CLOSE WINDOW

D2540
བོད་ཡིག

/stong pa nyid ni rdo rjer brjod/ /de bzhin rdo rje rdo rjer brjod/ /de bzhin rdo rje rdo rje zhes/ /rab gsungs rdo rje'i mtshan nyid nyon/ /dag pa'i blo ni zla ba bzhin/ /nam mkha' rdo rje zhes brjod bya/ /zhes so/ /de la dag pa'i blo zhes pa ni don dam byang chub kyi sems so//gzugs kyi skur dang chos kyi sku 'grub pa'i rgyu'i bsod nams dang ye shes kyi tshogs ni dpal te de de'i bdag nyid du yod pa gang yin pa de dpal ldan no/ /shin tu gdug pa'i sems can la/ /zhi ba nye bar mi sbyar te/ /zhes pas snying rje chen po dang gcig pa nyid kyi gdul dka' ba dbang phyug chen po la sogs pa rnams la gnas pa dang 'bras bu la gnas par bya ba'i phyir rang gi dbang du byed cing 'dul bar byed pa ni gdul dka' ba 'dul ba po'o//sred med kyi bu la sogs pa yang lha ma yin gdul dka' ba 'dul ba po yin yang de las phul du byung bas na mchog go//de 'jig rten gsum las rnam par rgyal ba'i ngang tshul nyid kyi phyir 'jig rten gsum las rnam par rgyal ba'o/ /de nyid shin tu dpa' bas na dpa' bo ste mchog ces pa 'dir yang sbyar/ ji lta bu zhe na gsungs pa/ gsang ba zhes pa la sogs pa ste/ shin tu rnam par dag pa gnyis su med pa'i snang ba dang dbyer med pa khams gsum pa'i rang bzhin gyi sku dang gsung dang thugs ni gsang bar bshad de de'i gsal zhing 'bar ba'i phyir gsang ba'i rgyal po'o/ /gsang ba'i rgyal po'i rgyu gsungs pa/ rdo rje zhes pa la sogs pa ste/ rdo rje ni rdo rje'i rigs nye bar mtshon pa ste/thugs kyi rigs zhes pa'i don to/ /de khyab bdag nyid kyi phyir rdo rje dbang phyug go/ /'dis ni sku dang gsung gi rigs dag las thugs kyi rigs gtso bor mngon par brjod do/ /gzhan du gsang ba'i rgyal zhes pa gnod sbyin gyi rgyal po zhes bshad pa de mi 'thad do zhe na lan smras pa/gsang dbang zhes 'chad par 'gyur bar 'di nyid gnod sbyin gyi rigs kyi bdag po nyid du gsal ba'i phyir ro/ /rnam rgyal zhes pa la sogs pa nas/ rdo rje rtse mo rab 'phro ba/ /zhes pa'i mthar thug pas sgeg pa dang / khro bas 'dul bas 'dul ba'i sems can 'dul ba'i thabs gsungs te/rnam rgyas pad+ma dkar po ni chu skyes dkar po'o/ /gang gi spyan de bzhin du yid du 'ong ba'i phyir ro/ /pad+ma rgyas 'dra'i zhal mnga' ba ni zhal gyi dkyil 'khor mtha' dag gang gi yin pa de dag bzhin du gsungs so/ /'di yang spyan dang zhal rnam par rgyas pa ste/ yang dag pa'i de kho na nyid rtogs pas nang gi dga' ba brnyes pa mtshon par rig par bya'o//bya ba mnyam pas rang dang rjes su mthun pa'i 'khor rnams dang ldan pas bcom ldan 'das la phyag 'tshal nas zhes ston par byed pa la/ gsor byed pa zhes pa la sogs pa ni sngar bshad pa'i rang bzhin gyi rdo rje 'dzin pas rang gi lag gis gsor byed pa ste/gdul bya'i skye bo rnams kyi dregs pa gzhom pa'i phyir/ yang dang yang du gsor byed pa'o/ /de ltar rang dang rjes su mthun pa'i 'khor gyi khyad par gsungs pa/ khro gnyer zhes pa la sogs pa ste/ khro gnyer rim par ldan la sogs//sogs pa gang rnams yin na 'dod pa dang dbyug sngon can dang stobs po che dang mi g.yo ba la sogs pa rnams so/ /de rnams ni mtha' yas pa ste nam mkha' thams cad du khyab pa rnams so/ /sems can la 'tshe ba'i gdug pa 'dul ba la shin tu dpa' ba nyid kyis 'jigs su rung ba dang mi sdug pa'i gzugs 'dzin pas na dpa' zhing 'jigs rung gzugs can dang ngo //rang gi lag gis gsor byed pa/ /zhes par rdo rje zhes pa lhag ma'o/ /'di yang tshig gnyis kyi dbye ba'i dbang du byed pa'o/ /rdo rje rtse mo rab 'phro ba/ /zhes pa 'dis ni lag mthil na gnas pa'i rdo rje phreng ba mtha' yas pa nyid du bstan to//shes rab ni chos thams cad rang bzhin med pa nyid kyi ye shes so/ /thabs ni bden pa gnyis rnam par 'byed pa la mkhas pas zhugs te mi g.yo bar byed pa'o/ /snying rje chen po de yang byang chub sems dpa' rnams sems can rnams la rkang gi khong nas madz+dza ga tA sdug bsngal dang de'i rgyu las kun du 'byin par 'dod pa'o//shes rab kyang yin la thabs kyang yin zhing snying rje chen po yang yin zhes tshig rnam par sbyar te/ de rnams 'gro ba'i don byed pa'o/ /yang na thabs ni snying rje chen po'o zhes tshig gcig tu bya'o//de nyid mchog ste gtso bo'o/ /dga' pa'i bsam pa ni rgyu'i 'bras bu'i khyad par dmigs pas so/ /mgu ba'i bsam pa ni rgyu'i 'bras bu'i khyad par nye bar dmigs pas na dga' mgu'i bsam pa'o/ /rangs pa ni de gnyi ga rdzogs par mthong ngo / /khro bar byed pas khro bo ste/khro bo rnams lta bu'i lus dang gzugs ni 'jigs su rung ba'i lus kyi rnam pa'o/ /de gang la yod pa ni khro bo'i lus kyi gzugs ldan pa ste gdug pa 'dul bar byed pa'i don du khro bo'i lus kyi gzugs ldan pa'o/ /des ni khro bo rnams snying rje chen po'i bsam pa dang ldan pa'i phyir zhes dgongs pa'o//de nyid gsungs pa/ sangs rgyas phrin las byed pa zhes pa ste thabs chen po nyid kyis sems can rnams la phan pa dang bde ba yang dag par bsgrub pa'o/ /de nyid kyi phyir mgon no/ /lus btud rnams dang lhan cig tu/ /mgon po bcom ldan de bzhin gshegs//rdzogs sangs rgyas la phyag 'tshal te/ /thal mo sbyar ba byas gyur nas/ /'di skad gsol zhes 'chad par byed pa la spyan sngar 'dug ste zhes pa ni gus pa ma yin pa spang ba'i don du logs dang rgyab tu 'dug pa lta bu ma yin zhes pa'i don to/ /ci zhig gsol zhe na gsungs pa/bdag la sman pa dang zhes pa la sogs pa ste/ bdag la sman pa dang bdag gi don du zhes tshig gnyis su drangs te de ni 'di dang phyi ma'i rnam par dag pa'i 'bras bu rdzogs pa'i don du gsungs so/ /thugs brtse'i phyir ni de gnyi ga rdzogs par bya ba'i phyir ro/ /sgyu 'phrul ni ma rig pas sprul pa'i khams gsum pa'i grong khyer te/de nyid dmigs pa med par gcig pa'i phyir de la mngon du phyogs pa'i yang dag pa'i byang chub pa ste/ rnam pa thams cad pa chos thams cad kyi rang bzhin stong pa nyid kyi ye shes zhes pa'i don to/ /de nyid ces kyang bdag gis thob par 'gyur ba de ltar bdag la rdzogs pa'i sangs rgyas kyi mtshan yang dag par brjod pa yang dag par bshad du gsol zhes sbyar ro//de thob nas don ci zhig byed ce na gsungs pa mi shes zhes pa la sogs pa ste/ mi shes 'dam du bying ba ni log pa'i shes pas zil gyis mnan pa'o/ /de nyid mi bden pa dang bden pa'i 'du shes nyid kyi phyir nyon mongs pas sems dkrugs pa rnams la phan pa'i phyir ro//phan pa nyid gsungs pa/ bla med 'bras bu thob bya'i phyir/ /zhes pa sems can thams cad kyis yang dag par rdzogs pa'i sangs rgyas thob par bya ba'i phyir zhes 'brel lo/ /shes rab dang thabs kyis gzhan la phan pa ni yang dag pa'o//yang dag pa'i don khong du chud pa'i phyir rdzogs pa'i sangs rgyas so/ /de'i rgyu gsungs pa/ bcom ldan 'das zhes pa la chos thams cad nges par 'byed par byed cing nyon mongs pa dang bdud la sogs pa sel bar byed pas shes rab ni bcom pa ste/de de'i bdag nyid du yod pas bcom ldan no/ /de skad du yang / shes rab nyon mongs gsod byed de/ /de phyir shes rab bcom zhes brjod/ /ces so/ /de nyid 'gro ba rjes su 'chos pa'i phyir ston pa'o/ /de'i phyir 'gro ba'i bla ma'o/ /de'i yang rgyu gsungs pa/ dam tshig chen po de nyid mkhyen/ /dbang po bsam pa rig pa mchog /ces pa ste/ de la/ dkyil 'khor nges pa dus dang brda/ /sngags dang phyag rgya lha rnams dang / /grub mtha' rnams la dam tshig ces/ /rgyal ba rnams kyis bshad pa yin/ /zhes pa 'di ni dam tshig thams cad kyi de kho na nyid do//dbang po rnams dang bsam pa rnams yongs su mkhyen pa'i phyir/ dam tshig chen po'i de nyid mkhyen/ /dbang po bsam pa rig pa yang ngo / /de nyid kyi phyir mchog de thams cad kyi phyogs 'gro ba rjes su mchod pa'i bla ma zhes pa'i don to/ /dbang po rnams ni dad pa la sogs pa'o/ / bsam pa rnams ni mngon par 'dod pa'o/ /su'i mtshan yang dag par brjod ce na gsungs pa/ bcom ldan 'das kyi ye shes zhes pa la sogs pa ste/ sangs rgyas bcom ldan 'das rnams kyi ye shes kyi sku ni bcom ldan 'das kyi ye shes kyi sku nyid de 'jam dpal lo/ /de'i rang bzhin yin pa'i phyir ro//de ltar yang / bde gshegs shes rab dri ma med/ /rdo rje rnon por de bshad do/ /zhes gsungs so/ /de nyid thams cad las 'phags pa'i phyir gtsug tor chen po'o/ /tshig gi bdag ni tshig gi dbang phyug ste/ khams gsum pa'i sems can thams cad kyi ngag thams cad la rab tu 'jug pa'i mnga' bdag ces ba'i bar ro//'jam pa ni yid du 'ong ba'o/ /dpal ni sems can thams cad rjes su 'dzin pa'i zab pa dang rgya che ba'i tshul gyi sku dang gsung dang thugs phun sum tshogs pa gang yin pa ste/ de ye shes kyang yin la sems dpa' yang yin par zhes tshig rnam par sbyar ro//rnam par spyad pa na phyi rol gyi don med pa'i phyir ye shes kho na gang gi sku yin pa de ni ye shes sku'o/ /de phyi rol gyi don du dmigs pa las ma skyes pas rang byung ngo / /lha'i rnam pa phyag rgya chen po ni ye shes kyi sku yin la/ de'i thugs ka'i mtshan ma'i nang du gnas pa ni ye shes sems dpa' zhes bya ba ni gnyis po'i khyad par ro//mtshan yang dag par brjod pa la ni khyad par med do/ /don zab ces pa la sogs pa la don zab ni stong pa nyid la sogs pa ston pa'i phyir ro/ /don rgya che ba ni sangs rgyas kyi yon tan rgya chen po'i rang bzhin longs spyod rdzogs pa'i sku rab tu gsal bar byed pa'i phyir ro//don chen ni zab pa dang rgya che ba'i bdag nyid can kun du bzang po'i rang bzhin mngon par rjod par byed pa'i phyir ro/ /de'i phyir mtshungs med ni mnyam pa med pa'i phyir ro/ /zhi ba ni mya ngan las 'das pa'i lam rab tu ston pa'i phyir ro/ / thog mar dge ba ni nyan thos kyi byang chub kyi rgyu nyid kyi phyir ro/ /bar du dge ba ni rang byang chub kyi rgyu'i lam rab tu gsal bar byed pa'i phyir ro/ /tha mar dge ba ni yang dag par rdzogs pa'i byang chub thob par bya ba'i phyir ro/ /yang na thos pa dang bsam pa dang bsgom pa'i dbye bas thog ma bar dang mthar dge'o//de nyid kyi phyir thams cad las phul du byung bas mchog go/ /mtshan mngon par brjod pa chos dang don dang nges pa'i tshig la sogs pa'i dbye bas yang dag pa phyin ci ma log par brjod pas na yang dag par brjod pa ste/ de rab tu gsal bar mdzad du gsol lo/ / nges par rab tu gsal ba nyid du mdzad par rig par gsungs pa 'das pa'i zhes pa la sogs pa ste/ dus gsum pa'i de bzhin gshegs pas bstan pa'i yul du gyur pa nyid kyis de bzhin gshegs pa khyod kyis kyang rtag tu ston par mdzad dgos te/ chos ston pas 'gro ba'i don bya ba ni de bzhin gshegs pa'i 'bras bu yin pa'i phyir zhes dgongs so//de bzhin gshegs pa 'ba' zhig gis gsungs pa ma yin no zhes gsungs pa sgyu 'phrul zhes pa la sogs pa ste/ rdo rje 'chang chen po de bzhin gshegs pa skyes pa po rnams kyis kyang ngo / /'dir sgyu 'phrul dra ba'i rgyud stong phrag bcu drug par yang dag par glur blangs pa de rab tu bshad du gsol zhes 'brel lo//bstan pa'i 'bras bu gsungs pa/ dgyes bzhin du zhes pa la sogs pa ste bdag kyang zhes pa kyang yig gis ni 'di bdag 'ba' zhig ma yin pa'o/ /dgyes bzhin du zhes pa khro gnyer rim par ldan la sogs pa gsang sngags 'dzin pa dag tu med pa dang thabs cig tu don dang gzhung las gzung bar bgyi zhing ma 'ongs pa'i byang chub sems dpa' gzhan dag kyang ci nas kyang 'dzin du gzhug par bgyi'o zhes dgongs pa'o//dus kyi khyad par gsungs pa/ nges par 'byung gi bar du ni/ /zhes pa nges par 'byung ba'i mthar thug pa'o/ /bsam pa brtan pos zhes pa brtson 'grus brtan po nyid la brjod de brtson 'grus brtan po de yang mya ngan las 'das pa thob par 'dod pa'i bsam pa brtan der brjod do/ /gzung bar bgyi'o zhes gsungs pa/ ci nas zhes pa la sogs pa ste yang dag par rdzogs pa'i sangs rgyas rnams kyi gsang ba sku gsung thugs ro gcig tu gyur ba de 'dzin par byed pa la de ltar bshad do//yang dag par rdzogs pa'i sangs rgyas kyi gsang ba 'dzin par bdag ci nas kyang 'gyur ba de ltar gzung bar bgyi'o zhes dgongs pa'o/ /de'i phyir rang gi don phun sum tshogs pa de sems can rnams la bshad par bya/de yang bsam pa'i khyad par ji bzhin du ste gang gi bsam pa'i khyad par dbang po rtul po dang 'bring dang chen po'i dbye bas phye ba de rnams kyis rnam par shes par bya ba'i phyir zhes pa'i don to/ /don ci zhig gi phyir 'chad pa na gsungs pa/ma lus zhes pa la sogs pa ste nyon mongs pa dang las dang skye bas kun nas nyon mongs pa zhes bshad pa la/ nyon mongs pa ni nyan thos la sogs pa rnams kyi'o/ /byang chub sems dpa' rnams kyi ni rnam par rtog pa nyid nyon mongs pa ste/ de rnams ma lus bsal ba'i phyir ro//de sel ba'i rgyu gsungs pa/ mi shes pa lus spangs pa'i phyir/ /zhes pa la sogs pa ni ma rig pa'o/ /de spangs pa ni sngon du 'gro ba'i 'dod chags la sogs pa spang ba'i phyir zhes pa ste/ 'di ni bag chags dang bcas pa'i nyon mongs pa shes bya'i sgrib pa spang ba'i phyir du zhes pa'i don to//de skad du zhes pa la sogs pa ni go sla'o/ /de nas zhes pa la sogs pa btab pa'i de ma thag tu'o/ /shAkya thub pas/ gsang dbang la ni slar gsungs pa/ /zhes sbyar te/ lha dang mi las phul du byung ba'i phyir rkang gnyis mchog go/ /ci ltar mdzad nas lan gsungs she na gsungs pa/rkyong mdzad de zhes pa la sogs pa ste rkyong pa ni nges par phyung ba'o/ /nyid kyi ljags ni byin gyi rlabs kyis sems can gzhan dang 'brel pa ma yin pa'o/ /srid du ring bas na ring ba'o/ /zheng dang ldan pas yangs pa ste ring zhing yangs pa nyid kyis dpral ba'i mthar thug pa'i zhal gyi dkyil 'khor rab tu khebs pa che zhing srab pa las zangs kyi kha dog la sogs pa skyes bu chen po'i mtshan dang ldan pa zhes gsungs so//nyid kyi zhal nas te rdzu 'phrul gyis sems sems can gzhan gyi kha nas bstan pa ma yin pa'o/ /bsod nams kyi tshogs mang po las nges par 'khrungs pa'i phyir bzang ba ste shin tu 'bar ba zhes pa'i don to//de yang ljags kyi khyad par te de yang bskal pa nyung ngu ma yin pa nas bden par gsung bar goms pa las byung ba las sems can thams cad la mi slu zhing phyin ci ma log pa'i chos ston pa nyid rtogs par bya ba'i don to zhes bshad par bya'o//nyid kyi ljags brkyang ba 'ba' zhig ma yin gyi 'dzum pa bstan pa yang mdzad par blta bar bya ste/ 'dzum pa ji lta bu zhig ce na gsungs pa/ 'jig rten rnams kyi ngan song gsum/ /sbyong bar byed ces pa ste 'jig rten rnams kyi zhes 'brel lo//ngan song gsum ni dmyal ba dang yi dwags dang dud 'gro'i skye gnas kyi ngo bo nyid gang yin pa ste/ der 'dzum pa zhal las nges par 'thon pa'i kha dog sna tshogs pa'i 'od zer rnams kyis yang dag par bstan nas dmyal ba la sogs pa'i sdug bsngal nye bar zhi zhing rgyun 'chad de lus dang ngag dang sems rnal 'byor du gnas pa thob nas dkon mchog gsum la skyabs su 'gro ba la sogs pa'i rim gyis lha dang mi nyid thob par byed pa'i phyir sbyong bar byed pa ste ngan song gsum sbyong ba'o//yang na ngan song gsum gyi rgyu 'dod chags dang zhe sdang dang gti mug rnams rnam par sbyong bas na ngan song gsum sbyong ba'o//yang 'dzum pa ci lta bur gyur pas she na/ 'jig rten gsum po snang bar byed pa ste khams gsum kun snang bar byed pa'o/ /bdud bzhi ni phung po dang nyon mongs pa dang 'chi bdag dang lha'i bu'i bdud ces grags pa rnams te de dag nyid ni dgra rnams so//de rnams 'dul bar byed pa ni rang gi yul las spro ba dang byang chub kyi lam la nges par sbyong bar byed pas na bdud bzhi'i dgra rnams 'dul byed pa'o/ /ci yis lan gsungs she na gsungs pa tshangs pa'i zhes pa la sogs pa ste/ tshangs pa ni gnyis su med pa'i ye shes so/ / de'i rgyu dang ldan pa la tshangs pa'o/ /de'i gsung de ni nges par tshangs pa'i gsung ste/ ji ltar yul nye bar gnas pa dag gis thos pa de bzhin du 'jig rten gyi khams gzhan na gnas pa dag gis kyang thos te/ gam na gnas pa dbang po gnod pa med pa rnams kyis thos par ma zad kyi thag ring por gnas la dman cing rna ba mi gsal ba rnams kyis kyang snyan cing yid du 'ong ba la rnam par gsal ba'i don rtogs par byed pa'i rgyur gyur pa'o//de'i rang bzhin gsungs pa/ 'jig rten gsum po kun bkang nas/ /zhes pa ste snyan pa yid ces pa ni don dang sgra las yid 'phrog par byed pa zhes pa'i don to//gsang dbang zhes pa ni gnod sbyin gyi bdag po ste/ 'dis gnod sbyin rnams 'dul ba'i don du de lta bu'i rigs su gzung ste rdo rje 'dzin par bstan pa'o/ /stobs kyi pha rol phyin pa'i mthar son pas lag na rdo rje stobs po che'o/ /de ltar yang klu sgrub zhabs kyis smon lam du/stobs phyag na rdo rje lta bur gyur cig ces so/ /lan du ci gsungs she na gsungs pa/ legs so zhes pa la sogs pa ste/ kye gsang ba pa'i bdag po dpal ldan rdo rje 'chang gang yin pa khyod ces bya'o/ /bsod nams dang ye shes kyi tshogs yang dag par bsags pa ni snying rje che dang ldan gyur cing ngo //de ni don chen sdong don dam par gsal bar byed pa'o/ /klog cing 'don pa la sogs pas sdig pa sel ba'o/ /de'i phyir gtsang bar byed pas na dag par byed cing ngo / /'jam dpal ye shes sku yi mtshan/ /yang dag par brjod pa ni phyag na rdo rje khyod 'gro ba la phan pa'i don de'i ched du/nga las nyan par brtson pa ni/ /legs so legs so zhes rab tu dgos pas gnyis mngon par brjod pa'o/ /de'i don du legs so'i sgra sbyor ba la bzhi pa'o/ /gang gi phyir/ mgon po rdzogs sangs rgyas kun gyi/ /gsang 'dzin ci nas bdag kun gyi//zhes khyod kyis mngon par smras pa de'i phyir 'di gsungs te/ de bzhin du khyod kyis legs par gsung gcig ci nas kyang zung shig /rdzogs pa'i sangs rgyas kun gyi gsang ba ci nas kyang zung shig /sems can rnams la ji lta bar rab tu gsal bar gyis shig /de'i phyir khyod nyon zhes sbyar te/ ci ltar nyan zhe na gsungs pa/ rtse gcig yid kyis te rnam par g.yeng ba med pa'i sems kyis so/ /bcom ldan de ni legs zhes gsol/ /zhes pa bcom ldan 'das legs so zhes gsol ba ste/ legs so zhes bya ba gsol ba'o//gus pas bskul te nyan no zhes pa'i don to/ /rnam par g.yeng ba med pa'i sems dang dad pa bskyed pas lhag par rtogs par bya bar nus zhes dgongs pa'o/ /'di yang ma 'ongs pa'i gdul bya'i skye bo rnams la bslab pa'i don du gsungs kyi/ rdo rje 'dzin pa la ni mnyam par ma bzhag pa'i sems med de zhes ma yin pa mi bya'o zhes so//de ltar yang / rab tu dma' ba'i stan la 'dug /dul ba'i dpal ni rnam par bskyed/ /dga' dang tshim pa'i rnam par blta/ /tshig gi bdud rtsi 'thung ba bzhin/ /zhes bskyed de rtse gcig tu/ /dang zhing dri med yid ldan pas/ /nad pas sman pa'i tshig bzhin du//bkur sti byas te chos mnyan bya/ /zhes gsungs so/ /de ltar rjes su bslabs nas ji lta bu zhig ston zhe na de gsungs pa/ de nas zhes pa la sogs pa ste/ de nas bcom ldan shAkya thub/ /tshig gi bdag pos tshigs bcad gsungs/ /zhes 'brel lo/ /shAkya'i rigs las byung ba'i phyir shAkya yang 'di yin la sku dang gsung dang thugs thub pa'i brtul zhugs dang ldan pa thub pa yang 'di yin pas de ltar bshad do//mchog gi dbang phyug la sogs pa dang ldan pa'i phyir bcom ldan 'das so/ /ji zhig mdzad nas gsungs she na gsungs pa/ mtha' dag ces pa la sogs pa ste chos kyi dbyings rtogs pa'i yid kyis sems can gyi khams skyob pa'i phyir stong pa nyid dang snying rje dbyer med pa'i byang chub kyi sems ni gsang sngags te/de las byung ba A li dang kA li'i rang bzhin hUM yig la sogs pa yang gsang sngags so/ /mtha' dag ni bya ba dang spyod pa dang rnal 'byor gyi rgyud du gtogs pa la sogs pa bskyed pa'i gnas skabs so//sngags rnams kyi rigs ni rgyud ces chos kyi dbyings kyi ngo bo'o/ /de dang dbyer mi phyed kyang brjod bya'i chos rnams kyi dbye bas phye ba'i nye bar brtag pa gsungs pa yang mtha' dag ces bya'o/ /de bstan pa'i dus la sogs pa la khyab pa'i phyir chen po'o//gsang sngags rig sngags ni grub pa'i gsang sngags rnams dang de 'dzin par byed pas gsang sngags rig sngags 'chang ba ste gshin rje mthar byed la sogs pa'i rnal 'byor rnams so/ /de rnams kyi rigs ni rgyud do/ /mtha' dag ces pa 'dir yang ste mchog la sbyar bar yang bya'o//rigs gsum zhes pa sku gsung thugs kyi rigs te rigs thams cad yang dag par bsdus par gyur pa'o/ /'jig rten 'jig rten 'das pa'i rigs/ /zhes pa ni 'jig rten pa'i gsang sngags kyi rigs dang 'jig rten las 'das pa'i gsang sngags kyi rigs so//'jig rten snang byed rigs ni de gnyi ga'o/ /phyag rgya chen po ni spyan ma la sogs pa rigs pa'i rgyal mo rnams so/ /de'i rigs ni de las byung ba'i gsang sngags dang / phyag rgya las skyes pa'i rgyu dang 'brel ba'o/ /rigs chen gtsug tor ni gtsug tor yi ge gcig pa la sogs pa'i sngags kyi stobs las skyes pa'i lha'i khyad par gzhan dang gzhan no//rnam par gzigs zhes pa sngags dang phyag rgya la sogs pa'i skal ba dang ldan pa gang yin pa de rnams la nges par rtogs par mdzad do zhes pa'i don to/ /'di zhes pa 'chad par 'gyur ba'i a yig la sogs pa'i tshigs su bcad pa'o//tshigs su bcad pa gnyis pa yod kyang tshigs su bcad ces gsungs so/ /shes rab kyi rang bzhin A li gtso bor rtogs pa'i don to/ /don dam par ni shes rab nyid thabs so zhes pas so/ /gsang sngags rgyal po drug ldan no//zhes pa ni oM badzra tIk+Sh+Na zhes pa la sogs pa gsang sngags rgyal po drug ldan no/ /'dir rgyal po'i sgra'i tshig la ma yin par don la rton pa nyid kyis rgyal po'i sgra don rtogs par bya'o/ /tshig la rton pa kha cig rgyal po'i sgra'i so sor sbyor bar byed de/ rgyal po rjes su yang dag ldan/ /zhes rjes su'i sgra'o zhes rtogs par byed do/ /gnyis su med par 'byung ba zhes pa la gnyis su med pa ni sngags kyi tshul la stong pa nyid dang snying rje dbyer med pa'i shes rab dang thabs kyi rang bzhin gnyis su med pa'i ting nge 'dzin las yang dag par byung ba bde ba chen po'i rang gi ngo bo'o//pha rol tu phyin pa'i tshul la ni bdag dang bdag gi gzung ba dang 'dzin pa la sogs pa'i yid kyi g.yo ba mtha' dag dang bral ba chos thams cad bdag med pa'i rang bzhin ngo bo nyid kyi sku dang gcig pa'i sems ni der brjod de don gyi sgo nas a bir+b+ha wat+ya smA di ti gnyis su med par 'byung ba'o//de'i phyir skye ba med pa'i chos brjod par bya ba nyid kyis 'di la yod pas mi skye chos can no/ /chos thams cad skye ba med pa de yang lung dang rigs pa las nges par bya ste/ de la re zhig lung ni dgongs pa nges par 'grel pa las gsungs te/de yang mtshan nyid ngo bo nyid med pa nyid dang skye ba ngo bo nyid dang / don dam pa ngo bo nyid med pa nyid la dgongs nas ngas chos thams cad dngos po med pa skye ba med pa/ 'gag pa med pa/ gzod ma nas zhi ba/ chos thams cad rang bzhin gyis mya ngan las 'das pa'o zhes gsungs so//de la mtshan nyid ngo bo nyid med pa gang zhe na/ kun brtags pa'i mtshan nyid gang yin pa'o/ /de ci'i phyir zhe na/ 'di ltar de ni ming dang brdar rnam par gzhag pa'i mtshan nyid yin gyi/ rang gi mtshan nyid kyi ni ma yin te/ phung po dang khams la sogs pa 'dus byas dang 'dus ma byas rnams rang gi mtshan nyid dang spyi'i mtshan nyid stong pa yin pa'i phyir mtshan nyid ngo bo nyid med pa zhes bya'o//skye ba ngo bo nyid med pa gang zhe na/ chos rnams kyi gzhan gyi dbang gi mtshan nyid do/ /de ci'i phyir zhe na/ 'di ltar de ni rkyen gzhan gyi stobs kyis 'byung ba yin gyi bdag nyid kyis ni ma yin te/gang yang rang nyid med pa de ni skye ba med de/ skye ba med pa la ni ngo bo nyid med pas de'i phyir de ni skye ba ngo bo nyid med pa zhes bya'o/ /don dam pa ngo bo nyid med pa gang zha na/ chos rnams kyi yongs su grub pa'i mtshan nyid de/ de yang don dam pa ngo bo nyid med pa zhes bya'o//de ci'i phyir zhe na/ chos rnams kyi bdag med pa gang yin pa de ni don dam pa ste/ de yang ngo bo nyid med pas na don dam pa ngo bo nyid med pa zhes bya'o/ /nam mkha'i me tog ji lta ba de lta bu ni mtshan nyid ngo bo nyid med pa'o/ /sgyu ma byas pa ji lta ba de lta bu ni skye ba ngo bo nyid med pa'o/ / nam mkha' gzugs kyi ngo bo nyid med pa tsam dang thams cad du song ba ji lta ba de lta bu ni don dam pa ngo bo nyid med pa ste/ chos bdag med pas rab tu phye ba dang thams cad du song bas so/ /lung 'ba' zhig tu ma zad kyi rigs pas kyang skye ba med pa de bstan par bya ste/ de yang gang gi rang bzhin yod min pa//de ni dngos po med pa ste/ /rgyu dang 'bras bu'i dngos po dag /yod pa min te ci lta zhig /gang zhig rgyu dang 'bras bu yi/ /dngos po yod pa ma yin pa/ /de yi skye ba ji lta bu/ /mo gsham bu sogs ji bzhin no/ /de nyid phyir na dngos rnams kyi/ /rang bzhin yod pa ma yin no//gcig dang du ma la sogs kyi/ /rang bzhin 'ga' yang mi ldan phyir/ /zhes so/ /de ltar yang 'phags pa klu sgrub kyi zhal snga nas/ gcig dang du ma nyi tshe dang / /nyi tshe ma yin 'ga' yang med/ /du ma med cing gcig kyang med/ /med pa nyid kyang yod ma yin/ /zhes so/ / 'o na ji ltar bcom ldan 'das kyis rten cing 'brel bar 'byung ba gsungs she na bden te/ skye ba med pa nyid rtogs pa ni rten cing 'brel bar 'byung bar gsungs so/ /de skad du/ rten nas skyes dang ma skyes par/ /gsungs pa nam mkha'i de nyid rig /ces so/ /yang gsungs pa/ rten cing 'brel 'byung gang yin pa//de yi rang bzhin skye med phyir/ /gang gi rang bzhin skye med pa/ /de yi skye ba zhes bya ci/ /dngos po rang las mi skye zhing / /gzhan dang gnyi ga las kyang min/ /med dang yod med mi 'grub pa/ /de yi 'byung ba gang ci zhig /gsung rab dag las kyang / gang zhig rkyen las skyes pa de ma skyes//de la skye ba'i rang bzhin yod ma yin/ /rkyen la rag las gang de stong par bshad/ /gang gis stong nyid mthong de bag yod yin/ /zhes gsungs so/ /gal te yang 'di skad du/ de bzhin du khas blangs pa'i 'bras bu dang rgyu'i rang bzhin dpal nges par brtag par bya ste/de la rgyu'i rang bzhin las re zhig 'bras bu skye bar byed pa na/ ci'i 'bras bu'i rang bzhin du gyur pa'i rgyu las sam/ gzhan gyi dngos por gyur pa las sam/ gnyi gar gyur pa las sam/ gnyi ga ma yin par gyur pa las yin zhes rnam par rtog pa bzhi'o//de la re zhig 'bras bu'i rang bzhin du gyur pa'i rgyu las ni ma yin te/ 'bras bu skye ba'i 'bras bu'i rang bzhin du gyur pa ni gang gi phyir rgyu dang 'bras bu nyid de'i rang bzhin yin pa'i phyir ro/ /de'i phyir de lta bu'i rang bzhin du grub pa ni 'bras bu'i rang bzhin du gyur pa'i rgyu las de'i rang bzhin nyid kyi 'bras bu mi skye ste 'bras bu med pa'i phyir ro//bdag nyid kyi thob pa'i don gyi bya ba byed pa yang dngos po rnams kyi skye ba'i 'bras bu'o/ /de gnyis ka grub pa'i phyir de las kyang skye na mtha' med par skye bar thal med par thug med du 'gyur ro/ / de la skye ba nyid slar yang de'i bdag nyid du skye ba'i nus pa yod pa ma yin te/ de ltar yang zla ba grags pa'i zhabs kyis gsungs pa/ de phyir phan pa'i dngos po la/ /yon tan 'ga' yang yod ma yin/ /slar yang skye ba nyid skye ba/ /de ltar rigs pa ma yin nyid/ /ces so/ / gzhan las kyang skye ba 'bras bu med de/ gzhan zhes bya ba yang dngos po gnyis la ltos nas bshad pa yin la/ dngos po gnyis pa 'di ni 'bras bu ste/ de yang rgyu yod pa'i dus na ni yod pa ma yin la/ de yod pa'i dus su yang rgyu yod pa ma yin no/ /de gang la ltos nas gzhan nyid du don dam par khas len te/ba lang gi rwa la ltos pa'am/ ri bong gi rwa la ltos nas rta'i rwa'i gzhan pa nyid yod pa ma yin no/ /mngon par 'dod pa'i rgyu mig la sogs pas kyang mngon par 'dod pa'i 'bras bu mig gi rnam par shes pa la sogs pa skyed pa ma yin te/ de skyed pa po las gzhan du gyur pa'i phyir/mngon par 'dod pa ma yin pa'i ra Na Di ka bzhin no/ /de skad du yang / rang gi ngo bo ma byung bar/ /gang zhig gang las gzhan du 'dod/ /ba lang rwa'am mi rwa las/ /rta'i rwa bzhin du 'dod ma yin/ /rkyen gzhan gyis kyang don dam par mig la sogs pas mig gi rnam par shes pa skyed pa ma yin te/gzhan du gyur pas bI ra Na la sogs pa bzhin no/ /gnyis ka las kyang skye bar mi rigs te/ tha dad pa dang tha dad pa ma yin pa'i ngo bo dag phan tshun 'gal bar gnas pa'i mtshan nyid yin pas gcig tu 'dres pa mi srid pa'i phyir ro//gnyi ga ma yin pa'i tshul gyis brjod du med pa'i phyogs kyang rigs pa 'dis nges par dpyad na mi rigs te/ de la brjod du med pa'i rang bzhin ni tha dad pa dang tha dad pa ma yin pa'i rnam par rtog pa las 'das pa'i phyir gang de nyid ni 'di ma yin no zhes bya ba ni de'i gzugs dor ba ste de nyid ni tha dad pa'o//de dgag pa ni tha dad pa ma yin pa/ dngos po rnams rnam pa gzhan gang zhig las 'byung bar 'gyur/ rgyu med pa las kyang skye bar mi rigs te/ rgyu med pa ni gzhan la ltos pa med pa'i phyir rtag tu yod pa'am med par thal bar 'gyur ro/ / ltos pa dang bcas pa'i dngos po rnams ni res 'ga' 'byung ngo zhes pa'i rigs pa las de ltar gsungs so/ /'phags pa klu sgrub kyi zhal snga nas kyis/ bdag las ma yin gzhan las min/ /gnyis las ma yin rgyu med min/ /dngos po gang dag gang na yang / /skye ba gang yang yod ma yin//zhes gsungs pa de la/ bdag las zhes pa ni grangs can pa'o/ /gzhan las zhes bya ba sangs rgyas pa kha cig dang bye brag pa la sogs pa'o/ /gnyig las zhes bya ba dang spyod pa dang gcer bu'o/ /rgyu med par smra ba ni/ 'jig rten rgyang pan pa dang rang bzhin rgyur smra'o/ / ci 'di la dngos po skad cig pa rnams kyi 'bras bu skye ba na ci rgyu 'das pa las skye'am/ ma 'ongs pa dang da ltar byung ba las skyes zhes rnam par brtag pa gsum mo/ /de la re zhig 'das pa las ni ma yin te zhig pa nyid kyis de'i rgyu ma yin pa'i phyir ro/ /ma 'ongs pa las kyang ma yin no//de ni ma skyes pa nyid kyis yang dag par thob pa med pa'i phyir ro/ /da ltar ba las kyang ma yin te/ dngos po'i rang bzhin ma grub pa nyid kyis rgyu ma yin pa'i phyir ro/ /yang na 'das pa dang ma 'ongs pa gnyi ga ni rang bzhin tha dad pa'i phyir ro/ /de yang / phyed kyis grub dang phyed kyis ni//ma grub da ltar byung bar brjod/ /de la gang phyed grub pa de ni 'das pa'o/ /gang ma grub pa de ni ma 'ongs pa'o/ /phyogs gnyi ga tha dad par gyur pa'o/ /de'i phyir skad cig ma gsum pa yang rgyu ma yin pa'i phyir dngos po rnams kyi 'bras bu 'byung ba med do/ / gal te rgyu zhig pa'i dus kyi skad cig ma kho na la 'bras bu 'byung gi sngon dang phyi mar ma yin no zhe na/ rgyu zhig pa 'di ni ci/ rgyu'i rang bzhin kho na ci gnas su smra'am dngos po nyid skad cig mar skyes pa'i chos zhig pa'am/ yang na rgyu zhig pa ci/ de la gal te rgyu'i rang bzhin dag yin na ni cig car ba yin pa'i phyir de ni mi 'dod de/des na rgyu zhig pa'i gtan tshigs de ci lta bu zhig /'bras bu dang ldan pa zhig pa yin na ni rang bzhin med pa'i phyir rang de la med pa zhig pa de'i 'bras bu dang ldan pa skye ba zhes bya ba ni med do/ /da ni 'bras bu'i rang bzhin la dpyad par bya ste/'bras bu rnams skye ba na ci/ 'bras bu med pa nyid skye'am/ 'on te med pa'am/ yod med dam/ de las gzhan pa zhig ces rnam par brtag pa bzhi'o/ /de la re zhig yod pa ni mi skye ste de yod pa'i phyir ro/ /de gal te skye na skyes pa yang yang skye'o/ /med pa yang mi skye ste bong bu la rwa skyes pa mi 'thad pa'i phyir ro//gal te de ltar gyur na thams cad rgyu gcig tu gyur pa'i phyir gang zhig gang las skyes pa'i rgyu dang 'bras bu'i nges pa dag med par 'gyur ro/ /des na dngos po rnams kyi nus pa so sor nges pa'i phyir 'bras bu skyed pa po so sor nges pa de'i phyir thams cad las thams cad 'byung ngo zhe na/'o na nus pa de rkyen las tha dad pa'am/ tha dad ma yin/ gal te tha dad yin pa las skye na de'i tshe rkyen ci/ de nyid skye na tha dad pa ma yin pa de'i tshe nus pa tsam mam rkyen tsam du 'gyur ro/ /nus pa tsam skyed pa po yin na de kho na skyon yin no//'on te nus pa dang ldan pa'i phyir rkyen nyid skye ba po zhe na ma yin te/ de ji snyed ldan yang ga la rigs/ rigs pa gzhan gyis so zhe na/ gnas skabs ma yin pa'i phyir ro/ /de'i phyir nus pa la brtag pa 'dis 'bras bu yod pa mi skye zhing / yod med kyi phyogs la gsungs pa'i skyon du thal bar 'gyur ba'i phyir gnyi ga las kyang skye ba med do//yod pa dang med pa dag ni phan tshun 'gal ba'i phyir gcig tu yod pa ma yin la/ yod pa dang med pa rang bzhin tha dad pa'i phyogs kyang yod pa ma yin pa'i phyir cha med pa kho na'o/ /de skad du yang rkyen brtag pa las/gang tshe chos ni yod pa dang / /med dang yod med mi grub pa/ /ji ltar sgrub byed rgyu zhes bya/ /de ltar yin na mi rigs so/ /zhes gsungs so/ /dbang phyug la sogs pa'i byed pa po du ma dang byed pa po gcig tu smra ba ni/ rtag tu rim pa dang cig car dag las zhes pa la sogs pas tshad ma yin pa thams cad rnam par bcom pa nyid do//tshogs pa tsam kho na'i rim pas 'bras bu skye bar mthong bas de'i phyir gang gi tshe dngos po rnams kyi skye ba la ji lta ji ltar rnam par dpyad pa de lta de ltar brtag mi bzod do/ /'o na mngon sum du rigs pa'i skye ba 'di la gnod pa ci lta bu zhe na/bden te de lta mod kyi nges pa'i thabs gang zhig yod de/ gang gi phyir mngon sum dang rjes su dpag pas bsgrubs nas rgyu dang 'bras bu'i dngos por brjod par bya'o zhe'o/ /mngon sum dang rjes su dpag pa yang rnam pa dang bcas pa dang rnam pa med pa dag bsdus pa nyid du 'dzin par byed pa ni mi rigs te/de la rnam pa med pa'i phyogs la ni re zhig yul byas pa'i snang ba dang bral na don du 'dzin pa'i dngos po med pas 'dis shes so zhes rnam par gzhag pa mi rigs so/ /rnam pa dang bcas pa'i phyogs la yang rnam pa'i don med pa la yang rmi lam la sogs pa'i rkyen rnams la dngos por gyur pas khyab pa med de/ri mi'i rnam pa sbom po dang gcig pa ste rnam par shes pa med par mtshungs pa nyid pas mi rigs so/ /de skad du/ shes pas yul ni 'dzin pa yi/ /rnam pa med pa'ang mi rigs te//rnam pa tshad ni med pa'i phyir/ /cig shos kyang ni rigs ma yin/ /zhes so/ /de ltar na shes pas thabs gzhan mngon sum dang rjes su dpag pa nyid du gyur dang 'bras bu nyid du grub par thabs gzhan rnam par dpyad pa yang de lta ma yin pa nyid do/ /de la 'dir tshig gi bdag pos skye ba med pa'i chos brjod byar byed pa nyid kyis 'di la yod pas skye ba med pa'i chos can gyi tshigs su bcad pa'o//chos thams cad tshig gi bdag po 'di yis zhes de ltar rtogs par bya'o/ /de yang de bzhin gshegs pa thams cad kyi ye shes kyi rang bzhin gyi sku can bcom ldan 'das te/chos thams cad kyi rang bzhin gyi bdag nyid can yin pa'i phyir ro/ /de ltar yang dbu ma las gsungs pa/ de bzhin gshegs pa'i rang bzhin gang / /de ni gang 'di'i rang bzhin yin/ /de bzhin gshegs pa rang bzhin med/ /'gro ba 'di yi rang bzhin med//ces so/ /bcom ldan 'das kyis kyang gsungs pa/ rtag ste skye med chos ni de bzhin gshegs/ /chos rnams kun kyang bde bar gshegs dang mtshungs/ /byis pa'i blo can mtshan mar 'dzin pa rnams/ /'jig rten dag na med pa'i chos la spyod/ /ces so/ /skye ba med pa'i chos can zhes pa ni nye bar mtshon pa ste/'gag pa med pa'i chos can zhes kyang thos par 'gyur te/ skye ba mngon du song ba las 'gag pa'o/ /de skad du yang / gang tshe chos rnams thams cad kyi/ /skye ba 'thad par mi 'gyur la/ /de tshe chos rnams thams cad kyi/ / 'gag pa 'thad par mi 'gyur ro/ /zhes so/ /skye ba dang 'gag pa med pa'i phyir chos thams cad kyi gnas pa yang don dam par med par bcom ldan 'das kyis gsungs so/ /chos thams cad mtshan nyid gsum du gnas pa'i phyir de la ma stos pa'i rga shi la sogs pa yang med do//de med pa'i phyir 'dus byas la sogs pa thams cad kyang med par gsungs so/ /de ltar gyur na skye ba la sogs pa'i tha snyad yod pa 'di ci zhe na bden te/ 'on kyang sgyu ma la sogs pa bzhin du 'gyur te/ de yang sgyu ma bzhin du dngos po rnams don dam par skye ba med kyang tha snyad du skye ba la sogs pa ji lta ba de ltar thams cad du rig par bya'o//de ltar/ rmi lam ji bzhin sgyu ma bzhin/ /dri za'i grong khyer ji bzhin du/ /de bzhin skye dang de bzhin gnas/ /de bzhin du ni 'jig par brjod/ /ces so/ /gang de ltar yang med par gyur pa de la ni/ 'dir gnyis su med pa'i rang bzhin dang de las gzhan pa'ang ci yang yod pa ma yin no//des na 'di khong du chud cing rig par srid pa gsum gyi dngos po ma lus pa so sor snang ba dang bral ba zhes bya ba'i don to/ /de ltar sgyu ma lta bu'i chos kyi de kho na nyid yongs su shes pa'i phyir/ rgyud dag par gyur pa'i so so'i skye bo rnams kyang thos pa dang bsam pa dang bsgom pa la sogs pa'i rim gyis shes rab phul du byung bar gyur te/shes rab kyi 'khor lo bsgom pa la nye bar brtson pa rnams kyi phyir/ gsang sngags kyi rgyal po drug dang ldan pa'i a yig la sogs pa'i tshigs su bcad pa gsungs pa/a A zhes pa la sogs pa ste/ thams cad kyi byang chub kyi sems kyi mchog par byed pa'i dbyangs bcu gnyis kyis ni ka yig la sogs pa'i ngo bo sum cu rtsa bzhi gsal bar byed pa ste/ chos thams cad skye ba med pa nyid yongs su snang bar byed pa'o//de rnams dang yang dag par ldan pa'i gsang sngags kyi lha rnams ni shes rab kyi 'khor lor bsgom par bya ste/ thabs dang shes rab gnyis su med pa'i ye shes 'byung ba'i rgyur gyur pa'i phyir zhes pa nges pa'o/ /de la sa dang pha rol tu phyin pa'i nges pa so sor rtogs par bya ba'i don du dbyangs bcu gnyis bcom ldan 'das kyis gsungs so//de yang pha rol tu phyin pa bcu gnyis la goms pa rab kyi mthar phyin pa na rnam par smin par gyur pa'i sems kyi khyad par bcu gnyis ni sa rnams te lung las bklag par bya'o/ /de la a zhes bya ba ni skye ba med pa la sogs pa don dam pa byang chub kyi sems rnam par thar pa'i sems kyi rang bzhin mos pas spyod pa'i sa ste/byang chub kyi sems rnam par dag pa so sor rtogs par byed cing rin chen pad+ma'i pha rol tu phyin pa yang mtshon par byed pa'o/ / A zhes bya ba ni chos dang zang zing dang mi 'jigs pa'i mtshan nyid can sbyin pa'i pha rol tu phyin pa rab kyi mthar phyin pa gsal bar byed cing rab tu dga' ba'i sa mtshon par yang byed do/ /i zhes bya ba ni skye ba'i rtog pa dang bral ba'i phyir sdom pa dang chos yang dag par sdud pa dang sems can gyi don byed pa'i mtshan nyid can tshul khrims kyi phra rol tu phyin pa la lhag par spyod pa gsal bar byed cing dri ma med pa'i sa mtshon par yang byed do//I zhes bya ba ni 'di'i yan lag dang nying lag bcad kyang bzod par byed pas sdug bsngal la ji mi snyam pa dang gzhan gyis gnod pa byas pa la bzod pa dang chos la nges par sems pa'i mtshan nyid can gyi bzod pa'i pha