs ka'i a las mtshan don gyi yi ge rnams spros pas 'jig rten gyi gdug pa can rnams btul nas dkyil 'khor chen po'i shar phyogs su 'khor par bzhugs par bsam mo//de nas/ yang dag bdag med de bzhin nyid nas/ /ye shes me lce 'od rab gsal//zhes pa'i bar du tshigs bcad bzhi bcu rtsa gnyis brjod pas/ ye shes sems dpa'i thugs ka'i yi ge a las mtshan don gyi yi ge nyis brgya sum cu rtsa lnga byung ste spros pas/ sangs rgyas snang ba mtha' yas kyi dkyil 'khor gyi sprul pas 'gro don byas nas dkyil 'khor chen po'i nub phyogs su bzhugs par bsam mo//de nas/ 'dod pa'i don grub dam pa ste/ /zhes pa nas/ nor bu chen po rin chen tog /ces pa'i bar gyis tshigs su bcad pa nyi shu rtsa bzhi brjod pas/ ye shes sems dpa'i thugs ka'i a las mtshan don gyi yi ge brgya nyi shu rtsa bzhi spros te/sangs rgyas rin chen 'byung ldan gyi dkyil 'khor gyi sprul pas 'gro ba'i don byas nas dkyil 'khor chen po'i lho phyogs su bzhugs par bsam mo/ /de nas/ sangs rgyas kun gyi rtogs bya ba/ /zhes pa nas//'jam dpal dpal dang ldan pa'i mchog /ces pa'i bar du tshigs su bcad pa bco lnga brjod pas/ ye shes sems dpa'i thugs ka'i a las mtshan don dgu bcu rtsa dgu spros te/ sangs rgyas don yod grub pa'i dkyil 'khor gyi sprul pas sems can gyi bsam pa yongs su grub par byas nas slar 'dus te dkyil 'khor chen po'i byang phyogs su bzhugs par bsgom mo//de ltar dkyil 'khor chen po drug po de las/ 'di ltar sangs rgyas bcom ldan 'das/ /'jam dpal dpal dang ldan pa'i mchog /ces pa la sogs pas bstod cing mchod par bsams la gdon to/ /de ltar dkyil 'khor chen po de la spyir 'dud nyi shus yang dag par bstod do/ /de nas 'dod pa'i don la gsol ba gdab ste/ dge ba'i rtsa ba bla na med pa'i byang chub tu bsngos te/oM swa b+hA ba'i sngags kyis chos thams cad rang bzhin gyis rnam par dag cing spros pa dang bral bar 'jam pa'i dbyangs kyi ngo bo nam mkha' ltar dri ma med par yongs su dag par bsgoms te spyod lam gyi bya ba gzhan bya'o/ /de ltar rigs bsdus pa'i dbang du byas nas mtshan brjod cing bsdus pa la tshigs bcad nyis brgya drug cu rtsa gnyis kyis bstan to//de'i yon tan gyi gzhung tshigs bcad brgya lnga bcu'o/ /de ltar na sangs rgyas kyi mtshan brjod pa yon tan dang bcas pa'o/ /'jam dpal gyi mtshan gdon pa'i man ngag /