rol tu phyin pa la lhag par spyod pa gsal bar byed cing 'od byed pa'i sa mtshon par yang byed do//u zhes bya ba ni lus dang ngag dang sems kyi rigs kyi chos tshogs rab tu sgrub pa dang / sems can gyi don gyis rjes su bcings pa dang /sangs rgyas zhing yongs su sbyong ba ste/ rnam pa gsum la spro ba'i mtshan nyid can gyi brtson 'grus kyi pha rol tu phyin pa la lhag par spyod pa gsal bar byed cing 'od 'phro ba can gyi sa mtshon par yang byed do/ /U zhes bya ba ni chos thams cad lhag pa dang chad pa med pa'i phyir ro//skyon dang bral ba dang / gnas par byed pa dang / rnam par 'byor pa'i mtshan nyid rnam pa gsum dang ldan pa'i bsam gtan gyi pha rol tu phyin pa la lhag par spyod pa gsal bar byed cing shin tu sbyang dka' ba'i sa yang mtshon par byed do/ /e zhes bya ba ni mtha' gcig tu rnyog pa mtha' dag dang bral ba'i phyir chos thams cad ni zhi ba'o zhes khong du chud de/thos pa dang bsams pa dang bsgoms pa las byung ba'i shes rab rnam pa gsum la lhag par spyod pa gsal bar byed cing mngon du gyur pa'i sa yang mtshon par byed do/ / i zhes bya ba ni mtha' gcig tu lhun gyis grub cing rnam par mi rtog pa'i dbyings la 'jug pa'i phyir rang gi skyon spong ba dang / sems can gyi don la 'jug pa dang / myur du mngon par byang chub par byed pa'i mtshan nyid rnam gsum dang ldan pa'i thabs kyi pha rol tu phyin pa la lhag par spyod pa rab tu rtogs par byed cing ring du song ba'i sa yang mtshon par byed do//o yig ni rnam par rtog pa'i chu bo las rgal ba nyid kyi tshogs rab tu sgrub pa dang / sems can gyi don byed pa dang / sangs rgyas kyi zhing yongs su sbyong ba ste mtshan nyid rnam pa gsum dang ldan pa'i smon lam gyi pha rol tu phyin pa la lhag pa nas mngon par gsal bar byed cing mi g.yo ba'i sa mtshon par yang byed do//au yig ni dpe las 'das pa'i chos can smra ba po nyid kyis las zlog par byed pa dang nyon mongs pa spong bar byed pa dang bdud dang phas kyi rgol ba zlog par byed pa'i mtshan nyid rnam pa gsum dang ldan pa'i stobs kyi pha rol tu phyin pa la lhag par spyod pa nyid 'chad par byed cing sa legs pa'i blo gros mtshon par yang byed do//aM zhes bya ba ni byang chub sems dpa'i sa'i mthar son pa nyid kyis rnam par rtog pa med pa dang rnam par rtog pa med pa'i mnyam pa nyid khong du chud pa dang /sems can gyi don bya ba'i thabs la lkog tu ma gyur pa'i mtshan nyid rnam pa gsum dang ldan pa'i ye shes kyi pha rol tu phyin pa rab kyi mthar son pa nyid rnam par 'byed par byed cing chos kyi sprin gyis mtshon par yang byed do//aHzhes bya ba ni rnam pa thams cad mkhyen pa nyid kyi ye shes snang ba'i ngo bo g.yo ba med cing mi phyed pa gnyis su med pa'i de bzhin nyid kyi bdag nyid can de bzhin gshegs pa'i rang bzhin rdo rje las kyi pha rol tu phyin pa rab kyi mthar son pa lhag par rtogs pa nyid kyis bya ba byas pa'i phyir sems can gyi don gyi bya ba mtha' dag la lhun gyis grub pas gsal bar 'jug pa dang /kun du 'od sangs rgyas kyi sa mtshon par yang byed pa yin no/ /pha rol tu phyin pa bcu gnyis dang sa bcu gnyis po rnams kyang dbyangs kyi yi ge bcu gnyis pos gsal bar byed pa'i shes rab kyi 'khor lor kun nas phyi'i mu khyud thams cad la ste/de yang phyi rol du ni ka la sogs pa nas k+Sha'i mthar thug par sbyar ro/ /de la 'khor lo rtsibs drug pa'i lte ba la muHoM zhes pa yi ge gsum mo/ /shar la sogs pa'i rtsibs rnams la g.yas skor gyis badzra tIk+Sh+Na la sogs pa'i gsang sngags drug sbyar bar bya'o//thams cad kyang kha dog dkar po lus thams cad snang bar byed pa snying gar zla ba'i dkyil 'khor gyi steng du bsam par bya'o/ /rtsibs bcu gnyis pa'i 'khor lo'i lte ba'i dbus su oM/ de nas mdun du hUM/ rgyab tu hrIHg.yas su aM/ g.yon du aHzhes bya'o/ /shar la sogs pa'i rtsibs rnams su rim pas/ badzra tIk+Sh+NA ya/ duHkha ts+tshe dA ya/ pradz+nyA ya/ dz+nyA na kA yA ya/ wA gI shwa rA ya/ a ra pa tsa nA ya/ bA ra dA badzrA ya/ shU n+ya tA gar+b+hA ya/ ga ga nod+d+ha bA ya/ dz+nyA na sam+b+ha wA ya/ bud+d+ha sam+b+hA ya/ d+harma d+hA tu wA gI shwa rA ya zhes pa sngags bcu gnyis po'i dang por oM yig dang na maHzhes bya ba mthar bsam par bya ste/ 'khor lo de rnams kyang de bzhin gshegs pa lnga'i snying po can sa bcu gnyis dang pha rol tu phyin pa bcu gnyis dang rten cing 'brel bar 'byung ba yan lag bcu gnyis te/sangs rgyas kyi yon tan thams cad bsags pa rnam pa thams cad mkhyen pa nyid kyi ye shes snang ba'i ngo bo de snying gar zla ba'i steng du rnam par bsams la/ de las byung ba'i dkar po dang dmar po la sogs pa'i 'od kyi tshogs 'phro zhing 'thon pa rnams kyis lus kyi nang snang bar byas nas phyi rol du 'thon te mtha' yas pa'i nam mkha'i khong na gnas pa'i brtan pa dang g.yo ba'i dngos po mtha' dag rab tu gsal bar snang bar byas te/shes bya'i dkyil 'khor mtha' dag dri ma med pa'i me long gi dkyil 'khor lta bur shin tu 'od gsal ba bdag nyid du bsgoms pas myur ba nyid du thams cad mkhyen pa nyid du thob par 'gyur ro//de bzhin du/ s+thi to hr-i di dz+nyA na mUr+t+ti ra haM bud+d+ho bud+d+hA nAM/ t+yad+h+wa war+t+ta niM/ zhes pa ni dus gsum pa'i ye shes snang ba'i rang bzhin nyid kyis thams cad la khyab pa'i phyir sems can thams cad kyi snying la gnas pa zhes bya ba'i don to//rtsibs brgyad pa'i 'khor lo'i lte ba la oM/ shar la sogs pa'i phyogs rnams bu/ ba/ dzra/ tI/ k+Sh+Na/ me la sogs pa'i mtshams rnams su/ wA/ gI/ shwa/ rA/ yang rtsibs brgyad pa'i 'khor lo'i lte ba la/ khaM/ phyogs rnams su/ duH/ kha/ ts+tshe/ dA/ phyogs bral rnams su/ ma/ hA/ wA/ tsa/ yang rtsibs brgyad pa'i 'khor lo'i lte ba la d+hI/ phyogs rnams su/ pra/ dz+nyA/ dz+nyA/ na/ mtshams rnams su/ a/ na/ n+ta/ gI/ yang rtsibs brgyad pa'i 'khor lo'i lte ba la oM/ phyogs rnams su/ dz+nyA/ na/ kA/ ya/ phyogs bral rnams su/ ma/ hA/ wA/ dI/ yang rtsibs brgyad pa'i 'khor lo'i lte ba la/ aHphyogs rnams su/ wA/ gI/ shwa/ ra/ mtshams rnams su/ wa/ di/ si/ haM/ yang rtsibs brgyad pa'i 'khor lo'i lte ba la/ a/ phyogs rnams su/ ra/ pa/ tsa/ na/ phyogs bral rnams su/ wa/ tsa/ spa/ ti/ rtsibs brgyad pa'i 'khor lo drug po de rnams su yi ge yod pa de rnams ni shes rab lhag par bskyed pa'i phyir kha dog dkar por bsgom par bya'o// //da ni gsol ba btab pa'i de ma thag tu de legs par bstan par bya'o zhes pa la sogs pas mtshan gyi rang gi ngo bo'i don yang dag par brjod pa'i phyir/bcom ldan 'das kyis bden pa gnyis la brten te sgyu ma'i chos kyi nye bar bzung nas gsungs pa ni/ 'di ltar zhes bya ba la sogs pa ste/ 'di ltar gyi sgra ni kun du 'byung bar ston pa'o//yang na lan gyi skabs su zhal gyis bzhes pa gang yin pa de/ de nges par bstan par bya'i zhes pa ste de ni sgra'i rim pa'i don to/ /de nyid gsungs pa/ bcom ldan zhes pa la sogs pa ste/ sangs rgyas a yig las byung zhes pa tshig gi don to/ / ci nyan thos la sogs pa'i sangs rgyas yin nam zhes gsungs pa rdzogs pa'i sangs rgyas zhes pa ste/ yang dag par rdzogs pa'i sangs rgyas zhes pa'i don to/ /de nyid gsungs pa/ bcom ldan zhes pa ste/ ji skad du/ ji ltar rgyal bas dbang phyug sogs/ /thams cad 'dul zhing 'joms mdzad pa//de bzhin 'dir yang shes bya ste/ /des na 'di ni bcom ldan brjod/ /ces so/ /de la rgyal ba zhes pa ni yang dag par rdzogs pa'i sangs rgyas zhes pa'i don to/ /yang na phung po la sogs pa bdud bzhi bcom pa dang ldan pas bcom ldan no//na yig phyis pa ni nges pa'i tshig las so/ /dngos po'i de kho na nyid ji ltar gnas pa rtogs pa dang ldan pas sangs rgyas so/ /rnam pa thams cad rnam pa med par yang dag par rtogs pa dang ldan pas rdzogs pa'i sangs rgyas te/ byed pa po nyid kyi phyir ni Sh+Shi'i rkyen can no//de yang 'phags pa klu sgrub kyi zhal snga nas bu d+hi la byed pa po nyid la niSh+ThA rab tu 'gyur bar gsungs te/ rtag pa dang ni chad pa bral/ /mtshon bya dang ni mtshan nyid spangs/ /gtso bos rmi lam sgyu sogs bzhin/ /'khor ba nges par rtogs pa lags/ /zhes so/ / a zhes bya ba ni ma skyes pa'i phyir chos thams cad kyi sgo'o zhes pa la sogs pas dngos po'i chos rnams skye ba med pa gnyis su med pa'i ye shes kyi rang bzhin shes rab kyi pha rol tu phyin pa'i sa bon las a yig mi 'gyur ba nyid rdzogs pa'i phyir kun rdzob tu a yig las byung ba'o/ /don dam par ni chos kyi dbyings kyi rang bzhin gyi bcom ldan 'das a yig las ma byung ba nyid du byung bar shes par bya zhing /des nye bar mtshon nas chos thams cad kyang a yig las byung ba'o zhes rtogs par bya ste/ de rnams kyang de'i rang bzhin yin pa'i phyir ro/ /ji skad du/ de bzhin gshegs pa'i rang bzhin gang //'gro ba de yi rang bzhin de/ /zhes pa la sogs pa'o/ /de yi ge du ma las byung yang a yig gtso bor byas pa'i phyir gsungs pa/ a yig ces pa la sogs pa ste/ ci ltar yig 'bru kun gyi mchog yin zhe na gsungs pa/ yi ge dam pa zhes pa ste/'di thams cad las phul du byung ba'i phyir dam pa'o/ /chos kyi dbyings mi 'gyur ba'i rang bzhin yin pa'i phyir yi ge'o/ /'gyur ba med pa'i mchog chos kyi sku la de ltar bshad do/ /de las kyang sems can gyi phung po chen po'i don 'byung bas na don chen te/ don chen po yang yin la chos kyi sku bdag por gyur ba nyid kyang yin pas sems can rnams kyi don phun sum tshogs pa'o/ /de nyid kyang / 'gro rnams zhi ba'i las rnams ni/ /zhes pa la sogs pa mgon po byams pas mngon par rtogs pa'i rgyan du rgya cher gsungs te/ chos kyi sku yi phrin las ni//rnam pa nyi shu bdun du bzhed/ /ces pa phrin las rnam pa nyi shu rtsa bdun po de yang rtogs par bya ste/ 'dir ni mangs pas 'jigs pa'i phyir mi bri'o/ /don chen po de gsal bar byed pa'i phyir a yig kyang don chen po'o/ /sngags kyi tshul la ni a yig ces pa mi bskyod pa dang 'od dpag med do//kha dog kun gyi mchog ces pa la/ dkar po dang nag po la sogs pa'i kha dog thams cad kyi mchog ni sna tshogs yin pa'i phyir kha dog kun gyi mchog ni don yod grub pa'o/ /don chen ni rin chen 'byung ldan te/ sems can thams cad kyi don chen po gang las byung ba'i yid bzhin gyi nor bu rin po che 'chang ba ni rin chen 'byung ldan yin pa'i phyir zhes pa'o//yi ge dam pa zhes pa ni rnam par snang mdzad de/ de bzhin gshegs pa thams cad kyi sku rdo rje'i rang bzhin nyid kyis yi ge med pas na zhes sbyar te sangs rgyas lnga'i bdag nyid can no//de nyid ces pa sbyar te/ de nyid srog chags rnams kyi srog /de nyid mchog tu mi 'gyur ba/ /de nyid kun la khyab pa po/ /de ni lus can kun la gnas/ /zhes pa'i rigs pas kun la gnas zhes pa'i rigs pas gnyis su med pa'i nges shes kyi rang bzhin nyid kyi srog chen po'o//sngar gsungs pa'i rigs pas gdod ma nas ma skyes pa'i phyir a yig ni skye ba med pa yin la/ de las byung ba'i phyir bcom ldan 'das kyang skye ba med pa'o/ /de nyid kyis na/ dngos med las byung khyod la 'dud/ /ces pa'o/ / de ltar skye ba med pa la gnas pa dang 'gro ba dang 'ong ba rnams zad cing bral te rnam par rtog pas rnam par dbyer du med pa'i phyir tshig tu brjod pa spangs pa'o/ /de lta na yang / sems can bsam pa'i dbang gis na/ /de la bdag po yod min yang / /ji ltar 'dod pa rtsig pa sogs//rnam las kyang ni chos ston 'byung / /zhes pa'i rig pas so/ /brjod pa kun gyi rgyu'i mchog ste rang bzhin la sogs pa'i tshul lugs mngon par brjod pa rnams kyi rgyur gyur pa yang yin la/ gtso bor gyur pas mchog kyang yin te rje btsun ni brjod pa kun gyi rgyu'i mchog ste 'bras bu'i rang bzhin nyid du gsungs pa'o//tshig kun zhes pa la sogs pa la/ 'gro ba drug gi sems can dang 'brel pa'i phyir kun kyang yin la gsung rdo rje'i rang bzhin yang yin pa'i tshig ces pa ni tshig kun no/ /rang bzhin gyis yongs su dag pa'i shes rab kyi snang ba thams cad du 'phro ba'i phyir rab tu gsal bar byed pa'o//yang na tshig kun ni lha dang klu dang gnod sbyin dang srin po la sogs pa'i skad rnams kyis chos yongs su ston pa'i phyir 'phro bar byed pas na shin tu gsal ba'i ngang tshul dang ldan pa'i phyir/ tshig kun rab tu gsal bar byed/ /ces tshig gcig tu bya'o//gang srog chen po zhes pa a yig las byung ba nyid du 'ga' zhig 'chad par byed pa de ni ma yin te/ yang dag ces pas gzhan pa'o/ /gang gi phyir bcom ldan 'das a yig las byung bar bstan pa de ltar rje btsun la yang thos so zhes so/ /da ni nyon mongs pa'i bdag nyid kyang bcom ldan 'das kyis byang chub sems kyi yan lag nyid kyis bdag nyid chen por ston par mdzad pa ni mchod pa chen po zhes pa la sogs pa ste/mchod pa'i sgra ni spro ba'i don to/ /de yang dga' ston la rang gi 'dod pa bzhin 'jug pa ste/ ji ltar 'dod pa 'phel zhing rgyas pa nyid do zhes pa'i bar ro//mchod pa chen po gang yin pa de yang 'di yin la 'dod chags chen po yang yin pas na mchod pa chen po 'dod chags che'o/ /mthar phyin pa'i 'dod chags kyi pha rol tu phyin pa thob pa nyid ni 'dod chags chen po zhes pa'i don to/ /'o na lha chen po yang 'dod chags chen po yin te/de'i lha'i lo stong du 'khrig pa chen po bsten pa la zhugs pa'i phyir ro/ /des na mngon par rtogs pa 'di ci zhe na gsungs pa/ sems can thams cad ces pa la sogs pa ste sems can thams cad 'khor ba'i rgyur gyur pa'i gzugs dang bcas pa'i dga' ba las phyung nas/zag pa med pa rgyun mi 'chad cing phul du byung ba'i mchog tu dga' ba'i rang bzhin gyis dga' bar byed pas na/ sems can thams cad dga' bar byed pa'o/ /lha chen po ni de lta bu ma yin te dga' ba skyed pa'i de kho na nyid yongs su ma shes pa'i phyir ro//gau rI gcig pu yang dga' bar byed ma nus zhes pa'o/ /'dis ni 'di skad ston par yang 'gyur te/ cig car 'jig rten gyi khams mtha' yas pa'i rdul phra rab so sor gnas pa'i dkyil 'khor gyi 'khor lo'i nang du chud pa'i mchod pa chen po'i bkod pa'i rang bzhin spyan ma la sogs pa'i lha mo'i chu skyes su yang dag par zhugs pa'i rdo rje kun du reg pa las skyes pa rgyun mi 'chad cing mchog tu dga' ba'i bde ba chen pos dga' bar byed pas na/mchod pa chen po 'dod chags che/ /sems can thams cad dga' bar byed/ /ces so/ /de la sems can thams cad dbang du byed pa zhes bya ba'i ting nge 'dzin ni dang por stong pa nyid bsgom pa sngon du 'gro bas zla ba'i dkyil 'khor gyi steng du ho yig las byung ba'i mda' las grub pa bdag nyid 'dod chags chen po'i gzugs dmar ser sgeg pa'i nyams dang /ldan pa/ rol pa'i stobs kyis gnas pa/zhal bzhi pa/ phyag brgyad pa/ zhal dang po dmar ser/ g.yas pa gur gum ltar dmar ba/ rgyab zhal pad+ma ltar dmar ba/ g.yon pa dmar ser/ phyag gnyis na mda' dang gzhu bsnams pa/ gzhan pa gnyis kyis zhags pa dang lcags kyu 'dzin pa/ de bzhin du gzhan gnyis kyis shes rab kyi pha rol tu phyin pa'i glegs bam dang ral gri 'dzin pa/yang gzhan gnyis kyis rdo rje dang dril bu 'dzin pa rnam par bsams la/ cod pan gyi rtse bran las byung ba'i 'od zer rnams steng du song ste snang bar byed pas shas cher chags shing las kyis 'dud par yang dag par blta bar bya zhing /de bzhin du shar dang lho dang nub dang byang dang 'og gi phyogs rnam par gnas pa rnams la zhal dang po dang gnyis pa dang gsum pa dang bzhi pa dang zhabs kyi 'od zer rnams kyis kun du gang zhing rjes su gang bar byas nas/ rang gi dbang du gyur pa las bzhag par yid kyis bsams nas/bar bar du sngags bzlas par byas te de la sngags ni 'di yin no/ /oM ma hA rA ga badzra rA ga ya sar+b+ba satwA na ho/ de las nges pa'i sems can thams cad dbang du 'gyur ro zhes nges pa'i blo dang ldan pas rje btsun 'jam dpal gyi 'dod chags chen po'i sku bsgom par bya'o//yang na mchod pa zhes pa shes rab dang gnyis su med pa'i ye shes kyi rang bzhin no/ /chen por gyur pas na chen po gang yin pa de ni mchod pa chen po'o/ /sems can thams cad kun du zhen pa chen po las mngon par 'byin pa'i mtshan nyid can gyi snying rjes kun du chags pa gang yin pa de ni 'dod chags chen po'o//mchod pa chen po gang 'di yin la 'dod chags chen po yang yin pas de ltar bshad de/ 'dod chags chen pos nye bar chags pa snying rje dang shes rab kyi rang bzhin gyi sku zhes pa'i don to//de'i phyir/ sems can thams cad dga' bar byed/ /ces pa nye bar thob po/ /de bzhin du/ mchod pa chen po zhe sdang che/ /zhes pa la sogs pa 'chad par 'gyur ba bshad par bya zhing khyad par dag kyang brjod par bya'o/ /zhe sdang che ni khyab 'jug ste/ de yang zhe sdang gi dbang du gyur pas lha ma yin thams cad gsod par byed pas rang gi sems kyi nyon mongs pa med par ni bya mi nus so//rje btsun ni/ mchod pa chen po zhe sdang che ba yin pa'i phyir gzhan gyi rgyud du gtogs pa'i nyon mongs pa kun gyi dgra chen po'o/ /de la zhe sdang ni snying rje chen po mi bskyod pa'i gzugs can gyi rje btsun rdo rje rnon po yin te/nyi ma'i dkyil 'khor gyi steng du hUM yig las skyes pa'i rdo rje las byung ba'i sku mdog nag po zhal bzhi phyag brgyad pa/ zhal dang po khro ba dang bcas shing sgeg pa nag po'o/ /g.yas pa drag po ste zhal gdangs pa ser po'o//g.yon pa 'jigs su rung ba ste mche bas ma mchu'i sgros mnan pa sngo bsangs so/ /rgyab zhal dpa' ba ste gdug pa can skrag par byed pa dmar po'o/ /phyag g.yas pa rnams na ral gri dang rdo rje dang mda' dang lcags kyu bsnams pa/ g.yon pa rnams kyis gdug pa sdigs par byed pa dang dril bu dang gzhu dang zhags pa bsnams pa/g.yon brkyang ba'i gnas pas bzhugs pa/ ba spu'i khung bu thams cad nas nges par 'thon pa'i rdo rje me ltar 'bar ba'i rtse mo rnams kun du 'bar bas khams gsum pa mes bkru ba'i gos bzhin du rnam par sbyangs nas sangs rgyas kyi byang chub la nges par sbyar bar bsgom par bya'o//gti mug che ba ni tshangs pa ste/ gti mug las skyes pa ste srog chags la 'tsho ba dang ldan pa'i mchod sbyin nye bar bstan pa'o/ /bcom ldan 'das gsung gi dbang phyug ni snga ma bzhin du mchod pa chen po gti mug che ba ste/rnam par dpyad na chos thams cad rang bzhin med par ma rtogs pa'i ngo bo de ltar gyur pa ni gti mug gi rang bzhin yin pa'i phyir gti mug gi blo'o/ /gti mug sel ba ni mi shes pa dang log par shes pa'i gti mug phyin ci log tu zhugs pa'i blo gang yin pa de chos bdag med par khong du chud cing sel bar byed cing zad par byed pas na gti mug blo ste gti mug sel ba'o//gti mug blo zhes klog par gyur ba la khyad par ni chos thams cad rtogs pa ni gti mug blo ste gti mug sel ba nyid do/ /de yang rnam par snang mdzad chen po zla ba'i dkyil 'khor gyi steng du oM yig las skyes pa'i 'khor lo las grub pa gser gyi mdog can zhal bzhi phyag brgyad pa/zhal dang po gser mdog /g.yas nag pa/ g.yon ser ba/ rgyab zhal dmar po'o/ /phyag gnyis kyis byang chub mchog gi phyag rgya mdzad pa/ g.yas pa rnams kyis rdo rje dang mda' dang ral gri 'dzin pa/g.yon pa rnams kyis dril bu dang gzhu dang zhags pa 'dzin pa/ rdo rje skyil krung gis bzhugs pa/ ba spu'i bu ga nas 'thon pa'i de bzhin gshegs pa'i 'od zer rnams kyis sems can thams cad kyi rgyud kyi mi shes pa'i mun pa bsal nas sangs rgyas kyi byang chub la gzhag par bsam par bya'o//khro ba che ni nyi ma la sogs pa'i gza' rnams dang klu la sogs pa'i sems can rnams la 'khu ba rnams so/ /bcom ldan 'das rdo rje'i blo ni snga ma bzhin du zag pa med pa'i mchod pa chen po ste/ snying rje chen po rnams kyi khro bo'i rang bzhin yin pa'i phyir khro ba chen po'i sgra'o//de ni sems kyi rgyud du gtogs pa'i zag pa dang bcas pa'i khro ba bag chags dang bcas pa drungs nas 'byin cing 'jigs par byed pa'i phyir de nyid kyang 'di yin la 'jigs byed chen po la sogs pa las phul du byung ba'i phyir chen po'o//khro ba chen po de yang don yod grub pa nyi ma'i steng du hUM yig las skyes pa'i sna tshogs rdo rje las skyes pa zhal bzhi phyag brgyad pa/ zhal dang po mche ba gtsigs pa/ mdog ljang gu g.yas ser po/ g.yon dkar po/ rgyab dmar po/ phyag g.yas pa rnams kyis ral gri dang rdo rje dang mda' dang lcags kyu bsnams pa/g.yon pa rnams kyis gdug pa sdigs par mdzad pa dang dril bu dang gzhu dang zhags pa bsnams pa/ g.yon brkyang ba'i gnas pas bzhugs pa/ ba spu'i khung bu thams cad nas phyung ba'i khro bo 'bar ba rnams kyis sems can thams cad kyi rgyud du gtogs pa'i nyon mongs pa khro ba bag chags dang bcas pa thams cad bsregs nas sangs rgyas kyi byang chub la rab tu bzhag par bsam par bya'o//de bzhin du nga dang nga yi zhes bya ba dang bdag dang bdag gir gang shin tu chags pa'i rang bzhin ni sems can rnams kyi chags pa thams cad do//chags pa bag chags dang bcas pa de thams cad mchod pa chen po chags pa che ba nyid kyis sel bar byed pa ni bcom ldan 'das te/ de nyid kyi phyir 'dir yang chen po zhes sbyar te/ de yang 'di ltar 'gyur te/ chags pa chen po ni rin chen 'byung ldan trAM yig las skyes pa'i rin po che cha brgyad pa las grub pa/zhal bzhi phyag brgyad pa zhal gyi dbye ba ser po dang nag po dang dkar po dang dmar po'o/ /g.yas pa dang cig shos kyi phyag rnams na rdo rje dang ral gri dang mda' dang gzhu lcags kyu dang yid bzhin gyi nor bu'i rgyal mtshan dang dril bu dang gzhu dang zhags pa bsnams pa/rgyal po'i skyil mo krung gis bzhugs pa/ ba spu'i bu ga thams cad nas nges par 'thon pa'i rin chen 'byung ldan gyi sprin rnams kyis sems can rnams kyi bsam pa rdzogs par mdzad cing rin po che la sogs pa'i char phab pas chags pa'i sdug bsngal zhi bar mdzad de/de rnams sangs rgyas nyid la nges par sbyar bar bsam par bya'o/ /'dis ni 'dod chags dang zhe sdang dang gti mug dang khro ba dang chags pa rnams dmigs pa med pa'i brtse ba chen po'i bdag nyid du nye bar bsgyur nas ye shes lnga'i bdag nyid kyi de bzhin gshegs pa lnga'i ngo bo nyid thabs chen po dang ldan pa'i rdo rje 'chang 'jam dpal gyi sku nyid sna tshogs gzugs can don thams cad mdzad pa'o zhes bstan to//'di nyid kyi phyir/ thabs chen rigs pa rnams la ni/ /nyon mongs byang chub yan lag 'gyur/ /'khor ba'ang zhi ba'i bdag nyid pas//de phyir bdag nyid bsam mi khyab/ /ces pa'i gsung las de bzhin gshegs pa nga rgyal gyis sgyu ma lta bur lhag par mos pas 'dod chags la sogs pa bstan pa ni sngags kyi tshul 'gal ba med do zhes bstan to/ /da ni yid kyi chos nyid kyis bcom ldan 'das bsam gyis mi khyab pa'i dpal gyi khyad par bshad par bya ste/'dod pa chen po zhes pa la sogs pa ste/ sems can thams cad sangs rgyas nyid la 'god pa'i bzhed pa gang la yod pa de 'dod pa chen po ste 'dod pa gang yin pa'o/ /yang na sems can thams cad de bzhin gshegs pa'i rang bzhin nyid kyis sangs rgyas kyi rgyur gyur pa'i phyir 'dod pa yang 'di yin la chen po yang 'di yin pas zhes sbyar te/gzugs la sogs pas 'dod pa chen po lnga gang yin pa de 'dod pa chen po'o/ /de'i bdag nyid kyis na bde ba chen po'o/ /yang na gang las sems can rnams las bde ba chen po ste/ji lta ji ltar sems can rnams rab tu 'gro ba de lta de ltar phyi phyir rab tu dga' ba'i rang bzhin gyi phyir dga' ba chen po'o/ /yang na dga' ba chen po gang yin pa de zhes 'byed pa'i tshig rnam par sbyar ro/ /de nyid kyi phyir dga' ba dang yid bde ba chen po'i mtshan nyid 'dzin pa'i rang bzhin gyi phyir mgu ba chen po'o//yang na chen por gyur pa gang yin pa de la de ltar bshad do/ /yang na 'dod pa chen po ni dkyil 'khor gyi bdag po'i rnal 'byor gyis lha mo rnams la 'dod par rol pa'o/ /'di rnams nyid dang lhan cig e ma bde ba'i gnas skabs byang chub sems kyi dbang ni bde ba chen po'i tshul gyis bde ba che'o//aR+ShI da dwI da tsa/ rang nyid dga' ba chen po'i rang bzhin gyi phyir de rnams kyang de'i bdag nyid du gyur pas dga' ba chen po'o/ /dga' ba dang bde ba nyid rgyun mi 'chad cing bar mtshams med pas mgu ba che'o//da ni sku la sogs pa'i sgo nas khyad par du bya ste/ gzugs che zhes pa la sogs pa la gzugs med kyang gzugs kyis 'dul ba'i sems can gyi bsam pa'i don du sprul pa mdzad pa'i phyir thams cad las phul du byung ba'i gzugs kyi rnam pa chen po shin tu mdzes pa yin pa de ni gzugs che ba'o//mtshan dang dpe byad 'bar ba'i sprul pa ni lha la sogs pa rnams las kyang lus che zhing thams cad du khyab pa'i phyir lus che ba'o/ /kha dog med kyang dkar po dang nag po dang dmar po la sogs pa sna tshogs pa'i kha dog gi rang bzhin du snang bar byed pa'i phyir kha dog che ba'o//thams cad zil gyis gnon cing rgyu las mdzes pa'i sku chen po 'phro bar mdzad pas lus bong che ba'o/ /'jig rten gyi khams sna tshogs pa rnams su 'jig rten thams cad dang rjes su mthun pa'i skad dang ming dang brda sna tshogs ston par mdzad pa'i phyir ming che ba'o//shes rab chen po rgya che zhing yangs pa'i phyir rgya che ba'o/ /de nyid 'jig rten gyi khams thams cad du khyab pa'i phyir dkyil 'khor chen po yangs pa'o/ /yang na shes rab kyi 'khor lor sprul pa sna tshogs pa'i dkyil 'khor gyi 'khor lo gang yin pa de/dkyil 'khor chen po yangs pa yin/ /zhes pa'o/ /mtshon cha rnams kyi khyad par ni/ /yang shes rab mtshon chen zhes pa la sogs pa ste chos thams cad nges par 'byed pa'i shes rab chen po de nyid mtshon cha ste nyon mongs pa'i dgra rnams sel zhing 'joms par byed pas na shes rab mtshon chen 'chang ba po//mchog ces kyang sbyar ro/ /yang na shes rab kyang yin la mtshon cha yang yin pas shes rab mtshon cha ste/ de yang chen po yin pas de ltar bshad de/ de 'dzin pas shes rab mtshon chen 'chang ba ste/ shes rab kyi pha rol tu phyin pa'i glegs bam dang ral gri 'dzin pa zhes pa'i don to//nyon mongs chen po ni 'dod chags la sogs pa ste/ 'gro ba zil gyis gnon pa'i phyir ro/ /de rnams glang po chen po bzhin du 'dul ba'i ched du lcags kyu dang chos mthun pa'i phyir ro/ /mchog ces pa gtso bo'o/ /yang na lcags kyu dang ldan pas lcags kyu ste lcags kyus nye bar mtshon pa'i zhags pa yang gzung bar bya ste/des ni glegs bam dang ral gri dang lcags kyu dang zhags pa bsnams pa'i rje btsun rdo rje rnon po ni 'dod pa chen po zhes pa la sogs pa'i khyad par gyis khyad par du byas par blta bar bya'o/ / khyad par de yang gang yin gsungs pa/ grags chen zhes pa la sogs pa ste/ rang dang gzhan gyi sde rnams la rab tu grags pa'i ngo bo nyid grangs ji lta ba bzhin du grags chen dang snyan grags chen po'o/ /nang gi ye shes gsal ba'i ngo bo nyid kyi phyir snang ba che'o/ /phyi rol du 'bar ba dang gsal ba la sogs pa'i cho 'phrul rab tu ston pa'i phyir gsal ba che'o//sprul ba'i sgo nas khyad par du gyur pa gsungs pa/ sgyu 'phrul chen po gyur pa la sogs pa la/ sgyu 'phrul chen po ni gdul bya'i sems can ji lta ba bzhin du rjes su mthun pa'i gzugs su sprul ba ste de 'dzin pa'i phyir de ltar bshad do//mkhas pa zhes bya ba ni de lta bu'i sgyu 'phrul de yang rang bzhin med par mkhyen pa'o/ /de lta na yang sgyu ma'i rang bzhin gyi chos bstan pas sems can de rnams 'dren par mdzad cing sangs rgyas nyid la rab tu 'god pa'i rang bzhin ni/ sgyu 'phrul chen pos don bsgrub pa/ /zhes bya ba de ltar bshad do/ /sems can gyi don byed pa ni sgyu 'phrul chen po'i dga' ba'o/ /de la dga' ba ni kun nas zhes pa ste/ sgyu 'phrul chen po'i dga' bas dga' ba'o/ /de nyid kyi phyir/ sgyu 'phrul chen po'i mig 'phrul can/ /zhes bya'o/ / da ni sa bcu la rab tu bzhugs shing sbyin pa la sogs pa'i pha rol tu phyin pa'i rnam par smin pa'i yon tan gyi rang gi ngo bos phul du byung ba'i bdag nyid chen po gsungs pa/ sbyin bdag chen po zhes pa la sogs pa ste/ rab tu dga' ba'i sa la ni sbyin bdag chen po gtso bo zhes pa zad mi shes shing gzhal du med pa'i chos dang zang zing mi 'jigs pa rnams sbyin pas sbyin bdag chen po'i las yongs su mthar son pa zhes pa'i don to//sbyin pa la sogs pa'i rjes su bsngags pa ni theg pa chen po'i mdo sde rnams las rgya cher shes par bya'o//dri ma med pa'i sa la ni/ tshul khrims chen po 'chang ba'i mchog ste mchog nyid ni sdom pa dang / sems can gyi don byed pa dang / chos yang dag par sdud pa'i tshul khrims yongs su byed pa'o/ /'od byed pa la ni bzod chen 'chang ba ste tshad med pa'i sdug bsngal ji mi snyam pa dang /chos la nges par sems pa dang / gzhan gyi gnod pa byas pa bzod pa'i las yongs su byed pa'o/ /de nyid g.yo ba med pa nyid kyis na brtan pa'o/ /'od 'phro ba la ni sems can thams cad kyi don gyi ched du lus dang ngag dang sems kyi brtson 'grus rgyun mi 'chad pa nyid kyis brtson 'grus chen pos pha rol gnon pas na brtson 'grus chen po pha rol gnon pa'o//shin tu sbyang dka' ba la ni bsam gtan chen po ting 'dzin gnas te bsam gtan ni bzhi po rnams so/ /bsam pa'i rnam pa che ba nyid kyis che ba ste de rnams la rtse gcig pa'i ting nge 'dzin no//de la gnas pa'i phyir de ltar bshad do/ /mngon du gyur pa la ni shes rab chen po'i lus 'chang ba ste 'di yang bsam pa'i rnam pa che ba'i phyir dang / thos pa dang bsams pa dang / bsgoms pa las byung ba'i nges par 'byed pa'i shes rab gnyi ga che ba'i phyir shes rab chen po'o//de nyid lus te de 'dzin par byed pas de ltar bshad do/ /de skad du yang / bde gshegs shes rab dri ma med/ /rdo rje rnon por de bshad do/ /zhes so/ /ring du song ba la ni thabs chen po ste thabs ni thabs kyi pha rol tu phyin pa'o/ /de yang de la ches lhag par spyod par 'gyur te/de'i phyir thabs chen po zhes de ltar bshad do/ /mi g.yo ba la ni mtha' yas pa'i smon lam gyi pha rol tu phyin pa dang ldan pa'i phyir/ de nyid bcom ldan 'das kyis smon lam zhes gsungs so/ /legs pa'i blo gros la ni stobs kyi pha rol tu phyin pa la lhag par byed pas chen po ste/mos pa dang so sor bshad pa dang bsgom pa dang bzod pa dang ye shes dang spong ba dang thos pa dang spobs pa dang bsod nams dang sgrub pa zhes bya ba stobs bcu po rnams ni stobs po che'o/ /chos kyi sprin la ni/ ye shes kyi pha rol tu phyin pa la lhag par spyod pas ye shes rgya mtsho ste/bcom ldan 'das ni rgya mtsho dang chos mthun te nyan thos la sogs pas gting dpag dka' ba nyid dang / ro gcig pa nyid dang / legs par bshad pa'i rin po che mtha' dag gi 'byung gnas nyid dang / sems can mtha' yas pa'i rten du gyur pa nyid kyis so//stobs po che la thabs che ba/ /zhes bya ba la sogs pa tshigs su bcad pas bcings pa'i klog pa'i rim pas bshad pa dang / 'dir sa dang pha rol tu phyin pa'i rim pas bshad pa ni 'gal ba med do/ /da ni tshangs pa'i gnas bzhi'i rang bzhin nyid du bstan pa'i phyir byams chen zhes pa la sogs pa ste/tshangs pa ni mya ngan las 'das pa'o/ /gnas pa ni de'i ched du'o/ /byams pa la sogs pa yang sems can la dmigs pa dang chos la dmigs pa dang / dmigs pa med pa'o/ /dmigs pa med par sems can thams cad la bu gcig pa dang 'dra bar sdug pa'i mtshan nyid can ni byams pa'i rang bzhin yin pa'i phyir byams chen rang bzhin no//de nyid nam mkha'i mthar thug pa'i phyir dpag tu med pa'o/ /de bzhin du snying rje chen po las mi g.yo ba'i phyir snying rje chen po'o/ /'dir yang dpag tu med ces sbyar ro//snying rje chen po'i rang bzhin nyid blo yang yin la mchog kyang yin pas blo mchog ste/ de bzhin gshegs pa thams cad kyi gnyis su med pa'i ye shes kyi rang bzhin yin pa'i phyir shes rab dang thabs ro gcig pa zhes bya ba'i don to/ /de skad du yang shes rab rang bzhin med gnas dang //brtse ba chen po rang bzhin med/ /lhan cig gcig tu gyur pa ni/ /nam mkhar nam mkha' ji bzhin no/ /zhes so/ /dga' ba chen po'i rang bzhin nyid du gsungs pa/ shes rab chen po zhes pa la sogs pa ste/ chos thams cad yang dag par khong du chud pas sems can thams cad bde ba la yang dag par sbyor zhing so sor rab tu dang ba'i dga' ba dang rab tu dga' ba'i mtshan nyid can gyi dga' ba de ni shes rab dman pa ma yin pa nyid kyi shes rab chen po zhes bya'o//de'i rgyu gsungs pa/ rab tu dga' ba de nyid kyis sems can gyi don byed pas blo chen ldan no//shes rab chen po zhes par pradz+nyA zhes klog pa ni 'chad par 'gyur ba'i sngags kyi tshul gyi bshad pa'i phyogs ni ma rtogs mod kyi/ bklags pa na chos mang du mthong ba ni rang gi don can gyi de phan gyi rkyen can te tshig gong ma la 'grel ba byas pa'o//btang snyoms kyi rang bzhin gsungs pa/ thabs che ba la zhes pa la sogs pa ste/ go rims bzhin du btang snyoms chen po'i rang bzhin gyi bcom ldan 'das ni thabs chen por bshad do/ /btang snyoms kyang rnam pa gsum ste/ nyon mongs pa btang snyoms dang /bdag dang gzhan rjes su srung ba'i btang snyoms dang / dus dang dus ma yin pa'i btang snyoms zhes pa'o/ /btang snyoms rnam pa gsum gyi ngo bos sems can sna tshogs pa'i don byed pa ni thabs kyi rang bzhin yin pa'i phyir thabs che ba'o/ /de nyid sems can gyi don la shin tu brtson zhing rigs pa dang ldan pas mkhas pa chen po'o//de la byams pas ni sems can rnams phan pa la nges par sbyor ba'o/ /snying rjes ni bde ba'o/ /dga' bas ni dga' ba la'o/ /btang snyoms kyis ni chos mnyam pa nyid la sbyor ro zhes pa rim pa'o//sngags kyi tshul ni sbyin pa'i pha rol tu phyin pa sgeg mo ste/ de'i bdag po nyid kyi phyir sbyin bdag chen po gtso bo'o/ /de bzhin du mthar phyin pa'i tshul khrims kyi pha rol tu phyin pa de ni phreng ba ma ste/ de de'i bdag nyid du 'dzin pas tshul khrims chen po 'chang ba mchog go/ / bzod pa'i pha rol tu phyin pa ni glu ma ste/ de nyid ni bzod chen 'chang ba bstan pa'o/ /brtson 'grus kyi pha rol tu phyin pa ni gar ma ste/ de ni phyogs su brtson zhing rtul phod pas/ brtson 'grus chen po pha rol gnon pa'o/ /de bzhin du bsam gtan gyi pha rol tu phyin pa me tog ma ste/ de ni snyoms par 'jug pas gnas pa nyid kyi phyir bsam gtan chen po ting 'dzin gnas so/ /shes rab kyi pha rol tu phyin ma ni bdug pa ma ste/ shes rab chen po'i lus chos 'byung gi ngo bo de nyid kun du dga' ba sgrub pa'i phyir 'dzin pas na de ltar bshad do/ /thabs chen ni rdo rje mar me ma ste de'i bdag po nyid kyis de dang lhan cig sbyor ba'i phyir thabs chen no//de bzhin du/ nyon mongs dri nga 'jigs pas na/ /smon lam rdo rje dri chab ma/ /de dang ldan pa'i phyir smon lam chen po'o/ /gzungs kyi dkyil 'khor gyis grags pa'i/ /sgo rnams srung bar byed pa bzhi//so so yang dag rig ngo bo/ /de rnams stobs chen pha rol gnon/ /de rnams dang ni ldan pa'i phyir/ /bcom ldan 'jam dpal stobs chen no/ /gzugs dang sgra dang de bzhin dri/ /ro dang reg bya'i khams rnams te/ /mchod pa'i lha mo rdzu 'phrul che/ /de rnams ye shes che rang bzhin//bstan mdzad ye shes che rang brgya'o/ /zhi ba'i las mchog sgrub byed pas/ /sangs rgyas spyan ma byams chen no/ /sdug bsngal sgrol bar rab grags pas/ /mA ma kI ni snying rje che/ /'di dag lhan cig sbyor ba'i phyir/ /byams chen rang bzhin dpag tu med//snying rje chen po blo yi mchog /'od dpag med dang gos dkar mo/ /shes rab chen po nyid sbyor bas/ /shes rab chen po blo chen ldan/ /btang snyoms che dang blo chen ldan/ /lha mo sgrol ma'o de ldan phyir/ /mkhas pa chen po thabs che ba/ /zhes pa ste 'dis ni dkyil 'khor thams cad kyi mchod pa byed pa yang bcom ldan 'das 'jam dpal lo zhes gsungs so//da ni rdzu 'phrul dang cho 'phrul gyis 'dul ba'i sems can rjes su gzung ba'i sgo nas yang dag par brjod pa'i phyir/ rdzu 'phrul chen po zhes pa la sogs pa gsungs te thams cad du gzugs sna tshogs ston pa dang /sgra dang brda sna tshogs kyis chos ston pa dang / gzhan gyi sems shes pa ste sku dang gsung dang thugs kyi rdzu 'phrul rnam pa gsum mo/ /stobs ni nus pa ste bdud thams cad kyis bskyod du med pa nyid do/ /rdzu 'phrul chen po'i stobs de dang ldan pas chos nyid las g.yo ba med kyang thams cad du bdag gi sku ston par mdzad pa'i phyir shugs chen po dang ldan pas shugs chen no//yid ltar mgyogs pa zhes bya ba'i ting nge 'dzin dang ldan pas mgyogs pa chen po'o/ /de nyid rdzu 'phrul chen po'o/ /chen po nyid kyang yin la gtso bo yang yin pas che bar grags pa zhes bshad pa gang yin pa ste de ltar bshad do//chen po yang 'di yin la dbang du gyur pa yang zhes sbyar ro/ /stobs chen pos gzhan gyi don la brtson pa nyid kyis na stobs chen pha rol gnon pa'o/ /shin tu gzhig par dka' ba nyid kyis srid pa'i ri bo gang yin pa ni chen po ste/'khor ba'i ri bo bag chags dang bcas pa de gnyis su med pa'i ye shes kyi rdo rjes yang dag par 'joms pa'i phyir/ srid pa'i ri bo chen po bcom pa nyid kyis na chos thams cad stong pa nyid kyi ye shes kyi rdo rje chen po de de'i bdag nyid 'dzin pas de ltar bshad do//stong pa nyid kyi ye shes kyi rdo rje de nyid khong stong du ma yin pas mkhregs pa'o/ /shin tu sra zhing phra ba'i nyon mongs pa'i bag chags kyi dgra rnams rtsad nas 'byin pa'i phyir drag po chen po ste 'ching ba shin tu brtan po med par byed pa'o/ / drags shul can rnams ni 'jigs byed chen po la sogs pa rnams te/ de rnams 'dul ba'i don du shin tu drag shul che ba'i 'jigs pa chen po ni rnam pa lngar bshad de/ 'tsho ba med pa dang / tshigs su bcad pa med pa dang / 'chi ba dang ngan 'gro dang 'khor gyi bag tsha ba rnams te de'i gnyen po'i chos ni rang bzhin gyi phyir de rnams kyang 'jigs par byed pa'o//yang na sgra ni 'jigs pa med pa ste chen po yang 'di yin la/ srid pas skrag pa med pa yang yin pas 'jigs pa zhes pa ste 'jigs med chen po 'jigs par byed pa'o/ /yang snying rje dang khro ba dag gcig pa nyid kyis 'jigs chen 'jigs par byed pa'o//rig pa dang gsang sngags kyi rang bzhin nyid du bstan pa'i phyir/ rig sngags che zhes bya ba la sogs pa gsungs te/ rig pa chen mo shes rab kyi pha rol tu phyin ma'i gzugs can sngags kyi sku'o/ /de dang mnyam par ldan pa'i phyir rig pa chen po ste/chen po yang yin la rig pa yang yin pas zhes sbyar ro/ /de nyid kyi phyir mchog ces te rig pa che mchog go/ /mgon po ni yang dag par gsungs pa'i lam nye bar ston pa'i 'gro ba rjes su 'khrid par byed pa ste/ 'di ni kun rdzob tu'o/ / don dam par ni spros pa thams cad dang bral ba gnyis su med pa'i ye shes dang gcig tu 'dres par gyur pa ni rig mchog chen po ste/ rig pa chen po yang yin la mchog kyang yin zhes sbyar ro/ /sems can thams cad skyob pa'i don gyis mgon po'o/ /de nyid gsungs pa/ gsang sngags che ba'i don zhes pa ste/ ma na shes pa la'o/ /treM skyong ba la'o/ ma na nam yid do/ /tra Na nam skyob pa'o/ /de de'i bdag nyid du rig pa gang yin pa de ni chen po yang yin la gsang sngags kyang yin pas gsang sngags te stong pa nyid dang snying rje dbyer med pa gnyis su med pa'i ye shes so//de nyid kyi phyir mchog ces pa ste gsang sngags che ba'i mchog go/ /de lta bu'i thabs dang shes rab kyi bdag nyid can gyi gsang sngags chen po'i tshul ston pa'i phyir bcom ldan 'das ni bla ma'o/ /theg pa chen po'i tshul gyi mchog ni gsang sngags kyi tshul lo//pha rol tu phyin pa'i tshul yang de la gnas pas theg pa chen po'i tshul la gnas/ /chos nyid kyi tshul gyis de'i rang bzhin nyid du gsungs pa ni chen po zhes pa la sogs pa ste/ ji srid theg pa'i 'bras bu'i bar du 'di yis mngon par 'dod pa thob par byed cing 'dren par byed pas phan tshun te lam mo//de gnyi ga'i tshul ni theg pa'i tshul te sems can thams cad la go skabs 'byed pa'i phyir ro/ /chen po dang mchog ni thams cad las phul du byung ba'i phyir ro/ /theg pa chen po'i tshul yang 'di yin la mchog kyang yin pas de ltar bshad do//lam dang 'bras bu dag don dam par dbye ba med kyang gdul bya la so sor snang ba'i dbang gis sangs rgyas dang byang chub sems dpa' dag 'dir tha dad pa nyid do/ /don dam par ni sangs rgyas rnam par snang mdzad chen po rje btsun 'jam dpal nyid do/ /sku dang gsung dang thugs rnams ni mi dge ba bcu las 'das shing yang dag par sdom pas thub pa chen po ste/de dang ldan pa'i phyir thub chen ldan no/ /sems can thams cad kyis gsang ba gsum gyi de kho na nyid shes par mdzad pa'i phyir thub pa chen po ste/ tshig gnyis kyis bsod nams dang ye shes kyi tshogs dag gcig pa nyid du gsungs so//stong pa nyid sgom pa sngon du 'gro bas zla ba'i gzugs kyi steng du rang gi sa bon yongs su gyur pa las lha'i gzugs su grub pa'i phyir/ gsang sngags tshul chen las byung ba ste kun rdzob tu'o/ /don dam par ni lha dang sngags dag dbyer med pas na/gsang sngags tshul chen bdag nyid can/ /zhes gsungs te/ gsang sngags chen po'i tshul gang yin pa de ni de kho na'i bdag nyid can no zhes pa'i don to/ /pha rol tu phyin pa dang sa'i bdag po'i ngo bo nyid du gsungs pa ni/ pha rol phyin bcu zhes pa la sogs pa ste/gdul bya'i skye bo rjes su gzung ba'i don du 'khor gsum yongs su dag pa'i rim gyis sbyin pa la sogs pa'i pha rol tu phyin pa rnams la goms pa sngon du song bas byang chub thob par ston pas na pha rol phyin bcu thob pa'o/ /rang gi ngo bos ni de nyid gnyis su med pa'i ye shes kyi bdag nyid yin pa'i phyir dang sems can rnams kyi don du pha rol tu phyin pa bcu thob pas na/de nyid pha rol tu phyin pa bcu la gnas pa'o/ /pha rol tu phyin pa bcu rnam par dag pa'i rang bzhin gyi phyir/ pha rol phyin bcu dag pa ste/ /bcom ldan 'das 'jam pa'i sgra nyid do//kun rdzob dang don dam pa'i tshul gnyis gas 'dren cing ston par byed pas na/ de ni pha rol tu phyin pa bcu'i tshul lo/ /pha rol tu phyin pa bcu'i rnam par dag pa'i rang bzhin thob pa de'i rnam par smin par gyur pa rab tu dga' ba la sogs pa'i sa bcu po rnams su kun du rmongs pa dang gnas ngan len dang bral te gtso bo nyid thob pa'i phyir sa bcu'i dbang phyug go//de nyid kyi phyir sa bcu po thob par 'dod pa'i sems can rnams 'khrid par byed pas na mgon po'o/ /sa de dag la byang chub sems dpa'i tshul gyis bzhugs pas na/sa bcu la ni rab tu gnas pa'o/ /shes pa bcu la sogs pa'i rang bzhin nyid gsungs pa/ shes bcu zhes pa la sogs pa ste de la shes pa bcu ni/ sdug bsngal shes pa dang / kun 'byung ba dang / 'gog pa dang / lam dang / zad pa dang / mi skye ba dang / chos dang / rjes su rtogs pa dang / kun rdzob dang / 'dris pa shes pa rnams so/ /de rnams de'i bdag nyid du'am rnam par dag pa'i bdag nyid gang yin pa de de bzhin no/ /de rnams ni shes bcu rnam dag go/ /sgra ji bzhin shes pa ni thams cad mkhyen pa nyid ces bya ba ste de de bzhin pas na/shes bcu rnam dag 'chang ba'o/ /rnam pa bcu po zhes pa ni/ bden pa rnam pa bcu po gang yin pa de kun rdzob kyi bden pa dang / don dam pa'i dang / mtshan nyid kyi dang / rnam par 'byed pa'i dang / phye ste rtogs par byed pa'i dang / dngos po'i dang / nus pa'i dang / zad pa dang / mi skye ba shes pa'i dang / lam la 'jug pa shes pa'i bden pa dang / de bzhin gshegs pa'i ye shes kun 'byung ba'i bden pa rnams so/ /de rnams ni rnam pa byed pas na rnam pa zhes brjod do/ /de la phye ste rtogs pa ni shes bya longs par rtogs pa'o//de yang mi slu ba'i phyir bden pa yin pas phye ste rtogs pa'i bden pa'o/ /de bzhin gshegs pa'i ye shes kyi kun du 'byung ba'i bden pa ni chos kyi sprin dang de bzhin gshegs pa'i sa dag gi char gyur pa'o/ /lhag ma ni go sla'o/ /de ltar bcu po de rnams don du gnyer bar bya ba yin pas don dang bsgrub pas bya ba'i ngo bo'i don gyi 'bras bu yin pas don bcu'i don to//yang na don bcu po de rnams sems can gyi rgyud la rdzogs par byed pa'i rang bzhin gyi don gyi rgyud yin pas na don bcu'i don zhes pa ste rang dang gzhan gyi don phun sum tshogs pa nyid bshad pa'o//nyan thos la sogs pa'i thub pa rnams kyi dbus na mchog gi dbang phyug dang ldan pa'i dbang por gyur pas thub dbang ngo / /de bzhin gshegs pa'i stobs bcu dang ldan pa'i phyir stobs bcu dang / stobs bcu po rnams gang zhe na/ gnas dang gnas ma yin pa dang /las kyi rnam par smin pa dang / khams sna tshogs dang / mos pa sna tshogs dang / dbang po mchog dang mchog ma yin pa dang / thams cad du 'gro ba'i lam dang / bsam gtan dang / rnam par thar pa dang / ting nge 'dzin dang / snyoms par 'jug pa dang / sngon gyi gnas rjes su dran pa dang / 'chi 'pho dang / skye ba dang / zag pa zad pa mkhyen pa'i stobs zhes bya ba rnams so/ /sngar bshad pa'i stobs rnams ni sa dgu la byang chub sems dpa' rnams kyi yin par bshad la/ 'dir slar yang bshad pa rnams kyi de bzhin gshegs pa'i stobs rnams so//stobs bcu dang ldan pas thams cad kyi gtso bor gyur pas na khyab bdag go/ /de'i phyir kun gyi don ni ma lus byed pa'o/ /dbang bcu po tshe dang / sems dang / yo byad dang / las dang / skye ba dang / rdzu 'phrul dang / mos pa dang / smon lam dang / ye shes dang / chos rnams te rab tu dbye ba bcu po de rnams dang ldan pa'i phyir rnam bcu dbang ldan no/ /dbang bcu po de rnams rang dbang du ldan pa'i phyir chen po'o/ /chos nyid kyi ngo bos yang dag par brjod pa'i phyir thog ma la sogs pa zhes pa'i sogs pa gsungs te/sngar skye ba dgag pa'i skabs su thog ma med pa rab tu bsgrubs so/ /de nyid kyi phyir spros med bdag go/ /de la dag pa'i bdag gi gtan tshigs gsungs pa/ de bzhin nyid bdag ces pa'o/ /ji ltar thugs su chud pa'i don gyi de kho na nyid ston pa po nyid du gsungs pa/yang dag ces pa la sogs pa ste yang dag pa ni chos kyi tshul lo/ /de kho na nyid de smra ba'i ngang tshul dang ldan pa'i phyir yang dag smra ba'o/ /'gro ba rnams la phan par bya ba'i phyir 'tshang rgya bar bya'o zhes dam bcas pa de bzhin du rdzogs par mdzad pa'i phyir ji skad smra ba de bzhin byed pa'o//yang na ji ltar gzhan rnams la sbyin pa dang tshul khrims la sogs pa dang ldan pa'i chos ston pa de bzhin du rang nyid kyang de la 'jug par byed pas na/ ji skad smra ba de bzhin byed pa'o/ /ji ltar gnas pa'i chos kyi de kho na nyid rab tu gsal bar byed pa'i phyir tshig gzhan med pa'o//gnyis ni gzung ba dang 'dzin pa dang shes pa dang shes bya la sogs pa ste/ gang la gnyis yod pa ma yin pa de ni gnyis med do/ /ji ltar gnyis med pa yin zhe na/ gzung ba dang 'dzin pa la sogs pa rnams kyi gnyis ni phan tshun ltos pa dang bcas pa nyid kyis ma grub po//de skad du yang / gal te dngos po gang ltos grub/ /de nyid la yang ltos na ni/ /ltos bya gang yin de 'grub na/ /gang la ltos nas gang zhig 'grub/ /dngos po ltos 'grub gang yin pa/ /de ma grub na ji ltar ltos/ /ji ste grub pa ltos she na/ /de ni ltos par mi rigs so//zhes so/ /ma ltos pa'i dngos po med pas chos thams cad rten cing 'brel par 'byung ba'o/ /rten cing 'brel bar 'byung ba nyid kyi phyir chos thams cad stong pa'o/ /ji skad du/ gang phyir rten 'byung ma yin pa'i/ /chos 'ga' yod pa ma yin pa/ /de phyir stong pa ma yin pa'i//chos 'ga' yod pa ma yin no/ /zhes rnam par dag pa gnyis su med pa'i de bzhin nyid kyi rang bzhin bcom ldan 'das 'jam dpal ni gnyis su med par bshad de kun rdzob tu'o/ /don dam par ni gnyis su med par med cing gnyis kyang med pa'i phyir/ ji ltar gnyis su med par gsung ba yin zhe na/rnam par rtog pa dang rnam par dpyod pa dang bral ba de ni rnam par rtog pa med pa dang gnyis su med pa'i rang bzhin yin pa'i tshig tu brjod pa dang bral ba'i phyir bden pa gsung ba yin gyi/ rnam par rtog pa'i rjes su 'gro ba dang ldog pa byed pa'i sgra'i rang bzhin ni ma yin no//'on kyang rgyu tsam dang rjes su 'brel ba ste/ rgyu yang rgyu tsam du bya ba byed do/ /de bya ba dang bral du zin kyang yid bzhin gyi nor bu bzhin du gdul bya'i mngon par 'dod pa'i don mdzad par snang ste/ rkyen las skyes pa la gnyis su med par gsungs pa zhes bstan pa yin no//bcom ldan 'das gnyis su med pa'i rang bzhin yin pa 'ba' zhig tu ma zad kyi/ khams gsum pa yang gnyis su med pa'i rang bzhin du smra bar byed ces pa'i don to/ /ji skad du/ de bzhin gshegs pa'i rang bzhin gang / /de ni 'gro 'di'i rang bzhin yin//zhes pa la sogs pa sngar bshad do/ /yang dag par zhes bya ba ni bden pa'o/ /de'i mtha' ni mthar thug pa ste/ de las gzhan pa'i bden pa med pa'o/ /de la de'i bdag nyid kyi rnam par gnas pas na yang dag mtha' la rnam par gnas pa'o/ / yang dag mtha' ni zhes klog pa ltar na/ gang gi phyir yang dag pa'i mtha' ni chos kyi dbyings te de'i phyir de la rtag tu gnas so zhes bshad par bya'o/ /bdag tu mngon par zhen pa'i sems can gdul ba'i phyir bdag med ces bya ba la sogs pa gsungs te/ bdag dang bral bas bdag med pa ste gang zag dang chos kyi bdag med pa'o//dngos po bdag med pa la gsal bar byed cing seng ge bzhin du gzhan dag kun du skrag par byed pa'i sgra 'byin pa gang yin pa de ni/ bdag med seng ge'i sgra dang ldan no/ /de nyid mu stegs ri dgas ngan 'jigs byed de/mu stegs ngan pa'i lam dang ldan pa de rnams ni ri dwags dang 'dra bas ri dwags so/ /de rnams 'jigs par byed pa'o/ /mu stegs ngan pa de rnams kyang ji lta bu zhe na/ tshad ma dang 'gal bar bdag med pa nyid du khas len pa'o/ /de yang re zhig khams drug pa'i skyes bu ni med de/ji skad du/ sa min chu me rlung ma yin/ /nam mkha' rnam shes skyes bu min/ /de rnams thams cad ma yin pa'i/ /gzhan pa'i skyes bu ci zhig yod/ /bshad ces pa lhag ma'o/ /skyes bu zhes pa bdag go/ /nye bar len pa'i phung po yang de dag ma yin te/ ji skad du/phung po bdag min de las gzhan/ /ma yin de la yod pa yin/ /me dang bud shing ltar 'dres min/ de phyir phung po yod pa ci/ /zhes rnam par dpyad na yod pa ma yin no zhes dgongs pa'o/ /de yang gal te phung po rnams bdag yin na skye ba dang 'jig pa'i cha can du 'gyur te/ phung po rnams ni skye ba dang 'jig pa'i chos can yin pa'i phyir ro//de ltar re zhig phung po rnams bdag ma yin zhing phung po rnams las gzhan pa'ang ma yin no/ /gal te bdag phung po rnams las gzhan du gyur na/ bdag dang phung po mtshan nyid mi mthun par 'gyur te/ gang gi phyir phung po rnams ni skye ba dang gnas pa dang 'jig pa'i mtshan nyid kyi phyir ro//bdag de las gzhan pa'i mtshan nyid du gyur na ni 'dus ma byas nyid kyi phyir bong bu'i rwa bzhin mtshan nyid med par 'gyur ro/ /mtshan nyid med pas nam yang dngos po med de/ bdag ni 'ga' yang yod pa ma yin pa nyid do/ /bdag gi mtshan nyid med pas nga yir byed pa'ang med de/nga ni sbom po'o nga ni phra mo'o nga ni dkar po'o zhes pa yang phung po'i yul la sbyar ba de bzhin du nga yir byed pa sbom po dang phra mo'i rang bzhin gyi bdag kyang med do/ /bdag la phung po rnams med cing phung po rnams la'ang bdag med do/ /phung po rnams bdag dang ldan pa yang mi rigs so//'di phyogs gsum gyi dbye bas yod par mi 'thad pa'i phyir de nyid dang gzhan gyi phyogs kyis dngos po lnga yang nang du 'dus pa nyid de/ de ltar rnam pa lngas btsal ba na med pa'i phyir bdag med par grub pas/ bdag med seng ge'i sgra dang ldan//zhes bya'o/ /don dam par 'gro ba med kyang thams cad cig car gdul bya'i skye bo rnams las so/ /snang ba'i phyir kun du 'gro ba ste/ chos kyi dbyings las ma gtogs pa ni chos 'ga' yod pa ma yin no zhes khyab par byed pa'i rigs pas kun du 'gro ba'o/ / don yod stobs ni 'bras bu yod pa ste gdul bya rnams la ji lta ba bzhin du rdzogs par byed pa nyid kyis thams cad du khyab par byed pa gang yin pa de de bzhin no/ /de bzhin gshegs pa'i yid mgyogs kyi ting nge 'dzin gyi ngo bo nyid kyi phyir/ de bzhin gshegs pa'i yid ltar mgyogs so//rgyal ba ni nang gi nyon mongs pa las rgyal ba ste bcom ldan 'das kyis/ sdig pa'i chos las nga rgyal te/ /de bas nyer 'gro nga rgyal bas/ /zhes gsungs pa'i phyir bdud las rgyal bas na dgra rgyal lo/ /de gnyis ka las rnam par rgyal ba'i ngang tshul dang ldan pa'i phyir rnam par rgyal lo//de nyid kyi phyir zil gyis mi non pa'i chos kyi 'khor lo bskor bar mdzad pas na 'khor los sgyur ba'o/ /tshogs gnyis las nges par 'khrungs pa'i byang chub sems dpa' dang khro bo la sogs pa'i 'khor dang ldan pa'o/ /stobs kyi pha rol tu phyin pa dang ldan pa gang yin pa de ni de bzhin du stobs po che'o//de nyid thams cad kyi bdag po nyid du gsungs pa/ tshogs rje zhes pa la sogs pa ste byang chub sems dpa'i dge 'dun gyi gtso bo nyid kyi phyir tshogs mchog go/ /nyan thos la sogs pa bslab pa nyid kun spyod 'dzin du 'jug pas na tshogs kyi slob dpon no//rdzu 'phrul chen po dang ldan pa'i lha rnams kyi tshogs kyi gtso bor gyur pas na tshogs rje'o/ /de las gzhan pa'i gnod sbyin dang lha ma yin la sogs pa'i tshogs rnams kyi gtso bor gyur cing skyong bar mdzad pas na tshogs bdag go/ /de'i phyir dbang dang ldan zhes gsungs so//'di rnams thams cad kyi gtso bo zhes pa'i don to/ /yang na tshogs kyi mchog ces pa de bzhin gshegs pa'i dkyil 'khor chen por ro/ /de bzhin gshegs pa ni byang chub sems dpa' la sogs pa'i tshogs rnams kyi mchog ces sbyar ro/ /tshogs kyi slob dpon ni khro bo'i dkyil 'khor du drag pos gnas nas byang chub sems dpa'i spyod pa 'dzin du 'jug pa'o//tshogs kyi rje ni tshu rol 'jig rten pa'i dkyil 'khor du dkyil 'khor dbus su bzhugs nas da ni ston pa'o/ /gtso bo'i dbang po'o zhes byin gyis rlob par mdzad pa nyid kyi phyir ro//tshogs bdag ni gzungs kyi dkyil 'khor du gzungs ma'i tshogs thams cad kyi dga' ba skyed pa'i bdag po nyid kyis bzhugs pa'i phyir ro/ /de ltar thams cad du cig car dbang thob pa nyid kyi phyir dbang ldan no/ /de nyid thams cad du khyab pa nyid kyis mthu chen te 'di la mthu chen po mnga' bas de ltar bshad do//des sems can rnams kyi don mdzad pa'i mtshan nyid kyi de bzhin gshegs pa'i phrin las la gces par 'dzin pa'i phyir gces pa 'dzin pa'o/ /de nyid sngon gyi smon lam gyi 'phen pa'i shugs kyis rang gi ngang gis 'jug pa'i phyir gzhan gyi dring mi 'jog pa'o//nam mkha' bzhin du sems can thams cad la 'dis go skabs 'byed pa'i phyir chen po yang 'di yin la/ sngags la sogs pa'i theg pa chen po'i bdag nyid can gyi lam gyi ngo bo nyid kyi tshul yang yin pas na tshul chen no/ /tshig thams cad kyi dbang phyug nyid du gyur pa'i bdag nyid chen po gsungs pa/tshig rje zhes pa la sogs pa ste/ don so so yang dag par rig pa lhag par rtogs pas thams cad stong pa nyid dang mtshan ma med pa dang mngon par 'du bya ba med pa la sogs pa'i don nges par bstan pa rnams dang mi zad pa nges par bstan pa rnams la tshig gi dbang du gyur pa'i tshig brjod do//chos so so yang dag par lhag par rtogs pas sems can rnams kyi spyod pa stong phrag brgyad cu rtsa bzhi'i sems kyi 'jug pa rnams 'dis mkhyen nas chos kyi phung po stong phrag brgyad cu rtsa bzhi po rnams skad cig tha dad pa sna tshogs kyis nges par ston pa la tshig gi mnga' bdag tu gyur pa'i phyir tshogs kyi bdag po'o//rigs pa dang grol bar smra ba'i nus pa'i mtshan nyid can spobs pa so so yang dag par rig pa lhag par rtogs pas 'dul ba'i thabs mtha' yas pas sems can mtha' yas pa'i yid rab tu tshim par mdzad cing spobs pa mtha' yas pas rgyun mi 'chad pa'i tshig gi rgyun 'byung ba gang yin pa de ni tshig mtha' yas pa'o//'dis kyang bcom ldan 'das mgon po 'jam pa'i dpal ni zad mi shes pa'i tshig gi mdzod nyid du bstan to/ /sems can rnams la gcig tu phan zhing mi slu ba nyid kyis tshig bden pa gang yin pa de de bzhin no//bden pa ni mi gnas pa'i mya ngan las 'das pa ste/ de gsungs pa'i ngang tshul nyid kyi phyir bden par smra ba'o/ /ngang gi sgra ni nges gzung gi don to/ /bden pa bzhi ni sdug bsngal dang / kun 'byung ba dang / 'gog pa dang / lam zhes bshad pa rnams la rim pa bzhin re re la yang rnam pa bzhi ste/ mi rtag pa dang / sdug bsngal ba dang / stong pa dang / bdag med pa dang / kun 'byung ba dang / rgyu dang / rab tu skye ba dang / rkyen dang / 'gog pa dang / zhi ba dang / gya nom dang / nges 'byung dang / lam dang /rigs pa dang / sgrub pa dang / nges 'byung gi rnam pa rnams so/ /'phags pa rnams de kho na ltar bden pas 'phags pa'i bden pa rnams so/ /de rnams ji ltar gnas pa de bzhin du phyin ci ma log par ston par byed pas na/ bden pa bzhi ni ston pa po/ /de yang sdug bsngal gsum dang ldan pas mi mthun pas gzir ba nyid kyis nye bar len pa'i phung po lnga sdug bsngal ba ste/de rten cing 'brel par 'byung ba yin pa'i phyir rang bzhin med par yongs su shes pa'o/ /gang gi phyir sdug bsngal gyi rgyu ni kun 'byung ste sred pa dang / las dang nyon mongs pa'i mtshan nyid kun 'byung ba ste snga ma bzhin du yongs su shes pa nyid kyis spang bar bya'o//sdug bsngal dang bral nas slar mi 'byung ba ni log pa ste de ni de bzhin kho nar mngon du bya'o/ /sdug bsngal 'gog par 'gro ba'i 'phags pa'i lam yan lag brgyad pa bsgrub pa'i mtshan nyid ni lam ste/de yang de bzhin kho nar byang chub sems dpa' rnams kyis bsam par bya zhing bsgom par bya'o/ /nyan thos la sogs pa rnams la mi rtag pa la sogs pa'i rnam pas sdug bsngal yongs su shes par byas te/ nges par 'byin pas sems can gyi don la rgyab kyis phyogs nas kun 'byung bas sred pa la sogs pas mtshan nyid spangs te/phung po rnams thams cad du 'chang ba'i 'gog pa mngon du byas te lam bsgoms nas mar me bzhin mya ngan las 'da' ba'i lam ston pas/ bden pa bzhi ni ston pa po/ /phyir mi ldog pa zhes pa ni rtog pa las phyir mi ldog pas phyir mi ldog pa ste de nyid kyi phyir mi ldog pa'o//rang gi don la de phan gyi rkyen dang tshig sngon ma la 'phel ba'o/ /sa brgyad pa gnas pa'i shes rab sems dpa' ni phyir mi ldog par bshad do/ /phyir mi 'ong zhes bya ba ni nyan thos kyi theg pa'i 'bras bu la gnas pa'i slob ma la brjod de 'dod pa'i 'jig rten du phyir mi 'ong ba nyid du nyon mongs pa zad par byas nas yongs su mya ngan las 'das pa'o//theg pa chen po la ni phyir mi ldog pa gang yin pa de nyid phyir mi 'ong ba'o/ /bse ru'i rwa can bzhin gcig pur spyod pa rang sangs rgyas te bse ru zhes brjod de kun rdzob tu'o//don dam par ni bse ru dang 'dra bas na bse ru ste gnyis su med pa'i phyir ro/ /'dis ni sangs rgyas kyis gdul ba'i sems can 'dul ba'i don du rang sangs rgyas kyi tshogs kyi gzugs su bdag nyid ston par gsungs so/ /'dren pa rang rgyal ni so sor 'dren pa zhes brjod de/so so so so ni re re'i 'dren pa ste 'di yang kun rdzob tu sbyor ro/ /don dam par ni 'jig rten khams so sor sems can thams cad kyi 'dren par gyur te byang chub kyi phyogs thob par bya ba'i phyir so so 'dren pa ste/ 'di yang nyan thos la sogs pa'i gzugs kyis 'dul ba'i sems can rnams la bstan pa'o//de nyid kyi phyir nges 'byung sna tshogs nges 'byung ba ste bsam pa ji lta bar lam thams cad kyis sems can thams cad mya ngan las 'das pa thams cad thob par bya ba'i phyir rab tu 'jug pa'i phyir ro/ /'byung ba chen po rgyu gcig pa//zhes pa la 'byung ba chen po ni sa la sogs pa rnams so/ /de rnams kyi gnyis su med pa'i rgyu ni byang chub sems te/ thams cad sgrub par byed pa'i phyir ro/ /ling+ga s+yA tan+t+ra twA ta puM s+t+raM/ yang na 'byung ba chen po rnams de lta bur rgyu gcig pa gnyis su med par shes par byed pa'i rgyu gang yin pa zhes tshig rnam par sbyar ro//'byung ba chen po ni ji ltar 'byung zhing skye ba de ltar des skyed do zhes pa'o/ /mya ngan las 'das pa'i lam gyi sgra ni nyon mongs pa rnams te/ de rnams 'phags pa'i lam gyis bcom pas dgra bcom pa ste/ 'di ni nges pa'i tshig gi mtshan nyid kyis grub po//nang gi bdag nyid kyi nyon mongs pa zad pa'o/ /dge slong tshur shog ces bya ba dang gsol ba dang bzhi'i las kyis bsnyen par rdzogs pa'i phyir dge slong ngo / /khams gsum pa'i 'dod chags dang bral ba gang yin pa de ni 'dod chags bral ba'o/ /yul rnams la 'jug pa 'gog pas na dbang po thul ba gang yin pa de de bzhin no//de ltar kun rdzob tu bcom ldan 'das nyid de/ de'i gzugs dang de lta de ltar ston par mdzad pa'o/ /don dam par ni khams gsum pas mchod par 'os pa'i phyir dgra bcom pa'o/ /zag pa zad pa'i nyan thos dang rang sangs rgyas dang byang chub sems dpa' rnams kyi ste 'di yang bdun brgya pa las gsungs pa/bdag nyid kyi zag pa zad pa ni nyan thos kyi byang chub dang rang sangs rgyas kyi byang chub rnams kyi zag pa zad pas yin gyi/ 'dod chags dang bral ba bzhin nyon mongs pa'i zag pa zad pa tsam ni ma yin no zhes so//rten cing 'brel par 'byung ba nyid kyi phyir nyon mongs pa rnams shin tu nub par gyur pa de lta bu de ni zad pa ste/ ji skad du/ gal te la la'i nyon mongs pa/ /gang dag rang bzhin gyis yod na/ /ji lta bur na spong bar 'gyur/ /yod pa su zhig spong bar byed//gal te la la'i nyon mongs pa/ /gang dag rang bzhin gyis med na/ /ji lta bur na spong bar 'gyur/ /med pa su zhig spong bar byed/ /ces gsungs so/ /yang na nyon mongs pa bcom pa nyid kyis na dge slong ngo / /'khor ba dang mya ngan las 'das pa dag la chags pa'i phyir chags bral lo//thar pa'i cha dang mthun pa dang dad pa la sogs pa'i dbang po lnga'i dbang du gyur pas dbang po thul ba'o/ /nye bar dmigs pa'i nyon mongs pa dang gnas ngan len dang bral ba'i phyir bde ba rnyed pa dang 'jigs med thob pa'o/ /rang gi rgyud nyon mongs pa thams cad dang bral bas nyon mongs thams cad rgyud chad pa'i phyir bsil bar byed pa'o//bsil bar byed pas bsil ba ste bsil ba ma yin pa bsil bar gyur zhes sbyar bar bya'o/ /nyan thos la sogs pas mar me shi ba lta bu'i bsil ba thob par gyur pa ni ma yin no/ /gang gi phyir rnam par rtog pa'i rnyog pa dang bral bar gyur pa de'i phyir rnyog pa med pa'o//'phags pa'i lam yan lag brgyad las yang dag pa'i lta ba ni rig pa'o/ /yan lag lhag ma bdun po rnams ni rkang pa ste de dag dang ldan pa'i phyir rig pa dang rkang par ldan no/ /bde bar gshegs pa ni mdzes par gshegs pas gzugs mdzes pa'i bu mo bzhin dang mi mthun par gshegs pas bum pa legs par gang ba bzhin dang /phyir mi ldog par gshegs pas rims nad legs par byang ba bzhin no/ /'di dag gis kyang gshegs pa ni mkhyen pa'i don te phyin ci ma log pa'i lam thugs su chud pa dang /shes bya mtha' dag thugs su chud pa dang / chos nyid thugs su chud pa yongs su ma nyams pa rnams dang grangs ji lta ba bzhin du sbyar ro/ /'gro ba'i skye gnas kyi rigs kyi dbye ba sa dang ri bo dang rgya mtsho dang gling gi dbye bas phye ba sems can dang snod kyi 'jig rten te/ sha la sogs pa'i spyan lnga pos ji lta ba bzhin rig cing mthong bas na 'jig rten rig go/ /yang na phung po lnga ni 'jig rten zhes bshad de/ de yang don dam par 'jigs pa dang mi 'jigs pa'i rang bzhin med pa nyid du yongs su shes pa'i phyir 'jig rten rig go/ /de nyid kyi phyir rang dang gzhan gyi sde rnams las phul du byung ba'i phyir mchog go//gnyis su med pa'i ye shes kyi bdag nyid kyi phyir bdag 'di'o zhes rtog pa dang bral ba bdag gir mi 'dzin pa'o/ /bdag rkyen du gzung ba'i bdag nyid ni tshad mas gnod pa nyid kyis khas ma blangs pa'i phyir bdag gir mi 'dzin pa'o//don dam par ni 'di la bdag gir mi 'dzin pa dang ngar mi 'dzin pa yang med de/ ji skad du/ nga dang nga yir 'dzin med gang / /de yang yod pa ma yin te/ /nga dang nga yir mi 'dzin par/ /gang gis mthong ba de mi mthong / /zhes so/ /bcom ldan 'das kyis tshul 'di dag phan tshun mi 'gal lam ci zhe na/bden pa zhes pa la sogs pa gsungs te/ bden pa gnyis ni kun rdzob dang don dam pa'i ngo bo'o/ /de la kun rdzob kyi bden pa'i tshul ni nyan thos dang rang sangs rgyas kyi lam thugs su chud cing nyon mongs pa dang rnam par byang ba la sogs pa'i tshul gyis bzhugs pa'o//don dam pa'i bden pa ni spros pa med pa'i chos kyi dbyings kyi rang bzhin gyi bdag po 'jam pa'i mgon po ste/ de nyid gdul bya rnams la de lta de ltar snang bar mdzad pas na bden pa gnyis kyi tshul la mi gnas pa'i tshul gyis gnas te khyad par ni de yod do/ /de ltar lang kar gshegs par gsungs pa/nga yi tshul ni rnam gnyis te/ /bstan pa dang ni grub mtha'o/ /byis pa rnams la smra ba bstan/ /rnal 'byor can la grub pa'i mtha'/ /zhes so/ /gnas ni 'chad par 'gyur ba la yang sbyar ro/ /bsod nams dang ye shes kyi tshogs kyi bdag nyid chen po gsungs pa/'khor ba'i zhes pa las sogs pa ste/ nyon mongs pa dang las las byung ba'i 'gro ba lnga po rga shis rab tu bcings pa'i ngo bo ni 'khor ba'o/ /pha rol tu phyin pa ni mya ngan las 'das pa'o/ /de dag gi mtha' ni rang bzhin med pa nyid de/ 'khor ba dang mya ngan las 'das pa'i dbye ba gnyis su med do zhes pa'i don to//de la gnas pa ni mi gnas pa'i tshul gyis gnas pa'o/ /de skad du yang / shes pas srid la mi gnas shing / /snying rjes zhi la mi gnas dang / /thabs ma yin pas ring ba dang / /thabs kyis ring ba ma yin nyid//ces so/ /dbyer mi phyed pa'i mtha' la chos nyid kyi gnas nyid de/ ji skad du/ mya ngan las 'das pa rtag par/ /'khor ba mya ngan 'das pa las/ /khyad par cung zad yod ma yin/ /mya ngan 'das pa'ang 'khor ba las/ /khyad par cung zad yod ma yin/ /mya ngan 'das mtha' gang yin pa//de ni 'khor ba'i mtha' yin te/ /de gnyis khyad par cung zad de/ /shin tu phra ba'ang yod ma yin/ /zhes so/ /de lta bur bshad pa ji ltar yin zhe na gsungs pa/ bya ba byas pa zhes pa ste bya ba ni gang byang chub sems dpa' rnams sems can ma lus pa'i don mdzad par spyod pa'i bdag nyid kyi dngos po skyed do//bsod nams dang ye shes kyi tshogs dang sa dang pha rol tu phyin pa yongs su rdzogs par byed pa'i mtshan nyid can no/ /bya ba de byas pa gang yin pa de de bzhin no/ /bya ba de byas nas srid pa dang mya ngan las 'das pa'i g.yang las 'das shing thams cad las 'phags pas skrag pa thams cad dang bral ba'i gnas la gnas pa'i phyir skam sar gnas pa'o//nyan thos kyi theg pa la ni 'khor ba'i pha rol zhes pa la sogs pa mya ngan las 'das pa thob pa la bshad de/ mya ngan las 'das pa rnams de ltar snang ba'o/ /ye shes 'ba' zhig ni gnyis su med ces pa'i don to//'ba' zhig pa nyid ni ye shes 'ba' zhig pa ste des nges par bsal te phyung bas na/ bcom ldan 'das 'jam dpal ni de bzhin gshegs pa'i gnyis su med pa'i ye shes las nges par 'khrungs pa'o zhes pa'i don to/ / yang na grangs can pa dang / phyogs kyi grangs can pas thar pa'i rgyur yongs su brtags pa ni shes pa 'ga' zhig go/ /de ni shin tu rno ba'i shes rab kyi snang bas nges par phyung ba ste 'jug pa'i gnas nges par gsal zhing med par byas pa gang yin pa de la de ltar bshad de/ nges phyung shes pa 'ba' zhig pa//zhes pa'i don to/ /de nyid kyi phyir gsungs pa/ shes rab mtshon cha zhes pa ste/ chos rnams nges par 'byed pa'i ye shes ni shes rab ste de nyid mtshon cha'o/ /gang gi zhes dbye bas don dam par ni de nyid shes rab kyi rang bzhin gyi mtshon cha'o/ /ling+gaM twa tan+t+ra/ de nyid phaT kyi rgol ba rnams kyi log pa'i blo gros 'joms pa'i phyir rnam 'joms pa'o//ye shes 'ba' zhig nges gsal ba dang shes rab mtshon cha zhes klog pa yang go sla ba nyid do/ /dam pa ni byang chub sems dpa' rnams so/ /chos kyi rtsa ba dang sbyin pa la sogs pa'i rang bzhin bcom ldan 'das 'jam dpal ni dam chos te de la goms pas de nyid du grub pa ste/ji skad du/ ye shes zhabs kyis/ sems can ma lus pa'i phun sum tshogs pa 'dzin pa'i chos skyabs su mchi'o zhes gsungs so/ /de nyid kyi phyir byang chub sems dpa'i chos kyi snang bas mdzes pas na chos rgyal lo//de'i phyir gsal bar ldan/ 'jig rten snang bar byed pa'i tshogs ni 'jig rten gyi khams thams cad na gnas pa'i sems can thams cad kyi rgyud du gtogs pa'i mi shes pa'i mun pa dang bral bar byed pa'i 'od zer gyi tshogs nyid kyis gsal ldan no//gzhan yang gsal ldan ni 'jig rten snang bas yongs su khyab par byed pa ste/ gling bzhi pa tsam snang bar byed kyi phyi'i 'jig rten snang bar mi byed pa lta bu ni ma yin no/ /mchog ni khyad par du byas pa'o/ /chos kyis rang dang gzhan gyi bde ba sgrub par byed pas mi zad pa'i mdzod kyi rang bzhin nyid kyi dbang phyug ste chos kyi dbang phyug go//yang na chos thams cad la dbang sgyur ba'i phyir chos thams cad de la rag las par 'jug pas na chos kyi dbang phyug go/ /de nyid kyi phyir chos kyis sems can thams cad 'dul bar byed pa'i phyir chos kyi rgyal lo/ /de'i phyir legs pa'i lam ni mi gnas pa'i mya ngan las 'das pa'i tshul nyid ston pa nyid de/'bras bu yod pa mya ngan ston pa'i phyir ro/ /grub pa ni yongs su grub pa yin la don ni gdul bya rnams kyi mngon par mtho ba dang nges par legs pa'i mtshan nyid de gang gi phyir 'di ni don grub po//ci las she na gsungs pa/ bsam pa grub ces pa la sogs pa ste/ bsam pa ni smon lam ste sngar byang chub tu thugs bskyed pa ste/ las dang bo pa'i gnas skabs na smon lam mtha' yas pa btab pa gang yin pa de rnams grub cing rnam par smin pas na bsam pa grub po//de nyid kyi phyir gsungs pa/ kun du rtog pa thams cad spangs/ /zhes pa ni rim gyis chos kyi dbyings la goms pa'i rang bzhin gyis bag chags dang bcas pa'i kun du rtog pa thams cad spangs shing dor bas skabs mi 'byed pa ste/ ji ltar chos ston par mdzad pa na rnam par rtog pa sna tshogs la lhag par spyod pa'i tshig ston par mdzad kyang de kho na nyid du kun du rtog pa thams cad dang bral ba'i chos kyi dbyings kyi rang bzhin la bcom ldan 'das mnga' brnyes pas/bsam pa ji lta ba dang rjes su mthun pa'i chos ston pa lta bur snang ba ni gdul bya rnams kyi rkyen las byung ba yin la/de rnams kyis kyang bcom ldan 'das kyi zhal gyi sgo nas sgra'i tshogs rnams byung bar shes shing chos ston par mdzad do zhes rnam par 'jog pas na 'gal ba med do/ /de skad du yang / de yi byin gyi rlabs tsam gyis/ /skyes bu yid bzhin nor bu ltar//rtsig pa la sogs rnams las kyang / /ji ltar 'dod bzhin ston pa 'byung / /de yi don rnams dpyad nas ni/ /mi rnams kyis ni kun shes te/ /phan pa rnams la ci rigs par/ /myur ba nyid du sbyor bar 'gyur/ /zhes gsungs so/ /bstod pa bzhi par yang gsungs pa/mgon po sems pa mi mnga' zhing / /rnam rtog g.yo ba mi mnga' yang / /lhun gyis grub par 'jig rten du/ /sangs rgyas kyis ni mdzad pa 'jug /gtso bo khyed kyis 'ga' zhig tu/ /yi ge gcig kyang ma gsungs la/ /gdul bya'i skye bo ma lus rnams/ /chos kyi char gyis tshim par mdzad//ces so/ /de nyid kyi phyir/ rnam par mi rtog dbyings mi zad/ /de yang gang yin zhe na chos kyi dbyings te/ chos kyi dbyings zhes pa chos thams cad 'byung ba'i rigs yin no/ /de'i phyir thams cad las mchog tu phul du byung bas dam pa'o/ /dngos po gang zhig gnas zhes pa//'grib dang 'phel ba mi rigs so/ /zhes pa'i rigs pas zad mi shes pa'o/ /bsod nams ldan pa zhes pa la/ sbyin pa la sogs pa pha rol tu phyin pa gsum ni bsod nams kyi tshogs so/ /shes rab kyi pha rol tu phyin pa la sogs pa lnga ni ye shes kyi tshogs so//brtson 'grus dang bsam gtan ni gnyis kar gtogs so/ /de la bsod nams ldan pa zhes bya ba ni rgyu'i gnas skabs so/ /bsod nams tshogs zhes bya ba ni 'bras bu'i gnas skabs so/ /de bzhin du/ ye shes ye shes 'byung gnas che/ /zhes pa rgyu dang 'bras bu'i dngos po nyid kyis tshig gnyis su sbyar bar bya'o//ye shes 'byung gnas zhes pa rtags kyi rgyud nyid kyi phyir ma ning gi rtags so/ /ye shes 'byung gnas nyid kyi phyir/ de'i 'bras bur gyur pa'i ye shes ni ye shes ldan pa'o/ /yang na ye shes nyid 'byung gnas te skye ba'i gnas gang yin pa zhes tshig rnam par sbyar te/gnyis su med pa'i ye shes goms pa nyid las de skyes pas na ye shes 'byung gnas so/ /yod med shes pa ni zab pa dang rgya che ba nyid kyis dngos po dang dngos po med pa ro gcig par rtogs pa ste/ de de'i bdag nyid du ldan pa'i 'jam pa'i dpal ni yod med shes pa'o//de'i phyir bsod nams dang ye shes kyi tshogs gnyis yang dag par bsags pa'o// //da ni sngags kyi tshul gyi lha rnams kyi ngo bo dang / ting nge 'dzin dang / sngags dang / khro bo la sogs pa'i gzugs kyis gdul bya rjes su gzung ba'i phyir kun du gnas so zhes ston par byed pa ni/rtag pa zhes pa la sogs pa ste/ thams cad du rgyun mi 'chad par byed pa'i phyir rtag pa ste rnam par snang mdzad do/ /gzugs sna tshogs pas sangs rgyas kyi mdzad pa bsgrub pas mdzes pa'i phyir sna tshogs rgyal po ste don yod grub pa'o//thabs dang shes rab snyoms par 'jug pa'i mtshan nyid can gyi rnal 'byor dang ldan pa'i phyir rnal 'byor can te 'dod chags rdo rje'o/ /bsam gtan zhes pa ni bsam pa po dang bsam par bya ba dang bsam gtan gyi bya ba dang bral ba rnam par rtog pa med pa zhes bya ba thugs rje'i rang bzhin mi bskyod pa'o//bsam bya ni sangs rgyas nyid don du gnyer ba rnams mtha' yas pa'i dga' ba'i rgyud kyi rgyu nyid kyis bsgom par bya ba ste 'di ni rin chen 'byung ldan no/ /de bzhin du blo ldan bdag ni de bzhin gshegs pa lnga po rnams kyi ye shes kyi bdag po drug pa rdo rje 'chang gi rang bzhin te 'di yang 'jam pa'i dpal nyid do zhes mngon par brjod pa'o//de ltar yang / bde gshegs shes rab dri ma med/ /'jam pa'i dbyangs su de bshad do/ /dngos dang dngos med rnams dpyad na//sangs rgyas kun la bdag med kyang / /bdag gi dbang du 'jug 'gyur ba/ /e ma'o chos kyi chos nyid yin/ /zhes gsungs so/ /de lta bu'i ngo bo nyid kyi gang gis ji ltar rtogs par bya zhe na/ gsungs pa/ so so rang rig ces pa ste so so rang rig pa'i ngo bo nyid las ma gtogs par gang gis ji ltar yang rtogs par mi nus so zhes bya ba'i don to//hi ni nges par gzung ba'o/ /don dam par ni ngo bo gzhan du mi 'gyur ba'i rang bzhin gyi phyir mi g.yo ba ste/ rang bzhin med pa'i rang bzhin gyi phyir g.yo ba med do zhes pa'i don to/ / ri brags ltar gnas nas rtag pa nyid kyi mi g.yo ba ni ma yin no/ /de nyid kyi phyir gsungs pa/ mchog gi dang po zhes pa ste mchog gi dang po rdo rje 'chang ngo / /de skad du ye shes zhabs kyis/ mchog gi dang po snying gar 'byung ba yi/ /rlung gang nor bu'i gzugs can de rdo rje//zhes so/ /thams cad las phul du byung bas mchog kyang 'di yin la dang po yang 'di yin pas de nyid ni sangs rgyas dang byang chub sems dpa' thams cad skyed pa'o/ /de ltar dbyer med kyang de chos kyi sku'i mnga' bdag nyid kyis rigs gsum gyi bdag nyid can ni sku gsum du gdul bya la snang ba skye'o zhes gsungs pa ni sku gsum 'chang zhes pa ste/sku gsum ni chos dang longs spyod rdzogs pa dang sprul pa zhes bya ba rnams so/ /sku gsum po de nyid rigs lnga'i bdag nyid can ngo bo nyid dang / longs spyod rdzogs pa dang / sprul pa dang /chos dang / ye shes kyi dbye bas rnam pa lngar snang bas na/ sangs rgyas sku lnga'i bdag nyid can/ /zhes pa rdo rje 'chang ste/ sangs rgyas rdo rje 'chang du bshad/ /ces gsungs pa'o/ /de la ngo bo nyid ni chos nyid kyi sku'o/ /sku bzhi po'i rang bzhin gyi tshul ni gzhan gyi spyod yul ma yin no//longs spyod rdzogs pa'i sku ni mtshan dang dpe byad shin tu 'bar ba ste byang chub sems dpa' sa bcu'i dbang phyug rnams kyi spyod yul lo/ /sprul pa ni nyan thos la sogs pa rnams kyi spyod yul lo/ /chos kyi sku ni byang chub kyi phyogs la sogs pa bsgom par bya ba'i chos kyi rang bzhin no//ye shes kyi sku ni sems can gyi don bya ba thugs su chud pa'i bdag nyid can no zhes pa khyad par ste/ me long lta bu la sogs pa ye shes lnga'i bdag nyid kyis so sor snang ba'i phyir ro/ /de nyid ye shes lnga'i bdag nyid can no/ /de la dri ma med pa'i ye shes me long lta bu la shes bya'i dkyil 'khor mtha' dag gzugs brnyan gyi tshul du snang bas na me long lta bu'i ye shes so//tshul de chos thams cad mnyam pa nyid du khong du chud pa ni mnyam pa nyid kyi ye shes so/ /de nyid rten cing 'brel bar 'byung ba nyid kyi phyir so so rang rig par byed pas na so sor rtog pa'i ye shes so//de nyid sems can ma lus pa'i don gyi bya ba sgrub par snang bas na bya ba sgrub pa'i ye shes so/ /de ltar rnam par gnas kyang rang bzhin gyis dri ma med pa'i phyir shin tu rnam par dag pa'i chos kyi dbyings kyi ye shes zhes brjod pa ni/bcom ldan 'das 'jam dpal khams gsum pa'i dpal ye shes lnga'i bdag nyid can nyid do/ /sngags kyi tshul la ni thabs dang shes rab gnyis su med pa'i bde ba chen po'i rnam pa rgyun mi 'chad pa ste/ shin tu rnam par 'byung ba'i chos 'byung gi ye shes nyid mthong ba'i dbye bas de bzhin gshegs pa lnga'i gzugs nyid kyi phyir ye shes lnga'i bdag nyid ces rnam par bshad pa'o//de nyid kyi phyir sna tshogs kyi gzugs de rnams de'i rang bzhin gyis khyab pas na khyab bdag go/ /rgyu la 'bras bus rgyas gdab ste/ /'bras bu la yang rgyus rgyas gdab//ces gsungs pa'i phyir/ rgyu'i rdo rje 'chang la 'bras bu sangs rgyas lngas rgyas gdab pa gsungs pa/ sangs rgyas lnga zhes pa la sogs pa ste/ sangs rgyas lnga'i bdag nyid kyi cod pan gyis khams gsum pa'i chos kyi rgyal srid du mngon par dbang bskur ba'i phyir/sangs rgyas lnga bdag cod pan can no/ /sha'i dang / lha'i dang / chos kyi dang / shes rab kyi dang / sangs rgyas kyi spyan zhes bya ba rnams ni dngos po so sor nges pa dang / sems can thams cad kyi 'chi 'pho dang / skye ba dang / chos thams cad la rnam par rtog pa dang /'phags pa'i gang zag thams cad rtogs pa dang / chos thams cad rnam pa thams cad du mngon par rdzogs par byang chub pa'i yul can rnams te/ spyan lnga po rnams chags pa med pa dang / thogs pa med par 'dzin par byed pa na/ spyan lnga chags pa med pa 'chang ba ste/chags pa med pa'i spyan lnga 'chang / /zhes pa'i don to/ /yang na spyan lnga zhes tshig tha dad pa ste/ 'di nyid bcom ldan 'das lnga rnams dang spyan rnams ni spyan lnga ste 'jam dpal nyid do/ /kun sdud pa'i bsdu ba sbyar te thams cad du chags pa'i dngos po med pas chags pa med pa 'dzin pas na chags med 'chang ba'o//de ltar yang / bde sdug bdag dang bdag med dang / /rtag dang mi rtag la sogs pa/ /tha dad rnam par rtog pa rnams/ /gtso khyod blo ni chags ma lags/ /zhes gsungs so//byang chub kyi sems rdo rje'i rang bzhin nyid kyis de de bzhin gshegs pa thams cad skyed pa po yin pa'i phyir sangs rgyas thams cad skyed pa po'o/ /pha rol tu phyin pa'i tshul ni shes rab kyi pha rol tu phyin pa las de bzhin gshegs pa thams cad nges par 'khrung bar 'dod de/shes rab kyi pha rol tu phyin pa ni rdo rje'i blo'o zhes gsungs pas na/ 'jam dpal nyid sangs rgyas thams cad skyed pa po zhes bshad de/ de bzhin du byang chub sems dpa'i tshul gyis byang chub tu sems bskyed pa la sogs pa'i rim gyis sems can gang+gA'i klung gi bye ma snyed rnams sangs rgyas la bzhag ces pa las so//de lta na yang / 'di ni sangs rgyas sras po ste/ /sems can thams cad kyi don slar yang byang chub sems dpa'i don gyis rtag tu bzhugs pa'i phyir ro/ /sangs rgyas sras po yang ci 'dra ba zhig ce na dam pa zhes bya ste/sems can gyi tshogs ma lus pa'i don byed pa'i mtshan nyid sangs rgyas kyi mdzad pa byed pas thugs las skyes pa'i sangs rgyas sras po zhes pa'i don to/ /de nyid kyi phyir gsungs pa/ mchog ces pa ste shes rab kyis chos thams cad rang bzhin pa nyid du shes pa'o//de nyid srid pa skyed pa'i gnas te/ de'i phyir mtshan dang dpe byad 'bar ba'i sku 'byung ba gang yin pa ni shes rab srid 'byung ngo / /de bzhin du skye gnas kyang srid pa dang las dang nyon mongs pa'i skye gnas dang bral ba'o/ /de'i phyir gsungs pa/chos kyi skye gnas zhes pa ste chos 'byung gi rang bzhin nyid kyis chos thams cad kyi skye gnas yin pa'i phyir chos kyi skye gnas so/ /yang na chos kyi dbyings de rang bzhin gyi rgyu med pa'i phyir skye gnas ma yin pa nyid do zhes pa la'ang 'gal ba med do/ /thabs dang shes rab kyi bdag nyid kyi chos ston pas srid pa mthar byed pa'i phyir mthar byed pa'o//de nyid ji lta bu zhe na gsungs pa/ gcig pu sra mkhregs zhes pa la sogs pa ste/ mkhregs pa ni khong stong ma yin pa'o/ /ji ltar mkhregs na gcig pu ste de bzhin nyid kyi bdag nyid kyi phyir gnyis su med pas cha shas med pa'o//gcig pu ni 'di rnams de bzhin nyid dang gnyis su med par gsungs pa'o/ /sra ba yang yin la thams cad kyi mchog kyang yin pas na gcig pu sra mkhregs so/ /de nyid kyi phyir rdo rje'i bdag ste 'di'i bdag gi rang bzhin ni rdo rje'i bdag yin pas de ltar bshad do//gzugs kyi sku'i mchog la ni hUM mdzad rdo rje'i bdag yin te/ de yang mtshan dang dpe byad 'bar ba'i longs spyod rdzogs pa'i sku yin pas rdo rje'i bdag go/ /rdo rje mkhregs pa ni sra ba ste mi phyed pa byed pa'i phyir ro/ /gcig pu ni thams cad la phul du byung ba'i phyir gtso bo'o//sra zhing brtan pa'i phyir gcig pu sra mkhregs so/ /yang na khong stong lta bu'i gnyis pa med pa'i phyir gcig pu gnyis su med pa nyid mkhregs pa ste de ni rang rig pa ma rtogs pas rig par bya ba med pas na gnyis med nyid de/gnyis pa ni tshad ma dang 'gal ba'i phyir snying po med pa nyid de/ de bas na rdo rje ltar mi phyed pa'i rang bzhin yin pa'i phyir rdo rje bdag 'jam dpal nyid de/ rdo rje 'chang ba zhes pa'i don to/ /de'i phyir rdo rje hUM ni 'phral du skyes pa 'gro ba'i bdag ste 'khor los sgyur ba'i bu thu bo bzhin no zhes dgongs pa'o//rang bzhin gyis skye ba med kyang kun rdzob tu nam mkha'o/ /stong pa nyid dang ye shes bdag nyid nam mkha' lta bu'i rang bzhin rdo rje gsum gyi bdag nyid kyi gzugs kyi sku las byung ba nyid nam mkha' las byung ba'o/ /gdul bya'i bsam pa'i dbang gis de dang de'i gzugs kyi snying rje chen pos rang byung bas na rang byung ngo //de lta na 'gro ba thams cad du song bas der gtogs pa'i nyes pa'i skyon dang ldan par 'gyur bar dogs pa la gsungs pa/ shes rab zhes pa la sogs pa ste/ shes rab dang ye shes ni chos thams cad rang bzhin med par khong du chud pa ste/de nyid phung po la sogs pa'i bud shing sreg par byed pa'i phyir me'o/ /'jig rten las 'das shing zhi ba shin tu rnam par dag pa'i ye shes kyi bdag nyid kyi phyir chen po'o/ /de skad du yang /'gro ba'i chos rnams thams cad ni/ /rnam shes me yi bud shing 'dod/ /de dag ji bzhin rnam dpyad pas/ /'bar zhing sreg pas nye bar zhi/ /zhes so/ /de gnyis kyi phyir de nyid gdul bya'i skye bo'i rgyud la rnam pa tha dad pa'i tshul gyis gsal bar byed pas na lam me ba ste rnam par snang bar byed pa'o//'jig rten gyi khams thams cad du chos nyid kyis snang bar byed pas na 'od chen po'o/ /'od chen po yang phyi rol gyi bems po lta bu ni nam yang ma yin no zhes bstan pa'i phyir gsungs pa/ ye shes zhes bya ba la sogs pa ste ye shes kyi snang ba rab tu gsal ba'i bdag nyid rnam par snang bas na ye shes kyi snang ba lam me ba'o//de ltar rnam par snang bar mdzad pa na nyi ma ltar 'jig rten gyi khams gcig snang bar byed dam/ gal te thams cad du zhe na de nyid gcig pus zhes gsungs te/ 'gro ba'i mar me zhes pa ste nyon mongs pa dang shes bya'i sgrib pa dang bral ba'i phyir cig car 'jig rten gyi khams thams cad du gdul bya thams cad kyi rgyud la ye shes kyi snang ba 'char bar mdzad pa'i phyir 'gro ba'i mar me ste phyi rol gyi don ma yin no zhes pa'i don to//nam mkha'i khams thams cad snang bar byed pa'i ye shes nyid de'i bdag nyid du gsal bas na ye shes sgron me'o//de bzhin gshegs pa thams cad kyi ye shes kyi sku nyid kyis sems can gyi phung po mtha' dag gi mi shes pa'i mun pa mun nag rnam par 'joms pa'i phyir/ gzi brjid chen po 'od gsal ba'o//da ni drag pos 'dul ba'i sems can rjes su gzung ba'i phyir gnod mdzes la sogs pa'i 'khor los sgyur ba'i sngags kyi lha rnams kyi bdag nyid can du gyur pa'i bye brag bstan pa'i phyir gsungs pa/ rig pa'i rgyal po zhes pa la sogs pa ste/rig pa'i rgyal po ni gnod mdzes so/ /hUM yig bzhi pa'i rang bzhin yin pa'i phyir sngags bdag dbang po'o/ /de nyid khro bo'i sngags kyi mnga' bdag yin pa'i phyir/ gsang sngags rgyal po ste b+h+rUM yig go/ /de'i rang bzhin 'jam dpal te gsang sngags rgyal po'o//sems can gyi phung po chen po dang 'brel ba nyid kyis chen po'o/ /kun du snang ba'i gtsug tor gyi tshul gyis de dag gi don byed pa'i phyir don chen byed pa'o/ /yi ge gcig pos 'khor los sgyur ba'i rang bzhin pa'i phyir gtsug tor chen po'o/ /'khor los sgyur ba'i rgyal po nyon mongs pa sel ba'i phyir rmad byung gtsug tor ro//gtsug tor chen po rmad byung gtsug /ces mtha' dag bklags pa na/ rmad byung gtsug ces bya ba ni khro bo'i khyad par ro/ /mtha' dag bklags pa ni sde tshan nyid du yang dag par 'dod do zhes gnas so//gzi brjid phung po'i ngo bo nyid du gyur pas na sna tshogs ston to/ /gtsug tor gyen du 'phags kyi ngo bo nyid du gyur pas na nam mkha'i bdag po'o/ /gsang sngags kyi mdzod kyi gtsug tor thams cad kyi bdag po nyid du gyur pas na sangs rgyas kun bdag dngos po mchog go//yang na gzungs kyi dkyil 'khor du spyan ma la sogs pa rig ma'i dbus su mdzes pas rig pa'i rgyal po'o/ /khro bo'i dkyil 'khor du de'i bdag po nyid du gyur pa'i phyir sngags drag gdab pa'o/ /chos kyi dkyil 'khor du gsang sngags thams cad kyi mnga' bdag tu gyur pa'i phyir gsang sngags rgyal po'o//de nyid kyi phyir don chen byed do/ /gtsug tor 'khor los sgyur ba bcu gnyis kyi gsang sngags kyi sngags rnams dang ting nge 'dzin gyi khyad par rmad du byung ba la sogs pa'i tshul gyis bzhugs pas na gtsug tor chen po rmad byung gtsug go//'gro ba 'dul ba'i dkyil 'khor du sna tshogs ston pa'i ngang tshul nyid kyi phyir sna tshogs ston to/ /nam mkha'i snying po'i dkyil 'khor de'i bdag nyid kyi phyir nam mkha'i bdag go/ /rnam par snang mdzad chen po la sogs pa de bzhin gshegs pa lnga'i dkyil 'khor chen po'i phyag rgya chen po la sogs pa'i ngo bo nyid du gyur pas na sangs rgyas kun bdag dngos po mchog go//de ltar mnyam par lta bas 'gro ba rnams kun du dga' bar byed pa'i mig gang yin pa de ni de ltar bshad do/ /gdul bya dang mthun pa'i sna tshogs pa'i gzugs sprul par byed pa'i phyir sna tshogs gzugs can no//gdul bya so so skye bo rnams la 'dis sngon gyi rgyal ba'i gzugs brnyan skyed par byed pa'i phyir skyed pa po'o/ /dang ni sdud pa'o/ /de ni khams gsum pa'i bla ma'i yin pa'i phyir mchod cing brjed pa'o/ / chos thams cad kyi de kho na nyid rnam pa thams cad du mngon sum du mdzad pas 'jig rten las 'das pa'i drang srong thams cad kyi dbus na mchog tu gyur pa'i phyir drang srong chen po'o/ /de bzhin gshegs pa dang rdo rje dang pad+ma zhes bya ba rigs gsum gyi gzugs kyi bdag nyid 'dzin pas na rigs gsum 'chang ba'o//rigs gsum gyi nang du gtogs pa'i rigs thams cad kyi gsang sngags 'dzin pas gsang sngags ldan no/ /ma hAs ma ya ni grub pa'i mtha' thams cad kyi gsang sngags rab tu ston pa'i gtso bor gyur pa nyid kyis 'chang bar mdzad pas na/grub mtha' chen po'i gsang sngags 'dzin/ /zhes bya'o/ /yang na dam tshig chen po ni rdo rje'i tshul du rab tu ston pa'o/ /de rnams kyi gsang sngags ni thabs dang shes rab gcig pa'i ye shes te de 'chang bar mdzad pas na/ dam tshig chen po'i gsang sngags 'dzin no//dkon mchog gsum gyi don rab tu gsal bar mdzad cing rab tu ston pa la rag las pa nyid kyi phyir gtso bo dkon mchog gsum 'dzin pa'o/ /theg pa gsum ni nyan thos la sogs pa rnams kyi ste/ theg pa'i rnam par dbye ba de dang de rnams la de lta de ltar ston par mdzad pa'i phyir theg pa mchog gsum ston pa pa'o//da ni 'jig rten gsum 'jigs par byed pa bstan pa'i phyir/ 'jigs byed chen po'i gzugs kyis bzhengs nas lha chen po la sogs pa lha khro ba rnams gdul ba'i phyir 'phags pa gshin rje gshed kyi gzugs can gyi bcom ldan 'das ni don yod zhags pa zhes bya ba la sogs pa nas/skra dang ldan pa rnams kyi mchog /ces pa'i mthar thug pas gsungs pa'o/ /sems can thams cad bkug nas theg pa chen po las mi g.yo bar byed pas don ston cing 'bras bu dang bcas pa'i snying rje chen po'i rang bzhin gyi zhags pa gang yin pa de ni don yod zhags pa'o//de nyid mu stegs dang bdud kyi dgra las rnam par rgyal ba'i ngang tshul nyid kyis rnam par rgyal lo/ /de'i phyir byams pa'i zhags pas bkug nas dbang du gyur par bkod de sems can thams cad yang dag par sdud pa dang /dbyer mi phyid pa'i bsdu ba'i dngos po bzhi'i rang bzhin rdo rje lta bu'i zhags pa gang yin pa de ni 'dzin pa chen po rdo rje zhags so/ /stobs kyis bsgrub pa'i phyir de bzhin gshegs pa la sogs pa dang / sems can thams cad dgug pa dang dbyer mi phyed pa'i snying rje chen po'i rang bzhin gyi ye shes ni lcags kyu'i rang bzhin gyi phyir rdo rje lcags kyu'o//stobs kyis bkug pa'i sems can rnams thabs dang shes rab gnyis su med pa'i rang bzhin nges par sbyor bas na zhags pa che'o/ /rdo rje 'jigs byed kyi gzugs kyis gdul dka' ba'i sems can rnams 'jigs par byed pas na rdo rje 'jigs byed 'jigs par byed de/rje btsun 'jam dpal nyid dang dbyer mi phyed pa'i gshin rje mthar phyin pa'o/ /de nyid kyi phyir khro bo'i rgyal po ste khro bo'i gtso bo'o/ /yang na khro bo nyid kyis mdzes shing gsal bas na khro bo'i rgyal po'o//pha rol tu phyin pa drug gi rang bzhin gyis 'di'i zhal drug yin pas gdong drug ces bya ste/ zhal gyi dbyibs ni du ma ste/ /dgra ni rgya mtsho 'khrugs dang 'dra/ /kha cig bzhad cing kha cig zhi/ /kha cig 'jigs par bgrad pa'i zhal//kha cig zhal ni gdangs pa ste/ /ljags kyang bskyod par mdzad pa dang / /kha cig kyang ni mche ba gtsigs/ /zhes pa'i rigs pas so/ /'jigs pa ni 'jigs su rung ba'o/ /mngon par shes pa drug gi rang bzhin dngos po ma lus pa mthong ba'i bdag nyid mi sdug cing 'jigs su rung ba'i spyan drug dpral ba'i phyogs na yod pa gang yin pa de ni mig drug go//sangs rgyas dang chos dang dge 'dun dang lha rnams dang skyabs zhes bya ba ste/ rjes su dran pa drug gi rang bzhin phyag drug gang yin pa de ni lag drug go/ /dad pa la sogs pa'i stobs lnga dang ldan pa'i nges par 'byed pa'i shes rab rnon po'i mche ba gtsigs pa'i tshems mthon po mnga' bas na mche ba gtsigs pa'o//mi mgo rlon dang skam po'o/ /yi dwags phreng bas rnam brgyan pa/ /de lta'i mgon po bsgom par bya/ /zhes gsungs pa'i phyir/ keng rus kyi rgyan dang ldan pas keng rus so//mche ba gtsigs pa yang 'di yin la keng rus kyang ngo zhes tshig rnam par sbyar ro/ /lta ba dang / mche ba dang / kha chu dang / reg pa'i dug dang ldan te/ me 'bar ba ltar dug 'bar zhing rnam par 'phro bas gzengs pa/ mig shin tu gdug pa/lce shin tu bskyod cing glog ltar 'gyu ba/ shin tu 'jigs su rung ba/ dbyibs dang kha dog sna tshogs pa'i nor bu'i gdengs ka can gyi glu chen po rnams ni ha lA ha la zhes bya ste/ de rnams kyis skra bcings pa dang / dpral bar dar dpyang dang / rna rgyan dang / mgul rgyan dang / mchod phyir thogs dang / dpung rgyan dang / gdu bu dang / lus la ska rags dang / zhabs gdub dang / rgyan rnams su byas pa'i phyir ha lA ha la rnams kyi grangs brgya snyed kyi gdong rnams gang la yod pa ni/ ha lA ha la gdong brgya pa ste gshin rje kho na mthar byed pa'o/ /de yang mthar byed cing 'dzin par byed 'dul bar byed pas na gshin rje mthar byed do//yang na gshin rje'i sgra ni gnyis la brjod de/ de mthar byed pa ni gnyis su med pa'i chos bstan pas 'joms pa na de ltar bshad do/ /sems can rnams kyi mngon par 'dod pa'i don gyi khyad par 'joms par byed pa ni bgegs so//de'i gtso bor gyur pa nyid kyi phyir bgegs kyi rgyal po ste 'jig rten gyi khams thams cad na gnas pa'i bgegs rnams med par byed pa'o/ /gdul bya rjes su gzung ba'i phyir thogs pa med pa yid ltar mgyogs pa'i ting nge 'dzin la mngon du phyogs par byed pa'i phyir rdo rje mchog go//gdul dka' ba'i sems can 'jigs par byed pa'i phyir 'jigs byed pa'o/ /khams gsum pa shin tu 'jigs par byed pa'i sgra sgrogs pas grags pa yang 'di yin la mi phyed pa nyid kyis rdo rje yang 'di yin pas rdo rje grags pa'o/ /yang na skrags pa rnam pa mang po'i sgra ni grags pa yin la/de nyid mi phyed pa 'joms pa'i phyir rdo rje ste de lta bu gang yin pa ni rdo rje grags pa'o/ /thugs rdo rje'i rang bzhin gyi phyir rdo rje snying ngo / /rdo rje khro bo'i gzugs kyis sgyu ma sprul lo/ /'jig rten gyi khams thams cad khyab par byed pa'i phyir sgyu 'phrul rdo rje'o//yang na sgyu 'phrul gyi rang bzhin nyid rdo rje ste khams gsum stong pa nyid kyi ye shes gang yin pa de sgyu 'phrul rdo rje'o/ /gang gi phyir stong pa nyid kyi ye shes kho na rdo rje zhes sbyar ro/ /gdug pa 'dul ba'i phyir gsus khyim che zhing 'jigs pas na gsus po che'o//yang na chen po ni dri ma med cing mtha' yas pa'i nam mkha' yin la/ gsus pa ni me long lta bu'i ye shes kyi rang bzhin khams gsum pa'i khong ste de gang yin pa de la de ltar bshad do/ /rdo rje'i rigs kyi gtso bor gyur pas na rdo rje'i bdag go/ / yang na rigs ni stong pa nyid kyi ye shes rdo rje ste 'dod pa 'byung bar byed pas rdo rje'i bdag go/ /byang chub kyi sems kyi rang bzhin gyi rdo rje las de bzhin gshegs pa rnams 'byung ba'i phyir rdo rje skye gnas so/ /yang na rdo rje ni gnyis su med pa'i ye shes so/ /de ni skye gnas te gnyis su med pa'i ye shes de nyid las sems can rnams 'byung ba'o//yang na sangs rgyas sras po nyid kyis rdo rje de ni de bzhin gshegs pa'i skye gnas gang yin pa ste zhes tshig rnam par sbyar ro/ /de nyid kyi phyir rdo rje snying po ni rdo rje nying khu ste me long lta bu la sogs pa'i ye shes kyi rang bzhin rdo rje rnams ni de bzhin gshegs pa rnams kyi nying khu ste snying po zhes pa'i don to//dngos po thams cad la go skabs sbyin pa'i phyir dang / rang bzhin med pa nyid kyis nyes pa thams cad kyis ma gos pas na nam mkha' 'dra ba'o/ /sa phyis pas ni nges pa'i tshig go/ /de nyid kyi phyir de las skyes pa ni chos kyi dbyings kyi rang bzhin las mi g.yo bas na mi g.yo ba'o//yang na nam mkha' lta bu de yang snying rje chen pos rjes su chags pas sems can thams cad kyi don las mi g.yo ba'i phyir mi g.yo ba'o/ /hi ni nges par gzung ba'o/ /ral pa rnams bsgyings pa ni nam mkhar rnam par 'phags pa'i ral pa'i tshogs zhes pa'i don to//gcig ni mi mnyam pa'i ral pa bsgyings pa gang yin pa'o/ /yang na khro bo ral pa gcig pa'i gzugs kyis khyab pas bsgyings pa ste/ gdul dka' ba rnams kun du 'joms par rtsom pa gang yin pa de ni ral pa gcig bsgyings pa'o//tshogs kyi bdag po'i glang po'i pags pa rlon pa'i na bza' 'chang bas na glang chen ko rlon gos su gyon pa ste/ rlon bcas glang po'i pags pa'i gos 'chang ba/ /zhes pa'i don to/ /gdug cing gdul dka' ba'i sems can 'dul ba'i phyir 'jig rten gsum kun du skyod par byed pa hA hA dang /hI hI'i rang bzhin gyi sgra chen po 'jigs su rung ba'i sngags kyi dbyangs skad gsang mthon pos sgrogs pas na/ drag chen hA hA zhes sgrogs pas/ /hI hI zhes sgrogs 'jigs par byed/ /ces pa ste hI hI zhes sgrogs pa yang 'di yin la 'jigs par byed pa yang yin pas zhes tshig rnam par sbyar ro//de nyid kyis thams cad kun du skrag pa skyed pa'i phyir shin tu ba'i don te/ chen po yin la gad mo yang yin pas gad mo chen po gad rgyangs can no/ /de gnyen po'i ngo bo nyid kyis gzhig par dka' ba 'jig par byed pa'i gad mo dang ldan pas rdo rje gad mo'o//'jig rten gyi khams thams cad du khyab pa'i gad mo'i sgra dang ldan pa'i phyir cher sgrogs pa'o/ /rnam par dpyad pa'i rdo rjes so sor 'joms shing dbyer mi phyed pa'i sems kyi rang bzhin gyi phyir rdo rje sems dpa'o/ /de yang brtse bas mtha' gcig tu sems can gyi don byed pa'i phyir ram/byang chub sems dpa'i dkyil 'khor du byang chub sems dpa' rdo rje legs pa'i ngo bo nyid kyi phyir sems dpa' chen po'o/ /rdo rje dang 'dra ba'i phyir mi phyed pa'i gzugs kyis mdzes pa'am/ rdo rje lcags kyu'i gzugs 'dzin par mdzad pas na rdo rje rgyal po'o//mchog tu phul du byung zhing lhun gyis grub pa'i bde ba 'byung ba'i ngo bor gyur pa'am/ byang chub sems dpa' rdo rje chags pa'i gzugs nyid kyi phyir bde ba che'o/ /sems can shin tu gtum po rnams gdul bar bya ba'i phyir drag cing gzhig par dka' ba'i gzugs 'dzin par mdzad pas na rdo rje gtum po'o//gdul bya'i sems can rnams dga' ba bskyed par bya ba'i phyir dang / rang nyid kyang dga' ba'i bdag nyid can du gyur pas na dga' ba che'o/ /khams gsum rnam par rgyal ba rdo rje hUM mdzad kyi gzugs kyis sa thams cad du khyab par hUM zhes sgrogs pa gang yin pa de nyid ni/rdo rje hUM mdzad hUM zhes sgrogs so/ /khams gsum na gnas pa'i nyon mongs pa'i g.yul las rnam par rgyal bar byed pa'i phyir go cha chen po bgos te/ mi phyed pa'i mda' dang gzhu 'dzin pa'i phyir mtshon du rdo rje mda' thogs pa'o/ /nye bar dmigs pa'i mi shes pa ma lus pa gcod pa'i phyir rdo rje ral gri'o//de nyid kyi phyir mi shes pa bcad nas sems can gyi don rnams ma lus pa la byang chub kyi lam gyi dgra nyon mongs pa ma lus pa bcad de ye shes khyad par du byed pas na ma lus gcod kyi sgra las ni zhi bar gyur par rtag go/ /rdo rje las kyi rang bzhin nyid kyis rdo rje rtse mo bcu gsum pa 'dzin par mdzad pas na rdo rje kun 'chang ngo //de'i phyir rdo rje can zhes bya ste/ ni t+ya yo ge pra saM shA yA m+bA ma twa thI yaH/ de nyid rdo rje'i gtso bo dang ldan pa'i phyir rdo rje gcig pu'o/ /de nyid kyi phyir g.yul sel ba'o/ /'thab par byed 'khrug par byed pas na g.yul te nyon mongs pa ste rang bzhin gyi rgyud du gtogs pa de rnams stong pa nyid kyi ye shes kyis sel bar byed 'dor bar byed zlog par byed pas na sel ba'o//kha san+to ni pA taHrdo rje 'bar bas kha rnam par gyes pa shin tu drag cing dmar la ser skya dang dmar ser gyi spyan mi bzad pa gang la mnga' ba de ni rdo rje 'bar ba mi bzad do//rdo rje 'bar ba dang rdo rje me dang rdo rje nyi ma ste khro ba'i gzugs 'bar zhing 'phro bas gcig tu drag po'i bka' dang ldan pa'i phyir mgo skyes rdo rje 'bar ba ste zhes pa'o/ /rdo rje rnam par dag pas lhag par so sor rtog pa chos thams cad la 'bebs pas na rdo rje 'bebs pa'o//de nyid kyi phyir 'di 'bebs pa chen po yin pas 'bebs pa chen po'o/ /nam mkha' sgron ma la sogs pa'i ting nge 'dzin dang ldan pa'i phyir sgom pa bzhin du 'phro ba'i mig grangs brgya gang yin pa de ni mig brgya pa'o/ / de nyid kyi phyir de rnams rdo rje me ltar 'bar ba'i spyan du gyur pa gang yin pa de ni rdo rje'i mig go/ /yang na rdo rje ni gnyis su med pa'i ye shes te de 'di'i yin pas de ltar bshad do/ /rdo rje ltar mi phyed pa'i ba spu gang yin pa de rnams ni rengs shing rno ba'i phyir myu gu lta bur gyur pa gang yin pa de ni rdo rje ba spu'i myu gu'o//de ltar gyur pa'i lus gang yin pa de ni rdo rje ba spu'i myu gu'i lus so/ /de nyid kyi phyir gsungs pa rdo rje'i spu ni zhes pa'o/ /de yang gcig pu ste gnyis su med pas 'jigs byed chen po dang mi'i seng ge la sogs pa zil gyis gnon pa'i lus can te/ de 'di'i sku yin pas na lus gcig pu'o//rdo rje rtse mo ni rdo rje ltar sra ba'i rtse mo gang yin pa'i sen mo ste sen mos brtsams pa ste/ gdug pa can rnams nye bar rtsom pa gang yin pa de ni rdo rje rtse mo sen mos brtsams zhes pa'o/ /gzhig par dka' ba'i phyir rdo rje snying po'o/ /sra zhing mkhregs pa'i pags pa ste/pags pa'i dbang po gang yin pa de ni rdo rje snying po pags pa mkhregs so/ /dpa' bo'i dar dpyangs bzhin dpral ba'i steng du phreng bas dbang bskur ba'i ngo bo ni rdo rje phreng ba'o/ /de bzhin gshegs pa'i phreng ba 'dzin pas na rdo rje phreng thogs so/ / de bzhin gshegs pa thams cad dang yang dag par ldan pa'i phyir dpal ldan no/ /rdo rje de ni de bzhin gshegs pa thams cad de/ de'i rang bzhin gyi rgyan rnams kyis gnas ji lta bar brgyan pas de ltar bshad do/ /gdug pa'i rgyud gnon pa'i phyir 'jig rten gsum gyis bskyod du med pa'i hA hA zhes bya ba sgrogs pa'i rang bzhin don shin tu thos pas 'dul bar byed pa'i phyir drag tu bzhad pa gang yin pa de ni gad rgyangs hA hA'o//chos kyi de nyid phyin ci ma log par nges par sgrogs par byed pas na nges sgrogs pa'o/ /rdo rje sngags kyi tshul gyi sgra sgrogs pas rdo rje'i sgra'o//oM wA kye daM na maH/ oM wA gI shwa ra muH/ oM badzra tIk+Sh+Na d+h+waM/ oM many+dzu g+ho Sha muH/ zhes pa ste yi ge drug pa'i sngags kyi rang bzhin gyi phyir de nyid yi ge drug ma'o/ /'jam pa ni skrag pa thams cad 'phrog pa'i phyir ro/ /yid du 'ong zhing snyan pa'i sgras chos ston pa gang yin pa de ni 'jam pa'i dbyangs so//de nyid kyi chos thams cad bdag med par gsal bar byed pas 'gro ba la khyab pa'i chos kyi sgra sgrogs pas sgra che ba'o/ /de'i phyir 'jig rten gsum na gcig pa ste/ gnyis su med pa'i sgra tshangs pa'i dbyangs gang yin pa de ni 'jig rten gsum gcig sgra'o//de nyid kyi phyir sgra gcig pu des sems can gyi phung po chen po la chos ston pa'i bya ba byed pa'i phyir chen po'o/ /de skad du/ gsung gcig nyid du gsungs pa yang / /du ma nyid du mtshon par byed/ /de ltar dam pas bstan pa ni/ /skye bo kun du mi 'gro min//zhes so/ /che ba nyid ni nam mkha' ma lus ba khyab pa'i dbyangs nyid kyis nam mkha'i khams kyi mthar thug sgra'o/ /de'i phyir sgra dang ldan pa rnams te ngag gi dbang po nyid du mngon pa'i nga rgyal can gang yin pa rnams kyi mchog ste gtso bo'o/ /de nyid kyi phyir 'jam dpal dbyangs so zhes gsungs so// //da ni chos kyi de kho na nyid la sogs pa'i tshul gyis bcom ldan 'das kyi mtshan rnams tshigs su bcad pa tsam drug gis yang dag par brjod de/ yang dag bdag med de bzhin nyid/ /yang dag mtha' ste de bzhin zhes pa la/ tshig 'di rnams ni stong pa nyid kyi rnam grangs nyid kyi phyir don gcig kyang tshig so so ba'o/ /don gcig tshig gang gis ji ltar rtogs par bya zhe na/ thams cad kyis thams cad kyi don rtogs par bya ste/ de lta bu ni de ltar gzhan du yang ji ltar rigs pa rtogs par bya'o/ /de yang thams cad kyi tshe de bzhin kho na nyid pas de bzhin nyid dang /yang dag pa dang / de bzhin pa dang / bdag med pa dang / rang bzhin med pa dang / yang dag pa'i de nyid dang / de'i mtha'i mthar thug pa ste/ de las gzhan pa'i de bzhin nyid yod pa ma yin no zhes pa'i don to/ /yi ge thams cad kyis brjod du med pas na yi ge med pa'o//'di ni phyin ci ma log pa'i stong pa nyid kyi rang bzhin gyi byang chub ste/ rnam pa thams cad kyi mchog dang ldan pa'i stong pa nyid smra ba'i ngang tshul dang ldan pas na stong nyid smra ba'o/ /de nyid kyi phyir khyu mchog ste/ rgol ba thams cad kyi gtso bo zhes pa'i don to//stong nyid smra ba'i khyu mchog ste/ /zhes thams cad klag pa na nyi tshe ba phyin ci log gi stong pa nyid smra ba'i mu stegs pa rnams kyi gtso bo zhes rnam par bshad do/ /de ltar stong pa nyid smra ba'i khyu mchog nyid kyi phyir rnam pa thams cad kyi mchog dang ldan pa'i shes rab dang thabs kyi bdag nyid can phyin ci ma log pa'i stong pa nyid kyi chos ston pa ni zab cing rgya che'i sgra sgrogs pa'o//phyin ci log gi stong pa nyid kyi chos bstan pa ni/ sems can rnams slu ba'i rgyu'o/ /ji skad du/ stong pa nyid la lta nyes na/ /shes rab cung rnams phung bar 'gyur//ji ltar sprul la bzung nyes dang / /rig sngags nyes par bsgrubs pa bzhin/ /zhes so/ /chos ma lus pa'i ston pa'i chos kyi sgra rnams rdzogs pa'i chos kyi dung gi ting nge 'dzin gyi rgyur gyur pas na/ chos kyi dung ste sgra can ldan/ /zhes bya'o/ /de la chos kyi dung gi ting nge 'dzin ni 'di yin te/chu'i dkyil 'khor bdun po dkar po'i steng du pad+ma 'dab ma brgyad pa ga sar dang bcas ba'i lte bar chos thams cad ni 'chi ba dang bral ba'o zhes pa/ gsal bar byed pa'i maM gi sa bon las byung ba'i bdag nyid 'jam dpal gyi gzugs dkar po phyag gnyis pa/rdo rje skyil krung gi steng du phyag gnyis ting nge 'dzin gyi tshul du gnas pa/ gzhon nu'i rgyan can zur phud lnga pa/ dngas shing dri ma med pa ye shes kyi rang bzhin du bsgoms la/ rang gi snying ga'i zla ba'i steng du pad+ma la yi ge khaM las dung / de'i dbus su oM badzra dzi hwa raM zhes pas rdo rje'i lce/lce'i steng du rin po che'i pad+ma la ting nge 'dzin la snyoms par zhugs pa'i sangs rgyas 'od dpag med do/ /de'i steng rkan yi ge baM las bdud rtsi'i thigs pa thur du khar 'dzags par gyur te de lta bu'i rim pas zla ba phyed dam/ zla ba gcig gam/ zla ba drug gi bar du bsam par bya'o//dngos grub kyi mtshan ma rnyed pa dang dkyil 'khor bri bar bya ste/ phyi rol du gru bzhi sgo bzhi ba/ sgo skyong rnams dang yang dag par ldan pa phyi'i dkyil 'khor du lha mo sgeg mo dang phreng ba ma dang glu ma dang gar ma dang me tog ma dang bdug spos ma dang mar me ma dang dri chab ma rnams dgod par bya'o//de'i nang zlum po dkar po re khA gcig gis bskor ba sgo med pa'o/ /de'i dbus su pad+ma dkar po ste/ de lta bu bris nas ston zla tha chungs sam/ dpyid zla ra ba'am/ dpyid zla tha chungs la sogs pa'i zla ba nya ba la mchod pa dbul ba la sogs pa sngon du 'gro bas gtor ma phul te/dkyil 'khor gyi dbus su rdo rje skyil krung gis 'dug nas mnyam par gzhag ste/ bdag nyid 'jam dpal gyi gzugs yongs su gyur pa las sangs rgyas 'od dpag tu med pa sku chos kyi dbyings dang mnyam pa 'od gsal ba nyid du bsgom par bya'o/ / de nas de bzhin gshegs pa thams cad kyi sku dang gsung dang thugs kyi phyag rgya phyogs thams cad nas byon te rang gi lus dang ngag dang yid rnams la rab tu zhugs shing brtan por gyur to zhes brtan por bsams la/ rang gi snying gar zla ba dang pad+ma la gnas pa'i dung la gsal bar blta zhing /de yongs su bskor bar gnas pa'i yi ge thams cad kyi rang bzhin ge sar gyi thig le rnams las ngag gi rdul phra rab rnams su gyur te/ lkog ma'i phyogs su phyin pa dang dbyangs kyi ngo bo nyid du gyur la dbyangs las nA da sgra tsam las yi ge'i gzugs su gyur nas lcer phyin pa dang /rdo rje lta bu'i dbyibs su gyur nas phan tshun gcig la gcig nam mkha'i khams ma lus par byed pa sgrib pa med pa rnams nam mkha' thams cad du spros la sgra'i rnam pa la bsam zhing nam mkha' dbyangs kyis gang bar bsams te/ oM wA kye daM na maH/ zhes pa'i sngags bzlas par bya ste/skyil krung ma bshig par mtshan mo mtha' dag bzlas brjod byas na dngos grub kyi mtshan mar 'gyur te/ lce la 'od zer 'phro ba dang / grub po zhes bya ba'i sgra thos pa dang / mchu dang so dag las 'od zer sna tshogs 'byung ba rnams so/ /de nas brtsams te ji ltar bsam pa'i tshig dang /ngag dang sdeb sbyor sna tshogs dang / tshigs su bcad pa dang / gsang sngags dang / rig sngags dang / snying po la sogs pa rnams dung las 'bad pa med par 'byung bar 'gyur la/ ma rtogs pa'i bstan bcos rnams kyang rtogs par 'gyur ro//thams cad mkhyen pa nyid du yang ring por mi thogs par 'gyur bas na/ chos kyi dung ste sgra chen ldan/ /zhes bya'o/ /de nyid thams cad du sgrib pa med par chos ston pa'i sgra'i rgyur gyur pas na chos kyi gaN+DI'o/ /'jig rten gyi khams thams cad du chos ston pa'i sgra'i snang ba skyed pas na sgra bo che'o//kha cig tu sgra gang yin pa de de bzhin du yod pa ma yin no/ /'khor ba dang mya ngan las 'das pa la sogs pa gnas pa dang gnas par byed pa gang dang gang du mya ngan las 'das pa yod pa de la mi gnas pa de lta bu ni dgongs pa can gyi mya ngan las 'das pa yin gyi/ don dam pa'i yongs su mya ngan las 'das pa chen po ni ma yin par bshad do//don dam par ni mya ngan las 'da' ba med pa ni mya ngan las 'das pa ste/ gang rang bzhin gyis dag pa rmi lam dang sgyu ma'i rang bzhin can de ni mi gnas pa'i mya ngan las 'das pa spros pa med pa'i dpal bcom ldan 'das 'jam dpal lo//de skad du/ mya ngan 'das med ma 'das su/ /'jig rten mgon pos bstan pa ste/ /nam mkhas byas pa'i mdud pa ni/ /nam mkha' nyid kyis grol ba bzhin/ /'ga' la'ang gnas pa ma yin pa/ /kun du sangs rgyas gnas pa nyid/ /nam mkha' kun du gnas pa bzhin//de ni rab tu mi gnas pa'o/ /zhes so/ /bstod pa bzhi par yang gsungs pa/ rtag cing brtan la zhi ba yi/ /chos kyi rang bzhin khyod kyi sku/ /rgyal ba khyod kyis skye bo rnams/ /gdul phyir mya ngan 'das pa'ang bstan/ /grangs med ji skad khams rnams su//'das dang bltams dang mngon byang chub/ /'khor lo mya ngan 'das gshegs rnams/ /khyod gus rnams kyis yang yang mthong / /zhes dang / ring zhing nye ba ma lags shing / /nam mkha' ma lags gnas ma lags/ /'khor min mya ngan 'das ma lags/ /gnas mi mnga' la phyag 'tshal 'dud//zhes so/ /bcom ldan 'das kyi mi gnas pa'i mya ngan las 'das pa 'di yang gzhan du rigs pa ches mang po dag gis rab tu bsgrub mod kyi/ 'dir ni gsung lci ba'i 'jigs pas rgyas par ma spros so/ /lung du gsungs pa cung zad bri bar bya'o/ / de yang dgongs pa can gyi mya ngan las 'das pa ni chos yang dag par sdud pa las gsungs te/ rigs kyi bu byang chub sems dpa' chos kyi tshul la 'jug pa bcus de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po khong du chud par bya ste/nyon mongs pa dang shes bya'i sgrib pa thams cad spangs pa'i mthar 'gro ba'i dang / gang zag dang chos kyi yul la bdag med par khong du chud pa dang skye ba dang chos kyi gnas gyur pa thob pa dang / sems can thams cad la sangs rgyas kyi mdzad pa lhun gyis grub cing rgyun mi chad pa thob pa dang /de bzhin gshegs pa thams cad kyi chos kyi sku dbyer med pa thob pa dang / 'khor ba dang mya ngan las 'das pa la gnyis su med cing bsam pa dang bral ba dang / chos thams cad kyi rtsa ba rnam par dag pa dang / chos thams cad skye ba med pa dang 'gag pa med pa de'i dngos po bsgom pa dang /de bzhin nyid dang chos kyi dbyings dang yang dag pa'i mtha' mnyam pa'i ye shes thob pa dang / chos thams cad kyi rang bzhin dang mya ngan las 'das pa'i rang bzhin mnyam pa'i ye shes thob pa ste/ rigs kyi bu byang chub sems dpa' chos kyi tshul la 'jug pa bcu po de dag gis de bzhin gshegs pa rnams kyi yongs su mya ngan las 'das pa chen po khong du chud par bya'o//rigs kyi bu gzhan yang byang chub sems dpa' chos kyi tshul la 'jug pa bcus de bzhin gshegs pa rnams kyi yongs su mya ngan las 'das pa chen po khong du chud par bya'o//bcu gang zhe na/ nyon mongs pa thams cad kyi rtsa ba ni smon pa yin te/ smon pas byung ba'o/ /de bzhin gshegs pa la ni smon pa med de/ de smon pa med pas de bzhin gshegs pa yongs su mya ngan las 'das pa zhes bya'o/ / smon pa med pas de bzhin gshegs pas chos gang yang mi len to/ /mi len pas mi srid mi ldog go/ /len pa med pas de bzhin gshegs pa yongs su mya ngan las 'das pa zhes bya'o/ /gang 'jug pa dang ldog pa chad pa de ni mi 'gag go/ /skye ba dang 'gag pa dang bral bas de bzhin gshegs pa yongs su mya ngan las 'das pa zhes bya'o//gang skye ba med pa dang 'gag pa de ni cir yang brjod par bya ba ma yin te/ brjod par bya ba ma yin pas de bzhin gshegs pa yongs su mya ngan las 'das pa zhes bya'o/ /bdag dang sems can med de/ chos tsam 'di skye zhing 'gag pas chos gnas par gyur pa'i phyir de bzhin gshegs pa yongs su mya ngan las 'das pa zhes bya'o//nyon mongs pa dang nye ba'i nyon mongs pa rnams ni glo bur ba'i chos yin te/ chos kyi dbyings ni 'ong ba med cing 'gro ba med pas de glo bur ba yang ma yin gnas pa yang ma yin te/chos kyi dbyings nyid mnyam pa nyid du rtogs pa'i phyir de bzhin gshegs pa yongs su mya ngan las 'das pa zhes bya'o/ /bden pa'i ngo bo nyid ni de bzhin nyid de ni de bzhin gshegs pa yongs su mya ngan las 'das pa zhes bya'o/ /yang dag pa'i mtha' ni spros pa med pa chos bzhin spros pa'i ngo bo nyid de yang dag pa'i mtha' dang ldan pa'i phyir de bzhin gshegs pa yongs su mya ngan las 'das pa zhes bya'o//skye ba med pa ni bden pa ste/ skye ba la sogs pa'i chos gzhan rnams ni mi bden pa log pa brdzun pa slu ba'i chos can no/ /de bzhin gshegs pa ni brdzun pa slu ba'i chos can ma yin te/bden pa'i ngo bo nyid ni de bzhin gshegs pa yongs su mya ngan las 'das pa zhes bya'o/ /yang dag pa ma yin pa ni mngon par 'du byed de yang dag pa ni mngon par 'du bya ba med de/ yang dag pa ni de bzhin gshegs pa'i chos kyi sku ste/ 'dus ma byas pa ni yongs su mya ngan las 'das pa zhes bya'o//bcu po de dag gis sangs rgyas rnams kyi yongs su mya ngan las 'das pa chen po khong du chud par bya'o/ /gzhan yang chos bcus sangs rgyas rnams kyi yongs su mya ngan las 'das pa chen po khong du chud par bya'o/ /bcu gang zhe na/sbyin pa dang sbyin pa'i 'bras bu bdag med cing bdag gir bya ba med pa dang / sbyin pa dang sbyin pa'i 'bras bu yongs su shes pas rnam par rtog pa gnas gyur pa phyin ci ma log pa ni de bzhin gshegs pa yongs su mya ngan las 'das pa zhes bya'o/ /de bzhin du tshul khrims dang bzod pa dang brtson 'grus dang bsam gtan dang shes rab kyi 'bras bu bdag med cing bdag gi ba med pa dang shes rab dang shes rab kyi 'bras bu yongs su shes pas rnam par rtog pa gnas gyur pa phyin ci ma log pa ni de bzhin gshegs pa yongs su mya ngan las 'das pa zhes bya'o// sems can thams cad sems can yin pa dang / chos thams cad bdag med pa dang / sems can du 'du shes pa'i phyin ci log pa dang bral zhing / chos su 'du shes pa'i phyin ci log dang bral ba ni de bzhin gshegs pa yongs su mya ngan las 'das pa zhes bya'o/ /gang bdag la sdug par 'gyur ba de ni tshol bar 'gyur ro//tshol ba de ni nyon mongs so/ /bdag la sdug bsngal dang bral zhing tshol ba thams cad dang bral ba'i phyir nyon mi mongs pa ste/ nyon mongs pa med pa ni de bzhin gshegs pa yongs su mya ngan las 'das pa zhes bya'o/ /'dus byas ni tshad dang ldan pa yin te/'dus ma byas ni tshad med pa'o/ /'dus byas kyi chos las rnam par grol zhing 'dus ma byas kyi chos thob pa tshad med pa'i chos ni de bzhin gshegs pa yongs su mya ngan las 'das pa zhes bya'o/ /de bzhin gshegs pas ni gang stong pa nyid ma gtogs pa'i chos sam sems can gang yang ma yin te/stong pa nyid ni chos so/ /chos kyi sku ni de bzhin gshegs pa yongs su mya ngan las 'das pa zhes bya'o/ /rigs kyi bu byang chub sems dpas chos kyi tshul la 'jug pa bcu po de dag gis de bzhin gshegs pa dgra bcom pa yang dag par rdzogs pa'i sangs rgyas rnams kyi yongs su mya ngan las 'das pa chen po khong du chud par bya'o zhes dgongs pa can gyi mya ngan las 'das pa bstan pa yin no//'ga' zhig gis kyang gsungs pa/ sgrib pa kun las nges grol phyir/ /mdzad pa rnams kyang ma rdzogs phyir/ /sangs rgyas rtag tu mya ngan 'das//mya ngan 'das pa'ang min par 'dod/ /kun kyang 'dres pa'i phrin las can/ /rgya mtsho'i chu 'dra rgyal ba rnams/ /byas so byed do bya'o zhes/ /gzhan gyi don la dgongs pa med/ /snod chag pa yi zla ba bzhin/ /rang gi nyes pas mi snang ngo / /'jig rten kun la nyi ma bzhin//de dag chos 'od khyab pa mdzad/ /la lar rdzogs pa'i byang chub ston/ /la lar me bzhin mya ngan las/ /nam yang med pa ma yin te/ /de bzhin gshegs pa rtag pa'i sku/ /gang du'ang rnam par dpyod mi mda'/ /gnas rnams kun nas mthong mod kyi/ /dbang po drug gi spyod yul min//nyon mongs thul la spangs pa med/ /sngags kyis gsad pa'i dug dang 'dra/ /sangs rgyas rnams ni nyon mongs pas/ /nyon mongs zad pas kun mkhyen zhes/ /thabs chen rnams ni ldan pa la/ /nyon mongs byang chub yan lag ldan/ /'khor bzhi ba'i bdag nyid de//de'i phyir de bzhin gshegs bsam yas/ /khams gcig na ni gnyis med phyir/ /dpag med lhan cig tshogs bsags phyir/ /rim gyis 'byung bar mi rigs phyir/ /sangs rgyas mang por rab tu grags/ /zhes so/ /mi gnas ba'i mya ngan las 'das pa nyid kyi phyir de lta bu'i phyogs bcu'i 'jig rten gyi khams rnams su skal ba ji lta ba bzhin du rgyun mi 'chad par chos ston pa'i sgra'i rgyur gyur pa'i phyir phyogs bcu'i chos kyi rnga bo che'o//chos kyi sku nyid kyis na gzugs med do/ /mtshan dang dpe byad 'bar ba'i longs spyod rdzogs pa'i sku'i bdag nyid kyi phyir gzugs ldan no//dam pa ni mchog ces pa ste/ 'jig rten gsum gyi gtso bo bzhin shin tu mdzes pa 'jam dpal gyi sku zhes pa'i don to/ /gdul bya'i skye bo sna tshogs dang rjes su mthun pa'i gzugs kyi skur sprul pa'i phyir sna tshogs gzugs can no/ /de ltar rnam pa gsum dbyer med kyang phyi rol gyi don med pa'i phyir yid las skyes so//sems tsam du grags so zhes pa'i don to/ /yid kyi rang bzhin yin kyang gzugs sna tshogs pa nyid kyi phyir gzugs thams cad kun du snang bar byed pa'i dpal 'phro bar byed cing phun sum tshogs par byed pa gang yin pa de ni gzugs rnams thams cad snang ba'i dpal lo//yang na gzugs rnams te khams su gtogs pa thams cad kun du snang bar byed cing so sor gsal bar byed pa gang yin pa de lta bu ni dpal te/ me long gi ngos bzhin dwangs shing dri ma med pa zab cing rgya che ba'i ye shes kyi sku grub pa gang yin pa de de bzhin no//de'i phyir gsungs pa/ gzugs brnyan ma lus 'chang ba po/ /zhes pa ste gzhan du mos pa sna tshogs pa'i sems can gyi bsam pa dri ma med pa'i chu la de lta de ltar gzugs brnyan 'char ba'i snang ba skyed par byed pa'i phyir/ gzugs brnyan ma lus 'chang ba po/ / zhes rnam par bshad do/ /thams cad du thogs pa med pa'i nus pa thams cad dang ldan pa'i phyir tshugs pa med pa'o/ /de'i rgyu gsungs pa che bar grags/ /zhes pa ste/ 'dod pa 'byung bar 'gyur bas na/ de ni gzhan dbang phyug gi mngon pa'i nga rgyal dang ldan pa rnams las kyang dbang che ba nyid kyis na dbang che ba ste dbang che ba nyid kyis de ltar grags shing grags pa ltar grub pa gang yin pa de ni che bar grags pa'o//de nyid ni thams cad rjes su 'dzin pa dang tshar gcod pa'i rgyur gyur pa nyid kyis na khams gsum dbang phyug chen po'o//'phags lam ni 'dir 'phags pa'i lam yan lag brgyad de de yang yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin gyi rang bzhin rnams so//shin tu mtho la gnas pa'i ste shin tu mtho ba de yang slob dpon gyi lam ste de la gnas pa'o/ /de yang ci zhe na chos kyi tog ces bya ste/ theg pa chen po'i chos kyi rgyal mtshan mtha' yas pa'i dpal te mtho btsun 'jam dpal lo/ /de nyid cher 'byung ba ni/khams gsum las 'das pa nyid kyis chen por 'byung ba gang gis yin pa zhes sbyar te/ chen po 'di las sems can thams cad 'byung bas na cher 'byung ba'o/ /'jig rten gsum na gcig bu ste gnyis pa med par shin tu yid 'phrog ba nyid kyi gzhon nu'i gzugs kyi lus gang yin pa de ni 'jig rten gsum na gzhon lus gcig go//de yang byang chub tu sems bskyed pa la sogs pa'i rim gyis de bzhin gshegs pa mtha' yas pa'i byang chub sems dpa'i gnas skabs kyi slob dpon du ring mo nas gyur pa'i phyir dang / dge 'dun gyi gnas brtan mchog dang /mchod par 'os pa nyid kyi phyir gnas brtan pa/ nyan thos dang rang sangs rgyas dang byang chub sems dpa'i dge 'dun thams cad las ye shes kyis bgres pa'i phyir rgan po'o/ /bsod nams kyi lam nye bar ston pas dmyal ba la sogs pa'i 'gro ba gsum po rnams la tshangs pa la sogs pa'i gzugs kyis yang dag pa'i don gyi chos bstan pas 'gro ba drug po rnams skyob par byed pa dang skye dgu'i bdag ste don dam par ni bcom ldan 'das nyid do//phyag zhabs 'khor los mtshan dang rus sbal zhabs/ /zhes pa la sogs pa ste/ mgon po byams pas gsungs pa rnams te/bla na med pa'i bsod nams kyi tshogs las nges par 'khrungs pa'i mtshan sum cu rtsa gnyis rnams 'chang bas na mtshan 'chang ba'o/ /de bzhin du/ thub pa'i sen mo zangs mdog dang / /mdog snum mtho dang sor mo rnams/ /zhes pa la sogs pa dpe byad brgyad cur bshad pa rnams kyis yan lag thams cad brgyan pa'i rgyan 'jig rten gsum na mdzes pa'o//de nyid thams cad kyi thams cad du skye bo rnams kyi yid du 'ong ba'i phyir sdu gu'o/ /'jig rten ni sems can dang snod kyi rang bzhin no/ /shes pa ni dngos po thams cad de 'gro ba'i skye gnas dang mdog dang dbyibs dang tshad la sogs pa'i rang bzhin yongs su shes pa'o//yongs su shes pas 'di thams cad mkhyen pa nyid la sogs pa ni legs pa'o/ /de la slob dpon ni yang dag par ston par byed pa po ste/ de'i phyir 'jig rten slob dpon te 'jig rten gsum gyi bla ma yin pas/'jig rten shes legs slob dpon te/ /zhes pa ste/ tshad ma dang 'thad pas grub pa'i chos thams cad ston pas na 'jigs pa med cing sems g.yo ba med la shin tu spungs che ba zhes pa'i don to/ /de'i phyir mgon po ste/ 'gro ba rnams kyi zhes pa lhag ma'o skyabs pa yang ngo //'di ji lta bu zhe na gsungs pa/ 'jig rten gsum yid gcugs zhes pa ste/ 'di ni yang dag pa ji lta ba bzhin gyi chos ston pa nyid kyis yid gcugs par bzung ste slu ba med pa'o/ /gzhan rnams ni log pa'i bdag nyid la mngon par zhen pa'i phyir ro/ / don gyi gtso bo sangs rgyas nyid du 'gyur ba'i las nye bar ston pas mi slu ba nyid kyis na yid gcugs par 'thad do zhes bcom ldan 'das kyi dgongs pa'o/ /de nyid nyon mongs pa'i dgra bos 'jigs pa rnams kyi skyabs so/ /'di ji lta bu zhe na gsungs pa/ skyob pa zhes pa ste skyob pa ni rang gis gzigs pa'i lam nye bar ston pa de 'di la yod pas na skyob pa'o//de skad du/ skyob pa nyid gzigs lam gsungs pa zhes pa ste/ nyid kyis gzigs pa'i lam nye bar ston pa po nyid kyi phyir de lta bu ni bla na med pa'o/ /gzhan las ni rgyun rtag pa nyid kyis rgyun mi 'chad par mgon med pa'i sems can gyi khams rnams skyob par byed pa'o zhes rnam par bshad de//de ltar du yang / tA yir rgyun dang skyong ba dag la'o/ /zhes byings klog par byed do/ /nam mkha' bzhin khyab pas yongs su gang zhing yangs pa nyid gang yin pa de ni nam mkha' khyab pa ste mtha' med pa zhes pa'i don to//de lta bur mtha' yas pa'i chos dang zang zing dang mi 'jigs pa'i rang bzhin can gyi longs spyod rnams sems can rnams la sbyin pa gang yin pa de ni nam mkha' khyab pa'i longs spyod pa'o/ /thams cad mkhyen pa zhes pa la sogs pa la thams cad mkhyen pa'i ye shes rnams ni rgya mtsho nyid de/de kho nas 'di thams cad bskyed pa'o zhes dgongs pa'o/ /de nyid kyi phyir chos thams cad bdag med par rtogs pa bong bu lta bu'i bdag tu rmongs pa la sogs pa'i ma rig pa'i sgo nga'i sbubs 'byed pa'o/ / de'i phyir shes rab kyi ral gris srid pa'i dra ba 'joms pa'o/ /des na las dang skye ba dang nyon mongs pa zhes bya ba kun nas nyon mongs pa ma lus pa zhi bar byed pa de de bzhin no/ /ma rig pa zhes pa la sogs pa thams cad la rang nyid dang sems can thams cad kyi zhes pa nye bar sbyar bar bya ste/de lta bu ji ltar nus she na gsungs pa/ 'khor ba'i rgya mtsho'i pha rol son/ /zhes pa ste rang nyid grub pas gzhan rnams la sgrub par 'gyur ro zhes dgongs pa'o/ /ye shes ni rnam pa thams cad mkhyen pa nyid kyi rang bzhin no/ /de yis dbang bskur ba ni dri ma med par byas pa ste/de yang dag par mtshon par byed pa ye shes lnga'i rang bzhin gyi sangs rgyas lnga'i bdag nyid kyi cod pan gang yin pa de/ ye shes dang dbang bskur cod pan can/ /zhes so/ /de'i phyir gsungs pa/ yang dag rdzogs pa'i sangs rgyas rgyan/ /zhes pa ste yang dag par rdzogs pa'i sangs rgyas kyi cod pan gyi tshul gyis brgyan par byed pa gang yin pa zhes sbyar te/rnam pa thams cad mkhyen pa nyid kyi ye shes kyi gzugs kyis yang dag par rdzogs pa'i sangs rgyas rnams brgyan par byed cing rgyan du byed pas ji skad bshad pa bzhin no/ /sdug bsngal gsum gyi zhes pa la sogs pa sdug bsngal 'khor can phung po de yang rnam pa gsum ste/sdug bsngal gyi sdug bsngal ni dmyal ba dang yi dwags dang dud 'gro'i 'gro bar song ba rnams kyi'o/ /mngon du byas pas sdug bsngal dang bral bar 'gyur ba nyid kyi phyir 'du byed kyi sdug bsngal ste/ de yang phal cher mi'i 'gro bar gtogs pa rnams kyi'o//rgyu gzhan la rag las pas sdug bsngal gyi rang bzhin gyi phyir 'gyur ba'i sdug bsngal te lha'i 'gro bar gtogs pa rnams kyi ste/ lha'i bde ba yang mthar sdug bsngal gyi rgyu can nyid kyi phyir ro/ /'di dag ni sdug bsngal gsum gyi bdag nyid can gyi sdug bsngal te/shes rab dang thabs kyi pha rol tu phyin pa'i stobs kyis zhi bar byed pa ni sdug bsngal gsum gyi sdug bsngal zhi ba'o/ /de'i phyir gsungs pa/ gsum sel zhes pa ste sdug bsngal gsum po 'di rnams mthar byed pas na gsum mthar byed do/ /yang na snying stobs la sogs pa'i yon tan gsum dang 'dod pa la sogs pa'i khams gsum dang /lus la sogs pa gsum dang / 'dod chags la sogs pa'i nyon mongs pa gsum ste/ de rnams yang dag par yongs su shes pas mthar byed pas na gsum sel lo/ /mi gnas pa'i mya ngan las 'das pa nyid kyi phyir rtag pa dang chad pa la sogs pa'i mtha' med pas na/nyan thos la sogs pa'i grol ba dang lhog par grol bas gdul bya'i skye bo rjes su gzung ba'i phyir grol gsum son pa ste/ de'i snang ba skyed pa'i phyir rnam par bsgom pa'i byed pas na grol gsum son pa'o/ / nyon mongs pa dang shes bya dang las kyi sgrib pa rnams dang bral ba'i phyir sgrib pa kun las nges par grol ba'o/ /de nyid kyi phyir mkha' ltar mnyam pa nyid la gnas pa'o/ /de'i phyir bag chags dang bcas pa'i nyon mongs pa'i dri ma thams cad las 'das pa ste/ shin tu mnan pas na nyon mongs dri ma kun las 'das pa ste/dus med pa dang dus ni 'das pa la sogs pa'i dbye bas gsum ste de rnams dus med pa yang ngo / /de rnams kyang rtag pa tsam gyi lus nyid kyis don dam par yong ba ma yin pa'i phyir dus med pa'o/ /de rnams ma rtogs pa nyid rtogs pa ste//bde gshegs gshegs pa spangs pa'o/ /zhes gsungs pa'i phyir te/ de rnams rtogs par gyur pa ni/ /dus gsum dus med rtogs par gnas/ /zhes pa ste chos nyid kyis sku gsum la khyab pa'i zhes pa'i don to/ /gdul dka' ba 'dul ba nyid kyis sems can gyi rgyud du rtog pa'i nyon mongs pa'i g.yul las rnam par rgyal ba'i phyir mnyam par gzhag pas na glang po chen po ste glang po myos pa shin tu dul bzhin no//yang na sems can kun gyi nyon mongs pa'i gdung ba 'phrog pa'i chos kyi bdud rtsi'i char gyis tshim par byed pa'i rgyur gyur pas na mtha' yas la sogs pa'i klu rigs brgyad po rnams las ches mchog tu gyur pas klu chen po lta bu ste/sems can kun gyi klu chen po zhes pa ste/ yon tan gyi 'jig rten las 'das pa ste de rnams kyi thod ni rgyan no/ /de gang dag gi yon tan gyi thod yin zhe na/nyan thos la sogs rnams kyi ste/ de bzhin gshegs pa'i ye shes kyi sku nyid kyis de bzhin rnams kyang thod du byed pas/ yon tan thod can rnams kyi thod/ /ces te bcom ldan 'das nam mkha' dang mnyam pa'i dpal 'jam dpal lo/ /lhag ma kun ni 'gro ba drug tu gtogs pa'i nye bar len pa rnams so//de rnams la chos kyi dbyings kyi ngo bo nyid kyis nges par grol bas na lhag ma kun las rnam grol zhes so/ /de nyid kyi phyir gsungs pa/ nam mkha' zhes pa la sogs pa ste gang gi lam na nam mkha'i lam la gnas pa de ni nam mkha'i lam ste mi gnas pa zhes pa'i don to//de la legs par gnas pa ni dmigs pa med pa zhes pa'i don to/ /gal te de de ltar gyur na nam mkha' bzhin du rnam par rtog pa med pa'i phyir 'di ji ltar sems can gyi don byed ce na gsungs pa/ yid bzhin nor bu zhes pa la sogs pa ste/thams cad mkhyen pa nyid kyi sbyin pa la sogs pa'i nus pa ni phyi rol med par gyur pa'i yid bzhin gyi nor bu'i mtshan nyid dang bral bas lhun gyis grub pa nyid kyis 'gro ba mtha' dag gi don phun sum tshogs pa'i gzhir gyur pas na/ yid bzhin nor bu chen po ste byang chub kyi sems so/ / de de'i bdag nyid du 'chang bas na yid bzhin gyi nor bu chen po 'chang zhes pa'o/ /de nyid kyi phyir gsungs pa/ khyab bdag rin chen kun gyi mchog /dpag bsam shing chen rgyas pa ste/ /bum pa bzang po che ba'i mchog /ces pa ste/ rin chen kun gyi mchog ni yid bzhin gyi nor bu'o//'dis ni khyab bdag ces pa la sogs pa'i khyad par dang bcas pa'i gzugs can gyi rgyan gsum gyis byang chub kyi sems de thams cad las phul du byung bar bstan to/ /de yang yid bzhin gyi nor bu ni rang gi sa phyogs nas brtsams nas dpag tshad stong gi bar du gnas pa rnams kyi mngon par 'dod pa'i don rdzogs par bya bar nus la/dpag bsam gyi shing gis kyang rang gi grib ma'i nang du chud pa rnams kyi'o/ /bum pa bzang po yang der lag pa chud pa rnams kyi'o/ /byang chub kyi sems kyi rgyal po ni khams gsum gyi mtha' klas pa'i sems can thams cad dang sangs rgyas nyid kyi mthar thug pa'i sems can gyi don byed pa dang byas pa dang byed par 'gyur ba na/sems can kun don byed pa 'dis dus thams cad du byed pa po nyid du gsung ngo / /dus gsum du yang myur du rkyen gyis bsgrub pa'i phyir byed pa po zhes pa 'dis kyang de'i ngang tshul ni byed pa po ste/tshig mtha' mas rtag pa'i byed pa po nyid du gsungs so zhes pa khyad par ro/ /sngar bshad pa dang ma bshad pa thams cad du tshig gi don ci ltar rtogs par bya ste/ de la khyab bdag ni khyad par zhes pa'i don to/ /de nyid kyi phyir gsungs pa/ phan 'dod sems can mnyes gshin pa//zhes pa tshig gnyis po 'di dag rgyu dang 'bras bu'i ngo bor sbyar te/ yid bzhin gyi nor bu la sogs pa rnams ni de lta ma yin no/ /rang bzhin zhes pa ngo bo'o/ /sems can kun gyi don byed pa'i byed pa po nyid la sogs pa'i rgyu gsungs pa/dge dang zhes pa la sogs pa ste/ ma chags pa la sogs pa gsum dang des bskyed pa'i las ni dge ba'o/ /de las bzlog pa ni mi dge ba ste/ de gnyis dus gsum pa can ni bde 'gro dang ngan 'gror bde ba dang sdug bsngal sgrub par byed pa'o/ /de rnams thams cad du yang dag pa ji lta ba bzhin du sems can thams cad kyis shes par mdzad pas na dge dang mi dge shes pa'o//gdul bya'i skye bo'i sems ji lta ba bzhin mkhyen pas bstan pa dang / btang snyoms dang yongs su rgyal ba mngon sum du bya ba'i dus kyi rnam par dbye ba yongs su mkhyen pas na dus shes pa'o//dam tshig ni brda ste sems can thams cad kyi skad dang sgra dang gsang ste bshad pa dang glu la sogs pa'i mtshan nyid can no/ /de chos ston pa'i don du mkhyen par mdzad pas na dam tshig shes pa'o/ /grub mtha' thams cad kyis grub pa'i dam tshig dang ldan pas na dam tshig ldan pa'o//dus thams cad du sems can thams cad kyi don mdzad pa la dbang 'byor pa'i phyir khyab bdag go/ /sems can rnams kyi dad pa la sogs pa'i dbang po rnams ni rtul po la sogs pa'i dbye bas so sor rnam pa dgu'o//de rnams mkhyen pas ni sems can dbang po shes pa'o/ /sems can yongs su shes pa'i dus las ma yol bar 'dul bar mdzad pa'i phyir dus shes pa'o/ /thung ngur yod pa ni gtsug lag yin pa'i phyir/ nyan thos la sogs pa'i rnam par grol ba gsum la nyon mongs pa dang bral ba la sogs pa'i mtshan nyid rnam pa thams cad du yongs su mkhyen cing mkhas pas na rnam grol gsum la mkhas pa'o//yon tan ni stobs bcu la sogs pa rnams so/ /dri ma med par rnam pa thams cad du yongs su rdzogs pa 'di la mnga' bas na yon tan no//yon tan de rnams kyi rang bzhin dang ldan pa la sogs pa yongs su smin pa'i phyir yon tan shes so/ /dge ba dang mi dge ba dang lung du ma bstan pa la sogs pa chos thams cad sgyu ma lta bu la sogs pa'i tshul gyis mkhyen pas na chos shes pa'o/ /bsod nams dang ye shes kyi sku rnams nyid kyi phyir lha dang lha ma yin dang mi rnams kyi yid du 'ong zhing rab tu bstod pa nyid kyis rab zhi ba'o//mi mthun pa'i phyogs 'joms shing phun sum tshogs pa 'gugs pa'i rgyu ni bkra shis so/ /'di las de 'dra ba dang brjod pa la sogs pa 'byung bas na bkra shis 'byung ngo //rang nyid bkra shis thams cad kyi bkra shis nyid kyi phyir bkra shis kun gyi bkra shis pa ste/ rang gi don la de phan gyi rkyen byin pa ste/ skye bo'i tshogs gzhan rnams la bsod nams skye ba'i rgyur gyur ba'i yang dag par brjod pa'i ngo bo de nyid ni grags pa'o/ /gzhan rnams kyi phun sum tshogs pa'i rgyur gyur pa dang /rang nyid phun sum tshogs pa'i rang bzhin yin pa'i phyir dpal mo'o/ /de bzhin du rang dang gzhan gyi sde rnams la bsod nams rab tu skye zhing legs pa 'byung ba'i rang bzhin yin pa'i phyir bcom ldan 'das de nyid snyan grags so//sngar/ grags chen snyan grags chen po ste/ /zhes pa ni rgyu'i tshul gyis yin la/ 'di ni 'bras bu'i tshul gyis ste mtshan yang dag par brjod pa'i tshul gyi khyad par ro/ /de'i phyir yon tan thams cad kyi 'od zer gyis gsal bas srid pa gsum gyi khongs su mdzes pas sam/yang na sems can thams cad kyi dge ba'i rgyur gyur pas na dge ba'o/ /mngon par mtho ba dang nges par legs pa'i chos ston pa nyid kyis sems can thams cad la dga' ston chen po'i dga' ba 'di las 'phel ba'i phyir dang / rang nyid kyang khams gsum pa'i dga' ston chen po'i ngo bo nyid kyi phyir dga' ston chen po'o//skrag pa thams cad dang bral ba nyid ni dbugs 'byin thob pa zhes bya ste/ gang gi phyir sems can thams cad la dbugs 'byin chen po mdzad cing rang nyid kyang de'i rang bzhin du gyur pa'i phyir dbugs 'byin chen po'o/ /de lta bu ni dga' ba chen po dang 'dod chags chen po'i rang bzhin gyi phyir rol mo chen po'o//bkur sti ni lha dang mi dang lha ma yin du bcas pa'i 'jig rten gyis dam par byed cing mchod par byed pa ste/ rang nyid kyang de bzhin gshegs pa thams cad la bkur sti mdzad pa'i rang bzhin yin pa'i phyir rim gro'o//sems can thams cad 'byor ba thams cad kyi rgyu'i phyir dang rang nyid kyang bsod nams kyi tshogs kyi bdag nyid can gyi phyir phun sum tshogs pa'o/ /phul du byung ba'i dga' ba dang mgu ba rab tu dga' ba dang de'i rgyu'i phyir dang / rang nyid kyang de'i rang bzhin yin pa'i phyir rab tu dga' ba'o//ye shes kyi tshogs kyi bdag nyid kyi phyir dang de'i rgyur gyur pa'i phyir dpal lo/ /sems can rnams la bdag nyid kyi dpal lo/ /zhing spel ba'i phyir grags pa'i bdag po'o/ /rnam pa thams cad rnam dag pa'i yon tan gyi lus can nyid kyi phyir mchog ni sangs rgyas de nyid ldan pas mchog ldan no//mchog mngon par 'dod cing don du gnyer ba'i sems can rnams la sbyin par byed pas na mchog sbyin no/ /mchog sbyin pa po thams cad las phul du byung ba'i phyir gtso bo'o/ /'khor bas 'jigs pa'i sems can thams cad 'jigs pa las srung bas na skyabs 'os so//mchog ces pa 'dir yang sbyar ro/ /'jigs pa thams cad las 'das pa mi gnas pa'i mya ngan las 'das pa la sems can thams cad rab tu 'jog pa nas skyabs kyi dam pa'o/ /de nyid kyi phyir/ 'jig chen dgra ste rab kyi mchog /ces pa la bdud bzhi rnams ni 'jigs pa'o/ /'jigs pa chen po de rnams kyi dgra ni nyan thos la sogs pa rnams so/ /de rnams kyi rab mchog ste bag chags kyi 'jug pa thams cad kun du bcom pas so/ /de'i phyir/ 'jigs pa ma lus sel ba po//zhes pa'o// //da ni mu stegs pas yongs su brtags pa'i cha byad kyis 'dul ba'i sems can rjes su gzung ba'i phyir/ de'i brtul zhugs kyi ming don gyi sgo nas yang dag par brjod pas gsungs pa/ gtsug phud ces pa la sogs pa ste/ skra dang kha spu bregs nas gtsug phud tsam gyi rtags 'dzin pa'i phyir gtsug phud can te/kun du rgyu gtsug phud gsum pa'i gzugs 'dzin pa zhes pa'i don to/ /mngal las skyes ma thag pa bzhin dpral ba dang mgo bo'i dbus dang rgyab kyi cha rnams su phud bu gsum 'dzin pas na phud bu can no//ral pa dang shing shun 'chang zhing dbang phyug chen po la dad pa'i drang srong gi gzugs 'dzin par mdzad pas na lcang lo can no/ /skra mtha' dag rtsa nas brtsams te sbams pa'i ral ba'i tshogs dang ldan pa'i phyir ral pa can no/ /muny+dza ni 'di'i brtul zhugs mgo zlum yin pas te/kun du rgyu'i rtags de 'di la mnga' bas na muny+dza'o/ /rgyan thams cad kyis brgyan cing spyod pa na rtse bran 'chang ba'i lha'i bu'i brtul zhugs 'chang ba'i phyir cod pan thogs pa'o/ /gdong lnga pa ni bde byed do/ /de'i gzugs kyi brtul zhugs 'chang bas na gdong lnga ste/phyogs bzhi dang steng du rnam par gnas pa'i gdong lnga'i grangs 'di yin pas zhes sbyar ro/ /don dam par ni rnam par thar pa'i sgo stong pa nyid dang / mtshan ma med pa dang / smon pa med pa dang / mngon par 'dus ma byas pa dang / rang bzhin gyis 'od gsal ba'i rang bzhin rnams ni gdong lnga gang yin pa ste/de ni gdong lnga gang yin/ phyogs bzhi dang spyi bo ste gtsug phud lnga/ gzhon nu'i gzugs kyi rgyan gang yin pa de ni gtsug phud lnga pa'o/ /ral pa zur phud lnga pa'i thod kyis spyi bo brgyan pa gang yin pa de ni zur phud lnga dang ldan pa'i thod do//zhi ba'i grub mtha' bshad pa'i brtul zhugs chen pos 'dul ba'i skye bo gzhug pa'i phyir brtul zhugs chen po 'chang bas na brtul zhugs chen po 'chang ba'o/ /yang na rig byed re re zhing lo bcu gnyis tshangs par spyod pa spyad nas khyim la gnas par mi byed pa nyid du slong mo spyod pa dang /nags na gnas pas gang tshe zad par byed pa de ni brtul zhugs chen po 'chang ba'o/ /rtswa muny+dza'i ske rags 'chang ba'i brtul zhugs ni muny+dza ste/ de dang ldan pas na muny+dza can no/ /tshangs par spyod pa gang bsrungs pa ste bud med dang 'grogs pa las bzlog pa'i phyir tshangs par spyod pa'o//yang na tshangs pa ni mya ngan las 'das pa ste/ de'i don du spyod pas na de ltar bshad do/ /de ltar brtul zhugs dang ldan pa'i mu stegs can thams cad las 'di nyid brtul zhugs mchog nyid kyi phyir brtul zhugs mchog ste/ rang bzhin gyi sems can thams cad kyi don gyi brtul zhugs nyid kyi mchog go//tshangs par spyod pa brtul zhugs mchog /ces mtha' dag bklags pa ni/ brtul zhugs thams cad kyi rtsa ba ni tshangs par spyod pa yin la/ de bas na thams cad du gzhon nu'i tshangs par spyod pa'i brtul zhugs shin tu rnam par dag pas chos nyid du gyur pa'i phyir/tshangs par spyod pa brtul zhugs mchog ste rje btsun 'jam pa'i dpal lo/ /rlung dang chu dang lo ma za dang me lnga bsten pa la sogs pa'i dka' thub shin tu drag po'i khyad par ston par mdzad pas na dka' thub che'o/ / de nyid kyi phyir dka' thub mthar phyin te rab kyi mthar son pa gang yin pa de dka' thub mthar phyin no/ /rig byed rtog pa'i pha rol tu son pa'i brtul zhugs rdzogs par thob pa de ni gtsang gnas su brjod la/ brtul zhugs thams cad dang rig byed thams cad kyi pha rol du rab kyi mthar son pa'i phyir bcom ldan 'das 'jam dpal yang gtsang gnas su brjod do//skye ba yongs su gzung bas rigs dang rus rjes su gzung ba'i phyir dang / rigs de rab dang mchog tu gyur pa'i phyir gau ta ma'o/ /rigs rgyud de'i gtso bor gyur pas na dam pa'o/ /yi ge a ni snyan tshig gi rig byed do//yi ge u ni mchod sbyin gyi rig byed do/ /a yig phyed ni nges brjod kyi rig byed do/ /de bzhin du/ yi ge a ni khyab 'jug ste/ /da ni yi ge rnams las a/ /zhes pa'i tshig las so/ /u yig ni u ma'i bdag po'o/ /a yig phyed ni tshangs pa'o/ / de bzhin du a yig ni snying stobs so/ /u yig ni mun pa'o/ /ma yig ni rdul te de dag ston par byed pa'i yi ge oM gyi sgra ni tshangs pa'o/ /de ji lta ba bzhin du rigs pas na tshangs par shes pa ste/ de ltar yang nges brjod kyi rig byed bsdus pa'i sems le'ur byas pa las/ oM zhes bya ba tshangs pa mchog /'byung po kun gyi snying la gnas/ /yid kyi sgron mar gyur pa yis/ /mi g.yo bar ni snang bar byed/ /glog dang shel ltar snang bar byed/ /nyi ma 'char ka lta bu ni/ /gang gis snying la gnas mthong ba/ /de yis phyogs kyi tshangs pa mthong / /gnas gsum dang ni tsam gsum dang //yon tan gsum dang lha gsum du/ /gug skyed dang bral gug skyed bcas/ /gang gi rigs de tshangs pa'i rigs/ /zhes de lta bu'i bdag tshangs pa yin par bstan pa'i phyir/ mchod sbyin gyi rig byed bsdus pa'i tshig le'ur byas pa las/ dbang phyug gis ni lung bstan srog /'byung ba dbang po rnam par mdzes/ /gang gi rang bzhin nyi bzhin gsal/ /'gro 'di tshangs pa'i sgyu ma yin/ /rlabs drug mthar 'gro tshangs pa ste/ /ma yin ma yin gang smra ba/ /dga' ba brtags pa tsam zhig ste/ /gang zhig smra ba rgyu yi mchog /de las mchod sbyin 'gro ba'i mdo/ /sngar skyes pa ni skye dgu'i bdag /dbyig gi snying por gang bshad pa/ /ma lus 'byin par byed pa'i rgyu/ /sa ni rkang pa lha yul mgo/ /nyi ma zla ba dag ni mig /lto ba nam mkha'i khongs gang yin/ /de ni rnam mdzes mchog / gnas skyes/ /zhes so/ /de bzhin du snyan tshig gi rig byed bsdus pa'i tshig le'ur byas pas/ gang tshe nang ni shes gyur pa/ /thub chen sangs rgyas grub par 'gyur/ /de tshe bzhi pa rnam shes pa/ /dbang phyug tu ni rab tu bsgrags/ /bzhi pa las 'das dam pa'i bdag / skye dang 'jig pa spangs pa ste/ /bcing dang grol las nges 'das te/ /gtso bo rtag pa kun du 'gro/ /sad dang rmi lam gnyid mthug dang / /bzhi pa rnams la mnyam par gnas/ /gang du bzhi pa thim 'gyur ba/ /de ni rtag pa'i tshangs mchog ces/ /srid srung gi rig byed/ bsdus pa'i tshig le'ur byas par yang / nam mkha' 'di ni mtha' yas te/ /de ni mi zad mi g.yo brtan/ /sna tshogs skye gnas tshangs pa mchog /'byung po kun gyi dpung gnyen yin/ /mi zad pa yi bdag mchog ni/ /gang gis bdag la gnas mthong ba/ /yon tan med kyang yon tan spyod//de dag 'jug ngogs rjes su 'brang / /de yang gzhan la bdag gzhan ces/ /de ltar blo ngan rnams kyis mthong / /de ni gang yin bdag yin par/ /shes pas nges par grol bar 'gyur/ /bdag ni tshangs pa bdag tshangs par/ /gang zhig de nyid shes gyur pa/ / srin po'am byin za dag dang ni/ /las rnams kyis ni reg pa med/ ces so/ /don dam par ni/ rig byed du ma'i mtha' dpyad snying po ni/ /gcig dang du ma nyid du rnam rtog spangs/ /de nyid bdud rtsi bla ma'i lung gis thob/ /rtse gcig bsam pas rnam par bsgom par bya/ / bstan bcos gzhung gzhan nges par brtags pa gzhan/ /rgyun mi 'chad par shes shing rnam brtag gzhan/ /rnam rtog spyod yul thams cad spangs nas ni/ /rgyun mi 'chad par sems gzhan bsgom par bya/ /zhes pa'i man ngag gi rgyur gyur pa'i tshangs pa shes pas na tshangs pa shes pa'o//dka' thub thos pa skye gnas te/ /'di gsum bram ze'i rgyu yin no/ /zhes pas yon tan gsum dang ldan pa ni bram ze yin par bshad pa/ mi zad pa'i dpal bcom ldan 'das 'jam dpal yang / dus dpag tu med pa'i ring mo nas dka' thub spyod par mdzad pa dang /thos pa mtha' yas pa dang / zag pa med pa'i stong pa nyid kyi lam gyi skye gnas las 'khrungs pa yin te/ yon tan de gsum dang ldan pas don dam pa'i bram ze yin no/ /yang na bram ze ni gang sdig pa'i chos las phyi rol du gyur pa'o zhes pa'i rig pas sdig pa'i chos thams cad dang bral ba'i phyir bram ze'o//tshangs pas 'dul ba'i skye bo gdul ba'i phyir tshangs pa'i gzugs su sprul pas na tshangs pa'o/ /don dam par ni/ mi gnas pa'i mya ngan las 'das pa'i rang bzhin gyi tshangs pa dang ldan pa'i phyir bcom ldan 'das kho na tshangs pa'o//spros pa thams cad thim zhing dam pa'i bdag nyid du gnas pa ni tshangs pa mya ngan 'das pa'o/ /de thob pa ni ldan no/ /don dam par ni chos thams cad stong pa nyid kho na mchog gi bdag nyid mchog gi rang bzhin te/ de la de'i bdag nyid kyis gnas shing thim pa ni tshangs pa mya ngan las 'das pa'o//de thob pa ni ldan pa ste/ rje btsun 'jam dpal lo/ /rang dang gzhan gyi las dang skye ba dang nyon mongs pa ldog par byed pa'i mtshan nyid ni grol ba'i rang bzhin gyi phyir dang / de'i rgyud kyi phyir grol ba'o/ /rang dang gzhan gyi rgyud du gtogs pa'i gti mug gi bdag nyid can gyi 'khor ba'i 'ching ba grol bar byed pas na thar pa'o//yang dag pa'i lta ba ni rigs pa yin pas lam gyi rang bzhin rnam par thar pa'i yan lag tu gyur pa yin la/ de de'i bdag nyid du ldan pa'i phyir dang de'i rgyu nyid kyi phyir rnam grol lus zhes pa'o//gtsug lag nyid phyir skyes pa'i rtags so/ /yang rnam par grol bar byed pa'i phyir rnam par thar pa brgyad po 'di lta ste/ gzugs can gzugs rnams la zhes pa la sogs pa nas rnam pa de dag gis zil gyis mnan nas zhes zil gyis mnan nas mthong ba 'di ni rnam par thar pa dang po'o/ /nang gzugs med par 'du shes pas phyi rol gyi gzugs rnams la de bzhin du shes pa dang mthong bar byed pa ni gnyis pa'o//sdug pa'i rnam par thar pa lus kyis yang dag par bsgrubs te gnas pa ni gsum pa'o/ /nam mkha' mtha' yas skye mched ni bzhi pa'o/ /rnam shes mtha' yas skye mched ni lnga pa'o//ci yang med pa'i skye mched ni drug pa'o/ /'du shes med 'du shes med min skye mched ni bdun pa'o/ /'gog pa'i snyoms par 'jug pa ni brgyad pa'o/ /'di rnams ni rnam par thar pa brgyad do/ /de nyid 'di'i yan lag yin pas na rnam thar yan lag ste ye shes kyi sku can bcom ldan 'das 'jam dpal lo//nyan thos la sogs pa'i rnam par grol ba rnam pa tha dad pa'i rang bzhin gyi phyir dang / de'i rgyu'i phyir de nyid rnam par grol ba ste bya ba'i rang bzhin gyi sems nyid rnam par grol ba'o/ /don dam par ni las sna tshogs pa'i dbye ba med de/ de ltar yang gsungs pa/ sems can 'jig rten de bzhin snod kyi 'jig rten te/ /shin tu bkra ba sems nyid kyis ni 'god par byed/ /'gro ba las las skye bar thub pa'i dbang pos gsungs/ /sems ni kun du spangs nas las ni yod ma yin/ /zhes so/ /nyon mongs pa dang nye ba'i nyon mongs pa thams cad kyi nye bar 'tshe ba dang bral ba nyid ni zhi ba nyid do//de'i rang bzhin gyi phyir dang / de'i rgyu nyid kyi phyir de nyid bcom ldan 'das te zhi ba nyid do/ /chos thams cad mnyam pa nyid kyi rang bzhin gyi phyir dang / gzhan dag gi dge ba'i rgyur gyur pa'i phyir zhi ba'o/ /nyan thos pa mngon par 'dod pa'i sa two pa ra ta'i mtshan nyid mar me shi ba lta bu'i mya ngan las 'das pa'i rang bzhin gyi phyir ram/mi gnas pa'i mya ngan las 'das pa'i rang bzhin gyi phyir dang de'i rgyu nyid kyi phyir mya ngan las 'das pa'o/ /thams cad du bya ba byas pa nyid kyis mya ngan las 'das pa'i rang bzhin nyid kyi phyir dang /de'i rgyu nyid kyi phyir mya ngan las 'das pa'o/ /de bzhin du rnam par rtog pa'i chos thams cad rab tu zhi bar byed pa'i phyir dang / de'i rgyu nyid kyi phyir zhi ba'o/ /legs pa ni sems can thams cad kyi dge ba'o/ /de ni nges pa'o/ /theg pa ni yang dag pa'i lam ste legs par nges par 'byung ba bcom ldan 'das 'jam dpal nyid do//bde ba dang sdug bsngal gyi rgyur gyur pa'i las bag chags dang bcas pa rnam pa thams cad du yang dag pa ji lta ba bzhin yongs su shes pas mthar byed pas na sel ba'o/ /de'i phyir gsungs pa/ bde sdug sel ba zhes so//lung dang rigs pa dang rnam par spyod pa dang ldan pas chos thams cad mthar phyin par rtogs pas chags pa med pa'i mtshan nyid ni chags bral te/ chags bral mtha' ni bcom ldan 'das nyid do/ /yang nyan thos la sogs pa'i chags bral mthar phyin pa ma yin te/ de dag dmigs pa'i dug gis sun phyung ba'i phyir ro/ /yang na mtha' zhes pa dang tshig dbye ste/ mthar son pa'i phyir mtha' ste rab kyi mthar son pa shes rab kyi pha rol tu phyin pa dang / de'i rang bzhin kho na 'jam dpal lo zhes dgongs pa'o/ /lus pa ni phung po rnams te/ de rnams mi zad pa'i ngo bo nyid kyis zad pas na lus las 'das pa ste/rnam pa thams cad mkhyen pa'i ye shes kyi rang bzhin rnam par dag pa zad pa dang mi skye ba rtog pa'i ngo bo bcom ldan 'das so zhes pa'i don to/ /de nyid rang dang gzhan gyi rgol ba rnams kyis rgyal bar mi nus pas na thub pa med pa'o//de'i phyir dpe 'ga' yang yod pa ma yin pas dpe med pa'o/ /dpe med pa nyid bstan pa'i phyir mi mngon zhes pa la sogs pa ste/ mngon par gyur pa ni sa la sogs pa 'byung ba rnams so/ /de'i mtshan nyid med pa'i phyir mi mngon pa'o/ /gtan tshigs gsungs pa/ mi snang zhes pa ste/ rnam pa thams cad dang bral ba zhes pa'i don to/ /de nyid kyi phyir gsal byed min/ a dz+ya te a tan+ta yA bya g+hi kri ya te ye na ta dany+dza ya naH/ 'di'i rgyu dang rkyen dag las grol bas na gsal byed min no/ /cha shas med pa'i phyir cha med do/ /rang bzhin med pa nyid kyis thams cad du khyab pa'i phyir kun 'gro'o//de nyid kyi phyir khyab pa po zhes gsungs so/ /rdul phran brgya stong la sogs pa'i cha shas rnams su yang thim pa nyid rnal 'byor pa nyid rnams kyis kyang mtshon par dka' bas na phra mo'o/ /chos kyi dbyings kyi ngo bo nyid chos thams cad kyi rgyu nyid kyis na sa bon no//bag chags dang bcas pa'i nyon mongs pa thams cad dang bral ba'i phyir zag pa med pa'o/ /ngo bo nyid dang longs spyod rdzogs pa dang sprul pa dang chos dang ye shes kyi sku'i dbye ba/ sangs rgyas sku lnga'i bdag nyid can/ /zhes sngar bshad la/ de rnams kyi yon tan gsal bar bstan pa'i phyir mtshan rnam pa lnga rim pa bzhin gsungs pa/rdul med ces pa la sogs pa ste/ phyi rol gyi don du zhen pa'i rdul dang bral ba'i phyir rdul med do/ /rdul gyi sgra ni de 'dra ba'i don dang / rdul gyi sgra ni a yig gi mthar ji lta bar de lta bu yong / rdul dang po 'di ni rdul dang bcas pa zhes bya'o/ /sems las byung ba rnam pa sna tshogs pa'i rnam par rtog pa'i rdul dang bral ba'i phyir rdul bral lo/ /bag chags dang bag la nyal gyi dri ma sna tshogs pa thams cad dang bral ba'i phyir dri ma med pa'o/ /phyi dang nang gi rnam par rtog pa'i gnas ngan len gyi bag chags kyi skyon spangs pa'i phyir nyes pa spangs pa'o//nad du gyur pa'i bdag dang bdag gir mngon par zhen pa'i bag chags kyi mtshams sbyor ba dang bral bas na skyon med pa'o/ /sngags kyi tshul la ni tshig lnga pos mngon par byang chub pa rnam pa lnga ston par byed do/ /de yang oM tsit+ta pra ti bed+haM ka ro mi/zhes pas gzung ba dang 'dzin pa'i rdul dang bral ba me long ltar dang ba'i sems mtshams sbyor rtogs par byed pas na rdul med do/ /ha yig skyes zhes par kA'i sgra nges pa'i tshig gi mtshan nyid kyis phyis pa'o/ /shes rab A li zla ba'i gzugs/ /zhes pa'i don to//oM bo d+hi tsit+ta mu ta pA da yA mi zhes dri ma med pa'i 'od zer zla ba'i dkyil 'khor gyi gzugs kyis mnyam nyid dri ma med cing rdul dang bral ba'i phyir/ rnam par snang bar byed pa las skyes pa zhes par nges pa'i tshig gi mtshan nyid kyi rdul dang bral ba'o/ /kA li thabs dang zla ba'i gzugs zhes pa'i don to//oM tiSh+Tha badzra badzrAt+ma kou0f85haM/ zhes pa zla ba'i dkyil 'khor gyi steng du rdo rje rtse mo lnga pa'i gzugs kyis sor rtog pa ste/ mu stegs rnam pa tha dad pa'i dregs pa'i dri ma rnams 'joms pa'i phyir dri ma med pa'o/ /oM sa man+ta b+hA a haM/ zhes pa rnam pa thams c ad kyi mchog dang ldan pa'i kun du bzang po'i gzugs spros te bya ba sgrub par byed pa'i phyir rang bzhin gyi nyes pa rnam pa mang po dag spangs pas nyes pas spangs pa'o//oM ya thA sar+b+ba ta thA ga taHta thA a haM/ zhes pa de bzhin gshegs pa thams cad kyi bdag nyid kyi ngo bo mnyam pa nyid chos kyi dbyings kyi rang bzhin gyi bdag nyid kyis srid pa'i skyon gyi nad las shin tu 'das pa'i phyir skyon med pa'o zhes mtshan lnga'i don lnga'o//de'i phyir chos thams cad du ji lta ba bzhin khong du chud pa'i phyir shin tu rab sad do/ /'dod chags dang bcas pa dang 'dod chags dang bral ba la sogs pa rnam pa tha dad pa'i rab tu dbye ba can gyi sems can rnams kyi thugs su chud pa gang yin pa de ni rnam sad bdag go//nyan thos la sogs pa'i theg pas bdag po thams cad yongs su shes pa'i phyir kun shes so/ /byang chub sems dpa'i theg pas lam thams cad yongs su shes pa'i phyir kun rig go//dam pa ni bla na med pa'o/ /yang dag par rdzogs pa'i sangs rgyas kyi theg pas rnam pa thams cad mkhyen pa nyid kyis rnam par shes pa'i chos nyid 'das zhes pa ste/ gzung ba dang 'dzin pa dang byed pa po dang las dang bya ba'i rang gi rnam par shes pas brtags pa'i chos nyid dag ni rnam par shes pa'i chos nyid do//de las 'das pa ni yang dag par rdzogs pa'i sangs rgyas te rnam par rtog pa las 'das zhes pa'i don to/ /de ltar na bems po yod par 'gyur bar dogs pa la gsungs pa/ ye shes gnyis med tshul 'chang ba/ / zhes pa ste gnyis su med pa'i ye shes kyi rang bzhin zhes pa'i don to/ /de ltar rnam par rtog pa med kyang skyob pa rnams chos ston pa ni dpyad par bya ste/ sngon gyi smon lam gyi 'phen pa'i dbang gis yid bzhin gyi nor bu bzhin no zhes de ltar bshad do/ /de nyid rnam par rtog pa'i rtsol ba dang bral ba'i phyir rnam par rtog med lhun gyis grub pa'o//de ni dus gsum pa'i sangs rgyas kyi phrin las sems can gyi don byed pa'i mtshan nyid kyi phyir dus gsum sangs rgyas las byed pa'o/ /de gcig pus cig car dus gsum gyi sangs rgyas kyi phrin las ci ltar byed par 'gyur zhe na/ brjod par bya ste/ de bzhin gshegs pa rnams byung yang rung ma byung yang rung ste/ chos rnams kyi chos nyid 'di ni gnas pa ste/ chos gnas pa nyid dang / chos mi 'gyur ba nyid dang / yang dag pa'i mtha' dang / stong pa nyid do zhes gsungs pa dang / tshogs dang chos kyi sku dag dang //'gro ba'i don ni spyod pa yis/ /sangs rgyas thams cad mnyam pa ste/ /sku tshe rigs dang tshad kyis min/ /zhes gsungs pas chos kyi sku dbyer med pa'i phyir dus gsum sangs rgyas las byed pa'o/ /de nyid kyi phyir gsungs pa/ sangs rgyas thog ma zhes pa la sogs pa ste/ thog ma dang / tha mar skye ba dang 'gag pa med pa gang yin pa de ni thog ma dang tha ma med pa stong pa nyid kyi sku'o/ /de nyid kyang don dam sangs rgyas te/ ji skad du/ gang dag nga la gzugs su mthong / /gang dag nga la sgrar shes pa/ /log pas spong bar zhugs pa ste/ /skye bo de dag nga mi mthong //sangs rgyas chos nyid blta bar bya/ /'dren pa rnams ni chos kyi sku/ /chos nyid shes par bya min pas/ /des ni rnam par shes mi nus/ /zhes pa la sogs pa ste/ thog ma nas de lta bu'i chos nyid kyi bdag nyid kyi phyir dang po'i sangs rgyas so/ /de nyid gang las kyang skye ba med pas na rgyu med pa'o//thams cad du 'gro ba'i ye shes nyid gcig pu gnyis su med pa'i mig de'i bdag nyid gang yin pa de ni ye shes mig gcig go/ /sgrib pa med pa nyid kyis thams cad du thogs pa med pa'i phyir dri ma med pa'o/ /chos thams cad de'i bdag nyid du thim zhing brgyal bar gyur pa de ni 'dir lus rnam pa thams cad par bshad par bya ste/ye shes kho na gang gi lus yin pa de ye shes lus can no/ /de bzhin nyid rtogs pas na de bzhin gshegs pa ste/ chos nyid kyi rang bzhin 'jam dpal nyid du gsungs so/ /sngags kyi tshul ni shin tu sad pa zhes pa la sogs pa'i tshig ye shes lus can gyi mthar thug pa rnams mngon par byang chub pa rnam pa lnga'i rim pas bshad par bya ste/me long lta bu'i ye shes kyi bdag nyid ni shin tu sad pa nyid kyi phyir rnam par gsal ba ste/ rnam par snang bar byed pa nyid ni rnam par snang mdzad do//khyad par du shin tu rnam par dag pa'i chos kyi dbyings kyi ye shes kyi rang bzhin nyid kyis na sad pa'i bdag yin pa'i phyir mi bskyod pa'o/ /chos thams cad stong pa nyid la dga' ba mnyam pa nyid kyi ye shes kyi rang bzhin nyid kyis shes par byed pas na kun zhes pa ste rin chen 'byung ldan no//so sor rtog pa'i ye shes kyi bdag nyid kyis chos thams cad rigs pas na kun rig ste 'od dpag tu med pa'o/ /de bzhin gshegs pa thams cad kyi bya ba sgrub pa'i tshul gyis thams cad las phul du byung ba'i phyir dam pa ste don yod grub pa'o/ /de ltar rnam pa lngas mngon par rdzogs par byang chub pa yongs su rdzogs pa ni de bzhin gshegs pa lnga'i bdag nyid de rnam par shes pa'i chos nyid las 'das pa'o//ye shes zhes pa ye shes kyi rang bzhin no/ /shes rab dang thabs gnyis su med par snyoms par 'jug pa'i rang bzhin gyi gnyis su med pa'i tshul 'chang bas na gnyis med tshul 'chang ba'o//rnam par rtog pa med cing lhun gyis grub par sangs rgyas ma lus pa'i phrin las sgrub par mdzad pas na/ rnam par rtog med lhun gyis grub/ /dus gsum sangs rgyas las byed pa/ /zhes so/ /thog mtha' med pa'i sems dpa' ni//rdo rje sems dpa' dga' ba che/ /zhes pa'i tshig las sangs rgyas rdo rje 'chang ni thog ma dang tha ma med pa'i dang po'i sangs rgyas byang chub kyi sems kyi rang bzhin gyi phyir ro/ /de nyid thams cad la rjes su 'gro ba med pa ste/ de rjes su 'gro ba med pas na ris med pa'o/ /de nyid spyan lngas phrin las yang dag par sgrub par byed pa'i phyir/ye shes mig gcig dri ma med pa dang ye shes lus can gdul bya ji lta ba de ltar gdul bar mdzad cing rnam pa de lta bur smon lam gyi 'phan pa'i dbang gis gshegs shing gsung bar mdzad pas na de bzhin gshegs pa ste 'jam dpal nyid do zhes sbyar bar bya'o//de ltar chos kyi sku'i rang bzhin bstan nas longs spyod rdzogs pa'i sku'i rang bzhin yin pa'i phyir gsungs pa/ tshig gi dbang phyug ces pa la sogs pa ste/ sa bcu'i dbang phyug gi byang chub sems dpa' rnams dang thun mong du gyur pa'i zab cing rgya che ba'i chos ston pa la dbang sgyur ba'i phyir tshig gi dbang phyug go//rnam pa thams cad mkhyen pa nyid kyi ye shes ni chen po ste/ chos thams cad rnam pa thams cad du thugs su chud pa'i ngo bo nyid yin pa'i phyir te de'i rang bzhin du srung zhing chos ston par mdzad pas na smra ba che'o/ /yang na 'jig rten gyi khams thams cad du khyab cing thams cad zil gyis gnon pa'i gsung ste/chen po yang 'di yin la smra ba yang yin pas de dang ldan pa'i phyir smra ba che'o/ /de nyid rgol ba thams cad kyi dbus na mdzes pa'i phyir smra ba'i rgyal po'o/ /de'i phyir drag po dang nye dbang dang lha'i bla ma la sogs pa rnams kyi gtso bor gyur pa'i phyir smra ba'i skyes mchog go//de nyid phyin ci ma log pa dang mi slu ba'i tshad mas 'thad pa'i don gsal bar ston pa'i phyir slob ma dang / bse ru la sogs pa'i slob ma rnams kyi dbus na dam pa'o/ /'di nyid gsal bar byed pa'i phyir gsungs pa/ mchog gi gnas zhes pa ste chos mchog tu gyur pa zhes pa'i don to//rgyal dka' ba las rnam par rgyal ba'i phyir rgol ba'i ri dwags rnams la seng ge bzhin du gyur pas na smra ba'i seng ge'o/ /de nyid gsal bar byed pa ni thub pa med ces pa'o/ /thams cad mkhyen pa nyid bstan nas gzigs pa nyid gsungs pa/ kun du blta ba zhes pa la sogs pa ste/ sgrib pa med pa'i ye shes kyis dngos po thams cad kun nas mkhyen pas rnam pa thams cad gzigs pa'i ngang tshul 'di la mnga' bas na kun du blta ba'o/ /chos kyi dbyings rtogs pas gnyis su med pa'i rmad du byung ba'i rab tu dga' ba de'i bdag nyid du ldan pas na mchog tu dga' ba'o//sku'i che ba'i bdag nyid gsungs pa/ gzi brjid ces pa la sogs pa ste/ gzi brjid kyi phreng bas 'od gsal bar byed pa'i sku can nyid kyis gzi brjid phreng ldan no/ /de yang mdzes par mthong ba'i phyir blta na sdug ces pa ste/ mthong na bde ba zhes pa'i don to//dpal be'u'i dpe byad kyis brgyan te dpal gyis nges par mtshan pa'i phyir dpal be'u'o/ /yang na ro stod seng ge lta bu'i sku mnga' ba'i phyir thams cad las phul du byung bas dpal dang / mdzes pas be'u lta bur 'khyil pa gang yin pa de ni dpal gyi be'u'o/ / mdzes pa'i 'od kyis sems can thams cad kyi mi shes pa'i mun pa mun nag rnam par 'joms pa gang yin pa de ni 'od bzang ngo / /nang gi ye shes kyi 'od kyis shes bya'i dkyil 'khor mtha' dag kun du gsal bar mdzad pa'i phyir 'bar ba'o/ /'od de rnams kyis gsal zhing snang bar byed pa'i ngang tshul du byas pa'i sku'i 'od zer rnams kyis 'bar zhing gsal ba gang yin pa de ni gsal zhing 'od byed snang ba po ste/'khor thams cad zil gyis gnon pa'i gzi brjid can zhes pa'i don to/ /de ltar rang gi don phun sum tshogs pa'i longs spyod rdzogs pa'i sku gsungs nas gzhan gyi don phun sum tshogs pa gsungs pa/sman pa che mchog ces pa la sogs pa ste/ lus dang ngag dang sems su gtogs pa'i gnas ngan len gyi nad thams cad rab tu zhi bar byed pa gang zag dang chos kyi bdag med pa bstan pa'i sman gyi sbyor bas sems can thams cad kyi nad gso ba'i phyir sman pa chen po'o//gzhi dang bcas pa rtsad nas 'byin pa'i phyir mchog go/ /de'i phyir skye ba thog ma med pa gcig nas gcig tu brgyud pa nas zug pa'i zug rngur gyur pa 'dod chags la sogs pa sdug bsngal gyi rgyu can rnams 'byin pa'i phyir gtso bo ste zug rngu 'byin pa sman pa'i rgyal po'o//de nyid kyi phyir bla na med pa'o/ /sman rnams ma lus pa'i rang bzhin sangs rgyas kyi chos rnams kyi yan lag gsal bar byed pas sems can thams cad dang thun mong du ljon shing lta bur gyur pas na sman rnams ma lus ljon pa'i shing ngo / /de nyid nyon mongs pa'i nad rnams la dgra bo bzhin te rigs rgyud dang bcas pa zad par byed pa'i phyir dgra chen por 'gyur ro//nyon mongs pa thams cad kyi dgrar gyur du zin kyang mi mthun pa'i gzugs ni nam yang mi mnga'o zhes bstan pa'i phyir gsungs pa/ sdu gu zhes pa la sogs pa ste/ mtshan dang dpe byad kyi dpal 'bar bas yan lag mdzes pa ste de dang ldan pa'i phyir dpal ldan no//de nyid kyi phyir sdu gu zhes pa sku mchog blta bas chog mi shes pa'i phyir mdzes pa'o/ /de'i phyir 'jig rten gsum gyi thig ler byed cing rgyan du byed pas 'jig rten gsum gyi mchog ces pa ste don mthar chags kyi rnam par bshad pa'o//rgyu skar rnams dang 'dra bas rgyu skar te/ nyan thos dang rang sangs rgyas dang byang chub sems dpa' la sogs pa rang gi tshogs pa dang gzhan gyi 'dus pa thams cad de/ gdul bya de rnams kyi 'khor gyi dkyil 'khor gyi 'khor lor ston ka'i zla ba'i gzugs ltar dri ma med pa'i dpal gang yin pa de ni/dpal ldan rgyu skar dkyil 'khor can te 'jam dpal te phyogs bcu po rnams kyi nam mkha' rnams ni phyogs bcu'i nam mkha' ste/ de'i mtha' thug pa ni don dam par mtha' med pa'o/ /de rnams su gsung rab yan lag dgu'i chos rnams kyi dril bu g.yer kha'i dra bas 'khor ba'i chos kyi rgyal mtshan chen po bsgreng ba gang yin pa de ni/phyogs bcu'i nam mkha'i mthas gtugs par/ /chos kyi rgyal mtshan chen po bsgreng / /zhes pa ste bcom ldan 'das 'jam pa'i dbyangs so/ /nyon mongs pa'i gdung ba thams cad sgrib par byed cing 'gro ba la khyab pas 'gro ba'i gdugs te 'gro ba la khyab pa'i phyir ro//de lta bu ni gcig pu yang 'di yin la yangs pa ste rgya che ba yang yin pas gcig tu yangs pa'o/ /des na 'gro ba'i gdugs kyang 'di yin la gcig tu yangs pa yang yin pas na/ 'gro ba'i gdugs gcig yangs pa ste/'gro ba la gcig tu yangs pa'i gdugs zhes thob pa la/ sdeb sbyor gyi dbang gis de ltar bsdu ba byas pa'o/ /de nyid kyi phyir gsungs pa byams pa zhes pa la sogs pa ste/ byams pa dang snying rje dag gis dkyil 'khor lta bu'i tshul gyis 'jig rten gyi khams thams cad du kun nas 'khor te khebs pa'i phyir byams dang snying rje'i dkyil 'khor can te/byams dang snying rje'i rang bzhin gyi dkyil 'khor 'di yin pas na zhes sbyar ro/ /thung ngu ni nges pa'i tshig go/ /'khor ba'i 'dam gyi nyes pas ma gos pa'i phyir pad+ma dang 'dra bas pad+ma ste de yang 'di nyid yin la/ sgeg pa la sogs pa'i gar gyi nyams dgu dang ldan pas gar gyis 'dul ba'i sems can gyi phung po gdul bar bya ba'i phyir gar gyi dbang phyug ste gar mkhan gyi gtso bo yin pas na gar gyi dbang phyug go//'gro ba thams cad kyi yid dang mig la sdug par snang ba'i sku do shal gyis mdzes pa'i phyir dpal ldan no//'dis ni 'di 'od dpag tu med pa'i ngo bo nyid du gsungs so/ /dga' ba rgyas par byed pas na rat+na/ dkon mchog ste dkon mchog gsum mo/ /de lta bu ni chos kyi rgyal srid bdag po'o/ /mtshan mar gyur ba'i phyir dang sems can thams cad kyi kun du gdung ba phrog par byed pa'i phyir gdugs te de gang gi yin pa ni rin chen gdugs so//de nyid kyi phyir khyab bdag chen po zhes pa rin chen dbang po nyid do/ /sangs rgyas kun ni mi bskyod pa la sogs pa ste de rnams kyi dbus na che zhes gsal bar gyur pas na/ sangs rgyas kun gyi rgyal po che/ /zhes pa rnam par snang mdzad chen po'o//sangs rgyas thams cad kyi gzugs kyis 'gro ba'i bya ba sgrub pa'i phyir sangs rgyas thams cad kyi bdag nyid kyi dngos po ste sku lus 'dzin pas na/ sangs rgyas kun gyi rnal 'byor che/ /zhes pa ste mi bskyod pa'o/ /de ltar sangs rgyas lnga'i rang bzhin spros pa med pa'i dpal rje btsun 'jam dpal du bshad do//dbang phyug chen po la sogs pa'i gdug pa can rnams rdo rje hUM mdzad la sogs pa'i khro bo'i gzugs kyis 'dul bar byed cing 'dis mchod par byed pas na sangs rgyas kun gyi bstan pa gcig go/ /yang na byang chub sems dpa' zhi ba'i gzugs kyis sems can thams cad 'dis 'dul bar byed pas na bstan pa gcig go//sangs rgyas rnams thams cad kyi bstan pa gcig pu yin pas sangs rgyas kun gyi bstan pa gcig ste rje btsun nyid do/ /rdo rje ni de bzhin nyid gshegs pa thams cad do/ /de nyid rin po che la sogs pa rnams kyi dbang bskur ba nyid kyis khams gsum pa'i mnga' bdag tu gyur pa'i mtshan nyid can gyi dpal gang yin pa de ni rdo rje rin chen dbang bskur dpal lo//rin chen kun ni de bzhin gshegs pa thams cad do/ /de rnams kyi bdag po ni dang po'i sangs rgyas te de'i gzugs kyis dbang bskur ba'i ngang tshul gyi phyir rin chen kun bdag dbang phyug go//'jig rten dbang phyug kun ni zhi ba'i byang chub sems dpa' thams cad do/ /de rnams kyi bdag por gyur pas na 'jig rten dbang phyug kun gyi bdag ste/ thams cad gdul ba'i phyir de nyid kyis byang chub sems dpa' spro bar nus pa'i phyir ro//rdo rje 'chang ba kun ni phyag na rdo rje la sogs pa khro bo'i gzugs can rnams te/ de rnams kyi bdag por gyur pas de ltar ro/ /yang na rin chen kun bdag ni/ rin po che'i rigs kyi dkyil 'khor gang yin pa ste der rin chen 'byung ldan gyi gzugs kyis gtso bor gyur pa'i phyir rin chen kun bdag dbang phyug go//'jig rten dbang phyug kun ni 'gro ba 'dul ba'i dkyil 'khor gang yin pa ste/ der 'od dpag med kyi gzugs kyi bdag por gyur pa'i phyir 'jig rten dbang phyug kun gyi bdag go/ /rdo rje 'chang ba kun ni khams gsum rnam par rgyal ba'i dkyil 'khor gang yin pa ste/der rje bo ste rdo rje hUM mdzad chen po'i gzugs su gyur pa'i phyir/ rdo rje 'chang ba kun gyi rje bo 'jam pa'i rdo rje'o/ /sangs rgyas thams cad kyi thugs rje chen po'i rang bzhin rnam pa thams cad mkhyen pa nyid kyi thugs kyi ngo bo nyid kyi phyir sangs rgyas kun gyi thugs rje'o/ /pho'i rtags nyid ni 'jam dpal gyi mtshan gyi tshul yin pa'i phyir ro//sangs rgyas thams cad kyi rang bzhin gyi thugs chen po gang gi yin pa zhes tshig rnam par sbyar ro/ /de bzhin gshegs pa thams cad dang mnyam pa nyid kyis thugs la khyab pas sangs rgyas kun gyi thugs la gnas so/ /mtshan dang dpe byad kyis brgyan pa'i sangs rgyas thams cad kyi sku'i gzugs su bdag nyid thams cad ston pas na sangs rgyas kun gyis sku che ste/sangs rgyas thams cad kyi sku che ba nyid cig car 'jig rten gyi khams thams cad du sems can gyi don du spro ba'i phyir ro/ /dbyangs kyi yan lag thams cad la 'jug pa'i rgyu'i rtsa ba yin pa'i phyir sangs rgyas kun gyi gsung yang yin no//thung ba nyid ni ming gi tshul yin pa'i phyir ro/ /yang na sangs rgyas thams cad dang 'brel pa'i gsung gang la mnga' ba zhes tshig rnam par sbyor ro/ /dbyer mi phyed pa'i ye shes kyi nyi mas phyi dang nang gi mi shes pa'i mun nag rnam par 'joms shing snang ba'i rgyur gyur pa'i phyir/rdo rje nyi ma snang ba che'o/ /mi phyed pa'i ye shes zla ba'i tshul gyis sems can thams cad kyi nyon mongs pa'i kun du gdung ba phrog par byed cing bsil zhing dri ma med pa'i 'od zer gyis gsal bar byed pa'i phyir rdo rje zla ba dri med 'od de/zla ba yang 'di yin la dri ma med pa'i 'od kyang yin pas zhes tshig rnam par sbyar ro/ /chags bral dang chags bcas la sogs pa'i gdul bya'i sems can rjes su gzung ba'i phyir/ chags bral sogs pa la shas cher kun du zhen pa'i mtshan nyid kyi 'dod chags gang yin pa de ni chags bral la sogs chags pa che'o//sngags kyi tshul la ni rnam pa gzhan du ste de yang bla ma las shes par bya'o/ /sangs rgyas thams cad kyi gzugs spro ba'i phyir kha dog sna tshogs pa shin tu 'bar ba'i 'od gang yin pa de ni kha dog sna tshogs 'bar ba'i 'od do/ /yang dag par rdzogs pa'i sangs rgyas rnams kyi rdo rje skyil krung ni dbyer med pa ste de bcings nas khyad par du zung du bcas pas bdud thams cad las rgyal ba'i bya ba mdzad de/de skad du/ rdo rje skyil krung bcas nas ni/ /bdud rnams thams cad rab tu 'joms/ /zhes gsungs so/ /de yang thabs dang shes rab rnam par dag pa'i rang bzhin g.yon dang g.yas pa'i rkang pa dag g.yon dang g.yas pa'i brla dag gi steng du bkod pa ni bcom ldan 'das rje btsun 'jam dpal gyi rdo rje skyil krung ste de ni kun rdzob tu'o//don dam par ni rdo rje yang dag par rdzogs pa'i sangs rgyas dang / skyil krung ni chos thams cad stong pa nyid kyi ye shes te/de nyid sku gsung thugs legs par gnas pa'i rgyur gyur pa'i phyir/ gdan gyi yul gang yin pa de ni rdo rje skyil krung rdzogs sangs rgyas te/ de kho nas bdud thams cad las rnam par rgyal bar gyur pa'i phyir ro zhes dgongs pa'o/ /sangs rgyas rnams kyi 'gro ba ni chos kyi 'bel ba'i gtam ste/de'i chos so sor rtogs par byed cing / chos thams cad rang bzhin med pa'i mtshan nyid de 'dzin pas na/ sangs rgyas 'gro ba'i chos 'dzin pa'o/ /'gro ba la gcig tu bkra shis pa'i phyir dang / gos pa med pa'i phyir sangs rgyas ni pad+ma lta bu ste/de'i phyir de las byung ba gang yin pa de ni sangs rgyas pad+mar skyes te tshogs gnyis yang dag par bsags pa'i phyir dpal ldan no/ /de nyid thams cad mkhyen pa rnams kyi ye shes kyi mdzod 'dzin pas na/ kun mkhyen ye shes mdzod 'dzin pa'o/ /sgyu 'phrul sna tshogs A li ka khams gsum du nye bar ston pa ni de'i bdag nyid du 'dzin pas na/sgyu 'phrul sna tshogs 'chang ba'o/ /de ni gzhan du so sor nges pa'i sprul pa'i byed pa po dang / zil gyis mi non par mdzes pa'i phyir rgyal po gtso bo/ /ji ltar rgyal po sgyu 'phrul sna tshogs 'chang ba yin zhe na/ gsungs pa/ che ba sangs rgyas zhes pa la sogs pa ste/ sangs rgyas rnams kyi rig sngags ni shes rab kyi pha rol tu phyin pa ste/ de'i stobs kyis 'jig rten las 'das pa'i sprul pa byed pa'i bdag nyid chen po de 'dzin par byed pas na che ba sangs rgyas rig sngags 'chang ngo / /sngar bshad pa'i sngags kyi don gyi rang bzhin gyi mtshan rnams yang dag par rdzogs pa'i phyir gsungs pa/rdo rje rnon po zhes pa la sogs pa ste/ chos thams cad bdag med par shin tu yang so sor rtog pas rdo rje ltar rno bas na rdo rje rnon po'o/ /bdag tu rmongs pa'i rtsa ba can 'jig tshogs la lta ba'i yal ga dang lo ma dang ldan pas nyon mongs pa'i shing chen po gcod par byed pa'i phyir ral gri chen po'o//rnam par rtog pa rnam pa sna tshogs kyi dri ma dang bral bas rnam par dag pa'i phyir rnam par dag pa'o/ /'di bla na med pa yin pa'i phyir mchog go/ /rang bzhin gzhan du mi 'gyur ba'i phyir 'gyur med de 'gyur ba med pa'i mchog chos kyi sku'o//'dis ni 'di ltar bstan te/ nges par 'byed pa'i shes rab kyi sdug bsngal ma lus pa bcad pas shin tu rnam par dag pa'i chos kyi sku thugs su chud pas rnam par mi rtog pa nyid du gyur pa ni badzra tIk+Sh+Na zhes pa'i sngags kyi don yin no/ /sngags gnyis pa'i don gsungs pa/ sdug bsngal gcod ces pa la sogs pa ste/rang dang gzhan gyi rgyud du gtogs pa'i sdug bsngal mtha' dag gcod par byed pas na sdug bsngal gcod pa ste/ de yang theg pa chen po dang / rdo rje'i chos nyid kyi don ston pa gnyis su med pa'i rang bzhin te/ de nyid sems can thams cad kyi the tshom gcod pa'i phyir ro//de de'i bdag nyid du 'dzin pa gang yin pa de ni/ theg pa chen po sdug bsngal gcod/ /mtshon cha chen po rdo rje chos/ /zhes pa ste theg pa chen po thams cad ni rdo rje'i chos nyid kyi don ston pa yin te/ duHkhats+tshe da zhes pa'i sngags kyi don to/ /sngags gsum pa'i don gsungs pa/dzi na dzika ces pa la sogs pa ste/ sangs rgyas rnams thams cad kyi shes rab dang ye shes kyi snying po de yang dzi na dzika ste de yang rje btsun 'jam dpal nyid de/ de skad du/ sangs rgyas shes rab ye shes kyi/ /snying po dzi na dzika tu bshad/ /ces so/ /de'i phyir gsungs pa/rdo rje zhes pa la sogs pa ste/ so so yang dag par rig pa bzhi bsgoms pas mi phyed cing zab mor gyur pa'i blo'i rang bzhin gyi phyir rdo rje zab mo yang 'di yin la rdo rje blo yang yin pas na/ rdo rje zab mo dang rdo rje'i blo'o/ /gAm+b+hi rma ni zab mor grags pa'i don la de phan gyi yaN sbyar ba'i mtha'o//de nyid chos thams cad kyi de nyid ji ltar gnas pa bzhin yang dag par khong du chud pas na don bzhin rig pa'o/ /de ltar chos thams cad so sor rig pa'i shes rab kyis zab pa dang rgya che ba'i sangs rgyas kyi chos thams cad thugs su chud pa dang / shes bya ma lus pa thugs su chud pa 'byung ba gang yin pa de ni/pradz+nyA dz+nyA na zhes bya ba'i sngags kyi don to/ /yi ge bcu gnyis pa'i sngags kyi don bstan pa'i phyir gsungs pa/ pha rol phyin pa kun zhes pa la sogs pa pha rol tu phyin pa kun ni rin chen pad+ma'i pha rol tu phyin pa la sogs pa nas/ rdo rje las kyi pha rol tu phyin pa'i mthar thug pa bcu gnyis dang /sa rnams kun kyang mos pa spyod pa la sogs pa nas kun du 'od kyi mthar thug pa bcu gnyis so/ /rang dang gzhan dang 'brel pa'i pha rol tu phyin pa thams cad nges par rdzogs pa'i phyir pha rol tu phyin pa kun rdzogs pa'o/ /sa rnams thams cad kyis rnam par brgyan par byed pas na/sa rnams kun gyi rgyan dang ldan pa ste/ de nyid kyis brgyan pa gang yin pa zhes tshig rnam par sbyar ro/ /sngags bzhi pa'i don gsungs pa/ rnam par dag pa zhes pa la sogs pa ste/ rnam par dag pa de yang bdag med pa'i chos yin pas na/ rnam par dag pa bdag med chos te de ni yang dag pa'i ye shes so/ /de nyid mi shes pa'i mun nag 'joms par byed pa'i phyir zla'o/ /de nyid snying gi 'od de nang gi 'od gang yin pa de ni/ rnam par dag pa bdag med chos/ /yang dag ye shes zla snying 'od/ /ces pa ste bdag dang bdag gi ba dang bral ba rnam par dag pa bdag med pa'i chos khong du chud pas 'jig rten las 'das pa'i shes rab kyi bdag nyid ches dri ma med pa'i chos dang ye shes kyi sku brnyes pas na dz+nyA na kA ya zhes pa'i sngags kyi don to//sngags lnga pa'i don gsungs pa/ sgyu 'phrul dra ba zhes pa la sogs pa ste/sprul pa'i sgyu 'phrul nyid 'chang zhing 'gugs pa'i rgyur gyur pa'i phyir dra ba'o/ /de la cher brtson pas na brtson chen gang yin pa de ni brtson chen sgyu 'phrul dra ba'o/ /sngags dang phyag rgya dang dkyil 'khor dang lha'i rnal 'byor dang las rab 'byams la sogs pa rgyun chags pa nyid du bye brag tu rtogs par byed pas na rgyud do//rgyud de rnams thams cad kyi bdag po'o/ /mchog ni gtso bo sta bcom ldan 'das 'jam dpal te/ sngags dang phyag rgya dang dkyil 'khor la sogs pa sprul pa sna tshogs pa'i tshul gyis bya ba dang / spyod pa dang rnal 'byor gyi rgyud la sogs pa'i bdag por gyur pa nyid kyis thams cad kyi 'khor lor sgyur ba ste/wA gI shwa ra zhes pa'i sngags kyi don to/ /sngags drug pa'i don gsungs pa/ rdo rje gdan ni zhes pa la sogs pa ste/ rdo rje ma lus pa rnams ni de bzhin gshegs pa rnams te/ phung po lnga'i bdag nyid a ra pa tsa na'i don gyis kun nas yongs su mtshan pa'i mtshan ma can bcom ldan 'das nyid de/yi ge lngas mtshan pa ni chos thams cad kyi de kho na nyid do zhes dgongs pa'o/ /de yang a ni skye ba med pa dang 'gog pa med pa la sogs pa so sor rtogs par byed pa nyid kyi a yig chos thams cad kyi sgo'o zhes so//ra ni chos thams cad rdul dang bral ba dang thugs rje chen po'i chags pas chags pa zhes pa'o/ /pa ni skye ba med pa dang thugs rje chen po'i chags pa dang shes rab dang thabs kyi bdag nyid kyi phyir don dam pa'o zhes so/ /tsa ni sa dang pha rol tu phyin pa la sogs pa dang sngon gyi spyod pa de dag gi rgyu dang bral ba'o zhes so//da ni nam mkha' dang 'dra bar nye bar dmigs pa'i sgrib pa thams cad dang bral ba'i chos kyi sku'i mthar thug pa'o zhes ston pa'i phyir te/ de ltar na/ rdo rje'i gdan ni ma lus ldan/ /zhes pa'o/ /sna tshogs gzugs can 'jam dpal nyid do/ / de ltar yi ge lnga'i sngags kyi de kho na nyid kyi tshul gyi phyir ye shes sku rnams ma lus 'chang ba ste/ rdo rje sems pa'i gzugs zhes pa'i don to/ /rnam pa thams cad du kun nas sems can thams cad la bzang zhing dge ba dang / gang gi phyir rang nyid kyang rnam pa thams cad du dge ba'i rang bzhin gyi phyir kun du bzang po'o//gzhan la phan pa skyed pa'i blo gros bzang po mnga' bas na blo gros bzang po'o/ /lhun gyis grub par sems can thams cad la dge ba'i sa bon byed pas sa'i snying po dang 'dra bas sa'i snying po'o/ /sems can dang snod kyi ngo bo'i 'gro ba rnam par 'dzin par nus pa'i bsod nams dang ye shes kyi tshogs kyi bdag nyid kyi phyir 'gro ba 'dzin no//chen po ni yangs pa yin la/ snying po ni dbus te de gang yin pa ni snying po che'o/ /sangs rgyas thams cad kyi chos nyid ni sku lus rnams kyi snying po chen po yin pas na/ sangs rgyas kun gyi snying po che/ /zhes pa ste bcom ldan 'das 'di ni de bzhin gshegs pa thams cad kyi snying po yin pa'i phyir ro zhes dgongs pa'o//'dis ni chos thams cad kyi rang bzhin nyid ni rje btsun 'jam dpal lo zhes bstan to/ /de ltar yang lung las de bzhin gshegs pa ni chos thams cad kyi snying po'o zhes dang /gzhan yang bshad de/ dngos po kun gyi rang bzhin 'dzin/ /zhes so/ /ji ltar na 'di sangs rgyas kun gyi snying po yin zhe na gsungs pa/ sna tshogs sprul pa'i zhes pa la sogs pa ste/ sna tshogs pa'i sprul pa gang la mnga' ba de ni sna tshogs sprul pa'o/ /'khor lo ni dkyil 'khor ro//de spro ba dang bsdu ba'i gnas bstan par gyur pa'i gzhi'i rtsa ba 'dzin par byed pas na sna tshogs sprul pa'i 'khor lo 'chang ba'o/ /'dis ni de bzhin gshegs pa thams cad kyi dkyil 'khor chen po mtshon par byas pa yin no/ /de'i spros pa ni 'jam dpal grags pa la sogs pas gzhan du rnam par phyes zin pa nyid kyis mtshan yang dag par brjod pa'i dka' 'grel 'dir ni mtshan ji lta ba bzhin go bar bya ba'i phyir mangs pa'i 'jigs pas ma bris so//dngos po kun gyi rang bzhin ni gdod ma nas skye ba med pa'i ngo bo'o/ /de'i mchog ste thams cad las bla mar gyur pa'i gtso bo'o//de nyid kyi phyir dngos po kun gyi rang bzhin 'dzin no/ /chos dang chos can gyi khyad par brtags pa'i yang dag par brjod pa gsungs so/ /skye med zhes pa la sogs pa ste/ skye ba med pa ni chos thams cad skye ba med pa'i rang bzhin te de gang yin pa de skye med chos so//chos ni chos can la bstan pa med kyi 'dis brtags na chos dang chos can gnyis kyang rang bzhin med pa'i phyir skye ba med do zhes bstan to/ /de nyid kyi phyir sna tshogs don de 'di las sna tshogs 'byung bas zhes sbyar te/ dngos po dang ldan pa'i chos las mos pa sna tshogs pa'i sems can gyi don gyi khyad par byed nus pa med do zhes dgongs pa'o//de nyid kyi phyir gsungs pa/ chos kun ngo bo nyid 'chang ba/ /zhes pa ste rang bzhin med pa'i chos dang chos can gyi ngo bo zhes bcom ldan 'das kyi dgongs pa'o/ /de nyid kyi phyir gsungs pa/ skad cig ces pa la sogs pa ste/ skad cig ma gcig kho na la chos thams cad kyi rang bzhin thugs su chud pa'i las rdzogs pa'i blo ni shes rab ste/ de gang yin pa ni skad cig gcig la shes rab che'o/ /ma hA pradz+nyA zhes klog pa na thung ngu'i don ni/ rang gi don can gyi de phan gyi rkyen a Ni'i mtha'o//de'i phyir chos kun khong du chud pa 'chang ba ste/ chos thams cad khong du chud pa'i rnam pa thams cad mkhyen pa nyid kyi ye shes de'i bdag nyid du 'dzin pas na de ltar bshad do/ /de'i phyir gsungs pa/ chos kun mngon par zhen pa la sogs pa ste/ chos thams cad ni 'jig rten dang 'jig rten las 'das pa rnams te/de rnams mngon par rdzogs par rtogs pa'i byang chub gang yin pa de ni chos kun mngon par rtogs pa'o/ /yang dag pa ni de kho na nyid do/ /de'i mtha' ni de'i mthar thug pa ste/ de mkhyen pas na yang dag mthar thug pa'o/ /de'i phyir gsungs pa/mchog ces pa la sogs pa ste/ mchog kyang 'di yin la chos thams cad thugs su chud pa'i blo yang yin pas na blo mchog ste shes rab kyi pha rol tu phyin pa'i rang bzhin nyid kyi phyir bcom ldan 'das so/ /yang na mchog dang blo gang yin pa zhes 'byin pa'i tshig rnam par sbyar ro//gnas ngan len dang rnam par rtog pa thams cad rnam par spangs pas na brtan zhing mi 'gyur ba'i phyir mi g.yo ba'o/ /ma rig pa dang 'dod chags la sogs pa'i rnyog pa dang bral bas shin tu rab tu dang ba'i yid kyi rang bzhin gyi bdag nyid gang yin pa de ni rab tu dang ba'i bdag ste/ yang dag par rdzogs pa'i sangs rgyas kyi byang chub zad pa dang mi skye ba shes pa'o/ /dri ma zad dang mi skye ba'i/ /ye shes byang chub ces brjod de/ /zad med skye med phyir de dag /go rims ji bzhin shes par bya/ /zhes byams pas gsal bar gsungs pa'i phyir 'dus byas thams cad zad pa'i tshul ni stong pa nyid do//stong pa nyid kyi ngo bo nyid yin pas na 'dus byas nyid 'dus ma byas so/ /de'i phyir 'dus byas dang 'dus ma byas kyi chos thams cad mnyam pa nyid ni mi zad pa'o/ /'dir rnam par rtog pa thams cad zad par 'gyur zhes sbyar te/ de yang zad pa ni zad par mi 'gyur te zad pa de yang 'grib pa med do//gal te zad pa zad par gyur na 'gog pa yang zad pas mya ngan las 'das pa med par 'gyur te/ de'i phyir zad pa ni zad par mi 'gyur ro/ /gang zad par mi 'gyur ba de ni mi skye'o/ /gang mi skye ba de ni zad par mi 'gyur te/ de ltar chos thams cad mnyam pa nyid kyi rang bzhin de bzhin nyid de de thugs su chud pa ni zad pa dang mi skye ba shes pa ste de nyid ni byang chub bo//de de'i bdag nyid du 'dzin pas na/ rdzogs pa'i sangs rgyas byang chub 'chang / /zhes bya'o/ /bye brag tu smra ba dag ni byang chub ni nyon mongs pa mtha' dag zad pa dang /slar mi skye bar 'gyur ba cig car ba ste/ rkun po phyir phyung ba dang sgo glegs bcad pa dus mnyam pa bzhin no zhes 'dod do/ /de ni sangs rgyas kun gyi mngon sum ste/ sangs rgyas rnams la de lta bu'i bdag nyid kyi byang chub med de/ de ni de rnams la lkog tu ma gyur pa'i phyir ro zhes sbyar ro//sangs rgyas rnams ni sgrib pa thams cad las nges par grol ba'i phyir shes bya thams cad snang bar byed pa'i bdag nyid can gyi ye shes kho na me lce dang 'dra bas me lce ste/ ye shes kyi me lce de shin tu 'od gsal bas na ye shes me lce 'od rab gsal ba'o/ /de nyid kyi phyir/'dod pa'i don sgrub dam pa ste/ /'dod pa'i don ni rang dang gzhan rnams kyi sangs rgyas nyid de de mchog tu sgrub pa'o/ /ngan song thams cad ni dmyal ba la sogs pa'i 'gro ba rnams so/ /khyad par du sbyong bar byed pas na ngan song thams cad rnams sbyong ba'o/ / de'i phyir mgon po sems can kun gyi mchog ste mgon du gyur pa'i phyir ro/ /nyon mongs pa'i 'ching ba grol bar byed pa'i phyir/ sems can thams cad rab grol byed do/ /'di ci lta bu zhe na gsungs pa/ nyon mongs zhes pa la sogs pa ste/ nyon mongs pa rnams dang lhan cig g.yul 'gyed pa la gcig tu dpa' ba ste/gnyis pa med pa'i dpa' bo bzang po yin pas na nyon mongs g.yul du dpa' gcig pa'o/ /dpa' bo'i sgra sngon du bkod pa ni nges par tshig gi gtsug lag gi phyir ro/ /dpa' ba nyid kyi rgyu gsungs pa/ mi shes zhes pa la sogs pa ste mi shes pa'i dgra'i dregs pa ste khengs pa'o//de 'joms par byed pa ni shes rab kyi rang bzhin gyi sku can 'jam dpal yin pas de ltar bshad do/ /nyon mongs pa'i g.yul du dpa' gcig pu yang 'di yin la mi shes pa'i dgra'i dregs pa 'joms pa yang yin pas zhes tshig rnam par sbyar ro//dgongs pa min pa'i bshad pa ni lung las rtogs par bya'o/ /mi shes pa las byung ba'i nyon mongs pa dang mi shes pa de dag shes rab kyi ral gris nges par 'joms shing rtsad nas gcod pa'i phyir te/ nyon mongs pa'i tshogs gsod cing 'joms par byed pa zhes pa'i don to//bdud dang mu stegs la sogs pa mtha' dag las rnam par rgyal ba'i dga' ston gyi gar gyis 'dul ba'i 'gro ba rjes su gzung bar bya ba'i phyir sgeg pa la sogs pa'i gar gyi nyams dgu'i khyad par gyi phul du byung ba gsal bar bya ba'i phyir gsungs pa/ blo ldan sgeg 'chang zhes pa la sogs pa ste/ de lta bu'i ngo bo las langs te gar gyi khyad par sgeg pa ste de yang gtsang zhing 'bar ba'o/ /shin tu gtsang zhing phul du byung bar gsal bas sems can thams cad kyi bsam pa rjes su chags par byed pa ni blo'o/ /de ni sgeg pa dang 'dra bas blo ldan sgeg pa'o//de de'i bdag nyid kyis 'chang bas na blo ldan sgeg 'chang ngo / /d+hIH zhes rnam par bcad pa dang bcas par klog pa yang sbyar ro/ /der ni/ bde gshegs shes rab dri ma med/ /rdo rje rnon por de bshad do/ /zhes gsungs pas dri ma med pa'i shes rab kyi bdag nyid can gyi phyir de nyid ni blo'o//gal te blo yin na de ni so so rang rig pa'i bdag nyid can gzugs can ma yin pas de ji ltar na gzugs sna tshogs su snang bar byed ce na bden te/ shin tu rnam par dag pa'i sems kho na smon lam gyi phan pa'i dbang gis de lta de ltar gdul bya la so sor snang bas na skyon med do//de skad du yang / e ma'o sangs rgyas skyob kun gyi/ /zag pa med pa'i shes rab ste/ /shes rab dri med bsam mi khyab/ /sems dpa'i lus su gyur pa yin/ /zhes so/ /de nyid kyi phyir gzugs kyis dregs pa'i gdul bya'i skye bo gzhug pa'i don du sgeg 'chang zhes gsungs pa ste/mtshan dang dpe byad 'bar zhing gsal ba'i sgeg pa dang / rgyan gyis mdzes pas 'jig rten gsum gyi gnas su dga' ston mdzad pa'o zhes pa'i don to/ /de'i phyir dpal ldan te mdzes pa ma lus pa'i gter du gyur pa 'jam dpal gzhon nu'o zhes dgongs pa'o//bdud gdug pa can las rnam par rgyal ba la mkhas shing spro ba'i ngo bo ni dpa' ba'i nyams kyi don to/ /sems can de lta bu gdul ba'i don kho nar 'jig rten las 'das pas smad pa'i dngos po lta bu mi sdug pa'i 'jigs rung gi nyams su myong ba'i don to/ /dpa' ba dang 'jigs su rung ba de dag dang rjes su mthun pa'i gzugs 'dzin par mdzad pas na dpa' zhing 'jigs rung gzugs 'dzin pa'o//'dis nye bar mtshon nas gzhan gar gyi nyams dgu dang rjes su mthun pa'i gzugs 'dzin pa zhes pa'i don to/ /de nyid sgyu 'phrul chen po gar gyi dbang phyug nyid du rtogs par byed pa ni lag pa'i dbyug pa zhes pa la sogs pa ste/mtshon cha sna tshogs pas brel ba'i lag pa'i dbyug pa brgya po rnams kun nas phyogs thams cad du khyab par skyod par byed pa dang / gang du zhabs brgya pa rnams kyang sa gzhi gang bar skyod par byed pa de lta bu'i gar byed pa gang yin pa de lta bu ni/lag pa'i dbyug pa brgya bskyod cing / /rkang pa bskyod pas gar byed pa/ /zhes so/ /de nyid kyis na gsungs pa/ dpal ldan zhes pa la sogs pa ste/ dpal ldan lag pa brgyas gang ba ste lag pa'i dkyil 'khor gyi grangs brgyas nam mkha' khyab pa ste/nam mkha'i khongs thams cad du gar byed pa gang yin pa de ni/ dpal ldan lag pa brgyas gang la/ /nam mkha' khyab pa gar byed pa'o/ /lag pa'i dbyug pa brgya bskyod cing / /zhes pa dang / dpal ldan lag pa brgyas gang la/ /zhes pa la rnam dbye tha dad par klog par byed pa mthong ste/de yang rje btsun gyi khyad par nyid kyis rnam par bshad par bya'o/ /'jig rten las 'das pa'i gar byed pa'i khyad par ston par byed pa ni/ rkang pa gcig gis zhes pa la sogs pa ste/ rkang pa gcig gis sa'i dkyil 'khor gyi mthil gnon cing ljid kyis phab nas bzhugs pa'i phyir/sa yi dkyil 'khor bzhi yi khyon/ /rkang pa ya gcig mthil gyis gnon/ /zhes pa ste/ la yig phyis pa ni nges pa'i tshig go/ /gzhan du sa'i dkyil 'khor ni sa'i snying po ste 'og tu gser gyi rang bzhin gyi sa gzhi dang de'i mthil te der gnas pa'o zhes so//tshangs pa'i sgo nga'i sgras ni nam mkha'i khams kyi mthar thug pa thod pa'i gzugs su mu stegs pa rnams kyis yongs su brtags pa ste de'i rtse mo ni steng gi cha'o/ /de gnon pa yang 'di yin la/ gzhan rkang mtheb sen mo la gnas pa yang 'di yin te/ 'dis bcom ldan 'das 'og dang steng gi mthar thug par khyab ste bzhugs su bstan to//rkang mtheb sen mo la gnas pa/ /zhes bdun pa'i mtha' can du klog pa la ni/ tshangs pa'i sgo nga'i rtse mo gnon/ /rkang mtheb sen mo nam mkha'i phyogs gang na ba der gnas so zhes rnam par bshad par bya'o/ / 'di dag kyang gar gyis 'dul ba'i skye po rjes su gzung ba'i phyir gsungs pa'o/ /don dam pa'i tshul gang yin pa de gsungs pa don gcig ces pa'o/ /de nyid gsungs pa/ gnyis med chos kyi don zhes so/ /tal gyi rkyen phyis pa'i phyir gnyis su med pa'i chos nyid ces pa'i don to//de yang don dam pa ste de ni nam yang gzhan du mi 'gyur ba'i phyir 'jigs pa med pa'o/ /de lta na yang thugs rje chen po dang smon lam gyi phan pa'i dbang gis gdul bya dang rjes su mthun par yongs su mkhyen pa skyed de/ rnam rig sna tshogs pa'i tshul gyis sems can rnams kyi don mdzad pa gang yin pa de ni rnam rig sna tshogs gzugs don can no//sems ni rnam par mi rtog pa'o/ /rnam par shes pa ni rnam par rtog pa dang bcas pa'o/ /de dag gi rgyud ni rgyun gyi 'jug pa ste/ don dam pa dang kun rdzob kyi tshul gyis gdul bya rnams la de ltar so sor snang bar mdzad pa'i phyir bcom ldan 'das kho na sems dang rnam shes rgyud dang ldan pa'o zhes gsungs pa'o//dngos po ma lus pa ni de lta bu'i char gyur pa'i gzung ba dang 'dzin pa ste/ rang dang spyi'i mtshan nyid kyi don gyi mtha' can no zhes pa'i don to/ /dngos po de rnams la mngon par zhen pa'i skye bo gzhug pa'i phyir mngon par zhen pa med pa'i tshul gyis dga' bar byed pa gang yin pa de ni dngos don ma lus rnams la dga' ba'o//don dam par ni stong pa nyid la dga' ba'o/ /de su zhig ce na/ mchog gi blo ste blo'i mchog 'jam pa'i dpal lo zhes pa'i don to//de nyid kyi phyir gsungs pa/ srid pa'i zhes pa la sogs pa ste/ kha nang du phyogs nas 'jug pa'i phyir bsam gtan dang gzugs med pa rnams la 'ga' zhig mtha' par 'du shes pa bzlog pa'i phyir/ khams gnyis las skyes pa'i 'dod chags ni srid pa'i 'dod chags yin no zhes bcom ldan 'das kyis gsungs so//sogs kyi sgras 'dul ba'i khams las byung ba'i 'dod chags kyang gzung ngo / /srid pa dang 'dod pa'i 'dod chags kun nas zhes pa ni srid pa'i 'dod chags la sogs pa de las 'das pa'o/ /de nyid kyang ste shes rab kyi khyad par de nyid dran pa'i rang bzhin las nges par skyes pa'i phyir ro//rtags kyi khyad par nyid kyis de nyid ces pa'i don to/ /dran pa bzhi po ting 'dzin rgyal/ /zhes stong pa nyid dang / mtshan ma med pa dang / smon pa med pa dang rang bzhin gyis 'od gsal ba'i dran pa'i rang bzhin ting nge 'dzin brgya stong gi bdag por gyur pa nyid kyis mdzes pas de ltar bshad do//byang chub yan lag ces bya ba la sogs pa la byang chub kyi yan lag bdun ni 'di lta ste/ dran pa dang chos rab tu rnam par 'byed pa dang / brtson 'grus dang dga' ba dang / shin tu sbyangs pa dang / ting nge 'dzin dang btang snyoms zhes bya ba rnams so//de rnams ni shin tu dga' bar 'os pa nyid kyi phyir me tog lta bu ste/ de rnams kyi dri'i khyad par 'jig rten gyi khams rab 'byams rnams su khyab pa'i yon tan dang / ye shes kyi rang bzhin gyi dri'i khyad par gang yod pa de ni byang chub yan lag me tog spos so//de bzhin gshegs pa rnams kyi yon tan ni gzhan dang thun mong ma yin pa'i phyir ma 'dres pa dang stobs bcu la sogs pa rnams te/ rin po che dang 'dra ba de rnams skye ba'i gnas dang 'phel ba'i rgyu nyid kyi phyir 'byung gnas su gyur ba de bzhin gshegs pa'i yon tan rnams kyi chu gter dang 'dra bas mtsho'o//de bzhin gshegs pa'i yon tan rnams kyang gzhan du rgyas par bshad do/ /lam gyi yan lag brgyad ni 'di'i yan lag rnams ni brgyad yin pa ste sngar bshad zin to// //gdul bya'i skye bo'i rgyud la dmigs pa de 'dren par byed cing thabs gang gis de'i tshul gang rig pa de ni lam gyi yan lag brgyad tshul rig pa'o//de nyid kyi phyir gsungs pa/ yang dag sangs rgyas lam rig pa/ /zhes so/ /sems can thams cad mi gnas pa'i mya ngan las 'das pa la 'jog pa'i thugs rje chen pos mtha' gcig tu kun du chags pa nyid kyi phyir sems can kun la shas cher chags so//de lta na yang chos thams cad rang bzhin med par thugs su chud pa'o/ /dri ma med pa'i ye shes rab tu bdag nyid yin pa'i phyir chags pa med pa'o/ /de nyid kyi phyir nam mkha' lta bu'o/ /sems can thams cad kyi sems mnyam pa nyid thugs su chud pas na sems can kun gyi yid la 'jug pa ste thugs su chud pa'o//'gro ba'i don ni rtogs pa'i don can gyi phyir gdul bya 'dul ba'i sems las mi 'da' bar skal ba ji lta ba bzhin ches myur bar cig car du gdul bya thams cad kyi sems kyi rjes su 'jug pa'i chos bstan pa'i don du yid ltar mgyogs pa'i ting nge 'dzin mnga' ba'i rang bzhin yin pa'i phyir sems can kun gyi yid ltar mgyogs zhes bya'o//sems can rnams kyi dbang bo rnams ni 'jig rten dang 'jig rten las 'das pa'i ste/ thar pa'i cha dang mthun pa rnams dang /dad pa dang brtson 'grus dang / dran pa dang / ting nge 'dzin dang / shes rab ces bya ba rnams so sor rtul po dang 'bring dang chen po'i dbye bas phye ba rnams so/ /de'i don ni sangs rgyas nyid kyi thabs kyi rnam pa ste/ dbang po de rnams dbang don ji lta ba bzhin mkhyen pas na/sems can kun gyi dbang don shes pa'o/ /dus thams cad du sprul pa'i 'od zer rnams kyis sems can rnams la phan pa dang bde ba yang dag pa sgrub par mdzad cing yid 'phrog pas na/ sems can kun gyi yid 'phrog pa'o/ /phung po lnga don de nyid ni kun rdzob tu/gzugs ni dbu ba rdos pa 'dra/ /tshor ba chu yi chu bur bzhin/ /'du shes smig rgyu lta bu ste/ /'du byed chu shing sdong po 'dra/ /rnam shes sgyu ma lta bur ni/ /nyi ma'i gnyen gyis bka' stsal to/ /don dam par ni gdod ma nas skye ba med pa nyid phung po lnga'i don gyi de nyid de/ de mkhyen pas na de ltar bshad do//rnam par dag pa'i tshul khrims dang ting nge 'dzin dang shes rab dang / rnam par grol ba dang / rnam par grol ba'i ye shes mthong ba zhes bya ba ste/ phung po lnga'i rang bzhin 'chang bas na/ rnam dag phung po lnga 'chang ba ste rnam par dag pa'i phung po lnga 'dzin par mdzad pa zhes bya ba'i don to//nges par 'byung ba kun ni nyan thos la sogs pa rnams kyi'o/ /mtha' ni mthar thug pa ste de la gnas pas na de ltar de bshad do/ /nges 'byung kun gyi rang bzhin rnam par mkhyen pa'i phyir/ nges par 'byung ba kun la mkhas pa'o/ /de lta na yang byang chub sems dpa'i tshul gyis sems can thams cad lam la gzhug pa'i phyir du/nges 'byung kun gyi lam la gnas pa'o/ /de'i phyir gsungs pa/ nges par 'byung ba kun ston pa/ /zhes pa'o/ /ma rig pa dang / 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi zhes bya ba rten cing 'brel bar 'byung ba'i yan lag bcu gnyis kyi mtshan nyid can ni srid pa'i rtsa ba ste/ yan lag bcu gnyis srid rtsa bton/ /zhes pa srid pa'i yan lag bcu gnyis drungs nas phyung ba zhes pa'i don to//ji lta bu zhe na gsungs pa/ dag pa rnam pa zhes pa la sogs pa ste/ thabs dang bcas pa'i shes rab rnam par bsgoms pa'i stobs kyis shin tu rnam par dag pa'i de bzhin nyid kyi rang bzhin gyi srid pa'i yan lag rnams de'i bdag nyid du 'chang bas na dag pa rnam pa bcu gnyis 'chang ba ste/rnam par dag pa'i rnam pa bcu gnyis 'chang ba zhes pa'i don to/ /sdug bsngal la sogs pa bden pa bzhi'i tshul ni phyin ci ma log par lam du byed cing rnam par 'jog par byed pas na/ bden bzhi'i tshul gyi rnam pa can no//sdug bsngal la chos shes pa dang / sdug bsngal la rjes su rtog pa shes pa dang / de bzhin du kun 'byung ba dang 'gog pa dang lam rnams la so sor shes pa gnyis te/ shes pa brgyad po de rnams ni nyan thos la sogs pa'i lam gsum gyi gdul bya dang rjes su mthun par thugs su chud pas rjes su mthun par rtogs pa de 'chang bar mdzad pas na/shes pa brgyad po rtogs pa 'chang ba'o/ /'ga' zhig tu/ bden bzhi'i tshul dang 'dra ba yi/ /shes pa brgyad po rtogs pa 'chang / /zhes mtha' dag klog pa ni dgongs min te/ de la bden pa bzhi'i tshul ni nyan thos la sogs pa dang rjes su mthun pa'i mi rtag pa dang sdug bsngal ba la sogs pa'i rnam pa bcu drug go//de rnams ji lta ba bzhin bsgoms pas rim gyis bden pa so so la chos shes pa dang rjes su rtogs pa'i shes pa 'byung bas na/ dri ma med pa'i rtogs pa 'chang ba'i phyir/ / bden bzhi'i tshul dang 'dra ba yi/ /shes pa brgyad po'i rtogs pa 'chang / /zhes pa'o/ /rten cing 'brel par 'byung ba yan lag bcu gnyis kyi rnam pas bden pa la 'jug pa'i ye shes kyis skye mched bcu gnyis rnam par dag nas sa bcu gnyis kyi mthar thug pa'i bden pa'i dgos pa dang ldan pas na/bden don rnam pa bcu gnyis ldan pa'o/ /nang stong pa nyid la sogs pa nas dngos po med pa'i ngo bo nyid stong ba nyid kyi mthar thug pa'i stong pa nyid rnam pa bcu drug gi de nyid rig pa'i phyir de nyid rnam pa bcu drug rig pa'o/ /de la gzhan yang dngos po dang dngos po med pa dang rang bzhin dang /gzhan gyi dngos po ste stong pa nyid bzhi dang lhan cig pa nyid kyis stong pa nyid rnam pa nyi shu ste/ yang dag par rdzogs pa'i byang chub gang yin pa de don dam par dbye ba med kyang de nyid rdzogs pa'i byang chub kyi ngo bo yin pa'i phyir/ rnam pa nyi shu byang chub pa//zhes gsungs so/ /thabs la mkhas pas thar pa ji lta bar nyan thos la sogs pa'i tshul gyis sems can rnams gdul ba'i phyir sna tshogs pa'i sangs rgyas kyi gzugs brnyan ston pa nyid kyis sangs rgyas kyi sku'i bdag nyid kyi ngo bo rnam pa mang po rab tu ston pa'i phyir rnam par sangs rgyas so//rnam pa thams cad mkhyen pa nyid kyi ye shes kyi bdag nyid kyi phyir kun rig go/ /de nyid thams cad las phul du byung ba'i phyir mchog go/ /mtha' yas pa'i sangs rgyas kyi sprul pa rnams kyis 'jig rten gyi khams mtha' yas pa'am mtha' klas pa'i sems can rnams kyi don mdzad pa'i phyir sku mtha' yas pa bye ba 'gyed par mdzad pa'i phyir/sangs rgyas kun gyi sprul pa'i sku/ /bye ba dpag med 'gyed pa po/ /zhes bya'o/ /sdug bsngal la chos dang bzod pa la sogs pa mthong ba'i lam gyi sems kyi skad cig ma bcu drug po thams cad mngon par rtogs pa ste legs par khong du chud pas na/skad cig thams cad mngon par rtogs pa'o/ /sems kyi skad cig ma thams cad kyi don ni skye ba med pa dang 'gag pa med pa la sogs pa'i tshul lo/ /de ji lta ba bzhin rig pas na sems kyi skad cig don kun rig pa'o/ /theg pa sna tshogs ni 'jig rten pa dang /nyan thos dang rang sangs rgyas dang yang dag par rdzogs pa'i sangs rgyas dang 'brel pa rnams so/ /de rnams kyi tshul ni rnam par grol ba'i khyad par te/ de nyid ni thabs so/ /de 'gro ba'i don du rnam par sgom par byed cing yang dag par sgrub par byed pas na de ltar bshad do//ci las she na gsungs pa/ theg pa gsum gyi nges 'byung zhes pa ste/ 'di yang sems can gyi bsam pa'i dbang las yin gyi don dam par ni theg pa gcig kho na ste 'di lta ste theg pa chen po'o/ /de'i 'bras bu ste yang dag par rdzogs pa'i sangs rgyas nyid la gnas pa'o//de ltar yang ting 'dzin rgyal po las/ sems ni zhum zhing rgyud kyang zhan gyur la/ /thos pa'i mod la skrag par 'gyur rnams la/ /nga yis 'jigs pa spang phyir theg gsum bstan/ /theg pa gcig ste gnyis pa yod ma yin/ /zhes gsungs so//dam pa'i chos pad+ma dkar por yang gsungs pa/ don dam par ngas yang dag par gsungs pa ni 'di yin te/ nyan thos tshul kun gyis ni mya ngan 'das/ /'di dag byang chub mchog gi spyod spyad de/ /nyan thos byang chub sems kun sangs rgyas 'gyur/ /theg pa gcig ste gnyis pa yod ma yin//gsum pa nam yang yod pa ma yin no/ /skyes mchog 'jig rten tshul ni tshul gzhan gyis/ /theg pa sna tshogs nye bar ston par byed/ /ces gsungs so/ /rnam par rtog pa ni byang chub sems dpa'i nyon mongs so zhes pa'i rig pas/ byang chub sems dpa' rnams kyi rnam par rtog pa nyid nyon mongs te/de rnams kyi khams ni rig ste/ chos thams cad shin tu rnam par dag pa'i tshul gyi rang bzhin nyid kyis rnam par dag pa'i bdag gang yin pa de ni nyon mongs khams rnams rnam dag bdag go/ /dge ba dang mi dge ba dang lung du ma bstan pa'i las kun nas slong bar byed pa'i sems ni las kyi khams te/de yang bdag dang bdag gir mngon par zhen pas 'jug pa ste/ de skye ba dang bral ba'i chos ston pa'i sgo nas zad par byed pas na/ las kyi khams rnams zad byed pa'o/ /sems can rnams kyi legs ba 'khyer zhing 'phrog pas chu bo'i shugs dang 'dra zhing chos mthun pas chu bo'o//chu bo de yang bzhi ste 'dod pa'i chu bo dang srid pa'i chu bo dang lta ba'i chu bo dang ma rig pa'i chu bo rnams so/ /de nyid rgal dka' bas rgya mtsho ste/ de yang dag par rgal bas na/chu bo rgya mtsho kun las rgal ba'o/ /chu bo kho na khams dang 'gro ba dang skye gnas rnams su sems can rnams sbyor bar byed pas na sbyor ba ste/ de nyid shin tu bgrod par dka' zhing sdug bsngal gyi rgyur gyur pa'i phyir dgon pa'o/ /de rnams la nges par thon pas na sbyor ba'i dgon pa las byung ba'o//nyon mongs nye ba'i kun nyon mongs/ /zhes pa la sogs pa la nyon mongs pa ni rjes su chags pa dang khong khro ba la sogs pa'o/ /nye ba'i nyon mongs pa ni sgyu dang rgyags pa dang rnam par 'tshe ba la sogs pa rnams so/ /de nyid kyis sam ba li tAHyang dag par nyon mongs par byed pas na kun nas nyon mongs pa'o//bag chags dang lhan cig pas na bag chags dang bcas pa'o/ /de rab kyi mthar phyin pas legs par spangs pas na/ nyon mongs nye ba'i kun nyon mongs/ /bag chags bcas pa gtan spangs pa/ /zhes pa'o/ / sgra 'di lta bur rnam par gnas pa ni gtsug lag gi phyir te/ shin tu rab spangs bag chags bcas/ /nyon mongs nye nyon kun nyon mongs/ /zhes pa'i don to/ /shes rab dang thabs dang snying rje chen po ni shes rab thabs dang snying rje che'o/ /de rnams kyi don yod 'bras bu med pa ma yin par 'gro ba'i don byed pas na de ltar bshad do//'du shes ni mtshan mar 'dzin pa'i mtshan nyid de/ de 'gro ba dang khams dang skye gnas thams cad du gtogs pa ni 'du shes kun te sems can thams cad kyi rgyud du gtogs pa de rnams chos la bdag med pa'i ye shes kyis spong ba'o//de nyid don te dgos pa gang yin pa ni 'du shes kun gyi don spangs pa'o/ /rnam shes don ni gzung ba dang 'dzin pa'i rnam pa khong du chud pa'o/ /de 'gog par byed pa ni shes pa dang shes bya'i de kho na nyid skye ba med pa nyid du rtogs par byed pas na rnam shes don ni 'gog par byed pa'o//'gog pa 'chang zhes klog pa yang mthong ste de ni go sla'o/ /skal ba dang ldan pa dang mi ldan pa nyid kyi don thugs su chud pa'i don gyis dang dmigs pa med ba nyid kyis na sems can kun gyi yid kyi yul gang yin pa de de ltar bshad do/ /rnon po dang 'bring dang rtul po'i dbye bas sems kyi spyod pa so sor rtogs pa'i don gyis na/sems can kun gyi yid rig pa dang rtogs pa dang khong du chud pa thob pa gang yin pa de ni sems can kun gyi yid rig pa'o/ /nang du song zhing gnyis su med par khong du chud pa'i rnam pas sems can kun gyi yid kyi nang du 'jug pa'i phyir sems can kun gyi yid nang gnas so//sems can thams cad la rkang gi khong nas snying rje ba nyid kyis bde ba dang sdug bsngal mtshungs pa'i phyir/ de dag sems dang mnyam nyid son pa ste thob pa'o/ /de nyid kyi phyir sems can kun gyi yid tshim byed pa'o/ /sems can thams cad kyi mchog tu dga' ba'i rgyur gyur pa'i phyir/sems can kun gyi yid dga' ba'o/ /nyams su myong ba'i ngo bo'i tshad ma dam pas grub pa yang 'di yin la/ 'di las gzhan pa'am lhag pa med pas mthar thug pa yang yin pas grub pa'i mtha' ste don dam pa'i tshul gyis g.yo ba med cing brten pa zhes pa ji srid pa'o//de'i phyir gsungs pa/ 'khrul pa ldan pa min zhes pa ste/ 'di la yang gtan tshigs gsungs pa/ 'khrul pa thams cad rnam par spangs/ /zhes pa'o/ /'di nyid ji lta bu zhe na gsungs pa/ the tshom med pa'i blo zhes pa ste/ the tshom med pa yang 'di yin la blo gros kyang 'di yin pas the tshom med pa'i blo ste/ de nyid ni the tshom med pa'i blo gang yin pa zhes tshig rnam par sbyar ro/ /de nyid kyi phyir gsungs pa/ bud med don zhes pa la bud med ni shes rab kyi pha rol tu phyin pa'o/ /don ni bsgrub bya ste 'bras bu bla na med pa'i byang chub kyi rang bzhin te/'di nyid bcom ldan 'das 'jam dpal lo/ /yang na 'jam dpal gang yin pa gsum gyi sgra ni gsum rnams te 'dod pa la sogs pa'i khams rnams so/ /don ni rgyu'o/ /de nyid stong pa nyid kyi ye shes rdo rje'i rang bzhin yin pa'i phyir/bcom ldan 'das kyis de rnams stong pa nyid kyi ye shes kyi lus su bskyed pa'o/ /de nyid kyi phyir gsungs pa/ kun gyi don ni zhes pa ste/ 'dod pa'i khams la sogs pa thams cad kyi rgyur gyur pa zhes pa'i don to/ /yang na don rnam pa gsum ste spang bar bya ba dang /blang bar bya ba dang / btang snyoms su bya ba'o/ /de la spang bar bya ba ni phyi dang nang gi mi dge ba'i phyogs so/ /blang bar bya ba ni chos bdag med pa'i ye shes dang bsod nams dang ye shes kyi tshogs so/ /btang snyoms su bya ba ni lung du ma bstan pa'i chos rnams te/'di dag thams cad ni gdul bya dang rjes su 'tsham pas na don gang yin pa ste de ltar bshad do/ /snying stobs dang rdul dang mun pa ste 'dod chags dang zhe sdang dang gti mug gi rang bzhin yon tan gsum gyi ye shes kyi bdag nyid kyis 'dul ba'i sems can gdul ba'i phyir de'i bdag nyid can de bzhin gshegs pa rigs gsum gyi rang bzhin yin pa'i phyir/bcom ldan 'das 'jam dpal ni yon tan gsum gyi bdag nyid can no/ /phung po lnga'i don gyi tshul ni dus gsum ste/ phung bo lnga don dus gsum pa/ dus kyang phung po rnams las gzhan du yod pa ma yin te/phung po rnams nyid la dus su brtags pa ste/ ji skad du/ chos mngon pa mdzod las/ de dag nyid dus gtam bzhi dang / /nges par 'byung bcas gzhi dang bcas/ /zhes so/ /de de'i bdag nyid du yod pa gang yin pa de ni/ phung po lnga don dus gsum pa//zhes so/ /a sha sogs kyi phyir ata'o/ /gsum gyi sgra las rnam pa dang bcas pa brjod pa'i lung ngo / /phung po lnga don dus gsum pa/ /zhes klog pa la ni phung po lnga'i rang bzhin yang dus dang gsum nyid kyang dus gsum mo zhes bshad par bya ste snga ma bzhin ata'o//skad cig ma bcu drug gi mtshan nyid mthong ba'i lam gyi sems kyi skad cig ma thams cad bye brag phyed pa rim gyis gsal bar byed pa'i phyir/ skad cig thams cad bye brag phyed pa'o/ /rang nyid las ni goms pa rab kyi mthar phyin pa thob pa'i phyir dang po la sogs pa'i rim pa med de/rdo rje lta bu'i ting nge 'dzin gyis skad cig ma gcig nyid la mngon par rdzogs par byang chub pa brnyes pa'i phyir/ skad cig gcig mngon rdzogs sangs rgyas/ /zhes so/ /chos kyi sku'i rang gi sgra'i don ni de lta na yang thugs rje chen pos srid par chud pa'i sems can rnams 'byin par mdzad pa'i don te/srid gsum dga' ba chen po'o/ /da ni don dam par kha dog dang bral yang kha dog gis 'dul ba rnams gzhug pa'i phyir/ yid du 'ong zhing sna tshogs pa'i kha dog gi yang dag par brjod pa gsungs pa/ dag pa sprin dkar te shin tu dri ma med pa'i ston ka'i sprin ltar de dkar bas ston ka'i zla ba'i 'od ltar rab tu sim par byed cing mdzes pa'i 'od gang yin pa de ni de ltar bshad de/'dis shes rab kyi rang bzhin nyid gsungs so/ /thugs rje chen po'i chags pas dmar ba'i phyir nyi ma 'char ka'i dkyil ltar mdzes so/ /sen mo zangs mdog lta bu'i dpe byad kyis mdzes pa'i phyir sen mo'i 'od ni shas cher dmar ba'o//nor bu mthon ka rnams kyi nang na gtso bor gyur pas rtse mo ste/ mthon ka'i rtse'o/ /de lta bur bzang zhing mdzes pa'i ral pa'i zur phud gang yin pa de ni zur phud bzang po mthon ka'i rtse'o/ /mthon ka chen po'i sku mchog 'chang bas na/ skra mchog mthon ka chen po 'chang ba ste skra rnams thams cad kyi mchog tu gyur pas skra mchog ste/ de lta bu'i kha dog dang ldan par gyur pa ste mdzes pa'i don la yang mchog gi skra nye bar len no/ /yang na des shing mkhas pa'i yon tan rnams kyis skye bo thams cad kyi yid 'phrog par byed pa'i phyir gtso bor gyur pa'i skra rnams ni sku mchog yin la/mthon ka chen po lta bu yang yin la/ skra mchog kyang yin pa de 'dzin pas de ltar bshad do/ /nor bu chen po ni yid bzhin gyi rin po che chen po ste/ de yang don dam par ni sangs rgyas bcom ldan 'das de nyid de/ kun nas sems can gyi don la so sor 'phro ba'i phyir ro/ /'od chags dpal te 'od zer phun sum tshogs pa gang yin pa de ni nor bu chen po 'od chags dpal te/ 'jig rten gyi khams thams cad sangs rgyas kyi 'od zer gyis khyab ces pa'i don to/ /de nyid kyi phyir gsungs pa/ sangs rgyas sprul pa'i rgyan dang ldan/ /zhes pa la sangs rgyas kyi sprul ba kho na gang gi rgyan yin pa ste/ sangs rgyas kyi sprul pas 'jig rten rnams rgyan par byed pas na de ltar bshad do/ /rdzu 'phrul gyi bdag nyid chen po gsungs pa/ 'jig rten zhes pa la sogs pa ste/rdzu 'phrul bstan nas chos bstan pa'i don dang / sems can rnams gzhug pa'i phyir 'jig rten gyi khams brgya rnams kun du skyod par byed pas na de ltar bshad do/ /de nyid rab tu ston par byed pa ni/ rdzu 'phrul rkang pa zhes pa la sogs pa ste rdzu 'phrul gyi rkang pa rnams ni rab tu gnas pa'i gnas rnams so//de nyid kyis rdzu 'phrul gyi cho 'phrul sgrub par byed de/ de yang 'dun pa dang / brtson 'grus dang / sems dang / dpyod pa zhes bya ba rnams so/ /rdzu 'phrul gyi rkang pa de rnams kyis 'jig rten gyi khams mtha' yas par bgrod pa'i phyir/rdzu 'phrul rkang pa stobs chen ldan/ /zhes pa'o/ /dran pa chen po rnams ni bcu ste lus dang / tshor ba dang / sems dang / chos dang / sangs rgyas dang / chos dang / dge 'dun dang / tshul khrims dang / gtong ba dang / lha rjes su dran pa rnams so/ /dran pa de rnams kyi ngo bor dran pa nye bar 'jog par byed cing de rnams kyi rang bzhin ji lta ba bzhin yongs su mi spong ba'i sbyor bas 'dzin par byed pas na dran pa chen po 'chang ba'o//de kho na bzhin gyi dbye ba med pa'i phyir/ sangs rgyas kun gyi rang bzhin 'chang ba'o/ /gzugs dang / kha dog dang / gzi mdangs dang / mdzes pa la sogs pas gdul bya'i sems can rnams kyi dregs pa bsal ba'i phyir/ gzugs thams cad las lhag pa'i sprul pa'i sku'i 'od zer rnams kyis mig tu mdzes pa ston par byed pa ni/ lus med zhes pa la sogs pa ste/ lus med ni yid srub po/ / de'i lus las kyang gtso bor gyur pas na lus kyi mchog ste/ lus med lus te lus kyi mchog go/ /sprul pa mtha' yas pa'i phyir sku ni bye ba rnam par 'gyed pa'o/ /yang na 'di chos kyi sku'i rang bzhin yin pa'i phyir lus med lus te cha shas med pa'o/ /longs spyod rdzogs pa'i sku'i rang bzhin yin pa'i phyir sku yi mchog go//sprul pa mtha' yas pa'i 'od zer 'gyed pa'i phyir sku ni bye ba rnam par 'gyed pa'o/ /de'i phyir gsungs pa/ gzugs rnams ma lus zhes pa la sogs pa ste/ sangs rgyas dang byang chub sems dpa' dang nyan thos la sogs pa sna tshogs pa'i gzugs rnam pa thams cad pa ni gzugs rnams ma lus pa'o//de kun du ston pa'i ngang tshul gang yin pa de ni/ gzugs rnams ma lus kun du ston pa'o/ /dkon mchog ni sangs rgyas dang chos dang dge 'dun zhes bya ba rnams so/ /tog ni mtshan ma ste dkon mchog gi tog nyid rin chen tog ste 'jam dpal lo//byang chub sems dpa' chen po rnams las byung ba'i phyir dkon mchog gsum ste/ de ltar yang rgyal ba'i yum las gsungs pa/ byang chub sems dpa'i lam las sangs rgyas dkon mchog byung ngo 'byung ngo 'byung bar 'gyur ro/ /chos dkon mchog byung ngo 'byung bar 'gyur ro//dge 'dun dkon mchog byung ngo 'byung bar 'gyur ro zhes rgya cher gsungs so/ /de yang sems can thams cad kyi bsam pa yongs su rdzogs par mdzad ba'i phyir nor bu chen po ste/ sems can thams cad kyi dga' ba chen po'i rgyur gyur pa'i phyir rin po che chen po dpal rdo rje 'chang ba'o//de nyid rdzogs pa'i sangs rgyas thams cad kyi gzugs kyi sku'i bdag nyid du rtogs par bya ba yin pa'i phyir/ sangs rgyas kun gyi rtogs bya ba/ /zhes pa'o/ /de nyid chos kyi sku'i bdag nyid kyis sangs rgyas byang chub ste/ chos thams cad rang bzhin gyis stong pa nyid kyi ye shes kyi bdag nyid yin pa'i phyir ro//de nyid kyi phyir bla na med pa ste/ 'di las mchog gzhan yod pa ma yin pa'i phyir zhes sbyar ro/ /de nyid ji lta bu zhe na gsungs pa/ yi ge med ces pa ste/ yi ge yod pa ma yin pas na yi ge med pa ste/de bzhin nyid kyi bdag nyid do/ /ji ltar sngar bzhin phyis de bzhin/ /sangs rgyas gnas ni de bzhin nyid/ /ces gsungs pa'i phyir yi ge dang bral zhing yi ge med pa ni de bzhin nyid do zhes pa'i don to/ /de yang de bzhin nyid la dngos po'i rang bzhin du mngon par zhen pa bzlog pa'i phyir rgyal ba'i yum las gsungs so//de yang de bzhin nyid dang de bzhin nyid ma yin pa zhes pa 'di dag gis zab pa dang rgya che ba'i gzugs can stong pa dang mi stong pa ma yin pa'i chos kyi dbyings kyi rang bzhin bcom ldan 'das rje btsun 'jam dpal bshad pa'o/ / de nyid stong pa nyid kyi ye shes rdo rje'i rang bzhin yin pa'i phyir gsang sngags skye gnas te/ gsang sngags thams cad ni bcom ldan 'das kyis bskyed pa'i phyir ro/ /thams cad du 'gro ba'i stong pa nyid kyi ye shes ni rgyu chen po nyid de/ snying rje chen pos sems can ma lus pa la sangs rgyas kyi rgyu bskyed pa'i phyir chen po yang yin la gsang sngags kyang yin te/de rnams ni rnam par snang mdzad dang 'od dpag med dang mi bskyod pa'i rang bzhin de bzhin gshegs pa dang pad+ma dang rdo rje'i rigs rnams so/ /gsang sngags thams cad kyi rigs yang dag par bsdus par gyur pa ni gsang sngags chen po'i rigs te de rnam pa gsum ste/gang gi phyir gsang sngags kyi rigs gsum yin pa'o/ /man na yid/ trA Na na skyob pa ste/ stong pa nyid dang snying rje'i bdag nyid can mi gnas pa'i mya ngan las 'das pa'i sangs rgyas nyid kho na gsang sngags don kun no//de rang dang gzhan gyi rgyud la skyed par byed pa'i phyir/ gsang sngags don kun skyed pa po/ /thig le chen po ni thams cad du 'gro zhing spros pa thams cad dang bral ba chos thams cad stong ba nyid kyi ye shes kyi bdag nyid chos kyi sku'i ngo bo nyid de/ ye shes chen po zhes ba'i don to//yi ge dang brda thams cad dang bral ba'i phyir yi ge med pa'o/ /de bzhin du a ra pa tsa na zhes pa'i yi ge lnga'i sngags kyi don gyi rang bzhin yin pa'i phyir yi ge lnga ste/ yi ge lnga bo rnams kyi don kyang de'i bdag nyid kyis 'di la yod pas zhes sbyar ro/ /yi ge lnga'i sngags kyi don nyid gsungs ba/stong ba chen po zhes pa ste/ de yang chos thams cad gdod ma nas ma skyes pa'i phyir zhes pa a yig gi don to/ /de nyid 'dod chags la sogs pa'i rdul dang bral ba'i phyir zhes pa re pha'i don to/ /'di nyid don dam pa'o zhes pa ba yig gi don to/ / de'i phyir sog pa dang mi sog pa dang bral ba'i phyir zhes pa tsa yig gi don to/ /de'i phyir rang bzhin med pa zhes pa na yig gi don to/ /de'i phyir rdul phran brgya stong gi cha shas chung ngu de yang brtags na cha shas kyis stong pa'i phyir thig le stong pa'o/ /gang gi phyir 'di'i khams cha shas dang bral ba ste/cha shas phra mo'i thig le zhes pa nges pa'i tshig go/ /phyag rgya chen po rten par byed cing dam tshig las bslang ba dang / bdag srung ba la sogs pa'i bya ba thams cad rdzogs par byed pa dang / dam tshig nyams pa la sogs pa'i bu ga sel ba na yi ge brgya pa'i sngags kyi gzungs nyid kyi phyir yi ge brgya pa ni bcom ldan 'das so//yi ge brgya pa'i sngags kyang / oM badzra satwa sa ma ya ma nu pA la ya/ badzra satwa twa no pa tiSh+Tha dr-i D+ho me b+ha ba/ su po Sh+r+yo me b+ha ba/ su to Sh+yo me b+ha ba/ a nu rak+to me b+ha ba/ sar+b+ba sid+d+hi m+me pra yats+tsha/ sar+b+ba karme Shu tsa me tsi t+taM shre yaM ku ru hUM/ha ha ha ha hoHb+ha ga bAn sar+b+ba ta thA ga ta badzra mA me muny+tsa badzrI b+ha ba/ ma hA sa ma ya satwa AHzhes pa'o/ /ye shes kyi dngos po'i rnam pa ni a yig go/ /snying rje chen pos sna tshogs pa'i sprul pa'i 'khor lo spro ba'i bdag nyid kyis rnam pa thams cad kyi mchog dang ldan pa'i phyir rnam pa kun ldan no//sna tshogs pa'i gzugs can nyid kyi phyir gang la rnam pa thams cad ldan pa de zhes sbyar ro/ /don dam par ni rnam pa thams cad kyi bag chags dmigs pa tsam gyis dgos pa dang bral ba rnam par rtog pa med cing so so rang rig pa'i chos kyi sku shin tu sems pa med pa'i phyir rnam pa med pa ste/rnam pa kun ldan yang 'di yin la rnam pa med pa yang yin pas zhes tshig rnam par sbyar te kun rdzob tu'o/ /don dam par ni rtog pa mtha' dag gi gnas kyi bdag nyid med do/ /ci'i phyir rnam pa dang bcas pa dang rnam pa med pa mi 'gal zhan/sngags kyi sku nyid kyis kyang yang dag par brjod pa gsungs pa/ bcu drug ces ba la sogs pa ste/ bcu drug phyed pa'i cha shas gang yin pa de ni bcu drug phyed pa ste/ cha bcu drug pa'i zla ba zhes pa'i don to/ /de'i phyed kyi phyed kyi zla ba de la gnas pa'i thig le nA da dang lhan cig pa'i ye shes kyi thig le de 'dzin par mdzad pas na bcu drug phyed phyed thig le 'chang ba'o//sngags kyi tshul la ni bcu drug phyed phyed thig le ni ye shes kyi thig le bzhi rnams so/ /de de'i bdag nyid du 'dzin par byed pas de ltar rnam par bshad do/ / mchog las kyang mchog yin pa'i phyir kun rdzob kyi tshul gyi cha'o/ /don dam par ni spros pa thams cad dang bral ba'i phyir cha med pa ste cha med pa ma yin pa'o/ /de nyid ngag dang yid kyi spyod yul ma yin pa'i phyir cha shas su brtsi bar mi nus pa'i phyir cha las 'das pa'o/ /'di nyid ji lta bu zhe na gsungs pa/bsam gtan bzhi pa'i zhes pa la sogs pa ste/ bsam gtan bzhi pa'i rtse mo ni rtog pa'i dri ma thams cad dang bral ba rab kyi mthar thug pa ste/ de la gnas pa nyid kyis de'i rang bzhin 'dzin par mdzad pa'i phyir bsam gtan bzhi pa'i rtse mo 'chang ngo / / de lta na yang yid bzhin gyi nor bu bzhin du rnam par rtog pa med par rang gi ngang gis 'jug pas sems can thams cad kyi don 'byung ba rgyun mi 'chad pa nyid kyis bsam gtan gyi yan lag rnams dang rnam par dbye ba man ngag bzhin ston par byed pa ni bsam gtan yan lag ces pa la sogs pa ste/bsam gtan bzhi'i yan lag rnams so/ /de rnams kyang rtog pa dang dpyod pa la sogs pa rnam pa bco brgyad de/ ji skad du chos mngon pa mdzod las/ dang po la lnga rtog dpyod dang / /dga' dang bde dang ting nge 'dzin/ /gnyis pa la lnga yan lag bzhi/ /rab dad dang ni dga' la sogs//gsum pa la lnga btang snyoms dang / /dran dang shes bzhin bde dang gnas/ /mtha' ni bzhi dran btang snyoms dang / /bde min sdug min ting 'dzin rnams/ /zhes so/ /de ston cing mngon par shes pas na bsam gtan yan lag kun shes pa'o/ / de 'ba' zhig tu zad dam zhe na gsungs pa/ ting 'dzin rigs dang zhes pa la sogs pa ste/ ting nge 'dzin rnams ni dpa' bar 'gro ba dang nam mkha' mdzod la sogs pa rnams so/ /de rnams kyi rigs ni rtsa ba'o/ /ting nge 'dzin gyi rgyud ni rgyu'o/ /ting nge 'dzin rnams phan tshun 'brel pa'i ngo bo ni ting nge 'dzin rnams kyi rigs dang rgyud de/de rig pas na ting 'dzin rigs dang rgyud rig pa'o/ /yang na ting nge 'dzin gyi rigs ni ting nge 'dzin ka dam+ba ka'o/ /de las byung zhing gnas pas na rgyud de shes rab kyi pha rol tu phyin pa'i ye shes so/ /de rig pas na de ltar bshad do/ / de yang de nyid ting nge 'dzin gyi ngo bo zhes gsungs pa/ ting nge 'dzin zhes pa la sogs pa ste/ ting nge 'dzin nyid yid kyi rang bzhin gyi sgu gang yin pa de ni ting nge 'dzin gyi sku'o/ /sku de nyid thogs pa med par 'gro ba'i don nus pas mchog ste gtso bor gyur pas na/ sku yi mchog ste ting nge 'dzin gyi sku yang 'di yin la mchog kyang yin pas zhes tshig rnam par sbyar ro//yang na ting nge 'dzin gyi sku ni ting nge 'dzin gyi tshogs te dkyil 'khor ba thams cad kyi rang bzhin no/ /ting nge 'dzin thams cad kyi rang bzhin yin pa'i phyir/ bcom ldan 'das nyid ting nge 'dzin gyi skur brjod do//de yang 'di yin la sku'i mchog kyang yin pas zhes snga ma bzhin bsdu ba bya'o/ /longs spyod rdzogs pa'i sku nyid gsungs pa/ longs spyod rdzogs sku zhes pa la sogs pa ste de bzhin gshegs pa thams cad kyi longs spyod rdzogs pa'i sku mtshan dang dpe byad 'bar ba des mdzes par gyur pas na longs spyod rdzogs sku kun gyi rgyal lo//sprul pa'i sku nyid kyang gsungs pa/ sprul pa'i zhes pa la sogs pa ste/ 'dir yang sgra thams cad kyi rjes su 'jug par bya'o/ /de nyid kyi phyir gsungs pa/ sangs rgyas zhes pa la sogs pa ste/ sangs rgyas rnams ni rdo rje 'chang la sogs pa rnams so/ /sprul pa'i rgyud ni sprul pa phan tshun te de 'dzin par mdzad pas na sangs rgyas sprul pa'i rgyud 'chang ba'o/ /cig car 'jig rten gyi mtha' klas par mtha' yas pa'i sprul pas 'gro ba'i don sgrub pa'i bdag nyid chen po gsungs pa/phyogs bcu zhes pa la sogs pa ste/ phyogs bcu rnams su sna tshogs shing rnam pa tha dad pa'i sprul pa gang yin pa de ni phyogs bcur sna tshogs 'gyed pa'o/ /de nyid kyi phyir 'di ni ji bzhin 'gro ba'i don byed pa'o/ /'di nyid ston par byed pa ni/ lha dang zhes pa la sogs pa ste/la lar ni lha rnams su'o/ /la lar ni lha'i lha'o/ /la lar ni lha'i dbang po brgya byin no/ /gzhan dag tu ni lha'i dbang po dga' ldan gyi bdag po'o/ /lha min bdag ni thags bzangs ris la sogs pa'o/ /'chi med dbang po ni 'dir lha'i rgyal po rab mtha' bral lo//lha'i bla ma ni phur bu'o/ /rab 'joms ni drag po'i tshogs rnams so/ /rab 'joms dbang phyug ni drag ba'o/ /de dag la sogs pa sprul pa sna tshogs pas 'gro ba'i don mdzad pa ste/ de yang chos yang dag par sdud pa'i mdo las rgya cher gsungs so//de ltar thams cad kyi don mdzad pas brel yang 'khor ba'i gnas kyi nyes pa mi mnga' ba'i phyir srid pa'i dgon pa las brgal ba'o/ /ston pa gcig pu la sogs pa go sla'o/ /shes rab kho na ral gri dang mda' gzhu gang gi yin pa de de ltar bshad do/ / de'i 'bras bu gsungs pa/ nyon mongs ba zhes pa la sogs pa ste/ nyon mongs pa'i dpung gi tshogs gnod pa du ma dag gis yongs su bskor ba'i mi shes pa'i rgyal po ni g.yul ngo ste/ de bcom zhing rnam pa thams cad du mi snang bar mdzad pas na/ nyon mongs mi shes g.yul ngo sel//zhes bya'o/ /de nyid kyi phyir gzhan phyi rol gyi bdud rnams dgrar gyur pas sam bdud kyi dgra yin pas na bdud dgra ste/ rnam pa thams cad du rgyal bar gyur pa gsungs pa/ bdud dgra zhes pa la sogs pa ste go sla'o/ /de'i phyir bdud kyi sde las rnam par rgyal te bla na med pa'i sangs rgyas brnyes pas na rdzogs pa'i sangs rgyas so//de nyid 'jig rten gyi 'dren pa yin pas 'dren pa nyid de/ de ni mi dang lha'i 'gro ba rnams kyi phyag byar 'os pa ste/ shin tu phul du byung ba'i bcom ldan 'das te go sla'o/ /de ltar rdzogs pa'i sangs rgyas 'gro ba'i bla ma sems can gyi don gyi phyir thog ma med par gshegs pa nyid ston par byed pa ni/'jig rten gsum po zhes pa la sogs pa ste/ skad cig ma gcig kho na'i gom pas bgrod pa gang yin pa ni gom gcig bgrod de/ 'jig rten gsum gom pa gcig gis bgrod pa gang yin pa de de bzhin no//de'i phyir nam mkha' ltar mthar thug pa med par rnam par gnon pa gang yin pa de ni mkha' ltar mtha' med rnam par gnon pa'o/ /gsum rig ces pa ni lha'i mig gi ye shes dang / sngon gyi gnas rjes su dran pa'i ye shes dang /zag pa zad pa'i ye shes zhes pa rnams so/ /gsum rig pa gang yin pa de ni gsum rig ste/ gsum rig pa kho na gsum rig pa yin pas rang gi don la de phan gyi rkyen sbyar ba'o/ /gzhan dag ni lhag pa'i sems dang / lhag pa'i tshul khrims dang / lhag pa'i shes rab ste gsum rig pa de dang ldan pa'i phyir gsum rig pa'o zhes zer ro//nges brjod dang mchod sbyin dang snyan tshig gi rig byed gsum rig cing yongs su shes pas na 'jig rten pa'i gsum rig pa yang bcom ldan 'das nyid do/ /thos pa dang dran pa dang rnam par mi 'tshe ba ste gtsang ma'i spyod pa dang ldan pa'i phyir 'jig rten pa'i gtsang ma'o//de nyid bdag dang bdag gi bar mngon par zhen pa'i bag chags ma lus pa ste/ chos thams cad bdag med pa'i chu'i tshogs kyis bkrus pas na 'jig rten 'das pa'i yang gtsang gnas 'di nyid kho na'o/ /de'i phyir dag pa ste skyon thams cad dang bral ba'i phyir ro//lha'i mig dang / lha'i rna ba dang / gzhan gyi sems shes pa dang / sngon gyi gnas rjes su dran pa'i shes pa dang / rdzu 'phrul gyi bya ba shes pa dang / zag pa zad pa shes ba zhes bya ba rnams te mngon par shes pa drug gang la yod pa de ni mngon shes drug ldan no//sangs rgyas dang / chos dang / dge 'dun dang / tshul khrims dang / gtong ba dang / lha'i yul rnams te rjes su dran pa drug gang yin pa de ni rjes dran drug go/ /byang chub tu bdag nyid sems pas na byang chub sems pa'o/ /chos kyi dbyings kun du 'gro bas thugs su chud nas mngon par rdzogs par byang chub ste sems can gyi phung po chen po'i don mdzad pa'i phyir sems dpa' chen po'o//de nyid 'jig rten las 'das pa ste/ 'jig rten las bla mar gyur pa'i ye shes las byung ba'i phyir ro/ /de rnam pa thams cad pa'i rdzu 'phrul gyi yul chen po brnyes pa'i phyir rdzu 'phrul chen po'o//thos ba dang bsam pa dang bsgom pa'i rang bzhin gyi shes rab kyi pha rol tu phyin pa la mngon par brtson pas 'jig rten las 'das pa'i shes rab kyi pha rol tu phyin pa rab kyi mthar phyin pa brnyes pa'i phyir shes rab kyi pha rol tu phyin pa'i mtha'o//de nyid kyi phyir gsungs pa/ shes rab ces pa la sogs pa ste/ shes rab kyi de kho na nyid ni shin tu dri ma med pa'i de bzhin nyid do/ /de nyid kyi rang bzhin yang de kho na nyid de chos kyi sku'i bdag nyid can te de brnyes pa'i phyir/ shes rab kyis ni de nyid thob/ /ces so//spyi las spyi khas blangs pa'i phyir dngos po'i rkyen las kyang dngos po'i rkyen la 'gal ba med do/ /rang gi rgyud dang tha mi dad pa'i so so rang rig pa'i chos nyid yongs su shes pa'i phyir bdag rig go/ /sgyu ma lta bu'i rang gi sems dang tha mi dad pa nyid kyis gzhan rnams la go bar byed pas na gzhan rig go//de ni gnyis su med pa'i ye shes sna tshogs gzugs can nyid kyis de lta de ltar snang ba'i phyir/ de nyid thams cad pa ste sna tshogs gzugs can yin pa'i phyir rdo rje 'chang ba zhes pa'i don to/ /sar+b+ba zhes klog pa ni rang gi don can gyi aN rkyen du byin pa'o//sems can thams cad la mtha' gcig tu phan pa'i phyir kun la phan pa'o/ /de nyid kyi phyir sems can thams cad kyi gtso bo'i skyes bu nyid kyi phyir gang zag mchog go/ /de bzhin nyid kyi bdag nyid phyir gyis de dang 'dra ba cung zad kyang med pa'i phyir dper bya kun las 'das pa'o//de ni legs pa 'dod pa rnams kyis shes par bya ste/ gzhan mngon du bya ba ma yin zhes pa'i don to/ /dngos po thams cad kyi de kho na nyid kyi ye shes 'byung ba'i rgyur gyur pas na ye shes kyi bdag po'o/ /phul du byung ba'i phyir mchog ste rje btsun 'jam dpal lo//chos kyi sbyin pa ni sbyin pa thams cad kyi gtso bor gyur pa'i phyir chos kyi sbyin bdag gtso bo'o/ /phyag rgya bzhi zhes pa la sogs pa la phyag rgya bzhi ni/ phyag rgya chen po dang / dam tshig gi phyag rgya dang / chos kyi phyag rgya dang / las kyi phyag rgya rnams so/ / de la phyag rgya chen po ni mtshan dang dpe byad 'bar ba zhal dang phyag dang mtshan ma la sogs pa dang ldan pa'i lha'i gzugs te longs spyod rdzogs pa'i sku'o/ /dam tshig gi phyag rgya ni/ sems kyi rang bzhin so so rang rig pa'i chos kyi sku ste yang dag par rtogs pa'i phyir dam tshig ces sbyar ro//chos kyi phyag rgya ni/ chos dang longs spyod kyi sku'i byin rlabs las chos kyi de kho na nyid gsal bar ston pa'i sngags rnam pa sna tshogs pa'i gsung gi bdag nyid can no/ /las kyi phyag rgya ni/ bya ba sgrub pa'i ngo bo nyid du gyur pas sprul pa'i mdzad pa sna tshogs rdzogs par byed pa sprul pa'i sku ste phyag rgya bzhi po de rnams kyi don ston pas na de ltar bshad do//gang gi phyir bcom ldan 'das ni rang dang gzhan gyi yon tan zab mo phun sum tshogs par byed pa ma lus ba 'dzin par mdzad pa de'i phyir/ nyan thos dang rang sangs rgyas dang yang dag par rdzogs pa'i sangs rgyas kyi nges par 'byung ba'i bgrod pa gsum mo//de nyid 'gro ba'i bsnyen bkur gnas kyi mchog go/ /'dir yang de lta bu'i rgyu gsungs pa/ don dam pa zhes pa la sogs pa ste/ don dam pa rnam par dag pa'i dpal ni mi gnas pa'i mya ngan las 'das pa nyid de/mngon par mtho ba dang nges par legs pa'i phun sum tshogs pa thams cad gang yin pa de de ltar bshad do/ /de nyid kyi phyir 'jig rten gsum gyi skal bzang che'o/ /'di de ltar gyur pa ci zhe na/ phun sum tshogs pa thams cad byed pas na 'byor ba kun byed pa'o/ / dpal dang ldan pa gang yin pa de yang mchog ste gtso bo'o/ /dpal ldan ni rab tu bsngags pa'i don la ma tub kyi rkyen sbyar ba'o/ /de nyid su zhig ce na gsungs pa/ 'jam dpal zhes pa ste 'jam pa ni skye bo rnams kyi yid du 'ong ba'o/ /dpal ni sems can thams cad kyi mngon par mtho ba dang nges par legs pa'i rgyu phun sum tshogs pa 'di yin pas na de ltar bshad de/bcom ldan 'das ni dpal bsam gyis mi khyab pa'o// //da ni shAkya thub pas de ltar bstod pa mdzad pa'i yon tan gyi tshogs thos nas yid rab tu dga' bar gyur pas 'khor thams cad kyis mtshan gyi don thams cad nye bar bsdus te/thams cad du mchod par 'os pa'i bcom ldan 'das kyi mtshan gyi don yang dag pa ji lta ba bzhin khong du chud par bya ba'i phyir tshigs su bcad pa rnam pa lngas phyag 'tshal ba sngon du 'gro bas mchod bar byed pa ni/mchog sbyin rdo rje zhes pa la sogs pa ste/ 'jig rten gsum gyi gtso bo yin pa'i phyir mchog go/ /sangs rgyas nyid sbyin par byed pas na mchog sbyin no/ /mi phyed pa sangs rgyas kyi ye shes kyi rang bzhin yin pa'i phyir rdo rje'o/ /de nyid kyi phyir mchog ste gtso bo'o//yang dag pa ni de kho na nyid do/ /de'i mtha' ni mthar thug pa ste/ de las gzhan pa'i de kho na nyid yod pa ma yin zhes pa'i don to/ /yang dag mtha' zhes par bod pa'i don la yang i nyid do/ /b+hu te med pa ni sdeb sbyor gyi dbang gis so/ /de lta bu gzhan du yang ngo //stong pa nyid las byung ba'i phyir stong pa nyid snying po'o/ /stong pa nyid kho na las stong pa'i chos rnams 'byung ngo zhes dgongs pa'o/ /sangs rgyas byang chub ni de nyid de/ zad pa dang mi skye ba shes pa'i ye shes kyi rang bzhin gyi phyir sangs rgyas byang chub po/ /sangs rgyas dang byang chub ni dbye ba med kyang dbye ba nye bar brtags pas sangs rgyas byang chub ste sangs rgyas kyang yin la yang dag pa'i don kyang ngo //byang chub la chags pa'i snying rje chen pos chags pa dang ldan pa'i phyir sangs rgyas chags pa'o/ /sangs rgyas rnams kyi 'dod pa ni 'gro ba mngon par 'byin par bzhed pa ste/de'i rang bzhin nyid kyi phyir sangs rgyas 'dod pa'o/ /yang na sangs rgyas kyi phrin las mdzad pa ni sangs rgyas thams cad kyi 'dod pa yin pas na sangs rgyas 'dod pa'o/ /de nyid sangs rgyas rnams kyi yid bde ba'i rgyur gyur pa'i phyir sangs rgyas dgyes pa'o//sangs rgyas rnams rol par byed pa ni sems can thams cad kyi don mdzad pa la ste rab tu rol par mdzad pa na sangs rgyas rol pa'o/ /sangs rgyas rnams kyi 'dzum pa ni bzhad pa'i rgyu can te sems can gyi don gyi rkyen gyis so/ /de ltar bcom ldan 'das kyang de'i rang bzhin gyi phyir sangs rgyas 'dzum pa dang sangs rgyas bzhad pa'o//de la 'dzum pa ni cung zad bzhad pa yin la/ bzhad pa ni cher bzhad pa ste de ni khyad par ro/ /sangs rgyas rnams kyi chos ston pa'i gsung de lta bu ni sems can gyi don gyi phyir te/ sangs rgyas kyi gsung nyid bcom ldan 'das so//de lta bu'i sangs rgyas rnams kyi thugs ni snying po ste sangs rgyas thugs so/ /de nyid bcom ldan 'das kyis nye bar brtags pa'i dbye bas/ sangs rgyas byang chub la sogs pa'i sgras gsungs so/ /dngos med ni chos kyi dbyings so/ /de las byung ba'i rang bzhin ni de lta bu las byung ba gang yin pa ste de ni dngos med las byung ba'o//sangs rgyas rnams kyi 'byung ba ni skye ba'i gnas te/ sangs rgyas 'byung ba 'di ni mtha' yas pa'i sangs rgyas rnams skye ba'i rgyur gyur pa'i phyir ro/ /nam mkha' lta bu'i chos nyid kyi de kho na nyid las nges par byung bas na nam mkha' las byung ba'o//sangs rgyas rnams kyi ye shes las ye shes kyi sku 'di thams cad byung bas na ye shes byung ngo / /de'i phyir de lta bu ni de bzhin gshegs pa thams cad kyi ye shes kyi sku yin pa'i phyir me long lta bu la sogs pa'i ye shes rnams las byung ba zhes dgongs pa'o//gdul bya'i skye bo thams cad rjes su gzung ba'i phyir sgyu 'phrul dra ba lta bu'i gzugs sna tshogs pa'i bdag nyid kyi dngos po kun du ston pa'i phyir sgyu 'phrul ba dang 'dra bas sgyu 'phrul dra ba'o/ /de'i phyir sna tshogs pa'i gzugs can gyi sprul ba cha lugs dang rgyan dang gos dang nyams kyi rnam par bkod pa rnam par bkra ba'i skal ba bzang po rnams kyis spros pa nye bar ston par byed de/gcig tu gyur nas mang por 'gyur ba dang / mang por gyur nas gcig tu 'gyur ba dang / snang bar gyur cing mi snang bar 'gyur ba yang dag par bstan nas/nyan thos la sogs pa'i 'khor ba'i nang du sangs rgyas kyi zlos gar byed de/ de ltar gdul bya rnams la ston par byed pas sangs rgyas rol ston no/ /de nyid yang dag par na rje btsun te/ rdzogs pa'i byang chub khyod phyag 'tshal/ / zhes sprel par bya'o/ /nye bar bsdu ba'i sgo nas gsungs pa/ thams cad thams cad khyod la 'dud/ /ces te/ de bzhin gshegs pa thams cad kyi ye shes kyi sku'i bdag nyid ting nge 'dzin thams cad kyi yon tan gyi dam tshig sprul pa'i 'od zer 'phro bar byed pa'i rang bzhin can gang du thams cad de sna tshogs pa'i sprul pa'i 'khor lor gnas pa'i dkyil 'khor ba rnams dang /gang du sangs rgyas dang byang chub sems dpa' thams cad bzhugs pa de la ni thams cad thams cad ces brjod par bya'o/ /thams cad kyang thams cad ces sbyar te/de rnams la yang phyag 'tshal zhes pa'i don yang bsam par bya'o/ /thams cad kyang 'di yin te/ khams gsum pa las tha dad du dbyer med pa'i de bzhin gshegs pa'i ye shes kyi sku'i nus pas de lta de ltar gdul bya la so sor snang ba zhes so/ /de yang so sor 'dud pa'i rnam pa gsungs pa/ye shes sku khyod la 'dud do/ /zhes so/ /'dir i ti'i sgra ni rdzogs pa'i la ste gang yang khams gsum pa'i ye shes kya sku spros pa med pa'i rang bzhin rje btsun ngag gi dbang phyug gi dam par gyur pa'i yon tan gyi mtshan rnams mtha' yas pa'i sangs rgyas bcom ldan 'das rnams kyi de bzhin kho nar gsungs pa'i mtshan rnams shAkya thub pas yang dag par bsdus te/yang dag par brjod pas na mtshan yang dag par brjod pa ste mtshan yang dag par brjod pa rdzogs so zhes pa'i don do// //da ni 'jig rten yid ches par bya ba'i phyir/bcom ldan 'das kyis rje btsun 'di'i rjes su bsngags pa rnams gsungs pa/ 'di ni zhes pa la sogs pa'o/ /de la rkang pa rnams kyi don gang yin pa rnam par dbye bar bya ste/ rdo rje 'chang zhes pa ni gnyis su med pa'i ye shes 'chang ba'o/ /'di ni 'di dag ces pa ste/ gang dus gsum du bzhugs pa'i de bzhin gshegs pa rnams kyis gsungs pa dang gsung bar 'gyur ba gang yin pa de da ltar khyod kyis nga la gsol ba btab pas bshad pa ste mtshan yang dag par brjod pa bstan to zhes pa'i don to/ /'di su'i mtshan yang dag par brjod pa yin zhe na/ gsungs pa/ bcom ldan 'das kyis zhes pa la sogs pa ste/ ye shes kyi ni rnam par dag pa'i ye shes te 'di ni gzugs kyi sku'o/ /de bzhin gshegs pa'i ye shes kyi sku zhes pa ni chos kyi sku'o/ /'jam dpal ye shes sems dpa'i zhes pa ni dkyil 'khor gyi bdag po nyid kyis ye shes sems dpa' ma lus pa'i rang bzhin no//ci'i don du bstan pa zhe na gsungs pa/ khyod kyi zhes pa la sogs pa ste/ ma 'dres pa ni nyan thos dang rang sangs rgyas rnams dang thun mong ma yin pa'o/ /de yang 'dis don gsal bar byed de yongs su dag pa'i phyir ro//yongs su dag pa de yang ma 'dres pa'i yongs su dag pa'o/ /dga' ba ni yid bde ba'o/ /de la tha mal ba tsam ni dga' ba'o/ /rab kyi mthar son pa ni dang pa'o/ /de nyid shin tu rgyas pa nyid kyis lus la sogs pa'i rnam 'gyur gyi rgyur gyur pa ni mgu ba chen po'o/ nyan thos la sogs pa thams cad kyi mtshan nyid dang bral ba cig car de bzhin gshegs pa thams cad kyi 'khor gyi dkyil 'khor du nye bar bgrod par byed pa bsam gyis mi khyab pa'i gzugs ni sku'i gsang ba'o/ /nyan thos la sogs pa dang thun mong ma yin pa'i chos ston pa'i gsung ni gsung gi gsang ba'o//yid kyi rang bzhin de bzhin gshegs pa thams cad kyi thugs la rab tu 'jug pa sngon du 'gro bas chos kyi longs spyod nyams su myong bar byed pa ni thugs kyi gsang ba'o/ /de yongs su dag pa ni dri ma med pa nyid do/ /rab tu gsal bar zhes pa ni thams cad du 'brel lo//bla na med pa'i don ni bla na med pa'i don te yang dag par rdzogs pa'i sangs rgyas nyid do/ /ma thob pa zhes pa ni stobs bcu dang mi 'jigs pa la sogs pa rnams so/ /ji srid ces pa 'dis 'bras bu'i mthar thug pa nyid gsungs so/ /de bzhin gshegs pa thams cad kyi dam pa'i chos 'dren cing thob par byed pas na de bzhin gshegs pa thams cad kyi dam pa'i tshul gyi tshul te/de yang bstan pa'i chos shes rab kyi pha rol tu phyin pa la sogs pa'o/ /de yang dag par gzung ba'i phyir du'o/ /bshad pa ni gzhung tsam zhig bstan pa'o//yang dag par rab tu gsal bar byas pa ni gzhung gi don bshad pa'o/ /bkrol ba ni rnam grangs gzhan gyis brda sprad pa'o/ /rnam par phye ba ni rnam grangs kyi don gyi dang yul gyi rnam par dbye ba nye bar bstan pa'o/ /gsal bar byas pa ni shin tu gsal bar byas pa'o//gsang sngags thams cad kyi chos nyid thogs pa med pa'i nus pas de byin gyis rlabs kyis byin gyis brlabs so zhes 'brel lo// //mtshan yang dag par brjod pa'i yon tan gyi khyad par gzhan ci lta bu zhe na gsungs pa/ gzhan yang zhes pa la sogs pa ste/gzhan yang zhes pa ni dpag tu med pa zhes pa'i don to/ /shin tu yongs su dag pa dang yongs su byang ba ni bag chags dang bcas pa'i nyon mongs pa med de shin tu yongs su dag pa dang yongs su byang ba nyid do/ /de ltar gyur pa gang yin na thams cad mkhyen pa'i ye shes te de nyid sku la sogs pa'i gsang ba'o//de dag kyang mtshan yang dag par brjod pa'i rang bzhin las byung ba'o/ /nyan thos la sogs pa dang sangs rgyas rnams thams cad kyi byang chub yin pas na sangs rgyas kyi byang chub po/ /de'i rgyu la sogs pa mtshan yang dag par brjod pa 'di nyid yin pas sangs rgyas kyi byang chub po//'di dag thob pas gang gi phyir sangs rgyas nyid kyang thob pas ni yang mtshan yang dag par brjod pa'i rang bzhin gyi byang chub po/ /ci ltar 'brel zhe na gsungs pa/ yang dag par rdzogs pa'i sangs rgyas rnams kyi zhes pa ste mngon par rtogs pa ni phyin ci ma log pa'i lam mo//de bzhin gshegs pa thams cad dang mngon par nye ba 'dis mngon par 'tshang rgya bas na zhes sbyar te/ chos kyi dbyings rtogs pa ni chos kyi dbyings khong du chud pa'o/ /'dis chos kyi dbyings khong du chud pas na zhes sbyar te/bla na med pa yang 'di yin la chos kyi dbyings rtogs pa yang yin pas zhes tshig rnam par sbyar ro/ /chos kyi dbyings rtogs pa ji lta bu zhe na gsungs pa/ bde bar gshegs pa rnams kyi zhes pa'o/ /stobs bcu rnams kyi stobs dang ldan pa nyid ni stobs dang ldan pa nyid de/bdud dang mu stegs la sogs pa rnams kyis brdzi bar mi nus pa nyid do/ /gang rnams kyi zhe na gsungs pa/ stobs bcu pa thams cad kyi zhes pa'o/ /lung ni lhag par rtogs pa'i rang bzhin gyi phyir lung ngo / /chos thams cad yang dag par sgrub pa ni yang dag par skyed pa ste/sangs rgyas thams cad yang dag par sgrub pa'i rgyur gyur ba'i phyir te/ nye bar dmigs pa med pa'i phyir dri ma dang bral ba'o/ /rnam par rtog pa'i bag chags dang bral ba'i phyir legs pa shin tu yongs su dag pa'o/ /de ni bsod nams dang ye shes kyi tshogs yongs su rdzogs pa'o//gang rnams kyi zhe na byang chub sems dpa' chen po rnams kyi'o/ /'byung ba ni skye ba'i gnas so/ /byang chub sems dpa'i spyod pa zhes pa ni sngags kyi spyod pa dang pha rol tu phyin pa'i spyod pa dag go zhes pa'i don to/ /mtha' ni rab kyi mthar phyin pa'o/ /brtag pa ni brtag par bya ba'i gnas so//'di su'i rnam par grol ba zhe na/ nyan thos la sogs pa rnams kyi ste nges par 'byung bas nges par 'byung ba'i lam ste lta ba thams cad las nges par 'byin pa'i lam mo/ /rigs ni rgyud do/ /rus ni rab tu gnas pa dang snod do zhes pa'i don to//rigs dang rus ni rigs rus te/ de'i 'phel ba yang mtshan yang dag par brjod pa nyid do/ /stobs kyi dpung dang sde zhes pa la stobs dang bcas pa ni stobs dang ldan zhes pa'i don to/ /dpung ni dmag chen po'i tshogs so/ /stobs kyang 'di yin la dpung yang yin pas na stobs kyi dpung ste de dang bcas pa'i sde ni stobs kyi dpung dang /sde ste thams cad bsdus pa'i sde chen po zhes pa'i don to/ /de dang de ltar ldan pa'o/ /yang dag par sdud pa ni bsdu ba'i dngos po bzhi'i rang bzhin yin pa'i phyir nges par 'byung ba thams cad nyan thos la sogs pa'i nges par 'byung ba rnams so//des bgrod pa'i ngang tshul ni nges par 'byung bas bgrod pa rnams so/ /de rnams kyi 'phags pa'i lam yongs su smin pa ni 'phags pa'i lam yan lag brgyad pa sgrub pa ste mtshan yang dag par brjod pa 'di nyid de'i rgyur gyur pa'i phyir ro//dpa' bar 'gro ba la sogs pa'i ting nge 'dzin gyi rgyur gyur pa'i phyir/ tshangs pa'i gnas bzhi la gnas pa rnams kyi ting nge 'dzin no/ /de nyid bsam gtan bzhi'i rgyur gyur pa'i phyir bsam gtan no/ /rnal 'byor ni zhi gnas dang lhag mthong zung du 'brel ba'i lam mo//gang lus dang ngag dang yid mngon par brtson pa rnams kyis te lus dang ngag dang yid yang dag pa la zhugs pa rnams kyi rnal 'byor rdzogs par byed pa'o/ /kun du sbyor ba rnams kyi 'bral ba'o/ /zhes bya ba ni srid pa dang lhan cig skyes bu kun du sbyor bar byed pas na kun du sbyor ba ste 'ching ba rnams kyang de rnams so//de lta bu de rnams kyi grangs ni dgu ste/ rjes su chags pa dang / khong khro ba dang nga rgyal dang / ma rig pa dang / lta ba dang / mchog tu 'jig pa dang / the tshom dang / phrag dog dang / ser sna zhes bya ba rnams so/ /de rnams kyi gnyen por gyur pas na mtshan yang dag par brjod pa 'di nyid ni bral ba'o/ /sgrib pa thams cad ni nyon mongs pa dang / las dang / shes bya'i sgrib pa rnams so/ /lhag ma rnams ni nye bar len pa'i phung po lnga rnams so/ /sems g.yeng ba ni 'dod chags la sogs pa rnam par rtog pa rnams so//dmyal ba la sogs pa 'gro ba gsum po rnams su 'jug par 'gyur ba'i las ni ngan song gi sgo rnams te gcod pa ni 'gems par byed pa'o/ /khams gsum du kun nas rnam par rgyal ba'i rgyal po'i dga' ston bzhin du/khams gsum pa'i 'khor los sgyur ba de bzhin gshegs pas bstan pa'i gdugs dang rgyal mtshan dang ba dan bsgreng ba yang 'di nyid do/ /gnas ni byin gyi rlabs te/ ma hA pat+ta na bzhin no/ /rdzu 'phrul chen po'i gnas te 'di nyid kyang mtshan yang dag par brjod pa'i 'di'o/ / dman pa dang 'bring dang mchog gi theg pa ston cing 'dzin par gyur pa'i phyir byin gyi rlabs dang chos mthun no/ /sngags kyi sgo'i spyod pa ni sngags kyi spyod pa'o/ /sgom pa lhag par rtogs pa ni/ bsgoms pas de kho na nyid mngon du byed pa'o/ /stong pa nyid so sor rtogs pa ni/ chos thams cad bdag med pa nyams su myong ba'o/ /pha rol tu phyin pa thams cad dang tshogs zhes pa ni/ rin chen pad+ma'i pha rol tu phyin pa la sogs pa/ rdo rje las kyi pha rol tu phyin pa'i mthar thug pa bcu gnyis po rnams kyang tshogs rdzogs pa'i rgyur gyur pas na rdzogs pa'o/ /yongs su dag pa'i rgyur gyur pa'i phyir yongs su dag pa ste mtshan yang dag par brjod pa 'di nyid do//sa thams cad yongs su rdzogs pa ni yongs su gang ba'i phyir ro/ /so sor rtog pa ni so sor rtog pa ste/ yang dag pa'i 'phags pa'i bden pa bzhi po rnams yang dag pa ji lta ba bzhin yongs su shes pas zhes pa'i don to//nyan thos la sogs pa bzhin du phyin ci log pa ni ma yin te/ ji ltar sdug bsngal la sogs pa rnams la rim pa ji lta ba bzhin du yongs su shes pa dang / spang ba dang / sgom pa dang / mngon du bya ba zhes bya ste ci las she na/ byang chub sems dpa'i dbang du byas las so//dran pa nye bar gzhag pa rnams kyi chos thams cad sems gcig so sor rtog pa'o zhes pa la/ dran pa nye bar gzhag pa bzhi po rnams ni lus la sogs pa rnams te/ lus la sogs pa'i dran pa nye bar gzhag pa bzhi po rnams kyis chos thams cad sems kyi skad cig gcig la so sor rtog pas de yang nges par mtshan yang dag par brjod pa 'di nyid de/yongs su smin pa'i gnas skabs na goms pas na rim gyis ni ma yin par shes par bya'o/ /mang po brjod pa ci bya zhe na gsungs pa/ ji srid ces pa la sogs pa ste/ ji srid kyi sgra ni yon tan gyi tshogs thams cad mthar phyin pa'i don du gsungs so/ /de nyid kyi phyir gsungs pa/ sangs rgyas kyi yon tan thams cad yongs su rdzogs pa mtshan yang dag par brjod pa 'di'o zhes so/ /de ltar ngo bo nyid gsungs nas da ni 'di'i byed pa'i sgo nas rjes su sngags pa gsungs pa/gzhan yang zhes pa la sogs pa ste/ lus dang ngag dang yid kyis kun du spyad pa ni kun du 'byung ba'i sdig pa gang yin pa ste/ de rab tu zhi bar byed pa zhes pa ni rnam par sel ba la sogs pa'i rim gyis gzhi dang bcas pa rtsa ba nas 'byin pa'o/ /ngan song thams cad rnam par sbyong ba'o zhes pa ni/dmyal ba'i 'gro ba la sogs pa'i ngan song gi las rnam par sbyong ba'o/ /de bzhin gshegs pa thams cad kyi snying por gyur pa'o zhes pa nas sems can thams cad kyi zhes pa'i bar 'brel lo/ /ngan 'gro thams cad zlog pa ni ngan 'gro'i rgyur gyur pa'i las zlog pa'o//las kyi sgrib pa thams cad yang dag par gcod pa'o zhes pa ni las kyi sgrib pa rnams mi dmigs par ston pa'i phyir ro/ /mi khom pa brgyad po thams cad zhes pa la sogs pa ste/ ngan 'gro gsum dang / yul mtha' khob kyi skye bo dang / sangs rgyas med pa'i sangs rgyas kyi zhing dang / lha tshe ring por skye ba dang / dbang po ma tshang ba dang / med par lta ba khas len pa'i mtshan nyid can rnams ni mi khom pa brgyad do/ /de rnams kyi rgyur gyur pa'i mig dge ba bcu'i las kyi lam spong ba ston pa'i phyir mi skye bar byed pa'o/ /'phrog byed dang lag ldan la sogs pa brgyad ni 'jigs pa chen po rnams te/de dag gi btab pa rnams 'di dran pa tsam gyis nye bar zhi bar byed pa la sogs pa phal cher ni rtogs par sla'o/ /de lta na yang cung zad rnam par dbye bar bya ste/ mig g.yon 'gul ba la sogs pa ni mtshan ma ngan pa'o/ / sdug bsngal mtshon par byed pa'i ce spyang sgra sgrogs pa la sogs pa ni ltas ngan pa dang / de nyid bgegs te de nye bar zhi bar byed pa'o/ /chos thams cad stong pa nyid mngon du byas nas bklags pas bdud dang dgra'i las thams cad ring du spong bar byed pa'o/ /rang gi sems nges bar sbyong pa'i rgyur gyur pa'i phyir ma chags pa dang /zhe sdang med pa dang / gti mug med pa ni dge ba'i rtsa ba rnams te de rnams ni bsod nams nyid do/ /de nye bar sogs pa ni klog pa dang / kha ton la sogs pa dang rgyas par byed pa'i phyir ro/ /tshul bzhin ma yin pa yid la byed pa ni bdag dang bdag gi ba la sogs par mngon par zhen pa sngon du 'gro ba'i de kho na nyid ma yin pa yid la byed pa ste de mi skye bar byed pa ni/chos thams cad bdag med pa la sems rtse gcig tu gsal ba nyid kyis bklags pa'o/ /rigs dang nor dang rig pa la sogs pa rnams kyis sems mtho bar gyur pa ni rgyags pa'o//na ti sA d+h+ye pi dngos po la sems mtho ba ni nga rgyal lo/ /ma se mo gzhan ma yin zhes so/ /khengs pa ni dregs pa'o/ /de lta bu la sogs pa rnams skyon rnams kyi rtsa ba ni bdag tu 'dzin pa'o/ /'di rnams thams cad sel bar byed pa ni rang bzhin med par khong du chud pas so//sdug bsngal ni lus kyi'o/ /yid mi bde ba ni sems kyi'o/ /sdug bsngal de dag mi skye bar byed pa ni chos kyi de kho na nyid rtogs pa'i dga' ba'i dga' ston gyi zil gyis gnon pa'i phyir ro/ /de bzhin gshegs pa thams cad kyi snying po ni stong pa nyid kyi ye shes so//der gyur pa ni stong pa nyid kyi ye shes kyi ngo bo'i don gyi phyir ro/ /byang chub sems dpa' rnams kyi gsang bar gyur pa ni skal ba dang mi ldan pa'i sems can rnams la sbas pa'i phyir ro/ /nyan thos dang rang sangs rgyas thams cad kyi gsang chen du gyur pa ni/de rnams kyang mtshan yang dag par brjod pa'i don sgom par byed pa'i phyir/ de lta bu'i rang gi yon tan phun sum tshogs pa rdzogs par byed pa'o/ /phyag rgya thams cad ni sngar bshad zin to/ /sngags thams cad ni snying po dang nye ba'i snying po dang phreng ba'i sngags la sogs pa rnams so//der gyur pa ni de'i rang bzhin te mtshan yang dag par brjod pa'o/ /phyag rgya dang sngags thams cad kyi don mthar phyin pa rtogs pa'i rgyur gyur ba'i phyir/ 'di nyid phyag rgya dang sngags thams cad du gyur pa'o/ /chos thams cad brjod du med par smra bar byed pas na de smra ba rnams so//de rnams kyi dran pa ni chos nyid la dmigs pa'i shes rab rtsol ba dang bcas pa'o/ /dran pas gzhag pa'i don rnams bstan par bya ba'i phyir so sor rtog par byed pa ni shes bzhin te de dag yang dag par skyed pa'o/ /shes rab ni chos rab tu rnam par 'byed pa'i bdag nyid can gyi nges par rtogs pa'o//yid gzhungs pa ni gzungs dang ldan pa'i blo'o/ /de dag bla na med pa sgrub par byed pas na bla na med pa'i shes rab dang yid gzhungs par byed pa'o/ /lus dang ngag dang sems la gnod pa sel bar byed pa'i nus pa phul du byung ba skyed pa'i ngo bo nyid yin pa'i phyir nad med pa dang stobs so//dbang phyug ni phra ba dang / yang ba dang / mchod par bya ba dang / bdag por gyur pa dang / 'dod dgur ldan pa dang / dbang phyug tu gyur pa dang / gar yang phyin pa dang / dga' mgur gnas pa zhes pa ste rnam pa brgyad do//yang na bdud thams cad las rnam par rgyal ba'i mnga' bdag nyid ni dbang phyug go/ /de dag phun sum tshogs par byed pa ni rdzogs par byed pa'o/ /dpal dang dge ba zhes pa ni rim pa ji lta ba bzhin du bsod nams dang ye shes kyi tshogs dag go/ / zhi ba ni nyon mongs pa dang nye ba'i nyon mongs pa thams cad ldog pa'o/ /legs pa ni sangs rgyas nyid de dag rab tu 'phel bar byed pa'o/ /ye shes dang sbyin pa dag phul du byung bas rim pa bzhin du snyan pa dang grags pa'o/ /yon tan thams cad phul du phyin pas tshigs su bcad pa'o//rnam pa thams cad du dam par gyur pa'i yon tan rab tu gsal ba ni bstod pa'o/ /shin tu dag pa ni rang nyid shin tu rnam par dag pa'i phyir ro/ /shin tu gtsang gnas ni gzhan te gtsang bar byed pa ba zhes sbyar te gtsang ldan no/ /skyabs ni ngan song gsum las yang dag par srung ba'o//nye bar 'tshe ba thams cad dang bral ba'i gnas ni 'dir gnas te/ de yang mya ngan las 'das pa'o/ /gang rnams kyi zhe na gnas 'dod pa rnams kyi'o/ /skyob pa ni glo bur du thog 'bab pa la sogs pa zlog par byed pa ste/ rtag par klog pa dang kha ton byas pa las so//dpung gnyen ni ma zhen pa'i gnas te/ mya ngan las 'das pa'i lam yin pa'i phyir ro/ /dpung gnyen med pa rnams ni thar pa'i lam ma thob pa rnams so/ /gling du gyur pa ni 'khor ba'i rgyu mtshor lhung ba rnams kyi ngal so ba'i gnas yin pa'i phyir ro/ / gnas med pa rnams ni lam dang lam ma yin pa yongs su shes pa la rmongs pa rnams so/ /lam yang dag pa sgrub pa'i rgyur gyur pa'i phyir gnas bla na med par gyur pa'o/ /yA na pA traM ba hi traM/ sman pa'i rgyal po chen por gyur pa ni/ chos thams cad bdag med pa rab tu gsal bas lus dang ngag dang yid kyi dri ma'i nad ma lus ba sel bar byed pa'i phyir ro//mun pa mun nag ches mthug pa ni mun pa lta bur byed pas na zhes sbyar te/ de'i ngo bo ni bdag dang bdag gi ba la sogs pa'i lta ba rnams te/ de rnams thams cad ni lta ba'i mun pa mun nag rnams so//bsam pa ji lta ba ni bsam pa dang rjes su mthun pa'o/ /thams cad mkhyen pa'i ye shes su gyur pa zhes pa la/ thams cad mkhyen pa'i ye shes ni 'jam dpal gyi ngo bo ste/ ye shes kyi sku so sor dmigs par 'gyur bas na zhes dgongs pa'o/ /de ltar yongs su dag pa'i ye shes mthong bas spyan lnga thob par 'gyur ro zhes gsungs pa/yongs su dag pa zhes pa la sogs pa'o/ /zang zing sbyin pa ni sbyin pa'i pha rol tu phyin pa'o/ /mi 'jigs pa sbyin pa ni tshul khrims dang bzod pa'i pha rol tu phyin pa'o/ /chos kyi sbyin pa ni bsam gtan dang shes rab kyi pha rol tu phyin pa'o//brtson 'grus kyi pha rol tu phyin pa ni thams cad du 'gro ba ste rgyur gyur pa'i phyir so sor ma gsungs so/ /de ltar na zang zing dang mi 'jigs pa dang chos kyi sbyin pa rnams kyis pha rol tu phyin pa drug rdzogs par gyur pa'o/ /sbyin pa la sogs pa gsum ni bsod nams kyi tshogs so//shes rab kyi pha rol tu phyin pa la sogs pa lnga ni ye shes kyi tshogs so/ /bsam gtan gyi pha rol tu phyin pa ni ting nge 'dzin thams cad bsdus pa'i rgyur gyur pa'i phyir ting nge 'dzin no/ /brtson 'grus kyi pha rol tu phyin pa ni kun du 'gro bas na ma gsungs so//'di rnams yongs su rdzogs pa'i phyir sa bcu thob par gyur pa'o/ /de bzhin nyid kyi ngo bo nyid ni de bzhin nyid kyi rang bzhin yin pa'i phyir te/ mtshan yang dag par brjod pa gang yin pa'o/ /ci las she na gzhan ma yin pa'i chos nyid kyis te/ gzhan ma yin pa'i de bzhin nyid kyis so//chos dang chos can du lhag par sgro btags pa dang bral ba'i dngos po rnams kyi stong pa nyid ni gzhan du ma yin pa ste dngos po yod pa ma yin no zhes dgongs pa'o/ /lta ba ngan pa'i bgrod pa ni lta ba ngan pa'i lam ste de nyid tshang tshing ngo / /chos thams cad brjod du med par gyur pa gang yin pa ni 'jig rten las 'das pa ste thams cad mkhyen pa'i ye shes so//de ni chos thams cad brjod du med pa ste/ de'i rang bzhin gnyis su med pa'i chos nyid kyi don gang yin pa 'di'o/ /mtshan de rnams de bzhin du kun nas 'dzin cing rab tu ston pa'i rgyur gyur pa'i phyir 'di nyid kun nas 'dzin cing rab tu ston pa zhes gsungs so//de lta bur gyur pas na kun du 'dzin cing rab tu gsal bar byed pa nyid do zhes so// //da ni tha mal par gzung ba la sogs pa'i phan yon rgya cher gsungs te/ gzhan yang zhes pa la sogs pa nas tshe 'phel bar byed do zhes pa'i bar nye bar sdud pa'i mthar thug pas gsungs te/de rnams cung zad dbye bar bya'o/ /sngags kyi sgo'i spyad pa spyod pa ni 'dzin pa'o/ /gsang sngags smra ba las gzhan du myur du grub pa med par bstan pa'i phyir gnyis su med pa nyid de don dam pa gang yin pa de rnams so//gzhan ni mtshan thams cad kyi dbus na don dam pa mngon par gsal bar mngon par byed pa ches gtso bo yin pa'i phyir mtshan gyi gtsug gi nor bu'o/ /mtha' dag yongs su rdzogs pa ni don thams cad phun sum tshogs pa'o//gzhung dang don las ni go rims bzhin du ma tshang ba med pa dang dum bu ma yin pa'o/ /nyi ma so sor dus gsum du/ /zhes pa ni nyi ma so sor thun gsum du zhes pa'i don to/ /gsum gyi sgra las rang gi don la Sha yig A ga ma'o/ /nyi ma so so ni nyin par so so'i dus zhes pa ste/dus kyi khyad par te thun gyi dus zhes pa'i don to/ /gsum zhes pa'i thun re re la yang lan gsum gsum zhes pa'i don to/ /'dis ni nyi ma so so la lan dgu zhes bstan to/ /gzhung 'dzin pa'i phyir 'dzin par byed pa'o/ /maN+Dal byas la nye bar spyod pa lnga'i mchod pa sngon du 'gro bas klog pas na klog par byed pa'o//gzhung dang don 'dzin pas na khong du chud par byed pa'o/ /tshul bzhin du yid la byas nas gsung ba'i don gyi de kho na nyid sgom par byed pas na tshul bzhin yid la byed pa'o/ /tshul bzhin ni de kho na nyid la brjod do/ / so sor zhes pa dbye bas phye ba'o/ /mtshan gyi don gang yang rung ba ni mtshan gyi don gzhan dang gzhan no/ /de yang 'jam dpal ye shes kyi sku gnyis su med pa'i de bzhin nyid kyi rang bzhin no/ /de la dmigs te yid rtse gcig pa rnam par g.yeng ba med pa'i sems kyis de sgom par byed pa'o//lhag par mos pa yid la byed pa ni las dang po pa'i de kho na nyid yid la byed pa ste lta ba'i de kho na nyid do/ /kun nas sgo'i zhes pa la kun nas sgo ni thams cad du khyab pa'o/ /de yang 'di yin la gnas pa yang yin pas na kun nas sgo'i gnas pa'o/ /des gnas par byed pas na de ltar bshad de/rnam par rtog pa med pa'i gnas pa zhes pa'i don to/ /shes rab kyis rjes su 'bigs pa'i phyir chos thams cad so sor rtogs pa'o/ /dmigs pa'i dri ma thams cad dang bral ba'i phyir rnyog pa med pa'o/ /de nyid kyi phyir dam pa'o/ /de ltar gyur pa kun du yid ches shing dga' ba'i mtshan nyid can gyi dad pa dang ldan pas de dag 'dzin pa la sogs pa byed pa de la ni dus gsum dus med par rtogs pa ste/dus gsum po nyid don dam par mi dmigs te/ de rtogs pa de dag yang dag par gshegs pa ste sangs rgyas dang byang chub sems dpa' rnams 'dus te phan tshun yang dag par 'du ba mdzad de/gshegs nas te legs par byon nas/ chos kyi sgo thams cad de thabs kyi khyad par rnams nye bar ston par mdzad do/ /de la thabs sna tshogs kyis chos nyid de kho na nyid khong du chud par bya ba'i phyir bdag nyid kyi sku yang nye bar ston par mdzad do//bsod nams kyi tshogs rdzogs pa'i phyir du sangs rgyas dang byang chub sems dpa' rnams kyi byin gyi rlabs kyis de'i rgyud la ste lus dang ngag dang yid rnams la yang dag par byin gyis rlob par mdzad do/ /sangs rgyas dang byang chub sems dpa' rnams kyis rjes su 'dzin pas rjes su 'dzin par mdzad do//chos thams cad la mi 'jigs pa'i spobs pa yang zhes pa ni/ chos thams cad kyi rang bzhin stong pa nyid thos pas mi skrag cing / gzengs su phrag l+b+h+yAM mtho ba nyid do/ /chos thams cad 'ching ba med pa stong pa nyid rab tu gsal ba ni chos thams cad la spobs pa'o//'phags pa'i chos ni nyan thos la sogs pa'i chos so/ /de la sdug par 'dzin pa'i bsam pa ni lhag pa'i bsam pa ste rang gi don can de'o/ /'di ltar shAkya thub pa bdag cag rnams kyi ston par gyur pa de bzhin du 'di yang bdag nyid kyi sku ston par mdzad do//gzi brjid phun sum tshogs pa'i rgyu ni lus kyi khams kyi khyad par ro/ /de ltar yang / gang zhig dag pa snying la gnas/ /dmar zhing cung zad ser ba can/ /lus kyi mdangs zhes rnam par bshad//tan+nA sA n+nA sha mats+tsha ti zhes so/ gzhan gyis brdzi bar mi nus pa nyid ni stobs te/ gzi brjid dang 'od phul du byung ba'o/ /mi tshugs pa nyid ni bdud la sogs pa rnams kyis bsgul bar mi nus pa nyid do/ /gsang sngags dang phyag rgya dang mngon par rtogs pa dang bcas pa'i dkyil 'khor thams cad ni/gsang sngags dang phyag rgya dang mngon par rtogs pa dang dkyil 'khor rnams so/ /de rnams kyang sems can gyi don bya ba'i phyir som nyi med par dkyil 'khor du 'jug pa la sogs pas gsang sngags kyi tshul la chos kyi 'khor los sgyur ba ste/'di yang 'dis nye bar sgrub par byed pa'o/ /gsang sngags dang rig sngags kyi rgyal mo ni 'jig rten las 'das pa spyan ma la sogs pa rnams so/ /bgegs thams cad ni rnam pa sna tshogs pas bgegs byed pa'o/ /log 'dren ni gtsug 'phyang la sogs pa rnams so//bdud rnams kho na dgra rnams te de rnams phyir zlog pa ni gnyen po ste/ gtsug tor 'khor los sgyur ba la sogs pa rnams so/ /thams cad kyis sgyel bar dka' ba'i phyir gzhan gyis mi thub pa chen po ste/ 'byung po 'dul byed la sogs pa rnams so/ /de rnams kyi spyod lam thams cad du ste 'chag pa la sogs pa'i gnas thams cad du srung ba dang bskyab pa dang sba ba byed par 'gyur ro//gang yang 'jig rten pa rdzu 'phrul chen po rnams ni tshangs pa la sogs pa rnams so/ /gzhan yang gang lha dang klu la sogs pa dang gza' dang rgyu skar la sogs pa rnams te/de rnams thams cad kyang rtag par rgyun du ste spyod lam thams cad du nyin mo dang mtshan mo bcas par ji lta bur 'dug pa dang nyal ba dang gnyid log pa dang / gnyid ma log pa rnams su yang 'di ni sems can thams cad la zol med par phan pa dang bde ba sgrub par byed pa'i gnyen po gcig pu'o zhes so//nyid kyi sku dang gsung dang thugs rnams kyis de'i lus dang ngag dang sems rnams la rim pa bzhin du srung ba dang bskyab pa dang sped pa mdzad pa'o/ /srung ba dang bskyab pa dang lhan cig pa'i sba ba zhes tshig rnam par sbyar ro/ /ji srid nad med pa dang stobs dang tshe 'phel ba yang sgrub par byed do zhes 'chad par 'gyur ba dang las kyi tshig gis 'brel lo//de la nye dbang ni nor lha'o/ /drag po ni bde byed de gzugs kyi dbye bas bcu gcig go/ /sred med kyi bu ni stobs chen pos rnam par gnon pa nor lha'i bu ste gzugs kyi dbye ba'o/ / gzhan ni go sla'o/ /tshong khang ni zong 'jog pa'i gnas so/ /yul 'khor ni yul lo/ /rgyal po'i pho brang ni rgyal po gnas pa'i grong khyer ro/ /dbang po'i phur bu ni dbang po'i rgyal mtshan gyi rnam pa 'jigs su rung ba'i ka ba'i stong pa'o/ /khrims lam ni rgyal po'i lam mo//yang na dbang po'i rgyan dang 'brel pa'i phur bu ni dbang po'i phur bu'o/ /de dang bcas pa'i khrims lam ni/ dbang po'i phur bu dang khrims lam mo/ /de ni kun spyod dka' ba'i phyir sdug bsngal gyi rgyu'o/ /pra to li bi shi khA bgrod dka' ba ste/ grong dang rta babs ni yul gyi khyad par ro//tshong pa la sogs pa'i khang pa ni khang stong ngo / /bzhi mdo dang / thang dang / sum mdo dang / lam bzhi pa dang / grong khyer gyi dbus kyi tshong pa zong dgram pa'i gnas ni grong bar te/ de rnams thams cad ni phal cher skye bo dang bral ba na 'jigs pa'i gnas so//de rnams su srung ba dang bskyab pa dang sba ba nye bar sbyor te/ rtag tu thams cad du zhes pa dus thams cad du rgyun ma chad par zhes pa'i don to/ /thams cad kyi thams cad rnam pa thams cad du zhes pa thams cad du 'gro bas thams cad du nye bar byed do zhes pa'i don to//ma mo rnams ni gtum byed ma'i dbye ba ste/ nag mo dang gtsigs ma la sogs pa'o/ /ma mo bdun po rnams ni tshangs pa dang gzhon nu ma la sogs pa rnams so/ /nye bar sgrub par byed pa ni nye bar gzhol bar byed pa'o/ /ji ltar nye bar sgrub par byed ce na gsungs pa/gnyis su med pa'i zhes pa la sogs pa ste/ gnyis su med pa'i chos nyid de bzhin nyid de'i rab tu gsal ba ni rab tu ston pa nyid kyis thams cad du yang 'di ni dge zhing gnyis su med pa'i chos nyid lhag par rtogs pa nyid thob po zhes dgongs pa'o// //da ni ma nyams par yi dam du blangs pa'i phan yon gyi khyad par nyid de/ gzhan yang lag na rdo rje rdo rje 'chang / /'di ni zhes pa la sogs pas gsungs pa la/ dum bu ma yin pa ni ma chad par yid du blangs pa'o/ /yang dag pa'o//sems rtse gcig pas klog pa'i las sgrub pa ste/ mgrin par gnas par byas nas so/ /gsum zhes pa lan gsum du brjod pa'o/ /klog par byed pa zhes pa ni de'i ngang tshul nyid kyis kyang ngo / /'jam dpal ye shes sems dpa' ni shin tu rnam par dag pa'i ye shes kyi ngo bo'o//de'i gzugs la dmigs pa zhes pa la/ gzugs ni rang bzhin te chos nyid kyi sku'o/ /gzugs dang mthun par sems pa ni/ rang gi gzugs mtshan gyi 'od 'bar zhing mdzes pa/ rnam pa thams cad pa'i longs spyod rdzogs pa'i sku'o/ /de'i gzugs zhes pa sna tshogs pa'i sprul pa'i sku'o//mthun par bsam gtan du byed pa ni de nyid 'jam dpal te/ las dang po pa yin pa'i phyir sprul pa'i gzugs kyi sku mthong bar 'gyur ro/ /gang gi tshe dge ba'i rtsa ba smin par gyur pa de'i tshe longs spyod rdzogs pa'i sku yang mthong bar 'gyur ro zhes pa'i don gyi thob bo//'di yang gdul bya'i dbang ste 'dul ba'i dbang nye bar bzung nas te skal ba dang ldan pa'i dbang du byas zhes pa'i don to/ /'jam dpal 'ba' zhig mthong bar ma zad pa nyid gsungs pa/ nam mkha' mthil du zhes pa la sogs pa ste/sprul pa'i sku rnam pa sna tshogs pa gang yin pa de dang lhan cig pa'o/ /nams kyang ji ltar gyur kyang zhes pa rnam pa gang gis kyang ngan 'gro dang dbul por mi skye ba'o/ /ngan song ni dmyal ba la sogs pa'i 'gro ba'o/ /rigs dman pa ni gdol pa dang g.yung po la sogs pa'i rigs rnams so//dmyal ba la sogs pa'i 'gro ba gsum dang / yul mtha' 'khob tu skye ba la sogs pa dang / lha tshe ring por skye ba'i bar mi khom pa brgyad du skye ba sel bar byed pa ste mi khom pa brgyad ni sngar bshad zin to// //de la sangs rgyas bzhugs na yang des bstan pa'i chos spong ba dang lkog tu gyur par mi 'gyur ro zhes pa ni/yang dag par phyogs pa nyid kyis mngon sum nyid du 'gyur ro zhes pa'i don to/ /mu ge dang nad dang mtshon cha'i bar gyi bskal pa rnams la mi skye bar byed pa de'i rgyu nyams par byed pa'o//'jig tshogs la lta ba la sogs pa lta ba drug cu rtsa gnyis ni lta ba'i snyigs ma'o/ /de bzhin du 'dod chags la sogs pa nyon mongs pa lhag par che ba ni nyon mongs pa'i snyigs ma'o/ /bsod nams dang bang tshod la sogs pa ma tshang ba ni sems can gyi snyigs ma'o//dus ring por sdug bsngal myong ba ni bskal pa'i snyigs ma'o/ /sems can rnams kyi tshe thung ngur gyur pa ni tshe'i snyigs ma ste de ltar snyigs ma lnga po rnams so/ /de rnams kyang gos la tshon gyi snyigs ma dam du zhen pa dang 'dra bar bsgyur dka' ba'i phyir snyigs ma'o//byang chub sems dpa' ni yang dag pa'i lta ba dang ldan pa'i phyir de'i rigs rnams su skye bar mi 'gyur ro/ /thams cad ma tshang ba ni yo byad thams cad med pa'o/ /de'i phyir dbul po ste/ de'i 'jigs pas de nyid 'jigs pa med pa'o/ /tshigs su bcad pa ngan pa ni sngar bshad zin te/gleng gzhi smra ba sngon du 'gro ba'i ngan smras so/ /rigs dang rgyud ni bshad zin to/ /sems rab tu dang bar 'gyur ba ni gang gzugs dang kha dog la sogs pas de rab tu dang ba'o/ /sdug pa ni yid 'dzin pa'o/ /mdzes pa dang skal ba bzang po dang ldan pa dang tshig gzung bar 'os pa gang yin pa de ni mdzes pa dang skal ba bzang po dang tshig btsan pa rnams te bsdu ba'i dngos po bzhi la nges par rton pa'i phyir ro//skye ba dran par 'gyur ba ni/ chos kyi sbyin pa la bslabs pa'i phyir dang shes rab goms pa'i phyir ro//longs spyod che ba la sogs par 'gyur ba ni bdag gi thams cad yongs su gtong ba la goms pa'i phyir ro/ /mchog la sogs par 'gyur ba ni dri ma med pa'i shes rab la sogs pa'i yon tan dang ldan pa'i phyir ro/ /pha rol tu phyin pa drug gi yon tan dang yang dag par ldan par gyur pa ni byang chub kyi sems rab tu ma brjed pa'i phyir ro//shes bzhin ni yang dag pa'i shes rab ste/ yang dag pa'i so sor rtogs pa zhes pa'i don to/ /thabs zhes pa la sogs pas pha rol tu phyin pa drug dang ldan pa mtshon par byed de/de yang thabs kyi sbyin pa la sogs pa gsum nye bar mtshon no/ /stobs dang smon lam dang ye shes rnams ni brtson 'grus la sogs pa gsum nye bar mtshon par byed do/ /de rnams kyi yon tan dang ldan par 'gyur ba ni lhun gyis grub par 'jug pa'i lam thob pa'i phyir ro//bstan bcos thams cad la 'jigs pa med par 'gyur ba ni/ dri ma med pa'i ye shes rab dang ldan pa'i phyir ro/ /mkhas pa la sogs par 'gyur ba ni sgyu ma lta bu'i ting nge 'dzin rtogs pas brtson 'grus thob pa'i phyir ro/ /mchog tu yid brtan pa la sogs par 'gyur ba ni/yid brtan pa'i gnas kyi don dang lam so sor rtogs pa'i chos nyid thob pa'i phyir ro/ /legs par bsnyen par rdzogs pa ni yon tan rnams kyis shin tu 'dus byas pas nges par 'gro bar 'gyur ba ste/ mthong ba'i lam mngon du byas pa'i phyir ro//byin gyi rlabs rgyun ma chad pa nyid kyis phyogs bcu'i chos kyi rnga bo che gang yin pa de lta bu'i chos kyi rgyal po zhes pa ste/ chos kyi rgyal srid chen po'i mnga' bdag tu 'gyur ro zhes 'brel lo/ /oM sar+b+ba d+ha r+m+mA b+hA ba swA b+hA ba bi shu d+d+ha badzra a A aM AHpra kr-i ti pa ri shu d+d+haH sar+b+ba d+har+m+mA ya du ta/sar+b+ba ta thA ga tA dz+nyA na kA ya ma ny+dzu shrI pa ri shu d+d+hi tA mu pA dA ya te/ a AHsar+b+ba ta thA ga tA hr-i da ya ha ra ha ra oM hUM hrIH b+ha ga bA na dz+nya na mU rti wA gI shwa ra/ ma hA pA tsa sar+b+ba r+m+ma ga ga nA ma la su pa ri shu d+d+ha d+ha r+m+ma d+hA tu dz+nyA na gar+b+ha aH 'di ni thog ma dang dbus dang mthar byin gyis rlob pa'i sngags kyi rgyal po'o//de yang byang chub kyi sems ni a yig go/ /sa dang pha rol tu phyin pa'i rang bzhin ni AHyig go/ /sangs rgyas nyid mtshon pa ni aM yig go/ /yongs su mya ngan las 'das pa chen po ston pa ni aHyig go/ /ye shes kyi sku byin gyis rlob par byed pa ni AHyig go//sku dang thugs gsung byin gyis rlob pa ni rim pa bzhin oM hUM hrIHzhes bya ba'o/ /chos kyi dbyings gsung gi dbang phyug gi bdag nyid can brtan pa dang g.yo ba'i rang bzhin gyi dngos po thams cad la chos kyi skus rgyas gdab pa'i don du AH zhes bya ba mthar sbyar ba'o// //ji skad gsungs pa'i phan yon gyi cho ga rgyas pa rnams kyang de kho na nyid yid la byed pas klog pa rnams la blta bar bya'i/ klog pa tsam la ni ma yin no zhes so/ /de nas zhes pa ni sngags kyi byin gyi rlabs kyis bdud la sogs pas mi phyed par byin gyis brlabs shing rgyas btab pa'i rjes thogs su'o//bdag gi don rdzogs pas na dga' ba'o/ /gzhan gyi don rdzogs pas na mgu ba'o/ /rdo rje 'dzin pa chen po gsang ba'i bdag po lag na rdo rje rnams dang bcas pas bcom ldan 'das la phyag 'tshal nas/ tshig 'di gsol zhes pa la sogs pa ste/ gang gi phyir zhe na/ legs pa'i zhes pa la sogs pa ste/ de'i phyir/ nges pa kho nar yang dag par rdzogs pa'i byang chub thob par byed pa nyid do/ /don 'di la ni yang dag par rdzogs pa'i sangs rgyas nyid tshad mar gyur pa nyid kyis/sangs rgyas rnams kyis yul 'di ni/ /rdzogs pa'i sangs rgyas rnams kyis bshad/ /ces bya'o/ /mtshan yang dag par brjod pa'i rgyas 'grel slob dpon dbu ma la dga' bas mdzad pa 'di yongs su rdzogs so// //'di'i rgya dpe dpal sne gdong rtse'i gtsug lag khang na bzhugs pa sngar sa mo glang gi lo la mkhan chen gzhon nu dpal ba la sgyur gsung ba'i bka' gnang na'ang ma grub/lcags mo yos lo la yar rgyab tu chos rje byams pa gling pa la sgyur gsung ba'i bka' gnang na'ang ma grub pa las/ slad kyi kun ldan zhes bya ba lcags pho byi ba'i lo sa ga zla ba'i tshes bco lnga la/ dpal ldan bla ma chos kyi rje rin po che kun dga' legs pa'i 'byung gnas rin chen rgyal mtshan dpal bzang po'i bka' lung bzhin/ zha lu ba dge slong chos skyong bzang po skad gnyis smra bas rgya dpe las tshig don khong du chud par byas te bsgyur cing zhus te gtan la phab pa'o/